THLAMUANZUALA (18+) BY Hmuaktei Fanai‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: THLAMUANZUALA (18+) BY Hmuaktei Fanai‎ (Completed)

Unread post by Ngaia » August 30th, 2020, 9:26 pm

THLAMUANZUALA









Chapter-13









Room kawngka intheh hawng ṭhuaiah ka harh zawk a. Ka ṭhut chhuah ruala ka mi hmuh vangin ka ṭim nghal sung sung thei.







Thlamuanzuala nu hmel dur khup nen kan inhmachhawn nghal siah.







Khum aṭanga tho chhuak sawk sawkin ka sam ka chul mam nghal thuak a. Ka chezia chik lutuk a min en ran chungin a rawn penlut zui a.







"Tun ang hunah pawh ila mu thei ania, khawilama mo ṭha mah va ni suh" ti ram hmarhin couch lam apan a aṭhu thla zui nghal zat. A hmel hmuh nuam lo zet vang hian ka ṭih thar tlat pek a. Bakah tumah midang an awm tel ve loh vang hi a ni pakhat. Nidang chuan khanu a mei kati mai kha khan kan inhmuh tawh phawt chuan a zui tel zel ṭhin kha ania.







Khuma ka phone let bal ka ban thuaia, dar zat ka en chu ka ang nghal pham. Dar 1 alo pel daih tawh. Engtin nge tiang chen chen harh miah lo va ka mut theih zawk ni. Ka luah ka kuk nghal fawk. Pan phei mai na chang pawh hre lovin khum bulah ka ding mawl tawp.






Thlamuanzuala te chhuah hnuah a phone min lei ka khawih kual vel kha kalo muhil leh daih ania. Alo kal dawn tih hre lawk ila ka mu miah lo tur. Bakah ka taksa chak tawk loh vang anih ka ring ka muhil sam ṭhin lutuk hi.







"Hetah rawn ṭhu rawh ka be lawk duh che" a rawn luh tirha a mitmeng thip lutuk pawh kha hmuh tur a awm tawh lo. Mahse a aw chhuak a nem fahran chuang lo. Rang lutukin aṭhutna lam ka pan phei a. Tim daiin ka ṭhuthla zal zal a. Min melh tak ngul bawk nen ka awm ati nuam lo lutuk hi ka khur thei takngial dawn. Mahni a hmachhawn aralah chuan nuam lo ka ti ngawih ngawih.







"Feli" ka rin loh lutuk a min ko chu ka phu deuh zawk thei. Aw chang fak lang miah lovin ka hmingin min ko anihchu, amak ka tih mai bakah hetiang a nem hian a rawn luhtirh vel ngaihtuah kha chuan min biak ka ring miah lo ania.







Ka kut a rawn ban a tim daiin kalo vuan ve mai a. Kan inhmuh apianga min huat hmel em em si kha hetia a awm thut nachhan hi ka hrethiam lo reng reng.







"Thundera hi kan fapa neih chhun ngawih ngawih a ni tih i hria tiraw" ngawi leh datin a thaw chhuak ham ham a. A mita melh let ve khiauin ka bu nghat, eng emaw tak min hrilh duh anei tih ka hrethiam nghal. Zam lo ang taka lang tur pawn ka in control ve viau.







"Khawngaihin kalsan rawh. I khawngaihna ka dil zawk anihchu" a thusawi vangin ka phu zawk! Hei vang hian reilote chhungin ṭhat a rawn chhuah tihna ami? A mitmeng aṭangin min ngen ngawih ngawih hi a ni ber. Sawi ve tur reng reng ka hre lo.








"Kan fapa hian kan chhungkaw milpui nei se tih hi kan duhthusam a ni. Mahse tiang hi kan thleng leh ta si" ka nghilh dup thei. Hetiang tak hian animaw chhungkaw dinhmun alo ngaih pawimawh. Kan chhungkaw dinhmun en chuan Thlamuanzuala tan chuan khutah ka awm, neih ka nei miau lo ka nau chauh tih loh chu.







"I kalsan ang tiraw" ngenna a khat mitmengin min melh kiau a. Rei pawh en duh lovin hnuailam ka melh ta daih.







"I kalsan hmasa lo anihchuan ka fapa hian a kalsan dawn lo che tih ka hria" Chhan mai dan tur pawh ka hre lo. Hetiang sawi tur hian helai hmunah arawn kal ang tih ka ring pha bik lo. Nidang angin min an khum anga a haw zui veleh mai turah ka ngai hman kha ania.








"Naute kha chu a pian hunah i enkawl thei lo anihchuan kan enkawl zui mai ang. I tan leh kan tan pawh a awlsam zawk bawk ang" a thusawi vangin ka hawi chhuak nghal dawrh! Nu leh afa pawh hran maw?Engtin nge a ngaihtuah theih zawk. Engtikah mah a thleng ngai lovang. A fapa hi kalo nei thei talo anih pawn ka fa hi chu ka bulah a ṭhanglian tur a ni. Ka enkawl thei em em bawk ang.







"Ihh keiman ka enkawl thei ang" ka aw pawh a chhuak mai thei lo. Ka hrawkah hian ṭawngchhuah harsa khawpin min hnawh tlat.







"Khawngaihin naute vang khan a hmalam hun hi pawt buai lo hram rawh" A aw rik chhuah dan chu nem hle mahse ka taksa chhung a vilh ngut ngut thung. Nidanga min ṭawngkhum dan kha na lo anilo, thinrimna, hmuhsitna nen min an khum phiar phiar ai khan tuna ngenna hian min ti na zawk. A chhan chu ka mipa duh ve awmchhun kalsan turin min ti miau!







Ka kut a vawn reng ka pawt data a thlah zui ve mai. Keihian a hmalam hun ka tichhia anga angai anihchuan ka kalsan em em ang. A harsa ang tipawh ka hria, ka mipa hnaih hmasak ber a ni a, a tel lovin ka awm thei angem tihchu ka sawi thei lo mahse ka tum ang.







"I thusawi chu zawm ka lo tum dawn nia" ka kut hum kawp ngawt ngawtin ka ti chhuak sep a. Kan induhna pawh ka humhim ngam dawn lo, ka dawihzep takzet. Mahse min ngentu hi midang ni lovin anu ngei anih vang hian ka tan hnial ngaihna a awm lo.







"Zawm tum chauh kha ka duh tawk lo zawm ngei ang che, ka ring che ania" tihleh thawh a rual nghal a. Din chhuah ve na chang pawh hre lovin ka hmalam melh ngarin ka ṭhu mawl tawp.







"Chuan helai hmuna kan inbiak thu hi ka fapain hre lo bawk se ka duh. I kalsan chhan tur chu i ngaihtuah chhuah thiam ve mai ka ring" nichin a a aw rik chhuah dan nen chuan adang leh hlak tawh. A thusawi zawm ngei se min ti awm fein thumal tin alam fak fak.







"Thil pakhat leh chiah, kan chhungkaw mo ni tur chuan mi pangngai chunglam kan beisei ve ang tih hi min hriatsak la" ka kut ka hum ruh nghal nghek. Chhungkaw pangngai ka nei lo hi ka tihsual vang a ni bik lo. Ka pianchhuahna tur hi duhthlang thei ila hetiang hi ka thlang bik kher lovang. Hausa nilo mahila chhungkaw pangngai uapna hnuaia awm aia thlakhlelh leh chak ka nei kher lovang. Mahse duhthlang thei turin Siamtu ka ni miau lo.







Kawngkhar a rik dawt rualin ka thaw chhuak hawk a. Dan hman lovin ka mittui a luang nghal pap bawk. Ka hrawk chhung ana ngut ngut a, ka heh hnuailam pet fanin ka awm ka ṭham tawk.







Ka duh ve apiang hi ka ban phakah engtik lai mahin an awm ngai dawn lo anih hi. Engtin nge ka tih ang? Hetiang chuan Thlamuanzuala nen kan inkar hi kan kaltlangpui theih ka ring lo. Ka huaisen tawk lo.







Ka rilru abuai vek, engmah ka ngaihtuah mumal thei lo. Ka mittuiin ka thil hmuh ati phe vek a. Ka taksa zawng zawng nen hian ka na vek nimaiin ka hria.







Thlamuanzuala kiangah engtin nge ka sawi ang. Anu sawi ang tak khan sawi chhuak ta ila enge ka hmachhawn ang. Ka chungah nge anu chungah a thin arim zawk ang. Engtikah mah thudik hi ka hrilh ngam pawhin ka ring lo.






A fapa awm lohlai chuhin min rawn hmu a, chhuanlam ṭha tak siam a kalsan tura tih ka ni tel bawk a.






Ngaihtuah kual ka tum poh leh ka ngaihtuahna amang duak a, engmah tak tak ka ngaihtuah hlei thei lo. Ka ni deuh hui ni berin ka hria.







Ka mittui hru tawkin ka ding chhuaka, ka kaihza tha khur ve ringawt chu duh lo lutukin ka ke ka per nghek a awmzia a awm der lo. Ka ding ngil mai thei lo leh nghal. Couch hnunglam vuan ṭham ngawt ngawtin ka ding deuh vang vanga.







Ka thawmhnaw an dahna lam ka pan a, hawng rawk rawkin ka pawtthla nghal hmiah hmiah. Luggage thawmhnaw bawm chunga an dah la thlain chhuata ka thawmhnaw paihthlak ho ka khung nghal zung zung a. Ka mittui tla teivet vangin ka duh ang pawn ka che hlei thei lo.







Ka inkhungfel hnuin ka nau mutna room lam ka pan a, a thawmhnaw tlem arawn kenluh ho khung khawm sak sak zung zungin Thlamuanzuala room lamah ka hnuk phei a.







"Ruatdik kan inlamah lo haw ang che aw" phone a pick rualin kati nghal vat a. Ka aw control tum hle mahila ka thei lo chu ani ber.







"Û thil thleng a awm ami?"







"Awm lo, ka thusawi zawm tawp mai rawh" ka aw pawh a nem fahran lo. Tun ang boruakah hian zawhna chhang duah thei dinhmunah ka ding lo.







"Awle" engmah min zawt zui lo chu ka lawm ngawih ngawih. Inah kan awm leh anga, engmah sawi chhuak lo mahila ka boruak aṭangin a man thiam leh vek tho vang.







He khawvelah hian lo piang chhuak lo law law ila ka tan aṭha tur. Thlamuanzuala nu pawh a fapa tan a hahdam thei zawk bawk anga.







Anu ka thiam lo hran lo, huatna chhan tur pawh ka nei lo. An fapa tan hmalam huna hmeichhia an chhungkaw milpui anlo beisei ve ngat ngat kha keimah vangin a chhe vek a. Ka phu lo lutuk thila ka inbarh lut hi hrehawm kati ngawih ngawih zawk.







Tunah kala siamṭhat theih lai hian ka kalsan ang. A tel lova nun aharsa anih pawn ka tum tur a ni.







Mahse hmeichhe dang ta ni tura ka ngaihtuah zawng ringawt pawh hian ka mangang tho chu anih si hi. Chemte a vih sawk ang hian ka awmchhung ana ngut ngut.







"Bawihte, mama hi ava dawihzep tak em tiraw" ka dul la thep veka ka kut nghatin ka phun chhuak sep a. Mahse enge ka tih theih chuan, an mo atan tling tawkah min ngai lo. Ka kalsan theihna turin khawngaihna min dil zawk.







"Bawihte kei ang rual inih hunah mama rilru tur chu i hrethiam ve vek mai ang" chunglam melhin ka thaw hak a. Ka mittui bawk ka bekah a luang ngiai ngiai a, hruk pawh ka hru buai peih tawh lo.



..............



"Kalo haw e" Thunder aw zangkhai vahin room-ah a rawn penlut a. Ka ṭhutna aṭangin ka ding chhuak nghal vat.






Ka thawmhnaw pack vek a hmuh rualin mak tih hmel lutukin min en zui nghal dawrh.






"Khawia kal nge i tum?" ka lam rawn panin ati nghut a.






"Ka haw dawn" ka ti sam et. Hetianga awlsama sawi chhuak tur hian arawn haw hma hian vawi engzah nge ka infuih hman pawh ka hre seng tawh lo.







"Enge i hriat a?" Lungawi loh hmel lutuk a min melh runin ati nghal hrawih. Ka sawi tum kalo inpuahchah ve zawng zawng pawh ka sawi chhuak mai thei lo.







"Eng vanga haw tum nge i nih?" ka hma taka ding chungin min melh run bawk a. A mitah pawh ka melh let ngam lo. Ka kut tuaikual sekin hnuailam ka melh ngar.






"Min chhang rawh" a aw chu chang ṭha tawh tak a ni.







"ihh" ka sawi chhuak mai thei thlawt lo.







"Ka bum che a ka tihpalh" ka kut hum ngawt ngawtin kati chhuak thei hram. A thaw nghal hrawih a. A hmel en kher lo mahila ahmel awmdan tur ka mitthla thiam vek bawk.







"Mipa dang nei reng chungin ka hnaih che a" ka ti nawi niai. Ka aw pangngai taka a chhuah theih nan ka control fe chung pawn ka ti hlei thei lo.







"Dawt" hrilhhai hmel lutukin ati ruai a. Za lo tih hriat lutukin a nui ro nghal hawk bawk.







"Mangṭha le"







Ka pen tur chiah ka banrek a vuan chungin min phih let nghal dawrh a. Ka tlu ṭhleh bawk.






"Khawiah mah i kal dawn chuang lo" seh chilh nawk nawkin ati chhuak hrawih a. Ka banrekah ahmer ngawt ngawt. A hmelah ka thusawi khan a ṭhawn zia alang vek.






"Min thlah vat mai rawh" ka huaisenna zawng zawng sawm khawmin ka ti nghal tuarh a. Mi dawihzep ka nih hi. Ka mipa duh em em leh thlakhlelh ngawih ngawih pawh thudik ka hrilh ngam lo va. A vuaklet chu ka tuar turah ka dah tawp.







"Lovie" a hmel landan a inthlak nghal hlawk. Kalsan lo turin min duh ngawih ngawih tih a mit aṭang hian ka hmu thiam vek, mahse chu chu kati thei lo.






Keihi Thlamuanzuala kalsan tur a ngen ka ni! A nu ngeiin min ngen ngawih ngawih! Chungthu chu ka ngaihtuah zawng ringawt pawhin ka na vek.






"Mipa dang ka nei amah chu ka pan dawn i hrethiam tawh em?" ti zui tawn tawnin min vawnna ka phihthla sawk a. A ngai te bawkin a vuan zui leh zat. Ka thusawi vang khan min hua ang tih pawh ka hria. Khatianga ka tih mai loh chuan chhuanlam dang enge ka siam chuan ang.






"Kei aiin chupa chu i thlang zawk a" min rum ṭhaih ni berin ka hria. A aw a ring hran lo mahse a rik chhuah dan a hlauhawm lutuk. Ka banrek a vuan reng chungin ka hnunglama couch a tlawh her nghal sawk. Ka phu zui dawrh! Mahse ka intih huaisen luih angai tih ka hria. Ka huaisen tumna lam hi ka duh dan ani bik lo.







"Aw ka thlang zawk" dak vahin a mita melh let vangin ka ti fak a. Pawisak neih loh hmel zetin ka ṭhen khumsak bawk.






"Kan naute kha mipa dang kianga aṭhanlen ka phal i ring ami" rum ul a min melhin ati hrawk. Thin tawt hmel lutukin a thaw sawk sawk bawk. A rawn thlentirh khan heng boruak hi a beisei awm bik silo.







"I phal loh chuan ka hrin hunah i bula awm turin ila thei ang. Ka ngai pawimawh hran lo" Remruatfel ti vin ṭhawtin ka biang a ri nghal sawka. Ka biang sa nghal hat hat chu ka dawm zui nghal vat.






Engtin nge kha thu kha ka sawichhuah theih zawk. Keimah kani talo amaw ka inti hial. Engtin nge ka sawichhuah theih zawk.






"Lovie" mitmeng chiai zetin min ban a. Kut min thlak vangin a inthiam loh zia ahmelah alang chawpchilh zui bawk.







"Min khawih hlek suh" ti nawk nawkin ka ban ka vai nghal thuak. Min ben avang khan ka rilru chu a na mahse ka ṭawngkam uluk tawk loh vanga ka tuar turah ka dah hmiah. Keipawh ni ila atih ang khan ka tive thovang tih ka chiang. Mahse tuna tan chuan thinrim anga lan hi ka tih theih ṭha ber a ni miau.







A kut ala let leh riai riai a. A mitah manganna, natna a inpawlh nuk. Ka ngai pawimawh tur ani lo.






