MAY FLOWER BY Mahruaitei Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MAY FLOWER BY Mahruaitei Pachuau (Completed)

Unread post by Ngaia » August 23rd, 2020, 3:06 pm

MAY FLOWER



Chapter-6....🌷💕

















Kum 2 vel dawn kan in nei ve ta,mahse kan beisei leh duhthusam erawh a thleng thei tlat lo,tun thlengin fa kan la pai lo hrim hrim,kan inneih atangin kan beisei ve em em a,mahse kan hlawhtling thei tlat silo..




Doctor bulah te kan in checkup a,atu ve ve pawh tha min ti bawk si,mi te pawh an in nei a,a hnu lawkah fa an nei mai a,mahse ngatinge kan nghahhlelh ve em em fa chu kan neih theih bik loh le.....





May-i nen kan in hmangaih thin hle a,mahse nupa ve ni lema fa nei lo ta chu kan inkarah buaina a awm ve leh zauh thin...
A tu mah mah chu kan in dem theih a awm lo,mahse ka lung hi a awi thei lo....



May-i pawh a inthlahrung phah in ka hria,a dik lawm,kan inneih hma a tanga kan duhthusam kha a ni ve a sin,mahse tunthleng in kan la nei thei lo chu a nih si hi....
In la innei rei lo a,beidawn nan a la rei lo lutuk in ti mai thei...


Mahse maw...



A tawng tu tan chuan ni khat lek pawh hi a rei teh mai nia....nikhat lek a rei a nih chuan kum 1 liam pawh chu a rei tak zet a ni...



A hma angin ka hlim lo la, May-i erawh a nunphung ang ang in a la awm thei zel,min ngaihsak em em a,a inthiam lo ve tih ka hria,ka rilru natna tur angin engmah min sawipui duh ngai lo...
Ka nu leh ka pa te pawn tu hmel hmuh an chak ve ngawt ang,mahse kan tana ngaihthlak nuam lo turin engmah an sawi ngai lo...




Ka zia chu a dang leh telh telh a,Pathian hnenah ka vui a,a ruka zu in te ka chin phah a, May-i hmangaihtu ni thin khan a tan harsatna siam sak zeuh zeuh ka chin phah a,ka ngaihsak tam loh phah lutuk,mahse May-i chuan ka chhungte bulah min thup hram hram thung....



Ka awm dan chu hai rual a ni lo a niang,a hma a tanga min chîk rengtu Zomuani chuan min lo pan leh ta chat mai, May-i vang khan ka be duh ngai lo a,mahse tunah chuan ka innghahna ber ni thin May-i chuan kan duh min pe thei silo,Zomuani nen thian inkawm thang kan lo ni sa nen khan tunah pawn min hnem tum in min hnaih reng a,kan inbiak tam leh phah fo thin....
May-i nen chuan kan in karah khi a awm thuk ta telh telh mai...


Zankhat chu kan hna chhuanlam in zanrei lamah ka haw a, May-i chuan min lo la nghak kar mai....be lêm lo chuan bathroom ah ka luhsan a,ka chhuah hnu pawh chuan a awm na ngai ah a lo la awm reng a....ka thawmhnaw hak tur kengin min lo nghak reng...


Min lo ken sak chu ngawi reng in ka ha a,sitting room lamah chhuk san leh nghal ka tum a....


"Ute"

Ka ngawi reng....



"Ute,khawnge kal leh I tum a,mut I la tum lo mi?"




"Aw,tv ka la en dawn,lo mu mai rawh"



"Room ah hian en la"



"Inhnuai ah ka duh zawk tlat"

Min chhang zui tawh lo,ka chhuahsan nghal....




Sitting room ah chuan tv chu ka on a,mahse ka en tak tak lêm hlei lo a,thil dang daih ka ngaihtuah thung...

Rei ngial ka awm hnu chuan thawm dim ang reng tak chuan room lam chu ka pan a, May-i pawh a lo mu tawh,mahse a mutthilh chu ka ring bik chuang lo,a hma ang khan inthlahlel a inkuah hleuh hleuh ang kha kan nei tawh meuh lo,nupa e ti lo chuan khum ah pawh chuan a sir ve ve ah kan mu...




Ka bei hi a dawng a nia, May-i beidawng taka siam chu ka duhdan chu a ni bik lo a sin le,mahse ka awh em em min pe thei silo, hriatthiam hi harsa ka ti lutuk....
Zomuani nen chuan kan in zui reng a, May-i chuan a hre ve tho,min hau turin a inthlahrung tlat,hre chung chuan kan chhungte bulah chuan a zep tlat thung....




Zomuani nen chuan office ban ah hotel lam bawk chu kan pan dun leh ta,kan tih than a ni miau hek...



"Tea,thu lawmawm deuh I hre duh em?"ka awm ah bei chung chuan a nui har har a...



"Eng thu lawmawm nge"
Ka lo ti var a...


A bag chu a zen rak rak a,chutah maimichhing turin min ti a...


"Meng rawh le"

"Hei enge awmzia?"a ngaihna ka hre lo kher mai....


"Hei maw,ih....ka rai leh rai loh test na nih hi,en chiang ta che"


A thil min hmuh chuh...a chhungah chuan rin sen pahnih a lo awm,a awm zia chuhh.....



Zomuani a rai!

Ka fa a pai tih na!


Mak ka ti lutuk,ka ringhlel bawk si,ka kuah vawng vawng a,min tih der leh der loh te ka zawt thul,a tak a nih thu leh doctor bulah a in entir nghal thu min lo hrilh vat....


"Ka beidawng mai mai dawn lo ka tih kha maw"ka awma chûl heuh heuh pah chuan an ti zeuh a...



Tunah chuan PA ka ni ve tawh dawn ta,fa ka nei ve dawn a nih chu!....


Ka hlim ru kher mai...mahse...ka nui tawp thut....May-i engtinnge ni ang!


Ka lo sawi chhuak a niang chu,Zomuani chuan min chhang nghal....


"Enge I fa ber ka pai a hnu,I then mai ang chu,a nin fa a pai sak thei loh che kha"



"Mahse,chuti mai in thil awlsam a ni dawn lo"



"Chu I hreh tihna mi,keiman ka sawi a nga ni mai lawm"


"Nilo,keiman ka sawi mai ang"



"Te,rei min nghah tir suh aw,I fa ka pai tih hi hre reng la"khawngaihthla la hmel tak chuan an ti sap a....




Huiham,a lawmawm rualin a va lungngaihthlak tak em!
May-i chu hrilh ngial ka tum a,mahse ka thei tlat lo,duhtaka ka neih a nih a,bakah inthen hi thil awlsam a ni silo,then chu a harsa dawn si,ka then loh in ka fa pai mektu Zomuani kha engtinnge ka tih ang???????
Sawi lo bawk chuan ka pâm tul leh thin....



Zan khat chu kan inneih a ka best birthday a ni a,lawm a tum a,kan nupa pawh min sawm a, May-i pawh hrilh in a in siam ve mawlh mawlh a,kan chhuak ta a...


A hmun kan thlen chuan mi dang te pawh an lo awm nual tawh a,rin loh deuhin Zomuani a tel ve ta tlat mai!
Ka rilru a nuam lo angreng khawp mai...
Mahse boruak danglam a thleng hrih lo,birthday hunserh ang te chu a zawh chuan eitur an buatsaih te chu kan ei a,chu mi lai chuan Zomuani chu kan bulah a rawn kal ta chat mai....



"May-i I lo kal ve law,in chibai ila"nelawm hmel fahran hian a nui sak a...


"Ummm,nia,ka lo kal ve a nih hi"a chibai let ve a....



"Chuan,zanin ang te engtinnge I lo la kal theih zawk a,zanin chu inpa hi ka lo haw rualpui ang chu"



"Engvangin maw?ka pasal a nia,ka haw rualpui mai ang"


"Ohhhh....nimaw,mahse...engmah I pasal hian a la sawi nange"
Min rawn melh zeuh a,ka hamhaih kher mai...



"Sawi hrih suh a tul lo"



"Engmaw"


"Tea,tun thleng in I la sawi lo a nimaw,umm,zep zep a ngai tawh lo,I sawi hreh chuan ka sawi ang,May,in pa fa hi ka pai a"



"Engmaw"mak a ti lutuk,a hmel a dâng sawp sawp nghal.....

"Dawt a nih chu"


"Dawt a nih I ring a maw,I pasal hi zawt ta che,tunthleng pawn a la hrilh lo che a nia"



"Ute,thudik em ni?"a ti chuai raih...


Ka tawng chhuak thei lo...
Ngawi reng in lu ka bu nghut ringawt....

