WHEN THE BELL RING BY Bee Da Shino‎ (Completed)

[Ngaia]

WHEN THE BELL RING.1
In khai bawr teuh chung chuan taxi chang in bazar dawr kawt ah chuan ka ding ran a, yes le, a lo thleng ta, Palian zet in min rawn kal pel fua, khai aw, a zia lo e, mahse khai a, Sap (Mi ngo) anih hi, an va in be buai teh lul em.
"Min lo hre thiam la, puih i ngai em?" English chuan ka zuk ti sap a.
"Lalpa ka lawm e, ani hnen ah hian bawngkawn ah kal ka duh tih min han hrilh sak teh" lawm hmel zet leh thawveng huai tih hriat fahran hian a rawn ti a, ka kal na tur hmun tak.
"Bawngkawn ah kal a tum anih hi, i hruai thei ngem?" Driver hnen ah chuan ka ti vat a.
"Theih chu thei e, bawngkawn khawi lai hmun ah nge tih zawk ani" alo ti vat a.
Sap- pa chu ka en a, "Bawngkawn khawi lai ah tak nge kal i duh tih a hre duh a" ka ti zui zat a.
"Oh, ni tak, khawnge kha aw" alo ti vung vung a.
Ava hah thlak e aw, mahni kalna tur chu hriat ve awm ania.
"Traffic police in min rawn hau ange, hman hmawh deuh teh u" Driver chuan a rawn ti deuh hlak a.
"Awle, lawk aw" ka lo ti vat a, Sap-pa chu ka en leh a.
"He ti hian ti ang, kei pawh chu ti lam ah chuan ka kal dawn a, cap (Taxi) ah hian lut phawt la, nang mah lo hmuak tu tur an awm chuan kan be dawn nia aw" ka lo ti zat a.
Ngaihna hriat loh hmel zet chuan min lo en ha a.
"Oh, lut vat teh, he tah chuan sharing a theih a lawm" ka lo ti hlak a, a ninawm tan a lawm mawle, kan chaw ei khawm na tur chawhmeh ka khai hnem ropui si.
"Oh, ok" tih sup pah chuan a lut ve hnu hnu a.
Ka thu lut ve zat a, Driver hnen ah chuan ka kal duh na hmun ka sawi zui zat a.
"Oh, ka hre ta, Hospital tih a sawi" a rawn ti chhuak hluai a.
"A that chu" ka lo ti sap ringawt a.
"Engpawh chu nise, Clarson ka nia" a rawn ti sup a.
A aw teh hrep hi a M&B zek mawle, a...a engkim hi a M&B vel vek, mahse ngaihven lo ang, kei ve teh lam hi zawng eng ah mah kan chhuak awm lo emai.
"Bee" ka lo ti sap a.
"Honey Bee?" tih pah chuan a rawn kiai suk a.
"Ni lo, Bee chauh" ka lo ti let vat a.
"Ka hria e, ka hmu che a ka lawm e, min puih a vang in ka lawm bawk e" alo ti leh a.
Hmanpui nge nge an zau in ti ti pui anuam phian leh nghal a, Kan ti ti teuh mai, Mizoram ah chawlh hmang tur in alo kal a lo ni a, a peih ve hle mai, tun a hmuh tur pawh hi, Cruise ship a hnathawk a hmel hriat alo ni bawk a, Cruise a chawlh hmang a kal pha chu a nei ve viau ang le, aaa, number pawh kan in pek kha,hmun hming thang kan neih ho, fan pui tur in min ngen talh a, bak ah a chhe lo ve teh vawr bawk sia.
Kan thlen dawn chuan a lo hmuak tur ka biak sak bawk a, hmeichhe aw nalh tak nei a la ni zui, beisei kha ka nei lo reng ani, a awm ve tho e. Driver chuan kawn lai tak ah a taxi chu a ti ding a, Clarson chu a pen chhuak zui nghal a.
"Ka lawm tak zet e aw, Bee, kan in hmu leh thuai dawn nia" a ti zat a.
"Awle, anih, hun hman nuam le" ka lo ti vat a.
Driver chu a tlan chhuak zui nghal a, ka hman hmawh thar leh nghat vut bawk a. Ka phone a rawn ri tlang a, ka en zui vat a.
Insta message, clarson anih hi, "Bee, fare ka pe miah lo" a rawn ti a.
"A pawi lo ka lo pe mai ang, lungkham duh suh" tiin ka chhang let vat a.
Ka phone a rawn ri zui zat a, khai a, min rawn hau tawh ngei ngei ang, ka la vat a.
"Aw, Rin, ka rawn thleng ani mai" ti zui zat a.
" A that chu awi kan nghak rei tawh lutuk che" Rini chuan a rawn ti ve zat bawk a.
A aw chu a lawm tawh chiah hmel loh hle mai, a awm ve viau tho e, mahse enge a lawm loh vak a awm leh lo, ka scooty in alo va kal hmasa thawt thawt anih kha, a ta ni awm hrim in.
Taxi a tang chuan ka chhuak a, ka bawr sia maw, a rit ropui mai bawk si, chhiahhlawh ni awm hrim hian chaw ei khawm na ah hian min tir phar vak zel leh nghal a.
"Hei, ka lo thleng, a rit a nia min rawn lak pui ve ru" Rini kiang ah chuan ka ti zat a.
"Rawn khai lut mai la, a har tawh hlei nem" a rawn ti zat a.
Em em a, enge a hriat a, kei hi eng ang ah nge ani hian min ngaih chiah le, ka thawmhnaw a ha a, ka Scooty a khalh a, vawikhat pawh min pui peih lo a, hei hi a vawikhat na ani tawh lo.
Pawihsa pek nen a va han buaithlak teh nuaih tak, ka bawr ropui si.
"Ilo thleng maw, khawi lo la rawh" ka hawi vat a.
Sam anih hi, ani hi chu a fel ania aw, min pui tur hian a in peih reng thin, Rini hian a duh nasa em em leh ta nghal a.
"Ka lawm e, Sam, i tha ber mai" tih pah chuan ka lo nui var var a, a nui suk a.
"I tan chuan engtik lai pawh in le" alo ti sup a.
Fare ka pek zawh chuan kan in zui lut nghal a.
"Awii, iva han rei ve, em em a, bazar a ka thlah na che a rei tawh teh reng nen" Rini chuan alo ti nghal chiam a.
"Nia, lei tur a tam ve sia" ka lo ti vat a.
"Kha chu sawi sa vek anih kha, chu tin a tam loh kha, tiraw, Sarfina" a ti zui zat a.
"Ni chiah, i rei lutuk a, Sa pawh a hmin hman nang, chaw kan ei tlai dawn lutuk a sin" sarfina alo ti zat a.
"A tuan muang ber in tir ziah anih kha" Mimi chuan a lo ti ve vat bawk a.
Ka hmui chu ka pet neuh neuh a, a hrehawm e, kei kher ka lo kal ta kher kher ani, ka theih pa tawp a rang chuan ka che ve asin.
"Ala tlai loh em hi, chiam hlawm a che u" Nate chuan a rawn ti vat a.
"A dik chiah, a ran in duh chuan, a scooty te kha rawn khalh sak lo tur che u ania" Sam chuan alo ti ve hluk bawk a.
Chawhmeh ho chu a khung tha pah mawlh mawlh bawk a, ka lo pui ve malh malh a.
"A mah in lo va kal rawh a ti anih kha" Rini chuan a rawn ti zat a.
Ka en ho thei, ka ti tawp si lo a, "Ka lo va kal ang a, taxi lo la mai la, thil lei kawi ka ngai bawk sia" a ti a, min dil ngawng ngawng ani sia.
"Kal ang, Bee, Tumah i Scooty kalh tir tawh suh" Sam chuan a ti hluk a, chawhmeh chu a ak a, a Bag pack hma lam ah a ak bawk a, min kai chhuak zui daih a.
Ava zia lo, hun nuam tak hman tum in, hun nuam lo ber kan hmang dawn anih hi.
Kan tum hmun kan thleng chu, ka rin ang chiah a nuam lo tak zet, a hmun ni lo in, kan in melh hrek hrek hlawm ni mai in ka hria, mahse kan ti nek nek a, tlai lam ah chuan kan zia chho leh mai, haw har hlau hlau kha, haw chak lo lo ah an tang leh lawi sia.
Ka nin ta in ka hria, haw daih ang, kan tam tho a, car keng te an awm a, an haw ve thei hlawm mai ang.
"Haw i duh ami?" Sam chuan a rawn ti sup a.
"Duh e, eng tin nge i hriat a" ka lo ti ha a.
A nui suk a, "He lai ah hian a in ziak vek a lawm" tih pah chuan ka chal na lo te in a rawn pen a.
Ka lo dawm vat a, "Hmh, a tul kher lo thei e" ka lo ti bai bai a.
A nui hak hak a, "Ti rawh, haw ang, kan tel lo in an tha tho ang" ati zui zat a.
"Maw, kan haw thei maw?" ka lo ti vat a, ka phur nghal surh in ka hria.
"Teh reng e le " alo ti vat a.
"Ok, hawng ang, i scooty lo zuk ti nung la, ka bag ka la ang a, ka rawn zui ang che aw" a ti zui zat a.
"Ok" ka lo ti vat a, phur zet chuan ka kal nghal tawrh tawrh a.
Ka scooty chu ka ti nung thlurh thlurh a, a rawn chhuk har lem lo hle mai, kan in khalh chhuak zui nghal a, kan mawngkham tih reh nan, kawng lak ah kan chawl zawk a, a nuam ka ti fahran lo em em leh ta nghal a.
"Bee, in rinni ah enge i tih dawn?" ati sap a.
"Engvak ka ti lo ang, nga ti nge?" ka lo ti vat a.
"Ih, Vaphai ah ka kal dawn a, sundan cham a ngai dawn a, mahni chauh a, kal ka hreh sia, min kal pui thei angem?" ati sup sup a.
"Chu chu Thasiama Seno neihna awm na kha tiraw?" ka lo ti phursurh a, "Aw ni e" alo ti vat a.
"Awii ka van kal ve chak, ka la hmu miah lo a, mahse anuten an phal lo ang a" kalo ti malh malh a.
"Dil chhin la" alo ti vat a.
"Ok, an phal tho ang, a chhan chu, Naktuk ah, an liam leh tawh dawn" ka lo ti surh a.
Alo nui suk a, "Mahni chauh a, in lian zet a awm leh ai chuan a nuam zawk ngei ang" alo ti vat a.
"A dik chiah" ka lo ti ve zat bawk a.
Kal dan tur leh a hun tur kan sawi fe hnu chuan kan tlan chhuak ve leh ta hram a.
In ka thleng ka in tih fai zawh chuan ka phone chu ka en a, oh, Clarson a message a lo awm anih hi, ka account thawn tur ten min lo ngen nih hi, a fare pe lo chu hrehawm a ti viau ni ngei ang.
"Hei, thil man tam ani hlei nem, rilru ti hah nan hmang suh, tui tak khan mu rawh aw, mangtha le" tiin ka va chhang let ve hram a.
Chhang let har chu min ti ve viau ang chu, ka mu zui than a, ka chau zek leh nghal a.
Ni tak engmah ka la hrilh lo che u, Kei hi, Beleny Lalduhawmi ka nia, ka thiante ho chuan Bee min ti mai thin, Philip-a leh Kimkimi te fanu kha ka nia, ka chhungte zawng ka cousin te ang lo tak in, kei chu ka dawih zep em em a, thluak hmang thiam lo tawp ni lem lo mah ila, ka cousin Shino ang lo tak in kei chu ka mawl hle thung, ka tih theih tha ber chu lehkha zir chauh ani, Sumdawnna lam aiin kei chuan Doctor nih ka thlang zawk a, mahse, tunkum chu ka chawl rih anih hi, Surgeon nih hi ka chak ber ani a, ka Pa in ila naupang min ti tlat a, naktum ah japan ah zirtur in min thawn chhauh a tum, lung a leng viau ang chu, chuan chu tin ka naupang bik lo, kum 20 ka tling ve tawh, A zualpui chu ka pass chhuak vek tawh bawk, a tul lo ve khawp mai, Shino pawh in Denver's leh Sewako school a enkawl tawh a, min kal tir ve mai mai awm ania.
Kei chu ka mawl reuh em a vang leh mi pawisawi ka hlauh em a vang hian, mi te hian mi chut ang mai hian min en thin ni mai in ka hria, mi tam zawk chuan ka sum vang chauh in min kawm tih ka hre bawk, mahse thian ka ngaina a, an hlim chuan nuam ka ti tho sia. Ka Pa chuan ka mawl na chhan chu Ka Nu ka chhun vang atia, anih ka ring hran lo, Ka Nu pawh hi a fing ve emai. Tak unaupa chhe lo zet ka nei bawk a, ani chu, ka Pa ai pawn a fing zawk, Sum dawnna lam a tuipui hle bawk, kei chu ka Pa chhiat reuh em vang hi niang, an vai mai hian min duat em em vek a, mahse a hrehawm lai ber chu, ka kiang ah hun an hmang tha hman thin lo hi ani, kan in lianpui ah hian, awmpui tlem te nen, kan tei rak rak zel, a hrehawm ve thin zek.
Ka Alarm chu a rawn ri tat tat a, ka tho phak chual, bathroom pan pah chuan ka zi phei thrawlh thrawlh a, ka in ti fai a, ka phone chu ka en zui zat a, Clarson a message alo awm leh nih hi, ka hruaikual ang tih ka tiam na kha, alo sawi kur duah leh nghal a, ni tak, ka theih nghilh daih, kal pui tak ang, tih tur awm leh dawn chuang lo, bak ah, hruaikual tu neih loh chu a tan a hrehawm awm emai.
"Ka hre reng e, ka rawn kal dawn a lawm, dar 10 vel ah, nimin a taxi kan lak na bul ah khan lo awm la, ka rawn kal ang" tiin ka chhang let a.
"Oh, tak zet maw, teh reng mai, dar 10 ah, awle, ka hria e, ka lo awm ngei ang" a rawn ti let vat a.
"Awle, kan in hmu thuai dawn nia, kan in ti fai ang e" tih leh ka phone chu dah sawn ka rual zui nghal a, in hnuai lam ah chuan ka chhuk zui nghal a.
Ka in tih fel zawh meuh chuan a tlai ve duaih tawh ka in khalh chhuak zui thlawk thlawk a, alo ding ran tawh, hmun hming thang ni a, ka hriat ve ho ah chuan ka hruai kual a, hriat nei tlem viau chung chuan ka hriat ang ang te chu ka hrilh ve malh malh a, nuam kan ti dun ve phian leh nghal in ka hria.
