ERES MI VIDA BY Hmuaktei fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ERES MI VIDA BY Hmuaktei fanai (Completed)

Unread post by Ngaia » July 12th, 2020, 1:49 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-13





Sawmtei POV
Usangliana'n min thlah dawn a hmanhmawh vak angai dawn lo va azia ta phian. Ka niin min be duh bawk si lova thlah lam techu a bulah ka sawi ngam teuh lo mai. Ulawmi erawh buaipui tur angah avangin a chhuak tawh thung.






Mahse ka lu ber hi abuaithlak eee tuam luk chi ni bawk si lo. Ulawmi'n tuam bur aiah bandage tape in lapua ala char bet hram. Ka theih tawpin ka samin hliah ve ka tuma mahse ahliah zo thei lo chu anih ber hi.






Tihian college a ka first day chu alo ni ve ta renga hun hi a kalchak reuh khawp mai.





Ka ni ka kal tur thu hrilhin kawngka lam ka pan nghal a. Living room ah a thu reng min chhang lo hrim hrim. Min chhan kha ka beisei vak chuang lo bawk a.





Kawngka ka hawng chiah Adrian call a rawn lut a kala peih lo. A rawn call nawn leh zat chu pawh ka pick chuang lo.






Ka phone melh ngar ngar chungin kawtah ka chhuak phei a a call bawk a rawn lut leh mahse rei pawh ring lovin a tawp nghal hmuk. Ka ner nghal nawng.





Aw rawn thian kharh lam ka hawi nghal vata a bike ah thu chungin min lo nuih suk. Enge maw rawn tih atum le.





Tum lukin ka inhersan hmaka inchhunglam pan turin ka let leh nghal daih. Enge maw hetah atih le min thlah atum techu ani em lovang chu maw.





Awi atum teuh lovang nizanah pawh min ngaih pawimawh loh khawp kha. Ka call pawh a chhang duh hleinem le.





Inchhungah pawh lut ta chuang lovin verandah ah ka ding ta ngar ngar. Ka ni pot hunna bul awng atangin ka bihthla a ala ding ngar ngar mawle. Awi sawtia a din reng techuan class ka tlai thei mai ang. Enge maw a hriat le. A kal tumnaah chuan kal ve mai tur alawm sawtia ding reng lo sawn. Ka van ngei reuh tak ah.






Ka bihthla leh thin a ala ding ngar bawk si. Rilru hmanhmawh nen ava inmil lo ber tak.






Nizan avang khan ka thin ala rim reng chuvang chuan biak mai ka tum teuh lo. Hetia atihkual mai mai tur pawh ka ni bik lo. Ka sam hui chhoin ka thaw chhuak hap.






Ka bihthlak leh chuan alo awm tawh lo ka thawhuai thei.






Keihi thil tisual tu zawk pawh ka ni tawp si lo, engvangin nge ka biruk ve ngawt le ka van mawl ber tak.





Kawta ka chhuah phei rualin usangliana call a rawn lut nghal.





"Ka nghak che lo phei rawh quarter luh dawn security duty na bulah khan" a rawn ti lang lang.





"Aw le" tihpahin ka phone titawpin ka bag ah ka thun a a sawilam panin ka kal phei nghal hlawk hlawk.





Ka thlen pheiin a bike ngheng chungin min lo nuih vur vur.





"Lo chuang la hmanhmawh deuh hlek ka ngai a" a rawn ti leh nghal zat.





"Ka tibuai che a ka inthlahrung sia" tihpahin ka lawnkai ve mai bawk a.






Ka inthlahrung tak tak a buai theih zia hrechiang ber tu ka nia. Tipawh hian ani pawh class an tan ve tep tawh tho ania.





Min chhang tawh lem lovin a tlan chhuak nghal a.






Main gate kan pelhin gate pawna Adrian a bike ngheng ar ar a ading ka va hmu leh hram pek. Enge maw ala tih le. Min nghak tihna amawnle.






A rawn ding ngil nghal zawta mahse kan tlanpel ta nghal.





Usangliana anui suk ri ka hre nghal. Ani pawn a hmu ve tho anih dawn hi.






A tlanchak bawka PB kan thleng har lo khawp.





PD ah min drop a ahmanhmawh tawh avangin lawmthu pawh ka hrilh hmain min tlanliamsan leh nghal.





Ka sana ka en a ka tlai tawh chiang lutuk. Midang college kal hmuh tur pawh an awm tawh lo hrim hrim.






Kitting road lamah ka tlan phei nghal rawk rawk a. Gate awm thluah thluah bawk si ava buaithlak tak. Step alo la awm chho zui leh zel nen.





College campus ka thleng chho chu ka thaw chhuak nghal ham ham. Ka hah lutuk.






Ka first period class awmna pawh ka hre chuang reng reng lo.





Kawng lo awmchho zuiah ka pen chho ve tawp a... Tumah han zawh mai tur ka hmu der bawk silo. Office kawt ka thleng pheia office sira an pangpar chinna bula hmeichhe pahnih lo thu chu ka subj leh khawiah nge chumi class lam chu a awm ka zawt ve ta tawp.





Min kawhhmuh mai dawn amaw ka tihlaiin class thleng min hruai thleng thlap anvan fel tak. Lawmthu ka hrilh hnuin min letsan a.





Class anlo tan tawh avangin luh ka dil mai angai dawn anih hmel.






Kawngkhar bula ding chungin sir lecture lo pe mawlh mawlh chu luh ka dil nghal a. An rawn hawi nghal thap.





Lut turin min rawn hui zauh a ka penlut ve nghal. Thutna akhat tha sia. Ka hawibuai deuh laiin hmeichhe pakhatin min rawn hui zauh a an thutna lam panin ka thu thla ve nghal thak. Ka tlan nasa bawk si ka thlan hluam thei. Ka thaw nghal ham ham.





"Mizo i ni em" min nuih sen senin arawn ti sar sar.





"Aw ni e" ka lo ti nghal vat. A lawmawm ka first day ah ka mizo pui bulah ka thu nghal thei ania. A nuam ve reuh tawp.





Engmah sawi zui tawh lovin class lampangah rilru ka pe zui nghal. Chuan kan sir hi a hmel atha lutuk a palian vak lo tihmai loh chu. Mahse Adrian a tluk chuang lo. Ka ngaihtuahna zet chu duh lovin ka lu ka thing nghal nawk nawk. Ka bula thunuin min rawn en nghal haw mak min ti deuh aniang. Ka lo nuih sek.






Class tawp dawn lamah sir in class tlai ho roll no dah turin min rawn ti a. Ka thutna atangin ka penchhuak ve nghal vat. Keichauh lo pawh tlai anlo awm ve nual tho anih hi.






Ka thutna lam ka pan leh a kan sir pawh a chhuak zui nghal.






"Faktei ka nia nang enge i hming ve" lehkhabu ka khung mawlh mawlh laiin ka bula thu chuan a rawn ti thuai a.






"Sawmtei, chuan ka first day a ka tawng nghal che hi ka lawm tawp" nuih var var pahin ka chhanglet thuai.






"Kan inkawm thin dawn nia aw, e chuan sec ah enge i neih" a rawn ti zui vut.






"Philo, chuan nang" hnunglam atangin mizo pakhat thoin a rawn ko a kan hawi dun nghal haw.






"Kal ang kan tlai dawn" a rawn ti leh lang lang.






"Kan subj a in ang lo. Kan kalsan phawt ang che aw lunch ah kan inhmu leh dawn nia" tihleh thawh a rual nghal.






"E chuan i class tur i hria em" a rawn ti zawm leh zat. Kalu ka lo thing ringawt thung.





"I rawn pheilam veilama class lo awm hmasa ber kha aw. Anih bye" tih leh chhuah arual nghal.






Ka bag la in ka class dawt leh tur lam ka pan ve nghal a.






Ka lut chiah anlo hawi nghal thap. Thutna awlah ka thuthla nghal thak. Mizo dang tumah an awm ve miah lo mawle. Keimah chauh ka ni dawn anih hmel. Khasi deuh hlir an nimaiin ka hria.





Class ah rilru ka pe thei der lo lehnghal. Adrian ringawtin ka rilru aluah tluk tluk.





Min rawn umzui angem. Nge akalna tur hmun a pan zawk ang. A thin arim ve angem.





A thinrim pawh ka ring lo ve nizanah pawh min be duh hleinem le...






Ngaihtuahna buai nuaihin lunch hma chu ka tlingtla ve ta hram. Zirlai engmah ka rilruah ka thun pawh ka hre lo. Adrian-in ka ngaihtuahna atibuai zo vek.





Ka class tawpna ber a khasi hmeichhe pahnih ka bula rawn thu ve te college canteen awmna ka zawt ta chawt. Ka ril atam tawh zia chu.






"Keini pawh kan kal dawn alawm kan chhuk ho dawn nia" ka hlat zawka thuin min nuih sen sen chungin a rawn ti thuai a. Kalo nuih let sak.





Class atanga chhuakin canteen lam kan panthla nghal a. An fel dunin biak an nuam phian. Hming te kan inhrilh leh rih thin.






Canteen kan lut a mi anlo la tam vak lo. Ka thian tharte nen thutna kan melh kual laiin "Sawmte helamah" Faktein kilkhat atangin a ban vai lauh lauhin a rawn ti lang lang. Ka ban ka vai let ve zauh.






"Let's join them" ka luhpui te pahnih melh pahin ka ti sup.






Pakhat zawkin an thiandangte la nghah an ngaihthuin min lo chhang vat a. Ka kalsan ta ringawt.





An bulah ka thuthla ve nghal a. "Hei Sawmtei anih hi aw thiante u" a ti zui nghal zat.





Midang hming pawh a sawi tliar tliar hlawm. An fel hmel hlawm mizo vek kan la ni zui a nuam reuh phian.






Midangin eitur an lak vek tawh avangin ka thawhsan veleh a.






"Û" ka eitur la ka thuthla fel ve chiah tihin Faktein kawngka lam en hu pahin a ti nghal lawng lawng.





Midang pawh tiamin kawngka lam kan hawi nghal vek. Mahse enge ka hmuh saw. Adrian kan thutna lam panin a rawn pen phei pawk pawk anihchu. A chhelo mah mah. LV shirt var sar ha in denim black pants a ha a, prada boot dum lawk zet a bun bawk. Chung zawng zawng chu kalo hmukim leh hman vek.






Het Malsawmkim chutiang ngaihtuah thei ini lo. Ka rilruin ka inhau mawlh mawlh.






Thungil nghal auhin ka hawilet nghal vat a, ka malchunga ka kut dah ka sik niap niap. Helai thleng thleng min rawn umzui tihna ami.





Ka hnung maiah a rawn ding tawh tih ka hre thei.. A boruak rawn kentel zawng zawng nen ka khur thei dawn takngial.






"Û hetah enge ilo tih dawn? Hetah lo thu rawh" tih zat zat pahin a thutna bul ruak a beng thak thak. Ka ep zawng takin a rawn thuthla ve nghal a.






"Tihtur pawimawh ka nei " rawn thutthlak ve pahin a ti sup.






"Hetah kan college ah maw....Hmmm min hmu turin ilo kal amaw ka tia" Faktei bawkin ati leh nghal zat. Hawi pawh ka hawi chhuak lo hrim hrim.





"Eee thiante u hei ka cousin Adrian anih hi" atih zawm lehnghal zat bawk.






Awi a cousin maw. Ka hawichhuak nghal zawk. Adrian lam ka melh a min lo la en ngur zui. Rei pawh en duh lovin Faktei tawng barh barh lam ka en leh daih.





Ka melh leh zawk a min lo la melh ngur. A hmel alang chang vek a thinrim tih ka hre thei mai.





Ka eitur lam pawn ka rilru a luah thei tawh lo nuam lo kati ngawih ngawih tawh zawk.





Adrian a thutna atangin a rawn dinga phawk zetin ka melh chho nghal kiau.






"Fakte, Sawmtei hi kan be lawk ang aw" min melh ngur chungin ati chhuak sup. A hmel lan chang aiin a aw a dam. Awi hepa hi a â tawh anih hi. Awmdan pawh min ti hre lo zo vek.





"Eeh in in hria maw??" Mak tih hmel deuhin Adrian nen min melh tawn nghal zak zak.






"Umm" ati chhuak leh sup.






"Ava mak ve...engtin nge in inhriat" a rawn tih zawm leh zat. Tawng ngaihna min ti hre lo.






A rawn penchhuak a dawhkan ka bag dah ban vutin "lo chhuak rawh" a rawn ti chang fak.






"Û a eitur pawh ala ei loh kha" Faktei bawkin a rawn tileh. Midang ho pawh nuam anti chiah tawh bik lo aniang min entawn sek hlawm tawh.





A nau thusawi chu a ngaih pawimawh loh hmel khawp chhan tum awm pawn a awm der lo. Ka inthlahrung zawk.







"Luhlul chhuah lo khan lo chhuak rawh"
rawn kun hniamin ka bengbulah a rawn ti leh sup. Min awm hnaih lutuk a ka thin a phu rang nghal zaih zaih. A hmel ka en a a dawhtheihna a pan tawh hmel viau. Ka zui mai a himin ka hria.






Ka ding chhuak a ka ban rek a rawn chelhin min kai nghal dawr dawr. Canteen a midang awm ve ho pawn min en duh lutuk.






"Û class ala nei ania aw" Faktein a rawn ti zui leh hram. A hnar tum datin ngai pawimawh lo tih hriat zetin a pen angai reng. Rem leh rem lovin ka hawileta ka nuih sek ringawt.





A kal chak bawk si min vuan nghet bawk si thaw hluam hluamin ka tlan det det. Kan kalpelh apiang ten mak min tih hmelin min en duh em em vek. Ani lah chuan a ngai pawimawh der silo.






A bike hunna ka thleng chu hah lutuk avangin ka thawk a rang vek. Khatiang em em a mi care na pawh nei lo va min pawh kal theih sual leh lutuk mai. Ani lah hah chu sawi loh a awmdan a pangngai reng ania...





"Eng hunah nge class i neih leh dawn?"






Ka hah lutuk avangin tawng pawh ka tawng chhuak mai thei lo. Min en reng tih pawh ka hre kar mahse ka tawngchhuak thei rih lo.






Ka hawikual thuaka a bike hunna lai hi areh lutuk tumah veivak hmuh tur pawh an awm lo hrim hrim.





"Ngati nge i lu kha" a rawn ti nghal chat.






"Ka tlu" ka ti hmak thung. A hnar a tum dat.





"Fimkhur thin rawh ka tihkha" tihpahin min rawn pan hnai a ka tawlh hnung nghal dat. A thawchhuak hawk a a sam atuai puat bawk.






"A na em" a rawn ti leh sup a kalu kalo thing ringawt.






Min rawn ban a tum leh a kalu kalo thin khum chu a kut muangchangin a dahthla riai riai.






"Engtik nge class chu i neih leh dawn"






"Last chiah" melh rawm rawm chungin ka ti chhuak sep.






