ERES MI VIDA BY Hmuaktei fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ERES MI VIDA BY Hmuaktei fanai (Completed)

Unread post by Ngaia » July 12th, 2020, 1:46 pm

pwcxbycw.jpg
pwcxbycw.jpg (25.74 KiB) Viewed 23977 times

ERES MI VIDA(You are my life)
By Hmuaktei fanai





Chapter-1





"Pa...ahma pawn i sawi si lo va result chhuah tirh vel pawn...tunah iti leh thut si, ka kal kher angai ami?? Mizoramah hian ka chhunzawm thei mai lo ami?? " Higher ka zir chhungin hostel-ah ka awm bosan char char a, ka pa bula awm chunga college kal ka tum ve tawh nen ani lah hian min thawn bo leh hmak a tum ania... Ka lung hi a awi hlawl lo, mahse ka pa thu hnial ka duh chiah bawk si lo.




"Mambawih, i hmalam hun atan vek alawm...lehkha i han zir leh tak tak anga maw i pa hi chu min hre chang leh dawn miah lo tih ka hria ania"... Ka pa chu ka melh rum teh e, a nui vur vur duh chauh lehnghal.




" Pa, tak takin i bula awm chunga college chu zawm ve ka duh tawh alawm, vanlali nen pawh college khata lut dun turin kan lo intiam vek tawh bawka, bakah ka awm hrang char char a min khawngaih ve miah lo ami" kan ti leh hram. A tih tawh hi chu ka pa hian ati tlang leh vek dawn tih ka hre tho. Shillong-ah college min zawmtir atum ania, awm bosan leh hmak hi ka hreh ngawih ngawih tawh. Ka pa hian ka ngaih ang hian min ngai ve miah lo aniang tih rilru te ka pu rum rum. Bakah vanlali tel ve lohna hmuna zirna chhunzawm ka hreh pakhat bawk.




"Mizoramah pawh college tha tak tak a awm ve thova, enge khulaiah kher min zawmtir talh i tum bik tlat aaa", ka pa enkar chung chuan ka sawi zawm lehnghal zat a. " Mizoramah zirna atha lo ka tihna ni lovin, i college kalna tur a ka thlan Lady Keane hi atha ka tih vang alawm kal tura ka duh talh che,bakah i nu pawh Lady Keane atang hian asin college a zawh. "A tarmit vuah kar atanga min enkar chung chuan a rawn ti sup a. A hawisawn leh nghal vat, ka nu college kal vel a sawilai khan ahmelah eng emaw danglam ka hmu hman. Ka nu angai ani ngei ang.



Tunhnu a ka pi sawidan chuan ka nu boral khan ka pa kha ala thalai hle heltu pawh a hmu ve nual, mahse hmeichhe lam hi a ngaihsak tawh lo hrim hrim. A hunpum hi ka tan ape hlawm tawp.



Thil hrethiam rual ka nih atang kha chuan nupui dangte nei leh se a lunglenna tepawh hi a zia ka ring a, mahse nuhrawn hrawn tur khan ka inpeih chiah em ka hre bik lo. Nupui neih leh duhin nuhrawn hrawn hreawm dawn mahse ka pa ahlim chuan ka hlim... Mahse amah ber hian angaihsak tawh miau si lo va.





Ka nu college kal tawhna a sawitel chuan tlemin min ti phur ve deuh, mahse duh min thlantir dawn se chuan hetah kan in atanga college zawm theih hi kala thlang fan tho ang.




Awi dil chiam mahila a thu hi a sawhsawn tawh dawn silo, ka tan chuan pawm mai bak tih tur a awm lo. Ka sawi buai peih tawh vel lo min kaltir dawn tho tho tang tlat mahila. Ka pa hichuan atih tawh hi chu ati tlat zel miau aa...




" Mambawih thingpui senhang min va lum teh le... " remote keng chunga channel hmet kual mual mual chung chuan a rawn ti a. Ka pa thingpui lumsak tur chuan choka lam ka pan nghal zat.




Mahni inah ngei thlamuang taka awm ka chak ve tawh tehreng nen ka pa reng reng pawh hi.




Thingpui chawi chung chuan ka pa thutna lam ka pan nghala, inkhel alo entui leh tawh ngang mai. Engtin nge inkhel hi an en reng peih zawk hi kati thin, a boring hi ka ti ngawih ngawih. Nula uaih tawh chung pawh hian goal leh out bak hi a awmzia ka man pha lo hrim hrim. Bakah sport lam reng reng engmah ngainat ka nei ngai lo.



Ka pa thingpui in tur hun remsak pah chuan ka mut nghal tur thu ka hrilh a. Min rawn en zawk chungin a bu nghauh nghauh a ka room lam ka pansan nghal.




Ka khumah chuan ka bawk nghal hnawk a, sawi leh sawi hnu hmun hrana awm ka hreh tawh em em zia chu amak zawk. Ka tah le lam lam a chhuak rum rum mai.




Ka nu hian min boralsan hma avangin ka pa hian kum 4 mi ka nih atangin amah chauhin min enkawl seiliana. Hausa tak nilo mahila ka mamawh engkim chu mi tih ang pui puiin ti thei lo mahse min vur hneh em em vek. School ka zawm theih tirh ata Mizorama school tha ahriatah min dah nghal tawp a, ka zir sang tulh tulh a competition pawh a sang tulh tulh bawk. Chuvang chuan lehkha pawh ka zir nasa reng a, ka class awmna apiangah ati tha ber nilo mahila ati chhe pawl ka ni ngai lo hrim hrim. Ka thiam theih vang pawh ani hran lo ka zir nasat em vang a ni. Bakah ka pa hi zirna lam ngaisang mi ani hrim hrim bawk a, chuvang aniang ka pa pawh hi teacher anih, mahse high school ka thlen hian ka pa thawhna a luh ka duh chuang miah lo buaithlak kha min ti thin.



Khawvela pa tha ber ka nei ka ti lo thei lo, ka tan chuan ani aia hlu an awm lo. Ka neihchhun ngawih ngawih ani bawk. Kohhran upa ani a, mi in chengvawng tak ani bawk. Inkhawm hi a ngai pawimawh tawpkhawk a ni tawp, tul lo va inkhawm thulh mai mai hi a phal ngai lo. Zing tawngtai inkhawm thleng hian a dam lo anih loh chuan a thulh ngai lo. School lamah nise a zirlai naupang tehian an ngaina em em bawk.

Zing ka harh chuan ka room tukverh curtain in zar phui lo atangin ni zung alo lut iarh tawh. Ka mutdan ngai ngai khan kalo muhil tlang tih ka hre mai puan pawh sin lovin kalo la mu, ka ring pawh a kham vek. Phone ka bana pawimawh a awm leh awm loh ka en nghal zat a, ka thiannu msg alo awm leh teuh tawh. Henu hi eng em em nge sawi tur hi a neih thin leee....tihian msg hi alo hnutchhiah teuh zel, en pawh en lem chuang lo chuan dar zat ka en zawk a, alo la tlai vak lem lo bawk a muangchangin inphihfai turin bathroom ka pan nghal tuih tuih. Zing thawh hi chu ana ve a ni, thawh tirha nuihsang han har zia hi chu maw ka tum buai peih lo. Thawhhlim a nui nghal sang thei ho hi chu ka fak ve thlawt.



Ka in phihfai zawh chuan choka lam ka pan nghal a, ka pa pawh atih ziah danin thingpui senhang dawm paha chawei dawhkan kil chungin chanchinbu alo chhiar leh ngur tawh. Zing tawngtai inkhawm zawh hian thingpui senhang dawm pah hian chanchinbu hi a chhiar ziah zel. Hnunglam atang chuan ka pa chu ka en deuh vang vanga ka khawngaih thar riau, nupui pasal sun hi dar lehlam sahthlak ang anlo ti a, ka nu boral hlim chhawna a tuar tur zia te a lunglen tur zia te, keimah vanga intihpachan hram hram angai vel tur te, keilah engmah la hrethiam mang hlei lo kha ka nu ka ngaih chang a tap chunga a bula min hruai tura ka ngen thin lai te khan hreawm hi alo va ti dawn thin tak em...mi fate an nu te nen an bazaar ho te,thil an ti hote leh school a an fate tan anlo kal thin ka hmuh hian nu hi ka awt zual thin. Ka awt mai pawh nilo in ka mamawh ngawih ngawih zawk. Ka mittui rawn hnai chu duh lovin ka khap let sak sak a.



"Pa, i muttui em? " A chanchinbu chhiar lai chauh bih ngur chung chuan a muttui thu in min lo chhang vat.



Ka pa pawh hi atar ve ta ania nge zing lama a thawh hma theih dan em em hi. Kum upa lam hi chuan mut rei hi an thei lo miau a.




Ka tuilum in tur ka chhuang ve nghal a, zingkarah hian thingpui hi ka in ngai lem lo tuilum hi ka duh tawk mai thin. Bakah thingpui hi ka in tam lo ve hrim hrim bawk a, thingpui bawnghnute pawlh ngat phei hi chu ka in thei lo ang tluk a ni. Bawnghnute hi ka ti thei thlawt lo. Ka pa erawh kum upa lam leh mizo pa ngawih ngawih tih takah hian thingpui senhang hi a ngaina viau thung. Mizo thingpuife ngat phei hi chu angaina zual leh bik a. A lei ve pawh hian zo thingpuife hlir hi a lei thin. Vai thingpuife nen hian enge a intui hleihna kei phei chuan ka hrethiam lo hrim hrim zawk.




Chair pawt chhuak ve in ka tuilum in tur nen ka pa bulah chuan ka thu thla ve nghal a. "Mambawih, vawiin chu i mamawh te lam khawm tan la ava tha awm ve", a chanchinbu chhiarlai dahthlak pah chuan a tarmit kar atanga min en chungin chuan a rawn ti a. Ka thaw hak ringawt ka phur loh zia mai chu, mahse sawi sawiin awmzia a awm dawn chuang loh avangin ka bu liam satliah vel mai mai.




Ka pa thingpui in no ban pah chuan tho ve nghalin no ka tleuh fai zung zung a eirawngbawl turin ka inbuatsaih nghal a. Ka pa pawh rei vak lo a tei chhuah tur thu sawiin choka a chhuahsan a.



Nu tel lo va thanglian ka ni bawk a inchung chet vel leh eirawngbawl chu hnehsawh tak ka ni ringawt. Ka tet deuh lai chuan inchhung chet leh eirawngbawl hi ka pa hlir hian ati thin, min enkawlna hi atha em mai pawh a kum13 vel ka tlin meuh chuan inchhung sekrek khawih hi chu ka thiam vek tawh. Hmeichhe naupang nu leh pa kianga pangchang rual lek khan inchhung chet engkim kha ka tih angai thin ka pa in mi pui tho mahse, khang hunlai khan ka kum rualpui inchhunga engkim tih ngai buai em em thin anlo awm anihpawn an van viau ka ring tunlai chhanah ngat phei hi chuan. Ka pa hi engkim ti thlap thlap chi anih avang hian kan in hi a tawp ngai miah lo. Chu chu ka than lenpui niin ka hria keipawh hian chet tawp hi ka ngaina hran lo. Engkim felfai thlarh hi ka duhdan ani bawk. Hnuchhui leh ngai tur ang chi anih dawn aichuan hah deuh dawn mahila engkim keimah a tih hi ka duh dan ani ziah.



Chaw chhum tur siamin ka chhuang nghal a, eisiam hi keima tawkah chuan thiam hi ka inti ve a ni. Ka pa thawhpui te chaw lo ei tum pawh hian ka eisiam tui lutuk avang khan min fak ve luam mai. Bakah hmanrua a awm phawt hichuan eisiam vel hi nuam ka tih chi ani hrim hrim bawk a.



Ka pa nen chauh awm mahila inchhung sekrek khawih vel ka kutah vek a awm bawk si hmeichhe dang awm ve hek lo chu in lamah hian ka buai ve viau zel.



Chawhmeh siam belh vak ngaia ka hriat loh avangin ka chaw chhuan chhungin thutkhawmna lam phiat fai tur in hmuhphiah nen choka atangin ka chhuak phei a. Hmun ka phiah zawh meuh chuan a lum ta phat phat khawp mai. Tunlai khawlum theih em em zia hi chu han che deuh hlek ila thlan hi alo chhuak nghal zel bawk si. Hmun vel ka phiahfai zawh hnu chuan ka kut silfaiin chawhmeh ka chhuang lum nghal zung zung a.



Eirawngbawl ka peih chu ani der, ka pa lengchhuak alo la haw si loh avangin ka room lam ka pan a. Ka room ka lut chiah ka phone ri alo tawp ve chiah bawk. Ka pan nghal vat a, khumah kalo kalsan tawp chu niin. Ka thiannu min lo call na alo awm va va mai, vawithum lai alo call hman ka pick silo chu a sa leh phat phat ang chu awww...



Call back in a pick veleh hmelchhenu enge kan ti nghal tawng a."Malsawmkim, zing kar karah phone pick thei lo khawpin ila hnar thlurh thlurh ami", awi a rawl rin theih em em zia hi chu aww... Ka phone ka beng atanga lasawnin ka ner nghal nawng, min hmu thei ngat se a teu leh hlar awm siaa.



" Enge zing kar karah hian i thin hi rawn ti awrh vak zel suh, " a haw leh dawn chuang lo eng tiang pawhin ti mahila...A thinchhiat luatah hian fiam tehi a hlawh thei mahse thinchhe viau e tilo chuan fiam a dawl phian bawk si.



"Thinawrhi hi vawiin chu rawn len ka chak aaa... Inah i awm ang tiraw", a rawn ti a. Ka lo nui hawk hawk mai, a tawngkam te reng reng hi maksak thei si. Ka awm tur thu sawiin lo leng phei ngei ngei tura ka hrilh hnu chuan kan inbiakna kan ti tawp a. Ka phone charge in room ka chhuahsan nghal.



Thutkhawmnaah ka pa alo thu vang tawh. A ril atam tawh thu sawiin chaw ei siam tur in min hrilh nghal zat a.



Chaw ei ka siam zung zung a, khawlum lutuk hian chaw ei ati tui lo thin.. Chaw chakna ati bo vek, ka thai kual ka thai kual ringawt. "Mambawih, vawiinah i mamawh lam khawm la, karleh thawhtanni a chhuk thei tur in inbuatsaih rawh aw. " Khawlum vanga chaw eitui loh sa nen ka pa thusawi chuan chaw chakna ati bo zual...Ka bu nghat ringawt. "Nizanah i nî nen kan inbia a, i chhuk hma leh thil buaipui a awlsam mai arawn ti aaaa... " dam thlapin ka pa chuan arawn ti leh a. Chaw ei chhunzawm chakna pawh ka nei tawh lo, ka chaw ei thleng chawi chung chuan ka thawhsan daih. Min en zui vung vung tih pawh ka hre reng mahse ka ngai pawimawh duh lo lui.



Chaw ei kham fel chuan ka pa pawh hna kal tura insiam tur in a room lam a pan thuai a... Thutkhawmnaah kalo thu tum luau ringawt. Tih theih ka nei lo lutuk tehi ka thin arim hlur. Ka pa a room atanga rawn chhuakin ka mamawh leina tur pawisa a room dawhkana a dah thu leh kalpui ka ngaih leh ngaih lo min rawn zawt nghal a. Kalpui ka ngaih loh thuin kalo chhang vat. Ka lungawi tehchiam lo tih ahria aniang min en deuh vung vung mahse ka uksak duh chuang miah lo, akal tur thu sawi sup chungin min chhuahsan a.


Vanlali hnenah khan in a ka awm tur thu kha kalo sawi ringawt a, chhuah ka ngaih kha kan inbiak lai khan kalo hre leh tawh lo hrim hrim. Mahse lo thleng phawt se min chhuahpui tur in ka sawm tawh mai aniang chu. A peih leh nghal sa dawn tho ani tehi chu ever ready-i alawm anih le.




Ka phone arawn ri thut ka phu nasa lutuk, thla chu nei ila ka thlawk thui hman viau ang. Ka phone ka ban vat a vanlali lek chu lo niin...Thaw hak chungin ka chhang nghal a. 'Mali... min lo hmuak rawh inkawtah khan parthi nen" ala rawn nui ang uarh uarh a, henu han over em em zia hi engtia tih chi nge mawnle. Ka mood chhiatsa nen arawn tihchhiat belh vekin ka hria. Aw tih hmuk pah chuan ka off daih, a thin arim leh ngawt ang.



Phone hum chung chuan kawt lam ka pan nghal a, kawngkhar ka hawng chiah gate pawna ding chungin ban alo vai lauh lauh. Alo thlen tawh techuan lo luh ve nghal mai awm min kochhuak kher lo khan.



Gate lam ka pan pheia ani pawh arawn lut ve chiah. "Enge nichin khan khati teh hmuk a min chhan aaa... I la dah daih zui min kan ngai ve em em che a, ngaihman awm lo leh lutuk mai. " Min chhuahchhal nghal zat, mahse min vin chiam kha ka ring aniaaa... "I dam lo ami? " a chal ka dehsak chhin a, a mit ti zim sun in a ngaihna a hriat loh hmel. "Nichin vang khan min vin chiam ka ring a, mahse nang leh nang ang lo deuhin i rawn tawng dam deuh thlap siaa... "



I sawi ho ati duh lek chauh. Vawiin chu a nu in lenrei a phalsak aniang ka ring, nilo se chu nichina ka lo chhan hmuk vang pawh ni tel thoin alo thlen tirh atangin min vin leh hluk hluk tawh ang. A mood a that hmel emai.



Inchhungah kan inzui lut a, thutkhawmna lam pan dunin sofa ah chuan a thuthla zui that a, a bula ka thuthla ve nghal chu min lo en deuh haw.



"Tinge i hmel kha, i pa in a hau che mi? " ka lu ka thing ringawt. A ngaih atha chiah lo aniang ka bula rawn tawlh hnai sawt sawt pah chuan sawi rawh tih melh takin min melh vung vung, kalo thaw hak ringawt.



"Ka pa in Shillong a college zawm turin min ti a. "





















ERES MI VIDA(You are my life)
By Hmuaktei fanai





Chapter-1





"Pa...ahma pawn i sawi si lo va result chhuah tirh vel pawn...tunah iti leh thut si, ka kal kher angai ami?? Mizoramah hian ka chhunzawm thei mai lo ami?? " Higher ka zir chhungin hostel-ah ka awm bosan char char a, ka pa bula awm chunga college kal ka tum ve tawh nen ani lah hian min thawn bo leh hmak a tum ania... Ka lung hi a awi hlawl lo, mahse ka pa thu hnial ka duh chiah bawk si lo.




"Mambawih, i hmalam hun atan vek alawm...lehkha i han zir leh tak tak anga maw i pa hi chu min hre chang leh dawn miah lo tih ka hria ania"... Ka pa chu ka melh rum teh e, a nui vur vur duh chauh lehnghal.




" Pa, tak takin i bula awm chunga college chu zawm ve ka duh tawh alawm, vanlali nen pawh college khata lut dun turin kan lo intiam vek tawh bawka, bakah ka awm hrang char char a min khawngaih ve miah lo ami" kan ti leh hram. A tih tawh hi chu ka pa hian ati tlang leh vek dawn tih ka hre tho. Shillong-ah college min zawmtir atum ania, awm bosan leh hmak hi ka hreh ngawih ngawih tawh. Ka pa hian ka ngaih ang hian min ngai ve miah lo aniang tih rilru te ka pu rum rum. Bakah vanlali tel ve lohna hmuna zirna chhunzawm ka hreh pakhat bawk.




