GUERRE_LAMOUR (WAR OF LOVE) BY Gigi Hmingthanzuali Fanchun (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

GUERRE_LAMOUR (WAR OF LOVE) BY Gigi Hmingthanzuali Fanchun (Completed)

Unread post by Ngaia » August 23rd, 2020, 2:50 pm

ea1jq5y3.jpg
ea1jq5y3.jpg (12.22 KiB) Viewed 21194 times
GEURRE L'AMOUR




CHAPTER-1



WAR OF LOVE#




"Everyone who sees you want you"💞🔻






Ka nu leh pa te thihdan kha a pangngai hauhlo, nia, Hijack an tawk ti dawn ila a finfiahna a awm silo, mahse ka pa thian hnai tak Mr Rouselle pawn a ringhlel ve tho.Engtin nge kha Jet, engmah chian loh na awmlo, endik vek sa kha a engine alo dik loh ngawt theih?? Control tu emaw a awm tal ani ang, engemaw in phum ru chu a awm, mahse Canadian Investigation team te chuan a case an titawp daih si anih kha.





Ka pi leh pu pawh an mak ve reng reng, engmah zu sawi duh miahlo a mawle!!




Ka headset a hla ngaithla chung chuan seat hnung ngheng pah in ka thu awn duai a, eye cover ka vuah nghal bawk.




Ka pa leh ka pa u chiah, pate Johnson ai bak hi ka pi leh pu te hian fa an neilo, Pate Johnson chuan fanu pakhat, kei ai a kum khat a upa Wendy Vingett a nei a, nikum a Pate johnson a in awhhlum khan Wendy chu ka pu te bulah a awm nghal bawk.



Wendy nen chuan unau awmchhun e tilo in kan mizia mai bakah eng thil ah mah kan in mil hauhlo, ani chu kei ai vang vangin a hawiher a dik a, a attractive hle bawk, a chapo a, a in duhtawk hle, mahse ka chhuang thei hle thin, kan naupan lai phei chuan ka thiante bulah model tur ania ka tih hial thin kha ani ve miau a...




Achang hi chuan kan chhungkua min tih mang vek duh tu hi an awm emaw ka ti thin, Patea lah kha engmah buaina neilo, France ram senator ani a, khatia a in awkhlum tawp kha a mak ani.Ka pa ve thung hi chuan Canada ah bussiness lian tham tak a khawih a, ka nu nen Australia a an kal tur chu thla hmasa lawk khan hetiang hi a thleng ta ani.




Ka pu chuan a ranglam a France a phei tur in min ti nghal a, ka pa bussiness enkawl lai pawh chu mi pakhat in Billion tamtak in a leichhawng , chu pawisa chu ka hming chuan a awm ve tak na a, mahse hman na tur ka hrelo, ka la naupang in ka nu leh pa ring ngang a khawsa, khawvel lam ngaihtuah lo tawp ka nih vang nge han hman dan tur ka hre hlawllo.





Ka pu hi France ram Prime Minister Mr Edor Vingett unaupa a ni bawk, France ram politician hlun chhung kan ni mai, ka pu pawh hi Parliament Member ani.




.............>>>>>>>




De Gaulle International Airport ka thleng chu ka bo deuh hui mai, Canada atanga France ram ka vawikhat kalna ani a, ka naupan deuh lai a ka kal chauh kha ani tun thleng a ka la rin.




Wendy kha min lo hmuak tur in alo kal dawn emaw ka tia, khawnge a awm le?? Tunah tlai lam dar li a pel fel der tawh bawk si.



Ka luggage nen chuan waiting seat ah ka thu mawl tawp a, ka pi leh pu ka call ve ve, an pick theilo.Wendy ka call leh tawp, "Hello, wen...Hei ka lo thleng tawh a..."




"Oh, nangmah in lo kal mai ta che, ka buai lutuk a, taxi kha phar la Mauresscet Street, house no.154 ah , Mr Deon Vingett ti la an hre vek mai ang."




"Mah..." Ka sawizawh hma in phone a off hmiah, ka thaw hap a, kal phawt ang hmiang.




Ka luggage nen chuan kan in hnukchhuak leh ta nge nge, Airport a mi thenkhat, an chhungte nen a an inhmuh rual a in kuah chul hlawm ka hmuh te chuan ka nuih ve suk ringawt, ka pi leh pu chu upa lam an ni ve tawh a, ka phut thianglo alawm.Wendy lah Model agency ho nen contract an sign tih ka hria a, a buai hle ani maithei.





Taxi ka hmuh hmasak ber chu ka phar a, ka pa kha French mi anih vangin French tawng thiam loh a phallo bur a, School leh college vel pawh France ram atanga an lo din mi , Jeunill De La ah ngawt ani ka kal, Canadian tawng pawh ka thiam viau tho.





"Mauresscet street, house no.154 .Mr Deon Vingett doral ah aw"




Taxi driver chuan min lo en deuh hu a, "Miss, Mr Deon te nen chuan in inchhung em ni??"





"Ka pu ania..."




"Ehe, awle....Mr Deon te chu kan ram politician zinga lar ber alawm anih.A fapa hmani lawk a thi ta kha em ni i pa??"




"Aw ni e, Jerec Vingett kha.."




"A pawi tak tak ani...France ram ah pawh hian kan hre ve nel nual alawm"





France ram a kawtthler te chu 90' hunlai atang tawh a an design kha anih vang nge, royalty lam an pawl mah, a romantic vel khawp, City of Love an tih kha ani tlat a.




Kei hi Aella Vingett, kum 20 mi ka ni a, Bachelor of science graduate hlim hlawl, Acting line lam a kal tum ka ni.Mahse ka nu leh pa in a min boralsan thut hian min thawng lutuk a, ka tum zawng zawng ka hlen chhuah loh phah vek, awm mawl tawp leh ka ngaihtuahna kawm mai mai nuam ka ti tawh zawk.





Ka pu te chenna ka thleng chu taxi fare ka pe a, "Nuam deuh in le...I pu chu mi han biak ang che"




"Tehreng mai, "




Gate chu security chuan alo hawng nghal zat, "Kan lo lawm a che"




Lu ka bu zauh a, May thla laihawl vel anih vang nge khua a lum viau nachungin Zankhua a flight a chuang ka nih avangin Jacket lian zet ka ha hnur tho.





"Aella, bawihi....I pu nen lo hmuah che kan tum lai takin ilo thleng ani.Meeting an neih vangin kan hman lawk lo a, ilo bo kan hlauh tehreng nen.."




Ka pu pawh chuan min lo kuah pah in "Tihpalh lutuk bawihi....Wendy khan a hman loh tur thu alo sawi leh lawk silo nen"




"A ho lutuk,taxi driver fel tak ka tawng fuh hlauh a, min lo biak rawh ati nghe nghe che sin...Wendy alo la haw lo em ni??"




Maids ho chuan ka luggage vel chu an thiar sawn thuai a, "Alo haw tawh kha mawle...A roomah a awm leh ani ang...Ti teh, va inthlak la, eitur hi lo ei rawh, i ril te a tam palh ang"





Ka room tur ka lut chu ka thaw huai mai, Canada a ka room nen chuan danglam tak ani .Ka duhdan chuan simple , modern deuh ani a, hei chu Saudi Arabia a an Lalin pindan ang vel ani thung, milim kher te a awm , Balcony zau zet leh parda senduk in zar duai te nen.Pangpar a inkhawi diah bawk.






Bathroom ah chuan lut in shower ka on nghal a, naktuk chu va bazar nghal ila a tha ang, thawmhnaw hak tur ka keng tlem hle, bazar pah risk kha ka ni ve hrim hrim a.





............................................... ......






"Ilo thleng tawh ani maw? Kan lo lawm a che"




Stair phei a corridor ah chuan wendy chu inchei nalh vangin alo kal mek, ka nuihsang a "Wendy, i sam kha auburn in ilo ti daih elaw? I va inhmeh ve..."





"Ka inhmeh zawng chu ka artist ten an hria alawm, wait....Eng thawmhnaw nge i inbel kha?? Brand hlui lutuk maw??" A ner pah,




Ka pi leh pu erawh khawnge an kal ka hrelo,huis, an hna ah an buai theih zia ka la sawilo in ka hria.



Ka tee hak lai khawih pah chuan"Eng brand hlui nge i sawi a?"




"Thla ruk kal ta a an lauch tawh anih kha i hak...Okay, i inhmeh alawm tiraw?? Belle, green tea kha min lo lak teh"




Ka hma zawna couch ah chuan a thu thla a, mouzerella roll ka ei mial mial thung.




Wendy chu nula sang veh vawh, cher lek lek mahse sexy em em thung si,hmel changkang zet nen, kan inchen deuh reng, kei ve thung chu sam dum, kir lek lek , inchei ngai lemlo, mahse lipgloss leh mascara uar ve tak ka ni thung.




"Canada a in awmdan te han sawi ve la mawle, enteh, airport a ka lo kal loh chhan chu paparazzi ho in a min umzui ka hlauh vang ani.I hriat ang in, Celeb te kan ni ve tawh a, khatiang a kal tut tut chi ka nilo"




Ka juice ka lem kalh a, phawk deuh tak a en in "God! Paparazzi ho umzui tham maw i nih tawh!! Ka chhuang takzet che!!" Ka ti hlut,




Green tea in pah chuan "Ni e, Paris ah hian kei ai a model hlawh hnem an awm hleinem."




Ka phur chung mai, unaunu celebrity ka nei tawh ania!!




Dinner kan kil ho a, naktuk lama bazar tur in Wendy chuan min kal pui a peih ve hlauh, ka lo lawm hle thung.




.................. .......................



"Nilo,nilo....khatiang khan ka kalpui theilo ang che"



A kut phah lo lek pah chuan a ner nawng nawng a, ka kawrfual hak mi khawih pah chuan "Engati maw??" Ka ti ha,




"Lo kal teh!! Thing lutuk mai"




Ka room lamah min luhpui dawr dawr, ani chuan jeans torn ha in , a laipawng lang haih khawp , tight tha zet top dum a ha bawk, a sam chu mam takin hniam te ah a bawk a, shade leh earrings kual nen, sling bag a khai bawk.




"Hei pawh hi a tha viau alawm, engtin nge kal se min tih a?! "




"Khatiang ang a inchei chunga ka kalpui che anih chuan news a kan landan a thing viau ang...Tunlai style deuh hlek te hi a awm ve ngai, i kawr ho lah hi....80' hunlai ah i awm emaw tiin i bazar thin ami a?? Tunlai thawmhnaw reng reng i neilo"




Jeans pawl tak zet thawl lampang chu alo dah chhuak a, "Bourtte Brand chu anih ve ngei hi.." a hmui tisawi nawng in alo ti leh,




Ka birthday a ka thiannu in min pek mi, hak pawh ka hak duhloh, a sexy em vanga ka wardrope kil a ka dah thin Cropped tight var, banbul , a nghawng vel kaw huau mai, ka dul lang thei alo dah chhuak leh chiah chu "Ka ha theilo ang, a thelep lutuk!!"




"Unaunu thing zet ka lo nei reng che anih hi mawle, ha rawh!! Kutdawh ang mai a inthuam chung a i kal vaih chuan ka mualpho viau ang!"




Ka kalpui tur ani si a, hreh zet chuan a thawmhnaw lo dahchhuah ho chu ka ha a, ka ni tut in ka hria, boot alo dah chhuak leh, Gucci belt ka neih ve chhun chu min hren tir a, "Bag khai chi pakhat mah i nei nange?? "




"Hermes bag pakhat chu ka nei ve..."




"Khawiah nge?Chutiang bag man tam te chu ah chhuah reng tur alawm!! Tar ang mai"




Hermes bag silver chu ka khai a, amah ang deuh a min chei a tum ka ti mai, shade min khim tir, ka sam kir chhap chu ka thlah bawk,




"Ka zak ania..."




"Zah tur a awmlo, min en rawh, kan height pawh kan inchen deuh ve ve, ft 5'9 lai ini a, hetiang a inchei hi i inhmeh, kawrfual thing lutuk tih vel mai mai..." Ani chu ft 5'10 ani.




Car a kan chuan luh hnu chuan Starbuck drinks min lo pek pah in "Louis Vuitton showroom ah kan kal phawt ang, chumi hnuah Fendi leh Gucci."




"Wow...Luxury brand hlir ani maw..."




"Keipawh bazar ka duh ve tho a, ka thiante ho nen chhun lamah restaurant ah kan chawl dawn nia"




LV showroom kawta kan chhuk chiah chu alo sawi lawk tawh ang chiah in media ho an lo awm ngei, Wendy chu a kal chak hle, drinks fawp pah chuan ka melh chho hra hra hlawm, "Benjamin Pavard nen rumours in nei nasa hle a, in inkar insawifiah thei a ngem?"



"I thiannu hi model ve tho em ni?? Kan va hmu ngailo ve?"



Wendy chuan min lo pawt sawk pah in "Kal chak ve deuh rawh.An ninawm"




Duh han thlan tur ber pawh ka hrelo, a nalh vel vek...a changkang in a ni raih hlawm mai.



Wendy chuan min lo en a "Thlang ta che?"




"Duhzawng em em pawh ka neilo...Mall pangngai a..."




"Mall pangngai brand hlui zet zet an zawrhna kha lo sawi suh.Heng top leh pants ho te, jacket te hi, wow, cropped thar an lauch anih hi..."




Ka thaw hap, a thlang zut zut thung.Jacket pakhat chu ka thlang ve hram, LV tih inziak khat vek ani.




Wendy chuan "Heng top ho zawng zawng hi, a in ang a awm chuan drop mai la, chuan jacket leh LV running suit ho nen hian...hei, henu hak tawk ho tur hi aw...chuan pants leh cropped ho kha lo pack sak bawk rawh u.Nalh leh pangngai deuh hlek ho, bag 5 nen hian..."




An thilsiam nalh zet zet ho, tangkaina nei vak silo, mahse cute zet ho chu ka enkual dan dan mai,wendy in ka hak tur ho min thlansak zung zung thung.




Ka card atang chuan wendy min thlansak ho chu a man ka pe a, Euro nuai 50!!! Ka meng phawk vak!!



"Luxury brand chu a man a to alawm, mak ti vak duh suh" Wendy chuan alo ti zauh,





Vawikhat bazar a euro nuai 50 em em chu...LV shopping bag ho chu car ah an dah lut a, bag 20 vel ani!! "Wendy, heng ho hi...."




"I ta vek tur.Ka duhzawng ka hmu velo.Fendi collection ah ka en mai ang"




Ka thaw hap, em em an a......Fendi leh Gucci ah pawh ama duhzawng apiang min thlan sak leh, Euro nuai 100 kan khawh ral ti ila in awihlo maithei, mahse luxury brand ati miau a, Gucci bag pakhat ringawt pawh euro nuai 1.5 tawp ania!!




Casanova Restaurant ah lunch ei tur in a thiante ho kan nghak mek, chutih chhung chuan ka ril tam tawh em vangin chocolate souffle ka lo ei thung.Casanova chu alo ropui chiang e..



A thiante ho nen chuan an ri hlut mai, mi pathum anni a, an chhelo hlawm hle.Kei erawh awm ve lo ang mai ka ni.Dawhkan bial pakhat chu kan kil a, an titi chiam bawk,



Chutih lai chuan hmeichhe pakhat, sam dum hlap, meng bial kar, chalsam rual mat leh vun ngo haih mai, sam tawi, hmeltha zet leh inchei nalh fe lo lut chu an 4 chuan an en huau a, chu nu chu kan piah a table pakhat ah chuan a thu a, a bag khai mi dahthlak pah chuan a phone a phawrh a mi a be nghal bawk, bad girl ang mai ani.




Wendy thiannu chuan lo kunhniam pah in "Mabel L'aleo anih saw....enge alo tih ve dawn le?? "




"A thiannu Sandra a nghak ani ang chu ..an ni ang mi hausa te chuan hetiang hmun ual au a inhmuh hi an duh ber lo fo asin"





"Rendell roscoe te nen an inkawm ho vek tih kha in hre tawh em?? Matthew lemister leh Theodore Speirs te leh Sandra Beckran ...."



"Rendell bulhnai a a awm chu a thikawm rum rum mai, " Delency chuan Wine in pah in Mabel chu a en a,



"Saw...Sandra chu alo kal saw..."




An chanchin an sawi a te chu tute nge an nih ka hrelo mahse ka hriat chak zawng te an ni tlat.



Sandra chu hang ngaihnobei, hmui sexy fahran mai, sam uk ngil siau leh hmaifang dik zet, duhawmna riau nei hi ani. Mabel lam chu a pan chat a, Mabel chuan a kuttin sei sak lang haih in tui a in mek, an 2 chuan chhelo tak anni!! Mipa chu ni ila ka duh chi te ve ve an ni maithei!!




"Rendell nen chuan an in ngaizawng anilo maw?!"




"Teuhlo, mahse in ngaizawng an ang thei lutuk...an 3 sawn an in zui reng zel...An thawk ho niawm in an sawi a, Rendell te chuan hmeichhe hran hran a kawp reng alawm"



"Ka pu in party a buatsaih tur ah hian an 5 sawn a sawm alawm, Theodore atanga inhria an nia, theo phei chu dinner pawh kan kil dun tawh asin...Ka pu party ah chuan lo kal ve ang che u, Mabel te pawh saw an lo kal dawn" wendy chuan ati sa sa, ka lo meng phawk hru thung, ka pu in a sawm hlawm maw??




Sandra leh mabel ka va en chu Mabel chuan a mitmu fiah kar chuan min lo en reng!! Ka phu zawk bawk!! Rang lutuk in ka hawisawn a, Ka lung a phu dup dup.




🥃🥃WRITER POV🤫(MIN LO HRETHIAM RU, SANDRA LEH MABEL HI KA HAN THLUR LAWK ANGE)



Flashback 5 years ago..


Mabel chuan a bialpa Travis kawngka chum pah chuan tap hawm hawm chung in "Travis...he kawngkhar hi ilo hawng lo anih chuan...I swear to God...Ka damchhung zawngin ka hua ang che, ka thihni thleng in..."



Travis pawh inchhunglamah awm in a tap ve tho, mahse bul tan leh thei annilo, Travis nu leh pa in an pawm thei hlawllo, A kalsan lo anih chuan a tan a pawi zawk dawn si a..



Mabel hi a pa a thi tawh a, a nu erawh drugs dealer hausa zet mai ani thung.



Travis nen an inthen atang chuan Drugs leh ruihtheihthil hrang hrang a khawih reng a, a nu a huatna a zual hle bawk, No.4 a rui reng a



A ruih phur chang phei chuan a nu hi ava call anga, meizial kut zeh ran chung in "Hey mom, I'm fucking genius!!" Te a va tih khum hial thin, mahse engah mah a hlim hlawllo, Party velah lah a nuam ti pawl ani ziah a, achang leh a ruih dan a fuhlo zawnga a kal chuan tah chiam chiam te a ching bawk,



You're gone and I'm gotta say High all the time tih hi a nun nen chuan a inhmeh ber ani mai ang chu, Mahse De Telliege group a join hnu chuan a pangngai ta deuh, drugs vel erawh a thlah chuanglo, a hmeltha in zun a nei bawk a, a tawngkam a bawhraw thei hle bawk.Mahse a chapo ve ngailo, mi hmusit zawngin a awm heklo, a nu thih hnu atang khan a rosum zawng zawng a nei vek a, france ram millionaire nula chhelo ti a hriat ani.




Sandra ve thung hi chu hmeichhe zei leh sexy zet, nia, De Telliege Group a an hmeichhe rinrawl ber ani.An target tur te chu a hruai hrang a, sex hman pui tur ang a lang si in...Mi hausa tak tak ho thilpek pawh a dawng hnem narawh, amah hi mihausa chhungkua atanga lo seilian anilo a, a nu leh pa chu Brazillian an ni daih bawk.




An ni group bik hi pangnga anni a, Rendell chungchang erawh la sawi rihlo ang, mahse France ram a billionaire fapa mal ani tih ka han zep tel hram ange, mahse a pa nen an inngeih baulo!! Rendell nu kha a pa in nupui dang a neih duh vangin a thawh pui, France ram Politician a hmelhriat ho te hnen ah sex slave ang in a dahsak kha ania, chutah anu chuan tuar lo in inchung atang a zuangthla ta ani.




Rendell chuan a pu hnen atanga a rochun billion 90 zet chu a nei a, a pa leh a nupui thar lak ata a in lahrang hmiah bawk.Billion 90 chu nitin million khat pawh hmang dawn se kum 1000 vel a ngai ang .




Mahse chuti khawp a hausa si chuan engvangin nge De Telliege group a join?? Politician, a nu thihna a inhnamhnawih 20 rual zet kha tih ral a duh vang mawle, chuan special training in snipe a dawng hial bawk,




Tichuan tun kum atang a hna chu an tan dawn chiah ani, An group bik hi mi pangnga an ni a, sniper rual thah an ni bawk.Theodore Speirs, Matthew Lemister , Sandra beckran leh Mabel L'aleo...






Khawvel chuan mi hausa rual inkawmkhawm tiin an hria ani mahna, an hmaikawr phen a an nihna erawh tuman an hrelo.Sandra phei hi chuan an group a join hma in mi 5 a that hman tawh!!




An ni group hi special bik an nih avangin an group hmingah 'Eagle Sniper' tiin an agency ten an phuah sak ani.An agency hi Underground anih vangin mi tupawn, mimal emaw pawl te pawn mi that tur a an rawih theih te anni.Mahse Eagle Snipers ho erawh hetiang lam atan a an ruat ani velo, duh duh a tihtheih anni lo bawk.




>>>>><<<<<<<



AELLA VINGETT POV:::





Wendy chuan hahthlak tih hmel zet a min lo en pah in "Ka pu piancham anih hi!! I hria em?! France ram a model leh celebrities rual an lo kal vek dawn!! I gown hak tur kha a thing bik lutuk!"




"Enge a dang ka hak anga???!!"




