ERES MI VIDA BY Hmuaktei fanai (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 15032
Joined: April 30th, 2016, 4:07 pm

Re: ERES MI VIDA BY Hmuaktei fanai (Completed)

Unread post by Ngaia » July 12th, 2020, 1:48 pm

ERES MI VIDA(You are my life)






Ka story chhiar tura ilo luh avangin ka lawm eee๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ





Chapter-7





"Enge i sawi awmzia ka hre lo ania min hrilh fiah deuh la" a sawi awmzia ka hre lo tak tak. Awmzia ka hre lo mai pawh ni lovin ka bo hu zawk.




"Ka thusawi chu zawm tawp rawh" a rawn ti chang nghal fak. Zawh chiamin awmzia a awm dawn lo tih ka hriat avangin zawh chhunzawm chi ah pawh ka ngai tawh lo.




"Mami i hman tawh chuan kal a hun ania" ka niin room pawn lam atangin a rawn ti lang lang a. "Aw kan lo chhuak dawn" ati zui nghal vat.





Ka kut rawn vuanin "ka thusawi kha hre reng rawh aw" a rawn ti leh sep. "Aw le ka vawng reng dawn nia."




Khawngkhar a hawng rak rak a a thawmhnaw ka khaisaka kan inzui chhuak nghal a.





"Sawmte nangmahin ilo awm hlau lo ang maw" min ngaihtuah hmel zetin ka niin a rawn ti leh hram. Ka awm ngam thu in kalo chhang zui nghal zat.





Pawnlamah kan inzui chhuak a. Omami bag ka khai ka ni pasalin rawn ban vutin car chhungah a dah lut nghal a.




Omami'n min rawn kuah thakin thuawih taka awm turin min chah zui lawm lawm bawk a. Car-ah thulutin rem leh rem lova min rawn thlir zuiin a kut arawn vai lauh lauh a, an tlan chhuak ta nghal.





An lan theih chhung ka hmui pet fan fanin ka ban ka vai let a. An tlan liam veleh ka mittui a luang nghal zung zung.




Ka lung a leng dawn lutuk. Inthen hran reng ngai bik hi ka hua. Ka hmangaih ka ngaih ngawih ngawih te kianga hun hman ka chak ve tho.




Ka mittui pawh ka hru buai peih lo. A duh duhin lo luang vel teh se. Heibak ka lunglennate lanchhuahtirna tur hmanrua ka nei hleinem.





Inchhung lam ka pan a room-ah ka lut tlang nghal hmak. Kawngka kalh rawk rawkin kawngka nghengin ka thu thla a ka tap chhuak nghal hlawp hlawp. Tumah venthawn tur awm hek lo. "Pa, hetah kal a lehkha zir turin min ti lo la chu inkiangah hlim deuhin hun ka hmang ve thei tur ania" ka ti chhuak nghal sep.





Omami mutna hnu ka thlir zawng ringawt pawn ka lungleng lutuk hi min hnawh ut ut thei.





Tha tho lo deuhin ka tho chhuak a ka hmai pawh ka phih buai peih lo. Duh leh mittui chu lo luang rang vel mai mai rawh se. Min hmu tur pawh awm hlei lo ka ngai pawimawh peih lo.





Khuma ka phone dah banin vanlali no ka hmetchhuak a, ani hi bia ila ka zia deuh ka ring.




A ring ral ral reng a, a pick tawh dawn lo amaw ka tih hnuah a rawn pick ve hram.





"Hmelchhenu i va induh sawt ve a, i kalbo atangin vawikhat pawh min la be lo. Engtin nge itih theih zawk a" a rawn ti nghal hmuar hmuar. Awi ava sawi hnem hman tak.





"Sorry tih neuh neuh ngai a awm ve zel a, ka rawn be vat hman lo che aaa" inthlahrung dek hian ka ti sep.





Rawn nui chhuak uarh uarhin " Ka thinrim tak tak tep a ni min ngai lo lutuk hi" a rawn ti zui nghal zat.




"Ka ngaih vang che lawm ka hman veleh ka pa pawh be lova ka rawn biak che"





"Hmm nihtak vel chu ah. Tak takin ka lung aleng lutuk" a rawn ti chuai raih. "Keipawh" kalo ti ve nghal vat.





"I tel lo chuan a hreawm eeee.... College zawm pawh ka phur tawh lo"





"I ho lutuk... I zawm anga thian tharte i chhar dawn alawm. Mahse min thlak tum miah suh ang che"





"Mai thei" nui awr awr pahin a la rawn ti zui.





Eng eng emaw kan sawi hnuin kan inbiakna kan ti tawp thei hram. Sawi tur hi kan ngah dun thei si.





Mahse Vanlali ka bia chu ka thawl deuh hawkin ka hria. Ka pa biak leh ka tum deuh ut ut a ka lungleng lutuk hi ka insum theih loh ka hlau a ka thulh leh ta zawk.





Ka phone hum ka melh ran ran laiin whatsapp msg tone a rawn ri kauh a. Ka en nghal vat mahse no hlang atangin.
**I zia deuh tawh em**
tih tehi. Tunge niang le.





Chhan pawh chhang lovin khumah ka phone ka dahthla a. A rawn ri leh nghal zat. Ka lakang leh vat a.
**Keimah Adrian**





Awi ni dawn tak keipawh hi lo hriat ve mai awm. Ka rilru hi avan chak lo tak. Keimah leh keimah ka inkuk fawk.





**umm ka zia lutuk**




**nangmahin i awm tih ka hria nia aw**





**engtin nge i hriat**





**ka hriatna hi a chak alawm**
keimahin ka nui vur vur. Min hmutu chu awm ngat se mawl min ti ngawt ang. Lawm lovin ka nui vur vur ania....




**vawiin avang khan ka lawm lutuk takzet**





**umm lo kal i phal em**
tih a rawn thawn leh a chhan pawh ka chhang talo.





Thochhuakin kawngka ka hawnga hmai phih fai turin bathroom lam ka pan nghal.




Ka room-ah ka lutfel deuh chiah tihin ka ni phone hmang lawng lawng ri ka hre nghal zat. Room atangin ka chhuak ve leh a.




"Sawmte ilo hlau hman em" min nuih var var pahin a rawn ti nghal a.




A pasal erawh a rawn lut tel ve miah lo.





"I patea chu hospital atangin an rawn ko thut a atlang nghal anihkha" ka zawh hran pawh ngai lovin a rawn tih zawm leh zat.





"Vawiin kan chhuak kha ka chau riau a ka mutsan ang che aw. Nangpawh mu hma la" an room lam min pansan nghal a.





A thusawi engmah pawh ka chhang hman lo a sawi zawm nghal vek.





Choka lamah lut pheiin fridge atangin tuivawt la chhuakin ka room lam ka pan ve vat a. Zanah hian tui ka inchhawp ziah loh chuan ka awm thiam lo thin. Ka thanharh apiang hian tui in tur hi ka duh ngei ngei thin.





Kawngka ka khar phui a khum lam ka pan a ka bawk thla nghal thlawrh. Ka lung aleng em em lutuk hi ka tap leh thei dawn tak ngial.





Ka lu thing deuh nawk nawkin ka thu chhuak leh a. Omami'n a kal dawn a athu min chah ka hrechhuak zawk. Enge awmzia ni ang le. Ka ngaihtuah kual viau pawh hian ka bo tulh tulh.





Ka ni pawh ka vawikhat hmuhna ani chungin min duatin ka chungah a fel em em a. A pasal lah ngei viau mahila mawi lo takin ka chungah a che chuang bawk si lo.





Nge an mizia hi an bula kala tal tam loh em avang hian an thup mai mai hrih zawk. Mahse midang mizia hi rei tak kan hrawn tawh tepawh hi kan hre viau amaw kan tihlai pawh hian hriatkim loh lai hi chu kan nei fo tho.





Aaaaa ka ngaihtuah kual peih tawh lo hunin ala hril mai ang chu.





Ka phone a rawn ri a ka phu dawrh thei. Ka va han dawih sawt tak em. Ka phone ka la kanga Adrian a ni. "Hello" ka ti sep. "Pawnah ka awm lo chhuak rawh" tihpahin a off nghal hmak. Ava han inti lal mai mai tak.






Pawna han inkohchhuah nghal tawp chu. Ka chhuak ang nge chhuak lovang tih ka ngaihtuah ren rawn phawt a. Chhuah loh dawnin chhuah duhnain min tur reuh bawk si.





Thawm dim fahranin pawnlam ka pan a. Ka ni amu tawh bawk si tih harh ka hlau lutuk.





Pawn ka thlenga tumah ka hmu lo ka hawikual ngial pawhin. Luh leh mai tuma ka inher chu hnunglam atangin ka ka a rawn hup thut ka phu zawk. Hlauhnain min man nghal vawiin a ka thil tawn zawng zawng nen ka dawih a zual vek tawh.





Ka ka a hupna pawhthlaksak ka tum a, ka khur leh titih der tawh.




"Keimah" ka beng bulah a rawn ti sup a. Ka thaw huai thei. "Ka kut kala sawn dawn ania au miah suh"





A kut a lasawn a a lam hawi nghalin abanah ka chum nghal tawlh. "I รข mi enge khati vaka min tih hlauh a, thil tha lo athleng leh dawn amaw ka ti hman alawm" kati nghal hlak hlak.





Inthlahrun hmel dek te a min rawn enin "sorry" tihpahin a beng a pawt zauh.





Hmalam ka hawisan nghal hmak. Khatianga tih reng reng te chu tupawh an hlauin an thlabar ve vek ang. Ti awm ang lo lutuk mai.





"Hey, thinrim suh ka msg i chhang duh si lo va" a rawn ti leh sup. Hmh ka thin a rim laklawh ka chhang peih lo.





Kan ngawi dun vang vang. Ka chhan duh bawk si loh avangin sawi tur a hre tawh bik lo aniang.





"Ching tawh suh khatianga inthawn thut kha" tlemin ka aw pawh anem ta deuh.





"Enge i rawn tih dawn"





"Ka ngai che" teh tawp chuan inngaizawng pawh kan ni lo va. Mahse ka lai tho. Ka biang asen leh vek tawh ang.






Rei fe kan din ren rawn hnuin "ilo lut duh em" kati chhuak pawng. Abak sawi tur dang ka hrebik si lo. Min rawn melh leh ren rawn a "ka ni a mu tawh a chuan a pasal chu hospital-ah ala awm.... iiihhh ilo luh duh chuan" ka ti leh sep. A rawn bu nghat.





Inchhunglamah kan inzui lut a. Ka room lam kan pan ding nghal zat. Thawm a dim ve lutuk bawk si chu ka nuih ati za tlat pek mahse nuihna chi a ni bawk silo.





A hmel ka hmuh tirh khan kalo en chiang miah lo kha ania. Ka hmuchiang chiah chu ka thaw chhuak nghal hawk. A mitko a kak a chuan a hmuisir athi ser ser bawk a biangah tak a kak thla deuh bawk. Engtia atihna nge maw ni leh tawh le. A insual leh tawh bak anih ka ring lo.





"Ngati nge i hmai kha" kawh zauh pahin ka ti sep a.





"Ka insualna" nui suk chungin a rawn ti.





"Tinge in insual a?"




"Kan insual ve tawp" teh tawp chuan.





"Tinge i insual thin le awww.... Insual hi nuam iti ami"





"Ummm" a rawn ti sup.





Awi hepa hi engtia tih chi nge mawnle. Tunge insualte nuam ti ngai ni. Kei ve ka pian a hnulamah hian sualpui ka neih pawh kala hre lo. Ani ve hi chu a inpeih at reng a maw tih tur a ni.





"Insual hi atha lo asin" kati leh sep a. A nui suk ringawt duh chauh mawle.





"Anih leh ana em?" a hmai kawh zauh pah chuan kati zawm nghal zat a. A lu athing ve mai bawk a.





Mahse anat tho ka ring. Mipa hi chu an tuarchhel hrim hrim. Hmeichhia chu ni ila mitko kak tihvel techu kan tahpui hliam hliam thei ang chu mawle.




"Chuan eng maw ilo tih dawn" ka zawt nawn leh.




"Ka ngai che a chuan ka hmu chak bawk che a."





Sawi ve tur pawh ka hre tawh lo ka lai hu vek. Nge ka sawi tur zawng zawng an bo zo vek zawk.





In ngaizawng pawh niloin min ngaih thu leh min hmuh chak thu a sawi a. Hepa hian min fiam kual mai mai a tum nge, engmah ka hrethiam lo. Hetiang hrethiam tur pawh hian tawn hriat kala nei miau lo.




Sawi tur ka hre lo an bo vek. Chil ka lem khalh. Min la melh ngur zui a, ka khur thei dawn takngialin ka hria.





"I... ihhh ihhhh i pemah khan damdawi hnawih ila" tih bah nawk nawk paha thawh ka rual nghal.





A rawn nui chhuak hawk hawk. Ka awmdan kha a nuihzatthlak dawn reng a ni ka zei lo lutuk leh lai lutuk bawk si kha.





Damdawi nen ka let leh a. Khuma thutthlak pahin awmhnai deuh turin ka hui zauh. Thuawih deuhin a rawn tawlh hnai ve mai bawk a.





A hmui thi lapuain ka hruk fai sak a, a pem dang nen damdawi ka hnawihsak nghal a, na ti hmel a pu pawhin ka hre lo. Min melh ngur bawk si ka awmdan a dik lo zo vek. Ka chelai hu.





Min awm hnaih lutuk bawk si avangin ka thin a phu dawt dawt bawk.





Ka hnawih zo ka ding chhuak tur chiah min pawt thu nghal zat. Hriatthiam loh hmel deuhin ka en hu. Awi ka va zei lo ngawih ngawih tak.






"Ka duh che" hriatthiam har zeta min melh ngur chungin a rawn tichhuak sup. A hmelah ka enlet ve kiau mahse fiamthu thawh hmel a pu lo a thu tak lutuk.





Min duhthu min hrilh mahse sawi tur ka hre lo. Ka dang aro vek. Ka chil ka lem leh khalh chuti pawn engmah sawichhuah tur kala hre chuang lo.





Min rawn fawp thut a kala phu zuk zui. Chhanlet ngaihna pawh ka hre lo ka dawh mawl ve tawp. Chuan ka mipa fawh hmasak ber ani bawk.





Kan hmui la insi reng chung si in a rawn nui suk a, ka hmui hnuailam seh zauhin a inla hrang nghal vat. Kei ve thung ka thu khawng auh ringawt a nihchu. A nuih ka ti za ngawt ang.





"Chuan i vawikhatna" zawhna mitmeng deuh a min melh rualin ka hmui ka hup nghal vat. A nuih azat hmel em em lehnghal ka zak ani tawp. Ka biang asa vek thei.





Ka kut chhanah min rawn fawp leh zauh a ka melh nghal vak.





Ka hmui hupna min lakthlak sakin ka biang tawn tawna rawn dawm pahin min rawn fawp leh zauh a, a inla hrang leh thuai.





"A zahthlak loh, i fawh hmasak ber ka nih avangin ka lawm zawk" a rawn ti sup a. Ka thawveng nghal huai. Min nuihzat kha ka hlau ania.





"Ka bialnu ni rawh."





He mipa, mipaah pawh pa leh chhelo lutuk hian a bialnu ni turin min sawm anihchu.





Keipawh hian ka duh tih chu phat theih rual anilo. Kan inhmuh hmasak ber ni atang khan amah ka ngaihtuah zui vawng vawng chang hi atam zawk ani. Mahse min lo duh ve ang tih ka ring phak miah lo. Amaha engkim hian min hip ngawih ngawih hi a ni ber.





Ka bu nghauh nghauh a a rawn thaw chhuak nghal hawk. Easy lutuk min tih loh hram ka beisei,kan inhriatna ala rei lutuk bawk si lo. Mahse ka duh miau bawk sia. Hetiang mipa chhelo lutuk hi ka hnar anihchuan mi mawl ber ka ni hial zawk ang chu mawle.





Duh thawh zetin min rawn fawp nghal ngawng ngawng a keipawn ka thiam ang tawkin ka chhang let ve vat. Chu chuan ati phur zual amaw tih turin min fawp ngawng ngawng reng.





