HONEY BY ESI TAYLOR (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HONEY BY ESI TAYLOR (Completed)

Unread post by Ngaia » July 26th, 2020, 2:16 pm

HONEY - 7
BY ESI TAYLOR







Nuhmingi nen an inbiak mawlh mawlh laiin pindan ah ka luhsan a, a chhuak tur chu hreawm ka lo ti ngawih ngawih!





Ka pasal nen a kan in kar hi engtiang chiah nge ni ta?





Atan hian enge ka nih chiah?






Ka tan chuan ka engkim ani hawt a, ka duh takzet tih ka in pawm thlap tawh bawk!




A chhuak leh lai hmuh ka duh loh avangin lungawi lo ru tun chungin washroom ah inbual tur in ka luh san a, bathtub ah ka muthilh lek lek thleng in ka in chiah!






Ruatdiki nen an inhmu tur leh an awmdun tur anga ka ngaihtuah chhin ringawt pawh in ka thik lutuk hi awmngaihna ka hre dawn lo, ka sa pup pup thei hial.






.....




Muangchangin ka sam ka chhem ro a, thildang engmah in ka rilru an luah thei miah lo lehnghal.





Pindan kawngka an rawn kik avangin muangchang in hair dryer ka dahthla a





Thanpuia a rawn lut nghal zat




"Nuhmingi emaw ka ti che a! " ka ti nghal vat





"Rei deuh i inbual animaw? " ti sup in ka bul ah a rawn kal hnai a





"I va rawn let hma! "





"Ka hmanhmawh lutuk a" tisup in ka chhip a rawn fawp nghal zauh!






"Enge i va tih a?" Hlauthawng ru deuh in ka melh a





"Zarkawt ah bungrua an la chhuak duh a, chuan KFC ka rawn lei nghal i ei chak ka ring a"





"Tak tak maw? " hlim zet in ka en a, A rawn let hma dan ah Ruatdiki a hmu hman lo hrim hrim chawpleh chilh in ka mood a in thlak leh nghal vek!






"I ril a tam ang, a tam thei ang ber thil i ei angai ania"





"Ka thau dawn sin! " pangchang aw deuhvin ka ti sap a, alak a pangchan ka chak tlat bawk





"Tun ai hian thau la pawi ka ti miah lo" ka nui nghal hak!





"Kan intleuh ve zuai ang aw! " ti thawp leh sup in ka kawng ah a rawn kuah nghal hlu hlu a





Kan awm ngailoh dan hlir in tunlai hi kan awm, a nuam ti viau mahila ka lai in ka khawr ru deuh tlat zel bawk.






"Va inbual la, i zawh hun ah kan ei dawnnia"





"Ummm lo va ei rawh i ril a tam tawh ang! "





"Aih.. Nangmah nen eidun ka duh"





"Anih kan inbual vat vat ang" ti thawp ruih in min kuah na a phelh a, ka ruak huai a ka hriat tlat pek chu.




.......




"I phone a ri in ka hria.. " Nuhmingin a rawn tih lang lang chuan rang zet a kut sil in ka hru hul nghal vat a




Thanpuia chaw ei lai chu melh zawk in "Tluangtluangi ani ngei ngei ang" ka ti nghal vat.




Choka atanga chhuak in ka phone ka en nghal vat a, Marcusa misscall alo awm teuh!





Rang zet in ka call back nghal vat.





Thanpuian biak a phalloh em avang khan kan inbe leh ta miah lo kha ania.





"I va la thei lo ve" a rawn ti dam nghal thlup




"Chaw kan ei a... Ve tehhlawl ache"





"Animaw? I laklawh em? "






"Aih ka kham hman chiah chiah enge a.. "




"I reh lutuk a, tak tak in naktuk chu chhuahpuia rawn sawm che ka tum aa... In pa in a phal angem aw.. " a tawp lam phei chu a rawn ri nawi deuh niai





"Ka hre nang? Khawi ah maw? "





"Mission veng ah i nu te inbul lawk ah khan ania, i kal pah duh tak ah ka tia"





"Ka hre lo ka lo tum ang aw naktuk ah kan inhrilh chiang dawnnia.. "




"Yeass ka rawn call leh ang che"



Thanpuia rawn chhuak ka hmuh avangin chhang lovin ka hmet tawp nghal daih! Marcusa ka bia tih a hriat chuan a thinrim leh vak mai ang.




.....




"I puar em? " ka phone sofa chunga thehthlak pah in ka ti vat a, a rawn bu nghal nghat!




"Nuhmingi kan tihfel pui lawk ang" choka a luh leh nghal mai ka tum chu ka kut ah a rawn man nghal chawt. Ka en nghal haw!





"Aman ti mai rawh se.. "




"A har hleinem amak e. " ka ti nghal sup. Thil tihfel a phallo tlat thin hi ka hrethiam lo lek lek thin. Min duat vang ni ta se? Mipa dang te chuan hmeichhia che peih deuh an duh thin a ni sia.





"Damdawi i ei em? "




"Kan ei nghal ang! " ti hliai in choka ah ka luhsan a, Nuhmingin kan chawei na a lo tihfel mek chu ka pui nghal sawk sawk!




Dawhkan ka nawh fai lai in choka ah arawn lut a, ka bul chiah ah a rawn ding khawng luah!





"Duh i nei em? " a tawp a tawp ah Nuhmingin a rawn ti sup a, chhang lovin a lu a thing leh tawp tawh.




Ka chet chhung zawng min en ngur ngur!




Nuhmingi awm lai a ti lo tur in min hauh ka hlau si, ka che sawk sawk hi ani ringawt! Thanpuia lah in min en ngur reng mai bawk si.




.....




"Nuhming lo tihzawm lawk mai aw.. "




"Awle awle. I lo ti ve duh a, kha ka zo der alawm". A rawn ti nghal sawk sawk.




Ka bul a ding run pa chu be miah lovin ka kalsan a, pindan ah ka luh san daih.





Thawk ka la nghal ham ham, fel viau thin mahse a chet dan hi hriatthiam a har ve thin tho, midang te care na emem hi anei ve thlawt lo. Nichin a a awmdan tehthlawt te kha Nuhmingi tan anuam dawn lo lutuk ringawt!





Ngawi ngul in a rawn pen lut a, ka lo melh nghal ram ram!





"Enge a? " a rawn ti sup a




"I mak! " ka lo ti nghal nghek!





"Thu i awih lo thin emai" min dem hmel zet in min la melh zawk zui





"Khang tiang maimai thil harsa leh hahthlak pawh anilo a bakah.. "





"Hahdam la ka duh alawm" a rawn ti thawp ruih.




Sawimai tur hrelovin ka melh leh te te phawt!




Min duat na a lantir ve dan maw?





"Mahse ... "




"Engmah ti ve suh awm tawp rawh"




"Nuhmingin zing atangin engkim a ti vek a, a hah ve alawm! Tlem te chauhvina nia ka puih thin"





"Anih chuan midang pui tur lak belh mai rawh! A hah viau chuan awmpui dang kan la leh mai dawn mi? "





"Angailo lutuk! Kan nupa chauhvin kan awm a, awmpui 2 kan mamawh lo hrim hrim"





"A hah i ti sia! "





"A hah tho a, bak ah awm tawp te chu ahreawm ka ti lawm" ka ti leh hap.




"Ummm anih leh tlem te chauh in aw" ka nui nghal hak ringawt!





......





Ka pasal thaw ri sak sak chu ka ngaithla a, ka hnung lam atangin nghet zet in min la kuah bet char char.




Tihharh hlau zet in a kut ka dahsawn sak a, thawmdim zet in ka tho ru them them!





Min duh thu asawi ngai lova ka sawi ngai bik hek lo, mahse kan inkar a tha a, kan hlim takzet.




Marcusa ka hmuh aphal loh thu min hrilh avangin thuawih tak in Marcusa bul ah pawh chhuanlam ka siam tawp.





Zan ah a chhuak tawh ngai lova, kan pahnih in movie kan en dun a, i kuah rial in kan muhil thin .






"Ka rawn haw tlai maithei! " a message ka chhiar zo chu ka lungawi lo leh ringawt!





"Umm rawn haw har suh" ka ti let hram.





"Ka kal mai dawn a sin" Nuhmingi ka bul ah a lo ding reng tawh




"Azia lo e, eng em ani lo ang chu maw.. "





"Nia.. Hritlang a la na thei hrim hrim a chuvang pawh aniang"





"Va haw vat rawh, naktuk pawh rawn kal kher angai alo ania" ka ti leh vat. A fapa naupang ber khawsik a reh thei lo ani awm e.





....



Khua a thim dawn ruai tawh, Thanpuia a la rawn let lova, keimah chauhvin ka awm bawk nen ka khua a har riau anih chu.




Nidang ah lem keimah in ka awm fo kha ani sia, ka pasal ka ngai ngawih ngawih!






Ka ril a tam tawh viau na in lo nghah hram hram ka duh bawk nen, tui tam zet ka in leh pawp pawp.





Dooe bell a rawn ri ral ral a, ka nui chhuak hak!





Lo luh ve mai tur ania!





Ka hawnsak kher a phut leh ani ngei ang!





"Ruatdiki maw? " ka phu deuh zawk!





Ka thin a phu nghal dawt dawt!




Ni e, ka pasal in a rawn hruai haw anih chuan ka ngaihtuah ngamlo! Hlauthawng lutuk in kawngka ka hawnsak.






"Ka lo lut thei em? " ka chhan na nghak lovin a rawn pet lut nghal zat.





Ka pasal hmel ka hmu tello!





"Tui in tur min lo pe" a tih zawm leh nghal zat anih chu.





Alo kal ringawt pawh hi ka lawm loh tawh sa tehreng nen!






Chhang lovin choka ah ka lut zui a, min rawn zui ve nghal vat.





Fridge hawng in a vawt thei ber tur a ka rin ka lakchhuah sak!






