FATEDLOVE BY NUTTYGIRL (Completed)

[Ngaia]

FATED LOVE



by:NUTTY GIRL



CHAPTER-19


NICOLAS ZOMUANKIMA POV



Rinhluin Daniel ina an awm thu a sawi avang chuan Daniel in lampan chuan ka in khalh chhuak vat. Daniel in ka thlen chuan an lo thu khawm deuh thap tawh.



"Khanu kha thlan zawk i la tum fan a mi, Zomuankim?" Rinhlui chuan min rawn hmuh rual chuan a ti nghal hluai.



"Rinhlu lo in rawlh suh,an pahnih in an ching fel mai ang," Daniel chuan a lo khap vat. Darcy erawh chu ngawi rengin a thu,hnuailam a bih tlat thung.



"Lalruatpui,hemi te pahnih vang hian kan buai tawh lutuk. Min lo khap reng suh. Ka thiannu a nih ve tho hi... Pakhatin naute aiin a bialnu a thlang zawk bawk a."Daniel pawh chuan engmah a sawi bik lo. Tumah kan tawng lo,a reh thap mai.



"Paternity test kan nei ang." (Non-invasive PrenatalPaternity test chu naute a la pian hmaa a nu atangs DNA test a ni. Naute pa nen an DNA a in ang reng em tih an test na a ni).



"I fa a nih loh i ring tho a maw?" Darcy chuan meng buai nak chung chuan a rawn ti sep. Daniel leh Rinhlui pawh chuan min lo en dawrh.



"A em em i tive lo maw? Tiang mihring hi i nih ka ring lo," Rinhlui chuan a rawn ti hap. "Dude, i fa a ni tih finfiahna a awm chuan Amy i kalsan dawn tihna ami?"min en run chung chuan a rawn ti ve sup! Min beidawn pui ve a ni tih a aw ah a chiang!



Chhan ngaihna ka hre lo! Ka fa a nih chuan mawhphurhna ka lak ngei a ngai dawn! Lehlamah ka hmeichhia ka kalsan thei lo! He ka dinhmun khirh lutuk hi tih ngaihna ka hre tawh lo!



"Ka duh lo Zomuankim,ka duh lo. I fa a ni tih finfiahna nei pawh ni la kha nu kha i kalsan phal chuang lo ang. Ka titla zawk mai ang,he thil hi ka hne hluah hluah tawh," ding hluaia ti chuan kal nghal a tum. Rinhlui chuan a dang vat.



"Midang i mutpui lo a nih chuan ka fa a ni ngei ang. Ka fa a nihna angin mawhphurhna ka la ang," ka ti nghut. Ka fa a nih chuan Amelia ka sawipui ngei ang. Ka tina dawn lutuk tih chu ka hria mahse ani ka tawn hmaa ka thil tih engmah ka siam tha thei lo!



Ka nun ka uluk loh vangin ani hi na takin ka siam dawn! Min ngaidam thei a ngem tih leh min pawm thei a ngem tih ka hre lo. Mahse ka beidawn san thei lo. A kianga ka awm phawt chuan ka hmachhawn thei em em ang.



"Ni e, thil hi tih bawrh bawrh chi a ni hrih lo. Darcy nang pawh apa a ni tih i chiang a,finfiah a nih chu a pawi lo ang. Nang pawh dude,i fa a nih chuan i mawhphurhna hlen ang che," Daniel chuan a ti chang fak.



"Ka duh chuang lo,a fa a nih pawn min kalsan dawn tho tho. In tiamna kan neia kei nupui min neih dawn phawt chuan kan test ang," a rawn tih chuan ka thaw hak.



"Umm..a nei em em ang che. Tunah chuan in ngaihtuah ve phaat rawh u," Rinhlui chuan a ti vat.



"Darcy hi ka va thlah lawk mai a nge,chuan ka lo sawi pui ang. Danny, Nico hi lo titi pui ve la," tiin Rinhlui chuan Darcy chu a chhuah pui.




"I fa a nih chuan Amelia hi i kalsan thei ang maw?" Daniel chuan a rawn ti sup.



"Ka kalsan dawn ka tih lo kha. Ani hi theihtawpin chelh beh ka tum anga chuan naute ka fa a nih naah ngei mawhphurhna ka la bawk ang. Kan enkawl dawn tihna a nih chu,"nui suka ka tih chuan rawn che phutin ka kawr awmah a rawn tham.




"Nu leh fa then hran i tum a maw? A nu dik tak lo enkawl tir i tum a maw?tenawm pa,"tiin ka kawr awma la tham reng chung chuan hmaiah chuan a rawn hnek, ka pai khut khut. Ni e mi tenawm tak ka ni,ka hmangaih ber ka tina dawn miau a!



"Keimah hi min en la,naute leh a nu then hran i tuma naute ngaihdan tur ngaihtuah ta che,"a rawn ti hrawk.



"Huh..tihdan kawng dang a awm chuang lo. Bawihi hi ka kalsan thei lo."



"I fa ani a nih chuan i chhungte hian Darcy hi an kalsan tir hauh lo ang che. Ka puihna beisei suh ang che. He thilah hian ka buai peih hrep tawh lo. I phu tawk chiah a nih hi!"ka hmaia rawn hnek leh chuan a ti. Ni e ka phu tawk chiah a ni... A hmangaih ber pawh tina tu tur chuan a phu tawk chiah a ni. Thinrim tak chuan min chhuahsan zui nghal.



Chhuatah chuan thuin ka khupah chuan ka kut ka nghat. Ka beidawng tak zet tawh. Amelia hian engkim a hriat hunah ka kiangah a la awm duh a ngem? Min hmangaih a ka hmangaih bawka ka kiangah a awm duh em em ang.Ka hma ka sial mah mah tih chu ka hria mahse heibak hi tih ngaihna ka hre tawh lo!


A tir kha chuan paternity test tih mai hi ka hrechhuak lawk lo. Mi na zawngin an ti thei lo bawk! Naute him nan an tih avang a ni mahse hmelhriat min tih sak thei tu tur hmelhriat an awm mai ang! Chu pawh chu la zawn fe a ngai ang.

Ka phone ka ah lai a rawn rik chuan ka en vat. Phone screen a bawihi hming a lo lan chuan ka nui suk.



"Umm,bawihi,"a rawn tawng hmaa ka tih chuan a nui hak.



"I lo haw tawh dawn em? Ka ngai tawh che a," a rawn tih chuan sana ka en zeuh. In ka chhuahsan atang darkar hnih dawn a liam tawh!



"Umm,keipawn ka ngai che. Ka lo haw nghal." Ka thutna atang chuan ka tho vat. A aw ka hriat hnu chuan ka hahdam sawng sawng tawh.



~~~


Kawngkhar ka hawn rual chuan min lo kuah nghal vat. Rawn dingdihlip ak akin ka ngawngah a rawn kiss zeuh,thil thar a ni. "Min lo ngai viau tawh ani maw?"amah kuah let ve chuan ka ti sup. "Umm...ka bula i awm loh hlek chuan ka ngai che... In char bet tlat ila a tha tur,"a rawn tih chuan ka nui hak. Ka awmah a rawn bei nghal hlu hlu.



"Bawihi leh! In char bet i duh a maw?" ka tih chuan a nui ve hak hak. "In char bet ila chuan a mak ngawt ang tiro? Mahse khawiah mah kan in kalsan thei lo anga,"tiin nui ver verin a rawn hawi chho. Ka hmel a hmuh chuan a nui tawp ria ria. A mit sen deuh ram ka hmuh chuan ka buai nghal der.



"Bawihi i tap ami a?"



"Tinge i hmai chu? Dawt sawi buai tum duh suh. Naupang pawh i nih tawh loh hi,naupanga in sual rual pawh i ni ti tawh lo," ka zawhna pawh min chhang lo chuan a ti nghal hlak hlak. A kal sawn tur chu a banah ka chelh vat.



"Engvanga tap nge i nih ka tih chu,"ka ti hrawk. "Amak,ri nghal vak vak zel suh. Movie ka en a lawm. A lungchhiatthlak em a ka tahpui,"a tih chuan ka thaw huai. A nat ka phal lo,a tah ka phal hek lo mahse nakinah engtiang in nge thudik a hriat hunah a nat ang!



"I hmui te kha!"a rawn tih chuan a rawn khawih zeuh. "Naupang i ni lo ka tih tawh kha, zawt lui che pawh ni ila a khawihtu che i sawi dawn chuang lo. Vawikhat mah insual suh tawh suh ang che. Ho mai maiin che lo bawk la,"a ti hlak hlak.



"Yes boss."



"A nih chuan sofaah sawn lo va thu rawh,"a tih chuan thuawih takin ka thu ve mai. First aid box nena a lo kal chuan keimah min hmachhawn zawngin ka malchungah ka pawm vat. A mit sen ram leh mit bui luk chu ka hmuh chuan ka nui deuh hawk. Movie vang mai mai in ti hian a lo tap chu a nia!




AMELIA ROSANGPUII POV



"Engnge i nuih?" A rawn nuih chhuah huk chuan ka ti nghal vat.



"Movie...i lo tah chhan chu han sawi la,"ka nghawng rawn nul thuak chuan a rawn ti. Dik tak chuan movie ka en lo!



"Ka hrilh ang che. Awm tha la,damdawi ka hnawih pahin ka sawi ang," ka tih chuan thuawih takin a awm tha ve mai...Ka thusawi hun a nghak reng.



"Ih a changtunu leh changtupa te hi an in hmangaih lutuk a. Mahse an awm dun thei lo a. Hmeichhia pawh chuan a tel lova awm harsa a ti lutuk. Mipa pawhin engkim kalsan a huama mahse chutichung chuan Pathianin awmdun tura a ruat a ni lo a niang,an awm dun thei chuang miah lo,"a pema damdawi hnawih pah chuan ka ti.




"In hmangaih em em chungin a tawpah an in...kalsan daih a," kalsan tih chu sawi a harsa lutuk. Vawiin chauh tal chu ka ta nise ka ti a, midang bula awm lova ka bula a awm ka duh vanga ko haw ka ni.



"Chuvang chuan maw i lo tah a?"a tih chuan ka bu nghauh nghauh. "Ka naute tak hi chu(h),"a ti sup.




"An in tawn leh i ring em?"




"An in hmangaihna avang pawhin an in tawng leh ngei ang,"ka hmuia rawn fawp zeuh chuan a ti sup. In tawng leh pawh ni ila keini chu kan awmdun thei chuang lo ang! Chu chuan min ti na takzet bawk.



"Kan chhuak harh dawn ami?"a awm a ka bei hlu hlu lai chuan a rawn ti sup. "Aih..ka duh lo ti hian awm ang. Kan pahnih chiahin,"ka tih chuan a nui nghawr dawt. Vawiin ni chu ka bulah chauh hmang rawh se,midang bula a awm ka rem ti lo.



"I mutthlu a nge aw?"a rawn tih chuan ka nui sak. Ka sam a rawn khalh niap niap. "Lehkhabu min chhiar sak thin kha,chhiar zawm leh la,"amah en ha chuan ka ti.



"Umm..mahse khumah aw,"tiin min pawm kang nawlh. Min zo lutuk ringawt,stepa a chho chu a buai phah eih lo hrim hrim. A kap karah chuan thuin ka ngheng ar ar. A aw ril ruih nen chuan a ngaihnawm zual bik lutuk.



"A ngaihnawm i ti em?"a tih chuan ka bu nghauh. "Mu ang," tiin ka kawngah rawn kuahin min kuah mu hmak. A awmah chuan ka lu nghatin a lungphu ri chu ka ngaithla. Heng zawng zawng pawh hi nakinah chuan ka hre thei tawh dawn lo!



Mutthilh mai a tum vang chuan ka kut tang chu a awmah chuan ka chet kual chet kual. "Bawihi ka mut a chhuak a nia, ninhlei tawh lo teh," maimitchhing reng chung chuan a rawn. A thusawi pawh chu awih duh lo chuan a awm leh ban vel chu ka zat kual ka kual.



"Naute you are vey playful... hei chu i cho chhuah a ni,"tiin ka kut chu rawn man betin min a rawn in beng kang nawlh. Ka hmuiah chuan a rawn fawp tawn tawn,uar thei ang ber chuan ka lo chhang bawk!



~~~~



"Tho tawh ang eirawng bawl a hun tawh," tiin a boxer chu a ha. Ka thawmhnaw chu min rawn pe,ka in bel ve nghal mawlh mawlh bawk. Hun a kal chak lutuk ka hua,ka haw ngawih ngawih.




"Lokal rawh le,"min kaih thawh a tum chuan ka lu ka thing nak nak. A ngaihna hre lo zet chuan a mit ko a san uk uk. "Min pawm thla rawh," ka tih chuan a nui suk.



"Nih leh lo kal rawh le," tiin min pawm kang nawlh. Room kawngkhar a hawn rual chuan Toulouse chuan mei vi vut vut in min rawn en. Room kawngkhar bulah hian min lo nghak reng zel. Ka ke hmanga ka fiam chuan nuam a ti ngang mai. Nico chu kuah nghet leh zualin ka rak chul.



"Bawihi chhaih lo khan nghet takin in vun rawh i tla ang," Nico chuan a rawn ti leh sup zel. A thusawi pawh ngaithla lo chuan ka fiam chhunzawm char char. Stepah pawh chuan min thlauh dawn lo tih ka chian em avang chuan ka va fiam reng tho!



"Thu awi lo dun ngil ngel si,"tiin kitchen counter ah chuan min thut tir. Thlai leh thil dang vel chu ka sil,a bak zawng chu aman a ti leh vek. Ngun takin a chawhmeh siam chu ka en. Ka mitah chuan khawvela thil hmuhnawm ber a ni ngei ang! Khawvela hmuhnawm ka tih ber ka hmuh tawh ngai loh tur chu!



Ka ngaihtuahna chu ka duh lo lutuk. Hnung lam atang chuan ka va kuah. "Min ngai leh tawh ami?"a rawn tih chuan ka lo aw vat. A nui nghal hak...



"Vawiin chu ka naute hian min ngai reng mai a nih hi,"tiin a thil ken chu dahin ka lam hawiin a rawn in her. Ka kawngah min rawn kuah nghal zat!



"Vawiin chauhah ni lo.. Naktukah pawh..a tuk leh ah pawh kumkhuain darkartin,minute tin leh second tin ka ngai ang che," ka tih chuan rawn kunin ka hmui a pet zeuh.



"Ka hmangaih che,"a rawn ti sup. A aw ril ruih avang chuan ka kawchhung hi a za nghal mur mur thei!



"Keipawn,ka hmangaih che. Ka hmngaih reng ang che,"harsa tak chuan ka ti ve sap. Ka kawchhung hi sawifiah theih loh khawpin a na! Ka kalsan dawn a ni tih rin ngaihna a hre lo lutuk hian min tina zual. A bula ka thusawi zawng zawng hi kei chuan a tawpna tur a ni tih ka hria! Mahse ani erawh chuan kan tan naktuk a awm dawn emaw tiin nakina a hriat leh turah a ngai! Kan tan chuan naktuk tih hi a awm ve ngai tawh lo ang.




