WHEN THE BELL RING BY Bee Da Shino‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: WHEN THE BELL RING BY Bee Da Shino‎ (Completed)

Unread post by Ngaia » October 25th, 2020, 4:44 pm

WHEN THE BELL RING.13.
Ti nge mumang ram ah ka kir miah loh le, ka zing ka thanharh in ka room ah ka lo la awm, engtin nge niang, Johan thil tha lo ilo ti tawh em bik lo ang tiraw, lo duh tawk rih rawh aw.
"Bee, Bee", tih pah chuan Mimi chu a rawn tlan luh rawk pah in a rawn ti a, ka lo en ha a.
"Bee, Loria a thi nia" thaw hlawp hlawp chung chuan a ti leh chu ka mutna tang chuan ka tho awk thei.
"Nga ti engvang in" ka ti ha a.
"Ih, ih an sawi dan chuan, a au vak vak a, Bee ka ti na tawh lo ang te atia, ngaihdam a dil chiam chiam hnu ah chem a la lawk a, a thin a zawn ah a zai a, a mah in a thin a phawrh an ti, Bee" hlau thawng deuh chuan a ti hlap hlap a.
A thin a phawrh a maw, mumang kha, Sora kha a thin phawrhsak anih kha, mahse kha chu mumang a lawm, thil in tawng palh ve mai aniang, mumang leh a tak chu a in zawm thei lo.
"Bee hremna an tawk ani ngei ang tiraw?" alo ti sap a.
"Anih mi dang" ka ti leh ringawt a.
"Ih, Sarfina pawh kha, a ding mai mai lai a te thawt a, a thu hnawk a, a keh ruh a tliak ringawt an ti bawk a" alo ti leh sap a.
Ka meng kawk mai, mumang a min khawih tu pakhat kha, a ke tih tlih anih bak a ring tih thliah ani bawk a, ni lo, mumang alawm, Sarfina a thi ve hlei nem, a keruh a tliak mai a lawm, mumang chu mumang mai ani, in zawm na nei lo.
"Bee, an sualna vang khan hremna an tawng aniang tiraw, Bee kei hi hrem ka ni ve a ngem?" alo ti khur dar dar a.
"Aih, teuh lo, Mimi, nang ang mi tha hi tu in nge hrem ang, a tha ania, hremna lam ani lo, an thil tih dik lo in an mahni a a ti buai anga an át pui ani ngei ang, Mimi, tih sual i neih ve loh kha hlau suh" ka lo ti malh malh a.
"Kha lai hmun a rawn hruai tu kha ka ni sia lawm Bee" alo ti tiau a.
"Mahse ka tan i ding leh lawm, tih sual i nei lo, khang thil kha an ti dawn tih i hre hlei nem, hlau suh aw, hremna lam.ani lo ang, i chung ah engmah a thleng lo ang" ka lo ti malh malh a.
Ka mut hilh angai, Johan ka hmu a ngai, heng thil hi mumang nen in zawmna anei lo tih fiah a ngai, "Mut hilh ka duh e" ka ti sap a, ka thi a Bell chu ka khawih a, a rawn ri ral a, ka chhing zui diar diar a.
"Bee, ilo harh leh ta" tih sup thawm ah chuan ka hawi ha a, Johan a nih hi, "Johan" ka ti that a, ka kuah chawt a.
"Ka lo let leh thei tawh dawn lo emaw maw ka tia sin" ka ti chhuak sap a.
"I mut hilh hlen ka phal hlei nem" alo ti sup a.
"Johan, Sara te kha" ka ti chiah a.
"Thil ei rawh aw, i lo harh chuan in tih chak i ngaih kha" alo ti daih a.
"Mahse Johan, Sara" ka lo ti leh a.
"Doctor sawi i hriat vek kha" alo ti leh tlat a.
Ti nge ka thusawi tur hi peh hel a tum tlat mai le.
Min pawm phei a, dawhkan a ei tur lo in chhawp dal mai chu ka en vang vang a, ka ei that loh hlau tih hriat tak in min vil hrut hrut a ,min barh deub ti tih leh nghal a.
Ka zawh chuan min pawm kual leh a, ha te min nawh sak, min duat vel e, ava han nuam tak, ka zawh tum pawh ka theih nghilh daih.
"Bee kal lawk na tur ka nei a, lo awm la, ka lo let leh vat ang aw" a tih chuan ka lo en ho a
Rini kha, ni lo, ka chal ah chuan a rawn fawp a, a kal zui mai a, ni lo, Rini, khum a tang chuan ka tal thla nawk a, ka ke leh lam ka chet hlei thei bawk si lo, ka bawk vak deuh tih tih in ka hria, ka zakdawm tiang awmna ka thleng ve thei hram e, ka in hawl chhuak zui nghal a, bike pawh a keng lo, Tiang nen chuan ka theih ang ang a chak in ka ka um ve sawih sawih a, abo a bo daih, khawnge a kal, Lalpa ka tlai lutuk lo ang tiraw.
Ka zawng ruai a, mahse kei a ke na in ka zawng hmu thei si lo, te that thawm ah chuan ka hawi phawk hra a, te thawm lo chhuah na lam chu ka theih patawp a chak chuan ka pan ve a.
Ka ding chawt, ka hma ah chuan Johan chem keng in a lo ding a, a chem hmawr ah chuan thi a far thla kauh a, a bul chiah ah chuan Rini (Sena) chu thi tur chal chang tih hriat tak in a lo leng arh arh a, a ka chu a ang huau a, a lei chu a awm ah chuan duhdah tak a paih tlak tih hriat tak in awm daih bawk a,Lalpa ka tlai.
"Johan" ka ti khur lai rawt a, a rawn hawi rang kher mai.
"Bee" a ti tham tuak a.
"Eh...en..e....engthil nge itih?", ka ti bah khur dar dar a.
"Bee, he tah rawn kal tur ini lo asin" Johan chuan alo ti sup a.
"Ti nge?" ka ti chhuak tuau a.
"Kan kal angai" a rawn ti sup a, min rawn pawm nawlh a.
Ka lo te deuh that a, ka hlau ani, ti nge a tih, engtin nge kha tiang khawp a rapthlak khan a that theih, a nunrawn thlak emai.
Ka tap thei lo, ka khur hlawk hlawk a, ka hlauhna vang chuan tawng pawh ka tawng ngam lo, in ah min luhpui a, khum ah min nghat a.
"Bee" a ti sup a.
Ka lo tawlh rawk a, hlauthawn na khat mit meng chuan ka en ran a, ka khur dar dar bawk a.
"Bee min hlau em ni?" a ti chhuak sap a.
Chhan pawh ka chhang ngam lo, "Bee min hlau suh ka ti na dawn lo che, khang mi te khan an tih nat leh tawh lo nan che, hremna ka pe mai anih kha" alo ti malh malh a.
Hei hi keimah vang maw, ni e, keimah vang, Johan hian keimah min ven him nan tual a that, kei hian ka body guard ni tur in ka sawm a, chuan ka in hmangaih tir a, a hmangaih ven him a in tiam a, a thu tiam ang in min veng him ani.
"Kei...keima thiam loh vek ani" ka ti chhuak hrawk a.
"Bee" alo ti sup a.
"Keimah vang ani, min...min tiam a, min veng him ang tih i tiam a, chuan kei hian tual that tu ah ka chhuah che ani, kei ang hmeichhe lak tlak loh hian tual that tu ah ka chhuah che ani" tap chung chuan ka ti chhuak mawlh mawlh a.
"Ti nge, mumang ah leh zel pawh ti nge?" ka ti chhuak tuarh a, ka tap zui rawng rawng a.
"Bee, hei, nangmah vang ani lo, khawngaih in, mumang tih kha sawi tawh suh" Johan chuan mang ang zet in a rawn ti a.
"Mumang nuam ber tur ania sin, engkim hi a tha in a mawi a tur ania sin, ti nge engkim ka tih chhiat" tih pah chuan ka tap tuarh tuarh a.
"Bee, khawngaih in, mumang tih kha sawi tawh suh, khawngaih in" a rawn ti mawlh mawlh a, min rawn kuah a tum a, mahse thla ang mai in min khawih fuh thei lo.
"Ti nge?" ka ti tuarh a.
Ka meng zui kawk a, ka let e, chanchin thar, chanchin thar, Lalpa Rini i tha tiraw, ka phone chu ka lek khur dar dar a. Engmah a awm lo, a tha e, Rini a tha e, ni e, mang chhia anih kha, mumang leh a tak chuan inzawmna an nei ngai lo.
Ka phone rawn rik ah chuan ka phu zawk a, Mimi nih hi, ka chan chin min rawn zawh a tum ani ngei ang, ka thian ani ve ta hi ka lawm ani.
"Aw, Mimi" ka ti sap a.
"Bee, Rini a thi" a rawn ti khur dar dar a.
Ka phone ka thlauh lo chauh, a him a maw ka tia, ti nge a him loh.
"Ti...ti nge?" ka ti bah nawk a.
"A hma ang tho khan, amah in a lei a tan a, a hrawk ah a zai" alo ti leh a.
Mumang ang chiah, ti nge Mumang ang chiah anih, ti nge.
"Bee, hremna ani tak tak aniang tiraw, an..an..sawi a, mipakhat hmuh theih loh a hau vak vak a, chu mi hnu ah a nui uar uar a, a mah a in zai zui nghal an tia, Bee hremna ani tak tak ang tiraw?" a tap tuau chuan a rawn ti mial mial a.
"Ka...kah...ka hre bik lo" ka lo ti bah nawk a.
Ka thi chu ka khawih a, Clarson, ani khan he thi hi min pe a, thil tha lo a piang min lak bo sak ang a ti a, Lalpa leh.
Clarson ka biak a ngai, ka phone a rawn rik leh ah chuan ka mengkawk a, Clarson maw, ka la vat a.
"Ti nge i tih?" ka ti tawng a.
"Tun ah chuan Bee lung muang tak in i awm thei tawh ngei ang tiraw?" a rawn ti daih a.
"Ti nge i tih, ti nge an ni kha i thah" ka ti that a.
"Bee, tumah ka that reng reng lo, an mahni an chhia in a that anih kha" a rawn ti dam thliam a.
"Dawt sawi suh, an ni kha nang hian i that ani, engvang nge i tih, kei hi i tan enge ka nih?" ka ti leh hlak hlak a.
"Bee, dawt ka sawi lo, nang ang mitha hian thil tha in phu ka tih vang in venghim tu che ka pe mai ani, an ni kha, an ânchhia vek in a that anih kha, Bee, mangtha aw, mumang nuam tak ah kir leh tawh rawh" a rawn ti sup sup a, a dah zui daih a.
Ni lo, he mumang hi ka tih tawp angai, ka hmangaih em em Johan ka chan dawn ngai mahse ka tih tawp angai, ka tih tawp loh chuan keimah min ti na tu a piang in an tuar dawn si a, kei hian mi nunna hi kut thawh miah lo in ka la ani, ka tih tawp angai.
Thi chu ka khawih a, "Mut hilh ka duh e" ka ti sap a, ka chhing zui riai riai a.
Ka khum bawh a johan-a lo muhil bal mai chu ka en ran a, ani hi ka kal san thei dawn em ni, mahse ka tih angai si, anih loh chuan he mi hi ramhuai ah ka chhuah mai dawn si a.
A lu ah chuan ka zuk chul a, a rawn hawi chho phak chial a, ka lo nuih ver ver a.