"Engmaw i rawn tih?" ti hliai in ka thutna tur ka pawt chhuak a , ka thu thla nghal vat




"Englo ania" tih sap in ka hma ah tak a rawn thu thla a, lawm lemlo viau mahila hmelma ang a han en tawp lah ani bik bawk si lo.





"Inpa chungchang leh bawk! "




Ka malchung a ka kut chu ka humruh nghal nghek!





"Enge! " ka nui lui sang





"In inkar ah engmah a awm lo tih chu ka hria, mahse i pasal in nula a kawp kual teuh tih i hriat in i thinrim lo ami? "






"Engmaw? " harsa ti zet in ka ti sap





"In in hmangaih lo tih ka hria, duhna engmah nei lo mahla ngaihzawng aneih san che hian a nghawng eih lo che. Ami? "






"Enge sawi i tum? " ka ti chang leh fak! Ka pasal nen kan inkar thil a hriatchian hmel lutuk chuan min ti na hle mahse a hmuh lai a nat ka duh reng reng lo.






"Uthanpuia hian ngaihzawng anei tih i hria em? " ka melh nghal kawk!





Za lo zet in ka nui ri hak! A zaktheilo lutuk hi a awihawm loh zawk!






"Chuan... "




"Enteh.. Puipui! " mi zawng zawng in Zorin min tih lai a Puipui min ti bik tlat hi a mak viau bawk!





"Uthanpuia nen hian kan inkawp tih i hria, kei chuan nang nen a hmelma nih hi ka duh lo, inthen tir che u ka tum lo tih pawh ka sawi kha... " a thusawi chu awihlo lutuk in ka nui leh tawp.





Ka pasal nen an inngaihzawn thu min hrilh hnu ah inthen tir min tum loh thu a sawi leh!




"Uthanpuia hian hmeichhe dang buaipui anei a... "






A thusawi chu mak ka tih em avangin ka meng nghal kawk





"Hmeichhe dang a buaipui, chuvangin lo hau la lo khuahkhirh rawh! " ka thin a phu nghal dawt dawt!





Ruatdiki chauh lo, Ruatdiki aia a buaipui chu tunge ni ang!





"In ah a. Awmlo tih ka hriat avangin tun ah pawh hian ka lo kal alawm! Chunu nen chuan an awm dun mek! Zan in pawh an riak dun hial in ka ring"






Mak ti zet in ka lu ka thing nghal nawk!






"Chuan enge ka lak atangin i beisei haw tawh rawh" mangang zet in ka ti chhuak sup a, ka ding chhuak nghal zawk






"Khawngaihtakin Uthanpuia hi khuahkhirh la ka duh, khanu nen a an inkawp kha ka phallo"





Chhanglovin choka atangin ka chhuak a, ka mittui a parawl nghal tiau!



Ka thil tawn tehnuaih hi enge a awm zia!





Ka pasal bialnu ka hnen ah a rawn kal a, ka pasal in bialnu dang a neih san thu min rawn hrilh!





Chuan ka puihna min rawn ngen!





Ka â mai dawn!





"Puipui... " ka hnung lam atangin min rawn ko va,





"Haw rawh! " ka ti nghal nghek!





Natna nge zahna zawk!





Ka tlawm vawng vawng, khutah a aia hniam awm thei lo khawp hial a hnuai ah ka tla thla vawn vawn!


"Min pui rawh!" Ala rawn ti hram!





Inher in pangai zet in ka en a




"Haw rawh! Ka pasal hi lo hnaih tawh lo bawk la, a duh tawh lo che anih chuan a tha hlei hlei! Chuvangin keipawh min rawn hmu tawh suh" ka aw khur ru dar dar chu ka thunun thei tawh lo.





"Mahse ka thei hleinem! Ihmaw.. Tun ah hian ka rai mek ania....."





Tek tla ai pawh in ka beng ah a ri ring zawk!





"Engmaw?" Ka aw a ri chhuak thei mang lo.





Ka rilru zawng zawng an mang nghal vek!






"I rai amaw?" Ka ti leh sap





"Nilo se hetianga. Rawn kal hi ka duh bik reng reng lo Uthanpuia hian hmeichhe dang min pan san lo se chuan.."





"A tawk!" Ti nghek in ka kut ka vai khum a, a pum zawn chu ka melh nghal nghek!






"Ka thawng lutuk che anih chuan a pawi ka ti, ka kal phawt ang" ti sep in a chhuak zui.






Ka tha an rawn khur a, ka ke a sai nghal hlawk hlawk.





Chhuat ah ka thu sawp nghal hnawk!





A ni thei em dawn ami?





A rai a maw?





Engthu rapthlak nge hriat tur la awm zel dawn?





Ka kut ka hum ruh ngawt ngawt a, sana ka en a dar sarih ala ri lo.





Ka pasal leh abialnu tun ah hian an awm dun mek! A bialnu pakhat zawk in nau a pai mek bawk!




Ka melh ngai ka melh tlawk tlawk a, mak tak maiin ka mittui a hul hlauh thung. Far khat te mah a tla lo.





.....






"Ehe ngatinge a?" Chi ai hmel zet a min pawm tho tu ka pasal chu mitkhap lek lovin ka melh ngawt ngawt!






"I tha em? " mangan hmel zet a ti leh sup in sofa ah min nghat thla a





Ka tah a rawn chhuak nghal ut ut!






"Ngatinge na i nei ami? " ti sup in ka biang a rawn dawm a ,





"Khawnge i kal? " a mit ah ka melh kar





"Sorry duh aiin ka lo tlai a, thil i ei tawh em? I ril a tam tawh ngawt ang... "





"Khawi ah nge i kal? "





"Zarkawt ah zawk khan! Sorry Honey duh aiin ka tlai a, kan pek chhuah leh kan stock te kha a in mil thei lova.. "







Dawt a sawi chian em avangin ka nui nghal hak!




"Animaw? "





"Ummm... Ka ngai che! " ti sup in a awm ah min kuah bet a, ka mittui a luang nghal zawih.





Min ngaihthu a sawi hmasak na ber ania sin, mahse a dawtsawi thup mawi nan mai chauh a sawi!





"I tha em? Thil dik lo a awm em? "






Min kuah na a tangin ka in la hrang a





"Inthen ang! "







"Maw? " mak a tih hmel takzet




A pasal in a bialnu raipuar a hruai haw a, an hnawtchhuak tia mi ten min sawi hma in ka then angai!

"Inthen ka duh.. "





"Engvangin? I thinrim em? Ngatinge i awmdan a dik miah lo"






"Then che ka duh a chu chu animai". Ti nghek in pindan ah ka tlan lut a, min rawn zui rang hle bawk






"Engvangin nge inthen chu i duh? " a rawn ti hrawk anih chu!






"Achhan i hre duh maw? I bialnu Ruatdiki kha a rawn kal a, i hrethiam mai em? " ka sawi zawng ringawt pawh in ka na ngut ngut.





Chiang zet a melh kar chung in ka mittui a tla!






"Honey... " mangan hmel zet a ti ruai chungin a rawn kal hnai a





"Honey maw? " ka nui hul hak





"Honey tia min koh chuan Ruatdiki chu wifey ti in i ko em? Chuan i bialnu dang leh chu Baby tiin i ko ngei ang chu tiraw? Keichu Ka hming in min ko rawh" awmze neilo zet a ka kut vai chung in ka ti nghek





"Ruatdiki chuan enge a rawn sawi"





" i duh chuan va zawt rawh" ti nghek in ka closet ah ka tlan lut a





Hanger a ka thawmhnaw inkhai dal ho chu ka phih thla pawp pawp!







"Engthil nge i tih? "





"Zorinpui" a rawn ti leh hrawk!






"Ka chhuahsan dawn che"





"Engvangin? "





"Achhan chu ka then che"





"Ka then ve lo che! " ti hrawk in ka thawmhnaw khung ho chu a rawn paih chhuak vek!





"Engthil nge i tih? " thinrim zet in ka ti Nghal nghek





(Ka va hmanhmawh leh pek si ve.. Khipoh khi edit hman loh, type sual a tam viau ang.... Min ngaidam leh phawt mai teh uu)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 26th, 2020, 2:17 pm

HONEY - 8
BY ESI TAYLOR








"Engthil nge i tih? " thinrim zet in ka ti Nghal nghek




"Engthil nge i tih zawk hi! "





Ka thawmhnaw a paih chhuah ho chu chhuat a thu hniam in ka tham khawm leh nghal sawk sawk!





Ka kut ah nghet zet a rawn chelh min phih tho nghal lawp!





Mittui kar atangin ka melh tawk tawk a, tah chhuah erawh ka tumlo bur!





"Sawi dun ang! " ahma ai chuan a aw chu a dam ta deuh!






"Atha lawm! I duh chu sawi rawh! "





"Sorry! Tihnat che hi ka duh ngai lo... " a thusawi lai chuan ka nui ri hak! Min tihnat a duh loh thu a sawi anih chu!





"Ruatdiki chuan enge a rawn sawi ka hre lo, mahse ka bialnu ani lo! Kan inneih hma khan kan inzui thin tih chu ka pawm thlap, mahse maw nang ka neih hnu ah che kha chuan kan inkar ah engmah a awm tawh lo"







Chiang zet in ka melh a, dawt a sawi chiang lutuk chu mak ka ti zawk!






"Animaw? " ka ti ha!





"Ummm... Ihmaw i awih lo maithei pasal rinawm lo nih ka duh biklo a sin, i hria anga...... Kan inkawm in kan la inzui nasa tih chu mahse kan inkar ah engmah a awm lo"






Chhang lovin ka melh tlawk tlawk tawp!






"hmeichhe dang tumah an awm lo, nang bak ka nupui tan hian ka rinawm"





"Zawi zel teh" ti nghek in ka nui chhuak leh hak a!





