UNchanged BY Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UNchanged BY Abella Ralte (Completed)

Unread post by Ngaia » October 4th, 2020, 2:50 pm

Bung – 25



Rang zet hian “ tah khan mu suh”ka ti a





Ka tawng pawh a hre zui tawhlo tih hriat deuh hian a muhil nghal ni maiin ka hria, a ngaihna hrelo zet hian ka en reng a, tih theih dang awm tawh hek lo, khum pakhat zawkah chuan ka mu ta ringawt a.






Ka nuihte a za ang reng, hetiang em em a rui hi ka la hmu ngailoa, nilo a zu in hi ka hmu ngai lo zawk a ni, keimahin ka in ve thin pawn min hau thin tu kha ania.






Ka mu meng kar a, ka muhil theilo, ka bul maiah a mu tih ka hriatna chuan min ti nuamlo vek, ka hahdam hlei thei lo. Chu a chhapah a la tawngvai nuah nuah zui a, ka hming leh Mathewa hming a lam ri chhen bawk a.





Ka awm hnu hian a nu ka la hmu miah lo chu mak ka ti, mahse a awm tho e. Min ngaina miahlo tih ka hre ve tlat, mahse nusual tak zawng a ni lo chiang a lawm. Farnu a nei tih ka hria mahse kala hmu miah lo





Ka let tawn sek a, Rema ka ngaihtuah a, huat enah pawh ka en tawh lo, ka khawngaih zawk mahse Melody erawh mak ka la ti fan, min rawn be miah lo a, ni lo se chu min rawn be leh tawh ngei ag, min be ngamlo a nih ka ring a.






Ka mualpho nasat tawh em a vangin kan inneih tur thu hi kan la puang lo a, Rema nu duhdan pawh a lo ni a, sawi neuh neuh a tam mai mai a ti a,a rilru chu ka hre reng, fa ka nei tawh tih a hria a, min it fahran lo a,, mi in an hriat hma chuan sawi a tam dawn tih a hre reng a.






Ka vanneih pui ta a, biakin a vawithum puan pawh kar kha chhunga puan zawh theih mai turin kan tinzawn kha ani a, mahse chhung leh khat laina hnai te chuan an hre vek tawh, man ei tur te pawhin an hre tawh.






Enge maw zawng tak chuan ka hahdam huai a, Rema ka neilo tur chu ka thawl hawk thung a,






Nun bul tan that leh chu ka peih tawh lo hle a, ngaihzawng han neih that leh a, han in hriatchian that leh te, insawifiah chiam ngai tur te, engkim mai chu ka huphurh ngawih ngawih.







U Mahlui nen erawh kan in be reng a, ani pawh Rema chungchang ka hrilh a, a khawngaih a,a haw bawk a, mawl a ti ve hle bawk a, mahse a hun tak a kan hre chhuak chu kan lawm zawk daih a.





Ka mu tlem hle a, ka harh chuan dar 7 chauh a lo la ri a, ka tho nghal a, Ruatkima erawh a la muhil tui hle a, ka thawhsan a, ka inphih fai a, pawn boruak thiang vawt var chu ka va dawng a, a vawt vin tak mai a, shilling khawvawt te pawh min ti hrechhuak a.





Ka pa ka ngaih a zual hle a, a lung pawh kan la phun lo a, ka nu in phun a tum laiin ka phal lo a, keiin ka tumin a phallo ve thung a, mahse keipawhin phun chu kala phal lo, ka la ui.






Hah hnepin ka kal a, a mit tlin tawk chu an ram chhung a ni maiin ka hria a,a hmuhnawmin a nalh tak zet a, buh hmin laiin ka hmu chak, mahse ka hmu tawh ngai awm si lo a.







Min neih kha a sawi duh em kha?khatiang kha insawm dan tur pawh ani lo a, bakah mathewa vang ringawt a chhungkaw din chu ka zuam lo a ni, chhungkaw hlimlo kan pe dawn si a, nge kei hian tlawmah ka la zawk???






Hah hnepin ka kal a, ka let leh chuan Pi muanin eirawng a lo bawl malh malh a, a ni hi zingah a lo kal , a tul tul a ti a, a haw leh mai thin a.





Room a ka lut chiah leh Ruatkima bathroom atanga inbual zo tih hriat tak, towel chuah veng a a lo chhuak chu ka hmu a, tifuh lo in ti zet hian ka ding chawt a, ani pawhin min lo en ve vat a.





