MAY FLOWER BY Mahruaitei Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MAY FLOWER BY Mahruaitei Pachuau (Completed)

Unread post by Ngaia » August 23rd, 2020, 3:05 pm

9kp6xmao.jpg
9kp6xmao.jpg (24.91 KiB) Viewed 11294 times
MAY FLOWER
By
Mahruaitei Pachuau


Chapter-1....🌷💕









Zirtawpni a ni a,vawiin chu ka nawmsam meuh loh avangin hna ka kal peih lo a,thuthleng ah chuan mu zal in TV te ka en a,a chang leh phone ka khawih san bawk,games ka khel tui lutuk chuan kan kawngka kik thawm pawh ka hre chang lo,a vawi thumna vel ah kan hre chauh ah, 'tunge mawni le,door bell awm reng a,hmeh ve mai awm,kawngka kik hriat a har nen nen' tih nuah nuah pah chuan muangchang in kawngka lam chu ka pan a,ka hawn rual rual chuan "ka lo lut thei ngem?"kawngka rawn kik tu chuan an tih zawm nghal ah..





Kan kawngka rawn kik tu chu ka hawn lawk loh vang nge ni,a hmel a inthlahrung dai dai khawp mai...



Nula te lam,nula han tih ah kum 23 bawr vel ni awm a ni,ngo lam,cher lutuk silo hi a ni,a pawr deuh phang a,a in chei dan lah chu a thingtlang reuh lutuk,khawpui nula a nilo tih hriat reng reng,a zahzum hmel bawk sia..



"Pa Siamkima te in a ni em?"inthlahrun leh zah hmel tak chuan min han zawt leh nghal a.


Kei lah pek chuan ka lo en hâw a,"ni e,lo lut rawh,tunge I nih a?"tih pah chuan inchhung lamah kan in zui lut nghal a.




"May Lalnunpari ka nia, May-i tiin min ko thin,ih,eng lo a nia,I nu ten min lo bia a,heta awm turin"a ngawi leh daih a,a kut chu a khal niap niap a..



Ka nu te an chhuah hlân a ni bawk si,thingpui a duh leh duh loh ka zawt a,duh lo a ti bawk si,biak vak ngaihna ka hre bawk silo a,ka nu te kan be ringawt a..




"May,ka nu ka phone a,a lo haw nghal dawn a nih chu,an rei tawh lo ang,heti hian I lo awm hreh angem?"



"Aih,hreh lo e"min lo chhang thuai a..




"Ka nuam sam vak lo a,min hrethiam mai dawn nia,nih leh ti khan lo nghak mai rawh aw"




"Ummm"tih te bakin min chhang lo,ka room lam ka pan san a..




Reivaklo ah chuan ka nu pawh chu a rawn thleng chawp ve nghal mai a,choka ah tui in pah in ka lut phei leh a,sitting room a an tawng pawh ka hre thei,ka nu chu a lawm hmel em em a.




"May,I lo kal lo ang tih ka va hlau ve,awmpui kan nei bawk silo a,ti hian kan lo nghak ngawt mai che nih hi,inthlahrunna tur a awm lo aw,heti hian kan chhungkaw zing a mi I ni ve mai a lawm,I chau awm mange aw,Tea lah hi mi tawng tlem lutuk a ni sia,ka lo awm lo chu a zia lo hle mai,I pa Siamkima pawh a lo haw tep tawh ang"
ka nu chuan a lo be bawrh bawrh nghal,nu ho hi chu aw,tawngkam leh tawng tur hi an hria in an thiam teh e,ka nu pawh hi intifel ang chi kha a nilo,mi biangbiak thiam ngang hi ni ve a,midang pawh hian an ngaina a,kan vengah pawh hian nu fel ti a hriat kha a ni ve reng reng a...





Ka nu chuan a be tlangnel thiam phian,ka pa pawh a lo haw a,a lawm thiam ve hmel khawp mai,zanriah kan ei na ah chuan ka nu leh pa te chuan kan chhungkaw chanchin te chu an hrilh bawrh bawrh a...










Ka hming chu Lallawmzuala a ni a,in hriat tawh sa ang in ka nu leh pa te nen kan pathumin kan cheng ho a,unau hi pathum kan ni a,a upa ber dawttu ka ni,ka u leh ka nau chu mipa ve ve a ni a,ka u hi ka pian hma in,kum 1 vel a nih laiin thluaka khawsikpui lût vangin a lo boral tawh a,kan vanduaina a kal tluang zel a niang chu ka chhang chiah lah hi an College ho picnic na ah vanduaiah tangin tui ah a chesual a,min boralsan ve leh ta a ni...



Unau dang ka neih loh vangin min duat em em a,tet lai phei chuan keh thei dawn in min dawm tak meuh meuh a ni,mipa nih nak alaiin midang te anga unaute han kawm tur nei ve lo ta chu ka tawng tlem phah a,nu leh pa te bula ti ti vak vak thu awm suh,kan dinhmun in a zir ve bawk nen sual kawng han zawh ve zauh chang te ka nei ve a,mahse chhungte mualpho na tur khawp erawh chuan ka la awm ngai lo...





May-i hi ka pa thianpa Pa Nghaka fanu a ni a,ka pa leh apa hi thingtlang khua an ni a,khaw khata awm thin an ni,tette a tanga in kawm an ni a,thian dang ngai lo khawp hian an inkawm ngeih hle a ni,an tlangval chhuak chho dawn chauh a,ka pa te chu ka pu hna avangin Aizawl lamah in sawn an ngai a, Aizawl lamah kan in bengbel in,awm nghet kan lo ni ta a ni..





Ka pa te chu thian intheihnghilh ve mai mai chi ni in a lang lo,nupui fanau te an neih hnu pawn engtin tin emaw an in be pawp zel a,May-i te hi khawsak awlsam an ni lem lo,an unau pali an ni,a upa ber a ni a,upa ber a lo nih vang a niang chu school pawh sang tak a kal lo a,thawhchhuah chhe te tal neih ve loh theih a ni silo a,an awm dan zel tur ngaihtuah a an buai lai chuan ka pa te nen in be fuhin kan hnena awm a hna te pawh a thawk ve mai theih turin an lo inbia a,kawng dang awm hek lo le,kan in lam a rawn pan ve ta râwih mai kha a nia..
Aizawla pêm hma ngang kan ni a,Pa nghaka tih pawh chu a hming chu ka hre ve thin ka pa in a sawi ve thin avangin,mahse May-i nen chuan vawi khatmah kan la in hmu lo,tun hi a vawikhat na a ni...

A awm na la rei lo mahse ka nu te chuan an ngaihtuah hle a,thawmhnaw te an leisak a,awmpui satliah ringawt kha a theih bik loh,a chhungte chawm ve kha a ngai miau a,ka nu leh pa te pawh chuan an hrethiam lutuk,bakah fanu ang chiah hian an en a,awmpui chei pawh in an chei ngai lo,ka nu te chuan puanthui zirna ah an kal tir a,dar kar 5 vel an zir a,inrinni tih loh chu an kal thin...an thiante zingah pawh a thiam chak pawl tak a ni...
In lamah lah nise a tangkai em em a,thawh hreh a nei lo a,a che chak bawk sia,a chêt chak ang hû in a fel leh thlap thlap thei bawk sia,kei pawh u en in min en mai a,ka nu leh pa te pawh an lawm ngang mai....

Mahse ka nau emaw chhungte tih tur anga han sawi chu ka zak ve tlat,THINGTLANG NULA a ni miau a!




Ka bialnu lah hi in la changkang chi a lo ni nen,thingtlang lam mi hi chu a ngam pap pap ve sia, May-i hi hre phei se chuan a zahna tur tawk siam leh chu a thiam phian ang...




May-i chu kan bula awm a ngeih phian mai,ei in a tha bawk a, ama tawkah a no nalh reuhin a khal mawi tawk reuh hle mai,a hmel zawng a tha reuh phian reuh mai leh nghal a,a ngo zual sawt bawk,makeup hi lawm lutuk tia sawi tur chu ni lo mahse a in bel ve tawh chuan a in hmeh thei khawp mai,mi nel a hlawh a,hmelhriat pawh a neih har loh hmel ee..



Ka nu leh pa te pawh ka koh dan ang in a ko ve mai a,ka nu te duhdan pawh a ni,an mahni in tih tir zawk mah a ni mawle,ka nu nen hian an in kawm ngeih sia,a hman a piangin inchhung sekrek a khawih pui a,a turah chuan May-i chu a inthlahrun hmel lek lek thin,mahse ka nu mizia a hrethiam chho tan a,lungawi takin an thawk dun thin...
Min hre chiang lem lo te phei chuan kan chhungkaw zing a mi tak tak emaw an ti fo mai..




May-i inchhung ti fai mawlh mawlh chu ka en zauh a,a hmel a nung sarh mai,hlim hmel deuh hian a zai rat rat a,a hmel hlim lo hmuh tur hi a vang khawp mai,awm ho e tilo chuan kan in ang lo lutuk,kei ve a tul hle ah lo chuan ka tawng bawrh bawrh ngai lo,bakah ka ngeng ve a,lungawi lohna ka neih in May-i chunga han tih lan zeuh te ka nei a,amah May-i tak pawh hian min ngaina lem lo in a biak pawh hi kan in be tam em em lo,kan in tha en ve tawp mai....


Ka rin ang ngei ngeiin ka bialnu Zomuani chu a lo leng a,ka nu te an chhuah hlân a lo ni bawk si,ka room lam ah kan awm a,May-i chu a lo lut thut a,kan in fawp lai min phawk chiang kher mai,a hmel ah zah na a lo lang chhuak...