Thaw chhuak hlawp hlawpin kan inthlah thei hram. Rawn nui sukin ka chalah a rawn fawp zauh a, ka chungril atang hian ka hlim a chuan engtin amaw hian ka awm et et mai. Ka hrethiam lo.





He kan inzawmna hian eng kawngah nge min hruai dawn chu ka hre lo mahse bul tanpui ka duh.





Ka bianga dawm chunga min eng vung vungin "ka ta chiah i ni ka ta chiah" arawn tichhuak sup. Kalo nuih var var thung.





Adrian haw hnuin khumah ka let thla nghal tawp ka hlim veng veng. Alo kal hma a ka lunglenna zawng zawng tekha hriat pawh ka hre chang tawh meuh lo.





Ka hmui ka khawih leh thin. Ka nui leh tawp zel. Ka muthilh theih pawh ka ring tawh lo. I mipa duh ruk em emin a duh thu hrilh ta che sela ka awm ang hian i awm ve tho ang tih ka chiang.





Mipa ka vawikhat fawhna mah nise a hmui fawh nuam lutuk tekha. Khatiang em em khan infawh a nuam thin ang tih pawh ka ring pha lo. Ka ring pha lo mai pawh ni lovin ka hre lo hrim hrim zawk.





Ka thinlung zawng zawngin ka hlim a ni. Heibak a awm leh tawh chuan pawh ka ring lo.





Ka inngaihtuahna lamah kalo muhil hman ani ngei ang. Vawtin min tham er er reng a. Men ka tum a ka meng hlei thei lo. Ka mit vun hi char bettu awm ang mai hian a inchar deuh tlat. Ka chau tawngkhawng pawh ani mai thei.





Harh si harh chiang thei silo hian ka awm ruai. Mahse ka rilru a fim vek thung. Men ka tum lahin ka meng hlei thei bawk silo.





Ka hmalamah hlimthla ka hmu deuh ruaia. Vawiin chhun lama ka thil tawn ka ngaihtuahnaah a rawn lut nghal zawk a hlauhnain min tham nghal. Au chhuah ka tum a ka thei bawk silo. Ka khur nghal ti tih.




Vawilehkhatah phih thawh nawk ang maiin ka thu chhuak nghal zawk. Ka thlan a tla hluam bawk.





Room kawngkhar lam ka hawi nghal zawk a ka ni pasal alo ding run anih chu.Adrian chhuah hnu khan kawngka kha ka kalh chiang viau khan ka hre sia engtin nge hetah kawngka bulah alo awm daih theih.








Min lo chhiarsak te in awm chuan angaihnawm or ngaihnawm loh inngaihdante lo sawi ve ula ka lawm dawn eeee๐Ÿคญ๐Ÿคญ๐Ÿคญ



Link:
BBcode:
HTML:
Hide post links
Show post links

Ngaia
Site Admin
Posts: 15032
Joined: April 30th, 2016, 4:07 pm

Unread post by Ngaia » July 12th, 2020, 1:48 pm

ERES MI VIDA(You are my life)






Ka story chhiar tura ilo luh avangin ka lawm eee๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ





Chapter-8





"Pate, hetah enge i rawn tih dawn"





A mak kati eeee hetah daih enge a rawn tih. Chuan kawngka alo inhawng bawk ania. Nge ka kalh amaw ka tihkha kalo kalh lo zawk.





Ka hlau tih ahriat lohna turin ka inhum ruh tang tang. Ka tilang tur ani lo hrim hrim.





"I room kawngka alo inhawng a"





"Chuan" kalo tilet ve nghal thuai a. Sawi chhunzawm tur a hre tawh lo aniang min en kur ringawt.





Zam anga lang duh miah lovin ka enlet ve kar. Ka tirilah hian ka khur ru der der tho mahse lanchhuahtir ka tum lo ani tawp. Kalsawn mai tum awm hmel pawh ala pu chuang lo anihchu. Enge maw ahriat ni. Ka beng sawk chak lutuk.





"Chuan ka mu duh tawh a i kalsawn thei angem" ka ti chang fak a. Min rawn nuih leh sukin a kalsawn ve mai bawk. Hepa hi ka nel viau loh atha dawn anih hi. Omami thusawi zawng zawng ka hrechhuak nghal zawt zawt. Hetiang anih dawn chuan ka tan atha dawn miah lo.





A pensawn rualin khum atangin ka chhunkthla vut a kawngka lam panin ka kalh nghal sawk sawk. Khum lam ka pan phei leh a mutthla hnawkin ka thaw chhuak nghal ham ham. Ka mutchhuak zawng zawng pawh a reh vek tawh.





Bakah ka muthilh hlanin alo lang leh lo ang tih tunge sawi thei. Engti kawng zawng pawhin ka hlauthawng vel vek tawh. Helai hmunah hian ka thlentirh atangin hlauthawng reng rengin kala khawsa char char ania. Ka pa khan helai hmunah hian min tir kher lo sela chu hetiang hian ka awm bik miah lovang. A changin ka thin arim thar leh rum rum.





Khumah ka thu ta reng. Tun ang zantlai tawhah midang biak harh chi ani tawh bawk silo. Mahni inkhawngaihnain min rawn luh a ka mittui a tling nghal pam. Thinthi pawn mutmu ka tuah ve thei lo chu ania. College hostel chu ruak awm thei hram se ka ti takzet.





Khawvar dawn lamah ka mutchhuak tawngkhawng tlem kalo chhing zeuh aniang ka bu deuh dawrh a ka harh zawk. Ka khupah ka chal nghatin chungin kalo muhil anih hmel.





Ni alang uarh tawh. Choka lamah pawh thawm a awm rak rak tawh. Ka phone ka ban a 7:30am alo ri tep. Ka tho nghal zawk atlai tawh em em lutuk. Hetiang tak hian ka thohar ngai lo hrim hrim.





Ka ni pasal vang vek enge nizanah hlauthawnga mi siam tehreng ni. Ka ngei ngawih ngawih. Ka pa bia ila haw dil ka chak rum rum. Helai hmun hi ka awmna la rei lo viau mahse hawsan leh daih ka chak zia chu pui tak a ni.





Thil pawimawh a awm leh awm loh ka check thuak thuak a, Adrian morning wish alo awm vang. Nuisakin ka open a wish let ve in ka phone ka dahthla a room ka chhuahsan ve nghal.





Bathroom lam ka pan a, darthlalang hma a ka hmel lo lang chu a lungawithlak loh. Dark circle a awm kulh lehnghal. Zankhat lek pawh ka mut that loh chuan heihi a nghawng ani ngei ngei zel.





Ka inphihfai zawhin choka lam ka pan ve vat a. "Nizan i mu tha thei lo tih i patea'n a sawi a ka rawn kaitho duh ta lo che nihkha" ka ni in alo ti nghal sawt sawt. Ka nuih liam vel mai mai. A pasal vangin ka muhil ngam meuh lo ani zawk reng sia tenawm lutuk.





Tuilum thlichhuakin ka in nghal pawp a tlem chuan ka zia deuhin ka hria. Mahse ka mitmem a nuam lo lutuk ka mut that loh avangin.





"Vawiinah i ulawmi a rawn thleng dawn a" ka thil ei mawlh mawlh laiin ka niin a rawn ti a. Chu chu tunge pawh ka hre lo e ah. Ka pa telama kan chhungte hi ka hre vak lo hrim hrim.





"Aizawl lamah a zir zawm tawh dawn a bakah api tarlam alo ni ve tawh nen awmpui pahin" a rawn ti zawm leh zat. "Anihchu" kalo ti satliah ringawt.





"Hetah buaipui ngai aneih ho vel a buaipui phawt anga Aizawl lamah a chho ang." Kalo bu nghauh nghauh.





"Chuan a mutna room thin saw a awm loh hnuah eng eng emaw vawmkhawm nan kan hmanga, a hnawk viau mai kan nula hi ilo pui dawn nia" a rawn ti leh. "Aw le" tih zawngin ka chhang. Tih tur nei lo va awm mai mai aichuan anuam zawk fe ang.





Thil eina vel tifaiin an nula ka pui ve zel a. Tawng inhrethiam mang lovin kan in nuih leh ver ver thin. English a thiam lo va keilahin hindi leh khasi ka thiam der bawk silo buaithlak duh deuh aniaaa... Zaizirin kan inbe ve nawk nawk tawp mahse a nuam vei reuh phian. Nuih a duh reuh si a bula awm anuam lutuk tlat.





Ka ni pasal hospital lamah a kal tawh a, ka ni ve thung chu living room a thu chungin mi a be vei zat zat a. A chang leh anui ang uar uar bawk, over ka ka ti vei zek.





Kan tihfai zawhin room lam ka pan nghal a dawhkana ka phone dah alo ri ral ral. Ka phone lam ka pan a Adrian ani. Lak kan pahin ka chhang nghal zat.





"Tinge phone i pick theih miah loh" a rawn ti nghal hlur. Ava thinrim hmel tak. Ka pick mai theih loh chhan pawh hre tawp silo ah.





"Nia kan buai deuh a" ka ti zui nghal zat.





A thaw hawk ri ka hre thei. Hepa hi alo mangang hman amawnle.





"Vawiin enge i tih dawn" a aw a nem ta deuh. Ka pick mai silo kha min ngaihtuah anih ka ring.





"iiihh ulawmi alo kal dawn a a room tur kan tifai dawn a" kati sep.





"Lallawmkimi maw, a rawn thlen hunah aman tifai rawh se" a rawn ti leh.





" In inhria ami" kati nghal vat. "Umm" tih chauhin min chhang let. A tawng bung ve thei ngawt mai.





"Anih nang enge i tih dawn?"





"Class kal ka ngai alawm" Ni dawn tak zirlai ala ni ve reng sia keipawh hi hriat ve awm ania.





Sawi mai tur pawh ka hre tawh lo. A bulah hian sawi tur hi ka hre lo thei si.





"Ka ngai che" a rawn ti sup. Ka lei ka chhuah tet,ka lai leh vek tawh. Phone kaltlang pawn min tilai thei ania van hahthlak tak.





"Tunah khan i biang a tai leh tek tawhin ka ring" a rawn tih zawm leh nghal zat. I ring dik tihchiam mai ka chak zawk.





"Chuan ei chak i nei em min chah la" ei chak ka neih leh neih loh te min zawt ania. Tiang hi ka vawikhat tawnna vek mahse nuam kati veng veng. Pa in a fanu hnenah enge a eichak zawng a zawt tepawh kan ang rum rum.





"Aaaa ka hre lo"





"Ka bialnu tereuhte hi a lai leh vek tawh animaw" tihpahin a rawn nuichhuak hawk hawk. Keipawh ka nui ve tawp.





"Zanah kan inhmu dawn nia. Ka hman hunah ka rawn bia ang che" tihpahin kan inbiakna kan ti tawp nghal a.





Keipawh hian ka ngai ve veng veng mahse ka sawichhuak ve ngam teuh lo mai. Khumah ka letthla tawpa ka leng nghek nghek.





Kawngka lamah thawm a rawn awm a ka thuchhuak nghal zawk. Mak tih hmel deuhin ka ni te nula in min lo en reng anih chu. Awi mawl min va ti dawn em ka awmdan zawng zawng tekha mawl intih lohna chi anilo hrim hrim. Tlem chuan ka zak ve deuh.





A hnuah nui ver verin min rawn hui zauh a a dinna lam ka pan ve mai bawk a.





Room ruak lam kan pan dun a, ka ni pawh living room ah hmuh tur alo awm leh tawh chuang lo. Khawnge alo kal hman ni.





Room kan lut chu awi tihfel tur a tam dawn lutuk. Duh duh vawmkhawmna tih takah kan nileng zak dawn tih achiang.





Paih tur anga kan rin kan paih mawlh mawlh hi a ni ber. A khu bawk si ka hritlang ang tih ka hlau ber. Hritlang ka la hma si.





Kan phiatfaia kan nawt fai bawk a. Ngawi reng rengin kan thawk dun miah miah. Tawng inhrethiam tawn lo na na na chu inbiak ngaihna awm hek lo. Room kan tifai deuh kuar tawh a, bathroom lam tifai turin ka luh bosan a. Hetah chuan bathroom pawh a awm thlap. Mahse a room hi anuam kati chiah lo a thim deuh ruai a chhunlaiah pawh light on reng ngai chi ang kha. Bakah duhaiin ka nite room nen inhnaih kati mah mah. Ka awmna lam ai khan zauh thu ah chuan a zau fe zawk bawk.





Ka awmna room lam kha bathroom awm velo mahse nuam kati fe zawk ni alut tha a, bakah a thawveng zawk bawk zau deuh chu nilo mahse.





Kan tihfai zawh meuh chuan ka chau ve hnawk thei. Choka lamah lut pheiin tuivawt ka in nghal khawlh khawlh, chuan ka bal viau bawk ka paw thur thei alawm.





Chokaah ka ni rawn penlut ve in "intifai la lunch ei a hun tawh a" a rawn ti nghal sawk sawk. Ka rin aiin kan che rei lo kan nilen thak kha ka ring ania.





Ka room lamah luhsanin ka mamawh tur ho ka phawrh sat sat a bathroom lam ka pan leh thuai.





Tuivawta han inphuh sar sar hi chu anuam viau zel ani tun ang khawlumah phei hi chuan.





Ka intihfai zawhin ka ni in eitur table-ah alo chhawp dal tawh. A pasal pawh alo thu kur tawh bawk. A hmel hmuh reng hi ka va ning dawn tak. Lunch eitur hian alo haw ziah bawk. Hospital-ah engmah a ei ngai lo reuh a mawni.





"I รป lam turin driver a kal a, anlo thleng tep tawh ang" ka niin a rawn ti a, kalo but nghat thung. Han chhan let vak ngaihna pawh ka hre vak lo.





Chawhnu pum awm tawp ani tawh mai tihtur awm tawh hek lo. Peih leh mut peih loh leh thut chutiang vel chu. Helaiah hi chuan ka hman tawp. Kan inah awm ila chu ka awm mai mai lovang mawle. Tihtur ka zawng leh ruai amaw nia nga.





"Sawmte i รป te anlo thleng ania" ka ni in a rawn ti lang lang a, room ka chhuahsan ve vat. Pawnlamah anih ringin ka pen chhuak ve nghal a. Car atangin a thawmhnaw driver in alo la chhuak mek thung.




An bulah thleng phei vatin ulawmi'n nui var varin min lo chibai a, ani pawh hi ka vawikhat hmuhna a fel hmel kati takzet.





"Ka nau chu i hmeltha hle mai"





"Ka lawm e" kalo ti nghal sep. Hmeltha intih te chu thil lawmawm tak ani reng ani.





Inchhungah kan inzui lut hlawm a. Driver in bungrua vel athiar lut thung.





"Sawmte driver kha va pui ta che" ka niin a rawn ti a. Buk nghat pahin pawn lam pan ve mai ka tum chu min ko let leh. "Han bia che ila i bu ang nghut a tawngkam hian mi i chhanglet thiam lo ami, khatiang kha ching tawh suh mawlthlak lutuk" a rawn ti chang fak anihchu.





A ngaihna hre lovin ka hawi hu. Ka รป in alo khap thuai thung. Ka awmdanah khan thimrim nachhan tur a awm awm pawh ka hre si lo. Ka ni awmdan kha ka hre thiam lo tak zet.





"Va pui rawh" a rawn ti leh hlar a. Pawnlamah ka pen chhuak nghal vat a. Khatiang khan ngatinge maw a awm thut le. Ka hrethiam lo mai pawh ni lovin ka bangbo takzet. A mood a fu chiah lo ti dawn ila lunch ei thleng kha chuan min be tha em em bawk sia. Ah ka ngaihtuah peih lo.





Ulawmi thawmhnaw vel driver ka thiar luh pui zung zung a. Ka pui chu alawm ve anih ka ring nui var varin "khublei" a rawn ti zauh. Chhandan tur thiam hek lo chu kalo nuihlet ve tawp.





Kan indah fel hnuin ka kut silfai laiin ka ni in min rawn ko leh a. Choka atangin rang zetin ka chhuak nghal vat.





