THLAMUANZUALA (18+) BY Hmuaktei Fanai‎ (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 14893
Joined: April 30th, 2016, 4:07 pm

Re: THLAMUANZUALA (18+) BY Hmuaktei Fanai‎ (Completed)

Unread post by Ngaia » August 30th, 2020, 9:27 pm

THLAMUANZUALA









Chapter-19









A hna ka ngaih pawimawh luatah min hruai a tum kha ka hnial fithla ṭhak a. Leumas ka zui leh tho si hi a lawm dawn lo tih pawh hrilh chawp ngai lovin a hmelah hian a lang chhuak vek.







"Bawiha innu i rawn lam dawn ami?" nuihza insum lutukin Leumas-a'n a rawn ti sup chu ka ip nghal chawih. Thundera rum nghut rualin Leumas ka mitmei nghal vata. A hrethiam ani chek ang chu a bu nghut. Thundera thinrim hmel dur khup tawh nen a thinrim tizual zawng chuan khawsa lo hram se ka ti ngawih ngawih.






"Haw ang" ti bul vutin ka banrekah a rawn vuan chawt a. A car hunna lamah min kai phei nghal dawt dawt. Leumas lawmthu hrilhna hman pawh ka nei lo. Thei leh thei lovin ka hawilet a a nui suk suk ka hmuh rualin ka hahdam huai. Engkim a hrethiam ve tho ang chu.







Eng ang pawn min thinrim khum se sawi theih ka nei lo. Ka thiam loh vek tih ka hre ve kar. Buaina arawn chawh chhuah loh avang pawh hian ka lawm ngawih ngawih zawk.






Kawngka a hawng a ka luhna tura tawlhsawnin chhunglamah a thle buk a. Biak chakawm loh khawpin a hmel a tak ngul bawk nen ngawi rengin ka ṭhulut nghal vat. A rawn ṭhutluh ve rualin car a ti nunga a dawk chhuak nghal zawk chu ka meng phar deuh awk. A khat tawkin a thaw chhuak leh hrawih ṭhin chu chuan a bula awm min ti tim vek bawk. Tunah tak hi chuan ka pasal min hmangaiha min duat em em tu kha hmuh tur a awm lo hrim hrim. Ka cho chhuah a ni tih ka hria a, ka inthiam lo ru ṭun bawk.







Steering hum ngur a a her kual mawp mawp chu ka melh zauh a biak a chakawm loh khawpin a hmel a rum ul a a khat tawkin thin tawt hmel lutukin a thaw chhuak leh hrawih ṭhin mahse ka sawipui tho angai.






"Papa" tim dekin ka ti sep a lo hawi chu sawi loh ka kohna hria ang pawn a awm lo hrim hrim. Car chhung boruak dang min chenchilh tlattu hian min ti dam lo thei takngial dawn.







"Sorry" ka ti leh sep a. Ala ngawi reng. A motor khalh chauh ngaihsak niawm fahranin hmalam a melh ngur a. In kan thlen hunah ka sawipui leh zawk mai ang. A lungawi loh zuallaia ka biak reng chuan a thin ka tirim zual ang. A thinthawk nat zia hretu ka ni a, ngawih hrih hi a finthlak ber zawk ang.






Kawngtluanin tu mah mah kan ṭawng tawh lo ve ve. Ngawi renga rilru helhkam nei ṭun a awm dun chu thil nuam zawk zawk ani lo bawk.







Kan inkawt kan thlen rualin ka chhukthla nghal vat a. A inhunremna turin ka tawlhsawn dat a, mahse gate lamah a dawk chhuak lehnghal chu mak ti lutukin ka ang nghal pham.







"Lut rawh" glass down in a rawn ti hluk a atlan chhuak leh nghal daih. Hamhailh lutukin ka hawi lawl lawl hi a ni ber.







Muangchanga inherin inchhung lam ka pan bek bek a hrehawm tihna in min tuam hlup hlup. Inchhung ka pen luh rualin kan nulain min lo chhawn vat a, ka inthlak tur thu sawiin room lamah ka chhohsan zui nghal a. Tumah han biak lulam chiam ka chak bik lo.







Khuma ka bag dahin ka ṭhuthla hnak a. Ka rilru anuam lo ngawih ngawih. Kan haw kawnga biak ka tum lahin min chhang duh bawk silo. Tunah lah engmah sawi lovin a chhuak zui leh daih bawk si.






Ka banreka sana ka bih zauh a dar 2 ala rik loh hret avangin hna lamah a let turah ka ngai ve tawp. Ka thiam loh a ni tih ka hria, ka chungah thinrim viau mahse thinrim khum ve turin dikna ka nei lo, a lungawi nan a ṭha taka sawipui bak.




...............




Room-ah ka vei tawn sek tawh. Tunah dar 5 ari dawn a vawikhat pawh min la rawn be miah lo, ka ṭhu hle hle thei tawh lo. Nidanga min rawn biak a hun daih tawh. A lung ka tih awi loh avangin ka be hmasa ngam bik bawk silo, kapa te in lamah chaw ei tur a kan kal a ngai bawk a. Amah lah chu a reh vung vung si. Ka rilru a buai kual vek tawh.






Inhnuaiah chhukthlain pawn lamah te ka nghak leh ṭhin mahse nghah chhuah tih a awm thei bawk si lo. Khua a tlai zo vek dawn takngial.






"Mami i eitur chauh siam mai rawh aw kapate in lamah zanriah kan ei phei dawn a" choka ka penluh rualin ka ti nghal vat a.






"Aw le, inla kal dawn lo ami?"a thil tihlai chawl meuhin min en hu chu za vak loin ka nui lui sak. Ka hmel aṭangin ka awmdan a hriatthiam lohna turin pangngai taka lan ka tum hram hram bawk.






"I pu alo la haw lova" ti vatin fridge lam ka pan a, tui vawt la chhuak nawlhin ka in nghal khawlh khawlh. Ka kawchung sa deuh huam huam hi a ziaawm phah der chuang bawk silo. Keimah inthiam lohna nen ka nuam lo ru ṭun mai.







Room ka penluh rualin ka phone ri alo tawp ve chiah chiah. Khum lam ka pan a ka lak kan rualin a ri leh nghal zat. Thundera hming lo lang va va ka hmuh rualin ka thaw chhuak nghal siai siai. A thinrim tawh loh beisei zetin ka pick vat a.







"Nangmahin lo va phei ang che ka rawn lam kual hman lo che" ti hmukin a dah leh nghal daih anihchu. Kalo beisei ang chu a thleng lo ve chiang khawp mai. Ka hnual nghal rawih rawih thei. Ka heh hnuailam ka seh vak a, ka chal dawmin ka thaw leh hap ṭhin. A ṭha vekah ngai ang min la rawn be tal alawm.







Thawmhnaw lum lam la chhuakin ka intawlh sawk sawk a. Hmundanga kal kual chiam tur kan nih lem loh avangin ka inthuam vak peih lo. Ka lum ṭhat chuan a tawk ka ti viau mai.






Darthlalang hma a dingin ka taksa ka thlek kual vang vang a. Ka hmel pawr deuh phang nen ka lang nalh fahran lo khawp mai. Ka hmaiah hnawih lo ai tak takin make up ka tat thuak thuak a. Ka bag ah ka mamawh tur ho ka khung khawm leh zung zung a, ka hman chu a ni der. Mahse keimah a inpui lam ka pan angai dawn chu chu ka huphurh ber thil a ni. Ka tlangnel chiam bawk silo.






Inhnuai lama muangchang chhukin kan nula ka kal tur thu ka hrilh hnuin pawnlamah ka pen chhuak a. Muangchangin thawk ka la zui siai siai.




............


Taxi ka ṭhulut tur chiah Thlamuanzuala car in min rawn tlanpel fua chu ka hmu hman chuan hmeichhe phurh a nei tih chiang takin ka hmu hman bawk. Min rawn lam hman loh thu kha a sawi a tunah ka hmu leh tho si. Nge hna thilah an chhuak dun zawk.







"Ka pi ilo kal dawn nge dawn lo?" Taxi driver in arawn tih rualin ka phu deuh zawk.







"Aw kal dawn e" ti nawk nawkin ka ṭhulut nghal vat a. Ka kal duhna hmun ka hrilh nghal zat bawk. Ka awm chhung ami hi engtin a maw hian a awm a, ka pik churh bawk.






Glass down in ka dak chhuak vauh vauh a. Kan tlanpelh apiangin min ti tawt zual nimai hian ka hria. Thlamuanzuala hmeichhe phur ka mitthlaah a rawn langa ka thin phu ati rang nghal zaih zaih. Ka awm dawm vang vangin thawk kala vak a ka hahdam phah chuang lo. Mahse engmah hriatchian hma a ka ngaihtuahna vah kualtir vak ka duh loh vangin ka biangah ka beng nghal thek thek a. Driver in front mirror aṭanga mak tih hmel deuh a min en chu ka nuih ringawt.







Inpui thlen hma deuhin ka dintir a pawisa pein ka chhuak zui nghal zat.







Ka phone bawk rawn ri leh chu ka bag hai rawk rawkin ka phawrh a Upuii hming ka hmuh rualin ka ka ṭhen zui sak.








" Aw"







"I lo thleng har bik lutuk a, mama tepawh anlo thleng der tawh ania" a rawn ti zangkhai vah a.







"Kan" ka ti zui sep. Nichin a a hmeichhe phurh kha a tel ve turah ka ngai nghet nghal hmak. Ka thik a ka thin arim tel ṭun bawk. Ka thiam loh hmasak zawk avangin ka thinrimna tilang ngam tur ka nilo tihpawh ka hre tho mahse ka thik lutuk hi ka mumal lo zo vek.







"Fel ila awm em?" Lehlam aṭanga a rawn tih lang lang rualin ka harh deuh zawk.







"A... a aww kalo thleng animai" ti buh nuaiin ka pen zui hlawk hlawk a. Pangngai lo lutuk a Thlamuanzuala chhung te hmachhawn ka hlauh avangin in thlen hma zawngin keimah ka infuih mawlh mawlh hi a ni ber. Awmzia a awm lo kher bawk. In lam ka hnaih tulh tulh a ka pangngai lo tulh tulh hi a ni ber.






Kawngka bula ding vangin ka awm dawmin thawk ka la vak a. Ka kut hum vakin kawngka ka hawnga,
in chhung ka penluh rualin living room lama Thlamuanzuala nu mei rinawm Muanawmi leh Thlamuanzuala ṭhu dun ka hmu hmasa ber. Midang pawh an awm ve tho chungin ka duh aiin an inṭhut hnaih mah mah bawk.







Nichin a a hmeichhe phurh kha Muanawmi lek hi a ni tih ka chiang ngang bawk. A mah hi nilo se hmeichhe dang an awm ang. Upuiin min rawn biak pawh khan an thlen tawh thu kha a sawi miau a. Midang pawh an awm ve tho chungin ka duh aiin an inṭhut hnaih mah mah bawk.







" I lo thleng thei maw" Upuii choka aṭanga rawn pen chhuakin nui sangin a rawn ti vat a.







"Aw ka rawn tlai deuh a pawi kati lutuk" ka aw chhuak control ka tum lutuk nalamah ka sawi buh vek zawkin ka hria. Thlamuanzuala rawn hawi nghal vat chu rum theihpatawpin ka melh nghal vak. Ka melhna ngai pawimawh lo zet a a hawisawn hmuk chuan ka thin a khei zar mai.






An inah ka tlangnel lo tih pawh a hre reng a, keimah a kal turin min tih zui mai bakah ka thlen hnu thleng pawn min ngaihsak zuina pakhat mah anei lo hian min ti thinrim ngawih ngawih.






Muanawmi'n nuam tih hmel lutuk a a thusawi pah a a nek tawlh tawlh reng leh an thusawi vanga lo nui ve suk suk mihring sawn ka luak anti chhuak dun lutuk. Theih nise insumkarna nei miah lova sawisak dun bawrh bawrh ka chak.







"Mama iti ang lo khawp mai. Feli hi heti khawp hian arit tawh tih i hre reng a. I rawn kalsan thei ania" vui aw lek lek ati hmukin in Upuii ka bulah a rawn ṭhuthla a. An chhungkua a alanga min ṭan ngamtu awm chhun a ni hial ang. Kapa erawh thudang lo ni ta se, a nu hi chu sawibuai ngai lo min ngai thei lo tu a ni thung.







"Aa keiman min rawn lam kual buaithlak ka tih vang zawk alawm" kalo ti ve nghal vat. Ka pasal anih vanga a chhungten an dem ka duh lo mahse a thlavang ka hauh vang hian a chungah ka lungawi tihna pawh ani chuang lo.






Hun special bik pawh ani hran lo ka pain kan tlawhkhat atih vanga chaw ei khawm rawt a ni a, chuan Muanawmi pawh ka nu in a sawm a ni bawk. An duh duh an sawm thei a keiin sawi theih ka nei lo tih ka hria mahse Thlamuanzuala nen an inṭhuthnaih lutuk hian ka mit ati kham.






Chuan Thlamuanzuala chungah pawh ka lung a awi chuang lo hetianga a awm thei hi. Nge chhuna ka awmdan vang khan min runluih a chak hrim hrim zawk. Chupawh chu lo ni tase a nu leh pa awmlai lehnghalin an zak lo hi ka ti ngawih ngawih.






"Thlamuanzual" ka pain a rawn ti fak a Rang lutuk a Muanawmi'n min rawn melh chu ka lo ṭhen khum sak. Min ngei hmel ram ram khawp lehnghal a. Chawh hi ka va ti ngawih ngawih tak.






Upuii choka lampan ka zui lut ve nghal a, an hmel kha ka hmu peih thlawt lo.







An nulain leh Upuiin chaw ei an siam zung zung a. Chet ve phal hek lo an sirah kalo ṭhu ngawi kar reng. Muanseki pawh chuan rawn puih ve awm nula ni ve tho si ka rinaiin a inthlahrung lo zek a.






Chaw kan ei chhung zawngin ka awm anuam lo tluan ṭhak. Ka puar leh puar loh pawh ka hre lo, ka eiliam ve tawp. Upuii'n min ngaihsak em em reng mahse nuam kati tak tak chuang lo. Ka thlakhlelh ber chu ka pasal lak aṭanga ngaihsakna dawn. Mahse Thlamuanzuala'n ka thlen aṭangin vawikhatte mah min la be miah lo. Min ngaihsakna alantir lo hrim hrim zawk.



................



"Bawiha Muanawmi hi va thlah ta che. Feli chuan hetah alo nghak mai ang che" thei ei tur ka vel mial mial lai ka nuin a rawn ti hluai a, Thlamuanzuala lam ka hawi nghal vat a, sofa nghenchhana thatchhe zet a alu nghat chungin tak ngulin min melh ngur reng chu rei pawh en duh lovin ka hawisawn nghal vat.






"Aw le" ati sam nghal et chu ka kut ka hum ruh nghal nghek. A hnial ve ka ring a.






"Enge thlah kher angaih anni pawh an haw ve duh tawh ang chu. Amah pawn a haw ve thei reng" Upuii zawkin a fanu muhil bam tawh pawm chungin ati nghal hmak a.






Muanawmi tal pawn thlah angaih loh thu a sawi ka beisei ania. Thlah a phut hmel em em zawk tih a hmelah alang zawk a.






"A rei dawn chuang hleinem le aw. Tun anga hmeichhia mahni a tei chhuah a chi tawh loh" nem fahran lovin ka nu bawkin a rawn ti ram leh hmak. Egmah sawi ve tur hre loin ka ṭhu ngawi kar thung.






"Lo awm ang che" min melh chunga ti hmukin a ding chhuak vut a. A thusawi ngai pawimawh lo zetin ser ka vel sa hmarcha a nawr tawkin ka hmawm nghal hmak a, melh pawh ka melh let lo hrim hrim zawk.






Muanawmi a din chhuah rualin ka hawi chhuak a. Ngeiawm lutuk min rawn melh ralh ralh chu vawm pawp ka chak lutuk.






Pawnlam an pan dun chu thinrim ru ṭunin ka thlir mawl tawp.







"Room lamah ka luhsan dawn che u, Puii lo nghah pui rawh" ka nu a ṭhutna aṭanga ding chhuakin a ti vat a. An room lam a pan zui nal nal. Ka lawm zawk kan ṭhut ho reng chuan ṭawngkam mei nei zet zet kha min hman khum leh anga tunah tak phei hi chuan ka ngaithla peih lo ber hial ang. Ka awmdan nen a inrem lo viau bawk ang.





.................


"Fel phone teh ava rawn let har ve." Keipawn thang rei kati lutuk. Nghak turin min hrilh a hetiang chen chen a thang dawn techuan mite pawh rawn phone ve mai awm ania. A chunga ka lungawi lohna chu nasa tawh tak a ni.






Ka call a a ring ral ṭhak ṭhak. Vawitam ka call hnu phei chuan a reject hmak hmak tawh anihchu.






Vawiin chhun thil thleng avang khan hetiang chen chen hi kan thlen ka ring lo. Ṭha deuhin kan sawifel ve mai ka ring kha ka tisual chiang khawp mai.






"Ala thei lo" ka tih sep rualin Upuii a thaw chhuak hawk. Ka thlentirh aṭanga kan inbiak miah loh dan aṭang pawn kan inti thiam lo tih chu a hrethiam vek tawh ang. Tunah pawh Muanawmi thlah turin a chhuak a nghak tura min ti chungin tun thlengin min ngaihthah hmak bawk a. Upuii hi ka zah a kei phei chuan ka û ang tak takin ka en a alakah pawh ka inthlahrung ngawih ngawih zawk.






"Bawihtei hi ka va mut anga, keiman ka thlah dawn che nia" a fanu pawm ṭhain an room lam min pansan a.






Ka phone phawrh chhuak lehin ka call leh a mahse ka chhanna dawn zawng chu switch oof tih zawng. Beidawng lutukin ka thaw leh halh halh ṭhin.






Thinrim lutukin ka phone bag ah ka nawr lut nawk nawk a. Upuii a kawrlum ha ṭha mual mualin an room lam aṭangin a rawn pen chhuak ve chiah bawk.







An driver kaithoin pawnlamah kan inzui chhuak a. Sana ka en zeuh a dar 10 ari thuak tawh.






Upuii pawn ka hmel aṭangin engmah sawipui chiam chi ka nilo tih a hria ani chek ang chu min be tawh bik lo hrim hrim. Mahse lainat hmel deuh a min melh leh ṭhin hi keimah zawk hian hrehawm ka ti a ka inthlahrung zual vek bawk.






Inlam kan pan chhungin ka ṭawng tawh lo hrim hrim. A khat tawka Upuii inhrosa leh kuk kuk ṭhin chu ka lo ngaithla mawl ve tawp.




...................



Inchhunglam muangchangin ka pan a, kawngka hawng datin ka penlut a alo thim riai tawh. Kan nula a mu tawh ang tih chu ka chiang mahse Thlamuanzuala ve thung chu alo la haw ka ring lo bur.






Kawngka ngheng datin duh thawh lutukin boruak ka hip lut kawk a, mahse ka kham khawp lo zel hian ka hria. Thlamuanzuala min khawsak khum dan hian ka rilru mai ni lovin ka taksa zawng zawng nen hian a ti na vek. Min ngaihsakna nei miah lovin min hnutchhiah tawp a.






Kan nupa room thim riai ka penluh rualin ka mittui ka dang hman tawh lo. Chuang bik leh ngaihsak loh ni a inhriatna avangin mahni inkhawngaihnain min luhchilh tup tup a, ka biang alumthla nghal pap.






Kailawm lama ke pen ri ka hriat rualin ka ka mittui ka hru sawk sawk a. Switch awmna lampanin ka hmet eng nghal pap.







Khum lama letlehin ka ṭhuthla zui nghal zat a, Thlamuanzuala a rawn pen lut ve chiah bawk.







"Thunder" a lampan ka tum chu a ban a vai thuak a ka ding nghal dat. Vawiin lam ai khan a thin arim hmelin a hmel a dur zual bawk. Tih sual ka neih leh tawh hial amaw tiin ka ngaihtuah a mahse engmah ka hre bawk silo.








"Khawngaihin inbe lawk ang" ka luhlul chhuahin ka panlui a. Ka awm ve tih pawh hre lo ang hmakin a thawmhnaw hak lai a phelh bawrh bawrh a. A kamis hmalam kilhna a hmet pial mai thei lo chu rum nghutin a pawt hrawk a chhuatah kawrkilh atla darh nghal vek.







"Min ngaithla teh khawngaihin ka sawifiah thei" ka sawi zawh rualin ka tawlh hnung nghal dat. A hmel landan a hlauhawm lutuk, hetiang a thinrim hmel pu hian vawikhat mah kan inneih hnu hian ka la hmu lo. Vawiin lam vang chauh a thinrim kha ani tawh lo tih ka hrethiam nghal bawk.







"Khawngaihin" ka ti leh sep a.







"I ngawi thei tawh em?" Ka lam rawn pan phei mawp mawpin ka hmai bul chetah a ti vin ṭhawt a ka mit ka chhing nghal sawk. Ka khabe a vuanin min kuai dak awrh a.








"Meng rawh"







"Meng rawh ka tihchu Remruatfel." Ka ip nghal chawih. Ka meng chhuak a, a mitah min tihnat a hreh loh zia ka hmu chawpchilh nghal. Hetiang em em a ka chunga thinrim tur hian enge ka tih sual? Chu zawhna chu ka inzawt mawlh mawlh.



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » August 30th, 2020, 9:27 pm

THLAMUANZUALA









Chapter-20










Ka hnunglam a dingin a kutin ka nghawngah a vuan a, a thaw ri sawk sawk bawk chu hlauh lutuk vangin ka khur dar dar thei.







"Tuna i pum chhunga awm mek pawh hi ka fa ani tih hi ka ringhlel hial tawh" ngeiawm lutuk a atih vawt ruih rualin ka ding khawng nghal awt. Ka thisen luanglai hi an chawl vek nimaiin ka hria. Engtin nge chutiang thil chu a sawi theih zawk? Ṭawng chhuah ka duh a mahse a thusawi hian min ṭhawng lutuk a engmah ka sawi thei lo.






"Kha i mipa lakah khan uire i tum em lovang chu tiraw?" Deusawhna a khat hian a rawn ti hluk a. Ka kaihza tha a zawi nghal vek. Ka nghawng a vawnna a thlah a chhuatah ka ṭhuthla nghal hnawk. Ka hmalam a ding khawng luahin ka ṭhu nuai chu min ner khum leh sak.







Keimah a na thei awm zawng zawng hi a thusawi vangin an na vek. Tuna ka hma a ding hi chu ka pasal Thlamuanzuala kha a ni tawh lo. A hmel hmang chu a pu mahse a kawchhungah hian ramhuai an lut zawk amaw tih tur khawpin a ṭawngkam a nain, tur chak mi ang maiin ka natpui ngawih ngawihna turin a phuh chhuak bawk a.






Engtin nge tiang em em a chhia hian min puh theih zawk. Chhanlet ve duh mahila ka lei phuar beh ang tlatin a awm. Ka kawchhung nat lutuk avanga tawt up up hi a puak darh thei mai dawnin ka hria.






Ka hma a rawn ṭhu hniamin ka sam hmalama tla pawr phang a rawn hui kianga. Ka khabe a hmerin min kuai dak nghal awrh. Ka mittui a luang nghal pap bawk.







"Kei min ṭhenin khapa bulah khan kal han tum vaih teh ka that duh tak tak ang che" atih vawt ruih rualin ka insut nghal hraih. Ka mittui tla techuan amahah nghawng pakhat mah a nei lo. Min huatna bak a mitmengah hmuh tur a awm lo hrim hrim zawk.






"Tho rawh" ti leh hlukin min phih ding nghal lawp a ka bana vuanin khum lamah min hnuk phei hi a ni hrim.







"Papa" khuma min nem ṭhut rualin ngam leh ngam lovin ka ti nghal ṭiau a, na lutukin a thaw chhuak zui hawlh hawlh.






"Mu rawh"






"Mu rawh Remruatfel" inseh ruh ṭunin a ti fak a. Ka slipper bunlai tlawh phelh nawk nawkin khumah ka lawn a, ka mu tawm nghal chal chu blanket in min khuh nghal thawk.






Room chhunga a vei tawn sek leh thawk lak na lutuk vangin ka ip chawih chawih renga, thawk ka hip let leh kawk ṭhin. Hetiang em em hian ka chungah a ṭawngkam chhia a hmang duh ang tih ka ring pha bik lo. Vawiin chhuna thil thleng kha chu nidang anga kan sawifel ve leh mai ka ring kha ania. Mahse a punlun zawk zel chu a nih hi.







A vei thawm a reh deuh hnuin ka blanket sinlai ka keu a. Ka hawikual nghal thuak bawk. Couch a ṭhu chunga zu bur a inchhawp ran ka hmu zui nghal zat bawk. A thinrim em em chhan hi chhandang vang anih ka ring ta bur.






Chhun a thil thleng vang ngawt khan heti chen chen min thinrim khum ka ring lo. Nidangah pawh Leumas nen kan inhmuh chuan a thinrim ziah tih ka hre tho a mahse a hnu a ṭha tak a ka sawipui chuan a inbengdai veleh zel mai ṭhin kha ania. Tun ṭum hi chu adan adang zar.






Khum aṭangin ka chhukthla ṭhem ṭhem a, ka hlauh lutuk a reh tawh bawk a ṭha taka ka sawipui chuan azia veleh mai ka ring.







"Papa" a dara vuanin ka ti sep a. Hre awm ang pawn a awm lo hrim hrim.







Glass-ah zu thli chhuakin a thawk khat nghal pawp a, ka lo ner nghal nang nang. Engtin nge in pawh a in theih zawk ni. A in lotu zawk hi ka kawchhung asa thla hat hat zawkin ka hria.






"Ka thusawi ngaithla rawh" a hma a ṭhu thlain a banrek tawn tawn a vuanin ka ti sep a. Ngaithla ngei se ka tih avangin khawdang hawi miah lovin amitah tak ka melh khiau bawk.







Engah hmain a hmel a rum leh ul tawh. Mahse sawipui ngei ka duh, heti ringawt chuan ka awm thei lo. Hrehawm kati lutuk tlat.






"Chhun a thil thleng kha" a ngaihthlak ngei theih nan ka theih tawpin ka aw chhuak pawh kati nem.






"Ka ngaithla peih lo" ti hmukin a banrek ka vawnna a phihthla hlawk a. Kalo inring chiah bawk silo, a kutthawh na bawk si nen chhuatah ka ṭhuthla nghal dawt.





Ka tihngaihna hre lo lutuk chu thaw hapin ka hma a ngaihtuahna ding lutuk a hmang tih hriat ngawih ngawih a ṭhu run ka pasal chu ka melh mawl tawp.
Tunah hian insawifiah vak mahila a rilru kal ding lutuk vang hian engmah a awih dawn chuang lo tih ka chiang. Angaih ngaih hian ngai sela thudik chu khawihmun aṭang emaw in ala chhar chhuak ve mahna.







"Misualpa i duh dan danin ngai rawh" ti ve hmakin ka ding chhuak ṭaih ṭaih a room kawngka lam ka pansan nghal hmak. Heti khawpa ka dawh a sawifiah ka tum chung pawha min ngaithla duh lotu hi hrilhfiah tum phet hi ka bat a ni bik lo. Ka dawhtheihna hian tlin tawk a nei ve tho.






"Khawia kal nge i tum?" A aw a ring hran lo mahse thal ruah sur tur inṭham kual vel ang mai hian a rik chhuah dan a hlauhawm thung.





Ka luhlul chhuahin kawngka ka hawng lui a. Ka pen chhuak tur ka hnunglam rawn ri phei khut khutin ka kawr hnungah a pawt a room chhunglamah min phih lut nghal dawrh a, amah ka ngheng nghal rawk rawk bawk.






"Eng hi nge i hriat a ka chunga lungawi lohna tur i zawn reng?" Alam hawi zawnga inherin ka ti ṭhat a, a awm khauh ṭha zetah na lutukin ka beng nghal thlawrh bawk, cho lutukin a mitah tak ka mel let ve ngar. Ka thinrim ve thawkhat bawk a nichin a ka hlauhna zawng zawng kha chu an bo vek tawh.






"Min thlah rawh" ka dara a chelh zui leh hmiah chu ti ram hmakin ka dar ka thing zui vak bawk. Mahse a chelh nghet sauh thung.







"Khapa kha pan i tum em lovang chu tiraw" ka beidawng tawh lutuk hi ka ṭah a chhuak zawk. Thil nilo pui pui hi engvanga sawi reng nge anih.






"Engvanga Leumas nen min hmehbel ṭalh tum nge i nih?" Ti zui tuarhin min vawnna ka pawtthla nghal hlawk. A rilru a thil chhe pui pui a ngaihtuah anga nung tur hian engtin nge min ngaih theih zawk.







"Hetiang chuan ka peih tawh lo, ka chhuak dawn"







"Remruatfel" ti ṭhawtin a glass kenlai bang vawm nan a hmanga a keh darh nghal vek bawk.







"Vawikhat pawh min hlat zawnga ke pen han tum chhin teh." A hmai tuai puatin chunglam melh vang vangin a thaw hawlh a. Chumi chu remchang a lain kan nupa room chhuahsan ka tum a mahse enge thleng hi.






Ka chhipsama ṭhamin min phih lut leh dawrh a. Ka biang arik sawk rualin ka mittui a hnam nghal ṭiam ṭiam. Ka ngawng chhuih thei.







Tunah khan kut min thlak!






Ka pasalin kut min thlak!






Min duat a ka hlimna chauh duh ṭhintu khan kut min thlak anihchu!







"Papa" ka bianga mittui luang zawih zawihin ka ti nghal ṭiau!







Min benna a kut hrawl zet melh ngurin a au chhuak ṭhawt a, ka phu zui nghek bawk. Min rawn melh leh rualin hlauh lutuk avangin ka tawlh hnung nghal dat dat chu na lutukin a thaw chhuak hawk hawk reng a chu chuan amah min ti hlau zualin ka kimki nghal chawih chawih.






Ka thusawi pakhatte pawh ngaithla duh lo tu leh mahni thinrimna chauh hmuliantu hi ka haw lutuk.Muanawmi khan a thinrimna kai tho zawngin sawi a neih ka ring nghal hmak tawh. Mi hi rinchhiat tawp ka duh ngai lo mahse chaw eia tura an in ka thlen hnu leh kan haw hnu a a lungawi lo hmel hi a danglam lutuk.







Room kawngka lam pan mawp mawpin a pen chhuak a, kawngka a khar rik bur rualin a sira kan frame tar a tlakeh nghal chhuai.







Rei vak lo hnuah a car tlan chhuak thawm ka hre zui nghal zat bawk a. Chhuatah ṭhuthlain ka inhnit chhuak zui nghal hlawp hlawp. Ka rilru na lutuk hi ka at pui thei mai ang. Kut min thlak duhna rilru a pu hian na theih tawpin min siam.







Ka kawchhung aṭanga ka rilru natna inmung khawp tup tup chu vawileh khatah an rawn puak darh a aw rawl chhuah meuhin ka ṭap zui hlawk hlawk.






Chhuata ṭhingthiin ka pum dawn chungin ka khur hlawk hlawk a. Ka awm chhung a tawt a, thawk harsa lutuk chu ka thaw chhuak thei tawh dawn lo amaw ka tih hnuin ka hrawkah a ri hrawih a ka awm ka dawm zui nghal vang vang. Ka mittui vangin ka khaw hmuh a phe vek a, ka lu a hai chhulh tawh bawk.






Ka nu leh ka pahrawn inkara intih thiam lohna thleng reng ṭhin ang kha tunah keimah ngeiin ka hmachhawn ve ta. Engkim ṭha tak a sawifel ka duh a mahse engmah sawifel pui theih lovin ka chungah a thinrimna a hrithla zui a.






