BENJAMIN ZOTHANTLUANGA By Mahruaitei Pachuau (Completed)

[Ngaia]

BENJAMIN~ZOTHANTLUANGA

By

Mahruaitei Pachuau





Chapter~7















BENJAMIN ZOTHANTLUANGA:



Kha nula tereuh kha,dawt sawi hmel a pu lo tlat in ka hria ni,a hmel hmuh leh thuai chu ka duh a,mahse a nazawnga hmuh theih ni bik hek lo le....
Mak tak maiin ka rilru ah a awm reng a,ka haw hma a tlawh hram chu ka tum reng a,chu bakah naktukah an chhuak tawh dawn a,han mu leh hrim hrim te pawh a tha a lawm le ti rilru chung chuan a awmna lam ka pan a...



Ka lut lo mai dawn a mawn le aw ka ti leh rum rum hial,mahse hmu lo a haw chu dik thei in ka hre silo a,ka lut ta nge nge...



Amah leh nula pakhat an lo awm a,amah ka ti ngawt na Asawmi a ni e ka sawi lai hi,damdawiin a lo luh ni tang khan ka theihnghilh ta lo reng reng a,a u chuan a lo awmpui a,kan in be reng a,naktuk a an chhuah tur te pawh min lo hrilh ve a....



Asawmi chu danglam riau in ka hria,a mit te chu tahna tih hriat tak mai hian a bui deuh lûk a,ka lut pawh chu min rawn en hran lo,khawngaihna thinlung ka lo nei tel ve a ni mahna,hmuh hrehawm ka ti ve tlat...



Chanchin te kan zawt luam a,chhuah san mai ka tum a,mahse naktuk ah chhuak ta se ka hmu lo vang vang mai dawn si a,a number dil duh vanga kal chu ka nia,mahse he lama tawn hriat ka la nei lo lutuk vang nge ni mipa mah ni ila zâm a awl ve khawp mai,kawngka tang chuan ka let leh a,chhuanlam siam in a number chu ka dil ta hlawl a,rin loh takin min lo pe awlsam ve mai....



Rilru nuam deuh chuan duty zawh hnu chuan ka haw ve a,ka zangkhai vah mai,mak chu ka in ti hle nghe nghe,tiang hian nidang ah ka la awm ngai lo...



Asawmi chu hriat chian ka chak ta hle mai,enge maw tak ka tih a ngai a ni,biak ve hrim hrim ka tum a,a dp ka en a,a tak nen a danglam lo,a hmel chu a nung sar in hlim hmel a pu reuh a,duhawm reuh tak chu a ni....ka mitthla ah hian a cham tlat zu nia...
A number ka neih tak hnu chuan kan be leh ta râwih a....



A tirah chuan min hre mai lo a,ka in sawi hnu chuan a inthiam loh thu te a rawn sawi a,ka chunga a lawmthu te nen lam a rawn sawi a....


A chanchin hriat ka duh a vangin in hmuh a rem leh rem loh te ka zawt a,vanneihthlak takin a lo hnial lo hlauh a,a tuka in hmu tur chuan kan in hrilh a,an in a kal tur in....



Ka duty lai a nih loh a vangin tlai lamah chuan ka chhuak phei ta a,an in sawina lam chu ka pan phei ta zel a,ka phur ru viau,number dil hnu ah an in ka hre leh thei dawn chu ni sia,ka ngaihtuah zui reng a....



An in chu ka thleng ve ta mai a,Asawmi te in a ni em tih pah chuan ka lut a,a nu chuan eirawng a lo bawl a,min hmu chu mak a tih hmel khawp mai,a fanu kan tur ka nih thu te ka hrilh a,a fanu room ah chuan min hruai a...



Asawmi chu a lo pawr fuap mai,a dâng bei mai,mahse a hmelthatna erawh a ngai reng....



A nu chuan thutna tur te min lo kawhhmuh zung zung a,thil tih lai a neih a vangin min chhuah san leh nghal a....


Insawiselna te a neih leh neih loh ka zawt a,a that thu in min chhang leh ringawt....




Ka aw chu kan thian kharh khar a,"Asawm,ka ring lutuk che a,thil sual I ti lo ngei in ka hria a,mahse rem I tih chuan I chanchin chu min hrilh ta che"kan ti sup a...



"Ka chanchin I hriat duh vang a nimaw,kan in thleng thleng a I lo kal"za lo tak hian a nui hak hak a....

A chanchin chu min hrilh ta a,a chunga thil thleng te kha engmah a hriat loh thu te,mak a tih thu te a sawi malh malh a,ka ngaihthla uluk bawk a,a chawlh det te chu ka lo ngaithei lo hman hle....


"I chhungte khan engtinnge an hriat loh theih"mak ti zet chuan ka zawt nghal a....



A ni chuan a la tan tirh a vang in a lo la sawi lo mai mai a ni,bakah a fa pai na pa chungah a in nghat tlat mai bawk si a....mahse a thup ve hram hram lai chuan a naute paih sak a ngai leh ta mai si a....


A fa paina pa in a phatsan lai vel a sawi chuan a zâm chhe ve lek lek mai,mahse a sawi lui tang tang tho a,a sawi zo chu a thaw hawk in ka hria....


Asawmi chu ka en vang vang a,dawt sawi hmel pawh a pu lo,Hospital a kha tia ka tawng khum mai te kha ka in thiam lo leh hnuhnawh khawp mai...


Sana ka en a,a lo tlai ve tawh angreng a,haw ka tum a,a nu chuan thingpui in ah te chuan min sawm a,mahse a tlai tawh angreng a vangin nidang a zawk tih pah in ka haw san a....




Asawmi nen chuan thiantha tak kan ni ta a,ka rin aiin mi a nel phian a,ka bula a awm chuan a hlim ve sang reng mai,kei pawhin hmalam a pan theih nan tiin theihtawp ka chhuahpui a,a thiam loh a nih loh zia te hrilh in ka hnem reng thin,a lawm ve thin hle mai....A nau chhiat chhan te pawh hriat chhuahpui ngei ka tum ve tlat a...



Mahse,a mah tina tu chu a theihnghilh thei tlat lo,ka bulah chuan sawi hran lo mahse ka hai lo,chu mipa chu ka hre lo,mahse hetiang nula tha tak kalsan duh khawp rilru a nei chu ka ngaihdan a nilo kher mai....



Engpawh thleng se a tan thian nih a,a harsatna a puih zel tur in ka in tiam ta a.....