A tuk ah pawh kan kual ve nasa hle mai, keimah vang liau liau in he lai hmun alo kal hi a in chhir loh thu a sawi chhuak ve hial leh nghal a, a lawmawm duh phian mai.
"Bee, nang hi thil pek, pek che ka duh ani, i lak a ka lawmzia en tir nan, thil ho te ania, i hnar em tawh bik lo ang tiraw?" a ti malh malh a.
Ka en ha a, "En teh lawmthu sawi a ngai lo ka tih kha, thil pek a ngai lo, ka hun awl hnawh khah nan ka ti ani ka ti tawh kha" ka lo ti vat a.
"Ni e, ka hria lawm, anih chuan he ti zawng hian ti ang, hei hi hriat reng nan a pek che ka duh ani" tih pah chuan thi nalh zet mai, dar (Bell) nalh zet mai awm chu a rawn phawrh a.
Ava nalh teh lul e, a dar (Bell) chu Cristal ang mai ani, a mawi tak zet.
"Hei hi, Cristal em ni?" ka ti ha a.
Alo bu nghat a, ni lo, ani tak tak mawle, he tiang chu ka la thei lo a to lutuk, a tan thil tha tih ka nei hauh si lo, he tiang ka phu lo.
"Ni lo, ka la thei lo, hei chu a to emai" ka ti vat a, ka pe let zui nghal zat a.
Ka kut chu a rawn nawr sawn a, ngainat awm zet a nuih sang pah in.
"Khawngaih in pawn hram rawh, thil to lutuk chu anih loh kha, hei hi ka lawm na en tir na leh nangma lak a, ka rilru put hmang ka lan tir na anih hi, min hnar sak lo hram rawh" a ti malh malh a.
Eng rilru put hmang nge maw a sawi le, kei ang hi chu min duh dawn lo tih chu chiang sa ania.
"Khawi lo la teh" tih pah chuan a rawn la a, min awrh tir zui zat a, hnar sak lo mai ang, ka lak a lawmna lantir na ani sia, bak ah he tiang hi chu a vang viau ang le, he tiang thil hlu min pe duh tur khawp a, ka lak a, a lawm hi ka lawm let hle ani.
"He thi hi phelh ngai suh aw, he thil hian, a veng reng ang che, thil tha lo a piang chu a lak bo sak zel ang che" a ti zui malh malh a.
Shino

[Ngaia]

WHEN THE BELL RING.2
"Lucky charm, tha lutuk, ka tiam e, ka phelh hauh lo ang" ka lo ti vat a.
Min nuih var var a, "I tiam tawh chu i hlen ngei dawn ani tih hi ka chiang ani" tih pah in ka lu a rawn tuai a.
Ka lo nuih let var var a, min naupang chhe en riau a ka hriat teh thut chu le, mahse a ho lutuk, min ngaizawng lo a tha, min ngaizawng se, long distance vang vang, a hah thlak dawn lutuk, enge maw ka ngaihtuah chiam le, ka thil chhiar vang vek, suangtuah na ram a chen hi ka ching leh lutuk mai.
Chhungte an awm lo bawk a, ka haw tlai pui phian leh nghal a, a thlen na hotel ah chuan ka thlah a, ka Scooty a kan in phur kual chu hmu ve ula, in nuih a za ve tho ang mawle, ka hnung ah lianpui in a thu kuk a, a hnung lam tang chuan hmuh tur ka awm lo chiang viau ang.
"Bee, lo hlim reng la, min lo nghak reng ang che aw, ka rawn kal leh vat anga, nang hi ka rawn hmu leh thuai ang che" a ti sup sup a.
Ka biang tawn tawn a rawn dawm chu mak ti zet in ka en ha ringawt a, ka chal a rawn fawp phei chu ka khawng awt ringawt, ka bing nghal mup in ka hria, ti teh thut nge a, nga ti nge ka chal ah a fawh ringawt a.
"Kal rawh le, Bee, a tlai tawh hi" tih pah chuan min nem dat dat a, a nui suk a, ka biang ah a piai hlak a.
"Mangtha aw, khawizuthlum te" tih pah chuan a in her zui nghal a.
Kha Pa kha ti nge ka chal a fawh a, ani khan min duh em ni a, ni lo, ni lo, chal anih kha, chal chauh lawm, helai chal mai mai hi lawm, hmui ani lo, mi in duh te chu hmui ah a lawm an in fawh thin, Hmui ah, Chal ah ni lo. H.M.U.I ah, C.H.A.L ah ni lo, hmui ah, thil hi hre thiam ve rawh, Beleny Lalduhawm.
Ka va in hau nasa tawn tawn ve aw, a tawk tawh e, haw daih ang, thil tak leh duhsak na pawh thliar thiam lo, Beleny hi mu kuk se, a in hmeh tawk chiah.Hmeltha bawk si lo, Single Forever tur anih hi, ka tlan haw zui vang vang a.
He in lianpui lah hi, a rian thlak thei ropui si, hei pawh kei mah anga, Single Forever tur anih hi,huiham.
"Ilo haw tawh ani maw, Ka Pi" kan awmpui nu chuan a rawn ti zat a.
"Aw, chaw i lo ei tawh em, Ka Pi" ka lo ti let vat a.
Aia Upa zawk kan Pi rual mai tur in, min han Pi hi chu a nuam chiah lo ani, min Pi lo tur in ka hrilh ngun ngun nen.
"Aw ka lo ei tawh e, i zanriah tur ka lo buat saih tir dawn em ni?" alo ti zat a.
"Aih, a ngai lo, thil ka rawn ei tawh a lawm, ka room lam ah ka kal nghal mai ang aw, in duh duh dan in lo awm ve mai ru aw" ka ti zat a.
Tih tur chu an hre khawp ang, ka Nu leh Pa awm loh hi chuan hna an ngah bik vak lo a lawm, a nuam chen hun ve theih lai, kei lah Mi chut han enkawl teh chiam ngai ka lo ni lo bawk nen, a tha vel vek e.
Ka in bual zo ka chhuak chu, ka phone ka en nghal vat a, ah Clarson-a message alo awm anih hi.
"Bee, muttui aw, hmuh leh theih che ka chak tak zet, chuan i lak ah ka lawm tak zet, engkim ah khan lawmthu ka hrilh tak zet zet che, ka khua ka thlen hun chuan hun ka nei tam tawh dawn lo a, mahse ka hun neih a piang a, ka biak theih a i awm ka beisei"
Ava beithui teh duah ve, mahse he Pa hian min ngaina ve tak zet ani tih ka hre thei ani, a der ni lo in, Sam in min ngainat ang chiah in, tak tak in, Rini ang in mamawh neih vang chauh a in ngainat der na ni lo in.
"Teh reng mai, ka lo awm reng ang, ka zirlai ka chhunzawm leh hma chu engtik lai pawn ka hman a lawm" ka ti let zat a.
"Awle, awle, a lawmawm e, mu tawh rawh, muttui aw" a rawn ti leh nghal a.
Min mut hma tir an tum mai mai maw, tawt tawt chuan a, mahse nia, mut mai loh chu tih tur ka nei hran chuang lo, ka mut thuamhnaw chu ka ha a.
"Awle, ka mu dawn e, nang pawh muttui aw" ka ti let ve than bawk a.
Mut pah chuan laptop nen, thil pawimawh ka en kual vel mai mai a, ka phone rawn ri tlang chu ka en vat a, what apps, message tone Sam anih hi.
"Naktuk chu ilo in peih tawh ang maw, dar 9 vel ah chhuak ang aw" tih a rawm thawn a.
Awii ka theih nghilh chiang lutuk, naktuk ani tak, "Aw, awle, ka in peih diam tawh" tih ka thawn let ve thawr a.
Dawt sawi chiang ve, in siam nghal ang, ni rei cham a ngai lo a, Mut kawr, hakthlak pahnih, Sliper pakhat, pheikhawk pakhat, brazier, underwear leh toothpaste, toothbrush, ni lo a ngai leh lo, a thar ka lei thei, mahse, ka shower gel hi chu hmaih chi ani lo, cream, awii ka ning, enge ka theih nghilh le, aw ka laptop, ah ni leh lo, kha chu naktuk ah pawh ka khung thei, ka ning a, a kim tawh, a kim vek tawh, engmah dang a ngai lo, theih nghilh ka neih leh ka chawh ani mai, mu daih ang.
Ka phone chu ka en leh zuai a, "A tha, i scooty ken ve kher a ngai lo aw, bike in kan in phur mai dawn nia, a awlsam zawk" tih alo thawn anih hi, nia a tih chi khawp ang .
"Awle, a tha lawm, ka mu dawn nia" tih a thawn let leh nghal a.
"Awle, muttui aw" a rawn ti ve mai a.
"Imm, muttui le" ka ti le zat a, ka in khuh tha sut sut a, ka chhing zui duar duar a, mut hi chu ka sam ve ania aw, naktuk chu nuam ve viau ang chu, ka hmun kal chak em em ah te ka kal ve thei tawh dawn ania, awi ka chak tawh.
Ka thu chhuak hlawl a, awii ka va theih nghilh teuh tak, loofah a tel lo in engtin nge ka in bual theih anga, a bathroom ah ka tlan lut a, ka la vat a, ala huh zui, ni tak zin kual na mi tur chu kan kawl reng kha, ka tlan let leh vat a, pawhdawh chu hawng in ka la chhuak zui vat a, lungawi zet chuan ka nui var var a, ka khung fel a, ka mu zui than a, thla a muang ngei mai.
Ka phone rawn ri chhen ah chuan ka meng phak chual a, ka mit chu men an har sa ve, ka phone chu ka ban thelh nawk nawk a, ka la thei hram.
"Hello" ka aw chu thing a ti ve ang chu.
"Bee, ila mu law?" Sam chuan rawn ti ha a.
"Imm" ka lo ti tiah tiah a, ka chhing zui duar duar a.
"Bee..." beidawn hmel zet hian a rawn ti raih a.
"Immm..." ka lo ti leh tiah tiah ringawt a.
"dar 9 a chhuah kan tih kha, dar 8:30 a rik tawh hi" Sam in a rawn ti chu, ka thu nghal hlawl.
"Awiii...thawh ka hai" ka ti zui hluai a.
Ka va bei dawn thlak thei tak aw, han hauh deuh hi chu ka awm thin ve reng ani.
"Nia, i hai anih kha" Sam chuan a rawn ti hap a.
"Awiii, ka tho, ka in siam,aw, ka ti nghal, ka rei lo ang, ka in siam lawk vek tawh" ka ti nghal nawk nawk a.
"Awle, ka rawn phei ang" a rawn ti dam dap a.
"Imm, ka tho tak tak ania aw, lo kal rawh" ka ti buh ang nuaih a.
Sam chu a rawn nui hak hak a, "Ka hria e, awle i tho, ka rawn kal ania, ka dah ange aw, lo in ti fel la aw" a rawn ti a.
"Awle" ka ti sap a, ka thaw zui huai a.
Min hau lo e, Sam hi chuan min hau ve ngai lo, a fel ngawt mai, ka in ti fai zui vat vat a, ka che rang lo ve bawk sia maw, bell ri ka hriat ah chuan ka tlan thla vat vat a, chaw pawh ka la ei lo ril a tam duh ngawt ang chu.
"Sam" ka ti ringawt a, beidawn hmel zet chuan ka melh kiau a.
"Chaw ila ei lo ami?" a ti sap a.
Ka lo bu nghat a, min hau hrep se ka vui miah lo ang mawle.
"A pawi lo, kei pawn ka ei hlei nem, kal kawng ah kan ei dawn nia, tun ah he tah enge maw in in hnawh puar ila tiraw, ka lo siam tir ang a, i sam te han tawn tha la" alo ti dam dap a.
Ka va lawm tak, Sam hi chua tha tak zet ani, ani ang thian ka nei hi chu ka lawm ani.
"Awle" tih leh ka room lam a tlan let chu ka rual a, ka in siam zui mawlh mawlh a, ka zo ve ta, ka bag nen chuan ka chhuk zui nghal a.
Dawhkan ah chuan Thingpui leh chhang an lo chhawp diam tawh a, ka ei nghal vat vat a, Sam chuan min lo en vang vang a, a nui zui vur vur a.
Shino

[Ngaia]

WHEN THE BELL RING.3
Kan kal ve thei ta hram e, awii a tlan chhung a rei e, kawng lak lawh a chaw ei chu maw, khawvel a ka chaw ei tawh ah ala tui ber in ka hria, ka ril tam tawh bawk nen, ka ei hnem teh a sin aw, kan thlen meuh chuan ka mawng hi, a vung phawrh hlurh tawh mai in ka hria, ka sam han balh dan em em te chu, a khawng kawh ther fur thei nia mawle, ka hmai lah chuan kum thum phih tawh loh ang mai hian a chhah nghal luk in ka hria, hotel kan book ah chuan kan lut a, ka in dah fel, bath room ah ka lut zui nghal a, ka in bual fai chu a nuam teh e.
Kawngkhar chu tu emaw hian a rawn kik karh karh a, Sam-a anih ring chuan "Imm, lo lut rawh" ka sam khuih hliau hliau pah chuan ka ti a.
A rawn la kik zel mawle, ava mak e, ka kal vat a, ka va hawng chu ka phu zawk thei, a lian lutuk, he tiang em em a Palian hi Mizo ah an awm thei dawn em ni, tawng na chang pawh hre lo, chet na chang pawn ka hre lo ka en chho hau reng ringawt.
A mit meng mawlh chu a thim nguk mai hian ka hria, ka taksa chu ngun thluk zet hian a melh kual dan dan a, a phun deuh sup a, ka lam ah chuan a kut a rawn phar chhuak a, ka lo ip chawih, engtin nge min tih a tum, ti nge min khawih a tum ringawt.
"Kal sawn thuai rawh" rawn tih thawt ri ah chuan a hawi zawk a, a tlan zui vut a, kei pawh ka phu lo ani lo, mahse ka lo che sawm thei lo, ka aikaih ni ber in ka hria.
"Bee i tha em?" Sam chuan ka bul a rawn din pah in a rawn ti a, lo chhan na chang pawh ka hre lo, ka awm dan ngai chuan ka awm reng ringawt.
"Oh, Bee, hei, min en teh, Bee, hei, i tha nia, lo kal teh" Sam chuan a ti mawlh mawlh a, min kuah zui hlu hlu a, ka thla a ti muang deuh chuan ka hria.
