MIN RING RAWH BY Melz Hrahsel‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MIN RING RAWH BY Melz Hrahsel‎ (Completed)

Unread post by Ngaia » August 30th, 2020, 9:10 pm

MIN RING RAWH

Prologue.
.
"Min fawp rawh" zawi sap in a bengbul ah chuan ka ti sap a.

"Naktuk mai a pasal nei tur i nih kha" a hawisawn deuh hmak a. A ngawi deuh vang vang "min hmangaih emaw ka lo ti thin a" a awki ah chuan a na tih ka hai lo. Mahse a ni hi zawng na pawh nise tihlan a duh ngai lo.

"Ka hmangaih che. Mahse ka nawmsak na tur zawk chu ka pan a ni mai, ka hmangaihna che kha ka hralh ah ngai mai rawh. Sum hian engkim a ti thei alawm" tap chhuak lo turin ka in thunun hram a ni.

"Ka hrethiam e" zawi sup a ti in ka room a chhuahsan a. Ka hriat leh awmchhun chu ka room kawngka na zet a inkhar ri a ni.

'Ka hmangaih takzet chu. Mahse, i tan hetiang a ka tih hi a ngai a ni, a kaw tawp ah ka tang si a nih hi. Min ngaidam ang che. Ka hmangaih reng ang che' ka hriat tham lek a ti chung in ka room balcony ah chuan ka zuangthla zui nghal a.


yy8sxewj.jpg
yy8sxewj.jpg (16.9 KiB) Viewed 14634 times

Min ring rawh-1

Rebecca's

Hlimten i lengdun zel ang aw..
Karah hmelma leng vel mahse

Ti a zai chungin phur zet chuan ka sam ka khuih mial mial a. Ka dressing table hma ah ka thu a ka a chang leh ka samkuih chu mike ah te ka hmang thul.

"Rebecca Lalrinkim rawn chhuk rawh zanriah ei a hun tawh a nia. Khatin zai nghek nghek kher suh i zaithiam lo si" ka ni in a tih rual chuan ka tawp nghal hmak.

Zanin a ka chhuah dan tur ka ni hi engtin nge ka dil ang tih ka la ngaihtuah miah lo tak e. Ka birthday a ni a kan thian ho a road side party neih kan tum a. Ka ni hian a phal dawn lo tih ka hria, a chhan pawh a strick em vang a ni. U Muani a awm lo bawk a, zanin chu keimah chauh in ka kal dawn a nih hmel.

Kapa, Ka ni leh A fanu keimah ai a upa deuh te nen kan khawsa a. Ka pa leh U Muani te hi an zin a ka ni nen chauh kan awm a ni. Naktuk hian an lo haw hman ka ring, U Muani awmlo chu tlem in ka nguai ve deuh a chhan pawh engkim ka tih pui thin a nih vang a ni.


Ka inthlak sawk sawk a zan a chhuah inring sa in ka insiam a ni.

Ka room atangin ka chhuak phei a choka ah ka ni chuan dawhkan a lo kil der tawh. Ka thu a ngawireng in chaw chu ka ei zui ve nghal mial mial.

"Ni zanin chu kal duh lawk na ka nei a i remti em" chaw bar pah in ka zawt a.

"Khawiah maw. Hmeichhia zan chhuah hi a mawi teh chiam lo a nia, bakah tunlai khawvel ah phei chuan thil him lo ber te zing a mi a ni. Thil sual va ti lem lo mah i la miin min hmuh dan hi a tleu tlat thin a nia" ka ni chuan a ti zui nghal zat.

Dil chhuah chu a huphurhawm tek tek hle mai.

"Mahse ni ka thian te ho in an ti a bakah kum20 ka tlin na tur a nia nidang ah pawh ka dil ngai chuan loh che hi"

"Ka hria mahse i U Muani leh i pa an awm loh hi in duh chuan kan inah hian lawm mai ula"


"Ka lo tiam tawh sia lawm. Aw ni" tho chhuak in a awmna lamah ka phei a tlawn vei takin a hnung atangin ka kuah fiam vel a.

"Awle a tha rei suh ang che"

"Tehreng mai 12 hma chuan ka lo haw sa"

"Dar10"

"Ole" ka kut ka sil nghal sawk sawk a. Dawhkan a ka bag lian lo tak chu hum chhuah pah in kawngka bul a ka scooty helmet leh chahbi chu ka la chhuak zui nghal zat a.

"Chaw hi" ka ni in a rawn ti a.

"Ka puar" vei lem lo zet in ka kut chu ka vai a ka scooty ragage a ka lakchhuak rualin ka phone ah text a rawn lut zui nghal pat.

"Hey khawnge i awm" Muansangi text a ni.

" i lo chhuak dawn chiah. Khawiah nge" ka chhang let a.

"A ngai ah lo kal vat rawh" a tih rualin ka scooty ka ti nung a Ka phone ka ak tha a. A hma a kan lo awm fo tawh na thin lam chu ka pan zui nghal thuai a.





Aizawl khaw pawn deuh awm a ni a. Kan awm thinna bul atang chuan aizawl khawpui eng ut pawh a hmuh theih a ni. Rei vaklo ka tlan hnu ah ka thleng nghal thuai a. Thingbuk hnuaiah ka scooty chu park tha in ka helmet chu a seat hnuah ka dah nghal thuai a. Ka sam tuai mam thuak thuak in min lo nghah thap na lam chu ka pan zui nghal zat.

Music hot zet mai play in an lo lam suau suau tawh.

"Birthday Girl a lo thleng e" ring zet a Ruati'n a tih rualin ka nui sak a. Ka zawm zui ve nghal thuai.

"Zanin chu i lang tha khawp mai" ka bengbul ah a rawn ti a. Music a ring bawk nen thusawi in hriat pawh a har khawp mai.

"Ka lawm. U Ruata hi a rawn la kal lo a mi. Ka va hmu lo ve" ka tih zawm nghal pat a.

Ka thlen rual khan ka melh nghal vat a, a lo thlen tawh ka beisei teh lul nen a. A lo awm miah lo, mahse awm ka ti hranpa chuang lo a hna ah a buai ve thei em a ni. Ka lo kal dawn a tih hi chuan ka lo kal maithei a tihna ah keichuan ka ngai, tlem chuan ka nguai ve deuh mahse tih theih eng nge awm chuang.

"I bialpa ve lah hi a. A ngaihsak hlawl lo che"

"A buai vang alawm" a thlavang hauh nan chuan ka ti a.

"A buai chu thuhran lo call ve tal tur che alawm. Bakah hetiang hun pawimawh ah te chuan in hun te pawh insiam ve se la. He pa hi chu ka ring thei hlawl lo a ni, a chezia te hi ka ten ru riau. A upa tawh ropui si" a beer ken lai chu a tlak pap a.

"Vak vak a che" ka ti sam et ringawt.

"A nia lawm. Tar hur a nih kha. Khatiang in kum a in thlau ropui si. A hmel te hi a hur hmel hiah hiah" a la tih zawm zel zui. A thusawi chu huat ka tum na a a rui tawh em a. A sawi liam ve mai mai ah ka ngaih sak hmiah.

"Ka kal hrang lawk" tih pah in kan awmna piah deuh lam chu ka pan phei a U Ruata number chu hmet chhuak in ka call nghal thuai a. A phone a la lo. Ka call nawn leh a, a in ring ral leh țhak a. Thawk la hak in ka bul a thing ding chu ka ngheng nghel thuai.





Keimah ah dikloh na eng emaw a rawn awm tan a. Ka tawt nghal up up a thawk harsa ti khawp in ka awm zui nghal ni mai in ka hria.ka awm ah ka kut ka nghat a ka thaw chhuak leh hawk thin. A tawp nan tiin ka call nawn leh a.

"Hello" U Ruata aw ngei in a rawn tih rual chuan ka thaw huai in ka hria.

"Duat ka lo nghak reng tawh che a nia khawnge i awm"

"Ka buai lutuk" a tih rualin a phone a hmet tawp zui nghal pat. A tha tih tal ka hria a ka lawm tho e. Ka ti rilru a.

"Hey lo phei ta che mawle. Eng nge maw khatah i tawm sen reng ni" Lawm'n a rawn tih rual chuan ka phei zui nghal zat a.

Ka birthday zan mah nise ka van hlim lo kher em. Ka kiangah hian U Ruata awm ve se chuan nuam deuh tur a nia. Tihtur tamtak ka lo ruahman lawk ve tawh tehreng nen a. A chang hi chuan ka lungawi lo ve thin mahse chu chu ka thu a ni lo.

"Zanin hian tumah dang ngaihtuah lo in han chen ta che mawle duat" lawm i bawk chuan zu no min rawn dawm tir zui ve nghal zat a. Eng khaw sawi set set lo in ka tlak nghal pap.

"Umm tlem chuan ka zia deuh" tih pah in ka nui sak a. Rui em em lutuk a in erawh ka tum lo a chhan pawh lirthei khalh haw leh tur ka ni tlat a ni. Ka ni strick em em i phei chuan min lo man chhuak nghal a ni mai, ka ni hi chu mit pathum a nei ka ti thin. Hmu lo mahse a hre vek a ni ringawt.

Kan lam a kan zai a. Ka tum aiin zu pawh ka in hnem tawh ka phone phawrh in U Ruata ka call nawn leh a.


"Hello" hmeichhe aw in a rawn tih rual chuan ka rui zawng zawng ka harh nghal kawk in ka hria. Ka taksa hi a sa chhuak nghal pap pap mai.

"Tu..tunge i nih a" ban chap chuan ka ti a.

"Tunge i nih zawk a"

"Keimah maw. He phone nei tupa hi lo ko vat rawh. Thu hmeichhia nge maw i nih le. Lalremruata chu han ko vat teh" vin tuarh hian ka ti zui nghal tuarh.

Ka thinrim lutuk chu ka puak keh mai dawn in ka hria. Hepa hian min kawp a nih chuan a chak lo ngawt ang chu le.




"Min ngaidam teh nula phone nei tu hi a awmlo tlat mai. He phone hi kan inah a theihnghilh a"

"A ni maw. Khawiah chuan nge i awm phiangsen a zawngi" vin zet in ka ti zui nghal zat. A bialnu maw...haha..tu hmeichhia pawh nise a chak lo ve khawp ang chu.

"A secretary phone neitu a awmlo"

"Hello..hey...hello" phone a dah nghal hmak. Hrep tak chuan.

Eng dang ka ngaihtuah thei tawh lo. Ka scooty ka ti nung a ka tlan chhuak nghal nal nal.


"Hey Rebecca khawnge i kal dawn" Sangte'n a rawn ti pawh chu ka chhang let thei tawh lo hrim hrim. Ka scooty chu chak zet in ka khalh a, ka helmet pawh ka khum tawh lo hrim hrim ruah rawn hmi deuh sang sang lah chuan ka hmai chu a rawn theh deuh ser ser lehnghal a

Eng emaw hi ka rap a. Ka scooty ka herh kawi nawk a, ka tluk rualin lei ka hrut zui a, ka scooty tek deuh chhuai chu zan thim ah chuan langsang tak a ni. A indicator light chu engtin in nge ka lo hmeh hman pawh ka hrelo a lo ri vat vat mai.

Hmanhmawh zet a in beng fai sawk sawk in ka scooty awmna lam chu ka pan phei a. Ka tung a, ka off nghal thuai.

"Tanpui i ngai em" mipa aw thum lampang in thingbuk hnuai atanga a lo tih na lam chu ka hawi phei nghal ha.

Mipa sang leh pian fuh zet mai, sam dum deuh hlap leh hmai ki van t-shirt dum ha chuan a lo ti a. A ban te lak chu a mawi tawkin a sek a. A kawng lah chu a fek deuh rat tih hai rual a ni lo. Mipa a zawng a pian thiam ber chu a ni ngei ang, a rawn phei zawngin a sam bu tha zet chu a tui chyo puat a, a mitmu fiah kak leh tuipui ang mai a thiang chu ka melh ran. Hmeichhe ta zawk zawk ka ni lo hepa zet erawh hi chu ka la chho en ha mai. Ft6'2 vel chu a tling ngei ang.

"Ngailo" bawng nghut in ka ti zui nghal pat a.

"Kha i pem a nia" tih pah in a phone light chuan min rawn chhun sat. Ka kutin ka lo in hliah nghal vat.

Scooty chu khalh leh mai ka tum a, mahse a nung thei ta hauh lo. Ka hmeh nun leh dawn pawh chuan a nung thei tawh miah chuang lo. Ka phone la chhuak in sana ka en zauh a zan dar 12 a ri der tawh. Ka ni chuan min van ti rethei dawn chiangkuang em.

Min chhuah hauh lo ang.

"I scooty chahbi min lo pe teh" chupa chuan a tih zawm nghal zat.

"Ngatan mah i ti lo" chhum hmuk chuan ka ti a.

"Hmm...mamawh lo ni i la ka dil dawn che a mi" a sawi rual in a pawtthla nghal hmak a. Ka scooty seat hnung a hawng a. Ka helmet a la chhuak a ka lam pan a rawn kal in ka helmet chu min rawn khum tir zui nghal pat.

"Helmet hi khum tur a siam a ni. Scooty hnuai a dah tur ni lo in" a ti chhum hmuk.




"Hah..vel che chuan a. Tu phiangsen nge maw i nih le" tawngkam duhtui lo zet chuan ka ti a. Ka thinrim laklawh tawh tlat.

"I hriat chu eng nge a tangkai vak na" A ti hmuk.

"I duh leh sawi lo la"

"Zoremsanga" ka scooty bih chung chuan a ti zui nghal.

Ka phone light chu ka on zui ve nghal zat a. A scooty bih lai chu ka chhun pui ve nghal pat.

"Lalpa leh" ka au chhuak nghal thawt.

"Eng..eng thil diklo nge thleng a" Zoremsanga ti a koh tlangval chu a rawn ding ngil nghal zawt.

"En ta che ka scooty ran nasat zia hi. Awi ka ni chuan min hau chiang ngawt ang, nimin chauh a ka lei thar asin mawle. Enteh a rawng te hi a khawk vek a nia" a rawng khawk lai te chu dim fe in ka chul a. Ka birthday present a tan min lei asin mawle.

Buaina thuah hnih mawi pawh ni lo thuah sawmsarih ka tawk dawn a ni. A ni in ka haw tlai vang leh scooty ka tih rang vang in min hauh chu sawi loh zu ka la in zui. A dawt ah ka pa in min hau leh a nga. U Muani pawn min hai dawn hrim hrim mahse a ni chu scooty vang ni lo in, a lo haw hma a kalo party san vang a ni ang.

"Rui chung in khalh lo ni la hetiang hi a thleng tawp nang" zawi sup chuan a ti a. Ka hre hman chiah.

"Engmaw i sawi a"

"I hriat kha" a ti chhum leh hmuk.

Mipa in la vei lutuk hi chu a.

"Rim chu i hria em" ka tih zawm nghal zat a.

"I zu rim chu hria e" a rawn tih leh kher. Ka thinrim a ti zual sauh.

"I bawng lu tluk a lian lu i nei a. Sai hnar tluk hial awm a mawi hna i nei a chuti chung chuan i hrelo a maw" kawng dawm ha pah chuan ka ti a.

"I sazu hnar tereuhte pawh in i hria a nih chuan engah nge maw i hriat loh ang le"

"Eng nge maw i hriat a i chaltlai em em mai le" vin zet chuan ka ti leh.

Min chhang lo in ngawireng chuan kawngkir lam a pan phei a. Bike a lo dah reng chu niin a ti nung a a rawn khalh chhuak a. Ka hma ah tak chuan a ke lehlam a in rahkhalh ran in rawn ding a.

"Chuang rawh" bawng ngut chuan a ti a.

"Engvang ngawt chuan maw" Ka lo chhang nghal thuai.

"I scooty hi a nung thei lo ang. A petrol a baw ral vek, tun a i haw theih na awm chhun chu ka bike chauh hi a ni" ka mit a en ran chuan a ti a.

Ka sana ka en leh zauh a dar 12:30pm a ri tawh. Ka phone a rawn ri zui nghal ral ral a ka ni a ni ka la a ngem nge la lo ang ti a ka in ngaihtuah laiin ka phone a rawn thi nghal hmak. Duhlo viau pawh ni ila tih theih ka nei lo tih ka chiang a ni.

A bike a ti nung a. Engmah pawh sawi lo chuan a bike ah chuan lawn mai ka tum a, a tlan sawn dat.

"Eng nge maw i tih le" banphar ha chuan ka zawt a.

"Ka bike a chuang tur te reng reng in an hming min hrilh phawt a ngai" nui suk chuan a ti a.

"I fiamthu" thle bakin ka ti a.

"Teuh lo" min chhang nghal.

"Rebecca"

"Rebecca" a lo ti ve a

"Lalrinkimi"

"Hmm han in hmelhriat tha leh i la, hi ka hming chu Zoremsanga" a kut a rawn dawh ha a. Ka beng thak a, a bike ah ka lawn zui nghal zat. A nui deuh suk thawm chu ka hre thei.

"Lawks aw" bike atanga chhuk in a helmet a bike a a khai chu ka la a. Ka chezia chu phawk fe in min lo en. A helmet chu a lu ah min tih dan chiah in ka khum tir zui ve nghal.




"Helmet hi khum tur a siam a nia. Khai tur a siam a ni lo" cho tih hriat fe in ka ti zui ve nghal pat. A nui suk ringawt. A nuih ka hmuh rualin biangsum a nei deuh tih ka hre thei mahse chiang lutuk erawh a ni lo. Uluk tak a en in a lang chang chang a ni.

A bike ah chuan ka lawn a. Kuah in thlahrung fe hian ka chuang bawk. Ngawireng in ka ban chu a rawn ban a, a kawngah nghet zet in min indawm tir zui nghal.

"Hmeichhia bike atanga phur tla nih ka duh lo a nia" a ti tham tiak.

Ka ngawireng a. A bike a ti nung a chak zetin khawchhung lam min pan pui zui nghal nal nal. Ka scooty hnutchhiah chu ka duh chiah lo na chu han khalh haw thei zia zang a ni bawk silo. Duhlo hle pawh ni ila ka dah a ngai a ni. A bo loh nan erawh tawngtai uluk fe a ngai ang.

Ruah lah chu sur ta mai lo in a hmi seng seng a, hmai ah chuan a rawn theh leh ser ser thin. Ka kut lehlam in ka dawmna ka thlah a, ka helmet glass chu ka kai thla zauh a. A ngai te ang bawk in ka kuah zui leh nghal thuai.

A hnung chu a lum nuam ham ham khawp mai. Bei thlap in a thinphu chu ka ngaitha a, helmet ka khum bawk nen chhuta karah bike chuang kan ni a. Thli thaw deuh vuk vuk bak chu engmah hriat a lawi ka neilo. Ka hriat leh awmchhun chu a rim pa hrak leh a perfume rimtui zet inpawlh a zun nei rim zet a nam chu a ni mai.

"Khawi lai ah nge in awm" a bike tih din rual chuan a ti a hriat loh laiin khua kan lo lut der tawh. Kan awmna atang hian kan in a hla vak tawh lo bawk nen heta tang chuan ka haw theih mai ka ring. Bakah in theng theng in thlah tir chu tlawmah ka la ve det.

"Kan in a hla vak tawh lo keimah in ka haw tawh mai ang" tih leh chhuk ka rual nghal zat.

"I chiang maw zan a rei tawh hi" a ti sup.

"Aw. Ka tha. Ka lawm Zoremsang"

"Remsang mawle" a rawn ti leh zauh a.

"Ka lawm e Remsang"

"Keipawh ka lawm e. Rebecca" a bike ti nung in a tlan a. Pen thum vel awrh ka pen ang tih ah a rawn tlan let leh a "Rebecca" a nui suk a. A tlan zui leh nghal nal nal.

Engmah pawh ka sawi thei lo ka nui ringawt. Kan in lam ka pan ding nghal a. Khapa ang kha la la tawng ngailo. A mizia a mak khawp mai, a zaklo ka ti dawn nge a tlangnel ka ti dawn pawh ka hrethiam lo e a. Za lo zet in ka nui hak a.

Lalruatdika te in zawn ka thleng chiah chu ka nui tawp chiang rapthlak. Eng emaw ka ngaihtuah chhuak thut a, dim fe in an in gate ah ka lut tam tam a. An garage chu uluk fe in ka thlek a, rin ang ngei in a motor a lo awmlo. He mihring hi chu a van chak dawn lo rua em.

"Lalruatdik leh" zawi sap hian ka ti a kan in lam ka pan ding nghal nal nal.

Kan in gate ka lut tur chu ka chil ka lem khalh mai. Ka ni hmai sen hmuh chu ka huphurh a ni, min hau dawn tih chiang takin ka hria.

Kawngka ka hawng chiah chu ka ni in thinrim hmel ve in min lo melh a. Ka in thlahrung chu hnuailam ka melh chhal. Mahse a hmel awmdan a rawn inthlak hlauh.

"Rebecca engtin na nge i chal te kha a pem a, i biang ah lah chuan thi a la kai niaih zui. Mamte i tha em" zawldawh leh min ngaihtuah tih hriat tak hian a rawn ti chhuak hram.

"Ni...ka accident a" ka helmet phelh pah chuan ka ti a.

"Maw..i na em khawiah engtin nge scooty in maw khawnge i scooty" pawn lam en deuh ha chung chuan a ti a.

"Ka scooty a chhia a. Ka hnutchhiah, ni lo haw hma ka tum a mahse..."

"Ka hrethiam e. Hetiang a i awm ka hlauh vang hian alawm chhuah ka phal loh thin. Han chawl hahdam rawh i mut hma in insil la. I pem kha damdawi hnawih ang che" ka bu nghat a. Ka room lam ka pan ding nghal thuai.

Room a la luh rualin ka khum bul a pluck ah ka phone ka charge nghal zat a. Ka darthlalang a ka inen chiah chu rin aiin a thawmhnaw a lo tet nasa ka taksa erawh a tlang lo. Ka jacket hak chu phelh sawk sawk in ka bul a bal bawm ah ka vawm lut nghal a. Chutiang bawk in ka kekawr hak lai pawh a pawr fup mai. Ka tawnzau leh kekawrte nen chuah chuan bathroom lam pan in ka chal kak deuh leh thi vel chu ka hru fai a.

Bandaid ka bel a. Ka in hru fai zui nghal thuai. Ka phone ri ral ral ka hriat rualin ka khum awmna lam ka pan ding nghal thuai a. Ka en chiah chu ka meng nghal kawk U Ruata call ngei a ni. Ka pick nghal vat.

"Hello bawihte call tlang i van har em em ve" zawldawh fe hian a rawn ti a.

"Zawk che chuan nangmah kha vawi engzat nge ka lo call tawh che. Eng nge tunah tak min rawn call leh dawk dawk si a" vin zet chuan ka ti zui nghal zat.

"Hmm thinrim lo la. Hna ah ka buai alawm" a ti sup.

"Tunge hmeichhe phone rawn la tu kha" ka tih zawm nghal zat.

"Kawngka rawn hawng la. Engkim ka hrilhfiah vek dawn che nia"

"Maw. Kawngka a"

"Umm in in kawtah ka ding. I ni a mu tawh tih ka hria lo hawng vat rawh thil tha deuh ka lo keng a nia" a phone a dah zui nghal zat.

Ka room atangin rukruk tum ni awm hrim in ka kal den den a "Ni...A ni i mu tawh a mi" min chhang lo. Hmanhmawh zet in kawngka pui lam ka pan phei a. Kawngka ka hawng zal zal a. Ka hawng rual in ka hmu zui nghal zat.

