ADDICTED TO YOU By MsiMiluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ADDICTED TO YOU By MsiMiluhlulnui (Completed)

Unread post by Ngaia » October 25th, 2020, 8:56 pm

ADDICTED_TO_YOU 💙 #Ep-25

By : Msi_Miluhlulnui 👩
(Hmeichhe Naupang Tereuhtê🙃)





"I zaklo anih chu, hetah engmah tihtur i neilo" ka ti leh hlak a, ani erawh nuih deuh reuh pah hian alo ner zui sawk mai.





"Ka nei ngei alawm, mipa in a bialnu a rîm chu a thiang lo em ni? Nge ni a, a pawina a awm dawn em ni?" Ala ti leh hram. Aw Lalpa leh! He mihring hi ava han zaklo rapthlak ngai em em ve, vawiinah khatiang thil a thleng tawh chung pawn engtin nge engmah thleng lo ang mai a zâmna pawh nei chhin hauh loa ala țawng theih zawk.





A rapthlak ka ti lutuk sawi tur ber ka hre tawh lo chuan "haw rawh!" Ka ti ta hmak ringawt a,ka room lam ka pan phei nghal nal nal a, ka room kawngkhar chu chhunglamah ka kalh nghal daih bawk.





Nizanah palai a rawn tir a, chuan vawiinah min neih dawn loh thu chiang zetin a sawi leh a kan inkar ka ti tawp a engmah a rawn sawi zui lo bawk a, chuan tunah lêm a bialnu leh a nupui tur anga min sawi leh in ala rawn leng ngam ania, hetiang em em a thil mak leh rapthlak hi ka tawn âwm ka la hrelo.





Ka thawmhnaw bawm lam ka pan phei a, drawer chu ka hawng a thawmhnaw ka la chhuak ve ringawt, mahse keimah in ka ha thei der silo. Ka nu ko leh turin sitting room-ah Damian Vanlalzaktheiloa a awm kur bawk si. Ani a awm chhung saw chuan ka pa pawh lo haw pawh nise ka chhuak âwm lo chiang. Eng ang pawn min hau leh dawn mahse pawi tihna ka neilo, saw mihring lakah sawn engtikah mah ka tlawm ngai lo ang.





Vawiina thil thleng a hrelo der nge chu ka hrelo mahse kei erawh chuan ka theihnghilh tawh kher lo ang. Hmeichhe nerd tak ka ni lemlo bawk a engtiang chiahin nge tâwn luih chi ka nih loh zia ka hmuh tir ve dawn khawp alawm. A țhianpa Sangtea ka nei dawnlo ang bawk in amah pawh saw ka nei lo ang, ka bialpa pawh ani tawh lo bawk a, tunah chuan ka hna leh ka chhungkuaah te chauh ka rilru ka pek a hun tawh.





Ka towel ven tla țep chu ka pawt țawk țawk a, ka ban kan tuamna chu ka intihfaina lamah ka ti huh deuh nual bawk. Ni e... kut pakhat chauh hman theih a mahni chauh a intihfai chu thil har tak ani.





Ka room kawngkhar lamah kal leh in thawm dîm thei ang ber chuan a kalhna chu ka hawng leh a, kawngka chu ka hawng riai riai a Damian-a țhutna chu tlem a zawng a lang thei a mahse amah erawh a lang thei lo.





Kûn chung in leh kan in chhuat rah chim hlauh hmel zet chuan ka pên phei țhâm țhâm a, amah ka hmuh lawk loh avang chuan a haw tawh anih ring in lawm deuh tak chung in ka hnungzâng chu ka kân riai riai a mahse Aquarium bula in light in a chhun avanga mipa thla ka hmuh rual chuan ka kûn thla lehnghal.





Ala haw lo fo amaw!? Mai mai chuan, ka pen vir nawk dawn amaw ni zawk le. Khawiah nge ka nu pawh hi a awm reng reng a.





Kûn chung bawk chuan ka inher leh. Mahse vîn zeta a țawng thawm avang chuan kal mai lo chuan a dinna lampang hawi bawk chuan ka inher leh a, a taksa tak a lang theilo a chu a thla erawh chu a lang thei a pheikhawk bun tlemtê nen.





"Mahni vang ani tih pawm duh lo mihring. A țha e, in la hre ve khawp ang. Hna avangin Mizoram pawnah pawh awm mah ula in sumdawnna ti chhe tur chuan ka theih chhung chuan ka ûm zui khawp ang cheu hre rawh u" a ti vîn zui leh hrâwih!. A țawng vîn êm avang chuan ka towel ven lai chu na zet hian ka pawt a, a thla ațanga a taksa che kual vel chu ka en reng bawk.





Phone-ah tunge a biak a enge an sawi ka hrelo. Chuan ka lo ngaihthlak rûk hi thil dik ani em tih ka hrelo bawk.





A thla a chêtsawn rual chuan ngeiawm lutuk tak hian a rawn nui chhuak ta hawk!. "Ilo âwih hman elaw? Hah! Mihring leh! Hetiang em em a ngaihtuahna tawi i nei tih hriat a lo tih loh tawp tur. Chuan.....," a ti a, a ngawi leh ta daih.





Rei vak loh ah chuan aw chang tak mai hian "dawt vek anih kha" a rawn ti chhuak chhak a, a nui ri zui suk mai bawk. Engthil nge maw thleng fakau le.





"Aluminium siam chhuahna Company enkawl tu ve mai ka ni a engtin nge khatiang te ka tih theih te i rin reng reng a?. Ramdang sumdawng te anga mi hausa ka ni ve kher lo, mihring ka ni a mihring dânah khatiang thil kha chu theih loh tawp ani. Sum chu nei mah ila duh duh kan ti thei bik hauh lo tih lo hre tawh rawh aw keini aia hausa leh sum ngah kan ram enkawltu Minister te pawn an duh duh in thil an tih theih bik loh hi tiraw? Engkimah a hmasa berah mipuite, chutiang chiah chuan keipawn Company thil anih chuan ka hnuaia hnathawk te ka dah hmasa ber tih lo hre nawn bawk rawh" aw chimawm zet hian a tawp lamah chuan a ti ta kher a, ngaithla zui duh lo in ka in her a thawm dîm thei ang ber in room lam ka pan phei lehnghal bawk.





Ka room kawngkhar chu dîm zeta khar in khumah chuan ka țhu thlaa ka thawmhnaw dah chu ka ban nghal bawk, ka thil ngaihthlak khan ka mood a ti danglam vek thei nia mawle ka down ve dûk thei. Ka kekawr bul lak chhuah chu theih ang ang in ka inrawlh a ka ha ve thei mai bawk. Mahse ka kawr hi keimah chuan ka ha theilo.





Khuma ka phone let mai mai chu ka ban a, missed call awm chu clear vek in ka nu number chu ka hmet chhuak a nakimah ka nu phone ațangin pitei chu ka be mai ang.





A in ring a mahse a chhang theilo, call nawn leh tum a ka hmet chu room kawngkhar ri rawk ah chuan rang lutuk chuan khumah ka theh thlaa keimah chu ka inperh tho zawk ani ber.





"Lora" tia ka room chhunga rawn lut chu ka lo melh ngar ngar. A phone chu a iptê ah a thun zui nghala rawn pên a tum rual chuan "lo kal hnai suh" ka lo ti a, hnunglamah chuan ka tawlh phei ti tih nghal bawk tunah hian bra ka ha lo!.





"Hetiang hian awm suh, pangngai deuhin thil sawidun ang. A țha em?" Dam zet hian a rawn ti a.





"Teuh lo mai, nangnena kan inkar chu vawiinah a tawp fel..." ka sawi zawh hma hauh chuan "hrep chuan, duhtawk rawh! Kha thu kha vawikhat pawh sawi tawh suh!" A rawn ti hrâwk, ka van tawp âwm bik lo.





"Ka sawi tho ang, vawiinah kan inkar chu ka titawp vek tawh. Nangpawn engmah i rawn sawi lo a i pawm tihna ani engmah sawi buai a ngai tawh lo. Mahni nupui tur ngei ngei midang neih tir tum mipa chu pawh a țhianpa mawle. Hetiang mihring hi ka vawikhat hriatna, a tawpna pawh nise ka duh kan inkar a tawp fel tawh a nangpawh phei tawh rawh ka hmu duh lo che" ka ti a, ka thusawi chhung zawng chuan a ngawi ve reng a mahse min en reng a a mitmu pawh a che eih lo mawle.





"Thil i hrethiam lo mai chauh ani Lora, ka sawifiah dawn alawm" mangan hmel zet hian a rawn ti a, mahse ka lu ka thing nghat.