Kha Pa kha engvang a hlau em em nge ka nih pawh ka in hre lo, a mit meng leh a san dan kha mihring pangai ani thei pawn ka hre lo, chuan ti nge a bang ah khan a tlan tlang daih.
"Hei, hei, Bee, tho teh, tlai chaw ei a hun ania" min rawn sawi dat dat a, ka thu hlawl, Sam chu ka en zui ho a.
"Ka mu hil em ni?" ka ti hu a.
"Aw muhil e, kaih tawh i har phian leh nghal a" alo ti vat a.
Ka lo muhil amaw, chuan kha thil kha ka mumang ani tih na maw, ani ngei ang, ka che thei lo a, ka tawng thei miah lo bawk a, mumang ah chuan tiang khan an awm thin kha, ka mumang ani ngei ang.
"Tho la, chaw ei ang, a tlai lutuk dawn ania" Sam chuan alo ti leh a.
"Awle, lo thu la, ka hmai kan phih lawk aw" ka lo ti let ve vat a.
Alo bu nghat a, ka tho a, ka in ti fai zui nghal a, ti teh thut nge kha tiang mang chhia kha ka neih le, a hma in ka la nei ngai miah si lo a, ka kal ngai lohna hmun a ka kal vang ti dawn ila, hmun hrang hrang ah ka lo zin kual ve nasa tawh hle sia, ah enge maw ka ngaihtuah chiam le, mangchhia satliah ve mai anih kha, ngaihtuah lo teh ang, thil ngaihtuah vak vak hi sim tur ka tih kha mawle.
Ka Bathroom a tang chuan ka chhuak a, ka hmai ka hruk zawh chuan, Sam nen chaw ei tur chuan kan kal zui nghal a, Mahse ti nge ka awm hi a nawm loh riau mai le, ka sawi thiam lo, chhung ril ah hian nawm lohna riau ka nei, a chhan ka hre bawk si lo a.
Ka phone rawn ri tat chu ka en a, ah, Clarson anih hi, min rawn biak chhun zawm ka ring miah lo a.
"Hi, honey Bee, min theih nghilh nghal em lo tiraw?" a rawn ti a.
Ka nui var var a, eng ah nge ka theih nghilh teh lul ang le, mahni lo mah a star ruk nak a lai a.
"Teuh nang, i tha maw, tluang tak in i thleng thei maw?" ka ti let ve vat a.
"Aw, ka tluang e, Bee, ka ngai che" a thu in ziak chu ka thin a ti phu dup dup in ka hria.
Min ngai maw, ngaihzawng ngaih in nge, thian ngaih in min ngaih ang, awi engzawk nge niang, ngaihzawng lam chu ani thei lo ang, ka hmel hi a tha lo ve emai, tun thleng in ka la hmu zo lo ania, ani thei lo, thian aniang, thian, a dik ang.
"Chu ti maw, kei pawn ka ngai che" ka ti let ve thawr a, min ngaih thu a sawi sia, ngaihzawng ang in a ngai bik awm lo emai .
"I phone kha dah la, chaw ei rawh Bee" Sam in a rawn tih chan rat ah chuan ka phu ang zuk a.
"Awh, awle, ka dah, ka dah nghal" ka ti nawk a, rang zet chuan ka phone chu ka ak zui nghal a, Sam chu alo nui suk a.
"Zan in enge kan tih ang?" a ti zui sup a.
"Ka hre nang, i hre zawk ang chu" ka lo ti hu a.
"Imm, anih chuan, Nula kan rim ang" alo ti zat a.
"Na, a zia lo e a, hmeichhia ka nih hi?" ka lo ti bai bai a.
Sam bul ah hi chuan ka duh loh pawh ka sawi lang ngam ve thin, a hahdam thlak tak zet, Sam chu a nui hawk hawk a.
"Tak tak a, zan in chu kan tlan chau bawk a, mu hma ila, naktuk ah kan kal na tur ah kan kal zawh ah, kan tlan kual dawn nia" alo ti a.
"Yes, tha lutuk, khua kan fang ang itih na maw?" ka lo ti zat a.
"Aw, ni e, ni e, khaw fan" a lo ti vat a, a thusawi ka correct hian a nuam ka ti, nin hmel zet hian alo siam tha thin a.
"Mut hma lo leng la" ka ti zat a.
Min lo en ha a, "Eng lo nia, ka awm a nuam lo deuh a"ka ti nawi zui niah a.
"I hlau em ni?" alo ti zat a.
"Ka hre lo, thlahrang a awm duh hmel ka ti" ka lo ti zat a.
A nui huk huk a, "Thlahrang i hlau em ni?" alo ti zat a.
"Ka hlau ka ti lo, ka awm nuam lo ka ti mai mai lawm" ka lo ti ve fan a.
"Awle, ka lo leng dawn nia" alo ti dam diai a, ka hlau ani tih a hre chiang ve viau ang chu, mahse a zia e.
Sam nen chuan thut pah in ka ti ti malh malh a, ka phone a rawn ti tat a, ka en chak deuh sia, ka en ngam bawk si lo a, ani pawn a phone a khawih bik si lo a, a nuam lo det.
Min rawn call anih hi, Rini maw, ka la zui zat a, a pawimawh nih ka ring min call ngai meuh si lo a.
"Aw Rin" ka ti zat a.
"Bee, i scooty ka lo hmang teh ang, kal na tur pawimawh lutuk ka nei a" a rawn ti zat a.
"Scooty maw, in ah ka awm si lo a" ka lo ti sap a.
"Khawnge i kal a, i keng em ni?" a rawn ti let vat a.
"Keng lo e, ka zin a" ka lo ti vat a.
"I ken chuan loh chuan in in ah ka lo zuk la mai anga, a pawimawh lutuk a, i rawn haw ah i rawn lam leh mai nga" a rawn ti chu mak ka ti ve det, a ti ve mah mah ani.
A ti chhe zing si, siam man a tum ve duh miah loh leh nghal a, ka chhungte chuan pawihsa tam tak nei mahse, hmeichhe awm ngaihna hre lo ang a, chhungte thawh chhuah hman huau huau reng hi ka duh vak lo asin le.
"Hman ni khan a rang a, naktuk a rawng lo han kah tir tur in ka lo hrilh a" ka ti ve niah niah a.
Phal loh thu sawi dawt chu a harsa ve em ani, mi in a min huat hi ka duh lo em em si a.
"A ho e, a ran nasat loh kha, ka lo zuk la ang aw" a rawn ti leh zat a.
"Mahse" ka ti sap a.
Sam chuan ka phone a rawn la nawk a, "I ke khan kal mai rawh, a scooty hman sak tawh lo tur in ka hrilh che kha, ngawng ngawng che hian, vawikhat mah rawn dil tawh suh" a ti hluk hluk a, a dah zui daih a.
Awii, a zia lo e, min haw ngawt ang chu, Sam a star ropui sia, min huat na a zual ang chu aw. Sam pawh hi thinchhe e, kha tia tih vak kher.
"I phal loh chuan ka phal lo ti ve mai rawh, nang pawh, an ni ang lak ah khan in thlahrun vak a tul lo, an hre thiam chuang lo, an thuhnuai a, an dah thei che hi nuihzat nan che an hmang a, engkim ah rel leh hauh ber ah an neih che hi, an tan engthil mah tih sak tawh suh ang che, i hria em?" a ti hlawk hlawk a.
Teh chiam chiam chuan min hau vak kher a, a nuam lo e, a mah ang ka ni ve lo a lawm, ka huaisen ve tawk lo a, bak ah mi thil tih sak hi nuam ka ti a lawm.
"Awle" ka lo ti zawi sap a, ka tri ang dek a.
"Awle, ti ringawt lo khan ka sawi ang khan ti ve tawh ang che" ala ti zui hluk a.
In thlarung fahran chuan "Awle, ka ti tawh ang" ka lo ti ve sap a.
Min en run run a, a hlauh awm e, min melh rum mai sia maw, ka piansual na chikhat ve ani tih tal min hriat sak ve se aw, a hrehawm e, min haw viau aniang.
"Hmm, mu rawh a tlai tawh" a ti hmuk a, a kal zui daih a.
Min haw tak tak aniang, khum ah chuan ka in thawlh sut sut a, ka phone ka en a, Rini messege alo tam kher mai.
"Hmeli, eng ah nge, Sam min rawn hauh tir kher a, i phal loh chuan sawi ve mai ta che".
"In la fel awm tak in i awm a, ti khan Sam kiang ah min lo rel kual thin alo ni maw, i lo ten awm kher mai" a tawngkam a chhe hlawm in, min puh chhe nasa kher mai.
Ngaihdam ka dil mai dawn em ni, engtin nge ka tih ang, Sam ka fuihpawrh emaw ati awm sia, a hrehawm e, engtin nge ka tih ang le, ka phone a rawn ri ral ral a, ah, Shino anih hi, ve teh mial a.
"Aw Shino" ka ti vat a.
"Beleny, monday ah min bazar pui rawh aw" a rawn ti nghal dawt a.
"Monday maw?" ka lo ti ha a.
"Aw i hman lo em ni?" a rawn ti leh sap a.
"Aw, Tuesday ah theih loh ami?" ka lo ti let vw zat a.
"Theih ang" alo ti leh ringawt a.
"A lawmawm e,ka zin a, monday ah ka lo let dawn a, chu vang chu ania" ka ti malh malh a.
"Imm, anih chu, anih muttui aw, Tuesday ah kan in hmu dawn nia" a rawn ti a, a dah zui daih a.
Shino thin hi a, min biak khat khat nen, a duh a sawi a, a dah nghal daih a, a tawngtlem sia, a huaisen in, a fing em em a, kei mah aiin naupang hret mahse, a chang chuan kei mah aia upa zawk ang mai ani thin, a tawng peih loh lai chuan eng ang pawn biak tum ila, beng ngawng ang maiin a awm thin, kan va han in ang lo tak, a Pa leh ka Pa hi phir in ang lo ber an nih ang chiah hian.
Hla ka ngaithla a ka, oh tak a, Shino hi, a sual thiam thei em em a, a mah in in zirtir ila tha ang,thil duh loh zawng duh lo tih pawp ngam na dan hi a kiang ah zir ila a tha ang, ti reng reng hi chuan, Sam a sawi ang khan miin min en khawlo vek palh ang, tun ah pawh a chhe thei ang ber a puh chhiat ka ni nghal ania.
Ka mu lai chu tu emaw in min rawn sawi dawt dawt a, ka meng phak zui chual a, Sam anih hi, min lo melh tur ngan mai.
"Eng ah nge kawngkhar i kalh loh a?" a ti bak zui hlur a.
In beng kan pah chuan "Ka kalh lo ami?" ka ti zui hu a.
"Kalh lo, eng ah nge i mawl em em reng a, finkhur lo leh lutuk" a ti hlawk hlawk a.
Rizai chu ka lo tham chawih chawih, eng in nge a thin ti rim ringawt le.
"I fimkhur loh vang in, mi pakhat i room ah a rawn lut a, i mu lai kha a thlir reng che tih i hria em" a ti leh hlawk hlawk a.
Ka meng kawk in ka hria, ka mu lai mi Pakhat in min lo thlir reng amaw, awi leh, lo kal lo ta se, eng thil nge ka chung ah thleng a, ka thin hi a phu nghal hlawp hlawp in ka hria, ka mittui a hnam nghal tiam tiam a, hlauhna hian ka thau ah a rawn man tial tial mai hian ka hria.
"Fimkhur na chang hre lo leh lutuk mai, he tiang" a tawp chawt a, min en zui nghawih ngawih a.
"Sam" ka lo ti tiau a.
"Bee" a ti sup a, min rawn kuah chawt a.
"Ka tih palh hau vak tur che ka ni lo a sin le, ka tih palh, hlau suh aw, hlausuh, ka awm hi he ta hi ka awm hi aw" a ti malh malh a.
Mi Pa Pakhat in ka mu lai min lo thlir reng tur chu ka ngaihtuah chhin a, ka hlauhna a ti zual tulh tulh mai, ka tap chhuak hawk hawk a, Hlauhna hian ka taksa zawng zawng a eiral vek mai dawn te in ka in hria.
"Sam, min....min...min lo, min lo thlir reng a" tap chung chuan ka ti bah nawk nawk a.
"A tha tawh lawm, a awm tawh hlei nem, bang tawh rawh le, ka awm tawh hi" alo ti malh malh a, duat zet chuan min kuah hlu hlu a.
Tlem in ka awm a nuam deuh in ka hria, ka in sut fuij fuih a, Sam chuan min en reng a, nui deuh suk a, ti nge min nuih a, mi hlauh lai lai a.
A awm hrang a, ka mittui hlu hliam hliam chu min en reng a, awii min nuihsawh tlat in ka hria, mahse a nuih za thlak ve tho ang, tui em em in engmah hre lo in ka lo mu a, min kai tho a, en ka ni tih min hlirh a, ka hlau thar thut a, kan tap ta vak mai bawk sia.
A kiu chu a en zawk a, ah a thi, "Ti nge?" la in sut fuih chung chuan ka ti tuau a.
"Min hmuh khan min nem a, bang ah ka tauh palh anih hi" alo ti sup a.
Keimah vang in Sam in na a tuar, ka fimkhur loh vang vek in, hauh hrep tlak ka ni. A kut chu ka la a, men luih chung chuan ka en a.
"Tih palh, ka tih palh, ka thiam loh vek ani, ka fimkhur loh vang vek ani, ana viau ang, ka tih palh" ka ti mawlh mawlh a.
Shino

[Ngaia]

WHEN THE BELL RING.4
Ka theih ang ang chuan in sut fuih fuih chung chuan Sam-a hliam chu ka buaipui a, ka in thiam lo ngawih ngawih, lo fimkhur ni ila tiang hian ana miah lo tur ania.
"Ana viau em?" ka ti tial rian a.
"Na lo e, ka tha lawm" alo ti vat a.
"Ka tih" ka ti chiah a.
"I tih palh tih sawi tawh suh, i sawi hnem tawh a tawk" min lo tih kalh zat a.
Sawi tur a van vang ta ve, ka sawi ve theih tawk ani bawk sia.
"I mut a chhuak em?" ati leh sup a.
Ka lu ka lo thing mat mat a, mut chhuah chu hnai lo, mut leh hi ka chak lo ngawih ngawih zawk.
"Anih movie kan en mai dawn mi?" a rawn ti leh a.
