UNchanged BY Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

UNchanged BY Abella Ralte (Completed)

Unread post by Ngaia » October 4th, 2020, 2:44 pm

sog9n2n9.jpg
sog9n2n9.jpg (16.34 KiB) Viewed 20205 times
ka rawn lang ve leh rawih mai ani a, minlo chhiar sak vek dawn nia aw, chuan adds kha lo click mawlh mawlh ula...... engangin nge he stiry hian min hruai dawn keipawhin ka hre bik miah lo a nia... kan kal mawp mawp a nga, a tawp tawp na ah kan tawp mai aniang chu....


nghak khawl tur pawhin a lin kha chu minlo hmeh sak ve zeuh thin dawn nia aw....


like leh comment mawlh kha, anuam ve thin a nia...


"Love and compassion are necessities, not luxuries. Without them humanity cannot survive"


Ka regular dan tur ka sawi theo tlatlo tunlao chu.. a remchan dan ang ang in kan post zel mai dawn nia


Bung – 1


Ka hla tawp ber tur ka sa mek a, “A pawi love” tih hla kha ka sa a, stage a lenglo khawp lam suau suau ka hmuh chuan ka hlimin ka lawm a ni. Ka zai pawh a tawpna ber tur a ni tawh a, ka tang bawk a, kei ngei pawhin ka aw chu nalh ka ti, a mood ah ka cheng bawk a nuam ka ti kher mai.





Mipuiin “layla, layla…….” Tiin ka hming lamin anlo au rual dual dual a, chungte chuan zai min chawm emaw tih mai turin nuam ka ti a, hriat nuam ka ti. Ka thinlung zawng zawngin ka zai emaw tih mai tur ani.





Ka zai zo stage a ka lut tur chu thawm a ring hle a, thenkhat uar fal deuh stage ah chuan an rawn lawn chho a, mahse ka hlau chuang lo security a tha tih ka hria a, security bakah keimah min veng tur liau liau a tan mi thar palian zet mai ka nei thar bawk a, a ni pawh khawilam a tangin nge alo chhuah ka hre lo ka bulah a rawn lang vat a.





Min ven tum deuh hian ka darah chuan min rawn kuah a, min kuah tih lemah a rawn khuap ani mah., ka thawmhnaw hak a beitham ang reng si a, ka taksa lawng a rawn dek chiah chu ka tek deuh sawk ni maiin ka hria, ka lum nghal pup , chu chu ka taksa pawhin a hrethiam a nit eh chek ang chu ka phu dawrh a, ani pawhin in thiamlo fahranin a la sawn vat a, a hmel chu a thu tak ngul a, chu lai hun chhung reilo te ah chuan mipui thawm bengchheng zet pawh chu an tawp ta emaw ti mai tur hian a reh dukin ka hria a.






Green room ka thleng chiah chu ka hah lutuk ka thu thla nghal a, tui chu ka ban nghal vat a. U Mahlui chuan a rawn pawt thla nghal vat a, a lu a thing nar nar a anui sak a. kei chu lungawi lo deuh hian ka lo rum nghat a, chumi chhung zawng zawng chuan kan mi thar pa chuan ngun zet mai hian min lo en reng a, ngai pawimawh lo fe hian ka ner khum nak a.






U mahlui ka manager ang a ni deuh mai a, nula upa ve tawh tak ani a, a rawn In volunteer ka ti mai a, amah hi a rawn in la thu ve em em ringawt tawp mai a, kei pawh mi a ka ni bik lo, lawmawm chu ka pe ve ziah tho a, mahse a ni chuan a ngailo hi a ti mai zel a, mahse min buaipui nasa ve si a a mawilo pawh ka ti ve a. bakah ani hi awmlo se buain tur ka ngah ve lutuk tho a, engkimah in ti thu em em hi an awm ve zel a ngai a, bakah a fel a, a fing a tluak a tha ve leh zel a, hetiang lam hi nuam a ti zawng a ni hrim hrim a.






A strick bawk a, hah lai a tui in hi a phal ngai loa , chuvang a nia tunah pawh ka tui in tur min rawn pawh thlak sak ani, U mahlui hi mak ka tih ve mai mai chu chhungkaw awm thei zet mai an ni a, dawr lian deuh deuh an nei a, mahse keimah min buaipui reng reng hian a buai ta daih hi mak chu ka ti ve deuh thin, a chhan erawh ka hre chuang hlei lo a, mahse la rte pawh a duh ani ve mahna.






Fan hnuaiah thu in, mi che vel leh ri nuaih nuaih chu ka ngai thla a, U manghaka lo lut chuan “kan va hlawh tling char char ve mawle, saw, haw duhlo an la tam mai, mahse security an awm tha bawk a, a zia mai ang” tih pah chuan ka bulah chuan a rawn thu sawt sawt a, ka lo nui hawk hawk a






“thil lawmawm lam a nih chu ti raw” ka ti a, ka bula ding rengpa a vang chuan tlemin ka zam deuh a, ka duh nag pawhin ka tawng chhuak theilo a, ka sawi tur pawh ka theihnghilh then deuhin ka hria






U mahlui tui min pek ban zat pah chuan “U manghak I nau lak thar chu a va rinawm tlet tlet ve, a palian sia, a thlamuan thlak “ ka yi barh barh a, tui chu ka in nghal khawlh khawlh a. thenkhatin ka bungrua in thlakna etc bag ah an lo thun mawlh mawlh bawk a.






An in ti fel thawkhat tawh aniang, ka thiante ho pawh lo kal hnaiin kan concert hlawhtlinzia an sawi sap sap hlawm a, kan ri nuaih nuaih a, ngaihthlak tur ber pawh ka hre hlawm lo a, ka hawi a vel; mai mai ni berin ka hria, mahse ka rilru erawh lawman in a khat thung a.






Concert puitling ang chuan tun hi ka vawikhatna ani a, kei phei chuan concert neih lam hi ka ti vak lo a, tunlai chhanah a chi vak tawh lo an tih thin avang hian ka rilru ah a awmlo hrim hrim a, mahse Umahlui bawk hi hetiang a min nawr tu chu a nia , Sponsor tha tak mai a hmu hlauh a, chuvanga huaihawt thei tawh pawh kan ni a, mahse rinphak bak in ticket pawh kan hralh tha a.





“le dar 11 a ri tawh dawn e, I che tan ang u hmiang” Umahlui bawk chuan thuneitu aw fahrana a rawn tih chuan lawm a vangin ka khi ru sak a. Hei tak hi a nia, Umahlui ka duhna em em thin chu, haw vat vat a, hahdam ka chak ber tawh ani.





In ka thlen chuan ka inbual nghal a, ka inbual zawh chuan lotion te inhnawihin mutur a ka in peih meuh chuan dar 12 a ri tawh a, khumah chuan ka mu ta nghal , ka hah a dam nghal huai huai mai a. zanin kan hun hmante ka ngaihtuah a, ka lawm ru veng veng a, ka phone ka en chak tawp mahse ka en chuan ka tui leh dawn lutuk tlat, mutna chang ka hre leh lo ang





Zingah hian ka tho tlai ngai lova, chuvangin inthlahdah hi ka duh lo ani, Army officer fanu ka ni bawk a, inthununna kawngah na na na chuan ka taima ve thlawt ani. Ka pa ka mitthla ah a rawn lang a, tuna ka hlawhtlinna te hi han hmu ve se chu a lawm ve ngawtin ka ring a ni, ka mittui alo hnai nghal kuar a, mahse ka nu ka mitthla ah a lo lang a, ka mood a off leh nghal rawih rawih thung a.





Ka ngaihtuahna chu duh lovin, zanin programme bawk ngaihtuah tum chuan ka ngaihtuahna chu ka sawr bing a. zaninah khan kan hmu ve nualin ka ring a, ka hre chak tawh kher mai, sponsor atang ringawt pawgin pawisa ka n hmu hnem a, bakah concert ticket kha kan zuar tlamw lem lo a, kan hralh zo deuh vek a, seat 300 erawh a hmun a lei theih turin kan reserved a, chupawh chu a zo vek bawk a, chuvangin kan hmu tlem theilo hrim hrim.






Kalo muhil dawn siar siar a, kha mitmeng tak ngul mai ka mittla ah a rawn lang a, ka mutchhuak pawh a reh nghal vek a, a mi khawihna ka dar chu ka khawih ringawt a, ka thinlungah hian che a awmin ka hria, keimah kha ka nghing deuh dawt kha ni a, ka rilru put hmang chu ka duhlo kher mai, keimah min veng tur a kan rawih a ni a, khatiang zawnga emaw a rilru lo put kha ka duh miah lo…







Ngaihzawng la nei ngailo ka ni a, mipa hi ka ngaina vak lo hrim hrim bawk a, ka pa ka duh em em a, a bak mipa han nel hi ka nei em em lo a, thianten hmeltha an tih te pawh hi tha ka ti ve ngai lem lo a, mahse khapa kha…. Hmeltha ka ti pawh ani chuang lo …. Eng nge k arilru put hmang hi ni ang, ka duh tihna em ni????






Duh……





Chu thumal ringawt pawh chu ka ngaihtuah a tan chuan mak ka ti a, a awm anglo hu in ka hria a…





A mitmeng thuk leh ril raih mai chu ka mitthla ah a rawn lang a, ka kawchhung chu a ni deuh nghal ngulh mai a. A mah kha a palianin a sang tha hle a, kan in rula loh pawn kei aiin a upat ka ring, chu pawh a upa tamin ka ringlo, a taksa kha analh hle tih chu ka hria a. Nula te ka ni lo, chu ti chuang chuan ka chen loh hle danah a sang viau in ka ring.





Mipa laka feelings, nula tlangval anga ka neih ngai loh avangin ka awmdan chu ka hrethiam lo a, ka zak deuh bawk a, bakah ka hlauthawng deuh bawk a ni.





Thildang ngaituah tumin ka in sawr bing a, ka pa bawk a rawn lang leh a, ka ngai em em a, ka pa kha pa fel tak leh zaidam tak a ni a, ka tan chuan ka engkim a ni a, mahse khatiang khawpa pa tha leh fel, mahni mizo pui te tan atangkai em em kha enga ti nge hma takah a thih le????





Ka pa tluka dam reng tlak leh phu kha an awm bik hian ka ringlo.





Shilonga kan in ka mitthla ah a rawn langa , chhung kim te kan awm laite kha ka ngai ngawih ngawih a.





Ka pa hi ka sawi tawh ang khan Indian army officer a ni a, Major lai a ni hman a, Shilongah kan awm a, ani erawh chu hmun hrang hrangah a awm kual thung a, ka nu nen erawh chuan shilongah kan awm reng thung a.





Ka pa hming chu Johny L. Chhangte a ni a, L hi lalrinhlua tihna ani a, mahse a ziak full lo thung a, ka nu nen pawh ka pa hming la in, kei chu Layla L chhangte ka ni a, ak m nu chu Mary L chhangte a ni ve thung a.






Tunah hian kum 20 na ka hmang mek a, Mission vengthlangah kan inah keimahin ka awm a, he in hi ka pa in a pension hun a Mizorama awmna atan a sak ani a, tah chuan keimah chauhin ka awm a, chhawng thum in a sa phawt a, tunah chuan chhawng 7 laiin kan sa tawh thung a, ka nu chuan sak chhunzawm phallo mahse keimahin ka duh tlat avangin ka sa chhunzawm a.






In luahtu neuh neuh awn awm a, bakah keimah hian floor hnih hi ka hmang hrim hrim a, floor khat, a hnuai ber dawttu, ground floor chung chiahah ka cheng a, a zau over lo a, room thum a awm a, ka tan chuan a tawk chiah thung a ni. Chumi chung leh recording nan leh laman hmun atan ka dah bawk a, a nuam tawk ve hle a, ka lungawi ve hle a ni.






Ka nu chu nu hmeltha tak mai ani a, nula ang maiin ala nalh a, tunah pawh ala nalh hle a, kei chuan ka tluklo nasa in ka hre thin, ka tet lai phei chuan ka nu chu ka ngaisang thei hle a, mahse ka pa nen khan nupa hlim tak an ni lo tih erawh ka chiang a, chu chu ka pa thih hnu kum khat em pawh a ral hma in ka nu in pasal dang a neih leh mai danah a chiang a.






Ka nu nen chuan kan in ngaina lo a, ani pawhin min ngaina lo a, keipawhin ka ngaina lo hle tih chu ka zep lo mai ang, chutiang bawkin ka nu chhungte hi ka ngaina miah lo bawk, tunah pawh ka nu chhungte belh hi kala duh chuang lo, Aizawlah hian an awm ve vek tho a mahse ka ti buai ngai lo a, chhungkaw engemaw tih khawmah erawh chuan ka tel ve ziah thung.






ka pa kha ka neih chhun tak meuh meuh ani a, unau ka nei miah lo hi hreawm ka ti thei em em bawk a, unau pianpui neih miah loh chu thil rapthlak ve tak a niin ka hria,.






Tunah pawh unau chu nei ila, tiang em em hian ka mal lo ang.






Ka nu leh pa hi ka hmu lai a induh awm deuh a an awm ka hre ngai miah lo a, an inneih reng chhan kha keimah vanagh ka puh ve tawp a. mahse kan chhungkua kan in hau ngai lo thung, ka pa kha pa smart em em a ni a, ka nu kha hmeichhe treat dan tur dik tak ni mai hian a treat a, an in pawh vaklo tih kha kei naupang te pawhin ka hrethiam. Inhau tur khawpin an in pawhlo a ni ber mai.






Ka pa awm hi chuan kan inchhung kha ka tan chuan vanram a ni ringawt mai, ka pa awmloh chuan kan awmpuite bulah ka awm rawt a, ka nu chu ka thil tihah pawh a in rawlh lem lo a, min vel mai mai ni berin ka hria, ka chanber chu nuhrawn sual vak lo , engahmah min ngailo ang vel hi a ang ber a ni.






Class XII ka nih laiin ka pa chu a duty na hmunah stroke avangin a thi a, kei chu mi ang mai ka ni a, ka nu chu ka tan inhnemna tur a awm chuanglo a, a ni pawhin a tuar ve bawk nen, inhnem tur chuang kan awm lo a, ka pa kha fapa mal a ni a, ka pi leh pu an boral hma nen , mi ramah kan awm bawk si, vanlai tla hi kan ni ringawt mai a.