"Ka hria, kei chu mawl a engmah ka hrethiam lo mahse i țhianpa kha ka nei lo ang. Thil engmah hriatthiam pawh ka duh chuang lo rilru hahna mai mai, i țhianpa lo nei leh dawn lo pawh ni ilang nangpawh chu ka nei bik lo ang che khatiang anga awlsam taka i țhianpa min neih tir thei anih chuan ka tan hian i țhalo a ni Damian" ka ti a, a kut chu a hûm ruh tih ka hmu thei.





"A theih loh! A theih loh hrim hrim, kha țhi leh zungbun in i taksa an tawh chhung chuan ka ta inih kha Lora" a rawn ti a. Ka kut in țhi chu ka khawih nghala ka hûm zui nghal vang vang.





"Damian, ih e.., mihring tu pawh hian thil chu kan tisual vek thei asin mahse i thiltih hi chu a rapthlak mah mah ani, i nupui ni tawh mai tur chu i țhianpa min neih tir i tum ania Company thil avangin. Min Hmangaih tak tak ni lang chuan hna avang mai mai chuan heng thil hi i ti miah lo ang. Tun thleng hian engtin nge ila tih theih zawk tih ka ngaihtuah asin.. tunah lah.. ih.. engmah hrela....." sawi zo lo chuan ka ngawi ta daih a, hnunglam chu ka hawi nghal hmak.





Ka țah a chhuak ve ut ut ta.





"Haw rawh, kal rawh.. helai hmun ațang hian chhuak..." ka sawi zawh hma hma chuan hnunglam ațang chuan nghet zet hian min rawn kuah zui nghal chawt a! Ka tawp chiang hle bawk.





"Sawi tawh suh" ka bek a, a hmui nghah pah chuan a rawn ti thâwp sup a, ka dul ah chuan nghet zetin min kuah bet nghal bawk a. Kei erawh chuan ka heh ka pet zui fan fan. Engvanga tun a taka ka țah hi rawn chhuak ta em em nge maw anih le.





Kawr ka hak loh avangin a taksa lumna pawh chu ka hre pha a chutiang chiahin a lungphu ri pawh. Ka dul lam chuan a kut lum zet chu alo feel veng veng bawk a tunah tak hi chuan thil thleng te theihnghilh a, a kuahna hahdam zeta chawlh hahdam ka chak takzet ani mahse ka thei bawk si lo.





"Ka sawi tawh ang khan kan inkar chu a tawp fel tawh kal tawh rawh nangpawh. Khuanu ruat kan lo ni tak tak anih chuan hun in kan pahnih nun chu a la hril ve mahna le mahse tunah rih chuan nun thawveng taka hman ka duh ani nangpawh i Company..."





"Malsawmtluang!" A rawn ti ta hrâwih!. Min kuahna a phelh thawl a keipawh chuan remchangah lo la in ka ding sawn nghala a mitmeng te chu meipui ang hian a alh hluam hluam a kei min hua ni lo in ka thusawi zawk chu ni a huat ni. Mahse thil kaldan tur ani miau a.





"Thildang sawi ka tum tawh lo. Ka pa lo haw hma in haw rawh, ka pa in a hmu che anih chuan tlangval tha chak, ani aia chak pawh ni mah la a ti hreh dawn hauh lo che ania ka pa in thil thleng zawng zawng engkim a hre vek tawh" ka ti a,amah chu ka melh let ve ngar ngar bawk.





"Thil engkim ka rawn siam țha vek ang lo nghak rawh... reilotê chiah lo nghak rawh Naute" tih pah chuan a phone a phawrh chhuak a a hmet zui nghal mual mual "lo inenkawl țha ang che" a ti leh sup a, phone chu a beng ah nghat in a inher a kawngkhar lam a pan nghal a.





"Jephtha che rawh" a tih hrâwk ri chu ka hre hman țâwk a. Kawngkhar amaha inkhar chu chu ka melh zui ngawt ngawt bawk.





Dawhkan bula chair tê awm chu ka pawt chhuak a, tah chuan ka țhu thla nghal dawt!. Ka kawr chu thei leh thei lo in ka pawt chho țawk țawk a, ka biangah chuan ka mittui a rawn luang thla leh ringawt.





Thil thleng hi engmah ka hrethiam tawh nei nuai lo, amah pawn engmah sawifiah ala tum loa ka rawn hrilhfiah vek ang che ala ti ringawt zui lehnghal bawk si a. Eng tak nge a sawi anga engvang nge tih te chu ka hre ngam ang em tih chuan min ti buai ve pakhat bawk.





"Bawihte" tia ka nu ka room-a a rawn luh chuan tho chhuak in ka mit chu ka kawr hak tur chuan ka nuai thuak thuak a, nui lui in a lam chu ka hawi phei a ka hnungah chuan in kuangkuah chunga ding in min lo en reng.





"Kawr min lo hak tir, ka lo nghak char char che a khawiah nge i kal daih a?" Ka ti țial deuh ruak a, ka sawi zawh rual rual chuan ka aw ka thian zui nghal kharh kharh bawk. Ka țah avang khan ka hrawk velah inhnawh alo awm pawh ani maithei.





"I țap ani maw?" A rawn ti a, ka nu ani miau a, a fate chu min hrechiang ngang mai. Eng ang pawn nu leh pa bulah chuan in thup tum mah la i thei chuang lo ang.





"Aw... thil ka lo ngaihtuaha chuvang mai mai kawr dang kan la ang aw kha chu tlem in a huh deuh" ka ti a, ka dinna ațang chuan ka kalsawn zui nghal bawk. "Damian-a vang ani em? A rawn chhuak kha ka hmu a zawh loh che ka tum a chu,i mittui ti tla turin engthil nge a rawn tih tih ka hre duh" a rawn ti nghet charh a, ka hnungah mai chuan ani a aw chu ka hriat ni.





Closet hawnna chu vuan in ka ding ta reng "ngaihzawng avang mai mai in i mittui ti tla suh ka tih țhin che kha Malsawmtluang! I nau pawh i tluk tawh lo upa zawk inih hi puitling takin awm ta che" ka nu bawk chuan a rawn ti leh ta phiar phiar a, a țawngdan ațang chuan a thinrim ani tih ka hria mahse chhan ka tum lo.





Ka closet chu hawng in hunger vela ka kawr khai chu ka hai a ka nu bawk chuan "ngaihzawng vanga i mittui a tla leh anih chuan hre rawh, i neih ka phal mai mai tawh lo ang, an hmaah țap in awlsam viau suh u tiin ka hrilh lawm lawm cheu a, ngaihzawng in nei anih pawh in rilru pau khauh taka awm tur pawh ka ti țhin che u. Room-a mahni a awm a, ngaihzawng avanga țawng țha duh lo țap bawk si a ka hmu che hi ka lawm lo khawp mai Lora, puitling taka awm..." a sawi zawh hma hauh chuan ka lehhawi a.





"Ka ngaihzawng mai ani lo asin nu, ani kha ka HMANGAIH, mahse engtik laiin nge ka Hmangaih ka hre bik lo chuan engvanga ngaihzawng avang emaw Hmangaihte avanga țah chu i phalloh nachhan? Heng hi chu kan mimal nun ve liau liau ani asin kan țahna tur leh tur lo ah tal chuan thuneih tum kher suh. Ka nau ai ka puitling lo pawh ani thei ka nih nih ang hian min awm tir ve tawp mai ta che thil thleng engmah pawh i hre tawp si lo" ka ti a, ka kawr pakhat hunger-a inkhai chu pawt thla lawk in bathroom lam ka pan phei nghal a, bathroom kawngkhar chu na zet hian ka khar zui nghal pawp bawk.





Kawngkhar ngheng chuan ka țhu thlaa ka khupah chuan ka chal ka nghat zui nghal bawk. Ka nu pawh khan a ti mah mah ani, ka țahna leh țah lohna tur kher kher a thuneih chu a em em lutuk ani. A dangah chuan nise thuhran, ngaihzawng avanga ka vawikhat țahna ani a ka țap ziah pawh ani mang si loa ka nau nena min tehkhin ziah pawh hi ka duh bik lo. Enge Rammuanawmi chu kei ai a puitlin a a țhat bik em em na chuti fakau a a fak a, ka hnena a sawi ziah.





Dâk chhuak in bathroom kawngkhar chu ka tukhum chuan ka tauh nghal dawt a, ka maimichhing zui nghal sawk bawk. In nu ten in bulah in naute fak in i nau nen chuan compare ziah cheu sela hreawm in ti ve tho ang tiraw? Mihring hian mahni tawkah țhatna te chu kan nei ve vek asin.





Damian-a avanga rilru hah tawh sa nâk alaiin ka nu in a rawn belh chhah leh a ka thâwk an ti hah thei dawn hialin ka hria.