"Nu engtin nge ka tih ang?I fanu manganna hi hrethiam la min pui hram rawh" Mangang lutukin ka rilruin ka nu ka au mawlh mawlh reng.







"I bulah khan lo kal ve ila engkim chu aṭha vek mai ang tiraw. Nu hetianga nu pa inkar nun hman hi ka duh lo mahse ka duhthu ni miah lovin heng thil hian min man bet tlat anih hi, engtin nge ka tih dawn?" mittui tla zawih zawihin ka phun sep sep a. Ka chhanna dawn chhun chu a hma zawng aiin ka tawt zual.







Ka ṭhutna aṭangin ka ding chhuak a, kawngka bula kan nula ding reng ka hmuh rualin za lo lutukin ka ṭhen sak. Kan thawm ring lutuk khan a kai harh tepawh ani mahna.







Thlamuanzuala whiskey bur hunna lam ka pan phei mawp mawp a, a reklai a vuanin atak la awm lung chungin dawhkan hmawr zumah ka vawkeh nghal chhuai a chhuatah a baw thla nghal hawk a zu rim anam nghal rum rum bawk.






Ka banreka a tlang hriam ka nawrbeh rualin thisen a chhuak nghal puat a na pakhat mah hre lo tur khawpin ka chawmawlh vek bawk.






"Feli ti suh i inchhir ang, i naute vang tal pawh khan rilru fim put tum rawh"kan nulain ka thil kenlai min vaithlak sak nghal lawp a, engtik laiin nge ka bul a rawn thlen hman pawh ka hre lo. Ka mittui bawk ka biangah a luang leh tawh. Ka ngaihtuahna nu bulh hian ṭha leh ṭha lo thliar thiam lo tur khawpin min nawrchep vek.







Khum lama min kai phei dat dat chu ka zui mawl ve tawp. Ka â huih ti ila ka sawi dik ber ang. Min nam ṭhu a, ka banrek a thichhuak tih tawp tumin a kutin a hup bet nghal vat a. Kei ve chu hmalam ka melh ding ngar thung.






Ka banrek min tuam sak mawlh mawlh a, min buaipui ang angin ka dawh mawl tawp. Mami hi awm lose Thlamuanzuala hian ka ruang a hlawm chiang viauin ka ring.

...............





Muhil thei lovin ka inlet tawn sek reng a, ka pang a kham ṭhem ṭhum tawh bawk. Lukham bula ka phone dah ka bana dar 1 ari thuak tawh, tun thlengin a chhuak alo la let lo bawk. Ka ke za nasa lutuk nen washroom a lutin tuivawtah ka va chiah leh vang vang ṭhin.






Khum lampanin ka inthawlh leh a. Engmah ngaihtuah duh lo luiin ka mit ka chhing vang vang a, mahse ka mut a chhuak thei thlawt lo chu ka ṭhu chhuak leh nge nge.







Thlamuanzuala min ṭawngkhum dan ka ngaihtuahnaah a mal tetein a rawn lut dawt zut a thawk a sak nghal ṭalh. Heti khawp hian alakah ka intulut a, min demna tur a zawng reng ṭhin hi hriatthiam har kati. Leumas nen kan inkara awm awm anga ngai tura a ngaihtuahna suk saktu an awm hi ka ring bur tawh. A nu anih loh pawhin Muanawmi hi an nih ka ring bawk.







Lawmi ka ngaihtuahnaah a rawn lut zawk a, mahse a ni chu anih theih ka ring lo. Thlamuanzuala nen inneihtir an tum ngei mahse Thlamuanzuala'n a hnial avang leh kan in a min hmu tura a rawn kal ni bak kha ka hmuh leh tawh lo bawk, a reh zui hmak anihkha.







Ka lu thing nawk nawkin khumah ka mutthla nghal hnawk. Engmah tak tak ka ngaihtuah chhuak dawn lo tih ka chiang, ka ngaihtuahna ka vah kual tamtir poh leh a laiah a insuihhnawk vek a ka thawk lak ati sak vek zel.





Mit men nuam lo ṭunin ka ṭhu chhuak a. Thlamuanzuala khum bula tak ngula min melh ngur chung a ding khawng luah ka hmuh rualin ka ṭhu chhuak nghal vat. Nizan khan chhin khat mah ka chhing ta miah lo kha ania, ka lu ana deuh ngut ngut bawk. Ani pawh a mitmeng aṭangin ala pangngai bik lo tih ka hre thei.






Ka ban tuam bur a hmuh rualin a meng deuh awk a, blanket hnuaiah ka ban ka thun nghal vat.






"Engtia i tih nge?" Bul hmukin a rawn ti a. Chhan tumna ka nei lo. Nizana kut min thlak pawh a min ngaihsak lotu hian tuna taka ka intihnat chhan hriat atum kual vel hi ka haw hlur.






Ngawi rengin khum aṭangin ka chhukthla ka luhai lutuk vanga ka pai deuh dat chu ka kawngah a rawn dawm nghal vat a.






"Kalsawn rawh" ti hlakin a kut ka phihthla a. Washroom lampan ka tum chu ka hmaah tak a rawn ding nghal run.







"Lovie" inthiam lohna mitmenga min melhin a rawn ti thawp sut a. Ka thin arim leh phat phat tawh. Ka nem mai mai tawh dawn bik lo. Thlem ka sam thin lutuk avang hian engkim tha duak duak tura angaih hi a sim ram ram theihna tur khawpin ka awm thiam ve zia hi hre mawlh rawh se.






"Khati pawh khan min ko tawh suh hmela, tuna min ngaihtuah ber awm ang zia zanga rawn awm kual vel kha angai lovang. Chuan heihi hre rawh hunṭha ka hmuh rualin ka chhuahsan nghal bawk ang che" ti nghal ṭhatin ka hma a mipa ding ngul reng chu nek dawtin washroom lamah ka luh bosan nghal hmak. Ka thusawi khan amahah nghawng aneih pawh ka ring nek lo ve.







Washroom aṭanga ka chhuah leh hnu thleng pawn a dinna ngaiah ala ding ngul reng. Ka thawmhnaw bawm ka hawn rualin ka lampanin a rawn pen pheia ka bul lawk ah ngawi ngulin a ding nghal hmiah.







"Khawiah nge i kal dawn"? A aw ah hlauhthawnna ri alang tel. Ka chhuah tak tak a hlau ve deuh reuh amawni. Nizana min lainatna nei lo va kut min thlak duhtu hian khawnge ka kal a enge ka tih a rawn buaipui vak angai lo hulhual.







"Ka duh duhnaah" ti hmukin kawrlum ka la chhuaka ha sawk sawkin room aṭangin ka chhuahsan nghal hmak. Ka hnunga min rawn zui nghal zat chu ka ngai pawimawh peih lo.






Nidanga kailawn a kal dim thei em em kha amah ka runluih nan kher ka penthla hlawk hlawk chu ka banah a rawn vuan nghal chat a, a ban vun nemlaiah na lutukin ka piai nghal hlawk chu min thlah chiang ngang mai.








Choka ka penlut a Muanawmi ṭawng zat zat ka hmuh rualin ka kawchhung a inlum let leh but but tawh. Zingkarah hetah enge rawn tih a tum? Nge Thlamuanzuala hian a rawn hruai haw zawk.







"Feli, ngati nge i ban chu" a sawi zawh rualin ka ner nghal nawk. Chhan tumna pawh nei lovin fridge lam ka pan a tuiin tur la chhuakin ka in nghal khawlh khawlh.







"Nizan lam in boruak aṭha vak na nge?" A sawi zawh rualin ka tuiin lai ka tawp nghal chawt. Chung chu engtin nge alo hriat hman.







"Muanawm" Thlamuanzuala'n inti fel fahranin a rawn khap tum hrang ve a, ka nui ro nghal hawk.







"Leumas nen chuan inlo in kawp ve reng reng ami? Nu i nih tawh hi fimkhur ve ta che" kha fakin a rawn ti leh zat a. Tui bottle chhuata thlauhthla tawpin a lam ka pan phei buan buan a, ka inngaihtuah fim hman lo, a bianga ka ben ṭhuai rualin a hawi nghal dawrh. Ka kut a hik chhah mup bawk.























Awi henu story han tawi theih em em zia hi, chhiar man a awm thlawt lo😭





Ka type thui ve viau amaw ka tih pawh hian alo thui tawk thei thin lo hi ka submit hnu hian ka hre chauh zel....ka note a ka type hichuan alang ve dul thin sia😭keimah hi ka inngei tawp, ka inbeng hawisawk dawn😝

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » August 30th, 2020, 9:28 pm

THLAMUANZUALA








Chapter-21






Rum lutuk a min melhin a biang a dawm a keiin ka ṭhen khumsak thung. Thlamuanzuala nen a kan inkar fel lo Muanawmi'n a tuar ta hleuh mai sia. Aa a phu ve tho, a tuar tur awm tawkah ka dah hmiah. A ṭawngkam a pawlawh viau ṭhin vang a ni tel tho bawk.






"Muanawm i ṭawngkam kha fimkhur rawh" Thlamuanzuala'n ati nghal hrawk a. Ka nui nghal hak. A nupui ka nihna angin ka thlavang a hauh vel anih chu! Ka nuihzat vanga nui ka nilo, tuna taka ka thlavang arawn hauh thar vel hian mi run lutuk vanga nui ka nimah zawk.





Nuihzat vang pawh ni lova deu nan chhuat benga nuih tlawrh tlawrh mai ka duh hial.





Muanawmi a biang dawm a ding reng chu melh leh hrawkin ka kut ka lek leh uaih a a mit a chhing nghal sawk chu Thlamuanzuala a nui nghal hawk. A lam ka hawi nghal vat a nuihzat hmel lutukin min lo en char char chu niin.






"Lo nui suh Vankhawpui" ti zekin chair ka pawt chhuak a ka ṭhu thla nghal zat.





Mami hrehawm ti hmel leh che sek ka hmuh rualin kan awmdan hi ka inthlahrunga hrehawm kati bawk. Mahse Mami lakah tak tak chauh ka inthlahrung. Nizan ata tawh amak tih turin kan la khawsa zel chu ania. Hmeichhe pangngai alo ni hlauh hi kan vanneih pui anih hi.





"Pi ei tur ka peih tawh a" inthlahrung dekin Mami'n a rawn ti nghal a.





"Khatianga koh kha ka duh lo, ka hmingin min ko rawh" tih luam pahin ka nuih sak. Thlamuanzuala leh Muanawmi awm ve reng laia ṭawng zangkhai vah ka duh vanga ka aw chhuak control viau pawh ka ni reng. Engah mah ngai lo anga min hmu turin ka duh miau a.





Mami'n eitur a rawn chhawp mial mial a. Thlamuanzuala leh Muanawmi an rawn ṭhuthla ve vut chu melh nghal rawm rawmin ka ding chhuak leh nghal vat. A rawn hawi vut pawh engah mah ka ngai peih lo.





"Mami ka ei peih hrih lo min siam kep duh suh" ti hmukin chair ri rawk khawpin ka nawr tawlh a choka aṭangin ka chhuak zui nal nal bawk. He hmeichhe zak thei lo leh ṭawngkam tur a khat pai hi engvanga rawn hruai nge anih pawh hi ka hre hrep lo ve. Chuan a bulah hian engmah ka ei lul lovang. A hmel hmuh ringawt pawh a kham sa naklai hian, thil eipui chu saw tah a ni ringawt.






Ka ngaihtuahna vir zawkin choka lamah ka lut leh a, Thlamuanzuala rawn ding chhuak ve chiah chu ka ner khum saka a thaw nghal hawlh.






Muanawmi ṭhutna lam ka pan a, a bul chetah ka ding nghal hmiah bawk.






"Zingkarah hetah enge i rawn tih dawn?" Ka kut kuangkuah thanin ka ti hmak a. A thawmhnaw hak aṭang hian a walk a rawn kaltlang nghal tih te chu ka hmuhtirh khan ka hrethiam ve tho. Mahse engvanga rawn lang sek hi nge anih hi a ka ngeia a sawi hriat ka duh ve hrim hrim. Zingkar aṭangin ka mood fu lo lutuk sa a rawn ti chhe zual vek bawk.






"I hmuh ang hi animai" tihpahin a spoon kenlai plate ah a nghat dat a. Min rawn melh ve rualin a biang ka benna sen hlar ka hmuh nghal zat bawk. Ka beng na thawkhat bawk a atur ve ngut ngutin ka ring.






"Ka hmuh ang hi anihchuan helai hmunah hian hepa hmei anga rawn awm hi i chak deuhin ka hria, bakah room ruak pawh kan nei reng ania i duh phawt techuan nupui pahnih pawh a nei thei ang chu ka pawi ti reng reng lo. Kala chhuahsan vat dawn a chumi hunah chuan nupui tak tak tepawh ila ni thei ang chu" ka mit chet kual ralh ralhin ngeiawm lutukin ka ti leh hlak bawk.






"Lovie a tawk" Thlamuanzuala'n a rawn ti nghut a. Muanawmi pawn nuam ati tawh chiah bik lo tih a chet sek dan aṭang hian ka hre mai. Ni e, mi pangngai anih chuan nuam lo ti tur chu ani chiang alawm. Zing kar kar aṭanga mi in a buaina chawh chhuah nghal ringawt te chu tunge pawmzam thei bik ang. Nasa min lo ti pawh nise heihi ka in a ni ve tawh tlat a ka tih tur diktak tiah ka inngai hmiah. Pangngai takin rawn khawsa se hetianga ka khawsak bik na chhan tur ka hre lo.






"Kalo va haw mai aṭhain ka hria, chuan hei kan sawi ange Thunder ka lainat che. Chhunah kan inhmu dawn nia" ti zatin choka aṭangin a pen chhuak nghal nal nal chu hnunglam aṭangin ka thlir mawl tawp. Chhun a inhmuh leh an tum amaw? A ṭha a duh duh hmu rawh se, keipawn ka duh duh ka hmu ve bawk ang.






"Mami min hrethiam rawh ka ei chak hrih lo a ni e" a lam hawiin ka ti sep a. A lakah hian ka inthlahrung tak tak bawk. Kei ni ila ka awmna chhungkua hetiang hian awm se hrehawm ka ti dawn lutuk tlat.






"E chuan kan room khi tifai suh aw, hepa hian tifai rawh se." Thlamuanzuala ding khawng luah melh zauhin choka aṭangin ka pen chhuak a ka ni leh nghulh tawh. Thlamuanzuala pawh tih tawh naklaiin kha mihringnu kha a rawn tel leh kher bawk khan ka chauh ati zual hluah hluah.






"Rawn ei rawh, thil ei loh mai mai aṭha lo tih i hriat kha" living room ka thlen phei hmain ka ban rek a vuanin a rawn ti nghal sup chu ka kut hum nghekin ka phihthla nghal lawp.






"I ngaihtuah kha ka ngai chhete lo" ti bak hlarin rum lutukin ka melh nghal bawk a. Nizanah na theih tawpin min siama tuna min ngaihsak ber awm ang zia zanga a rawn che leh vel hi ka ngai thei der lo. A kut min thlak vang leh a ṭawngkam pai daih theih loh tur khawpa na lutuk tekha ka theihnghilh mai mai lovang.






Nizan lawkah min tihnat hreh miah lo khawpin ka chungah a thinrim a, tunah min dawh leh thei em em si hi eng rauin emaw a man anih ka ring hial. A mizia hi hriatthiam theih pawh anilo. A inthlak danglam zung zung a. Thinrimna chhan hote vangin min ṭim hrep hnuin a dam leh lawi a. Nge Muanseki sawn alo thlem hiam hiam zawk.






"Rawn ei rawh" ti nghutin choka lama min kailuh a tum chu ka ṭang tlat. Mitmeng dam thlapa min melhna tehi ka hua. A mah a awm zawng zawng hi ka hmangaih tluk zetin ka hua.






"Min ngaihtuah ka ngai lo, min thlah vat mai rawh." Ka ti tuarh chu ka phone riin a chhunzawm nghal zat bawk.






Ka phone ka hum reng ka lek kang a Leumas hming lo lang va va ka hmuh rualin ka nui nghal sak. Eng tiang pawn hepa hi awm se ka ṭhian leh ka û ni tel bawk hi biak loh phah tumna ka nei lo.






"Aw Leumas" ti zangkhai vahin Thlamuanzuala lam ka hawi zui a, a inseh ruh nghal ṭawlh ṭawlh chu ṭhen khumsakin ka pensawi zui nghal vat a.






Kawngka ka hawng tur chiah ka hnunglam aṭanga ka phone phihthla hlawkin chhuatah a vawm darh nghal vek. Ka meng nghal kawk.






"Eng thil nge i tih a?" Zam map lova melh khai khaiin ka ti ṭhat a.






A kut a hum ruh ngawt ngawt chu a kekawrbul haklai ipteah a thun zui hmak bawk. Kut min thlak leh chaknain a thisen zungzam a fan leh tawh a control anih vel ka ring.






"Khapa kha hnaih lo turin ka hrilh che" in seruh ṭunin ati hrawk a. In control a tum ve hle tih anih hmel a bek pawn ṭawlh ṭawlh danah. A thinrimna hi thlipui thawk thut thut ang vel hi ka tehkhin ber. A changin a reh duak a alo thawh lehin na lutukin min chhem nghing nghal lawih zel.





"Ka duh duh be turin zalenna ka nei, nang pawn hmeichhia kan in a i rawn hruai luh ngam ang chiah hian" choka lama awm an awm ve reng avangin ka insum ve hle tho.






"Min khaikhin suh" a rawn ti leh hmuk chu ka sa ve phat phat tawh.






"Hah....kan inkhaikhin lo tawn ang maw" ka mit ti che kualin ka ka ner nghal nawng.






"Nizana in in a i khawsak dan tekha ka lawm bikin i ring ami? Min kalsanin saw nu saw thlah turin i chhuak a, engtianga rei nge rilru hrehawm lutuk a ka nghah che. Aw chupawh chu engmah a nih lo chu tiraw, keia khawsak ve dana khaikhin te chuan. I mit hmuhah chuan uirenu ang tluk lek alawm ka nih tiraw" ka aw a ring hran lo mahse a ngaithlatu tan chuan a rik chhuah dan chu a ngeiawm ve khawp ang. Amah chauh hi mi rilru ti na thei amaw a inti anih hi. Engtiang taka ngeiawm thiam nge ka nih tih hi ka hmuh tir ve dawn chiang alawm.






"Remruatfel i pasal ka nih hi. Nupui i nihna angin awm mai rawh" ati leh hluk chu "nupui" ti nawn sepin ka nui leh hak.






"Aw i nupui ka nihna chiah hi i hre mah mah anih hi tiraw. Ka pasal i nihna hi hre ve ta che. I duh duhin min thinrim khum anga, nula i thlahin i hruai haw bawk anga. Keiin ka lo dawh mai mai thung ang, chuan mipa ka biak ve hlekin kut min thlak loh pawn eng emaw berin a tuar zel ang ava nuam dawn ve" ka sawi hnem thawkhat bawk a ka thaw nghal kawk.






"Muanawmi ka rawn hruai" ati ban chalh chu "aw eng maw i rawn hruai haw chhan i hmei turin maw?" Ka ti leh nghal hlar. Ka hmai asa vek a ka hrawk a thip hlur tawh bawk. Hetiang em em hian thinrim laiin ka ṭawng thei tih pawh ka inhre lo. Nizan a hlauh vanga khur dat dat kha keimah ka ni tawh lo a maw ka ti hial.






"Sawi lo law law rawh sawi tur i hre lo anihkha, chuan phone kha athar panga rawn lei nghal bawk ang che" ti hlarin ka biang ka hup nghal thawk a, a sa hat hat thei. Inhmu thei ngat ila chu ka ling vek theiin ka ring. A thinrim ve ai zawng zawng ka thinrim khalh vek tawh nimaiin ka hria, chuan ka thawl deuh huai bawk. Nizan ata tawh ka taksa chhung kiltin a ka pai thinrimna ka phuh chhuak ania.






"Chhuak suh Remruatfel" kawngka lam ka pan tawh chu a rawn ti chang nghal bul. A aw aṭang pawn alawm lo lutuk tih chu ka hre ve tho mahse a lawm zawng anga ka awm duam duam bik vek na chhan tur ka hre lo. Kawngkhar hawngin ka chhuak lui ta tho. Khawia kalna tur ka hria pawh ani lo, hnathawka a chhuah bo hma chu khawi khawiah emaw ka tawi khawmuang ve tawh mai ang chu. Kan inchhung boruak kha ka zo thlawt lo, ka awm peih thlawt lo.






Kawngka ri rawk thawm ka hriat rualin rang lutukin gate lam ka pan hlawk hlawk a mahse kei a raipuar in fit bawk silo kal chak hlei thei lo chu min umpha rang ngang bawk.





"Khawiah mah kal tum duh buai suh" ka bana vuan chungin a ti chhuak nghal hrawih a. Pik lutukin ka thaw chhuak hap.






"Ka hmu peih lo che i hria em" ka ban phihthlak ka tuma duh aiin a vuan nghet mah mah.






"Sorry" mitmeng ti zim sunin ati nghal sup.





"I neih zawng zawng hi ka ei dak vek hnuah ka kalsan vang vang ang che" ka ti nghal vak a. Ka ban avawnna a thlah nghal tawp bawk. Cho lutuk a mit a ka melh let chu keimah hian hrehawm kati leh tawh zawk. Khatiang ṭawngkam kha hman ka tum ani bik lo mahse min nawrchep lutuk vanga ka rilru a lang ang ang ka sawi chhuak ve tawp. Ka thusawi vangin a mitah natna a lang chhuak nghal. Mahse ka sawi zo vek tawh ka la kir leh thei tawh lo.






Gate lampanin ka pen zui hlawk hlawk a min dan tumna pawh a nei tawh chuang lo. Ka thusawi khan a ti na ve pawh ani mahna. Nizan ka chunga a khawsak dan ngaihtuah chuan ala nep mah mah zawk. Mahse min um zui tumna a nei lo chuan min ti na zui leh tho.





Kawngpui ka thlen rualin taxi ka hmuh hmasak ber ka phar a. Ka lut nghal hmak. Thui pawh kan tlan hmain pawisa ka nei lo tih ka hre chawpchilh lehnghal. Khawia pawisa nge ka pek ang, mawl inti lutukin ka luah ka kuk nghal fawk. Ngaihtuahna neih tlem thlak lutuk.





Leumas te restaurant lam ka pan hrih mai aniang chu zing kar aṭanga hawn tho anih avangin amah pawh a awm tawh tho ka ring.





"Ding lawk teh" driver front mirror aṭanga melhin kati zauh a thuawih deuhin a ding zui ve mai bawk. Kan in awmna hi a fal ve deuh avang hian kawngpui a chep hran lova hei hian motor han din khawmuan lawk pawn buaina a siam phah lovang.





"Khawngaihin i phone kalo hmang lawk thei angem?" Mak ti hmel lutuk a min en deuh hu chu ka nui tawi tak ringawt. Mawl min ti viau tepawh animahna.
Ngawi rengin a phone min pek chu ka ban vata Leumas no chhu lut nghal zung zungin ka call zui nghal zat bawk a.






"Leumas keimah Feli dawrah i awm tawh em?" Phone a pick rualin kati nghal thawr. Han sawi hmasak chiam tur ka hre miau lo.





"Aw ka thleng chiah ilo" a thusawi lai pawt chatin ka kal tur thu ka hrilh a phone ti tawpin driver pek pahin ka kal duhna lam ka sawi nghal zat bawk.






Ka tai bawr vel nuam lo riai riai reng vangin ka ip leh chawih ṭhin. Motor a insawh deuh rualin ka tai bawr ka dawm nghal vat a.






Restaurant kan thlenin kawtah Leumas alo ding vang tawh. Kawngka hawngin ka chhuak a ka tai rawn na leh zawk chu dawm vatin ka heh hnuai ka pet nghal fun.






"I ṭha em" ka dar a rawn vuan chungin Leumas an a rawn ti vat a. Ka bu nghauh. Reilote ka ṭhut hahdam vang vang chuan ka ṭhat veleh mai ka ring.






Chuan man pein chhunglamah muangchangin kan inzui lut a. Ka tai bawk rawn na leh zawk chu Leumas banah ka hmer nghal vak.







"I ṭha chiah maw" ka kawnga dawmin chik lutukin min melh zui ngur a nuih luih ngial ka tum pawn ka thei der lo.
Sec hnih dan lek lekah sawithiam theih lovin a rawn na leh vak a, ka ding hlei thei lo mai dawnin ka hria.







"Leumas a na" ka tai dawmin ka ding khur nghal dar dar tawh. Ka thlanfim a chhuak nghal ṭiam tiam bawk a. Mipa a kara zei lo chi a ni bawk nen min buaipui thiam lo lutuk chu ka thin arim hlur tawh.






"Lo nghak rawh hmeichhia kan ko ang"






A kalsawn tur a kawrban a pawt tlatin ka ṭhen chawt chawt tawh. A na lutuk hi ka thawk a chham thei hial dawnin ka hria.






Ka kap aṭangin tui a rawn baw chhuak nghal hawk a. San a rawn pe nghal der chu ka ṭhen chawt chawt tawh. Leumas tihngaihna hre lo hawi â hu chu a banah ka beng nghal thlawrh.



...............


THUNDER POV





****FLASH BACK****




"Sir khawngaihin ka hmu lawk thei che angem?" Ka phone ka pick ruala rawn ti tu chu tunge a nih pawh ka hre der lo. Mahse sir atih takah kha chuan ka staff anih ka ring ve tawp.





"Tunge?" Nem vak lova ka tih hluk hnuin lovie ṭhiannu anih thu a rawn sawi nghal vat a. Enge min hmuh a duh tur chhan hi ka hre miah lo. Lovie vanga ka mood ṭha viau lo nen ka aw aṭang pawn ka dik viau lo tih chu a hre thei ang.






"Sir i awmnaah khan ka rawn pan ang che" a tih rualin phone a dah nghal daih a. Angaihna ka hre lo viau. Engvanga tun ang huna min hmuh duh nge anih hi ka hre hauh lo. Chuan ka awmna a hrebthlap bawk hi mak kati ru viau bawk. Hna thil chu nise hnathawhna lamah pawh a sawi thei, hna thil chu ani lo tawp ang tih a chiang nghal bawk.





Ka phone ka kekawr ipte a thunluh ka tum chu ka thun theih mai loh avangin ka phun nghal hluk. Lovie-in inpui lama min la nghah bawk avangin ka hmanhmawh ru viau.






Ka car glass a rawn kik dat dat a, hawi vutin Julie ka car bula a ding ka hmu nghal zat bawk. Lock ka hawn rualin a rawn ṭhulut chu ka melh nghal ngur. Ka rin ai zekin a ngampa kati bawk mahse sawi chhuah kher ka tum lem lo.






"Enge min hmuh duh chhan chu?" Ngawi renga a ṭhu reng chu ka ngai thei der lo.






"Sir ih eng lo" sawi hreh deuh tepawh a ang.





"Sawi vat rawh, hun ka ngah lo ka nupuiin min nghak" ka tih leh hmuk rualin ka lam hawi zawngin a rawn insiamrem zui nghal zat.






"Sir, Feli hi ka ṭhiannu a ni a" a ngawi leh dat chu ka dawh theihnain a tlin tawh lo. Rilru hmanhmawh ruk nen a pehhel rei lutuk mah mah.






"Sawi tur i hriat loh chuan chhuk rawh" steering hum ngurin ka ti nghut a. Ka aw aṭang pawn pehhel kual chiam ka ngai thei lo tih a hre chiang viau ang. Hmeichhe dang lakah hian ka dawhthei teh chiam lo ka lovie chauh tih loh chu.






"Sir, Feli hi veng fimkhur rawh" a sawi zawh rualin "eng chiah nge sawi i tum?" Ka ti zui nghal vat.






"Vawiinah Uropuia kha in inah Feli hmu turin alo kal leh, chuan Leumas a nau hmu turin a inthlah tir leh bawk a. Ka sawi tum tak zawk chu Leumas nen hian tette aṭanga inkawm chho anni tih ka hria a, chuan an inkarah hian awm a awm tih ka chiang. Ih maw veng rawh a uire mualpho hma hian. Anu pawh kha zu ngawl vei mai mai nei duh tur khawp a hmeichhe hniam anihkha. Nangmah i nat loh zawk nan leh ilo insiamrem theih nana sawi mai ka ni. I huat loh hram ka beisei" a sawi zawh rualin a nui nghal sak bawk a. A ṭhiannu ngeiin fimkhur turin min hrilh a awih tur nge awih loh tur tih ka hrethiam ta hauh lo. Steering hum chawt chawtin ka in sehruh ṭeuh tawh.






"I sawi zawh tawh chuan chhuak rawh" nelawmna tel miah lovin kati zui fak.






"Sir"






"Chhuak rawh" ka ti nghal ṭhawt chu a phu zui dawrh. Kawngka hawng rawk rawkin a petek chhuak dawrh a. Car ti nungin ka dawk chhuak nghal zawk. Hmeichhe ho hi an ṭhian kawm ngeih em em te nen pawh a engvanga chanchin in sawi tawn sak chiam zel hi nge annih pawh ka hre hrep lo ve.






Engmah dang ka thluakah a lut thei tawh lo. Ka thinrimnain min hnawh tawt up up tawh. "Uire" tih thumal khan ka thluak bur hi a luh ngut ngut bawk. Ka hmangaih leh ka duat em em ka nupui hian min uire san ang maw. Chu thil chu a thleng ngai lovang. Ka khungbeh reng pawh ngai dawn se min kalsan ai chuan ka thlang zawk.






Ka chelhbeh reng theihna anih dawn phawt chuan nunrawng hmuh pawn min hmu zawk rawh se. Mipa dang pana min kalsan thlir aichuan chu kawng chu ka thlang zawk ngei ang.



...............

A nau tlawh a duh thu a sawi a khan hruai ka tumna a hnial fithla ṭhak. Ka nupui hi ka atchilh a, engtik laipawn a thil tih engkim hriat fai vek ka duh ṭhin. Chuvanga hna ka thawhlai reng pawha be fo ka ni. A chang chuan a nin turin ka zar mah mah em tih pawh ka ngaihtuah ve fo tho. Ka hmangaih a ka duh hneh em avangin alo in ka awm thei lo ani ber, chuvang taka ka staff te pawhin nupui hlau leh zui duan duan ṭhin chhuaha min chhuah anni reng bawk. Mahse pawi tihna ka nei lo ka nuipui ka tih lungawi chhung chu ka hlim animai.





Min hnial ṭang ṭang avang khan amaha kal ka rem tihsak a, chu chu remchang alain Leumas alo inhruaitir a. Chumi hnuah a ṭhiannu hnen aṭangin eng eng emaw ka hre leh ṭeuh bawk.





Leumas-an a hruai tih chhun a min rawn hrilhtu pawh kha a ṭhiannu tho hi anih ka ring nghet hmak tawh. Chuvanga ka hna kalsan a khalai hmun kha pan ka ni bawk. Min rawn hrilh lo nise ka hriat miah lovin hun anlo hmang dun dawn ania.





Inlama ka drop hnuin hnaah ka let leh a. Hna thawh ngial ka tum pawn ka insawrbing hlei thei lo kha ania. Hrem ka duh hrim hrim vangin inpui lama ka chaw ei tur pawh ka lam hman loh thu ka hrilh a. Ka nuin ka hman chuan Muanawmi lam kual tura min rawn tur ve sek sek nen ti elhsen nan a kan in thleng pawha Muanawmi hmang zui ka ni bawk. A thik tih a hmela a lanchhuah tir apiang khan nuam ka ti veng veng bawk.