"I lo let Bee, i lo let, nangmah ini tiraw, Bee ilo let ani tiraw?" lawm leh rin hlelh hmel zet chuan a rawn ti a.
"Aw ka lo let" ka ti sap a.
"Ka lawm e, Bee, ilo let a ka lawm e" min rawn kuah chut chung chuan alo ti mawlh mawlh a.
"Johan" ka ti sap a.
"Bee, zin dun ang aw, i chak ber kha kan ti dawn nia aw, i duh a piang i chak a piang kan ti dawn nia aw" a rawn ti malh malh a.
A hmel ah chuan hlauh thawn na tam tak ka hmu thei, ni e, engkim ka tih tawp hma in, ani nen hian hun nuam tak hman ka duh ani, mumang hi hlim awm tak in tawp tir ka duh ani.
"Awle, chu tiang chuan ti ang aw" ka lo ti sap a.
"Iti tak tak em?" alo ti tham tiak a, ka lo bu nghat a.
"Sun, kan bia ange, khawnge kan kal ang, oh ka hria e, Jiju island ah aw" in tih thawven tum zet chuan ka ti hluai a.
"Awle, chu tah chuan" thawhuai chung chuang alo ti a.
Sun chu ka be vel chu min lo en reng a, a hmel ah lungngaihna thuk tak ka hmu thei, min chan hi a hlau ngawih ngawih ani ngei ang.
"Le in siam ang le" ka ti hluai a.
"Awle" a ti sup a, a in her zui nghal a.
"Johan" ka ti sap a.
A rawn in her vat a, "Ka hmangaih che" ka lo ti sap a.
A rawn let phei ruak a, min rawn pawm chawih a, min rawn fawp vawng vawng a, "Kei pawh in ka hmangaih che" a ti zui sup a.
Ti nge Mumang mai anih le, ka tap mai dawn in ka hria, ka tap tur ani lo, "Kal vat la, dar 11 a chhuak tur ania aw" ka ti zui hluai a.
"Ah, aw, awle, ka kal e" alo ti nak a, e hmel ngui tak kha thlem in a hlim leh deuh e, ni e, hun tawp ah hlim thei ang ber in ka siam dawn ani, natna tam tak tuar tu, hlimna aia anu tih dam na nan a, khawlai a vah vaih thlang tu, a hmangaih ven him nana tual that tu, hlimna zawng zawng neih a phu a, ka pe dawn ani.
Ka in siam sat sat a, a rawn lut leh rang hle mai, min rawn pui zui zat a, kan zawh chuan in kai ral in kan chhuak zui nghal a, kan va han khawngaih thlak awm tak em, rei lo te hnu ah engkim a tawp tawh dawn si amaw.
Thlawhna kan chuan lai pawn kan kut vawn kan thlah phal lo, Johan hian engkim ka ti tawp dawn tih hre lawk ang mai ani, min hlat phal lo, ka tih chak a piang min tih pui a, mahse hmel hi nui mahse he thinlung hi ava tap ring si em.
Khum ah chuan kan mu dun ral a, kan in en reng a.
"Bee" a ti sup a.
"Imm" ka lo ti vat a.
"Ka lawm e aw" a ti zui sup a.
"Ti maw?" ka lo ti vat a.
"Nang min hmangaih tir a vang hian ka lawm e aw" alo ti leh a.
Min dem lo a, kei engmah thatna nei lo, engtik lai pawh a buaipui ngai, keivang a tual that tu a chhuah na hmeichhia, kei hi min dem lo a, min tawn a vang hian a lawm a maw, ka mittui chua tling pam a.
"Kei pawh, hmangaihna leh ngaihsak na hlut na min zirtir a vang hian ka lawm e aw" ka lo ti ve tiau a.
A nui suk a, ka mittui chu hru in min rawn fawp vawng vawng a, ka lo fawp let ve vat a, a kut chuan ka taksa chu a rawn chul ruai a, ka lo melh ran a.
"A pawi iti em Bee" a ti sup a.
Ka lu ka lo thing mat mat a, ni e, pawi ka ti lo, ka hmangaih tan ka thianghlimna hlan hi pawi ka ti lo, a tak ah ka thianghlimna hlauh phah dawn pawh ni ila, a pawi ka ti lo.
Muang chang chuan ka thawmhnaw chu a rawn phelh a, a thuamhnaw a phelh chu a nalh tak zet, he taksa nalh tak hi, ka dam chhung in ka hmu leh thei tawh dawn si lo, muang leh duh thawh zet chuan min rawn fawp a.
Ka hnute chu zei tak maiin a khalh kual a, nawm na nasa tak in min tuam chu chiang tak a ka hriat hnu hnun ber ni mai in ka hria, ana, ka meng kawk a, ana kher mai.
Min rawn en a, "Bee, ka lawm e", ati sup a, hmangaihna lipui ah chuan damchhung a cheng dun thei lo mi pahni chu thuk tak ah chuan kan pil dun vang vang a.
Ni in ka hmai a rawn chhun ah chuan ka meng siar siar a, ka in her sat sat a, ka khap fak fak a, duh tih hriat ngawih ngawih a min lo en reng tu, Johan chu ka en let ve ran a, ka nuih var var a.
"I nui hmel mawi tak min hmuh leh tir a ka lawm e" a rawn ti sup a, min rawn fawp zui vawng vawng a.
Ni tak e, vawin hian engkim a tawp tawh dawn tak e.
"Johan" ka ti sap a.
"Ni lo, sawi suh, Bee he mumang hi ti tawp suh" a rawn ti chhuak hrawk a.
Ka lo en ha a, "Ka hria a lawm, i muhil anga ka sawi khan i muhil satliah lo, thlarau ang maiin khawih fuh theih loh in i awm thin, ka hria sin, i lo harh chhuah a piang in i khum ah kan lo awm thin, Bee, khawngaih in, i mumang hi ti tawp lo hram rawh" a rawn ti malh malh a.
Alo hre vek amaw, alo hre reng thin a maw, mahse engtin, engtin nge a hriat theih.
"A tir ah chuan a awmzia ka hre bik lo, mahse mumang ani tih i rawn sawi chhuah khan ka hre thiam chiah ani, kei ni hi mumang ram ami mai, ka hria tih i hriat chuan kal bo kha hlau a, hre lo ang in ka awm thin ani, Bee, i mumang hi i ti tawp dawn lo ani tiraw, khawngaih in" ati leh malh malh a.
"Johan" ka ti sap a, a awm ah chuan ka hmai ka phum a, chhuak zet in ka tap chhuak hlawp hlawp a, min chan a hlauh avang in hre lo ang in alo awm thin a maw, tiangkhawp chuan min lo duh amaw, engtin nge ka tih tawp theih ang, ani hian kei lo chu neih a nei lo asin, mahse, nunna ka la thei tawh si lo, kei hi he mumang nen chuan anchhia mai ka ni si.
"Johan a ngai si a lawm" ka ti tiau a.
"Ti nge mumang mai kan nih le, Bee, ti nge, mumang hian tawp chin a neih a ngaih, ti nge tawp thei lo mumang anih ve mai loh" a rawn ti mawlh mawlh a, a aw a tang chuan ani pawh a tap ani tih ka hre thei.
Ka Johan hi ana ngawt ang, ana ngawih ngawih ang, ka tan chuan engkim a ti thei si a, min hmangaihna thuk tak nen hian a thinlung hi a na nasa bik ngawt ang.
"Johan, ka hmangaih che, ka tih palh aw" tap hlawp hlawp chung chuan ka ti a,
Ka chhing zui riai riai a, "Bee, khawngaih in ,Bee, ka hmangaih che, kal suh, Bee, khawngaih in" a ti chu hla tak atang a rawn chhuak ang mai hian ka hre ruai ruai a.
"Bee ka hmangaih, ka rawn zawng chhuak ngei ang che,min lo nghak rawh aw" ka meng zui kak a.
Ka mittui chuan ka mit ala ti hnawng chhap thei, ti nge mumang mai anih le, ti nge kha zawk kha nun tak zawk anih lo, tual that tu pawh ni se, engmi pawh nise, johan kha ka hmangaih asin, ti nge mumang anih kher le.
Lalpa, mumang kher ti nge anih, nga ti nge kha mumang kha a tawp angaih, ti nge ka mumang chuan mi nunna a lak kher, Lalpa khawngaih tak in, kha mumang ah khan ka hlim asin, Lalpa, engtin nge ka tih tak ang, chhuak zet chuan ka tap rawih rawih a.
Tah nasat luat avang a mitbui lak leh luhai bur chuan ka tho taih taih a, thisen maw, ka period em ni, ka in en vat a, bathroom ah chuan ka lut a, ka in bualfai vat a, ka period lo maw.
Ni e, ka hmangaih chaun ka thianghlimna a kawl ta e, thil hlu tak pakhat tal ka pe ve a lawm, ka tah nuih sak a, ka chhuak a, darthlalang hma ah chuan ka thu a, ka nghawng a thi chu ka khawih a, ka en vang vang a.
Ka tih ngei angai si a tiraw, thi chu a phelh a, ka en vang vang, ka mittui a rawn hnam tiam tiam a, "Mangtha aw, Johan" mittui luang ngiai ngiai chung chuan ka ti chhuak sap a.
In cheina dawh kan a, ka thil dah chang tha tak chuan a locket chu ka chhu zui bur a, enge maw hi a rawn thaw huk a, keimah a tang hian chu thli chuan enge maw a len chhuak hawk ni mai hian ka hria, mumang chu a tawp ta, abo ta, engkim a tawp ta e, ka hlimna ka la bo ta, dawhkan bawh chuan ka tap zui tlawk tlawk a.
🌹Shino🐝🌹



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:45 pm

WHEN THE BELL RING.14.
Ni chu a liam zet a, ka taksa mai bak ah ka thinlung lam pawn dam lam an pan ve zel e.
Ka phone a rawn ri ral ral a, Sam maw, engtak chu sawi tum ni maw.
"Hello" ka ti sap a.
"Bee, i dam tha tawh em?" a rawn ti sap a.
"Ka tha e" ka lo ti sap a.
"Bee, ih e, ka tih palh, engkim a vang khan ka tih palh, Loria in a tih nat che vang khan tih palh bawk aw" a rawn ti malh malh a.
"A..awle, i thiam loh a nih loh kha, i chhanna ah ka tawrhpui che" ka lo ti ve tawp ringawt a.
"Ni lo ka thiam log vek ani, Shino te khan kan tih dan che engkim kha an lo hre vek a, chu vang chuan deal kha an ti tawp a, ka thinrim in a mah kha ka then phah a, tiang khan a chet duh ka ring miah lo a, ka tih palh tak zet" alo ti malh malh a.
"Ngaihdam dil tawh suh, hun kal tawh anih kha, theih nghilh tawh raw" ka lo ti let vat a.
"Bee, kei ni hian nang ang hmeichhe tha tak kan tih nat che man chu kan pe anih hi tiraw" a rawn ti sap a.
"Ni lo e, mitha ka ni bik lo, ngaihtuahna chhe tak tak ka nei ve tho a lawm, in thiam lo tawh suh" ka lo ti let vat a.
" Ka lawm e, Bee, mitha ber ani, ngaihdam tlak kan ni lo chung a min ngaihdam a vang pawn ka lawm, Loria leh Rini kha la awm se chuan" a ti a, a ngawi zui daih a.