Zomuani chu changtha chang inti fahran hian kan bulah a lo ding lah bawk si....



"May-i chuan engmah sawi lo in pawn lam pan in a chhuak nghal...um zui ka tum a,Zomuani min lo chelh...


"Kal suh"



"Ka kal a ngai,hrilh fiah a ngai"


Min dan tum buai lo chuan min thlir liam tawp....



May-i chu ngawi rengin car ah a lo thu,biakin awmzia a awm dawn lo tih ka hria,kan tlân chhung zawngin kan ngawi dun thak....

In kan thlen pawh chuan ngawi rengin a lut nghal a....keipawn ka zui lut nghal,ka nu leh pa te chu an lo mu tawh a....



Khum ah chuan a lo thu a,en pawh min en lo....


"May"
Kan ti tham tiak a...




"In then ang"


"Engvangin maw"



"Engvangin maw I la ti thei a maw,hetiang kan tawn hnu hian"a aw chu a khur hlak hlak mai....




"May,inthen lo in tihdan ngaihtuah ang"



"Engmaw,chu thu chu engvanga rawn sawi chhuak nge I nih????
Kha tiang thil thlen hnu ah pawh khan maw....
Ute,eng thleng nge ka tawrh ngai dawn a,Uzomuani nen in in be thin tih ka hai lo,mahse I duhthusam ka tihhlawhtlin sak theih loh che avangin engmah ka sawi duh lo a,kan chhungte bulah pawh engmah sawi lo in ka thup ve hram hram a,mahse duh aiin thil a kal thui mah mah a ni"
A in sum zo lo hmai hup in a tap ta zawih zawih a....



"Ka nupui I ni lawm,bakah ka then dawn chuang lo che,mualpho taka awm ka duh hrih lo"



Min en ha a...

"I mual pho hlauh vangin maw min then loh I tum,ka chhungte khan an ngaina che a,makpa tha tiin an chhuang ve che a sin,mahni hma I sial lutuk...
Ute,I nupui ka ni teh meuh mai,kan chhungte chuan hlim deuh turah min ngai a sin,ka hria,thingtlang nula ka ni tih ka hai lo,mi te ang in thiamna sang tak ka nei lo a,chuta karah I duhthusam ka tihpuitlin sak thei lo che a nia,engthil nge ka tih chuan an....chuan eng che ka tuar anga,ka tuar thei tawh lo"


"Dam chhunga in nei turin thu kan tiam tawh a,I sût leh mai ang maw"




"Thu tiam sût chu tunge,I thinlung chu sawi loh I taksa pawh ka chang tawh hleinem,midang tan I in pe tawh a lawm,midang min kawp san tih ka hre chung pawn kei chuan damchhunga I nupui ni turin a hrehawm pawh nise ka tuar a,i tan theihtawp ka chhuah a,dam chhunga innei tur chuan kan intiam na meuh mai,mahse dinhmun in a zir loh chuan sût mai a ngai"
A ti ve nghat....
A lung a awi lo hle tih ka hria...


"Inthen chu remti hram mai rawh,I hlimna ka thlen thei tak tak dawn lo che,mualpho hlau suh,fa I awt a,reilote ah fa I nei mai dawn,pa tha tak nih tum zawk ang che,naktukah ka pa te kan hrilh ang"min ngen tak meuh meuh....



A tuar na hle tih ka hria,a aw pawh a zawiin a lawi rût mai....
Kan in be tawh lo...
Khumah a mu a,kei sofa ah....mu mah ila a muhil lo tih ka hria,a in sût leh zauh thin.....



A tukah chuan chhung inkhawm hmang turin kan thu thap a, May-i chu a chauh hmelin a pawr fap a,a bui deuh lûk bawk....
Ka nu te chuan a ngaihna an hre lo hle....



"Maybawihi,engtizia nge I hmel chu,a va dik lo ve"



"Ka nu,ka pa,Utea nen hian inthen kan duh a ni"

Ka phu zawk mai, May-i chu a huai hle mai....




"Engmaw,engthu nge I sawi tak!"ka nu chuan a ngaihna hre lo zet hian a lo zawt lêt a....



"Thu dik in hriat a ngai,zep ka tum tawh lo,Uzomuani khan Utea fa hi a pai"

"Tea,tak tak em ni"ka nu chu a tawng zawi lutuk...

Ka lu ka lo bu leh nghat ringawt...

Ka nu mak ti lutuk chu thuthlengah a thu hnawk a,ka pa erawh a thin a ur hle tih a hriat...



"Lallawmzual,engtinnge chutiang thil chu I tih theih,I nupui pawh I ngaituah miah nange"
A aw ki chu a sâng viau mai....


"Nupa in ni a,damchhunga innei turin thu in tiam tawh a,fa neih loh vanga midang loh neih san,a awm hian a awm lo lutuk,dawhtheihna I va tla chham ve,Maybawihi nen in in then ka rem tilo"
Ka pa chu a thinrim tak zet....
Ka nu erawh chu engmah a sawi thei lo,a ngawi kar ringawt....


"Ka pa,khawngaihin rem ti hram mai rawh,ka hmangaih loh vang a nilo,mahse kei chu Utea tan ka tling zo lo,a duhthusam ka ti hlawhtling thei lo a,hetiang a lo nih takah chuan fa tih fahrah chu thil tha a ni silo,chu ai chuan ka then mai ang"
A hmai a hup a,a mittui a luang zawih zawih....

"Tu nei rual in ni tawh a,nangni ang ruala tu hmel hmuh tur ve ka châk em a ni"
Ka ti ve ngial a...


"Tea,fa neih leh neih loh te chu Pathian thu a ni a sin,eng thil tha lo nge I lo tih hman le aw,kan awt lo nilo in in nupa in in neih theih loh avangin kan vui reng reng lo a sin,
A va han pawi vawng vawng tak em!
Ka nu chu a hui pap pap a....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:06 pm

MAY FLOWER



Chapter-7....🌷💕










May-i thu sawi chu dik an ti bawk si,thutlukna siam hautak tak a ni ngei ang le....



"Maybawihi,thutlukna hriatthiam harsa tak a va ni em,Inthen lo turin ipa nen hian kan duh lutuk che,mahse na tuar tir reng che kha kan duh silo,I chhungte hian eng ang in nge an ngaih ang le,min dem ngawt ang,I hnenah hian ngaihdam dil mawlh mawlh kan ba ani..."

Ka nu chuan ngaihdam a dil tawp thei lo....


Kan boruak in a zir loh miau avangin kan inthen chu a ngai a,kan inthen ta chu a ni si,May-i chuan min chhuah san ta...
May-i nen kan in then takah chuan ka fa pai mek tu Zomuani ka neih a ngai ta...



Ka pa chu ka chungah a lung a awi lo hle a,thla 1 vel a liam pawn palai tirh pawh a duh lawk lo,Zomuani chu ka fa pai mek tu a nih a vangin hnial reng ngawt thu a awm silo...
Palai tirin man leh mual kan sawi fel a,Biakin a in neih kha chu a theih loh,nupui then na certificate la tur chuan a kum a kum nghah a ngai tlat...

"Tlan koh ang lek hian a hmingin kan ti a nimai,thenrual te leh hmelhriat te chuan mak min ti hlawm ngei mai,kum 3 tlin hma in nupui vawi hnih ka nei miau alawm....



Zomuani chu a tir chuan a fel khawp mai,ka nu chu nu zaidam leh fel a ni ka tih tawh kha, May-i kha tan in lungawi lo ve viau mahse Zomuani a biak chhiat phah lo a,ka pa nen erawh an in mil teh chiam lo...


May-i chanchin hi ka hre zui ta lo,an khua ah a haw tih ka hria a,ngaihven chiam na chhan tur a awm hleinem...

Tlai khat chu ka office bang hi May-i thawhpui nu Nunnuni hian min lo au a....


"Ute,in bang chiah mi?"


"Aw,bang chiah e,I la haw dawn nange?"


"Keimah chiah in ka ni sia,ka la haw maithei lo,en teh thil hrilh tur ka nei che nia,lo chho teh"


Eng tak chu nimaw tih rilruk pah chuan ka chho ve mai a...


"Ute,nupui I lo nei leh daih tawh a,tinge min hrilh loh"


"Nia,aaa,ka nei leh ta mai a nih hi,inneih pangai pawn kan in nei lem lo a,enge min hrilh tur chu?"


"Aaaa...I tan chuang eng a nih phah chuang lo anga,mahse hre lo a i awm kha ka lo duh lo ve mai mai a....Ih,eng lo nia, May-i kha maw a rai a sin"


"May-i a rai maw! Ka awi lo!"
Ka thutna tang chuan ka tho nghal zawk mai...