Ka nau thawmhnaw ka dahkhawmna bag ka khaia luggage vuanin kawngka lam ka pan zui a. Ka penchhuah hma chiahin thil thla keh chhuai ri ka hre zawm nghal zat.







"I duh ang chuan nung ang che" ka thawk ka ip nghal chawih.







Hawilet lo tura infuihin ka pen chhuak a, ka hawilet anih chuan ka kalsan theih ka ring lo. Room pawn ka thlen ruala thaw hakin ka mittui ka dan beh ṭang ṭang ka biangah a lumthla nghal pap.













Zanin chu atawi leh zuala lutuk a, ka inthlahrung tak zet.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:26 pm

THLAMUANZUALA








Chapter-14








THUNDER THLAMUANZUALA POV








"Min kalsan suh" mipa ka nihna anga ka chapona zawng zawng dah ṭhain min hlat zawnga ke pen tum mek hmeichhia chu ka ngen anih chu. Hetiang khawp hian ka inphahhniam thei ang tih ka hre lo. Ka sumdawnna kawngah ka rorum em em a mahse hmeichhe pakhat ve mai hmaah ka tlawm leh em em thung si.






"Ka tihpalh" ti sepin hmalam melh ngar chungin a pen chhuak a, chuti chung pawn kala um zui fan.






Pawna Leumas ding reng ka hmuh rualin ka ding nghal dawt. Chuan hepa hi min kalsan a duh chhan anih ka ring nghet hmak bawk.






Engmah hre lo leka an pahniha sawisak chaknain ka thisen zungzam a fan ngut ngut chu ka thunun theih piahlam a ni.






Engtik laiin nge an dindunna ka thlen phei hman pawh ka hre lo. Leumas kawr nghawng a ṭhamin ka inhrosa khur khur hi a ni ber. Ka kawchhung thinrimna avanga sa pup pup hi engti kawng mahin ka bengdai thei dawn lo tih ka hre chiang hle.






A kawr nghawng ka ṭhamna aphihthlak hlawk rualin ka kut ka hum ruh ngat ngat chu a thlawk nghal fua.






Nui suka a hnar a thi luang nguai nguai tuai zauhin a kuttum ka dawng let ve nghal zat a. Ka ka chhung a al nghal puat.






Ka kut ka lek leh chiah tihin lovie kan inkarah a rawn ding nghal zat chu rum ulin ka melh zui a.






"Duh tawk rawh" hlauhthawm hmel lutukin ati chhuak nawk nawk chu pawisak neih loh hmel fe in ka nui chhuak nghal hawk. Chal ti chuar nanga melh ngurin ka hmui thi ka tuai zui nghal zat.






Ka kut lehlama Leumas ka ṭhamna ka thlah a. Ka tawlh hnung nghal dat. Tuna ka insum lo anihchuan helai hmunah hian ruang pahnih a chhuak mai ang.







"Hlim ang che" ngawi datin ka sam ka tuai chho puata. "Chuan ka fa kha i hrin ruala chhuhsak nghal i ni bawk ang, tun aṭanga hian lo inbuatsaih lawk ang che" ti kha fakin amitah tak ka melh ngur.






A mitmeng hlauhthawmna kha rilru natna ni awm takin a inthlak hlawk.






Engvangin nge tuna takah a rilru anat thar leh vel ang. Keiaiin mipa dang thlang zawkin min kalsan a tum a, chuvangin a rilru ana thei lo hulhual. Ka ngaihtuahna avangin ka nui ro hawk.






"Helai hmun aṭang hian chhuak rawh u" ka kuta gate lam kawh pahin ka ti khur khur a. Ka inhersan zui hmak bawk.






Inchhungah tawt ṭunin ka penlut a. Couch lam pan phei pawk pawkin ka tlawh her nghal sawk. Ka thin tawt lutuk bengdaih dan ka hre lo lutuk chu ka inchhung bungruaah ka ṭuan ta vak.






Choka lama lut pheiin fridge ka hawng zui zata tui vawt la chhuakin ka in nghal pawp pawp. Ka kawchhung sa huam huam atidai thei chuang der lo lehnghal.





Ka room a ka zu dah phawrhin glass ah ka thlichhuak a ka thawk khat nghal pawp. Chhum lo chat lova ka inchung pawn kha mi tenawm pahnih khan ka thluak bur hi an chhuahsan thei chuang lo. Ka in nasat poh leh ka thinrimna leh rilru natna azual tulh tulh bawk.






Tlawm ka inti a, hmeichhia min kalsan duhtu khatianga chelhbeh tum khan ka khawsa ang tih ka ring pha ngai lo, mahse a thleng miau.






Hmeichhia min hnaih chak an awm fur chung hian ka lovie chauh khaka thlan awm chhun a ni a. Hmeichhe danga zuang lawr chi ka nih loh avangin ka tan theihnghilh mai mai a harsa dawn. Chuan midangah rilru nghet taka ka pek theih tawh ka ring lo bur bawk.






...............

"Bawiha kha hmeichhe laktlakloh zet pakhat vanga i indawmkun reng hi hmuh hrehawm kava ti tawh tak em." Rilru hah hmel zetin ka nu in ati hliai a. Ni e, hetianga mahni fapate mumal lova awm reng hmuh chu tu nu tan pawh a hreawm vek ang tih ka chiang. Keiaia mipa dang thlang zawktu hmeichhia vangin ka buai zo vek chu anih hi.






"Ka nu kha hmeichhia kha ka hmangaih asin, chuan i duh i hmu tawh min kalsan tawh" beidawng zetin ka ti sup a, ka thaw hawk bawk. Hmeichhe pakhat vangin hetiang hian ka awm ka ring pha ngai lo mahse ka rinphak loh thil a thleng zut zut chu anih si hi.








Ka pa erawhin kara fa hial a awm tawh dawn vangin inṭhen a rem tilo bur. Lovie pawh hun thawl pe hret turin min ti reng bawk a. A rilru te hahdam se a zia ve mai ang, amah rinchhiatna lam nei miah lovin ala ti zui cheu anih chu.







Mahse a rei deuh tak hnu hian ka nu in a hmin ve tepawh animahna engmah a sawi tawh ngailem lo. Hmeichhia hian thil hi anlo ti thei khawp. An thuhnuaiah min dah vek thei chu anih hi.







"Engtik lai pawha i ngaih theih loh hmeichhia kha ka hmangaih" beidawng tih ngaihna hre lo lutukin couch nghenchhan ka tukhumin ka tauh nghal dawt.







"Hmangaih" ati zui hliai a.







"I duhna kha hmangaihna amaw iti anihkha. A rei anga ila hrethiam thuai mai ang. Chuan khatiang hmeichhia khan i ngaihsakna hi a phu lo" a ti zui hmuar hmuar a. Za vak lovin ka ṭhen zui suk. Ni e, kha hmeichhia khan ka hmangaihna hi a phu miah lo.






"Nupui"






"Kha thil kha sawichhuak tei vet suh" ti hrawkin ka zu inna glass ka vawm keh nghal chhuai. Ka nu meng phar deuh awk pawh chu ngaihsak zui peih lovin washroom lamah ka luh bosan nghal hmak. Nupui neih lam a sawi rik tawh phawt chuan ka thin arim nghal ṭun tawh ṭhin.







Lovie min kalsan ni aṭangin nupui tih thumal ringawt pawh hi vawi engzah nge ka beng hriatah a sawilan tawh ang. Ka uksak duh ngai lo mahse a sawi zing tawh mah mah. Remruatfeli vang hian nupui nei tura min nawrtu ka nu ngei pawh ka hrawk hial anihchu.







Keiaia mipa dang a thlan zawk thu min hrilhin min kalsan a. Ka ngai lo tih ka sawi anihchuan dawt chiang takin ka sawi tihna a ni ang.







Ka ngai a, a hmel hmuh ka chak bawk. Ka bula thlamuang zeta a muhil thawri sak sak kha ngaihthlak leh ka chak bawk. Ka theihtawpa duat ka chak a, mahse keiaiin mipa dang a thlang zawk miau.







Min kalsan ni khan ka mangang viau anihkha. Um zui ka duh a ka umzui ngei bawk, kawta Leumas-a'n a nghak tih ka hmuh khan ka sawithiam lovin a vawikhat nan, a vawikhat nan tak tak ka thinlung ana bawk. Lovie chiah hi ka thinlung zawng zawnga ka hmeichhe duh awm chhun a ni.






Min kalsan ni aṭangin Lovie ngaihtuah loh ni ka nei lo. Chuan keihian ka hmangaih a ni tih ka hriatchhuah phah bawk.







Nitin min rawn pan emaw min rawn biak ka beisei reng ṭhin. Mahse kha hmeichhe luhlul lutuk kha areh zui hmak anihchu. Ka tel lova a awm thei bik lutuk te chu ka haw hlur.






An inbulah amah hmuh tumin zan engzah nge ka din ral pawh hi ka hre seng tawh lo. Ka hmuh apiangin hmelhriat lo ang hmaka min kalpel thei tehi ka na.







A mipa zawk hian ka chapona dahṭhain a duh anga nung tura ka kaltir hmeichhia hi zah pawh sawi lovin ka um zui a. Engtik laipawn a chanchin ka ngaihven reng ṭhin. Khawihmunah nge akal, enge atih ṭhin ka hrefai kelh zel.







Amah ka hmuh apianga Leumas tel ve reng thin hian awm ngaihna hre lovin min siam ṭhin. Mipa dang bula anui hmel ka hmuh hian ka thin arim a, engmah ngaihtuah lova ka chet chhuah mai loh nan ka insum ala ngai zui cheu bawk a. Tunah chuan ka beidawng ve tawh takzet a ni.







Ka tel lova hlim thei, ka awm ve tih pawh hre lo hmeichhia hi ka kaltir tawh ang. Ka nun pangngaia let tura ka beih ngai fe dawn mahse mipa ka ni a ka tum anga ka thei ngei bawk ang. Ka kaltir dawn ka tih vang hian ka theihnghilh hmin ṭhak thei tihna ani chuang lo. Intih buaitir ka duh tawh lo mai zawk.







"Dear, vawiin chu lunch ei chhuak ang" Phone ka pick rualin Lawmi aw tham chhelin a rawn ti zui nghal zat. Nui hawkin ka eichhuahpui tur thu ka hrilh sup a. A au chhuak nghal ṭung.







Ka nu duh angin rilru bet vak lovin Lawmi ka kawpa. Lovie nen tehkhin chang ka ngah ṭhin.







Chhungkaw khawsak pangngai tak an ni a. A chhelo in a polite bawk. Engtik laipawn ka chhungte lawmna siam athiam em em reng bawk a. Ka nu phei hichuan kei aimah pawn angaihsak zawk amaw tihtur khawpin a mo chei nghal ringawt bawk a.







A bula awm nuam katiin ka hlim ve viau amaw kati chung pawh hian lovie bula ka awm nen tehkhin chi anilo hulhual. Ka thinlunga hmun chang tam ber hmeichhe luhlul leh tihmawh lutuk hi tuman an khum thei chuangin ka ring lo. Mahse theihnghilh ka tum ruh tlat vangin ahma nun mumal lo lutuk kha ka nei tawh ngai lo.







Hmalam ka pan tih Lawmi'n a hriat rualin min vir nghal chuk chuk hi ani ber. Mipa pangngai tan ani ang nula chhelo chu hnar ngawt thu a awm bik lo. Tihian kan inkawp chho chu ani zui mai mahse vawikhat pawh kala tawk lo. Hmeichhe dang khawih chakna ka neilo ni berin ka hria.







Amah zawk in a min nawrlui ngar ngar changlah angah, lovie hre reng chung chuan ka khawih lui thei thlawt lo. Mahse min tih tauh khum ngam chuang lo, ka tan hian a dawhthei viau mai hi mak kati zawk ṭhin. Lovie laka ka dawhtheihna ang chiah kha ani hian anei ni berin ka hria. Keimaha ka inchan chang hian khawngaih chang ka nei fo mai. A niin a zawng zawng min peklaiin keiin hmeichhe pakhat vangin kati ve thei der silo.




................



"Khawia ei nge i duh?" ka malchunga ṭhu chungin ka awm a zutkual zai zai a. Ka zawhna chhan tum lo leka min sawngbawlna chu ka ning ṭan viau bawk.







"Hnathawhna hmun anih hi" ti fakin ka malchung aṭangin ka chawithla a, couch ah ka ṭhutṭhattir nghal zat chu a ner nghal nang nang.







"Khawia ei nge i duh?" Min chhang chuang lo. A ka a chip hmak. Ka khawsak dan avang khan a lungawi zan lo tih ka hria mahse ka ngai pawimawh hran lo. Thlem ngai lova min pan hmasa leh tur chu amah tho hi. Ka lakah rei a lungawi lo ngam lo. Hei tak hi lovie nen an danglamna leh bawk. Ka chunga a lungawi loh emaw a thinrim tawh phawt chuan han thinrim let ve chiam ṭhin mahila keimah bawk hi a thlemtu ka ni ngei ngei ṭhin. A thinrim khan a hrehawm ka tih mai bakah ka awm anuam thei ngai lo kha ania.








Hrep hian! Engvanga tehkhin chiam chiam zel nge ka nih pawh hi ka hre tawh lo ve. Ka thisen zungzam zawng zawngah hian he hmeichhia hi a bet nghet tawh mah mah a ni. Ka hriat miah loh hian kalo tehkhin leh mai ṭhin. Heihi ka duhdan a ni hauh lo, ka in control fe angai bawk ang.







"Anih chuan ei chhuak lo mai ang" ti supin ka ṭhutna aṭangin ka tho chhuak vut a, ka pensawn hmain ka banah a rawn vuan nghal vat. Ka rintawk vel chiah ka lakah a lungawi rei ngam lo ka tih tawh kha.







"Leumas te restaurant-ah kal ila, thil an siam tui mai bakah ahmun kha a hahdamthlak bawk a" ti hliaiin ka nghawngah a kut a rawn suih bet nghal hmiah. Dahthlaksak ka tum tawh lem lo. A hminga inngaizawng hmingpu ve ta chu ka dawh mai angai miau.






"Leumas" ka ti zui sup a. Khapa hmel hmuh kha ka chak hrep lo. Ka ṭhian a ni ṭhin mahse lovie a hnaih ṭhin lutuk vang khan ka ngai thei ta tlat lo. Hmeichhe pakhat vangin ka ṭhian ni ṭhin ka hua anihchu. Mahse Lawmi hnenah hian sawi chhuah kher ka tum lem lo. Ka ngaihtuahna avangin ka nui hawk a. Lawmi'n hriatthiam loh hmel lutuk a min en deuh ha chu ka mit ka siai zauh.







"Hmundang i duh lo ami?"







"No, Leumas te restaurant kha ka duh" pangchang hmel zetin a mit a khap no kual vel chu min kuahna pawh phelhsakin ka ding sawn nghal vut. Lovie min kuahna nise amah zawkin kalsawn duhin min thlah mahse ka phalin ka ring lo. Ka ngaihtuahna vangin ka lu ka thing nghut a. Ka ngaihtuahna, he ka khawvel aṭang hian ka dah bo angai tawh takzet.






"A theih loh" ka ti nghal bur chu min hnial chhunzawm tawh bik lo. Ka aw rik chhuahdan aṭang khan ka pawm loh zia a hrethiam a ni chek ang chu.





..............



REMRUATFELI POV



Ka dul puar ve ak tawh chuan ka duh aiin chet min ti khawr reuh phian a. Thil tih zung zung ka harsat ṭan riau bawk. Mahse ka thawhna restaurant neitupa hi mifel tak anih tel bawk vang hian min dimdawih a, ka nu ṭhian hlui alo ni leh zel nen min duhsak lutuk tlat. Thawhpui dang te chena min hrethiam lutuk tehi inthlahrun chang ka ngah mai. Min hriatthiam avanga nuamsa taka thawh chu ka tum chuang bik miah lo. Pawisa hlawha chhawr ka nihchuan ka theihtawpa ṭha a thawh hi ka tih tur a ni tih ka hre ve kar.






Ka thawhna restaurant hi a changkang leh ei siam atui theih avang hian pantu angah a chuta kara raipuar ul tawh lo thawk ve hi mak ti a min en zui hu hu tawk lah ka tawng ve nual bawk. Mahse zah a la thei pawh ka ni chiah lo tih ka hria.