Kawngka ka kalh rualin ka hnunglam zawngin min rawn kuah a. Ka hawi let a, ka ni room lam ka melh nghal zak zak. Min hmu a nih chuan ka thi a ni mai.

U Ruata hi kei ai a kum 15 dawn a upa a ni a. Hna a nei tawh nghe nghe. Ka thian te chuan val senior a ti ten an ko fiam thin. Min ngaihsak a ka duh engkim a hre hneh em em bawk, mahse a buai deuh thin vang hian hun erawh kan duh ang in kan hmang tam thin lo. A changin a lo kal dawn ti a a sawi na ngei ngei ah pawh a rawn kal lo a. A chang leh sawi loh lo in a rawn lang leh thut thin.

Ka room ka thlen rualin ka kawngka ka kalh nghal vat a. Ka khum lamah kan in zui phei nghal zat.

"Ka ngai lutuk che" zawi sup a ti chungin min rawn kuah a. Ka in la hrang nghal thuai.

"Tunge zanin a i phone lo la tu kha" vin lek lek chuan ka ti a.

"Eeee...ka secretary a nih kha" ti sam et a. Min rawn kiss a tum zui nghal zat.

"Ka awih lo. Engvang a lo la nge a nih a" thutak ran chuan ka ti a.

"A ho emai...nuam deuh in hmang zawk ang. Tu pawn lo la se ka hmangaih chu nangmah chauh alawm i nih"

"Min hmangaih lo" titau tih hriat tak chuan ka ti zui a.

"Nangpawn min hmangaih lo" a rawn ti zui ve ringawt.

"I tan engkim ka ti a, ka hmangaih lo che ah i ngai a maw. Lo kal rawh i tih na apiangah ka lo kal ziah a, ti rawh i tih ang apiangin ka ti bawk. Thian mipa dang kawm i phallo a, ka phone te saw en rawh mipa dang number pawh a awmlo ang. Chu chu ka hmangaih vang che a ni dawn lo a mi" khumah ka thu tau nghal hnawk.

"Ka hria. Mahse min hmangaih tawk lo"

"Ka hmangaih na che chu engtiang a ti lang turin nge min phut a"

"Ka tan in pumpek rawh" ka bul a thu pah in min kuah pah chuan a rawn ti zui nghal zat.

"Maw. I sawi awmzia chu mutpui tur che in min duh a maw" a ban ka paih tla nghal hnawk.

"Aw. Bawhte ka hmangaih che a, i tan engkim ka huam ti rawh i tih ang apiang ka ti ang. Nangpawn ka hmangaihna che hi nem nghet la ka duh" min rawn kuah zui leh nghal a.

"Nilo a theih loh. Hetiang thil ka duh lo"

"Ka nupui nih i duh a ni lawm ni"

"Aw. Mahse" sawi zawm tur ber pawh ka hre tawh lo.

"A nih chuan ti mai rawh. Hei bak ka sawm lo ang che vawikhat chauh a ni mai"

"Aih ka theilo. Ka hmangaih che mahse hetiang chu ka theilo a ni"

"A nih chuan min hmangaih lo tawp a nih chu. I ti dawn lo a nih chuan kan inthen a nga a ni mai. Chuan ka nupui i ni lo kumkhua ang" a tih zawm nghal zat.

A nupui nih chu ka duh ber a ni. A hlimna hi ka duh bawk, chumi thleng tur chuan engpawh tih ka huam a ni. Ka hmangaihna hi a ringhlel a nih chuan a fiah nan eng emaw chu ka ti ngei tur a ni.

"A tha alawm. I duh ang chuan ka in pumpek ang mahse i tan vek a ni tih hria ang che" ka sawi rualin min rawn kuah a, duhthawh zet in min fawp nghal tawn tawn.

Ka lo chhang let a. Min chawi kang lawp a, min fawp zui nghal char char. Khumah min chawi phei in ka chungah a bawk ran a. Ka malpui vel te chu a kut lian zet in a tam tawn tawn bawk.

"U Ruat" zawi sap chuan ka ti a.

"Aw bawihte" aw khur dar dar a a tih rual chuan ka ngawng vel te chu a fawp kual a. Ka kawng te a zut a ka malpui ah bawk a kut a dah leh thin.

"Ka hlau a nia" tham tiak hian ka tia.

"Hlau suh engkim ka ti vek mai ang"

A sawi zawh rual in ka kawr chu muangchang in a phelh a ka bra hak lai phelh leh in ka awm kawh lah mai chu a kut pahnih a tham nawk nawk pah in min fawp zui nghal a.

Ka taksa chu zawimuang hian a danglam a. Engtin tak nge tih erawh ka hrelo ka lo hlauh ruk em em chu nuam ka ti letling tlat tawh. Ka thawk a rang a, ka taksa a rawn sa pap pap a ka thlan fim in min bual nghal zawih zawih.

U Ruata duhthawh tak a ka kiss lai chuan eng emaw thip zawk hi ka hre zui nghal zat. Ka then nghal sak bawk.

"A na a mi" zawi sap hian a ti a. Ka chhang thei lo ka bu ngat ta ringawt a.

****

"Ka ring thei che a ngem" U ruata boxer chauh ha a, ka bul a mei zu chu ka melh zauh a. Kei pawh chu underwear bak engmah ka ha lo. Puan erawh kan sin.

"Tehreng mai"

"Tuma hnenah sawi suh aw" ka ti sap a.

"Kan inkar thil a nih hi khawiah nge maw sawi se min tih le" a meizial nawr hlum pah in min kuah a. Ka chal ah a fawp zauh.

"Ka sawi ve mai mai. Ka hmangaih che"

"Keipawn ka hmangaih che" ka hmuiah a fawp leh zauh a.




Chapter-2

"Ka pu min discount rawh" workshop nei tupa chu tlawn tih hriat takin ui naute melh tak hian ka melh a.

"5000 ai tlawm chuan ka tawlh thei tawh lo"

"Naa ka pu. Nidang ah pawh midang ka siam tir ve ziah alawm. Hetiang zat zat a ni lo tih ka hre ve vek a nia aw" ka ti zui ve nghal zat.

Tukin hma lutuk ah ka ni in min kaitho a. Zingkar ah ka thiannu Lawmi nen ka scooty chhiat na ah kan va kal a, kan va la chhuak a workshop ah ka tlang pui nghal nal nal. Ka sil em em mai bawk si nizan ka accident na pawh a ni ta ve ang. Umm..accident chi hnih ngawt a lawm ka tawh ni.

"Midang chu va siam tir rawh 5000 ai tlawm chuan ka thei lo a ni tawp. En ta che a rang nasa si. Engtin chuan accident pui che ni maw. A rawng kah man ah hian mi chuan 2000 te an la a nia. A dang siam tur a tam, ka khawngaih che a ka ti tlawm mai mai a nih hi" min en ran chuan a la ti zui lehnghal a.

"Ka pu khatin ti lo la. 4000 tal in min hniam la"

Ka la dawn hram. Min dawn vel hi ka ching ve hrim hrim.

"A nih 4500 bak chuan ka tawlh thei lo ang. I duh lo a nih chuan pawi ka ti bik lo" ti deuh hmak.

"A nih leh a tha alawm. Engtik ah nge i siam that theih ang" phone hmeh mawlh mawlh pah chuan ka ti zui nghal zat a.

"Karleh ah"

"Karleh a" ka meng nghal kawk.

"Ka siam tur zawng zawng hi en rawh" two wheeler ho chu a kawk kual a.

"Ole a tha e. Karleh ah chuan ka lo lam mai ang"

Workshop atanga chhuak in Lawmi nen chuan kan in kal dun hnak hnak a. Whatsapp ka open a, tukin a U Ruata ka text na ka en let a, min reply miah lo. A seen pawl vat tih erawh ka hmuh hmaih lo. Tukin ah pawh ka call leh a, mahse a la miah lo. A buai a nih ka ring zui nghal zat.

"Hey Nizan kha eng nge i haw hmak a. Lal Rebec" ka thiannu chuan a rawn ti a.

"Emergency" phone hmet reng chungin ka chhang a.

"Eng emergency maw"

"U Ruata" bung nghut in ka chhang ringawt.

"Min en teh" ka hma ah min rawn kal khalh a. Ka phone en lai chu a rawn la hmak a. U Ruata ka text na zawng zawng a chhiar nghal vak.

"Khawmaw lo la teh" ka phone chu ka ban a. A dahsawn hmak. Henu tak hi chu engkim hi hriat ve a tum a. A awm ve tho mai ka thian tha ve ber a ni a. A lakah thuruk ka nei ngailo a ni pawh chutiang tho in thuruk a neilo.

"Hey nangni hi" phone a en mual mual a phawk fe chuan min rawn rawn melh a.

"Eng nge khati vak a min rawn melh a"

"Nang hi nizan khan eng thil chiah nge thleng sawi rawh. In mudun chiang alawm tirawh. Valnlal Rebec engmah zep suh ang che aw" ngun fe in min en ringawt.

"A pawi vak a mi. Nangpawn i ti ve tawh tho alawm" ka phone pawh thlak hlawk pah in awlsam fe chuan ka ti let.

"I van a tak" a phone a rawn ri a a pick a.

Ka phone chu U ruat'n ka text a reply em tih en tum in ka chek leh a mahse min reply lo. A last seen erawh 12:24pm nichin mai a ni. Engvang in nge min reply miah loh tih chu ka ngaihtuah a ni.

"Hey Rebec ka haw lawk a ngai. Ka kal mai ang aw" tih leh Lawmi chuan tlan a rual nghal a. A mawng phe ka hmu hman tawk a ni.

Kal mai ka tum lai tak chuan kan piah deuh a restaurant a mi chuan ka mit a la zar mai. U Ruata ngei a ni tih ka hai lo. Ka nui sak a, va pawh mai ka tum a, hmeichhe dang a kiangah ka hmu chiah chu ka ding chiang kher mai. Dawr phen deuh lam chu ka pan a. An thil ei lai chu uluk fe in ka en.

An in nuih a an in bia a. An in haw lo tih chiang takin a hriat. Ka rilru ah zawhna tamtak a rawn lut zui nghal zat a. Sawnu saw tu hmeichhia nge? Khawi a mi nge? An in ngaizawng em ni? Hmanzan a a phone la tu a bialnu ang a insawi kha a ni thei mai a ngem?. In nuih var var a an inbe lai te ka hmuh chuan ka thin a rim zek zek tawh.

Ka phone ka phawrh a, whatsapp ah lut in ka va text zauh a, a phone a bih zauh a a ti ti zawm leh nghal hmiah hmiah. Chu chuan ka thin a ti sa phat mai. Ka call a, a phone in ring ri pawh chu ka hre thei. Mahse a hmet tawp zui nghal hmak. Ka thinrim chuan ka phone zui leh nghal a. A phone la in pawnah chuan a lo chhuak a, ka lo biru nghal thuai.

"Hello"

"U Ruat khawnge i awm" a sirah ka biru reng tih a hre miah lo.

"Ka buai. Office ah, hna pawimawh ka thawk" a tih rualin a phone a dah zui nghal hmak a. Ka phone dah rualin ka mittui a rawn sur nghal zawih zawih.

Engtin nge khatiang dawt chiang lutuk kha hniak phaw miah lo in a sawi theih. Ka awm ve tih a hre miah lo chu a nia. An awmdun lai chu ngun fe in ka en a, va kal a hmaichhan a va chhuahchhal chu ka chak a ni. Mahse mahni mawng hlim tur em chuan ka in phal bik lo.

An ding a khawilai emaw pan an tum tih ka hrethiam nghal mai. Ka lo biru nghal thuai, U Ruata chuan chu nu darah chuan kuah in a car ah a chuan tir a. An tlan zui nghal hmak. Ka piah deuh lawk a taxi awm chu ka phar a. Zui turin ka ti ve nghal thuai.

Rei vaklo hnu ah hotel pakhat kawt ah hian an ding a. Taxi fair ka pe a. Inchhung lamah ka zui lut ve nghal zat. Eng thil pawh thleng se vawin ngei hian ka mit ngei a hmuh ka duh a ni. Thil thalo ber leh ka hlauh ber thil thleng dawn pawh nise ka hmachhawn ang tiin ka in seh ruh sauh sauh.

Rei vaklo hnu ah room pan in an chho dun a, room an luh rual chiah in an room awmna kawngka bulah chuan ka ding ran tawh.

Hlauthawng, mangang leh rilru buai fahran chuan ka vei kual sek a. Engtiang tak in nge ka han tih ang tih chu ka ngaihtuah duh ber ka ngaihtuah chhuah theih si loh a ni.

"Awle a tha e. A nih nih kan ni tawh a nga a ni mai" zawi sap a tih rual in kawngka chu ka hawng nghal thuai.

"Lalruatdik leh. Hetiang mi hi maw i lo nih a, ka rin ang i lo ni lo khawp mai. Hetiang hian hmeichhe dang hotel ah i hruai kual vel a maw. Engtiang tak a mipa tenawm nge i nih a" vin zet in a mit a en ran chung chuan ka ti a.

"Rebecca eng thil nge i rawn tih" phawk fe in min melh a.

Ka hawi kual chu mipa dang panga vel an lo awm a, an hmel atangin an upa tawh tih ka hre thei mai. Pakhat phei chu a sam tuak a var vuau tawh.

"Mr. Ruatdik kan inhmuh tur hi mi engzat fako nge i hrilh a" an zing a upa tawh lam chuan thupe aw tak hian a rawn ti chhuak phawng.

Ka sa nghal hem hem a chawp leh chilh in ka thlan fim in min bual nghal zawih zawih. Eng thil chiah nge ka tih? Ka dinna ngai ah chuan ngawireng in ka ding tawp tawh. Ka chil ka lem khalh a. Ka thusawi tur zawng zawng pawh ka thluak atang hian a mang vek ni ber in ka hria.

"Ka ...ka tihpalh lutuk" ban chap chuan ka ti a.

"Mr. Ruatdik kan inbiak na hi chu remchang dangah kan chhunzawm mai dawn nia" tih rualin an chhuak nghal vek. A kalpui nu pawh ka tiam in an chhuak fai nghal vek. Kei erawh ka dinna ngaiah ka ding tlawk tlawk.

"Engthil nge ti ni a i in hriat a" vin zet in U Ruata chuan a ti nghal thawt.

"Tihpalh kha nu nen kan in...."

"Khanu a. Khang mi te kha tu te nge an nih i hria em. Kan company investor tur te an nih kha khami te hmuh tum khan thla thum tal tawp hun ka hmang tawh. I rawn ti chhe ta vek a nih hi" ka kun tlawk tlawk ringawt.

"Ka text i reply bawk silo a" zawi sap chuan ka ti zui a.

"I text hi ka reply hman reng bik hleinem mawle. Hna ka nei a ka buai tih te hi hrethiam ve teh. Nangmah vang a contract kha ka chan a nih vaih chuan maw ka ngaidam ngai hauh lo ang che"

"Min en rawh" sehchilh nak chuan a ti a. Ka en zauh a ka hawi sawn leh nghal thuai. "Min en rawh" a ti leh a. A rawn pen hnai a. A kut in min kuai dak ha a.

"Ka buaina ah hian lo inrawlh tum tawh suh" hriam tak hian a ti a. A kal nghal nal nal a.


Zoremsanga's Pov

"No khat te chu min han thlit belh leh la mawle ka pu" Nula rui aw tak in bar tender hnen a a ti thawm ka hriat rual chuan ka hawi phei ha a.

"I in hnem tawh emai nula. I chhung te phone sak tur che in min duh em" Bar tender pa chuan a ti a. Mahse zawi zet in a lu a thing.

"Ka pu dar engzat nge" ka lam a rawn hawi a. Ka hmuh tawh hnu a ang in ka hre tlat pek.

Khawiah nge ka hmuh ka hrelo mahse ka hmuh tawh hnu chu a ni chiang alawm. Ni dawn tak e nizan a ka phurh haw nu ngei kha a ni, zanah hian a vak de de reng mai chu a nih hi. Eng ang hmeichhia tak chu ni ang maw.

"Hetah nang bawk maw" a bul a chair ah chuan ka thu hnai a.

"Hmm inhmuh tawh na kan nei a mi" mak tih hmel tak chuan min en a.

"Min hre tawh lo a maw"

"Ohh...hre leh si khapa kha i ni tiraw. Nizan a mi kha. Hetah te eng nge i tih a. Min zui ru a mi" a kut zungtang sei sang chu ka awm ah a rawn chuktuah va a.

"Zui na chhan tur che ka nei em ni" ka chhang a.

"Nei lo e" a nui sak ringawt.

Nula hmeltha ve tak chu a ni. A sam chu a sei in a uk sen kharh a , a dar a khuh deuh dalh bawk. A kawrfual hak tum leh a pheikhawk te chu inhmeh tak a ni. A thawmhnaw ti chei zual turin bracelet leh bengbeh fual ve tak a beh bawk. Ka hmuh tir atanga ka mit la thu pakhat chu a khabe phir nalh em em mai hi a ni.

"I rui tawh a nih kha" a no tlak leh hma chiah chuan ka ti a. A no ken lai chu ka laksak nghal hmak.

"Hey ka no" meng a riai chuan a ti a.

"A tawk tawh ka thlah ang che. I chhung ten an ngaihtuah ang che" ka thutna atangin ka ding nghal a.

"Ka rui lo. Min lo en rawh aw" tih pah in a ding a. Pen mai a tum a, a awn deuh bawih. Ka dawm hman hram a ni.

"Thanks thian a" a nui sak a. Lamtual lam a pan ding nghal.

Ka lam hawi zawng in a rawn hawi a. A kut chuan a in kawk zauh a min rawn kawk leh bawk. Music hot zet mai a ri nghal dup dup a zei zet in a kawng fel chu a ti che kual a. A lu a thing a, a ban a vai a. A chang leh a kawng dawm ten a lam kual a. Lamtual ah chuan amah lo chu melh tur dang ka hrelo, a chhelo takzet a ni.

A lam zo ta maw tih ah ka awmna lamah bawk chuan a rawn phei a. Ka no ken lai chu a tlak leh pap a. Ka biangah a rawn fawp zauh a "Good Night Sweet Boy" zawi sap hian a ti a. A nui sak a. A kalsawn ta daih a.

"Hey bro. Zanin chu in ti tak tak i la" ka thianpa Lawmzual an a rawn tih rual chuan ka nui sak a. Ka no ruak chunu in a in zawh tak chu ka thlir vung vung ringawt.

"Ka rin dan chuan ka kal a ngai a ni" tih leh thawy ka rual a. Chu nu pilbo na lam pan chuan ka kal zui ve nghal ringawt.

Parking lot ka thleng a, khanu kha ka hmu miah lo. A haw thei ta a ni ngei ang ti in ka bike chahbi chu ka zen rak rak a. Ka hming chu ka hria mahse a awmna tal ka lo zawt lo chu ka inchhir ve det. Aizawl khawpui ah hian hming inang an tam dawn lutuk tih chu hai rual a ni lo.

Thil ri deuh rak thawm ka hre zui a. Mak tak mai in ka beng ka chhi nghal vat. Ka va en chuan mipa pahnih hian hmeichhe pakhat rui a lo kal vel chu an lo chang chu ni in. Chunu lah chu a rui a nasa mai.

Nichin a ka hmuh nu bawk ka a ni tih ka hrechhuak leh nghal zat. A lam pan in ka tlan phei thuai a, a kawngah ka va kuah nghal chat a.

"Hey khawnge i lo kalbo hman a. Ka zawng nasa lutuk che alawm" ka tih zawm nghal zat.

Mak tih hmel fe in min en a "keimah hi"

"Aw ni ang chu haw ang" kalpui mai ka tum a. Chumi te chuan min lo dang nghal zat.

"Tlangval nangmah mai chuan i hruai kan remti lo ang. I duhve a nih chuan i lo tel ve thei ang" a tih rualin a khabe a tuai zauh a. A hmui liak zuk in it hmel fe in Rebecca i chu a melh a. Ka thin a sa nghal phat mai.

Min rawn pan hnai rual chuan ka hmai ah ka lo hnek nghal chawrh a. A kiang nghal dawrh pakhat zawk chuan min rawn hnek a tum a a ban ah lo man in a nakah ka pet zui nghal a. Bak leng in an tlanchhe zui nghal nal nal.

"Key Rebecca i harh em" hmai a beng deuh thak thak chuan ka ti a.

"Ummm...ninawm e nge" meng mang lo chuan a rawn ti chhuak a.

"Khawnge i chen ka va thlah ang che" kuah ran chung chuan ka ti a. Zawi sap hian an chenna a rawn sawi a. Ka bike ka la thuai a. Ka bike hnungah chuan engtin tin emaw a rawn chuang ve thei hram.

A zawi ngang mai

"Hei Becc-i i harh em. Nghet deuh in min chelh rawh haw i hre thei em" hawi let deuh chuan ka ti a. Min chhang lo, hetiang chuan a tla thei mai dawn tih ka hria. Ka jacket hak lai chu phelh in Rebecca i chu ka hnungah ka tawn bet ringawt.

An in na a a sawi lam chu rei vaklo hnu ah kan thleng a. Ka kawng suih na ka phelh a, engmah a hre tawh lo. A bengah chuan na vaklo in ka beng thak thak a. A chatthla fel der tawh. Ka hawi kual deuh a Rebecca-i te nen chuan kan lo in thenawm reng tih ka hre lehzel.

Ka awmdan chu siam rem in ka paw ta ringawt. An in gate ka hawn rual chiah in mipa pakhat hi a an inah len tum ni awm tak hian kan hnungah a rawn kal a. Kawng ka lo kian nghal thuai.

"Nang kha" bul deuh tawng a rawn hawi let chung a tih pah chuan rum zet hian min melh a.

"Keimah hi maw" mak tih hmel fe in ka en.

"Aw. Engvang a Rebecca i hi hetiang a rawn paw haw hi nge i nih" ka lam pan chuan a rawn kal hnai a.

Ka hmuh tawh hnu a ni. Aw ka hrechhuak e kha mi chalak tak leh vervek tak Ruat lerha ngei kha a ni. Engtin nge Rebecca-i hi a hriat zawk. Tenawm tak a mi veh thlem ching leh mi rinawm lo. Kan company investor tur pawh vawi duai lo min chhuhsak tu a ni. Vawin ah pawh chu chu a thleng, kha investor panga te nen khan in hmu tur kan ni a. A mahse engtin tin emaw thang kham in inhmuh kha ka cancel ang in a lo ngaih tir a. A lo hmuh hmak pek kha.

Kan company hi kan la lian lutuk lo. Chutih rualin kan thang duang hle bawk. Bakah Ruata te company hi chu keini ai fe in a lian zawk bawk. Kan than duan zia leh kan hmasawn zia a hria a min thik ni ber hian ka hre thin.

"A ni hi ka thian a nia ka rawn pua a ni mai a ni. Eng nge tahchuan buaina i neih a Lalruatdik" chaltlai fahran chuan kan ti a.

"Zoremsang nang maw" phawk fe in min melh a.

Min rawn pan hnai a.

"Aw ni e Lalruatdik. Rebecca i hi i tan chuan a thianghlim mah mah a ni" tihel aw tak chuan ka tih zawm nghal zat. Henu hi ka dum em em pawh a ni chuang lo, amah tawng el nan hian ka hmang ve hrim hrim.

"Chhuk tir nghal hmak rawh Hmela" a rawn ti rualin Rebecca i chu a rawn pawt tla ti tih nghal a. Inchhungah a luhpui rual chuan ka zui lut ve nghal thuai. Ka luh loh bik na chhan tur hi ka hrelo.