"A tha inbiakna hun kan nei tihna anihchu"






"Sawi tur kan neih ka hre lo"






"Tak zet che hian tukin Zosangliana'n athlah chhan che kha sawifiah ngaiin i hre ve lo maw" a hmel alang chang leh vek tawh.






Kha vang khan ka chungah a lungawi lova. Nizan avang khan a chungah hian aletin ka lungawi lo zawk.






"Ka kal dawn" tihpaha inher ka tum chu ka banah a rawn hmer nghal chawt. A hmer na mah mah bawk.






"Harsa viau thin suh" min melh ngur chungin a rawn ti nghut.






Hah keihi ka harsa amaw. A chunga ka lungawi lohna pawh hmu lovin ka chunga a lungawi lohna arawn tilang hmasa zawk chu ania. Zawk zamah hian.






Melh rawm rawm chungin min vawnna ka phihthla nghal sawk.






"Tha tete a thilsawipui hi i har viau zel a" ka dar tawn tawn a rawn dawm lehpahin a rawn ti hrawk.





A mita enkar chungin a banah ka vuan a aban ka phihthla leh lawp chuan ka inhersan hmak bawk.






"Malsawmkim luhlul chhuah suh aw" a rawn ti vin nghal thawt. Ka thinin a tuar tawh bik der lo.






"Ka chunga i lungawi lohna chiah i rawn hmuliana nizan ka text, ka call i chhan loh zozai tekha engtin nge itih ve dawn.... Ka chunga i lungawi lohna ai nasa khan i chungah hian ka lungawi lo zawk chu chu i hria em" kati let ve tuarh. Ka sawihnem bawka ka thaw nghal kawk.






"Kha kha" a rawn ti chhuak sup. A hmel chang tawlh tawlh kha inthiam lohna niawm takin a rawn inthlak nghal.






"Ka ngaithla peih lo" tih chang fak pahin ka ban kalo vai hmak.






"Titeh booboo kha kha ka sawifiah thei" ka inher ka pen tur chiahin beidawn hmel deuhin a rawn ti zuai raih.






Ka luhlul chhuahin college lam panin ka kal zui nghal hlawk hlawk.






Thui pawh ka kal hmain f**ck tihpahin eng emaw a pet ri nghal bur.






Ka ding nghal chawt a ka lehhawi leh nghal. Min rawn en ve chiah bawk. A hmelah inthiam lohna leh a thusawi ngaithla tura min duh ngawih ngawihna ka hmu theiin ka hria.






Ka la ding tak reng avangin ka lam hawi zawngin a rawn pen phei nghal pawk pawk a. Ka bul a rawn thlen rualin min chawi kang nawlhin min rawn fawp nghal chawt.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:50 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-14






Ka thin a phu rang nghal zaih zaih. A rawn chetdan hian min ti hamhaih lutuk mah mah.






Min fawhna athlah a, leiah min nghatthlain a kut lehlama ka kawnga rawn dawmin lehlamin ka biang a dawm bawk.






Ka mit ka chhing tlat. Rawn kum hniam deuhin ka chalah a rawn fawp vang vang a. A chal leh ka chal a insiktir nghal.






"Engti kawng mahin ka kaltir ngawt dawn lo che" a rawn ti tham chhal.






Min rawn panlai khan min phih hrep tawh dawn amaw kati hman a. Mahse a rawn chetdan hian min ti tuiral zawih zawih ani ber.






Ka mengchhuak riai riai a, mitmeng dam raihin min melh reng chungin a rawn kiai suk. Awi ka tha tehi an zawi zo vek tawh. Ka luangliam ngawih ngawih.






"Ka thusawi i ngaithla ang tiraw" ngenna a khat mitmengin min melh vang vang.






Engmah ka sawichhuak thei lo lei nei lo ang hmak ka ni. A mitah ka melh khiau ringawt.






"Booboo" a rawn ti leh sup.






Harhchhuak thutin ka bu nghat nghat. A rawn kiai leh suk.






Inla hrangin ka banrekah a rawn chelh leh nghal a, a bike hunna lampan bawkin min kai phei leh. Kan awmdan hi a naupangchhiatthlak nichin lawkah kan invin tawn tawn a tunah tha te tein kan inzui leh chu ania.






A bike hunna ka thlen pheiin ka zak tawn tawna dawmin min chawikang nghal nawlh a, kalo rak that. A bike ah min thuttira ka bawp rawn kuai kau deuhin a inkarah a rawn inzep nghal.






Kan awmdan avangin nuam lo kati deuh hlek hmun rehlai ni mahse khawlai ani tho mi pawh anlo kal palh thei. Mahse engmah phei chu ka sawi chuang bik lo.





Ka kut lakangin a fawp zauh a. A chetdan hi mumal nei thei miah lo va min awmtir atum amawni. Ka thin a phu nghal zaih zaih zel lehnghal.






Ka kawngah aban a rawn suih zawm a nalh fahranin a kiai leh suk. Min ti â zo takngial dawn. A insawifiahna ka ngaihthlak hmain a awmdan zawng zawng avang hian ka lungawi lohna a bo vek hman chu ani sia.






"Mipa fel ka nilo tihchu min hmuh hmasak ber ni atang khan i hre tawh ang" a rawn ti sup. A mitah tak ka en khiau thung.





"Chuan nizan khan Ruatdika tenen kan awm tlang a" a rawn tih zawm leh zat.






"Chuan hmeichhia tepawh an awm ve bawk kha" ka aw ah thikna alan chhuah loh hram ka beisei.






"Umm an awm dawn tih ka hre bik lo.... Zu kan intlang ringawt alawm engmah thildang a awm lo"





"Chuan ka phone i pick lo bawka" thinrima sawi kher pawh ka tum tawh chuang bik lo.





"Zingah ka hmu chiah." A tawng bung ve thei ngawt mai.





"Chuan ka text i chhan loh chhan kha" ka ti leh hram. Hriat vek ka duh miau a.





"Kha chu" a ti fan ruih. Sawi chhunzawm tur a hre tawh lo anih hi.





"Min chhang duh lo tihna maw" tihpahin ka tal nghal phat.






"Sorry ka theihnghilh alawm" min kuahna tih ngheh pahin inthlahrun hmel dekin a rawn ti nihchu. A hmel landan hi tunah tak hian a duhawm. Mipa naupang thuawih thei deuh a ang.






Ka nuichhuak nghal hak hak. A hmel hi thinrim khum theih pawh ani tawh lo. Tunah tak hian alang duhawm ngawih ngawih lutuk.






Hriatthiam loh hmel deuhin min la en ngur zui.






"I thinrim tawh lo maw"





Kalo bu nghat nghat. Thawveng huai hmel a pu nghal.






Engkim min hrilh vek tawh a thinrim talh chhan tur ka nei tawh lo.






Min rawn fawp nghal chawt. Kalo nemsawn vat thung. A mithmul a rawn tikang zauh.





"Khawlai anih hi min min hmu ang chuan ka let a hun tawh bawkin ka hria" huaikual vat vat pahin ka ti hluai.






"Kal tawh lo mai la... Ka bulah awm rawh" min en ngur chungin a ti sup.






"Hah ti ang lo ka first day chauh anih hi" ka ti chhuak hlak. Awm ang lo thei lutuk.






Class thulh thaka bula awm chu ka chak reng mahse thil tih chi ani lo.






Muangchangi min kuahna ka phelhtir a nemsawm deuhin ka thutna atangin ka thumthla thak. Ka chezia min en vung vung ringawt.






A ban lek vutin a sam atuai chho puat a, a kut pilh deuh pheng phung ka hmu ve chiah. Engtin nge nichin khan ka hmuhhmaih theih zawk.






"Ngatinge" a kut lakangin a hmel en chungin ka ti nghal haw.






"Ka insualna" inthlahrun hmel deuhin a rawn ti ban chat.






"A na em" thlek vut vut pahin ka chek tlak tlak.






"Na lo" zawhna chin chiah bawk maw. Hre ngai lo tan phei chuan angeiawm ngawtin ka ring a tawng bung lutuk hi.






"Ummm anih ka kal ang aw..." a kut la chelh reng chungin ka ti sep.






Min en vung vungin engmah sawi tum hmel pawh a pu der lo... A tawng hun ka nghah ngar ngar hnuah pawh engmah a sawi chuang lo. Enge maw a hriat ni.






"Hey" dak deuh vah chungin a mit bulah ka kutzungtang ka hmet ri khap a, a rawn nui suk.






"Ka thlah ang che" tihpahin ka banrekah a rawn chelh vut.






"Aih ngai lo keimahin ka kal thei. Kal tawh zawk rawh"






"Kal phawt rawh kalo enliam ang che"






"Anih ka kal" tih leh pen ka rual nghal.






Thui vak lo ka thlenin ka hawilet leh a, min lo nuih suk. Nuihlet ve in ka ban ka vai zauh a college lam ka pan ta nghal.






Ka sana ka en zauh a class tan a hun vel chiah chiah. Ka thawhuai thei ka tlai lo hlauh.






Ka class neihna tur lam ka pan nghal ding nghal zat.






Ka lutchiah ahnunglam atangin Faktein a ban arawn vai lauh lauh a. An thutna lam ka pan ve nghal.






"Engtin nge ka û nen khan in inhriat a" ka thuthla chauh tihin min rawn zawt nghal chawt. A hmelah ahre chak zek zek tih ka hmu thei mahse hrilh vek tumna ka nei lem lo.






"Aaaahhh hmelhriat satliah... " kati ta ringawt. A aia chiang zawka hriat achak tih ka hre reng. Mahse sawizawm chiam ka tum lo. A hmel pawh rei en duh lovin ka hawisawn vat. Min zawhzui pawh tum tawh bik chuang lovin midangho nen an ti ti leh barh barh.






Ka phone msg tone arawn ri kauh a, ka bag atangin ka phone ka phawrh nghal vat. Adrian ani ka nui nghal var var.






**inban hunah lo sawi la ka rawn hruai ang che**
A text ringawt pawh hian ka thin ati phu rang nghal vek thei.






**Awle**






Sir a rawn lut a kan reh nghal thap. Class kan tan nghal mawp mawp.






Ka rilruah engmah ka thun thei lo ka mut achhuak lutuk. Nizan ka mu tlem lutuk kha anih ka ring. Ka meng hlei thei lo. Muhil chiah silo harh viau chuang silo hian last period pawh ka tlingtla ve thei hram.





Class atangin kan chhuak sang sang a, ka mutchhuak lutuk khan min ti zawi vek.






"Sawmte khawiah nge i awm" Faktein ka dara rawn kuah thak pahin a rawn ti tuak. Henu hi a aw a chhe reuh a hnawk tuak. A aw rikdan avangin midang ho pawh an nui hak hak.






"NEIGRIHMS ah" kati nghal vat.






"Awi ava hla ve... Engtin nge i haw dawn" a rawn tih zawm leh zat.






"Aaah taxi tepawh... Chuan nang khawnge?" kati let ve thung. A û in min rawn hruai dawn tih sawilan kher ka tum lem lo. Step ah kan inzuithla dat dat hlawm a. Midang ho pawh an titi thla barh barh.






"College hostel-ah hian chuan midang hi chu private hostel-ah"





"Nihchuan pb thleng chu kan chhukthla tlang thei dawn anihchu"






Eng eng emaw kan sawithla barh barh a. Kan vawikhat inhmuhna vek ni hlawm mahse mizo awmkhawm na na na chu sawi tur atam fu zel. An tawng duha an bula awm anuam takzet.






Faktei hostel lam apan nghal a. Keini ho chu kawtah kan la awm thung.






Adrian call ka tum mek laiin ka ni call alo lut a ka pick thuai.






"In bang tawh em? College ah khan lo la awm rawh in Principal hmu turin kan lo kal dawn" a rawn ti nghal zat zat a. Chhan pawh ka chhan ve hmain a dah leh nghal hmak. Ka phone ka melh nghal haw. A mak thei kati a chetphung hi ka hriatthiam theih ngai pawh ka ring lo.






"Kal ang u" Irenei'n arawn ti var.






"Min lo kalsan mai ru kani te anlo kal dawna heta nghak turin min ti sia" ka ti nghal vat.





Kan in mangtha a min kalsan ta hlawm.





Ka ni te chu enge maw principal hmu turin an rawn tih dawn le?? Eng chungchang tak ni ang maw. Anlo thleng anga ka hre ve mai ang chu ngaihtuah chiam ka peih lo.






Ka phone ka enkual mual mual laiin msg a rawn lut kauh.






**inbang tawh em**
Adrian msg ani. Ka theihnghilh chiang lutuk. Nichin mai kha chuan kala hria asin le. Ka haihawt lutuk hi mawl nen ka fawmkem vek tawh anih hi. Keimah leh keimah ka in kuk nghal fawk.






Ka call nghal zat a. Ka niin min rawn biak hnu khan ka hre chhunzawm tawh der lo. A hahtlak lam hret a ni.






"Ka ni te anlo kal dawn aa... " a pick veleh ka ti nghal sep.






"Chuan" a rawn ti tham chhal.






"Ihhh lo kal lo mai rawh an rualin ka haw mai anga" inthlahrung dekin ka ti leh. A hrethiam em ang chu maw. Min chhang miah lo.






"I lo kal tawh hrim hrim ami"






"Kal lo" min chhang tawi tek tawk viau.






"Anih i thinrim lo tiraw"






"Umm" ka zawhna chin chiah bak thildang sawi a tum der lo. Ka tawng loh chuan a ngawi nghal vung vung.






"Anih ka dah" tih deuh hmak pahin ka dah daih.Tawngtam luam chi nilo mahse khati teh nghut nghut a inchhan. Enge sawi tura ka duh phei chu ka hre chuang lo mahse ka thin ati ur reuh tlat khatia tawng bung hmuk hmuk vel kha.






Ka phone pawisawi hlei lo pawh ka bag ah ka khung tau sawk sawk. Ka thin urna kha ngaihtuah chian chuan a te tawp. Nge Adrian lakah hian kalo pangchang tawh viau zawk ni. Aaaaaa ka hre lo ka hre lo, ka ngaihtuah peih lo.






Ka ni tepawh chu anlo thleng har viau bawk si. College pawh a reh tan ti tih tawh. Ka bag atangin ka phone ka phawrh leh rih a games ka khel leh thawr, biak lumlam tur awm bawk silo techuan mahni ringawtin a ninawm ve det.





Reife ka nghah hnuin an rawn thleng ve thei hram. Kalo nghahna lam an nupain an rawn pan phei a. Ka ni hmel chu ala hriam hrak. Inthlahrung dekin kalo nuih ver ver. Mahse ka nuih aza chuang bik miah lo. Theihtawpa tih lungawi ve ka tumna mai a ni. A pasal hmel erawh a serious viau thung. An rawn inhau amawni le.






"Hetah lo awm rawh i patea nen hian kan va hmu ang" a rawn ti deuh hmak. A mizia hi ka hah. Hetiang chuan hrisel ahar awm reuh. Thinrim tun renga nun hman chu ka thaw alo pik zawk.