Ka pa lo haw nghak in dar 8 velah chaw kan ei a, ka nu chuan thil thleng miah lo ang maiin min be reng a keipawh chuan a rul tawk lek lek in ka chhang a chhe tak takin ka chhang lo bawk.





Chaw ei lai chuan ka ngawi reng a chaw chu ka ei mial mial a, chawhmeh suak tura ka hawichhuah apiangin ka nu leh ka pa chuan ka chevel chu ngun zet hian min lo en reng țhin a an chaw pawh ala hêu lo. Mahse ka ngaihsak tehchiam lo.





Ka awmdan a diklo tih ka hria, ka pa pawn min hau leh dawn tih ka hria mahse heihi chu ka nu cho chhuah ve ngat ani in ka hria.





Chawhmeh ka suak tur chiah chu ka nu phone dawhkana a dah chu a rawn ri a "ehe.!.... mambawihi anih hi" a ti hliai a, an inbiaa video call ani ngei ang mahse ka bengkhawn teh chiam lo tunah rih chuan ani pawh hian ka lung a ti âwi chiah lo, engtiang chiahin nge kei ai a puitlin chu ka hre ve duh ka nu in chuti taka min vau nana a hman ziah mai nachhan chu.





Ka thleng a chaw awm ka bar zawh rual chuan ka tho a "pa,i phone ka lo hmang, pitei ka lo bia" ka ti a, ka pa pawh chuan țha tak in a charge thu a rawn sawi ve mai bawk a. Keipawh chuan ka thleng te chu seng in ka kut te chu ka sil thuak thuak a a phone charge-na lampang chu ka pan nghal zat.





Pitei chu ka call-a, "aw..valte" a rawn ti a, ka pa an koh țhin dan ani.





"Pite, keimah Lora-i zawk" ka ti a, pawn lam chu ka pan nghal bawk.





"E.. ipa amaw ka ti dawn che a ngatinge a i phone a țhalo leh tawh ami?" A rawn ti a, pawn a țhutthleng an dah ah chuan ka țhu a boruak chu a vawt deuh sung sung bawk.





"Țha e... ka phone ka khawih peih loa, englo ania in inah kar khat vel emaw tal ka lo riak ka ban entir leh tur nghah chhung lek in bawihtei kha ka ngai ve tawh tho a" ka ti a, pitei chuan putea dil turin min ti a, putea ka dil a a phal a mahse ka pa te dil turin min ti leh hram bawk.






"Chutiang chuan Damian-a chuan a ti che maw? Mahse... palai a rawn tir tawh bawk sia ngatinge Sangtea chu neih tir leh che a tum nachhan?" Maria-i pawh chuan mak a ti tih hriat zet hian meng phâwk hra chung hian a rawn ti a Tei pawh kan call-a eng emaw a rawn sawi ve nual bawk.





"Chu chu ka hre tawh biklo, niminah la la khan kan inkar ka ti tawp a tun thleng pawn min lo la be lo, ka ti mah mah in ti em?" Ka ti a, Maria-i chuan a lu a thing nghal nar nar a Tei pawh chuan 'aih' a rawn ti ve bawk.





Tei chuan, "kei chu i ti țha ka ti, palai a rawn tir hnuah a țhianpa nei turin a ti leh che a kei chu ni ilang ka țawng khum ve hrep ang mawle a chak lo ngawt ang ka duh ai ila nêm mah mah" a rawn ti a, Maria-i chuan a thusawi alo pawm ngang mai.





"Keipawh ka ti, duh em em angin a lang a mahse khatiang thil tenawm lutuk a ti leh a, ui.... ka haw so bawrh bawrh nimina ka hmuh te khan lo hre daih tawh ilang chuan dawr ah ngei khan ka va țawngkhum mai tur tui a theh țhawt tlak anih chu, e...nilo chu pawh chu ala phulo" Maria-i pawh chuan a ti zui ve hlak hlak bawk.





"Khawnge Jordian?" Ka ti ta daih.





"Boss sawi dan ka hriatah kha chuan hna thilah a zin a ti. Khitah... englo, eng khua nge khah..Hnahthial a tiin ka hria tah chuan a kal"





"Engtikah?"





"Nizanah aniang, zinga ka message pawh ala seen miah lo" a rawn ti leh a.





Ka phone ka phawrh chhuak a, a last seen en ka tum tehreng nen a last seen ala frost zui. Tinge tunlai chu a nun dan ang lo deuh deuh a a nun ziah le.





"Jordian pawh hi a mizia a dang tawh lutuka kei chu ka ringhlel zo vek tawh Maria... thlalak lo thawn tu che pawh kha amah anih ka ring tawh" ka ti a, ani pawh chu alo bu ve nghat nghat.





"Nia keipawh a tir khan ka ngaihtuaha mahse kan țhianpa ve liau liau ani bawk sia ka tia ka ring chiah ngam lo deuh a, mahse i sawi ang khan tun hnuah hian a awmdan a danglam lutuk a mak ka tih zia chu" a rawn ti ve bawk a, engmah sawi zawm tawh lem lo chuan kan ngawi dun ta veng veng.





"Hey!" Tei chuan a rawn ti ta vak.





"Enge a!?" Maria-i chuan a ti țeu nghal hlar a, ka lo nui ringawt. "Ka dah dawn... in thusawi pawh ka ngaithla țha hman tawhlo, class ka kal tawh dawn bye u" a ti a, țawng pawh kan țawng ve leh hma hma in a off nghal hmak.





"Henu hi chu ka pen vir nawk chak țhin ania" Maria-i chuan a phone ah pah chuan a rawn ti nui nui a, ka lo nuih ringawt bawk.





"Sawi leh ta daih ila. Damian-a awmdan pawh chu avan maksak reng reng ve, Sangtea pawh chu i be tawh hrim hrim em? Hrim hrim in thil awmdan te chiang taka hriat hmasak tum ve phawt la tianga awm a thinrim ringawt lo hian Damian-a pawh chuan tih chhan țha deuh a nei maithei asin" a rawn ti a, ka thaw chhuak hak.





"Ka duhlo, tih chhan țha tak pawh nei mahse mahni nupui tur ngei midang neih tir leh daih chu eng dan nge? Midang lakah min hralh ani ringawt alawm, ka zahawmna pakhat mah a ngaihtuah lo, min Hmangaih tak tak se chuan ka zahawmna hi chhete pawn humhim a duh ang, amah lo mipa dang laka ka zahawmna hlan te chu a phal lo ang mawle" ka ti vak a, ka sawi zawh rual chuan ka hmui a rawn hup nghal thawk.





"Hm..hm...hm.. hm..." ka ti vak. "A tawk em em,i țawng ring lutuk chawl ve dang ten min rawn en țhup hi.. i sawi ring ropui si, an hre vek hrim hrim ang" a rawn ti hlak a, ka mit sir chuan ka enkual a a sawi ang tak tak in min lo en țhup bawk.





"Nangpawh chu min thlah vat mai la" ka ti ve.





"E, ni tak e" tih pah chuan a țhu țha ve mai, ala rawn nui ham ham lehnghal.





Hnaa let leh a ngaih tawh avangin min phei san a, kei erawh Sangtea thawhna Damdawiin lam ka pan a chu pawh Maria-i sawi vang mawle.





A țhutna lamah chuan ka chho zela Damdawiin chu chhun lai e ti lo chuan a reh ang reng phian bawk.





Kawngka ka kik tur chiah chu hmeichhe âng thawm ka hriaa, țawng ri chu ka hriat hnu a ang ang reng hle bawk. En a pawi lo ang chu maw tih rilruk pah chuan kawngkhar chu dîm zet hian ka hawng a Sangtea chu chair-ah alo țhu a, a hmaah chuan Lb-i alo ding bawk.





"Ka thinrim khat tih i hria, ka thinrim vek vek chuan khua ka hmu lo a chhia leh țha pawh ka thliar thiam hek lo, chuvang chuan thinrim loh hram hram ka tum bawk țhin mahse maw, ka tih loh vek vek ah chuan nasa tak ka ni. Ka in control thei tawh ngailoa chuvang chuan tum loh pui pui in ka awm țhin tih pawh mit ngeiin i hmu tawh bawk. Chuan, tunah... Damian-a nupui ni mai tur chu engvanga nang hian neih tum țalh nge inih?" Rilru nâ tih hriat ngawih ngawih chuan a ti a, ka chungchang ani an sawi ni, chuan tunah hian ka zak in ka inthlahrung hle bawk.





"Engmah i hrethiam lo, thil chu thlen tir la engkim a rawn pangngai leh vek dawn. I rilru natna tur engmah ka thlen lo ang" Sangtea a ni.





"Ka rilru natna tur i thlen lo ang maw? I sawi hma khan i thlen daih tawh asin, kei min Hmangaih reng chung siin ka hmuh leh hriatah ngei hmeichhe dang nupuiah i nei dawn anih hi Lalsanglian tichuan ka rilru natna tur i thlen lo ang iti maw?" Lb-i chu a au chhuak tuarh ani ber.