"I ulawmi hi a ril atam ang eitur awm sa kha rawn tihlum sak rawh chuan bawnghnute kha chhuan sak bawk la" a rawn ti deuh hmak. Ka chhan hmain " Ni angai lo ka chau vak hleinem keimah ka inbuaipui thei alawm" ulawmi'n a rawn ti ve nghal thung.





"Angai lo sawmtei khan va ti rawh se engmah tih tur anei lo" a rawn ti lehzat.





"Nia a harsa lo lutuk" nuih var var pahin ka ti let ve thuai a.





"Va ti thuai mai rawh" ka ni bawkin a rawn tichang leh fak. Ulawmi'n inthlahrun hmel deuhin min rawn en a kalo nuih var var thung.





Mahse ka ni mizia kha ti teh thut nge mawnle. A thin ka tih rim awm ka hre bawk silo. Nge an pa nen an inhau zawk amawnle. Ka hrethiam tawh bik lo.





Kan inchhungah leh ka pu te inthleng pawh hian tawngkam vin leh tawngkam bung hian tuman min be ngai lo. Tunah pawh ka ni tawng hmuk hmuk tekha dawnsawn dan ka thiam lo. Mahse a rei anga ka ti ve thei mai ang. Ka rilru a no lutuk anih hi. Mibula awm techuan hetiang tur reng hi ani tih hriat sa tur aniaaa....





Ka in ngaihtuah nasat lutuk na lamah ka bawnghnute chhuan lai ka so kang tir vek anihchu. A bel mawng a ut dum vek. Ka chet hmanhmawh luatah dawmchhan pawh tel lovin ka zu khawih ringawt asa lutuk a chhuatah bel ka ti tla ri rum rum. Awi ka kut asa lutuk bawk si chhar mai nachang pawh kalo hre pek lo.





Ka ni leh ulawmi chokaah an rawn tlan lut vat a. "Fimkhur ta che bawnghnute i chhuan chhiat vek hi... Enge i ngaihtuahnaah awm aa" ka ni in a rawn ti teng chhuai. Ka phu dawrh a kilkhatah ka ka kut dawm chungin ka ding ngawi reng ringawt.




"Ni thil liam tham lutuk pawh anih lohkha" ulawmi'n a rawn ti ve nghal vat.





Min rawn panin ka kut dawmlai min rawn ensak a "a kang anih hi... Khawi tuiah chiah dai ila damdawi kan hnawih dawn nia" a rawn ti dam thluam.





"A phu tawk anihkha... A thil tihlai ngaihsak lovin enge a ngaihtuah ni. Bel kha silfai leh vek ang che" ti ram hmarhin choka atangin a pen chhuak nghal a.





Ka mittui a tling pam thei. Khatianga tawngkam vin khan tuman min la tawngkhum ngai lo. Ka hamhaih lutuk bawk si.





" Ka ni kha chu engah mah ngai suh aw, a thinrim rei miah lovang" ka kut tuia min chiahsak pahin ulawmi'n a rawn ti nghal vat.





Ka room hmanlamah min kai lut a "damdawi ka rawn la ang kan hnawih dawn nia" tih leh chhuah a rual nghal.





Damdawi nen a rawn let leh a, min hnawihsak hnu chuan tlemin a sa leh na lutuk pawh a zia deuh. A sen vek bawk sia ka rap deuh hlek.





"Tikhan lo thu hahdam rawh aw keiman ka eitur vel chu ka buaipui mai ang" tih pahin min chhuahsan nghal a.





Ka rilru no arawn chhuak a ka mittui ka kutah a rawn far fep. Ka tahchhuah ka hlauh avangin ka hmui hnuailam ka pet ngar ngar. Mahse ka mittui atla char char. "Malsawmkim i tahbelh lutuk" tiin ka rilru in ka inhau mawlh mawlh mahse asawt lo khawp ka mittui a kirphah chuang der lo.





Dinner kan ei kham room ah ka lut a khumah ka thu fel chiah tihin ka phone a rawn ri nghal a. Ka lakang vat Adrian a ni. Vawiin lam khan a call ka chang deuh kha ania min rawn be miah lo va abuai ve anih ka ring.





"Umm" ka ti sep.





"Pawnah ka awm a lo chhuak la"





"Ka hre lo.... Ka ni tehi an phal ka ring chiah lo" kati leh sep.





"Nu sรฎni ka rawn bia ang" a rawn ti sup.





"A.... aaaa angai lo, kalo chhuak ang" ka chhang rang lutuk chu a rawn nui hawk, keipawh ka nui ve tho. "Ka dah aw" min chhanletna pawh nghak lovin ka dah nghal a.





Ka room atangin ka penchhuak a ka ni leh ulawmi anlo titi tui barh barh viau. Ka ni pasal erawh a la rawn haw lo thung.





"Ni ka chhuak lawk dawn aw" an pahnihin an rawn hawi rual nghal.





"Enge tun ang zanah chhuah i tum.... Tihtur pawimawh i nei ami"





"Aaa nei chuang lo va alum lutuk a pawn lam a awm daih ka chak a" kati ta ngawt. Adrian nen kan inhmu dawn ti ta ila chhuah a phal lo zual mai thei.





"Rei suh" ati deuh hmak.





"Awle" tihpahin pawn lam ka pan nghal.





Kawt ka thlenga Adrian hmel ka hmu miah lo. Ka hawikual ngial pawn ka hmu chuang lo. Min tihder anih ka ring.





Ka phone humlai a rawn ri a ka chhang nghal vat. "I hmalam kha rawn hawi phei la" a rawn ti sup.





Ka hawiphei a tlema thingkung awm tamna lai quarter dang luhna tur gate bulah alo ding vang. Street light in a chhun deuh riai a chiang deuha ka hmu thei lo chung pawhin chhelo hi kati ngawih ngawih tho. Ka phone ka dah a tlan pahin ka pan phei. A bul ka thlenin min lo kuah nghal thlawp. A rim fresh sar ka hip lut nghal vang vang. A hahdamthlak.





A bula ka awm hian ka kim bik ngawih ngawihin ka hria ka hlim hle bawk.





"Vawiinah ka rawn be hman lo che a" ka chhipa rawn fawh zauh pahin a rawn ti a. Chhang lovin a awmah ka hmai ka nawr bet tlat.





"Ka rawn biak loh che avang khan i lung a awi lo mi" a rawn ti leh sup. Ka lu ka thing ringawt.





Min nawr hlat atum a mahse ka kuah nghet sauh thung.





Min nawr hlat tum bik tawh chuang lovin nghet zetin min rawn kuah let veleh mai bawk a. A taksa lum thur thur rinchhana awm hi anuam lutuk.





"Ka naute hi vawiinah lungawi lohna anei ami" atawngdan vel chu ka nui chhuak hak.





A hmel en turin ka dak chho ha a ka nuih sen sen chu ka hmuiah rawn fawp zauhin thawveng deuh huai hmel a pu.





A hmeltha lua ti a sawi tur chu ani chuang miah lo mahse amahah hian min hip bet tlattu a awm. Hmeichhe dang pawn chu chu an hriat ve tho ka ring.





Ka kutah a rawn hum a ka te deuh that. Ka kut lakang nghalin a thlek vung vung. "Heihi engtia i tihnat nge?" a rawn ti fak.





"iihhh bel vawnchhan tel lovin ka chawi a"





"Chu chu nang ni lovin in nula ten an ti thei lo ami" a rawn ti chang leh fak.





"Aaah thei tho a mahse keima tih ka duh alawm, bakah tih tur awm lo kha a ninawm ve a"





" Ti tur an awm chuan tihloh ve mai tur, chuan fimkhur tawh ang che" Kalo bu nghauh nghauh.





"Ala na viau em" a aw pawh a dam ta deuh.





"Na tawh vak lo ulawmi'n damdawi a hnawih a"





"Fimkhur tawh rawh aw"




"Aw le boss" a nui chhuak nghal hawk hawk. Anuih hian ka va han duh zual tak.





Ngai hle mahila zan lam tawhah pawna awmdun reng chi a ni bik silo. Kawt lamah min kai phei a.





A jacket ipte dap rak rakin chocolate a rawn phawrh chhuak a, ban mai ka tum chu " min fawp phawt rawh" ati deuh tlat pek. Ka meng zau kawk.





"Hetah khawlaiah hian maw" a ti awm ang lo thei mi pawn min lo hmu thei a.





Chimawm deuha meng kual ralh ralh pahin "Umm... Vat milo kal hma hian" a rawn ti deuh tlat.





Dingdihlip ak ak in a hmuiah ka fawp zauh a ka inla hrang leh nghal vat. A rawn nui suk. A chocolate ken pawhthlaksak hmakin inchhunglam panin ka tlansan nghal daih. A nui ri pawh ka hre pha. Ka zak tawp keiman ka fawp hmasa ania, ka sa pup pup thei.





Ka awm dawm vang vangin kawngkhar bulah ka ding ta reng. A kal tawh leh tawh loh pawh ka hre lo ka hawilet ngam lo hrim hrim.





"Sawmi hi hostel a chan thuai angai, lang lovin kan nula hi rawn insawn lut se ka duh. Room a luah tlat a thil ati buaithlak" kawngka tlema ka pawh hawn atangin ka ni thusawi ka hrepha.





"Ni ka awmrei dawn chuang hleinem ka room lamah pawh a mu thei a" ulawmi'n ati let vat.





"Chutiang a buaithlak awm bo vat rawh se" ka ni bawkin a ti leh.





"Chuan maw amah vanga anu boral ani tihkha i hre tawh em? Hmanniah ka tawngsuala ka sawi chhuak hman tep alawm"





Ka ni thusawi zawh chiah avang chuan ka thin a phu nghal dawt dawt. Kawngkhar ka vawnna ka thlah riai riai a. Ka chawmawlh vek. Tinge tuman engmah min hrilh ngai loh. Keimah vangin ka nu kha a boral a maw.







Min lo chhiarsak ve in awm tih ka hriat hian ka lawm lutuk takzet๐Ÿ˜ญ๐Ÿ˜ญ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ

Link:
BBcode:
HTML:
Hide post links
Show post links

Ngaia
Site Admin
Posts: 15032
Joined: April 30th, 2016, 4:07 pm

Unread post by Ngaia » July 12th, 2020, 1:48 pm

ERES MI VIDA(You are my life)






Ka story chhiar tura ilo luh avangin ka lawm eee๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ





Chapter-9





Kawngkhar bul atangin min pawtsawntu awm ang mai hian ka tawlh hnung dawt dawt a. Ka nu keimah vangin a boral tih thu chuan ka thluak a luh ngut ngut bawk. Engtin nge anih theih. Ngati nge tun thleng hian engmah ka hriat ve miah loh tuman ngati nge engmah an sawi loh. Keimah inthiam lohnain ka khat nghal vek bawk.






Ka tawt up up a mahse ka mittui a hul hlauh thung. Ka ni te verandah atangin ka pensawn a. Kawtah chhuak pheiin an dawt chiah a quarter awm kawmcharah ka lut phei a hmun reh lai deuh ni a ka hriat ka thlenin leiah ka thu thla nghal hnawk.





Ka phone ka lek kang a ka pa biak ka tum deuh ut ut mahse a no ka hmeh chhuah pawhin ka call leh ngam chuang lo. Chutiang chuan vawi eng emaw zat ka ti hman.






Ngati nge kei hi min lo hrin chhuah kher. Ka rilruah zawhna tam tak a rawn lut zut zut bawk. A chhanna zawng zawng chu ka pa leh ka nutei te chauhin min pe thei ang. Mahse ka be ngam thlawt bawk si lo. Thudik ka hre ngam lo ani mah zawk. Ka nu nunna chan chhan chu keimah maw.





Ka huaisenna zawng zawng sawm khawmin ka pa no ah ka call a, rei vak lo a ring hnuin a rawn pick a, "mambawih" a rawn ti dam nghal thluam. Ka tah chhuah mai loh nan ka hmui pet fan fanin ka in hum ruh nasa ngang.





"I tha em, min rawn be khat lutuk a" a rawn ti leh. Ka aw a chhuak thei lo hrim hrim chhanglet turin.





"Mambawih i awm em" ka chhan mai loh avangin a aw ah manganna ka hre tel thei.






"Pa, ngati nge ka nu chungchang engmah min hrilh loh"





"Enge i sawi awmzia" min rawn zawt let hlauh anih chu.





"Ka thusawi awmzia i hria, engvangin nge keimah vangin ka nu a boral tih min hrilh lo. Mawh engvanga ka laka zep tlat nge innih" ka ti nghal tuarh. Chuan ka pa ka vawikhat vinna ani bawk.





"Enge i thusawi awm zia chu" ala tifan.






"Keimah vangin ka nu a boral chu chu a dik em? Eng vangin nge ka nu ai kei hi ka dam kher" ka ti leh tuarh a.






"Malsawmkim i tawngkam kha fimkhur rawh" a rawn ti chang fak.





"Chutiang eng thil mah a awm lo, chung thute chu khawi atanga i hriat nge" ram hmarhin a rawn ti zawm leh zat. Ka pa in awka nem lo va vawikhat min biakna ani bawk.





Chhan pawh ka chhanglet thei tawh lo. Kan inbiakna ka ti tawp hmak. Ka chawmawlh vek a ka awmah thawk harsa khawpin min hnawh tlat bawk. Ka awm ka tham tawk tawk.





Min rawn call let nghal a mahse ka pick chuang lo. Vawitam a rawn call hnu pawn kala chhang ta chuang lo fo.





Ka ni alo va bia pawh animahna ka ni call a rawn luh chhunzawm lehnghal zat a chupawh ka reject nghal hmak.





Engmah pawh ka ngaihtuah thei lo an tawi tuk vek. Rilru fim hman a harsa takzet. Ka pa pawh ka khawngaih ve tho mahse engmah min hrilh loh avangin ka lungawi thei thlawt lo. Chuan ka chhungte zawng zawng leh ka nu lakah inthiam lohna hlirin ka khat bawk.





Rei fe engmah ngaihtuah mumal thei lo va ka thut hnuin ka phone arawn ri leh a, ka nutei ani.





"Nute" kati chhuak nghal tiau.





"Bawihte engmah kan hrilh loh che vangin pawi kan ti lutuk"





"I hria a nihchuan khatiang khan i awm dawn tih kan hriat vang alawm engmah kan sawi ngai loh" a rawn ti dam dap a.





"Hetiang techuan engtin nge ka hmuh ngam tawh ang che u" kati chhuak tiau.





"Bawihte chutiangin ngaihtuah suh, keini chuan engtik lai pawhin kan hmangaih em em reng che. Chutiang bawkin i nu pawn a hmangaih lutuk che" sawi ve tur reng ka hre lo.





"I nu kha i pian hma pawha hrisel lo em em reng ania, mahse a pai che tih ahriata a hlimzia kha. Chuan i rawn piangchhuak a, i nu kha khawvel a nu hlim berah i siam asin. Engtiklai pawn a hmangaih em em reng bawk che. I nu kha piang nawn lehin a nunna chan leh dawn pawh nise i tan anih phawt chuan ati leh tho vang tih ka chiang" a rawn tihzawm leh nghal zat a.





"Nute engkim min hrilh vek rawh ka hre duh" kati chhuak sep.





"I kum lina birthday-ah i nu khan accident a tawk a" ka nutei pawh atawngdanah sawi harsa atih hmel takzet.





"I nu kha nu hrisel lo tak ania, ilo pian atang phei chuan han dam that ver vawr kha anei thei ta meuh lo va. I kum lina birthday khan i nu damdawiina a awm avangin i birthday kha an lawmsak thei lo che a nanglahin birthday lawma cake zai kha i ngen reng mai bawk a, i tap ngang ngang reuh sia. I nu pawh khan hrehawm ati lutuk. I pa a zinlai ani bawk si. I nu khan doctor hnenah khami ni chiah kha i birthday lawm tura in lama haw a dil a. Kei pawh ka awm ve reng chungin i nu bulah lo khan i awm duh mang bawk si lo va. Chuan hospital kan chhuahsana i phur lutuk hospital kawt ah motor lo tlan awm leh awm lo pawh ngaihtuah lovin i tlankual nasa sia. I nu khan man beh che tumin a zui kawi che a. Nanglah khan engmah i hrethiam bawk silo. Gate atangin car pakhat chak zetin a rawn tlanlut a,i nu te tuar chungin i lampanin a rawn tlan a nanglah i mangang i tap nasa bawk sia kalsawn nachang kha i hre mang bawk silo, motor kha a speed sang laklawh tawh nen i tap nasa bawk si i nu khan anem sawn dawt che a, amah a inbarh...." a sawi zawh rualin a thawchhuak hawk.






