MI IN THUP SAWMKIMA BY Mafaka mfa (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MI IN THUP SAWMKIMA BY Mafaka mfa (Completed)

Unread post by Ngaia » October 4th, 2020, 2:53 pm

778rjznn.jpg
778rjznn.jpg (29.27 KiB) Viewed 9045 times
MI IN THUP SAWMKIMA

... Min phu hlawl lo, nang ang mi chhe daikil kar ami leh nghal khan ti a, kawk sawk sawk tu chu SAWMKIMA chuan ngawi renga thlir in, Phuloh ka nei lo a ti tawi tuk a. A dik ani, office pakhata peon ah pawh mi ai thawk mai mai a nih zia a in hai mawlh lo. Mahse, a hmuh tirh a ṭanga a hmangaih leh a vei ngawih ngawih JENNY LALNUNSANGI a thawh ve lai lawk na Office a, UDC lai ni bawk mahse hmangaihna chuan phu loh a nei bawk silo. Vei em em a kum chanve dawn a hel kual hnu ah zah theih loh na zawng zawng leh ṭhian ṭhate zah theih loh na tlem puk belh in zan liam ta mai khan a Hmiangaih leh duh ngawih ngawih thu chu a hlan ve rawih kha ani a, mahse enge a hlawh chhuah chu ni ta, a hlawh chhuah awm chhun chu hmusit taka nuih zat chunga min phu hlawl lo tih zawng chu ani si. Mipa ah pawh in la pa ve tawk tak mah nise zak lo let der chu ani hauh lo. Zak a kimki cheih cheih tur a nih laiin Sawmkima chuan a tuang ti chhah zual sawt in, a phone chu a phawrh zui zat a.
... KHUANU HIAN ENGTIN DUAN BIK CHE MAW,LIANBIK SANGBIK AH I IN NGAI MAW?? KA TAN I SANG BIK LO. LIAM RAWH LIAM MAI RAWH LENG DANG AN TAM EM MI PHU BIK LO
Type chhuak nghal mawp mawp in, A duh tawk ta aniang nui var var chunga a phone ak in a hna pangngai chu zak map lo hian a chhun zawm zui mawp mawp a. Jenny leh a kianga ṭhu ve reng PI SANGPUII ten ngei hmel zeta an melh rawm rawm na chu hmu lo der hmak in, Mipa ka ni Phu loh ka nei lo ti anin fuih chung chuan nichin maia a thu type zawh chiah kha a thluk a nei sa a maw tih mai tur chuan faifuk in a sa vei rat rat a. Coffee in duh dawn em ti a, Jenny te zawhna a va pe leh kher chu a mah pawh a nuih a za ru ve hle tho mahse runluih chakna in a khat tlat si. Jenny chuan rum tak a lo.melh ram ram in, nang a, Coffe shaw sak ka ngai lo e tiin a lo chhawn ram vei hmak bawk a. Nui hak hak chunga kal kian pah chuan a hlawh tam zawk ten min treat tum hek lo che u mawle, ka vai bik lawnge, Nupui pakhat mai mai tia zai chung bawk a kal kiang leh nalh in, tumah en chung duh ngai ṭhak lo Sawmkima zia diktak Jenny hian a kai chhuak tih reng a hre phalo, ṭha te te khan hnawl ni sela Sawmkima pawn a zah zawk ngei ang mahse, nang ni ang mi chhe daikil kar ami khan min phulo a tih kher na chuan a vawm na tlat si.
... A ni reng lah taka SAWMKIMA in chei na leh hawiher te, Peon ah mah mi ai kal mai a nih na te hi a sitawm bawk lah tak a, he lem chan nun hi Jenny hian a hmu pha hauh lo. Sawmkima hi an khua tak chu Lunglei Bazar veng daih niin Lunglei Bazar lun lai taka Concrete Building lian fe fe panga lai ding tlar pat mai, a hnuai leh floor hrang hrang te lah Dawr leh Office a tana luah khah vek niin, thawk miah lo pawh hian a awm thei em em. Mahse puitlin zir ka duh ani. Heng zawng zawng hi zan khat thil thu a, boral vek thei ani a chhe ber dawn ila engtin nge khawvel hmachhawn dan ka thiam ang, ka in zir lawk angai ani tiin M.A. ENGLISH a zir zo chiah tih ah Aizawl ah hian rawn chuang kaiin a ṭhianpa te in hnuai ah a in vawm lut ve nawk nawk kha ani a, a ṭul ṭul thawk in, Kut them thiam chi alo ni bawk nen Lung leh Thing lam pawh kar lo ah Second Mistiri ani pha mai reng a, chutianga a in hlawh kual vel na ah chuan tun a a thawh tak Peon hna hi a in hlawh na an pa ber Dam ṭhat loh a vanga Office kal thei lo chuan ai kal lak a duh thu hria in, ti hian hlawh tlem te la in, a thawk ve mawp mawp ani a, vawitam a nu hian rawn an khum in, haw tur in a ngen ten a rawn ngen thul mahse Sawmkima lah mi luhlul chi alo ni ve bawk nen, A pa tak hi chuan eng mah a sawi ngai hauh lo, a Fapa rilru puitlin zia a hriat hian a lawm em em thung a, Nu hmangaihna chuan nuam tin reng a khawsa thei a fapa duhthlan kawng hi a hrethiam thei tlat lo.
... Sawmkima pawh office a ṭanga haw hnak hnak in, exer lak pah ni mai tiin a Bike lah ṭhenawm hnai Garage ah dah hmak in, a lak chhuah ve chang pawn Full Face khum hmak in, a Harley Davidson ang hi Aizawl ah pawh panga chauh hmuh tur a la awm nghe nghe a, ṭhenawm hnai a mah hre chiang tute pawn mak an tih fo chu mi in hnuai chep taka khawsa mai mai, office ah lah mi ai kal mai mai si hian engtin nge hetiang Bike man ti lotuk Nuai 20 chuang man hi a neih theih a khalh khat dan ah te hian a ruk aniang lo ti tawk lah bo lo. Chungte chuan a nun a ti buai chhete eih lo.. Ṭhian ti a chhal ngam fak hi angah lo hle a, a thawhna office ah hian a mah aia kum 10 dawna Upa DANMAWIA nen hian an in kawm ngei viau a, a Office kal lam leh haw lam phurtu ber niin Nupui fanau nei tawh a ni thung a. Danmawia te in ah hi chuan chuangkai fo in, chaw pawh a duh hun hun a a lam mai ngam na a ni thung a. Pu Danmawia tih loh ah hi chuan a ṭhian bul tak tak Lunglei lam mi tho, Jimmy ZOTHANSANGA ani leh tlawng mai, Jimmy erawh HIGHSCHOOL ah thawk in weekend tih loh ah hi chuan an in kawm tam lo khawp mai.
.. In rinni tuk ani, Sawmkima pawh tlema mut am deuh tum a mu a nih vei nen, zan liam ta lam ah khan a phak ang tawka a suangtuah leh a vei em em Mizorama HIV postive hluar ta lutuk chung chang a bih rei deuh a vang leh a ngaihtuah zui nasat luat vang in a meng rei mah mah kha ani reng a. Pawisawi ve miah lo, Nu hnute hnelai te an han positive nawlh nawlh mai te, Pasalte khawlohna a vanga Nu fel leh rinawm tak tak ten an tawrh phah dan te, Pasal ten hah taka an thawh laia Nuber uire na suala lo tlu lut a, Vanduai vang nge Tuhrahseng vanga Positive ta tlat, Pasalte kai chhawng ta chung chang te chuan vit ngut ngut in, tun ah hian engzat tak Thisen test loh vanga muanga leng awm tak ang maw engtia siamṭhat chi nge tih vel ngaihtuah reng reng a mu meng reng anih a vanga am taka mut tum anih vei nen Zing dar 6 ah a phone chuan a rawn kai tho tlat si. Nokia 1100 black N white ngei mai la hmang lui tlat, a khum bul ah erawh Laptop changkang tak chhawp tlat si, mi mak tak zawng ani ve e. Peihlo zeta a phone chu pikup in englai pawh a phur harh reng a maw tih mai tur a best friend JIMMY aw ngei mai rawn ri nghal lung lung chuan ati ner sawk a. Ṭha te te a a chhang anih loh chuan a rawn kal chilh leh dawn tih a hming tluk in a hre chiang bawk nen a pikup ta nge nge a.. e heee..ila in peih nange, tho rawh i lem channa ni tur anih hi, lo insiam ang che, Jenny hma ah ngei lem chan bul i ṭan dawn kha tiin a rawn au lung lung reng a, Sawmkima pawh harh chhuak zawk in ani dawn tak maw.. vawiin hian Model ho piknik na ah photographer ang a kal in, hmai tuam in a zai dawn bawk chu chu Host JIMMY ZOTHANSANGA ruahman vek ani. Eng vanga he hmuna kal ve tura sawm kher nge anih engdang anilo, a Best friend JENNY in ka hnawl e alo ti khanglang kha a la ve tlat. Aizawla High class chin chu an kim leh hle dawn tih a hre chiang bawk a, a ṭhiana hi vawrh chhuah a tum khawp mai.
... Thawhphan a awm tawh lo, rang taka in perh tho in, a hma ni a a thuam tur alo buatsaih lawk vek tawh te chu en fel leh zung zung in, a inbual zui sawk sawk a. A inbual zawh meuh chuan Jimmy pawn Cup Noddles leh Plane Cake Sawmkima duh zawng tak leh Thingpui chu lo peih diam tawh in, Sawmkima chhuak chu lo melh in Ka Car ah i rawn chuang dawn nge i Bike i keng dawn tiin zawhna alo pe thuai a. Sawmkima chu ding zawk in ka Bike ka rawn keng zawk ange, Pu Danmawia chu lova sawm mai la ani, Catering ho thil siam tui ti ṭhin em em ah tiin a dar a san zui zauh a. An pathuma an kim theih chuan an lawm tawk khawp mai. Sawmkima a in peih fel ve meuh chuan Jimmy te pahnih chu an tlan chhuak daih tawh a. A full face khum in, Dum suit ngat chuan a in thuam zui thlap a. A profetional Camera chu endik leh thlap in, a in khalh chhuak zui ve thuai a. Mizo mipa ah chuan a vangtlang pawl tak aiin a lian lammah awm e, ft 5"11 niin a taksa a enkawl uluk tawh tih lanna chu a thep tur lai leh lian tur lai a dikvek tlat, mahse a pian mawina chu a tarlang ngai lo. mi hmuh ah chuan T.shirt lianpui pui emaw, Kamis lian deuh lam te hi a ha mai zel a, office dress pawh ani nghal bawk.
... Sawmkima pawh tlan chhuak ve par par in, a mamawh a thun kim thawkhat bawk nen JENNY hawihai tur vel a hmu chak tlat chu chuan phurna pe in, a Sual thlak a tih em em rual in Nun ka chen ve anih hi maw ti a in thiam chawp in, a hma zawn chiah a, KHIANGZO PICNIC SPOT tih in tar kuau chu melh vang vang in a Special invitation Card ken chu Security hmuh tur chuan a lek chhuak zauh a. Dar 10 Chiah chiah ah in khalh lut in, a beisei aiin mi an lo ṭhahnem hman tlat. Muangchanga in khalh lut in, mi mit a la nghal zar tih chu a hai bik hauh lo, a Bike ngawt pawn thlir a hlawh ṭhin miau a lawm. A fullface a phelh hun an nghak tih a hriat chian em vanga nui sak in, a Bike chahbi chu Jimmy lo hnai mek lam hawia theh zauh in, a kal tlang zui pawrh a. A liam chiah tih ah Jimmy a an bawr nghal laih laih tih zawng chu a hriat hnuhnun a ni ta. Room te fel rinrena lut in, a in thlak nghal mawlh mawlh a. A camera la chhuak in, Jimmy ngei maiin Jenny a Bike hmanga alo phur chhuak chiah chu melh in a nui suk a. Bike Lovers and Money Lovers maw..a mah an ngaihsak miah loh lai chuh in, a T.Shirt lian tawk nen chuan a in ak chhuak zui ta thuai a. Camera lek kual a, Jimmy te pahnih rawn tlan let leh lai chu chiang taka lo shoot in an in sisi zui zauh a. Jenny chuan an thla lo lak sak tupa chu en nawn leh ngat in a ner nasa teh e, hetiang mi hnuaihnung lutuk hian enge a rawn tih ve tiin Jimmy chu a melh kal a. Vawiin a kan photographer tur anih saw tia in her hmak in, a duh aiin Jenny chu a hnaih rei mah mah tlat. Chawhma dar 11 a ri chiah tih ah chuan hunserh pawh a hminga hmang ve nel nual in, Sawmkima erawh thla la reng reng in a vir buai zak zak reng a.. Tlai dar 3 ah Minister alo thlen dawn chauh a vang in ṭhalai rual ho chu an za suau saua hi ani ber a. Model rual an rawn thlen hnu phei chuan Sawnkima chu a vir buai zual tawh in, a hmui hmul lem leh khabe hmul lem nitina a vuah ṭhin chu Jenny ngei pawh hian a lem ani tih a hre hauh lo, enga ti nge he lem chan hi nuam atih tak em em ni. A nihna diaktak hi lantir nise hmangaih tu tak tak tawng dawn lo hian a in hre tlat a lawm.
.... Pool vela hlim nui thawm leh Music ri nen Mi hausa awm ngaihna hrelo rual pawh tumah in zahpah map lova, khaw eng ah pawh lo in kiss ngawng ngawng tawk lah bo lo, Sawmkima chu a ner ru sawk sawk reng a, kan ram tak hi chu aww.. kan hmabak a va thim em, Nu hmelṭha tak te, Pa hmelṭha tak te, Nula, Tlangval vun nung em em mai te chu melh kual in, chhut mi te khan kan ram ah hian mi 100 awm khawm ila, mi 2 tal chu, HIV POSITIVE vei ang kan ni an ti si a maw, kan rin loh pui pui hian an kai nawk tawh dawn chu ani si a maw, a in venna kan hlam chhiah lui tlat si, CONDOM te lah hian a nawmna a paihbo an ti maw, reilote nawm sak a, nun pawttawia nun ti chhe vek thei tu natna hlauhawm a tih damna reng reng awm silo, huihamm... he natna hrik hi ka kai lo a, ka vei ani ti hap chung chuan a thawmhnaw dahna hmun chu a pan ta thuai a. Pu Danmawia kut ah camera hlan in ani pawn a tih tur hailo zet chuan a phe chhuak nghal par par a.
... Zei tak maia Jimmy pawn a chanpual thawk zui nghal in, Model rual mal tawp lang dawn khawpa an han ṭhu khual mai chu thlir tham an ni nameuh mai, rest room ah full mask ti ila, a hnar leh ka leh a mit zawng lang thei a in thuam thlap in, Body fit nena in thuam thlap in, Lunglei Mi hausa ROTHUAMA fapa diktak in cheina ngei a in bel ta. Mipui kut beng dur dur kar ah chuan pen chhuak in boruak a reh nghal duk a. Chutiang anga in thuam zai tura pen chhuak an la hmu ngai tlat lo ani. Hmelthupa tih tawpa Host in a koh na chuan boruak a siam tawh hrim hrim. Music fan zeta rawn ri in A naupan tet a ṭanga zai lama tui em em Sawmkima aw ngei mai chu rawn chhuak in, a aw pa em em leh tham ru deuh si hnuaia a duhtawka an zai mai zawng an quest ber chu ding hluaiin a zai zawh rual rual chuan kut beng thawm a na in, an quest sawm ber chuan hla khat sa leh tur in a rawn request te ngei reng a.. a zai zawh meuh chuan a pocket pawh a puar awk e. Nui sak chunga pen chhuak in chu a nui tawi te mai chuan Jenny a ti buai pha tlat, kha nui hmel kha a hmu tawh tlat. Mahse, a hmuhna a hre chhuak zo der silo.
... Host rawn ding chhuak in, kan Hmelthupa kha englai pawha zai tura sawm theih reng ani. Keimah kal tlang chauh in tia thu an khar zet zawng haw haw thawm ana in Nula ho phei chuan Jimmy chu an melh tlawn ṭan nghal tlat. Catering lam an rawn thleng ta bawk a, chulam buaipui a an phut suau suau lai chuan Sawmkima pawh put leh zauh tawh in, a dress ṭhing zet nen a in ha chhuak leh ta. A hnung lama ei tum ve chauh anih laiin Jenny aw vin ṭhak ṭhak thawm chuan a beng verh zui zar in, thawm chhuahna lam chu a pan thuai a. Hmai zangthal ha ha a, a hma a hmeichhia inthlahrung tih hriat taka hnuailam bih tlat awm ah chuan kawk sawk sawk in, he kawr hi engzat man nge i hria em, i kum khat hlawh pawn a lei zolo ang. Min itsik vanga min leih lui i ni maw i bang khawp ang tia a kawh leh sawk sawk lai chuan ka Pi min ngaidam rawh ka tih palh liau liau ani tia a hma a hmeichhe ding in ngaihdam a dil leh lai chuan Ka Pi min ti maw i pi rual in min hmu em ni tiin a beng hawi zui sawk a. A ben nawn tum kut vai chhuak chu tha chak zet hian a banrek ah man sak chat in, a tawk viau lo maw a tih luih anih ka ring hauh lo, mihring ve bawk ani a, zahawmna nei ani ve bawk. I kawr man chu kalo pek sak ange, Sumparlawm tia kuai her sawk tu Sawmkima chuan Jenny kut ah chuan kha hei hian a lei zo khawp ang, tih leh 500 Clip thar zet mai chu hmehbel chawt in Mami kal kiang rawh khathil a vang khan i bang hauh lo ang ti ram hmak in thinrim leh mak tih luat vanga thlir reng tu Jenny lam chu hawi tawh map lova kal kiang hmak in, kawngka a pen chhuah dawn lai taka Jenny thinrim ṭe ṭhat ṭhat thawm chu hria in a nui zui sak a.
... Midang rem deuh hnu a va in dawh ve in, a ei ṭan chauh tih ah chuan Ka Pu ka lawm.lutuk aw, ka tihpalh liau liau a ni asin, awm lo la chu tia hmeichhe aw tham lam lek lawk in a rawn biakna a vanga chawl det in, Pu rual chu kala ni bik lo ania, lawmthu sawina tur a awm lo e, a kawr kha a ui ve em anih kha tia nui sak in a ei zawm mawlh mawlh a. Ka lawm lutuk e i ei ṭeuh dawn nia tia chhanna a dawn leh vanga hawi chhuak in, Mizo Nula ah chuan a sang pawl tak ani lo thei lo, nuih let sak in thlamuang deuh khan awm rawh kan dikna ah chuan tumah hlauh tur ani ngai lo, ben let ve sawk tur che lawm i hneh dawn teh lul nen tia a nuih hawk hawk lai chuan Jimmy chuan a rawn au ta lung lung a. Ei pawh ei zawm tawh lem lo a, tho zui nalh in, ka puar lutuk e ti a lawmthu sawi zuaiin, Jimmy lam chu a pan zui vut a. Pu Danmawia ka hmu zo hauh lo tia Jimmy phun nang nang chu Sawmkima chuan a chal dawm chunga kuah kal in, CONDOM kha i ah tir ta em, Nupui nei lai ani a, a ni hi hruai chhuah fo tawh loh a ṭha ang. E khai i lecture ka ngaithla hman bik lo, Fimkhur lian ka ah ngei kha a hman duh loh leh a ma thu ni teh se tiin Jimmy pawh a kal hrang zui nalh a, nangpawh kha tia Sawmkima auh zui na chu ka hria tia chhan khalh in, a ban a rawn vai khum zauh a. A rem chang a piang kawp duh mai turin ka mawl tawk lo ti deuh nghat chunga Sawmkima hawi chhuak chu Jenny in rum em em mai in alo melh kha kha chu chiang taka va hmu in, awi ka hlau tih leh tlan chhiat an rual zet zawng Jenny chu a sa ṭha pap pap teh e.
