MIN RING RAWH BY Melz Hrahsel‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MIN RING RAWH BY Melz Hrahsel‎ (Completed)

Unread post by Ngaia » August 30th, 2020, 9:12 pm

NOTE


Vawin chu he chapter hi ka van type tha ngun mawlh mawlh tak em. Phone ah ka type a, save lo in ka lo chhuak hmak a. Computer ah a bul atangin ka type leh vek a ka zo tep tih ah current a rawn thi zui leh nghal hmak mai. Ka rawh dah tawh dawn lo emaw ka tih hnu ah ka rawn dah hram a ni. Chhiar pawh ka chhiar nawn mumal lo ka hmanhmawh angreng tawh si nen. A nih ang ang in ka lo dah tawp mai. Spelling mistake a awm nual pawn min lo hrethiam hram dawn nia.




Chapter-8

Zoremsanga's Pov

Ka nu leh pa pawh ka pu dam that loh vangin an awmna lamah an zin a. Ka pa hi an unau zing a upa ber a ni a in hrang a chang bawk. An vaiin unau pa3 an ni a an mi lai hi hmeichhia a ni nghe nghe.

Ka pu hmu tur hian kum tin ka zin ve thin. Mahse tuntum chu kal duh ve viau mah ila kan hotel ah buaina neuh neuh kan neih avangin ka kal hman ta ngang lo a ni, kan hotel a chawchhum thin tu ber mai a bang hmak mai a . A chhan pawh Ruata'n hlawh tamzawk pe tur a chhawr a tum vang a lo ni. Hepa hi chu ka hne ve thlawt.

Ka room ah thu in pizza leh coffee ka in ringawt rawng bawl hi ka thiam lo a, bakah chaw ei ka ngaina lo nge pawh ka hrethiam lo. Hetiang mai mai a in hnawh puar hi ka ching ve hrim hrim.

"Amanda i a lo ni" room kawngka rawn in khawp rualin ka hawi chho vat a.

Amanda a nen hian naupan tet ata inkawm kan ni a. Kei kan chhungkaw sumdawnna lamah ka lut a ni erawh lehkha a la zir zel ni ta in ka hria. Tun hma kha chuan rei vaklo kan inzui ve hman, mahse kan mizia a in mil lo ka ti dawn nge thla hnih awrh bak mumal in kan inzui thei lo. Eng thil chiah nge in ah hian a rawn tih pawh ka hre lo.

"E lo thu rawh Amanda" a file khawih lai chu dahtha sawk sawk in a lam hawi in ka thu rem sauh a, a ni chu ka khumah a thu ran.


"Remsang kan in hmuh loh na a rei tawh khawp mai a" a tho chhuak a. Balcony lam pan in a phei a.

"Nia. Mizoram ah engtik in nge i rawn haw a" a awmna lam en ran in ka bia a.

"Rei vaklo. He thil chuh..." a kut veilam in Rebecca i dream catcher min pek ka room balcony chhuah dawn kawngka biang a ka dar a hmu chu bak ti hmel fe in min rawn melh kar.

"Hetiang thil hi i lawm ve vaklo emaw ka tia" a nui suk a. A sam sei angreng tak chu thli in a chuem heuh heuh a, a perfume rimtui zet pawh ka hre thei. Ngaihno bei tak a ni.


"Ka tar ve mai mai a nih kha" vei lem lo zet in ka coffee no chu dawm in ka lem khalh.

"Chaw mumal in i ei miah lo a ni maw. Ka lo siam dawn che a mi" nui sang in ka awmna lamah a raw phei a. Ka pizza dawhkan a mi chu slize khat chu ban in a kaih hmaih a. Tui tih hmel zet in a kut tang te pawh a fawp fai palh palh.

"A ngailo. Ka ril a tam lo"

"Engtin nge Rebecca i nen khan in in hriat zawk a. In in ngaizawng em ni" ka khum ah bawp khawkherh at in a thu a. A kawr nghawng awm zau zet atangin a hnute phir thawih pawh ka hmuh hmaih lo.

Hetiang a hmeichhe kawr awm zau lutuk leh in ha bul lutuk thin te hi ka sawisel hran lo, chutih rualin ka ngaina em em bawk lo. Mipa tamzawk chuan a sexy an ti pawh a ni maithei, kei erawh ka ni ve tlat lo, a zahawm lo riau a ni.

"Engtin nge Rebecca i chu i hriat zawk a" ka chair hnung ka ngheng at.

"I chanchin hi hriat loh ka nei ngai a mi Remsang" a dar a sam rawn tla huai zauh pah in mi sawm mitmeng zet chuan min melh zui.

"In in ngaizawng a mi" min zawt nawn leh.

"Ngaizawng lo e. Ka thian a nih kha, eng ah nge chu chu i lo buaipui ve chiam a" ka mil ka khap salh a.

"Ka hre chak mai mai mawle. Ka hriat thin Remsanga kha a la pangai reng em tih ka hre duh a ni" min rawn pan hnai a, ka hma ah a ding ran a, ka chho en ha "chuan i la danglam lutuk lo in ka hria" ka bengbul ah a rawn kun pah in a ti zawi sap.


"Eng thil nge i sawi tum chu ni a. I bialpa in helai ah hian i lo kal tih a hre reng em"

"Tumaw Ruata maw. A ni te chu ka bialpa em em pawh a ni lo, ka mamawh min leisak tu mai alawm a nih, ka duh leh hmangaih chu nangmah chauh a ni" a kut no zet a ka awm rawn zen luh pah in ka nghawng ah a rawn fawp zui zauh a. Mak tak mai in Rebecca i ka mitthla ah a rawn lang nghal zawk.

"Duhtawk teh Amanda" tho chhuah pah in ka ti sup.

"Timaw. I duh ber a nih thin kha. Tun hma pawn, tunah pawh a ni reng...tiraw" nui sak in a mit a khap salh.

"Nilo e..." ka balcony lamah chuan ka phei san hmak.

"Ka hrethiam e. Kha nu vang khan a ni ngei a ni maw. Kan in ngaizawng lo ti mah ula ka hrethiam e, Remsang ka ta i ni thin a. Chutiang ni leh tur chuan ka siam leh ang che, hmeichhia awlsam tak a beidawng mai chi ka ni lo a nia"

Hawi pawh ka hawi let tawh lo, kawngka in khar thawm chiah ka hria.


"Hey kha kha Amanda i tiraw" mipa haw ka hriat rualin ka hawi phei vat. Brandon-a a lo ni.

"Nang maw. Eng nge i rawn tih dawn a" ka phei zui nghal zat.

Brandon hi ka thian tha ber ti ila ka sawi sual lo ang. Mahse a zirna avangin ram hran ah a awm a, ka hmu khat lutuk ringawt. Amanda i nen kan chungchang pawh engkim a hre vek, ka thuruk chu a hre kim ber ang tih ang a ni.

"Enteh Rebecca i kha min rim pui teh. Ka duh riau a nia in la in thenawm zui" a rawn ti sap mai chu ka sa nghal pap mai. Ka balcony railing nghet zet in ka hmer vawng vawng thei.

Rebecca i hi ka duh takzet. Ka thian tha ber in a ngaina bawk, nilo..khatiang thil kha chu a thleng thei tawh lo ang. Kan pahnih hian kan tleirawl chhuah khan hmeichhe duh deuh mai kan nei a, kan in tihbuai phah chu sawi loh, kan insual nasat phah bawk. A ni in min ken a tum lo a, kei lah tleirawl thaza rual ka ni a kian bik tu nih ka tum bik thak lo. Thla khat dawn lai chu kan in be lo nghe nghe. Chuta tang chuan thuthlukna kan siam dun ta a, hmeichhe inang duh leh miah tawh lo turin kan intiam a ni.

"Rebecca i a"

"Hey hei hi an in tiraw" balcony a rawn phei pah in Rebecca i te in a kawk zauh "khai hei hi a room a mi. A awm em ka en chhin" a dak dawk dawk.

Mai mai a, hepa hian eng nge a sawi a . Eng thil chiah hi nge tih a tum, tunah hian Rebecca i enthlak a tum em ni "khawmaw khatin kun nghek nghek suh i tla a nge" a kun lai chu ka dang vat. A tlak ka hlauh ai mah in Rebecca i chu a hmu ang tih ka hlauh na a sang zawk.

"Eng nge maw i kun nghek nghek le" a t.shirt hnungah tham in ka theh lut nawk a. A per awt mai.

"Wow i va chak rauh ve" a la nui vur vur zui .

"Rebecca i nen hian engtin nge in in hriat a"

"Hotel ah mawle"

Hotel a tia mi. Eng hotel ah nge, kan in ngaizawng han ti na se chuan ka kut hum ruh lai hi a hma zawnah eng khaw sawi set set lo in ka vai nghal thuai a ni mai.

"Hotel ah a"

"Aw hmeichhe pakhat authawm ka hotel room atangin ka hria a. Ka va en chu Rebecca i hi a lo nia, pawngsual an lo tum a"

"Maw. Tuin? Mipa chu i hre ngai em? Khawi mi? A hming i hria em? " ka hriat mang loh laiin a bulah ka va theng phei hman daih zu nia. Tiang em em hian ka che rang tih ka inhre miah hleinem.


Chupa chu tunge a nih hria i la chuan he khawvel a a lo piang ve hi a inchhir ngawih ngawih ang. Ka din na bul a balcony railing chu ka thinrim in ka hmer tlawk tlawk ringawt. Tupawh chu nise ka zawngchhuak dawn khawp alawm. Ka Rebecca i hi tuman an kut hmawr pawn an khawih ka remti dawn lo reng reng.

"Tunge a nih ka hre biklo. Ka haw pui zui nghal daih a" a zial a phawrh a, a tan a, a pan khu deuh laih laih.

"Rebecca i hi ka duh chi tak a ni riau. Min tihpui teh aw" a sawi zawh rualin ka phu zawk thei nia.

"A hriat pawh i hre chiang a mi" ka kalsawn deuh hmak.

"Hrechiang lo mah ila ka duh tih ka chiang. Ka vawikhat hmuh na atang khan a hre nghal alawm. Khanu nen khan an inang tiraw. Tunge khah"

"Sawmtei" ka lo ti sap.

Sawmtei chu a hma a kan in tihbuai na nu kha a ni. Tunah Rebecca i a ni leh lawi bawk si, engvang a duh inang zel nge maw kan nih le midang tamtak zing ah hian kan duh a inang thei phian mai bawk si. Ka thian leh ka duh inkar ah duh ka thlan a ngai ang tih ka hlauthawng a ni.

"Khanu kha chu a dangdai thlawt a ni"

"Rebecca i ang chiah in" ka lo ti sap.

"Ni chiah" a zial a fawp zauh.

"Nizan ah ka bia a. Mahse pangai in engmah min la hrilh duh chuang lo"

"Engtin maw i sawi. Engtin nge a number i neih a" ka thin a phu dawt thei zu nia.


"Ka thiannu in a lo nei a. Min pe alawm. Ka duh thu ka hrilh a, mahse tunah rih chuan tumah ngaihsak a duh loh thu a sawi a. Miin a rilru an tihnat sak tawh a, khatiang kha tawrh leh a hlau niin a insawi"

Ka thaw huai hian ka hria. Kan ni chu tise ka hnek nghal chawrh ang, mi tumah a ngaihsak duh lo a maw. Tumah tih zingah pawh in ring lut let ve ila a sual tam vak ka ringlo. Ruata vang mai mai a chutia a awm chu ka thinrim ve det alawm le.

"Chuvang chuan a nia min tihpui rawh ka tih. Nangmah Amanda-i i neih kha" a nui suk.

Hrep tak a. Amanda i chhuak lai kha a lo hmu a ni ngei ang, kan in ngaizawng emaw ati leh ngei dawn tih ka chiang.

"Tiraw zuk leng ang" a ding ngil thut.

"An mu tawh ang"

A sana a en zuk a " awihawm loh dar 7:00pm bak a la rik loh hi"

"An mu hma thei lutuk" awihlobh hmel zet in min rawn melh.

"Hey eng nge in tih a" Rebecca i aw ka hriat rualin an in lam ka hawi nghal zawk.

"Rebecca i la mu lo maw" Brandon an min rawn en pah in a sup.

"Mut a. Kan meng rei thei lutuk" mai mai a. Ka zahzel ah ka lu ka hiat ringawt.

"Kan lo leng aw" Brandon an a ti a.

"Lo leng ru" Rebecca i a nui sak a. A room ah a lut zui nghal a.

"I lo kal ve dawn em" a banah a rawn beng thak a.

"Ka peih lo" ka ti zui sup a. A chhuak ve nghal hmiah.

Rebecca i leh Brandon a, khawnge ka lo awm ve tak ang. An inah leng in an awmdun vel dawn a nia, mai mai chuan a. An duh ang ang in ka awm tir thei lo. Ka in ngaihtuah chhuak thut a, Rebecca i te in pan in ka tlan chhuak ve nghal a.

****

Kawngka kik mai ka tum a ka tim tlat pek chu le. Eng in nge min mawlh pawh ka hrelo, ka kut veilam a kawng dawm in lehlam in ka lu ka tuai chhen ringawt.

Thawk la hak in kawngka ka kik karh karh a.

"Lo lut rawh" ti a min lo chhang rualin ka lut zui nghal zat a. Rebecca i pe. A ni leh a U Muani te an lo awm a, Rebecca i leh Brandon-a erawh ka hmu ve lo.

"Remsang nang maw lo thu rawh" Muani'n a lo ti a.

"Ugh..aw Rebecca i hi khawnge a" in thlahrung angreng tak in kawngka bulah ka ring ringawt.

"Remsang..i ni em. Lo phei rawh" Rebecca i aw in a rawn tih na lam ah chuan ka phei a. Living room hrang ah an lo inkawm chu ni in. Brandon a lah chuan min lo la nuih sang lehnghal a.

Enti zia nge zanin chu ka lai deuh tut mai hian ka hre zo tawh.

"Lo thu rawh Remsang" Rebecca in a tih rualin Brandon a sir ah a thu zui thak. Hrep chuan a, ka bulah hian rawn thu sawk tur a ni lo ami. Engvangin nge tahsawn a thut a, Brandon a hi chu awmlo se ka kai phei hrawk ang chu mawle.

"A nih leh Hmarcha in in eisiak lai chuan tuman an hre lo a mi" nui hawk hawk in Rebecca i chuan lukham a pawm a Brandon a en sang. An lo ti ti tui phian ni awm a ni.

An in hi chiangkuang in ka la lut miah lo. Rebecca i room ah chuan lut zing viau mah i la, ka la lut miah lo. Pawnlam a en ai in a nalh phian a chhung an chei na vel pawh a nalh in a felfai thlap. Nula pahnih an awm bawk a a awmlo hranpa chuang lo.

"Teuh lo mai. Chumi idea thawh tu chu Remsanga hi mawle. Pakhatna ka nih phah alawm" za zet in Rebecca i a nui hawk hawk.

A hmelthat zia chu sawi hian a siak lo. A vun no leh bawnghnute tharlam ang mai a paw phet leh, a sam lah rangkachak luan ang mai a rangkachak rawng a thle sen uk theuh siau leh Pathian in a duh tak a a siam a khabe phir ralh te chu en ning a har ngang mai.

"Remsang chutiang tihna chang chu engtin nge i hriat zawk a" a awmah kut nghat in a nui hawk hawk. Min lo ko chiah chu ka harh deuh zawk hian ka hria.