Chhan pawh ka chhan ve hmain principal office lampanin an kal ta nghal. Kalo nghak leh ngat ngat anga nimai.






Ka pa lo be daih ila atha ang ka nghah chhungin. Ka call nghal zat ka rin aiin arawn pick hma.






"Pa, i haw tawh em?"






"Mambawih" aw zuai raihin a rawn ti.






"Pa, i dam lo mi ngati nge i aw chu" ka chiai ti tih. Kan inbiakin hetiang hian a aw ala awm ngai lo reng reng.






"Nia hei ka khua asik ve alawm le,class i bang tawh ami" a rawn ti zuai leh raih. A aw atang hian a chauh hmel lutuk.






"Umm bang tawh eee... Damdawi te i ei em" ka hlauthawng nghal vek.Ka nu a awm tawh lo va ka pa ka neihchhun hi chu a dam loh hi ka phal lo. Amah ngaihsak turin kan awmna a inhlat bawk si. Tuin nge a damloh techuan lo buaipui ang. A damdawi ei tur tunge pe ang. A chaw ei tur tunge buatsaih sak ang. Chung zawng zawng ka ngaihtuah zawng pawh chuan ka mittui ahnai nghal kuarh.






"Ka ngaihtuah awm hleinem khawsik satliah mai alawm. Ka tha lutuk ka ngaih vang che ania" a rawn ti tham chhel. Ka nui chhuak nghal hak. Keipawh hian ka pa hi sawichhuah thiam phak bakin ka ngai.






Ka ni te rawn ri chhuak lawng lawngah an awmna lam ka hawi phei vat a.






"Pa kalo be leh vat ang che aw. Kan haw tawh dawn a. Chuan in enkawl tha rawh aw. Ka hmangaih che pa"






"Awle, keipawn ka hmangaih che ka fanu"






Ka phone ka dah nghal a ka ni leh a pasal pawn kalo nghahna anlo thleng phei tawh. Ka phone ka bag ah ka khung nghal sawk sawk.






"Vawiin tlaiah hostel ah i lut dawn" ka niin a rawn ti. Ka melh nghal haw. Ka va chang hma leh si ve. Nghah deuh kha angai dawn amaw ka tia. Mahse ka lawm zawk nitina an awmna hmun atanga kal ziah kha a peihawm loh ahla tham si bakah pawisa ahek dawn lutuk.






"Aw le" kalo ti nghal vat.






"Chuan i mamawh tur ho chu i ulawmi nen inlam khawm dawn nia"






"Chuan foreigner student awmna tur room a ruaka tah chuan i awm phawt ang" a rawn ti leh nghal zat. Room chu ka chang chuang lo anga an dillui tihna amawni dawn le. A pawi pawh ka tichuang teuh lo ka awm bona tur anih phawt chuan. Hostel a awm ka thlang zawk ani tawp mai.






"A tha lawm" ka ti sep.






"Haw phawt teh ang u ka lu anuam fahran lo. Nangmah vangin nuam lo chung chungin ka rawn chhuah angaih phah a" ngeiawm rawngkai deuhin a rawn ti leh hram. Engtiang pawn min tawngkhum vel mahse ka dawh chhung a rei tawh dawn chuang lo. Vawiin tlai atangin ka chhuahsan tawh dawn chulamah chuan rilru pek ka duh zawk. A duh duhin lo tawng teh se.






In lam panin kan tlanchhuak nghal a. Ka ni a pasal nen an tawng barh barh reng. Keive thung chu ka pa in ka rilru a luah tluk tluk. Ka ngaihtuah a ni amah chauhin a awm si. Buaipuitu anei dawn bawk silo. Ka rilru a tibuai takzet.






Car a ding dawt a hmalamah ka bu nghal dawrh. Enge mawni teh thut le. Ka hawi chhuak leh nghal vat a. Ka ni erawh pawnah alo chhuak tawh thung. A pasal erawh la thu ngurin ka lam rawn hawiin a nui sung. Awi ka vawthlu tawp chak a hmel leh a engkim hi ka haw ngawih ngawih lutuk.






Melh rawm rawm chungin car atangin ka pen chhuak nghal. A hmel kha keimahin ka hmachhawn reng peih lo.






"Sawmi ka thiannu dawrah hian thawmhnaw en lawk ang. Niminah alo thleng thar a" tih lang lang pahin hmalama thawmhnaw dawr lo awm a pan nghal chat. Ka zui ve dawr dawr.






Dawr chhungah ka penlut ve nghal a. Ka hawikual nghal thuak. An thawmhnaw zawrh ho analh hlawm lutuk tlat.






Ka ni ve thung chu dawr lo nghaktunu nen inbe zat zatin a nui nghal awr awr. A mizia mai mai chuh. Nichin tekhan a luna tisi kha tunah chuan luna hmel pawh a pu tawh der lo lehnghal.






"Sawmte helamah lo kal teh" ka enkual dan dan laiin min rawn hui zauh a ka pan phei ve mai bawk a.






"Hei ka vahnu anih hi Sawmtei. A hmel tehi atha ania" a thiannu bulah ati zat zat. Hah mize hnih chu anei khawp anih hi. Hetiang tehian ka bulah awm ve se chu ka ngainat dawn tehlul nen tih kalo ngaihtuah hmanhmawh.






A thiannu pawh chuan hmeltha min tih thu alo sawi ve luam. Ka nuih ver ver.






"Sawmte i duh thlang rawh ka lei dawn che nia" a rawn tidam leh thluam. Awi inah min thinrim khum phah nan a hmang lo turah ngai ila. Chuan ka thlang dawn chiang lutuk an thawmhnaw hi analh hlawm lutuk tlat.






Thlan tur ka ber ka van hrelo tak. To deuh tur chu tihchi ani mang bawk silo. T-shirt lam hi ka ngainat avangin chulam chu ka en deuh bik.






Fila shirt pakhatin ka mit ala nghal chat. A var leh a pawl tak deuhin a vang zawngin a tial a. A nalh reuh lutuk. Ka khaichhuak nghal a ka ni te dindunna lam ka panpui nghal. A to vak lo ang chu maw.






"Kha kha ami i duh" an dinna bul ka thlen phei rualin ka ni in alo ti var.






"Aw hei analh ka tia" ka ti let a. A bu nghat nghat.






"I duhleh bag kha thlang tel la" a rawn tileh. Ka meng nghal kawk. Enge a awmzia hi le ava thilphal ngai ve.






"A ngai lo ang hei ka duh tawk"






"Bawihi thlang ta che i ni techu mi hausanu alawm anih" a thiannuin nuih var var pahin a rawn ti hluai a. Ka thlang leh anga nimai lawm min hauh leh pawn enge a inhuam vei. Min lei tawh tho tho dawn a.






Inhersanin bag an remna lam ka pan leh nghal zat. Hetah pawh analh hlawm eee....





Gucci bag dum lian vak lo chu ka ban leh nalh. A nalh reuh tawp. Heihi chu ato ve deuh ka ring, mahse ka mit ala ber miau sia. Enge a phal ta sa sa alawm le, hostel ka awmhnua a thinrim changa min hriatchhuah nan pawh atha reng reng. Ka ngaihtuahna avangin ka nui sak.






Min pack felsak nghal a. Ka ni pawn thawmhnaw a lei nual bawk. Pawisa an inpefel a. Eng eng emaw an sawi leh luam hnuah kan chhuak thei ta hram.







Car ah kan thulut a a tum leh hmak tawh. A tum loh deuhin thil min lei ta sia, ka nuih aza.






"Ka leiho che kha roh hliau ang che" ka thutna lam rawn ho chhoh pahin a rawn ti ram hmak. Kalo bu nghauh nghauh.






Eng emaw sawi tumin a ang zuau a a pasalin car a tihnun leh tak avangin a ka chip hmakin hmalam a hawi nghal daih.






Hmalam ka melh ngar reng a, a pasal lah hian car hma darthlalang atangin min la rawn nuih sung zui. Melh rawm rawm pahin pawnlam ka hawisan ta daih. A hmel seng sung kha ka hmu peih lo.






In kan thlenin ulawmi pawh alo awm tawh. Nui sen senin min lo chhawn nghal vat a. Ka ni thung chu an room lam a pan ding nghal. A pasal hospital lamah alet leh thung.






"Eeeeh ka niin a duat bik che ni maw" mitmeng chimawm zeta min melh ral ralh pahin a rawn ti chhuak nghal ser ser.






"Awi mate he bag hi analh lutuk" tih hluai pahin a rawn phawrh nghal zat.






"Chuan hei chuh iva duh pa ve"






"Pa ami nalh ka tia" kalo ti nghal var.






"Nia kan nalh tih hi a hlu ber alawm chuan keipawn pek tur che eng emaw ka nei ania" Ulawmi lam ka hawi nghal zawk.






Nui var var chungin a kekawr ipte atangin silver thi a rawn phawrh nghal zal zal. Ka khek chhuak that.






"Awi û ka lawm lutuk analh bawk si" tihpahin ka kuah nghal chung chung. Ka lawm tak tak. Hetianga û fel deuh neih hi anuam lutuk.






Ka kutah a rawn hmehbela. Awi avan nuam tak. Ka enchiang a a locket cross ani zui bawk a. A sin dan zawng zawng nen ka duh vel vek.






Khum atanga thochhuakin darthlalang hmaah ka va awrh vel. Ulawmi'n nui var var chungin min lo en reng.






"I duhzawng ani chu ka lawm" a rawn ti dam thluam. Leh hawiin ka nuih let sen sen. Ka van hlimpui chiang tak.






"E û engtik nge Aizawl lam chu i pan ang"






"Buaipui ngai ala awm a karleh tirlamah chuan ka kal thei tawh ang... Tinge min ning tawh ami"






"Aih chutiang anilo" uar fahranin ka tilet nghal.






"Tak takin ka pa ka ngaihtuah lutuk a. Kan rawn haw hma khan ka bia a a dam vak bawk si lo va ka awm anuam lo. Chuan Aizawl i chhoh hun chu please i hman changin lo tlawh thin rawh aw" ka ti ta duah.






"Tehreng mai kalo tlawh thin dawn nia"






"Intifai tawh rawh, buaipui tur ka nei sia ka room lam ka pansan dawn che nia" tihleh thawh arual nghal a. Kawngka lam apan chu tho thutin a hnungah ka zuangkai a alo inring bik lo nen kawngkhar a nek nghal rawk rawk.






"Nangni pahnih kha enge inrik chiam chiam renga" kawngka rawn hawn thuai pahin ka niin arawn ti vin nghal hlar. Keini pahnih lah kan lo inpaw ur mai bawk si min hmuh rualin a meng nghal kawk.






"Naupanchhiatthlak lutuk. Ka nuamsam lo tih inhre lova mi inrik reng a. Thawm rawn nei tawh suh ang che u" tih vin hlar pahin kawngkhar a khar ri nghal bur.






Ulawmi'n chhuatah min nghatthla a nui ri ngam si lovin kan dir nghal chur chur. Ka pum ana nghal vek. Nuihza bawk si insum ngai bawk si. Ulawmi phei chu chhuatah athal nghal tawp.






Mittui tla phunga kan han nuih chiam chu.





Ulawmi la nui sak sak chungin min chhuahsan a, ka mamawh lakhawm zung zungin bathroom lam ka pan ve nghal.






Ka pa ka ngaihtuah ani amah mai chuan hreawm ati dawn eee... Min tirhbo loh mai tur kha ania. Ral atangin engmah ka tihsak thei bawk silo. Rilru a nuam thei thlawt lo.






Ka inbual zo ka inthlak fel zung zunga. Room atang kha chhuak living room atangin ka ni in pawr fahranin ka hmingpumin min rawn ko. Ka phu zawk thei kalo inring lo nen. A thutna lamah ka phei vat a.






"I ulawmi ko la i mamawh ho chu campus pawnlamah va lam khawm zung zung rawh u" aw ka nem fahran lo hian a rawn ti thah.





"Shida eitur kha siam zung zung rawh Sawmi hi a eihma angai ania" kitchen lama an nula eisiam a au zui lawng lawng bawk.






Ulawmi ka ko hmasa te te a ka room lamah lut lehin ka purse lain pawnlamah kan inzuichhuak ta nghal.






Kalpahin eng eng emaw kan sawi a kan nui leh thin.






Kalna tur pawh en miah lovin ka tawng phei barh barh reng chu side drain ah ka liamthla nghal puat.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:50 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-15





Cement char pawnglaiah ka ngal ka tauh zui ana tihpiah lam ani. Chuta karah ka phone a kotlangah ka tauh tel a ri rawp thei. Ka en nghal vata a keh ruai lehnghal. A chhe chiang viau ang.






Ulawmi lam ka en vata min puih chu sawi loh leiah a thu a a nui dir char char. Ka liamdan kha anuihzatthlak ang mahse ka nuih aza ve lo ka ngal tauhna a tur nghal ut ut.






Ka phone a ko ah ka dah a ka ngal ka en nghal vat a duk ruih thei. A na reng bawk ani.






"I na em" rawn ti suptu lam ka melh nghal vat a Adrian ani. Ani pawh rawn thuhniamin a nui ve tho. Ka ngal na ka tih lutuk na lamah thawhchhuah nachang pawh kalo hre lo hrim hrim.






Ulawmi insum thei lo anui chhuak nghal hak. Tunah tak hichuan ka thin arim zawk min na kan tuar a chuta kara lo nuih. Anti awm ang lo lutuk.






Side drain atangin min pawmchhuak nghal nawlh a, ala nui reng tho. Ka melh nghal rawm rawm.






Ka ngal rawn enchiang tumin a rawn ban a akut kalo vai persak nghal nawlh. Chu chuan anuih atiza zual amaw tih mai tur.






"I duh tawkin min nuih rawh" kati nghal hlar. Min rawn enin a nuihza hmel a reh nghal riai riai.






A hmel pawh en duh lovin ka ngal lam en daihin ka chhem nghal heuh heuh.






Min rawn ban leh atum a ahma aia na zawkin a kut ka vai per leh lawp.






Dinchhuah ka tum a ka te nghal that ana reuh phian.





Min pawm nawlhin thutna tur lo awm hnai berah min nghatthla a, ka hmaah rawn thuthla ve nghalin ka kekawr hak hlim chhing deuhin a rawn thlek nghal vut vut.






"Kalna tur en thin rawh ka tih kha" tih sup pahin a tuai nghal hauh hauh.






"I thu lo" min nuih avang khan ka thin arim tlat.






Min rawn en nghal vut a. Ka hawisawn nghal hmak. A nui suk ri ka hre tho. Ka ngal chu na lo se ka tlawh pawp tawh ang a eng ber khan nge a nuih tiza a anuih ṭhaw reng. Thil hlimawm pawh ni tawp si lo.






Ulawmi a rawn thu thla ve nghal a. Ani pawh ala nui tho. Mahse ka ngal arawn hmu chiah chu anui tawp nghal hmak.






