KA UNAUPA By Esi Taylor (Completed)

[Ngaia]

e65q7o1e.jpg (14.85 KiB) Viewed 24510 times

KA UNAUPA - 1
By Esi Taylor






"Zothantluang engatinge a lak ah hian i sual emem a! " ka ni awki chu a zawi lem lo





Ka kawr hmawr tham a ka thu khur deuh dar dar min hmuh rualin thawk a la leh hawk a, min rawn pan nghal rawk rawk!





"Nute hrethiam rawh aw! A rui sual anih dawn hi" min lainat hmel zet in a rawn ti sap a, ka dar arawn vawnna chu a hmer nghet viau bawk!






Ka lan dan thunun hram hram tumin ka nui lui sak a, ka bu nghal nghut!





Darthlalang keh darh niai tihfai tumin ka dingchhuak a, ka unaupa Zothantluanga erawh ka ni nen a kan awmdan hrelo ang hmak in ala ding khawng luah a, a kut a hum ruh tawlh tawlh bawk!





"Lo va chhuak rawh keiman ka tifai mai ang" ka ni in a tih leh chuan engmah sawi zui lovin pindan ka chhuahsan nghal vang vang




.........





Engmah thleng lo anga ngaih luih tumin thawk ka la kawk kawk a, hetiang ni te hi chu nidang ah pawh a thleng fo a ka paidam mai thin anihkha tun ah pawh hian ka thei leh ngei tur a ni.






Ka nu hian kum 20 mi lek a nih laiin kei min nei a, ka pa diktak chu mipasal nupui nei lai anih avangin mualpho na leh zahna a tawng nasa zual a, khang hun lai a dinhmun hreawm tur zia kha ka hriatthiam pui avangin tun ah a mah hmangaihtu mipa tha tak tawng a pasal anei hi ka rilru takin ka pawmpui thlap.





Ka pa diktak chuan min ngaihsak zui lo mai nilovin ka awmve tih pawh a hrelo anih hmel zawk min rawn ngaihtuah zui hek lo!





Kum17 ka nih in tun a ka pa , Zothantluanga pa nen hian an innei a, ni e diktak chuan keipawh nula ka ni tawh a, ka tan thil nuam tak ani bik hauh lo, mahse ka nu hlimna ka duh avang chauh in ka hnial thei biklo.





Mahse, ka unaupa thar Zothantluanga hi chuan a pawm thiam ve thei ngang lo!!





Ka demlo e kei aiin kum nga in a upa zawk a, a tan a nuamlo leh zual ngei ang! Bak ah a nu diktak hmun ruak luah tur in midang a phallo ngei bawk ang, chuvang tak chuan a ni ka lak ah sual viau mahse ka tawrh hram hram ni.




.....




"Nute enge thleng reng reng a! " ka ni aw ka hhriat avangin ka phu deuh zawk!





Ka bul a chair pawtchhuak in a rawn thu thla ve nghal zat a, ka ni hi ka pa te unau zinga naupang ber nula senior zet mai ani a, a fel in ka lak ah a tha emem thung!





"Ihhh a pindan ka tihfai sak laiin a rawn lut a, a chhuak emaw ka tia.... Ihh... A pindan tihfaisak kha a duh lo a niang... " ka ti bah niai!






A awmlai chuan a pindan ah ka lut ngailo, a chhuak emaw ka tih vang ani tak tak bawk!





"Amak ngawt mai he nau hi chu! Tun hma in zu a ruih ka hre ngai lo a sin le... Hrethiam hram hram la i rilru tihnat nan hmang miah suh aww"





"Ummm pawn lam ah a mood tifuh lo deuh tu an awm aniang"





"i hmel te kha siamtha la, i nu te an rawn haw anga an ngaih a tha lo ange" a rawn ti leh hluai a, kan nui dun leh nghal hawk hawk!







Kan nula ho vin eirawng kan bawl a, kan hlim ta phian.






Ka nu leh pa hi high school zirtirtu ve ve ni in an thawk dun a, chuta tanga intawng chu an ni nghe nghe! Mahni in leh lo tha tawk tak a khawsa kan ni a, Sawrkar hnathawk pangai ang tho vin hausa lua ni lo mahila kan harsa lem bik lo. Ka ni hian bazar pui ah puanthan dawr zahpui awm loh zet a nei ve a, vawiin ni tak hi a nawmsam loh avangin a chawl hlauh a ka tan vanneihna Ani ringawt.





....





Nidang ang thovin UZothana chu chawei dawn ah bak a rawn chhuak lo, ka pa hi a zah em avangin a thu a hnial ka la hre lo a, ka nu pawh be ngai mang lo mahse mawilo takin a awmkhum ngai biklo. Ka chung ah erawh a sual hle ani tawp mai.





"Nute engtik maw i piancham kha! " ka pa in a rawn tih chuan ka nui nghal hak! Lalchhandami ka ni a, nute tih hlirin min ko thung.






"Inrinni khi! "





"Kum20 i ni tawh dawn tihhi ka awih theilo" ka ni in a rawn ti nghal hluk a, kan nui ho dar dar mai.






"Nula taktak i ni tawh dawn anih chu, i duh dan dan in i lawmdawnnia " ka pa bawk





"Lawm vak pawh angailo, class chawlh lai ani sia ka thiante nen pawh kan inhmu thei lo a... "






" kan lawm ve ang chu i thiante chu lo sawm rawh aw... I ni nen khan buaipui ula pawisa pawh inu in a pe dawn che nia" ka pa bawk






"Yeassii! " ti hliai in ka nui nghal var var, ka thiante mawlh khan ka lawmloh an hlau miau a.





Uzothana ka melh zauh a, ngawingul in chaw a lo ei zawm char char!




Amah ber in min huatna a tihlan miau avangin ka tan hian pawh luih talh tum chu thil harsa ve tak hi ani ringawt.





Tun ah hian class kan chawl mek a, kan luh leh hun ah chuan BA third semester ka ni ve tawh ang chu, Pathian zar ah ka zirna ka tluang a thiam thei tak ni ngailo mahila ka result a zia ve phian thei zel.





UZothana thung hi chuan MBA a zo tawh a, enge tihzawm zel a tum lam erawh engmah ka hriatpui ve lo thung!





.....




"Amawi i tih zawng a ni em? Heng pawh hi rawn thleng thar vek a nihhi" ka ni phone a puanthan nalh zet zet chu ka en kual a, amawi hlawm kher lehnghal





"Umm heipawh hi amawi heipawh... " ka ti phei nghal zung zung





"I birthday present ah i duh ber kha thlang rawh kawr sial deuh i thui dawnnia"






"Taktak maw? A to ber hi ka thlang dawn! " ka nui nghal hak




"Yeass ka hnial miahlo ang che, ka mut a chhuak dawn tan" a phone ka ken chu ka pe nghal vat a, sana ka en nghal vat dar10 a pel der tawh.





Kawngka inhawng ri leh tawng lawng lawng thawm kan hriat avangin rang zet in choka kan chhuahsan a, Uzothana leh a thiante pahnih an rawn lut ve chiah






"E ilo haw maw mut kan lo tum chiah a" ka ni in a ti nghal zat





"Naa.. La mut theih loh Nute i thingpui lum kan in duh a kan rawn kal anihhi aw" Usangpuian a rawn ti nghal lawng lawng.





Kan in ah an rawn kal fo thin a, an tawngduh in Uzothana anglo tak zia an pu bawk a kan innel viau hlawm.





"Thingpui induh si in va lo kal har ve"





"Va lum vat mai rawh aw" Usangpuia bawk




Nui hak hak chungin ka ni in a pindan min pansan a, keipawh thingpui lum tur in choka ah bawk ka lut leh nghal vat.






"I lum zo em? " Usangpuia aw ka hre thut chu ka phu leh vak tawh!





"Huixx i dawih si! "





"Enge i rawn luh thut reng, zo nimai" ti hlak in ka thli chhuak nghal zung zung a, Uzothana leh Usaia pawh an rawn lut ve chiah, mu turin ka kalsan nghal daih.





....





Uluk zet in ka hmai ka phih sar sar a, makeup ka hman thiam vak loh avang hian ka thiam ve chhun hmai phih hi chu ka uluk ve thei khawp mai






Towel a ka hruk mawlh mawlh laiin ka pindan kawngka kik ri in min ti phu leh zawk tawh! Phut vak ka ching lutuk hi ka sim thei der lo.





"Tunge? "




"Keimah! " Usangpuia aw ka hria chu angaihna hrelo zet in ka hawi a hu phawt!




Kawngka ka hawng a a lo ding run lehnghal





"I lo mu hman tawh mi? "





"Mu hman e... Enge a? "





"I mut tawp loh kha, kan ril a tam eitur minlo siam leh lawk teh! "





"Maw? " tawng rin hlau zet in ka ti nghek tho





A la rawn nui ri hawk zui a




"Hmela leh min tihbuai hi nuam ti viau suh ka mu dawn bye... " tih leh kawngka ka vuan nghal zat





"Lawk lawk lawk... Taktak in maw.. "





"Enge! "





"I birthday kha naktuk anilawm ni"





"A tuk leh"





"Ohhh a that chu min sawm ve dawn em? '






"Sawm hran i ngaihpawh ka ring lo e a"





"A dik min sawmlo mahla ka rawn kal dawn tho chaw min lo chhum kep ang che"





"Okay! Bye muttui! " ti nghek in kawngka ka khar nghal vat a, a nui ri ka hre hman hram.


Usangpuia hi Uzothana thiante zinga ka nel ber leh ka duh duh dan a ka tawngkhum ngam awmchhun ani maithei, midang ho pawh an fel vek na in Usangpuia anga min chhaihbuai peih an awm lo.




......





"Ahhh U zanin kha Usangpuia te kha lo hrilh ve hrim hrim rawh aw ka sawm loh an hlau sia" chhuah mai a tum tawh chu a ding leh dat a, min melh nghal run!




"I nu ang chiah i nihhi! " a rawn ti ram hmak





"Maw!? " min chhan dan chu ka beisei loh lam daih a ni, ka thin zawn a na nghal ut ut!





"Ka thiante i lo biak dan ah hian a chintawk hre rawh! Chuan i U ka ni lo" chak zet in a chhuak a, kawngka a rawn khar ri nghal bur bawk!






"Ka kal dawn ania i thiante chu an lo thleng tep angem? " ka ni chu chhan pawh ka chhang mai thei lo. Ka thinzawn na ngut ngut leh ka tahchhuak lutuk chu tihreh tum in ka in humruh ngawt ngawt a, vawiin hi ka piancham a lawm chuvangin ka inthunun thei tur a ni





"Ummm anlo kal mek! " ka ti zawi sap a, ka nui lui thei ngang lo





"Inlo ti thei ang maw! "





"Yeass thei dawn lawm ni"




Ka ni chhuah rual in ka pindan ah ka tlan lut nghal!






Ka mittui a rawn baw nghal zawih bawk!





Ka hrethiam tur a ni, Uzothana mizia ve reng a ni, chuan vawiin chu kumdang ang bawk khan a mood a fuhlo lehzual dawn tih ka hria alawm





Keimah leh keimah ka infuih ru char char, ka thiante lo thlen hma a ka pangai leh hman a ngai.






Vawiin hi ni e, ka pianni hi Uzothana nu thihni a ni.




Ka pa leh midang te ngaihah chuan naktuk zawk hi a thihcham chu a ni a, mahse a thihni diktak chu vawiin hi a ni, vawiin ni ang tlai dar4 vel ah a boral a, chuan naktuk angah an vui liam





.ka pa chuan naktuk zawk anih avangin buaina leh inthlahrunna tur a awmlo tih a sawi tawh a, mahse chu chu Uzothana ngaihdan ani ve lo, a nu thihni leh ka pianni in ang hian min huatna a ti zual hle bawk .





....




Ka thianten ka mood fuhlo lutuk tur min rawn thlak sak a, balloon ham in kan buai a, kan theihtawk in kan chei ve nasa hle.





A sawilawk tawh ang ngeiin Usangpuia pawh a rawn lang hma viau, zanlam a lawm kan tum zawk miau avangin ka thiante pali leh Usangpuia chiah in chaw an rawn ei.






"I u hi khawnge a..? " chaweina kan tihfel laiin ka bul ah Rempuii a rawn ding a, Uzothana zawng ru tih hriat zet in a hawi kual ruai bawk





Usangpuia nen an rawn thleng rual a, a pindan ah a inkhung nghal tawp a, kan rualin chaw a ei hek lo





"A nuamsam lo niang! " ka ti liampuat. Ka thiante bul ah hian kan chhungkaw chungchang ka zep hi a tam zawk a, ka u nen a kan in kar buai tak phei hi chu Tei chauh ka hrilh bawk.




"Naaaa.... Ka hmu chak sin le" a ti leh nghal bui bui, engtin nge an ngaihzawn viau theih zawk ni hlauhawm ropui si. Ka nuih liam sak vel maimai ringawt.




.....

Ka thiante an rawn thleng khawm a, ka pa bak ah ka ni hi an fel in an zau a, ka thian tu te mai pawh hian an nel viau thei zel


Cake zai chhung te min awmpui hnu ah ka nu leh pa in min mut san a, inchungzawl ah awmin kan ri ve chelchul mai.





Uzothana thiante leh ka thiante inhmelhriat sa an awm vang nge a tello pawn an awm ve char char peih tho.





....





Dar11 rik dawn ah an haw kim ve chiah, inchung hi pawn lam step atang pawh a kal maitheih anih vangin zantir lam atang khan inchhung ah ka lut leh tawh lo hrim hrim





Inchhung ka luh chuan Uzothana leh a thiante an lo la awm thap mai.





"An haw kim ta mi? " Usangpuian alo tithuai a, ka bu nghat.





Uzothana a awm ve avangin an bul a awmloh hram ka duh zawk, ka pindan a luh tlang nghal mai ka tum chu an lo phallo nasa





"Kan haw dawn pawn thleng minlo thlah ve hrim hrim rawh! " zu ti hlawm tlat a mawle.