"Khatia kan tih loh ten kan ngam silo alawm" ka lo chhang a.

High school kan kal lai khan Bandon a hian kan school a misual ber mai a lo tibuai a, a chhan pawh a bialnu pawnfen a lo hlim sak khanglang vang a ni. A harh a harh ngang a ni bawk si, a ni vang hian sawisak pawh ka tuar ngun. Insual ah kan cho der silo, a len chu thuhran pawl te a ngah ropui mai bawk si, chupa lah chu in sawi thei ngang mai hi a ni lehnghal.

Nikhat chu thil ka ngaihtuah chhuak thut alawm mawle. Hmarcha in ei siak ah ka cho tir a, Brandon a ei tur zawk chu tomato sause in kan thlak a. Chupa zawk chuan hmarcha ei in a thak ti lutuk mittui tla pur in a tlan chhuak ta a nih kha.

"In in kawm na a rei tawh awm" Rebecca in min rawn melh zauh a.

"Rei tawh kan tetlai atang tawh in" ka lo chhang a.

"Rebecca i zungbun chu a van nalh ve" a kut ah vuan in a en kual sak chiah mai chu. Ka thinrim hi ka sap pup pup thei hial in ka hria. Rebecca i kut a khawih vel a nia ka awih thei lo zawk.

"Tlereuh i ngaina a mi" Brandon-a chu nui sangin a melh a.

"Aw ngaina ti i la a ni mai. Hei thi pawh ka awrh hi" tih pah in a goal thi awrh chu a kawk vah a.

"Nia mipa thi awrh hi keipawn nalh ka ti. Ehe i chal chu kha in bandaid bel a phelh a nih kha" tih pah in a chal chu kawih sak a. Mahse a nem bet thei chuang lo. A chal khawih lai te chuan ka in seh ruk a ka kut in couch ka mer ngawng ngawng thei.

"Lo awm lawk rawh aw. A dang ka nei alawm ka bel sak dawn che nia" a tho tharh a. Min nuih sak a, a room lamah a lut zui nghal zat.

"Eng thil nge i tih a" thinrim insum fe in Brandon-a ka va melh a. A awmzia a hrelo nge a ti lui pawh ka hre hrep lo e a.

"Engmaw. Ka chal maw, ka inbual zawh khan ka thlak theihnghilh daih a" a chal chu a tawk zauh a.

"Haw rawh..." kan ti hau ringawt a.

"Engvang chuan maw" zawhna nei hmel tih hriat fu in min rawn melh.

"Zingah nizan ka mu tha lo i ti leh ang" chhuanlam mai mai a ni. Rebecca i bul a a awm hi ka hmuh duh loh vang a ni.

"Ka bem tlu dawn lo en rawh" a rawn nui suk.

"Mai mai che chuan le" ka hriat tham lek in ka phun sap a.

"Ka rei em. Ka dahna a lo ril lutuk a. Khawi ka lo en ang" Brandon a bulah thu hnai in a chal a bandaid chu a bel sak melh melh a. Duat fe in a la chhem heuh heuh lehnghal a.

"Ka lawm e. A ngai lo mawle" Brandon a chuan a ti sup a.

"Keimah vang a in ti pem alawm i nih" Rebecca in a chang a. Uluk fe in an chezia chu ka lo chang kar.

"Engtik ah emaw leng ho ang u hming Rebecca, Remsanga te ho nen hian"Brandon an min rawn melh pah in a ti a, ka hming chu lam tel lo na se chuan ka chhip thlak ang.

"Nia. Nuam ngawt ang weekend ah aw. Remsanga pawn a bialnu rawn hruai ve sela tiraw. Ni em..Remsanga" Rebecca in a rawn ti chiah chu ka phu zawk thei nia.

Ngaihzawng a. Eng ngaihzawng mah ka nei hrep lo e a tu chu nge maw ka ngaihzawng ah a ngaih phiansen chu a. Nangmah kha alawm ka duh che tih nghal hawk mai chu ka chak, mahse chutiang sawi na hun leh hmun ah ka awm lo.

"Ni chiah e. A nuam ngawt ang, Amanda i te pawh kan sawm a nga" Brandon an a lo ti sup a. Ka lo signal zauh a, a hrethiam ni ngei tur a ni. A ngawi chhunzawm hmak.

"I duh deuh chu amah kha a ni maw. Tiraw, zanin pawh khan i room ah khan ka hmu alawm" hrep tak a. Zanin a Amanda i rawn kal kha a lo hmu a ni maw. A ni berkher hi chuan min ngai sual turin ka duh lo mawle.

"Ni chiah lo e..aaa englo a nia" ka thaw chhuak hak a "sawi thiam mai a har" ka ti zui ringawt. Han in sawifiah vel hi ka thiam ve thlawt lo.

"In ni lo a mi" ka mita en kar chungin Rebecca in min zawt sap.

"Ni chiah lo. Thawnthu sei deuh mawle" ka ti liam ringawt.

"Ughh...I thingpui ka in chak va lum teh" Brandon an a ti chu ka thaw huai in ka hria. Hepa kan tlangnel dan em em hi chu aw, a ri puat puat lehnghal a,zanin chauh a la leng a thinpui lum turin a tir nghal zaih zaih a nia.

"Eng nge in duh ang" ding chungin Rebecca in a ti a.

"Keichu a hang ka in chak" Brandon an a ti a "a thlum ka duh kei chu" ka lo ti zui zauh

A kal liam ta maw tih ah"Eng nge khatiang i rawn sawi chhuah a" Brandon a ka melh nghal zuk.

"Amanda i nen in ni leh tawh emaw ka tia lawm le. Bakah zanin khan i room ah ka hmu bawk sia lawm"

"Aw mai mai che chuan a. Ni leh i la chuan ka hrilh loh che i ring a mi i chawk khawlo vek dawn alawm mawle. Tawng puat puat thin suh"

"Keimah ka in sawi lut dawn alawm mawle" a ban a la phar ha zui.

"I in sawi luh dawn vang a min tih hmingchhiat kher a ngai a mi" couch hnung zawi zet in ka ngheng hnawk.

"Hriatsual vang a nih kha" a ti zui hmak.

Rei vaklo hnu ah Rebecca i thinpui tray a chawi in a rawn phei a. Zahzel ah ka sir a tui bottle chu ka in ka lem khalh.

Ka bul a side table ah thingpui no a rawn hung a. Kan ti ti zui a, thinpui chu a dai deuh tawng ang tih ah ka lem khalh a. Thingpui hi ka ngaina lem lo, mahse Rebecca i lum a nih vang nge ni zing tin in ka chak tlat pek zu nia.

"Khai aw. I van lum tui em em" Brandona'n a thingpui a in zauh a.

"Maw khawmaw ka lo in ve chhin ka ta hi chu a thlum a nia" tih rualin Brandon a thingpui no a vuan zui a "a van ho tak kha in rawh" tih pah in Brandon a chuan a pe zui a. Rebecca in tui ti hmel zet in a lem khalh.

"Tui nih hi. Ka van lum thiam" a in fak fiam zauh a thingpui no chu Brandon-a a pe zui leh nghal mai. Brandon a thinpui in leh chiah tur chu ka chil ka lo lem khalh.

"Ngawi lawk" ka au chhuak deuh thawt ni tur a ni. Min lo en dun ha mai.

"Khawi kha kha ka in ve chak" tih pah in ka thingpui no dawm lai chu Brandon a ka pe a, a no ken lai ka chhuh sak zui nghal hmak. Rebecca i in na hnu a a in tur kha ka duh lo, an in kiss ah min ngaih tur dawn tlat.

Thinpui hang hi ka ngaina hlawl lo, a tui na ka pawh pha lo. Mahse ka in tir thei tawh lo a ni tawp, mak tih hmel fe in Brandon-a leh Rebecca-i an in en ringawt. Tui tih hmel fe in thingpui hang chu ka in zui hmak a. A tui lo lutuk chu ka kâ te hi a da luap mai. In ah chuan nise ka chhak zui nghal hmak a nga, ka kam ka thuah nghal ang tih ang vel a ni. No khat lek pawh chu tur in ang vel ah ka in ngai thei dawn alawm mawle.

***

Kan haw tur chu an in gate thleng min rawn thlah a. Brandon a chu a bike ti nung in a tlan zui nghal nal nal. Kei erawh ka la ding reng.

"A nih nangpawh muttui aw Remsang" inchhung a luh a tum lai in a kutah chuan ka man sak a. A rawn hawi let reng ngei mai.

"Tinge i chungah thil tha lo a thleng tih min hrilh miah loh a" a mit a en kar chuan ka zawt a. Midang daih ang a min ngaih hi ka duh lo, amah a engkim a chhia leh thaber thleng in hriat vek ka duh a ni.

"Keimah vangin i buai ka duh lo. Bakah chutiang engtin nge ka sawi ngawt a nga" ka mit a en kar chuan min chhang a.

Thla eng lo mahse an in varanda light in a vun no nalh tak mai chu a nihna tur ang takin a en chhuak thei tho.

"I thian ka ni lo a mi"

"I nia lawm. Mahse tihbuai che ka duh lo alawm. Bakah min ngaihtuah ka ngai lo, i bialnu kha ngaihsak zawk rawh" a hawi sawn deuh hmak.

Hrep tak a, a ngaih kawih hi ka duhlo asin mawle.

"Ka bialnu a ni lo" ka ti chuai raih.

"Ni maw. A nih tinge i room ah ka hmuh si che u. Remsang dawt min hrilh miah suh"

"A nilo tak tak. Brandon a zawt mai rawh. In inbe fo a ni lawm ni, ka sawi peih lo i duh leh zawt mai rawh"

"Engpawh chu nise ka buaina tur a awm hleinem mawle. Tiraw, nangpawh i buaina tur a awm hleinem tiraw" zanin chu a mizia a dang riau chu le.

"Nilo ka ngaihsak che a ngai a lawm"

"Engvangin maw"

"A ngai"

"Engvang chuan ka tia lawm"

"A chhan chu kei hian ka.... ka thian i nih vang a ni...chuan ih englo a nia...ih..Muttui" an gate atangin hawi pawh hawi let lo in kan in lam ka pan ding nghal nal nal.

Hrep tak a, engvangin nge sawi chhuah chu ka harsat viau a. Tumah ka pawm thei lo tih Brandon a hnen a a sawi min hrilh kha ka bengah a rawn ri nawn tlut tlut bawk alawm mawle.

Eng nge zanin khan a sawi bawk khah. Ka phone ka phawrh lawk a Rebecca i hming ka hmet chhuak zui nghal a.

"Hello"

"Thi chu eng ang maw nalh i tih a"

"Eng thi maw"

"Zanin a Brandon a bul a i sawi kha"

"Ngatan nge i tih a"

"Sawi mai teh"

"Lian leh fual lutuk lo. Tinge"

"Engmah"

Ka phone contact atangin Kimkimi number ka hmet chhuak a. A ni pawh hi ka naupan lai atanga ka lo kawm thin a ni a, tlereuh dawr an nei bawk. Ka call zui a.

Rei a in ring lo.

"Remsang dam maw min lo call ve teh mial a" kimkimi'n rawn ti sap.

"In dawrah khan duh ka nei a"

"Maw...teh mial a eng nge ni a. Hmanni lawkah kan la thar alawm, eng nge i duh a"

"Gold thi. Lian lutuk lo, fual lutuk silo in nei em"

"Aw nei ang. Ngatan i bialnu tan maw"

"Aih. Ka awrh tur"

"Eng a. Tlereuh i ngaina lo a ni lawm ni" a rawn nui hak hak.

"A ngai tlat. Naktuk ah ka lo kal ang" ka phone ka dah zui nghal pat.

Tun darkar reilo te chhung khan thil atthlak tamtak ka ti hman tih ka hai lo. Mak tak erawh ka inring hman ngai lo ka diklo nge ka chiang vaklo pawh ka hre tawh biklo. Tun lawk pawh khan thi lei ka tum a nia. Mahse a chang hi chuan maksak tak a awm te hi min ti pangai tu a ni leh tlat thin. Keipawh Rebecca i duhzawng a nih vang a ti mai ka ni tih ka inhria.

Hmeichhe pakhat vang a hetiang em em a han buai chuh. "Hmeichhia te hian mipa an controll tak tak thei tih ka nu sawi kha a lo dik dawn a nih hi" ka hriat tham lek a zawi in ka ti sup a. Kan in gate hawng in ka lut zui nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:12 pm

Chapter-9

'Chu chu eng rim nge ni ngai' ka hnar ka len kual that that a. Kan inchhung ah kang a awm em ni, choka lamah ka phei a. Gas zawng zawng a lo in off vek a chhuan ka nei lo.

Ka room ah ka phei a, current pluck zawng zawng ka check fai vek a engmah hmuh ka nei lo. U Muani room ah ka phei leh a, ka hmu chuang lo. Kapa leh Ka ni room ah pawh ka hmu chuang lo.

Thil kang rim tih erawh hai rual a ni lo. Sarang rawh leh plastic kang rim ni thei in ka hre bik silo. TV remote hum ran chungin ka hnar ka let leh that that a, chaw chhuan kang rim ni ta ber in ka hria.

'Thenawm te chawchhum kang a ni ngei ang' ti rilru in khawlai ah ka chhuak phei a, ka hnar ka len zui that that a.

Rei a rial lo, Remsanga te in atanga meikhu rawn chhuak ka hmu zui nghal zat. Karei! Ka duh thei lo. An in a kang lo ang tih ka sawi thei lo, Ka khu lah chu vanlam ah a zam khu chuk chuk mai bawk si. Inah an awmlo zawk hian nge ni.

Hmanhnawh zet in ka thlan phei a. Gate ka hawng a kawngka ka kai hawng nghal thuai a. Vanneih thlak tak in a in kalh lo hlauh, awm an awm ngei chuan a lang mahse tumah chu ka hmu chuang lo.

Hmanhmawh zet in an choka lamah ka phei a, gas a cooker lo inchhuang chu ka hmu zui nghal zat, a bulah lah a khu a zam chhuk lehnghal a. Ka off nghal thuai, tlem a tlem ah in a kang lo chauh a nih.

Tu chiah nge inah chuan awm, hetiang em em a han nikhua loh chu a, khawngka leh tukverh vel chu boruak rimchhe zuali a chhuah theib nan ka hawng nghal thuai thuai. A rimchhe lutuk a ka khuh bawrh bawrh alawm.

Choka dawhkan a phone ka hmuh rual in Remsanga tih nei a nih ka ring nghet nghal bur. Hepa han at dan em em hi, chaw chhuang in khawiah chuan kal ni maw.


Room pakhat a zai deuh rut rut thawm ka hriat rual chuan ka pan zui nghal zat. Remsanga lo tumah a ni dawn lo hrim hrim, tahsawn a zai mai mai a hetah an in a ti kang tep a nia.

Room ah tur zet in ka pen phei a. Amah ber pawh chu hmuh tur a awm chuang lo. Bathroom lamah thil a ri deuh sar sar, a awm a ni ngei ang.

"Zoremsang" vin zet in a bathroom kawngka bulah ka ding tar.

"Umm...tunge"

"Rebecca i lo chhuak teh" vin zet in ka ti zui nghal zat.

"Tunah kher maw"

"Aw tunah kher. Eng nge i tih rawn chhuak vat rawh" vin zet in ka ti zui leh hlar.

A room balcony a ka dream catcher a lo khai ve mai chu mak ka ti ve angreng. Ka pan phei a, thli in a chhem zawngin a phe hlarh hlarh mai.