"Awi mate i va tauh na reuh ve" ati nghal chul. Kha kha ani dawn reng asin enge an nuih chiam chiam.






"Enge hetah intih dawn" ka ngal tuai hauh hauh pahin Adriana'n a rawn ti vut. Ka chhang awm lo. Duh leh ulawmi'n chhang rawh se.






"Aaaah vawiin tlaiah hostel ah alut tawh dawn a a mamawh tur kan la khawm dawn anih hi" ka ngawih reng vangin ulawmi'n a rawn ti hluai.






Adriana'n min rawn en nghal vut. A mithmul ati kang zauh a ka hrilh loh vang nge a lungawi chiah lo tih min melh danah ka hre mai. Ka melh let ve kar.






Hrilhna hun pawh ala awm miau hleinem. Bakah bung deuh deuhin ka call pawn min chhang vei anihkha ahnu a hrilh leh tur pawn.






A ding nghal vut a. Ka en chho nghal haw.






"Kalo va kal ang chuan kan inbiak angai bawkin ka hria" a rawn ti sup.






Ka chhan ve hmain a inher vut a abike hunna lam apan nghal nul nul. A hnunglam atangin ka melh tlawk tlawk.






A bike hunna a thlenga a chuangkai nghal vut. An inlam apan dawn amaw tia thlanglam panin a dawk chhuak nghal zawk anihchu. A lungawi lo viau amawnle. Engmah hrilhna hman pawh kha a awm miau lo va hrilh duh pawh ni ila.






"Chupa hmawk hmawk chu" ulawmi'n a ti zui lawng lawng. Min rawn en a za vak lovin kalo ṭhen sak.






"I kal thei ang tiraw." Kalo bu nghauh nghauh.






Nat chu ana a mahse kal theih loh phahna khawp ani chuang lo.






Min kaitho a dawr chhung lampanin kan inzui lut nghal. Ka bai deuh sawih sawih vang nge mak min tih hmel hlawm. Hetiang mai mai pawh mak thlirin an thlir hu hlawm zel ania anva hahthlak hlawm tak.






Helai chu han lei em em tur pawh a awm chuang lo. Mamawh zualpui tak tak chauh kan lei. Abak chu hostel aṭangin ka ngaihtuah tawh mai ang.






In kan thlenin kan indah fel nghal zung zung a. Ka ni ka awmna room kawngkaah a rawn dak a ulawmi nen ka hawi nghal haw.






"Driver ka be tawh a a thlah ang che" ka lakah hichuan a aw hi ava nem lo ṭhin tak.






"Lawmte i duhleh i kal ve dawn nia" a rawn ti zawm leh zat.






"Nia amaha luhtir ringawt techu a chi nang" Ulawmi'n alo ti nghal thuai.






"I thu thu le" tihpahin a pensawn nghal.






Kan indahfel chhunzawm lehnghal mawlh mawlh laiin ulawmi phone a rawn ri a a dahna lam apan nghal vat.






"Mate Adrian" min rawn melh pahin ati sep.






"Kalo bia ang" tihleh dinchhuah ka rual nghal. Phone min rawn pein kan thil tihlai a chhunzawm lehnghal mial mial.






Kalsawn deuh hretin ka pick ta chauh.






"Rawn chhuak rawh pawnah ka awm" a rawn ti thawr. Chhan tumin ka ang zuau hman a dah nghal daih.






"Û pawnah ka awm atia" ulawmi melh kiau pahin ka ti sep.






"I hostel luh tur kha i hrilh si lo va a lungawi lo ve deuh pawh ani mai thei... Va chhuak la va inbe ru" nui sangin a rawn ti vat a.






"Mahse ka ni"






"Lungngai suh a hre lovang." Ulawmi nui hmel hi ka thlamuanpui lutuk. A awm loh hnuah chuan ka ngai ngawt ang.






Room atangin ka bai chhuak suih suih. Pawn ka thlenga hmanzan min lo nghahnaah min hnungchhawn zawngin alo ding vang.






Hnunglam atangin ka thlir ngawih ngawih. A chhelo ve chiang ngawt mai.






Hostel ah ka awmsan daih dawn sia hmuh pawh kan inhmu hlei thei tawh awm silo. Ka khua ahar lawk. Chhuah mai mai ka tan a harsa dawn si bakah hetah pawh inhmu reng thei lo mahila kan la in awm hnaih tal a. Kan awmna ahrang nalh tawh dawn si.






Ka pan phei a ka thawm a hriat rualin a rawn inher nghal vut. Ani pawh a hmel a nguai ve ruih tho. Kei ang tho hian a huphurh ve tho turah ka ngai ringawt nge thildang vang zawk.






A rawn pen hnai hreta rawn kun hniam deuhin ka biangah a rawn dawm nghal vang vang. A awmdan hian ka ṭah atichhuak vek.






"Hostel a i awm tur min hrilh lo va" a rawn ti sup. Ka melh chho ve kiau.






"Hrilhna hman che a awm lo lawm" kati chhuak sep. Engmah sawi lovin kan ding dun ngar ngar.






"Ka rawn thlah ve ang che aw" a rawn ti leh sup. Kalo bu nghauh nghauh thung.






"Ka ngai che" tihpahin min rawn kuah nghal thlawp. Ka mittui a tlingpam tawh. Keipawn ka ngai dawn lutuk.






Ka chhipah a rawn fawp fawp leh vang vang a. A inlahrang thuai. Ka mittui ka biangah alumthla nghal pap.






"Shhh.... Hmu tur chein ka rawn kal ṭhin dawn alawm" a rawn tidam thluam. A aw dam lutuk hian ka ṭah atichhuak sauh. Ka inhnit nghal hlap hlap. Inhmu tawh ngai lo tur ang mai hian ka inchan ni berin ka hria.






Ka bianga rawn dawm lehin ka mittui a tuai hul a ka mitah a rawn fawp a kalo maimichhing chial thung.






"Booboo meng rawh le... Hmu tur chein ka rawn kal ziah dawn alawm" a rawn ti dam leh thluam.






Ka meng siar siar a min lo nuih suk. Za vak lovin ka nuih let ve.






A kawngah ka kut rawlh lutin ka kuah lehnghal thak a, min rawn kuah let ve thuai. A awmah ka bei vang vang a thin phu dawt dawt ri pawh ka hre thei. Hetiang hian awm dun reng thei ila kati.






Kan inngaihzawnna la rei lo mahse abula awm nuam kati a ka thinlung takin ka hlim bawk. A bulah hichuan ka kim ngawih ngawih bikin ka hria. Ka pa tih lohah chuan Adrian hi ka mipa hnaih hmasak ber awmchhun ani bawk. Reilote chhung khan ka duh lutuk tawh tih ka hre bawk. Min thlauhthla leh ta si se chutiang lam chu ngaihtuah loh zawk ka duh.







Ka awmdun tawh hichuan hun hi akal duak duak bik hian ka hre thin.






A mit meng thil ti thei tak min melh tawh phawt chuan ka tuiral zawih zawihna ṭhin te, a hnar ngul sang vah, a hmui fawh nuam em em te, a insual hratna zawng zawng, a tawng bung thei tak te a zavaiin ka duh ngawih ngawih em em vek. Amah Adrian a awm zawng zawng hi ka duh vek.






"Booboo let tawh la" min la kuah reng chungin a rawn ti sup. Ka chhipah a khabe a tiche kual ralh ralh bawk.







Nuichhuak hakin ka che deuh a min kuahna a phelh thawl nghal vat.






Ka en chho kiau a ka hmuiah a rawn fawp zauh. Ka lo nuih var var thung. Inṭhenhran ngai lo va awmdun reng theih hi ka chak.







A bula ka awm hian ṭawng duah ṭhin lo mahse amitah hian min care zia ka hmu thin. Hetak hi amah hi min thlakhlelh zualtirtu ani bawk.






"I phone kha a chhia em"






"Umm" kati sep.






"Anih leh i ngal kha" tihpahin a kiai suk. Ka chet chhiatdan kha a ngaihtuah let anih ka ring a kiai suk danah hian.






"Na deuh ani lo a dam mai ang" kati sep a.






"Fimkhur tawh rawh aw" buk nghauh nghauh pahin a rawn ti leh a. Za vak lovin kalo nui sak thung.





Inlamah ka letsan a, inchhung ka lut chu a reh deuh riai. Khawnge an awm vek le.







Ka room hman lam ka pantlang nghal a. Ulawmi'n ngawi rengin ka thil alo la buaipui mial mial. Alo chhunzawm pawh ka ring tawh lo ania mahse alo la buaipui ngat ngat anih dawn hi. Û nih atlin ve ngawt mai. A fel kati hle bawk. Awm lo tase hrehawm ka tih turzia chu.






Khum lam ka pan pheia ka thuthla nghal thak.






"I lo let tawh maw... Kha i hmui avung deuhin ka hria" nui put put chungin a hmui a rawn ti pawrh kual vel. Min fiam tih ka hre mai. Mahse tlem chuan ka zak ve deuh. Laklawh deuhin ka hmui ka hup ta ringawt a ala nui chhuak awr awr zui.






Room kawngka a rawn inhawnga ulawmi nuilai pawh tawp chawtin kan hawi rual nghal.







"In inpeih tawh em" ka ni pasal kawngka ding chungin a rawn nui sawng.






Ulawmi lam ka melh nghal vat. A hmel saw ka hmu peih reng reng lo. Tun thleng hian ka pawi asawi em em pawh ani chuang lo amah hi ka ngei ve tawp, bakah ka ṭih tel bawkin ka hria.







Tumah hi ka pawisawi loha ngei hi ka neih awm pawh ka hre ngai lo mahse ka ni pasal hi chu a dan adang tlat. Ka hmuhtirh phat atangin ka ngei ngei em ringawt ania. Aaaa ka sual zawk nge pawh ka hre tawh lo.






"Peih ani mai" Ulawmi'n a ti thuai a. Bu nghauh nghauhin kawngka bul aṭangin a pensawn ve mai bawk.






"Û ka rualin thil ei ve nghal daih la mahni a ei chu atui duh lo eeee..... E chuan phone kan en hman nghal bawk ang tiraw... Phone ka lei nghal loh chuan a buaithlak dawn eee... " ka ti duah.







"Umm ka eipui dawn che nia"







"Nia a remchan chuan en nghal mai pawh apawi miah lo" a rawn tihzawm leh zat.






Ka thil tur vel abuaipui pawh puih tum tawh lem lo chuan khumah ka ṭhu vel ta mai mai. Ani lah engmah sawi chuang hlei lovin a chhunzawm mial mial reng.







"Kan zo e chhuak ila" a rawn dingchhuak a ake aper nghal tlat tlat.






" Ka ṭhurei lutuk a ka ke amu vek" tihpahin a chawn a chum nghal taih taih a. A kebul a ṭhuhniam vatin a chawn kava hmehsak a hriatthiam loh hmel deuhin min en nghal haw.






Dak chho vahin kalo nuih var var.







"A mu iti sia ka kaitho dawn." Arawn nuichhuak hak. Keipawh ka nui ve tho.






"Che maksak thei si" nuih put put pahin a rawn ti leh.






Kan inzui chhuaka ka ni te nulain eitur alo rem diat tawh.






"Shida ka ei ve nghal ang min siam kep rawh" ulawmi'n ati nghal thuai.






Chair ah ka ṭhuthla a ulawmi pawh a rawn thuthla ve nghal a. Living room lam ka hawiphei a ka ni alo ṭhu tum deuh hmak. A pasal hmuh tur a awm tawh lo thung.







A eng hi ahria nimaw a tum deuh hmak reng le. A hmelṭhat nen ahmel hmuh a hreawm vek zel. Bakah a mizia hi mi chunga lungawina hmu lo chi mahni chauh inhmu ṭha ngawih ngawih hi a ang ka tiber. A khawngaihthlak zawk. Hrisel a har ngawt ang mawle anui khat ve emai.







Driver a rawn thlenga ka bungrua vel kan thiar chhuak nghal zung zung. Pathumin kan thiar bawka arei lo duh khawp mai. Kani ve thung chu room lamah a inkhung leh hmak tawh. Min tihpui lo mahse lo awm mawi ve tal awm nge ka beisei sang mah mah zawk.






"Mate kani chu kal hmain va hmu la" kan tifel zawhin ulawmi'n a rawn ti thuai. Inchhunglam ka pan a driver nen pawnah min lo nghak thung.






Ka ni te room hmaah ka ding deuh ren rawn a, ka kik hreh deuh tlat anihchu. Min lo vin chiam ka hlau deuh sia. Mahse hmuh hram chu ṭha tho bawk si. Hreh deuhin ka kik ta tho.






Vawi thum vel ka kik hnu pawn thawm a rawn chhuah eih lo anihchu. Kawngka ka nem deuh a alo inkalh loh avangin ka lut ta tho. Banglam hawi zawngin alo mu a an khum lam ka pan phei vat.







"Ni ka kal tawh dawn aaa... " inthlahrung deuhin ka va ti dek dek.






"Kal thuai mai teh... Ka nuam lo tih ihre lo ami mi rawn tihbuai ṭalh a" rawn ṭhutchhuah zawk pahin a rawn tivin ṭhawt. Awi ka va phuchiang ber tak. Kalo inring vak lo nen ka kat dawrh thei. Min la melh rum em em zui. En pawh en ṭha ngam lovin hnuailam ka melh ta ngar.







Min melh ngar ngar tih ka hre tho a mahse ka melh let lo hrim hrim. Ka phuchiang lutuk kha ka thin hi a phu dawt dawt thei.






"Anih ka kal aw" ka luhlul chhuahin ka ti leh hram. Ṭha taka inthlah hi ka duhdan ani hrim hrim.






A muthla nghal chawrh a min en tawh loh avangin ka ner nawng.







Rang fahranin an room atangin ka chhuak a khawngkhar dimtein ka khar riai riai. Ka awm ka dawn a ka thawchhuak ham ham.







Kawtah ka chhuak pheia ka ni te nula pawh car bulah alo ding vang. Min thlah turin a rawn chhuak ve anih ka ring.







An dinna lam ka pan phei a. Ka ni te nula in min nuih var var pahin min lo ban vata ka kut ka pe ve mai bawk a. Min lo kuah nghal thakin ka hnungah a beng thak thak.







Ka ni te nula hi kei aiin a upa zawk a chuan nau anga min enin min duat ve reuh lutuk. Inbe thiam lo mahila engtin amaw tak hian kan inpawh ve reuh lutuk a fel reuh phian bawk si. Chuan ani pawh naktuk aṭangin ka ni te inlamah hian a insuan lut tawh dawn bawk a.






Min kuahna phelhin min nuih leh var var a ka chhipah a kut a rawn nghat vang vang. Keipawn ka nuihlet ve tho.






Car ah kan ṭhulut a kan tlanchhuak ta nghal. Hawiletin ka kut ka vai lap lap a ka ni te nula pawn arawn vai let ve lauh lauh.