"Bawihte" ka Nu in a rawn tih chuan ka hawi vat a.
"Sam, ka Nu in min ko a, kan kal phawt ange aw, kan in be leh dawn nia aw" ka ti vat a.
"Awle, anih aw, Bee" alo ti ve vat a.
"Anih leh le" tih pah chuan ka dah zui mai a.
Ka Nu rawn lut chu ka lo en ran a, ka lak ah ala in thlahrung reng ani maw, "Bawihte hei alo thleng a" a ti zui sap a.
Ka lo en vat a, ka tling e, Lalpa ka tling, "Bawihte, enge, i thling em" in thlahrung zet chuan alo ti leh a.
"Korea ah ka kal dawn Nu" ka lo ti chhuak sap a.
"Engmaw, i tling maw, awii ka van lawm em, awii ka fa" a ti chiah a atawp zui chawt a.
"Ipa ka zuk hrilh ve ange aw, a lawm ve ngawt ang" a ti zui sap a.
A kal tur in her tawh chu a hnung lam a tang in ka kuah chawt a, ka nu hian ka lak a in thlahrung tak a awm tur hin tih sual a nei reng reng lo, hmasial tak a, keimah chauh ngaihsak na tawn ka lo duh vang mai mai ani.
"Nu ka Lawm e, ka tan a hah tak a hna i thawh thin a vang pawn ka lawm, nu tha ber ini" ka ti sep sep a.
Ka nu chu a rawn i sut chhuak hlawp hlawp a, a rawn in her let a, min rawn kuah chawt a.
"Bawihte, ka fanu, ka fanu duat, ka tih palh, anu hian ka tih palh" a ti zui mawlh mawlh a.
"Nu, ngaihdam min dil tawh suh, i thiam loh ani lo, tuma thiam loh ani lo, tap tawh suh, bang tawh rawh" ka lo ti malh malh a, a mittui chu ka hruk sak pah hlap hlap bawk a.
"Aw nie, Bawihte ka tap tawh lo ang, ka fanu hmeltha Bawihte, khawvel a fanu tha ber ini, kei hian nang ang fanu neih hi ka phu lo hial zawk ani, fanu chhuan awm ber ini" alo ti malh malh a, ka nu chu ka lo nuih var var a.
"Khawvel a Nu leh Pa tha ber ka neih vang ani ngei ang" ka lo ti sap a.
Khuh kharh thawm ah chuan kan hawi dun vat a, Ka Pa leh Ka U hmeltha zet Obeda, ka Pa thian thi ta hming chawi a an phuah chu khawngkhar bul ah an lo ding dun reng a.
"Kei ni pawh kan tel ani lawm ni?" ka u chuan a rawn ti hluai a, ka Pa en chuan an rawn kal phei a, kan chhungkua chuan in hmangaih tawn tak kan in kuah khawm tai hlawm a, hei ngei hi ani chhungkua chu.
Ka in pack malh malh a, ni e, a tak ah awm lo mah ila, Johan kha, korean Webtoon ami ani miau a, khang hmun zawng zawng kha fan leh ka duh ani, chu vang chuan Japan ah ni lo in Korea ah zawk ka ti ani, a tak ah awm lo mahse, ka hmangaih hlimthla awm na chu ka tan chuan a hlu ani.
Tun ah chuan ka dam vek tawh, thla 6 lai a liam tawh a, ka kal thei tawh e, "Bawihte i in kengkim maw?" ka Nu chuan a rawn ti a.
"Kim in ka hria, mamawh ang chu a hmun ah ka lei leh mai ang" ka lo ti vat a.
"Ni e, chuan nikhat ah vawikhat tal min rawn call kha theih nghilh loh tur aw, engpawh i tawk anih chuan i Nu leh Pa i auh phak ah kan awm reng dawn ani tih hre reng rawh aw" a ti malh malh a.
"Imm ,ka hria lawm ka ni, ka kal a hun tawh viau ania" ka lo ti vat a,
"Aw kal rawh le, awii Bawihte, ka van ngai dawn che, ka rawn kal ve vat ang aw" ka Nu chuan min kuah chung chuan a rawn ti leh hram a.
"Nu, Japan a tang chuan Korea chu hnai te lawm, ka tlai dawn ania" ka lo ti a.
"Awle, awle, kal rawh ka rawn tlawh thuai ang che" alo ti leh hram a.
Ka Nu pawn min hlat san a phal tawh meuh lo ani, Mizoram a kan in ah pawh min awm tir lo in Japan ah an kal pawn min hruai ve zel a, a chang chuan min ngaihven ta lutuk hi chu a buai thlak lek lek tawh thin kum 21 lai ka ni ve tawh a.
Ka Nu leh Pa chanchin chu in hre vek tawh anga, thlah pawlh an ni tih pawh, Japanese citizenship leh U.S Citizenship pawh kan nei, a chhan chu ka Pu kha thlapawlh bawk anih a vang in, hah kan thlah hi chu kan dal tawh ania aw, Kan nute Mizo an la nih ve hram hram na hian min ti Mizo ve hmiah zel a, a zia phian hi, Car ah chuan chuang in Japan ram fai leh thiang hlim zet chu ka thlir vang vang a, chawlh ka lak in Mizoram ah haw ngei ka duh zawk zel awm sia, Mizo dik ti a chhal ngam ni lo mah ila, ka in chu Mizoram ah a awm a, ka ngaina ber bawk ani, chu vang chuan ka chawlh hman a piang ch Mizoram ah, kut chaw bar na hmun ngei ah, ram dang in zahmawh sawi khum lai zawl ami chauh emaw an tih lai a, fiamthu tha ber zahmawh a hmang tu te awm na hmun, Mizoram ngei ah ka haw zel dawn a vang Japan hi chu ka hmu leh kher lo mai thei a, ka hmu leh anih pawn kum 5 hnu vel ah ani ngei awm sia, chu vang chuan uluk tak in ka en vang vang ange.
Airport kan lo thleng reng tawh anih hi, check-in hi ava han ninawm tak, Korea phei hi chu an khirh sia maw, min check uluk mai sia maw , ka hne zek ani, ka thlawk chhuak ve thei hram e.
Airport a hmuak tu neih chu ava thlamuan thlak em aw, mahse ka Nu leh Pa hi an ti mah mah ani, car in min lo hmuah tir thlap kher a, ka body guard tur ni awm fahran in alo in duang zuah leh nghal a, miin min en duh phah zek leh nghal a, a tul lo khawp mai, ka appartment tur erawh ka sawi chiang bawk a, a tawk vit vet asin, room pahnih a awm a, room in toilet leh bathroom hran a nei ve ve ve a, living room leh kitchen, a tawk viau ani, a lian huau lo a, a te chhe bawk hek lo, ah ka awmpui tur hi Japanese maw, engtin.
"Japanese ini maw?' Japanese tawng chuan ka ti sap a.
"Aw nie, mahse korean Citizenship ka nei a, he tah hian pasal nei in ka awm ve a, kei hian i in tih fai leh eirawng bawl ka ti thin dawn a, 10- a tang a dar 7 thleng" alo ti malh malh a.
"Aw anih chu, ka hmu che chu ka lawm e, Obasan" ka ti zui zat a.
"Ah, Ka pi" alo ti sap a.
"Bee zawk mawle, Obasan", ka lo ti leh a.
"Ka hre thiam e, hmeichhe fel tak inih ngei dawn kha" tih pah chuan ka alo nui var var a.
"Nih ka tum ber ania lawm, kan in dah fel ange aw" ka lo ti zat a, ka in khai zui tuih tuih a, min lo pui vat a, ka in rem fel te chu min pui bawk a, rem tur a tam em em lo a, ka zo hma hle mai, mahse thlawhna chuan nen, motor chuan nen ka chau zek.
"Obasan, ka in bual zawh ah ka mu lawk dawn a, i chhuah ah kawngkhar lo lock mai rawh aw" ka va ti zui a.
"Haih (Aw)" alo ti lauh a.
Ka nui sak a bual in ah chuan ka lut zui nghal a, a nuam veng veng mai, ka mut a ti chhuak thei, mahse ka mut a chhuah hian hrehawm ka ti thin a chhan chu mang ka nei leh tawh ngai si lo a, engmah pawh nise, ka mang lak bo ani tawh, mang satliah emaw, mangchhia ani emaw, ka nei tawh ngai lo, lak bo vek ani tawh, paranormal lam hi engmah rin ka nei ngai lo, mahse ka chung ngei ah a thleng a, tawp na lung chhiat thlak tak nen, ka mumang lak bo sak in ka awm bawk a.
Ka in bual zawh chuan ka bathrobe nen khum ah ka let zui tawp a, tui zet chuan ka muhil zui bawrh bawrh a, ka harh zawk a, mumang ka nei em ni, mumang maw, Johan a ka mumang ah ka hmu maw, hla deuh a tang in hlim zet in min lo vai lawp lawp a, rei tak hnu ah mumang ka nei ve leh a maw, korea ka thlen vang em ni, thi ka awrh tawh bawk si lo, ka ti chhe daih tawh bawk si.
Ni lo, mumang ani lo, mumang neih ka chak em em a, Johan-a vawikhat tal hmuh leh ka chak ngawih ngawih a, chu ka suang tuah na chu mumang emaw ka ti ani, suangtuah na anih kha, ka ril a tam tho ila chaw ei ang, he suangtuah na lak a ta hi in la hrang vat angai ani.
Zan ka men rei phah zek, school luh tan tirh na tlai chu ka duh hauh dawn si lo a, Alarm ka set theih nghilh loh chiang viau, dar 3 dawn ah ka mu hil ve hram.
Alarn rawn vin tuarh tuarh ah chhan ka in perh tho at a, hman hmawh zet chuan ka che zui sawk sawk a, breakfast ka ei zawh chuan ka kal chhuak zui nghal zat a, taxi phar a han buai thlak zia chu, english an van thiam lo hlawm em em, ka tlai zo vek dawn.
Ka thleng ve thei hram e, hman hmawh zet chuan ka tlan hlawk hlawk a, tu emaw hi ka su dawt a, kawng ka lo en lo chu le, ka su na deuh aniang a kat dawrh thei.
"Ka tih palh, ka hman hmawh lutuk a, ka tih palh, Min ngai" a rawn in her chu ka tawp chawt thei, Johan maw!.
Ani hi Johan ani, a hmel te a piang te, a mitmeng te, Johan ani, ka Johan-a alo awm ve reng, min rawn zawnghmu ang a ti a, he tah alo awm reng a, min zawng hmu ta.
"I tha maw?" a rawn ti sup a.
A tawngkam te, ani tak zet, Johan-a, keima Johan-a ngei kha, hei hi mumang em ni, nge ka mit vai zawk, ka nghawng chu ka dap rawk rawk, thi ka awrh lo, mumang ani miah lo, ka Johan-a alo awm ve tak tak.
"Lut thar em ni?" a rawn ti leh sup a, mahse ti nge min biak dan te, min en dan te hi, a vawikhat min hmuh na ang mai anih a.
Tawng pawh ka tawng thei lo ,ka lo bu nghat ringawt a, "Lut thar chu chhawng thum na b ah aw, dar 11 ah" alo ti sup a, eh engtin nge a hriat a, ti nge doctor uniform a hak bik a, ka kum rual ani lawm ni.
"Hei, lo kal thuai ta che" tih pah chuan hmeichhe pakha hian a rawn pawt nawk a.