Ka closet atanga Gown senduk lo la chhuakin ka hmaiah alo theh chawrh a "Kha kha ha rawh!! Tinge changkan lam hi i pan theih miah loh le?! Hahthlak hian, thing bawk si..."




Gown senduk, puk laih, ban neilo, hnute chunglam a invet phei tawp, princess gown an tih chi ang kha ani.




Ka sam chu Wendy artist chuan min siamsak ve a, sam zet ah lian tak a roll in a tawn a, tiara type hairbend , ruby stone ang a cheimawi chu min khim tir leh, ka mitah eye shadow glitter purple a hnawih bawk.



Barbie te pawh ka an hi le...Wendy chuan "Le, Lopez ka sam hi lo siam ve thung rawh..."




Gown gold colour a ha thung, a tight ani a, a ri chheng chheng thei!! Ka ngaihtuahna vang chuan ka nui hak, min lo melh hrawk thung





RENDELL ROSCOE POV::::💞💞




"Rendell, i hmeichhe kawp lai hruai a thiang miah dawnlo ania... Zanin ah hian kan mission number one kha hlen ta ila a tha lo ang maw?"




Theo en pah chuan ka coat nghawng chu ka zut tha a "Mr J'Taime alo kal dawnlo.An mi sawm ho zingah kan target te zing ami tumah an awmlo bawk"




"Rendell, hmeichhe hruai hruai atullo, an tam dawn lutuk, chics te mai mai" matthew chu nuisangin alo lut, ka lo nuih zeuh bawk, theo erawh a thaw hawk.




"Ka lo thleng e..." Sandra chu alo nuisang a, "Kan lalfanu !!" Matthew chuan a kut ah alo kiss sak, sandra hi ka unaunu ang chiah in ka en a, ani pawn unaupa ang in min en.




"Khawnge Mabel hi??" Theo chuan alo ti vat bawk, bourbon thli chhuakin ka lo in mek thung.




"Min ngaihtuah duh suh u, ka lo thleng"




Mabel chuan Gown dum vek alo ha , a black a a inchei loh lai hi ka hre manglo.



"Mr Vingett hi heng politician ho te nen a inhnaih tak tak vek hi an ni a, Mr Vingett kan hnaih chuan kan tan kawng a awlsam sawt dawn ani mai"



Kei hi Rendell Roscoe, kum 23 mi ka ni.





Innocent's killer emaw min lo ti palh ange, heng kan target ho hi mi tenawm tak tak vek anni, an eiru a, nuam an chen a, an nawmchenna atan ka nu kha....sh*t, sawi loh ka thlang zawk, an phu tawk pek ka tum mai ani.Ka group te ho pawh hian an tum ani ve tho, an chhungte thah sak ve tho anni.





Kan inpeih hnu chuan kan car ah theuh kan lut a, ka sana ka bih zauh, dar 7 chiah chiah ani.Ka driver chuan kan kalna tur a hre sa a, sawi buai kher ka peihlo.




Ka phone alo ri leh ta, "Hey rendell..." Amelia Tempest ani...



"Hello..."




"Zanin chu ka lo riak phei dawn ania, lo awm rawh aw"




"Yep, mahse party na ah ka kal mek.Ka lo haw tlai maithei"




"Dar 10 velah hi chuan lo haw tum la..."





"Ok"




"Chuan....zanin chu ?? I hriat sa kha..." A nui har har, ka khi ve suk a, "Ka dah aw"




Ka off zui nghal, ka coat nghawng pawt mar pah in ka Estonia cigarette chu car pocket atang ka phawrh a, glass tlem a down pah in ka zu khu vang vang,




Hmeichhe hran hran ka kawp a, ka duhtawk min pe a, an mamawh sum ka pe ve leh thung.Serious relationship ah ka la awm ngailo, ka thinchhia a , min hrechiangtu te chuan khawngaihna neilo min ti thin mahse pawi ka ti lemlo, ka pa atanga ka rochun ani mahna.




Amelia nen erawh hi chuan kan inkawp rei thawkhat, thla ruk dawnlai kan inzui chawt tawh, mahse hmeichhe dang lakah ka rinawm loh san fo tih a hre chung pawn min kalsan duh miau silo anih hi.Actress ani a,mipa tih lawm dan leh lawm zawng a hre hle, a pian a nalh in a itawm bawk.




Ka pa leh ka nuhrawn erawh ka tlawh ngailo, ka pa pawh hi keimah ang tho a sniper lo ni ve tawh leh a trading world a atana mi hnawksak ho dahtha zung zung thin mi ani.



Ka hriat dan phei chuan thla hmasa lawk khan Canada ami te nupa jet ah Part controller a vuah ruk tir a, jet chhia ang in a lantir ani awm e.An thih phah ta reng bawk a, chupa chuan business lama a lehpel dawn tlat vang leh an inrem theih loh vang ani.





AELLA VINGETT POV:::🐼🐼





Muangchangin inhnuai lam pan chuan ka chhukthla a, mi an tam tawh fu, Wendy te thianho pawh an awmkhawm leh tawh.



Chutih lai chuan kawngka lian tak lamah chuan Medua ho in camera an kuai her nghal, God!!




Mabel chuan hma alo hruai a, a gown hak dum nen chuan a vun a ngo bawk a, inhmeh tak ani!! A hnungah mipa pakhat sam dum hlap mai, meng sexy zet alo lut ve zat, sandra chuan Gown var a ha ve thung, chinese neck type ban bul ani, a sam uk siau chu a a chalah tlem a invet a, nalh zetin a in bawk bawk , a rualin mipa sam uk siau, bianghmul to chhap, hmeltha lutuk mai leh.....




A hnung bet ah a coat ban siamtha pah in...Chupa chu a hmel a rum in a tawngtlem hmel hle a, a mitmeng a vawt raih bawk.A sam buang-uk phir sang te leh a hmui pan thlarh te, a nuikhat hle ang tih ka hrethei.An zingah chuan mipui mit fukna ber ani, nia, a bikin hmeichhe ho....a hmeltha chiang hle!!





Duhzawng emaw mipa ngaihzawng hi ka la nei ngailo ania saw pa saw chu duhthusam!!!




Ka pu chuan "Ka special guests te an nih saw, an la naupang na a, an fing in mi hausa taktak anni" alo ti ru sup.




"Tunge a hnung ber ami kha??"




."Rendell roscoe..."




Wendy te thianho sawi peih deuh ,, oh, France ram nula te ngaihzawn rawn an tih tak kha...A awm reng ani, a mize cool ruih te nen...




An pangnga chuan midang ho in an be sap sap a, Rendell erawh a hnung deuh ah lo dingin Cavour chu alo in mek thung.




Keipawh chuan kal kualin ka pu thiante ho ka bia a, keini ai daih in lawm an hlawh!! Aff....






"Nia, a dik alawm...Mr Belerro chu va len tur anih chu..." Lu bu nghat nghat pah chuan ka ti a,




Mr Floye titi chu a tui tial tial emaw ni tih tur ani.





Cavour la tur a ka hawi chiah chu ka zah lutuk vangin ka sen nghal vek, ka kut chu muangchangin ka lasawn a, ka kut chu a melh zauh bawk.



En lemlo a ban ka tumna lamah a awmah chuan na em em in ka hem fuh palh!!




Chu ai pawh a zahthlak chu Rendell Roscoe kha anih kher kher vang ani!!





"Sorry....aa..." Ka che buai nuaih,




Mitko a san ak a, a in duhtawk hmel hle, a kekawr ipte ah a kut pahnih a zen a,"Ok..." A kalsawn hmak bawk, ka enzui vawng vawng thei!!



A coatsuit grey hak nen amah a sang tha bawk a, inhmeh tak ani!!




Mr Floye chuan alo sawizawm lehnghal, nuisangin ka lo chhawn zel bawk.




"Lady, khawngaih in "




Chupa chu Sandra lo luhpui pa kha ani, ka dinna zawn table a Cake plate pakhat chu alo la a "Oh....ka lo dal palh che ani maw..."




"Hei, ka la tawh tho e.Chuan, khawilam mi nge maw i nih ve le? Ka hmu ngai lo che"




Cake chu spoon in a ei pah zauh, Mr Floye chuan chu pa a hmu chu chil a lem kalh a, "Ka va kal tawh mai ange" ati nghal zat bawk.




"Anih leh aw..." Ka bye zauh a,




Chu pa bawk chuan min lo en pah in "Ka zawhna che min la chhanglo ania"




"A...Aella Vingett ka nia, nang zawk??"




"Mr Deon tunu hi ini ang maw....Matthew Lemister ka ni e, "





"Hmuh i nuam hle mai" ka nuih var.




Cake plate dah pah chuan tissue in a hmui chu a hru a, a nui chhuak hawk hawk "Ka sawi tur ai i rawn sawi daih alawm le...Nang pawh hmuh i nuam e, Wendy te kiangah sawn tinge i awm ve loh?"




"Nah, an thianho a an inkawm duh rih zawk ka ring a..."





A mitmeng sexy fahran a min lo en pah chuan "Tichuan, nang in tar ho ilo kawm bik a?" Ka sa hat hat thei, a mi uap ana em ani.




"Nia...aa...nia, kawm an nuam alawm"





A khi suk, "Chhe lemlo e.Anih, kan pahnih in kan kal kual dawn mi niang?? "





"Sure..." A ruk tak chuan hreh tak ka ni!! Mipa nen a kaldun....suangtuah pawh ka la suangtuah ngailo!!





Matthew chuan zawhna mawlmang te te min zawt pah reng a, ka nel tep in ka hria....




"Hey Aella!!" Wendy alo kal phei nghal.





"Wendy, enge ni ta?"





Matthew chu a en a "Hi, ka unaunu nen in lo inkawm ani maw? Aella kianga lo kal ve hi ka tum a, nang ilo awm bawk nen, kan pathum in kan kal dawn mi niang?"





Matthew in a chhan hma chuan "A tha viau ang!! Wen, ava nuam dawn ve...i thiante ho kha??"





"Ngaihtuah suh, matthew...Rendell hi khawnge?"





"Khawnge hepa hi a kal leh ni...E , hei..."





Ka zam ru takzet tawh!! Rendell perfume rim lo nam hak ka hre chiah chu zah zelah hnunglam ka hawi a, tissue in ka thlan ka hru nghal, Wendy in alo be tha nghal viau.




" Rendell,heihi Aella anih hi, Ka cousin ania...."





Rendell chuan min lo en zawk tih ka hrethei, ka mit sir chauh in ka en ngam thung.




"A chhiat lemloh hi...Matt, kal ang.Theo te nen sawi ho tur a awm" a aw a ril ruih mahse nelawmna pakhat mah a awmlo!! Ala naupan hmel in a thinchhiat hmel hle bawk, a body dik tur zia pawh ka hre nghal vek thei...




"Anih leh phawt ule, Aella, kan inhmu leh dawn nia"





Matthew chu ka nuih zeuh, an kal liam chiah chu ka thaw huai!! Wendy chuan min lo melh pah in "Engtin nge Matthew nen khan in inhriat?!! " A thinrim hmel...




"Kan in hre ngailo..."





"I ngam chuan hnaih leh vaih teh....Ka sawi awmzia chu, Aella, khatiang mipa class lutuk kha i phulo, rendell phei kha chu i mitsir pawn en tawh suh..I mualpho mai mai, i zahpuiawm zia i inhre lo anih kha, i thing bawk si"





Ka en ha ringawt, min van huphurh hmel em em ve a?? A kalsawn nghal hmak bawk.




Ka unaunu neihchhun ang ani a, khatianga mipa vanga min tih kha ka ring ngailo hrim hrim.




Ka room lamah ka chho nghal, balcony ah dingin ka tap fap fap bawk, tinge hetia min tih fo? A tan a ngeiawm zawngin ka awm ngai awm ka hre silo,



Chuta karah Ka pi leh pu in kei ai fe chuan an chung en lehnghal, an duat zawk bawk.Dad, la dam ve ni ula chuan France a ka awm pawh a ngailo anga, hetiang chhungkaw hahthlak zet kara ka awm pawh ka ringlo. Ka pi nise Wendy tan engkim a tha tha a tihsak a, ka pu hi chu a ziaawm deuh, ka pi erawh in min thliar hran bik zia a tilang reng!!






Mittui kar atang chuan inkawt lam chu ka va hawi zauh a, ka meng deuh kawk, rendell khan gate bang nghengin cigarette alo zu a, min lo en chho reng! Tinge inchhunglamah a awm loh a??




Ka va en rual chuan a hawisawn a, a car lam a pan daih bawk.





Inhnuailam a music ri riai riai lam pawh ngaihtuah tawhlo chuan ka la tah chhunzawm tho, ka nu leh pa ka ngai thar zual deuh ani.An thih ni ah takngial pawn ka pi leh pu chu an lo lang duhlo anih kha, ni e, ka nu kha Candian mi anih vangin ka pi leh pu te khan an pawm hlawllo tih ka hria, chuta karah Orphanage ami ala ni zui, tunah chuan ka nu ang tho a fahrah ve kha ka ni tawh.





Ka pi ten a Wendy an duat bik em em chhan pawh a nu kha France ram a mi hlun tak chhungkua ami ani a, mahse pate Johnson a thih hnuah pasal dang a nei daih anih kha, Ka pa kha pa hmeltha tak ani a, an sawi ka hriat dan phei chuan ka pu hian a nupui tur alo hual lawk sak vek tawh.



Mahse canada a chawlh hmanga a zin laiin ka nu hi a lawngchawlhna ah waitress angin alo thawk a, an in tawng ta kha ania...





Mittui nen ka mu leh dawn chu anih hi....




To be continue



(suprise!! Ka ziak chak tawh lutuk a, zanin ah ka lo dah tawp mai anih hi, a ngaihnawm in tih hram ka beisei....💋💋)




🍒♥️Gigi Dee 🍒♥️
🌹🌹



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 2:50 pm

GEURRE L'AMOUR


CHAPTER-2



WRITER:::DEE GIGI



"High all the time to keep you off my mind"







"Enteh, hetiang a in tih hi chu a diklo takzet ania!! Ka...ka thawmhnaw zawng zawng tinge ka phalna tello a ilo hai darh chiam a?!"




Wendy chuan min ngaih pawimawh loh hmel zet in a sam chu a zut a, "Grandma, hetia ka tih chhan chu i hriat kha, ka thil a bo.Chuan, henu lo awm atang chiah hian a bo bawk.Ka vest duh ber, Dolce and Gabbana limited edition kha..."





Ka chhan leh hma chuan ka pi in "Enge maw awmzia le?? Aella, i la em ni?? I duh chuan i lei thei reng alawm.Hetianga ruk ruk hi ka duh loh zawng tak ani!!"



"Mahse....ka.."




"A tawk!! In pindan ah chho rawh u.Hetiang hi thleng nawn tawh suh se.Wendy, i hmuh hunah min hrilh dawn nia..."




Lungawi lo fahran chuan ka pindan lamah ka chho hmawk hmawk a, engmah hrechiang lo in tinge khatia min tih ve ngawt!? Ruk ka ru ngailo, ka ru bawk heklo ang.Wendy hian tinge min huat tlat a?! Engtin mah ka ti ngai bawk silo, a eng pawi nge maw ka sawi le?? Hmani zana matthew nen a kan kal dun a hmuh atang khan ka chungah a sual tan hle ka ti mai.Kha pa vang kha em mi niang??




Nilo, tinge ka lakah a thik ve ngawt a nga?? Thik tlak ka awm lo.A duh te chuan amah zawkin a nei nghal thei ang chu, kei hetia min ti kher lo hian. Nimin zingah pawh ka diet tea in tur ah sugar alo thlak leh tawh, a chhan ka zawh lah in 'ka ta tur emaw ka tia' a ti leh mai a, keipawn engtin mah ka ti zui lo anih kha.




Mahse tukin zinga min tihdan erawh kha chu ka zak takzet!!





Ka mittui hru sawk sawk in ka insiam a, vawiin chu leng chhuak daih ang.In a awm pawh hi ka chak teh hrep lo e.




T shirt var ka ha a, jeans thawl zet ha leh in sneaker ka bun a, ka sam chu bawk hnawk nuaih in lipgloss ka inhnawih a, bag ka ak leh a, inhnuai lamah ka chhuk nghal bawk.




Ka pi chuan "Enge i tih dawn?? Aella, i lungawi loh vang mai a hetia i awm hi a thalo takzet ania!"





"Ka leng dawn.Ka lo haw tlai ang"




Ka chhuak zui nghal, gate bula Wendy leh a thiannu Stella Shone te lo ding dun nen kan in tawk zat.



"Hey Aella..Nichin kha tihpalh..Ka hriat chian loh vang anih kha..." Maids ho zawng zawng hriat a min tih mualpho hnu in tunah inthiamlo hmel pawh pu miahlo in min lo be leh ngam ania..




"Thinrim teh suh, hetiang te chu thil thleng ve palh thei alawm...ka in thiamlo takzet.Khawnge i kal dawn?? Leng kual ang u hmiang?"





Ka thaw hap a, amah ka va en chu a mitmu bial kiau a min lo en in min lo nuihsang, "A tha alawm" ka ti leh mai, inhuat hlen ka duhlo, amah ai bak unau ka neilo a, kan inhuat hlen chuan a thalo ang.





Car chu Stella in a khalh a, a hnungah keimah in ka thu thung."El' Lavador Restaurant ah kal ang u hmiang?? A nuam ber alawm, mi pawh an tam a"





"Nia, a tha mai" ka lo ti vat, diktak chuan kalna tur dang thlawt ka hriat loh vang ani.





Stella nen chuan tu tu chungchang emaw sawiin an nui dun hak hak a, ka phone ka khawih daih thung.Awm ve lo ang mai ka ni leh ta.





................................................... .......






Chu restaurant building chu chhawng thum ani a,a kual deuh avangin a kawtah chuan pool thui zet a awm phei a, a hma chiah ah tuipui kam a awm bawk.




Nihliap lian zet hnuai a dawhkan chu kan pathum in kan kil a, mango juice in pah in midang ho chevel chu ka en reng thung, bikini nen deuh vek ani an awm.Stella leh Wendy chuan mipui ho chu ei loh hmel zet in an en a, mipa pakhat in Wendy thla lakpui alo tum phei chu "Kalbo rawh!" A ti that, ning zet in alo chelhna a kut chu a hru nghal, kei chu ni ila ka lawm viau zawk ang, thla min lak pui chak te hi awm ve se a tha tur ania.







"Saw rendell...."




Stella nen chuan an shade tihniam in an en nghal, ka hawi ve vat, "Tunge a nghah ang le?? Tunlai chu public ah an thianho sawn an tam tawp"




"Vawiin hi Amelia birthday ani lawm ni?? Zana a party buatsaih ah pawh lo kal ve ru min tih kha"





"Oh, ni dawn tak.Rendell hian a duh tak tak lo tih ka hria, ka kalsan tir thei hrim hrim" an nui dun hak hak.





Rendell chuan Nevermind shirt nalh zet a ha a, a hnuailam erawh ka hmu theilo, a shade chu a khabe hnuai ah uai tir in a phone a khawih a, a bulah guard 3 an ding bawk.Staff te chu aman direct a be mai lo in a kut hmangin a security pa chu a hrilh a, chu pa chuan a duhzawng chu a hrethei nghal zel.




A induhtawk hmel tak tak hle mai, Wendy ang mai ani!! Ka juice straw seh pah chuan ka en reng a, nin hmel zet a a phone chu dah in in zimar mah in alo hawi zawk, ka hawisawn chiang lutuk!!




Wendy chuan "Saw, kan Amelia pawh alo kal saw...Hey!!"




Amelia chu nula in khaithli zerh zawrh, vun sen no chek mai, duhawm zet hi a ni a, a shade chu la thla a nuisangin Wendy chu alo bye ve nghal "Wow, enge in tih a!?? In va chhelo ve..."




"Rendell sawn nangmah ani maw a nghah che, vannei bik hle mai"




"Oh, nia, kan in ngaizawng alawm.Ka va kal phawt ange, min nghak rei tawh sia a thinrim ang"





Kei chu en pawh min lo en lo, Rendell lamah a kal phei chu ka en zui leh hram a, ka phu leh zawk, Rendell khan a mitmeng zim san in min lo la en reng, a â deuh ami le?? Tinge hawisawn nachang a hriat miahloh a??




"Amelia te chu gold digger ani tih chu hriat sa alawm.Mi pa pawh a kawp duh ania"





"Rendell pawh hian a duh tak tak miahlo ang.A fin zia te chu tupawn an hria a, chuta kara hetiang hmeichhia a duh tak tak theih chu rin pawh ka ring chhin peihlo"





"Rin ngailoh a thil nilo hul hual, thil chiang sa alawm anih.Hmani ah lawk pawh Georgina nen Versace showroom ah an kal dun hmuh anih kha...a chiang reng alawm"




Huiss, milar te pawh in a an chung en ve lehchhawng chu a lar hle tih a hriat mai, Wendy leh Stella chuan kei chu min hmu ta lo emaw tih tur in midang an rel ta hrep mai.





Ice chu ka in tur ah dah belh in Picker chuan ka la a, magazine lo awm chu ka keu nghal zat.Wow wow, paris fashion week ah Wendy pawh alo lang ve reng anih hi, amah chu en in a thlalak chu ka en nawn leh a, a hmel a dang haih haih hle mai.





"God, matthew, enge ilo tih ve dawn a??"




Stella in atih hlut vang chuan magazine chu khup in ka en chho ha a, Matthew alo nuisang, "Rendell ka zui ru ang ka tia, mahse hei, ka hmu ta thut si che u a....Aella, i dam maw?"




Wendy mitngo rang ka hmu nghal, "Aw...dam e, "





"Lo thu ve rawh, Aella chauh i dam maw iti bik a.." wendy chuan no hnap hian a melh a, matthew chuan nui suk pah in "Oh, nangni pahnih pawh in dam maw? Ka lo tih theihnghilh daih ani maw? Pawi chuanglo" Wendy in chhan a tum hman zuai a, mahse a tawp lam a sawidan atang chhan chi anih si loh avang chuan a nui hak ringawt.