Ka thin tawt lutuk chu kawngsir rem laiah ka ding thi duk a. Au chhuak ṭhawtin steering ka chum zui bur bawk. Ka hmai tuai puatin ka thaw chhuak leh hawlh ṭhin. Engvang mahin ka kaltir ngai dawn lo tih hi ka hming ka chian tluk zetin ka chiang. Mahse chumi anih avanga a khawsak dan zawng zawng ngawi renga thlir liam duak duak ka tum hauh lo. Ka nupui a ni a a chungah thuneihna ka nei bawk.





Ka ngaihtuahna kal ding lutuk leh thinrimna avanga ka ngaihtuahna nu bulh bulh chuan chhia leh ṭha hriatna nei hlei thei lovin min siam bawk.






Ka phone riah ka ṭhu ṭha vut a, ka kekawr ipte aṭangin ka phone ka phawrh a ka nupui hming lo lang va va ka hmuh rualin ka ner nghal sawk.





Muanawmi ka thlah chung min nghak tura ka hrilh hnuin ka chhuahsan zui a. Hetah thinrimna vangin ka tangkhang leh ta reng chu a dawhthei tawh bik lo a ni chek ang chu.





Chhang lovin ka phone ka melh ngur ngur reng a. A rei deuh hnu phei chuan ka switch off zui hmak. Tunah hrih chuan ngaihsak chakna pakhat mah ka nei lo. Ka thu hriat zawng zawng ah khan lawmna tur pakhat mah ka hmuh loh ang bawkin ka thin arim hle a ni tawp.






Rei ve ngaihtuahna mumal pu lova ka ṭhut reng hnuin inlam ka pan ta chauh. In ka thlenin kan nupa room-ah alo awm reng tawh bawk a. Ka ngaihtuahna a fim miau loh avangin kut hial ka thlak phah a. A rilru na hmel kha chhiar thiam lo ka ni lo, a nat apiangin ka awm chhung ami hi sawi theih loh khawpin ana tel ve ṭhin mahse ka thu hriatin ka thinrimna leh natna control thei lovin min nawr chep vek.





Ka inhrosak khum vak hnuin ka inkhalh chhuak a. Kan inlan theih lohna chinah car chhungah ka ṭhu tlaivar ta ṭhak bawk.



****End of flash back***






**ZAWMNA**









"I neih zawng zawng hi ka ei dak vek hnuah ka kalsan ang che" thinrim tih hriat lutuk a atih vak rualin a ban ka vawnna ka thlah nghal hmiah a. Min ṭhawng ve dawt tho mahse kei hian ka hmangaih vanga nei ka ni, atan ka neih zawng zawng hi ui pakhat mah ka nei lo bawk. Min eiral vek dawn mahse pawi tihna pakhat mah ka nei lo ka bula a awm chuan a tawk.





A hmel aṭang khan a thusawi vangin a inthiam lo tih ka hmu chawpchilh nghal bawk a. Heihi ka lovie nihna a ni reng bawk, hmeichhe rilru chhia a ni lo.





He ka nupui naupang tehian a duh duh danin min thunun kual vel chu anih ber hi. Mahse nizan ka chetdan vang khan a thinrimna hi chu a reh mai mai dawn lo tih ka hria. Chupawh chu ka chingfel vat ang.





Eng ang pawn min khawsak khum se keihi a tel lova awm thei lo tur zawk kani tih ka hriat miau avangin ka dawh zel mai aniang chu.





Leumas a pan dawn tih ka hre tho chungin tih lungnih loh ka hlauh lutuk tawhna lamah inchhunglam ka pansan a bet lo zetin lo ngaihven turin ka hrilh zui bawk a. A ṭhiannu thusawi khan ka ngaihtuahna a luah tluk tluk reng chungin ka lovie hi rin ka duh zawk. Ka nupui ka hmangaih em em hi ka rin lovin tunge ka rin chuan ang. Kan inneih aṭangin vawikhatte mah min phatsan zawngin a khawsa ngai lo tih hre chiangtu ka ni chung hian engvanga kha ti teh hrep a awm kha nge ka nih pawh ka hre bik lo. Ka duh luatah ka ka che hleihluak mah mah kha ka inthiam lo hlur tawh zawk.





Room-ah ka penlut a, alo la hnawk nuai ka hmuh rualin ka ner nak a, inherin kan nula koh ka tum chu lovie thusawi ka hre chhuak a ka penlut leh nghal vat. Min hmu turin awm lo mahse a thusawi zawm ka duh. Ka tifai rei deuh a hna ka tlai deuh ta anih pawn ka lovie duhdan anih miau avangin pawi tihna ka nei hran lo.





A te te hian a awm lo chung pawn min control pha tho chu anih hi. Nui sukin room hnawk nuai ka tifai mual mual a zei tak chu ka nilo anih dawn hi. Room tihfai hi ka hriat theih chinah ka vawikhatna chu pawh ka nupui vangin. Ding chhuakin ka kawng ka dawm a ka nui leh suk suk ṭhin. Thlamuanzuala hian ka nupui tih lungawi nan room ka tifai anihchu! Room kawngka bula dingin ka thil dah fel ho ka thlir vang vanga, ti ṭha ka inti ve viau mai.






Washroom lama lutin shower ka nei zuaih a, hna kal turin ka inbuatsaih zui nghal mual mual. Tie ka lachhuak a lovie min awrhtir bertu a awm leh ta tlat lo. Ka tie kenlai melh vung vungin khumah ka thehthla a, "vawin chauh chu ka awrh lo mai ang che lovie a awm lo" ka phun nghal sup.






Ka insiam buailaia ka phone ri sek chu phun hkukin ka dahna lam ka pan a Leumas hming ka hmuh rualin ka ner nghal nawk.





"Bawiha, Feli'n nau a vei hospital lam ka panpui mek"





Hmanhmawh zetin room aṭangin ka pen chhuak a kailawn ka zawhthla nghal mawp mawp bawk. Keimah a phurna awm zawng zawng a chhuak vek amaw atih theih hial ang. "Pa ka ni tawh dawn" chu ringawt chu ka thluak burah a ri nawn tluk tluk. Chutih rualin lovie na tuar tur ka ngai ngam leh der lo.




*FELI POV*




"Ka nau neih hun ala nilo thla sarihna chiah ala ni" ka phun chhuak sep a. Ka thlantui ka nghawnga luang ngiai ngaiin ka kawr awm ati huh dup tawh bawk. Ka paitirh khan thlabi ka chhut thiam lo kha ania mahse a hnu a Upuii ka zawh leh khan chhut dan min hrilh anga ka chhutin thla sarihna chauh ala ni. Engmah hriat sa ka neih loh avangin ka hlauthawnga ka naute ka chan mai ang tih hlauhnain min tuam hlup hlup bawk.





"Leumas tlan chak rawh ka thi thei mai ang" ka puma dawm ngat ngat chungin kati chhuak hrawih. A nat dan hi sawi mai ai pawhin a na zawk. Ka thawk hip let kawk kawkin car seat ka tukhumin ka nawr tawk a, ka kawr tlang ka hum chawt chawt bawk. Ka mumal lo nuaih tawh ni berin ka hria.





"Leumas" ka aw pawh a chhuak hlei thei tawh lo. A na lutuk hi ka taksa hian thu an awih vek tawh.





Car adin dawt rualin Leumas hmanhmawh lutukin a pen chhuak zui a. Kawngka a hawn rualin Thlamuanzuala hmel a rawn lang zui nghal zat bawk.






Leumas kawngka bul aṭanga tawlh sawnin Thlamuanzuala'n min pawm chhuak nawlh a. A pawm duh lo eng ang mahila duh lohna lantir thei ka ni tawh lo ka taksa khawilai pawh hi a na tawh mah mah.






A khat tawkin ka thaw leh hawk hawk ṭhin, chubak tih theih dang awm hek lo. Eng na nen mah a tehkhin chi ani lo ana ngawih ngawih ani tawp mai. Ana chhawk zangkhai tur chuan ka naute hi ka pumchhung aṭanga alo chhuah phawt angai tih ka hria.






Ka aw a chhuak thei tawh lova, ka biangah ka mittui a luang zawih zawih bawk. Chupawh chu hru turin ka che thei lo. Pi leh puten naupai chu thalfang pai ang anlo tehkhin ṭhin. Khawchhunga thalfang pai chu thil nuam zawk zawk ani hauh lovang chutiang chiah chuan nu tan pawh fa kan hrin chhuah hma chu kan nunna a der thawng tihna anih hmel viau.







Thlamuanzuala'n ka chala a hmui a rawn nawr vang vangin ka na tuar che hlei thei tawh lo chu lainat hmel zetin min melh reng. Nau neihna room lama min dah lut tur chu rawn luhtlang ve nghal mai atum a nurse in anlo phal lo nasa ngang mai. "Ka hmangaih che pawnah kalo nghak reng ang che" ti supin ka hmuiah a rawn fawp zauh a. Thinrim khum chiamin haw ṭhin hle mahila ka hmangaih ber tho, a ṭawngkam khat lek pawh hian min ti hlim ṭhin. Tunah tak phei hichuan amah aia mamawh dang ka nei lo tih ka chiang. Mahse ka lungawi mai dawn ka tihna ani chuang lo, kut min thlak vanga a inchhir ram ram hma chu ka nawr chep ve tlat dawn tho.






"Ka naute khawngaihin ka chan thei lo" min mutthlak tir rualin kati nghal ṭiau.






"Bawihi thla sarihah chuan nau an hring ve fo alawm hlauh thawn tur a awm lo" chu aw ka hriat rual chuan ka thla amuang zui nghal suai suai. Engmah hre lovin ka naute chan kalo hlau ve ringawt kha ania. A hre zawkin an sawi takah chuan ka hahdam huai tawh.







Naute ṭap ri ngak ngak ka hriat rualin ka mu zawi thla nghal hnawk. "Ka lawmpui a che mipa i hring e. A kutke engkim a kim vek e" vantirhkoh aw ang mai a mawiin ka bengah a ri nawn tluk tluk, ka biangah mittui a luang nghal zawih zawih bawk. Mahse lawmna mittui ani thung.






"Bawihi thlakim lo apiang anih vangin kan up angai thung ang" Ka mutna aṭangin thei leh thei lovin ka inbeng kanga nurse ka bula ka naute buaipui mial mial tu chu ka melh nghal ha.






"Ngati nge ka naute chu aṭha lo ami? Engmah ka hrethiam lo" ka ti chhuak nghal nawk nawk. Hlauhthawnnain min tuam nghal bawk.






"Chutianga hlauhthawn angai lo, i naute hi ala no deuh avang chauhin ka up mai dawn alawm. Hlauhthawn tur a awm miah lo ania" hmel hmuh nuam zeta a rawn tih leh takah chu ka hahdam huai.






Ka vannei a hliam engmah buaipui belh tur ka nei lo. Cabin lama min sawnluh hnuin Thlamuanzuala hmel ka hmu hmasa ber. Upuii, kapa leh kanu tepawh anlo awm ṭhap tawh. Leumas ka hmu ve lo, mibuai tak a ni tih ka hre ve tho chungin alo awm velo chu ka lawm lo lek lek.






"Ka lawm e, ka hmangaih che"ti thum duttu lam ka hawi a Thlamuanzuala rawn kunhniamin ka chalah fawp zauhin a inla hrang leh nghal a mahse ka nui thei chuang der lo. Ka rilru akal dik lo laklawh tawh vang anih ka ring. Ka thin ala rim ṭun reng. Mahse a chhungte hmuh laia thinrim khum chiam tumna ka nei chuang lo. Ka kut a arawn chelh zui nghal vut pawh chu engah mah ka ngai duh lo lui ve tlat.





Ka nu dinna lam ka melh a alo nui ve sak chu ka hmuhsual amaw kati hial. A mo ka nih hnu a ka lam hawia a nuih hmasak ber ani hial ang. Keihi ka sual zawk nge ka lawm chuang der lo. Khati chen min duh lohna leh ṭawngkam chhepui pui min hman khum ṭhin avang khan ka hmin thei mai bik lo ani mahna.





Naute up rei ala ngaih avangin hospital kan la chhuahsan thei lo. Keimah tak phei chu insawiselna em em ka nei tawh hran lo, hospital hi ka ning hluah hluah tawh tih mai loh chu.



..............


Cabin kawngka ri rawk ka hriat rualin ka ṭhu chhuak vat a Thlamuanzuala leh Muanawmi rawn in zui lut chu ka ner deuh nawk.





Khum sir a chair-ah Thlamuanzuala zawk a rawn ṭhuthla vut a ka kut a rawn ban chu ka dah sawn deuh hmak. Mahse rawn ban lui leh thovin a hum zui nghal vang vang. Muanawmi awmlaia kan nupa inkar tihchhiat ka duh loh vang chauh a ṭanglui duh lo ka ni. A chunga ka hel tlat chung pawn min ngaihsakna lantir a ṭhulh ngai lo.





Muanawmi rawn ṭhutthlak ve rualin ka thaw nghal hap. Henu boruak ken tel rit lutuk hi ka zo lo ṭhin ni berin ka hria.
Henu nen hian kan inhmuh apiangin boruak ṭha kan nei ngai lo tih a hre reng chung hian engvanga rawn hruai nge anih pawh hi ka hre hrep lo ve.





"Kalo kan lawk thei lo che a a pawi hle mai" a hmui hnawih sen hlar pet sawi zauhin ati nem duai chu ka ṭhen sak. Pawi ati tak tak lo tih a mit aṭanga ka chhiar thiam vang ani mahna. A kam chhuak aṭanga hichuan nula thianghlim hi ani ringawt. Hetiang mihring hi ka mil hlawl lo.





"Pawi hleinem" ka ti liam ve puat. Chhan loh ai tak tak a chhang ka ni. A bulah hian ka ṭawng chak lo tepawh aniang.





Thlamuanzuala ngawi ngula ṭhuin a phone a hmet mual mual chu ka melh leh zauh ṭhin. A rawn hruainu nen ringawt hi chuan sawi tur thlawt a awm lo, bakah ka be chak chiam lo bawk.





"Lovie phone kan hmang lawk ang aw" ti supin a ding vut a. Ka chala fawp zauhin kawngka lam a pan zui a. Hna a kal mumal thei lo va, hospital lam aṭanga a thawh hi atam zawk. Ka inthlahrung ve tho a mahse Upuii te tak ngial pawn hna kal turin an nawr chhuak hlei thei chuang lo. Min awmpui tur awm tho mahse amahin min awmpui chunga thawh hi athlan zawk miau avangin ka nawrlui em em hran lo.






"Leumas nen in inkar aṭha maw?"Rei fe kan ngawih vang vang hnuin rawn ti a, a ṭhutna lam ka hawi zui nghal vat.






"Ṭha e"






"In pa hian a hmangaih hle che hi i vannei ngawt mai. I thil tih apiang hi a en liam thei zel ania" ngeiawm lam lek lekin a rawn ti zui zat.





"Enge sawi i tum" ti hlakin a mitah tak ka melh ngar. Mei nei zeta ṭawngkam hman a chin ṭhin avang hian kan in ngeih rei thei lo nita berin ka hria.





"Ka sawi tum chu i hriat kha" a ṭhen zui sak bawk.






"I sawi tum ka hriat loh vanga zawt che ka ni" ka ti veleh ta kher. Leumas chu ka ṭhian leh ka û ni kawp ani bawk a,kan inkarah chu chauh chu a awm. A dang sawikai duah tur thildang pakhat mah a awm lo.






"Inpa hian ala hre chhuak vat tho ang. Nih loh pawn a hre tawh mai thei bawk."






"Hriat tur a awm awm ka hre lo" ka ban kuangkuahin ka ti zui hmak a, ka mit ka chet kual ralh ralh bawk.





"In inkara thil awm hi chu tupawn kan hmu thiam ang chu. Uire tehi i hlau lo amawni" a ṭhutna aṭanga ding chhuakin hnai lutuk a min melh ran chungin a rawn ti kha fak a nih chu!





"Eng maw i sawi kha? Kei hi ka uire ang maw?"






"Aw uire!....i lo chawr chhuahna ngaihtuah chuan nupui pangngai ang a nun hi i tlin rei zek a." Ka kut ka hum ruh ngawt ngawt tawh. Ka rin ang chiahin min ṭawngkhum leh ta reng bawk a. Hetianga min ṭawngkhum reng tur hian keihian enge dik lohna ka neih.






"I duh tawk thei tawh em" nem lo zetin ka ti nghal ṭhat chu min ngaih pawimawh loh hmel zetin a nui zui hak. Ka thinrimna a phawk chhuak chiang kher bawk.





"Chhuak rawh" a satin ka sa pup pup tawh. Ka dawh theihna chu pan tawh tak a ni.






"Inpa kha lo let leh phawt se min hruai haw leh loh chuan." Ka thinrim in sehruh ṭun tawh chu hmuhnawm thlir hian min thlir a ni ber.






Ka puan sinlai phihthla hlawkin khum aṭangin ka chhukthla a, a banrek a ka man chawt chu a meng deuh awk. Kawngka lamah ka hnuk phei nghal buan buan bawk.






"Enge thleng a?" Thlamuanzuala rawn penlutin kawngka bula Muanawmi nen kan indin chilh ran min hmuh rualin a rawn ti nghal hluk.





"Henu hi ka hmuh phak lo vah la bo nghal rawh" kati nghal tuarh.






"Thunder in nu hi ati mah mah lo maw. Hetiang hian amah ngaihsak a kan tu hi min ti thei ania" vui aw lek lek a a ṭawng thiam lutuk te chu ka haw hlur. Keh bawrh bawrh chaknain ka khat vek tawh.






"A harsa zawng hian khawsa ziah suh Ruatfel" Thlamuanzuala'n a rawn ti nghal hluk a. Muanawmi hmelah nuam tihna a rawn lang nghal zat bawk. Keihi a harsa zawng a khawsa zawk maw kalo nih a. Engtiang chiahin nge min ṭawngkhum hre lovin Muanawmi lam aṭang thei anihchu. Rapthlak zawk hian.





"In pahnih khan chhuak nghal rawh u" kawngka nawr hawng rawkin kati nghal ṭhat chu Thlamuanzuala a meng rum nghal ul.





"Ngawhngawl zawng hlir a khawsak hi ami i tum, ka dawh ve viau chung che pawh hian awm zia a awm dawn lo" ti chang bulin ka darah a rawn man a. Muanawmi nui hmel ka hmu zui nghal zat chu ka puak darh thei mai dawn tak ngial. A mit meng ver therna a khat hi Thlamuanzuala leh a nu lakah chuan a thup thiam lutuk.





"Chhuak rawh u" min vawnna ka pawtthla hlawk a ka inser ruh nasat lutuk na lamah ka khabe ruh kual vel a na vek tawh bawk.





"Tihmawhnu" ti leh hlukin Muanawmi banrek a vuanin a chhuahpui a, kawngka a rawn khar bur rualin ka phu nghal nghek.





Ka kut hum ruh nghekin khum lam ka pan a ka ṭhuthla nghal hnak. Khanu min ṭawngkhum dan pawh pakhat mah hre lovin keimah dem kai zawkah ka ṭanga. Keimahah inkhawngaihnain min luh chilh a ka mittui a tling nghal pam.






Ka mittui dan kir tum engang mahila awm zia a awm lo kher bawk. Ka insut hraih a ka mittui a luang nghal ngawt bawk a.





Kawngka ri leh rawk ka hriat rualin ka mittui hru nawk nawkin ka hawi chhuak vat a. Leumas ka hmuh rualin ka pan vat a ka kuah nghal thlawp bawk.





"Ka naute hi tunge hau" aw dam lutuk a ti supin ka hnungah a beng thak thak a. Insum hman lovin ka inhnit zui nghal hlawp hlawp bawk. Min ngaihsaktu anla awm ve tih ka hriat hian ka zuau thar leh a ni ber.





"Naute ka neih zawh pawn i hmel hmuh tur a awm lo" ka ti nghal ṭiau. Nichin thil thleng vanga ṭap ni mahila sawi chhuah loh ka duh zawk. Ka pasalin kei aia khanu thlavang a hauh zawk kha hriattir kher ka duh lo.






"Ka tihpalh aw, tun aṭang chuan min mamawh hun apiangin ka awm ziah tawh ang bang tawh rawh le." Hetiang hian ka pasal hian enga tinge a tih ve theih loh? Kei hian ka lungawi lohna ka kal thuipui mah mah tihna ami? Engmah ka hrethiam tawh bik lo. Muanawmi ṭawngkham chhe zet zet kha lo dawh hle hle ila min kalsan miah lovang. Ngati nge thudik lo ani tih hre reng chung khan kalo dawh mai loh. Keimah ka inthiam lo hnuhnawh a hrehawm ka tihna a zual tulh tulh bawk.






"Ka tibuai cheu em?" Thlamuanzuala aw chang bul ka hriat rualin ka phu zawk a. Ka inrin hmain Leumas min kuahna aṭangin min pawt hrang nghal nawlh bawk. Muanawmi bulah min kalsan tawh amaw ka ti hman a, alo kir leh ka beisei miah lo kha ania. Tunah Leumas nen min rawn hmu dun leh kher bawk a. A hmel landan aṭang hian a thil hmuh ang hi an sawidan zawng zawng nen a hmeh bel vek dawn tih ka hmu thiam nghal.





"I hmuh ang hi ani lo" ka mittui hru tawkin ka ti nghal nawk nawk. Leumas lam ka hawi a ngaihsam hmel lutukin inkuangkuah thanin a ding reng.






"Min duhsak a thudik min hrilh tute thusawi ka awih ngai lova" a nui ro nghal hawk. A nuih aza lo lutuk tih a hmelah a lang vek bawk.





"Tunah chuan atakin ka hmu tawh bawk a, reilote chhungin helaiah inlo awm dun hman a"






"I hmuh ang kha a ni lo"






"Enge ka hmuh ang nilo chu" sehchilh runa a ti hrawkin a ban vawn ka tumna a vaithla nghal lawp. A hmel landan zawng zawng nen sawi chhuak kher lo mahse a lawm lo lutuk tih mi mawl ber pawn an hmu thiam ang.





"Leumas hrilh ve rawh" beisei nei zetin alam hawiin ka ti nghal ṭiau.






"Bawiha"






"Lo inrawlh suh" a kut lek chhuakin ati vin nghal ṭhawt chu ka phu zui chiam.






Kawngka lam a pan tur chu mittui tla phungin a kawrbanah ka pawt tlat a, ngaih theih loh hmel fe a phun hlukin ka kut a pawtthla a, a chhuak zui nal nal chu ka mittui kar aṭangin ka thlir mawl tawp.

...........




"Tunah chuan pu tak tak ka ni ve ta, ka tupa hming atan Lalpekhlua ni rawh se" ka pain ka fapa ka bula mu ve bam lawmna mitmenga melh reng chungin a rawn ti churh churh a. Kei pawh ka ṭhen ve sak. Ka pa hming phuahsak ang chiah hian ka fapa hi ka tan a thil pek hlu ber Pathianin a min pek a ni miau. Nu tan fate aia hlu hi an awm leh kher tawh lo bawk ang. Mi mit hmuhah chuan hmelṭha vak lo pawh lo ni mahse hringtunu mit hmuha ṭha ber a ni miau.







Hospital aṭangin dam takin kan chhuak a. Ka fapa pawh naute enkawl hahthlak a ni hran lo. A ṭap ngai mang lova mut a duh em em bawk. Mahse ka zei loh em avang hian kan nula a rim phah ta deuh. Engkimah ka vawikhatna vek anih avangin zirtir chawp vek ka ngai. Achang chuan ka zei lo lulai lutuk hi min nuih tawp zel.






A ni nula ala ni chung hian ati felfai thlarh thei bik reng hi amak ka ti ṭhin. Zawh pawh ka zawt ta reng bawk a. A nauteho tetlai hian a nu hriselna a ṭhat loh avanga a a buaipui nasat thu a sawi ve sep sep ṭhin.






Thlamuanzuala nu a rawn kal zing viau bawk a, mahse kala nem mai thei bik chiah lo a ni. Sual ka inti ve tho, nge fapa ka hrin hnu hian ka in la ve deuh pawh ka hre tawh bik lo.






Ka ṭhiannu ber Julie ka nau neih aṭanga hmuh tur ala awm miah loh hi mak kati viau bawk. Ka pai chhung zawng pawh a min ngaihsak ve em em si kha a reh zui hmak ania. Phone aṭanga biak chang pawn a buai thu leh a hman veleh min tlawh tur thu a sawi ziah mahse tun thlengin a hmel ala rawn lan miah lo chu ka vui ru ve viau tawh. Nawr sek sektu zawk nih ka duh loh avangin ka be sek ngai lem chuang lo. A hman hunah min hmu tura alo kal ngei ka ring tlat tho.





Kan nupa room kawngka kik ri dat datah ka harh zawk a, ka fapa mutna lam ka hawi nghal thuai bawk. Tui lutuka a muhil thaw sak sak ka hmuh rualin ka ṭhen ve sak a, kawngka lam ka pan zui vat bawk. Nau ka neih hnu hian mut ka duh thar ta riau, ka tih mut apiangin ka muhil tel ve ziah zel. Chhunah pawh mu nghek mahila ka zan mut hi a buai phah ngai chuang lo. Keipawn mak ka inti zawk.





"Feli, inleng i nei a" inthlahrun hmel dek tehian a rawn ti sep a,chal ti chuar nangin ka melh nghal hu. Tun angah tunge inleng tur ka neih awm ka hre miah silo.






"Tunge? Julie ami nge Leumas zawk?" Kati zui nghal zat.







"Nilo ve ve...mipa ania" ati ban leh chalh a. Ka bo tulh tulh. Kan in a lo leng duh tur khawpin Mipa ṭhian Leumas lo chu ka neih awm ka hre lo. Bakah a ni pawh Thlamuanzuala'n a lawm teh chiam loh vang khan pawimawh a awm anih loh chuan kan inbe tam em em tawh bawk si lo.







Inhnuai ka thlenthlak rualin Uropuia living room lama thawven hmel zet a ahawi vulh vulh ka hmu nghal zat bawk. Ner nawkin a ṭhutna lam ka pan phei a, a ep chiah sofa-ah ka ṭhu khawng nghal auh. Helai hmuna alo kal hi ka lawm loh mai bakah min melh dan leplerh zet hi ka ngai thei der lo.






Ka pasal hotel a kan thawhho lai khan hetiang mizia pu ngai miah silo a party zan aṭanga a danglam ta tlat kha mak ka ti. Nge hetiang mize hniam lutuk hi a nei sa hrim hrim anga alo inthup mawi zawk pawh tu hriat va ni suh. Mi inthup thei na laileng hi chu enge an mizia diktak hi hriat a har ṭhin chuvangin tunlaiah chuan fimkhur angai tawh. Tumah rin mai mai loh tur tihna anihchu.






"Enge i rawn tih dawn?" Ka aw a changlam hret bawk. A khawsa zia zak thei lo lutuk hi ka ngei thlawt. Zahna tlachham tih hriat ngawih ngawihin ka lam hawiin a ṭhen zui sawng chu enga mah hma a ka ben pawp loh nan ka inthunun hram hram.






"Kan inhmu khat tawh sia i ngaihawm ve tawh alawm. Naute innei tawh tih te kalo hria a" pangngai tak chuan anrawn ti zui ve mai a.






"Nia" abak sawi belh tur ka hre miau lo. Ka chunga a khawsak dan avangin ban a ni a chutah zahna engmah nei lovin alo la leng lut ngam hi a thisen a sang ka ti viau mai. Kei ni ila zah lutuk vangin ka tawm tlawk tlawk ang.






"I chunga kalo chet tawh dan avang khan min la lawm chiam lo ani maw?"







"I hriatna a chak hle mai" ka ti zui ve hmak. Ka lawm lo tak tak reng bawk a. Ka rin em em laiin khatianga min chet khum thei kha lawm lo tak ka ni.






"Titeh khang hunlai techuan pasal pawh ila neih loh kha. Nula leh tlangval chungah chuan a thleng thei tih pawh i hriat ve ka ring. Khawvel changkannain a ken telah ngai tawp rawh" a mit hur hmel zet chet kual ralh ralh ati liam puat a. Sofa nghenga vei neih loh hmel lutuk a ṭhu awn dar darin a ṭhen zui leh sak chu ka dawhtheihnain atlin tawh lo.






"Chhuak rawh" ding chhuak zawtin ka kutin kawngka lam ka kawk nghal bawk a. Ka aw aṭang pawn a khawsak dan ka lawm loh zia chu a hre thei ang.






"Inleng dawn sawn dan i va thiam lo ve. Thingpui tal pawh ka hlawh dawn lo amaw? Nge ni a" a khabe hmul a tuai zui hauh hauh chu rum lutukin ka melh ngar.






"Pasal hausa deuh ilo neih tak avang hian i inla lian ve ami? A hma tekha chuan zu ngawl vei fanu rethei ve tak kha i nia, tunah chuan i pasal neih sum hmangin i inla lian ta bawk a ilo chapo ve tawh ania nge" ṭhen zui sakin a ding chhuak a. Ka lam rawn pan a tum chu choka lam aṭangin Mami thawm a hriat rualin a ding zui dat a.






"Lo inveng fimkhur rawh" ti supin min rawn pan leh dat chu "chhuak rawh" ka ti zui nghal tuarh. Ka kawngka kawhna ka kut pawh ka lek khur dar dar thei hial. Hetiang mi zak thei lo lutuk laka ṭhat chhuah vak hi ka bat a ni lo.






Inngaitlawm takin alo khawsak dan vang khan ngaihdam min dil nise chu ngaihdam theih loh chhan tur ka nei lo. Mahse chutiang chu ti lovin min zah pah lo lutukin ka chenainah min la ṭawngkhum zui a. Tu fain nge hetiang hi thinrim lova hmachhawn thei bik ang.






"Kan la inhmu leh ang chu" mit siai zauhin kawngka lam a pan a. Zak thei lo hi ka ti ngawih ngawih. Ani nen khan inhmuh leh chhan tur pakhat mah kan nei lo. Mah ni lo maha rilru buai sa nen ka sa pup pup thei hial.






Kan nupa room ka penluh rualin ka phone ri alo tawp ve chiah chu ka dahna lampan vatin ka la kang nghal a. Julie msg lo awm va ka hmuh rualin ka nui nghal var var. A tawp a tawpah chuan min rawn be ve ta nge nge ania. A msg ka en rualin ka nui hmel a reh nghal riai riai. Ṭek tlain a a den dawt ai pawhin ka thil hmuh hian min deng na zawk ang.






"I pasal chuan a phatsan ta nge nge che anih hmel" na lutuk a thlipui a beng dawt ang mai hian ka nghing nghal dawt. Khumah ka phone ka thlauh tawp bawk. Ka bek tawn tawn a ka kut rawlh lutin ka sam ka ṭham tawk a mi â awm ngaihna hre lo ang maiin ka khek chhuak tuarh bawk.






Muanawmi nen a private room ah maw. Chutah thawmhnaw mumal pawh inbel lovin inhmatawnin an ding dun bawk a.






Nau kan neih hnuin cabin a Leumas nen min hmuh dun avang khan eng emaw hlekah kan inbak kaih reng tawh. Ka nau neih hma a ka chunga a chetdan vang khan alakah kalo hel sa deuh bawk si nen kan nupa nun chu a nuam fahran lo. Tu mah mah kan in ngaihsak tawn lo ni berin ka hria.





A fapa a atchilh hlum lo chauh a, keive thung chu atan chuan awm lo ang hmak ka ni ta ber ni hian ka hre bawk. A hma a zu in ngai mang lo kha rui chunga alo haw hi a tam zawk a ni ziah bawk a. Ka rilru hah leh nun hrehawm lutuk vangin ka taksain a tuar em em bawk.