Ka pa boral chu ka tuar em em a, awmngaihna ka hre lo a, thih ve mai te kha ka chak rum rum a, school pawh ka kal zawm thei ta lo reng a, a kum leh a ka nu in a lung a phun chuk chuk a, ka pi leh pute, Aizawl lama ka nu nu leh pa te an lo chhuk a, an phun chuk chuk a, khangte khan thil ka la hrethiam em em si lo a, tunah tal hi chu lo ni ila chu khangte khan lo phal lo ila te ka ti hnuhnawh leh thin.





Ka pa lung kan phun zawh deuh mai ah, ka pi leh pute awm lai chuan pasal a nei fel nghal bawk a, pasal a neih dawn chuan zanah ka pa nen an roomah min ko lut a, mak ka ti hle a, thil pawimawh a awm a nih ka ring a, mahse pasal neih a tum ang tih pawh ka ring pha lo hrim hrim a.





“Layla, class X I pass ve tawh a, thil hrethiam rual I ni tawh a, hei pa in min boral san a, hmeichhe pahnih chauh awm chu a tha lo e tiin I pi te hian pasal nei turin min duh a” ati a, thawk a la ham ham a,






Kei erawh chu ka insangmar nghal vek a, mak ka tiin ka meng phawk nasa mai a, ka nu chu ka en reng a





“ka….” Tawng tumin ka riat nawk nawk a, mahse ka aw a chhuak thei lo….





Athusawi chu ka hre pha viai viai a, hla taka tawng ni mai awmin ka hria, ka pi leh pu an lo tlan lut vat bawk a, ka nu in pasal a neih vat a tul chhan hrang hrang chu thiam takin an sawi a, engmah ka sawi thei tawh lo






Ka pa ka ngaiin ka khawngaih lutuk, chumi zan chuan ka tap tlaivar deuh thakin ka hria, na ka ti em em a, engtin nge a theih zawk le, ka pa thihn a kum khat em pawh ala ral lo a, chutah ka ngaihtuah chhuak zawk a, hei vang chuiah hi a nih hi ka pa lung pawh a lo phun vat vat ni. Ka thin a rim kher mai.






Tun hnu a ka ngaihtuah leh hian khatia tha taka min hrilh chhante kha, ka pa ro sum an duh vang mai mai alo ni tih ka hria a ni.






Hei vang chiah hi a nih hi ka pa khan ro zawng zawng deuh thaw kha ka hming a a lo dah vek ni, tuna ka in awmna te hi ka hmingin a lo awmsa vek a, ka nu tan erawh shilong a kan in pakhat, kan luahlai nilo a dah a, a pension pawh ka nu hmingin a kal bawk a, pawisa zawng zawng pawh ka tana dah vek a, engkim alo ziak fel vek a, buaina tur engmah a awm lo a.






A tir chuan ka nu kha asa em em a, ka hming pum te khan a ko a, mi ang mai khan a thinrim a, mahse ka pi leh put e khan an hnem thiam a, a zia chho leh mai a, kei lah thil tisual tu ang maiin ka ngawi reng a, engmah ak sawi ngam ve der si lo a






Ka pu in “nufa in ni a, in ta vek a lawm, a hming kha chu a hming mai mai a ni, a pension pawh I la dawn chu pawh in nufa tat ho a ni, ti raw layla” ati dap dap a, kei chu ka lo bu ringawt a…






Chung zawng zawng chu ka ngaihtuah chhuak a, ka mittui bawk a sur leh zung zung a, nimin ang mai kha ala niin ka hre thin.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:44 pm

"Hun kha leh chen kha ka lo nghak che
Tunah dar ang ka tawng t ache
Saron par iangin I vul si a
Sirah chuan min hnawl lul suh aw"



Bung – 2



Chung zawng zawng chu ka ngaihtuah chhuak a, ka mittui bawk a sur leh zung zung a, nimin ang mai kha ala niin ka hre thin.




Ka harh meuh chuan ka lu a na bur a, san ka en vat a, dar 8 a lo ri tawh a, ka harh nghal kawk a, my God tih pah chuan ka tho vat a.




thawh tlai hi ka duh ngai miah lo a ni a, nizan lam ka thil ngaihtuah a ta langin ka muhil thei lo a, thawh ka lo hai chiang kher mai.






ka in ti fai zung zung a, ka chhuak phei a, Nu zotei pawh a lo awm reng tawh a, eirawng a lo bawl malh malh a, a ni hi lang a lo kal thin ani a, inchhung chet vel leh tul zawng zawng a ti vek thin.






kei hi chaw ei ngaipawimawh chi ka ni a, ka pa khan chaw nghei a phal ngai miah lo a, ka than hnan a nih ka ring a.






“nizan lam I chau awmsia, ka kaitho duhlo che a nih kha” Nu zotei chuan alo ti a





A bula dawhkan chu kilin ka thu thla nghal a, nu zotein hlim deuh a nizan concert ropui an tih zia leh a fate thusawi hrang hrang chu min hrilh a, ngiahnawm ti zet in ka lo ngai thla a,






“Mahlui pawh a lo thleng tep ang” a ti a, mak ti deuh hian ka en let a






“minlo cal a, eirawng bawl kep turin min ti a” a ti a






“ka va lawm ve, a phur leh lutuk tawh a nih dawn chu” ka ti a, ka nui var var a, kan sawi lai reng reng chuan door bell hmeh leh rawn luh a ruah tih hriat fahranin, door bell rik rual rual chuan a lo lut nghal a..





A rawn nui sang a bawk a, a hmeltha bawk a, amah ka han hmuh hi chuan hah a dam huai huai thin, U mahlui bulah hi chuan ka hahdam sawng sawng zelin ka thla hi a muang huai huai thin, keipawhin mak ka ti.





U mahlui ka han ti tak na in kum 40 a tling tawhin ka ring a, ka nu nen an inrual thuak mai thei ani, mahse nula a ni bawk a la nalhin, a in enkawl uluk bawk aniang ka nu ai chuan anuapn hmel deuh chuan ka hria, hmel lamah pawh ka nu nen ka tehkhin fo thin, mahse ka nu ai chuan ka hmu hmeltha mah zawk a ni.,






Hlim deuhin min lo kuah chang chang a, a darah chuan ka bei a, Nu zotei chuan “Boss ber a lo thleng tawh bawk a, kan hlim leh tawh hle mai” tiin min lo fiam zauh a., kalo nui ringawt a





Umahlui in lak hran tum chu phal lo in “ la kal sawn lo teh tihian ka la awm duh” pangchang deuh hian ka ti a, a ni pawh a awm tha leh mai a.




ka nu bula ka awm aiin ka pangchang daih zawk thin reng reng a, nge ka nu bulah khan ka pangchang ngailo hrim hrim zawk pawh ka hre lo a






Dik tak chuan Umahlui hian nu mahlu pawh min ti rawh pawi ka ti lo a tia , mahse keimah hian a mawilo ka ti a, Nula ala ni ve bawk nen han nu kha ka duh lo a, chuvangin ka nu rual dawn pawh u mai ka ni a.






“Baby, bawihte nizan kan chet that zia kha I hria em? Ticket manto pawh kha a zo vek a… aaa ticket zawng zawng kha a zo vek a, advertisement leh sponsor lam kan hmu tha bawk sia maw…. Engzat nge I hmuh chhuah I rin” tih pahin a bag chu a rawn beng thak thak a.






A thu kang nghal bawk a, kei pawh ka tho hluai a, ka in siam tha nghal a,






“engzat ngeniang aw” ka ti vang vang a, dik tak chuan ka hrethiam lo, sponsor nuai hnih kha a awm a, ticket lah kha nuai 3 man vel kan siam a, kan hralh zo a nih chuan tiin ka in ngaihtuah vang vang a….. U mahlui chuan ngaithei lo in min lo kuk fawk a,






“sawi vat vat rawh” a ti a, “I sual “ tih pahin ka hmui ka ti pawrh tarh tarh a…






“ticket a zo vek bawk sia nuai 6 vel chu kan hmu ve mai lo maw” ka ti a, ka mitmengah chuan ka ring chiah lo tih ka ti lang a, Nu zotei lah hriat chakin a a rawn kal hnai a






“I awihlo zawk ang, main sponsor kha pawisa kan hmu nghal tih i hriat kha tunah hian ka kutah nuai 8 a awm”. A tih chuan. Awih lo lutukin ka meng phar awk a, kan khek raih a... Ka ring pha lo hrim hrim a...







“A ni maw ka awih theilo”, ka ti hliai a, ka mumang a ni em aw tiin ka in sik a... U mahlui chuan min lo nuih vak vak a.







U mahlui chuan min kuah pah chuan “chu mai a la ni hlei nem advertisement leh sponsor te nau kan hmuh atangin nuai 5 bill siam tur i nei bawk aw” a tih phei chuan mak ka ti lutuk chu awm ngaihna pawh ka hre lo zawk ... mahni in ka nui var var a.






Amah vek chuan ...... “Tichuan nuai 12 leh tlem i thawk chhuak aw nizanah khan, news lamah pawh ka report tawh a, mahse tukinah chuan an lo chhuah hman lo ang a ti a” a ti leh siam siam a.






“A pawisa zat chu i sawi em lo ang chu maw” ka ti let ha a





“Baby mi a ka nih loh hi, rin phak bak in a hlawh tlinga tih vel leh sum pawh thahnem tak an thawk chhuak tih vel thuar tham ang kha mawle” A ti tha ve mai a, in thiamlo deuh hian ka lo nuih tlawn a.






“Ka hre tho a, kan sawi mai mai maw le” ka ti a, ka lei ka chhauh zuk bawk a, min sawi nghal nawk nawk a.







“Chuan taka manghaka te pawh an lawm khawp mai a, 20 peecent kha a nia kan in remna kha I hmu tam bawk a duh leh bonus la mahse I thu thu aw, sponsor tenau kha anmahni hmuh a nu deuh vek a” a ti a... Bag chu min pe a.... Kut khur dar dar chuan ka lo la, ka pa hmuh ve a tan ka it kher mai ....






“Cammon baby lawmawm lam a nih hi, You have me” a ti a... Zotei chu chaw ei siam turin a hrilh nghal a....







Kan ei kham chuan u mahlui chuan “vawiin chu inah awm mai mai ang, nizan i hah sia chhuak lo ang, zanin kha ka hman leh dawn bawk si lo” a a ti a....







“Nga ti maw, engtin nge ka awm ang” ka lo ti hliai a...






Ni e zaninah hian functionah zaina tur ka nei a.







“Buai mah ta che Ruata, Lalruatkima khan ka lo ti fel vek tawh a lawm, a ni khan a kalpui vek dawn che lawm, motor pawh a khalh thiam vek tho a” ati a





“Tu nge chu chu “ kalo ti he haw a






“Aw…… kha, manghaka hmelhriat nangmah veng deuh bik tur kha maw a tih chuan ka mitthla ah a hmel a lo lang nghal a, ka rilru chu mak deuhin a lawm ru veng veng a







“Ruata kha ka mi rinzawng tak ania, bakah khatia monthly ang ni lo a, per work ang zawng kha anih chuan kan tan a zia” a ti leh barh barh a.




Engzat nge pek tur a ka ti let a





Concert kha ania, 3000 ania, hetiang function ah hi chuan 1000 angin an in be fel in ka hria a tih chuan ka lo bu nghat a..






Pawisa hi cash in i hmu tam tawk tho a, manghaka crew te kha chu pe fel nghal la ka duh a, tih pah chuan minen a.. awm tih nan kalo bu nghat a...





Manghaka te hi advertisement leh soonsor zawnah te ticksiam leh hralh zawng zawng an buaipuia, zan duty leh security pawh a ma rawih vek an nia. 20% an hauh a. Mahse a na ka tinlem lo keini lam kan awl hneh em a.






Nilengin u mahlui nen chuan inah kan awm a, a chang leh ak roomah kan awm a nuam kan ti dun hle a, sawi tur a hre tam bawk sia ka khua a har hman lo a, nuam ka ti hle a...






Tlailam chaw ei turin ka chelh nghal a, a ni pawhin a yes ve mai a, ka in bual san ta daih a, ka inbual zo chu ka harh sawng sawng a. mahni tawkah ka hlim em em a, pawisa save a awm chu ka va en leh thin bawk a, ka naupang chhia ang reng ka in ti khawp a.






Mahse ka tan chuan a hlu em a, ka zai vang liau liau aka thawchhuah ani ve a, zai ka tuizia leh lejkha ka zir peih loh zia ka ngaihtuah a, ka nui sak a.






Ka va chhuah chuan Umahlui ka hmu miah lo a, Library lamah a awm anih ringin ka kal a, ka rin ang ngeiin kawngka chu a lo in hawng a, surprise tumin kawngka chu zawite hian ka hawng riai riai, mahse umahlui min hnung chhawn zawng a ding, ka pa thlalak ngun taka a lo en ka hmuh chuan ka ding chawt a






A in ngaihtuah muk hle niang ka tahwm a hre eih lo, in thiam lo zet chuan ka chhuak ru leh zal zal a, chutah thawm nei chungin ka lut leh a.






A hmel ka en chuan a thu tak hmel riau in ka hria a, a mitmeng danglam zawk kha ka hmu hman reng a. kei chuan boruak tih zan tum chuan





“hetah ilo awm ka ring renga, ka pa hi hmeltha I ti em?” ka ti nghal vat a





“pa hmeltha tak a ni, ala naupang sia a uih awm ngawt mai” a ti satliah a





Sofa ah chuan thu thla in, ka bulah chuan a rawn thu thla nghal zat a, kan chhungkaw chanchin tam tak ka hrilh tawh avangin a hre ve nual tawh a.