"Mate Adriana'n gate pawnah min nghak aw" Ulawmi'n a rawn ti nghal vat. Chhan pawh chhang lovin abulah ka tawlh phei sat sat a abanah ka kuah nghal thak.







Gate pawnah ulawmi'n driver a dintir a. Adriana'n kan dinna lam arawn pan nghal vut. Nichina a thawmhnaw hak kha alo thlak leh vek tawh. Chuan a fresh sar bawk. Awi ka van en nasa thei bik tak ka hmu kimchang thei bawk si.







A rawn dak luta kalo nuih var var.







"Ka bulah lo kal la" a rawn ti sup. Ulawmi lam ka en nghal vat a. A mit hmul tisang zauh zauhin pawn lamah a thle nghal buk. Ka nuih hak. Inla zei vel si.






Car atangin ka penchhuak a Adriana'n ka banrek a chelh vutin a bike dahna lamah min kai phei nghal a. Ulawmi te lam ka hawi leh a lei min rawn chhuah khum zauh zauh anihchu. Ka ṭhen khum sawng.






A chuangkai a keipawh ka lawn ve nghal vat.






"Min rawn kuah rawh le" a rawn ti leh sup.







A kawngah ka kuah nghal vat a ahnungah ka bei nghal thlap. A taksa lumnain min ur nghal ham ham chuan a rimtui hle bawk.






A tlanchhuak a ka mit ka chhing nghal chial.






Tunah hian kan pahniha kan awmdunna hmun tur kan pan ni thei se kati.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:50 pm

ERES MI VIDA(You are my life)








Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜







Chapter-16






Bike ati ding dat a kan thleng tawh tih ka hre thei. A hnunga beichungin ka mengchhuak a.






"Booboo kan thleng" a aw pa lutuk leh min duatna a khat nen a min biak hian ngaihthlak nuam kati thin.






"Umm" ka ti sep.






Ka kuahna ka phelh a ulawmi tepawh an rawn thleng chawpchilh ve nghal.






"Mate phone chu naktukah en mai rawh atlai tawh ang reng sia" rawn pen phei pahin a rawn ti lang lang.






"Aw le pawi chuang lo." Zanin chu ka pa ka be thei dawn lo tihna ani nghal pang. Pawi lo naktukah ka hrilh tawh mai ang chu. A khawsik pawh azia deuh tawh ka beisei.





"Hello baby" ka hawi nghal dawrh. Kan dinna sir lama tlangval pathum ṭhu in min lo nuih sawng. Engah mah ngai duh lovin ka inher a.






"Can i f*ck you" aw ti tenawm kual velin a rawn ti leh nghal zat.






Adrian inherin anlo ṭhutkhawmna lam a pan phei nghal pawk pawk.






Min rawn tawngkhum tupa ber kawrawmah thamin a pawt ding nghal lawp.






Helai hmun a a insual chuan a tha dawn miah lo. Henglai mi cheng ho phei hi chu ka hriat danin inpunkhawm a in sawisak rawn an hrat anti lehnghal a chutiang chu thleng turin ka duh lo hrim hrim.






Adrian te lam a pen phei hlawk hlawkin a kawr hnungah ka vuan nghal chawt.






"Engtin mah ti suh"





"An tawng duhdan kha ka duh lo" a rawn ti chhum hmuk.





"Engtin mah min tih chuan loh hi thlah tawh rawh" ka ti nghal zat. Mipa leh mipa inkarah ka inrawlh ngam tawh ania ka huai sawt ta khawp mai.





A thamna a thlah a a kalsawn mai dawn amaw ka tihlaiin a bekah a hnek ri nghal chawrh anihchu.





A hnekpa leiah a hlawmthla nghal tawp. Ka kâ ka hup nghal chawt. Ulawmi leh driver an rawn tlanphei nghal vat bawk.






"Ka hmeichhe lakah hian tawngkam mawi lo i hman vanga lawmman anihkha" tih hrawk pahin a pumah a chhir zui nghal dawt. Ka meng nghal kawk. Lei charah a vial nghal ngawl ngawl.






Hlauh lam pawh alang lo chawh kati ve tho. Hmeichhe hma a tawngkam mawi lo a hman vang a a chan tawkah ka dah hmiah.






Tharum hman angaih chang a awm thin ana zawnga buaina chinfel nan a hman hi thiltha ani lo bawk. Mahse tun hi chu hepa cho chhuah liau liauah hian ka ngai hmak.






A thiante lah chu puih chu khawilam an tlansan hmak bawk a.





Tham thawh leh mai atum chu a kutah ka vuan nghal chawt. Min rawn en nghal vut.






"A tawk tawh" ka ti nghal sep.






A kut ala hum ruh ngat ngat danah a thin ala rim tih ka hre thei mahse khawih zawm tlak a ni tawh lo tih a hre ve aniang a rawn thaw chhuak hawk.





A kutah ka vuan a car kan hunna lamah ka kai phei nghal zat. Tun ṭum mi kut athlak hi chu thinrimah pawh ka la lo hrim hrim min chhan nan a atih ani bawk a. Mahse ana zawnga kut thawh kher hi a ṭha ber chuang lo.






Ulawmi leh driver pawn lei a tlu hlawm reng pa pawh ngaihsak duh bik lovin car hunna lam an rawn pan phei veleh nghal a.





Engmah sawi zawm tawh lovin driver in ka bungrua vel adahchhuaka Adriana'n a pui bawk.






A chevel reng reng hi a hmuhnawm em em bik ni mai hian ka hria. Engkim hi a dik thlap thlap bik thin.






"I mitmu a chhuak dawn" Ulawmi'n ka bengbulah a rawn ti sar sar a ka melh nghal vat. Alo nui vun vun. A chimawm thei sia. Ka nui veleh ringawt. A bula awm hichu nuihna tur hi atam thin, kan nui reng zel ahahdamthlak bawk.






Bawr tunin hostel lamah kan inzuithla diah diah a. Gate bulah kan ding thap security in gate rawn hawngin warden ni awm tak hmeichhe te lampang kan lam hawi zawngin a rawn pen chho hlawk hlawk bawk. Faktei pawh kha hostel ah hian a awm tak. Mahse ka lut veleh nghal ang tih a ring bik miah lovang mawle.






Ka room awmna tur building lamah min hruai thla nghal a.






Hostel campus pawh a nuam a building zawng zawng an sakdan tehi a hmuhnawm lutuk.






Ka hawi nasat lutukna lamah ka inchhuih leh khut pek. Adriana'n min rawn dawn nghal vat.






"Fimkhur rawh" a rawn ti zawi ruih. Kalo nuih tlawn ta vel. Fimkhur tur hian min duh thei si keilah ka hawk dak bawk si.






Building chhung kan lut tur chiah Faktei a rawn pen chhuak ve chiah min hmu thut chu a khek chhuak nghal ṭhat. Kalo nuih var var thung.






"Aaaa ilo lut dawn tih ka hre lo reng reng. Van nuam dawn tak" a ti lang lang. Ulawmi nen kan in en a kan nui tawp.







"Eeeeh i ṭhianpa satliahin a rawn zui che nimaw" mitmeng chimawm zetin a meng kual ralh ralh. A hrethiam tawh tih ka hre mai.






Adrian a rawn hawi nghal vut. A hmelah alawm vak lo tih ka hre thei thian satliah tihlai ber kha a rawn sawi tel kher bawk si. Kalo nuih tlawn ringawt. A penlut nghal daih.






Faktei nen kan vawikhat inhmuhna chauhah ka bialpa ania kati nghal ngawt ngam bik miau lo va. Bakah a cousin alo nileh zel nen ka tan sawi chiam anuam lo bawk a.






Nakinah Adrian chu ṭha deuhin ka hrilh leh mai ang. A hrethiam em em ang.







Ka room tur pawh rin ai takin anuam azau vak lo tih mai loh chu. Bathroom midang tenen intawm angai lo tur hrim hrim pawh hi anuam. Hmanhmawh thil thuah intawm hi abuaithlak thin.






Faktei a tawng barh barh renga akhat tawkin kalo zawm veleh zauh zauh thin. Mizo hostel a awm ve ho pawh an rawn lut ve thliah thliah. An fel hmel hlawm min rawn be ve nghal sawt sawt.






Mahse Adrian an melh dan hi ka duh lo. An laih kawi veldan atang hian an an awmdan ka hrethiam mai. Ani lah chuan a ngaihsak loh hmel hlawm ropui sia, chupawh chu ka lawmna tawk a tling leh em em tho.






"Û kal tawh mai ru keiman kalo tih chhunzawm mai ang intlai lutuk ang"






"Nia pawi miah lo itih theih dawn tho chuan" a bana sana en zauh pahin a rawn ti ve nghal vat a.






Adrian lam ka hawi a hriatthiam harzetin min lo melh ngur. Kan lai leh ringawt pek. Leichhuah zauhin ka hawisawn daih. A nui tih ka hria mahse ka en ngam tawh der lo. Min melh veng veng hian kala lai tlat zel awmdan tur ka thiam lo thin.






Gate lampanin kan inzui chho diah diah a. Adriana'n ka kutah a rawn vuan nghal a, a hmel ka en a kalkawng chauh alo en ngur thung.







Faktei leh ulawmi an titi chho barh barh a. Keini an hnungah ngawi rengin kan kal thung. Hostel atanga ka chhuah zen zen theih loh phei chuan kan inhmu khat dawn si. Ka tah a chhuak hlur.






Ulawmi leh Faktei lan theih lohna chinah min dinpui a. Ka kut avawnna thlahin ka biangah arawn dawm a ka melh chho ve khiau.






"Ka ngai che" a rawn ti zawi sup.






"Hetia kan awmdun reng lai pawh hian maw" kati let ha.






"Umm"






Ka kawngah a kut rawn rawlh lutin alamah min pawt hnai a, a mit tizim sunin a rawn kun hniam ruai ruai chu hnunglamah kalo awn ve thung. Rawn nui chhuak hawkin a chalin min rawn tauh bawp anih chu.






Melh rawm rawmin ka chal ka tuai nghal vat vat a ka rin loh deuhin min rawn fawp thut. Ka thin a phu leh nghal zaih zaih tawh..





A chetdan engkim hian ka awmchhung ami hi ati phu rang thin.






Ka thiam ang tawkin ka chhang let ve vat a. Min rawn fawp uar sauh thung. Min ei zawh vek tum ang maiin a duhthawh.






Reingial kan infawh hnuin thaw hlawp hlawpin kan inthlah thei hram. A kutzungpuiin ka hmui atuai nghal hauh hauh.





Ka hmui atuaina kalo sehsak zauha anui chhuak hawk hawk. Ka tal phata min kuahna ati nghet sauh.






"Chuan thian satliah maw kan nih" mitmeng tizim sunin a ti sup.






"Aaaaa kha chuuuu" kati fan raih. Han sawichiam tur abula ka awm chiah hian ka hre leh tawh lo. Ka thusawi tur hi ka lem zo vek zel nimaiin ka hria.






"Hmm thian satliah sawifiah deuh la" tihpahin a kut lehlamin ka khabe a tuai kual hauh hauh a mitmeng chimawm zetin min la melh zui.






"Ka sawi tur ka theihnghilh daih. Eeee ni leh lo phungin min sawi khalh" ka sawi zawh rualin dak chungin a nui chhuak nghal hawk hawk. Ka thusawi kha naupang chhia ati deuh anih ka ring. Keipawh ka nui ve tet tet tho.






"Rules siam ang" melh chho ha in ka ti hluai.






"Rules" rawn ti nawn ve supin a chal a ti chuar nang nang. Naupangchhia tih hmel fein a hmelah nuihzatna alang chhuak nghal.






"Sawi la" ka tum deuh hmak vangin a rawn tileh sup.






"Umm uluk deuhin lo ngaithla ang che" A bu ngauh.






"Ok rules no 1. No more fighting"






"What???" a rawn ti chhuak hluk.





"Booboo iti mah mah lo maw" a rawn ti let nghut.






"Tharum hmang a engkim chin fel hi aṭha ber lo, nichin ami vang kha chuan ka thin a rim lo mahse a theih hram chuan hetiang lakah hian inthiar fihlim thei zel la ka duh" serious fe in ka ti zawm zat.






"Ok i'll try"






"Mahse"a ti zui leh nang nang.






"Ngaithla rawh"






"No more drinking" kati leh zat.






"Booboo kha chu" ati zui leh zat






"Shhh listen i'm serious" tihpahin ka hmuiah ka kutzungchal ka nghat a.






A kut lehlam lek chhuak vutin a hmui a zip vel anihchu. A chetdan hi chimawm riau chang hi anei thin.






"Chuan i lerh kual vel phalsak i nilo bawk aw hrethiam em"






"Cross my heart" ati zui sup. Ka nuih nghal var var.






"You know you look cute when you're bossy" tihpahin a rawn kun hniam nghal zat.






"Kal ang min nghak rei tawh ang" tihpahin anakah ka piaisak a. Min kuahna atanga tal chhuakin ka kalsan nal nal.






Hawilet lehin lei ka chhuahkhum zauh.






"Nangte hi" tihpahin a ban a phar hluai.






Ka hui zauh a a rawn phei ve mai bawk a. Ka bula alo thlen veleh a kutah kalo chelhsak nghal vat. A hmel pawh en duh lovin hmalam ka en ngar.





Ka kut rawn hum nghetin ulawmi te dinna lam kan pan nghal.






"Nangni pahnih chu nghah man in awm ngei mai" Ulawmi'n alo ti zawrh zawrh. Faktei alo nui tet tet bawk. Ka zak ve det.






"Mate in enkawl tha la chuan lehkha tha deuhin zir bawk rawh aw" tih lang lang pahin ka darah a rawn beng thak thak a.






"Aw le ka û duhtak" ka mit ka siai nghal zauh.






"Nghal thiam" ṭhen sawng chungin a rawn tileh.






"Kal ang" Ulawmi'n Adrian melh pahin a rawn ti leh zat.






Adrian kut ka vawnna ka thlah a rawn hum leh nghal chatin alamah min pawt hnai a ka chalah a rawn fawp vang vang. Tunah tak hichuan abula awmhlen daih mai ka chak.






Midang awm ve pawh ngaihsak lovin a kawngah ka vuan a ka maimitchhing chial.






"Naktukah kan inhmu dawn nia. Tui deuhin mu rawh aw" a rawn ti zawi ruih.






Ka mitmengin dak chho vahin amitah ka melh ve kiau. Rawn kun hniamin ka hmuiah a rawn fawh zauh rualin ulawmi leh faktein an aw anlo thian karh karh. An lam hawi vatin lei ka chhuah khum zauh. Adrian bula ka awm tawh hichuan midang kalo hrechang tawh thin lo. Zah avangin ka biang asa nghal hat hat.







Adrian hmel ka en leh a engahmah angai velo anih ka ring ahmelah engmah alang chhuak ve miah lo. Ka vawnna ka thlah a.







"Muttui aw i mumangah min hmu la" a rawn ti thum zawi ruih. A aw chhuak reng rengah hian ka pil vawng vawng zel nimai hian ka hria.