Kan inhmuh thiam loh leh kan in ngaihsak tawn lo chung pawh hian ka hmangaih reng. A hma zawng aiin ka ngai a, a hma a kan nunah khan let leh ka chak bawk ṭhin. Hetiang em em hi kan thlen ka ring ngai lo. Mahse he thlalak hian kan hlim ṭhinna zawng zawng kha kan neih let tawh loh tur zia a nem nghet ni berin ka hria.






Ka fapa muhil bam bula muthlain ka insut leh hraih ṭhin. Ka mittui chhuak reng chu duh lo eng ang mahila dan theih a ni lo. A khat tawkin ka kawchhung tawt lutuk chu ka hui leh pap ṭhin.






Ka hmai zawna thawk lak na lutuk a rik hawlh rualin ka meng chhuak vat a.Thlamuanzuala'n hnai lutukah min lo en reng chu niin. Inbual zo hlim tih hriat zetin a sam ala hnawng chap bawk. Ka kut lek chhuakin a hmaiah ka nem tawk chu a rum nghut.






"Kalsawn rawh ka hmu peih lo che" ka bula ka fapa muhil tih harh hlau zetin in seh ruh ṭungin ka ti hlak a. A mithmul a kan zauh zauh duh chauh lehnghal. Chu chuan ka thinrimna meipui ang maiin a chhem alh nghal hlauh hluah a ni ber.





Khum aṭanga ding chhuakin a enga mah hmain a biangah ka beng nghal sawk a. Hriatthiam loh hmel deuh a min melh chu na lutukin ka beng leh nghal sawk. Ka kut ana chhah mup mup bawk.






"Enge i hriat a?" A tih hluk rualin a inher a a hnungah ka phone in ka vawm leh nghal pawp chu a thaw nghal hawlh.






"Enge ka hriat min la zawt ngam zawk amaw? Uirenu tluk zet a min ngaitu zawk i uire hmasa chu ani em lo maw?I hmeichhia nen a inthlalak tenawm i private room chhung ami ngei kha en rawh" Rum lutuka melh chungin ka ti nghal tuarh. Ka fapa muhil bam pawh chu ka ngaihtuah hlei thei tawh lo. He thlalak pakhat lek hian a lehpek awm tawh lo tur khawp a nain min siam miau.






Ka phone a lek chhuak a, a chhunga awm a hmuh rualin a meng ve kawk tho. A mitah inthiam loh na lang chhuak zut zut chuan engkim atak ngei ani tih anem nghet vek bawk.






A tan a ka rinawm em em laiin hetiang hian min awmsan thei bik a. Nge min ning tawh zawk. Mipa dang pawh ka melh loh lai hian envangin nge hmeichhe dang min kawpsan theih bik. Ka nupa nun a nuam lo tih chu ka hria mahse ngati nge hetiang hian a khawsak bik. Ka thiam loh tihna ami? Zawhna chhan sen loh ka ngaihtuahnaah a rawn lut dawt zut a, chung zawhna zawng zawng chu ka hma a ding khawng luah chiah hian chhanna min pe thei.






"Lovie i ngaih ang kha engmah a thleng lo, ka sawifiah thei" ngenna mitmeng a min melh chu nui hakin ka ban ka vai nghal thuak. Rilru na lutuk a melh tlawk tlawkin ka biangah ka mittui a lumthla nghal pap chu ka hru tawk bawk. He mi laktlak loh pa vang hian a mit hmuh lai hian ka mittui kati tla dawn lo hulhual.

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » August 30th, 2020, 9:28 pm

THLAMUANZUALA





(A TAWP NOTE KHU KHAWNGAIHIN CHHIAR HRAM RU AW)




Chapter-22







"Min rawn hnaih tawh hlek suh" ka aw rawl tawpin ka ti nghal tuarh chu ka lampana a rawn pen phei hrut pawh a ding nghal chawt. Hetianga thinlung na hian tuman min siam leh thei tawh lovang. A na tawp khawk. A kut ala let riai riai a, a mitmeng hrehawm tihna a khatin min melh zui reng.






"Lovie" ati nghal ṭuak a. "Khati pawh khan min ko tawh suh" ti ṭhatin khumah ka ṭhuthla nghal hnawk.






"Min ngaithla rawh" ngenngawl zetin ati hrawih a ka darah a chelh zui hmiah bawk a. Ka dar thing nawk nawkin ka beng ka hup nghal vat chu a thaw chhuak hawlh a ka hmai pawh a lum pha hial.






"Ka chhuak dawn. Inṭhen ang" ti zui nawk nawkin khum aṭangin ka chhukthla a. Ka banah ala man hman hram.






"I kut bawlhhlawh hmeichhe dang i khawihna khan min khawih reng reng suh" ka kutzungchal a kawk sawkin ka ti khur nghal hlak hlak. Ka kawchhung thikna leh thinrimna inmung khawp tup tup vang hian ka â lo chauh tawh.






"Lovie khawngaihin ka thusawi ngaithla rawh" mitmeng dul raiha min melh chungin ati leh sup. Ka banrek a vawnna vawn hnanin ka phelhsak a ka closet lam panin ke lawngin ka pen phei a ,ka thawmhnaw ka haithla nghal buan buan.






"Nilo!Lovie tiang hian awm suh!Engkim ka siamṭha leh vek ang" ka hnung lama aṭanga min kuah khawm vekin a ti tham ṭuak a. A aw ah inṭhen a duh loh zia pawh a lang chhuak mahse hetianga awm lo thei lo hian min siam miau. Khanu nen an awmdan kha amah ka hmuh apiangin ka hre chhuak ziah tawh dawn chuvangin hun ka mamawh.






Ka kawnga a kuahna pawh phelh ka tuma tha kan in ngah hleih lutuk. Ka nghawnga hmai phum chungin a thaw leh hawlh ṭhin. A hmuiin ka nghawngah a rawn fawp a, ka awm chhung ami rang lutukin a phu nghal zaih zaih bawk a. Ṭah chhuah chiam mai duhnain min tur ut ut tawh mahse ka insum hram hram angai. Ahmaah hian tlawm lutukin ka mittui ka ti tla thei lo.






Ka kawnga chelhna thlahin a lam hawi zawngin min kuaiher a, ka bek tawn tawn akut phah hrawl zeta dawmin a rawn kun hniam ruai ruai a, ka chalah a chal lum vung vung a rawn nghah dat rualin ka thaw hak. Nem leh mai lo turin ka infuih nghal mawlh mawlh bawk.





"Lovie ka hmangaih che, khawngaihin tiang hian awm lo hram rawh. I tel lovin ka awm thei lo tih i hriat kha" a ti leh sup a. A ṭawng zawngin a hmui a khur dar dar thei. Hetiang renga min dan chuan ka hmin leh vek anga, reilote hnuah buaina dang bawk kan hmachhawn leh angai ang. Chutiang tur chuan ka chak tawk tawh lo.






"I tih sual apiangin min hmangaih thu leh ka tel lova i awm thei loh thu i sawi ziah anga, chuan atawpah keiin lo ngaidam chein a ngai ang bawkin min awmsan leh zel anga chung a thlen chhung chuan kei hian ka ngaidam zel ang che maw" khabe inkhawng dat datin kati khur hlak hlak a. A mitmeng aṭang hian min ngen ngawih ngawih tih ka hria mahse kan awm hran angai. Zir tur hlira khat nupa kar hi kan zir tawn angai. Hetiang chuan kumkhua a awm dun thei lovin kan nupa inkar hi a chhe vek mai ang.






A banrek tawn tawn a chelhin a kut ka pawtthla hlawk chu a rawn menga, a mit a sen rum mai. Rei pawh en duh lovin ka inhersan vat a, ka kawngah bawk aman leh nghal hmiah.







"Ka tihpalh a thleng nawn tawh lovang, ka chungah i duh tawkin thinrim rawh, i duh dan anih phawt chuan i hlatah ka awm ang mahse khawngaihin min kalsan suh" chhunglam aṭanga harsa tih hmel zeta thaw ri hrawihin sawi chhuah harsa tih hriat zetin a ti chhuak hrawih a.






"Thlamuanzual" vin lutukin ka ti nghal nghek. Min kuahna a phelh rualin ka ruak leh huai ang lawi si.





"Tiang hian awm suh" ti hrawkin closet bul aṭanga nim nem sawn dawrhin a khar ri bur chu ka phu deuh chiam. Nichin a hmel inthiam lohna a khat kha a bo vek tawh. A lang rum ṭawlh tawlh a, a mitmeng a hlauhawm em em bawk. Mahse hlau anga lan ka tum lo.






"Kalsawn rawh" tih leh nek sawkin ka phone chhuata letbal ka ban a Leumas no ah ka call nghal vat bawk. Hetiang chuan ka tuar thei tawh lo. Lo awm dun zel pawh ni ila kar lovah kan inhmu thiam lo leh thuai tho vang.





Closet ri bur ka hriat rualin ka phu chiam a, a dinna lam ka hawi dawrh bawk. Closet a hnekna a kut ala nghah reng a hum ngawt ngawt a, a ban velah thisen zam a val kulh bawk. Ka ṭim sung sung thei hial. Mahse ka nem mai tur ani bik lo. Min phatsan duhtu kianga ka hun khawhral reng hi ka thei tawh lo.






"Leumas khawngaihin min rawn hruai rawh" phone a pick rualin kati lawi nghal rat.





"Khawiah nge i awm?" a aw aṭangin mak atih zia ka hre thei. Mahse hrilhfiahna hun a awm lo. Helai hmun chhuahsan vat vat hi ka duh ber ani tawp.






"Inah ka awm"






"Awle." Engmah min zawt zui lo chu lawm tak hi ka ni ringawt.






"Min dem em em chung hian khapa kha pan i tum ve tho hi ka nat loh bik i ring a mi?" Meng dur khup a ti khui khuiin ka dinna lam a rawn pan pawk pawk a.






"Nang ang lo takin Leumas nen kan inkarah engmah a awm lo, ka û leh ka ṭhian ani tih ka sawi zing fe chung pawh hian engvanga min hmehbel tum tlat nge in nih hlawm pawh hi ka hre hrep lo ve" dak vahin a mita melh let ve ngarin ka ti ta nghek. Engtik lai pawn Leumas nen min hmehbel reng mai hi ka kham lutuk tawh. Nge an hmeh belna zawng zawng hi a tak ramah ka chantir zawk dawn.






"In ngaihdan zawng zawng hi atak ramah ka chantir zawk dawn a mi?" Ngeiawm zetin kati zui leh kher chu inseh ruh ṭunin a bek a pawng nghal tawlh ṭawlh.






Che hrutin ka tukhumah a vuan a ka khabe a dawm lehin a hmer tel sak bawk chu ka ṭhen nghal sawk. Thin tawt hmel lutukin a thaw ri sawk sawk a. Sakeibakneiin a sa seh tur a rum ṭhaih hi a awmdan nen hian danglamna a awm lo. A duh loh zawng ka sawi apiang hian a kut a thawh ziah pawh hi kham lutuk tawh.






"Min thlah rawh" ti hlakin ka khabe a hmerna ka phihthla a ka then deuh sawk thei. A ni tha ngah lutuk hmerna hi na lo chi a ni lo. A tur deuh nghal ut ut thei.





Ka khabe dawm chungin ka fapa mutna lam ka pana, dimtein ka chawikang nghal a. Tui lutuk a a muhil thaw sak sak chuan ka ṭah ati chhuak lutuk. Apa nen kan thawm a ring viau chung pawn thlamuang takin ala mu thei ania.






A chala fawp vang vangin ka awmah ka pawm bet a. Ka slipper inthawlh rawk rawkin kawngka lam ka pan zui chu Thlamuanzuala thusawi vangin ka ding nghal chawt.






"Ka fapa kha dah rawh" a thu rawn sawi chu keimahah ṭek tla ri aipawn a ring ṭha zawk. A thaw ri hrawih hrawih bawk nen ka taksa khur deuh dar dar tawh chu sang marin ka penpui lui leh a.






"Dah rawh Ruatfel" room kawngka ka hawn rualin ati vin nghal ṭhawt a ka ip nghal chawih. Ka herh hawng lui ta tho. Ka hnunglam aṭangin min pawt betin ka fapa min chhuhsak atum anih chu!






"Thlah rawh" ti tuarhin a banah ka ham a, a rum nghut duh chauh. Hneh lutuk a min chhuhsak lawp rualin ka per nghal dawrh a ka fapa a ṭap nghal ngak ngak bawk.






"Ka fapa hian pahrawn a hrawn ka rem ti ngai lovang" ti chang bulin khum lam panpui a tum chu ka um zui ve nghal zat.





"Khawi min pe rawh."





Khumah a muttir a aṭap uar tulh tulh bawk si. Ka ban dawn apiangin ka kut a vaithla lawp zel. Ka thinrim tih ngaihna hre lovin a tukhumah ka beng lawp a, engah mah a ngai duh der lo.






A ke leng bat batin a ṭap ngak ngak renga, naute ni siin a bekah a mittui a luang zawih zawih bawk. Nu tan mahni fate mittui tla hmuh aia hrehawm a awm lovang.






A pain a theih tawpa thlem ban ve a tum pawn a bang duh der bawk si lo. Ka hnaih ve apiangin min nem per nghal nawlh zel si. A hmai aṭahna lamah a sen vek tawh bawk si chu ka ṭap ve lo chauh tawh.






"Khawngaihin min pe rawh, a ṭap khawng thei mai ang" hrawk chhung na ut utin ka ti tham chhal a. A thlem beidawng tepawh animahna a hmai tuai puata thaw hawlhin a ding chhuak vut a, ka fapa ka pawm kang nghal vat bawk. Ka awmah ka bei tira a hnungah ka chul hauh hauh a rei vak lo hnuah a bang zui nghal hmiah.






Ka thawmhnaw engmah pawh la lovin room aṭangin ka pen chhuah pui hlawk hlawk a. Thlamuanzuala'n min dan tumna pawh nei tawh lovin a ding khawng luah ringawt. Kailawnah ka penthlak pui mawp mawp lai techuan ka fapa nghet lutuka bawm betṭaiin ka heh hnuailam ka ṭah chhuah hawk mai loh nan ka pet fan fan.






"Feli" choka lam aṭanga Mami min kohna ka hriat rualin ka ding dat a hriatthiam loh hmel deuh a min melh reng chu za vak lovin ka ṭhen sak ringawt. Enge emaw sawi tumin ka ang zuau a mahse ka ka aṭangin engmah a chhuak thei thlawt lo.






"I pu khi lo enkawl ṭha rawh aw" ti lawi ratin pawnlam ka pan nghal nal nal.
Pawn lam ka thlenin Leumas car gate pawnah alo ding vang tawh.






"Tikhan lo awm rawh u inpa chu ka va hmu lawk ange" min ṭhutfel tir hnu a ti supin inchhunglam panin a pen zui pawk pawk chu ka thlir ta reng.







Hlim taka kan chhungkua te chauh a awm ka thlakhlelhna hi engmahin a khum zo lovang. Mahse kha Muanawmi a laka a tlaktlum chhung chu ka duhthusam hi thleng thei ngai lo tur a ni ti ka hre tel tho bawk. Ka mittui tling khat piau chu dan kir tum engang mah ila a hnathawh tur a puitlin hma chu ka dang thei dawn lo tih ka hriat rualin ka biangah a luangthla ngiai ngiai. Hruk pawh tum buai lovin ka fapa chalah ka hmuiin ka nawr vang vang a. Chhunglam aṭangin natnain min fan a ka khur zui nghal hlawk hlawk.






Thlamuanzuala hrem tuma chhuak ni mahila keimah pawh nasa lutukin ka inhrem tel ve zel chu anih si hi.






Leumas inchhunglam aṭangin a rawn pen chhuak chu ka mittui kar aṭangin ka thlir mawl tawp. A hnungah Thlamuanzuala'n a rawn zui phei pawk pawk ka hmu zui nghal zat bawk. Ka naute ka kuah nghet sauh a, min laksak leh tum a rawn chhuak anih ka ring nghet hmak bawk.







A rawn ṭhut luh ve rualin a hmui thi ser ser ka hmu nghal zat a, alakah ka inthiam lohna a zual nghal vek.






Thlamuanzuala'n ka thutna lam a rawn pan chu"Leumas khawngaihin tlan chhuak vat rawh" a bana sawi dat datin ka ti nghal chul.





"Lovie" mitmeng sen rumin ka ṭhutna lam glass a rawn chum zui a. A awrawl lian leh thum zet a manganna ri tel chuan ka awm chhunga mi ati che zui dat dat bawk. Ka mit khap fak fakin hmalam ka melh ngawt ngawt a. "Remruatfel bengkhawn suh" ka rilru in ka infuih zui mawlh mawlh bawk.





Car a tlan chhuah rualin seat ah ka tukhum nawr tawkin ka thaw nghal halh halh a. Side glass aṭangin a hlat zawng a kan kalsan mek ka pasal hrilhhai hmel lutuk a ading khawng luah ka hmuh rualin ka kut ka hum ruh nghal nghek.






"Kan Thundera hi chu a kut a ram ṭhin a ni" ti supin a kamsir thi a tuai zauh a a nui tel suk bawk. Thlamuanzuala'n a chungah a kut alek ziah chung pawh hian a ni chuan an ṭhian lo nih tawhna anga a haw let ngai miah lo tehian a rilru ṭhat zia hi a pho lang tulh tulh nimaiin ka hria. A nupui tur chu khawvela hmeichhe vannei tawpkhawk a ni ngei ang.






"In in lamah nge kan in lamah ka hruai dawn che u" a tih rualin "kan in lamah kalo ti nghal vat" an in lama awm chilh chu ka ngam lo hulhual. Kan boruak dik lo sa nen a dik lo zual tulh tulh tur kha ka ngai ngam lo. Bakah keimah vanga Leumasa'n a tuar ve zel ka duh lo. Heti chung pawh hian keimah vangin a tuar ve tawk tawh ania, alakah pawh ka inthlahrung ngawih ngawih tawh.






"In nufa chauhin in awm thei ang maw" steering her kual mawp mawp a rawn thle zauhin in a ti sup a. Kan awm theih tur thuin ka chhang zui vat.






Kan in kan thlen hnuin eitur min lam khawm sak leh nghal zung zung a. Tunah khua athim deuh chhulh tawh a ka ril pawh aṭam ve tawh viau. Vawiin lamah engmah kala ei mumal miah lo bawk a.






Leumas thang chhungin khumah ka fapa ka mut a, a hnawk zualpui ka thian nghal zung zung bawk a. Kan awm loh san rei ve tawh avang hian a paw deuh ther thur a mahse tihfai har lutuk chu a ni hran lo.





"Zanin tlai chu kan inlamah ka chhungte hmelhriattir tur ka nei a ka awm rei pui hman lo che u" a kekawr ipte zen a ding ngarin khuma ka fapa mu melh vang vang chungin a ti sup chu ka meng deuh awk. Bialnu aneih thu hi ka hre miah lo.






"Ee...engtik laiin nge bialnu te ilo neih ve aa?" Kati deuh nghal hu. Amak ka ti ve em a ni. Ngaihsak loh hmel deuh a khawsa si hi alo thukru ve reng a maw.






"Pasal min neihsan daih sia ka zawn ve mai lovin" mithmul ti kang zauhin fiamthu deuh a rawn ti chu lei ka chhuah khum vak. A nui suk suk chu ka nui veleh ta nge nge.






"Hmm sual suh...tak tak a kala hmu ve duh ang aw"






"Kala rawn hruai dawn nia." Khawvela hmeichhe vannei ber ava ni chiang dawn em. Leumas anga mipa ṭha rilru luahkhat theitu chu.






"Anih ka kalsan ang cheu aw. Min mamawh chuan min rawn bia la aw" a pensawn nghal vut chu ka zui ve nghal vat. Kawngka thleng ka thlah a. Kan nufa chauh a kan awm tur chu min ngaihtuah thu a sawi leh sup a mahse ngaihtuah kan ngaih loh thu ka sawi ve vat. Keiin a ka chelh beh reng theih ani lo, nghaktu anei. Ka lawmpui viau tho chung hian ka û anih vang nge min ngaihsak tawh loh hlauhna ka nei tel deuh bawk anih chu, hahthlak hian!






Ka ril aṭam viau chung pawn engmah ei chakna ka neih loh avangin engmah ka siam leh ta chuang lo. Ka ei thei dawn lo tihte pawh ka hriat vang ani mahna.






Room lam ka pana, khuma ka fapa mu meng kiau chu ka thlir reng. Engkimah apa a chhun fai vek. Min chhuna anei velo nimai hian ka hria. Chhuata ṭhuthlain a ban tereuhte a vai lap lap ka vawn sak a min hre ve niawm tak hian min melh ve kiau reuh a. Engmah hrethiam rual ala nilo hlauh hi ka vannei letling zawk.






"Bawihte papa ka ngai" a sir a inthawlh ve sat satin kati chhuak ṭiau. Ka bula muin a taksa lum ngheng turin min kuah khawm vek sela, a aw dam leh ril raih mai min ngaihsakna a lantir fo na tekha ngaithla chunga hahdam lutuk a mut siai siai aia chak dang ka nei lo hial ang. Ka thusawi hrethiam awm fahran a a hawi ve vut vut chu nui deuh sakin ka mittui ka hru zauh. Hetiang hian engtianga rei nge kan nun kan hman angaih ang. Ka lungawi loh rei viau chuan hmeichhe dang min pansan leh mai angem?




.......,,,,,,,.......


THUNDER POV







Kan nupa room aṭanga lovie pen chhuak chu ka thlir mawl tawp. A thinlung ka tihnat apiangin a aiin ka na ṭhin.






"Bawiha" Leumas aw ka hriat rualin ka kuttum a thlawk nghal fua. Min khawihlet tumna a nei miah lo techuan ka thisen a ti lum pup pup zawk hial anih chu. Ka thinrim lutuk vang zawk nge ka khaw hmuh a thim mup bawk.






"Ka nupui kha i kut hmawr pawh a i khawih anihchuan kei hian ka that ang che" a kawrawm a ṭham nawkin sehchilh runin ka ti sup a. A nui hawk rualin ka hnek leh nghal chawrh.






"I nupui hi ka hmangaih i hria em. I tihnat reng ai chuan keihian ka lalut zawk mai ang. Natna a kum phu lovin a tuar hnem tawh lutuk. Ka thlentir tawh dawn lo" atih sup rualin a kawr awmah bawk ka ṭham leh lawp. Thin tawt lutukin ka thaw chhuak hrawih a. Ka thinrim insehruh kual vel chu hmuh nawm thlirin min thlir nimaiin ka hria. Chu chuan ka thisen ati lum zual bawk a.





"I phu tawk chiah i hmu tih hria la, nangmah in en fiah nan hmang ang che. A rilru inpeih hma tih chiai i tum kual vel anihchuan kei aia sual i hmu lovang" a kawrawm ka ṭhamna phihthla nawkin kan nupa room aṭangin a chhuak zui nal nal a.






Pawna ka hmel a hmuh ruala chiai zeta Leumas tlan chhuak tura ahrilh lai techuan ka vai mup mup thei hial! Rilru mumal pu lovin a ṭhutna lam glass ka chum zui dawt chungin he ka nupui tereuhte hian min bengkhawn duh der lo.





Kan nupa room thim mupah ngaihtuahna mumal lo zet pu chungin ka ṭhu ngawi chawrh chawrh a. Ka lovie tel lohna hmun hi khawilai pawh nise nuam ka ti ngai lo. He kan pindan ngei pawh hi nuam ka ti chuang hauh lo. A tel ve lohna khawvel hi chu ka tan hremhmun tluk a ni.






Room kawngka kik dat dat ka hriat rual deuh thawin ka harhchhuak zawt a, ka ding nghal vut bawk.





Light a rawn eng iar rualin Muanawmi a rawn penlut chiah bawk chu ka phun nghal hluk. Henu nen hian inzawmna pakhat mah kan neih loh ang bawkin, amah avanga kan nupa inkar a buai vek chung hian engvanga helai a lo kal ngam nge a nih.





Zei lutuk tak maia ka lampana a rawn pen phei chu tak ngulin ka melh ngur thung.





Khuma rawn ṭhuthla datin ka bana a rawn chelh zui nghal zat chu ka thaw deuh hawlh. Henu hnar bo tur hian enge ka tih dawn pawh hi ka hre hrep tawh lo ve!





Ka nu vanga ka laka huang tau em em a nih tih hi ka hria. Kan nupa inkar tunah amah vangin a chhiat phah vek bawk a. Ka rilru tawt leh pik hrikthlakna tur hre lo khawpa tawt ka ni tih hria se helai hmun hi a rawn thleng miah lovang.






"I nupui chuan a chhuahsan ta nge nge che a, enge ka sawi kha a uire lovang tih pawh a sawi theih loh ka tih ṭhin kha. Ka thusawi kha pawm la hetiang hian i awm lo tur" hmeichhe thianghlim ang mai a min rawn vehthlem kual vel chuan ka khawchhung so bulh bulh a kaitho leh chiang kher mai!






"Chhuak rawh" ti hrawihin min chelhna ka pawtthla a, ngaih pawimawh lo hmel zeta rawn chelh zui leh zatin ka tukhum lama dawmin a tuai kual zui hauh hauh chu ka thaw hawlh.






"Kha thil kha i tih ani em?"Ding chhuak vutin a tukhum sam a ṭhamin ka kuai dak awrh a, ka chhuk melh nghal run.






"Sawi rawh" ka tih fiak ṭhawt rualin a inhnit nghal hraih anihchu. A mittui hian keimahah nghawng anei ngai lo tih chu kei ai hian a hre chiang zawk ngei ang.






"I mittui kha hmang ṭangkai duh suh. Khami ni khan kan inkarah engmah a thleng tih chu kan hre chiang ve ve in ka hria" ti hmukin a sam ka ṭhamna ka thlah a, ka hmai tuai zui puatin chunglam melhin ka thaw leh hrawih a. Khum ka tlawh zui pawp chu a kat nghal dawrh.






"Engvanga khatianga ti kha nge i nih?" Pan hnai leh hrutin ka ti nghal chhur chhur. A mitmeng tlanchhe nghal chu ka chhiar thiam lo amaw ati ani ngei ang. Helaia alo kal chu tifuh a inti vakin ka ring lo. Keihian thudik a sawi chhuah hma chu ka chhuah dawn lo hulhual.






Ka nupuiin min chhuahsan chhan hi amah vang ani tih hre lo lek a helai a a rawn lut hlawl hi inchhir ram ramin ka siam dawn a ni tawp.





Kawngka lam pan tuma a insiam rem chu a bana hmer chawtin a hrawkah ka rek a bang lamah nawr pheiin ka nawr bet nghal thlawp.





"I thusawi engmah ka hrethiam lo" ti nawk nawkin ka rehna ka kut a rawn ham a ka rum nghut.





"Ka dawhtheih lai che hian sawi vat mai rawh" sehchilh run a ti chang bulin a hmai zawnah ka thaw hrawih hrawih bawk.





A mit chhing sawkin thawk lak atum a, ka reh bet miau avangin a har ve ṭalh ang. A tal zui nawk nawk chu ka taksain ka nawr bet zui nghal hmiah bawk.






"I luhlul rei leh i hrehawm tulh tulh ang" ti supin a tukhumin bang ka tauh tir dawt a ṭhen chawt chawtin a tha a thlah tial tial. Engkim a sawi vek hma chu ka thlah dawn lo hulhual. A thil tawn tur hre hauh lova Sakeibaknei thinrim puka a rawn lut hi a inchhir ram ramna tur khawpin ka suasam dawn.






"Uropuia'n ti turin min hrilh, a bak engmah hriat ka nei lo" mengpual awrh a a tih nawk nawk rualin ka rehna ka thlah a, chhuata ṭhuthla hnawkin a nghawng dawm chungin a khuh zui bawrh bawrh. Khawngaihna chhete mah ka nei lo. A nasat man a hmuah ka ngai hmiah.






"In thil tih pawi zia hi in zavai hian inhmu vek dawn" chhuata ṭhuthla ve vutin a chhipsama ṭham leh lawpin kati zui leh khur khur a. A mita mittui tling khat piauin min melh chu ka nui ro hawk.






A banrek a hmer lawkin kawngka lamah ka hnuk phei nghal dawt dawt chu a meng nghal awk.





"Chhuak rawh" kawngka pawt hawng pawpin ka nem chhuak zui nghal awrh a, a pai chhuak nghal dat dat chu kawngka ka kharkhum zui bur.





"Lovie engtin nge i tel lovin ka awm ang" ti hrawihin ka hma glass a ka whiskey thlit chu ka thawkkhat nghal pawp a. Ka kawchhung asa thla hat hat bawk. Ka nupui hi thildang zawng aiin ka hmangaiha tihnat ka duh ngai miah loh kha ka ti na ta fo mai!






Leumas nen cabin a ka hmuh dun ni khan ka thik a ka thinrim hle bawk a, ka kalsan zui hmak anihkha. Ka hmangaih lutuk avangin mipa dang nena ka hmuh dun chuan ka control zawh loh khawpin keimah ka talbuai ṭhin.






Vawitam an inkarah engmah a awm lo tih min hrilh lawm lawm chung pawn alaka neitu ka nihna hi a rawn inlar chhuah meuh chuan kalo che hleihluak hman tawh ṭhin.






Ka kut a ka glass ken hum ngawr ngawrin ka hmet keh rawp a, ka kut a thip nghal zawk bawk. Chhuatah whiskey a baw huh zui bawk. Leumas-a'n a hmangaih thu min sawi khumin ka tina fo anihchuan a lakluh tur thu a sawi bawk a, mahse a thleng ngai lovang. Lovie hi ka ta chauh, kavta chauh ani kumkhua bawk ang.






"Remruatfel kumkhuain ka ta ini ang. Midang an tel ve anihchuan ka that duh mai ang" phun bual bualin ka ṭhutna aṭangin ka ding chhuak a ka pai zui dat chu ka lu thing nawkin khumah ka bawk thla nghal. Lovie mutna lam ṭhinah ka kut ka nghat a, ka mittui a hnam ve sawk mai. Kei Thlamuanzuala hi ka nupuiin min chhuahsan a ka ngaih vangin ka mittui a tla anihchu! Hmeichhia vanga ka mittui tla hmasa ber hi ka lovie vang chauh anih hi!






Khum aṭanga ṭhu chhuak leh vutin lovie closet lam ka pan phei buan buan a hawng rawpin a thawmhnaw pawhthlak sam ber ka pawtthla a khum lam panin kuahbet chungin ka mu thla leh nghal thlawp bawk.






"Lovie lo nghak rawh engkim ka ching fel vat ang" phun zui bual bualin ka mit ka chhing zui hmuk.








*ZAWMNA*








"Lovie" phun chhuak supin lovie mutna lamah ka ban ka kham phei diai a mahse ka nupui kuah tur awm ta hlek lo chu ka mangang hman viau mai. Ka ṭhu chhuak hlawl a nimin tlai thil thleng khan ka thluak bur a luah leh ngut ngut bawk. Nizan lam ka inhnem viau bawk nen ka lu ana tur deuh ngut ngut bawk chu ka bek tawn tawn a dawmin ka chhing sawk a, ka men leh chuan tlemin mitmen anuam ta deuh.






Kan nupa room a keimah te chauh a zan hun hman aia hrehawm tih ka nei lovang. Ka hawina lam apiang a ruak hung vek. Ka lovie, ka fapa ka ngai a, mahse keima harsatna siamin ka lak aṭangin a tirbo chu ani si. Ka khup a ka ban nghatin ka ṭhu kun ngur reng chu room kawngka kik thawmah tha tho lo zetin ka hawi chhuak a, lut turin ka hrilh zui sup bawk.






"Pu, ka pi ṭhiannu alo kal a ahmu duh che a" inthlahrung dek a kan nulain a rawn ti chu ka phun zui nghal hluk. Zing kar aṭanga midang hmachhawn chu ka chak viau lo. Ka chhuk tur thu ka hrilh hnuin room aṭangin a pen chhuak ve mai bawk a.