Kan inzui chhuak leh ta nge nge, an tlanliam vek thleng ka thlir hnu ah ka lut leh chauh!




Uzothana lo mu hman se ka ti tehreng nen common room a sofa ah nichin ami ang khan alo la thu run anih chu





Be miah lova kal pelh ka tum deuh uk tawh a, sual viau mahse biak loh tawp kha a dik in ka hre bawk silo




"I ril atam em? Chaw i ei si lo a! " ka ti leh hram. Ka inchhir nghal bawk!





"I hlim hle mai maw? " a rawn ti bul hmuk!





Hlim takin ka hun ka hmang tawh a, ani vang a lunngaih ka duh lo, be zui lova kalsan leh mai ka tum chu ka ding leh nghal chawt





"Maw? " ka ti zawi sup





"Engvangin nge he inchhung ah hian in rawn luh? " a aw khur deuh dawt dawt chuan ka thau ah min man hial nia





Chhan ngaihna hrelo zet in ka chil ka lem khawlh!





"Min intihtheih khum vel tur in em ni?"




"Uzothan... "





"I u ka nilo tih kha vawi engzat nge hrilhnawn i ngaih?" rum lutuk in min melh nghal hrawk! A pa lian a, a awm maimai pawh a sual hmel tawh naklaiin hetianga min en phei hi chuan ka kang hluah hluah mai dawn hian ka in hre thin




(Veleh hlawl mai a...
Unau inngaizawnga ang type kha request a tam sia kan ti chhin e ka tia, mahse hei chu aite chhinna aw... Ingaihdan a zir in ka zawm in ka zawm lo ang!! Lo sawi ruuu oo inthlahrung lovin)

[Ngaia]

KA UNAUPA - 2
BY Edi Taylor









A tawp note chhiar ru aww....





"Min haw viau mahla ka nu chungchang sawi theih i nei biklo! " ka kut ka humruh nghek na in ka aw erawh a lawi vek thung






"Huh! " za lo tih hriat zet in a rawn then suk a,




"Ka rin phak bak mizia i nei anih reuh hi! " a rawn ti thawp leh sup. Tawng tlem viau mahse a tawngkam hman chhun hian kum tam tak daih tur natna min pe thin thung!






Ka chhanglet anih chuan ka ti thinrim zual anga, keimah natna ka insiam belh zel dawn bawk.




Vanneihthlak zet a ka phone lo ri chu ka tan malsawmna a ni hawt mai!





"Aw Usangpui! " ti sap in ka kalsan a, en pawh ka en tawh lo





"I birthday present ka pek theihnghilh che, common room vel ah khan zawngkual chhin teh ka dahna ka hre tawh lo" ka nui chhuak nghal hak





"Ka lawm tho tho e"




."aw lo zawng mai rawh a sen vat in a in tuam ang aw"




"Awle awle! " ti hliai in pindan ah ka lut tlang ta tho. Uzothana mu tur a a luh hun ah ka chhuak leh zawk mai ang.




Ka thianten thilpek min pek te, ka nu leh pa min pek te chu intihhlim chawp tum in ka en kual a, ka hlim viau tho na in a famkim thei lo. Uzothana lak atang chuan engmah ka phut ngai lo a, ka lak ah suallo tal se tih chu ka duh awm chhun ani hial ang chu, mahse a sual em em tho si!




.....




Ka biang za mer mer chu ka mang hriat ruai ruai a, ka sam chu duat zet in a chul a, mumang nge a tak thliar hrang tur chuan ka mut achhuak lutuk!





Hmui lum thar thar in ka chal a rawn nawk leh chuan meng chhuak nghal kawk!




Thin phu dawt dawt chungin ka thu chhuak nghal lawp!




Light ka on ka nghal vat a, ka pindan chhung kiltin chu a awmdan ngaiin an la awm vek a, kawngka pawh ala in kalh vek!





Ka mumang tihna em ni? Mahse a tak ang chiah chiah in eng tin nge ka feel theih?





Ngaihtha lo zet in ka mu thla leh a, light pawh ka off duh tawh lo!



....




"Nute puih i ngai em? " kan nula Tpi in a rawn ti lang lang a




Naktuk ah class kan tan tawh dawn avangin vawiin chu ka thawmhnaw suk nan leh pindan tih fainan hun ka hmang a, chawhnu lam ah meuh chuan ka thlan a tla ve phung tawh!






"Ngailo chhuat ka nawt anga ka zo nimai"





"Eitur ka lo siam dawn mi? "





"Pawimiah lo ka ril a tam "




Class chawlh lai hi chuan Tpi nen hian kan inkawm chawt a, kum19 chauh a la ni na in a zuan a zang in a tawng duh emem a, kan inngaina ve hle bawk! Chuan a che rang emem bawk, a thil tih engkim hi a zo zung zung zel amak zawk!




Thingpui kan in laiin Uzothana leh hmeichhe pakhat an rawn inzui lut hlawl, he in a kan luh a chin ah hmeichhe rawn hruai haw chu sawiloh a thian hmeichhia tak ngial pawh ka la hmu lo, kei ang thovin Tpi pawn mak a tih hmel teh e.





"Thingpui in duh em? " a lo ti nghal vat, keichuan biak ka tum rih lo law law a bialnu bul a mualpho ka duh bik teuh lo.





"Aw.. Duh ang " a ti thum leh hmuk.





A pindan ah an inzui lut dawn emaw ka tih laiin common room ah an thu dun a, an inthuthnaih vel dan ah a bialnu a ni tih ka hre mai.





"Ka va inbual lawk ang! " ti sup in ka pindan ka luhsan daih!





A bialnu ve kha amah ang chiah nelawm hlawllo! A bialpa te in a leng ve si a nau te pawh min biak tum lo. Mahni leh mahni ka insawhtau ve nghawng nghawng ringawt hahthlak hian!





...




Rei zet ka inbual hnu ah ka thawmhnaw suk te ka seng a ka thlep fel leh vek phawt, a theih ang angin Uzothana te ka pehhel hram hram. Awmbo reng theih ni bawk silo Tpi eirawngbawl pui tum in choka ah ka lut a, Uzothana te thiandun pawh balcony lam ah an nui ri hak hak mai.





"A bialnu sawn chaw a lo ei dawn nge le?" Alo ti nghal nuah nuah, ka hriat bik loh a vang in ka dar ka chhin uk ringawt.





Maian ka hih mawlh mawlh laiin a thiannu a rawn lut hlawl




"Tui ka lo in.. "





"E aww... A vawt i duh chuan fridge ah pawh khan a awm! " ka lo ti nghal thuai thuai.





Min chhang lem tawh lovin fridge a hawng a a in nghal khawlh khawlh, Tpi nen pawh ngaihsak zui lemlovin kan thiltih kan zawm char char.





"Nangmah hi mi Pa Rama nupui fanu chu? " mak ti ru zet in ka melh nghal kiau a, ka bu nghat. Pa Rama nupui fanu maw? Huhh ka ni miau a lawm.




"I va lian tawh ve... " a nui zui sak a, ka nui lui ve tawp tho. Tpi pawn hawihai zet chungin min lo en tawp!





"Nia... "





"Veni !" Uzothana aw a hriat rualin


"Hetah ka awm! " a ti nghal vat.




Veni maw anih! Ka ngaina lo sa nghal tawp!



Uzothana choka ah a rawn lut zui a




"Ka va thlah ang che! " a rawn ti nghal sup, a bialnu bul ah chuan a aw pawh a nelawm ve viau hi





"Pa Rama ka hmu khat sia alo haw ka nghak duh deuh a... " Tpin min rawn sik ru nghal ka phu leh zawk bawk.





"Atha lawm"




An inzui chhuak chiah a thawk ka la nghal hawk!





Pa Rama fanu pawh min ti ve thei tho sia, mahse a pawilo a ho lutuk hetiang vang maimai a ka rilru anat ten natna tur ka ngah lutuk dawn





"Uzothana bialnu chu a tawhkhirh hmel" Tpin a rawn ti zui zat a, ka nui tawp





"Ka rel hrep chak! " nui hawk hawk chungin a la rawn ti zui. Min tih dan kha langsar viau lo mahse ngaihtuahzui peih tan chuan zahthlak ve deuh mai a nia.





"I ho lutukkk , kan buai em hi mi rel hman kan nilo aw"





"Chaw chu a ei dawnlo niang tiraw? "





"Aniang dawn se chuan a sawi ang! " common room lam a Veni nui thawm kan hriat rualin kan in en nghal vat a, kan nui Leh ringawt bawk!





.....




"Ehe Veni chu i rawn leng a nimaw? " choka lam a awm kan nih avangin kan va hmu thei lo a, an tawng erawh a chiang viau thung





"Aw kan inhmukhat sia, Numapui min la hria em kan inhmuh tawh kha! " ka nu a biak dan ah a nel hmel viau bawk si





"E awww ka la hria che lawm i va fel ve" ka nu pawn a ti nghal vat. Nichin te khan Numapuii fanu ami inih min tih ve mai tur a nia, ka awm ti nuamlo zawng kher in min zawt a? !!! Mi rilru tihnat hi alo awlsam dawn tih ka hriatchian leh zual phah, keipawh ka tawngkam hman ka uluk in ka fimkhur leh sawt ang.





Choka ah ka pa a rawn dak zuau a "Nute kan lo haw aw! " a rawn ti dam leh thluam. Heihi chu a tih than dan ve reng ani bawk, inchhung ah hian ka inthlahrun a hlauvin engkim ah hian ka thurawn hi ala ve hram hram thin pa fel tak a ni tawp mai.




Veni chu a tawng duh bawk a ka nu leh pa pawh a ti nui char char thei, a awmna hmun a leng leh tlangnel thei tak mahni lu zo tak anih dawn hi.




Choka ah Tpi nen kan buai em avangin ka va pawh ve lem lo





"Ka haw dawn a mangtha u! " Choka ah Veni a rawn dak zuau a ka ban ka lo vai khum nghal vat





A chhuak ta niang chu in a reh nghal hawk thei hial alawm le.




....





Class kan tan a, thian te nen kan inhmukhawm leh thei chu nuam ve duh tak a ni, tu te pawn sawi tur kan ngah emem vek mai.





Inlam ah chuan Uzothana mitmei veng reng reng a khawsa ka nih avangin pawn lam a ka thiante kiang a hun hman hi nuam ka ti ve hrim hrim bawk!




"Lalchhandam! " rum zet in ka melh nghal kawk




"He khawvel a ka hming hre tu awmchhun i nilo aw! "




"Ka ni pawh ka ti lo a, engtik nge i haw dawn"




"Ban hun ah"



"Lalchhandam! "





"Enge Lalninawm! " a rawn nui ri nghal hawk





"Ka thlah ang che hria em hnial theih loh" chhan hman lek lohvin zu kal zui nghal nul nul a mawle





"Awiii Vanlalhriata han peih dan hi" Tein a rawn ti nghal nghek





Hriata nen hian first sem kan nih atang khan kan inkawm tawh a, min ngaizawng tih pawh a pha lo, ngaihzawng neih ka duhloh thu ka hrilh hnu ah min duhthu a sawi tawh ngailova, ka lak ah erawh that a chhuah em em reng thung.





Ka nu avang khan ngaihzawng neih hi ka hmanhmawh loh bak ah ka fimkhur em em a, ka nu khan ka pa kha nupui nei lai tih a hre miah lo! mi tamtak hian an awih kher lo maithei mahse keichuan ka nu in dawt min hrilh ka ring lo thung.






Chuvang in ka nu min zirtirna kha ka thinglung ah ka vawng nghet emem a, mipa te hi an hlauhawm a, awlsam te in ka ring dawn lo ani tawp mai.




Hmeichhe hmeltha tak ti a sawi tur ka ni lo nachung in ngaizawng tu ka hmu ve thei phian zel a, kum 16 ka nih lai khan tihtakzet a lehkha min thawn thin tu ka tawng daih tawh.






"Enge i ngaihtuah a! " rawn ti hniam ruih tu Tei ka en a ka ngaihtuahna ka lo hmang nasa lutuk chu tullo ti zet in ka in nuih ru tawp..





"Thil te te"





"Vanlalhriata chu i inthlah tir dawn em? "





"A peih phawt ahnu"





"In la in nei ngei dawn anih hi"





"Sawi pawh sawi suh" ka ti nghal nghek




..





"Ka rawn leng dawn ania" a bike hnung atangin ka chhuk a, a helmet a phelh nghal vat




"I duh leh duhloh animai lawm! "





"Chuti lut ang" a bike pawh hung rem leh lem hleilovin inchhung lam a pan nghal nal nal




"Inlo haw tawh maw! " inchhung a ka nu ka hmuh rualin ka ti nghal vat a, Hruaia pawh a rawn kal ve fo tawh avangin ka nu a be nghal sawk sawk





"Thingpui in in duh em? " Tpin a rawn tih rual rual in



"Lalchhandami lum hi in ka tum a" a rawn ti nghal




Rum zet a melh chung in ka bag ka dah thla a, min ngaizawng ve si hi a che cool lo thei em em bawk si.




"Khawnge i u nelawm loh zet kha! " choka a kan luh rual in ka beng bul ah a rawn ti sur sur a



"Shhh! " ka tih rual rual in Uzothana choka ah a rawn lut anihchu ka phu deuh zawk





"Thingpui i duh em? "





Min chhang dawnlo emaw ka tih hnu ah "aih! ". A rawn ti hram. Hruaia chu awmlo se min chhang miah lo ang, keipawn ka be bik miah lo maithei.





"A so tep em ka ril a tam nia aw! "



"I ninawm sek ka chhuan ve chiah hi"




"Okay okay insum rawh Lalchhandam! " ngatinge ka hmingpum kher hian min koh ziah ni.




Ka melh rum leh nghek a, engahmah ngailo tih hriat zet in Tpi a be zui daih bawk a.




