MI IN THUP SAWMKIMA BY Mafaka mfa (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MI IN THUP SAWMKIMA BY Mafaka mfa (Completed)

Unread post by Ngaia » October 4th, 2020, 2:54 pm

Sawmkima Bike thawm chuan ti harh zawk in a nui ru sak a, mahse kawngka hawnga rawn pen lut Sawmkima a hmuh meuh chuan a ngaihna hre lova ang deuh pâm hian enge awmzia a ti hliai a. Sawmkima lah nuisanga rawn pen lut in, Makpa chhungkhung ani mai lawm tiin a nui zui var var a.. Pi Hlupuii chuan â a ṭhin teh suh lo ti hlak in, Sawmkima lah chuan ngaih pawimawh loh hmel zet hian Thanpuii room lam pan nalh in, Thanpuii banglam hawia alo mu bam mai chu pan hnaiin khatiang kha Pa ho chuan a Nâ lam min chhawn an ti ṭhin tiin ava nui var var a. Thanpuii pawh rawn meng kawk in misual pa tih leh Sawmkima kuah thlawp chu rual in, Min ṭhenzawk mai rawh, in chhungkua keimah a vang in buai ka duh miah lo a nia, ka tling lo ani tiin a in sut hlawp hlawp a. A tawk e, ka Nu mit ah chuan tumah an tling zo ngai lo ang, engkim a fel vek tawh e tiin a kuah hle hle a. Pi Hlupuii a rawn khuh tak khak khak ah chuan in thlah zuiin Pi Hlupuii chuan Sawmkim ngatinge i rawn in ah luah hrim hrim a tiin a rawn zawt nawn leh ngat a. Sawmkima chuan ka Nu hmel ka hmu peih rih lo, an cham chhung chu hetah ka awm rih mai ang, Thanpuii hmulo in ka awm rei thei tak tak chuang lo, ka Nu anih pawh ka ringhlel rum rum tawh ania tiin a phun zui nang nang a. Thanpuii chuan lo chum zawt in khatin vawilhat mah i nu chung chang sawi tawh ngai suh ang che anih loh chuan ka titau char char tawh ang tiin a melh ram ram a. Sawmkima pawh ngawi ve maiin an han nui ho leh rih ṭhin a..Chutih lai tak chuan kawngka kik thawm rawn chhuak in, Pi Hlupuii chu a pen chhuak ta thuai a..
... Pi Hlupuii meuh pawh a mi hmachhawn te a vanga ang deuh pam hian a ding khawng zui lah a. Lo lut rawh u tih pawh nghak map lova zamna nei map lova rawn pen lut Pi Liankungi te nufa chu Pi Hlupuii chuan melh mawl tawp in enge in duh le a ti chang zui fal a... Pawisa chu in lo duh hleuh hleuh maw, Nuai 10 ah khan in lungawi tawk ang maw, ka thangkam hi in man pha ve der si lova tia nui lui har har in, Sawmkima erawh Thanpuii chuan alo pawt bet ṭang ṭang thung a. Kha pawisa let kha ka hum leh dawn tih i hre pha ve awm tawp si lova, nang in lawm tak in ilo la ani lawm ni tia hmuhsit hmel zeta a melh leh tak ah chuan Pi Hlupuii chuan nang hi i inzuar ṭhin ani zawk lo maw, i uire nual tawh ania ka rinni sum men hian i meng tlat pek a..Engpawh nise min chhuahsan phawt teh u, duh ni ila i Pasal hi ka chhuhsak thei che tih i hre ve mai mai dawn nia, thudik engkim a hre tawh si a, Jenny melh chung chuan Nula nangpawh Sawmkima hi chu beisei buai lo.mai teh ih maw Nula thianghlim lo tan zawng a sang mah.mah a ti let ve ta sak sak e. Hmana Hlupuii nunnem an thu a kawi a ngila zawm diam diam te kha a la ni reng mahse ani ta hauh silo.. in du tawk in ngah tawh chuan chhuak tawh te che u, Nuai 10 min rawn pe ngWt kha kan lawm khWp ania hei kan in te pawh chei ṭhat nan a ṭangkai dawn khawp mai.. ha hha haiiii tia nui lui iar iar in, Sawmkima lah chuan in va vannei ve a ti then bawk sia tia dawt a phuah leh chuan a thawk ṭha bawk aniang, Pi Hlupuii hmai chu a ri zui ta siah mai le.. Chu chu ani Pi Hlupuii nghah tak chu, e he heee..ka in chhung ah kut min thlak ngam a maw tih leh Kum tam alo khWl tawh a thinrimna nen Pi Liankungi hmai ah tak mai chuan a hnathawh ṭhinna kut chhah tap mai chuan an beng let siah mai a le, Pi Liankunga chu pai zui.khawt khawt in, Jenny chuan ṭe teng tung chunga rawn Pi Hlupuii rawn sual chu a rual ta mai a, Pi Liankungi rawn thawk let nen an ri ta teng tung mai, Thanpuii chuan hmeichhe buaina tih leh tlan chhuah chu rual in, a Sa channa ṭhin Chem hlai zet chu la lawk in a phek zawng chuan Jenny te nufa chu a hem ri ta tlawrh thlawrh e. An ni nufa natuar lah rak teng tung in, Jenny pawn a chem hum lai chu paih lawk in Nula sa nei lam lian thelh thawlh ani bawk a, a damkawr mah nise tha alo nei nasa chu niin Jenny sam ah chuan kek lawk in an hnuk kual te pek a, Sawmkima erawh room kawngkhar kar a ṭang a lo bih in nui chhuak ngam silo chuan a nui sawn sawn reng a, a hmuhnawm e, ti sup sup in, Pu Liankungi'n bang a den tak rawk rawk ah chuan ṭhelh tum chuan a ding chhuak ta thuai a. A pen chhuak hman lo deuh tih ah chuan a Putea aw chu hria in, a ṭhulh leh ta zawka, nuih insum taka Pu Hruaia'n in na em, in va ti awm ang lo ve tia kai tho kual in, ngam loh chal ah chil in hnawm ani maw a ti leh kher chuan Swmkima chu nuih chhuah tir hawk in, Jenny te nufa pawh Sawmkima lo ding reng tawh lam chu hawi rual ṭhawt in, engmah an sawi tawh lo an chhuak zui nal nal a. An kal tlang mai dawn maw tih laiin Pi Liankungi chu rawn let leh ngat in, Kut min thlak man chu in hmu dawn khawp tiin kam a la rawn cheh hram pek a, Pi Hlupuii chuan i thu thu le mahse hei tiin CCTV chu a kawh hmuh zauh a.. Nuai 10 dang min pe leh mai tur asin tia a auh zuina erawh chhangtu a awm talo.
... Pi Hlupuii nui sang leh Thanpuii lai hmel zet chu Sawmkima chuan nuih char char in, hmuhnawm rem rem ve le a rawn ti teh daih a, Bungrua let pheng phung ta siamṭha a an lo buai lai tak chuan Pu Rochhunga te nupa pawh rawn thleng ve hlawl in, Sawmkima erwwh Thanpuii room lam ah a lut zui nghal hmak thung a. A nu hmel chu a hmu tui ngang lo chu a ni e. Pi Hlupuii erawh hmejchhe fing tak a nih zia rawn lang leh tawh in engmah thleng lo ang hmiah a lo be bawrh bawrh in, ṭhutna te chu a hung rem sawk sawk a. Pu Hruaia nuihza insum hmel chu Pu Rochhunga chuan a mitmeia zawt in a mit ko chu a san khum zauh zauh a. Pu Hruaia'n a kâ a andawn lai tak chuan Sawmkima nu Mawizuali chuan Pi Hlupuii chu pan hnai in,tlawm leh zah pawh dawn zo lo hian ngaihdam a dil zui ta mawlh mawlh a. Pi Hlupuii chuan engmah tihsual i nei lo e, theihnghilh daih rawh tia lo chhang in,a nui zui var var a. Thanpuii lam.pana Pi Mawizuali pen chhuak leh chu Thanpuii zawk chuan lo pan hnai hmasa in, a kâ chu rawn hup sak thaih in, engmah sawi suh i fapa i hmangaih vang anih ka hria e tia lo ṭawng khalh in Pa hruai emgmah sawi loh tur aw tiin a nui zui var var a. Pu Rochhunga lah in a hre chak tulh tulh bawk nen Pu Hruaia chuan thil thleng chu a sawj ta nge nge a, Pu Rochhunga meuh pawh mittui tla phunga nui hawk hawk in, ka Monu hual chu a chak viau a maw tiin Thanpuii zak sen ṭan ṭan chu kuah in a nui leh huk huk a..Sawmkima erawh Pi Hlupuii te in hauhna bul, Pi Liankungi Pasal leh a chhehvel boruak chuan rawn delh in, 'D HLUI' tih hla chu a rilru ah lo lut in recording neih a chak thak nghal zak thung. I nu in biak che a duh anih chu thum duta a Pa biak na chu Sawmkima chuan nidang ah ni rih rawh se ka be chak rih lo e, kei hi bungrua mai ka nilo tih kha i lo hrilh nawn leh dawn nia, hetah hian ka awm rih ang a lo tihsan hmak chu Thanpuii chuan rawn sik nawk in, khatin awmziah suh Naupang chhia lutuk tiin a rawn melh rawm rawm a. Ngaihdam nghal thluam thluam na hian tumah a siam ṭha lo ti deuh hmak hmak in Bathroom ah a lut zui nulh a. Pu Rochhunga pawh khisuk in, a rei anga a zia mai ang, i kut ah ka dah leh phawt mai ang aw nang aiin kum thu ah Upa zawk mahse Fapa mal duat ania a pangchan hi a reh hlei thei lo, nang kher ka duh pui na chhan pawh ani aia i puitlin zawk vang ani e. Ka kianga i sawi zauh hna chung chang kha chu nakin ah kan la sawi ho zawk dawn nia, Tu hmel hmu lova liam mai ka hlau zawk tih hre reng la aw tia nui suk suk in, Thanpuii lai sen ṭan ṭan chu thlek vung vung in, Sitting room lam chu a pan zui leh vut a. Pi Hlupuii leh Pu Hruaia thei tui siam paha an lo in kheuh ru zeuh lai chu hmu in a nui ru suk a.
.. Pi Mawizuali pawn a Fapa chu nawr luih chi anilo tih a chiang bawk a, an nupa chuan an in khalh chhuak leh ta zawk a. Pu Hruaia leh Pi Hlupuii te pawh in khalh chhuak ve daih in, khawi ah tak chuan kal dawn ni maw. Sawmkima a khuma a mu zuar chu Thanpuii chuan melh vang vang in, damlo zawk ang mai mutui thei si tiin inbual tur chuan a luhsan zui ta thuai a.
... Studio chhunga uluk taka Sawmkima zai vang vang chu Jimmy leh Danmawia chuan thlek vang vang in, Danmawia chuan a thiam hi chu a thiam ve thlawt ani tiin chhuang tak chuan a melh vang vang a. A phone ri reng lam chu pan in, Number hriat ngai loh a ṭangin ani tlat, a va mak teh sek e tih paha pikup zauh in, a aw pawh a vin lek lek tlat, Pu Jimmy a ni em tih a hriat rual chuan ner sawk in, Pu nilo in Tlangval vang vang zawk mawle enge nita a ti zui thuai a. A nih Jimmy tun ah hian Sawmkima kha biak ngei ngei ka ngai ani, ka mangang tak zet zet tiin a mah rawn be tu chu a rawn ṭap ta mai, Jimmy zawk a buai chhe leh ta, hei heiii.. khatin ṭap ringawt lo la, ka thlem thiam miah lo che ania, ka address ka rawn sawi ang, Sawmkima nen chuan in in be dawn nia, ti nghal zung zung in, a Address chu a hrilh zui zung zung a. Sawmkima hman ve leh ka rawn be leh dawn che nia, ṭha deuh khan lo awm rawh aw tiin an in thlah ta thuai a.
... Sawmkima Recording ti zo pawh lo chhuak in, Jimmy phone call dawn chung chang chu ngaithla deuh kar in, eng tak chu ni ang maw engpawh nise tun ah dar 1 a ri vel chiah chiah a, dar 4 ah min rawn hmu mai se a ṭha lo maw a pawimawh tawp ani ngei ang tiin Jimmy chuan a call back ta thuai a. Thanpuii call leh zawk in, a Nu rawn call na erwwh a la chhang duh lo lui ve ngat a, thinrim tawh lem.lo mahse a nu chu hrem ve rih ala duh tlat..
... A hma zawna Nula naupang tak, hmelṭha leh piannalh zet mittui dir zaih zaih chunga ṭhu kun lap chu Sawmkima chuan dawhthei taka nghak in, a ṭhu vang vang a. Jimmy pawn a room a, Sawmkima te inkawm.chu hmu chak leh hre chak zeta beng dawh ha ha in, bang kalo verh lo ani aw tih vel ngaihtuah in, a keuh hrim hrim han ti ila, Lalfimkhura kha ani bawk sia, kei chu ni i lahhh,..a pian te kha dik nasa mai si, a Changkha leidek var vang mai bawk si, a mal sei ṭhat zia te kha, Siamtu hian a pawh sei sak bik nge ni dawn ni, a kawngfek rat mai leh a mawng vawng leh lai te, Awmbawr zawlaidi kawh ṭhat zia te kha awi ka nu ti sai dur dur in, um tihdan ka hria, ti a nuisuk suk in, Colddrink lei tur chuan a tek chhuak zui nalh a.
