MIN RING RAWH BY Melz Hrahsel‎ (Completed)

[Ngaia]

Chapter-20


Khami zan atang khan Remsanga ka hmuh loh na chen pawh ka hre tawh lo. Thla khat lai a liam tawh a, a chanchin hriat zui pawh ka nei lo. An chhungkua in an in an chhuahsan a. Khawiah nge an kal ka hre lo. Zantin hian a room zawn thlir in ka dak a mahse hmuh tur a awm si lo.

Naktuk mai ka pasal neih hun tur a ni tawh. A phone number zawng zawng a thlak vek tawh bawk si. Umzui ngaihna pawh ka hre lo, Ruata lah chu zantin a rawn leng awl lo. Ka pa nen an ti ti a, kan inneih hun tur te chu sawi in an hlim thei lutuk ringawt.

Lawmkimi phei chu awm lo se chuan, engtin nge khang hun liam zawng zawng kha ka hman ral theih ang. Ka tan a awm reng a, ka kiangah a awm chawt a ni ber. A chang lah in ka bulah a riak bawk. Mahse ka thinlung ruak erawh Remsanga bak in a luahkhat thei lo.

"Lo ha chhin la" Lawmkim in naktuk mai a, ka hak tur mo kawr var nalh zet mai khai va va pah chuan a ti a. Pheih lo zet a tho tiah tiah in a awmna lam ah ka phei a. Mo kawr chu la in inthlak na room lamah ka lut phei zui nghal thuai a.

Lawmkimi a rawn lut ve a. Mo kawr min hak tir a. Ka ha zo ka in en chiah chu ka mit atangin mittui a lo luang nghal zawih zawih. Lawmkimi ka kuah a, ka tap chhuak nghal hawm hawm.

"Hey...tinge a" lawmkimi chuan a lo ti ve sap a.

"Remsanga ka ngai lutuk" ka ti chhuak phawng ringawt. A bak sawi tur ka hre lo.

"I kal tir a. Nangmah bawk in i tuar leh bawk si, hetiang tak hian i tuar na ang tih hria i la. Ka theih na tlemte pawh in Remsanga kha ka lo pawh beh pui tur che a nia. Mahse thudik a hre lo hi chu ka la thinrim reng, sawi lo turin min ti bawk si" min kuah pah in ka samah a chul heuh heuh a.

"Hetiang em em hian ka lo hmangaih tih ka kiang a a awm loh hian ka hre ve chiah a ni" in sut hraih hriah chuan ka ti a.

"Kan hmangiah te hi an kiang a kan awm lai chuan engtiang tak in nge kan in hmangaih tih hriat a har thin. Mahse kan lak atanga an kal bo atang chiah hian engtiang tak in nge kan lo hmangaih tih hi kan hre chauh thin" ka mittui hruk pah chuan a ti sap a.


Khang hun zawng zawng chhung khan ka damlo deuh reng ni mai in ka hria. Ka cher dawk dawk a. Mahni tawk a sa tha ve pangai tak leh in phut mawi ve tak ni thin kha. Tunah chuan ka cher lutuk ringawt tawh.

Mo kawr en pawh chu ka phur loh em vangin ka hak tawk ber chu kan la ta ringawt a. Hmeichhe dang chuan an duhzawng tak zawng kual in an tan a ni pawimawh ber ni ah hian mawi tak a lan an duh thin. Mahse engtin nge kei hi ka phur ve theih ang ni. Theih ni se tunah hian mi thianghlim lawr te hi rawn thleng thut se nia ka tih ni.

Lawmkimi lah chu zanriah ei tur a ka tih tlat avang in ka chhun chhuah pui chu ka char nghal a. Kan inah zanriah pawh a ei nghal bawk.


A ni hi ka thian tur a ni a. A tir chuan a pha ve a chhan pawh Ruata tel na ah ka tel peih lo U Muani hmang rawh a ti tlat. Mahse ka tih luih avangin min hnial thei lo. A tawp ah rem a ti ve thei hram a ni.