“I nu I ngai ngai em?” a tih chuan rang zet hian ka lu ka thing a






“biak pawh ka be ngai lo, kar khatah vawi khat chu minlo be thin” ka ti leh sap a, ka hmelah chuan lawmlohna alo lang aniang






“baby pawi ti mah ta che, ka awm a lawm…. Engtik lai pawn min nu their eng ania aw” min ti a






Ka nui var var a”ka hria law. Ka nu angin ka ngai tho tho che lawm” ka ti a






Keimah bawk chuan “dik tak chuan ka nu chu a sual miah lo, mahse ka pa in min duat lutuk kha min thik a, ka pa in ka tan engkim deuh thaw a dah tih a hriat khan a tap a, nang hian ka engkim min chhuhsak a, I pa hmangaihna zawng zawng pawh I chang vek a, hei vang hian ani ka ngainat loh che min ti a, khata tang khan ka khawngaih ve a, mahse min angina ta chuang lo a nih hi” ka ti chuai raih a






Min lo kuah vatin “ pawi ti mah ta che, tiangm hiring hi an awmve a sin,a n fate thik tlat hi, ka hre ve nual mai” a ti leh a






“chuvang a niang uanu pawh ka neih ve loh ni” ka ti leh chuan a lo chek tlak tlak a.





“le… cheer up, I will always be there for you…. I thawmhnaw hak tur thlang tan ila, kan tlai palh a nge” a ti a, min pawt tho nghal a





Zanin kan programme tur hi minister pakhat birthday ani a, tah chuan happy birthday song leh hla pahnih dang sa turin min sawm a, chuvangin thawmhnaw pawh nalh zahawm tak a tulin ka hria a, Umahlui bula ka sawi chuan a ni pawhin tha alo ti a






Kan pahnih chuan ka room lam kan pan a, ka thawmhanw bawm chu hawngin kan hai dun rak rak a.






U mahlui chuan kawr fual nalh deuh mai, tight vek khup thleng vel a kawng a pawnchei zeh chu a rawn la chhuak a






Ka han ha chin vel a, kan lungawi dun bawk aniang a dang pawh try tawh lovin chu chu kan final nghal a






“chei I ngai angem” a ti a







“ngai loa ng, inchei vak kha tul pawh ka ti lo, taka haw hma a pawilo ang chu maw?” ka ti aka zawt pah a






“pawilo ang, a boruak awmdan a zirin I hre mai ang chu” a ti a.






Chaw kan eikham chuan min haw san nghal a, a ni pawh programme nei a ni a, a hmanhmawh deuh a, ka chelh buai duh ta lo a, Ruata number chu min pe a, mahse alo kal vat ang a tih a vangin ka phone duh ta lo a, dar 6:30 ah chuan door bell a rawn ri a, amah anih ka ring a, ka thinphu a rang nghal zaih zaih a, kawngka hawng tur chuan ka kal vat a.





Kan in hmachhawn ta ran a, mawl deuhin ka che leh pek a, ka en chho hau ringawt a





Lut tur a sawmna change maw pawh ka hrelo a






“kan kal nghal thei em ni?” a rawn ti a, a aw te chu a pa riau hian hria a, ka la phu zuk zui a.






“ka in peih tep” tih pahin luhna tur ka kian a, a ni pawh a lo lut nghal zat a, a rim pa zet mai chuan ka hnar a verh nghal zat a






“lo thu lawk la, ala ham deuh bawk a, Birthday cake cut kha 7:30 ani, hun ala awm deuh bawk” ka ti a. ka room lamah ka lut nghal a.





Kawngka ka khar chiah chu ka awm ka dawm nghal vang vang a, ka thin phu nasa lutuk chuan ka thawk a ti buai a, ka hmai chu a sa deuh hat hat bawk a, nizan ai mahkhan alang tah zawk a, mahse a ngo lo ve reuh riau chu erawh chu a inhmehin a ti lang pa phian a, a dar a hlai tha hle tih te, a taksa ria lam deuh mah mahvte, a awm dan zawng zawng nen ka mitthla hman vek niin ka hria





Ka inzahpui kher mai






Dressing table hma ah chuan ka ding a, ka in chei tha mawlh mawlh a, ka bag ka la chhuak a, ka mamawh ang ho ka thun khawm mawlh mawlh a, envelope ah chuan 2000 ka dah nghal bawk a.





Ka ding vang vang a, ka pangngai deuh tamaw tih hnu ah chauh chuan ka chhuak phei a.





A ni chu kan chhungkaw thlalak bih chuan a lo ding reng a, ka thawm a hriat velah a hawisawn vat a.






Kan kal ta nghal a, a ni in motor a khalh a, kei a hma ah ka thu thung a, sawi tur a vang kher mai, ka va en phei zeuh a, a mitmeng chu a tak tha ngel ngawl viau a, a tlanna chauha en tih hriat zetin a hmalam chu a en ngur bawk a, biak a huphurhawm ve ngawt chuan ka hria






Boruak chu a rit kher mai, hreawm ka ti, a mi uap ana






Boruak tih zangkhai tum chuan “eng nge I thawh thin” ka ti mawl tawp a




Min chhang dawn tawhlo emaw ka tih hnu ah chuan “a rem rem ka thawk” a ti tawi tak a





Ka tim sawk thei, a nelawm loh hi kan ti mai mai khawp a, mahse ka luhlul ka chhuah ve deuh a “college I kal lo em ni” ka ti a



“ka zo chiah” a ti leh hmuk a, kei pawhin tawng zuina chi a niin ka hre tawh lo a, ka ngawi ve ta reng a.






Keihi Mizo nula ah chuan ka chhelo ve riauin ka in hria a, ka sang tha a, ka pian hi a nlah ve riau bawk a, chubakah zaimi te ka lo ni bawk a mi pawhin chhelo min tihzia ka hre ve reng, mahse hepa hian vawikhatmah chutiang eninmin en lo reng reng






Chu chu tlawmah ka la deuh tlat pek a… ila hre ve khawp ang ka ti rilru nauh nauh a.






Kan thlen chuan mipawh an lo awm teuh tawh a, minlo chiau au vat a, ka bula ding mipa a vang erawh chuan nuam ka ti veng veng thung a.





Ka tan chuan party nuam tak a ni lem lo a, ka zai mawp mawp a, zai lo karah thla min lak pui duh an awm ve reng a, a ni erawh chu ka bulah a awm zel a, thla min lakpui an awm pawhin ka hmuh theih rengin a awm a, a hna chu a tlin khawp mai.






Dar 9 ah chuan ka hla thumna chu ka zo a, haw mai ka duh deuh a, kal mai ang hmiang ka tih chuan a tho vat a, ka haw tur thu te hrilhin kan minister PA chuan pawisa pawh min pe nghal vat a, motor thleng min thlah leh thlap bawk a, lawmthu min hrilh nual hnu chuan kan chhuak thei hram a.






Chauh ve nen, motor chhung boruak nuamlo nen chuan ka luak a chhuak ngawih ngawihin ka hria a, pakhat lahngawi reng, tawng tum bawk si lo, ka tah te a chhuak hlur a.






“Ruatkim tlan muang deuh teh” ka ti ta thlawt a, kan boruak hreawm lutuk chu tihren ka tum vang ani pakhat a, U mahlui khan Ruata ati kha ania, mahse Ruatkim ti khan ka au si a, ka inthiamlo hnuhnawh ang reng khawp a







“Sorry “ tih pah chuan a tlan zawi nnghal a






Motor seat hnung chu ka ngheng a, ka mit ka chhing vang vang a.







Ka lu hmet nauh nauh pah chuan “a chauh thlak hle mai”ka ti sap a, ka tum reng vang a sawi chhauk pawh ka nilo, ka lo sawi chhauk ve tawp a, ka inthiamlo ang reng khawp a, ka meng chhuak vat a.







“chau ngawt ang nizanah lah I hah bawk sia” tih pah chuan min rawn melh zeuh a, ka lo en reng si a, ka mit ka la sawn rang teh e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:44 pm

Bung – 3




“chau ngawt ang nizanah lah I hah bawk sia” tih pah chuan min rawn melh zeuh a, ka lo en reng si a, ka mit ka la sawn rang teh e.





Kan ngawi dun leh vang vang a, in thleng min thlah a, kawngka hawn a , ka luh fel hnuah chauh a kal a.





Mut hmunah pawh a mah bawk ka ngaihtuah a, a pain zawng zawng nen, a hmel engkim mai khan min bual a ni maiin ka hria a, ngaihzawng la nei ngailo mai ni lo in duh leh star pawh ka nei ngailo a, dik tak chuan nula ka ni a, mipa in nalh ti zet a min en te hi nuam chu ka ti thin a lawm





ka hriat theih chinah chhelo min ti lo ni awm taka awm ka vawikhat hriatna ni a, na ka ti deuh reng reng bawk a.






dik tak chuan thenklhat min sawichhe tut e pawhin “layla chu a aw nalh aiin a hmelthat a larpui” tiin min sawi thin a, ka nu mai mai zel a, mahse kei chuan ka zaithiam ve vang liau liau lar ka niin ka in hre thung.






Ka phone chu ka khawih rak rak a, mut hnuah phone ka khawih tawh ngailo a mahse tunah chuan thil en duh ka nei tlat.






Whatsap ah lutin Ruatkima number chu ka hmet chhuak a, a online miah lo, a dp pawh a dahlo bawk ka nui sak a, ka phone chu ka dah tha leh ngal a,






Mu theilo chuan ka in let sek a, a ni ringawt ka ngaihtuah duhloh avang chuan ka ngaihtuahna chu hruai pen tumin ka in siamrema, mahse kappa bawk ka mitthlah a lo lang leh nghal a.






Aizawl ka awm hlim a, ka khawhar zia te, hlauhnain ka khah nasat zia te ka ngaihtuah a, mahse tunah chuan engkim ka ngai neih tawh a, keimahin khawvel ka hmachhawn dawn tih ka in hre ve kar tawh a, ka pawm thiam, bawk a






Chubakah mi ramah ka sei liana , mahni te han awmharn kerh kerh hi hreawm tihna pawh ka nei hran chuang lo a. chumai bakah ka pa lamah kan bul ve em a, ka pi leh pute an thi ham bawk nen, ka nu chhungte ka nel em em lo bawk a, chuvang chuan ka awmdanah chuan ka lungawi viau twh a







Khatia ka nu in pasal a nei hnu khan ka la pangngai thei chuang lo a, school kal leh tur a min tih pawhin ka la duh ta chuang loa, ka khawhar hi ka room ah ka tawm tlawk tlawk a, hla te ka phuah thin a, ka zai nasa thei hle thin bawk a.






Ka nu pasal thar chu kan inah chuan a rawn insuan lut ve a, ka awm thiamlo huih leh nghal a, an pahnih chuan ka ten deuh tlat leh nghal a, upa pui tawh han innei tha leh vel te lkha mak ka ti a, amhse ka nu la naupan zia ka ngaituah chuan a awm ka tihpui em em tho, tunah hian kum 41 na a hmang mek chauh ani a, pasal a nei hma ve hrim hrim a niang.





ka nu khan pawisa a hmang na hle a, keilah kum 16 chauh ka la ni a, engmah ka la hrethiam loa, kan thenawm hnai lawkah hian mizo chhungkua an awm ve a, an nu ber chu Nukimtei a ni a, nikhat chu an in ka pelh dawnah minlo ko ding a
ka lut zuai a, tah chuan thil awmzia min hrilh fiah a.





“ipa kha mi a a ni lova, I nu ngaihzawng neih hi a hre daih tawh a, chuvang chu a ni ngei ang ro zawng zawng pawh I kutah a dah deuh vek nachhan, tunah hian anni pahnih sawn an chen mai mai a, ipa kha ka khawngaih lutk a, ka en thei lo ani, chuvangin a rang thei ang berin bank ah kal la, engkim ti fel vek ang che” a ti a, ka tek sawk ani berin ka hria a.





Thildang zawng ai chuan ka pa a rinawm loh san zawk chu ka ngei lutuk a ni, mahse ka in thing harh vat a





“engtin nge ka tih chuan ang” ka ti a






“awle, ila hrethiam lo aniang, bank ah ka kalpui vat che nga, engkim ka tih fel pui ang che” min ti ta a.





Nu Kimtei chungah khan ka lawm em em a, tuna ka ngaihtuah te hian ka lawm zual tawlh tawlh thin, ani nen chuan tun thlengin kan la in be pawp reng a ni.





A tuk ah chuan a ruk thei ang berin ka chhuak a, nu kimtei nen kan kal ta a, account dang min hawn saak , kei bank la dawr ngailo chuan engmah pawh ka hrelo, ka lo en reng ringawt a, ka account tharah chuan a dahluh tir vek a, bakah khawih chet mai theih lohin kan dah a nge a tia, term chuana dah ta vek a, ti chuan ka ccount bu chu keiman kalo kawl tha ang, I kawl chuan a thalo zawk ang a ti thlap bawk a.






Ka nu in a hriat chhuah chuan a sa teh e, mahse khawngaihna pawh ka nei tawh lo





Kar khat hnu velah ka ka nu pasal lo haw chuan ka nu hnenah “ Mary pawisa a awmlo a in ti zel” a ti a, ka account chung chang an sawi tih ka hre reng a, mahse ka hrethiam duhlo der tlat a






Ka nu chuan “a va mak ve, naktukah keimah bank ah ka va kal a nge” a tih chuan ka nuih a lo za lawk ang reng khawp a.



A tuk ah ka nu chhuak tur chu ka hmu reng a, ka nui rah rah a, ka nui buai tur hmel elh thinrim tur chu ka hmu chak khawp mai a.





A lo haw rang khawp mai a, “Layla I account saw I khawih em ni, balance engmah a awm lo a?” a ti a, a hmel chu ring chiah si lo buai deuh nuaih hian a awm a.





“aw khawih e, term in ka dah vek a nih kha” ka tih chiah chu a meng long ngal vek a, amitmu te chua rawn pawng chhuak dawn emaw tih mai tur hian a awm a, an pa PA siama chuan a lo chelh vat a, chutini lo se min beng hrep duh ang chu




“ka fanu I ni a, ka thu lo in engvangin nge I lo khawih” ati a





“nu, kan mamawh chuang lo a, inluahman leh ka pa pension kan nei tho a, term a dah khan a pung dawn a lawm” ka ti fel fai thlap a, nukimtein chhan dan tur min hrilh lawk diam vang a che buailo ka ni a.







“I hma I va han sial reuh vce, nang pawh hi I pa ang chiah a sual ahni in hmangaih I ni hi, I nu ka ni ve bawk a minrawn ta che” a ti a, thutthlengah chuan a thu thla nghal hnawk a, a pasal lah chuana henm ang duai duai a, ka va ten ber mai em






“hrim hrimah ka ta ania, ka pa khan felfai takin a ziak a, ka lehkha zir n ate khe ka in enkawl nan a tia, nang chuan I dam chhungin a pension I la dawn tho a” ka ti ve fan a.






