KA UNAUPA By Esi Taylor (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KA UNAUPA By Esi Taylor (Completed)

Unread post by Ngaia » October 4th, 2020, 2:37 pm

KA UNAUPA - 25 LAST CHAPTER
BY ESI TAYLOR






"Engtin maw? " ka pa in a rawn ti nghut a, ka chi ai em avangin ka ngaihtuahna pawh ka hmang thei lo.



"Ka pa, nilo ka pi in vai a in phalna hi lak ka duh, ka pa hi ka pa anilo a, chuvangin kan inneih a rem loh na hi a awm lo. "




"Uzothan! " a hriattawk tur lek in ka ti sap a




Min en dan chu "hlauthawng suh! " a ti nimai hian ka hria.




Engtin nge ka hlauhthawn loh theih ang,an vai a an hmel te saw, an mak ti lutuk hmel te hi!





"Ka nu leh pa te inthen kan duh loh avangin kan inkar kan ti tawp tawh a, mahse tun ah chuan kan inneih a rem loh na hi ka hre tawh lo a ni, engvang mah in then ka tum tawh lo" a ti nghet leh churh!




Keichu ka thaw tawh pawh in ka in hre lo!




"In vaiin sawi ho ula, in thuthlukna min hrilh dawnnia! In rem ti anih chuan tun ah rum rum kan innei ang kan ti lo a, ka nu i fanu tan mipa rintlak tak ka ni tih ka lantir ang"




Ka nu a bu nghut a, kei chu... Ka awm dan hi bo daih ka la duh zawk tho.





"Tikhan lo sawi ho rawh u" ti sup in min en a, a nui suk!




"Inbe ve ang aw" a rawn ti zawi sup a, bangbo lutuk in ka bu nghat. Inchung lam ah min kaichho zui nghal.





...



Inchung zawl ah kan thu dun a, a vawh em avangin ka khur deuh dar dar a, mahse khawvawt hian ka ngaihtuahna a ti buai phalo.



Min rawn miah lo mai pawh anilo engmah a sawi lawk lo, engtin nge inneih a duh thu a sawi chhuah thut theih?





"Min zawh tur i nei em? " a rawn ti sup a




"Engpawh min hrilh rawh! " ka ti let thung




"Ka nu kha ka nu anilo a, ka ni hi ka nu tih ka hriat lai a ka ngaihtuahna hmasa ber chu maw tuman an duh loh ball ang mai a pet kual ka ang ka in ti em em a, dawt nise ka ti bawk! A chhan chu ka ni hi ka nu nitur in ka duh lo... "





Min en lovin ral lehlam a thlir a




"Ka nu kha la dam se chuan kan pahnih in kan awmdun anga, a ngaina in a duat ngawt ang che nangpawn i ngaina viau ang tiin ka ngaihtuah thin a... Hmusit tak a tawngkhum a hau reng tu che khu ka nu ni tur in ka duh lo hrim hrim.. Kumkhua in ka nu atan ka pawm ngai bawk hek lo ang"





"Mahse maw? " ti sup in min rawn en a




"Nangmah avang hian ka ni khu ka nu atan pawm mai ka duh leh ta zawk a ni"




"Uzothan! "




"A chhan chu ka bul a i awm theihna tur anih phawt chuan tu pawh ka nu nise pawi tih na ka nei tawh lo, tupawh ka pa nirawh se a pawi lo vek! Mahse... Ka bul ah i awm tlat ang tiraw? "



"Umm.. Ka awm reng ang" ka ti nghal tiau a, ka mittui a rawn tling khat nghal vek!





"Khawvel hian ka ni khu ka nu tih hre rawh se, ka bul a i awm theihna tur anih chuan engpawh ka huam, engpawh ka ti ang"





Rang lutuk in Ka kuah nghal!





"A tir kha chuan min thawng a, ka thinrim bawk mahse i hria em? Tun ah hi chuan ka lawm takzet a ni"




"Sawi tawh suh" ka ti nghal tiau





A tan a a harsat dan tur ka hrethiam vek, keimah vangin engkim a huam anih chuan keipawn engtik ah mah ka kalsan tawh ngai lovang.