"Ka thusawi kha i awih lo tiraw? "





"Sawi zel teh! Thudik ka hria, engtiang chiah a dawt sawi thei nge i nih hriat te pawh achak awm alawm" beidawn hmel lutuk a min en te chu ka haw ngawih ngawih!





"Sawi zel ta che! I rinawm zia te chu sawi la, engtianga thui chiah dawt i sawi theih ka hre duh" ka ti leh nghek!






"Ka tan hian nangbak an awm lo asin kan pahnih hian hmangaihna vanga innei kan nilo ani maithei mahse.. "





"Nia hmangaihna vanga innei kan nilo, chuvangin tun ah hian ka then che, ka then che... "


"Honey.... Kan inkar a thil thleng te kha ka lo rin dan chuan.. '





"Nia nupa kan nia kan tihtur ve reng ah ngai rawh, i inchhir anih chuan tihpalh anihkha! "





Ka sawi zo chiah a nghet lutuk in min kuah bet nghal hmiah!





Ka tal nghal chiam a, min thlah duh der lo!





"Tihpalh vang anilo, sawi pawh sawi tawh suh... I tan a hmasa ber ka nih ang khan ka ta chauh i ni i hria em? " nghet zet in a rawn ti thawp sup.






"Ka hua che... I ta ka ni lo "





"Zorinpui che tawh suh ka kuah duh che! "





"Hmel a ka hua che ka haw lutuk che"





"Ka hmangaih che" a rawn ti thawp sup.





Rang zet in ka inla hrang thut! A inring hman bik lo ani ngei ang hamhaih hmel lutuk in min en!!






"Min hmangaih thu i sawi maw? "





"Aw... Zorinpui ka hmangaih che! "





Ka biang ah ka mittui a rawn luang zawih a! Ka nui chhuak hak thung!






"Zothanpui mi mak tak chu inih hi! I bialnu in i fa apai laiin min hmangaih thu i sawi thei ania.. "





ZOTHANPUIA. P. O. V






A thusawi chu ka hrethiam mai lo!





"Nau pai a! " ka ti nghut





"Aw... I bialnu Ruatdikin i fa apai i duh leh va hruai nghal rawh! " thil awiawm loh lutuk! Ka fa pai chhan tur aneih miau loh avangin ka nui suk ringawt!






"Mi sual pa... Va kal rawh" lungchhe zet in a rawn ti sap a





Ka kuah bet leh nghal hmiah!





Eng dawt thu nge maw Ruatdiki pawh chuan alo sawi reng reng ni!






Talchhuah tum in min nem chiam chiam na pawh chu ka ngaipawimawh duh der lo!






"Riatdiki chu i thik ani tiraw? " huatna mitmeng tur zet in min melh a, ka hlim avangin ka nui leh suk thung!





"Mi rapthlak pa! " a rawn ti leh chiam!





Ruatdiki chu alo rai anih pawh in ka fa ani miau lo a chuvang in ngaihpawimawh chhan tur engmah ka nei lo, mahse ka nupui hian min duh chumai anilo min hmangaih tih ka hriat chian phah!





Chuvang in ka hlim!




"Ruatdiki a rai anih chuan lo rai maimai rawh se, ka fa anilo" mak tih hmel zet in min en nghal kawk!





......




"Nupui ineih angai! "




"Chuthu bawk chu" ning zet in ka ti nghut!





"I kum zat ngaihtuah rawh! I nu nen kan upa tawh hetiang hian i awm maimai thei lo, pui tur che pawh i mamawh! "






"Puih ka ngailo, keimah in ka ti thei" ka ti leh nghut a! A chawei lai thulh meuhvin ka nu pawh in min en leh tawp tawh!





"Tunge i nula kawp thin te kha khatiang nupui tlak anni reng reng lo, mo atan ka it miah lo ania" ka nu in arawn ti leh bawrh bawrh!





Tlangval ka ni a, ka pian leh hmel pawh vantlang chunglam a ni ve a, bak ah sum ka lo ngah ve zel bawk nen nula han kawp tur hi chu ka haihchham lo.





Nula chhe lo leh inphelh ruak hreh lo, zanlam ngam ve tak tak ho hi ka kawp thin te chu anni deuh ber. Tunlai tak phei chu Ruatdiki nen kan inzui ngawrh deuh bik. Ka nu hian a duh lo hle tih ka hria ka dem lem lo keipawn nupui atan neih tumna pakhat mah ka nei bik lo.






"Nupui neih hrim hrim ka duh lo alawm! " ka ti leh nghut a, ka pa a rawn rum chhuak nghut.






"I neih angai animai, mo atan a it deuh te pawh kannei ania" ka hnial hlau zet in ka nu in min rawn melh a, ka ner nawk ringawt!





"Pu Zamliana fanu te saw an fel a, hmeichhe pathum lai an awm a, it deuh te pawh kannei ania" ka nu in arawn tih chuan ka ner leh nawk!






"Pasal nei an awm anilawm ni? " ka ti nghut! PaZamliana fanu te ah fel deuh an awm pawh ka hrelo, ka nula kawp ang te tho anni in ka hria, inchei parh ve thei zet zet tho.





"Aw.. A nau te pahnih an la awm a, Rci leh Zorini , a kaisan kan lawm dawn tak kha maw? Lo kawmchiang la, i duh zawng tak te pawh anla nithei asin i duh loh tlat leh tihngaihna a awm lo animai" ka nu in a rawn tih chuan ka bu rang hle.





A tu amah ka duh zawng an awmdawn lo tih ka chiang em mai.




.......




Zorinpuii ka hmuh hmasak ber ni chuan buai zet in alo che kual a, a unaute thung chu kawtzawl sir lam ah an thiante niawm tak nen anlo nui ho ar ar thung.






An in kan thlen atang a kan haw thleng khan a awm maimai lai ka hmu lo hrim hrim!






A rualpui te aiin a sang a, nula han ti ila ka hmuh dan chuan tleirawl te chauh ala ang mah zawk. Vun ngo lam nimahse ngo vur chu ani biklo, cher lam deuh mah nise ahmai a bial kak reuh!





Apa in afanu anih thu sawi a min in hmelhriat tir bak min melh zui tawh lo! A u hmeichhia te erawh hrilh chawp ngailovin min be thiam zek! Rual kawm an thiam hmel khawp mai.





Mahse min ngaihven zui eih lo tu Zorinpuii chuan engemaw ti riauvin min hip! Belhchian ka chak ru tlat lawi!






A unau dang te anglo takin a inthlahrung in a ti duk reng, an chhungkaw mi a anglo zawk hial. Heng zawng zawng hi ka chik em avanga hria pawh ka ni maithei.



A sam chung lam ah a bawk tawm chho vek a, a nui hmel hmuh a nuam riau bawk





A u Rci hnen ah a nau chungchang ka zawh lah chuan fa lak anih thu awlsam zet in asawi nghal bawrh bawrh!





..........




Khami ni atang khan neih ka duh nghal hmiah kha ani a, mahse min neih chu thih hreh in a hreh hmel thung.






Hmeichhe dang anglo zet a min hnaih a hreh hmel ngawih ngawih te ka lak a a ti duk thin te chuan ka tha a ti tlat bawk.





Kan inneih zan ah ngei pawh kan inthen leh tur thu ka hrilh a, then tumna erawh ka nei lem lo.




Zan a ka chhuah san a, ka riahbo chang a tam, ka awm dan chu engmah sawilovin a enliam char char zel.





Ka beidawn em avanga a laka ka sual chang te khan engtin nge min dawh reng peih zawk tih ka in zawt ru fo thin.





Ka hnaih chakna kha duhna in a inthlak a, a tawp ah hmangaih na in!


Ni e, ka nupui Zorinpuii hi ka duh a ka hmangaih takzet!





Mipa dang nen a hmuh dun tur awm ngailo kha ka hmuh dun meuh chuan ka insum theihna zawng zawng an bo vek!





Kha Marcusa kha ka thik lutuk takzet hi ani tawp! Chuvang tak chuan alak ah ka sual phah hle bawk! Engtianga chet ngai pawh nise ka ta chauh anih dawn chuan pawi tihna ka nei lo!



......





"Dawt sawi suh aw.. I fa ngei anih thu a rawn sawi alawm" tah chhuah hmel zet in a rawn ti leh tiau, min rin nan hian enge ka tih ang?





"Lo kal rawh" ti sup in a kut ah ka chelh a, pindan atangin ka chhuahpui nghal hlawk hlawk!





"Hei min thlah rawh enge a" ngaipawimawh duh lovin pawn ah ka chhuah pui!





"Ka ban a na! ". A rawn tih rual rual in ka thlah nghal vat.





"Khawimaw? " ti sup in a ban ka la kang a, en ka tum chu a hnung lam ah a thukru a, min melh nghal rawm rawm!






"Enthil nge i tih" a rawn ti vin hlar!





A chezia a dam dap a, nu hnap thin khan tawngkam vin min hmankhum chu ani sia, a thinrim ve hle tih ka hre mai.





"Ruatdiki kan va hmu anga, DNA test kan nei nghal bawk ang"






"Maw? Engvang in". A rawn ti bah nawk a





"Ka fa anilo tih i awih si lo a kan va fiah ang"




Thil sawi tum ni awm tak in a ka a ang ziau a, a chip leh hmak! Hriatthiam har zet in min melh leh kar!





"Aih chutiang a tih ka duh lo" ti sap in inchhung ah min luh san daih.





Rang zet in ka zui a, pindan a luh leh nghal a tum chu a hnung lam atanga kuah bet in ka chawi kang nawlh a! A rak nghal that!






Sofa ah thut pui in ka kuah bet leh nghal hlu hlu!




A chang chuan a thik ka duh thin avang hian hmeichhia ka kawp san anga ngai tur a duh chang chu ka nei thin tih ka inpawm! Mahse ka hlawhchham vek ni khan ka inhre thin a, hetiang emem a tihnat hi ka duh dan ani lo. Min then phah hial a duhna tur phei chu ka duh lo leh zual.