"Mizoramah pawh college tha tak tak a awm ve thova, enge khulaiah kher min zawmtir talh i tum bik tlat aaa", ka pa enkar chung chuan ka sawi zawm lehnghal zat a. " Mizoramah zirna atha lo ka tihna ni lovin, i college kalna tur a ka thlan Lady Keane hi atha ka tih vang alawm kal tura ka duh talh che,bakah i nu pawh Lady Keane atang hian asin college a zawh. "A tarmit vuah kar atanga min enkar chung chuan a rawn ti sup a. A hawisawn leh nghal vat, ka nu college kal vel a sawilai khan ahmelah eng emaw danglam ka hmu hman. Ka nu angai ani ngei ang.



Tunhnu a ka pi sawidan chuan ka nu boral khan ka pa kha ala thalai hle heltu pawh a hmu ve nual, mahse hmeichhe lam hi a ngaihsak tawh lo hrim hrim. A hunpum hi ka tan ape hlawm tawp.



Thil hrethiam rual ka nih atang kha chuan nupui dangte nei leh se a lunglenna tepawh hi a zia ka ring a, mahse nuhrawn hrawn tur khan ka inpeih chiah em ka hre bik lo. Nupui neih leh duhin nuhrawn hrawn hreawm dawn mahse ka pa ahlim chuan ka hlim... Mahse amah ber hian angaihsak tawh miau si lo va.





Ka nu college kal tawhna a sawitel chuan tlemin min ti phur ve deuh, mahse duh min thlantir dawn se chuan hetah kan in atanga college zawm theih hi kala thlang fan tho ang.




Awi dil chiam mahila a thu hi a sawhsawn tawh dawn silo, ka tan chuan pawm mai bak tih tur a awm lo. Ka sawi buai peih tawh vel lo min kaltir dawn tho tho tang tlat mahila. Ka pa hichuan atih tawh hi chu ati tlat zel miau aa...




" Mambawih thingpui senhang min va lum teh le... " remote keng chunga channel hmet kual mual mual chung chuan a rawn ti a. Ka pa thingpui lumsak tur chuan choka lam ka pan nghal zat.




Mahni inah ngei thlamuang taka awm ka chak ve tawh tehreng nen ka pa reng reng pawh hi.




Thingpui chawi chung chuan ka pa thutna lam ka pan nghala, inkhel alo entui leh tawh ngang mai. Engtin nge inkhel hi an en reng peih zawk hi kati thin, a boring hi ka ti ngawih ngawih. Nula uaih tawh chung pawh hian goal leh out bak hi a awmzia ka man pha lo hrim hrim. Bakah sport lam reng reng engmah ngainat ka nei ngai lo.



Ka pa thingpui in tur hun remsak pah chuan ka mut nghal tur thu ka hrilh a. Min rawn en zawk chungin a bu nghauh nghauh a ka room lam ka pansan nghal.




Ka khumah chuan ka bawk nghal hnawk a, sawi leh sawi hnu hmun hrana awm ka hreh tawh em em zia chu amak zawk. Ka tah le lam lam a chhuak rum rum mai.




Ka nu hian min boralsan hma avangin ka pa hian kum 4 mi ka nih atangin amah chauhin min enkawl seiliana. Hausa tak nilo mahila ka mamawh engkim chu mi tih ang pui puiin ti thei lo mahse min vur hneh em em vek. School ka zawm theih tirh ata Mizorama school tha ahriatah min dah nghal tawp a, ka zir sang tulh tulh a competition pawh a sang tulh tulh bawk. Chuvang chuan lehkha pawh ka zir nasa reng a, ka class awmna apiangah ati tha ber nilo mahila ati chhe pawl ka ni ngai lo hrim hrim. Ka thiam theih vang pawh ani hran lo ka zir nasat em vang a ni. Bakah ka pa hi zirna lam ngaisang mi ani hrim hrim bawk a, chuvang aniang ka pa pawh hi teacher anih, mahse high school ka thlen hian ka pa thawhna a luh ka duh chuang miah lo buaithlak kha min ti thin.



Khawvela pa tha ber ka nei ka ti lo thei lo, ka tan chuan ani aia hlu an awm lo. Ka neihchhun ngawih ngawih ani bawk. Kohhran upa ani a, mi in chengvawng tak ani bawk. Inkhawm hi a ngai pawimawh tawpkhawk a ni tawp, tul lo va inkhawm thulh mai mai hi a phal ngai lo. Zing tawngtai inkhawm thleng hian a dam lo anih loh chuan a thulh ngai lo. School lamah nise a zirlai naupang tehian an ngaina em em bawk.

Zing ka harh chuan ka room tukverh curtain in zar phui lo atangin ni zung alo lut iarh tawh. Ka mutdan ngai ngai khan kalo muhil tlang tih ka hre mai puan pawh sin lovin kalo la mu, ka ring pawh a kham vek. Phone ka bana pawimawh a awm leh awm loh ka en nghal zat a, ka thiannu msg alo awm leh teuh tawh. Henu hi eng em em nge sawi tur hi a neih thin leee....tihian msg hi alo hnutchhiah teuh zel, en pawh en lem chuang lo chuan dar zat ka en zawk a, alo la tlai vak lem lo bawk a muangchangin inphihfai turin bathroom ka pan nghal tuih tuih. Zing thawh hi chu ana ve a ni, thawh tirha nuihsang han har zia hi chu maw ka tum buai peih lo. Thawhhlim a nui nghal sang thei ho hi chu ka fak ve thlawt.



Ka in phihfai zawh chuan choka lam ka pan nghal a, ka pa pawh atih ziah danin thingpui senhang dawm paha chawei dawhkan kil chungin chanchinbu alo chhiar leh ngur tawh. Zing tawngtai inkhawm zawh hian thingpui senhang dawm pah hian chanchinbu hi a chhiar ziah zel. Hnunglam atang chuan ka pa chu ka en deuh vang vanga ka khawngaih thar riau, nupui pasal sun hi dar lehlam sahthlak ang anlo ti a, ka nu boral hlim chhawna a tuar tur zia te a lunglen tur zia te, keimah vanga intihpachan hram hram angai vel tur te, keilah engmah la hrethiam mang hlei lo kha ka nu ka ngaih chang a tap chunga a bula min hruai tura ka ngen thin lai te khan hreawm hi alo va ti dawn thin tak em...mi fate an nu te nen an bazaar ho te,thil an ti hote leh school a an fate tan anlo kal thin ka hmuh hian nu hi ka awt zual thin. Ka awt mai pawh nilo in ka mamawh ngawih ngawih zawk. Ka mittui rawn hnai chu duh lovin ka khap let sak sak a.



"Pa, i muttui em? " A chanchinbu chhiar lai chauh bih ngur chung chuan a muttui thu in min lo chhang vat.



Ka pa pawh hi atar ve ta ania nge zing lama a thawh hma theih dan em em hi. Kum upa lam hi chuan mut rei hi an thei lo miau a.




Ka tuilum in tur ka chhuang ve nghal a, zingkarah hian thingpui hi ka in ngai lem lo tuilum hi ka duh tawk mai thin. Bakah thingpui hi ka in tam lo ve hrim hrim bawk a, thingpui bawnghnute pawlh ngat phei hi chu ka in thei lo ang tluk a ni. Bawnghnute hi ka ti thei thlawt lo. Ka pa erawh kum upa lam leh mizo pa ngawih ngawih tih takah hian thingpui senhang hi a ngaina viau thung. Mizo thingpuife ngat phei hi chu angaina zual leh bik a. A lei ve pawh hian zo thingpuife hlir hi a lei thin. Vai thingpuife nen hian enge a intui hleihna kei phei chuan ka hrethiam lo hrim hrim zawk.




Chair pawt chhuak ve in ka tuilum in tur nen ka pa bulah chuan ka thu thla ve nghal a. "Mambawih, vawiin chu i mamawh te lam khawm tan la ava tha awm ve", a chanchinbu chhiarlai dahthlak pah chuan a tarmit kar atanga min en chungin chuan a rawn ti a. Ka thaw hak ringawt ka phur loh zia mai chu, mahse sawi sawiin awmzia a awm dawn chuang loh avangin ka bu liam satliah vel mai mai.




Ka pa thingpui in no ban pah chuan tho ve nghalin no ka tleuh fai zung zung a eirawngbawl turin ka inbuatsaih nghal a. Ka pa pawh rei vak lo a tei chhuah tur thu sawiin choka a chhuahsan a.



Nu tel lo va thanglian ka ni bawk a inchung chet vel leh eirawngbawl chu hnehsawh tak ka ni ringawt. Ka tet deuh lai chuan inchhung chet leh eirawngbawl hi ka pa hlir hian ati thin, min enkawlna hi atha em mai pawh a kum13 vel ka tlin meuh chuan inchhung sekrek khawih hi chu ka thiam vek tawh. Hmeichhe naupang nu leh pa kianga pangchang rual lek khan inchhung chet engkim kha ka tih angai thin ka pa in mi pui tho mahse, khang hunlai khan ka kum rualpui inchhunga engkim tih ngai buai em em thin anlo awm anihpawn an van viau ka ring tunlai chhanah ngat phei hi chuan. Ka pa hi engkim ti thlap thlap chi anih avang hian kan in hi a tawp ngai miah lo. Chu chu ka than lenpui niin ka hria keipawh hian chet tawp hi ka ngaina hran lo. Engkim felfai thlarh hi ka duhdan ani bawk. Hnuchhui leh ngai tur ang chi anih dawn aichuan hah deuh dawn mahila engkim keimah a tih hi ka duh dan ani ziah.



Chaw chhum tur siamin ka chhuang nghal a, eisiam hi keima tawkah chuan thiam hi ka inti ve a ni. Ka pa thawhpui te chaw lo ei tum pawh hian ka eisiam tui lutuk avang khan min fak ve luam mai. Bakah hmanrua a awm phawt hichuan eisiam vel hi nuam ka tih chi ani hrim hrim bawk a.



Ka pa nen chauh awm mahila inchhung sekrek khawih vel ka kutah vek a awm bawk si hmeichhe dang awm ve hek lo chu in lamah hian ka buai ve viau zel.



Chawhmeh siam belh vak ngaia ka hriat loh avangin ka chaw chhuan chhungin thutkhawmna lam phiat fai tur in hmuhphiah nen choka atangin ka chhuak phei a. Hmun ka phiah zawh meuh chuan a lum ta phat phat khawp mai. Tunlai khawlum theih em em zia hi chu han che deuh hlek ila thlan hi alo chhuak nghal zel bawk si. Hmun vel ka phiahfai zawh hnu chuan ka kut silfaiin chawhmeh ka chhuang lum nghal zung zung a.



Eirawngbawl ka peih chu ani der, ka pa lengchhuak alo la haw si loh avangin ka room lam ka pan a. Ka room ka lut chiah ka phone ri alo tawp ve chiah bawk. Ka pan nghal vat a, khumah kalo kalsan tawp chu niin. Ka thiannu min lo call na alo awm va va mai, vawithum lai alo call hman ka pick silo chu a sa leh phat phat ang chu awww...



Call back in a pick veleh hmelchhenu enge kan ti nghal tawng a."Malsawmkim, zing kar karah phone pick thei lo khawpin ila hnar thlurh thlurh ami", awi a rawl rin theih em em zia hi chu aww... Ka phone ka beng atanga lasawnin ka ner nghal nawng, min hmu thei ngat se a teu leh hlar awm siaa.



" Enge zing kar karah hian i thin hi rawn ti awrh vak zel suh, " a haw leh dawn chuang lo eng tiang pawhin ti mahila...A thinchhiat luatah hian fiam tehi a hlawh thei mahse thinchhe viau e tilo chuan fiam a dawl phian bawk si.



"Thinawrhi hi vawiin chu rawn len ka chak aaa... Inah i awm ang tiraw", a rawn ti a. Ka lo nui hawk hawk mai, a tawngkam te reng reng hi maksak thei si. Ka awm tur thu sawiin lo leng phei ngei ngei tura ka hrilh hnu chuan kan inbiakna kan ti tawp a. Ka phone charge in room ka chhuahsan nghal.



Thutkhawmnaah ka pa alo thu vang tawh. A ril atam tawh thu sawiin chaw ei siam tur in min hrilh nghal zat a.



Chaw ei ka siam zung zung a, khawlum lutuk hian chaw ei ati tui lo thin.. Chaw chakna ati bo vek, ka thai kual ka thai kual ringawt. "Mambawih, vawiinah i mamawh lam khawm la, karleh thawhtanni a chhuk thei tur in inbuatsaih rawh aw. " Khawlum vanga chaw eitui loh sa nen ka pa thusawi chuan chaw chakna ati bo zual...Ka bu nghat ringawt. "Nizanah i nî nen kan inbia a, i chhuk hma leh thil buaipui a awlsam mai arawn ti aaaa... " dam thlapin ka pa chuan arawn ti leh a. Chaw ei chhunzawm chakna pawh ka nei tawh lo, ka chaw ei thleng chawi chung chuan ka thawhsan daih. Min en zui vung vung tih pawh ka hre reng mahse ka ngai pawimawh duh lo lui.



Chaw ei kham fel chuan ka pa pawh hna kal tura insiam tur in a room lam a pan thuai a... Thutkhawmnaah kalo thu tum luau ringawt. Tih theih ka nei lo lutuk tehi ka thin arim hlur. Ka pa a room atanga rawn chhuakin ka mamawh leina tur pawisa a room dawhkana a dah thu leh kalpui ka ngaih leh ngaih lo min rawn zawt nghal a. Kalpui ka ngaih loh thuin kalo chhang vat. Ka lungawi tehchiam lo tih ahria aniang min en deuh vung vung mahse ka uksak duh chuang miah lo, akal tur thu sawi sup chungin min chhuahsan a.


Vanlali hnenah khan in a ka awm tur thu kha kalo sawi ringawt a, chhuah ka ngaih kha kan inbiak lai khan kalo hre leh tawh lo hrim hrim. Mahse lo thleng phawt se min chhuahpui tur in ka sawm tawh mai aniang chu. A peih leh nghal sa dawn tho ani tehi chu ever ready-i alawm anih le.




Ka phone arawn ri thut ka phu nasa lutuk, thla chu nei ila ka thlawk thui hman viau ang. Ka phone ka ban vat a vanlali lek chu lo niin...Thaw hak chungin ka chhang nghal a. 'Mali... min lo hmuak rawh inkawtah khan parthi nen" ala rawn nui ang uarh uarh a, henu han over em em zia hi engtia tih chi nge mawnle. Ka mood chhiatsa nen arawn tihchhiat belh vekin ka hria. Aw tih hmuk pah chuan ka off daih, a thin arim leh ngawt ang.



Phone hum chung chuan kawt lam ka pan nghal a, kawngkhar ka hawng chiah gate pawna ding chungin ban alo vai lauh lauh. Alo thlen tawh techuan lo luh ve nghal mai awm min kochhuak kher lo khan.



Gate lam ka pan pheia ani pawh arawn lut ve chiah. "Enge nichin khan khati teh hmuk a min chhan aaa... I la dah daih zui min kan ngai ve em em che a, ngaihman awm lo leh lutuk mai. " Min chhuahchhal nghal zat, mahse min vin chiam kha ka ring aniaaa... "I dam lo ami? " a chal ka dehsak chhin a, a mit ti zim sun in a ngaihna a hriat loh hmel. "Nichin vang khan min vin chiam ka ring a, mahse nang leh nang ang lo deuhin i rawn tawng dam deuh thlap siaa... "



I sawi ho ati duh lek chauh. Vawiin chu a nu in lenrei a phalsak aniang ka ring, nilo se chu nichina ka lo chhan hmuk vang pawh ni tel thoin alo thlen tirh atangin min vin leh hluk hluk tawh ang. A mood a that hmel emai.



Inchhungah kan inzui lut a, thutkhawmna lam pan dunin sofa ah chuan a thuthla zui that a, a bula ka thuthla ve nghal chu min lo en deuh haw.



"Tinge i hmel kha, i pa in a hau che mi? " ka lu ka thing ringawt. A ngaih atha chiah lo aniang ka bula rawn tawlh hnai sawt sawt pah chuan sawi rawh tih melh takin min melh vung vung, kalo thaw hak ringawt.



"Ka pa in Shillong a college zawm turin min ti a. "



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:46 pm

ERES MI VIDA(You are my life)




Ka story chhiar tura ilo luh avangin ka lawm eee🥰
I PURPLE YOU💜💜💜💜💜💜💜




Chapter-2





"Engaaaa" awi a rawl hi aring thin lutuk. "Amak vak vak zel au chiam suh" keipawh chu mood tawih sa nen ka tawng nem fahran lo khawp. "Tinge... teh thut chuan kaldun kha kan lo tum vek tawh siaaa."pangngai deuh zawk chuan arawn ti leh a.




" Atha zawk ati tlat a,ka peih loh zia hria la chu min khawngaih zawk ang." Alo thlen tirh a a hlim hmel kha abo vek tawh. " Kal loh chu dil mai la, i tel lo techuan engtin nge ka awm anga kawm tur pawh ka neih loh hi " beisei nei hmel zet a min en chung chuan a rawn ti a. Keipawn ani lo hi thian kawm nghet ka nei bik lo, thian thar zawn leh chupawh hmundangah leh nghal ka ipik hluah hluah.



"Ka pa chu i hriat kha, ka sawi pawn engmah awm zia a awm lo, a thuthlukna hi a sawh sawn dawn chuang lo va. " Vanlali hmel chu ka khawngaih zawk. Buaithlak tih hmel fe hian a thaw hap ringawt.



"Chuan engtika a kal turin nge a tih che a? "A mal chunga a kut sik niap niapin a kut ringawt chu en ngur chung chuan a rawn ti leh a. Karleh monday a kal tura min tih thu chuan kalo chhang vat, a rawn hawi chhuak nghal zawk. Ka thawng dawt dawt mai zawng anih hi, ka khawngaih lutuk. " Eeh ava rang teh thut ve" TV on miah loh melh ngar ngar chung chuan a rawn ti chuai raih ringawt.



Kei ngei pawh hian hmundanga awmbo chu ka peih lo, ka peih lo pawh ani satliah lo ka huphurh tel bawk.



"Chuan" fan raih hian akut va hum pah chuan ka ti a. Enge tih pahin min rawn en nghal.



"Ih englo... Vawiinah ka mamawh vel lamkhawm turin ka pa in min ti a, chuan min chhuahpui peih angem" inthlahrung dek chuan ka zawt a. Ka kut rawn hum ngheh pah chuan nui var var chungin a peih thu in min lo chhang ve mai bawk.



A nui hmel hian ka tah atichhuak zawk, hlim vanga nui hmelpu ani der silo. Vengkhata awm kan nih avang hian tette atangin kan inkawm chho a, nikhat lek inhmuh loh pawh hian kan in ngai nghal ngawih ngawih zel aniaa... School khatah kan la lut dun chho char char zui bawk a. Ka tan chuan ka thian mai pawh ani lo ka unaunu hi ani zawk mah. Awm hran a huphurh ang hian keipawh hian ka huphurh ve tho.



Mi hausa fanu neihchhun ani a, kan chhungkaw dinhmun inthlau viau chung pawh hian min en hniam leh chapo a nei ngai lo. Engtik lai pawh hian kawm anuam em em reng a, a thil phal a, mi khawngaihna angah em em bawk. A thinchhe ve hlik hlek tih mai loh hichu ka tan chuan sawiselna tur a awm lo. Chuan min chhan hi a pe na viau bawk.