"E he Ruat nang maw. Rebecca-i pawh, a van rui em em ve" hmeichhe sang leh hmelchhe lo zet chuan a lo ti siam siam a.

"Hei Muani zanin a leng a rui deuh a niang" tih pah in Rebecca-i chu room ah an hruai lut nghal zat a.

An inchhung vel chu ka en kual a, a nuam reuh khawp mai. Engkim mai chu a felfai in a awmna hmunah a awm thlep mai.

Rebecca-i an luhpui na room lamah chuan phei ka tum a. Kawngka ka ban vel chiah tih ah Ruata a rawn chhuak a. Kawngka a khar nghal hmak.

"Khawiah chuan nge maw kal i tum phiangsen le" ngeiawm zet chuan a meng a. Rebecca-i te in chu ni lo se ka hnek tawh ang.

"I lo buai na tur a awmlo"

"Awm e Rebecca-i hi ka bialnu a nih hi" a tih rual chuan ka sa phat mai.

"Nang..."

"Ruata kha i thianpa chu tunge a hming" Muan i an tih chuan Rebecca-i room atanga rawn chhuah pah chuan a rawn ti chhuak nghal zat a.

"Zoremsanga ka nia" ka ban ka dawh ha a.

"Lalmuansangi ka nia. Rebecca-i U" min rawn chibai a.

"Muan. Kawnge midang ho hi. Ka hmu lo rei hlawm tawh bawk a ka ngai hlawm riau" Ruata chuan in ti tlangnel fahran hian a ti a.

"Ka nu leh Pa Sanga te dawr bungrua vel a rawn theng thar a. An han kal leh lawk a nih kha. Remsang ka ti ang che aw" min rawn melh zauh pah chuan a ti a.

"Aw tehreng mai. Keipawn Muani ka ti ve mai ang che" ka nui sak a. Ruata ka melh zauh a. A lo ner nawng.

"Lo thu ru thingpui ka lo lum ang chu" tih rualin choka lam a pan ding nghal thuai a.

"Eng thil chiah nge tih i tum a. Kan sumdawnna ah min tluk thei lo a ka bialnu ah tan i la tih chu min hrilh tum miah suh ang che. Nang mi tenawm in remchang a a ni i hman hi ka phal dawn lo a nia" a thle vei bak a.

"Kei ai upa i ni tih chu ka hria. Mahse mipa langtlang tak ka ni a tlang tak in ka sawi ang che. I sumdawnna khelh dan hi ka ten zawng tak i ni" in hum ruh tan chuan ka chhang a.

"Thluak vawrh vir thiam zawk kan ti ang chu. Nangni ang kum naupang lutuk te chuan i hrethiam pha tawp nang. Indona leh hmangaih a ah chuan a thiang vek a tia mi kha" a zial a phawrh a. A tan a, a pak khu vei zauh.

"Val senior mi bum thiam kum 3O ral kai tawh te chu engtin nge maw keini ang tlangval thalai in kan han tluk ang chu le"

A dawn ding a, ka awmah min rawn tham nghal zat. Zam zet lo in ka melh khang khang tho. Kum 25 awrh bak ka nilo. Ka pa in hotel din ve a tum vangin college ka zir zawh rualin management la training a ka pa zumdawnna ka pui nghal a ni.

"Fimkhur rawh. Zial zuk hi kum upat lamah phei chuan asma a siam duh a nia"

"Naupang min tham lo viau suh aw" bawng leh thum dut hian a rawn ti chhuak a.

"Awww...ka rei em ka insuk te kan herh tha leh te te phawt a" Muani. Rebecca i u in thingpui rawn chawi chhuah pah chuan a ti a. Ruata pawh chuan min thlah a, a awmna lamah a phei zui nghal zat a.

"Remsang a nih nang. Eng nge i tih ve thin a" Muani chuan thingpui no in zauh pah in min rawn melh a.

"Hotel na naupang tak mai ka enkawl a" thingpui no chu ka ban zui nghal a.

"A nih chuan Ruata te nen pawh hian in in hriat that dawn viau chu mawle. Sumdawnna thuhmun nei in ni bawk a, in inkawm zui zel thei ang chu"

"Nia" Ruata chuan sawi sup hian a ti ringawt.

"Muani. Rebecca i hi amah in chhuah tir tawh suh aw. Mipa dang bul ve a a awm hi ka hmu thei vak lo a nia" vo ti tih deuh chuan a ti zui nghal zat.

"Ughh...aw" Muani chuan min rawn melh zauh a.

Hepa hi engtiang tak in nge he inah hian a lal ang chu aw tih ka ngaihtuah. Hmai chhan ah pawh mi a vo khar khar ngam vel chu a nia, ka mipa ngei zawng tak mi a ni. Hmeichhia te chaldelh ching mipa tenawm lutuk.

"Muan ka haw phawt mai ang aw. A tlai tawh emai" ka sana en zauh pah in a ti a. Ka ding chhuak nghal zat.

"Ughh..thinpui te hi in zo phawt la" min chho en ran a.

"Ka haw phawt zawng a nge. Remchang ah kan la rawn leng leh dawn nia" an in atangin ka chhuak zui nghal zat a.

Ka bike ka ti nung a. Gate hawng in ka bike garage ah ka hung tha a. Inchhung ah ka lut zui nghal zat. Ka chhungte an lo mu der tawh.

Ka room ah ka lut phei a. Mut mai ka la tum lo, zan dar 10:00pm a ri tawh mahse ka tihdan ngai in ka study table lam ka pan a. Chair ah thu in, dawhkan a file awm vel chu ka en fel thuai a.

Vawina hna an thawh leh thawltu ho rawih belh an tur an dil na list chu ka en hlawm a. Profile pawh tamtak a lo thleng. Ka en kual a, kawngka ri rak thawm ka hre zui nghal zat.

"I la meng a ni maw" ka hawi let nghal thuai a. Ka nu a lo ni.

"E nu. Lo kal rawh" a rawn phei a, ka dawhlan ah a rawn thu thuai.

"Zanrei tak tak meng thin suh. I taksa in a tuar a nge, hrisel tak a awm hi a pawimawh hmasa a nia" ka file keu lai chu a khup nghal hmak.

Ka nu hi chuan hriselna hi a ngai pawimawh ber thin. Kan hrisel chuan kan thawk chhuak leh thei zawk tih hi a ngaihdan a ni. Ka pa lah hi zanrei tak tak thleng hna thawh a ching a, ka chhun viau pek. Ka nu hian min hau ziah lehnghal a.

"Nia mut ka lo tum deuh chiah zawk"

"A that chu hah tak a hnatawh hi"

"I sawi tur ka hria..." ka lo ti sup a.

"A that chu mu rawh. Dah la" ka chalah a fawp zauh a ka room atangin a chhuak nghal thuai a.

Ka phone a rawn ri ral ral a. Ka number hriat ngai loh a ni tun ang zanrei ah tu tak in min rawn call ang maw tih ngaihtuah chungin ka pick ve mai bawk.

"Hello. Zoremsang Rebecca i hi lo hmu tawh ngai suh ang che" mipa aw thum zet in a rawn tih rual chuan tunge a nih ka hre nghal mai. Kha val lerh a ngei kha a ni.

"Tige ka chhuhsak che i hlau deuh a mi" ngeiawm zet in ka ti zui hmiah.

"Min cho suh. I tan warning a nih hi, i lo hmu leh a nih chuan i chung a ka thil tih tur chu i suangtuah pah lo hial zawk ang"

"Ka hlauh che i ring a mi. Hnunglam a Rebecca i i bum dan hi ka hriat loh ring suh business khawvel a mi lerh ber i ni hial ang chu. Ka deal pawimawh tak min ruk sak a. I thil neih hi ka chhuh ve dawn che tih hre rawh" ka dawhkan a meizial chu tan pah in ka ti zui nghal zat.

"Naupang te te si i zaklo khawp mai"

"I bialnu hi ka duh em em hran lo. Mahse ka ngaina tih lo hre ve mai mai rawh"

"I lo buai na tur pakhat mah a awm lo"

"A nih chuan buaipui la ti nia. Ka buai ve zel chu a nih hi"

"Zoremsang hre reng ang che ka thusawi hi"

"Ole ka pute" ka phone ka dah zui nghal hmak.

Rebecca i hi ka ngaina mahse ngaihzawng en in ka en chuang lo. Ka ngaina ve tawp a ni, a chhan erawh ka hre biklo a ni e. Amah ah hian hman atang tawh ka lo zawm ruk leh beisei thin mizia kha a bet tal tlat tih erawh ka hria a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:11 pm

Min ring rawh-3 by Melz Hrahsel



Ka lu chu a van han na tehreng em zawi zet in ka rum tiah tiah a. Lu hiat nang nang in bathroom lam ka pan phei nghal thuai. Ka inbual a ka ha ka nawt a, ka zu rim pawh a reh deuh tawh e. Engtin nge nizan khan ka awm ka hre miah lo. Engtiang a kan in thleng hi nge ka nih pawh ka hre chuang lo. Thil diklo tak thleng pawh nise ka hre lo tawp ang le.

Bathroom atanga chhuak in ka dressing table hma ah ka sam ka chhem ro a. Kekawr bul fe in thawlh in tawnzau hma zau zet ka ha zui nghal pat. Ka room a ni a, ka duh duh chu ka ha thei a lawm, bul tak a awm pawh hi a pawi na ka hre teh chiam lo.

Ka phone ka en zauh a U Ruata text ka tum a, a whatsapp DP ka hmu thei ta tlat lo a. Chutih rualin ka chat a in delever thei hek lo, a chhan pakhat chauh a awm thei tih ka hria. Min block ngei a ni, nizan khan eng thil thalo nge ka tih ka hrelo min block na chhan tur a awm in ka hre hek lo.

Ka phone ah a number ka hmet chhuak a, ka call a direct in a in cut hmak hmak. Umm..hetah pawh min block ngei a nih hi ka ti nghet ve hmak.

Hetiang hian tunhma in a la awm ngai lo, awm tur in ka siam ngai hek lo. Nimin a thilthleng vang kha a ni ngei ang, ni e...nimin kha chuan ka thiam lo a ni. Khatiang a ringhlel leh umzui tur kha ka ni lo ka thiamlo tih ka pawm thlap. Mahse hetiang em em hian a thinrim ka ring lo hrim hrim, ngaihdam ka dil ngei chu a ngai dawn a ni.

Ka phone dah in ka room balcony ah ka chhuak phei a. A hma zawk zawk tawh lo tih ni chhuah dan atang chuan ka hre mai. Ka lu lah chu an na em em leh ta nghal a.

"Morning" mipa aw in a ti thawm ka hriat rual chuan ka hawi nghal hra. Ka hnunglam ka en a midang ka hmu lo balcony hnuailam ka bih leh a ka la hmu chuang lo.

"Veilam ah" a rawn tih rualin ka veilam ka hawi phei a. Zoremsanga ngei mai chuan thenawm in atangin min rawn melh nghal hra mai. Ka awih thei lo tahsawn eng nge a tih.


"Nge nge khatah i tih a. Min zui ru a mi" vin deuh lek lek chuan ka ti chhuak a.

"Zuiruk..haha...kan in a ka awm chu a mak vak a mi. A no ken lai chu a lem khalh a" ka mit ka khap fak ringawt. In... kan in a tia mi, ka hre sual zawk nge ka chiang vaklo pawh ka hre tawh lo an in maw.

An in atangin kan in hi feet 2 awrh vel bak a ni lo ang. Kan inhnaih lutuk tlat, khawvel mi hei zawng zawng zingah hian engvang in nge hepa berkher hi ka thenawm a awm fuh chiah nge maw a nih chu le. Ka va melh leh zauh a, a no ken lai chu nui suk in a lem leh ringawt.


Kawr a ha lo a, kekawr bul sen leh var deuh lam lek lek a par hi a ha a. A ke lam erawh ka hmu thei lo, a ban lehlam balcony a bawh ran chuan a ding a. A taksa in phiar leh sek zet mai chu niin a en zawng in a tle sar mai.

"In in a ni tak tak maw" mak ti fe in ka la melh.

"Hmm... engvangin nge dawt ka hrilh ngawt ang che" a ti zawi sup.

"Chutiang lam a ni lo. A hma daih tawh khan in in awmna min hrilh tur che a nia" kut kuangkuah ran chuan a lam ka hawi a.

"Kan in awmna chu i lo hre chak viau a ni maw. Tinge min lo zui haw ve nghal i duh a mi. Hei tunah i hre ta alawm" kan in lampang balcony a rawn phe pah chuan a ti a. A no ken lai chu dawgkan lian lo te awmah chuan a hung a, balcony bawh ha in ka lam a rawn hawi a.

"I suangtuahna vak vel a nih chu. Rilru kawi lutuk mai"

Nui suk in a kun zauh a, a hnu ah min rawn en leh a "hmm..tak tak a keipawn nizan atang khan ka hre ve chiah alawm" a kut lehlam in a sam a tuai zauh a.

"Nizan maw" zawi sup in ka ti ringawt.

Nizan ah hepa nen hian kan inhmuh ka hre miah lo. Engtin nge ka hriat theih loh zawk, nge ni a dawt hrilh a min fiam kual mai mai a tum.

"Ni e mawle. Lawmthu te pawh min hrilh la, ka phu ve lo a mi" a mithmul a san zauh a. A hmui a liak huh nghal zauh.


"Engvang ngawt chuan maw" phawk fe in ka melh ringawt.

"Engkim chu i u Muani kha i lo zawt dawn nia" a no a la a kal leh nghal mai a tum a.

Mahse hetiang mai hian ka kaltir dawn lo hrim hrim. Eng thil chiah nge thleng tih hi ka hre dawn khawp. Ban phak ni awm si lo le ka ngaihtuah hmasak ber ka pheikhawk chu ka phelh sawk sawk a, a tukkhum ah tak ka va vawm fuh chat. Ka kut hi chu a sawn thin reng a ni, tun thleng in ka tin hi chu ka la vawm fuh tlangpui.

A rawn hawi let a, chhuat a ka pheikhawk tla chu a chhar a, mak tih hmel fe in min rawn melh ringawt. Awm pho lah in kei erawh ka lo ding.

"Ka lawm e. Ka lo kawl tawh dawn nia" a nui suk a ka pheikhawk chu a lek kang zauh a. Inchhung lamah a luh pui nghal nal nal. Hrep tak a, ka van haw tak ka pheikhawk a la keng daih lehnghal a. Ka lehlam chu phelh ve leh in ka room ah hawi mang lo in ka vawm lut zui ve nghal zat.


Engkim u Muan in a hria a maw. Kawngka ka hawng rawp rawp a U Muani room lam ka pan phei nghal thuai, ka lut rual in roomah a awm tawh lo tih ka hmu zui nghal zat a. Choka lam pan in ka phei leh a rawng a lo bawl tih ka hmu zui nghal.

"U Muan min han hrilh teh. Nizan ah eng thil chiah nge thleng a" a hmai ka kut pahnih a vawn vang pah chuan ka zawt a.

"I lo tho tawh maw"

"U Muan han sawi teh nizan ah eng thil chiah nge thleng" a mit a en ran chuan ka ti sup.

"I rui lutuk a. Kan thenawm tlangval khan a rawn paw haw che alawm engmah i hre miah lo a maw. I van han rui awm em em ve a" mak tih hmel fe in min en a. Ka lu chhip atanga ka ke ler theng in min en a. Min tuai vir a, a ngai ang chiah in a ti lej ringawt. A ngaihna ka bo khawp.

"Kan thenawm. Zoremsanga sawn maw"

"A hming i hria a maw" chawei siam mawlh mawlh pah chuan a ti a.

"Zep lo in han sawi teh eng thil chiah nge thleng a" chair pawt dawk in ka thu zui nghal zat a.

"Nizan khan thenawm tlangval in a rawn paw haw che a. Chuan...Ruata nen an rawn in zui lut a eng thil chiah nge thleng ka hre lo mahse an in melh dan ah kha chuan" a ngawi dat a.

"Eng nge chuan..."

"A lan dan kha chuan insual an chak hmel ka ti" thut rual chuan a ti leh a.

Ruata thinrim chhan chu ka hre ta chiah mai. Nizan kan Zoremsanga nen kan awmdun emaw a ti a ni ngei ang. A awm lo hran lo, keipawh ni ila ka ti ve tho ang..mahse..zawhna ka la nei cheu. Engtin nge Zorema nen chuan kan in zui haw theih. Nizan ah kan inhmu miah silo a, khawi atangin nge kan inhmuh ang le.


"U Muan engtin nge Remsanga nen chuan kan rawn in zui luh a" a ngaihna hrelo zet chuan ka sap.

"Ka hre nang i hre zawk lo a mi. Eng nge min zawh daih a" chaw ei mial mial pah chuan a ti zui hmak.

Chair hnung ka ngheng nghal hnawk a. "I phone ka lo hmang lawk" tih leh dawhkan a a phone chu ka la lawp a. Ka room lam ah ka luhpui nghal zat a.

Whatsapp ah ka lut a U Ruata Dp leh Last Seen ka en nghal thuai. Ka phu nghal dawrh. A DP ah chuan hmeichhe pakhat nen an inkuah na hi a hmang zui nghal zat. Phone chu ka hum nghal tlawk tlawk a ka khawng nghal vek ni ber hian ka hria.

A phone number ka hmet chhuak a. Ka call nghal thuai, a vawikhat na chu a la lo phawt. U Muani nen hian an inhria a number pawh an in nei dun chutiang bawk in ka pa leh ka ni te pawh. A lo len ngun chu thu hran a tlangnel ve hrim hrim ka chhungte pawn an ngaina bawk. U Muani phone atang in ka call dawn tih a hria a nge min be duhlo zawk te pawh a ni mahna mahse ka call lu char char dawn hi a ni tawp.

"Hello" a tawp ah chuan a rawn ti va hram.

"U Ruat. Eng nge thil awmzia" bul angreng tak chuan ka ti a.

"Eng maw"

"Engvang in nge hetiang hian i awm a"

"Nangmah a lawm awm hmasa. Kal la khapa kha kal la va len pui leh rawh"

"Ka tihpalh a nih kha min block tawh lo a aw. Nuam pawh ka tilo a nia" zawi sap chuan ka ti a.


"Aw" a ti bawng nghut a. Phone a dah nghal hmak. A thinrim hle a nih ka ring.

Ka dah rualin ka phone ka en nghal thuai a. Min block na chu a lo phelh ve mai. Ka nui sak ringawt.

Ka hmangaih che tihpalh tih chu type in ka thawn a. A hmu nghal a, min reply lo, a DP pawh a thlak a min tihel na vel a nih ka ring. Kawngka a rawn ti rawk a ka phu nasa lutuk chu ka thu lai ka tho nghal awt.

"Min ti phu a lawm" U Muani room kawngka bul a lo ring chu ka melh nghal ha.

"Ka phone khawi" kut a rawn dawh ha a.

"Khawnge a ni leh ka pa" a phone pek pah chuan ka ti sap a.

"Dawr ah nizan kan an inti fel zo hman lo a. Zingah an chhuak leh nghal alawm. Lo chhuk vat ang che" kawnga a khar a. A chhuak nghal nal nal a.

Ka insiam sawk sawk a t.shirt var chu ha in ka converse ka bun a jeans ka ha zui nghal zat. Ka bag a phone leh purse vel te ka khung sawk sawk a ka room atangin ka chhuak zui nghal zat a.

"Hey chaw i ei dawn lo a mi" U Muan in kawngka ka chhuah rual a ka tih chuan ka chhang hman tawh lo. Ka sana ka en zauh a ka tlai takngial dawn tawh. Ka scooty chu awm se awlsam deuh tur a nia ninawm lutuk mai a.

***
"Hey i lo thleng maw" College ka then rual rual in Lawm'n min rawn kuah nghal chawt.

"Dawn lawm ni eng nge a i va phur teh hawrh ve a" a nui suk a.

"Chutiang a nilo. Tinge thenawm tlangval chhelo deuh in nei tih min hrilh loh a" a thusawi ka hriat rual chuan ka meng nghal kawk.

"Maw eng chhelo maw" class lam pan pah chuan ka ti zui nghal zat.

"Ka duh chi tak a nih kha. Min tihpui ang che" a kal leh nghal nal nal.

Call ka lut a ka thutna lam ka pan phei zui nghal zat a. Ka phone ka phawrh a U Ruata an min rawn text takin ti in ka whatsapp ka hawng a mahse chutiang engmah a awm lo. Nichin lawkah a online tih ka hre bawk.

Professor a rawn lut a zirlai kan tan a ni ta der mai. Ka thutna hi tlar hnunglam a nih vangin kan semseter kan tam ve bawk nen mi pakhat tan ven zawh kan nilo. Bakah hei chu college zawng zawnga awmdan ni ve reng in ka ngai. A duh in an ngaithla a , a duh a in thlahdul bawk.

'Tukin ah min rawn text lo a'

'I online reng si a'

'I thinrim leh tawh a mi' in delever pawh a in delever lo.

Ngun lutuk in ka phone ka bih ringawt.

"A na" ka thiannu in ka malpui ah pen in a rawn chhun tih ka hriat vang chuan ka au chhuak nghal tuarh. Min lo en thup mai, eng thil diklo mah ka ti lo eng nge khatia min chhun vak ni na ka ti ve tho.

"Hey professor in zawhna a zawh che chu" ka thiannu in min rawn melh ralh a. Professor din na lam a melh leh zauh a. Ka hmui ka pet zauh , in thlahrung fahran in ka han melh chho ha.

"Rebecca i phone kha i khawih zawh tawh chuan class ah i rilru dah ve la tiraw" a sawi zawh rualin kan room a mi ho nui hak thawm chu ka hre zui nghal zat.

"Ole" ka chhang a

Karei leh hetiang hian ka la zak ngai lo, kan semseter ah hian a thiam thei ve pawl ka ni a. Zirtirtu te pawn min duhsak ve lutuk, a chhan pawn class vel ah ka awm that mai bakah college te ka kal that em vang te a ni. Hetiang hi chu ka la tawk ngai lo. Ka tawk ang tih pawh ka ring lo.

Tun ah berkher lehnghal he Prof. Sang kawii bul ah berkher lehnghal hian. A tawngthei ropui si, midang bulah a sawi leh zuah zuah ang chu. Student in ngaizawng te lah hi a hre thei ropui lehnghal a, nula senior tawngthei lutuk mai a. Ka ni leh ka pa beng a then phei chuan ka chak lo ve viau ang chu.

Class a zo a, a chhuak chiah chu ka thaw huai hian ka hria.

"Eng nge khatia mi rawn chhun" Lawmi hnenah ka ti zui nghal zat.

"Chupawh nise tha deuh a sawi mai tur alawm"

"Eng thil nge i ei kha" waffle ni awm tak chu a seh ri rap rap a.

"I bag a ka chhar a nih hi"

"Maw chhak vat rawh"

"Engvang in maw" phawk fe in min melh.

"Peanut a tel a nia" ka sawi rualin a in hiat nghal zat.

Lawmi hian peanut alergy a nei a, tlemte pawh a ei chuan a vual a, a thak chhuak nghal vek zel.

"Tho rawh. Damdawiin ah min va hruai rawh" ka banah min rawn man nghal chawt chawt a. Ka bag ka la a, ka chhuah pui zui nghal zat a. Taxi kan phar a hospital lam kan pan ding zui nghal nal nal.

Rei vaklo hnu ah emerceny ward atangin a rawn chhuak a. A zia tawh a nih ngei ka beisei.