Saturday hi ka u fanu birthday a ni a,Apute thil tha deuh min lei rawh aw tiin min ngen ve ngei a,keipawn lei sak chu ka tum ngei a,mahse enge naupang lawm hi ka hre ve vak lo,hmeichhe chanchin hriat loh akarah naupang lawm phei chu ka hre lo lutuk...haha



Ka hrethiam dawn lo lutuk chu Asawmi ka sawm tawp a,a ni pawn min lo phur pui kher mai,ka lei thiam lo tih a hre thang tawh bawk a,min nuih har har reng a...
A hlim hmel hi zawng hmuh a nuam thlawt a ni,a hlimna tur a nih te chuan engpawh tih zel kan tum mai a niang chu....


Dawrah chuan kan en kual a,naupang lawm a hre reuh hle mai,ni tak e,a u fanu a awm a lawm,duat pawh a duat a,a u fanu pawn a ngai nat theih em kha....


Kan thil lei sa te chu car ah chuan ka dah lut mawlh mawlh a,Asawmi chu Dawr kawtah a lo thu a,min lo thlir veuh veuh a...


Ka dah luh mawlh mawlh lai chuan Asawmi'n "Ruatfel" ti a a koh pah a a tlân phei chu ka en thuai a...


Amak hle mai,Ruatfela a tih chu tu dang nilo in Ka unaupa Ruatfela a lo ni reng mai!


Ruatfela chuan min rawn hmu miah lo thung,Ruatfel tih pah chuan Asawmi chuan a vuan reng a,mahse Asawmi'n a vawnna kut chu a thing thla nawk a,Asawmi chu chhuatah a tlu ta thlawp a..


Mi dang te rilru hliam a tina tu chu ka unaupa maw a nih,ka in sum zo lo RUATFEL tih pah chuan ka hnek nghal chawrh mai,ka thin a ti rim bawk a,chhuatah chuan a tlu nghal thlawrh a...



"Khawngaihin ti tawh suh,Benjamin duh tawk rawh,khawngaihin" Asawmi'n a rawn tih tawk tawk a vang chuan ka in beng dai hram a...

Engvanga hetiang mai mai a kal san nge I nih,mawhphur na lam ngam tur I ni a sin"kan ti nghat a,Ruatfela chuan mak ti zet hian min en dun a...


"Engtin nge kha nu kha I hriat"mak ti tak hian min la en reng..


"I hriat a tul lo,ka thian tha tak a nih hi,kal nghal rawh,ka khawih leh hma che in"kan ti leh nghut a...


Mak ti zet chuan engmah sawi lo chuan a kalsawn nghal a...


Asawmi chu ka en vat a,thawh a tum lai chuan ka lo kai tho thuai a, a sama bawhlawh kai te chu ka ben fai sak thuak thuak a.....




A inthiam loh hmel kher mai,ngaihdam min dil mawlh mawlh a....


A thiam loh a nih loh thu ka hrilh a,ka unaupa Ruatfela a ni tih ka hriat khan Asawmi thu sawi zawng zawng kha rinhlelhna tel miah lo in ka awih ta vek mai...



A chhan maw,Ruatfela hi sual hran a ni lem lo,mi ngaihsak thiam tak mai a ni a,keipawn chu mi kanwgah chuan ka tluk lo zawk,mahse mihring lerh ve tak mai a ni,tet laia in kawm thang kan ni bawk a,a mizia te chu ka hre lutuk,in cousin e tilo chuan thenkhat hian kan mizia te hi in ang min ti tu te hi kan tawng leh nawlh thin...chuvang a ni ni ngei ang,Asawmi pawn min ngaihnat zual....

Kan mizia in ang viau mahse in an loh na pawh a awm nual tho,chung zinga pakhat chu nula kan in hriat hleih hi a ni...


Kan in dah fel hnu chuan kan haw thuai a,Asawmi chu a tawng tlem hle mai,an in lamah ka thlah haw phawt a,thingpui te kan in a,in thiam lo miah lo tur in ka hrilh mawlh mawlh mawlh a,ka haw san a....

Ads la click lo tan a hnuaia milem khu in lo click ve ngei ngei dawn nia aw
..........,......................,.......

[Ngaia]

BENJAMIN~ZOTHANTLUANGA

By

Mahruaitei Pachuau





Chapter~8













BENJAMIN ZOTHANTLUANGA:


In ka thlen veleh ka be nghal a,zan ah lah chu ti bawk,vawiin thil thleng vang khan ka ngaihtuah khawp mai....
Mahse engmah ka sawi lang duh lo a,thil dang ka sawi pui vel a,a hlim khawp mai....



Birthday lawmna a kal tur chuan ka sawm a,a tir ah chuan a duh lo lutuk,mahse ka sawm lui a,a tawp a tawp ah chuan a rawn rem ti ve mai a,ka lawm kher mai.....ka hmuh phak loh a a awm hian ka ngaihtuah zual em a ni....


Hunserh kha dar 1 a ni bawk a,ka in siam thuai a,chawhma lamah Asawmi te in lam chu ka pan nghal a...



A lo in siam mek a vangin an sitting room ah ka nghak ren rawn a,mahse a rei lo,a rawn chhuak thuai a....



Ka hawi chhuak chuh,a chhe lo kher mai,ka hmuh tawh zawng zâwngah a la tha ber hial ang!

A sam sei ngil siau chu a thlah hnap a,a dress a simple reuh si,a zahpuiawm loh kher mai...


Ka lo en reng ni tur a ni,
"Benjamin,ka hman tawh nia"zah hmel tak hian a lo ti sap a...

Ka hawi sawn vat a,zah zelah I nalh lutuk kal tawh ang kan ti nghal ngawt a,ka u te in lam pan chuan kan in khalh chhuak leh ta a....



Ka u fanu Noteiin min hmuh rual rual chuan min lo pan thuai a,"pute enge min lo ken" tih pah chuan nghakhlel hmel zet hian min lo thlir a.


"Thil te te"tih pah a a bianga piai zeuh pah chuan present kan dah na lam chu ka hrilh zauh a,a kal nghal vat vat a...



Asawmi chu ka kiang ah ka awm tur tlat a,a hmel a hlim ve sar mai,mipa thenkhat chuan an rawn en leh zauh thin....


Cake zai na te kan nei a,ei tur kan ei lai chuan Asawmi chu ka en zauh a,kan piah lam chu mak ti zet hian a en reng a,ka va hawi phei ve a,Ruatfela a lo en reng chu ni in,mak a ti kher mai....



"Tinge a ni saw a lo kal ve a"mak ti zet hian min zawt a...


"Ni tak e,engmah a la hre lo a lawm,ka unaupa a ni tih engmah ka la hrilh lo a lawm le....



Ka Patea fapa a nih thu ka hrilh a,a ni nen kan inkawm thin thu te u ang a min en thu te ka hrilh a,mak ti zet hian a lo ngaithla kar a....