Nghet lutuk in min kuah a,




"Kan inthen hlen dawn ni a ka ngaih lai phei kha chuan thih daih ka duh zawk hial a sin, ka nu ka chan tawh a, nangleh zel chan kha ka theih ka ring lo, mahse venhim che ka duh avang erawh chuan dam zel ka duh thung"



Ka mittui a rawn baw nghal zawih!




"Tun ah chuan thuthlukna ka siam tawh! Min rem tih sak emaw rem ti lo pawh nise thlah che ka tum tawh lo.. I hria em? " a rawn khur dawt a,




"Umm" ti tiau in ka bu nghal nghut nghut!





"Miten min sawi dan tur ngaihtuah lo la, kan pahnih kan nih chhung chuan engpawh paltlang ka huam, i bul ah awm in ka venghim tlat dawn che min ring em? "





"Ka ring che alawm engmah ka hlau lo"





"Ka hmangaih che" ti thawp sup in a inlahrang hlek a, duhthawh lutuk in min fawp nghal bawrh bawrh.




....





Kar lovah mi ten Uzothana leh ka ni chungchang an hre darh thuai a, an sawi zui na lam erawh kan bengkhawn tehchiam lo.




Mi zawng zawng in hria se tih kha Uzothana nen a kan duh dan ani hrim hrim bawk.




Mualpho huam in kan chhungten kan in kawp min remtihsak hnu phei chuan veng chhung a sawi zui hlawh ber kan ni ta nghal reng bawk.




Uzothana nen a kan awmdun theihna tur anih chuan tlaivar thak thak in kan chanchin lo sawi mahse a pawi kan ti lo.





...



Class kal ka ngaih avangin peih lo lutuk in ka tho chhuak a, tui lutuk a ka bul a mu ka hmuh rual in ka nui leh suk.




A ruk a ka bul a rawn mut hi engang pawn hau mahila a sim thei lo.




Midang in an hriat erawh ka hlau em em thung.





"Hey tho rawh! " ti sap in a dar ah ka sawi sak a




"Lo mu leh rawh! " meng miah lovin a rawn ti sup




"Tho vat la balcony atangin i pindan ah ka va lut rawh"




"Tun ah chuan ka tlak pawh i hlau tawh lo animaw? "




"Hlau lo va kal vat mai rawh" tih pah in ka sawi leh nghal nawk nawk




"Khua a en tawh hi mi in min hmu anga sin i hlau lo a mi? "




"Naaa.. " ti nghek in ka tho chhuak a, kawngka hawng in ka ni pindan kawngka a in hawn leh hawn loh ka en nghal duk duk





"Enge i tih a? "


"Min tibuai vek zan dang ah chuan rawn riak tawh miah suh, thawh i hrelo ropui si.. "



"Lo mu leh mai rawh" a la rawn ti sam et zui.




....


"Ehe i lo haw alaw? " Hlimpuia rawn lut chu ka be nghal chul a




"Umm ka rawn haw thei hram"




"I dam em? I tluang maw? "




"Umm mahse a khawharthlak a, khawnge midang? "




"An then an awm a, athen an awm lo, lo thu la thingpui ka lum ang che"




Nui hawk chungin a thu zui a, a kal hnu khan kan buai ta rum rum bawk nen a message kha ka chhang mumal ngailova, a reh zui ta daih kha ania.





Thingpui ka lumsak pe in a ep ah ka thu thla a, a hma ang bawk khan a zahawm leh thlup a, a bul a awm a hahdam thlak leh riau bawk.





"Christmas i hmang nuam tih a hriat mai i hmel a eng sar sar mai alawm"




"A awihawm loh e" ka ti nghal nghek.




Eng eng e maw sawiin kan ti ti dun a, kan nui dun leh hak thin.





"E chuan min zawh i tum silo a.. "




Hrethiam lo zet in ka melh nghal haw!




"Ka intiam ang khan hei ka lo hawn che! " ti pah in a jacket ip te a zen a




"I kut dawh rawh! " a ti leh nghal sup





Box tereuh te ka kut ah a rawn hmehbel chawt a, ka ang pham ringawt!