"Hei a hmin tawh. Kan peih a ni mai kan ei nghal mai dawn nia,"tiin dawhkanah chuan a chhawp phei nghal mawlh mawlh.




"Min en reng lo khan ei rawh,bawihi", a rawn tih chuan ka harh chhuak zawk. A thil ei lai ngawi rengin ka lo thlir!Min dem su, heihi nakina ka mitthla tur leh ka chakna neih ve na tur awm chhun a ni! "Ka lo hre tawh hleinem,"tiin ka ei nghal bawrh bawrh. Ka duh aiin ka ei tam,ka hak nghal bawrh bawrh.




"I tha em? Vawiin hi i zia a dang,thil min hrilh duh i nei em?" tui min rawn pe pah a a tih chuan lu ka thing nak nak. Ka khuh chhun zawm bawrh bawrh. Tui chu in khalh khalhin,ka hnungah duat takin a rawn chul thung! Ka mittui parawl puau chu min lo hruk sak vat bawk.



Ngawi reng chuan ka ei chhun zawm mawlh mawlh. A tir chuan ka ei thei lo mahse ka in ngaihtuah chiang a. A thil siam ka ei hnuhnun ber tur a ni tih hriain,ka ei teuh.



"Kaikuang kha min lo pek belh."



"A tirah chaw ei chak lo ang hialin i awm a,tunah chuan i riltam hmel takzet tawh!"tiin lu a thing nghut nghut.



"Kha...ei teuh lo la,i pumte kha a na ang,"tiin min rawn suah belh vat. Ka puar lutuk chu a hrehawm zawk hial mahse a eisiam ka ei hnuhnun ber tur a ni miau si a.




~~~



Hun chuan ka tawrhtu leh ka natna hrethiam lo lekin a kal zung zung. Nico in chu ka en kual vek,room zawng zawng pawh ka lut kim dap! Ka sulhnu ka chhui kir leh a ni ber mai, chu pawh nakina ka suangtuah zui turin. Nakinah chuan he inah hian chhungkaw hlim tak an la awm ngei ang! Chuthil ka ngaihtuah pawh chuan ka na ngawih ngawih.


Ka kuta zungbun mawi em em chu ka en vang vang! Nang chuan hlim taka awm turin min duh,ka hlimna chu Nico a ni a. Nico a hlim chuan ka hlim a ni mai! Harsa ti zet chuan thawk ka la hawk hawk. Ka tah chhuak em em pawh chu ka la thunun hram hram.



Rooma ka luh chun Nico chu a lo mu hlun tawh. "Lo mu tawh rawh,a tlai tawh,"a rawn ti sup. Ka kawrlum chu phelin ka in thawlh ve than,min rawn kuah nghal vat.



"Ti hian awm reng thei ila tiro?"



"Huh..hetia mut reng hi i duh amaw? Bawihi leh...mut duh lutuk,"ka thusawi awmzia hre lo zet chuan a rawn ti hak. A awm lum nuam takah chuan ka bei nghal hle hle.


"Ka hmangaih che,"tiin a hmuiah ka han fawp zeuh. "Keipawn ka hmangaih che,bawihi. Ka hmangaih ber che,"tiin ka chalah chuan a hmuiin a rawn nawr thuak.



Ka bula tui taka mu chu ngawi rengin ka thlir reng. Ka mut pawh chhe te mahin a chhuak lo. Kalsan ka tum chung pawhin he hun hi chelh ding thei ila tih tluk ka nei lo.



Zana hetia a hmel thlir tur awm tawh lo tur te, a awm lum nuam taka min kuah bet chunga min hmangaih thu a sawi tawh lo tur te chuan min ti na lutuk! A bula hmeichhe dang an awm tawh tur te ka ngaihtuah chuan awm ngaihna ka hre lo!



A bula hun tam tak hman chu ka duh ve lutuk mahse a bula hun ka hmang zel a nih chuan ka kalsan thei dawn lo! A bula hun ka hman tam chuan ka hmangaih tulh tulh,ka ngaihna a zual tulh tulh thin! Chuvang chuan a rang thei ang ber hian kalsan ila a tha zawk.



Ka mu lo hrim hrim tunah chuan ka kal a hun tawh dawn. Tui taka khuma mu chu a tawp nan tiin ka thlir vang vang. Khum bulah chuan sim card leh lehkha ka hnut chhiah.



"Lalpa,in hmangaih tur chauha i ruat ka ni a,awm dun tura i ruat kan nih si loh chuan ka hmangaih hi vanghim ang che. Hlimna tamtak pe la,ka telloin hlim takin awm tir ang che. A fa lo piang tur pawh hian hlimna tamtak thlen tir ang che. Chu...chu thil chiah chu ka ngen duh che,ka bula a awm aia hlimna nasa zawk pe ang che,"tiin ka phun sep sep.



"Ka hmangaih che. Hlim takin awm rawh aw," tiin a tawp nan a hmuiah ka fawp vang vang. Nico nena kan room chu ka en kual leh te te, ui ru tak chung chuan ka chhuahsan!



Toulouse chuan ka kalsan dawn tih hrethiam awm tak hian nidang ang lo takin min melh khiau. Bauh a tum chuan ka khap vat. "Bengchheng suh aw...i pu bulah fel deuhin awm rawh aw,"tiin a luah ka chul. Ka mittui tla tur pawh chu ka dang zo tawh lo.



Hmanhmawh tak chuan inhnuaiah ka chhuk vat. Ka phone hmanlai chiah ka keng chhuak, in kawta Lucas min rawn nghak rengtu bulah chuan ka lut vat!


A motor chu ti nungin a tlan chhuak ria ria! Nico awmna ka hlat tial tial a ka ruak nghal tulh tulh bawk! Mittui parawl puau chuan darthlalanga in a lan theih chin chu ka en char char!


'Nu,pa min chhuang em,min lo en a ni tiro? Ka kiangah hian awm reng rawh u. Naute pakhatin pa tha tak leh chhungkaw tha tak a neih theihna turin ka hmangaih em em,a telloa awm harsa ka tih em em kha ka kalsan. Hna tha tak ka thawk a ni tih min hrilh hram rawh u.'


A tello hian engtin nge ka awm zel dawn ka hre lo. A tello chuan ka ruak em em a,ka nu leh pa tih loh a min hmangaih hmasa ber tu leh ka hmangaih awm chhun a a ni. A tello in ka hlim lo a nih pawn a pawi lo,AMAH kha hlim reng se ka duh..




A ngaihnawm loh tawp!Nizan ka rawn dah hman hlawl lo. Zan hnih a zawnin ka dah si lo a,sunday zan zanah ka lo dah ringawt. Zan dangah chuan ka rawn dah chuang dawn lo aw.Chuan ads kha aw

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

[Ngaia]

FATED LOVE



NUTTY GIRL



CHAPTER 20


Ka edit lo aw

NICOLAS ZOMUANKIMA POV.



"Bawihi," ti sup chuan bawihi mutna ka dap rak rak,a lo mu tawh lo! Nidangah kaih thawh ngaiin a awm ziah a,tunah lem min lo thawh khalh a. Min la kai tho miah lo zui,hremna s hmu khawp ang!



Peih lo zet chuan ka thu chhuak ve thei hram. Dar 7 a lo ri der tawh bawk. Bawihi lo awm hma phei hi chuan thawhhma ka tum lo mai pawh niloin ka tho hma ngai lo hrim hrim. A mutna la chuar deuh tap chu enin ka nui suk.



A mutna lampanga dawhkan te chunga paper leh a chunga sim card chuan ka mit a la tlat!
Khuma va thu lut chuan dawhkan chunga lehkha in thlep chu ka va ban vat.



"Zomuankim,he thu i chhiar ngai hi pawi ka ti. Kalsan che hi ka duh dan a ni bik lo mahse..." chhiar pawh chhiar zo lo chuan ka dah nghal vat. Bawihi leh.Hetiang hmanga han infiam chuh! Ka nui suk.


"Bawihi,hetiang infiamna hi maw? Ka hmuh hunah che i chak lo ang," bathrooma a awm a nih ringin ka au lawng lawng. Bathroom ka hawn chuan tumah an awm lo.



"Huh..hetinga infiam kual tur chuan kan upa tawh mah mah a ni,"tiin lu ka thing nghut. Thawmhnaw dang pawh inbel lem lo chuan inhnuaiah ka chhuk thla vat. Toulouse chuan mei vai vut vut in min lo lawm.



"My boy,i pi hian naupang emaw min ti a ni ngei ang. Zawng ang aw,"tiin ka pawm kang nawlh. Choka lamah a awm a nih ringin ka en kual leh mahse a awm lo! Room zawng zawng leh inhnuai bathroom nen chuan ka en kim dap mahse a awm lo!



"Toulouse,khawnge i pi a awm?"tia ui ka pawm kual reng chu ka zawt. A tal thla vut,a kalna lamah chuan ka zui ve zel. Min kawhhmuh tum ni awm tak chuan kawngkharpui chu a va hai rak rak!




Heta hmuh tur a awm lo a nih chuan min kalsan tihna!Ka ngaihtuahna avang nui ro nghak hak!



Step-ah chuan ka chho nghal pawk pawk. Cabinet ka hmuh chuan a biru a nih ringin ka va pan leh fan.Mahse ka hawn chuan nidang ang bawkin ka thawmhnaw leh bawihi thawmhnaw a lo inkhai fel thlup. Chuti chung pawh chuan ka la awih der lo,khuma nichina ka lehkha dah chu ka en leh vat.




"Kalsan che hi ka duh bik lo mahse nangmah hian engtikah min kalsan dawn loh vangin ka kalsan mai che a ngai. Engkim..engkim kha ka hre vek. Keimah avanga i fa khan a nunna a chan ka duh lo.




A tir kha chuan ka hmasialin i bula awm renga chelh beh tlat che ka duh mahse ka thei lo.. I hriat kha Darcy pawn naute ti tla lo pawh nise keimah avang vek hian PA tia auh tur a nei dawn lo! Nu leh pa neih kan mamawh zia he khawvela hrechiang ber tu hian engtinnge naupang pakhat nun ka tihchhiat vek theih ang!




Kei chu hun kan hman dun zawng zawng,hun kal tawhah khan ka lo cheng anga. Mahse nang chu ni ve hauh suh ang che aw. Hmalam pan la,kha hun kal tawh zawng zawng kha chu theihnghilh tum la, keimah pawh hi min theihnghilh tum ang che.




I fa kha thlauhthla lo la,chhungkaw hlim tak in ni ngei dawn nia.A tirah i fa i la hmuh miah loh kha i hmangaih lo pawh a ni maithei mahse a lo piana a lo seilen hunah chuan i hmangaih tulh tulh thung ang. Tuman pa leh fa hmangaihna kan then hrang thei chuang lo, chuvang chuan aththlak taka che loin,i fa kha i pawm dawn nia.


I tello chuan ka hlim thei lo a ni maithei mahse i hlim phawt chuan ka hlim em em ang. Chuvang chuan hlim taka nun hman i tum dawn nia aw..



Ka kalsan chhan che hi nangmah vang a ni lo a,nang ka rin loh vang che a ni bawk lo. Ka rin em avang che leh ka hmangaih vang che a kalsan che ka ni! Mimawlpa, min kalsan duh dawn lo tih ka hriat vanga kalsan che ka ni. At thlak takin chet tum lo la, min lo zawng buai suh aw.



A tir phat atang ka kianga i awm chuan natna bak ka thlen ngai lo che! Kan pahniha awm dun kan thlang a nih pawhin natna bak ka thlen sak chuang lo ang che!



He khawvela awm hrehawm ka ti em em lai leh he ka nun ngei ka huat em em laia ka bula i awm tlat avangin ka lawm e aw. Ka rul let seng lo ang che...I fa leh i chhungkua nena hlim taka in awm theihnana ka tihsak theih sang ber che ah min pawm sak la. Ka chunga i thatna ka rulh letna che ah ngai la, min zawng loin hlim takin i nun hmang ang che aw. Kan in tawn hmaa ka telloa i hlim ang chiah khan..


Nang chuan an in hmangaih chuan an awmdun thei ah i ngai a mahse a nilo! Hmangaihna chauh hi a tawk lo.



I bula awm a,i kianga awm chu ka chak ber leh duh ber a ni mahse he khawvel hi kan awmdunnna tura siam a ni ve lo a ni ngei ang.
In hmangaih tur chauha in tawng mahse awmdun tura ruat ni silo kan ni! Kan tana khawvel ruat a awm a nih ngai chuan chutah chuan kan la awmdun dawn nia. Mahse he khawvel hi chu kan tana siam a ni ve lo.



I telloin engtinnge ka awm ang tih i ngaihtuah a nih chuan ka awm thei lo...Mahse ka kiangah awm kher lo mahla ka thinlung leh ka rilruah i awm reng dawn! Kan nunhlui leh ka suangtuah avangin he khawvelah hian nungdamin ka awm thei ngei ang.



ZOMUANKIM ka nunhluiah khan cheng ve reng suh ang che aw. Min theihnghilh in hlim takin awm ang che, KA HMANGAIH CHE."



Ka chhiar zawng chuan ka kawchhung hi a sa hum hum thei! Engtin phiangsen nge he thil hi a lo hriat theih! Phone la chuan Bawihi number chu ka hmet chhuak vat. Switch off a in tih chuan khumbula dawhkana sim card awm chu ka hre chhuak thut.Thinrim tak chuan ka phone ken chu ka vawm nghal pawp!



Kawr ka hmuh hmasak chu ha sawk sawkin motor chahbi nen chuan ka chhuak nghal vat. Khawiah phiangsen nge a kal ang? Tun ang hunah tunge a pan ang. Ka kaw chhung so bulh bulh nen chuan a kalna tur awm ka hre si lo,beidawng zet chuan ka hmai ka tuai puak.




Khawiah nge a kal ang? An in...nie an inah a awm ngei ang. Hmanhmawh zet chuan car chhungah lutin an in lampan chuan ka inkhalh chhuak nghal vat! Mimawlnu atthlak taka che lo tura min hrilhtu hian i chet dan atthlak zia hi i hria em? Min hmangaih vangin min kalsan a maw...hlim taka awm turin min duh maw? A nih chuan engvanga ka kianga awm reng lo nge i nih, mimawlnu?



Traffic jam ve chhen te chuan ka thinrimna an belhchhah. Thinrim tak chuan horn chu ka hmet ri vak vak! Chu ka thil tih ngei pawh chuan awmzia a nei lo.



Tunge a biak pawh ang? Tu bulah nge a kal ang? Tu hnenah nge a awm ang? tih engmah hriat ka nei lo chuan min tina,min tithinrim bawk. Tumah pan tur nei loin amah chauhin a awm ang a...ni lo..A tha em em ang! Ka ngauhtuahna vanga ka kaw chhung rum vawng vawng chu a chiang lutuk!



Traffic jam karah chuan Bawihi te in chu ka thleng hram. Mahse ka beidawnna tizual tu bawk a ni, kawngkhar chu pawn lama kalh a ni.



"Rosangpui, Khawnge maw i awm le? Min tihbuai zia hi hria la,lo haw rawh. He game hi chu a ninawm mah mah," tiin ka phun chhuak hluk. A hmun ngainat nia ka hriat apiangah chuan ka kal zel,kalkawngah ka hmuh palh lawng maw tiin mihring kalna chu ka en pah zel bawk! Mahse hmuh tur a awm lo hrim hrim!



Ani hi he khawpui hi a chhuahsan a ni ngei ang. Rum hawk chuan Daniel ka call vat. Ani puihna lo chuan engmah ka ti thei dawn lo.



"Aw,dude."


"Amy.. Amelia a awm tawh lo. A bo...A bank account emaw apa emaw anu account a khawi che em tih min lo en sak teh,"tiin ka thaw chhuak ham ham.



"Umm..ka naute ka lo entir dawn nia. Vawiin chu chawlh ka la nei a,"a tih chuan ka dah nghal hmuk. Bawihi aththlak zeta chet la lo hian ka zawn hmuh theihna tur hmun che ah lo awm ngei ang che.



He thil hi engtinnge a hriat ang? Darcy kei leh ka thiante chauhin an hria...a nih chuan hmeichhe pakhat chauh rinhlelh ka nei. He thil hrilhtu chuan kalbo turin a hrilh ngei ang a awmna pawh a hre bawk ang. Darcy chu ka call leh vat.



"Tunah khawiah nge i awm?"



"Rinhlui nen kan bazar, engnge ni ta?" Huh.. bawihi nen kan nun a chawh buai laiin hlim takin a lo bazar a!



"Daniel te inah lo awm ang che u." Engpaah hria se ani hi chuan awlsam takin min hrilh lo tawp ang.


FOCAS ART GALLERY lam pan chuan ka kal leh phawt. Bawihi helai hmunah tal hi chuan lo awm ngei ang che. A hmun ka thlen chuan in chung ber atang a hnuai ber thlengin ka en mahse ka hmu zo chuang lo! Beidaang zet chuan Daniel te in lam chu ka pan nghal tawp.



"Dude,engnge i lo tih dawn? I la hmu lo ami?" Daniel in ka thlen chuan Daniel chuan a rawn ti nghal vat. Darcy leh Rinhlui mai niloin Kimkima leh Mapuii pawh an lo awm. Daniel zawhna pawh chhang lo chuan Darcy min lo en rengtu lam chu ka pan phei mawp mawp.



"Khawnge a awm?"ka ti deuh hrawk,pawisawi lo hmel lutuk a min en chuan ka thin a ti rim zual sauh.



A pum puar deub ak tawh leh amah hi Bawihi min kalsan tu a ni."Tu chu maw? I sawi awmzia ka hre lo,"a tih chuan ka nui ro hak. Kut thlak ka chak zek zekna chu ka in thunun zo lo hman thelh. Ka bula vase chu lain a hnunglamah chuan ka vawm keh nghal chuai,a rak that chuan ka nui suk thung!




MAPUII POV.



Nico chuan vase a vawm keh chuan ka phu zawk! Tun ang em em a thinrim hi ka hmu ngai lo! Nilo..nelawm loh viau mahse a thinrim lutuk ka hmu ngai lo hrim hrim. Tunah hi chuan sakawlh a ang ka ti ber! Sakawlh ang maiin a rawn che.



"Zomuankim,engnge i hriat a?" Kimkima chuan kut a thawh mai hlauvin a va chelh bet vat. Darcy pawh chuan a chet dan chu a hlau a niang a mittui a tla deuh pur mai. Engnge thil thleng pawh hi ka hrethiam ve lo e.



"Dude,ka nauten an en chiang mek. Engvanga Darcy chunga Thinrim em em nge i nih?" Daniel chuan a rawn ti chang fak.



"Darcy pailai naute pa ka ni..oh min puh a ni tih hretu chu keini ho chauh hi kan ni. Bawihi beng a thleng a nih chuan hmeichhe pakhat bak hian a sawi tawp lo ang,"ka meng phar nghal awk! Darcy naute...a nih chuan u Amy?




"Henu hian Bawihi hrilhin a kalbo tir a ni ngei ang. Chuan a awmna hre tur chu a ni bawk hi a ni," rum chhuak hawka chuan a ti.



"Maw? Zomuankim kei hian ka hrilh ka hrilh i ring a maw? Chutiang i rin avang ringawt chuan i fa nu chungah ngei ti khan i che duh a maw?" Darcy chuan a ti tiau.



"Ni e,dude. In bengdai phawt teh chuan kan sawi tha dawn nia. Ka naute pawn an hre thei tep tawh ang,"tiin Daniel chuan a rawn khap vat.



NICOLAS ZOMUANKIMA POV.



"Henu hian a sawi lo nih chuan Bawihi khan engtinnge a hriat ang?"ka hmaa pawi sawi lo anga awm chu melh run chuan ka ti nghal hrawk!



"Zomuankim,ani puh kha duh tawk rawh. Khami zan Darcy nena in in biakna zawng zawng kha a hre vek," Rinhluin a rawn tih chuan kha zan kha ka ngaihtuah chhuak. Khatah pawh khan kei hian ka lo tina daih tawh! Na a neih vanga nasa taka tap a ni lo keimah vang a ni! Hrethiam tur ka ni asin... Bawihi na hmel ka mitthlaa cham vang chuan ka na nghal vawng vawng!



"Tinge i dan loh? Darcy nen kan inbe dawn tih i hriat chuan engvanga dang lo nge i nih?"ka ti ro halh.



"Ka dang ang maw? Hre ngei se ka duh viau zawk. Nakinah kalsan i ngaih dawn thu ka hrilh lawk hlauha, thudik sawi chhuah ngai lovin in thusawi a hre bawk," Bawihi na tur leh a hrilhhai tur chuan min ti na!




"Lalrinhlu i rawn in rawlh tam mah mah lo maw?"beidawng leh thinrim zet chuan ka ti ro halh.




"A teuh lo.Kha nu kha awm lose chuan ka thiannu nen hian in kawp rem takin in awm ngei ang..."



"A tawk...ti hian ka naute nghak phawt ang u," Daniel chuan a rawn khap vat. Buaina siam lo tur chuan ka in thunun tang tang. Midang ho zawng an haw,kei leh Daniel chauh kan awm tawh.



Thinrimna leh inthiamloh na chuan ka kaw chhung chu a so bulh bulh thung! Thu hle hle thei lo chuan ka vei kual sek. Mahni in thunun tum tak chuan ka thaw leh halh halh thin.



Daniel phone a rik chuan beisei nei tak chuan Daniel te in biak zawh hun ka nghak reng. "A account emaw, midang account atang engmah pawisa hman a awm lo. Dude,amah zawng lo tur hian a duh tak zet che in ka hria," a tih chuan ka kaw chhung hi a rum nghak vawng vawng.