Sana ka en chuan zan dar 7:00pm a ri der tawh a. Man in hlan zan a ni bawk, U Muani chu a buai map map khawp mai Lawmkimi lah naktuk lam a ka chhawm tur vel min enpui in ka room ah a awm ve a. Ka thawmhnaw nen kan in rem fel sawk sawk bawk.

A phone a rawn in ring dar dar a. Ka bul ah a awm avangin ka pe phei nghal a. Number hlang a ni, a lak rual chuan a hmel a danglam vek thei nia mawle. Min rawn melh a, a kal sawn nghal dat bawk.

Mak tih na pawh nei hranpa chuang lo in ka thil thleh lai chu ka thlep chhunzawm char char a. Thawk la halh in ka mit ka chhing a, balcony lam pan chuan ka phei a, Remsanga te in hlui lo lamah chuan phei in ka mit ka chhing vang vang a. Thli taw vuk vuk chu ka hip vang vang a, ka rim hriat than em em mai ka hnar ah a rawn cham thut chu ka melh nghal set set.

"Ka â ta a ni ngei ang. Remsanga rim te ka hre thei a nia. A perfume rim pa hrak mai mawlh kha. A ni chu a awm miah si lo a" ka hriat tham chuan ka ti sap a.

"A lul lo e" ka hnunglam a mipa aw ka hriat rualin ka hawi phei nghal ha a. Ka balcony ah Remsanga a lo ding ran.


Ka insum zo lo tlan phei in a kawngah chuan ka kuah nghal chat a. Ka mittui a tla nghal zawih zawih "hetia i tih hi i pasal hual in a phal dawn em ni" a rawn ti chhuak chu. Ka chelh na ka thlah chiang kher mai. Ka tawlh hnung nghal thuai a.

"Ka tihpalh" hawi sawn pah chuan ka ti sap a. Inchhungah luh nghal mai ka tum hman. Ka hnunglam zawng chuan ka darah a kut lian zet chuan min rawn kuah a.

Ka hawi phei a "miin an hmu che a nge" tih pah in ka in la hrang nghal thuai a. A ni pawh chuan a ti lui ta bik lo. Min chhang lo in a awmna ngai ah chuan a ding ran a.

"Eng nge hetah i lo tih dawn" ka ti nawn leh a.

"Nangmah thlah tur che in mawle" a ti zui sup a. Chhang chuang lo in ka room ah ka lut phei a. Ka drawer a vodka bur khat ka dah chu la chhuak in ka hawng a. Ka rilru tawt lutuk tih ziaawm nan ka lem nghal khawlh khawlh.

"Eng nge maw i tih le" Remsanga chuan min rawn laksan a, ka bul a dawhkan ah a hung zui nghal thuai. A chak bawk a, lem tlemte ah ka lu a hai nghal chhak thei nia mawle.


"Umm...tunah chuan a hma ai in ka zia tawh e" nui sak chuan ka ti sap a.

"Engvang in nge hetiang hian i awm a" phawk fe in min en a.

Ka kut phar kang in a nghawng ah ka nghat a, a sam tham mawlh mawlh pah chuan "min fawp rawh" zawi sap chuan ka ti a.

"I â ta a mi...naktuk mai a pasal nei tur i nih hi" ka kut chu a la thla zui nghal thuai a. Ka awmna ah ka ding ngawi reng.

"Ka hmangaih che. Mahse ka nawmsak na tur zawk chu ka pan a ni mai, ka hmangaihna che kha ka hralh ah ngai mai rawh. Sum hian engkim a ti thei alawm" tap chhuak lo turin ka in thunun hram a ni.

"Ka hrethiam e. Naktuk ah in inneih thutiam hriatpui tur che in ka rawn kal dawn nia" a sap a. A chhuak zui nghal hmak.

Kha chen a bo tawh a. Engvangin nge zanin ah kher a rawn in lan leh kher kher. Dawhkan a ka vodka bur chu la leh in ka thlak pap pap a. Ka mittui a tla nghal zawih zawih. Engmah pawh ngaihtuah mumal thei lo in ka khumah chuan keimah in ka thu ran ringawt.