Balcony lamah ka chhuak phei a. Ka duh thei lo! Tiang em hian ka room a lo lang chiang thei tih ka hre miah lo, ka khum pawh a lang vek alawm mawle. Ka parda ka tawm tawh miah lo ang, Lalpa leh ka inthlak lai te kha min lo en vek thei thin tihna em ni. Ka ang huau in ka awm ka hup a ka meng nghal kawk ringawt.

A ni pawh chu eng nge maw chu chen chen a tih chei chu le. Mawl leh lutuk mai.

"Zoremsang" ka au nawn leh a. Min chhang lo.

"Eng em em nge maw i tih le" a bathroom lamah ka phei a. A bathroom kawngka hawng rualin bathtub tui per deuh chhawk ka hmu zui nghal zat. Rem fahran lo in Remsanga a lo la thu kan lehnghal a. Kawr pawh a ha lo.

An in a ti kang tep a bathtub ah a lo in chiah mai mai a maw.

A private bathroom pawh chu a lian in a zau nuam phain.

"Eng nge khatah i tih. Lo chhuak vat ta che mawle" rum zet a melh pah in ka ti a.

"Ka rawn chhuak ang maw"

"Aw"

"Mahse thawmhnaw engmah ka ha hleinem" a ti sup.

"Maw" a mi chhan danah ka hamhaih vek.

"Ka rawn chhuak dawn tho em" a nui suk a.

'Kawr ha lo a tih awmzia chu' ruakin a awm maw. Lalpa leh. "Aih...aih...ih...pawnah ka lo nghak ang che" hmanhmawh zet in bathroom kawngka ka khar nghal chawrh.

Eng thil nge ka tih pawh ka hre tawh lo e a. Ka ngaihtuah chian pauh leh ka zak, awm ngaihna pawh ka hre dawn hleinem mawle. Ka awm hmun ah ka vei sek ringawt.


"Eng nge ni a" bathroom kawngka a rawn hawng rualin ka mit ka lo hup nghal zat. A mipatna zawng zawng nen a hmuh te chu ka duh bik hleinem mawle.

"Ih.. a him em"

A nui hak thawm ka hre thei "aw him e"

Zawimuang in ka mit hupna kut ka la a, towel var a veng ka hmu chiah chu ka thaw huai mai. A sam chu a huh hlap a, shower gel rim leh sahbawn rim inbawlh a nam chak a, a in hruk hul tawh hnu ah pawh a awm velah chuan tui huh tlem a la awm thet thet tho. A six pack pawh a lang kalh mai, tui chuan luanna berah a nei emaw tih turin a khuar deuh lai chu a la huh chap. A sam a tuai puat a.

"Eng nge zing zingah i rawn tih dawn" a drawer a hawng a. A inthlak ni ngei tur a ni, ka hnung chhawn tlat thung.

"Eng nge kawr ha lo ten i inbual a"

"Kan in a nih hi. Ka room a ni bawk, kawr halo a inbual te chu ka tan thil pangai lo zawk zawk a ni hleinem mawle"

"Chupawh nise mi te pawh an lo kal thut ve thei tho alawm" ka la chhang hram. Diktak chuan ka zahzel hauh vel mai mai a ni.


"Tun a i lo kal ang khan maw. Ka inbual lai kher a i lo kal hian chhan a nei lo maw, min enthlak i tum a mi"

"Nang hi" ka hawi let chu, ka hnung lawkah a lo ding a, min lo chhuk en ran. T.shirt dum ban bul leh kekawr bul a ha a, a sam erawh a la hul lo.

"Engvang chuan maw i lo kal a...hmm eng nge chumi rim chu" a mitko a san zauh a. A hnar a len that that.

"I thil chhuan"

"Ni dawn tak" tih leh tlanchhuah a rual nghal a. A hnung ah hmanhmawh lo fe in ka zui phei a, choka ah lu dawm vung vung in a lo ding a.

"Nangma off a mi" min rawn melh a.

"Niang chu. Hei vang hian alawm ka lo phei" a cooker kang dum huam chu ka kawk a.

"I van fel. Lo kal lo la chuan kan in a kang dawn a nih hi" a rawn kal phei a. A ban a rawn phar a ha a , ka kut in ka lo dang zauh.

"Chu chu alawm ka sawi. Inah khan lo awm lo ta ila engtin nge i tih ang. Eng rilru pu a chaw chhuan inbual san reng reng nge maw i nih le, tlem a tlemah in in a kang tep a nih kha. Fimkhur lo leh lutuk mai, nang lah chu bathtub ah i lo la in chiah veng veng lehnghal a" a mit a en kar in ka hau khar khar. A te zawk mah ni ila, ka thusawi a dik a ti a ni chek ang chu. Min hnial lo ve tlat.

"Ka in chiah pawh a ni chiah lo. I lo lut thut sia, thawmhnaw ka ha silo a ka zuang lut ringawt a nih kha" a lu a hiat nauh nauh. A thak lo tih erawh ka chiang khawp.

"Bathroom kawngka te kalh ve ta che"

"Ka kalh alawm. A lo chhia a nih kha" thutthleng a pawt a, a thu zui thak.

"A kang rim te kha i hre ve miah lo a mi"

"Aih...sahbawn leh shower gel vel kha ka in chulh nghek a. Bakah kan bathroom a phui angreng si a. Engpawh chu nise a la ei tlak tho ang chu a"

Thutthleng pawt dawk in ka thu ve nghal a. A cooker stand a mi chu dawhkan ah la kang in a hawng chhin chiah mai chu. Mak ti fe in kan in melh ringawt.


A chhum dan chu ka pian tirh a ta ka la hmu ngai lo hrim hrim. A sir zawng a kang ut vek a, a chung lâng zawng a hmin lo a, a lai zawng a nem leh bawk si. Engti chhum chiah in nge a chhum ang le tih ka ngaihtuah a ni.

A cooker atangin khawrh ruah a tum a, a cooker nen a in char bet vek, a kar na lamah an buhtlei a kar kawi vek lehnghal.

"A lakhran theih miah loh" min rawn melh a. Kei erawh in hmuhnawm thlir takin a chezia ka lo thlir.

"Entin nge ka tih ang" min rawn melh zuk.

"Enteh Hotel siam lo hian leirawhchan siamna hmun nei la i ti fuh zawk ngawt in ka ring. I chemkal na tur i hai in ka hria"

"Naa..khatia min ti lo khan min pui la" titau deuh takin a cooker buaipui lai a thlah tharh lehnghal.

"Tih ngaihna ka hre biklo. Ka piantir a ta chaw chhum maksak ber a la ni ang, tui ah khan chiah phawt mai ang" tho in a cooker chu thlensil na ah ka la phei a. A khat in tui ka leih sak zui a.

"Tinge rawngbawl hi a har em em a" dawhkan bawh in a thu ran.

"A har lo e a. A hrim hrim in tinge i inbual san reng reng a" ka thutna lamah ka phei leh a.

"Ka nu pawh rei tak tak a ur thin sia ka tia lawm"

"Chaw te chu herh hniam in alawm kan ur thin"

"Ni dawn tak" a ti sup.

"Engpawh chu nise rawngbawl tur min lo ngaihtuah sak rawh ka tih kha. Ka nu te an zin daih bawk si" rawngbawl tu tur zawng tur a min tih lai kha chuan a duh angin a siam tui vaklo ah ka ngaih liam sak mai thin. Mahse a thiam loh chu thuhran, a mik a mak engmah a hrelo tih hi ka lo hrelo a ni.

"Ka bawl sak dawn che nia"

"Tak tak maw. I thiam a mi" phur surh hian a rawn ti.

"Thiam e. In i tih kan ka duh loh chuan ka tih a ngai alawm. A hatsa hleinem, kan in a inhnaih bawk a, duhleh kan in a mi te pawh i suak phei thei tho alawm"


Rawngbawl hi chu thiam lutuk ka ni lo. Mahse thiam lo zawk zawk ka ni biklo, bakah a chang chuan nuam ka ti riau thin. U Muani a awm regular em vang hian ka bawl lo mai thin zawk a ni.

"Hlawh tha deuh ka siam dawn che nia"

"A ngailo. Min pui nasa tawh emai, ka pui ve che a ni mai" thi a awrh tih ka hmu zui ve nghal zat. Nichin mai kha chuan ka lo hmu mai lo a "i thi chu a nalh khawp mai"

A nui suk a "ka lawm e"

"Engpawh chu nise tukin chu kan inah rawn ei ve mai rawh" ka thutna atangin ka tho a.

"A tih chi loh. I chhungte pawh an awm ang chu"

"Ka ni leh Ka pa dawrah an kal tawh a. U Muani a thiante inah a ei dawn sia keimah chiah ka ni mai. An rualin ka ei peih ve lo a"

Tukthuan hi chu ka thlah zing ve thin khawp mai. Thukthuan ei lo a chhun thil ei tlang mai te hi ka ching a ka pa in min hauh zin na ber a ni. Mahse ka ei lo leh thin. Ka ni phei chuan chaw hi i mamawh ve vaklo a nih hi a ti tawp thin.

"Phei ang" dawhkan a ka remote ken luh ka dah chu ka la nghal nalh a.

"Eng nge kha kha" mak ti fe in a en.

"Remote a nih hi"

"Ka hria alawm. Engtin nge a awm daih theih a hetah. Lawk...i lo keng a mi, thenawm a remote nen a leng ka vawikhat hriat a" a nui suk.

"Nangmah vang a nih hi. Ka hmanhmawh em alawm le. Min lo zui mai rawh" ka chhuahsan nghal hmak a, kan in lam ka pan nghal nal nal.

****

Zoremsanga's Pov

Tlai lam a ni tawh a. Inah ka awm a TV ka en ran a kan choka ah Rebecca in rawng a bawl mawp mawp. A sam chu sang rangreng takah a bawk a, kekawr tluan mar angreng tak leh kawr thawl lampang a ha bawk.

Vawin chu office lamah kan buai map map khawp mai, min lo dawr tu pakhat in thil a ti bo a, kan hotel tih ah min puh tlat lehnghal a. Duh ang pawn ka haw hma thei lo, han chhui chian hnu in a hma daih a a lo tihbo tawh a ni tih kan la hrechhuak zui a.

"Nilo...nilo..karei leh" a au theuh taurh thawm ka hriat rualin ka phei zui nghal zat.

"Thil diklo a awm a mi" phawk fe in ka melh a.

"Ka bean kang ka ti ut vek alawm" ka en chian na chuan melhawl nen danglamna a awm lo chiang kher mai. Meihawl têl chulh hi a ang ber.

"Rawngbawl kha i thiam emaw ka tia" ka fiam zauh.

Chawei dawhkan a bawh ran a min rawn melh chho ha "thiam e"

"Eisiam ai chuan lei rawhchan siamna factory ah thawk zawk la. I hlawkpui daih zawk ka ring, i chemkal na i hai deuh a nih hi" ka nui suk a. Thutak fe in min lo melh ran, in thiam lo angreng takin ka aw ka thian kharh.

"Ughh fiamthu" ka nui lui suk. A za lo kher mai.

"Khatin min han ti leh teh chaw i ngei a ni mai" fian in min tin ran a.

"Ole boss....baby" mak tih hmel fe in min rawn melh.

"Zanin chuan khawiah maw i kal dawn a"

Brandon a nen an inbia kha ka hre ran. Ka thum vang reng a ngaithlak ka ni bawk,zanin ah inhmuh an tum tih ka hria. Hotel, pangpar nen in date diktak a ni, ka thianpa nen an ngheh tulh tulh laiin ka lak atangin a hla tulh tulh tih ka hai lo.

"Nang hi mi thusawi ngaihthlak ruk i ching hle a niang chu maw" a rawn hawi let ha a , ka hma ah a ding ran.

"Ka duh vang a ka ngaihthlak a ni hleinem ka ngaithla fuh mai mai a nih kha" ka lo indang vat.

"Tinge i thik a mi" aw thik tehreng mai ti a han chhang nghal hrawk mai chu ka chak, mahse, ka thei lo.

"Engah chuan nge maw ka thik ngawt ang che le. Kei te chuan..." "Amber i i nei alawm tiraw" ka sawi zawh hma hauh in a rawn ti chiah chu ka sawi tur zawng zawng ka theihnghilh fai vek. A mit a en ran in ka ding ringawt.

"Lo buai suk" chiang ve a min melh pahin a ti bawng nghat mai.

A lungawi zan lo a ka hriat tlat pek chu a. Mahse engvang nge tih erawh ka hre lo, a thinrim na chhan tur awm ang pawh ka hre chuang lo. Mahse, hmeichhia te hi chu hriatthiam an ngai hetiang hian an ti leh thin.

"Amber i chu i thik em ni a" thutna pawt tawlh in ka thu zui a.

"Hah...teuh lo mai a. Khatiang hnute te lutuk ka thik hrep lo e a" sehchilh nak in a ti bawng nghat.

"A nih Brandon a hi engtiang chiah in nge i duh a"

A rawn hawi phei a, a fian ken lai min rawn pe in a apron a phelh sawk sawk a. Dawhkan ah a dah khat "lo chhunzawm rawh. Ka chhuan lai khi minute 5 chhuang la i off dawn nia" a ti ngut a, a chhuak zui nghal nal nal. A thinrim tak tak ka ring miah lo.

Ka tho thurh a, kan in gate a pelh hma in ka va umpha hman hram a kutah ka vuan ran a, hungzawng in a ding chal.

"Ka tihpalh khatiang khan i lak thutak ka ring lo a"

"Eng ah nge i lo buai ve vak i engmah ka ni lo. Chuvangin ka awm awm hian min awm tir rawh nangpawh i awm awm in i awm ve tho kha" ka kut a beng thla zui nghal hnak.

"I nia lawm" a kal tum chu a ding chat.

Zawhna nei fe in a rawn hawi phei a "ka thian i nia lawm" engmah sawi lo in a mit a khap falh falh a. A kal ta tho.

Ka hmai ka tuai thuak a, ka sam ka tuai puat bawk. Hrep tak a, hetiang hian engvang chuan nge maw ka awm le. Thawk ka la halh a.

***

Ka hnathawh chu ka ngaihtuah thei thlawt lo. Brandon a leh Rebecca i bak ka ngaihtuah thei lo, sana ka en chhen mai bawk si. Zan dar 10:00pm a pel der tawh. A rawn la haw lo tih a room thim khap atangin ka hria. A awm hi chuan a on eng pap thin.

Ka phone phawrh in ka call a. Call a la thei lo, hrep tak a Brandon a chuan khawilai hmunah nge maw a hruai chu le. Eng thil nge an tih ang, kal tur a min sawm ve lai khan engvang a lo hnial khanglang nge ka nih pawh ka hre nek lo e a. Lo kal ni ila hetiang hian ka buai awm chei silo.

Ka phone a rawn in ring rualin ka pick zui nghal zat a. Brandon a lo ni.

"Remsang. Rebecca i" thaw hlawp hlawp a a tih rual chuan ka meng nghal kawk. Ka Rebecca i chungah thil thalo a thleng tihna em ni.

"Eng nge awmzia. Bran...sawi tha teh, eng thil chiah nge thleng. Khawnge Rebecca i"

"City hospital ah lo kal vat rawh" a sawi zawh rualin ka jacket tham chhuak nawk in ka chhuak zui nghal hnawk hnawk. Ka bike ka la chhuak a, city hospital lam ka pan ding nghal nal nal.