A sam hnawng deuh chhap te, a dar ruak kang mai pharh hlai zet te, thahrui a ngah tih a hriat hle a, a kawng fek rat mai te, a towel venna chu a hniam mah mah , ka harh chhuak thut a, ka en vat a, mit ti zim sun hian min lo en reng a, a hmelah chuan a nuih a zat hmel hle a.






“I duh tawkin min en rawh” a tih chuan zakin ka sen tawn tawn a, chhuah daih mai chu ka duh rum rum a, mahse ka chapona vang chuan ka la awm hram hram a






“ kan in bual ve a nge” ka ti a, abak sawi tur dang ka hre lo ani






“kalo bual dawn che mi” a tih chuan min fiam tih ka hria a, ka chhang let duh ta bik lo a.





In thlak a duh ringin ka chhuak a, alo chhuah hnu ah chauh ka lut ve ta a.





Vawiin chu mathewa a lo kal dawn lo tih a sawi a, farm vel chu min fanpui a, tractor ah chuan kan chuang a, ka hlim hle a, thlai chinna hmun harng hrang te leh dawnfawh chinna hmun green house lianpui maiah te min hruai a, nuam ka ti hle a, hah hnepin kan vak a, en tawp aiin a takah chuan a ropui daih zawk a, sum pawh ann la lut ve nual dawn ani tih alang reng a







Kum thum vel chauh a la enkawl thu a sawi a, mahse a changtlung tak zet a ni.





Inthlhdul tak mai a, kan han awmdun chu a nuam ka ti hle a, kan boruak ti chhe thei ang chu ka sawi duh bik lo a, dil kiang a kan din lai erawh chuan ka kut a rawn vuan a, chu chauh chu vawiin a min khawih awmchhun a la ni ang, mahse ka taksa in alo dawnsawn dan chu tawrh har tak ani.





Rei erawh min vuan lo, kan haw lam chu kan boruak a dang ta daih a, a muk tlat ka sawi thiamlo,kal lam kan ti ti ve nasat nen






“I chau deuh em ni?” a ti a




“chau em em lo e” ka ti tha ve mai a




“hetia hlim tak leh thlamuang taka I awm hmel hi hmuh nuam ka ti” atih chuan chhan ngaihna ka hrelo ka lo zak leh em em ringawt a, nuthlawi fa kum 5 mi nei tawhah chuan ka zeilo ber awm e






Farm house kawt kan thlen chuan Car sen ka la hmuh ngailoh a lo ding vang a, Mathewa lo kalna thin chu a var a nia, mahse vawiin chu motor dang an hmang a nih dawn hi tiin ka ngaihtuah a.





Hlim zet hian tractor atang chuan ka zuang thla a, inlam chu ka pan sawk sawk a, mahse verandah a lo awm ka hmuh chuan ka ding chawt a, Sangpuii a ni.





Ka hmuh tum loh lutuk ka hmuh avang chuan ka tim deuh a, mahse ka hamhaih lutuk hma chuan Sangpuii zawk chuan min be ta hlauh a





“a nuam bawk em? A hmun vel hi a ngainat awm a sin” a ti a, ka mit chuan ruatkima tractor dahtha lai chu ka hmu reng a,





“a nuam khawp mai, engtikah nge I lo kal a” ka ti tha ve mai a.






“ka awm ve reng a lawm, I pasal neih tur in thulh niin ka lo hria a, a zia lo khawp mai” a ti tha ve mai a, a aw ah chuan ngeiawmna emaw pawi tih tak tak na emaw engmah alang lo. A sawi ve mai mai niin ka hria





“nia, a zia lo khawp mai” ka ti hap a






“tunah chuan ngaihtuah I ngai tawhlo bawk a, I haw vat ang ti raw” a ti leh a, ka nghing dawt thei, ka nui ta ringawt a, ka tawt up up a, han sawi tur mai ka hre lo a






“a chawlh a zo tep a, Aizawla chhoh vat kan duh a, inneih na vel tih fel ve thuai kan tum a” atih chuan “a va lawmawm ve aw” a bak ka chhang hmang lo a






Ruatkima lo kal mek pan chuan min tlansan daih a. eng nge a va sawi ka hre lo na in, ngainat awm thei ang ber a nui chu ka hmu ru reng a.






Chahbi chu keng ila, ka lut daih tawh ang, ka hmu peih lo.