Mahse keipawn engmah ka hriat lawk bik loh a vang a ni tih ka hrilh a....



Haw a duh thu a sawi ta mai a,a rilru a nuam lo tih ka hria,phal lo viau thei dinhmun ah ka ding silo,a duh ang chuan haw tur in ka ti a,ka thlah ang che tih pah in kawt lam ah kan chhuak dun a,ka thlah duh lo in a tang nasa lutuk,keipawh a hruai chhuak tu ka nih vangin thlah chu ka la tum fan,chu tih lai chuan notei nau chu ka bulah a lo kal leh ta hlauh a,remchang ah la in min haw san ta a....




Bet lo zet chuan keipawh chu ka awm,ka ngaihtuah hle mai,rilru nuam lo zet chuan ka awm ve ta reng a,ruai theh zawh hnu chuan ka haw thuai a....



In ka thlen in ka phone nghal a,a pick miah lo,ka call nawn leh a,pick chu a lo pick a,mahse a rul tawk bak in min chhang lo,enge maw dik lo a awm a nih ka ring ta tlat mai,Ruatfela vang vek a ni!



Min biak that duh loh a vangin keipawh in tih vak ngaihna ka hre bik lo,mahse ka rilru ah erawh a awm reng thung....



In be zeuh zeuh tih loh ah chuan kar thum vel zet chu kan in be mumal lo ta,ka ngaih a tha ta vak lo,nimin piah kha pangai taka kan in biak hnuhnung ber kha a nia,chu pawh a mumal tak pawh a nilo leh nghal,ka call thin,phone a off hmak mai bawk si....

Chanchin hrechiang turin duty zawh ah an in ah kal ngei ka tum ran a...



Tlai thim hma hret chuan haw tur in ka inthlak mawlh mawlh a,ka chhungte chu kan haw tlai a ngaihthu ka hrilh a,Asawmi te in lam pan chuan ka in khalh chhuak a....



An in ka thleng a,kawngka chu ka kik a...
A nu chuan min lo Hawn a,min hmu chu mak a ti kher mai....


"Ehe,Dr Benjamina chu enge hetah I rawn tih teh hlawl dawn a,lo lut ta che,Pa a,in leng kan nei nia"a lo ti thuai a...



Asawmi hmuh in ring deuh chuan ka hawi kual a,mahse an nupa an ni deuh mai,a u room ah a awm bawk si a...



"Enge I rawn tih dawn a,tehhlawl che chuan,I dam maw"a pa chuan min be charh charh a....



"A remchang a,ka rawn lut kawi mai mai,taka khawnge Asawmi hi a va reh ve"a room lam en pah chuan kan ti a...


An nupa chuan an in en zeuh a,"bawihi chu hetah a awm hleinem,a uhmingteii rualin Delhi ah a chhuk ve ta daih a lawm"a nu chuan a lo ti sap a...min thawng kher mai...


Chutiang a tum te chu min hrilh awm tak,mahse engmah min hrilh bawk silo,mak ka ti hle mai...


"Engtik in nge a kal a"


"Nimin piah mai khan,a uhmingteiin a sawm nasa ve sia,in a tawm ngawt ngawt ai chuan a tha zawk kan tia,kan kal tir ta mai a"



"A nih tak chu mawle,eng thleng nge a awm dawn"

"Kan hrechiang mai thei bik lo,kum 1 vel dawn chu a ni ve hial lawng mawle,tiraw pa a"an pa lam a hawi phei a....


"Nia,a nih pawh a niang,a tla chawp zel in an tih kha maw"Asawmi pa chuan a lo ti thuai a...


Eng enge maw kan sawi hnu chuan ka haw ve ta thuai a....





Asawmi a awm bo a ni tih ka hriat hian ka khua a ti har pha tlat mai,Hospital a duty lah hian a awm na hmun hlui te hi ka thlir leh thin,kan in hmuh tan na kha,na tawrh vangin a nih kha,kha ta a hmel ka hmuh rual khan ka theihnghilh thei ta lo chu a nia,a chanchin ka hriat tir kha chuan ka ngaihdan a ni lo em em a,nula duk dak loh a nih ka ring hial a,mahse ka rin ang a lo ni dêr silo...

Thil sual a tih palh a vangin thil sual dang tih a tum phah lo,tum a hnekin a naute chhanhim a tum tang tang zawk a,kei lah in hre lo in amah ka thiam lo char char zawk a,ka inthiam lo kher mai....
Mahse mi rilru nem tak tih takah a ni nen thian kan ni thei a,chutah a a thiam loh a nih loh na ka rin theih nan ka unaupa kher a lo ni bawk si,a dik loh hi ka ring lo,a sawi zawng zawng kha ka ring thlap a ni...



Eng ka ti zo ta nge ni Asawmi chu ka mitthla ah a cham reng a,ka ngaihtuah reng a,tiang hian ka la awm ngai silo,ka khawngaih a,theihtawp chhuah in ka pui a,mahse ka hnaih thei chuang miah silo,ni e,a chhan chu hmangaih dang a nei tlat a lawm,chu pawh chu tu dang nilo in ka unaupa ngei a ni!



Kan inbiak that loh lai te khan min lo be ve mahna tiin a message ka chang reng a,mahse keimah bawkin ka be hmasa leh nge nge thin,a rul tawkin min chhang lek mah se biak loh ai chuan ka la duh zawk....



Ka mitthla leh suangtuahna in a theihnghilh theih loh hmangaih ka tawng ve ta ni in ka hria...



Ka unaupa pawh ni rawh sek sek,ka thian tha tak chu venghim tlat tur in ka intiam a,,ka duh thu chu hrilh ka ti tlu ta,hetiang a awm reng ai chuan engpawh ni rawh se ka hrilh tur a ni....



Ka hmuh khat em a vangin hmuh ka chak a,kan in kar siam tha in ka duhthu pawh hrilh ngei ka tum nghet a,amah hmuh a,kan in kar a that theih beisei in an in chu ka pan a,mahse a nu leh pa te sawi ang khan Asawmi chu hmuh tur reng reng a lo awm tawh lo!


Ka beiseina leh duhthusam te chu a loh thlawn mai an chang zo ta....





................................

[Ngaia]

BENJAMIN~ZOTHANTLUANGA

By

Mahruaitei Pachuau





Chapter~9









Harsatna tam tak karah theihtawp chhuahin ka bei sauh sauh a,hlawhtlin loh hlau in ka theihtawp tak meuh meuh ka chhuah hial....




2 years ago.....