Ka lo phur hurh in ka hria, han chelh tung kha ka ngam bik bawk si lo a, awm tur anga ala tawng chu lawmawm tak ani.
"Aw en ang, hmuh nawm deuh deuh ka ngah mai", ka lo ti phur surh a.
Alo nui suk a, ka laptop chu ka phawrh a, movie chu ka thlang zut zut a, a tawp a tawp ah chuan romantic movie kan en ta nge nge, wow romantic vei reuh e, khum ah thu dun in movie kan han en ngei ah, kan in ngaizawng lo ti lo ah chuan a romantic vel vek mai.
Movie kha ka en tawp leh tawp loh pawh ka hre ta lo, min rawn sawi leh ta dat dat mai, ka in perh tho nghal awt thei, ka thin hi a phu nghal dup dup mai, min lo thlir leh tawh em ni, ka hawi phawk nghal hraw in ka hria.
Sam chu ka en a, mak ti zet hian min lo en hu a, eh, khua alo var tawh anih hi, min lo kai tho satliah mai mai anih hi, thil tha lo thlen vang ani tawh lo e.
"I tha maw?" Sam chuan a ti sup a.
"Imm tha e, dar engzah nge?" ka lo ti vat a.
Sana chu a kawk zauh a, "Lo in ti fai la, chaw ei ka lo zuk siam tir ang" a ti a, a kal zui daih a.
Awii dar 8:30 alo ni leh tawh mawle, mak thei ve emai a, eng ah nge thawh hi ka hai reng mai le aw, ka mut hna pawn ka thawh hma phah chuang lo reng reng hi chu thil mak ani, bathroom lam pan chuan ka tlan nghal vawn vawn a.
Zah thlak emai, mipa zawk kaih thawh ngai a awm chu, chu pawh chaw ei a hun tawh em a vang leh nghal in, zahthlak lutuk, zahthlak lutuk, ka in ti fai zawk zawk a, ka zawh chuan chaw ei na lam ah chuan ka tlan thla zui hlawk hlawk a.
Sam chuan min lo thlir reng a, "Bee, tlan khut khut thin suh, i tlu sual leh ang" alo ti zui sup a.
Heheheh min hre chiang ve reuh bawk sia aw, Ka nuih heu heu a, "Awle" ka ti zui sap a, chaw chu ka kil zui ve zat a.
"Bee, Bike i khalh thiam em?" Sam chuan chaw hmeh suah pah chuan a ti zat a.
"Imm thiam e, ti nge?" ka lo ti ha a.
"Anih chuan vawin chu i khalh kual a ngai dawn nih chu", tih pah in a kut chu a rawn ti kang zauh a.
"Ah, ni tak, teh reng mai" ka lo ti vat a, kei mah vang a na ani sia, ka enkawl that ve hle angai ang.
Chaw te kan ei kham a, kan thut hah dam hnu chuan Sam chu a kal na tur lam ah chuan kan in kalh chhuak zui nghal a, a nuam ve phian a sin le, ka tang kai ta riau hian ka in hria ve hial ani.
Kan zawh chuan khua kan fang kual a, a nuam ka ti zek a sin le, Mizoram, mahni ram nge nge, a tluk a lo awm lo, Tv a kan lo hmuh ram ropui hmel zet zet hmun mawi hmel tak te hi, a hmun a han kal a, eng bik a lo nih loh zia hmu tu ka ni ve tawh tlat a, kan Ram hi, alo mawi ber e.
Kan haw chu kan chau ve zek, chaw kan ei kham ah chuan ka room ah kan thu dun leh ran a, Movie kan en dun leh mai mai a, ka lo en tui deuh nge, thawsak sak ri ah chuan ka hawi vat a, Sam chu tui zet in alo muhil sek sek chu lo niin, a lang tha zek leh nghal a.
Ni zan lam a tang tawh in a mu tlem si a, vawi kan vak chau ve bawk sia, a tawngkhawng tawh ani ngei ang, kai tho lo ang, bak a, mahni a riah leh chu ka hlau deuh tlat. Rizai chu ka sin tir sat sat a, ka thil en lai chu ka en chhun zawm leh zat a.
Kei pawh chu ka chhingmit kawpza chu ava han kham teh lul em, mutchhuak in a meng sak ang tung a, ka laptop ka dah tha hman tawk in ka hria.
Mahse chu enge, dar (Bell) ri ani em, ni lo, ka mut chhuak ka ngaih ruat ve mai mai aniang, eng dar mah he tah chuan a ri lo ang, ka chhing zui duar duar a.
Ka mu lai chu enge maw vang hian ka harh hlawl ringawt a, ka bul vel ah chian mit hi an de thup mai hian ka hria, ka tho dawn a, ka che thei der lo leh nghal a, ka awm zawn ah hian min delh tu awm ang mai ani, ka awm lam chu ka en chu, ka te chhuak thawt thei.
Lalpa, awii ka hlau lutuk, ka chung ah chuan Mipa pakhat alo thu tung ut a, thenthu chung in mitmeng tle kur in min lo melh reng anih chu, a ka reh chu a beng thleng dawn hian a kak phei ruak a, a ha zum tak chu a nih na ang ang in a lang thut mai bawk si.
Chet ka tum a, ka che thei bawk si lo, chhan tu ngai chuan hlau zet chuan ka au tuarh tuarh a, mahse ka au rawl hre phak reng an awm lo ang mai hian, ka aw rawl tih loh chu ka kiang ah chuan hriat tur reng a awm lo, a reh hian a reh ngawih ngawih mai, chu thil hmelchhe rapawm zet mai lah chu chhuk a tum a hnek in, min rawn bih hnai tulh tulh mai leh nghak a, a hnai tulh tulh a, a mit meng chu a thim tulh tulh mai leh nghal a, a rawn ri hruih a, a mitmeng var lai reng reng awm tawh lo chuan mitmeng lian zet mai chuan ka mit si lo chauh chuan min rawn melh thim kuk mai chu ka au tuarh a.
"Bee, hei Bee, Bee, harh rawh, harh rawh, meng rawh, meng teh, harh teh" tih pah a, tu emaw in min rawn sawi nawk nawk ah chuan, ka meng kawk a, ka thaw zui kawk hial in ka hria, ka tap chhuak zui hawk hawk a. A bo, a bo ta, a bo tawh, kha thil kha abo tawh.
"Bee, bee, hei, hei, Bee, a tha ania, a tha vek, he ta hi ka awm, engkim a tha vek ania" Sam chuan a rawn ti mawlh mawlh a, nghet zet chuan min pawm vawng vawng a.
"Sam, Sam, mipakhat, ni lo, ramhuai, a thu a, he...tah, hetah hian, tah hian" tih khur hlawk hlawk pah chuan ka awm ka kawk khur nawk nawk a.
Sam chuan min en vang vang a, "Bee, i tha ania, engmah a thu hlei nem, i mumang anih kha, mumang, mangchhia mai mai anih kha, a tha vek e, heta hi ka awm hi, engmah a thleng lo ania,i tha ania" a rawn ti malh malh a.
Ni lo, ni lo, mangchhia ani lo, a tak ani, ka chiang a lawm, a tak tak ani, mumang mai mai ani lo.
"Aih, aih, ani lo, ani lo, ih, a tak" ka ti nawk nawk a, ka tal sawn a.
"A tak a lawm, mumang ani lo, hei,....hei, en rawh" ti bah nawk nawk chung chuan ka kawr chu ka hlim khur hlawk hlawk a.
"Hei, Bee, engthil, duh tawk rawh, Bee, eng" a ti a, a tawp zui chawt a.
Sam chu lehlam a hawi zui daih a, "Bee, engmah a awm lo, in ha tha rawh" a ti zui sup a.
Engmah a awm lo maw, engmah a awm lo tak tak maw, ka awih thei lo ka chiang ani, min thut chiang a lawm, a duk loh pawn a hnu hma val tal chu ala awm tur ani, min hnem nan dawt a sawi aniang, ka tho a, darthla lang awm na chu ka pan vat a, ka fiah dawn ani, ka va in en vat a, mahse engmah, enghnu hma mah alo awm lo tak zet.
Mumang alo ni tak zet em ni, khang zawng zawng kha mumang maw lo ni, nie, mumang anih chu Mumang, Mangchhia, rapthlak ber alo nih chu ka thu thla hnawk a.
Mumang alo nih chu ka thaw a veng hawk in ka hria, ni e, mumang ani kha a tha reng ani, mumang lo tur a tan chuan a rapawm lulai emai.
"Bee, i tha em?" min ngaihtuah tih hriat ngawih ngawih chuan Sam chuan ka dar ah rawn vuan chung chuan a rawn ti a.
"Sam, ka mumang alo ni tak tak" ka lo ti tiau a.
"Nie, lo kal rawh le, i tha ania" a rawn ti dam diai a.
Min rawn pawm nawlh a, khum ah chuan min mut zui nghal a, ka chau nghulh in ka hria, lo tlawm ngaih tumna pawh ka nei lo, ka thawk te hi ala sak deuh tulh hian ka hria, a tak a ang em ani.
"Tui hi in rawh" Sam chuan a ti sup a, ka la khur dar dar a, tui chu ka in zui khawlh khawlh a, Sam hian he ta min hruai hi min ning ngawt ang, zan hnih lek cham tur in kan kal a, chu zanhnih chu amah tih buai nan ka la hmang vek bawk a, mut mu pawh a tuah tha thei lo ania, min ning ngawih ngawih ang, ka kiang ah engtih mah a duh leh tawh pawn ka ring lo, min kawm duh tawh lo ngei ang.
Tiang a ka ti buai em em chung hian min la thlamuan thei zel ania, mi tha tak ani, min kawm duh tawh lo anih pawh in a tan ka tih theih a piang ka tih sak zel tawh ang, ka tui in na no chu a rawn la a, puan chu min rawn sin that tir a.
Mitha ber ani, Sam hi, Awii Lalpa ni tak, awii ka thi, ka lo in hlim khum, awii ka mawl emai, mumang ani tih min hrilh hnu ah khan awih ve mai awm, kan lo la in hlîm khum ta deuh deuh a, awii ka la mawl hlum ngei ngei ang, ava han zathlak tak, 'thi daih rawh, Beleny, mawlsi, thi daih rawh' ka in ti ru mawlh mawlh a.
Sam chuan min en rang a, a rawn nui chhuak huk a, awii ka zah a zual, a ngaihtuah chhuak ani chiang mai, ka zak emai, ka thi dang der tawp mai dawn a mawn le, a harsa mai sia.
Sam chu a in sum leh vat a, "Mut hilh lo tum a, la, movie ka lo en ang" a ti zui zat a, chhan pawh ka chhang ngam lo, ka bu nghat ringawt a, ka in lukhup zui than a, a zah thlak uchuak emai, mahse bra ka hreng a lawm, a hmukim hlei nem, ngawi teh ka hreng em le, ka in dap zui thut thut a, awiii ka thi..., bra ka hreng lo, Pathian, eng bra mah ka hreng lo, ka hnute a hlang in a hmu vek, ka in bual zawh khan mu nghal tur in ka in siam a vang in, ka mutkawr ka lo ha tawp anih chu, awiii, tu emaw tal khan min rawn that teh u, engtin nge ka tih ang, nga ti nge bra ka hreng lo tih ka theih nghilh theih, tu emaw rawn kal se min rawn chhu thlu tawp se aw.
"Mawli, mawli, i mawl lutuk, i va han mawl tak" ka in ti mawlh mawlh a, ka lu chu ka zui chum mawlh mawlh a.
Sam chuan rizai chu a rawn theh hlim a, a nui zui hawk hawk a, "Bee, i va han duhawm tak" tih pah chuan mi rawn piai ri zui pawp a.
Ana lutuk, teh vak chuan aw, mi lo mah a zah nak alai a, min lo ngai thla ru kar ani maw, min piai tur ngawr ngawr in puan ala rawn theh hlim zui a.
"Thu tha la, kha hei ei rawh" a ti a, chips min rawn pe zat a.
Zak zet chuan ka lo la zal zal a, ka muhil bik dawn lo tih a hria ani ngei ang, ei tur te min pek ni, "Ti khan lo ei la, thei tui ka va la ange" a ti zui zat a.
A rei a ngem le, ka hlau a sin le, a bul a awm chu zahthlak viau mahse, helai hmun hi ka tih ani, ka thlen a tang in engmah a dik thei lo reng reng, thil hlauhawm tak tak hlir ka la tawng ania, mahni awm hi ka zuam ngang lo ani, he tah hi chuan.
Ka rin aiin a rawn let rang ve phian, thei tui chu a rawn keng phei a, a thli chhuak zui zat a, min rawn pe a, ka piah ah chuan a thu zui ve nghal a.
"Sam helai hmun hi dik lo ve deuh in i hria em?" ka ti chhuak phawng a.
Alo bu nghat a, "Iti ve tho maw, a mak tak zet, kan thlen hlim a tang in helai hmun kan awm hi chuan a dik lo tlat, ka sawi thiam lo" ka lo ti barh barh a.
"Nia, anih a hma in mangchhia i mang tawh ngai em?" alo ti sup a.
Ka lo thin mat mat pah chuan ,"Teuh lo, vawikhat mah kha tiang kha ka la mang lo,a rap awm lutuk ringawt", ka lo ti vat a.
Ka ngaihtuah zawng ringawt pawn ka la tim sung sung thei, tiang em em a rapawm kha chu mang tawh lo hram ila aw.
"Anih chu, mahse engmah ni lo ang, nimin zan a thil thleng kha i mangphan a niang" Sam chuan alo ti a.
Ni tak, kha thil kha, ka mangphan ani ngei ngei ang "Nia, anih ka ring" ka lo ti sap a.
Ka ti ti zui malh malh a, kan meng rei leh phian a, Zing lam ah chuan kan muhil ve ta in ka hria.
Shino

[Ngaia]

WHEN THE BELL RING. 5
Min kuah tu chu ka nek talh talh a, a nuam tak zet, a thlamuan thlak lutuk, min kuah nghet sauh sauh bawk in ka hria, a awm ah chuan ka thawsak sak a, ani chu ka lu ah a khabe nghat in a thawve sak sak bawk a, lawk, tun a ka awm dan hi, ka meng kawk a, awii, Sam nen kan lo in kuah tawlh tawlh anih hi, kan in mut hlat ve hle khan ka hre sia, ka tal sat sat a, a harh hma in mut that vat a ngai anih hi, a harh leh harh loh chu ka en de de a, min lo melh run leh nghal a, min ti lai, alo harh reng tawh tih na em ni, min la kuah run bawk sia.