“chabi I kalo ak daih ani maw” tih leh kawngka hawn a ruala, rang zet hian kalut a





“kan in bual nghal a nge” ka ti liam puat a, rang zet hian room ah chuan ka lut a






An tawng thawm emaw, an in be thawm pawh ka ngaithla peih lo





Bathroom ah chuan kalut ta nghal daih a, ka tah a chhuak ngawih ngawih, ka hlim ve teh reng nen, nga ti nge le ka hlim chhungte hi a rei ve theih loh em em le…mahni inkhawngaihna lo lut tur chu duh loin thil dang ka ngaihtuah ta vat a.






Ka in bual rei pawhin ka hre hran lo, mahse kawngka chu Ruatkima chuan a rawn kik dat dat a, “khua ah ka chhuak lawk dawn , pawnlamah kawngka ka kalh aw, ka rei deuh mai thei” a tih chuan





“awle” ka lo ti vat a






An thawm a reh fel ta maw tih chuan ka chhuak ve ta chuah a






Ka hah hluah hluahin ka hria, hnawk min van lo ti tawh awm em? Mathewa hruaiin a kal ziah a, sangpuii lo awm ve vang lek anih chu a.





Kan kal rual khan a kal ve nghal ani ngei ang, keimah vanga innei lo ang mai a min chhuah kha ka duh dan ani lo, hepa hianmin chhaih kual mai mai a, ka nun hi infiamna ang lekah min hmansak ani.





Ka huatna a nasat pauh leh sangpuii kha ka thik takzet tih ka thinlungah hian a chiang a ni





Vawiin lamah ka hlim em em a, inneih lam te thleng a min sawipui ve avang khan nge mawni beiseina ka lo nei em ni heti em em a ka nat le.






Ka va han mawl ak, hmeichhia ka nih zia min hriatnawn tir lehin ka hria, bumna ngaiah chuan min bum tawh bik lo ang.





Karei ka mawl zia hi, min va han lo nuih zat awm em em ve leh, engtin nge khatiang khan ka lo awih mai theih le, min nei duh tak tak emaw ka ti a





Tih tur pakhat chiah ka nei tawhin ka in hria chu chu, a rang thei ang ber a helai hmun chhuahsan hi a ni.





Mahse engtin nge ka tih ang?





Tumah hmelhriat pawh ka nei mumal lo a, bakah champhai khawchhung takah pawh ka la kal miah lo.






Ka mawlzia ka hre leh ta, hetah min dah a, sangpuii tan khan huat tur a awm reng reng o, an chhungkua leh an thenawmte pawhin ka awm tih an hre nang? Hepa han fin phakar zia hi..min bum chiang em a sin





Ka thinrimm lutuk, ka bulah, tunah hian han awm se chuan ka ham pilh vek duh ang.






Keimah chuan chaw ka ei a, ka ei tuilo kher mai, ka ti lui tawk tawk ani ber a.





U MAhlui ka ngaihtuah chhuak a, lo hriatchhuah daih tawh awm a niin tih dan a hre leh ngei ang chu





Ka be ta nghal vat a






“kalo haw duh tawh”





“lo haw la”






“haw dan tur ka hre lo anih hi, khua ah ka awm bawk si lo a” ka ti a





“lo hruai I duh em ni” U mahlui nge nge, a tih ka ring leh reng a.





“I tan a buaithlak ang, bakah ilo kal hun k anghak thleng thei tawh lo” ka ti a




“engtia awm nge I duh”





“hawdan tur lo arrange mai la” ka ti a




“motor biak tur an awm mai ang, I u ka lo hrilh ang aw” ati a, kan in biakna chu kan ti tawp a.






A ni chuan tihdan tur a hre leh mai dawn tih ka chiang ani





Darkar em pawh a ral hma in, mn lo be leh vat a



Motor a awm theih tur thu leh naktukah chauh a chhuah theih tur thu a rawn sawi a, ka lamw hle a, theih ni se tunah pawh hian a lo let leh hma ngeiin chhuah nghal rum rum ka duh, ka haw lutuk, ka hmu peih tawh lo.





Driver number min pe a, ka be ta nghal a, ka awmna lai tak ka hriat loh thu ka sawi a, farmah ka awm a, ka ti m awl tawp a, driver pawh anuih a za ngang mai a, farm tih ringawt chu hriat a har ve bawk em ani





“tut a nge le” atih chuan



“ruatima a nia” ka ti a



“eee Pu ruatkima farm ah maw? A ti leh a



“aw ni e” ka ti tha ve leh maia, dar 11 ah ahman chauh tur thu a sawi a, duhthlan tur ka nei chuang lo bawk a, ka tur duh ta biklo a.