"Aw,a rai tak tak lawm,a nu in min hrilh a,tunah hian thla 3 vel a ni tawh"


"Dawt a niang,doctor in nau a pai theih hrih loh thu min hrilh reng a lawm"


"In la in neih rei loh em kha,in inthen te kha mak ka ti a sin, May-i khan naute a awt in hrin sak ngei che kha a duh thei lutuk,ka bulah pawh hian a sawi ve ziah,I lakah a inthlahrung bawk si, a rilru a na thei sin aw..ka khawngaih reuh e,Pathian hnenah bang lo in a dil thin a sin,a dil angin Pathian in a pe ta reng bawk a,chuan,dâwt nge I rin Pathian?


"A va mak dâwn ve"
Tukverha dahpah chuan kan ti vang vang a....


Ka haw te chu ka inngaihtuah nasa hle mai,thla thum a nih tawh chuan tir ah kan hre lo a,kan inthen a tanga reilote ah a in hre chhuak anga,Zomuani nen kan in kar tih chhiat a hlauh a vangin min hrilh duh lo a nih ngei hmel si,tinge ka lo then thawk thawk le aw,dawhtheihna ka lo tlachham mah mah ni,ka ti mawlh mawlh a...



Ka chhungte ka hrilh chuan pawi an ti khawp mai,mahse ka thiam loh a ni a,va biak zui ngam kha kan tan thil tih rual ani silo...







Kan inneih hnu lawk a tang chuan Zomuani chu a zia a dang tan ta hle mai,kei kan hna a vangin phai lamah zin chhuah khât tawk a ngai reng a,ka zin lai hian a chhungte in ah a a riak ziah a,a danglam sawt hle mai...






Mo tih tur ang hi tih a tum lo thlawt a ni mai,hna hah thlak thawh tur a awm lo,mahse ka nu dawr nghak haw hi a buai thin khawp mai,awmpui lah kan la ngun,mahse Zomuani nen an in mil loh a vang hian an chhuak leh mai zel thin,ka nu chu a lo haw a tangin rawng a bawl nghal char char zel a,Zomuani chu rai lai a nih bakah office a la kal bawk nen phût awm pawh in a lang lo...







Mahse ka ngaihdan erawh a pel ve thin,hna hahthlak thawh tur a awm lo a,chhun lam office kal chu ka hre thiam,mahse a lo haw a tangin a awm awl tawp a,rawngbawl ah ka nu a ring tawp a,thleng sil thlengin,in chhung chêt te lah hi a thatchhe phian reuh a,kan room te hi a hnawk thei a sin aw,kan room ti fel fai tur khawp chuan office a kal loh lai te pawh hun a awm,nau pai a haw lo in a chet pui thei lutuk mawle,a tih hian a tum lo tawp mai,ka pa in a ngaih theih loh a an zilh lah in nau pai chauh nen office kal a la ngai bawk a, ti ve hmak zel bawk si....





Ka thlang sual ta em ni aw.....Huihammm....






Nau neih chu kan hnaih viau ve ta,ka rilru ah May-i a lo lang leh thin,engtinnge a awm ve ang le,Pa tello in a sei lian anga,vawi khat tal hmuh ve ngei ka va duh dawn em!






Zomuani pawh chu zai in a nei a,mipa a ni hlauh mai,ka va lawm tehreng em!
Ka nu pawh a lawm hle mai,a nu a chhun khawp mai....Dam takin,in sawiselna nei lo in damdawiin kan chhuah san a...





A hmingah Lalngaihawma kan sa a..





Apu pawh a rilru a nêm ve deuh a niang chu a lawm ve khawp mai,Zomuani hian hnute tui a neih loh avangin nestogen chu kan pe a,hnute pangai a hnek lem loh avangin Zomuani ai hian ka nu hian a enkawl tam deuh...






Naute thla nga a tlin vel a tang chuan a chhungte in a riah a ching chho leh tan ta,ka zin lai chu ni se a la zia,a pi leh pu in an ngai a,riah bo reng a ngai lo tia ka hrilh a,ka zin lo a ka awm lai reng pawn a thulh chuang lo....



Zankhat chu chhuah leh a tum a,em em lutuk tiin ka khap a....


"Min dan ziah hi tum lo teh"
Nelawm loh fahran hian an ti hmuk a...


"Engvang in nge ka dan loh ang che,api ten an ngai thin tih I hre lo a mi,naute pawh thla nga vel chiah a la ni a,chhuah pui chhuah pui a ngai lo"ka ti hmak hmak a....



"Ka nu leh pa te pawn an ngai ve tho a lawm,I nu leh pa te chuan an hmu zing lutuk,I pa nen khian kan in mil loh zia I hria,a ninawm,min lo dang tawh suh"


Achhuak tau nghawng nghawng a,tihngaihna a va vang dawn êm!




A zâwn in zan thum te a riak a,koh haw in awmzia a nei lo a,a lo haw duh hun tê ah lo chuan...


"Tea,I nupui leh mi pa pakhat ka hmu dun a sin"


"I Chiang chiah maw"


"Chiang teh reng e,mit ngeiin ka hmu a lawm"


"A thian te mai mai a niang chu mawle"


"A nih hmel loh ka ti deuh a,ka hmu khât tawk reng a,an in huat loh hmelin an hlim dun thei phian a sin"





Ka thianpa thu sawi chu awih tur nge awih loh tur ka hre thiam lo,nia,kan inneih hnu a tangin a zia kha a dang viau a,a chhungte in ah riah a ching bawk nen,hmeh bel tur ang ruak ruak chuan a awm si,ka thin chu a rim viau mai,a lo haw hunah zawh fiah ngei a ngai a nih chu,a chhungte in a a riak a lo haw in ka lo chhuahchhal nghal...




"Tu tlangval nen nge in chhuah a"



"Tu tlangval nge ni vak ang,ka thian te a ni mai lawm"



"Zomuan dawt min hrilh tum suh,sawi vat rawh"



"Eheee,I va zak lo e,dawta mi puh kher ka ngai lo"


"Dawt I ti maw,mita hmu tu in chiang deuhin min hrilh,"



"Aw ni e,ka bialpa a nih kha,enge I lo buai na tur awm"
A hmai ah chuan ka beng nghal sawk...

"I chhungten min ngaina lo a,min sawi sel reng a,hetiang karah engtinnge ka awm reng peih ang ni ka ning lutuk"zâm map lo in a la tawng pâng pâng thei....


"Fa nei reng chungin ngaihzawng I nei ngam a maw"ka thin rim lutuk,ka in hum ruh tang tang....



"Fa kan neih vangin ka nei thei lo ang maw,I hre ta sa sa bawk a,inthen ang,fa I awt a,ka hrin sak tawh che lawm,enge I la beisei"


"LALZOMUAN I va zak lo ve,I rapthlak hle mai tih pahin ka bêng leh thuai a,a thinrim in thil a ti tla rum rum bawk,kan thawmah ka nu leh pa an lo tho a,room ah an lo kal sawk sawk a...
Room an hmu chu an hlauthawng kher mai...



"Enge,ni ta rum rum,enge thil awm zia"
ka nu chuan Zomuani pawt bet ngar ngar pah chuan a lo ti sawk sawk a...



"Sawi ta che u"ka pa chuan a lo ti nghat a...




"In then kan duh a ni"



"Inthen chungchang bawk maw,Lawmzual engatinge inthen chungchang ah hian I buai I buai a"
Ka pa chuan min melh khûi a....

"Zomuani hian ngaihzawng dang a nei a lawm,uirenu nih hi"


"I zak em,nang pawh nupui I neih laiin min rawn pan dâwk dâwk kha,mi puh khang lang lo mai teh"
Ka chhung te awm pawh azah zo lo,mi a la chhang ngat ngat zui...


"Ngawi tawh rawh u"ka pa bawk chuan a ti vin leh thak mai,ka pa thinthawk a chhuak dawn e...
Zomuani pawh chuan ka pa chu a hlau ta deuh a,tawng pawh a tawng ngam tawh lo....




"Lawmzual engatinge inthen chu I sawi leh tak,I nupui hmasa in a duh em em chung che in then in ngaih phah a,mi dang te pawh zah ve ta che,inthen te hi fiam thu a lâk chi a mi,zahpuiawm leh lutuk mai....


"Zomuan nangpawh inthen duh leh tur si engatinge mi dang luah lan khawp khawp a I lo chêt,mi in kar tih chhiat hi thil tha a ni lo a sin,fa pawm lai I nei a,ngaihzawng neih san tur chuan a te lutuk,tun a tang chuan tha te te in awm tum tawh rawh u,inthen pawh a tul lo"a ti hmak hmak mai....