A haw tur pawn thleng in ka thlah a, ka nu leh pa hi a nu leh pa emaw tihtur khawp in zu nel bawk a mawle.!!



....




Inchhung ka luh leh rual a "ka room khi lo han tifai lawk teh! " lo ti ri ka hriat chuan mak ti zet in Uzothana ka en nghal





"Ka hman alawm keiman kan tifai ang! " Tpin a rawn ti nghal sawk sawk




"Angailo! " a ti leh hmuk





Nelawm loh zet in min melh khui mahse a pindan a luh phal ngai lovin min tihfai tir dawn a, hma ka sawn hret tihna. A lawmawm tho e.




"Tp eirawngbawl kha lo ti zawk rawh" ka ti nghal vat.




Rangzet in ka inthlak nghal vat a, Uzothana pindan hi ka pindan nen indawt chiah a awm a ni a, balcony lian vak lo a awm ve ve a, kan pindan daidanna kal tlang in a in daidang thung.





A pindan zau zet chu amah ang chiah in a thim khup, a bang, a khum, a bedsheet, a engkim mai chu rawng thim lam vek. Ka pindan nen chuan in ang lo tak hi ani tawp chuvang chuan ka he pindan hi ka ngaina hlawl lo.






Tukverh hawng in parda ka hlim a, light ka on nghal vek bawk! Bal bawm a suk tur a dah bak han tihfai tur ka hre miah lo.





Hmun ka phiat a, che chimlim tih tak ah a pindan a fai emem a, a wardope lian zet a a thawmhnaw khai leh thleh ho pawh a felfai emem vek bawk.




Engber nge tifai tur a min duh le?




Balcony ah chhuak in ka phiatfai a, a ruak vek bawk si! Heng lai ah hian pot hung ila a that dawn hi!





Tihtur ber hre lovin ka hawikual ruai ringawt!





Min tirh a chak ve hrim hrim anih dawn hi le!!





Computer leh table ka hrufai a, a hmang ngailo tih hriat zet in a paw ve phat mai.





Drawer ka hawng kual a, engkim a inrem fel vek! Zothantluanga hi ka rin ai daih in a chefel anihhi.





Drawer hnuai ber a note bu pawl vat mai nalh zet ka hmu thut chu mak ti zet in ka ang pham ringawt! A tle deuh sep sep bawk si, a pindan a thil danglam awm chhun ani hial mai thei.





Rang zet in ka la chhuak nghal vat a, a man a tam ngawt ang. Hetiang lehkhabu hi ka la hmu ngai miah lo. Amawi tawp hi ani ringawt!




"Engthil nge i tih! " rawn ti hrawk ri ka hriat rual in ka lehkhabu ken lai ka thlauh nghal tawp.





Rang zet a kunhniam in ka chhar a, ka kut atang in a rawn phih thla nghal sawk!





Engtik laiin nge a rawn thlen phei hman ka hre biklo.





"Ka en chhin.. "





"Chhuak rawh! " a rawn ti vin hrawk





Ka inthiamloh sa tawh naklaiin hreawm ka ti zual ngawih ngawih!





"Ka khawih tawh lo ang" zawi lutuk in ka ti sap a, ka hnuk a ulh leh nghal tun





"He pindan ah hian vawikhat mah lut tawh suh angche"




Chhang lovin ka bu nghat a, en pawh ka en ngam tawh lo.





Chhuah tum in ka in her a




" a theih phei chuan he in atang hian ka hmuh phak lohvah kal bo rawh"




Ka ding nghal chawt!!





Mittui parawl tiau chung in ka hawi let a, a lehkhabu ken lai chiang lutuk a melh in a hmer ngawt ngawt!





"Ihh... Min haw viau anih pawn.. "

"Chhuak rawh! " a rawn ti vin leh hrawkk anih chu!





( Zawm tawh loh ka tum hnu ah in comments te avangin ka type chawp leh a, edit hman lo aw... Angaihnawm vak lo maithei bawk ania!!!
Inthlahrung chung chung in kan sawi ve lawk!!
Buaina hi ka duhlo tawp a buai ai chuan he story hi zawm loh a adang ziah that ka duh zawk a, mahse in comments ah zawm tur in min duh hlawm si a. Ka rawm zawm zel ang!! Chuan ka thlavang min hauh sak avang a midang in hau/ sawisel kha ka duh lo a, heng thu vel hi chu hetah hian tawp law law se, he story chungchang inngaihdan, in duhdan angaihnawm em tih vel kha chu lo sawi zel ru aww... Atawp nan tak tak!!! Writer te a buaina awm miah lo hi chhiartu te zawk ah hian buaina chawhchhuah chak deuh an awm thin a khatiang kha chu ni ve lo hram ru!!! Tumah ka haw lo a, tuman min huat ka duh lo bawk.. Inlungrual deuhvin awm tlang ang u..ka lawm e )

[Ngaia]

KA UNAUPA - 3
BY ESI TAYLOR







Engmah sawi zuilovin ka pindan ka pan a ka mittui tla chu duh lovin na zet in ka mit ka nuai nghal tawk tawk !




Wash room ah lut in darthlalang ah ka in en a ka hnar a lo sen leh vek tawh! Ka tah hlek chuan ka hnar hi a sen nghal vek zel





Midang in an hriat hlau zet in ka hmai ka phih nghal nghek!




A bungrua ka lo khawih ve ringawt kha ka thiamloh chu ani tehmeuh mai mahse khati emem a intih kha chu a sual thlak lutuk!




" a theih phei chuan he in atang hian ka hmuh phak lohvah kal bo rawh" ka beng ah chiang zet in a ri nawn tlut tlut a, ka mittui bawk a rawn hnai leh nghal kuar.






Wash room atanga chhuak in khum chunga ka phone dah chu rang lutuk in ka la kang a Tei no ka dial nghal




A pickup rual rual in. "Ka rawn riak dawn! " ka ti nghal tawp.




"Yeass thil thleng a awm em? "





"Nakin ah ka hrilh ang che in ah khan lo awm reng rawh! " ti sup in ka off zui a, thawk la hawk in ka insiam zui.






In a tang hian chhuah daih te chu ka duh ve tho he misual pa hmuh phak loh a awm te chu ka chak ve lutuk mahse ka nu in a remti ngai dawnlo.





An inthen te anih loh chuan!!!




Mahse!! Keihian inthen tur in ka ti thei ngawt biklo ka nu hi ka pa bul ah hian a hlim tih tupawn an hrethiam vek ang chu. Engtin nge ka tih ang???






Common room ah ka pa phone en in an lo thu dun a, kumkhua in chhuak thei lo mah ila zan hnihkhat tal ka hlat chuan a thinrim alh nasa lutuk pawh kha alo reh hman mahna.





"Pa " min rawn en rual nghal





"Ihh Tei kha a nu a zin a amah in a awm sia riahpui ah min sawm a, nithum vel an cham dawn a... " inthlahrung zet in ka ti nawi niai. Ka naupan lai atang tawh in ka nu hian ka riahchhuah a rem ti ngailo a, ka tleirawl hnu thleng khan kan la mudun thin reng bawk.






"I awm loh te chuan kan va ngai awm che ve" ka pa in a rawn ti sup a, ka nu ka dil chuan a phal ka ring lo sa a, ka pa hi chuan min hnial ka ring lo thung





"Tei chu hetah rawn riak mai sela! " ka nu thusawi chu ka rin dan chiah.




"Nia mahse Uite pahnih lai an vulh a... Kalsan a theih loh a hetah chuan Uzothanan Ui a duh si lo a"





"I pa thu thu animai" ka nu in a tih chuan ka nui nghal sak





Min hnial dawnlo tih ka chiang min hniallo reng bawk, fimkhur tur in min chah ngun viau thung.






Ka thawmhnaw ka siam lawk vek tawh a, Uzothanan a pindan a chhuahsan hma ngeiin ka kal hman tur a ni.



.....



"Lalchhandam min ngai a mi?" Ka call a chhan rual in a rawn ti nghal lawng lawng ka ner leh te te phawt




"Tei te in ah ka riak dawn min va hruai teh" Vanlalhriata lo hi han biak mai tur ka hre tlat lo, kan veng alo in an mai bak ah a hman dawn tih ka chian vang a ni bawk!





"Min ngai anih kha!"





"Min hruai dawn nge dawnlo?!"





"Enge ka hlawh dawn?"





"Ohhh... Two wheeler taxi rate in aw..." Ka nui chhuak nghal hak a ,a rawn rum ri nghut thung





"Ka duh lo chutiang!"





"I ninawm rawn kal vat teh!"





"Thingpui ka hlawh dawn em?"





"No 7 i hlawh dawnnia..."





"Ka rawn thleng!" Ti nghek in a off zui nghal.





Ka kal thu ka hrilh hnu ah ka chhuak zui a, gate bul ah ka chang nghal ran. A rawn thleng har lo hle bawk.





.....



Zan thum Tei te in ah ka riak tawh a, a nu nen chauh a awm an ni a, ka riakphei chu a nu pawn minlo lawm thiam phian. Ka mamawh tur ang ang ka ken lawk avangin in ka la tlawh leh miah lo, class pawh Tei nen kan kal rual mai zel.





"Ka thlah dawn che em? "





"Ngailo Tei te in ah ka la riak dawn"





"Zan thum i riak tawh an hnawtchhuak che nilo maw? " Vanlalhriata tak hi chuh





"Hnawtchhuak e"




"Athat chu ka rawn leng dawn ka thlah ang che"





"Tei nen kan haw rual dawn lawm"





"Angailo, Hey Tei Lalchhandami hi ka rawn phur anga nangmah in lo va inphur mai rawh"




"Hey! " ka lo ti nghal hlur, Tei lah a in alu alo buk khum nghal vat mai bawk si





"Thingpui min lum ang che! "





"Ka peih teuhlo mai"




."hmanni a ka thlah che khan no sarih i hlawh dawnnia i tihkha no khat chiah ka la hlawh" sawi fuh inti zet in a meng kual vel a,




"Hre rei lutuk" ka ti nghal bui bui.




.....



"Khatianga chak khan han tlan leh vaih teh min phur tawh lo chiang ang! " ti hlak hlak chungin a helmet ah ka beng ri kawrh a, ka chhuk nghal vat bawk




"Ahhh i u kha i lo hmu em? "





"Maw? "





"I u nelawm loh zet kha tun ah khan min rawn tlan pelh kha! "





"Animaw? " ka hawi kual nghal ruai





"A tlan liam daih tawh! "





Ka hmu lo chu ka lawm daih zawk e a.




.....




Ka rin dan ang chiah in ka nu in min rawn call a, ka riah chhuah rei tawh thu leh haw tur a min duh thu a rawn sawi nghal mawlh mawlh, awm hlen tur ni ta lo chu ka haw ngei angai bawk si.





Uzothana hmuh ka hreh dan chu pui tak a ni ringawt, Tei ka inthlah tir a, inchhung a luh te chu a hreh hian ka hreh ngawih ngawih ani tawp mai.




Tpin min ngaihthu alo sawi nghal char char a, Uzothana hmuh tur awm lo leh Tei tawngduh zar ka zo a ka rin ang emem boruak ka tawng ta rih lo phawt .





Chawei lai in Uzothana melh eih lovin hmanhmawh lutuk in ka ei a, tawng pawh ka tawng ngailo. Choka a luh chuan common room ah ka awm a, a awmlohna lam zel ah ka awm ani tawp mai, in lam a ka hun tam ber chu ka pindan chhung ah ka hmang.






Ka ni a dawr bungraw la in a zin chhuak deuh reng a, ka tan chuan lawmawm tak ani rih, a chhan chu Uzothana nen a kan boruak hi ka ni hian a hriat vek avangin engang pawn thup tum mahila ka hmel atangin a man thiam nghal zung zung zel tho.





......



Assignment kan ngah em avangin ka pindan ah ka tawm deuh chawt a, Tpi pawh inchhung chet ka pui ngai meuh lo.




Chaw eikham veleh ka pindan ka pan leh nghal vat a, ziah tur tam lutuk hi achang chuan ka ban a na vung vung thei thin





"Nute... "

"Lo lut rawh! " Tpi lo lut chu ngaihsak zui lem lovin ka ziah zawm leh char char.





"I pi te an lo kal a... "




"Maw? " hlim zet in ka ding chhuak nghal anlo kal dawn tih an sawi miah lo





Pa ka neih loh avang khan ka pi leh pu te hian kehtheih dawm in min dawm chho a, ka nu in pasal aneih leh dawn khan ka pu hian an bul a awm tur in min duh hle anihkha. Ka nu nau ka putea phei hi chu ka birth certificate ah pawh ka pa hming angin kan ziak .





Rang zet ka tlan chhuak a, min lo nuih nghal thaw hlawm !





"In sawilawk miah lo a! "





"Nia kan lo leng thut anihhi " ka pi in a ti nghal a, a bul ah ka thu leh nghal chawt.





Uzothana pawh reilo te rawn chhuak in ka pi leh pu a be ve zawk a, a pindan ah a awm bo lehnghal. Pawi chai lo ka tan anuam daih zawk.





Tpi nen thingpui kan lum a, ka pi leh pu fel a tih zia min hrilh nghal siam siam mai.





"Naaa... Van pawi tak eitur hi stock ala awm maw ka tia"





"Engmah awm lo mi? ".






"Ummm biscuit takngial pawh awm lo"





"Dawr ah va kal ila, zan ah ka mengrei thei sia ka ril atam ve ziah eitur ka mamawh dawn hrim hrim" ti hliai in ka tho chhuak a, ka nu pawisa ka va dil nghal zat bawk





Dar riat ala ri lo a dawr anla inhawng dawn tih ka chiang





Tpi nen kan inzui chhuak a, ei duh ve tak thau thei silo an tih ang chi kha ka ni ve a, ka eichak zawng ka lak khawm pawh chu thahnem tak a ni.