Ka chungchang an sawi avang chuan ngaithla chhunzawm duh tawh lo in kawngkhar chu zâwi muangin ka khar a,ka kalsawn nghal bawk. Ka lo ngaithla kha ka van inchhir tak em! Tikhan kei hian, inhmangaih tak te inkar chu ka tichhe ta chu ani ringawt bawk si a Lb-i rilru ka ti na bawk. Mahse enge tih theih ka neih chuan le keimah min huat phah vek dawn anih kha.





Step-ah chuan ka tlan thla zawt zawt a, pawn ka thlen chuan boruak ka hîp lut zui nghal kâwk bawk. Eng inneihna mah a awm lo ang, chu chu ka thupui ani eng inneihna mah a awm lo ang.






Pitei te dawrag ka tlang chho nghala zan thleng chuan dawrah chuan ka awm ve ta reng bawk.





Haw lamah kan in lamah ka thawmhnaw la turin kan kual phei a, pitei'n motor a dah fel chhung chuan in lamah ka lo va phei a thawm a awm vaklo bawk.





Kawngkhar tlemtê a inhawng chu ka hawn zau belh a inchhungah chuan ka lut a, mahse kawngka bula ka ding chu chhuata lo țhingțhi leh ka pa in alo dinchilh mipa ka hmuh chuan ka meng zui nghal kâwk!





Damian-a maw?!





"Ka pu, khawngaihin in fanu hi min neihtir hram rawh, ka sawi ang kha thil awmdan chu ani, ka diklo tih ka hria mahse engtikah mah a mittui ka ti tla leh tawh ngai lo ang" tiin Damian-a chuan kûn chungin ka pa chu a dil a, ka pa erawh chuan a din chilh rân mai.





"Ka..." ka ti chiah, ka pa chuan.





"Tho rawh, khatianga țhingțhi a i sawi avang khan inneihna a awm chuang lo ang. Engtikah mah ka fanu nena in inneih hi ka phal tawh ngai lo ang chu chu ka thuthlûkna ani a, a tawpna ani bawk ang" ka pa chuan chang zet hian a ti ta phiar phiar mai.





^•^ A zawmna 👇^•^


★ NOTE a awm a, a chhiar lo lo chu ka rawn pen vir nawk nawk ang che u.😉





Ka nu pawn tih vak ngaihna a hrelo nge ni a sir ațang chuan alo en reng ringawt a, pitei lah chuan enge thleng tih hre heklo "ehe!... in chuh! In van lo thlak danglam nasa tawh ve ka rawn kal khat tawh lutuk a ka bo deuh hû mai" ka bula din pah chuan ala rawn ti ta hluai zui.





An vai chuan an rawn hawi rual nghal țhup a, Damian-a nen pawh chiang zet hian kan in melh zui nghal bawk mahse a țhingțhit na ațanga thawh chhuah erawh tum lo tih hriat zet hian ka pa hmaah chuan a in sawh nghet sauh sauh.





"Pite" tih pah chuan ka nghawk zui sawk.





"Oh! In boruak chu avan țan hmel ve" ngaipawimawh lo tih hriat lutuk tak mai hian ala ti ham ham lehnghal.





Damian-a chu ka en a, ka pa ka en leh "pa..." ka ti chhuak sep a. "Engmah lo sawi ve suh" a rawn ti chhuak ta thlawt mai.





Inchhungah chuan ka lut a, Damian-a chu haw ru viau mah ila ka pa hma kher kher a inphahhniam taka hetia a țhingțhi hian min tina ve ut ut thei nia. Inchhung ka luh hnu pawn hawi chhuak duh miah lo in ala kûn ngar ngar a, ka pa pawn dinsawn tum chuang miah lo hian a dinchilh ve reng.





"Thang... lo kal teh, choka lamah phei lawk ila" ka nu chuan pitei chu tichuan a rawn ti a, pitei lah chu a kal hmasa zawk zawk ah ala țang lehnghal. Khatiang khan ngaihsak lo ang khan awm mahse kan kal hnuah min zawt leh dawn tho tho tih ka hre reng.





"Damian, tho rawh hetiang hian awm suh" Damian-a sira țhut thlak pah chuan ka ti a, ani erawh chuan a malchunga a kut a nghah chu nghet zet hian a hûm ruh a, a hmai a sen awp awp thei hial bawk.





"Ipa in engmah sawi ve lo tur che in a hrilh che kha thusawi âwih rawh" ha seh chilh deuh rân chung hian a rawn ti deuh hrâwk a, en pawh min en lo bawk.





"Khatiang khan luhlul chhuah in zankhua pawn țhingțhi dawn mahla ka pa hian engtikah mah a thusawi a sawh sawn chuang lo ang, nangmah in ngaih hmasa la tho rawh" tih vak pah chuan ka kut lehlam chuan a zak ah ka dawm a ka pawt a mahse chhete pawn a chesawn eih lo.





"Tho rawh ka tih chu...." ka ti leh vak. Awmzia ala awm lo cheu bawk.





"Patlingin thuthlûkna kan siam tawh anih chuan kan sawh sawn mai mai ngai tawh lo ipa pawh ka be fel tawh. Malsawmtluang nangpawh, i thawmhnaw la la i pitei nen chhuak nghal ang che u tawi khawmuang suh! Khapa biak pawh kha a țulna a awm lo" ka pa chuan chang zet hian a rawn ti chhuak leh hrâwih a. Kal a tum a, mahse Damian-a chuan rang zet hian a ke ah alo la vuan.





"Damian...." ka ti chhuak sep.





"Ka pu i hnenah chiang takin zêp engmah awm lovin ka sawi a, mahse min pawm sak lo, nakinah hei vanga buaina a thlen a keimah min mawhpuh leh dawn anih chuan tun hun hi hre reng la ka duh che, ka tihchhan zawng zawng nen. Ka tisual tih ka hria, siam țhat ka tum mek bawk, i fanu thinlung pawh ka tinâ tih ka hria ka siam țha thei ang em ka hrelo mahse theihtawp ka chhuah zel ang ka neih theihna tur anih chuan engpawh ka ti bawk ang" a ti nghet charh a, ka pa erawh chuan a ngaihsak tawh lo, an room lam a pansan nal nal.





Damian-a chuan sofa nghen dawt pah chuan chhuatah chuan a țhu sawp a, a ke chu dah kâng in a khup ah chuan a kiu a nghat a, a chal a dawm nghal vang vang.





"Ka pa in a thusawi a sawh sawn dawnlo tih ka hrilh mawlh mawlh che kha ngatinge inphahhniam in ila tih luih țalh a?" Tih pah chuan a sirah chuan ka țhu tung thlaa a maimichhing a, a kut lehlam chuan nghet zet hian ka kut a rawn vuan a keipawn laksawn ka tum bik hauh lo.





"Ka thusawi tal hi chu nang chuan ngaithla in min âwih sak ang tiraw? Ka tihsual te ka siam țhat theih nan hian ka tihtur min hrilh rawh engpawh ka ti ang. Engthil nge ka tih ang? Sawi rawh naute," Beidawng aw ngawih ngawih hian mitmeng chau zet chung a min en pah chuan a rawn ti zawi sup a, a mit te chu a sen ve rûm thei nia.





"Ka hre biklo" ka ti ta ringawt a, ni e... ka hrelo takzet ani.





"Lo kal teh" tih pah chuan a lamah chuan min pawt phei a, nghet zet hian min kuah zui nghal a, a malchungah chuan ka țhu ti tih bawk. "Khawi maw... ka pa alo chhuak ang e" tia tal hran ka tum chu ka nghawngah a hmai phum in min kuah nghet sauh.





"Che rih suh... ka kuah duh che, reilotê chauh tak tak pawh hetiang hian awm lawk ang aw che lo la" dam zet hian a rawn ti a, ka țhi awrh chhan ngei ah chuan a rawn fawp nghal vang vang a ka nghawngah chuan thil hit zet hi a far thla keuh mai. Chu chuan, keimah zawk min ti phu zawk.





"Ka thil tih avang hian ka chân dawn tlat che a inhriatna ka nei, chu chu ka hlau ani chân che ka duh lo chân che hi ka hlau ani" zâwi zet hian a rawn ti țial ve ruak anih chu!. Ka sam ah a hmai a phûm a, nghet lutuk tak mai hian min kuah bawk.
Chêt mai nachang ka hre tawh lo.





He mipa, thinlung sak leh rilru khauh leh luhlul hmel tak hi min kuah chung in a țap ve anih chu!. He inchhirna mittui leh hlauhna mittui hi engtin nge ka dawnsawn tak ang?.