"Morning Bee" a ti sup a, ka hmui ah chuan a rawn fawp zauh a.
Ka lo hawi ho mai, ti nge, min fawh, eng a ti teh ngawt nge, ka khawng vek hian ka hria, ka khap leh khap loh pawh ka hre lo.
"Duhawm lutuk" tih sup pah chuan min rawn fawp leh zauh a.
Ati leh tawh, eng a ti nge a, hei hi ka mi fawh na hmasa ber ania sin, a hmasa ber chu Romantic tak in ka duh ve a sin, thawh uih chung chuan ka duh lo a sin, nga ti nge zingkar thawhuih hun lai ah ber kher, hei hi, ka hnute ka hmuh vang khan min ngaih nep a, min ngaih sihhnip vang ani thei ngem, mahse kha chu tih palh thil anih kha
"Lo in ti fai rawh aw, kei pawh ka va in ti fai ange kei pawh, chuan chaw ei tur in kan kal dawn nia aw" a ti malh malh a, ka chal ah chuan a rawn fawp a, a tho zui nghal a.
Kha chuh a romantic lutuk, Sam hian min duh em ni a, min bialnu chei tihna em ni, hei hi enge awmzia ni a, engmah a sawi bawk si lo a, a sawi loh chuan engber nge rin tur ni a, min ngai sihhnip nge, min duh, ka hre lo, ka hre thiam lo, ngaihtuahna bing mup chung chuan ka mu reng ringawt a.
Beleny harh teh harh rawh, in haw hun ah a rilru chu a hriat mai ang, harh teh, awii ni tak, haw kha, dar engzah nge, Sana chu ka en vat a, dar 9 alo ri tawh anih hi, ka in perh tho rang ngei mai, ka in ti fai zui nghal a, ka in thlak zawh hnu, ka in khung fel lai chuan Sam chu a rawn lut a, ani chu alo in siam fel tawh ani maw, arang bik khawp mai, mipa nge nge.
Ka che vel chu min lo thlir reng a, ani hian min ngai sihhnip ani ngei ang, hei a awm dan pangai in a awm leh tawh hi, a lung a leng thut anga, in hnem nan min hmang aniang, kei ang hi chu tuman an duh ngai lo hrim hrim ang.
Ka hmu chu ka pet neuh neuh a, ka che mawlh mawlh a, ka zo ta e. ka ril pawh a tam viau tawh in ka hria.
"Kal kawng ah chaw kan ei dawn nia aw, riah man chu ka Pe fel tawh aw" Sam chuan a rawn ti a, ka lo bu nghat ringawt a, ka bag chu ka ak zui zat a.
"Hei Bee" a ti sup a, ka en ha ringawt a.
"Nang hi, ka bialnu ini tawh" a rawn ti ringawt a.
Teh ngawt chuan, min bem hma hauh a, mahse chu tiang a, a tih chuan min duh vang a min fawp tih na alo ni maw, mahse thaw uih lai ber kher kha chu a fuh lo khawp mai, chuan eng tin nge ka chhan ang, ka sawi teuh dawn mi, ka duh tih ka sawi dawn mi, nge a sawi tawi sia tawi te in ka chhang dawn.
"Aaa, awle" ti ve tawp mai ang, a duh khawp loh leh nakin ah sawi tha leh mai ang.
"A tha, kal ang" a ti sup a, min rawn kai a, kan chhuak zui hnak hnak a, a nuam e, a vawikhat nan liau liau, mi bialnu ka ni ve anih chu, kum hei leh chen hnu a, bialnu ka ni ve ta anih chu, awiha awm dan tur thiam a har reuh e, min han kai ngei ah, awiii kei chu ka vannei e, a chhe lo ve bawk sia maw.
Kan in khalh chhuak leh ta vung vung a, kan chhuak tlai nen kan chawl zing nen, kan thleng tlai viau mai, ka chau zek, tui lum ah ka in chiah vang vang chu ka nuam huai huai in ka hria, ka mut a ti chhuak thei hial ani, ka chhing duar duar a, tu emaw pen ri thlap thlap ka hria, mahse ka mengthei der lo, ka lu ah a rawn vuan a hriat rual chuan tui min hnim pil zui bawrh a, tal chhuah tum chuan ka tal ve chiam a, mahse bathtub nal zet chuan ka tal chhuah a phal lo emaw tih mai tur, ka thawk a chham tan tih ka hria, mahse beidawn ka tum bik lo, ka tha neih zawng zawng chu ka sawm khawm a, bathtub tlang chu vuan in ka tal chhuah ngei tum chuan ka theih tawp in ka in nem kang a, ka thaw chhuak hawk mai, ka meng zui kawk a, ka hawi zui ruai a.
Tumah an awm lo, mumang leh pek ani maw, ka lo muhil ani maw, ka muhil tui ah ka lo tawlh lut ani ngei ang, ka va han thi teuh em,ka mumang rap thlak zet in min chhan chhuak zawk anih hi, Bathtub a tang chuan ka chhuak a, shower ah chuan ka in tleuh fai zui nghal a, ka in thlak fel pah chuan ka phone chu ka en zauh a, call alo awm nual anih hi, Shino leh Sam leh Loria ten min lo call anih hi.
Loria hian min be ngai meuh lo a sin, ve mial chuan, ka sam ka chhem ro zawh chuan ka call let zui nghal a.
"Aw Bee, phone iva la thei lo ve?" a rawn ti nghal zat a.
"Nia, ka lo in bual a, ka lo hre miah lo a" ka lo ti zat a.
"Aw, a nih chu, i tha em?" a rawn ti zat a.
"Imm, tha e, nang" ka ti let ringawt a.
Ka tha tih chu a hre reng sia, engtia min han zawh kher, min be khat sia sawi tur a hre lo ve aniang.
"A lawmawm e, Bee, fimkhur rawh aw" a rawn ti leh ringawt a.
"Nga ti?", ka ti let ha a.
Enga ti teh ngawt nge le, thil dik lo thleng a awm a mawn le.
"Rini kha a thinrim lutuk a, Sam nen in zindun a vang khan", a rawn ti sap a.
Alo hrilh kual leh vek tawh ani maw, an vaiin min ngei leh vek tawh ang, a hrehawm thei ve e, mahse Loria hian min ngei ve lo ani ngei ang.
"Min ngei ve em?" ka ti deuh phawng ringawt a.
"Teuh nang, eng ah nge ka ngei ang che, Sam te chuan a duh che tih ka hria lawm, bak ah, Rini aiin ka duhpui zawk che a, Rini chu a nasa emai" a rawn ti ve teh chiam a.
Mak reuh he tiang thil hi a sawi ve ngai lo sin, kan thian ho kan in kawm khawm pawn, engvak a sawi ve ngai lo, ani nen hian ngawi reng in eitur siam leh thil tih ngai ngawi reng in kan ti dun thin kha ni sia, mahse ani dang lam ve na chu, kei chuan engmah ka hnial ve ngam loh laiin ani chuan a duh loh zawng chu ngawi reng in a ti lo hmak zel ania.
"Heh, ami?", sawi tur hre lo zet chuan ka ti ringawt a.
"Tu in nge, hmeichhia mahni, nihna hre lo zet, mahni u te bialnu a tan duh anga" a rawn ti leh hmuk a.
"Eng maw, i u maw, Sam hi i u maw?" ka lo ti chiam a.
Loria hi Sam nau maw, nga ti nge unau anga an awm ngai miah loh a, awii leh, a va mak ve.
"Ni e, i hre nange?" alo ti let hu a.
"Hre nang, keimah chiah in ka lo hre lo leh pek aniang" ka lo ti let vat a.
"Ka u mawl vang nih chu a hrilh che maw ka tia, Rini pawn a hre bik hlei nem, chu vang ania, a rel chiam zel che, ka ning ania" a rawn ti malh malh a.
"A hre lo ve tho maw?" ka lo ti vat a.
" Hre nang, hmeichhe tawngthei zet hi ka ning ania" a rawn ti hluk hluk a.
"Hehehe nia" ka lo ti ringawt a.
"Cute lutuk, Bee, i duhawm tak zet, ka u zawk in a chang che chu pawi ngawt mai" a rawn ti chu ka hawi deuh ho.
A tawng dan chuh, enge awmzia ni a, Patil ang mai a an tawng chu le, tul lo ve emai a.
"I ho e a" ka lo ti ringawt a.
A rawn nui hak hak a, "Bee, chaw ei khawm leh chu ngawi reng in in be tawh lo ang aw" a rawn ti a.
"Aaa awle, nia" ka lo ti teh nak a.
Enge awm zia le, ti nge a fel tak thut le, a hma zawng in min be ngai em em si lo a, a tul tawp ah lo chuan, a u bialnu ka nih tak a vang in that chhuah a rawn tum ve a mawn le.
"Anih, ka dah nge aw, muttui aw" a rawn ti leh a.
"Awle, nang pawh muttui le" ka lo ti let vat a.
A dah zui ve mai bawk a. Ka thawhak a, a mak ve e, a tawngduh in a nui bawk sia, a hma in tiang a nui ri leh a tawng kha ka la hre ngai miah si lo a, a mak teh thut e. A eng pawh nise, ka hma chu a ngai ve nih kha, fimkhur tur ten min rawn chah ve a, Rini ai chuan min ngaina ve deuh zawk ani ngei ang.
Shino ka call zui zat a, a rawn chhang rang phian, "Aw sawi rawh, Beleny" a rawn ti tawng a.
Teh tawng chuan a mah in min rawn call a ka call let ve mai chauh a ni sia, sawi tur a neih vang a min rawn call zawk ni lo awm ang hrim a.
"Hmh,teh ngawt a" ka ti let ringawt a.
"Ni tak, ka buai deuh a, naktuk kha, dar 10 ah ka rawn hruai ang che" a rawn ti a, a dah zui leh daih a, Shino tak hi chu aw, a u zawk ka nihna ang pawh hian min zah ve deuh se aw, a duh a sawi a, a dah daih zel.
Ka phone messege chu ka en zui zat a, Loria tho nih hi, "Rini hlat rawh aw, tui bul ah phei chuan kal pui miah suh, a hnim hlum mai ang che, hnim hlum daih che a duh thu a sawi ania" tih a rawn thawn a.
He mi sawi duh vang hian min rawn call ani maw, a sawi theih nghilh ani ngei ang.
"Awle, a hlat ah ka lo awm zel ang" tih ka thawn let vat a.
"Fel tuk, muttui le" a rawn ti let ve vat bawk a. Ka chhang zui lem lo, Sam chu ka call zui zat a.
"Aw Bee" a rawn ti sup a.
"Imm, ilo call a" ka ti let ringawt a, ka lai viau ani.
"Nia, i chau em, chaw te i ei tawh em?" a rawn ti a.
" Chau ve tep, nang i chau em? ka ti let ringawt a, chhan pawh kan chhan kim loh chu le.
"Imm, a chhauh thlak ve phian, i mu dawn tawh em ni?" a rawn ti a.
"Imm, mu dawn, nang?" ka lo ti let ve vat a.
"Ka mu tawh zawk" alo ti ve vat a.
"Imm, anih chu, mut hilh i duh tawh em?" in thlahrung zet chuan ka ti let vat a, kan thleng tlai sia, a chau awm sia, ka ti buai ropui sia, a chau ngawt ang.
"Mu duh tho, nang pawh mu la ,i chau ang" a rawn ti a.
"Awle_ ka lo ti sap a.
"Anih muttui aw, Bee" a rawn ti leh a.
"Imm muttui le" ka ti let ve vat a, a dah zui nghal a, lungmuan zet leh, vannei in ti zet chuan ka muzui than a, ka muhil rang ngei mai.
"Hei tho rawh" tih pah a min rawn tun lawp ah chuan ka meng chiang ngei mai, Shino chiang zet in mit meng nel awm na reng reng nei lo chuan min lo melh kul a, a mitmeng hi a lian sia maw, a hlauhawm thin, a chang hi chuan ka u zawk ani ta mai emaw ka ti rum rum zel.
"In ti fai la, in siam rawh, ei tur ka lo buat saih tir ang, mu rei lutuk" a ti hlak hlak a, a kal zui daih a, Sana chu ka en vat a, awii dar 10 a pel tawh mawle, mu rei thei ngang ngang e.
Ka che rang ngei mai, Shino in min hauh ka hlau miau sia lawm, a mah hi chu a hlauhawm tlat ani, nau zawk mah nise, ka in siam zo ka chhuk chuan Sandwich alo siam tir diam tawh a.
"Hei chauh hi mi?" ka ti hu a.
Alo bu nghat ringawt a, ava phal tlem e aw, ei tam lem lo mah ila, nizan lam ah chaw ka ei tawh lo a, ka ril a tam viau sin le.
"Chhuah na ah kan in hnawh puar dawn nia" a rawn ti sap a, a phone a kheuh zui mial mial a.
Ka ei zawh chuan kan in zui chhuak nghal a, "Shino, enge lei i tum reng reng a", ka ti ha a.
"Mo kawr" alo ti sap ringawt a.
"Mo kawr maw, eng a tan?" ka ti let hu a.
Bike a lawn pah chuan, "Ka hak a tan, lo lawn rawh" alo ti liam puat a.
"I hak a tan maw, nga ti, eng vang in?" ka lo ti chiam a.
"I beng chheng, pasal ka nei dawn" alo ti ringawt a, a tlan chhuak zui nghal a.
"Pasal i nei dawn a maw?" ka ti hau a.
He nu hi Pasal a nei dawn amaw, ala nau pan pan nen, pasal a nei dawn a maw, chuan tun ah min hrilh chauh a maw.
"Engtik ah nge, chuan nga ti teh thut nge?" zawhna ka ngah kher mai.
"Zirtawp naktuk ah" alo ti sap ringawt a.
"Eng a?" ka lo ti thawt a.
Naktuk ah pasal a nei dawn a, chuan tun ah min hrilh chauh a, Mo kawr pawh tun ah, en tur in a kal dawn chauh a maw, eng ti dan nge ni ngai, Shino teh hrep hi, enge a ngaihtuah ni a.
"Shino, nang" ka sawi zo thei thlawt lo, a mak lulai em ani, min ti hrilh hai ngawih ngawih. Mak tih vang a thih theih ni seng chuan tun ah hian ka thi daih ngei ngei ang.
A uang te ni thei angem, mahse ka hriat theih chin ah, Shino hian fiamthu ala thawh ngai hauh si lo a, awi min ti buai, ka buai nuaih mai.