Ka piantir a ta hetiang em em hian ka la tlan chak ngai lo. Ka rilru in sual buai bawk nen, ka thin te chu a phu dup dup mai. City hospital hi kan in atangin a pangai chuan minute 20 tlan vel a ni. Minute 5 vel awrh ah ka thleng der.

Hospital lobby ka luh rualin Brandon a ka hmu a.

"Khawnge Rebecca i chu" a darah vuan in phawk fe leh thin phu dap dap in ka zawt.

"Min lo zui rawh" tih pah in a kal a. A hnungah ka hlan nghal hlawk hlawk. Room pakhat lian lo te ah min hruai lut a, damdawiin khum a puan var vek a khuh pil vek leh a ban tlemte rawn lawr chu ka hmu zui nghal pat.

Thin phu dep dep in ka pan phei a. Ka ban phar chhuak in a hmai zawn chu ka keu a. Rebecca i ka hmu chiah mai chu ka thinlung hi hmun tamtak a chhun ang mai a ni.

A hmai chu dim te in ka tuai a "Rebecca i tha em" ka sawi a. Min chhang thei lo.

"Eng thil nge thleng" Brandon a ka melh a.

"A tlu thut a" a kun lap.

"Bawihte. Rebecca...i tha em ka tawng hi chu i hre thei tiraw" a bul a thut pah in a kut ka la kang a ka fawp nghal vawng vawng "Ka hmangaih takzet che asin tinge tiang hian i awm tak mai. Ka hmangaih che asin" ka kun nghal tlawk tlawk.

"Keipawn ka hmangaih che alawm Remsang" thawp set a ka lu a a rawn tuai pah in a rawn ti sap chu ka melh nghal ha.

"I tha em.. i tha tiraw, i khai lai nge na. Tawng vak vak suh aw. Doctor" ka au nghal chiam chiam.

"Hahdam rawh Remsang" ka kut chu a vuan leh a.

"Engtin nge ka hahdam theih ang. I tha em i khawilai nge na" Brandon a rawn nui chhuak hawk hawk thawm ka hre chiah chu a awmzia ka hre lo kher mai. Rebecca i ka va melh leh a, a ni pawh thu chhuak in a lo nui sang.

"Eng...eng thil nge awmzia" hawi hai fe in ka melh tawn a.

"Rebecca i a tha. Keipawh, kan in thianthat na vangin i hmangaih ber chu hlan i tum a. Thian ka hriat tawh ah chuan i la â ber ang, thiantha ber i ni bawk" ka darah a rawn beng thak a.

"Fiamthu a nih kha" Rebecca i a rawn sang.

"I van hmanhmawh awm em em kekawrbul leh jacket i rawn ha chhuak a nia" min nuih hawk hawk.

"Eng nge maw in hriat le. Hetiang fiamthu thawh na chi a nia mi, Brandon fiamthu chintawk hi hre rawh aw. Nangpawh Rebecca, thihna leh natna hi infiamna a mi" thinrim zet in ka melh khalh.

"Bro. Hrethiam rawh. Puih che kan duh vang a nia"

"Bran...kan be lawk ang aw" Rebecca in a ti a, Brandon an min chhuahsan nghal thuai.

"Tihpalh aw i rilru tih hah kan tum lo a nia. Keipawn min hmangaih tih kha ka chiang ngam lo a, Brandon an i la hre mai ang a tia. Tihian kan ti ta a ni"

"Khatiang khan ti tawh ngai suh ang che"

"Awle..." a kut ka chelh a.

"Khatiang kha i ti leh a nih chuan ka thinrim viau ang" a mitah en in a sam hnunglam ah ka huai sak s.

"Thinrim tawh lo tihna tiraw" a thle bak a, a nui ver ver.

"Thinrim e. Hremna ka pe bawk dawn che mawle"

"Engtiang in maw"

"Hetiang hian" a hmui ah duhthawh zet in ka fawp nghal tawn tawn a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:13 pm

Chapter-10

"Morning thenawm nu" ka mitmen rualin Remsanga ka khumah bulah a lo thu ran. Phawk fe in ka melh nghal kawk.

"Eng nge hetah i tih a"

"I tho lai hmel hmu thurin mawle" a nui suk a. Ka khumah a rawn thu a, rang zet in ka hmai ka khuh nghal hmak. Ka tho phang lutuk hmel hi tumah hmuh tir ka duh reng reng hleinem mawle.

"Nilo min lo hnaih suh. Makeup engmah ka la in hnawih loh hi, engtin nge ka hmuh ngam ang che" rizai hnuai atangin ka chhang zut zut. A nui hak thawk ka hre thei.

"Make up i mamawh hleinem nag te chu i nihna ang ang khan i hmeltha lutuk, tuman an tluk lo che" a kut chu a rawn chelh a.

"Khatin min bawl tum suh"

"Khawi khatin in hliah tlat lo teh" ka hmai khuh tlat na rizai chu muangchang in a hawng a. Ka hmai bul setah a lo kun hniam a, ka chalah min fawp zauh.

"Tho rawh ka tlai ang. Minute 10 hnu ah in ah aw" a ti zuk a. Ka chhan hma hauh in balcony lamah a phei a, a chhuak zui nghal nal nal.

Sana ka en zauh a. Dar 7:00am a lo ri der tawh. Remsanga in ah rawng bawl ka ngai bawk nen ka thei thei takngial dawn alawm. Thawhphang pawh sawi thei ka ni tawh lo, ka hmai ka phih sawk sawk a. Ka sam ka tawn tawp a. Kawrfual nen Remsanga in lam ka pan ding zui nghal nal nal.


Doorbell ka hmet tleng a. A rawng hawng zui nghal zat inchhung ka luh rualin ka hnunglam atangin min rawn kuah chat a. Ka hmui ah a fawp zui nghal zauh.

"Tukin chu eng nge i ei duh a" ka dar zawnah ka hawi chho ha a.

"I kut a i siam te chu engpawh a tui vek alawm" a nui suk a. Min thlah a choka lam ka pan phei zui ve nghal zat.

"Ka lo pui ang che chu" ka bul a chair ah chuan chawei dawhkan bawh ran in a rawn thu chat a. Ngun fel in min melh ringawt.

"Tinge khatia min en reng a. TV te saw va en mai mai rawh" chaw sil mawlh mawlh pah in ka ti sap. En pawh ka en chuang lo.


"Ka chanel duh ber ka thlir alawm le hei" a nui suk a. Ka hawi let zauh.

"Chaw hi lo en la. I room ka tihfai ang che aw. A phit hunah i lo herh hniam dawn nia" tih pah in a thutna ka pel hman tawh.

"Tha deuh in aw. Nakin a i la awmna tur a nih kha"

Chhan pawh ka chhang chuang lo, a room ah ka phei a. A khum chu a thawsan ngai ngai in a lo la awm. A puan te chu la in ka thlep tha sawk sawk a. Puan ka thing zawng in eng emaw tla per deuh sawk ka hmu chu ka mit a la zak mai. A tlak na chhuat lam chu ka melh zauh a. Hmeichhe bengbeh a ti tih hai rual a ni lo.

Eng eng emaw ka rilru ah a rawn lut nghal chat. Nizan ah hmeichhe awmpui a nei em ni ang? Remsanga hian ka hriat miah lo in min lo bum reng em ni? Tunge chu nu chu ni ang, ka ring chhe lutuk zawk em ni tih pawh chu ka hre seng tawh lo.

"I zo tep tawh em" Remsanga aw ka hriat rualin chhuat a bengbeh chu ka chhar nghal thuai a. A hmuh hma in ka kawrfual hnuai a ka hakthuah ah ka thun zui nghal hmak.

"Ka zo a ni mai" khum ka pawt mar a. Rawng bawl turin ka phei zui nghal zat.

Ka rawng bawl chhung zawng pawh chuan engmah ka ngaihtuah thei lo. Ka rilru chu a kal ding leh ngut ngut thin, a chang leh Remsanga biak ka hre lo a. A chang leh ka thil chhuan a lo liam thul eng nge awmzia pawh ka hre tawh lo. Ka rilru zawng zawng in ka ngaihtuah ni ber in ka hria.


In a ka haw hnu leh ka insiam lai te pawh chuan ka ngaihtuah na a kal ding ngut ngut mai.

"Hey eng nge maw i ngaihtuah le" lawmkimi'n ka hnungah a rawn beng thut chu ka harh zawk in ka hria.

"Ughh aw ka tha" ka bengbeh ken lai chu ka ak tha leh hmak. Bengbeh khing tukin a ka chhan kha college thlengin ka la keng reng.

"Remsanga nen chuan in tha zel maw"

"Umm tha a ni mai" ti chauh in ka chhang.

"Hey Rebecca i thianpa in a lo zawng nghek che a nia aw" Kan class ami hmeichhe pakhat in a rawn ti chuan ka meng nghal kak. Remsanga bak a ni dawn lo tih ka hria.

"Tumaw"

"Pa sang lampang. Smart hmel deuh"

Remsanga a ni ngei ang. Ka tho tharh a. Class ka nei tawh chuang lo. "Khawnge min lo nghah" ka ti sup.

"Waiting set ah"

A sawi na lam pan in ka tlan nghal dawr dawr a. Mipa kamis ha hnungchhawng zawng a lo ding reng chu ka hmu zui nghal zat. Remsanga erawh a ni lo tih chiang takin ka hria. A pian leh a sam meh dan ringawt ah pawh a ni chu ka hai lo ang.

A rawn hawi phei chu min phawk ngei mai. U Ruata ngei a ni, eng nge helai ah hian a rawn tih dawn min rawn hmu turin maw eng chungchang ah nge ni ang.

"Nang maw" phawk fe in ka melh.

"Umm ka lo lam dawn che a nih hi" a ti sup.

" engvang chuan maw"

"Remsanga hotel ah ka kal dawn a. I rawn kal ve duh em ka ti mawle"

Hepa hian eng thil nge a hriat a. Remsanga chuan min rawn pan tur zawk a ni lo a mi. Engvangin nge ka pan ngawt a nga, pan na chhan tur ka nei lo. Mahse, engvang nge ka hrelo kal chu ka chak tlat pek.

"I rei dawn em" ka ti sap .

"Rei vak lo ang. File pek tur ka nei a chuan hmanni a ka thil tih vang khan ngaihdam dil che ka duh a" a rawn pen hnai a "Rebecca hmanni kha chu ka tihpalh a nih kha aw. I thian tha tak ka ni reng thei tho ang chu tiraw" a ti sup a.

"A ho lutuk"

"A nih chuan kal ang hmiang" a tih rualin a car awmna lam chu kan pan phei a. Vawin chu ka scooty ka keng lo hlauh. Khua a nuam lutuk a scooty ken ka peih ngang lo a ni. Bakah in lamah U Muani'n bazar nan hmang a duh vang pakhat a ni bawk.

A car awmna kan thleng a. A car chu a hawng mai dawn emaw ka tih laiin a seat hnung chu a hawng a. Rose par bawr hi a rawn keng chhuak a. Ka hma ah a rawn dah ha.

"Hei hi engtih na"

"Ngaihdam dil na"

"A ngai lo"

"Nilo. La rawh, i lak chuan ka ngaih a that phah zawk dawn alawm" a tih chuan hnial em em lo in ka lo pawm sak ve mai. Mi tupawh in ngaihdam min dil chuan ngaihdam hi a fin thlak tih hi ka ngaihdan a ni.

Rei kan tlan lo ang. Remsanga te hotel chu kan thleng zui nghal mai. Ka vawikhat kal na a ni a, ka zak angreng. Mahse tuman min lo hre lo turah ngai ang.


Thawk la hak in U Ruata chu ka zui chho ve nghal thuai a. A chhung leh lobby pawh chu a changkang angreng khawp mai.

"Tinge Remsanga hmu turin i kal a" elevator a kan luh rualin ka zawt a.

"Kan thawk dun ti ila a chiang ber ang. Kawng eng eng emaw ah kan hotel ve ve tih hmasawn nan project kan nei dun a"

"Umm nih chu" elevator a ri tleng a. A chhawng chung ber Remsanga office kan lo thleng der tawh. A kaw tawp berah a awm a corridor a awm deuh raih a. Elevator bulah hmeichhe pakhat dawhkan hnungah a lo thu a. Hmu duh ho thut hahdam na tur chu a lo awm diam.

"Hei hi lo keng lawk rawh aw. Rest room ah ka va lut lawk ang" tih pah in U Ruata chuan a file ken lai min pe a. Thut chawlh na ah couch ah chuan midang rawn chhuah hun leh U Ruata rawn chhuah hun ka nghak ran.

Rei ka thu hman lo. "Ma'am a luh theih aw" hmeichhe pakhat in a rawn tih chuan ka ding a luh ka tum ringawt pek. Mahse hmeichhe pakhat office atanga rawn chhuak ka hmuh rual chuan ka meng nghal kawk. Amanda i a ni, eng thil nge hetah a tih zawk.

"Rebecca nang hetah maw" min hmuh rualin a ti sap a. A nui sak.

"Aw a nih hi" a beng a bengbeh ka hmuh rual chuan ka bengbeh pai ruk tat chu ka hrechhuak nghal zawk a inang chiah chiah. A hmui a hnawihsen sen tak lah chu tlem a la pherh deuh niah lehnghal.

"I bengbeh chu a nalh khawp mai" kan ti thla satliah ringawt a.

"Ka lawm e. Nizan ah pakhat ka ti bo hlauh a, ka duh sia a ang chiah ka va lei leh a nih hi" a bengbeh chu duh hmel zet in a khawih vel a.

"Khawnge i tih bo a"

"Aaaa....i hre chuang lo ang. Ka bialpa in ah mawle. Kan che na deuh a" a nui suk a "lut rawh. Ka kal a nge" a ti sap a. A kal zui nghal hmak.

A nih chuan a dik tihna a ni maw .Tukin ah a bengbeh ka chhar a tunah a office ah a ni leh a. Eng dang nge ka la beisei min lo bum reng a nih chuan ka ngaidam dawn lo hrim hrim. Engkim hi ka hrechhuak vek dawn a ti tawp.


Engmah ngaihtuah chiang mang lo in Remsanga office ah chuan ka va lut phei rawk a. Phawk fe in min lo melh.

"Rebecca nang hetah maw" phawk fe in ka melh a.A hnu ah a hmel awmdan thlak in hlim hmel pu sang in min rawn melh a "eng nge hetah i lo tih a".

A lam panin a rawn kal hnai a. Min rawn kuah a tum a ka lo in la hrang nghal hmak, "hmm tinge ka kuah i duh lo a mi" titau hmel deuhreuh chuan a ti sup.

"Aih..a lum emai" a kamis nghawng a hmeichhe hnawihsen kai deuh diai leh. A hmeichhe kuahna perfume rim hi ka hriat hmaih hauh leinem. Amada i lak atanga a kai a ni ta ve ang chu, a lum tih erawh dawt vek vawin hian khua a nuam lo a. A lum hlawl lo.

Ka thinrim insum in ka hmui ka pet ka pet ringawt.

"Engtin nge i rawn kal nawlh theih zawk a" ka bul a couch ah chuan a thu a. Ka thu zui ve nghal zat.

"Rebecca min lo va luh san daih le" U Ruata'n kawngka hawng pah in a rawn ti lut nghal lawng lawng. Remsanga chuan mak a tih hmel ngang mai, Ruata a en a, min melh leh a. Kan lang dun hlawl chu mak a ti ni ngei tur a ni.

"In lo kal rual a maw" a ti sup.