Ka nau school fee, ei leh in tur ka thawh chhuah angai tho bawk nen. Chuan ka naute tana ka inkhawl angai bawk a. Ka thla hlawh ve te hi kham dawn loh chang kan ngah ve viau.
Mahse kei ang raipuar che hlei thei lo min chhawr duhtu an awm hi chu ka tan chuan lawmna tawpkhawk hi a ni ringawt. Leumas-a'n a dawra hahdam zawka thawk tur pawn min sawm nasa mahse ka hnial fithla ṭhak. Thlamuanzuala vangin kha chen kha ka tibuai tawh a alakah ka inthlahrunga, chuvanga atibuai lo tur zawnga awm tum hram hram ka ni pakhat bawk.






In sawiselna ka naupai vang hian ka nei nasa. A hma zawng aiin ka taksa a cher a. Ka vung nasa bawk nen ka nuam lo ru ṭun zel. Thlamuanzuala nen kan inkar atawp zui vanga ka tawrhna nen ngai awhtir leh tur chuan ka beih fe angai tawh ang.







In check up turin ka kal zeuh zeuh a, mahse naupai haw chi ka nih hrim hrim vangin hlauhthawn awm a awm loh thuin min lo hrilh ve ziah. Chuti chung chuan vawikhat ka tawnna ni bawk si nen hian kalo hlauthawng leh vak ṭhin.






"Feli private room lama order kha lo va pe ta che" Siamsiami'n eitur rem mawlh mawlh pahin a ti lang lang a. A dinna lam ka pan phei zui vat.






Eitur chawi chungin private room lam ka panna. Vawiin zet chu ka ke vung nasa lutuk hian kal atisak vek thei. Nidangah pawh a vung chu awm tho mahse hetiang em em hian ka awm ngai lo. Ka chawnkual chho zawng zawng nen a pawt mar tlat a, a hrehawm kati ru viau nangin ka sawi chhuak lem chuang lo.







"Nangmaw" private room a Lawmi lo ṭhu mak kati lutuk chu ka ang nghal pham. Amah chauh lehnghalin.






"Heta kan rawn kal hi athiang lo a mi?" Min ei loh hmel zet a ner nawngin ati hmuk a. Ka hmui ka chip zui hmak. Mahse kan atihdanah kalpui chu anei ngei anih hmel. Chupawh chu enge maw ka ngaihtuah a ṭulna le. A duh duh a kalpui thiang.






Chuan helai hmuna a rawn kal pawh hi enge mak kalo tih viau ni. Anni ang mi pangngai chunglam tan techuan an kal fo na tur ani tih ring thiam tur ka ni asin le.







Ka eitur chawi table-ah ka hungthla a, inherin pen mai ka tum tawh chu a thusawi vangin ka ding nghal dat.






"I phu loh thila i in tatlut ngawt ngam hi i huaisen kati tak zet" kha fakin a rawn ti a. Insum hram hram turin ka infuih nghal mawlh mawlh.







"Khawngaihin helai hmun hi ka hnathawhna hmun a ni a mimal thil chu sawi chhuak lo hram rawh" pangnai thei ang berin kati chhuak thei hram. Mahni tawka thinchhe mi lo nih nen in control a har ṭep ṭhin.







"Chuan maw enteh ka duh ai hmain i inthiarfihlim hi iti ṭha kati tak zet ania, ka chet chhuah ngai miah lovin Thundera nu in ka kawng tur a rawn su kaw duak chu ani sia" alam ka hawi leh rualin hnehtu chanchang inti lutukin min ṭhen khum sak. Engtin nge hetiang hmeichhe mize thup thei lutuk hi an awm theih zawk. Pawnlam landan chuan apple thlum tui ber ang mai a chhungril hling hlira khat ang chauh anih hi.







"I hur luat chu i tuar dawn ta anihkha. Pa tel lova fa chawi seilen, chuan Thundera nen kan inneih hunah phei chuan kha i fa khan min tihbuai ka duh dawn miah lo ania" a thusawi maltinin min chhun dawt dawt. A heh senhlar pet sawi zauhin a mithmul ati kang zauh a, chhuak turin kut zai zirin min hrilh nghal bawk anihchu. Ka insum theihna bang zawng zawng a tawngkam leh chetzia hian a ṭhiat vek. Ka mize diktak ka pho lang leh mai aniang chu.







Ka kut hum ruh nghekin a ṭhutna lam ka pan phei a. A hma eitur ka chhawpsakin a kawrah ka theh zui ṭhawt chu ding chhuak zawkin a kawr athing zui nawk nawk.






"Nang mi le lo nu" ti tuarhin min ben tuma a kut lekchhuak chu a banrekah nghet lutukin ka man zui hmiah. A mitmeng ling hlarah leh a hmui khur dawt dawt danah a thimrim thawkhat tih alang vek. Mahse ka taksa chak loh ber lai pawh hian a awmdan pakhatte pawh hian min hlau pha lo.







"Eng thil nge in tih a?" Ka aw hriat ṭhan lutuk ka hriat leh rualin ka awmchhung a mi a che zui nghal dawt dawt.






Lawmi'n ka vawn behna pawtthla hlawkin Thlamuanzuala lampanin a inhnit nghal faih faih anihchu. Hah...lemchan thiam lalnu.






"Thunder en rawh ka kawrah eiturin min theh a chuan kut min thlak ala tum zui bawk a" ti chhuak tiauin a inhnit zui nghal hlawp hlawp chu za lo lutukin ka nui chhuak nghal hak.







Ka inhera Thlamuanzuala mitmeng thip lutuk ka melh rualin ka ip zui nghal chawih! Keimah min huatna bak hmuh tur a awm lo. Keiin mipa dang pawh kala melh theih lohna karah hian anichuan hmeichhe dang alo nei fel leh diam tawh bawk a. Na tur ka nilo tih ka hria ka duhdan a kalsan kani mahse ahmel ka hmuh chiah hian ka na tho chu anih si hi.







"Ngaihdam dil rawh" ti hmukin Lawmi hnungah a chul zui hauh hauh a. Lawmi zawk pangchang hmel lutukin Thlamuanzuala nghawngah a kuah chial thung.







"Ka thiam loh ni lovah ngaihdam ka dilna chhan tur ka hre lo" ti ve hmakin ka penlui a. Lawmi kuahna pawh phelhsakin a din hran tir a.






"Ngaihdam dil nghal rawh Remruatfel" ti chhuak hrawkin room ka chhuahsan tur ka banreka vuanin min phih lut nghal rawk rawk chu ka inring lo lutuk leh ka ke nuam lo sa nen pai nawkin ka tlu ṭhelh. Ka banah min rawn vuan hman lo phei se chu ka tlu na viau mai thei.







Min dawmna ka pawtthla a kawngka hawngin ka penchhuak zui hmak. Ka tihsual ni miah lova ngaihdam ka dilna chhan tur a awm lo. Kha nu cho chhuah liau liau kha, kha aia nasa a ka che lo kha lawm viau zawk rawh se.



.............



"Feli in restaurant kawtah ka awm tawh ania, i rawn chhuak hman tawh em?" Phone ka pick rualin Leumas-a'n a rawn ri lawng lawnga. Ka chhuah tur thu a chhangin ka phone ka dah nghal a.







Vawiin check up tura ka kal ni anih vangin boss hnenah chawhnu lam chawlh ka dil a, min lo hrethiam viau bawk nen ka lawm tak zet.







Ka bag lain chhuahna lam panin ka pen phei hlawk hlawk a. Parking lamah ka chhukthla zui zat.







Ka phone lo ri ve chhen nen ka ding deuh dat a. Ka phone phawrhin Julie hming lo lang va va ka hmuh rualin ka nui hak. Ka in check up ni apiang hian alo phi ve cheng zel. Ka kal hma ka kal hnu hian alo phone ve ziah.






Chhan pahin step ah ka penthla bauh bauh a. Hnunglama aṭanga min rawn su dawrh chu ka inthazo lo sa nen step aṭangin ka hlawmthla nghal tawp. Step tawpah ka dul sawh dawtin ka bawkkhup thla a ka pumna na lutuk vangin ka ang nghal pham.






"I ṭha em?" Ti nawk nawkin mipa pakhatin min tung thova.






Ka thuchhuak chiah tihin ka kap lam a lum nghal pap. Ka kekawr hak chhanah ka khawih a ka kuta thisen kai nuai ka hmuh rualin ka kut ka lek khur ngawt ngawt.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:26 pm

THLAMUANZUALA







(A tawp note khu khawngaihin chhiar hram ru aw)



Chapter-15









Ka pum dawm chungin inbengkang ka tuma ka hlawhchham ṭhak. Ana lutuk hi ka â thei mai dawnin ka hria. Ka thlanfim a chhuak nghal ṭiam ṭiam a. Ka ṭhen chawt chawt bawk.







"Kapi i ṭha em?"







Ka chhang dawn a ka aw a chhuak thei lo. Ka chil lem tur takngial pawn kati hlei thei lo.






Ka mittui a hnam nghal sawk bawk.
Ka mittui kar aṭangin Leumas ka lampan rawn pen phei pawk pawk ka hmu phe ruai.







"Engtin nge i awm?" rawn ṭhuhniam rawk rawkin ka kut chhanah ka pum a rawn dawm hnana ka mit ka chhing ngawt ngawt a. Ka thaw chhuak thei lo takngial dawnin ka hria.






"Leumas ka....ka...ka ka naute chhanhim rawh" ka ti chhuak nawk nawk.






"Hetiang chuan aṭha dawn miah lo" hlauhthawn hmel lutuka ti ruaiin min pawmkang nghal nawlh. Ṭang tur pawh ka awm tawh lo min tih ang angin ka awm mawl tawp tawh.






A car hunna lampanin min pawm pheia. Hnunglam seat ah min ṭhutluh pui a.






"I khalh thiam em?" Min sutupa melh runin a ti nghut a. A khalh thiam thu a chhan rualin hmalam a ṭhulut turin a mitmei zui nghal.






Hnunglam kawngkhar khar zui dawpin hospital lam min panpui nghal a. Kawnglakah pawh na ka tih lutuk vanga ka thlan chhuakin min ti huh vek tawh.







Na lutuk tawrh hian taksa hi alo zawi vek thei tih ka hre ve ta chiah. Chechang tur ka awm tawh lo. Leumas awm a bei chungin ka ṭhen tlawk tlawk.







Hospital chhung min pawmluh hnulam chu engmah hriat abar pawh ka nei tawh lo. Ka zawi veka, mumalin engmah pawh ka ngaihtuah thei tawh lo. Leumas min kohna ri pawh a hla tual tual.



................



Ka meng chhuak diar diar a engmah ka la hmu chiang hlei thei lo, engkim ala phe vek. Ka lu a hai muai muai bawk a.







Ka mit chhing zui sawkin ka meng chhuak leh a tlem chuan men anuam ta deuh. Ka ka chhung ro huam huam vangin tui inkhawkh khawlh bak chak dang engmah ka nei lo.







Khum sir lam ka hawia Leumas min hnung chhawn zawnga phone hmang ka hmu hmasa ber. A kekawr ipte zen hmukin a ṭawng thum dut dut chu ka ner nghal nawng. Ka harh tih pawh a hre miah lo.






"Tui ka duh" ka ti chhuak sep a. Ṭawng chhuah mai a harsa lutuk. Ka ṭawng zawi viau chungin a hrepha tho aniang chu a rawn hawi nghal dawrh a, hahdam huai hmel puin a thawk ala zui suai suai.






"I lo harh tawh maw" ti zangkhai vahin min rawn pan vut a. Ka kuta hum runin a fawp zui nghal vang vang. Ka kut ka pawt let dat a, a thlah zui ve mai bawk.







Min tung thovin atui thlit chhuahsa min pe a. A tui min pek ka in nghal khawlh khawlh chu ka harh deuh huaiin ka hria.







"Na ila nei em" ti dam thlupin ka biangah a rawn piai zauh a. Ka lu ka thing zui mat mat.






"Takzet maw?"







"Umm, ka zawi deuh tih mai loh chu" zawi zeta nuiin ka ti sep a.







Doctor a koh tur thu sawiin min chhuahsan zui nghal.







Ka puansin lai ka hlim a. Ka dul la puar ul ka hmuh rualin ka thaw chhuak nghal hak. Ka hlim lutuk vangin ka mittui a luang nghal zung zung bawk. Ka tlukdan ka ngaihtuah leta ka naute ka chan ngei ngei tawh turah ka dah hmiah kha ania. Ka fimkhur loh luatah ka naute ka chan ṭhelh a, ka inthiam lo hlur mai.






Kawngka hawng ri rawk ka hriat rualin mittui tlaphungin ka hawi chhuak a Leumas leh doctor an rawn inzui lut ka hmu nghal zat bawk.






Doctor-in naute aṭhat thu a sawi zawh rualin ka veng nghal hawk thei, ka ṭah nuih tiau bawk. Indim tur leh ka taksa a chak lo lutuk bawk avangin in enkawl ṭha turin min hrilh a.







"I vannei takzet a ni tihbak sawi ngaihna ka hre lo" chik lutuka min enin doctor meuh pawn ati thlawt.






"Doctor ka lawm e" nui var varin kati zangkhai vah a nui ve suk.








Doctor chhuah rualin ka hlim lutuk chu ka taksa chau pawh hre chang lek lova khek chhuak ṭungin Leumas ka kuah bet nghal rawk rawk.







Ka naute ka chan lo hi ka vannei takzet. Sawichiam ngaihna pawh ka hre lo ka vannei tawpkhawk tihbak.







"Bawihte dam tak leh hrisel takin inhmu thuai ang aw, chuan na ka tawrhtir che avangin ka tihpalh aw" ka dul chul hauh hauhin ka ti sep a. Ka sira mipa ding ngul hi alo nui hawk thung.






"Enge" melh rawm rawmin kati bak hlar a. A nuih azat hmel tulh tulh lehnghal. Keipawh ka nui ve leh nge nge.






"Hei naute hrisel deuhin kan inhmu vat dawn nia aw. Chuan i nu hi a fimkhur loh lutuk vangin kan chan ṭep che a pawi kan ti lutuk aw. I lo chhuah hunah i nu hi kan vaw hrep dawn nia" a thusawi naupangchhia lutuk hi ka nuihpui lo thei lo. Tunah tak hi chuan hlimna zawng zawng hi ka ta ani vek hian ka hria. Ka lawm lutuk hi ka hmui ka chip thei lo ani ber.







"I nui reng bawk sia i pumpuiin mamawh aneih takin lo awm rawh aw eitur kan lam ange" ti zangkhai vahin Leumas a chhuak zui a. A ṭawngkam vangin hnunglam aṭangin ka chhiat khum vak.





.................



Kawngka ri rawkah Leumas anih ringin ka meng vat a.







"I lo thleng hma leh hle sia" ka nau school kal thlah tura chhuak kha ania. Mahse ka tum loh lutuk ka hmuh vangin ka meng kawk.







Thlamuanzuala rawn penlut ka hmu nghal zat. Inbengkangin ka ṭhu chhuak a. Hmel rum ulin ka mutna lam a rawn pan a, khum bula a kekawr ipte zenin a ding khawngluah. A mitmeng aṭangin min tihnat a chak ngawih ngawih tih ka hria.







"I hlim tawh bawk maw?" Ngeiawm rawngkai lek lekin ati hmuk a. Chhang lovin ka hmalam ka melh ngar ngar. Enge maw ahriat le.






"I Leumas nen ka fa in that a, ka ngaidam ngai lovang che u" ti hrawkin ka khabeah a hmer nghal sawkin min kuai dak awrh. Enge a sawi awmzia hi? Ka naute ka chan loh vanga ka hlim em em laiin ka that angin min rawn chhuah zawk amaw.






A mitmemg dur khupah min tihnat a pawisa lo tih alang chhuak vek. Hmeichhia ka nih vanga insum mai mai niin ka hre bawk. A mipat pui chu ni ila min hnekthlu tawp duh tur hmela pu.






A thawk lak rit lutuk tehian min ti chau zo vek dawnin ka hria.







"Khawngaihin min kalsan rawh" ti sepin ka khabe a hmerna ka vawn hnan a. A nui ro nghal hawk a, a hmel alang chang ṭawlh ṭawlh bawk.







"Engvanga ti nge i nih?I hrin hunah kala ang tih ka sawi lo em ni...chupawh chu i nghak thleng zo lova maw?" Ti khur khurin min din hnaih a. A thaw leh hrawih ṭhin.






"Ana ania min thlah rawh" a kutah ka pawt nghal nghek. Min thlah phah chuang der lo.






"Ka fa i tih hlum a ka nat ang chiah hian nangpawn nat i phu i tive lo maw"a aw chhuak reng reng hi min rum ṭhaih ni berin ka hria. A ring hran lo mahse a hlauhawm ngawih ngawih thung.