Awii Mo kawr zawrh na ah min luhpui tak tak mawle, rin har ka ti emai, kei chu, Mokawr a hak chhin vel lai chuan.
"Shino, nga ti teh thut nge?" ka ti chhuak phawng a.
"In neih kan chak tawh a" alo ti ringawt a.
Hrep chuan chhan na tling lo lutuk, an chak vang lawm an in neih dawn reng ni, eng hi nge a ngaihtuah ni tak zet a.
"I pa ten an phal em ni, in la naupang in ti ve lo ami?" ka ti malh malh a.
Min rawn melh ralh a, "Hei hi ka duh ang enge i ngaihdan Beleny" a rawn ti daih a.
Ka zawhna chu ala chhang duh lo zui a, "Imm, a that kha" ka lo ti ve ringawt a, a thawmhnaw thlan ah pawh ka rilru ka pe thei lo, enge a hak pawh ka hre nek lo e a.
"A tha kan ti anih chu, kan la ange, chuan hemi address ah hian in rawn thawn dawn nia aw, a thawn man vel pawh cut tel mai rawh aw" tih pah chuan a card chu dawr nghak tu chu a pe zui zat a.
Sum lah hi a ngah reuh sia maw, tluk loh na lai hi chu ka ngah ve chiang ani, aaa ka tluk lo fai vek, chu chu a pawimawh ber lo e a, ngaihtuah na hun pawh anih loh chu.
"Kal ang le, leng chhuak dun ang" Shino chuan min rawn kaih pah chuan a rawn ti a.
Mipa ang mai a, khawsak te hi a ching rauh sia aw, kan in phur chhuak leh thlawk thlawk a, min len pui na ve chu bazar ah min kual pui hrep nia mawle, in neih Present a tan atia, a mah zawk in tul lo pui pui min lei teuh ringawt, Present pe tur zawk ka ni lo em ni a.
Restaurant ah chuan kan thu dun vang a, ka ke te a kham thum tawh nen, a nuam huai huai in ka hria.
"Shino, i pasal neih tur hi i pa ten an rem ti em?" ka ti leh hram a.
"Sharon-a rem tihna ka lak kher a ngai em ni?" a rawn ti hlak a.
"Shino, i tawngkam fimkhur rawh" ka lo ti hlak a.
"Tih palh" alo ti let sap ringawt a.
A chang hi chuan min hlau der thiam ve riau thin, mi ngaih pawimawh na chang a hria hi a lawmawm ani.
"A hre hrim hrim em?" ka ti leh a.
Buk nghat pah chuan "In duh duh tiru ati lawm" a ti zui zat a.
Anih chuan phalna an in pe tihna anih chu, an in huatna thuk tak chu an lo la siam tha thei lo ani maw.
"A that chu, a hrim hrim in, ti nge a hma in min hrilh lo a" ka ti leh a.
"Ka lo phone khan ka sawi a maw ka tia" alo ti ringawt a.
A mak thei a awih awm loh emai a, Bazar pui ah min rawn sawm a, a dah zui daih anih kha, ka beng hlak dawn a mawn le.
"Aaa.. a that chu ti tawh mai ang, hah thlak emai, mi rawn call te hian in sawi duh chauh sawi thin suh u, thil hi a kip a kawi a sawi thlap zel tur ania, in mak thei emai" ka ti bian bian a.
Min lo en reng a, a nui sak a, "Beleny, i bialpa chuan duhawm a ti ngawt ang che" a ti daih ringawt a.
A sawi hun lo ve emai a, ka kum a tam tan, duhawm rual ka ni tawh lo, ka zilh anih zawk hi.
"Hmh, eng ah chuan maw?" ka lo hmuk ringawt a.
"Ilo hruai ve ang tiraw?" alo ti leh daih a.
Zilhna zawm lo ber ani ve chiang a lawm, "Bialpa ka nei ngawt ami?". ka lo ti hmuk a.
"Imm nei e, Sam-a, in zin dun ani lawm ni?" thil thial pang pang pah chuan alo ti a.
Ka en ho mai, engtin nge alo hriat vek a, min lo chhui ru em ni a, a fing kir ker sia.
"Ti khan min en suh, in awmpui ten an sawi vek, thil hriat har tak anih loh kha" alo ti zui zat a.
Chung ho chuh an va tawng thei tak, engkim lo sawi zut zut vek pawh a ngai thin lo.
"Bee" tih ri ah chuan kan hawi dun vat a.
Ka rei Rini, a mitmeng chu min thah a chak hmel hle mai, min rawt sawm vek nghal law law duh mai hmel a pu.
"Ri...Rin...Rini" ka lo ti bah nawk nawk a.
Shino chuan ngun thluk zet in min lo en a, Rini chu chik zet chuan a en zui leh vang vang a, a kiai zui sak a.
"In zin chu a nuam bawk maw?" Rini chuan ka bul a rawn din pah chuan mei nei zet in a rawn ti a.
"Ah...aw..a..nuam ve tho" ka lo ti bah deuh nak a.
"Sam chhai thluk chu ilo hneh bik hle mai, tluk loh rim ilo nam hle mai maw" a rawn ti leh kher a.
Mi an awm ve nual a vang in a an hla chhe tak tak a phuh chhuak ngam bik chiah lo ani maw, ava tih zia tak.
"Chu tiang a ani lo" ka lo ti dawih dai a.
"Kal ang le, ka puar, tih pah chuan Shino chuan min rawn kai zui zat a.
Awi, ka lawm e, Shino min chhan chhuak, anih loh chuan tawp chin a nei leh awm si lo a, lawm tak in zui chhuak vang vang ang, ka ngam lo chiang viau bawk sia.
Shino chu engmah sawi zui lem lo chuan Ice cream ei pah mi awm vak lohna lai ah chuan min thut pui a, a tawngtam lo ve bawk em ani.
"Eng ah nge i tlan chhiat kher a, tenawm nu" Ehe Rini, min lo zui zel ami a.
"Ka tlan chhe lo reng reng" ka lo ti lai rawt a.
"Dawt sawi suh, i tlan chhia anih kha, nang mi tenawm, fel hmel awm tak in i awm a, Sam-a rilru i hmin theih nan i tha der a, leh lam ah min lo hek chhe char char a, nawhchi zuar ang maiin i zin kual pui laiin kei zawk min la rel chhe ngam a maw?" a ti tawn tawn a.
Chhan dan tur ka hre lo, a rap thlak e, chu tiang ani miah si lo a, ka thi ei lai chu ka kalh neuh neuh ringawt a, hawi pawh ka hawi chhuak ngam lo, ka zak emai.
"Hawi chhuak rawh" Shino chuan a rawn ti sap a.
"Nie, hawi chhuak ta che, nge i hlau zawk, i ka tenawm zet khan in la fel tak in dawt sawi leh ta che, tenawm lepchiahnu" Rini chuan a ti leh tuarh tuarh a.
Chu tiang mi ka ni lo, chu tiang in eng dawt mah ka sawi lo, eng vang in nge ka hlauh ang, kei ma tih dik loh a ni lo, ka hek bawk lo, ka hawi chhuak rum al a.
"Duh tawk ringawt rawh, kha tiang khan min tawngkhum hlek suh" ka ti chhuak thawt a.
Ah, ka ti ve, wow, ka ti ve anih hi, ka va huai ve, ka lo ti thei ve anih hi, hui, ka thawl hawk mai.
Rini chuan mak tih hmel zet in min lo en ho a, mak a ti ve khawp ang le, tiang hian vawikhat pawh ka la chhang let hauh si lo a, chhan let chu sawi loh, ka thiam na ah pawh ka tawng ngam ngai lo ani sia.
Rini chu a in siam rem zui vat a "Enga, tenawmnu, nawhchizuar nu, dawh heh leh mi hek ching inih kha, min chhang ve ngam a law" tih leh min ban chu a rual zui nghal a.
Ka lo ip chawih mai, ka huaisenna tlem te kha, a thlawk bo leh nghal vek tawh, te that ri ah chuan ka hawi chhuak ho a, min khawih fuh tawh emaw ka ti mahse ani lo, Shino in a kut alo man a, na zet in a kut zung tang a lo elh ri tuarh tuarh anih chu, ana ang chu aw.
"Hre rawh, Zahna nei ve deuh ang che, Ka u hi, a tawng tlem leh dawihzep a vang hian i duh duh in phuh chhe suh, mi lepchiah a, nawhchi zuar a, damchhung a i thawh chhuah phak loh tur nei chung in eng ah nge nawhchi chu a zawrh teh lul ang" a ti hlak hlak a.
Shino chu ka en ran a, a hmel chu a zahawm in a hlauhawm bik hliah hliah mai, ka va han tluk lo e aw, engtin nge tiang hian a awm theih bik le, kei ve ka dik na ah pawh ka tang ngam lo ania.
"Nang ang hmeichhia, dawheh, hmuh hnu hnun a piang rel a, mipa hmuh hnu hnun a piang in tih tir thei ang hmeichhia anih ve loh a vang hian ani ka u hi, i mi pa duh em em khan a duh ni, Rini, nang hi kei ni hian i chan chin hi kan hriat loh i ring em ni, min han en teh" a ti malh malh a, a tawngkam chu vin lo mahse, a hlauhawm hle thung si.
Rini chuan na ti a then chawk chawk chung chuan a en tawk tawk a. "Min hria em, kei hi, chiang tak khan min han en teh" a ti leh a.
"Shi....Shi...Shino" alo ti bah khur dar dar a.
Shino chuan a kut thlah pah chuan "Denver's ah khan hna rawn dil miah loh tur che ania, Denver's a thawk tur hi an break ground kan chhui vek thin a sin Rini, ti kha chuan engvang a tling lo nge i nih i in hre tawh ang chu" a ti leh kher a.
Ka kiang ah chuan a rawn thu a, "Kal tawh rawh, i rimtui lo zet kha ka hnim peih tawh lo ania, chuan i kal hnu ah hei hi lo sawi nawn tluk tluk ang che, 'Ka tluk phak ngai loh tur, Bee Sewako nei tu fanu leh Denver's nei tu nu u ni bawk hi, ka ti buai leh tawh lo ang' tih hi" a ti kher a.
A chapo thiam thei sia, Shino hi a, sawilan kher a tul lo e, mahse min chhan ve ngei bawk sia, a lawmawm dangdai hle ani. Rini chu a kal zui hnak hnak a, tun tum chu a ngam loh a tawng ve chiang ani, Shino hi chu tu pawn an hlau anih hi.
"Ti nge?" Shino chuan a rawn ti sap a.
"Ih, Sam a duh a" ka lo ti lai rut ringawt a.
"Chuan" alo ti leh a.
"Ih, ka scooty a duh duh in a hmang thin a, a mah zawk in min hau leh vak thin a, Sam-an a hau a, a thinrim a, ka fuihpawrh a maw atia" ka ti malh malh a.
Alo bu nghat a, "Vawiin chu ka tawngtam lutuk a, ka ha a kham, haw tawh ang, in puah chhah kan ngai, chuan Beleny, tumah hi kan dik na ah hlauh tur an awm lo, dawih zep deuh in awm tawh suh, an zuam ang che kal ang le" alo ti a.
Ni e, a sawi ang tak tak in, vawiin zet zawng Shino hi a tawng tam ve tak zet ani, tak a, Present pek tur ka lek a ngai.
"Min lo va haw san rawh, thil lei tur ka nei a, taxi in ka haw mai ang" ka lo ti vat a.
"Awle, anih aw" tih leh thawh a rual zui nghal a, a kal zui daih a.
Present ho lam tak ka lei hnu chuan ka in khai haw zui hnak hnak a, ka phone a rawn ri ral ral a, ka en vat a, Sam anih hi, ka la zui vat a.
"Enge i tih, ti nge ke a i kal?" a rawn ti nghal tawng a.
Eh, min hmu thei ami a, khawi nge a awm a, ka hawi zui ruai a, ka hmu miah si lo a.
"Hawi ruai lo khan, tah khan lo ding rawh ka rawn kal" a ti zui zat a, a dah zui daih a.
Hmh, teh chiam chuan, min lo hmu tak tak anih hi, mahse a bialnu ka ni ve a, min be romantic lo ve e, thawnthu ami ang deuh hnap ten min han be ve bawk se mawle, ka bul ah chuan a bike chu a rawn ding chawt a.
"Lo chuang rawh" a ti zui sup a.
Ka lawn nghal zat a, "Khawnge i kal a?" ka ti zui zat a.
"Office ah, khawnge i scooty, Rini i khalh tir leh tawh ami?' a lo ti zui daih a.
"Aih tir lo, Shino ka bazar pui a" ka lo ti vat a.
"Enge in lei a?" alo ti ve mai a, a tawngkam a nem deuh tan e.
"Mo kawr kan en a, naktuk ah Pasal a nei dawn a, nachin khan min hrilh ve chauh mawle, a ti mak tiraw" ka lo ti barh barh a.
"Ti mak ve deuh" alo ti ve mai bawk a.
"Ati mak tak zet ani, chuan hei in neih Present a tan a tia, kawr te min lei teuh mawle, a awm ang lo tiraw, tu Mo in nge a chhungte Present pe zawk ngai" ka lo ti barh barh a.
"In chhungkua in" alo ti sup a.
Ngei awm ve, sawi dik phian bawk sia, ka chhungkua kan vua leh vang hi chu kan mak ania,ka birthday ah pawh Present ka pek chhuah hmasak phawt angai zel ania, dawn aiin ka pe hleuh zel.
"Hmh, e tak a, hruai ve tur che in min tia" ka ti hluai a.
"Imm tha lawm" alo ti mai a.
"A tha maw, anih chuan ilo kal ve dawn tih na maw?" ka lo ti ha a.
A kal duh ka ring lem loh teh reng nen, a van pawm hma reuh e.
"Imm, min sawm chu" alo ti mai a.
"Awle, nia" ka lo ti sap ringawt a.
Kan in kawt ah chuan a ding chat a, ka lo chhuk nghal vat a.
"Lut rawh le, ka rawn bia ang che, hna ka la nei" a tih chuan ka lo bu nghat a.
"Hna thawh nuam le" ka lo ti sap a.
"Imm, chuan Rini kha alo biak che pawn chhang suh ang che, a hnaih ah pawh awm suh aw" a ti leh hram a.
Rini hi chu a hal ve ngawt mai, a duh zia a hre ve reng tho sia, tlem te tal in a lak ah pawh a tha der thei lo a mawn le.