Ding chhuak vutin washroom lam ka pan nghal zat a. Shower hnuaia ding dir tluk tlukin nimin lam thil thleng ka ngaihtuah a. Leumas-a'n ka lovie a hmangaih thu a sawi ka hriat chhuah rualin wash room bang char ka chum nghal zawt. Engtikah mah ata ni turin a lakluh ka rem ti ngai lovang. Ka thih hnu leh thih hnu piah lam thleng pawh a ka ta chauh ni tur a ni. Tu mihring mahin an ta chei ve ka phal ngai lovang. Ka hmangaih a ka ta chauh a ni reng bawk ang.






"Enge i rawn tih dawn" lovie ṭhiannu ṭhutna lam pan pheiin kati nghal hluk. Ka aw aṭang pawn ka be chak viau lo tih mi pangngai chuan an hrethiam ang. Mahni ṭhiante chhiatna tura ṭawngkam phuhchhuak ṭhin mihring hi ka ngai thei viau lo. Chu chu hmeichhia hian an ching zual bawk. Thuruk thlen ngamna hmeichhia hi chu zaah panga pawh an awm tling lovang.





"Sir" inthlahrung dek te a ti sepin a ṭhutna aṭanga a rawn ding chu ṭhu turin ka kut zaizirin ka hrilh a, thaw halhin a ṭhu thla veleh mai bawk a. A hmai duk thleh thluah chu ka thlek zui vut bawk. Hmanzana kan inhmuh a a hmel ang lo takin a azam hmelin hlauh nei ang mai hian a ṭhu tawm chat bawk.






"Sir" ngawi leh datin a hawi kual a, ka dawhthei lo leh pek tawh viau mai. A hmel aṭang hian thu lawmawm lam ka dawng dawn lo tih ka hre tlang thei bawk.





"Sawi thuai rawh" ka ti nghal hluk ka boruak hap pik churh nen dawh hleuh hleuh hi ka thei chiam lo.






"Sir, Feli hi hruai haw rawh khawngaihin" a kut tin sik nauh nauhin hnuailam bih chungin ati sep a. A khat tawkin a thaw leh halh halh ṭhin. A awmdan chiktu tan chuan eng emaw tak a awm tih chu hmuh hmaih theih ani lo.






"Sir, khawngaihin hruai haw hram rawh" ti leh sepin pik hmel deuhin a thaw leh halh a. A khat tawkin a heh a pet leh zauh ṭhin bawk. A thusawiin ka awm ati nuam lo zual viau bawk.





"Enge i sawi awmzia?" Ka ṭhutdan siamrem deuhin thutak deuh zawkin ka ti chang bul a.






"Sir, a bak ka sawi thei lo. Khawngaihin ka thusawi hi zawm hram rawh" tih leh dinchhuah a rual nghal a. Kawngka lampan nal nalin a chhuak zui chu ka thlir mawl tawp. Ka hamhaih ru ang reng viau bawk.





Muanawmi thusawi ka hre chhuak nghal zawt. Ka private room a ka awm kha Muanawmi'n min rawn luh chilh a kha kha remchang a lain thla alo laktirin lovie alo thawn bawk a. Ramropuia hian enge a duh chiah hi ka hre lo a ni.






Ka hotel a ka chhawr chhung zawng khan staff tih nuam tak a ni ṭhin. A hna reng reng phuailuai awm lovin a felfai em em reng a. Chuvanga duhsak viau pawh ka ni reng. Mahse lovie a khawih aṭang khan ka ngai thei ta bau lo khan ka ban zui ta kha ania. A tira thil tum nei silo hi tunah kan nupa inkar tichhe zawnga engvanga rawn inlar nge a nih. Ka ep a sofa melh ngur chungin ka ngaihtuahna buai ru zet vangin ka thaw leh hawlh ṭhin. Ka hmai tuai puatin ka ding chhuak a, kailawn lam ka pan zui zat bawk a.






Mipa ka nihna angin kan nupa inkar hi ka chinfel tur a ni tih ka hria. Ka nupui ka ti lungawi lo anihchuan ka thlem mai tur a ni bawk. Mipa nih vanga nupui te hnuaichhiah ran a khawsak ka thuvawn tlat ho zingah hian a tel lo bawk. Mipa diktak chuan a nupui a ngaihsak thiamin a hunah chuan a thuhnuaia kun pawh a thiam tur a ni. A lehlam zawngin a nupui a control thiam leh viau tur pawh a ni.






Pik zetin ka thawmhnaw hak ka thlak mual mual a, ka nu ka ngaihtuahnaah a rawn lut nghal zat bawk. A inrawlh ve ka ring ta bur.





"Ka kal ania, ka rawn haw tlai ang" choka lama dak lutin kan nula lo che mual mual chu ka hrilh a.





"Ka pu, ka piin an thawmhnaw tlem a zawng pe turin min rawn hrilh a, i thu lovin ka kal ngawt ngam si lo" a chetlai tawp meuhin ati zui sep chu a pek theih tur thu ka hrilh sup bawk.






Ka car chahbi pawtthla hlawkin garage lam ka pan nghal mawp mawp a. Car chhunga ka ṭhut luh rualin kawngka ka pawt khar zui dawp bawk. Ka nu vangin Muanawmi'n min zar hneh em em renga, chuta karah Ramropuia nen cousin anla ni cheu bawk a. Engvanga kan nupa inkara inrawlh hi nge anih hi kala hre chhuak vat bawk ang. Ka car chhunga rei fe ipik churha ka ṭhut hnuin inpui lampanin ka inkalh chhuak ta chauh.







"Heng thil zawng zawng hi i bul ṭan vek a ni em?" Ka nu mitmenga mak tihna lang chhuak chu ka hmuh hmaih lo chiang kher bawk. Muanawmi khan Ramropuia tih tir anga a sawi kha ka nu hi a tel ve ka ring ta bur bawk. Kan chhungkuaah ka nu chiah hi lovie ngai thei lotu awm chhun a ni. Rinchhiat hi ka duh ngai lo mahse lovie chunga ṭawngkam alo hman tawh ṭhin danin a mah hnuk lut lo thei lovin min siam miau.






"Thlamuanzual i thusawi awmzia pakhat mah ka hre lo" a eng amah hmain alo ti vin nghal hlar chu za lo zet a nui ro hawkin ka hmai ka tuai zui nghal puat.






"Kan nupa inkar a chhiat nan a hma latu hi i ni a dik em?" ka nu ṭhutna hma a in nemkalh runin ka ti chang bul chu a meng deuh awk.






"I nu hi min chhuahchhal ngam zawk a maw? Khatianga hmeichhe naupang chhaih kual duh tur khawp a rilru chhia pu ka ni lem lo" tur khai a min melh chungin ati leh fak a. A mitmu lian kalin min melh let ve ngar bawk.







"I inrawlh tih ka hria anih chuan ka nu i ni hi pawi iti viau ang" ti supin ka ding ngil vut a. Ka inher rualin ka pa an pindan lam aṭanga rawn pen chhuak ka hmu nghal zat bawk. Min hringtunu hetianga ṭawngkhum hi ka duhdan a ni bik lo mahse lovie chunga alo khawsak tawh ṭhin dan ka ngaihtuahin ka nu leh Ramropuia lo hi chu ngaihbel tur dang ka hre thlawt lo.






"I nu hi kha nu vang khan min vau ngam a maw?" A tih ṭhat rualin a insut nghal hraih. A hmelah a rilru ka tih nat sak tih ka hria kei ngei pawn hetianga khawsak hi ka duh bik lo. Ka nu chungah ngat phei chuan. Mahse chhunglam min tur tu hian tilo thei lovin min siam miau.






"Thlamuanzuala engtin nge nangmah hringtunu i vau ngam zawk" ka û choka lam aṭanga rawn pen chhuakin a rawn ti vin ve hlar chuan ka ngaihtuahna a chawk nu tulh tulh nimai hian ka hria.






"Feli vanga nu leh pa i vau dawn anihchuan keipawh hi ka lawm chiam bik lo" tih leh hlakin ka nu ṭhutna lam panin a ṭhuthla zui ve nghal vat a. A kut a humsak zui vang vang bawk.






"Enge ni buan buan a?" Ka pa kan lampanin a rawn pen zui pawk pawk chu ka melh nghal vut.






"I fapa hi zawt rawh" ka nu bawkin a ti nghal hlar a. Ṭhut pawh ṭhu ve ta chuang lovin i pik zetin living room lai takah ka ding khawng luh a. A khat tawkin thawk kala leh hawlh ṭhin.






"Lovie in min chhuahsan" ka pain zawhna mitmengin a tarmit kara aṭanga min melh run chu kati chhuak nghal sup. Alo hresa tawh ani mahna a ṭhawng lem vak lo anih hmel.






"Hruai leh vat ang che. Karah fa a awm tawh a inbakkaih reng tur pawh a ni ngai lo" ati zui chuar chuar chu ka bu nghut. Hruai suh min ti pawh nise hruai let tum sa tho ka ni, a tel lovin ka awm thei lo. Mahse hun chu a duh ve zek ang ka nupui luhlul tak thlem lungawi nan chuan. Mahse keichuan ka um zui zel dawn tho tih ka chiang viau bawk. A tel lova ka hmalam hun hman ka tum hauh lo.






"I nu khatianga vau kual vel kha sim bawk ang che. I ching leh anih ngai chuan ka en liam mai mai bik hauh lovang" khauh zetin a ti leh hluk a. Ngawi ngulin ka nu lam ka hawi a. Rilru nat hmel zeta min melh let ve ngar chu rei pawh en duh lovin ka chhuahsan zui nghal hmuk.






Hotel lampanin ka inkhalh chhuak zui a. Ka rilruah hnathawh chu khat liam lo tak a ni. Ka thawk thei kher angem tih pawh ka chiang chuang lo. Ka hna hi engtik lai maha ka mimal nun vanga buaitir hi ka duh ngai lo ang bawkin ka tih ngai pawh ani hek lo. Lovie ka tawn hnu hian ka hna chu sawi loh keimah a awm zawng zawng hi a chhe lam zawng leh ṭha lam zawngin a chawk buaiin a lip se hneh em em vek reng chu a nih si hi. A tel lova nundan ka thiam lo leh buai em em tehi hre lo lekin min chhuahsan zui a.






A khat tawkin ka tawt lutuk tih ngaihna hre lo chu steering ka hum leh chawt chawt ṭhin. Min chhuahsan lo nise ka buai miah lovang. Intih thiam loh chang nei ṭhin mahila ka hnathawk haw in ah min lo nghak dawn tih ka hriat tho hichuan ka thawveng ṭhin. Tunah hian thawven chhan tur pakhatte mah ka nei lo. Nizan ata tawh ka nupui ngaihtuah ngut ngut lovin kala awm der lo. Engtik lai pawh a ka ngaihtuahna zawng zawng chawk buai em em tu a nih hi.




............



Bet lo zetin ka office chhungah chuan ka ṭhun ve run mai. Tihluihna tak tak nen hna chu ka thawk veta zel chung hian engmah ka puitlin hlei thei lo chu a ni e. Ka pen humlai ka hma table lian leh hnum hlurhah ka thehthla a, sir lama ka phone dah ka ban zui vut bawk.





Muanawmi text lo awm va ka hmuh rualin ner sawkin ka phun nghal hluk. Tuailiam puatin lovie no ka hmet chhuak nghal zat bawk a. Keiman ka biak hmasak hma chu alak aṭanga call ka dawng dawn lo tih ka chian vanga call tum ka ni reng bawk a.






Reife a ring ral ral ka ngaithla a, a pick dawn lo amaw ka tih hnu fein mipa aw in min rawn chhang sup chu ka alh nghal puat ni berin ka hria. Leumas a nilo lo tih ka hre thei bawk.






"Tunge?" Ka ti chang nghal bul chu a nui nghal hawk ka hriat rualin keimah a thinrimna in up bet sa zawng zawng a puak chhuak nghal vek. Ka chair nawr tawlh hrawkin ka ding khawng vut bawk!






"Sir keimah Ropuia. Muanawmi'n engkim a sawi ta sa sa lang tlang law law rawh se aw"






"Ka nupui kha i khawih anih chuan thi tlukah inngai ang che" ha chang ṭhial rawp rawpin sehchilh runin ka phun sup a. A nui leh hawk chuan mi run viau mai.






"Oh! I nupui hian a chhuahsan che tih kalo hria a, ka beisei ve a thiang tawhin ka hria!" A thusawi hian eng tiang chiah a thisen chhuah chakin nge min siam tih hi hria se heng hi a phuh chhuak hauh lovang. Ka lovie telna tawh phawtah hichuan dawhtheihna ka thlachham em em vek.






"Khawnge ka lovie?" pik zet a thaw hawlhin ka ti zui hrawih.






"Lovie!Hmm....a chhiat lem loh chu, kha hming kha keiman kalo hmang ve tawh thung ange" a sawi zawh rualin ka table ka chum zui bur. He hming hi kei lovin an lam ve ka phal ngai lovang.






"Phone pe rawh." Ka ti nghal ṭhawt rualin a nui suk ri ka hre zui zat bawk. Ka thusawi a ngai pawimawh lo lutuk chu hmaichhan a inhmuha a lei pawh dawh zawk ka chak ut ut tawh.






"Hmm...hmangaihna chendun zawh chiah a hmeichhe chauh theih dan tur chu sir i hriatthiam ka ring" a nui leh hawk a, ka kut ka hum ruh hle tawh bawk.






"Ka bula thlamuang zeta muhil hi ka kaihthawha phone hi ka pe anih chuan a lawm vakin ka ring lo" a thusawiin ka thisen a tih lum zia leh ka ngaihtuahna thlengin thimrimna meipui a chhem alh hluah hluah tih hria se zawng heng ṭawngkam hi a rawn hmang hauh lovang. Ka phone off zui hmukin ka office kawngka lam ka pan pawk pawk a.






Thinrim thaw sa huam huam a ka chhuak chu ka secretary in mak min tih hmel zeta min thlek deuh hu pawh chu ngai pawimawh lovin ka kal pel zui puat. Ramropuia ka ching fel hmasa lo hi ka thiam loh dik tak a ni. Ka nupui chunga kut a lek anih vaih chuan kei aia rapthlak a tawng tawh lovang.






Garage thim ruih a penlutin ka car chhungah ka ṭhu lut hmuk a. Dawn awm lovin chak lutukin ka dawk chhuak nghal zawk bawk. Ka thluak nu bulh bulh avangin insumkarna awm miah lova Ramropuia hnek chawrh chawrh chaknain ka kut ka hum ruh ngawr ngawr bawk. Ka thinrim hmuh a chak vanga hetianga khawsa anih teh ngai chuan dam chhunga a mipatna hmang thei tawh lo turin ka siam ngei bawk ang.






A khat tawkin steering ka chum zui leh ṭawlh ṭhin. Motor remna lai ka thlenin ka speed ka san zui zat a. Lovie te inkawt ka thleng fel der!






Car ka din tir rual deuh thawin ka chhuak zui vut a, ka thin tirimtu zawk chu ka car a maw ti ang hrimin kawngka ka khar bur bawk. Inchhunglam pana ka pen pawk pawk chu lovie vin ṭhat ṭhat ka hre zui zat bawk. Kawngka ka phih hawn lawp rualin Ramropuia leh Lovie an rawn hawi zui dawrh chu eng khaw sawi set set lovin Romropuia ṭhutna lam panin a kawr awmah ka ṭham nghal bawrh.






A ṭhutna bul bangah ka nawr bet nghal hrawk a. Tur fe a min melh let khui chu a hnarah ka hneksak nghal siah. Lovie a au nghal ṭhat bawk a.Ka thinrim inmung khawm kual vel vangin ka bek tawn tawn thazam a phu zawih zawih bawk! Ka kut thlengin ka lek khur dur dur thei hial! Kei ngei pawhin ka thinrim hi hmachhawn ila rapthlak ka inti fein ka ring. Ka inseh ruh nalamah ka khabe kual ana ṭhum thei hial bawk a!






A hnara aṭanga thi lung ngiai ngiai chungin mitmeng zim suna min melh chungin a nui leh suk a nihchu. Dawn awm lova a beka ka hnek leh chawrh rualin a zawi nghal hnawk.






"Engvanga helaia awm hi nge i nih?" thu hniam ruai ruaiin sehchilh runin ka phun sup.






"Engvangin nge buaina i rawn siam ngawt a misualpa" lovie ke per dat dat a a rawn au ṭhat rualin a dinna lam ka melh nghal vut.






"I duh duhin mi kutthlak ringawt zel suh. Insum theihna hi engvanga tla chham em em reng nge i nih?" Thinrim hmaisen vek leh hrawk phiar tawn tawn a rawn ti leh tuarh chu ka ding nghal vut.






"Hepa hian helaiah hian enge a rawn tih?" Ti hrawkin lovie pan hnai turin ka che hrut chu a ban a vai nghal thuak.






"Ngaihdam min dil tura lo kal anihkha. I thinrim hrikthlak nan i duh duh hi i hmang ngawt thei lo tih hria ang che." Ngaihdam dil maw? Ka awih lo chiang khawp mai. Nichin lawka kan inbiak dan nen chuan inpersan tak a ni. Ka luh hma lawk pawh a aw ki ring zet a vin ṭhat ṭhat si kha tunah hepa lamah hian aṭang zui leh hmiah anihchu!







"Engvangin nge i phone a chhan?" Ramropuia lam pan a tum chu a banrek a vuanin ka pawt let nghal dawrh a. Tha kan inngah hleih bawk nem min rawn nek nghal rawk rawk chu ka taksa thlawp zaihin ka hnuk hnai nghal dawrh bawk. Tal chhuah tumin a bei fe vat vat chung pawn ka kutzungṭang pakhatte mah a taksa aṭangin a la hrang thei chuang lo.






"I lo hriat ve angai lo" ka awm zawn aṭanga tur zeta min melh khaiin a ti hlar chu ka nui ro nghal hawk. Engvanga hepa lama ṭang nge a nih pawh hi ka hre hrep lo ve.






Ka vawnna phihthla hlawkin Ramropuia ṭhu zawi nguai lam pan a tum leh chu " Remruatfel i khawih anih vaih chuan helai hmunah hian ka that ang" ka ti zui ṭhawt a. Rapthlak min tih hmel lutuka min en chu ka ṭhen khum suk. Ka hmel aṭangin ka thutak zia a chhiar thiam animahna pan hnaih tum hmel a pu tawh lo.






"In pahnih khan ka in aṭang hian chhuak nghal rawh u" ti nawk nawkin room lamah a lut a kawngka ka thlen phei hma chiahin a lock zui hmak reuh bawk a. Ka hmai tuai puatin chunglam melh ngurin ka thaw leh hawk a. Ramropuia ṭhutna lam bawk pan lehin ka ṭham tho zui nawlh a, kawngka lampanin ka hnuk phei nghal bawrh bawrh chu rum ṭuah ṭuah chungin a pai zui chawn chawn. Ngaihdam dil turin a kal emaw kal lo emaw a ṭawngkam vanga a tawrh ve tur rengah ka dah hmiah. Ṭawngkam thladah viau chuan mi kut an tuar mai zel reng bawk a.






"Lovie" room kawngka kik dat datin ka ti thum dut a.






"Ka hmu peih lo che Vankhawpui" atih ṭhat rualin ka nui nghal suk. A thinrim apianga min an khum ve pang pang hian nuam tih chang riau hi ka nei tlat pek a.






Room kawngka bula ṭanga tawlh sawn hrutin kawngka lam ka pan nghal vut bawk. A thinrim reh hma chu kan inbe thei dawn lo tih ka hriat avangin ka nghak deuh tawh mai aniang chu. Mahse rei tak chu ka nghak thei hauh bik lovang. Zan hun atel lova hman a hrehawm lutuk mah mah. Engtik laipawn helai hnaiah hian ka awmchilh reng tawh bawk ang. Car a ka riah zankhua zak ngai mahse kan nupa pindan a a tel lova mut ai chuan kala thlang fan tho.





RUATFELI POV



"Bawihte khawngaihin bang hram teh" ka fapa ṭap nasa lutuk chu ka awih darh darh reng a awmzia a awm thei chuang lo. A ṭahna lamah a hmai a sen vek tawh bawk. A khua asik anih ringin a pang ka dek a adai duk bawk si. Tihngaihna ka hre tawh lo.





Ka khawngaih bawk si nen ka ṭap tel ve pur tawh. Nau pawm ṭhang ka nilo bawk nen, pawma han awih bak tihngaihna ka hre der lo. A khat tawkin ka tihngaihna hre lo chu ka thaw chhuak leh halh ṭhin.





A beka mittui luang ngiai ngiai khawpin a ṭap uar bawk si nen. Ka hrawk na tel ve ut ut tawh chu ka thian kharh a. Khuma ṭhu chungin hnute ka pek ngial pawn a hne duh bawk silo chu mangang tawh tak ka ni.





"Bawihte na i nei a nih pawn mama hi hrilh thei tal la tiraw" ka mittui khap let sak sakin kati tiau. Ka malchunga nghatin ka awi reng tak hnuah chuan aṭap a bang tial tial a. A kut hum tawn ṭaiin a chhing diar diar a ka hahdam ta hawk. Ṭap reng tase tihngaihna pakhat mah hre lovin kan in enliam tawp dawn ani sia. A ṭahna lamah a hmui ro riap chu ka kutzungpuiin ka tuai hauh hauh. Tui zeta a muhil thaw sak sak chu pawmkangin ka fawp vawng vawng. Ka fapa hi awm lo se engtin nge tunah tehian ka awm ang. Apa ka ngaihna tam tak min chhawktu a ni miau.






Khumah ka mutthla riai riai a. Ka pangtilum zawng ang mai hian min rawn hnaih ve ṭawk ṭawk chu nui sakin ka inthawlh ve nghal vat a.





Ka phone nghawr dar darin min ti harh a ham bai bai chungin ka lek chhuak a Julie hming lo lang va va ka hmuh rualin ka ner nghal nang. Tunah chauh min rawn bia a nia. Lungawi lem vak lo chuan ka pick ta tho.






"Fel ka rawm kal dawn aw lo awm rawh" ka chhan ve hma a phone a dah nghal hmak thei chu mak ka tih zia chu. Alo thlen hunah chuan ka hrawk hrep anga ka kut hial pawh a tuar mai thei bawk. Kha leh chen min be lova a awm thei lutuk hi ka lungawi thlawt lo.







"Julie ngati nge i hmai kha? A va duk nasa ve" chek tlak tlakin ka ti hliai. A hmel ka hmuh rual hian a chunga tih ka tum zawng zawng ka ṭhulh lehnghal vek. A duk pheng phung bawk si hi a rapthlak lek lek zawk hial.






"Ka accident alawm" ati sam et. Na ti hmel pawh a pu lo hi ka amak kati tulh tulh bawk. Hmeichhe rorum tak chu ani ngei mai mahse a hmaia duk thlehthluah hi na tih a kur pui ngawih ngawih tham a ni tlat.






"Fel pawi kati khawp mai" mitmeng dul raih a min melh chungin a ti sep a. A hmel landan alo luh aṭang hian a inthlak hlawk hlawk reng hian ka hria. A chang leh min lainat hmel deuh tehian min thlek vang vang zel bawk si. A awmdan hi ka hrethiam thlawt lo.






"Pawi lo, min rawn hrilh lo la chu engmah hre lovin ka awm reng dawn ania. Min hrilh a ka lawm zawk."
A inthlahrung lutuk hmel chuan ka ngaih ati ṭha lo hial zawk. Ka ṭhiannu mai pawh ni lovin ka unaunu ang a ni a, ka ṭhatna tur a atih ani tih ka hrethiam ve lutuk.






"I tan a ṭha lo tur tih hi ka duh ngai miah lo. In inṭhen phah hialna a thleng hi pawi kati lutuk" ka kut vuanin a hmer zui vang vanga. Keimah pawh min en ta chuang lovin hmalam a melh ngar ngar reng a. A hmel aṭang hian thusawi duh tam tak mahse sawi chhuah harsat si a nei tih hrethiam turin kan inhrawn hneh ve tawh viau bawk.






"Min hrilh duh i nei em?" Ti sepin a kut min vawnna ka chul zui hauh hauh a. Ka lam a rawn hawi rualin a mitah tak ka melh ngar bawk. Za vak lova ṭhen sakin sawi tur a neih loh thu awlsam tein a sawi liam let puat lawi bawk si.







Room lama ka fapa ṭap ri ka hriat takah chuan ka tho chhuak a, room lam ka pan zui vat bawk. A muhil alo harh tawh chu niin a ke leng bat batin a kut a vai lap lap renga. Ka pawm zui nghal nawlh chu a ṭap abang zui hmiah. Hetiang em em a naute nu te pang tilum hria hi an awm dawn amawnle aw hi ka ti hial ṭhin. Midangin an han bawisawm ve hlek a ṭap zel si hi, ka pawm tawh hi chuan abang hmak zel. Nu leh fa inzawmna hi a thuk zia ka hre telh telh zel mai zawng anih hi.





Julie awmna lama kan inpawm chhuak chu nui var varin alo ban ve vat a mahse rei kan inpawmtir leh hlei thei tak tak chuang lo.





"Apa a chhun ee" ka malchunga ka fapa meng ve kiau chu abiangah a tuai zui hauh hauh a.






"Apa ang chiah a hmelṭha ala ni dawn tih ka chiang" ati zui leh zat bawk. Ka fapa kut vaikual vel chu a nuih var var bawk a.





"I chunga ka lungawi loh hman zia kha i hria em. Ka nau neihtirh pawn min hmu turin i rawn lang miah lo ania" vui aw lek lekin ka ṭi ṭha hnuhnawh leh vel chu inthiam hmel lo deuh tehian a ṭhen zui sak a.






"Keipawn hrehawm kati ve tho alawm. Hna lama kan buai bakah ka nu alo nuam lo veleh reng zel sia ka chhuak thei thlawt lo alawm" a hmelah a thusawi lai ngeiah hian a cheng miah lo tih ka hre thei. Eng emaw kap tlattu chu a nei tih ka chiang.






"Julie" a mit taka melh rengin ka ti sep a. A hawisawn nghal vat a, chu chuan ka ngaih ati ṭha lo tulh tulh bawk. Nidang chuan vei nei lem vak lova ri phawr phawr chi ni si kha tuna tak a a inthlak ta vak hi mak ka ti viau mai.






"Ka haw mai ang aw" tihpaha din a rual nghal a. Ka melh nghal hu. Alo thleng ve deuh chiah a haw leh mai atum nghal ania. Mahse a hmel ipik hmel lutuk vangin ka chelh zui duh ta bik lo.






"Fel, eng pawh thleng se in pa hi ring tlat rawh aw. A bum ngai lovang che. Chuan fimkhur la aw" engmah sawi ve na hman pawh ka nei lo. A kal zui nal nal chu ka thlir mawl tawp. Chuan a thusawi kha engmah a awmzia ka man lo hrim hrim. Julie ka hriattirh aṭang hian tianga thu tak leh rilru hrehawm hmel pu hian kala hmu ngai miah lo. Engtik lai pawha hlim thei em em reng zel hi anihdan ani ziah bawk. Ka rilru ati nuam lo ru ṭun mai.






Engmah chiangkuang taka min hrilh a nei bawk si lo chuan min kap ru ṭun mai. Ka ṭhiannu a ni a a hawiher engkim ka hman hneh lutuk tlat. Eng ang pawn thup tum mahse ka lakah hichuan engmah a thup thei tak tak lovang tih ka chiang.



............


"Ka fapa duat chu alo inpeih tawh em" khum aṭanga ka fapa pawm tho nawlhin Leumas-a'n a ti lawng lawng chu an sir a ding chungin kalo nuih var var. Engtik lai pawh a ka tibuai em em reng chung pawh hian ning hmel leh hrehawm ti hmel min hmuh ngai lo hi a chungah hian ka lawm takzet. Tunah pawh ka nau tlawh hun ani tih ka hrilh rualin min hruai tur thu a rawn sawi nghal ania. A bialnu pawn keini nufa hi chu hriatthiamna sang tak nen min en ka ring tlat. Leumas hi awm lo se kan nufa tan a buaithlak tur zia hi ka chhut thiam lo zawk.






"Ka inpeih e" ti zangkhai vahin ka fapa mamawh tur ka khungkhawmna bag ka ban tur chu Leumas-a'n rawn ban zui vutin pawn lama an inpawm chhuak chu hmuh nuam ka ti thlawt.






Pawn ka thlen ruala ka mi hmuh vangin ka ding deuh dat. Thlamuanzuala a car chhung aṭangin a rawn pen chhuak ve chiah bawk a. Leumas leh ka fapa inpawm bawr ṭun chu rum ulin a melh zui ngur bawk a.






"Lovie hruai tur cheuin ka rawn kal" a ti sup chu Leumas pawh Thlamuanzuala dinna lam a hawi ve vut. Ka nau tlawh hun thlenga alo la chhinchhiah ve thlap chu ka lawm ru veng veng tho na chungin ka hmel ah engmah ka tilang ta lem chuang lo.






"I hruai kan ngai lovang kan ṭha reng" tihleh Leumas kawngka hawn saah ka ṭhulut nghal zat a. Ka malchungah ka fapa a rawn nghat a, hnunglamah ka bag a dah zui leh zat bawk.






"Induh chuan a rual sawn inkal thei reng ania" Leumas bawkin arawn ti leh sup a. A bula kal ka duh zawk thuin ka chhang nghal vat.






Side glass aṭangin Thlamuanzuala ding khawng luh reng chu ka thlir zui ta tho. A tel lova kan awm ve theih zia leh a duh dan diak diakin thil hi a kal vek zel lo tih hi hre ve se ka tih vanga zui lo leh lo dawng sawng ṭha duh lo ka ni.






Ka nau pawh a hrisel ṭha a tih a hmel ka hmuh rualin ka hre thei nghal. Lehkha a zir nasat vangin ahmai bawl vel alawm loh thu a sawi nang nang reng chu ka lo nuih pui leh hak hak ṭhin. A thinrim tawk a tling em em thunga. Bawihtea a lawm chul bawk a. Hostel aṭanga chhuah vat vat a duat a chak zia a zawi hliai reng bawk.






Eitur kan kensak ho ka pe chhuak a. Ṭha deuh a lehkha zir tur leh in enkawl ṭha tura ka chah hnuin kan kalsan thei ta hram. Nidanga kan tlawh ang lo taka kan haw dawn a aṭap deuh ṭiau chuan ka awm ati nuam lo zui viau mai.






Leumas car hunna lam kan pan a, Thlamuanzuala Leumas car bulah a rawn ding thi duk chu ka meng nghal awk. Min la rawn um zui maw?






Inpet ruh funin car aṭangin a rawn chhuak vut a. Kan dinna lam a rawn pan nghal pawk pawk bawk. A hmel dur khup aṭangin thil ṭha kan hnachhawn dawn lo tih ka hre nghal bawk.






Leumas-a'n ka fapa a pawm a chhuh lawp a, ka banrek a nghet lutuk a vuan chungin min hnuk zui nghal dawr dawr anihchu.






A car lamah min kai phei dawt dawt a kawngka pawt hawng pawpin min nem luh a tum chu ka ṭang ve tlat. A duh duh a min pawh kual vel a tum ṭhin hi ka zo thlawt lo.







"Tharum ka hman ngai lovin lut mai rawh"sehchilh runin a phun sup a.






Min nem lut nghal rawk rawk anihchu.
Ka malchungah bawihtea rawn nghatin hnunglamah ka bag a vawm lut zui nghal pawp bawk. A hmel dur khup leh a che buan buan bawk si nen ka ip zui chawih chawih hi a ni ber.






"Thunder ava mak buan buan ve" Leumas-a'n a rawn ti zui sup a.