Ka thin a phu dawt dawt ka taksa chhung atangin a phu chhuak mai dawn amaw tih tur khawpin. Ka thaw ri hrawih hrawih bawk. Ka awm chemte a vih zawt zawt ang mai hian ana.






"Bawihte keipawh ka thiam loh tho ani keimah khan i tlankual vel kha ngaihsak tur zawk che kha ka nia... I nu khan a boral dawn thleng khan a ngaihtuah thu cheleh a hmangaih ber thu che kha a sawichhuak asin. Mahse engkim kha a thleng rang lutuk mah mah ani"





Ka nutein engkim min hrilh vek hnuin a hma aiin ka ka inthiam lohna azual ngawih ngawih. Ka nu boralna a mawhphurtu ka ni miau alawm.Chuan a boral dawn a min ngaihtuah ber thu leh min hmangaih thu a sawi zawng zawng tenen.






Ka thaw a chham mai dawnin ka hria. Ka awm ka chum dawt dawt a. Ka tapchhuak hlei thei lo. Ka mittui a dir zung zung thung. Ka taksa a khur che dawt dawt bawk.





Ka thutna atangin ka thingthi chhuak a ka bawpah ka chal nghatin ka ka hup chungin ka ka tap khur nghal hlawk hlawk.






"Nu ka hmangaih che chuan ka tihpalh lutuk aw. Keimah vangin khang zawng zawng kha i tuar angai a" van lam hawiin ka beka mittui luang zawih zawihin ka nu ka be mawlh mawlh. Keimah hi awm lo ta ila ka pa nen hlim takin an awmdun thei awm si a. Ka inthiam thei ngai pawhin ka ring lo.





"Mahse maw nu itan fanu tha ber nih hi ka tum dawn, vanah pawh min chhuan ber theihna turin i fanu hian ka theih tawp ka chhuah ang. Ka hmangaih ber che min ngaidam rawh aw"





Engtianga rei nge mumal pawh nei lo va ka tah pawh ka hre lo.





Ka thingthit mekna atanga thochhuakin ka nite in lam zawi zawiin ka pan phei a. Anni pawn min ngaihtuah viau ka ring. Mahse khang thil zawng zawng khan min thawng lutuk kha awmdan ka thiam lo a ni ber mai. Ka tah nasat lutuk nalamah ka mit pawh asen vekin ka ring.






Inchhung ka penlut chiah ka ni a thutna atangin a rawn tho nghal at. A hmelah a thinrim tih ka hre thei.





"Khang kan thusawi zawng zawng kha hre vekin ipa ilo han bia a" seh chilh nawk nawkin a rawn ti chungin min rawn pan phei nghal. A thinrim thawkhat bawk aniang a mitmeng a sen vek bawk.





"Chuan i pa in kei hi min rawn hrawk chiam bawk a" a kutzung chalin min rawn kawk sawk sawk bawk.





"Ni" kati dek dek chu tawng suh tihpahin ka biang ari nghal chawrh. Ka mittui alumthla nghal pap. Ulawmi'n ka ni arawn khap nghal vat bawk.





"Hetiang reng chuan inkawl reng ahar ang tih hre rawh" tih hmak pahin athutna lam a pan a, ulawmi'n min khawngaih hmel deuhin min en reng.





Ka banah kai chungin ka room hman lamah min luhpui a. Khumah thuthla nghal hnawkin ka tap khur nghal hlawk hlawk.





Ulawmi'n min rawn kuah thakin ka hnungah a chul hauh hauh a, mahse ka kiang hnaia awm an awm hian tunah tak chuan ka ipik ngawih ngawih zawk.





"Khawngaihin keimahin ka awm thei angem" kati chhuak sep.





"Tikhan intap thawl rawh aw ka kalsan ang che" tihpahin ulawmi a chhuak nghal a. Mahni lo mah a rilru fim put theih lohna karah ka niin kut min la thlak zui bawk a. Helai hmunah hian ka thlen tirh phat atangin thil tha reng reng hi ka la tawng pawn ka hre lo. Hlauhlawpin kala khawsa char char zui bawk a.





Ka nu boralna avang khan engtikah mah ka inthiam thei ngai pawhin ka ring lo. Keimah chiah hi a mawhphurtu ka ni. Ka birthday lawm tekha ngen talh lo ni ila tunah hian ka nu khan min la dampui hi ka ring tlat a taksa hrisel lohna kha chu thuhran ni tase.





Hlim takin a fanu hi a kiangah kala awm ve thei tur ania. Keimah vang vek a ni.





"Nu ka thiam loh ani min ngaidam rawh" ka rilruin ka ti mawlh mawlh reng.





Ka pi leh pu in keimah avangin an fanu hmangaih em em an chan a, chuan ka pa pawn a nupui hmangaih em em a chan bawk a. Engtin nge an mahni ka hmachhawn ngam tawh ang. Khang hun chhung zawng zawng tekhan engtin nge engmah hre lo va kalo awm theih zawk.





Ka chhungten min hmuh apiangin thil thleng zawng zawng kha an hrechhuak thin anga chu chuan a hlimchhawn ang maiin natna alo thlen thin hi ka ring. Keimah vang vek ka thiam loh vek ani.





Ka phone msg tone a rawn ri a ka en thuak Adrian ani. Mahse tunah tak hichuan tumah biak chakna ka nei rih lo ka pa pawh tiamin. Engdang mah ngaihtuah lova awm hrih hi ka duh ber.





Ka mittui ka hrukna lamah ka biang pawh a thip vek tawh. Engmah ngaituah mumal lovin engtia rei nge ka tah pawh ka hre lo. Darzat ka en a 12 alo hnai thuak tawh.





Hmaiphih turin bathroom lam ka pan a, ka ni te pawh tumah hmuh tur an awm tawh lo. Tun ang hunah mut loh chi ani tawh lo hrim hrim.






Ka room lam ka pan leh a khumah ka mu thla nghal hnawk.





Ka ni ka ngaihtuah chhuak zawk a. Ngati nge kha ti em em khan a thinrim ve ngawt le. Achhan ka hrethiam thei lo, nge ka pa hian alo hrawk hrep zawk le. Naktukah chuan a thinrim tawh loh hram beisei ang.





Hahdam tumin ka maimitchhing deuh vang vanga. Ka phone bawk a rawn ri leh. Mengchhuakin ka ban a Adrian bawk. A msg ka chhan loh vang kha ani tih ka hre nghal mai.





Ka chhang ang nge chhang lovang tih ka ngaihtuah chhungin a tawp a mahse a rawn ri chhunzawm lehnghal zat. Muhil tawh angin min ngai mai rawh se tihpahin ka phone ka silent nghal hmak. Tumah ka be chak hrih thlawt lo. Ka thu hriat zawng zawng khan min pawt chau zo vek.





Nizan khan chhin khatmah ka chhing ta miah lo. Khumah ka thu tlaivar ta thak. Eng eng emaw ka ngaihtuah kual a han ngaihtuah chhuah em em phei chu ka nei chuang lo.





Room atangin ka chhuaka tumah anla tho lo. Tunah dar 7:30am ahnai thuak tawh ania. Sunday ani bawk sia an inthlah dul ve pawh animai thei, chuan sunday hian ka ni te nula hi a chawl ve anih ka ring. Nilose tunah alo thlen var var a hun tawh.





Ka inphihfai hnuah choka lamah ka lut phei a tuilum intur ka siam leh te te phawt. Ka inzawh hnu pawn tuman thawm anla neih loh avangin breakfast tur kalo siam ve mai angaih hmel.





Ka siam zawh dawn lamin ka ni chokaah a rawn pen lut ve a. "Ni good morning, i mutui em" kalo ti var. Mahse chhanna ka dawng lo. Nizan avang khan ala lawm lo pawh ani mai thei. Mahse keichuan huatna chhan tur ka nei chuang lo.





"Heng hi sunday-ah kan ei ngai lo" ka thilsiam rawn enkual diat diat pahin a rawn ti hmak.





"Kalo hre lo va, ka lo siam ve tawp ka tihpalh" ka ti sep.





Dustbin lain ka thilsiam sa ho a paih fai vek. Hrilh ahai duh thlawt. A duhloh chuan tha takin sawi mai sela paih kher lovin a leina sum a uihawm tehreng nen.





Sawi tur pawh hre lovin ka ding ngawi reng ringawt. A ti ve deuh mah mah chuan ka hria. Chuan eitur paih hi thil tha pawh anilo.





Ulawmi a rawn lut ve leh a, a mitmengin thil awmzia min rawn zawta za vak lovin kalo nuih ringawt. Ka ni chet rik bur bur danah a hrethiam nghal vek tho vang.





"Vawiin chu inkhawm vek tur" breakfast kan ei laiin ka niin a rawn ti ram hmarh. A pasal pawh a bu nghut nghut. Kristianah a inpe amawnle tih ka rilruah a rawn lut nghal.





"Sawmi thil eina kha lo sengfel rawh. Lawmte lo kal teh hmuh duh che ka nei" tihpahin ulawmi pawn lamah a kai chhuak nghal dawr dawr a. Ulawmi inthiamloh hmel deuh a a rawn hawilet chu kalo nuih var var.





Tiang tihfel techu ka tan thil thar leh tih harsa pawh ani hleinem. Ei tawpa mut leh tawp, awm mai mai aichuan chetna tur awm hi nuam kati daih zawk.





Ka tihfel fai hnuin ka mamawh lakhawmin inbual turin bathroom lam ka pan thuai a. Nizan thil thleng zawng zawngte ka ngaihtuah leh neuh neuh mahse min tipik mah zawkin ka hria. Thaw chhuak hawkin ka lu ka thing deuh nawk nawk. Ka ngaihtuah loh atha ber ka hah mai mai zawk. Thil anih tur ang ang ani vek tawh kalo ngaihtuah zawm chiam khan a siamthat phah dawn lo. Bakah hetia ka awm reng chuan kanu duhdan pawh ani lovang.





Nizan atanga tukin thlengin ka pa call pawh kala chhansak miah lo bawk, min ngaihtuah tawh viauin ka ring. Mahse be ta ila enge kalo sawi ang. Nizana ka vin avang khan ka inthiam lo va chutih rualin ka lakah zep an neih avangin ka lungawi lo tel tho bawk.





Mahse lungawi lo thei ka ni chiah em tih pawh ngaihtuah tham fe. Hei ai hma hian lo hre ta ila hetiang tho a ka awm an rin vanga min hrilh lo kha an nia. Keini ta ila hetianga ka tih ve tho ka ring. Keimah leh keimah ka indem a ka intih hreawm an hlauh vanga zep an ni ve tho bawk a. Engkim ka tan veka zep an ni miau sia. Lungawi lo reng thei dinhmunah pawh ka ding chiah lo. Ka nu boralin keichu naupang mai ka ni a engmah chiang taka hriat pawh ka nei mumal tawh lo va, ka chhungten natna an paltlang zawng zawngte ka ngaihtuah hian hetianga awm reng thei ka ni chiah bik bawk silo. Ka pa pawh tha taka ka biak thuai angai a rilru ka tihah lutuk ang.






Ka insiam mawlh mawlh laiin ka phone a rawn ri a ka ban nghal vat.





"Nizan ka text i chhang lo va" thatchhiat hmel zet hian a rawn ti sup. A aw atang ringawt pawn ka mur sung sung thei.





"Sorry kalo muhil tawh aaa"





"Anih leh vawiin enge itih ang" a rawn ti leh sup. Awi hetiang renga min biak chuan an inah ka kal chilh duh mai ang. A aw hian min thunun dawn mah mah.





"Ka inkhawm dawn... Nang?" ka ti let leh sep.





"Ka hre lo.... Inkhawm lovin ka bulah awm zawk la"





"A chi loh alawm"




"In ban hunah rawn sawi la ka rawn hruai ang che"




"Ka nite nen kan ni dawn asin hruai ka ngai lovang" ka ti sep.





"Mahse ka ngai che lawm" awi ka lum pup pup thei.





Ka sawi ve tur zawng zawng an bo vek.





"Rawn sawi rawh aw ka rawn hruai duh che lawm"





Ka chhan hmain ulawmi a rawn nui lut var var a. Ka mitmeiin thu turin kalo ti nghal. Khumah a thu thla nghal thak a. Ani chu a inpeih vek tawh. Ka insiamlai pawh kalo theihnghilh leh hman daih tawh.





"Umm ka dah aw" tihpahin min chhanletna pawh ngaihtuah tawh lovin ka dah nghal a. Ulawmi'n a hmui phunin tunge tih min rawn zawta ka nui ringawt.





"Hmm i bialpa nimaw" a rawn ti. Anih thuin ka lo chhang ve vat.





"Chuan helai hmun ami nge Aizawl lampang" a rawn ti leh zat.





"Heta mi"





"Heta mi anihchuan ka hriatzawng ani dawn animaw" phur hmel zetin a rawn ti leh.





"Kan ring chhin dawn mi niang." Kalo nuih var var ringawt. Ka insiam chhunzawm nghal mawlh mawlh.





"Adrian ani em?" ka inher nghal zawk. Engtin nge a ring dik chat theih zawk le.





"I awmdan atang khan ani tih ka hre mai....hmelchhepawnga chu ka nau te alo ngaizawng ngam vel a. I rilru a tihnat vaih chuan ka sawisa hrep dawn" a mitmeng atangin fiamthu a tel tih ka hre thei. An innel viau ani ngei ang. Keiin kalo nuihpui hak hak thung.





"Chuan enge ka an le" ka insiam zo kan vir kual vel chiam chiam a. Nui hak hak chunga kutzungpui ti pir vahin "I nalh tutuk" a rawn ti hluai.





Ulawmi nen hian kan inhmuhna ala rei miah lo chungin rei tak lo inhrawn hrep tawh ang maiin kan awm dun nghal thei. Amah a fela kawm anawm vang aniang ka nel hma em em.





Ka room atangin kan inzui chhuaka. Ka ni pasal an room atangin a rawn chhuak ve chiah bawk. Ala insiam miah lo mawle inkhawm kha atum ve khan ka hre sia.





"I aunty apum anuam lo thut a" keimah min melh kur chungin a rawn ti.





"Eeeh ngati teh thut nge... Anihchuan inkhawm lo mai ang u" Ulawmi'n a rawn ti nghal sawk sawk.





"Aih inkhawm rawh u. Kalo awmpui ang chuan driver ka be tawh a alo thleng tep ang a hruai dawn che u" a rawn ti zawm veleh nghal.





"Pate chuti ringawta kan kalsan bik ten" Ulawmi bawkin a rawn ti leh a.





"A pawi lo inkhawmsan ru. Ka awm hi" kani pasalin a rawn ti nghet churh.





"Anih kan kal hmain sawmte han hnu hrim hrim ila"





"Saw driver alo thleng kalsan ru angaihtuahawm loh" kawngka lam hawi pahin ka ni pasal bawkin a rawn ti thuai. Driver amelhna atanga amit lasawnin lerh hmel zetin min rawn melh leh. Awi ka ten hluah hluah lutuk ka beng hawisawk chak tawp.




"Kal ang" Ulawmi ban akaih pahin ka ti hmak. Ka ni ka ngaihtuah lo bik pawh anilo a pasal mitmeng tenawm lutuk keimaha afu reng kha ka ngai thei bau lo. Chuvanga kalsan vat vat duh ka ni.





Motor ah kan thulut a "ka ni chu a tha em ang chu maw" Ulawmi'n ngaihtuah hmel zetin ala ti nang nang.





Ka ni leh ulawmi tepawh salvation an nih avangin salvation biakinah kan inkhawm a. Rin ai takin anuam vei phian. Mithar ka nih vang nge min en deuh hu hu hlawmin ka hria.