"Awle, ka hria e" ka lo ti vat a.
Min hui zauh a, ka kal hnai vat a, ka lu ah chuan a rawn dawm a, min kuai kun a, min rawn fawp zui chawt a, teh thut chuan ka in ring lo thei e.
" Fimkhur deuh in lo awm ang che aw" a hmui lak sawn pah chuan a ti zui zat a.
Ka lo bu nghat ringawt a, a duh duh a ti pawp pawp a, sawi tur min ti haih chham thei e, in rin lawk na hun te hi min pe ve deuh se tha tur.
A tlan chhuak chu ka thlir zui vang vang a, Sam ka bialpa, a bialnu ka ni bawk a, mahse ti nge le, nga ti nge kei kher le, ka hmeltha lo ve bawk sia, ka zei lo bawk sia, ka eng lai hi nge a duh niang le, ka hre lo e a, a ho ngaihtuah lo ang, min khawngaih duh ve tawp aniang, in ah chuan ka lut zui nghal a.
Shino

[Ngaia]

WHEN THE BELL RING.6.
Ka room ah chuan ka lut a, wall paper a vasco (Webtoon character) lem lian zet chu ka en vang vang a, ani hi ka hmangaih hmasa ber ania sin le, min haw viau a.
"Tih palh Vasco, a tak ini si lo a, nang hi lo nei tawh che mahse ila, tun ah hian Divorce peper ka buai pui anga, kan in then mai angai dawn ani, tih palh aw, a tak tak ah bialpa ka neih ve angai bawk si" in thlahrung leh in thiam loh na a khat chuan ka ti malh malh a.
Paper chu ka la chhuak a, Bell ri maw, khawi a tang in nge a rik a, ka beng chu ka chhi hru a, mahse a ri leh tawh miah lo, ava mak ve, ka bengchhe ri ani ang a, ka uite a rawn tlan tarh tarh a.
"Vasco", tih pah chuan ka lo pawm nawlh a, "Vasco jr. i tha em, min ngai em ni, ka zinsan che a, vawin ah lah ka awm hman leh si lo che a, min ngai ngawt ang tiraw" ka ti malh malh a.
In la pangchang zet chuan a rawn chik nghar nghar a, min ngai anih chiah hi, "Tih palh Bawihte, anu hi a buai ve em a lawm, lo kal rawh le, ei tur ka pe ang che" tlawn zet chung chuan ka ti a, ka kal pui zui nghal a.
Ei tur chu kan ei dun malh malh a, kan ei zawh chuan ka room lam ah kan in pawm chho dun zui leh nghal a, ka zirlai bu ti ila, nakum a ka zir tur ani zawk ang chu, ka in zir lawk nan Ka Pa duh tak, Philip-an min lei sak anih hi, ka zir zui malh malh a, lehkha zir chu nuam ka ti ber mai.
Oh, tak a, naktuk a ka hak tur, anih loh chuan ka tho tlai leh awm si, ka in peih hman lo leh pek ang, ka phone a rawn ri tat a, Shino anih hi, ka en zui vat a.
"Beleny, naktuk ah dar 10:00 ah aw, i bialpa chu rawn sawm rawh aw" a rawn ti a, a hmun tur hi khawi nge ni ang le, eng biak in ah nge niang aw.
"Tak a, biak in ah ni lo, Picnic Spot ah" a rawn ti leh zat a, ta thin chuan aw, eng tia in neih nge an tum reuh le aw. A hmun tur chu a rawn thawn zui zat a.
"Biak in ah in in neih dawn lo a maw?" ka ti let ta nge nge.
"Biak in a in neih chu, kan ti daih tawh" a rawn ti leh ringawt a.
Engtik laiin nge an lo tih a, henu hi, nga ti nge engkim hi a buai nuaih a.
"Ka uang anih kha, biak in a in neih chu, nakin lam ah, kan upat deuh hnu a, rawn tlai suh ang che" ka chhan hma hma chuan a rawn ti leh reuh a.
He nu hih, a uan dan chu a thing hle mai a, uan dan zawng zawng ah ala thing ber awm e, mahse Shino hi a uang ve anih chu, a hlim ve viau aniang a, thing viau mahse, Shino a rawn uang ve ngei anih chu, a lawmawm ah ngai zawk mai ang.
Ni e, a sawi ang khan an la naupang a, chen dun tawp ai ah, hun serh te nau buat saih ve ngei an tum ani ngei ang, a lawmawm e, a pasal tur pawh ka hmu chak ve viau ani.
Thawnhnaw hak tur chu ka en zui malh malh a, thawh tlai loh a ngai bawk a, mu hma viau ang zan in chu, chu ti lo zawng ka che buai leh chung palh ang.
Mahse ti nge Sam hi min rawn biak miah loh le, aaa, a buai ve niang, an company en kawl a ngai ve bawk si a, bak ah ani chu kei ai chuan a upa deuh zawk a, in ngaihzawn na chung chang ah chuan kei ai chuan a rin tlak zawk ang chu.
Ka in tih fai zawh hnu chuan ka mu zui nghal mai a, mut hilh hi chu ka sam ve ania, ka alarm rawn rik ah chuan ka tho tuah tuah a, ka phone chu ka en zui zat a, Sam a messege alo awm anih hi.
"I tho tawh em, dar engzah ah nge?" tih te mai, min ngaihthu emaw, goodnight emaw good morning emaw pawh a awm miah lo, nikhat hnih chiah kan la in ngaizawng ve em em a.
Shino-in a min hrilh ang chu ka hrilh let nel nual a. "Awle, dar 9 ah ka rawn lam ang che" a rawn ti leh mai a.
"Awle" tiin ka chhang let a, in bual tur in bual in lam ka pan zui nghal a, in tih fai hi chu a nuam ani, ka in tih fai zawh chuan in hnuai lam ah chhuk in ka in hnawh puar a, in siam tur in ka room lam ka pan zui leh nghal a.
Vawin chu make up kan hmang ve ngei anga, chuan Shino in min lei kawr ha ngei ngei tur a min tih kha ka ha bawk anga, ka mawi ve viau ang chu, ka in siam malh malh a, Sam-a rawn thlen chuan ka lo in peih fel ve diam tawh, amah pawn mak min ti ve ang chu.
Min hmu chu, a meng zim deuh san a, a nui zui sak a, a duhthu a sam nge, min nuih zat le, he tiang a ka in chei ve ngai loh vang hian a nuih a za a mawn le, engpawh nise in thlak tur in min ti lem lo bawk a, kal ve thawt phawt mai teh ang, kan in zui chhuak zui nghal a.
A hmun kan thleng chu an lo awm ve laih laih tawh a, ka hriat ngai mi an awm tam lem lo hle mai, Shino thiante an ni hlawm ngei ang, Putling an awm hran lo, henu hi in neih hun serh hman na tur ti nge a siam tir si a, chuan Pro Pastor pawh a awm bawk a, min bum ani maw, a pa tel lo in pasal neih a tum tak zet em ni, a nei awm lo emai, he tiang hi a thleng dawn tih ka hriat lawk vang a lawm, apa ka lo sawm ni, a fanu mopa hnen a hlan tur in, dawt sawi thiam lo Shino, eng aiah chuan nge mokawr nen in tih hlimna a buat saih satliah ngawt ang, hre thiam lo fai vek tur ah min ngai ani ngei ang.
Shino nau, Malaki chuan "U Bee" tih pah in min rawn kuah chawt a.
Ka en ho mai, he nau hi alo la dam amaw, a thi tawh in ka hre si a, "U Bee, iva reh ve ka ngai thei lutuk che, ti nge min rawn biak ngai miah loh a, Japan ah i awm deuh char char tih ka hria a, min lo biak ve thin ka ring a, mahse min lo be miah lo" vui aw tak chuan a ti malh malh a.
A mak e, a tawng zet zet mai, a thi tawh lo em ni, thlarau ka hmu em ni zawk, nge hei hi ka mumang ani leh tawh zawk, a biang ah chuan ka dawm a, mak ti zet chuan ka en ngawih ngawih a, hei hi a tak tak ani thei dawn em ni, he nau, a tet lai a, ka kiang a awm reng thin, a thi ta ni a ka hriat hi, ka hmuh sual ani lo tak zet em ni.
Sam chuan min rawn sawi dat a, ka harh e, ka muang, ah ani lo, ka mumang ani hauh lo, hei a awm e, min kuah, kei hi ka naute in min kuah.
"Malaki" ka ti chhuak sap a, ka pawm let chawih a, " Ka naute, Malaki, ila dam, i lo la dam reng, ka naute" mittui tla teuh chung chuan ka ti chhuak mawlh mawlh a.
"Imm, ka la dam, u Bee, Shino in min enkawl dam, ka thi lo, ka dam vek tawh" alo ti let malh malh a, ka mittui chu a rawn hru a.
Shino mi mawl, nga ti nge engmah min hrilh ve loh, ani ai pawn ka kiang ah a awm tam zawk a, ka naute zawk ania sin, hriat chu ka phu ve a sin, ni lo, ka dem tur ani lo, Ka nau Shino, a thil tawn zawng zawng hre kim lo mah ila, a tawrh nasat zia chu ka hre ve si a, a nau a dam nan alo thuk ru ani ngei ang.
"U Bee, Papa leh Papa Philipa awm ve se tiraw?" a rawn ti chhuak sap a.
"A awm a lawm, Naute" ka lo ti sap a.
Rin hlelh hmel zet leh ring lo phal si lo hian min melh kiau a, Apa car chu ka kawk zauh a, a hmel chu a eng nghal set set hian ka hria, Apa chu alo ngai viau tawh ani ngei ang, Shino hian hmuh a phal sak lo anih dawn hi.
"Papa" Malaki chuan a ti chhuak sap a, a Pa car lam pan chuan a tlan zui chawn chawn a, Ka naute a lo thanglian ve tawh khawp mai, kum 17 lai alo ni ve tawh a, ka zui ve vat a.
Papa Sharon in a fanu a hmu chu car a tang chuan a thlawk chhuak ni ber in ka hria, "Bawihte" tih pah chuan a pawm nghal chawt a.
"Papa, ka ngai lutuk che, Papa ti nge min lo hmuh ngai loh, Papa, Shino nen min la haw reng em ni?" Malaki chuan tap chung chuan alo ti malh malh a.
"Ni lo,Bawihte, Papa hian a haw lo che, Papa hi a lak tlak loh em a, a rawn hmu ngam lo che ani, Bawihte, ka fanu duat" Papa Sharon chuan alo ti malh malh a, a fanu chu duat zet hian a pawm hle hle a.
Ni le, Sharon hi kei pawn Pa tiin ka au ve tho, Malaki in Ka Pa, Papa a tih ang chiah in, mahse Shino erawh chuan Ka Pa hi, Pute ati deuh kher thin, Shino chuan a Pa finna zawng zawng a neih laiin, Malaki erawh, a nu ang mai ani thung, a Nu, Nu fel leh tawng duh leh rilru tluang tak, fing var tak ni lo mahse mi tha tawp ani thung, chung chu Malaki ah hian a awm ve vek thung anih hi .
"Papa, tap suh" Malaki chuan alo ti tiau a, a Pa mittui chu a hruk sak hliau hliau a.
Papa Sharon chuan "Bawihte, Papa hi a mawl in a lak tlak loh tak zet ani tiraw, Bawihte, Papa hi ngaidam rawh aw" Sharon chuan alo ti leh malh malh a.
"Papa, tih sual i neih loh kha, kan tan iti ani tih Shino nen kan hria lawm, Papa kan ngai thei lutuk che, Shino pawn a ngai lutuk che, ni lo, kei mah aiin Shino in a ngai zawk che, tun ah pawh a nghak reng che" Malaki chuan alo ti let malh malh a.
"Shino in min nghak maw?" Papa Sharon chuan alo ti sup a.
"Imm, a nghak che, Shino chuan a sawi duh lo, mahse ka hre vek ani, Papa Shino hian a ngai lutuk che, zan ah pawh a ko che a, a tap thin, ka hre lo a maw a tia, ka hre vek, Papa, Shino chu in neih maicham ah hruai rawh aw, hruai tu a nei lo ania, Papa i hruai ang tiraw?" Malaki chuan ngen ngawl zet hian alo ti malh malh a.
"Ka fanu, Shino, ka hming lam in alo tap thin amaw, kei Apa lak tlak loh zet hi min lo ngai amaw, Bawihte, khawnge i u chu awm" Papa Sharon chuan alo ti a.
Malaki chuan alo kawk vat a, Papa Sharon chu a tlan zui ti tih mai hian ka hria, a fanu, Shino, hmeichhe chak leh fing tak, a hmangaih a fanu Shino chu a ngai in hmuh a chak ngawih ngawih tawh ani ngei ang .
"Papa Sharon, tha tak in aw" keima hriat tham lek chuan ka ti chhuak sap a, "Lo kal rawh le, Malaki, ilo va thu ang" ka ti zui zat a.
"Aw, U Bee, e U Bee, mi ka hmelhriat tir ang che aw" alo ti ve zat a.
Ka lo bu nghat a, tu tak chu niang maw, a pawimawh viau ani ngei ang, hei te hi bialpa te hi alo nei ve reuh ani lo maw le, ni lo ang, ala naupang emai, ala nei awm lo emai.
"Felix, hei U Bee ka sawi thin kha" kan piah a mipa tleirawl Shino kum rual vel tur lo ding kiang ah chuan a va ti nghal tawng a.
"Ah, U Bee, chu maw, Ka hmu che a, ka lawm e, U Bee, Felix ka nia" alo ti vat a.
"Aaa, kei pawh ka hmu che a ka lawm e" ka lo ti ringawt a, hre ngai si lo a, sawi tur a vang ve em ani.
"U Bee, ka bialpa anih hi" Malaki chuan ka beng bul ah a rawn ti sap a.
Awii a bialpa alo ni nih chu, kei ka kum 21 ka tlin na tur kum ah bialpa ka nei ve chauh ani sia, thawt thawt chuan, a u lah kum 19 ah pasal a nei dawn bawk a, hemi te unau hi an va han thar rang tak.
"Thu ang u, U Bee" Malaki chuan alo ti leh a.
"Oh, ni e" ka lo ti ringawt a.
Sam chu ka bul ah a rawn thu ve mai a, oh, ni tak, tumah ka la hmelhriat tir ve hauh lo, ka ngaihsak lo a ti viau ang chu, ka va han â thin tak.
"Malaki, ani hi" ka ti chiah a, Mopa chu maicham lam pan in a rawn kal phei ve leh chiah a, kan lo thlir thap hlawm a.