Tih tur dang awm hek lo, chu hmun khawhar zetah chuan ka mu leh ta ringawt a, dar 9 pawh ala rilo. Mahse a vawt bawk nen mutlum mai mai chu a nuam zawk tho tho.


Dar 10 hma hretin a rawn haw a, ka muhil der vat a, a chevel thawm chu thinphu dep dep hian ka lo ngaichang a, sangpuii nen an lo let ka rin nen, amah chauh aniang a thawm atang chuan



Ka mutna bulah chuan a ding reng a, awite hian min ko a, mahse ka che eih lo, chet a hnekin ka thaw tha ngamlo zawk hial ani




A rawn kun hniam tih chu a thaw ri atang chuan ka hrethei a, k athin a phu nasa lutuk , a hriat theih hial zawk ka ring.





Ka samah chuan zwite hian arawn fawp a, ka puakkeh mai dawnin ka hria.




A kal thawm ka hriat hma chuan ka thaw tawh lo reng reng.





A mu fel a, light a down a,ka hahd am ve thei chiah




Ka tum bawk a, ka chau bawk nen ka muhil ta vat reng a





Zing chaw eikham chuan a chhuak nghal vut a, khawnge a kal dawn pawh a sawi lo a, ka zawt duh bik lo a, kan in be tlem hle a, ka haw tur thu pawh ka hrilh duh bik lo a





Insiam tur ka nei lo bawk a,heta ka thawmhnaw hak lah chu ka ta ni si lo a, Ruatkiam min rawn kensak vek ani a, lak tumna k anei lo a, k aphone ka hum a, chu zawng chu pawisa pawh ka nei hek lo.





Sana chu a kal muang ka ti kher mai.






A tawp a tawpah chuan motor thawm ka hria a, rang zet hian ka tho a, kawngka chu ka hawng a, Ruatkiam te pafa rawn chhuak chu ka hmu nghal a, k ahnual rawih thei.






Mathewa chuan min kuah chang chang a, keipawhin ka lo paw vat a, inchhungah chuan kan lut a, Ruatkima erawh a chhuak leh nghal daih a, a lo luh leh chuan mathewa toys a rawn keng bawr luk a.




Rei pawh an la awmlo tih ah chuan ka phone a rawn ri a, lak pah chuan room ah chuan ka lut a, Driver a lo ni a, a lo thlen dawn tawh thu a sawi a, ka inpeih thu kalo hrilh ve bawk a.




Minute sawm pawh a liam lo ang tihah chuan motor thawm ka hre zui nghal zat a, a lo thleng tawh a ni ngei ang, ka chet hma in Ruatkima chuan min lo thawh khalh a



“Tunge mawni, tumah ka beisei lo a sin, vawiin chu huann kan fankual leh ang chu ka ti a kan pathumin” tih leh chhuah a rual a




Ka tho ve nghal vat a, Mathewa hmel a hlauhna lo awm chu ka hmu reng a, hreawm ka ti kher mai




Ruatkima chuan zawhna mitmeng deuh hian min rawn en a




“haw ka tum a” ka ti chhuak sap a, ka aw chhuak tha theilo chu ka ngei kher mai, a hunlo lutuk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:50 pm

Bung – 26



Ruatkima chuan zawhna mitmeng deuh hian min rawn en a




“haw ka tum a” ka ti chhuak sap a, ka aw chhuak tha theilo chu ka ngei kher mai, a hunlo lutuk.




“Enge a awmzia’ a ti deuh hu a, ka chhang tawh lo, Mathew lam ka en a


“Jr ka haw dawn tawh a, thuawih deuhin lo awm rawh aw” ka ti a, ka en a, ka khawngaih reuh kher mai, a ni pawh a hmel ah mak tihna alang chhuak a. men deuh a, mahse a in sum ve tih ka hmu reng a, a bulah chuan thu thla a.