"Kawngka kik na chang pawh I hre eih nange"Zomuani chuan no lo zet chuan a lo ti nghal bawrh bawrh a..


"Ih,eng lo,ka rawn kik a,mahse in hre thei lo a,thingpui in duh leh duh loh rawn zawh che u ka tum mawle"zawi sap hian a rawn ti a..

"Kan duh lo"
Zomuani teh tawp thin hi chu aww...


May-i a hmuh chuan thingtlang lam mi a ni tih a lo hre tawh bawk nen an tawng khum nghal ringawt a,ka lo khap ve ngei a,a hriat tur tawk lek si hian
"a ho e,thingtlang nula mai mai te chu biak that vak an ngai a mi"a la ti zui..


May-i kan en zauh chuan a rilru nat ve hmel angreng,mahse a hmel a inthlak leh nghal a,pangai takin a tawng ve leh mai a..


"Ka tihpalh lutuk"
Tih pah chuan a chhuak nghal a..

Zomuani hi chu aw,ka chhungte lakah chuan a fel thluam thluam a,a zeiin mi care hi a thiam phian a,ka tan pawh hian a in phal lutuk,mahse a aia hnuai te lakah chuan mi kawlhrawng tak hi a ni pakhat ve hrim hrim...


A haw dawn chuan ka thlah a,in ka thleng leh chu May-i chuan inthlahrun hmel tak hian
"Ute,nichin khan ka tihpalh lutuk,kawngka ka rawn kik in hre silo a,in kalh bawk si lo nen ka rawn hawng tawp mai sia,a zia lo ka ti lutuk"en pawh min en ngam lo...

Nidang ang in ka thinrim khum thei tlat lo...

"A ho lutuk,Zomuani chu a thinrim hma ve hrim hrim a,a reh leh tawh ang,engahmah ngai suh aw"ka lo ti a..



Chutia ka ti chu chawplehchilh in a hmel a hlim nghal,
a rawn hawi chhuak a,kei lah pekin ka lo en veng veng mai sia,kan mit leh mit a in tawng ta siah mai!

A hawi sawn vat a,chutah ka lam rawn hawi leh in biang sum lang kalh chung hian min lo nui sak a..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:05 pm

MAY FLOWER




Chapter-2....🌷💕













Chumi ni a tang chuan May-i chu ka be chhe ngai tawh lem lo,biak chhiat a hnekin biak tam ka tum telh telh tawh zawk,enge maw hlek ah ho te pawh nise kan be hram a,a chang leh choka lam ah a awm chuan thil tul lo pui ti tur hian ka pan phei leh nge nge thin,THINGTLANG NULA mah nise ka zah ru reuh tlat tawh....







May-i erawh hi chuan ka nunphung danglam hi chu mak a ti hmel hmuh zeuh chang ka nei thin,mahse eng a sawi lem hlei lo a,ka biak tam hu ang erawh chuan min be zen zen lem lo,ka laka a awm dan chu a hma ang tho kha ni,a awm ve viau mai,ka thiam loh kha a ni miau a...
Hna ka kal te hian ngaihtuah leh veng veng hi ka ching reuh a,Zomuani lakah ka inthiam lo hi Zomuani ka ngaihtuah lui a,mahse a tawp ah chuan May-i tho ka ngaihtuah leh thin...











Vawikhat phei chu a in su tur bathroom a a lut mai tur hi ka tum lo deuh in kan be leh hman pek a...



"May"




"Ummm,enge?"




"I in su dawn a mi?"




"Dawn e,tinge a,suk tur dang I la nei a mi?"



"Aih,aih nei lo"

Mak tih hmel zet hian min en a,bathroom ah chuan min luhsan...
Enge ka hriat tehreng ni,khatia hmanhmawh deuh a ka auh ni,ka lu thak lo pui chu ka hiat hiat a...








"Tea,I nau saw chhe lo ka ti reuh e,min lo tihpui teh?"
Ka thianpa chuan a rawn ti sar sar a..

"Enga!"
Ka lo ti nghut...

"E,I nau tih I duh lo tak e,in awmpui nu tih tur zawk"a nui hak a,"min lo tihpui teh"

"Bialpa a nei"
Ka ka a tanga chhuak chu dawt muhlum a ni,mahse chutianga ka tih mai siloh chuan....


"Thianpa,sava thlawk lai te chu perh thiang a ni lawm ni?,pasal a la neih loh phawt a hnu,ngaihzawng neih te mai mai,hmeichhia leh uite a chul nel peih peih an tih kha maw"

"Ngaiha,I tawng kha fimkhur rawh aw,chutiang mi a nilo"kan ti ram hmak hmak a..



"Eheu,nang hi enge I hriat a,in awmpui chu I va chhan ve,nih leh ka tihpalh"za vak lo hian a nui a...




Kei pawh ka nui leh thei hram...
Enge ka hriat a,khati fakau a ka chhan tehreng ni,ngaihzawng a neih thawm hriat tur awm hawt silo in bialpa a nei kan ti teh ngawt a,ka ir chin chuan bialpa nei sawiin a sawi thei a,mahse ka chhungril erawh chuan nei tur hian a phal thei tlat lo...




Ni e,ni e,ka hre ta...



Kha nula,biak en a en pawh ka en mang loh,i nau an tih ringawt pawh a haw thin,THINGTLANG NULA,kha THINGTLANG NULA ngei mai kha ka lo NGAIZAWNG reng a lo ni!








May-i chuan ka ngaizawng a ni tih hre lo mahse Zomuani nena kan in kar erawh changela sawi bel ang mai hian kan in mil in kan in rem hlei thei chiah tawh lo,ka thup em a vangin kan in kar a khi awm chhan chu a hre lo,mahse hriat hun chu a la nei ngei ang....








"Ka pa,ka nu bulah hian ka lo sawi tawh tho a,tunlai chu ka nu khu tunlai chu a nuam sam lo thin a,chutiang a nih si chuan haw ve phawt hi a ngaih hmel sia,in rem ti em le"
Ka chaw ei ka hak lo chauh,ka khuh bawrh bawrh..
May-i thil sawi zet chu...






"Ni e,Maybawihi,theih loh chhan tur chu a awm hleinem,I sawi chu a dik a lawm,hei chen hi kan bulah I awm tawh a,a na zawngin vawi te khat mah thil tulah pawh an la pawt peng lo che a, han pui dawn ila,I nu leh i pa te hi mi tlawmngai thang an ni a,an duh hauh dawn lo tih ka chiang mai si,ni e,I haw em em dawn nia,I theih chen chen I han awm pui a nga,mahsela,I lo haw leh ngei kan beisei tlat dawn a nia aw"
Ka pa chuan an ti charh charh a...






May-i a awm loh te chuan,a nui hmel hmuh tur a awm lo nga,a aw hriat lah a harsa dawn si,phone a tang in ti dawn ila,a be hreh hreh a ka tan thin avang khan min be tha duh dawn der silo......hmmm,ngaihtuah pawh ka ngaihtuah duh lo aahhh...







"Bawiha kan sawi chu I hria em?"
Ka nu in a lo tih chuan ka harh zawk...

"Enge I lo ngaihtuah hman a?ipa thu sawi chu I hria em?"ka nu chuan a lo ti leh thuai a...
Ka ngaithla lo tih an hrechiang hlawm lutuk...


"Bawiha,in hna chawlh lai a ni bawk a,Maybawihi hi an khua ah han hruai ta che,reilote te chu I duh leh I cham a nga, duh leh I lo chhuk leh nghal anga,kan khaw hlui I han hmuh pah a ni mai dawn a,han hruai la kan tia..."



Ka mumang a ni silo,ka pa chuh a thusawi a sut leh ang tih ka va hlau teh kher em!
May-i ka melh zawk a,inthlahrun hmel deuh hian min lo melh let...
May-i pawh chu a room ah a in siam a,keipawh ka in siam mawlh mawlh a,ka phur hle a niang chu ka faifuk hlurh hlurh mai...







May-i leh ka nu leh pa te chu in ngaih hmel deuh hian an in bye bye lauh lauh a,ni e,a tu a tan mai pawh hian a khawhar thlak ngawt ang,kei tih loh chu,kei chu ka lo hlim veng veng,a bula awm reng ka chak kha ka bulah a awm miau alawm, THINGTLANG NULA tereuh hi!







Tluang tak chuan an khua chu kan thleng a,a nu leh apa te an lo awm a,Anu leh pa te chu ram hnathawk thang an nih vang nge an ka nu leh pa te lakah chuan an tar ve khawp mai..
An lawm tlang kher mai,in chhung kan luh chuan a nau te ho lah chuan Au Au an lo tia,an lo kuah chung chung a,kei erawh min hre lem lo, May-i chuan a nu leh pa te chu min lo hmelhriat tir vat vat a...







May-i pa chuan"Tea,ka hre reng reng hleinem che,I pa te khawpui lama an awm khan nupui a la nei bik lo a,fapa a nei tih chu tun hnu kan in biak thin a tang hian ka hre leh mai a,ka vawikhat hmuh na mah nila,fapa a lo nei hmel tha in a lo nei puitling hle mai che ka ti,"an ti charh charh a...








May-i nu chuan"Tea,thingpui in rawh aw"tih leh thukpên a Ketli a thingpui awm chu a thli sawk sawk a,thingpui sen thlum chu min lo pe nghal a..

Thingtlang ang ah te chuan a nei nung tak tih loh te chu a hmeh an in chhawp ngai lem lo,an in duhsakna ber thingpui sen thlum a ni tih te chu ka hre chho a...