Ulawmi chu lo awm thang tawh tih takah hmelhriat pawh angah khawp. Mi min hmelhriattir nual a, chhinchhiah zui pawh ka nei lem chuang lo.





Inkhawm banin phone ka hmang lawk tur thu sawiin ulawmi leh athiante ding khawm laih chu ka kalsan a.





Hmeichhe pali vel lo ding khawmna bul ka thlenin Adrian hming an rawn sawichhuak a, an dinkhawmna zawnah ka tawp nghal chat. Helai hmunah hian a lar viau nge. Lo lar pawh ni se a awm lo hran lo a chhelo bawk em ani.





Ka pen leh tur chiah chu an thusawi chuan a pawh hian min pawt ding nghal chawt. "Adrian leh Nan-i hi chu an inhmeh ve chiang ani" an zinga sang ber chuan a phone enkualtir hlawm pah chuan a rawn ti zauh a.




"Nichiah an inhmeh ve ngawt mai Adrian a chhelo si Nan-i hi a vannei bik eee" pakhatin a rawn ti leh zat zat.





"Mahse Adrian hi a chhelo si engtin nge Nani hi a duh theih zawk le"




"Hmm Nan-i pawh a chhelo tho alawm mahse a nasa ve eeee"





"Nikum freshers day a an chet hit dun zia kha maw" an nui hak hak hlawm.





An thusawi zawng zawng chu hriatloh der pawh tum ila ka beng a luh ngut ngut. Ka phone ka hum ngawt ngawt. Reilote chiah ka hriat mipa khan min duh thu min hrilh a, kalo ring nghal em em anihchu. Kei hi easy min lo ti viau ang. Chuan mawl min ti bawk anga, ka hnunglam atangin min nuihzat ngawt ta ve ang.





Mahse ka call chhin dawn hrim hrim eng pawh ni se. Adrian ka call a a pick thei miah lo. Ka call nawn leh zat a ala tawh dawn lo amaw ka tih hnuah a rawn pick hram.





"Tunge" hmeichhiain a rawn ti. Ka thin aphu nghal zaih zaih.





"Ihh Adrian ka be lawk duh a"





"A buai hrih a abiak hman che ka ring chiah lo,nakinah lo be leh mai rawh" rawn tih deuh hmak pahin a dah nghal daih.










Min lo comment sak tliar tliar leh ula ka lawm dawn eee๐Ÿ™ˆ๐Ÿ™ˆ๐Ÿ˜…๐Ÿ˜…

Link:
BBcode:
HTML:
Hide post links
Show post links

Ngaia
Site Admin
Posts: 15032
Joined: April 30th, 2016, 4:07 pm

Unread post by Ngaia » July 12th, 2020, 1:49 pm

ERES MI VIDA(You are my life)






Ka story chhiar tura ilo luh avangin ka lawm eee๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ





Chapter-10





Tunge Adrian phone lo chhangtu kha ni ang le. A nu anilo tih chu ka chiang. Nichin hmeichho ho sawinu kha anih ka ring ta. Tinge amah ni lovin hmeichhiain a rawn chhan daih. Khanu nen khan an awm dun tihna ami. Rei kan la inkawp lo mahse thiknain ka khat nghal vek. Ka thin arim bawk. Ka call nawn tawh dawn lo tih ka chiang viau bawk.





Ulawmi te dinna lam ka panlaiin ka phone a rawn ri leh a, kalo ngaihtuah ding deuh bawk nen ka phu zawk. Ka phone ka lek kanga Adrian ani. Ka chhang ang nge chhang lovang. Nichin hmeichhiain min lo chhan avang khan ka thinrim a chuan ka thik bawk. Ka ring raltir thak. A vawihnihna pawh ka pick duh chuang lo.





"Mate i phone kha" Ulawmi'n a rawn ti zeuh. Chhan loh theih ni tawh hek lo. Phur lo deuhin ka chhang ta hram.





"Umm" ka ti sep.





"Inbang tawh ami"





"Aah rawn kal duh lo mai rawh"





"Ka rawn thleng tep lo awm rawh" tihpahin a phone a off daih anihchu. Mahse ka nghak dawn chuang reng reng lo hi ani tawp.





"Mate kan haw mai dawn mi" ulawmi'n a phone hmeh mual mual pahin a rawn ti a. Kalo bu nghat nghat. A thiante nen an inthlah liam liam a keive kalo ding mawl tawp thung.






"Ka ni chu azia tawh em ang chu maw" taxi kan thulut chiah ulawmi'n a rawn ti nghal a. Ka ni lam pawh kalo hre chang tawh lo hrim hrim. Zomuanpuia vang vek.





Thui vak lo kan tlan hnuin ulawmi'n min rawn nghawk zawk a. "Saw saw Zomuanpuia anilo mi"





A hawina lam ka en ve chiah chu ka tawt nghal up up thei. Hmeichhe pakhat nichina min lo chhang tukha anih ngei ka ring a bike ah a thu a, ani a bulah hmeichhia en ngurin a ding thung.





Kan tlan pela ulawmi'n ka kut a rawn vuan nghal vat. Ka lo nuih ringawt mahse ka nuih aza lo lutuk. Ka awmah hian min hnawhtu awm ang mai hian ka tawt nghal vek. Hetiang hian mipa vanga ka awm vawikhatna ani bawk.





Kawp ni anga ka inngaihna chuan min tihah vek. Chuan ka zak bawk. Nge kei hi min lo fiam kual mai mai zawk.





Ka melh ngai ngai ka melh ngawt ngawt. Awmdan tur ber pawh ka hre lo. Ka khawchhung atang hian ka pik hluah hluah hi ani ber. Kan inngaihzawnna ala rei miah lo va hetianga thik thu pekchhiat ang zawng phei hichuan ka awm ka ring lo hrim hrim. Mahse ataka alo thlen hian hahdam deuha awm chu alo har khawp.





Ka rawn hruai ang che ati a mahse enge thleng kha hmeichhe bulah alo awm daih a. Ngati nge keipawh hi min duh tih min hrilh khan kalo pawm thawt thawt kher le. Heihi chu ka thiam loh chu ani dawn chiang lutuk.





"Mate i tha em?" Ka phu nghal zawk. Ka ngaihtuahna kalo kawm leh viau hman tawh anih hmel.





Ulawmi lam hawi pahin ka lu ka bu zauh a. Mahse min en deuh vung vung avangin ka hmel atangin engkim a hriat vek ka hlauh avangin pawn lam ka thlir daih.





"Zomuanpuia chu keiman ka hau hrep dawn" Ka kut vawn pahin a rawn ti hlak hlak. Ka thawchhuak hak. Ka hlim ve dawn amaw ka tia mahse helai hmunah hian hlim chu khawilam thiltha lo hlirin min lo hmuak ani hrim. Tunah hetiang thil hi a ni leh a. Haw daih ka chak. A chang leh nep te ka inti leh rum rum.





Ngaihzawng neih pawh hi rilru hahna mai mai alo ni dawn anih hi. Amah erawh chu hei hi kan nun a thleng tur diktak ani miau mai bawk si.





In kan thleng a, kawngtluanin ulawmi nen kan inbe ta mang lo. Biak chiam chi ka nilo tih a hria a nihmahna.





Inchhungah kan inzui lut a ka ni pawh living room lamah alo thuchhuak peih tawh. Adrian a nu alo awm tel bawk. Ka niin min lo nuih var var a a thinrim tawh lo anih ka ring ve tawp.





Inthlak lem loin kan thuthla ve nghal a. "Ni i zia deuh tawh em" ka ti nghal that a.





"Umm ka zia lutuk e. A zia lo tak tak kan inkhawm ho thei ta si lo va" a rawn ti ve luam. Ka chungah lungawi lohna anei tawh lo anih ka ring.





"Sawmte lo leng leh tawh ta che" Adrian nu lam ka hawi nghal a, alo nui var var. A va han nelawm chiang tak.





"Eeeh an inah ilo han kal tawh ami" Adrian nu ka chhan hmain ka ni in a rawn ti nghal zat. A hmelah an in a ka kal tawh chu mak tihna alang chhuak nghal chuan a hmel a danglam leh vek tawh.





"Nia a tlusual bawiha khan a rawn hruai haw a.... Sawmte lo leng thin rawh aw" Adrian nu bawkin a rawn ti leh.





"Aw le" inthlahrung dekin ka ti ve thei hram. Ka ni hmel a chang nghal lutuk. A lawm leh vak tawh lo aniang.





"Sawmi thingpui va lum rawh" a rawn tichang nghal fak.





"Aw le" tihpahin ka tho nghal thuai.





"Ka rawn pui ang che" Ulawmi'n a rawn tive nghal vat a. Mahse ka niin atul loh thuin alo dang thung. A chungah eng hi nge maw ka tihsuala hetia a awm thut thut zel le.





Room lamah ka lut hmasa a ka thawmhnaw thlak chuang lovin ka pheikhawk ka thlak a. Awmhmun slipper inthawlhin choka lam ka pan nghal vat.





Thingpui ka chhuanga ka ngaihtuahnaah Adrian leh kha hmeichhia kha an rawn lut nghal zawk. Vawiin khan hmeichheho khan enge an sawi kha, an inhmeh thu vel tekha an sawi tak e. An inkarah awm awm lo se khatianga an sawi ngawt ka ring lo. Ngati nge kei hi ka mawl bik em em ni. Engmah ngaihtuah miah lo va engvanga ka duhna kha kal tlangpui ngawt nge maw ka nih le. Mawl hi ka inti ngawih ngawih.





Khatiang mipa chhelo lutuk techuan bialnu anei ang tih ring thiam tur asin ka nih le. Nge keihi ka hmel en ringawt pawh hian bum ka nuam viau zawk. Nge kawpkual mai mai theih tur tawk leka hmeichhe cheap-ah min ngai zawk. Chutianga min ngai anih teh chuan a tisual chiang viau ang.





Mahse Adrian hi ka duha ka ngaihtuahna atang hian ka paihchhuak hlei thei lo chu anih ber hi.





"I thingpui chhuan a so" Ulawmi'n rawn tih pahin a rawn off nghal a. Ka thingpui chhuan lam ka melh nghal dawrh alo so bawrh bawrh tawh. Kalo hre leh tawh lo reng reng ka ngaihtuahnaah kalo cheng thuk leh viau tawh anih hmel.





Za vak lo va nui chungin ulawmi lam ka hawi a "Ka ni hauh i tuar leh phah tep" nui put put chungin a rawn ti leh a. Min fiam tih ka hrethiam mai a mitmeng chimawm zet atangin.





"Tak takin hei i phone a ri reng a" tihpahin ka phone a rawn lek chhuak nghal a.





"Tunge? Nakinah ka call back mai ang" tihpahin ka thingpui siam lai ka chhunzawm mawlh mawlh.





"Adrian hlir alo call hnem tawh ang reng ania... Chuan khawi keiman kalo tih chhunzawm ang va be rawh" tihleh ka phone ka kuta rawn hmehbel a rual nghal. Thaw hak chungin ka dingsawn ve mai bawk a.






Diktak chuan Adrian anih ka ring reng. Min rawn hruai kha a tum ve miau a mahse a phone hmeichhiain a rawn chhan avang khan ka lawm lo va ka hawsan daih kha ania. Bakah kawnglakah kha hmeichhia nen khan kan hmu dun leh kher bawk nen.





Ulawmi thingpui siamna bulah ka la ding ta reng. "Va be ta che ding reng lo khan kan thinchhepa chu" a thingpui siamlai chawl meuhin min rawn en. Kalo nuih ringawt. Choka atangin min nem chhuak det det a.





Ka bia ang nge be lovang tihah ka rilru a inkhap nasa. Room ah ka lut a khumah ka thu thla nghal thak. Ka phone ka melh ngar ngar ringawt.





"I la belo ami" Ulawmi room a rawn luh pahin a phone a rawn lek va va. Ulawmi alo bia tih ka hre mai.




"Ka be chak hrih lo alawm" ka ti sep.





"Titeh kha a rawn call kha chhang rawh... Eng emaw vanga lo awmdun pawh anni thei a, tha deuhin sawi ula"




"Kalo va chhuak ang tha deuhin sawi ula aw" tihpahin min chhuahsan leh nghal daih.





"Khawiah teh hrep nge i awm, min lo nghak rawh ka ti lo ami" phone ka chhan rualin a rawn ti vin nghal thawt. Ka phu zawk zui, khatia a rawn vin chiam ka ring bik lo.





"Min chhang rawh" a rawn ti leh hrawk.





"Inah ka awm" ka ti sep.





"Ka hria" lehlawi si chuan enge ka awmna hre tho si min rawn zawh ni ah.





"Pawnah lo chhuak rawh"





"Aih a chi loh"





"Rawn chhuak mai rawh. Nge ka rawn lut dawn zawk ami" a rawn ti chang leh fak.





"Aih" ka chhang rang mah mah a rawn luh chuan ka niin min hau dawn chiang sa.





"Anih chuan rawn chhuak rawh" tihpahin phone a dah nghal hmak. Ka phone ka melh reng ringawt.





Ka chhuak dawn chuang lo lutuk. A duh duh huna akoh chhuah tur pawh ka nilo.





Living room lamah ka pheia ulawmi bulah ka thu thla ve nghal chiah tihin kawngka arawn inhawng nghal rawp. Kawngka lam kan hawi rual thap. Adrian rawn penlutin living room lam a rawn pan ding nghal. A hmel alang chang vek. Kalo nghah loh avang khan a lungawi lo anih ka ring.





"Eeh bawiha i leng chhuak amaw tia" anu in alo ti nghal.





Ulawmi banah ka vuan nghal chawt. Alo luh tak tak pawh ka ring lo ania.





"Adrian tehhlawl che chuan lo thu rawh" ka niin alo ti ve thung.





" Nu sรฎn sawmtei hi ka be lawk duh a" tih tlang nghal pawp pahin min melh ngur. Ka ni leh a nu in ka lam an rawn hawi rual nghal. Kei kher min be tura alo kal chu mak anti ve deuh aniang. Ka mit ka chhing nghal sawk thei. Ka niin min hauh phah nan a hman loh chuan amak ngawt ang. Ka ni hmel pawh ka melh ngam lo hrim hrim.





"Umm bia la" ka niin a rawn ti let a.





"Min lo zui rawh" tihpahin a chhuak nghal nul nul.





"Va chhuak mai rawh" ulawmi'n ka beng bulah a rawn ti sep a. Ka ni lam ka hawi a, a thinrim leh rim loh pawh ka hre thei lo. Mahse min hau dawn tih chiang takin ka hria.





"Sawmi va zui rawh" a rawn ti ram hmarh. A aw chhuak nen a inrem lo zetin a hmel alang dam thlap thung. Ka thutna atangin ka tho chhuak a kawngka lam ka pan ve nghal.





Kawt ka chhuak pheia min hnungchhawn zawngin alo ding run. Ka thawm a hriat veleh rawn hawi vutin "min rawn zui rawh" tihleh pensawn a rual nghal.





A hnungah tlan titihin ka zui ve det det a. A bawp asei si a pen hlawk bawk si, a pen anga pen ve thei turah hian min ngai ziah amawnle.





"In inah ka kal duh hleinem" an inlam kan pan dawn tih hria ila ka zui miah lovang. An in a ka kal hreh em em chhan pawh hi ka hre bik lo. Nge kala tlangnel lutuk loh vang zawk.





Ka thusawi ngai pawimawh miah lovin a kal ngaiin a kal reng. Chuan ka thin arim ve viau bawk.





"Adrian" ka kohna pawh engah mah angai miah lo.





"Zomuanpui ka zui tawh dawn lo che" tihpahin ka ding nghal hmak.





A penlai ani pawh a ding ve chawt tho. Ka dinna lamah min rawn pan lehin "duh i thlang thei lo min zui mai rawh" a rawn ti nghet churh.





"Eng maw duh ka thlang thei lovang maw?? I thuhnuaia awm ami ka nih??"ka ti chang ve fak. A tawngkam kha ka ngei lutuk. A thu thu a awm kual tur ang hrim a min treat vel kha ka ngai thei bik lo.





Ka banrekah a rawn vuan chawta min pawt kal nghal dawr dawr. Tanna hman eih pawh a awm lo.