"Ka en nghal thei em? "




"Tehreng mai! " ti sup in thingpui a in zui a,





Bengbeh lian vak lo nalh zet mai ka hmu chu ka phu deuh zawk




"Heihi! "





"Bengbeh ka duh i tih kha"




"Mahse hei chu gold ani lawm ni! Ka la thei lo ang" ti sap in ka chhin leh nghal




"Engvangin maw? I duh zawng ka ngaihtuah buai nasa ania aw... "




"Mahse man tlawm deuh ka tih kha hei chu a to lutuk.. "




"Bengbeh i beh ngailo tih ka hria a, kha kha i beh chuan a na miah lo ang i lak loh chuan ka vui ngawt ang aw... "





"Mahse.. " ka ti leh niai a, hetiang laksak tur em em chuan kan inthiantha tawk lo.





"Thil engmah ka lo hawn tawh lo ang che" a tawn ti leh nghut a




"Anih ka lawm lutuk aw.. " ka ti ta nge nge.





"Ehe Hlimpuia chu" Uzothana a rawn lut a, ka kut a ka thil ken a rawn en hmasa ber




"Inhmuh a va khat ve tiraw? "





"Nia, i lo haw chu a van lawmawm em! Kan inneih na ah pawh i awm ve thei ang chu tiraw? " Ka melh nghal kawk!


"Nupui i nei dawn amaw? "





"Umm mahse a ni tur kan la tifel chiah lo a... "





"Ava lawmawm ve ka rawn kallo phal nang le, innu tur pawh chu hmuh a va chakawm ve"




"Kha i bul a kha! Nute engmah ilo la hrilh nange? " nui vur vur chung in ka dar a rawn kuah anih chu!




Hlimpuia hmel ah mak tihna alang chhuak nghal zut zut a, Uzothana ka melhrum nghal nghek.



..




"Khatianga sawi kher kha angai ami? A zahthlak e! Kan innei dawn tih pawh ala chiang lo" ka pindan a kan luh rual in ka ang nghal nghek




"Ehe... Min neih i tum nange.. " a hmui a rawn ti pawrh nghal vek anih chu




"I mak e!! Ka nei miah lo ang che"





"Han sawi leh teh"




"Ka nei dawn lo che" duhthawh zet in ka ti nghal nghek




"Ka phuar bet che anga ka nei tho ang che"




"Hmmm! "





"Khawimaw engthil nge inlo inpek a" tih leh ka kut a box ka ken rawn lak a rual nghal





"Khawi! "




"Bengbeh maw? Hei hian i rilru a thlak loh ngei ka beisei"





"Thlak se enge! "




"Lalchhandam nangte hi phuarbeh i duh tak tak ani maw? "





"Minlo pe vat mai teh" tih leh laksak ka rual nghal





"Khatiang kha i duh chuan panga ka leisak ang che"




"Hei ka nei tawh a, a dang angai tawh hleinem"





"I chal ah khan ka bialnu tih ka ziak dawn"





"Ka unaupa.. "



"Han ti leh teh! "





"Ka unaupa inih kha, ka unaupa" min man tum in a rawn kal hnai a, rang lutuk in ka tlan chhe nghal. Nui uar uar chung in kan in um kawi leh ta nge nge!



....






"Hetiang reng hi chuan in tan mualpho a awl zawk a, chuvang in a hma thei ang ber in innei fel law law rawh u"




"Engmaw? " ka ti nghal nghek




"Tak tak maw? " Uzothanan a rawn ti ve thung.





Ka graduate hnu ah chauh inneih min phalsak thu kha an sawi tawh sia, ka awih thei lo zawk





"Mizo dan angin i pi te hnen ah palai kan tir anga, chuvang in Nutei pawh i pi te in lam ah i awm rih angai ang"




"Ummm" ka ti nghal sap a, Uzothana erawh a rawn ner nghal nawk




Pangai tak in ka ni nen kan inbe tawh ngailova, Uzothana nen pawh an inbe ngai chuang lo.




Anihna tak ah chuan ka chung a a awmdan zawng zawng kha theihnghilh sak harsa ka ti em a ni. Mahse chuvang chuan ka haw ta viau pawh ani chuang lo. A harsa ka ti rih mai a ni



A ngaihtuah na diktak enge ni ang ka hrethiamlo, engmah a sawi ngai tawh lova, kan awm dan ang ang chu min en liam tawp tawh.