Shillong nilo India ram chhung khawi emaw berah pawh hian zirna chhunzawm dawn se chu a nu leh pa hian an chawm hneh dawn lutuk tlat. Mahse a û mipa hi Chennai- ah doctor zira a awmbo avang hian ani hi chu anu hian hmun danga awm hran hi a phalsak ngai lo hrim hrim. Mizoram chhuahsan te phei chu atan chuan sawi rik ngam pawh anilo.



Insiam turin ka room lamah kan inzui phei khat khat a. Khumah a vang zawnga mu nghal hnawkin chunglam a thlir vung vung. Ka khawngaih e mai. Bathroom lamah luhsan in ka intleuh thuak thuak.



Bathroom atanga ka chhuah pawh chuan chunglam lam thlir vung vung chung chuan a mut dan ngaiin alo la mu reng. Thaw hak chungin ka thawmhnaw bawm lam panin ka thawmhnaw hak tur ka la chhuak nghal a.



Khua a lum em avang hian inchei vak ka peih viau lo. Jeans pawl da lam tlang arh teuh chu ka inthawlh a, shirt var ka taksa phuar lam deuh chu ka ha leh tawp bawk. Ka sam chhem ro leh zung zungin a sirah dul deuh hnakin ka phiar thla leh a. Ka sam hi nalh anti hlawm thin, tih ngil chawp nilo hian a ngil em em a, a dum hlarh bawk. Ka kawng athleng lo hret, tan ve ka chak chang pawh hian ka pa hian a phal ngai miah lo, hmeichhia chu samsei hnap hi an mawipui ber ati tlat thin. Pheikhawk bawm pawt hawngin suede sandal dum chu khai chhuakin ka in thawlh leh tawp bawk. Tlereuh hi ka lawm teh chiam lova mahse silver bengbeh kual tereuhte behin thi sin tehi chu ka awrh reng engtik lai pawhin ka phelh ngai lo tluk a ni.



Darthlalang hmaah chuan dingin ka hmaiah make up tlem hnawihin ka hmuiah lip gloss ka tat leh tawp a.Make up hi hmang miah lo chu ka ni lo mahse ka hmang nasa lo bakah ka hman thiam em em loh vang hi ani pakhat bawk. Ka vun hi a ngo a amam tel em em bawk, hmaibawl tihvel buaina hi ka nei ve ngai lo ka vanneihna lam tak. Ka hmeltha an tih thu hi min hrilh nawlh nawlh tawk hi an awm fo bawk, hmeltha ka intih vak loh nen mahni leh mahni hi chu inhmuh that hi alo har aniang. Hmeichhe lian ti a sawi tur ka ni lo thung, ka te fel at ti ila hei hian a khaikhawm ber ang. Ka thau lo bawk, thau hi nalh ka tih lem loh avang hian thau ka hlau ani tawp.



Ka bag la lehin ka mamawh tur ho ka khung khawm zung zung, ka phone charge lam panin ka phawia ka bag-ah ka khung leh nghal than. "Hey, ilo muhil ringawt ami, ka hman tawh ania kal ang."




"Muhil mai mai lo" ala tho chuang lo. "I muthlilh si loh chuan tho ta reng che, kal ang" ka ti lehnghal a. A hmel siam chhe kual velin peih loh hmel deuhin khum atangin a rawn tho tuih tuih.



Living room lamah kan inzui phei leh a, ka pa room a pawisa ka lak lawk tur thu sawiin ka pa room lamah ka luhsan leh rih. Ka chhuah leh chuan a phone hmet mual mual chungin sofa ah duhdah deuhin alo thu.



Pawn kan chhuak chiah chu a lum dan a zual bik thlan a chhuak nghal dep dep thei. Taxi la in bazaar lam kan pan nghal a, pawn boruak chu a uap churh, hetiang khawlum kara han vah kual vel chu a peihawm fahran lo.



Mamawh neuh neuh kalo ngah khawpa kan vak kual zak zak mai. A lum bawk si lu a na bur tawh. Hmeichhia hichuan mamawh hi kan lo ngah thin reng a ni, bakah ka mamawh reng tur ang chi hi chu a chawpa lei lo hian stock neih zel hi ka duhdan ani hrim hrim bawk, mamawh hunah lei buai chuk chuk angaih hian a buaithlak duh.




Thawmhnaw tlem a zawng ka lei tel bawk. Vanlali nen kan bun tur bracelet in ang chiah chiah kan lei tel a. Kan in leikim thawkhat viau chuan ka hria, lo lei hmaih palh a awm tak leh chhukthlak hunah ka ngaihtuah leh tawh mai aniang chu. Kan in khai bawr dun ngang mai. Vanlali pawh a chau thawkhat aniang a vin peih tawh lo hrim hrim a ngawi thei khawp mai. A lum lutuk bawk si chu kan thlan hruk pah chuan kan in en a kan nui leh tawp zel.



Kan vak kual nasa bawk si ril atam duh lutuk. "Thil ei ang ka ril a tam tawh lutuk tha ka nei tawh lo" vanlali lam hawi pah chuan ka ti a. A hnial loh zawng tak aniang in zap hliau hliau chung chuan alo bu nghauh nghauh.



"Mahse nutei dawr lamah phei ila chuta tang chuan kan chah mai anga, kan bawr bawk sia heti chunga restaurant a luh kual vel ka peih lo"



"Nia anuam zawk ang, thut vang vang ka chak tawh lutuk" a thil khai ho siamthat mawlh mawlh pah chuan alo ti ve vat.



Ka nutei dawr lam panin kan inzui phei dun hnak hnak a. Ka nuih aza kan khai bawr dun si kan te dun bawk si kan kal ve hlawk hlawk reuh bawk sia.



Nutei dawr kan thleng a, lunch anlo eichhuak hlawm aniang tuvak mah anlo awm lo, chair ah kan thu thla dun nghal hnawk a kan thaw hle hle mai.



"Mate , i mamawh i lam khawm tan ami" nutei chuan alo ti vat. Tuivawt in khawlh khawlh pah chuan ka bu nghauh.



"Nute engmah kan la ei lo kan ril a tam lutuk, eitur min chahsak rawh."



"Aw le kan phone ange" tiin a phone a hmet nghal mual mual a. A beng bula phone dah hnai chungin hmuiphunin enge kan ei duh min zawt paha. Vanlali nen chuan kan duh zawng kan lo sawi nghal vat thung.




Eitur a rawn thleng a kan ril atam dun bawk a inbe miah lovin kan hnawh lut zawt zawt hi ani ringawt. "Mate, pheikhawk ka chahsak che a vawiin tlaiah alo thleng dawn a" nutei chuan arawn ti a.



Ka thil eina plate nawrsawn pah chuan nutei lam ka hawi nghal. "Yesss" tih hluai pah chuan ka nui nghal var var. Ka nutei hichuan min duat reng a ni.



Ka nute unau hi pathum anni a, ka nu hi an unau zingah a upa ber a nutei hian a dawt leh a, an naupang ber hi mipa ani thung. Mahse putea hi nikum kumtir lam khan thisen cancer vangin a boral tawh. Ka nu ka naupan laiin a boral a, putea ani veleh a, fa pahnih lai chan kha kapi hian atuar lutuk kha tun thleng hian a hriselna hian ngai a awh hlei thei lo.Ka pu pawh hian a tuar lo chu ani miah lo mahse mipa hi chu anlo pachang thei khawp mai. Putea boral hnu phei kha chuan nutei hian pasal neih hi a tum tawh lo reng reng. Keiin pasal ka neih daih ten tunge ka nu leh pa enkawl ang ati thin. Private school an nei a chutah chuan ka pu hi principal in a awm nghal a.Nutei ve thung hi chu a tuina lam anilo aniang a in hnamhnawih ngai miah lo. Thawmhnaw dawr a siam a a hlawk viau thung.An school hi school changtlung tak ani a school naupang pawh an ngah thei lutuk. An fee pawh school dang ngaihtuah chuan a sang lawr lak mahse mi hausa ho hian an bawh reng tho, keichu ka kal duh chuang miah lo enge a chhan pawh ka hrebik lo.


"Anihchuan engtikah nge i rawn lam ang" a rawn ti leh nghal zat a. "Ka hre bik lo."




"Zanah lo riak phei mai la i pa in a phal angem" a rawn ti leh. Phal te chu a phal dawn lutuk mahse keimah zawk hian amah a awmtir ka hreh tlat.



A buaithlak thin ka pi leh pu kianga chaw eite, riahte chu ka thlahlel ve lutuk mahse ka pa a mah chauh a kalsan ka hreh ve bawk si. Hei vang reng hi ania Mizorama college zawm pawh ka duh chhan.



An bula awm thlahlel ve viau mahila hostel-ah ka awm daih thin avangin an bula hun hmanna remchang ka nei ngai lo ang tluk chhuah zawkte a awm anihloh chuan chu pawh a khat lutuk. Hostel atangin chhuak mahila in lamah kalo buai ve thin tho bawk nen. Ka pi leh pu pawh ka ngai ve tho, ka pu hi chu school lam a a buai theih em vang hian min rawn tlawhna hun aneilo tluk ani. Ka pi nise a hrisel that loh avang hian a chhuak thei lo bawk, nutei hichuan visiting day hian ka pa a rawn zui zeuh zeuh thin zawka, kei hostel atanga ka chhuah changa sunday-ah ka leng phei zauh zauh tihloh hi chu ka hmu khat vel vek.



"Anihchuan naktuk hian dawrah ka rawn keng anga i rawn la mai dawn ami, tunlai dawr kan buai thei bawk sia rawn dahna hun ka nei dawn lo va"


"Umm pawi lo kalo lam mai ang" tiin ka chhang ve nghal a. Thil eng eng emaw sawiin kan pathum chuan kan nui tlawrh tlawrh reng a. Kan thu rei deuh tawh aniang hnathawk ho pawh anlo kir leh sap sap tawh.




Customer an ngah leh tak viau avangin nutei pawh a vir buai leh tawh ngang mai. Hnathawkte chu nei deh duah mahse nutei hi a thu mai mai ngai chuang miah lo dawr nghak tura chhawr ang mai hian a buai ve char char zel. Hei vang tak hi ania a dawra thawk tepawn a bula thawh nuam an tih em em,bakah amah hi zam tha chi hi ani ve hrim hrim bawk a. "Nute kan kal dawn ania" ka thutna atang chuan customer a buaipui lai chu ka va au lang lang a. Naktuk a pheikhawk lam tura min chah mawlh mawlh chungin kan chhuahsan nghal.



Taxi kan chan laiin vanlali a nu in a rawn phone a. "I pa nen kalchhuahna tur kan nei lo haw rawh a rawn ti" a rawn ti hap a. Hmanhmawh deuhin taxi ah kan indah lut zung zung a kan haw nghal. Vanlali an inbul maiah a chhuk a, zana min rawn biak tur thu sawiin hmanhmawh fe in an inlam a pan nghal. Min chhuahpui avangin lawmthu pawh ka hrilh hman lo.



Kan inbul remchang laiah taxi din tirin ka chhuk nghal a, hnunglama ka thil leisa ho driver in min rawn khai chhuah pui bawk a. Chuan man te pe in a tlan chhuak leh nghal. Kan in hi kawng an maia awm anih vang hian han inlei hnem deuh chang pawh hian a awlsam thin. Mi kawmkar vela inkhai bawr tun a kal kual duah ngai lo hian a inthiar luh theih mai thin. Ka inlei hnem ang reng sia vawikhatah keimah chuan ka inkhai lut zo dawn lo tawp mai. Pawi chai hleinem ka vawihnih mai aniang chu.



Ka thil lei ho chu ka room lamah ka thiar luta dah fel pawh ka peih rih lo. Duh leh zan lamah ka tifel tawh mai aniang chu inkhawm zan pawh ani chuang hleinem. Inthlak lem chuang lo chuan choka lam ka pansan leh a. Fridge atanga tuivawt lachhuak in ka in nghal khawlh khawlh, ka dai sawng sawngin ka hria. Kan vak kual nasa si lum bawk si ka ni chhuihin ka hria. Ni asa tha bawka lu pawh ana ngut ngut thei.



Ka ban a Gucci sana gold rawng bracelet ang zet sinte ka bun chu thlek vutin ka room lam ka pan lehnghal a. Ka sana hi ka pa in class-10 ka pass a min lei kha ania ka roh lutuk tawp, ka inbual dawn loh chuan ka phelh ngai lo, ka taksa peng pakhat ang mai hian ka ngai tawh. Min pek tirh a ka lawmzia kha ka mitthla let leh pawh hian kala nui var var thei. Dar thum a pel hret a ka pa pawh traffic jam-ah a tan mek ka ring. Hehi lawm Mizoram kawngpui ninawmna chu, zing office/school kal hunlai vel hian a tawt thei lutuk hi. Kawngpui tet nak alai hian kawngsirah motor anlo la park talh zel tehi ka thin arim tlat zel. Bus/taxi a kal pawh hian kan tang rei thei lutuk, ke a kal hi a chang chuan a rang thin zawk. Traffic jam a tanlai hian luak achhuak bur hman vek zel. Tlailam pawh zing lam ang tho a tawt em em zel ringawt mai ni.



Ka sam ka chhip lamah bawk tawmchho tawpin ka thawmhnaw ka phelh nghal sawk sawk a. Ka intleuh leh zuai loh chuan thlan nen ka ban chuap thei. Bathroom-ah lutin ka intleuh leh thuak a. Pajama purple thawl hnek hnawk leh tshirt var inthawlh leh tawpin ka room ka chhuahsan a.




Eirawngbawl nan ala hma si tihtur avang duh. Tun ang hunah tehian ka nu kha la dam se chuan ka pa school bang nghah pahin kan lo titi thei tur ania. Ka ngai a ni.Ka pa a awm loh phei hi chuan kan in hi a reh ngawih ngawih zel ka khua ahar thin.



Living room lamah pheiin phone ah games ka khel vel ta ringawt tih tur awm hek lo le. Rei pawh ka khelh hma in ka pa a lo thleng a. Vawiin tlai alo haw hi a hmel a dik miah lo a chauh hmel lutuk. "Pa, i nuam chiah lo ami vawiin tlai chu i hmel a rawn dik lo ania tlai dang i ang lo" tihpah chuan ka pa lam ka pan vat. A that thu a min chhangin a room lam pan pah chuan a intihfai chhungin thingpui senhang lumsak turin min hrilh lehnghal. Thingpuisen hi a ning ve thei lo amawnle thil tui tak pawh ni silo hi a lam reng mai. A aia tui a tam tehreng nen hian awww... Ka induh lo chu ka ti miah lo thingpui bawnghnute pawlh aichuan kala thlang fe tho mahse a tui ka ti hran lo. Ka pa kum ang zat ka nih hunah techuan ka la ngaina ve mahna.



Chaw ei dawhkanah thingpui ka hung fel chiah tihin ka pa pawh choka a rawn lut ve chiah. A lo thlen tirh aichuan a hmel pawh tlemin hmuh a ziaawm ta deuh. Mahse ka ngaih atha chuang miah lo min damlohsan mai ang tih ka hlau. "Pa i tha tak tak em" ka ngaih athat theih chuang loh avangin ka zawt leh talh.


"Aw ka tha alawm, min ngaihtuah lutuk anihkha tlemin ka chau ve deuh a."


Enge ka ngaihtuah lovang ka pa ania a damloh ka phal teuh lo, bakah ka innghahna neihchhun ani bawk a, khawvela ka neihchhun liau liau chu ka pa chauh hi ani tawh. Pi leh pu nutei te chu la nei mahila ka pa ai hi an awh zo dawn lo chiang bal. Mahse anni pawh an vaiin ka hmangaih vek tho.



Kum upa tawh lam tan phei hichuan zirtirtu nih hahthlak tur zia hi ka ti thin. Nilenga naupang zirtirna pekte, chuta karah thiamlo fal bik an awmin dawhtheih taka midang te ang lo deuha hrilh ngaih chang a awm leh anga. Kumtluanin naupang mize in ang lo pui pui kiangah hun an hmanga, kumtluanin an in zirtir bawk a. Kum alo thara a ngaite bawkin. Zirtirtu thenkhat naupang chumchiap karah an tal a, thenkhat tleirawl luhlul rual,tihmawh zet zet, lerh hre rual te te,a then enkawl har tak tak bulah kumtluanin an han tal a, chuta karah naupang nu leh pa thenkhat zirtirtu hlutna hre vak lo te sawisel an tawk a. An fate zirlai thiam vak lo awm se an zirtirtu tehi alawm an thatchhe lutuk a chuti khati ti a sawisel tawk lah bang lo. In lama mahni fate control peih lo lo leh an zirlai pawh uksak pui peih miah lo ho leh, fate tlat tlat a tlat tir ho hi a phun chiar chiarah hian an han tang zui leh a. Zirtirtute rilru tur dawn lek lo hian tawngkam an han nei zui bawka. Zirtirtute ko rih zia hi an chhut thiampui lo ani. A hahthlak tur zia tehi. An fate lehkha thiam tura an duh chuan school ringawt hi a tawk lo inlamah an bawhzui ve pawh angai, an fate tan an inhawn angai bawk... Awi hetiang ka ngaihtuah kual chiam thin vang hi alawm teacher nih chakna ka neih ngai loh ni.



Eirawng ka bawl zawh meuh chuan alum leh ta phat phat khawp mai. Nichin a ka intleuh pawh kha awmzia a awm leh talo khawp. Mut dawnah intleuh leh ngei chu angaih hmel. Chaw ei a chakawm lo leh zo vek tawh. Thut thlandaih leh phawt loh chuan chaw ka ei thei lo sa. Chair pawt chhuakin a lum zualpui nghah reh nan phone ah games kan khel leh te te a, a zia vat turah ngai ang. Rei fe ka khelh hnu chuan ka pum a rawn ri raih raih mai. Chaw ei mai pawh ka pawi tilo ka pa ko ila.



Living room sofa ah ka pa chu alo muttui ngang mai. A darah ka sawi det det a arawn meng nghal. Chaw ei ka peih tawh thu ka hrilh chuan siam nghal turin min lo ti ve mai bawk a.



Tlai dang ang lo takin ka chaw ei a tui ve phian, kei leh kei ang lo deuhin ka ei theuh. Ka pa pawn mak ati deuh aniang min enkur, ka chaw ei theih loh zia hrechiang bertu kha ani miau aaa....


"Mambawih i in leikim thei em?Pawimawh si theihnghilh palh tekha i nei hlauh ange."



"Umm kim ang" tiin ka chhang satliah ringawt. Chaw ka eitui ve tawh nen lem ati sak leh talh tawh helam a sawi chhuah hi chuan.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:47 pm

ERES MI VIDA(You are my life)




Ka story chhiar tura ilo luh avangin ka lawm eee🥰
I PURPLE YOU💜💜💜💜💜💜💜




Chapter-3




SHILLONG
Adrian Zomuanpuia POV
"Bawiha a tawk" ka nu rawn ti tuarh tuarh pawh chu ka hre reng engah mah ka ngai peih lo. Talitha-i û chu a bekah richawrh khawpin ka hnek ve nghal siah. Ka kutthlak hi a na thawkhat bawka a pai nghal tuang tuang thei. A enga mah hmain kut mi rawn thlak hmasa ve khanglang a. A nau pawh ngaihsak tawh lo chuan a abek ka hnek nalai dawm chung chuan a tlan chhuak nghal daih dawihzep lutuk. Ka thinrim bengdaih dan ka hre lo lutuk chu ka bul hnaia vase awm chu a chhunga pangpar chawp chuan ka vawm keh nghal chhuai. Talitha leh ka nu chu an te nghal tuarh a. Ka thin arim hian in control har kati thin. Thaw kawk kawkin Talitha dinna lam pan chuan ka kut ka lek deuh uaih a, hmeichhe chunga kutlek em chu ka ti ve deuh bawk si.