Inkhai bawr teuh chungin kan let a, kan in hi tlangpawng lai a awm ani a, vengdang atang chuan a langsar ve thei viau a, mahse chhoh deuh ngar ngar ngai ani ve a aninawm thei hle thung.





In kan thleng tep tih ah ka phone ka theihnghilh tih ka hre chhuak chauh.


"Han call teh" mangang zet in ka ti nghal chul





Tpi phone atangin kan call a, nichin a kan dawr kalna ah khan ka theihngilh chu ni in!! Ka inlei nasa deuhhlek anihhi.





"Tahhian minlo nghak la ka zuk tlan zuai ang"





"I ngam a mi? "





"Ngam loh tur awm lo khulai akhu mi pawh an thut khu i duh leh lo han kal la" min chhanlet na pawh nghak lovin ka tlan let nghal





Dawrnghaktu te hnen ah lawmthu ka sawi chiam hnu ah eng enge maw lawmthu sawi nan ka lei belh leh a, ka pi in ka fimkhur tawk loh avangin minlo hau leh ngei dawnchiang .




Thla en zan anih loh avang in street light in a chhun phak loh chu a thim khup a, ka hlauh ruk deuh avangin ka tlan nghal hlawk hlawk. Ka thil lei ka khai bawk nen min hmu tu tan chuan ka nuihzatthlak viau maithei






Hah zet in ka ding dat a, ka piah mai ah thu an awm avang in ka hlauh na a nep ta deuh bawk nen ka awm dawm in thawk ka la te te a, ka phone a dar zat ka en chuan dar 8 alo pel der tawh.






Tpi ka let san na kha ka hmu phak tawh a alo awm miah lo, alo han kal ani ngei ang! pawi chuang lo e.





Muangchang zet in ka chho hnak hnak a




"Khawnge i kal dawn? " ka hnung lam atanga lo ti tu an awm avang in ding dat in ka hawi let nghal vat






Ka hmelhriat anih loh avangin "ka haw dawn! " ti bul deuh hmuk in ka kalsan leh a






"Khawi ah nge in awm? " a rawn ti leh, chhan en ah pawh ka en lo.





"Hey nula lo ding teh! " a la rawn ti hram





A tawng thluk dan ah zu a rui ani tih ka hriat avangin ka chhang buai peih lo, ka hmuh phak reng a midang awm an awm bawk avang in hlauh en ah en lem lovin ka kal zawm leh nghal mai.






Ka dar hneh zet a min rawn kuaiher lawp chu ka beisei loh em avangin ka rak nghal that!





"Enge a? " cho arh in ka melh let khui a, hetiang zurui ve maimai ka hlau vak bik lo.






"Ka biak che kha i hre nange" duhdah zet in a ti awn leh duai





Rum zet a melh chungin ka inher san a, mahse ka banrek ah nghet zet in min man anih chu!.






"Min thlah rawh! " ti nghek in ka hawi kual nghal ruai




Min puih tum hmel an awm lo chu sawiloh kan awm dan chu nuihza thlir in min thlir hlawm a nih chu!!!!






"Min thlah vat rawh! " ka ti leh tuarh.






"Thlah duh lo ta che ila... " nui huah huah chung in a la ti zui, ka hlauthawng ve chiah bawk!





Nui maimai a minlo thlir tu te chu mangang zet in ka melh kual leh a,





"Thianpa i ti hlau anih kha thlah mai rawh... " pakhat in zawi zet in a rawn ti tawk!





"Nula chhaih buai a khat alawm, kan nu lah in min ankhum reng bawk a... Tleirawl deuh melhsan ila a ang a ang tawh lo ang" rapthlak ti zet in ka melh tawp!






Midang awm ho chu a thiante an nih chuan puihna ka dawng dawn lo tih ka chiang!





Tawngkam tha in sial aman an tih kha mawle





"Ka pu ka hmanhmawh a minlo zawng tep tawh zawk ang" min vawnna chu na vaklovin ka thing thla a, ka nuilui hram





"Ehhh... Hmanhmawh thlak a mi kan bul ah hian minute sawm vel lo thu ve zawk la.. " tih leh ka ban rawn man a rual leh nghal!





Tawngkam tha chuan awmzia a nei dawn lo anih hmel!





Tlanchhiat tum in ka tal phut a, a in ring hman bik lo ani ngei ang ka ban a vawnna a thlah a, ka thil khai pawh ka thlauh darh nghal vek!




Mahse ka sam ah a rawn kek hman hram!




Ka rak nghal that! Hlauh namen in ka hlau takzet tawh!





"Hmela leh! " vin zet a rawn ti hrawk tu ka hriat rual in ka sam kek tu khan min thlah a rual nghal! Chuan lei char ah a thal thla nghal thuai bawk!





Uzothana maw???!!!!!!






Mak ti viau mahila tun ah hi chuan ka lawmna a nasa daih zawk!





"Kan tihpalh ngaidam rawh i nau tih kan hrelo a... " pakhat in a rawn ti ruai a





Min chelhbet tlat tu lei char a mu kawi ngal chu a chhuih leh nghal zawt!



"Kal bo rawh u " a ti leh hrawk!!




An thianpa che tha thei mang lo chu an kuah tho a, an ni pawh an rui bawk!




.......



Mangang zet in ka lo ding mawl tawp




Uzothana chu ka lam hawiin a rawn inher a, kun hniam in ka phone engtik lai a ka thlauh nge pawh ka hriat loh chu a rawn chhar a, sawi mai tur pawh ka hre lo!





Ka sam thur deuh bam chu rawn chul thuak in "i na em? " a rawn ti thum sup. A mitmeng sem rum chuan ka tha a ti khur zual thei hial.





Lu thing mat mat chung in ka phone ka ban a, ka tah chhuak viau mahse hepa bul ah hi chuan ka insum ang, alo kal hrim hrim pawh hi ka lawm lutuk tho tho!





Lo kal lo ta se khang ho khan min tina maithei!





Khur ru deuh dar dar chung in ka thil lei ka thlauh darh nuaih tak ho chu ka chhar khawm a, ka mittui parawl tiau mahse ahmuh lai a tah leh hlau awm tak a awm chu ka duh miah lo.


Ka thil chharkhawm remlo zet a pawm tun chung in ka ding chhuak a, nghet lutuk in min rawn kuah bet nghal hmiah!





Engthil nge a tih hi?!!!





"I tha em? " a ti leh sup





"Ka tha alawm! " zangkhai thei ang ber a ti hliai chung in ka in la hrang a, a thaw ri nghal hawk!





"Khatianga i awm chuan an ngaih a tha dawn lo ania, hriattir i duh loh chuan" nelawm loh zet in a ti ram leh hmak anih chu!





"Awle.. " ti sap in ka kal san a, ka la pangai theilo ka kal chak thei miah lo bawk.




......





"Awii ka rin aiin i rei a lo hmuah che ka tum leh chiah a! " Tpin min hmuh rual in alo ti nghal vat a, ka theihtawp in ka nui lui hram hram!






Ka nu ka hrilh chuan a hlauthawng dawn lutuk!





"I tha em? " Tpi bawk





"Tha e ka hah lutuk a " ti sap in tui ka in nghal khawlh khawlh a, ka thinphu dawt dawt kha ala reh fel thei lo.





Dawhkan bul a chair pawtchhuak in ka thu thla nghal hnawk!





Zurui in minlo tibuai a, ka ban a chelh bet in ka sam ah min kek bawk! Nichin khan hlauh nachang ka hre hman lo zawk a ka vannei hle zawk e.





Uzothana kha inchhung ah a la rawn lut miah lo, a leng tur in min lo hmufuh ani ngei ang , engvang pawh nise ka lawm takzet tho.





Mahse min kuah!




A lungphu dawt dawt ri kha chiang zet in ka la hre thei!




Ngaihtuah suh zanin thil engkim kha theihnghilh vek rawh!



"Nute i pu in a ko che... " ka dar ah a rawn khawih rual in ka phu leh nghal zawk!





"I dawih si" nui chung in a ti leh chiam!




Ho te te a phut vak ka chin zia hi chu an hre vek a, ngai ah an nei ve vek tawh in ka hria.




......





Ka biang chu kut lum thur thur in a rawn khawih a, ka chal leh sam te chu dim leh duat zet in a chul a, a nuam ka ti ka meng phallo.




Ka chal chu a hmuiin dim zet in a rawn nawr leh a, mahse!!!!! Ka mumang a nilo.






Ka mengchhuak nghal kawk





Khum bul a light on na switch chu rang zet in ka dap nghal rawk rawk!





Mahse tumah hmuh tur an awmlo.





Thli thaw in parda a rawn chhem phet hlep hlep avangin rang lutuk in khum atangin ka chhuk nghal!





Tukverh hi a in hawng maw?????





Rang zet in ka kalh tha a, kawngka dang pawh ka check nghal vek!





Zanlam a ka thil tawn khan min ti hlau bawk nen ka thlan a rawn bawl chhuak nghal tiam tiam!





Ngatinge ka muhil lai min khawih tu an awm ang mai hian ka hriat thin??? Ka mumang mai anih chuan Engtin nge a tak tak ang in ka feel thin le?

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

[Ngaia]

KA UNAUPA - 4
BY ESI TAYLOR







Muthilh leh mai tum in ka mu tha leh a, ka hlauhna in min kiansan thei thlawt lo! Light off in ka mu leh tawh ngai miah lo vang!




Ka phone ka thlauh avanga screen keh niai chu hmet engin ka en kual vel a, engthil dang mahin ka rilru a luah thei thlawt lo. Hlauhna hlir in min tuam hlawp hlawp, khawvar thleng in ka muhil zui tawh lo hrim hrim!





"Ngatinge i mit a va bui ve! " Zingkarah Tpin min hmuh rual in alo ti nghal vat a, ka nuih suk ringawt!




Zan dangah kha chuan tun ang em em hian ka rilru a tihnawm loh phah ngai lova, mahse zurui in minlo tih buai tak avang khan ka dawih zual ni ber in ka hria.





...




"Nu zan ah hian ka pindan ah hian mi an awm tlat ang hian ka hre thin a" ka thusawi chu keimah pawn mak ka ti tho. An chaw ei lai thulh meuh in min en nghal kawk!






"I hmu em ni? I pindan tukverh i kalh tha em? " ka nu in a rawn ti nghal zung zung , a hmel a buai ve nak mai. Keilah ka hmel en atang ringawt pawn hlauh ka nei tih a hriat mai si a.





"Aihh.... Ka hmu lo a mahse nizan chauh pawh kha a ni tawh lo.... "





"Maw? " ka nu in a rawn ti nghek





"Kan enfiah dawnnia" ka pa in a rawn ti thum sup.





Min khawih thin tu kha an awm chiang alawm!.






"I nau pindan bul ah i awm a hriat i nei em? Lo ngaihven ru deuh ta che" ka pa in a tih leh chuan Uzothan an "neilo! " a rawn ti deuh hmuk anih chu!





Ka thusawi chu pakhat mah a awih lo tih a hmel ah lang reng mahse a ngaihdan ka ngaipawimawh thei rih lo, a chhan chu ka hlauhna hian ka chhungril tak thleng in min tham ur ur miau a ni.





"Kan enfiah dawnnia hlau lo la, i duh chuan zanin chu i ni pindan ah riak la " ka nu in a tih chuan ka bu nghal nghat!





Chaw eikham veleh ka pindan kan pan nghal vat a, balcony atanga lawnliam mai theih a ni em tih te pawh ka pa in a en dik a, mahse misual tan chuan a harsa viau ang tih a lang reng, theih loh tawp chu ani bik lo.





Kan in hi chhawng khat chauh nei a ni a, a chung lam ah hian Uzothana leh ka ni te nen a kan pindan bak pindan dang pakhat ruak a la awm a, a hnuai lam ah ka nu leh pa leh Tpi pindan a awm ve bawk, inhma lam ah kawtzawl zau vak lo a awm a gate lian tha leh rinawm zet a awm avang in him tur ah kan ngai vek reng bawk.






Ka pindan ah lo lut an awm ngei tih fiahna tur in hmuh takngial pawh ka nei bawk si lo nen angaihna kan hre lo tlang viau , ka hresual anih te ka ring leh deuh bawk a, rilru nuam lo zet in class kal tur in ka insiam ta tho.





.....



September thla kan chuangkai a, boruak a nuam tawk chho tawh hle , ka hlauhna leh ngaihthat loh rukna ang boruak thalo ka tawn tak loh avang in keipawh ka nun dan pangai in ka nung chho tan leh ta bawk a, anuam viau mai.





"I chhungte chuan an phal angem? "





"Ka ringlo! "





"Naaa... " an rawn ti rual nghal dual.





"Nula i nia bak ah sual rawng kan va bawl dawn pawh anilo a" Rempuiin arawn ti nghal nghek!.






"Ka tello pawn ikal mai anga.. "





"I over a mi? " Tih leh ka lu a rawn ben a rual nghal




"Keiman i nu ka lo dil ang ka dil thiam a lawm" Vanlalhriatan a rawn tih chuan pawm zet in an lu an bu nghal tliar tliar a, Rihdil a zan hnih vel riak a kal an rel tlat a, ka nu in a phal hi ka ring thlawt lo. Mahse ka chak ve tho!





"Aww an phalloh pawn keimah vang in kalloh phah su aw.. "





"Ngailo kan kal vek tur hi ani ringawt! " Tein a rawn ti leh nghut.




.....





An sawi lawk tawh ang ngeiin zan ah Tei leh Vanlalhriata kan in ah an rawn kal a, an tawngkam thiam zawng zawng an hman hnu ah chuan an remti ta hram!





Mahse dan zawm tur ka ngah hle thung ka nu chu ka chanchin hrilh in ka be reng anga, beer leh zu lam kaihhnawih ka in miah lo bawk ang, tui chen chu sawiloh lawng ah pawh ka chuang thei lo anihchu!!