"Chhuak ang,in rawlh ve sek a tul lo,khawi ah mah in chhuah a tul lo,ti khan in buaipui rawh se"ka nu chu a en a,a kal nghal vut a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:07 pm

MAY FLOWER



Chapter-8....🌷💕












Ka pa te chhuah hnu chuan ti tau chung chuan a mu hmak a,naute pawh ka nu ten an hruai thla daih,nia,a hruai thlak a ngai miau a lawm,a nu ve hian thinrim chung hian a buaipui tha hlei lawng nge....


A tuk kan chawei na ah chuan ka nu chuan min zilh malh malh a...


"Inthen te hi sawi mai mai loh tur,tea pawh fa neih loh vangin in in then phah a,tunah fa in nei a,engatinge in in hauh fo,Zomuani pawh fa te hi Pathian laka kan ro chan a ni a,duat taka kan enkawl hi kan tih makmawh tur a ni sin,kan theihtawp in kan enkawlpui dawn che u a,chu tih rualin kei ni upa lam kan ni tawh a,kan enkawl pui reng thei dawn lo che u tih in hriat a tha,in ngaihtuah chiang rawh u"

Dam tak chuan an sawi leh dap dap a...




Zomuani erawh a ngawi reng...





Ka nu leh pa te thu sawi ang chuan kan la inthen em lo a,mahse kan inngeih chuang der lo,ka nu in tha taka a biak pawn a rul tawk bak in a chhang ngai lo a,ka pa phei chu a be ngai lo hrim hrim...A luhlul ve em em a nimai...





Zan khat chu kan hna ban in ka thian te in ah thil tih kawi tur ka neih a vangin ka haw har a,in ka thlen chuan a tlai tawh ang reng fu mai...in chhung ka lut chu Zomuani ka hmu der lo...


"Ka nu khawnge Zomuani?"


"A office a lo la haw lo in ka hria,a thawm hriat tur ang pawh a la awm lo,bakah ka buai deuh a,room lamah a awm a maw ni"a lo ti thuai thuai a...





In chungah in thlak tur chuan ka chho a,mahse a awm reng reng lo,corridor ah te chuan ka en a,a awm bawk silo,khawi ah tak kal ang maw ka ti rilru a,ka in bual a,ka inthlak tum lai chuan khumah hian lehkha hi a lo let bal a,eng leh kha ni maw ti a ka en chuan Zomuani lo ziah lek chu ni in...



"In ngeih lo deuha awm reng hi ka peih tawh lo,fa I awt a,fapa ka pe tawh che a,duhtawk tawh ang,chuan min lo zawng buai duh tawh suh,inthen kan duh ve ve a,kan inthen ah ngai rawh,ka lo haw tawh dawn lo"



A lehkha ziah mai mai chuh,a va huat awm teh kher em,naute a ngaihsak miah lo tihna a nia,Zomuani hi ka rin aiin a lo na sa mah mah a ni....





Ka chhungte ka hrilh a,ka nu chuan a sawi hnem ngang mai,ka pa erawh ngawi reng in a lo ngaithla kar a...



"In in ngaihzawng a tangin a mizia te chu hrethiam tur I ni a sin le, May-i nen an in danglam hleih em a sin, May-i kha chuan min zah in min ngaina em em a,fa in nei thei lo chung pawh in theih tawpin a a la buaipui che a,thil I hmanhmawh chûk chûk a, May-i pawn fa a pai mek a nia,a nau pai theih loh lai in I phat san a,Zomuani nen fa nei in in nei ta cheng a,in hlim leh chuang silo,Zomuani khan I pa pawh hi a zah zo lo a,hmeichhe mak ve tak chu a ni,tea,ka fapa ni mahla in khawsak dan hi chu hriatthiam har ka ti hle mai"a ti sep sep a...






A chhungte nen kan biak pawhin Zomuani chuan a duh tawh tlat lo a,a ni ber in a duh miau loh chuan tih luih an tum chuang lo,naute erawh chuhpui min tum a,mahse tette a tangin hnute a pe lo a,chutah amah zawkin a la tlanbo san zui zawk a nia,naute lak chu kan phal aw zawng lo,an ni pawh chuan an rawn chuh ta bik lo....





Rin ang ngei ngeiin Zomuani chuan pasal dang a ûm ta ngei a,inneih leh chu sawi loh a leng a ni,thenkhat tan chuan ka vawi khat nupui then pawh kha mak min ti a nia,tunah avawi hnih na phei chu dem ka kai na sa viau mai,kan chhungkaw zir loh vanga ngai te an awm a,thenawm te chuan Zomuani dik tawk loh vang tih an hre thung...



Vawi hnihna atan pathlawi ka ni leh ta a nia,a hmasa kha chuan fa nei lo in nupui then ringawtin ka pathlawi a,tunah fa kan neih hman a vangin pathlawi ah pawh pathlawi dik tak ka ni...




May-i ka beisei lam ni lo in a chanchin ka hre zeuh zeuh a,beisei thu ah chuan ka beisei phak a ni miau tawh lo a...
A ni pawhin tluang takin naute a nei a,kan duhthusam ang tak mipa a la ni zui..
Aizawl lamah an awm a,an in luahna erawh an sawn ve tawh,a nau chuan hna te nei ve tawhin a ni pawn puan a thui a,a nutei pasal sun tawh,baih vai ve tak chu awmpui chu chuan naute chu a lo awm thin tih chu ka hriat dan a ni...
E ka la sawi hmaih tak,naute hming chu maw,Amos Lallawmawma a nih chu...
Vawikhat mah ka la hmu lo na chu hmuh ka chak ve reuh hle mai...





Engtin tin emaw an in luah na chu ka hre thei a,ka beisei leh vang nilo in ka fapa chu vawi khat tal hmuh ve ka duh si a,ralkhat a tang tal pawhin huphurh ru tho si in vawi khat na na na chu hmuh tum in ka pan ve ta râwih mai..
An in ka thlen hnaih dawn chuan ka ding chawt a,varandah a naute chuan ka mit a la kher mai,ka en char char a,Zomuani nena kan fa nen chuan a in rual hmel hle mai,api chuan a awm hnehin a ti hlim thiam em em a,chu naute chuan min chhûn riau a hriatna ka nei tlat a nih chu,Apa kha ka ni miau a lawm....





Ka fapa te chu ka pawm a,a mit meng te chuan min chhûn reuh hle mai,ka fa a ni tih hai rual a nilo, May-i nena kan duhthusam tak kha a ni ngei a lawm,ka pawm vawng vawng a...





"Hey,thianpa enge hetah I tih a?"

Ka harh zawk mai,ka suangtuahna mai mai lek a lo ni....ralkhat a tang chiah in ka fapa chu ka lo pawm a lawm le....A tak han ni ve thei se...




"Eng ti lo e,Saw saw May-i te in a ni tiraw"




"Aw,ni e,mahse amah chu a awm lo a,kal I tum a mi?"



"Aw,aih,tum hran chuang lo e,haw mai ka tum zawk"
chhan pah chuan kal mai tum chuan ka in her a..
Ka piah deuh a May-i leh mipa pakhat rawn phei dun chu ka hmu leh ta thut mai,ka hamhaih bawk sia....



"Khawngaihin tui ka lo in lawk thei a ngem?"

Min be tu nu bulah chuan ka ti ngawt a...



"E,lo in lo in rawh,rawn lut ta che"

I he lo in ka zui lut nghal... May-i te nen kan in nangching teuh hle mai....




"Thianpa, May-i nen khan in in hria mi?"tui min pek pah chuan min zawt ta ngei a...




"Hre deuh tho,mahse a rei tawh angreng khawp a,eng lo,naute saw tu fa nge?"
Hre lo awm tak chuan ka zawt a....




"May-i fapa nih saw,a hmel a tha reuh a sin,anutei sawn a awm reng a,keini pawh hian kan duh reuh a,kan la phei thin a"


"Ummm,nih chu,in in kawm ve thin em?"ka ngawi leh vang vang...


"A thianpa I ni bawk a,sawi ta mai mai ila, May-i te hi kan inkawm ngeih angreng a,a fel reuh sia,engtinnge a nuthlawi theih ni ka ti thin a,an pa chanchin ka zawh lah hian a sawi tha duh der lo leh nghal a,nuthlawi a ni chung hian iai lo tu a ngah reuh a sin,a mah hi mifel tak a ni bawk nen,kan inkawm rei ve fu tawh a,han sawisel na tur pawh hi ka hre lem lo"a tawng bawrh bawrh a,kawm a nawm hmel hle mai...




"Nichina mi kha tunge,I hre ngai em, a bialpa tihna mi?"