"Lo inrawlh suh" a ti vin nghal ṭhawt a, a insehruh nghal fun bawk. A hmel zawng zawng hlauhawm khawpin a sen vek bawk.







"Khatianga i chet buan buan ṭhin vang anihkha Feli pawn i bula awm a chak ngai loh" Leumas bawkin a rawn ti leh fan. A ni chu a in control theih em avangin a aw rik chhuah dan pawh hepa berbur ang lo tak hian ala dam thlap bawk. Mahse a thinrim kaltluan lai hi chuan a awm ang ang hian en liam tawp thei se ka ti takzet.






A enga mah hmain Leumas kawr awm a aṭham zui bawrh chu ka mit ka chhing sawk. Bawihtea ka pawm avangin ka inrawlh thei bawk si lo. Ka ṭhut hmun aṭangin ka ṭang ru ṭeuh.






"Rawn chhuak suh" car kawngkhar hawnga chhuk ka tum chu a bek pawng ṭawlh ṭawlh khawpa in sehruh ṭunin a rawn ti zui hrawk.






Leumas-a'n a mitmengin min rawn khap a ka lut leh zal zal. Khawih let tumna nei miah lovin a kawrawm a ṭhamna a phihthla a a car hunna lam a pan chu ka thaw zui halh. He ramhuaipa ai hian Leumas bula awm hi a thlanawm fe zawk. A bula awm ten engtin nge anlo dawnsawn ang tih pawh ngaihtuah miah lova a che buan buan ṭhin tehi ka haw hlur.






Car hmalam aṭanga kal hual pawp pawpin a rawn ṭhu lut a chak mangkhengin a tlan chhuak zui zat bawk. Leumas hrilhhai tur hmel ka ngaihtuah a hrehawm ka ti lutuk tlat. Hepa ber bur hi engmah ngaihtuah hmasa lova a che buan buan ṭhin hi ka haw lutuk a ni tawp.






Kan inkawt a car a tihdin rualin bawihtea pawm ṭha sauh sauhin ka chhuk pui a. Inlam ka pan zui dawr dawr bawk. Kawngka kalhna hawng rawk rawkin ka lut zui a. Bawihtea khum a muttirin room aṭangin ka pen chhuak a, ka bag khai chungin a rawn pen lut ve chiah bawk chu rum lutuk a melhin ka bag a kut aṭangin ka pawtthla nghal hlawk.






"Lovie" a hmel awmdan a inthlak danglam leh vek tawh.






"Chhuak rawh" kawngka lam ka kawk nghal va bawk.






Ka hma a ding khawng luahin min melh ngur chu a banrek a vuan lawkin kawngka lamah ka kai phei a. Tha a ngah bawk si nen ka duh ang pawn ka kal chak pui thei lo zawk.






"Lovie" a banrek ka vawnna zawk a kut kum thur thur a rawn vawn hnanin min pawt ding dat a.






"Khawngaihin in bia ang" a lam hawi turin ka darah a chelh a min kuai her zui zat bawk. A hmel ka hmuh rualin ka awm chhung ami rang lutukin a phu zui dawt dawt. Hetianga tlawm hmel leh hrehawm ti hian kala hmu ngai lo. A mit a sen rum a, a thusawi ngaithla ngei tura min duh zia a mitah a lang chhuak zut zut bawk.






"Ka tihpalh" a ti sup a. A khawchhunga aṭanga boruak sa huam a rawn thawk chhuah zawngin ka hmai a lum nghal hak bawk.






"Nang anga che buan buan ṭhin mihring hi ka ngaina lo tih hria ang che, chuan nang ang lo takin Leumas chuan min ddimdawih lutuk tlat, kut min thlak ngai lo. Ka zai ngai zela pen turin a insiamrem thiam bawk. Hei hi i hria em nang nen a tehkhin chuan ani kha chu min venghim tu vantirhkoh ka tan a awm reng anih kha" ti nghekin ka dar a vawnna ka paihthla a amitah tak ka melh let ngar bawk. A mit chhing zui sawkin duh thawh lutuk a boruak a hip lut kawk chuan inthunun a tum ve hle tih ka hrethiam.






"Chhuak tawh rawh" ka aw pawh a chang tawh bik lo. Ka hah tawh tunah chuan hahdam ka duh tawh tak zet. Mahse ka hahdamna chu amah hi ala fo anihchu. Ka hahdamna ani chung hian min tina ngawih ngawihtu pawh ani tel tho. A bula ka awma ka hlim ang bawkin min ti kehsawm vektu pawh ka hma a ding mek hi a ni tho.






"Khawngaihin kal tawh rawh" ti sepin kawngka lamah ka nem phei zui dat a. Kawngka ka khar khum zui hmak bawk. Ka nem chhuah ruala a hmela natna leh inthiam lohna inpawlh nuk kha hmu lo ka ni bik lo. Keiaia ka pasal mitmeng leh hmel awmdan chhiar thiam hi an awm kher lovang mahse tunah chuan hun ka mamawh hrih ber a ni e.





.............,,,,,,..........


"Feli kan Thundera hi engtia tih chi nge ni" thaw hapin Upuiin a rawn ti sep a.






"Engtin nge a awm?Buaina a tawk em ni?" Hlauthawng lutukin ka ti nghal vat.






"Tawk chu anih ber hi. I tel lova nundan a thiam lo letder a ni. Buai rap rap chang pawh kan ngah ta viau mai"





"Zu a in nasa a, a hna lam ngaihthah ngai miah lo kha, hna lam buaipui hlei thei lova a awm chang a tam lutuk tawh" ṭah insum zet a a rawn ti sep chu ka ni nghulh theiin ka hria. Hetiang em em a a khawsak zui hi ka ring bik miah lo asin. Keimah vanga hetianga awm hi ani ta berin ka hria.






"Lo inngaihtuah ṭha la, a rang thei ang berin sawi ṭha vat thei ula kati khawp mai. Nupa chu intih thiam loh rap rap chang atam ṭhin, mahse a dawh zawk a kan awm loh chuan tumah hi kan cheng ho thei lovang. Ka nau hi a mizia hi ka hre chiang ve a hrawn har chang a nei ang tih pawh ka hria mahse a hmamgaih vangah che ngaihsak la khawngaihin inngaihtuah ṭha leh hram rawh aw" ka kut hum vang vangin a ti hliai a. A thaw zui hap bawk. A hmel aṭang pawh hian a nau vanga a lungngaih zia hi ka chhiar thiam ve chuan ka hria.






"A nih ka kal ang aw, zan zan a kavrawn kal chilh che chu ka inthlahrung viau mai mahse lo in ngaihtuah la aw. Bawihte a ni hi ka kal ang aw" ka fapa biang a fawp zauhin a ding mar zui vat a. Min rawn en leh rualin ka nui tawi tak. Pawn thleng ka thlah a, kan in mangṭha hnuah inchhunglamah ka lut ve ta chauh.






Kawngka khar ṭhain room lam ka pan a. Kawngka nghengin ka thaw zui halh. Upuii sawi anga a khawsak zui kha ka ring miah lo ania. Keipawh kan awmdan hi hrehawm kati ve tho mahse kha private room a an awmdan khan amah hnaih leh tur hian min dang tlat a ni ta ber. Ka ngaidam thei lo pawh a ni lo, a hmel ka hmuh apianfa ka la hriatchhuah fo chuan kan hlim rei dawn chuang lo, chuvangin hun kala mamawh ni ta berin ka hria.






Kawngka kik dat datah ka phu zawk a, ka fapa lam ka hawi nghal vat bawk. Tui lutuk a a muhil thaw sak sak chu a chal a fawp zauhin ka tho chhuak zui nghal a.





Light dul raih hnuaiah room aṭangin ka pen chhuak zui a. Light ka on eng nghal ut rualin kawngka kik ri pawh a tawp zui ve mai. Zu rui satliah mai mai anni ringin hlauhthawnna em em pawh nei hran lovin room lam pan tuma ka inher tawh chu na lutuk a kawngka a rawn inphih nawk rualin ka inher nghal zawk.






"Hello, ka fanu ilo ṭha maw?" Nui sungin kawngka bula ka pahrawn hmai pem neng nunga ding run ka hmuh rualin ka tawlh hnung nghal dawt dawt a. Vur tuia theh ṭhawt ang maiin ka fim nghal kawk thei. Engtin nge hetah a awm theih? Ani hi jail ah a awm tur a ni.






"Jail aṭangin ka chhuak tawh a, ka rawn haw tawh dawn" a mitmeng pawng hluta min melh reng chungin rapawm lutukin a nui zui hawk hawk a. Kawngka khar tumin hmanhmawh lutukin ka che a, mahse ka khar hmain a rawn lut hman ta hram. Ka tawlh hnung nghal dawt dawt chu ka lampanin a rawn pen ve zel.






"Min rawn hnaih suh" ka hmui khur dar dar a ka tih rualin a rapawm zetin nui chhuak nghal hawk a. A rimchhe lutuk leh a khawsak dan rapawm zet chuan ka thauah min man a ka khur zui dar dar hial.






"Jail-ah mi khunga, lungawi taka ka thlir liam che i ring amaw, i nu kha ka vawhlum thei a nih phawt chuan nang ka fahrin pawh nilo hrehawm tak a min khungbettu che hi ka khawih theih loh che i ring a mi?" A mitmeng pawng hlut chet kual ralh ralhin a chemte ken thi kai hnuang sa tualthah nan a hman ṭhan tih hriat ngawih ngawih ka lam hawi zawngin a lek vut vut bawk a.






Bangin min lo dan takah chuan ka tan tawlhsawn ngaihna a awm tawh lo. Ka thlanfim ka chal velah a bawl ṭiam ṭiam a. Hmanrua ka melh kual nghal ruai bawk. Ka thawk a ranga ka tha khur nasa lutuk control tumin ka insehruh ṭeuh a ka kut ka hum ruh nghek bawk.






Ka sir lama chemte awm ka ban rualin a chemte ken avai fua a ka biang aṭangin thisen a luang zui nguai nguai chu rap lutukin ka ṭe chhuak ṭhat. Ka talbuai vel chu hmuhnawm tih hmel lutuk a min thlir chungin a chemte ken bawk a rawn vai leh fua a. Ka nghawng ka dawm zui nghal vat bawk. Ka kutkar aṭangin thisen a chhuak a, thawk lak a harsa lutuk chu theihtawp chhuaha thawk tuma ka beih ngial pawn ka thaw hlei thei lo. Ka hrawk chhungah a ri hraih hraih renga. Ka pumah a vih leh rualin chhuatah ka ṭhuthla nghal hnawk a.






Kawngka ri rawpah Uropuia leh hmeichhe pakhat an rawn penlut chu ka mittui kar aṭangin ka hmu phe ruai. A hmeichhia zawkin hmui a tuam bik tlat avangin tunge anih pawh ka hre ve thei lo.






"Khawngaihin min pui rawh u" ka nghawng ka dawm lohna lam phar chhuakin mittui luang zawih zawihin ka ngen ngawih ngawih hi a ni ber. Ka fapa an khawih tel ka hlau ngawih ngawih. "Bawihte khawngaihin thawm rawn chhuah lo hram rawh aw" ka rilruin ka ti mawlh mawlh bawk.






Hmeichhe awm chhunin min rawn pan hnaiin a hmai tuamna phelhin min tung thova, a hmel ka hmuh rualin ka awmchhung ami rang lutukin a phu nghal zawih zawih. Ka pahrawn dinna lamah min hnuk phei leh chu ka theih tawp ana in ka ban ka vai nghal nghek a, min ṭhut ngil tir leh rualin ka tukhum lamah min hlap zui chawrh a engmah hre lovin chhuatah ka bawk thla nghal rawp. Thisen chhuakin ka bek leh ka hmsi velah a luang zui ngiai ngiai a. Ka mittui leh ka thisen a inpawlh nuk tawh bawk. An pathuma min khawngaihna nei miah lova min din hual ṭhap chu thei leh thei lovin min pui turin ka ngen sep sep a. Min puih chu sawi loh ka na tuar che hlei thei tawh lo chu hmuhnawm thlirin min thlir zui a ni ber.






"Ka hmangaih min chhuhsak a" chu aw rawpawm zet chu ka hriat rual deuh thawin ka dulah bawk a vit leh zawt a ka khawhmuh a thim zui mup.










**************A TAWP TA**************

























HAN TI MAI ILA CHU MIN NGEI AWM😝








********


Kan in aṭanga kan kawmthlang field thleng ka type in ka hria thui ka tih zar zar zia chu....ka scroll na lamah phei chuan ka meng kawkalh nawk nawk aw🤣🤣tawi inti leh tho awm siaa🙈




Story tam kala ziak lo na chungin whatsapp group ka rawn siam ve ringawt hi ka zak ve viau tho a, ka chhungte phei chuan i va zak lo tak min ti hial a😤 mahse siam tura min ngen hi an awm ve tak zeuh zeuhah chuan ka zah theih lohna leh ka chhungte zahna tlem hawh ṭhenin ka rawn siam ve thawr mai🤭🤭chuan chuan comment min lo ngaih pawimawh sak hram anga tiraw...in comment chhiar anuam a phurna tam tak min pe ziah ṭhin....


*WHATSAPP GROUP KAN SIAM VE A JOIN DUH TAN FB POST HNUAILAMAH KHAN LINK KAN DAH AW*

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » August 30th, 2020, 9:28 pm

THLAMUANZUALA










Chapter-23(18+)







Ka taksa zawi vek tawh che thei tawh lo chu min kuai zangthal lawp a. Engtia min tih chhunzawm nge an tum pawh hmu turin ka meng thei tawh lo. Ka rilru erawh ala fim vek thung. Ka taksa chet tumin ka theihna zawng zawng ka sawm khawm chung pawn ka ti che thei der lo. Ka ka an ka tum a lukham a nawr phui tlat ang mai hian ka hmui tak ngial pawh kati che thei lo. Eng emaw an sawi zui bawrh bawrh reng a. A changin ka taksa engmah hre lova let hlawm reng chu min rawn sawi leh dawt ṭhin. Ka ṭhi tawh anga angaih vang nge chet an lak chhunzawm tawh loh chhan hi.





Kawngka inphih hawng rawp thawm ka hria a. Thlamuanzuala aw thinrimna khat ka hriat rualin au chhuak tuarhin ka ṭhu chhuak nghal zawt.Thlanin min bual huh vek a ka thaw asa huam huam bawk. Ka kawr awm ka thlanin a ti huh vek tawh chu ka khawih a, ka ṭham tawm nghal ngawt ngawt. Kha kha ka mumang ami? Ka nghawng leh ka pum vel ka dap nghal rawk rawk bawk, engtin mah a awm lo. Ka awmchhung ami phu ring lutuk chu kei ngei pawn ka hre thei hial. Engtin nge khatiang mangchhe zet kha ka man theih zawk. Light dim deuh ruih chuan ka thauah min man a ka khur zui hlawk hlawk. Kawngka a rawn in sawi zui dawt bawk nen au ṭhatin ka ṭap chhuak nghal hawk. Ka kawrbanin ka ka ka hnawh a ka mittui dir zung zungin ka ṭap khur hlawk hlawk. Kawngka a rawn insawi leh dawt rualin ka phu nghal chiam! Ka taksa khur nasa lutuk chu tih reh dan ka hre der lo.







Ka lukham sir a phone ka dah ka ban rawk rawk a Thundera no ka call zui zat. Keimahin ka awm ngam tawh lo. Hetiang chuan hlauh lutuk vangin ka â thei mai ang.






"Papa lo kal rawh" rei pawh a ring hma a a rawn pick rualin ka ti zui nghal ṭiau. Midang awm ve an awm loh chuan keimah mai chuan zanin hun hman ka ngam tawh lo. Khang mumang chhe zet zet te nen a chen ho kha ka ngam lo. A taka thleng ang maiin keimah min fan tlat. Mangchhe zet nei ṭhin chuan ka hlauh dan tur chu min hriatthiam pui ngei ang. Tunah kan inbulah hian awm an awm tih hriatna nen phei chuan ka thla amuang lo tulh tulh.






"Lovie thil thleng a awm em?" A aw rik hrawih dan aṭangin kati hlauthawng tih ka hre thei.





"Awm lo mahse ka hlau" insut hraihin kati leh ṭiau a. Ka lu ka thing zui nawk nawk bawk.






"Ka rawn kal nghal ang, lo hlau suh aw. In bulah ka awm vat dawn" dam dupa ti supin a thaw hawlh a. Ka thla a muang zui suai suai thei. A ṭawngkam mal khat ringawt pawh hi thlamuanpui tham a tling zel ṭhin. Phone ka lukham bula dahin chunglam melh vang vangin ka heh hnuailam ka seh ngar ngar.





Thunder-a lo thlen hma chu ka ṭhu char char tawh mai ang. Mut leh chakna pakhat mah ka nei tawh lo. Ka hriat theih ata hetianga mumang rapthlak hi ka la nei ngai loh ang bawkin hlau hlawpa ka awm phahna hi kala tawng ngai lo bawk.





Ka khupah ka ban ka nghatin ka chal ka nghat zui leh dat a. Nichin lawka heta kal tura ti ni mahila alo thleng har ka ti ngawih ngawih tawh.






Kawngka kik dat dat thawm ka hriat leh rualin ka hawi zui dawrh dawrh hlauhna bawkin min ṭhama ka ṭhu tawm zui chawih chawih. In control tum ve viau mahila ka ti hlei thei der lo. Zan rei tawhah tunge helai hmunah lo kal ang. Ka mumang kha thleng dik ta se, ka ngaihtuah zawng ringawt pawn ka hmulthim an ding sung sung thei hial. Khum aṭanga chhukthlak chu sawiloh ka ke ka dah chhuak ngam tawh lo a ni ber.






Ka kiu ka khup a nghatin ka beng ka hup a, ka taksa hlauh lutuk vangin a che zui dat dat bawk. Thawm rei vak lo hnuah a reh zui ve mai bawk a. Ka beng hupna la thla ren rawnin ka beng chhi karin ka ṭhu leh rih room chhung ka melh kual relh relh a, kawngka kik thawm hriat tur a awm tak lovah chuan ka mittui hru tawkin ka awm ka dawn zui vang vang. Ka in hi a fal deuh vang leh ṭhenawm ngah tak kan nih loh avangin buaina lo tawk ta pawh ni ila ngaihtuah pawh ka ngaihtuah ngam lo zawk.





Ka fapa mutna lam ka hawi a tui tak leh thlamuang taka a muhil ka hmuh rualin ka thaw chhuak ham ham.
Ka blanket sinlai keuin ka inthawlh leh a mahse thinthiin ka mut zui theih ka ring tawh lo a ni tawp. Kha mangchhia khan min um zui leh ka hlau ngawih ngawih tawh.






Ka mit ka chhin rual apianga khang misual pathum min sawisak rawn dan kha a rawn inlar nghal zawt zel a, tui tlain inhamtan tuma tui chim loh chin a duh thawh lutuk a boruak an hip lut kawk kawk ang hian ka thaw kawk a ka meng leh nghal vat zel. Ka maimitching ngam lo ani ber. Ka taksa la khur deuh dar dar nen ka awm anuam lo ru ṭun. Tunah tak hian Thundera ka bulah awm se ka ti takzet bawk. Ka ṭah chhuak lutuk bawk si nen ka hrawk ana hlur tawh. Hetiang em em em a ka taksa zawng zawng control vek khawpa mumang hlauh hi kala nei ngai lo. Ka pahrawn hmelte leh min sawisak laite, ka ngaihtuahna aṭanga vawm bo ka chak lutuk.






Pawnlam a motor ding thi duk ka hriat rualin ka ṭhu chhuaka, ka phone a ri ve chiah bawk. Ka phone ka lek kang vat a Upuii hming lo lang va va chu ka mak kati lutuk. Ka beisei loh zawkin min lo call mahse ka hahdam deuh huai tho. Mahse tun ang zanrei tawhah engvanga min rawn bia nge a nih ang. Ka hlauh vang lai taka min rawn bia pawh hi Thundera ni lo mahse ka lawm tho.






Ka pick hmain Thundera call alo lut nghal zat a. Thundera call zawk ka chhang zui vat.






"Lovie pawnah ka awm tawh kawngka rawn hawng rawh le" a tih thum dut rualin ka blanket sinlai ka theh hlima khum aṭangin ka pen chhuak zui nghal vat. Choka lam ka luh phei rualin light on theih zawng zawng ka hmet eng nghal vek bawk. Thimtham a awm hian hlauhnain min man hma zual bik ṭhin.






Kawngka ka hawn ruala Thundera ding khawng luh ka hmu nghal zat a. Dawn awm miah lovin a kawngah nghet lutukin ka kuah zui chawt a a awmah ka bei zui chial. A kut hrawl zet leh lum thur thurin ka hnungah a chul zui hauh hauh a, thlamuang lutukin ka thaw chhuak zui ham ham. Ka chhipah a khabe nghatin rei tak chhung thaw chhuak tawh lo ang mai hian na lutukin thawk a la a ka chhip bawr vel a lum huam thei hial. Thundera bula thlamuanna leh him bik ngawih ngawiha ka inhriatna ang hi khawiah mah ka neih leh theih tawh pawh ka ring lo.






"Thil thleng a awm em?" Min nawr hlat tumin a che hrut a. A kawngah nghet lutukin ka kut ka suih bet zui hmiah chu a nui che dawt.






"Ka lovie hian min ngai viau ami nge a hlau lutuk zawk?" A ṭawng zawngin a awm aṭangin min ngawr dar dar thei hial mai.






Ka kawnga vuanin min chawikang nawlh a tlak hlau zetin a kawngah ka kerhbet zui nghal vat. Room lam min panpuiin khumah a ṭhuthla zui hmuk a, a mah hmachhawn zawnga ka ṭhu chu alamah min pawt hnai nghal hrawk bawk.






"Le han sawi teh enge thleng"min biakna aw dam leh lutuk tehian ka mittui a ko leh ringawt pek a.






"Ih ka mumangah ka pahrawnin min thah a tum a" ka ti nghal ṭiau chu a thaw nghal hawlh. A awmah ka kut ka nghat a a lungphu rik dawt dawt rualin ka kut hi a phu tel ve zel ni hian ka hria.
Min nawr hla hretin a kut tawn tawnin ka biangah a khuap a ka hmui khur deuh dar dar chu a zungpuiin a tuai zui nghal hauh hauh.







"Mumang mai mai anihchu. Hlauh loh tur aw in bulah ka awm tawh hi" pa leh fa mangṭha lo mang inhnem tepawh kan ang hialin ka hria. A aw ka hriat ringawt pawha thlamuanna ka dawn ang hi tu hnen aṭang maha ka neih theih ngai loh tur a ni.






"Ka nghawngah a zai a min vit bawk" ka sawichhuah zawng ringawt pawhin ka nghawng leh ka pum vel an vihna lai kha a na ut ut thei hialin ka hre bawk a.






"Shhh" ka hmuiah a kutzungchal a rawn nghat a ka hmui ka chip zui nghal hmiah.






"I chungah engmah a thlen ka phal ngai dawn lo" mitmeng thuk ruiha min melh chungin ati thum duta a awmah min kuah bet zui hlu hlu.






"Chuan ilo haw tawh ang tiraw" a thusawi a inring tawk lo lutuk chuan khawngaihthla ala zawk.





Awm hrang deuh hlekin a ban rek tawn tawnah ka vuan a mit taka melh chungin ka haw tur thuin ka chhang zui sep. A hmela hlimna lang chhuak zut zut chuan ka chhungril thlengin min fan rawih rawih thei. Muanawmi nen engtiang pawhin lo khawsa dun mahse keipawh hi a tel lova awm harsa ka tih ve tho vangin ṭha taka min hrilhfiah hun ka nghak zawk mai ang. Heng rilru tehi thil thlentirh khan lo pu ila tu mah mah hi kan inhrem tawn angai lo tur. Mahse thinrimna a chhuah ṭantirh hichuan inngaihtuah fim hman lo khawpa rang hian min fan zel ṭhin avang hian tupawh hi an che zui ve buan buan thoin ka ring. A bik takin kan hmangaih tenen kan inkar anih ngat phei chuan rilru fim put hun nghak tur chuan hun rei ngial angai ṭhin.






Ka vawnna a pawtthla a ka bek tawn tawn sam kar a a kut hrawl zet zen lutin ka hmuiah a rawn fawp nghal chawt a. A nghawnga kuah let chialin ka chhanglet ve nghal hmiah. Rum ngutin duh thawh lutukin min fawp zui buan buan a, rei tak chhung thil ei tawh lovin a puarna tura a duh tawka a puarna tura thil ei zui buan buan hi a ang ka ti ber. Ka bek a dawmna pawh a na ut ut thei hial. Ka hmui hnuailam pet zauhin min fawhna a thlah a achal lum vung vungin ka chalah a nawr dat bawk. Ka hmai zawna a thaw lum sa huam a chhuah hawk rualin ka mur nghal sung sung. Ka hmui a fawhna a thipin a sa ham ham bawk.






Ka pangngai deuh tak hnuin a malchung aṭanga chhukthlain haw turin kan thawmhnaw ho ka khung khawm mial mial a, Thundera thung chu a fapa muhil thlirin a bulah a ṭhutchilh ran thung. A khat tawka a biang a khawih leh zauh ṭhin chu ka hau leh hlak ṭhin bawk a. Ka thusawi engah mah angai duh der lo lehnghal.






"Iti harh ang. Suakbak vek ta se i awi reng peih ami?" A fapa biang vel a hmuia a nul kual dun dun chu ka ti zui nghal hlar. Thuawih deuhin a ṭhungil veleh mai bawk chu kawng dawm meuhin ka nuih hak a. Ka dinna lam rawn hawi zui vutin a dar a san awk a kiai deuh suk bawk. Kan fapa hi enkawl hrehawm a ni lo hrim hrim zawk a chuti ni lose ka hah thei viauin ka ring. Nu te kan tana anlo inpek zia leh kan senlai ringawt pawha min enkawl dan ngaihtuah hichuan hringtunu tehi tupawn duat ngawih ngawih tur hi chu kan ni chiang a ni.




................



In kan thlenin Mami pawh alo la meng ve reng a. Min hmuh ruala a mitmenga hlimna hian min ti nui lo thei lo, a der pakhat mah alang chhuak lo miau. Kei aiin kum khat chauhin a a naupan avang hian kan inkawm thei viau bawk. Bawihtea alo lawm chul bawk a a harh leh laklawh nen kan mengrei dawn tih ka chiang viau bawk.







"Mami lo awmpui lawk rawh aw ka han indah fel ve ange"






Ka thusawi pawh hre awmin a lang lo hrim hrim bawihtea ringawt a buaipui a a nui zui var var reng chu ṭhen ve sakin kailawn lam ka pan zui vat. Thunder-a'n ka hnungah min zui nghal vat bawk.






Room ka penluh rualin ka thil khai ho min pawhthlak sak lawpin chhuatah a thehthla a, kawngkaah min nawr bet zui nghal hmiah anihchu. Enge a tih tum hriat tumin a awm zawn aṭanga ka melh chho deuh ha chu a taksa hnuailama min nek na sauhin a hmui a liak hnawm zauh a, a mitmeng sexy zetin min melh chhuk ngur bawk a.
Ka thin a phu nghal dup dup mai. Hetianga a mitmeng a danglam tawh hichuan ka zam nghal vek zel.







"Aw..aw...awm awm sawn rawh" ka ti bah nawk nawk chu nui sukin a rawn kun hniam ruai ruai a a hmui lumṭha zetin ka hmui a rawn bawhthuah zui nghal zat. A awm a ka nem deuh dat a a kut lehlamin ka luchungah ka kut a pahnih a nawr bet zui leh hmiah. Ka hmui a fawhna sawnthlain ka awma hmai phum vang vangin a thaw deuh hrawih a. Ka thinphu dup dup ri pawh chiang takin a hre thei vek ang.







"Ka ngai che. I engkim hi ka ngai vek" ti supin ka kawrchhanah ka hn*te a ṭham zui tawka ka ṭe chhuak nghal ṭhat chu a nui deuh suk.






Ka kawrhak pante chhanah ka hn*te a fawp zauh a ka ip zui nghal chawih mai! Ka kut a vawn beh lohna lamin ka kawr chhungah a zen lut a, ka nak nem aṭangin engkim hriat chian atum vek amaw tih tur khawpin muangchangin a chul chho dan dan a. A kut lum thur thurin ka hn*te a thlen chhoh rualin ka thaw chhuak nghal hak.






Ka ṭaksa a ṭang deuh tung bawk si nen min tihah vekin ka hria. A kut a awm hle tir thei bawk silo. Ka taksa chu khawilai pawh hriatchian tum ni awm tak hian a kut avah kualtir ruai a, a tawpah ka hn*teah bawk a tawp leh ṭhin. Mipa hian hetiang em em hian hn*te an lawm ang tih hi ka ring pha lo.






"Lovie inthlahdul rawh" ka hmai bul chetah a rawn ti sup a, a ṭawng zawnga boruak lum rawn chhuak chuan min ti mur chuai chuai thei hial mai!






Ka taksa ka thlahdul tih a hriat rualin ka kut ka luchunga a vawn beh athlah a ka khabe a vuanin min kuaidak deuh salhin duhthawh lutukin ka hmuiah a fawp zui nghal buan buan. Ding dihlip ak ak a a nghawng a kuah letin ka thiam ang tawkin ka chhanglet ve chu a rum chhuak deuh dur dur a, chu chuan min ti phur zual vek bawk.






Ka kawr chhung aṭangin a kut ala chhuaka ka kekawr tlang a vawn rualin kan pindan kawngka a rawn in kik dat dat a. Ka kuahna ka thlah zui vat chu alamah bawk na lutukin min pawt hnai hrawk a a kut pahnih ka kawnga suih bet hmiahin ka hmui hnuailam nui sukin a rawn pet leh hram anihchu.






"Feli bawihtea hi a tlei vak lova" pawn lam aṭangin Mami'n a rawn ti lang lang a. Thundera min kuahna ka pawh phelh rualin a phun nghal hluk chu ka nui leh hak. "Nui suh" ti ang hrim hian min melh rum ul bawk a.






Ka sam vel tuai mam thuak thuakin pindan kawngka hawng a Mami'n ka fapa a pawm ṭe deuh ṭhat ṭhat chu ka ban nghal vat.






"Tihtur a awm tawh loh chuan mut mai ka duh aa" inthlahrung dek a a rawn ti chu hrehawm ka ti zawk hial. A mut theih thu ka hrilh hnuin inhnuai lamah a chhukthla zui a. Keipawh pindan kawngka kharin ka lock zui nghal zat bawk. Ka fapa ṭe deuh reng chu khum lam ka panpui a, Thunder-a'n ka kawngah ala rawn kuah hram chu ka melh vak.






"I mak" ka ti hlak chu a mithmul tikang zauhin a nui suk suk. Chuta karah ka hn*uteah bawk a rawn ṭham leh salh chu ka melh zui leh nghek a, a nuih aza tulh tulh lehnghal.







Khumah ka ṭhutthlak pui a hnute ka pe nghal zat chu a tui a hal bawk a nih ka ring lainatawm khawpin a hnei zui nghal dawk dawk. Tunah 11 a hnai thuak tawha a mu kan ti suakbak laklawh nen tleina chi ani tawh lo hrim hrim. Nichina ngaihsak miah lova kan lo khawsa hmasa pawh kha hrehawm ka ti viau bawk.






Thundera kan nufa hnunglam a thuin a bawp inkara ka thut theih nan a lamah min pawt hnai nghal dawrh. Ka fapain a hnute hnek loh lam apain a rawn hup nghal thawk chu rum lutuka melh chungin a kutah ka beng nghal hlak. A hmur a hrual zui zat chu ka thaw deuh nghal hak bawk. Ka bengkawm v num kual thuak thuak chungin a ṭham leh salh a hetianga min khawih reng chuan ka pangngai dawn hauh lo.