"Ka lo kal ve mai dawn mi? " ka ni in a rawn tih chuan kan vaiin kan nui ho vek! Ka ni in minlo sawipui lo sela chuan an phal lo maithei, a fel thei a nia.





"Lo kal ve rawh a nuam ngawt ang! " Vanlalhriatan a lo ti thuai a





"Thleirawl lai min ti ngai mange, hetiang a chhuah ho zeuh zeuh te hi a tha ania nakin ah in lung ti leng tu tur ania"





"Chu chu alawm sum hi awm phei se chuan Switzerland ah te hian zin ho thei ila... " Vanlalhriata tak hi chuh!





"Ee inla kal em em ang! " ka pa pawn a rawn ti ve sup.





Uzothana rawn lan hma zawng an leng ve char char a, dar 10 vel ah a pindan atangin a rawn chhuak a, Tein haw a rawt nghal!





Kan chungchang vang chu thuhran lo ni ta se ka thian te tumah hian an nel lo. Nel tur in a awm ngailo reng bawk!




A note bu ka khawih hnu atang khan inbiak kan nei leh meuh tawh lo, buaina pawh kan nei ta rih lo.





Mahse inhnaih tak a kan awm te, chiang lutuk a min en te hian chhungril tak atanga zam rukna ka nei tlat thin. Min kuah hnu atang phei kha chuan hlat em em hi ka duh dan ber ani tawp tawh!





Unau diktak ni ila chuan keimah ah nawmlohna a awm biklo ang, unau kan nilo a, tin, inngeih tak kan ni lo bawk. Engvanga min kuah nge anih ka hriat loh ang bawk in ka zam emem chhan hi ka hre bik lo.



....



"Nute khapa kha i bialpa ve deuh a mi? " ka ni in a rawn tih chuan min rawn en nghal thap a, ka chawei lai ka hak lo chauh!





"Tumaw? "




"Hriata kha! ".





"Vanlalhriata kha maw? A teuh lo mai! " ka ti nghal nghek! Ka pa lo nui vur vur ka hmuh phei chuan ka biang a sa nghal hat hat!





"Ani lo tak tak maw? " nuih rah rah chungin ka ni in a rawn ti leh a, ka bialpa angin a ngai nghet hmiah tih a hmel ah a lang reng mai bawk si.




"Ka thian ringawt anih kha.. Inngaizawng lo nasa lutuk ateuh lo mai! " duhthawh zet in ka ti leh nghek!





"Ehh i va pha nasa ve ani deuh anilo maw? " ka pa in a rawn tih leh sap ka nu takngial pawh a nui!





"Zep angai hleinem a fel hmel viau kha" ka ni bawk!





"Ni e, nulat lai hi chuan fimkhur viau tur a nia" ka pa in arawn ti leh nghal vat!
Angaihna awm lo,ka sawifiah chiam chuan an ringlo telh telh zawk ang! An ngaih dan dan hian ngai mai teh se.




....




Ka vawikhat kalna tur anih avangin insiam dan tur mai hrelovin ka thawmhnaw ka khung tawh ka lachhuak a, a dang ka dah leh a. Chutiang chuan vawi engzat nge ka thlak kual pawh ka chhiar seng tawh lo.





"I insiam zo tawh em? " Vanlalhriata message ka hmuh rual rual in ka call nghal




"Enge ka ken dawn? " ka va ti nghal tawp





"Maw? "





"Thawmhnaw ken tur ka hrelo" a rawn nui chhuak nghal hawk




"Hmeichhe dang ang tho mai". A rawn ti nghal sup lehnghal




"Enge Vanlalhriat hmeichhe dang ang ka nihhi"




"I hak lai ang hlir kha keng la nimai lawm"





"Awle" ti nghek in ka off zui a, Tei ka call leh nghal tho.




....




Nilaithawhtan ani a, zingkar hma zet ah ka alarm in min ti harh a, ka in perhtho nghal vat. Ka Rihdil kal tur hi ka helhhawlh em em chu ani mai sia.






Tei nen a in anga kan lei Tshirt eng vat mai leh kekawrbul dum loose deuh hnak ha in darthlalang hma ah ka ding a, ka duh ai chuan a chhing deuh na in vawiin ni a hak atan kan lei ve tawh si a, ka ha mai aniang chu. Sneaker dum ka bun leh meuh chuan ka inpeih der!




Hriatan min rawn lam kual dawn avangin inpeih zet in ka lo nghak a, ka nu leh pa pawh ni dang zawng aiin an rawn tho hma.





Chuan Uzothana pawh!!!



....


Inla fel zet in Vanlalhriatan ka thawmhnaw a khai chhuak a, "a va rit ve rangkachak i keng teuh a mi" ala ti hram zui!




"Tu tu nge chuang dawn che u"





"Tei kha ania i hria tiraw? Chuan Rempuii ani bawk a ani pawh in hria anga, kan thianpa Maruata fel deuh ani bawk ang a chuan Hruaian Puipuii leh Rindika a rawn phur ve thung ang, kan ngaihtuah awm loh ania muangchang in kan tlan anga ahmanhmawh thlak loh bawk a.. " Vanlalhriata inla fel lutuk chuan ka nuih a ti za zawk e a.




Ka nu leh pa pawh an bu ve nghut nghut mai, an rin hmel viau in ka hria.




Ka nu leh pa te nen kan inthlah zawh in a hma seat ah ka thu lut a, kawtzawl a Uzothana ka hmu thut chu ka phu zawk, a rawn chhuah ve lai reng reng ka hrelo.





Kalbo hlen se ti niawm tak hian min melh in ka hria, ka awm a nuam lo leh nghal vek!





.....


Ka zin chhuak ngailo bawk nen kan tlanpelh khua te chu ka chhinchhiah hleithei lo, khaw hming mak deuh deuh kan tlan pel tih zawng ka hria.





Champhai kan thlen chuan a tlai ruih tawh a, thian ho a kal kan ni bawk nen kan la ri chel chul thei tho.






"Avawt em i in ha bul si" ka melh nghal nghek! A nui suk ringawt!





"Tak tak in i inhmeh"




"Vanlalhriat! "





"Enge! ".





"Kawng chiah kha en rawh"





"Awlee...... "




"Nangni pahnih hi in ni nge nilo" Rempuiin a rawn ti nghal vat




"Ni e"
"Teuh lo" kan ti rual nghal thawt.




.....



Thil ei bak in kan chawllo a, kan tluang bawk nen zan tir lam ah Rihdil kan thleng a, Vanlalhriata bak ah Rindika kal thang anni bawk a buaina kan tawk lo bawk abnuam tak ani.





Kan riah na tur cottage ah kan in dah fel a kan inbual fel meuh chuan a tlai ruih tawh!





Ka nu leh pa in min chah uluk bawk a a zankhat na ah chuan beer pawh ka in lo hrim hrim.





....





"Tho teh! "




"Ka chau ania ka la peih lo" ti nghek in ka in lukhuh lehnghal




"Nute! " ka dar ah a rawn sawi leh nawk nawk a ning zet in ka thaw nghal hawk





"Dar engzat nge a? " ka mut la chhuah dan chu pui tak ani





"Dar8 a ri tep tho vat teh"





"In duh leh thil lo zu ei ru"




"I u a rawn kal a nia"





"Maw? " ka thu chhuak nghal zawt



"I Uzothana a rawn kal"




Mak ka ti lutuk hi sawi ngaihna pawh ka hrelo.





"Khawnge? Enge ngatinge" tho chhuak in slipers ka bun nghal sawk sawk





"Ka hre biklo a rawn zawng che a mak ka ti rap mai".





Rang zet in ka chhuak nghal rawk rawk a, kan riahna thlang a Uzothana lo ding reng ka hmuh chuan mak ka ti leh zual.





Kei ai mah in ka thian ten mak an tihhmel zawk!





"Ka rawn hruai dawn che" a bul ka thlen rual a alo tih leh lek phei chuan ka hlauthawng zawk hial, in lam ah thil thleng a awm anih ka ring hmiah





"Ngatinge? "





"Chhungkaw buaina , han insiam rawh let nghal angai"





"Maw? " hlauthawng zet in ka ti nghek a, a hmel nelawm loh zet ka hmuh rual in ka bu leh nghat.





Ka thiante thil awmzia ka hrilh chuan pawi an tih hmel teh e. Ka inthiamlo zawk hial, mahse kan duh vang ani bik silo.





Min let pui an duh hial a mahse Uzothanan a ngailo a tih avangin kan let san ta hram.





Nimin nileng in motor ka chuang tawh a, ka chauh zia chu pui tak ani.





Ka nu call tum in ka phone ka hmet a
"Call suh ka be tawh" Uzothanan a rawn tih leh hmuk avangin ka be leh ta lo.





A motor khalh lai chauh ngaihtuah ni awm takin hma lam a melh ngur a, kan pahnih chauh a motor chuan dun hreawm zia chu pui tak ani, hetiang ni hi thleng leh tawh ngailo se ka ti hial.





Biak ngam in a awmlo bawk a ka chau bawk nen ka muthilh san ta daih!.






.......





Motor horn ri in min tihharh avangin peih lo zet in ka meng chhuak a, ka lu a hai deuh bur mai.




Motor a ding a, driver seat ah Uzothana athu lo tih ka hmuh rualin ka thu tha nghal rawk rawk!





Khawi ah nge akal? Dar engzat nge nitawh?





Ka phone ka phawrh chhuak nghal rawk rawk a, dar thum a ri tep! Engtin nge hetiang emem a rei hi ka muthilh theih zawk le?




Ka signal lah a bo hmak mai bawk si.





Motor atangin ka chhuak a, a hnung lam a Uzothana lo ding ka hmuh chuan ka thaw deuh hawk thei! Helai hmun reh lutuk a mahni a awm chu ngaihtuah pawh ka ngamlo




"Khawilai nge kan thlen tawh le? "



"Champhai kan pel chiah"




"Maw? " mak ti zet in ka ti nghek a, min chhang zui lo.





Darthum a ri dawn tawh a, champhai kan pel chauh bawk si kan tlan muang viau tihna nge kan chawl rei tawh viau zawk!






"Signal ka neilo a min ngaihtuah viau ang"





"Ka be zo chiah" a rawn ti leh sup biakzui ngam loh hian ngatinge a awm zel le? Zinkawng hreawm ber anihhi.




Engmah sawi lovin motor ah ka thu lut leh a, ka riltam bawk nen eitur ka kawl ang ang chu ka ei nghal bawrh bawrh, Uzothana chu a duh leh amah inngaihtuah mai rawh se, ka ngaihtuah peih lo a sual emai.





Zing khawvar ah Aizawl kan lut ve chauh, nileng zankhua in kan tlan. Engtin nge chutiang em em a rei kan tlan theih ka hre bik lo!! Ka muhil ka harh apiang in kan lo ding ve ziah bawk! Amak ani tawp mai.




.....




"Ehe... " Tpin min hmuh rual in alo ti vat a




"Khawnge ka nu" ka ti nghal vat thung





Uzothanan ka bia a tih avangin ka be ve ta miah lo bawk nen hlauthawng tawh tak ka ni.





"Nute... Zothantluang leh! " ka ni in min hmuh rualin a rawn ti nghal nghek a, a hmel amak tihna langchhuak chu ka hmuh hmaih biklo





"Ni enge thleng a, i tha maw? Khawnge ka nu leh pa... "





"An la mu a ngatinge i lo haw thut.. " Tpin a tih rualin ka ni in "Tp thingpui va lum rawh" alo ti nghal vat





"An la mu maw? Engkim a tha em? "





"Aw a tha lawm ngaihtuah suh i thawmhnaw hi dahfel phawt ang aw" ti leh ka bag khai a rual nghal.





"Engkim a tha tak tak maw? "





"Lo kal rawh ka hrilh ang che" a ti sap a, ngaihthalo zet in ka pindan ah ka zui lut ta tho.





( Zanin chu angaihnawm loh eee keipawn ka ti!!!! A story ah kan lut chho tan tawh dawn eee... Inngaihdan te lo sawi ve ru awwww.... )

[Ngaia]

KA UNAUPA - 5
BY ESI TAYLOR






"In rawn tluang em? Zothanan a rawn hruai leh nghal che bawk si! " ti sap in ka thawmhnaw a la chhuak nghal zung zung a, ngaihngam lo zet a ka ding min hmuh rualin "lo thu teh! " a ti nghal sap





"Ka hrethiamlo tawp kan kal dawn khan buaina a awm silo a, chuan Uzothanan min rawn hruai thut bawk sia engmah a sawi chiang bawk silo a... Ngatinge enge thleng a! "






"I chau em? Va inbual phawt la i ril a tam viau in ka ring" ka zawhna lo lutuk a min chhang chuan ka lung a ti awi lo lek lek zawk. Uzothana lah engmah zawh ngam lohvin a awm bawk a!





"Ka ni sawi phawt teh ka hlauthawng ania... "





Min chhang mai lovin hma lam a en ngar ngar a, thawk a la nghal kawk!





"Zothantluanga tak hi chuh! " zawi zet in ti sup mahse ka hre pha tho.





"I nu leh pa te an inhau a.... "





"Maw? Ngatinge? " ka ti nghal nghek





"Ka hre biklo, diktak chuan an inhau nasa lutuk a, inthen hial te an sawiin ka hria chuvang ania Zothanan a rawn hruai che... "





"Ngatinge? " mangang zet in ka ti leh nghal vat





"Emgmah ka hriatpui lo, mahse Zothana rawn kal hnu khan an sawi fel leh ta vek sia tullo pui ah i rawn haw angaih phah a.. "





"An fel leh vek tawh maw i sawi awmzia chu inngeih deuhvin an awm leh tawh i tihna a ni emm"





Min chhang mai lovin min en ngar ngar phawt a, rei zet hnu ah a lu a bu nghut.