An in kawngka a hawng rawk rawk a, ka luhna tur min kian chungin inchhung lamah alu athle buk a, helai ka thleng ve tawh ting tang sia tan tlatna chi pawh ani tawh lo.





Inchhungah ka penlut a, tumah an awm loh avangin tlem chuan ka thawveng ve deuh. A chhungte awm phei se ka zak ngawt ang.





" Min rawn zui rawh" tihpahin inchung panna step ah apen chho thauh thauh a mahse living room zawnah ka ding tlat. A room thleng thleng a zui chu ka hreh ve deuh tlat.





Ka zui lo tih hriain a rawn hawi let leh a. Buaithlak min tih hmel fein a thaw chhuak hawk. Rawn let lehin ka banrekah bawk a rawn chelh leh a inchung lamah min kai chho nghal dawr dawr. Ani apalian si kei ka te si min tiatpui chei hi ani hrim a.





A room lamah min kai phei a, helam hi kala chho miah lo va inhnuai lam ang thovin a nuam. Room hnih a awm a room leh room inkarah inkawm khawmna tur awm tak a awm bawk.





Enge a room ah kher sawi dun kan ngaihna pawh ka hre lo ve. Hmun dangah pawh a sawi theih reng sia. Ka tan thil nuam pawh anilo mahse a chhungte an awm lo hlauh a tlem chuan a zia. A chhungte lo awm phei sela chu ka zui lo chiang leh zual ang. Ka zah zawng tak.






Khawngkhar a hawnga min kailut nghal. Kawngka a kalh nghal hmak bawk anih chu. Ka melh nghal hrawk. Engah mah ala ngai lo zui.





"Le sawi rawh enge min lo nghah loh chhan" a aw tlemin a dam ta deuh. Bialnu nei reng chungin min duh thu min hrilh a chuan ka hmu dun leh bawk cheu a tih khum chiam ka chak mahse engmah ka sawichhuak thei miah lo.





"Chuan chhan awm lovin ilo haw daih a" a rawn ti leh sup. Kala ngawi kar thung.





Ka thusawi hun nghakin min melh ngur. "Ka haw duh" ka ti sep. A rawn thaw chhuak hawk.





" I sawi hma chu tihian kan awm reng anga nimai lawm" tihpahin a khum lam a pan nghal daih. Keiin kawngka lam ka pan ve thung.





Kawngka ka thlen phei hmain ka banah min rawn man leh hman tho.





"A harsa zawngin awm suh, ka chungah i lungawi loh chhan chu sawi rawh" a rawn ti hrawk.





"Min thlah rawh ka haw dawn" min vawnna pawhthlaksak ka tum a, mahse a vuan nghet mah mah.





Sawi ta ila thikthu chhia thinrim hma nih ka hlawh ang nge nuihzat ka hlawh zawk ang. Chu ai chuan engmah sawi tur nei lo ang hian min ngai se ka duh zawk.





"Engmah sawi tur ka nei lo"





"Chuti si ngati nge ilo awm loh" a rawn ti vin tuarh. Ka phu nghal zawk. Vin hi ka tawrh ngai loh avangin ka dawngsawng thiam lo. Ka mittui a hnai nghal vek thei. Ka mit ka khap nghal fak fak.





Ka ban a vawnna a thlah a a sam a tuai puat a, "ilo awm loh chhan chu sawi a harsa viau ami" beidawn hmel zetin a rawn thaw chhuak hawk.





"Malsawmkim min chhang rawh" a rawn ti vin leh tuarh. Ka mittui a lumthla nghal pap.





Engmah ka sawi duh bik si loh avangin a thinin a tuar tawh bik lo aniang. Keipawh sawi ve mai awm tak ania mahse ka sawi hreh tlat bawk sia lawm.





A kut pahnih a tukhum lama suih betin a thaw chhuak leh hawk hawk thin. Min rawn en lehin vin chiam chi ah min ngai tawh lo anih ka ring.





Min rawn panin min rawn kuah nghal thlawp.





"Sorry vin chiam che ka tum bik lo. Mahse engmah i sawi duh si lo" a aw pawh nghaihthlak a nuam leh tawh.





Min kuahna thlahin ka chalah a rawn fawp zauh a,ka mittui min tuai hulsakin khum lampana min kai pheiin min nam thu a.






"le han sawi teh le ngati nge min lo nghah loh" ka hma a thingthi chungin a rawn ti dam dap.






Sawi tan mai dan tur pawh ka hre lo. Hnuailam ka en ngar.





"Booboo"





Min kohdan chu a hmel ka en nghal zawk. A hmel awmdan hi ka sawithiam lo.





"Sawi rawh le" a rawn ti leh fan. Engkim sawi turin min duhzia a hmelah alang vek.





"Ihhh hmeichhe ho khan in inhmeh thu kha an sawi a chuan ka rawn call che a hmeichhia khan min lo chhang bawk a" ka thaw chhuak hak.





"Chuan engtin zel" min melh ngur chungin a rawn ti leh.





"Chuan ihh ka thin a rim a... Chuan ka nghak duh lo che... Kalkawngah hmeichhia nen khan ka hmu bawk cheu a" kati leh sep sep. Sawi chhuah kha ka hreh nen ka rin ai tak chuan ka sawichhuak thei phian.





A rawn nui suk ringawt. Khamaw a nuih ka tihzat kha ka hlau reng ania. Min lo fiam kual mai mai tihna maw. Engmah sawi lovin anui leh suk suk. Ka awm chhung hi engtin a maw a awm, ka sawithiam siloh hian. Hetiang hian ala awm ngai pawh ka hre lo. Ka zak a hreawm tihna a inpawlh nuk bawk.





Ka thin arim ve phat. Ka dingchhuak a "ka haw dawn" kati hmak.





A nuilai tawp hmukin khumah bawk min pawt thu leh nghal.





"Chuan khavang khan ilo thinrim a" min melh ngur chungin a rawn ti a, a nuihza hmel kha chu a bo vek tawh. A thusawi pawh ka chhang awm bik lo.






"Thinrim suh khanu nen khan kan inkarah engmah a awm lo" a rawn ti sup. Engmah kala sawi chuang lo.





"Rawn hruai tur che in ka rawn kal a. Min rawn hmuhna chu Ruatdika te hostel bul anih ka ring... Ka rawn call hma chiah che khan ka thleng phei ve chiah alawm. Pawnah khan anlo awm sa a. Chuan Ruatdika nen khan a room lamah kan inzui lut leh zawk a." a rawn tidam thluam. Chuan a thusawi zawng zawng awihawm loh khawpin ka ring nghal vek bawk. Mahse ka call kha nu in alo pick chhan engmah ala sawi chuang lo.





"Chuan i phone alo chhang bawk a, i bike ah pawh alo thu bawk" ka ti leh hmak. A hmel pawh en duh lovin kawngka lam ka melh ding ngar.





A rawn nui leh sak. Ka run tawk a tling leh em em tho.





"Ruatdika room lam kan pan hmain ka phone hman lawk min dil alawm, chuan Ruatdika a room atangin ka chhuahsan a, ka chhuahin tikhan ka bike ah alo thu tawh" min melh dan a thu tak viau avangin thudik asawi tih ka hre thei. Chuan ka thawveng hawk bawk.





Min fiamkual mai mai turah lo ngai hmanin hrehawm ka tih hman zia kha. Hrehawm tih mai piahlamah ka thik bawk anih kha. Mahse thil thlendan a sawi takah chuan ka thawveng hawk.





"Thinrim hmasa lovin min zawt hmasa thin tawh rawh aw. Tha tak a sawi dun thin tur" tihpahin ka sam chhawlleng ka bengah a rawn zep a. Min melhdan zawng zawng nen ka mur sung sung thei. Ka va han duh chiang tak.





"Keihi min fiam kual mai mai amaw ka ti alawm, chuan khanu nen khan in inkarah awm a awm turah ka ngai bawk a"





"Engtikah mah ka fiam kual ngai lovang che. Chu thil chu a thleng ngai lovang" Ka hmuiah a rawn fawp zauh a. Ka hmui ka hup nghal vat. A rawn nui chhuak hawk.





"Ka duh che chu chu ringhlel ngai suh" a kut a ka biang dawm pahin a kutzungpui in ka hmui a tuai hauh hauh bawk.





A thutna atanga rawn thoin min chawikang nghal nawlh a, amah zawk khumah thu thlain amah hmachhawn zawngin a malchungah min nghat a. Ka tukhum sam a rawn tham pahin min rawn fawp nghal zat.





"He hmui thlum tui zet hi ka ta ka ta chiah" tihpahin min rawn fawh chhunzawm nghal ngawng ngawng.





Keipawn ka thiam ang tawkin kalo chhang let ve thuai. Chu chuan ati phur zual amaw tihtur khawpin min rawn fawp uar sauh a. A kut lehlamin ka hnute ka kawrchhanah a rawn hup nghal thak. Ka phu nghal zawk. Hetiang hian mipa kala awmpui ngai loh avangin ka hlauthawng nghal vek.





A hmui lasawnin ka nghawng lamah a rawn fawp thla a, ka hnute atham pah reng bawk. Ka thin a phu nghal dawt dawt bawk.





Hnuailam atangin min rawn do nghal run. Chu chuan ka awm ati nuam lo lehzual. Ka hmuiah bawk a rawn fawp leh tawn tawn a.





Ka phone a rawn ri a, mahse a thil tih a tawp chuang lo. Keiman ka nemsawn ta zawk.





"Tul lo lutuk" a rawn ti chhuak sup.





Ka phone hian min chhanhim ani ringawt. Min khawih reng tase ka tan zawh ka ring miah lo. Hlauhthawnna rilru kha ka pu reng thei lo mai thei. Pasal neih hma a sex hman ka duh reng reng lo.





Ka awmah thaw chhuak hawkin a rawn bei a. Ka phone lakna chang pawh ka hre chuang lo ka thaw chhuak hak.





A rawn ri leh nghal zat a. A malchung atanga chhukthlak tumin ka che a min thlah ve mai bawk. Ka phone ka ban nghal vat a, Adrian khumah a thalthla nghal hnawk. Ka ni a ni ka rei ati tawh pawh ani mai thei. Adrian ka va melh leh a chunglam amelh ngur.





Tlemin ka kalsawn deuh a ka chhang ta chauh. "Khawnge in kal chen chen a, rawn thlawk haw nghal rawh. Mihur kalchhuak ni nghal lo chuan" a rawn ti phiar phiar. Ka mit ka chhing nghal sawk.





Hauh ka tuar dawn tih chiang takin ka hre nghal bawk. Adrian lam ka va melh leh a chunglam alo la melh ngur. Ka ni thusawi kha a hre pha lo turah ka ngai.





"Malsawmkim tunah rawn haw rawh... Helai hmunah hian vak kual mai mai turin ami i rawn kal." Engmah pawh ka sawi ve hmain a dah nghal hmak. Ka chungah a lungawi ve tawh dawn amaw ka tia... Chu chu ka tichhe leh ta vek.

Link:
BBcode:
HTML:
Hide post links
Show post links

Ngaia
Site Admin
Posts: 15032
Joined: April 30th, 2016, 4:07 pm

Unread post by Ngaia » July 12th, 2020, 1:49 pm

ERES MI VIDA(You are my life)






Ka story chhiar tura ilo luh avangin ka lawm eee๐Ÿฅฐ๐Ÿฅฐ๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ





Chapter-11





"Ihhh ka haw angai tawh aa" ka ti sep a.





Khum atangin a rawn thu chhuak a, min rawn hui zauh.





Khum lam ka pan phei ve a ka banah a rawn vuan nghal.





"Nu sรฎni ami?" Ka bu nghat.





"A thin arim em" ka lu ka thing mat mat. Mahse ka hmelah danglam a hmu aniang min en deuh vung vung.





Ka tho chhuak a ani pawh a rawn ding chhuak ve nghal. Ngaihthat loh hmel deuhin min rawn en leh a kalo nuih sak thung. Hmeichhe zualko zut zut chi nih hi ka duh ngai lo. Ka ni min tihdan emaw min tawngkhum dan pawh midang hriattir ve kher zel hi ka duh lo.





"Anih ka thlah ang che aw" min ngaihtuah deuh anih ka ring.





"Aih angai lo a hnaih hi keimahin ka chhuk thei lawm" nui var var pahin ka ti let a.





"A hau lo ang che maw" a rawn tileh hram. Nichin a ka ni nen kan inbiakna kha ka hmelah kalo ti lang fu amawnle.





"Hau lovang a phalnain alawm ka zui che" ka ti sam et. Mahse min hau dawn tih ka hre tho.





A room atangin min kai chhuak a inhnuai lam kan panthla nghal. Living room kan thleng phei tihin Adrian nu a rawn lut ve chiah bawk.





"Hetah ani maw inlo awm... Sawmte ini khan haw har ati deuh che aniang" a rawn ti nghal sawt sawt a. A tawngkam chhuak a chezia zawng zawng nen nu fel tak chu a ni. Chuan Adrian nen kan awmdan atang hian kan inngaizawng tih pawh ahriat ka ring mahse engmah ati lang chuang miah lo.





"Nia.... Ihhh haw kalo tum chiah aaa." Min nuih nghal var var. A bula awm hi a hahdamthlak ngawt ang mawle. Adrian hi a vannei bik ngawt mai nu fel deuh ala nei bik ania. Keichuan ka nu pawh ka hriat mumal loh laiin. A vannei hi kati ngawih ngawih. Ka nu kha la dam ve ta se ka nunah hian mamawh dang reng reng ka neih pawh ka ring lo.





"Nu ka thlah lawk ang aw" Thlah ka ngaih loh thu kha ka sawi sia. Mahse a nu hma a hnial chu ka duh chuang bik der lo.





"Sawmte lo leng fo rawh aw" min nuih var var pahin a rawn ti leh a. Ka len fo tur thuin kalo chhang ve thuai a.





Pawnlamah min kaichhuak nghal a. "Thlah ka ngai lo" kati sep.





"Ka thlah duh che lawm" ala ti fan. Engemaw a hriat ni a hlat loh tehreng nen. Hnial buai hnial buai aichuan min thlah mai teh se.





Ka ni te inlam panin kan inzuithla hnak hnak a, ka banrekah ka tlansan daih hlau awm fahranin a chelh tlat. A chelhna lai ka en a ka nui chhuak hak.





Hriatthiam loh hmel deuhin min rawn en a, a mithmul a ti kang zauh. Nuih var var chungin ka lu kalo thinsan ringawt.





Ka ni te kawt kan thlenin kan ding dun leh ren rawn a.





"Inchhungah kalo lut ve ang aw" a rawn ti sup.





"Aaaah angai lo let tawh zawk rawh" kalo ti liam puat.





Min en leh deuh vung vung a, nichin ka hmel avang khan a ngaih a ngam thei chiah lo anih ka ring.





"Ka lut dawn ania" tihpahin ka inhersan nghal a. Inchhung ka luh dawn ka hawilet leh pawn a dinna ngaiah ala ding reng. Nuih sakin ka ban ka vai zauh a inchhung lam ka pan nghal.





Inchhung ka penluh rual chiahin ka bekah a ri nghal chawrh. Ana mah mah ani. Ka hai nghal chhulh thei. Chhuatah ka ni min rawm vawmna a rithla nghal bawl bawk. Ka bek ka dawma ahuh nghal chuap. Ka kut ka lathla riai riai a thisen a ni. Ka ni lam ka en nghal kawk.





Ulawmi a thutna atangin a rawn tlan phei nghal vat a. Ka bul a rawn thlen rualin min rawn kuah nghal. Ka lu ahai a ka ding hlei thei lo.





"Mihur ni nghal lo chuan. Helai i rawn thleng tete a mipain inchhungah a rawn luhchilh nghal che a. Chutah ka hmuh lai ngeiin inthlahrunna awm miah lovin ila zui chhuak thei bawk ania zahpuiawm lutuk" ka niin a rawn ti phiar phiar.





"Ni duh tawk tawh rawh thisen i chhuah ringawt hi" Ulawmi'n a rawn ti chang nghal fak.





"Khatiang mihur buaipui pawh angai hrep lo ve" rawn ti ram hmakin an room lamah a lutzui nghal daih. Ka thisen chhuak tehi a engah mah a thawk pha lo tih a chiang reng. Hetiang mizia hi anei ang tih ka ring pha lo.