Ka kut avawnna a thlah a abike hunna lam panin a chuangkai nghal vut. Ulawmi telam pawh ngaihsak tawh lovin Adrian lam chauh ka thlir ta reng.






"Mate anih aw" a rawn tihchhuah rualin ka harhchhuak thut. A dinna lam ka hawi nghal vat a.






"Umm nih leh le muttui" nuih sen sen chungin ka ti let ve zat.






Ani pawh car ah thulutin a ban a rawn vai lap lap a keipawn ka vai let ve thuai.






Adrian lam ka hawi leh a a bike tinung hlut hlutin alu a rawn bu zauh a kalo nuih var var.






An tlanliam a ka ruak nghal vek. Adrian ka ngai a, ulawmi pawh ka ngai tho. Mahse ka ngaihdan a in ang lo tih mai loh chu.






"Chhuk ang chaw ei ahun dawn" Faktei a awm tih pawh kalo hre leh tawh lo hrim hrim. A van at theih tak.






"Umm"






Hostel lampanin kan inzuithla a eng eng emaw a sawithla barh barh reng a kalo zawm ve zauh zauh. A tawng duh ve ngawt mai mahse ngeiawm lam ni lovin. Adrian nen kan chungchang engmah min zawt zui lo chu ka thaw huai thei. Han sawi chhuah dan vel kha ka hre dawn lo ropui si.






Ka room lamah kan inzui lut leh a, ala felfai viau lo han dahfel tur ala awm nual.







"Chaw la ve phawt ila chuan zanah ka pui ang che" a pum dawn vang vang chungin a rawn ti nghal vat.






Faktei melhin ka bu nghat.






"Lo awm rawh ka plate vel ka han la ve ange" tih leh room atanga chhuah a rual nghal a. Kan inchinfel na lamah ka ban leh chuap tawh. Tihfel zawh law law hunah kan intleuh leh mai ang. Ka plate leh spoon ka phawrh chhuak ve a adang ken ngai a awm leh awm loh pawh ka hre lo. Faktei lo nghak phawt mai ang.






"Chhuk ila" kawngkhar a rawn dak chungin a rawn ti a.






"Fakte plate leh spoon lo ken ngai a awm em?"







"Ummm bowl keng rawh" a rawn ti leh zat.






Bowl phawrchhuak lehin khawngka lam ka pan ve nghal a. Pawnlamah a thian dang pathumte anlo ding thung.







Dinning hall panin kan inzuithla diah diah hlawm.






Anlo intlar put tawh. Kan tlai deuh hret anih hmel. A hnunglamah kan inzui phei a kan intlar ve ta nghal.







Ka ril atam em em hran lo kan kal hma khan thil kan ei hmasak vang khan. Mahse zan riltam ka hlauh avangin ka dawh veleh hram.






Awi leh kan dal dawn chu ava mak zawk veeee.... Ka meng nghal kawk. Dal 1kg tui tinhniha kan ang vel ani a da lutuk. Angaihna awm hlawl lo. Pawnlam ei leh in manah hostel a awm senior tawh ho pawh hian sum an sen fuuu ka ring. A bawn lo khawp mai. Lungawi tak chuan kan dawh tliar tliar hlawm bawk sia ka nuih aza eee...






Kan eina tur dawhkan lamah kan inzui phei a. Thenkhat chuan tui tih hmel deuhin an hawp tliar tliar tho mawle. Ka inlak changkan vang pawh ani lo hetiang em em te chu a bawn lo eee. Mahse leh hostel awm kan tam hmel sia chutiang ngaihtuah kual leh chuan a awm chu ka ti ve leh deuh tho bawk si.







"Awi hetiang ka ei peih lo eee... Ka ril atam tehreng nen. Private hostel ah awm ila hetiang em em hi kan ei awm tawp si lo" kan thutfel hnuin Faktein a bowl a dal ei peih loh hmel zet a thlau kual pahin ati nang nang. A kut lehlam kiu dawhkan a nghatin a biang a dawm ngar bawk.






"Fakte engtik in nge hostel ah hian i luh" a lam hawi pahin kati nghal zat.






"Eeeee college tan hma nikhat la awmah khan... Tinge?"






"Aaaa ka zawt mai mai che"






"Ummm ei ang u" a bowl lam a melh leh a ner leh nawng. Nuih atiza reuh lutuk a hmel hi.






"Fakte bai induh ve em" hnunglam atangin hmeichhe pakhatin a rawn ti lang lang. Kan hawi rual nghal thap.






"Aw senior in phal chuan" inthlahrun hmel dek hian a chhang nghal vat a.






Senior ti a kohnuin a kutin a rawn hui zauh.







"Sawm i bowl ah hian dal hi chhun fin ila ka bowl hian ka va suak ang aw" tihleh ka bowl a rawn chhunfin a rual nghal. Hmanhmawh deuhin a thutna atangin atho nghal rawk rawk.






"Aw atui hmel lutuk kan senior tehi bai an thiam eeee... " A rawn ti phei lang lang a a nui vur vur zui.






"Tihi chuan tlemin a zia ta deuh e. Dal bakah an thil kan vehi enge nihpawh ka hre lo tui loh hmel si" a ti zui nang nang.






"Ei mai mai teh" kalo ti hlak.






"Bleeeeh" lei mi chhuak khum pek anihchu.






"I lei sei sei nen." Kan vaiin ka nui ta vek.






"Sawm lokal rawh senior te ka hmelhriattir ang che" ka plate nawrsawnin ka ding chhuak ve nghal a.






"Tikhan lo awm ru hmelthaho" Kan thutpui te lam hawiin a tileh zauh.






Senior te thutkhawmna lamah min kai phei rawk rawk. Awi a che hi a hmanhmawh thei mai sia maw.






"Senior heihi Sawmtei vawiin tlaiah a rawn lut thar a" hrilh bik pawh nei lovin a enkual dan dan hlawm a.






"I va hmeltha ve... Nuam deuhin aw" ka dinna atanga lo hnai ber chuan min melh khiauin a rawn ti zat.






"Eee chuan cheraw i kan thiam em?" a rawn tih zawm leh nghal.






"Aw thiam ee"






"Umm atha tikhan nang nen kân daih kan awm chiah. Lalfakmawii kha a tlaw leh lutuk a a kan thiam der lo mawle"






"Naaa senior nang chuuu" pangchang aw deuhin a rawn ti, kan nuichhuak vek. Faktei a nuihza ber berah ala tang zui.






"Senior eng ami tur nge ka zawt thei che ngem" inthlahrung dekin ka ti let.







"E ni tak college week ami tur ania" a rawn ti tha ve mai bawk a. Mizo lam hichu ka school luhnaah khan kan zir nasa a thiam loh em em pawh ka nei lo, ka ti thei zul vek. Chuan nalh kati bawk a. A thuam zawng zawng nen hian ka ngaihsan avang hian ka pain min leisak vek bawk.







"Sawm kalo riak dawn" ka inbual zo ka inthlak mawlh mawlh laiin Fakteiin a rawn ti a.







"I duh leh duh loh nimai" kati liam puat. Mahni a riah ai chuan anuam deuh zawk ang chu.






Zanin chu tui deuhin ka mu ve thei tawh ang chu. Rilru a him lo riau a inhriatna nei miah lovin thlamuang tawka mut veng veng ka chak zia kha.







Ka ni te bulah kha chuan ka muhil tha ngam meuh loh bakah buaina kha a awm zel bawk anihkha.







Mahse ka phone a chhia a ka pa be thei bawk silo. A zia tawh angem tih ka ngaihtuah rauh rauh. Chuan Adrian nen pawh kan inbe thei lo bawk a ka ngai nghal veng veng.







Kan inhmuh lohna kha nichin mai kha ni mahse rei tak in hmu tawh lo ang maiin ka ngai. Mahse naktukah kan inhmu thei dawn tal alawm, chulamah chuan rilru pe zawk ang.






Faktei lam ka hawi a alo muhil tawh. Ala hnar zui a awi hmeichhia si hi....Nuih sukin lehlam ka hawisan a.







Ka pa ka rilruah a rawn lang leh nghal zat. A ziaawm tawh em tih tal hre thei ila awww... Ka phone kalo tichhe kher nen a buaithlak vek.







Ka inngaihtuah neuh neuh mutchhuakin min rawn zem chiai chiai a, engmah ngaihtuah mumal thei lovin mit ka chhing diar diar a mumang ramah ka lut ta riai riai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:50 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜







Chapter-17






"Sawm tho rawh class kan tlai sa" Faktein min rawn sawi nawk nawk.






Ka meng hlei thei lo. Ka mit hi charbettu awm ang tlat ani.






"Malsawmkim tho rawh tlai i duh ami" tih khawng ṭhah pahin ka mawngtamah a rawn beng thlawrh.






Ka ṭhuchhuak nghal zawk. Mahse mumang nen kala ninuaiin ka hria. Thinthi a ka mut lohna a rei lutuk tawh a kalo muttui mah mah anih dawn hi.






Faktei lam ka en a anih lah a che buan buan bawk si. Khum atanga chhuk na chang pawh kala hre chuang lo.






"Hey i harh chiang thei lo ami ila thut thur bum reng a. Class kan tlai dawn chiang lutuk... Inti harh ta che ka han insiam dawn ania" tihleh hmanhmawh fahran a room atanga tlanchhuah arual nghal.






Harhchhuak thutin sana ka en a, awi atlai lutuk tawh.






Khum atanga zuangthla zawkin ka mamawh tur ka phawrh nghal zung zung a bathroom lamah ka tlanlut nghal.






Ka insiam mawlh mawlh laiin Faktei a rawn thlengthla leh der tawh. Avan che rang tak.






"I la hman na nge?? First period kan nang hman tawh lovang hmanhmawh duh tawh lo mai rawh" lehlawi si chuan ka hmanhmawh ve em em a. Inbual pawh ka inbual uluk hman loh phah ania.






Ka sana ka en ve vat a alo tlai tawh tak tak. Pawi lo turah ngai mai ang tukin zing chauh chu. Kalo muttui em bawk atin ni. Zing dangah chuan athleng tawh lo chiang ang chu.





"Ka hman tep tawh tho"






"Chaw pawh kan la hman ve lo canteen ah thil kan ei mai loh chuan" khuma lehthlak tawp pahin a rawn ti a. Tukin zet chu a a buaithlak zo vek anih hi.






"Umm pawi lo, bakah nizan i hnar ring lutuk leh mangchhe lutukin min ti muhil thei lo va thawh kan hai phah anih hi" nui rah rah chunga tiin ka meng chimawm kual vel.






"Awi ve lutuk a che ka bulah i mu nuam iti lutuk anihkha aw" a rawn ti hlar. Kan in en a kan nuichhuak hak hak.






Helai hmun ka thlena ka thil tawn zawng zawng ngaihtuah kha chuan tun anga nun zalen deuh leh thil tha lam hi ka tawng tawh dawn lo amaw ka ti hman kha ania. Mahse a danglam vek tawh niin ka hria Adrian ka tawnga tunah Faktei ani leh ulawmi pawh tiamin.






An vaiin ka chungah an tha em em vek. Min nuihtir tute anni bawk. A bik takin Adrian hi ka thinlung taka ka hlimna ani bawk.






Faktei phei hi chu nimin atang chauha inhria nimah ila rei tak lo inkawm hrep tawh hi kan ang. A mizia hi angainat awm hlawm tawp. A tawng duh a abula awm a hahdam takzet.






"Anih tho rawh kal ang ka ril atam"






"Min lo pawt tho teh ka zawi vek" tihleh a ban rawn phar chhuah a rual nghal. A bana lo dawmin ka pawt tho nghal a.






Room atangin kan inzui chhuak a kawngka kalhin college lampanin kan inzui chho det det.






Canteen kan pan ding nghal a class neihlai ani bawka areh ve deuh.






"Kan seat ah thu ang" tileh nimin a kan thutna lam pan a rual a, ahnungah ka zui ve nghal zat.






"Enge kan ei ang"






"Puar peng pawngna tur kha nimai" dawhkan a bawk ngiaiin a rawn ti nuah nuah.






"Hey i muhil ngawt ange aw" alu ah ka sawi det det.






"Teuh lo" thatchhe deuhin a rawn ti zawi raih.






"Anih eitur chu kan la ange aw. Ka lak ang ami i ei ve dawn"






Maimichhing chungin a kutzungpui a rawn tipir zauh. Alu a nemsak detin ka thawhsan ta nghal.






Eitur nen ka letlehin phone ah mi alo be lang lang. Eitur ka chawi dahthlain ka thuthla zui nghal.






"Aw ka bulah a awm i be duh ami"






"I ninawm i thinchhe hler hlur ka pe dawn reng" ati zui hlak hlak. A phone ka lamah a rawn lek chhuak a.






"Tunge" kati zui sep.






"I thianpa satliah" ner nawngin a rawn ti leh. Nuihsakin a phone ka ban zui vat a.






"Umm" ka beng bula dahin kati sep.






"Nizan i muttui em" Adriana'n a rawn ti zawi ruih. A aw ringawt pawn min fan nghal raih raih thei.






"Umm muttui lutuk" kati var.






"Anih i mumangah min hmu em?"







"Hmu lo che niang" ka nui haka ani pawh anui ve tho.






"Anih class in ban hunah ka lo kal ang aw" a rawn ti leh.






"I hman ami"






"Umm ka ngai che" a rawn ti thum hniam chhak. Ka awmchhung ami tehi a che nghal dawt dawt thei. Phone kaltlang ringawt pawn min ti danglam vek thei ania.






Faktei lam ka melh zauha a eitur chauh ngaihsakin alo ei mual mual tawh.






"Anih ka dah aw"






"Umm ka duhlai" a rawn ti tham leh chhal. Ka biang asa nghal hat hat thei. Ka lei ka chhuah tet. Min tilai leh zo vek tawh.






Phone Faktei lamah ka nawr phei a ka eitur ka ban zui nghal.






"A thinchhe hler hlur si. Naute duat lo leh lutuk mai. An in a ka kal hunah nitei ka hauh tir hrep dawn" a phone a bag a thun rawk rawk pahin a rawn ti nghal hlak hlak. Keiin ka lo nuih thung.






"Awi khuangte kaih mar ang pang ka ni ta, tih hi chuan vawiin atan lehkha zir pawh nuam kati ngawt ang" nui hawk hawk chungin a rawn ti.







Tawngkam hi hre maksak thei bawk sia. A bula awm chu nuih ani tawp mai. Vei nei em em ang hian alang bawk silo, a nundan hi a hahdamthlak ngawt mai. A chhungte pawh hian an ngaih viau ka ring a bula awm anuam eeeemai.







"Second chu kan class a inang dawn lo nimaw" a rawn ti leh lang lang. Awm ve dang an awm vak bawk silo a aw achiang duh khauh khauh asin, a tawng ring thei bawk a.







"Min ngaih techuan ka class ah lo awm ve mai la."