"Chuan... "





"Nute i nu leh pa in i rawn haw phah tih an hriat chuan pawi an ti dawn lutuk a, an in hau tih hrilh che pawh hi an duh miah lo ang...! "





"Chhuanlam ka siam mai ang! " ngaihtha lo zet in ka ti sap a, ka ni hmel ah inthiamlohna ka hmu tlat in ka hria, dawt min hrilh anga ka ngai tlat pawh chu ka duhlo hial.





"I chau ngawt ang! " boruak thlak tumin a rawn ti leh sap a, inbual ka duhthu ka hrilh hnu ah min chhuahsan zui nghal.




......





Ka nu leh pa te chu eng chungchanga inhau nge annih ang, hmel hlimlo an inhmuh takngial pawh ka la hre miahlo.





Min haw em em tu ka bul a awm peihlo ber Uzothanan min rawn hruai haw tak hial ni!!




Ka inbual chhung zawng ngaihtuahna mak pui pui in min tibuai ani ringawt!



......




"I lo thleng tluang maw ava zia lo ve... " ka pa in min hmuh rualin alo ti nghal vat a




"Nia..! " ka nui tawk tak!




"I assignment submit hman lo chu a pawi hle mai maw thil tih fel zung zung zel i ngai tihna anihkha" ka nu in arawn tih chuan hrethiam lo zet in ka ni ka melh nghal haw


Eng chhuanlam pawh lo hmang se apawi lo vek tawh mai.




"Nia Saturday mah nise email in ka thawn mai ang min hrethiam a" ka ti bah niai




"Nia a fimkhur tawh dawn lawm! " ka ni in nui chung in a rawn ti hliaia, a tu a te pawh chu kan nui der hram hram vek mai hian ka hria.






Chaw ei lai tak ngial pawn Uzothana nen kan inbe lo, min rawn hruai haw angai chu pawi ka ti, min hne zual phah leh ngei hial ang chu.




Ni hnih ngawt motor a chuang ka ni bawk a, ka chauh zia chu sawi ngaihna pawh a awm lo. Ka nu leh pa te chhuah dawnin assignment submit tur angin ka insawi a, ka mu zui nghal.



.....




Lu na bur in ka tho chhuak a, khua a lo thim tawh! Ka chau em a thil mak pawh ani lo e.





"I ril atam em chaw kan lo eisan che a" Tpin min hmuh rualin alo ti vat a, ka lan dan zawi zet a hmuh rual in min nuih nghal hak hak





"Khawnge ka nu te! "





"An pahnih in an lengchhuak ve tehmial"





"Ve tehmial a! " ka ti ve sup. Zan lam ah hian an chhuak ngai meuh lo tlat.





"I ni chu a awm kha, chawei ka siam dawn em? "





"Ummm siam ang! " ti sup in ka siam pui leh nghal zung zung. Ka mu nasa bawk a zanin chu ka muhil mai mai thei lo tawp ang le.




"I ei tui em? "




"Umm e chuan Tp ka zin lai khan thil thleng a awm em? "





"Awm pawh ka hre lo ngatinge? " hriatthiam loh hmel zet in a rawn ti nghal hu!





"Ka nu leh pa te ah thil danglam a awm em? "





"Chutiang ka hre lo, nangmah zawk hi ngatinge i rawn haw hma thut a? "





"Nia college lam pang ah thil tih felloh ka neih vang ania" ka ti sup ringawt! Engmah a hre ve lo anih dawn hi!




..


"E nute chaw i ei maw? " ka ni choka ah rawn lut in tui in tur a rawn la chhuak a, common room lam ah tawng bul bul thawm ka hriat avangin "tunge? " ka ti vat thung





"Ka thiante an lo leng a! "




"Ehhh bialpa maw? "





"Teuh lo teuh lo ka nau mawle! " nui ar ar chung in a chhuak zui a, a bialpa a ni chiang mai.





"I thiante nen in rawn haw nghal vek ami? "





"Aw an lo haw mek ang anlo la thleng lo maithei kan be nghe nghe teh ang! " ti sap in ka tho zui a, ka pindan ka pan nghal vat





Balcony ah chhuak in thlifim ka in chhem tir a, thil thleng chu hrethiam vek lo mahila engkim a that phawt chuan a lawmawm emem a ni mai.




"Lalchhandam! " ka call a lak rual rual in a rawn ti nghal, an chau ve thei lo nge a la bengchheng em em zui bawk a



"Vanlalhriat in rawn thleng tep tawh em? "





"Motor khalh tu kher hi min rawn bia a..min va ngai awm ve. " ka ner nghal nawk




"Anih chuan Tei kha ka lo bia ang"





"Minlo hmuak dawn ami? Selling kan rawn pel chiah"





"Maw? " mak ti zet in ka ti nghal nghek!





"Minlo hmuak rawh aw.. "





"Dar engzat ah nge in rawn chhuah a"





"Zingkar hma tak ah mawle.. Lo bengchheng su " a ti leh nghal lawng lawng, be zui lovin ka off ta ringawt!





Ngatinge Uzothana nen khan kan tlan rei bik em em le? Nileng zankhua in kan tlan bik tak tak! Amak ngawt mai.





.....




Common room a ka ni leh a thiante lo nui hawk hawk chu pawh in thingpui an duh leh duhlo ka zawt a, ka ni in min inhmelhriat tir nghal vat.




A sawi ang tak in a thian mipa pahnih te chu amah aiin an naupang zawk tih an hmel ah a lang renga, pakhat erawh chu patling a ni tawh ngei thung ang!





Thingpui lumsak tur in choka ah ka lut a, Tpin a lo lum mek, inthiamlo zet in thupha ka chawi ta ngawt! Ka chaweina pawh kha engmah sawilovin ka thawh san ringawt tawh bawk.





"Tunlai chu Uzothana mood hi a fuhloh hmel thei ka ti"





"Fuh lai anei a mi? " ka lo ti vat thung.




"Ani tho a, mahse ahma zawng ai khan a hlauhawm "




"Melhrum hrep zel rawh"




"Ka ngam teuh lo, chuvang ania i awm loh chuan ka khua a har vek zel chhuak vak tawh lo la.. "





"Ka hlau ve tho lawm nakin ah kan la rel hrep dawnnia" a nuih a la za em em lehnghal!





Ka ni te thianho thingpui ka pe a, choka a ka luh leh rual in "an lo call che! " Tpin alo ti nghal vat!





Tein vedio call in minlo call chu ni in, phur zet in ka chhang nghal!





Motor chhung chu a thim deuh ruih a, an thawm erawh a ring hle!





"In chau ve thei lo mi? " ka ti nghal nghek!




"I haw daih a i chan nasa lutuk. Mahse Vanlalhriatan thil te te alo hawn che"





"Yeass ava fel tak em? "






"Lalchhandam min biakthat viau angai ang" Vanlalhriatan a rawn ti lawng lawng a, a mah ka hmu ve thei lo thung.





"Rawn peng ula thingpui ka lo lum ang che u "





"Kan peih lo kan chau " .




"In chauh loh tawp kha"





"Min ngai ami! Lalchhandam. Min ngaih chuan sawi la ka rawn peng ang" Vanlalhriat an arawn ti leh nghek, Tpi pawh ka bul ah alo nui ve char char





"Ka ngai thlawt lo che"





"Min ngai anih kha, lo la mu suh "




"Chu Vanlalhriatan lo la musuh atih chu aw.. A thil hawn a rawn khiuriu dawn che niang" Rempuiin a rawn ti leh lawng lawng a, an phone a che nasa bawk si an mahni pawh ka hmu thei hlawm lo.





"Okay naktuk ah inhmukhawn ila report pe angche u"


"Bye bye! "




"In thawveng sia in accident ange! " ka ti zui hram. Ka thiante bul a ka awm hi chuan a lungngaih hmanloh tak tak, kan nawiin kan ho em em reng hi ani ringawt.





"Khapa kha i bialpa a ni tak tak ami? " Tpin a tih rualin




"Bialpa i nei maw? " Usangpuian a rawn ti sup, ka phu leh nghal zawk!





"Enge khatah ngawi renga ilo din a" ka ti nghal nghek!





"Ka ngawi kher lo nangman i bialpa i be tui em anih kha" ka hma a chair pawtchhuak in a rawn thu zui a,




"Zanin chu i nau hi kan rim teh ang i duh leh lo va mu rawh" Uzothana pawh a awm ve tih ka hre chiah. Engmah sawilem lovin Usangpuia bul ah a rawn thu thla ve vut tho.





"I zin report han pe teh! "





"Anuam hle.. " sawi teuh ka tum uk na in Uzothana a awm ve avangin ka tawngduah ngam leh tawh lo.





"Bialpa te nen a zin ho te chu anuam ang chu" ka lei ka chhuah khum zuk ringawt!




"Ka mu dawn! "




"Ka rawn rim che ti tia, thingpui va lum teh! "





"Ninawm e" ti nuah nuah chungin ka tho chhuak a, Tpin min chhuahsan nghal daih bawk!





"Nute.. "





"Ummm"





"Bialpa i nei ve tak tak ami a? "





"Neilo"




"I u a awm vang in i sawi ngam lo animaw? "





"Teuh lo mai"





"Ani tak tak maw? " hawi let in ka melhrum nghal nghek





"Taktakin bialpa ineih kan la phallo ania, star tu che ka hria a... " Uzothana thaw ri hak ka hriat avang in ka chhang zui tawh lo. A thiante ka biak ve vak a duhloh thu min hrilh tawh miau avangim Usangpuia pawh abul ah chuan ka be tam duh tawh lo.







Thingpui ka pek hnu ah ka pindan ka pansan a, mut ka tum uk uk a, a la chhuah hlawlloh avangin balcony ah bawk ka thu chhuak leh ta ngawt!




Vanlalhriata te lo thlen chu lo nghak ila a tha ang!




....



Kan gate kawt a motor rawn inhung ka hmuhrualin ka chhuak nghal vat!




Ka ni inleng te an la haw lo a, Usangpuia a la haw lo bawk nen Vanlalhriata nen a min hmuh dun chuan kan inngaizawng ah an ngai nghet hmiah mai dawn a apawi dawn lutuk!





"A va chauh thlak ve! " a motor a tanga a rawn chhuah rual in a ti nghal sup a, a sawi ang takin a chauh hmel khawp mai, alan dan a pawr fap mai.





"Haw la i mu vang vang dawnnia"




"Nia ka chau reuh lutuk, beer ka rawn hawn che a naktuk ah ka pe mai dawn che mi? "



" i rawn kal tawh a tun ah min pe la" ka hawi kual nghal zak zak, ka nu leh pa emaw tu pawn min hmuh ka duhlo.





"Bottle khat chiah ka pe ang che, abak chu naktuk ah or kan inhmuh leh hun ah"





"Okay! " ka ti nghal hliai.




Thianho a kan awm khawm chang in beer in zeuh zeuh kan ching a, rui khawp in kan in ngai lem lo thung.



.....



Balcony ah thu chung in Vanlalhriata beer minlo hawn chu ka in a, boruak anuam bawk a, a hahdamthlak ani tawp mai.




Ka nu in mipa lak a fimkhur turin min duh em avangin ka theihtawp in ka nun ka uluk ve thin a, higher kan kal chhoh lai te khan min duh tu te leh keimah ngeipawn chhelo tih leh vei ruk em em ka nei ve fo a, hma han lak a han puitlin tak tak erawh ka nu vang bawkin ka ngam thin lo.





Ka nu in phone ka neih kha a phal har em em a, khavang khan lehkhathawn ka dawng fo thin anihkha. A tu amah ka chhang let ngailova, tunge tih ka hriat loh hnen atang pawn ka dawng fo mahse hriatchian tum a hmalak ka tum ngai miah lo thung.





Tun hnu ah hian ngaihzawng neih ve chak chang ka nei ta fo mai, chhungkaw buaina te, ka harsatna te pangchang tak a hrilh a min hnem tu tur ka duh thin. Vanlalhriata hian min duh tih hre mahila inngaihzawnna lam feelings ka nei thei bawk silo.




"Enge i tih? " Uzothana hmel nelawm loh lutuk ka hmuh rualin ka ding chhuak nghal zawk! Ka bottle ken lai pawh ka thlauh nghal tawp!






Ka inzo deuh thaw tawh a baw tur a awm lo hlauh a, bottle a keh lo pawh chu vanneih na vek ani tho.



"Kawngka ka kalh amaw ka tia... " ka ti bah nghal nawk



"Beer i in maw? " hlauthawng zet in ka melh nghal, ka nu emaw a hrilh anih chuan ka chan tur chu chhe tak ani.





"Nia ihh... " phat ngaihna awm tawh hek lo. Mahse ngatinge ka pindan ah arawn luh ve ringawt!






"I bialpa laktlak loh zet khan beer in tur a rawn pe vel che amaw! " ngaihnep hmel lutuk in a then sak a, ka tim nghal uai uai





"Enge i rawn tih?? "





Eng ang pawn ngen mah ila a sawi chhuak vek dawn tho, chuvangin ka ngen lo hulhual ang!





"Vanlalhriata kha maw i bialpa chu! " ti khur dawt dawt in a rawn hnai a ka tawlh hnung nghal vat thung





"I nu ang chiah nge i nih i nu aia nasa zawk? " ten hmel zet in min melh a, kei min hua a nih chuan pawi ka tilo mahse ka nu chungchang a sawi tel ziah thin hian min ti na thin tak zet!





"Lalchhandam" a rawn ti leh nghek!





Chhang lovin ka melh let kar! Dik tak chuan melh let tur pawh hian ka huaisenna zawng zawng ka hmang ral vek hial ang, chhanglet tur in huaisenna dang ka neilo.


Kun hniam in ka bottle thlauh tak kha ka chhar a, chhuahsan vang vang ka duh!





"Khawi ah nge i kal dawn? " ka banrek a rawn man in min phih let nghal dawrh anih chu, hlauthawng lutuk in ka te nghal that!




"Ka biak che kha i hre lo a mi" a rawn ti khur leh dawt




Engvanga thinrimna tur zawng reng nge maw a nih le?




Ka ning ka hne takzet!