"Tha tawh maw"

"Umm min chiu a tha vek tawh e"

"Kal ang class kan tlai ang. Chawnhnu ah test kan neih kha aw" ka bag ah that sawt sawt pah in ka ti nghal.

"Hmm tha lawm. Ka lo zui ang che lo va kal rawh" ka kalsan ve nghal mai bawk. Pawn ah ka chhuak a ka thiannu chu a rawn la chhuak chuang lo. Sana ka en zauh a, minute 20 a liam tawh eng thil nge maw a tih chen chen chu ni.

Ka bul a thutna awmah chuan ka thu zui nghal zat a. Ka phone ka phawrh a ka call a, a la chhang miah lo zui. Ka sana ka en leh zauh a, minute 5 a liam leh tawh. Eng chen chen chu ti ni maw.

Ka bulah chuan tu emaw a rawn thu tih ka hre thei. Mahse ka hawi chhuak lo, ka phone ka khawih chhunzawm nghal char char.

"Nghah nei i va ang ve a" Mipa aw thum leh fiah kak in a rawn tih rual chuan ka hawi chho nghal ha mai. Ka tum loh lutuk ka hmu chu ka phu nghal dawrh.

"Nang maw" Zoremsanga chu phawk fe in ka melh a.

"Hmm tu dang nge ni vak se min tih a" a nui suk ringawt.

"Eng nge hetah i tih a" ka phone a rawn melh zauh a, ka thukru nghal vat "eng nge en i tum" ka phone ka ak tha hmak.

Mipa phone bih dawk dawk ching hi ka ngei zawng tak. Hmeichhia pawh a ni tho, mi thusawi lo hriat ve phet tum mai. Polite loh thlak lutuk, an hriat chu tul se hman hman ah kan hrilh tawh ang.

"Tukin a min vawm na kha a na lutuk a. Ka in entir mawle"

Ka meng nghak kawk a, ka kut pahnih in ka hmui ka hup nghal zat "maw..a..a na viau a mi" bah deuh nak in ka ti a.

"Khatiang tak khan maw i hlauhthawn a" a nui suk a, hnuailam a melh zauh ringawt.

"A na viau a mi" ka ti leh ringawt.

"Ka fiamthu a nih kha. Ka thianpa ka rawn kan lawk a nih hi. Khatiang kut te lutuk khan min ti na lo ang" ka kut chu a melh zauh a. Ka kut ka thukru hmiah.

Hepa hian min hmusit tihna a mi. Van zaklo tak. T.shirt ban half a ha a, a hma ah kawr kilh pathum a awm bawk. Jeans kekawr a ha a Puma pheikhawk a hmel en pawh a brand tih hriat tak mai a la bun zui a, a sam lah chu uluk fe in a siam bawk. A rim lah chu a pa hrak lehnghal a.

"A nih nang hetah eng nge i tih ve a" min rawn melh zauh a.

"Ka thiannu ka kalpui a. Mahse hei a rawn la chhuak lo a nih hi"

"I thiannu chu i nghak chhuak lo ang"

"Maw engvang chuan maw" ka melh chho nghal ha.

A mitko a san zauh a. A melh na lam ka en chu bike a Lawmkimi chuang ka hmu zui nghal zat. Mai mai a chu nu chu a, a bialpa bak a la ni zui. Engtin nge hetah hian min hnutchhiah hmiah theih a, ka kut ka hum ruh nghal tawn tawn. A van han chak dawn lo tak.

Ka phone a rawn ri tlat a. Ka en nghal.

'Ka haw mai. Khapa kha lo in thlah tir mai rawh Ka duata hi kan len pui lawk a nge' tih chiah a rawn type.

"Lallawmkim i van chak dawn lo tak. Hepa bulah hian min hnutchhiah vel chu le" zawi sap in ka ti ringawt.

"Sawi i nei a mi" ka hawi chho chu ka hmai bul set ah a rawn kun hniam tih ka hre chiah.

"Neilo" ka hawi sawn nghal hmak.

Hepa beng chak leh lutuk hi chu eng tiang tak in enkawl ang maw. Min rawn en a, a nui lek sak ringawt. A hma a ka hmuh nen kha chuan a danglam deuh a ka hriat tlat pek chu engvang nge ka hrelo mahse hepa ah hian danglam na chu a awm chiang a ni.

Ngun fe in ka melh a. Mit khap lek lo in ka en ringawt, a awmzia ka van man chiah lo tak em, tukin zing a ka hmuh pa nen khan danglam a awm tlat a ka hriat chu. Eng tak nge ti a sawi fak tur lah ka hre chiah bawk silo. Hetiang hian a hma a ka awm ngai pawh ka hre lo.

"Ka va hmeltha awm ve a" a rawn ti sup a. Ka harhchhuak nghal zawk.

Ka lu ka ting nak a.

"Huh...engvang chuan maw"

"Min en uluk em a" a nui suk ringawt.

"Nangmah ah hian eng emaw danglam a awm tlat" thle bak in ka en a.

"I mit a chak hle mai" a ngai dat a "tukin ah ka sam ka met a chu chu a niang"

Aw a nih chiah chu. Ka ti rilru ve nghal mai, Mipa hi ka ngaihsak teh chiam lo mahse engvang a hepa sam met chu hre teh tlat nge ka nih ka hrethiam lo. Mak ve tak zawng a ni, ka hmuh khan a danglam tih ka hre nghal ringawt mai zu nia. Ka awih lo hial zawk, ka lo van han en chik awm em em.

"Tirawh phei i la" ding a, a kut min rawn pe zui nghal zat.

"A ngailo keimah in ka haw ve thei" a tho a. Kalsan mai ka tum a, ka bag ka ak tha nghal that that bawk. Sana ka melh zauh a, Class ban a hun tawh vawin chu ka hun hman dan a vo ho kher em.

"Ngenna a ni lo. Tihluihna zawk a ni" a tho tharh a ka bag a pawt thla nghal hmak.

"Hey lo la rawh. Eng nge khatia i lak ringawt"

"Shh...bengchheng suh. Hospital a nih hi" ka awm si chet chuan a rawn ding a. Ka chil ka lem khalh ringawt. A mit ah tak ka en kar a, a ni pawh chutiang bawk in.

"Ni tam pawh kan la inhre lo a i tlangnel mah mah lo maw ka pu" ka kut zungchal in awm ah ka kawk va a. Ka tawlh hnung dat a nui suk a, a lu a hiat ringawt.

"In lak mitak vel hi ka thiam vaklo a. I biapa ang lo tak in mawle" ka bengbul ah a rawn ti sup.

"Nang hi min enthla a mi. Engtin nge ka chanchin hi i hriat em em theih a, ka ringhlel riau che a nia aw" ka bag a ken chu chhuh ka tum a mahse a lo keng sang nghal hmak. Kei ai in a sang bawk nen ka ban pha lo kher mai.

"Enthlak i ngai a mi. Ka thenawm te chu ka hrechiang ve bawk ang chu.hmm..tlem chuan than belh i la ngai a nih kha" min rawn din hnaih leh a.

Thutthleng ah ka ding a, ka bag a ken chu ka pawh thlak sak zui nghal zat a. Chaldelh fahran in a chhip ka chhem hlauh. A rawn hawi chho a min rawn nuih suk ringawt.

"Thutna an rap bal ngailo thenawm nu" ka kawng ah vuan in min hlang thla zui nghal pat.

Mipa hi ka nelh loh chu sawi loh mipa thian pawh ka nei ngai mang lo, mahse hepa hi chu mi danglam tak a ni. A mizia leh a awmdan hi ka mipa hut chi tak a ni, hepa hi chu ka haw leh miah bawk silo. Aaaa...ka awmzia pawh ka hrethiam tawh lo. A bul a awm hi a hahdam thlak riau a ni.

Ka bag chu ah mai ka tum a a hrui a lo chhe daih. Awlsam lutuk in a pawtthla kha mak ka ti ta lo e. Hepa tihchhiat pawh hi ni mahse pawilo vawin chu ka ngaidam mai ang.

"A tawp nan ka sawm leh ang che tenawm nu haw ang hmiang" kun bun hian min en a. a rawn kun zawng in a chalsam thenkhat a rawn bu deuh siau bawk.

"A tha alawm tenawm pa mahse" ka ngawi dat a "keimah ka khalh haw ang"

A rawn nui chhuak nghal hawk a "min lo hrethiam teh" a nui leh hak. Hepa hian min nuihsawh a mi, min ring lo vel a maw. A van chak dawn lo tak em.

"Eng thil nuihzatthlak nge awm a" tum deuh hmak chuan ka ti a.

"Bike hi i khalh ang maw" a hmelah chuan a nuih a za tih ka hai lo.

"Ka theih i ringlo a maw"

"Nilo e. Mahse tu hmeichhia mah in min la phur ngai lo reng reng. I mak ve reuh ngawt mai, ka phurh a chuan chu a tlawm thlak viau a mi"

"Keipawn tu mipa mah ka la phur bik hleinem" kawng dawm vah in ka ti zui nghal zat.

"A tha alawm" a bike chahbi min pe a. A bike park na lamah kan in zui phei zui nghal zat. Bike hi a hma chuan ka khalh ve fo mahse scooty hi a zangkhai vang in khalh nuam ka ti zawk a ni.

"Rebecca" ka hminga min rawn kauh na lam chu ka hawi phei nghal zat.

U Ruata ka hmu thut chu ka phu nasa kher mai. Eng nge hetah a tih, a ni te chu tun ang hun hi chuan office ah a awm a ni ngai a. A car a lut tur chiah a ni. Ka thin a rawn phu nghal dawp dawp a, ka chil ka lem khalh ringawt. Remsanga ka va melh zauh a, ka hmu sual nge nui deuh lek lek hian U Ruata a lo en.

"U Ruat" ka ti chuai raih.

A rawn kal phei a. Rum zet in min melh a ka tawlh hnung nghal dat U Ruata hi a thikthu a chhiat bakah mipa kawm vel hi a remti lo hrim hrim. Ka bia a nih chuan min hau ziah bawk, nizan a khatiang thil a thlen hnu ah ka vawi khat hmuh leh na a ni a. Tunah midang nen min hmui dun a ni zui leh ta mai si a.

Engmah a sawi lo. A rum nghut a, ka chabi ken a pawt tla hlawk a, Remsanga awmah a hmet bet nghal chawt. Ka banah a kai a, a car awmna lamah a hnuh in min hnuk phei a ni ringawt.

"Rebecca" Remsang'n a tih chuan ka hawi let zauh a.

"Engtik ah emaw kan la leng dun mai dawn nia" ka bu nghat ringawt a bike a ti nung a. A tlan nghal nal nal.

U Ruata car ah chuan in thlahrung fe chuan ka lut a. Biak ngam chi a ni lo, a in sehruh na a hmel hmei vel a tihrawla che talh talh bawk. A car a ti nung a chak zet in khalh zui nghal nal nal. Ka mit sir zauh a, kawngpui bak engmah a en lo. Ka bag chu nghet zet in ka hum ringawt.

"In kan tlan pel chiah" zawi sap in kan in a tlanpel rual chiah chuan ka ti a. Mahse min chhang chuang lo.

"U Ruat khawnge min hruai dawn" melh zauh pah in ka ti leh a min la chhang chuang lo.

"U Ruat khawnge min hruai dawn" melh zauh pah in ka ti leh a min la chhang chuang lo.

A car a ti ding a. A chhuak a ka awmna lam kawngka a rawn hawng leh a, ka ban ah min kai a, ka zui chhuak leh nghal dawt dawt. Ka hawi kual a kan awmna ho hotel a ni tih ka hre mai.

"Khawmaw min thlah teh" ka tang ve na chu a chak em a engah mah a ngai lo thung.

Room pakhat hi kan thleng a, kawngka a nam hawng rap a, kan luh rualin a kalh zui nghal hmak. A coat chu khum lo awmah chuan a theh thla a, tulverh lam a pan zui nghal hmak.

"Eng nge hetah min hruai a" a lam pan chuan ka phei a. A raw hawi let a, ka kawngah a kuah a, duhthawh zet in min fawp nghal tawn tawn ringawt.

"Zoremsanga nen khan engtin nge in inhriat" zawi sup in a raw ti chhuak.

"Maw kan thenawm ah a awm a. Kan inhre vaklo. Tinge i thinrim a mi" a mit ah ka en kar.

"Thinrim dawn lo ami. Mipa dang bulah awm tam suh ka tih kha" vin lek lek in a rawn ti chhuak a.

"Chuan dang hmeichhe dang nan in leng thung a nga maw" ka in la hrang a. Tukverh lam pan in ka hnungchhawng zui nghal hmak.

"Ka tihpalh a nih kha. Ka ngai lutuk che" ka hnung atang in ka bengbul ah zawi sup hian a ti a. Ka awm a tham zui nghal zat.

"Eng nge maw tih i tum le" ka hawi let a.

"Ka mamawh che bawihte" a thusawi phen ah chuan eng emaw tak thil inthup a awm tih ka hria. Chu thil inthup pawh chu ka hai lo, a mipat na vang a rawn chhuak a ni.

"Aih. Ka duhlo. Vawikhat chuah i tih kha. Khatin awm suh"

"Min khawngaih lo a mi" min rawn kuah zui leh nghal zat a.

"Chulam pawh a ni lo. Vawikhat i tia nih kha. Nuam pawh ka ti lo, ka rilru khingbai riau. Bakah a tlai tawh si ka chhung ten min ngaihtuah lutuk ang...haw ang" a ban a vuan ran pah chuan ka ti a.

"Hmm...min hmangaih lo tawp a nih kha...umm vawikhat chauh" ka hmui a rawn fawp zauh a. Ja fawp leh zui ve nghal pat.

A sam chu ka kut in ka tham tawn tawn a, ka awm leh ka malpui vel a chul thuak thuak bawk. Min pawm kang lawk a, khum ah min mut zui nghal zat. Zawimuang in ka in tu lut tan a, ka rilru chu a fim mahse ka taksa hi ka thunun thei tawh lo. A tih ang ang chuan ka awm tawp tawh.

Ka ngawng vel a fawh lai te chuan ka rum chhuak hak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:11 pm

Chapter-4

"Plastic nge Dispo in ka pek dawn che" Caffetaria nghak tu nu nelawm loh zet chuan min melh khawi pah hian a ti a. A sual hran lo a mengrum ve chi hrim hrim a ni.

"Dispo in" ka chhang a.

"Mahse plastic chiah a awm a"

I van a chhe chhu tak ti a vin nghal hrawk chu ka chak tawh. A awm loh che chuan min zawt buai lo khan pack nghal mai tur a nia. Helai ah hian darkar chenve dawn lai ka in tlar tawh ang. Ka ritam lutuk chu ka pum pawh a ri rawih rawih in ka hria.

Nizan ah mumal in thil ka ei lo ka ti dawn nge ka ei zawk pawh ka hrelo. Zanlai ah thil ka ei chiam a tukin ah chaw ei lo in college ka kal leh nghal. A chhan pawh hmanni a ka tihchhiat tak scooty ka siam tir kha workshop ah ka lam vang a ni. Khapa teh hrep pawh kha phakar lutuk kan in rem ve thlap a pawisa ka pek dawn ah a man a la san zek zui a. Ka pawisa ken pek pah in ka chahbi ka pawt thla hlawk a ka kalsan nal nal tak kha.

Ka coffee tur chu la in ka thiannu Lawmkimi min lo nghah na lam pan in ka phei zui ve nghal zat. Chhun chawlh lai in cafeteria ah thil kan ei peih ve ngailo. Chu ai chuan thingbuk hnuai a, ramhuai thawnthu ngaithla chung a thil ei hi a nuam ber mai.

"I va rei ve" ka thlen rualin a lo ti zui nghal zat.

"Rei ang chu ka hma ah mi an tam lutuk alawm" ka ka kut a thil ei tur hum tun pah in ka thu zui ve nghal thuai.

Ka burger lian tha zet mai chu kaih hmaih in coffee chu ka in zauh a. Awi, a tui em em zia chu ka riltam vang pawh a ni mahna.

"E hey Nimin ah Ruata hmeichhe pakhat nen an in pur ka hmu a nia aw" a rawn tih rual chuan ka thil ei lai ka hak tep.

"Maw khawi ah maw" ka coffee chu ka in leh khalh a.


Nimin ah maw a sawi dan chuan a zin dawn ti khan min hrilh si a. A zin leh lo em ni ang, nge ni a dawt min hrilh zawk. Mahse pawngtawng ringhlelh ngawt theih pawh a ni chuang lo hmanni pawn tum loh deuh in tikhan ka awm tawh bawk si nen buaina dang tawh leh ka duh tawh lo a ni.

"Bazar ah mawle. Ka rawn sawm che a i rawn kal hman lo vel a nih kha" thil ei tuam tuam pah chuan a ti zui nghal zat a.

"A zin leh lo a niang. Bakah nimin te chuan ka buai lutuk"


"Awi nimin kha college chawlh a nia buaina chhan tur i nei lo" a ti zui leh nghal zat.

"Dawr ah ka awm alawm" ka thil ei lai chu ka ei chhunzawm mial mial a.

Ka chhung te hi kan dawr ah hian an buai thei em em a. Ka pa leh ka ni te bungraw thar la in hmun dang ah an zin deuh reng thin. U Muani lah in lam a khawih deuh tawp a, ka buai loh chang chuan puih ve hi ka duh. Bakah dawr nghah hi nuam tih riau chang ve nei leh tlat thin.

"Ruata chuan a hrilh che em" a rawn ti leh a.

"Hrilh lo. A buai a niang nakin ah min hrilh leh mai ang" ngaihsak loh hmel zet chuan ka ti liam ve puat ringawt.

Nimahse. Ka rilru tak erawh in ka sawi chhuak lo, engvangin nge min hrilh miah loh tih chu ka zawhna lian ber a ni. Nizan ah pawh rei vaklo chu kan inbia mahse hetiang zin a thutlh leh thu hi engmah a rawn sawi lo hrim hrim tukin zing thleng pawh khan.

Ka phone ka phawrh a. U Ruata number ka hmet chhuak a, ka call nghal thuai. Rei a in ring lo a pick nghal vat.

"Hello" aw thum dat hian min rawn chhang a. Hepa hi chu a aw hi ka duh ve chiang a ni. A pa ka ti ve thlawt a kiangah pawh ka sawi thin. A thum fiah kak mai


"U Ruat i zin leh lo a mi" Lawmkim'n a beng a rawn dawh hnai nghal ha.

"Zin e tinge"

"Engmah mawle, nimin khan ka hmu tlat che in ka hria a." Dawt chiang lutuk ka sawi ringawt.

"Min hmu sual a nih dawn chu. Ka buai deuh a ka dah aw" a dah zui nghal hmak a.

Thawk ka la hak a. Ka phone chu ka ak tha leh nghal thuai. Lawmkimi pawh chu a ngawi deuh vang vang a. A a thaw chhuak leh hak thin.

"Lawm. I hmu sual a niang" a tawp a tawpah chuan ka ti chhuak leh hram.

"A ni maithei a ni. Mahse amah ni ngei kha chuan ka hria alawm" a ti leh phawng a ringhlel deuh a mawn chu aw ka ti rum rum.


Ni e. Keipawn ka ring chiah biklo mahse a hma in ka tisual tawh a, tihsual nawn leh ka duh tawh lo a ni. A zahthlak lutuk tlat, bakah U Ruata hi ringhlel mah ila han man na tak ka nei bawk silo nen ka tan rin thu a thil lo tih ngawt hi a fuh ber lo a ni. Ka hmangaih a chutiang in a ni pawn min phatsan duh tur ah engtik lai mah in ka la dah ngailo.

"Ruata hi i duh viau a mi" Lawmkim'n a rawn ti chhuak chu mak ka ti ve det. Hei chen kan in zui ve tawh a duh tak tak ni lo ila ka ngaizawng duh in a ring amawn le ka ti. Zawhna mak pui pui lah hi a nei a. Mahse, Lawmkimi kha a ni miau a.

"Duh lo i la hei chen ka nihpui dawn a mi" nui suk in ka chhang ringawt. Ka thil ei lai pawh ka ei chhunzawm lo ka puar vek ni ber in ka hria.

"Keichu mi tha a nih ka ring lo. A awmdan leh a hawiher vel hi. A mi biak duh dan te hi ka ten ru riau mai a ni" a tui bottle chu hawng in a in khalh a. Ka ban zui ve nghal zat.

"Engvang ngawt chuan maw. An hmel atang ringawt in mi teh thin loh tur" tihel lek lek hian ka chhang let ve nghal hmiah.

"Chuvang chuan alawm ka tih ni" a ti zui ve nghal hmak.

"Eng nge i sawi awmzia" hawi hai fe hian ka ti a.

"He thil hi ka hmuh ngailo ang che ka tia. Mahse hmu ngei la a that ka ring" a phone a rawn phawrh chhuak a. U Ruata nen whatsapp ah an lo in text chu niin an inbiak na chu ngun takin ka chhiar thla dan dan a. A tam zawk chu thu holam a ni, mahse ka chhir zel a ka mit la zawk thei khawp thu ka hmu zui nghal zat.

U Ruata: i van ngaihawm em em Lawmkim.

Lawmi: engvang ngawt chuan maw.

U Ruata: a hma ai a i chhiat loh sawt vang mawle. I khalh si.

Ka chil ka lem khawlh a. Ka beng a rawn sa zui nghal pap pap. A tawp lam chu U Ruata text deuh vek a ni. Lawmi chuan reply pawh a reply tawh lo.

U ruata : i reh tak hmak a.

:i khal reuh si.

: kan inhmu dawn a mi.

: ka zin dawn eng nge ka lo hawn ang
che, i duh duh a ni mai.

: muttui. Muah.

Lawmkimi phone chu ka melh tlawk tlawk ringawt. Sawi tur ber pawh ka hre tawh lo, ka thluak atang hian a bo vek a ni. A thin a tawt up up a, ka taksa a marphu te hi a rawn pawng dawt dawt mai hian ka hre tawh.

"U Ruata a nilo. Keimah ka nih kha" chiang zet in dawt ka sawi zui nghal zat. Keimah ka ni lo chiang lutuk ringawt. Mahse hetiang hian a ti a nih chuan a chhan hi hriat ngei erawh ka phut tlat. Ka thiannu pawh ni mahse U Ruata lerh ti a an sawi tur hi ka duh lo. Ka hmuh ang hian thil a thleng a nih pawn keimah a chinfel ka duh.

"Maw..." phawk fe in min melh.

"Keimah ka nih kha. Ka rawn bawl mai mai che a nih kha" nui der vei hawk hawk in ka ti zui leh nghal pat.

"I van a tak" ka kut ah a rawn hnek fiam zui nghal zat. Dar a rawn ri a period ka neih a vangin Lawmkimi class ah ka luh san nghal vat.


Kan class lak chhung zawng te chuan engmah reng ka ngaihtuah thei tawh lo. Ka tawt up up ringawt. Eng thil nge a sawi a eng nge kan zir tih pawh ka hrelo. Ka mitthla ah nichin a ka thil chhiar kha a rawn lang chuai chuai a chu zawng chu a ni a mai.

Ka phone vibrate cher cher thawm ka hriat rualin ka en nghal vat a. U Ruat...ka meng nghal kawk biak kha duh tunah ngei hian biak ka duh. A thutna atangin ka ding chhuak nghal zawt a.

"Sir. Ka pum a na lutuk a. Bathroom ah ka kal lawk thei a ngem"

"Ole" sawi zawh rualin ka bag ka hum chhuak a. Bathroom lam ka pan ding nghal nal nal.