"Ummm min hruai ve mai rawh anunu ka ngai che." A rawn tap der chhunzawm nghal zat. Kan in en ren rawn a kan nui dun leh bawk bawk tawh.






Kan class awmna lam tur ve ve kan pan a. Kan subject a in ang vek lo nen lunch hma chu inhmuhna hun pawh kan nei leh mang dawn lo.






Vawiin tlai chu phone ka lei ngei ngei angai tawh bawk. Ka pa ka phone chhiathma a ka biak bak kha kala be leh miah lo ania. Enge a an tih hriat pawh ka mamawh tawh lutuk. Biak duh hle mahila midang phone hmansak ka dil ngawt duh bik silo.






Class neihna hmun tur a inkarhlat thei si ka vir chawhma zak hi ani ringawt. A hahthlak lam ve det.






Chau hnepin canteen lam ka panthla a midang ho pawh anlo thu leh thap tawh.






An thutna lam pan hmasa loin eitur ka la leh tete a ka pan veta chauh.






"Vawiin tlai chu chhuak ho ila" Faktein a rawn ti var a. Midangin anlo aw tliar tliar.







Engtin mah ka chhan veloh avangin min rawn en nghal thap.






"Sawm i hman ve lo ami?" Faktein min rawn en ha chungin arawn ti nghal zat.






"Hman tho a mahse phone leite ka ngai bawk aaa"






"Awi chung techu a remchang alawm kan enpui thei nghal che anga" a rawn ti nghal thuai.






"Umm nia"






Adrian khan min rawn hruai atum bawk sia avan buaithlak eee...






An bulah ka kal ve phawt anga chuta tang chuan kan inhmu thei tawh mai ang chu.







Inbe tawh lem lovin kan ei tur theuh kan eizawm mial mial.






Kan eizawhin atawt deuh hlek tawh avangin kan eiman kan pe a kan chhuak ta vat hlawm.






Ei man pe tur pawn innek fe angai tawh.






"Basketball court lamah chhuk ang u hun tlem kan la nei tho aaa" Irenei'n chhuah pahin a rawn ti lang lang a.






"Keichu chhoh leh lam ka peih lo" Faktei min rawn kuahin ka dar a akhabe nghat chungin thatchhiat hmel zetin a rawn ti thung.






"Awi Lalfakmawii hi chu school kan kallai atang tawhin i thatchhia" Irenei'n a rawn ti nghal hlak hlak.






"I chhe mai nihchu maihehnu"






Midang zawng kan nui chhuak vek. Thinrim vanga inchhang anni lo tih kan hre tlang bawk a. An mahni zawk zawk anuihzaah an tang leh ta nghal a.






Faktei tawngkam hi chu anuihzatthlak thei ve ngawt mai.






Tihian thian dunin college an kal dun leh thei bik hi ka thik tawp. An vannei bik eeee.....Vanlali nen kal dun ve thei ila hei aihian a nuam leh zual tur ania. Mahse anni ho hi ka nei tho a nuam kati tho mai.






College campus ah kan teikual ta vel ringawt han kal vakna tur dang awm hek lo chu. Kan nui nasa hle bawk. Helai hmun ka thlen atanga ka nuih nasat ber anih ka ring. Mittui tla phungin ka nui thei ania chuan ka pum ana vek bawk.







"Last kan subject a in ang vek class ah kan in hmu dawn nia u aw hmelthaho" Faktein kan hma a mawng ti sawi naw naw a kal pahin a rawn ti lang lang a. Keini a mawng tisawi kual vel kan lo nuih thung.






Kan class neihna lam tur theuh kan pan leh ta diat diat hlawm a.






Vawiin khaw awmdan anuam phian alum lutuk lo bawk a. Thlan ka ngah lutuk hi khua alum viau chuan hreawm kati thin.






Class ah ka lut a anlo thu leh thap tawh. Anva hma thei hlawm tak aww... Chuta karah a hma lam lamah anla thu zui hlawm a.






Hnunglam panin ka thuthla nghal thak a. Ka thu fel chiah tihin Sir alo lut ve nghal.






Awi vawiin kher kher chu ahmel sawn ka mut atichhuak thlawt ani tawp.






A lecture pawh eng teh ualah ka chan pawh ka hre lo. Ka ngaithla dawn a ka mit hi a inchhin zel ringawt nizan ka mut hnem tehlul nen. Thawhhai khawp khawp khan ka mu thei kha ania.






Class a rilru ka pek theih nen school ka kallai zawng zawng pawn. Ka muthlu phal lo kha ani thin ania. Ka mak ta ngawt mai. Mutthlu lawp lawpin ka tlingtla hram engmah hriat abar pawh ka nei lo.






Sir a chhuak a kan class neih lehna lam tur kan pan nghal sang sang.






Class dawt leh kan neihna turah ka luta mahse ka thiante tumah ka hmu lo. Anla zo velo hlawm amawnle.






Thutna remchang ka zawng phei a ka thuthla nghal.






Ka thufel chiah tihin Faktei hmanhmawh deuhin a rawn penlut nghal hlawk hlawk a alam kalo en ha.






"Awi ka zawng nasa lutuk che" dawhkan bawha thaw hluam hluamin a rawn ti.






"Eng" kati hman chiah a ban a rawn vai thuak a ka ngawi veleh mai bawk.






"Ka hah"






Ahnungah kalo chulsak hauh hauh thung chu min rawn enin a nui nghal vur vur.






"Senior ten zawng tur chein min tia. Cheraw kha kan tur an tifel dawn. Lo kal rawh audotorium ah" tihleh dinchhuah a rual nghal.






"I hahdam tawh mi" ka ti thuai. A lu bu nghatin a nui vur vur.






Auditorium lampanin kan inzui chhuak nghal a. Kan thlenin keimahni chiah min lo nghak tawh.






Kan senior ten kân thiam min thlang chhuak nghal zung zung a. Naktuk class ban atanga zir tan nghal angaih thu an sawi bawk a. Eng eng emaw an sawi nual bawk.






"Tikhan class inluh leh kher pawh angai tawh chuang lovang in haw thei ani mai" Senior pakhatin a rawn ti lawng lawng a. Faktein min rawn nghawk nghal zawk.






A lam ka hawi nghal vat a "nuam eeee" ka beng bulah a rawn ti sa sa.






PB lampanin kan inzuithla dat dat hlawm a.






"Lawk ka phone kan chhang lawk" ding chungin a bag a hai nghal rawk rawk. Kawngsirah kan lo ding thap thung.






A phone a en a aner nghal nawng. A tu tak chu ni ang maw.






"Aw awm eeeeeee." A thluk rei mai bawk sia. Min rawn pan a a phone ka kutah a rawn hmehbel a tunge lo call tih ka hrethiam nghal mai.






"Umm" ka bengbula dahin ka ti nghal sep.







"Class in bang tawh em"






"Aw bang chiah. Pb lamah kan lo chhuk phone kha en ka ngai a"







"Umm kalo nghak tawh che kan en dawn nia" a rawn tidam ruih.






"Anih ka dah ang aw" ka ti leh sep.






Faktei a phone ka pe a. Pb lam kan pan ta nghal.






"U Adrian" kan hnunglam atangin hmeichhe pakhatin a rawn ti lawng lawng a, kan hawi let thap.






Adrian lampan a tlanin abanah akuah nghal chung chung.






Adrian dinna lam pawh panna chang hre lovin kan ding thap a hmeichhe chezia vel kan thlir ta ngawt.






"Awi saw mihringnu Siamchhebani over ching cheng zia saw remchang ka hmuh hmasak berah kala bin zawk ang mawle" Faktein a ti nghal hmuar hmuar. A lam ka hawi a Adrian te dinna lam melh ngarin a ner nawng nawng.






Adriana'n min rawn hmufuhin a ban arawn vai nghal zauh a kalo nuih sak.






A bana kuahtu pawh a rawn hawi ve nghal. A hmeltha phian leh nghal a. Ka thik amawni deuh reuh ni.






Faktein ka ban a rawn kaiin kan thian dang te ngaichang miah lovin Adrian te dinna lampanin min pen phei pui nghal hlawk hlawk a. A tih ang angin ka zui ve tawp.






"U ilo awmna a rei tawh em" a ti nghal zat bawk. Hmeichhiain a kuahna ngawt ka melh ngar thung.






"Rei lo ka thleng ve deuh chiah" ka mit a min melh chungin hmeichhenuin a kuahna ban a dahsawn sak nghal a.






"Fakte u Adrian te nen hian inchhuak ho dawn ami" Faktein Siami atih nu chuan an rawn ti nghal zat.






"Dawn mai mai lo Sawmtei nen hian an chhuak dun dawn" Faktein bak hlakin a ti let zui nghal a. Adrian alo nuisuk thung.






Adrian ka melh a mit min lo siai zauh. Ka lei ka chhuah tet. Ka lai leh pek tawh.






"U Adrian i nau ami" min rawn melhin Siami bawkin a rawn tileh. Zawhna avan ngah reuh tak tih kalo ngaihtuah hmanhmawh pek.






"Ni thak nang" Faktei bawkin ati bak leh hlar. Henu hi avan ngei awm em em tawngkam pangngai pawn a chhang miah lo ania.






"Ka bialnu" Adriana'n a rawn ti sup. Ka hlim nghal veng veng abialnu angin min sawi duh dawn lo amaw kalo ti hman tawh a.






"Booboo kal ang" tileh ka banreka min chelh a rual nghal.





Siami a hawi nghal lawl lawl. Henu hian Adrian hi a beisei deuh tihna mawnle. Ka ngaihtuah buai peih lo ka ta ani tawh tho tho.






"Keini pawh kan kal hostel ah kan inhmu dawn nia. Rawn tlai lo la" Faktein min min rawn siai zauhin Siami ding ve reng nek sawn dawrhin kan thian dangte dinna lam apan nghal nal nal.






Adrian alo nui suk suk. Siami a tum pawrh tha ngang mai.






"Anih leh phone chu englam nge i duh le" min penpui pawk pawk pahin a rawn ti zat.






"Ka hre lo en phawt ang"






"Hmm"






"I kal chak thei si"






"Sorry" tihpahin muang deuh zawkin a pen ve mai bawk a.






Dawr kan lut kual nasa tawh si ka ning hlei hlui tawh. Hei chu atha lo ati zel bawk si. Ka duh zawng ni lovin a duh zawng kan zawng ani ringawt tawh.






Ka kal kual peih tawh ngang loh avangin kan inlei fel thei ta hram.






"Kalna tur kan la nei"






"Khawiah"






"Tuma min tihbuai lohna tur hmunah" ati sup.






A bike dahna kan thleng a, achuangkai nghal vut. Lawn kai ve nghalin a kawngah ka kuah nghal thak a. A helmet chhanah a tukhum lamin ka chalah a rawn tauh dat a ka nuichhuak hak.






Kan thlenga bike atanga chhukthla thatin ka hawikual nghal vat vat.






Bike a la thu ngurin hmalam bawhin min melh vung vung.






"Hei i thianpa te hostel kha mi" kan hmalam building ka kawk zauh. A bu nghut.






"Anih enge kan tih dawn"






"Ruatdika room ah kan in date ang" nalh fahrana rawn kiai sukin a ti zawi ruih.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:50 pm

ERES MI VIDA(You are my life) (18+)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-18






A thusawi avangin ka meng nghal kawk. Room a in date maw. Chupawh a thianpa room ah.






Ka mak ti hmel en ngur chungin a nui leh suk.







Eng emaw hian min tham nghal er er. Ka zam tel bawkin ka hria.






Mahse eng emaw zawng tak chuan a dangdai viau lawi bawk si.






Bike atanga rawn chhukin a kut ka vawn theih turin a rawn lek chhuak a kalo vuan nghal vat. Nghet deuhin a hum zui nghal vang vang.






A mitmeng sexy zetin min melh vung vung bawk si ka mur nghal sung sung thei.






Ka kuta kai reng chungin building chhung lamah min kai lut a, a reh deuh riai bawk si awm an awm vak lo anih ka ring ve tawp.






"Tumah an awm dawn lo ami"






"Hmm" ati nghut.






Room kawngkhar ahawng a ka luhna turin a tawlh sawn deuh a room lamah alu athle buk.






Ka pen lut nghal zat. Rin aiin anuam azau a afai bawk. Mipa room ani tih ahriat miah lo. A thianpa hi a chefel hle dawn anih hi.






Ka hnunglam atangin min rawh kuah a ka phu zawk. Kalo inring leh hman lo pek. A rum nghut.






Eng emaw hlekah hian ka phu dawrh dawrh zel hi a hahthlak ngawt mai.







"Enge kan tih ang" sexy zeta rawn tihchhuah sup pahin ka sam ka dar lehlama hui kiangin ka nghawng a hmuiin a rawn nul kual nghal dun dun.






A aw rikchhuah dan zawng zawng nen ka mur nghal sung sung. Ka tiril a khur ru dar dar bawk.






Tawng pawh ka tawng chhuak thei lo ka chil ka lem khawlh.






Nui leh sukin ka nghawng la nul kual reng chungin a kutzungtangin ka awm lamah a rinthla riak riak a. Chetna chang pawh ka hre tawh lo. A awmah ka ngheng nghal rawk rawk.






Ka awm zawnah a kut atawp chat. Ka kawrchhanah ka hn*te a rawn thai kual a ka thin a phu nghal dawt dawt. Ka thaw chhuak hak.






Ka kawng zawnah a mip**nain min do nghal run. Ka awmdan hi ka sawithiam lo phurna ka la hriat ngai loh hian min tuam hlup hlup ni berin ka hria. Ka tha azawi zo vek a, Adrian hi rinchhan tur awm lo phei se mahni chuan ka din theih pawh ka ring lo.






"Booboo" sexy zeta rawn ti supin ka kawr chhungah a kun a zenlut ka bra nawr tawm chho in ka hn*te hmur a hrual kual ne ne a ka sa chhuak nghal pup pup.






Ka taksa chhung hi aza vek thei. Mit ka chhing chial bawk. Rilru mumal ka pu thei lo titih der.






A kut lehlamin ka dul lamah a zutthla delh delh a ka kekawr kawngah a kut atawp chat. Dang tur pawn chakna ka nei tawh lo. Min tawhna ringawt pawh hian rilru mumal pu thei lovin min siam der tawh.






Ka kekawr chhanah ka kap zawnah a thai kual a ka tai bawr a za nghal uai uai. Ka thaw chhuak leh hawk thin.






Alamah min pawt her nawkin akut lehlam a ka tukhum dawmin duhthawh zetin min fawp nghal tawn tawn.






Dingdihlip ak ak a a nghawnga kuah chialin ka thiam ang tawk a uarin ka fawp let ve a.






Rawn rum chhuak dur durin ka hn*te a thamna sauh. Chu chuan min ti phur zual ting.







Rum chhuak nghutin min chawikang nawlh a akawngah tlak hlauin ka kherhbet ve thung.







Kan hmui inthlah miah lovin khum lam min panpui a athuthla nghal zat. Ka kapah hnuailam atangin min do run bawk. Engmah rilru fimin ka ngaihtuah thei tawh lo.