Ka nu ten thawm an rawn neih avangin min kuahna a phelh a, ka hmuh hlau zet hian hawisawn in hnungzawng chuan a rawn ding chhuak ta nulh a, "ka kal ang aw... in enkawl țha la" a rawn ti sup a, min en tawh miah lo chuan biak hman pawh awm lo khawp in chak zet hian a chhuak a, sofaah chuan țhu thla in kawngkhar chu ka en zui vung vung ringawt bawk.





★Zan dar 10:00p.m★
____________________

Mu theilo in ka in let kual sek, ka mut theih loh avangin tun thleng in light ka la on a, pitei leh putea te chu an mu tawh thung bawihtei te nen.





Inchung light chu ka en reng a, hmundanga ka hawisawn lah in a phê leh zuai zel bawk. An awmpui hmeichhia Puitei nen room indawt chiah ah kan awm a, room in dan nan tile chiah a awm a thawm pawh a hriat theih vek bawk.





Zantira in lama thil thleng khan ka ngaihtuahna ala chhuahsan hleithei lo, ka ngaihtuah reng a thildang tam tak nen, zawhna ka inzawt a keimah bawk in ka chhang leh a chutiang reng reng chuan zantir ațang khan ka awm tawh bawk. Amah ka huatna te kha ka hrechang tawh lo. Ka thinlungah hian a thar zual sauh sauh ni maiin ka hria.





Damian-a biak tum in ka phone ka khawih a, mahse be lo in kan inbiakna message te ka chhiar leh daih a a last seen erawh chhun dar 11 daih kha ani bawk, bia pawh ni ilang message pawh one tick chauh ani dawna awmzia a awm dawn chuang lo.





Phone chu lukham hnuaiah ka zep lut leh riai riai a, lukham chu siam țha sauh sauh in ka saisir a, mutthilh tum in ka maimichhing a mahse awmzia ava han awm der lo, thereng hram ri te chuan min ti harh tulh tulh zawk nia mawle.





Thaw chhuak vak in ka zangthal leh thawk, rizai chu ka theh hlim a ka țhu chhuak ta nge nge, tho chhuak in room ațang chuan ka chhuak a inhnuai lamah chuan chhuk thla in choka lam ka pan phei nghal bawk.





Bawnghnute ka in a, midang an harh ka hlau bawk nen thawm dîm thei ang ber in ka chho leh a, khumah chuan ka lawn fel leh thân bawk. Lukhama ka lu ka nghah rual chiah chuan ka phone dah rawn mur chu ka hre nghal zat a, ka zen lut nghal rawk rawk bawk.





Min lo call tu ka en chuan Damian-a hming chu chiang zet hian ka hmu nghal pang a ka thin a phu a rang nghal zawih zawih mai. A reh êm avang te chuan ka thin phu ri te chu ka hre thei hial.





A hring chu ka thai chho zeuh a, phone chu ka bengah chuan ka nghat a "Hello!" Ka ti zâwi sep bawk.





"I mu tawh amaw ka ti hman a, i pitei te awmna lai min hrilh rawh" a rawn ti ta tlawng.





"Pitei te awmna maw? Mahse, ngatan nge itih?" Ka ti nghal vat.





"Ka lo kal dawn... an awmna lai chu min hrilh rawh" a rawn ti leh.





"Ilo kal dawn maw? Mahse... zanlai anih țep tawh hi bakah pitei ten an hria ang a ngailo" tiin ka hnial a, mahse a sâwt tawp silo.





"Tunah hian Taxi stand-ah ka awm mek a, an awmna sawi la heta țang hian ka lo zawng mai ang. A vawt ang reng hle ania, ka khawng vek i duh loh chuan an awmna lai chu sawi rawh naute" a rawn ti leh a, ka chil ka lem ri ta khalh bawk.





"Peng chho zawk ah khan lo chho rawh chuan kawng peng pahnih alo awm leh anga Gate awmnaah khan i rawn tlan lut dawn nia" ka ti ta ringawt bawk.





"Ok... phone kha lo la dah suh aw" a ti a, a sawi ang chuan ka bengah ka la nghat ve reng a. A motor thawm ațang chuan Car a rawn keng lo tih ka hre mai bike ri ani ka hriat ni.





"Gate-ah chuan ka rawn tlan lut tawh a khawi lai ber hi nge?" A rawn ti leh.





"Aw... khalaia Garage-ah khan i motor hûng lut rawh midangin an hmuh chuan a țhalo ang. Chuan i hûng luh zawh ah i rawn phei anga step-ah i rawn chho anga in lo awm kha ani mai veilam ami zawk kha" ka ti a.





"Bike hi chu dah luh a ngai lo ang rei a ding dawn chuang lo" ala rawn ti hram bawk.





Heng tiang lai chen chen alo kal hi ka ringlo asin mawle.





"Kawngka min lo hawn la" a reh vang vang hnu chuan a rawn ti leh.





"Mahse... pitei te an harh dawn asin ngatinge zan zanah te ilo kal reng reng a?" Ka ti a, ka hlauthawng ti tih bawk. An harh anih chuan ka chhungte engkim an hrilh anga ka pa phei chuan min hlap duh mai ang.





"Dîm zetin i hawng dawn alawm, a vawt ka tih tawh kha" a rawn ti a, tho kâng in rizai chu ka theh hlim a ka tho chhuak leh ta nge nge ka chapal pawh ka bun lo.





Chhuat chu rah chim hlauh hmel zet hian ka pên phei țham țham a, kawngka pui bula tukverh bulah chuan ding in parda chu ka keu hmasa te te a, hnungzawngin alo ding kur bawk. A sawi ang tak tak khan a vawh hmel hle a, solar light in a chhun avangin amah chu ka hmu thei a, a sam te chu thli in a chhem leng seng seng bawk a, a kutah chuan eng emaw hi a keng tel bawk.





Dîm zetin a kalhna chu ka pawt thlaa mahse thir ring vak lo in ala in nâwt ri hram lehnghal. Ka nghak deuh vang vang a tumah an lo chhuah lem loh avang chuan kawngkhar pui chu ka hawng a thli chu a rawn thaw nghal vûk vûk bawk a, ka thawm a hria ani mahna a rawn hawi nghal bawk.





"Hetah enge ilo tih? Nangmah vangin chapal pawh ka bun lo, zan a rei tawh bawk si" ka ti a, kawrlum ka ha bawk si lo nen a vawt lutuk chu ka bawl chhuak țek țek thei.





"Thuruk ala ni rih" tih pah chuan min rawn pan phei a, ka hmaah chuan rawn ding in a thil ken chu ka hnunglamah rawn dah a, keimah chu min rawn tuam nghal a, ka hmaah chuan vêt in min kuah bet nghal bawk a, puan lum ani tih reng ka hrelo.





"Tikhan a vawt a zia deuh em?" Tiin ka beng bulah chuan a rawn phun sup a, ka lo bu nghat nghat ringawt. "Helai hmun a i rawn kalna chhan hi min hrilh tawh rawh" ka ti ta daih bawk.





"Ipa in kan inneih a phal bawk si loa ka ru dawn che" a rawn ti.





"Enga!" Ka ti chhuak vak a mahse ka beng bula "shh...." a rawn tih avang chuan ka țhen ta țhaw, tunah khan ring takin ka au tih ka hria. Pitei te an harh vaih chuan a chhe ber tawng thei ka ni.





"I ti tak tak ami? Khawmaw min thlah teh pitei te an lo harh ang" ka ti a, ka tal a, awmzia ava han awm lo chiang tak em!.





"Ti tak tak lo e.... ka hruai chhuak ringawt dawn che. I pitei ten an hriat hma in ka dah let leh ang tih ka tiam a che" a rawn ti sup.





"Aih... ka duhlo, an tho hma thei si an hria ang" ka ti leh.





"An hria anih chuan mawh ka phur vek ang ka tiam a che, hreawmna tur ka thlen tawh lo ang tih ka tiam a che. Ka taksa hah lutuk hian i bula mut a mamawh takzet tih i hria em? A ngai lutuk che hi a â lo chauh tawh" a rawn ti a, ka bek ah chuan a rawn fawp zui nghal vang vang bawk.





Keipawn ka ngai tih ka phalo, a bula awm te chu ka thlahlel lutuk, zawh duh pawh ka ngah na meuh mai. Rilru fîm kan pu anih chuan chhia leh țha thliar thiam rual ka ni ve tawha chuan he mipa hi keimah ka in rin tluk zetin ka ring bawk a, tunah rih chuan thil thleng zawng zawng te kha theihnghilh vek ka duh rih hahdam taka a bula ka awm theih lai hian awm ka duh, enge kan hma huna lo thleng tur ka hre silo.





"Mahse chapal ka bun lo" ka ti a, zâwi zet hian ka sam karah ațang chuan a rawn nui chhuak hawk.