Engvangin nge ka thinrim miah loh le tih ka ngaihtuah. Thinrim ai mah chuan hriat chak na in ka khat hlauh. Mak ve tak zawng a ni, thinrim ka tum leh titauh ka tum chang te hian ka ti hleithei lo. A chhan pawh hepa hi ka duh em a, tih lungawi loh ka hlau a, ka chan ka hlau a ni. Chuvangin a lakah hian ka thinrim hleithei thin lo. Amah ka duh na hian min dawi â ni ber hian ka in hria. Chu chu kan mutdun atang khan a zual lehnghal a. Ka thianghlimna ka hlan a pasal ah neih ngei pawh ka duh. Amah ah hian ka bet vek tawh ni ber in ka hria.

"Hello" bathroom ka then rualin a tawp hman chiah. Kan semsester bathroom chu ka kalh tha sawk sawk a. Ka hmet chhuak zui leh nghal zat.

"Hello" a rawn chhang a.

"Tinge i lak loh a" a rawn tih zawm leh nghal zat.

"Class kan la laklawh a. Ka chhuak a, a tawp hman chiah a nih hi" bang nghen pah chuan ka bia a.

"I buai viau chuan ka dah mai dawn a mi"

"Buai tawh lo zawk"

"Eng nge ka lo hawn ang che"

"Engmah" ka thinrim na a rawn chhuak leh nghal zawk.

"Timaw" a nui vei hak tih ka hre thei.

"I duh leh Lawmkimi kha hawn rawh. In inbiak nasat em kha" a bia tih hi ka hria tih hre hrim hrim se ka duh avangin ka ti lui ve deuh ngat.

"E kha kha maw. I thik a mi"

"Thik thik sawi a ngai a mi. I hre mai lo a mi" vin lek lek chuan ka ti zui nghal.

"Ka bawl mai mai a nih kha. I lo ngai thutak a mi"

"Thutak loh chi a mi. Ka awih chuang lo" phone ka dah zui nghal vei hmak. Min be duh lo a ngem aw tih ka ngaihtuah chhunzawm tho. Engkim erawh a that ka beisei.

"Rebecca Lalrinkimi hi chu a la chak dawn lo alawm. Hmanni ah pawh Zoremsanga nen ka hmu dun" hmeichhe thenkhat in an ti thawm ka hriat rual in ka beng ka dawh nghal ha. Bathroom pawnah an awm a, an tawng ri dang tur khawp in bang erawh a chhah tawk lo. Eng thil phiangsen chu sawi ni maw. Zoremsanga hming te chu an la sawi ri ta deuh deuh a.


"Tinge Rebecca i hi i huat viau a" a zing a pakhat chuan a ti a.

"Ka hmangaih Zoremsanga a lo theuleu phui ngam khanglang a. Bakah college ah ka nihna tur min ruksak kha ka la theihnghilh reng reng lo. Khanu kha awmlo se chuan college miss hi ka ni daih tawh ang. Tenawm lutuk, a bialpa tarhur hausa zet vang khan a in chhung pawh a ni mahna" nui vei hawk hawk a a ti thawm ka hriat rual chuan ka thin a sa phat mai.

Kei min hua chu ka ngaidam thei mahse keimah vang a U Ruat a hming an sawi tel hi ka duh lo. Engtin nge a sawi khah 'Tarhur hausa' a tia mi. Hrep tak chuan a. Kawngka ka hawng nghal thuai a, min hmu chiah chu phawk fe in min melh nghah.

"Re...Rebecca hetah nang maw" Lalrinsangi chuan phawk fe in min melh.

"Engtin maw ka chanchin i sawi a. Ka hnunglam atanga min rel lo hian hmaichhan ah sawi la mawle" rum fe a melh pah chuan a ti a. Ka aw chhuak pawh a vin hlar mai.

"I hriat reng kha mawle. Nang hi Zoremsanga bulah awm tam suh ang che" ka awm a kawk deuh chat chat chuan a ti sak mai.

"A ni bul a ka awm min khak tur hian tu chiah nge maw i nih le. Bakah eng nge i lo buai na tur awm, i bialpa in sawn a thlak san hnu ah che bum tur midang i zawng leh a mi. Nang a mawng dep leh hmawlte pian nen chuan tu mitha mah va hmu suh" a luchhip atanga a a ke lerh en pah chuan ka ner vei nang.

"Ka kal dawn ka buai. Ruata bulah leh Zoremsanga bulah" a dar a nek sawn deuh at pah chuan ka kalpel zui nghal hmak a.

"Lalrinkim lo ding nghal rawh" vin zet a rawn tih pah in ka hnungzang in ka eu nghal zawk a. Ka samah a rawn tham zui nghal zat.

Engtin tin emaw ka tal chhuak a, kut thawn ka ba dawn bik chei lo. Min rawn tham leh a tum a, a awmah ka lo tlawh zawt a, a hmai ah ka hnek nghal chawrh.

"I hospital bill tur chu kan inah i rawn lam dawn nia" a lu ah ka kek bu leh nghal lawp a. Ka hnungah tu emaw in min rawn manbet zui nghal zat a. Lawmkimi a lo ni.

"Hey lo kal teh eng nge i hriat a" inchung lamah min hruai chho zui nghal zat.

Min han cho vel khanglang chu a naupan lai atanga a insual hrat. Mipa tamtak pawh in an ngam loh ka ve ngat hi khatu teh hrep kha a, duh ai in ka la khawih na lo mah mah zawk. College chu nilo se a hming theihnghilh thak khawp in ka khawih zek ang.

"Tinge khatia i awm a" Lawmkimi'n ka sam min tuai mam sak thuak thuak pah chuan a ti a. Thutna ah ka thu chhap a, lawmi erawh ka hnungah ding in ka sam a tuai heuh heuh.

"Khanu khan ngeiawm zet in ka chanchin leh midang chanchin a sawi tel vei a nih kha. College chu ni lo se kha ai khan a la na ang" ka tho tharh a.

College a awm zui zel pawh ka chak tawh lo. Khatiang thil teh hrep a thlan hnu ah kha chuan eng tih mah ka phur hrep tawh lo. Diktak chuan U Ruata hming a sawi kha chu huat na teh vak ka lo nei lo.Zoremsanga hming a rawn sawi khan min ti thinrm riau.

Ni e, a duh leh midang chu ngaizawng ang hming ka lo buaina tur a awmlo tih ka hria. Mahse eng nge ka hriat pawh ka hre hrep lo e a, ka thinrim ringawt chu a. 'Zoremsanga' vang maw. Ka nui suk ringawt. Huat thlak engmah a sawi chuang miah silo.

Kut ka thlak ve na chhan ka ngaihtuah zui pawh hian ka nuih a za let lek lek ta zawk mai. Min rawn khawih hmasa lo se chuan a tuar miah lo ang.

"Hey nang hi doctor pan rawh" Lawmkim in min rawn tih chuan mumang ram atanga harh chhuak zawk ang mai ka ni. Min lo en reng chu ni in.

"Engvang ngawt chuan maw" thlithaw in ka sam bawrchhawr zet mai a chhem pah chuan ka ti zui nghal zat.

"I normal tawh lo hrim hrim. I insual zo chiah a nangmah in i nui leh vur vur ringawt mai"

"A ho emai a. Ka haw dawn" min chhan na pawh nghak hman lo in hmanhmawh fe in inhnuai lam ka pan a. Ka scooty ka hun na lamah phei in ka ti nung a ka tlan chhuak zui nghal zat.

Rei vaklo hnu ah kan dawr. Thawmhnaw zawrh na dawr chu ka theng ve hram e. In a haw na mood ah ka la cheng lo em a ni. Dawr chhung ah ka lut a, ka pa a lo thu ran mai. Thawmhnaw dawr hi hmun hnih ngawt ah kan neih avangin ka ni leh ka pa hian an nghak thin. In thenawm chiah a awm an ni. Ka pa hian pheikhawk bik hi a buaipui a, ka ni hian thawmhnaw dawr pangai tak zawk chu a buaipui.

Mipa meuh pheikawk lei a han bazar vel leh hmundang a han lak kual vel chu thenkhat chuan a awmlo an ti ngawt ang. Mahse mak ve deuh erawh Ka pa hian en ai in thil nalh leh changkang tunlai tleirawl leh nula te, mipa ho duh thleng in a hre tlat pek. Thil thleng thar leh chhuak thar a hre thei phian. Chuvangin a ni pawh a in chei uluk thei khawp mai.

Kei erawh hi chu kan chhungkaw model ah ka tlang hi a ni deuh ber mai. Thawmhnaw lo theng thar ho hi ka duh duh ka lo thlang zaih zaih a. College ah te ka va ha a, ka thian ten nalh ti in a rawn lei ve sup sup thin. Heivang hian a nia ka ni leh ka pa hi ka theih ang tawk a chhawk ka duh ve thin. An mahni vangin thawmhnaw tha tha te ka ha pha ve tlat.

"In bang rawh a mi a" ka pa in min lo ti zui nghal zat a. Dawr tu mi a nei nual a, dawrnghak nula dang pahnih a ruai tel bawk. Kan dawr pakhat pawh hi a te chhe zawk zawk lo khawp mai.

"Umm" ka bu nghat a "pa engtik nge i rawn haw ang. I lo haw hma thei dawn em zanin" an in hralh that chang hi chuan an hawn rei theih em avangin chaw ei rual loh chang te pawh kan ngah ve thin.

"Ka hrelo le. Hei tunah chuan a la hma viau chu a nia" A sana en zauh pah chuan a ti a.

Rei vaklo dawrah chuan ka awm ve vang vang a. Min dawr tu te pawh a remchan dan ang in ka lo buaipui ve lawp lawp. Tunah tak phei chuan ka ni awmna lamah ka phei a, hetah pawh mi an bang bik chuanglo. Lei em em lo a en ve hrim hrim hi an awm ve bawk. Mahse dawr ka ngah a hreawm ka tih em em pakhat chu. Thawmhnaw nalh zet mai inhmeh lo tak in an han ha a. 'I mawi lutuk' kan han ti der a ngai thin hi chu harsa ka la ti fan zu nia. Mahse in hralh kha kan tum ber a ni miau si a lawm le.

"U Ruat lo kal la" hmeichhe aw in a ti thawm ka hriat rual chuan ka hawi nghal hra.

Tunge a nih tih hriat tum in dawr atangin ka chhuak nghal zawk a. Dawr hma ah ka mit ka len nghal ruai, mi dang vei vak an tam bawk nen tu ber nge tih chu ka tan va hriat hran har tak a ni.

"U Ruat a nalh em" kapa dawr lam atanga ti thawm ka hre leh a. Ka phei nghal vat.

Mipa lian lutuk lo in hmeichhe pakhat kawr ha chhin lai chu ngun fe in a lo en. Ka thaw huai hian ka hria. Keima U Ruata emaw ka ti hman tep alawm. Engvang a khatia awm kha nge maw ka nih chu le a zin tih pawh ka hre ve reng si a. He mizoram ah hian Ruata tih hmingpu hi tamtak an awm a chumi zinga mi chu a ni pawh hi a ni.

Ka ngai nge ka ringhlel tih pawh ka hre seng tawh lo e a.

****

Zanriah kan ei kham a, thleng vel ka seng fel hnu ah ka room ah ka in khung leh hmak tawh. Engdang vang a ni lo, assignment tih tur ka ngah em vang a ni. Vawin lamah lah class ka kal zo der bawk silo ka khum ah ka bawk a, ka phone a hla ngaithla pah in ka ziak ve mawlh mawlh.

Darkar khat dawn lai ka ziak tawh ka kut te chu a nat hian a na thum tawh mai. Ka bawh na awm te pawh chu a kham them thum tawh, ka thu chhuak a. Thawk ka la hak a, ka phone la in balcony lam ka pan phei nghal zat.

Ka hmai ah thlithaw in a rawn chhem seng seng mai. Ka harh nghal sawng sawng in ka hria, U Ruata ka text a min reply lo. Engvang in nge a buai em em le tih ka ngaihtuah thin. Han bia i la ka buai a tih loh leh kan meeting a ti reng mai bawk si. Ka thawk chhuak hak a.

A chang chuan ka ringhlel ve thin mahse ka hmangaihna hian a ringhlel phal ngang lo a ni. Tin, rinhlelh pawh ka ngam lo. Min kalsan tur hian ka rin phallo a ni ber mai.

"I va hah awm ve a" ka kut ka hmet lai chu ka tawp nghal chawt. Ka hawi phei vat a Zoremsanga a ni, a room balcony ah chair ah a lo thu a mei a la zu hlat hlat lehnghal a.

"Nia assignment tih tur ka ngah deuh a. Ngawi teh nang hi ka pheikhawk khing kha min pek let i tum lo a mi" hmanni atang khan a la kawl reng. Ka hmu remchang chiah thin lo bawk nen han dil mai na hun a awm teh chiam lo.

Ka vawm tuk chiah khan an in ah va lam tum in ka kal a. Mahse a nu ni awm tha pakhat in kawngka a rawn hawng a, sawi mai ka tum a ka sawi thei tlat lo. Hmelhriat ngai loh hmeichhe pakhat in a pheikhawk khing kan in ah rawn zawng ve ngawt se chuan mak ka ti ve tho ang. Chu mai pawh a la ni lo, engtin nge i peikhawk khing chu kan inah a awm theih ti in min zawt se engtin nge ka chhan ang. I fapa vawm nan ka hmang ka ti ang maw, a teuh hian a hnai lo.

Chhuanlam ho te siam in kan in lamah ka phei leh ringawt.

"I duh chuan rawn la rawh" a meizial a pak khu laih a.

"Hah...in inah ka rawn kal chei lo ang. Tunge maw mipa in a leng dawk dawk ngai" ka balcony railing bawh deuh pah in ka en phei ha.

"I duh loh leh ka paih hmak a nga ni mai lawm" ka pheikhawk chu a rawn keng lang va a. A meizial in a tin ran lehnghal.

Ka pheikhawk hi a dep a nih chuan a chhe nghal vek a ni mai. Ka nu in a thih hma lawk a min lei a ni a ka rauh ve lutuk tlat a ni.

"I duh chuan rawn la rawh" a meizial chuan a nawr hnaih zauh a. Ka te chhuak nghal thawt.

Hmanhmawh zet in room atangin ka chhuak nghal rawk rawk a pawnah ka tlan chhuak zui nghal zat. "Khawnge i kal dawn" ka pa sitting room a TV en mek in a rawn ti pawh chu mumal in ka chhang hman tawh lo. "Ka vak harh lawk" ti a ka chhan chuan kan in gate ka pel fel diam tawh.

Thaw hlawp hlawp in Zoremsanga te in gate ka hawng a, an kawngka hma ah ka ding ran tawh. Door bell hmeh mai ka tum a, ka kut a khawr tlat lawi si.

A chhungte kha rawn kal leh tase eng nge ka sawi anga eng nge ka chhuanlam ang. Chu chu ka ngaihtuah chhuak miah lo, ka ban ka phar zuau a ka la thla leh thin. Kha mihring pa khan a lo ti chingpen mai ang tih chu ka hlauthawng ve tho.

Thawk ka la lek hak a. Doorbell hmeh tum a ka in sang mar lai takin kawngka a rawn in hawng rap a. Ka tawlh hnung nghal dah, Zoremsang'n a rawn hawng chu ka thaw huai hian ka hria.

"Khawi lo la rawh" zawi sap hian ka ti a.

"I duh leh lo lut mai rawh" kawngka biang hlap put chuan a nui suk a. A kut lehlam ah meizial a la keng reng a lehlam ah ka chapal pawh a keng ran tih ka hmuh hmaih lo.

"Mipa in ah ka leng ngai lo" hawi deuh vah in ka chhang a.

"Tuin nge lo leng rawh ti a. I duh loh chuan" a tin leh a. Ka pen hnai darh a, a ni a tawlh hnung ve hmak. An inchhung ka hmuh theih ang tawk chu ka melh zui deuh zak zak a "ka chhungte an awmlo. Rawn lut rawh" a meizial a pak khu leh tual a. Hepa hian rilru te pawh a hre thei deuh a mawn chu aw ka ti rum rum.

"Hah. Min bum miah lo ang. Khatin min thlem vei suh i thil tih tum chu ka hrethiam ve reng a nia aw" ka kawng ka dam vah a.

"I duh loh leh a pawilo a ni mai lawm" tih rualin a kal zui nghal hmak a. Engmah ngaihtuah chiang lo in ka zui lut ve ho ringawt. A hnunglam atanga ban deuh thut ka tum a a lo che rang ngang mai, a in her hman hlauh.

"Min lo pe vat teh ka buai a nia" ka hma ah chuan ka ding ran a. Mipa mi chhiah ching hi ka haw riau, chuvangin ka awki pawh ka dim teh chiam lo.

"Lo la rawh" a tawlh hnung leh dat a.

"Lo theh rawh" ka inti luhlul lui ve deuh ngat.

"Lo la rawh ka tia lawm" a tawlh hnung dah a. A zial zuk in a tin leh ran ran a. A dep thawi thuak hman, ka te chhuak nghal thawt a. Ka ve umzui leh nghal zat.

"Hmm...ka room a nula lut hmasa ber i ni" a nui suk a. Ka ke ka en a. A room ah ka lo ding reng tawh tih ka hre chiah ka hawi kual a, a room chu a felfai in a thawveng takzet. Mipa room tih tak ah ka room ang a thil tarmawi leh cheina vel a awm tehchiam lo, a furniture in a chei a ni deuh tawp.

Ka room ah chuan pangpar lem te bangah ka khai a, khum lu ah painting ka tar a, dream catcher leh thli chhem zawng a in then thei tur a an siam hmeichhe lawm ka balcony chhuah na kawngka biangah ka tar bawk.

A room chhung lah chu a rim pa hrak rim a nam em em zui lehnghal a.

Engmah sawi lo in a lamah ka pen phei a. Rum fahran a melh in ka pheikhawk chu ka pawt thla nghal hlawk a. Biak pawh be lo chuan chhuah leh nghal mai ka tum hman.

A room ka pen chhuak tur chiah a A nu leh Pa rawn lut ka hmuh rual chuan ka lut zui leh chiang lutuk ringawt.

"Eng nge diklo awm a" mak tih hmel fe in a hmui sen chak mai a lo ti pawrh tarh a, a sam a tuai zui zauh.

"I nu te an rawn haw a nia" zawi sap chuan ka ti a.

"An rawn haw ve bawk ang chu. Mi in a awm reng thu a awm hleinem" awlsam et in a khumah a rizai chu a pawt sawk sawk a. A in thawlh nghal hmiah.

"Hey eng nge i tih a"

"Ka mu dawn mawle" a kut pahnih a lukham at a.

"Khatin lo mu suh engtin nge ka haw ang nga. I nu te livingroom ah an awm tlat saw" ka bih deuh dak dak a.

"Haw phei la. A harsa vak a mi"

"I room atang in chhuak phei ngawt i la engtin nge an ngaih a nga. An hmuh loh lai a lut si an hmuh lai a chhuah te chu ka duh bik teuh lo mai. Tho teh" ke per deuh at at chuan ka ti a.

"Hmeichhe ho tak hi chu in buaina a ho ve thei ngawt mai. Mi ngaihdan ah hian in buai thei lutuk a" zi vei talh talh in a la ti sam et zui.

"Mi ngaihdan a kan buai loh in mawle. Engkim hi mi vang vek a thleng a ni zawk, nangpawh i lehkha zir na chhan te chu mi hmasawn rual a hmasawn ve i duh vang a ni lawm ni. Mi ngaihdan ah ka buai lo tiin khawlai ah kelawrte nen va kal ngawt la mi sawi vang a mualpho nilo in nangmah thiltih vek vang a mualpho alawm i nih dawn" ti fuh in ti fahran chuan hawi deuh lah a.

"Hmm... chuti maw"

"Aw chuti e. Kawng dang tal ngaihtuah la"

A nui suk a, a rawn tho chhuk a "kawng dang chu a awm. Min lo zui rawh" tih pah in ka chhan hma hauh chuan a room balcony lamah min hruai phei a, a kut a min khawih chiah chu ka hik deuh chiai zu nia.

"Nilo..nilo...teuh lo mai. Ka lawn dawn lo hrim hrim, thih thlamuanna ka la nei lo reng reng" rum zet in ka melh a.

A nui hak a, a chal ti chuar zauh in a kawng a dawm vei hmak "tuin nge i thi dawn ti" ka darah vuan in ka room lamah min nawr phei a. "En rawh ft.2 pawh a tling lo ang. In dawm na tur a awm vek hi, i tla lo ang. I bawp a sei that em kha" ka ke a in zui ngal pat.

"A nih lo tla ta i la"

"Hmm...Y.M.A in lumen tur kan nei tihna a ni mai" a mit a khap fak a.

"I van â tak khatiang fiamthu na chi pawh a nilo. Bakah he thil nen hi chuan ka lawn phei lo tawp ang" ka pheikhawk ka la hum reng.

A pawtthla hlawk a, ka room balcony lamah a vawm phei nghal hmiah. "Chuan a ni chu a phei ta. Tunah i ni ve" ka hnung atang chuan a ti thawm sat.

"Lalpa min veng ang che" zawi sap in ka ti a. A lo hre pha ni tur a ni, a nui hak mai.

Sang hi ka ngaina lo a. Hmun sangah pawh ka kal ngai lo reng bawk. Ka lu hi a hai deuh tlat zel a, chuti a nih loh vek chuan hnuailam ka en hian ka za chhuak vek zel.

"Hnuailam en lo la a ni mai" ka chhang tawh lo. Railing ah chuan ka lawn a, ka kut lehlam chu a lo chelh a, ka ke dinglam chuan ka balcony ka rap pha zan, ka kut dinglam vêk in a railing ka vuan a, ka pakai thei hram.

Ka balcony chu thi lo a ruang in ka thleng ni ber hian ka hria. Ka thlan fim ten min bual nia.

"Kha maw i tlak loh tawp kha"

"Awi..ka hlauh zia chu, ka tha khur pawh a la reh lo. Ka haw lutuk chu Zoremsang" ngaihno bei lo zet a tih pah in ka sam ka tuai thuak a, pheikhawk chu ka chhar zui nghal zat.

"Muttui aw. Thenawm nu" a nui suk a, a sam a tuai puat.

Ka chhang lo, ka kut phar chhuak in ka kut zunglai chu f**k you tih nan ka ti pir va a. Inchhung ah ka luh san nghal nal nal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:11 pm

Chapter-5

Tukin chu ka van buai neih nuaih tak em. U Muani a awm bawk silo nen engkim mai chu ka ko ah a tla vek a ni ber mai, zingkar ah tho in rawn ka bawl a chaw eina ka ti fel a, insuk zawng zawng dryer ah dah leh vek in. Ka ni leh ka pa te ka thlah leh bawk.

Nizan ka mengrei bawk nen ka lu te hi a ri chhu in ka hria. Sana ka en zauh a college tan a hun takngial dawn vawin chu friday a ni bawk a ka thawveng sawt in ka hria. Nidang chu nise ka phur hauh lo ang mahse weekend a nih dawn hi chuan engtin emaw ka danglam tlat thin.

Ka phone lah chu khawiah nge maw a awm reng reng le. Choka leh bathroom te ka zawng vek tawh a ka la hmu bawk silo. A van hahthlak tak em class tan hun a ni takngial dawn. First period ah assignment teh luh ka ngai asin mawle, professor dang chu ni se a nia. Mahse kan hotu zing a mi khirh ber te zing a khirh ber pa class a ni tlat. Class ah kher rawn thehlut ru a ti bawk si.