~~~



Khamizana a na lai hmel te, theih tawp a tap a,a rilru na hmel te ka mitthlaa an rawn lan chuan no a whiskey la bang zawng chu ka tlak nghal pap. Pum ruaka in ka ni bawka ka kawchhung a sa thla nghal ham ham.



A tina tu ka ni chung pawh khan ka awmah beiin a nat chhan dik tak min hrilh ngam lo a a awm te kha! Mimawlnu ka laka thinrima,min an khum tur i ni asin. Hmeichhe dang ka mutpui vanga thinrim taka awm tur i nih laiin,ka hlim i duh zawk vangin min la kalsan fan a!



No khat in thlit leh chuan ka tlak leh pap. Ka thio in chu khawiah mah a kal lo. Ka rui lo, min tibuai pha lo hrim hrim.



"Dude,a tawk tawh viau lo maw?" a rawn tih chuan za vak lo chuan ka nui chhuak hak.



"Ka hlim nan tiin min kalsana. Bawiha,a mawl a ni tiro?"ti chuan ka nui chhuak hak. Ka thinlung erawh rum vawng vawngin a ruak em em si!


"Hmeichhe dang bulah ka bula i awm ang hian awm suh ti tu tho khan hmeichhe dang nen hlim taka awm turin duhsakna min hlanna. Hmeichhe bula ka hlim a nih chuan a na dawn reng si a,"ti chuan ka tho chhuak hak.



Min kalsana na tak leh thinlung ruak..nilo ka hringnun pawh hi a ruak nghal vek! Kei mi tenawm tak chuan ka phu tawk chiah a ni. Nang ka tawn hma che a ka thil tihsual rah ka seng dan chu(h).. Bawihi lo haw rawh,ka natzia hi min en la...hremna min pek chu duh tawk rawh.



Khawiah mah kalna tur a nei lo. Chhungte pan tur a nei hek lo. A biak tur leh a mamawh tur chu kei chauh hi ka ni! Ni e...ka hmaa dawhkanah chuan ka zu no ken chu ka dah thla.


DANIEL POV.



Ka thianpa zu in chunga in ngaihtuah ngut ngut chu ka thlir reng. A awm dan atthlak zet leh mumal lo zet atang chuan hmangaih chan nat dan tur ka hrethiam ve. Kum tam tak kan in kawm chhung khan tuna a awm dan atthlak zet ang hi chuan a la awm ngai lo! Amelia a hmangaih zia ti langtu a ni.




"Bawiha,ka va haw phei a nge. Bawihi khan kei lo chu pan tur dang a hre dawn chuang lo. A lo let leh thei, ka awm loh chuan lo lawm tu tur a nei dawn lo,"tia a din hluai chun atthlak ti zet hian ka melh. Ka thianpa hmeichhe pakhat vanga a awmdan mawl mang lutuk leh a tal buai lutuk chu hmuh hrehawm tak a ni!


A ngaihnawm viau lo! Boring in ti tawh em? Lo sawi bawrh bawrh teh uchuan ads khu aw

[Ngaia]

FATED LOVE



By:NUTTY GIRL




CHAPTER 21



Edit lo aw.



ONE WEEK LATER



NICOLAS ZOMUANKIMA POV



Door bell a rik chuan Bawihi a nih ringin ka va hawng vat. Bawihi nilova Darcy a nih vang chuan ka lungawi lo hle!" Hetah engnge i lo tih dawn?"ka ti nghal hmuk,ka tawngka chhuak chu haiderin min kal pelha rawn luh a tum chu ka dang vat.



"He tah engnge rawn tih i tum?"



"A..a va mak tak,"tiin ka chelhna chu a rawn thing per lawp. "Ka fa nena nakina kan awmna mai tur ania ka rawn kal chu a pawi viau em ni?" rawn hawi sang vaha a tih chuan ka nui huk! He ina cheng turah hian a in ngai a maw!



"I naupai lai kha ka fa a ni em tih pawh a chiang lo. Lo ni pawh nise he inah hian chen chu in beisei suh. Bawihi.. Bawihi nen chauha kan in a nih hi,"ka tih nghut chuan a rawn meng phar awk.



"Maw? A kalsan hnu che pawn ani tho kha maw i la thlan dawn? Hmangaih tak tak che nise chuan a kalsan hauh lo ang che. Hmingchhiat a hlaua,zak taka awm a hlau a chuvanga kalsan che a nih hi,"tiin a au tawn tawn. A rawn puh dan teh thlawt vang chuan ka nui sak!



"I hmangaihna sawi tenawm tak leh ani min hmangaihna kha chu a in ang lo lu lai em ni!" tiin ka then sak.



"Ka hmelhriat te ka be kual mek a,Paternity test nei tur chuan lo in ring ang che,"ka tih chuan a hawi buai nak mai.



"Khanu kha a awm tawh loh hi,chuti chung pawh chuan test min neih tir i tum a maw?"



"Khanu i tih chu Bawihi a nih ngei ka ring. Bawihi awm lo pawh nise ka fa a nih leh nih lohah in kungkaihna an nei lo. Hetah tih tur i nei tawh lo,"tiin chhuak turin ka mit mei vat. Mi mawl a nih loh chuan a hrethiam ngei ang. Heta a awm ve reng hian mit a ti kham...helai hmun hi chu Bawihi nen chauha kan awmna tur a ni.


"I nu lo thlen hma chu ka awm ve dawn,"a tih chuan rum nghutin ka melh run. Min ti lui ngam bik lo chuan in chu a chhuahsan.



Darcy nu leh paten Darcy a rai tih an hriatin ka chhungte an han hrilh nghal vek! Ka pa chuan naute paa min puh miau avangin nupuia nei turin min hrilh mahse ka tum lo bur thung. Paternity test neih ka duh thu ka sawi chuan min hnial bik lo. Mahse he naute hi ka fa a nih chuan nupuia min neih tir an tum thung! Ka pain ka nu rawn a rawn tir bawk.




Kawngkhar chu kalh thain stepa ka chho pawk pawk. Kan room...Bawihi nena kan roomah chuan ka lut. A tello chuan he room hi a ruak lutuk...chu ai mahin a tello chuan keimah hi ka ruak vek!




Bawihi lo haw vat ang che,i tello chuan ka khawvel hian awmzia a nei lo. I at chhuahin min kalsan thlang lo lang chuan vawiin hi Mizoram ka let ni tur kha a ni! Mahse nangmah ber i awm lo.



Khumah chuan thatchhe zetin ka mu thla. Bawihi bawk ka mitthlaah a rawn lang! Ka mu tawh a nih chuan ka awm ngheng tura a rawn tawlh phei sat sat thin te! Ka awma bei hlu hlu a thil min han hrilh siam siam thin te kha ngaiah ka lo nei tawh lutuk a,khang thil tello kha chuan awm a harsa.



Bawihi awm loh atang mut pawh ka la mu mang lo! In awih zawng a ni em? He taksa lianpui hian kha hmeichhe tereuhte pangtilum tello chuan chawlh hahdam a hreh lutuk!


A tello chuan engmah ka tithei tawh lo, a ngawl ka vei a nih ber mai chu! He taksa hian kha hmeichhe pangtilum kha a mahmawh ngawih ngawih a. He mit hian chu hmeichhia bawk chu hmuh chak in a hawi vel ruai bawk! Ka kawchhung a thil awm tin te pawh hian Bawihi bula ka awm leh awm loh chu an hre hrang thei!



Keimah leh ka mit,ka beng..ka engkim mai hian kha hmeichhia kha a ngai,a thlahlel ngawih ngawih! A nui ri leh a aw hriat hun nghakin ka lungphu a phu ve dawt dawt! Heti khawp hian kha hmeichhe zunah khan ka uai tawh a,he taksa hian a ngai. Ngawlvei hrehawmzia ka hrechiang tulh tulh, a ngawl ka ve ber hmuh tur a awm lo thung!




Nitin amah zawngin ka chhuak ziah a mahse beidawng tak bawkin ka haw leh thin. A kalna awm ka hre lo a,a awmna han chhui zui ngaihna a awm lo. A account a pawisa pawh pakhat mah hmanchhuah a la ni lo! Karkhat lai a ni tawh a,thil theih a ni lo! Dam takin a awm nge tih pawh engmah hriat a ni lo! Ka ngaihtuahna vang chuan ka thaw chhuak ham ham. Mahni inthiamlohna bawkin min tuam hlup hlup.