... A din fel rual a, a Sikret phawrha a ṭan dawn lai tak chuan a phone Vibrate ri der der chu hria in a pikup zui thuai a, hello Ka lal hmelṭha tiin a Nu chu alo chhawn deuh var a, i chhe lutuk uang reng lo teh ka rilru a hah teh mai nia, I Putea hi ka rawn tir phei dawn helam ah a in checkup duh bawk silo, i thu chu a hnial lo tawp ang, hna ka ngah tih ṭan hian a ṭang ṭung reng a, kohhran lam ah ka buai a ti thul mahse a Kal ṭhalo hi niin ka hria a hmel te hi a dik lo, ngawiteh ka nu Dr. i nih loh kha engpwwh nise ka Putea chu kalo be dawn nia tia phone dah in, a Putea HRUAIA No chu a dial chhunzawm zat a. Rei fe an in biak hnu ah chuan an in hmin leh ta hram e, chu pawh SAWMKIMA dawt phuahchawp vang ani leh tho, Ngaihzawng ka nei ve a, Mô a tan a ṭha dawn em te pawh rawn en pah la, bak ah tunlai chu ka nuamsam lo ka Nu bul ah khan ka sawi duh lo nang a, in checkup te pawh ka duh tia chhuanlam a siam chuan a Putea chu a hneh bawk aniang a ṭha e, naktuk ah ka rawn tlan phei nghal ang a ti ta chuk chuk reng a. An in biak zawh meuh chuan Sawmkima zawk chuan buaina a nei ta tlat. Tunge a Putea chu a lo kawh hmuh tak ang, a hmeichhe No neih chhun lah Pu Danmawia Nupui leh Jenny chiah, Jenny lah meiling vanglai ang maiin a ling hlar mai dawn si, a tukhum a tuai a tuai ta mai a, pawilo Jimmy tlawn leh mai ang tia a in her lai tak chuan ZOMI CATERING ho an motor a lo in load sap sap te chu thlek vang vang in nichina a puih nu khan a rawn nuih var var bawk a, ummm khawinge Val Zakzum lem lo a chet angai anih hi ka dawtsawi in mi vuak let nghal chu le tiin lo ding lawk tiin a pan hnai zui ruak ruak a.. enge nita Puih theihna che ka nei em tiin a lo nuihsang leh nghal, Ngaihzawng fumfe la nei mumal lo Sawmkima chu a dang awk alo chhuak leh ta heiraw tiin a ma chal chu an beng leh ta te a..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:53 pm

SAWMKIMA 2

Enge nita Puih theihna che ka nei em tiin a lo nuihsang leh nghal, Ngaihzawng fumfe la nei mumal lo Sawmkima chu a dang awk alo chhuak leh ta heiraw tiin a ma chal chu an beng leh ta te a.. Midang hriat chi ani lo, ka puih vang che ni hauh lo khan vawikhat chauh min pui ve thei angem Sawmkima ka ni a tia nui deuh put put in a kut chu a phar chhuak thuai a. A hmaa Nula ding chuan thlek vang vang in, THANPUII ka ni e, ka tih theih zawng anih chuan ka pui ang che tiin alo chhang fel thak a. Ka sawi hreh ve khawp mai tia bul ṭan in min hlau miah suh i tan mi hlauhawm ka ni lo ania, min ring la ka duh in hotunu saw kan be lawk aw tiin Sawmkima chu a kal sawn nalh a,Ka Pi Thanpuii hi thil sawipui lawk ka duh a, ka rawn thlah hawng mai ang chu, thil ṭhalo engmah a thleng lo ang tiin a va dil ta rawih a. Pi HLUPUII chuan chik zeta lo melh vang vang in, rintlak ah a ngai ni tur ani ni rawh se, mahse engmahnka vahnu chung ah khan anthleng tur anilo, Dar 10 hma in aw tiin Sawmkima chu a melh kal a, Awle ka Pi ka lawm lutuk e, a rem phei chuan nangmah ngei kala rawn be tel ang che tia nui var var chung chuan a kal sawn ta nalh a.
... Thanpuii chuan a hmaa Tlangval hmuihmul leh Khabe hmul nei vei chhap chu thlek vang vang in, ngaihzawng chu ka nei lo phawt a, min puih vang ni bik hauh lo in, chutiang khawpa puih i ngai anih chuan Nikhat na na na chu i Bialnu chu ka ni mai aniang chu mahse in kuah leh kut in kaih bak pello ang aw tiin a nui ta var var a. Sawmkima chu thaw huaiin ka va lawm tak em Ka Putea hi inla pa ve zek a, a in sawisel rei tawh nen hian in entir tih vel a duh tlat lo hian ka Nu a ti mangang deuh tawh ani. Kan pahniha kan hruainpawh angai mai thei, Movie vela lem chan ang hi ani mai phur taka sawi zui mawlh mawlh in, ummm helai ah hian tih tur kan nei talo, ka va in siam lawk ange aw..min lo hai miah lo la, ka rei lo ang tiin a nui zui hak hak a. enge maw ka hai ngawt ang che le tia chhanna pawh ngaihsak zui tawh lem lo a, kal nghal nalh in, THANPUII pawh chuan alo nghak vang a, Chutianga Thanpuii a mah maia alo ṭhu vang chu, Jenny meng nu deuh phat tawh chuan a rawn hmu fuh leh ta tlat. Zam map lova pan hnaiin hei nangnu kha, ka kawr kha i awh em vanga satui kha leih lui i nih ka hria nia aw, ka ngaidam ngailo ang che, Mipa Tla hlang i zawng deuh em ni kalo theh chhuah sak ve dawn che emni tia nui har har in, hmusit tih hriat tak hian Thanpuii chu a kal hual zui nghat nghat a.
... Thanpuii chu nui chhuak hak in, vawikhat ngaihdam ka dil tawh che a, mi ngaidam thei lo anih chuan Nichina pawisa i dawn zozai kha min pe let leh ta che, ti chuan i duh duh i ti thei tawh ang. Nanga zurui an khum mai mai tur ka nilo a ti let ta sak sak mai a, a hma darkar liam ta maia a khawngaihna leh ngaihdam na diltu kha ani talo a maw tih mai tur chuan a lo chhang let ngam ta tlat. Jenny lu kai deuh tawh chu a sa nghal phat reng a, ben mai tuma a kut lek chu Thanpuii chuan a banreka lo man sak chaih in, kut mi thlak tum hlek suh, nangni ang kut bawlhhlawh hian min tawk fo tur a nilo tih paha an nam kat zui dawrh mai zawng Jenny thinrim lutuk chu sai hlak hlak in, a mipa dinpui chu a melh zui vat a. Jenny ṭawng chhuah leh hma chiah chuan kan kal dawn ami Bawih thum chhaka aw chhuak a vang chuan Jenny pawh ngawi zui hmak in, Nilenga a zawn ruk Dum suit veka in thuam Full Face khum ngei mai kha a rawn lang leh hlawl si, Thanpuii kawnga rawnnkuah sak hmak in i ṭhiante em ni tiin Jenny te lam hawi chuan a in her pah bawk a. Nilo e, ka hman e tiin Thanpuii chuan a zui nghal thuai a, ang pam chunga Jenny ding chu Thanpuii chuan nuih lui sak in nuam a ti kher e.. ka kawng ah min chelh rawh i Ni khan dar 10 hma a thlen tur che in thu min pe tlat tia nui ri hak in, a speed a up zui salh a. A khalhtu in a hneh sawh mai piah lam ah a Bike chuan phak na tur pawha alo dah ngai loh a chuang Thanpuii chuan hlauh lam a ngaih tuah hman lo ani ber e. I muhil chu ani em lo maw tia be tupa a vanga harh chhuak zawk in, Bialpa tak tak neih hi a nawm phian dawn hi ti rilru chung chuan lo lut be lawk la, ka Ni chu kan pahnih in kan be dawn lawmni tia Thanpuii sawmna a vanga bu nghat nghat in an in zui lut ta thuai a.
... An luhna in chhung chu a va changkang em tih tur a ni hauh lo, mahse an chengvawngin an bungraw neih chhun ang ang te chu a hnum ṭha hlwwm hle a, Sawmkima tan inthup sen a ni talo, lo ṭhu rawh u tia Thanpuii Ni in alo biak na chu buk khum nghat in, a Full face chu ala thla lo thei talo, Thanpuii chu rawn au chhuak ṭhat in, e heee.. nanghi i ni tawh miah lo, i ni bawk si tia meng bial kaw kaw in a insum hman tlawt lo. Sawmkima nuisak ha ṭo thuah chiang taka lo lang tel chu chik zeta melh in, Ka Ni hepa hi zaithiam hmelthupa kha ani chiang lutuk, enge hmuihmul lem te kha i vuah vel a tiin a benng ta thawr thawr pek a, Pi HLUPUII chuan rang taka lo dang in, awi insum ve ṭhin teh â lutuk mai tiin a vahnu chu a hau der hlak hlak a. Sawmkima pawn Thanpuii la naupan chhiat zia leh a rilru thianghlim zia a hmu tlang ruaka in hria in anui ta var var a. Picnic Spot a i hmuh kha chu Photographer satliah kha ka nia, tun ami hi chu Sawmkima diktak ka nih hi, inthup a ṭul chhan hi a awm ve ṭhin a tiin a nui zui var var a..
... Sawmkima chuan Thanpuii mit sir ralh pah chuan Puitling chin kan lo inbia ange, Naupang tan inbual a hun tia an nuih sang mai zawng Thanpuii chu a sa in, khanglamg a che ka aiin i upa awm bik lo em mai a, ka Ni hepa zah theih loh zia hi tia per tan tan chung a a room lam pan in, a room kawngka bul a ṭanga Sawmkima chhiatkhum ruk tuma hawi kir in, lei a chhuah hman, Sawmkima chuan alo melh kur si, lai zeta rang zeta lut zuk in a room kawngkhar ngheng chuan a ding zui vang vang a.
.. Pi Hlupuii lam hawia in her rem in, Ka Pi ka ti dawn che em, a rem chang zawk ang tiraw tiin a chanchin tlangpui chu a hrilh zung zung a, Thanpuii a mamawh dan a sawi kai meuh chuan Pi Hlupuii chu a nuih a za tawh in, nangin ngaihzawng ila nei ngai lo a, Ka Vahnu lah in Ngaihzawng ala nei ngai hek lo, engtin nge lem in chan ang man chhuah in ni nghal ang tia nui tlawrh tlawrh in, in ngaizawng law law mai ru te a ti ta vel mai mai a, ngawi zui vang vang in, i mamawhna a sang em mai a, ka remti hram ang, damlohna thil chu nilo se ka remti lo ang. Tin, ka ring tawk che a,ka rin anga i awm loh chuan Nu nasa tak ah ka chang thei tih i hre dawn nia, Bawihi tiin Thanpuii chu a âu zui lang lang a. Dar 1 a rik meuh chuan Pi Hlupuii pawn ummm ti kha chuan tlem in in awm ang ve deuh tawh e, in hah thlak dun em mai tia nuih tlawrh tlawrh in an in pawh zui ta phian a. Sawmkima tlan liam chu Pi Hlupuii chuan thlir zui vang vang in, Tlangval mak tak anih kha tia phun chhuak sep in Thanpuii chu melh in, ka hmeichhe hmuh tawh ah chuan ila zeilo ber ang tiin a nuih tlawrh tlawrh a..
... Sawmkima Zing tho chu a mah chauh chuan nui leh suk suk ṭhin in, a Pute chu call in a sa ei chak zawng te a zawt pah zung zung a, eirel thiam Thanpuii a thlang bawk a, a Putea chu Surprise a tum nasa ve khawp mai. A dan ngai tea in khalh chhuak in, An in chung Nula Scooty hawh in, hmuihmul.pawh a nei leh chhap tawh a. Thanpuii te in kawt ah chuan ding chaih in, Thanpuii rawn chhuak chuan a rawn nuih leh fe phawt a. Zawngte i ang lutuk tia in chum kawrh kawrh chunga Pi Hlupuii lo chhuak lam chu hawiin kha khalh teh ka khalh peih lo tia Chahbi chu Thanpuii pek a rual hmak a, ka khalh thiam hlei nem tia alo chhanna chu i len nen nen enge i thiam loh khawimaw tiin an in zirtir chhuak der chu ani e, mak tak maiin rei tak lo inzuintawh ang mai hian an in pawh em em pek a, a mipa zawk lah in a dara han hnek sak mai lah a hreh bik der bawk silo, Pi Hlupuii chuan in kawp awm tak pawh in nih kha a, Lunglei Pa hausa Rochhunga fapa niawma mawi pawh i ni lo e, engmaw i zawn ber kha i hausakna tel miah lo a hmangaihtu maw i zawn hmu ngei ang che tia phun sep sep chung chuan in chhunglam a pansan ta thuai a, a vahnu lak ah pawh Sawmkima nihna tak tak a la thup a ṭul tlat si, Vahte hmangaihna a vang erawh chuan Sawmkima nen hian inkawp remse a ti ru viau thung.
... Thanpuii nui leh hak ṭhin chu Sawmkima chuan rum zeta melh in, enge i hriat a, mi nuihzat viau suh aw an ti deuh khâ khâ a. Aih ka nuih lo che nizan a i hmel leh dress leh tun a i dress nen khan ka khaikhin lo thei lo. Tun ah tak hian i an deuh chu maw kan awmpuipa ni awm i ni tiin a nui dir char char a. Ka in chei nalh leh vak chuan min hmu tai leh si lawng maw nizan pawh khan min melh set set kha aw tiin an chawhmeh lei chu Scooty Seat hnuai ah chuan a thun zui mawlh mawlh a. Khai le, ka bialnu duhtak rawn chuang rawh le tia huiin i va mawl thei tak, mi an tam em hi tia sik nawk nawk chunga lawn in an in phur liam zui ta thuai a. Sawmkima in luah zim te fel ran mai ah chuan in zui lut in, Thanpuii chu a hawi kual riai riai a. Mipa mal in luah ah si chuan a fel fai em lah tak a. I bula awm a peih awm loh i Under pawh i nawt thlap lo maw tia Thanpuii fiamna chu Sawmkima chuan min nawh sak peih ami tiin alo chhang zui zat bawk a, an pahnih te chauh pawh chuan an hlim tawk ve em em zawng ani e. Zanriah tur buaipui nghal in Ei siam reng reng a, hun hmang tam zawk Thanpuii chuan eisiam zawng a awlsam nameuh e. A bawngsa kan rimtui lutuk Sawmkima'n a lo tem ru da da lai chu a kut ah va khawn sak lawlh in Sawmkima phu nasa lutuk lah a titau deuh reuh bawk nen a in luahna te pawn an rawn bih ta dak dak e, kum khat chuang Sawmkima hian an in hi luah ve tawh in, Nula hruai hawn a la nei ngai lo mai ni lovin, a in a chuangkai ve ṭhin awm chhun chu JIMMY leh Pu DANMAWIA an ni mai a, chutianga Hmeichhe nui thawm lo chhuak ta har har chuan an beng a verh bawk aniang, an Tleirawlte chuan zuk pawh rawih in, chhuanlam ah Tui te a zuk in ngawt pek a. Chu Tleirawlte in an in lama a report pek in a zir bawk a niang, U Sawmkima bialnu chu a hmelṭha lutuk, a lian si, a pian a mawi rapthlak a la naupan hmel bawk si a chhungte kiangah a tih chiam a vang chuan kar lo ah a in luah nei tute chuan an zuk chian kim hman der chu ani e.
... Sawmkima Pute Hruaia pawh dar 4 vel ah rawn thleng ve hlawl in, Sawmkima chu uluk zeta thlek in, a tawp ah chuan a nui ta suk a, met vat ang che a ti hmasa ber a. Thanpuii chu chik zeta melh vung vung in, a kut chu a phar chhuak zui vah a. Vanlalhruaia ka ni e, Pa Hruai minti thei ang. Thanpuii chuan lo ban ve vat in Lalthanpuii ka ni e, Thanpui tiin min ko ṭhin, tia chhang fel thak in, i chau em a ti thawp set a. Chau lem lo e, hei chen ka Tupa hi a tlangval ve tawh a, ṭhiannu a neih ve tak ah chuan rawn kallo thei lo ka ni tlat a lawm, mahse i hmel ka hmuh hian kala awih thei chiah lo. Tlema mengkalh deuh re ru pawh nise kan lawm dawn teh lul nen, engtin nge maw a lo chhai tluk ve theih che aww.. khawimaw lo hnai teh Selfie lawk teh ang tiin nelawm tak chuan a nui zui huau huau a. Family Whatsapp Group ah chuan Post zui nghal zat in, rei anilo ang nghak rawh dawt ka sawi loh zia i hre mai ang ka Tupa hian a vau bet che ani zawk lo maw tiin a la nui zui vur vur reng a. Sawmkima chuan ka Pute i Tupa hian duh ka thlang thei tih i hriat kha, Nula te chu han kawm zeuh ila an awn duai duai mai alawm ilo fiam khawlo zo ange tih pah chuan Thanpuii dar ah chuan kuah in nang anga duhtui lo ni ila, hman hman ah ka hung del dul tawh ang tiin in ti thei fe chuan a hawi zui valhvalh a.
... Pu Hruaia in ti fai tura Bathroom a luh meuh chuan Thanpuii zak leh ṭang lutuk chu ṭhu zui hnawk in, awiii tiin a kut chuana hmai a zap vel lap lap a. Nupui ṭha tak i ni dawn in ka hria tia Sawmkima fiamna chu run teh mahse in um zuai zuai na chi ni tawh hek lo le, ngawi renga in melh rum tawn vel in, Sawmkima chuan a Pute thlalak post Family ho in an rawn Comment na a Putea phone a mi chu chhiar tir zuiin Thanpuii chu a sen deuh ṭan ṭan reng a. Sawmkima pa meuh pawn a rawn comment ve tlat, ka Fapa chhuah hlek suh, a ṭul anih chuan i Putea khan Bialtu MLA kha sawm sela palai kal nghal mai rawh se a rawn ti duah pek a, Sawmkima chuan closed hmak in, ka Pa hian Nupui nei lova ka len tlang mai hi a hlau khawp a, buaithlak ṭhin ania, i thinrim lo tiraw tiin a nuih tlawn var var a. Thanpuii chuan thinrim na tur a awm hlei nem, mahse tlem chuan ka inthlahrung deuh an fel hmel hlawm ropui si, tia a kuttin seh niap niap chung a ṭhu fel at in, in chhe ve te a luah a, Pawisa lam ah a buai miah silo, a Putea lah Bolero ngat in a rawn kal bawk a, Palai ah M.L.A. te a rawn sawi kai thei bawk, hepa hian enge ka lak ah hian thup a la neih aww.. tunge maw anih chiah le tih vel ngaihtuah a a ṭhutvang vang lai chuan, Pu Hruaia in thlak zo chuan kha a lo hau che chu ani em lo maw tia a rawn biak tak ah chuan harh zawk in, hau lo e, min han hau teh se, ka hlau bik miah hlei nem ti a lo chhang in, Pu Hruai sawmna ang chuan motor lam ah kal in, kawng lak a chawhmeh leh Thlai vel Pu Hruaia rawn lei ho chu in fiam bawrh bawrh chung chuan an thiar lut zung zung a.