Ka room ah ka phei a, dawhkan leh ka khum nen lam ka theh hlim vek tawh. Ka chal pawh a tlan dap mai, ka makeup a ti chhia ang tih chu ka hlauthawng ve reng, ka bag ka keu nawn leh a, ka hmu bawk silo.

Ka haihawt lutuk hi chu ka la tuar ka ring reng thin a ni. Nakin ah chuan keimah pawh hi ka la in theihnghilh ta ve ang.

Ka khum lukham hnuai te chu ka en kual a, ka hmu chhuang lo. Nichin lawk a ka sam uluk tak a ka khuh pawh chu ka tuai phir vek tawh. Balcony lamah ka theihnghilh takin tiin ka phei a, chair vel ah pawh chuan a awm chuang lo.

"I va buai awm ve" Ka hawi phei nghal vat a.

Zoremsanga a lo ni, nidang a a inthuam loh dan daih in a inthuam tlat pek. Coat suit a ha zaih a, a sam lah uluk fe in a khuh pial bawk, balcony railing chu a bawh ran bawk. A perfum rimtui zet a ni ta ve ang chu, thli in a rawn beng phei chem chem mai.

"Ka phone ka hmuzo lo a. E tak a, ka number ka lo sawi a nga min lo call sak lawk teh" chhuat vel bik nawn leh thuak thuak pah in ka ti zui a.

"Number in pek dan tha tak a ni" a nui suk a, a phone a rawn phawrh ve mai bawk.


"Lo call vat mai teh" ka number ka sawi zawh in a rawn call nghal ni awm a ni.

Ka phone in ring ka hre zui nghal zat a. A rik na lam beng chhi ran chuan ka phei a, ngaithla deuh dak dak in ka wardrobe lam ah a ri in ka hre tlat pek. Ka hawng a ka wardrobe ah ka lo khar hnan reng chu ni in.

Ka la chhuak a, balcony lamah ka phei zui nghal zat.

"Ka hmu e" lek va pah in ka ti a. Zoremsanga a lo awm tawh miah lo. Ka balcony ka khalh tha a ka assignment la in pawn lam ka pan ding nghal nal nal.


Vawin chu taxi in ka kal mai a ngai dawn a nih hi, U Muan'n ka scooty zin nan a keng daih bawk si. Ka phone a sana ka en zauh a. A tlai lutuk tawh ringawt. Taxi lo tlan chu kalpah in ka phar zel a, midang an phur zel mai bawk si.

Tinge maw vawin berkher a taxi chu a van em em ni. Nidang ah hman sen loh khawp an rawn tlat lawi a.

"Lo lut rawh" ka sir ah car dum nalh zet mai hi a rawn in hung a, ka thlek nghal ha.

"Nang maw" Zoremsanga a ni. Car a nei tih ka hre miah lo lehnghal.

"Aih a ngailo" thawmngaih ka chhuah der ve zauh. Zawm apiang a aw zel thei nih chu ka duh bik reng reng lo.

"Lo kal mai rawh i tlai hma khan. Ka kalna tur lam tho alawm in college" a ti sup a. Inla polite buai vel duh lo in ka lut zui ve nghal mai.

A car chhung te pawh chu a changkang ngang mai. Hepa hian eng hna tak chu thawh ang maw, hetiang a car tha leh manto hmel zet a khalh chu sawi loh bike manto tak a ni bawk.


"Khawnge i kal dawn a" melh zauh pah chuan ka ti sap a.

"Office" bawng deuh tak chuan min chhang a. Min melh eih lo a kawngpui a en char char ringawt.

"Car i nei tha khawp mai"

A rawn nui suk a "hmm...ka pa car a nih hi. Kei chuan bike kha ka ngaina zawk a, ka ti chhia a ka siamtir laklawh sia. Ka pa ta ka kalh sak a nih hi" min rawn melh zauh a kawngpui lam a melh zui leh nghal a.

"Nih chu. Ka lawm e" ka ti zui leh sap.

"Keipawh le thenawm nu" a nui suk a.

Car a muang riai riai a ka thleng tih ka hre mai. Tawi khawmuang vel lo in ka chhuak zui nghal zat a. Kan room awmna lam pan mai tum in khawlai zawm lai tak ka thleng hman tih a Zoremsang an min rawn auh vangin ka ding chawt a, ka hawi let zui nghal zat.

"He thil hi i theihnghilh a nia" a kut a ka assignment paper rawn lek va pah chuan a ti a. Ka phei a, rang zet in ka la nghal. Ka haihawt lutuk hi chu a.


"Ka lawm e" ka ti sap a. Kan class awmna lam ka pan nghal thuai a.

Nidang nen danglam na tehchiam a van awmlo kher em. Class lak a ni deuh tawp. Nileng in class kan la a, kei phei chu darkar thum a zawn in ka thu char char nghe nghe. Ka mawng te hi a kham ut ut tawh.

Ka mut lah chu a la chhuak em em zui lehnghal a. Ka van hne tak em, hriat loh lai in ka lo bu leh lawp thin. Class tawp ber phei kha chu ka muthlu nual in ka hria, lecture engmah ka ngaihtuah thei lo hi a ni tawp.

Nizan khan lo meng reng nghek nghek lo i la tha tur a nia. Assignmet ka tih zawh kha chuan 12:00am a ti tawh. Chuta karah U Ruat'n min rawn call a, darkar hnih dawn lai kan inbe leh bawk nen. Han be lo ngawt dawn ila ka ngai ve tho bawk si, bakah vawin ah a rawn haw dawn a, chung vel te chu min hrilh bawk. Tukin ah lah ka duh ai in ka tho hma.

Nileng in thi ropui teh chiam thleng a awm lo. Class kal leh mutchhuak zet a awm nilen a ni ringawt.

Ka khum a ka bawk lai chu ka phone a rawn ri ral ral a Lawmkimi call a ni. Ka chhang nghal thuai.

"Hello. Rebecca min pui rawh hetah kan awm na thin ah khan kan awm a, rebecca ka lu a na lutuk. Min pui vat rawh" mangang tih hriat tak a lawmi aw ka hriat rualin ka mut hmun a tangin ka zuang tho nghal zawk.

"Engtin nge i awm...i tha em..lawmi" ka thlan fim a tla nghal zawih zawih a, ka thin a phu nghal dawt dawt.

Nilo lawmi hian tawhsual a tawk a ni ngei ang. Engtin nge ni ta ang, ka phone ka hum a, ka mutna bul a cheng 500 ka dah chu la chhuak tel in ka pyjama leh chapal nen ka room.atangin ka tlan chhuak nghal hlawk hlawk.


"Mambawih khawnge i kal dawn" ka pa in a tih pawh chu ka chhang mumal hman lo.

"Lawmi...ka lo haw ah ka hrilh chiang ang che" tih rualin kan in kawt a taxi lo awm remchang ah chuan ka lut a. A hma a kan lo awm fo thin na kan spot kan tih mai thin lam chu ka pan zui nghal nal nal.

Lawmkimi ka call a phone a la thei tawh lo. Ka beng te hi a sa huat huat tawh, ka chilh ka lem khawlh a. Khua lah chu a nuam zawk zawk lo, fur lai hi chuan hetiang hi a nihdan a ni tlat si a ni. Taxi ah pawh chuan ka awm hle hle thei tawh lo, ar mawng hawlh an sawi ang mai ka ni.

A hmun ka then rualin taxi ka hawng rawk rawk a ka chhuak zui nghal a. "Lawmkim khawnge i awm" ka au a min chhang lo. Ka phone light on ka tum lai tak in eng emaw eng deuh hian min rawn chhun rawn a "surprise" ti a au thawm ka hre zui nghal zat. Ka phu nasa lutuk chu thla nei i la chhuan ka thlawk hial ang chu.

"Hey thiani i lo theng maw" ka hnung ah Lawmkim in min rawn kuah chuan phawk fe in ka lo melh. A sir ah a bialpa lawmzuala awm bawk.

"Nang i tha reng si a. Hei hi eng nge awmzia sawi fiah teh" Lawmkimi dar a vuan in a mit ah ka en ran.


"Englo a nia. Leng ho ang u kan tia, pangai deuh a sawm che chuan i rawn kal duh leh awm silo a kan tia. Kan bum chhuak che a nih hi" a la nui sang zui.

"Eng nge i hriat a. Ka ngaihtuah zia che kha i hre lo a mi. I chungah thil thalo a thleng emaw ti in thaw hlawp hlawp in helai hmun hi ka rawn thleng a nia. Min en la ka mut kawr nen a nih hi ka rawn kal" awka vin zet a ka tih chuan a hmel chu in thiamlo tih hriat tak in a nguai zui bar.

"Lawmi kha dem suh. Keiman ti tur a ka tih vang a nih kha" mipa aw in a tihna lam chu ka melh phei ha a Remsanga a lo ni, jacket dum leh worn out ripped jeans a ha a, booth a bun a, t-shirt a ha bawk.

"Hei hi nuihzatthlak ah i ngai a mi" rum zet in ka melh a.

Ka thiannu ka ngaihtuah vang in helai ah hian ka kal a. Mahse hepa min lo bum vang hian maw. Ka awih thei lo zawk. In hum ruh tun in ka in her vut a, ka taxi chuan na ah khan phei leh ka tum chu a lo awm tawh hauh lo.

"I zawn ka hria. Pawisa kan pe a, a kal daih tawh" kut kuangkuah awt in Remsang an min la chhang zui.

"A tha ke in ka haw mai ang" a nui hak thawm chu ka hre thei. Ka ngai thutak lem lo.

A bike ti nung in ka hma ah a rawn hung a "chuang rawh ka va thlah ang che" a ti sup. Ka chhang lo ngawireng in a bike hnungah chuan ka chhuang zui ve nghal hmak.

Ruah chu a hmi seng seng a, huh tham erawh in a sur lo. Remsanga hnung ah chuan bei thlap in a thin phu dap dap thawm chu ka ngaithla a. Ka thinrim hmai sa pawh thli in a chhem vawt seng seng mai. Khawchhung kan lut a rei tlan a ngai tawh lo ang tih ah ruah a rawn baw bawk haw a rang zet a chhuk in varanda ah kan ding hul ringawt.

A bang mai dawn emaw tih lai in a sur hnem tulh tulh emaw tih tur a ni. Ruah in kan awmna a rawn theh deuh thawt thawt reng bawk nen ka pyjama hak pawh a hnawm deuh chap tawh.

"Tirawh lut ang" Remsanga chuan a ti sup a.

"Mi in ah luh ngawt a chi loh" ka lo tang ve tumhrang.

"Hotel a nih hi. Ruah sur ban hma chu hetah hian kan awm mai dawn nia" ka sir deuh chu a kawk zauh a hotel logo a lo in tar kiau.

"Mahse"

"Tinge min hlau a mi" a nui suk.

"Hlau lo"

"A nih chuan lut ang. I hmui a duk vek tawh a nia vawt i ti a nih kha tang buai duh lo mai rawh. I damloh phah zawk ang" a tih rualin kawngka a hawng a kan lut zui nghal zat a.

Ka phone ka hmet eng dawn a batary a low nge ni a thi zui nghal hmak.

"Tinge i phone chu" ka thing deuh nak nak chu a lo hmu ni ngei tur a ni.

"A thi daih a. I phone ka lo hmang mai a pawi i ti em. Ka pa number i nei tiraw" a room book lai chu ka lo be buai ve chhen.

"Ka phone ka keng miah lo. Reception counter a mi hi hmang mai rawh"

"Ka pa number ka hre lo alawm. Ka chinchhiah lo"

"I phone chu charge tir la nakin ah i call mai dawn nia" a tih rual in ka phone chu receptionist bulah ka dah a. Kan room chahbi tur min pe a, elevator lam kan pan ding nghal thuai.

A vawt ka ti chu ka khur ru deuh hlak hlak in ka hria. Ka hritlan chuan a pawi viau ang. Elevator kawngka a rawn in hawng a ka pen chhuak chiah chu phawk fe in ka meng nghal kawk.

"U Ruat" hmeichhe pakhat nen hian an lo in kaih kuah ran.

"Rebecca nang maw. Eng nge hetah i tih" phawk fe in min melh let a. Chu nu pawh chuan chutiang bawk in, ka thil hmuh hi ka awih thei lo zawk. A bul a ding nu chuan in ti ta fahran in a banah a kai a, a hnaih deuh tat tat lehnghal.

"Chu chu ka zawh awm zawk tak che a ni hetah eng nge i tih"

"Ka sawi fiah ang"
"Eng sawifiah maw min lo phatsan reng a maw, ka hnunglam ah min bum a maw. Engtin nge i theih zawk" ka biangah mittui a rawn luang nghal zawh zawh a.

"Mipa nen tun ang zanah hotel ah in kal a. Rinnawm na i la sawi a maw. A ni nen hian eng thil chiah nge in tih a. Tunge rinawm lo hmasa zawk chu nangman i nei hmasa zawk a ni lawm ni."

"Khatin min puh tum suh" ka mittui a tla nghal zawih zawih a. Ka tha te hi a khur vek tawh a ni.

"A ni hi tunge a nih pawh i hria a mi. Khatin min puih chu le" a bul a ding nu chu a kawngah a kuah ran.

"Tu chiah nge a nih a" thinrim tih hriat tak in ka melh khawi.

"Henu hi maw i hne em em lo call reng tu che kha duat" chunu chuan a rawn ti sap.

"Maw hne a. Eng thil chiah nge i tih Lalruatdik" hmingpum in tun hma in ka la ko ngailo. Ka thinrim tih chu a hriat chian ka ring.

"Ka hrilhfiah ang che" ka banah min rawn chelh a tum a ka lo in dang vat.

"Tibuai lo la a that ka ring" Remsanga'n min rawn chhan hlauh.

"Zoremsang eng nge i lo inrawlh ve a. A lak atang hian hamthat na i dawng viau zawk a mi"

"Engmaw i sawi a" Remsanga'n a kawr nghawng a tham zawt pah in bangah a nawr bet nghal rawk rawk.

Engmah ka sawi thei tawh lo. Ka mittui a tla zawih zawih a ka rilru a na hle bawk. Engtin nge khatiang thu kha a sawi mai theih zawk, kei chuan rin in ka engkim ka hlan a. Infiam nan mai mai maw min lo hman a, ka kut pahnih a hmui hup pah in kan room lamah ka tlan phei nghal hlawk hlawk a.



Zoremsanga's Pov

In ka then rual chuan ka inthlak sawk sawk a. Ka thawmhnaw huh pawh ka zar hul nghal vek. Ka inthlak zawh a sana ka en meuh chuan 12:00 a ri der tawh. Rin ai daih in ruah khan min dang rei bawk a ni.

Ka mutchhuak lem lo bawk nen balcony lam pan in ka phei a Rebecca i room lam ka melh a. A la eng pap mai, a rilru hah a mu thei lo ngei a nih dawn hi ka ti ve hmiah.

Ruata hi chu a sual tih ka hria a mahse khatiang em em kha a nih ka lo ring lem lo, engtiang tak in nge Rebecca i hian a tuar ang tih ka hriatthiam pui. A chhan pawh hetiang tho hi ka tleirawl lai in ka lo tawn tawh vang a ni. A ni phei chu a la naupang mai bawk si. Thil thalo tih duh na a neih loh hram ka beisei.

Rei ngial ka thlir a, a room light a off na pawh a rei leh deuh tawh. A tawpah chuan a muhil thei ve ta a nih ngei ka ring.

Muangchang in a balcony lam ah chuan ka lawn liam a. A mut tawh leh tawh loh ka en duh a ni. A ni hi engvang in nge ka ngaihsak tal riau ka hrethiam thei lo. A hriat loh hlan in ka ngaihtuah reng thin tih hi a rin ka beisei miah lo. Kei ai in a naupan na a tam chhe zawk zawk lo, naupang deuh ka duh lo ka ti na chu ka ngaina riau a ni.

A awmdan, a tawngkam leh a engkim hian min hip ni ber in ka hria. Ka duh ti ila ka uar mah mah a ngem ka hrelo, ka ngaina ti ila chu chauh a ni thei lo. Ka thian ka tih dawn in tihsual palh a kan intaw bak mumal in ka be hek lo.

A mizia hi ka ngaina tlat a ni.

Hotel atang khan a phone pawh hawn lo in a haw tlang nghal nal nal a. A rilru a na viau a nih ka ring mahse chhel takin awm se ka duh a ni.

A balcony lam ka thlen chiah in phone ka ken ran chu ka hmet eng zauh a. Ruata nen an thlalak a lo la hmang kiau mai, a phone check ka tum em em vang a ni lo ka en chak riau a ni.

Ka phone ipte atanga la chhuak in ka hming engtin nge ka save reng tih hriat ka duh vangin ka in call chhin a 'Thenawm pa' tih inziak ka hmuh rual chuan ka nui suk a.

A balcony luh na a kalh vek a, a balcony sir a chair awm ah chuan a phone chu dah sak in ka room lam pan in ka phei zui leh mai ka tum a min lo hmu a ni chek ang chu.

"Remsang" hmeichhe aw ngaiho bei zet in a rawn tih chuan ka hawi phei ha. A mit ka en a, a bui deuh chak mai. A na takzet tih ka hai lo.

"I mu tawh a nih ka lo ring a" a rawn phei a, a balcony tukverh chu a rawn hawng rak rak a. A mutkawr chungah shawl pan ve tak mai chu bat in a rawn chhuak phei a. A in hrut deuh hriah hriah mai.

A hma lawk a ka dah a phone chu ka la a, a awmna lamah ka phei zui nghal "i phone, i lak theihnghilh a" a bul set a kal hnaih pah chuan ka ti sup a. Kun deuh lap in a rawn ban ve nghal mai.

"Min hruai haw a ka lawm e aw" a sam la hnawm deuh chap chu a tuai mam a.

"Rebecca ka tihpalh keimah vang in khati khan a puh che a. I duh a nih chuan kan inkar ah engmah a awmlo tiin ka sawi dawn nia chu chu i duhdan a ni em" keimah vang a in ti thiamlo an awm hi ka duh lo. Chumi ah chuan mawhphurhna lak pawh ka inhuam.

A kun lap a, min chhang lo.

"Rebecca i duhdan chu sawi rawh" a ngawi reng a, a kun chal a engmah a sawi chuang lo.

"Rebecca"zawi sap in ka ti leh a. A muttui a tla tih ka hmu zui nghal zat, hetiang tak hian a la na ang tih ka ring ngai miah lo.

Hetiang tak a hmeichhe rilru thianghlim Ruata vang a a tap hian ka thin a ti rim ngawih ngawih. A nihna diktak hrelo in kha chen kha a lo ngaizawng ve char char a ni awm si a.

"Engmah a ngai lo. Zanin a ka thil hmuh ah khan ka chiang alawm, a duhzawk chu i hriat mai kha. Eng nge ka biak leh chu a tul na, hlim tak in awm se ka duh ber, kei chuan ka tuar thei mai ang" a in hnit hlawp hlawp a. A tap insum tum tih hriat takin a ban in a hmui a hup tat bawk.

Zawimuang in a lamah ka pen phei a, a sam ah duat tak a chul in ka awmah a lu chu ka nem bet a. A insum zo lo a tap chhuak nghal hawk hawk.

"Remsang ka hmangaih ve asin. Tinge min bum kher kher, a tan engkim ka huam asin. Ka hnunglam ah tikhan min bum a, nilo tak in min la puh zui lehnghal a. Remsang huat ka duh mahse tinge ka huat theih miah loh, engvangin nge lo kir leh se ka la tih fan le" ka kawr tham fan in ka awm ngheng in a tap hawm hawm.

"Hmangaihna hi chu hetiang hi alawm. Pakhat a hlim chuan pakhat in a tuar a ngai thin, i natna chu ka hriatthiam pui che. A chhan chu keipawn ka lo tawn ve tawh vang a ni" a sam ka chul lai chuan a mit sen leh bui ram chuan min rawn melh chho a.

"Maw i tawng tawh a maw" mak tih hmel fe in min melh.

"Tehreng mai. Ka hmangaih ve ber chuan min bum in midang sawn a lo pai a. Khatih hunlai kha chuan ka tuar thiam lo alawm, mahse tun hnu hian keimah min khalh tu ber a ni ta hlauh a nih hi" chhuk en ran in ka chhang a.

"Engtin nge chutiang chuan i ngaihtuah theih a"

"I tan a khuanu ruat a ni takzet a nih chuan in kawng te chu hrang in kawng hran ah kal ve ve mah ula, engtik ah emaw in kawng chuan intawh hun a nei leh em em ang"

Ka thusawi hi keipawn ka awih chuang lo. Khuanu ruat tih vel hi ka ring ve teh chiam lo na chu tun dinhmun ah chuan ka hnem theih dan kawng awmchhun a ni miau si a ni.

"Ka lawm e" in sut hraih hraih in ka kuah na atang in a kalsawn nghal thuai.

"Mu tawh rawh. Thil ngaihtuah nghek nghek lo la, chak takin awm zel ang che" a shawl bah tla lek lek chu la tha in a darah ka khuh tha a.

"Muttui aw" a ti sap a. A room lamah a lut zui nghal a.

Keipawh chu ka muhil thei lo, engvang a hetia awm ta hi nge ka nih. Rebecca i hi ka duh tihna em ni, khatiang khan hmeichhe bulah ka awm ngai lo, ka kuah in ka hnem ngai hek lo. Mahse engvangin nge a bul a ka awm hian ka danglam tlat zel ka hrethiam lo a ni.

Hetiang a ka awm tawp kher kha chu kanu nen a kan in ngaihzawn lai khan a ni. Khami atang khan ngaihzawng ti a sawi chat tur hi ka neih leh awm pawh ka hrelo, ka nun pum hi lehkhazir nan leh kan hotel enkawl nan hian ka hmang thin, engtik atangin nge he ka nun ah hian Rebecca i hming hi a lo lan ve tan tih pawh chiang takin ka sawi thei lo.

Kha kan inhmuh zan pawh kha ka bialnu hlui nen kan inthen atanga kum5 na vel chiah a ni. Mahse a ni kha ka tawng zawk ta si a, ka hmuh vawikhat na atang khan a hmel pawisawi lo zet khan min zem nghal ni mai hian ka hria.

Ka room balcony a ding reng in Rebecca i room chu ka thlir reng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:12 pm

Chapter-6

U ruata nen kan inthen na pawh karkhat a liam der tawh. Khami zan atang khan vawikhat mah ka la be leh chhin lo biak en ah pawh ka en lo. Ka zak takzet ni ber hian ka hria, college kal pawh nuam ka ti lo a reh hian a reh ruih mai.

Mahse keimah a in duhtawk na awm ve chuan be lo tur in min ti miau a ni. Ni e engvangin nge ka biak teh lul ang ni, ka nihloh na ah min la puh zek zui lehnghal a, ka ten takzet a ni. A ni ang ka lo hmangaih theih kha ka awih lo hial zawk.

Ka chhungte an zin bo vek a keimah chauh in ka awm. Zanin pawh kan class ho in chaw ei chhuak ang u an ti tlat pek a, mahni a rawng in bawl buai vel ka peih loh vangin zawm ve mai ka tum. Ka U Muani zin lah chu tum ai rei a la cham zek zui a. Hmuh tha a hmu a ni chek ang chu, a lo haw hun ah engkim ka zawt vek ang.

"Nang hetah maw" ka hmeichhe aw hriat tawh in min rawn tih rual in hotel kawt ah chuan ka hawi nghal va.

Ka hnung a lo ding min ko tu chu ka en a. Ka hmuh rual chuan ka meng nghal kawk, Ruata bialnu dang leh a ni chek ang chu. Kawr sen fual ha in pheikhawk sang a bun a, bag dum a khai bawk. A awm leh ban velah lah tlereuh a de deuh chiai lehnghal a. En ringawt pawh khawsak harsa zawk zawk an ni lo tih chu hai rual a ni lo.