"A theih loh a mi" ka lo chhang hmak. A mit atangin thinrim na ka hmu thei, mahse a ni hi chu a thinrim na a ti lang ngai lo. Tinrim zawkah a tang a maw. Amanda i nen a office room a lo CK kual vel kha ka tan a thinrim thlak fe zawk.

"Rebecca i hi ka rawn sawm phei a" U Ruat an a ti sup. Remsanga a kamis beng a hnawihsen kai chuan ka mit a ti kham kher mai.

"Thinpui emaw coffee te in ru aw"

"Keichu engmah ka duh lo" bawng nghut in a chhang a.

U Ruata nen chuan eng eng emaw an ti fel a. Ka lo nghak reng, ka thut chhung zawng chuan engmah ka ngaihtuah thei lo. Rei pawh kan la in zui lo tih ah min bum nghal thei a maw. An pahih in an inang chiah Remsanga leh Ruata mi tenawm ve ve chauh an ni.


"Tikhan kan zo a ni mai" Remsanga chuan min rawn melh zauh.

"Rebecca kan haw mai dawn a mi" ka banah a rawn kai a kan ding zui nghal zat a. Remsang an U Rema kutah a vuan zui chat.

"Rebecca i chu ka rualin haw mai rawh se. Ka bang tep tawh" a thik tih ka hria.

"U Ruata rualin ka kal hi. U Ruat haw vat ang ka hmanhmawh riau" tih rualin Remsanga kut chu ka melh zauh a.

***
Zanin chu ka rilru tawt deuh bawk nen. Thian te ho nen kan party a kan lam a kan zai a, ruih pawh ka rui angreng. Ka thinrim lutuk theihnghilh vek ka duh a ni.

"Eng thil nge maw i tih le" Mipa aw in a rawn tih rualin ka no ken lai chu min laksak zui nghal hmak. Ka enchiang a Remsanga a lo ni. Hah...engtih nge ka awmna a hriat zawk chu le.

"Eng nge hetah i lo tih ve dawn" meng â deuh riai chuan ka ti sap.

"Ka lo zawng che mawle. Duhtawh rawh, haw ang, i rui tawh" a ti sup.

"Engvang in nge i lo buai ve vak a. I duh dan in i awm a, ka duhdan a ka awm chu a rem ve lo a mi" a no ken lai chu lak leh ka tum a, a keng zawn hman zel. A che rang lutuk hi a chang chuan ka haw thin.

"Dar 12:00am a rik tawh hi i chhungte pawn an ngaihtuah ang che. In ti harh la haw ang"

"Ka la peih lo" ka la ti fan.

"Tawngkam tha a ka tih lai che a i haw duh lo a nih chuan tih luihna in ka hawpui tho ang che" a mit ah chuan a thinrim tih ka hre thei.

"Ka haw dawn lo"

"A that chu" ti sup a. Min chawikang lawp a. A darah min pu a, a car awmna lam min pan pui nghal nal nal. Ka thian te ho lah chuan min lo chhan an tum der lo.

"Hey min thlah rawh" a hnungah ka chawm chawrh chawrh a engah mah a ngai eih lo lehnghal a.

"Tha te te khan awm ang che" tih leh a car chhung ah min keuh lut dawp a. Kawngka na zet in a khar a. A rawn lut a car a ti nung a kan in lam min pan pui nghal nal nal.

Car chhungah pawh chuan kan inbe lo hrim hrim. Ka mitsir zauh a, a in sehruh na a a hmai tihawrl tawlh ral ral chauh ka hmu. Ngun zet in a hmalam a en ngawt ngawt ringawt.

"Lo chhuak rawh" a ti sup a. Kan in kawtah kan ding ran.

Engmah sawi lo in ka chhuak zui ve nghal mai. Kan in kawngka a kik a, ka pa in a rawn hawng zui nghal zat.

"Rebecca i va rei em em ve. Khawiah nge i kal a, zu rim i nam a law, hmeichhia hetiang chen chen chhuah ngai a mi" thinrim fe in a ti a.

"Ih ka pu. Ka thiamloh a nih kha, Rebecca i hi chuan haw tawh ang u a ti reng a. Keiman ka hruai haw ang che min lo nghak rawh ka ti zel a. A thiam loh a ni lo" Remsang an a tih chuan ka meng nghal kawk.

"A dik em" ka pa chuan a rawn ti sup a. Remsanga a melh leh.

"Aw.." ti chiah in ka chhang.

"Lo lut rawh a tlai tawh. Tlangval nang pawh va haw tawh rawh" a ti sap a. Remsanga ka melh zauh a. Engmah a sawi chuang lo, ka pa in kawngka a khar nghal hmak a.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:14 pm

Chapter-11

"Bawihpui hetah lo kal teh" ka pa in a tih rual in a thutna couch bulah chuan ka phei zui nghal thuai a.

"Aw eng nge a" ka thu nghal dat.

"Nizan a tlangval kha tunge a" a tih rual chuan ka ip chawih. Ka pa hian ngaihzawng neih chu a phal mahse zanrei tak tak thleng ka ngaihzawng nen kan inzui tih a hriat chuan a lungawi dawn lo tih ka hai der lo.

"Ka thianpa tinge a"

"Thian i kawm dan hi a dik ka ti lo. Zanrei tak tak ah i lo haw bawk si, hetiang chu nula awm dan tur pawh a ni lo. Bakah thenawm te pawh hi ngaih pawimawh tur" tih pah in TV chanel a hmet kual zat zat.

'Thenawm te vang alawm ka lo haw tlai' ka ti hman thelh. Ka ang zuau hman a, mahse ka in ngaihtuah fim hman hlauh.

"Mahse pa ka thian satliah mai alawm a nih" ka pa chu kuah chungin ka awmah ka bei hlu hlu.

"Ka hria alawm. I bialpa emaw i thian pawh nise mipa chu pangai tak a kawm a tha. Ruata hi a fel khawp mai, a nungchang a mawi bawk si. I pasal ah pawh a that viau ka ring" a tih rual chuan ka vawn na ka thlah nghal hmak.

"I ti awm ang lo e a. Pasal nei rual pawh ka la nih loh hi" titau deuh takin ka thu tum hmak.

"Haha...ka fiamthu mai mai a nih kha. Tukin zing ka exar la in ka hmu fuh a, ka thingpui in na ah ka pawisa ka lo keng remchang silo a min pek sak vek alawm" a ti leh kher.

"Keipawh Ruata hi chu fel ka ti. A polite in engkim hi nachang a hre thlup mai" ka ni chuan couch a rawn thut pah in a lo ti ve bawk.

"Ni nang lehzel chuan tiang sawi suh. Ruata te chu a" ka ti deuh hmuk.

"Eng nge Ruata chu" ka ni in a lo ti hman hram.

A awm dan leh a khawsak dan engkim chu sawi ka chak zek zek mai. Mahse engtin nge ka sawi chuan ang. 'Ka thianghlimna min laksak hnu ah hmeichhe dang nen ka man a, tunah ka bulah rawn let leh tum in, in rilru hneh a tum mai mai a nih kha' tiin maw. Karei! A awm hian a ang lo lutuk ringawt. Tu hmeichhia in nge an varginity lost chu chhungte bulah sawi ang nga.

"Ninawm khatiang sawi tawh suh. In sawi leh chuan ka thinrim viau ang" a ti zui sap a. Lukham kuah in ka thu tum bar.


"Rebec...choka ah min lo pui teh" U Muani'n a ti chiah chu rang mangkheng in ka tlan phei nghal hmak. Khatiang thu sawi khan ka vawin mood a ti off nileng thak thei dawn hial.

"Min lo koh vat tur che lawm" tih pah in chair ka pawt dawk a ka thu zui nghal tharh.

"Koh ngai lo in lo phei ve mai ta che" a lo ti ve bawk.


"E...Au Muan Kima nen in inthen a mi. Nizan ah a DP ka en a. Hmeichhe dang nen an thlalak a hmang daih a nia" dawhkan a thei ei mial mial pah chuan ka zawt a. A ni erawh bai siam in a buai char char.

"Umm... then e a lerh lutuk a nih kha. Hmeichhe dang eng nge a lo biak vei hawh hawh ni" tih pah in a bai siam a chawk phul buah buah.

"Maw. A fel viau amaw ka tia" ka ti sup.

Kima hi tlangval fel tak leh mahni lu zo veh vawh a ni a. Kohhran leh kawtlangah pawh a inhmang viau nghe nghe. Chu mai chu sawi loh bial ah te pawh commitee members a ni nghe nghe. Hetiang mi hi a nih ka lo ring miah lo.

"A kohhran leh khawtlang a inhman na sawn a lerh a sim tir thei lo a nih ber saw a. Lerh reh na damdawi chu awm se ka neih zawng zawng seng in ka lei sak ang mawle" a ti chiah chu ka insum thei lo a ka nui chhuak huk.

"Eng nge nuihzatthlak a"

"Khati khan i ti nghek a. Ngaihdam a dil che in i duh leh zel tho alawm, i ngaidam leh tho ang" tih pah in ka thil ei lai ka tep chap chap.

"Teuh lo mai lo en rawh a hre dawn alawm. Bialpa hmeltha, chhelo leh fel tak ka nei a nga. A la inchhir veng veng mai ang"


"Chutiang tur chuan i senior tawh mah mah a ni" ka nui hak a. A thil chhuan a off a, a rawn thu ve nghal thuai.

"Nih i thiannu chu a la nei dawn lo deuh a mi"

"Umm..zanin te chuan a nei ve tawh mahna" a ti sap a. A thiannu hian nau a nei dawn a. a Pasal tih loh buaipui tu tur dang hmelhriat tha an nei silo a, U Muani hian a buaipui deuh ber. Chutiang in hre tha teh chiam an ni chuang lo, kan dawrah thawmhnaw an rawn lei thin a. Chuta tang vel a in hria an ni ta in ka hria.

"Muani hei phone call i dawng a nia" Ka ni in U Muani room atang a rawn chhuah pah chuan a rawn ti a.

"Tumaw" vei lem lo takin a ti liam ve ringawt.

"Kima a inti in ka hria" a tih rual chuan ka in en nghal hra. Kan tho thut a, hmanhmawh zet in U Muani room lam ah chuan kan tlan phei dun nghal rawk rawk a.

****

Ka dawr nghak tur Lawmkimi te inah ka lut kawi a. A hman bawk nen ka lo nghah pui ang che a ti bawk a. Hei, ka nghak ran a nih hi, a insiam rei phian lehnghal a. Ka pa khua a sik deuh ser ser vangin chawk ka duh a ni.

Ka sana bun ka en zauh a. A rei mah mah tawh lam a ni, dar 10:00am a ri takngial dawn.


"Lawmi hmanhmawh la mawle. I thiannu in a nghah reng che hi, thian te nghah turin i awm reng mai" a nu in a au deuh lawng lawng.

"U Sang a hmanhmawh thlak chuang loh" tawngkam tha ah chuan kan han ti ve na chu. Rei pawn rei ka ti ngar ngar tawh kher mai.

"Nu khawnge heta ka pheikhawk dah reng kha a awm" inchung atangin a rawn la ti lawng lawng zui lehnghal. A insiam zo tawh ang chu tih nak a laiin.

"I pheikhawk dahna ah ka dah kha" a tih rualin a pil leh suk a. Minute5 hnu velah a rawn tlan thla rawk rawk a. A inpeih a ni chek ang chu, engmah pawh kan inbe chuang lo an in atangin kan in zui chhuak a. Ka scooty dahna lamah kan in zui phei a dawr pan in kan tlan nghal nal nal.

Dawr thlen rual in kawngka vel ka hawng eng sawt sawt a. Chiar ah ka thu nghal hnawk.

"Khawi chair pakhat kha lo ban teh ka thu ve duh" Lawmkim in a ti sap a, ka bul a chair chu ka pe phei nghal thuai.

Nileng in kan awm a. In hralh pawh kan in hralh tha angreng chhun lai a ni a dar 12:00pm a rik nan dar a ngai tam tawh lo. Ka pa dawr nghak tu nu pawh vawin chu a rawn kal lo, kan awm dawn tho a. A duh chuan chawlh hrih tur a ka tih vang a ni.

"Hey bawih hei hi size dang a awm em" ka hanger rem fel mawlh mawlh lai Lawmkimi chuan min rawn au a.

"Eng size nge" ka hawi phei a.

"Medium...small a duh a" a bul a ding nu pawh chu ka hmuh hmaih lo.

"Khami colour ah kher khan maw"

"Aw...hemi hi nalh ka tia" a bul a tleirawl ve tak chuan a lo ti ve sap.

Store room lamah ka lut phei a. A duh ang chu kan neih leh neih loh en turin kan chhuar vel chu ka hai bawk. Ka phone a rawn in ring cher cher a, ka buai bawk nen, ka en a Remsanga a lo ni.


Buai lai tak hian min rawn call ve ziah. Ka biak that duh loh na pawh ni thum lai a ni der tawh. An in ah rawngbawl pawn ka kal ngai tawh lo. A nu te an lo haw tawh bawk nen ka buaipui a mamawh lo tih ka hria. Bakah khatiang hnu thlen hnu ah pawh khan nitin deuhthaw Amanda i an inah a kal tih ka hai bik lo.

Ka hmet busy hmak a. Ka thil zawn nen chuan ka chhuak phei leh nghal thuai.

Pawn ka chhuah chuan dawr ah Remsanga a lo thu ran. Ka hmu teh thut chu ka phu ve dawt mai, tunah tak chuan dawr tu kan ngah tehchiam lo. Henu chiah hi a ni. Chunu lam chu ka pan a, Remsanga erawh ka hmuh hmaih lui hmak.

"Kha aw hei hi i tawk ang" tih pah in ka kawr ken lai chu ka pe a. Pawisa min pe a, ka kir hnu ah a kal zui nghal nal nal.

"Rebec...Remsanga hian biak lawk che a duh a" Lawmkimi chuan ka hriat tham tur lek in a rawn ti sap a. Ka ngai pawimawh lem lo Lawmkimi thusawi pawh chu ka ngai thutak duh chuang lo. A hma a ka lo tih sa, hanger ah kawr an hak hnawk vel chu ka khai tha mawlh mawlh.

"Bec...Remsanga'n a be duh che ka tih chu" ka banah a Lawmkim in a rawn kai chat.

"Ka buai. Ka buai lai in tumah ka be hman lo, a ni ngat phei chu ka be duh lo zual. Helai a mi te hi a van hnawk em em ve tinge hetah hian a awm a" tih pah in hanger pakhat a hma a keima khai bawk chu ka pawt thla hlawk. Engkim mai chuan ka thin hi a ti rim hlur a ni ber.

"Be ve lawk mai la. A thut reng hi" Lawmkim chuan Remsanga a melh zauh a. A mitmei ah min in thlahrun pui tih ka hai lo.


"Lawmkim min dawr tu an awm silo a. Dawr hi kan khar tawh mai dawn ami" ka ti lui leh nghat. Remsanga nui huk thawm ka hria. Ka mitsir zauh a, a nui tak tak bawk. Dawr sir a chiar ah a thu ran.

"Inbe lawk i la a rei lo ang" Remsanga chuan a ti a. Ka chhang lo, ka thil tih lai ka rem vel char char.

"Lawmkim i thiannu chu han zawt la. Engvangin nge a thinrim em em tih hi" Remsanga chuan in kuangkuah ran in a ti sup.

"Ka thinrim chhan chu a hrelo nge a haider tih han zawt let teh Lawmkim" ka lo ti ve bawk.