"Aaa,hre ve a,an nih hmel ka tia,kan thawhpui pa nih kha,a hming chu Sawma a nia,tlangval fel tak a nih kha,kan inkawm nasa a,hetah pawh a lo leng fo a, May-i a hmuh hian a a vei nghal tawp, May-in ngaihzawng nei chi ka nilo,nuthlawi ka nih hi a tih pawh a pawisa lo a,a hêl tlut tlut mai,mahse tlangval fel tak a nia, May-i pawn a be chhe lem lo ang...May-i tan chuan mi tha tak a nih ka ring"....




Ka thaw hawk mai...ka rilru chu hria se a sawi tam lem lo ngawt ang,ka hlim lo nghal rawih thei,mahse ka inrawlhna tur a ni lo tih ka hria,May-i kha kha chen ka ti na tawh a,hlim chu a phu ve lawm....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:07 pm

MAY FLOWER




Chapter-9....🌷💕








Amosa pawn pa fel tak a nei dawn e,thisen zawmpui ni mahila,duat taka pawm an chak awm nen,pa a tana tlak ka ni hleinem,ka fapa Ngaihtea ka hre chhuak nghal, tunah chuan ka fapa ka thisen zawmpui tho ka nei a lawm,a nu in duh lo in tlanbo san mahse kei chuan ka kal san ve ngai dawn hleinem,a ni lo neih ka nei tawh lo....


Ngaihtea chu ka nu chuan a awm chawt a,kan chhungkaw tihlim tu ber a ni miau a lawm,office bang te hi min lo ban vat a,a ni awm lo se chuan engtinnge ka awm ang ni....



Pathlawi e ti lo chuan nula pangai tak tak hian min la hêl fo mai,pakhat phei chuan tih tak zet in min ngaizawng,Mimi kan veng a mi tho a nia,ka fa pa pawh chu a duat in a awm hleuh hleuh a,mahse ngaihzawng neih hi ka tum tawh lo,tih sual leh ka hlau a ni,bakah May-i a vang tal pawhin ka in sûm a ngai...



Ni leh thla a liam zung zung a,ka fapa Ngaihawma pawh chuan kum 1 a lo tling ve dawn ta reng mai,kumkhatna te hi chu a hlu bawk a,kan sawm zau in lawmpui tu pawh a nei tha hle mai,Mimi pawh chu a lo kal a,a che zung zung a,Ngaihawma lak a ngaih leh a lo la zung zung bawk a,a chêt zawng a che chak ngang mai....



Rin aiin mi an lo kal tam a,thilpek pawh a dawng hnem malh malh khawp mai....Chawei kham chuan an haw darh ta hlawm a,Mimi erawh eng enge maw ti in a la buai ang reng a,a la haw chiah lo,Ngaihawma chu a pi in a awm bawk a,Mimi nen chuan varandah ah kan thu dun reng a...



"Tea,engtia awm zel nge i tum a?"


"
Engti zawng in maw"


"Nupui neih te hi I ngaihsak lo reuh ka ti"


Ber kher chuan ka nui hak hak a...



"Ka fiamthu lo aw"


"Umm,nih chuan engtinnge ka thu tak ang aw"
Ka nuih leh hram a...


"Tea,ka rilru put hmang chu I hriat kha,nupui nei tawh I ni tih chu ka hai lo,mahse ka duh che ni,I fapa tan nu tha tak nih ka tum ang"


"Mimi,ka phu lo che,mi tha tak tak tawng thei I ni a,nangmah duh tu che pawh mi tha tak tak an nih kha,kei chu nupui vawi hnih then tawh ka ni a,nangni ang rual neih chi ka nilo ka tih kha"



"Ka hria lawm,ka duh na che a rei tawh a,nupui I neih vangin ka hrilh thei lo zawk che a,vawi khat tal chu inngaihtuah ta che"




Awww,eng hun nge maw ka tawn thin ni,Vawi hnih thlawi hnu ah pawh min duh der tu ka la nei ve zel chu a nia,Mimi chu ka hre thin a lawm, May-i anga nun nem lam a ni,Zomuani anga kâwlhrawng a ni ve lo,mahse May-i chu tehkhin tak tak rual a ni lo tih ka hria....



"Mimi,min sawmna chu a lawmawm ka tiin a zahawm ka ti khawp mai,mahse I hriat ang in May-i kha ka ti na em em a,a lakah ka inthiam loh em em a sin, May-i hi nei lêt tawh dawn lo mah ila,a thlavang tal chu ka zah der ve tur ni in ka in ngai,mimi,hriat thiam hram tum teh"

Chiang zeta en pah chuan kan fak a....

Mimi pawn a lu a bu nghut nghut mai....




Whatsapp message ri tleng tleng chu ka en a,Nunnuni hnen a tangin a ni"



"Vawiin hi Amosa birthday a sin"


Vawiin maw.....enge min lo hrilh ngawt na chhan niang le,kum kal ta ang chu nise kan in puahchah ve nasa ngawt ang...ka lo ngaihtuah leh hmanhmawh tawh....



"Ka kal dawn sin,I fapa kha a ni ve sia,birthday present te chu I pe ve dawn lo mi?"



Nunnuni hi chu awww,ka chawm seilen ni lo mahse a pa kha ka ni miau a,present pek chu ka hnial hleinem,ka thawn mai dawn lawm....


Ngaihtea mutui em em chu ka thlir dauh dauh a,ka chhuah san ta a...
Toys dawrah chuan ka kal a,naupang lawm a tam ngang mai,eng ang nge lei sak chi ang aw ka ti rilru nauh nauh a,motor lem tha deuh mai hi ka hmu nawlh a,thil dang vak ka en tawh lo,ka mit a la chat mai,ka la nghal a,a tha reuh tak bawk a,a man pawh a tlawm lem lo khawp mai,mahse ka fapa piancham meuh ah chuan thiltha tak a dawn a phu ve lutuk....Nunui thawn tum chuan an in lam ka pan nghal a...





Thla a vei hian Ngaihawma pawh hi a changkang sawt ve thin hle mai, May-i nena kan fapa ni se ti in ka ngaihtuah ve fo thin,mahse ka rin loh zawk nen kan nei chu a ni a,nu tello in enkawl ni mah ila,ka fapa a nih ang in ka hmangaih reng tho a lawm....



"Tea in buai em?"
Ka nu in min lo phone....


"Aw,hei meeting kan nei dawn chiah a"


"Awle,awle" tihpah chuan a dah nghal a....


Meeting zawh hnu chuan kan bâng ve nghal mai a,ka nu pawh ka phone leh ta lem lo,min phone hi a tih dan a nia,ngai ah ka nei tawh mai....


In ka thleng a an lo reh thiap mai,Lalhmingi chiah lo awm a..(Lalhmingi hi kan awmpui a nia,Zomuani min chhuah san hnu a awmpuia kan lak a ni)...



"Lalhming khawnge midang?"



"Ih....Ngaihtea damdawiin ah an kal pui"hlauthawng hmel deuh hian a lo ti sup a...


"Ngaihtea maw!"
Ka nghilh dup thei,engvang nge ni ang,ka hamhaih hle mai...
Ka te nu ka phone nghal a...
An awmna damdawiin te chu rawn sawiin inthlak lo chuan ka pan ve leh ta nghal a....


Damdawiin khuma mu bêm ka fapa kum 1 vel lek chu ka en ngawih ngawih a,drip an lo khai mek a,a bula thuthleng awm ah chuan ka thu hnawk mai.....

"Tinge min hrilh vat loh"kan ti sup a....


"Hrilh che kan tum a,mahse meeting in neih dawn a vangin ka hrilh leh ta lo che nih kha,in hna in buai phah viau ka hlau sia"
Ka nu chuan in thlahrun hmel tak chuan a lo ti....

Ka nu chu a dem awm hran lo,damdawiin te chu kan kal khat tawk ve reng a,damdawi te min chawh a,kan tha ve leh mai a,ngaihthat lohna pawh kan nei ngai lem lo a,tunah pawh inentir pangai satliah tura kal an ni a,mahse rin aiin a lo serious phian mai....




Damdawiin ah chuan test chi hrang hrang an lo ti nghal a,result a chhuah meuh chuan Septicemia a lo ni!

Doctor sawi dan in ngaihtea chu a dinhmun tha vak lo in ICU ah dah a ngaih hmel an la ti zui!






Ka mang a ang hle mai,a nu te lam kan hrilh ve lah in engahmah an ngai lo a,ni e,ka fapa hian kan chhungkua lo chu belh tur a nei lo reng a lawm...
Haw san ka duh loh a vangin ka awmpui chawt a,ka nu nen kan awm tawp a ni ber,ka pa erawh chu in lamah a awm thung...