"Min kuah nghet lutuk! "




"I tlan chhe leh daih ang"





"Min thlah deuh teh, tihian chelovin ka awm char char ang"





"I kalsawn chuan ka man bet leh nghal dawn che a nia"





"Ummm i ninawm". A rawn ti leh nghal hlar.





Ka kut lehlam a kuah bet tlat chung in lehlam in ka phone ka la chhuak a!





Ruatdiki Number dial in loudspeaker ah ka dah nghal hmiah!





Hrethiam lo zet in min en nghal haw a!





"Hello.. Uthanpui" a rawn ti no sap mai




"Kan in ah i rawn kal tih ka lo hria a" nelawm loh zet in ka ti chang nghut!





"Ihh englo... Innu ka rawn hmu lawk a... "





"Nau i pai tih ka lo hria a" ka ti leh nghut!






"Ihhh englo... Uthanpui hmeichhe dang laka min kalsan vang anihkha". A rawn ti bah nawk!





"Tu hmeichhia nge i sawi? Kalsan tur che in kan inkar ah enge awm ? nupui ka neih hnu ah ka khawih leh che em vawikhat pawh! " min en kar tu ka nupui mit ah ka fawp pah zauh!






"Min hlat i duh tih ka hria mahse ka thei lo! Ihhh i nupui bul ah pawh ka sawi vek tawh"





"I naupai chu tu fa nge? "






"Uthanpui"






"Tu fa nge? " zaidam lem lo zet in ka ti nghal hrawk!






"Nau ka pai lo" a rawn ti sap a, a rawn inhnit nghal feih feih!





Ka ngaihdan anih loh em avangin ka thaw hawk a,a dawt sawi avang tehhrep khan khawngaihna ka nei lem lo.





"Ka nupui bul ah i rai loh thu leh kan inkar ah engmah a awm lotih i lo hrilh dawnnia, hmuh leh che pawh ka duh tawh lo aw"





"Uthanpui" mangan hmel zet in arawn ti ruai a





Thaw hak a min kuah bet tu ka nupui chu ka kuah let nghal vat!




.......





"Min ring tawh em? " min chhang lovin a bu nghat!





"Min then i tum tawh lo tiraw? " dam zet a ti sap in a lu ah ka fawhsak zauh a.





"Anih tunge Ruatdiki sawi hmeichhia kha! " a rawn ti leh nghek!






Lalpa leh!



Ka nui chhuak tawp!





"Tu hmeichhia maw? "






"I hria! "





"Umm. Anih ka nupui thikthu chhe te Rosalindi kha i hria em? Dawr a thawk kha kha... "





"Dawt i sawi em? "






"I duh chuan ka phone leh engkim i check vek thei"





"Chutiang ka duh lo" a rawn ti tan tan!






A biang tawn tawn a dawm in ka fawp nghal hmiah!





"Ka ril a tam! " a rawn ti sap a, inthiam lo zet in ka pawm tho nghal lawp!





Engmah eilovin min lo nghak tang tang ani sia.






........





Movie en in khum ah kan mu a, hmuhnawm ti tak in a en a, keiin a mah ka en thung!





Ka nupui ka hmangaih emem engtik ah mah tihnat ka phalloh tur anih hi! Ka theih tawp in ka duat anga ka ta chauh ni khumkhua tur in ka siam bawk ang!





Sawifiah phak bak in ka chhungril hi a hlim a ni.



.........





ZORINPUII. P. O. V







"Dah tawh la.. " ka movie en lai chu a rawn pause a ka melh nghal ram ram!





"Mut i kham dawn lo a nia"






"Ka tho har maiang tihtur ka nei chuang lo" ti hliai in ka play zawm leh nghal zat!






"Nangchu.... " naupang ang chiah in a chal a rawn ti chuar tap




"A tawp tep a tawp veleh ka mu ang"





"Anih" ti sup in min rawn si nghal chet!






Ruatdikin a fa a pai lo tih ka hre tawh a, kan inneih hnu ah inzawmna an neih loh thu asawi kha chu ka awih nge awih lo ka hrethiam lo.





Rin vek ka duh a, mahse kha chen ngaihzawng dang nei angin ka ngai tawh a, zan ah a riak chhuak fo bawk a nih kha.






Engpawh chu nise khang kha ka ngaihtuah let duh tawh lo! Tun a ka awm dan hi ka duh, tun atangin bul kan tan chiah ah ka ngai, hun kal tawh kha chu engpawh nise ka ngaihtuah let tawh lovang.







"I ril a tam em? " a rawn ti thawp leh sup. Kan thil en hi hmuhnawm ati lo nge angaihtuah hlawl. Lo






"Aih" ka ti sup a, amah pawh en chuang lovin ka lu ka thing leh vut.






.....





"Ka nupui khawizu ang mai a thlum tui te.... " ka melh nghal kawk!






" i over" ka ti nghal nghek!






"Khawizu ai pawh in i tui zawk"






"I tenawm in la ril vel suh" ka nuih tawp! A mah nen pawh hian a inhmeh thlawt lo.






"Ka bialnu i ni duh em? "






"Bialnu maw? I nupui ka nihhi"







"Inngaizawng miah lovin kan innei a, ngaihzawng neih awmzia pawh ila hre miah lovang! Tun atangin ka bialnu ini i hria maw? "






Chhan ngaihna pawh ka hrelo!







"Mipa dang i be thiang lo, keimah chauh min duh bur tur ania, chuan engpawh thleng se a te ber atanga. Alian ber thleng in min hrilh vek tur aniang... "






"Chuan... "






"Engtik ah mah kan inthen thei lo bawk! "






"Huhh... Atha lawm! "






"Anih nang enge i duh ve? "






"Ihhh.... Dawt min hrilh tur anilo"






"Chuzawng chu maw?" Mit ti zim sun in min melh a, alang pa emem bawk!






"Ummm... Engpawh nise dawt min hrilh tur anilo... Ho te te pawh nise, chaw i eilo anih pawn ei anga insawi kha ka duh lo. I hrethiam lo maithei a... Mahse.... Ihh.... Ho te ah pawh dawt min hrilh suh chu chu ka duh lo" ka ti bah niai






"Ka hrethiam e... " ti sup in ka chal a rawn tauh dat a





"Min ring rawh! Dawt ka hrilh ngailovang che" a rawn ti thum ruih.






Dawt a sawi loh zia a mitmeng ah ka hmu thei hial.





Mak tak maiin a thusawi zawng zawng te kha ka ring thlap vek bawk!








(Zanin chu in chhiar nui ver ver thei em ang chu!! 🤣🤣🤣🤣 ka fel sia han click ve pawp pawp ila.. Click kim zan ah te puang vel ilaa.. Ehh, 🤩🤩🤩)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 26th, 2020, 2:17 pm

HONEY - 9
BY ESI TAYLOR






"Ka lo haw vat ang! " ti sup in amah si chet in min kuahbet a, ka nui ri nghal hak!





"Engtianga hma in nge! " ti sap in ka melh chho nghal haw a





"Ka kallo zawk mai dawn mi? " kunhniam in ka hmui ah a rawn fawp zauh!






"Ka ngaih hun ah che i lo haw ang"





"Hmm... Tun ah min ngailo tihna ani maw? " a tum nghal bur avangin ka nuih leh tawp tawh! A chet dan hi a naupangchhia thei si.







"Rawn haw vat ang che! " ti hliai in kalsawn ka tum chu a la phallo nasa!






Ahma ai a nghet in min kuah bet hlu hlu a, "kiss ka duh! "




Dingdihlip ak ak in a nghawng ah ka kuah a, ka fawp nghal hmiah!






.....




Ka hma lam hun ah enge lo thleng ang hrelo mahila ka kiang ah ka pasal a awm chhung chuan engmah ka hlau lova, kan pahnih kan nih dawn phawt chuan eng harsatna pawh tawk ila pawi ka tilo ang, ka kiang ah min venghim tu leh min hmangaihtu ka pasal a awm chhung chuan ka vui ngai lovang!






"Tun lai chu i mar tha riau mai" a thil ei lai a ei zawm mawlh mawlh a, a thusawi ka hriatthiam loh avangin ka melh tawp






"In pa nen a hmangaihna par tlan dun vel chu anuam a ni chek ang chu! "






"Lalthatluang! " ka ti nghal nghek!






"Hetiang anih chuan pasal neih ve mai ka duh... "






"Ngaihzawng pawh i neih loh kha.. "






"Duh tur ka hre thlawt lo.. Tak tak in Zorinpui tun lai chu i mar tlat"





"Enge mar chu? "






"Aw... I vun hi mawle, cher chhe zawr deuh kha i ni tawh lo, i vun hi a mar nalh tlat"





"Tak tak maw? " ti hliai in ka hmai ka khawih a, chutianga ka danglam vak pawh ka hre lo. Ka hlim em vang pawh ani maithei!





"Enge i hman a? "





"Engmah ka hmang hran lo"
.





"Nanghi! " ti nghek in min rawn en kawk!






"I thil ei lai kha ei zawm mai teh! "





"I rai ani lo maw? "





"Enga! " ka ti nghal nghek!




"I mawl mi? In tih ve thin te chuan i rai thei alawm mak vak pawh a awm loh chu" ngaihsam hmel zet in a rawn ti leh nghek,





"Ei vat teh ang! Ka rai ani maithei test ang" ka ti nghal chul!





Ka period hun a pel tawh a, chuvang in raina chance ka nei tih ka hria. Ka thil ei lai pawh ka ei hleithei tawh lo.






Kan ei zawh veleh rang zet in kan inphur chhuak a, Bawngkawn a damdawi dawr ah test kid paruk lai leiin kan in kan pan leh nghal nal nal.




.......