"Chapal chu a pawimawh ber hleinem tiraw?" Tih pah chuan min pawm kâng zui nghal nawlh a, ka nui ta ringawt bawk. "kan kal thei em Bambi?" A rawn ti a, nui var var chung in ka lo bu nghat bawk.





Bike chu a rawn keng tak tak bawk a, a hnungah chuang in amah chu ka kuah bet a, ka lum lehzual theih nan tiin a jacket chhungah chuan min zen luh tira a taksa te chu an sa hut hut bawk.





Ani erawh chuan kutkawr a bun a, a tlanchhuak zui nghal bawk, khawiah nge min hruai dawn ka hrelo. Mahse a hnungah chuan thlamuang zeta bei in amah chu ka kuah nghet sauh a, a tlanchak bawk nen a khat tawk in min be reng zel bawk.





"Khawiah nge kan awm a?" Bike ațanga ka chhuk rual chuan hawikual pah in ka ti a, kawngpui ka rap bawk si a a vawt nghal chem chem mai.





"A hmaa kan awmna țhin ania tuna kan awmnaa kan awm hma chuan, a hma chuan pu Tlana te hian an luah țhina mahse tunah chuan an luah tawh lo, ka pa in tihral ala phallo a chuan tun hi kum 6 hnua ka kal leh vawikhat na tur ani bawk a mahse ala danglam tehchiam lo anih hi" a ti a, hmalam chu a thlir deuh vang vang bawk.





"In awmna hi a fâl hrim hrim nge?"





"Fâl ve deuh hrim hrim, kan kawmthlanga veng i hmuh theih ang hian kan awm sân zia chu i hre mai ang" a rawn ti a, ka nui a ani pawh a rawn nui ve nghal bawk.





"Engpawh chu nise a vawt" ka ti a.





"Oh!" Tih pah chuan ka bulah a rawn ding a "iva sawi har ve" tih hluk pah chuan min pawm kâng zui nghal nawlh bawk. Iva sawi har ve te min ti mawle. Amah zawk zawk in chapal bun a ngailo te a ti zawk ania.





"Bungrua vel a awm loh chuan avan vawt dawn..." ka ti a, min sâwi nawlh a min pawm țhaa.





"Bungrua vel chu kan la dah vek alawm a changin mikhual an thleng leh zeuh zeuh țhin a inven thulh ah tiin ka pa in dah ala tia" a rawn ti țha ve mai bawk.





In chu a hlui ka rin tawh tehlul nen ala thar țha veka, a chhung pawh light on chuan ala thar țha in ala nalh lutuk bawk. Kan in ang deuh hlek in choka luh chhohna turah step am dah ve bawk a, chuan inchung ala awm bawk.





"Sofaah hian lo țhu la coffee ka rawn lak ang che" tiin sofa chungah chuan min nghat thlaa, ka ke chu sofaah chuan min dah chhoh tir in a puan lum min sintir chuan ka ke te chu a rawn khuh ve thân bawk a, a kutkawr a phelh a, a kut a lum ka rin tehlul nen ka biang a rawn khawih a a vawt lutuk avang chuan ka țê chhuak vak bawk.





"Engtin nge coffee te a awm theih a?" Ka ti hû.





"Vawiin lamah Jephtha ka dah luh tir vek alawm ruahman lawk sa anga i ngai thei ang" a rawn ti a, nui ruh ruh chungin choka lamah chuan a phei nghal nulh lehnghal.





In vel chu ka enkuala ka hma maia sofa chungah chuan an chhungkaw thum thlalak alo in tar a chawlhni thawmhnaw an ha vek bawk. Damian-a chawlhni thawmhnaw a vawikhat a inthuam ka hmuh ve na ani.





A dang erawh chu lem ziak vek ani a, Maria-i te ina mi ang deuh deuh kha a awm bawk. Kha lemziak leh he in bang a intar lemziak hian eng emaw in anna riau an nei, inzawmna riau an nei zawk amaw ni nakinah Damian-a ka zawt mai ang.





Reilotêah coffee no hnih a rawn keng chhuak a, ka bulah chuan rawn țhu in center table chu a rawn hnûk hnai a, tah chuan a hûng nghal bawk. "In la, a vawt a zia deuh maithei asin A.C kan on bawk ang a" a ti a, a tho zui lehnghal thurh.





A chekual vel chu ka en reng, a che reng reng a dam thlup vek a bang te thleng chuan tihnat a hreh hmel ngawih ngawih in ka hre ta ber. Ka lakah phei chuan a inthlahrung ru ka ti mai, thil thleng zawng zawng avang khan a inthiam lo ani maithei.





"En duh i nei em Movie te emaw" ka bula rawn țhut thlak leh pah chuan a rawn ti leh a.





"Duh lo, nangmah ka en duh che" ka ti a, a nui kiai suk mai.





"Kha chuh! Ka beisei loh hlawm tawp thil ani" a rawn ti a, a lamah chuan ka tawlhphei nghal hrut hrut bawk.





"Ka lakah i inthlahrung tiraw?" A mita en reng chung chuan ka ti ta ringawt, a rawn thaw chhuak hawk a.





"A chhan chu i hriat kha, Coffee kha in la chuan i mu dawn nia a tlai tawh" a ti daih.





"Ka in dawn alawm mahse hetiang hian awm suh keimah zawkin hreawm ka ti țha takin thil sawidun zawk ang um..." ka ti a, a rawn țhu țhaa a sam chu a tuai chho puat.





"I duh lo in la hre si a" a rawn ti chhuak nghal hawk bawk.





"Ka duh tawh alawm.... i mean, tunah chuan engkim theihnghilh in sawidun ang buaina i tawk anih chuan ka tih ve theih tawk ah ka pui ang che mipakhat kan ni a, kan pahnih inzawm chu tuman min hneh thei lo ang" ka ti a, a hahdam theih nan ka nuih var var bawk.





"I hre duh takzet ang maw? Ka sawi a i rilru a nat leh a min huaa min chhuahchhal leh dawn ai chuan sawi loh law law ka duh zawk " A rawn ti nawn leh hram.





"Hre duh lo ilang ka zawt nang che, chutiang i sawi ang zawng zawng chu a thleng miah lo ang tih chu ka tiam theilo che mahse ka dem lo ang tih ka tiam a che" ka ti a, ka kutzungtê chu ka ti pir nghal vah bawk a.





"Naupang chhia lutuk!" A ti hluk a, mahse a kutzungtê a rawn zawm ve tho.





"Maria-i pa leh ka nu hi ka pa nen an inneih hma hian an lo innei tawh, chu chu keipawn nimin khan ka hre ve chauh bawk. Chuan Maria-i hi ka nu nena an fa ani bawk a mahse Maria-i hian engmah a hrelo. An ina lem ziak leh kan in helai hmun pawha lem ziak i hmuh hi an inneih laia an pahniha an ziah țhin ani a, ka nu hian paih a phal ngailo, i țhiannu nen hian ka nu pum ah thla kaw chhung hun kan lo hmang ve ve tawh anih chu!. Ka nu in Maria-i nei tura min duh....." a sawi zawh hma hma chuan rang zet hian a hmuiah ka lo hup a, ka lu ka thing nui nghal nar nar bawk.





Hriat chhunzawm ka duh tawh lo.





"Naute, ngaithla zo turin ka duh che he thil hi chu i hriat ngei ngei a ngai tatoo chungchang pawh kha," ka kut lak thlak pah chuan a rawn ti a, mahse țawngkâa chhang lo in ka lu ka thing leh ta ringawt bawk. Hriat chhunzawm ka duh tawh lo, ka duh tawh lo......



★ Note : Aw le, Note-a thil ka sawi duh avangin ania zaninah ka rawn dah hram hram ni ka bialpa te video thar a chhuak bawn nen, mood a on ve riau va.

Chuanin, hei bak chu thla thar emaw ah bak ka rawn zawm tawh dawnlo tih ka sawi hmasa duh a. Ka mit hian chhiat lam a pan ti ila a dik ber ang chu, thil ka hmu fiah hleithei tawh loa tv phei chu ka hmufiah theilo nasa ani mai. Phone-a thu inziak pawh super large-a dah a ngai bawk. Phone ka khawih rei in a nâ zela, zanin pawn darkar chanve te ka type-a, a nâ a, ka chawl leh rih țhin a rei tak tak, tiang vel chuan ka rawn type nawk nawk a, chhiar dan min lo thiam sak turin ka ngen nghal bawk cheu a.