A hmeltha hle mai, ka mumang a, Sara ang chiah kha ani, "Mak thin Sara, ka lo kal e, Ka Pi" Johan-a chuan alo ti dam thliam a. A hming pawh Sara tho maw, ti nge, mumang ami kha an awm vek em ni.
"Ve ziah a che, min ngaihsak na i nei lo leh lutuk mai, koh chhen i ngai a" Sara chuan alo ti hmarh hmarh a.
Mahse mumang ami ang lo tak khan ani chu nuntlang tak anih hmel, an in biak dan ah chuan an in ngaizawng ani maw, ni e, a tak ah an awm a, mahse mumang nei tu chu keimah ka ni, an ni chuan min hre ve lo, ka hmangaih ber kha a tak ah a awm tih ka hre ve chiah a, mahse, mahse, ka mittui chu a hnam tiam tiam a.
"Hei, kawng i bo em ni?" tih ri ah chuan ka mittui ka hru vat a, ka hawi zui vat a.
"Lut thar em ni?" hmeichhe duhawm zet mai, hian alo ti leh a.
Ka lo bu nghat a, "Eng ah nge?" alo ti zat a, a thaw aven hmel reuh hle mai, nun nuam tak a nei anih dawn hi.
"Neurological" ka lo ti sap a.
"Ah anih chu, ka hriat dan ah chuan B ah dar 11 ah, kan thleng hma ani tiraw, kei pawh Neurological tho, Yuna, ka nia" alo ti leh malh malh a.
Johan khan engtin nge alo hriat theih, ka kalna tur kha engtin nge hriat chat thei, engtin nge a sawi nghal thei a, nge lut thar tur zawng hi tah khan luh tur em ni.
"Thu ang tah hian darkar khat kan la nghah angai ania" alo ti leh a.
"Awle" ka lo ti sap a.
English lam nalh tak ni lem lo mahse duhtawk a hmang thei a, ka tan a zia dawn khawp mai.
"I tawngtam vak lo ani maw, kei chu ka tawngduh lutuk a, min ning maithei, min nin pawn min beng pawp la, mahse min phatsan lo la aw" alo ti leh zat zat a.
Ka lo nui hak a, hmeichhe tlang tak ani, nun hlim awm tak anei ngei bawk ang "Awle, teh reng, Beleny ka nia" ka lo ti ve vat a.
Yuna chuan min lo en vang vang a, "I nui mawi hle mai" alo ti zui zat a.
Na min ti lai, ka nuih mawi pawh ka hre lo e a, mahse ka ngaihtuah na bing mup lak a ta min hruai peng a lawmawm phian mai.
"Kha ei rawh" tih pah in Yuna chuan thil fun hi min rawn pe a.
"Ah, angai lo, ka ril a tam lo" ka lo t vat a.
"Ngah chhung a rei dawn lutuk, ei mai mai rawh, he tiang hi chu ka ngah lutuk" alo ti leh vat a.
"Ah, awle, ka lawm e" ka lo ti sap a, ka keng vel ta mai mai a.
"Ipa eng hna thawk nge?" a rawn ti zat a, a korean zia a lang ani maw.
"Company a nei ve a" ka lo ti sap a.
"Eng company" alo ti vat a.
"Sewako" ka lo ti leh sap ringawt a, sawi nuam ka ti falua lo, eng nge an tih reng ka hre si lo a.
"Sewako a!" tih pah chuan min rawn en ho a, a hria ami a, teh vak chuan.
"Japan ram a sumdawngna lianber dawtu nei tu fanu maw i nih,Sewako, USA ah pawh company nei kha maw, Schoo pawh hawng Sewako kha maw" alo ti chiam a.
A hre ve anih hi, mahse Japan ram ah, ka Pa te company hi a lian ber dawt tu ani tih pawh ka hre ve chuang lem hlei lo a, a sawi a ka hre ve chiah.
Ka lo bu nghat ringawt a, "Nang ni?" ka ti ve sap a.
"He tiang chhang siam na factory leh company lian vak lo kan nei ve a, mahse kan chhang erawh Korea ram dawr tin ah hmuh tur a awm ve tho ania" tih pah chuan alo nui var var a.
Mi awmthei ve pangai tak fanu ani ve tho anih chu, thian lem anih lo ka beisei, thian lem chu ka mamawh tawh si lo a.
"Awi lut ang, kan tlai palh ang" tih pah chuan a tho zui hluai a, sana ka en zauh a, nia a hun ve tawh viau tho mai.
Kan kal a, ka lut chu an lo thu thap tawh, an tam vak lo ka beisei aiin nge an lo la thlengkim lo le, a hnung lam ah chuan thut hmun kan rem ve nghal zat a.
"An tlem iti em ni?" Yuna chuan a rawn ti sa sa a, ka lo bu nghat a.
"Hei te chu mi hausa chiah an luh phak na a lawm, Korea ram a medical school tha ber", alo ti kher a, a tul lo ve e.
Mi hausa chauh luh theihna tur in ti nge an siam kher a, kawngkhar a rawn ri rak a, Johan alo lut maw, ka lo en reng a, ka mumang rawn ni leh thut seng chuan min rawn hmu anga, lawmtak in min rawn pawm chawt tur ania, mahse a tak ani sia, min hre lo, ka piang ve tih pawh nachin khan a hre chiah, chu pawh a theih nghilh leh tawh mai thei ani.
"In awmkim tawh maw?" tih pah chuan dawhsan a chuan a ding zui nghal a, ani khu kan professor tur em ni, johan a khu maw, kan in rual ani lo em ni.
"Awle, in hmelhriat tirna lo nei ila, Kei hi, Johan Seong ka nia" a ti chu ka kang awk lo chauh, a hming nen lam, mahse ti nge min hriat ve miah si loh.
ka zirtir tu te dang hming a sawi pawh ka hre mumal tawh lo, ti nge danglamna pakhat mah aneih loh le.
"Le nang mah ni lam, in hming leh kum, a hma lam a tang hian aw" a ti leh a, in hmelhriat tir na chu an nei tliar tliar a, kei aiin an upa vek tawh hlawm anih hi.
kum 25 an tling deuh vek tawh, Yuna pawh, school an lut har hlawm a maw ni le, kum nga an beih hnu ah intern ang in an la bei leh anga, awi leh an tar hman ang, senior surgeon an nih hma in.
"Beleny i hun" Yuna chuan min rawn kheuh zauh pah hian a rawn ti a, ka lo ding hluai ri ngawt a.
"ah, ih, Be..Beleny, kum 21" ka ti chu, an lo e dual in ka hria min rawn en nghal suau mai.
Ti nge a, dik lo a awm em ni a, sawi dik loh ka nei ami, Johan chu ka en a, chik zet hian min lo en let vang vang a, a tih thin dan ang chiah ani.
"Thu rawh le, tun kum chu Genius kan nei dawn ani maw?" a ti zat a.
A tul kher lo ve, thil pangai lo pawh ani lo, an mahni zawk an pangai lo, school an lut har lutuk anih kha, zak zet chuan ka thu tial tial a.
"Aw vawin chu in ni hmasa ber anih ang in, zirlai kan ka zir lo ang a, in lawm em?" a ti leh zat a.
An lo aw dual a, "Imm, thil pakhat, nang ni hian enge Doctor nih hi in thlan chhan tih hi in haw hnu ah in zawt tur che u in ka duh che u ani, chu chu in homework hmasa ber anih chu, chu chhan na chu paper ah naktuk ah he tah hian in rawn submit vek tur ani" alo ti leh a.
Pakhat chuan a bar a rawn phar lauh a, "Professor anih nang enge i thlan chhan" a ti zui zat a.
"Zawhna tha tak ani, thlan chhan ka nei lo medical lam hi tuina ka nei ngai hek lo, hmeichhe pakhat vang in he lai hmun ah hian ka awm ani, ani chuan ka ban ah kai in ka duh lo chung medical student ni tur in min hruai lui a, he ti hian a sawi a, "Ngaihtuah teh, he thil hi i zirchhuah hun a i nu i enkawl thei dawn asin" tiin, nang ni pawn han ngaituah ve teh u" a sawi zawh lam hriat ka nei lo.
A thu sawi kha, keiman a kiang a ka sawi ani, a kiang ah, ka mumang a ka sawi kha ani, school a duh loh chung ka hruai luih ni khan, mahse engtin, ani hian min hre si lo a, he thu hi kei ni lo midang in an lo hrilh em ni, a tak tak ah, Sara kha ani thei a ngem, nga ti nge mumang mai alo nih le.
"Zawhna dang ala awm em?" Johan chuan a rawn ti lauh a.
Hmeichhe pakhat hi a ban alo phar lauh a, "Aw eng e ni?" Johan chuan alo ti vat a.
"Professor kum engzah nge inih?" alo ti lai pawt a, alo star ve ani maw, ka hmangaih tuman an ngaihmelh thian loh anih saw, mahse a tak ah chuan bialnu a nei.
"Kum 31, chuan a dang a la awm em?" a rawn ti leh a.
Kum 31 maw kan van in upat hleih ve, kei aiin kum 10 in a upa, em em a, a dik thei nang, nupui neih a tum tawh hial lawng maw, beisei avan bo teh lul em.
🌹Shino🐝🌹

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:45 pm

WHEN THE BELL RING. 15.
Kan chhuak dam dam a, Ka Johan-a a bialnu kiang a kal chu a hnung lam atang chuan thlir in ka kal chhat chhat a, mumang mai ni lo se ka va ti tak em.
"I hria em, Professor Seong saw, an sawi dan chuan a mah saw genius ani an ti a sin, kum 25 anih in a course a zo vek tawh an ti asin, chuan a thiam em avang in rei lo te hnu ah Professor ah a kaisang zui nghal an ti bawk" Yuna chuan alo ti malh malh a.
Chu tiang chu ani maw, anih chuan ka mumang ami kha chu, Johan tleirawl lai ani maw, chuan kha hmeichhia a sawi kha tu nge niang le, engtin nge ka mumang a ka thu sawi chiah kha alo hrilh theih le.
"Lo kal rawh chhun thil ei ang, thian thar lawmna"tih pah chuan yuna chuan min kai dar dar a.
"Ah, ih, ka.ka" ka sawi hman lo reng reng.
"Beleny leh Yuna" rawn ti tu chu kan en duh ha a.
Johan maw, ka hming alo chhinchhiah ve maw, "Aw Professor enge ni?" Yuna chuan alo ti zat a.
"I phal chuan i thiannu hi ka lo tir lawk ange aw, genius chuan thil tam tak hriat aneih ka ring tlat" Johan chuan alo ti dam diai a,
"Ah aw teh reng mai, Beleny ka lo va kal mai nge aw, Genius nge nge, tha deuh in aw" Yuna chuan a lo ti a, a tlan zui awt awt a.
Hmh, a van tul lo e, min lo nghah ve awm, thil tul tak min tih tir tur a nei awm tawp si lo a, a kiang ah awm chak em em mah ila, khawvel tak tak ah chuan ka beisei phak ani si lo a, a kiang a awm hi ka duh lo ani.
Johan chuan chik zet hian min en vang vang a, "Kal tawh rawh le", a rawn ti sup a.
"Maw, eng...engmah, min tih tir dawn lo maw?" ka lo ti lai rut a.
"Yuna lak a tang khan lak hran che ka tum mai nia, kal tawh rawh le" alo ti leh a.