Min beng dawn emaw ka ti hman a, mahse an pa chuan alo chelh hman hram a, “laylaroom ah lut mai rawh” a ti a, keipawh chuan in sa seng vat chu a tha zawkin ka hria a,ka luh dawn chuan






“lalrinhlua fanu ni awm tak ani” a ti ri chu ka hre reng a.






Kan inchhung hcu nuam ka ti tawh lo a, school ka kal peihlo bawk nen chumi kum chu ka hmang ral mai mai a, a kum lehah chuan cclass XII ka tan ve hram a, ka tan chhan pawh nukimtein pawl 12 tal zo la, mizoramah chho vat zawk rawh tiin thu min rawn leh a.






Diktak chuan keipawn chu chu ka duh zawk a, ka tumdan pawh a ni reng reng a.. kum 18 ka nih in pawl 12 chu ka pass ve ta hram a, chupawh kan in chhuahsan vat vat ka duh vang ani..






Nukimtei chuan i chho anga, i pute bulah i awm a nga, aizawla in in khibi sak belh a, thlatin inluahman i hui vek tawh a nga, tunah chuan i nuin a chang vek a, i kutah engmah a lut lo a. Chuvangin chho vat vat ang che a ti ...







Ka nu bulah chuan ka sawi ta ngei a, a thinrim chu a ang leh nasa mai a, hetiang ang hian ka nu hi a rapthlak ka ring ngai lo reng reng, ka pa damlai khan tiang hi a ni lo reng reng.






Mahse ka tum tawh a, ka pute bulah ka awm ang ka tih hnu ah chauh a phal ta reng a, dik tak chuan insak zawm ka tum tih pawh ka sawi lang duh lo a... sawilang ila chu a phal hauh lo ang




Ka insawn dawn chuan ka pa bank a locker chu a chahbi ka dila , minpe duh thak lo a, ka thurochhiahah khan bank a locker a ka lehkah tur a awm tih a ziak a... Chahbi erawh ka nu in a kawl a, ka pa tih loh chuan keimah chauhin ka hawng thei tihna a nih chu.







In hau buai vak ka peih loh avang chuan ka dil buai duh tawh lo a, nakinah a phal hunah minla pe mai ang chu maw ka ti a...





Ti chuan ka pute bulah ka awm a, an ni pawh an sual hran lo a, mahse a mak lutuk ka nu ang thk an ni, an pawh theih miah loh thung a, hreawm chu ka ti lo thung. Mahnu pi leh pu te bula awm ka ni a ka thla erawh a muang ve thung a...






An chhungkaw style a nih dawn hi ka ti ta vel mai mai ....





Ka cousin melody a awm bawk a, ka nu u chiah fanu ani a, kei aiin a u deuh ani ne chuan kan tet lai tangin kan in kawm ngeiha , kan in kawm chhunzawm ta zel a nih hi.





Kalo sawi lo tak, melody vang liau liau a lar hi ka ni ka ti lo thei lo a... Ka zai hi youtube ah alo dah a chuta tang lar chho chu ka ni a....






College ka kal peih bawk silo, ka awm mai mai chu min buaipui ve sia, ka zai peih tih a hria a, i aw a nalh ltk video siam ang a ti thin a... Mahse chutiang em em han tih a tan chuan ka aw chu ka hnual suat deuh a... Ka nuih liam mai mai ...






Ti chuan a zarah ka tuina ber zai hmang chuan sum ka thawk chhuak ve ta ani.






A ni erawh lehkha a thiam thei a, tunah pawh bangalore lamah master a ti mek a.... Kan in be pawp reng reng a.






Ka harh velah pawh Ruatkima chu ka hriat chhuah hmasak ber leh ka mitthla a lo lang hmasa ber a ni a... Ka ner sak a... Kha mihring in duhpa khan ka thluak hi a ti buai mah mah ani.






Exer ka lak zawh hahdam pahin insta ka check mai mai a, message chhiar sen lo tak meuh meuh alo awm leh tuarh, social.media lam hi ka lawm lo hle a... Mahse u mahluin a tul a tih avangin ka nei ve chauh zawk a.




Ka thlalak tam ber pawh hi ama post deuh vek anni a... A zarah hian ka hahdam phah em em ani ....






U mahlui call lo kal chu ka la nghal zat a, "ka ngaihtuahna i hre thei em ni" ka ti nghal lar lar a. A nui ri har har chuan a zui nghal a..




" Tunkar chu i full hle mai, concert zar kan zo bawk a, hei programme chhan sen loh kan hmu tlat mai" a tih chuan ka lawm hle a....





Amah bawk chuan "ka nu a dam tha theilo a, bakah programme lian lutuk an ni lo bawk a, Ruata kha kalo book fel leh mai aw, a zan zawnte a ni bawk a, pek tam a ngai lo ang 5000 in kan in be fel aw" a ti a lawm avangin ka nui sak a...






Helo helo a rawn tih leh lar lar chuan ka phu zawk a, ka lawm lutuk kha kalo inngaihtuah nasa deuh a niang




" Vak vak a che, i awm loh chuan a nuam dawn lo em a" ka ti chuai raih a, ka rilru chu a lawm zawk reng sia . ..





Kar tluan chuan zantin programme ka nei ta reng a, Ruatkima nen chuan kan in zui nasa hle a, mahse ka tum ang chuan hma ka sawn thei hauh lo a, mahse a bula ka awm ringawt pawn nuam ka ti a, ka lungawi veng veng a ni ber a.




Mi duh deuh han neih chu alo nuam hle a ni tih ka hre chhuak a.





..bakah ka nun ah engmaw thil thar ka tawn ngai loh ka han tawng chuan tha tho na min siam a, ka thil tih engkimah ka phur a, nuam ka ti ve reng mai ....





Mahse amah hian min ngaina lo emaw a duhzawng ka nilo nge ka lakah a in khar khip tlat chu hriatthiam har ka ti ve deuh a..





..inrinni a ni a, zaninah programme ka nei dawn bawk a. Chhun ah megazine kawm a tan thlalak ka ngai bawk a, mahni tawkah ka programme a khat hneh ve hle a, nuam pawh ka ti.






U mahlui pawh a buai hle a niang, kan in hmulo kar tluan a, shooting ka neih zawh chuan a rem chang bawk ka tlawh kawi pah a...





Ka insiam malh malh a, zanin chu model Sawmi Birthday party a ni thung a, a ni nen hi chuan kan in hre ve hrim hrim bawk a, zai sak chu ka ba ve hrim hrim ...





Milar chhelo deuh deuh an fuan khawk dawn tih hria in keipawh ka thawmhnaw hak tur ka thlang uluk hle a.. umahlui nen kan duhthusama kan thui tir a ni a...






Ka hmai pawh chei tu tur ka book lawk diam tawh a, masangi chuan min chei malh malh a, a zawh meuh chuan keipawh ka hah hnawk zawk.





Ka kawr ka ha tur chu minlo pui vat a, Ruata pawh a lo thleng tawh a, mahse ka hman hmawh phah em em chuang lo, ani hi chu a hma thei hrim hrim a.





Ka in peih fel darthlalang hma a ka ding zet chu kei ngei pawh ka lung a awi hliah hliah ..





ka kawr senduk hak chuan ka vun a kap eng sar mai a... Kawr bah sinte nei, ka hnute chung chiah chiah a thui phei. Ka kawng fek zet chu a ti lang chiangin ka mawng pawh a ti lang lian sawt a...





Ka kerek thenga fual ani a, a puan a fan thei bawk a, hak nuam tak a ni a... Pheikhawk erawh tlemtea sang ka bun a thung a... Masangi pawh chuan i nalh hle mai a to chhuak raih a.






Ka va chhuah chuan alo ding nghal vat a, chutah min en reng a, harh chhuak thut ni awm hian a che thut a, a kal ta vut a.. chu ringawt pawh chu ka lawm tawk a tling em em a. a mitmenga nalh min tihna kha ka hmuh hmaih lo chiang khawp mai, mahse a rei lo em mai pawh a.






Party nuam tak ani a, keipawh ka zai nual a, sawmi ber chuan haw mai a phal.loh avang chuan kan awm ve ta reng a... Ruatkima chu ka bulah ngawi reng in a lo thu ve mai a... Milar an tam bawk a, an nalh hlawm si, keipawhin nuam ka ti, ka rualpui leh kawm tawk an tam ve bawk sia, dar 11 a rik chuan haw ka rawt ta a....






Beer ka in ve a vang chuan ka kaoi deuh a, ka tawng duh phar phar hle a, beer ka in lai a Ruatkima ner sak hmel kha ka hmu reng a, tlemte in tum khan cane khat lai ka in phah a..






Ka zahna bo tawk lekin ka kai ve a ni chek ang chu amah chu hnaih theih ang berin ka vuan a, tluk hlau ni awm tak chuan ka kal a, nghet zetin min kuah let a, ka pum ah chuan che det a awm, ka khur ta dar dar a... Ka ruih vang a nilo tih chu ka hre chiang lutuk tlat.....






Motor kawngka min hawnsak thlap bawk a, dik tak chuan beer te chu ka in ve zeuh zeuh a, cane khat mai maiha ka rui chhe lo tih ka hrechiang, ka ti lui ve hrim hrim






.kan tlan chhuah hnu ah chuan zu lam in tawh suh, a tha lo, in eizawnna nen a in rem lutuk mah mah a ti sup a...







Nia ka in tawh lo ang tiin ka riat nawi ral ta mai mai a, ka zak ru chem chem ani Ka.muhil der ta ringawt a....





Motor a din dat pawh chuan ka che duh reng reng lo a, engtin nge a tih tehreng ka ngaichang reng a, ka lungphu erawh a rang zaih zaih hle thung a. Ka hmai bul hnai te a rawn thaw ham ham chu ka hre reng a...ka first kiss a ni dawn e tiin ka lo ngaichang ran a....... ka lungphu ri dat dat chu a hriat ka ring hial a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:45 pm

Bung – 4


Motor a din dat pawh chuan ka che duh reng reng lo a, engtin nge a tih tehreng ka ngaichang reng a, ka lungphu erawh a rang zaih zaih hle thung a. Ka hmai bul hnai te a rawn thaw ham ham chu ka hre reng a...






ka first kiss a ni dawn e tiin ka lo ngaichang ran a....... ka lungphu ri dat dat chu a hriat ka ring hial a ni.







Min hlat ta daih a, a thu that te te a, chutah min sawt ta dat dat a…








Thophang ang mai chuan ka awm a, ka chhuak tur pawh min pui thlap a, kawngka pawh aman a hawng vek a, ka chahbi spare pawh a nei thlap tawh reng reng a.







Ka lut fel a, chhuah a tum chu ka chelh bet a.







“La kal teh suh, ka kawr hi kei mah chuan ka phelh thei lo ang ka ti a”, a rum nghat a....







Ka room ah ka lut tlang a, min rawn zui lawk ngam lo a niang a lo lut mai lo a.... “Ruatkim ka kawr hi” ka ti leh a, ka in chhuih ri khut bawk a, a lo lut vat a...








A mah hnung chhawn zawngin ka ding a, “ka hnung zipper hi phelh teh” ka ti a... la aw chu a khurh loh nan ka insum hram hram a







..ka sam ka hui kiang a, a kutin ka hnung taksa langlai a rawn deh chuan ka mur nghal chum chum a, a zeilo kher mai, dimte chuan a zip thla a....







Rang zet hian alam ka hawi phei nghal vat a, ka melh chho vat a, a mit awmna zawn ka en chuan ka awmbawr chu ka en thla vat a..







Ka hnute chu alo lang nasa mai, a hmur a lang lo chauh ani, harh chhuak thut ni awm hian a thaw hrawih a, a chhuak zui a, a banah chuan ka chelh vat a.







kan in en ran a, khawvel hi a ding thuap ni maiin ka hria a,







“nalh min ti ve miah lo em ni, min it miah lo em ni” ka ti ta thlawt a, dik tak chuan miin chhelo min ti ve thin zia te ka hre bawk a, alak a itawm theih tawpa ka awm chung pawh a min han hnar chu na ka ti ve thlawt a ni ..





Chutah a che thut a, a lamah mi pawt hnai hrawk a, ka kut a la a, a awm zawn chu min khawih tir a,a lungphu ri dat dat chu ka hre thei a ni, zawi muanga rawn kun hniam a, kalo dawh tawp tawh kei pawh ka zam, ka first kiss tur a ni,






A hmui hnawm chapin ka hmui a rawn dek chiah chu ka tek sawk a ni ber mai, zawi muanga min kiss a, engtia lo awm tur nge pawh ka hrelo, kalo dawh tawp ringawt a.






A lei chuan ka ka chu nawr kauin a rawn hawl nawk nawk a.... Thiam leh thiamlo chuan. Ka hmui chu kalo ti che ve a...






A tawpah inla hrangin , ka awmbawr lang deuh huai chu siam tha in,






“I rui a nih kha” a ti a, ka chal ah a fawp zeuh a, “mangtha a” tih leh kal a rual nghal a...






Milim ang maiin ka ding khawng reng a, kawngka a kalh ri te chu ka hre reng a.... Scooty thawm a reh hnu thleng chuan ka ding reng a...






Khumah chuan ka thu hnawk a, ka va han zak tak ... Ka hmui chu ka khawih nauh nauh a.. tah hian Ruatkima khan min fawp a ni... Ka hlim bawk si, zak bawk si... Ka.inzahpui bawksi awm ngaihna pawh ka hrelo hial zawk ...






Engpawh nise mi chu a duh ve chiang a ni






Mut hmunah ka chetdan mak lutuk leh zaklo lutuk chu a mal te te in ka chhui kir a, ka insik leh vak vak thin.. mahse ka lungawi a ni, ka first kiss nei tu a ni.... Ka va hlim tehreng em ...





Sunday nileng chuan minlo biak ka beisei ru deuh a... Mahse min be miah lo a, mahse ka hlim tho tho, a ni ang mi in vontrol.thei lutuk khatia ka insiam kha hnehtu in tihna deuh ka nei tlat a.