Kum 2 an vei meuh chuan ka nun chu a danglam ta khawp mai,ka nunhlui hriat chhuah loh hram ka duh a,ka thil tih lai pawh ka thlak hmiah,phai a ka awm khan fashion designing ka zir a,theihtawp tak tak meuh meuh in ka bei,Pathian zarah ka hlawhtling ve hlauh mai,mahni pualin dawr pawh ka hawng ve tawh a,tunah chuan ka nunhlui in tih buai tir tawh lo in hmalam pan zel tur in ka infuih sauh sauh mai....




Dawr kawtah chuan customer thenkhat chu ka thlah a,inchhung lama ka let leh tur chu ka kutah tuemaw hian min rawn vuan chat a,ka hawi let a,Ruatfela a lo ni reng mai!



"Nang hi Asawmi kha I ni tiraw"mak tih hmel zet hian min en a...

"Enge I rawn tih dawn"


"Ka zawng nasa lutuk che,ka zawng hmu ta che nih hi"


"Engvang in nge min zawn,chuan ka kut hi thlah vat rawh"kan ti vin thak a....


"In be lawk ang"


"Inbiak a tulna ka hre lo,min kalsan rawh"


Min en vang vang a,ka kuta min chelhna chu thlah in ngawi rengin a kal sawn a...


Ni 2 hnu vel a tang chuan ka number lo neiin min be ta tlut tlut a,engtinnge maw a lo neih reng reng ni tih ka ngaihtuah lai chuan ka hnathawk te zinga mi a lo dil chu ni in,eng tak tih tum leh nimaw.....



Kum hnih liam ta khan nupui a lo nei ta reng a,mahse tunah a hnena let turin min beisei reng tho a,Ruatfela zawng mi pakhat dik tak a ni,kha ti khawp khan min ti na in min thlauh thla a,mahse let turin min beisei leh ngam nia....Rapthlak chuan in...



Mahse,ka hmangaih vang nilo in ka naute kha engtinnge min chân tir dan ka hriat chhuah a ngai a ni,remchang ka lak a ngai...



Nupui nei lai a ni tih hre tho mahila,Ruatfela nen chuan kan in zui leh a,mahse ka nun dan hlui ah let ka tum lo,mi in engtiang pawhin min sawi mahse ka tum tawh chu ka tum a ni tawp mai....




Kar thum vel a ni ve tawh ang chu kan in zui leh tawh ni...





Dawr thar kan ni bawk a,customer te pawh kan ngah ve viau mai,a buai pawh ka buai thin khawp mai,ka tih lai chu tih zawh hman loh ka hlauh vangin ka bei ngawrh hle a,ka room ah chuan lo lut an awm,ka manager a nih ringin ka lo en hran lo a...


"Tah khan lo dah mai rawh"


Hawi pawh hawi lo chuan ka tih lai chu ka chhunzawm reng tho....


Aw thian kharh kharh ri ka hriat chuan ka hawi chhuak a,Benjamina lo ni reng mai!



"Awhaw,Benjamin nangmah law,tihpalh lutuk,ka lo buai deuh a"nuih sak pah chuan kan be nghal a,mak ka ti kher mai,a ni pawh hian min rawn zawn hmuh ni....



"Min ngaihsak duh lo a nih hi ka lo ti mai a sin"a nui hak hak a....



"Teuh loh,engtinnge ka dawr hi I I rawn hriat zawk a"



"Hmanni lawk khan kan thiante in nei an awm a,kan thawhpui te pahnih ti ti ka hre fuh a,an thawmhnaw hak chu I dawr a mi a ni tih an sawi lai ka hre fuh a"



"A nimaw"tihpah chuan ka bu deuh nghat nghat a...



"Zawn hmuh I har kher mai"an ti sap a....


"Nia"ka ti ringawt....


"Engvangin nge engmah min hrilh miah lo a I kal bo"an ti nghat a....


Sawi tur ka hre lo,ka ngawi reng....



"Min hrilh ta che,engvangin nge min hrilh loh,tanpui tur che in I kiangah ka awm reng ang ka tih kha"



"Engmah a nilo"


"Engmah a nilo maw,I kal tih hre lo in inah te ka rawn kal a,mahse nang chu I lo awm tawh lo,min huat vang em ni min hrilh loh,kei chuan tanpui zel che tur che in ka inpeih reng a sin"



"Nilo,duhtawk teh,khawngaihin,tuna tang chuan khang kum kal ta a ka chunga I that na a vangin ka lawm lutuk,mahse tun a tang chuan khang hun liam ta te kha theihnghilh la,ka chunga khawngaihna I lan tir pawh a ngai tawh lo ang"ka ti zawi raih a....



"I chunga ka rilru put hmang kha khawngaihna ang lek ah I ngai a maw"zawi te fiah tak si hian an ti chang fak a....




"Benjamin"



"Malsawmkim,nang hi ka hmangaih che ni,I tan hian engmah ka ni lo em ni,I kal hnu pawh khan vawi tam ka zawng che a,hmuh mial che beisei in,mahse hmuh tur I awm miah bawk silo,rilru buai tak in nang hian min siam a ni,I kal bo tawh lo ang tiraw"a aw chu a zawi ve raih mai...



"Khawngaihin tiang hian awm lo teh,nang leh kei hi kan ni thei lo,I unaupa nen kan in zui leh tawh sin"ka lung a chhe mai dawn....


"Dawt I sawi lo maw,ka dar ah chuan min hmer ngawt ngawt a....

A chhan pawh chhang lo in lu ka bu nghut nghut ringawt....


Kan bula thu thleng ah chuan a thu hnawk a,a lu chu a dawn vang vang a....


Boruak a rit kher mai...



Ka phone chu a rawn ri ral ral a,ka en a,Ruatfela lek chu ni in....



"Hello,khawi ah maw I awm"Benjamina chu ka en zauh a,min lo melh reng a..."awle ka lo kal dawn nia"kan ti sup a...



"Ruatfela a ni tiraw,Kal suh,min kalsan suh"ka hnung lam a tangin ka kawngah a rawn kuah a...



Mahse ka tum hlawhtlin nan ka kal san a ngai si.....



"Engvang in nge ka kal loh ang,min thlah rawh,ka kal a ngai a nia"


"Nilo,a ni khan vawi tam a ti na che a,let thei I nilo"


"Engvangin nge ka theih loh ang,ka hmangaih kha a ni reng a,tun ah pawh hian ka la hmangaih reng,khawngaihin ka kawng min dal sak suh"
Min vawnna a ta ka tal chhuak a,en pawh ka en tawh lo,ka chhuah san nghal...


"Benjamin min ngaidam ang che aw,ka nun ti chhe vek tu hi ka hmangaih a ni tawh lo,ka chungah engtiang chiah in nge a lo khawsak tih ka hriat duh vang mai chauh a ni,keipawn duh viau che mahila,ka phu lo che ni,min ngaidam hram dawn nia,kir leh thei ka ni tawh silo"ka ti rilru neuh neuh a..