Ka en ho a, engvang chuan, nga ti nge, ani hian kei hi min hria em ni, chuan Yuna chu ti nge.
"Nga ti, engvang in?" ka lo ti lai rat a.
"I ngainat loh zawng kiang a i awm luih kher a ngaih loh vang ani mahna" alo ti leh ringawt a.
Ka en reng ringawt a, ti nge a tawngdan thleng hian engmah a dang lam loh, ani hian min hre ve ani, min hre ve tho ani tiraw Lalpa.
"Mi sual ani em ni?" ka ti sap a.
"Ni lo e, i kawm duhtur chi erawh anih ka ring lo, Genius chu mi chut ani thin ani lawm ni khah" alo tih chuan ka ná deuh zawk in ka hria.
Ka Johan chuan chu tiang chuan min ti ve hauh lo ang, ani hi ka Johan ani lo tak zet, ka na vawng vawng mai.
"Ni e, a dik" mittui tling pam chung chuan ka lo nui lui san san a.
A khawng deuh auh in ka hria, "Anih ni hman nuam le, Professor" ka tih leh sap a.
Ka in her zui nghal a, ka kal chhet chhet a, Johan, ka ngai che, ka mi hmangaih chu, ani kha ani lo, ka mumang ami Johan kha ani, ka tap tur ani lo.
"Beleny i tha em?" rawn ti tu chu ka en ha a, ka mittui chuan ka thil hmuh a ti phe ruai a.
Yuna chuan ngaihtuah hmelzet hian min lo en a, "I tha ani tiraw, Professor kha, ka tiang khan a sual ang tih rin ngaihna ka hre lo reng renh, Beleny, hmeichhe tha tak chu ka ni lo ngei, mahse thian te ka phatsan ngai lo, chuan ngainat awm tak pawh ka ni lo tih pawh ka hria, chu tiang bawk in nang pawh mi chut ini lo tih pawh ka hria" a rawn ti malh malh a.
Ka mittui chu alo luang zawih zawih a, ana em ani, ti nge Johan alo nih ve kher, Yuna chuan min rawn kuah a.
"Beleny hei, a tha vek ania, bang tawh la, eitur tui tawk ka lei ang che aw, ice cream ka lei ang che aw" a rawn ti mial mial a, nuapang hmuh in min hmu a mawn le, amah aia ka nupan vang in min naute chei chiang mai.
Ka tah nuih hak a, "I nui ta e, lo kal rawh le, ice cream chu i va ei ang aw" tih pah in ka mittui a rawn hru a, min kai zui dar dar a.
Convenience store pakhat kawt ah chuan kan thu a, Ice cream chu kan ei dun malh malh a.
"Yuna tu pawh hian an hre vek che em ni?" ka ti chhuak sap a.
A lu bu nghat a, "mi hausa fanu awmtha duh lo zet chu an hre tha duh lo zawk" tih pah chuan alo nui zui vur vur a.
Yuna hi ka ngaih ang aia hausa ani ngei ang, chuan mi tlang leh rilru tha tak ani ngei ang, ka thian tur dik tak ani ngei zawk ang.
"Mi hausa fanu chut deuh pawn hre tu a nei bik hlei nem" tih pah chuan ka lo nui var var a.
"Awileh, Beleny i duhawm lutuk" tih chiam pah chuan min rawn kuah nawk nawk a.
Na min naupang chhe chei e, a tul lo, ka naupang tawh bik lo, chu tin a aia ka naupan na a tam em em bik lo.
"Beleny, ka in ah chaw rawn leng ve thin rawh aw" a ti sap a.
Ani hian thian tur a mamawh ve ani maw, ka lo bu ve nghat a, "awle, ka hman ve leh", ka lo ti vat a.
"A tha, hun nuam ber i hmang ang tih ka tiam nghal a che" alo ti vat a.
"Ka hria e, chuan ka kal tawh ange aw" ka lo ti vat a.
"Awle, taxi ka lo lak sak ang che, he lai ah hi chuan English hi a leng ve vak lo a", tih pah chuan alo nui var var a.
A tih chi viau ang chu, ka buai leh hrep awm sia, taxi chu min phar sak a, min biak sak vek bawk a, a fel tak zet, mi tha tak ka tawng nghal chu ka lawm tak zet ani.
Tu emaw hi a rawn lut ve thurh a, ka en ho a, driver chu enge maw a hrilh zauh a, a tlan chhuak zui ve mai bawk a.
Johana, ti nge a rawn lan reng a, ani lo tih ka hria, a tawk, hmuh fo chu ngai dawn mahse, hmuh fo loh ka duh ber ania sin.
"Ti nge i address i hrilh" a ti sup a.
Ka lo en ha, tu chu nge a sawi le, Yuna maw, chu chuan enge pawina a neih, ani hian min tih tah laiin ani chuan min ti nui a, chuan min puih theih nan ka address ka hrilh chu enge a dik lohna ni a.
"Engthil" ka ti chiah a.
"Yuna lak ah khan fimkhur ang che" a ti sup a, taxi chu a ti ding a, a chhuk zui daih a.
Enge a hriat teh hrep a, min hre ngai lo ani lawm ni, vawikhat min hmuh na chauh ani lawm ni, enge ka nun ah rawn in rawlh a tum ringawt a, mi zawng zawng in that lohna kan nei vek, Yuna pawh hmeichhe sihhnip, party nuam ti tak pawh alo ni thei, mahse chu chuan mi tha lo tak anih tir phah chuang lo.
In ah chuan ka lut a ka phone rawn ri ral chu ka en a, Yuna maw anih hi, a Messege chu ka hawng zui vat a.
"I thleng tawh em i tluang a maw, ka ngaihtuah deuh che a, naute duhawm tak te hi miin an lo vel leh ang tih ka hlau a" a rawn ti teh duah a.
Ka nui chhuak hak a, "Hei, naute ka ni bik lo aw", tih in ka chhang let vat a.
"Naute inia lawm, ven him ngai tak naute, duhawm em em mai, i u hian e, ka veng him zel ang che" a rawn ti leh a.
Ka nui hak a, ka thlan tih reh nan bathroom ah chuan ka lut zui nghal a, fai hi chu a nuam ani, Bathrobe nen chuan ka chhuak phei a.
"Akachan engkim ka ti zo vek tawh asin" Pi Misaki chuan a rawn ti a.
"Akachan maw, Obasan", ka lo ti sap a.
"Ni lo, ni lo ti kha chuan min ko lo hram teh, naute ka nih loh hi" ka ti zui chiam a.
"Ni lo e, Naute duhawm tak inia lawm" alo ti vat a.
A zia lo ti nge he hmun ami hian naute ang a min chei bawl vek an tum a.
"Naa, kal rawh, i sual, kha hei hi, engmah thil lei na tur ka hre si lo a, lo lei mai rawh" tih pah chuan ka lo tum hmarh a.
"Haih, haih, Akachan" tih pah chuan pawihsa chu alo la, a nui chhuak zui kar kar a.
Tih nghaihna hre lo zet chuan ka nui ve hak hak a, ka room ah lut, lehkha bu ka keu zui nghal a.
Ni a liam ve zel a, ka Pa te sum hmang in car pawh ka lei ve ta bawk a, texi a vang a buaina pawh ka nei ta lo, chuan kan zirlai a theory chin chu ka hre hneh viau ani, ka lo zir chhuak nasa ve tawh viau a lawm mawle, an vai mai chuan min Genius en tak tak hlawm leh ta nghal a.
Practical ah pawh ka buaipui awm hran lo, a tha ber chu ka in ti lo, mahse a chhe ber erawh ka ni bik lo, ka hriat zau na min pui tak zet ani, intern nih daih mai te ka chak, he mithi ruang sawngbawl ai chuan a tak a dam lo te chhan chhuah te hi ka chak ve tawh ani.
Engtik lai pawh a ka kiang a awm Yuna hian min ti hlim thei tak zet ani, mahse ti nge engtik lai pawh hian ka mut leh ka ni leng hman dan thleng hian min thlir tu awm tlat a hriatna ka neih reng mai le, Johan chu anih ka ring si lo, a chhan chu ka lak ah atang in a in la hrang em em si a, nge ka awm ngai loh na ah ka awm a vang in ka in ngaihbel zawk le aw.
"Beleny, zan in chu i rawn kal ve ngei ang tiraw?" Yuna messege chu ka chhiar a .
"Aih, ni lo e, zu ka in ve ngai lo a, party chu" ka ti let vat a.
"Ka naute zu i in dawn hlei nem, i in ka phal lo hrim hrim bawk, chuan Party ani lo, chaw ei chhuah mai a law" a rawn ti a.
Chu tiang anih chuan kal ve mah ila a pawina a awm nang, "Anih chuan awle, ka lo in siam ang" ka lo ti ve ta hram a.
"Awle, i car rawn ken a ngai lo aw, keiman ka rawn hruai ang che aw, ka Naute hi ka venhim a ngai si a tiraw" tih hi a rawn thawn leh hram a.
Naute min tih reng hi chu a nuam lo e, venhim ngai naute ka ni lo a sin le, ka lo in siam malh malh a, ka partmen bi a chhawngthum na lek a awm ani bawk a, khawlai chu a hmhh chian theih hle ani, tuk verh a tang chuan alo kal hun tur chang chuan ka lo thlir vang vang a.
Ka phone a rawn ri a, Yuna maw, alo la thleng si lo a, "Hello" ka ti sap a.
"Ka naute hian nghak hlel tak in min lo thlir reng em ni?" a rawn ti a.
"Ah, a teuh lo, in lo thleng tep tawh em?" ka lo ti ve vat a.
"Mitmeng mawi tak a, nghak hlel tak a min lo thlir reng tu mitmeng mawi zia kha", a rawn tih chuan ka tim deuh sawk in ka hria.
Alo thleng tawh em ni, tuk verh a tang chuan ka bih vak a, mahse eng car mah ka hmu lo, "Yuna ilo thleng tawh em ni, khawnge i awm a" ka ti lai rat a.
"Hei kan lo thleng dawn e, lo chhuak sa la aw, ka Naute" a rawn tih chuan ka thawhuai a, min rawn fiam leh tawh ani maw.
"Ah, aw, awle" ka ti a ka chhuak zui vat a, ka chhuak zui nghal a, ti nge a thlamuan thlak loh em em le, a chhan pawh ka hre lo, enge maw tak hian ka thau ah a man a, ka hlau ru veng veng mai.
Car thawm ka hre ta ka ru huai a, Yuna car chu ka bul ah chuan a rawn ding chat a, "Lo lut rawh ke, ka naute" a rawn ti zat a, ka lut zui vat a.
"Ti nge enge maw a thleng em ni, hlauh i nei em ni?" Yuna chuan alo ti vat a.
"Aih, ni lo e, mahse ti nge nang mah chauh in", ka lo ti let daih a.
"ah, an ni chu a hmun ah an awm tawh lawm" tih pah chuan a motor khalh loh na lam chuan ka kut a rawn vuan a.
Ka lo en ho ringawt a, Yuna hian dik lohna anei a mawn le, ti nge min vawn a, "I kut a vawt vek tawh anih hi, hlau tak in pawn ah ilo ding reng ani maw?" a rawn ti a.
Yuna tawng duhdan hi ti nge mipa a an theih em em le, ka kut chu ka la sawn vat a, ka nui lui hak a.
"Teuh lo, ka hlau bik lo aw, naute ka nih bik loh hi aw" ka lo ti a.