Rei vaklo hnu ah tho chhuak thut in 'Ka hmangaih takzet che. Mahse, i tan hetiang a ka tih hi a ngai a ni, a kaw tawp ah ka tang si a nih hi. Min ngaidam ang che. Ka hmangaih reng ang che' ka hriat tham lek a ti chung in ka room balcony ah chuan ka zuangthla zui nghal a.

Nimahse ka zuan rual chiah in tu kut emaw hian min lo man hman hlauh. Ka mit chhing tawh chu muangchang a meng in min vuan tu chu ka en a. Remsanga bawk maw a ni chu a kal tawh a ni lawm ni.


"Ka kut hi vuan rawh" a tih chuan ka lo vuan ve mai. Harsa fe chuan ka room ah min pawt chho leh nghal thuai a. Ka thlen rual in a awmah ka bei nghal chat.

"Engvangin nge i nunna lak i tum a" a ti zui sap a. Ka in la hrang leh nghal thuai. Ka zu rui pawh chu ka harh kawk in ka hria.

"Ka tla sual palh a nih kha" ti pah in ka hnungchhawn zui a. A hma ang chiah in ka dar zawnah min rawn kuah leh a.

"Eng nge maw i hriat le. Miin an hmu che a nge" ka ti leh.

"Lawmkimi ka duty tir alawm" ka bengbul ah a ti sap a.

"Lawmkimi maw"

"Engtia rei nge ka lakah he thidik hi i thup dawn. Engkim ka hrechhuak vek tawh a nia, hmeichhe huaisen tak i ni tih ka hria. Mahse hetiang em em a hmeichhe â hi i ni tih ka ring ngai lo asin" a tih rual chuan ka hawi let nghal ha.

"Thudik...eng thudik maw" ka lo hre lo der tlat.

"Kan inkar a tla zep leh ka lak atanga i hlat na chhan leh ka tan a i thil tih engkim thudik hi mawle" a tih chuan ka meng nghal kawk.

"Engtin nge i hriat chhuah a" ka ti sap a.

"Lawmkim in min hrilh alawm. Engvang a tiang thil atthlak hi ti nge i nih a, lawmkimi hian min hrilh lo se engtia awm nge i tum. Keimah vang in hetiang khawp hian i tuar ang maw" ka mitah min en ran.

Ka kuah nghal thlawp a "ka tihpalh lutuk. Thlan tur dang ka nei lo a ni, i tan a tha ber tur ni a ka hriat awmchhun a nih vang a ni. Ka tan a harsa asin, ka theih tawp in ka insum ve alawm" tap chhuak nghal hawm hawm chuan ka ti a.



"Na ka tih zia kha i hria em. Engtiang tak in nge ka awm dawn i suangtuah lo a mi, i tello in ka awm thei lo ka tih kha. Ruata nen a in inneih zan tur te ka suangtuah chang phei kha chuan thih hi ka chak ngawih ngawih asin. In inneih hma hian ka kidnap mai dawn che em ni ang tih te thleng in ka ngaihtuah hman asin" min kuah vawng vawng pah chuan a ti sup a.

"Ka tihpalh lutuk...ka tihpalh" tap chhuak hawm hawm chuan ka ti let a.

"Tunah chuan engkim hi a nih dan tur ang vek a ni tawh ang. Ruata hi ka neih tir ngai lo ang che, eng thil pawh tih ngai dawn mahse ka tih tir ngai lo ang" ka biang dawm pah in ka mit a en ran chuan a ti sap a.

"Mahse a tlai tawh. Naktuk ah...." ka chal ah a chal a rawn chuktuah a.

"Shhh...khatiang thu kha sawi suh. Ka ta tur chauh i ni, midang i kiang a an awm ve hi ka remti ngai lo ang. MIN RING RAWH" a ti zui sap a.

"Ole" bu nghat in ka hmui ah chuan a fawp zui nghal vawng vawng a.

"Hey..." lawmkimi'n a rawn tih chuan kan in fawp lai kan in la hrang nghal thuai. Min rawn hmu deuh thut chu kan lai deuh kan in kuah a kan nui tet tet mai.