... Zanriah ei a hun ta bawk a,ei siam zui zung zung in, Pu Hruaia chuan Thanpuii Bawngsa kan chu an hmawm thaih a, mit chhing meuh a ngawi vang vang in, i ei siam ah hian kan Monu tur a tan chuan i tling nghal leh ta tlat hetiang te hi chu ei nitin thei ila, hah pawh a dam deuh ang, Sawmkima Pitei ei siam ve hi zawng ṭawngṭaina nen a ei ngai hi a tam ṭhin ania tia nui hawk hawk in, Thanpuii pawn a ngaina in, a titi ve bawrh bawrh ngam tawh a... Sawmkima chuan remchang ah la in, Pute naktuk chu kan pahnih in in checkup rual law law ila, tun lai chu awm nuam lo hian mi ṭham leh ṭhin a, nangpawh kha i vun a nung lo em mai tiin anawr ta zauh a. Thanpuii pawn lo pui vat in, Pu Hruaia pa luhlul tawp a chhungte pawn an nawr chhuah zawh loh chu ngawi vung vung in, Thanpuii a kal tel dawn loh chuan a rawn ti ta tlat, ni khat chauh lem chan pui tura a ngen Thanpuii lam chu Sawmkima chuan melh vat in, Thanpuii chu ngawi det in, nui var var chung hian ka Ni in rem a tih phawt chuan le tiin a chhang ta hlauh a, Sawmkima thaw deuh huai chu Pu Hruaia chuan a hmu thiam lo hlauh e. Zanriah ei na te ti fel leh vek in, zan a tlai hma chuan Sawmkima chuan Pute lo chawl rawh kava thlah lawk ange, khawi chahbi min lo pe mai teh tiin a Pute lam hawi chuan a thle zauh a. A theih bik loh chance neih in tum anih kha ka kal ve dawn ti a, tho nulh in, Sawmkima ruahmanna a flop leh ta, Thanpuii chu a hma ah ṭhut tir hmak in, enteh a ṭhu tum luau mai tiin Sawmkima chu a kawk zuk zuk a. Thanpuii'n a va melh lai tak chuan Sawmkima chuan alo melh lai tak ani bawk nen lai zet chuan a lei a chhuah khum vak ringawt a.
... Thanpuii te in an thlen a, a Ni te nen an han in chibai ang lawp lawp a, Pi HLUPUII zawng a ngaihtuah awm.loh nasa Lem chan mai mai zawng a thiam par par teh e, chutianga Patling ṭhankin zet in ka Vahnu hruai a ngen tlat chuan han phal loh chi pawh ani nang, Sawmkim in rawn lam kawi mai dawn nia tiin an in thlah liam ta thuai a. Sawmkima pawh thaw huaiin hawn kawng tluana a Pute'n a fuihna leh chhuah hauh lo tura a zilhna te chu nuih pui bawk bawk in, kan la inzui rei lo teh ania, kha lo pawh kha ṭha deuh ka hmu asin tia a Putea a chhanna erawh a Putea chuan a awih lo hul hual chu ani e. In an thlen hnu a, a khawsak dan leh a in thup dan te, sawi par par in, a tawp ah chuan a Putea chuan a nih Idol contest chu i tum ta em, i Pa in rawn hruai hawn dan ngaih tuah tawh teh, kan eizawnna kawng ho hi a enkawl a hun tawh tiin min chah uluk khawp mai, Ram i vei anih pawh in in a ṭang pawh in a vei theih ve bawk ania, ti a a ṭawng thlah chu Sawmkima Chuan, a dik khawp mai, engpawh nise Idol ah hi chuan tel ve a ṭha in ka hria a tawng sang pawl ah ka lo ṭang pha hlauh a nih chuan hlawkna tam tak a awm dawn, ka platform a zau dawn tlat tiin a thil tum chu a sawi chhuak ve dap dap a, Social media lam ah dak ni sela, tun ah ngei hian Tunge hmel thup tlat a hi tih te, Hmelthup zaithiama, tih vel nen WHATSAPP, INSTA, FACEBOOK ah te chuan a chanchin a darh chuai chuai tawh tih a hmu ngei ang le.. A putea hmel chu chik zeta melh in a vun nung lo riau te, hlim tum tih hriat tak mahse a chhungril hlim chiah silo chu a hmu ru hial a in hria in, a hmasa ber ah chuan entir ngei ngei a ngai tih chu ani tawp mai. An hna khawihlai chung chang te sawia an titi dun malh malh lai chuan a Putea zawk chuan Taia kei hi ti hian ka thawk ve chiam chiam a, ka ngaihtuah chian phei chuan a ho angreng hi ka ti ṭhin, fa te lo nei ve tal ila ṭha tur hi ania, a thi hmasa zawka ka lo ṭang anih chuan i Nutei ta tur vek chu ani mai a, i Nutei hi a sual hauh lo mahse i kiang ania ka sawi tlang rawng mai ang..ka thawh rah beiseia a chhungte lam in min pak huam mai hi ka kham ru viau asin, Court lam ah erawh engkim khawih danglam theih loh tur in ka dah fel diam tawh e. i Pa ram min sih chhuah hi chuti maia tih riral ka phal hauh lo i kut ah engkim ka dah dawn tih hi i hre reng dawn nia, chuvang in i nun hi uluk tak in hmang la ka duh, Nupuibtur ngat phei chu an hmel ah chauh zawng ngai suh, hmelṭhatna phen ah hian hmeichhe tam tak hian tur hlauhawm tak an hmuam reng ani tih hria la, tuna i ngaihzawng hi Nupui tlak ani dawn in ka hria ti charh charh in, Sawmkima erawh a rilru anuam lo zual sawt thung, an lem chan chu a Putea hian a man lo in, Thanpuii nen hian in kawp tak tak ah angai si tih vel ngaihtuah kaiin a mitthla ah Thanpuii chu rawn lang zawr zawr in, hmeichhe fel tak chu ani tiin a chhing zui ta riai riai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:53 pm

MI IN THUP SAWMKIMA 3
Civil Hospital kawt ah chuan a Putea ho a ding ṭham in, Thanpuii chuan Sawmkim Putea hi keiman ka kal pui anga, nangnah in lo in buaipui mai rawh tiin awmze nei tak chuan a meng kal ralh a. Sawmkima pawh nhi suk in, khatianga i tih fo dawn chuan a dik hauh lo ang tih pah chuan a Putea nuisung chu en in titau der tih hriat tak chuan a kal zui nul nul a. A ṭhian hnai tak Dr. Cindy chu pan nghal in, a putean a rinhlelh loh nan damdawi te chu a va in chawh tir ve ang nawk nawk a. A putea te nghaka a ṭhut vang vang hnu chuan rawn in zui chhuak hlawl in, Thanpuii chuan Test ngai a awm nual mai, A kal lam leh a Chuap lam hi a ṭha vak lo ani awm e tia Sawmkima hrilh mawlh mawlh in, a mah Thanpuii chu a che nghal zar zar a. Cathering a thawk ve satliah ngawt anilo, a hawiher ah chuan lehkhathiam ani tih a lang tawh tlat.. Test ngai ang ang te Private ah ti mai ang tia Sawmkima rawtna ang chuan Test zung zung in, Result an han en tir leh ta thuai a. Sawmkima chuan kan luhpui ange tia luhpui nghal in, Dr chuan i kal ah hian bawk a awm tlat mai a, a ranglama kan zai i ngai dawn anih hi naktuk ah Falkawn lam ah rawn in admit mai ula tia ruahmanna siam zung zung in, a Putea ṭawng ve hma chuan Sawmkima chuan lo chhan khalh zung zung in, in admit hmabak chuan Hospital chu an chhuahsan zui ta ṭham ṭham a. Dr. in Sawmkima a koh let leh zauh khan enge a sawi tih chu zawt nawn viau mahse engmah pawimawh a awm lo, Sum rawn inring deuh ru tih zawng ani mai tia chhang in, Pu Hruaia chuan Thanpuii chu kaiin lo kal teh Fa nei velo ta chuan Fa te thil ka la leisak ngai lo i duh duh ka lei ang che tiin Millenium lam pan chuan a kai kal zui daih a. A mitmei hmanga Sawmkima, Thanpuii'n a rawnna chu Sawmkima chuan lo buk khum nghat nghat in, a nui suk a. Millenium ah inzui lut ve dal dal in, Pu Hruaia'n a duh a piang an kawk kual tak tak mai zawng Thanpuii chuan hnial teh mahse tih theih anei lo. min zai hlum hlauh phei chuan Putea min lei sak i la tih ve tur anih hi a ti hmak mai si nen an dawr a piang te hnen ah lah chuan ka Monu tur anih hi a hmel hi a ṭha ania ti lung lung zel in Sawmkima pawn an awmpui ang maia kamis lian tawk nena zui ve duai duai zel in a hmuihmul leh khabe lem zawng zawng nen an thil leisa khai vel ah zawng a ṭha tawk khawp mai.
... Millenium an chhuahsan tur chiah chu Jenny leh a bialpa ni awm tak tawk hlawl in, Jenny chuan Thanpuii chu rum taka melh in hetah pawh hian i thawk ani lo.maw, Swipper emni i nih an ti deuh salh pek a. Thanpuii lah chuan Swipper chu nih theih ka chak khawp mai, i nalh hle mai tiin a kal pel zui hmak a. Sawmkima chu Jenny chuan melh leh in i duh hun hun a, Office chawl thei ah i in ngai ami, mi ai kal ve mai mai i nih kha tia a ṭawngkhum na chu Sawmkima chuan ka rawn kallo anih chuan ka bang tihna ni mai. Kal rawh kal ang High Class ho bul ah hi zawng kan te chem chem em mai tia ngei awm zeta nui huk in Thanpuii chu a kai hrang ta thuai a, Jenny in a thlir reng lai chuan Bolero ah chuan lut dun in an tlanliam zui ta daih a. Mak tak maiin Jenny hian Sawnkima hi huat tum eng ang mahse zam map lova a duhthu Phone hmanga a hrilh hriat a ṭang khan a tum miah loh hian alo ngaihtuah leh veng veng ṭhin a, a hmel leh dress engkim a mitthla a rawnnlan meuh hi chuan a ner leh sawk ṭhin mai pawh a.
.. Thanpuii tan pawh inthiarfihlim theih tawh bik hek lo le, Falkawn lam pan chuan an in khalh chhuak leh ta ṭham ṭham a, vawiin chu Pi Hlupuii pawh kal tel ve in, hlim tak chuan an nui phei ho bawk bawk a. Falkawn Hospital ah in hung lut raih in an in Admit fel hnu chuan Test ngai ang ang te an test zui zung zung a. Pi Hlupuii lah chu Hospital ah chuan a thawk ve maw tih mai tur in thil mingkhawng alo hria in a liam zung zung a.
Zai hmabak i ni miau mai a, HIV test a ngai ve tlat. Lokal rawh ka hruai ang che, Nuthlawi hmelṭha kiang ah i khawsak khat em kha i lo Positive ruau mai angah tia fiam in an nui bawk bawk a. Kalo positive anih chuan ka kai chhawng hmasa ber ang che tia in fiam bawrh bawrh chunga in zui chhuak in Sawmkima leh Thanpuii pawh restaurant ah lut in an titi dun mawlh mawlh a. Sawmkima dak chhuak vang vang chu nuinsuk in kan ei man hi lo pe mai rawh aw khulai mi khu ka zukpui lawk tih leh a ipte chu zen in a full mask chu a vuah zui hmak a. Thanpuii chuan alo hriat lawk tawh a vanga nuisanga thlir liam in, engmah hrelo ang hmak chuan Lasi chu a in zui malh malh a.
... Restaurant a thawk ho te an phut suau suau lai chuan Thanpuii erawh nui var var in, Hmaituama a zai, Hmaituama kha tia au nawk nawk thawm leh Sawmkima zai na lam pana an tlan dawr dawr chu melh in, ka Bialpa a nih kha a ti vei sap a, a lei chhuah zuk in, bialpa lem lem zawk tia nui sak in, a dak chhuak ve ta nge nge a. A ma hla sak ṭhin pangngai, K. HMINGA hla a duh em em SI AR LALNU ngei mai uluk em em a sak thawm chuan Hospital leh a vel chu a luah hneh bawk aniang, chulaia Rualbanlo pakhat a nupui fanau chawm nana zai ve al al in a dawh bawm chu lek kang in, a zai zawm mawlh mawlh a. Kar lo ah rawn pen chhuak hlawm in, mitin mai chuan an rawn chhung zui ruih ruih a. A zai zo kal kian mai tum chu a puih tak ber fapa Mipa Naupang te chuan a kut ah rawn man chaih in ka Pu kan lawm e aw a rawn ti fel fak a, chu mipa naupang bal hrip hrep biang ah chuan piai sak zauh in a phone Track play nan chauha a hman ṭhin chu a pawt dawk zui zauh a. A hmel en reng reng pawha pa zahawm tak tih hriat emnem mai hi rawn pen chhuak in, Tlangval vawikhat chauh tal han sa leh teh, hei hian ka request e,tiin Singkhat lai hi a rawn lek chhuak tlat.. Sawmkima pawh nuisanga bu nghat nghat in, a hma ai maha Uluk zawk chuan a zai zui vang vang a. Camera a de nasa in an lek nasa teh e.. Nui var var chunga kal kiang in, ngati nge i hmel i thup tlat tia zawhna chu chhang lem lo chuan Hospital lam chu a pan ding nalh a... hman hmawh taka tlan lut puat in midang in an chim hman hma chuan a Putea T.shirt pakhat chu phawrh in a in thlak ta ngawt a. Pi Hlupuii leh Thanpuii pawh rawn in zui lut in, Pi Hlupuii chuan Sawmkim i putea awmna Counselling room ah zuk kalve lawk mai teh tia nui lui sak ina hmel erawh a dik tlat lo.
... Sawmkima pawh Pi Hlui mitmeng leh hmel a thil in phumru kha a hmu thiam chiang bawk a rilru nuam zan lo chuan A putea te awmna room ah chuan a lut zui ta thuai a. Counsellor hma a a Putea Single chaira lo ṭhu kun chal mai chu pan hnaiin Counsellor in a lo buk khum nghat na a vanga insang mar in, ngawirenga ṭhu hniam in a Putea dar ah chuan a bensak thak thak a. Pute Pa tak in aw a ti hul hak a. Pu Hruaia pawh rawn hawi chhuak in, Sawmkima chu ngawi reng chuan a melh vang vang a. Taia vawikhat chiah asin, vawikhat chiah a pawi lutuk, ka manglam ah pawh ka la mang ngai miah lo tiin a hmui a pet zui fan fan a. Counsellor chu rawnnin rawlh zauh in, ka Pu mifing tak i nih ka hria, ka sawi tawh ang khan a thim zawng nilo in aw tiin a rawn in rawlh zauh a. Pu Hruaia pawh in thing harh in, ni e, a dik a lawm ka la tlai chhe lo tur ah ngai ang, ṭha tak in treatment ka la mai dawn alawm.. Taia pawi ta ber chu Fa neih ve ka duh luat vanga he thil hi thleng ani asin, kum 3 liamta kha ila hria em.. Bolero la tura ka kal kha, Khatia NIGHT SUMO a ka chuang kha, a hnung ber seat ah ṭhu in, ka kiang ah khan Nu valai tak hmel pawisawinlo zet mai hi rawn ṭhu ve in kan titi pawh a in man khawp mai a, Lunglei ve tho ah ka awm tiin an veng awmna lai te pawh min hrilh nghe nghe a, kan inkawm thui zel hnu chuan Nuthlawi ani tih hria in, ka ngaihtuahna a kal dik ta tlat lo. Fa a neih tawh thu a sawi phei chuan ka Fa awhna chuan min bual tup tup ani ber mai, a nihna tak ah chuan I Pitei hian Fa a pai thei lo bawk nen ka thlah mang mai tur kha ka ngaingam bik lo ani... Hotel ah te chawl dun zel in, Thenzawl kan thlen meuh chuan in pawh tawh tak kan ni, a tawi zawng in aw, Aizawl kan luh meuh chuan Nupa zindun kan ang ber tawh zawk, inthiam lohna nei tho mah ila, ka Fa awh na chuan min bual hneh em mai a, kan pahnihna duhthlanna ngeiin, Hotel kan book ta anih kha, zing ka harh chuan kha hmeichhia, Muanpuii inti kha hmuh tur alo awm tawh lo...Ka Card pek erawh a la thung, a contact leh a address pakhat mah ka hrelo.. ka fa a pai anih chuan min rawn be pawp.mai tur ah ka ngai kha ani a, mahse vawiin thleng hian khanu amaw, a thawm thangva pawh hriat tur a awm talo. Ngaihṭhat loh na pawh nei miah lo in vawiin hi ka thleng ta anih hi.. i Pitei erawh a him ang, Sawmkima chu meng kawk in, enge a awmzia Pute tiin a meng phawk nasa teh e. Eng dang ni lo e, I Pitei leh a laizawnnu inbiakna ka chhiar ru pek a, mi neih duh chhan chu ka ro leh thil hlu vang vek ani. Tin, a ngaihzawng neihruk te hi hrelo ka ni hlei nem, chumi a vang chuan ka hlau tlat tawh a, natna ṭhalo a vei ka hlauh a vangin ka la mutpui leh ta miah lo, a ni lawm ah a tla nge ni dawn ni, kan in neih thuthlung ah khan Thihna in min ṭhen hma loh chuan tiin ka tiam tawh a, a Uire lai tak ka man te anih ngawt loh chuan chhuah tir tumna pawh ka nei lem lo chuvanga nia engkim i hminga ka dah vek na chhan hi, ka thi hma ta deuh anih leh i hausa leh zual hna deuh dawn tihna ani mai tia nuilui hak hak in a chhungril erawh anui tel hauh lo.. Sawmkima zawk chu tawt up up in, a insum thei lo zawk ah a ṭang lek lek chu ani e.. Counsellor hma ah chuan Bawihi ka lawm.lutuk e, ngaihtuahawm ka ni lo e, damdawi chu engtik a ṭang in maw ka ei ṭan dawn tia zangkhai taka ding chhuak in Taia mi delh ngut ngut tu leh mi ti na zo vek tu ka bawh chhiatna ka puang ta ka thawl hawk in ka hria khatin hrehawm tih hmel deuh khan awm mah ta che hei Nula fel em em hian mi lo hrilh fiah vek tawh e, hman hman ah khan lo in test tir ni ila, ka hrisel na pawn a tuar vak lo tur, Condom hman pawimawh zia i sawi kha ka nghilh hauh lo, mahse maw Fa kha ka awt em ani ti a, damdawi chu ban in an in zui chhuak putu ta thuai a. Counsellor JULIE chuan thlir zui vang vang in, ka Pu i vanduai hle mai, nang anga tisual ngaihṭha a leng si hi kan ram ah hian an tam asin, Mi 100 awm khawm ta ila, Positive hi 2 zel awm ang kan ni tawh asin... tia phun sep sep chung chuan zawi hnak hian a ṭhutna ah chuan a mawng a hung zui charh a..
... Taia khatin awm hnup suh ka hma a thim ta vek tihna ani hlei nem ka anpui mi te hrilh hriat hi ka mawhphurha ani ta anih hi.. Thanpuii ten an lo hrethiam ang che ti a hnem zawk in an kuah chho hnawp hnawp a. Pu hruaia pawh tluang taka zaiin an in zai chhung hian Pi Hlupuii chuan a awm pui chawt a, Ni khat a tan chauha inbia an nih nen Thanpuii leh Sawmkima pawh nitin in phur kual zak zak in, Pu Hruaia pawh kar khat damdawiina a awm hnu chuan fel taka chhuak in, Sawmkima chuan a fuih mawlh mawlh reng bawk a, Pi Hlupuii danglam em em na chu Pu Hruaia hi a Positive tih a hre vek, mahse lungtenna pakhat mah nei lo leh phut let nei map lo in, a enkawl thei tlat.. Sawmkima in luah lam ah ni hnih a chawlh hahdam leh hnu chuan Lunglei lama haw tura in buatsaih in, Sawmkima chuan nangmaha in khalh has chi ila nilo ka thlah ang che tiin a insiam zui ve mawp mawp a. Pu Hruaia chuan Taia i pa in Thanpuii a beisei ania a ti ta khauh mai a, Sawmkima ngaihtuahna a buai ta tlat.. thudik a sawi ngam tawh silo, a Putea mai nilo, a pa nen lam tihnat angam tawh silo, kalo be chhin dawn nia, a tih liampuat lai chuan a Putea zawk chuan an lo thleng ṭep ang, Taite i Putea hian ka hre chiang tawk che asin, Thanpuii hi i hire anih kalo thlen ni khan ka hre daih tawh, mahse in mitmenga in in huat loh na kha ka hmu tel tlat a, in bum theih ang in ka awm.mai mai anih kha, vawikhat tal min bum hlawhtling ve tawh em tiin a nui var var a. Sawmkima'n a lu thak lo pui a hiah lai chuan Kawngka kik thawm rawn riin Thanpuii te Nî vah pawh rawn in zui lut in, an rawn nui lut hawk hawk a. An thut thlan daih hnu chuan Pu Hruaia chuan Thanpuii chu hui hnaiin, ka kum zahve vel chauh la pal thleng ve hian bum te min lo tum ve kha ania tiraw, kalo thlen ni khan in lem chan kha ka man vek tawh.. Thanpuii khur der der kut chu hum sak in ka hau dawn reng reng lo che, hepa leu luau hian engtik ah mah a mah hian si tlu ve dawn hek lo, vawiin hian hei Pi Hlui pawh kankoh tel na chhan chu, kan hriatpui ngei hian in ngaizawng nghet ula ka duh ani ti charh charh in, ti khan Motor khan va chhuak zawk ta ula, ka damdawi tur kan la lei kim loh kha va lei ta ula, bak ah Muankimi thawmhnaw te pawh rawn la nghal ula a ṭha ang, pi Hlupui harsatna a awm lo tur ah ka ngai ngawt a tiin a nui zui sang a. Pi Hlupuii pawh chu bu nghat nghat in ni e, va in sawi pawh law law teh u, tin ka ring tawk che a, ka rin ang ngeia in awm ka duh tiin Sawmkima lai sen ṭun ṭun chu beng taih in mipa zawk i nih kha tiin a nuih zui awr awr a.