"Aw biak duh na min nei a mi" haw sang deuh vah hian ka ti zui zauh a. A ni hmuh a duap leh chaklo tak ang a lan hi ka duh lo a, min hmuhsit zawng ang a awm ka duh hek lo.

"Ruata hi tibuai tawh lo turin ka ti che a ni lawm ni" chiang fak a a rawn ti chhuak chu ka meng nghal kawk.

Henu hian engthil hrep nge a sawi hi. Ruata la ti buai a maw, hrep tak a, engvangin nge ka tih buai chu a rin reng reng a. Ka duh a ka hmangaih tih ka hai lo, mahse min kalsan tu umzui tur em a mahni in duhtawk na neilo ka ni hrep lo e.

"Hriat sual i nei a ni lo maw" hma chhawn ran in ka melh kar.


"Hmanzan ah in inbia tih pawh ka hria. Min bum tum miah suh nangni ang hmeichhe tleirawl bum mai mai theih ka ni lo" a kut kungchal a min rawn kawh deuh sak sak pah chuan a la ti zek zui a.

Hmanzan ah Ruata chuan min lo call ngei. A number ka save tawh loh a vangin tunge a nih ka lo hrelo a, midang emaw ti in ka lo la kha a ni a. Nilo se chuan ka lak loh dan tur chu a, kha kha a sawi a nih chuan ka thiamloh a nih na ka hrelo. Tin, khami lo biak na ka neih awm ka hre hek lo.


"Chuan eng nge i sawi tum chu" a duh duh dan in min ankhum bik awmlo ka ti ve sak.

"Ka sawi tum tak chu. Lo be tawh suh tih hi a ni"

"Chu chu ka thu a ni hleinem. I duh leh i bialpa Ruata kha va veng la ti nia. Eng a vang a kei min rawn mawh chhiat chei nge maw i nih le" a hmel atangin a thinrim tawh hle tih ka hai lo.

"Nangni ang hmeichhia hi chu ka hrechiang chu lawm. Mipa hi engtiang in nge in umzui thin tih pawh ka hrechiang" chaldelh fe a min ti meuh chu ka thin a khei zar mai.

"A nih nang ni ang hmeichhia hi engtin nge an sawi ve thin chu a" a mit a ken kar in zam duh bik eih loh chuan ka chhang ve khang khang. Kei aiin a upa daih tih ka hria, mahse khatia min tih theih na dan kha engmah a nei lo. Kei ai upa pawh ni mahse mawi lo tak in min ti miau a ni.

"Nang hi..." sehchilh nak in a rawn ti chhuak.

"Bawih hetah maw i lo awm ka lo call che kha. Rebecca nang pawh maw" Ruata ka hmu chiah chu ka thinlung hi a dang nghal zak. Chhun sawk ang mai hian a na a ni, ka hua mahse ka la duh hle tih erawh ka hrechhuak thar leh. Ka kut ka hum ruh ralh ralh a, ka chilh ka lem khalh a. Ka thin a rawn phu nghal dawp dawp.

A awki. A hmel hmai leh a inchei dun dan engmah a la danglam chhin eih lo. Danglam tawh awmchhung chu kan inkar chauh a ni, ka duh takzet tih ka zep lo. Ka ngaihzawng hmasa ber a ni nghe nghe, mahse a lak ah erawh a tello a awm thei lo leh chaklo tak a awm ka duh lo.


"Tu nen nge in rawn kal a Rebecca" U Ruata chuan nui sung hian a rawn ti chhuak a.

"Ughh..ih kan..." ka chhang thei lo. Tun hi kan inthen atanga pangai tak a ka biak leh vawikhat na a ni. Ka tan chuan a danglam.

"Ei pui tur i neih loh chuan i duh leh min rawn zawm ve la" U Ruata'n a ti zui a.

"Duhtak" a bialnu in a lo keuh ru zauh tih ka hmuh hmaih lo.

"Tu nen chiah maw in lo kal a" U Ruata'n a rawn ti leh a. Ka chhang thei lo ka chilh ka lem khalh a.

"Ka...ih.."

"Khatah khan alaw i lo awm a. Ka zawng nasa lutuk che a ni" ka hawi phei a Remsanga chu ka hnungah kawkawr ipte zen tap in a lo ding. Ka hmu chiah chu ka thaw huai hian ka hria.

"Remsang nan maw" phawk fe in hmeichhe nu chuan a ti zui sap.


"Umm...Amanda chibai. Engtik in nge mizoram ah i rawn haw a" tlangnel tak in Remsanga a nen an inbe zui nghal mai. An lo tih hre lawk tawh sa a nih ngei ka ring, Amanda i an tih nu chuan nichin mai a in ti ta tu fahran a U Ruata kut a vawn na chu a lo thlah fel der tawh.

"Ti rawh Remsang zanriah ei ho i la" in la tlangnel fahran in a banah ah Amanda in chuan a va kuah deuh chawt a. Tih el tih hriat tak mitmeng in min rawng melh sar sar.

"Zanin chu chuahpui ka nei a" Remsanga'n Amanda i kut phelh in ka lamah a rawn phei a. Ka kawngah a kut lian leh chak zet chuan a rawn kuah zui nghal zat. Nghet tak in min chelh a, a taksa lum thar thar mai lamah min kai phei zui nghal chat a. Engmah ka sawi thei lo, a chhan pawh ka kâ ka an loh hi tun dinhmun ah chuan a tha ber ang.

"Nang leh Rebecca i maw" iai hmel zet in chunu chuan ner nang in min rawn melh.

"Aw tinge a" Remsanga lah chu in ngaizawng awm in min awmpui hmak. Ka dang bik hek lo, tun dinhmun ah chuan zak lutuk a ka awm tur min vengtu a ni tlat.

"Hmeichhia kha i duh high viau in ka hre sia" Amanda i ngeiawm zet in a nui sak a min rawn melh zui nghal zat.

"Hmeichhia zawng zawng hi an pawnlam landang ang ngawt a teh tur a ni lo. Bakah chutiang a teh tur chu ni tehreng pawh nise ka Rebecca hian mi a tluk loh na zawk zawk ka hmu hranpa lo"

A thusawi chuan ka thinlung a nghawr nghing dawt thei nia. Ka Rebecca-i a tia mi, lem kan chang tih chu ka hria, mahse hetiang em em hi chu ka lo beisei lo. U Ruata'n a kawng ah a kuah ka hmu ngat phei chuan ka thik lutuk hi ka puakdarh thei hial dawn in ka hria. Ka hmui ka pet fan fan ringawt. Ka hua a ni, mahse ka hmangaih lo thei bawk silo. Ka ngaidam thei hek lo, ka engkim hi a lawklawk vek tawh ni ber hian ka hria.


"Tirawh an buai viau a niang. Kalsan mai ang" U Ruata chuan a ti sup "nih aw Rebecca" a bu nghat a hotel chhung lam an pan ding zui nghal zat.

An kal liam tur lai chu ka en vawng vawng ringawt. Ka kawng ah Remsanga'n min rawn kuah na kut chu ka kut in ka la sawn zauh a.

"An kal liam tawh saw...lemchan a ngai tawh lo" kun lap in ka ti zui zauh a. Ka mittui tlak loh nan ka hmui ka pet fan fan. Diktak chuan ka thik a ni.

"Lo kal rawh" ka banah a kai a. A car awmna lamah min hruai phei a. Ka chhang lem lo, ka lut a, a car a ti nung a. Chak zet in khawilai hmun emaw min kalpui a tum a ni ngei ang, kan in lo lam daih ah min la hruai zui a.

Rei vaklo hnu ah hmun pakhat ah hian min hruai a, a hma a ka scooty lo chhiat na lai vel kha ni ta in ka hria.

"Lo chhuak rawh" a ti sup ringawt.

"Eng nge hetah kan ti dawn" zawi sap chuan ka ti zui a.

"I tah a chhuah chuan tah hian tap rawh. Ka lo nghak ang che" thutna awm ah chuan a thu zui tharh a. In thlahrung fe in a bulah ka thu ve nghal zat.

"Engtin nge ka dah a chhuak tih i hriat a" ka kun lap a.


"I tah chhuak insum na lamah i phui pawh i pet vung vek tawh alawm. Khatin mahni in hrem suh, tah te chu thiang alawm. Tap rawh, mahse ti tap tu che hi theihnghilh ngai suh la a ni mai" ka darah vuan in a dar ah ka lu chu a nem bet a. Duat takin ka sam a chul zui heuh heuh.

"Mipa hma a thah ka duh lo a nia" ka tih rual in ka mittui a rawn tla nghal zawih zawih a. Ka insum thei lo, ka in hnit hlawp hlawp a. Ka mittui lah ka kut in ka nuai a, ka mit pawh a bui chak.

Engmah sawi lo in, minute rei fe chu ka tap ang. A ipte atangin rawmawl a la a chhuak a. Ka hmai bul set ah min rawn en chung in zawimuang in ka biang a mittui luang ngiai chu a hru a, a tap pawh ka insum thei deuh tawh. Hetiang hian tunhma in mipa vang in ka la tap ngai lo.

"Remsang" in hlit deuh hlap hlap in ka ti a.

"Umm" a thaw lum ham ham in ka hmai a ti sa hem hem thei.

"Tuma hnen ah sawi suh aw" ka mittui a hru lai chu a kut ka lo man chat a. A dawp ve dat a, a kut a la sawn nghal thuai.

"Eng chu maw" thut rem pah chuan a ti sup.

"Ka tah hi"

A nui deuh hak tih ka mitsir in ka hmu thei.

A tho tharh a, a car lam a pan a. A chezia chu ka thuthmun atangin a thlir reng, a car seat hnung a hawng a thil eng emaw hi polythin dum hian a rawn khai chhuak a. Ka bulah rawn thu in a thil khai chu ka malchung ah a rawn dah nghal chat.

"Eng nge hei hi" mak ti fe in ka melh a.

"Tah zawh chuan ril a tam duh a nia" a ti sup a. Polithyn chu ka en a, chips leh cold drinks thenkhat a lo awm diam. Thil ei turin ka chhuak a ka ei ta miah lo a nia, ka ril chu tam lo a ni bik lo. Hetiang lutuk a thil a ngaihtuah kim hi mak ka ti ve det.

"Ka lawm e"

"Eitur ka lei vang che in nge. Ruata lak a ka chhan che vang khan" a kut kuangkuah ran in ka thil ei lai min melh ran.

"A pahnih vang in" a duh ve leh ve loh zawh nan ka chips ei lai chu a lamah ka dawh phei ha a. A lu a thing nak a" ei rawh". A nui zui sak.

****
In ka thlen chuan rin loh lutuk in U Muani a lo haw reng chu ni in.

"U Muan. I lo haw dawn te chuan sawi lawk ta che" kawngka ka rah lut rual in nui var var in a awmna lam ka pan phei a.

"Tihian a surprise zawk alawm"

"Eng nge min lo hawn a" a bag chhuat a dah chu ka hai zui nghal rak rak a.

"Tha deuh mawle" a bag bulah a rawn thu hniam a. Shawl leh kawr hi a rawn phawrh a. Ka ta tur tih ka chiang nghal thlap. A puan te chu a nel thep mai, a thlawm zawk zawk lo khawp ang tih ka hre mai. U Muani hi chuan ka duhzawng hi chu a hre ve chiang a nia.

"Inbual na ka siam ang che aw" a bag a room a khai luh sak pah chuan ka ti a. Bathroom lamah ka lut phei zui nghal a.

"A ngailo keimah in ka lo ti mai ang" a tih vang in ka chhuak a, a khumah chuan ka thu ve ran.

"Rebecca eng thil nge ka zin hlan in thleng a. Zanin khan ka call tlang thei lo che a, Ruata a lo len takin ka tia ka call a, hmeichhia in phone a lo la a . Min lo la hau zek zui" ka bul a rawn thut pah chuan a ti sap.

"Nia. Kan inthen tawh alawm" kun lam in ka ti zui a.

Sawi chhuah hi ka duh viau lo mahse U Muani bulah hi chuan engmah ka zep thei lo.

"A tha lamah ngai phawt i la tiraw. Khawnge ka nu leh Pate a"

"Bungrua la in an zin a. Kar thar ah an rawn haw ang. Nih in ti fel rawh ka chhuak dawn" a thil min rawn ken pah in ka chhuak a. Ka room lam ka pan phei zui nghal a.

A kawr min lo hawn chu ha chhin in ka darthlalang hma ah chuan uluk fe in ka in en a. A shawl min rawn hawn pawh chu uluk fe a thlek pah in ka zar pharh a, ka kut ten ka pawt chhin thul.

U Muani khan ka call tlang thei lo che min tia mi khah. Ka phone ka ak reng si a. Ka phawrh a ka en chiah mai chu missedcall 12 a lo awm.

Bathroom ah lut phei in ka mutkawr nen ka inthlak nghal sawk sawk a. Ka phone ka charge a, in tih thawven nan ka balcony lamah ka phei a. Ka mit ka chhing vang vang a, ka ban phar in ka thaw chhuak a thawk la la leh hrawk hrawk bawk.

Zan ah chu a eng nuam em em mai bawk si, thla a en a ka tih fo thin dan ang in ka room light ka off thim a, thla eng lawm in balcony ah ka ding a ni. Zan a la rei lutuk lo dar 9:00pm vel bak a la ni lo ang. Ral hla deuh tak a tleirawl ka ti dawn nge tlangval ka ti dawn ni, lengzem hna nalh tak tak an sa hlerh hlerh mai te chuan lung a ti leng zual ngei mai.

Zandang ah chuan ni se, U Ruata nen kan inbe ngei awm si a ka ti ve vawng vawng.

"I lung a va leng awm ve a" ka meng nghal kawk a. Ka bul ah Remsanga a lo ding reng chu ni in a lo kal lai pakhat mah ka hre miah lo chu mak ka ti ve det.

"Nang..maw" phawk fe in ka melh a.

"Umm tu dang ah nge min hmuh a Ruata maw" a nui suk a.

"Ngawi mai teh. Eng nge i lo tih ka room ah te i rawn phei. U Muani'n a hmuh che chuan kan chak lo viau ang"

U Muani hi ka ngaihzawng neih pawh ka hrilh ziah na chu. A him chin a ngaihzawng neih tih hi a thupui a ni ve tlat. Mipa room a hruai luh te hi a phal miah lo.

"Zanin chu a nuam hle mai" a thaw chhuak hak a. Ka balcony railing chu a kut chak zet in a hmer ran.

"Ka zawhna i la chhang miah lo. Eng nge i rawn tih" amah en ran chuan ka ti a.

"Hmm...zanin a ka nula tahbelh deuh kha a rilru na in thil tha lo tih a tum palh a nge khawnge ka va thlithlai teh ang ka tia" a nui suk a. Min hmachhawn tur in a raw in her rem a, zan thla eng chuan a sam pawh a nihna bak a mawi tur khawp in a en a. A hnar ngun sei deuh zaih leh a mit khur thuk rat te leh a khabe ki ran te chu a ngai ngai in a lang thei.

Ngawireng in ka en reng a. A kut in ka kut lehlam chu a rawn vuan a, ka chil ka lem khalh a. Ka thin phu a rawn rang nghal dawp dawp a, ka beng vel a rawn za zui hem hem.

"Min ngaihtuah a ka lawm e. Thenawm pa" ka kut ka la sawn nghal vat a. A aw a thian kharh a, a nui suk a, a hnar tuai zauh pah in a hmui a liak huh hlap.

"Nia a ngai alawm thenawm nu" ka room chhung a lut in ka chair pakhat ka la chhuak a. A ni erawh a hma a ka lo dah lawk tawh ah chuan a thu thung.

"Ih englo. Zanin kha ka lawm lutuk a nia, awm lo la chuan ka tal buai viau ka ring" ka thaw halh a. "Ka lawm takzet a ni" ka hawi chhuak chu a mit in min lo melh reng tih ka hmu ve chiah.

"I tan te chuan" a lu chuan ka lu ah min rawn tauh fiam zauh a. Ka lo tuai nghal that that, a na viau pawh a ni chuang lo. Engti zia nge ka hrelo, ka khawr deuh tut hian ka hria.

"Mahse engtin nge khalai hmunah khan i lo awm ve theih a" a lam a in siam rem deuh pah in ka ti zui a.

"Nia. Ka chhung ten hmeichhe pakhat min hmuh tir an tum a. Ka peih chiah lo bawk nen, ka lo hmu remchang hlauh che a kalo pui che a nih kha"

"Maw hmeichhia. I bialnu maw" ka nui hak a. Hetiang thil hi min hrilh ka ring pha miah lo, mahse thian ah min ngai in min hrilh ve a ni chek ang chu.

"Ni lo e" a ti bawng ngawt.

"Tinge hmu ve mai la. I duh lo a mi, nupui neih hun lo rual zawk zawk i nih tawh loh hi tenawm pa" ka fiam zauh a.

"Aaa...englo a nia..."a thaw chhuak hak a" hmeichhe duh deuh dang ka nei a" a thaw chhuak zui leh hak.

"Maw. Chu chu tunge a. A hmeltha em, khawi mi , ka van hmu ve chak. Min hrilh ve teh, hey i thian ka nia ka lakah zep miah suh ang che. Min hrilh loh vaih promiss rawh" ka kut zungte ka ti pir va.

"I van naupang chhia tak" a nui suk a.

"Ka hre ve chak alawm. Khawi promiss rawh" a kut a rawn lek kang a, ka kut zungte chu rawn kuai in a kut zungpui in a hmet nghal chat.

"Ti kha chuan min hrilh hmasa ber thei"

"Umm...ka inpheih hun leh ama inpheih hun ah a ni pawh ka hrilh ang. Mahse tunah chuan a la hun lo deuh a ni" a kun a, a nui suk.

"Hmm...i dawih emai a. Sawi tawp la nih chu"

"E taka...min lo pui teh a" kan thusawi topic rawn thlak a tum chiang.

"Khatin topic thlak tum suh aw"

"Chutiang a ni lo...min pui la a man pawh ka pe mai ang che. I duh chuan" a ti sup a.

"Eng thil maw. Sawi la ka theih zawng a nih te chuan ka pui em em ang che"

"Ka nu leh pa thla 2 vel an zin chhuak dawn a. Rawngbawl ka thiam si lo a, rawng bawl thiam deuh min lo zawn teh zing leh zan a rawng bawl leh inchhung tihfai a ni mai. A harsa vak lo ang, han hriat mai ka nei silo a, i duh chuan a zawn man pawh ka pe mai ang che"

"Naa...chutiang a ngai lo. Ka hre lo le, mahse ka lo zawng chhin dawn nia college vel ah pawh an awm mai ang. Engpawh chu nise ka lo zawng chhin reng reng a nga, mahse ka hmu ngei dawn tih ka chiang bik lo a nia aw. Nangmah pawn lo zawng ve tho la"

"Nia. Thil siam tui thei deuh a ni mai"

"Khai aw saw saw eng nge a" ka balcony chhuah na a dream catcher intar chu a kawk fa a. "Ka en chiang chhin" a tho a, ka thil tar lamah chuan a phei a. A kut phar chhuak in uluk fe chuan a en kual a.

"Hei hi engtih na maw" min rawn chhuk en ha a.

"Mumang man tu"

"Hetiang thil hi i ring a maw" a nui suk ringawt.

"Ring emaw ring lo pawh ni ila a nalh tho alawm. Ni lawm ni" ka drawer lamah phei in la dream catcher dahthat pakhat chu ka khai chhuak a.

"Kha hei hi ka pe ve ang che" a hma ah ka kut ka dawh ha.

"Maw, ngatan maw" mah tih hmel fe in min en.

"Mumang man tu" a nui suk a. A kawng a dawm ringawt.

"Ole. Ring em em lo mah ila han tih ve hrim hrim chu a pawi vak lo turah ngai ang. Nula tha deuh te pawh ka man thel maithei asin tiraw" a kut hnung suih in ka hmai bul set ah a rawh kun hniam a, ka hmai a rawn chhem zauh a "kha le i dream chuan a rawn man chiah che" a mitah ka en kar ringawt.

"Rebecca...i thil tur hi i la kim lo a nia" U Muani'n a rawn ka hre zui nghal zat.

"Hey...biru vat rawh" Remsanga balcony lamah ka nawr phei nghal zawt zawt a. "Eng nge maw i hriat reuh le" a lo tan ve tumhrang leh nghal a.

"Rebecca lo hawng teh" U Muani'n ka room kawngka a rawn kik dawt dawt.

"U Muani'n a hmuh che chuan aw ka chaklo viau ang" a hnung ah ka nem zawt zawt ringawt.

"Ka lo hawng tep" U Muani ka chhang a "kal vat rawh"

"Awle" a room lam balcony ah ka nawr phei a. Ka biang a rawn chuk zauh mai chu phu nasa tak ka ni. Ka thin hi a phu nghal dawt dawt ni ber hian ka hria. Ka awmna ah chuan ka ding khawng reng ringawt tawh.

"Lal Rebecca" U Muani'n a tih chuan ka harhchhuak zawk.

Room kawnga lamah ka phei a ka hawng nghal thuai "i lo va hawng har ve a" ringhlel tih hriat takin a hawi kual deuh zak zak.

"Ughh..ka lawm e" U Muani thil ken chu ka la a "ka mu dawn ka mut a chhuak" kawngka ka khar zui nghal zat.

Eng thil chiah nge ka tih pawh ka hre zozai tawh lo. Engvang in nge kha dream catcher kha ka pek ngawt ni, ka khai lai khing lemhlam a ni nghe nghe. Ka lei na pa khat i mi ngainat ber i pe dawn nia tiin min hrilh a, engvang a Remsanga pe kha nge ka nih pawh ka hrelo e a.

Ka ngaina pawh a ni mahna ka hrelo le.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:12 pm

Chapter-7

"Pa i in hralh tha thei bawk maw" kapa dawr a pen luh pah in ka ti lut zui nghal zat a. Dawr tu an lo awm ve nual bawk.

"E in va bang hma ve a" a thutna bulah ka phei zui nghal a. Thutna min lo kian a ka thu ve nghal thuai.

"Nia vawin chu bang hma deuh"

"Dawr hi lo en lawk rawh aw. I ni dawr lamah ka va phei lawk a nge" a tho a. A thutna ah ka in suan phei zui ve nghal zat.

Vawin chu ka last period ka la lo. Kan professor a rawn kal lo a, vanneih thlak zet in ka bang hma thei ta a nih hi. In a haw ka la peih lo bawk a, ka pa dawr a kal hi ka ti thlu ta a ni.

An bungraw la an rawn haw na pawh a la rei lo. A chauh ka hlau a chawl turin ka ti a, nimahse a ngai pawimawh duh lo, ka chau lo a ti mauh si. Bakah bungrua kan lak thar lai hi chuan min dawr thin ho hi thawmhnaw thleng thar en tum in a rawn kal deuh tuk tuk thin. Dawr nghak tu pawh a chhawr ve reng tho, mahse mi in uluk ngang hi a ni a. A hmuh loh hi chuan a ngaih a tha lo thin ni ngei tur ani.

"Hei hi engzat man nge a" ti a min zawt tu chu en turin ka hawi chho nghak vat a. Hrep tak a kha Amanda i kha a lo ni. He khawpui a thawmhnaw dawe hei zozai zingah hian engvang a kan dawr berkher a rawn kal fuh nge maw a nih chu le.