Ka khabe a vawnna a thlah hlawk a ka hawi nghal dawrh. Ka dawm nghal vat a, ahmer na thawkhat bawka a sa ham ham thei.







"Khawngaihin kal tawh rawh mut ka duh"







"I hmel hi ka hmu leh anihchuan kut ka thlak duh tak tak tawh ang che. Ka hmuh phaka awm loh i tan a him ber tihna anihchu" a ban tawn tawn a inbengkhalhin ka hmai bul chetah arawn ti khur khur a, ka mit ka chhing nghal sawk.






A kut lekchhuak lehin ka sam karah a zenlut a ka nghawng hunglamah a hmer nghal chawt chu anat lutuk vangin ka ang zawk. Ka mittui ahnam sawk bawk.






"I awle mittui hi hmang ṭangkai duh suh keimahah awm zia anei dawn lo"a aw khauh zet aṭangin a thinrimna azual tulh tulh amaw tih tur a ni.







Ka nghawng hnunglama la vuan reng chungin min thing nawka kalo ṭan ve deuh vangin ka tai bawr ana thip nghal zawk chu ka dawm nghal vat.






"Enge i sawi awmzia hi pakhat mah ka hre lo. Chuan keihian ka naute ka that lo tih i hre dawn nia" ka thusawiin a ṭhawng thawkhat bawk aniang a mitmeng a inthlak hlawk hlawk.






"En rawh" ti tuarhin ka puansin lai ka phih lawp a. Ka dul la puar vek ahmuh rualin ameng awk. Ka nuih atiza letling zawk. Thuchiang pawh hre hmasa lova hetianga a rawn chet chiam avang hian chawh kati ngawih ngawih.







"He naute hi maw kata chiah anih hi. Min chuhpui tum duh suh" amitah tak melh let ve ngarin ka ti hlak a. Ka nghawng hnunglam a vawnna thlah riai riaiin "kan la hria ang chu" ati hluk.








"Chhuak rawh"







"Lo inbuatsaih ang che. Kafa hian pahrawn a hrawn ka rem ti ngai lovang" a aw aring hran lo mahse a thusawi hi a nghet churh vek. A hun lo thlen hunah a tih tak tak duh pawh ka ring nghet hmak bawk. Mahse alak mai ka phal dawn bik reng reng lo.







Engmah sawi zui tawh lovin kawngka lam apan a a chhuak zui nghal nal nal.







Ka mipa duh em em thinlung zawng zawng ka pek ṭhin khan ka naute laksakah min vau anihchu.







Ngen ka nih vang zawk a kalsan ka ni a. Ka tan a hrehawm tawk tawh nen ka hrehawmna belhchhah zawngin a rawn khawsa zui bawk a.







Min duat a min ngaihtuah ṭhintu, ka thinrim ber lai pawh min dawm thiam em em tu Thlamuanzuala kha ka ngai ngawih ngawih.






Ka mittui ka biangah a luang ngiai ngiai a, hruk pawh ka tum buai peih lo. Engtikah mah Thlamuanzuala nen hian kan inkar aṭhat leh theih pawh ka ring tawh lo. Ka chunga a thinrimna kha areh mai maiin ka ring lo bawk.







Damdawiin aṭangin ka chhuak tawh a, keimah pawh ka ṭha tawh viau chuan ka hria. Ka nau leh Leumas-a'n min thlahthlam miah lovin min enkawl chawt a. Tunah chuan ka ziaawm ve tawh viau bawk. Ka taksa chu a dam, mahse rilru zawk hi alo dam mawh em a tin ni.







In ngaihtuah bing ngur ngur ka chin thar tak riau avang hian keimah pawn min awm hrantir mang ngai lo. Thilṭha lo ka tih mai an hlau tepawh ani mahna. Mahse chu lam chu vawikhattemah kala ngaihtuah chhin lo.






Julie leh Leumas-an min thlahthlam miah lovin min ngaihtuah em em renga . Ka tan chuan chu aia hlu chu a awm leh tawh kher lovang. Nitinin ṭhian hlutna ka chhar thar zel a ni ber.







Thlamuanzuala pawh hospital a min rawn vau chiam ni bak kha ka hmu zawm tawh lo. Min tihnat pawh hreh miah lotu kha nitin zantinin ka ngai reng tho. Amah ka ngaih vanga zan ka mut theih loh changlah atam. Min buaipui em em tute tih mangan ka duh loh vangin ka insum hram hram ṭhin, mahse a harsa em mai.






...............


"Fel Sir Thundera'n nupui a nei dawn" ka bowl kenlai chhuatah ka thlauh nghal bawl. Ka thin a phu nghal dawt dawt. Za vak loin ka nui hul hak a. A nupui neih tur thu hian min ṭhawng lutuk mah mah. Hmeichhe dang ta ni tura ka phal ngai loh kha tunah chuan hmeichhe dang kiangah a hun zawng zawng a hmang tawh dawn.







"I ṭha em?" Min ngaihtuah hmel deuhin Julie-i'n a rawn ti sep a. Harhchhuak thutin ka bowl thlauh ka chhar a, nui sangin ka ṭhat thu ka hrilh vat. Min awih hmel vak loin min kalsan a, ṭhutthleng seia ṭhuthlain phone min khawihsan mual mual.







Ka ṭhiannu hi chuan ka mitmeng ka chezia engkim aṭang hian ka awmdan hi a hrethiam vek ṭhin reng a ni. A bum theih loh tih ka hre reng chung pawh hian kalo ti leh ṭalh ṭhin.







Chaw eikhamin hna kal turin ka insiama. Zinglama khawdur lutuk vang khan ruah a sur kha ka ring reng a tunah atla nghal reng bawk a.






Khua avawh deuh vur avangin thawmhnaw lum lam ka inbel nghal sawk sawk. Julie thusawi kha ka bengah a ri nawn tluk tluk a. Ka awm ati nuam lo zual vek bawk. A khat tawkin ka awmchhung che dawt dawt reng hi ka ṭham leh tawk ṭhin.







Midang tan phal ngai lo mahila engmah tih theih ka nei tawh lo. Ka thinlung na dam nan khuarei nghah bak.






Julie nen ka nau nen kan pathumin kan chhuak rual veka. Mahse kan kalna tur a hran hlak avangin thui phei chu kan kal ho lo.



.............


Nilengin kan buai leh hle. Vawiin phei chu customer khaw nuam vak lo chung pawn kan ngah zual a maw tih tur. Nidang zawng aiin kan vir buai.







Ka thawhpuite pawn ka chanchin an hriat ve vek avangin ka tana nuam lo tur zawngin tuman ṭawngkam an nei lo. Chu ringawt pawh chu lawmna tham a tling.






Ka chawlh chhung kha rei viau mahse kan boss chenin min hrethiam em em vek. Vanduaia leiah hian mifel pui pui ka tawn phah ka hahdam ve huai mai.






"Bawihte i haw tawh em?" Ka nauin phone a pick rualin ka ti nghal lang langa. Ruah asur hnem deuh vangin ṭawng pawh a hriat mumal theih mai loh.






Ruah sur tam tak tak hma a athlen hman thuin min rawn chhanga.







"Hei a sur tam leh sia kalo thleng har deuh ang aw" ka ti zui leh lang langa. Fimkhur tura min hrilh hnuin kan inbiakna kan ti tawp a, ka phone ka bag a khungin pawnlam ka pan zui ve nghal. Ka thawhpui dang te chu lirthei nei annih fur avangin an haw rem deuh vek tawh thung. An motor a betin turin min sawm hlawm a, kan in awmna lam a tlan annih loh hlawm vangin ka inthlahrungin ka hnial ta kha ania. Tun ang khua a kan in thleng min thlah turin tumah ka phut ngam miau lo.







Ka kawrlum haklai pawt ṭha sauh sauhin nihliap ka parha ka pen chhuak ve nghal. Tuna ka haw loh chuan ruahsur tur chin a hriat ani silo khuain min thimhnan anihchuan ka tan abuaithlak ka rin zawk vanga kallui hram ka ni.







Bus stand ka thlen hmain ka nihliap thliin min lenlip sak vek zui a. Khum thei tawh lovin a tliak rem rum bawk si. Ruah tam lutuk vangin ka huh zawr vek hman tho. Mi dawr hma hul deuha ka hriatah ka ṭhu a, ka thawmhnaw a huh vek bawk si nen vawt ti lutukin ka thaw khu hlat hlat tawh.






Bus a rawn thleng har hrep lehnghal.







Khawpui ri rum rum nen ka thla amuang thlawt lo. Ka beng ka hup leh chawih chawih ṭhin.







"Rawn lut rawh" ka hawi chhuaka Thlamuanzuala nen kan mit a intawng nghal siah. Ka ṭhutna hmunah ka ṭhu ṭha sauh sauh zawk. A car a chuan tumna ka nei lo.







Kawngka hawngin nihliap nen a rawn pen chhuak a. Ka ṭhutna lam a rawn pan zui nghal zat a. Ka hawisawn nghal vat.






"Ding rawh" a rawn ti nghal hmuk chu ka ner nghal nawng. A thuhnuaia awm amaw min ti anih hi. A thusawi hre lo ang hmakin ka ṭhu ngar ngar.







"Luhlul chhuah suh i dam lovang" a ti zui sup a. A lam ka hawi ve chiah bawk. Min melhdan hi ka duh lo. Hospital a min huat hmel em emtu kha ka hmu tawh lo, hetiang chuan ka inveng zo lo mai ang tih ka hlau.







"Min kalsan rawh" ka ti ve hlak. Min buaipui ngai lovin keimahin ka inbuaipui ve thei bawk. Tihbuai hi ka tum tawh lo bur ka theih chin chinah.







Ka ban bula vuanin min tung ding nawlh chu ka melh nghal haw. Ṭanna hman pawh awm miah lovin a car lamah min kai phei dawt dawt a, ka ṭhutna tur lam pawp hawngin min nawr lut nghal rawk rawk.







"Seat belt" a rawn ṭhutluh rualin ati zui sup a. Min rawn awm hnaih lutuk bawk nen rang lutukin ka hreng zui nghal nawk nawk.



..................




Kan in aṭanga hla vak lovah a car atiding a, chhuk nghal mai ka tum chu ka kawr hnungah a pawt tlat anihchu.







"Min thlah rawh ka haw dawn" a kut dah sawnsakin ka ti hmaka. Ka thawmhnaw huh vek nen ka awm a nuam lo ṭun tawh. In thlen vat vat a thawmhnaw hul inbel hlan ka nghakhlel ani tawp mai.







"Inbe lawk ang" tihpahin kawngka a lock nghal hmak. Ngei lutukin ka melh nghal rawm rawm chu hahdam hmel fe a thaw chhuak suai suaiin a nui suk.







"Engmah sawi dun tur kan nei lo" ti hmakin car kawngkhar ka sawi nghal nawk nawk. A lock tih hre reng chungin ka sawi tho chu a nui leh hawk ṭhin. Ka thinrimna tawk atling leh viau bawk.








"Hawng rawh, glass hi ka tauh keh hma hian" rum lutuka melh chungin ka ti ve pang panga.






"Tum chhin la" nuihzat hmel deuhin ka chalah a rawn kuk nghal fawk.






"Misual" ti hlakin seat ka ngheng nghal dawt.







"Lovie"






"Lovie"







"Lovie" hmalam melh runin min koh ṭhindan a ril ruihin alam nawn sup renga. "Lovie" he thumal a sawichhuah apiangin ka awmchhung ami a che zui dawt dawt. Ka mittui a hnai ringawt bawk a. Hetianga min koh lohna hi engtianga rei nge ni tawh.






Min rawn awm hnaihin ka dar tawn tawn a vuanin alam hawiin min kuai hera. Hriatthiam har zetin min melh run a ka thawk atisak nghal vek.







"Kan naute"







"Ka thiam loh anilo, ka tlusual palh a" sawi pawh ka sawi zawm thei lo. Ka inhnit zui nghal hlawp hlawp.






Min awm hnaih leh hrutin ka bek a kut lum thur thurin a dawm a, lehlam a chalin a nawr zui vang vang bawk. Ka bekah a hmuiin a nawr zauh a. Ka ṭah a chhuak zual sauh a, insum karna awm miah lovin ka ṭap chhuak nghal hlawp hlawp.







"Ka hria i thiam loh ani lo, engkim ka hre vek tawh, bang rawh le, hrisel deuhin nu leh pa karah ngei a rawn piang chhuak bawk ang" ti dam thlapin ka biangah a fawp zui vang vang.






A inla hrang vut chu a nghawngah ka kuah let nghal rawk rawk. Min kuahletin ka hnungah a chul zui hauh hauh a. A bulah hian ka hahdam a, ka rilru leh taksa zawng zawng hi a chawl vek ṭhin nimaiin ka hria.







Ka khabe a dawmin amah en thei turin min kuai dak deuh a. Mittui tling khat piauin ka melh ve kiau.






"Ka ngai che" ril ruih a ti supin ka bianga ka mittui a tuai hul a, ka hmuiah a fawp nghal vang vang.







Ka mit ka chhing chial a, ka biangah ka mittui aluang leh ngiai ngiai tawh. Tuma tihbuai ngai loh tura awm hi ka va thlahlel ngawih ngawih tak em. Tuna kan pahnih chauha kan awmlai hian khawvel hi tawp daih mai se kati. Tuman min tibuai thei tawh lo anga. Ka ngaihtuahna vangin ka thaw chhuak leh halh halh ṭhin.







Zinga Julie thusawi ka ngaihtuahna a arawn luh rualin ka kuahna ka phelh nghal vat a, ka inla hrang zui nghal hlawk chu hriatthiam loh hmel deuhin min en hu chu rei pawh en loin hmalam ka hawisan vat.







"Nupui i nei dawn a" hmalam melh ngarin ka malchunga ka kut hum kawp ngawt ngawtin kati chhuak sep.







"Ka la nei ang chu" a aw a zangkhai danah hian Julie thusawi kha atak ngei a ni tih ka nem nghet nghal hmak bawk.







"Chuan ka hmeichhe hmangaih ngei ka nei bawk ang" ti leh supin a khabe a tuai zauh chu ka mitsirin ka melh ngam ṭawk. A nupui neih tur thu vel a sawilai hi chiang lutuka amita melh chungin ka ngaithla ngam lo ani mahna.






"Ka lawm pui che" a nui suk duh chauh. Chu chuan min ti hnual nghal rawih rawih thei. Enge ka beisei ber pawh hi ka hre tawh bik lo. Nupui neih atum loh thu min hrilh turin nge ka beisei zawk pawh hi ka hre hrep lo. A nupui neih tur thu hi ka na em tih min zawt se ka chhanna tur chu ka na tawpkhawk a ka thik lutuk bawk tih hi ani ngei ang.







"Ka lawm e" a sawi zawh rualin ka kut hum nghekin ka mit ka chhing zui sawk.







"Khawngaihin kawngka hi hawng rawh, ka haw a hun tawh" heta kan awmdun reng chuan ka tawt lutuk hi ka ṭah khum leh nghek mai ka hlau.






A hmeh rik khap rualin kawngka ka hawnga ka chhuak nghal rawk rawk.







Hawilet tawh lovin kan in lampanin ka pen phei hlawk hlawk a. Ka kawrban pawt nawk nawkin ka seh a ka mittui dan hman lovin a baw nghal zawih. Ṭah chhuah mai ka hlauh vangin ka hmui ka hup nghal vat bawk.







"Remruatfel engvangin nge i ṭah? Heng thil te chu ala thleng dawn tih i hriat vek kha, inti pachang ta che" ka rilruin keimah ka infuih mawlh mawlh a awmzia a awm hlawl lo. Ka kehsawm vek ni berin ka hria.













Nakzan chu in mi hriatthiamna ka rawn ngen nghal bawk aw....Kan comt dawn a engchen nge hun kan hman ang tih a hriat siloh, chuvangin ka rawn dah hman ka ring lo. Min lo hrethiam hram turin ka rawn ngen che uu....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:26 pm

THLAMUANZUALA







Changtupa pov ka ziah telna chapter ka dah dawn apiang hian ka nervous thei khawp mai. A hmeichhe pov ka ziak thiam e ka tihna ni lovin mipa lam ziah hi har ka ti lutuk e mai...tun ami phei hi chu ka kutte a khur tel vel mawle...... ngaihnawm loh inti ang tih ka hlau bawk sia ka siam ṭha sek, chuti chung pawn awi kala confi chuang miah lo.