"Lo thu la, titi ho ang u"






"Sandra nen kan lo kal a, ani pawh khawiah emaw a peng zawk anih hmel, Aella, in hmuh a va khat ve?"





Ka thil in lai in pah in ka melh zau kawk tawh, nui lui in lu ka bu nghat nghat a, "Nia,nia ...Ka chhuak vaklo"




"Zanin party chu lo kal ve la, Rendell leh Amelia in Amelia birthday pualin an buatsaih ania"





Wendy chuan ka chhan hma in a juice no chu a dah ri hmak a "Matt, ani hi chu tunlai hmeichhia te ang a treat chi ani ve lo .Ka pi leh pu in ani hi chu zan chhuah an la phallo .A pawi chuang hleinem, kei ka lo kal dawn tho alawm, tiraw?" A nuih sang.




Matthew chuan hrilh hai hmel deuh hlek a min lo en in "In inrual deuh reng sia, tinge?"




"Aa, ani ai kei chu ka naupang a"




Stella chuan "Matthew chu han chhaih laih dan vel i hre hle mai" Wendy nen an nui dun hak hak, zah vangin ka lo sen tawn tawn thung.



Matthew pawh a nui ve suk ringawt, "Hetah ani maw ilo awm daih?" Sandra chuan matthew darah alo vuan chawt.A chhelo leh pek bik hle, a mini skirt var hak leh cropped dum a hak mai bakah, lukhum parh a khum bawk.




"Lo thu ve nghal rawh.Kan nula ho hi ka lo titi pui mai mai anih hi"





An in ngaizawng amile?? Party hmasa ah pawh khan an lo inzui lut leh tawh, tunah lah...Wendy te chuan an lo be sawt sawt, Sandra chu a zahawm ru reuh zek a, mi han chhan dan tur pawh a haihchham lo hle.





"Khawnge tunlai Mabel hi a awm?? Ka van hmu khat, "





"Ani te chu a penthouse ah a inkhung reng zel mawle.Vampire ania, khawlai hi a ngaithei vaklo" sandra chu a nui hak hak,




Rendell te lam ka va hawi chu an lo awm tawh miahlo, "Hetah hian em ni in la awm dawn?" Ka phu chiang lutuk!! Engtik lai khan nge an lo kal hman?!!





Matthew chuan "In haw dawn mi?? Keini pawh kan lo phei ve nghal ang"





Rendell chuan min lo en zawk a, magazine ka in bih tir ngut thung, lalpa, ka zah zia hi engtin nge ka sawi ang? Amelia in a vuan tlat bawk."Haw rih dawnlo.Theo in alo call tawh che em?"




"Call rihlo, mahse min lo call thuai ka ring"




Sandra chuan amelia chu ei loh hmel zet a en pah in "Nangmah chauh in lo kal ang che.Midang lo hruai kha a rem lemlo ania"





"Okay, Amelia, min lo va haw san rawh.Kan pathum in khawiah emaw kal kan ngai" a sana bih pah in ati nghal, Ameli chuan Sandra chu a en a, a hnial ngam silo, Sandra erawh in ngai pawimawh lo zet in juice a in daih thung.





"Rendell, i hman chuan lo thu ve nghal la" wendy in alo ti leh vat,




Amelia kal tau nghawng nghawng en zui pah chuan "Hman ani mai ang chu" a thle zauh bawk.
God, tinge?? Alo thut ve vaih chuan ka zak lutuk hi awm ngaihna ka hrelo mai ang.




Ka hma zawn chiah a chair chu a pawt chhuak ve nghal a, Sandra chuan "Amelia kha kawp tawh suh kan tih che kha!! A scandal zawng zawng i hre vek, i mualpho tel ve dawn sin!!"




"Min zui zel miau sia lawm."





"Vawiin pawh a birthday ani tih a hrelo, Amelia khan thil hrilh tur che ka nei tiin alo bia a, a dik em? Zanah lah i penthouse a party throw a tum ve ngawt lehnghal"




Matthew chuan alo ti ve bawk, Wendy chuan nui pah in amelia laka hnehtu in ti zet in "Nia, Amelia te chu a background a thing lutuk tlat, Rendell, a phu hlawllo che nia" juice fawp pah chuan zei fahran in Rendell chu a en a,




Rendell erawh a ngawi ngul, zahzel ah juice ka lem pap pap, ka lakah attention pe lo se ka lawm ber ang!!




"Aella, anih zanin chu ilo kal ve dawn si loh chuan hmeichhe dang ka hruai a ngai dawn ani maw?"



Lalpa leh, ka thil in lai ka hak thawt thei, "Tinge? I tha em?" Tissue ka la nghal, khatiang khan tu mipa mah in min la ti ngailo!!





"Ala dai zau lemlo ania matt, thlen thui pui i tum mah mah ani" Wendy chuan min nuih lui pah in alo ti ve bawk..




"Ka..ka tha, it's okay" min lo chelhna chu ka la vat a, rendell lo hawi phawk deuh pawh a ziaawm ta hram e, Sandra chuan "Chu, kan little girl ani maw?? " A nui hak hak,




"Ka thawng deuh che em ni? Nah, lo sawi loh tur ania" nui pah in matthew chuan min lo en.




Ka khuh khat khat a, insiam tha thuai in ka sam ka tawn tha nghal, rendell mitmeng vawt ruih chu en fuh loh hram ka tumna lamah ka che chhe teuh thei hle..God, ka ning lutuk! Kalbosan hlawm daih ka duh, an mi uap ana bawk si, a bikin an 3 a an lo thut hnu phei chuan thlamuangin ka la awm lo hrim hrim.





...................................................




"I pu aiawh in a thianpa i va hmu ang, France ram minister hlui ani a, kawm dan tur chu i hriat mai ka ring.A damloh vang ania, i pu lah a hman dawn silo a, thupha iva chawi pah dawn nia.Wendy hi chu a hna ah a buai deuh vangin a kal hmanlo.Mr J'Taime ani"





Phur surh in ka insiam a, ka pu ai ka awh dawn!! A nawm zia chu in hrethiam pha lo ang!! Ka sam chu mam tak a khuih in lian zet in ka bawk a, kawrfual ka khup chen a puk a dum ka ha bawk, banbul ani a, thi jocker type diamond a chei ka awrh leh a, bengbeh bet nen, heel dum ka bun bawk.






💞💞MABEL L'ALEO POV:::💞💞





Rendell nen chuan kan in puahchah a, M60a1 ka pai a, aniin scope leh laser , binocular nen a ak bawk.Theo te erawh in in lam atang min lo puih dawn thung, kan bengah micro kan vuah ve ve.In zui tam duah hi a tul kan ti ngai lemlo, Mr J'Taime hi zanin a kan target ani bawk.




Car ka khalh a, Rendell va en pah chuan ".60 caliber huam chhunga kan awm a ngai dawn ania, A Minute of Angle nen kan her rem thiam a ngai bawk"




"Ka hria a lawm, a villa opposite chiah a Ware house hlui atang khan kan tin dawn nia"




"Car hi chu a piah ah daih park ila a tha ang.Min hmuh loh nan"




Min chhang zui tawhlo, tawngtam chi anilo hrim hrim bawk a, ka dem bawk heklo.Car ka tiding chiah chu ka bawm atang no.4 ka phawrh a, Rendell erawh a chhuk tawh, ngawi vang vang pah in mum 6 chu ka bun chhuak a, ka mitthla a ka nunhlui alo lang leh chiah tih ah chuan ka bar pawp nghal.




In thing harh pah in ka chhuk a, ka rifle bag ka ak bawk.




Binocular chuan kan en reng a, living room a alo thut hun chiah ani kan nghah.




Rendell chuan tho kang pah in a kalsawn deuh a, ka lo en ha thung "Enge i tih dawn?"




"Eng vak mah, thut reng ka peihlo " Weed a tan nghal zat, hawisawn in Mr J'Taime bawk chu ka en leh a, ka phu deuh zawk, kha nu kha ani.Wendy cousin kha, enge a tih ve reuh a?!




"Rendell, midang an awm ve.."




"Tu chu maw??" Min en lemlo chuan alo ti hap.





"Aella vingett kha..."





Alo kal phei hmawk hmawk nghal, a binocular a en ve pah chuan "Mr J'Taime sawn a khawih hma in a nunna kan tih tawp sak a ngai ang"




"Enge i sawi awmzia?"





"A pi leh pu pawh chu an mak ve khawp mai, mr J'Taime ler zia an hre reng si a, engvanga tir nge maw an nih le?? A khawih chhiat an pawisa miahlo tih na anih saw"




Ka thaw hap, nula khawngaih thlak.Engmah ka tih ve leh hma chuan rendell chuan rifle M60a1 chu a chhawp a "I va hmanhmawh ve?" Ka ti ha,




"Saw putar hur zet in a a khawih hma sawn kan chet vat a ngai"





Ka lo en mawl tawp thung, tinge Aella a khawih chu a hlauh em em a?? Ngai pawimawh lo in binocular atang chuan ka en leh a, an titi tluang zel anih hmel, theo chuan control room atang "Rendell khan ala kap thianglo, a Security te ho an tam rih lutuk"





"Hei, a in puahchah tan mek tawh asin"





"Tinge? Time kan set vek kha!!"





"Ka hre biklo, mahse hmeichhe pakhat vang ani tih erawh ka hria"




"Okay, eng pawh nise... " A sawi zawh hma chuan ka thil hmuh avangin "Wait, a security te ho a kal tir vek..." Ka ti sap a, a awmzia chu Aella nen a hun fal an neih theih nan...ka khi sak, Aella vingett, i hriat miah loh khan min puih tih i hria em??





Rendell chuan scope vuah pah in "Kan putar ler a chuan a hun a insiam ani maw?" Alo ti sup,




"Aella vang pawh saw ani maithei asin" mitko san ak in ka en a, a phun hluk mai, ka en hra ringawt, tinge Aella chu a ngaihsak ve viau ringawt a??,




".30 caliber huam chhungah kan awm ."





"Chuan, tun hi a hun chiah, a MOA nen a inrem chiah bawk"





Silai chuan ka tin nghal ngar a, mahse ka damdawi ei kha alo thawh vang nge ka khur titih tlat mai!! Ka kap lawk thei talo, "Hmanhmawh ta che!" Theo in alo ti thawt,




"Ka...ka theilo!! Ka khur vek!"




"No 4, i ei leh hman ani maw..."





"f**k"




Mr J'Taime chuan Aella thut hnaih pah in a ban vel chu a chul tan ta!! "Rendell, nangman ti mai teh!! Aella saw a khawih pawi hman dawn!"




Ka ti ta tawp, Aella pawisawi lo in a a nun pum chhiatna tur a tawn ve ka duhlo, Rendell chuan silai chu a lamah a stand a pawt phei a, a bih nghal ngur.Ka kut khur nasa lutuk chu tih ziaawm tum in ka ding a, zawng phiangsen, a hunlo takzet!! Tan mai ani ka duh, kan mission hmasa ber ah lehnghal!! Hrep hian!!



Nia, kum 15 mi ka nih laiin ka nu lo dawr thintu pa pakhat in min pawngsual a, chu chu tudang nilo in he uicho tangkailo Mr J'Taime hi ani .A phutawk hmu tur chuan lo inpeih mawlh teh se.


Rendell chuan "Naktuk lam chu news thar lam tak a awm dawn anih hmel" a kap chiah nghal, ka thaw huai mai.






💋💋AELLA VINGETT POV::💋💋





Ka rak tuarh a, security ho an lo tlan khawm nghal, Mr J'Taime lu atanga thisen lo chhuak nguai nguai ka hmu chiah chu ka khur ngawt ngawt bawk.



"Mrs Vingett hi lo veng rawh u, heng lai velah hian sniper an awm.Vat, pawnlam lo va en dik nghal ru!"





Security mi 4 te chuan an buaipui a, keipawh hmun him lamah min hruai vat, Mr J'Taime nupui chu a pindan atang alo chhuak ve nghal, a tap chul bawk.Ka â huih ani ber, ka hlauh em vangin awmdan tur ber pawh ka hrelo, Mr J'Taime khan sex hmanpui ah min sawm a, ka hnar lai takin khatiang kha alo thleng thut mai ani!!





An Madame chuan "Mrs Vingett, a pawi kan ti hle mai.Kan rinlawk loh tawp thil ani." In tur min lo pe nghal, a then an au pah, an buai zia a lang reng, kei erawh library ah min thut tir a, ka khur ngat ngat bawk, mitthi ruang...ka awm lai ngeiin an lo that ani..





Engmah pawh ngaihtuah chiang tawhlo in car lam ka pan a, driver hnen ah chuan kan in lama haw tur in ka ti nghal chung, ka kutphah vawt ngiai chu tihlum tum leh rilru a mahni in thlamuan mawlh mawlh pah in ka thu a, ka tawngtai pah, ka hlau bawk si, keimah hi min lo tum ve mai lo ang maw?? Nilo,nilo....





..... ......................................... ........





Ka roomah ka tawm char char a, Ka pu in ka hlauhna a zual ang tih a hlauh avangin Police officer ho pawh min biak tir a remti rihlo.Wendy chuan min hnem tum takin ka kut alo vuan a "Sofaroom a in awm lai in maw an lo kah? "





"Aw...aw...."






"Mr J'Taime chu a uiawm hle mai, France ram Constituency a mi pawimawh ber ani si a, "




Ka chhanh zui tawhlo, hlauh vangin ka dang var pap thung.




Wendy chuan balcony lama va dak pah chuan "Police ho pawh an haw chiah e, hlau duh suh, engmah thiam loh na i neilo.Sniper ngei an inrawlh ani tih a chiang tawh a, nang chu han rinhlelhna chhan tur i awmlo"





"Ka hlauh zawk chu khang sniper pahnih te khan min that ve mai ang tih hi ani..."





Mak tih hmel zet in min lo en a "Pahnih a?!"




"Aw...ka hmu alawm...warehouse atanga an chhuak lai kha...mahse an hmel ka hmu theilo,a dum hlang ve ve in an inthuam a, hmeichhia leh mipa an ni.."





"Chu chu investigation tih nan a thil pawimawh tak anih dawn chu...."





"Aih, wendy...sawi chhuak suh, ka duhlo ania . Jail ka tang palh ange..."





"Nilo, i tang dawn hleinem..."





"Aih, sawichhuak lo tawp rawh..." Ka tap titih,






A thaw hap a "Ok, ka sawichhuak lo ang.Mahse i chiang chiah maw?? Heng sniper ho hi an man theih na atan a thil pawimawh ber ani maithei ania"





"Sawichhuak lo la ani mai!! Ka duhlo, ka duhlo ani tawp..." Ka tap nghal bawk, ka sam lo chul pah chuan "Awle, ka sawichhuak lo ang..Thlamuang tak a awm tum rawh...A thawng ce dawn bawk em che a tin ni..."





Lukham a ka hmai phum in ka tap hlap hlap a, hetiang ka tawn hi ka ring ngailo, dawih chi ka lo ni bawk nen, a chang phei chuan ka thiante ngei pawn "Chut-i" min ti thin anih kha.




Ka pi leh pu pawh ka pindan lamah an lo lut a, sawi mai tur kan van tlang hle, news ah lah an puang dup dup mai si a, Ka pu unaupa Mr Edor Vingett pawh alo leng, a minister pakhat thih dan ah hian a lungawi loh zia a lang reng, France ram a Investigation team tha ber "L'Omania Bereau Group" ho chhui tur in a dah nghal bawk.



"Mr Kane J'Taime thih na hian France ram pumpui a deng chhuak a, amah tantu ten Rally an buatsaih bawk, He sniper, amah kaptu hi L'Omania Leader Klay Callister chuan an chhui chhuah vat tut thu a sawi.Mr J'Taime hi kum 1993 a France ram hmasawnna..." T.V chu ka off a, ka khumah ka bawk thlawp nghal.



"Aella, Klay Callister in a hmu duh che"



Ka meng phawk vak, tunah zan dar 8 ani tawh, lawkin Klay...God, investigation team ami kha...ka tap der hak,



Guest room lam pan chuan muangchangin ka kal a, kawngka ka hawng chiah chu mipa pakhat sam uk hlap mai, kamiz var ha, kum 23 bawr vel mi, hmeltha zet mai hi alo thu reng.



Ka va lut chu a mitmu fim nghalh chuan min lo en a "Mrs Vingett, ka lo tibuai lawk mai ang che.Min lo hrethiam dawn nia, klay callister ka nia"



Alo ding nghal zat, ngawirengin a bula couch ah chuan ka thu thla a, "Enge min biak duh na chu?"



"Mr J'Taime thihdan chungchang ah hian mawle...I ziaawm deuh tawh tiraw?"




A fing hle ang tih chu ka hrethiam nghal, ka nuih zeuh a "Ziaawm tawh e"




"A thih zan khan in pahnih chauh in in awm si a, in hma zawna tukverh atang khan tiraw an lo kah? Anih leh tukverh lam kha i hawi nghal em?"



"Hawi e"






"Mi tute emaw tal i hmulo maw?"




Ka en kar a "Hmu lo"





A thaw hap, zawhna hran hran min zawt a, a rultawk lek lek in ka chhang thung.Dar 9 rik dawn tepah haw tum in a insiam ve chauh a "Anih leh, thil pawimawh dang a awm leh chuan ka lo be dawn che nia.Muttui le"




Ka thaw huai mai, "Anih leh le.."




Ka phone number te kha ala ve lehnghal a, min lo tihbuai loh hram ka beisei.


.............. .....................................



Ka theih ang tawk tawk in sniper rual ho chungchang ka chhui ve a, ka mi hmuh te kha an hmel hrelo mahila ka chhuichhuah theih tho ka ring.Data base te checkin a kip a kawi ka khawih kual ani tawp!





A tawpa ka hmuhchhuah chu mi panga, an hmel leh an chanchin, an hming takngial pawh chhiar tur awm velo te chu anni.L'Omania ho hian heng lam hi an en ve tawh nge ni anga an la hmulo le??







SANDRA BECKRAN POV::🥃🥃





Kan panga chuan Theo inah duhdan zet in sofa hran an theuh kan thu a, Klay te ho an lo lut ve chiah.




"In last Snipe kan hmu duh.France ram pum a sniper awm ho zawng zawng kan endik vel mek ani."




Matthew chuan whisky in pah in "Last snipe maw?? Chhe lemlo e, mahse warrant in lo keng em?"




"He case khawih tu tur te kan ni a, warrant kan mamawh velo"





Rendell chuan Last snipe book alo theh thla chawrh, alo remruat fel leh hman vek tawh ani maithei.Tumah zam hmel kan pu duhlo bawk.Kei chuan nuisang a en hlawm pah in "In duh chuan min man ta che u??"





Book a en zawh chuan a thaw hap a, "An tello e"





"Thil hrechiang lo khan ka phalna la lo in ka inah lo lut ve ngawt tawh suh ang che u .Theh chhuah in duh te anih loh chuan" Theo in alo ti fak bawk.




Rendell chu ka va en a, ngaihsak lo zet in whisky alo in san daih, Mabel chuan cigarette tan pah in "Goodbye nerds"



Klay chu a lungawi loh hmel hle, an chhuah hnu chuan ka thaw hap a "Kan tan an hlauawm dawn tlat a hriatna ka nei"





"Don't worry, step khat zelin kan kalsan dawn lawm" matthew in alo ti vat bawk.





.................. .....................





"Nilo, i that tur ani miah...." A sawi zawh hma in ka chemte chuan Alexandra thin hnun ah ka vawm pawp, "Mind your own business, ka tan a mi hnawksak anih kha" Winton dar a ben pah chuan ka kalsawn zui nghal.




Kan agency ah hian min hawtu tamtak an awm tih ka hria, chuan Alexandra in a min vau ve sek hi ka ngaithei miahlo bawk!!





Eagle Sniper base lamah ka chhuk thla a, "Next target atan Mr D'Lalo ani ve thung ang."





Theo chu kan en a, "A chanchin chhui tur in Sandra leh Mabel hi kal bawk rawh se"






"Alexandra i dahtha tih ka lo hria a" Rendell chuan mitko san ak in min lo en , hepa hian engtin nge information hi a neih zung zung theih bik a??





"A hnawksak miau hek"



Khi suk pah in whisky a in zawm zat, cigarette ka tan thung.





Mr D'Lalo chu chhui ang hmiang.





To be continue...




Zanah ka lo dah leh ang, a ngaihnawm in tih hram ka beisei💋💋




🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 2:50 pm

GEURRE L'AMOUR

Tunkar chhung ka awl ang aw...kan buai, chuvang ania ka lo dah vat vat


CHAPTER-3



WRITER::DEE GIGI




Ka laptop ah chuan France Undercover Snipers ho hming ka en kual zel a, heng mi panga te hi tute chiah nge maw an nih le?? Special training ah pawh number.1 ni vek khawp an ni lehnghal.



Mons R'leimer Industry lam pan in ka car chuan ka inkhalh phei a, he hmun hi Rifle kah zirna atan chuan World no.1 ani ve tlat.Ka phone lo ri chu pick vat in "Hello wendy"




"Aella, khawnge i awm?? Tumah hrilh lo in tinge i chhuah ve tawp a!!"




"Hei, thil pawimawh ti tur in ka chhuak lawk a, enge thil thleng a awm em ni??"





"Tute nen nge in chhuah?? Vat! Mipa i chhuahpui lo tih min hrilh rawh!! Matthew emaw Rendell i hnaih vaih phei chuan a pawi viau ang!"





Ka thaw hap a "Hmani restaurant a ka hmuh bak kha tumah ka la hmu lo"




"Ok"




Enge maw a hriat thin le?? Tinge a thik thu hi a chhiat em em ni....



Pa nelawm tak chu ani lemlo, ka nuihsang a "Heta hmun atanga zirchhuak ho hming ka en duh a, an hming chauh ani mai .A bak engmah..." Ka sawi zawh hma in rum fahran hian min en a, "Chutiang kan hmuh tir ngawt theilo che.Sawrkar atanga phalna i nei em ni? "





"Neilo a...mahse ka..."