Ani hi maw, ka nau Pasal tur chu, a hmeltha hle mai, Shino nen chuan an in hmeh viau ang chu, eng ang mi tak niang maw.
"Sebastian anih saw, Graven nei tupa kha ania" Malaki chuan a rawn ti sap a, ka lo bu nghat ringawt a.
A u chuan engmah min hrilh dawn lo tih a lo hre ve ngei aniang, Shino chuan a thlang thiam reuh kher mai, a mah ang chiah a mifing leh rem hria ani ngei ang, saw tiang kum lek ah Company a en kawl thei tawh anih chuan.
"Graven nei tu pa iti em ni?" Sam chuan a rawn tu sup a. Malaki chuan alo en ha a.
"Malaki, Sam anih hi, ka thian" ka lo ti sap a.
"Oh, ani maw, ka hmu che a ka lawm e" alo ti ve vat, Sam chu alo bu nghat ringawt a.
Shino, alo lang e, A Pa ngeiin a rawn hruai e, tun ah chuan Shino saw khawvel a hmeichhe hlim ber ani ngei ang, Papa Sharon in Sebastian kut a Shino a hlan zawh chuan kan bul ah chuan a rawn thu zui ve nghal a.
"Ka lawm e, Beleny" a rawn ti zui sap a.
"Papa, fanu te kiang ah lawmthu an sawi ngai lo" ka lo ti vat a.
Ka kut a rawn chelh vawng vawng a, a kut leh lam in, a fanu a kuah bawk a, ka sirlam chu a en a, Sam chu chik zet hian a en zui vang vang a, a kiai zui suk a.
In neih hun serh kan hman zawh chuan in thih hlimna in hun kan hmang zui nghal a, he Shino leh Sebastian te reuh hi, Honeymoon a kal an lo ruahman hauh lo, naktuk a tang in hna an kal chhun zawm nghal dawn mawle, an va han rapthla reuh tak, Sam hian a be tha deuh hurh a ka hriat chu, Sundawn na lam an sawi ho theih hlawm vang anih ka ring.
In kan haw chu Sam chuan min thlah ve mai a, mahse rawn lut lo chuan a haw leh nghal mai a, mahse min be tam lem lo khawp mai, a tawng tam lo ve thin hrim hrim a, ka hre thiam tho mai.
Ka in bual fai ser sawr a, ka in thlak fel a, ka mu zui than a, Webtoon lam ah ka lut zui leh nghal a, ka chhiar tui lai tak chuan ka phone a rawn ri a, Sam anih hi.
"Hello" ka ti sap a.
"I mu tawh em, Bee" a rawn ti a.
"Imm, ka mu mai mai, enge i tih?" ka lo ti let vat a.
"Hna vawin ka khawi loh ho ka khawih mek a" alo ti vat a.
"Anih chu i buai em?" ka lo ti vat a.
"Buai deuh tho, ka ngai che a, ka be chak che a ka rawn be zuai che" a rawn ti chu ka thin hi a phu dep dep in ka hria.
Min ngaihthu a sawi ve ta, in ngaizawng tak tak kan lo ni tawh anih hi, a nuam e, bialpa ka nei ve tak tak tawh a.
"Kei pawh in" ka lo ti lai pat a.
"Imm, anih ka dah ange aw, Bee, muttui aw" a rawn ti a.
"Muttui le, Sam" ka lo ti ve vat a, a dah zui mai a, awiii ha, ka sa het het mai, awii anuam e, min ngaihthu an sawi ngei ah, awiii, a nuam, a nawm dan hi sawi thiam a har tlat.
Lawm zet chuan ka nui mu vur vur a, bell maw, Bell a ri leh tawh, "Beleny" min ko tu an awm ka hawi ruai a, ka kiang ah tumah reng an awm si lo.
Ka beng chhe ri a ni ang, nga ti nge Bell ri hi ka hriat fo le, ni lo ka hre fo lo, ka suangtuah na mai ami ani, ka beng chhe ri mai mai a lawm, hei eng thawm mah a awm leh tawh lo hi, mu hmak ang, mut pah chuan Vasco chu ka dream leh hram a, a nuam ve em ani.
Sam nen chuan kan in ngaizawng chu kan in be tam lem lo, a buai ve em ani, chuan Shino te Nupa lenchhuah pui a sawm tur in a min ti chhen leh nghal a, vawikhat chu thingpui ka in pui tawh a, ti nge le, a ngaina hlawm viau a mawn le, Sundawnna chung chang ringwt an sawi a, lo awm ve nuam ka ti lo ropui si.
Ka in siam malh malh a, Sam nen Shino te nupa in ah chaw kan ei dawn, chhuah ka peih vak lo a sin le, tih tur em em nei lo mah ila, an ti ti ka pawl lo thei sia, nuam ka ti lo.
Sam lah chu a phur sia, a rawn thleng hma mai sia maw, oh ni tak, Shino in Sam in lo keng tur a tih kha a keng em le, ka hrilh leh si lo a, a hma an sawi kha a hre reng a ngem le, ka zuk zawt lawk, in hnuai lam ah chuan ka chhuk nghal a.
"Min lo call rih lo tur in ka tih che kha" Sam in a ti ri ka hriat chuan ka ding deuh dat a.
"Graven nen a contract kan tih fel hma chu ka biak loh che chuan min lo be lo tur che in ka tih che kha" a ti leh chu, ka nghing deuh dawt, tu nge a biak le.
"Ani ang hmeichhe mawl tak hi ka duh lo tih vawi engzat nge ka hrilh che a ngaihdawn a" a ti leh hluk a.
Hmeichhe mawl maw, tu nge a sawi chu le, kei mah a sawi na ani thei angem, Sam hian kei hi, Shino te Nupa hnaih nan min lo hmang ani thei a ngem.
"Dah teh, vawiin ah hian contact chungchang ah kan in be dawn, kan tih fel chuan Bee chu ka then mai ang, kan tawng a hre palh ang, dah rawh" a ti leh mawlh mawlh a.
Kei hi, Shino te nupa hnaihna hmanrua ka lo ni tak zet, nga ti nge kei kher, engmah hre lo kei kher hi ti nge a thlan, Sam mitha ber ni a ka lo hriat khan kei hi hmanrua a tan min lo hmang amaw, nga ti nge, ka chhungte nen hian kan in hnaih viau reng thin alo rin vang em ni.
Ka chhuk thla chhat chhat a, "Ka tawng a hria nge ka tih chu, dawhthei ve deuh teh, nakin lawk ah ka nu" Sam chu a tawp chawt a, min en ho a.
"Dah rawh" ka lo ti sap a.
"Bee" alo ti tham tiak a.
"Kan kal a hun tawh ani lawm ni, kal thuai ang" ka lo ti daih a.
Ka in her zui zat a, "Scooty in ka kal dawn a, min lo zui ve mai rawh aw" ka ti leh ringawt a, ka kal zui nghal zat a.
"Bee, ding teh" tih pah chuan Sam chuan min rawn kai ding chawt a.
Ka lo en kal a, ti nge a nih hian kei kher min thlan, kei chu ka mawl a, engmah hriat ka nei lo a, ka dawihzep in thian siam dan pawh ka hre lo, nga ti nge a ni hian hmanrua ah min hman, khan ka lak a that a lo chhuah na thin zawng zawng kha, he mi a tan hian alo ni em ni, nga ti nge, engmah ka hre ve lo tih a hria maw ka lo tia sin, Shino te nen kan in be ngai lo tih a hria emaw ka tia sin, ani hi, mi tha ber, ka bialpa emaw ka lo tia sin, mahse a tan chuan a bialnu lem a hmanrua pawimawh tak ka lo ni zawk si, nga ti kher nge, ka hre lo, ka hre lo tak zet.
"Engmah kha i hre lo em ni?" Sam chuan a ti lai rut a.
"Ka hria" ka lo ti sap a.
A hmelchu, a zak nge a in thlahrung pawh ka hre lo e a.
"Bee, ih" a ti ringawt a.
"Nga ti nge kei kher" ka lo ti sap a.
Min en ho a, "Bee, ih e, min ngaithla teh" alo ti ringawt a.
Ka phone a rawn ri ral ral a.
Shino anih hi, "Beleny, in lo kal dawn tawh em?" a rawn ti sap a.
"Sam chu hei a rawn chhuak dawn chiah e, ka Pum ana a, ka rawn kal thei lo, ka tih palh aw, Shino" ka lo ti sep sep a.
Sam chu ka melh ran a, mak ti zet chuan min lo en ngawih ngawih ringawt a.
"Awle, ka hre thiam e, ka lo kal ang" a rawn ti sap a.
"A ngai lo, Shino, ka tha leh mai ang" tih pah chuan ka dah zui nghal a.
"Kal tawh rawh, ka sawi tawh kha, Shino chu ka lo bia ang a, i duh chu tih pui tlin sak tur che in ka lo ngen ang, anih aw" tih pah chuan ka in her zui zat a.
"Bee" Sam chuan alo ti sap ringawt a.
Ka room pan na kai lawn ah chuan ka pen chho zui nghal a, a chhan hriat ka duh ngawih ngawih, mahse a sawi lai ngaih thlak ka duh lo, ka ngam ngang lo ani, ti nge a lo that der, hmeichhe mawl tak, a duh miah loh kha ti nge beiseina alo pek, ti nge ngaihzawng a sawm, heng hosakna a sumdawn na vang chauh khan maw, tun ah hian mi hausa chhungkua a ka lo piang hi ka inchhir tak zet, ni lo se chuan ka hmanrua mai mai ka ni lo tur, engtin nge a theih, engtin nge a nin em em hmeichhia lak ah alo that der theih le, engkim hi ka mawl vang ani, ka va han mawl em, a sawi ang khan ka mawl tak zet ani, a bialnu ka ni tih a sawi a, mahse min be ngai lo, min ngaihthu vawikhat a sawi a, chu pawh chu, Shino te in neih zan chhiah in, kan in pawh tlang ve anih tih a rin vang in, ka thah nuih hawk a.
He khawvel hi ava han nunrawng tak, ka thian neih ve chhunten ka sum leh ka thil neih chauh an duh a, ka bialpa ni a ka lo hriat ve tan hmanrua ka lo ni bawk a, ti nge, an engpawi nge ka saw, ti nge ka lak ah an sual hlawm em em a, an thin ti rim tur pawn ka tawng ve ngam ngai lo asin, nga ti nge, ka tap chhuak rawng rawng a.
"Khawngaih in Lalpa, he tah hian awm ka duh tawh lo, he hrem hmun ah hian ka awm duh tawh lo" ka ti ngawih ngawih a, ka tap zui rawih rawih a.
Ka lo in tap muhil ani ngei ang, ka phone rik ah chuan ka harh zawk a, Shino anih hi.
"Imm, Shino" ka ti ti tiau a.
"Engkim i hre vek tawh ani tiraw?" a rawn ti sap a.
"Shino" ka ti sap a, ani hian alo hria maw, engtin.
"Ka hmu duh ka tihna chhan kha i hria em, eng ang mi nge anih hriat ka duh vang anih kha, chuan a hmel tum hmuk, keini min hmuh hnu a hlim tak surh ah khan ka hre thiam ta chiah ani" a rawn ti sep sep a.
Shino ka nau fing tak, "A duh ang in lo tih sak em?" ka ti sap a.
"Imm, i duh dan in ka ti e, Mahse, a beisei ang chu anih chiah ka ring lo, ka lo nunrawng deuh nih pawn min ngaidam dawn nia aw, Beleny, ka u, tina chu ka nuih reng tir thei lo" a rawn tu sep sep a.
"Ka lawm e, Shino" ka lo ti sap a.
"Awle, Beleny, i tha ania" a rawn ti leh ringawt a.
"Imm, ni e, ka tha e" ka lo ti let ve vat a.
"Awle, anih aw, Beleny" alo ti leh a, a dah zui zat a.
Thil dang lam lo chu alo la awm ve anih hi, ka nau Shino, ka nui saih a, ka phone chu ka en a. Sam messege alo awm, min la be ngam tho a maw.
"Ka lawm e, Bee, hmeichhe tha tak ini" tih te mai, lawmthu chauh maw, ngaihdam min dil dawn lo maw, ngaihzawng anga neih let ka duh vang ani lo, mahse ka thinlungna tak a siam a vang hian ngaihdam dil ka phu ve lo em ni, ni e, ka phu lo ani ngei ang, kei chu ka mawl in ka lakthlak loh em ani.
Ka bang a Vasco thlalak ka tar chu ka en vang vang a, "Nang ni ang hi ni ve daih ila aw, ka hlim ve tur ania" ka ti chhuak sap a.
Tun ah hian he khawvel a awm ve hi ka chak lo ngawih ngawih, an zavai khan min lo nuih zat ngawih ngawih thin awmsia, ti nge Mi hausa fanu tlawzet mawl leh engmah hre lo a ka lo pian bik le, lehkha zir chauh hi ka tih theih chu ani mai si a, mi te nuihsawh leh hmuhsit ni tur hian ti nge ka pian bik le, ka thawhak a, Beleny, i phu tawk ani, engmah hi i ngaihtuah chian duh loh vang anih hi, i phutawk ani, tah a ngai tawh lo e" ka lo ti sap a.
Ka in ti fai a, chaw ei pawh a tui lo tak zet, he lai thinlung hi ana in a khawngaih thlak awm tak zet ani,tihsual nei lo mahse chhia tin reng a tawng bik si a, ka khum ah chuan ka thu vang vang a, ka bang a thlalak tar chu ka en a.
"Mumang ah tal suangtuah na nuam tak ah tak ah min chenpui rawh aw" ka ti chhuak sap a. Bell a rawn ri ral a, ka chhing zui diar diar a.
Ni eng in ka hmai a rawn chhun vawt vawt ah chuan ka meng kawk a, khawlai ah ka ding maw, chuan helai hmun hi, ka hriat ngai ani hauh lo, ka hawi ruai a, J high school maw, chuan an uniform ka ha a maw, kei hi, Webtoon chhung ah ka lut a maw, ni lo, ka mumang anih hi, ka mang, imm mumang anih hi.
Tu emaw in min rawn sut thluk pawp ah chuan ka te that a, ana lutuk, ka khup chu ka en vat a, a thi ania, ana lutuk, ngawilawk ana maw, na ka hria amaw, ka hawi chhuak ho a, ka mengphawk hraw bawk, mumang ani lo, kei hi, Webtoon chhung ah ka awm.
Shino