Ka awmdan zahpui awm tak chu hriat reng ka duh lo a, mahse khataing khan awm lo ila, min kiss hauh lo ang, step khat chuan hma ka sawn ta hret e.






Kar a thar a, keipawh music video thar siam tur ka nih avangin. Studio lamah kan bur char dawn a.tun tum chu dancer te an lan tel dawn avangin in buatsaih a ngai nasa a... Voice erawh kan record zo vek tawh a.







Keimah ka hlim. Bawk a ka phur hle a, U Mahlui pawh alo thleng hma leh hle a, ka chaw ei laiin alo thleng a,






Vawiin kan hun hman dan tur a duan lawk chu a sawi zung zung a....






“zanin chu hetah ka riak mai a niang chu programme I nein sia, kan tlangval a lah chu a hman si lova” U Mahluin a tih chuan ka hawi phawk hra a.. keiin ka lo nghakhlel ve em em a, hepa hi a va han sualin a va han in duh thiam em ka ti rilru thlawt a..







Ka mood a down nghal vek .... Mahse ka insum hram hram a... Kan lam pawh ka ti tha hlei theinlo.... Kan bang hma ta ringawt a..





Va call a, hau hrep mai ka chak ber a, chu em erawh a thleng lo hlauh, ka chapo ve em a... Chu chuan min chhan hram hram .....





Kar rei ber a ni hialin ka hria a. Mahse mihlim thei tak ka ni miau a, ka tuar thei ve viau thung a... Ngaihzawng neih hi thil nuam tak pawh a nih dawn loh hi ka tih phah hial a..







Friday kan thlen meuh chuan kan video awm dan tur pawh kan ti fel thei tawh a, kan bang hma deuh a, U Mahlui nen, U Manghaka leh a pawlten karaoke an neih na turah min sawm ve tlat avangin kan kal ve dawn a, chuvanga bang hma chu kan ni a...





Dinner ei nghal tur an tih avangin kan chhuak hma a, taxi in kan kal a, haw lam chu min thlah thei tho ang tiin motor ka khalh haw tur min ngaihguah bawk si nen kan keng ta lo law law a...





Mualpui lamah daih a nih avangin kan thleng har hi ka ti khawp a... Kan thlen chuan an thawm a tha hle tawh a.. kan zu lut chiah chu anlo te chul a...





Kan in kawm ngaih tlang bawkn a, inhmuh a khat a, kan lo in ngai hlawm tawh hle a.... Dinner ei ala theih loh deuh avang chuan kan ti ti mar mar hlawm a,





Ruatkima leh Ruthi rawn in zui lut ka hmuh chuan ka phu zawk a, an lo e dual bawk a, ka hma zawn chiahah chuan an thu a, an thu fel chiah chu an fiam sap sap a...






Ruthyi hi nula fel deuh pU Manghaka pawhin a rin deuh mai anni a, a hmel a tha hle a, mahse a te thung a, bakah a khal mah mah a.... mahse a hmel chu a tha ve reuh thlawt a. kalo in compare hmanhmawh chu duh loin ka ner sak a.





An ni pahnih ka hmu dun chu ka mood a off ngawih ngawih a, U Mahluin minlo enkar ka hmuh chuan ka lai lutuk...





Henu hian min hrechiang lutuk hi a buaithlak zawk ani.






Ruatkima chuan min en miahlo a, vawikhat pawh ka lam a rawn hawi lo ...






Ka rilru tawt lutuk chuan beer cane chu ka ban lawk a, ka hawnga ka in nghal bawrh bawrh a, thiante tawng karah chuan thaw veng hmel zet hian kalo tawng ve lar lar a... Ka mitsir chuan Ruthy leh ruatkima in be lai chu ka hmu reng a... Ruatkima nui suk ka hmuh chuan ka phu zawk thei.






vawikhat mah a nui hmel kala hmu ngailo tlat a... Mahse ka thin chu a rawn na zawk a, keimah vang leh ka tan a nui ani lo tih ka hriatna chuan min ti na zawk a ni..






chaw ei hma chuan U Manghaka chuan neitu chan chang takin thu tawi te a sawi a, keini kan kal ve duh avanga a lawmthua sawi nual a, ka zak ang reng khawp a, ka zah chhan ber chu U manghak chuan “Laylai, Mizoramah na na na chu zai lamah a ai a thiam leh lar an awm lo ang, ti hian keini pawhin kan han sawm ve ngawt ngam hi kan lawm etc….” a sawi nual mai, zakin ka lo sen tawn tawn a.







Ani chu awmlo se ka zaklo deuh ang, a awm ve a khatia milar min han tih vel kha ka zak deuh tlat a







Mi in milar min tih hian ka la zak reng thin a, milar nih hi ka duh ber lo a, mahse zai erawh nuam ka ti thung a, dik tak chuan pawn hi ka chhuak tam lo a, hna ka nei a nih loh chuan ka chhuak vak ngailo tluk a ni a, pawna chhuah pawh hian miin min en duhin a , thenkhatin thlalak puiah te min sawm ang lawp lawp a, a zahthlak hi ka ti thin a ni






chuvangin U Manghakan min lar min han tih pawh khan ka ip deuh a, bakah ruatkima ner deuh sak leh nuihza awm deuh hmel khan ka awm a ti nuam lo a, a ni hi chuan min ngaisang lo ve chiang a nia.






chaw pawh ka ei tam lo, U Mahlui awm ve chuan min thlamuan chauh zawk a ni...





Mak deuh chu ngeiin haw hle mah ila, a awm ve avang ringawta ka thla muang leh nuam ti deuh tho chu ka in haw hle a...




Kan zai ho a, nuam kan ti chho tlang hle a, ka chau ve tawh deuh nen verandah lamah chuan ka chhuak phei a, keimah chuan ka va ding thaevneg mai mai ..






Minute sawm vel ka ding tawh ang tih ah chuan let tumin ka in her chu Ruatkima lo ding reng nen chuan kan in hmachhawn ta ran a.. kala phu vak zui a...






“I ning deuh tawh a mi”a ti sup a.....





“Ning lo e, boruak thianghlim ka dawng lawk” ka ti a, ka aw chu a khurh chhiat loh nan ka insan mar fe a ngai a.





Tawng tuma a an ziau lai chiah chuan Ruthi thawm kan hria a,





“Ruata ka rin aiin I rei daih a, ka rawn zawng che lawm” a ti lar lar chu ka lut tur chuan ka hre pha reng a.





Mi zawng zawng hian Ruata an ti vek a, kei chuan ka rilru ah Ruatkima tih loh chuan ka ngaihtuah thiam lo, a mawi ka ti. Ka tan chuan Ruatkima ani tho tho.





Zai ve tawh lovin ka lo thu a, ruthi khan I chhuak rei a ti kha a nia, engtiua rei nge khatan khan alo ding hman ang? A lo kal chiah nge a lo awm ve reng tawh zawk?





Ka ngaihtauhna mawlmang leh ho lutuk chu duh lovin beer cane chu la lawkin ka hawng a, ka in nghal bawrh bawrh a, um chanve dawk ka lem zo nghal vek a, Ruatkiam te pahnih lo lut chu ka mitsir chuan ka hmu reng a, kan paih deuhah an thu a






Ruthi chuan ka duh aiin a hnaih mah mah, ka mit a ti kham tlat.




Beer chu ka duh ai tam ka in a, mahse rui chhia erawh ka ni chuang lo a dar 10 dawnah chuan haw an rawt ta a, ka lawm kher mai, ka zai peih ve tawh si loa, anuamlo tlat tawh.





U Manghaka chuan rem a ruat zung zung a, Ruata nangin Layla thlah la, keiin Mahlui ka phur haw ang a tih chuan ka lo tang nghal teuh a.




Nula a kal pui ve bawk a, min thlah leh daihte chuan … ka thin a rim hlur zawk a.





Scooty chuan kan in phur haw ta a, ka beer in hnem a rawn lang tan a,





A tlan chhuak tur chu kalo inring si lo a, ka bu dawrh a, rang lutuk in a ding a



"I tha em a rawn ti a", a aw ah chuan min ngaihtuah zia a lang vek a, a thup hman lo a nia nge.




Rawn leh hawiin



"I rui lutuk a nih kha, in tawh suh ka tih kha". Tih hmuk pah chuan scooty chu a ti nung a, zawi muangin a tlan chhuak a.





Keilah nuam ti lutukin ka lo nui ru var var a, ka rui teh chiam pawn ka hrelo a,mahse ka zawi ve deuh hlek, ka chhang buai peih lo a.




Min kuah rawh nghet deuhin tih pah chuan a kut pakhat chuan ka kut a rawn la a, kei pawhin nghet zetin ka kuah ve a.




Ka va han hlim chiang kuang tak ....




"I bialnu i thlah theih loh phah sia, a nuam lo e" Ka ti nuah nuah a.





Mi a nileng lo tan chuan ka aw a thikna chu hriat loh chi a ni lo.





Ka rin loh deuhin a nui huk a, a aw ah chuan a ngaih ho zia a lang chiang hle a.



"I rui a nih kha" a ti liam puat a, a aw ki chu ka ngei tlat, a ngaihpawimawh loh hmel lutuk a...




"Ruatkim misualpa" ka ti a, engah mah ngai lo chuan a nui ringawt a.





Kan kal lam a kan tlan rei teh reng nen , kan haw lam chu kan thleng hma kher mai. Nuam ka ti lutuk, theih se Siaha thleng pawh chuan tak ka nap ......






Zawite leh min tih nat hlau zetin a ding a, keipawh rui awm deuh chuan muang chang thei ang ber chuan ka chhuk a.







Ka in ah chuan kan in zui chho hnek hnek a, nghet zetin ka kut ah a vuan a, a kut mam fahran lo te chu a pa ka ti, ka thla a muang ngawih ngawih a ni.





Kawngka a hawn lai chuan ngawi rengin ka lo ding a.





In chhung kan luh hnu chuan a kal leh mai ang tih ka hlau hle a.




“I bialnu pawh I thlaah thei si lo a, min ngeiawm” ka ti ve nuah nuah a, a kal leh mai ka hlauhh em avang chuan sawi tur ka ngaihtuah a ni ve reng sia, ka thil sawi chhuah ber kher chu …..




Min chhang nghal mai bawk si lo a, kan boruak chu a tang ru takzet a, a thaw hawk ri avang chuan ka en a, a hmelah nui hmel deuh alangin ka hria



“I thik a mi?” a rawn ti a, a aw chu ka bengah chuan a ri ring hle mai a, ka zak nghal chem chem a



“Thingpui in ta che ka ti ta ngawt a... “ a bak han sawi mai tur pawh ka hre lo




"Thingpui pawh i lum thei dawn em ni khatiang te chuan, ka in lo mai ang" a ti a....




Thu tur a hrilh tumin ka en chho a, min lo en ve chiah a, ka mit laksawnna chang hrelo in , chu mitmeng vawt raih leh ril raih maiah chuan ka pil vawn vawnin ka hria a.






A che hrat a, amah hnaih thei ang ber turin min pawt hnai salh a, lo dan emaw lo tan emaw tumna ka neilo, kan boruak tang ru at chuan min bual a vek tawh a ni maiin ka hria...




.ka hmui a rawn dek chiah chu ka lo rum chhuak hak a, kar tluan a ka lo dream leh kalo chak.ngawih ngawih a lo thlen takah chuan ka buai zo vek a.






Uar zeta min fawpin kei pawhin ka thiam ang ang in ka lo fawp let ve a.




Mi pawm lawk a, ka room lamah min pawm pheiin kawkgkhar chu a ke chuan a tlawh hawng rawk a, ka lo nui chhuak hawk a.



khumah chuan min nghatin, min bawh hniam nghal a, ka hmui chu a kalsan chuang lo reng reng a




engkim chu mumang ai ruaiin ka hria a, ka hlim lutuk tih chauh chu chiang takin ka hria, abak engmah dang ka hre lo, a mi khawih ang ang chuan nuam ti zetin ka lo awm a.



A In la harng tu chu kalo pawt let tawk tawk a, la kal suh ka ti tham tiak a.



ka aw a amah mamawhna lang nasa lutuk chu keipawhin keimah atanga rawn ri chhuak a ni tih awih har ka ti.




A tho a, ka kawr chu a siam tha mawlh mawlh a



“Va inbual rawh” a ti sup a.



A thil sawi avang chuan mak tiin ka meng phar awk a, ka rilru a rawn fim tan a, ka zak ngawih ngawih a.




“ka lo awm ang, va inbual harh rawh” a ti chuan ka hlim ve ta deuh a. ka nui sak a, ka tho chhuak tham tham a, ka rilru a harhfim tan a, ka chetdan zahpuiawm zet avang chuan ka biang a sa hat hat a.




A rang thei ang berin bathroom ah chuan ka lut ta vat a.




Ka taksa, a mi khawihna a vanga sa ham ham leh ka thawkdan buai vek chu tih reh tumin tui vawt chuan ka in phuh tir a, chu mai kala duh tawk lo, a leih leih ka in leih ta bawrh bawrh a.




ka awmdan zahpuiawm leh mipa mamawh hmel zet kha nakinah kala zak dwn chauhin ka in hria a.




Mahse tunah chuan chu chu a pawimawh lo, chu ai chuan Ruatkima kahn minlo nghak tak tak angem, nge a haw tawh zawk?




Ka in bual zo vat a, tlemin ka harh deuh tawh a, ka rim pawh a chhe ngawtin ka ring, beer kha ka in nasa sia, ani chuan a in pawh ka hre lo a, rimchhia min tih ka rin avang chuan ka zak lehzual sauh a.



Chhuah phei pawh ka huphurh takzet a, mahse tawm reng theih a ni bik si lo a.




ka va chhuah phei chuan kan chhungkaw thlalak kan tar chu ngun deuh hian a lo en a, ka thawm a hriat avang chuan a rawn hawi chhuak a, a hmel chu ka sawi thiamlo, a vawt rawihin ka hria a



“ipa nen hi I va chhun ve” a ti a, a thil sawi teh daih avang chuan mak tiin ka lo mengphar ak a, amhse ka insiam tha vat a




“nia,mi pawhin an ti thin a lawm” ka ti tha ve mai a




“haw turin min duh em?” a tih chuan ka thinphu a rang nghal zaih zaihh a, a zawhna awmzia chu ka hrechiang lutuk tlat, ka chhan hma chuan




“engkim a danglam vek dawn a nia” a ti leh hmuk a, ngun em em hian min a, ka awmdan chu hmuh hmaih a nei ang tih hlau ni awm taka fiah leh chiangin min en a. ka zam lutuk tlat, ka khur ru der der a,




ka bulhnaiah chuan rawn dingin, amah en turin min kuai chho a, zam leh khur dar dar chuan ka en let ve kiau a, a rawn kun hniam zel a, ka tuar thei tawhlo




“duhlo, haw turin a duhlo che” tih sep pah chuan keimah zawk chuan ka lo fawp let a.