May-i pawh inthlen a tangin a buai nghal ang reng hle,a nu leh pa te chu ram hnathawh kha an hna a ni a,a nau te lah an la upa hran silo a,a chhang chiah hi a Zia viau a,mahse school kal lai a nih bakah an exam lai a lo ni bawk nen,a nau te vang hian an buai hman leh hle thin..


Tih tur tul ang ang a ti nghal bawrh bawrh a,han chauh emaw han in lak no emaw pawh a nei lo,hlim takin tih tur tul ang ang chu a ti bawrh bawrh mai...



Lo nei mi an ni a,lo ah te chuan kan feh a,khua a lum hma a,thlan a tla bat bat mai,theih ang tawk chuan ka pui ve a,nuam ka ti ve lutuk,mahse hnathawk thang ka ni lo tih an hria a,ka feh pawh an phal lo viau dawn a,mahse ka kal ve chak ka tih avangin kan feh ho kha a nia,chu mi avang chuan an inthlahrung ve tho mai,chhun chawlh lai a ni a,thlam varanda ah chuan kan thu dun a.




"Ute,vawiin chu I chau awm mange aw,feh ve I ti kher bawk sia"
May-i nui var var chuan min ti hah dam sawng sawng mai...





"Hah lo e,a nuam ka ti lutuk" ka lo ti vat a.


"Ni e tiraw,thingtlang mi nih chuan heng hi kan tih tur a nia,eizawnna ber a nia,ka nu leh pa te hi nisensa hnuai ah kan dam khawchhuah nan an thawk tang tang a,mahse an phun in an vui ngai lo a sin...
Pathian khawngaihna a zarah hriselna te neiin tun thleng an thawk thei a,kan tan chu tluka hlu a awm lo,eizawn nan hmang mah ila,artalh dan chi khat chiah a awm lo tih ang khan kawng danga eizawn ve tho kha a ngai a,upa ber ka nih ang hian lehkha pawh ka zir sang lo ka tih tawh kha,mahse in zarah thiam thil neiin ka chhuak ve thei a,ka lawm tak zet a ni"


"Umm,a ho lutuk,a nih leh ngaihzawng hi I nei em?"
Kan zawt tawl mai ah...



"Ka neih I ring em?,ka nun hian ngaihzawng lam hi a buaipui ve lo nge,min hlau a min luhchilh duh lo hi ka hrethiam lo"a nui har har a..




"Hmmmm,nia,ka ring,i in chei ve vak ngai loh danah"
nuih pah chuan ka lo ti let a...


"Ummm,nia,I sawi dik lutuk,sawi tak ang khan thingtlang mi kan ni a,thingtlang a tangin Khawpui lamah inhlawh turin kan rawn kal a,kan tum ber ti hlawhtlin kha kan tih makmawh a nia lawm,khawpui a ka awm avang khan ka changkang ngawt thei hleinem,leh lama awr duma leh lama awrsen ringawt kha thil tha a ni ber chuang lo a..
Aaaaaa.,ngaihzawng chungchang ah chuan........neih chu a tha ang,mahse keichu ka kawp thiam ka ring lo,bakah Khawpui mi te anga nalh zo ve tak tak kan ni pha dawn chuang lo a,min duh taktaktu te pawh ang awm nang,chu ai chuan hmangaih taka min enkawltu ka chhungte tana tih theih ang tawk ka tih ve hi,hei hi ka dam chhan a ni"

Ka lam a lo hawi a.


"Hetiang ramhnuaia hnathawh hi khawpui mi te tan chuan a peihawm loh lutuk,tih than a ni lo a,hriat thiam pawh a har ngawt ang,mahse kan tan chuan maw khawpui lama changkan na khan awmzia a nei ve lo,ri bengchheng hriat tur a awm lo a,a tem hian kan tem phak reng reng lo,mahse in duhsakna leh hmangaihna erawh a awm reng"
Nui chung chuan an ti leh a...



May-i puitlin zia chu mak ka ti hle mai,ka ngaisang in ka zah sawt...





Thingtlang ah te chuan chawhmeh te an in suah tawn liam liam a,in in hlat deuh mahse chhiat that tawhin an in ngaihsak a,khawpui ah ve thung chuan in insi lo chauh in kan awm a,mahse a chhunga mi te erawh bang chhah takin min daidan ang mai hian kan in len pawh lem lo kan in ngaihsak ve vak ngai hleinem...







An chhungkaw bula awm chu a nuam in a hahdamthlak a sin,theihtawpin min lo duat a, May-i nau te pawh chuan min lo nel hle,thingtlang nun chu ka hre ve nual mai...a tirah chuan kan nunphung nen a in an loh em a vang khan hreawm ka ti deuh dawn a,mahse May-i vang pawhin nuam ka tih phah leh a,tun ah phei chuan a nawmna ka pawh ve tan tawh...




Karkhat vel zet zawt ka cham hnu chuan ka haw thlak a ngai a, May-i erawh a la cham a ngai hrih dawn...
Ngai ru em em chung chuan kan in vai liam ta lauh lauh a...











Zomuani,Zomuani erawh khawpui nula tih takah a han ngaihnobei reuh a,a chhe lo in luck pawh a luck phian mai..
A pian a nalh in mi hip theih na riau hi a nei a,hmeltha deuh ti a sawi tur chu ni hran lo mahse makeup a awm a,makeup hman a thiam bawk a,hmeltha takah a in chhuah thiam leh tlat,a zei a,mi tihlawm dan te hi a thiam phian a.

An chhungkua lah nise an nei nungin amah pawh in hna tha tak a thawk bawk a,awmpui an nei nual a,in lamah tih tur a nei hran lo,a chhuah pawh ka chhuak zing dun nalh malh e,neinung zâwngah phei chuan kan phu lo hial zawk a,a neih pawh an nei fe zawk,mahse lengdang zawng zingah min thlang ve miau a....




May-i, May-i erawh THINGTLANG NULA a ni,mahse,a ngo reuh a,chhe lo a ni lo,hmeltha ti a sawi tham a tling zawk,nu hnap mai a nia,ka mit ah chuan makeup hian a ti buai pha ve lo,englai mai pawh hian a tha veng reng mai..

Tawngkam thiam tak leh mi tih lawm thiam ni lo mahse a bula awm thang ten an zawng chhang fo a,kawm leh an chak thin,chhungkua harsa tak an ni,mahse an chhungkaw in hmangaihna ang kha mi hausa nazawng aiin an awhawm zawk..

Hna sang tak thawk lo mahse,a hna ah a tui a,a rinawm a,a hna chu sang lo mahse a mah avangin a zahawm phah reuh a sin..Thawhhreh a nei lo reng reng,a chhungte innghah fak a la tling chho ve thuai dawn...







Zomuani chu a mit a lerh ang bawkin a thawmhnaw pawh a lerh ve a,mahse a inhmeh thei lutuk,nalh a hria a,sawi tak ang khan mipa dang chil ti put thei khawpa chhe lo leh nalh a ni..







May-i ve thung chu thawmhnaw taksa lang tam hi a ha ngai meuh lo,khua a lum hian a ha ve chauh zawk...mak ka tih deuh chu May-i danglam bik tlat na hi a ni..
Kan hmelhriat,kan chhung te pawh a niang chu,a zawng zawng chuan ka tilo a nia, an chhungten an awmpui emaw,awmpui pangai pawh nisethenkhat hi chu ,khawpui ah an han awm a,thawmhnaw tha tak tak an in bel a,a chhe lo thei ang berin an in chei a,mi hausa an ngaisang a,Khawpui ah te chuan Khawpui nula tih loh rual an nilo..A hma zawngin an khaw lama an kalsan tak an chhungte khan theihtawp chhuah in an enkawl a,an enkawl let theih ve hun a thleng in changkanna an umsan leh zawk mai mai sia,engtin tak an chhungte kha ngai ang maw!










May-i ve thung chu maw in tih changkan lam kha a nei ve ngai lo,thing deuh in a awm ka tihna a nilo a nia,a in cheina a lepler ve ngai lo a,makeup a in hnawih nasa ngai lo,ngaihzawng lam pawh hi a ngaihsak teh ual lo,chu ai chuan a nu leh pa a unaute rethei taka an awm kha a hre reng a,a hnathawh ah theih tawp a chhuah tak meuh meuh zawk...




Khang in la changkang ho mal no nalh tak tak hmuh ai chuan May-i chawn lang zeuh hmuh reng pawh ka thlang zawk....Tawngkam mawi in a in chei a,zahawmna silhfen a in bel tlat a lawm...





Khawpui nula an a tum ve lo...
THINGTLANG NULA kha a ni tlat a lawm!






Zomuani Khawpui nula nula chhe lo leh luck tak lengdang zawng zawng zinga min thlang tu ka bialnu ni lai mek a ni a...








May Lalnunpari thingtlang nula hmeltha leh duhawm,aman min thlang lo mahse keiman ka thlan ruk tlat kha a ni ve thung...min thlang ve kher a ngem tih erawh ka hre dêr silo....



Min lo duh ve ta ang seee. ..




Zomuani chu ka bialnu nghet,rei tak in kawp ve tawh,ka tan chuan ui nei ngai lo kha an ni a..





May-i chu tun hnai mai a mi,a nungchangin min hneh em avang a ngaihzawng ta tlat kha ka ni....




Anni pahnih buk tawn chuan ka in ngaihtuah kawngtluan a...




Thlan theih ni ta seee....




Tunge ka thlan ang???





MAY-I

nge

ZOMUANI ?????????