Nichina ka zui chhan techu a phal vang ania mahse khatiang zawng khan alo ngai ang tihngaihna ka hre lo hrim hrim. Ka mittui ka khap kir sak sak. Tahchhuah hawk ka hlauh avangin ka hmui ka pet fan fan bawk. Ka awmchhung ana nghal vawng vawng.





Khatiang em em a min tih duhna rilru ka ni hian a pu ang tih ka ring lo hrim hrim. Omami min hrilh zawng zawng kha alo dik dawn khawp anih hi.





"Lo kal rawn kan tifai dawn nia" tihpahin ulawmi'n ka room hman lamah min kuah lut a. Ka mittui tlingpam avangin ka thil hmuh a phe vek chuan ka bekin min tur ut ut bawk. Ka chhungte ka ngai ngawih ngawih bawk. Hetiang hian ka pi leh pu, ka nutei leh ka pa pawn min la ti ngai lo hrim hrim. Bakah ka theih tawpin fel ka tum ve bawk a hauh ngai a ka awm ngai pawh hi ka hre lo. Mahse helaiah chuan adang zar, ka thil tih apiang huat chanah a chang ni berin ka hriaaa...





Ka tah insum nasa lutuk leh rilru na lutuk bawk si avangin ka awmchhung ana vek.





Ulawmi'n khumah min thutthlak tir a, ka bek tihfaina tur la turin min chhuahsan leh nghal. Ani hi awm lo tase tun hunah tehian engtin nge ka awm ang le...





Ka phone a rawn ri a en pawh ka en thei hrih lo. Bakah tunah tak hichuan midang be thei dinhmunah pawh ka ding lo. Nakinah ka call back tawh mai ang chu.





Ulawmi rawn lut lehin hmanrua vel a rawn keng lut a. "A kak thuk vak lo ania lo hlau miah suh aw" a rawn ti dam thluam.





"Ka ni chu ati mah mah ani, mahse mate hrethiam hram hram rawh aw. Hostel-ah i awm daih anga i tuar reng dawn miah lo ania" a rawn ti dam leh thlap. Kan inhmuhna ala rei loh tehlul nen hian ka chungah hian ava fel tak em.





A tihfai zawhin a rawn tuam nghal a. A tur ve reuh ut ut mai. Tuam tak siah chuan na deuh tepawh ka ang ta rum rum. Ka pian a hnulama ka chhungte lak atanga ka kut tuar vawikhatna ani rilru ana duh thlawt.





"Damdawi ei rawh aw ana azia mai ang. I muhil nghal vang vang dawn nia"





Min buaipui fel zawhin min chhuahsan a, keimah a ka awm duh zawk aring aniang.





Ulawmi a chhuak fel chiah tihin khumah ka muthla a blanket a ka ka hnawhin ka tap khur nghal ngawt ngawt. Tuma hriat phak loh leh tihbuai phak lo va awrawl chhuah hawm hawm ka chak lutuk. Ka taksa zawng zawng nen ka na vek bawk.






"Nu ka bula awm turin ka duh lutuk che" ka rilruin ka nu ka au mawlh mawlh.






Ka tah nasat lutuk na lamah ka hnar a ping vek chuan ka biang athip hlur bawk. Naktuk maiah class kan tan tawh dawn ania heti ber bur techuan engtin nge ni ang. A buaithlak zo vek dawn. Ka ngaihtuah buai peih tawh lo ka nih nih ka ni tawh mai ang.





Ka meng siar siar a, khum bulah ulawmi alo ding leh reng tawh. Ka intap muhil anih dawn hi.





"A zia deuh tawh em" tihpahin khumah a rawn thu thla ve nghal a.





"Umm a zia ana tawh vak lo a chhawk tawh aniang chuan dar engzat nge ni tawh" inbeng kangin ka ti let ve nghal vat a.





"Dinner ei a hun tep tawh" a rawn ti zui leh zat.





"I rawn tho peih ang tiraw" min nuih sen sen chungin a rawn tih zawm leh nghal.





"Umm peih lutuk ana tawh vak hleinem"





"Chuan ihhhh ka ni kha ala thinrim em" ka ti zuai raih.





"Thinrim tawh lovang chu a tawng leh lawng lawng tawh chu.... Chhuak ila"





Ka bu nghat nghat a. Ka bek a rawn na nghal zawk. Na ka nei tih kalo theihnghilh leh tawh. Ka dawm nghal vat a, ulawmi nen in en ren rawnin kan nui chhuak nghal hak hak. Nichina min rawn call tupawh kha ka ngaihven zui tawh lem chuang lo. Ka hman hunah ka en mai ang.





"Ngatinge i lu" dinner kan ei mawlh mawlh laiin ka ni pasalin min rawn zawt chat. Ka ni lam ka hawi nghal vata min lo melh nghal rawm rawm. Thudik tak sawina chi ani tawh lo hrim hrim.





"Aaaa ka tlusual a" ka ti chhuak sep.





"I va tlu na awm ve"





"Na vak lo kan tuam ve mai mai anih hi"





Engmah min zawh chhunzawm tawh lovin a thil eilai a eizawm leh mawlh mawlh a.





Ka ni a thutna atangin atho hmak a an room lam a pan nghal daih.





A ngaihna hre lo deuhin ka thil eilai chawl meuhin ka hawi nghal hu. A pasal pawh chuti tho. Ulawmi ve thung chu engah mah ngai lo fahranin a eizawm mawlh mawlh.





"Ngati nge i aunty kha" a pasalin zawh bik pawh nei chuang lovin ulawmi nen min rawn entawn zak zak.





"Hrebik nang" Ulawmi'n a rawn tiliam puat.





A plate nawrsawmin a thawhsan ve nghal a.





"Fimkhur tawh rawh aw" an room lam a pan chu rawn hawilet lehin a rawn ti leh sup. A hmel hi ka hmu hne hlei hlui. Mahse tha deuha min biak chuan biakchhiat chi ni bawk silo.





"Aw le" kati satliah ringawt.





"Ka ni mizia hi chu amak ania. Keipawh hian tawrh zawh loh chang ka ngah mai" ulawmi'n a rawn ti nghal sep sep.





Ka thu ngawi kar ringawt. Thil ei chakna pawh a bo vek tawh eitui loh sa nak alaiin. An mizia hi amak hlawm ngawt mai.





Kan eikham felin sengfel vel ka tum chu ulawmi'n a tih theih thu sawiin ka room hman lamah min nawr lut a. "Lo awm hahdam rawh" a tisam et.





Pawi pawh ka tivak chuang lo min awl theih chuan ka pa biak ka duh hrim hrim bawk a.





Khumah ka thuthla a ka thaw chhuak nghal hak. Mizoramah khan college tekha zawm thei ila chu hetianga ka awm kher hi angai awm si lo va. Mahse ka pa in ka tana tha tura a hriat ani miau mai bawk si.





Ka phone ka lakanga ka pa call na alo awm nual. Tlailamah khan tunge min lo call tihpawh kha ka en ta mang si lo kha ania.





Keimah hian han biak hmasak viau hi ka duh lo achhan chu ka lunglen a zual mai mai. Chuvangin ka in control ve viau.





"Pa" phone a pick veleh ka tichhuak nghal sep.






"Mambawih i dam tha em. I phone i chhang thei lo va" lehlam atangin ka pain a rawn ti lang lang. Ka van ngai ngawih ngawih tak. Ka mittui a hnai leh nghal vek tawh. Helai hmunah ringawt pawh hian ka va tap zing tawh mawlh mawlh tak em.





"Aw pa ka tha lutuk. Tlailamah khan kan buai deuh va kalo hre lo alawm... Nangmah itha zawk em"





A that thu leh min ngaihthuin min rawn chhang a. Keipawh hian ka ngai lutuk. Ka rilruah ka nu a rawn langa mahse sawichhuah ka tum tawh lo. Ral atang phei chuan inngaihtuah ana a ka pa rilru tih hreawm ka hlau.





Ka pi leh pu, ka nutei tepawh an damthat thu a rawn sawi luam bawk. Ka pa ka bia a tlem chuan ka tawt tun pawh ka zia deuhin ka hria.





"Mambawih tha deuhin lehkha zir la i ni thuawih rawh aw" a rawn ti dam thlap a.





"Awle chuan pa in enkawl tha rawh aw" kati chhuak tiau.






"Pa ka dah aw kalo beleh thuai ang che muttui" tihpahin ka phone ka off daih. Ka biak rei chuan ka tah mai ka hlau. Min ngaihtuah dawn ropui bawk si.





Ka mittui hi a chhuak hma ve ngawt mai. Ka nep eee intih pachan ve deuh ka ngai. Hetiang techuan engtin nge ka inzir puitlin theih ang ni. Mi fate pawn anti thei a ka thei ve tur a ni.





Kawngka a rawn inhawnga ulawmi a rawn penlut nghal zat. "I lu chu ana leh tawh em"





"Aih ana tawh hrih lo, a zia ve mai ang"





"Anihchuan damdawi hi chhawp hrim hrim ang aw" a damdawi kenlai ka lukham bulah a rawn dahthla a, tui bottle side table ah a hungthla nghal bawk.





"Ka lawm e aw" ka ti sep.





"Awi i ho lawmthu sawi angai lo, ka nau i nia ka buaipui tur che alawm" min nuih ver verin a ti dam thlap. A fel ve ngawt mai.





"Anih ka room lam ka pansan dawn che nia. Chuan anat viau chuan min rawn call la" a phone a lek nghal vu vu.





"Aw le muttui" kati let ve nghal zat.






Room atangin a chhuaka kawngka dimtein a rawn khar thlap bawk.






Khum atanga thochhuakin kawngka lam ka pana ka kalhtha nghal thlap bawk. Hmanzan thil ang kha a thlen leh ka hlau. In venkar ka ngai tawh.






Khum lampanin ka mutthla nghal than. Tlailamah khan ka muhil bawk si ka mut achhuak miah lo. Ka muthilh theih mai pawh ka ring lo.





Ka phone ka ban a games ka khel ta ngawt. Rilru lakpenna tur ka neih loh chuan eng eng emaw ka ngaihtuah kual leh vak vak anga a tha dawn lo.





Reife ka khelh hnuin ka phone ka dahthla a. Adrian hian min la rawn be miah lo tlaia min thlah hnu atang khan. Enge maw a tih ang le.





Ka phone bawk ka ban leh a call ka tum deuh ut ut mahse atlai leh deuh tawh avangin ka thulh leh ta zawk.






A online leh online loh ka en a, a online tho bawk sia tinge min biak miah loh le.





**i mu tawh em**
tih ka thawn ta hram. Rang fahranin a seen a mahse min reply miah lo. Ala online vu tho sia, enge maw awmzia le.






10mins vel ka nghah hnuah ka en leh zauha ala reply chuang lo. Ka thin arim ringawt bawk. Min reply pawh chu a har viau amawnle ah. Induh leh lutuk mai.





Ka check leh pawn min reply chuang lo, a last seen alo lang nghal vu. A online loh na ala rei lo bawk.






Thinrim deuhin ka phone ka dahthla a, "sual leh lutuk mai ka be tawh miah lovang che" tih hlak hlakin blanket in ka inkhuh nghal hmak.






Ka bek na ngut ngutin min tiharh a ka thu chhuak nghal hlawl. A na reuh lutuk. Damdawi ka lukham sir ami ka ban a ka hmawm nghal hmak. Tui ka in nghal khawlh khawlh bawk. Dar zat ka en a 12:30am alo ni va tawh.






Ka muthla leh chiah tihin ka phone a rawn ri dar dar a, ka en nghal vat. Adrian a ni, ka van pick awm bik lo ka msg pawh a reply duh bik lo. Bakah tun ang huna lo call reng reng.






Ka ring raltir ta thak. A tawp chiaha arawn ri leh nghal zat. Amah bawk engemaw a hriat le.





"Enge" ka tibak hlar. A rawn ri nghal nuai nuai bawk. Khawiah chuan nge maw tun ang tawhah a awm le. Hmeichhe nui uar uar thawm pawh ka hre thei. Chuan ka thin arim leh ringawt tawh bawk.






"Ka ngai che a, kalo kal dawn aw" a rawn ti nghal bual bual. Tun angah hian a rui amawnle.





"I rui ami chuan khawnge i awm aaa"





"Tlemte chauh ka in... Pawnah lo awm la" a rawn tileh lawng lawng. Tlemte chauh in inti si a rui viau chu anih hmel.





"Ka zawhna chhang rawh khawnge i awm" kati leh hlar.





"Ka thiante bulah" a rawn tiliam puat.





"Thiante bula awm hun pawh anih tawh loh hi. Mut hun ani tawh."





"Nangpawh ila mut chuan loh kha.... Umm pawnah lo awm rawh aw"





"Tunah chhuah hun pawh anih tawh loh hi" kalo ti hmak.






"Ka bialnu tereuhte hian min hmu duh lo maw." A rui aw ringawt pawn min ti danglam pha tho. Mahse tihlan ka tum lo bur.






Ka text a chhan loh chhan zawh ka tum deuh ut ut a mahse a ruih hmel si zawh tlak anih pawh ka ring lo ve.





Ka chhan leh hmain hmeichhe aw in Adrian a rawn ti lawng lawng ri ka hre nghal a, engmah rawn sawi tawh lovin phone a tawp nghal hmuk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 15032
Joined: April 30th, 2016, 4:07 pm

Unread post by Ngaia » July 12th, 2020, 1:49 pm

ERES MI VIDA(You are my life)







Ka story chhiar tura ilo luh avangin ka lawm eee๐Ÿฅฐ๐Ÿฅฐ๐Ÿฅฐ
I PURPLE YOU๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ๐Ÿ’œ






Chapter-12





Ka phone ka en nghal haw. "Zomuanpui i chak lovang" ka ti chhuak hlak.





Buaina a tawk em lovang chu maw. Mahse khawi hmunah nge a awm ang le. Hmeichhe nui ri leh rawn ko tu zawng zawng tenen khan hmeichhe zingah a awm chu ani phawt.





Ka ngaihtuahna aluh nghal ngut ngut. Zanin chu ka muhil tawh dawn lo tih ka chiang. Ka thin a phu dawt dawt enge atih hriat chakna hlirin ka khat ani ber.






Tun ang hunah inah nilo te a awm theih zawk. A nu leh pa pawn an ngaihtuah ngawt ang. Chuan kei ngei pawh hian ka ngaihtuah lutuk avangin ka mu thei lo chu anih hi.





Khumah ka thu khawng auh ringawt. Ka bekna pawh kalo hre leh tawh lo hrim hrim. Ngati nge hmeichhia tenen an awm tlan chu zawhna ringawt chu ka inzawt tluk tluk. Adrian lo chuan chhanna min pe thei chuang silo.





Ka phone ka lakanga a no ah ka call lehnghal zat. A pick thei lo. Ka tih zawm leh zata a pick thei chuang lo. Ka awm hle hle thei lo.





Naktuk mai class tan ani tawh a. Keilah Adrian vanga muhil thei lovin kala thu reng chu ani siaaa....





Ka phone bawk ka ban leh a ala online leh lo hrim hrim. A insual leh nge khang hmeichhe awm ve tenen khan enge an tih ang. Ka thika ka thin arim hlur bawk.





A no ah bawk ka call leh ala pick thei chuang lo. Ka tih nawn leh pawn a pick thei chuang lo. Ka thinrim lutukin ka phone khumah ka vawmthla thuai. Tihvak ngaihna ka hre der bawk silo.





Ka ding chhuak hluaia ka kut tawn tawna kawng dawmin ka thaw chhuak halh halh. Tun ang hunah a awmna pawh hre hawt lovin chhuak ve tawp ila ka tan ahim dawn lo tih ka hre tho bawk si. Bakah ka niin ka chhuak tih hre tase ka chungah athinrim sa nen a zual ngei bawk anga.





Ka sam hui chho papin ka thawchhuak leh hak thin.





"Zomuanpui tun ang hunah pawnlamah engnge maw i tih le" kati chhuak hap min chhangtu tur pawh awm der lovin.