He hmeichhia hian ka fa apai ang maw a teuh lo lutuk. Ka zep lo vawitam sex chu kan hmang ngei alawm mahse invenna hman loh lai ka nei ngai lo, chuan ani nen hian thla thum lai chu sex kan hmang dun tawh lo bawk. Ka ruihlaiin tu hmeichhia mah ka mutpui ngai lo chu chu kei aiin he hmeichhia min rawn luhkhung tumtu hian a hrechiang ber bawk ang. Inngaihzawnna lam thila inzawm kan nilo tih a hre tel ngei bawk ang. Mahse enge thleng hi ka fa apai tiin min rawn luhkhung atum ania. Ka fa chu pai se keihian mawhphurhna chu ka la ngei ang, ka thil tih a mawhphurhna la ngam lo tur khawp a mipa dawihzep ka ni lo tlat.




" Bawihi i rai tih chu i chiang maw" ka nu teivet pawh chu. A mittui hru zauh zauh pah chuan a bu nghauh. A awle mittui chu a hmang tangkai khawp mai. Ka nu nu a zawnga nunnem ber pawh a thusawi a awihtir thei vek ang.



Talitha chu pan hnaiin " kei lo mipa dang pawh i mutpui thin tih hi ka hriat loh i ring ami" a hmai bul chet a en chung chuan ka ti chang fak. A mengphar deuh awk. Engmah ka hre lo emaw ti a min bum atum anihchuan ati sual viau ang. A rai emaw rai lo emaw ka buaina tur ani lo, ka fa ani lo tih ka chiang bawk. Chuvang chuan kan inah hian awm reng nachhan tur a nei lo.



A banrekah vuanin pawn lamah a hnuhin ka hnuk chhuak a, ka nu pawh tihngaihna hriat loh hmel deuhin a ding ngawi reng. "Adrian." Min kohna pawh chu ka ngai pawimawh peih lo. "Zomuanpui" a rawn tivin tuarh. A banrek ka vawnna ka thlah thut chu alo inring bik lo aniang a pai deuh khat khat. Zu rim ala nam ang rum rum a. A mitmeng a ling hlar lehnghal.



" Ka fa anih leh nih loh chu DNA test kan nei dawn mi niang, a harsa lo ania" pan hnaih leh pah chuan ka ti sup. A meng tal tap. Hetiang hmeichhia hi ani tih hria ila hmana hmanah khan lo kawp tawh ma lek tur hi nia. Hmeichhe ho hi an mizia anlo thup thiam khawp mai.



" I lo sual hle mai" menpur chungin a rawn ti. Chung techu min hre tawh phawt chuan an sawi ngai lo va chiang sa ani. "Tunah haw rawh" gate lam kawh pah chuan kati leh sup.



"Ka haw dawn lo eng ang pawn haw turin min ti mahla, i fa ka pai a hetiang hian min ti ngawt thei lo ang" a rawn ti let tuarh. A va han nasa reuh e aw. " Ka fa anilo tih chu kan chiang ve ve in ka ring, chuvang chuan kei nilo in i fa paina pa chu engvangin nge i luhkhung zawk mai loh, nge ka hruai i duh zawk ami."ka ti chang fak.



"I duh dan danin awm teh" tih pah chuan inchhunglam ka pansan hmak. "Zomuanpui ila hre dawn, ka ti buai reng tho ang che" a rawn ti leh tuarh. Ka ngai pawimawh lo vee ani min tih buai leh buai loh kha.



Inchhung ka luh leh chuan ka vase vawm keh pawh chu anlo thianfai leh vek tawh. Ka nu chuan a ui khawp ang a vase duh ber kha ani miau a. A thar ka leisak leh mai aniang chu.




Ka nu chu choka lam atanga rawn chhuakin min rawn pan nghal a, a haw tawh leh tawh loh min rawn zawt a, a haw ka ring tih zawngin ka chhang. "Bawiha khawngaihin fel tak hian awm ve hram tawh teh" beidawn hmel zet chuan a rawn ti hap a. Keimah vang hian a rilru a hah thin tih pawh ka hria mahse ka nundan hi sim tumna ka nei chuang lo. A chhan chu fel taka ka awm leh awm lohin ka pa min endanah danglamna a awm chuang lo. Ka thil tih engkimah lungawina tur a hmu ve ngai lo. Ka naupan tet ata leh tun thleng pawhin ka pa duhsakna ka chang ngai lo hrim hrim. Ka tih apiang atha leh a chhia pawh sawisel ani vek. Engtikah mah a mit ka tlung ngai chuang lovang.




"A nih leh i fa chu anilo chiang amaw" teh hram chuan. Ka chhang buai peih lo. "I hmui kak kha damdawi kalo hnawih ange" a rawn ti leh hram. Ka inbuaipui theih thu sawiin ka room lam panin ka chhohsan nghal. Min rawn koh lehna pawh chu ka uksak duh lo lui. Zawhna angah dawn tih ka hria,a awm tho bawk mahse chhanna pe tur mood ah ka awm hrih lo. Engmah ka sawipui peih lo.




Ka room-ah lutin darthlalangah ka hmui chu ka en chianga, alo thi ve ser ser. Khami te unau khan ka mood an tichhe vek.



Ka thawmhnaw haklai thlakin inhnuai lamah ka chhukthla leh nghal a. Living room lam ka pan a,ka pa pawh alo haw tawh alo thu vang, ka nu in a chaw ei tur a buatsaih anih ka ring a awm velo. Ka pa be chuang lovin kawngka lam ka pan nghal a. "Khawiah nge chhuah i tum" a rawn ti chang fak, ka chhang lo.Ka bike chahbi ka ban chiah tihin "Zomuanpui khawiah nge kal i tum? Chhuah hun pawh anih tawh loh hi" a rawn ti chang leh fak, kala chhang lo fo. A thinin a tuar tawh bik lo ani chek ang a thutna atanga tho in min rawn pan nghal a, "tunah chhuah a hun tawh lo ka ti ani lawm ni" a rawn ti khauh fur. Engah mah ngai duh lovin chahbi khaina a ka bike chahbi pawtthlain ka chhuak nghal. Kawngkhar ka khar ri bur bawk.




Main gate ka thlenin security in min nuih vur vur pahin gate min rawn hawnsak a ka tlan chhuak nghal vat. Ka pa hi NEIGRIHMS ah Cardiologist niin doctor quarter-ah kan chen avang hian luh leh chhuah lamah harsatna ka nei ngai lo eng hunah pawh. Speed sanin kan thianho awm khawmna tur lam ka pan ding nghal a.




Ka thlen chuan anlo kai tha chhar chhar tawh hlawm ngei mai. Pen luh vut pahin ruatdika te lo thutna lam ka pan ve nghal a. Hmeichhia anlo khawm leh ta teuh e. A chang hichuan ka ning thin hmeichhe lo awm ve chhen hi mahse engmah ka sawilem chuang lo.



"Hey, bawiha ngati nge i hmel chu, i pa nen in inhau leh tawh ami" ruatdika chuan min rawn zawt nghal chat. Ani hichuan ka hmel atang pawh hian a hrethiam thin reng a ni. A bula thutthlak pah chuan min hauh loh thu ka sawi sup. Dawhkana Talisker 18 whiskey awm chu ban nghal vutin noah ka thli chhuaka ka thawk khat nghal pawp. Ka kawchhung a sathla nghal ham ham thei.




Ka inhnem viau tawh chung pawn ka rui thei miah lo. Ka thutna nghenchhanah ka lu nghatthla chawrha thaw chhuak ham hamin chunglam ka melh reng. Ka thutna rawn che dat avangin nghenchhana lu nghat reng chung chuan thatchhe zetin sirlamah ka thle phei a. Zonunmawiin meng si sapin min lo melh reng. Chunglam ka melh leh nghal. Dan ngaite bawkin a thawmhnaw hak chu a tawngchham lehpek.




"Adrian, zanin chu kan mood ava dik loh hmel ve" a rawn ti sap. Ka chhangbuai peih lo ka maimichhing nghal hmak. "I mood kha ka thlak danglamsak thei che tih i hriat kha" ka beng bulah thawk ham ham paha rawn ti chungin ka kap lam chu awmze nei zetin a rawn zut nghal a. "A mood ah ka awm lo" tihpah chuan a kut ka vai persak nawlh. Ka hawikuala ruatdika tepawh hmuh tur an awm tawh lo. Tu emaw a tawm bo pui leh tawh ani mahna.



Ka thutna atanga ka tho tur chiah chu ka lam hawi zawngin Nan-i(Zonunmawii) chu ka malchungah a rawn thufel der tawh. Ka mood dik vak lo tih hre chung pawhin enge ahriat hrep ni. Ka kap zawnah a mawng a rawn shake kual vel a. Ka thaw hawk thei. Hnuailam pawn alo hre rang ngang mai. Ka kekawr kawng arawn vuan lehnghal chat a. Hetianga a hnarsawn theih dawn loh techuan keipawn ka play ve mai ang chu, mahse zanin hian sex hmanpui ka tum lo.



A khabeah kuai dak deuh awrhin ka kut lehlamin a tukhumah dawm chungin uar fahhranin ka fawp nghal tawn tawn a. Ka chetdan chuan a thawng deuh nge min chhanlet mai nachang pawh a hre lo. Harhchhuak thut ni awm takin min min rawn fawp let nghal tawn tawn. Ka malchung atanga chawi thla lawpin kan thut mekna sofa-ah chuan ka bawhbet nghal a. Kan hmui insi reng chung chuan ka nui suk. A awmbawr kawh lah chu tham sak nghal tawn tawnin ka fawp ngawng ngawng bawk a. A rawn thaw chhuak leh hap thin. Ka kekawr kawng arawn pawt rawk rawk chu akut lo vuan chatin ka nghawngah ka ka kuahtir nghal hmak.



A kawrhak tawngchham zet chu a awm lama nawr tawm chho tawkin a panty chhungah zenlutin ka tuaikual sak nghal nawk nawk. A awm sep dawrh dawrhin arawn thaw kawk kawk. "A... A... Adrian" ka hming pawh a lamchhuak mumal thei tawh lo. A lu chu thei leh thei lo va rawn kanin akut a ka bek tawn tawn a dawm pah chuan min rawn fawp lehnghal ngawng ngawng a. Si ham ham chung chuan a lu chu sofa-ah a nghatthla chawrh a,si zui ham ham chungin a thle tawn chhen.




Ka thil tih lai mek chu tawp thutin ka thawhsan daih a. A ngaihna ahriat loh hmel. "Tinge" mak tih hmel deuh a min en chung chuan a rawn ti. "Ka it lo che aniang" tichung chuan ka nuih suk. Rawn thochhuakin a kawr ka nawr tawm vek chu pawt tha nghal zung zungin a rawn ding chhuak ve nghal a. Min rawn pan leh mai a tum chu kawngka lam panin ka pensawn san nghal vut. " Zomuanpui misualpa ila hria ang" a rawn tivin tuarh. Nui sukin pawn lamah ka pen chhuak nghal a.



Ka kekawr ipte atanga ka phone phawrhin ruatdika ka call a. Thaw huam huam chungin a rawn pick. Ka rin ang vel. "Khawiah nge i awm a?" Ka ti nghal thawr. "Ka buai rih lutuk" a rawn ti sup. Biak rei chi ni a ka hriat loh avangin ka haw tur thu sawiin ka phone kati tawp zui nghal. Ka bike bula ka din deuh vang vang hnu chuan thukaiin chak fahranin ka tlan chhuak nghal a. Kalna tur dang ka zawng deuh a mahse han kalna tur em em pawh hre chuang lo chuan ka inkhalh kual ka inkhalh kual ringawt. Ka haw mai aniang chu kalna tur dang awm hek lo chu.




NEIGRIHMS campus thlen hma hret street light in a chhun phak loh thim chinah tlangval pathumin ni awm tak in min lo phar ding a, thuawih tak chuan ka ding ve mai. An zinga pakhat chuan min rawn pan phei tuang tuangin ka kawrawmah a rawn tham ve ngawt. Zu rim anam rum rum mai. A rui ve hle anih dawn hi. Engah teh vak ngai lo in a kut phih thla sawkin ka bike start a tlanchhuah lehnghal mai ka tum chu min rawn panhnai lehin ka hnarah a rawn hnek nghal chawrh. A rawn lumthla nghal puat thei. Ka thinin a tuar talo.




Ka bike atanga chhukin a hrawkah ka rek nghal chawt, a thaw nghal kawk kawk thei. A thian dang lo ding thle lawk lawk pahnih chu ding ngil nghal zawtin campus lampan chuan an tlan paithla nghal tuang tuang. Ka nuih aza zawk thiante pawh chhan ngam lovin min lo phar ding ve khanglang a.




A hrawka ka reh ber pa chuan ka rehna kut chu rawn phelh tumin a mengpual nghal titih. Ka rehbehna thlahin kawngpui charah chuan a thal thla nghal huang. Nep zeih zuih lutuk mai.




Ka jacket bana ka hnar chu hru thuakin ka bike lam ka pan a, thukaiin ka tlan chhuak lehnghal a.




In ka thlenin ka nu leh pa anlo la meng. Ka nu in min hmuh veleh min rawn panin, " Bawiha enga tinge i hnar kha? I insual leh tawh ami? a rawn ti nghal chat. Chhan pawh chhang lo va kalpelh ka tum chu ka pa rawn ding chhuak phatin"Zomuanpui i nu in a biak che kha chhang nghal rawh"a rawn ti khauh fur. Chunglam melhin ka nui chhuak hak. Takzet hian. "Khawsak pangngai hian khawsa ve rawh, i unaute tumah tluk nei si lo hian a ngawhngawl zawng hlir a khawsa mai. Hetiang reng chuan ka chawm peih lo che" kha maw asawi leh ta. Ka naupan tet ata ka pa mit ka tlung ve ngai lo ka tih tawh kha. Ka bula chair lo awm chu tlawh per lawpin "ka naupan tet atang hian i mit ka tlung tawh ngai reng reng ami? hman atanga tun thlengin ka thil tih sawisel bak ilak atangin engmah ka dawng ngai lo" tih hrawk pahin ka pa chu ka melh ngur.


Ka room lamah ka chhohsan hmak.
Step laklawh vel ka thlen dawnin ka kawr hnung lam atangin ka pa in a rawn tham a, kalo inring chiah loh avangin step-ah kan lum thelh. Living room lamah min tham thla a, min thamna ka vai per nghal nawlh chu ka beng kiu chuah chuah khawpin ka beng bulah mi rawn beng anih chu. Ka nu a rawn te nghal tuarh, pa te em kutthlak chu ka ti ve deuh si, ka kut ka humruh ngat ngat.




"Kut mi thlak suh" tih hrawk pah chuan centre table chu ka chhirthlu leh nghal tawp a. Ka nu a meng chi ai nghal vek. "Tawp rawh u" tih tuarh pahin leather sofa-ah chuan a thu nghal hnawk.



Malsawmkimi POV

"Vawiinah i ticket tur ka tifel a, chuan a theih ang ang kha lo in pack sa la aw, a dawn a buai chung ngai lo in" chaw bar mawlh mawlh pah chuan ka pa chuan a rawn ti a. Ka bu nghat ringawt. Helam kan sawi hi chuan ka tawng chak thlawt lo. Min pawt chau zo vek zel.



A mak zawk hmundanga awm ka hreh tawng tawng lutuk hi. Ka pa in helam a sawi chhuah apiang hian ka thin hi a phu nghal zawih zawih thei. Ka tha tehi a khur tel hialin ka hria. Midang pawh ka awmdan ang hian an awm ve tho ka ring an huphurh lutuk tak mai thil an tih dawn chuan. A hma a ka hostel awmdan techu Mizoram chhung ala ni zawka, bakah visiting day apiangin ka pa nen kan la inhmu thei tal a. Tunah techuan chawlh laite a ka haw zawk te anih loh chuan kan inhmu thei tawh dawn miah lo aniaaa.



"Pa, omami hi min hruai turin bia la, keimah chauh chuan ka vawikhat kalna tur a ni dawn sia ka hreh ve a." rem ti tak ang maw. "Aw le kalo be dawn nia, alo remchan tak leh ticket chu kan tifel leh mai turah ngai ila" tiin min rawn chhang ve mai bawk a.



Omami hi ka pa te unau zinga upa ber dawttu fanu ani a, apa hi chu thingtlang lamah high school teacher in a awm a. Ka pa te unau hi panga anni a mipa pali leh hmeichhe pakhat. An upa ber hi durtlangah an awm mek a sipai pension ani bawk. A dawt leh chiah hi omami pa hi ani a, adawt tu leh hi MST driver niin a boral tawh. Ka pa hi ani leh a, chuan an naupang ber hi ka nitei tuna Shillong a awm mek hi ani thung.Ka pa lama ka pi leh pu hi ka pian ve hmain an boral tawh a an chanchin hi ka hre lo hrim hrim.Omami hian dawr neiin ka papuia te bulah durtlangah a khawsa mek bawka, a dawr kalsan hian min hruai thei ngut ange maw. Ani hi chu ka ni bulah hian alo awm reng tawh avang hian keiai fe chuan chinchang a hre zawk ang. Keive engkim inhaikuak chawp vek ka ngai dawn ania. Mahse le khawvel danah chuan puitling a chhiar nula kum 18 kani ve tawh alawm le ka ti ve thei em em ang.




Chaw ei thleng ka sengfel meuh chuan khua alo thim thiap tawh. Ka pa thingpui tur lumsakin living room lamah ka chawi pheisak nghal a. Chaw eikham veleh hian kum upa lam tawh na na na chu thingpui senhang in ziah hi a duhdan ania, ka siamsak lo ngai lo. "Pa, vawiin a kan thil lei vel ka siamfel dawn ania min mamawhna i neih chuan min rawn ko la" tih pah chuan min chhanna pawh nghak tawh lem lovin ka room lam ka pan a.



Ka room ka lut chiah chu ka tah a chhuak nghal awmbo ka peih lo tawng tawng lutuk hi. Ka room te, kan in, ka pa, ka pi leh pu ka nutei te ka ngai nghal em em vek ka kal hma atang hian. Vanlali pawh tiamin. Tah tichhuak hman pawh ka ni leh silo hei remfel vel tur ka ngah lutuk.



Khuma ka phone dah chu a rawn nghawr dar dar a, ka ban nghal vat vanlali alo ni, zanah kalo bia ang che a tih tak kha le. Ka pick ve leh "hmelchhenu kan inbe rei hman dawn lo, ih vawiin a kanu rawn sawi, chhuah kan ngai atihkha maw kha kha ka putea an inchung step atangin aluhai thut kha a lum aaa, hei tunah pawh hospital kan pan mek a min lo hre thiam rawh aw" a rawn ti nghal zat zat a.



"I putea chu ana viau em? Engtin tak nge a awm?"



"Aw a banruh a bawh tliak chuan a lu hi asawhna deuh bawk aniang mumal anei vak lo ka nu in a tia." Avan zia lo thei tak aw.



"Awi a pawi eee... Tih theih vak nei lo mahila kalo tawngtaipui dawn nia."