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:05 pm

MAY FLOWER



Chapter-3....🌷💕











Tlai lamah in ka thleng a,ka chau hle mai,ka in bual nghal a,ka in bual zo chu whatsapp ka en nghal a, May-i message a lo awm ve ngei a nih chu..




"I thleng tawh em?"




"Thleng tawh e,ka in bual zo chiah a"


"I kaltluang maw? I chau ngawt ang"




A thu ringawt pawh chuan min ti harh sawng sawng thei nia...





"Chau lo e,ka thleng tluang eee"






A reh ta vang vang mai,seen zawng a seen ngei a lawm...



Min reply leh mai beiseiin ka nghak deuh vang vang a,mahse a reh ta tlat mai,kan in biakna te ka en let leh thin,a last seen chu kan inbiak tawh loh hnu a ni..



Ka ngai reuh sin mawle,ka ngai lutuk che va tih mai hi ka nap,mahse kan inkar ngaihtuah in ka ti dawn lo tih hi ka chiang lutuk,a tawp a tawp ah chuan "hmmm nge ni na vei"tih pah chuan phone ka dah a,ka mu ta daih...





May-i chu thlakhat vel zet a awm lo ta,choka a a che vel hmuh tur te,a hmel pawisawi lo leh nung sar mai hmuh tur awm lo chu thla khat chuang mah ni mahse a awm loh tir ang mai hian a la reh duk thei,ka nu te pawh an khua a har tih ka hria,kan in chhung ti nuam tu kha a ni miau a.





Ka chawlh te a zo bawk a,ka hna ka tan leh tawh a, May-i ngaih deuh pawh a zia ve hret hret e..





Zirtawpni tlai a ni a, hna lam kan buai deuh a vangin ka haw tlai angreng a, garage ah bike te ka dah fel hnu in inchhunglam ka pan a.
Kawngka ka hawng dawn chiah tih hian ti ti pah a tawng thawm hi ka hria,
May-i aw a ang khawp mai,kawngka chu ka hawng sawk sawk a,ka nu chu ka thawm hria in a lo hawi vat a,May-i aw ang deuh ka tih chu kawngka hnungchhawn zawng hian a lo thu a,ka thawm ah chuan a lo hawi phei a,
ummm, May-i ngei a lo ni!




"May" tih pah chuan kuah tum in ka ban phar a,a ni pawn min lo kuah let ve nghal..




"Ka lo thleng leh hlawl mai"
A nui var var a..




"A lawmawm lutuk,I lo thlenna a rei tawh em?"ka aw te chu a zâng vâk mai.




"Rei ve tawh tho e,vawiin chu I va bang har ve"





"Nia,kan hna kan laklawh a,I lo haw tur hre lawk ila chu lo haw hma ka dil ve tur a sin le"kan ti fiam a..
A nuih a za lutuk,a nui hmel hmuh a khat bawk a,en nin a har..
A ngai ang bawkin kan nunphung a awm leh tan ta a,kan lawm a kim tlang ngei mai..








Hmeltha ta na na na chu May-i pawh bem tu a nei ve reng a,ka thiante pawh an bâng bik lo,ka dan rual a ni lo,mahse ka thik lawi si...



An hna kal haw hi mi pakhat hian a rawn thlah haw thin a,ka lo thik ru hmanhmawh a,mahse ka hmelah hian a lang chhuak ang tih ka hlauh vangin ka inthup hram hram thin...






"Tea,tunlai hi enge I hriat a,ka biak loh che chuan min biak pawh I tum mang lo"ka bialnu chu ti tau in a tûm bâr bâr a..




"Bawihi,ka buai zia I hriat kha,min hrethiam mai teh"

"I ti ve ziah,buai buai hi I tia,duh na ah chuan hman leh thei tho si,a hma zawngin min ngaihsak tha a,tun ah ve lêm ka biak loh che a min biak pawh tum lo,midang awm lo chu nise min be tha ang,ka ning zozai lutuk,tu mihring phiangsen chu I ngaihtuah nimaw"thinrim deuh hian a ang hlawih hlawih a..




"Duh tawk em em teh,duh duh hi I sawi ve ziah mai,tunge ka buaipui chu I hriat"ka ve hmak a.





"Aaaa,chân che hi ka hlau a,chuvang chu mawle,min hrethiam dawn nia..."nem duai hian an ti leh nghal a.





"Tea, May-i pawh hian bialpa a nei ve ngei tiraw"






"Eng maw"
Tih pah chuan ka va melh kâwk a..


"Ummm,I hre lo tak zet em ni,rawn thlah haw thintu kha ka thianpa a nih kha,an dawr bula mi a nia, May-i hi a star thei lutuk a,kan inhriat thu ka hrilh a,a number te min dil a,ka pe a,a bak chu I hre ve tawh mai ang"en pawh min en lo chuan a sawi bawrh bawrh a.





Ka kut chu ka hum ruh a,ka ha chang ka thial bap bap a..




"Tu maw I thianpa chu?"





"Fela,ngatan nge I tih a?,ngatinge khatia I awm a,I thin a va rim hmel ve"mak ti deuh hian min en hau mai a.





"An ni tih I chiang a maw"




"Ka thianpa chuan kan ni chu a ti alawm,enge I ngaihven vaka,kan boruak a tha lo a,chinfel a hnek in i nau te inkar ah rilru I pe leh daih a,tea,enge I hriat a?"
A sam hnawk hui kian pah chuan a lo ti nang nang a...





"Eng nilo e,bawihi,tihtur hmanhmawh thlak deuh ka nei a,ka haw san mai ang che aw"





"I mak thei emai"


"Sorry,bawihi,zanah ka lo be ngei ngei ang che"kan fawp zeuh a...
A lung a awi ta a niang...



"min lo biak loh vaih"



"Lutuk"


Ka chhuak nghal...




Ka haw kawngah chuan ka ngaihtuah nasa hle mai, May-in ngaihzawng ka nei ngai lo a ti a,tunah a nei leh lawi si maw,May engtinnge ka tih dawn che,ka duhthu hrilh dawn che in a tlai tawh bawk si....hrilh hma ngawt thu che a awm bawk silo...ngaihzawng nei tur in ka phal ngai lo che a sin le...May Lalnunpar!






Ngaihzawng a neih leh neih loh ka zawh lah in nei lo tih pahin a nui mai a,mahse ka ring ngam tak tak lo,nitin Fela khan a thlah ziah a lawm,dawt ka sawi e an tih khang lan ni,ka mood a off nghal rawih rawih thei...




Ka awmdan chu ka kham,mahni tawka pâ ve tak,nula te star leh ngaihzawn em em ni thin khan THINGTLANG nula a vangin a buai zo a maw,ngaihzawng a nei tawh leh nghal..Hettt shalaaaaaaa!!!!!!!






A chunga zaidam thin, be nasa ve thin tu kha tunah chuan sakei riltam ai pawh in ka hlauhawm zawk maithei...min biak in ka vin a,tul lo pui pui ah ka tir kat reng a,a hmelah chuan a inthlahrung tih a hriat reng,duh ber te keimah ni tello a an nui hmel hmuh chu a hrehawm duh a sin, hmasial vang te pawh a ni mahna...mahse keipawh amah vangin ka na zo tawh....






Zomuani nen pawh kan in kawp tam phah a,mahse a hma aiin ka duh na a sân phah chuan lo,la nêp tho tho,ka taksa chu a bulah awm tam mahse ka rilru erawh hmun dang daih ah a awm thung..ka nungchang danglam lutuk chu ka nu leh pa ten mak an ti khawp mai..

"Bawiha tunlai hi I zia I va thlak leh tawh ve,in hna lam ah fel hlel deuh a awm em ni"ka nu chuan min zawt rawih mai..

"Awm lo e"
Room ah ka luh san nghal...





May-i pawh chuan ka awmdan a tang chuan thil fel lo a awm tih a hai hauh lo....





Kan chhungin sitting room ah chuan kan awm ho a,May-i chu ka nu te nen an ti ti reng a,phone ka khawih leh char char a...





"Ka nau hi awmpui ve a ngai tawh dawn sia,kan dawr hnaih lamah sawn in ruak luah tur a awm a,hmanni khan ka en chiang ve chhin a"
May-i thusawi chuan ka beng a verh kher mai,ka phone chu dah nghal in a lam ka hawi nghal a..




"Ngatinge in luah te I sawi a,I nau chu kan bulah pawh a awm thei reng a lawm,min chhuah san kan rem ti lo sin"
Ka nu chuan a lo ti vat a..




"Ni e,ka hrethiam a lawm,keipawn chhuah san che u ka hreh lutuk,mahse a hmingin in zarah inluah man tur ang te kan thawk chhuak ve tawh a,helama ka nau school kal hi awmpuia ngai ve tawh si a,ka nu,hmun hla taka awm tur ka ni hleinem,ka la rawn tlawh ziah dawn che u alawm"




Ka hnual rawih mai,midang a vanga a hlim hmel ka hmuh in ka thinrim a,tunah ka hmu reng thei tawh dawn lo,ka thin hi a va rim zual tak em...




Ka nu te nen chuan rei fe an ti ti a,mut a hun chuan room lam an pan a,kei pawh mu tur chuan room lam ka pan a..




Rei ngial ka mut tawh hnu pawh chuan ka muhil ngawt thei lo, May-i thu sawi kha ka rilru ah a awm reng a,ka pai dam mai mai thei lo...