... Tumah hrilh lawk.loh tur aw tia a Pute ruahman ang chuan Lunglei lam.pana tlan nal nal in, Pi Hlupuii pawh Pu Hruaia chuan tih tak zeta a sawm na avang chuan kal ve in, a hnung ah ṭhu dun in len lai a rual lo hi chu aw tia Pu Hruaia fiamthu chu Sawmkima chuan in va zak lo mai mai e aww.. mit in tikham tia khak fiam vel in an hlim kawngtluan ani ber a. Pi Hlupuii leh Pu Hruaia inkar ah hian in hmel duh leh in ngaihzawn lam a lang lo, ṭhian in kawm ngeih em em ai mah in Unaua in ngaina em em an ang mah zawk a.. chawhnu hera chhuaknan ni bawk a, Lunglei an thlen chuan zan dar 10 a hnai thuak tawh a.. Surprise ve reng reng ang, Nupa hlim tak nih leh theih te pawh a chakawm tia thawm dim taka Pu Hruaia in a an Putua in zui lut in Sitting room alo thim ṭhap tawh.. Pheikhawk phelh in Bedroom lam an pan zui dan dan a, Surprise tia Pu Hruaia zuang lut in Bedroom light an on thut mai zawng, Hmeichhe mangang ṭe thawm lo chhuak nghal in, Rizai chu a ban zui rawk rawk a... Pu Hruaia a chi ai ve tlat lo.. a Phone phawrh in video recorder a on zui hmiah. Thianghlim i thawmhnaw kha ha hlek suh.. hei heiii nang pawh kha tia a Nupui chunga chetlo la mek tal pit ta in hak tum chu rum taka melh in Thianghlim heti em em hi chu i thlen duh ka ring ngailo asin, Taia i Nu leh Pa ko rawh le tiin Sawmkima chu a melh zauh a. Pu Hruaia hawi sawn zauh lai chuha Thianghlimi tlangval pa rawn tlan thut chu Sawmkima ke thlawk chhuak chuan tlawh hlawm nawk in mi tenawm pa tia hnek zui leh ṭhuaiin a Putean dang lo seng zawng a that duh ngei ang le..
... Pu Rocghunga te nupa pawh rang taka rawn thleng nghal in Colony khata awm an ni bawk a, an rial reilo kher e. Sawmkima nu chu muangchanga pen lut in, i pum chu a lo nuam lo hle ani maw Thianghlim hei hi maw im chunga kan thatna min thungrulh dan chu, mihur nu tia au ṭhawt in a beng hawi zui sawk a.. Pu Rochhunga chuan a tawke Taia nu, in laklawh sia in zo law law duh em an ti thum dut mai zawng a aw ah chuan tual thah chakna a in phum tlat, mipa a zawnga zaidam ber Hruaia i nei hi i vannei tluang zel ani e, ka Nupui chu ni la ka chan sawm vek ang che ti bul hmuk chung chuan phone call a hmang zui hmiah a. Pu Rochhunga call zet zawng an ngaipawimawh bawk aniang, Police lam pawh an rawn thleng rang teh e..Police in la hrang nghal in, Sawmkima thinrim lutuk chu dan a ngai nasa in, a lian tham bawk nen a tal buan buan hi ani ber a. Pu Hruaia chuan e khaia tia chhuak vut in, Thanpuii leh a Ni chu a rawn kuah lut ta thuai a. Pu Rochhunga chuan chik zeta li thlek vung vung in, thlalak ah ai khan i ṭha zawk daih anih hi lo hnai teh ka fanu tia lo huiin, Thanpuii chu an kuah deuh hlu hlu a. Kan in lam ah i chho zawk ang aw tia rawtna siam in an chhuak zui ta diak a.
... Thanpuii te pawh Ni thum cham in, Sawmkima nen an pathum bawka Aizawl lam pan leh in, Idol elemination round kar thar ah ṭan tawh tur a nih miau a vang in, Sawmkima pawh a in buatsaih a ngai ve tawh ang chu.. A pute te nupa chung chang erwwh Court lam in fel taka rel in, Thianghlimi chu kut beng in a chhuak lo thei talo, a tlangval pa in a la la lut duh lo zui bawk nen a chan ava chhe ta em..
... Thanpuii chuan a kianga ṭhu Sawmkima chu melh deuh ran in, heti khawp hian i zaithiam sa tawh a, engvanga Idol ah hian tel ve tum tlat nge i nih tia zawhna a pek chu Sawmkima chuan ngaihtuah vang vang in,ka Platform a zau theih deuh ka beisei mai mai mawle, ka Putea chunga kha thil a thlen hnu phei kha chuan HIV a wareness neih hi a ṭul tulh tulh in ka hria, MSacs lam hian bei viau mahse mipui lam zawk hian kan ngai neih ta tlat si, ka Putea ang kha mi tamtak an awm dawn asin, khawpui mai nilo, thingtlamg lam ah chen hian a pawimawh tawh asin tia a chhanna chu Thanpuii chuan buk pui nghat nghat in, a dik khawp mai mahse i lar vak anga, min kalsan leh si ange tiin a lei a chhuah zui vak a. Pi Hlupuii thingpui lum zo rawn lut ve chiah chuan enge in lo sawi mawlh mawlh a tia a rawn rik tak bawrh bawrh ah chuan Sawmkima chuan ṭha deuh hian alo hrilh ve mai bawk a, Pi hlupuii chu ngawi zui vang vang in, Idol aia ṭha tur a awm ang, platform zau tho si, phuartu liantham awm silo, naktuk lam ah ka ṭhianpa ka lo be dawn nia, Zoram khawvel hi a ṭul anih leh kan fang ziai ziai anga ni mai lawm tiin a nui zui sawng a, Sawmkima pawn ka man thiam ruak in ka hria, la in thup tlat ta ila, boruak a keng lian zawk lawng maw tiin alo chhunzawm zauh a a ṭha zawk mai thei eng pawh nise i riak ve dawn te anih loh chuan dar 11 a ri leh ta tiin Sawmkima ner kual vel chu nuih har har in Room lam a pan ta thuai a, Sawmkima haw tur pawn muah muah ati ve mahna le..
.. Sawmkima a Bike nena a tlan chhhuak chuan theih nghilh a nei tih anin hre hauh lo. A hmuihmul leh Khabe hmul tel miah lo in, a nihna diktak nen a chhuak tlat.. a office thawh ve zawk na kawt ah chuan ding dat in, a pendrive theih nghilh lak tum mai ani bawk a, rei pawh a tum lem lo. Office chhung a lut tur chiah leh Jenny chhuak tur ni awm tak chu in tawk chaih in, Jemny lah Thlarau tharlam hmu ang hrima meng kal zawk zawk in, Nanghi, nang hi tia Jenny a ṭawng bah nawk nawk lai chuan Sawmkima chuan kal san nalh in, a faifuk zui raih kher pek a, ka duh ai chuan min hre hma dawn tlat mai a tia nui ri hak in, Pu Danmawia dawhkan lam chu a pan zui thuai a. Pu Danmawia pawn makti leh a ngaihna hriat loh hmel zet a lo melh in, a hmui leh khabe a lo tuai khum ngawt a. Nia ka mangnghilh daih ani. Ka kal leh nghal mai ang aw tiin Pendrive chu a ak zui thak a. Pu Danmawia chuan zanin lam te rawn chuangkai ve tawh la tia a auh zuina chu nuisanga ban vainkhum in ka hung ṭha riau a ti kher pek a, an Peon Thingtlang Tlangval kha ani talo em ni tih melh tak chuan Office staff dang te lah chuan lo melh ṭhap in, an mit a la ngei e. Thui pawh ala pen hman hma chuan Office kawngkhar a ṭang chuan MLA THANGSAILOA leh a Guard te an rawn lut tlat pek a. Sawmkima chu kun rang teh mahse Thangsailoa chuan a rawn hmu rang ngang mai, e khai a, Taia enge i tih ve teh nawlh Helam ah i awm ani maw, ka U te an ṭha em a rawn ti ta bawrh bawrh mai a, Office Staff ho an hawi buai nak e. A eng ti lo e, Pate, U Danmawia saw ka tlawh lawk mai mai mawle, an ṭha tlang e, ka hman hmawh deuh a, ka kal san phawt ang che ka rawn tlawh dawn che nia ti liam puat in, Director kawngka pawh rawn in hawng vat in, Pu Thangsailoa'n Sawmkima a kuah hlu hlu lai a rawn hmuh meuh chuan a hawi buai nak mai. Sir in rawn thleng maw kha Sawmkima nen chuan in lo in hria ani maw, kan office ah hian Peon in a rawn thawk ve zawk tawh asin tiin a rawn nui sun sun a. Peon in a, mawllian lehhh.. tinge i zia hi a danglam em em ni.. PU Duhzual kan Upa ber fapa anih hi.. Lunglei Bazar veng lalpa an tih fiam ṭhin Pu Rochhung hausa a fapa mal duat sual theih loh an tih ṭhin kha anih hi, Taia min rawn tlawh ngei ngei rawh aw tia beng thuk thuk in Sawmkima pawh a kal chhuak chak teh e. Pawi lutuk tia a tukhum a tuai lai chuan Kawngka kiang maia Jenny lo ang pam chu hmu in, a kal pel zui thuak bawk a. Chak zeta tlan chhuak nghal in, a hman hmawh luat ah Helmed ala khum lo zui, Traffic in a lo rek chat bawk nen Bad Day hle mai tiin a Lisence a phawrh zui zal zal a..
... Pi Hlupuii No pek chu Dial nghal zat in, KHIANGTE Studio Lam pan chuan a tlan zui ta vak vak a. A duhtawka Hla a record zawh meuh chuan khua alo tlai lam bawih tawh nen hman hmawh zeta in khalh hawng leh nghal in, tlema veng hmawr lam deuh a lo ni kher nen Nupui hi neih vat angai ani tiin a mah chauh chuan a phun ang mawlh mawlh a. Hman hmawh zet chuan rawngbawl nghal mawlh mawlh in, a ma zai chu play in a zawm vei rut rut reng a. Kawngka kik thawm a vanga tawp chaih in a thil play pawh off nghal in, lo lut ru tiin a chhawn zui thuai a. Pu Danmawia rawn dak duk duk chu lo nuih vur vur in, a hnung chiah a lo lut a hmuh erwwh chuan a nui lai chu tawp chaih in, lo lut suh u tih thu awm hek lo le, in ngaihtuah harh vat in ṭhutna te chu alo kawh hmuh ang zung zung a. Jenny te ṭhian dun erawh an hmuhsit em em tlangval kha Lunglei pa hausa fapa duat a lo ni reng si an kimki ru tlat tawh zwwk a, tuna an awm dan ah ngat phei chuan Serafim tluk a nunnem Lungte pawh an chhuihsawn duh lovin, Fanghmir thi sawn pawh khawngaih luat vanga ṭahpui thei hmel hmai an pu mek si..
... Enge nita , Pu Danmawi tia Sawmkima biak na chu Danmawia chuan a engdang ni lo e, hei Jenny te ṭhiandun hian ngaihdam dil kan duh an ti teh tlat pek a, i lak ah enge maw an lo tihsual reng reng ni tiin a meng zim deuh sat a. Sawmkima chu nui hawk hawk in, ka ngaihdam ngai khawpa ka chung ah tihsual an neih ka hriat loh bak ah, mi ngaidam thei tura mi sang lah ka ni hek lo. Jenny min hnawl a vang khan i rilru te alo nuam lo mai mai ange, theih nghilh daih rawh.. a ho eee.. engmah hek na ka nei hlei nem, Nula i nia, Tlangval i ni bawk a, ka duhthu che ka hrilh che a, min hnar ani ve mai a, a ho lutuk rawng ka bawl kep ang che u aw tiin engmah thleng lo ang mai hian a be zui bawrh bawrh a. Jenny ṭhiannu zawk chu rawn nui chhuak hawk hawk in, a hrim hrim ah i va in thup thei em em tih pah chuan Fridge chu hawng in tui a in nghal nghawlh khawlh a, ka in thup a mi, ka nihna pangngai mai alawm, kei chu Tlangval hna nei lo, hna zawng mek a rem chang chang thawk kha ka ni mai a, Ka Pa chu a hausa ani mai thei ka Patea pawh MLA ni mahse kei chu ka ni ve lo, in hlawhfa tilmu ṭial mai ka ni e tiin anui zui hawk hawk a. Jenny lam en pah chuan i hnawl hnu nih hi anuam ve hrim hrim tia fiam zuiin Jenny te tan pawh tih vak ngaihna a awm thlawt lo. Zanriah kil ve ru tiin sawm ṭawngkam ṭha viau mahse polite taka hnar in Jenny chuan ka tih palh vek ani. Zan lam ah te lo lengkai ve la Thingpuibtui tawk kalo lum ang che tia ngaihla thei ang bera melh in Mizo Nula zing ah kher kher chuan a nalh thlawt, Sawrkar hna thawk chung in Modelling lam a luh chilh tel a, a lar ber te zing ami ala ni zui a mawng veihnih then ngawt pawn mipa tamtak lu a ti kai thei ngei ang, chutih mek lai chuan Pu Rosangliana hla a, Mofel hmelṭha tih kha a tlin chiah angem tih erawh a lawina a zir te pawh ani ang chu.
... Sawmkima zanriah ei kham hma hma chuan Jimmy pawh Camera nen rawn in peih leh thlap tawh in, khawimaw i in siam chhung kalo ngaithla lawk chhin tih leh Sawmkima hla record sa chu play a rual nghal a.. Min phu bik lo tih hla phuah chawp zet a thluk erawh Tunlai zek si chu bukpui nghat nghat in,.. ummm a ṭha dawn e.. Pu Danmawia ka va sawm leh lawkss.. Motor kan mamawh Lar chiah kan hmabak ti zung zung chunga tlan chhuak leh nghal in, Pu Danmawia'n T.shirt a letlinga a rawn hak dan ah an in tur nasa leh hle tih zawh ngai miah lo in Sawmkima chuan alo chiang sa khawp mai.. Ka channel ah ka Up anga, A hlawkna ei ham ham ila ni mai lawm tia thaw ham ham.in Thanpuii te in lam an pan in an tlan chhuak zui ta thuai a...
... Jimmy chuan an video shoot chu Sawmkima sitting room ah la khawih zawm mial mial in, Sawmkima ber erawh tui zet hian a muhil barh barh thung a. Zinglam dar 5 ah chiah JIMMY ZAWNGLAI tih channel ah chuan THE MASK MAN HLA HMASA BER,.. MIN PHU BIK LO a uplod ta vang mai le.. Description ah Share angai lem.lo tih dah kher in a nui ta var var a.. ṭhianpa in thup zar ah hian duh duh lo thlang nelh nelh ila ni mai lawm tiin Video chu a thlir leh vang vang a. Thanpuii pawh duhtawka a in chei chuan a pian alo dik in, a hmel a thup ve hmak bawk nen Lar chi khat chuan an lar leh ngei dawn e.. an in kiss thawi vel tur an beirei lutuk erawh Jimmy khan a ning hle, an ni pahnih lah a ziaktupa ang deuh hian an zei lo dun nasa mai si.. ..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:53 pm

THE MASK MAN HLA HMASA BER,.. MIN PHU BIK LO a uplod ta vang mai le.. Description ah Share angai lem.lo tih dah kher in a nui ta var var a.. ṭhianpa in thup zar ah hian duh duh lo thlang nelh nelh ila ni mai lawm tiin Video chu a thlir leh vang vang a. Thanpuii pawh duhtawka a in chei chuan a pian alo dik in, a hmel a thup ve hmak bawk nen Lar chi khat chuan an lar leh ngei dawn e.. an in kiss thawi vel tur an beirei lutuk erawh Jimmy khan a ning hle, an ni pahnih lah a ziaktupa ang deuh hian an zei lo dun nasa mai si.. Ka mu ve thei ta, Mawlliana'n min hlep hnem lutuk tawh tih leh a Laptop chu khup thak in, a chhing zui hmak a. Tlem a lem zauh bawk nen a muhil rang teh e.
... Sawmkima tui taka amuhil lai pawh a phone ri ṭawt ṭawt a vanga harh zawk in, Pi Hlupuii aw ngei ani, ka nau Youtube lam kha lut ve teh nizan in hla kha View tu an tam tawh lutuk zawhna hlir in a khat ania tia rawn au lawng lawng in, Sawmkima pawh a nui ve suk a. An in biak zawh chuan rei tak a On tawh loh a Apple i phone chu la chhuak in, Online tum chuan a On zui thuai a. Jimmy kawisawi zeta chhuata alo mu phar huang mai chu melh zawk in a nuih suk a. Ṭhian tha tak chu i ni e tiin bathroom a luhsan ta daih a.
.. Pi Hlupuiin a rawn call leh hma a check ngei angai tih hria in, a phone chu a bih zui ta thuai a,Comments pawh sang chuang alo awm duai tawh nui suk suk in, awiii a hmel thup zawng zawng nen hian ka hmamgaih tih a chhiar meuh chuan nuinsuk in, awih awm loh e a ti chhuak sup a. Dar 10 tlang ah Jimmy pawh rawn tho chhuak in, a phone a bih mual mual chu rawn dak chhuak in, hnangaih tu i va ngah ta ve, vanglai chen ang aw tiin thawh phan nei map lo hian a phone chu a bih zui ngar ngar a. Jemny phone call tia phone a lek kang chu Sawmkima chuan alu lo thin san hmak in, pakhat lah chuan a pikup zui hmiah mai bawk a. An rawn leng dawn anih chu tia Jimmy a nuihsang taknah chuan lonkawm rawh ka Bawihtei a hman ve ni tih leh rang lutuka insiam nghal in, lo chhai thluk tum zawk la tiin a tlan chhuak zui nghal daih pek a.