... Nula chu rawn dak chhuak in, U Sawmkim min hre ve kher lo anga, ihhh kan College Function a i rawn zai pawh khan i thla kalo la ṭeuh asin, englo ania, khami ṭum a i thusawi tawite khan ka nun hi a ti buai ta vek anih hi..zep lo in sawi ta rawng ila, ngaihzawng hi pakhat chiah kala nei a, ani chu Kolasib lam mi khu niin kan in hmangaih ve viau ṭhin, chawl leh det in, Tun thla hi thla 7 kan in hmuh lohna chiah ani e, Nimin khan min rawn call a, i thisen lo test ve rawh ka Positive tih zawng rawn sawiin ka call back thei tawh bawk silo, ka in test ngam bawk silo, Sex hi vawi 5 lai kan hmang dun tawh, kan hman hmasak ber khan Condom tello in kan hmang tlat ani, kun zui tlawk tlawk in, ka tuhrah ka seng na ni tho mahse ka in phal thei.lo, min pui hram teh tiin a ṭap sai zui dat dat a..
.. Jimmy chuan room kawngka chu kik dat dat in, intur leh eitur nen a in pawmlut zui am am a. Sawmkima zawk chu NANCY pawi i tih loh chuan ṭhianpa hi ṭhu ve teh se, i buaina lam hi a experience viau ania alo ti hlauh mai zawng Jimmy lawm.lutuk chu a au chhuak lo chauh chu ani e. Sawmkima zawk chuan Nancy harsatna chu Nancy rentihna ngeiin Jimmy chu a hrilh leh dap dap a. Sawmkima beisei ang ngei chuan rei pawh an ṭhut ho hma chuan Nancy pawh nui tlawrh tlawrh in, Jimmy chu a chum taih taih leh tawh a englai hi nge maw a kheuh bik ṭhinni kar lo ah hian Hmeichhia hian an nel nghal em em zel tlat. Nancy ka dem miah lo che nia, Na deuh te hi nise sex hman zawh hian Unconscious te hian let nghal tawp zel ila chu kan hmang fo lo tur tia a chhunzawm leh kher chu Sawmkima chuan tenawm lutuk lo ti sup mahse Nancy nuih bawm hawlh keh leh tawh in, rei tak in kawm tawh ang mai chuan zanriah ei nghal rawh eirawngbawl hi ka ning teh ania naktuk ah ka hruai ang che hlauhtur engmah a awm lo kei pawh vawi 3 lai ka test tawh lawm ti liam puat puat in, Thanpuii kan call phei ve ange, Thanpuii chu maw hei kan Zaithiama bialpa hi ania a hlau teh ania tiin anui zui hawk hawk a. Nancy pawn i he lova aw ve maiin ka Nu kan call lawk ange, U Sawmkima te nen ka ti anga, Thla rawn lakpui rawh a ti chul mai ang a star teh mai nia tia a nuih sen sen lai chuan Jimmy pek chuan keiin ka star thung che lawm a lo ti leh hman hmawh tawhhhh..hepa zet hi chu aww..
.. Thanpuii leh Nancy ten rawng bawl zui mawlh mawlh in, an titi kal hmang ah an in kawm ngeih nghal hle tih a hriat theih der a. Zanriah an Pali a ei mawlh mawlh in, Jimmy ngawi vung vung chu rawn ṭawng chhuak leh nulh in, tiru a rual in in nei ang u hmiang a rawn ti ta pek a, Thanpuii chu ngawt ngawt a che, Nancy i duh ve ngawt ami tia zawhna lo siam zui zat in, Nancy chuan nui chung hian duh teuh lo, a Lerh hmel si lo ti zauh in an hlim ve dar dar kher mai. Nancy pawn a mamganna chu Thanpuii alo hrilh vek tawh bawk nen a tuk lam ah chuan Civil Hospital lam pan ho tura in thlah in Jimmy chuan ka thlah ang che tih leh thawh phat chu rual in a nuam ti lutuk chu Sawmkima chuan a nuih zui vur vur a.
... Civil Hospital lam pana an in zui hal hal chuan mi mit an la in Sawmkima tia phun sep sep leh thla lo laksak tawk lah bo lo, Mi lar kalpui hi ka hne ania tia fianthu thawh zui zel in, Nancy pawh an rawn koh ang chuan Vounsellor hma ah a ṭhu ta vang a. In rinhlelhna leh hlauhthawnna i neih i rawn kalpui vat hi a lawm awm hle mai, Lo positive ta thut la, i thisen test ngam silo a i awm reng khan i taksa khawl a chhe zel dawn a, in puih ngaihna a awm tawh ṭhin lo, mi tamtak in ringhlel in test ngam silo te, a tawpkhawk ah hriat chhuah in an awm ṭhin a, an nunna pawn a tuar phah fo ania, nang chu Nula chak ṭha tak i ni a, hlauhtur a awm lo ania tia Counsellor in a fuihna te chu bukpui nghat nghat in, Thisen an lak hnu chu Counsellor chuan ṭawngṭaina hman sak leh thlap in, Dar 1 ah result i rawn lam leh dawn nia chak tak khan awm.rawh aw tia in thlah in Nancy pawh a thaw huai a.
.. Ti ru Step kalthei ah kal ang u tia Jimmy rawtna ber kher chu nuihpui bawk bawk in, a va ho tak ti chung reng chuan an in zui zel bawk a. Jimmy kiang ah meuh chuan Nancy pawh a in ngaihtuah hah hman meuh lo chu ani e. An pali a in zui kual lo hmu tute lah chuan in hmeh an ti hlawm deuh nge ni dawn ni enzui an hlawh nasa in, Sawmkima erawh thlalak pui tu a hmu thei lutuk a ning hmel ner leh nung ṭhin chu Thanpuii chuan melh rawm rawm zel in, midang hmuh loh ah chuan an in hau leh ṭhin, a ho em alawm, nakin lawka an deleted leh mai mai tur tia Sawmkima chhanna chu Thanpuii pawn nuih pui tawp in, Restaurant lam ah chuan an in zui lut ta diak a. Restaurant lama thawk ho insik kual vel chuan an nuih tiza ru viau mahse an insum hram hram hlawm a, Jimmy pek chuan a vawikhum tuar ve fo ula chu khatin in ngaisang vel awm chai si lova a rawn ti kher pek a, Nancy Lasi lo hmuam chiah chu insum hman hek lo, in hmatawna ṭhu Jimmy hmai leh awm vel ah chuan a phuh ta, Jimmy ber chu anui ring ber ber ah ṭang in e khai, ka Nupui hual in Bawnghnute in min bual e tiin a au ang lung lung a. Restaurant a chawl ve dang te pawh nui ham ham in, An eina bill an han pe tur chu manager chuan in in nei tur ka lawmpui nan che u ka free ang che u, nuisanga alo tih tak ah chuan Jimmy chuan uaiiii.. a va lawmawm dawn ve.. Bulletin ami tur selfie ang a ti leh ta pek a, nuihama ham chunga Nancy kai chhuak kher in, Resturant piah lam ah erawh an in chum leh ta zawt zawt e..
... Result lama Nancy luh leh hlan chuan Sawmkima chuan Ṭhianpa i fiamthu mah mah ṭhin lo.maw lo Positive ta se engtin nge i tih ang a thutak kher mai. A lo positive ta anih chuan ka kalsan vang vang lo anga, ka nei tho ang min duh tak tak phawt chuan, Tinhrikna ka nei chuang hlei nem a ti sam et a. Sawmkima pawh harh chhuak zawk in, Hmangaihna tak tak chuan Tinhrik a nei ve lova, a zahpui ngai hek lo, tia bu nghat nghat in, Nancy result chu a delh na tlang deuh nge an ṭhu ngawi zui ṭhap a. Minute 20 a ral ta, kawngkhar rawn in hawng riai riai in, Nancy chu bianga mittui luang chunga rawn pen chhuak in, Jimmy chuan alo pan hnai thuai a. Jimmy awm ah chuan bei thlawp.in, Jimmy, Jimmy, ka Clear a ti tham ṭiak a..Thanpuii leh Sawmkima pawn hnaih nghal thuaiin, Jimmy lawm lutuk au ring mah mah chu, an kianga Sister rawn kal chuan Tlangau na hmun a ni lo aw a rawn ti fak leh nghal, Thanpuii leh Nancy in kuah chiala ṭap dun chu Jimmy chuan melh deuh run run in, Dinner ka shaw thei, khatin innsut hnam vei pawr reng suh u, lokal teh u, ṭahbelh dun lutuk tia kuah in an hlimna chuan van a tawng lo chauh chu ani e. Nancy chuan Counsellor nu fuihna chu sawi chhuak leh kher in, mi tam tak ineinghlel si, Test ngam lo te a vang hian kan ram ah a pun phah nasa tih te, Aizawl lam chauh nilo, Thingtlang lam ah pawh he natna kai si, in hre silo an tam zia thu a lo fah te chu sawi kaiin Sawmkima ngaihtuahna pawh a kai harh zawk a..A bu zui ta nghat nghat e.
.. Jimmy chu harh chhuak thut ang maia ding chawih in, Ṭhianpa khawmaw i chahbi ti khan lo ṭhu lawk ru tih leh tlan chhuah chu rual nghal in, Darkar Chanve hnu vel ah Camera nen in ak bawr fe maia rawn kir leh in, biak pawh biak theih lek loh chuan an Dinner ei na tur dawhkan awl pakhat ah chuan Paper dil in a bur nghal char char a. Ka zo ta, in ei puar ila, ka Ṭhianpa Restaurant cm Hotel.lam kan pan leh dawn nia, Music Video Shoot nghal ang, ka Luck dawn lutuk tia nui kur kurnin, a tu zawk hi nge ka 'D' hlui ni zawk dawn che u tiin Video kal hmang tur chu a sawi nghal zung zung a. Thanpuii chuan a hlui zawk kha Nancy hi ni mai rawh se tia nui sen sen in Nancy tan pawh hnial ngaibna awm ta hek lo..an in thunpuar hnu chuan an tum ram pan chuan an in khalh chhuak ta thuai a. Sawmkima te pahnih Bike khalh in zirtir an hmaa tlan te chu Jimmy chuan a va ṭullo.mai mai e aww.. a tih bai bai lai chuan Namcy chuan min zirtir ve la a lo ti then zui, nang pawh chu le tia nui huiin Ṭhianpa Bike sawn ka zirtir ang che, kan tih chhiat palh pawn ani chu siam leh na tur a ngah lutuk tiin a nui hawk hawk a.
... An tum ram an thleng chu beisei aiin mi an lo la tam tlat. Nghah hret chu a ngaih hmel hle mai minute 20 an la nei, B.day lawm nan an rawn book a lawm le, nangni pawn darkar hnih chiah hun in in nei ania, dar 9 ah book lawk an awm tiin Manager chuan alo be sawk sawk a. A ṭhat chu ti liam.puat in Rest room lam pan chuan an liam zui ta diak a. Duhtawka Nancy in Thanpuii an makeup ve zet zawng Sawmkima pawn a thlek uluk in a lung a dum ngei e. B. Day party a zawh rual rual a chet la ve nghal in, Videographer ni bawk Changtupa ber nih ngai bawk tur chu a dik thei lo Sawmkim zai pah in .Model ni vek mai rawh D hlui la nei lo.mahla nei ang tak khan awm ve la aw tiin chet an la ta zung zung a. Video mawl mang tak anga lang awlsam thei ang bera shoot in, an nui ho lai te nen lam la vek in, Jimmy englo thnenna lam tak ani bawk a, Sawmkima chuan a chhuah mawi leh hle dawn tih a man pha tlat.. Darkar hnih pawh tling lo ah shoot zo der in, an ṭhu chawl ta diai diai a.. Nancy chuan a thil vei chu rawn sawi chhuak in, awiii a mak ka ti e, Ka Bialpa ve khan ka Positive a rawn ti si, kei ka clear vek bawk si an ti sual anih te ka la ring rum rum a rawn tih tak hliai ah chuan Jimmy chuan mak vak em ni, nangmah lo a mutpui nual tihna ni mai lawm, i lo rinawm ve tlur awm sia, mahse a ṭha zawk ti khan a rinawm zawk chu a chiang ani mai lawm, mi rinawm tawp thang minla tawn phah zui a tih ham ham lai chuan Namcy chuan uiii ka awih thei lo, saw Michaela chu tiin Thanpuii phen ah chuan a biru zui thuai a..Party tura rawn pen lut zinga Nancy kawh ber kher in a rawn kuah luh chu tudang mah ni lovin, Nancy ngei ala ni zui, Nancy tia Thanpuii phun sep ri chuan Sawmkima pawh hawi tir zawk in, Nancy te pawn an rawn hmu ve ta chiah e. Michaela chuan Nancy chu rawn melh ding nalh in a rawn pan ding zui nalh bawk a. A ṭhian Mipa 4 lai chuan an rawn zui nghal ṭhawt in, Nancy khur der der chu Jimmy chuan a kuta hmer sak in, hlau reng reng suh i tan a tawp thleng in ka ding zel ang. Lo hawi teh tia kuai dak in Michaela te hmuh lai ngei.mai chuan Nancy hmui ah tak chuan a kiss zui siah a. Nancy pawh chhing sawk in Jimmy fawhna chu a chhang let zui hmiah bawk a. michaela rawn pen pawk pawk Jimmy te lam pan mek hma ah tak chuan Sawmkima chu a rawn ding zui chaih a. Enge ni ta ṭhianpa a ti thum zui chhak a. Mipa kei ka ni inti ve ve chu mit la tu zawk nih tum hauh lo hian an in melh tawn ta ngat ngat mai le..

MAFAKA KHIANGTE
. Induh tawk hnai tawh em kan ti tawp tawh mai dawn em ni..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:54 pm

MI IN THUP SAWMKIMA 8
.. Kei hi Ziaktu dangte ang in ka ti kur duam thiam ve lo ania, tin ka edit hman tawh lo bawk nen, lo chhiar edit zung zung mai ru aww..