??Ads la click lo tan a hnuaia milem khu in lo click ve ngei ngei dawn nia aw ??



.......................................

[Ngaia]

BENJAMIN~ZOTHANTLUANGA

By

Mahruaitei Pachuau







Chapter~10
















Ruatfela a awmna a sawi chu ka pan thuai a,a bulah chuan zu um a lo let reng a,a rui tawh viau mai,...



"Ruatfel"ka sawi nawk nawk a....


"Asawm,ka nghak reng che sin,ka ngai lutuk che"a tawng pharh pharh a...



"Tinge,tiang em em a I ruih a,enge I chungah thleng"



"Engmah a thleng lo,lo buai Suh,mah...mahse,I...I...I chung ah..ah hian ka in thiam lo a ni"a tawng bah nawk nawk mai....



"Engvangin maw ka chungah I in thiam loh,inthiam lohna chhan tur I nei hleinem"ka lo ti thuai a...



"Nang ang rilru tha ka tawng che hi chu ka vannei tak zet a ni,engpawh nise min ngaidam dawn nia"



"Min hrilh ta che,ngaihdam ngai I nih te chuan ka ngaidam thei che lawm"



"I naute chhiat chhan kha maw ka thiam loh vek a ni,Beki kha nau tihtlakna DAMDAWI lo pek tir lo che ila ngaihdam ka ngai lo tur"a ti riai riai a,a chatthla nghal....



Ka thu hriat chuan min thawng zar mai,ni e,enge maw in phum ru tak chu awm in a lang,mahse ka hrechhuak hleithei silo kha a nia...Ruatfela hi ka ring phal lo thin a sin,mahse a ka a tanga chhuak ngei a ni a,dawt a sawi duh awm der silo...


Ka chunga a inthiam loh thu te,a chet dan te chu tawngvaih pah chuan a sawi nawk nawk a...
Ka thin a ti rim kher mai...



Ka sa pup pup mai,Ruatfela chu ka hua,ka haw tak zet a ni,ka chunga a thil tih te kha ka hre lo turah ngaiin min la beisei reng a,hrep tak chuan!


A phone ka laksak a,a nupui chu a awm na a lam turin ka biak sak a,kei pawh rei awm lo chuan ka kalsan nghal,eng ang mihring nge ka nih a,khatiang mi kha ka lo hmangaih theih le,min bum tih hre miah lo in ka lo nghak ve ngat ngat kha ni sia,ka in haw kher mai,thudik ka hre ta bawk a,reilote awm pawh a bulah hian ka thei tawh ngang lo ang....






RUATFELA:


Zep thu cheng lo,tlangval lerh pawl tak chu ka ni ve alawm,ngaihzawng pawh ka nei rei thei lo,mahse tleirawl lai a tanga tih tak zeta hmangaih ka nei ve a,chu chu tuna ka nupui hi a ni....


Asawmi nen kan in tawn hma a tanga in hre tawh leh in ngaizawng reng kan ni a,kan inthlahlel in kan in ngai em em a, ka lerh ve em a vang hian han in tih thiam loh rap rap chu kan nei reng,mahse a ni tluka duh dang hi ka nei ngai lo a ni....



Mahse buaina kan nei ta tlat a,a chhungte leh ka chhungte chu an in duh lo tawn ve ve a,kan chanchin an hriat phei chuan tuna ka nupui ni ta Hlui chu a chhungten an kalh khum reng a,an veng reng a,in hmuh pawh a thei ta loh khawp mai...


An in ah pawh kal theih a ni ta lo a,kan in hmu ta lo tawp mai a nih chu,ka hriat leh meuh chuan phai ah an lo dah daih a,chu mi tuma ka thinrim zia chu aw...


Engatinge in dah kher ti a ka zawh ve lah chuan a chhan pawh min chhang tha duh lo,min zilh hrep a,ka lung a awi lo kher mai,mihring ka ni a,mahni tawka chapo na neih ve chhun chu a up bo theih ta lo,keipawn ka chhang let ta hrep a nih kha....



Beisei tur a awm tawh lo in ka hria,engtikah mah a rem thei dawn lo,chu vang chuan thutlukna siam a bansan ka ngai ni tih chu ka ngaih dan a ni...



Ka beidawn em em laiin Asawmi ka tawng a,min star thin tih chu ka hre ve bawk alawm,mahse ka hriat tur hian a ti lang ngai lo a ni mai a....


Min iai lo tih ka hriat chuan ka bem ve ta tawp mai a,a ni pawn min hnar bik lo,kan ni ve ta ren rawn a...


Hlui tih loh ah chuan ka hmangaih awm chhun a ni...


Asawmi vang chuan ka nunhlui pawh theihnghilh zeuh zeuh chang ka nei ve ta a,han lerh san pawh ka nei hran tawh lo....



Kan office a vanga ka zin a ngaih tum chuan ka huphurh angreng khawp mai,Asawmi hmu lo a ka awm tur chu ka peih lo viau,engtikah tak hrilh ang maw ti a ka ngaihtuah laiin remchang a awm ta hlauh mai a,in hmuhna hun remchang kan nei leh thei ta a...


Kan in zui hneh ve nge ni,kalsan mai chu ka huphurh a,ka kal hma a ta ni thei ngei se ka duh a vangin ka chetsual pui ta mai a ni...
Min hmangaih em a vangin min hnial phal bik lo a,nia,dam te a kan awm te chuan a neih te pawh kan la nei ang chu tih ngaihtuahna te pawh ka nei a lawm....



Ka hna a vang chuan ka zin ta ngei a,thla khat vel zet ka awm hnu ah ka haw dawn hma ni chuan keima thil tur te leiin ka chhuak a,ka lei tur te ka thlan mawlh mawlh lai chuan ka hming a min rawn au tu hi ka hria,mahse vai tam tak karah ka hming a min au tu a awm ka ring der silo a,ka bengchhe ri a maw ti in ka bengkhawn lem lo a,mahse vawi hnihna ah chuan min rawn au leh a,ka beng chhe ri a ni lo tawp mai,hnung lamah chuan ka hawi let a,ka hmangaih em em thin Hlui a lo ni reng mai!



"Ruatfel"an ti deuh sap a...



Mak ka ti,engtinnge kan in hmuh leh theih tak,ka thinlungah a thar leh uar uar mai....


"Ruatfel he tah hian ka hmuh che ka in ring lo a sin"


"I dam maw"


"Ummm,ka ngai lutuk che a"


Ka en vang vang a,a ti mai mai lo tih ka hre chiang hle mai...ka hmuh leh tak ah chuan keipawh hian ka ngai lo a ni bik lo...