Chapter-16







THUNDER POV


***Flash back***



"Bawiha Lawmi te hnenah palai chu tir mai ang aw" ka pa in ka zai ngai zetin ati churh churh. Ka uksak vak lo, chhan pawh ka chhang peih lo. Vawitam nupui neih ka duh loh thu ka hrilh chung pawh hian ka nu zawkin a nawr tut tut ṭhin avang hian a sawi chhuak leh ṭhin hi ka kham tawh takzet.






Vawiin tlai min koh chhan pawh hi hemi min sawipui tur hi anih ka lo rin sa reng kha ania.







"Bawiha i pa thusawi chu bengkhawn vela mawle" ka û fanu ka chhaih ṭe ṭung chu ka nuin a rawn ti zui ve vat a.







"Bawihte a û bulah lo va kal rawh" ka û fanu sofa aṭangin ka nuin a chawithla a, choka lam pana a tlan chu hawilet meuhin ka thlir zui reng.







"Palai chu tirh mai a hun tawh viau ania, i hnial zel anihchuan tunbak hun ṭha a awm tawh lovang" ka nu bawkin dawhtheih loh hmel zetin ati ram hmak. Ka mit ka kan uk duh chauh.






Ka engah mah a thawk lo tih ahria ani chek ang chu a thaw deuh hak.







A duh angin hmeichhe dang ka kawp ngei mahse nupuia neih zui tumna ka nei lo.







Ka hotel-ah nise nupui nei tur thanin ka thang a. Khawlai chhuak hlek ila hmelhriat tawnfuh changa min lawmpui thu an sawi fo ṭhin hi ka kham hlur tawh.







"A buaithlak ṭhin e" ti hlukin ka pa aṭhutna aṭanga tho chhuakin an room lam a pan zui a, a beidawng tawh te pawh animahna.







Sofa a ṭhu awnduaiin chunglam ka melh vung vung a. Lovie ka nei thei lo anihchuan nupui neih chakna ka nei lo. Hmeichhe pakhatte mah hian min hipna an nei lo. Tuna tihluihna hmanga ka kawplai ngei pawh hian min hip chuang lo. Hmeichhe hmuhin ka hmu lo zawk nge pawh ka hre hrep lo ve.







"Thlamuanzual i mak ṭhin mang e, i nu leh pain ṭha a kan hriat hi chu zawm ve mai rawh" a aw ki a sang ṭha khawp mai. A beidawng har hrep a.







Thaw hawlhin ka ṭhuṭha vuta ka nu lam ka hawi zui zat. Chik lutukin ka melh zui ngur bawk.






"Kha nu teh hrep vang kha ami hetianga i khawsak tlat a" aw ka vin zetin a ti zui tawn tawn a. A sawi ning zozai lo amawni.






"A tawk" ti hlukin ka kut ka vai zauh a. Ka ṭhutna aṭangin ka ding zui vut.







Ter atin a rawn ding chhuak ve a, alam ka hawi vat chu a thin arim hmel ram ram khawp. Keipawh hi ka lawm chiam bik lo. Min nawrlui chiam lo se ati fuh zawk ang.







"Kha nu kha ka pawm ngai dawn lo tih hria ang che. Chuvang chuan neih let tumna rilru kha pu duh suh" ati zui hmuar hmuar chu za vak lovin ka ṭhen lui sak.






"I duhtawk thei tawh em" ka dawhtheihna apan ve tawh viau chungin ka aw chhuak kala control thei fu.







"Ka beng hriatah palai, Lawmi chungchang sawi ri tawh suh. Ka kham thawkhat"







"Chuan ka nu i puppet anga min control i tum tlat hi sim rawh. Ka tana ṭha ngaihtuah thiam rual ka ni tih hre tel bawk ang che" ka aw chhuak a nem fahran lo bawk a, a dinna aṭangin a tawlh hnung nghal dat. Ka jacket ipte zen hmukin kawngkhar lam ka pan a. Ka nu thu rawn sawi chhuah vangin ka ding dawt.







"Eng maw i sawi kha?" ti chhuak hrawkin ka inher a. A thusawi kha hre lo ka nilo. Min ṭhawn lutuk vanga zawt nawn hram ka ni. Sawi sual inti lutukin a ka achip zui hmak.







Lovie hnenah inneih ka sawiin min hnial lovin a pawm ve mai. Min hmangaih leh hmangaih loh ka hre lo mahse min duh tih ka hria. Ka bula a awmin athlamuang ṭhin tih pawh ka hai lo. Ka pa chena an pawm vek hnuin vawilehkhatah mipa dang a neih thu min hrilhin a hel thut a.






"Eng thil nge lovie chungah i tih?" inseh ruh ṭungin ka nu lam ka pan phei a.






"Khanu kha ka hnawh bona tur anih phawt chuan eng pawh ka ti thei"a sawi zawh rualin ka hnaihchilh nghal rawk rawk. Ahmelah pawisak engmah aneih loh zia ka hmu chawpchilh nghal. Chutiang chiah chuan a fapa hi engtianga luhlul leh tihmawh nge ka nih hi ala hre ve bawk ang. A thusawi apiang zawm duam duam hi ka tum hauh lo. Ka nundan tur hi chu ka mimal zalenna hmanga ka ngaihtuah tur a ni. Chutah nu leh pa in ṭha lo lai min hrilh anihchuan ka zawm ngei ang. Mahse chutiang ni lova ka nuin min control tlat atum hi a sim angai.







"Eng thil nge itih ka tih chu?" Ti vin ṭhawtin ka nu dar tawn tawnah ka man nghal hmiah.







"Ka hnawhbo sak che mawle" rum lutuk a min melh chungin ati zui tuarh. Ka nu nilo se achunga ka chetdan tur chu a nasa viau ang. A dawhtheihnain a tlin tawk baka ka luhlul thiam vangin lovie a hnawhbo thu a sawi chhuak anihchu. He thil hi ka tih ni zawk se ka sawichhuah ka ring lo bur. Mahse hmeichhia a ni a, sawi chhuak lo thei lovin ka nawrlui thiam miau.







Lovie min kalsan tirh khan ahel thut chhan kha awm a awm ka ring kha ania. Mahse mipa dang a pan tur thu asawi vangin ka na a hetiang lam ngaihtuah thei lovin ka awm zui bawk a.







"Khatianga hel tur khan i siam ani tiraw" a dar tawn tawna hmerin kati chhuak hrawk. Mitmeng tur fein min melh zui khai a.






"Ni e, ka hnawh bo anihkha, heihi i hria em khatiang hmeichhe hnuaihnung lutuk kha ka mo ni turin ka duh lo, chuan engtikah mah athleng ngai lo bawk ang" ti tawn tawnin a dar ka vawnna aphihthla hlawk a. Ka thawm a ring zui viau bawk nen kapa pawh room lam aṭangin a rawn chhuak nghal a.







Ka hmai tuai puakin ka thaw leh hawlh ṭhin. A fapa chungah engtin nge hetiang thil hi a tih theih zawk. Duhthlang turin ka puitling tawk tawh viau chungin a thuhnuaia min dah tumin ka nupui tur alo thlang anih chu.







"Thlamuanzual inthawm ava ring ve" ti khur khurin kan dinna lam a rawn pan zui vut a. Ka nu nen min melh tawn zak zak bawk.








"Ka nupui tur chu keiman ka duh ka thlang ang, inrawlh lo turin ka hrilh bawk che" ti vin ṭhawtin sofa ka hnaih ber ka tlawh her nghal sawk. Ka pa awm leh awm loh ka ngai pawimawh si se tawh lo. Ka nu chetdan tenawm lutuk hian insum thei lovin min siam miau.







"Enge ilo tih leh tak a?" Beidawn hmel lutukin ka pa in ka nu lam a melh a. Ka nei lo ang maiin ka nu zawk angawi zui hmak.






"I duh i hmu chuang lovang" tak ngulin ka nu ka melh hrawk a. Kawngka lampanin ka pen nghal pawk pawk. Engkim ka siamṭha leh vek dawn. Lovie hnenah pawh ngaihdam ka dil bawk ang. Min pawm leh theih hma chu ka um kual mai ang.







"Thlamuanzual" ka hminglamin a khek zui tuarh tuarh. Ka ngai pawimawh lo. Tuna ka rilru a lian ber chu lovie hmuh thuai thuai a ni tawp mai.







Pawn ka chhuah rualin duh thawh lutukin boruak ka hip zui kawk.







Ka nu thil tih vangin min kalsan a. Chuta karah keiin kut kala thlak zui bawk a. Ka inthiam lohna leh ka inhuatna azual tulh tulh bawk.







Mipa inti ve siin ka hmeichhe hmangaih pawh huaisen takin ka chelh zui ngam lo va. A chunga ka lungawi lohna leh min phatsan anga ka ngaihna chiah ka hmulian hlur tekha ka inhaw tawh tak zet.


***End of flash back***




Car aṭanga a penchhuak pawh ka dang duh ta lo. Tun aṭang chuan ka hlat tawh ngai dawn lo. Ka bula a awm theihna tur anih phawt chuan engkim ka ti vek dawn. A tel lova ka hun hman chhung kha thla tam nilo mahse kum tam tak hmang ral ang ka ni. Tunah chuan ka kiangah chiah a awm tawh ang.






Nupui ka neih tur thu a sawilai a amita natna lang chhuak zut zut khan min ti lawm zawk anih chu. Min duh lo nise khatiang khan a awm hauh lovang tih ka chiang.






Car aṭanga a penchhuah hnu thlengin ka thlir zui veng veng a. Tunah chuan hahdam deuhin zan ka mu ve thei tawh ang chu. Nupui nei tur anga min ngaihna pawh kala insawifiah bawk ang. Mahse khatianga han chhaih kual vel kha anuam dawn riau. Ka ngaihtuahna avangin ka nui suk.






Haw mai chakna pawh ka nei rih lo. Lovie hmel hmu lo mahila helai hnaiah a awm tih ka hriatna ringawt pawh hian min ti hlim pha tho. Car aṭangin ka pen chhuak a. Hmalam nghengin ka ding zui vang vang. Nichin lawka khawpui nen tangkawpa ruah sur bur bur si kha tunah chuan vanlamah arsi alang pe tuarh tawh.








RUATFELI POV







"Û i ṭha em?" Inchhung ka penluh rualin ka nauin alo ti nghal vat a. Inthup ka tum buai peih lo. Tum pawh ni ila ka thei chuang lovang.







"Bawihte min hrethiam rawh" ti ṭuauin washroom lam ka pan ding nghal a. Tui herh hawin chhuatah ka ṭhuthla a ka inhnit zui nghal hlawp hlawp. Boruak kham khawp hip tur nei lo ang maiin ka thaw chhuak leh kawk thin.







Nupui neih atum chuan kei leh kan naute hi min ngaihsak tawh ngai dawn lo. Ka mangangin a ka chiai bawk. Ka awmdan ber pawh hi ka hrethiam lo. Ka tawt up up. Ka pum ka dawm a, ka awm chhung thip vin tuk ka chum nghal dawt dawt. Thawk lak ka tum a kati hlei thei lo. Ka kut hmawr leh ka ke hmawr a hit vek bawk.







"Û ila awm em?" washroom kawngkhar a rawn chum ri dawt dawt chu chhan tumin ka ang zuau mahse ka aw a chhuak thei lo. Ka hrawkah ka dawm a chil ka lem ngial pawn ka aw a chhuak hlei thei lo.







Ka mittui chhum lo chat lovin a luang ngiai ngiai reng bawk.








"Û lo hawng rawh i ṭha em?" A aw aṭangin a mangang tawh tih ka hria mahse ka chesawn thei miau silo. Ka ṭhutna hmunah nawrbeh tlat ang mai hian ka taksa arit vek.







"Ruatdik" ka aw a ri chhuak chang chang. Rik taka ṭawng chhuah chu ka duh mahse a chhuak hlei thei lo. Ka mittui nen ka khaw hmuh a phe tel vek bawk.







Ka taksa a khawng ṭan a chhungril lam aṭangin vawtin min ṭham zui er er bawk. Washroom kawngka hi a rawn tichhe tawp anihloh chuan keihian hawng turin tha ka nei lo. Ka ban takngial pawh ka lek chhuak hlei thei tawh lo. Mahse ka rilru a fim vek tho.







Ka ka chhung ro sa huamah khawsik ka nei tih ka hre thei bawk. Ka lu ana chhah mup bawk. Ruah ka do vanga hetianga awm ka nih tih ka hriat mai bakah Thlamuanzuala nupui nei turin min ṭhawng lutuk khan a aia nasain min hmet chau zualin mumal nei thei lovin min siam bawk. Chu chuan keimah a inbuaipui thei lovin min siam. Hmangaihna hian hetiang tak hian mihring nun a sawp chau thei ang tih ka hre bik lo.







Lehlamah chuan hmangaihna hi hlimnate, famkimnate ni mahse a kalsual laklawh tawh chuan nun chhiat vekna a ni. Ding chhuak tur awm tawh lo khawpa min sawisa ṭhintu a ni bawk.







Washroom kawngkhar a ri dawp a Thlamuanzuala chiai lutuk hmel ka mittui kar aṭangin ka hmu phe ruai.







"Lovie" ka ṭhutna lam rawn pan rawk rawkin min pawmkang nghal nawlh a.







"I û hi a khua asik bakah a taksa hi khawng vek" a aw a mumal bik lo. A chiai ve viau tih a chet sawk sawk danah ka hre thei.








Room lama min pawmlutin khumah min nghatthla a blanket in min khuh zui nghal zat. Min bawihsawm ang angin ka awm mawl tawp. Hetianga buaipui ngai renga ka awm bik ziah tehi ka in haw hlur tawh. Mahse keimaha inbuaipui turin ka che thei miau silo.








"Lo awmpui rawh"ti vutin room aṭangin hmanhmawh lutukin a pen chhuak a.







Ruatdiki'n ka thawmhnaw huh min thlak sak zung zung a. Blanket min sin belhtir leh chung pawn ka la khur hlawk hlawk tho. Ka ka chhung a ro vek a ka hrawk a thip hlur bawk. Mahse nichin khawng vek che hlei thei lo kha chu a reh deuh duak tawh thung. Ka taksa ala na ṭhum tho.




..............



"Lovie" ka men rualin Thlamuanzuala mitmeng thuk ruih a min melhna ka hmu hmasa ber. Ka pang a dek a a phun zui sup. In awmhnaih viau mahila enge a sawi ka hre pha lo. Ka khawsik a awm tawh lo. Chuan ka thlan deuh phung bawk.






"I zia awm tawh em?" ti dam thlupin ka bianga thlanin ka sam atih bet chial a hui kianga. Thaw chhuak ham hamin ka ṭhat thuin ka chhang sep. Hahdam huai hmelpuin a thaw chhuak zui suai suai.







Ka ṭhuchhuak tur min rawn pui vat a. Ka kut hum vang vangin ka hmaah a ṭhuthla zui nghal zat bawk.







"Dam lo tawh suh, kan naute tan i hrisel ṭhat angai" washroom aṭanga min pawm chhuah dan vel ka ngaihtuah a khatiang lutuka a mangang kha kala hmu lo.







"Engtin nge ka awm?"







"I khua asik a chuan doctor-in a jection che a" a sawi zawh hmain ka kut ka vai hliai chu hriatthiam lo hmel deuhin min melh a.






"Hetah i ko a mi?"







"Umm" ti supin a thle buk a. Thil ati thei kati dawn nge doctor ṭhian anei zawk pawh hi ka hre lo. A hmasa zawk lahin a in ah doctor in min rawn kalchilh thlap tawh bawk a.







"E" ti hmakin ka kut a vawn ka pawt sawk a, a thlah zui ve mai bawk a.






"Kal tawh rawh"






"Hetah ka riak ve ang chu ka ti"mit siai sauhin ati sup a. Ka ang nghal pham. Mahse a mitmengah ati tak tak lo tih ka hre chawpchilh leh nghal.







"Thil sawi dun lawk ang aw" thu tak zawkin a rawn ti thum dut a. Engtin mah ka chhang lo.






"Ka nu vang a ni tih engmah i sawi lo va" min demna rawngkai tel deuh a sawi chhuak chu ka meng nghal kawk. Alo hre vek tawh maw. A nu chunga a ṭuan phei chuan anu nen kan inkar a chhe zual sauh bawk anga.





"Ka sawi peih lo" ti hmaka ka mutthla leh tur chu ka kawng a dawm nghal vatin min ṭhutngil tir leh a.







"Min hrilh nila chu hetiang hi kan thlen angai lo tur" chik lutuk a min melh chungin a ti zui sup a.







"Engtin nge ka hrilh ngam ang che. Min ngentu kha tudang ni lovin i nu anihkha" ka ti zui pang panga, ka mittui ahnai lehnghal ringawt bawk a. Hawisawn vatin ka inseh ruh nghek.