Min fawhna thlah thutin sexy zetin ka mitah tak min melh chungin ka kawr haklai ka nghawng lamah a nawr chho ruai ruai a. A mitah ka melh let ve khiau.







Ka bra nawrtawm chho leh tawkin akut pakhatin a dawm bet a akut lehlamin a lamah min pawt hnai salh.







Nalh fahran a rawn kiai sukin aleiin ka hn*te hmur arawn liak kual a ka mur nghal sung sung.






A ka chhung sa ham hamin a rawn hmuam zui nghal zat. A tukhum samah ka tham nghal tawk. Duhthawh zetin a fawp ngawng ngawng.






Maimitchhing diar diarin ka thaw chhuak ham ham.






Rum chhuak nghutin khumah min nghatthla a min rawn fawp leh nghal zatin ka hn*ute a hrawm tawn tawn bawk.






Ka kekawr kawng a rawn vuan chat a. Ka mengchhuak nghal kawk. Tuivawta min theh thawt ang maiin ka harhfim nghal vek. Sex kan hmang thei lo bur. Nupa kar lo va sex hman hi ka duh lo Pathian a hlauhawm lutuk.






Alo hmang tawh te ka dem hran lo. Tuna min khawihna ringawtah pawh rilru mumal ka pu thei lo ania. Insum ahar tur zia chu ka hrethiam uarh uarh mahse keichuan ka thianghlimna hi ka pasal tan ngei a hlan kala duh fan.






A kutah ka dawm bet a mitmeng si sapa min rawn en rawn chungin a hmui aliak kual zauh a min rawn fawp lehnghal zat.






A kut ka dawm behna lasawnin khum lu lamah ka kut tawn tawnin a nem bet nghal hmak.






Ngawi rengin a che chhunzawm mial mial.






"Sex hman ka duh lo" harsa ti deuhin ka sawichhuak thei hram.






A chelai tawp datin min rawn melh nghal zat.






"Sex kan hmang dawn lo min ring rawh" a rawn ti tham tuak.






Ka kut adawm behna thlahin ka samin ka hmai azar hnawk niai a rawn hui kianga amitah tak ka en kal.






A mitmeng sexy zeta min melh reng chungin a kut ka kekawr chhungah a zenlut nghal zat a. Ka panty chhanah a kut a nghat nghal chat. Ka sa chhuak nghal pup pup. Ka thin a phu dawt dawt bawk.






Mit min rawn siai zauhin min rawn fawp leh a, a kut a chet nghal zat.






A hmui sawn hniamin ka hn*te a hmuam leh nghal chat.






Ka panty a pawt kau a a nuaikual nghal nawk nawk a a rum chhuak dur dur.






Awm ngaihna ka hre lo ka lu ka thle tawn sek. A uar zual sauh thung.






Ka awm sep dawrh khawpin ka thaw chhuak kawk kawk. Hetiang hian mipa min khawihna avangin kala awm ngai lo ka vawikhat tawnna vek. Mihring chakna nei ve thei ka nihzia alang chiang tak zet bawk.






Ka taksa pumin ka za chhuak zawk zawk nimaiin ka hria. Dawnsawn dan ka thiam lo.





*****CENSOR CENSOR*****






Ka awm a rawn bawkthla hnawkin a kut lehlamin ka hn*te a hum leh nghal chat a ka nui che dawt. A pang asa vek.






Ka hn*te hmur hrual kual ne ne in a thaw chhuak nghal ham ham.






"Kha zet chu" tihpahin arawn inbeng kanga zahna avangin ka biang asa nghal hat hat thei. Ka hmai ka hup nghal chawt.






Nui che dawtin ka hmai hupna a rawn la kiang a ka mit ka chhing ta ngawt. A hmel ka hmu ngam lo.






"Booboo a zahthlak loh hmeichhia leh mipa inzawmna kara thleng tur diktak anihkha" a rawn ti sup.






Ka chalah a rawn fawp leh vang vang a kala meng ngam chuang lo.





"i meng ngam dawn lo maw" a aw ah nuihzatna alang tel.






"I men loh chuan a bul aṭangin kan ṭan ṭha leh ang" ka meng chhuak nghal zawk. Min nuih vur vur ka hmuh rualin min fiam tih ka hre nghal. A banah ka beng nghal thlawp.





Ka lei ka chhuah khum zauh a, a awrawl chhuah meuhin a nui chhuak nghal hawk hawk. Ka zahna areh phah der lo lehnghal.





Ka sirah a rawn muthla nghal hnawk a, alama min pawt hnaiin min kuahbet hlu hlu.




"Ka booboo tereuhte hi azak amaw" tihleh min rawn dek a rual nghal.






"Aza duh tawk rawh" ka khek chhuak nghal tuarh tuarh. Ka tal nasa bawk si.






"Che tawh suh"






A hmel ka en nghal haw. Chiang zetin min en ngur.






"I chet leh chuan ka insum thei dawn miah lo ania" a rawn ti leh. Ka meng nghal kawk. Chet pawh ka che ngam tawh lo hrim hrim.






A maimitchhing nghal daih. A rawn thaw ham ham a, insum chu atum ve hle tih a awmdanah ka hre thei. A taksa a tang tung thei.






Sir lam hawiin ka inlet thaka min kuahna ati nghet sauh.






"Haw tawh ila." Kan awmrei tawh lutuk chhuah ka dil bawk silo gate min lo kalh hnan mai ka hlau tawh.






Min chhang chuang lo. A muhil amawni reuh le.






A lam hawiin ka inlet riai riai a a mit ala chhing tlat. Mahse ataksa tang tung kha a reh tawh thung.






Ka kut lekchhuakin a chal atangin ka kutzungtangin ka rinthla riak riak a, a hmui ka tawk chiah tihin ka kut a rawn seh zauh. Awi ka phu leh lutuk.






Mit chhing reng chungin a rawn nui suk. A chhip samah ka tham nghal tawk. Rawn nui leh sukin ka kut a rawn ban a a hum bo nghal vek.






"Haw tawh ang a tlai tawh" ka ti leh sep.







"Hmm" ti nghutin a mit a rawn meng diar diar.






Min kuahna a phelh thawl a khum atangin ka thu chhuak nghal zat.






Ka thawmhnaw pawt mar zung zungin ka pheikhawk ka inthawlh a ka ding chhuak nghal.






"Tho rawh."






A che duh chuang lo reng reng.







"Ka muhil dawn." Deuh tlat a. Avan chimawm tak.






"Anih ka kal" tihleh ka bag khum ami ban ka rual nghal.






Ka ding leh tur chiah ka banrekah a rawn pawt thut a ka bawh nghal rawk rawk. Ala nui suk zui.






"Uang tawh suh" tihleh a banah ka chum nghal ṭawlh. A nuih kati za ting amaw tih mai tur ala nui hawk hawk zui. Ka melh nghal rawm rawm.








Hostel atangin kan chhuak fel chiah tihin aṭhianpa tepawh an rawn thleng chawpchilh ve nghal.






"Hey bawiha in hmang nuam maw" Mit arawn siai zauh. Ka zak nghal chem chem.






"Hey Sawmte tha maw" ka lam rawn hawiin a tih zawm leh zat a. Ka that thu in ka chhang nghal vat.






A hmeichhe rawn hruai lam ka hawi zauh a min melh rum ngang. Rei pawh en duh lovin ka hawisawn lehnghal vat. Ka awm ati nuam lo min huat hmel lutuk. Chuan khami ni annual fest a an hmeichhe rawn hruai kha ani tih ka hrechhuak nghal zawk.






"Adrian khawilam nula nge ilo bum thluk leh tak a." A tawng chhuah dan chu mei anei tak zet.






"Nan" Adrian thianpa zawkin a rawn ti nghal vat. Adrian lam ka hawi a engah mah angaih loh hmel chhan tum hmel pawh a pu lo. A tawngkam ve hrim hrim tepawh anih ka ring.






"Nizan kha nuam kati teh ania Adrian" min tih el ni awm fahranin arawn ti leh hram.






"I ngawi thei lo mi" Ruatdika bawkin a rawn ti chang fak.






"Enge ka sawi chak animai lawm" ala rawn tibak hlar.






"Adrian zanin chu rawn tlai suh aw kalo nghak dawn che nia" a rawn ti leh zat zat. Enge tih an tum le.






Adrian lam ka hawi nghal vat a. A hmelah engmah alang chhuak lo hrim hrim.






"Ka hman lo" ati bung nghut ringawt.






"Bawiha kan kal mai ang booboo hi hostel lama dah ka ngai dawn" tihleh ka dara rawn kuah a rual nghal. Nan-i lam ka hawi a alo ner nawng nawng.






"Umm anih u" Ruatdika'n arawn ti ve vat a.






Bike hunna lamah min kai phei a a thukai nghal vut. Ka thutna tur a rawn beng thak thak a kalo nuih var var.






Ka lawnkai a a helmet khum vutin muangchangin kan tlan chhuak ta nghal.







Khanu Nan-i khan rawn tlai suh tekha ativel a khawia chhuah nge maw an tum le. Ka ngaihtuahna aluah nghal ngut ngut.






A tlan chak thut a a kawngah ka kuah nghal rawk rawk. Bike hi ka hlauh chhan ber pawh an tlan chak thei lutuk hi. An tlan tak tak phei hichuan thaw a chham loh chauh zel.






Campus kan thlen dawn hnaihin a ding a. Ka chhukthla nghal thak.





A helmet phelhin athu ngur chhuk tum awm ang pawn a awm chuang der lo.






Nichin Nan-i thusawi kha zawh ka duha mahse sawi chhuak hmasatu zawk nih ka ngam chiah bawk si lo.






"Min zawt la" a rawn ti nghal chat. Ka hmelah kalo tilang leh vek tawh tih ka hre mai. Ka thil vei zawng hi ka hmelah hian alang chhuak nghal vek zel ka thup thiam thin lo.






"Aaaa zanah chuan khawnge in kal dawn" kati bah deuh niai.






"A ngai ang bawk" a khabe tuai hauh hauhin a ti sup. Sawi chhunzawm a tum loh hmel.






Min chhandan hi ka lung a awi zo lo. Engtin amaw hian ka awm et et. Thinrim dawn ila thinrimna chhan em em tur a awm chuang si lo mahse ka ni tet tet a hreawm thlawt.






"I kal dawn em" a mitah ka melh kar.






"Kal dawn e" a rawn ti sup. A kal loh phal loh kha ka ring lo reng ani.






"Ka kal" tihleh inher ka rual nghal.






Ka banrekah a rawn man hman. Ka hawilet vat a mitmeng chimawm zetin min melh kual vel.






"Ka booboo tehian kiss pawh min pe lo in kal atum tawp amaw"






Ka tum deuh hmak.





"Lo kal teh." A lamah min pawt hnai nghal zat. Ka samchhawl leng ka bengah a rawn zep a.






"Thinrim loh tur aw ka chhuak miah lovang atha em" a rawn tidam thlap. Ka thawveng nghal hawk.






"I tiam em"






"Umm"






"Chuan fawh ka hlawh dawn em" a mithmul a ti sang zauh zauh a ka nui nghal hak. Ani pawh a nui ve suk tho.






Chimawm thiam thei si khawlaiah fawh hi a phut ve ziah.






Hawi kual zak zakin ka fawp zauh a ka inla hrang leh nghal vat.






"Anih ka kal" tihleh tlan ka rual nghal. A nui hawk hawk ri ka hre kar chung pawn ka hawilet ngam tawh der lo.
Ka lai chhe leh vek tawh ka biang ka dawm a asa hat hat thei.






A tlanchhuak thawm ka hriat veleh ka ding chawt a ka hawilet ngam ve chiah. Ka ruak nghal vek thei. A bula ka awma ka hlim ang hian ka bulah hian a hlim ve angem tih ka ngaihtuah rauh rauh.







Gate ka thlenga anlo la lock lo hlauh ka thawhuai thei. Security a bawmah alo awm lo hrim hrim zawk. Vannei tak ka ni. Chhuah dil bawk silo haw tlai bawk si min man ka hlau kha ania.






Ka room lampanin ka penthla hlawk hlawk a kapa biak thuai thuai ka duh. Ka chanchin engmah ka hrilh lo va chuan enge a an tih tak ngial pawh ka zawt leh ta bawk si lo. Pathian zarah lo ziaawm tawh hlauh se kati takzet.






"Sawm roommate i nei dawn" room ka penlut tur chiah Faktein step atanga rawn chhukin a rawn ti thla lang lang a, alam ka hawi chho nghal vat.







"Engtikah nge alo luh dawn"







"Vawiin tlaiah" Ka bul a rawn thlengthla ve nghal zat.







"Umm" ka ti sep.







Room ah kan inzuilut ta nghal. Ka khum lam panin a mu thla nghal thak.






"Ka rawn riak thei tawh awm lo" a rawn ti hluai.






"A theih tho lawm ka bulah i mu thei tho a" ka ti let ve zat.






"Ni tho"






"Anih vawiin tlai thian satliah nen a in date chu ange a an a??" A meng chimawm kual vel thiam ve ngawt mai.






"Anuam thawkhat bawk aniang maw i sawi theih loh danah" nui put put chungi a rawn tih zawm leh zat. Ka lei ka chhuahkhum ringawt.






"Kan chho nge zirtur tlem ka nei a" tihleh khum atanga thawh a rual nghal a.






"Lo chhuk leh rawh aw" ka ti zui vat.







Khawngkhar lampanin a mawng arawn ti sawikual vel. Ka nui nghal hak hak. Maksak thei ve ngawt mai.






Faktei a chhuah fel hnuin ka thawmhnaw ka hlip a bathroom lam ka pan nghal. Ka inbual zawhah ka pa chu ka be tawh mai ang.






Tuivawtin ka inphuh tir sar sar a ka nuam sawng sawng thei.







Ka inbual zo darthlalanga ka in en chu ka hnute leh ka nghawng vel a duk thleh thlauh. Adrian nen kan awmdan ka ngaihtuah a ka mur nghal sung sung, ka biang asa nghal hat hat bawk.






Ngaihtuah zawm duh lovin lu ka thin nawk nawk a bathroom atangin ka penchhuak nghal.






Ka inthalk fel a khum a lawnkai tharhin ka phone ka ban nghal zat.






Ka pa no ah ka call a a ring ral ral reng mahse a pick miah lo. A buai anga a hre lo amawni dawn le.






Ka ti nawn lehzat ala pick ta chuang lo fo. Ka ngaih atha lo nghal. A nuam lo zui viau tura ngaihna ka nei nghal.






Ka nutei no ka hmet chhuak a ka call ta ringawt.







Rei pawh ring lovin a rawn chhang vat a.







"Bawihte" a rawn tidam nghal thluam.







"Nute ka pa ka be duh sia a phone a pick thei miah lo va" kati nghal thawr.







"Bawihte i pa hospital ah kan admit a hei ka awmpui mek."

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)