Doctor te sawi ang chuan ICU ah chuan kan in dah lut ta rap rap mai,tunah chuan damdawiin ah awm ve mahila kan hmuh phak ah a awm reng tawh si lo a,ka fapa ka neih chhun a ni tawh si a,chân ka hlau tak zet zet,office lam erawh kan buai a vangin a thulh hleihtheih silo a,mahse ka nu in a awmpui chawt a,thla a muang deuh.....






"Tea,damdawiin ah rawn kal vat rawh"
Ka pa chu a hmanhmawh
hmel hle mai,enge maw tak a thleng a niang,I he lo in keipawh chu ka chhuak sawk sawk a,damdawiin ka pan nghal a....



"Damdawiin ka thleng chu kan chhungte pawh an lo awm nual mai,ka nu chu kilkhatah a lo thu a,a mittui a lo hru a lo hru a...



"Enge awmzia?"



"Tea,Ngaihtea...Ngaihtea chu....ven...ventilator an hman tir mek"ka nu chu a tawng tha hleithei lo,a khur der der mai....a tap ta nghal a...



ICU a tang chuan doctor an lo chhuak a....


"Lalngaihawma chhungte in awm em,apa emaw min rawn hmu lawk ta che u"ICU a tanga doctor chuan a rawn ti lang lang mai...

Ka kal ta nghal a....


"Apa I ni em?"



"Aw ni e"



"I fapa dinhmun chiang taka I hriat hi a ngai a,tunah hian a dinhmun hi a beiseiawm a ni hran tawh lo a,ventilator hian a nunna hi a la chelh hram a ni ber tawh mai"



"Nilo,khawngaihin theihtawp min chhuah sak rawh u,eng pawh kan huam a nia"



"Theih ang ang chu kan ti a lawm,mahse mihring thiamna ah chuan beisei a bo tawh a ni,a hmuh chu I hmu thei aw"
Doctor pawh chu a aw a zawi hle mai....



Doctor te hian dam lo te leh an chhungte hi an tawng thlamuan thin tih chu ka hria,mahse beisei na a bo tawh chuan chiang taka dinhmun in hrilh mai kha an tih tur a ni reng a lawm....





Ka fapa ICU khuma mu bêm,chau zet mai,ventilatora an thawk tir tawk tawk chu ka thlir reng a,naute tawrh a tan chuan a va na mah mah em....a mit a meng tawh lo a,na tuar hmel pawh a pu lo,a taksa a che lo a,ventilator chuan a lo la chelh hram hram tak tak a lo ni!





Ka â huih in ka hria,ka harh deuh huai a,mahse doctor te leh nurse te mangang taka an che vel bak hmuh tur a awm silo,ni e,ka fapa chu ventilator ringawt chuan rei a lo chhan thei ta lo...a bana drip an khai te chu an phawi a,a thâwk ve tawk tawk na ventilator te chu an phawi sak ta!




Tlai lam dar nga bawr velah chuan ka fapa chuan min kalsan ta a nih chu!






A thih meuh chuan a nu leh a chhungte chu an rawn kal a,a tap hawm hawm mawle....a tawrh hmel hle bawk....


Zomuan I tawrh aia nasa khan ka tuar a sin,I duh loh I kal san tak kha ni mahse ka tan chuan a hlu tak zet a sin,tunah chuan fa hlutna I hrethiam ve tawh ngei ang...



Naute,la tawng fiah lo ni mahse kan tan chuan a hlu a sin,a kut leh hmai sen no chêk thin chu a dâng bêm a,ka office bang min hmuh rual a ka lam pana a lo kal terh terh lai te kha tunah chuan hmuh tur a awm tawh dawn silo,tunah chuan kuang tereuhte ah a mu ta bêm a,a mit a meng tawh lo a,a che tawh hek lo,fiah lo zeta apa min ti tu tur a awm tawh lo...
Patling mah ni ila tawrh a va har tak em!


Pastor in a vui a,naute lek ni in chanchin sawi tur nei rual ni lo mahse kan chhungkaw tan chuan sawisen loh khawpa tam a nei a sin mawle....



Thlan khawhar takah ka fapa chu zalh in a awm ve ta a nia,mak ka ti in awih harsa ka ti hle mai...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 23rd, 2020, 3:07 pm

MAY FLOWER




Chapter-10....(Last chapter)🌷💕

















Engkim mai hi ka tan chuan a ho ta vek mai,ka hlimna tur emaw ti ka lo belh thin khan lungngaihna bak min thlen silo....
Ngaihtea thlalak ka en a,mahse min hnem zo lo,he in a a awm hnuhnung ber pawh khan biak theih a ni tawh lo a,koh pawhin apa min ti thei tawh lo....a kut vawt tak te biak pawha a maimichhin tlat te kha kan chan tawk a ni tawh si a....



Kawngka kik karh karh thawm ka hriat chuan hawng tur in ka pan phei a,Zomuani ni reng in!


"Enge rawn tih I tum?"
Ka ti chang fak mai,Zomuani ka hmuh hian ka thinrim a zual tlat....



"Tea,khawngaihin min ngaidam rawh"



Ka sa phat mai...


"Engvangin nge ka ngaihdam ang che,ngaihdam beisei suh"



"Ka tihpalh tak zet a ni,Ngaihtea lakah ka inthiam lo a sin,Ruatfela nen pawh kan in ti thiam lo reng a lawm,neih pawh ka tum tawh lo,ka fapa vang tal in min pawm leh hram rawh"



Ka thinrim lutuk hi ka puak keh lo chauh,ben hrep mai ka duh,mahse hmeichhe kut thlak chu em em a ka tih vangin ka in beng dai hram hram zawk...


"Zomuan,zahna chhe te tal pawh hi I pianpui ve nange,hetiang thil I thlen tir zo zai hnu ah pawh inchhir a hnekin pawm leh tur in min beisei a maw,I â let der a ni ngei ang,I fapa hmaizah vang tal pawh in sawi tawh suh"



"Engvangin maw,ka fapa ka tih ve a thiang lo em ni,ka fapa pa I nih vangin ka sawi mai a lawm"


"Duhtawk teh,I hrin mahnise I fapa a nihna chhan ka hre lo,duh lo in I kalsan tawh a,kalsan satliah pawh a nilo,midang I um san zawk a nih kha,hnute pe lo mahla nu hmangaihna dawng rual lek a la ni a sin,a boral ni in I ui zia I puang chhuak chauh tiraw,I hmangaih tak tak nge a mawi ah I ui der zawk????
Hmangaih ni la chu a dam loh lai pawn I lo kal em em ang,kan hrilh lo che u a ni silo,I ngaipawimawh lo a,I kalsan hreh hek lo,chuvang chuan I fapa a nih na ka hre lo"

Ka ti zêk a...


"Ehe,Ngawi tak rawh,ka hnenah I la rawn lêt leh khawp ang,ka bei a dawng mai mai dawn lo"

A la nui lui sak zui....


"Han tum ta pauh che,mahse hei hi hre rawh,nangmah vangin min hmangaihtu ka kal bo tir a ngai a,I duh a hlawhtlin hnu ah Ngaihtean a mamawh em em lai che in I kal bo san lui leh a,tunah chuan se bo hnu se kawngkhar ang chauh a ni tawh,ka dam chhungin ka nei leh tawh ngai lo ang che,nang neih leh ai chuan thihna hmachhawn pawh ka thlang zawk"




Rum lutuk in min melh a,"I la hre khawp ang"tih pahin a chhuak nghal a,kawngkhar chu na takin a la khar ri bur zui....




Ka hma a zu in chhawp chu ka lem nghal khawlh khawlh a....




Tunah chuan dam chhan ka nei tawh hleinem,ka tan chuan hrinnun hi chu in fiamna ang lek a ni...
Mahse Amosa,ka fapa te kha,a pian a tangin vawikhat chiah ka la hmu,chu pawh ralkhat a tang chauhin....

Vawikhat tal chu ka hmuh leh a ngai a ni,vawikhat chiah pawh a pawi lo....vawi khat chiah tal....




Garrage a ka bike chu la chhuakin May-i te in lam chu ka pan ta râwih mai...An in chu ka thleng a,an in khar thap,mahse tun lo chu kal pawh ka tum tawh hleinem,ka kal luih a ngai, Amosa vang tal pawhin....


Zawi muangin kawngka chu ka kik karh karh a,kawngka rawn hawng tu chu May-i a ni,mak ti zet in min en hâ a...


"Ute,enge ni ta,enge I lo tih dawn?"



"May,vawikhat tal Amosa min hmuh tir ta che,rei ka awm lo ang,ka ngai tak zet a,zah pawh dawn zo lo in ka lo kal râwih mai,reilote chiah ka hmu ang"
Boruak tlakchham hmel tak hian ka thaw kawk kawk mai...