A ni chuan mumang ramah min hruai lutin, kala tawn ngai loh thil a ni a, ka tan chuan awmdan thiam a har, kalo rum leh hak thin a, a rim pa hrak mai te chuan ka thawk a ti buai hial a, ka hnarah chuan a rim chu a nam chem chem a.





Rum hawk chung chuan na zet hian min fawp let a, a bak chu ka tan chuan mumang ang ruai a ni tawh a, khumah chuan duat em em in min kuai mu a, rizai min sin tir thlap a, ka bulah chuan a rawn in thawlh ve a, a kawr a hlip a, bozer nen chauh a awm a, a taksa nalh leh in fit tih hriat zaih mai chu hmuhnawm ti deuh hian ka lo en a




Ka en reng tih a hmuh chuan a nui suk a, ka mit ka la sawn vat a





“zak zum reuh lutuk” tih pah chuan amah hnaih thei tur ang ber chuan min pawt a, min kuah hlu hlu a.




“mut tum rawh, i chau ang ti hian ka lo kuah ang che” a ti a





A chet dan chu mak ka ti hle a, mahse engmah ka sawi ngam lo.




A taksa khauh tang leh lum nuam tak han chhim chu a nuam ka ti hle a, ka lo ngheng hnai talh talh a.




“muhil rawh , a nih loh chuan ka in sum theihna te hi a chhe palh a nge” a ti a




“chhe daih se ka ti” ka lo ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:45 pm

Bung - 5




“chhe daih se ka ti” ka lo ti a



“I ruih a reh hunah I in chhir ang” a ti leh a, a awmah chuan ka lu nghatin thlamuang zet chuan ka muhil ta a.



Ka rin angin a awm ta reng reng lo, a ban mi kham tir a, min kuah hlu hlu a,...




A tu ve ve mahin tawng zai kan rel lo, ani pawh a ngawi reng a, kan pahnih thaw ri chauh lo chu thawm dang engmah a awmlo.
.






Ka ngaihtuahna vang chuan ka nuisak a, lungawi zet chuan ka mit ka chhing a.... ka bula mu avang chuan thlamuang zetin ka thaw ham ham a, keimahah chuan lungawina thuk tak a awm a....Mut chhuakin min zem chiai chiai a.





Ka harh hlawl a, ka phu nasa lutuk, hlauhna in min tuam nghal hlawp hlawp a.




Rei a nilo, ka hre chhuak leh vat a, nizan lama thil thleng vel chu ka mitthla zut zut a.





Khua ala varlo tih ka hre thei a, thawm kalo nei a niang Ruatkima pawh a rawn harh a, inthlahrung zet hian ka tawlhsawn a, rang lutuk hian min pawt let dawrh a. rang zet a min pawt let a ni bawk a, a force pawh ana deuh a, ka lo rum nghat a


“sorry” tih sup pah chuan min rawn fawp nghal a, riltam zet hian ka lo chhang let nghal zat a.



“I harh fim tawh em?” tih pahin ka hmui hnuai lam chua a liak zai zai a, ka khur dar dar a, ril tam zet hian ka lo fawp a, a nui hak a.



“I chiang em?” min tih chuan ka lo bu nghat a, a hnu lama thil thleng chu mumang ang ruaiin ka hria a, khawvel dangah min hruai a, ka la tawn ngai lo thil nuam lutuk in ka taksa chu a fan chhuak vek a, chu nuam ka tawrh chu ka duh ber min pek a nih bawk avangin a hlu hle a.




Chau zet hian khumah chuan a rawn muthla hnak a,




“ka tina che a, ka dim tehreng che nen ka insum thei lo ani” a ti a, ka khel chu a chul riak riak a.



Ni e min dim takzet a, a mi khawihna leh tawh vel dan kha keh thei ka ni emaw tih mai turin min dim dawih a.




Dim light eng hnuaiah chuan zam deuh tak hian ka en chho a, a hmel pa hrak leh lungawi zet mai ak hmuh chuan ka awm a nuam sawng sawng a.




“min tina hlei nem” ka ti sep a.




Nuam ka tawrh na avanga ka taksa pangngai chho mek a vang chuan thawk ka la halh hlah a. ani pawh chuti tho chu.



“ka lawm e aw” a ti leh sap a



Zakin ka lo sen tawn tawn a, lawmthu min hrilh chhan chu ka hre reng sia, keimah hi zak zawk tur chu ka nia, mahse ka zak hran lo, ka lawm zawk daih



Sana chu ka en a, dar thum chiah a la ri a, a ni chuan “mu leh rawh” a ti a



“ka mut hlanin I lo haw daih palh ang” ka ti a, a nui hak a




“naupang chhia lutuk, kalo awm reng ang kei pawn mut ka mamawh ve tho lawm” tih pah chuan min rawn kuah nghal zat a, thawmhnaw pawh in bel mumal lo chuan kan mu tha leh a.




A thawk dan atang chuan a muhil tih ka hre thei nghal a. ka en reng a, a thawk zawng a awm in sep dat dat te , a khabe hmul lo to siar siat te chuan a ti pa in a lang hmeltha takzet a, hmuhnawm ti zet hian ka lo en reng a


Amah ah chuan lungawina kim a awm emaw tih mai tur ani, ka tan a hlutzia ka hre chhuak nghal bawk a, a hma kha chuan keimahin hlim takin ka awm ve mai a, mahse amah ka tawn hnu atang chuan keimahin ka tlei zo tawhlo tih chu ka chiang ngang mai a.



“min en renglo kha muhil rawh” nuihza aw lek lek hian a ti a, nasa zet hian ka lo phu zak a, a la nui hawk hawk zui a








Ka harh chuan lo tlai duai tahw a, thawh ka hai chiang hle a ni, ka bul a mu chu ka en vat a, mahse a mutna hnu chu a lo ruak huai a, bathroom lam ka en vat a, a awm lo ani ngei ang.



Ka tho chhuak vat a, choka ah pawh a awm chuang lo nu zotei chuan min lo be vat a, a awmdanah tumah hmuh a nei lo niang engmah a asawi lo a.




Room lamah chuan ka let leh vat a, ka phone chu ka en a, message alo awm ngei a, dar 5 velah khan min lo chhuahsan a lo ni a, hnathawh tur ka neih avangin hreh deuhin ka kalsan che a tih lo inziak ka hmuh chuan ka thaw huai a, ka hlauthawng hman viau kha ani a.




Engkim chu a nuam a, ka hlim a, ka hawina lama piang chu a vul vel vek a ni mai, kan video siam tur pawh kan tan chho a, teaser kan ti chhuak a, youtube ah pawh min view saktu an tha hnemin, an ngaithla chak tawh tih hriat zet zet comment kan hmuhte chuan ka hlim ve hle a.




Khami zan atang khan Ruatkima pawh zan lamah chuan ka bulah hun a hmang rawt a tih theih a, kan hlim dunin tawngtam lo mahse nuam kan ti dun a, amah pawh a hlim ve tih ka hre thei a.




ka music video pawh kan ti chhuak tawh a, ka rin phak bak leh beisei phak bakin a hit chho a, kei hi tumah thawhpui nei lemlo ka nih avangin youtube ah keima channel ah ka dah bawk a, kar khat chhungin mi nuai 5 dawnin an view a, hlawhtling thawhkhat hle chuan ka hria a.




nunphung chu a pangngai ang chuan a kal chho ve bek bek a, umahlui kawng engkimah min puiin min buaipui bawk a, music video kan siam vang khan zan lam programme pawh ka nei lo ang tluk a ni a, bakah chhuah ai chuan Ruatkima nen a awm dun kha ka duh zawkin nuam ka ti zawk a.





A ma mimal chanchin pawh ka hriat belh ve hlek a, champhai khua an ni a, a nu leh anau nen an awm a, ani chuan ti hian hetah hna thawkin a rem rem a ti a, chu chuan anu te a support ve a lo ni a. mahse hreawm a ti ang tih ka hlauh a vangin ka zawt thui duh lo a, bakah thil zawh vak hi a duh vak lo a.




Zir zawm leh a tum em tih chu ka zawt chak hle a, mahse harsatna enge maw avanga zir zawm theilo emaw alo ni ang tih ka hlau a, ka zawt ngam ta lo a, a duh hunah min hrilh mai turah ka ngai a.




ka hrechiang tellh telh a, mizia nghet leh rintlak zet chuan min hneh tawlh tawlh a, U Mahlui pawhin fel a ti a,.



ka pa ka chan tawh tih a hria a, vawikhat chu “I nu hi I ngai vaklo a mi?” min ti a




“ka pa kha ka tan ka nu a nia, ka pa a ni bawk a” tiin ka chhang a. min khawngaih hmel zet hian min en a,… “keimah min nei lawm” a ti leh tawp a, mahse chu thu ringawt pawh chuan min thlamuan hle a.




zanah hian ka bulah deuh zel a riak a, a chang chang chauhin alo riak lo a tih theih awm e, zing ah mi zawng zawng thawh hma in a kal leh mai a, a tlangpuiin Nu zotei lo kal hma fe hian a haw thin a.




U Mahlui chuan fimkhur tur chuan min chah mawlh mawlh a, mualpho a hlauhawm zia leh miten I chanchin sawi an chak a, a chhe lam phei chu an chak dawn lutuk a tih chuan ka nui mai




a dik na chen a awm, a hminga milar han nih takah chuan mi te pahin min ngaihvenin sawi tur te hi an duh ve thin a, U Mahlui chuan sawi tur an neihna hun hi siam sak loh tur tih a hma atangin min hrilh thin a. ka nun pawh chu chuan in kai hruai nasa hle a ni.



mahse Ruatkima ka tawn meuh chuan engmah ka care tha hlei thei tawh lo, bakah amah hian min hlat ang tih hlauin ka hun ka hmang chu a ni ber a... a tawp a tawpah chuan ka hlawhtling a.. ka hlimin ka lawm em em bawk a.



Ka khawvel chu a in thlak hlawk a, engkim ka tih a nuamin ka zang vah mai a.





Youtube channel ka neih ve avang hian update thar ve deuh reng ka duh a. U Mahlui a tang bawk a kartin video or lyrics ringawt hla pawh nise nei ngei ngei rawh min ti a.




Keipawhin tha ka tih zawng tak a ni a, music industry ah ka lut ta ro ro a nih chuan hlawhtling ber ber te zinga chhiar tel nih ngei ka duh a. Tunah pawh ka kawng a tluang a, ka concert hlawhtlin vang te pawh a niang a hma ai nasa in ka lar ve tawh a.





Hla hrang hrang hmanlai hla lam leh sap hla la cover ve zeuh zeuh a, chungte chu youtube ah ka upload thin a, view tu pawh ka ngah sawt hle a.





Henga ka upload thin hi chu recording studio hranpa ka pan lo a, in a ka neih ho, ka in practice na ah ka ti mai thin a... Ka hla lo ngaithla duh leh ngaithlu hote tan a thil thar han chhawp chhuah sak hi nuam ka ti a, khawhar a an awm ka duh ngailo ...




Ruatkima pawh zantin deuh thaw ka chang thei a, U Mahluin fimkhur tur chuan min warning ve zeuh zeuh a, mahse keimah zawk hian a haw ka phal lo a, ka ngai ngam lo thin.




Zanlam programme ka neih pawhin amah ka ring chawt tawh a, U Mahlui hman changin alo tel ve bawk a. Pawisa erawh ala duh tawh ngai lo a, pek luih ka tum viau pawhin midang ruai mai rawh pawisa min pek dawn chuan ka lo kal lo ang a tih tlat avangin ka pe lui ngam lo a.




.chhunlamah pawh hnadang thawk loin keimah min buaipui se ka duh ru hle a, mahse a mizia ka enin sawi ngamna chi ah ka ngai lo a, a duh dawn chuangin ka hre lo a ni.





Kan in kawp atangin thla dawn ani ve tawh a, han in hauh emaw han inhnial kan nei ngai lo a, kan pahnihin kan lungawi dun em em mai ani.



Nikhat chu ka thiannu Abisagi, zaithiam ve tho nen kan bazar dun a, millenium ah kan kal a, Abisagin puan lei a duh avangin puan kan en a, Manguri Model kan thiannu tho kan hmu teh nawlh bawk a.




Manguri chuan kan inah lo peng ru i ngaihawm a tih avang chuan kal kan ti thlu a. An ni hi dawrpuia awm an ni a, a hnai tho bawk a. In khai bawr laih chuan kan chhuak a.




Kan pathum chuan mahni tawkah kan nalh a, kan lar vanglai tak ani ve bawk a, min en zui ngawih ngawih hlawm a.





Pawn kan chhuak chu tleirawl te te hmeichhia lo awmkhawm ho in min hmu chiah chu an lo khek raih a.





Thlalak puiah kan pathum chuan min sawm a, kan han laknpui leh ang lawp lawp a.




Thla kan la zo chu, lawmthu min hrilh sap sap a.




Diktak chhuan kei chu hetia miin minlo ngaihsan der ve hian ka lawm thin a, lawmthu hrilh zawk tur awm tak kan ni ka ti thin a. Bakah mi lar anga mi in min treat hian ka la awm thiam chiah thinlo.




Manguri te in kan lut chu alo hnawk nasa mai a




"Kan in kan extend a, kan ni nuaih mai, inchungah chho daih ang u" a ti a, kan zui chho nghal a.






A make up ho vel chu Abisagi nen chuan kan en a, model a ni bawk a, neuh neuh a ngah hle a. tlereuh pawh a nei tha in, a nei nalh hlawm hle a, hmuhnawm ti zet hian kan enkual vel a,.