.. Sawmkima hla thar chu a hit mai piah lam ah a style danglam zet mai chuan mipui a hip hneh bawk a, KIMTEA VARTE pawn kan in phu tawn tih half mask nen a rawn cover leh ta chaih e, pa thluak ṭha tak hi chu a va ni tak em..hlawhtling tlak pawh ani e. Function hrang hranga sawmna lut zut zut kar ah Jimmy chu a buai emnem reng a, Sawmkima zawk lah a leng vel.mai.mai a, ti khan mi lar i ni mai tia Kimmy achu nuih mai.mai zel in a duh ang tak sawmna ala dawng tlat lo. Chapchar kut ahla vak ta lo bawk nen Hla khat tih chhuah leh duh in, VANALALSAILOA chu an be ta rawih a. Sailoa in lam pan a in kawm zui mawlh mawlh in, ZORAM ṬANG FAN FAN tih hla chu sak an in remtih sak ta thuai a. Chu hla an han Up.leh chu a Hit leh rem rem teh e. Jimmy lah Youtube lam sum lut a hui dawn tih hria in a khisung reng mai bawk a an ṭhian thumnte chuan an hlim ve tawk viau zel.e.. chutianga chanchin lawmawm kal zel chuan nghawng chhuah a nei ta. HRANGBANA COLLEGE Function roupui tak an neih tur ah chuan sawmna a dawng ta nawlh a. Chu hun ṭha chu ani Sawmkima nghah fo chu, Jimmy chuan Sawmkima duhdan ang tak in, A zai hma a, 5 minutes thusawi a dilna chu phal sak ani hlauh bawk nen phur tak maiin a in buatsaih zui ve ta mawlh mawlh a.. a zai hma zan chuan Sawmkima pawh Thanpuii te in lam pan in, a in khalh chhuak vauh vauh a. Jenny leh Tlangval pakhat rawn in phur vawk vawk a tawh a vanga nui suk in, Jenny khan a rawn hmu hmasa tlat pek a, eng ang pawn in khuh rang mahse Jenmy zawng a hai mawlh lo. Jenny hian Mask man a ni tih la hrelo mahse Lunglei pa hausa fapa anih a hriat tawh a vang hian a beisei awllo tlat pek a Sawmkima hma ah lah a ṭhulang lui lo chauh zel bawk..mahse hman ah alo hnawl tawh a, tuna a neih rosum a vanga rawn pak leh huam ang chi hi eng atan mah a ti tlat lo.
... Pi Hlupuii chuan lo chhawn thuaiin, Thanpuii nawmsam vak loh thu leh a duh chuan room.lama kal tur chuan hrilh pah in, i Putea a ṭha maw tiin a nui zui sang a. Kei aiin i hriat chian zawk ka ring tia Sawmkima chhanna chu nuihpui uarh uarh in ka la luhkhung daih ang chutih hun ah chuan i ṭpitei ka ni tawh anga tiin Sawmkima chu a nuih hawk hawk a.. Thanpuii pawh Sawmkima aw a hriat chuan lo in thing harh luiin a na ber pawh a hriat chiah si loh a chau nghulh ṭhin hi Pi Hluouii phei chuan in Checkup tur hian a nawr fo ṭhin nang a, hetia a mut chawlh hi chuan pang ngai tak hian a harh ve leh mai zel bawk nen engmah na ka nei hlei nem tiin ṭan a khawh tlat zel a..An video te thlir dun in Thanpuiinpawh a harh ta viau a.. In kuah hle hle chunga an hmui a in hnaih telh telh lai chuan.. Thanpuii room kawngkhar chu rawn in hawng thut in, Jimmy chu a rasn dak hlawl pek a, an ni pahnihnlah rang zeta in thlah in,Sawmkima chuan mawlliannlehh enge ni ta,kik ve ta che an lo ti deuh hrawk a. A ho lutuknin kisss bawrh bawrh ru in zei loh dun awm awm nen englo ania, hei Chapchar kut a, Zaitur in sawmna i dawng tlat mai tiin a phone chu an lek deuh va a, awwwm chungte chu in hrilh nan hun ala tam lutuk..nakin lawka zai ngai ang mai a, haw leh vat teh i ti bam vek tia Sawmkima ner nawng nawng chu Jimmy chuan ve khanglang a che a, khatia i tih ai ah tih leh Thanpuii khum mawng lama bawh zuar chu rual in, nichin ami kha chhunzawm.leh ula tiin a mit ko an san kual vel zet zawng an thawm ana zui teh e..
... Chawhma dar 11 ah chiah Function ṭan in Prinsipal chuan thusawina hun tawi te hmang in, in fuih tharna ni a nih ang tak in vawiin hian Sawmbik kan nei tlat... Student ho reh ṭhuap kar ah.. The Mask Man i lo sawm ang ti a an prinsipla ber a hawt tak hluai ah chuan Hall chu a chim dawn ta maw tih mai tur hian a rik hian a ri hluah hluah hi ani ber a. Ṭawngthei lo nen lam a rilo a au vak vak in an hlim a rual ngei e. Sawmkima ngei.mai chu rawn pen chhuak zan zan in a pian in khai thli thlarh.mai leh enkawl ngunntih hriat tak mahse a hmel thup tlat si te chuan boruak a nei na zual in kil sir lam a ṭanga Ka hmangaih che tia hmeichhe pakhat rawn ṭe ṭhawt chuan boruak a siam nuam zual in, Sawmkima chuan chunu lam hawi chuan a Hanky chu a pen ah lai chu a lek kawh zui vah a. Zak kimkit cheih cheih lam anilo, lawm em em a rawn tlan in Pen chu la in a la lek valh valh zui, Sawmkima a hmui leh hnar leh mit chiah lang chunga a nui sang chuan thawm a ti na zual sauh a. mipa lo kuk rawih rawih tawk lah bo lo.. a kut phar chhuak in lawmthu sawina chuan bul a ṭan tan thuai a..
... Ka zai hma in prinsipal phalna min pek ang in thu tlem ka sawi lawk duh tia aw thum hul haka bul an ṭan meuh zawng boruak chu reh nghal duk in, Mizo hnam tlem te, kan ram lah Arhmai tia lek kan nihnkan hria, Chawmhlawm state tia hmuhsit na dawng mek te finna sang zel ah hian kan rah pelh kawng tam tak zing ah sawinduh pakhat chiah ka nei, chu chu HIV chung chang hi ani. He natna ṭihbaiawm tak hman hmawh miah lo a min runtu hian kan ram a luah khah tawh zia chu mi 100 punkhawm na hmun ah hian mi 2 zel chu positive anga chhut theih kan ni ta. A bik in ṭhalai rual te zing ah a hluar hle tih hre tu kan ni vek
. i kianga i ṭhutpui ngei kha hre chiang i in ti ti raw, i hre chiang hauh lo, chuvang chuan fimkhur hian chin tawk a nei lo. Ṭhalai rual te zing ah Sex a hluar hle an ti. Kei chuan ka la dai ve lo tlat..kei hian Thianghlim taka Nupui neihnka tum ka la Virgin thlap asin, kut beng thawm a na leh teh e, a ban phar leh in, Sex chung chang ah hian i in sum thei ngang lo anih chuan a kekawr ipte zen in, Hei hi hman mai tur tia an chhunzawm zet zawng nui thawm leh haw haw thawm a zual sauh a. A ṭha ber ah chuan Mut puah pawp pawh a pawilo, hma tawk ah inbual mai tur tia an chhun zawm.leh meuh chuan thusawi ngaihna pawh a awm tawh meuh lo.. a tawp nan pakhat chauh, he natna hi hmel ah leh pian ah a in lan lo, inrinhlelhna emaw, ngaihṭhat loh na i nei anih chuan a rang thei ang ber in, i Thisen kha test ang che. Mi thiam te puihna i lo mamawh reng thei, inringhlel.in test mai silo te hian an in hriat chhuah meuh chuan an duh aiin an tlai fo ania..lo fimkhur ang che tia kun zauh in enghla nge kan duh.. ZAORAM ṬANG FAN FAN, MIN PHU BIK LO, SI AR LALNU a rik hian a ri nuaih nuaih hi ani ber a. MIN PHU BIK LO tiin bul ṭan ang aw.. in tan liau liau hla thum ka sa ang tia an nui leh sang chu eee.. Lecturer Senieor Pi Tlanzoi kum 58 mai hot zet chu lo thidang fiam vel in an va hlim tak em. Jimmy chuan Music rawn play in a zai nge an vai zai zawk a suk hian su dual dual.in, Jimmy an Youtube lam ah a lo Live bawk, hla thum a sak zawh meuh chuan.. Vawikhat chiah, vawikhat chiah tia au rual dual dual in, an Prinsipal chu Guiter nen a rawn pen chhuak ta tlat.. Kan zaithiam hian ka pual in hla min sak sak thei angem, Rs. 5000 in ka request e, Ka Nupui hriat reng nan " I will always love u" tih hla ka thlang duh ani a rawn ti ta mauh mai a. Jimmy lam Sawnkima chuan hawiin ani pawh alo bu zui nghat nghat a, Pu Danmawia erawh thla la kual reng reng a lo buai leh tawh in, an in daih tawk viau zel e..
.. Sawmkima chuan pawisa chu hlan let in, I Nupui tana ka tih theih sangber ni rawh se tiin uluk leh Cool raih chuan a sa zui ta, Hall chu su dual dual.in, Hnam dang Lecturer te pawn an hla thiam zawng a ni ta aniang, Lo zawm ve dial dial in, chu ni zet zawng Sawmkima pawn nuam ati in, Pi Hlupuii ruahmanna a hlawh tling chho ṭan ta ah ngaiin a thu chah tawi te khan awmzia a neih a beiseu mai ni lo in a ring nghet tlat bawk a. Thlalak pui chak teh mahse Ptinsipal ber in khap tlat anih thu a au pui tak ah chuan tuman nawr lui lo in, an ni Sawmkima te pawh hman hmawh tak chuan an tlan chhuak zui dawr dawr a. Pu Danmawia motor khalh pawh a khisung reng mai, Jimmy erawh a kuang awm in, a tui nei lam a rawn hum haw leh ngei ang le...
... Sawmkima hawi chhuak chu a thil hmuh zuai a vanga a thin chu phu dawt in, Pu Danmawi site na tur xawng lawk teh a ti nghal zat bawk a.. Danmawia pawn a motor chu hung rem vat in Sawmkima chhuak nghal nalh chu a en zui vang vang a.. A hmu sual hauh lo, Kawngsira vaimim rawha ṭhu pawr fap mai chu tudang ani lo, a Pute Nupui hlui Uire nu ngei kha ani tlat.. hla deuh hlek a ṭanga thlir vang vang in, Pu Danmawia rawnnding ve chiah chu lo bia in pawisa emgzah nge i ah chhuah a ti mawl tawp a.Pu Danmawia pawn a wallet chu phawrh nghal in, 5000 Chiah chiah ka ak tia chhanna pek pah chuan a ngaihna hrelo zet hian Sawmkima chu a melh ha ha a. Sawmkima chuan engmah min zawt rih lo la, sawlaia vaimim zuar saw va dawr rawh, vaimin pahnih 5000 khan va lei phawt mai teh tia tir in, a in her zui hmak.a. Pu Danmawia te pahnih in dawr lai vel chu Side Glass a ṭanga thlir in, chuti em mai a, a Pitei lo chhe ta leh pawr em em mai a hmuh meuh chuan a mah chu na vawng vawng hian a in hre hial.a... a nun hlui liam ta ah khan khawlo in sual viau mahse a hriat tirh a ta a Pitei kha ani miau si..
... Pi THIANGHLIMI chuan a vaimim pahnih lek 5000 a leisak tu chu thlek vang vang in, a ngaihna a hre thlawt lo. Ka Pu i va ti mak ve, tunge i nih tia a koh lawm lawm na chhangtu lah awm hek lo.. Danmawia chuan vaimim.rawh pahnih chu lek kang zauh in motor ah a luhsan zui hmak a. pi Thianghlimi chuan Side Glass a ṭang a a hmuh thuak kha Sawmkima ang hi a ti em em khawp a, mahse a ni lo ang, a niiin min puih ngawt na chhan tur a awm lo. Ti hi chuan ka in checkup ve thei tawh ang aww.. ka sual rah ka seng mek chu ani si a, enga tinge min hmangaih tu kha phatsan a, ka nun kalo hman mai le, antlai tawh si tia phun sep sep in, a Vaimim rawh sa chu a kianga mitdel kut dawh ve bawk chu pe in, kawngsira thil zuar ka ten zawng tak ti ṭhin tu ngei chu A hmuhsit kawnga lut lo thei lo in a awm.ta si..
.. Sawmkima pawh a mi hmuh chuan a shock na deuh nge ngawi zui deuh ngar ngar in, a mitthla ah Pi Thianghlimi chu a awm vang vang a. Pu Danmawia pawn duh lo hle.mahse pawisa pawh pe leh thlap in, a mah chauha awm a duh rih tlat. Pu Danmawia pawn hrethiam taka kal san in Sawmkima pawn a Nu leh Pa leh A Putea chu a call zui ta thuai a. A nu leh Pa mai nilo in a Putea ngei pawn a lainat thu rawn sawi ve bauh in, A pa phei chuan zawng chhuaka ṭanpui tur a rawn chah hial in, an in biakna an ti tawp thei hram a.. Sawmkima ṭhu awn duai mai chu Jimmy thawm chuan hawi tir zawk in, a va mak vak vak ṭhin tak em tia a lo.melh rawm rawm lai chuan Ṭhianpa ka phone i hawn em a rawn ti khut rauh a. Sawmkima lah chuan aw enge ka hawn ngawt ang tia a lo chhan tak ah chuan Jimmy chu zhu hnawk in Ṭhianpa a pwwi ta, ka phone ah khan tunge i nih a lang vek a ti ta phawng a. Mi chi ai ve ngai lo Sawmkima erwwh a awm ngai renga awm in, a va zialo ve tih bak a sawi lem.lo. Jimmy in thiam lo bangkila a lu dawma ṭhu kun chal chu Sawmkima chuan pan hnaiin Ṭhianpa ka in thup reng a ṭul tawh lo tihna ah ngai hmak rawh. Thil te chu tihbo theih ani ngai i duh vang renga thleng ani hlei nem mahse Pi Hlupuii te kan hmuh vat angai anih chu, Thanpuii kha a nuam sam vak lo leh nghal a, a tan a pawi thei zawk ange, kan ṭhatlai pui boruak mgam fe fe hi an tam tawh si, ti teh i va phei lawk teh ang tiin an in khalh chhuak zui ta daih a.
.. Thanpuii te in an an thlen a ṭanga darkar chanve a liam meuh chuan Mi In thup Sawmkima leh a model Thanpuii hmel chuan Zoram Social media luah nghal chuai chuai in, Pi Hlupuii lah thil la.zam thiam chi alo ni hlauh bawk a, vawikhat dam ve man ah han Lar ve hat pawh a ṭha a lawm, in nun erwwh in uluk zual a ngai sauh dawn anih kha tia ṭawng thlah in, Thingpui kan lum ange a ti zui thuai a. Thil a pwwi vek hnu ah Sawmkima No ah chuan Jimmy Phone a ṭang ngeia call dawng in, Chumi dawr ah chuan hei kan chhar a kan lo dah e tih xawng chu rawn sawiin an off zui leh hmak a. in nuih tawn ringawt in, Jimmy pawh a tlan chhuak nghal nal nal a.
... Jimmy phone hmanga a nihna puan zar anih a ṭanga ni thum ngawt in a a in khung ngar ngar hnu chuan Sawmkima pawn hla zir belh nual in, a in luahna te lah an fel in, an hrethiam em em zawk a. Thanpuii reh ta hmak mai erawh Sawmkima chuan mak a ti ru deuh viau a, a call.lah in a buai thu leh a call back.mai tur thu chuan a chhaang zel bawk nen a ngaihdan nilo zet chuan a phone chu a dah tau leh sawk ṭhin a.. A ni thum na zan anih meuh chuan Jimmy chu tir in Thanpuii chin chu a va thli thlai tir ta ngawt a.. Jimmy pil vang vang chu nghak ran in, a tlan ve mai loh nan a insum ṭang ṭang tawh a, Ngaihzawng la nei ve ngai lo tih tak ah Thanpuii zun chuan a lo phuar hneh hman em mai a, a ngaihtuahna vak vel kawm a, a tei sek lai chuan Jimmy pawh rawn kir venleh hlawl.in, Thanpuii chu a ṭha lutuk e, an ei zawnna lam ah an lo buai zual deuh a lawm le, pasal chu a lo umsan em lo che ania tia nui hawk hawk chunga Tuisik a lem.khawlh khawlh lai chuan Ṭhianpa Kum 6 kan nih a ṭang in kan in kawm ve ta, i dawt phuah chawp man phalo tur hi chuan mi ring lo teh Sawmkima aw chhuak chu a chang ta fal fal khawp.mai. Jimmy pawh zalo zeta nui chung chuan ni e, i hma ah zawng dawt hi ka sawi thiam lo anih hi maw, ṭhu phawt teh ka thu rawn hawn hian a ṭhawng deuh mai thei che mahse mipa i ni a, Pa tak in aw..i in ring tak meuh meuh em tia Jimmy zawhna chu nin tawh hmel zet hian Sawmkima chuan sawi mai mai teh alo ti vin deuh hlur tawh a.. Ṭhianpa Thanpuii chuan hun a nei rei tawh lo. Vawiin khan a Thisen test result a chhuak chiah BRAIN TUMOR a nei ani, a chak ber chi niin zai ngam ani tawh lo a ti chuai raih a. Sawmkima thinrim leh rilru tawt hmel em em chu in thlak hret hret in, Ṭhianpa i Uang tiraw, fiamthu na chi ani miah lo ania tia hawi chhuak in beiseina mit nen Jimmy chu a thlir vang vang a. Jimmy hmel ah uang hmel leh Dawt sawi hmel a lang tlat lo, A mah ngei pawh alo in rinhlelh lawk vang a lo nia, a lo biak ṭhat ngam loh che ni, a room ah a in khung char char mai tiin thil awmzia chu a sawi mawlh mawlh a. Jimmy chuan a biakpa chu a melh nak chuan a thusawi reng reng hreawm hian alo awm reng reng tawh lo tih chu hmu thiam nghal in, a pan hnai ta thuai a. Sawmkima biang ah chuan bensak taih taih in, Ṭhianpa tiin a sawi pah zui nawk nawk a. Sawmkima pawh harh chhuak thut ang.maia rawn meng kawk in, Ṭhianpa i uang ti raw, i fiamthu ti raw a rawn tih leh tak ah chuan Jimmy pawh mangan hmel taka thawpui la hap in, ṭhianpa ka mumang nise, ka fiamthu nise ka ti khawp mai, mahse thudik ngei a ni si tia phun mawlh mawlh chung chuan khai le in ti harh rawh le, Thanpuii natna belh chhah tu i ni hloh dah ange, pachang tak khan aw va inbual la, Kan pahnih in kan phei dawn nia tiin a ṭhianpa chu a fuih zui mawlh mawlh a. Sawmkima pawh harh chhuak zawk ang.maia tho tharh in a dik, a thi dawn lo, a dam leh tur ani, ka Thisen zawng zawng pawh ka pe mai ang kan in bual ange, min hmu anga a damnleh vek mai ang tiin a nui zui var var a. A hma pawn ka va len hnu lawk khan a khawsik te kha a reh daih asin mi mak ka nia maw damna hinka keng tel ve tlat tiin a in tleuh zui thuak thuak a.... Jimmy pawn Sawmkima pa leh a Putea chu call nghal in, Pi Hlupuii chuan alo hrilh vek tawh zawk alo ni a, kawng ah kan rawn thang mek e tia chhanna a dawn tak ah chiah chuan Thanpuii hi Mô a tan an lo duh hle tih a hre chhuak uaih uaih chuan hria in, a ṭhianpa insiam vir buai that that chu melh leh zawk in, Ṭhianpa i vanduai hle.mai, hei chen ngaihzawng nei lova awm.in, hmangaih i tawng ve chauh a, chu lah heti hi ani leh si maw mi nun ngil leh nun uluk em em i nih vei nen Pathian pawh hi ka dem rum rum mai ka ti tih vel ngai tuah a ṭhu ngawi ran in, a insum zo talo, Pathian pawh hi a fair lo, a ti chhuak hluai a. Sawmkima insiam lai chu rawn dak chhuak zawk in, Ṭhianpa Pathian a fair lo ngai lo.. Thanpuii nunna leh ka nunna thleng ka dil dawn tiin a rum zui nghat a.