Lawmkimi lah pek chuan a sawi chhawng zel lehnghal.

"Engkim a hresual mai mai a ni. Tih han sawi teh" Remsanga chuan a ti leh a.

"Ka mit in engkim ka hmu vek, min bum lo ang. A duh chuan a bialnu nen hlim tak in awm rawh se. Tih han hrilh leh teh" ka thil tih lai ka la chhunzawm reng.

"Amah lo hi bialnu ka nei lo tak tak tih han hrilh teh" Remsanga chu a ding chhuak a ka en duh lo. Ka hawisawn deuh hmak hmak.

"A nih chuan ka thil hmuh kha eng nge. Khami ni a a kawr hak ang chiah kha a lei duh a nih chuan kan nei a ni. Khami ni khan thil a kai si a, a suk fai theih loh takin a paih chuan lei tur kan nei tih hrilh theihnghilh suh aw Lawmkim"

"A ngaisual mai mai a ni. Hun remchang min pe se engkim ka hrilhfiah vek ang tih han hrilh leh teh" Ka lam panin a rawn pen hnai a.

"Hun remchang engmah ka duh lo tih sawi rawh"

"Awii...ka ning lutuk post office emaw. Whatsapp emaw min tia mi. In duh chuan sawi tha mai mai ru. Khawi kha kha lo la rawh" tih pah in ka hanger ken lai min chhuhsak hmak a. Ka banah kai in Remsanga bulah min kai phei nghal hrawk.

"Tikhan va chhuak ru...in inrem hun ah bak rawn haw reng reng suh u"

"Lawmkim...ka thiannu nge a thiannu i nih. Bakah ka buai dawr nghah ka ngai, i hria em" ka tawngkam pawh ngaihno a bei tehchiam lo.

"Dawr chu ngaihtuah suh ka awm hi" Lawmkimi lamah chuan ka hawi phei nghal hra a. Ka mitmei a hmu duh thak lo lehnghal a.

"Kawiah mah ka kal dawn lo" tih sap in chiar ah ka thu zui hmak.

"A nih keimah ka kal mai ang" tih pah in Lawmkimi'n a bag a khai nawlh a. A kal nghal hmak.

"Hey khawnge i kal dawn" ti chungin zui ka tum a. Remsang an min lo dang hlauh.

"Biak che ka duh" a ti sup. A miah ka en a, a titak angreng phian tih ka hmuh hmaih lo. Mahse ka thinrim na hi chutiang mai a dam chi a ni lo.

"Haw rawh" bung nghut in ka ti a. A lu a hiat nauh nauh a, a haw zui ve nghal mai bawk.

"Aih teuh lo mai" min pah in a awm ah min pawm bet nghal chawt a. Ka tal nghal chiam chiam. A chak bawk nen ka tha in a hneh hlawl lo.

"Eng thil nge maw i duh le" vin zet in ka ti a.

"Nangmah mawle" a ti sup.

"Chutiang a i tih kawi mai mai tur ka nia mi. Ka be duh lo che ka ti a ni mai. I â ami tinge i hriatthiam theih miah loh a."

"Tinge ka at i ring a mi" a ti sup.

"Mi â te chu khin tlak an ni hleinem"

"Aw...ni e nangmah vang in ka â zo tawh a nih hi. Khin tlak loh ang a min ngai a ka thu i hnial loh na a nih phawt chuan ka damchhung in ka â mai ang"

"I â tak tak a nih hi"

"Umm...chuan kei mi â hi i hmangaihna damdawi chuan min ti dam dawn lo a mi" ka hnungzawng atangin min kuah tawh.

"Dawr a nih hi. Khatin i awm chuan miin an lo hmu che nge. A zahthlak" ka ti sap.

"Ka zahpui hleinem che. Nge, min zahpui zawk a mi" a ti sup. Ka hawi let a.

"Chutiang lam a ni lo"

"Engtiang lam maw" a ti sup.

"Ka hrelo" ka chhang a.

"Keiman ka hria alawm" a nui suk a. Min chhuk en ran.

"Hei hi mawle" a tih pah in duhthawh zet in ka hmuiah a fawp nghal zauh a.

"Hey miin an hmu ang che" ka in la hrang ngual thuai a. A nui suk a. Engmah a sawi lo. Keipawh ka nui ringawt.

"Naktuk ah ka zin lawk dawn a" a bul a chair ah chuan a thu a.

"Maw...khawi ah maw" a bulah phei in dawhkan ah ka thu ran.

"Kan hotel chungchang vel ah Mumbai ah ka kal lawk dawn a. Ka rei lo ang, ni khat hnu ah ka lo kir leh ka ring"

"A nih chuan ka van ngai awm che" ka nui sak a. A ni pawh a nui sak.

"Keipawn ka ngai dawn che alawm" rawn tho chhuak a "hemi...hemi leh, hei hi" tih pah in ka hmai bul fe a min en pah in ka hmui ka kut leh ka mal a chul thuak.

"Kei chauh hi maw. Keimah tak tak a nih loh chu" ka kut ka kuangkuah deuh hmak.

"Hei tluk a nangmah a awm chuang a mi" ka hmai bulah a ti sup.

"Kalsaw rawh Lawmkimi kha a rawn lut thut a nge" tih pah in a awmah ka nem sawn nak a.

"I la haw dawn lo a mi" a sana a en zauh a.

"A la hma emai a" ka sana ka en ve zauh a. Dar 1:00pm bak a la ri lo. Lawmkimi pawh chu khawnge maw a awm le. A ni hi min lo hawsan leh daih chuan a chak lo ngawt ang.

"Ih...Amanda i kha i hre sual mai mai a nih kha aw. Engtik in nge a lipstick kha min tah ka hre miah lo, min ring rawh. Ka tan chuan nangmah chiah i ni. Bakah kan in a a lo kal ziah na chhan kha chu kan hotel ah hian investment tih ve a tum vang a nia" tiin a in sawifiah zauh.

"Nia..ka ring ang che..min bum loh hram ka beisei. Min bum a nih chuan..."

"Chuan eng nge..." tih pah in min rawn hnaih leh sauh a.

"Engtiang tak nge Evi power hi a nih tih ka hriattir ang che" a hmui bulah chuan hnaih fe in ka phun sap. Ka dak ha bawk.

"Evi power chu eng nge" a nui suk a. a in la hrang deuh dat.

"Hmeichhe power mawle" a nui hak hawk hawk.

"Nih ka haw phawt mai aw. Hmangaih che" tih pah in ka hmui ah a rawn fawp zauh a. A kal nghal nalh a.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:14 pm

Chapter-12


Darkar thum zet a zawn a thut chu mawng a kham duh ngei mai. Ka malpui te hi na ut ut tawh in ka hria, class a zawn zak in ka la nei lehnghal a ka hne lutuk. Thawhtan hi chuan mit te hi a chhuak ngawih ngawih in ka hria. Weekend hi chuan kan harh hra thin a nia.

"Kha zawng kha vawin a tan a tawk e" Profesor in a tih chiah chu ka hma a dawhkan ka bawh nghal rawp. Ka thaw huai mai.

Dawhkan a ka note vel chu khup sawk sawk in a bag ka khung fel mawlh mawlh. Ka phone ka phawrh a, Remsanga text a lo awm vang ka en rualin ka nui sak 'ka kal chiah e' tih chauh a ni. Tluang tak a a kal ka beisei.

"Hey tirawh notice board ah thil an tar va en ang" tih pah in Lawmkimi'n ka banah a rawn vuan chat a.

"Ka peih lo mi an la tam ang" tih pah in ka phone ka khawih mual mual.

"Lo kal rawh en vat kha a him zawk" tih pah in ka banah min kai leng nghal lawp. Ka tho zawk a, ka bag pawh ka la hman lo, dawhkan ah a awm ran.

"Mi an la tam ang" tih pah in ka zui dawt dawt.

"Lo kal mai teh" ka banah a pawt a. Notice board awmna kan thleng hman thelh. Ka hming a min rawn koh vang chuan ka hawi let zauh.

"Eng nge" Lawmkimi chu ka hmalam ah a ding ran.

"Nang hi thusawi engah mah i ngai miah lo a ni maw. Hmeichhe â leh luhlul tak i ni" Sangkimi chuan min rawn pan pah in ngeiawm zet in a nui sak. A sirah a thian hmeichhe pahnih an awm ran bawk.

"Eng thil nge sawi i tum chu" Ka pen hnai ve chat a.


"Remsanga bulah hian awm tawh lo turin ka warning tawh che a ni lawm ni" rawn ti vei sak. Henu hian namen lo in Remsanga a ngaizawng tih ka hria.

"Chuan i thu chu ka awih mai ang nga maw" ngeiawm zet in ka nui sak "a ni chungchang a thu min pe turin tu chiah nge i nih a" a hawi deuh vat bawk.

"Nang hian lo hnaih tawh lo la a ni mai. A nih chuan a lehpek i chak lo viau ang" min cho vel tak in a rawn ti ngat.

"A lehpek chu ka hre chak khawp mai. Ka buai ka be hman hrih lo che" tih pah in ka inher zui nghal hmak a. Lawmkimi pawh chuan min rawn zui ve bawk.


"Hmel i" ka hnung atangin a rawn ti thawt a. Ka sam ah min rawn tham nghal awk a. Lawmkimi lah a thian ten an lo dawmbet hmanhmawh. Engtin tin emaw ka tal chhuak thei hram.

Min rawn khawih leh a tum a. A banah ka man a, a malpui ah a tlawh nghal zawt a, chhuat ah a tlu sawp nghal hnawk. A kawr pawh a bal vek.

"Nangni kha eng thil nge in tih a" kan professor pakhat in a rawn tih chuan kan hawi phei thawt.

Lawmkimi pawh chu an thlah zui ve nghal mai bawk.

"In vai khan Principal office ah kal nghal rawh u" vin zet a a tih rualin. Principal room lam kan pan chat chat a. Lawmkimi pawh chuan a melh rum nasa mai. Principal room a kan lut chiah chu, an in melh na tawh lutuk ringawt.

"Eng thil nge in tih a. College ah hetiang tih hi kan phallo a ni lawm ni, tinge nangni hi in insual reng mai le. Tu nge kut thawh hmasa sawi rawh u" Pincipal chuan min melh rum kher mai. A fa chu ni ila min vuak chak hmel khawp mai.

"Sir a nihna takah chuan Rebecca i hian min ti buai hmasa a ni" Sangkimi chuan awlsam fe in a ti deuh hmak.

"A ni em Rebecca" Principal min rawn melh a.

"A ni tihbuai na chhan tur ka nei lo. A hma pawn min tibuai tawh a ka ngawi mai mai zawk a nih hi" ka va melh zauh a. In la sang zet in a hawi vei vah.

"Tun tum chiah ka ngaidam tawh ang che u. Rebecca i leh Sangkimi college ah in inti buai leh a nih chuan a kut thlak hmasa tu zawk zawk attendance ka paih vek a nga exam thei lo turin ka hrem ang . Chiang em" Sangkimi'n min rawn melh zauh.

"Chiang e" ka lo chhang a.

Principal office atanga kan chhuah pawh chuan min la melh hrak hrak mai.

"Hmeichhe zaklo lutuk. Nangmah vang a kan buai hrep chu a, Sangte hmeichhe over hi chu hlauh tur a nia. Tlangval thalai hre thei ropui hlawm si. Tlangval upa deuh deuh kha ngaihzawn hle hle mai mai tur a nia. I ti ve em" pawn a kan chhuah rualin Sangkimi'n a thiannu bulah ngeiawm zetin a ti nghal zat.


"Engmaw i sawi a" Lawmkimi lah a chaklo zawk a tan a duh ngai lo.

"Thudik ka sawi alawm. Ni lawm ni Rebecca" a kut kuangkuah awt in min melh raw raw.

"Chutah chuan eng nge i lo buaina tur awm a. Mi ngaihzawng lo atchhilh ve ringawt zel hi a nia kei ka khawngaih ni. Mahni in hmuh kan a, midang nun a buai ho hi a nia khawtlang a mi buaipuiawm thin chu. Nilawm ni Lawmkim" ka ti let zui ve nghat. A duh duh a min ankhum tur ka ni lo chiang em.

"Chuti maw. Mi lepchiah nu, i zahloh zia hi i nu khan hmu se chuan a kut ngei khan a in tihlum duh zawk ang mawle. Nge ni a, a ni pawh kha hetiang chiah hian a nungchang a lo mawi lo thin zawk."

"Eng tin maw i sawi a" ben tum in ka kut ka lek kang hman. Mahse Principal thusawi kha ka hrechhuak leh nghal zawk.

"I duh chuan min khawih la. Principal thusawi kha theihnghilh ngai suh. I nu zahawmna nge nangmah zawk chu i humhim dawn. Hre reng rawh kut min thlak a nih chuan eng thil nge thleng tur kha"


Ka thei lo tih ka hria. Mahse chutiang bawk in hetiang a ka nu chanchin mawi lo lutuk a a sawi hi ka ngaidam thei lo. Ka nu ka engkim, ka entawn leh hmeichhia a zawng a nun nem ber mai hetianga a sawi hi ka ngaidam thei thawt lo. Ka kut chu ka awm hmun ah ka hum tlawk tlawk.

"I thluak chu i duh chuan a chak par par khawp mai tiraw" Lawmkimi chuan ka thlavang a lo hauh ve vat.

"Lalawmkim eng nge ni a" chaltlai zet in a melh vei ha.

"Eng ni lo e. Hei hi ka lo hrechhuak vat lo alawm le"

"Eng chu maw"

"Principal khan in pahnih in a warning tawh chu a. Mahse kei min la warning ve lo tih hi" a sawi zawh rualin Sangkimi lu ah a kek bu nghal lawp a. Chhuat ah a paih thal nghal tawp.

"Hey duhtawk rawh" ka lo dang ve vat. Buaina a tawh ve ka duh loh vang a ni.

"I phu tawk a nih kha hmel i" tih pah in kan room lam a pan phei nghal hmawk hmawk a. Ka umzui nghal zat.

"Lo ding teh" ka auh pawh chu hria ang in a awm duh lo.

"Lo ding teh..Lawmi" kan class a luh rualin a banah ka man hman hram.

"Tinge khatia i tih a" a hma ah ka ding ran.

"Khatia ka ti kha maw. Engvangin nge ka tih loh ang, a ni khang engtiang tak in nge a tawngkhum chu kha. Engah mah i ngai lo emaw i haider thei a ni maithei. Mahse kei chuan ka thei lo, i nu hming nen lam a sawi kha ka ngaidam thei lo. I hre tawh lo a mi, naupang te ka nih in nu ka chan a. I nu hi ka tan chuan ka nu leh ka engkim a ni ve. A chanchin hi tuman mawi lo tak a an sawi ka remlo ti" sehchilh nak in min chhang a.

"A nih ka lawm e aw. Tiraw ka treat ang che haw ang" a kut a kai chung chuan ka ti sup a.


"Ole" a nui sak a. Ka bag vel ka la sawk sawk a. College kan chhuahsan nghal thuai. Ka phone pawh ka kekawr ah ka lo la ak tat.

Ka scooty ka ti nung a. A hma a kan lo chawlh fo na dawr lam pan in kan tlan phei zui hnak hnak a.

"Khai aw in lo va kal khat tawh ve a" Dawr kan luh rualin dawr nghak tu nu in min lo be nghal siam siam.

"Nia tunlai chu kan ti lo deuh mai mai" thutna lam chu kan pan ding nghal nal nal a.