.. Mafaka khiangte

Jimmy te lam pan mek hma ah tak chuan Sawmkima chu a rawn ding zui chaih a. Enge ni ta ṭhianpa a ti thum zui chhak a. Mipa kei ka ni inti ve ve chu mit la tu zawk nih tum hauh lo hian an in melh tawn ta ngat ngat mai le.. A pa te zawk mitmeng chu a tlan chhe deuh ta aniang, in ṭhiannu hi ka hmelhriat ania biak lawk ka duh mai ani e, hreh zet chuan a ti fan raih a. Sawmkima chuan a nih chuan be ta che nelawmna tel.miah lo hian a chhang bul hmuk a. He mihring hi a ten tlat tawh. A falin ka be lawk duh bung nghuta a tih lai chuan Ka Bialnu hi a hman hman hruai fal chi ani ve lo tlat, ti khan i sawi duh chu sawi mai ta che, Thuruk kan nei ve ngai lova, Jimmy aw chhuak chu a no lem lo hle. Michaela hmel chu rawn in thlak hlawk in, Ka Bialnu anih kha a rawn ti ve chhak a. Thanpuii zawk chu rawn ding phat in, Nancy tu bialnu nge i nih chu sawi ta che a rawn ti zui sak a. Nancy pawh in ti huai luiin i bialnu ka nih lai awm reng reng ka hrelo min hai ani lo maw tiin Michaela chu a melh zui sak a. Michaela chu ner sawk in, Nancy khati khan min vau ngam a maw, ka in kiss lai thlalak hi a darh rang khawp ang tiin a phone a beng zui thak thak a. Nancy hmel danglam zeuh rual chiah chuan Sawmkima chu rawn pen hnai salh in kal kiang tawh mai ta che u, in tello khan kan lo hlim.tawk viau ania tia a ṭawng a rawn thlah leh rual chiah chuan Michaela kut chu Sawmkima beisei loh lutuk chuan a thlawk chhuak tlat, Sawmkima Bek chu rino chawk in Sawmkima pawh a pen hnih lai a pen hnung dawrh thei tlat. Michaela Khabe kual ah tak chuan Jimmy kuttum chuan riah run rawn rem ve sak in, an buai zui chu ani der a.. Sawmkima chuan Jimmy chu pawt sawn dawrh in, Thisen chhuah loh tur Pakhat kha lo buaipui la a tawk tih leh inzo tih hriat taka zawl zau zawk lam pana tawlh harh harh in, Jimmy pawh Mahni inring tawk tak ani bawk a, a zam lo chiang kher e. Ṭhianpa Danmawia awm ve se aw nuam a tih dawn nen tih pah in a mah rawn bawh tu chu lo her sawn san zauh in a tukhum ah tak mai a lo nam zui pawp a, Chu Tlangval chuan Lei char Liluh tum ang maia hmai nawr tawna bawk phei rawk in, Jimmy chu a la nui zui kur kur pek a.. Sawmkima erwwh pahnih in bawhrawn an tum lai tak chuan thiam thil nei anih zia alo.lang tlat, hmalama zuang kang zawk in, a mah hnaih tu ber khabe ah tak mai chuan pet zui siah in, lei a thlen ruala vir zui leh pawp in, pakhat che lak ve tum bek ah tak mai chuan a ke artui chuan an hem leh pawp a, a mah a palian bawka a kutthlak pawh a na bawk aniang, tho leh tur an awm.lo tlat. Pakhat lam hawia a in her leh nghal in, Jimmy a kuttum in a lo deng leh chiah chu a va hmu leh hman chiah a. Jimmy a nam tlukpa lo tho leh chu rang lutuka zuan zui zawk in a a din mar hman hma chu a khup in chupa khabe ah chuan a do sak zui leh siah a. Che leh tur a awm tawh lo. Nancy leh Thanpuii chu an ṭe rual ṭhawt a, Sawmkima pawn thil thleng thei chhut nghal in a pawng bawh zui thlawp a. A tisual hauh lo, a chhip chu a thaw fua mai, Brick bunga Sawmkima tukhum chhut sak tum tu Michaela tukhum chu Jimmy kuttum chuan deng nghal siah in, a tlu tur pai lai tak hnung zang ah chuan an tlawh sak zui pawp bawk a, che leh tura awm ta bik lo. Sawmkima chuan Jimmy kekawr chu dap nghal in, A phone chu a phawrh sak zui hmak a. Pasaword alo dah khanglang chu niin ngawirenga ak hmak in, Sawmkima lam chu a hawiin kan man tir dawn em a ti thum zui chhar chhar a.. Sawmkima chuan man tir dawn Nancy tan an man a ṭul lo ti hmak in, a Patea chu a call zui hmak a. Jenny erawh hmuh tur alo awm tawh hauh lo. Thisen chhuah ngam sise han leu kual deuh ka chak nen tia Jimmy nuisang chu Nancy chuan pan hnaiin a va kuah zui thlawp a. Thanpuii pawn Sawmkima Bek Michaela hnek sak chu lo en chian sak mek in, Camera lah chu alo de ve sek leh nghal. Police lam pawh an rawn thleng rang teh e, thupe tu an lal deuh te pawh ani mahna.. Sawmkima ta pali pawn Police ho chu zui tura inbuatsaih nghal in, Sawmkima chuan an kianga ṭhalai ding heng huang te chu melh kual in, he party Throw tu hi tunge biak lawk ka va duh em tiin zawhna a pe ta thuai a, keimah ka ni e rawn ti nem hlai tu lam chu pan hnaiin, in Party boruak nuam tak tur kan tih chhiat sak che u a vang in ngaihdam ka dil e.. kha ka ngaihdam dilna aw tia Cheng Singkhat phawrha pe a hawi kual.leh te te in, khaw.gaih tak in kan thla in lak ho kha min deleted sak thei angem Ka Video thar tur kan lo shoot zo chiah a, thang mawi lo thei a tam dWn em mai tia zahawm taka an ngen kual leh zet zawng chulaia ṭhalai rual awm ho chuan an phone Phawrh sap sap in, an deleted zui ta sap sap a.. Jimmy chuam khai le, hlim tak khan Party rawh u le, mahse fimkhur ula aw.. Condom mawlh kha ti a an au zui lauh lauh chu nuih ham ham hlawm mahse hna a thawh ngei a rinawm tlat.. An Bike ve ve khalh in an hnung mawitu te pahnih pawn ṭhalai rual te mit an.la.kher e, awiii ka thik bawn let tawp tawp, min duh se chuan ka sual zawng zawng ka sim ang, a sawn pai pawh ka duh tia sawi zui sap sap tu kar ah chuan an Lal Melodya chuan awiii. ka Luhkhung tawp nanga rawn ti nem hlawiin, Nui sawng bawk.mahse Sawmkima'n a ṭhianpa kianga a sawi zauh Thisen chhuah suh a tih kha a thinlung ah riak tlat in, Michaela nen khan mipat, mipatna an hmang tawh tlat, eng pawh nise Pâr phawt ang tiin a lam lut zui hawh hawh a..
.. Michaela leh a ṭhiante ho duk cher chur chunga an ṭhu tlar ṭhap mai chu an hmel a uang tawh lo kher e.. Nang hian he hmeichhia hi thlalak hmang in I vau a maw. F.I.R. in theh lut dawn em tia Officer zawhna chu Sawmkima chuan in tiam kamna nei se kan ngaidam mai ange, a mah erawh chu thlalak a lo darh a, recover leh a nih chuan ngaihdamna a awm tawh lo ang. Keimahni lam ah chuan thlalak ber kha a awm tawh loh chuan a tawk mai e, kan kal thei mai em tiin zawhna a pe let khauh a. Officer chu kohrang zauh in, in lo zilh deuh dawn anih pawh in fimkhur ru aw..a mah ngei sawn ka Positive tiin kan ṭhiannu hi a rawn hrilh tlat ania tiin a kalhrang zui nalh a. An vaia Nancy thlah leh thlap in, Sawmkima pawh a Nu te an hawng ta bawk a, a ma in luah lam ah a in ak hawng ve leh ta hnak hnak a. An chhuah dawna Jimmy an Chaw bel bula ṭam chhawl reng zawng a peih tawh bik lo anih hi tia ṭawng a cheh zauh chu nuihpui hawk hawk in, Thanpuii chuan kal mai mai teh, ka sawi bâm leh vek tur ania tia a auh zui na chu an nuih pui bawk bawk a..
... Zan in ah Uplod hman ka duh min lo be buai hlek suh tia Jimmy Video siam buai nghal char char kiang ah chuan Sawmkima pawh a phone khawih ve ngial in, a nui ang suk suk a. Jimmy dak chhuak zawk in, enge i hriata khatia lawm loh a i nuih vur vur reng le tia Sawmkima Phone a va bihsak nak chuan huhhhh... TOM AND JERRY maw Tlangval phanchang en a tan chuan a va ho mai mai tak em tia nui huk huk in heh lem lo mahse an zuk ve leh zeuh ṭhin Sikret chu ṭan in Michaela te nen an in fight dan vel chu sawi kai dun in, Jimmy chuan kan in fight laia ka rilrua awm ber chu Tom Cruise ka ang riau khan ka hria tiin a nui ang hawk hawk a. Sawmkima'n a mutsan hnu chuan bur zui ngar ngar in, Zinglam Dar 3 ah chuan 'D' Hlui tih chu a upload fel thei ta, ṭhiante zar ah sum la lut leh ham ham mai ang u tia nui sun sun chung chuan ngaihṭha zet in a mu ve ta thuai a.
... Zingkhua a var meuh chuan Sawmkima hla thar chu a Hit leh hle e, Viewer pawh Darkar 4 lek ah 100k an kai nghal tlat. A upload tu te lah an la mutui nasa mai si, Nancy pawn uluk taka thlir vang vang in, hetiang em em hian ka hmelṭha tawp si lova tiin a nui ve var var a. Sawmkima a thawh chhuah ve meuh chuan Jimmy chu School kal tur in a lo in peih leh ut tawh a. Sawmkima chuan Ṭhianpa vawiin chu harsatna i neih lem loh chuan Chawhnu lam chawlh rawn la mai teh a, kal zawk duhna ka nei ania, mahni mai chuan ka zuam lo riau tiin a Putea nupui hlui chung chang chu a sawi zui mawlh mawlh a. Jimmy chuan a nih engtia buaipui nge i tuma tia zawhna a pek chu ka hre thiam chiah lo, a mah biak hmasak phawt ka duh, a in luahna veng chu ka hre tawh, Zodin Bridge bul mai ah khan Vaimim rawh in ei a zawng ve tih zawng ka hriat ani mai e, Sual in a thil tih kha tenawm viau mahse kum kha leh chen ka Pitei alo ni tawh a, a sual man chu a tuar tam tawk tawh in ka hria tiin a bu zui nghat nghat a. Jimmy hriat loh a a thil ruahman ruk chu a ṭha thaw khat tih hria in a nui ru suk suk a.
... Jimmya'n a chhuahsan hnu chuan insu suah suah in a Nu leh Pa te ngaihtuah kaiin ka nu chu a in chhir leh tawh mai mai ang chu aw, ka Farnu te ho a pun leh hle tawh tih lah ka hai der silo, vawiin chu la hrem mai mai teh ang tih vel ngaihtuah a a in suk suah suah lai chuan kawngkhar kik thawm a rawn awm teh tlat a. A in a chuangkai ṭhin zing ah kawngkhar han kik tur an awm pawh a hriat lem.loh a vang chuan a kut hru hul in a va chhâwn ta thuai a. A beisei loh lutuk tak maiin Lalmelodya leh a a ṭhianpa nge, ṭhiannu ni zawk dawn ni nuisanga a in a rawn pen lut te chu nuih let suk in, Insum ka ngai tiin a in fuih nghal a, a nih loh zawng in, hmuhsit vang ni miah lo in, a nuih a za leh em em dawn tih a hre chiang em atin ni. Ṭhutna te kawh hmuh sawk sawk in, Tui in tur te chu a chhawp sak zung zung a, Melodya lo zawk, chuan awii i insu law a va in thla hrun awm ve tih leh a kawr ban hlim zui sawt sawt in Sawmkima insuk lai chu engmah sawi lo chuan dan hman pawh ni eih lo hian a chhunzawm nghal bawrh bawrh a. Melodya lah chuan khawi i suk hmasak kha kalo tleuh ang tiin chet alo la bawk Sawmkima tih ngaihna hrelo lah chu a phar vak vak ringawt a. An ni pahnih lah an nitin zantin talna hmun ang maia tlangnel nghal in, awiiii milar thawmhnaw kan su tiin an nui ang uar uar a.
.. A ngailo ti eng ang mahse tih ngaihna awm hek lo, an ni ṭhiandun lah chuan an hnehsawh nasa mai si, kar lo ah insu zo der in an pho zui vei thlap leh nghal, Sawmkima pawn Thinhpui te lo lum sak ve in, an in kawm zui ta bawrh bawrh a. Melodya te ṭhiandun pawn Sawmkima zawhna chu chhang in an pan chhan diktak an sawi tlang ta râwng a. Melodya zawk chuan enteh midang hriata sawi chi ni miah lo mahse Gay kan nia, kan nun hi kan duh vang reng a, hetianga awm pawh hi kan ni vek bik lo ania, sawi tur abthui dawn lutuk khalam kha chu duhtawk ta ila, ih maw Michaela kha a Positive anih ka ring tlat, i ṭhianpa kiang ah khan Thisen chhuah suh kha i ti chiang ani. Michaela nen khan vawitam kan mu dun tawh, CONDOM kan hmang ngai miah lo leh nghal, a ni pawh hi ani tho tiin Julya zawk chu a melh pah zoh a. Julya pawh chu lo bu ve nghat nghat in, engmah kan sawi chhuak lo ang alo ti ve vat a. Sawmkima erwwh ngawi zui vang vang in, a tan Thang ani thei tih a hriat chian em a vang in, aaa.. Tunlai chhan ah fimkhur tluk a awm loh vang mai mai ania, mahse ka duhdan chuan In Thisen hi Test ula ka duh khawp mai, in ringhlel ru chunga Thisen test si lova awm kha a ṭha lo tak zet zet, in Positive kher lo mai thei a sin thil hi hriat chian tluk a awm ngai lo. Anpui kawp tih te hi a tam ta khawp mai.. Khawvel hi chen tur chu ani nameuh mai, mahse kan chen mek khawvel hian min chen let ve meuh chuan a mangang zawk chu kan ni fo ania, Ka in sawitheih vang ni miah lo in, Tlangval Virgin ngat ka la ni a nia aw.. Nupui ka neih hma chu Sex hman hi ka tum lo tawl. Chutih rual chuan hmang lo thei lo a, in awm anih pawh in Condom tal hi hmang hram hram ula a ṭha khawp mai. Nangmahni chauh khan in tuar dawn lova, mi tamtak nangmahni a vang in an Positive thei a sin, ka hmusit reng reng lo che u a, mahse fimkhur thar tur in ka duh che u ani. In duh phei chuan keimah ngei pawn Thisen Test tur chuan ka hruai peih reng che u nia, Positive tenkan hmuh dan pawh hi a dik lo tih thlenga sawi duah in, a bu zui nghat nghat a. Melodya te ṭhian dun erawh rin ai taka dawngsawng thiam in, a tuk lama an in test tir tur thu chuannan in thlah ta thuai a. Jimmy rawn thleng ve chiah nen in chibai nawk nawk in, Melodya chuan awiii lal Judy i star pa kha anih hi tiin an nui zui ham ham a..