... Apple leh Eiṭha tinreng lei bawr ṭeuh in, Danmawia pawh Jimmy chuan call in, thil awmzia alo hrilh zung zung bawk a.. Thanpuii te kawt an in khalh thleng chiah chu Sawmkima chu ding chaih in, Ṭhianpa tiin a hawi ruai ruai a. A bike ri a hriat khan Thanpuii chu rawn chhuak mai tur ah ala ngai tlat kha ani a, mahse Thanpuii hmel a rawn lang tlat lo. Ṭhianpa mipa i nih kha lokal rawh le tiin hma a hruai zui ta thuai a..
... Hlim lui tih hriat taka Pi Hlupuii lo lawmna chu Sawmkima chuan buk khum nghat in, a room ah ami a awm a ti mawl tawp a.. Pi Hlupuii pawh lo bu nghat in a mittui tla.mai tur chu a khap kir sak sak a. Sawmkima chauh chu lut tlang pawrh in, Jimmy pawh Pi Hlupuii hnem tur chuan a ṭhu hnai zui thuai a, enga ti ge a van duai bik em em le, Fahrah taka lo piang in he ka kut ngei hian ka chawi lian a, mi pawisawi hlau reng reng a nun hmang in, midang te zing ah pawh inthlahrung deka awm ṭhin khan hmamgaih leh hmangaih tu a tawng ve chauh a, awii ka duh thei lo, Doctor khan a rei ber ah Thlakhat chu ala dampui mai thei che u..a sawi zo thei tawh lo in sut nghal hlawp hlawp in, Jimmy chuan a kuah ta thuai a, insum hram hram rawh nang ber khatia i beidawn mai ten a dik nang tia fuih ve ngial in, a fuih tu zawk pawh engruai a ang bik lo chu ani e.
... Sawmkima ding vang chu a hma a hmeichhia chuan chiang zeta lo melh in, Sawmkung kir leh rawh enga tinge i lo kal, hmangaih tlak ka ni tawh lo, rei ka dam tawh dawn lo tia fiah taka lo chhawn in, Sawmkima chu a nui ri hak a. I dam dawn, i dam.dawn khawp lokal teh i thih ka phal reng reng lo tiin Thanpuii chu pawt hnaiin a kuah zui thlawp a.. Thanpuii erawh hmangaih ṭang a belh meuh chuan a insum theihna zawng zawng keh chhe vek in, rawl chhuah meuh chuan a ṭap zui rawih rawih a. Sawmkim ka thi duh lo, ka duh lo, damve ka la duh tia khur hlawk hlawk in, Sawmkima chu a kuah nghet sauh sauh a. Sawmkima pawn kuah nghet sauh sauh in i thi dawn lo, i thih ka phallo, nang nen hian in nei in, fa tam tak min hrin sak dawn i hria tiraw tia hmer salh salh in, Thanpuii ṭap sai dar dar chu kuai dak in, a hmui a ṭahna a vanga duk cher tawh chu lungchim taka fawh sak vawng vawng in, beidawng reng reng suh aw, naktuk ah Vellore lam.ah kan thlawk thla nghal ang, i dam dawn, result lawm awm kan hriat rual rual in, In neihna kan buatsaih nghal ang, nang lo hi Nupuia neih ka tum reng reng lo, i dam dawn tih chiah kha ngaihtuah rawh aw.. enteh engmah na i nei leh tawh miah lo ania, min hmu anga a dam mai ang ka tih lai khan Lal Jimmy khan min awihsak lo ve khanglang a tia nui hak hak.in, Ti rawh le, ka ril a ṭam tawh teh mai nia tiin Sitting room lam.pan chuan an in kuah chhuak zui ta thuai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:53 pm

i dam dawn, result lawm awm kan hriat rual rual in, In neihna kan buatsaih nghal ang, nang lo hi Nupuia neih ka tum reng reng lo, i dam dawn tih chiah kha ngaihtuah rawh aw.. enteh engmah na i nei leh tawh miah lo ania, min hmu anga a dam mai ang ka tih lai khan Lal Jimmy khan min awihsak lo ve khanglang a tia nui hak hak.in, Ti rawh le, ka ril a ṭam tawh teh mai nia tiin Sitting room lam.pan chuan an in kuah chhuak zui ta thuai a.
.. A tuk khua a var meuh chuan Sawmkima te ṭhiandun leh A pa te pahnih nen vir buai nghal char char in, Flight Ticket a ṭhen in lo buaipuiin, a ṭhen in Doctor lo rawn in Phai lam ah driffer tur chuan an lo nawr mek bawk a, MLA hial an in rawlh tak ah chuan thil pawh a kal tluang zui duak duak a. A tuk lama Vellore lam pan tura engkim ruahman sa in, Thanpuii te in lam an pan ta thuai a. Thanpuii Lu na pawh na chhawkna in a lo chhawk fel ve chiah bawk nen hlim awm taka in kawm khawm ve laih laih in, an chhungrila an pai ṭheuh erawh a in ang tlang viau awm e. Zanriah bar ho dial in, Sawmkima pa te erawh Sawmkima in luah lam ah hawng phei tawh in, in hmangaih te pahnih erawh Lungchim taka in chul hliau hliau chunga hmamgaih thu in hlan tawn in, khum khat ah an mu dun rial a. Kar lo ah tui taka muhil dun siai siai in, beiseina sang tak nen hmalam an thlir si, an beiseina hi a hlawh tling meuh angem chu zawng tuma sawi lawk theih ani silo. Pi Hlupuii chuan ngawi renga thlir vang vang in, ka nauteu tiin a in pet ruh ngat ngat a. Lalpa enteh ka fate hi, i lainat ve lo em ni tia sai hlak hlak in, a insum zo dawn ngang lova hria in Room chu a chhuahsan zui dawr dawr a.
... Lengpui Airport a ṭanga in vai liam lauh lauh in, Jimmy pawh ṭhian ṭha nih tlin zet hian chawlh la rap in, Sawmkima Putea nen Thanpuii nen an thlawk chhuak zui ta vawn vawn a. Chenna ngai lo ram fang in Thanpuii pawh a hawi paw ta pheu mai. Jimmy pawn a hna tlin zet hian an thil tih engkim mai chu a Cover zui zar zar reng a. Thanpuii lah a hmel hmai leh pian ah engmah la lang hek lo, nuisang chunga Hotel lam pan in, Pu Hruaia leh Jimmy erawh Doctor hmu tura phek chhuak nghal in, an lehkha ken chu Doctor chuan lo thlek vang vang in, Pathian hnathawh alo lang ani ngei ang, a tuk Dar 1 p.m. ah appointment lo siam sak hlauh in, hlawh tling inti tak chuan Hotel lam an pan zui leh ta dawr dawr a..
.. Hotel varanda a ngawi renga ding a, ral hla tak thlir a, hawi vang vang Thanpuii biang ah chuan dan rual loh a Mittui lo luang ngiai ngiai in, a awm a hnawh tu awm tlat a vanga a awm chum dat dat in, lalpa kei hian he natna hi ka hlau lo, engtin nge Sawmkima hi a awm ve tak ang, min ti dam thei leh mai lo em ni, Lalpa i fanu hi ngati nge hetiang mai mai tur hian khawvel min hmuhtir, fahrah in kalo piang a, nun hlimna ka tem ve chauh a, tun ah hetiang natna hi maw min kawl tir leh si, piang lo law law ila ṭha tur i duh loh zawnga ka nun ka hman tawh i hre ngai em ni tia mittui tla zawih zawiha a kun ngawih ngawih.lai chuan mahni intih hlum duhna hial chuan rawn tuam hlup hlup in, Ralling chu a hmer zui vang vang a. Mahse Sawmkima thawm a rawn awm.ta hlauh, rang tak a a mittui hru sawk sawk in, i fai meuh maw tiin alo be hmasa ta sawk sawk a. Sawmkima pawn pan hnai thuaiin Thanpuii chal ah chuannan fawh sak vang vang a. Lungchim taka in fawp zui vang vang in, Thanpuii chuan kan in ti fai ve ange ka Hmangaih tia kalsan in Sawmkima chu lawm a vanga nui var var in, Ka hmangaih min ti, In chhawng sang zet mai Bathlar ah chuan ding peu el awl in, Thanpuii'n min hmangaih bik tiin an au ta tak tak mai a, Thanpuii pawh Bathroom ah a nui ve var var in, Ka hmangaih khatiang khan hlim reng la ka ti a sin, ka nunna ai pawh hian ka hmangaih zawk che tia phun sep sep in, Darthlalang ah chuan a in en vang vang a.
... Hlim taka Sawmkima te pahnih an lo titi mawlh mawlh lai chuan Jimmy te pawh rawn thleng ve leh tawh in, Pu Hruaia chuan zanin tlai chu chaw ei chhuak ang aw.. Becah vel fan pawh a chak awm a lawm le tia rawtna siam in, Jimmy chuan Beach kam a lawm ti a lo tuihnih zauh in, nui ho dar dar in, Tlai nema chhuak tur chuan an in siam zui ta sap sap a... Boruak nawm vanglai tak ani bawk nen Thanpuii pawh a phur in, insiam vak an ngai lo bawk nen an in zui chhuak ta thuai a. Ni tla tur sen eng phat mai hnuaia Thanpuii ding vang vang Sawmkiman a Lu a a khabe nghata hnunglam a ṭanga a kuah lai chu Jimmy chuan a duhthala click sak in a mah ngei pawn mawi a ti kher mai. Tui cheng ve ila tia Pu Hruaia rawtna ang chuan in phel zui sap sap in, Thanpuii Boxer nena a awm ve tai mai chu Sawmkima chuan melh vang vang in, ka duh aiin i nalh mah mah kha aia chhing leh Tight chu hak ka phal lo tia pawm nawlh in Tuipui ah chuan a tlan luh pui rawih a. Thanpuii hlau hlim thawm kar ah Jimmy erawh thla la reng renga lo buai in, a lo hlim ve em em ringawt a. Thanpuii chu hrilh ru zauh in, Jimmy hah chawl Tui ngalrek chin leka dai chunga hawi vei vang vang chu Sawmkima chuan veh dan dan in an pawm thut mai a, chak lutuka tlanpuiin an theh phar vawk mai a le, Thanpuii hlim nui thawm a ring bawk, Jimmy lah tui alo thiam aq zawng silo, Tui fawn in a rawn nam zui bawk nasa em em.maia in vai buan buan in, Sawmkima chu a au ṭial ruan ruan a. Pu Hruaia chu kaih din nawlh pah hian ding mai ta la tiin a nuih hawk hawk a. Thi ngei tawh tura in ngai anih vei nen a mawng chen chauh ah alo tal buai ve nasa mai chu niin a zah zel ah ka tla der anih kha tiin an tla ti der kual leh vel zawng nuam an va ti ve tak em.. Pu Hruaia pawh a Positive a nih a in nriat hnu a a nuih nasat ber ṭum ani hial awm e. Vaukam lama in zui chhuak ṭham ṭham in, Tuipui kama Restaurant changkang zet simple em em mai ah chuan lut in, eitur an order zui ta thuai a.. Jimmy leh Pu Hruaianpawn inthlahrung ru taka dawm zauh in, Thanpuii chuan a hmu lo der ta tawp a, in ve miah suh tia Sawmkima kut a vawnna chu Sawnkima chuan lo hmer let zauh in i duh loh zawng chu engmah ka ti lo ang tiin a fawh sak zauh a. Sawmkima'n Thanpuii kut a fawh sak lai tak chu Manager chuan lo click zauh in, Vawiin a tana Beautiful Couple thlanna kan nej tawh ang, Kut beng thawm lo chhuak dur dur in, en mai pawn mi changkang tak tak an nih a hriat mai reng a. Stage angreng deuh an siam chu rawn eng pap in, Nula, Tlangval a kawp chawia thlalak hrang hrang chu rawn lang zel in, a tawp ah Sawmkima leh Thanpuii an rawn lang ve nawlh pek a, midang kut beng kar ah Sawmkima te pahnih erawh mak tiin an ka hau thung a. He mite ngei hi an ni e tia Manager in Sawmkima te thlalak a a din tir chaih tak ah chuan Jimmy thawm a na leh rem rem teh e. He Couple Duhawm ber hian lawmman kentel anei, an ei man free vek ani anga, an duh chuan room pawh zankhat antan a free.. kut beng thawm kar ah Manager bawk chu ban phar leh in, mahse an Zai dun angai ang..kuk thawm a nasa zual.sawt a.. Kut beng ṭhup ṭhup kar ah Sawmkima chu zam map lova ding zui vah in Thanpuii chu a kai chhuak zui ta thuai a, Puan pante mai chauh sina a awm.lah chu Thanpuii chuan a in hmeh phian leh nghal.
... Thanpuii zawk chuan Microphone chu ban in, nuisanga hawi kual in, ka Pasal hian kawng tinreng ah min awl ṭhin a, zanin pawh hian a Puitu ah chauh ka ṭang thei dawn ani, a ni zai chhung hian a sir ah ka lo dinpui mai ange ka zai ve chuan Restuarant hian a chhiat phah hlauh dah ange tia nalh zeta an nui seih seih mai zawng thawm a na zual teh e. Sawmkima chuan Guiter in hung chu pan nalh in, an tuai vir zui zauh a. A vawikhat tuaina anilo tih chiang tak hian a hriat tlat.. Nuisanga hawi kual.in ka Hmamgaih em em.pual in aw.. a hla sak thiam em em.. "I WILL ALWAYS LOVE U" tih hla ngei mai chu fan raih a, la in a aw thum fiah fak mai chuan Restaurant chhung chu luah nghal vek in, Kut beng thawm a awm tawh lo, a thunawn a kai meuh chuan Pu Hruaia chu nuisanga pen chhuak in, Manager Nupui ni awm.tak lam ah chuan a kut a va phar zui zauh a, Manager erwwh khawdang a hawi thei tawh lo, Sawmkima zai ah ah chuan a lut ta maw tih mai tur hian a chhing zui duar duar a.. Midang rawn in kai chhuak zel in, a hla a zawh hnu a, chang hnih lai a sak leh tak ah chuan a duhtawk zui ta thuai a. Vawikhat chiah, vawikhat chiah ti a an au nuaih nuaih lai chuan Thanpuii chuan Sawm tiin a zawi zui ta tlat, Sawmkima chuan rang taka a kawnga kuah chaih in, room chuang a awm em tiin a au zui tuarh tuarh a. Guard ho ten rang lutuka rawn pui nghal in, manager chuan phone a hmang zui mawlh mawlh a. Jimmy chuan Thanpuii natna chung chang lo hrilh mawlh mawlh in ngaihtuahawm anilo, damdawi te a dawn chuan a rawn pangngai leh mai ang tiin Thil awmzia chu an vaia hriat tur chuan a sawi zui dap dap a.. Sawmkima te pahnih an khawngaihna chuan a hneh ngang ni tur ani, tumah ṭawng zai an rello, ei tur leh in tur lam an ngaihsak lo, Doctor rawn chhuah leh hun chu nghak ṭhuap in, an thaw dep dep hlawm a. Sawmkima a mah chauha rawn chhuak chu Jimmy chuan lo hnaih thuaiin a lo kuah nghal chat a. Sawmkima chu nui lui tih hriat taka hawi kual.in, Pathian hnenah min dil pui rawh u a ti ta thlawt a..Restaurant an luh tirh a ṭanga la ngawi reng kil sir lama a mah chauh a, ṭhu American pachal chu rawn ding chhuak in, Sawmkima darah chuan a bensak thak thak a..ngawi reng bawk chuan Thanpuii an dahna room chu pan in, Sawmkima melh leh chung chuan Thlaphang suh a rawn ti thum zui dut a.
... Sawmkima vei tuak sek chu Thanpuii an luhpuina room kawngka a rawn in hawn rual rual chuan Doctor kha rawn dak in, Sawmkima chu a rawn ko thuai a.. Sawmkima chu rang taka lut in, Khuma engmah la hre lova a hmamgaih lo mu zar mai chu melh vang vang in, sawi tur reng a hrelo, Doctor chuan Sawmkima chu melh in ani hi American Doctor Super Specialist niin a chin hriat loh a, pilbo ta vang vang ani a, Dr.James tiin i ko mai dawn nia, a ni tluka i ṭhiannu natna chung chang hre chiang an awm kher lo ang.. Doctor hna bansan vek tum tawh tu hian i Nupui hi naktuk ah a zai dawn anih chu, hei hi ka Card ani a, Tun ab hian ka Private Hospital.lam kan panpui a ngai tlat, ngaihtuahawm ani lo ania, a thluaka bawk awm hi a lian tawh deuh niin a lang chu chuan a ti buai pha ve deuh anih hi, in Pathian au rawh u mihring lam in kan tih theihzawng zawng kan ti ang, a bak chu Pathian kut ani.. tun ah hian puitling i ni a, ka hrilh tlang rawng ang che i Nupui dam leh theih na chance hi 1% pawh ani pha lo a ti tlang zui râwng a. Sawmkima pawh bu nghat nghat in, Dr. James.Mc Carthy chu melh vang vang in, Sir ani hi ka chan thei lo, ṭangkaina ka nei em, a na hi ka taksa ah sawn theih ani em, zawhna mawl tak chu ava ni em.. Doctor James pawh Kum chanve hnu ah a vawi khat nan nui ve suk in, Hlauthawng suh a ti thum leh dut ringawt a. Sawmkunga hnen ah chuan Dr. Suraj zawk chuan Thanpuii damdawi leh kha leh ṭul ang zawng zawng te ka mamawh dawn ania nang chuan min zui la pui thei tur che an awm tiraw tia zawhna a pek lai chuan Jimmy chu rawn lut in, Sir keimah ka awm e tiin a rawn in rawlh ta vat a.. Doctor Suraj chu chhuak vut in, manager hnen ah chuan thil awmzia sawi mawlh mawlh in, Restaurant Manager lah chuan engkim senso ngai ka tum vek ang a ṭha thei ang ber ka duh alo ti ve leh tlat, Pu Hruaia phei chu mak tiin a hawi vak vak ringawt tawh a.. nichina mingo pa kha tunge ni ta ang, zawhna hl8r chuan khat in, Ambulance a rawn thlen tak ah chuan Thanpuii chu Zawn chhuak thuaiin, Doctor Suraj a Hospital lam pan chuan an tlanpui zui ta dawr dawr a.. Hospital an thlen hnu ah erawh Doctor James chu hmuh tur a awm tawh hauh lo.
... An thlenna Hotel room a Jimmy vei tuak sek chu Pu Hruaia chuan pawt ṭhu in, tih theih kan nei lo i ṭawngṭai ve thawr mai teh ang a ti ta thlawt a. Jimmy chu tho leh nulh in, lawkss.. ha ka nawh zet loh ten ka la nam thur thur a lawm, khilam in an.lo pawm.lo ang tiin a ha anawt zui suah suah a. Pu Hruaia muih chu za ru teh mahse Jimmy ti tak hmel lutuk a hmuh chuan nuih na chi ani lo tih hria in a ni pawh chuan a hâ chu a va brush ve leh te te a.. An han ṭawngṭai dun tak tak mai zawng an va tui dun tak em..
... Pu Hruaia pawn Aizawl lam ah chanchin hrilh zung zung in, Khum chu an han kai ve tak nang a, an mut erwwh a chhuak mawlh lo. Jimmy lah chu hui pup pup in, a hun.lai khan Doctor te kha lo Training ve ila ni tur hi ania Sawmkunga hi Thanpuii a chan anih chuan a keh chhe ngei ang, Pathian pawh hi a, a rorel dan hi Fair ka tilo, kei ka lerh kawh em em a, Ngaihzawng lah ka thlak kual reng a, ka bialnu ve te lah an damloh pawh ka hre ngai lo, an za zak zak thei em mai, Ṭhianpa lal fimkhura ve lem pakhat a nei ve dek dek a, a heti leh si, Nula thak tak tak te an hawipir lawh lawh laiin Nula zaidam leh nunnem Thanpuii chung ah ber kher he natna hi an dah leh sak a, Vanram ka kai ve anih ngat chuan Ka Complaint ve nasa khawp ang mawle, a hrim hrim in mi lerh leh thak tak tak te hi Natna chung chang ah te hian an him ang lil lel a, SAWMFIMKHURA ve hi chu maw Hmeichhe mutpui ngai hauh silo hian Condom te hi a pai reng a, hmang tur lah hian mi chah awl lo hi ani ber a, kei te hi natna vei tlak ka ni zawk asin tia in phun lungpuam in a ṭap lo chauh tawh hi ani ber a. Hiv chung chang a sawi chuan Pu Hruaia a deng dawt tih lam reng a hre ve silo. A tawp a tawp ah zawng a in phun mu ve mai bawk a. Pu Hruaia pawh chhing ve bawk mahse a vawikhat tih sual pawi zia te ngaih tuah kaiin Fimkhur hi a va ngai chikim tak em a thinlung zawng a rum tak meuh meuh ani e.