"Engtiknge haw I tum a"
Min zawt thuai a...



"Naktuk ah hian,nang zawk"


"Keipawh,tunkar ah chuan ka haw tawh dawn,ka ngai thei lutuk che a,ka lo haw hun chu kan chhungte hlau tawh miah lo in awm tawh ang aw"



Ka rilru a ti buai kher mai,A hnenah lêt theih ka in ring tawh silo,Asawmi tan thu ka tiam a,mahse ka hmangaih em em chu a lo let leh tawh bawk si...



A tuk ah chuan rilru bet lo zet chuan ka haw ve ta a,ka haw tih Asawmi chuan a lo hria a,min rawn be thuai a...



Kar tawpah chuan Hlui pawh chu a lo haw ve ta hlawl a,a ruk in kan in be zeuh zeuh...



Ka rilru a buai kher mai,ka hnena awm tura ka duh ngawih ngawih chu ka ta ni thei dinhmun ah a ding tawh a,chutih laiin Asawmi a lo awm ve reng tawh bawk si....Ka lu thak lo pui chu ka hiat hiat a,a tawpah chuan Hlui chu ka thlang ta ringawt a...



Asawmi chuan engtikah emaw a hriat thiam mai tak in tiin ka be zing ta lo a,ka in hmu tam ta lo....



Mahse buaina a awm tlat mai,Asawmi chuan a nau pai thu min hrilh ta thut mai!


Ka rilru a buai ta hle mai,ti tla turin ka ti reng a,mahse a ni erawh chuan a tum lo bur...


Ka tih sual rah ka seng a ngai dawn a nih hi,ka tihsual vangin Hlui pawh ka chan a ngai ngei dawn a nih hi...

Ka lu thak lo pui pui chu ka hiat hiat a....



Engkim hrilh mai a tha in ka hria a,hlui nen in hmuh ka rawt tawp a...


Hlui'n kan chanchin a hriat chuan a sa kher mai,min then loh tur thu a sawi reng a,keipawn ka duh loh thu ka hrilh reng,mahse tih ngaihna dang a awm thlawt silo a....



"Heti mai chuan ka kal tir thei lo che,ka chan tawh che a,chan nawn leh che ka duh lo,enge maw tak kan ti ang"tih pah chuan ka kut chu a hmer ngawt ngawt a...


Engmah sawi tawh lo chuan ka kal san ta a....



Office a ka awm lai chuan min lo phone a,in hmuh pui ah min lo sawm ve leh...
Ka hnar chuang lo a,ka kal ta thuai a....




"Enge maw tih dan tur ka hria a nia,ih e,ngaihthla chiang rawh,I tan hmingchhiatna tur a awm dawn lo a nia...
Malsawmkimi chu nau tihtlakna damdawi ei tir ang"



"Enga! Engtinnge a ri tehlul ang"



"A hriat lai chuan a ei hauh dawn lo,mahse tihdan kawngkhat chu a awm a lawm,sum a awm phawt te chuan"



"Sawi Chiang la"



"Malsawmkimi thiannu a tangin kan ti dawn a ni,a ni kha malsawmkimi thiantha tak a ni a,an in hlat thei lo ang,a hming chu Beki nia,sum a awm phawt chuan a ti duh ang tih ka chiang a ni...."



"Chu pawh nise"



"Enge I la buai,ka hrilh ang che Beki chu ka be tawh,a in ring reng "



"Mahse"



"Enge,mahse,a man chhuak lo ang,a ei leh in turah a rukin a pawlh reng mai dawn a lawm,buai suh,nang hi tuman min ruk sak ka phal reng reng lo"


A nui sak a....


"Chuan engmah thleng lo ang in awm la,nau tihtlak a tum loh nan veng tlat ang che,engtikni ah emaw chuan a tla ngei dawn tih hretho mahila, kalsan hun tur chu I hria ang chu"an ti deuh dap dap a...


Hlui remruatna ang chuan kal kan tum ta a...


Asawmi bulah chuan theih ang angin ka awm reng a,a duat pawh ka duat viau mai,a ni pawn min ring em em a,ka bulah chuan a hlim thin khawp mai....


Ka bul maiah ka fa ngei pai tu chu hlim takin a awm a,kei apa te zawkin ka fa chu thah ka tum chu a ni si a,ka va in ngaihtuah nasa tehreng em...


Mahse engkim kan ruahman vek tawh a,chu naute chu a awm loh chuan ka hmangaih thin em em ka nei thei a ni dawn si...



Asawmi nau chhiat ni khan Beki chuan a hna tur a lo thawk chiah a ni...

Beki khan a tui ken ah khan nau tihtlakna damdawi chu a lo pawlh a,chu chu Asawmi chuan a lo in ta ngei a,chu mai a la nilo,thil ei turin dawrah an chawl a,a ei turah khan damdawi chu a lo telh leh bawk a ni....


Nau chu a chhiat ta ngei a,ka va kal pawh chuan a in thiam lo hle mai,nau tihtlakna damdawi an hmuh thu chu min hrilh a,chu cu kei chuan remchangah la in nau tih tlak a duh hrim hrim vangah ngaiin ka kalsan ta kha a ni....



A ni chuan engmah a hrethiam dawn lo tih kan hria,keipawh min rinhlelh na chang a hre dawn lo hrim hrim....ka chhuah san hnu chuan Hlui nen chuan kan in hmu a a hlim hmel em em mai leh nghal....



"Tunah chuan ka ta chauh I ni tawh ang,a ringhlel ngai lo ang che"

Min rawn kuah nghal a...


Mahse ka rilru chu a nuam ta hauh lo,ka fa ngei that tu ah ka tel ve miau si....



Asawmi chu beidawng takin a awm tih ka hria,a hnu ah phei chuan phai ah a chhuk thla ta nghe nghe a nih kha...hnaih theih a ni tawh lo.....


Mahse mak tak maiin ka ka cousin Benjamina hian a duh ta tlat a,engkim hre vek chung pawn a hnar tlat lo....mak ka ti khawp mai...



Keipawh hian ka theihnghilh tak tak thei lo a nih hi,Mizoram a lo let hnu ah phei chuan neih let leh dan ka zawng reng a,nupui nei tawh mahila ka nupui aia ka duhna a nep phah chuang der lo,chutah ka unaupa leh nghalin a lo duh ve tih ka hriat phei chuan keimah ah thikna a lo awm a,a ni chu neih let leh ka tum ngar ngar mai....




...................................

[Ngaia]

BENJAMIN ~ZOTHANTLUANGA

By

Mahruaitei Pachuau




Chapter~11(Last Chapter)









Ka rilru chu a kal ding kher mai,ka thiannu Beki te in lam pan chuan ka kal nghal a....