"Ka rai tak tak !" Ti nghek in test kid chu kan en dun a




"Vawikhat chiah va test leh teh! "



"Vawithum lai kan test tawh hi" ti nghek in test kid pathum chu ka keng kang va





"Vawi khat ti leh la a nih leh chuan rinhlelh tur a awm dawn lo alawm! "





"Ka zun pawh a chhuak tawh lo"





"Lawk! " ti nghek in pindan atangin a tlan chhuak a, a rawn tlan lut leh rang hle!





"Tui hi in pawp pawp rawh i zun a chhuak leh mai ang! " tih leh tui bottle ka kut a rawn hmehbel a rual nghal!





Kan nui leh rih!





Tui ka in pawp pawp a, ka rai ngei ani tih ka ringhlel tawh lo!





Ka hlim em avangin ka mittui a parawl tiau thei hial!





Thanpuia hrilh hlan mawlh ka nghakhlel! Ka lawm na tizual tur in min lawmpui emem ka thiantha ber Tluangtluangi ka bul ah a awm bawk nen sawifiah phak bak in ka hlim ani tawp mai!







Wash room atanga ka chhuah rual in

"Chuan ..." Alo ti nghal vat






"A chiang ta" ti nghek in test kid pali na chu ka hmuh a kan au dun chiam chiam!





"Ahming ka phuah fel tawh! "





"Engmaw? "





"Rinlohdeuhpaneia! "





"Enge a awmzia? "






"Aw... Uthanpuia hi then i tum reng sia.. Rin loh deuh in a fa i pai leh ta sia"





"Mawl mawl suh.. " ka ti nghal nghek!




Thanpuia lo haw hun nghak hman lovin test kid thlalak ka va thawn a, min rawn call nghal!





"Ka rawn haw nghal dawn! " tih chauh a rawn sawi.




......


Nau ka pai hma a chet a phal tawh loh nen tun ah phei chuan mu tawp tur in min duh hi ani ringawt!




Kawtzawl ah kan walk dun thin a, Nuhmingi bul ah pawh ka chet hrim hrim a phalloh thu a sawi tlang tawp!






Vanneihthlak takin naupai ka haw lem lo hlauh bawk nen keima tawk ah ka mum nalh ve ta viau bawk, eitur tha ei ta reng chu ka vun pawh anung sar mai.






"Vawiin chu naute hian enge a ei chak ang le" ti sup in ka pum la thep vek chu a rawn chul a, a biang ah ka fawh sak nghal zauh!






"Engmah a ei chak lo aniang! "






"Anih ka rawn haw vat ang aw... "





"Umm naute hian Papa lo haw vat a duh thin tih i hriat kha"






"Tehreng mai ka rawn haw hma viau ang" ti sup in min fawp leh vang vang





A chhuak tur te hi kan inthlah rei thei ania!





A motor lan theih chhung ka thlir liam a, midang te hi anni ve em ka hre lo a, ka pasal hi ka ngai ngawih ngawih ani tawp mai. Engtik lai pawn ka bul ah awmse min kuah reng se ti hial khawp in ka ngai.






Inchhung ah lut in tui ka in khawlh khawlh a, Nuhmingin kan chawei na a sil fel mek bawk!



"Tihtur emem a awm lo bawk a vawiin chu bazar a chhuah phei ka duh a...! "






"Aw... Uthanpuia rual khan kal nghal a rem nen! "





"Aih ka hmanhmawh chuang lo, kan naute in a ngen rei tawh sia ka va lei sak nge nge a nge! "






"Ni dawn tak a tha alawm, an thianten an neih miau chuan a buaithlak thin" ti hliai in chair ah ka thu thla a, Nuhmingi che vel chu ka en kar





"Retheih nen a buaithlak thin a nia! "





"Va kal rawh rawn kal leh kher pawh angai lo ania... "






"Tlai eirawngbawl tur in ka rawn let hman ang, chuti lo chu inpa in a hau leh mai ang che" a rawn nui nghal hak a, keipawh chuti tho!





"A ti awmang lo thin ania.. "





"A hmangaih zia che a tih lan na a nihkha, a en ringawt che pawh hian ka hrethei thin i vannei ngawt mai kan pa te ve hi chu maw che reng tur hian min ngai a" ka nui hakhak na in a thusawi chuan min tihlim ru phian lawi.





.....




Nuhmingi chhuah fel hnu ah mu tur in pindan ka pan nghal vat a, mu chung in phone ka khawih niap niap a, ka call leh nge nge!





"Yeassii Honey! " phur hmel zet in a rawn ti nghal var





"Ka ngai leh tawh che"






"Ka lo haw nghal dawn em? "





"Aih mahse chawhnu lam ah lo haw la hma deuh in"





"I duh chuan tun ah pawh ka lo haw nghal ang! "






Ka nui nghal var var!





"Aih angailo, lo haw hma emem la a nimai" a rawn nui nghal hawk!






"Ka hmangaih che" a rawn ti thum ruih a,




"Keipawh" ka ti let nghal var! Ka hmangaih che han tih ve tawp hi ka la zak deuh tlat.





......






Ka muhil dawn siar siar tih ah ka phone ri in min ti harh a, ka phun nghal hlak!





Ka naupai vang nge ahma aiin ka phunchiar a, ka thinchhiat phah ve viau bawk! Thanpuia hi chuan min nuih liam vel. Maimai zel.






"Enge i tih! " a rawn ti nghal nghek





"Ka muhil lai min rawn tiharh ania.. "





"Raipuar ho mutduh zia hi aw.... " ka nui chhuak tawp.





"Enge a! "





"In veng Hospital ah ka rawn kal dawn a, haw lam ah ka rawn kal dawn thingpui lo lum rawh! "






"Awiii doctor thu tak ini"





"Doctor thu awih hi naute tan khan atha dawnnia"




"Aw rawn kal rawh! " ti nghek in ka off zui a, a nui hawk ri ka hre hman.






Marcusa lo kal hma in ka la muhil hman ang, phone dah thla in ka maimitchhing leh nghal hmiah.




.......





Door bell ri chhen in min tihharh avangin peih lo zet in ka thu chhuak a!






Marcusa a nih ka rin avangin ka phunchhuak hlak!






Ava rawn thleng hma tak ti nuah nuah chungin ka chhuak a, sana lian zet ka en chuan dar12 alo pel tawh. Ka murei hman viau mai.







"Nangmaw? " ka beisei loh ber Ruatdiki hmel ka hmu chu ka phu deuh zawk!






Kan in a a rawn kal bak kha kan la inhmuh leh loh bak ah kan inbe tawh ngailo.





"Ka lo leng lawk dawn! " ahma ang bawk in ala confi thei tho nia.





Dawt min hrilh hrep tawh avang leh tunthleng a ka pasal biak ala chin a vangin ka lawm lem lo.






"Enge a! " ka ti leh hmuk!





"Reilo te biak che ka duh a.. Ka awm rei lo ang"





Ngaihdan nivak lo chungin a rawn luh na tur in kawng ka kian a, a rawn pen lut nghal zat.





"I naupai chu thla engzat nge nitawh? " a nui sawng te chuan min tihel deuh tlat a ka hriat pek chu






"Thla thum! "





"Ummm keipawn thla khat a upa ka pai mek asin! "





Ka melh nghak kawk!





"Tun tum chu dawt ka sawi tawh lo.... "






"Chuan enge ?" Ka hlauhthawn em avangin ka thin a phu nghal dup dup.






"Ihh... Ahma khan dawt ka hrilh che kha pawi ka ti.. Mahse hei nau ka pai ta tak tak a.. " ngawi dat in thawk a la leh te te a, a rawn nui leh sang thung!






"Hlauthawng suh i pasal fa anilo ania! " a rawn tih leh chuan mak ti zet in ka en a, ka thawl huai thung.






"Inchung lam ah khian inkawm ila khaw thlir pah in, sawi tan dan tur ber pawh ka hre lo" a hreawm ti hmel ka hmuh chuan engti emaw tak min khawih! Ka khawngaih chu ka tilo a, mahse nuam tih zan lohna ka nei thung.






Ngawireng in inchung ah kan inzui chho a, balcony ah chhuak in inhlat zet in kan thu thla nghal!





"Ihmaw? "




Chhang lovin ka en tawp!






"Kar hmasa khan ka rai tih ka inhria a, hmeichhe sual tak ni mah ila nu dinhmun a ka din meuh chuan nu tha tak nih bak a duh ka nei tawhlo.... "





"Ka lawmpui che"






"Uthanpuia hi ka duh lutuk a, mahse min hria anga ka duh viau chung khan mipa dang ka kawp teuh tho a, mi pasal ka ngaihzawn tlat vanga hremna ani ngei ngei ang naute pa hian a fa ah a pawm duh lo a... "





"Maw? "





"Ka tan chuan amak hran lo ka kawp hnem ve em a" a rawn nui chhuak hak a, keipawh ka nui ve tawp!





"Mahse Puipui nu tha tak nih hi ka duh ngawih ngawih! Ka theih i ring em? Ka pumchhung a naute ka hmangaih zia hi ka sawifiah thiam lo... "



"Tehreng mai pa tello pawh in tha tak in i enkawl thei ang"





"Ka beisei! " ti sap in ral lehlam a tlang lo lang ut chu a thlir a, ka khawngaih ve chiah!





Keipawn ka pumchhunga naute awm ka hmangaih zia hi ka sawifiah thiam lo, chuvang tak chuan naute hian pa nei se ka duh! Kei anga fahrah in a seilian tur in tu fa mah ka phallo.





"Englo... Ka lo kal chhan ber chu ngaihdam dil che ka duh a, aaa... Kan pahnih hian inrem ka duh... Thian tha tak. Nih te ka duh a.... ' a tawp lam phei chu a zuihral nuai thei hial.





"ngaihdam dil a ngai lo "





"Angai alawm.. Ka sualthiam zia hi ka hre chiang! Midang ni ta ila ka inngei ngawt ang"





Mak tak maiin inpawh zet in kan titi a, kan nui dun leh hak thin! Ni e, hmelma neih angailo, mi zawng zawng nen a inrem hi a tha tih Bible pawn a sawi chian em kha maw!