"Enge i hriat duh ber chu? " ka banrek a chelh na thin thlak tum in na zet in ka ban ka vai nghal nghek!





"Ka zawhna zawng zawng chhanna kha ka hre duh! "





"Ka nu ang ka nih leh nih loh maw? Ka nu aiin a let in ka tha lo zawk chuan Vanlalhriata kha ka bialpa anih leh nih loh i hre duh bawk a tiraw? Ka duh duh ka ngaizawng ang engkim ka hrilh kher che angaihna ka hre lo, hrilh tur khawp che in ka ngaina lem lo che" thaw miah lovin ka sawi nghal vek!





A bek a thisen zam pawng tawlh tawlh chuan ka thinphu a ti rang nghal dawt dawt a, inthunun tum in ka kut ka humruh tang tang thung!.




Chaltlai deuh a ka chhang chu ka inchhir leh nghal!




Ka hlau, hepa hi ka hlau takzet ani tawp mai.





"Chuti maw? " a rawn ti nghut!




"Ka.... Min hne a min hmu peih lo anih chuan ka hlat ah awm rawh keipawn ka theihtawp in hlat che ka lo tum ang, kumkhua in he in a awm hi ka tum reng reng lo.... Ka kalbo theih hma chu khawngaih takin ka lak ah sual lutuk tawh suh.. I engmah ka tibuai lo ang ka tibuai ngailo ang che harsat na pawh ka siam lo ang che tih ka intiam e"






Inhma tawn in kan ding a, a chesawn eih lo! Kei erawh ka kaihza tha a khur dar dar thung!





"Lalchhandam" a rawn ti leh sup




"Anih loh pawn i theilo anih chuan ka pi te bul ah ka awm mai ang, ka nu tal hi chu harsatna siam miah suh.. I hmuh phak loh ah ka awm ang i duh dan.. " ka sawi zo hman lo nghet lutuk in min rawn kuah !





Hamhaih zet in ka ding khawng nghal at!





"Khawi ah maw i kal bo ang" a rawn ti sup a, ka hamhaih lutuk avangin ka ngaihtuahna ka hmang mai theilo.





Min kuah! Zothantluanga hian engvangin nge min kuah????


Ads i la click ve lo a ni maw? A hnuaia ads milem khu lo click ve rawh le


(In comments chhiar hi ava nuam thin em!!! Buai chung chung pawn phur takin min type tir leh nge nge thin ! Fakselna ang deuh khan insiamthat ka ngaihna lai lo sawi bawrh bawrh rawh u... Likes leh comments mawlh mai kha aw... Click keuh pawh kha ka va duhthawh sawt em!! )

[Ngaia]

KA UNAUPA - 6
BY ESI TAYLOR







Min kuah! Zothantluanga hian engvangin nge min kuah????





"Sawiteh khawi ah maw i kal bo ang? "





Min kuah ngheh em avangin a lungphu dawt dawt ri pawh ka hre thei hial!





"Ka tihbuai phak lohna ah che... " ka ti bah nawk! A awm dan hian min thawng lutuk a nichin a ka rilu nat na te kha ka theihnghilh vek hial in ka in hria.





"Khawi ah pawh awmla min tibuai zel dawn tho" a rawn ti thawp sup.





Min kuahna a tanga tal chhuah tum in ka kut in a awm ka nem a




"Che suh! " a rawn ti nghal hluk!





Hepa hian enge a hriat a! A awm dan hi ka hriatthiam phak bak a ni.





"Uzothan! "





"I u ka ni lo tih kha vawi engzat nge ka sawi dawn" ti hluk in min kuahna a phelh a, a hmel tak run chuan chi ai hmel a pu ve deuhvin ka hria





A ban in ka koki a rawn vuan a, hnai zet ah min bih leh nghal run





"I u angin min ngai suh" chiang zet in a rawn ti leh sup!





Sawitur reng reng ka hre lo! Min kuah khan kan inkar chhia te a siam tha dawn emaw ka lo ti hman a, ka ring sual a ni.





"Ka thusawi chu i hre chiang em? " a rawn ti leh nghut!





A nau anga min pawm duh lo tu hi u anga ka en tlat chhan tur a awm biklo.





"Ka hria i nau ka ni lo" chiang zet a a mit a en in ka ti let a




Ka dar a vawnna chu na zet in a rawn hmer zui a, ka then nghal sawk!




"Kalsawn rawh nangnena buai hi ka duhlo"




Ka dar veilam a vawnna kut chu dahthlak sak tum in ka ban a, rang lutuk in ka kut a rawn chelh bet nghal!




Inrinna hman a awm eih lo, a mah si chet in min pawt hnai a, ka nek nghal rawk rawk!





Hnai lutuk ah min rawn bih a




Min fawp anih chu!!!!





Duhthawh lutuk in min fawp nghal bawrh bawrh!





Engthil tehhrep nge a tih hi!





Ka theih anga nasa in ka tal nghal chiam, tha ah ka hneh lo lutuk chuan min ti mangang bawk nen ka mittui a rawn parawl nghal tun bawk!





"Lalchhandam che suh!" A tih rual rual in ka theih ang tawk a na in a hmai ah ka beng!


A nui suk a nih chu!





A rapthlak zawk!





Mittui tling khat vek chung in ka kut ka humruh nghek a, engah mah ngailo tih hriat zet in a hmai a tuai nghal puat.





"Chhuak rawh! Tun ah chhuak rawh! Ka u i nilo a, ka bialpa i ni bawk hek lo! I duh duh a i khawih theih ka ni lo .... Chhuak nghal rawh" ka theih ang tawk a ring in ka au chhuak nghal nghek!





Chawp leh chilh in a hmel lan dan a inthlak nghal hlawk!





A mitmeng sen rum leh a bek a thisen zam rawn pawng chhuak tawlh tawlh te chuan ka chhungril a tham a, hlauhna bak ah thinrimna in ka taksa hi a fan chhuak vek!





Ka mittui a rawn baw nghal zawih bawk!



"Engthil nge thleng! " ka pa leh ka ni ka pindan ah an rawn lut tih hre mah ila en pawh ka en lo, mittui kar atangin luhlul zet in Zothantluanga chauh ka en ngar ngar!





"In inhau em ni? " ka pa in nelawm loh zet in a rawn ti nghut a,





"Beer in in dun a in inhau tihna em ni? Zothantluang chhuak teh nangpawh, Nute nangpawh engthil nge i tih tak mai! " ka ni in hlauhthawn hmel zet in a ti nghal ruai a





Engmah sawi lo leh tumah melh zui eih lovin a chhuak nghal!





Engthil nge a tih tehhrep kha!




A chhuah rual in khum ah ka thu thla nghal dawt!





"Mu rawh nangpawh naktuk ah kan sawi dawnnia" ka pa in lungawiloh hmel zet in a rawn ti leh nghut a, chhan pawh ka chhang lo.





"Sawidun i duh em? " ka ni in a rawn tih chuan ka lu ka thing nghal nawk !





"Umm mu rawh aw" ti sap in ka sam a rawn chul thuak a, min chhuahsan tih ka hriat rual in mangang zet in thawk ka la nghal kawk kawk!




.....



Chawei laiin ka pa in kan unau inngeih taka awm tur a min duh zia sawiin thu tha tinreng min hrilh mawlh mawlh a, kan buaina tak hria an awm miau loh avangin ka ngaithla liam vel mai mai.





Uzothana phei chu lungtum ang hmak, awmve lo emaw biak loh ang chiah a ni mai.




Nizan khan ka mu mang miah lo, ka ngaihtuah na a vak kual ruai a, min ngainep leh min hnuaichhiah lutuk chuan ka thin a ti tawp up up a, achang leh a pindan a va kal a va inhauh pui leh hrep ka duh hial bawk a.





Tun ah chuan min huat tluk zet in keipawn ka haw tawh!! Ngaihzawng vawikhat mah ka la neih loh lai a tihluihna a min fawp kha ka ngaithiam thei thlawt lo.




Mahse ka nu ka hmaizah em avang chauh vin ka pa thusawi te chu ka ngaithla a, ka bu leh nghat thin.



....




"Kan inhmukhawm dawn ta em? "




"Yeass inkhawmban ah inhmukhawm ang u! " Tein a rawn ti nghal vat!





Phur lo zet in inkhawm tur in ka insiam a, ka rilru tih thawven nan tal pawh ka thiante hmu ila a tha ang!




Chawlhni dang bawk in ka ni nen kan kal rual a, nizan chungchang min sawipui ka hlauh em avangin sawitur ka ngaihtuah char char ani ringawt!



Engtin nge Uzothanan min fawh thu kha ka hrilh theih teh lul ang, kei aia nasa in a thawng vek dawn! Ka nu hriat phei chu a hlauh in ka hlau zawk hial.




.....




"Lawng atang a ka tlak teuh zia chu maw! Lalrindika vangin ka thi tep mawle ka hlauh zia chu! " Rempuiin a ti lawng lawng a




"Tla mahla ka chhar hman dawn vang che lawm kha tia ka tih" Rindikan a rawn ti nghal nghek, kan nui ho leh nghal dar dar!





Tei te in ah kan inhmu khawm a, inkhawm ban ah in a haw tawh lovin Vanlalhriata nen Tei te in kan pan tlang nghal a, midangpawh inkhawm bang rawn tlang nghal an ni ve vek bawk.




"Chaw ei khawm nghal daih ang u" ka tih chuan an lo phur nasa mai. In a let leh a Uzothana hmel hmuh ka peih loh em vang a ni.




Nizan khan ka pi te in a kal nghal rum rum ka duh a, ka nu ka ti hrilhhai dawn em a ka ti ta lo mai chauh ani. Mahse kumkhua in saw in ah sawn ka awm reng thei dawn lo, pasal nei daih tur lah in ngaihzawng ka nei bawk silo. Ka hma hun ngaihtuah in rilru ka seng buai reng rih tawh dawn anihhi.






"Ke lawng in awm mai rawh u invai daih chapal ka nei lo" Tein a ti lang lang a, ka high heel bun lai ka phelh nghal sawk sawk,




"Nia in inbun san vang anihkha kelawng khan awm mai rawh u" Vanlalhriata tak hi chuh!





Puan bih reng peih ta lo chu kekawr bul nen kan awm suau hlawm a, Puipuii phei chu apuan bih hnuai a ahak alo bul fal deuh bawk nen a mawng alang lo chauh!





Tei hi anu nen chauh a awm an ni a, a pa leh a nau hmeichhia tho hi hna avangin thingtlang lam ah an awm a, a nu hi a fel bawk nen an in a chet vel hi nuam kan ti ber zel!






Sunday ani bawk nen zan inkhawm ban hun awm vel ah kan haw darh chauh hlawm, in thlen hma zawng kha chuan hlim zet in ka nui ar ar a, in chhung ka lut a Uzothana hmel ka hmuh rualin ka mood a in thlak leh nghal vek!





"Nuam bawk em? " Tpin a lo ti nghal zat a, lu bu nghat in ka nui lui sang





" i inkhawm lo ringawt a. Next ah chuan sunday a chhuah ka remti vak tawh lo ang" ka nu in alo ti nghal vat bawk.





Engmah sawi lovin ka bu nghal nghat a, inthlak tur in ka pindan ka pan nghal vat bawk.




.....



In thlen hma ka peih loh em avangin ke in ka haw hnak hnak a, ka kal muan mai bak ah a hlat tham em avangin thim dawn ah in ka thleng ve chauh!




Hahthlak viau mahse Zothantluanga nen a kan inhmuh lohna tur a nih phawt chuan ka duh zawk tho tho!





"Ngati em em nge a? " ka nu in pawn ah min lo hmuak chu ni in, ahmel a hlauhthawn hmel em em leh nghal!





"Library ah ka awm rei deuhhlek a! " thaw huai hmel a pu nghal




"Call i chhang thei si lo a, ka mangang hman alawm Tei lah in kan banna a rei tawh a ti bawk si a"





"Naaa... Ka ngaihtuahawm hleinem" ti nang nang in inchhung ah kan inzui lut a,



" i nu i ti mangang hman alawm" ka pa in alo ti nghal vat. A lo buai leh hman viau tak tak anih dawn hi.





"Phone i neih kha a tangkai lo tihna ania, call pickup zel tawh ang che" ka nu in ati leh hram.




In khat a cheng ho chu in pumpelh theih reng ni hek lo chaw ei in dawhkan kan kil thap a, khami zan atang khan vawi khat mah kan inbe leh tawh lo.





"Ka pi in minlo call a min ngai sia thlakhat vel emaw ka va awmphei ve lawk dawn mawni ka tia.... " inthlahrung zet in ka ti nawi niah!





Uzothana tih loh chuan mak tih hmel zet in min en nghal vek!

"I duh leh zan hnih khat te chu va riak ve la apawi hleinem, thla khat em em te chu i nu a awm thei nang" ka pa in a rawn ti sup a, min chhan dan chu ka beisei loh em avangin sawi belh mai tur hrelovin ka ngawi leh ran phawt.




Ka pi in min rawn be tak tak miau lo, dawt ka sawi tih an hrethiam vek ni mai hian ka hria. Uzothana nen kan inngeih hlawl loh vanga awmbo duh ka ni tih pawh an hriat tho ka ring, chu tak chu ka nu leh pa phalloh chhan tak pawh a ni. Awmdun a inngeih mai thei tur ah min ngai ani ngei ang!





Mahse an hresual, kumkhua pawn kan boruak a tha tawh lovang!





"I patea dinhmun a hniam riau a, keipawh Thenzawla zinphei rih ka tum lai ania i awmloh lehzel chuan a khawharthlak lutuk ang" ka ni in a rawn ti ve sap.





An phallo tihna!





Ka pa nau patea cancer vanga damlo chu a zual leh thut ani awm e, ka pa te hi Thenzawl khua an ni a, vawikhat mah ka la kal ve lo thung.