"A nih ka nu aiawhin ngaihdam ka dil e"







"Ṭha lawm" tih chauhin ka chhang. A aia thui ka sawi chiam chuan ka ṭah khum nghek mai ka hlau. Engtik lai pawha ka mittui hnai em em reng zel tehi ka hua. Ka ṭahbelh bik lutuk ni tehian ka hre ṭhin.







"A nih ka kalsan che kha i hlim em?" kan ngawih vang vang hnuin ka ti sep a. A mitah tak ka melh ngar bawk.







"Hlim lo" ati hmuk. Na lutukin a thaw zui hawlh bawk.







"Anih engtin nge i awm?" Thin phu dawt dawt chungin ka zawt a. Ka natpui vawng vawng na tur chhanna ka dawn ka hlau a ni ber zawk.







"Ka keh chhe vek" a mit chhing chungin ati zawi ruih a. A ṭawng zawngin a hrawk bawk a che ralh ralh bawk. A rawn meng chhuak a, amitah natna ka hmu tel.







A ding chhuak vuta min hnungchhawn nghal hmak bawk.







"A nih nupui nei dawn ta ila" ka awm chhung ami a che nghal dawt dawt a. Ka heh hnuailam ka pet fan bawk.







"Naute hi min laksak lovang tiraw"ka aw a ri chhuak chang chang, ka mittui a luang nghal pap bawk. He mittui teivet hi ka hua.







Ka lam hawi zawnga a rawn inher rualin ka kun nghal daih. Min chhanna tur a hmel en chungin ka dawngsawng ngam lo. A chhan chu naute laksakah min vau miau a.







"Nupui ka neih chu i phal nge phal lo" chhan mai dan tur ka hre lo. Nupui a neih chuan ka kehchhe vek ang tih ka hria mahse ka phal loh thu sawi chhuak turin ka huaisen tawk lo. A nu thuawih a ka kalsan chhung ringawt pawn nun phung pangngai ka hloh(hlauh)titih ania, nupui nei ngat se chu ka â vek ngeiin ka ring.






"I phal tihna angah ka ngai ang aw" thaw chhuak hawkin ati zui vut a. Inherin kawngka lam a pan zui nghal.







Ka blanket sinlai theh hlimin ka ding chhuak a, kawngka a hawn hmain a kawngah ka kuah nghal rawk rawk.






"Aih ka phal lo" ti ṭungin ka ke ka per dat dat a. Mangan lutuk vangin ka â thei mai dawnin ka hria. Hetiang lam zawnga innawrluih chiam hi ka ngaina lo.






Ka lam hawi turin a insiamrem a, min kuah let ve rualin ka inhnit chhuak nghal hlawp hlawp.






"Nupui neih ka phal lo" kati nghal ṭiau.








"Ka lovie-in a phal loh thil engmah ka ti ngai lovang" ti ril ruihin ka chhipah a hmuiin a nawr zui vang vang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:27 pm

THLAMUANZUALA










Chapter-17(18+)








Ka chal a fawhna sawnin ka hmuiah a fawp zawm nghal zat a. Mit chhing chialin ka dawh mawl tawp. Ka tan engkimah ahmasa ber vek a ni a, ka thinlung zawng zawngin ka duh a, akianga hlimna ka neih ang hi khawiah mah ka hmu tawh ngai lovang tih ka hre bawk.







"Ka hmangaih che" ka hmui la si reng chungin ati thuk ruih a. Min hmangaih thu a sawi. Ka bianga mittui luang ngiai ngiai chungin ka ṭah nuih hak. Kan intawn dan ka ngaihtuah a hetianga thui hi kan thlen dun ka ring lo. Ka kalsan hnu phei kha chuan min umzui ka ring lo hulhual kha ania. Mahse chutiang lam engmah thleng lovin min hmangaih thu a sawi a, ka duh loh zawng engmah atih loh tur thu a sawi bawk. Ka hlim tak zet.







Inhnial bap bap changte, thinrim hmaisen inhmuh changte pawh nei ṭhin mahila abula ka awm chhung chuan a nuam kati em em vek. A thikthu chhe em em te leh min hauh a pek nat em em na zawng zawng tenen hian keipawn ka hmangaih. Ni e, ka hmangaih ngei a lawm.






"Lovie, ka hmangaih ber che" min fawhna thlahin min kuai dak deuh a, ka chalah a chal nghat datin ka bek tawn tawn a dawm chungin a ti leh sup.






Ka mit ka menga, mitmeng thuk ruihin min lo melh reng. Thlamuanzuala anih chhung chu keipawn ka hmangaih. A hmel pa hliah hliah leh a mitmeng min melh tawh phawta ka luanliam em em ṭhin nate, a aw ri hriathran nalh tur khawpa pa leh thuk ruih te, amaha awm zawng zawng hi duh loh ka nei lo. A vai hian ka duh em em vek.







"Min nei ang tiraw" A hmelah inrintawk lohna alang chhuak, ahma ang khan ka kalsan leh mai a hlau tepawh animahna. Ka buk nghat rualin na lutukin a thaw chhuak nghal hawlh.






"Min kalsan tawh lo bawk anga. Engpawh thleng se ka kut vuana min ring tlat turin ka duh che. Engtikah mah ka thlah ngai lo bawk ang che, kan pahnih kan nih phawt chuan engkim kan paltlang dun zel ang."ati sup a. A aw ri dam leh ril raih maiah hian ka pil vawn vawn niberin ka hria. Ka ringa, min duh ang ngeiin engtikah mah ka thlah ngai lo bawk ang tih ka chiang. Aman kal tur a min ti te anih ngawt loh chuan amah hlat zawng hian ka ke ka pen leh tawh ngai lovang. Hrehawmna zawng zawng pawh amah nen anih chhung chuan ka hmachhawn thei vek bawk ang.







"Min ring tiraw?"







"Aw ka ring che, mahse ka ke a kham tawh lutuk" kati sep a. Inla hrang vutin a nui chhuak nghal hawk hawk.






"Duhawm reuh lutuk mai" nui sukin ka hnarah a piai zauh a, ka hmui ka tih pawrh khum vak chu a rawn fawp nghal zauh.







Ka kuta vuanin khumlamah min kai phei dat dat a, min nemṭhu nghal zat bawk. Min dim leh lutuk hi ka nuih ati za tlat ṭhin. A chang hi chuan naute pianghlim dimdawih lutuk a bawihsawm hi ka ang kati ṭhin. Mahse mipa a ni a athiam ang tawk a min dimdawih hian nuam kati zawk.







Ka hmaa rawn ṭhingṭhiin ngun thluk fein ka taksa a melh kual dun dun a. Chu chuan min tizam nghal vek bawk.







Ka tukhum lam samkar a a kut zenlut riai riaiin a hmui fawh nuam leh ngawl vei awl zet hmangin ka hmui a rawn bawhtuah nghal chat a. A biang tawn tawn a dawm chungin ka fawp let ve nghal zat bawk. Thaw hawlhin uar zawkin min fawp zawm tawn tawn a. Ka thlawk delh delh ni hian ka hria. Ka taksa chunga a thiltih theihna a hman tawh phawt hichuan hnial ngaihna awm lo khawpin ka taksa a siam danglam ṭhin.






Min fawhna thlahin a ding chhuak ruai ruai a. Meng chhuakin ka melh zui kiau. Nalh lutuk tak mai a kiai sukin ka biangah a rawn dawm a. A kutzungpuia ka hmui tuai kualin a nui leh suk. Keiin thutak fein ka melh kiau thung.






"I ngawl hi ka vei tih i hria em. I hmui, i taksa ka tawh apiangin ka insum thei ngai lo. Keimah a ka duh loh thil zawng zawng thlengin nang hian i phawk chhuak vek zel" a thusawi hian ka taksaah danglamna a thlen nasat zia hi a hre kher lovang.






Ka hmuia fawp leh zauhin khumah min nem mu a. Ka bawp tawn tawn a rawn hlang kang zui zat bawk. A jacket haklai hlip thawkin ka sirah a rawn muthla ve nghal a. A lam hawi turin ka insiamrem sat sat a. Ka kawnga nghet lutuk a chelh chungin ka hmuiah bawk a bur leh nghal chat.






Ka kawng a dawmna ka mawnglama sawnthlain a hrawm tawk a, ka phu deuh zawk chu a nui suk.






A kut a awm hle hle tir thei lo, ka taksaah a vah kualtir ruai a. Ka mawngah bawk tawp lehin a hrawm leh tawk ṭhin.






Ka dul puar len tawh vangin duh angin chet a harsa tawh si. A tho chhuak thut a ka meng nghal kawk. Enge a tih tum melh khiauin ka inbengkang deuh a.







Ka bawp kuai kauin a inkarah a ṭhingṭhi zui a. Ka kawr chhanah ka hn*ute a ṭham tawk chu ka ṭe deuh ṭhat rualin ka hmuiah a kut a nghat nghal chat a, ka muthla zui nghal hnawk.






Ka shirt haklai tlanga vuanin a hlim chho thawk a, ka lu ka kan dat rualin a pawt chhuak nghal nawk nawk.Ka hnunglam a akut zenlutin ka bra kilhna a hmet pelh a, pawt chhuakin ka kawr nen khum mawnglamah a vawmthla zui nghal zat. Ka awmbawr melhin a chil a lem khawlh a. A chil a lem rual apianga a hrawkbawk che ralh ralh reng chu insum thei lovin ka tawk zauh a a nui nghal suk.






Rawn kun hniamin ka hmuia fawp leh tawn tawnin ka hn*ute a kutin a chul kual delh delh a. Ka thaw chhuak leh hak thin.






A hmui sawnthlain ka nghawng velah a hmuiin a nawr kual dun dun a. A thawk hawlh hawlh ruala ka bengbul leh nghawng vel lum tel hawk zel chuan min ti mur sung sung zel.






A kut lehlam a ka awm aṭanga zutthla delh delhin ka naknemah a piai zauh chu za ka tih lutuk vangin ka khek chhuak ṭhat.







"Lovie i nauin kan thawm a hria ang" atih thawp sut rualin ka hmui ka chip zui nghal hmak.







Ka kekawr kawnga zen lutin ka point ah tak a kut lum thur thur anghat nghal chat a. Ka thin a phu dup dup tawh.







"Sex kan hmang thei lo, naute" ka ti nawi nak a. Ka aw khur nasa lutuk pawh ka control hlei thei tawh lo. A mi khawihna hian mumal nei lovin min siam miau.






"Sex kan hmang dawn lo" a aw pawh a pangngai tawh bik lo a khur ru ve dur dur tho.






A kut thil tih theihna hmanga ka point a sawngbawl rualin ka ṭang nghal ṭung. Insum theih loh ka hlauh vang a ni ber.







"Lovie inthlah dul rawh leh sex kan hmang dawn lo" ti thawp sutin a chet zawm mial mial a. Ka taksa ka thlahdul tih a hriat rualin thaw hrawihin uar fahranin a che chhunzawm nghal zat.






Thawm neih hlau lutukin ka heh ka pet fan fan a khum khuhna ka ṭham tawk tawk bawk. Ka ngaihtuahna a nu bulh bawk.






A kut lehlam a inbengkhalhin
ka chalah a chal sa vur rawn nghat datin a rum chhuak nghal dur dur a.







"Ka hmangaih che" aw mumal lo zetin ati chhuak hrawih a. A che uar tulh tulh a, ka taksa hi a puak darh thei mai dawnin ka hria. Thawm chhuah ka hlauh luatah ka heh ka pet na vek tawh bawk.







Ka taksa a thunun hneh ṭhin lutuk vang hian amaha tlulut lo thei lo hian min siam ṭhin.






Uar lutuk a a kut a chet leh rualin ka awm kan awkin ka thaw zui nghal kawk kawk.




***************



"Harh tawh rawh mutduhnu" ka nghawng kual vel lum leh hawk hawk ṭhin nen chiang lo ruaiin ka meng a. Thunder-a hmel dam thlup leh lungawi hmel lutuk ka hmuh rualin ka ṭhen sak.






Nizan khan vawikhatte mah harh miah lovin ka muhil ve thei ta chiah. A chhan pawh ka bulah ka mipa hmangaih ngawih ngawih lungphu ri ka hriat reng vang khan ka thla amuang em em ani tawp mai. A hma zawnga ka zan mut theih loh ai zawng zawng kha ka mut kep vek anih ka ring hial.







Zing ka harh rualin a hmel kala hmu thei cheu bawk a. Ka bula a awm hian engtiang chiah a hlim leh thlamuang nge ka nih pawh hi ka sawifiah thiam lo. Thawh hlim aṭanga a hmel dam raih hmuh tluk a thlakhlelh hi ka nei lo hial ang.







"Nizan i hnar nasa lutuk a ka muhil ve thei lo"a sawi zawh rualin a malah ka tlawh nghal chawrh. Ka hnar ngai miah lo tih hre mahila ka zak tho.






A aw rawl lian lutuka a nuih hawk hawk rualin ka khi ve sak. A nui hmel hi hmuh nuam ka ti. A nui ri te thleng hian min fan raih raih bik.







"I muttui em?" ti sepin a biang hmul ṭo siar siar ka khawih kual dun dun a. A hmui ka tawh rualin na vak lovin ka kut a seh zauh a, ka kut lehlam lek chhuakin a chalah ka kuk zauh a a mit a chhing suk suk chu ka nuih aza ang reng. A mit hi a dawih viau anih ka ring.






"Ka muttui lo" teh thlawt a. Kei ka muttui viau laiin.






Zawhna mitmengin ka melh deuh ha a. "Min hrem, i taksa kuah reng chunga engmah tih theih loh kha a hrehawm" ati thawp sut a, a thusawi vangin chil ka lem nghal khalh. Ka bengkawm a khawihin a tuai zui hauh hauh a.







Ka kawrchhunga a zen rualin a kutah ka beng thlawrh a ka pawh chhuah sak zui nghal zat. Lungawi loh hmel lutukin min melh anihchu. Ala tum bur zui a, mipa naupang tih tauh hrat deuh hi a ang. Sumdawng hlawhtling tak ni mahse a chang hi chuan a chetdan hi a naupangchhia ve ṭhin ania.







"Tho ang" tihpahin ka ṭhu chhuak a. Ka kawnga kuah chungin ka hnungah a bei deuh a, a thaw zui nghal hle hle. Ka kawrchhanah a thaw lum leh hawk ṭhin. Chu chuan ka awm ati nuam lo leh ṭun tawh.






"Chhunah ka rawn hmu ang che aw" zawi zetin ati sup a. Nui var varin ka bu zauh.






Khum aṭangin ka tho chhuak a. Zawi zet a khuma a mu chu ka thlir zui vang vang. A zing thophang hmel pawh aṭha ka ti tho.







Ka lam hawiin amit hmul a kan zauh a ka nui ringawt. A rawn ṭhu chhuak ve a, a sam thur deuh siang chuan ati lang mipa naupang vek hian ka hria. Mahse aṭha hi kati hluah hluah.







Ka tan ani tluk a mipa famkim leh min ngaihsak tu hi an awm leh tawh pawh ka ring lo. Min tihlimtu leh min ti famkim ber tu ani tih hi ka chiang viau.



...................



"Remruatfel" room pawnlama ka hming lam tuarh ri ka hriat rualin khum aṭangin ka tho chhuak nghal vat a. Thunder kal hnuin kalo chhing leh sek hman anih ka ring.








Room aṭanga ka penchhuah rualin Lawmi mitmeng dur khup nen kan in hmachhawn nghal siah. Ṭo haw tur inṭham kual vel hi ka tehkhin ber a lungawi thlawt lo chu a nih hmel. Mahse a duh ang ang a min ṭawngkhum vel ang kha ka dawh mai mai tawh dawn bik lo. Helai hi chu kan in ani ve tlat, hlauh chhan tur ka nei tawh lo hrim hrim.







Engtin nge kan in awmna pawh a hriat zawk ni. Chutah zingkar aṭangin thinrim hmaisen min rawn hmuh ringawt bawk a. A nasa ve mah mah chuan ka hria.







Ka lam rawn pan phei nawk nawkin akut a rawn lek chhuak a, min ben hmain a banreka manin a akut ka phihthla sawk. Chu chuan ati thinrim zual sauh amaw tih tur.







"Û" ka nu te room lam aṭangin Ruatdiki a rawn chhuak zui ve nghal a, Lawmi nen kan lo indin chilh ran chu hriatthiam loh hmel deuhin min en tawn zak zak.







"Bawihte lo va lut leh rawh" pangngai thei ang berin ka ti a. Bu nghatin a alut bo zui veleh nghal mai.