"Lo lut ta che"ti sap chung hian in chhungah a lut a,keipawn ka zui lut nghal a...



Thuthlengah chuan Amosa chuan toys a lo khalh melh melh a,a toys khalh zingah chuan ka leisak thenkhat pawh a lo la tel ve ngei a....A bulah chuan ka kal hnai a,min en vauh vauh a,fiah lo zet hian "Pa"a lo ti ve ngei a...Kei min ko tihna a ni ka tilo,naute te chuan an thiam hmasak pawl kha a nia,mahse "Pa" min tih rual zet in ka thinlungah Ngaihtean "pa"min tih kha ka hre chhuak nghal...


Amosa pawh chuan min nel reuh hle mai,ka pawm a,toys ka lei sak te chu ka khalh tir leh a,a hmel chu a tha reuh ving veng khawp mai... May-i pawh chu eng mah tilo chuan ngawi rengin min lo thlir reng a....





"Ute,thingpui in rawh kan lum ang"tih leh choka ah luh a rual nghal a...




"Amos ka fapa,nangmah hringtu pa dik tak ni mah ila maw I tan chuan pa nihna ka hlen chhuak ve thei dawn ta lo nih hi,min ngaidam ang che aw,I pa thil tih sual rah seng tur chuan ka phal ngai lo ang che,hetiang hian thil a kal buai nuaih ang tih hria I la chu a tir a tangin I bulah ka awm tur a nia,ka thiam loh a ni e,mahse nang pawn Pa tha deuh I nei tawh dawn a lawm tiraw,ka duat ai zawng zawng in a duat thei ang che a nga,I hlim zawk ang....Amos,I unaupa ngaihtea chuan vanramah a kalsan tawh che sin,I nu nen ka kalsan ang chiah che u khan min kalsan tawh a sin,ka ngai em che a,vawiin chu in sum buai lo in nangmah hmu turin ka lo kal vang vang ta mai,mahse tun bak chu ka lo hmu tawh lo ang che,Amos ka fapa min ngaidam ang che aw,Pa tha tak nei turin ka duhsak mawlh mawlh che aw"

Amosa toys khal lai chu ka thlir ngawih ngawih a,engmah la hrethiam lo chu ka bia a,ngaihdam ka dil mawlh mawlh mai....Mipa ni mahila pachang a va har em....



May-i thingpui rawn siam chu ka in khawlh khawlh a....



"May I chunga ka tih sual tak zawng zawng kha ngaihdam tlak loh khawp a sual ni mahse min ngaidam hram dawn nia,hetiang tur tih hria ila ka kal tir lo tur che...nilo...harsatna ka siam lo tur che a nia...mahse..mahse Amosa hi ka hmu lo thei silo a,tun a tang chuan Apa ka ni tih hi I lo theihnghilh tawh dawn nia,Pa tha tak a nei dawn tih ka hria,ni e kan duhthusam kan ti hlawhtling thei lo chu pawi ka ti tak zet,mahse a ti hlawhtling tu tur mi tha tak I tawng tawh a lawm,khawngaihin Amosa hi tha deuhin lo enkawl rawh aw,ka tihsak loh tam tak kha in lo tihhlawhtlin sak ngei dawn nia,Amosa min hmuh tir a vangin ka lawm tak zet e....



Amosa en zauh pah chuan ka chhuak nghal a...hawi kir leh tawh lo in....









Ka dam ta huai e,vawi khat tal Amosa ka hmuh theih a vangin....



Ngaihtea thlanah chuan ka kal leh nghal a,thlan tereuhte ah chuan pangpar mawi deuh mai a awm a...tah chuan ka fapa Ngaihtea chu a mu ta reng mai si....



"Ka fapa,apa hian a ngai teh mai che sin,vawiin ah maw I nau Amosa te in ah ka kal a,min koh ang khan min lo ko ve a sin....
I awmna kha a hrehawm a ngem le,apa thiam loh vek a ni a sin....
A tir a tangin bul ka tan fuh lo a,he khawvel eng hi I lo hmuh phah ve a,min ti hlim tu ni mahla natna tawrh tir che kha ka duh bik lo sin le,ngaihte,apa hi min lo ngaidam hram dawn nia aw....."




Amosa ka hmuh loh na tangin kar khat vel a liam ve ta,ka taksa a tla ve deuh nge ni...

"Bawiha tunlai hi I va cher em em ve,tiang tur a ni lo a sin,office in kal reng a ngai bawk si,hahdam deuha awm tum teh"ka nu chuan min ti malh malh a...


"Ka tha lawm,nge min hmuh cher,ka tha lutuk"ka nui hak hak a....



"Ka nu,in chungah lehkhabu ka chhiar mai mai dawn nia,min lo zawng a nge"nuih pah chuan ka inchunglam ka pan chho nghal a...





Ka ngaihtuahna chu a vak thui kher mai... May-i nen kan in tawn dan a tangin ka ngaihtuah tan a... May-i ka hmuh tirh a ka duh zia kha,hlat ka phal lo a nih kha,kan in ngaizawng rei hran lo a,kan in nei ve vat a...kan inneih hlim te chuan kan hlim dun em em a,mahse fa kan neih lawk loh avangin buaina chuan min um zui chho tan ta kha nia......
May-in fa a neih theih loh vangin ka then phah a,Zomuani nen fa kan nei a,mahse kan hlim chuang silo,chutih karin Ngaihtean hmangaihna a dawng kim thei lo a,chutiang bawkin Amosa pawn....
Sual man thihna tih hi a lo dik tihna em niang,Zomuani nen thil sual kan tih avangin Ngaihtea pawn min kalsan hma emai,a tuar lo turin a tuar hi pawi ka ti tak zet....
Amosa chuan hun rei tak pa tello in nun a hmang reng a,a ni pawh Ngaihtean nu hmangaihna a dawng lo ang bawkin Amosa pawn pa hmangaihna a dawng ta lo chu a nia....
Mahse Amosa chu a ngaihtuah awm loh e,Pa tha tak a nei tawh dawn a lawm,tunah chuan Pa hmangaihna dawng lo khan tam tak a dawng ve thei tawh dawn a,chu bakah May-i ka hliamna zawng zawng te khan theihnghilh hun a chang ve mahna....



In nghahna tur dang ka nei ta lo,ka innghahna tur ber keimah vangin a kal bo phah a,ka innghahna neih chhun in khawvel dangah min kal san leh tawh si...tunah chuan beiseibo beisei bak beisei leh chuan tur a awm tawh lo...May-i te nufa beisei ngawt theih an ni lo a,beisei turin kan phu lo hliah hliah,chuan beisei ka tum tawh lo bawk,Pa tha tak an nei dawn tih ah ka in nghat ta tawp mai...
Ngaihtea...Ngaihtea ve thung chuan vengtu neilo in a kal ta mai si a,a dam lai pawhin keini lo chu belh tur a nei lo kha nia,tunah phei chuan a mal reuh ngawt ang....


Ralkhata tlang chu ka thlir vang vang a,ngaihtea awm tur ang ah ka ngaihtuah...hla takah hian ngaihtean min nghak tlata hriatna ka nei,Apa ti a min koha ka chhan hun a nghak a,hlim hmel deuhin min lo nuih ver ver ang,kei lo belh tur a nei tawh lo....ngaihte,tun a tang chuan a pa in a venghim tawh ang che nga,I bulah a awm char char a nga,hlim deuhin kan awm dun tawh dawn nia aw..."





Ngaihtea bula kal tur chuan ka khawvel chen mek na chu chhuah san tumin inchungzawl sir lam chu ka pan ta hmak hnak a...


Ka maimichhing vang vanga...



"Tun ah chuan engkim a tawp tawh ang"





"Ute"


Ka mengkawk mai....


"Ute,enge tih I tum,duhtawk teh,khawngaihin"



Lehlam ka hawi a, May-i leh Amosa lo ni reng mai!




"Lo kal hnai suh u,tunah chuan harsatna ka thlen tawh lo ang che u,beisei tur engmah ka nei tawh lo...."



"Nilo,Ute,khawngaihin,I tello in engtinnge Amosa awm ang"



"Enkawltu tur tha tak I neih tawh kha,May,ka kiang mai nange,nang hmangaih vang hian,mahriaka Doral ka beih chu phal mai ta che,I nun khaw nawmna tur a ni zawk...mahse hei erawh,nghilh lo la ka hmangaih che ka hmangaih reng che"

Lehlam ka hawi san,ni e,bawlhhlawh chu a bawmah an paih thin,mi dangte tana hnawk sak hi ka in paih a ngai tlat a lawm.....