...





"I pi te in a va awm kher chu enge angaih na? Thla li vel maw i awm ang! A rei lutuk awm lo mai rawh" ka pindan ah rawn luh rual in a rawn ang hi ani ringawt.




"Anih chuan ka nei lo che nga animai lawm! "




"Lalchhandam"




"Enge ka nei duh che tih pawh ka la sawi lo reng reng ania.. "




"Min nei duh lo maw? " ti sup in ka thu lai min pawt ding nghal nawk!




"Hey! "





"Min nei duh nge duh lo"




"Awileh ka awi thei lo, hetiang in tunge innei tura in sawm ngai romantic lo lutuk"





"Anih minlo nghak rawh! " ti nghut in a chhuak zui daih anih chu! A ngaihna hrelo lutuk in ka en zui reng ringawt!






Thlakhat vel ka pi te in ah ka awm phawt anga chumi hnu ah palai an rawn kal ang, engtianga rei nge ka awmdawn ka hriat loh avangin ka thawmhnaw ken tur pawh ka duhthawh hle.




Zan ah ka bul a mut ruk tum pawh an awm tawh lo anga, ka khua a har nghal ringawt anih chu!




Ka thawmhnaw siam a ka buai mawlh mawlh laiin Tpi a rawn dak a




"Inchung ah lo chho lawk! " ti sap in a kal zui leh nghal daih.




"Ka buai a sin! Ka tih zui na pawh chu a hre phak tawh lo aniang.





"Enge le? " ti nuah nuah chung in ka chho zui a, Uzothana lo ding run ka hmuh avangin "enge? " ka ti nghal






"Lo kal la" a rawn ti dam dup a, ka pan phei nghal vat!





"Ka hmangaih che" ka nui nghal hak





"Lehlam hawi rawh!"




"Maw? "




"Lehlam hawi rawh" ti leh sup in hnung lam min hawi tir nghal rawk rawk





"Lo hawi miah suh! "




"Enge a? "




"Zawhna ka zawt dawn che"




"Umm" ti hliai in ka nui ri nghal hak!





"Lalchhandam min hmangaih em? "





"Umm i hria lawm"




"Chutiang lovin! "




"Anih ka hmangaih che! "





"I sut thei tawh lo aw.. Lo hawi rawh le! "





Nui hak hak chung in ka hawi let a




Bouquet mawi lutuk keng chungin alo ding run, "min nei rawh aw! " a ti thawp sup




"Hey hetia tih tak tak hi angai hleinem! "




"Sorry zungbun pawh ka lei hman lo, kan inneihni ah ka buntir che anga chu chu pawm mai rawh aw.. "




Ka nui leh suk!




"Heihi min pawmsak mai rawh! Hetiang lam hi a nachang ka hrelo pawh ani maithei mahse ka theihtawp in ka ngaihsak in ka duat ang che, i thinrim na tur thil ka ti ngailovang! Chuan kumkhua in nangmah chauh ka hmangaih angche tih ka tiam che... "




A bouquet ken lai chu ka lak sak a, zungbun ka mamawh lo, ka bul ah a awm anih chuan a tawk!




Ka hlim lutuk hi ka mittui a tling pam thei hial.





....




"Ka kawr thui tir kha a dik lo deuh a, ka siam that tir leh! " Puipuiin a tih chuan ka nui nghal hak




Kan inneih ni a an hak tur buaipui hian an buai a, ka tan chuan a lawmawm em em thung.





Class ka kal laklawh laiin pasal ka nei dawn a, ka pasal tur chu ka unaupa ani bawk, college lam ah pawh sawi hlawh ber ka ni zui a ka thiantha em em te hian ka bul ah awm in min tan tlat reng lo se chu hun harsa leh zual tak ani ngei ang.





"Kei chu mo kawr kha ania ka hak chak chu! " Rempuiin arawn ti nang nang a.




"Anih chuan innei ve ula ani mai lawm! " Tein a rawn ti nghal zat.




"Ka thlah ang che" rawn ti thum sup tu Vanlalhriata chu en in ka bu nghat a.