A room lam ka pan ru dêk dêk a,light a in off thim khap mai,room kawngka kik ka tum a,mahse ka tîm leh deuh,leh leh mai ka tum a,mahse a last seen ka en a,a la muhil lo tih ka hria,ka kik lui ta karh karh a......

















Tunlai chu ka buai a vangin ka hman chin chin ka ziak a,ka story min lo ngaihlut der sak a vangin dah loh ka inthlahrung a,a tawi deuh mahse ka lo dah hram hram e,ngaihnawm in lo tih hram ka beisei...
A leh pek ah pawh min lo chhiar sak leh theuh dawn nia🥰🥰....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:05 pm

MAY FLOWER



Chapter-4....🌷💕
















Ngawi reng in kawngka chu a rawn hawng a..



"Ute,nang maw! Tun ang hunah"
Mak a tih hmel kher mai...


"Ummm,ka muhil thei lo a,I la muhil bik lo tiraw"



"Ummm"



"Ka lo lut thei ngem?reilote in kawm lawk ang"
Luhna tur min kian a,ka lut nghal...


Khum bula thutna awm ah chuan ka thu nghal hnawk a,ka maimichhing vang vang...
May-i chu a ngaihna hre lo hmel zet hian ka bul khumah chuan a lo thu ve reng a...



"May,Keimah vang a ni tiraw"

"Eng...eng....chu maw?"
Min chhang bah nuai a...


Ka meng a,ka en vang vang vang,a ni erawh a kun tlat...


"May,I mut a la chhuak lo tih ka hria,in chung zawlah han chho mai mai ang hmiang"

Ka kal nghal a,a ni pawh chuan min lo zui ve mai a...



"Keimah vang a ni tiraw"
Ka ti leh a.



"Aih,nilo"


A dar ah chuan ka pawt her a"May,dawt I sawi.,.ka hria,keimah vang a ni tih hi,I chungah that ka chhuah ngai lo a,inthlahrung takin I awm phah tih ka hria,"




May........chhuak suh,khawngaihin,I chhuah in engtinnge........engtinnge,kei....kei hi ka awm ang!"

A kut ah chelh tlat chung hian kan ti a.





"Eng vangin maw!!!???"



Ka hma a ding nula tereuhte,thingtlang nula a nih vanga eng teh uala ka ngaih loh hma ah chuan ka zâm chhe ta dêr mai...




"Ka duh vang che in"
Hnai set sawtah en chung chuan ka sawi a...

"Eng thu nge I sawi tak"
A hmel ah chuan mak tihna hlir in a khat...





"Ummm,eng chen nge ka thup dawn ka hre lo,mahse....mahse...MAY LALNUNPAR nang hi ka duh che ni"
Lehlam ka hawi san nghal...




"Aih,nilo,a ni thei lo"
A bula thu thleng awm ah chuan a thu hnawk mai....




"I awih lo ang tih ka hria,nia,awih a har ang,keipawh hian ka awih hleithei lo,inthunun ka tum hram a,mahse I bialpa nena ka hmuh dun che u hian ka thikthu a lo chhiat phah a,ka thinrim phah fo thin a sin, i laka ka chet dan ngaihawm loh zet zet te kha ka duh vang che a thil thleng a ni,eng chen nge ka thup ang ka hre lo kha nia,thup reng erawh a lo harsa a nih hi"




A ngawi reng...




"Ka hrilh che a,ka thawpikna a reh huai e,ka duh che vang hian ka in chhir chuang lo,min duh let ve tur pawn ka phut kher lo che,midang hmuh ah ngaihzawng ka nei miau a lawm,ka thiam loh a ni tih ka pawm thlap,Fela nen chuan hlim deuhin in awm dawn nia,May,mu rawh a tlai tawh"


Kal mai tum chuan ka in her a..






"Ute"





Ka ding chawt mai...



"Ka bialpa nilo"



"Engmaw,a..a nilo I ti leh dawn maw!"


Ka pan hnai nghal...



"Ka bialpa a nilo,a ni lo tak tak,amah chuan min ngaizawng a lawm,mahse keiman ka ngaizawng ve hleinem"



A hmui a pet vang vang a..



"Ute,nang anga tha te chu tu in nge hnar phal ang che,min biak that vak loh lai pawh khan haw lo che a,min biak loh ai chuan ka la awm rilru tho a,nitin ka hmu thei ringawt che pawh kha ka lawm a sin,mahse ngaihzawng nei I ni a,kei in awmpuinu mai mai tan hi chuan nang ni chu in sâng a ni,mahse...englo....keipawh hian ka....ih...ka.. ka duh che lawm"zawi sap hian a lo ti...



"Tak tak maw!!!"
Ka lawm bawk si,ka kuah vawng vawng...


"Ummm,"a nui sak a.



"Mahse,engvanga mi hrilh lo nge,ka awm dan I hriat thiam tho chuan"
Kan chhuahchhal nghal ringawt a...




Chiang taka min en chung hian
"Kei hian,kei ve mai hian ka hrilh ang che maw,thingtlang mi engahmah min ngai lo tu bulah ka duh che tih thu ka hrilh ang che maw,a teuh in a hnai lo lutuk,chuta karah ngaihzawng nei lai I la ni leh nghal,ngaihzawng ka neih leh neih loh min zawh in ka nei loh thu ka hrilh che pawn I awih chuan loh kha"




Ka kuah na tang chuan a tal chhuak a,

"Mahse awmzia a awm lo,a theih loh"


"Engvang in maw"
ka lo ti vat a.




" I nau ang ka ni a.........chuti......"


"May,unau dik tak kan nih loh hi,chutiang chu buai na a nilo"

Ka lo ti vat a.



"A dik a lawm,chu ringawt chu buaina a ni lo,mahse ngaihzawng nei lai I ni a,khawsak ah phei chuan in in hmeh lutuk,chutiang karah chuan engtinnge kei hi ka lo in rawlh ngam ang,nilo,a theih loh...Kan dinhmun en in a rem lo...

I hria em?

Thawnthu ah chuan kulh sang takah hian lalfanu hmeltha tak chu a tâng a,lalfapa chuan a chhanchhuak ta a nih kha...



Chuan......kei chu....





Kei chu maw lalfanu tur chuan ka hmel that loh bakah ka tê lutuk,kulbang sâng ai ah hmangaihna ah ka tâng a,min chhan chhuak tur in nang I lo kal a,mahse chu kulh bang sâng tak rawn lawn chhuak tur chuan leihlawn a awm lo..
Hmangaihna hming chawi chuan chuan min chhan chhuah chu I rawn tum a,mahse leihlawn awm lo ang tluk zet a pawimawh din hmun sang tak ka neih loh avang in ka tan tân reng chu ka damchhung nun hman dan tur a lawm..
Ute he khawvel ah hi chuan len dun a rem lo a ni....I hmangaihna dawng a chhang let turin beiseina chhe te tal pawh beisei tur ka nei lo a sin"




Kum ruk vel zet in kan in thlau a,mahse a va puitling in thil a lo va thlir thui tak em!
Ka tluk lo tak zet a ni...




A hmel chu ka en a,a mittui a luang thla ngiai a,thla eng no tak mai chuan a mittui chu a chhun tle sar sar a,a hmai chu a chhun paw phêt mai..




"May,ka thinlung neitu I ni a,chutiang vang mai mai in rem lo ka ti thei lo,hausakna ai chuan ka thlang zawk che lawm"


"Pangpar mawi tak hi a awm a,lalfapa chuan chu pangpar chu enkawl in a kiang ah a awm reng thin a,mahse lalfapa chuan a vah chhuah na lamah pangpar dang a va hmu leh a,chu pangpar chu a bulah chengin a awm a,pangpar a kal san tak kha a hre zui ta miah lo,mahse a kalsan tak pangpar chuan a lo kir leh beisei in a lo la nghak maithei a sin..



Pangpar ang mai in....ummm....pangpar ang mai in kan in hriat hma atangin Uzomuani nen in in hre tawh a,in in hmangaih tawh a,keimah vanga in in then chu ka duh lo a lawm,nangnen chuan kan in hriatna a la rei loh em kha,i bula ka sawi zawng zawng kha theih nghilh zawk rawh"
A mittui chu a tling pam mai..



"May,pangpar hi a mawi dan a in ang hleinem,chutiang bawkin Zomuani nen in that dan a in ang lo a,Zomuani ka hriat than a vang ngawt in ka hmangaih tak tak thei kher hleinem,kan in hriat hnuhnung zawk a vangin ka hmangaih lo thei ngawt bik chuang hleinem che...khawngaih i laka ka beiseina hi min tih beidawn sak suh aw"




Ka lamah ka pawt hnai a,ka kuah a,a hmui no nalh takah chuan ka fawp a,min hnar bik loh a vangin ka fawp leh vawng vawng...





Kan rilru hria ni awm takin thla lah chu a eng ruih mai si,tunge ka thlan ang ti a ka buai fo kha tun ah chuan a chiang ta, May-i ngei hi a ni!





Dar zât chu kan tan chuan number kal thei mai a ni,tun ang hun na na hi chu tuma min dan theih a nilo,thingtlang nula a nih vanga ka ngaipawimawh lem loh tak chu ka awmah bei tirin ka chelh reng a,a hausa zawk leh ka hriat than tawh em em khawpui nula chu ka suangtuah na ah chuan hmun hla takah a awm a,ka thinlung ah hmun a chang zo tawh lo..



"Hun harsa tawk dawn mah ila,ka chelh tlat ang che"ka ti zawi raih a..