"Chhuak rawh.Puih theih na che kan neilo."




Min nam deuh ta rawk rawk mai, "Monsieur, min ngaithla phawt teh..ka..."




"Lo let tawh suh.Ka report che i duh loh chuan!"




Sawi leh tum in ka ka ang hman zuai a, kawngka a khar hmak thung.Ka dar ka san ak, pawilo mai.Mahse a pawimawh dawn a sin le...



Ka kal phei tur tak chu ka piah deuh a Audi Car atanga Rendell...Shade a vuah a, cigarette zu chungin min lo en reng, zah vangin rang lutuk chuan ka car ah ka lut nghal!!





Rally nei a mipui ho pungkhawm chuan ka kawng n dal ta tlat mai, Oh sh*t... Steering a ka chal nghat pah in ka phun hlak a, buai nak lai chuan aw...




Ka roomah mu in Cassolva Cake ka ei a, chumi pah chuan ka phone atang hla ka ngaithla bawk.Zan dar 9 bawr vel ani tawh, Wendy alo la haw lo.An party dawn ani awm e, kei ve thung chu zan chhuah an phal baulo tawp!!





RENDELL ROSCOE POV::🥃🥃




Party ri hup hup karah chuan Kei leh Matthew chuan car lam pan in zanin atana kan remruat na lam chu kan pan ta a, nia, party kan buatsaih chhan kher pawh rinhlelh awm a kan awm loh nan ani.


InterContinental Hotel piah a Diamond Inn lam pan in car chuan kan inkhalh a, ka bag atanga M60a0 la chhuak pah chuan "Hmani a Aiden in min lo chahsak anih hi, gold vek in alo chei tir a, a mawi reuh phian"





Matthew chuan khi suk pah in "Mr D'Lalo thah nan chuan a manto deuh mah mah ani.A phulo hial zawk"




Rifle chul pah chuan "A hun tawp te chu ropui takin kan vui liam ve ang chu."




Diamond Inn building chhawng chung ber ah chuan kan ding dun vang a, "Equipment ho kha lo la chhuak rawh, Ka Rolex chah mi alo thlen tawh ka ring.He building a kan kal chhan min rinhlelh loh nan a ka tih ania, ka va enfel lawk ang" ka ti sup a,





Rifle tung tha pah chuan "Rei suh aw, alo thleng tep tawh ania"




"Ok. Va endik lawk ani mai"




Rooftop atanga chhukin an manager awmna room lam chu ka va pan a, "Mr Roscoe, kan lo lawm a che.I rolex chah kha alo thleng tawh bawk..."




"Lo pack fel ru, thildang hi ka han enkual ange, "





"Kan lawm viau ang.Brand thar lo thleng a awm teuh a, hruai i mamawh angem?"




"Aih"



Ka kalsan zui nghal, ka sana bih zauh pah in "Dar 8:30..." Ka ti sap a, inchunglamah chuan elevator in ka chho nghal bawk.



"Rendell, alo thleng tawh."



"Laser kha ka lo hmang ang.Binocular khan an chet vel dan lo chang reng rawh" ka va thu hniam ve nghal, rifle a scope chuan ka en nghal bawk.




Matthew chuan "Hun kan ngah lo, Mr D'Lalo saw reilote ai bak hmun rem lai ah sawn a awm dawnlo ania..."




"MOA....Shoot," ka ti sap, Mr D'lalo chu France rama politician opposition lam a an mi rinrawl ber ani a, ka nu khawihchhe hmasa ber tu ani bawk.Tukverh zawn chiah a alu alo dah chiah chu Matthee in "A rem lai tak anih saw..."




"Security te an awmlo tiraw?"





"Awm , mahse mask leh shade kan vuah tho a, min hrelo ang"





"Ka kap dawn nia, lo in ring rawh"




Mr D'Lalo in a nui sun chunga Champagne no a dawm chiah chu ka laser in a point tur tak ka sai a, ka kap nghal chawrh bawk.




Security ho an lo hawi chiah chu Matthew nen rang lutuk in kan chhuk thla nghal, mask leh shade chu ka hlip rawp a, "Rolex kha ka va lam a ngai.Carah min lo nghak rawh"





"An lo thleng hman ange!!"




"He building a lut leh chhuak ho CCTV atanga an en vek ka ring, engmah mumal pawh neilo a kan kal ngawt ani tih an hriat chuan min ringhlel zawk dawn.Chuvangin min ngaihtuah suh" tih leh a shade phih sak chu ka rual a "Oh" a mask a la thla ve nghal zat.




A darah ka beng thak thak a, ka kalsan zui nghal bawk, mi 2 ka thahna ani leh ta, nia..Rolex hi ka mamawh lem vanga va ngaihven tal ka nilo ania, tunah pawh security ho saw an lo thleng tawh tih ka hmuthei, cctv hel zawng hlir a kan kal vang khan min hmulo tur ah ngai ang.




"Khawi rolex kha " ka mawl biak ta tawp mai, Ka golden card pe pah chuan "Cut rawh le"




"Euro 1.2 million"



"Ok"





Mission pakhat vangin hetiang zat ka chawi chu ani sia le, ka nui suk.



"I id kan check thei a ngem?"




Hnunglam atang a Mr D'Lalo security te aw ka hre chiah chu khi sak pah in mitko ka san a, An manager zawk chuan "Tute nge in nih!?? Kan customer chhuan ber khatianga in tih ve ngawt chu le!!"




"A pawilo" lehhawi pah in ka nuih suk hlawm a, ka jacket chhung atanga ka id chu la chhuakin, ka hmuh hlawm bawk.





"Rendell roscoe maw..." An in enkual a,


Ka id dah luh leh pah chuan "Ka kal thei tawh em ?? "




"Awle...aa . Min ngaidam dawn nia"




Rolex bag chu khai pah in ka chhuak nghal, ka sana atang chuan theo be pah in " Min man tep, mahse min man leh lo.Rinhlelh awm in kan langlo, lo hlauthawng suh"




"Okay, a tha e...Mission no.2 chu kan hlen chhuak leh ta"





Matthew nen chuan haw pah in Marrescut Street lamah kan inkhalh phei a, car khalh pah a whisky in hi ka sim theih loh pawl tak ani.



Vawiin Aella ka hmuh dan kha ka ngaihtuah let neuh neuh a, engvanga kha building a kal kha nge a nih?? Ani hian keini ho hi min chhui ve tih na em ni a? Ka ngawi reng a, matthew chuan eng eng nge a sawi tehchiam pawh ka ngaihsak lo, Aella chauh kha ka rilru ah a awm rih.




Incheidan mawlmang thei tak, a mitmeng canadian lam rawng kai mah tur leh a sam te, a taksa pan lam nen, a duhawm ru reuh zek ani.




Hmeichhia te chu an laka rilru pek vak loh tur, kan ngaihsak poh leh an induh ting ani mai.





"Rendell, party na ah khan wendy a awm ve em?"





"Awm ve kha...."





"Chumi awmzia chu tukverh a lo dak saw Aella ani maw?"




"Enga tan nge i ngaihsak em em a?"




Min lo en pah in "I tan mawle, i en dan hi ka hai miahlo ania"




Ka phun hluk ringawt, "Engtin vak nge ka en a?"




"Fiamthu lo mai teh, car hi tiding phawt la...Vat vat"




A steering min lo khawihpui vang chuan ka ding chawt nghal, "Phiangsen che hian!" Ka vin hmuk bawk, ka car khalh lai min tihbuai hi ka huat theih zia chu a hrechiang khawp, ka buai vek zel, danger way a kan kal thin lai phei chuan keiman car ka khalh an phal ngailo, tibuaitu hlek ka neih chuan accident ani mai.





"Aella saw kan au ang.Party na a kal ve tur a kan sawm chhuah theih ka ring"




"Tum buai duh suh, a thisen in a ngam dawn chuanglo"





"Let's see, bum dan ka hria alawm." Ka melh hrawk tawh, hepa hi tinge mipa ang lo mai a a awm thin?




Car ah kei erawh ka lo thu daih thung, henu hi ka hnaih chuan a zuna ka uai mai ka hlau ani.Tu hmeichhia mah hmangaih emaw ka thinlung neih tir ka duhlo, he ka mission hi ka hlenchhuak parh te anih loh chuan...Ka nu thlarau tan a phuba ka laksak na ang ani a, chuta kara hmeichhia ka nun lo tibuaitu an awm ve ka duhlo bur.




Estonia tan pah chuan ka ngawi reng a, car audio atanga Mr D'Lalo thih thu an lo puang chiah chu ka nui suk, Ka nu nen in lo va in hmachhawn dawn ania..







AELLA VINGETT POV:::💋💋




Tukverh a dak pah in Wendy lo haw hun ka nghak reng a, ka mutthilh a chhuak tawh bawk nen, amah ka ngaihtuah si, ka lo muthlu leh thin .Wendy hi misual ani miahlo, a tawngkam a na deuh a ani mai.Zanin phei chu alo haw tlai vangin ka pu a thinrim deuh tawh lehnghal a....




"Aella...hey..."




Hnuailam atanga min lo au sar sar tu aw ka hre chiah chu ka harh kawk a, ka headset ken lai ka thlauh zawk bawk.




"Ouch...a va na reuh hrep e!"




Hnuailam ka va hawithla chu Matthew Lemister!! God!! Enge alo tih!??




Ka headset a keng ran bawk, "Enge ilo tih a!?" Tawng rin theih bawk siloh,




Hawikual zak zak pah in "Lo chhuk rawh....party na ah kan kal ang..."




"Aih, teuhlo...ka duhlo"




Ka ner nang nang nghal,thaw hap pah hian "Wendy a rui lutuk a, amah chuan alo haw theilo ang.Ilo hruai a ngai alawm!!"




Ka buai ta deuh "Nangman lo thlah mai la... khawngaih in...ka chhuah ruk chuan ka pu ten an hre palh ang"




"A chi loh, tun pawh hi a rui lutuk, kan khawih a duh silo a, i hming a lam reng a...lo kal mai rawh.."




Wendy chu aw...engtin nge ka tih tak ang? Zan a riak chhuak anih chuan ka pu in a hrem dan tur a hre sa ve reng awm si a, nge hetia a awm thin le!




Thawm dim takin ka va chhuak ru a, inchei pawh ka inchei hman tawhlo, ka vest var hak leh sweatpants dum, slipper ka bun mawl tawp lehnghal!!




"Helamah..." Matthew chuan alo ti sa sa,




Ka va kal a, "Car ilo keng em? I rualin ka kal ve mai ang...wendy in car a keng tho a"





Min en vang vang pah in "Party na ah anih hi aw kan kal dawn...."





"Inthlakna hun a awm tawh hleinem!"





"Okay, kal phawt mai teh ang"





A car lam pan chuan kan kal a, ka lung a phu dup dup tawh, ka pi leh pu in min hriatchhuah loh hram ka beisei..





"Lut rawh le..."




Ka thu lut chiah chu driver seat a Rendell lo thu run vang chuan ka meng phawk vak!! "Hlau suh, min lo zui anih hi"




Rendell chuan min be lemlo, mahse a awm ve hrim hrim pawh hi ka zam chhe der thei!! Matthew chuan "Let ang u le.Aella, kan pahnih a bul ah zel hian i awm dawn nia, lungngai suh"




"Wendy ka haw pui nghal mai ang"





Min chhanglo ve ve, car chu a khalh chhuak zui nghal.





.................................................



God, god, god...hetiang...An ruih hmel hlawm hle mai!! Ka sawisual loh chuan model rual deuh vek anni bawk!



"Khawnge wendy chu??"




Matthew chuan min lo en zauh pah in "Kan zawng dawn lawm"



Rendell chu a ngawi run a, beer alo hum fel hman der tawh.Kan pathum chuan kan in zui ta hlawm, Mabel pawh ka hmu, dawhkan pakhat a damdawi phut hi a hnarah alo hip lut mek anih chu mawle!! Mak ti zet in ka enkual hlawm.



Matthew chu hmeichhe pakhat hian alo kai a "Lam ila?? Ka lo zawng ru reng che lawm"




"Ani maw?? Lam ang hmiang?" Nui hak pah in a zui ta daih mai!! Hmela mai mai chu, ka au zui ngam der silo, Rendell lah ka bulah ala ding reng lehnghal, kal leh na tur hre tawh heklo chu ka ding reng a, khawnge wendy chu a awm ang le...



"Kan kal dawn nge heti hian kan ding reng dawn Miss Vingett?"




Rendell aw thum hak in a alo ti chiah chu ka phu zawk a "Aa...kan kal, nilo, ka kal anga..mahse kalna tur ka.."




"Min lo zui rawh" hahthlak min tih hmel zet in a thaw hak, ka hma ah alo ding nghal zat bawk.




Ka kut a alo chelh chiah chu ka tek chuai thei!! Min kalpui hlawk hlawk bawk, mi zi nuaih nuaih karah chuan buaina tawk lemlo in kan kal phei thei ta mai a.Min hruai tumna pawh ka hre chuanglo.




"Aella...aella i ni em?"




"Wendy!! Ka zawng che alawm!"




Rendell min chelhna kut chu la thla in Wendy chu ka nuihsang, Rendell chu a en zauh a, mitmeng ling hlar a min lo en leh in "Enge ilo tih ve a!? Ilo chhuak ru elaw!?" A va ruih hmel si loh ve...




Rendell chu ka en a, hemite pahnih hian min lo bum chhuak ani maw!!



"Nilo, i rui lutuk an tia...ka lo hruai dawn che...".





"Eng phiangsen nge maw i sawi le!?? Dawt sawi tum hlek suh!! "




"Chutiang..."




Rendell zawk chuan wendy min chelhna ka vest ami a kut chu alo la thla a "A duh chuan alo kal ve thei alawm.Tinge i buai viau a?"





"Rendell..." Wendy chuan a en ha,




"Thil pawi a awm hleinem.I ngaithei lo anih chuan nangmah zawk khan lo va haw san mai rawh.Keiman ka thlah ve mai ang" a ti vawt ruih bawk,




Mak ti zet in ka en ran thung, matthew Lemister!! Nang pa hian ani maw min lo bum a!?? Buaina ka tawh phah hi..




Wendy chuan ling hlar a min en in min ben mai duh hmel a pu, Rendell chuan min kaisawn rawp bawk!




"Nilo,nilo...ka haw leh nghal a ngai.Ka pu ten an hriat vaih chuan a pawi dawn lutuk!! "





"Ka thlah dawn che nia, unaunu fel tak i nei bawk si a" a tawngkam ngeiawm zet vang chuan ka melh khai a,




"Enteh...ka..."




Mitmeng sexy zet a min lo en pah in a beer bur ken lai chu a theh phei zauh a, "Eng chu maw?" Ka tawlh hnung dawrh thung.




"Ka...ih...ka haw dawn..."





"Nichin a i sawi tum kha mawle..."




Alo kal hnai zel avang chuan bang ah ka bet titih tawh, "Sawi tum ka neilo . .."




"I nei ngei alawm"




"Min lo hnaih tawh suh!!" Ka ti ta nge nge, nui hak pah in a in la hrang a, "Tun ah khan enge ka tih tum ni a i hriat?"




Chhan mai dan tur ka hriat loh vang chuan ka chil ka lem kalh a, lo kal hnai leh pah in "I vest kha ila pawt chho miahlo"



God!! Nichin a wendy in ka bra zawn tak a min thamna kha, rang lutuk a insiamtha in "Ok, ka haw duh tawh!"




"Min vin tih i inhria em?"




Sawisual in ti zet in ka ka ka hup zauh a, a mitmeng a rum hle thung.



"Ka...ka tihpalh..."




"Kal ang" alo ti hmuk,




Ni e, tuna kan luhna penthouse hi a zau tham a, mahni mai a ka kal anih chuan kawng ka bo thei hrim hrim.Chuta karah he mipa nelawm loh zet kalpui ala ngai zui,




.................................




Kawngtluan in kan in be lo, a phone lo ri chu a pick vat a , airpod vuah nghal pah in "Sawi rawh"




"....ka lo let tep, min lo nghak dawn nia..."



Ka lo en ha, "Okay"




Min lo en zawk a, ka hawisawn leh nghal, a airpod phawi pah chuan "Ka lo hawi rual a hawisawn daih hi i habit pakhat em ni?"




A hmelah chuan nelawmna hmuh ve ka tum ania, teuh hian hnai lo.




"Eye contact neih hi nuam ka ti lem thinlo"





A vei nuih suk, chu pawh a ngeiawm zawngin.





.....................................................



Zingah chuan ka roomah wendy alo lut nghal "Hey zawngi!! Engvanga nizan kha lo kal ve ngawt nge i nih? Sawmna pawh i dawng ve hleinem!"




"Matthew an i rui lutuk atih vang che a lo hruai tum che ka nih kha!!" Ka ti hlar a,





"Hah, an dawt sawi chu dawt ani tih chiang takin i hria.Mahse lo kal ve hrim hrim i chak vangin nih kha ilo kal luih!!Tenawm reuh lutuk, i thin zia te kha i inhria em?? Sweat pants nen....I balenciaga slipper hi party na a bun chi ani em ni!? Min tih zah zia kha!"




Thaw hapin ka melh khai a "Lo buai suh, i ninawm zozai tawh em em lutuk! Enge ka nunah hian ilo in rawlh ve sek a!? "





"Ka nau zawk i nih vang mawle, ka nau zahpuiawm tak, engmah thil changkang hre ve lo, tuna branded thawmhnaw hlir i hak chhan pawh hi keima thlan sak vek che anih hi!"




"I pawisa a min leisak ani chuanglo! Ka thawmhnaw neih ho hi i pawisa chengkhat hmang pawn min leisak lo, buai ve vak duh suh!!"





Kan inhau ring tan ta, mahse ka pi leh pu morning walk an neih daih vangin ka hlauthawng lemlo,




"Ok, nangnu nen hian kan in haw kumkhua tawh ang!" A ti that a,





"A pawi ka ti teh chai lo!!"




"Hrep che hian!" Ka pillow in min lo vawm pawp, thinrim em em in pillow chu ka chhar a "Chhuak rawh!! Ka roomah hian lo lut tawh ngai suh!!"





"Bustarb!! Hremhmun ah kal rawh!"





"Ka kal em em ang!"


Ka room kawngka ka khar nghal chawrh, lungawi zan lo in khumah ka thu a, ka thaw chhuak hawk, em em an a, ka dawhtheihna in a tlin tawh biklo.



News a Mr D'Lalo thih thu an lo puang leh chiah chu ka phu zawk thei, kha sniper bawk kha maw...Klay te ho pawh an buai hmel viau tawh.



Mit a hmutu te sawi dan in kawrdum hlang vek a inthuam an ni awm e, kan France ram han chhiat tawh zia zet chu aw...Ka hmuhdan ang kha a suallo anih hmel, mi pahnih ve tho anni...mahse an landan in mipa 2 an ni thung...ka hmuh kha chuan hmeichhia leh mipa an ni ngeiin ka hre si a...


"He black sniper ti a a hming an vuah hi Mr J'Taime thattu tho kha niin a lang a, bullet .8 a hmang ani.Kan palai hnen atanga thu kan dawn dan in he mi hi mi fing tak ani ngei ang, MOA a hmang dik thiam em em a, a hnuhma chhui zui tur a awm ngailo......."




Black sniper....tu chiah nge maw i nih le..






MABEL L'ALEO POV:::🚬🚬🚬📿📿





Mr Aldrin te nen a Office pakhat a kan awm lai chuan weed zu pah in cocaine ka hip lut zauh zauh a, "Hetiang damdawi at a a lehnghal hi chuan i hna pawh hi i hlen thei chiah dawn em ni?! Mission number one ah pawh i khur a, i kah theih loh phah kha!! He thil hi i bansan dawn lo anih chuan bang rawh!!"





Muangchangin ka hawi chho a, ka hnar hmet zauh a hip lut hrawk pah in "Engtin maw i sawi Klein?"






"Bang rawh ka ti anih chu!"





Ka pistol mu leh a chal a in tawk zat nghal, kei ai a rank hniam in a khatia min tawngkhum ve kha ka ngaithei miahlo.




"Han sawi nawn leh teh" nui suk pah in ka ti sup bawk, Aldrin chuan "Enge maw i hriat le?!! I thiltih hi i hmu em?"





"Psycho min ti thin ani lawm ni?? Psycho chuan a thil tih a hre ngailo.A ngaihtuah lawk bawk heklo"




Ka weed vap ka khawng thla a, sofa a thu thla in ka bawp ka khaw kherh nghal zat,



"Kei ai a rank hniam vek in ni tih theihnghilh suh u, ka nundan tur ah in lo buai ve a ngailo."




An in en kual hrek hrek tih ka hria, kawngka alo in hawng a, Theo alo lut ve chiah.




Klein ruang a ke a thai let pah chuan "Eng thil nge thleng a?"





"A nun a ning deuh tawh nge maw ni a sawi loh tur a sawi zuah zuah a" Sandra in nui hak pah in alo ti vat.




"Heh, kal ang u.Eagle Snipers ho meeting koh ani"





Engtik lai pawn kei chuan kawrfual tight, banbul emaw ban puk lampang emaw coat bodyfit a dum ngei ngei ka ha thin a, chu chu ka sign pakhat ani bawk.Ka chalsam rual mat leh ka mitmeng rum lam lek lek vang hian mite hlauh nih ka hlawh fo a, nuam ka ti lemlo, khawlai ka tei chhuah ve changa min en leh hrek hrek zel tih ka hriat phei hi chuan in a tawm chawt ka thlang zawk thin.





"Aella Vingett maw?? Hmeichhe fel tak anih kha"




Sandra chuan alo ti thawt, Rendell a ngawi ngul thung.