"Aw le intawngtai pui tluk a hlu a awm hleinem. A nih ka dah dawn aw kan thleng tep a bye" tih pah chuan ka chhanletna pawh nghak lovin a dah nghal daih. A tawngkam hi a duhnaah hichuan a bei puitling thei aniaa... A putea chu aw avan pawi tak, tlangval hrisel hmel tak ani a sin le, an in a kal tekhan a fel thin, tlangval hawi zau leh biak nuam em em kha ania. Pathian zarah atha veleh em ang chu maw. Mihring tehian hma hun hi kan va hre lo tak, second tin hian kan thih hun kan hnaih hret hret zel chu ani sia nun uluk angai takzet.



Thalaite u, in that lai hun hi chen ula, inla naupan lai hian hlim takin awm rawh u. In duhzawng chu ti ula, tha intih angin awm rawh u. Amaherawh chu, in thil tih ang zelin in chungah Pathianin ro arel dawn tih hre reng rawh u. He Bible chang hichu tunlai thalaite hian kan vawn tlat atha. Kan hlim a phal a kan thatlai chen pawh a phal vek mahse Pathian hian khawvela kan awmdan ang zelin ro min la relsak dawn. Chu vang chuan Pathian rorelna hma a kan din hunah a tha lam a rorelsak nih kan duh chuan kan nun kan hman fimkhur angai. Tuman kan hmaah enge kan tawh dawn engtikah nge he khawvel hi kan chhuahsan dawn tih kan hre si lo. I fimkhur mawlh mawlh ang u.



Vawiin vanlali nen kan thil lei ka pack zo a, zik mar ar ar pah chuan ka ding nghal , kalo thurei deuh aniang ka ke amu chuah chuah thei. Ka phone banin darzat ka en a ala tlai lutuk lo. Thildang pack ngai hi chu naktuk hun pawh ala awm a, atuk leh pawh zan nen. Hun ala tam ka
hmanhmawh chiam peih lo. Ka ke a mu nasa lutuk a pen pawh ka pen hlei thei lo. Posi lai zet zetin ka pen tuang tuang mai.



Living room lam ka pan a ka pa pawh inkhel alo en leh ngur tawh. A tang bawk aniang remote hum run chungin alo ding uaih. Ka nuih aza zawk hetiang em em a han tan theih mai chu. Enge maw a hmuhnawmna viau pawh hi ka hre lo e ah.



Choka lama ka lut tur chiah chu ka pa in min rawn hmu a thingpui lum nghal turin min rawn ti leh tawh... Hmmm kan lumsak leh mai aniang chu.



Ka pa thingpui pek pahin ka mu nghal dawn tih ka hrilh a, a inkhel enah rilru a pe lutuk aniang ka thusawi hreawm pawhin a awm lo hrim hrim. Ka room-ah ka lut a, ka intleuh leh zuai loh chuan thlan ka ngah lutuk hi ka ban leh chuap tawh. Ka intleuh zuai anga ka mu nghal hmak ang. Biak tur ka nei pawh ni hlei lo menrei vakna chhan tur ka nei lo ve eee....




"Nu min kalsan tawh suh i bulah kalo kal ve duh, i tel lo va awm ka duh tawh lo, ka ngai che a ka mamawh bawk che sin. Ngati nge i bulah ka awm ve theih loh" tap zawih zawih chungin ka nu chu pawh beh ka tum a mahse chhumkarah a ral riai riai. Min kalsan leh ta.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:47 pm

ERES MI VIDA(You are my life)



Ka story chhiar tura ilo luh avangin ka lawm eee🥰
I PURPLE YOU💜💜💜💜💜💜💜



Chapter-4





Thaw chhuak kawkin khum atangin ka thu chhuak nghal a. Ka nu ka mumangah ka hmu leh tawh. Ka mumangah ka hmuh apiang hian a bula min hruai turin tap chung hian ka ngen ziah mahse min kalsan leh zel tho. Tunlai phei chu ka hmu zing leh zual a ka ngai ngawih ngawih. Muhil thei lo chuan ka let tawnsek a, mahse khawvar dawn lamah kalo chhing ve sek aniang.




TIME SKIP SKIP SKIP.....
Sumo stand lam kan pan ta, ka nutei, ka pa leh vanlalin min thlah a. Kan ngui nghiai hlawm mai. Ka mittui hi ka dang tawk tawk ani ringawt. A hmun kan thlenin ka bungrua anlo hlang nghal zung zung a. Rei vak lo kan thut hnuah chhuah alo hun der tawh ka phur lo ngei mai. Ka nutein min rawn khuah thuaka thuawih tak leh tha deuha lehkha zir turin min chah mawlh mawlh. Vanlali lam ka pan a alo menpur, tah chu alo insum ve hle aniang. Ka va kuah thaka a insum hman tawh lo a rawn inhnit nghal hlawp hlawp. Keipawh ka bang chuang bik lo.




"Pa, ka ngai dawn che" insut hlap hlap chungin ka pa chu ka kuah a.




"Mambawih, thuawih takin awm la lehkha tha deuhin zir rawh aw chuan i pa hian ka hmangaih lutuk che tih hre bawk la, ka rawn be ziah dawn che lawm" ka mittui rawn tuai hul pah chuan arawn ti sup. A ni pawh a meng sen ve rum tho mahse mipa hi chu an insum thei lutuk. Sumo-ah kan thu lut a, ka pa te dinna lam ka va hawi chu vanlali alo la men pur. Ka nuihsuk ringawt. Ka nutei leh ka pa in ban an rawn vai lauh lauh a. Ka hmangaih, ka ngaihte kalsanin kan tlan liam ta.





Zanlam tlan ani bawka ka muthlu kawngtluan hi animai. Zun ram thiara kan din zawk zawk bak kan tlan par par. Mawng ana thum tawh chuan ka bawp a kham hle bawk. Duh dan dan a thut ka chak tawh zia chu pui tak a ni. Chuan ka ril atam hle bawk. Thil ei tur chuan kan ding thova mahse ril tam viau e tilo chuan ka ei chak thlawt bawk si lo. Kan kal dawn a chips vel leh frooti kan ken bak engmah kala ei lo.





Shillong kan thleng ta. Ka ni leh an driver in min lo hmuak a. Min hmuh veleh nui var var chunga min rawn panin "i hmel atha hle mai ka vahnu chu i nu i chhun khawp mai" a rawn ti ka lai ve tep. Ka ni hi ka vawikhat hmuhna, a hmeltha kati a mahse athinchhiat hmel chuan a nulian bawk kei ang lo takin. Sumo atanga ka bungrua an hlang thlak ho chu an car lamah an driver in a load nghal zung zung a. An load fel chuan car-ah thulutin ka ni te chenna lam panin kan tlan chhuak nghal.





"Sawmte i rui em" ka ni in kan thutna lam rawn hawi chhoh pah chuan a rawn ti a. Ka ruih loh thu in kalo chhang nghal vat. "I umami kha ava ngawi thei ve aaa... Nge a chau lutuk a mut vang vang a chak tawh zawk" ka nuisuk ringawt. Omami lam ka va hawi chu alo muhil leh der tawh. A mut a chhuak tawngkhawng aniang. A awm ve tho zankhuain kan tlan ania..... Mut a chhuah bakah ka chau lutuk keipawh hi.... In ei puar peng pawnga khum a thal tawp ka chak ber tunah tak hi chuan.




Driver in motor ati ding dawt a, kalo inring vak lo nen hmalamah ka bu phei dawrh. "Enge maw thleng le" tiin ka hawichhuak nghal vata ka ni leh driver motor atangin hmanhmawh deuhin an tlanchhuak nghal. Omami lam ka va en leh hlauhthawn hmel deuhin pawnlam alo thlir. A hawina ka lam ka va en chu tlangval pahnih anlo insual chu niin. Car kawngkhar hawngin ka ke ka pen chhuak ve nghala. Enge tih ka tum pawh ka hre bik lo ka pen chhuak ve tawp. Tlangval pakhat zawkin kawngpui charah a pakhat zawk taksa thutbetin a hnek chawrh chwrh anihchu. A rapthlak lutuk. A thutbeh zawk chuan a nghawnga reh tumin a ban ve bawk.




"Adrian ti tawh suh atawk tawh" tihpahin ka niin a thutbettu zawk chu pawh thawh a tum a. Hmeichhe mal ringawt chuan a pawt then thei bik lo aniang chu driver in rawn pui vatin an pawt ding nghal a.Pakhat zawk chu che chang miah lovin kawngpui charah a thal huang thung. A sawisa nasa thawkhat aniang ahmaiah thisen akai nung thei.




Ka ni te driver in a tung tho a, rawn thuchhuakin kawngpuiah chil a chhak pharh pharh a, rawn ding chhuakin ka ni in Adrian ti a akohpa en chung chuan ngeiawm fahran a nui chungin hospital campus lam panin a kalthla nghal daih. Adrian-a zawk chu a rawn che deuh hrut a mahse ka ni in a pawt bet tlat thung. A um zui mai a hlau aniang. Ka ni in a pawh behna a thlah a, Adrian-a chuan a sam tuai chho puatin chung lam hawi chungin "f**k" a ti thawt a, ka la phu chiam zui.




"Sawmte, motor-ah khan tissue a awm ang rawn la rawh" ka ni in a rawn ti a. A.. a.. aww tih bah nawk nawkin ka ni thutna lam chu ka en nghal a, ka hmuh mai loh avangin ka thutna lam panin ka bag atangin wipes pack phawrh chhuakin ka ni te dinna lam ka pan a, a hmui sir a thi ser ser a, a mit ko a kak a chuan a hnar a thi deuh bawk. Wipes pack chu rawn pawtthla hlawkin min rawn en ngur, ka thin a phu nghal dawt dawt thei. Ka hlauh vang pawh ani chuang lo amak lutuk min rawn en chiah a ka awmdan kha.




"Nu sîn, a pawi kati" rawn tih thum dut pahin a nui suk a, a bike lam a pan nghal. Inhruk fai pawh a tum chuang lo aniang ka wipes pack pek pawh a jacket ipteah athun daih. Bike-ah achuangkai fel chiah tihin ka ni in"Adrian i haw dawn lo vem ni" ati leh. "Haw dawn lo" ti sup in a bike a start a chak zetin a tlanchhuak zui nghal.




Ka ni te awmna kan thlenga, ka lo suangtuah aiin a nawm hmel daih. Hospital campus a zauh hmel bawk si chuta karah ala fai em em zui. Engkim ka vawikhat hmuhna vek ani bawk si chauh theihnghilh thakin ka hawikual nasa.




"Kha i chilthli a far dawn" ka hawilet vata omami alo nui vur vur.




Inchhungah kan inzui lut a, sofa-ah ka thuthla nghal hnawk. A chauhthlak bawk ani zankhua a motor chuan chu. Driver in ka bungrua vel chu a rawn thiar lut thung. Inti polite luiha thiarpui pawh ka thei thlawt lo. Ka chau em em ani tawp mai.




"Inbualfai ula chuan eitur kalo siam dawn nia" ka niin a rawn ti a. Kan room tur min kawhhmuhin choka lam min pansan nghal.





Muangchangin ka thawmhnaw hak tur leh towel ka phawrh a, omami ve thung chu khumah a bawk thlawp thung. A mawnga bensak thlawpin bathroom lam ka pansan nghal.




Tuivawt a ka inphuhtir chiah chu ka hahdam sawng sawngin ka hria. Ka ngaihtuah naah khapa Adrian-a kha a rawn lang zawk, ka thin a phu lehnghal dawt dawt thei. A mak kati. Nidang ve lem a insual ka hmuh reng renga hlau thin khan nichin thil thleng kha chu hlauh pawh hre miah lovin ka thlir ve reng ania. Ngaihtuah zawm duh lovin ka lu ka thing nawk nawk.




Omami intihfai ve chhungin ka pa ka call a, kawnglakah signal athat em em loh avang khan kan inbe mumal thei lo.




"Pa, kan thleng tawh aaa... Ka intifai zo deuh chiah"




Lehlam atanga ka pa aw ka hriat chuan ka mittui a tling nghal pam thei. "School i kal em?" A kal thu leh ka tel lo va a khawhar thu a rawn sawi ve luam. Keipawh ka khua a har a ka pa ka ngai bawk. In enkawl tha tur leh tha taka lehkha zir tur a min chah hnuin kan inbiakna kan ti tawp a. Phone ka dah a room atangin ka penchhuak nghal, mahni a ka awm hran rei chuan thil nilo lo ka ngaihtuah anga atha dawn miah lo. Omami pawh bathroom atangin a rawn chhuak ve chiah bawk.



Ka ni in dinning table ah eitur chhawp mial mial pahin min lo nuih var var a, ka nuih let ve suk ringawt. "In eitur ka peih tawh e" ka ni in a rawn tih ve leh ka thu thla nghal hmak mahse û te hman hma hma a lo ei thawt thawt kha chu a polite chiah lo va ka hriat avangin omami inpeih hun kalo nghak leh.




"Naktuk hi annual fest kha ani tawh aaa" thil kan ei mawlh mawlh laiin ka ni in arawn ti a. Omami a khek nghal raih. Engtin nge an hman pawh ka hre ve lo ve ah.




"Nikumah i haw chhohsan daih sia anuam asin aw" omami lam hawi pah chuan ka niin a rawn ti leh. "Tunah hei ka tawng fu tawh, ka hmaih dawn lo hrim hrim" omami'n arawn ti let ve vat. Hmmm an sawi hi engmah pawh ka hre ve lo veee...




Adrian POV
Kawngpui chara ka thutbehpa chu a hmaiah ka hneksak chawrh chawrh, nizana ka pa min tihdan avanga ka thinrimna zawng zawng kha hepa lakah hian hrikthlak ka tum a ni hrim.





Ka hnunglam atanga Adrian atawk tihpaha min rawn pawh thawh tumtu pawh chu engah mah ka ngai lo. Mahse min rawn pawh nawn leh avangin ka tho nghal. Nu sîni alo ni, min pawt bet nghal. An driver in ka sawisakpa chu a rawn tung tho zui nghal bawk a. Ngeiawm fahrana min rawn nuih deuh sakin a kalsawn nghal hmak. Ka che leh deuh hrut chu nu sîni bawkin min pawt bet leh nghal. Ka um zui a hlau animahna.




Ka hmazawna hmeichhe wipes pack rawn lektu chu ka en ngur. Ka thin ati phu rang thei nia tunge anih pawh ka hriat loh hian. Hetiang hian hmeichhe dang hmaah kala awm ngai lo. Hun reilote chhung hian amaha engkim ka hmuh tur awm ang chu ka hmu kim vek hman. Hmeichhe ngo ving veng, a sam dum tle siau chu a tawn kang vah bawk. A lian lem lo a mahse a hmeltha hle. A kuta wipes pack chu pawhthlak sakin ka nuih suk a, a mitmeng nalh zet chuan min en let ve kar. Takzet hian keihian ka va hmu kim hman em em ve.





A thil min pek pawh a inhrufai chuang lo chuan ka jacket ipte a thunin bike ka start a ka tlan chhuak nghal.




Min rawn enzui lo va ka hriat avangin amah hmuh theihna tur remchang laiah ka ding leh a ka hawi let leh vat. Car a athulut tur chu nui sen senin nu sîni lam a hawi leh, a hmeltha kati takzet ani. Enge ka hriat pawh ka hre hrep lo ve. Ka hmeichhe hriat ngai pawh nilo reilote chauh ka hmuh chu ka thlir zui vawng vawng aniaa...




An tlanliam thleng chuan ka thlir ta reng. Ka awm ka dawn vang vang a, ka vawikhat hmuhna a ka thinphu ti rang theitu hmeichhia ka la tawng lo. Khanu nen khan eng emaw tak kan la ni dawn tih ngaihtuah chungin ruatdikate hostel lampanin ka tlan chhuak lehnghal.




"Bawiha, insual ngawt hi i sim ngaiin ka hria i hmel iti khawlo zo vek dawn"ka hmai vel thi neng nung wipes a ka hruk mawlh mawlh lai chuan Ruatdikan nui hawk hawk chungin a rawn ti. Ani pawh hi insual lamah chuan hrat lo ani bik lo. Mahse hetia uang thuang deuh ah min tawngkhum hi a hrat ve hrim hrim. Keiai fe pawh hian a hrat zawk ang chu mawle. Anlo bial laih laih tawhnaah hichuan hmuh tur a awm ve thei ziah.




"Naktuk chu class kan thulh angai" hriatthiam loh hmel zetin a rawn hawi hu. "Annual fest kha" ka ti leh sup.




"Ngati teh thut nge kumdang pawn i kal duh ngai si lo va." A dik kumdang pawn ka kal ngai lo hrim hrim. Ka kal peih ngai lo a boring ka ti thin. Khatiang vela nerd ho zet zet te nen a hun hman aichuan thianho a zu in kha ka thlang ziah. Class kal tehi chu chhuanlam mai mai.




"Tunkum chu ka tel ve chak deuh mai mai mawle." A nuih a zat hmel em em zui.




Kha hmeichhia kha a kal ka rin tlat vang ania tun tum a kal ka rawt chhan pawh. Hmuh leh chakna in a turin min tur tlat miau a. Nu sîni te inah engmah tih tur nei lovin ka kal ngawt thei bawk si lo.




"Anihchuan Nan-i pawh sawm ve ila, tumdangah pawh tel ve chhin a chak thu a sawi thin kha" tul ka va ti lem lo tak mahse engmah phei chu ka sawichhuak chuang lem lo. "I thu thu" kati ta ringawt.



"I pa a awm dawn em?" a rawn ti leh. "Dawn lo" kan inchhang tawi tek tawk viau.




"That hlauh chu, i pa a awm chuan peih lo sa ka nia, bakah in in a lokal a nuam lo" ka pa hi a hlau kati dawn nge keimah vang zawk pawh ka hre lo abula awm hi a hreh ve em em ringawt. Ka thian kawm ve te hrim hrim hian tuman an nel lo. Mahse ka nu chu fel anti viau thung.




"Chhuak ila" a rawn ti leh. "Va insiam rawh" kalo ti hmuk.




Kalna tur em em pawh hre chuang lovin kan inphur kual nileng zak. Vawiin chu rui miah lovin ni ka hmang liam ve teh mial bawk. Khaw thim thet thetin Ruatdika an hostel lamah ka thlah leh a. Inlam panin ka inkhalh haw veleh nghal.




Campus pawnlama thilzawrhna hmunah kha hmeichhe te reuhte kha ka va hmu, ka bike remchang laiah ti dingin ka thlir deuh vung vung a.Tun ang hunah amah chauh leh nghalin a chhuah reng reng ni. Eng eng emaw khai bawr teuhin kawngpui sirah kawngpui a kan theih hun nghakin a ding deuh vang vang a, ka tum aihma in ka hmu leh ta. A sam tawn tawh lovin a thlah ngil siau a. Pajama thawl lam deuh ha in tshirt var a taksa phuar lam mah a ha bawk. Ama tawkah a awmbawr pawh a kawh ve lah mai. Enge maw ka ngaihtuah leh tak ni. Kawngpui leh lamah ding mah ni ila ka hmu chiang thei viau. Kan duhnaah hichuan kan mit hi alo tha khawp.




A sam hui chho deuh papa a rawn kal phei tur chiah chu vai hmelchhe zet hian a banah a pawt let nghal sawk. Hlauh hmel fe in a te nghal chul a an kiang vel a ding techuan puih pawh tum lem chuang lovin an thlir thap ringawt mawle. Mawl hlawm leh lutuk.




Engtik laiin nge an bul ka thlen hman pawh ka hre lo. A ban a pawt tlat tu chu ka hnek thal nghal thuai. Rawn hawi chhuak zawkin min hmu chu thawveng nghal huai hmel a pu. Vawiin lama kan inhmuhdan duhawm viau lo mahse a mitmenga a thlamuanna rawn lang khan min la hria tih ka hre thei.