“A te, Papa hian huan kan fang dawn a ti si a” a ti a, a aw ah chuan a hnual zia chu hai rual ani lo





“nidangah kan ti mai dawn nia aw, Aizawl haw ka ngai tawh a” ka ti a, ka tho a, Ruatkima pawh a ding ngawi ngul ringawt a, ka en tawh lo a, ka en chuan ka kal thei lo ang




ka chhuak a, kawngka ka khar leh a, a rawn in hawng zui ri pawh ka hre reng, hawi kir lo turin ka in sum hram hram a. thui pawh kala kal hman lo, kawngka chu a rawn in hawng hrawk a, ka phu deuh zawk a, motor chu gate pawn lamah a ding a, Driver chu a rawn chhuak lo aniang ka hmu lo a





ka banah chuan na zetin min pawt let a.





ka hamhaih lutuk chuan ka awmdan chu ka hlauh deuh a




“Layla hetiang em em hian ni maw min kalsan I lo duh kan pafa hian” a tih chuan ka kaw chhungah hian che a awm, min nghawr deuh dat a, Ruatkima aw a na tak tuar a ang ber a, chu chuan min ti zam hle a.





ka chhang dawn nge dawnlo pawh ak hrelo, sawi tur ka hre lo a ni.




Min rawn ban de de a, a khut deuh dur durin ka hria “Layla, ka hmangaihna che leh ka fapa pawhin a chelh din theih loh khawpin em ni ka lo tih nat che le? a ti a.




ka thu hriat chu mak ka ti em em a, min thawng a, ka hriatsual emaw ka ti a, amhse a ni si lo, ka mumang ani bawk si lo, he misualpa hian min hmangaih tih a sawi, ka a muih ni maiin ka hria, ka hmelah chuan mak tihna bak a lang chhuaklo ang tih ka hre chiang





“Enge maw tal sawi rawh, Layla ka fapa, kan fapa vang tal hian please stay” a ti a, a aw ah chuan a tih tak zia chu hai rual a ni lo, ka ril hi a fan a, ka lawmna chu ka beisei lohna chuan a ti lang chhuaklo mai mai niin ka hria. engmah chhanna emaw pek nachang ka hre lo




Tim deuh dai hian min rawn kuah a, ka tanglo tih a hriat chuan hriatthiam har zet hian min melh a,




“khawngaihin engmaw tal sawi rawh” a ti a, a awmah chuan ka chum a, “Misualpa” ka ti a, ka chum a, ka chum leh a, ka theih tawpa na chum hrep ka duh, mahse ka tha neihte chu an bo zo vek emaw tih mai tur a ni.




“sh” tih leh min pawm a rual a “



Layla, ka hmangaihte i rilru ka tih natna ah min ngaidam la, Ka siam tha leh vek ang. Ka pek loh zawng zawng che chu pek leh che ka tum ang, Min la hmangaih theilo a nih pawhin ka fapa vang talin awm rawh aw” a ti a


Inchhungah chuan min pawm lut a, ka rih awm vei nen rit min ti awmin a awm miah lo



Ka ngaihtuahna a buai em avangin lo hnial pawh ka tum lo




Mak tihna hlirin ka khat a.




Ka mumang ang ruaiin engkim chu ka hria a, phur takin a che zung zung a, ka motor hman chu a tir haw a




Eng tihna chang pawh ka hrelo, a chevel chu kalo en tawp a, mathewan min biakna chu ka chhang phelh phung a





A ni pawh ka haw lo tur chu a lawm ve a , alo phi sek a




Mumang ang ruaiin ka hria ka tih tawh kha, mathewa an rawn lam te pawh chuan ngai kala awh lo Mathewa a awm tawh avangin duh angin kan ti ti thei tawh lo a. Mahse an pafa han hlim chevel chu hmuhnawm ka ti




Mathewa pawh phur takin a pi bulah a kal a. An liam hnu chuan ka zam tak zet a. A hmel hlim lutuk leh phur lutuk kha a hmuhnawm thlawt a ni.





Sofa ah chuan amah si chetin min pawt thu a. Hneh zet hian min kuah nghal a.




“Kalo tih hreawm che avangin min ngaidam rawh aw mahse my love for have is unchanged” a ti a, chhan ngaihna ka la hre chuang, ka thinlung a hlimna leh lawman so bulh bulh chuan ka awm a ti nuamlo letling zawk.




“Layla, Ngun takin ngaithla rawh, kei leh anghi fahrahin kan seilian a, kan fapa tal hi chu keimahni ang ni tir lo ang aw” a ti a, ka tawng lawk loh avang chuan a man gang a biang, chhuatah chuan thu thla in, ka malah chuan a kut a rawn nghat a, min en chho a, Mathewa nen an va han in ang chiang kher em





keipawn ka hmangaih hluah hluah, ka khawvel chu tih parmawiin a awm mek tih ka hria, mahse chu ti mai a awlsama hnehna chan tir chu ka tum lo.