"Kan chanchin a chhui mek alawm!! Saw nu saw mifing lutuk anih vang a chut tih hlawh phah a nih saw.Computer leh apps vel hack dan a hre zek lehnghal a...Kan tan a pawi thei, tunah pawh a tawp a hnaih tawh ania!!"





Theo chuan alo ti vat, Matthew chuan "Kan that anih chuan tuar deuh deuh an khat nuk maithei" nui pah in rendell a melh zauh, hei chu ka hriat sa.Mahse ngaihsak awm in hepa hian a in awm tir duh miahlo.




Ka la ngawi reng tho, "Kan kidnap ang.Thah kher a tullo" Rendell in alo ti chiah chu ka thaw deuh huai, ni e, kha nu te kha ka ngaihnat zawng tak ani reuh a, thi tur em chuan a khawngaih thlak deuh ani.





"Kidnap?? Nia, thah ai chuan a tha ang...Mahse lo tlanchhuak palh ta se.. "




"Kan thah a ngai" theo in alo ti chang fak.





"A ngailo" Rendell in rum lam lek lek in a en zat bawk.





"A tlanchhuak a, keini ho hi min hria anih chuan kan chan tur a chhe viau ang!!"




Rendell chuan "Ka kutah dah la a tawk ani mai .Plan ka nei lawk sa vek!!" Tho kang uaih pah in a ti hrawk, theo nen an in melh rum tawh hle.




"Guys, thu phawt teh u... Tih dan tur ka hria" ka lo ti zauh a, min lo en pah in an in thlahdul ta deuh.





"Sawi rawh"





Matthew chuan " Thah mai chu a thalo ang maw...kan chhiat ai te chuan..."




"Lo ngawi rawh , mabel sawi tur hi ngaithla phawt ang u" sandra in alo ti bawk.




Sandra, kei leh rendell in ani maw Aella lam chu tang.




"Kan kidnap ang.A chhuah loh nan a pi leh pu thah ah kan vau ang.A tlanchhuak lui anih leh a pi leh pu kan that dawn tih a hria anga, a ngam dawn teuhlo.Mi dawih lutuk ani tih kan hriat vek kha"





Sandra chuan "Plan tha tak ani!! A pi leh pu nunna in a tuar ai chuan a duh dawn tho tho"





"Mahse engtin nge kan kidnap anga?? A chhuak khat bawk si, kan chan fuh fe a ngai ang" Theo chuan alo ti ve leh, kan thu a in hmu dawn tan e.






"Aella kha hmeichhe mak tak mai ani reuh a, a habit pakhat ka hriat chu zan chhuah ruk a hrat tan tih hi ani.Nizan ah pawh eiffel tower lama a kal lai ka hmu, eiffel tower lem saw zanah a draw thin ani awm e" sandra chuan nui hak pah in alo ti ve bawk.






"Zantin tih na em ni?"





"Anih hmel, vawi 3 lai ka hmu tawh."






"Kan kidnap anga, mahse bo ang a a lan loh nan plan kan siam leh ang.Api leh pu in kidnap ani tih an hriat chuan Klay te ho kha an ruai palh ang"





"Klay te chu in hlau ami a?? An mawl mawl nen, clue kan hnutchhiah mi pawh an hmu lo a, a tukah keiman ka va thup leh chawp ania" Matthew chuan alo ti hmuk,




Rendell chuan "A bak chu tihdan ka hria e, kan thah dawn loh phawt chuan a pawi lemlo"






"Engvangin nge kan thah chu i duhloh viau a?"





"Pawisawi lo anih kha, keini ang a sual ani ve lo." Cavour a in zawm nghal zat, ka lo nuih suk bawk, Rendell lungmawlpa i duh tih kha pawm mai rawh.






..............................................




Kawrfual dum, a hmalam chhing, a hnunglam fual ka kerek chen lai, ban bul leh nghawng zim lampang chu ka ha a, Tifanny and co. necklace ka awrh bawk. Ka shade chu vuah in lipstick duk zet ka inhnawih a, Rendell nen lem kan chan a ngai dawn anih hmel.




A coatsuit a bal lo awm hru fai zauh pah chuan " Mr Jederek chuan min lo rinhlelh loh hram beisei ang hmiang tiraw?"




"Ka ring."




Limousine car a ding chiah chu ka cigarette ka paih chhuak nghal a, kawngka chu guard pakhat in min lo hawn bawk, ka heel chu ka dahchhuak te te a, ka kut alo vuan zat.




PEREIRA Doral kawtah chuan a assistant ni ngei tur hi alo ding a, Rendell nen chuan kan inkai chial bawk.




"Kan lo lawm a che u.Mahse tunah rih chuan Mr Pereira chu inhmu thei lo ang"




Ka nuih suk a, Rendell zawk chuan "Ami sawmna ngai pawimawh in hun chep tak karah kan lo kal ani a, chutiang a min ti dawn anih chuan, amah zawk min hmu turin ka mansion ah alo kal mai dawn mi niang?" Mitko san ak pah in ati hap,




"Lawkin, Mr ..erhh, i nihna ka hre lo.Mahse i hna i thawk tha viau emaw i in ti tak na a, keini min hnar avang hian Mr pereira chuan a ban thei che tih ilo hre dawn nia" Ka shade la thla pah in ka en kalh a,





"Lo lut rawh u...."





Rendell nen chuan kan innuih zeuh, a kal tluang dawn e....Next target mr Pereira zirchianna kan nei dawn anih hi.





"Aldof, tumah inleng ka nei thei rihlo tih....oh, nangni in ni maw?? Lo lut rawh u..." A pindan chu alo hnawk deuh nuaih.




A bula hmeichhe pakhat, call girl ani mahna, chunu chuan a fawp zauh a, a chhuak nghal bawk.




Rendell nen chuan couch ah kan thu thla a, "Brandy in ang u hmiang?? In lo kal thut pawh ka lo beisei hleinem che u...Aa, kha nu kha chu enga tan mah ngai suh u.Enge in lo kal chhan ber kha?? Ni dawn tak, ka penthouse Viavory hills ami kha in lei duh tak ti ru?? "





A tawngtam hmel hle mai, Rendell phei chuan a ning leh tawh tih a mitmeng atang ka hre thei, Mr Pereira hi France ram senator hlui ani, a eiruk mak bakah hmani lawkah a nupui a thi a, a nupui dam lai pawn hmeichhe call girl, tituai nalh zet zet zen zuk a chin loh phah chuanglo.




An hur herh anih ber hi, "Ni e, kha lai hmun a I penthouse kha a hmun a mawiin kan duhthusam tak ani a, Million 8.9 chuan kan inbiak rem theih kan ring"





Ka nuih sak, a ruk tak chuan ka nin lutuk avangin ka bag a no.4 ka khawih leh rak rak tawh, "Ania sin, kha lai a ka penthouse ka sak tirh phei kha chuan a hunlai a in mawi ber ni pha hial alawm anih.Square fit 10000 chuang ani a, pool te, theatre te leh gym thlengin a awm bawk a...."





A thusawi lai chuan no.4 ka lo bar zauh, Rendell chuan min lo en zauh a, ngaihsak lo luiin brandy ka in zawm nghal.





"A lawmna party ka buatsaih anga, nangni pawh in lo kal ve ngei tur ani.Wednesday zan hian ni nghe nghe se...."




Kan in en dun that nghal, amah thah kan tum zan tak ani . keini party na a kan awm daih ten engtin nge ni ta ang??




"Ok, a tha alawm .Anih, tunlai minister ho an thi zawih zawih si a, nang pawh i inveng ve deuh tawh em??" Rendell chuan brandy in pah chuan alo ti a,






"Veng ang chu mawle!! Sniper an tih vang hian ka awmna atanga kilometres 8 huamchhungah chuan security-in-charge ka dah vek alawm!! "





A harsa dawn anih hmel...."A that khawp chu, mahse tinge ilo hlauh ve ngawt mai le?? Anni te kha chu corrupt an nih mai bakah an background i hre vek tho anga, hmelma nei awm reng an ni si a" ka voice recorder ka on nghal,





"Engmah vak nilo e, fimkhur thu hla ah mawle" buai hmel nak a alo tih chuan ka nuih zauh a,





"Thian vek kan nih hi, sawi hreh mah ta che.Keini hnen a i sawi chu keimahni ah a tawp ang"





Thaw huai pah hian a rope hak chu a zut mar a , a thlan hru pah in "Diktak chuan J'Taime leh D'Lalo te ho chauh hi an target anih ka ring hlawllo, midang pawh an tam ang.Achhan chu kan tihsual a in ang vek, keipawh ka tel ve.Mahse hlauh tur emaw hmingchhiat hlauhna ka nei tawh chuanglo.Politics ka bansan tawh tho, Iran atanga ralthuam dan phalloh lak luh te, Kum 1998 kuma an buai chiam kha keimahni ho thiltih vek ani, Mexico atanga ruihhlo tawlh ruk te, ka sawi peihlo, nula lah kan khawih tam narawh, mahse min tina ve thei chuanglo ang.Sum ka nei a, ka hausa a, engmah buaina ka neilo" a nui huah huah mai,






Rendell chuan dawhkan hnuaiah a kut alo hum ruh hman hle tih ka va khawih chuan ka hrethei, ka sik zauh "Ani maw?? In lo che bawhraw ve angreng anih chu....In tar tawh alamah in ler thar leh ani maw?" Ka nuih hak hak,





"Ni mai ang chu mawle, Mrs L'aleo, nang pawh hi i chhelo zek mai"





Ka melh khai nghal, "I mit hur zet kha lasawn la ka lawm viau ang" cigarette tan pah chuan ka ti a, "Ka tifiam mai mai anih kha...thinrim suh, a ho emai" alo ti nghal zuah zuah,




Rendell chuan "Haw ang, Wednesday zanah chuan kan lo kal dawn nia"





......................................................




"Saw saw aella kha ani em?? Ka han be chhin reng reng teh ang"


Sandra nen shopping kan nei mek, aella ni awm a a sawi na lam pan chuan car chu ka khalh a, "Hey Aella, i dam maw?"




"Aa, sandra nang maw?? Dam e...nang zawk?"




Ka cigarette va vawm chhuak pah chuan "I va vang ve?? I eiffle tower draw lai chu i zo dawn tawh em?"




Mak min tih hmel deuh hlek a min lo en pah in "Zo thawkhat,mahse engtin nge in hriat a??"





"Kan hmu thin che alawm...Good girl, zan chhuah ruk kha a tha ber lo ania" Sandra a nui hak hak,




"Aa,nia...mahse zanah hian a engmawi thei em a, zanah lah ka pu ten chhuah an phallo bawk nen, a ruka ka tih mai a ngai ta ani"




"Okay, enge i tih dawn?? Kan rualin lo kal ve la..."




"Nilo e, hei, ka zawhte chaw tur ka lei a, lenkual pah ka duh mawle...anih phawt u" a nuisang a, sandra chuan a bye bye , keiin car chu ka khalh sawn thung.




AELLA VINGETT POV::::😘😘😘😘




Sandra leh Mabel in min lo bia maw!?? God, ka awih theilo, ka hming te an lo hre ve!! Ka mi duh te pahnih in min hria!! Au chiam mai ka duh!!





In ka thleng chu ka zawhte vulh lai Miko chuan min lo meow khum leh ta, "Okay,okay, lo kal rawh le..."




Wendy nen kan boruak a fuh hleitheilo, ka pi lah in a tan hlur reng a, ka pu nise inah a awm khat ropui si.A hreawm tih piahlam ani!!




Mahni a inluah hran mai ka duh, mahse ka pu hian a phal ka ringlo bur!!



To be continue




Goodnight all



(A chhumbung mah mah em?? Sorry, inbual ve te ka ngai a, hun ka neilo em ani.)


🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 2:51 pm

GEURRE L'AMOUR


CHAPTER-4

WRITER::DEE GIGI




"Be the type of person which you wanted to have in your life"





"Pu...ka sawi awmzia i man lo anih kha, pui tling ka ni ve dawn tawh a,mahni a dinchhuah ka zir ve a ngai alawm..."




"A tawk ka tih chu! I duh chuan i chhuak thei,mahse i chhuah rual rual in kan thisen inzawmna hi a chat tih i hre dawn nia!Tunu zahpuiawm tak ini, Wendy hnen atang thudik ka hre vek tawh, zan chhuah ruk i ching tih thlengin"




Pindan chu a reh ruih ani ber, ngawi ngal in ka ding khawng reng a, thinrim hmel zetin a green tea in pah chuan min melh khui bawk.




Wendy hrep pawh hi a, "Pu...."





"Va in pack fel rawh, i hmel ka hmu duh tawhlo"




Diktak chuan ka chhuah chak em em chhan pawh hi engdang vang anilo, Wendy leh ka pi in a an mitmeng khek rek zet leh an mitmeng hmang a min ngeih loh zia an lantir reng vang a hreawm ti ka ni.




"Khawngaih in..pu.. heti lo zawng hian...ka neihchhun te in nih hi.."




"Chhuah ka duh i ti ani lawm ni?! Chhuak ta che!! I chanchin hriat reng pawh hi ka duh tawhlo, Wendy a awm a, kan duhtawk mai .Nang erawh kan thlah te zing a chhiar tlak pawh i nih hrep loh hi!! I nu atanga...." Sawizawm lo in a ngawi hmuk a "Chhuak vat mai rawh"





Ka mittui a parawl tiau thung, ka nu an hmuhsitna chu ala reh lo ani maw? Rilru no chi ka lo ni bawk nen, ka mittui chu dan rual loh in alo far tluk tluk a, sawi mai tur pawh ka hrelo.




"Tennon!! Aella thawmhnaw hi lo pack sak rawh! A chhuak dawn, alo let leh tawh ngai tur anilo, a lo let palh anih vaih chuan Keimah ngei hian ka hnuk chhuak ang!"





Ka tap zawih zawih thung, ka pu lehzel in khatia min tih kha ka ring theilo.Tun tut tut a chhuah pawh ka tumlo, diktak chuan apartment tur takngial pawh ka la hmulo ania.





"Pu...tuna chhuah ka tum lo...awmna tur ka nei dawn hleinem..."




"A pawi teh chailo, wendy leh i pi thusawi kha alo dik anih hi, kutdawh em chuan i awm lo turah ka ngai mahni a in luah hran tum ngat i ni si a, tikhan tleirawl hawklak ho ang in i nun iva chen anga, sawn te emaw i pawm anga, ka ngaihtuah chian poh leh i tenawm ka ti tulh tulh, "





"Pu..."




Tennon chuan ka luggage alo hnuk chhuak ta, ka in ti paukhauh lui tlat a, tap lo tur in ka infuih nasa hle, wendy leh ka pi chuan engtin tak ka chungchang chu lo sawi nasa ang maw.




..................................


Kawngka atanga ka chhuak tur chu Wendy corridor phei a lo ding chunga min nuih vawr hi ka hmu a, chu chu in ka chhuahsan dawn a inchhunga chengte hmel ka hmuh hnuhnun ber ani.





Taxi phar in ka mit sen ram a lan loh nan shade ka vuah a, "Monsieur, khawi emaw hotel luah hawh tur awmna i hriat apiangah min hruai thei angem?"




"Awle, Raddison blu hotel "




Ka phone lo ri chu pick pah in "Hello, tunge aw?"




"Klay Callister, miss vingett ka bia em ?"




Ka thaw hap a, "Aw, enge ni ta?!"




"Black sniper chungchang ah hian inbiak fal lawk ka duh a....ka "




A thusawi lai lo dang chat in "Enteh, ka inrawlh ve duh tawh lo, ka theih tawkin ka chhui ve mek a, ka lo chhuichhuak palh ta anih leh ka lo hrilh ang che u.Mahse hetiang ang zawnga inrawlh ka duhlo, min lo be tawh suh!"




Ka phone chu ka ak tha hmak nghal, engmah bungrua ka neilo, ka luggage chauh hi ani mai.




Raddison blu hotel chu lian zet mai, a kawt vel pawh zawl nuam tak mai hi ani a, a fare ka pek zawh chuan ka chhuk ta a.Engpawh nise va in bel lut phawt ang hmiang.




RENDELL ROSCOE POV:::📿📿




Muangchangin ka sleeve chu ka thlep a, darthlalang hma ah ka ding run bawk.



"Rendell, i car chu kan peih tawh e"




"Ka lo chhuk nghal ang.Lawk, mabel alo kal tawh em?"




"Aih, va hruai pah a ngai dawn a niin a lang.Chuan, aella Vingett chungchang kha...nimin piah khan Raddison Blu hotel ah a insawn , an in atang a chhuak anih hmel.."




Ka meng phawk deuh hlak a , mahse ka nui suk nghal, "Ok, Klay Callister leh a uicho rual ho in an tihbuai loh nan en zui reng ang che u"




"Awle"



Step a chhuk pah chuan Matthew leh Sandra chungchang ka zawt pah a, an hlawhtlin hram ka beisei, zanin ai bak a chance fuh hi a awm tawh dawnlo.A fail anih vaih chuan target danga kan pensan a ngai dawn ani mai .




Limousine chhungah chuan thu lut in ka thaw hap a, nizan lama Tryona nen a kan chetna vangin ka taksa ala zawi nghulh thei, a hnehsawh reuh zek lehnghal a, mit la chhing reng chung chuan ka khi sak.


Mahse engvang teh hrep a ka mitthla a Aella lo lang fo nge anih ka hrelo, ka duh awm pawh ka hre silo, chutah ka ideal type hmeichhia nen chuan ani hi chu in persan tawp ani.




Hmeichhe zei felfai tak, mipui pungkhawm kar pawh a a lawr lak ni chin, thenrual kawm thiam leh mipa tih lawm dan thiam, hei vang hi nia kei ai a upa deuh ngawt ka kawp thin.




Chuta karah Aella ve thung hi chu ...Nilo, hrep hian engvang chuan nge maw ka khaikhin hlawm le?



Ni e, hmeichhia ka mutpui te ho hi tumah duh emaw hmangaih ka neilo, vanram tlafual kan chen a, chumi hnuah a tuk alo thlen chuan ka theihnghilh leh mai thin. Aella hi Klay ten an pun ber tur ani tih ka hria, chuvangin zanin a ral hi chuan kan hna kha kan thawh tawh ngei a ngai ang




Theo leh matthew chuan thah mai an pawisa lo tih ka hria, tun thlengin kan inkar pawh theo nen ala fuh hleitheilo.



MATTHEW LEMISTER POV;::





Zan dar 8:30 vel chiah chiah ani ta, Sandra nen chuan Fox Eye-mask kan vuah ve ve a, keiin coatsuit dum ha in, Sandra in kawrfual parh, a chawn chen banbul leh nghawng V a ha thung.




A tul thut huna party hall a kan luh a ngaih palh tak a hetianga inchei kan ni.Rendell leh mabel lah special guest ang thawthang in a lawm miau si ale.
Mr Pereira hian rendell leh mabel hi a hre ngailo ani ngei ang, achhan chu kum 2005 atang tawh khan Italy ah deuh ngawt a awm vang ani.




Rifle chu tukverh ah kan hung a, an party buatsaihna hmun atang in a hla lo hle.Kan awmna hi hotel tur a an sak mek, construction building ani bawk.Theo chuan control room atang min lo be reng a, tawngrin na chi anih si loh avangin inter-mic watch chu ka phelh tawp.




Sandra zawk chuan silai a scope hmang chuan a en ran a, .40 caliber leh MOA a la inrem thei meuhlo.




Chutah, security te an awm tih kan hriat avangin kan fimkhur a ngai hle bawk, ka hmang pawh a inbelo in zaizir hlir in ani kan inbiak.




Sandra chuan "A hun tep..." Alo ti sap a,




Ka cigarette paih pah in "Inhnuailam atanga thawm kha i hre ve em?" Ka hriatchian em avangin ka fimkhur lehzual,




"Eng thawm maw?"





"Pen ri...."




Ka pawt tho lawp a, bang lian zet phenah chuan ka din pui nghal bawk.



Mr Jederek Peireira security te ngei an ni.Sandra nen chuan thawk pawh kan thaw tawhlo emaw tih mai tur hian kan awm a, "Helai atang hian lawm Laser khan an lo chhun, chiang takin ka hmu"




"Saw, an equipment"




4 vel anni.Sandra chu ka signal zauh a, kan dinna bang zawn an lo kal pel tur chiah chu hnunglam atang pistol chuan pakhat ka chhu chawrh, sandra in a heel tlang hmawk khawp in pakhat chu a thinhnun ah alo tlawh ve thung.





Pakhat zawk chuan min lo tlawh thuai ,tlu hnawk pah in a ke chu ka chelh a, ka elh zui nghek.Tho kangin soundproof pistol chuan a chaldar ah tak ka kap a, Sandra in min lo nuih sak "Kei ai chuan i tlai" A nghawng ruh a tih tliah sak pa theh chawrh pah a alo tih chuan ka nuih suk a, "Tan ang hmiang?"





Rifle chuan kan tin vang vang a, Rendell in a min lo hrilh lawk tawh ang ngeiin Mabel te nen an pathum chauh a an awm lai chuan Sandra chuan rifle chu a thlah ve chiah,




"Chhuk nghal ang, midang in min lo hmu palh ange"




"I kap fuh chiah maw? A thi em?"





"A thi ani ang chu an rik hlut khu.."




AELLA VINGETT POV:::💌💌






Ka apartment luah thar chu a nuam reuh zek a, sum ka kuta a awm takah chuan ren thiamlo mi ka lo ni bawk nen ka hmang huau huau ka ti mai.




Tlailam dar 4 velah bathtub rose a khat ah chuan mu pah in glass wall atanga Paris kawtthler lo lang lam chu ka en reng a, wine ka in pah bawk.




Black sniper....Mi 3 i that ta..mr J'Taime, Mr D'Lalo leh Mr Pereira te...Ka la chhui chhuak khawp ang che, i phutawk ang tak hremna pawh i tuar ngei tur ani.Mahse ka data hack atang hian engmah la chhuichhuah tur erawh ala awmlo, a lan dan chuan an fin mai bakah hacker te pawh in a an tihbuai theih loh nan virus chikhat an hmang ani.