"I tha em" kati nghal sup a. A that thu in min chhang ve mai bawk. Mahse a thawk ran danah ala hlau tih ka hre thei mai. A thil khailai leia a thlauh chharsak vutin a banrekah ka chelh a a khur tih ka hre thei. A banreka chelh reng chungin kawngpui ka kan pui a. Ka pen pawk pawk chu ka hnungah min rawn zui ve det det. Eng emaw zawng tak chuan anuam vei phian.




Ka bike chu tikhian lo awm hrih mai rawh se chahbi ka phawi tho bawka bakah security an ding hnai tho a tuman an khawih ngam lo turah ngai ang. An in thleng thlahna chance animai. Bawh phelh ka tum teuh lo.




A banrek ka vawnna pawh chu thlah chuang lovin main gate ka pen luhpui vut a. Ani pawn tal chhuah atum chuang bik lo. Ka kal ang ang chuan min rawn zui ve tawp.




Ka kawr hnungah a rawn pawt deuh det det a, a lam hawi pah chuan "tinge" kati sup. "I kal chak lutuk ka hah" thaw deuh hliam hliam chungin a rawn ti. Keimah chauh kalo inngaihtuah animaw. Ka kal chak anga kal chak ve thei turah kalo ngai ringawt pek ava zialo thei.




Nu sîni te kawt kan thlenin ka ding a mahse a banrek ka vawnna kala thlah chuang lo. Hetia ka bulhnaiha a din hian ka thinphu a rang nghal dawt dawt zel mak ve tak a ni. "Tinge zanah nangmah chauhin i chhuah a him lo" ka ti chang fak. Zanlamah a kal chhuah avangin ka thin arim ve ringawt anih chu. Enge maw ka hriat hrep ni. Nge vawiin chawhma lam chauh a ka hmuh hmeichhe tereuhte hi ka ta chei nghal ringawt tawh zawk pawh ka hre lo. Mahse a pawi chai hleinem ka taah kala siam dawn tho. Kan thinlungin kan duh a hmuhna tur chuan hun tam pawh alo ngai lo anih dawn hi.




Inthlahrun hmel dek tehian "zana eitur ka lei a, omami alo kal ve peih si lo va" a rawn ti sep.




"Zanah hmeichhia mahni chauhin kal chhuah tawh lo tur aw" ka ti dam thluam. A bu nghauh nghauh. A thil lei ka khaisak a rawn ban a ka pe ve mai bawk. A banrek ka chelhna pawh ka phelh nghal riai riai.




Min rawn chhoh melh leh kiauin "ka lawm lutuk aw min puih avangin" a rawn ti leh sep. Ka lo nuih suk.





In herin inchhunglam panin a kal nghal a, a luhfel hma chu hnunglam atangin ka thlir reng ringawt. A banrek ka vawnna ka kut chu ka lek kang a ka nui vur vur. A va han hoh theih tak em. Tlangvala pumpa mahni kut thlir chungin ka nui vur vur chu ani sia.




"Zomuanpui mi mak tak ini " Ka rilru in kati mawlh mawlh. Hmeichhia serious taka inzawmna siampui ngai lo khan kha hmeichhe tereuhte vang khan ngaihzawng pangngai neih ve chakna min pe ania. Thil mak ani thil mak. Mahse chu chu ka tihlawhtling dawn ani tawp. Engpawh ka tih ngai dawn se.




Ka bike han la lehin inlam ka pan ve nghal a. Ka pa chu awm se tun ang la hma lutukah hian inah ka haw awm der si lo.




Inchhungah lutin living room lam ka pan nghal vut a. Ka nu leh kan nula in TV anlo la en. Ka nu in min rawn hmu thut chu mak atih hmel khawp. Mak alo tih nih pawn a awm lo hran lo tun ang hunah a fapa hi inah ka awm ngai miau lo. "Bawiha ilo va haw hma ve" a rawn ti hluai. A hmelah hlim hmel a rawn lang nghal. A fapa hi zanrei tak tak thleng rui chunga teichhuakin ka insual fo bawk. Ka pa nen tuk thatni kan hmu ngai lo. Chu chuan ka nu rilru a tihah viau tih ka hre kar bawk. Mahse sim tumna ka nei ngai lo.




"Nu" kati deuh hluaia, a rawn hawi nghal vat. "Angai leh lo mai, ka room lamah ka chho ania" tihpahin ka pen sawn nghal vut, min rawn au zui lehin " Chaw i ei dawn lo ami" a rawn ti lang lang a, ka ril atam loh thu in ka chhang nghal vat. Nu sîni te nau chungchang kha zawh ka tum deuh ut ut hman kha ania mahse kati ta em lo. Keiman ka zawng chhuak ve tawh mai ang chu.





Sawmtei POV

Adrian kha lo kal lo tase engtin nge ka awm ang le. Ka ngaihtuah zawng pawn ka thin aphu nghal dawt dawt thei. A rawn kal hlauh kha ka lawm takzet. Ka lawm zia kha sawifiah dan pawh ka thiam lo zawk. Vawikhat mah keimah chauh chuan zanah ka chhuak tawh ngai lovang. Ahmel ka hmuh ruala ka thlamuan nghal zia tekha sawichhuah thiam theih pawh anilo.




Inchhung lut mai lovin kawngkhar bulah ka ding leh ren rawn a, ka awm ka dawm a ala phu dawt dawt thei. Ka banrek Adrian min vawnna lai lek kangin ka en a ka nui var var mai. A bula awm thlamuanthlak zia kha ka him hliah hliah khan ka hria.




Inchhung ka pen luta kani leh omami'n TV anlo en a, ka ni pasal pawh an room atangin a rawn chhuak ve chiah. Ka ni pasal hi neurologist ani a, a alarin pantu pawh angah thin tihkha ka pa khan asawi tawh tak e. Pa thau tawi lampang hi ania. A dul a kiar em em bawk. A hmel ka ten chi tak mahse sawichhuah chi ani teuh lo. Min buaipuitu tur berte an ni dawn si. Awh vai anih thu kan sawi tel leh ram ange.




Ka thil lei ho pawh dah lem chuang lovin ka ni te thutna lam ka pan a, omami bula thutna awlah ka thu thla ve nghal that.




Ka thu fel chiah tihin ka ni pasal pawh ka ni bulah a rawn thu thla ve nghal a. Ka ni in "i patea hi rawn chibai rawh le" arawn ti a. An thutna lam panin ka va chibai ve mai. Ka kut nghet zeta lo vuan chungin min nuih suk. Mizo tawng pai zet hian ka hming a rawn lam sup. "I dam maw pate" kati satliah ringawt."




"Ka dam e" a rawn ti ve mai bawk a. Ka duhaiin ka kut a vuan rei. Ka pawt let deuh det a arawn thlah ve mai bawk.




Ka ni dinner siam turin a tho chhuak vat a, ka zui ve nghal. Inchhung chet hi ka tih than anih avang hian khawiah pawh awm ila lo thut mai hi ka thiam lo. Omami erawh patea nen an titi tui hmel viau. Ka ni pawh hian a phut lem lo aniang.





Ka ni in eitur plate a a suahchhuah sa ho chu table ah kalo chhawp ve nghal zung zung a, lo thu mai mai rawh i chau ang atih pawn ka nui liam vel mai mai.




Ka ni te dinner ei hun leh kan ei hun a in ang lo nasa ropui mai sia ka in siamrem ve fe chu angai dawn anih hi. Kan thlen tirha thil kan ei bak kha engmah kala ei lo ania. Tunah dar riat a pel tawh ania, ka dil atam hman tawh zia chu. Ka la tlangnel lutuk lo bawk nen ka sawi ngam chuang bawk si lo.





Kan eikhamin ka ni ka pui leh a, polite taka thut khawmuan leh pawh ka duh viau a mahse mut ka chak tawh lutuk tlat. Ka inphihfai zung zung a kan room tur lam panin ka mu nghal hmak. Omami erawh ala meng thung.




"Khawngaihin min tina suh" ka thusawi engmah ngai lo zet chuan ka hnute a rawn tham nawk nawk a, ka kekawr kawng rawn zen atum chu ka tal nghal phat. Thaah ka hneh lo nasa mai bawk si. Hetiang chuan ka tang reng thei dawn lo.




Thaw ham hamin min rawn fawh a tum leh a, mahse kalo thlek tawn ve sek avangin min fawp thei bik lo. "Khawngaihin" ka ti leh tiau, mahse ngai pawimawh lo zet hian min hrawm tawn tawn hi ani hrim. Ka bekah ka mittui a luang zung zung.




"Khawngaihin tu emaw tal khan min rawn pui teh u. Awm in awm em? Min pui hram ru" ka aw pawh achhuak hlei thei tawh lo.
Ka ka eng emaw hian arawn hnawh zui hmak bawk. "Pa, min pui rawh, khawngaihin pa" ka rilru in ka pa ka au mawlh mawlh. Abak tih theih dang ka nei tawh lo. Hetiang hi ka tawpna ni turin ka duh lo.




Ka tal leh phat a, athinin a tuar tawh lo aniang ka bekah ari chawrh a, ana lutuk. Ka ral riai a a thim ta vek.









Min lo chhiarsak te inlo awm ve hlauh anih chuan a boring in tih leh tih loh ka hre chak tawp🤭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:47 pm

ERES MI VIDA(You are my life)




Ka story chhiar tura ilo luh avangin ka lawm eee🥰
I PURPLE YOU💜💜💜💜💜💜💜




Chapter-5





"Mali... Mali... Hey harh teh...Malsawmkim harh rawh." Min rawn sawi nawk nawk.



Ka meng nghal kawk. Thlantuiin min bual huh hluam a chuan ka thin phu arang zaih zaih hle bawk. A taka thleng amaw kati hman tawh. Ka hawi kual nghal ruai a. Mahse mumang lek alo ni sia. Atak ang maiin ka feel thei.




"Mangchhia i mang ami" hlauhthawm hmel fe in omami'n a rawn ti nghal a. A hmel ka va en a ahlauhthawn hmel tak tak. Tawng pawh ka tawng chhuak mai thei lo. Min sual tawh dawn amaw kati hman a, mahse ka mumang lek. Ka hlauhna abo chuang lo. Ka thauah mi man ka khur nghal dawt dawt thei.




"I rawn tap chhuak a, I tal nasa bawk sia min ti hlauthawng hman alawm. I mumangah chuan enge i hmuh a" arawn ti leh.




Ka inhnit nghal hlawp hlawp. Ka chhang thei lo. Min rawn kuahin dim te te in ka hnung a chul nghal hauh hauh bawk. Ka tah a chhuak zual sauh mai bawk si. Khatiang kha ka chunga thleng turin ka duh lo mumanga hmuh pawh ka duh chuang lo. Mahse ka hmu tho si. Ka mangan hman zia kha.




"Ihhh.... Min sual atum" ka ti tiau. "Tuin?" a rawn ti let vat a. Mahse a hmel kha ka hmuh theih loh avangin ka hriat loh thu in ka chhang.




Rei tawk fang ka tah khum hnuin min kuahna a phelh a. " I zia deuh tawh em? Mumang mai mai anihkha hlau suh aw I bulah ka awm tlat hi" a rawn ti leh. Tlem chuan ka zia ve deuhin ka hria.





Ka mumang kha puitlinin ataka thleng nita se dam zui chakna ka neih pawh ka ring tawh lo. Dam leh aichuan thih law law ka thlang zawk ang mahni nunna lak hial pawh. Pawngsual tawk tehi kalo hre ve fo tawh a. An nunna la mahse ka dem ta miah lo,alo hrehawm dawn em asin..mahse mahni nunna lak chu an thlarau kalna tur a chiangsa vek tho bawk si. Kumkhuaa ser reh thei tawh lo an pai tawh dawn ania. Anihloh pawn atakah tawk ta ila ka nunna ka lak kher ngai lovin min that nghal law law se ka duh zawk ngei ang.





"Mu rawh le kalo veng ang che" omami'n arawn ti leh a, ka muthla veleh nghal mai bawk a. Blanket min rawn sin that tirin arawn mutthla zui ve nghal. Bet deuhin ka mu thei chuang lo. Ka maimitchhinin ka mumang kha a rawn lang leh zel. Ka maimitchhing ngam lo chu a ni ber e. Ka taksa hi a tang deuh tung thei. Ka thuchhuak leh ta nge nge. Omami lam ka hawi a ka veng ang che tisi a hnar leh thlurh thlurh tawh. Min ven ve dan chuleh amak ania. Mahse kaihthawh leh kher pawh ka tum tawh chuang lo a chau ve tho tih ka hre kar.




Ka phone lukham sir a ka dah ka ban a darzat ka en chuan zinglam darkhat alo ri va tawh. Ka muthlih theih pawh ka ring tawh lo. Khum lu lamah lukham dah belhin ka thu mu a, ka meng tlang ta thak. Shillong-a ka zankhat hun hmannaah zantir lamteah mi tihbuai ka tawk a chuan tunah mumang rapthlak deuh ka mang lehnghal bawk aniaaa... Thilmak tak chu ani. Ka chungah hian thil rapthlak deuh a thleng dawn anianga tih thlengin ka ngaihtuah kual hman vek. Mahse chu chu thleng tak tak turin ka duh chuang bawk si lo.




Curtain zar phui lo atangin ni zung a rawn lut iarh tawh a thawhchhuah tumin ka inbengkang deuh uk uk hman mahse thawm ala reh viau bawk sia. Midang anla tho lo anih ka ring. Harh kur chunga inkhung reng chu ninawm tak ani. Omami ve thung chu ala thaw sak sak mai. Mut hi khawi hmunah pawh hian a thei ve ngawt mai. Tunah tak phei hi chuan ka awt letling zawk. Nizan hmasa motor ka chuang chau nen kan thlenin kan mu leh ta miah bawk silo. Nizanah ka mu leh mang bawk silo ka mitmen anawm loh zia chu pui tak a ni. Ka meng thial urh mai chuan ka lu anuam vak lo bawk lehnghal. Nachhawkna eng emaw tak chu ei mai ila a pawi ka ring chiah lo.





Rei fe khuma ka thut leh hnuin thawm a rawm awm rak rak a, midang an tho ve thawh anih ringin khum ka thawh chhuahsan nghal a. Bathroom-ah lut hmasa zetin ka inphihfai leh a choka lam ka pan ve nghal.





"Sawmte i mutui em?" Ka niin min hmuh veleh alo ti nghal zat a. Nizan ka mumang ka hrechhuak leh nghal zawk. Ka mit ka chhing deuh sawk a, hmel hlim lo hmuh palh ka hlau lutuk angaih atha dawn silo. Ka ni en kar a nui var varin ka muttui thu in ka chhang ve mai. A nihna takah chuan ka mumang lo zawk kha nia mahse sawichhuah kher kha tul kati lem lo. Mumang mai mai a midang tihbuai ka duh lo.





No dawm vangin "Green tea i in ve dawn em" a rawn ti sawt sawt a. "Tuilum ka in zawk ang a theih chuan" ka tilet ve nghal. Electric kettle lam kawkin "a awm sa no la la lo inthlit ve mai rawh aw" a rawn ti nghal vat.




"Sawmte breakfast hi mizo chaw pangngai kan ei ngai lo va i ei ve thei tho ang tiraw" a rawn ti lehnghal zat. Ka meng kawk, engtin nge ka awm anga riltam vangin ka chhe vek thei ang. Mahse in adjust thei lo nih ka duh bik bawk silo. Duh leh ka tam tamin ka tam ve tawh mai ang. Chips tepawh ka ei tawh mai ang chu. Nizana ka thillei ka hrechhuak nghal zawk. Ka mut dawn khan ka khailut miah lo. Ka thutna hmunah khan ka kalsan tawp ani ngei ang.





"Aw ka thei mai ang" Kati satliah ringawt. Theih ka tum ve mai aniang chu. A pasal vai ni bawk si chu mizo chaw an ei vak kha a rinawm loh reng ani.





"Zing lamah hian light deuh hlekin kan ei a, lunch chu chaw pangngai mahse mizo chawhmeh kan siam ngai lo tluk ania ka chak chang zeuh a ka siam te anih loh chuan, chuan dinner chu i hriat tawh kha" arawn ti leh zat zat. Ka bu liam vel mai mai. Ka in adjust feee chu angai dawn anih hi. "Chuan i patea hi zunthlum nei ani bawk sia thil mawm leh thlum hi kan ei nasa lutuk lo bawk a" Lehzel chuan. A nihtak chuuu i pasal hmelchhiat chhiat nen tih ka chak mahse ka ti ta em lo. Han ti ngat ila engtin nge min tih ang le. Min khawngthlu tawp duhin ka ring.





"I pa chu a hriselna atha ang chu tiraw" A that thu in ka chhang a. "Kan inhmuh lohna a rei ve tawh a hmuh ka chak a ka ngai ve thei lutuk asin" A rawn ti leh a.
"Ka pa pawn a sawi reng thin cheu sin. Chuan remchang hmasa berah tlawh tur cheu in kalo kal ang ati bawk a" Ka ti ve luam. "I nu i chhun in nula hmeltha tak i ni" a rawn ti hluai.




"A nulat lai khan nula hmeltha tak a ni thin a ipa nen an inneih hnu thleng pawh khan hmeltha ti tu hi a ngah thin asin. Kawm tepawh kan inkawm ve thin bawk a. Mahse kum naupangte khan a hrisel lo thei lutuk kha ania. I pian hnu ngat phei kha chuan dam ni hmel a hmu lo ang tluk kha ania."





"Anihchuan keimah min neih vang a hrisel lo ami" Ka lo ti vat.




Sawi sual intih hmel fe hian "aih chutiang anilo inu kha chu a hriselna kha atha vak lo hrim hrim alawm" mitmeng pha deuh dui hian a rawn ti let ve nghal a. Mahse ka ngaih atha chuang lo. Ka pian atanga dam ni hmel a hmu mang lo anihchuan keimah vang ani hrim hrim ang. Mahse ka pa hian tinge engmah min hrilh ngai loh. Kala zawh ngei chu angai dawn khawp heti ringawt techuan nuam kati ta miah lo.





An nula a rawn thlenga engmah kan sawi zui talo. Breakfast an buatsaih dun nghal a. A pasal pawh choka lamah tawnzau laipawng lang huarin kekawrbul nen a rawn pen lut ve awi khawvel ramzauah hian a chhe ber awm eeeee....Ka ni hi a hmelthat tehreng nen engtin nge A duh theih le ka ti.





"Baby, please give me green tea" a rawn ti nem duai. Ka luak ati chhuak. A rawn meng please vel ka ni biangah ala fawp zui, an nula nen kan awm ve reng lai hian. Ka ni lawm tawk a tling em em mai ni anui hawr hawr alawm. Ka niin lo nghak tur a a hrilh hnuin choka atanga apen chhuak tur chu "good morning" tihpahin min rawn nuih suk. Ka nuih let ve sak mahse ka chhang let peih lo.





A mak hi ka ti ve tawp hetiang hian mi ka vawikhat hmuhna a ngei hi ka neih ngai awm pawh ka hre lo reng reng. Mahse ka ni pasal hi chu ka ngei tlat alawm. Keimah hi ka sual zawk nge pawh ka hre tawh lo veee....





Engmah tih tur ka nei ve bawk silo chu hrehawm ka ti zawk. Kan inchhungah khan keimah hlir kha chetu kha ka nia awm mai mai hrehawm kati. Puih ve ka tum lahin an phal tlat bawk si lo.