Chuan dah leh hun tur thla thar ka tih khian a sure lo aw. Chu chu, rei tak chawlh a story tih hlut loh vek nge naktuk zana rawn dah a last ni mai turin. Last ka tih hian sad ending ani dawn tihna anih chu. Sad chu in phur lo ang tih ka hria keipawn a hreawm ka ti leh dawn. In nghah reng hi a hreawm bawk si a, chuvang chuan a chhiar zawng zawng in min nghak reng thei dawnlo anih chuan lo sawi ula vote a tam zawk chuan last-na ang chuan naktuk zanah kan kalpui anga sad ending ani dawn ka tih kha, duh lo in tam zawk chuan ka ti leh lo ang.

Ka rawn tihna chhan pawh, keimah bawk hian hreawm ka ti leh țhin a chuvang ania. Story neitu in nihna ang in duhthlanna pawh in ta ani e, duhdan rawn sawi vek ang che u anih loh chuan ka pen vir nawk nawk ang che u😉



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:56 pm

( Zanin chuan a tawi deuh, ka inbuatsaih țha hman vak loa nilenga type ve kan tum nen hman chu khawi ah a ni mai😄 nak zanah thui over-in ka lo dahsak ang che u, chuan link ngaia zawm ang rules kha ka kalpui tawh dawnlo bawk.)




ADDICTED_TO_YOU 💙 #EP-26

By : Msi_Miluhlulnui 👩
(Hmeichhe Naupang Tereuhtê🙃)





★ Damian Zomuansanga POV ★

"Hei vang hi ania hrilh che ka duh loh nachhan
mahse ka sawi tawh a ngaithla zo turin ka duh che, thil engkim hi hre ve vek rawh" tiin a biangah chuan ka dawm sak a, ngaihthlak a duh tawh lo lutuk tih hriat zet hian maimichhing chung ngatin a lu min thin khum ta tawp.





"A bung chauh hriat a nakina thudik hriat leh ai chuan tunah hian hre law law zawk rawh, a țha tiraw?" Tiin a mitah chuan ka fawh sak a, a ban chu tihnat belh hlau zetin a zakah chuan dawm in ka chawi kâng a, ka malchungah chuan nghat in ka âwm ah chuan ka kuah bet zui nghal bawk.





Keipawn a hriata he thil sawi hi ka duhlo, ka hrilh ang em tih pawh vawitam ka inngaihtuah tawh mahse keima kâ ngei ațang hian hria se ka duha midang kâ ațangin hre leh si se rilru na takin awm lo se ka duh.





A țhiannu a ni a, a tan a hreawm tur zia ka hria, chuvanga engmah hrelo se ti ka ni bawk.





Khami ni, Office-a alo kal ni pawh khan na taka țawngkhum loh kha chu tih theih ka nei lo, a dawngsawng thiam dawn hauh lo tih ka hria. Khatianga ka tih avang khan a hnuah hreawm ka ti ve leh tho, biak pawh ka be ngam lo reng bawk a.





Sangtea nena inneihna erawh kha chu a hming chauh a ni, a sawi mawina chauh, eng inneihna mah a awm dawnlo chuan kha thil kha hrilhfiah ka tum a mahse a hre duh hauh lo a nih kha. Thil a kal sual ta veka Lb-i chen in, an innei ngei dawn tih ang in thu a kal chho taa ka ruahmanna kha kei ngei pawh hian khatianga a kal kha ka ring hauh lo.





"Maria'n a hre tawh em unau in ni tih hi?" Ka âwm a a hmai phum kâk chung chuan a rawn ti a, na zet hian ka thaw chhuak nghal hawk.





A sam chu chûl in a tukhumah chuan dawm in a samah chuan ka fawp vang vang a.





"Hriattir loh hram ka duh, a hria a nih chuan thil a kalsual vek dawna nakinah a hre leh turah ngai ang. I țhiannu a ni a, i dawngsawng thiam dawnlo tih ka hria hrilh loh hram che ka duh a mahse i hre leh dawn tho a, chumi a nih rau rau....." ka sawi zawh hma hauh chuan a rawn țhu chhuak hlawl a.





"Ka hria alawm, mahse inu in a fanu tih a hriaa engtiang pawn a fanu chu hruai let a duh dawn chiang bawk a. In pahnihin innei turin a duh cheu a chutiang duh si chu ngatinge keimah kha khatiang taka min lo tih leh si... i nu thu i hnial ngailoa in inneih chu a ngai ngei âwm sia Maria-i nen" a rawn ti sap a, a rilru nâ ka laka thup a tum chu ka hmu chiang kher bawk.





"Ka hnial a ngai dawn tihna a ni mai, a fapa hlimna tur nge ama hmakhua a ngaih pawimawh zawk chu a hriat mai dawn alawm. Nu in a fapa duhdan a zahsak theilo a nih chuan a thu ka zawm bik nachhan tur a awm lo" ka ti nghet ta charh a, engmah sawi lo in min en reng ringawt a.





"Ka thusawi hi ka ti mai mai lo. Thil zawng zawng ka hrilh vek thei rih lo che a zâwi zâwiin i hre zel anga engkim, tunah rih chuan i hriat atan ala hunlo ka ti a. Mahse hemi chungchang hrim hrim thildang pawh midangin an hrilh che a nih chuan âwih suh ang che. Keimah ngeiin ka hrilh hun che min nghah sak thei la ka duh" ka ti a, vanvadâk chungin a thaw chhuak hak a.





"Thil zawng zawng hriat vek ka duh pawh in ka ring lo, tuna min hrilh chin zawng zawng pawh khan min ti pik țûn thei, Maria'n a hriat huna a awmdan turte ka ngaihtuah thleng pha thei hial, tih luihna in in duh loh chung lo inneih lui tir ta cheu....." a sawi zawh hma hma chuan a tukhumah dawm in rang zet hian ka kuai kûn a, a hmuiah chuan ka fawh sak nghal vang vang.





Ka fawhna chu thlah in a hmui bul chêtah chuan ka fawh sak leh zeuh a "a thleng ngailo ang tih luihna a hmang dawn a nih ngat chuan engtikah mah a hlawhtling ngailo ang. Ruahman ang in engkim a kal theilo a ipa hnenah engkim ka sawiin ka hrilhfiah vek bawk a enge a ngaihtuah ka hrelo, pawm a hnêk in ala kawi zel a ka tan tih ngaihna a awm tawh lo. Kan kut nghet taka invuan tawn chunga he buaina hi kan paltlang a ngai tih i hria a ni tiraw?" Tiin min hnaih tur chuan ka pawt phei a.





Ka naute ka chân dawn ai chuan Company kalsan pawh saw ka thlang zawk, a țul leh kut hna pawh ka thawk mai ang a hlimna, a nui hmel ka siamsak thei a kan pahnih ei khawp ka thawhchhuah theih chuan a tawk.





Ka kiangah awm in engkimah min thlâwp se, rinawmin nitinin kan in Hmangaihna pung zual zel se chu ai baka hlu a awm lo. Sum chu a pawimawh na meuh mai, a tello chuan nun in awmzia a neilo tih chang a awm fo. Mahse, sum neiloa nun nge Hmangaihtu neilo a nun hreawm zawk ang? Sum ngah mah la Hmangaihtu i neih loh chuan i tan engmah sâwtna a awm lo.





Hmangaihna chuan beiseina thar min pe a, thinlungah beidawng loa beih țauh țauh na min tuh sak bawk. A tira mittui te luang thla in hreawm mahse a tawp na chu hlimna a ni, Hmangaihtu neiloa nun kha hremhmuna tlak nen danglamna a awm lo.





A kut veilam chuan muangchangin ka kut chu a rawn vuan a, ka kutțang karah chuan a kutțang rawn rawlh in min rawn en a, a nui zui sêih bawk.





"Nghet taka kan invawn tlat chhung chuan tu mihringin nge min țhen hrang thei ang. A tawpa hlimna kan duh a nih chuan hreawm paltlang ve hmasak a ngai alawm tiraw? Chu chu kan pahnihin kan ti dun ang, kei pawn thil ka ngaihtuah chiang hmasa tawh ang a i thusawi pawh ka ngaithla țha tawh ang naupiang hlim ang maiin thu ka âwih ang" a rawn tih rual chuan ka nui zui hawk.





"Naupiang hlim anga thu i âwih dawn chuan enkawl i harsat vak dawn loh chu" ka ti ve leh kher bawk a, a ner zui nâng bawk.





"Chutiang lam in ka sawi hleinem thu ka âwih tawh dawn zia ka sawi uar ve na a ni mai a, lo la kawi kher suh" a rawn ti ve hlak a, pawh hnai leh ka tum rual chuan amah zawk a rawn tawlh hnai zui sat sat a.





"I mut a chhuak tawh em? Naupiang hlim anga awih mut kher chu i phût êm lo ang chu" ka tih rual chuan a kut chuan ka kawr chhanah ka âwm chu a rawn beng zui dawt!. "I nghal aw....mahse zep loh chuan ka mut a chhuak ve tawh reng ka lum țan deuh tawha" a rawn ti a.