'Bawihi,dam takin lo awm ang che. Nangin min mamawh ang bawk khan keipawhin ka mamawh che. Kan in hmuh leh hma chu dam tha takin lo awm ang che.'



~~~





NUNSANGI POV



"Bawiha,chaw lo ei rawh,zanriah ei a hun,"tiin ka au lang lang. Ka thlen pawhin kawngkhar a rawn hawng a engmah pawh sawi lem lo in in chungah a chho leh nghal. A nunphung pangngai pawn a nung tawh lo. Hetiang vela a awm ka rin avang nia zin kher ka duh.




"Lo thu rawh," tiin chawhmeh ka suah chhunzawm mawlh mawlh. Kei ngei pawh Amelia ngaihtuah vangin ka awm a nuam lo. Ani phei chu a awmdan tur ka hrethiam lo zawk.




"I rilru tihah lutuk duh suh,"tun ang hunah chuan han in hnem vak a har hle. Rilru ti hah lo turin ti mahila keipawh ka awm hle hle thei lo. A awmna chin hriain, dam takin a awm tih hria chu ni ila kan hahdam thei mahna.



"Nu...khawi hmun mah pan tur a nei lo a,biak pawh tura awm lo bawk. Keimah..ka thil tihsual vangin tumah pan tur nei loin a awm dawn," rawn tiin a thaw chhuak ham ham. Amelia in a kalsan hrehawm a tih dawn mai bakah a kalsan chhan amah a bi bawn nen...Han hnem ngaihna ka hre lo.



"Khawiah pawh awm se a tha em em,"tih ringawt chuan ka chhang. A pawi tih bak sawi tur ka hre lo. Pathian duh loh zawnga chet hi a pawi lutuk. Sex pawh hi nupa kar chauha hmang turin min hrilh a. Nupa nih hmaa sex an lo hman avang chiahin buaina an tawk niin ka hria. Sex kha lo hmang lo nise tuna buaina hi a thleng lo ang..



Ngawi reng chuan a chaw chu a ei mawlh mawlh. Mut pawh a mu tha lo tih hriat lutuka a mit hnuai duk raih te chu nu tan chuan hmuh a hrehawm lutuk! A awm pangngai a awm hlei thei lo leh a talbuai lai hmuh phei chuan engnge maw tal tihsak theih ka chak ngawih ngawih.



A thlenga ka suah sak ang ang chu a ei tawp. A ei zawha ngawi renga a tho chu enin ka tho hak. Tun ang boruak nen chuan chaw ei tui chu har tak a ni. In chunga a chhoh hnu chuan a rawn chhuk leh tawh lo hrim hrim. Ngawi reng chuan kan thil eina ka tifel mawlh mawlh.



~~~



"Nu, paternity test kha kan ti thei dawn. Ka hmelhriat pakhat hian min pui thei dawn a. Test kan neih zawhah Bawihi ka zawng nghal ang...e chuan a lo haw thut thei a. A lo haw chuan min lo call nghal vat dawn nia,"in chung atanga lo chhuk chuan a ti nghat vat. Za lo zet chuan ka nuih lui. A lo let leh a beisei lutuk hi,hmun hrang hrang ah zawngin a vak kual bawk a!



"Aw..ka lo call dawn che nia,"ka tih chuan bu nghutin kawngkhar lam a pan. A kal liam thleng chuan ka thlir vung vung. Lalpa he thil hi tawp tir tawh lul teh, nu dinhmun atang chuan hmuh a hrehawm lulai emai!



NICOLAS ZOMUANKIMA POV



In atanga ka chhuah chuan Darcy chu ka be nghal vat. Tunah chuan engkim a chiang tawh ang. Sangtei te clinic a in hmu tur chuan thu kan ti tlu.



"E..i lo thleng a,lo thu rawh," tiin thuthleng chu a kawk zeuh. Zawhna min zawh ka rin nen engmah min zawt lo. Darcy te lo thlen hnu chuan a tul leh ngai ang ang chu kan ti.



"Ti hian kan han ti nak nak anga, karkhat hnuah a result in lo lam dawn nia," a tih chuan ka bu zeuh.



"Thlah in ngai em?" Darcy bula Rinhlui ding chu ka melh zeuh. Thlah an ngaih loh thu a sawi chuan ka kal nghal vut. Nidanga ka tih thin ang bawkin Bawihi zawng turin ka in khalh chhuak. A awmna awm ka hre lo mahse ka kalna lam lamah ka zawng mawp mawp ringawt. Beidawn nan reng reng tiin Art gallery ah bawk ka lut leh thin.



"Bawihi khawiah nge maw i awm hrep le? He in biruk siakna zet hi zawng....ka tlawm tawh, i bihrukna hmun atang khan lo chhuak tawh mai rawh!"



Daniel chuan min rawn call chuan thu thar a awm beiseiin ka la vat. "Hey,dude zanin chu lem hlek ila," a rawn tih chuan ka nui suk. Kha kha a vawikhatna a ni, Bawihi awm loh atang a vawikhatna a ni.



"Thu thar hriat tur a awm em?"ami sawmna pawh ngaihven lem lo chuan ka ti vat. Engmah hriat belh a la awm loh thu a sawi chuan ka rum nghal hawk. Tuna hmuh ka chak ang chiah hian Bawihi hian min hmuh a chak ve a ngem?



A ina min lo nghah thu a sawi vang chuan a in lam chu ka pan vat. Khua a lo thim der tawh, Bawihi tello chuan zing,chhun leh zante hian danglamna an nei lo! A tello chuan a khawhar thlakin ,a reh vung vung ringawt!



"Hey dude, i nuin a ngaihtuah zia che i hria em? Mahse ka bula i awm tur thu ka hrilh tawh,"a in ka thlen chuan a rawn ti nghal hluai. In tur leh no pawh a in chhawp sa vek.




In thr chu ka tlak ve pap pap. A hma ang chuan ka harhfim kak tawh lo. Harhfim loa ka awm chung pawh hian ka bengah chuan Bawihi nui ri bawk ka hre leh a,amah bawk ka mitthlaah a rawn lang leh! Ka chhing nghal vang vang.



'Bawihi leh! I hlimthla hi chuan min hlat a tum hauh lo a nih hi. I hlimthla keimaha a la cham reng ang leh ka hlata a awm ngai lo ang hian i taksa tereuhte khan min hlatsan lo se a tha tur..'




"Enteh maw bawiha, ka kiangah lo chuan awmna tur a nei lo tih hre reng chung leh tumah pan tur a nei lo tih hre chung chuan hlim tak leh ngaihngam taka awm a harsa lutuk," ka ti hap.



"Khazana min thlahlel taka min kuah tu khan ka bula a awm tawp ber tur a ni tih hriain min thlakhlelh na kha a theih tawpin a ti lang chhuak a. Mahse kei chuan ka hre ve hauh si lo..Khami nia ka bula awm reng a duh thu a sawi te khan lo chelh thei ila a tha tur,"tiin khami ni..min kalsan hma niah khan ka cheng veng veng.




Tunah chuan chelh chu sawi loh ka bula awm tura hrilh tur tak ngial pawh a awm tawh lo. Min hmangaih loh vanga min kalsan ni hial se ka ti! A fair lo...a tan chuan a fair lo takzet. Engmah tih sual a nei lo chung pawn a tawrh ve a ngai ta tho a.



"Tunah chuan a nih tur ang ang a ni vek tawh. Vawiinah test in va nei tawh bawka, a result chuan i hma hun engkim a hril vek ang. I fa a lo ni a nih pawn atthlak takin che tawh lo la, Amy pawn a duh dan a nih kha," a rawn tih ka maimitchhing vang vang.




AMELIA ROSANGPUII POV.


Location:Japan



Parda hlai hlup chu hlimin khawpui eng ut chu ka thlir."I la muhil lo a?"Lucus rooma lo lut chuan a rawn tih chuan ka phu zawk. A sual lo...ni lo a fel lutuk mahse Nico nen an danglam lutuk.



"Umm..ka muhil thei lo a," ka tih chuan ka aw a khur dar dar. Nico ka ngaih vangin ka lo tap leh tawh a ni tih ka in hre chiah. "Tah belh si,"tia rawmawl/rawmal var chu min rawn pe. Unau piang hmun ang tak takin min en!



Lucus hnaa a kal a ngaih avangin ka hun tam zawk keimahin ka hmanga. Zan reiah bak a lo haw hman ngai meuh lo. Nico nena kan sulhnu ka chhui thin. A tawpah Nico ngaih luat vangin ka tap leh nge nge zel!



"I in bunruak duh a nih chuan ka awm reng ania,"a rawn ti thum sup. Chutah pawh chuan Nico bawk ka hrechhuak leh.



"Ka chet dan hi atthlak i ti em? Ka kalsan a,a kalsan tu bawk khan amah ka ngai em em a. A kianga awma,a kut chelh reng ka duh. Ka ngaihtuahna atang ka harh leh te hian ka kalsan hi ka inchhira a bula let leh ka chak em em a...mahse ka thei lo chu chu ana lutuk,"tiin ka in hnit nghal hlawp hlawp.



"He khawvel hrehawm ka ti lai em em leh ka kianga tumah an awm loh laia ka bula awm tlat leh khawvel eng hmu ngam lo khawpa ka nat laia khawvel min thlakhlelh tir ngawih ngawih tu a ni a. A rulh let nan tal tiin chhungkaw hlim tak a din theih nan ka kalsana, ka thil tih hi a dik a ni tih tal min hrilh rawh,"ka tih chuan min rawn kuah vat.




"I ti tha lutuk. Ka chhuang lutuk che. I hmangaih ber hlimnan i kalsan thei a, ka chhuang lutuk che,"a tih chuan ka tap chhuak leh hak.




A hlimnan ka kalsan ti chung hian ka hlim thei chuang lo hi a hrehawm ka ti. Darcy nena hlim taka an awm tur ka ngaihtuah ringawt pawn ka na lutuk. A nat dan hi ka sawi thiam lo...a nat mai bakah thawk ti harsa khawpin min hnawh tlat bawk! He thil zawng zawng hi reh se ka ti mahse ka harh apiangin chu natna bawk chuan min rawn tlak buak leh nghal thin.




A kalsan tu zawk hian ka zawng leh ruai thin. Ka mu ka hath te hian amah ka hmuh in beiseiin ka harh chhuak leh hlawl thin. Ka mu thei lo a, ka engmah tih a tui lo. Rei fe ka tah hnuah chuan ka bang ve thei hram. Ka ngai ngawih ngawih a,a bula awm ka chak a bak engmah hriat ka nei lo.



"Naktuka, pi Puii kha a lo kal thei tawh dawn a. Eitur vel pawh aman a siam vek tawh ang che. Hei in en rawh karkhat chhung lek pawhin chaw i ei tha lo i hmelchhiat zia hi. In lo in kawm hlim dawn nia,i bel hma ngawt ang,"a tih chuan nui lui sakin ka bu nghauh nghauh.



"A tha e,ka chhuah san tawh ang che. Muttui le,"tiin ka sam a rawn chul zeuh. A tawngtam lutuk lo..Unau ang maiin min ngai ka tih tawh kha...A chetze tamtakah Nico ka hrechhuak thin mahse Nico a tluk lo lutuk.Nilo.. Nico chu tumah in an tluk thei lo ang!



A chhuah hnu chuan khuma mu in ka phone a a thlalak chu ka en leh malh malh. "Min duat lutuk kha a pawi lutuk,min en teh mimawlpa i telloa ke pen har ka tih zia hi i hria em? I tello chuan awm ngaihna ka hriat loh hi."



Zantin ka mut dawna min hmangaih thu sawia ka chala a fawp thin te kha ka ngai lutuk.. Khang tello chuan mut a har lutuk asin..Tinge i tello awm har khawp a min duat le.. i telloa awm har ka tihna tur belhchhah tu an ni.




Duat taka min kuah bet tlat lai ka mitthla phei chuan ka ruak lutuk..Ka kawchhung a ruak lutuk chu hrehawm khawp a ni. A bula ka awm chuan ka nu leh pa ka mamaahna pawh ka hre chhuak ngai lo! Mahse tunah a tello chuan ka nu leh pa mai bakah amah ka ngai ngawih ngawih!


Ka kuta kan inhualna zungbun en chuan ka nui lui var var. He thil hian hlim reng tura min duhzia a lantir a,he thil ka en a,ka thlir lai tal hi chuan hlim hmel ka pu lui tur a ni.




ONE WEEK LATER




NICOLAS ZOMUANKIMA POV



Test result ka nu in ava lam. Kan inah Daniel te nen kan nghak thung. Phurna ka nei lo mahse ka hlauthawng ve hle thung. Ka fa a ni a nih chuan Bawihi ni loin ka fa nu hi nupuiah ka neih a ngai dawn.



Ka nu a lo thlen chuan file la in hawng lo chu min rawn pe. Ka nu pawh chu a zam hmel tak zet. Ka hawn dawn chuan Darcy hmela hlauhthawnna chu ka hmuh hmaih lo. File chu hawngin a chhunga paper chu ka en.



"Engtinnge a nih theih? Engvangin he thil hi kei leh Bawihi chungah i tih?" tiin Darcy hlauhthawn hmel zet chu ka vin nghal thawt. Ka fa a ni lo. Thaw huai tur ka nih laiin chutiang a ni hauh lo. Dawta min puh phiangsen avangin bawihi..tudang mah pan tur nei lo kha a kalbo phah.



Kha tih hun chhung zawng khan dawta vau beh ka ni. Ka..ka hmangaih berin min kalsan bawk.


"Ka..ka tihpalh..Khanu vanga kan inthen kha na ka ti a lawm. Kan in ngaihzawn lai rengin hmeichhe dang i nunah i la lut a. Keiin rei tak ka duh che a, nangmah neih theih nan theih tawp ka chhuah a mahse nang chuan ka hmangaihna che i hmuh kan zel."




"Kan in ngaihzawn lai reng pawhin ka lakah feelings i nei lo tih hriat khawpin i khawsa a..chutichung pawh chuan ka hnaih lui zel che," tap tiau a a rawn tih chuan ka nui chhuak huk. Hmangaih maw...? Kei chuan chapona ka ti.




"Kha thil kha chhuanlama hman tum suh. Duhna che chu sawi loh itna che pawh ka nei lo tih i hria. Ka sum lak luhna leh i mamawh phuhruk nana inremsiama in ngaizawng kan ni tih i hriat kha,"kha zet chuan ka ti chang fak.



"Zomuankim,i rapthlak hle mai. Ka theih ang chen chen ka chelh che a. I hmangaih ber i chan phah bawk a i phu tawk chiah...khanu kha i hmu tawh kher lo..."ka in hum ruh nghal tawlh tawlh.