"Ni campus vel hi ka fangkual thei angem" Ka ti ta ringawt. "Aw hei i patea rawn pe pah bawk la aw chuan kal hla lo la. Inbul hnaih lam kha i duh leh enkual la" a rawn ti let ve nghal a.




An pa green tea chawi chhuak chungin choka atangin ka chhuak nghal vat a. Living room lam ka pana sofa a thu chungin newspaper alo chhiar mek. "Pate, here's your green tea" tihpahin a thutna bula side table ah chuan ka hunsak nghal. "Thank you" a rawn ti sup.
Inherin kawngka lam ka pan chu min rawn ko leh, what??? tih nghek ka chak zia chu ah. A newspaper chhiarlai dahthlak pahin "where are you going?" a rawn ti leh hram. Chhan loh ka chak mahse thil tih chi a ni si lo. "I'm going out to get some fresh air" Ka ti ve mai bawk a. Ala rawn nui leh suk zui. In her hmakin khawngkhar ka hawnga pawnlam ka pan nghal.




Pawn boruak nawm zia mai chu thlifim a thaw heuh heuh lehnghal a. Ka hmalamah kawngpui a awm phei zui a, chuan chhaklamah a awm chho zui bawk. Ka ni te awmna luh hma chiah hian security duty na hmun tur sirlam deuhah inte ang reng deuh hi a awm ve bawk a. Chuta tang chuan thlanglam panna turin kawngpui a awm thla zui a chhaklam hawi zawngin main gate panna tur a awm bawk. Main gate panna kawngpui chhak lamah building a ding luah bawk. A then chu dawr leh guest house te niin ka hria ka hmuchiang thei vak lo. A lai tak kawngpui awm phei chu hospital panna ani bawk a. Ka ni te in atang pawh hian hospital chu alang chiang viau ani. Thingkung a ding seng sung a chuan thingbuk hniam te te enkawl uluk tih hriat ngawih ngawih hi a awm fer fur bawk. Ka hmuh theih chin zawng pawh hi a nawm hmel ani tawp mai. Ka hmalama kawngpui chu ka zawh ve tawp a. Ka ni khan kal hla vak lo tur khan min ti bawk si, mahse kal hla tur pawn a hmun kala hre chiang lo hrim hrim bawk a. Nakinah min fankual pui vek turin ka la tileh tho ang.




Ka hmuh theih chin zawng chu a fai em em ani tawp. An enkawl uluk hle aniang. Kawngpui hrulah thinkung a awm phei thluah. A boruak a thianghlim hi ani tawp mai. Campus chhunga building sak dan lah analh kati bawk. A lên zel hian a awm deuh thlap.



Hawi hu hu chungin kalkawng pawh en lem chuang lovin ka kal zel a. Eng emaw ka pal a kawngpui charah ka tlu bawk khup thlawrh anih chu. Ka ban athip zawk thei"Anaaaa" kati thawt. Ka ban ka en a ka kiu hnuai a pilh phung thei. A thip lutuk.





Rang deuhin ka thuchhuak nghala. Min lo hmutu awm ta se an nuih aza dawn chiang lutuk. Nula pumpa ka tlu bawk khup thlawrh ania nuih loh chi ani dawn lo hrim hrim. Min hmutu an awm leh awm loh en tura ka hawichhuak chu ka hmaah Adrian kha alo ding reng. Awi ka zak lutuk min hmuchiang dawn ropui lutuk. A nuih ala zat hmel em em zui,ka zak ka hmai asen vekin ka ring.. A thawmhnaw inbel kalo en leh hman vek tawh thung. Kekawrbul dum ha in tshirt var sar a ha a, awm hmun slipper a bun bawk. A hmel a chhe lo va tha deuha sawi tur ani chuang lo. Mahse a pa ngawih ngawih. Ka va enchik hman em em tak a zahthlak zawk.





A rawn thuhniam ve nghal a, "i insawhna viau em?" a rawn ti sup.





"A... a... a... aih nalo" kati bah nawk nawk. Ka thin a phu leh dawt dawt tawh bawk. Hahthlak thin. Enge maw hepa ka hmuh apiang hian hetia ka awm ve ziah le.




Ka ban a rawn thlek vut a a chek tlak tlak. A nuihza hmel kha abo nghal vek. Mahse ahmel hmuh anuam adam thluam thung. "A thip viau ang" a rawn ti sup.




Ka dar tawn tawn a min vuan chungin min tung tho nghal nawlh. Ka te ve bawka min zo nawlh nawlh khawp mahse amah a palian ve hrim hrim bawk a.




"Khawnge i kal dawn?" a rawn ti leh sup. En chho ve karin "ka enkual" ka ti sep.





"Kalpahin hawi hu hu loh tur kalna tur en thin tur" arawn ti dam leh thlap. "Ka kalna tur te chu ka en ve reng" kalo ti let hlar. "i en lo chu anihkha" nui tel suk chungin a rawn ti leh kher. "Nui bawk suh" kalo ti let hlar thung. A nuih azat hmel tulh tulh lehnghal. Mahni lo mah a zah ve nak alaiin chutia intih leh kher.




Ka ban na lo lama vawn pah chuan "lokal rawh damdawi kan hnawih dawn nia" tih sup pahin min pen pui nghal pawk pawk a. A kal chak thei si a mah angin ka bawp a sei ve lo va ka pen hlawk ve thei lo tih te chu a hre ve reng ka pumrua atang ringawt pawh hian.





"I kal chak thei si" ka ti hlak. Rawn hawi letin "sorry" tih sup pahin muang deuh zawkin ka pen chak theih ang tawk turin a rawn insiamrem ve mai bawk a.




"Khawiah nge min hruai i tum?"engmah ka sawi ve hmain min pen pui nghal hlawk hlawk kha nia. " Kan inah"a ti tawi tak.




"Hey, min thlah rawh ka duh reng reng lo ania aw, keimah pawn ka inbuaipui ve thei reng" ka phi nghal cheng. An in a kal ka duh reng reng lo. Hepa hi enge maw a hriat ni. "Hun a awm tawh lo, min zui mai rawh" tih sup pahin an in kawtzawl ni awm takah min kai phei nghal dawr dawr. An in a kal ka duh lo takzet. Thian hnai tak pawh kan ni lo va nimina atanga ka hriat chauh ala ni zui...aaa zui haw nghal ngawt ka duh teuh lo. Ka tang ve tang tang chung pawhin a penkhat pawh atih bahlah phah chuang hlek lo lehnghal.




Kawngka a pawt hawng nghal pawp a, inchungah min kai lut nghal dawr dawr. Inchhung kan lut ta sa sa duh lo teh mahila tihngaihna a awm tawh chuang lo.




Living room lamah min kai phei nghal dawt dawtin "tahkhan lo thu rawh damdawi ka rawn la ang" tihpahin sofa lam melh zauhin a pensawn nghal vut. Ka hawikual hu hu lehpek tawh. An in chu ka ni te in aife in a zau a a changkang zawk bawk. Chhawnghnih niin living room leh an choka niawm tak inkar awl zau laiah inchung kal chhohna turin step nalh zet a awm chho ruah bawk. An inchhung bungrua ka hmuh theih chin chu a changkangin a man a tlawm dawn lo tih hi a hriat hliah hliah. Ka ni te in kha chu chhungkaw hnih luah tur hrim hrim a duan anih ka ring floor hnuai zawk an luah a, a chung zawk midangin an luah ve thung. Mahse a nuam em em tho.




Damdawi nen a rawn let lehin ka thutna hmaah tak rawn thingthiin damdawi chhin a herh hawng nghal mawlh mawlh a. Hmet chhuakin ka ban na lam rawn ban vutin a rawn hnawih nghal. A thip deuh zawk chu ka phu chiam leh pek a. Min rawn en vutin"ana ami" a rawn ti sup. Ka lu ka lo bu nghat nghat.




A pilh lai chu damdawi rawn hnawih kualin a chhem tel hauh hauh bawk a. Ka awmdan a dik lo ka zam em em ringawt. Min hnaih lutuk bawk si. Ka lungphu ri dawt dawt tehi a hre pha vek ang. Ka aw ka thian kharh kharh a, min rawn en vutin "ana ami" a rawn ti leh. Tawng pawh ka tawng chhuak thei lo ka lu ka thing ringawt. Tawng chhuak dawn pawh ni ila ka dang a awk vek tho ang. Hepa mi uap hi ana lutuk tlat.




"Bawiha engti zaizia nge?" kan hawichuak dun nghal. Nu telam hmeltha veng tarmit bun hi kan thutna lam panin a rawn kal phei a. A nu anih kalo ring ve nghal ngawt pek, anu anihloh pawn a nutei tal aniang an in ang emai kalo ti rilru nauh nauh.





"A tlusual a damdawi kalo hnawihsak anih hi" ati vut. " Nu nangman han hnawihsak zawk teh ka hnawih na ati zel" tih leh thawh a rual nghal.





"Eheee!!! I va tlu na awm em em ve... " Adrian nu chuan a rawn ti dam thluam. A aw ngaihno a bei hriat anuam lutuk. Adrian nu chuan damdawi min rawih hnawih chhunzawmsak nghal mawlh mawlh a. Adrian ai chuan a kut a dam zawk.





Damdawi chhin mawlh mawlh pahin "Chuan engtin nge i tluk sual reng renga?" a rawn ti dam leh thlap. Chhang tura ka an ziau laiin Adrian bawkin chimawm zeta min melh chungin "kalkawng a en lo" nui suk chungin a rawn ti anihchu. Ka melh rum tha teh e. Ka melh rum ve na techu engah mah angai lo ala kiai suk zui a, ka va han beng chak ber tak.





"Bawihi khawia awm nge i nih?" Adrian nu bawk chuan a rawn ti leh a. "Sîni hi ka ni ania chuan an bulah ka awm a" Kalo ti tha ve mai bawk a.






"Eeee ni dawn tak an nau heta college zawm tur asawi kha ini ang maw" Ka lu buk nghut nghut pahin ka nih thu in ka chhang vat a. "Chuan enge i hming?" a rawn ti leh nghal zat. "Malsawmkimi, sawmte tiin min ko thin aa" min en chiang em em mai bawk sia ka zam lek lek.





Kan ngawih vung vung hnu in "i hmel atha hle mai" a rawn tichhuak hluai. Ka lai lutuk chu ka lei ka chhuah tet ringawt. Min nuih var var. A fel hmel tak zet.




"Bawiha khawnge i thil lei chu" Adrian melh chung chuan anu chuan a rawn ti. "Ka la lei lo" teh tawp chuan ava chhang bung tak.




"Anihchuan kal ta che tukin chu kan chet hmanhmawh angai ania."





"Keipawh ka haw dawn" tih pahin ka ding nghal hluai. Awi ka tawngkamte ka va han mawl hmel dawn tak. Mahse enge ni chuang abak sawi tur dang ka hre miau si lova. Adrian nu pawn mak ati deuh aniang min en deuh hu. Mahse engmah a sawi lem chuang lo.





Adrian nu nen kawngka lam panin kan inzui phei a. Kan hnungah Adrian pawn min rawn zui ve mai. "Sawmte, kan in i hre tawh bawk a ilo leng fo dawn nia aw" a rawn ti dam thluam. A aw chhuak hi rei lote chhung ni mahse ngaihthlak anuam ka ti takzet.





"Awle tehreng mai, min lo buaipuia ka lawm lutuk" nui var varin ka ti let ve nghal zat a. Adrian nu inchhunglam a luh leh tak hnuin hmanhmawh tawkin ka pen nghal hlawk hlawk. Ka hnunglama Adrian nui hawk hawk ri pawh ka hre reng mahse nichin thil thleng avang khan ka zak lutuk hawi pawh ka hawi let duh lo hrim hrim. Ka tluk dan mawlh tekha awi min hmuchiang si ka zak ngawih ngawih hi ni tawp.




In ka thlenin breakfast tur anlo peih vek tawh a omami pawh alo thu bui luk tawh. Ka ni pasal thung chu lo ei hmasain hospital lam apan tawh thung.





Ka ni in ka ban arawn hmuhin a chiau nghal chul. Hmeichhia hi chu kan heti tlat zel. Engtia ka tihnat nge tih min zawt chul a. Ka tluk thu leh anat vak loh thu in ka chhang ve mai.




Breakfast kan ei zawhin inbual turin bathroom lam ka pan nghala. Ka ban chu ka tih huh chuan athip dawn ropui sia mahse tih huh loh theih ani dawn bawk silo. Buaithlak lo hawi hu hu lo ila tha tur kha nia.




Ka niin ka inbual zawhin damdawi min hnawihsak leh thuak thuak a. Ala hlimchhawn bawka a thip veng veng thei.





Thawmhnaw hak tur ka va hre lo tak. "Ni enge ha ila tha ang" ka ni au lang langin ka zawt ta tawp. Inchei dan tur bik tekha alo awm takin tih thil thu ah. Ka ni kan room a rawn lutin " Mizo thuamhnaw i rawn keng em?" Puanchei, kawrchei leh hmar âm ka ken thu in kalo chhang nghal vat. "I rawn ken ho chu i duh zawk zawk chu bih la kawrchei chu ha mai rawh" arawn ti ve nghal vat a. A remchang hi kan ti khawp mai ah. Bakah kan mizo thuam hi analh a khawi hmunah pawh hian ha ila azahpuiawm loh in a changkang hi kati ru ve thei lutuk.





Nidang ang tho in make up ka hmang chiam peih chuang lo. Mascara ka mitah ka hnawih a, ka hmui erawh ka hnawih sen hlar thung. Ka hmai ka chei zawhin ka sam ka dry leh zung zung a ahmawrlam ka ti kawi deuh ngiaia. Hetianga ka sam ka tih hian ka confi thin.





Hmar âm ka khup khuh lo vel chiah chiahin ka bih a, puan hrim hrim hi ka bih ngheh theih loh avangin belt sinte hi ka hren tel ngei ngei zel angai. Kawrchei duh ang tawka fit a ka thui tir inthawlh leh tawp bawk. Puan bih reng reng a top hak fual deuh hi nalh ka tih lem loh avang hian ka kawrchei pawh hi chhing lam hretin ka thuitir kha ania. Mahse nalh ka ti fe zawk fual per pur mawng khuh dawn dawn hak aichuan a felfai kati zawk bawk.





Ka pheikhawk hook closer transparent silver rawng duk lam pawl mah 3inch vela sang chu ka bun leh nghal bawk a. Ka ke a nail polish sen ka inhnawih nen phei chuan ka ke alang no zualin ka hria. Ka bag lian vak lo khuma ka dah chhuah sa chu banin ka mamawh tur zualpui ka khung khawm rak rak a. Ka insiam zo chu ani der. Nidang aiin ka in uluk bawka tlem chuan ka insiam rei ve deuhin ka hria.




Adrian POV
Hun boring tak ka hmang hi ani hrim. Ruatdika lah nula an awm tawh phawtna hmun hi chu nuam ati thei em em zel a. Ka kalchhan ka hmuh chak ber lah hnunglam atang bakin ka hmu leh thei chuang lo. "Chhuak ang ka ning" Ruatdika beng bulah ka va ti sup a. "Ala nuam alawm" ala rawn ti sam et zui. Hetiang programme boring lutuk hi nuam ati thei ania.




"Lo chhuak mai rawh" tih deuh hrawk pahin ka tho nghal vut.








Boring intih loh hram ka beisei🤭🤭
Nakzanah awl lovin chapter thar lo dah ila inchhiar peih angem.....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:48 pm

ERES MI VIDA(You are my life)






Ka story chhiar tura ilo luh avangin ka lawm eee🥰
I PURPLE YOU💜💜💜💜💜💜💜





Chapter-6





Hall atangin ka pen chhuak nghal pawk pawk a, Ruatdika pawn min rawn zui ve mai bawk. Ka tel lovin a thut reng peih kha ka ring lo reng ani.





Ka hmuh chak ber pawh hmu leh thei chuang silo khan khatiang programme boring zetah khan eng vangin nge ka thut ve reng ang.





Ka tum anga thil kal lo lutuk bawk si chu ka thin arim tun thei.





Ka prada boot lawk zet bun chuan bangchar chu ka chhir zui zawt a. "Hey, bawiha ngatinge i va lungawi lo ve" Ruatdika'n mak tih hmel deuh a min en hu chungin a rawn ti nghal vat. "Engmah" chu bak sawi tur ka nei lo.





Mak alo ti anih pawn a awm lo hran lo kalpuia sawmtu kha keimah ka nia, tunah lem ka thinrim leh hlur bawk si. Mak ti tur chu ania lawm. Mahse ka thinrim chhan sawichhuah kher ka tum lem lo.





"Hey, pawnah inlo awm daih a" kan bul arawn thlen rualin Nani'n arawn ti nghal lawng lawng. Chhan pawh ka tum hran lo Ruatdika'n a hrilh ve tawh mai ang chu.





"Bawiha hian chhuak ang ati teh thut a, amah lah hi a mood ala chhe em em zui" a rawn tihzawm nghal zat a.





"Eeeh kalo thleng ve chiah a, ka awm ve chak sin" Nani bawkin a rawn ti leh. "I duh leh va lut ve la ti nia" kalo ti hrawk.





"Ninawm i thinchhe si" tihpahin a insawh tau nghawng nghawng. Ka engah mah a thawk lo chiang khawp. A duh leh a hman ve chak techuan lut ve se. Khatiang programme boring lutuk a va thut leh kha ka tum tawh bau lo.





Helai campus a cheng tehian hahipin an sawi ve thin chu ani sia. Ka nuih te lam lam anti za. Ka kal hmasakna ber leh hnuhnung ber ni nghal teh se. Nerd ho awm khawmna reng reng boring lo a awm ngai lo.





"Anihchuan khawilamah nge kan kal anga" Nani bawk.





"Kan lengkual mai dawn mi" Ruatdika'n arawn ti nghal vat. Khawi hmunah pawh kal ila ka pawi tilo khawp hall chhunga va luha va thut leh aichuan.





"Thil ei phawt ila, engmah ei lovin ka rawn chhuak a ka ril atam lutuk" Nani'n a rawn ti leh a. Ka hnial ta bik lo.





Food court lam kan pan nghal a. Thil ei anlo awm ve nual.





Thil kan ei mawlh mawlh laiin Ruatdika'n kawngka lam hawi pahin "bawiha leh ava hmeltha ve ka duh chi" a rawn ti nghal zat.





A hawina lam ka en ve chu Zosangliana leh Sawmtei an rawn penlut ve chiah. Engtik laiin nge anlo inhmelhriat hman ni. Ka bialnu ni miah lo mipa kalpui chu ka thik a ka thin arim ringawt bawk.





"Sanglian helamah" Ruatdika'n a ban vai zauh pahin ati nghal vut. Kan table lam an rawn pan ding nghal. "Eheee Zosanglian in hmuh ava khat ve" Nani'n a lo ti nghal chul. Hmeichhe ho tak hi chu ri hluai zel mai.





"Hmuh tur in vang em alawm."





"Kan lo zawm ve thei cheu ngem" inla polite fahhran hian Sangliana'n a rawn ti leh nghal zat a. Ruatdika'n a rem thu in alo chhang nghal vut. Kei erawh Sawmtei ka melh ngur thung nuam lo ati deuh nge a che deuh sek.





A thawmhnaw inbel zawng zawng te, a sam a engkim a fuh vel vek hmuh anuam hle bawk.





Sawmtei thutna turin chair a pawhchhuahsak nghal vut a. Inthlahrun hmel tehian a rawn thu thla ve mai bawk a. Sangliana'n rawn thutthlak ve pahin "nangni ho hi annual fest hmang turin ami hetah in awm" a rawn ti nghal luam. Nan-i nui vur vur chungin alo bu nghauh nghauh.