A rawn nui hak a, "Ka nuate ini sia lawm" alo ti vat a.
"Naute min ti ziah suh, ka ni lo, ka chak ve tho aw, engmah ka hlau lo, ka in venghim ve thei aw" ka lo ti barh barh a.
"Awle, awle ka hria e" tih pah chuan alo nui hak hak a.
Min kalpui na chu, fancy restaurant ani miah lo, mahse nawm hmel reuh lutuk, ka en ran a.
"He tiang hmun ah hian ila kal ngai lo ni traw ka naute, min ring rawh a nuam dawn teh mai nia" tih pah in min rawn kuah a, min luh pui zui nghal a.
"Nia, a nawm hmel ka ti" a chhung a hawi ruai pah chuan ka ti a, chhuat ah an thu far a, chuan eitur a tui hmel lutuk.
"Saw le, thiante u" Yuna chuan a ti lang lang a, min nawr phei zui dat dat a.
Mahse a thiante chu, ti nge an thawmhnaw te hi, eng e thawmhnaw chu ka buaipui a, aho emai, an fel chuan chu chu a tawk der.
"Thu ang le, khai in lo in tan der tawh law" Yuna chuan a ti zat a.
"Ka Pi, heti lam ah Sa kha kan duh belh aw, Soju nen" a ti zui lauh a.
Ti nge sa leh soju chauh ka ril a tam a sin, chaw ei tur in kan kal ani lo em ni.
"Ka Pi, he lai a ka naute duh awm zet tan hian chaw kha rawn chhawp sak rawh aw" a ti zui lang lang a.
Na mi awm na zing ah kher, a zia lo e, naute ka ni tawp si lo a, Yuna thin hi a.
"Khai a kan naute chuh zu pawh a in ngam ve lo tih na em ni, chaw ei a ngai bik a maw, chaw tel lo a, mu thei lo, naute kan awm dawn tih na em ni?" tih pah chuan pakhat chu alo nui kar kar a.
"Ngawi mai mai ru" Yuna chuan alo ti hlak a, min ngainat hlawm hmel chiah lo hle mai.
Korean tawng chuan an tawng zui bawrh bawrh a, an in hau deuh a mawn le, ka hre thiam bawk si lo, chuan an zu in na bul a chaw lo ei chu nuam ka ti lo tak zet, haw ka chak ngawih ngawih.
"Naute washroom ah ka va kal lawk ange aw" tih pah chuan Yuna chuan a thiante chu a mitmei zauh a.
"Awle" ka lo ti sap ringawt a. A kal zui mai a.
"A nuam iti em naute" Pakhat chuan a rawn ti a.
"Ah, aw nuam ti e, a nuam lutuk" ka lo ti nak a.
"A nuam chiah lo ani tiraw, hei in ve rawh chuan a nuam iti mai ang, heng te hi nun nawmna chu ania sin, he tiang soju leh hetiang hmun changkang lo tak te hi ani nun nawmna chu" alo ti a.
"Aih, ni lo, ka lawm, ka in ngai lo a" ka lo ti vat a.
"Ti teh, wine tha mi ai chuan a tui fe zawk ania, kei ni chuan simple living high thinking hi kan thu pui ber ania, he tiang ang nun hlimna hi tem ve teh, hmun chang kang tak tak ai chuan helai hmun a Soju te hian min ti hlim thei deih zawk asin" alo ti bial bial a.
An sawi ang chu anih hmel, mi hausa fanu vek an ni tih chu a hriat viau a, an thawmhnaw a tang ringawt pawh in, mahse zu lam chi reng reng chu ka ngaina miau si lo.
"Tih palh, ka in thei lo tak tak, min hre thiam mai ru" ka lo ti vat a.
"Kha in mai mai teh, in lak enge maw hun anih loh hi" tih pah chhan pakhat chuan ka hma ah chuan no ch a rawn lek a, min in tir tum chuan min rawn nawr zui a.
"Ka duh lo a tih kha in hre thei lo em ni?" tih ri ah chuan ka hawi ho a, Johan maw hetah enge a tih ve.
"Hei, tu nge nih a, ka rei iva chhe lo ve, lo thu ve la Pu-a", pakhat chuan alo ti zat a.
"Tho rawh, Beleny" a rawn ti sup a, min rawn kai tho zui nghal a.
"Hei, enge thleng a, naute ti nge a?" Yuna chuan a rawn thleng chiah tih hriat tak hian a rawn ti ha a.
"Professor, i awm ve a law?" a ti lai zui rat a.
"Aw anih hi, Beleny hi ka lo va hruai haw ange, nang in i thiante kha buaipui rawh" Johan chuan alo ti a.
"Ni lo e, Professor, naute, ah Beleny chu keiman ka hruai haw thei lawm, naute, lo kal rawh" Yuna chuan alo ti zat a.
"Yuna rui chung a motor khalh loh tur anih kha aw, ani chu ka lo hruai haw ange aw, nang pawh fimkhur deuh in haw la, in hnem lutuk lo la aw" Johan chuan alo ti let ve tlat a.
Ka lo en reng ringawt a, ti nge ka tan a din a, Johan ang maiin ti nge ka tan a din a, "Kal ang le" a ti sup a, min kal pui zui dat dat a.
A car awm na bul ah chuan min din pui a, tun ah hian ani hi ka Johan kha ni se ka ti tak zet, ni lo ani si lo, ani hi chuan a zirlai naupang a pui mai chauh ani, ka kal angai, ka kal san vat angai, anih loh chuan ka in sum zo lo ang.
"Ka lawm e, Professor, he ta tang hian taxi ka lo la ve tawh ang, min pui a ka lawm e" ka lo ti sep sep a.
"Car ah lut rawh" alo ti sup a.
"A ngai hlei nem, ka tha ania, taxi" ka ti chiah a.
"Lut rawh ka tih chu" alo ti hluk a.
Ka en ho mai, tun ah hian kha mumang a Johan-a hmel ang chiah kha apu, a lawm loh a ahmel awm dan chiah kha ani, a mah zawk chuan car ah chuan min hnawh lut a, ngawi reng chuan a tlan zui vang vang a.
"Yuna kha in hnaih tir lo tur che in ka ti che ani lawm ni?" a rawn ti chhuak sup a.
Engvang chuan, nga ti nge thian ka neih ve chu a phal loh ringawt a, enge Yuna chu a that loh na ni a.
"Engvang chuan?" ka lo ti ve hlak a.
"Kan hnung lam saw en rawh" a ti sup a.
Ka hawi vat a, Yuna car maw, ti nge min lo zui a, min ngaihtuah vang ani maithei sin, he Johan-a misual tak hian min velh tah a ching em em si a, min ngaihtuah ani ngei ang.
"Min ngaihtuah vang ani ngei ang" ka lo ti sap a.
"Ani ngei ang" tih pah chuan Johan chu alo kiai suk a.
Ka in kawt ah a ding mai dawn a maw ka tia, car dahna lam a pan daih, "Hei, enge tih i tum a" ka ti lai rawt a.
"Ka lo leng dawn" alo ti sup ringawt a.
"Engvang in, ka sawm loh che hi, kan Professor inih hi, mite pawn ngaihdan dik lo zawk an nei thei a sin" ka lo ti nawk nawk a.
Min rawn kai dawr dawr a, lift ah chuan min luh pui in, ka awmna floor chu a hmet zui zat a, engtin nge a hriat, ani hian min lo zui ru thin em ni, min thlir eng tu ni a ka hriat kha ani hi em ni, mahse engvang nge a tih, sawi tur reng ka hre lo, ngaihtuah tuahna te hi a tawi tuk vek maiin ka hria.
"Hawng rawh" a rawn ti sup a, ka in awm na lai thleng in ahria a maw?!.
Ngawireng chuan ka lo hawng a ringawt a, engtin nge a hriat vek, in ah chuan a mah zawk chu a pen lut hmasa a, ka phone a rawn rik ha chuan ka phu zawk a, ka harh phut ni maiin ka hria, Yuna anih hi.
"Chhang suh" a rawn ti sup a, min rawn kai lut a, tuk verh zawn ah chuan min dinpui a,
"En rawh", a ti sup a.
Yuna chu ka in lam en in alo ding reng anih hi, a phone chu a hmet mawlh mawlh a, ka phone chu a rawn ri zui zat a.
Johan in ka phone a rawn la daih, chhan a phal si lo, ka phone chu a ri pawp pawp mai hian ka hria, tih tur hre lo leh hamhaih zet chuan ka ding reng ringawt, Yuna chu a mang ang ngawt ang.
"En chiah rawh le" a ti sup
Ka lo la vat a, karei leh Messege ringawt pawh sawm hnih maw, ka hawng vat a.
Min ngaihtuah na thu leh ka Professor in enge maw ka chung ah a ti ang tih a hlauh thu te, engthleng tih te, chhang tur in min ngen na te, a tawp lam.chu ka meng kawk.
"Mihurnu, kha khum a tang khan tho la, kha professor tenawm kha kalsan vat rawh" tih te, "Nawhchizuar nu min chhang rawh," chhiar pawh ka chhiar zo ngam lo.
"Ti...ti ngawt nge?" ka ti mawl hu a.
"Ani khan a ngaizawng che tih i hre lo a maw?" alo ti sup a.
"Eh..engmaw?" ka lo ti lawi rut a.
"Yuna khan nang hi a ngaizawng che, chu mi pawh hre lo tur khawp in i mawl a" alo ti leh kher a.
Yuna, in min ngaizawng maw, mahse ti nge, min lo ngaizawng ta pawh nise enge min hruai hran kher, ti nge tiang a min awm hran pui kher, Yuna i tih thinrim nan em ni, nge hnawh bo nan.
"Nia, ka mawl a lawm, ka mawl a ka hre lo a lawm, min lo ngaizawng pawh nise enge ilo buai ve na tur ni a" ka lo ti bak hlar a.
"Chu hmeichhia nen a in ngaihzawn chu ilo pawisa lo em ni?" alo ti kher a.
"Lo ni pawh nise ilo buaina tur a awm lo, Yuna chuan hmeichhia a duh a kei hi min lo duh ve palh ani mai, ani chuan min ti na chuang hlei nem, mitin in" ka ti chiah a.
"Anih chuan hei hi engtin nge i tih ang?" tih pah chuan ka phone chu min rawn hmuh a.
"Tenawm nu, ka ta ini, ka ta chauh ka ta lo khawihchhe tu mipa kha ka that khawp ang, nang pawh hrem na ka pe ang che" Yuna Messege maw.
Hei chu a rapthlak hret lo maw, Yuna a ruih vang ani ngei ang, chu tiang mi chu ani lo ang, a ruih vang mai mai.
Ka phone rawn rik ah chuan ka phu leh zawk a, Yuna maw.
Johan chuan a rawn la a "Hello", a ti zui zat a.
"Enge kan tih i beisei" a ti sup a.
"Chu ti maw, Yuna, i professor i vo ngam a maw?" a ti leh sup a.
"Hre rawh, Yuna, i Bee chung ah engpawh iti anih chuan ka lip se vek ang che, kei hian eng ang mi nge inih ka hriat loh hi ring suh" Johan chuan alo ti hlawk hlawk a.
Ka hming kha, engtin nge ka hming kha a sawi kha, Bee, a ti, Bee a ti, ani hi Johan ani, ani hi keima Johan a kha alo ni, chuan a tih fo ang khan kei min tihnat tum tu chu na tak in a hliam ang tih a sawi a, ani hi ka Johan alo ni.