"Ava zialo ve" lunghnur zet in ka ti ve sap. Damlo zual kher lo se chuan ka pi te in a awm pawh ka dil lui tang tang duh ngei ang.





"In class chawlh lai ni phei se chuan kan pahnih in va zin ila ka duh tehreng nen" ka ni bawk. Ka nu leh pa hi kan puitlin hnu a innei an nih avang hian ka pa chhungte lam hi ka pawh vak lo bawk nen chhungkaw inhmuhkhawm vel ah te hian ka ni hian min hruai a tum zat zat zel.






"Nia tiraw! " ka ti leh sap tho.





"I pi in a ngaih viau che leh zan hnih khat chu va riak la, abak chu Christmas dawn ah te i va awmphei anga... " ka pa bawk





"Umm in thu thu nimai"




Uzothana ngawi reng a tho nulh chu kan en nghal thap, ka tan hian a inthlahrun awm thei tawp hi ani mai.



.....





Ka pi te in ah zanhnih ka riak tawh a, mak tak maiim nuam ka ti chuang hauh lo. Ka chhungril ah hian kim lo riau a inhriatna ka nei a, sawifiah thiam phak bak in ka khua a har a, ka mal ngawih ngawih.





"U i haw tawh dawn maw? " ka patea fanu kum5 mi hian unau dang ala nei lo bawk nen min ngai ve em em a, ka tlawh khat thin lutuk chu ka inthiamlo ru tun mai.





"Ka bul ah i. Mu duh bawk si lo a" min ngai viau chung hian ka bul ah a mu duh miah lo, a nu ka ngai ang a ti tlat zel.





"Nau neih dawn ah chuan min rawn awmpui deuh chawt ang che" pitein a ti nang nang a, a nau pai hian thla nga na a hmang ve mek.





"Dawn chiang e, mipa anih chuan ahming ka phuah dawn ka tih kha aw... "




"Nau i rawn awm reng peih dawn chuan"




"Chiang sa sakk" ka ti nghal nghek!





Ka nu leh pa min hruai tur in an rawn kal a, an pahnih kher a anlo kal chhan pawh an rawn len pah duh vang ani pakhat. An inneih hnu hian ka nu pawh hi a leng phei khat khawp mai.




......





"Khawi ah mah kalbo tawh lo teh i ni a awm bawk silo" Tpin a lo ti leh nghal nang nang, ka nuih tawp




"Kalbo tawh lovang"




"I ti ve ziah mai i awmloh chuan anuamlo i u Zothana lah hi a den tawlh tawlh a"




"Shhh saw alo kal" ka tih rual in inthiamloh hmel zet in a hmui a hup nghal chawt a, ka nuih nghal nghek!





.....





Class kan ban hma deuh avangin Maruata, Rempuii leh Vanlalhriata kan in ah an rawn peng a, Tpi bak in ah a awm loh avangin kan bengchheng hle.




"Lalchhandami thil siam chauh ka ei ang! " Vanlalhriatan a tih leh tlat tawh avangin eisiam in ka buai leh hle.




"I u alo haw har angem? "





"Vanlalrem vawi thum min zawt tawh! " ka ti nghek




"Nge ka hmu chak alawm" a ti leh hliai, keiin hmuh loh hram hram dan ka ngaihtuah ve thung a, a in an loh theih khawp mai.





"Alo haw hun hun ah alo haw ang, lerh zekzuk lutuk" Maruatan alo ti nghal nghek, ka nui chhuak nghal hawk. Maruata hian Rempuii hi a star ru ve em em a, Rempuii hian a awn thei ve mawlh si lo.





"Nui lo khan i thil siam ngaihtuah rawh a tui lo ange"





"Heivang hi lawm Vanlalhriata ang hi neih ka hlauh em em" rum zet a melh chung in ka ti nghek





"Min neih loh hi ila hlau dawn" inringtawk zet in ala rawn ti zui.





Thil kan ei laiin Uzothana leh Veni an rawn lut a, ka mood a fuh lo nghal vek!





Veni lah in tlangnel zet in min be nghal bawrh bawrh zui a.





Bialnu a nei reng sia, sual lutuk mai!





"Tp ka pindan ah thingpui min rawn pe mai rawh" Uzothanan a ti sup a, Veni kawng a kuah chung in inchung ah an inzui chho nghal.






"Naaa kha kha a bialnu maw!! " Rempuiin lunghnur hmel zet in a rawn ti sap a, chhang lovin inchung ka melh nghek ringawt.




Hruaia lah in Veni chhelo a tih thu a sawi nghal zat bawk!



Engvangin nge ka mood a fuh loh ve ringawt, Zothantluanga misual lutuk vang mai mai leh nghal!


...



Ka thiante haw hnu fe ah inchung atangin an rawn inzui thla a, Veni rawn nui ri hak hak te chuan min tihel tlat hian ka hre pek a!





Tpin chhuat a nawt mek a keiin furniture ka hru fai mawlh mawlh thung.





"Tp no seng nachang ngatinge k hriat loh" Uzothanan nelawm loh zet in a rawn ti nghut amih chu.




Tpin nuam lo tihhmel zet in min melh a



"I tibuai palh ang seng duh lo mai rawh ka ti nihkha" ka lo ti nghal vat.




Inngaizawng pindan a awm dun annih miau avangin hmuh loh tur tur a hmuh palh ka hlauh avangin an thil eina seng rihlo tur in ka hrilh tak tak bawk.





"Awiii sorry lutuk ka rawn keng thla nghal mai lova" Venin a rawn ti sap a




"Titur an awm alawm... " Veni biang tawk zauh pah in a ti dam thluam a, ka hawi sawn chiang teh e.




"Anih chuan Chhandam tun ah han seng fel rawh tihbuai tur kan awm lo" nelawm loh zet in a rawn ti chang fak!




"Ka han seng ang" Tpin a rawn ti rual rual in "keiman ka ti thei alawm" ka ti nghut.




Misual Zothantluanga melh eihlovin inchung ah ka chho a, a bialnu awm lai a khatianga intih kher te chu! ka thinrim lutuk hi ka puak lo chauh.



A pindan kawngka te chu ring thei ang ber in ka khar thuai thuai a, an hre pha dawnlo tih hre mahila ka thinrim hrikthlak na a ni tho.




Inhnuai ah ka chhuk a, ngawi reng in ka va sil fel leh nghal vek, an la inchhaih nui ar ar zui a. Ka luak an ti chhuak zawk!





.....



"Ka ning lutuk! " Ti nghek in ka assignment ziahna paper chu ka hrual hlawm nghal tawp tawp a, chhuat ah ka paih nghal thuai.



Ka ziah sual vanga thinrim nge ka nih Zothantluanga vang pawh ka hre tawh lo!




Ngatinge ka thil tih engkim hi a tihbuai em em zel ni???





"Nute! " ka nu hmanhmawh zet in ka pindan ah a rawn lut a, hawihai zet in ka lo en nghal hu!





"I patea tun mai ah khan a chatthla anih chu, insiam la Thenzawl ah kan kal nghal angai"




"Maw?? " ka ti nghal nghek!





"Lo insiam rawh aw.. Kan zan tlan dawn a in ha lum bawk la"




"Nu ka kal ve kher angai ami? " ka lo ti thung. Ka pa chhungte ka nel loh em avangin ka kal chak lo takzet.





"I kal angai" ti sup in min chhuahsan zui daih bawk.




Thihna vang chu nilo se ka kal miah lo ang, ka patea thi chu ka sun lo pawh anilo, mahse ka tan chuan thil hupphurhawm tak ani ve miau a ni.




"Zanin chu hetah ka riak anga, naktuk ah ka ni te in ah ka phei rih anga" Tpi ka lo awmpui ang tih hial mai ka duh




"Ni e, kan rawn let hun tur kan hre silo a, i duh leh hetah pawh ilo awm thei ania" ka pa in a ti sup a, Uzothana insiam zo rawn chhuak chu ka lo en daih thung.





Phone hmang in tu tu emaw an biak kual hnu ah Thenzawl pan in kan tlan chhuak zui a, ka pa in motor a khalh a, a hma ah ka nu a thu bawk nen. A hnung a thu pahnih te chu inhlat zet in kan thu a, kan inmelh lova kan inbe bawk hek lo. Zinkawng nuamlo tak a ni.




......


"Pa dinglawk teh! " ka tih rual in motor a ti ding nghal




Hmanhmawh zet in ka chhuak nghal rawk rawk, a thim bawk nen hnim ka pal phei deuh buan buan





Luakchhuak lutuk in ka uak nghal nghek!





"I tha em? " ti sup in ka chal a rawn dawm a, ka hnung a chul pah bawk, ka luak maithei bawk silo avan hreawm tak.





"Tui hi in rawh! " a tui bottle min pek chu rang zet in ka ban a ka in nghal khawlh khawlh!





"In tha em? " ka nu in a rawn ti lawng lawng a, "a rui deuh anih hi" Ka bul a ding Uzothanan a ti nghal sup.





"Ka la rui ngai miah lo a sin"




"Ding la! " ti sup in min kai tho a




"Thawk la rawh le" a ti dam leh thluam. A fel vel lutuk chu ka awmdan a nawm loh em avangin ka ngaihtuah hman lo zawk a, nilo se mak ti zet in ka en ngei ang.





"A zia deuh em? "





"Ka van chuang peih tawh lo tak" ka ti nghal tiau. Motor ruih chu sawi fiah phak bak in a hreawm!





A rawn nui ri hawk a "kan thleng tep alawm" a ti thum sup.



.....




Zanlai ah Thenzawl kan thleng a, ka patea te in bul chiah kan chhungte in ah innghat in ka nu leh pa chu ka patea ruang lumen pui tur in an kal nghal a.




Kei erawh ka motor rui ka chauh em avangin ka mu nghal tawp thung.



....




Ka patea vuina hun kan hmang zova, a tu a te pawh chu kan buai nuai nuai vek mai hian ka hria.




Ka pa lam a ka cousin ka rualpui te bul ah ka awm ve chawt a, haw hun mawlh ka nghakhlel.





.....





Zan lam ah thalai rual rawn kal khawm in kan zai ho a, dar9 rik hma in an bang a, an haw darh hnu ah inchhung kan phiat fai a, unau kan tam bawk a a khawhar thlak loh viau zawk an ti hial.





"Khawi ah nge dawr a awm khah! "




"Ahla vak lo i kal duh mi? " Remtluangin arawn ti nghal vat.




"Umm ka ril atam a"





"Kan kal dawnnia a hla lo sawlai lawk ah sawn a awm! "





"Imm purse ka va la lawk ang" ti sap in pindan ka pan nghal vat a, Uzothana khum chunga lo thu ka hmuh rual in ka phu leh zawk.




Be zui lem lovin ka bag ka hai nghal rawk rawk!




Hmun danga a riah daih avangin kan inhmu tam vak lo!





"Dawr ah kan kal dawn a duh i nei em? " ka chhuah dawn in ka ti leh hram!




Ka motor rui min buai pui hnu khan thenzawl thleng a dar a bei in ka muhil a, ka huat na kha tlem in a reh deuhvin ka hria.




"Neilo e" a rawn ti sup. Heipawh thil mak ani, pangai deuh hian kan inbe khat em a.





"Khawi ah maw in kal dawn" Remtluangi pa in a rawn ti lang lang a,




"Dawr ah kan reilo ang duh innei em? " a ti nghal zat.




"Ka lo kalpui ang che u" rawn ti tupa chu rawn kal ve lo tur a ka duh em avangin chhang lovin hmanhmawh zet in Remtluangi ka kai chhuak.




Za zet in min nuih hak hak zui.





"Ngatinge i type vak nange? "





"Sawilo. Mai teh! "





"Naa... Michael kha maw a fel reuh lutuk a sin an hausa bawk a" kan thlen zan chhut tel in ni thum chauh kan la awm a, min duh ngawih ngawih ang khan a rawn awm nghal. Ka awih loh zawng tak ani.





Ei tur thahnem zet leiin kan let leh a



"Ka lo nghak che u a" a thim bawk nen aw lo chhuak thut avang in ka phu leh nghal dawrh!




Min nuih dun nghal chiam bawk.




"Remtluang i unau nu hi thil hrilh tur ka nei a"




"Engmaw? "




"Aw ka lo va kal hmasa ang khawi.. " tih leh ka thil khai rawn ban a rual nghal




"Angailo kal biklo ang kal rual ang" ka ti nghal nghek




"Aw sawlai ah sawn ka lo nghak ang che u lo inkawm ve reng reng rawh u" in la zei zet in min la kalsan nul nul zui. Ka va han haw mai mai tak..




A kal chiah maw tih ah "hetah hian thu lawk ila" a la ti zui





"Ka hmanhmawh "




"Anih leh kalmuang tal la.. Min hlau ami? "




"Teuh lo mai"





"Engtik ah nge in haw ang"




"Hre biklo! "





"Ngaihzawng i nei em? " awii ka van ning tak




"I neilo tih Remtluangin min hrilh leh si" ka chhan hma in a rawn ti leh nghal der.





Chhang lovin ka kal hmawk hmawk




"I kalchak e kalmuang ve deuh tal laa" nui ri hawk chung in ka ban ah a rawn vuan a, min chelh ding nghal rawk rawk.




"Hey.. "




"Okay sorry min hlau suh, i kal chak lutuk a ka hah alawm" a rawn ti dam leh dup.




"Anih ka kal muang deuh tawh ang mahse ka kut hi thlah phawt la... "





"E ooo" a nui ri hawk a, keipawh chuti tho. Ka ngaih ang em em a zaktheilo chu ani bik lo anih dawn hi.





"Engthil nge in tih?" Uzothana aw ka hriat rual rual in Michaela a rawn hnek nghal ringawt anih chu!!! a pai nghal nawk nawk!





Ka rak nghal that!





(Awiii a va sei tak em!!! In duh sei bawk a ka type rei khawp mai ka tlai phah vek bawk, ka hmanhmawh lutuk a edit hman tawh lo aww.... )