"Duhtawk rawh....Tunang mizia i nei a ni tih hi hre ngat phei ilang chuan ka hnaih lo ang che. Kha i hmangaihna sawi tenawm zet nen khan min chhuahsan rawh,"ka kaw chhung thinrimna vanga so but but vang chuan ka in sum thei lo tep, kut thlak hial ka chak tawh.




In atanga an chhuah hnu pawh chuan ka awm hle hle thei lo. Thinrimna in ka khata, Bawihi hmuh duhna nen. Dawta puh ka nih vang leh chu dawt avanga ka hmangaih ber ka chan avang chuan thinrimna in ka so bulh bulh!



"Bawiha,insum rawh. Tunah chuan engkim a chiang tawh a, Amy pawh kan hmu em em ang,"tiin ka nu chuan ka banah a rawn chelh.
Chu chu ka beisei...



Bawihi lo let a hun tawh viau lo maw? Min rawn pan thei lo a,ka lam hawia ke pen i harsat a nih pawhin i awmna tal min hrilh la,keimah zawkin ka lo pan ang che.


Ads i la click ve lo a ni maw? A hnuaia ads milem khu lo click ve rawh le

Ka thuthiam hian a lo daih lo ve thin aa ngaihnawm loh deuh pawn min hrethiam mai teh u. Nico fa ka nih tir ngam thlawt lo grp lamah min vau nasa em a..a bikin Mapuii kha ka awmna zawng chhuaka min chhip thlak duh in tam awm emaai ADS khu aw....

[Ngaia]

FATED LOVE



By: NUTTY GIRL



CHAPTER 22


ka edit lo,a ngaihnawm viau loh aw



NICOLAS ZOMUANKIMA POV.



"Ka nu haw tawh mai rawh,engkim a chiang vek tawh,in rin ang ni loin ka fa a ni lo. In hriat duh chu in hre tawh,haw tawh rawh,"ka hmaa ka nu thu bulah chun ka ti nghut. Kei chu ka in enkawl thei,in lamah dawr leh inchhung a enkawl ngai. Heta luhlul chhuaha a awm ve reng hian awmzia a nei lo.



"Ka rualin i lo haw dawn loh chuan ka haw duh hleinem. I pa bulah pawh hospital i enkawl tur thu i tiam kha,"a ti ve nghat.



"Bawihi tello chuan Mizoramah ka lo let dawn lo ka tih tawh kha,"ka ti leh nghal hmuk. Ka thusawi hlen loh ka tum lo Bawihi tello chuan Mizorama let ka tum lo bur.



"I pa vang tal pawn lo let rawh,"a tih pawh chuan ka ngaihdan ka la thlak thei chuang lo.Bawihi ka zawng nasa tawh lutuk,ka nu hi a beidawng tawh. Chuvanga Mizorama haw tura min nawr sek a ni. Mahse kei chuan ka la beidawn san lo. Ka theih chhung chu ka zawng anga ka thih hma chuan ka hmu ve em em ang.



"I pa ang mai,i va han luhlul ve chiang tak. I thatna tur a ti ka ni a,ka thu pawh i zawm duh loh chuan tih theih dang ka nei lo,"tiin a ang zui hlak hlak. A zia ve reng a nia engah vak ka ngai lem lo.



"Nu,bawihi ka hmuh velah Bawihi nen Mizoramah kan lo let dawn a lawm," tiin ka va kuah. Hetianga ka nu ka kuah lohna pawh hi a rei tawh.



"Phakar si, luhlul bawk si. I hmuh velah rawn haw ngei ngei ang che u,"tiin min kuah leh ve nghal vat. Ka nu hi chu a titau rei ngai lo. Naktuk tuk leh lamah a haw tur thu a sawi ve hram.



Nitin Bawihi zawng ka chhuan ziaha, tlai tak takah ka haw thin. Chutichung pawh chuan ka nu hian min lo nghak tang tang zel.



Tunah hian mihringina a mamawh leh duh chu ka hmaah a in chhawp vek. Hospital,sum leh engkim mahse Bawihi tello chuan heng hian ka nunah engmah awmzia an nei ve lo. K mamawh ber chu Bawihi a ni mai. Amah neih let nan chuan engpawh ka ti ang.



Min kalsan chhan kha dawt a ni tih hrilh ka chak ber. Chumi huna a hlim hmel tur hmuh ka chak a ni. Bawihi ka thaw ve a,ka dam chhung hi chuan ka hmuh hma loh che chu ka zawng ang che. He ka mit ngei hian hmuh leh ngei che ka duh a nia.





AMELIA ROSANGPUII POV.



Pi Puii pawh thlakhat dawn lai a rawn awm ve tawh. A nelawm em em,a bulah ka hun tam zawk ka hmang chawt. Nico ngaihtuah reng lo in hun ka hman theih phaha,a tha lutuk. Mahse ka theihnghilh thei chuang lo a. Ka suangtuahnaah ka cheng reng thin. Mut dawnah pawh tap loin ka muhil thei tawh, hma ka sawn lutuk ringawt!



"I lo tho ve thei maw?" Chokaah ka luh velah chuan Pi Puii chuan a rawn ti vat. "Umm,ka harh tawh emaw ka tia mahse ka lo muhil leh zela,"ka tih chuan a nui hak. Tunlai chu mut ka duh lutuk ka mu reng,ka ril hi a tam reng emaw tih tur khawpin ka eithei bawk!



"Nia,i rooma ka lo kal pawn i muttui lutuk a,ka kai tho duh lo che a nih kha,"tiin eitur min lo chhawp sak nghal mawlh mawlh. A rim ka hriat chuan ka pum a ri nghal raih raih thei.



"A tui dawn lutuk,"tiin ka ei nghal mawlh mawlh. Ka ka a lut tawh te reng reng chu a tui hi a ni tawp mai, tun ang em em hian thil ka ei tui ngai lo hrim hrim.



"Hmanhmawh lutuk suh,i thil ei i hak ang. I taksa en ang ai daihin i ei thei reuh leh nghal," a tih chuan ka nui hak. Keipawh in mak ka in ti ve tho!



"A hmain tiang anga tam ka ei ngai bak lo. Soup hi a dang a la awm em?"tiin ka zawt nghal zat.



"A la awm teuh mai,ka lo suah ang che,"a tih chuan ka hnial vat. Nuam ka ti lo..



"Keiman ka lo suak mai ang,a awmna bel ber sawi la. E...chuan i lo ei ve dawn lo ami?"ka ti nghal vat, ka riltamna chiah ka lo ngaihtuah a, ka lo ngaihtuah tawh lo hrim hrim.



"Chaw ka eina a rei tawh, kha kha lai a a sir ber a mi kha a nih kha,"tiin min kawhhmuh nghal vat. Phur tak chuan ka va suak turh turh.




"Ah...ka puar lutuk,"zi mar paha ka tih chuan min nuih ringawt. Ka ei hnem ve bawk em a ni. Ka pum pawh a mar tang mai. Ka ka phei chuan eitur ei teuh leh maila pawi a ti lo mahse ka pum hian a hnawl tawh! Ka eina chu keimah in ka sil vek. Damlohna te a nih loh chuan mahni eina tal hi chu sil ka duh ve thin.



"Vawiin chu bazara chhuah ka tum a ilo kal ve duh em?"a tih chuan ka lu ka thing nghal nak nak. Vawikhat mah ka la chhuak lo, thawmhnaw vel pawh ka size awma a rin min lei sak tawp zel.



"A nih chuaninah i lo awm mai dawn nia, min chah duh te i nei em?"a tih chuan ka in ngaihtuah vang vang.



"Ih..umm..aw.. ice-cream cake ang chi kha ka ei chak lutuk a. Chuan ice-cream lo lei khawl sa hrim hrim la i peih chuan."



"Eitur bawk maw, ka lo haw har lutuk lo ang,"nui thaw a,a tih chuan ka bu nghauh nghauh.



Tunah chhun dar khat a ni der tawh a,ka thawhna pawh a la rei lo. Chuan ka mut a chhuak leh nghal der bawk. Khuma mu duai chuan ka tih thin ang bawkin a zungbun min pek,kan inhualna zungbun chu ka en vang vang.


"Engnge i lo tih ve ang le?"tiin ka phun chhuak sap sap. Tunah chuan Mizoramah Darcy nen an let tawh ngei ang! Ka ngaihtuahna vang chuan ka thaw chhuak ham ham... Hmeichhe dang nen hlim taka an awm tur ngaihtuah chuan ka la na reng tho..



Ka hmangaih vang che a i tana tha tur nia ka hriat,nang kalsan ka thlang che hi min dem lo ang che. Min theihnghilh a, min hmangaih tawh lo turin duh viau mahila min hmangaih lo tak tak tura ka han ngaihtuah chuan ka na veng veng tho si...




'Ni lo,hlim takin i awm tur a ni. A hlim chuan i hlim tur thu a bulah pawh i sawi vek kha,'tiin ka lu ka thing nawk nawk. Rilru nain awm mah ila vawikhat mah ka kalsan hi ka la inchhir lo thung!




Nico nena kan awmdun lai vel ngaihtuah chuan ka maimitchhing vang vang. Mutchhuak in min rawn zem nghal chia chia.



~~~


"Nico,khawnge i kal dawn?"tiin kawngka lampana kal Nico chu ka au vak. Ka auhna pawh ngaipawimawh lo chuan kawngkhar lampan chuan a kal zel.



A lampana kal ka tum chu ka che thei lo! Nico ka auhna hre thei lo zet chu chelhbeh duhin theih tawpin ka au. Mahse a hla telh telh kawngkhar a hawn chuan hmeichhe pakhat hian a lo nghak reng.



Nico chuan a ta a nihzia lan tir tumin a kawngah nghet takin a chelh. A hmeichhe kuah lai a rawn hawi chuan a hmel ka hmu thei chiah....Darcy a ni!



"Bawihi,kal tawh ang le,"tiin Darcy beng bulah chuan a phun sup. Nilo.. Nico ani kha Bawihi tia i auh thin kha a ni lo. Theih tawpin ka au a mahse ka aw chu an hre thei lo..! Lei ah chuan thu thla hnawkin ka theih tawpin ka tap!



"Bawihi,tap suh. Heta hi ka awm. Khawiah mah ka kalsan ngai lo ang che,"tih ri ka hriat chuan ka hawi chho vat. Ka hmaa Nico ding ka hmuh chuan mak ka ti lutuk..!




"I...i..khanu bulah khan i kal lo maw?"tiin ka kuah vat.!



"Umm.. Bawihi khawiah mah ka kalsan ngai lo ang che,ka hmangaih che,"tiin min rawn kuah let.



"Keipawn ka hmangaih che."



Nico chu ka hmu fiah lo tulh tulh. Ka harh chhuak hlawl,ka mumang ka ngaihtuah chuan ka phun ve hluk. "Ka ngaihtuahna nasa lutuk che a ni. Mahse a tha lo lem lo ve,"tiin ka nui vur vur!



He khawvelah hian kan awm dun thei lo in. He khawvelah hi chuan ka ta tur pawh a ni lo maithei. Mahse he ka suangtuahnaah hi chuan tuman min thenhrang ka phal lo a. Ka ta chiah a ni,tuma ta a ni lo!



"Ka hmangaih che,"a aw ril ruiha a ti ka han ngaihtuah let chuan ka mur sung sung. Ka kawchhung thlengin a fan ruih thei! "Min hmangaih thu i sawi ri ka hriat leh avang hian ka lawm lutuk a nia,"tiin kan in hualna zungbun chu ka fawp zeuh.



Choka lama ka va chhuh phei pawh chuan nu Puii a lo la awm lo. Ka mu rei vak lo tihna. Tih tur hre lo chuan in chhungah chuan ka tei rak rak.



~~~



Pi Puii rawn haw hnu chuan a thil lei vel dah fel chuan a ti ti ka ngaithla. A tawng duh lutuk hi Nu Nsi ka hriat chhuah phah thin. Tunah chuan tu a nei dawn tih a hre tawh ngei anga a hlim viau ang.



"Engnge vawiin tlai chu chawhmeh kan siam ang? Ei chak i nei em?"a rawn tih chuan rei tak chhung ka ei tawh loh Nico arsa siam ang ka ei chak em em chu ka hre chhuak zawk.



"Umm,arsa kang ila. Mahse a kan dan pawh ka hre lo,"ka ti hap. Arsa a siam chuan ka khawih ve pawh a phal ngai lo kha a nia, eng eng nge a telh pawh ka hre lo hrim hrim.



"Awle..kan siam tawp mai dawn nia,"a tih chuan ka bu nghauh. Ka tih tur ang ang chu min hrilh ve zel. Ani pawh hi Nico ang tho, amaha engkim tih duh tlat ang tho kha a ni.
A arsa kan en tura a bula ka kal hnaih chuan tel hmui rim chuan ka pum a fan raih. Ka pum a ni nghulh thei.



Engah mah ngai lem lo chuan ka awm lui mahse ka thei rei lo khawp mai. Ka uak nghal thawt.. bathroom lamah rang thei ang berin ka tlan phei nghal vat. Ka uak vak vak a mahse a hmaa ka thil ei ho ka luak chhuak ve. Nu Puii chuan ka hnungah a rawn chul hauh hauh.



"Ka tha,"tia nui lui var var chuan ka hmai ka phih vat. Ka chau nghulh thei,tiang ang hian ka awm ngai tawp si lova a. Chhuna thil ka ei nasat lutuk vang kha a niang



"Chhunah khan thil ka ei nghek nghek a kha vang kha niang," nu Puii bula ka va phei leh chuan ka ti nghal vat. Ka hmel chuan thil a ngaihtuah vang vang.



"I awm dan hi i rai a ni lo maw? Bawiha ka pai laia ka awm dan chiah chiah kha a nia," a thusawi vang chuan ka meng phar awk. Chil ka lem nghal khalh..A sawi takah chuan thla hmasa leh hmasa leh thi ka nei tawh lo! Ka rai theihna chance sang tak a ni!



"Test i duh em?" Nu Puiin a rawn tih chuan lu ka thing nawk nawk. "A...ka pum a nuam vak lo hrim hrim a. Kha vang kha aniang,ka va mu hahdam lawk aw,"ka thusawi tan tirh lam chu a bah deuh nuai...



"Umm...i pum a nawm loh vang a nih dawn chu. Damdawi i ei hmasa duh em?"a tih chuan ka hnial vat.



"Chutiang em em a na a ni lo,"ti sapin roomah chuan ka lut. Kei hi ka rai a ni thei a ngem? Ka pumah hian naute a insiam ve mek tihna a ni em? Ngaihtuah pawh ka ngaihtuah ngam lo..



Naute lo pai ta ila pa nei lo a a seilen a ngai dawn! Apa hmangaihna dawng miah loin a sei lian dawn tihna. Vawikhatna atan Nico ka kalsan hi ka inchhir!



Naute ka nei duh lo a ni lo. Mahse mahni chauhin engtinnge naute pakhat ka enkawl ang? Kei ngei pawh mahniin ka in enkawl zo lo a, ka suangtuahna leh ka ngaihtuahna vang chauha hlim taka awm thei hian engtinnge naute pakhat tha takin ka enkawl theih te lul ang?