Ka nun chu a inthlak tan ka ti mai, ka chhungril ah chuan chhuichhuah chakna a in phum zek zek tawh, hmeichhe awm mawl tak ang chauh kha nih ka tum tawhlo bau!!




Evening coffee in tur in hotel piah a Cafe ah chuan ka lut a, ka bag pawh ka dah fel vek tawh magazine ka chhiar tur chu a piah deuh a dream catcher mawi zet an lo zawrh mi avang chuan ka va chhuak leh.




Dream catcher hi chu thalai te duh ber thil ani hial maithei, vanneihna kengtu ni a rinna lian tak ka nei bawk.





"Monsieress , heihi engzat man nge?"





"Euro 2.5"




"Thanks, ka lo la ange"




Khai va va pah chuan Cafe lam pan chuan ka kal leh a, mahse bang leh bang inkar a ka thil hmuh vang chuan ka ding chawt.




Saw pa saw...Rendell roscoe maw?? A dum vekin a inthuam a, cap dum la khum mahse a hmel chiang takin ka hrethei, nia, a ban veilamah Tattoo mak zet leh nalh ka tih ruk tak si inchhu vang khan.




Mi pakhat nen an in be mek, an dinna vel chu a thim ruih bawk, tlai ni tla tur in a a chhun loh na chin chiah chiah a an awm vang ani mahna.



Dustbin lian zet chu inphen nan a hmangin an thusawi ngaithla tur chuan ka beng ka chhi ha a, nilo, hetiang thil ka tih pawh ka lo in ring ngailo,mahse rendell vang vek saw ani!! Hepa hi ka ngaihzawn zia chu zep rual anilo alawm, mahse min duh ve dawn chuan loh avang a tilang duhlo chauh ka ni.





Dream catcher la khai reng chung chuan ka thu run a "Aw.....zan a a chhuah hunah a laptop chu lo en ka tum dawn nia"




"A ngai tawhlo, zanin hi a hun hnuhnung ani tawh tho, chuan i thawh that vanga i hlawh la turin ka mansion ah naktuk ah ilo kal dawn nia"




"Awle , lawk aw...chuan..."




A ngawih daih vang chuan enge a chhan tih hriat tum in tlem in ka va dak deuh a, Rendell alo hawi ta run mai!!! A hmel pa zet leh a mitmeng rum lam lek lek te chu chiang lutuk in ka hmu ta! Ka pil lehnghal a,





Ka hmui hup chawt pah in ka tlanchhe nghal, God, min tanpui hram rawh!!





Ka lung hi a phu dup dup tawh, cafe ah chuan hah zet a lut in ka thaw hlawp hlawp a, ka coffee tur a an lo chhawp sa chu ka in zui nghal kawlh kawlh.



Rendell khan min hmu chiang lutuk tlat!!




Engtin nge ka tih tak ang?? Kha pa nen khan tu chungchang nge an sawi?? ? Ka awm a nuam thei hlawllo.




EIFFEL TOWER...




City of love an lo tih hial Paris leh eiffel tower eng maw zet chu a in phu hliah hliah, ka lem ziah lai ziak mawlh mawlh pah in vawiin tlai a thilthleng kha theihnghilh tum pah in ka zai rat rat a.




Ka thutna step ah chuan mi veivak an tam lutuk lo,
an awmlo tluk ani.




Ka pu te nen kan la in be miah lo bawk.




"Miss Vingett"




Ka bula smart shoe manto hmel zet tle var , a buntu erawh ka en chhoh lemloh vangin tunge anih ka hrelo.





"Hi.." ka draw chhunzawm leh tho.




"Zalen tak a zan hun hman chu nuam iti bawk maw?"




Muangchangin ka hawi chho a, ka hmel hmuh vang chuan ka paper ken in ka in hliah nghal.




A nui zui hak, God...rendell roscoe ani...tlai a thilthleng vang kha em mi ni ta ang?? Nilo, min tanpui hram rawh...tu chungchang nge an sawi lah ka hre heklo.





"Miss Vingett, innel takin kan in be thei angem?"




Zawi muangin paper chu ka dah thla a, enge tuna a sawi awmzia kha?





Alo thu thla ve nghal a, a jacket leather hak nen chuan a pa lehpek hle, a fresh in a rim pa zet whisky leh cigarette rim inchawhpawlh lo nam veng veng pawh chu ka hre thei ta.




"Enge i sawi duh chu?"




Ka mipa duh ber maiin a hetia inbiak a min sawm hi ka ring pha ngailo!!! Ka thin hi a phu chhuak mai dawn in ka hria.




"Tlemte mawle....i zalenna mangtha rawh" ka mitah tak chiang zet a min lo en chunga a ti chu a ngaihna hrelo zet in ka en kar a




Hnunglam atang ka hnar zawnah tak hnim hlum...Nilo!!




Rendell nui hmel tha zet chu ka hmu phe ruai ruai, rul mawi tak leh a tur hlauawm tak....




A thim nghal khup bawk...




To be continue...




Zanah ka hman chuan ka lo dah leh dawn nia...
A chhumbung deuh anih pawn min hrethiam dawn nia, hun chep tak karah ka lo type lui hram hram anihhi......


🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 2:51 pm

GEURRE L'AMOUR



CHAPTER-5



WRITER::DEE GIGI



"The hell is empty, all the devils are here..."



(Guys.... Friday atang khan kan current a thim char char a, inrinlawk hma hauh a thleng anih vang nge lo in hmakhua nachang lah ka hre heklo.Nizan atang current a awm chiah bawk nen, a rang lama hunawl awm lai hian lo type vat vat ka duh....Nimin ah kan thiannu a in awkhlum a, ka number nei ho chuan whatsapp ka status in hmuh ka ring .Thiannu te ngawih ngawih an ni ve bawk nen...hun a awmlo em ani...sorry vek u...regu deuh in ka lo dah tawh ang)









Muangchangin ka meng riai riai a, chhum paw chiai kar a nizung lo lang tiam tiam chuan min lo chhun sat bawk.





Nilo,ka tho kang nghal kawk.




Chutih rual chuan kawngka a mipa pakhat ding chu a chhuak nghal vut bawk.




Pindan zau angreng tak ani, engtin nge...ka hrechhuak leh ta!! Enga tan nge kei hi hetia min man a?!




Khum bedsheet thianghlim sar inphah chu ka en leh a, min khawih chhe miahlo!! Lawmthu ka sawi sap, thokang nghal in ka sam chu tawn ka tum a, ka samtawn ka keng miahlo.




Engpawh nise, engvanga hetia min man ngawt nge a ni tih ka hriatchhuah a ngai, chumai bakah .....



Mahni a inbe mawlh mawlh chunga kawngka hawn ka tum chiah chu tha chak zet in a alo hawn thut vang chuan ka pai deuh dawrh.




"Miss Vingett, ka mikhual nih chu a hreawm lemlo ang chu tiraw?"




Rope tial a ha a, a sam a thur sang a, a meng sexy lehpek hle, Champange no nalh zet a hum ran bawk.
A tho hlim ani maithei, nge ni a nichin a mipa khan ava kaitho??




Hamhaih deuh tak hian "Na..nang hi? Engvang in nge min man a!? Tihsual ka neilo!!"





"I nei ka ti hleinem"




Couch ah chuan thu in Champange chu a lem zauh, thinrim ai mah in mak tihna ka ngah zawk.





"Enteh, he black sniper chungchang hi a nih chuan ka fihlim tih ka han sawi phawt ange.Diktak phei chuan keimah zawk hian ka chhui ru reng a, ka chhuichhuak thei mai pawh in ka ring, data ka nei teuh tawh.Min chhuah la, he sniper chungchang hi kan chhui dun dawn nia...."






Ka thusawi chhung zawng chuan nin hmel zet in a lo nur anih chu mawle! A kut thing pah chuan "Miss Vingett, i in sawi awk mai mai.I sawi tam poh leh i nun theihna chance a hniam tih na.Chuvangin ngawi mai mai zawk rawh"





Ka meng phawk hra a, "Mahse...engvang a..."





"Dam ila duh anih chuan ngawi rawh ka tih na anih chu"





Ka lung a phu nghal dup dup, mihring a zawng a ka nel loh ber in ka nunna chungthu chungchang a han sawi phei chu in hrethiam mai em??





" Tinge....ka dam leh dam loh a...ka..." Ka tawngsual nawk nawk tawh.




Champagne no hung tha pah chuan min lo en kalh a, "Miss Vingett, diktak chuan ka member pui thenkhat te chuan thah che an pawi ti miahlo.Mahse thenkhat erawh in thah che an duh lemlo."





"Enge ka tihsual a?? In eng pawi nge maw ka sawi le..."





"Miss Vingett, i buai loh na tur ah i in rawlh mawle, "





Lawkin, nimin tlai a an thusawi ka hriat vang kha...God....kha thil kha ani chiang lutuk!!




Hlauthawng mitmeng zet a en pah in "Engmah..engmah ka hrelo takzet...ka hrelo reng reng..."





"Aih, i hriat tur ai nasa in i hre tawh zawk mawle"





An thusawi tawite vang kha ani!! Mahse sawichhuah pawh ka ngam leh ang lawi silo , a pawi zawk a thlen ka hlau.An member te zing a min tantu an awm tho chuan...nilo, member maw?? Eng chiah nge maw an nih le!!





"Rendell....aa, ka sawi awmzia chu Mr Roscoe...ka ..ih...engmah ka sawichhuak lo ang, ka nunna zuah hram rawh...."






"Keiman maw?" A kiai sak,




Lung phu det det pah chuan ka en reng a, muangchang a lo hawichhuak in "Hetia ka kidnap chhan che hi i hria em? Miss, i nunna la duh mai te zingah hian ka thianhnai tak te an awm a, chumai bakah a pawi zawnga i che dawn anih chuan keimah zawk pawh hian ka that thei tho che ania, i pi leh pu pawh kha a huam tih hria ang che .An dam ila duh anih chuan nangma awmdan ah a in nghat"





A tawngkam tin te chuan keimah ah thlamuanna thu reng reng a sawilo, diktak chuan hepa , ka hmuh hmasak ber tum atanga ka hmangaih awmchhun in min thah mai a hreh loh thu a han sawi ania...Ka pi leh pu te pawh...nilo, a thah ka phallo.Chu ai chuan ka tuar zawk mai ang.






"Min that ang maw.....nangman..." Chu thu ka sawichhuah lai reng reng chu ka hrelo, ka a huih ani ber.Ka hmangaih awmchhun ....nilo, ka hmangaih thu a hrelo, lo vei ruk ang vel chauh ani.






Alo hawi zawk a, a mitmu fim nghalh a min lo en pah chuan " Ka thah theih loh nachhan tur che a awm em ni?"





Ka thinlung hi chemte a vih sawk ang vel ani.






Ka in tipaukhauh lui a, ka dar chhin ak pah chuan "Ka haw duh"





"I haw theilo tih ka lo sawi theihnghilh ani maw miss Vingett?? Dam te ila duh ve ngai anih chuan ka haw duh tih kha sawi pawh sawi tawh suh!"


Ding nghal hmuk pah in kawngka chu a hawng a, "I bungrua pawh ngaihsak suh.Lo chhuk rawh.Kalna tur dang kan nei"





Ka chechang tawhlo, min nek pai deuh nawk.A chhuak zui nghal bawk.




Mak tihna leh rilru natna.Muangchangin tukverh lamah chuan ka kal phei a, chhum alo zing paw chiai bawk.Eng thil teh hrep ah nge maw ka in barhluh tak hi le?



Dream catcher vanneihna emaw ti a ka lei hian vanduaina hlir anih hi min thlen.





RENDELL ROSCOE POV:::


8:30 A.M , PARIS.




Ka car chu khalh in backseat lama thu Aella chu mirror kuai deuh pah in ka va melh zawk a, a en ngai en ran in a meng hra mai.




Enga tan mah a ngailo luiin ka khalh chak sauh a, hmeichhia leh mittui, thil inhmeh pawl tak ani.Hmeichhe tap hi hmuhnawm ka tih ani ve tlat, a chhe lam zawng ni hauh silo in , an tah hliam hliam hian inhmeh ka ti thin mahse thlem dan erawh ka hre chuang miahlo.




Nia, mi dim thiam vaklo mi ka lo ni bawk nen, ka hma a ka hmeichhe kawp ho in tihtak hmel zet a kalsan lo tur a min tahkhum tawh chuan rilru na tak a siam hi a harsa ve zek thin.Mahse khawngaihna neilo thinlung ti a miin min sawi thin dan zia kha alo chhuak leh a, ka kalsan nge nge tho.An nat tur ang ang chuan lo na ang hmiang.





Ka villa pakhat zawk a ka kalpui chhan chu Aella ka kidnap tih hi Theo leh matthew mai bakah kan agency a mi thenkhat ten an hriat vaih chuan that tur in emaw min ti nghal anga, ka thuhruk rih a ngai ani.Meeting kan neih leh hunah a chungchang kan rel fel dawn a, zahngaihna an lantir ve anih pawn a chhe ber thleng ani maithei.An lak atanga lakbo rih a him ber.





"Chhuk rawh le"




Car kawngka chu ka hawn sak a, muangchanga min lo en chho in a mitmu uk kharh ah chuan mittui a de sar a,





Ka thaw hap, "Chhuk ta che mawle."





Alo chhuah hnu chuan villa chhunglam chu ka pansan ta daih a, alo lut ve mai ang chu.




"Estes, mikhual pindan lo peih fel ru.Chuan, thil pakhat, inleng ka neih hunah emaw pawh nise he mikhual chungchang hi in sawichhuak ngai tur anilo.A bikin ka thiante kiangah"





Aella lah chu a han che muang mai mai khawp a, "A thawmhnaw tur lo en sak bawk ru."




"Awle .."




Theo te ho chu heta ka inah zawk hian an rawn lang vaklo a, aella ka dahna hmasa zawk kha kan inhnuhkhawmna a ni deuh ber, hetah an lo kal lo tur ah ngai ila.






"Miss Vingett, i pindan tur lamah i duh chuan i chho nghal thei.Breakfast in lo va pe pah dawn nia.Ka chhuah nghal a ngai tlat"





Ka sana ka bih sek a, eagle sniper ho ka Mansion a an lo kalkhawm hun ani tep.





Mr pereira thih chungchang ah lah Klay te ho in keini bawk min lo chhui leh a, nia, sniper rual a lawr lak kan nih avanga min ringhlel an ni deuh ber.Mahse anni ho chhuichhuah theih mai mai a awm ka tum miahlo thung.




Aella chu en pah in "Lo hahdam rawh"





"Hetiang a min tih hnu leh thah a min vau hnu hian ka hahdam i ring a maw?"



"Ring chuang nang"




"Khawi ka bag kha lo la rawh.Ka phone leh pendrive engkim ka dahna anih kha"




Kan tlan phei pah a lui a ka paih mi kha ani mahna, ka lo check ta lemlo a


"Ka paih tawh"




"Enga! Kha bag chhungah khan black sniper ka chhuina atan a data pawimawh ka dah tih i hria em? Khawnge i paih!!"






Ka rum nghut, chhang zui tawhlo in ka chhuak nghal bawk.He hmeichhe khawngaih thlak-i hian khawvel hi a hmachhawn dan a hreawm bik zia ka hrethiam vek, Wendy phei kha chuan unaunu ang pawn a en lo tih ka hmuthiam, chuti chung chuan a chhungkua a ngaihsak ve em em chu ani sia le.





Hmeichhe dang ka mutpui lai a a hmel ka mitthla a alo lan tawh chuan ka phurna a bo vek zel, amah zawk ni ta se tih rilru ka put fo chhan lah ka hre heklo.





Ka mansion ka thlen chuan inkawt vela hmeichhe pahnih , zingkar pawh a inchei parh zet.



"Hi, rendell kha i ni em aw?"





Hawisawn deuh pah chuan "Tu rendell ber?" Mi hmelhriat vak nih hi ka duhlo, ka carreer tan a thil pawi thei pakhat ani bawk.





"Rendell roscoe...i ni chiang lutuk! "





"Enge in sawi duh?"





"Kei hi Olivia Stennon ka nia, chuan heihi Mads Lilian.....Amelia te nen a inkawm thin."





"Ok, bye"




Ka luhsan zui nghal bawk.Hetiang hmeichhe ho hi ka ngaitheih loh zawng tak anni.





Theo te ho lah chu an rei hrep a,





AELLA VINGETT POV::





Tlailam dar 3 ani tawh, phone khawih tur awmlo, engmah tih tur awm bawk silo.



Khum atang chuan tho in kawngka chu ka hawng de de a, alo reh ruih mai.Zinglama ka awmna in ai mah khan hei chu ala ropui zawk.Hepa hi engti fako a hausa nge maw....argh, wendy ten an sawi kha, mipa duhthusam.





Step thui zet a ka chhuk thla tur chu "Miss Aella, enge i tih dawn?" Zinga Estes ti a rendell in a biak mi kha ani.Maids thenkhat in in chhung an lo tifai mek.





"Lehkhabu chhiar tur engemaw a awm em le..."





"Lo kal rawh, heti lamah .."





Nuisangin ka chhuk rang sauh, step tawp pawh ka thlen hma chuan kawngka alo inhawng chawrh a,
Rendell chu phelh phang a lo lut pah in min hmu chiah chu engmah sawi tawhlo in min lo pan a,




Ka lo en phawk hra, "Chho rawh!! Tunah!!"





A buai hmel khawp, a meng sen rum lehnghal.A pen chak bawk a, min kai chho dawr dawr mai!!!





A ngaihna ka bo map.






Room kawngka chu hawng rawp pah in "Eng thawm mah lo chhuah hlek suh ang che.Lo chhuah tum bawk suh.I thi ani mai"





Ka tiril ah hlauhna in min lo man nghal, kawngka chu a kalh zui tih ka hre thei.





Engvanga khatia awm thut kha nge anih?? A thinrim hmel mai bakah sakawlh ti a an sawi thin ang mai kha ani!!





Tihtur ber pawh hrelo in ka vei tawn sek a, khatia a awm thut chhan kha ka hre chak zek zek bawk!!





Tlanchhuah chu khawi lam, guard an duty reng tih ka sawi tawh em?? Ka tukverh zawnah guard 2 an ding kur bawk.Hetia min tihchhan hi enge ni ta ang le?? Ka hre chhuak chiang viau ang!





Sex ni dawn ta se....nilo, min khawih daih tawh ang.Chumai bakah a hmeichhe kawp thin ho nen a tehkhin chi pawh ka nilo, itawm hmel pawh ka pu en ni? Teuhlo.






MABEL L'ALEO POV::(THE EAGLE SNIPER GIRL)






Theo, Mathew leh sandra te nen Euches Villa , rendell in a awmna a sawn tih kan hriat rual in Theo chuan kal a rawt ta thut mai.





"Rendell, i va buai hmel ve?" Ka nuihsang a,





A sam hnawk deuh bam tuai puat pah chuan kan 4 chuan step a chhuk thla pah in min lo en a, "Enge in lo tih dawn?" Alo ti hmuk.





"I mansion a meeting neih kan rawt thut kha , kan lo kal ta silo a, hetah engemaw thuhruk nei niawm tak a i awm leh si avangin kan lo kal anih hi" Theo in alo tih avang chuan tlem in mak ka ti deuh, thil thuhruk a??





"Theo , i buai lohna turah i buai tam mah mah" alo ti hmuk thung






Sofa a thu pah in ciagarette chu ka tan a, "Eng thil thuhruk chungchang nge maw in sawi le?" Ka ti hap





"Vawiin zing khan Aella vingett chenna kan va en a, alo awm tawh miahlo.Apu te in lamah a kal lo tih kan hre ve lehzel nen"






Rendell chu ka melh zawk a, Sandra zawk chuan "Engah nge Aella chu ilo va thli thlai kher a?? Thah loh tur kan tih vek tawh kha!"






"Kan tan a mi hlauawm ani!! A chiang em? Engemaw hriat chhuah chu a nei hrim hrim bawk."





Rendell chuan rum fahran a min en hlawm pah in whisky chu a in a "Hetah hian hahdam tur chauh in ka kal.Helai a buaina siam ka duhlo bawk."






"Oh , rendell.Next target chungchang ani kan lo sawi tum chu"





"Mr Pereira thihna chungchang a thu leng vel pawh a reh fel hma hauh in maw!"





"Ni chiah e, achhan chu hun a awm lo .Mr Beruce hi reilote chiah France ah hian a awm dawn.A thurual pui ho an thi duak duak tih a hriat hnu hian Italy lamah deuh ngawt a awm tawh.France a a awm lai kan nan fuh a ngai tih na anih chu"





Kan topic an lo thlak daih vang chuan ka thaw deuh huai a, Aella chungchang hian ka awm a tinuam thei hlawl thin lo.






"Mr Beruce te chu a chhuak ngai mang silo, engtin nge ni anga?"






"A thlenna hotel a va luhchhuah ani mai..."





An thusawi awmzia ka man chiah chu Sandra nen min lo en dun hlawm haw, Matthew chu a thutna Wooden Blag atang alo in her a, rendell leh theo pawh chuti tho.





"Nope, mipa thlem ka zei ve lemlo" ka lo ti sa nghal





"Sandra?"





"Pawi Chuang hleinem.Mahse plan felfai tak kan siam phawt kha a tul hmasa zawkin ka ring tlat"





Kan thukhawm thap a, Theo chuan "A thlenna pindanah inleng ang in i va lut ang.Nizan lamah ka lo ngaihtuah fel lawk vek alawm....."





A sawi zawh chuan an ri hlut a, Rendell awmdan cool leh ta ruih mai bakah a mitmeng nelawm loh fahran ah chuan thil inthup a awm tih ka hrethiam thung.Mahse heng ho awm lai a zawh loh a him ber tur ah ngai ang.





"Klay Callister hian keini ho min chhui zawn deuh bik hi kan tan a thalo viau ania" alo ti sup a,





"Kan dahtha thei silo alawm.Dahtha hmak ta ila chu Sorkar uisathiam ho in rinhlelhna mitmeng in keini ho hi min en vek mai ang" Theo in alo ti vat.