"I mak emai lo awm hle hle rawh" tileh hlarin a kut ka pawh chhuahsak chu patling pui e tilo chuan a tum zui bar bar a, kan va chhangchhe chiang tak.






"Junior muhil vat rawh mama hi ka ngai ve tho tih hria la" ka dara a khabe nghat chungin thu tak zeta a fapa sama chul heuh heuhin a rawn rawn ti leh chu ka nui nghal hak hak. A fapa hial pawh a thik dawn dawn chu ani sia. A mit a chhing diar tawh chunga a khawih peih lutuk chu kan inkhak leh hlak hlak chung pawn ka inkhap dai thei thlawt lo.






"Lo khawih tawh suh iti harh leh zo dawn"






"Ka ngai alawm" ati sam et.







"Kha nangman buaipui rawh. I mak lutuk zanrei anih tawh hi" ti hlak hlak a ṭhusawnin ka pe a, sawisel miah lo chuan alo ban zui ve mai bawk a. Khum aṭanga ding chhuakin a ban hrawl zetin a awm zawnah a kuahbet hlu hlu chu khuma ṭhuchungin hmuhnawm tizetin kalo thlir thung. A fapa hmel a en zawng apianga a mit aṭanga hmangaihna lang chhuak zut zut ṭhin hi hmuh nuam ka ti hle bawk.







"Lovie" kalo muthlu leh lawp lawp ṭhin chu min kohna pawh ka hre mumal lo.






"Lovie" ka dara rawn sawi dat dat a chiang mang lo hian ka meng chial chu ka mitah a fawp zauh.






"A muhil tawh ami" kati ban deuh chalh a. Ka zangthal nghal zui thak chu ka chunga rawn inbengkalh nghal runin min melh chhuk run a.






"Kalsawn rawh ka muhil duh" ti sep sepin a banah ka beng deuh thak a blanket ka pawt ṭha sauh sauh chu a rawn hlim nghal vek anih chu.






"Enge i hriat a ka mut achhuak alawm"







"I muhil thei hrih lo, nichin ami kha kan zawh phawt angai" ti thum ruihin a rawn kum hniam zui zata. Ka kekawr kawng chhungah a zen lut zui chu ka meng nghal kawk, harh chian lohna chi ani tawh lo. Ka thin aphu zui nghal dup dup thei. A kut ka point-ah tak a nghat nghal chawt a. Ka chhungril aṭangin ka khur zui dar dar. A mitmeng thuk ruih a chakna lang chhuak zut zut chu thup tumna pakhat mah a nei lo chuan min ti zam zual vek.





Ka awmdan hi ka dik thlawt lo hetianga khawsa ngai lo pawh kan nilo mahse ka zam em em ringawt a. Hlauh nei miah chuang lovin ka tiril a khur dar dar bawk. Zam lutuk avang hian hetiang hian alo awm theih anih dawn hi.






Ka tai bawr vel a chul kual hauh hauh a, ka mur chhuak nghal vek. Min khawih apianga ka taksain alo dawngsawng ṭha em em zel pawh hi ka hrethiam tawh bik lo. Ka inpeih ve at zel nimai hian ka hria.






Ka bawp a kut lehlam a siamremin a inkarah a rawn tla zep nghal a. A taksa rihna in min delh bet zui nghal zat bawk. A kut ka kekawr chhung aṭanga a lachhuakin ka kawr tlanga vuanin min phelhsak a bra ka hak loh vangin ka awmbawr a lang nghal vek bawk. A taksa hnuailamin min nek nat rualin ka ip zui chawih.






Tlem insiamrem leh hrutin ka kekawr leh ka panty a pawtthla hrawk a. A kekawr hak a hlip zui ve zat bawk. Ka taksa hlang leh a mi***na ruh ṭul leh sa huam a innawk rualin ka tai bawr a za uai uai a ka heh hnuailam ka seh zauh.






"I taksa suangtuah chunga hrehawm ti zeta zan hun ka hman ral zawng zawng kha zanin hian hian i rulh vek angai" ka nghawng vun nem lai vel a hmuia nul kual dun dun chungin a sup a. A ṭawng zawnga apianga a ka aṭanga boruak lum rawn chhuakin ka nghawng leh beng bul vel a ur ham ham zel bawk.






Mitmeng thim ruih leh chakna inpawlh nawk a min melh runin ka kut aban a, a mi***na kh**ng vek tawh chu min ṭham tir salh bawk. Ka ṭhamna ka tihnat zual apiangin a chal bawr vel a thizam vel a lang nghal ṭuak bawk. A khat tawkin a thaw chhuak leh hawlh hawlhin a hmel alang chang ṭawlh ṭawlh bawk






A mit a chakna lang chhuak ang tho hian ka mitah pawh alan chhuah ve tho kavring. Mahse zahna ka nei tawh lo. Ka pasal a ni a he thil hi nupa inkar a hmang tur kan nih bawk avangin insum tumna ka nei bik miah lo. Ka pasal lawmna siam hi ka tih tur a ni tih chiang takin ka hre bawk.






Ka thiam ang tawk a chet ka lak rualin amit chhingin a rum chhuak dur dur a, chu chuan amah tih lawm zel chakna min neihtir bawk.





A kut chetin ka hn*te dimna nei miiah lovin a hrawm nghal nawk nawk a. A duhthawh luatah a khawihna chu a na lam mah mah bawk. Rawn kun hniam ruai ruaiin a ka chhung sa lum huam a a hmuam rualin a mi***na ka hmer na salh a ka mit ka chhing chial bawk.






"Lovie i bawp kar zau rawh le" a aw pawh a khur hluk hluk thei hial mai. A ban lehlam a inbengkhalh deuhin a kut lehlamin a z**g ruh ṭul tawh a hum run a ka hm********na lai vel a nawr kual nawk nawk chu insum hman lovin ka ṭe chhuak ṭhat ṭhat.





Min dimna nei miah lova ka taksa a nawr luh zawt rualin a hnungzangah ka ham nghal tawk.



...............,,,,,,,,,................



"Ka ti na che em" a ban ka lukham theih turin a siam rem a. Ka kutṭang karah a kut a rawlh lut zat a lek kangin a fawp zui vang vang bawk.






"Umm na ṭep i duh thawh si min dim lo" ka ti sep a a nui nghawr dawt. Keipawh ka nui ve tho. Kan pahnihin kan duhthawh ve ve, zingah phei chuan ka sil ṭhumin ka ring.





"Min hrem rei man anihkha, chuan zanin hian i muthilh ka rem ti lovang" min fiam paha a ti sup chu ka lei chhuak khum zauhin a nakah ka piai nghal hlak.






"Lovie" mit chhing vang vangin ati sup a. A hmel hmu chiang thri turin ka dak chhuak nghal vat a. A hrawk bawk che ralh ralh khawpin a chil a lem khawlh a, a rawn meng a nui sukin ka mitah a fawp nghal zauh.





"Muanawmi nen khan engmah tih kan nei lo" ka mit a min melh runin ati sup a. Ngawi leh datin ka hmuiah bawk a fawp leh zauh a. Ka kut lek chhuakin a biangah ka dawm zui vat chu na lutuk thawk ala nghal hrawih.






"Leumas nen cabin a ka hmuh dun cheu khan ka buai vek, insum theih loh ka hlauh vanga kalsan che ka ni bawk a. I lak aṭanga ka inlak hran chhan pawh a ni chiah a"







"Leumas nen in inkar a awm awm anga ka hriat tlat avang khan ka rilru a buai a, engmah ngaihtuah loh tumin hna lamah ka insawr bing ngar ngar bawk. Chuan khami ni khan ka room a ka chawl hahdam tura ka mu kha Muanawmi lo lan lai ka hre miah lo, ka harh chuan inphelh ruak vekin alo awm reng tawh zawk. Engmah tih kan nei lo." Dam raihin thil thleng min hrilh zawng zawng chu ka ring nghet nghal hmak. A mitah dawt asawi loh zia ka hmu miau. Ka pasal kalo rin zawh tawk loh avanga kan inkar dik lo kha ka thiam loh liau liau a ni tih ka hria. A tira ngaithla tura min duhlai khan lo ngaithla ila khang kha kan thleng zui miah lovang. Mahse a hlimchhawn kha chuan a harsa ve bawk em a ni. Min ṭhawnga engmah ngaihtuahna fim ka hmang hman lo kha ania. Tunah chuan engpawh ka tih dawn apiangin inbengdai hmasa zeta ngaihtuahna fim hman a ṭhat zia ka hriat chhuah phah tal alawm.






"Ka hmangaih che" ka lu kan datin a hnuiah ka fawp zauh a ka inla hrang leh nghal vat.






"Ka hmangaih ber che" thuk leh ril ruihin ati nawn ve sup a. A awmah nghet lutukin min kuah zui hlu hlu bawk. Tunah tak hian ka hlim hliah hliah bawk. Engmah kan inkarah buaina a awm tawh lova, nupa inrem taka awm tluka hlimna hi nupa inkarah a awm thei tawh lovang tih ka chiang. Engtikah mah ka pasal hi ka phatsan lovang a, amah leh kan fapa tana nun hman hi nupui leh nu ka nihna anga ka tih tur ani tih ka chiang bawk.






"Chuan tunge khatiang thla kha lak tir" ka ti zui sep.






"Ramropuia" a hmel dam dap kha a inthlak danglam leh vek tawh. A hmel lang chang ṭawlh ṭawlh dan aṭangin a thinrimna ka chawk tho ni berin ka hria.






"I ngaidam angem" beisei nei zetin kati leh sep.






"A theih loh" ati nghal bur chu ka ner zui nang nang.






"Ngaihdam theitu nih hi aṭha ber tih i hria em?"






"Khawngaihin" ngen ngawl zetin ka ti hliai a. Min kuahna ti nghet sauhin a mit a chhing nghal hmuk anihchu.






"Ngaidam ang aw"







"Kan la ngaihtuah dawn nia, muhil tawh rawh" ka chala fawp zauhin a ti sup a. Ka mut dan siamrem sat satin ka mit ka chhing zui ve chial.




............,,,,,,,,,,,,...........



"Lovie ka papuia a boral a Thenzawl ami kha, ka zin chhuahsan che u angai" insiam peih atin khum bulah alo ding reng chu thopang zetin ka melh nghal ha.






"Eng thleng nge i cham ang?" ham bai baiin ka ti tham chhel a. Khuma rawn ṭhuthlain ka kut a rawn chelh zui nghal vat.






" Zankhat chiah kan riak ang ka pa nen kan ni dawn a." Ka tum pawrh deuh tarh chu a nui suk. Kal lo tura dan chu ka tum miah lo mahse atel lova zankhat lek riah pawh ka huphurh ngawih ngawih.






"Zankhat chiah tak tak kan cham dawn chauh alawm" ka bianga piai zauhin a tho chhuak vut a a kut a rawn lek chhuak va bawk. Rang deuh a vuanin ka tho chhuak zui ve nghal a.






"Bawihtea" kan fapa mutna lam hawiin ka ti hliai. A mutna alo ruak hiai tawh.






"Upuiin a la thla tawh" ti supin bag lian vak lo khum bul ami a khai kang nawlh a pindan kawngka lamah min kai phei zui dat dat bawk. Ka muttui viau ani ngei ang an in pawm chhuak vel thawm pawh engmah ka hre lo ania.






Inhnuai kan thlenthlak rualin living room lama Upuii leh bawihtea inpawm ka hmui nghal zat a, an awmna lam pawh pan ta chuang lovin kawngka lamah min kai phei dat dat a, min kaih ang angin ka zui mawl ve tawp.






Upuii leh bawihtea an rawn inpawm chhuak ve a kalo ban zui nghal zat bawk.






"Papa lo haw vat rawh aw" ka fapa ban a chelhin ka vai tir lauh lauh a. Ka thusawi hrethiam awm ang tak hian a lu a chet kual ve vat vat bawk a.






"Kalo haw vat ang" a fapa chhipa a fawh vang vang hnuin ka hmuia fawp zauhin a inla hrang nghal thuai.






A car dahna lampan a pen zui pawk pawk ka thlir reng. A ṭhutluh hma a rawn hawi letin a nui suk a a kut a vai zauh bawk. Ka huphurh zan khat lek mah nise a tel lova awm chu. Mami an khawlama a hawlai ani bawk nen kan nufa chauh chuan a khawharthlak dawn lutuk.






An tlan liam hnuin inchhungah kan lut ta chauh. Tun lawka kal chhuak ni mahse kan inchhung hi atel lo chuan aruakin a khawharthlak vekin ka hria.






"Upui" kawngka lam ka hawi leta. Kawngka kalh rawk rawkin curtain a zar phui nghal rawk rawk chu mak ti zetin ka thlir mawl tawp. Enge tih a tum hi ka hrethiam miah lo.





"I pasal hian kan inkar hi a hrilh miah lo che a mi?" Kan dinna lampanin a arawn pen zui hlawk hlawk a. Ka lu ka thing zui nar nar chu a nui nghal uar uar. Enge ka hriat tur awm min hrilh loh chu. Unau ni siin an inkarah enge awm? Ngaihtuah dan pakhat mah ka thiam lo. Ka hmai zawn a a chemte ken a lek vut vut rualin ka mit ka chhing nghal sawk. Hetiang a ka chunga a khawsak phahna hi eng thil nge? Chu pawh chu Upuii leh Thundera chiah hian an hria.











*ZAWMNA*









"Upui" a awmdan hian min ṭhawng lutuk hi ka awah pawh a lang chhuak hial. Ka hawi lawl lawl ni ber hian ka hria. Hlauh lam aiin mak tihnain min fan hneh zawk.






"I lo let leh hi i tihsual lian ber anih hi i hria em?" Ka lam rawn panin min nem nghal dawrh a. Kalo inring lo lutuk bawk nem ka tlu ṭhelh. Bawihtea nghet lutuk a pawm chungin thawk kala zui kawk a. A mitmeng ka hmuh ngai miah loh leh rapawm lutuka min melhna chuan min ti ṭim sung sung thei.







"Ramropuia thil sutkuak theih loh hi keiman ka tih angai ta a"a mitmeng chet kual ralh ralhin a ti zui leh zat. Uropuia nen a an hmalak vek maw lo ni? A hma khan ngaihdam min dil tura lokal si kha engvang nge hetiang zawng hian a tih leh theih. Thundera hnenah hotela thla alo laksak avanga ngaidam turin ka ngensak mahse ngaihdam ka ngensakna kha a phu miah lo. Ka chungah rilru ṭha a pu zui miah lo.







"Upui" abak sawi tur dang ka hre thlawt lo. Min ṭhawng lutuk hi ka mumal lo nuai a ni ber.






"Khati khan min ko rei tawh lovang. Upui, Upui i duh tawk a tam chu ka hming han lam ta che" min rawn pan hnai leh chu ka tawlh hnung dat dat thung. Ka fapa engmah la hrethiam velo hmel hian ka ṭah ati chhuak vek bawk.






"I eng pawi nge ka sawi?" Ka ti lawi rat.







"I hre lo maw?" Ner nawkin a ṭhen sak a. A mit ngeiawm zetin a chet kual ralh ralh bawk a.






"I pasal nen hian unau tak tak kan nilo tih hi i hria em" ka hawi â nghal vek. Unau tak tak anni lo maw? Engtin nge anih theih?A hmel en ringawt pawh hian unau an nih lohna hriat tur pakhat mah lang lo khawpin an in ang.






"Chuan amah avanga pasal neih luihtir ka ni bawk tih te pawh hi i hria em?"aw rawl vin lutukin ati ṭhat a ka phu nghal zawk. A a mitmengah min huatna lang chhuak zut zut bak hmuh tur a awm lo.






"Hmm...i hre lo tih ka hre mai i hawi buai danah khan" a khabe tuai zauhin a aw ati nem kual leh vel techuan mi rap ngawih ngawih tawh. Ka hmaah a vei kual sek bawk a akhat tawkin rapawm lutukin a min melh leh hrawk zel.






"Hetiang hian ti suh, hmangaihna vanga buaina kha nangmah inhnehtir suh" ngen ngawl zetin ka ti sep a. Mahse ka thusawiin amahah awmzia anei dawn lo tih ahmel aṭang hian ka hre chawpchilh leh nghal.






Ka hnunglama rawn dingin ka nghawngah a chemte kenin a tin run a a nui ri sak chu ka chil ka lem khawlh. Ka fapa ka pawm beh mek engmah hrethiam lova hawi vat vat reng chu a kut lehlamin a biangah a tuai tel hauh hauha. Ka chetpui hrat rualin ka nghawng atinna tha a pena zual a, ka che zui ngam tawh lo. Ka chungah engpawh tise ka fapa chunga athlen ve ka phal lo.





"A bul aṭangin sawi zo law law ang aw" ka beng bula ti sar sarin a chemte ken ala sawn a. Ka hmalamah a ding zui zat a. Ka fapa hmai zawn a chemte a lek leh vut vut ṭhin chu ka ip zui chawih chawih.







"Eng aṭangin nge ka sawi ṭan ang" a chal ti chuar nangin a meng zim kual vel a, a bekah a akutzungchal a khawng kauh kauh bawk a. Ngaihtuahna hmang kual vel niawm takin a mit a chhing zui zat bawk chu khap lek lovin ka melh ngar. Hetiang em em a mihring inthup thei lutuk hi engtin nge an awm theih zawk. Chuan min bum let der bawk tihna.






A ka ang zauhin a rawn meng zawk chu ka tawlh hnung nghal dat a. Ka lampanin a rawn pen ve zel bawk. Ka hnunglama sofa hnungin min dan takah chuan ka tan chet ngaihna a awm tawh lo.





"Thundera hi ka tleirawl chhuah aṭanga ka hmangaih hmasak ber leh tun thlenga ka hmangaih awm chhun anih hi"





"Chuan maw, uluk deuhin lo ngaithla rawh, ka atchilh ṭhin. Thisen zawm kan nih loh avang khan kan nu leh pa khan ka awmdan leh Thunder laka feelings ka neih kha an pawm ve mai ka ring a mahse a thleng hauh lo. Amah Thundera ngei pawn min pawmsak lo. Thundera ka duh tih ka inpuan rual khan pasal min neih luihtir a, fa hial pawh ka nei ta reng mahse ka pasal kha maw ka hmangaih hauh lo. Zantin min khawih lai ngei ngei pawn Thunder chauh ka suangtuah ṭhin avang khan ka tlingtla ve mai ṭhin." A thusawi zawng zawng hian min ṭhawng em em vek, awmdan tur ka hre lo ani ber. A sam hmalam an tla a hui chho papa min lainat hmel zeta a ameng kual leh vel te chu a rapawm ngawih ngawih tawh. Amah lah chuan khap lek loin min melh zui ngar a. Nidanga a hmela nunnemna leh min ngaihsakna ka hmuh ṭhin kha hmuh tur a awm miah lo. Hmel chang runin min melh reng chu ka aw ka thian kharh a, a ni pawh a hmel awmdan siamṭha vatin a nui nghal sak. Nunnemna hmang ṭangkaiin ka rin theihna turin a khawsa a mahse Thundera vangin min huatna leh min tihnat duhna alo pai reng si. Hetiang mihring hi khawvela mihring hlauhawm ber anni. Hma lam aṭanga rilru ṭha ber anga lang mahse dawihzep taka hnunglam aṭanga midang beih ching.











Min hnungchhawn zawnga a inher hrat chu hmanhmawh lutukin ka inher a ka pen tur chiah ka hmuia rawn hupin ka hnunglam aṭangin ka naknemah a chemte ken muangchangin a nem lut riai riai chu ka meng nghal kawk a ka ding khawng nghal vek bawk. Ka awmchhung ami arawn phu chhuak dawn amaw tih tur khawpin a phu rang bawk. Ka ka an ka tum a a hup hneh lutuk mah mah. Ka nak ka khawih a a lo huh deuh hluam chu thisen a ni tih ka hria. Ka kut ka lekchhuak a thisen kai ka hmuh rualin ka lek khur ngawt ngawt. Ka nak a a vihna a phawi zawt rualin ka ang nghal pham. Ka tha a zawi deuh hnawka ka fapa ka pawmlai ka thlauh ṭhelh.






Min vihna lai dawm chungin Upuii lam hawi tura inher ka tumlaiin ka hmalam a rawn pen pheiin ka hmaah tak arawn ding zui nghal zat a, min lainatna nei miah lovin min melh zui reng. Ka hamhaih lutuk chu ka nat leh nat loh pawh ka hre thei lo hial. Ka fapa pawmlai min chhuh lawp a. A ṭap nghal ngak ngak chu lainat lutuk leh tih theih nei bawk si lovin ka thlir mawl tawp. Ka nak ka kut lehlam a dawm chunga ṭhen chat chatin ka ban ve ṭawk ṭawk a, ka kut a vaithla nghal lawp.






"Heihi ila hria em?Ropuia birthday party zana thil thlengte kha kan ruahmanna vek. I lak aṭanga Thlamuanzuala pawh hran tumna hmasa ber. Mahse Ramropuia tlaw lutukin hna ati sawt loh bakah i chungah engmah a thlentir lo." Ka hma a hmeichhe ding chu ka melh ṭawk ṭawk a. A thil tih vanga inchhir hmel put chu sawi loh nuam atih hmel hliah hlaih zawk anihchu.





"Upui...e...eng...engtin nge i tih theih?" Min vihna lai nain min rawn ṭham a ka ang nghal zawk bawk. Ka aw chhuak a lawi nghal rat. Chhuatah ka ṭhu zawithla nghal nawk. Thundera nen kan intih thiam loh chang pawha ka lama ṭang reng ṭhin ka û ang maia ka en leh ka ngainat em em hian hetiang hi engtin nge ka chungah atih theih zawk. Hetiang em em a min tinatna duhna rilru pu tur hian Thunder a duhna hian a ti â vekah ka ngai.






"Rawn let tawh lo ni la hetianga ka chet kher hi angai lo tur. Heihi i cho chhuah liau liau anih hi" a mitmeng lian kal min melh chungin sehchilh run hian ati zui hraih.





Kawngkapui lam a ri rawk rawk a, min chhantu anlo lang tawh dawn anih hi tih ngaihtuah chungin kawngka lam ka melh a. Chhunglam aṭanga kalh ni mahse pawnlam aṭanga her rawk rawkin Uropuia a rawn penlut a. Ka hawi dawrh dawrh hi a ni ber. Kan awmdan min hmuh rualin a meng deuh awk mahse a insiamṭha zui leh vat. Heng misualte vang hian vawiin hian ka tawpna ni ka hmang tawh turah ka dah nghet hmak tawh.






Kan awmna lam a rawn pana, a mitmengah min lainatna pakhat mah hmuh tur a awm bik lo. A hmel a chang run.






"Uropui khawngaihin min pui rawh" ka ti zuai raih a. Za vak lovin min ṭhen khum sak.






"I pasal khan ka hna aṭangin min bana tiraw" a khabe tuai hauh hauhin a ti supin ka bulah a rawn ṭhuthla a.






"Min ban chhan kha a ho asin" ati zui leh zat.





"Chuan hei a aia hlawh tam zawk thawh tur ka hmu leh ta mai sia, chu pawh a û hnuaiah lehnghal" Upuii lam hawiin a ṭhen leh sak a. An pahnih chuan ka na tuar che hlei thei tawh lo chu diriamna nen min thlir dauh dauh anih chu. Hetianga rawng hian engtin nge mahni mihring puite chungah an chet theih. Nunna hi an hlut ve miah lo tihlah an hmelah alang vek bawk.







"I ṭhiannu mawl zet kha" A sawi zawh rualin a nui hawk hawk chu ka melh tlawk tlawk tawh. Julie chungah thil tih annei tel ve tihna ami? He thilah hian Julie hming engvanga lam tel ve nge annih? Chu zawhna chu ka hma a mi nunrawng pahnihh techiah hi chhanna min pe thei tute anni thung si.






"Khang thlalak te kha ka rawn thawn luihtir che a" ngaihtuah muk hmel zetin a mit a chhing duar duar zui a. Ka mak ti lutuk hmel chu min nuihsawh ni ber hian ka hria.






"Engtin nge chung chu a thlen theih i ngaihtuah tiraw" a kutzungchal ka hma zawna vai lauh lauhin a chek zui tlak tlak bawk.






"Julie nen khan kan inngaizawng ṭhin tih i hria em? Sex kan hman dun apiangin video in ka record tir vek ṭhin. Khang hmang khan ka vau bet a. In nupa inkar chhiat ngei ngei theihna turin Muanawmi nen a private room a an awmlai thlalak kha ka rawn thawntir bawk che a, in inṭhen phah ta reng bawk. Chuan pakhat leh kut athlak zana a thinrim em em chhan pawh kha maw Julie ka tir chhuak leh mawle. A video hmanga ka vaubeh miau avang khan mualpho ngawt chu angam bik silo. I ṭhiannu khawngaihthlak khan a nunna lak hial a tum bawk asin mahse a thleng ta lem lo." A thusawi zawng zawng vang hian ka bing mup mup a. Ka kawchhung thlengin ka sa pup pup bawk.





"Julie" a hming lam sepin ka ṭap chhuak hawk. Min tihnat duh ngai lotu kha an vaubeta hrehawm atih tur zia engmah kalo ngaihtuah pui ngai lo.






"Engmah ka hrethiam lo" ti zui nawk nawkin ka nak a vihna lai ka dawm zui ṭawk ṭawk. Ka fapa Upuiin Uropuia pein pensawn pui atum chu a kekawr tlangah thei leh thei lovin ka pawtbet zui tlat.





"Khawngaihin" ka mittui kar aṭanga melh chhoin ka ti zui hraih. Ka fapa pawm chungin sofa lam a panpuia. Ka nak dawm chungin ka vak phei ve zel. Ka thisen chhuakin chhuat a ti rang nuaih tawh bawk.






Upuiin min rawn panin min vihna lai takah a chhir zui dawt chu ka thawk ka hip let nghal chawih. A chhunglam aṭangin thi a chhuak zui ṭiam ṭiam chu ka kutin ka hup zui ṭawk ṭawk bawk a. A chhung aṭanga na rawn inṭham vang hian ka thaw hlei thei dawn lo takngial. Ka heh ro ṭhiap tawh chu ka pet fan fan bawk. Thundera a hmangaihna vanga a rilru kal dik lo hian a chhungkua atina dawn tih hi ngaihtuah hmasa thei lo khawpin a sawp buai vek.






Rawn ṭhuhniamin ka bek tawn tawnah nghet lutukin a dawm zui a. Ka ban ka vai zui nghek nghek chu aṭe ve ṭhat.





A beng dinglam a hup zui vat a, a kut a lakthlak leh ruala a kuta thisen kai ve nung chuan a thin atirim zual tih a hmel dur khap khap aṭangin ka hre thei.





"Hmeli thisen min chhuah ngam zawk a maw" ti hraihin ka banrekah a man a, ka lu chawikangin chhuat charah a sawh zui chawrh chawrh chu ka khaw hmuh amit nghal sulh.


....................




"Nu" kawngpui ngil phei rul leh chhum zing ruai kara kanu min tawk zawnga lo phei ka hmuh rualin ka phun zui sep a. Ka mitah mittui a tling khat piau bawk. Nuisangin ka dinna lam a rawn pan zel a. A hlim hmel ngawih ngawihin a hmel hmuh anuam em em bawk. A hmel nung sarh techuan a awmna hmun nuam atihzia ati chiang ngawih ngawih.






"Bawihte" nuisangin ka hming alam a, min rawn ban rualin alama tawlh hnai hratin ka kuah zui thlawp. Ka sama chul hauh hauh chungin min hmangaih thu a sawi sep sep a. Ka mittui ka biangah a luang nghal ngiai ngiai.






Ka kuahna aṭangin min nawr hla hret a a kut tawn tawn nem thepin ka biangah a dawm ka mittui ka bianga luang ngiai min hruk hul saka, min pawt hnai leh datin ka chalah a fawp zui vang vang.






"Nu, ka chau tawh i bulah min hruai ve tawh mai rawh" tap ṭiauin kati sep a. Nui sangin alu a thing zui nar nar.






"Heng natna zawng zawng tehi kan unau chauha hmachhawn turin min kalsan a, kan kianga awm tura kan mamawh ber lai chein. Nu i sual emai" inhnit hlawp hlawpin ka ti ṭiau. A awm lum nuam em em hmana thlamuang taka ka beina ṭhin ngeiah khan min kuah bei hle hle chungin ka samah a chul zui hauh hauh.






"Bawihte, thihnain min ṭhen hrang mahse ka kalsan ta mai che u tihna ani lo. Engtik laipawn in kiangah ka awm reng ṭhin. Ka fanu ka hmangaih ngawih ngawih tehi engtin nge ka kalsan theih ang. Nitinin chunglam aṭangin ka thlir reng ṭhin che u. Engkim" a thusawi a tawp dat a. A awm zawn aṭangin a hmel en turin ka hawi chhuak kiau a, hmangaihna akhat mitmengin min lo melh ve reng. Min kalsan leh hlau fahranin ka kuahna ka ti nghet sauh sauh bawk.






"Engkim, i tawrhna zawng zawng ka hre ve vek asin mahse pui tur chein hringmi taksa nei ka ni tawh silo. I na tuar mangang ka hmuh lai khan ka thinlung hi a rum vawng vawng asin."






"Nu, min kalsan thei tawh lo" a ban lehlam a hmer ngawt ngawtin ka tap chhuak hawk.





"En teh" ka hnunglam hawi hretin ka inher riai riai a. Chhum varin a bawm khah luk karah Thunder-a'n kan fapa a pawm a abulah Upuii fanu kai tel bawkin an pafa thum a an ding reng ka hmu zui zat. Ka nu nen kan din dunna lam an rawn hawi ve ngar bawk a. Kan dinna a inhlat avangin an hmel ka hmu hlei thei lo. Mahse ka nu kalsan ka hlauh luatah ka hawi let leh nghal vat.






"Mama" ka fapa ṭawng theitirin nu hming an lam ang hian a riat nawk nawk a.






"Mama" Upuii fanu awin a rawn ti lang lang bawk. Mahse ka nu kawngah nghet zetin ka kuah ngawt ngawt thung.






"Lovie, ka hmangaih che, kan kiangah lo kir leh rawh" Thundera aw thum zet chu kan awmna chhehvelah chuan a khawk rum rum thei hial! Ka mit ka chhing zui sawk a, ka mittui far ri chu daiin hnah a far a tuitling khawma a far lut leh ang mai hian kan dinna kawngpuiah a far ri nghal kauh.






"Bawihte, enge i thinlungin a duh tih ka chhiar thiam ṭhin ang khan tunah pawh hian kala chhiar thiam reng. I pasal fanau tehian anla mamawh che ang bawkin kalsan ila duh lo. Min ngaihzia ka hria, keipawn chu aia nasa chuan ka ngai chein ka hmangaih bawk che. Engpawh thleng se ka fanu ka hmangaih em em kha i ni reng dawn. Tunah chuan thihnain min then hrang tawh ka kiangah nilo nangmah mamawh ngawih ngawihtu te kiangah i awm angai. Ka bula i awm theih loh avang hian ka kalsan ta chein ka theihnghilh ta che tihna ani lo. Leiah mihring nunna nei angin kan intawng tawh dawn lo mahse kan thinlung ngaihtuahna chu a inthlunzawm reng tawh ang. Ka hmangaihna che hian tawp chin anei ngai lovang chu chu nu thinlung chhungril ber aṭanga chhuak a ni. Hlim taka i awm vanlam aṭangin kalo thlir reng ang che" ka kuahna min pawh phlehsak a mangang lutukin ka nu ka melh nghal vat.






Nuisangin min hlat zawngin a tawlh let chu mangang lutukin ka au zui tuarh tuarh a a kut hmawr lamah ka chelh bet tlat chu nuisangin min phelh sak a, ka mittui a far zung zung tawh.