... Doctor James erawh a bihrukna Hotel ah chuan ṭhu ngawi vang vang in, Thlaruk liam ta mai a, a Nupui ni tawh mai tur American Model lar em em Jesicca nena an thlalak dun chu thlir vang vang in, Thlaruk liam ta mai khan a mah ngeiin a zai anih kha, Thanpuii natna ang chiah chiah alo ni leh zel bawk nen tihsual pakhat mah nei lova hlawhtling taka zaiin a ni pawh a hlim hle a, in zaina room chhuahsana a in thlak hlan zeuh in mak tak maiin a Nupui hual chu tal buai thut in a chhan hman talo kha ani a, khami ni a ṭang khan, a Doctor thuam hnaw zawng zawng phelh vek in ka hmangaih ka venghim zolo, midang nunna chhana nan a ke ka pen na chhan tur ka hrelo tiin an ram ngei pawh a chhuahsan ta vang vang kha ani a, Mahse a thiamna petu hian chawlh hlen a phal lo nge, Sawmkima leh Thanpuii Best Couple an hlan lai pawh khan melh pawh a melh eih lo, Midangte kut beng thawm leh hlim nuiri te chu a tan thil lem lawi mai a chang zo vek tawh a. Thawm bengchheng a nin luat vanga, Restaurant chhuahsan a tum lai tak khan ani, Sawmkima a rawn zai tak, Jesicca hla duh ber ṭhin ngei ani, Sawmkima rawn sak chhuah kha. Loh theih loh a hawi chhuak zawk in, Sawmkima leh Thanpuii chu a thlir ta veng veng kha ani a, Khatia Thanpuii a tluk pawh khan a la che chang chuang lo. Chhuahsan mai a tum laiin ani, Sawmkima te pahnih chung chang in a den tak sawk na kha, Sawmkima mangang hmel leh ṭawngkam khan na taka deng dawt dawt in, Thlaruk chawl tawh a kut te chu mur sung sung in, ka zai ang, a dam bawk ang ka hmangaih venghim zo lo mah ila, Saw nau sawn ka ṭanpui angai tiin a ṭhut hmun a thawh san ta anih kha. Jessica min lo hmu ve em, naktuk hian i natna anpui ka sual leh dawn asin,i awmna a ṭang khan min rawn pui rawh aw, ka hmangaih che ka hmangaih reng ang che tia phun sep sep in a zantin tih dan Jesicca Thlaka pawm chung chuan khum ah chuan mal tak in a zal zui leh ta..
... Zing dar 10 a rik meuh chuan Sawmkima mai nilo, Jimmy phei chu a awm hle hle thei tawh lo zual a, darkar khat a ni tawh, an zai sual aniang, zawh ahun tawh a ti thul, Sawmkima thlamuan tura kal ve lem, Thlamuan a ngai hial zawk a. Pu Hruaia erawh a thluak dam chin ani bawk a, aṭhut ngai renga ṭhu in Mizoram lam pawh chan chin a hrilh zui reng a. Darkar 3 a liam meuh chuan Pu Hruai ber pawh a buai ru ve tlat tawh.. An pathuma an in melh hrek hrek.lai chuan mak tak hian a hma ni a an chawlh luhna Restaurant cm Hotel neitute nupa chu rawn lang hlawl in, Sawmkima te ho chu an rawn pan zui dawr dawr a. An hnung mai ah an nauten eitur rawn luhpui bawk in, Jimmy chuan mangan lai pawn a tui tho ang a lo ti leh hram pek a.. Darkar 5 a liam.ta, Sawmkima phei chu awm ngaihna a hre tawh thlawt lo. A van ruai ruai hi ani ber tawh a.. Beidawn tawp ah chuan Operation Theatre chu rawn in hawng riai riai in, Doctor James chu hman hmawh hmel zet hian a rawn chhuak tlang zui fua a, a biang Mittui luang chu Sawmkima te tan hmuh hmaih chi a nilo, Doctor Suraj pawh muang ban charha rawn pen chhuak in, Pu Hruaia chu a rawn melh zawk a, a Lu a thing ta tlat. Pu Hruaia chuan Sawmkima chu rang taka kuah nghal vat in, ka nau Mipa i nih kha pachang tak khan aw Doctor kan hmu thei ang, Thanpuii chu tiin a ngen zui ta tawp a.. Aw hmu thei ang, min ngaidam hram dawn nia, kan tih theih piah lam ani e a zuai raih a. Sawmkima erawh a ngaihna hriat loh hmel taka hawi â hu hu in, Ka Pute, ka Pute, tiin a nui ang suk suk a, Jimmy chuan rawn kuah ve thuaiin, Theatre room lam an pan pui talo thei silo, Khum var thianghlim em em maia Thanpuii an lo mutzar mai chu Sawmkima chuan thlir vang vang in, Thanpui, Thanpui tia phun sep sep in, a tawp ah zawng a keh chhe ta aniang Mipa in Mipa ka nih hi a ti thei talo, Thanpuii ruang bawh chuan aw rawl tawp in a ṭap ta rawih rawih mai a, Pu Hruaia meuh pawh a in sum zo ngang lo, a Tupa leh Thanpuii chu melh kawp in, a hmui a pet fan fan a. Theatre room kawngkhar chu Thli natak maiin a rawn theh hawng rawp ang mai hian rawn ri ṭhuaiin, Doctor James kha ani tlat, Dr. Suraj a pawn raawn zui lut nghal in, James chuan min chhuahsan vek rawh u, ka Nupui hual ka chhan hman lo dan chiah a chhan ka hre chhuak Nurse tia a mamawh lam khawm nghal in, Glove pawh a bun hman tawh lo, Lalpa min pui rawh tia au chhuak ṭhawt in, Sawmkima Theatre room a ṭanga an kuah chhuah mek pawh nghak zo tawh lo in, Thanpuii Lu a zai hawnna an ṭhui pin thlap tawh chu a hawng zui leh mawp mawp a.. Darkar hnih a liam leh meuh chuan Doctir James Mc Carthy Super Specialist ngei mai chu Inzaina room chhuat ah chuan a Doctor thuam famkim nen a ṭhu thluang zuar in, Doctor Suraj a lam hawi chuan a nui ri ta hawk hawk mai le, chu a nuiri ah chuan lawmna nasa tak in phum in, a nui chu a zuihral tial tial.a, Thlaruk hmalam khan kha thil kha lo hre chhuak ve ni ila, ka Jessicca kha a la awm ve tur tia phun sep sep chung chuan Dr.Suraj Sawmkima kha va ko luh tir rawh tiin a ṭawng chhuak zui ta thuai a. Engtin nge Media lam.lah chuan Doctor James an mi a zai leh tih chu an lo hriat teh reng ni, Hospital chhunga luh tum chuan an lo in hawr khawm tup tup bawk si, Security lam ten dang ṭang ṭang in, an buai ve phat phat kher e. Restaurant neitupa ber chuan a phone chu pbawrh in Police Station chu a call zui ta thuai a..
... Sawmkima ṭi deuh duia rawn pen lut chu Doctor pahnih chuan nuisanga lo hmachhawn in, Dr. Suraj chuan My Friend tia lo kuah in i Nupui hi a dam chhuak leh ngei ang, Doctor James vang liau liau ani e. Darkar 3 a liam leh chuan a harh mai ang, i vannei hle mai, i Pathian in i ṭawngṭaina a chhang ani e tia lo kuah in a nui sang reng a. Sawmkima chuan Dr. James lam chu pan in lawmthu a thiam tawk chuan sawi ve mawlh mawlh in, mipa pawh nise a hmangaih chan tawk riak ah a ngaih lokir leh chuan a vello thei lo. Tu Mipa pawh hmangaih na a vanga bianga mittui luang thei neitu chu hmeichhe vannei tak ani ngei ang.. Sawmkima a chhuah leh hnu chuan midangte pawh lut ve sap sap in, Jimmy pawh a va ṭah leh tak nual kha..
... Mizoram lam in chanchin an han hria chu an lawmna a sang in Pathian hming an lam awl lo ani ber e. Thanpuii pawh tunah chuan harh leh vak tawh in, Mizoram lam erwwh an la hawn mai theih loh hmel deuh, Jimmy lah chuan Mitthi fakna a mi tur tiin thla lah chu a laksak deuh sek mai leh nghal bawk nen a ni awmtel hlauh hi zawng an hlimpui teh e. An vai vai a, cham reng theih ni hek lo le, Pu Hruaia leh Jimmy pawn an hawnsan hial tawh a. Doctor James chuan 100% in a dam a dam chhung zawng in a rawn lang leh tawh ngai lo ang, thlamuang tak khan awm rawh u tia thlah in, a ni pawh phurna thar nen America lam pan leh tawh in, Thanpuii enkawl leh zaina man lah Restaurant nei tupa khan a tum bek bawk nen Sawmkima leh Thanpuii pawh ṭhingṭhia Pathian hnen ah lawmthu sawiin hmalam hun engtak neia in ngaiin Hotel kawt vel ah te an tei dun leh thei ta, Hotel kawta an ti ti mawlh mawlh lai chuan an Restaurant chawlhna neitupa mi tirh te rawn thleng in, Dinner ei tura sawmna ani tlat, hman hmawh zeta in siam zung zung in, Phur tak mai chuan an chhuak zui ta thuai a. An thleng in lawm thawm pawh a na rem rem teh e.. Fapa ang tak tak a an en chu Sawmkima pawh a hrethiam lo lek lek mai, Manager ber in Zai tura a sawm leh tak tlat ah chuan Sawmkima pawh Stage lam pan leh tawh in, Thanpuii'n nuisanga pawn Tuipui a thlir na lam chu thlek leh zawk in, Thawmna zual tlan sana Thanpuii Beach a ding vang vang chu hmuh a nuam in, a hlim tawk tih a lang reng mai, Sawmkima zai zo pawh pheikhai zang zeta rawn pen chhuak thauh thauh in, Resraurant kawt a ṭang chuan Thanpuii ding vangvang chu thlir in a nui ta suk a, Thanpuii lam hawia a pen chhuah ṭan lai tak chuan Khawi a ṭanga lo lang nge tih pawh hriat loh Thanpuii dinna kiang ah chuan dum suit veka in thuam leh hmai tuam bawk Pathum rawn lang ṭhawt in, Thanpuii chu a ṭe zui ṭhawt a, zo tak maia chawi nawlh in, A ka Hup tu Puan var ken a vanga Zawi nghal nghulh in, Sawmkima an lam pana a rawn tlan leh a au tuarh tuarh chu a beng ah chuan hla tial tial in, a khawvel a thim zui hmuk a. Sawmkima pawn chu motor hnung lam chu rawn bawh nghal rawp mahse, motor chu a tlan chhuak hman tlat, rang tak a a phone phawrh nghal in, Video chuan a click ta tawp a. Restaurant chhung ami te Sawmkima au thawm hria a rawn tlan chhuak te nen chuan Van Dum tlan liam chu thlir rawn ṭhap mai loh chu tih theih an nei tawh silo, Hlimna an tawng ve ṭan chiah a, enga ti nge, Sawmkima chuan hmelma ka neih ka hre silo tia phun sup sup in, ṭhen leh rual chhungkhat hnai awm miah loh na hmun ah chuan Lusei Tlangval chu a mah maiin a ding ta vang vang mai le..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:54 pm

Hlimna an tawng ve ṭan chiah a, enga ti nge, Sawmkima chuan hmelma ka neih ka hre silo tia phun sup sup in, ṭhen leh rual chhungkhat hnai awm miah loh na hmun ah chuan Lusei Tlangval chu a mah maiin a ding ta vang vang mai le.. Pu Akash leh a staff te pawh hman hmawh zeta rawn tlan dawr dawr in, Sawmkima chu zawhna chhan sen loh chu zawt mawlh mawlh in, an mi zawh pa ber hi a bo ber zawk hial awm e. Pu Akash chuan Police lam call nghal vat in, a aw rawl pawh a vin ṭha ṭhak ṭhak teh e. Pa awmthei leh Vangtlang chunglam a nih zia lanna chu Police ho rawn thlen hma dan ah a chiang viau e. Sawmkima leh Pu Akash pawh sawi mai tur hre lova hawi dun vakvak in, Police tan pawh chhuizui ngaihna an van ve kher e. Sawmkima video tawite chu en nawn sek in, motor lah Number zawn puan in an tuam hmak bawk nen video chu la chhawng in Police lam chuan an thawn darh zui zung zung a. Sawmkima erawh awm ngaihna a hre meuh lo chu ani e, A la dam chiang lo asin, tute nge ni ang, hmelma a neih a hre silo, a rilru in Arbo a zawng tak meuh meuh ani e. A hmazawna ei tur inchhawp te chu hmu awm pawha awm lo hian a melh ngai melh ngur ngur in, lo ti na vaih teh se ka that vek ang tia in hum ruh ngat ngat in, Pu Akash a Phone ri chuan kai harh zawk in, Pu Akash chuan new Number ti deuh sup in A kianaga Inspector chuan a rawn pik up khalh ta thuai a. He hmei chhia hi i la duh anih chuan 20 lkh nen nangmah chiah in rawn kal ang che. Police emaw tupawh in rawlh an awm anih chuan he nu hi thi Sa ah i ngai dawn nia, Address sawiin a off zui hmak a. Phone Number chu chhui tir nghal in, chet pawh an lachak na rawh e. Mahse enge an hlawh chhuah Pu Akash a phone bawk chu rawn ri leh in, Last chance Police lam an in rawlh leh anih chuan naktuk khawvar ah he nu Lu hi i hmu ang ka sawi na pawh kha ka thlak e, naktuk khawvar hma hun i nei tih zawng sawiin Line an Cut zui leh hmak a...
.. Sawmkima chuan Ka Pu pawisa chu pe mai rawh, ka rul leh vek ang che, khawvela sum zawng zawng aiin ani kha ka duh zawk tiin a ngen ta tawp a. Pu Akash chu bu nghut nghut in, Mr. Sawmkim hetiang chiah hian ka fanu ka lo chan tawh asin, chuvang chuan tihsual nawn ka duh tawh lo. Pawisa chu ka pe ang, Tin, Police pawh an in rawlh lo ang. Rulh let pawh ka ngai lo ang, Mahse he mi te hian an la duhtawk.mai dawn lo, min hre chiang em em tu an nih ka hria e, Nangni nena kan in pawh zia hre chiang pha tute an ni tlat. A whatsapp masasge chu hawng in Pu Akash chu a chek zui tlak tlak a. Thisen burte tak tea in thun hnuai ah chuan he Thisen hi HIV postive Thisen niin kan duhzawng min pelo anih chuan he nu thisen ah kan thun lut ang.. Pu Akash chuan sual ah pawh hian a chin tawk a awm asin, he natna hrik ka nin leh kham zia hi chu aw, Misual ṭhenkhat lah hian kaichhawn tur te hi an la zawng zawk zui bawk nen an chhia phuh chhuak ṭhawt ṭhawt in, Hremna pek let ve dan ka zawng khawp ang a ti ram zui ta hmak hmak a. Sawmkima chu ngawi zui vang vang in, Ka Pu kan chunga i ṭhatna zozai hi ka hriat thiam bak ani, he thil hi kuangkuah in ka lo thlir bik ang maw a teuh lo.mai. Sawmkima hi mi awm awl leh a hman hman ten an zuam ngawt tur ka nilo, min ngaihtuah miah suh ang che, dar 9 ah maw i chet chhuah ang chumi hma chuan i sawina hmun hma vel chu fannlawk vek ka duh. I naute zing a mi nilo ka mamawh ti ram zui hmak hmak in, mi inthup sawmkima diktak alo lang ta. A thisen zam rawn pawng ṭawlh ṭawlh a vanga nuisak in an Shopping mall lam Pu Akash a hrilh na lam pan chuan Restaurant hnunglam a a ṭanga khawthim ruala Taxi hmanga chhuak nghal in, kal pah chuan a in thun puar zui mawlh mawlh a.
.. Misual ho chuan hmun pawh an thlang thiam narawh e. Sawmkima pawh a ner sawk sawk thei hial.a, Train timing a en chuan Dar 10 ah tak Pawisa leh Thanpuii in thleng tura an rawn tih hun tak hi Train hnuhnung ber thlen hun nen a in nang chiah bawk, Sawmkima chu nui sak in, Vai phakar maw, chalak hlawm lutuk mahse Lusei tlangval hi min bum tel ring hauh suh u tiin mi veivak nazawng in an hmuh theih lohna lai ah chuan tawm nghal hmak in, Chemte Pu Akasha Restaurant a ṭanga a hum chhuah chu a jacket hak chhunglam ipte ah thun hmak in, a mah hruai tupa chu kir tawh tur chuan a ti zui ta thuai a. ..
..Ralkhata Train rawn kiu vawl vawl kar ah chuan Pu Akash pawh Briefcase nena ding vang tawh in, Sawmkima chu a mit chuan a zawng nasa kher e. mahse hmuh mai tur a awm tlat lo. Sawmkima thung chuan chiang taka hmu theiin a hma a ṭanga a rinhlelh ruk tawh rukru tharlam ang maia meng zek zek te chu a melh ngun tawh in, chet sual a thiang lo tiin a in fuih mawlh mawlh a. Ning ru em em a, a thil lo zir ṭhin Karate chu hman ṭangkai a hun tih hria in, a ke te chu a per leh at at ṭhin a. Train a rawn thlen rual chiah leh Mipui an rawn chhuah vanglai tak chuan Sawmkima sir lawk a ṭang chuan Thanpuii ngei.mai chu rawn kai chhuak nawk nawk in, Sawmkima einhlelh pa pawn a hmai tuam zui hmak in a bu zui ta nghat nghat a. Chupa kiang maia, Kutdawh pawh chu rawn ding chhuak in sam lem vuah in a hmel a thup zui hmak a. Pali tia Sawmkima chu phun sup in, Pu Akash lam pana chung mi 4 ten Thanpuii an kaih mek lai chuan che chhuak zui ve zal zal in, chet sual a thiang lo tih chu in hrilh nawn mawlh mawlh in, Pu A kash pawn Sawmkima chu lo hmu ve vat in, a hmel leh mitmeng erawh a buai phah eih lo.. Train a ṭanga Vainu lian thau deuh mai lo chhuak chu a thau luat ah pen sual in a in chhuih khut khut a, Thanpuii chu a rawn bawh ta nawk maia, Thanpuii pawh ṭe zui ṭhawt in a delh tu a rit bawk a, a thal chiang in a chelh tupa Pistol lak ah a him ta chiah e.