"Hetiang taka hmeichhe zak thei lo hi maw ilo nih a. Sum i duh viau anihchuan keihian ka pe ang che" ti khur hlak hlakin a bag a zen rawk rawk a pawisa tamtham zetin ka hmaiah a rawn vawn nghal pawp.







Engvangin nge Thunder nen kan inkar hi sum ka duh vangah an ngaih vek chhan hi ka hrethiam thei lo. Sum duh ni ila hotel lian tak neitu a ni tih ka hriat aṭang khan ninawm khawpin ka zar kual tawh ang chu.






"I ngaih ang ngawt hian pawisa hi ka mamawh ber ani lo tih hre rawh" ka aw chang fak aṭangin ka insum theihna apan viau tawh tih pawh mi pangngai anih chuan a hrethiam ngei ang. Ka in a ni a a duh duh a min ṭawngkhum tur hian dikna a nei lo.






"Chuan maw i sum hi engatan mah ka tilo tih hria ang che" ṭhuhniamin a pawisa min vawmna ka char a. Na lutukin a awmah ka nembet nghal dawt.






"I lo zak thei lo hle mai" sawi zawm tuma a ang zuau tawh ka kut ka vai thuak a a hmui a chip zui hmak.






"Aw ka zak thei lo, tikhan i lawm tawh em?Heihi ka inchhung anih hi, induh duha in rawn talna tur hmun anilo" a awm a ka kutzungchal kawk sawkin ka thusawi maltin ka lam fak fak bawk. An duh duh an sawi anga keiin kalo dawh reng nachhan tur ka hre bik lo.







"Nangmah hringtunu pawh hi nangang chiah a mi lepchiah tho hi anih ka ring ta. I khawsak duh dan aṭang hian a hriat mai" deusawh lutuk a ṭawngkam a hman rualin a biang a ri nghal sawk a, ka kut a hik chhah mup bawk. He thilah hian ka nuin tel vena pakhat mah aneilo ang bawkin nawmnah lutuk a ka nu chanchin a sawikual hi ka palzam thei lo. Engtiang vak hian nge ka khawsak a hmeichhe lepchiah lutuk chhuah a min chhuah fo na chhan hi ka hrethiam thei thlawt lo.







Tur khai a min melh chungin min benlet a tum a hmaiah bawk a ri leh nghal sawk. A thinrim hmel chu puakdarh tur ang mai a ni tawh. Mahse ka hlau therte lo, a cho chhuah liau liauah ka ngai ve tlat. An kamchhe tleuh nan an hman reng tur ka ni bik lo. Tupawh mi hnuaihnung ber aṭanga alian ber thleng hian mahni tawkah hlutna kan nei ṭeuh, chu mi hlutna chu kan hmuh thiamsak angai. An retheih vang mai emaw a hmuhsit ching ṭhin mihring hi ka ngai thei lo hulhual.







"Zakthei lo nu" ti tuarhin min rawn ban a, a sam a ṭhamin kawngka lamah ka hnuk phei nghal dawr dawr. Nidanga min ṭawngkhumin hetiang hian ka che ngai lo chuvang chuan min zuam nita berin ka hria.







"Chhuak rawh ka in anih hi i hria em. I duh duh a i rawn sapatal kualna tur hmun a nilo" amita melh ngarin kati fak a. A thinrim insehruh hmel chu rapthlak tak a ni. Mahse ka ngai pawimawh chhe te lo. Mi pangngai anihchuan mi in a hetianga a rawn chet hma khan a inngaihtuah hmasa tur a ni.







Kawta Thundera car a rawn din rualin a hawi nghal dawrh. A hmuh tum loh lutuk a hmu a ni chek ang chu tihngaihna hre lo lutukin a hawi lawl lawl mai. Hlauhthawn hmel lutukin a pawisa min vawm nan a ahman a bag ah a khung zui rawk rawk.







Thundera a rawn pen chhuak zui a. Kan pahnih a kawngka bula inhmatawna ka ding min hmuh rualin a meng deuh awk.







Ka lampanin a rawn pen phei pawk pawk chu melh pawh melh peih lovin Lawmi lam ka melh ngar. Amah vanga hetiang thil thleng zing lutuk hi ka ngei thar thut.






"Enge hetah i tih?" nem lo zetin a ti hluk a. Ka kawngah nghet lutukin a chelh zui hmiah bawk. Thundera rawn kal aring bik lo ani chek ang chu ngaihtuah hmasa lovin a rawn che bawrh bawrh sia, a hmu leh thut bawk si nen a mitmeng tim nghal dai chu ka nuih aza letling zawk. Dawih zep leh lutuk mai.







"Ka kal" ti buh nuaiin a car hunna lam a pan zui hlawk hlawk chu ka thlir reng. Hetiang hmeichhe zah pah nei lo lutuk hi Thlamuanzuala ka tawn hnu hian ka tawng ta zauh zauh. Mahse a hma anga dawh mawl tawp kha ka tum tawh lo hulhual.







"Enge a rawn tih?"







"Min hmu turin a rawn kal" vawt raihin ka ti nghal hmak. Ka aw aṭangin ka lawm loh zia pawh a hrethiam ang.








"Chuan i chungah hian ka lawm lo hle tih hre bawk ang che" ti zui hmakin inchhung lamah ka pen lut a. Ka hnunglamah a pen riin a zawm nghal zat. Mahse Lawmi rawn chetdan zawng zawng kha sawi chhuah vek kher ka tum hran lo.







"Titeh lovie" ka kalna apianga min zui kual zelin ati hluai a.







Room kawngka ka hawng tur min kuai herin ka hmaah a ṭhuhniam a. Kakawr chhanah ka dul a fawp zui vang vang a.







"Junior, mama hi ka chungah a lawm lo viau chu anih hi tiraw" thutak lutuk a ati sup chu ka nui chhuak hak. Ka thinrim ni a a hriat hian ka pum chhunga kan naute bula zualko ang hian a khawsa ve ziah.






"Junior mama a nui" Ti supin a fawp leh zauh a.






A rawn ding chhuak vut chu ka melh khiau thung. Ka bianga khuapin ka chal ah a fawp zauh a. A lama min pawt hnai datin a awm khauh tungah min kuahbet a. Hahdam hmel lutukin thawchhuak suai suai.







"Lawmi khan enge arawn tih ka hre lo mahse kan pahnih inkara chhiatna thlen tura rawn pen chhuak apiang chu ka chhungte, ka thisen zawmpui tepawh nise keimah min hmachhawn hmasa zel tawh ang" Ati nghet churh. A thusawi hian engtiang takin nge inrintawkna min siamsak hi a hre kher lovang. Ka kianga a awm chhung chu keipawh hian eng harsatna pawh ka hmachhawn thei vek dawn tih ka hria.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:27 pm

THLAMUANZUALA









Chapter-18








Thlamuanzuala nen court-ah kan innei a. Mizo dana innei turin chhungkua ka nau bak ka neih miau loh avangin thil harsa a ni. Apa leh Thlamuanzuala'n rem an ruatna ang ang kan kaltlangpui mawlh mawlh. Patling pahnih rorelna hnuaiah engkim felfai thlap a kalpui a ni a. Anu a inrawlh miah lo thei hi tun thlenga mak ka tih ala ni.







Anu nen erawh kan la inbe mumal lo. Engtik lai pawn min ngaih theih loh hmel chiah hmuh tur a awm. Ka engah mah a thawk pha tawh lo. Min pawm ngai lotu mit hmuhah chuan mo sual nih ka hlawh dawn tho tho chuvangin ka mize thupa lemchan buai ka peih lo. Ka chunga ṭha te chungah chuan ṭhatna ka lantir ang, ṭha thei lote ka tlawn hurh bik na chhan tur ka hre lo. Mi zawng zawng kan tih lawm sen loh ang bawkin mi zawng zawngin kan lawmna an siam vek seng lo bawk. Inkhat a awm kan nih loh bawk avangin hun harsa em em ka tawh phah hran lo. In khata awm ho chu ni ila hreawm kati viau chuan ka ring.







Ka nau erawh kan inneih tukah hostel-ah kan dahlut a. Awm bo lo turin duh viau mahila aman hostel awm a thlan zawk miau avangin ka hnial duh ta bik lo.







"Papa, ka nau thlawh turin ka kal dawn asin, vawiin kha tlawh ni tur kha ania" khuma a thawmhnaw hak tur dah chhuah mawlh mawlh pahin ka ti zangkhai vah a.







"Ka hruai ang che" a kamis ban kilh mawlh mawlh pahin ati sup chu ka lo hnial ve vat.






"Keimah pawn ka kal thei reng alawm" a hna tihbuai hi ka duh loh ber thil a ni. A tel lova ka tih ve theihah hi chuan tih buai loh hram hram hi ka duh.






"A theih loh" min melh runin ati nghal bur. Mahse ka hnial dawn. Min hruai anihchuan a duh angin hna a thawk hman dawn lo tih ka hre ve kar.







"Ka kal ve thei reng alawm, tihbuai kher zel che ka duh lo" ngenngawl deuh zawkin kati leh a, min melh duh tawh ṭhak lo anihchu. Ka ti tau leh phawtte anihloh chuan a phal dawn lo tih ka hria. Ka nawrluih ṭhinna hmanrua ka apply leh mai aniang chu.






Ka dinna lama rawn pen pheiin ka hmaah a tie a rawn lek kang chu ka ngaihsak duh bik miah lo. Kan inneih aṭangin tie hi ka awrhtir kher lo chu a duh ngai miah lo. Nuamsam lovin mu reng mahila amah a awrh a tum ngai chuang lo.






Min melh reng tih ka hria mahse alam ka hawi dawn lo hrim hrim. A hotel staff ten nupui hlau lutuk chhuahin an chhuah zo vek tawh a, chuta kara khawi hmunah pawh min zui duam duam tura pawh buai reng hi ka duh lo.






"Junior, mama hi a ti tau leh tawh. Engtin nge ka thlem ang?" Ka hnunglama dingin ka dula kut nghat chungin nuihza aw lam lek lekin a rawn ti a. Ka dul a akut ka sik nghal vak chu a nui chhuak nghal hawk hawk, na tehi a hre ve thei lo amawni. Ka sih nat viau pawh hian engtin mah a awm ngai lo. Bakah ka lungawi loh leh ka thinrim apiang hian tiang hian ati ve ziah bawk.







"Lovie i lungawi loh hian hrehawm kati ania" ka sam hui kiangin ka nghawng hnunglam ahmuiin a nul kual dun dun a. Ka dar ka kawrin a kuh lo chin a rawn seh zauh a, ka inhum ruh nghal nghek. A phal hma chu ka awmdan ka thlak dawn chuang lo.






"Eng emaw tal sawi la" ka dara a khabe nghatin a ti leh sup a, kala ngawi tlat.







"Ok, i kal thei ang mahse i haw dawnah min rawn hrilh la ka rawn hruai ang che" ti supin a lam hawi zawngin min kuai her a, ka kawngah a kut a suih bet nghal hmiah bawk. Ka dulin min dal run chu melh zauhin a kiai suk.






"Le min awrh tir la" tih pahin a tie a lek kang nghal vu vu chu ka pawtthla nghal sawk.






"C'mon lovie ti teh ka phalsak tawh che kha" ka naknemah a piai zauh rualin ka khek chhuak nghal ṭung. Ka nui hmel a hmuh rualin a nui nghal suk suk.






A kawr hmalam a pawtin ka kuai kun nghal dawrh a, kan insan hleih lutuk hi a buaithlak ṭhin. A kawr nghawng ka siamṭhat mawlh mawlh laiin min lo khawih kual leh sek tawh. A kut hlei lutuk ṭhin hian insiam nan hun tam kan hman phah ziah.






"I mak lo awm hle hle rawh" tih pahin tie ka pawt chip nghal vak chu a ang zawk a, ka nui chhuak nghal hak.






Kan inchhaih rak ṭung laiin room kawngka a rawn inkik dat dat a. Ka kawnga a kuahna pawh phelh ka tum a , a ṭul lo ti ang hrimin a vuan nghet sauh.






Thundera nu a rawn lang zui nghal zat bawk. Zingkarah enge maw a rawn ti dawn ni. Kawngka bula a ding chu ngawi rengin ka thlir mawl tawp. Thundera lah chuti bawk, a hmel en turin ka hawia chho deuh ha a ṭawng tum hmel pawh pu miah lovin a hmui a chip hmak anih chu.







"Ka nghak rei tawh che u. Rawn zo vat ula inhnuai lamah kalo zu awm ang" nem lem vak lova ti hmukin room kawngka a khar zui bur.






Room aṭangin kan inzui chhuak a, muangchangin kailawnah kan chhukthla zui nghal a.





Kailawn a kal hi fimkhur tur hian min hrilh zing ṭhin viau. Hmanhmawh deuh a ka kal leh hlawk hlawk ṭhin min hmuh chang hian min hau ziah bawk. Ka tluksual leh a hlau tih ka hriat avang hian keipawh ka theih tawpin ka fimkhur ve lutuk tlat.






Living room a Thundera nu ṭhu tum hmuk ka hmuh rualin ka chau nghal vekin ka hria. Mihring hlim lo lutuk hmel ka hmuh hian min ti chauin min ti pik vek zel. Thinlung taka nuih theih loh pawn alanga mawi tal zawn ve awm hi ka ti ṭhin. Engang pawn min pawm lovin min hel khum mahse a fapa nupui ka ni tawh miau, thil nihna tak hi palzam thiam sela atan chuan a hahdam thlak huai ang mawle. Hetiang awm reng chu amah a inti hah thlawn mai mai kati ve tlat.






"Vawiin tlailamah chaw rawn ei phei ang che u" sofa a ka ṭhutthlak rualin ati ram deuh hmak a. Thunder thung chu chhuah inpeih atin ka ṭhutna bulah a ding khawng luah thung.







"Chumi sawi tur ringawt chuan ilo kal a. Min rawn phone thei reng bawk a" Thundera ati sup chu a nu lam ka hawi nghal a, enge a hmelah sawn a ngaihtuah awm pawh ka hrethiam lo, min melh tak khui ringawt a. Min ngaina lo chu zawng chu ka hriat awm chhun.







" Kalo kal thei lo ami?" Zawhna mitmengin keimah zawk min melh nghal haw.






"Chulam ka sawi tum anilo tih i hriat kha" ka chhan hmain Thunder-a'n a rawn ti zui vat a.






"Nupui i neih hnu hian min tlawh serh riau. Nge innu hian a khap bet zawk che" awi a ṭawngkam hman duhdan hi thin a khei ṭhin. Min ngai thei lo viau anih pawh hian a ṭawngkam hi a sum ve thei lo amawni. Nge min ṭawngkhum chak reng reng hian a khat liam zawk pawh hi ka hre lo ve.






"Ka nu" Thunder-a'n ati deuh hrawk chu ka sawi dik lo ami tih melh tak hian min melhin ka hria.







"Eng hun special mah a awm hran lo. Tlai lamah chuan lo kal ang che u. I inpeih tawh chuan kal ang min thlah kawi angai" nem lem lo takin ati zui leh zat a. A ding nghal hluai bawk.







Alo kal chang pawh hian ṭha taka biak a lo lawm hi duh ṭhin viau mahila ti hlei thei lo tur hian ṭawngkam hi min neih khum hmasa ziah zel. Chuan mo sual nih ka hlawh phah zel bawk a. Thundera nu lakah hichuan insiamrem hi a har ve thlawt. Inveng rana khawsak hi angai tlat zel hian ka hria.







Pawn thleng ka zui chhuak a. Chhum zing deuh chiai hian boruak ati vawh mai bakah ka awm ati nuam lo ṭun.







"Lut tawh rawn hritlang i kai ang" ti supin ka chalah a rawn fawp zauh a. A nu dinna lam ka melh nghal vat a mahse alo ṭhulut fel vek tawh a ka thaw huai thei. Min han hmu leh ngat se min ei lo leh dawn tih ka chiang sa.







"Ka rawn bia ang che" ti supin a ṭhulut ve nghal a.






An tlan liam hnuah ka lut ve ta chauh.







"Mami tiffin lo siam rawh aw ka nau tlawh turin ka kal dawn a" ka inbual zo lu tuam bur chunga choka a ka penluh rualin ka ti nghal zat a. Hostel a awm a inlam ei tur chak nat zia hi chu ka hre ve kar chu vanga kensak duh pawh ka ni reng a.







"Aw le" tihpahin a chet chhunzawm nghal mial mial a.







..................