Ka phone ka phawrh a, Misscall a lo tam nasa mai. U Muani vawi sawm. U Ruata vawi nga lai a ni bawk, chuan Ka ni vawin riat. Eng nge maw an hriat hlawm chu a ka ti ringawt. U Muani chu ka call let a, a la busy lehnghal a.

Ka phone ka hum rualin Ruata chuan min rawn call zui nghal pat. A number hi ka nei lo vang vang thin a, hmanni a ngaihdam min dil atang khan ka save tha leh chiah a ni.

"Hello. Rebec khawnge i awm" a thutak run a ka hriat chu a.

"Hetah Lawmkimi nen dawrah kan chawl a" ka chhang a.


"In awmna location min lo thawn rawh" a ti sup a. A phone a dah zui nghal hmak.

"Eng nge a" Lawmi'n a lo ti vat.

"U Ruata mawle. Ka awmna location thawn turin min ti a. Ka thawn duh a ngem tih ka in ngaihtuah mek a nih hi" ka phone en ran in ka chhang a.

"Chuan i thawn dawn a mi" rum zet in min melh.

"Ka hrelo" ka ti sap.

"Thawn thawn a ngailo. Khapa kha a, biak pawh be tawh suh" a ti hmuk.

"Thil pawimawh deuh lo ni ta se"

"Ni ve tho..kawi i phone" ka phone ka pe a. Amah zawk zawk chuan a la thawn lehnghal a.

Eitur te chah in kan ei niap niap a. Ei pawh kan ei lo thawkhat tawh. Lawmkimi'n a la ei a. Kei erawh phone ka khawih thung.

"Rebecca" kawngka lam ka hawi a. U Ruata a lo ni. A hmel lah chu a phili deuh hian ka hre tlat. Nidanga a lan ang a ni lo reng reng, a rilru a buai hmel khawp mai.

"Aw" mak ti fe in ka chho en ha.

"Ti rawh kal ang" ka banah rawn vuan chat in min pawt chhuak ti tih ringawt. Dawhkan ah kan thil ei na ka dah hman hram a ni. Lawmkimi pawh chuan min rawn umzui dawr dawr a. Ka scooty awmna thleng min pawt chhuak zui nghal hmawk hmawk.

"Eng nge maw i hriat le" ka kut chu ka thing thla nak a. Lawmkimi chu ka hma ah a rawn ding ve vat bawk.

"Min lo zui rawh" a ti bawng ngut ringawt.

"Engvangin maw" ka chhang a.

"Ni e..engvangin" Lawmi'n a lo ti ve bawk.

"I pa a tha lo a nia. Hmanhmawh rawh. Tunah damdawiin ah a awm, dawrah a tlu a. I ni leh kan rawn call nasa lutuk che i U Muani pawh, phone i la thei silo a. Ka rawn zawng che a nih hi" a tih rualin ka taksa a zawi nghal vek a, ka tlu teuh lutuk Lawmkimi'n min lo dawm hman hram.

"Ka...ka pa chu a tha em" U Ruata chu ka melh zauh a.

"Tunah chuan nikhaw hrelo in a la awm mek. Min lo zui vat rawh" a tih rualin a car awmna lam a pan a. Keipawh ka scooty awmna lam ka pan a. Chahbi vuah in tlan ka tum a ka thei lo. Ka tha a khur nasa lutuk. Ka hlauthawng a ni. Ka pa kha engtin emaw awm se ka dam zo dawn a mi.

"Ka thei lo...ka kut a khur nasa lutuk" ka thaw chhuak hawk a. Ka rilru tawh a zia thei chuang lo.

"Lo kal mai rawh. Car ah hian" U Ruata chuan a car kawngka a hawng a.

"Chuang rawh i scooty chu ka lo khalh sak mai ang che" Lawmkimi chuan ka chahbi a rawn la a. Ka hnial lo, a chhan pawh hetiang hi chuan ka accident lo ang tih ka sawi thei lo.

U Ruata car ah chuan ka lut zui nghal zat a. Lawmkimi pawh chuan kan hnungah min rawn zui ve nghal mai bawk. Ka rilru a hmanhmawh bawk nen traffic lah chu a la zam lehnghal a. Ka kut chu ka khal ka khal ringawt, pawnlam te ka hawi chhuak a. Ka thawk te hi a tawp mai dawn in ka hria. Ka in phu a rawng dawt dawt lutuk ringawt.

"Hahdam rawh" U Ruata chuan ka kutah a rawn vuan a. Ka hahdam thei chuang lo. Traffic zam a zia deuh a hospital lam pan in kan kal zui nghal nal nal a.

Ka thlen rual rual in car atangin ka tlan chhuak nghal hlawk hlawk a. Reception counter lam ka pan ding nghal nal nal.

"Rebecca" Lawmkimi aw ka hria chu min lo la zui reng tih ka hrechhuak chiah. Ka scooty keng khan a lo va haw daih tawh ang chu ka ti hman a. Ka kutah a rawn vuan chat a.

Ward a ka lut rualin ka pa khum a mu lai ka hmu zui nghal zat a. Ka ni leh U Muani pawh an lo awm, min hmuh rualin U Muani ka lamah a rawn phei zui nghal zat a. Ka pa khum a mu bam mai ka hmu chuan ka mittui a ko chhuak lo thei lo.

"U Muan engtia rei nge ni tawh" a bulah kal in ka pa kut chu ka vuan nghal chat a. A ni erawh nikhaw hrelo in a la mu bam. Ka mittui chu a rawn far lo thei lo.

"Dawr a awm kha a tlu deuh thut a. Mahse engmah a na hman lo hlauh. Doctor te chuan a stroke a vang a nih hi an tia. A harh leh hun ah kan haw thei mai ang" ka sana ka en zauh a. Dar 5:00pm vel a ni tawh.

"Nih U Ruata hi engtin nge a lo tel ve theih a" ka sir a ding U Ruata chu ka melh zauh a.

"Dawr ah a alo awm remchang ve hlauh a. Awmlo se chuan kan buai zual ngawt ang, a motor in alawm helai ah hian kan phei" Ka ni chuan a lo ti ve vat bawk.

"Lawmkim a tlai tawh bawk sia. I duh leh lo va haw phawt mai rawh, ngaihtuah awm kan nih chuan loh hi. Ih...scooty kha hawn la naktuk ah college kal turin min pawn pan phei nghal mai dawn nia. In in a hla angreng si" ka tih hnu chuan engmah a sawi chuanglo a bu nghat ringawt.

"Bawihpui nang pawh va haw rawh i pa chu ngaihtuah awm zawk zawk a ni loh hi. A harh hun ah kan lo phei pui mai ang" U Muani chuan a lo ti ve vat.

"Aaa...U Muan ka haw duh biklo, ka pa bulah hian ka awm duh alawm" ka lo ti ve sap.

"Naktuk ah test tur in nei a nilawm ni. Tukin ah pawh i sawi kha, va zir zawk rawh. A harh veleh kan lo haw mai dawn alawm. Ngaihtuah lutuk suh Ka nu nen kan awm hi, i zirlai ngaihtuah rawh" U Muani chuan a lo ti ve bawk. Ka ni ka melh zauh a, a ni pawh chuan U Muani thusawi a pawm tih ka hre ve nghal mai.

Ka pum a rawn ri nghal rawk rawk. Tlai atangin engmah ka la ei miah lo, college atangin ka tlang kha a ni a. Engmah ei hman in ka khawsa lo.

"Tirawh ka hruai haw ang che" U Ruata chuan a lo ti sup a.

Thlan tur dang ka nei lo. Duh viau mah i la ka ni leh U Muani hian an remti dawn lo tih ka hria. Chuvangin lungsi lo zet in U Ruata chu ka zui haw ve ta a .

Motor a kan chuan chhung pawh chuan engmah ka ngaihtuah thei lo, U Ruata chuan min rawn melh leh hrek thin mahse biak en ah pawh ka en chuang lo.

In kan thleng a U Ruata nen kan in zui lut nghal thuai.

"I chhungte lo haw hma chu awmpui i duh em. I hlauh chuan ka awmpui thei tho che a nia" choka lamah chuan a phei a, fridge atangin tui bottle khat a rawn la chhuak a. A in khalh, ka bag chu keipawn couch ah ka tha ve nghal thuai a.

"Aih...ih ka pa i tanpui a ka lawm lutuk aw" ka ti sap a.

"Umm...ka tih ve theih tawk a nih kha" a ti ve sap. A pum a rawn ri ve rak rak. Engmah a la ei bik lo a ni ngei ang.

"Eitur siam i la" thawk la hak chuan ka ti a.

"Ole" a ti sup a.

Choka lamah ka phei a. Min rawn zui in chair ah a thu a, ka che lai min en ringawt. Ka noodles dahthat chu ka la chhuak a. Zanlai a riltam ka chin vang hian noodles tih vel hi ka kawl ve nual thin a, choka ah ka dah mai thin.

Bel lak tumin chhuar sang lam chu ka ban ha a. Mahse ka ban phak mai lo.

"Ka lo la ang" U Ruata chu rawn tho in a rawn ban zui nghal thuai. Keipawh ka awmna ngaiah ka lo ding reng.

"Hei hi a mi" a ban a "a piah zawk a mi kha" ka lo ti vat a. Bel a lak rual in eng tuiril emaw hi a rawn baw deuh chep a. Ka awmah a tlak a, U Ruata pawh a nghawng vel a ti huh chap.

Rei a ni lo ka nghawng a rawn thak nghak sep sep a. A sa nghal hut hut. U Ruata nghawng chu ka en a. A lo sen hlar mai. U Ruata chuan bel la ta lo in tui rawn buak na bur ni awm chu a la ta zawk a.

"Hmanhmawh rawh bathroom ah" a sawi rualin bathroom ah min kai lut nghal dawt dawt.

"Eng nge a"

"Chemical a nih kha. Khawi i kawr phelh la inbual rawh, sahbawn khawnge inbual vat rawh i vun kha a kang ang" tih pah in a kawr a phelh sawk sawk a. Keipawn chutiang bawk a ti in ka kawr leh kekawr zawng zawng ka phelh a. Sahbawn in kan inbual nghal sawk sawk. Kan hmai kan phih nghal zawt zawt bawk.

"Ka hnung hi lo hnawih teh" U Ruata'n a tih rualin a sahbawn la in ka hnawih sak nghal sawk sawk a. Chutiang bawk in a ni pawn a ti bawk. Under wear bak kan ha dun lo.

"A sa deuh hem hem kha chu a zia in ka hria" ka lo ti sap a.

"Umm a tha tawh ang" a ti sup a. Shower hnuaiah kan ding dun ran. A mitmeng a inthlak deuh thut a, ka nghawng ah rawn vuan in a rawn kun hniam deuh a. Ka lo in la hrang vat. Min kiss a tum nge pawh ka hrethiam lo, mahse tunah chuan Remsanga ta ka ni tawh.

"Ih...va chhuak hmasa la. Ka room ah khan ka bathrob ka khai min lo laksak mai rawh aw" hawisawn deuh pah in ka ti ve nalh.

Aw...aih...tiin min chhang chuang lo. Towel awmchun bathroom a kan tar chu la in a kawngah a veng zui nghal a. A chhuak nghal thuai, ka thaw huai in ka hria.

Rei vaklo hnu ah bathroom kawngka a rawn kik dat dat a. Buangchang a hawng in kawngkar phen a biru chung in ka bathrob chu ka la a. Ka inthlak nghal thuai, bathroom hi room ah kan nei hrang vek hlawm a. Tun a kan hman tak hi chu choka bathroom a ni a. Washing machine vel kan hung deuh rup bawk. Mikhual kan neih in an hman ber a ni nghe nghe. Chutih loh ah chuan keini ho hi chuan kan room a mi kan hmang tlangpui zawk.

Ka in ha sawk sawk a. Ka chhuak zui nghal thuai a. Kawngka pui kik thawm ka hre zui nghal thuai a..

"U Ruat kawngka lo va hawng rawh U Muani te an ni tawh maithei. Choka a thil buai hi ka lo hru fai ang, carpet hi a ei palh ang" tih pah in choka lam ka pan phei zui nghal nal nal a.

Kawngka hawng thawm ka hria a. Rin loh takin a reh thap. U Muani te an ni nge ni lo tih hriat tumin ka thil hrukfai zawh in kawngka pui lam ka pan phei thuai.

"U Ruat tunge a. Enteh a hlauhawm lo ang tiraw. Damdawi te ei a ngai a ngem, doctor te a rawn chi loh maw. Ka hlauthawng a nia" ka sawi zawh rual in ka hawi chhuak a. Remsanga rose keng a, kawngka bul a lo ding reng chu ka hmu zui nghal zat.

"Remsang" ka ti sap ringawt. U Ruata chu a rawn hawi phei a. Mit khap miah lo in U Ruata leh Remsanga ding chu ka en ta tawp a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:14 pm

Chapter-13

Ka pa pawh a zia tawh khawp mai. Vawin lam pawh a zia tawh viau. Ka college ban rualin kan dawrah ka peng phei a. Kan dawr nghak tu nu pawh a lo awm. Ka pa ka ngaihtuah deuh vangin ka haw hma hlauh thung.

College ka awm lai pawn engmah ka ngaihtuah thei lo. Nizan tlai a thil thleng kha ka mitthla ah hian a lang nawn tlut tlut mai. Remsanga erawh in engmah a sawi chuang lo, mahse, a hmel awmdan ah khan a thinrim tih ka hai lo.

Ngawireng in a haw leh ringawt. Tukin ah pawh kan inbe tho na chu, zing dang nen a kan inbiak chu tluk lo tak a ni. A la dam tih min hriat tir tum vang a min rawn call mai mai a ang ber ka ti. Mak ta ber chu, zankhat ka cham ang a ti kha a ni si a. A ni lâ lâ khan a rawn haw leh bawk si a, min ti hamhaih zo vek a ni.

"Eng nge maw i ngaihtuah veng veng thin le" U Muani'n a rawn ti chiah chu kan ngaihtuah na ram atangin ka harh chhuak zawk.

"Min bia a mi" phawk fe in ka melh.

"Dawn lawm ni. Ka be char char che alawm mawle, eng em em nge i ngaihtuah a" a thil hruk lai chu a chhunzawm char char.

"U Muan thil ka zawt ang che aw"

"Umm sawi la" dawhkan hruk pah chuan min chhang a.

"Ka thiannu a bialpa in a zin dawn tiin a sawi a. Mahse a zin leh si lo a, a bialpa hlui nen ka thiannu chu an chesual palh a. Chesual tih ah...chutiang a mudun lam ni lo in. Mahse chu chu a bialpa chuan a hmu leh sia. A bialpa chu engtiang takin nge a thinrim ang" ti in ka zawt ringawt. A thil tih lai dah in min relh ran ran a.

"Eng thil nge thleng a" a hmelah min ringhlel tih ka hria.

"Keimah ka ni lo..ka thiannu" ka lo tang ve tumhrang.

"Eng thil nge thleng a" ka kut ah a rawn vuan chat.


"Sawi loh ka tum nen. Pawilo ka sawi mai ang" thawk ka la hak a "nimin kan haw kha chemical kan in tih buak palh a. Hmanhmawh deuh in kan inbual a, chu chu Remsanga kha a rawn lut thut a. Min rawn hmu a, buaithlak ber chu kawr engmah kan la ha mumal si lo a. A ngai khawi ang tiraw" a mitah chuan ka melh kar.