......



"Thingpui in ila.." Rei zet kan titi hnu ah ka ding chhuak a




"Ngawirawh nidang ah aw...ka hmanhmawh! E chuan Naktuk ah thla 1 vel bawr cham tur in Kolkata ah ka kal dawn a, ka rawn haw veleh ka rawn leng nghal dawnnia"





"Tehreng mai mahse ngati tehthut nge!"






"Nia... Hei helai chu i hria anga mi ten min sawi nasa dawn lutuk a, a hlimchhawn lai hi chu awmbo ka duh mawle" a rilru hrethiam zet in ka bu nghat a.




Kan tan a hlawkna awm silo midang chanchin sawi peih emem ho hian sim vek thei se ka duh ngawt mai. Mi rilru na leh hreawm ti ngawih ngawih in kan siam tih an ngaihtuah phak thin lo.





"Ka hmanhmawh ka kal mai ang" a ti leh hliai a, inchhung ah kan inzui lut nghal.





"E chuan !"





"Umm" inhnuai a achhuk tur chu a ding leh dat!





"Ngatinge Puipui min tihtlat a, midang in min ti ngai silo a.."





"Animaw? Uthanpuian Puipuii a ti zel che lawm" a rawn nui nghal hak.





Puipui ti a min koh awm pawh ka hremiah lo, a thinrim chang khan Zorinpui min tih a ching a, a bak chu ka hmingin min ko khat ve hrim hrim bawk.




......



Inhnuai pan a kan chhuk lai mek in door bell a rawn ri rang rang a, kan in en a kan nui leh rih!




Marcusa a nih loh pawn Thanpuia a rawn thleng ani ngei ang!





Hmanhmawh zet in ka pen thla a,





Step panga vel chiah a awm tawh tih ah ka pen thla leh chiah tur chu ka rap lek a, ka tlu thla nghal bur!





"Awi.... " ti nghekin Ruatdiki a rawn tlan thla ve nghal!





Chiang lutuk in ka khup ka sawh thla dawt a, ka mu thla nghal thlawp!






"Ana em? Awii i tho thei angem? " mangang hmel zet a tiruaiin tho tur in min pui a



"Ana vak lo" ka ti sap.




Thei leh thei lovin kan in kaitho a, rin aitak chuan ka tla na lo hlauh e.




Door bell lah a rawn ri chhen!.





Ka thawmhnaw ka siam tha nawk nawk a, kawngka hawn tum a ka pen tur chu ka pum a rawn na thip zawk zawk!





Ka ding leh vang vang!





"Na i nei em? " a rawn ti hliai a, ana a reh leh nghal mai avang in nuisang in ka lu ka thing nawk nawk a!






"Fimkhur viau angai anih kha" a rawn ti leh sap.




Kawngka hawng tur in ka phei a, haw nghal atum avangin min zui ve nghal vat.





"Na i neilo tak tak maw? "





"Neilo ka vannei tawp!"





Kawngka ka hawng chiah a




"Ngati emem nge a? " Marcusan arawn ti nghal nghek!





Ruatdiki nen an inhmu chu an "ehe.. " rual leh nghal thawt.




....




Kan chelh ngial pawn a hmanhmawh thu a sawi tlat avangin Marcusa nen kan thlir liam dun a, Marcus a hmel ah lah zawhna hlir hi ani ringawt!






Thingpui ka lumsak a, thu chungin ka tawng alo ngaithla thung!





"Chuan Ruatdiki chu i ring em? "





"Ummm ring e.. Ka khawngaih"






"Mahse atan a tha zawk anih chuan apawi chuang lo.. Chuan nang enge i an? "





"Keite chu ka tha lutuk"





"Aniang inpa lah hi a awm sakei mai si a"





"Tikhan ti suh aw... Ka tan ania" arawn nui nghal hawk.





.....




Kan thingpui inna seng fel tum in ka ding chiah tih ah door bell a rawn ri a, Thanpuia a nih ringin ka nui nghal hliai!






Kawngka ka hawn sak kher hi a phut thin tih ka hre chiang!






Kal mai ka tum chu ka pum a rawn na leh zawk zawk!





Ka ding leh chawt a!




Nichin a mi ang bawk khan a reh leh mai ringin ka ding leh deuh vang vang!





Ana chu a rawn na tulh tulh a!






Na tawh tawk a ni! Ka ding ngil hleithei lo!






Door bell bawk a rawn ri leh!





"I va hawng.. Ehe ngatinge" Mak tih hmel lutuk in arawn ding chhuak a





"Ka pum ka pum... " ka thlan fim a rawn bawl chhuak tiam tiam.






Ka bul a rawn thlen chuan ka ding thei tawh lo. Ka bawh nghal rawk rawk!






A nat zia chu ka sawifiah thiam lo!





"Ehe... Thisen a tha dawn lo" a rawn ti sap a, doctor anih avangin a che buai eihlo.







"Marcus naute... " thei leh theilovin ka ti chhuak hrawih a, anat em avangin ka vial ngawih ngawih!








"Ngatinge enge... " Thanpuia mangang aw ka hriat rualin ka bul ah a taksa lumna ka hre thei nghal.



"Hospital kal pui nghal angai ang" ka mit keuvin a rawn en a, engmah chu ka hre chiang thei tawh lo.





........





"Mate... " ka nu aw dam zet ka hriat rualin ka mittui a rawn parawl leh nghal tiau.





Nau ka chhiat!





Step a tang khan tlu sual lo ila chuan nau ka chhiat lovang, keimah vang vek! Ka fimkhur loh vang vek ani.





Thanpuia hmel mawlh mai chu hmuh a hreawm ngawih ngawih!





Nizan ah hospital ah kan riak a, ka nu leh Thanpuian min riah pui a, tuman engmah kan sawi lo.






"Lungngaih lutuk tur anilo fa dang innei leh mai ang" ka nu bawk in a rawn ti leh sap a, bu nghat in pawn lam ka thlir daih.





Inchhung a kan luh te chuan ka tah hi a chhuak ngawih ngawih! NuHmingin eitur thahnem zet alo siam a, ka nu pawh in a ei ve nghal.




.......




Muhil thei lovin ka meng kar a, ka phone sana ka en chuan dar11 a pel tawh!





Thanpuia a rawn la mut loh avangin ngaihtha zan lovin ka tho chhuak a, kei ang thovin nau ka chhiat chu hreawm a tih zia ka hriat avangin hnem dan tur ka hre bik chuanglo.





Hospital ah khan ka nu in min riahpui bawka vang khan kan pahnih in kan la inbe mumal leh meuh lo.





Bak ah keimah vang, ka thiam loh liau liau ani tih ka hriat avangin hreawm ka ti ngawih ngawih bawk si.





Arawn mut tak mai loh avangin ka tho chhuak a, min hrilh lova a chhuah mai ka hlauh avangin ka thin a phu dut dut bawk!







Living room thim ruih ah beer a in ka hmuh chuan ka thaw nghal hak!






Light on in ka pan hnai nghal vat a, a inzawh tawh na cane ruak alo let rum bawk!







"Lo mu tawh la... " ka ti sap a, min chhang lo!






"I inhnem tawh emai... Lo mu tawh rawh"





Mitmeng sen ram in min melh a, a hmel ah chuan min huatna mitmeng bak ka hmuh loh a vang in ka tim nghal chawih chawih!






Hetiang a hlauhawm hian hmuh ka duh lo takzet! Hetiang hian ka chung ah awm lul suh se.






"Uthanpui! " zawi zet in ka ti sap a





"Va mu rawh" arawn ti vin hrawk anih chu.





Ka phu deuh zawk!





Ka taksa a chak lo bawk nen ka khur nghal dawt dawt!





Rum zet a min en chung in a beer ken lai chhuat ah a paih pawp anih chu!





Hlau lutuk in ka rak chhuak thawt a!






Ka tawlh hnung nghal dawt!







"I duh i hmu ta... " a rawn ti thawp ruih!






Rawn ding chhuak in min rawn pan hnai a, hlau lutuk in ka khur hlawk hlawk!






Ka hmai ah na zet in a rawn beng!






Ka bul a sofa ah ka tlu nghal hnawk!






Ka biang sa leh thip lutuk chu ka kut in ka dawm a, ka mittui a rawn baw nghal zawih!





Tun ah khan min beng!




Kut min thlak!





Ka chet ve eih pawh phallo a min duat lutuk tu khan min beng!



"Nanghian.. Nang hmeichhe tenawm lutuk hian ka fa kha i that amaw? I bialpa nen a inthurual in ka fa kha in that a maw? " chang zet in arawn ti khur dawt dawt a!






A thusawi chu mak ka tih em avangin chhan mai ngaih na pawh ka hre lo!





Rilru na lutuk in mittui kar atangin ka en a!





A mitmeng sen rum te chu ka hmu phe ruai!






"Enge ka fa khan tihsual aneih ve a? " a rawn ti leh hrawk!






"Ka duhvang anilo...... Ka tihluih anilo.... " mangang lutuk in ka ti tawk tawk!






"Engvang nge? I bialpa nen a in awmdun theih nan maw? " ti thawp ruih in hnai lutuk ah min rawn bih.






"Ka tluk vang khan aniang.... " ka ti bah leh nawk a.





Na zet in ka sam ah a rawn tham!





"Kha i bialpa nen khan ka that dawn che u" arawn ti khur leh dawt dawt!





A rak chhuak hrawih a!






Nazet a kawngka rawn khar ri bur in a chhuak zui!





A motor ri a reh thak thleng in ka thu khur dawt dawt a.





A reh fel vek ta maw tih ah awrawl chhuah meuhvin ka tap chhuak nghal hawm hawm.