Bekin min hmu chu mak a tih hmel kher mai...



"Asawm,enge teh hlawl che chuan"



"Kan in hmu khat em a,I dam maw"ka nui lui sak a...



"Aw,dam e,lo thu ta che"



"Bek,enge I chunga thleng hi ka hrethiam lo,ka thiantha ah ka ngai che a,engkim ka hrilh vek che a nih kha,eng tin nge ka chungah thil tha lo I thlen tir theih"


"Eee...eng...engmaww"
A hlauthawng khawp mai...



"Sum vangin I thiantha ber nun I ti chhia a ni lawm ni,kha naute kha ka tan a hlu tih vawi tam I hnenah ka sawi a nih kha,mahse,nang chuan min phatsan a ni"ka aw chu a khur der der,ka tah chhuak hle mai....



"Asawm,ka tihpalh min ngaidam rawh,khawngaihin min ngaidam rawh" chhuatah chuan a thu hnawk a,a in hup char char....



"Engvanga ti nge I nih"



"Ruatfela leh a bialnu vang vek a ni,chu bakah sawn I pawm tur kha ka ngai gam bik lo a,chuan....chuan...pawisa kha ka hnial thei ngang lo a ni"



"Khawngaihin,min ngaidam hram rawh"



Ngaihdam theih chu nise ngaihdam che ka duh a lawm,mahse ka tana thil hlu tak chu nang hian min chân tir a ni,pa a nei emaw nei lo emaw ven him ka tum tlat a sin,Ruatfela ka chan aia na chu maw ka tana thil hlu em em min chân tir tu ka thian rin em em in min phatsan hi a ni a sin"ka aw a chhuak hleithei tawh lo,ka kut chu ka hum ruh ngawt ngawt a...


"Tun a tang chuan nang hi ka thian k ni tawh ngai lo ang,ka hmelhriat I ni tawh ngai lo ang"tih pah chuan ka chhuahsan nghal a...



Ka rilru a na kher mai,ka thiannu ka rin em em in min phatsan a nia,nau ka pai tih a hriat tirh pawn min lawmpui em em tu kha a nia.....thil mak hi a lo thleng thei khawp mai...




Kan dawr chu ka pan hnak hnak a,ka ni deuh muai muai in ka hria,dawr chhung ka lut tur chu ka ding zo hauh lo mai,lei ah chuan ka tlu hnawk a,mahse min chelh tlat tu a lo awm reng mai,ka en ha a,Benjamina ni rengin...


Ka room ah chuan min hruai lut a....



"Tinge heti em em a I chauh a"min en vang vang...



"Ka tha lawm,ka tha lawm"



"I tha lo,Asawm,enge I chungah thleng min hrilh rawh"


"Benjamin,tinge ka mi rin em em te hian min phatsan zel mai le,he khawvel ah hian mal ngawih ngawih tura siam ka ni zawk em ni le"ka nui lui a,mahse ka biangah mittui a lo luang thung....


"I chunga thil thleng zawng zawng min hrilh ta che,kei chuan ka hlat ngai lo ang che,"Benjamina chuan duat takin min kuah a...



Ka chunga thil thleng zawng zawng ka nau chhiat dan engkim ka hrilh ta vek a,a ngaihdan a ni lo kher mai....



"Asawm,ka zawt leh ang che,Ruatfela hi I duh vang em ni a hnen I la pan"


"Nilo,a ni hi ka hmangaih tawh lo,amah zawkin min pan a,chu chu remchangah la in engkim hriat ka duh a,ka zui mai a ni,mahse thudik ka hriat hian ka na tak zet a ni"ka tap vawng vawng....



"Ummmm,ka hmangaih che ka tih kha dawt ka hrilh lo che a nia,engpawh nise thleng tawh chu thleng tawh a ni a,ka tan chuan engmah a nilo,I harsatna ah ka pui zel ang che nga,ka hlat lo ang che"min rawn fawp vawng vawng a....




Ka nuna luh tir ka tum tawh lo te pahnih chu ka dang zo leh ta ngang lo a ni e,ka dan zawh loh ka tih vang khan Ruatfela hi ka hmangaih reng reng tawh lo a nia,a huat hian ka haw hluah hluah mai...Benjamina erawh chu ka tan a pawimawh tak zet a ni,a bula ka awm in ka hlim a,a ni pawh a hlim ve tak zetin ka hria...




"Vawiin chu khawi ah emaw hruaina tur che ka nei nia"


"Khawi ah maw"


"Kan kal hunah I hre mai ang,ka duty zawh ah ka lo lam ang che,lo in peih rawh aw"



Tlai lamah chuan min lo lam ta ngei a,kan kalna tur phei chu ka hre lo,amah ka zui tawp mai a ni.....




Kan han thleng chu restaurant changkang tak a ni,a chhungah chuan kan in zui lut a....



Nu pakhat,ni valai changkang zet awm na lam chu kan pan phei a...



"Kan lo thleng e,ka nu"


A nu maw,enge maw a tih tak le...


"Thu ta che u"



"Ka nu hei hi a nih hi ka bialnu Malsawmkimi chu"


A nu chuan chiang zet chuan min en a

"
Nang maw,nangte chu Ruatfela bialnu I nih kha"an ti tawl mai a...


Ka zak lutuk chu ka hawi chhuak ngam thlawt lo....



"Ni e ka nu,Ruatfela bialnu a ni thin,mahse tunah chuan a ni tawh lo,tunah chuan ka bialnu a ni tawh"



"ZOTHANTLUANG"a nu chuan a ko that mai....



"Eng vanga chutiang thu te chu sawi ngam nge I nih,I unaupa bialnu chu engvangin nge kei hian ka pawm theih ang,chhuak nghal rawh u"



"Ka nu"


"A sawi pawh sawi tawh suh,I tan chuan Zoteii a tha ber,I unaupa bialnu a ni satliah lo,nuthlwi leh nghal,engtikah mah ka phal ngai lo ang thudang sawi tawh suh ang che"

Min rawn en a...


"Nangpawh,ka fapa hi rawn hnim hnai leh tawh suh ang che,nangni ang nuthlawi mai maiin ka fapa lo chhaih buai ka rem ti teuh loh mai,tun a tangin kiang nghal ang che"A aw chu a chang fak fak khawp mai,a thin a rim tak zet in ka hria...



"Ka nu duhtawk teh"


"ZOTHANTLUANG,ka fapa I ni lawmni,henu vang hian ka thu I hnial ang maw,sawi sawi mahla ka rem ti dawn chuang lo"thinrim zet hian a chhuak a...