Ni lo...i rai lo ang.. I rai thei lo,khang suangtuahna nen chauh phei kha chuan naute i enkawl thei lo. Engkim a tha vek ang...ka rai lo ang,tiin ka inhnem mawlh mawlh. Mahse ka hlauthawng tulh tulh thung.



"Amy,chaw i rawn ei peih a ngem? Lucus pawh a rawh haw ve teh tlat a," nu Puii room kawngka atanga a rawn tih chuan ka ei ve nghal tur thu sawiin ka tho vat.



"Nu Pui,i haw dawn lo ami?"ka ti nghal hu. Nidangah tunag hunah chuan a haw tawh ngei ngei zel.



"Aw..i awm a nuam vak si lo a,ka tihfel sak law law ang che u ka ti,"a tih chuan ka inthiamlo lutuk. Dawt ka lo sawi ta kher kher a ni.



Nu Puii chuan chawhmeh vel pawh a lo chhawp fel vek tawh. Ka tih tura dah vek mai tur ania aw.. Ka thut hnu rei lo te ah Lucus hmel pawh ka hmu ve ta lawm. Lucus pawh chuan nu Puii la awm reng chu mak a ti a niang a en deuh hu. Mahse a insiam tha leh nghal vat,engmah pawh a sawi zui lo.



Ngawi reng chuan kan pathum chuan kan ei malh malh. Ka ngaihtuahnaa thil awm vang pawh chu a ni mahna ka eitur chu ka chawk kual vel mai mai.



"I pum a la nuam lo ami?" nu Puiina rawn tih chuan lu ka thing nak nak. Ka feelings ka thup thiam lo lutuk hi a hrehawm thin.



"I nuamsam vak nange?" Lucus pawh chuan a thil ei lai chawlhsan meuhin a ti sup. "Aa...nuam sam lo pawh a ni lo,vawiin khan ka pum a nuam vak lo a," ka ti bah nia.



"In entir i duh em? A nih loh pawn doctor a koh theih tho. I duh zawk zawk a ni mai."



"Aih,a ngai lo tak tak. Ka tha tawh lutuk,"ka tih chuan min melh ngur mai. Zomuankima bawk ka hrechhuak leh.



"Awle..a that chu,"a ti nghut. Ngawi reng chuan an ei chhun zawm malh malh. Kei chuan ka thawhsan daih thung. Ka kawchhung tawt tup tup nen chuan thil ei har tak a ni.



Kan eina sil ka tum chuan nu Puiin a phal lo nasa mai. Lucus lah chuan nu Puii thu awih turin min ti bur! Ka damlo tih pawh ka sawi ngam tawh nang.



Nu Puii chu langa lo kal a nih vangin a haw leh nghal vat. A fate nula leh tlangval deuh tawh in inah an nghak,ka dam that loh avangin a haw san.



Nu Puii hian a chanchin engkim ka bulah a sawi vek. A pasal hi japanese (japan mi) niin kum liamta khan a boral san. A chhungte tlansana a neih a nih vangin a haw thei tawh lo. A fate chawm nan a theih tawpin a in hlawh thin.



~~~~



"Nithum chhung ka rawn haw thei si lo a, i lo hlau em?"rawn ti tu aw ah chuan ka phu dawrh. "A lo in ngaihtuah leh vung vung ta e,"a tih chuan ka nui sak.



"Hlau mai mai lo mahse i chau lo mi?"



"Chau pawh ni ila,nakinah nupui ka nei anga atan ka theih tawp ka chhuah a ngai a lawm,"tiin a dar a kan uk. Ka nui nghal hak hak.


"I len tar ania ka rin ni,"ka tin chuan a nui ve huk tho.



"Doctor hmuh i duh lo tak tak maw?" a rawn tih leh chuan ka ngawi vamg vang. Ka kawchhung tawt lutuk hi in sawi thawlna ka mamawh.



Ka nun zawng zawng hretu chu Nico leh a chhungte, Daniel leh Lucus bak hi an ni lo. Nu Puii pawh engmah ka hrilh ngam lo a chhan chu...ka hlau tawh. Ka thuruk zawng zawng leh ka nun zawng zawng an hriat chuan ka chak lohna an hria anga. An mahniaah ka in nghat leh ang tih ka hlau. Kalsan ka ngaih hunah ka nuna mi pawimawh tak a nih chuan Nico kalsan ka harsat ang bawkin a harsa leh ang. He thil hi tuar nawn tur chuan chakna ka nei tawh lo...


Mahse Lucus erawh engkim,ka nundan mai bakah Nico nena kan chungchang hre tu a ni.



"Ka rai in ka hria," ka tih chuan a rawn hawi dawrh. Ngawi rengin ka thusawi a ngaithla.



"Naute ka duh lo pawh a ni lo a mahse pa tel lo chuan ka enkawl zawh ka ring lo a. Ka kalsan hi a vawikhatna atan ka in chhir a ni,"tawt zet chuan ka ti nghal hap.



"A hnena kir leh i duh tihna em ni?"a tih chuan ka in ngaihtuah vang vang. A hnena ka let a nih chuan Darcy nena an inkar ka tichhe vek anga. A chhungte thlengin kan tichiai vek ngei ang. Ka..ka duh lo. Nico mualphona bak kan thlen dawn lo.



"Aih ...aih ka duh lo..a nun kan chawk buai vek dawn asin.," ka ti nghal vak.



"Chutia a nih chuan i thil thlir dan letling thawk khan han thlir chhin teh. Naute chu kei ka awma,nang i awm dawn bawk a. Putea leh nu tha tak a nei dawn a,kan enkawl thei em em ang. Naute pawh chu Nico ngaih reh tirna che a ni thei asin,"ti zawng hian ka ngaihtuah miah lo. Ni e, Nico ka ngaih rehna a ni thei.



"Naktukah test kit min lei la,helai vel hi ka hre chiang hlawm vak si lo a,"ka tih chuan a lo aw ve mai.



"Zanah pawh an in hawng tho asin ka va lei dawn ami?"a tih chuan ka nui hak. A phur lutum hi a nuih zahthlak zawk.



NEXT DAY


Zing karah Lucus chuan test kit chu a va lei. Ka rin ang ngeiin ka lo rai. Naupangin apa awmna min zawt a nih chuan ti hian ka la chhang ang.



"I pa chu hero a ni. Anu nun pawh a chhanhim sak a mahse hero a nih avangin anu leh naute bulah a awm reng thei lo a. Hero a nih avangin midang nunna a chhanhim sak a ni," tiin ka la hrilhfiah ngei ang.


Gift lian deuh nen ka lo let rupA chhungah hian Baby Nico a awm a A tawp kan khar ve thei tep tawh ang. Regu tak pawn ka lo dah thei si lo a, min lo la chhiar sak avangin ka lawm e chuan ads khu aw,hmeltha ho

[Ngaia]

FATED LOVE



NUTTY GIRL



CHAPTER 23



4 MONTHS LATER


(ti deuh duai mai ang aw).




AMELIA ROSANGPUII POV.



"I in peih tawh em?" Lucus min rawn auh chuan ka in siam zo vel chiah a ni. "Aw,peih a ni mai,"tiin darthlanga ka dul puar ve lah tawh chu ka thlek vang vang. Keimah pawh ka ang tawh lo mahse nu Puii chuan naupai i ngeih a,i ti pawh a nalh zawk a ti.



"I awmna tur hmun dik takah i haw tawh dawn a, tah chuan hlim takin kan awm dawn nia aw,"tiin ka pum chu ka chul heuh heuh. Ka hun tam zawk naute biak nan hian ka hmang. A atthlak pawh inti maithei mahse a hlimawm lutuk. Apa nena kan chanchin ka hrilh thin! A lo len hunah chuan ka sawi thei tawh dawn si lo a,ka hrilh theih hunlai hian ka hrilh vek!



"Haw i hreh chuan hetah i awm thei tho ania," Lucus chu rooma lo luh pah chuan a rawn ti sup. "Aih,ka hreh lo tak tak. Bakah Mizoramah a haw tawh ang..a pi leh pute awmna a hmuh ve a hun tawh a lawm,"tiin ka dul chu ka chul zeuh,a khi ve suk.



"Ka nau pawh i lo puitling ve ta e,"tiin ka sam a tuai thur vak,ka teu nghal hlar mai. "Ka sam a sei bawk si siamthat a har,ti tawh suh ka tih ka tih kha,"ka tih chuan a khi suk duh chauh.



"I raino thinchhiat zawng zawng pawh keiman ka tuar vek a,tunah leh zel chuan insum hrih teh," tiin nui vur vur in min chhuahsan. Zomuankima ang mai ka vin deuh hlek hi chuan a ni pawh hian i thinchhia min ti hman ziah. "Hlik hlek nu," a tih thin bawk kha ka bengah a cham.Kha Zomuankima bawk...ka ni hman hi Zomuankima hming lam tello chuan a kim thei tawh lo!



Tunah chuan Mizorama haw in, fa an neih loh vek pawn an nei hnai tawh ngawt ang. Khang hun zawng zawng khan ka hlim lutuk. Hlimna tam tal min pek avangin ka lawm e.



Room atanga chhuak ve chuan chokaa nu Puii lo awm chu ka pan vat. "Ka ngai ngawt ang che,naute tha deuhin i nei dawn nia. Ka hmuh ve chak teh reng nen,"ka kut pahnih a chelhin a lo ti nghal vat.



"Keipawn ka ngai ngawt ang che,"tiin ka kuah vat. "Naute kan neih hunah chuan a thlalak ka lo thawn dawn che nia. Kan lo zin leh maithei sin."



"Maithei pawh ni loin in lo zin ngei a ngai ang. In rawn thlen velah min lo hrilh bawk la,"a tih chuan ka bu nghauh nghauh. Hrehawm ka ti, hetianga ka mi nel tawh te kalsan hi!



"Dam takin kan in hmu leh ngei dawn nia,"a tih chuan ka bu nghauh. Lucus inah hian an nufa thumin an cheng dawn. Lucus hian a in hralh a phal loh bakah nu Puiin enkawl zel turin a duh. An chhungkua puih theihna a ni bawka.



"I in peih chuan kan kal thei aw," Lucus chuan a rawn ti. Nu Puii pawn Lucus kal tur chu a ui hmel lutuk. Lucus pawh chuti tho.



Nu Puii fapa chuan car min khalh sak. Ka bula ka unaupa ni ta ber Lucus erawh a buai leh hle tawh. Hnathawka a chhuak a nih loh pawhin an rawn call reng zel. Fahrah ni ta ve ve,kan pate thian ni bawk chu unau kan ni tawp mai.



Khang hun chhung zawng khan Nico ngai lo ka ni lo a,ka fa lo piang tur hian pa a neih loh hlau lo ka ni bik lo. Mahse ka unaupa sawi ang khan engkim harsa mahse a eng zawngin ka thlir vek. Nico ka ngaihna te,ka hlauhthawnna zawng zawng kha intihchak nan ka hmang.



Ka hma hun tur ka thlir lawk tawh lo,ka hma hun tur suangtuah ka nei hek lo. Ka suangtuahna neih chhun chu kei leh Nico,kan nunhlui zawng kha a ni. Khami hmang khan chakna ka neih theih phah a ni.



Tuna ka tawngtaina zawng chu ka fa a lo pian huna pa hmangaihna a mamawh loh nan a ni. Pa tello a khawsak theih nan ka dil tawp. A neih theih loh tur chu mamawh buai in awmzia a nei lo.



"Kan thlen atang darkar thumhnu ah meeting kan nei nghal dawn,"thaw halh Lucus chuan a rawn tih chuan ka lo nin pui tawp. Chawlhhahdamna hun nei lek lo in a buai nghal dawn chu a nia.


NICOLAS ZOMUANKIMA POV.



"Zomuankim,in i va nei nuam ve. Rawn zin dawn pawn hotel book buai a ngai lo ang a,ka rawn thleng ziah dawn," tiin Siamsiami(Matt unaunu kha aw) chu a rawn au lawng lawng. Eve in check up a ngaih avang leh a fanu in entir turin an lo kal.



"Nu i nih hi hria la,i fanu hi lo pawm vat rawh," ka tih chuan a rawn kal ve mai. A fanu min pawm tir chu a la vat. "Bawihte, engtinnge hetiang mi nelawm lohte i ngen theih aw,"tiin a fanu tawng pawh la thiam hrethiam lo chu a bia, aththlak lutuk!



"Ngati nge Esther-i in rawn hruai ve loh?" Fridge atanga tui la chhuak pah chuan ka unaunu eirawng bawl bulah chuan ka ti sup. "Aw..school te a kal ve a ngai a,"a tih chuan ka bu nghauh.



"Ka pate an dam tha em?"



"Aw...dam tha e. I luhlul chhuah reng lo hian rawn haw vat rawh. Ka nuin thil i ei that loh i mut that loh hlau em em in a awm a. Nang lah chuan i luhlul i chhuah reng bawk si. I haw lo a nih tal pawhin biak tlang theihin awm rawh," a tih hlak hlak chu engah mah ka ngai lem lo.



"Engtik thleng nge in cham dawn?"a mi hauhna ngaipawimawh lo chuan ka tih san. "Kan ruala Mizorama i lo haw duh hunah kan haw chauh ang,"a tih chuan ka nui suk. Bawihi tello chuan Mizoramah ka let dawn lo ka tih kha a la ngai reng!



"Tak takin i luhlul chhuah loin,kan rualin lo haw tawh rawh. I beidawn a hun tawh in ka hria."



"Engpawh sawi ula,ka beidawn san chuang lo ang,"tiin choka atang chuan ka chhuak nghal vat. Ka beidawng thei lo,a tello nun chu a harsa lutuk. Chuvang chuan ka zawn hmuh hma chu ka zawng zel tho ang. Keimah vanga kal bo a ni a,lo nghah chu ka hna a ni. Amah hmuh a thudik engkim hrilh ka duh a ni.



"Zomuankim,chhuah tum suh. Daniel te ho pawh an lo thleng tep tawh ang," Siamsiamin a rawn tih chuan ka phun hluk. A in neitu dil hmasa lek loin ka inah hian chaw eikhawm an rawt! A awm lo lem lo, Siamsiami leh ka unaunu te rawt a ni miau a.



"Val lunglenga chu, i va tuar na deuh ve," Kimkima chuan a rawn luh pah chuan nui thaw chuan min rawn fiam,ka khi ve suk. Mapuiin a rawn zui lut ve nghal zat bawk. Hemi te pahnih hi chu(h)




Kan kim hnu chuan thawm a tha ve hlat hlat khawp mai. "Keini ho ah hian tihhuk lampang hnaih kan awm lo ami?" Kimkiman a rawn tih chuan an ri deuh hlut.



"Aia naupang pang hian min han tihkhalh a,han tihhuk pawh hi a inthlahrun awm."



"Awi...Lalruatpui,i van zak lo tak,kan inrual reng e aw," Eve chuan Daniel kawh va va pah chuan a ti. Awm khawm chuan heti reng hi.
Chaw ei kham chuan pawn boruak tha dawn pahin tiin balcony-ah chuan ka ding vang vang.



"Hetah i lo awm leh hman tawh ka ring reng a,"tiin Kimkima leh Daniel chu an rawn chhuak ve.. "Taka Amy hi a chanchin engmah i la hre lo ami?" Kimkiman a rawn tih chuan ka bu zeuh.



"Zawn hmuh a har dan em em hi, engmah han chhui zuina tur a awm bawk si lo. A biak pawh tur awm kan hre bawk si lo a," cigarette pak khu hlat hlat pah chuan Daniel chuan a rawn ti ve.



"Hmangaihtu dik tak a niin ka hria,i hmuh hma chu zawng char char ang che," Kimkima a rawn tih chuan a banah ka va hnek zeuh. Ni e, ka beidawng mai mai lo ang. Ka zawnna a rei che a rei tawh bawk a ka hmuh leh hunah che chuan hremna lian tham tak ka pe ngei ang che.



Midang haw hnu pawh chuan keini pathum chu no kan dawm khaw tlai leh rih. Kan pathum pawh hian han inhmuhkhawm hi harsa ve tak a ni. An hnalama buai lutuk ve ve a nih avangin an hmuh theih meuh loh. Han in hmuhkhawm chang chuan no dawm lo chuan haw an tum lo.


Daniel leh Kimkima te haw hnu chuan ka nuin Eve a rawn call. Min ngaihtuah thu leh haw tura min sawm chuan 'aih' tia chhangin roomah ka chhoh san nal nal. Min rawn hauh leh hmain tiin inthiar fihlim ka thlang zawk.



NEXT DAY



Zing ka harh chuan a lo hma vak tawh lo. Nizan lama ka lem hlek vang chuan ka mut a tui phah hle bawk.



"Vawiin chu kan driver ah tan i ngai dawn a nia aw," chokaa ka luh rual chuan Siamsiami chuan a lo ti nghal vat. Vawiin ah in entir an tum va dah a va hruai leh an ngai dawn.



"Khi sana khi en la,thil ei vat la kan kal dawn nia,"tiin a fanu chu chaw a barh leh nghal mawlh mawlh.



"Kiki,chaw i ei maw?"anu run luih nan tiin ka thiam dan ber chuan naute min melh khiautu chu ka chhaih. "Mawla,kiki ti ringawt tawh suh,zawhte a ang thlawt lo. Duh takin hming kan phuah sak ve a,"tia a phun hlak hlak chuan ka nui suk. Ka tum ka thelh lo chiang e.



Nilengin ka unaunu te pahnih chu ka zui kual ve. Ka drop mai anga,an lo haw dawnah ka hruai leh mai ang ka ti a mahse a hnai lo. Nilengin nauawmtuah min hmang.



"Ka nite inah min drop mai rawh,chaw eiah min sawm a."



"Awle,"ka ti deuh nghut tawh. An lokal leh chuan an pasal ten lo hruai tawh se a tha ang.



"Bawihtei a mu tho,bawihtei mamawh tur min va lei pui leh lawk teh," ka ni te in thlen hnu chuan Siamsiami chuan a rawn ti vat.



"In tih ava tam tak,in lo kal leh hunah chuan inpa i lo in hruai tir dawn nia,"ka ti nghal hluk. "Lo kal vat mai teh,a harh hlauh chuan a rilte a tam anga,a buaithlak mai mai,"ka thusawi ngai pawimawh lo zet chuan a rawn ti.



"Lo ngaihtuah suh,va kal ula a lo harh hman lo ang,"Eve chuan a rawn tih zawm zat bawk. Hemite pahnih bula awm hi chu a ngaihna a awm lo.



AMELIA ROSANGPUII POV.



Nithum lai he khawpuiah hian kan awm leh tawh. Mahni inah(Amelia te in ) ngei chuan nuam dangdai tak a ni. Thil engkim keimaha tih vek a ngai tawh a,ka rit ve nulh tawh bawk nen chet ka harsat deuh bawk nen,ka che chak lo hle.



Heta awm hi Lucus chuan a duh vak lo. Hotel book mai a tum mahse keiman ka duh lo. Kan in hnial fe hnuah a remti ve hram. Chuti chung pawh chuan zan rei takah lo chuan a awm ngai meuh lo.



Vawiin lamah in check up tir ka ngai dawn a. Lucus chuan min hruai a tum tlat avangin kan nghak ran. Kan inchhung vel ka enkual chuan Nico nena kan awm dun lai vel ka mitthlaah a rawn lang uar uar. Heng ho zawng zawng pawh hi ama min tih fai pui vek kha a nia. Kan thlen zan phei kha chuan ka mu thei lo hrim hrim. Ka nu leh pa ka ngaih mai bakah Nico ka ngaih vang khan ka tap zan khua thak. Hma ka sawn viau tawh emaw ka tia mahse a hun a thlen chuan ka in sum thei chuang lo.



"I lo inpeih tawh maw? Ti khan kan kal nghal thei em?" Lucus chuan a rawn luh rual chuan a ti. Nizan lamah office ah a riak a a pawr fap mai. He ti chung hian min hruai kher chu a tum a nia. Ka tana a thatna hi ka theihnghilh thei tawh ngai lo ang.



"Umm...kan hman a ni mai. I buai chuan hruai kher kan ngai lo a nia," inthlahrung tak chuan ka ti sap.



"Hetah chuan doctor vawilhat i hmuhna tur a nia,nuam i ti lo ang. Bakah boss ka nia min hautu tur ka nei lo,"tiin mit min rawn sia sak. Ka nui deuh suk mahse ka mittui erawh a parawl puau thung.



"Naute,i lo chhuah hunah chuan i nu hi chhun reng reng suh ang che. Kei,i putea fel leh hmeltha hi minchhun zawk ang che. En ta che a chhiat per pur zia hi,"tiin ka dul zawnah a rawn kun hniam.



"Awi i fel thlawt lo,keimah min chhun dawn tho tho," ka tih chuan a nui hawk. "Nie min chhun chuan nulate rilru a chawk buai lutuk ang,"a tih chuan ka nui nghal hak hak. A chhe lem lo tih chu a in hrechiang lutuk.


Eng buaina pawh tawk ila,min tanpuitu tur mi tha tak ka tawng zel. Ka nu leh paten Pathian bulah min dilsak pawh a ni mahna.