Thil duh leh mawi kan tih zawngte sawiin kan ti ti hlut a. Ka phone a lo rik avang chuan ka tho a, thlanglam verandah ah chuan ka chhuak ta daih a.





Phone be pahin an in extend hna thawk ho chu ka en mai mai a.




Ruatkima chu ka zu hmu nawlh a, ka phone be lai pawh hre changlo chuan ka en ta reng a.





Diktak chuan engber nge a thawh thin ka hre lo a, a rem rem a ti mai zel a, a sawi zui duh ngai si lo a, keipawhin ka zawt talh duh bik lo a.




Chutia in alo sa, nisa hnuaia a thawk ka hmuh chuan khawngaihna hian ka khat nghal a, ka thlir reng tih hria ni awm tak hian alo hawi chho a. Ka bye bye lauh lauh a... Minlo vai let ve a.






A thiante pawh an lo hawi a, min hmu chu min vai ve sap sap a.






Manguri chuan rei min ti deuh a niang, alo chhuak a hnathawk ho ka thlir reng chu rawn en ve in



"Khupa khu a chhelo a sin, a fel bawk sia, mahse ka be tlangnel thei thlawt lo, a zia khu a ngeng ngalh mai a" a tih chuan ka lo hlim ru veng veng.





A ni chuan kan sawi tih pawh hre loin hna a thawk mawlh mawlh a... hmuhnawm ti zet hian ka lo en reng a.





Manguri chuan pa a tih zia a lo sawi mawlh mawlh lai chuan kei chuan ka rilru in khu khu ka bialpa ka hmangaih ngawih ngawih chu a ni sia tiin kalo hlim ru ve veng veng a.




Tunah khan ka hmangaih ka ti em ni?? Ka phu dawt a... Ka hmangaih .. ni e khupa khu ka hmangaih a ni ...





Manguri thusawi chu hla taka ri ni awm hian ka hria a, eng ber nge a sawi pawh ka hre tawh lo..





Ka hmangaih tih chauhlo chu engmah ka hrelo.




Kan ti nek nek a, dar thum thleng kan awm a, haw turin kan in buatsaih a in hnuai kan chhuk chuan thingpui an lo pe dawn mek a.





Eng nge ka ngaihtuah pawh ka hre lo, "khawinkeimahni in kan lo pe ang, kan puih ve na che u a ni mai" tih pah chuan thingpui chawina tray chu ka la a, abisagi lo nersak chu kanhmulo der tlat a.




Chutia ka tih takah chuan a hmeh chu Manguri chuan alo chawi ve vat bawk a.




Kan va pe ta vel a, chutia Hnathawh kawr nen thlan hliama a lo awm ka hmuh chuan ka na ngawih ngawih keimah hi.





Ka nuih sak a, min en deuh run ringawt a. In hah tawh hlawm em ti in midangte chu ka be kual a.




Chutia kan biak takah chuan min lo chhang tliar tliar a, zaithiam min tih zia te an lo sawi ve bawrh bawrh a.





In ka thlen chuan ka chau hnawk thei, a hna thawk lai kha ka mitthlaah a awm a, hreawm ka ti, ka khawngaih bawk. Ka na nget nget ni maiin ka hria.



Zan lamah ti ti pui ka tum ru ta ran a.




Zan lam programme ka nei lo a, phone leh message hian kan in be tamlo thin hle a, tunah chuan




a chhan ka hre ta, zan lam hun minlo pe thin chu ka tan chuan lawmawm tak ani tih ka hrechhuak chiah bawk.




Theih ni se, duh ni se ka pawisa zawng zawng pawh hi pek vek ka chak, ka mitthla ah a cham reng a.




Tunlai chu zanlam chhuah tam loh ka duh avangin programme na zawng chu ka la duh tawh bik lo a.






Zanlamah mahni a ka awm chuan hla thar tur zawng leh buatsaihin ka buai ve hle a.






Ruatkima alo thlen chuan ka thaw huai a.. a hmelte chu ka en a, a thu deuh that in ka hria a.




"I chau em?" Ka lo ti vat a.





"Chau lo e, engmah ani lo. " A ti sap a, a bulah chuan ka va thu phei a, duat theih tawpin ka kuah a, a taksa khauh far maiah chuan ka bei hle hle a.





"Hna thawk tawh lo la" ka ti mawl leh tawp a, a nui huk a





"Chu min lo zahpui deuh em ni?" A ti a, a aw ah chuan fiamthu na alang thei a.





"Zahpui teh suh ei, theih nise lo thawh ve ka chak, mahse ka khawngaih che lawm. I duh chuan i thawklo thei reng, keimah buaipui ka ngai reng tho a" tiin ngam leh ngam lo chuan ka sawi chhuak ta pawp a.




Ka rin ang leh ka hlauh ang chiahin a in sangmar nghal teuh a... Ka in siam tha a, amah en tur chuan min kuai her a.




"Vawikhatmah sawi tawh suh, mahni ke a ding theilo ka nilo a, mipa ka nia eng hna pawh ka thawk thei, ilo buai a ngailo ang, min khawngaih a, i awm thei dawnlo anih chuan kan in kawm zel thei lo ang" a tih chuan ka thaw hak a.




Ka rindan sa a nih tho a vangin kala na lutuk lo.




Sorry" kalo ti sep ringawt a





"Thildang sawi tawh ang aw, theihnghilh daih rawh" a tih chuan ka nui ringawt a.





"I hmeltha lutuk hi chuan mipa zawng zawng a ti buai a nih hi, ka thiante ho khan an sawi zui nak nak che a, khawihlo turin ka in sem fe a ngai asin" tih leh a kut hrawlpui mai a ka awm bawr rawn khawih chu a rual a.





Ka lai bawk si chuan "khawmaw, ninhlei lo teh" tih leh a kut nawrsawn chu ka rual a.





Rangzet hian min rawn kuahin min pawm lawp a, room lamah min pawm phei nawl nawl a, ka lo tal ve arh arh a.






A chak bawk a, ka hneh lo nasa




"I in duh deuh a mi, mipa dangin chhelo an tih thu che ka sawi a, i in duh ringawt a, ka ta i ni a, ka ta chauh i ni reng ang Layla, chu chu theihnghilh ngai suh" a ti a, khumah chuan min nghat chawrh a.




Ka nui chhuak hawk a, “thikthu chhe reuh lutuk mai” ka ti a




“ka ta hi chu ka hauh na tih hi theihnghilh ngai maih suh aw” a ti a, min rawn bawh nghal zat a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:45 pm

Bung – 6




Ka nui chhuak hawk a, “thikthu chhe reuh lutuk mai” ka ti a




“ka ta hi chu ka hauh na tih hi theihnghilh ngai mih suh aw” a ti a, min rawn bawh nghal zat a.




Ka lo nui har har a, “awww… midang pawn chhelo min ti ve thei lo mi?” tiin ka lo fiam let zat a



Hmahnhmawh zet a ka kawr phelh pah chuan “theilo, ka phal lo, Lalyla ka ta chauh I ni” a ti mawlh mawlh a.



A awmdan leh a thusawi dan thu tak lutuk avang chuan ka fiamthuna boruak pawh a reh chawp chilh nghal a.




“I ta chauh ka ni” tip ah chuan a nghawngah ka lo khuah let talh talh a.




Zan dan zawng aiin a uar in ka hria, duh tawk a nei thei l dawn lo emaw tih mai turin min sawp chau a.





Khumah chuan kan mu hle hle a, a ban chu ka lukham bawk a




“layla min ti a takzet tawh ani” a ti a, lawm avangin ka lo nui var var a




“hmun dangah awm san ta che ila minlo nghak thei a ngem?” a tih leh chuan rang lutuk a in siam rem a, amah chu ka en chho ha a.



“min kalbo san I tum em ni? Eng nge I tih daw…..?” ka sawi zo theilo ka riat nghal nawk nawk a




“hahdam rawh, ka zawt mai mai che lawm, mahse hetiang ngawt chuan ka awm their eng dawn bik lo a” a ti leh a





“innei tawh mai ila” ati a, ka inrin loh lai a sawi ka ni bawk a, ka sawi vek tawh si a, hmeichhia zawk ka ni a, ka naupang zawk bawk a, ka thusawi chu ka zak hle a.




“kan la theilo tih I hria alawm, tunah chuan nuam takin siamna tur che kala nei lo a” a ti tha ve mai a, a lo haw viau tuarh khan ka ngai a, amhse ka rin aiin min chhang pangngai a. chu chuan hahdamna min pe ta deuh a.



“innei chung pawn engklim kan ti dun thei tho a lawm” ka la ti talh a




Min chhang tawh lo, min kuah nghet salh a, kan ngawi tar eng a





U Mahlui nen chuan kan chhuak dun a, Pu Lianzela Hla phuah thiamin ka sak tur liau liau hla a phuah a ni awm a, min rawn hrilh a, U mahlui nen kan kal vang vang a




Nizan lama Ruatkima nen kan thusawi te chu ka ngaihtuah let a, a ni pui rauh hi min kalsan daiha tum em ni??? Chumi zawhna hlir chuanmin ti buai a




Min rawn ben tak vakah chuan ka phu zawk a, “eng nge” ka ti let he haw a




“ka tawng I hre lo reng reng, hmangaihna in a bual a zo tawh che a nih hi” a ti hlak a, ka lo nui mai a\




“ni e, min bual a zo vek tawh anih hi, ila tawng ve lo a I hre lo a nih kha” ka ti zui leh kher a




“khai khai, naupang I nih kha, tuna mi pawh hi hmangaihna emaw I ti mai thei, mahse a lo ni miahlo thei bawk ania aw, baby kei hian maw hmanagihna chu a awm ngei tih ka hria a sin” ati a.




U mAhlui aw ah chuan natna ril thuk tak a in phum a, ka thusawi a vang chuan ka in chhir deuh bawk a, eng sawi hman ani tawh lo, kan thleng tawh si a, ngawi reng chuan kan chhuak a.



Pu Lianzela chuan min lo hmuak a, pa tling kum 60 bawr chauh a la ni a, a taima in mizo tawng a thiam bawk a, hla tha tak tak leh article tha tak tak a ziakin a phuah reng reng a.




Kan han in chibai lawp lawp a, inchhung lamah kan in zui lut a.




“a takah I lo hmeltrha daih zawk a nih hi chemte” min han ti ngei a, a tawngkam hman chu a aluk tih a hriat hle a, a nghet charh bawk a.




“ka va lawm ve, I hla min han sak tir phal dawn bawk sia, “ ka ti zui ve niah niah a





“ka saktir phal mai che ani heinem, I sak atan liau liau a ka phuah ania, thangthar ho zai hi ka ngaithla peih miah lo a, mahse I hlasak ka ngaithla fuh hlauh mai a, he hla ka phuah lai pawh hian I awm ringawt ka ka bengah a cham a lawm” ati ta duah a.





A hla chu kan han en ho a, a nalhin a thu a tha bawk a, ka phur nghal hle a, tunkar chho atangin buaipui nghal vut vut mai ka duh a.




Kan haw lamah chuan hlimna avangin kan ti ti hlut a, tunlai hla thar sak tur hi a vang tawh em em a, bakah hla tha hi avang tawh a, kan nu leh pa te hla phuah thiam ho hi an reg riau a.




Chutiang kar a hla thar sak tur ka han nei mai chu ka lawm hle mai a.





“Karl eh lama tangin studio I bel bull eh nghal a nga, arrangement ka lo siam ang a, tunkar chu lo in uluk ang che, zanlam pawh meng rei lo la” mei nei fe hian a ti a, kalo run khawp a.





PiZZa ei ila tiin zarkawtah chuan kan chhuk a



Hahdam deuhin kan thu khawmuang a, kan oahnih chuah kan ni a, midang min ti buaitu an awm lo bawk a



“Umahlu…..” ka ti a



“eng nge ni hluai” a lo ti vat a




“Ruatkima hi eng nge I ngaihdan?” ka ti ta tawp a




“engti zawngin” a lo ti vat a




“ka hre chuang lo, min kalsan daih ang tih ka hlau” ka ti chuai raih a.




“a chanchin hi ka hre tam lo a, Manghaka tea tang ka n hriat ania, ani pawhin a hre tam lo hle a, mahse mi fell eh rintlak tak chu ani phawt a, tianga in hlawhfa kual mai mai chuan a awm reng chu ka ring lo a, mahse mihring hi kan hre lo em a” a ti a.





“ ni e ti raw, mahse min kalsan daih ang tih ka hlau ani, keimah ah hian hlauhthawnna a awm tlat a” ka ti leh





“baby lungkham lutuk suh, inla naupang future tam tak inla nei, ani pawh hmachhawp a nei teuh ang Manghak sawi dan khan, chuvangin nakin lam chu thlir thui lutuk suh” a ti a




Ka phone alo rik avang chuan kan ti ti lai chu a tawp a, ka nu a lo ni a, mak ka ti deuh a





Tunag hunah ka nu hian min be ngai lo




Ka hlauthawng deuh a




“aw nu” ka ti vat a




“khawiah nge I awm, hei ka lo kal a, I pi te inah kan chawl zawk a” a rawn ti nghal lawng lawng a




“Aizawl ah maw? Nga ti nge?” ka ti he haw, ka thusawi chu nute han biak nan chuan a mak ve reng





“ka lo kal theilo em ni, lo haw vat rawh, I pi te inah rawn tlang la, kan phei ho dawn nia” ati a




Phone kan dah rual chuan




“I nu alo kal a mi?” Umahlui chuan a ti zat a, ka hmel hlim loh hmel zet chu khawngaih hmel deuh hian min en a.




“a ni awm e, ka pi te inah ka lam kual angai dawn anih chu, lo kal ve la” ka tih chuan min lo hnail nghal a,




Engmah dang kan saiw tahw lo, Pizza kan ei chak nen kan ei tamlo kher a sin le.




Taxi ah chuangin ka pi te inlam chu ka pan vang vang a, kaljkawngah chuan ka ngaihtuahna vank thui kher mai, engvangin neg an lo kal ang le. Thil tha lam anih ka ringlo nghal tawp.




Ka nu hi dik tak chuan ka ngaithei bik lo ani, phone a ka biak pawh hian tawngkam tha hman hi a har ka ti vek tawh.




Tiang em em ,a nu hmasial leh mahni fa neih chhun pawh duatlo hi ka hre ngai lo.\





Nu hmasial tak a ni.