Engmah tih theih nei bawk si lovin room ah ka vei tawn sek ringawt. Ka rilru zawng zawng a chawk buai vek.





Vawiin chhunlama thil thleng kan chingfel zo chauha tunah tiang hi ani leh nghal aniaaa.... Hmeichhia nen anla awm tlang zui bawk a.





Muthilh tum zawk ila tha ang, ka ngaihtuah kual vak vak avang hian engmah ka ngaihtuah chhuah phah lo.





Khumah ka lawn a ka inthawlh nghal kak. Ka maimitchhing vang vang a angaite bawkin ka ngaihtuahna a rawn luh leh ngut ngut tawh. Muthilh ka tum buai peih tawh lo law law ka muhil thei dawn chuang lo tih ka chiang.






Adrian POV

Ka harh meuh chuan khua a var tawh. Ka sana ka bih vut a 6:30am ala ri lo deuh tlai lutuk chu ala nih lem loh hi. Ka harh hma viau mai. Nizan ka ruih lutuk avangin ka haw thei lo kha ania Ruatdika bulah ka riak thawr. Riak bo ngai lo pawh ka ni chuang lo va ka chhungten min ngaihtuah viau ka ring lem lo.





Nizan chu ka lem hnem mah mah anih ka ring kei leh kei ang lo takin engmah hriat mumal pawh ka nei lo. Ka lu ana ngut ngut viau bawk.





Ka kut ka lekchhuaka a thip ve reuh sep sep thei. Nizan kan insualnaah khan kawngpui char kha ka hnek miau va thip ve tur chu ani.





Khum atangin ka thochhuak phat a ka kekawr ip zen rak rakin ka phone ka phawrh chhuak nghal vut. Ruatdika mutna lam ka en a ala muttui barh barh viau.





Ka phone ka hmet eng nghal pap a ka booboo call na alo awm nual. Nizan khan a text pawh ka chhang lo kha ania ka insawifiah fe chu angai dawn anih hmel. Ama tawkah alo thinrim ve hlar anga. A thinrim hmel tur mitthla chungin ka nui suk suk.






Bathroom lamah inphihfai turin ka lut a. Ka chhuah leh pawn Ruatdika chu ala muttui viau mai.






Kaitho chuang lem lovin a room ka chhuahsan ta nghal. Ka bike hunna lam ka pan a. Chuangkaiin muangchangin ka tlanchhuak a.





Campus chhung ka thlenin ala hma hle amaw tih pawhin vei suau suau tawk anlo awm leh nual tawh tho.






Ka booboo te inzawn ka thlenin ka ding dat a. Nimin ka hruaichhuah avang khan nu sรฎnin a hau em lovang chu maw. A phone hman zawh khan a chiai nghal vek kha ania. Thup kha tum ve reuh hle mahse ahmelah khan hmuhhmaih thei ani lo. Nizanah a call ka chhang leh ta bawk silo. Engmah a thleng em lovang chu. Keimah vanga buaina a tawh ka duh lo bur.





Ka din vung vung laiin student thenkhatin min rawn kal pel hlawm a. Min en duh leh dauh dauh hlawm hle. Ngaiah ka nei tawh thil thleng ngai lo pawh ani hran lo.





Min kalpelh hnu a ka hming lamchhuak chunga an ri zui nawk nawk pawh ka hre thei ka nuihpui suk suk ringawt.





Helai hmunah hian mizo hmeichhe doctor zir pawh an awm nual. Chung ho chuan min rawn be nawlh nawlh tawk leh eng eng emaw chhuanlama siamin kan in lama rawn kal tawk an awm fo bawk mahse ka uksak duh hran lo. Ka thinlung an khawih che zo miau lova.





Ka booboo thung hi chu ka hmuh hmasak ber ni atangin ngaihtuah loh ni pawh ka nei lo kha ania. A hmel hmuh reng ka chak a, abula ka awm apiangin ka awmchhung ami tehi a phu rang thin bawk. Duat chaknain ka khat vek zel bawk.





A hmel atangin hmeichhe sual leh rilru kawi pu ani lo tih ka hre bawk. Hmeichhe dang angin min ti huam huam lova hei tak hi ka duh chhan ani bawk. A hmel atha a amahah hian duh khawp loh lai engmah ka nei lo ani ber.





A rilru a thianghlim tih ka hria. Kei thuawih vak lo ruih hrat insual hrat bawk si tan chuan a tha mah mah tih ka hre tho mahse midang ta ni turin ka phal bik lo.





Inchhung ka penlut chiah tihin ka pa an room lam atanga rawn chhuakin ka hmingpumin min rawn ko vin nghal hrawk.





Angai te bawkin kan inhau leh dawn tih ka hre mai ka chunga lungawi ngai lo ka pa nen hian. Min hauh hi engtik lai pawh hian a chak reng ni mai hian ka hria.





"Zomuanpui khawiah nge i riahchhuah chuan tunge sawisak ilo neih leh tak ?" Min rawn pan phei pawk pawk pahin arawn tichhuak thawt. Tuna taka ka riahchhuah lo care viau atul lo khawp.





Tunhnaiah ringawt pawh hian sawisak techu ka ngah alawm atu ber nge asawi ka hre lo ve.





Kawngkhar bulah min rawn dinchilh a min melh thip ram ram khawp. A kut a hum ruh viau bawk. Engmah sawi ka tum lem lo. Nidang ang bawkin mualpho a hlauh viau chuan a chingfel leh mai ang chu. Nilo a chingfel leh daih tawh ang tih ka chiang.





"Buaina i siamchhuah zozai chinfel reng ngai hi ka kham thawkhat viau" a rawn ti hrawk. Ka nuih hak thung. Hah a nin viau chuan chingfel lo sela animai.






Ka tette atangin ka unau dangte a en ang hian min en ve nise hetiang reng hi a ni bik tawp lovang. Min enkawl chhohdan avangin luhlulna, runluih chakna ka thanlenpui tih hi a hre lo nge a hre duh lo zawk.





A thusawi ngaih pawimawh loh hmel zeta kalsawn mai ka tum chu ka kawrawmah arawn tham nghal tawk.





"Min thlah rawh" melh ngur chungin ka ti hrawk. Ka pa chu ni lo sela ka kuttum hi adawng daih tawh ang.





"I pa ka nih hi i hria em. Khatiang te a min melh ngam zawk" tihpahin a rawn tham nghet sauh. Ka kut chu hum ruh tawh tak ka ni. Vaithluk tawp ka chak ut ut.






"Buaina dang i siam leh anihchuan jail ah keimah ngei hian ka khung tawh ang che hre rawh. Tha te tein awm tawh ang che" Hah chu chu ka thu thu. A duh leh jail ah chuan mi khung sela pawi kati lo nasa. Inchhung hremhmun tluka awm reng aichuan a thlanawm fe zawk ang chu. Nitina hmaisen inhmuh reng hi ka kham ve tho.





"Nangni pafa chu enge nileh ta a" ka nu inhnunglam pang atanga rawn lutin a rawn ti nghal chuk chuk. Mangang hmel deuhin ka pa nen kan lo din dunna lam a rawn pan phei ve nghal.





"Pa a thlah rawh" tihpahin ka pa kut arawn vawnsak a. Ka pa pawn min thlah ve mai bawk.





"Bawiha hetiang reng chuan a hahdamthlak loh eeemai fel tak hian awm tum ve hram tawh teh" ngenna akhat mitmeng nen min rawn melh.






Ka nu pawh enrei duh lovin ka room lam pan tumin ka kalpel nghal.





"Zomuanpui i nundan hi sim ang che. Laktlak loh lulai lutuk" ka pa bawkin a rawn ti chang leh fak. Engtik lai mahin amit ka tlung ve ngai reng reng lo.





He inchhungah hian rei lote pawh inngeih deuh hian ka pa nen kan awm tlang thei lo, chuvang chuan khawlai nuam ka tih phah zawk bawk. Chuan a tawngkam avang khan insiamthat ka tum phah der lo.





A thusawi ngai pawimawh lo zetin in inchunglam ka pansan hmak.





Ka nu pawh ka khawngaih tho, nitin ka pa nen kan inhnial buai ani hmeichhe nunnem lutuk hian a ngaihthlak ziah angai a. Mahse enge ka tihchuan ang ka siamtha thei bik hleinem.





Ka room ah ka luta khumah ka thu thla nghal chawrh. Engmah hi ka ngaihtuah kual chiam peih lo. Ka nundan ang ang hian nung chho mawp mawp ila ka tan chuan atha ber.





Ka phone ka phawrh chhuaka booboo morning wish ka thawn nghal a. A online chuan a seen bawk mahse a reply duh reuh miah lo anihchu. Nizan avang khan a thinrim tih ka hre nghal mai. Ka insawifiah ve fe chu angai dawn anih hmel.





Reife ka nghah hnu pawn a reply duh chuang lo. Ka phone melhin ka nui suk.






Ka thawmhnaw hlipin bathroom lam ka pan nghal vut. Ka luna in mi tur deuh ngut ngut bawk chuan ka rim atui fahran lo khawp bawk. Nizan ka tal na bawka ka thawmhnaw pawh a bal viau ang.





Tuivawtin ka inphuh sar sar a ka nuam deuh huai mahse ka kut pilh pheng phung vel a thip ve deuh hlek. Heipawh damdawi hnawih angai ang.






Ka booboo class a tan tawh dawn avangin a first day ah hian hruaitu nih ka duh. A hmel ka mitthla a ka nui chhuak hawk. Amah ka suangtuahna ringawt pawn min tihlim ania.





Bathroom atangin towel veng chungin ka chhuaka ka khumah ka nu alo thu reng.





"Bawiha nizanah khawiah nge i riah aa?"





"Ruatdika bulah"





"Bawiha khawngaihin fel tak hian awm ve hram tawh la ka van ti tak em" a rawn tichhuak hap. Sawi tur ka hre lo. Ka nu in angena min ngen chang hichuan keimahah hian fel duhna a awm ve thin tih hi chu ka pha lo, mahse ka pa a rawn lan ve chiah hian chung zawng zawng chu a vawchhe leh vek zel.






Chuan ka nu bulah hian ka tih theih loh tur hmanga a rilru tihnawm ka duh lo bawk. Tawngkamin sawichhuak ila ka zawm zo leh dawn chuang loh avangin a rilru hahna akiam phah dawn chuang lo tih ka hria.





"Nu ka inthlak duh ania" ka ti sup.






"Aw le i inthlak zawhah lo chhuk ang che breakfast kan peih tawh ania" tihpahin khum atangin a rawn thochhuak a kawngka lam a pan nghal zat.






Ka nu chhuah veleh ka thawchhuak ham ham. Engmah ka ngaihtuahna a luhtir duh lovin ka thawmhna bawm lam ka pan ding nghal a. Thawmhnaw la chhuakin ka in thawlh mawlh mawlh a. Bathroom lama lut lehin pain reliever sang vak lo ka hmawm leh a chuan ka kutah damdawi ka hnawih nghal bawk.





Pheikhawk ka bun leh mawlh mawlh a ka room atangin ka chhuak ta nghal.






Inhnuai ka thlen thlakin ka pa alo awm tawh lo. Choka lamah ka lut pheia ka nuin min lo la nghak reng.






Chair ah thuthla ve nghalin eitur inchhawp sa ka ei nghal mual mual.






"Bawiha ngati nge i kut chu" zawhna mitmeng nen min rawn melh nghal.






Zawhna min zawt reng hi achang chuan ka ning thin. Hetianga ka pilh pheng phung ahmuh techuan ka insual tih a hrethiam vek.. Min zawh kher hi a sim thei der lo.





Chhan pawh chhang ta chuang lovin ka thutna atangin ka ding chhuak a min melh nghal haw. Ka nuih suk.






Inchunglamah chho lehin belt hreng lehin ka wallet ka la a inhnuai lamah ka chhukthla leh nghal.






"Nu ka kal" Choka a dahluh leh pahin ka ti vut.






"Bawiha class banah lo haw hma tum rawh aw" a tih tur tih zawm mawlh mawlh pahin a rawn ti lang lang. Ka chhang talo ka haw hma ka ring lo miau, ka haw hma tak leh atha animai.







Ka bike ka start a ka dawk chhuak nghal zawk. Ka booboo te inzawn ka thlenin ka helmet la thlain ka ding deuh vang vang a. Sana ka en a ala tlai viau lo a kal tawh leh tawh lo ka hre der lo. Ka text a reply bawk silo. Ka call tawh mai aniang chu.






Ka phone phawrhin ka call nghal zat a, a ring ka ngaihthla kar a pick thei lo. Ka tihnawn leh pawn a pick chuang lo. Nizan vang khan a thinrim viau anih ka ring.






Ka ti nawn leh rualin kawtah insiam vek tawhin a rawn chhuak phei ka hmu nghal. A phone a melh ngar ngar a pick zu tum chuang der lo va. A luhlul thiam reuh lutuk. Ka phone ka hmet tawp a a ner nawng reuh a nihchu. Min hmu ve miah lo leh nghal.





Ka aw ka thian kharh a a rawn hawichhuak nghal zawk. Min hmuthut bawk si nen a mengbial nghal kawk. Keiin kalo nuihsuk thung.






A hmui tipawrh tarha inher hmakin inchhunglam a pan leh reuh anihchu. Mahse a bek atuam kha ka hmu enge thil awmzia nita ang. Ka rilru anuam ta miah lo. Khawlaiah a chhuah a a intihpalh chu ka ring miah lo.





Kha kha keimah vangin kut atuar animai angem. Ka ngaihtuahna a ti buai. Mipa fel kani lo va nu sรฎnin kan pahnih chungchang a hriat vang ani thei angem. A chhan chu ka nungchang zawng zawng hrechiang ber bertu ani. Mahse a vahnu kutthlak tawp duh tur aniin ka hre chiah silo.






Tlangval kum 25 ka ni tawh a hetianga awm mai mai thei ka ni tawh lo tihchu ka hre tho mahse ka pa hian ka that chak ve thinna zawng zawng hi a vaw chhe vek zel. Unauah anaupang ber leh mipa awmchhun ka ni bawk ka nu leh pa innghahna tur ka ni bawk tih ka hria mahse ho taka tal hi ka bansan thei chuang silo anih hi.






Ka u te pahnih ngaihtuahawm an nilo hna an nei ve ve tawh. Keimah hi ngaihtuahawm ber chu ka nimai.






Ka booboo hian keimah vanga harsatna a tawh hi ka duh lo. Keimah vang chu nilo hram rawh se.






Ka din reng hnu pawn a rawn chhuak duh tawh der lo lehnghal. Pawi lo ve gate bulah kalo nghak tawh mai ang chu. Heta ka din avanga a rawn chhuah duh tawh loh phah anihchuan ka kal tawh angin ngai sela gate bulah ka nghak dawn tho.






Main gate ka thlenin security in min lo nuih sun sun. Nuih let ve sakin ka tlanpel a gate pawnlamah ka ding ta tho. Alo lan hma hetah kalo nghak tawh mai aniang chu.





Ka bike ngeng ar arin ka lo ding a mahse enge thleng hi Zosangliana'n a rawn phur chhuak amaw. Ka ding ngil nghal zawt. Min rawn tlanpel nghal fua, ka ding tih pawh min rawn hmu ve ve ang.





Keini lovin anikha a inthlahtir zawk ang maw. Ka bike ke ka chhir zui nghal pawp awmzia a awm tawh der silo. Keimah a la awm ngai lo thikna a rawn inmung khawm nghal tup tup.






Hmeichhe dang ka thinlung taka ka duh leh kawp ngheh em em ka neih ngai loh avangin hetiang hian ka awm ngai lo. Ka booboo ka tawn atang hi chuan adang nghal zar. Inzawmna kan siam hma atang tawhin hetiang hian ka awm tawh ania.






Engpawh thleng rawh se ka umzui dawn tho chuan ka sawifelpui vek bawk ang.






Ka bike ka start a ka dawk chhuak nghal zawt. Zosangliana nen inhnimhnai turin ka duh reng reng lo. Ka hmeichhia alo phurhchhuah ve pawh ka duh bau lo. Thinrim, thikna nen ka khawchhung atang hian ka sa chhuak pup pup. Ka speed pawh ahniam fahran lo khawp.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 97 guests