... Sawmkima chu dawk phei zawk in a kuta a chemte hum chu a vai chhuak zui pawp a... Thanpuii kai tupa chu rak zui ṭhawt in a pistil pawh a thlauh nghal tawp a. Chupa ṭe thawm a vanga a ṭhiante rawn hawi chhuak lam hawia Sawmkima chu zuang phei leh zawk in a rin hlelh sa reng zawk khabe ah tak chuan pet leh siah in, lei a den rual rual chuan vir leh zawk in, a ban a zai sak pa dingmar chiah chu a khabe ah tak back kic leh siah in, a la bang pahnih te lam hawia in hwr zawk in, Balhla kawr nal ah chuan tukhum vawchawrh in a thal ta tlat. Pistol rawn puak zui thawr in, Sawmkima nak chu a sa zui zak a. Silai a puah tak ah chuan Mipui chu chi ai nghal in, Thanpuii erawh a mah delh tunu chuan nghet zeta lo khuap hmak in, mipui zi nuaih nuaih kar ah chuan Mi pahnih te chu an lo bi bo hman tlat.. Sawmkima a thawh chhuah leh meuh chuan a kutthlak pahnih te chu Civil dress a in thuam vek Police ho chuan rawn man zui chat chat in, Thanpuii venghim.tlat tu pawn Thanpuii chu rawn din puiin ka hah lutuk tiin a in thuamna leh in chei danglam na chu a phelh mawlh mawlh a. Inspector Arjun lek kha alo ni reng pek a, Mr Lusei i chung ah kan lawm e, an hliam na che em tia Arjuna biak na chu chhang in ka him e, tiin Thanpuii a mah lo melh kar tu lam hawi chuan a ban a phar zui vah a. Pu Akash chu rawn pen hnaiin Misual te tluanna chuan tawp chin a nei ṭhin, ka Fanu min laksak dan ang chiah khan chet rawn la nawn lo sela, an che sual lo tur, Sual tak tak tur pawh hian fin tel angai asin,nka Fanu i hlau em tiin Thanpuii chu pan hnaiin a nui vur vur a. Thanpuii chuan hlau lem nang an ṭawng ka thiam lo tur ah an ngai a, Urdu an hmang hlauh pek a, ka Ni hnen a ṭangin Urdu kher kher chu kalo thiam ve nek sia, an thisen rawn tarlan te kha chu keima thisen vek anih kha ka ṭha e.. Sawmkima ner rubsak a hmuh a vang hnaih nghal ruak in, Sawmkima hliam chu a en sak zui zung zung a. Thanpuii natna a vanga an zin kawng zet zawng an dam chhung sawi a tling ve hat tawh ngei ang le..
... Sawmkima thawh rah chu a la tawp.mai tlat lo, Sawmkima zar a an mi man te an dawp na lam ah Nawhchizawrhna sawrkar hriatpui miah lo thlenga hai hawng in, Chu hmun ah ngei chuan ani Pu Akash a fanu pawh an va hmuh chhuah leh tak, Pu Akasha thilpek pek tum reng reng hnarsak zel.in, an pahnih tana Diamond Ring nalh zet mai order sak zawng hnial chi rual ani talo.. Chu zungbun in ang ngei mai tuai heuh heuh a, Mizoram Leilung chung ngeia thlawk delh delh in, Thanpuii biang ah chuan mittui a rawn luang ta ngiai ngiai a. Sawmkima chuan hruk sak zung zung in, Pathian hi a ṭha ani tiraw, enteh Lungngai taka kan chhuahsan hmun ah ngei Hlim tak in min ṭum tir leh tak hi, chuan ka nghak rei thei hauh lo ang tiin a nui zui var var a. An chhungte leh ṭhenrual ṭha ten lo hmuak in an in kuah chung chung hlawm.a.. Pi Hlupuii phei chu a lawmna a sang in, a ṭap rawih rawih reng a. Sawmkima te pafa pawh in hmer vang vang in a fapa chu a chhuang hle tih a hriat thei mai. Airport vel ami te lah chuan Sawmkima thla lak tum reng reng a lo buaiin Sawmkima lah chuan hmulo ang hamak a awm in Jimmy hmel dik tawk chiah lo chuan a ngaihtuahna a luah daih thung. Sawmkima nu pawn Thanpuii chu rawn pan hnaiin tun ah chuan i eizawnna kawng pawh i zawg leh thei var var tawh dawn anih kha kanlawmpui lutuk che tia nui var var in, Thanpuii erawh Sawmkima nu Mawizuali nui hmel chuan a ṭham deuh tlata in hria in, nidang ang in a chhung ril tak hian a lawmpui lo nia ngaihna a nei tlat pek a, Pi Mawizuali chuan Taia kalo mangnghilh ṭep ka ṭhiannu te nufa pawh an rawn kal ve tak asin, khawnge maw an awm tak daih le tia hawi kual ruai ruaiin a mi zawn te a hmu ta aniang, aww..ka lo zawng vak vak hman che u lawm, Taia hei hi I nu LIANKUNGI niin a fanu nen hi chuan in lo in hresa tawh ni awm tak in Jenny hian a sawi leh nghal, han chi bai rawh le tiin a nu chuan Sawmkima chu Thanpuii bul a ta chu a rawn kai hrang zui nalh a... Pi Hlupuii zawng lem chang nun in a bum ve mai mai chi ani tlat lo. A vahnu chu kuah nghal chat in awmze nei zet hian Thanpuii dar ah chuan a hmer sak zauh a. E khai Pi Liankungi te lah ni reng chuan a hma khan kalo hmu miah lo che u a, in hmuh a va khat ve tiin Pi Hlupuii chuan pan hnaih chu rual nghal in, Pi Liankungi hmel.tlan chhe dai mai chu Pu Hruaia chuan a hmuh hmaih hauh lo. Pu Rochhunga chuan tiru Thanpuii te pawh an chau ang in lam i pan dawn ang aw tia rawtna rawn siam in Sawmkima chu a Nu chuan ka ngai che kan bul ah lo chuang ve teh, tia kaih chu rual nghal in, Sawmkima hawi buai nak chu Jimmy chuan ner khum sak in, a Car ah chuan a ṭhut luh san hmak a. Ka nu tah zawk sawn le, Thanpuii a khua a har ange, min la hmu dawn chauh a lawm tia a nu vawnna thing tla in, Jimmy Car lam chu a pan ding nalh a, Jimmy ner sawk khan Sawmkima a ti harh hlauh.
.. Thanpuii hmel ṭi ru ta dai chu Jimmy chuan be zui bawrh bawrh in, fiamthu nen an ri zui ta le lu a. Sawmkima erawh a ngaihtuahna a buai nak mai, a hma zawng khan a Nu hmel leh ṭawngkam ah Thanpuii ngaithei lo zawng emaw duh lo zawng pawn ṭawngkam a la cheh miah lo kha ani a, Vawiin ber khera a nu khawsak dan teh thut khan a rilru erawh a ti nuam hauh lo.Engpawh nise Puitling taka sawi ho angai ani ti rilru nghat nghat chung chuan Thanpuii kut chu va hmer sak zauh in, min ring rawh Mipa ka nih hi, thutiam sut leh.mai mai chi ka nilo ti hul hak chung chuan a dar ah bei tir in a chhing zui ve vang vang a. Pi Hlupuii in Zanriah tui hnai tak alo siam lawk tir vek chu kil ho laih laih in, Jenny te nufa erawh sawm nasa ngial mahse an hawng lui ta zawk kha ani a. Pu Rochhunga pawn a Nupui thil tum leh Game khelh zawng a hmuh hmaih hauh lo, an awm fal hun ah zawng boruak an nei laih ngei dawn e.
.. Thanpuii chuan an thil hawn ho te chu phawrh in an hlim zui ta viau a, Sawmkima nu tana a pheikhawk thlansak chu en mai pawn a tlawm dawn lo tih a lang thei tlat, Pi Mawizuali ( Sawmkima Nu) chuan melh vang vang in, hmel en ai daiha i thlan thiam chu le, a leina nei pha lem lo tebpawh hian thil mawi chu in lo hriat ve viau hi mawle tia nui lui har har in, Sawmkima in hum ruh ṭalh ṭalh chu Jimmy chuan khap zauh in, Ṭin a rawt zui ta thuai a. Pi Hlupuii lah chuan Pi Mawizuali chu melh in, i bun duh dawn loh chuan ka hauh ania aw, midang te kha i lo pe mai mai ange tiin huat theih miah si loh hian anui har har thung a. Pu Hruaia zawk chuan ni e, Jimmy rawtna ang khan i ṭin dawn teh ang, Ka Fanu pawh a la damkawr nen a chau lutuk palh ang ti a a ṭhut hmun thawhsan in a farnu chu a zilh ve ngei ang le..
... Khatiang mi class hniam lutuk, Middle Clasa vel nena chhungkua a insiam kha ka duh teuh lo mai, Taia nangpawn bansan ang che, khatiang mi hnuaihnung te zawng kan in leh a vel ah chet pawh a che thiam dawn em ni. Kha ka ṭhiannu fanu Jenny kha, i hmel hriat sa leh nghal khatiang mi class sang deuh kha ka duh chu ani ti sak sak in, Sawmkima chu a melh kal a. Sawmkima pawn anu chu melh vang vang in, Hmangaihna hi Class in an ṭhen lo in ka hria, An lo ṭhen ta a nih pawh in Thanpuii'n min hmangaihna hi a Class a sang ngawt ang. Jenny chu ka neilo phawt mai ang ka hre chiang mah mah em mai. Ka neih nilo, keimah min hmangaihtu hi ka tan leh kan chhungkaw tan an ṭha ber i thu ka hnial ve ṭum ni mai teh se, hah i ti dam lo em mai, Jenny te ang kha duh ni ila e, Naktuk chawhma chhung lek pawh hian ka in a lenglo khawp hi ka rawn hruai hawng thei ang i fapa hi ka duai bik lo ania mahse Thanpuii kalsan tur zawng chuan i kam cheh tawh lo la ka duh ti ram zui hmak a, a din chhuah tak ah chuan Pi Mawizuali ngaihdan ani ta hauh lo, nang ka hrin, ka ril a rah hian ka thu i hnial a maw, khanglang che chuan le i nei dawn khawp ka duh zawng ngei nupui ah i nei ang, khatiang mi hnuai hnung lutuk eng ah mah ka tilo, an natna kawlnruk in enkawlna nei lo enkawl tu mamawh si in, i sum an beisei vanga ngaizawng der mai mai che a nih ka hai lo, Sawmkima duh ai thui a nu a ṭawng ta aniang, ka Pa a ti vin ta ṭhak a. Pu Rochhunga chuan Mawizual, kan in neih hma khan eng ang fakaua chhungkaw chungnung leh ropui nge in lo nih bik a, a Pa ka la dam ve, chhungkaw Lu ber i nilo tih in hre reng ang che. Thanpuii beng hriat ah ka lawm loh zawng i sawi leh anih ngat chuan... e heuu I Fapa Bialnu chu ilo ngaizawng ve zawk ani lo maw, ka nunhlui thleng thlenga i rawn phawrh tak mai le, ni e, Lo neia eizawng ve mai ṭhin kan nih ka hria, Sawmkima chuan a nih a hnu Thanpuii chu hmu hniam thei i nih chai loh chu. A ni tw zawng M.A. a zo der tawh zawk asin.. bak ah duhtawk teh ang u, Pu Hruaia chu a Farnu chu melh run run in, heti em hian ani maw I lo chapo, U Rochhunga mitmei chu veng lo ila kut ka thlak tawh ngei ang che, Zaka kun chal tawh tura an ngaih Pi Mawizuali chu rawn in her nghat in, Sawmkim khanu kha nge i duh keimah arawn ti ta khauh a. Sawmkima chuan awm ang lo hian, nang chu ka Nu i ni a, ani chu ka Bialnu, min nawr lui lo teh ka Pa ka nu kha hruai la, Patea te in lam ah kalpui teh min ti hah zual tih leh Bathroom lam chu pan san hmak in a lawmlo lutuk tih vak ngaihna hre silo chuan A darthlalang tar ve te chu hnek pawp in darthlalang keh chuaih ri chuan zuiin, a kut thi zaih zaih chu melh in, ka Nu chu i ni si a maw tiin a phun zui bul bul.a..
.. Thanpuii chuan a hma zawna ṭhu Pi Mawizuali a hmangaih ber Nu ni bawk chu melh vang vang in, ka thei lo ang a ti thawp sep a. Pi Mawizuali chu tho nghal phat in, ṭha zaiin ka hrilh che a, i duh ber chu hei hi ani lawmni Nuai sawm Cheque chu lek va va in, hei hi la la, Ka fapa hi tlanbo san ang che. I hmangaih anih chuan tlan bo san ang che ka duh loh ber thil ka tih loh nan, ka fapa Nupui tur hi ka hual lawk vek tawh nangni ang chhungkaw hniam lutuk nen a in zarzawm hi ka thei ve lo. Ka thu i zawm lo a nih chuan Chhungkua kan keh chhe nghal ani mai. In nei ta teh reng pawh ni ula ka pawm ngai lo ang che tih leh thawh nalh chu rual in, Pi Hlupui i vahnu hi lo hrilh fiah ang che he thil hi Sawmkunga te pafa in an hre tur anilo ti ram zui hmak hmak in, dak vah chuan Thanpuii te in chu a chhuahsan zui hmak a.
.. A vahnu ṭap sai ngar ngar chu melh vang vang in, Thanpui, Sawmkima hi i hmangaih tak zet zet em tiin zawhna a pe ta khauh a. Thanpuii pawh muangchanga dak chhuak in ka Ni ka nunna ai apwh hian ka hmangaih zawk ka ṭhen thei tawh lo ang tiin a in sut zui hlawp hlawp a. I ṭhen hauh lo ang, hman ah Liankungi Nu ndn hian tuna i tawn ang chiah hian kan lo in hmachhawn tawh, khang hun lai khan ka mal em em a, ṭanpuitu reng ka neilo anih kha, Tuna Liankungi Pasal saw ka First Love leh ka ngaihzawng neih chhun ani ṭhin a sin, Pasal lo a, ka tlang tak ṭhak na dinhmun a ka vahnu i rawn ding ve hian mi ti na takzet mahse, Lungngai suh nang chu i mal ve hauh lo. I Ni ka la dam ve a lawm le, va in phih fai rawh le, nalh tak leh smart tak khan in chei la, kha Cheque kha keng bawk ang che, ngawi reng khan min zui tawp mai rawh, keinin kan tawrh zela mi zaktheilo zawk te nuam a an len reng na chhan tur ka hre bik lo ti a in ber hmak in, a room lam a pan zui nalh a. Thanpuii pachuau luhlul zia a rawn chhuak ve ta tlat. Vawiin hian Sawmkima chuan duh a thlang fel ve tur ani tia in pet ruh chung chuan a Nî thu ang chuan a in siam zui mawlh mawlh a..
.. Pu Rochhung mi hausa leh chungnung kan ni lo tih chu ka chiang khawp.mai, mahse Hmangaihna hi remchamga hmanga sum zawn nana hmang ṭhin erawh kan ni hauh lo. ka Vahnu tana in senso zawng zawng rulh nan ka In leh lo saw ka zuar dawn mek a, ka rul leh vek ang che u. Tin, ka Vahnu hi Sawnkima ṭhen tur in ka nawr ngai lo ang, a Hmangaih tak nei tur hian zalen ani ve bawk. Bawihi tia mitmei zauh in, hei Pi Mawizual i fapa i rawn hralhna man pawh hi kan la lo mai ange, he Nuai 10 tello hian kan lo nung ve tawh a, kan nung zel bawk ang, kei hian Thanpuii leh Sawmkima hi pawh ṭhen ka tum ngai lo ang, ka Vahnu hmusit tu erawh ka hmachhawn zel ang. Liankung mi tenawmi ruahmanna anih ka chiang bawk, vawikhat ka lo ti sual tawh a, ka ti sual nawn tawh lo ang, kha zawng kha ka sawi duh leh hmuh ngei che ka duh chhan ani bawk. Pi Mawizual zep tur in min ti nang a, min thlah tute a ṭangin sual kan thup mawi ve ngai lo min ngaidam dawn nia zahawm tak a pi Hlupuii awrawl vin hauh si lo, Zuamawm hauh si lova ṭawmg thlah dap dap chu Melh rawn ṭhap in, nuisanga ding chhuak in kan kal san tawh ang che u tirawh le Bawihi tiin Thanpuii chu a kai zui nalh a. Thanpuii pawh ding zui nalh in, Sawmkima melh kal chunga nui lui sak in, kan kal phawt ange tiin a in her zui hmak a.
.. Pi Hlupuii te Taxi rawn hman a tlankir leh thawm a zuih ral mek lai chuan Pu Rochhunga chu ding chhuak in a kuta Nuai 10 cheqeu chu melh vang vang in, Kum 63 lai ka lo dam ve ta, heti em a ka zah leh sawi tur hre lova ka awm ni hi ka la hre ngai lo.. Maizual Kum 33 chiah chiah kan lo in nei ve ta, i mizia kalo la hre tlem hle mai ka ti. Ka lo duat lutuk che in, i duh duh in kalo tal tir mah mah che ani maw, Upa in, Vâu vau lo leh hmeichhe Vau loh chu an pawng tawl tual an lo tih hi a dikna a lo lang ta in ka hria, he Cheque hi ka Account ani hauh lo.. Liankungi Ac maw.. i thil ruahman mai mai chuhhh.. ka in zinga i duh ber pakhat saw ka pe ang che, kei chuan ka fate tan ka thawk a, ka fate hlimna chiah ka duh, nang ang in khawvel ropuina leh chung nun na hi ka zawn ber ani ve lo. Sawmkima room lama a pil vang vang chu rawn chhuak in, a In ak puar zui lah bawk a. Duhthlan na ka siam fel tawh e, Thanpuii te in lam ka pan dawn mahse ka Pa i thu min tiam tir erawh ka bawh pelh ngai lo ang. Nupui chu Biakin haawng ngeiin ka nei ang..ka Nu i duh chuan Jenny chu ilo nei dawn nia.. Mipa in thu ka tiam tawh a, thu tiam tawh sut leh ai chuan kawngsira zai a in hlawh fak pawh ka thlang zawk tih lo hria ang che, i ṭhiannu fanu, Officer Choice mai mai nei tura piang ka nilo ti hrawk chung chuan a chahbi a ban zui zauh a. Taia lo la ding lawk teh ka dang dawn hauh lo che, i hmamgaih hliampui tuar chu a tuamdam sak thei tu awm chhun i nih ka hria e. Mahse tih tur kan la nei, Mawizual i duh thlang rawh, Thanpuii hma a ngaihdam dil nge i duh in ṭhen a ti chang zui ta bang mai le.. Pi Mawizuali chu kun ngar ngar in, a tawp ah zawng muang changa rawn dak chhuak in, Taitea pa min ngaidam rawh ka lo dik lo a ni, keimah ngei hian ngaihdam ka dil ang, ka tihsual chu ka siamṭha ang, Pu Hruaia chuan kan vaia hma ah ani tur ani, he tiang thil tenawm a maw, Thanpuii te Ni vah tana hriat hrehawm zawnga i khawsa leh anih chuan ka tui thlar nghal ang che, chu chu thu tawp ani. U Rochhunga lam hi ka ṭang zar zar dawn tih i hre reng dawn nia tiin a farnu chu na zet hian a melh zui kawk a. Pi Mawizuali pawh ip deuh chawih in, ummm Bumin ka awm ani e, U Ro ka thiam loh vek ani, Taia khawngaih in min ngaidam thei em a ti tham ṭiak a. Hun in ala hril ang chu tun ah chuan ka ngaidam thei rih lo che ani e. Thanpuii kha ka va ngaihven tawh ange, i hliam pek kha a na tawk mah mah ti ram hmak in a Nu auh zui lawm lawmna chu hrelo ang hmaka awm in a pen zui pawk pawk a.
... Thanpuii pawh an in an thlen leh meuh chuan insum tur a awm tawh lo a khum ah bawk thlawp in a insut zui hlawp hlawp a. A ni pawn hnem duh bik lem lo in, i duh tawk in ṭap rawh in ṭap thawl vek rawh Sawmkima chuan a rawn pan em em ang che, rilru thlak leh mai mai chi ani lo tih paha chhuahsan hmak in, Sitting rooom ah chuan ṭhu awn diai in a melh ngai a melh zui ngar ngar a, Sawmkima Bike thawm chuan ti harh zawk in a nui ru sak a, mahse kawngka hawnga rawn pen lut Sawmkima a hmuh meuh chuan a ngaihna hre lova ang deuh pâm hian enge awmzia a ti hliai a. Sawmkima lah nuisanga rawn pen lut in, Makpa chhungkhung ani mai lawm tiin a nui zui var var a..

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)