Ka tap chhuak hawk a, "Johan" ka ti chhuak hrawk a.
Min lo en phawk hra a, a in siam rem vat a, "I professor chu a hming a ko tur ini em ni?" alo ti vat a.
"Johan, khawngaih in ti nge, lem i chan reng, ti nge nangmah ngei ini a lawm, Johan ini" tap chung chuan ka lo ti mawlh mawlh a.
"Hei hei, tap teh suh, ni e Johan chu ka nia lawm, in Professor Johan Seong" alo ti leh a.
"Ni lo, nang hi, kha johan kha ini, keima Johan kha, ini, i ni alawm" tap chung chuan ka lo ti mial mial.
"Hriat sual i nei ani lo maw, Yuna lak a ka chhan vang che khan i bialpa" a ti chiah a.
"Duhtawk rawh, min hre lo der tawh suh, nang hian ani, nang chauh hian Bee ti a min ko tu chu nang chauh ini, ti nge lem i chan reng a" tap chung chuan ka lo ti chiam a.
"Hei, ni lo, hriat sual i nei anih kha chu tiang chuan" a tih lai chuan.
"Hriat sual ania maw, hriat sual mai mai maw, nge mumang satliah mai mai ami?" ka lo ti thawt a.
"Sawi suh" hlauh thawn hmelzet chuan alo ti that a.
"Engvang chuan kha mumang satliah mai mai chu i hlau em ni" ka lo ti leh tuarh a.
"Hei, duhtawk teh, mumang chu mumang mai a lawm, engthu nge i sawi chiam ni, duh tawk teh" alo ti teh nuaih a.
🌹Shino🐝🌹

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:45 pm

WHEN THE BELL RING. 16.
"Mumang chu mumang mai iti ani lawm ni, nge ka sawi chu i duh loh a, nge kei hi khan i mi that tak te ang khan ka in ti hlum ve dawn ami, i hmu duh em ni, chuan kha mumang kha i hre ve chhuak ve thei tawh ang chu tiraw?" ka lo ti hlawk hlawk a, chawhmeh chan na chem te chu ka la lawk a, ka nghawng ah chuan ka chuk tuah zui nghal a.
A mah ngai reng reng in hun ka hmang a, a tan ka thil neih hlu ber ka hlan bawk a ti nge min hriat duh loh tlat, ani hi ka neih hlu ber ania sin.
"Hei, engthil nge i tih, dah rawh, a hlauhawm ania, dah teh", hlau thawng zet chuan a rawn ti a.
"I tan awmzia a nei em ni, i zirlai pakhat, rilru buai mumang pawh a tak emaw ti tlat tu, in ti hlum tur chu enge i tan awmzia a nei chuang lo ani lawm ni", ka lo ti hlawk hlawk a.
"Khawngaih in tih, dah rawh ,Bee, dah thlarawh" hlauhthawn na vang tap lo chauh chuan a rawn ti a.
"Ti nge?" ka lo ti tuarh a.
" A chhan chu Mumang ala nih reng vang ani" a rawn ti chhuak thawt a, ka chem chu ka thlauh bawl a, Mumang ala ni reng amaw.
Hei hi mumang ala nia maw, a tak alo ni miah lo maw, engkim kha ka ti tawp tawh ani lawm ni, nga ti nge mumang alo la nih.
"Eh, eng...eng" ka lo ti bah nawk a.
Johan chu a thingthi thla hnawk a, "Mumang mai ka la ni Bee, mumang chauh" a tap chhuak hawk a.
Ka hnaih chilh rawk a, ka pawm zui chawt a, "Bee, mumang ani, heng zawng zawng hi mumang vek ala ni, kei hi mumang mai chauh ka la ni" alo ti malh malh a, a aw ah chuan a rilru natna a lang chhuak chiang hle mai.
"Johan", tih bak sawi theih ka nei lo.
"Mumang ah engkim ti tawp tur in i rawn kal a, rei tak i bo a, Bee chu tah mumang dang siam in, i professor a tan min dah a, Bee, ka thlir reng thin che asin, ka Bee hi ka thlir reng thin a sin, a kiang ah awm ka chak a, ka ta hi venhim a ka tang ah hian pawm leh vawng vawng ka chak thin a sin" alo ti leh malh malh a.
"Ti nge, i tih loh, nga ti nge, i tih mai loh, ka hmangaih che sin, nitin ka ngaithin che asin" ka lo ti mial mial a.
"Ka hnaih che anih chuan he mumang a ta hi a tak tak in i harh chhuak tawh dawn si ani Bee, ka hmuh phak loh a i awm hi ka phal lo a, chu vang chuan ani ka kuah loh che, i hmui ka fawh loh, ka Bee i ni tih pawh ka sawi theih loh" alo ti mawlh mawlh a.
Ka Johan hian alo va tuar nasa em, kei min hmuh reng theih nan alo in thup ve hram hram thin ani si a maw, chuan kei chuan sawi lo thei lo in ka lo siam a, ka va han mawl em, a vawihnih nan min chan leh a hlauh vang ania sin, ti nge engkim hi ka tih chhiat vek reng mai le.
"Bee, rei lo te, rei lo tal i chelh thei tiraw, rei lo te tal i kiang ah ka awm leh thei ang tiraw?" Johan chuan a rawn ti ngawih ngawih a.
"Aw, aw, ka thei, ka chelh dawn, nang nen hian hun nuam tak kan hman theihnan he mumang hi ka chelh dawn" ka lo ti mawlh mawlh a.
"Ka lawm e, Bee, ka lawm e" a rawn ti malh malh a.
" Ka hmangaih tak zet che, Johan kei hian ka hmangaih ngawih ngawih che, i kiang a awm theih na tur anih chuan engpawh ka ti ang" ka lo ti malh malh a.
"Anih chuan Ka kiang ah Kumkhua in i awm ang tih min tiam rawh, Bee, ka kiang ah hian kumkhua in awm rawh, min kalsan tawh suh" alo ti ngawih ngawih a, ka en ran a.
He mumang ah hian ka Johan-a kiang ah hian kumkhua in ka cheng duh em ni,lo harh san ta ila, a awm lohna khawvel ah ka nung thei dawn em ni.
"Bee, ka kiang ah chuan kumkhua in awm rawh aw, i duh apiang kan ti ang, i tih chak a piang te, tuman an ti na leh tawh bawk hek lo ang che, Bee ka bul ah awm rawh aw" alo ti leh ngang ngang a.
A hmel a beisei na leh hlauh thawn na in pawlh nawk mai chu ka en reng a, ani kiang ah hian ka awmduh ani, a kiang ah, hlimna zawng zawng nei tur in, ani kiang ah hian ka awm duh ani.
"Ni lo, Ni lo, Bee ka kal tir dawn lo che, Bee ilo let angai" aw lo chhuahna chu khawi a tang a lo chhuak nge ka hre lo, Johan a aw chiah chiah ani, ka hawi ho a, engtin maw hian ka taksa hi a rawn awm zawk a, hneh tak a pawt tu awm ang mai hian hnung lam ah ka leng phei lawp a.
"Ni lo" Johan chuan a rawn ti thawt a.
A hmel chu a in thlak vek, ti nge a hmelsaw a hlauhawm em em a, "Ka Bee la bo suh u, i la bo dawn lo" a ti zui tuarh tuarh a.
"Khawngaih in Bee, meng rawh", tih tuarh ri ka hriat rual chuan ka taksa chu a tek chhawk a, ka thu zui hlawl a.
Ka hma Doctor lo ding chu ka en ho a, Johan-a leh bawk maw, hei hi mumang leh tho em ni, mumang dang ka siam leh tawh em ni, Johan chu a thawhawk a, a thlan chu hruk pah in a nui var var a.
"I lo let ta" a ti chhuak zui sup a.
Enge a sawi hi awmzia, let leh maw, mumang bawk a sawi na em ni, chuan ti nge damlo kawr ka hak a.
"Mu rawh le, i tha tawh ania, engkim a tha vek tawh ania, Bee, a tha vek tawh e" Johan chuan a rawn ti malh malh a, dim zet chuan min mut tir a.
Ka piah ah chuan chauh hmel zet in a thu zui hnawk a, "Nurse anu kha va ko rawh le" a ti zui sap a.
Nurse chu alo bu nghat a, a kal zui vat a, a hnu rei lo te ah chuan ka Nu chu a rawn tlan lut rawk a, a hmel chu a tar bawih mai hian ka hria.
"Bawihte, awii ka fanu duat te, ka fanu, i lo harh thei tawh dawn lo emaw ka tia sin, Bawihte ka fanu" min rawn pawm a, tap tuau chung chuan a min ngaihthu te, ka dam lo engmah hre lo a ka mu thlir hrehawm a tih zia te a sawi teuh mai.
"Khang hmeichhia te khan man ringawt hi an phu lo, ka fanu tha tak chhan nei lo a, rei tak engmah hre lo a, an mut tir a vang hian khai hlum hial an phu zawk asin" alo ti leh malh malh a.
Chung chu Loria te ho tihna em ni, an la thi lo amaw, chuan aman tawh a maw, jail ah an tang a maw, hei hi mumang pakhat leh tho anih ngei hi, ni e mumang ani, mumang, Johan a awm lo, Johan chu mamuang mai ani, a tak tak ani lo.
"Ka nu duhtak, tun ah chuan i chawl hah dam thei ta anih hi tiraw?" Johan chuan a rawn ti a.
Ka Nuduhtak a!, tu nge a a auh chu nia, ka Nu maw, awii leh, he mumang zet chu a va over ve Johan hi, ka Nu hmel hi teh sawr chuan.
"Mahse a harh chauh ani sia, ka Fapaduhtak", Ka Nu chuan alo ti dam deuh thluam a.
Awi tawng ngaihna min ti hre thlawt lo, ka ká pawh ka chip thei lo, an over dun lulai emai, he mumang hi ava tenawm reuh tak.
"Mahse, min tiam kha, ka Nuduhtak, thutiam an bawh chhe ngai lo, tun ah hian i haw anga, thu lawmawm i chhungte i hrilh anga, i mu ang" Johan chuan duat hmelfe a lo thlem chung hian alo ti a.
"A..nie, awle, Ka Fapaduhtak hnen ah ka tiam tawh miau sia, Bawihte ka va chawl hahdam ange aw, ka lo kir leh vat ang aw, i duh a piang chu Johan hnen ah hian lo sawi mai rawh aw" Ka Nu chuan alo ti vel thliam a.
Chhan pawh ka chhang peih lo, an over emai, Ka nu chu lawm zet chuan a chhuak zui thlarh thlarh a.
Ka Nu hi nu tawngtam tak ani lo asin, he mumang ah zet chuan a tawngtam in ava han over ter ter reuh ve.
"Khawi i ban kha lo la rawh le" Johan chuan a rawn ti a, ngawireng chuan ka ban chu ka lo ti kang a, ka BP chu a rawn chek a.
"A tha e" alo ti sup a, ka lo en reng a, ka Johan hmeltha ka hmuh phak ah a awm leh ta ani hi, chuan min hre nghal bawk a, he mumang ami hi chuan hlauhtur a nei ve lo ang mai ani.
"Bee, mumang ani lo ania" Johan chuan rawn ti sup a.