"Van lo kal hun lo tak" Remsanga hriat tham lek a ka tih chuan a ni pawh chu a nui suk.

"Ruata saw lo luh a tum in ka hria" lawmkimi chuan a rawn ti leh a. Remsanga hetah hian a awm tih a hmu a nih chuan thil tha lo tak a theng thei tih ka hai lo.

"Kal phawt mai rawh" a banah chuan ka vuan ran a.

"Umm...ka hmangaih e. I lak atangin ka kalbo tawh ngai lo ang, chutiang bawk in ka lak atanga i kalbo ka phal lo. Ka tan chauh a piang i ni" ka hmui a fawp zauh in, a hma a a lo luh fo na thin ka balcony sir atang chuan a chhuk a. Phei ve vat in lei a thlen rual in a rawn hawi chho a. A kawng dawm in a rawn nui var var a.

"Ka Julite... i Romeo hi flying kiss tal min pe ve dawn lo a mi. Tunlai chhan ah nang chu hmanlai tih dan a rim i la ngai bik a nia" a tih chuan ka hmui ka lo pet zauh.

"Tha tak in le. Ka Romeo" flying kiss ka pek zauh rual chuan a kalsawn ve nghal thuai a. Ka room awmna hi a sang lutuk lo a. Lei atangin lawn mai pawh a har vak lo. Zanah pawh hian mi an lo luh ka hlauh avangin ka balcony hi ka hawng ngai mang lo.

"Khatah khan maw i lo awm a" Ruata ti thawm ka hre zui nghal zat a. Lawmkimi pawh a awm ve bawk.

"Eng nge ka room ah i rawn tih dawn" nelawm loh zet chuan ka lo ti zui hmuk a. En pawh ka en lo.

"I insiam tawh leh tawh loh ka rawn en mai mai mawle. Naktuk mai ah ka ta i ni tawh dawn si a, ka duhthusam chu a mal te te in ka ti puitling thei tawh dawn a nih hi" min kalpel pah in balcony lamah chuan a ding a. Hawikual vel pah in zial a pak khu vei lap lap.

"Chhuak rawh" kawngka lam chu ka kawk va a "i bialpa hlui Remsanga pawh sawmna ka thawn ve kha. A lo kal chu ka beisei" a ti zui sup. A ni khan engkim a hre tawh a la hre lo a nih ngei dawn hi. Hria ni se chuan hetiang hian a tawng hauh lo ang.

"Remsanga hi i tluk thei chuang lo ang" Lawmkimi chuan a lo ti ve thuai.

"Lallawmkim...Remsanga tluk hi ka tum ber a ni reng reng hleinem. Amah hneh hi ka duh ber a lawm ni a" balcony ah mei a la zu reng.

"Chuvang chuan em ni a tenawm tak a a lak a i chet" a tih rual chuan a rawn in hre nghal vut a. A nui suk.

"Rebecca in a hrilh che a nih ngei ka ring" min rawn melh zauh in Lawmkimi chu a en leh zauh a "Ni chiah e, engtin nge an sawi khah, hmangaihna leh indo na ah chuan a thiang vek an tih thin kha. An hotel leh an in ah khan kei hian kha heroin kha ka dah a, police hnen a report tu pawh kha keimah hi ka ni. A ni kha chuan hetiang em em a tih hi ring lo ang mawle, Tichuan i pa damloh na remchang ah ka hmang bawk a. Tunah chuan a tawp kan thleng tep tawh" a zil chu nawr hlum in ka room luh dawn balcony ah chuan a paih a.

"Nang hi mi tenawm tak i ni tih hi ka la hrilh lo che a nih chuan lo ngaithla rawh. Tin, ka sawi tawh a nih chuan lo hre nawn leh rawh. I kutah leh i thangah hian ka tang dawn lo" a hma ah ka ding ran.

"Tunah chuan a tlai lutuk tawh. Ka thang i rap per chu sawi loh, a chhungah lut in i chhuak thei tawh lo mawle" ka khabe tuai thuak pah chuan a ti thum chhur chhur a, ka hawi sawn hmak.