"Thil eiturin in rawn chhuak ve nge thildang zawk" Ruatdika'n alo zawt nghal chawt. "Umm hei kan naute hi a ril atam a" nui vur vurin Sangliana'n a rawn ti a, Sawmtein a melh nghal vak.





"Bawiha hi a awm peih tawh lova kan chhuak ta mai keini pawh" Ruatdika'n a rawn ti zui zat.





"Sawmte enge i ei duh ang"a thutna atanga thawh pahin Sangliana'n ati nghal vut a. " I lak ang ang kha ni mai."





"Ka rei lovang" tihpahin a kalsawn nghal vut.






"Thiannu ka va hmu ngai velo che ve" Ruatdika'n a thiam thil a show leh dawn e.





"Nia niminah kalo thleng ve chiah a" Sawmtein a rawn ti ve mai bawk a.





"Chuan hetah college i kal dawn nge thildang zawk." Hmeichhe han biak sawm vel hi chu anuam tih zawng tak kha ani miau a.





"Umm college ka kal dawn"





"Khawiah nge i tum deuh aa" zawhna ava han ngah mai mai tak hepa hi.





"Lady keane ka tum ve deuh aaa" Nan-i a rawn nui huk. Hriatthiam loh hmel deuhin Sawmtei a hawi nghal dawrh.





"Hmeichhe hlang college chu a nawm dan a dangdai viau ang mawle" Nan-i bawkin arawn tih zawm leh nghal zat.





"Nia nuam turah ka ngai" nui sen senin Sawmtein a rawn ti ve vat.





"Kan tlak duah a inhmelhriattir nachang pawh kan lo hre lova, kei hi Ruatdika ka nia, chuan heihi Nan-i, hei hi Adrian" Ruatdika'n a rawn tih zawm nghal zat. A duhnaah hi chuan a fel ania.





"Chuan lehkha zirin ami in awm ve tho" Sawmtein a zawt let ve nghal a.





"Umm...keini pathum hi chu NEHU lamah"





"Chuan Sangliana tenen hian engtin nge in inhriat aaa" ka hriat chak ber a zawt ka khauh mai.





"Oh, ih Aizawlah kan inthenawm alawm, ka û ani ber tihna nihchu" nui ver verin Sawmtein a rawn chhang ve nghal mai bawk a. Ka thawveng deuh huai thei. A bialpa ani ang tihkha ka hlau khawp. Mahse anilo hlauh.





Sangliana eitur chawi chungin a rawn let a. Dawhkan a eitur rawn hun pahin "Sawmte lo ei rawh aw, min mawmawhna annei aniang min rawn ko a, kalo let leh vat ang" Chhuahna lam a pan zui nghal vut. "Aaaa" ati zui nang nang a. Mahse A hre pha tawh teuh lo.






Nel vak loh kianga thil han ei chu a hreh hmel khawp. Mahse tih theih dang a awm chuang lo. A ei tho angai.





Tumah in be tawh chuang lovin kan eitur theuh kan eizawm mial mial a.





Sawmtei ka va melh zauh zauh a, a eitur ei mang chuang lovin a eitur chauh a melh ngur thung. A zak ani ngei ang. A awm lo hran chuang lo hmelhriat loh tekianga thil han ei chu hmeichhe tan phei chuan a nuam vak lovang.





Kan ei zo a, Sawmtei ve thung chu tih tham pawh ala ei lo. "Kan kal dawn nge kan lo nghahpui dawn" Ruatdika'n a rawn ti sa sa a.





" Lo va kal ru thil ei man ka rawn pe ang" ka ti nghal vut. Ruatdika leh Nan-i pawnlamah an inzui chhuak khat khat a.





A rawn hawichhuak ve chiah mawle zakzum reuh lutuk. "Ei chhunzawm rawh kalo thutpui ang che" ka ti zui nghal zat bawk.





"Aah a ngai lo, ka tibuai mai mai che. Sangliana alo kir tep tawh ang."





"Alo la kir lo chu nih hi, ei rawh" kalo ti hmuk. Thuawih deuhte hian a bu nghat a a ei chhunzawm ve mai bawk a.





A ei zova a hmui hrufai niap niap pahin a rawn hawi chhuaka, ka lo en ngur si avangin a lai deuh nge a plate ruak lam a en leh nghal daih. Ka nuih suk. Duhawm reuh lutuk.





"Lo thu rawh thil ei man ka va pe ang" tihleh thawh ka rual nghal a.





"Ihhh ka eina pawh maw" tihpahin a rawn hawichhuak leh a. Kalo bu nghat.





"Aih angai lo ka pe ve mai ang"





"Lo thu rawh" tih hmuk pahin ka pensawn nghal vut.





Ka let lehin Sangliana a rawn lut ve chiah bawk. Sawmtei lam ka en a alo nuih var var. Ka thin arim leh ngawt pek.





An thutna lam pawh pan tawh lovin chhuahna lam ka pan nghal hmak. Eng eng emaw an sawi chu ka hre hman tho.






Pawn ka thlenin Ruatdika te lo dinna lam ka pan nghal a. "Bawiha i va rei ve" a rawn ti nghal chat. Chhan pawh ka chhan hmain "chuan kha nu tereuh kha a hmel atha engtin nge niang" a rawn tih zawm nghal zat.





"Engtin mah" kalo ti hmuk.





"Nanghi ilo hre tawh ani maw" ka lo nuih suk.





Bike ah ka chuangkaia Nan-i ka hnungah a rawn lawn ve nghal zat. Ruatdika bulah a chuang dawn amaw tia. A chang hichuan henu hi ka ning thin. Mi ata chei viau zel hi. Mahse engmah ka sawi lem chuang lo.





Food court atangin Sangliana te an rawn inzui chhuak ve chiah bawk. Engmah sawi tawh lovin chak zetin ka dawk chhuak nghal.






Sawmtei POV


Ka thil ei man min peksak a chuan hmeichhe dang phurin a tlan chhuak leh nghal daih a. Enge ka beisei chiah pawh ka hrebik tawh lo. Ka duhin ka hria.





Mahse hmeichhia a phur kha chu ka awm chhungah hian che dawt a awm. Kan inhmuhna ala rei lo, reilo satliah mai pawh anilo nimin chauh a ka hmuh ani. Mahse ka duhin ka hre tho bawk si. Engmah hi ka hrethiam tawh bik lo.





Kan inhmuh apiangin min la tanpui ziah bawk. A hmel enin mipa fel tak chu ani dawn lo tih ka hria. Nimin ka hmuh hmasak bera mi alo sawisak ringawt atang pawh khan. Mahse min hip viau lawi bawk si. A chhe lova, a cool raih a, a pa a, chuan a palian em em bawk. Chuan ka hmuh apiangin a thawmhnaw hak a inhmeh ka ti em em zel bawk. Amahah khan ka dream thin mipa chu a kim vek. Aaaa ngaihtuah tam lo ila ka tan atha animai.




TIME SKIP
Ka ni nen college lamah buaipui ngai vel tifel turin kan kal chhuak a, chuan vawiin hian omami a haw tawh dawn bawk. Zui haw veleh nghal mai te ka duh ut ut. A ni a awm ve chuan tlemin lunglen pawh a zia deuh a mahse a dawr a ngaihtuah ve tawh tho avangin min champui reng hman tawh bik si lo. Ka tah a chhuak tun reng.





Admission kan tifel a, mahse hostel ka chang lo. Midang hi anlo inhma khua nasa khawp. Tun ang hunah pawh hostel a full vek ania. Private hostel awm ka ni in a rem ti tlat bawk silo. Senso atam zual lutuk ati tlat si. Langin NEIGRIHMS atangin ka kal hrih dawn chu ani sia.





Nghak deuh ila aruak ve mai ang ati tlat. A hla tham si an awmna atangin a buaithlak ngawt ang mawle. Zingah thawh hma angai viau ang. Min buaipuitu berin atih tlat techuan hnial chi ani bawk si lo. Ka peih lo tawp hi nimai a hla si.





PB lam kan panthlak laiin a phone a rawn ri ral ral a. A bag a hai deuh rawk rawk a a hai fu mai lo nge a phun zui nghal hluk. Ka nuih alo za pek. Thinchhe eee.... Mahni leh mahni pawh a invin hrep thei ang chu hetiang techuan.





"Sawmte taxi ka chanpui che nga lo zu haw mai ta che" min rawn um phak pahin a rawn ti nghal a. "Tinge" kalo tinghal vat. "Thil pawimawh a awm thut a" a rawn ti zui vat.





Min hruai ve mai awm helai hmun vel hi kala bel lo tih ahre ve reng sia tih kalo ngaihtuah hman pek. "Awle" kati ve mai bawk a. Mahni a kal chu ka hreh ve reng mahse a kalna turah kalpui neih chi ani lo tepawh ania nge. Kalo zu haw mai aniang chu. Hreh chung chung pawh hian.





Taxi ah ka thulut a. Driver lam ka ni in a pan nghal a "him deuhin thlen ang che" anti zui zek a. Driver lah chuan ala hlauh hmel em em zui ka nuih aza.





Thui fe kan tlan hnuin tlangval pahnihin min lo phar ding a. An rawn thulut ve ngawt mawle. Helai hmunah hian hire anga akal chung pawh hian hire tute rawnna awm miah lo hian passenger dang hi anla ngawt zel amawnle duhamthlak lutuk.





Zu rim anla nam rum rum zui ah ka awm a nuam lo. A sir lamah ka tawlh phei deuh hret hret chung pawn anla rawn tawlh phei ve zel. Driver lahin hmalam ringawt amelh ngur min ngaihsak ang pawn a awm lo hrim hrim.





Tluang taka ka thlen theih nan ka rilruin ka tawngtai ru mawlh mawlh. Engtin pawh min ti se kei hmeichhe mal hian ka hneh dawn lo chiang lutuk. Ka thin a phu dawt dawt tawh.





Ka ni re re pawh kha min hruai ve mai tur ania. Hetia min hawtir ngawt lo hian. Ka ngei rum rum tawh. Ka chungah engpawh thleng thei ani. Ka bag hrui ka hmer ngawt ngawt. Ka tah achhuak vek min thut hnaih lutuk.





Ka bag hrui ka vawnna chu ka bula thu pa chuan nui huah huah chungin a rawn vawn nan ve nghal anihchu. Ka phu dawrh thei. A kut kalo vai persak lawp a engahmah ngai lo awm taka nui huah huah chungin min rawn kuah beh leh atum ringawt chu ka te tuarh a driver pawh a rawn hawi dawrh.





"Taxi hi ti ding rawh" kati zui nghal tuarh. A ding dawt a. Kawngka ka hawng tur a ka che chu alamah min phih let dawrhin min man bet zui nghal hmak. Hlauhna hlirin ka khat tawh. Ka khur zawih zawih bawk.





Mipa pahnih chuan an tawng hmangah driver chu tlan chhunzawm turin anti ani chek ang chu hawi kual zawk zawk chungin a taxi a start a a tlanchhuak lehnghal. An thusawi kha engmah pawh ka hrethiam lo.





Ka tal a min pawt nghet tulh tulh bawk si. Tih ngaihna ka hre tawh lo ka mittui a luang zung zung. Ka ni ka ngei hle tawh bawk.





Min pawt bet tlattu kutah ka seh sak vaka rum hrawk chungin min pawh behna a thlah nghal.





"Ding rawh" kati leh tuarh a. Driver a ding nghal dawt rualin hmanhmawh zetin kawngka ka hawng rawk rawk a ka petek chhuak nghal dawrh.





Ka hmalam panin thaw hlawp hlawp chungin ka tlan zui nghal dawr dawr. Kan dinna lai areh ang reng bawk si. Engtin nge ka tih ang. Khasi tawnga rawn rak ruai ruai chungin min rawn umzui a.





Min puitu tur au tur pawn ka aw a chhuak thei lo ka khur nasa lutuk bawk si tlan pawh ka tlan hlei thei tawh lo. Ka mittui tla avangin ka khaw hmuh a phe vek tawh bawk.





Min umphak mai tawh dawn anih hi ka tih rilruk laiin ka hmalam thlang deuh hlekah bike a rawn ding ri tuarh a, ka ding chawt. A helmet khumlai a phelh a bike atangin hmanhmawh zetin a rawn chhuk nghal. Adrian ani ka thinlungin ka him tawh thu min rawn hrilh nghal.





Hmanhmawh zetin min rawn pan chho nghal pawk pawk a. A hmel alang rum vek. A thinrim hmel lutuk. Ka hnunglam ka hawi a min la rawn umzui.





Hmanhmawh zetin Adrian lamah ka tlan thla nghal dawr dawr a, ka kuah nghal thlawp.





Nghet zeta min kuah bet nghalin a thaw hrawk hrawk. Ka himna hmun ka thleng ta tih ka thinlungin a hre ta bawk aniang thaw chhuak kawk kawkin ka inhnit zui nghal hlawp hlawp.





Ka chalah rawn fawp zauhin "lo awm rawh" tihleh min kuahna phelh a rual nghal a.





"Aih" ka ti nghal chul. "Ka rei lovang" a rawn tileh a mahse ka lu thing nawk nawkin ka kuah nghet nghal rawk rawk.





Min rawn kuah let veleh nghal a. A thawk hrawih hrawih danah a thinrim hle tih ka hre thei.





Min kuahna a thlah chiah avang pawh khan ka chiai nghal vek. A bul lo a awm ka ngam thlawt lo tunah rih chuan. Ka thauah min man ka khur hlawk hlawk pawh a reh thei lo. Ka hlauh lutuk avangin alak atangin ka awm hrang ngam lo ani mah zawk.





Min umzui tute pawh kha Adrian an hmuh khan min umzui ngam tawh bik lo aniang an thawm a reh zui ve hmak. Driver pawh khan min chhan ve kha ka beisei ania.





Adrian awm lo tase ka chan tur chu ngaihtuah pawh ka ngaihtuah ngam lo zawk.





Ngati nge helai hmun ka thlen atang hian ka chungah thil tha reng reng a thlen theih miah lo le. Ka zan hman hmasak berah hetiang tho hi ka tawnga chuan tunah heti hi ani leh a.





Chuan Adrian hi min chhan turin a rawn lang nghal ziah bawk a. Ka tan chuan min venghimtu vantirhkoh ani ringawt.





Min kuah beh reng avangin a thinphu ri dawt dawt pawh ka hre thei. Ka khur a reh a, ka hlauh zualpui pawh a zia deuh tawh.





"I zia deuh tawh em" a rawn ti dam thluam. A aw ngaihthlak a hahdam takzet. Ka chhang lo. Tlem a min nawr hla deuhin "ka hruai haw ang che aw, i dang vek bawk ania" tihpahin ka mittui min tuai hul sak a. Kalo bu nghauh nghauh.





A bike hunna lamah min kaithla a. A thukaia ahnungah ka lawnkai ve nghal thuai. A kawngah bawk ka ban rawlh lut lehin nghet zeta kuahin a hnunga bei chungin ka maimitchhing nghal vang vang.





Hepa hi a rawn lan tawh hi chuan ka him hliah hliah hian ka hre thin.





"I harh tiraw" a rawn ti dam tluam a. "Umm" tihpahin ka mengchhuak a ka ni te inkawt kan lo thleng der tawh.





Bike atangin ka chhuk a ani pawh a rawn chhuk ve nghal vut.





"Ka lawm lutuk aw, puih ka ngaih apiangin ka tan ilo awm ziah a" .Min nuih var var ava hahdamthlak tak a nui hmel hmuh hi.





Engmah ka sawi zawm chak a ring lo aniang thil thlen dan zawh pawh min zawt lem lo.





"Ka luhsan ang che aw, ka lawm tak tak" tihpahin muangchangin ka inher a, ka banrekah a rawn vawn chawt avangin ka hawilet leh.





A kekawr ipte atanga a phone phawrhin a rawn lek kang zauh a. Hriatthiam loh hmel deuhin ka en haw thung.





"I no" a rawn ti sup. Ka nuichhuak nghal hak. Keipawh hi lo hriatthiam ve mai tur ka rilru hi ava chak lo tak.




A phone lock hawngin min rawn pe a, lo ban ve maiin ka no ka chhulut nghal zat a. A phone peletin ka inher nghal vut.





Verandah ka thleng tep tihin ka hawi let a, a dinna ngaiah lo la ding rengin min lo nuih suk a. Nuih let ve in inchhunglam ka pan nghal.





Room lamah ka lut tlang nghal a. Omami khuma thu chungin phone alo hmet mual mual a.





"Mali ngatinge i hmel kha i dang vek ania" min hmuh veleh a rawn ti nghal chul.





Ka awm dawn vang vangin khawngkhar ka ngheng nghal chawrh. Khum atanga rawn tho chhuakin min rawn pan nghal zat a.






"I chungah thil tha lo athleng ami" a rawn ti zui leh nghal zat a. Ka hmui ka pet fan fan a ka biangah ka mittui a luangthla nghal zung zung. Min rawn kuah thakin ka hnungah a chul zui hauh hauh a, engmah min zawh chhunzawm tawh bik lo. Sawi mai thei dinhmunah ka ding lo tih a hria ani mahna.




Ka tah chhuak zualpui ka tah zawh hnuin khum lamah min kai pheiin min nem thu a, a rawn thu thla zui ve vat.




"Sawi rawh le enge i chungah thleng" a rawn ti dam leh thlap a.





Ka ni in taxi min chanpui atang chuan ka hrilh ta vek. Ka sawi zawng pawn ka khur leh dawt dawt thei.





A thin a rim ngang mai. "Ka ni re re pawh chu ava ti ang lo ve, helai ila bel loh bakah hmeichhe tan techuan mahni a tei chhuah a him lo tih techu a hre ve vek awm sia" ang hlak hlak pahin room ah a vei kual thuak thuak.





"Khatiang tur te chu keipawh zanah chauh kan chhuak dawn a ka hman ve reng a kal tur a min tih ve mai tur alawm" ala ti hlar.





Keipawh khan kal ve turin ka duh a ka ni khan ati tlat si lo kha ania.





Ka ni hnenah engmah sawi lo turin keiin ka lo ngen thung bawk a. A rilru tihah ka duh lo. Rei fe kan inthlem hnuin a hrilh loh tur thu a sawi ve thei hram.





Omami kal mai tawh tur anih avangin dinner hun pangngai aiin kan ei hma a. Ka ni leh a pasalin an thlah dawn thung.





Thlah chu ka duh ve tho mahse omami'n chhuak tawh rih lo tur leh in a lo awm hahdam turin min ti tlat thung.





A insiam peih tawh hnuin choka a ka awm chu omami'n room lamah min ko lut a. Ka lut chiah tihin kawngka a kalh nghal hmak. Enge tih atum le ka van hrethiam lo tak.





Khum lamah min kai phei dawt dawtin kan thu thla nghal a.





"Ka ni te bulah awmdan tawk thiam rawh aw. Tuna a mizia ang hi a rei anga a pu reng dawn lo. A mize chhia cho chhuak turin khawsak loh hram hram tum la" A thaw deuh hap a.





"Nangmah chauh chuan ka van ngaihtuah che" a rawn ti chhuak leh hap.





Ka ngaihtuahawm loh tur thu in ka chhang ve mai bawk a.





"Thuawih la lehkha zir tha ang che aw. Chuan tumah rin mai mai loh tur i hria tiraw" kalo bu nghauh nghauh.





Hawikual zak zakin "chuan ka ni pasal hi nel dan tawk thiam la alakah inveng kar ang che aw" a rawn ti chhuak phawng.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)