Vei lem lo tak in ka tho chhuak a. A label a a man zat intar chu dim baksak lo zet a pawh thlak sawk pah in ka en a "a inziah reng hi. 2500" U Ruata vang pawh a ni lo, henu hi chu hmanzan a min tih dan leh min melh dan vang khan ka haw ve hrim hrim.

"Ka inhmeh a ngem aw" Ka dar a min nek sawm deuh nak pah in darthlalang awmna lam a pan phei a. Inti chhelo fe in a in en kual vel, han ben nghal pawp te hi ka chak a nia. Mahse ka awmna hun leh hmun in a zir lo a, chu mai bakah mi an tam angreng bawk nen mawilo tak a chet chu thil tihchi a ni lo. Tupawh nise tha tak a ka biak a ngai a ni tih ka hai lo. Diktak chuan lei lo tawp mahse pawi pawh ka ti lo.

"I duh chuan inthlak na room ah sawn va ha chhin mai rawh" ka kalsan a midang ka buaipui san hmak. Ngawireng in inthlak turin a kal ve nghal mai bawk.


"Lo kal teh hey" keima em ni min auh? Mai mai a hey te min han tih chei chu le. Ka thinrim na thunun tum fahran in ka thaw chhuak hak a. Ka phei ve mai. Ka kut erawh hum ruh lo ka ni hauh lo.

"Eng nge" kawngka bulah ka ring ran.

"A zipper hi min ti zip sak lawk teh" kawngka a rawn hawng a. A hnung zipper chu a in hawng hiau.

"Khawi awm tha rawh" a darah vuan in ka huai her sawk a. A zipper chu zip mai ka tum a, ka phone a lo la ri zui. Lawmkimi a ni, ka kut lemlam a zip tumin lehlam in phone lak ka tum a. Ka la hleithei lo.


"A na" a rawn ti chhuak tuarh a ka phu zawk. Ka en chian na chuan a vun ka lo zip hnan deuh ni tur a ni. Ka phone dawhkan a dah in uluk tak in ka siam tha leh a, ka tih luih a ni miah lo na chu pawi ti lo vat vat tak ka ni. A rukin ka nui suk.

"I ti lui a ni maw" thinrim zet a rawn hawi in min vin nghal tuarh. Dawr a awm ho pawh chuan mak tih hmel fe in min rawn melh a. An mit fuk na ber kan ni tawh.

"Eng nge maw i sawi le. Engvangin nge ka tih luih ngawt ang a"

Ti lui ni i la chhua a ai na khan ka ti ang. Ti a chhan hrawk chu ka chak mahse chutiang tih na hun a ni lo.

"Nang hian min haw viau a ni lawm ni. I Bialpa nen kan inzui atang hian min haw viau a ni lawm ni" a tawng in angreng si a. Kan dawr a awm ho chuan hmuhnawm thlir tak in min thlir a, thenkhat lah an in hrilh ru sap sap.

"Kei chuan mimal nun hi sawi ka duh ve vak lo. Nang in i duh a nih chuan ka hming tello in i sawi thei ang" hetiang hian ka in tawng khum dawn lo hrim hrim. Tu ah chuan nge a lo in ngaih chu ni, a duh duh a a ankhum tur ma ni bik chei hleinem.

"Hmeichhe zaklo lutuk. Khawnge helai dawr nei tu hi" a au chiam chiam a.

"Eng nge ni a" ka pa in a tawng a hria ni ngei tur a ni. Dawr a a rawn luh rualin a rawn ti zui nghal zat.


"Pu Sawm hei tu hmeichhia nge maw hnathawk ah i chhawr chu ke zipper zip dan pawh thiam lo. Hetiang mi te i chhawr reng reng ni, zahna hre bawk silo" ka pa hma ah chuan in ti hre fahran hian a ti deuh khang khang.

"Rebecca i hi ka chhawr a ni lo. Ka fanu a nih hi, chuan khatiang khan ka fanu chanchin hi sawi hauh lo. Mi tha famkim a ni bik lo tih chu ka hria, mahse khatia sawi theih na dan kha i nei miah lo a nia" ka pa in a hau deuh hrak. Zahna chhete mah a nei chuang lo.

"Engtin maw min tih. Tu chiah nge ka nih i hre chiang lo a ni ngei ang in bungrua hi engzat nge ka lei thin tih i hre bawk. Min be chhia a nih chuan i chan ve khawp ang" inti vei fe in a sam chu hnunglam ah a huai vei zauh a.

"E hria e. Nangni ang dawr tu neih ai chuan in hralh loh thak pawh ka thlang zawk. Ka fanu hi i duh duh a i deusawh tur a ni hek lo, i kawr hak lai kha thlak la chhuak nghal rawh"

"Engmaw i sawi a, nang ve mai mai hian" ka pa chu thamlo zet in a tawngkhum chiah chu ka thin a ti rim zak mai. Ka pa hi mawilo tak a an tawngkhum ka duh lo, henu hian ai upa zahna pakhat mah a nei lo bawk.


"Tunge i nih a eng nge i nih kan pawisa lo. Khatia ka pa tawngkhum tur khan tu chiah ah nge i in ngaih a. In la changkang hle si in rin loh lam ah i lo thing khawp mai. I duh duh chu i ti thei, mahse, helai chu kan ta kan dawr a ni a thuneihna i nei lo. Chhuak nghal rawh" ka pa dar a vuan ran in rum zet a melh pah in ka vin hrawk.

"A tha e. Nangni thawmhnaw mai mai" in la vei tak in trail room ah a lut a. Rei vaklo hnu ah a rawn chhuak a, kawr chu a kut a rawn bang in dawhkan ah a dah tau nghawng a. A chhuak zui nghal hmak.

Rei vaklo chu dawr a awm zawng zawng kan ngawi dat a. Inbiak pawh kan tum lo, mak ti fe in kan in melh kual hrek hrek ringawt.

"I tha em" ka pa in a rawn ti a. Ka thaw chhuak hak.

"Umm tha e. Nang i tha em" a chiar ka hnuk hnai a, a thu ve nghal mai bawk.

"In duh duh kha thlang ru. Tlawm deuh in ka pe dawn chi nia, nichin kha chu min hrethiam hram hram dawn nia" ka pa in dawr a thawmhnaw en ho chu an nuam ti lo lutuk tur tih reh nan a be zui zauh.

"Tu nge kha nu kha ni reng reng a" ka pa in a rawn ti leh a

A bul dawhkan ah ka thu a "ka hre chiang biklo" ka phone chu ka la a. Lawmkimi pawh chu min rawn call zui miah bawk silo, buai lai tak hian min lo phone ve ziah lehnghal a. A ti lui zawk hial a mawn chu le ka ti.

"Nula hei hi size dang a awm em aw" hmeichhe pakhat in a tih rual chuan a awmna lamah ka phei a. A size ka en a. Kan thawmhnaw dahkhawm na room, dawr hnung a lian vaklo a kan dah na lam chu ka pan a. Light ka on a ka hmu zui nghal mai.

"Kha hei aw" pek pah in ka ti sap.

"Bawihpui nang nula ah thawmhnaw si hotel ah va dah lawk te che" ka pa in a phone dah that sawk sawk pah in a ti sup.

"Maw. Hotel ah a"

"Aw. Tun mai khan miin min rawn phone a, t.shirt leh kekawr bul hi an duh a. An lo kal hman silo a bakah mikual a ni awm e, scooty i keng tiraw ka ve lawk rawh aw".

"Maw. Hotel ah maw. Tu mikhual in nge i number nei a, ka awih vaklo dawt an hrilh che a niang" mak chu ka ti ve det a ni. Khawi a mikhual mah khan ka pa number a neih hi ka ring lo hrim hrim. Lawmkimi dawt sawi kual vel bak a ni lo ang, a hma pawn tiang hian a ti tawh.


"A vai khan 2100 man a nia. T.shirt kha a manto ber ka duh a rawn ti tawp a. Va pe lawk mai rawh delever man pawh ka pe mai ang chu a tia. A mamawh viau a ni mahna" dawhkan a thawmhnaw thenkhat leh hanger dah fel sawk sawk pah in a ti sup.

"Umm ka va kal ang" ka pa dawr nghak tu Sawmtei'n min rawn pe a. Ka lo pan thuai

"Sawmte. Ka pa kha lo chet tir vak suh, ka lu a hai a ti leh a nge aw" ka chhuah hma chuan ka ti zui nghal zat.

Ka pa hi a upa ve tawh angreng si a. Hah tak a hna thawk turin ka duh lo, a bungrua pawh chah mai rawh a nih loh pawn ka lo kal sak ang chu ka ti ve fo. Mahse a duh tlat lo, a thleng thar nazawng ka duh lo, a nalh in thlang thiam lo ang a ti tlat zel. A dik na chen chu a awm, thawmhnaw lampang hi chu ka hre em em lo. Inchei thiam lo thlawt erawh ka ni lo, a tam lutuk hian thlan tur ka hrelo zawk thin ni mai in ka hria.

Ka pa sawi Hotel address chu ka theng rualin ka scooty helmet ka phelh a. Ka scooty dah tha in a chhung ah ka lut zui nghal zat a.

Reception counter lam ka pan phei a. Nula sam bawk coat ha chu a lo nui sang "puih theih na che ka nei em"


"Aw. Hei hi in hotel a thleng in min rawn chah a, hetah hian ka dah mai dawn a mi"

A ngawi dat a, a hma a computer chu a hmet zeuh zeuh a "nangman han dah mai ta che. Room number 381 ah aw. Amah rawn dah tir rawh tiin min hrilh a" a bu nghat a.

Ka thawmhnaw ken chu hum tan in room 381 lam pan in elevator ah ka chuang chho a. Ka bag chu ak tha sauh in ka thil ken chu ka hmer nghet sauh.

Corridor ka thleng a, room inziak ho chu ka en kual dan dan a 381 pawh chu khawiah hrep nge maw a awm le. Hemi floor ah hian a ni lo zawk em ni le aw ka ti hman thelh. Kawngka tawp ber ah 381 tih a lo in ziak kalh a. Ka hmu chu ka nui suk.

Kawngka ka kik dat dat a. Min rawn la chhang chuang lo. Ka kik nawn leh a "lo lut rawh" Mipa aw thum deuh dut in a rawn ti chhur a, mak tak erawh chu a aw hi ka hriat tawh hnu ni tlat a ka hriat tlat pek chu a. Khawiah nge ka hrelo mahse ka hre tawh ngei a ni tih ka hai lo.

"I kawr tur ka lo keng a" kawngka bulah ka ding a. Pawn atangin ka bia.

"Lo lut rawh bathroom ah ka awm ka lo chhuak thei lo" a rawn tih rual in a room kawngka a in kalh lo tih ka hmu chiah.

Muangchang in kawngka ka hawng a, ka dak lut dek dek a. Ka pen lut a, hotel room nuam tak a ni engkim mai chu a felfai thlap mai. Nuam danglam tak a ni "khawnge ka dah dawn" inchhung a lemziak intar en kual dan dan pah in ka bia a.

"Khumah khan" ka hnung mai a min rawn bia ni awm a ka hriat rual chuan ka hawi let zawk a. Ka mi hmuh tum loh lutuk ka hmu chiah mai chu ka phu nasa lutuk ka thil ken lai ka thauh nghal hnawk a. Thin phu dawt dawt in ka ding a, ka hma a ding chu phawk fe in ka melh ringawt.

"U Ruat nang maw" zawi sap in ka ti ringawt.

"Aw. Rebecca"ka kut a rawn vuan a "engvangin nge ka call i chhan duh loh. Ka ngaih theih zia che chu i hre lo zawk ang, tinge i tihtauh reng. Lo let tawh rawh" a ti chiah mai chu sawi tur bee pawh ka hrelo, ngawireng in ka ding ringawt ka thin a phu dawt dawt a. Ka beng te hi a sa hum hum mai.

"Ka duhlo" ka kut ka lasawn zui nghal hmak.

"Engvang in maw. I thinrim vang mai mai tih ka hria. Chuan kha Remsanga pawh kha min tihel na hmanrua mai a ni tih ka hre bawk. Nangmah ah lo hi chuan ka tui tak tak thei lo bawihte" a kut lian zet a min rawn ban rual in ka tawlh sawn dat.

"Engmaw i sawi a. Ka awih thei lo zawk i lo tenawm khawp mai, ka duh takzet lai che in min bum a tunah min rawn pan i tum a maw. Ka haw lutuk che, engtiang pawn tum mahla ka rawn let leh tawh dawn lo" kalsawn mai ka tum a, ka banah a rawn man chat.

"A nih ka tihpalh ti ta i la" a ti thawp thum char.

"Inbum na hi tihpalh a awm ngailo. Duhthlanna vang zawk a ni, kei chuan ka engkim ah ngai in ka neih hlut ber nen ka hlan che a. Nang chuan infiam na ang lek in maw min ngaih a, i duh duh hun a i pawm a midang i kawp san tur ka nilo" ka ban a vawn na ka thing nawk a. A thlah chuang lo.

"Min thlah rawh" ka aw chhuak pawh a vin hlar mai.

"Aih teuh lo mai" a ti chhum hmuk.

"Min thlah rawh" Ka kut lehlam ka phar chhuak a, a lo man leh chat "min thlah rawh".

"Hetiang hian awm suh aw. Ka duh miah lo a nia" ka kut pahnih chelh in bengah min nawr bet rawp a min rawn chhuk en chhur mai.

"I duh leh duh loh a awm turin ka engmah a ni lo. Min thlah rawh phiangsen a che" a mit a en ran chungin ka chhang.

"Khatia i awm kha alawm ka duh zual che ni. I duh lo a nih chuan duh turin ka siam chawp mai ang che" a sawi zawh rualin min nawr bet rawp rawp a. Ka hmui ah duhthawh zet in min fawp nghal tawn tawn a.

Ka thinrim bawk si ka tal thei thlawt lo. A palian mai bakah a chak em em bawk ni ka taksa chu nawr bet hneh tak a ni, hmeichhe manbeh dan chu a thiam kher mai. A he pahnih in ka ke a veng a, a kut in ka kut a chelh tlat a, a awm leh taksa lian zet in ka taksa a nawr bet tlat.

Ka hmui ah a fawp leh tawn tawn a. Ka lu ka thing nawk a, ka nghawng ah fawp zui leh in a thawk lum huam huam te chuan ka nghawng chu a ti lum pup pup mai. Ka hmuihmul lah chuan ka nghawng a chhun deuh sup sup mai.

"Min thlah rawh" ka tal ve na chu eng ruai a ni chuang lo.

Ka awm te chu duhthawk zel in a hmai chuan a nawr kual leh a, a insiamrem lai chu remchang ah lo la ve vat in ka tal nawk a ka tal chhuak thei hram. Room chhuak na kawngka lam ka pan phei a, mahse min rawn man a, khumah min paih tlu nghal pawp a thawh ka tum hlan in ka chungah min rawn bawk a. Ka kawr dar a pawt thler pawp a, a kawr hma a pawt tet sui leh nghal hawk a. Bra nen bak ka awm mumal tawh lo.

A mipatna lah chuan min do ul reng tih ka hai bik lo.

"Min tanpui ru...min pui ru" ka au chiam chiam a, midang an rawn kal thei lo, hetiang a ni ngai a nih chuan ka tang rei theih pawh ka ring tawh lo. Ka thlan fim a tla zawih zawih a. Ka tha te chu a zuai ru tlat tawh.

"Min pui ru" ka mittui a rawn luang ngiai ngiai a.
Ka tap chhuak lo ang tiin ka insum ve hram hram. Ka nghawng a fawh lai te chuan a thaw lum huam huam mai. "Min thlah rawh. Min pui ru" ka au chhuak leh nghal tuarh tuarh a.

Ka mit ka chhing tawp tawh. Thawk leh khat ah eng emaw ri thuai thawm ka hre zui a, ka chung a rit zet mai min delh tu chu a zang nghal huai a. Ri deuh dawp dawp thawm ka hre zui nghal zat a. Hlauthawng ru angreng tak in ka mit ka meng sar sar a.

U Ruata chu mipa pakhat hlaitling zet mai chuan a hmai ah a lo hnek sawk sawk a. Chhuat ah a lo tlu der tawh, ka kawr thlet hnuang chu ka ham khawm a. Hetiang hi ka la tawng ngailo, dawnsawn dan pawh ka hrelo. A hma chuan kan mudun tawh lawm mahse tih luihna a in nawr hi zawng a dan a lo dang em a nih hi.

Ka kawr tet hnuang chuan ka awm ka hliah deuh tat tat a. Ka in hnit hlawp hlawp a, ka taksa zawng zawng a khur vek tawh.

"I tha em nula" chupa chuan ka darah a rawn vuan chat a. Min tanpui tu pawh chu ka hlau zo vek tawh ni ber hian ka hria. Tawng ngaihna pawh hrelo in ka kawr chu ka hum khawp a. Khumah ka thu sawp nuaih ringawt, chhuat a U Ruata hmai thi deuh nung a a mu ka hmuh phei chu ka tha a khur zual.

A t.shirt hak chu a phelh a "ha rawh" a ti sup a. Engmah pawh chhang lo in ka in thawlh sawk sawl ringawt. Chhuat a ka bag leh thawmhnaw ken tla deuh nuaih chu a chhar a. A kut min rawn pe a "lo kal rawh" ka kut chu hlauthawng ru tak si in ka pe a. Min kaitho a, inhnuai lamah kan inzui thla hnawk hnawk.

Hepa hi awmlo ta se engtin nge ni ang. Suangtuah pawh ka suangtuah ngam lo.

"Ka la rawh" a thil ken chu min rawn pe a.

"Ughh aw..ka lawm e..kha hei hi la rawh" ka t.shirt ken lai chu ka pe a.

"Hei hi ngatan maw" a nui suk. Gold thi fual ve lampang hi a awrh a jeanse kekawr a ha a . Sana manto tih hriat tak a bun a, a dul te chu a in piar sek talt a. A six pack pawh chiang takin a lang.

"Lawmthu sawi nan. Ih...i kawr ka ha daih hi a" ka in en zauh a. A kawr chu a lian bawk nen ka thawl ve thlawt.

"A ngai lo"

"La rawh" a kut chu la kang in ka pe lui ve ngat.

"Nangmah in i haw thei a ngem"

"Umm" ka bu nghat a. Ka scooty lak chhuah ka tum a. Engti zia nge ni ka kut a kur tlat, ka hlau nge ka thisen a tlanchhia pawh ka hrelo.

"Khawi keiman" ka scooty a la chhuak a. A hnungah ka chhuang zui a. Kan in awmna te min zawt a ka hrilh hnu ah kawr ha map lo in kan in lamah min thlah zui ve nghal hmiah.

Kan in kan thleng a, ka scooty pawh min dah luh sak vek.

"Lo lut rawh"

"Ka hmanhmawh deuh a. Lut lo mai ang, ka lawm tho engtik ah emaw ka lo la leng zawk ang i in ka hre tawh tho bawk a. I phal chuan" a nui suk a.

"Ughh..aw tehreng mai. Kha kawr chu" nichin a ka ken sak chu ka pe leh a.

"A ngailo" kal mai a tum a. A kalna tur ka lo block hmak.

"La rawh i lak loh chuan nuam ka ti dawn lo a nia. Kha la rawh" ka hmet bet deuh chawt chawt.

"A ngailo...chutia i in thiamloh viau chuan ka kawr kha ka la mai ang" ka kawr hak lai chu a rawn pawt a.

"I ti anglo emai. Hei te chu ka hak hi. Ka sukfai hunah i lo lam leh mai dawn nia. Tunah chuan hei hi la phawt rawh" ka pe nawn leh a. A la la duh chuanglo.

"Aaa...ka kawr kha ka duh alawm" a hmawr ah a pawt a. "Khawmaw thlah rawh. I â emai" a ban chu phelh ka tum a, ka phelh thei lo.

"Nang kha" vin zet in tu emaw in a rawn ti tuarh a. Ka en a Remsanga a lo ni, thinrim hmel zet in a rawn phei a.

"Khai aw Remsang" nui sang in chupa chuan a lo bia a. A bula rawn thlen rual rual in min tanpui tu pa chu a hnek chawrh a. Chhuat ah a tlu nghal tawp a.

"Eng nge maw i hriat le" khawih leh a tum chu a coat ah ka man bet tang.

"I tha em" a bulah ka thingthi rawp a.

"Hi Remsang thiam te i lawm dan a va mak ve" a tho chhuak a. A in beng thak thak.

"Eng nge maw i hriat le" rum fe in Remsanga ka melh a.

"Ih..englo...Rebecca i kha a duhlo chung i nawrlui emaw ka tia" a zahzel ah a lu a hiat ringawt.

"Nawr lui a kei te chuan..hotel..."

"Ughh in in hria a mi" ka thusawi lai ka pawt chat a. Ka lu ka thing zui nak, a hrethiam ni ngei tur a ni. A sawi chhunzawm bik lo. Remsanga hian a hria a nih chuan buaina nasa zawk ka tawk ngei ang tih ka hria.

"Hre dawn lawm ni. Ka thianpa ve ber alawm. Brandon a nih hi. Ka tihpalh aw" Remsanga chuan a ti sup.

"I la pangai reng a nih hi" a nui suk a inchhung ah chuan kan in zui lut a. Living room ah kan thu a. Remsang an Brandon a a hnek na chu ka heh a kak deuh avangin damdawi ka hnawih sak bawk.

"Tinge i rawn haw tih min hrilh loh a" Remsanga chuan a coat phelh pah in a zawt a. Brandon a pawn ka kawr pek chu a ha zui ve nghal mai.

"Ka rawn haw duh thut a nih hi. Ka inhmeh em" ka hma ah ding in a inen kual vel a.

"Umm inhmeh lutuk khawmaw lawks aw" ka tho chhuak a. a label awm chu pawh phelh mai ka thum a, ka thei lo. Ka ha a seh chat turin couch ah ka thut tir a, a hmalam atangin a hnung a label awm chu seh chah mai tumin ka kun a.

"Hey eng nge maw i tih dawn le" Remsanga'n a rawn ti deuh tuarh.

A ngaihna hrelo zet in kan melh ha .

"Saw saw hmang mai rawh". Bang a bakcheh in kai chu a la a, min rawn pe zui nghal.

"Tikhan awm reng ru aw. Thingpui ka va lum ang chu" choka lam pan phei ka tum a.

"Lum duh suh. Brandona a haw dawn. Nilawm ni" a en zauh a. "Ughh aw ni e"za lo zet in a nui huk.

"A nih ka lawm e aw. I number min pe ve la tiraw a phone a phawrh zuk a"

"Rebecca tuivawt in nei em. Min va lak teh"

"Aw hei ka number..."

"Va la rawh. Hmanhnawh la"

Hepa hian eng tak chu a hria ni maw.

"Ka va lak lawk ang aw"

Choka lamah phei in frigde ka hawng a tuivawt bottle ka la chhuak a livingroom lam a ka phei leh meuh chuan Brandon a a lo awm tawh lo.

"Khawnge i thianpa kha"

"A haw" a rawn tho a. Ka bottle ken lai a rawn pawtthla hlawk a. A lem zui khalh.

"E he ka number kha ka la pe silo a" hawi deuh zak zak chuan ka ti a.

"Chutia i number sem i chak viau chuan ka lo sem dawn nia" a tui bottle ken lai min pek pah in a chhuak zui nal nal.

Khapa khan eng nge a hriat a. Khati khan nidang ah a awm ngai miah lo, eng thil tak a chungah thleng ang maw. A nelawm theih tehreng nen, Remsanga chhuak lai chu mak ti fe in ka en ta ringawt a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)