A lung a chhia tih ka hria,thla eng no raih kara thlifim thaw heuh heuh chuan a sam sei mawi tak chu a chhem lêng siau siau a,a hmel,a mitmeng mawi leh pawisawi lo tak chuan min en a,mittui luang thla ngiai ngiai karah chuan biang sum lang kalh chung hian min nuih var var a,a hmel a va tha chiang tak em!
Nuimawi hmeltha ti a a sakhming vuah tlak a ni....




Reife chu kan thu dun reng a...a kut vawt raih mai chu hum in ka chelh vawng vawng a..






















May-i chu inluah a tum lawk a nih a vangin a in sawn chhuak ve ta nghe nghe a,keipawh thil tul te tihpui in ka pui reng a,a nau school kal lai chu awmpui in a nin puan a thui char char thung,an in luah chu lian tak a nilo,te fel rên rawn hi ania,in luah man pawh an chawi tam vak lo,a awm lo ta chu ka khua a har viau mai,mahse a thinlung ka nei tawh a,ka thla a muang tawh tho,mahse,mahse buaina a in tan chho dawn......









"Lawmzual,ka thu hriat kha dawt a ni tiraw, May-i chu Fela bialnu a nih kha"thinrim tak chuan a ti hlak hlak a...


Ni e,eng huna sawi a tan nge ka khek reng ang,thil chu a nih tur ang a ni zo tawh a,zep reng tur ni in ka hre lo,a reng reng thu ah ka duh viau vanga in ngaizawng kan ni lo a,zep lo ah chuan ka luck ve a lawm,nula mai bakah tleirawl min star tu leh bêm tu te pawh ka tawng ve reng a,Zomuani nen hian a tirah chuan thian pangai mai kan ni,mahse a ruk khan min lo ngaizawng reng a,kei tak chuan eng teh vakah ka ngai lo,mahse nula chhe lo tak a nih mai bakah a zei a,mi care a thiam a,nula lerh ve angreng tak mah nise min atchilh a,keimah a vangin hnar pawh a nei ve nual mai,kan in kawm tam bawk nen a tawpa tawp ah chuan kan ni ta nge nge a nih kha,ngaihzawng hi ka la thutak vak ngai lem lo,mahse rin ai takin a ni erawh chuan a la serious phian mai,mahse May-i ka tawn a tang hian ka duh tak tak lo tih ka hre chhuak....


"Fela nen an nilo"




"Thil ni thei a nilo,Fela nen nilo pawh nise...In awmpuinu ber kher,a ni vang in ka chân ang che maw,eng zawlai D nge a lo tah hmanhmawh che,a thlem nasa hle che niang maw"

Zomuani thinrim lutuk chu a vei tawn chhen a...


"Dawt chu ni lah lo ele,a nungchang hian min hneh a,bakah ka duhzâwng tak a ni,inthen chu rem ti mai rawh"



"Lawmzual"

A au tuarh mai.




"Mawh,engvangin nge a ni ber kher,ka duh zia che pawh I hria a ni lawm ni,I va rinawm loh ve,kei lo duh dang I nei a,chuta karah THINGTLANG NULA mawlmang zet ber kher maw,thu dik a nih hi ka ring thei lo"

Ka kawr awm a tham pah chuan thinrim aw khur deuh pah hian a ti hlak hlak a.

"Inthen a tha zawk,inthen lo mahila awmzia a awm tak tak thei chuang lo ang"



"Ka then dawn chuang lo che"




"Zomuan min hrethiam dawn nia,thinlung pakhat nei ka ni a,ka sem zaih thei lo,kan hun kal tawh chu tleirawl at lai ah ngai mai la,theihnghilh tawh ang che,chuan May-i hi sawi chhe tawh ngai suh,kan awmpui ni lo in ka bialnu a nih hi"

Ka ti ram hmak a,chhuah nghal mai ka tum a.



"Lawmzual"


Thip zet hian min melh a,za lo zet mai hian a nui lui uar uar a...




"Immm,Thingtlang nula vang mai mai a,buai te chu a nep lutuk,ka tluk loh vang ah pawh ka ngai hrep lo e,a ni elpui ni tur chuan kan dinhmun a in thlau mah mah,I duh ang chuan han awm ta che,eng chen nge in nih theih dawn kan hria ang chu,mahse hei erawh hria ang che,kei chu maw KA LA BEIDAWNG MAI MAI DAWN HAUH LO A NIA"


Thip fahran a min melh pah chuan an ti thak a.




Engmah sawi lo chuan ka chhuahsan ta nghal...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:06 pm

MAY FLOWER



Chapter-5....🌷💕







May-i nen chuan kan in kawp chho ve zel a,a thatna te pawh ka hriat tam phah telh telh....
Chhunlamah hnathawka a chhuah a ngaih a vangin zanah ka lêng tlângpui thin,rei ka rial thei thlawt lo a ni ber e...
Zanah chuan ka leng leh a,a nau in lehkha a zir a,a nau pawh hian min hre ve viau tawhin a ni pawh a u ang mai hian a fel reuh a,a nau lehkhazir lai chuan kan ti ti reng a..


"Ute,kan hlim hun chhung hi a rei a ngem le tiraw"


"A rei turah ngai ang,ka bula I awm chhung chuan thlah che hi ka tum miah lo"



"Keipawn,"
A nui deuh sak a...


"Kan hlim zel anga,chuan reilote ah ka nupui I ni anga,kei i pasal ka ni thung anga,ka kiang ah I awm reng tawh ang chu....e chuan,fa hmeltha deuh ka duh tel"
ka nui hak hak a..


"Naaaaa...fa neih maw,I ngaihtuah thui emai"
Nui chung hian ka hnungah min chum taih taih a...


"Ka ti tak tak a lawm,ka ngaizawng reng peih teuh lo che,ngaihzawng mai mai a tan ka ti lo che a,Sunday zinga ka fa te thawhlawm sem tu a tan ka duh che lawm"


"Hey,over suh awww"
A nui har har a,a nui hmel hmuh nin hi zawng a har deuh a ni....


"Ummmm....a nih chuan chunglam in rem a tih a,I nupui ka nih a ka pasal I ni ve te a nih ngai chuan fa hmeltha deuh ka duh ve tho lawm,nih chuan chutiang ka hrin sak theih nan che duhthu han sâm teh le"
A nui var var a...



"Ka duhthusam chu maw,naute hmeltha deuh a nu anga hmeltha leh duhawm,chuan mipa ni ngei thei seeee"



"Eeee,hmelthat lamah chuan apa chhun se,chuan apa duhthusam ang ngei tur mipa ni bawk se"

A biangah ka lo piai zeuh a....

A bula awm hi a kham awm loh theih e...











May-i nen pawh kan tluang ve zel a,mahse ka chhungte chuan an la hre lo thung,la hre lo mahse ka nu tak hian a la pawh tha in,kan bula awm a ni thin bawk a,ka chhungte nen chuan an in pawh reng tho a...
Vawikhat chu a lo len laiin ka chhungte ka hrilh a...



"Ka la hrilh lo che u a,eng lo a nia, May-i nen hian kan inngaizawng a....."


"Tea,tak tak maw,dawt I sawi lo a maw"ka nu chuan mak a tih hmel kher mai...
May-i pawh a zak ve a niang,a kun tlat...


"Mahse,tea Zomuani kha"


"Ka nu,kan inthen tawh"


"Ni e,ka nu,Zomuani nen khan kan inthen chiang tawh alawm,dik tak sawi chuan May-i hi ka hmangaih zawk a ni"




"Animaw,tea....nula tlangval in ni ve tawh a,ngaihzawng nei rual in ni tawh a lawm, May-i pawh kan cheng ho in kan in nel a,I that lohna sawi tur ka hre lo reng reng,tea nena in in kawp hi lungawi lohna ka nei lo,nang chu ka fanu ang chiaha ka en kha I ni sa reng reng a"
Ka nu chu lawm hmel deuh hian a nui var var a....

Ka pa pawh chuan thu tam sawi lo mahse min pawm pui tih a lang reng....










May-i chhung te pawn kan chanchin chu an lo hre ve a,ka chhungte ang bawkin min duhpui lohna an nei bik lo,a tirah kha chuan unau ang deuh reuhin kan in en a,mahse unau tak tak ni lo na na chu kan hringnun ah hmangaihna chu a rawn kuhmum a,par a rawn chhuah ve ta hlawl mai a lawm le,hmangaihna pangpar chuan dip tu neih châng lo nei mahse a tu ve ve pawn kan lo thian mai thin...










Zomuani lamah lêt lawk ang aw..
Kan inthen chu a la na hle a ni awm e,a awm lo hran miah chuang hleinem,keini lo midang vang nise keipawn ka dem bik miah lo ang,beidawn mai lah chu a la tum loh hmel bawk si,zantin message min lo thawn a,min lo phone a tum ziah bawk a,ka reply loh mai bakah a phone call ka chhang tam ngai lo bawk,Zomuani mizia chu in hriat vek kha,tlema lo biak that in emaw chuan a rawn tharthawh leh anga,buaina a pung hluai zawk ang tih ka hlau tlat a lawm....








May-i nen kan in karah chuan buaina te tham te chu a awm lo thei bik lo,a changin tla zep awm an lo tum a, May-i nen kan in ngaizawng tih hre lo hian tleirawl thenkhat te nula puitling pawh a niang chu min rawn bêm leh nawlh tawn chang te ka nei a, May-i chuan a thik hran lo,mahse kei ve thung chu chutiang a tawn fuh chuan thikthu chhe hma ka ni tih takah ka lo thik hmanhmawh ve leh viau zel,ka bialnu ni a a thinlung neitu ka ni chung hian maw ka mitin a hmuh palh chuan ka ngawi mai mai thei tlat lo...mahse a tawpah ngaihdam diltu ka ni leh nge nge zel..a dik lo zawk ka ni miau hek....