... Melodya te an haw hnu chuan Sawmkima chu ṭhu vang vang in, M SACS lam te chu call in, Gay chung chang te chu a zawt zui zung zung a, Gay ho tana Positive na sanzia a hriat phei chuan nghilh deuh dup a in hria in, kan khawvel hi a va chhe tawh tak em. Tunnah pawh hian mahni in rinhlelh na chang hre miah lo, Positive reng si hi an tam tawh dawn lutuk, heti em a, Sex a hluar ta mai hi engtia hmalak chi nge ni ang le.. a nihna tak ah chuan kan In ṭheh mai mai lo choh tawh chu anih ber hi maw.. i Test ve ta em tiin Jimmy chu a melh leh vut a, aw.. lalfimkhur i thu ang in Thlatin ka test tia Jimmy chhanna a vanga nui suk in, kan innsiam ange tiin Room lam a pan ta vut a..
.. Pi THANGLIANI pawh a hma chiaha rawn dingte pahnih a vanga kun chal chunga a vaimim rawh lai chu ṭul hlei lo a, chawk kual kual in, Sawmkima zawhna chu chhang in,ka ṭha ani mai e a ti sep a.. Sawmkima chuan Pite in dah fel lawk teh hruai lawk na tur kan che nei, tikhan kalsan tawp mai teh tiin a nawr zui ta thuai a. Pi Thangliani chuan Taite ka sual man chu ka hmu tam tawk tawh viau asin, enge ka chung ah hian tih leh i tum tiin a meng hnuai raih a. Hremna pek chu tum ni ila, ka pe daih tawh ang che. Lokal phawt teh tiin Jimmy Car hunna lam chu a pan pui ta thuai a. Zarkawt lama tlan pheiin, Zarkawt Traffic Point bul a ṭanga Bazar pui panna Step ah chuan kai thla in, Dawr lian lutuk lem lo, Cosmetic chikim awmna tih lo in tar zawn ah chuan dinpuiin Pite hawng rawh le tiin Chahbi chu a lek kang thuai a, Pi Thangliani a ngaihna hrelo zeta a hawi hâ hâ lai chuan Jimmy zawk chu rawn harh chhuak in Chahbi chu pawt thla in, a hawng zui ta thuai a.. Dawr luah man hi Thla thum ka pe lawk tawh a, heng bungrua i hralhna te hi dah ṭha zel la, Bungraw lak leh nan i hmang dawn nia, tin, thil engkim hresa he dawra thawk ngar ngar i chhawr zui tur a rawn kal mek bawk a, a ni pawh Kumin chhung a hlawh tur Ka pe lawk vek tawh e. Kha kha i dawr i ta, i hming liau liau ani e. Nun kawng dik lo lam erwwh zawh tawh lo hram ang che i tana ka tih ve theih tawk ani e. Ka Pitei kha i ni miau mai si a, tia Sawmkima nui var var chu Pi Thangliani chuan kuah thlawp in, ka Naute sawi leh tur pawh hrelo chuan a ṭap sai ngar ngar a. Pi Thangliani chu harh chhuak thut ang maia in la hrang thut in, a pwwita ang a, a ti zui vang vang a, Sawmkima leh Jimmy chu an hawi hai teh e. Enge Pite an ti rual ṭhawt reng a. Pi Thangliani chuan Taite HIV POSITIVE ka nia sin, silo tur che ka ni asin tiin a dang zui sawp sawp a. Sawmkima leh jimmy nui dun hawk hawk in, Jimmy han hrilh fiah teh tiin Sawmkima chu chhuak nulh in Phone a hmang zui mawlh mawlh a. Dawr dang vel ami ho lah chuan ann kawk ang zeuh zeuh hlwwm a, A ni, a ni lo, ti vela lo in hnial in, Sawmkima a nuih tak hak hak ah zawng Pakhat chuan a chiang ta ngang a niang, rawn pan nalh in, Sawmkima i ni em a rawn ti tawng a. Ka hming chu ania lawm tia lo chhang in a lo nuih sang a. Awiii a nung chung in ka hmu che tia au chiam in, lokal teh u Kalo Khilai ve reng reng ang che u, kha dawr kha in lei ami tiin chu Nu, la Valai tak chuan a be zui bawrh bawrh a.a pawh a a pawh tak dawr dawr ah zawng Jimmy chu au in Restaurant changkang pangngai tak ah chuan an in zui lut ta thuai a.
.. A nih Pite kan kalsan ang che u aw.. Feli i kut ah engkim a awm ala ngaih kha, Pite i Fanu ang in i en dawn nia, a hmelchhe nanga a fel teh ania tia Feli a fiamna chu Feli chuan per deuh at at chunga chhiat khum vak in, i chhe feee tiin a rawn au zui lang lang a. Jimmy chuan tunge in va in ngam ve tia zawhna a pek chu ka hmei anih kha ti liam puat in a in luah bul mai ani tih a sawitel duh ṭhak lo. Ve khanglang a che, hmeichhia i hlauh zia ka chiang tia phul bul bul chung chuan Motor dahna lam pan in a kal zui nul nul.a...
... Hun leh ni a liam det a, Zoram pawh in thlanpui lo thleng tur hmuak in Party workers ho an phe leh ta suau suau e. Party Manifesto in neih ṭhat siak leh tawh in, Ram leh hnam aia mahni Dul hmangaih tu ten hmai thinghawng vuah in, hapui tawp tawp lang in an nui leh ta. Party Office tin te pawh a lun leh ṭan tawh hle e. " Krista leh kan Ram tan' an ti leh tawhhhhh.. Zoram dinhmun erwwh chhiat lam a pan zel ta maw tih mai tur hian Mi rethei leh Hausa kar a hla ta tual tual a, Mi hausa ten Mi retheinte chanai an laksak hreh miah lohna hmun ah tlu lut in, Pathian thu lah kawr ah an hmang thiam si.. ṭawgkam thiam na hmamga ram lak tuma phe kual.leh ṭan tawh in, Mi dik Pathian ṭih tute chhiatna lai an sawi chhuak leh ṭan ta, Party Leader ten an khabe an sep leh ta tak tak e. Ram vei tu tak tak te lu a hai, engtin nge ni ang Lalpa tia kun tlawk tlawk in, an chhanna hmuh ang ngeiin Candidate tur in an rawn zuang chhuak ve ṭan ta e. Sawmkima pawn Campaign na lama Zai tura sawmna a dawng ta nual.mai, Jimmy nen chuan ngun taka thlir dun ṭhin in, thutlukna erwwh an la siam lo tluang zel a.. Ti teh a hmasa ber in Pi Hlupuii i va rawn chhin teh ang, chet chhuah ngei hi ka duh ka thil vei sawi chhuahna rem chang tak ani dawn bawk nen tiin an in khalh chhuak ta thuai a. A pa in Palai tirh a rawn sawi pawh uksak hman niin a la hre meuh lo, kum han thar te te sa tiin a chhang liam puat kha ani a. Pi Hlupuii te kawt an thleng chu motor lo ding van mai an hmuh chuan in melh zauh in an nui dun suk a.. Pa buai em em Pu Hruaia, Sawnkima Puta Bolero ngei ani tlat alawm, Sawmkima pen chhuak ngawt chu Jimmy chuan pawt ding chaih in, Bihthla ang a ti leh ta pek e.
.. Helam tukverh hi a hniam tiin Jimmy chuan Sawnkima chu apwt zui dawr dawr a. Tukverh hniam lai nen lam a lo hre leh tawhhh.. Fimkhur tawpa kun phei dun dan dan in, Tukverh zawn a an han ding chiah chu an nui tawi tak mai, a eng chu in hria ni maw tia a Putea lo biak na a vanga lai zeta Sawmkima ding tlawn zuah chu Jimmy pek chuan khawnge khuai bu chu a rawn ti ta mai, insum zo tawh hek lo nui uar uar chuanga tlan chhia in, Pi Hlupuii aw ngei maiin enge a a rawn tih phei chuan tlan chhe chak zual sawt in, Jimmy motor hma bawh chung chuan an nui dun hawk hawk a. Thanpuii aw ngei maiin enge a khatia patling ṭhankin rual zet tawh pahnih in lo nuih chiam chiam a, tia a rawn biakna pawh chhang thei an awm lo, a za ani ringawt, he pa hiiii.. motor chum dawt dawt a, Sawmkima nui chu Thanpuii leh Nancy te rawn in zui hawng ve chiah chuan nuih leh chhawng in, chuti em em a, Sawmkima nui nasa chu Jimmy pawh hian ala hmu ngai lo, awii ka nu ka hah lutuk tia ṭhu sawp nuaih in, emgmah an la sawi hlei thei lo chu ani e, An nuihza zual a reh deuh hnu chuan Jimmy zawk chuan nui ṭhaw ṭhaw chunga sawi chhuak in, Nancy chuan awiii hemi te pahmih mawl zia hi tia Jimmy chu beng taih taih in, an han mitthla leh ṭhin a za ani tawp.mai. Tiru lut ang u tia Thanpuii sawmna ang a, in chhung lam an pan te chu an nuih ala za ru bawk nen an Lai ti tih deuh bawk, a Putea hmuh pawh an chak lo zo vek chu ani e.
... Pu Hruaia nui deuh put put reng chu Pi Hlupuii ber chuan hrethiam ve hek lo, min nuih te an ti leh ngawt ṭhin a. Sawmkima phei chu a ṭawng ngam thlawt lo,a ṭawng dawn a piang a nui phuh dawn zel in, Thanpuii chuan a sik leh hlawk ṭhin a. An nuihza zual a reh hnu chuan an kal chhan ah chuan an lut ta nge nge e. Pi Hlupuii leh Pu Hruaia te nen ngun taka ngaihtuah ho in, Party thar ding ṭan mek, tan a ke pen chu ti tlu in, Sawmkima hla sak tur awm ang chi te chu an thlang zui ta mawlh mawlh a. Thanpuii leh Nancy erawh Choka lam ah in thiar fihlim daih in, Pu Hruaia pawn Tak a, Sawma i Pa pawh kha Candidate tur in an rawn sawm ve tak asjn, mahse ka kum a tam deuh tawh em mai, Ṭhalai zawk te kalo kian ange tiin a lo chhang ta anih kha, a tih mek lai chuan anih Pute nang hei i rawn Campaign tihna em ni tia Jimmy zawhna lo pek chhan ngaina hre lova Pu Hruai hawihai leh Pi Hlupuii lai thar vel chu nuih in,,,eh ehhhh.. a tar a lam ah an han lai thar vel ah, tenawm dun lutuk hian a, in hnap te kha ti tawlh thar leh ula, Ka tleirawl thinlung nei rawh tih hla kha sa sek ula ani mai lawm.. tia Jimmy nuam ti hawi vel chu Pu Hruaia te pahnih chuan an ngei si, an nuih a za ve tho si nen, Pi Hlupuii chu tho tharh in Bazar ah chuan i va kal lawk teh ang tiin a kal nui var var a. Sawmkima leh Jimmy te pawh in dip hauh lo a, mahni chauh te nen ve ve ṭhu hrang nalh in, an in kutzungpui sual zui ta mawlh mawlh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:54 pm

..... Hawrawp dik lo leh ziah sual a awm nual mai thei, hun ka nei chep ṭhin em a, in hriat thiamna ka dil e.