“ka ngaihtuahna a la buai rih deuh, hun ka mamawh” ka ti a, a thaw hawk a





“a hma ang kha chu a ni tawh lo ang, ka kalsan leh tawh ngai lo ang tih ka tiam che, a rang thei ang berin kan innei dawn nia” a ti a, a aw ah chuan a hma a mi kha ang leh tawh lo, Ruatkima dik tak kha a lo let leh tawh, a aw ah chuan a in ringtawk leh tawh hle a.





ka bulah chuan rawn thu in, a mah hnaih thei ang ber tur chuan min kuai hnai a, keipawh ka lo tang bik lo a




“le I duh duh min zawt rawh” a tih chuan mak tiin ka en chho ho a, ka ngawi deuh rauh rauh a.





“a nih chuan Mathewa damloh zan khan I nu nen in in be ri kha ka hria a, tah khan nang hian ka nu leh ka pa kha I hria ani” ka ti a, thawk ka la nghal hap bawk a.





“tun chiah ka sawi angngun takin lo ngaithla la, a bak chu sawi ka duh tawh lo ang” a tih chuan ka lo bu nghat a, ka hlauhthawn deuh avangin ka khur deuh dar dar a.





“Kapa hi kumthum vel lek ka nih laiin a thi tawh a, a thih chhan chu I nu vang ani” ati a, a aw ah chuan ka nu a huatzia chu ka hre thei, khakna ril tak a lo lang a, kalo tim sawk thei.






khawngaih zet hian a mi kuahna ban chu ka lo hmer salh a, thawk ala hawk a, a nui sak a.




“kappa kha sumdawng tan tir a ni a, ahlawhtling chho viau a, champhai leh aizawl kha a kartawn chhen thin a, chung lai chuan I nu hian alo ngaizawng a, a neih a eisak duh vangin, a tawi zawngin sawi ila, I nu khan bumin a sum zawng zawng a laksak a, chutah I pa a neihsan daih leh nghal a, ka pa kha nun hreawm tawpin hun a hmanga , ka nu khan a dawm hram hram a, mahse a hnu ah chuan nun kha a thei ta lo ani” a tih chuan ka lo tim sung sung thei a.






“a va pawi em “ ka ti vawng vawng a





“I nu huatna nen ka hun ka hmang a, ka pa khan lehkha a hnutchhiah a, tah chuan engkim a ziak a, chhiar lo mah ila tunah pawh hian kha lehkha ah khan engnge awm tih chiang takin ka hria a, mahse a zawng zawng chu sawi ka tum lo, miten A pa chu a in that min ti thin a, kei hian ka pa kha mahni in that a ni ka ti thei lo a, Mary thah ani tiin ka hun zawng zawng ah hian ka pawm thin” a ti a






ngaihthlak hreawm ka va han ti em, ka nu ka ngaihtuah a, ka rap zawk, ka lo ngaih ai daihin ka nu chu a lo rapthlak zawk ani, mi chhungkua a ti chhe vek a, naupang nun a ti chhia a, huatna nen a rawn seilian ani awm sia



zawi zawm lehin “police nih hi ka tum hrim hrim, ka pa kha a sikna chanvo peklet kha ka duh ani, chu chu ka tum ngar ngar ani, nang hi ka plan ah I tel ngailo, nang ka tawn hma che chuan hmeichhia hi ka ngaihsk ngai lo” a tih chuan lawm avangin ka lo khi sak a







“Sangpuii kha” ka lo ti zauh a






“a ni pawh kha ka nun atangin a kal bo tawh, I lo thik buai a ngai lo ang” a tih chuan ka chum awk a,





“ka sawi zo law law ang, Nang kha ka han tawng che a, ka buai zo ta vek a, in chhungkaw thlalak kha ka hmuh khan hreawm ka ti lutuk, kalsan nghal che ka tuma , khanu fanu nen chuan engtikah mah a rem thei dawn chuanglo tih kha ka hria a,mahse a harsa ka tihzia kha chu I hriat kha, chutah ka hnar thei ta ngang si lo che a, ka nu hnenah engkim ka hrilh a, kalsan nghal tur che in min ti a, mahse ka thei ta lo a, mahse a tawpah remchang takin hun a rawn in her a, ti chuan a rang thei ang berin ka kal bo ta ani” a ti a





khang hunlai zawng zawng kha ka ngaihtuah a, keimah chauh emaw hreawm tuar ka ti a, mahse kei chauh ka lo ni lo, ani pawhin hlim takin a hun ahmang bik lo a lo ni.