"Rendell hi cyber hacker ini tho a...an chat history vel i haichhuak thei mai ang chu..."




"A tha viau ang.an thusawi lo hriat ruk sak kha a pawimawh takzet"




An sawikhawm sap sap lai chuan ka bag atanga no 4 phawrh pah in whisky ka thlit zawm zat, ka hmawm pawp a, ka thaw zui nghal huai mai.





"He kan target hi agency chief in a min lo thawn ania.Friday atanga thawh tan tur .A zan la la in a thi tur ani bawk"






An thusawi ngaihsak tawh lemlo chuan step a Persian mat senduk inphah a hmeichhe bracelet ni awm tak tla chu ka en ran a....





Aella vingett a awm ve tih na?




Rendell, ka la hrechhuak khawp ang.


Dinner ei ve nghal mai kan rawt chu rendell chuan hnial sateh mahse kan tum lui miau a, min hnial zui duh ta lemlo.





AELLA VINGETT POV:::




Kawngkhar hnuai atang a lehkhabu pakhat an lo rawlh luh chu ka la vat a, tu min lo pek nge ni ta ang?




Ka keu a, pentui dum hian "Master hrilh miah suh.Inleng pawimawh a nei a, dinner an ei ve dawn avangin a kalhna hi hawng lo tur in min ti bawk ani."





Ka ner sak a, amelia te thianho chaw ei an tum ani maw.



Barbara Cartland ziah "Tears and poison" chu khuma thu in ka chhiar nghal, min man chhan leh enge an duh tih ka hriatchhuah ngei angai a, ka pi leh pu an thih loh nan a ka tuar a ngai bawk.




He rendell roscoe hi eng mihring chiah nge a nih tih thleng in....




...............................................





Thursday zan ani a, diktak chuan he inah hian rendell hi a awm ngai manglo.Dinner leh lunch te pawh a ei ngailo.Zan riah nan chauh a hmang a, kan in be ngailo bawk.Mahse chu chu ka lawm tawk a tling viau.A awm ve reng chuan nun nuam a ka awm ka ring lo.





Mak ve leh deuh chu maids ten an hlau em em a, a mitah pawh an en ngamlo, amah hi tawngtam lo leh hmel dur khuih reng ani bawk a, a nelawm loh em ani.


Ka lehkhabu chhiar lai chu khup in jug a tui chu thlit mai ka tum a, alo zo tawh.





Huis, kitchen lamah va chhuk lawk ang.




Zan dar 8 bawr vel ani.Corridor a kal phei zel in jug chu ka hum ran a,




"Babe.....A na...God, a nuam lutuk...."





Nuam ti a au thawm....ka ding chawt, kawngka an la kalh lo zui....





Mi enthlak hi a mawi lemloh zia ka hria, mahse chu hmeichhe te thawm chu... Muangchangin ka bih dek dek a, ka thil hmuh avang chuan ka auchhuak lo chauh!!!!





Hmeichhia saruak ngalngat a mu leh a chunga mipa , taksa inphiar fat, puan pante chuan an inkhuh ve ngei alawm, light pawh an off, mahse thla eng kulh chuan a chhun eng vek!! .....hetiang hi mit ngei a ka hmuh vawikhatna ani!! Chu hmeichhia chu a hmel ka hmu chiang theilo,mahse thawm a nei ring viau.




Rang lutuk in ka hmui hup pah chuan ka kalsawn nghal a, ka en tih an hriat loh hram ka beisei, ka thisen zam te hi a puakkeh mai dawn in ka hria, ka lung a phu dup dup lehnghal





Jug chu ka fill khat rawp rawp a, an pindan kalpel pawh chu ka hreh takzet!!





Thawk pawh thaw ngamlo in ka kaltlang lui ta tho a, an thiltih lai a an rilru an pek viau chuan min hre hauhlo ang le.





Ka khumah ka let thawk a, puan in ka in lukhup zui nghal! Awmdan tur leh sawifiah dan pawh ka hrelo.ka za vek ani tawp!!





....................................






Ka room hi ka chhuahsan ngailo tluk ani.Eitur nise min lo pe vek anga, rendell nen erawh kan inhmu ngailo!






Lehkhabu ka chhiar chauh lo chu tihtur dang lah a awm heklo.A tukah chuan chhunah khum a mu chungin lehkhabu ka chhiar a,




"Miss, i thawmhnaw thar tur kan order mi alo thleng e..."





Mak ti zet in ka en haw, ka thawmhnaw la tur em a ka haw an phal ve ka ring ania...





Shopping bag an lo dah lut hnur a, an chhuak zui leh mai bawk.





Panty leh bra thlengin....ka hmu chu ka sen ap ap thei, ka haktawk engtin nge an hriat ?? Nah, ka pianphung en in an hrethiam ani ang.




Thawmhnaw ho chu ka la chhuak den den a, Pants thawl lampang mai bakah cropped an lo titam hle.





Rendell khan kan inhmuh changa ka inthuam duhdan alo hria ani maithei asin.






SANDRA BECKRAN POV:::::





Khumah chuan ka muttir hnawk a, ka bathrope phelh pah chuan "Han chen chiah ila duhtak" ka nuihsang bawk.




Mr Beruce chuan nui vur vur pah in " I rak ri hriat a chakawm hle mai, i rough ru zek ang a?"





"Min han tem chhin ta che"





Khumah chuan ka mu a, VFS Balleric suit ka ha bawk.




Tho kang pah in ka chungah chuan a in nem kang a, a dul thau luah leh a saruak mawi lemlo zet te chuan min hip lemlo khawp.




A chungzawn tukverh atang Rendell leh Theo in an tin ran tih a hre awm miah silo ale.





Huamhap zet in a ka mal chu a zut hrawk hrawk a, ka panty lo zen pah chuan "Enge i duh sawi rawh!! Ka lei vek ang che, France ram a mi hausa ka nih hi...Ka nupui ah tang mai ta che, zantin hetia..." Alo hrual chiah chu ka thaw hak a, mit ka chhing zui nghal bawk.Sex lamah hi chuan ka hniam zawk zawk lemlo ania.





A kut chu chelh sak pah in mit zim san hian ka en a, ka bra zawnah a kut chu ka dah sak pah.




Hrethiam ni awm tak a nui in ka bra chu a hlim chho pawp a, ka hnute bu phir thah en pah chuan "Ka ta vek!!" Alo fawp nghal buan buan,




A sam tuak var phauh tawh kek pah chuan "Oh sh*t....hrep che hian..." Nuam tihna in min lo zem tan.




A kut chuan lehlam a tham pah a, a kut veilam in ka pants a hlip bawk.




Duh aiin kan thleng thui dawn tlat, a lu chu ka nemsawn a "Tho teh, ka show i en duhlo em ni?"





Tenawm zet a nui pah hian "Tehreng mai..."





A thokang chiah chu ding tur in ka kutzungchal chuan ka ti zauh a,"Bawihi.,.sniper hian min lo kap ve palh mai ang tih ka hlau ve tho ania" a **** sei zet to luah pah a a ding chiah chu ka nuih sak a "A kap dawn che lawm, goodbye."




Tukverh ri deuh rawp leh Mr beruce lo tlu chiah chu ka chungah tak a la tlu zui, ka nam sawn lawp a,





Ka coat ban nghal pah in tukverh lam chu ka hawi a , thumb up ka pe zauh.Coat ka ha fel deuh chiah





"Min tanpui ru!! Security!!! " Ka au vak a,





Ka nui sak bawk, security te an lo lut chiah chu Mr Beruce thi fel der tawh kuah pah chuan ka tap der a, "Eng thil nge thleng?? Hrep chuan... black Sniper bawk ani leh ang!! Vat in, a ranglam in heng lai coloney ah hian security ho tir chhuak ula, check vek rawh se!"






Ka eyebrow pherh nuang hru pah in ka tap fap fap a "An lo kap thut ani...kan in ring hmanlo...Ka duhlai ka chan ta, man hram teh u..."






Mr Beruce zahmawh chu puan in an khuh a, Security ho chuan "Miss , helamah..... investigation ti tur in COP lam kan call mek a, an lo thleng tep ang...."





.............................
The devil girl





"Ka awm ve chhan maw?? Nuam chen tur in mawle.Mr Beruce nen a zan hlimawm tak hman kan tum vangin."





Klay chuan chik fe hian min en a "Engtia in hria nge in nih reng reng?"




Ka nui hak hak "Enteh, tunlai ah chuan sum ngah ngah darah keini ang tlawng awl chin chu kan bei thin.Kan in hriat dan a pawimawh lo, he sniper hi man vat la, rinhlelh loh tur tur ringhlel lo khan i hna tha takin thawk ang che."





Sawi mai tur a hriat tawh loh avang chuan a ngawi reng a, ngai pawimawh lo zet in cigarette ka tan khum thung.




"Khatih lai khan khawnge i thiante ho kha an awm?"



"Melbourne a zin tur in an chhuak hlawm.I awih loh chuan an visa pawh i check thei ang.Ka thiante lo rinhlelh ve ngawt kha a fuh berlo ania, mr callister "





Kan plan sa vek avangin buai map lo in ka insawifel zung zung a, ka member pui te chuan an aiawh a kal tur in midang an tir liam vek tawh tih ka hre bawk





"I kal thei ang" beidawn hmel zet a alo tih hap vang chuan ka nuih zeuh a "I fing hle mai, khati daih tawh tur kha lawm.Goodluck chubby"





Station ka chhuhsan chiah chu ka car ah ka thu lut a, electronic hmanrua reng reng ka off zui nghal, min lo chhui zui loh nan a thil pawimawh tak ani.





To be continue......




Goodnight all..🥃🥃🥃




🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 2:51 pm

Chapter-6



"He's a serial killer, but i just wanna dance with him, all alone, just him and me.."




Swimming pool ah chuan ka inchiah vang vang a, khawlum lutuk hian ziaawm lam ala pan thei meuhlo chu anih hi.




Rendell lah alo haw ngai manglo, pawn chhuah a phallo bur tih chu security te ka atang ka hre tawh bawk,engvang a hetia min khung, kidnap hi nge a nih ka hre chak zek zek.In kidnap dan pangngai lah ani silo, sex vang phei chu nilo chiang sa, ka awm nuam phian zel lehnghal a.




Phone leh communication lam thil hrim hrim engmah ka kawl ve a phalloh avang in lehkhabu chhiar chawrh chawrh i bak tihtur ka neilo, a mikhual nih chu a hreawm lemlo, alo haw ngai chuanglo a , a nuam zawk daih.




Ka liluh vang vang a, ka chhuah leh hnu chuan ka mit a thip run avangin ka la meng thei lawk lo , ka sam ka zut pah.



Ka meng chiah chu ka phu zawk thei.




A kutkuangkuah chung hian min lo en reng a, a var deuh hlir a ha bawk.




"E...enge ilo tih a?" sh*t, chu chu ka zawh tur ani miahlo, ama in a ni a, a duh duh huna alo kal a thiang alawm.




Ka che buai nuaih nghal, "Engmah.Ka lo thlir vel mai mai che.Puih i ngai em?"




"Ngailo! Ngailo!"




Ka in hup bet chawih chawih tawh, a khi sak a, ka ban phak loh a awm ka rope lo la pah chuan "Kha...i mamawh niin ka hria..."




Ka ban phak loh tur tawk lek ah hian alo khai kang a, "Lo theh mai rawh..."





"A huh vek dawn tih chu nang leh kei tluk a hrechiang an awm ka ringlo..."

images (11).jpeg
Man
images (11).jpeg (25.54 KiB) Viewed 2308 times



" A pawilo..."




Va kalhnaih ka ngam tawhlo, bikini nen chauh a ka awm hi min hmuh ka duhlo takzet bawk!! Mahse tui hi a fim that em avangin min hmu tawh tho chuan ka ring.





"I tih tlat chuan le..."




Alo theh ri bawrh a, "Thanks.....i fel hle mai, i fel bawk a hnunglam kha i hawi thei a ngem?"





"Miss Vingett, a pawi ta ber chu mifel tak ka ni lemlo hi ani"




A sawi dik chiah, ka vodka in na no ah chuan vodka chu thlit belh in a in zauh a, tui hnuai a rope hak chu alo harsa lemlo mahse a rit luk thung!!




Pool atanga ka chhuak tur pawh rendell chuan min lo puih phah,




"A thlang deuh ah sawn journalist thenkhat an awm a, camera zoom tha tak nei an nih phei chuan a nuam lemlo khawp ang"





"Enga!?"




"Tak a , heihi wendy bengbeh ani em?"




Chiang lutuk tlat!! A beh reng thin, ruby a chei kha ani.Mahse engtin nge a kawl theih?




"Aw....engtin..."




"Hmani zanah ka car ah khan a thlauh ani mahna, a rui em a ni"





Ka lo na sawk thei, a car ah a phur a maw??




"Anih tak chu mawle..."




"Engtin nge i awm a?"




"Hetia min tih chhan hi ka hre duh.Engvangin nge min hren beh?! Enge ka tihsual a!? Nang leh i thiante tana thilpawi enge ka tih!? Tinge hetia...ka report thei che tih i hria em?!"





"Hria."




"I bula awm hi a thlamuan thlak hlawllo, min thah mai hrehlo kianga awm hi a nawm i ring reng reng em ni a?! Ka bulhnai a i awm ve pawh hian boruak a rip takzet!! "




"Keimah vang in maw?" A khi sak anih chu mawle! Ka thinrimna enga tan mah a ngailo ang maiin..




"Aw , nangmah vang in.Ka bulhnai vel a i awm hian..."




Ka sawi zawh hma chuan "Chutiang a i awm chhan chu ka lakah feelings ilo neih vang te hi anilo maw? "




"Neilo! Hrep che hian!"



A nuihza insum deuh hmel te chuan ka thinchhiat a tizual vek,


A nuikhat hle tih ka hria, a nuihmawi teh lul nen a nui zen zen lo, mahse tun ka thinrim lai kher kher a a nui hi ka tithei thaklo!!





Bengbeh ka kut a lo hmehbel pah chuan "Va insiam rawh, kan leng chhuak ang"




Ka en ha, "Khawi ah?? Lawkin , ka duhna hmun ah min hruai thei angem?"




"Aih"




"Engvang!?"




"Ka hre bik lo le...mahse ka hruai theilo che tih erawh chiang takin ka hria"





Khawlai hmuh hrim hrim pawh ka chak tawh lutuk tlat , inrinni ani a, khua a lum hle bawk.




Ka pindan ah chho in ka va insiam sawt sawt a, ka sam chu ka dry leh phawt, ka thinrim ve tak na a, ka thinrim rei khum ngam teuhlo!! Amah zawk a thinrim a chhuak palh ang tih ka hlau.





Inhnuai lama ka va chhuk chu Givenchy shirt var a ha a , Louis Vuitton pants dum leh nike air max var, a inhmeh viau.





Kan in en ren rawn a, ka sa hat hat thei, khaw lum em vang ani ang.




Dawhkan a a car chahbi chu kan melh dun thawt, alo ban hma in ka ban khalh.



"Keiman ka khalh thei!"





Ka khalh lo anih chuan ka kal tumna hmun ah ani hian min hruai dawn lullo tih ka hria, ka apartment a kal ka duh a, chu chu a phallo bur thung.




"Chuti maw?" A mitko san ak pah a alo ban chiah chu ka kut ka dawk zawk a, amah zawk chu a pai deuh khat.




Kan inchuh titih ta, ka tang lui ve tlat, a thinrim lo tih ka hriat vang chauh in.





Kan inchuhna lamah chuan bangah min nem bet rawp a, god...eye contact ta kalh mai.Chahbi chu min chuh zui ta lo, kan in en reng ringawt, a hmui sen duk kalh leh a mitmeng mawi zet te hi...




Ka zam em vang chuan ka hmui hnuai ka pet zauh a,


Ka inrin hma hauh chuan ka hmui ah tak alo fawp ta thut mai!! Ka meng kawk thung!!




Tlem in a in lahrang deuh a "Min chhan let ve i tumlo em ni?" Ngenngawl hmel zet a alo tih sap rual chuan min fawp zui lehnghal .





Ka za chhuak vek , chhan let loh chu thil har tak ani.




Kan uar chho tan telh telh a , ka mal alo chawi kang nawlh bawk , a tukhum ah ka kuai bet ran thung.





Nilo , ka nam sawn deuh rawp "Kha tiang kha a thleng tur ani miahlo..." Ka ti leh hnuhnawn



"I cho chhuah ani miau sia lawm " alo ti khauh thung.



Bialnu emaw kawplai alo nei leh reng thei a, chuta karah kei, ka rilru a tina zawk mai mai palh ang.




Ka che buai deuh nuaih a, chahbi pek chawt pah chuan "Khalh mai rawh..Kal ang"




Ka pen zui hlawk hlawk , tinge ka chhan let a! Kei hi ka a ta em ni!??




Car chu ngawirengin a khalh a, Cadillac dum chungkhuh nei lo chi ani.




A tak run tawh, kan in be miahlo bawk.




Nichin lawka thil thleng kha mak ka ti, ka zak a, nep ka in ti letling zawk mah.Hmeichhe hran hran chhelo zet zet a kawp kual a, a bialnu Rosetta Bloom ngei pawh hmani lawkah alo hruai kha...Mahse kei erawh in hnunglam a bench ah lehkhabu ka chhiar daih thung.





A inah hian karhnih zen zawn ka awm ve tawh a, dinner vawikhat mah kan la kil dunlo, kil tur pawn alo kal ngai heklo.





Lolisco Rett street kan tlan lai chuan kan hnung lama sport car a media ho niawm tak lo inphur ka hmu chu Rendell en pah in "Media ho sawn keimahni em ni min umzui a?"




"Aw" alo ti hmuk,






"Engtin nge kan tih tak ang?!"





"Engtin mah.Ti sawn min lo zui ve mai mai rawh se"





A khalh chak sauh nghal, ka thu rem a, a khalh chak tak vang chuan thli alo thaw zual sauh, a nuam phian.




Macorizzo Ballard restaurant kawt a a ding ka hmu chu ka en ha a "Kan inhnawh puar ang, kal vat ang!"




Media ho chu an lo thleng ve chawpchilh nghal, rendell chuan min kai nghet sauh a, restaurant chhungah chuan min luhpui bawk.




Restaurant Security ho in media ho chu an lo dang thung




Ka thaw huai a "Kan vannei takzet" ka ti hliai mai.





A menu chhiar lai dah a min lo en pah chuan "Vanduai takzet zawk" alo ti sup a,




Awihlo zet a nui pah in "Kha bak bak a vanneihna...milar dang te chu buaina a thlen loh leh jail tang hial te an awm phah thin asin..."





"Nia ,mahse kan 2 a kan inzui chhuak an hmuh thu news vel a an post vaih chuan kan chan tur chu..."





A sawi zawh hma in ka meng kawk a, ni dawn tak!!





"God...engemaw ti rawh!! Khawngaih in, wendy in a hmuh chuan ka pi leh pu a hrilh anga, min ngaihchhiat tawh tehreng nen ka chan tur a ...."





"Ka hria.Keipawn hmu lo tur a duh ka nei nual."




A phone a phawrh nghal zat, ka lo phi buai sek tawh, a hmanhmawh loh hmel nasa si a,




"Wallace, macorizzo ballard ah kan awm mek, media thenkhat ho nen.Thu an post darh emaw kan thlalak an post darh ka duhlo, thil pawi a awm hma a che tur in ka duh che a...aw, lo report nghal vat rawh.A tul ang ang lo ti ang che"






Ka lo thaw huai thei, ka rinna zawng zawng nghat phawt mai teh ang.





"An post hman lo ang tiraw?"





"Aw"




"I hrilh chiang maw?"





"Min hmuh ve reng kha"





Min chhan dan lah hi a bul thei ropui si.





Eitur kan ei zawh chuan kan chhuah hma in shade leh cap an neih leh neih loh a zawt phawt.Ni dawn tak, hetiang restaurant changkang ah chuan milar tamtak in ralring lemlo a kal an awm ve zeuh thin avangin anni lam hian sumdawnnan tak an lo hmanga , hei, tunah pawh Gucci shade leh Fendi cap anih hi an lo pek leh.





Cal pakhat leh shade hmeichhe bun zawk min lo pek pah chuan "Engzat man nge?"





"Euro nuai 2.6"





Ka meng phawk vak, reilote atan a a pawisa a khawhralna hi a nasa mah mah!! Kei, a tan a engmah nilo lakah pawh heti zat a seng anih chuan a tan a mi pawimawh ah phei chuan a inren dawn hauhlo anih hi!!





"Khawnge kan kal leh ang?"




"Gown zawrhna ah"





"Enga tan?" Ka ti ha, a rukin ka nuih a za pah bawk, a bialnu gown tur a en duh ani ngei ang.





"Zanin a i hak tur in"





"Enga?!"





"Ka pa piancham lawmna ah kan kal ang"





"Kei nilo...i bialnu pawh...." Ka sawi kual nawk nawk tawh, ka rin phak bak anih vang ani!!





"Ka hruai peihlo"





"Enteh!! I pa in i bialnu ka nilo tih a hria anga, chuta karah...."





"Lungngai suh, ka pa nen chuan personal thil ah kan in pawh lemlo, tun pawh hi a hming chauh a va lan ani mai."





"Hmeichhe hruai tur tamtak an awm ang chu, kei nilo in!" Ka la ti talh tho.





"Awm teh meuh mai.Hei , tunah pawh ka hruai in ring zual deuh ho chuan min lo call sek tawh hi.Mahse ka hruai dawnlo" a phone lo ri chhen backseat a vawm daih pah chuan alo ti a,





"I bialnu ka nilo tih an hre vek a, chuta kara lo zui ve che chu...chumai bakah ...."





"Chuti chu ka PA ang a ka hnunga min lo zui ami i thlan zawk?"