Sawmkima pawn Candidate zinga zui tlak bera an ngaih pui leh an duhpui Pu LALNUNMAWIA chu thlang chhuak in, an in be fel zui ta thuai a, Jimmy kal chak ve kal hman ve bawk si lo chu an nuih an nuih hlawm a.. Sawmkima pawn a vawikhat nan Politics lam hawia fe chhuak ve tura rilru a siam fel na a ni ta bawk nen a inbuatsaihna nasa ve khawp mai. Thanpuii lah chuan alo phurpui thiam nasa bawk nen a zin chhuah hma zan chuan Thanpuii te in lam ah in khalh phei vut vut in, Jimmy erawh, Nancy Zunzam in a phuar na deuh nge ni dawn ni a liam leh tak vuah vuah kha. Pi Hlupuii pawn lo fuih mawlh mawlh in, nang chu Campaigner i ni ve lo a, i ṭawngkam leh nun fimkhur hle ang che, tin i thil vei em em sawi chhuahna rem chang a awm ngei ang, miten an en bik dawn che tih hria la, mi duhsakna zawng zawng che ban ngawt suh la, Mi hausa leh pamham te thangkam ah awk lo tur in fimkhur ang che. Zu leh Sa leh Mipat hmeichhiatna kawng ah chuan ka ngaihtuah hauh lo che. Chutih rual chuan tunlai ṭhangthar te hian an duhzawng an hmuh nan chuan engmah tih hre an nei hauh lo tih hria a, zuamawm in awm ngai suh ang che. Tihdam aiin Inven a ṭha an tih kha... Thanpuii erawh a lo ner ru leh tawh, a Ni chu a Sermon tui leh dawn tih a chiang em atin ni. A phone phawrh zal zal in, Pu Hruaia chu a txt zui zauh a. Rei a riallo, Pi Hlupuii ṭawng kallai chu a phone ri chuan ti tawp chaih in a Phone Screen a rawn lang hming chu hup in e heee..kalo theih nghilh daih a tih leh Room lama kal chu rual in a room chu chhunglam ah a la kalh hmak zui. Sawmkima'n Thanpuii a va melh lai tak chuan lo melh let ve chiah in, Thirhipthei Chhuak thar ang maia in hip tawn ruak ruak ang maia in pawm zui chawt in, an in melh hnai tulh tulh a, an in melh chhing ta riai riai a.. Chhing ve ve chunga thu tam tak in fah tawn mawlh mawlh in, an lei hmang chuan an in be chhun zawm mawlh mawlh pek a, an lo tui deuh nge ni dawn ni.. huhhhh tih thawm a rawn chhuak tlat, rang zeta in thlah in, Jimmy pek chuan a ve ngei che u chuan ti a, Jimmy nui sung mai hmai chu Nghenchhan dup chuan deng nghal siah in, Jimmy nuih a za tual tual leh nghal, Sawmkima ṭhu tum hmun mai te chuan a nuih tiza zual in, thawk leh khat ah a nui kallai chu tawp chaih in, Sawmkiman zawh a tum mek chu a rawn sawi chhuak zui zat a.
.. A hmui tuai zauh paha nui suk in, Nancy te in ka thleng kha Rimtu pathum alo nei ve a, ka va ngaihsak lem.lo, Nancy pa nen kan in kawm daih nghe nghe, mahse Nancy khan midang awm lai lai khan i rawn keng lo mi Duat a rawn ti pek a, Duat tih tak kha chu a tihpalh ve tho anih hmel a Pa a melh zak zak dan ah leh a lei it awm zet a chhuah zoh dan ah khan ka hai lo.. A lei it awm.. em em a che, lo ti hluk tu Sawmkima chu melh in, enge a Lei nen lam hian ka it a sin, a va fresh tak aw.. I Thanpuii ang bei bui hi ani ve lo aw an tih zawm leh daih a. Khanglang a che, ka Duati mal mum nalh zia hi i hmuh ve ka phal loh vang alawm, i hmuh theih tura a chawn tak ngial pawh tihlan tir ka phal loh, sawi zawm teh a ti ta thuai a.. Ni tak, Ni tak, a Father khan min la zilh ti tih zui mahse midang haw hnu kha ania, kan ring tawk che u a, Pathian huatzawng ang in nung lo hram ang che u min han ti dap dap chu e, An mut hnu a, Sekrek khawih neuh neuh pawh inthlahrun awm duh asin, ka Chî hut ṭhut ut mai lawm.le, ummm Thupui ah lut ang aw an ti hluai pek a, Duat mi tih palh pawilo zet hnu khan a in leng te khan nuam an ti ta vak lo nge ni dawn ni an haw ta daih a, kei pawh ka ṭhu rei viau tawh lo, ka rawn haw tur kha, ka Motor bul ah min lo chang pek a, eng mah pawh ka sawi hma in pakhat khan min rawn hnek ngawt alawm le, Pathum lai an ni bawk nen in daih loh kha a na dawn em mai a, rang taka phe thut in, ka motor ka lo Lock lo kha ka vanneih pui ta ani ber e. Chemte tal pai rawh mi tih ṭhin ka zawm kha ka ti fuh khawp mai, Lalfimkhura ni awm reng hi ilo ni, i fimkhur zar ah Chemte chu ban nghal in, rawn hnai ber dul nem ah tak mai khan kan vih tlum thawih, Thanpuii lo in hup chawih chawih chu melh in, ka tum lai tak khan an tlan chhe ta pek a lawm.le, tlanchhe lo se chuan ka tai thler nual ang mawle a la ti zui ham ham zui. Ka Vit tlum i ti dawn maw tia a hrim hrim in an hmel.i la hrethei em tia Sawmkima zawhna chu Thanpuii chuan naupang ang mai, an tlan chhiat tawh chuan a tawk tia lo hrawk in, Jimmy chuan an han tlan chhia kan au zui vel kha chuhhh... Tom Cruise ka ang riau in ka hria sin, Thingpui va lum teh, in awm dun hi ka kham in Kiss vak vak ringawt mai, kha i hmui te pawh a fawp chhah vek tawh a lawm, a aw a ring leng lung si nen, Thanpuii chuan awle2 Boss ka lum nghal ti sawk sawk in an nui tlang zui ham ham a.
.. Chance in lo ngah tawh tho chance ka pe vel peih tawh lo che u nia, tiin a Sikret a pak zui ham ham a. Thanpui, Sawma zintur i phal mai hi mak ka ti, i la hre chiang lo ani bul a ṭan leh ta. Ka veng hneh em mai a, a Lerh san ngam lo mai mai che anih hi aw, a mah in an tla fal anga, Kolasib Tlangdung an la fang dawn zui, chhelo deuh deuh an tam bawk si, lo ngai reng mahrawh a rawn be khat raih mai ang che tiin a la nui duh ṭhak lo leh nghal. Sawmkima lo in rawlh tum chu ṭawng khalh zung zung in, kei chu ni ila ka kal ve khawp ang a tih mek lai chuan Thanpuii chu nui san san in, lal Jimmy ka Bialpa hi maw, ka ring tawk a sin, nang ang in sawi kur ve duah lo mahse ka ring tawk em.. ka rin tawk ang chiah hian a awm bawk ṭhin, kha ti zawng kha chuan min chawk buai pha lo ang, min phatsat dawn lo ang bawk hian kei pawh hian ka phatsan dawn lo, ka duat chiang em tia Jimmy hmuh lai ngei a an Kiss kher zawng Jimmy uak der vel thawm chu a ṭha teh e. An in zut der kual vel chu ka ten lutuk, Thanpui ti khan ti vel lo teh a Buzawl awmna pwwh a hre ve tawp lo ang, a tawk a tawk tia Sawmkima chuan lo khap in, Jimmy kam a kal leh dawn tlat, zahmawh a sawi lak lawh chuan tawp chin a nei lo ṭhin tih ahre chiang tawh tlat. In mangṭha zui in Pi Hlupuii erawh a la tawm rih tlat..
... Sawmkima pawh insiam vak ngai nei hek lo le, a Pa chu be leh te te in, a Putea leh Pi Hluouii chung chang te chu sawipuiin an Pafa chuan an in be tui phian a. Pu Rochhunga pawh a thupui ngai ah lut leh tawh in, Taia kum han thar se Palai tirh chu a ṭha ka ti. kum 30 i tling mai dawn, i Fate pawm lova min liamtir mai chuan a dik dawn hauh lo tiin a Fapa chu a rawn nawr leh ta, kan duhtawk mai dawn em ni an tih lai chuan Taia chu ka lo be ve tia a Nu aw a hriat chu nuihpui suk in khawi kalo be ve ange, kan hmeichhia i chu an ti kher pek a. A nu in Taia i zin dawn em ni fimkhur rawh aw.. Palai chu engtik maw kan tirh dawn tia a rawn tlawn na a vanga nui huk huk in, hei ka ruak lo a ti tlat mai an ti zauh pek a, Loud Speaker ah a Pa'n alo dah chu niin Taia tak tak em ni tia a Pa rawn in rawlh a aw a Phurna lo lang chu nuihpui hak hak in, ka Pa i fapa hi i lak a ka thutiam ah khan ka ding nghet e, ka Nu tihder tum lai lai a i lo awih zawk ṭhin ni min lo ṭawngṭaipui ula tia in thlah in a Lukham chu a brush zui ta hmak.a.
... Hma vek vawk ah Sawmkima pawh tho chhuak in, ka thlah liam ang che tia a in a riak ve nghal Jimmy erawh ala hnar vir hle thung, Kolasib lama tlan liam nghal in, Chawhma dar 11 ah Kolasib Diakkawn Hall ah hun an hmang anga, chawhnu lam ah Hospital veng ah, tiang chuan an Programe chhawng deuh duat in, Pu Nunmawia lah pa kawm nuam zet, Zirna kawng a, a ma Line a tawp zirthleng, Ram hmangaihna a vanga Sawrkar hna pawh hnawl ngam kha ani ve tlat, a ṭhian ṭha te pawn nangmah maiin ram i siam ṭha lo ang tia ṭawngel na pawh tawng mawlh mawlh mahse ka tum nge ruh, Saruh, kei lo mi ṭha tam tak an awm.. Party Leader ka ni a, a Lu a ṭang hian ka siam ṭha thei em em ang tia ṭan khawh ve tlat anih na hian Sawmkima pawh a hneh ber zawk a, tun ah pawh engmah hlawh nei lova zui chat pawh ani ve tlat. En thuak phei chuan Pafa ni awm an ni tlat pek a, kawng ah lah Politics lam an la sawi ri ṭhak lo. Toni da Ralte thawnthu ziah D' Rose ngaithla in an la tuipui em em zui leh nghal a.
... Beisei ai taka mipui an rawn pun khawm ṭhat dan ah Pu Nunmawia chuan boruak a nei te dawn hauh lo tih a lang tlat. A hma a ṭang tawh reng a, Sawmkima tel ve tur thu hre lawk an nih na chuan Ṭhalai a ko ṭha bawk nen Hall mawi tawk vel lek a tira awm kha Hunserh an hman zawh meuh chuan Ṭhalai rual rawn lut ṭuk ṭuk in, Hall chu a te lam mah ani tawh tlat. Sawmkima pawh an sawm anga ding chhuak in, Pu Nunmawia ai mah in thawm a nei na rih zawng ani e. Ka zai ṭan hma in thutawi te sawi ka duh a, ti a bul ṭan in, a vei len em em HIV chung chang ah bawk a pakai leh ta, Khawpui in ni a, kan in lak khawpui nana ka duh loh em em chu Sex hi ani. Party Workers duhawm tak tak te u, in Aizawl rawn kal Bill la hlim te hian Call Girl in kawp ṭhin em, chutiang mite avang chuan in lam a lo nghak reng tu in Nupui te tihsual nei ve miah lo ten he natna hi an lo kai ṭhin a sin, hethu hi ka rin thu a sawi ka nilo, Karnkhat zet Zan lama ka Ṭhianpa Taxi ka khalh chhawk ngat a, a tak ngeiin ka hmu asin, Tun ah hian Pa tam tak leh Nu tam tak te u, hlauhthawnna in nei anih chuan a tlai hma in in checkup tur in ka duh che u ani. Ka ṭhatlai pui te u, kei hian Virgin ngata nupui neih ka tum a sin, duh ni ila, an rawn hnai ve, an rawn dawrh ve lo choh chang a awm ve e..mahse kei chu Pathian hnen ah ka in tiam tawh. Tin, insum thei ngang lo in awm anih pawn ka dem lo che u, Sex hi zawng Thisena thawk hi ani tlat pek a, haw haw thawm ana teh e.. a tawp ber ah chuan i insum thei ngang lo anih pawh in Condom hman hreh suh. Nula te u, Pawng dawh ngawt zel suh u, Hmelṭha taka thlan khura zawi zawia luhna ani asin, vanglai ngaia in kur mai loh nan leh inchhir in ban a chen mai loh nan ka chah ve duh che u ani. Tin, ka rawn zui Pu Nunmawia hi kan ram enkawl tur hian ka ring tawk khawp.mai, ka sawi duah lo mai ang, eng hla nge ni ang tiin an kuk zui raih a... a ma zai pawh hriat mang loh khawpa, "MIN PHU BIK LO" tih hla ngei.mai an hit zet zawng chibai ṭhami pawh a dawng tam teh e..
... Pu Nunmawia pawh rawn ding zui ve nghal in, kha kan Zaithiam Sawmkima khan mi rawn fak viau tak nang a, mi chhuanawm leh fakawm ka ni lem lo ania tia bul ṭan in, kei hi thu tiam ve zut zut chi ka nilo, hei erwwh ka tiam ang che u,ka beisei ang dinhmun a kan kai anih chuan he District tan chauh nilo, Zoram tan ka bei ang, ka nunna hial pawn tuar dawn se, ka tawlh lo ang, ka dik loh na leh Eiruk thil in lo hmu anih ngai chuan ka hmai ah ngei hian Chil in chhak dawn nia tia a thu an khar mai zawng, chumi khami chu ka tih sak ang che u, ti a in tiam kur dem dum te ai in hna a thawk na zawk in a lang tlat..