Ka pite in ka thlen chuan ka nu chu thutthlengah thu in alo tawng siam siam a. min hmuh chuan a mengrum nghal sawtin ka hria a.




“khawnge I lo len daw daw a? alo ti nghal zat a




“hna lamah ka chhuak a lawm le” ka ti tha ve mai a




“helamah I awm a, I lar chho ve dek dek a, min ngaipawimawh lo lutuk” ati leh nghal bawrh bawrh a.




Ka pi chuan a lo khak vat a.



Phur lo zet chuan kan chhuak phei a, kalkawngah pawh chuan kan tawng tam lo hel a. in kan thlen chuan ka nu chu a hawi kual nasa hle a.




An room tur lamah chuan ka hruai a, Nu Zotei bulah pawh in hmelhriattirna ka nei nghal zung zung a, ka nu chuan ka pa thlalak chu amelh vung vung a, kalo en reng a, ahmelah chuan engmah ka hrethiamlo. Ka rap deuh tlat.





Ka ngaihtuahna chu ka duhlo hle a, mahni nute han hlauh deuh tlat mai chu.




Ka rin ang ngeiin ka nu chuan zanriah kan eikham kan thut muan lai chuan




“Khuta I in khu hralh ila, tuna kan awmna khu siam tha ila ka ti deuh a” a rawn ti ta a, ka rin loh lam daih anih avangin mak ka ti hle a.





“Nu” ka ti ringawt a.




“Layla, hriatthiam tum vet eh, I pa in engkim I kutah a dah vek a, tunah lah hei I inluahman ringawt pawn dam chhungin I buai dawnlo tih a lang reng a” ala ti ta deuh deuh a




Chhan mai dan tur ka hre lo a, ka kut tin chu ka khawih niap niap a.





Ka nu in min rawn thut hnaih chuan ka in ring hman lo ka tawlhsawn dawrh a.

“eng nge maw I hriat le, I awm dan chu, I lo lar ve ta deuh hi I chapo tae m ni” min ti fak fak a, a aw a khakna lo lang chu hai rual ani lo.




“Nu chutiang ani lo, I hrethiam lo ani. Ka pa min pek a ni a, hralh ka phal reng reng lo” ka tih chuan ka nu chu a thaw hawk a.




“I pa fanu chiah chiah, mi luhlul lutuk mai, nga ti nge in pa fa hian min hmangaih reng reng loh le” a ti ta vawng vawng a.





Ka khawngaih ang reng khawp mai a, a lungchhe insum ka hmuh chuan hreawm ka ti.




“Nu ngatan nge pawisa chu I tih em em, in siamna te chu chutiang em em a tam chu ani a ngai bik nang” ka ti ta nge nge a.


Dik tak chuan ka nu hian pawisa a neilo a ni miah lo a, tuna inluah man a lak ringawt pawh atam tham hle a, an pa in hna a thawk ve tho bawk si a, nga tan em em nge maw atih dawn ni.




“in han siam mawi mam na tur chu I nei dawn em ni, chubakah IVF tih te kan tum ve a? Ka nu chuan a rawn ti a.



Ka phur kher mai a, “a ni maw Nu, I in entir tawh em ni?” ka ti a




“entir tawh e, ka la ti thei dawn ani awm e, nuai nga lai a ngai a” ati chuai raih a




“Nu lungngai reng reng suh, in hralh kher a ngai nang, tih dan a awm mai ang” ka ti a, tlem chuan ka phur ve deuh a.



Door bell a rawn rik takah chuan ka tho vat a, Ruatkima anih ka ring a, ka nu lo kal ka hrilh miah lo tih ka hre chhuak a.




Amah alo ni ngei a, ka nu a hmuh chuan a phu zawk a, mahse a in siam rem rang keh kher mai .



Ka nu nen ka hmelhriat tir nghal zung zung a.




Ruatkima hmel chu a zam ve deuh nge a tang ru teuhin ka hria a, ka khawngaih ang reng khawp a, hreawm a tih hlauin ka be sawk sawk a.







ka hrilh lawklo chu ka inthiamoo ang reng hle a, a phawk ve dawn lutukin ka hria a. ka va text ta keuh a







“Sorry, kalo buai reuh lutuk a, kalo hrilh lawk lo che a” lei chhuah zeuh pah chuan ka ti a, a ni pawh chuan hrethiam deuh hian thinrim deuh hmel hi minlo thawn a. ka thaw huai a.









“eng nge I thawh ve thin, I zai ve nge” ka nu chuan a ti a, a aw chhuakh chuan ka eizawnna chu a hmusang teh chiam lo hle tih keipawhin ka hrethei. kalo ip zawr zawr a.









nui chung chuan “zai thiam ve ila ka ti ngawt mai…. a rem rem ka thawk ve mai” a ti tawi tak a, ka nu hmel a hmusitna lo lang chu ka hmuh hmaih hauh lo. hreawm ka ti, ka tang teuh a, Ruatkima a thinrim ang tih hlau deuh bawk si chuan ka awm a, ka awmdan chu thil nuam tak chu a ni lo ve chiang a lawm.











ka nu awmdan chu engah mah a ngailo tih hriat deuh hian a awm ngai ngatin a awm a. chu chuan ka awm a ti nuam deuh a.

“mi in luah nge I nih, mahni in a cheng?” ka nu chuan a ti leh kher a.









“vengmawngah khaun mi inhnuai te takte ka luah ve a” a ti tha leh mai a, a chhandanh chuan ka nu rilru tur awm ang chu a hrethiam tih alang reng a, kalo nui sak a, ka lo lawm khawop a.







thingpui lum tur chuan ka thawhsan ta daih a.









kalsan rei ka duh loh avangin a rang thei ang berin ka siam a, ka rei pawhin ka hrelo.



Ka nu hmel lawmlo hmel leh thu tak hmel zet ka hmuh chuan nuam ka tilo hle a, ka nu thinrim chu ka hlau a ni lo a, chu ai chuan Ruatkima zawk ka care.



Tun dinhmunah chuan kan inkar a inthlau em em a, an chhungkaw khawsak dan chu hrelo pawh ni ila, an nuam zawk zawk lo ang tih chu ka ring thiam ve mai a, chuvangin a tan chuan ka bula awm pawh hi nuam a ti lo ang tih ka hrethiam a




Ka ni hian a lo ti hel ang tih ka hlau



Boruak tih zan tum takin ka tawng siam siam a, thingpui an inzo tih chuan ka nu chuan



“bawihi ka chau deuh a, zanin chu kan mu hma mai dawn mi ka rawn zinna a chau deuh a” nem fahran chuan a rawn ti ta hlang hlang mai a, ka rei ka hlauhthawn ang chiah



Vawikhatmah hi bawihi min ti duai duai ngai lo, Layla tiin min ko mai thin a Tuna taka bawihi min han ti vel chu ka ten lutuk.



Ruatkima sen tawn tawn ka hmuh chuan ka nu thusawi chuan a thawk tha hle tih ka hrethiam nghal mai a.




“Nu lo va mu rawh, ni e I chau ang, hei kanla inkawm ve rih dawn a” ka ti ve ta ngat a.




Ka nu pawh nise, ka maulpho leh ka zah min dawnpui hauh lo a khatia ahan ti kher chu ka ngei a ni.




Ka nu in min chhan leh hma chuan Ruatkima zawk chuan “Ni e mu rawh u, ka va phei ang nge, Naktukah kan in hmu tawh mai dawn nia” a ti a.




A aw ah chuan a thinrim emaw a lungawi lo emaw a nih pawhin engmah a hriatthiam chuang loh



Tichuan tha tak chuan kan inthlah tehi hram a.



La thlah zo ka va let leh chu ka nu chuan min lo nghak a, alo vei tawn deuh sek a.




“nu I tha em?” ka ti a




Min rawn en reng a, thil sawi tumin a ang zuau a, mahse a tawng chhuak lo, a ngawi leh min en reng a, a awmdan chu ka hlau deuh rauh a



“khapa kha thlah nghal ang che” a ti nghal tawp a




“nga ti maw? Engmah a nih loh vang khan maw?” ka ti let a.







Khumah chuan chau lutukin ka mu thlawp a, ka nu bulah chuan hahdam leh thlamuang hian ka awm ngai lo reng a




Ka awmdan hi a care ngailo a, ka hlim leh hlim loh pawh a care ngai heklo., chuvang chuan ka nunah rawn in rawlh turin dikna a nei ka ti hauh lo , a hming chauh ka nu ang velah ka nga



Engvang a Ruatkima kha hmusit em em leh duhlo em em a nih ang. Chhe teih tawpin a sawi a, keiin na ka lo ti ve si a. kan in hnial phah ta zek a.




A tawpah chuan ka nu a ni a, a haw thuai dawn tho a tiin ka hnial duh ta lo a, ka ngawi ta zawk a.




Ka nu hi, ka pa thih hma khan ti em em a, an chhia leh tawngkam chhia hi a hmang ngai miah lo , mahse tunah chuan a tawngkam hi nasa in duh aiin a duhthawh mah mah.



A tukah chuan ka nu nen chuan Bank ah kan kal a, pawisa pawh Nuai 7 lai mai ka pe a, ka ui ang reng khawp a, mahse ka in tihral ail eh haw vat vat se ka tih vang a ni pakhat a,



Engpawh ni se min hringtu ka nu a nia, ka tih tur chu a ni ve tho mai tiin ka ui ngamlo zawk a.



Karkhat lai a la cham zui, ka ning hman ang reng, chhuah reng a duh a, thawmhnaw vel alei nasa bawk nen, Parlor ah kan kal kur zut a, ka pi te inlamah kan phei zing bawk sia.




Ruatkiam nen inhmuhna hun pawh kan nei thei lo a, zanah mut hmunah kan in be thei tawk a, chutah a ni mut hma duh chi a ni a, kei pawhin ka be rei ngam chuanglo, mu tam se ka duh ve tho.



Ka nu a haw chiah chu ka lawm zia chu, ka nu ka thlah fel zo chu ka thaw huai a, ka hlim lutuk chu ka nui var var a



Mahse ka in thiamlo leh nghal zat a, mite chuan an nu te an ngai em em a, engtik laipawn an bia a, kei ve ka nu chu ngaih chu sawi loh., haw vat vat se tihna hlirin ka khat a, ka sual ka tiin, ka dik ka tilo hle tg , mahse ka ning ve tawh em a ni,. Amah vangin ka ngaih em em pawh ka hmuh theih loh phah a.





U Mahlui tak ngial pawh ka hmu thei lo a, U mahlui chu ka be ve ngei a, ka nu nen in hmelhriat ve se ka duh a ni, mahse a nipawhin ka nu chu a hmuchaklo nge a hmanlo tak tak, a pha tlat a, ka tilui duh ta bik lo a.





A remchan em avang chuan millennium ah chuan ka peng kual nghal a, ka hmai ka khuh deuh a vang chuan confi takin ka kal a, in thup ve deuh lo chuan mite hian min en ve duh thin si a, nuam ka ti thin lo.



Pi Judy dawrah chuan ka thawmhnaw chah ho a lo thleng em tih chu ka enkual a, pawnlama ruangam chu ka hriat hnu ang ka tih em avang chuan ka va hawi chhuak kher a.




Ka thil hmuh avang chuan ka phu zawk a, ka hmusual a nih ringin kawngka a dak chhuak meuh chuan ka en a, ka lut leh rang kher mai.




Hlauhna vangin ka khur deuin ka sa nghal deuh pup pup a, Ruatkiam leh Manguri chu an lo bazaar dun a, ka awmna dawr atang a dawr pathumna zawnah an ding a, Ruatkima chuan a thil a khai a, Mangurin a ban a vawn chu ka hmu chiang kher mai.




Min hmuh hlau zet chuan ka in ka insaseng vat a, pi Judy chuan I tha em min ranw ti vat a, ka bu ringawt a




Dawhkana tui chu enin ka in nghal pawp pawp a.




Tlem chuan ka hahdam deuh a, ka thakhur nasa lutuk pawh a zia deuh




Engmah ani lo ang, a tulna avang aniang tiin ka in hnem a, keimah leh keimah pawhin ka awih lo mahse ka awmdan control tum chuan ka in hnem a ngai a ni.





Tlem a ka zia deuh hnu chuan pi Judy chu enin la nui sang a “ka chau thut a lawm mawle, a zia lo lutuk” ka ti a



Chhuah leh lawk pawh ka ngamlo, an pahnih khan ka hmu ang tih ka hlau tlat, a tisual tu ang maiin an pahnih a han hmuh kawp emaw, min hmuh kha ka duhlo ani.




In ka thlen chuan ka chau vek thei, ka tah a chhuak ngawih ngawih a, mahse ka tap thei chuang der lo a.




A phone ah ka call a, mahse ala thei bawk silo, chhunah hian ala thei ngailo ani reng a, phone hi a keng ngai lo a.




Awm ngaihna ka hrelo chu in tih harh tumin verandah ah ka chhuak a, mahse awmzia a awm lo.




Ka studio ah chuan ka lut chho a, keimah chuan hla ka play a, the climb Miley Cyrus sak kha ka rilru ah a awm a, ka play ta mai mai a, rin aiin ka tui phian a, Guiter nen a perh rem chuan ka record chin ta vel a.



I can almost see it
That dream I'm dreaming but
There's a voice inside my head saying
You'll never reach it,
Every step I'm taking,
Every move I make feels
Lost with no direction
My faith is shaking but I
Gotta keep trying
Gotta keep my head held high
There's always gonna be another mountain
I'm always gonna wanna make it move
Always gonna be an uphill battle
Sometimes I'm gonna have to lose
Ain't about how fast I get there
Ain't about what's waiting on the other side
It's the climb





Tiin bul ka han tan a, nuam ka ti ta hle a, ka rilru zawng zawng chuan ka sa a, ka hnuk te pawh a ti ulh thei dawn a, ka tui chho zel a, engmah pawh hre changlo chuan hla dang dang pawh ka sa chho ta zel a.





Thawm a rawn awm avang chuan ka hawi chhuak a, Nu Zotei anih ka ring a, mahse ka rin loh deuhin deuhin Ruatkima ani a. ka phu zawk a, a rawn nui sak a, anui mawi kher mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)