(Naktuk zan ah ka awldawn avang in thui tawk ka rawn dah khi aw.. 😍😍. )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 26th, 2020, 2:17 pm

Honey - 10
By esi taylor







"Thil enge maw tal eirawh aw! " Nuhmingin arawn tih chuan chhang lovin ka lu ka thin san a, ka bul a pot tlang chu tullo zet in ka khawih niap niap ringawt!






"I taksa a chaklo bawk si a, engemaw in rawh aw! "





Ka lu ka thing leh tawp!





"Zorin lungngaih lutuk tur anilo ania, fa dang innei leh mai ang! "





Muangchanga dingchhuak in ka en a, ka nui lui sang





"Nakin deuh ah aw" ka tih tak ah chuan bu nghut in inchhung ah min luhsan ta hram!






Ka pasal in kut minthlak in min chhuahsan a, zankhua in a rawn haw lo mai pawh nilovin a zin bo nghal daih!





Ni hnih lai a liam tawh a min rawn be ngailo a, ka call lah a chhang ngai miah lo bawk!





Ni hnih chhung lek khan ka taksa hmuh theih in a danglam hman a, ka pasal ka laka lungawi lo emem kha hrilhfiah theih ka duh takzet mahse min be duh miau bawk silo.






.....




"Inpa lah chuan a rawn haw theih hun ala hre bawk silo a"





"Maw? " ka ti nghal nghek!





"E nitak nichin khan alo call a, a be thei lo che ani awm e chuan ka la rawn haw mai hmelloh atia... "




Min rawn biak a tum tak tak lo tih ka hriatchian em avangin ka hnual nghal rawih! A dam tha tih tal ka hria a alawmawm tho!





"I ril a tam em ka peih tawh ania.. "





"Ka la eichak lo, nakin ah ka ei ang lo va haw hma zawk rawh"





"Atam thei ang ber ei i ngai ania aw... " min ngaihtuah hmel zet in a ti leh sup a kan nupa inkar hrilh hre vek lo mahila hriatthiam chin a nei ve tho ang tih ka hria, chuvangin alak ah pawh hian ka inthlahrung ru ngawih ngawih.






"Ka lo ei teuh ang, ka eichak zawng hlir anni bawk si"




"Anih ka hawsan mai ang che" hreh hmel zet a a insiam lai chu ka en a mahni a awm rih ka duhzawk hrim hrim.




......




Engmah eipeih lovin khum ah zawi zet in ka bawk a, Thanpuian kut min thlak zan bak kha ka tap leh tawh lo. Khami zan erawh kha chuan zankhua deuhthaw in ka tap anihkha.






Ka rilru leh ngaihtuahna te chu hmun tin ah an vak darh a, ka pasal hi hetiang emem hian ka lo hmangaih hi keipawh in mak ka ti hial zawk!





Ni e, kut min thlak kha chu ka la na tehmeuh mai mahse ka ngaidam thei vek thung. Ka kiang ah awm tlat tur in ka la duh cheu!


Thaw hak in ka tho chhuak a, ka lan dan pawr zet chu min hmu tu an awmlo hlauh a a zia phian zawk! Ka chhe ngawih ngawih hi ani ringawt!





Choka ah lut in beer in tur ka la chhuak a, tukverh ka check fel leh vek hnu ah pindan bawk ka pan leh!





Mahni a awm hi ka tihthan anih avang hian ka hlau lem lo. Mahse ka khua a har ngawih ngawih thung.






Pindan chhung a sofa ah duhdah zet a thu chungin beer ka in a, ka thil in chuan a lung a tileng zual zawk!






Thanpuia khan Marcusa nen kan inkar ah thil awm ang in a ngai a, inthurual a nau ti tla lui hial ah min ngai bawk anihkha.





Engvangin nge Marcusa ngei ka hrilhfiah tir mai loh ang?!!






Zahthlak viau mahse ka tel tir ve mai angai ani, anih loh chuan ka pasal hian min haw kumkhua mai ang!





Rangzet in khum chung a ka phone let ngat chu ka va la a, sofa bawk ka panpui leh!





Ka mut nasat vang nge khum te hi ka hne riau!





"I tha maw? " a rawn lak rual rual in a ti nghal tawp.





"Umm nang? "





"Ka tha ka lo ngaihtuah lai tak che ania... "





"Ka lo biak dawn vang che aniang" ti sap in beer ka lem ri leh khalh!






"Enge ni ta a? " a rawn ti thawp sup a, ka sawi hreh lutuk chu ka ngawi leh vang vang phawt!






"Zorin.. "






"Ih englo ania.. "




"Ka ngaithla.. "






"Ka pasal nen a kan chungchang" arawn thaw ri nghal hawk!





"In inhau em ni? "






"Aih ... Ihmaw hmanni khan thil thlen ni khan kan pahnih a kan lo awmdun min hmuh kha..."





"Aw"






"A ngaihdan chuan kan pahnih in nau kan ti tla ah angai a.. Kan pahnih hian kan inngaizawng ang in angai a" ka heh ka pet fan fan a, a tawp lam phei kha chu a hre pha lo hial maithei!






"Hmela maimai chuh! " a rawn ti deuh hrawk!




"Aih Marcus a rilru nat vang ania, ihh lo bia la lo sawipui rawh aw... "





"Awle ka ti ngei ngei ang! Chutiang mi ka nilo " lungawi loh hmel zet in arawn leh hmuk!






"Ka tihpalh... A zahthlak ka tan pawh hian"





"Hey... Chutiang sawi angailo ka tan chuan farnu ang alawm inih lungngai lo laa"




"Ummm! " ka ti zuai leh raih.




Tluangtluangi call ka dawn avangin ka biak leh vat tur thu sawiin kan inbiakna kan ti tawp zui a, hreh zet in ka chhang zui!






Thanpuia nen a kan inkar engmah ka hrilh rih lo!




"Zorinpui! " ka rin ang chiah in a rawn ti leh nghal nghek!






"Enge! " a mah aia pawr in ka ti let a, ka thil in khan hna a thawk ve deuh bawk nen, han pawr deuh chu nuam ka ti phian.






"Awiii... " a rawn ti leh nghek!




Ka nui nghal hak!





"Inpa hi enge a awmzia! " ka thu khawng nghal zawt!







"Maw? "





"Inpa hi... Zothanpuia hi! "






"Maw? I hmu mi khawi ah! "






"Hei kan piah lawk ah hian a awm nula pakhat nen an inthut hnaih mah mah mek"





Thinphu dawt dawt in ka awm ka dawm a





"Khawi ah"





"Falkland ah ka thianpa birthday party .. Awiiii... Nangni hi in inhau nge enge awmzia? "





"Amah ani tak tak em? "





"Hmeli inpa hi ka hai i ring a mi? Lawk! " a off zui nghal daih!






Falkland ah nula nen maw?





A zin tak tak miah lo!




"Mahse nula dang nen lehbawk maw? "






......




Dawhkan chung a beer bottle pakhat chu hawng in chawlh eih lovin ka in zo nghal vek!





Ani thei dawn ami?






Message ka dawng tih hriat zet in ka phone a rawn ri tlang a, ka en nghal rawk rawk!





Ka pasal ngei ani e!




An thutna hmun chu a thim deuh mup a, a bul ah a mah hnaih zet a hmeichhe thu chu a hmel langchiang vak lo mahse a inha bul hle thung!





Awmngaihna hrelo hial khawp in ka awm a rawn in hnawh nghal tup tup!





Kan inkar siamthat dan ka ngaihtuah mek laiin ani chuan hmeichhe dang min pansan leh nghal!





Hei aia na hi khawvel ah hian tawrh tur a awm theih pawh ka ring lo hial!





Tluangtluangi min rawn call leh na pawh chu chhang thei lovin ka phone ka melh tlawk tlawk a, tun ah hian thih daih mai ka duh hial!





"Nakin ah ka lo call ang che" vawi thum zet a rawn call hnu ah message ka va thawn tawp!





Enge ka tih ang? Engtin nge ka awm ang ka hrethiam lo! Ka mittui rawn tla chu ka kut in ka hru tawk tawk a, ka na a ni! Ka na ngawih ngawih!






Khur dar dar chung in ka phone ka la kang a, ka inthunun hram hram a ngai ani.



Ka call ang nge call lovang!





A tawp nan tal pawh ka huaisenna zawng zawng ka sawm khawm tur a ni!





"Hello! " hmeichhe aw in a rawn ti leh ngat phei chuan ka keh chhe vek tawh





"Thanpuia ka be duh! "




"Lawk! " a rawn ti leh sap





An awmna hmun bengchheng nuai nuai avang chuan party na hmun ah an la awm tih pawh ka hrethian nghal!





"Ka hmu miah lo"




Ka thaw nghak hak!





"I hmu lo amaw? Engvangin nge a phone kha i lo chhan ve ngawt" ka ti nghal nghek!






"Hmeli rawn pawr vak suh bak ah Uthanpuia hi rawn tibuai ve chhen suh " kei aiin a rawn pawr zawk!





Ka rui ve tho bawk nen ka alh nghal pup pup





"Tunge i nih ve hrep a! "





"A bialnu i ninawm chingcheng reuh Uthanpuia hian maw ngatan mah a ti lo che" a rawn ti leh nghal nghek!






"Khawi... "





"Rawn call tawh ngai suh" rawn ti leh nghek in a off zui nghal daih anih chu!





Ka theihtawp a ring in ka au chhuak nghal nghek!





Thinrim zet in ka call leh nghal zat!





A reject hmak anih chu!



......




Zawi zet a chhuat a ka thu sawp niah chu inngaihtuah chhuak in ka ding nghal zawt



Rang zet in Ka closet ah lut in ka theih anga tam ka thawmhnaw ka khung khawm nghal sawk sawk!




Ka mamawh tur bak ah ka ta liau liau hi chu ka khung khawm nghal vek!





He in ah hian vawikhat pawh pen luh leh ka tum tawh lo chuvangin ka lak bak hi chu a duh leh lo paih vek rawh se!