"Aih"





"Ka bialnu ang a lang tur in ka ti lemlo che.Mahse pawnlam boruak i hip chak ve takin tih thil ah mai mai ani.Thian ang chauh pawn kan in sawi thei alawm"





"Chu chu a tha ang..."




God, ka dinhmun hi a khirh takzet!!





RENDELL ROSCOE POV:::




"Mr roscoe, heihi a inhmeh i tih zawng ani em le?"





Aella chu gown var, banbul leh mal lang thui zet, nghawng zau lampang ha a alo pen ka hmuh chuan a nuisang a, ka lo ner suk thung "A dang" a sexy mah mah.





"Rendell??!" Alo ti hlar, inhmeh a in ti pawh ani maithei,mahse hetiang ha ve tur chuan ka duh miahlo, rosetta chu ni se ka sawisel lemlo ang mahse henu hi chu loh theih loh.




Midang ho in gown dang zawnga an kal leh hnu chuan Aella chuan action meuh in "Enge maw i hriat le?! A nalh em kha!!"





"A nalh lo"






"Khatiang vek khan an inchei !! I bialnu ni se chu i pawmpui leh thlap awm si a?!"





"Nia, ka bialnu i ni velo miau a"





"I bialnu te chauh khatiang khan an inchei thei ang tih hi eng dan bu ah mah a inziak lo!"





"Keu keu la i hmu mahna"





Ka phone lo rik vang chuan min chhan leh hma in wine no keng pah in balcony ah ka chhuak daih.




Theo ani .





"Enge ni ta?"





"Rendell, chawlh lai nuam tak a hman tur kan tih vang nge mabel leh sandra in an lo chen lutuk deuh a, police ten an weed leh pills ve an man vangin hei va buaipui tur in ka kal mek.Nang khawnge i awm?"






"Ka lengkual mai mai...Mabel te chu enga tinge?"





"Party an buatsaih na ah mawle, police te an va kal thut a...kar hmasa lawka Mr pereira thih chungchang vel boruak a reh tan dawn chauh a hei, kan group chuan buaina dang leh bawk..."






"Matthew khawnge a awm??"





"A hmeichhe khawi ho nen an ni maithei, call a la theilo a, lo call chhin teh.Nangmah in em ni i lenkual a?? Nge rosetta a tel ve zawk?"





"Tello."





A nui huk, terrace tlanga ka kut wine no dah pah chuan thlifim lo thaw heuh heuh chuan ka sam alo chhem a , "Sorry, lenchhuah leh veivah vel peihlo ber in mahni a i chhuah thu i sawi mauh mai chu a mak deuh ani."





"Anih phawt , matthew chu ka lo call dawn nia"





Ka pa email ka dawng nghal zat bawk, phun hluk pah chuan ka open a "Zanin kha ilo kal ngei ngei tur ani.Sawi tur kan nei.Ka fapa te ila ni ve ngai anih chuan lo kal ang che"





Reply let lo in ka phone chu ka ak tha a, wine ka lem zauh bawk.





Min mamawh lo ni a in hria khan kum 60 a tlin dawn meuh chuan a fapa neihchhun hi min hrechhuak thar ve te ani mahna, nia, ka pa nen hi chuan kan in haw takzet ani tawp Ka nuhrawn in a thudik lo lo lo sawi a chin ho alo awi mai zel bakah kei aiin a nupui thar a thlang zawk miau a.





"Mr Roscoe...hei ve thung hi le?"





Inchhung ka va lut chu Aella tum bur leh gown dum, hei chu a ziaawm deuh , han sawi ngaihna vak pawh ka hrelo e a "Ok, heihi a tha"







"Kan pack nghal mai dawn em ni?"





"Aw"





Aella chuan mitmeng ling hlar hian min lo en reuh a, dressing room lama an kal hnu chuan an manager Mrs wantack chuan "Rendell, i bialnu em ni?"





"Nope"





"Oh, Rosetta Bloom nen in in zui tak?? Ani em?"






"I hre dik anih chu "





A nui har har a "Anih, aella hi i eng chiah nge maw a nih a shopping thleng a i hruai tak mai le?? Rosetta te ho kha chu anmahni in ilo kal tir mai zel kha ania..."





"Ka thian ania"





Thil hriatchhuah thut ka neih avang chuan balcony lamah bawk phone hmang tut in ka va chhuak leh a, Matthew ka call nghal bawk.





"Matthew?"





"Hello...aamh, matt chu a inbual lawk a..."




Wendy aw ani tih ka hre nghal mai .An awmdun ani maw?? Ka hmeichhe duhloh zawng hlir hi a duhzawng an ni ve ziah, heihi kan mizia in persanna lai tak ani.





"Wendy i ni maw?"





Ka ding tha a, lo nui hak pah in "Rendell, ka aw ilo hria ani maw?? Aa, hei matthew chu alo chhuak chiah...."





"Rendell , enge ni ta?"






"Wendy nen chawlh chhung chu nuam in lo tawl anih hmel"






"Aa....nia,min lo pan miau si a ka lo hnar lemlo...."





"Mabel leh sandra chungchang kha i hre tawh em?"






"Aw, kal tur in ka insiam mek..nang ilo kal ve dawn em? Khawnge i awm!"





"Kal lo ang.Ka lawyer ka lo tir dawn nia, ka hmanlo"






"Tinge?? Enge buaina a awm em ni?"





"Ka pa piancham.."





"Ni dawn tak.Forget about that, mabel leh sandra chu an lo chhuak thuai ang"





"Ka ring"






"Monday hian ka golf link ah golf khel ang u hmiang? Theo a hman dawn silo a, jayden leh woods te nen...cart girls chhelo deuh deuh an thawk thar teuh ania"





Ka nui hak a "A neitu an hria che ani mahna Awle, ka lo kal ang"




"Hmeichhia lo hruai pawh a ngailo maithei , cart girl ho hi an chhelo lutuk..."





"Cart girl ho vang nilo in golf vangin"






"Ka hre thiam.Model leh actress ngat lo chu i kawp ngailo. A dik em?"





Min hresual chiang hle anih hmel,ka hmeichhe duhzawng an nih chuan an nihna ka thliar ngailo.






"Ok, ka dah phawt...station lamah chuan va kal rawh.Wendy i hruai ve loh hram ka beisei"





"Ka hria alawm.Sandra thinthawk in a ai a buaina lian zawk a thlen palh thei tih thlengin"





"Ok, bye"






AELLA VINGETT POV::💋💋





Kei ai mahin hnathawk ho chuan a mipa zawk Rendell chu an bawr titih,kei erawh min hre chang tawhlo.





Gown bum ban chhig te, nghawng chip lek lek, a hmawr chu embroidery pangpar var mawi zet zet in an chei a, sahmul nel thal a var ka kut pahnih a veh phei tur nen.






"Kan haw dawn nge kan la lengkual dawn?"






Ka en hlar a "Haw ang" ka ti hmuk bawk.






"Ok, mrs wantack, artist tur chu dar 5 velah hian ilo kal tir dawn nia, ka address i neih tho ka ring"






"Awle, morphe company a inzir chhuak ngat kan lo tir ang."






Rendell nen a kab chhuak chiah chu "Party na ah chuan mi an tam viau angem?"






"Ka hrelo le"





"An tam viau chuan a zahthlak viau ang"






"Lungngai suh.Tumah han zah tur an awmlo.Enga tan mah tilo la enga tan mah an ti biklo ang che"






An chhungkua hi an in pawh loh hmel ka ti, an chungchang pawh a sawi ngailo.





............... ......................



Anna wretch chuan min chei mawlh mawlh a, Rendell erawh a pindan lamah a inchei thung.




"Aella...rendell nen a in chengdun hi a mak viau rualina a ai a mak ka tih chu tinge pindan khatah in awm mai loh?"





"Kan inngaizawng hleinem.."






"Oh, a chhungte em ni i nih?? A duat hmel emai che....hetianga a bialnu te a ngaihsak lai hi ka hre ngai hauhlo ania, .."





"A mikhual mai mai chauh mawle...."







Min chei zawh chuan Laboutin heel alo phawrh ta mai, ka meng phawk vak '"God" ka ti sap bawk.





Laboutin te hi a tlem ber ah pawh USD 400000 daih ani!! Tuna a rawn phawrh mi phei hi chu lunghlu a chei ni ngei awm ani lehnghal a, a hnunglam ah lunghlu tlang lian fe fe a inbel tluarh mai!!






"Bun rawh le, heihi rendell khan lo keng tel tur in min ti a...a man a pe lawk sa vek tawh"





"Ka awih theilo...a mak tiraw?" Ka ti hu,






Amah zawk chuan mak min tih hmel deuh in "Nangni ang model te chuan Laboutin in bun vek awm si a...."






"Model ka nilo"





"Model ini lo maw!? I hmeltha in i pian a nalh teh lul nen..."




"Awm ve satliah mai mai chauh ka ni..."





Tunlai ka inthlak danglam nasa lutuk hi mak ka inti zawk hial, ka ler tan mah mah.Gown var zawk te ang kha, a sexy tehreng nen, enge maw ka hriat thin le?? Tinge hetia ka awm tak ni.Ka in hrethiam tawh biklo.





Sahmul var nem thap chu ka ban pahnih ah ka vet phei a, ka sam chu felfai takin a bawk kawh lah bawk.



Morphe company ami ngat ani bawk a, mi chei chu a thiam khawp. Earring nalh zet leh thi te nen, bracelet hrawl fe min bun tir bawk.Ka sam ah chuan silver rawng bakilh kian zet ka kilh bawk a,



Rendell bialnu te chu an lo che nuamsa thei hle dawn anih hi, kei a engmah nilo pawh heti khawp a...

images (11).jpeg
Man
images (11).jpeg (25.54 KiB) Viewed 2308 times




.................................




Rendell chuan coatsuit grey a ha a, a sam a thur sang bawk, a rolex sana hrawl fe nen a pa lehpek hle.



Ka va chhuk thla chu min lo en zawk a, hawisawn pah in "Kal ang" alo ti hmuk.




Fakna awka chu beisei lo ngam ang.




Lamborghini Aventador dum tle var chu a khalh a, "Mamawh dang te kan la nei em?" Alo ti sup.




Entir nan....railohna damdawi ang te hi maw? Ka ngaihtuah na vang chuan ka sen tawn tawn thei, kei misual zet hi....




"Neilo.....lawk, i pa present tur"





"A paih leh mai mai tur atana thilpek ka duhlo" alo ti vawt raih,




"Mahse a paih lo maithei asin...."




Tinge hetia an chhungkua hi an awm tlat a??






"A paih dawn.Ka pa nen chuan a hming chauh a pafa kan ni."






Zawh zui chi niin ka hre tawhlo, a hmel a tak run mai.





..........................




Hall zau zet ah chuan kan inkai lut a,




"Mi chu an tam khawp mai" awmze nei zet in ka ti kher.





"Ka hriat bik loh vang ani"





Lamtual hnaih deuh a table pakhat chu kan kil dun a, mi zawng zawng deuh thaw mit fukna chu rendell hi ani maiin ka hria, a bikin hmeichhe ho hlei hlei chuan an mitmeng atang an duhthu an tlangau pui ani ber.





'"Hi...rendell , in hmuh ava khat ve?"





Hmeichhe pakhat leh mipa pakhat, nupa an nih hmel.An hmeltha dun hle bawk




Rendell chuan a hmeichhia zawk thutna ken pah chuan ka hnunglamah alo ding a, a kal phei pah a a ning hmel chu ka hmuh hmaih hauhlo.





"Shadie , heihi aella anih hi"





"Oh, hi shadie ka nia, heihi ka bialpa travis terrico...Rendell, i bialnu em ni?"





"Aih ,thian zawk" ka lo tih khalh vat.




Rendell chuan a kut lum thar thar chu ka nghawngah alo dah zauh a, chumi pah a ka hnungzang a zut zeuh phei chu electric a deh sawk ang ka ni!! Ka tim uai uai thei.





"Oh...ani maw...I gown chu i inhmeh hle mai"





"Thanks"





"A phelh a huphurhawm tih mai loh chu" Rendell phun deuh sup ri ka hriat rual chuan ka melh chho zawk a,


Travis chuan "Aha! Rendell Roscoe,i tawng ri kha ka hria ania"






"I tana a pawimawh lemloh vangin i theihnghilh nghal bawk dawn ania" alo ti chang ul.





Boruak chu a tang ru tun in ka hria, '"Kei hi Rendell pa nau fanu ka nia, Shadie Rocuz"





"Aella Vingett ka ni e"






Titi holam mai mai sawiin a phul hlut a, mahse rendell pawn a a nel miahloh chhan chu ka hrethiam mai, a mitmeng lian kelh kawlh phakar zet vang hi ani mahna.Rendell erawh kalsawn mai in ringran in ka hnungah a ding reng thung.






Kan pahnih chuan kan teikual ta daih a, an chhungte chauh an nilo tawp tih ka hre mai, achhan chu nula rual chhelo tak tak te hian rendell hi an ngaizawng deuh fur tih ka hmuhthiam vangin.





"Rendell"





Chu aw ka hriat rual chuan rendell chu ka en zawk a, a mitmeng a lo thim leh khap tawh, a thinrim lai mitmeng ang mai kha ani.





"In be fal lawk ang"



A pa chu anih ngei dawn hi , rendell ang mai a hmeltha ani a, mahse a mitmeng ah chuan nelawmna leh khawngaih na hian hmun a changlo tih alang hliah hliah.




"Ka kalpui hi i hmu lo em ni?" Ati chang fak thung.




Ka nghawk zauh a "Va kal rawh, a ho lutuk..."






"A sawi chu i hria em?" A pa chuan alo ti leh,





Rendell zawk chuan phun hluk pah hian a kalpel nghal a, a pa chu la kal mai lo in min en ren rawn a, a hmel induhtawk vah te, rorum em em thung si te....A pa a chhunfuh takzet, a mitmeng leh lu um vel tih loh ah chuan...





A kal liam hnu chuan ka thaw huai, an pafa a boruak a thalo hle ani ngei ang.





Mahni a he hall zau pui a kal chu a huphurhawm tham viau.





"Hi , Rendell kal pui nu kha ini chiang.Melinda Roscoe ka nia, rendell cousin"





Chu nu chu a cute reuh fu, a sam roll chhao chu ribbon a tawn pah in gown senno nghalh a ha a, a meng bial kar bawk.





"Hi...Aella Vingett ka nia..."





"A bialnu maw?? Okay, enteh saw lai a ding khawm ho Eugine te sawn an haw teh mai che nia, rendell an star a...mahse lungngai suh, ka haw ve lo che.Kan inkawm dawn mi niang?"





"Tehreng mai!!Mahse....a bialnu nilo in a thian ka nia..."




"Chu pawh pawi chuanglo.Ani tan te chuan bialnu nghet tak tak an awm thei hleinem.Nikum lamah lah Yvonne khan neih loh a hlauh luatah rai ang khan a insawi pek a, kan hrechhuak leh ta si nen inphat mar na tur a nei ta lo a, an inthen phah ta anih kha..."





Ka lo na sawk, rai ang hial a a insawi tawh chuan an thlen chin a nep hauhlo ang...Nilo, thikthu chu dahtha rih rawh, enga tan mah a tih ve loh che hi...





Melinda chuba tawng duh viau, "Mabel leh sandra an lo kal ve lo em ni?? Sandra kha a fel ka ti asin, mi kawm a thiam.Mabel kha chu hmeichhia pawh a anglo, a tawngtlem si.Mahse kan college ah ama style kha an copy nasa khawp, a inchei dan te, a hairstyle leh a mizia te kha....mipa duh chi ani zawk a..."





"An lo kal loh chhan ka hrelo reng reng...."





Zawhna chhan sen loh leh titi a zawm nghal zel a, sawi ber tur pawh ka hre ve lo e....




"Theo leh matthew ve thung kha?? Matthew kha chu a zei leh lutuk a, nah...mahse theo kha ka duh fe zawk....amah hmu ru tur a ka kal apiang lah in rendell hi alo awm ve ziah a, min man chhuah hlauh phei chuan pindan ah min kalh hnan hmak zel!"






"Rendell leh a pa hi...an in hua em ni a?"





"Haw tehreng mai...A nuhrawn vang hri hre sawn mawle...an insual phah tep tawh,mahse rendell chan tur vekin ka pu khan ro alo ziak a, a pa tibuai hauhlo a mahni a a inla hrang nalh thei hi ka chhuang teh mai ania...Sum a awm hi chuan kawng a awm zel..."





"Tunge a nuhrawn chu?"





"Saw....saw lai a ramhuai pitar gown gold colour ha saw..amah vang sawn lawm kan naupan lai pawn an inah ka len ngam thin loh..."





Ramhuai pitar chu ani pha hauhlo.....hremhmun nu valai ang vel ani zawk!! A hmel tha tak leh a make up takzet phen a a chapona mi a biak zawnga langchhuak te, a pian a la nalh in hmeltha viau mahse a mizia ka lo hriat tawh vang nge ka hmu tha thei hlawllo!!





"A va sual hmel tak tak ve"






"Sual tih piahlam ani!! "






"In sawizawh tawh chuan kan kal tawh dawn mi niang?"





Mi kan bihruk lai anih avang chuan rendell aw kan hre thut chu kan phu dun deuh zawk a, "Oh, Rendell ka ngaih tawh zia che hi!!"





"Ka ngai ve lemlo che ania...Hneawm hlui khawp a theo villa vel a i kal ka hmuh zin em vang che pawh ani maithei"







"Min hmu a maw?"






"Gate a ilo luh theih loh nan a Security ho hrilh tu kha keimah ka nih kha.Aella, kal ang"





Melinda chuan tap teu hian "Ka la enthla ru tho tho ang, eng ang pawn veng uluk mahla ka ru chhuak dawn tho tho!"





Ka nuih a za pah, rendell erawh in nin hmel zet in a mitmeng a tikual rulh thung.




...................... .........................





"Sorry, oh...rendell bawiha lo ni reng che chuan"





Ka gown a intur alo tihbuak luih kher vang chuan rendell chuan rum lam lek lek in a nuhrawn chu a en a "Ngaihdam dil rawh!" Ati vawt ruih.





"A ho lutuk, Rendell...hei a fai leh thei nghal tho .."






"Lawkin, ngaihdam dil thei hmel ka pu reng reng em ni bawiha?? Chutiang ka ti ve ngailo"






Ka gown chu ka lo tuai vut vut thung, rendell chuan "Anih leh i ngaihzawng pa nen a in chungchang zawng zawng kha ka pa hrilh ta ila he in atang hian kutruakin i chhuak anga, ngaihdam dil chu sawi loh khawngaih i la dil maithei asin"





"Na...nang hi......in be fal ang" a nuhrawn chuan hlauhthawn na awka nen a lo ti bah nawk.






"Financial adviser nen a hotel pindan a in tawm ruk thu kha nge ka sawi anga ka pa zinbo hlan a in pindan ngei a sex in hman thu kha? Kum 10 chhung teh meuh pawisa men a i meng vanga i hlawhchhuah tur zawng zawng i chan nghal vek thei ania...."





"Rendell... A tawk...kal ang..."





"Ngaihdam chu dil ta che" a awki ala pangngai reng mahs a hlauawm ru viau thung.





A nuhrawn chuan hreh hmel zet a hawi pirh vah chung hian "Tihpalh" a kalsawn zui nghal hmak bawk, a sawi chhunzawm leh a hlai ani mahna.






"Haw ang, tihtur kan nei tawhlo"






"Tunah maw?" Ka ti haw, kan la awm rei loh loh nen..





Min kaisawn zui nghal, hall khawngka lam kan pan tur chiah chu "Rendell, haw mai in tum elaw?"






Pa valai , pa hmeltha tak leh nelawm hmel tak ani, rendell in chupa hmel a hmu chu a mitmeng a thinrimna kha a reh tial tial a, a inthlahdul deuh "Pate...."





"Min be miahlo a haw i tum mai chu a mak hle mai, kan inhmuh loh na rei tawh nen...hawh, lo thu ve rih ru, kan titi ang"





Rendell hamhaih deuh hmel buai nak leh phelh phang ka vawikht hmuhna!!!




"A pawi em lo ang chu tiraw?" Min en pah chuan alo ti sap a,





"Pawi teuhlo" ka lo ti var thung.





A patea nen chuan a pa ai daih in anin pawh anih hmel , Rendell chu rin ai zekin thusawi alo thiam bawk a,table lian zet kil ve ho te mit chu a chungah a fu thup, an ngaihsan hmel hliah hliah, keipawn ka en ning thei hlawllo.





A patea nen chuan engemaw hi a fal in an sawi dun leh zauh thin a , a patea chu a zah hmel in a thusawi reng reng pawh a ngaithla uluk viau.





Zan dar 10 a pel fel der tawh.Ka ham bai bai tan bawk.




"Kan va haw tawh mai ange, mangtha phawt u"





Rendell in alo ti chiah chu lawm vangin ka nuihsang, a patea chuan "Naktuk chu dinner ka inah lo ei ngei ngei ang che u.Aella nen khan, inhmuh te a khat ve alawm"





"Awle, kan lo kal dawn nia"






Chhuahna tur dang bawk maw....mut chhuah tawh nen ka mood a off vek





Car a khalh lai te chuan ka lo mutthlu lawp lawp tawh





"Car a riah hi i thlang zawk tih na ami!"





"Aw"





Ka mut a chhuak tawh takzet!!





"Kan thleng tawh ania...."





"Ka mut a chhuak...."






Ka chhin chhunzawm lehnghal, ka mut a chhuah tawh chuan zah ka sawi tawh ngailo.





Tha chak zet in ka zak atang min lo pawm tho nawlh tih ka hriat rual chuan "Ka pindan lamah min dah mai dawn nia... goodnight"





"Hrep tak reuh che hian..."







Ka mut chhunzawm nghal bawrh bawrh.






To be continue




Heihi ka vawihnih type that na ani tawh, ka lo dahtlai deuh anih hi sorry vek u....Good morning 💋


🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)