"May,in nei ve tawh mai ang"


"Timaw"



"Eng chen nge kan nghah la ngai dawn a,zep lo chuan nula tlangval kan ni a,kan in karah mi tlak zep tum an lo awm lo thei bik bawk silo,a buaithlak,in nei tawh mai ila,a fuh ber zawk ang"
Ka ti nang nang a...


"Ummmm,ihhhhh,"a ngawi vang vang a...


"Min thlah thin tu pa kha I thik chiang,mahse Fela ang chu a ni em em lo aw"
"


Fela kha sawi tei vet suh"ka lo ti hmuk...
A nui nasa lutuk...



"Inneih ka la duh lo,chuan ka nei duh hrih lo che,bakah....kan la naupa.......ahhhh"


A in rin loh laiin ka pawm bet a,a hmui ah chuan duhthawh deuh mai hian ka fawp chawt a....



"Kan naupang tawh lo,chuan ka nupui ni turin lo in peih ang che"










A chhungte puih a la duh avangin keipawn ka nawr tut tut lo,a chhungte tan tha hnem ngaih kha la duh tlat a lawm,chutih rualin keipawh ka in khâwl ve ta zel a....




Zomuani pawh a beidawng ve hrih ta aniang,min be zui ta lo...
Kum 1 vel kan in zui takah chuan Mizo dân in palai kan tir a,mahse a tu ve ve lamah pawh rem lohna a awm loh avangin palai te pawh chu hlawhtling takin an lo haw a,an vawi hnih len na ah chuan a hun leh ni tur te chu sawi felin Dan khatna a ni bawk a,Biakin lamah lehkha te pawh kan tar a...


Ka phur tawh hle mai, May-i pawh inpuahchah te a tul avangin a haw ve ta a,rei lo te a in hmu thuai tur ni mahila aaaa....ka ngai veng veng....
Ni a lo chhuak a,a tla leh thin ang hian ni chu a liam a,ni thar a lo in her chhuak zel a,Kan inneihni tur pawh ni 4 vel chiah in a dang tawh...
Man hlan te a nih avangin May-i te khua ah chuan kan kal ve ta a...
An in kan thleng chu a lo dang ve tawh hle mai,kan inneih hma a tang tawhin a chhungte tan thahnem ngai takin a thawk bawk a,an in chu siam tha in a lo phui sui tawh khawp mai,a hma a mi kha a thing ka tih viau vang pawh ni lo in tuna an in nen chuan a indanglam hleih tawh lutuk...a hmasa pawh kha nuam ka tih hle kha maw....


Man te kan in hlan a,thlahna te an siam bawk a,min lawmpuitu te leh thil pek neuh neuh min pe tu an awm ve nawk hlawm mai...






Zirtawpni a lo her chhuak a...dar a ri ta val val mai...Biakin thutna hmasa berah chuan ka lo thu vâng tawh a,a hnu lawk ah chuan reilotea ka nupui ni mai tur chu a lo lut ta zân zân mai a nih chu!



Mo kawrfual nalh zet mai hi a ha a,a lang nalh kher mai,a sam leh hmai an chei dan te chu duhthusam a ni,ka lo en vawng vawng...
Min en pah chuan a nui sak a....



Pastor in hun a hmang a,inneih thuchah te a sawi a,zaipawl te an zai bawk a,inneih thutiam te min chham tirin Pathian leh mipui hma ah damchhunga in nei turin thu kan thlung ta a ni...


Kan inneihni ah chuan rin phak bakin mi an tam a,min lawmpuitu te an tam in present pawh kan dawng tha khawp mai,kan inhmeh thu chu an ti ti tam ber a ni pha ve hial....







A hma ang bawkin May-i chu kan chhungkaw zing ah a lo awm leh ta,mahse a dân a dang tawh a ni,a hma te chuan awmpui ang vel lek a ni a,tunah erawh chuan ka nupui niin ka nu leh pa te tan mo a ni ve ta rân mai.....


May-i chu a zia a ngai reng,ka nu leh pa te bakah kan chhungte nen pawh chuan an in pawh tel bawk a,an fak ve thin khawp mai...In nghak tu ah bawk a tang leh a,mahse a felin a tangkai lutuk...
Ka office bâng hi kawngka bulah min lo hmuak ziah a,hlim deuh hian min lo chhâwn thin...


Tumah thik buai a ngai tawh lo a,tunah chuan ka duh ber ka bulah a awm tlat tawh a lawm,zantin lên buai ngai lo in ka bulah a awm ziah tawh a,ka nupui ni tura ka beisei chu tihhlawhtlin in a awm ta....
Tuna May-i nena kan duhthusam leh beisei ber chu naute hmeltha tak kha a ni ta.....
Tlumtea thlir takin kan thlir veng veng tawh mai......

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:06 pm

MAY FLOWER



Chapter-6....🌷💕

















Kum 2 vel dawn kan in nei ve ta,mahse kan beisei leh duhthusam erawh a thleng thei tlat lo,tun thlengin fa kan la pai lo hrim hrim,kan inneih atangin kan beisei ve em em a,mahse kan hlawhtling thei tlat silo..




Doctor bulah te kan in checkup a,atu ve ve pawh tha min ti bawk si,mi te pawh an in nei a,a hnu lawkah fa an nei mai a,mahse ngatinge kan nghahhlelh ve em em fa chu kan neih theih bik loh le.....





May-i nen kan in hmangaih thin hle a,mahse nupa ve ni lema fa nei lo ta chu kan inkarah buaina a awm ve leh zauh thin...
A tu mah mah chu kan in dem theih a awm lo,mahse ka lung hi a awi thei lo....



May-i pawh a inthlahrung phah in ka hria,a dik lawm,kan inneih hma a tanga kan duhthusam kha a ni ve a sin,mahse tunthleng in kan la nei thei lo chu a nih si hi....
In la innei rei lo a,beidawn nan a la rei lo lutuk in ti mai thei...


Mahse maw...



A tawng tu tan chuan ni khat lek pawh hi a rei teh mai nia....nikhat lek a rei a nih chuan kum 1 liam pawh chu a rei tak zet a ni...



A hma angin ka hlim lo la, May-i erawh a nunphung ang ang in a la awm thei zel,min ngaihsak em em a,a inthiam lo ve tih ka hria,ka rilru natna tur angin engmah min sawipui duh ngai lo...
Ka nu leh ka pa te pawn tu hmel hmuh an chak ve ngawt ang,mahse kan tana ngaihthlak nuam lo turin engmah an sawi ngai lo...




Ka zia chu a dang leh telh telh a,Pathian hnenah ka vui a,a ruka zu in te ka chin phah a, May-i hmangaihtu ni thin khan a tan harsatna siam sak zeuh zeuh ka chin phah a,ka ngaihsak tam loh phah lutuk,mahse May-i chuan ka chhungte bulah min thup hram hram thung....



Ka awm dan chu hai rual a ni lo a niang,a hma a tanga min chîk rengtu Zomuani chuan min lo pan leh ta chat mai, May-i vang khan ka be duh ngai lo a,mahse tunah chuan ka innghahna ber ni thin May-i chuan kan duh min pe thei silo,Zomuani nen thian inkawm thang kan lo ni sa nen khan tunah pawn min hnem tum in min hnaih reng a,kan inbiak tam leh phah fo thin....
May-i nen chuan kan in karah khi a awm thuk ta telh telh mai...


Zankhat chu kan hna chhuanlam in zanrei lamah ka haw a, May-i chuan min lo la nghak kar mai....be lêm lo chuan bathroom ah ka luhsan a,ka chhuah hnu pawh chuan a awm na ngai ah a lo la awm reng a....ka thawmhnaw hak tur kengin min lo nghak reng...


Min lo ken sak chu ngawi reng in ka ha a,sitting room lamah chhuk san leh nghal ka tum a....


"Ute"

Ka ngawi reng....



"Ute,khawnge kal leh I tum a,mut I la tum lo mi?"




"Aw,tv ka la en dawn,lo mu mai rawh"



"Room ah hian en la"



"Inhnuai ah ka duh zawk tlat"

Min chhang zui tawh lo,ka chhuahsan nghal....




Sitting room ah chuan tv chu ka on a,mahse ka en tak tak lêm hlei lo a,thil dang daih ka ngaihtuah thung...

Rei ngial ka awm hnu chuan thawm dim ang reng tak chuan room lam chu ka pan a, May-i pawh a lo mu tawh,mahse a mutthilh chu ka ring bik chuang lo,a hma ang khan inthlahlel a inkuah hleuh hleuh ang kha kan nei tawh meuh lo,nupa e ti lo chuan khum ah pawh chuan a sir ve ve ah kan mu...




Ka bei hi a dawng a nia, May-i beidawng taka siam chu ka duhdan chu a ni bik lo a sin le,mahse ka awh em em min pe thei silo, hriatthiam hi harsa ka ti lutuk....
Zomuani nen chuan kan in zui reng a, May-i chuan a hre ve tho,min hau turin a inthlahrung tlat,hre chung chuan kan chhungte bulah chuan a zep tlat thung....




Zomuani nen chuan office ban ah hotel lam bawk chu kan pan dun leh ta,kan tih than a ni miau hek...



"Tea,thu lawmawm deuh I hre duh em?"ka awm ah bei chung chuan a nui har har a...



"Eng thu lawmawm nge"
Ka lo ti var a...


A bag chu a zen rak rak a,chutah maimichhing turin min ti a...