“Layla, nangmah ngai khan zantin ka rum a, I tello a hringnun hman hreawmzia ka hriat khan maw, phuba lak tumna te chuan zawi te te in mual min liam san ta ani” a ti a, a sawi zo chu thawl hawk hmel a pu a, a hmel pawh a hahdam huai in ka hria






“a pawi hle mai, I pa chu, I nu pawh ka khawngaih lutuk, mahse tih theih ka nei si lo , ka tih theih chhun che dem tawhloh che ka lo tum dawn nia” ka ti a, ka ti tak tak bawk.








“I nei a lawm, kan ninnei a nga, nun bul kan tan tha ang, hetah hian kan innei ang Pastor kutah kan insuih tir a nga” a ti a





“ka nei duh lo che” ka lo ti vat a




a hmel a mangann lo lang chu ka hmu reng a, chutah min lo en a, nghet zet a min kuah pah hian “min ti hlauthawng hman a lawm, Layla min hmangaih turin ka phut ngam rih lo che, mahse zawi zawiin min la hmangaih em em ang tih ka tiam a che” a ti a.





“ka hmangaih reng che a lawm, hmanah leh tunah pawh” ka tih chuan min kuah nghal chaawt a, a hmela lawm leh hlim hmel kha, naupang chhia te pawh a ang.






Thla thum hnu ah chuan ………………



kan inah chuan kan ri le lu a, ka pasal leh ka fapa infiamna bungrua let rum chu hmuh nawm ti zetin ka en a, tihfai tumna pahw ka nei lo, hnawk ngaitheilo em em thin leh fai khap mai duh thin ka ni na a, mahse khang ka in ruak leh khawhar takah khan tunah chuan hemi ta pafa vang reh tih ni a awm tawh lo.




Hlim thawm leh bengchheng thawmin a a khat a, ka tan chuan chu tluka ngaihnawm chu a awm lo, ka nun in let ta thawk chu hremhmun leh vanram ah ka chan a.




ka beisei miah loh leh ka rin phak bak loh, ka nei ang tih pawh ka rin loh chhungkua ka han nei ta leh, Ruatkima ka han nei let leh te chuan ka nitin nun hi vanram thlafual ah min siam sak a, vuina tur ka nei lo, ka hlimin ka lawm em em a, mahse kan inhnial reng hi a chu buaithlak tak pakhat chu ani.





An pafa thil tih hnawk ti faiin ka buai a, dawr pawh ka kal hman meuh tawh lo a ni, mahse Mamin engkim a thiam vek tawh a, Ruatkima chuan nghak tawhlo turin min duh na in, ka la ui ve deuh a





Quarters ah khan kan han awm ve ren rawn a, mahse helaiah in kan nei reng a tiin Ruatkima pawhin ka ta, I ta ti bik lo in helamah kan in sawn phei ta ani a.







“baby, I percel chu kan va lam ang aw Mathewa nen” a tih chuan ka lo aw ve nghal mai a,





An chhuak chiah chu a reh nghal ngawih ngawih ni maiin ka hria, hmanah khan engtin nge kalo awm theih zawk le.





Mi vannei tak chu ka va ni em, khang ka lo tawrh tawhna te chu ka hre reng tawh lo a, ka hmalam hun eng tak zawk chuan ka nun min khalh tawh zawk a, thawnthu hlui te chu an liam tawh zawk ani.






In chu ka ti fai zung zung a, ka zawh fel hnu chuan an lo la haw si lo a, kan room ah chuan lutin khumah chuan ka thu a.





kan inneihna phuahchawp zet keh nghat zet si te chu ka ngaihtuah a, dan khatna kan tlin tawh bawk si lo a, pastor quarters ah kan in kut suih ta chuk chuk kha ania, U mahlui pawh ka hrilh ve tho a, ani chuan min lawmpui tho na in, Rema neih ka tum ang em kha chuan a hlim lo deuh chuan ka hria.





ka nu kha, a damlo a, Pumpui Cancer a lo nei a, chhuk kan tum reng a, kan la hman lo deuh mai mai a, kar hmasa khan min lo bia a, ka pa in ka tan a thil dah kha minlo thawn dawn a lo ni a, mak deuh maiin pawisa min dil ka rin nen min dil miah lo.





Melody erawh ka hmu peih lo a, Engvanga khatianga ti nge a nih chu ka hre chak hran lo, mahse amah zawk a rawn kal a, tah chiah khan Meloi nihna dik tak ka hre chhuak chiah.