Ka kawnga min chelh beta min kuah rengtu a awm ta tlat mai....



"Khawngaihin,Ute,I thei lo,khawngaihin,ka hmangaih che lawm"



Amosa chuan ka kut ah lo chelh ve in Pa min lo ti ve reng a....


Engtizia nge ni ta le....




May-i nen chuan thuthlengah chuan thu in kan in hmachhawn ta kar mai....



"May,engvangin nge min lo dan?khawvel eng hmu turin ka in peih tawh lo a sin"



"Engvangin,I thil tum khan enge hlawk na a neih,awmze nei lo a nih kha"



"Awmzia awm lo ti maw,May,beisei tur engmah ka nei tawh lo sin,tumah beisei phak ka nei tawh lo...ka beiseina neih chhun Ngaihtean min kalsan a,ka tan chuan a na a sin,ka ven a ngai"




"Ka hria,mahse I tello in engtinnge Amosa a awm ang,I ngaihtuah ve lo em ni"



"Amosa maw,ka ngaihtuah a lawm,mahse engthil nge ka tih sak theih chuan ang ni,ka ngaihtuah aia nasa a ngaihtuah tu tur a nei tawh kha,kei chu min theihnghilh rawh u"



"Sawma maw,ni tak e,sawma kha a fel reuh sin,Amosa pawh a duat lutuk...min duh der ve khawp mai,mahse Amosa ka en a,midang enkawl tir tur chuan ka ngai ngam lo,Sawma pawh engkim ka hrilh vek,ka nei thei lo ang tih hi,I ngaih ang kha chu a thleng ngai lo ang,a hringtupa ngei I awm hi,Ute,rilru na tak in min siam mahla ka hmangaih reng tho che sin..."


A tap fap fap a.... May-i chu a rilru a buai zawk em ni le.....




"May,ka tihnat ang che khan min tih nat let tum ve lo hram rawh aw,I tawrh ai khan ka tawrh chu a la nêp mai thei,mahse ka tuar na ve lutuk"



"Ummm,ka hre thiam e,ngaihtea chanchin ka hriat khan ka rilru a natpui che sin,mahse a ni chu Vanah hlim takin a awm tawh ang,Amosa erawh I hmuh theih reng turin a awm a,a ni pawn pa hmangaihna a la dawng ngai lo sin,mahse Amosa hi chu I fa ang tak takin I pawm thei ngai dawn lo a nih hi,ka hrethiam e,ka hrethiam e"



"May,chutiang a nilo,Amosa chu ka ngai in ka thlahlel tak zet a lawm,mahse in tan ka tling lo zawk a ni,natna leh harsatna tam tak ka siam sak che a,engtinnge ka la rawn beisei ngam che u ang ni,ka tihsual rah chu keimah ngeiin ka seng a ngai a lawm"



"Ih e,ka hria a lawm,mahse ka dem lo che,fa I awt a,ka hrin sak lawk thei lo bawk si che a,keipawh ka inthiam lo tak zet a sin,chuvanga kalsan che kha ka ni a,a tirah kha chuan ka rilru a na in ka hua che lawm,mahse keimah ang maia kalsan I ni tih ka hriat khan ka rilru a lo na ve tawp a,chutah Ngaihtean a boralsan leh ta si che a,ka tuar pui ve hle che sin...Ute,midang te chuan an dem che in an sawisel che a,I hnena lêt tawh lo turin min duh lutuk,mahse ka hmangaih vang che nge,ka duhthusamah chuan Amosa I enkawl tluka duh ber ka nei lo a sin,tunah chuan ka ngaidam vek che,ngaihtea chu van ah hlim takin a awm tawh dawn lawm,Amosa tana Pa tha tak I nih theih chuan a lawm ve ngawt ang"



May-i hmel ka en thin,dawt sawi hmel a pu si lo,mak ka ti bawk si...


"I ti tak tak em ni?nilo rin harsa ka ti"




"Ka kal san vang che khan ka then hlen che ka ti reng reng lo,kan hun tawn in a zir loh vangin ka kal bo a tul mai a lawm,kei in then lo che mahila,kan hun tawn in min pawt then tho s,mahse ka vui lo,I awh em em I neih theih dawn vangin ka lawmpui zawk che,hlim reng la chu tuma hriatpui login I nupui nihna ka vawng him reng tur a nia,mahse heti hi a ni s,Pathian hma ah leh mipui hma ah ka pasal tak ni tura ka pawm che kha tunah pawh a la pangai reng a ni,nang chauh hi ka pasal I ni reng ang"


"May"



"Ka ti tak tak a lawm,Ih e,mihring tu pawh mai hian tluk chang kan nei theuh a lawm,harsatna min siam mahla,hlimna tam tak min pe tel ve tho a sin,Hmangaih ten malsawmna an chan theih nan hmangaihtu'n a tuar a tul si thin an tih kha maw,ka hmangaih hle che a ni ange"


"Kei,vawi tam ti na tu che min ngaidam thei tak zet a nih chuan ka lawm lutuk e,keipawn ka hmangaih che"

Kan ti ve sup a...



May-i hlim hmel mittui luangthla ngiai phena biangsum lang kalh chung chuan min nuih var var mai...
Ni e,tianga min nuih tawh chuan dawl zawr hian ka zawt leh hnap thin....



Hmangaih tawp lo a min hmangaihtu chu ka en vang vang a,a hmui sen vâm ham mai ah chuan ka fawp ta ngawih ngawih a...ka mumang ni hial in ka hria....





Kei anga vannei hi an vang ngawt ang...May Lalnunpari hi ka tan chuan pangpar tak tak ang ni mai hian ka hria...


Pangpar nung tan tur chu tui nen ka chawm tlauh tlauh a,chutiang chiah chuan kan in hmangaih tan tirh ang kha a ni,a tlin lohna te chu thup sakin ka veng chawt a ni ber mai...


Mahse chu pangpar chu a lo parin thliah ang mai in a lo awm leh a...
Kan hlim na a in tan dawn chiah tihin a thinlung tih keh sawm in a awm ta a..




Mahse,chu pangpar chuan thih mai a lo tum bik lo,ka kir leh hun a lo la nghak ngat ngat mai...
Ka beidawnni lo thleng mahse a hnena ka kir leh beiseiin min lo la nghak reng a lo ni....




May-i a rawn kir leh a tang chuan a hma aiin kan chhungkua kan in pawh tawh zawk a,awm lo na hmuna kan awm thin na hian min ti chhe vek thei tih ka hriat phah...


"Ngaihte la awm ve la chu enkawl che ka duh ve nen,I unaupa ang mai in harsatna I lo tawk ve reng a,mahse,hmun nuam zawk I pan tawh a lawm tiraw,he leia hmangaihna I dawn tur aia nasa a hmangaih tu che van ah an awm tawh a,hlim takin I awm thei ngei ang"

May-i chuan Ngaihtea thlalak en vang vang pah chuan a lo phun sep sep a.....




Hausakna chuan reilote nawmna bak min thlen lo, May-i hi ka tawng lo ang tih ka va hlau tak em,na taka hliam a nih hnu ah pawh min thlah duh lo in min la vuan tang tang a,a tira thingtlang nula a nih vanga eng teh uala ka ngaih loh kha tunah chuan a tello in ka awm thei tawh lo a,amah vangin khawvel eng hmachhawn leh ngam turin chakna min pe a ni....ka hliam te pawh a dam ta ve hawk a,a chunga harsatna ka thlen zo zai te khan eng anga nasa pawn hmangaih ila a rul seng hauh lo ang...


Thiante u,min dem in min sel mah ula,ka dem let lo che u,khang khang thil a thlen hnu ah kha chuan tuman min la nghah ka ring tawh lo,mahse May-i erawh chuan hmangaihna dik tak nen min lo la nghak ngat ngat a...thiante u,min lo hlauhthawn pui ange, May-i hi ka ti na leh tawh lo ang tih ka tiam e,ka dam chhungin ka nupui tak ni turin ka pawm thlap e....




Kan chhungkaw tan chuan May-i hi chu malsawmna dik tak a lo ni....ka tawng lo ang tih hi ka va hlau tak em!!








Nang ang LUNGHLU chhar tur hian...
Hringnun mual tin ka lo zawh maw...
Thlaler ram ro te leh tuipui zau tak te khan...
I tang nem min hruai thleng si...
Ka hmangaih reng ang che,ka vuan reng ang che...

TUN AH
LEH
KUMKHUA IN....





Khawvel tawp thleng pawhin MAY LALNUNPARI hi MAY FLOWER a ni reng ang.....❤️💘💘





.....................🍂🌷🥀❤️🥀🌹🍂.......................

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)