Ka melh ngai ka melh ngawt ngawt mai...



"Engahmah ngai suh aw,engtikni ah emaw chuan a la rem ti em em ang"



"I nu khan a sawi dik a lawm,ka phu lo che,I nu kha ka dem lo a nia,harsa mah se ka kalsan che a ngai a ni,I nu in a duh pui tak che kha nei ngei ang che aw,kei chu min theihnghilh tawh dawn nia" a chhan na ngaihthla hman lo chuan ka tlan chhuak nghal a...


Khang hun,kum kal ta zawng zawng kha koh kir leh theih ni se ka va ti em,koh kir theih chu nise kal hmangaih em em chu ka nei phak ve mai thei a sin...

He khawvelah hi chuan ka tan dam khawchhuah a lo har tak zet a nia nge,ka mi rin em em te pawh rinawm ka hmu zo tawh bawk silo,tunah chuan keimah mai ka ni ta....


Mahse Benjamina chu a beidawn duh miah lo,Zoteii neih a tum loh thu leh a nu a hmin hun hunah in neih a duhthu te a sawi a,rem a tih hma chu nghak hram hram turin min ti reng a,ka tan pawn hnar a harsa teh sin...




"Ruatfela hian engtinnge a kalsan theih che le,kei ve thung chuan reilote kalsan che pawh harsa ka tih nen"


"Uang lo mai teh aw,min hmangaih pawh hi ka ringhlel"


"Ka thlah dawn lo che,eng pawh thleng se,ka chhungte vang mai mai in ka thlah dawn lo che a ni tawp mai"min kuah hlu hlu a...



Ni e,phu lo viau mahila ka hnar thei chuang hleinem,Benjamina tello chuan ka nun chu a ruak tak zet tawh,theih nise a kianga awm reng theih chu ka duhthusam a ni.....





Hna ka thawh mawlh mawlh lai chuan Zoteii chu a rawn lut hlawl mai...


"Nang te hi I hnawk sak reuh mange"min melh rawn rawm a...



"Enge I duh"ka lo ti satliah a...



"Ka duh maw,Benjamina hi kalsan rawh,vawi eng zat nge kalsan turin ka tih che,thlah rawh"



"Nilo,a ni kher chu ka thlah thei lo,ka hmangaih neih chhun a nih hi"



"I va zak lo ve"tih pah chuan ka dawhkana thil awm chu a paih thuai thuai a...


"Duhtawk rawh"vin zet hian kan ti tuarh a...


"Ka duhtawk ang maw,ka thusawi hi I ngai pawimawh duh lo vel a maw,I la hria ang,I la thlah dawn khawp,lo ngai reng rawh"tih pah chuan a chhuak nghal a,kawng khar chu a khar ri bur mai...



Thu thleng ah chuan ka thu hnawk a,ka chau hman kher mai....



Tun ah chuan hlauh ka nei tawh tur a nilo,ka hmangaih hi ka chan nawn thei tawh lo,engpawh thleng se....



Hna ka thawh mawlh mawlh lai chuan whatsapp message a lo thleng a"vawiin chu kan in hmuhna thin ah khan in hmu ang aw"Benjamina min lo thawn...



Ka phur tak zet a ni,ni tam in hmuh loh chhung pawn a ngaihawm hman em em reng mai....




Kan in hmuhna thin chu ka pan ta thuai a,ka lo nghak reng a...


A lo thleng tep tawh lawng maw tiin ka dak ka dak a...



Thawm ri rek ka hria a,kawngka lam ka pan thuai a,mahse tumah ka hmu zawm leh ta lo,ka awm na ngaia let tum a ka in her chiah chu ka pum a na zawk mai,chhuat ah chuan ka tlu nghal thuai a...



Ka pum chu ka dawm ngawih ngawih a,thi a chhuak zawih zawih mai...


Ka hma ah chuan min khawihtupa chu a ding run a...


"Tunge I nih,engvang in nge ka chungah hetiang hian I tih" kan ti tham tiak a...



"Tunge ka nih ka hrilh thei lo che,ti tura thupek ka nih ang in ka hna ka thawk mai ni"

A sawi zawh rual chuan kawngka lam ah chuan pen thawm a ri khap khap a,thei leh thei lo chuan ka en a...


Zoteii a lo ni reng mai!



"Nangmah maw"



"Ni e,keimah ngei ka ni,enge a an"nuihsawh zet hian min en a...


"Mahse Benjamina..."



"Benjamina maw,Benjamina maw I tih kha keimah vek ka nih kha,a hming in ka ko chhuak che a nih kha"



"Engvangin nge ka chungah hetiang hian I tih a"ka aw a zawi hle mai....



"I hrethiam lo a maw,engvangin nge Benjamina hi I thlah duh miah loh,vawi tam thlah tur che in ka ti che a ni lawm ni,I la hria ang ka tih kha,a ni hi ka ta a ni a,nang ang nuthlawi neih tir mai mai ka tum hauh lo" tih pah chuan ka sam ah min tham dak awrh a...



"Khawngaihin duhtawk rawh,khawngaihin"ka chau lutuk....



"Ni e,ka duh tawk ang,engkim a tawp ang,he khawvela ah chuan Benjamina hi I ta a ni ve ngai lo ang"



"Nu,pa,u,min pui rawh u,Benjamin ka hmangaih che sin"ka ti chuai raih a...



"Benjamina I buaipui leh tawh ngai lo turin I han in ti fel law law ang aw"a bula mi chu an en zauh a"I hna chu thawk zo law law rawh le,ti chuan lawmman ka pe ang che"



Chupa chuan min lo pan a,ka ban ah chuan na tak hian min chelh a,tang tur in thahrui ka nei zo lo...


Ka ban ah chuan eng damdawi a maw ni hian min jection a...an tih zawh hnu in min chhuah san nghal...



"I la hria ang ka tih kha maw,han tuar tak tak teh"tih pah chuan a chhuak ve leh nghal....


Chhuat ah chuan ka pum na lutuk chu ka vial ngawlh ngawlh a,reilote ah chuan ka lu chu a hai ta muai muai a,ka pum chu a na tak zet bawk....




"Nu,pa a na lutuk,min tanpui rawh u"ka ti tawk tawk a...





Benjamin,khawnge I awm le,khawngaihin min pui rawh"ka thlan a tla bawrh bawrh a...Mahse puitu reng ka nei lo!






"Benjamin,ka ngai che,ka ka hmangaih reng ang che"ti chungin he khawvel chhuahsan turin ka maimichhing ta riai riai a!














(Tum loh deuhin a last ta der mai....Engpawh nise a tawi ti chung chunga min lo chhiar sak zel tute in chungah ka lawm tak zet zet e...🥰🥰)

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/