~~~


"I naute pawh a hrisel tha lutuk ania," ka hmaa thu doctor in a tih chuan ka nuih ver ver. Mizo ngei hnena in entir chu a nuam bik lutuk. "Doctor Sangte, kan in hmu khat hle mai," room atanga kan chhuah chuan Lucus chuan a rawn be vat.



"Ehe, engnge hetah te i rawn tih," a tih ve nghal hlia. "Amy hi ka lo kal pui a," a tih chuan doctor chu a mengphawk lutuk.



"I nupui maw nge i bialnu?"a tih chuan ka nui chhuak hak.



"Ka nau a nih hi,ka pa thianpa fanu a nia."



"Aw..ka lo phur hman teh reng nen," a tih chuan ka nui hak. Rei lutuk lo an inbiak hnu chuan damdawiin kan chhuah san vat.



"I ril a tam em?" car khalh paha a rawn tih chuan ka ril a tam zia ka hre nghal uar uar thei.



"I la hman a mi?"



"Aw...vawiinah chuan office ah ka let tawh lo ang,"a tih chuan chawlh ka duh thu ka sawi nghal vat.



Restaurant pakhatah chuan min luh pui. An eitur siam pawh tui tak a ni. Ni lo ka vanneia thil eng pawh hi ka ei tui em em vek.



"I ei zawh tawh chuan naute mamawh vel kan enkual dawn nia,"tui ka in laia a tih chuan ka thil in ka hak lo chauh.



"A la hma lo mi?"



"Hma lo..tunah thlaruk leh tlem a ni ve tawh a. Nau puan vel tal chu lei ve a ngai tawh," a tih chuan ka bu nghauh. Vawikhat mah nau la nei ve bawk si lo chuan a chin chang hriat a har.



Naute thawmhnaw leh toys an zawrhna dawr hrang hrang ah min luhkual pui. "Mipa emaw hmeichhia a ni ngei ngei dawn a,"ti thawmhnaw a enkual chuan ka nui hawk.



"Hei hei hi mawi i ti em?"tiin suit a eng tak deuh lampang chu ka la. Mipa pawh nise hmeichhia pawh nise a inhmeh tho ang.



"Aw a nalh kha," tiin lei tur zingah a dah hmiah. Toys pawh a teuh mipa leh hmeichhe ta. A tullo ka tih pawn awmzia a awm lo a la lui tlat tho. Ka chil per a uiawm mai mai tiin a thil lei chu ngawi rengin ka thlir tawp.



"I duh duh thlang teh,"tiin thil dang chu ka ensan daih. Kan hmazawna mipa ka hmuh chian chuan Lucus banah chuan ka chelh nghal vat. Ka lung a phu nghal dup dup. Nico...



A rawn hawi chho chiah chuan min rawn en ve chiah. Min melh ranin ka dul zawn chu a rawn melh leh chiah. Ka ip nghal chawih chawih thei. Nghet takin Lucus ban chu ka kuah vat.




Nizan lamah signal a awm thei lo a,ka dam chiang lo nen.12 vel thleng kha chu ka nghak a,a awm thei lo a. A awm thei ang tiin ka lo sawi lawk sia... inthlahrung tawkin ka rawn dahA tawi deuh pawn min lo hrethiam hram mai ru aw.



Tunlai boruakah him takin lo awm ru aw..🥰

[Ngaia]

FATED LOVE



NUTTY GIRL



CHAPTER 24



AMELIA ROSANGPUII POV.



Engnge hetah a la tih? Mizorama haw daih tawh tur a ni asin. "Kal ang,"Nico chu mipa pakhatin a lo biak hlan chuan ka ti vat. Hmanhmawh rilru tak chung chuan dawr hnung lampang chhuahna lampan chuan ka kal pui daer dawr. Mi an tam bawk nen mi karah chuan ka in zep deuh tawt tawt.



"I tha maw?"car chhunga kan thut luh rual chuan Lucus chuan a rawn ti thum sup. A zawhna pawh chhang lo chuan maimitchhing chung chuan ka thaw chhuak nghal ham ham.
Ka hmuh ka in beisei lo lutuk. Amah hmu turah ka in ngai tawh lo hrim hrim. Ka lung phu nasa lutuk pawh chu a la reh fel hlei thei lo.



Bawihte kha kha a nih kha i pa chu tiin ka pum chu ka chul zeuh. Min hmu kha mak a tih hmel ve tho. Ka dul a melh ngur lai ka mitthlaa a rawn lan chuan ka chhing nghal sawk. A ringhlel a ngem? A fa a nih tal a rawn ring a ngem? A fa a ni tih a hriat chuan engkim a buai zo vek ngei ang. A fa a ni tin ka hriattir thei lo ang.



"Ih..min ringhlel a ngem? Ka tih awmzia chu a fa a nih a ring a ngem?Ni lo...a fa a ni tih a hriat chuan thil awm dan a buai vek a ni mai," hlauthawng tak chuan Lucus bulah chuan ka ti nghal chung. Min rawn en zawk chuan kawng a en leh nghal vat.



"Hlauthawng suh,"a rawn ti sup mahse ka hlauhthawnna a reh phah lo hrim hrim. Ngati nge kha lai hmunah khan kan kal reng reng ni.
Lo kal lo tawp ila a tha tur a nia..Ni lo engpawh thleng dawn se a fa a ni tih hriat tir ka duh lo bur!



"I rilru ti hah vak vak suh. In ngaihtuah ngut ngut phah lo la."



"Vawiin lamah ka in lei an chei fel a kan va en dawn nia,"a tih zawm nghal zat. Ni e,a thleng tawh chu a thleng vek tawh. Rawn thleng tur pawh hunin a hril mai ang.



Ka hmuh khan kha ti khawp khan ka ngai a ni tih ka hrechiang chiah."Hrisel takin i lo awm a,a tha e." Khalai hmunah khan engnge a tih ang?Khalai hmuna a kal a nih chuan....naute pawh an nei tawh pawh a ni maithei a ni. Ngaihtuah zui duh lo chuan rilru lak pen nan tiin,vawiina kan naute thawmhnaw lei chu ka en kual ta daih.



"Kan thleng e,"Lucus chuan a rawn tih chuan ka hawi chhuak vat. A hmun a fala,a reh bawk a nawm hmel lutuk.



"A nawm hmel lutuk mahse la i in sawn chhuah theih loh kha "



"Ka insawn chhuah ngam i ring a mi?"nuihza in sum deuha a tih chuan ka melh nghal rawm rawm. Nghal leh lutuk mai a...



"Tawng tawng lo khan lut vat ang,pawn boruak a vawt tawh si,"ka tih chuan kawngkhar in kalh chu a nui thaw chung chuan a hawng mawlh mawlh.



A chhunga kan fankual hnu chuan thuthleng ka hmuh hmasak berah chuan ka thu nghal. Ka chau nghal vek thei. Naute hian min ti chau hma zual. Thluang duai chuan ka ke chu ka en. Ka rin ang ngeiin a lo vung leh tawh!



"A mawi lutuk,"ka ti nghal hap. A wallpaper zawng zawng nen chuan mipa in tur a ni tih a hriat theih. Nico in nen a in ang lutuk,a rawng velah.



"Nupui kan neih duh thut takah in ring renga awm ka ngai,"a tih chuan ka ner nghal nang mai. Khawilama bialnu mah a nei lo ang a. Hmeichhe lam a ngaihsak thlawt lo a nuna a hmangaih ber a chan atang phei kha chuan! Ka chanchin a hre vek a,a chanchin tlem tlem ka hre ve thung!



"Pasal ka neih hunah le,"tiin ka nui hak hak.



"Kan naute chuan anu a lo tihah leh tawh a ni maw? I ke kham a reh hunah kan haw dawn a nia," a tih chuan muangchanga tho in sandal chu ka bun nghal mawlh mawlh. Dul paur ve pang tawh nen chuan boot vel bun chi ni tawh hek lo!



Kan haw lam chuan zan lama eitur kan lei kawi teuh. Nau ka pai tirh ang em em in ka ei thei lo mahse zanlaia thil ei ngaiah ka nei tawh.



In kan thlen dawn meuh chuan khua a thim deuh ruih tawh. Kan in kawta mipa thu run ka hmuh chuan mak ka ti lutuk. Ka thawm a hriat velah chuan kan lam a lo hawi vat. Hetah engvanga rawn kal nge a nih?



Motor a tihdin rual chuan kan lam panin a rawn pen phei pawk pawk. Lucus lam ka va hawi chuan a ni pawh chuan ngawi rengin min lo en tawp! Vawiina kan inhmuh dan chu ka ngauhtuah phak hauh lo a ni!