Pasal ka nei dawn tih a hriat hnu khan min be ngai tawh lova, thian ho kan awm khawm na ah pawh ahma ang khan a awm tawh hek lo.




"Ka khawngaih tawp thei lo! " ka beng bul ah Tein a rawn ti ru sup a, ka melhrum nghal nghek.



..




"Ka duh che ka tih lai khan min hnawl rih mahla engtik ah emaw i rilru ka la hneh ngei ka ring thin a, mahse ka thlah tak tak che angaih tak ah chuan pangai taka lawmpuina hlan che ka duha.. " a hmel tak run avangin sawi mai tur hre lovin ka en mawl tawp a





"Nute tak tak in i hlim dawn chuan apawi lo, ka lawmpui lutuk che "





"Ka lawm e aw.. " ti bah nawk in ka nui lui suk




"Ka first love i ni tih theihnghilh miah suh angche.. "




"Hey.. Kei aia tha i tawn hun ah.. "




"Ka tawn hun ah chuan ka rawn in sawithei viau ang" ka thusawi lai pawtchat in a rawn ti nghek a, ka nui nghal hak.





"Ummm kei pawh ka lawm e aw.. Ka bul ah i awm reng thin a, hetiang hian kumkhua in ka thiantha tak ni reng rawh"





"I thlawi hun lo chang ta ila.. "




"Vanlalhriat! " ka ti nghal nghek a, anui hawk thung.




.....





THREE YEARS LATER





...





"Sorry sorry ka duh aiin ka rawn haw tlai! Kan laklawh lutuk a.. " kawngka a rawn luh rual in a rawn ti lut nghal





"Ka duatte... !"




Ka eirawngbawl lai ka chhunzawm mawlh mawlh, a thusawi ka hrelo der




"Sorry! " ti leh sup in ka bul ah a rawn ding a




"I lo haw maw? " pangai zet in ka ti sap a, a thaw nghal hawk!





Thla li kan inneih hnu ah hna a hmu a, Serchhip a awm angaih miau avangin leh keiin class ka kal laklawh si avangin kan awm hrang leh char char phawt a.




Ka graduate hnu ah a hna thawhna ah awm in kan cheng dun ve thei chauh ani.





"I thinrim em? " inthiam lo lutuk in min en a, ka nuih chhuah mai ka hlauh avangin ka insum tang tang thung.





Vawiin a birthday anih avangin hna a tanga chawlh a, nileng a awmdun kan tum a, an buai em avangin chawlh a la thei ta silo a, chawhnu lam ah ka rawn haw ang tiin a chhuak zui kha ania.




An buai viau aniang hei thim dawn ah a rawn haw ve thei chauh!




Mahse an hna ka hrechiang a ka thinrim tak tak lo, tih buai ve hrim hrim hi anuam ka ti laklawh tawh. Ka thinrim emaw ka tihtauh chang hian a buai nghal vek zel.





"Sorry! Ka duatte naktukah ka chawl ang i duh duh ka ti bawk anga... "




"I chawl leh chuang lo ang"





"An phalloh pawn hna atangin ka bang mai ang! "





"Engmaw? "




"Ka birthday ani sia thinrim lo hram la.. "





"Hmm pa pa hi a sual emai tiraw naute, a birthday pawhhi lawm sak miah lo ang aw..!"





"Sorry ka ... Engtin maw?" A rawn ti nghal nghek!





Ka nui chhuak hak thung!





"Tak tak em?" Beisei lutuk in min en a, ka buk nghat rual in min pawm kang nghal lawp.


THE END




(SAWI TUR KA NGAH LUTUK A KHAIKHAWM NAN "KA LAWM E! " TIH ZAWNG HI KA SAWI MAI ANG!! MIN CHHIAR SAK TANG TANG TU TE LIKES LEH COMMENTS HLU TAK TAK MIN PE TU TE NANGMAH NI VANG CHAUHVIN "KA UNAUPA " TIH HI KA PUITLIN THEI A, KA LAWM TAK MEUH MEUH E. STORY DANG NEN INHMU LEH ANG U AW.. MIN LO CHHIAR SAK ZEL TUR IN KA NGEN NGHAL CHE U... )

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)