"Meng rawh le"

"Hei enge awmzia?"a ngaihna ka hre lo kher mai....


"Hei maw,ih....ka rai leh rai loh test na nih hi,en chiang ta che"


A thil min hmuh chuh...a chhungah chuan rin sen pahnih a lo awm,a awm zia chuhh.....



Zomuani a rai!

Ka fa a pai tih na!


Mak ka ti lutuk,ka ringhlel bawk si,ka kuah vawng vawng a,min tih der leh der loh te ka zawt thul,a tak a nih thu leh doctor bulah a in entir nghal thu min lo hrilh vat....


"Ka beidawng mai mai dawn lo ka tih kha maw"ka awma chûl heuh heuh pah chuan an ti zeuh a...



Tunah chuan PA ka ni ve tawh dawn ta,fa ka nei ve dawn a nih chu!....


Ka hlim ru kher mai...mahse...ka nui tawp thut....May-i engtinnge ni ang!


Ka lo sawi chhuak a niang chu,Zomuani chuan min chhang nghal....


"Enge I fa ber ka pai a hnu,I then mai ang chu,a nin fa a pai sak thei loh che kha"



"Mahse,chuti mai in thil awlsam a ni dawn lo"



"Chu I hreh tihna mi,keiman ka sawi a nga ni mai lawm"


"Nilo,keiman ka sawi mai ang"



"Te,rei min nghah tir suh aw,I fa ka pai tih hi hre reng la"khawngaihthla la hmel tak chuan an ti sap a....




Huiham,a lawmawm rualin a va lungngaihthlak tak em!
May-i chu hrilh ngial ka tum a,mahse ka thei tlat lo,duhtaka ka neih a nih a,bakah inthen hi thil awlsam a ni silo,then chu a harsa dawn si,ka then loh in ka fa pai mektu Zomuani kha engtinnge ka tih ang???????
Sawi lo bawk chuan ka pâm tul leh thin....



Zan khat chu kan inneih a ka best birthday a ni a,lawm a tum a,kan nupa pawh min sawm a, May-i pawh hrilh in a in siam ve mawlh mawlh a,kan chhuak ta a...


A hmun kan thlen chuan mi dang te pawh an lo awm nual tawh a,rin loh deuhin Zomuani a tel ve ta tlat mai!
Ka rilru a nuam lo angreng khawp mai...
Mahse boruak danglam a thleng hrih lo,birthday hunserh ang te chu a zawh chuan eitur an buatsaih te chu kan ei a,chu mi lai chuan Zomuani chu kan bulah a rawn kal ta chat mai....



"May-i I lo kal ve law,in chibai ila"nelawm hmel fahran hian a nui sak a...


"Ummm,nia,ka lo kal ve a nih hi"a chibai let ve a....



"Chuan,zanin ang te engtinnge I lo la kal theih zawk a,zanin chu inpa hi ka lo haw rualpui ang chu"



"Engvangin maw?ka pasal a nia,ka haw rualpui mai ang"


"Ohhhh....nimaw,mahse...engmah I pasal hian a la sawi nange"
Min rawn melh zeuh a,ka hamhaih kher mai...



"Sawi hrih suh a tul lo"



"Engmaw"


"Tea,tun thleng in I la sawi lo a nimaw,umm,zep zep a ngai tawh lo,I sawi hreh chuan ka sawi ang,May,in pa fa hi ka pai a"



"Engmaw"mak a ti lutuk,a hmel a dâng sawp sawp nghal.....

"Dawt a nih chu"


"Dawt a nih I ring a maw,I pasal hi zawt ta che,tunthleng pawn a la hrilh lo che a nia"



"Ute,thudik em ni?"a ti chuai raih...


Ka tawng chhuak thei lo...
Ngawi reng in lu ka bu nghut ringawt....

Zomuani chu changtha chang inti fahran hian kan bulah a lo ding lah bawk si....



"May-i chuan engmah sawi lo in pawn lam pan in a chhuak nghal...um zui ka tum a,Zomuani min lo chelh...


"Kal suh"



"Ka kal a ngai,hrilh fiah a ngai"


Min dan tum buai lo chuan min thlir liam tawp....



May-i chu ngawi rengin car ah a lo thu,biakin awmzia a awm dawn lo tih ka hria,kan tlân chhung zawngin kan ngawi dun thak....

In kan thlen pawh chuan ngawi rengin a lut nghal a....keipawn ka zui lut nghal,ka nu leh pa te chu an lo mu tawh a....



Khum ah chuan a lo thu a,en pawh min en lo....


"May"
Kan ti tham tiak a...




"In then ang"


"Engvangin maw"



"Engvangin maw I la ti thei a maw,hetiang kan tawn hnu hian"a aw chu a khur hlak hlak mai....




"May,inthen lo in tihdan ngaihtuah ang"



"Engmaw,chu thu chu engvanga rawn sawi chhuak nge I nih????
Kha tiang thil thlen hnu ah pawh khan maw....
Ute,eng thleng nge ka tawrh ngai dawn a,Uzomuani nen in in be thin tih ka hai lo,mahse I duhthusam ka tihhlawhtlin sak theih loh che avangin engmah ka sawi duh lo a,kan chhungte bulah pawh engmah sawi lo in ka thup ve hram hram a,mahse duh aiin thil a kal thui mah mah a ni"
A in sum zo lo hmai hup in a tap ta zawih zawih a....



"Ka nupui I ni lawm,bakah ka then dawn chuang lo che,mualpho taka awm ka duh hrih lo"



Min en ha a...

"I mual pho hlauh vangin maw min then loh I tum,ka chhungte khan an ngaina che a,makpa tha tiin an chhuang ve che a sin,mahni hma I sial lutuk...
Ute,I nupui ka ni teh meuh mai,kan chhungte chuan hlim deuh turah min ngai a sin,ka hria,thingtlang nula ka ni tih ka hai lo,mi te ang in thiamna sang tak ka nei lo a,chuta karah I duhthusam ka tihpuitlin sak thei lo che a nia,engthil nge ka tih chuan an....chuan eng che ka tuar anga,ka tuar thei tawh lo"


"Dam chhunga in nei turin thu kan tiam tawh a,I sût leh mai ang maw"




"Thu tiam sût chu tunge,I thinlung chu sawi loh I taksa pawh ka chang tawh hleinem,midang tan I in pe tawh a lawm,midang min kawp san tih ka hre chung pawn kei chuan damchhunga I nupui ni turin a hrehawm pawh nise ka tuar a,i tan theihtawp ka chhuah a,dam chhunga innei tur chuan kan intiam na meuh mai,mahse dinhmun in a zir loh chuan sût mai a ngai"
A ti ve nghat....
A lung a awi lo hle tih ka hria...


"Inthen chu remti hram mai rawh,I hlimna ka thlen thei tak tak dawn lo che,mualpho hlau suh,fa I awt a,reilote ah fa I nei mai dawn,pa tha tak nih tum zawk ang che,naktukah ka pa te kan hrilh ang"min ngen tak meuh meuh....



A tuar na hle tih ka hria,a aw pawh a zawiin a lawi rût mai....
Kan in be tawh lo...
Khumah a mu a,kei sofa ah....mu mah ila a muhil lo tih ka hria,a in sût leh zauh thin.....



A tukah chuan chhung inkhawm hmang turin kan thu thap a, May-i chu a chauh hmelin a pawr fap a,a bui deuh lûk bawk....
Ka nu te chuan a ngaihna an hre lo hle....



"Maybawihi,engtizia nge I hmel chu,a va dik lo ve"



"Ka nu,ka pa,Utea nen hian inthen kan duh a ni"

Ka phu zawk mai, May-i chu a huai hle mai....




"Engmaw,engthu nge I sawi tak!"ka nu chuan a ngaihna hre lo zet hian a lo zawt lêt a....



"Thu dik in hriat a ngai,zep ka tum tawh lo,Uzomuani khan Utea fa hi a pai"

"Tea,tak tak em ni"ka nu chu a tawng zawi lutuk...

Ka lu ka lo bu leh nghat ringawt...

Ka nu mak ti lutuk chu thuthlengah a thu hnawk a,ka pa erawh a thin a ur hle tih a hriat...



"Lallawmzual,engtinnge chutiang thil chu I tih theih,I nupui pawh I ngaituah miah nange"
A aw ki chu a sâng viau mai....


"Nupa in ni a,damchhunga innei turin thu in tiam tawh a,fa neih loh vanga midang loh neih san,a awm hian a awm lo lutuk,dawhtheihna I va tla chham ve,Maybawihi nen in in then ka rem tilo"
Ka pa chu a thinrim tak zet....
Ka nu erawh chu engmah a sawi thei lo,a ngawi kar ringawt....


"Ka pa,khawngaihin rem ti hram mai rawh,ka hmangaih loh vang a nilo,mahse kei chu Utea tan ka tling zo lo,a duhthusam ka ti hlawhtling thei lo a,hetiang a lo nih takah chuan fa tih fahrah chu thil tha a ni silo,chu ai chuan ka then mai ang"
A hmai a hup a,a mittui a luang zawih zawih....

"Tu nei rual in ni tawh a,nangni ang ruala tu hmel hmuh tur ve ka châk em a ni"
Ka ti ve ngial a...


"Tea,fa neih leh neih loh te chu Pathian thu a ni a sin,eng thil tha lo nge I lo tih hman le aw,kan awt lo nilo in in nupa in in neih theih loh avangin kan vui reng reng lo a sin,
A va han pawi vawng vawng tak em!
Ka nu chu a hui pap pap a....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)