"Chhuak rawh" in saseng in ka ti zui hmuk.

"A tha alawm. Inneih zan a i hak tur te kha pack uluk la" tih rual in ka room a chhuahsan ve nghal thuai.

"Ka van haw tak em. Ka pa hi ka hrilh mai dawn a mi, mahse a awih duh ka ring bawk silo" zawi sap a tih pah in ka room sir a dawhkan chu ka nem ran a.

"Lungngai suh...amah tih chhiat na tur chu amah bawk in a nei alawm" Lawmkim in a tih chuan a ngaihna hrelo fe in ka melh a.

****

Zing dar 9:00am a ri tawh a, Ruata ka neih na tur in darkar khat awrh bak a awm tawh lo. Khawiah chuan nge Remsanga pawh chu a awm tih pawh ka hre tawh lo, tukin ah min rawn call a, 'engkim ka ngaihtuah fel tawh' tih chauh a rawn sawi a. A phone a dah leh nghal mai bawk si.

Hotel ah chuan min lo lam tu tur motor a ding a. Amah rin bak engmah tih theih ka nei lo, Remsanga hi a tlai a nih chuan keimah ngei hian engkim ka sawifel vek ang. Thawk la halh halh in car ah chuan ka pen lut a, Lawmkimi pawh chu ka bul ah a thu ve ran.

Kawng tluan in engmah ka ngaihtuah thei lo, ka phone chu ka hmet eng sek mai.

Biakin kan thleng a. Mipui tamzawk an lut tawh, Ka pa chuan Car kawngka min lo hawn a. Ka mo kawr var nalh leh fual zet nen car chu ka chhuahsan a, Lawmkimi ka melh zauh a. A bu nghat ringawt.

"Tirawh le. Ruata'n maicham bulah a nghak reng tawh che a nia" Ka pa in phur zet a a tih chuan ka tawt up up mai. Remsanga hi khawnge a awm ang. Ka hlauthawng takzet tawh.

Ka pa in a kut ah min kaihkuah chung in biakin ah min hruai lut zui ta zal zal a. Ruata chu maicham bulah a thianpa nen an lo ding ran a. Kan phei zel a, maicham kan thleng tep tawh tih ah chuan "Ni chiah e, engtin nge an sawi khah, hmangaihna leh indo na ah chuan a thiang vek an tih thin kha. An hotel leh an in ah khan kei hian kha heroin kha ka dah a, police hnen a report tu pawh kha keimah hi ka ni. A ni kha chuan hetiang em em a tih hi ring lo ang mawle, Tichuan i pa damloh na remchang ah ka hmang bawk a. Tunah chuan a tawp kan thleng tep tawh" tih nizan a Ruat an ka room a a sawi ngei mai kha biakin ah ring fe in a rawn in play ta dum dum mai.

Ka pa ka vawn na chu ka thlah a, mipui ho pawh an phun mur mur tawh. A ngaihna ka hre lo, nizan a kan inbiak na kha engtin nge an lo play theih , an record tihna em ni. Mahse tu tih nge ni ang. Ka hawi kual a, sound control na a Remsanga awm ka hmu zui nghal zat a, ka hahdam nghal sawng sawng.

"Ruata hei hi eng thil nge ni ngai a" ka pa in Ruata en pah chuan a ti zui sup a. Kan din na hi a in hlat vak tawh lo, in ban phak mai a ni tawh.

"Nilo...dawt a nih kha..off nghal rawh u" Ruat an a rawn ti chhuak nghal tuarh a. Police ho an lo thleng tak tak bawk.

"Khawiah mah bihruk na tur i nei tawh lo" Remsanga chuan a lo ti vat a. Police ho chuan rawn man tum in an rawn hnaih zui tak tak a. Mipui ho pawh chuan mak an ti hlawm ngang mai.

Vawi leh khat ah ka banah min rawn man thut in. Min kuah nghal chawt a, a ipte atanga pocket knive phawrh pah in ka nghawng ah a tin ran.

"Ruata eng thil nge i tih a" Ka pa chuan a lo ti vat a.