"Ka fanu min ngaihna a zual chang apiangin chhunglamah i na vawng vawng ṭhin a, mahse i mit han chhing teh chutah chuan i bul ka awm angin i feel ṭhin ang. Thlifim thaw heuh heuh angin i kiangah ka awm anga, i tan ni angin lumna ka pe bawk ang che. Hmangaihna tawp chin nei lo kawltu hian ka thlir reng bawk ang che" ka nu aw ri chu thliin a beng kual ang mai hian ka hre vuai vuai thei.






"Bawihte i kir a hun tawh nangmah tuar tirtu che hrem turin, ka hmangaih che" ti sepin chhum zing phui mup karah a tawlh lut riai riai a, ka nu hmel ka hmuh theih loh rualin ka din mekna kawngpuiah ka ṭhuthla nghal hnawk.






Ka hnunglam ka hawileta vawileh khatah chhum zing khat mup kha an kiang vek a. Thundera te pafa thumin an kutin min hui zauh zauh bawk chu ding chhuakin an dinna lam panin ka pen phei chhet chhet a. An bul ka thlen dawnin anni pawh an ral nghal riai riai. Kawngpuiah keimah chauhin ka ding tawh.






Kawngpuia muthlain chunglam ka thlir vang vanga ka mittui ka bekah a luang zung zung. Ka mit ka chhing riai riai a, vawilehkhatah ka awma current chak lutuk hmanga shock dawt ang mai hian ka taksa a kang dawrh a, ka mutthlak leh rual chiahin ka thaw chhuak nghal kawk kawk. Ka bulah monitor kiu vung vung ka hriat rualin khang thil zawng zawng kha atak ram ani lo tih ka hre chawpchilh nghal bawk. Ka mit men ka tuma mahse ka thei lo. Ka kiang velah buai lutuk a ṭawng nawk nawk thawm ka hre thei, ka taksa chettir ka tum chungin ka la chet thei lo fan. Ka rilruin Thundera hming ka lam mawlh mawlh a. Engtianga nasa pawn chet tum leh men tumin bei mah ila ka tih theih miau loh avangin ka mangang lutuk tawh.







"Lovie khawngaihin lo harh tawh hram la" Thundera aw a ni. Ka kut ala kanga a hmui lum ther therin a nawr zui vang vang chu ka feel thei. Ka kuttang pakhat theihtawp chhuahin ka phut zauh a. Ka beka ka mittui lum luangthla ngiai ngiai pawh ka feel thei.






"Lovie, i kut i chet" a hmel ka hmu thei lo chung pawn a awah beiseina anei tih alang chhuak.





"Lovie harh chhuak tawh la ka van ti tak em. I tel lova nundan ka thiam loh zia leh ka talbuai vek ṭhin zia chu i hriat kha khawngaihin i mit meng hram tawh la" ka chalah a chal lum veng veng a nghat dat a, ka biangah a mittui a far nghal kauh.





"I aw ka hriat leh theihna tur anih phawt chuan engkim ka ti vek ang"





Ka mit ka meng chhuak diar diar a chunglam eng var pup ka hmu hmasa ber. Thawk la vakin ka mit ka chhing leh sawk a, ka mitthlaah Upuii leh Uropuia khawsak dan rawng lutuk rawn lang zut zut chu hlauh lutuk avangin ka meng nghal kawk. Mahse tunah a tak ramah hian an hmel hmuh tur awm lo chu ka thaw deuh huai thei.





"Papa" ka aw chhuak hlei thei lovin ka ti lawi rat a. Ka kut lek kangin a biangah ka tawk zauh bawk. Ka kut vuan chunga a mit chhing chial a ṭhu ka pasal chu a rawn meng nghal kawk.





"Lovie i harh tawh maw" mipa naupangin an thil duh lutuk an nei thar hlim ang mai hian amitah hlimna a lang chhuak zut zut. Na lutuk a thawk alak hawlh rualin ka hmai alum pap thei. Lawm tih hriat lutukin min melh ngawih ngawih a. A mit meng sen rum leh a hmel chauh hmel ngawih ngawih chuan a mu ṭha tawk lo tih hi a lang chiang lutuk tlat. Nurse min buaipuia lo awm ve hnenah doctor ko turin a ti nghal ruai a. A hmel landan pawr deuh fap chuan keimah vangin mutmu pawh a tuah hlei thei lo tih ka hmuthiam nghal vek.





"Na ila nei em?" mitmeng dam raiha min melhin ka kut lakangin a fawp zui vang vanga. Na ka neilo tih lantir nan ka lu ka thing zui nar nar bawk.





A ṭhutna aṭanga ding chhuakin a rawn kun hniam a ka chalah a hmuiin a nawr zui vang vanga. Ka mit ka chhing chial thung.





"Ka lawm e" ka chala ahmui la nghat rengin ati sup.






"Tunge min hmu hmasa ber?" Zawhna mitmeng nen ka melh nghal khiau.





"Ka nu" ati mawl tawp. Chu chhanna chauh chu ka duh khawp lo.






"Thenzawl kan thlen hnuin ka nu ka rawn phone a, in nufa chauha in awm ka ngaihtuah vang che u in. Lo thlithlai tur cheuin ka hrilh a" a thusawi a tawp dat a. Na lutukin thawk ala leh hawlh a ka kut a hum ngawt ngawt bawk.






"Chanchin min rawn hrilh hnuin kan rawn tlanlet zui lehnghal"






Doctor leh nurse an rawn lut a engmah kan sawi zawm tawh lo. Min check nghal zung zung a ka nak min vihna a hliam a thuk deuh thu sawiin fimkhur turin min chah a. Ka lu an tuam deuh bar erawh hlauhthawn awm anih loh thu a sawi thung. Ka thawveng nghal huai bawk.






"Khawnge bawihtea a awm? Aṭha tiraw? Engtin mah a awm velo tiraw?" hlauthawng beiseina nei zet chung hian ka zawt zui mawlh mawlh. Engtin nge ka harhchhuah rual khan ka fapa ka hriatchhuah loh theih zawk. Keihian ka venghim zo lo anih chuan ka damchhungin mahni indemnain min um zui tawh dawn tih ka hria.







"Hahdam rawh a ni chu a ṭha, ka û in a enkawl alawm." Hahdam turin min duhzia a aw aṭang pawn alang chhuak vek mahse engtin nge ka hahdam theih ang. Min tihnat hreh miah lotu hnenah ka fapa a awm. Ka kut hum ruh vakin thawk ka la kawk a. Ṭhutchhuah ka tum rualin ka nak hliamlai a thip zawk a ka lu hai muai muai nen khumah ka mu zawithla nghal hnawk.






"Upuii...Upuii bulah ka fapa a awm thei lo. La rawh hetah ka bulah rawn dah rawh" ka sawi nge ka au chhuak pawh ka hre tawh lo. Ka chiai em em vek tawh. Ka fapa chiahin ka ngaihtuahna aluah ngut ngut bawk.






"Lovie inbengdai phawt teh. Kan fapa chu ka û bulah a him tawk" min rawn kuahbetin ati hrawiha, ka tal zui nghek.






"La rawh, a him lo. I hria em heng zawng zawng hi Upuii thil tih vek anih hi. Ramropuia nen an ruahmanna vek" ka sawichhuah rualin ka hmai ka hup thawk a ka ṭap khur nghal hlawk hlawk.





Min kuahna aṭangin ka inla hrang a. Khum aṭanga chhuk ka tum chu min dang nghal vat bawk. Ka nak hliam thip deuh zawk chu ka en vata ka kawrchhanah thisen kai ka hmuh rualin ka thaw halh. Nichin a ka chet nghek vang kha ani tih ka hria. Khum a min hlang lehin nurse ko turin a chhuak zui zat bawk.





A hmel aṭang khan a thinrim em tih takngial pawh ka hre thei lo. Nge ka thusawi engmah a awih lo zawk. Chetlak atum lova a û hum atum anihchuan keiman ka theih tawpin ka bei mai ang. Nurse lo lutin ka hliam a thichhuak vel a buaipui chu engmah mumal pawn ka hre lo. Ka ngaihtuahna chu ka fapaah chiah a awm tawh.






Thunder a rawn let mai ringin ka nghak vang vang a, reingial ka nghah hnu pawn ka nghak chhuak zo lo. Khum aṭangin ka ke ka hlang thla a chhuat ka rah rualin ka pai nghal dat. Ka taksa mumal loh vang a ni tih ka hria, ngai pawimawh duh lo luiin ka mit ka chhing vang vanga, khum mawnglam thir tlawn ka hum ngawt ngawt bawk.





Ka fapa khanu kiangah a awm chung khan engtin nge helaiah thlamuang takin ka mut theih tawh ang. Kawngka lam ka pan chhet chhet a ka kal hlei thei lo chu a ni ber mahse ka fapa tan ka tihluih angai.





Kawngka ka nawr hawn rualin nurse hmel ka hmu nghal zat. Khumah nilo min hmu thut chu mak tih hmel deuhin a meng awk a ka nui tawi tak ringawt.






"Kapi, i taksa khan hahdam ala mamawh asin. Helai hmun hi ila chhuahsan thei lo" ka bana vuanin khumlama min letpui a tum chu ka ṭang tlat.





"Ka fapa bulah ka kal angai" a mita melh karin ka ti nghal vak.






"Min thlah rawh" ka sira min vuan bet mektu nurse chu melh hrawkin ka ti nghal tuarh. Min vawnna ka phihthla chhuahluih ka tum chu nghet lutukin ka banrekah bawk a chelh zui leh hmiah.





"Khawngaihin buaina siam lo hram rawh"





"Buaina siam ka tum lo ka fapa bulah ka kal duh mai chauh a ni" beidawng tih ngaihna hre lo lutukin ka ti zui hap.





"Kapi luhlul chhuah suh" a aw a nem ta bik lo. A dawhtheihnain a tlin tawh bik lo tepawh aniang mahse beidawn mai ka tum bik lo. Ka fapa bula ka kal ngei ngei angai an tih nat ve ka phal lo. Ka tal zui leh nghek nghek chu ṭanpuitu tur a au a, rei vak lo hnuah nurse pahnih an rawn thleng chawpchilh a cabin lamah min zawn lut ti tih. Chuti chuang chuan ka tha neih zawng zawng sawm khawmin ka tal a, min chhuah turin khawngaihna ka ngen bawk mahse a sawt hawl lo.





"Hei hian ka jection che anga, chuan mut hahdam vang vang kha i mamawh ber. I fapa chu tu hnenah nge a awm chu ka hre lo mahse a ṭha em em ang tih ka hria" nuisanga ti dam thluamin ka banah damdawi thun a rual nghal a lo danna hman pawh ka nei miah lo.






"I mu chiah chiah anga ilo harh leh meuh chuan i na a ziaawm hawk tawh ang" ti sepin khumah ka ke a hlanga min nem mu nghal zat bawk. Tunah hian chhuaklui pawh ni ila a damdawi hman leh ka na vang pawh hian rei ka daih dawn lo tih ka hria. Mahse Thundera hi khawiah nge a awm? Min ngaihsak miah lovin ngati nge a bo vang vang? A û chanchin ka sawi vang khan a thin ka tirim zawk ami? Chung zawhna zawng zawng chu ka inzawt mawlh mawlh.





Rei vak lo hnuah ka taksaah an damdawi thunin hna a thawk ṭan a. Ka zawi nghal hnawk a. Ka mit menluih tuma ka inthin harh dawn ngial pawn awmzia anei lo. Ka mit ka chhing zui nghal chial.



...........,,,,,,,,,............



Cabin kawngka dim lutuka in nawr hawng riai riai a. Thundera anih ringin ka inbeng kang zui vat a. Mahse Upuii hmel thinrimna a khat leh rapawm lutuk ka hmuh rualin ka ang nghal pham. Chuan thil ṭha athleng dawn lo tih ka hre tel bawk.





Ka mutna lam rawn pan hlawk hlawkin ka ṭhu chhuak tur in bengkang ur tawh chu ka awma nem dawtin khumah min nawr bet a. Ka lukham kham lai mek pawt dawk zawkin ka hmai zawna a rawn lek nghal vu chu ka ip nghal chawih.






Inrinna hman pawh awm miah lovin lukham ka hmaiah a rawn nawr bet a. Ka tal nghal nghek nghek. Ka taksa la chak tawk loh avangin thaah ka hneh dawn lo tih ka hria. Ka kut ka vai nghek a. Lukham pawh sawn tumin ka tha tawp ka chhuah chung pawn ka ti hlei thei lo. Ka ke ka leng zui nghek nghek a. Ka thaw a chham ṭan der tawh, ka taksa a sa pup pup tawh bawk. Ka ṭan nasat lutuk nalamah ka hliamin chhunglam aṭangin min tur ngut ngut tawh bawk.






"I thi dawn" sehchilh nawk nawk a ti hlak hlakin ka chhipsamah a ṭham tel bawk a. Ka tan chet ngaihna a awm tawh lo. Ka kawchhungah ka thawk chhuah theih loh boruak an tawm khawm a ka tawt up up. Ka tha ka thlah rualin kawngka bawk a ri bur a Upuii rak ṭhat ka hriat rualin duh thawh lutukin boruak ka hip lut nghal kawk kawk.






"Lovie i ṭha em?" Thundera chiai hmel ka hmu nghal zat a. Ka awm dawmin ka thaw leh kawk kawk a ka mittui a hnam nghal sawk bawk.






"Min thah a tum" mangang lutukin ka ti nghal ṭiau chu a awmah min kuahbet nghal chawt. A thaw hawlh bawk. A awm chhung ami che dawt dawtah a pangngai bik lo tih ka hre thei. Ka taksa khur nasa lutuk vangin a aia nghetin min kuah bet zui a.






Min kuahbehna aṭanga inla hrangin muang ruih hian Upuii dinna lam a pan a, ka nu leh pa leh police a rawn hruai tel tih ka hre ve chiah bawk. Kei min melh laia amitmeng dam raih kha a inthlak danglam vek tawh. A hlauhawm ngawih ngawih bawk. Upuii hma a ding runin a kut hrawl zet a lek chhuak a, Upuii zawk a chhin sawk rualin a kut a hum khur ngawt ngawt.






"Thi tawh ngaih a in ngaih in kalsan tak kha hremna pe tur che u in avrawn let. In phu tawk hremna hmu ang che u" ti hrawkin Upuii lu chung zawn bang a a chum zui bur. A a insehruh ngawt ngawt bawk.






"Engmah tih ka nei lo" a sam ṭham tawkin a ti chhuak tuarh a. Chhuata ṭhuthla hnawkin a sam hnawk nuai kar aṭanga min rawn melh chu rapawm khawpin a hlauhawm thei. Tuna min melh dan hi keimaha ka hmachhawn chu ni ila ka zam chhe vek ngei ang.






"I thil ruahman zawng zawng hi ka hriat chhuah loh i ring amaw" Thundera ṭhuhniam ve vutin Upuii hmai bul chetah a ti nghal hrawk a.






"Misual fimkhur lo tak chu inih hi tiraw inah khan enge in hnutchhiah tih ngaihtuahna chang pawh in hre lova, thil sual reng reng hi a rei emaw rei lo emaw thup hlen theih ani ngai lo" nui ro nghal hawkin a kekawr ipte aṭangin silver bengbeh kual lian vak lo a phawrh a, Upuii hmai zawnah a lek kang nghal va va. Upuii sam a hui kiang sak a, abeng dinglam pem hliam aṭangin min sawisak laia ka vaithlak kha ani tih ka hre chawp chilh nghal. Chhantu mamawh tih hriat lutuk hian a meng tal tap tap thei. Midang chu ka nei lo ang maiin kan ngawi ṭhiap. An unau indawp kual vel chu kan thlir mawl tawp bawk.





Engkim ka hrilh hma pawh khan heihi alo hre vek tawh a maw. Mahse engvangin nge Upuii mantir mai lovin a chet chhuah hun a nghah leh kher. Chuan ka nunna derthawngah a dah tel leh zui bawk a.






"Ka nu ka hrilh che em kha, Lovie chunga kutlektu chu i fanu tih hi. Mahse finfiahna tel lovin ka thusawi i awih duh lova. Tunah chuan i chiang tawh bawk maw. Lovie a harh chhuak tihkha nangni pawh hrilh hmasa lo cheuin ka û hi ka hrilh hmasa a" mitmeng dur khupin ka nu leh pa dinna lam a melh a.






"A thurualpuipa pawh police lamin anla tawh bawk. Chuan Julie video hmanga an blackmail avang khan hremna chu a pung sauh bawk ang"






"Ramropuia nen hian hremna chu in pumpelh hauh lovang" ti chhur chhurin Upuii kawrawmah a ṭham nghal hrawk a. Ding zui vutin a pensawn tur Upuiin a bawpah a kuah nghal chawt chu Thundera'n ngaih thei loh hmel lutukin a kuahbehna ban a phihthla hlawk a Upuii chhuatah a bawk rawp rawp.





"Rilru pangngai i pu tawh amaw kan tih vek hnuin tiang hian ilo khawsa zui leh a" khum lam rawn panin ka kut a rawn ban a ahum zui vang vang a, a hmel lang chang ṭawlh ṭawlhah kutthlak lo turin a insum nasa tih a hriat theih vek bawk.






"Remruatfeli ai hian enge ka ṭhat lohna, thisen zawm pawh kan ni lo tih chu kan chhungkua hian kan chiang. Engvangin nge min pawm ve mai theih loh" a ṭhutna atanga ding chhuakin mi â engmah pawisak nei miah lo ang mai hian ati zui tuarh tuarh. A hmel zawng zawng a sen vek bawk. A dinna bul lawk table a glass no awm chu chhuatah a vawm darh nghal chhuai.






Ka nute dinna lam ka hawi a thidang mai tur niawm tak hian ahmel a dang nghal sawp sawp thei. Ka pa ding ve run bana hmer ngawt ngawtin a mittui a luang zung zung bawk. Reitak chhung a fanu anga a en hian chhungkua tihchhiat tumin ṭan a khawh tih a hriat ve meuh chuan a awmdan sec tinin a inthlak hlawk hlawk a ni ber.






Ka nu leh pa hmel ka en a, an mitah rilru natna hlir alang chhuak zut zut. Nie, an rilru ana ang tih ka hria, an fanu an hmangaih em em kha ani miau. Fa lak ani tih kei ngei pawna ka hriat loh tur khawpin an fa tak angin an pawm bawk ania. Heti chung hian Upuii rilru kal sualin chhungkua a vaw darh vek a na lutukin an thinlung a hliam zui bawk a. Ka nu hmel a hrehawm tih hmel zual lutuk chuan min ti pik ve ngawih ngawih. Ka pa erawh mipa anihna angin ala inthup thei zawkin ka hria.







"Ka fanu dik tak angin ka hmangaih che i tan ka theihtawp ka chhuah bawk. Mahse hetiang chhiatna hi engtin nge i thlen tir theih zawk" ka nuin Upuii lam panin ati hraih a abiangah a mittui a luang zawih zawih bawk. Ka chunga a chetdan zawng zawng kha rapthlak hle mahse hetiang dinhmun khirhkhan a adin takah chuan ka khawngaih ve tho. A fanu la naupangte kha ka ngaihtuahnaah a lut zawt bawk. A nu chetdan hian tunah amahah nghawng nei lo mahse nakin zelah a hriat hun ala awm ngei ngei dawn a hrehawm ati dawn lutuk tih hi ka hmu thiam sa vek bawk.






"Puii ava mak ve" ka pa zawkin beidawn hmel lutuka thaw hawlhin ati chhuak hrawih bawk. Cabin chhung boruak chu a pikin thawk lak a har ngawih ngawih hi a ni ber.







Upuii police in handcuff an buntir a an hruai chhuah lai phei chuan ka nu aw rawl chhuah meuhin a ṭap rawng rawng. A rilru natna hi ka hriatthiampui kilhkelh lo mai thei mahse ana tawk ang tih ka hria. Ka pa chu dahṭha ta ila. An fahrin nilo mahse rei tak chhung hmangaih taka anlo enkawl tawh an fanu ngeiin chhungkaw chhiat vekna tur khawp sual a khawih miau si. Ka pain a kuahbet a a inhnit leh hraih ṭhin. Inhnem tur chuang bik hi ka awm lo hi a ni ber tawh. Keimah tak pawh hian hrehawm kati ngawih ngawih. Thundera nen hian intawng lo ila an chhungkua hi an kehdarh angai lo tur. Chutiang zawnga ka thlir phei chuan ka inthiam lo hulhual. Thundera'n ka kut a rawn ban rualin kalo pe ve nghal vat a. A lakang a hnunglamah a hmui lum thur thur chu nawr zui vang vangin na zetin thawk ala hawlh.






Upuii chetdan hi hmangaihna vang a ni lo. Thundera a atchilhna hian rilru fim puttir thei lovin a thluak chhung kilkhawr ber thlenga huatna a tuhsak chu Thundera'n a nun a min lakluh hnuin bengdaih ngaihna awm lo khawpin an puak darh a, chung chuan chhungkaw rilru natna leh hliam rum pui vawng vawng tham a thlen taah keichuan ka ngai hmiah.






Upuii fanu apa te lamin an enkawl zui duh miau loh avangin kan enkawl zui a, api leh pu bula awm aiin kan bula awm a thlang zawk tho bawk a. Keimahah en hranna emaw a nuin ka chunga a chetdan avanga huatna ka nei chuang lo. Ka ril arah ka fanu tak tak angin ka hmangaih a, ani pawn min ngaina tih ka hria.






Zanah anu ngai leh zawng chunga a ṭah rawng rawng chang hian hrehawm kati a. Keimaha khawngaihna leh lainatna awm zawng zawng hi a phawk chhuak vek zel. Anu tel lova thil ei duh loh chang aneih chuan kei thlengin engmah ka eisan ngai lo. Ka fanuah ka pawm a enkawl nan theihtawp ka chhuah bawk. Ka fate pahnih hi ka hmangaih dan a inzat renga. Nakin zelah pawh chu chu anihdan tur a ni zel bawk ang.





Julie chunga Uropuia khawsak dan zawng zawng vang khan keimah ka inthiam lova. Ka ṭhiannu harsatna sawipui tura abulah ka awm ngai lo te hlei hlei khan keimah min delh rit chur bawk. Mahse a nitin deuh thaw kan inhmu a hmeichhe mize harhvang tak anih vangin hmelhmuh hrehawm tur zawng leh nuam lo turin a khawsa ngai lo. Engkim a pangngai ang vekin a kal thei rih lo tih chu a mah ka hmuh hian ka hrethiam ve tho. Hmeichhe harhvang tak a ni ka tih tawh kha, nun phung pangngaia let leh tur chuan hun pawh a duh rei ang mahse ka ṭhiannu hian buaina awm miah lovin chu chu a thei dawn tih ka hria.






Ka nau pawh hostel aṭangin alo chhuak tawh a, naupang pahnih nen chhangchhia tih takah kan in rehṭhiap ṭhin pawh kan ri ve chel chul zel tawh.






Zanlam erawh ka tan a harsat chang atam ṭhin. Upuii te khawsak dan rapawm zetin ka manglam thlengin min um zui a. Zan mut theih loh tlaivar ṭhak ṭhak chang ka ngah. Thundera'n min thlahthlam miah lovin zankhua a min kuahbet chunga min ven chang lah atam mahse keimah min nawr cheptu a hman ka tum loh bur avang hian min tihbuai loh chang a tam tawh zawk.

After 4yrs.........





Darthlalang hma a dingin ka nak ser awm kulh bawk chu ka buaipui leh tawh. He thil vanga lungawi lo leh thinrim vang hian vawi engzah nge Thundera chungah ka ṭuan pawh hi ka hre seng tawh lo. Ka lung hi a awi kim thei thlawt lo a ni ber.





Washroom kawngkhar ri rak ka hriat rualin ka hawi zui vat a, ka pasalin mitmeng nung sarha min lo melh reng chu ka melh leh rawm rawm tawh.





Towel chauh veng chungin ka dinna lam a rawn pan a. Ka kawngah nghet lutukin a kuah zui hmiah chu a ka nghawk nghal sawk.





"Ka ngei riau che" ka ti bak hlar a. Darthlalang aṭanga a nui tih ka hmuh phei chuan ka alh lo chauh.





"He thil hi kata ini tih chhinchhiahna anih hi" ka bengbula a ti supin ka beng hnuilam nemlai a seh zauh a, a kut vawt riaiin ka nak a chul kual hauh hauh. Ka thinrim bengdaih dan a hre lutuk leh mumal lova min siamdan a thiam leh lutuk tehi ka ngei zawk hialin ka hria.






Ka bengkawm leh nghawng vel a hmuia a nul kual dun dun takah chuan ka kawchhung lam aṭangin ka sa leh pup pup tawh. Thawk alak zawng apiangin a hmui awmna chin a lum leh hak zel bawk.





"Kalsawn rawh ka ning che" ka aw khur control lutukin ka ti leh hmak a.






"Keiin ka ning ngai lo thung che" thawp sat a ti supin ka kawrchhungah a zen lut a ka bra chhanah ka hn*te a ṭham tawk chu ka phu nghal zawk. A nuih ka ti za amaw tih mai turin a aw rawl lian chhuah meuhin a nui hawk hawk anihchu! Sual leh lutuk mai.






Ka kut lekchhuakin dingdihlip ak akin a chhip samah ka ṭham tawk rualin ka beng bulah a rum deuh dur dur a chu chuan min ti mur nghal sung sung thei. Eng ang pawn thinrim khum ṭhin mahila a awmdan pakhat lek pawh hian sec reilote chhung hian min thlak danglam hman ve ziah zel.






Ka bianga dawm chungin ka lu a kuai her deuh a, rawn kun hniam ruai ruain ka hmuiah a fawp zauh a anla hrang leh nghal vat. Keimah zawkin chet la hmasain hnunglam aṭangin a nghawngah ka kuah a ka kuai kun deuh dawrh chu a nui ri leh suk.






Ka hmuia a rawn fawh leh rualin uar lutukin ka fawp let tan tan a, ka bra chhunga a kut zenlutin a hrawm zui tawk chu ka ṭe leh ṭhat. A kut hi a dam lo ve chiang ngawt mai.






"Ka hmangaih che" darthlalanga kan thla lo lang mitmeng zim sun a melh chungin a phun sui sup a.






"Keipawn ka hmangaih che" a awm khauh ṭung leh lum thur thurah ka tukhumin ka nawr nghal dat a. Hahdam hmel fahranin a thaw zui ham ham.





"Leumas te inneih ni kha engtik nge?"






"Awi i mak min zawt ngun. Tunkar friday tih hi vawi engzah nge ka hrilh che ngai dawn" a eng amah hmain ka pawr leh hlar tawh. Thundera pawh hian ka pawr satliah hi chu ngaiah a nei ṭan tawhin ka hria.






"Hun ka insiam thei ang chu maw" a chal ti chuar nungin a ngaihtuahna a hmang kual vel chu kan hmalam full mirror aṭangin ka thlir dauh dauh thung.





"I hman loh leh kan nufa thumin kan kal anga ni mai lawm" kati sam et a.






"A theih loh" a ti deuh bur chu ka melh nghal vak. A tel lova kal chhuah a phal ngai reng reng lo hi mak kati zawk. A changa Leumas laka a thikthu chhe lutuk lang chhuak leh zauh ṭhin pawh hi fiam nan han hmang ila mipa naupang ang mai hian thlem ngai hian patling pui di hi a tum zui bur bur zel.







"Mama, Lalpekhlua hi ka school bag-ah chil a chhak leh tawh ania" kan nupa pindan kawngka bula ka fanu dingin a ke per data ati ve pang pang chu Thundera a nui ri suk. A bulah a nau a ding ran bawk. A nakah ka nghawk zawk rualin a hmui a chip zui hmak.






Thundera min kuahna phelhsakin an unau dinna lam ka pan phei a. Pekhlua chalah ka pen zui fawk chu men ṭiauin apa dinna lam apan zui nal nal reuh anihchu. Apa hian hauh apianga alo chhan ṭhin avang hian tlan tauh nan a hmang ziah tawh. Heihi naupang sualna hmawr ani bawk. Tlan tauhna an neih chhung hi chu ṭha taka thil hrilh pawh hi an har ṭhin.






"Lalpekhlu i û hi ngaihdam dil rawh" nem lem lo taka ka tih ṭhat rualin a insut nghal hraih a. Apain pawm kan atum rualin Thundera zawk ka melh nghal nghek. Hetianga alo chhan ziah vang hian a khawlo zo vek tawh.






"Junior mama thusawi zawm rawh aw" a pa berin alo ti leh daih si chu ding datin chhuatah a per nghal tan tan a. A pa pawh a nui suk suk. Pa leh fa hi chu an va nive chiang tak em. An thinchhe dun hle ringawt a.






Ka fanu kai chungin an pafa dinna lam kan pan pheia. Thundera'n Pekhlua a pawmkang nghal vat bawk. A mittui a bianga luang vel a hruk sak tur chu a duh lo ve nasa ngang mai.






"Le a û hnenah ngaihdam dil rawh le" apain ati sup a. A hmui ati pawrh reuh tarh chu apa a nui nghal hawk.






"Pekhlu papa thusawi zawm rawh" kati zui ṭhat chu a pa nghawnga kuah chat chatin "a û sorry" a ti zui ve sep sep a. Ka nui nghal sak.






Thundera'n a ban a rawn phar chhuah rualin ka fanu pawmkangin ka pan zui a. Kan vaiin min kuah khawm nghal hlu hlu. A mitmenga min hmangaihna lang chhuak zut ṭhin te engtik lai pawh a min ngaihsak em em reng tehian khawvela hmeichhe vannei te zing ami ka nih zia a pho lang ṭhin. Engtik laipawn a nupui fanau te tan a awm reng ṭhin. Khang harsatna kan paltlang zawng zawng avang khan ani telin kan nupa in hmangaihna pawh a pung tulh tulh bawk. Mahse engkimah kan fimkhur em em reng tawh bawk a. Harsatna kan neih emaw kan lungawi loh pawn a chhan chiang taka kan inhrilhfiah zel avang hian nupa kar buaina kan hmachhawn tawh ngai lo.






"Ka hmangaih che" ka hmuia fawp zauhin ati sup a. Pekhlua'n a kut a beng nghal thak thak chu kan vaiin ka nui chhuak ta vek.






Keipawn ka pasal leh ka fate hi keimaha hmangaihna awm zawng zawngin ka hmangaiha. Ka damchhung leh thih hnu piahlam thleng pawhin ka hmangaih reng ang.













***************ATAWPTA**************





I nihna hlauh tir ṭhak tur khawp chein tumah i rilru zawng zawng pe ngai suh. Nangmah i in control zawh loh chuan chhiatna a thlen mai ang che....






Ka story beitham te min lo ngaihhlutsak a min lo chhiarsak ve ṭang ṭang ṭhin tute in zavai chungah ka thinlung takin lawmthu ka sawi mawlh mawlh. Chuan like, comment min pek avang pawhin ka lawm zia chu aa ka sawiseng lo zawk. In comment chhiar nuam lo pakhat mah a awm ngai lo tehian min ti hlim ngawih ngawih ṭhin. In duh angin a ngaihnawm tawk lovang tih pawh ka hria mahse chuti chung chuan chhiartu ka phu lo ka nei hi nuam ka tiin ka hlim veng veng ṭhin aaa.....awi sawi duah dan pawh ka thiam lo. In fel ka tia, ka lawm a ni tawp mai ni....Story thar nen, hmasawnna tam tak nen inhmuh leh vat ka tum dawn nia u aw....In zavai chungah ka thinlung tak takin ka lawm vek....




Korean hnapin SARANGHAE pawp pawp cheu aw💜💜💜💜Cute deuhin ka sawi aw💜💜💜














*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 25 guests