... Kolasib District Chhung khaw hrang hrang te fan nan ni thum zet an hman hnu chuan Diakkawn YMA in Sum tuak nana Concert tura ngen tak te a an ngenna a vang chuan Sawmkima pawn aw a pawh ve ta nge nge a. Jimmy call vat in, Jimmy pawh Sawmkima'n a call ṭannga Darkar 2 a liam awrh chauh tih ah chuan Jimmy pawh Kolasib ah a awm ve vang tawh. Rei tak in hmu tawh lo ang maia in kuah thuak thuak in, Concert an neihna tur hmun lam pan chuan an in zui chhuak ta thuai a. Community Hall tho kha ani bawk a, mahse Uluk zawka lo chei ṭha in an phur tlan hmel viau bawk. Sawmkima te pawn chhuak leh chiah chuan an beisei phak loh thil an tawng ta tlat. Inrin hman pawh anilo, Nula sambuang Sâp Sâwn ni awm tak hian rawn kuah thut in Sawmkima hmui ah tak chuan a la Kiss zui leh nghal, Sawmkima chuan nam per dawrh in, kut a thlak teuh kher e. Jimmy hawikual chu phun hluk in, thang a ang tlat, Videoa lo cover tu a awm tia umzui mai chu a tum nghal a, Sawmkima chuan lo dang thuaiin i um pha hman tawh chuang lo ang, Thanpuii kha bia la, nangmah khan hrilhfiah lawk hmasa rawh, Video an up har lo tawp ang.. Luck lutuk nih hi ka hne tlat ṭhin tia a nuizui sang chu Jimmy chuan nasa zeta ner khum pah a Thanpuii biak chu a rual nghal a. A nih ka dah e, sawi nawn leh rawh tia Jimmy ṭawng lam chu hawiin A phone Loud Speaker full volume ah ngei chuan Thanpuii chu rawn ṭawng hnip thaih in, Nupui hual min neih thu a sawi lan loh chuan ka lungawi mai mai lo ang ilo hrilh dawn nia tiin a phone a off hmak zui, Jimmy nui sung chu melh deuh kur in, a har lo eee.. ka sawi chak zawng tak, nang ang in midang melh kual zut zut chi ka ni lo hi ka va lawm.tak em, ka Thanpuii hian min ring tawk, kei lah hi zahpui awm khawp hian kalo rinawm bawk si, ti teh hei Pu Nnmawia khan ka lak duh loh tawh hnu ka room ah alo dah si a, i in hnawh puar liah mai teh ang tiin an in kuah chhuak zui ta thuai a..
... Restaurant an awm lai ngei ngei chuan Nancy pawn rawn call nghal chat in, Video kha a rawn ti zui zat a. Jimmy pawh an in biak zawh meuh chuan a thutak ve hmel ra deuh, kan mantir dawn nge kan ngawi tlang dawn, kei ka ngaihdan chuan nangmah haw tu thil tih niiin ka hre tlat nia tiin a ngawi zui vang vang a. Sawmkima chu ngawi dat in, Ṭhianpa Video kha siam ve zawk la, Deleted tur in vau phawt mai teh i sawi ang khan min haw tute thil tih anih hmel a, mahse tunge ka hmelma chu ni ta ang, ka bo ani, hmelma lian tak ka neih awm ka hre hauh lo tiin a chal a beng thak thak a..
... Jimmy chuan Video Up ve kher angai lo a darh vek tawh tho tho chu ai chuan tiang khawpa i chhiatna duhtu leh tih hming chhiat tumtu che hi hriat chhuah w ṭul zawk, Khang mite chung ah khan awm an awm ngei ngei ang, Phone chu kheuh kual zung zung in, ti kha ni mai lawm tia hawi chhuah pah chuan tui tih hmel zet in eitur chu a ei zui mawlh mawlh a . Kha video tawite khan awmzia a neilo nge a nei lutuk zawk Concert na tur Ticket reng a zo hma mai. A vawikhat Concert na ani bawk nen Sawmkima pawn nuam a tiin, a ṭawng thuhma Nupui nei ṭep a nih thu leh Ṭhalai te a fuihna chuan awmzia anei ngei ang le..
... Concert hlawhtling tak zawng ani e, YMA hruai tute pawh an lawm ve ngang a niang, an hapui tawp lang lang in an khi ṭhaw reng mai.Eng ang in nge kan insiam rem dawn le tia an zui ham ham a. Nui duh map lo hian jimmy chu ding chhuak in, kan kal phung ah hian Hmun thuma ṭhena hmun hnih hi kan lak ṭhin dan chu ania a ṭha mai lo mi an ti khuk khuk a. YMA lam tan tih theih awm tawh hek lo, a ṭha lawm ban zeta tiin an Sum chu an han siam rem zung zung a. Jimmy kuta hlan paha lawmthu an sawi zawh hnu chuan Jimmy chu la ding reng in, kan president kha lo ding lawk teh se, a ngaihna hrelo zeta Jimmy melh chunga President ding chhuak hmel chu a nuih zat thlak lek lek zawk. Sawmkima nuihza in sum hmel chu a khawngaihthlak lek lek tawh zawk a. Hmun thuma ṭhena hmun hnih kan lak ṭhin dan anih rual rual in, kan tih ṭhin dan dang leh ah chuan kan pe vek mai ṭhin a, tia an nui hui mai zawng YMA President ber chu mak ti leh a ngaihna hriat loh hmel zeta lo hawi kual in, Jimmy pawisa pek let chu a melh vak vak ringawt a. Sawmkima chuan Pu Kung ti khan la vek rawh ka ṭhiana kha a uang mai mai anih kha, YMA member kan ni a, kan tih ve theih tawk anih kha, hei erawh ka ngen duh che u, he thil hi put chhuak lo se ka duh, in tih hming ṭhat leh thang ṭhat lak tum ang maia, mahni thil ṭha tih puanzar vel hi ka duhdan ani ve lo. Pathian khawngaihna zar ah kan ei tur te zawng kan nei ve reng ania, hei ṭhianpa Kamding ka nei a, ka hman sak hiau hiau zel mai mawle, tia nui var var in, a ni em em lo, hei tal hi tia pek let an tum na zawng zawng hnar vek in, An President lawm lutuk phei chu sawi tur hre bawk silo, a ṭawng hmang thiam lo chi alo ni bawk nen Sawmkima te ṭhian dun chu a chibai sek ringawt a..Zan pawh riak lovin a hla tham lo bawk a kan let leh nghal mai ang tia in thlah in, Aizawl lam.pan tur chuan Jimmy car ah an chuang lut ta thuai a..
... Tluangtea tlan zel in, Nancy chu i be ta em tia Sawmkima zawhna chu, chhang in aw be ta e, A Zirlai zawh a duh thu kha a chhuanlam deuh nang a, a ṭang zo talo anih kha, nang i be fel tawh ami tih vel sawia titi zui bawrh bawrh in, Kawnpui ah, Jimmy Pitei Nu hmelṭha zet Pi Madiki thingpui lum sak te in kawi leh zuaiin zan a rei tawh deuh nang a, Aizawl lam.pan tur chuan an in khalh liam leh ta thuai a. Seat belt te kha hreng ve teh ka tlan chak deuh duh ania tia Jimmy ṭawng thlah chu nuih suk in, Kawnpui Bus Accident na an tih hmun chu melh zuk in, an lainat awm tak zet zet tia Sawmkima ṭawng thlah lam hawia Jimmy hawi ve zeuh hmel chu rawn dang lam zawk in, Ṭhianpa ka motor brake hi a awm tlat lo, i Seat belt kha tiin a stearing chu a vai kual zui pawp pawp a.. Sawmkima zawk chuan Ṭhianpa buai suh, hlauthawng miah suh, khulai Ko min thar lam ber khu su tawp rawh, in vuan nghet la tia Leimin thar deuh a kawh lai tak chuan Motor tlan chak tawh lutuk kawi zawr zawr chuan kopang hrut tawk in, Jimmya'n a Stearing a vaikir leh hma chuan Vanduai thlak tak in kawngtlang lam ah an liam hman ta tlat, kosang tak ni lem.lo mahse an Speed a sang tawh em mai a, a thlawh a, thlawk liam vawk in, Sawmkima chuan ṭhianpa inlet la, i Seat kha nghet tak in kuah rawh tia a au tuarh rual chuan motor chu ri zui bur in,Jimmya Win seal keh a ṭanga a tla chhuak tur chu Sawmkima chuan thei leh thei lo hian nazeta pawt kir hrawk in, an thing sut a vanga ri bur chu a hriat hnuhnun ber ani ta.
... Sawmkima phih let naa vanga a motor hnung lama lut phei tawk Jimmy pawh an motor in Thing a sut rual chiaha a motor chung tauh dawt in a nghawng ri tuarh chu a hriat hnuhnun ber a ni ta. Ṭhian dun in kawm ngeih em em thu chhia hra engkim in hlan tawn ṭhin te chu Thisen nena in chiah piah nuaih chunga motor sawi tawm ten tum chhunga engmah hreloa, mu zawi reng chung hian engchin nge an daih ang. Zankhua a hetianga an awm anih ngat zawng in, an nunna hian a tuar ngei ang le..
... Thanpuii muhil lai chu a.mang lamah Jimmy ruang a lo hmuh chian em a vang leh chu ruang mittui tla zawih zawih a a en laia chiang zeta rawn meng a vanga au zui tuarh tuarh in, a ṭhu chhuak zui hlawl a. Pi Hlupuii pawh Thanpuii room ah tlan lut nghal rawk in, Bawihi, Bawihi enge ni ta tia Light on chu rual nghal in, Thanpuii pawn a Ni chu lo kuah let thlawp in chhuak em em maia ṭap in a in sut zui hlawp hlawp a.. Bawihte mumang ṭhalo i mang em ni engmah hlauhtur a awm.lo ania ti sep sep chunga Thanpuii hnungzang te chu ben sak thak thak pah a, ṭhuthmun rem ve pah chuan a eng fakau nge Baiihi khatia Nula a pumpa ṭahtir vak mai che le tia a Ni zawhna chu ka Ni ihhh ka mumangah kha Jimmy kha Thisen la kai hnuang chung hian an lo zalh a, chutia ka en reng lai chuan a rawn meng thut a lawm, puih ngai awm tak hian min rawn en bawk, ka ngaih a ṭha miah lo, Sana en nghal pah chuan an lo thlen a hun daih tawh tinge min rawn call miah loh le , kan call chhin teh ang Kut khur der der chunga a phone la kang in Sawmkima No chu a Dial zui zat a.
... A phone ri a vanga harh zawk Sawmkima chu in thing zui na na in, a kekawr chu harsa ti zet chuan a zen zui hram hram a. A lak hma in a tawp leh hman tlat..a Lu na tluk tluk leh a bek vel lum pap pap chhan chu a hre chiang khawp.. Jimmy phone a rik leh mek lai chuan a harb chiang tulh tulh bawk a. Jimmy, a ṭawng chhuak mai thei tlat lo..a aw thian te te in a chil neih ang ang lem hram hram chung a, Jimmy a tih leh chuan a ri chhuak ta hram. Jimmy Phone rikna lam chu a tha neih sawm khawm hawi hram hram in, a thim hneh bawk nen, Fiah lo zet hian Jimmy Bungbu kut chu a hmu thei hram a. A ṭhianpa chu a che miah lo, hlauhthawnna chuan tuam nghal hlup hlup in, a ma na lam pawh a ngaihsak thei tawh lo, Jimmy, Jimmy Zoliansang harh rawh, harh rawh tiin a vin zui tuarh tuarh a. A ma phone a rik leh tak ah chuan a phawrh chhuak sa tawh bawk a a pikup zui ta thuai a. Thamchala Thanpuii chu chhang in an Accident dan Tlangpui leh ngaihtuahawm an nih loh thu chu a sawi zui mawlh mawlh a. An in biak zawh ruala chet an la zeuh chu a pawita, an motor chu che leh hrut in muangchanga tawlh ruai ruai in a in let zui leh thawk thawk a. Vawi 5 vel a in leh thawk thawk hnu chuan ri zui bur in, Sawmkima pawn a tha tawpa a vawn tlat, Motor Stearing a va ban tlat chu la hum ṭang ṭang in, a mit zui deuh sulh sulh a. A hma a a ngaihṭhat loh ruk na chu a dik ngei em tih fiah nan a ke chu tih chet a tum zui thuai a. A ke lam chuan Na a hrelo ni a a hriat kha a dik tlat. Nâ a hrelo mai ani lo, a che thei lo tel tlat.. An Motor lo dang tu Thing awn deuh salh a hriat ruala harh zawk in ka thei tur ani, tih leh Vah chhuah tuma ṭan khawh nghal in Thlan leh Thisen bawl ṭuam ṭuam kar ah a kut chiah a hmang thei bawk si. Zan thim hnuai a ni hi leh lam ah chuan an vannei mah zawk.. Feet 10 chauh pawh an tawlh leh anih ngat chuan Kham ah an liam tawh ngei ang. Harsa zeta vak chhuak in, Chau thei kanilo Thidang thei ka nilo, a kut hmanga vak kual zel chung chuan Jimmy Motor chhunga a la tang tlat lam pan chuan a vak kual zui leh mawp mawp a a thlang lam a ṭanga lak chhuak tum chi anilo motor hi a che leh ṭan tlat a kawng na tur ut ut pawh ngaihsak hman ani lo. Ṭhen sawk sawk chung a vak kual in, Sawmkima tan tlatna kawngkhar hnunglam chu a pawt ri zui hrawk hrawk a..Motor a tawlh ṭan mek lai chuan Jimmy Ke rek tawn tawn ah chuan a vuan ve hman chiah a hnuk chhuak hman ta tlat lo...
... MAFAKA KHIANGTE.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 4th, 2020, 2:55 pm

MI IN THUP SAWMKIMA SEASON 1 LAST

Ṭhen sawk sawk chung a vak kual in, Sawmkima tan tlatna kawngkhar hnunglam chu a pawt ri zui hrawk hrawk a..Motor a tawlh ṭan mek lai chuan Jimmy Ke rek tawn tawn ah chuan a vuan ve hman chiah a hnuk chhuak hman ta tlat lo... Motor lo la dang der der tu Thing tuai chu tliak rawp in Motor pawh a tawlh nghal zawt reng a. Sawmkima lah a ke a ṭang thei der silo, Jimmy ke rek tawn tawn aa vawnna erwwh thlah a tum lo bur thung, ṭhianpa Thi rual law law ang aw tia nuisuk in Jimmy a liampui mek tu Motor chuan Jimmy a a vawnna thlah duh miau hek lo a hnuk tel zel lo thei talo, an tawlhna zawn chu alo awih zual thut nge ri zawt in, Sawmkima pawh ko awih deuh vet laia Thingtuai awm chu a kapkalak ṭhawt a. Motor a leh rual chiah chuan Jimmy taksa chu mak tak maiin a pawt dawk zui zawk a. Jimmy lah a taksa en chuan a dam tawh lo tih a lang thei ruak bawk si. Jimmy a phih chhuah nawlh chu pan hnai thuaiin Jimmy hmaia ben sak in a ko zui tuarh tuarh a. Mahse chhangtu reng a awm tlat lo. Lungngaihna leh Beidawnna, Rilru natna ten rawn tuam nghal hlup hlup in, a pa fuihna thu chuan a rawn deng zui dawt dawt a. Mipa an beidawng mai mai tur anilo. Kan thih hma chu beidawnna hi inhneh tir loh tur rum nghat in, Jimmy Mâr chu a zawng zui that that a.