Rema kha a lo ngaizawng char char a, an school kallai atang a a duh tawh a lo ni awm e, keimah min en dan dik tak ka hmuh khan ka rap zawk, ka mangang leh ka hlimloh ni ber pawh a ka tana awm kha ania, ka rei min va han lo hmusit thin dawn em.





A hmel kha, khatiang em em a mi nasa ani tih hi engtin nge ka lo hriat loh zawk le, ka in a lo dap chikim awm hi ka tia, ka dahthat ngei kha a lo Xerox chu niin, Rema a hrilh nghal a, mahse a ni lah chuan min lo iai phah hauh si lo a.





Vawikhatmah melody pawh ka be leh tawh lo.




Rema pawh a lo leng a, kan pahnihin khun khan takin kan ti ti a, ka ngaidam thlap bawk, min hmanagih vang leh min chan a hlauh vang zawk a ti a nih angin, ka pawm thlap bawk.





Mahse khatiang em em a, a confi lo kha chu ka khawngaih zawk.





Ruatkima nen kan in kar a thaa, minlo tiam tawh angin hlimna tinreng leh hmanagihna zawng zawng min pe a, Mathewa laka ka inthiam theih lohna pawh Amah vekin min tih reh sak tial tial a, tunah chuan chhungkua tak tak ang kan ni tawh a, Mami erawh kan bulah a ala awm zel a, heihi a in a nia, keimah lo chhung a nei chuang lo a, kan hnen atang hian pasal te a la nei ve ang chu.





ka ngaihtuahna kawm pah chuan kawl a ni tla tur sen siai siar mawi zet mai chu ka thlir a, Mathew ate pafa lo haw thawm ka hriat chuan, an mahni lawm turin ka chhuak phei a, kawngka hawn ka tum lai takin chuan an rawn kik vak vak a, heihi an tih ve dan reng a ni a.





“in bengchheng pafa lutuk mai” tih pah chuan ka hawng a, an lo nui khi thaw a, an va han chimawm pafa thin tak.






Bawmte fel renrawn chu min pe a, a hma khan he thil vang hian kan in hau tawh a, chahbi min pe duh lo anih kha, tunah lem amah ngeiin la chhuakin min rawn thawn leh si ka hrethiam lo, ka nu awmdan hi.





Roomah ka luhpui nghal a, phur zet hian ka luhpui a, Ruatkima chuan hrethiam tak hian min lo nuih suk a, kawngka ka khar a, chahbi ka rawlh luh dawn chuan seal pawh alo la awm thlap a. hmanhmawh zet hian ka tifai rawk rawk a, ka phur tawh lutuk tlat.






A chhungah chuan eng nge awm ang tih rin ngaihna pawh ka hre lo, tlereuh emaw ro hlu lam anih ka ring a, ka hawng a, mahse ka rin ang a ni miah lo, lehkha thawn leh thlalak chiah a lo awm a. box te takte pakhat a awm bawk a.





ka pa kut ziak ngei ka hmuh chuan ka lung a chhe nghal a, rang zet hian ka hawng a, thlalak ni awm tak erawh chu kala khawih lo a, lehkha ka chhiar zo chiah chu ka thaw kawk a, mak tihna em em ka nei hran lo a, mahse ka rin ang tho pawhni se, min thawng tho, lehkha chu ka thlauh a, ka chhar hma in, Ruatkima a lo lut a,




“I tha em” a rawn ti a, min kuah nghal vat a




“ka nu a ni lo” tih chiah ka sawi thei, ka hnungah chuan min chul hauh hauh a, lehkha chu chharin a bih ve a






Mary hi ka nu a lo ni miah lo, ka rindan tho mah ni se min nghawng dan chu a dang tho mai, ni e, keini nufa kha nufa kan ang ngai miah lo a.





“I nu thlalak a dah a lawm, hei” tih pahi a rawn phawrh a, en ka chakna leh ka en chak lohna a in ang vel ang.





“e he” a ti ringawt a, thlalak chu ngawi rengin ka ban a, min pe ve mai a, a hmel a mak tihna lang chu thup a tum lem hlei lo a.





ka en ve chiah chu mak tihna in ka khat nghal vek, khumah chuan ka thu thla chawrh a





“a ni chuan a fanu ka ni tih a lo hre reng ani maw, she knows all along” ka ti sap a.





A Tawp Ta




a tawp dan hi in duh zawng a ni lo mai thei, mahse ka duhdan tak ania, part -2 a la awm anih chuan Layla nu leh pa te kan chhui bing deuh ang….

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)