"Tehreng mai. Engvangin nge a ngaih kawih loh ang, keipawh ni ila ka ngai khawi ve tho ang chu mawle. A hrim hrim in, i hrihfiah lo a mi"

"Ka sawi ngam tawh hleinem aw..aih...tih pawn min chhang lo hrim hrim. A zin emaw ka tia, mahse a lo haw hma leh sia, min en a kal leh nal nal"zawi zet a ka kut bawh in dawhkan ah ka kul chal.


"A thinrim na a sawi chhuak duhlo a ang ka ti" biang si rat in dawhkan a rawn bawh ve a.

"Bawihpui hei i thianpa te an lo leng" ka pa in a tih rualin ka phei zui nghal zat a. U Muani pawn min rawn zui phei ve zui nghal zat.

Ka chhuak chu min thawng kher mai. Remsanga leh U Ruata an lo in zui lut ve teh mial zu nia. Phawk fe in ka melh a, Remsanga chuan min lo en zuk a. A thut zui nghal thuai. U Ruata erawh nui sang in ka pa bulah a thu zui nghal tharh.

"Ruata i awm lo ang tih a hlauhawm khawp mai. Muani'n a sawi a. Awm lo la chuan kan buai viau dawn a nih kha" ka pa in insiam rem pah in a ti zui thurh.

"Pa Sawm. Ka tih ve theih tawk a nih kha" Ruata chuan Remsanga a melh zauh a. A ni erawh in a lo haider zui hmak.

"Pa Sawm nimin lamah i tlu tih ka lo hria a. A zia lo khawp mai, ka nu in a sawi a ka hre chiah alawm" Remsanga chuan ka pa chu a be ve siam siam.

"Khai aw thenawm tlangval chu i fel hle mai. I zuanzang hmel zek zawk khawp mai, Ruata pawh hi a fel a nia" ka pa chuan nui hak hak in a ti zui a.


"Nia keipawn ka ring" Remsanga chuan a ti suk ringawt.

"Tak a Ruat nimin a i thil in tihbuak kha eng nge a an tak zel. Ka fimkhur loh vang a nih kha, a chhin kha a nghet emaw ka lo tia. Remsanga i hria em nimin ah Ruata leh Rebecca i hian chemical an in tih buak palh a. Ruata hian inbual vat turin ti lo se chuan a vun hi a keng ngei ngei ang" U Muan in a tih chuan ka lo ip chawih. Sawi chhuah ka duh loh nen. Mahse lehlam zawng tak chuan ka thawl hawk mai.

"A ni maw...a nih chuan i tha maw" Min rawn melh a. A kun a, a nui suk tih ka hmu thei, nichin ah lem thinrim rum rut ang in a awm a. Tunah a inthlak leh si, engpawh chu nise U Muani thusawi vang kha a nih ngei ka ring. A ni pawn a lo ngai khawi ve tho a nih kha.

"Ka lawm e" U Muani bulah chuan ka hrilhru sap a.

"I lawm viau chuan engtin nge min rulh ang" a ti zui zap.

"Tunkar chhung i thawmhnaw ka suk sak dawn che nia" ka nui suk a.


Ka sawi chhuah hreh em em U Muani'n a rawn sawi chhuak chu ka thaw huai in ka hria. Kan ti ti a, fiamthu te kan thawh a kan nui zui hak hak bawk. Remsanga pawh amah pangai kha a ni let leh ta e. A nui chang te chuan min rawn melh leh zuk thin. Ti ti ve mahse, a rilru ah erawh a lut chiam lo tih ka hre zui mai.

An haw hnu thleng pawh chuan kan chhungin TV kan la en ta reng a.

Ka phone a rawn ri tleng a. Private chat a ni tih ka hai lo. Muangchang in ka en zui nghal zat a Remsanga a lo ni. Ka rin dan chiah.

"Lo chho rawh"

"Khawiah maw" Ka reply a.

"I room ah" a ti chiah chu ka meng kawk.

"Hey eng nge i tih a chhuak rawh" ka ti leh hram.

"Teuh lo. I lo chho vat lo a nih chuan mi zawng zawng hriat turin ka au a ni mai"

"Ka chhung te an awm vek hi"

"Lo kal mai rawh" a ti leh hram.

"Ughh...pa ka mut a chhuak deuh ka mu dawn" ka tih rual in ka tho a. Ka room lamah ka lut phei zui nghal zat.

Ka room ka luh chuan a lo reh thiap a. A thip khap mai bawk. Ka lut phei zel a, ka room light on ka tum a, ka on thei thak lo lehnghal. Balcony inhawng lamah chuan ka phei a.

"Hey" ka hnunglam atanga aw ka hriat rualin ka hawi let nghal zat. Remsanga a ni tih ka hai hek lo.


"Ka room light hi engtin nge i tih a" ka ti zui sap a.

"La thlawn daih" balcony lam pan in kan in kuah phei ral ral.

"Timaw" ka ti sap.

"Eng deuh ah te chuan kan che thei dawn a mi" a nui zui huk lehnghal a.

"Eng a" phawk fe in ka melh. Ka room chu thim vek mahse Remsanga balcony a light chuan a nuam tawk tur leh thim lutuk lo turin a rawn en pha tho. A hmel pawh ka hmu vek thei.

"Ka fiamthu a nih kha" ka hunglam atanga min kuah pah chuan a ti sap a. Ka kut a vuan a. Ka darah a lu a nghat zui nghal bawk.

"Remsang tinge min mutpui hi i tum miah loh a" ka tih chiah chu mak tih hmel fe in min melh.

"Mutpui tur che in min duh a mi" a ti zui sap.

"Aih...chutiang a ni lo...ka sawi awmzia chu, mipa tupawh hian an bialnu te hi mutpui an tum vek hian ka hria a"

"Nilo e...ka hmangaih che a, tih chhiat che ka duh hleinem. Kan lo innei lo thei a, chuvangin i pasal tan a hnualsuat tur in ka duh lo che. I tan a hlu ber chu engtin nge ka laksak theih ang che. I duh bawk lo ang...ni lawm ni" a rawn kun hniam zauh a.

"Umm...mahse maw" thawk ka la a, ka in la hrang nghal hmak.


"Eng thil nge dik lo awm a" ka biangah mittui a rawn luang nghal zawih zawih. Engtin nge ka thianghlim tawh loh zia hi ka sawi theih ang. Chupawh mipa pakhat in min bum vang in a ni. 'Tinge Ruata ai hian ka lo tawn hmasak zawk loh che le' tih hial ka chak rum rum.

"I ngaih ang a thianghlim hi ka ni lo" kun lam in ka ti chhuak phawng. A hmelah chuan mak a ti tih ka hmu thei "tunah chuan min ngai nep tawh ngawt ang chu tiraw"

"Engvang hian nge maw i at em em le. Engvang in nge ka ngaihnep ang che, tupawh in thil chu kan ti sual thei alawm. Mahse chu chuan kan hmalam a nghawng dawn em tih chu kan thuthlukna a ni ve thung alawm. Ka hmangaihna che hi a ti nep chuang lo" tih pah in min kuai let a, ka biang a mittui a hru zui zauh.

"Ka lawm e aw" ka ti zui sap a.

"Keipawh pathlawi alawm ka nih" a ti chiah chu ka meng nghal kawk.

"Maw...tu nen maw" phawk fe in ka melh a. A hnu ah a rawn hawi nui nghal hawk hawk nia mawle.

"Ka fiamthu a nih kha..."

"I van â e aw. Tak tak emaw ka ti hman alawm le" a dulah ka beng zui dat. A nat erawh ka ring lo.

"Arsi khi a mawi tiraw" tiin kan thusawi lai chu ka thlak zui nghal hmak.

"Umm...nangmah ang chiah in" ka sirah a ding reng.

"Arsi awmna hi engtia hle nge ni ang la tiraw" ka zawt a. Ka kut ah vuan in min kuah ran.

"Mi tan chuan Mel trillion 25 a ni a. Ka tan chuan inches khat pawh a tla hrih lo" ka bengbul ah a lu rawn dah leh in min chhang a.

"Engvangin nge i tan chuan a hnaih bik a nge" ka ti zui sap a.

"A chhan chu ka arsi chu ka kiangah hian i awm vang alawm" tih pah in ka hmui ah a rawn fawp zui zauh a.

"Kei chuan khi arsi kha a nia ka duh chu" tih pah in arsi de uai chu ka kawk va a.

"Chuti maw...i tan kan la a nge aw" tih pah in a kut hum chhuak in ka ham ah a rawn dah ha a" a kut hum chu muangchang in ka hawng a. Silver thi hi a lo hum ran, a locket ah arsi lem a awm vah bawk.

"Hei hi" zawhna nei fe chuan ka melh a.

"I tan a ka arsi lak chu a nih hi" a ti sap a.

"Ka zin in ka rawn hawn che a. Mahse ka thinrim in ka hrilh duh lo che a, min thlem hun ka nghak alawm" a nui suk a. Ka chal a in si chat.

"Thlem maw a naupan chhiat thlak e" ka nui suk a.

"Khawi lo dawh rawh ka awrh tir ang che" tih pah in ka in siam rem a. A kilh na phelh in ka nghawngah chuan min rawn awrh tir ta a.

"A mawi lutuk..ka lawm e" ka ti zui sap a. Ka hnunglam ah chuan hawrawp 'R' tih inziak chu ka hmu zui nghal thuai.

"Hei hi" ka melh zauh a.

"Kan hming bul ve ve a nih kha. He thil hi khawvel ah hei chiah hi a awm a nia, i tan liau liau a ka ker tir a nih kha"a ti sui zap.

"E tak a...tinge i lo van haw hma leh si em em nikhat ka cham dawn i ti sia" a mitah ka en ran a.

"Umm ka ngai che a. Ka zawh rualin flight lo awm remchang bawk nen ka lo haw hma hlauh a nih kha. Mahse tum loh deuh in i lo awm a" hnunglam a hawi deuh ngat.

"A chhan te chu i hriat vek tawh kha. Hmeltha an thinrim ngai lo" tih pah in ka in siam rem a a hmai ah ka piap zauh.

"Nih chu. Amanda i te in ah lo va kal hmasa i la tha tur a nia" a rawn ti chu ka thin a sa phat mai.

"Hmm...va kal rawh" tih pah in ka hnungchhawn zui ve hmak.

"Fiamthu ah hmeltha an thinrim ngai lo" tih pah in ka hnar ah a rawn piai zui ve zauh a.

Kawngka ri rak thawm ka hriat rualin Remsanga chu bathroom lamah ka hnawl phei nghal rawk rawk. "Eng nge a" ti hman hram. Kawngka ka khar a pawnah ka kalh zui nghal sawk sawk. Ka kalh fuh chiah em tih pawh ka hrelo.

"Tunge lo...." ka sawi zo hman lo ka banah Remsanga'n min rawn man a. Bathroom ah min kai lut a, a kalh zui nghal hmak. Kawngka hawn ka tum a, ka kut ah a man a, bang si chat in min nam zui in ka hmai bul set ah min melh run.

"Eng nge i hriat a" zawi sap chuan ka ti a.

"Ka ngai che a" ka kut chu a vuan zui hmak a. Ka hmui ah a fawp zui nghal zat.

"Min ngai hun lo emai...ka va chhuah loh chuan min ringhlel mai ang. Khawi min thlah rawh" a ruk thei ang ber in ka be sar sar.

"Aih...i kut hi engtik lai pawn ka chelh reng dawn" luhlul zet in a ti vei sup lehnghal a.

"Bawihpui khawnge i awm" ka pa in a ka room atanga luh pah in a rawn ti nghal a. Remsanga hmui chu ka hup ringawt. A mitko a san zauh a, a chal chu ka lu ah a rawn chuktuah ran bawk.

"Pa bathroom ah" Remsanga lah chu a la ngal em em zui. Ka sam te chu a kut in a khawih sek mai. A mitmei zauh a, thu a awih duh der lo lehnghal a.

"Hey vawin ah Underwear lo theng i U Muani i chah kha...a pek hmaih che a. Lo la rawh, han ha chhin teh" Remsanga chu ka en a. A nuih a zat hmel ngang mai, mahse a insum hram.

"Tahkhan lo dah rawh"

"Eng nge maw i tih le" ka pa chuan bathroom kawngka a rawn kik leh ta nghal a.

"Pa...dahkhan lo dah rawh...eng nge rawn luh i tum a mi"

"Aw..thil lak lawk ka duh alawm" Remsanga lah chuan ka lu chung a shower a rawn herh haw a. Ka phu zawk a, ka huh nghal vek. Phawk fe in ka melh ringawt. A la nui suk zui lehnghal a.

"I naupan lai in kan hmu nasa lutuk. In len hnu ah hian ka zak e hi in han ti leh khanglang a. I tetlai in ka hmu vek tawh" Remsanga nuihza lutuk chu a insum hleithei lo. Shower hnuai ah a nui khur dur dur. A nuih chhuah ka hlau bawk si, thei leh thei lo in a hmui ka hup sak ve tawng tawng.

"Pa...ka inbual va kal rawh. I duh chu naktuk ah la mai rawh aw...mu tawh rawh, i chau palh ang" hnawh bo dan ngawt ka ngaihtuah tawh. A kal vat lo a nih chuan hepa hi a nui chhuak dawn chiang alawm.

"Ole..muttui aw"a tih rualin kawngka in khar khawp thawm ka hria a. Bathroom kawngka ka hawng a, ka va bik dek dek a, a kal tih ka hria chuan ka thaw huai in mai.

"A kal tawh" tih pah in Remsanga chu ka melh a. Chu veleh za mangkheng in Remsanga a nui chhuak nghal hawk hawk a, a in ka hrang nghal thuai. A insum thei lo, kawng dawm in a nui kun tlawk tlawk thei nia. Shower pawh chu ka off zui a. A ni pawh a nui far tluk tluk mai.

"Eng nge i nuih chiam a. In ti hul rawh i hritlang a nge" ka tih pah in pawn luh dawn a ka towel dah chu ka la a. Remsanga lamah ka vawm phei zui nghal zat a. Keipawn pakhat ka la ve bawk.

"I pa chuan a hmu a maw" a nui leh hawk hawk.

"Vel a che...i chhung te pawn an hmu ve tho ang" tih pah in ka in hru hul nghal thuak thuak. Hetiang em em a, a nui nasa hi ka la hmu ngailo. A pawm a dawm tlawk tlawk nia.

"Under wear chu va ha chhin teh" a nui leh nghal hawk hawk.

"Ninawm nui reng suh...va haw rawh" tih pah in, lehlam ka hawi a, ka sam ka hru nghal thuai. Bathroom atangin ka la chhuak chuang lo.

"I hmeltha lutuk.." thutak fe in a rawn ti chhuak leh ringawt. Hepa tak hi chu a ka thinrim deuh tih a hria a ni ngei ang, min rawn pan hnai in a sam a hru zui thuak thuak.

"Dawt sawi vel zawt zawt suh" tih pah in ka sam ka hru zui nghal thuai.

"I thinrim lai pawh hian i duhawm na hi chuan mi hi a hneh thlawt a nih hi. I sam a huh chap phei hi chuan i lang duhawm lehzual. Foxglove pangpar tluk zet a mawi i ni" a ti zui sup a. A sam a hru leh thuak thuak. Thinrim der ka tum pawh hian ka thei hlawl thin lo.

"Chu...tur ka nei i tihna em ni" a hmai bul setah chuan dak ha in ka ti sap.

"Aw...i tur chu ka rui mek a nih hi" ti zui sap in ka hmui ah chuan a fawp zauh a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)