"Papa i buai em?" Pawna ṭhutna kan dah a ṭhu tawm kakin kati lang lang a. Chhun em pawh ala nilo a ka beleh nghal ringawt tawh. Mahse nitin a kan tih ṭhin ziah dan anih vang hian alo hian ka awm thei lo ni berin ka hria. Ani pawn ka biak hun awm ang vela ka biak loh chuan a rawn call hmasa ziah tho.







"Ka ngai che" atih thawp sut rualin ka nui nghal var var. Min ngaih thu a sawi hian ka chhungril aṭang hian ka hlim veng veng zel.







"Ka kal chhuak har tawh lo ang aw"







"Umm fimkhur la, lovie meeting ka nei dawn a dah phawt ang aw" a rawn ti sup a thaw hapin ṭha deuh a hnathawk turin ka hrilh a phone ka dah zui nghal a. A aw ka hre zo chauha ka ngai lehnghal ringawt pek. Keipawh hi ka zuau deuh mah mah chuan ka hria.







Thlamuanzuala ka nei hi tun thlengin inchhirna tur kala hmu lo. Engtik laipawn ka hlim loh a hlau em em reng a ni tawp.







Rai hi ka hua kati dawn nge alakah ka pangchanga, ka zuauin ka thin achhe em em bawk a. Chuta karah ka khirhin enkawl ka hahthlak em em tih pawh ka hria mahse min dawh tawp zel.







Ka hlim bawka ka taksaah pawh alang viau. Keima tawkah ka mar nalh ve tlat. Mihring hi kan rilru a hahdam phawt chuan kan lo hrisel thei lutuk. Rilru hrisel loh chuan taksain a tuar vat zel tih ka hre chiang ve viau bawk.







Ka kawrlum hak pawt ṭha sawk sawkin inchhunglamah ka lut vat a. Tukin lama ruah tla sek khan boruak ati vawt zual vek.







"Hey" thingpui ka siam mawlh mawlh laiin hnunglam aṭanga rawn ti thuttu an awm avangin phu zawkin ka hawi dawrh a. Julie ṭhen sawngin ka hnungah alo ding reng chu niin.







"Min ti phu a lawm" aw ka nem vak lo va ti hlakin ka awm ka dawm zui vang vang. Ka thin ala phu zaih zaih thei.







"Enge kalo luh lai pawh i hriat loh tehreng ni" tih zat zat pahin chair a pawt chhuak a aṭhuthla zui nghal zat.







"Enge thawm nei lova ilo luh tehreng. I duh ve dawn em?" Ka ti zui nghal zat a.








"Ka rawn puar sa" a phone khawih mual mual pahin ati sam et.







"A hrim hrimin nula innei ve reng sia i nau neih a hnai tawh chung hian che che suh i inti sual palh ang" min ngaihtuah thei lutuk hi ka chet ve hlek a hriat hi chuan alo thinrim ṭung zel. Kan inneih hma kha chuan awmpui a nei ngai miah lo. Mahse kan innei a ka puar ul tawh bawk nen engmah tih a phal loh avangin awmpui kan la a. Mahse a awm lohlai chuhin ka tih theih ang ang hi chu ka ti ve ziah tho. Awm mai mai hi ka thei thlawt lo hrehawm kati tlat zel. Bakah ka taksa hian a ngeih lo zawkin ka hria awm awl leh lutuk hi.







"Khawnge a awm hrim hrim a?" hawikualin ati zui leh zat.







"Inchung pangpar vel a buaipui anihkha, bakah mahni thingpui in tur siam thei lo tur khawp a no ka nih loh hi" ka ti bak ve hlar chu a nui ringawt. Min ngaihtuah tih ka hria ka lawm tho a aw ka hi nem vak ṭhin lo mahse.







"Ngati nge hna i kal loh a?" thingpui no chawi chungin ka ṭhutna tur ka pawt chhuaka ka ṭhuthla zui ve nghal. Thildang ka sawipui loh chuan a in ang tui leh vak mai ang..







"I phone kha dah teh biak theih lo hian khawih ziah mai"







"Aw thinchhenu ka dah dawn" tihpahin a nui hak hak. Phone hi akhawih peih leh lutuk ṭhin hi ka ning leh tlat zel. Biak theih loh hian a bur chawt zel.







"Ka nu in check up ka hruai a chawlh ka dil ta mai, mahse hei kan rei lo leh phian sia. Ka nu ka hawpui zet hnuin kalo leng chak thut a kalo kal" a phone a bag ah a thun nghal thak a. A nu chanchin ka zawt zui nghal a, a pum lam chian loh thu a sawi nghal vat. Vei neih hmel deuh hian min melh zui ngar a.







"Min hrilh duh i nei em?" No tlang tuai kual hauh hauhin ka ti sep a. A hmel awmdan a siamṭha nghal vat a a nui sak. Ka ṭhiannu a ni a ahmel awmdan zawng zawng aṭang hian ka man hneh ve tawh lutuk thil pawimawh a awm leh awm loh hi chu.








"Aaa....ih Uropuia nen in inhmu leh tawh em?" ngaihtuah hmuk hmel fein a ti nghal a. Ka lu ka thing ringawt. A party kan kal zan bak kha kala hmu leh lo hrim hrim. Kha zana thil thleng pawh kha Julie berin engmah ahriat ve miau loh avangin kan sawi chhuak leh tawh lo hrim hrim bawk. Hun alo liam ve nual tawh bawk nen sawichhuah ngaiah ka ruat tawh lo ani ber ang chu.







"Inpa khan hna aṭangin aban zui ta sia"







"Nia, a ban emaw ban lo emaw pawi kati lo ve ve. Mahse Papa tan ahnathawhna hmuna hmuh reng kha a chakawm fahran lovang ka chunga alo khawsak tawh dan ngaihtuahin. Aaa sawi tawh lo ang hun aliam hnem tawh emai" Min chhan tuma a an zuau laiin door bel a rawn ri a. Ka hawn tur thu sawiin ka thawhsan a.







"Kalo kal" an hmeh rik sek vangin kawngka lampanin ka ti phei lang lang a. Kawngka ka hawn rual a Uropuia lo ding ka hmuh rualin ka ang nghal pham. Inthlahrun hmel lutuk a min melh chu ka awmdan ka siamṭha nghal vat.






"Enge i duh?" ka ti chang nghal fal. A hmelah a inthlahrung tih ka hre tho nain ka aw chhuak ka control hman thlawt lo.






"Tunge a?"choka aṭangin Julie-in a rawn tih lang lang rualin ka kut a rawn ban a ka hnunglamah ka dah nghal vat. Choka aṭangin Julie a rawn chhuak zui a, a lam hawi vatin ka dinna aṭangin ka tawlh sawn a. Julie-in Uropuia hmel a hmuh rualin a meng phar nghal awk.






Uropuia lam ka hawi rualin a mitmeng aṭangin min warning nimai hian ka hria. A hmelah min hrilh duh anei tih ka hrethiam bawk. Mahse ka biak zui leh hmain a kal tur thu sawiin a pensawn zui nal nal chu hamhaih lutukin ka thlir zui ta reng. Helai alo thleng tawh a engmah sawi lovin a kal zui leh daih chu a hrilhaithlak ang reng viau. Mahse kalo dawnsawn dan pawh khan a zir chiam chuang bik silo.







"Enge alo tih dawn a?"






"Ka hrebik lo engmah pawh a sawi lo." Ka ngaihtuah ngial pawh hian enge alo kal chhan tur awm ang hi ka hre lo hrim hrim. Ngaihdam min dil tura alo kal chu ka ring lo hulhual.







"E, Ruatdiki ka tlawh dawn a lo kal vela"zangkhai vahin living room lampanin ka ti zui lang lang a.







"Pawi hleinem" ati sam et. Thlemsami hi ani ringawt. Kal chhuahpuia sawm hi chuan a inpeih at reng zel. A harh vang chi hi a ni ve hrim hrim bawk a.







Ka insiam tur thu sawiin room lamah ka chhohsan a. Insiam chiam ngai pawn ka hre chuang lo ka thawmhnaw haklai thlak hi a ni deuh mai. Inchei chiam hi ka nulat lai aṭanga ka peih vak loh kha ania. Tun thleng pawh hian eng emaw thil tihpui bikah kan kal dawn anihloh chuan kala simple viau zel.




.............


Taxi kan chang dun khar a, a vang viau lehnghal a. Bus a han inhnawh vel ka zuam viau bawk silo. Eitur ka kensak nual bawk nen reilote chhung din hlek pawh hi ka taksa rih vang aniang ka ke a kham nghal ut ut zel. Ka tei nasat deuh phei chuan zan lamah hian ka nuam lo ru ṭun ṭhin. Mahse ka sawilang ngam ngai lo, ka nuam lo tih Thunder-a'n a hriat chuan ka che ve deuh tih ahre tel bawk anga ka chungah a lungawi dawn lo lutuk tlat.







Julie phone a ri ral ral a. A bag ahai rawk rawk a, a phawrh mai thei lo phun deuh hlak hlak chu ka nuihpui ringawt. Kan pahnih hichuan inkawm awm reng pawh hi kan ni kan thinchhe dun si.







A phone hmang lar lar chu a bula ding chungin kan chhehvel kalo melh kual chiam a. Chhum zing deuh chiai hian ka awm ati nuam lo zual vek. Ka biang ka dawm a a hit thler tawh. Ka thaw khu deuh hlat hlat chu eng emaw zawng takin nuam ka ti vei phian a. Christmas a hnaih tawh hmel riau hian ka hre tlat pek. Thlasik lai lo chuan han thawkkhuk hlut hlut nachhan tur khawvawt hi a awm lo ve bawk em a. Ka ngaihtuahna naupangchhia zet avangin keimahin ka nui deuh var var reng a.







"I mawl a mi?" Julie-i'n min melh haw chungin a rawn ti hlar a, ka ngaihtuahna aṭangin ka harh chhuak ve chiah. Nutling anga chhiar theih chu ka ni ve tawh sia, mahni a lo khik tak vur vur chu ka mawl hmel dawn riau hian ka hre ve tho mai.






"Fel min hrethiam rawh ka haw angai" a phone a bag ah a thun nghal rawk rawk chu kalo hlauthawng ve nghal ringawt.







"Enge i nu a nuam lo zual thut ami?"







"Aw a nuam leh vak tawh lo aniang. Min hrethiam mai rawh aw" ka chhanna pawh nghak lovin hmanhmawh lutukin kawngpui a kan nghal hlawk hlawk chu ka thlir zui reng. A nu chu eng em ati lo ang chu maw. A hmanhmawh ruai danah kha chuan aṭhat viau ka ring hran lo. Ka rilru a ti nuam lo ve nghal vek bawk.







"Khalai raipuar nu kha" aw rawn chhuahna lam ka melh rualin Leumas ka lam rawn pan ka hmu nghal zat.







"Khawiah nge i kal dawn. I inkhai bawr bawk sia" ka bul a rawn thlen rualin a rawn ti nghal a. Ka nau ka tlawh dawn thu ka hrilh ve nghal zat.






"I pasal thikthu chhe deuh kha inhruaitir ta che" a mithmul kan zauh zauhin a rawn ti sup a. Ka nui hak. Thikthu chhia, a sawi dik reng a thikthu hi chu a chhe ve thlawt. Tunah pawh hian Leumas nen min hmu dun ngat se a lawm lo leh viau ang. Mahse ka û leh ka ṭhian anga ka en anih vang hian ka ngai pawimawh hran lo.







"A hna a buai thei lutuk a pawh buai ka inthlahrung ve alawm" ti sep sepin ka ṭhen zui sak a. A ni pawh a nui ve suk suk tho.







"Kalo hruai dawn che mi?"







"I hman maw?" Ka ti nghal hu. Taxi vang lutuk chan reng aichuan ka chak zawk daih. Mahse mi buai ve tho anih avang hian a tih tak tak pawh ka ring lem lo.






"Hman nang" ati sam et. Ka rin sa reng kha nia mak pawh kati vak lo.






"Tak takin vawiin chu ka free, i driver ah ka ṭang thei ang" a mithmul kan zauh zauhin ati zangkhai vah a. Lehlawi si chuan. Senior pui si hi a chimawm hi a sim thei thlawt lo.






"I nghal si" ti hlakin a hnungah ka beng nghal thlawrh chu a nui nghal hawk hawk.






"Tahkhan lo awm rawh car ka rawn la ang" ti supin a pen sawn zui vut a. Leumas-a'n min hruai theih dawn phawt chuan aṭha hlei hlei sum sen angai dawn lo animai a.







Ka bula car a rawn dintir rualin kawngka chhung lam aṭangin a rawn hawng vat a. A car hnunglam a an din ve ṭhup avangin rang fahran a pan pheiin ka lut zui nghal vat. Taxi chhan chhung reilote pawh khan ka ke a ti nuam lo nghal vekin ka hria, a mar deuh pung a. Ka pheikhawk bunlai tlawh phelh sawk sawkin ka per nghal dat dat.







"I ke a na ami?" ti supin steering her kual mawp mawpin ka ṭhutna lam a rawn hawi zauh a.






"Aih a kham satliah" ka lu thing mat matin ka ti nghal vat. A lu a bu zui ve nghut nghut.




..................


Ruatdiki te hostel kan thlenin an fate tlawh ve ho pawh anlo awm sap sap tawh. Mahse khua anawm loh vang nge nidanga ka tlawh angin an rak chel chul lo.







"Û" car aṭanga ka chhuk rualin ka nauin a rawn ti nghal ṭunga. Ka nuih nghal var var.






Kan lampan a a rawn pen phei hlawk hlawk chu car bula ding chungin ka thlir reng. Ka nau pawh hi alo nula ve tawh khawp mai. Ṭha taka lehkha azir chho zel anihchuan kei ang lo takin a hlawhtlin hi ka ring nghet bur. A nungchang aṭha a kei ang lo takin a dam dap bawk.






Leumas-a'n ka eitur kensak ho a khai chhuak a, Ruatdiki'n alo ban nghal vat chu ka nui hak.







"Û hostel chaw hi ka ning reng a ni" ti hliaiin lawm hmel fein a nui nghal var var.







Hostel chhunglamah kan inzui lut a. Kal pah a aṭawng siam siam reng chu ngaihthlak nuam kati. A awmna hrehawm ti awm pawn a awm lo hian min ti hahdam huai bawk.






"Bawihte hrehawm iti em?"







"No....tilo lutuk. Kan warden hi a fel tawp bakah ka ṭhiante awm an awm ve nual alawm" eitur hmawm zauh zauh pahin ati lang lang a. A nui leh var var ṭhin. Nuam atih chuan keipawh ka hahdam animai. Ka nau hi ka neih chhun liau liau anih tawh avang hian hrehawm tuartir hi ka phal lo bur.






Leumas an kan thusawi alo zawm ve zauh zauh tih loh chu kan unauin kan ti ti barh barh reng a kan nui leh hak ṭhin. Kan unau chauh pawh hian kan hlim ve thei viau.







Intlawh hunchhung a zawh tawh avangin pawn lamah kan inzui chhuak hlawm a. Hun hi alo liam leh duak duak ṭhin.Ka nau in enkawl tha tur leh lehkha zir ṭha turin ka chah mawlh mawlh a.







An ṭhianten an rawn auh lang lang takah chuan a kut vai zauhin hostel lamah min letsan a ka mittui a hnai ringawt pek. Reilote chauh tak tak inhmuhna hun hi ani ṭhin si, ka ngai ve em em tho bawk si.






Leumas car a ka ṭhulut tur chiah ka phone a rawn ri ral ral a ding leh ren rawnin ka phone ka bag aṭangin ka phawrh a Thundera hming alo lang va va. Leumas ka chhan tur thuin ka mitmei zauh a.







"Aw papa"







"Khapa nen khan khalai hmunah khan enge in tih?" A aw rawl ring lutuk chu ner nangin ka phone ka melh nghal haw.






"Hetah i awm maw?" Ka ti sep a ka hawikual nghal vat bawk.






Hostel gate bula a car inhung ka hmuh rualin ka phone ka hmet tawpa.






A car kawngka a rawn hawng a, khar zui leh dawpin kan lampanin a rawn pen nghal pawk pawk chu kan dinna aṭangin ka melh ngar.







Min hruai a tum thu kha chu a sawi ngei a mahse min hruai turin ka phone si lova tunah hetah a lo awm der bawk si.






Kan bula a rawn thlen rualin mitmeng dur khup aṭangin boruak ṭha ka hmachhawn dawn lo tih ka hre nghal. A lawm loh viau chhan chiang takin ka hre bawk. A hrehawm ka ti Leumas ruala kal miah lo tur kha ka ni asin le. Amah ka hmuh apianga a thinrim ziah pawh ka hre ve reng si.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)