Note book la in thenna thu ziah ka tum a,rei zet ka inngaihtuah ngial hnu ah pawh ziah tur thlawt ka hre lo.





Hlim taka awm tur a chah ka duh a, mahse ka tello a hlim tak a awmtur in ka la phallo fo.





Ka ngaihtuahna ah engthu mah a awm miau lo!




Thaw hak in ka dah let a, ka kut a kan inneih zungbun chu ka melh nghal vang vang!





He zungbun hi hnutchhiah ila engkim a hrethiam vek ang!





Ka duh vang reng a nau chhiat ka nihloh thu pawh sawifiah a tul ka ti tawh lo, ni e min ring lo tu khan min rin phah dawn chuang lo tih ka chiang!





Muangchang zet in inneih zungbun chu ka kut atang in ka phawi chhuak a, ka fawp leh nghal vawng vawng!





Choka ah lut in dawhkan chung ah ka dah va a, tah hian a hmu rang ber ang!





Taxi driver ka hmelhriat chu min hruai tur in ka be tawp bawk! Tluangtluangi pawh ka be rih thei lovang!





Pindan ah lut in ka ken tur ang ang ka dah chhuak a, ka phone pawh hi ka keng duh lo. Khum ah ka thehthla nghal tawp!





Pindan chhung kil tin chu ngun zet in ka en chhuak leh vek phawt, engtik ah mah ka lut leh tawh ngai dawnlo chuvang in ka hriatreng na ah engkim hi cham reng se ka duh!





He in a ka luh tirh khan ka chhuak leh ngei dawn tih ka hre lawk sa vek! Hetiang emem a na hian ka chhuah erawh ka beisei phalo hulhual thung!





Mahse engkim hi a tha vek e! Ka pawm vek!






....

Pawn lam a taxi horn ri tuar tuar ka hriat rual in rang zet in ka chhuak nghal vat!





"Rawn tlan lut rawh" ti sap in gate ka hawn sak a, ka duh aiin alo thleng hma! Chhuahsan hi ka hreh takzet!






"Bungrua a tam em? "





"Tam ve tho"




Zuanzang zet in a rawn chhuak a, ka taxi driver hriat tawh zawng zawng ah hepa hi ala polite ber awm e.




"Atam vak loh hi" ti sup in ka luggage a khai chhuak nghal zung zung a, ka kal tak tak dawn tih ka hriat meuh chuan rapthlak khawp in ka mangang!






"Adang ala awm em? "





"Awmlo, lawk aw inchhung ka va enfel leh lawk ang" ti sap in inchhung ah ka lut leh nghal!






Kan inneih zungbun dawhkan chung ka dah tak chu la kang in ka en leh vang vang phawt!




Hethil hi hnutchhiah kher angai em ni? Amah ka hriatreng nan ka kawl thei tho alawm!





"Honey! " rang lutuk in ka hawi let nghal zawk!






Engtik laiin nge a rawn let ka hre miah lo!





Rang lutuk a min pan hnaiin min rawn kuah bet nghal hmiah!





Hamhaih lutuk in ka ding khawng lah a, ka mumang a ni em?






"Khawi ah mah i kal ka phallo! " a rawn ti thawp sup.






"Ka tihpalh aw! " a rawn ti leh chuan ka ngaihtuahna a rawn fim ve chiah!





Na zet in a awm ah ka chum nghal dawt a, ka tap chhuak nghal hawk!






"Ka tihpalh ka tihpalh".a ti mawlh mawlh a, tap chung in ka sual leh phat phat reng thung!



....





Taxi driver nen ka luggage an rawn dahluh leh lai te chu rilru bing zet in ka lo en mawl tawp!





"Kan lawm lutuk" ti sup in pawisa pek a tumchu alo la duh lo nasa emem lehnghal, ka zak letling phian bawk.




......



"Ngatinge i kut! " sofa ah thu in amal chung ah min pawm bet hlu hlu a, a kut intuam chhah bur chu ka melh ngar thung





"He ta ka ben che avanga phuba ka lak na anihhi! ".







"Maw? "






"Ka thikthu chhiat zia i hria tiraw? Damdawiin ah khan Marcusa mangang lutuk hmel khan min tibuai a, ka enkawl that loh thu che a sawi a , chuan nau i chhiat kha i tan a that zawk thu a sawi a"





Mak ti zet in ka en nghal kawk!






"Khavang khan in ruahmanna a nih ka ring a, ka tihpalh" ati leh nghal sup.






"Mahse i sual emai" ka ti leh nghal tiau!






"Sorry ka ti leh tawh ngailovang! Ka ngaih zia che hi i hria em? "





"Aih min ngailo hmeichhe dang i awmpui leh nghal"





"Huhh! Tumaw? "





"I phone pawh i kawllo, hmeichhia in min rawn chhang... Ihhh"






"Nitak party na hmun ah khan ka rawn hnutchhiah ringawt Marcusan min rawn biak khan hmanhmawh lutuk in ka rawn tlan let a"





"Mahse khanu kha tunge? "


"Ka hrelo ka phone a lo chhar aniang".a ti sam leh et! Ka thin a rim leh nghal phat thung






"I phone chhartu khan Uthanpuia pawh ati che"





"Shhh.. Che suh ka kuah char char dawn che.... Hmeichhe pakhat inha bul zet kha ani mai thei"





"Maw? "





"Ka thianpa bialnu thiannu deuhreuh ani in ka hria ka bul ah a rawn awm chawt ringawt a, ka hne zia chu... Nangmah chauh ka rilru ah i awm"





"Dawt anih chu! "





"Anih khawi kan call ang khawnge i phone a awm? "






"Angai bawk lo"





Zo zet a min pawm kang lawp in pindan min pan pui a





"I awih na tur anih chuan party na hmun ah khan kan va kal ang, mahse chumi hma chuan tihtur kan nei" ti thawp ruih in khum ah min mut a, rang zet a min bawhbet in duhthawh lutuk in min fawp nghal bawrh bawrh!






.........



"I hman em? "




"Lawk! "





"Kan tlai tep"





"Lawk ka hman tep tlai tak tak a awm thei lo" nui hawk in min rawn pan a, ka dul puar ve ak tawh chu a rawn chul leh nghal




"Min lo tihbuai chuan ka hman har dawn ania"





"Hmmm anu hi chu aw tiraw naute tetakte" ti sup in ka biang a rawn fawp zauh a, ka lo melh rum nghal nghek thung.





Nau ka pai leh tih kan hriat ni a kan hlim dun zia kha ka la theihngilh lo.





Step a tanga ka tluksual leh a hlauh em avangin inchung lam a chhoh min khap bur a, Nuhmingi pui tu tur pawh kan lak belh tawp bawk!





A hma ami ang lo tak khan tun tum nau ka pai chu huat ka ngah in ka thinchhiat a zual a, ka pasal pawh hi huat hlur chang ka ngah!





Achang phei chuan a bul ah ka mu peih lo tawp thin! Min hrethiam in ka awm ang ang chu min ngaihsak emem chung in min en liam ve mai zel, sawisel tur engmah ka hre lo.





"Ka hman" ti hliai in ka en a, phone alo khawi mawlh mawlh avangin ka melhrum leh nghal nghek!






"Kal ang aw" ti sap in a phone chu ka en theih tur in a rawn lek kang a, games alo khel chu ni in!






"I mit tan a tha lo" ka ti leh hram!





.....




Ka seilenna fahrah in ah kal dun in buhfai leh thil dang kan pe thin a, ni dang ang bawk in an lo lawm thiam leh emem bawk!




"Sawilai naute sawn nangmah a ang lutuk" a kawhna chu ka en nghal vat a, hmeichhe naupang duhawm zet hi a thiante nen infiam in anlo nui ho ar ar





"Kan in ang maw? "






"Ummm i naupan lai hmel a nih saw" ka nui nghal hak!





Chu naupang chu rang zet in kan pan nghal vat a, a bul a naupang dang awm ho te nen chuan an infiam lai chawl in min lo en nghal thap a






"Tunge i hming? " Thanpuian a ti thawp sup a





"Puipuii anihhi! " naupang pakhat in alo ti nghal thuai!




An vaiin an hming an sawi diat diat a, kan kal ve fo tawh avang hian min lo hre ve tawh aniang chu kan bul ah chuan an tawng ve nghal melh melh hlawm!





"Puipuii hi ala tawng ve miah lo a" ka tih chuan





"A zakzum lutuk a" pakhat ina rawn ti leh a





"Kha maw i naupan lai chiah chiah anihhi" ka beng bul ah a rawn ti nghal sup.



.. .





"Honey"




"Ummm"





"Puipuii kha adopt ang hmiang"






"Maw? " ka en nghal vat, motor khalh chung in a rawn nui suk






"Nangmah ang chiah fanu kannei ani nghal mai a bak ah kan naute khan u anei nghal dawn tihna a nia"





"I ti tak tak em? " hlim zet in ka ti hliai a, fahrah naupang fa atana lak chu ka rilru ah a awm reng thin a, nau ka pai leh tak avang hian ka sawi lang ngam ta rihlo kha ania.





"Umm i duh phawt chuan! "






"Ka duh alawm fa atan duat taka enkawl ka duh"





"Let leh ila kan va sawipui dawn mi niang"





"Yeassii ka hmangaih che" hlim zet in ka ti nghal nghek





"Ka hmangaih fe zawk che" nui hawk in a kual let nghal pawp a, kan hawsan tak fahrah in pan in kan tlan let leh nghal vang vang!






THE END




(Tun tum ka story ziak chu ka va tluang lo tak em!! Ka ziah tawh zawng zawng a ka la regu loh tum ber ani hial ang, chuti chung a min lo chhiar sak tang tang tu te ka lawm zia hi ka sawifiah thiamlo. Duhkhawp lo zet in ka titawp ve tho ania, han dam tha vervawr ila rilru thianghlim tak in 🤣 story dang nen ka la rawn khambek leh ang!! Mangtha vek rih phawt u)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)