Ve bawk chuan, an tiah, ka kal bo leh a hlauhvang ani ngei ang, ka kal tawh dawn lo, a kiang ah ka awm reng tawh dawn, nun tak tak thlah ngai dawn pawh nise.
"Min en rawh Bee, hei hi mumang ani lo tak zet ania, kha mumang ami Johan kha mumang a hruai kir tur che in alo kal dawn, kumkhua a mumang a chen tir tur che in, mumang ah cham hlen tur in rawn hruai che a tum in a rawn kal dawn ania" Johan chuan a rawn ti mawlh mawlh a.
Engthu nge a sawi hi le, amah hi Johan chu ania, eng mumang Johan nge a sawi chu ni a.
"Bee, hei hi khawvel tak tak ani, kei hi ka awm tak tak ani, mumang ah mai ni lo, ka awm tak zet ani, " alo ti leh mawlh mawlh a.
Engthu nge a sawi chiam hi le, "Clarson kha ka Pa anih kha, Bee, ka thinlung kha leh mal tak, huatna khat thinlung siamtha thei tu nula a zawng a, nang hi a hmu che a, chuan kha thi kha a pe che ani, Bee, nang leh kei hi, ka Pa in Mumang hmang in min in tawn tir ani, ka tak ani, mumang satliah mai ka ni lo" a hmel ah chuan fiamthu na hmel a lang lo, a tih tak hmel tak zet ani.
A thu sawi hi ti nge a tak a an em em a, thudik tak a sawi em ni, hei hi mumang ani lo tak zet em ni, mahse engtin.
"Mumang ang mai khan, he mitmeng hian engkim a sawi vek zel anih hi, Bee, thi kha kei pawn ka nei ve tho ani" tih pah chuan a thi awrh lai chu a rawn phawrh a, ka thi awrh lai bul ah chuan a rawn dah a, ah, an ri dun mawle.
"Eh, eng, engtin?" ka ti bah nawk a.
Thi a nei ve maw, a thu sawi hi a tak tak ania maw, kei ni hi mumang hmang in kan in tawng a maw.
"Bee, kei hi thlah pawlh ka ni, ka Pa khan kei hi ka piang ve tih pawh a hre lo ani, ka nu leh kei kha duh lo in a kalsan emaw ka lo ti thin a, mahse alo ni, Bee mumang ami kha ka hringnun anih kha, mahse ka Pa hian min rawn zawng chhuak a, he din hmun hi min pe ani, a lak ah ka sual in huatna in ka khat a, ka Pa chuan kei min siam tha thei tu tur hmeichhe tha tak a mamawh a, chuan a hmu ta che a, he thi hmang hian nang leh kei chu mumang ah ka nun hmang in min in tawn tir ani, Bee ka awm tak tak ani" a ti malh malh a.
"Mumang a tang khan ka harh hnu khan ka zawng nghal che a, mahse nang chu ilo la harh ve si lo, Bee, an sawisak na avang khe khan rei tak chhung chu mumang ram a i cham ani, kei hian" a tih lai mek chuan.
"Kei hi, min sawisak hnu khan vawikhat mah ka harh leh miah lo a maw?" ka lo ti ha a.
"Aw, i lu a an vuak na khan i thluak a khawih a, coma in i awm ani, thla ruk a liam tawh Bee" alo ti sup a.
Thlaruk maw, chuan khang ka harh emaw ka tih lai zawng zawng kha mumang maw lo ni, mahse engtin nge anih theih, chuan ani kiang ah hian engtin nge ka awm theih.
"I nu leh Pa ten doctor tha tak, nangma tan an zawng tih ka hriat khan, Bee remchang ah la in, ka en kawl theih thu ka hrilh vat a, ka hnen ah rawn hruai tur che in ka ti ani, a chhan chu ka Bee hi mumang ram ah ala cheng ani tih ka hriat theih vang ani, mahse ka hriat miah loh pakhat chu, Bee, kha thinlungkha tak Johan khan alo hmangaih em em che a, chan che a lo phal hauh lo a, a hlat a i awm a lo phal miah lo a, chu Johan chuan i tan engkim a ti thei tual thah thleng pawh in, Bee, an sawisak hnu che khan kei chu ka mumang a ta ka harh chhuak ani, a chhan chu na tak in ka hliam thei, mahse tual ka that thei lo ani, kha mi a Johan kha chu mihring ani lo, ani chu nangmah atchilh tu"
Engthu nge sawi nuaih hi, ti nge hriat thiam a har em em a, "Kha Johan kha, ramhuai i tih na em ni?" ka lo ti sap a.
"Aw nie, he thi hian Johan-a dang a siam chhuak ani, nangmah hlat phal lo tu, rei lo te pawh i kiang a awm duh lo tu, a thinlung ruak leh huatna a khag hnawh khat thei tu nang a neih nan chuan engmah tih hreh lo tu Johan a siam chhuak ani" alo ti malh malh a.
Hei hi thudik ani thei lo ang, mumang te chu mumang ani ve mai a lawm, ni e thi vang chuan mumang lam ah kan lo in tawng ani thei, mahse kan mumang in ramhuai siam chhuak maw, a theih loh, thil theih ani lo .
"Chu tiang thil theih ani lo" ka lo ti rat a.
"A theih ani, Bee nang leh kei hi kan mal em em a, kan thinlung hliam a thuk dun em em a, natna tam tak kan pai a, khang natna zawng zawng kha, kha mi Johan-a khan a pai vek ani, ani kha kan natna kan bunruahna ani" alo ti leh malh malh a.
Ani kha kei ni vang a awm anih chuan eng vang nge kei chu min lak let a tum si a, dawt ani ngei ang, thil theih ani lo, hei pawh hi mumang leh bawk anih hi, a tak ani thei lo,a tak ni tur chuan a mak mah mah ani.
Thil theih ani lo, ka nu awm dan te, chuan johana tawng dan te hi, hei hi a tak ani thei lo, mumang ani, hei hi mumang ani, he Johan hian ka lak a feeling a nei ve lo, ka hmu thei ani, a mit ah hmangaihna a awm ve lo.
"Mumang ani" ka ti chhuak sap a.
"Bee, Mumang ani lo, min ngaihtla teh alo kal dawn ania, i in tih harh loh chuan mumang ah i let dawn ania" alo ti leh a.
Dawt a sawi ani, ani hi, Johan ani lo, a chhan chu a kut ka khawih khan ka hre thei ani, ka Johan a kut ani lo, ka Johan- a kut chu a lum nuam lutuk, a chhan ka hre lo, he ka mumang hi, tu emaw in thunun a tum ani.
"Ni e, mumang ani ngei ani, a chhan chu nang hi Johan ini lo, Johan ka mamawh che" ka ti tuarh a.
Kan awm na chu a rawn thaw hak a, ka hma ah ngei mai chuan ka Johan chu a rawn ding ran mai, a hmel rum al mai te, ka tan chuan engpawh a ti thei, hei ngei hi ka Johan chu ani.
"Ka lo kal e, Bee, tun tum chu ka tlai tawh lo e" a rawn ti sup a, ngei awm zet chuan a kiai zui suk a.
"Bee i mit lo hup rawh le" a ti zui sup a.
Thu awih zet chuan a mit chu ka hup zui zat a.
An thawm that that chu ka hre thei, Ka Johan chu a chak ngei dawn tih ka hria ani. Thawm a van reh ta ve, ka mit hup na kut rawn vuan tu chu ka hre thei nghal, ka Johan-a.
"Azo ta, Bee, i zalen ta e" a rawn ti sup a.
Mi vairuai chung chuan Johan chu ka lo nuih var var a, ka mitvai a reh ta, ka Johan pawh chiang tak in ka hmu thei ta, a hmel ava han tha tak em.
"Bee tun ah chuan harh tawh rawh aw, he mumang ah hian i cham rei tawh lutuk, i nun na in a tuar palh ang" a rawn ti sup sup a.
Enge a sawi hi, ani hian min kal tir a tum em ni, ni lo, a kiang ah hian ka awm duh lawm, ni pawn min ngen kha, kumkhua a cheng tur in min ngen kha, ti nge a rilru a thlan a.
"Aih, aih, ni lo, i bul ah, nangma bul ah, i bul ah ka amw duh lawm, mumang pawh nise, a pawi lo, Johan, kan kan" ka lo ti nawk nawk a..
"Bee, mumang chuan tawp hun a neih a ngai a lawm, nang hi tuman an tih nat che ka phal lo, kei ngei pawh, ka kiang a i awm reng chuan i nunna a kiam zel si, Bee, harh tawh rawh le, ka hmangaih che Bee" a rawn ti malh malh a.
"Aih, aih, ti suh, khaw...khawngaih in" ka lo ti ngawih ngawih a, min rawn fawp vawng vawng a, ka mittui chu a lo luang ngiai ngiai a.
Ani pawh a tap ani, min thlah chu a hreh ve ani, "Bee mangtha le, khawvel tak ah ka awm ve anih ngai chuan in tawng ngei ang aw" tih pah chuan ka chal ah a rawn fawp a, a thim zui riai riai a.
Bell a rawn ri ral a, a, ka meng zui kawk a, khawvel tak ah ka let ta, ka mumang nuam tak chu a bo ta, ka hmangaih Johan a bo ta, ka mittui chu a luang thla ngiai ngiai a.
"Doctor, a harh ania" tih that thawm chuan ka thinlung na chu a belh chhah chiang kher mai.
Mumang ngai ngawih ngawih hun hman chu avan hrehawm tak em, zan tin ka mut dawn a piang in ka tawngtai a, mahse kha mang nuam kha a lo let thei si lo, ka mit ka chhing a, ka men leh chang te hian mumang nuam tak beisei in ka hawi ruai thin, mahse beiseina chu mittui in a rawn tleng fai leh si thin.
Ka mumang a an sawi ang khan, Rini te min khawihna vang in coma in rei tak ka lo awm alo ni a, an ni pawh man an ni tawh a, Jail ah hrehawm tak in hun an hmang mek ani.
Kei pawn ka nun pangai ngaihsak tu nei miah lo nun ka nei leh tawh, mahse ka Nu erawh chuan karkhat ah vawikhat te min rawn be ve tawh thin.
Ka nun thar tan na tur ni a lo thleng ta, Japan ram ah Neurology surgeon ni tur a in zir tur i ka kal tawh a, vawiin hi ka ni hmasa ber ani.
Muang chang chuan ka kal hnak hnak a, tu in emaw min rawn sut dawt ah chuan en manghlei lo hian "Tih palh" ka ti sap a.
"A pawi lo e i tha maw?" alo ti sup a.
A aw hi, ka hawi chhuak ho a, Johan-a, amah ani, a in cheidan che, a hair style te, Johan ngei ani.
"Jo..jo" ka lo ti nawk a.
"I tha anih dawn kha, anih aw" tih pah chhan a kal zui daih a.
Johan ani alo awm ve tak tak, mahse min hre lo, mahse a pawi lo, min hre dawn alawm, a chhan chu ka school luhna tur lam a pan a lawm, ani kha alo awm tak tak, lawmna vang chuan ka tah nuih teuh a.
Johan chu class room lam pan chuan a kal hnak hnak a, a hawi let zauh a, Beleny ding reng a, a mah alo thlir ngawih ngawih chu a en zauh a, hawi let leh vat in a nui sak a "Bee" ati zui sap a.
A tawp ta. Bye bye u, In hmangaih lak tlak loh Shino tho kha ka la ni e.
🌹Shino🐝🌹


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)