Lawm em em a, au chhuak in, a thi lo a thi lo tih leh a ma na pawh hre chang lova a kawnghren pawt dawk nghal in, ṭhianpa nang tal chu i dam tur ani, i dam dawn tia phun mawlh mawlh in, a kawng hren leh Jimmy kawnghren chu pawt dawka suihzawm hmakin, Jimmy zak zawn ah chuan harsa ti zet in a vet ta hram e. ka thei tur ani tia a kawr phelh in, a kawng ah chuan a suih lawk a, kawnghren nena suih zawm atum chu a tlin tlat lo. Jimmy kawr chu hlih sak leh pawp in, a ke che thei silo chu thinrim tak in a beng zui pawp a. A mah lah chu Thisen in a bual vek tawh bawk si. i dam angai ṭhianpa chhungkaw in nghahna awm chhun i nih kha aw.. vawn tur remchang melh in, Jimmy chu kawnga vah chhuah pui ngei tum chuan a hnuk ta, a ke a ṭang thei bawk silo a thisen hloh tam tawh em a vang chuan a mit leh sulh sulh ṭhin a, a kawng na lutuk lah chu a bung dawn a maw tih tur ani bawk si nen, a beidawng ve lek lek chu ani e. A tha zawng zawng sawm khawma a vah pui ngial hnu pawn Feet 10 awrh choh a lavahpui thei bawk si.. hah luat vanga thaw hlawp hlawp in, ka duh aiin i palian ve tlat tia nuisuk chunga vahpui leh hram hram in, Ft 5 awm vel a vahpui leh hnu chuan a in ham tanna leh a rinchhan hnim chu phawng hlawk in, a ke lam ṭang tur awm talo chu a vir thla zui nawk a. An vah chhoh bul ṭanna kiang lawk ah tla dun leh rawk in,an Lu a la in tauh bur zui, Sawmkim, Jimmy tia au vo vo thawm chu Sawmkima chuan Nuihpui suk in, a beiseina bengchhe ri mai tih hria in, Ṭhianpa min ngaidam hram dawn nia, a sawj zo hman ta bik lo, a mit zui sulh a.
... Pu Hruaia mutawh Pi Hlupuii call na a vanga harh hlawl chuan a call list chu check zung zung in, a ṭhianpa Kawnpui lama Hnathawka awm chu a call zui ta rawih a. Pu Malsawma pawn hma lo la nghal in, Kawnpui Chhimveng YMA information a ṭang ngei chuan Sawmkima te accident thu chu an au pui ta, Jimmy Pite Madiki leh a fapa Bena pawh tho nghal zawk in, hlauhthawnna in nasa taka a man anu chu Bena chuan kai chhuak in, Motor accident na lam nia an sawi lam pan chuan an ṭhenawm pa ho chuan an tlan chhuak zui vawk vawk a. Sawmkima zaithiam kha, Mi inthup sawmkima Mask Man an tih ṭhin kha, ṭhenkhat lah chuan Lar hi an va zo lo hlawm tak, an rui lutuk aniang chu lo ti tawk lah bo lo. Tapchhak zawla lo inti fing pawl leh ngaihdan ropui lo zet zet lo.paw chhuak a, mi te chhiat tawh laia an hliam lo kheuh pilh zual duh pawl hi zawng Ui pum khat ei zo tawk hi an awm reng chu ani e. Thil anihna hre hawt si lova rinthu hmanga tlangau hlawh neilo kan tam lutuk hi zawng Mizo te tan hian sim a va hun tawh tak em..
... Pu Malsawma leh YMA hruai tu zual a hmun thleng hmasa te chuan an tlan liam na lai chu hmu thiam vat in, YMA president Pu Mahuma chuan ummm beiseina ka nei an liamna lai hi Thing tamna hmun ani a, Kham awih chhe lo lai ber ani tlat, ti ru i liam thuai teh ang chhan tlak an la awmmai thei ania tiin mawngzang tak hian a liam thla zui thuai a. A nawlpui an thlen meuh chuan Sawmkima te pahnih lo in delh rual mai chu Pu Malsawma leh Pu Mahuma te ho pawn an pal chhuak ta. Pu Mahuma chuan engrim mah an nam eih lo. Kolasib lam a, an Concert haw ani awm e, an President khan min rawn call a, zial chu an zu ve mai thei, mahse Ruihhlo lak ah chuan an fihlim ang a ti reng ani.. Pu Malsawma zawk chuan e khai en teh u, A ṭhianpa hi kalsan duh lo in, kawng rawn chhuahpui a tum ani ngat mai, e khai, a vah pui ani ngat mai.. Jimmy phone zawk a kekawr iptea la awm chu a ri zui chiah a. Mut ṭha phawt ang, zawn chhuah an ngai dawn tlat, an telo dun em mai Hello tiin Pu Mahuma chuan Jimmy phone chu a pikup zui thuai a.. E.. Mami hlauthawng lutuk suh, hei an ngaihtuahawm tawh lo e, kawng ah kan la chhuak dawn mek e, an mahni pawh hei an rawn harh mek ania, Kolasib damdawiin lam a ṭang in Ambulance pawh a rawn tlan mek tawh a, fimkhur tak khan rawn tlan rawh u, A Pu tur ka nia rawn ngaihtuah miah suh u tia dam taka ṭawng a thlah dup dup thei chu Pu Malsawma chuan a ngaisang kher e. Harsa taka Darkar dawn an beih hnu chuan Kawngpui chu chhuahpui hram in, Pi Madiki rawn thleng ṭap hawm hawm chu Pu Mahuma bawk chuan lo thlamuan thuaiin ka vahpa asin, engmah ruih hlo an ti lo, nichin lawk khan kan in an chhuahsana hlim tak in kan in vai liam asin, mitthi ṭah taka a ṭah hawm hawm lai chuan Bena chuan a rawn kuah sawn ta thuai a..
... Ambulance a lo thleng e, kawng lo kian ru tia au loh loh thawm chuan Sawmkima zawk bawk chu kai harh leh zawk in, a mah lo hnaih tu ber ke rek ah chuan a man sak zui chaih a. Chu pa lah chu nasa em em maia phu in ala rakvak zui bawk, in nuihna chi ni chiah silo, Sawmkima chuan a mah rawn hnaihvat tu, pa la Valai tak chu melh in, ka Pu ka ṭhianpa kha khawnge, ka chhuahpui thei talo em ni, a nunna kha ka nunna aiin a pawimawh zawk ania, ti ṭawk ṭawk.in a zawi zui leh hnawk a. Pu Mahuma chuan Sawmkima banrek chu hmer sak chaih in, a mar hi a zawi sawt riau mai hman hmawh angai, Tu mah mah hi an thi tur ani lo. Ring leng lawnga au chhuak in, hemi te ṭhianduh in hmangaih tak te dam leh na hian ṭawngṭaina hmang rawh u, in rilru khan Pathian au rawh u, hetiang em a, tun khawvela ṭhiandun in hmangaih ka la tawng ngai lo. Thisen pek an ngai ngei ang, lo inringvek ula, khai le hlang ang aw tiin Sawmkima zawk chu an zawn zui nawlh a.
.. Sawmkima harh ruai ruai a thil hriat na la chiang lo zet in a man fuh hmasak ber chu Pu Mahuma'n Sawmkima zawk hi chu a mar a ṭha khawp mai, a ṭhianpa zawk hi a ngaihtuahawm mah zawk tlat, chhan hman an ni em ang chu maw a tih thawm chu ani tlat. A rilru te te chuan a nilo, Jimmy kha thi thei ani lo chhan rawh u tia au chhuah tuma in sang phek kual in, a rum chhuak zui hawk a. Sawmkim i harh em, i ṭha ania aw tia Pu Mahuma leh Pu Malsawma ten an lo thlamuan mawlh mawlh na chu harsa ti taka nuihpui suk in, ka ṭhianpa kha tiin Jimmy a kianga engmah hrelo a an mut chu a thlek zui ṭawk ṭawk a..
... In thin harh tum teh viau mahse rei erawh a tlin ta bik lo. Kolasib Civil Hospital kawt ah lah Mipui an lo pungkhawm nasa tawh in, Sawmkima te Accident thu chuan zoram khawvel a fan hneh kher e. Police lam pawh Jimmy Patea zar ah rang taka lo in peih thlap in, Chim buai loh leh ṭangkaina nei lo te pawn lo en liam mai mai na chang hria a, Hospital lut nghal in, Inzaina room lam ah an nawr lut dun nghal ṭhawih a.
... Pi Hlupuii leh Thanpuii pawh Nancy Pa ho a rawn tlan thleng chhawm ve nghal maiin, Pi Hlupuii leh Nancy Pa ten YMA hruaitu lam te an pan nghal chat a. Pu Malsawma leh Pu Mahuma mai bak ah Kolasib YMA president Pu ENKAWLA te pawn lo chiau au vat pah a, hruai lut vat in, an Video a ṭanga an lo hmel hriat tawh Thanpuii leh Nancy erawh thla lo laksak tu an ngah lam mah mah chu ani e.
.. Darkar 3 zet an khawih tawh, rawn nawr chhuah tik a awm silo, Mipui lam ṭin an tum lo nge, Hospital tual chu an mawi ṭhup hlawm a. Darkar 5 a liam meuh zawng in, Sawmkima zawk chu Alu leh Taksa dang Tuam bur chungin an rawn nawr chhuak ta hram e. Cabin lam ah nawr tlang nghal in, Doctor chuan Pu Mahuma te ho zawhna chu chhang in, ngaihtuahawm ani lo e, Thisen erawh kan pe nual tawh a, Ṭhalai an tam bawk a, Rulh let mai a ṭha intih pawn a theih reng a nia, mahse tia zawi zawk a ṭawng thlah leh zauh in, Ke chuan a kal leh tawh lo mai thei, ka hriat dan chuan a Spinal Cord a sawhchhia niin ka hre tlat. A ṭhianpa zawk erawh na dang a nei tam vak lo, a Lu a toh na a vang in Thisen a tling deuh a, a ring ruh a tliah loh na chu chhe tak anih hmel, a harh chhuak ve mai ang ti a nuilui sak in, Sawmkima Patea, lo thleng chiah lam chu a hawi nghal vut a.
.. Sawmkima Nu leh Pa rual a, Jimmy Nu pawh Helicopter hmanga rawn thleng chhawm ve nghal in, Pu Hruaia erawh mamawhna a tam ang tiin Motor nen a rawn tlan thung kha ani a, Zan rei lama tlan nghal ani bawk a, a rawn thleng har bik vak lo tawp ang. Jimmy pawh a nghawng cher bum chung leh a Lu tuambur chunga rawn nawr chhuak ve tawh in, a hmel hmuh a hahdam thlak ta viau e. Mipui Pungkhawm te hma ah Pu Enkawla pawh ding chhuak a, Thil awmzia sawi dap dap in, Social media lam a, Tlangau hlawh neilo te hriat ah ti deuh kher in, kan Zaithiam te ṭhiandun taksa ah hian eng ruihhlo mah hmuh ani lova, an Motor lah a hma a sawiselna awm map lo kha anih avang in, Misual te thil tih ani em tih kan Sawrkar lam in an chhui ngei dawn e, Sawmkima te ṭhiandun tan hian Pathian i au mawlh mawlh ang u. Mipui lam an ṭin sup sup hnu lawka Pu Hruaia alo thlen ve meuh chuan Pi Hlupuii te pathum zawng an insum zo ta ngang lo, Pu Hruaia chu kuah thlawp in, Chhuak em em mai chuan an ṭap zui hlawp hlawp a.
... Dar kar a liam leh meuh chuan Sawmkima leh Jimmy pawh pangngai taka harh chhuak tawh in, an harh hlima an sawi chhuah hmasak ber ve ve chu enge a an a ṭha em tih ani ve ve te chuan an in hmangaih zia a ti chiang in, Ṭhian ṭha hlutna a pholang chiang teh e.. lal Melodya te ṭhian ho rawn lut zawn zawn chu Sawmkima chuan lo nuih sang in, lal Melodya chuan awiii.. hmelchhepa ka ṭah nasat zia hi i hria em tia ben thawr ala rual zui bawk nen an vai nuih ta ham ham a... lal melodya te ho erawh rei awmsak an phal ve talo, thawm an dim thiam mawlh silo bawk nen Security mawng alo kawm sak hman bawk nen an nui thawm a ri ham ham reng a.