"Lo kal hnai reng reng suh u. In lo kal hnaih chuan a ni hi ka zai nghal a ni mai" Tih pah in a chemte ken lai te chu a vai kual fua fua mai.

"Ruata man loh in i chhuak chuang lo ang" ka ti ve bawk " ngawi rawh. Nagmah hian min hruai chhuak ang" a tu sup. A kaw tawp ah a tang takmeuh tawh a, engmah a ngaihtuah chiang tawh lo niin a lang.

Lamtual kir a luh na awm atang chuan Remsanga'n Ruata chu a inrin hma in a rawn bawh thut a. Chhuat ah tlu in a chemte ken pawh a thlauh nghal a, Police ho lo kal in an rawn man zui a. Biakin varanda ah chuan chhuak phei in police motor a an phur liam lai chu kan en ran a.

"Remsanga i lo kal dawn lo emaw ka tia sin" kuah pah chuan ka ti sap. Mi tunge awm tih pawh ka ngaihtuah thei tawh lo.

"Min ring turin ka tih che kha" a ti zui sap.

"Engtin nge nizan a kan inbiak na kha i neih theih a" ka ti vat a.

"Ka pek a nih kha" Lawmkimi chuan a lo ti vat a.

"Nangmah maw. Engtin" ka chhang a.

"Nizan a in inbiak na kha ka phone ah la record vek alawm. Remsanga khan ti turin min ti a, chuvang in alawm khati khan ka dawp kual vel ni. Police hnen ah chauh ni lo, mi zawng zawng hmuh ah a dikloh na hi fiah a duh vang a ni" Lawmkimi chuan ka kut ah a rawn vuan zauh a.

"Ka lawm e. Nang ang thian tha ka nei hi ka lawm takzet a ni. I thil tih vang hian ka damchhung in ka lawm tawh ang" ka kuah nghal a.

"Thian inkar ah lawmthu an sawi ngai lo. Thianghlim takin in inkawp a, A tawp ah Pathian in mal a sawm ve chu ah kei chuan ka ngai" a ti zui sap a.

"Remsang min ngaidam rawh aw. Nilo deuh khan ka lo ngai che a" ka pa chuan a ti zui sap bawk a.

****

Epilogue

Khami ni a thlen atanga rei lo te ah Remsanga nen chuan pumkhat ah insiam in biakin hawng ngei in kan in nei a. Tunah phei hi chuan GOA ah chawlh hmang in kan zin dun nghe nghe.

Remsanga pawh a sumdawnna a kal tluang a. Mizoram mai ni lo India ram hmun thenkhat ah Hotel a nei nual tawh. Lawmkimi pawh a star kumhlun Lawmzuala Remsanga thianpa nen thla leh mai hian an in kutsuh dawn nghe nghe.

Mo thian ah tang ka chak vei nen a. Mahse tunah chuan kan fa hmasa ber tur ka pai mek a,mo kawr ha thei dinhmun ah ka ding miau si lo a ni.

"Duhtak i thil ziah lai kha dah la lo chhuak teh. Ni tla tur hi a mawi a nia" Ka pasal Remsanga an a ti rual in ka dairy ziah mek chu ka en a.

He ka thil ziah hi engtik ah emaw chuan tu emaw thawnthu ni in emaw kan fa te ngei pawn an la tawng ve a nga. Hmangaihna vang a kan tuar na leh kan paltlang zawng zawng te hi ngaihnawm ti in an la sawi chhuak fo ve ngei ang 'Engkim ah Pathian hmachhuan zel a, Thianghim tak a in hmangaihin leh biakin hawng ngei a nupui pasal neih kan tum a nih ngat chuan, engtik ah emaw Pathian ngei chuan mal a la sawm ve em em ang che u tih hi ka ring tlat a ni. Tin, lo ti sual tawh te pawh tisual nawn leh tawh lo turin i fimkhur theuh ang u'.

"Aw duhtak ka lo kal" ka dairy ziah lai chu dah in ka pasal in min lo nghah na lam pan chuan ka phei zui ve ta nghal a.

***THE END***.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/