"Bawih in bia ang," rawn kun hniamin chiang taka min en chuan a ti sup. Thli rawn thaw heuh heuh leh a aw ril ruih vang a ni mahna,a aw ka hriat rual chuan ka khur ru nghal der der. Ka pum chhunga naute hian apa aw a hria emaw tih turin a rawn che bawk!



"Kalsan i in huama i kalsan thei a. Vawikhat biak leh chu harsatna i nei lo ang. I thei em em ang,"tiin mahni ka in fuih mawlh mawlh.
Muangchang chuan kawngkhar chu hawngin ka chhuak.



Ka chhuah rual chuan vawiina a awmdan ang bawkin ka dul chu a melh ngur. Min melh reng avang chuan ka ke pen pawh a sak talh mai. Ka dul enna mit chu la sawnin ka taksa chu a en chho bek bek! A mitmeng pa leh thuk ruih chuan ka mitah min rawn en.



Tuna khaw thim thet thet karah hian a mitmeng chu tawrh a har zual lutuk! Ka ngai che,ka ngai tak zet che.Kuah a, a tello a nun harsa ka tih zia leh ka theih loh zia te,amah ka ngaihzia te sawi ka chak,ka chak lutuk.



Car kawngkhar in khar ri dawtah chuan ka harh chhuak zawk. "I lo dam tha maw?"tiin ka nui lui var var. Ka aw a khur lo chu ka lawm lutuk. Ka chhungril erawh chu a khur dar dar thung!



"Bawihi..."tiin thil dang a sawi leh hma chuan Lucus chu ka bulah a lo ding vat. Ka zam lutuk vanga ka kut thlan dap pawh chu ka hre thei.



"I lo dam tha maw?" Lucus chuan Nico chu a rawn be ve nghal zat.



"Bawihi,inbiak kan ngaiin ka hria. Kan pahnih chauhin," a tih chuan Lucus ban chu ka chelh vat. Naute hi a fa a ni tih a hria ang tih ka hlau a chuvang chuan he thil hi ka tih a ngai. Min ngaidam ang che..



"Ka pasal hual hian engkim a hriat ve vek a pawi lo,tiro?"tiin Lucus chu ka melhin ka nui sen sen. Ka kawchhung erawh chu a tawt lutuk. A hmel awm dan pawh ka en ngam lo Ka inthiam lo a,kha thu kha ka hmangaih ber hmaa sawi atan chuan ka duh lo. Mahse bul ka tan ta sa sa na mahse a tawp ka thlen pui ngei ang.



"Pasal hual,"tih chu a rawn sawi nawn ve sup.



"Umm. Ka pasal hual,ka naute pa ni bawk," a mita en chuan ka ti nawn leh sap. A hmel landan chu a thim khup.



"Dawt min hrilh tum suh, Rosangpui,"a rawn ti thawt. Ka maimitchhing nghal vang vang. A thawk dan pawh a rapawm tih piah lam a ni.



"Dawt a nih kha,dawt min hrilh tum suh. Inbia ang,"tiin ka banah chuan a rawn hmer vakin min pawt dawrh. Ka lo in ring loh mai bakah ka in zo vak tawh lo nen ka va bawh nghal deuh rawp. Ka rak nghal that bawk!



"Ka..ka tihpalh. I tha em?" tiin ka hmai chu a rawn khuap vat..A inthiamlohna hmel pawh chu ka hmuh hmaih lo. Ni lo...engdang mah ngaihtuah suh. I thil tih lai hi i chhunzawm a ngai dawn.



Nichin lawk a a thinrimna chu hmuh tur a awm tawh lo. "Bawihi,in bia ang, khawngaih in," ngenngawl zet chuan a ti sup. Ka kaw chhung hrehawm lutuk leh na lutuk chiah chu ka hre tawh.



"Thlah nghal rawh. I tha em?"tiin Lucus chuan min rawn kuah vat. Nico chuan min chelhna chu a thlah hauh lo. Lucus min rawn kuahna chu enin ka inseh ruh tulh tulh thung!



"Helaia buaina siam lo hian va haw rawh. Thudik tak chauh ka sawi, i hnen atanga ka kal khan a ni bulah hian kalin...kan..kan in hual a ni,"ka chakna zawng zawng sawm khawm chuan ka ti ve nghal vat.



"Dawt..thu lawi lo mai mai sawi tawh suh,"tiin car darthlalang chu a hnek. Ka phu dawrh thei! Ramsa ang maiin a thinrimna chu car chungah a tuan vek! Tun anga a thinrim hi ka la hmu ngai lo! Amah...amah Zomuankima pawh kha a ang tawh lo..




"Zomuankim,duh tawk rawh,"tiin ka te tuar. A kuta thisen ka hmuh phei chuan ka chhing sawk! A chet dan hi a atthlak lutuk mah mah.



"Ka duh tawk ang maw? Min hmangaih a ni lawm ni? Thudik a ni lo ang. Thudik a ni thei lo. Nang hian dawt min hrilh mai mai a ni lawm ni,"ka mita min melh ngur chung chuan a rawn ti sup. A tawngkam hman dan pawh hi... Zo..Zomuankima a ni tawh lo!



"Min chhang rawh,min hmangaih kha,"tia min rawn pan hnaih chuan ka tawlh hnung nghal dawrh. He Zomuankima hi chu ka duh lo..



"Ka...ka hmangaih thin che mahse..."ka tih chuan ka darah a kut khinghnih chuan min rawn vuanin a hmer vat.



"Sawi leh rawh..Min hmangaih thin maw? Thin chauh maw?"a tih chuan hlauthawng tak chuan ka lu ka bu nghauh. Khawvela thil sawi harsa ka tih ber kha ka sawi nawn thei tawh lo.



"Pathian leh! Kei chauh hi min hmangaih! Ani hi ni loin kei hi i pasal hual chu ka ni..ni e..in hualna zungbun,"tiin aththlak zetin ka kut veilam zungbun min buntirna lam chu a en vat. A hmela beidawnna ka hmuh chuan ka na...ka na lutuk! Min chelhna kut chu a la let ruai ruai.



"Bawihi,dawt a ni lo maw?"tiin a thaw chhuak halh. Ka kut a vun avangin nimin lawk khan vanneih thlak zetin ka phelh tawh!



"Helai a buaina lo siam tawh lo hian va haw rawh. Heta buaina i siam chuan awmzia a nei lo. Amy hi naupai a ni tih hria la,i thinrim a nih pawhin insum rawh," Lucus chuan zaidam zek hian rawn tiin ka darah min lo kuah nghal vat.
Helaia nghet taka ding tur pawh hian chakna ka nei tawh lo. Lucus min kuahna chu ka ring tawp!




"Kal ang le,"a tih chuan a tawp nan tiin Nico chu ka va en. Ani chuan min lo en char char. A mitmeng buainuai mai te chu....hmuh a hrehawm lutuk!



"I tha em?" Inchhung kan luh rual chuan Lucus chuan a ti vat. Rei tak ka mittui ka dan tawh chu dan rual lohin a tla zung zung. Ka hmangaih ber na lai...keimah ngeiin ka tihnat lai chu hmuh hrehawm tak a ni.



"Va chawl hahdam rawh le,engkim a tha leh vek mai ang,"tiin ka a hmuiin ka chalah a nawr vang vang.



Room thleng tur pawhin chakna ka nei tawh lo! Lucus chuan min kuah phei tawp! Ka vawiin hun hman hi ka chauhpui hluah hluah.



Kan chhuahna chu inthlak lo chuan ka mutpui nghal tawp. Tlaia ka ke kham leh na ut ut kha chu ka kawchhung na chuan a luah vek tawh!



Min ngaihtuahna hmel te, min thlakhlelhnate kha hmu lo bik ka ni lo! Ka hmu ve vek mahse chuti chung chuan dawt sawiin na takin ka siam a! Ni lo,na mahse a thatna tur a ni. Ngati nge min theihnghilh a a nun a hman mai loh le. Ka kianga a awm chuan zahna bak ka thlen sak dawn lo!



Thil tha tak zawk ka ti a ni,thil tha tak! Mahse ka thil tha tih duhna leh a hlim ka duh avangin na takin ka siam leh tho si. Ka duh dan a ni bik lo mahse...ka thei lo. Ka hmangaih avangin a zahna thlen ka duh lo atin ni.



Zomuankim,mimawl anga awm kha bansan la. Min rawn hmu tawh suh,ka tan..i tan..kan pahnih atan hian harsatna min thlentu bak a ni lo. Khawngaihin..lokal tawh suh aw..



Khang thil thleng zawng zawng kha chu mutthilh pui ngaihna a awm lo. Ka maimitchhing ruala Nico na hmel leh buai taka a che chiah kha a lang.



"Zanriah ei tawh ang le,"Lucus chuan kawngkhar a rawn hawn rual chuan a ti sup. "I ei chak lo a nih pawhin i fa vang tal khan chak taka i awm a ngaintih hria la. Chaw nghei mai mai chu tih loh tur,"hnial tuma ka ka ka ang hman zua tihah chuan a rawn ti vat. Tunah chuan mahni chauh in ngaihtuah thei ka ni tawh lo. Naute hi ka ngaihtuah tel ve a ngai, naute vang tala chak taka ka awm a ngai ni.



Phur fahran lo chuan thoin Lucus chu ka zui ve mai. Ka tan ni loin naute tan tiin ka ei teuh teuh. Chakna ka mamawh lutuk,heng zawng zawng hmachhawn tur hi chuan. Ka theih tawpa tam chu ka ei nghal bawrh bawrh.




LUCUS POV.


Amy ngawirenga a hmaa eitur ei bawrh bawrh ka hmuh chuan ka thaw hawk. "Duh tawk teh,"tiin a fian chu ka laksak nghal vat.



"Khawi min pe rawh,chakna tam tak ka mamawh. Tun ang mai a chak lo ka ni reng thei lo. I sawi kha naute tan ka ei luih a ngai," tiin fian chu a rawn ban vat. A rawn lak hmain ka la sawn vat.



"A tawk tawh,eibelh a tul tawh lo. Heng hi chu ma lo tifel vek mai ang. Va chawl hahdam rawh,"ti chuan ka thaw chhuak ham ham.



"I sual hle mai,ei teuh tura min titu chu i nih kha."



"I naute tan ei tur chein ka ti mahse khatianga ti tur ni lo in," ka ti nghal hmuk. Tui khawihna lama kal chuan in sil vatin,room lamah a phei vat. Hemi te pahnih chet dan hi a atthlak tak zet! An in hmangaih a nih chuan kei chuan awmdun mak turah ka ngai. Amy duhthlanna zah sak hram hramin,ka thup sak chauh mai a ni.



Tu emaw ni anga nu leh pa vanga hmangaihte kalsan a nih phei chuan kei chuan chu chu hmangaihna ka ti thei lo!



21-30-26-images.jpg
21-30-26-images.jpg (6.94 KiB) Viewed 2354 times




NICOLAS ZOMUANKIMA POV.



"I lo va haw har ve,ngati nge i kut chu?" in ka thlen chuan Eve chuan a rawn ti nghal vat. Inah chuan Daniel pawh a lo awm. "Zomuankim,hetiang hian awm lo teh. Thil awmzia sawi vat teh," a rawn tih leh chuan ka thinrimna ka thup bo seng lo.



"Bawihi hmu turin,a tawk em?" ka ti nghal hrawk. A mengphar dawrh chu ka nuih sak. Khawvel zawng zawng hi min do zawngin an awm vek niin ka hria!



"I unaunu khatiang khan vin vak vak suh dude. Zanlai a ni tawh khatiang thawm bengchheng neih a hun tawh lo. In chungah chho ang,"tiin Daniel chu ka lampanin a rawn kal vat.



Ka unaunu lungnatna nei kha tia ka tih vang khan ka inthiamlo nghal zat."Ka tihpalh,"tiin stepah chuan ka pen chho pawk pawk. "Ka lo be mai ang,"ka unaunu te bula ti chuan Daniel pawh chuan min rawn zui ve nghal.



Bawihi ka hmuh khan mak ka ti lutuk! A pum puar ve luah leh kha mipa a kai lai ka hmuh phei kha chuan a mak leh zual! Ka ham haih luatah ka va pawh lawk lo kan doctor,irpui pakhatin min lo biak chuan ka in ngaihtuah chhuak a,mahse Bawihi ka hmu hman tawh lo. Ka va zawn leh pawn ka hmu zo lo mahse an inah a let leh ringin ka nghak.. Ka nghak chhuak ngei...mahse kha pa,a pasal hual anga a sawi nen khan a ni!



"Dude,thil awmdan han sawi chiah teh. Amelia chu i hmu tak tak a mi? I hmu a nih chuan engvanga nangmah chauha tiang lo haw nge i nih?" Ni e...an ngaihdan chuan ka hruai haw ngei tur a ni mahse...



"A rai a...mahse ka fa a nih loh thu a sawi. Khapa... khapa kha a pasal hual ang leh a naute pa angin a sawi bawk,"thaw halh chuan ka ti sup. Kha thu kha dawn sawn a harsat ang bawkin sawichhuah pawh a har hrep lehnghal!



Daniel hmel ka en chuan ka thusawi a ring bik lo tih a hriat. Keipawhin ka thusawi ngei hi ka la ring bik lo!



"Min hmangaih tawh loh thu a sawi mahse ka awih lo...khati khawpa min hmangaih tu khan khang thla nga chhung lek khan a hmangaihna a ti reh hman lo ang," tiin za lo zet chuan ka nui chhuak hak. Daniel chu a rawn rum chhuak nghak hak.



"Hmeichhia chu an in ang vek. Kalsan la i tan a tha zawk ang." Keipawh chu chu ka ngaihdan hmasa a ni..A thusawiin min tina a min tithinrim bawk a mahse Bawihi kalsan mai mai tur chuan a hlu mah mah. A tello in ka awm thei lo!



"Hmeichhia zawng zawng an in ang vek. Ka Bawihi tih loh chu...a ka in min hmangaih loh thu sawi mahse a mitmeng kha chuan dawt a sawi thei lo.



Beidawn san mai tumin ka umzui lo. Thlah leh mai tura chelh ka ni lo bawk.Ka duh chu ka nei ngei ang, Zomuankima ka nih hi. Eng thil pawh tih ngai dawn se min hmangaih tawh lo a nih pawhin min hmangaih leh turin ka siam ngei ang."



"Engtianga atthlak pawhin chet tum la,i bulah ka awm reng," reife ngawi renga kan awm hnua a rawn tih chuan ka khi suk. Engthil pawh tih ngai se Bawihi chu ka nei let em em ang!


An buaina a fel tawh dawn emaw ka tia mahse a la fel hman loLuna burin hei zawng hi ni mai teh se awChuan ads kha lo click leh hram hram ula aw...hmeltha ho🥰

Ads i la click ve lo a ni maw? A hnuaia ads milem khu lo click ve rawh le
Ads i la click ve lo a ni maw? A hnuaia ads milem khu lo click ve rawh le
Ads i la click ve lo a ni maw? A hnuaia ads milem khu lo click ve rawh le