... Ka Nu lo hnai teh khatin in dawmkun reng mah ta che, i hmela i thil thup kha ka hmu thiam asin, ka ke hi a che thei lova, ka in sawh chhia tih hi a hmun ah khannka hre daih tawh alawm, nangman ani lawmni, kan ṭhatna tur in Pathian in engkim a rel ṭhin i tih kha lo hnai teh Nu chaklo tak ang khan awm suh, E khai Ka Pa nang pawh chu min ti na mai dawn a lawm le, Khawvel mi thiam te tih theih loh leh a kawng an hmuh zawh tawh loh kawnga ding ṭhin Pathian nung kan nei a lawm.le.. lungngai reng reng suh.. A mah chu nuilui sang chunga a hnemtu zawka ṭangkual in, Thanpuii leh a Ni rawn lut mek a hmuh meuh chuan insum har a ti ve hle mai. Thanpuii chu hui hnaiin, Kal thei lo, Zeng mai ka ni ta, a ho hle mai, kan in neih hman teuh teh lul nen, i vannei zawk e, kan lo innei hman lo hloh chu, Kum khua a, Zeng bula khawsa tur chuan ka phal hauh lo che ania, nui rawh le, tia Thanpuii a kuahna ban chu Thanpuii chuan paihthla sawk in, kha ṭawngkam kha vawikhat mah ka hriat ah sawi tawh ngai suh.. Midang an awm ve lam a ngaih tuah tawh lo.. Ka hmangaih chu he taksa hi ani. Natna hrik leh harsatna mai mai in a nawh reh leh tur hmangaihna ka hlan lo che tih leh in her hmak chu rual in, a tlan chhuak zui dawr dawr a. Sawmkima nu leh Pi Hlupuii chuan rang taka um nghal in, Pu Hruaia pawn Sawmkima chu zilh hlak in i rilru tur awm ka hria mahse sawi hun anilo ania, rilru baihvai leh hlauthawng reng reng a, a awm lai ania, baknah khatiang ṭawngkam kha mi chaklo te ṭawngkam anih kha mihring hian dam kan tum tlat tur ani. kan rilru hian thui tak min kaihruai ṭhin ania tia fuih dap dap in, Pu Rochhunga erawh a ngaihtuahna a kal thui in Police lam thu chu a ngai chang reng thung a. A fapa thah sak hreh hauh lo tu hi hriat chhuah a duh tlat.
.. Ni 5 chhung zet Hospital lama an awm tawh hnu chuan Aizawl lam an panpui ngam tawh ang tia Doctor ten phalna an pek tak ah chuan Aizawl lam pan tura insiam map map in, Pi Hlupuii ber in, kan in lam ah awm rih rawh se, in hrang a ṭanga in buaipui zawng ven ngai a tam. A tih tlat a vang chuan Pu Rochhunga chu inthlahrung teh mahse Pi Hlupuii in lam ah an in vawmlut ta rawih a. Sawmkima nu erawh ka la cham ve ang ti deuh tlat in, Palai kal an sawi ṭan dek dek laia, hetiang dinhmuna ding leh ta zawk an nih mek lai pawn Thanpuii erawh a rilru chuan Sawmkima Nupui ah riak in dah hmak in, Sawmkima zunram thiar zawng zawng pawh Lungtenna nei miah lo hian a khawih hmiah hmiah thei mai zel te chuan Sawmkima Nu phei chu a ti ṭap ru tam tawh in, Thanpuii chu ngaihdam a dil leh ngawt ṭhin a..
... Hun leh ni a liam det a, Jimmy phei chu School lam.pawh kal leh thei tawh khawp a, dam ṭha ani chho ve leh ta mai a, Nupui neih lam pawh a ngaihtuah ngam ta bik meuh lo. Sawmkima pawn a khum bawh a, Thanpuii muhil sek sek chu thlek vang vang in, mipa meuh pawh a biang ah mittui a luang ta, vawitam a ke chu tih chet tum a bei ṭhin in, awmzia a awm thei silo. A beidawng ve ta takzet zet ani e. A rilru siam fel hmak tawh chunga a Pa chu Massage thawn zauh in, Lunglei lama hruainhawng tur chuan a ngen ta tawp a. Pu Rochhunga pawn a fapa rilruntur awm chu man thiam chiang ah a in ngai bawk a, Sawmkima hruai hawng tur chuan an in buatsaih zuinta zung zung a.
... Sawmkima an khaw lama a hawng tur zet chuan Thanpuii chu a ti na in, tih theih a nei silo, ui bet thei ani bawk lo nen Ui tak chung a in vai liam in, Thanpui ka dam leh ve leh Palai ka rawn tir dawn a lawm tia Sawmkima nui lui hmel a, Lungngaihna in phum hmu tlang phalo tur khawp a, mi mawl ani bik tlat silo. Sawmkima te lan theih chhung chu insum ngar ngar chunga A Ni banrek chu hmer ngar ngar chunga a nuih luih sang na chu Sawmkima te an liam meuh chuan baw chhuak hawk in a Ni awm ah chuan a bei zui thlawp a, Ka Ni Sawmkima khan min neih a tum lo, min nei duh lo tia insut hlawp hlawp chung a, ṭah hla chham zuiin, Pi Hlupuii pawn in chhung lam ah a kai lut ta thuai a..
... Kawngtluana vawikhat mah ṭawng lo Sawmkima chu a chhungte pawn melh leh zawk ṭhin bak chu tih buai an tum lo tawp rih a. A nu mangang hawi hai emnem chu A Pa zawk chuan hnem in nghak hret ang tih bak sawi tur anei bik lo. Ni a liam a, Ni 5 laia liam hnu ah pawh Sawmkima chu a la ṭawng chhuak tlat lo. Ngawi renga hla ngai thlak mawp mawp bak engmah hna a nei lo.. Nikhat chu Mafaka Khiangte Hla phuah tawite mai chuan na em em maiin a vaw ta tlat. Ngaithla nawn leh ṭhin in, a in pet ruh zui fan fan a.

"Tuar bik chan bik ah in ngai in
Thlei bik nun keng in i ngai maw
Dam chhan nei lo beidawng in maw
Dak chhuak la chunglam hawi lul rawh
Dam chhan i nei bei dawng suh aw Beidawng suh..
... Chu thu chuan vaw harh zawk in beidawng thei ka nilo, Lalpa min ngaidam rawh kalo dem rei em mai che tia ṭap zawih zawih a, in hlan chunga a Nu au tuarh tuarh in, A fapa aw rei tak a hriat tawh lo in a kohna ri zawng a pawh ana bawk aniang an vaia tlan khawm nghal in, Pathian hnen ah Lawmthu an sawi zui ta mawlh mawlh a. Jimmy motor pawh an lo khawih ngei e, Brake Oil Pipe chu khawih ani tih chiang taka hmu chhuak in an chhui zui ta zar zar a... a khawih tu tunge ni ta ang, kha chen tluang taka tlan tawh khalai ber khera Brake Oil pipe chhe ta thut mai leh Jimmy sawidan phei chuan ka herh kawi leh tur Stearing kha herh ve tlat tu an awm hian ka hre hial a tih chuan ngaihtuahna a ti thui kher e.
... Sawmkima chung chang chu Pi Hlupuii hnen ah Pu Hruaia pawm hrilh vat in, Pi Hlupuii chhanna erawh Palai rawn tir rawh u, ka Vahnu hi chan ka duh lo tih zawng ani daih. Vawitam a vahnu hi fuih ve bawk mahse Thanpuii hian min nei duh lo anih chuan dam chhan ka nei lo tiin a Ni hi a chhang hmak hmak zel a. A damṭhat lai a, Sawmkima choh kha ni lo in, a bawrhsawm lai bera pawha Sawmkima a lawm ka hmangaih a ti hmak zel bawk nen kawng a awm ta ngang lo. Pu Rochhunga te chhungkua pawn an han sawi ho ngial ṭhin tak nang a, Sawmkima ber in a neih tlak ka nih tawh loh hi tia a chhan hmak hmak na chuan a ti beidawng bawk si.. Sawmkima rilru leh ngaihdan Pu Hruaia'n a hrilh, Thanpuii kianga A Ni in a hrilh tak rawih ah zawng Thanpuii chu nui var var chunga tho chhuak in, ka neih tlak a, ka ngaih leh ngaih loh chu a hmu khawp ang, in siam chu a rual nghal ta hmiah mai a, Pi Hlupuii pawn nui san san chunga a Vahnu chu kuah in, khawvel a, ka neih chhun ka chhuang lutuk che, Jimmy kan call ange tiin Thanpuii dar ah chuan a bensak thak thak a.
... Jimmy pawh rang taka rawn tlan thleng nghal in, Nancy pawh rei nghah angai lo. Pi Hlupuii ho ngei maia thawk chhuak ngat a, Lunglei lam pana tlan zui par par in, Thanpuii hmel lo eng ta sawt leh a tum ruh hmel em em chu Pi Hlupuii chuan thlek nawn leh ṭhin in, a Vahnu chu a va chhuang tak em..
... Sawmkima pawh Whellchair hmanga a duh duh na a, kal kual thei tawh in, Tlai nem anih a, a tih ṭhin dan ngai a, Beidawng suh tih hla sa a, an in sir lama Rihnim buk hlim hnuaia a Guiter kuah a, a zai vaangvang lai chuan an in kawta Motor thar zet mai in hung lam chuan a mit a la ta deuh nge a zailai chawl meuh a, thlek ha ha in, Jimmy rawn pen chhuak nuisang chu huiin mi vannei pa, tia hui pah chuan a nui zui hawk hawk a. Motor hnunglam kawngkhar rawn in hawnga rawn pen chhuak a hmuh a vanga meng zim zui deuh san chung chuan a va cher ve a ti thum dat a.. Nangmah vang anih saw, a mu ngai lova, engmah tham thil a ei ngai hlei nem, nangma lam choh kha in ngaihtuah mah ta che, en teh ka duati saw chu maw, a Mal mum vawngtaih te sawn ka pawi a sawi lo teh asin tiin a la nuisang zui.
.. Tlawm leh zah pawh sawi thei lo a, Thanpuii'n a rawn kuah thlawp na chu Sawmkima pawn lo kuah let vat in, Thanpuii hnung ah chuan a ben sak thak thak a. Rei mawi tawk an in kuah hnu chuan Pu Hruaia rawtna ang in in chhung lam an pan ta thuai a. Khawimaw ka nawr thiam dawn che em tia Thanpuii nui ar ar chu Sawmkima pawn khik pui suk in, an in nawr sawi ta nawk nawk a, va zei lo tak tia Jimmy nui huk huk chu Thanpuii chuan rum zeta melh in, Zei zawng a in angvek lo a ti ve khanglang pek a, an vai nuih ta ham ham a.
... Pi Hlupuii te pawh zankhat riak in, a tuk zing chawei kham lama Aizawl pan tura an in buatsaih mek lai chuan Thanpuii che chang ve ta miah lo chu Sawmkima chuan a ngaihna hriat loh hmel zet hian a melh mawl tawp a. Chu hun ṭha chang tu Thanpuii chu muang changa Sawmkima. lam pan a pen hnai zel in, I Nupui a tan min duh lo mahla, i mamawh a piang lam tur a, rawih fel ka ni tawh, ka dam chhung in, i duh leh mamawh pe tur che in i kiang ah ka awm reng tawh dawn, i chhiahhlawh ang pawn i duh chuan min en thei ang, Ka Nu khawinge ka room tur ber chu tiin a kal hrang zui nalh a. Sawmkima erawh sawi tura hre tlat lo. Thanpui tia vin deuh hleka a koh zui na lah Thanpuii chuan hrelo ang hmaka hnungchhawn chunga nui seih seih duh choh in, Pu Rochhunga, Sawmkima pa lam chu a pan san ta daih a.
... Sawmkima erawh a ṭhutna ngaia la ṭhu reng in, a dik lo, a nilo a ni thei lo, a hma hun zawng zawng ka tih chhiat sak thei lo, Lalthanpui lo kal teh tiin a vin zui tuarh tuarh a. A kohna leh vinna ngai pawimawh map lova Thanpuii kal vawh vawh chu a run mai piah lam ah, a hmangaih em a vang zawk a, a duhsakna nen, Thanpui ka hmangaih che, mahse ka nei thei lo che sin nang neih tluka chak ka nei bik lo, ka thih vat angai anih hi. I zalen theih nan tih thlenga ngaihtuah kai chunga Thanpuii room a tana an buatsaih lam pana wheelchair hmanga in nawr kal pur pur in, Kawngka Lock na a ban pha silo Thanpuii lah chu beng ngawng auh ang hloh ani bawk nen Rawn hawng rawh ka tih chu, ka hawng dawn tho tho tih leh Room kawngka Lockna bana fan tawk in a in rin hma in a ding ta zawk mai le..a la harh chhuak ta chuang lo, Thanpuii room kawngkhar hawng zui rawp in a pen lut zui hmiah a. Neih tlak ka nilo, ka hmangaih em che a vang in min kalsan zawk rawh ka tih kha i hre tawh lo em ni tia Thanpuii leh lam hawi lui tlat a kawih her mawp rual chiaha Thanpuii hmel a, mak tihna leh Lawmna lo in lar daih ah pawh Sawmkima chu a la harh tlat lo. Thanpuii zawk chuan Sawmkim i ding, i kal thei ania, Ka Nu, ka Pa tia au zui tuarh tuarh in, Sawmkima awm ah chuan a bei zui thlawp a, ahhhhh ka kal tak tak, ka mumang ani em tia Sawmkima harh chhuak a hawi hu hu lai chuan Pu Rochhunga te Nupa pawh Thanpuii au thawm a vanga rawn tlan lut nghal rawk rawk in, Sawmkima lo ding zuah mai leh Thanpuii hmela lawmna chhiar sen loh lo lang zut zut chu melh mawl tawp in, Thanpuii zawk chuan ka Nu Sawmkima hi a kal thei ania tia a rawn ṭah khum tak ah zawng Lawm a vanga kuk rawih rawih in, Hmamgaihna a vanga, a Ngaihzawng kianga Chhiahhlawh ang a, a nun zawng zawng hlan vek tum tu, Thanpuii a vang liau liau in, a Hmangaih leh Hmangaih tu Swmkima a ke in a kal leh tawh ngai lo ang an tih a ngei chuan Thanpuii chu pawm kang va vaw in a Nu leh Pate hma ah ngei chuan hmangaih thu hlan in, Thanpuii chal ah chuan a fawp zui vang vang a.
He thawnthu thiam lo tak chunga ka thler chhuah pui ve rawih min hlutsak tu te chung ah lawmthu ka sawi e.

... Mafaka khiangte.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)