A hmuiah chuan fawp in ka pawm kâng zui nawlh a, a theih ang tawka min kuah let ve in ka darah khabe a nghat zui nghal bawk a. Ka lakah chuan engtin pawn awm se a duhawm vel vek zel.





Step-a ka chhoh pui chuan mutchhuak aw zet hian thil a sawi ve deuh niap niap a, ka beng bulah mah nise a hriat țhat theih lem chuang loh thung. A che deuh sek bawk a, a mawng in hnuailam a nâwk chu alo hre rang kher lehnghal.





"Naute, che che suh, a nih chuan helai step-ah hian mutchhuak chung chung in ka chêt pui mai ang che" ka ti zui hluk, ka thusawi pawh hre lêk lo tih hriat zet chuan ala rawn tal leh hram.





"Ka ke awmdan hi a diklo alawm hei, a tawm deuh reuh kal vat bat rawh a kham tawh teh ania chuvang ania ka chêt sek" a rawn ti ve nui nui a, nui suk in a mawng chu ka țham sak zui tâwk a, a rawn țê chhuak nghal vak.





"Shh.... naute, thawm dîm rawh midangin an hre palh hlauh ang che" tia fiam zui pah chuan ka kut khat chauh chuan ka pawm țha a.





Room kawngkhar chu hawng in light chu ka on a, ka kalh zui lehnghal bawk, a kawr chhungah chuan ka kut zen lut in a bra chhanah chuan ka țhâm zui sak leh salh bawk a, engtin mah a rawn awm zui tawh lem chuang lo.





A awmdan hian min ti zauthau tih hre ngat se zawng a ti chhunzawm duh hauh lo ngei ang. Mahse, a duhdan ang in a pawi chin thlen pui ka tum lo tunah rih chuan ka khawih atana min phalsal chin hi ka tan chuan a tawk viau.





Mahse, a tak ngeia engkim ka kut leh hmui ngeiin a feel chu duhthusam a ni châkna in min tur ut ut bawk. Mahse a duhdan ka zahsak tur a ni a, ka ta tur vek a ni dawn tho a ka insûm thei tur a ni, mipa diktak ang in.





Khumah chuan dîm zet hian ka nghat thlaa a ban veilam chu phar hliai in min rawn en a, light êng hnuaiah pawh a mutchhuak rawn meng siar siar chu a sexy lutuk takzet a ni.





Ka jacket chu ka hlip zui nghal a, "I lum bik lutuka min ti mutchhuak vek thei mawle, ngatinge mipa hian pangtilum in ngah bik țhin em em le" ti leh nui nui in khum lu lamah chuan a tawlh chho sat sat a, rizai chu pawt chho in a sin hlûn a, sai sir ngat in mit siai chungin min rawn en chho a, ka nui chhuak nghal hawk.





"I mut a chhuak tawh viau a ni maw?" Ka ti zui sup.





"Umm... " a ti ringawt a, ka t-shirt hak lai ka phelh rual chiah chuan rang zet hian a inlet thak a, a mu tawm nghal châwih bawk.





Khumah chuan lawn kaiin a hak pan zet chhungah chuan ka kut chu a vâk lut nghala, a kawngah chuan ka țhâm sak zui nghal salh a, "a zâ...." tih pah chuan a tawlh phei leh sat sat a, mahse ka lam hnaih ah bawk ka pawt phei leh.





Zen lut chho zelin a bra chhanah chuan a hnute chu ka hup sak a, a thaw zui ve ta halh halh bawk. A bengah chuan fawp in a nghawngah chuan ka fawp thlaa a nghawng chu a rawn chîp deuh châwih a, ka nui ri nghal suk bawk.





"Tikhan i mut chu ala chhuak tho em Bambi?" A beng bulah chuan ka ti thâwp sup a, chumi rual chuan a bra chhungah chuan zen lut in ka kut ngei chuan ka hup sak a, a rawn thaw chhuak zui nghal hak bawk.





"Um... la chhuak tho mahse Damian hetiang thil..." a rawn ti a, sawi zo lo chuan a ngawi leh ta daih a.





Amah si chêt chuan ka mu thlaa ka ban chu ka kham tir nghal bawk. "Ka tihpalh" a rawn ti leh sep.





"Ka hria, tihpalh tih sawi a ngailo ka hrethiam che ka dem bawk lo che i duhdan zahsak che chu ka tihtur alawm keiman ka châk avang ngawtin ka khawih theilo che. Inthiam lo tawh suh mu tawh zawk la" ka ti a, hetiang thil avang hian inthiamlo reng lo se ka duh.





"Mahse, a nuamlo" a rawn ti leh hram.





"Inthlahrung lo turin ka duh che, keimah zawk hian ka zir a ngai a ni. Inneih hma chu ka insûm thei ang mahse insûm reng hreawm zia ngaia ka neih loh nan kan inneih vat a ngai a ni. Kan inneih zanah chuan mu thei lêk lo in ka siam ang che mawle" tiin a hnute chu ka țhâm sak leh a, a rawn nui chhuak nghal hak bawk.





"Ka mut a chhuak aw... ka mu dawn" tih pah chuan ka lamah chuan a rawn inlet thak a, ka âwmah a hmai phûm in min rawn kuah ve tai a, a samah chuan ka lo fawh sak nghal vang vang bawk.





"Um... mu tawh rawh, ka men rei tir tawh lutuk che. Naktuk chhunah i ban check-up turin kan kal dawn nia" ka ti a, a rawn bu nghat nghat a.





A rawn dâk chhuak a "I mumangah min hmu rawh aw Vanlalsexypa" rawn tiin a rawn awm kâng a, ka hmuiah chuan a rawn fawp ve vang vang a, chhan let ka tum rual erawh chuan rang zeta mu thla leh in a hmai chu a phûm țha nghal sauh sauh a, a chêt dan avang chuan ka nui ta ringawt bawk.





"Ka Hmangaih che ka Naute, muttui aw" ti sup in ka kuah nghet nghal sauh bawk.





★ 7:00 a.m ★
________________

Vawiinah hna ka kal dawn loh avangin zingkarah meeting video Conference hmangin ka ko a, an hnathawh dan leh rawtna an neih ang ang report an rawn pe diat diat bawk.





"Martha, tunah khan ramdang nena thawh ho chungchang i sawi lang em?" Ka ti zui nghut. Ka naute mutna lam ka thlêk zeuh a, a thaw sâk sâk a, ala mutui lutuk takzet. Mahse, a ban awmdan saw ka duh lo.





"Aw sir..." Martha'n a rawn tih rual chuan "lo la sawi suh" ti nghut in ka tho chhuak nghal a, khum lam pan in ka phei nghal bawk. A bawk deuh ti tih a, a ban na lam a delh deuh lek lek bawk.





"Mahni chauh a mu chi ini lo tawp mai" ti hluk in ka mut țhat tira, a harh ka rin tehlul nen ala thaw zui sâk sâk a, nizana a kawr ka phelh sak avanga a bra chhana a hnute rawn kawh chhuak lah chu en in a rûm chhuak nghut.





"Sexy lutuk nu, ka hna thawh zawh hma chu lo harh miah suh ang che" ti hluk in a hmuiah chuan ka fawh sak zeuh a puan chu sin țhat tirin dawhkan awmna lan chu ka pan phei lehnghal bawk a. Țhutthlenga ka țhutfel hma chuan thaw chhuak hawk in ka sam chu ka tuai chho puat a, ka landan a ti danglam leh vek dawn a nih hi.





"Sawi zawm rawh le, midang kha lo ngawi ula. Thawm tamnaa in awm chuan a reh lai zawng hram ula" tiin ka țhu thlaa an thusawi ngaithla tur chuan ka in ring reng a. Ka sa deuh pup pup thei.





"Ramdang nena thawhdun chu a țha lutuk takzet a, i rawtna pawh kha a chhe hranlo bawk. Mahse kan Company hi a lian hran lo a chu Mr. Armando te Company nena thawhdun hi kei chuan ka duh tawk. Anni khan siamchhuak ve in țha viau mahse kan thilsiam hi kan rinngam tur a ni, a țha a ni tih kan ring ngam tur a ni. Hma pawh kan sawn ve zela Company dang nena thawhdun a kan kutchhuak ni loa lar ai chuan kan kut chhuak hmang ngeia lar chhuah hi a hlu zawk.





Midang angin lian em em lo mah ila keimahni ngeiin kan siamchhuah ve theih avang hian zâm lo in in dah sang ve țhin rawh u ka tih țhin cheu kha hetiang in nih chuan engtikah nge hma in sawn ang" ka ti a, thinrim chunga sawi ka ni lo bawk a, an ngaihdan an rawn sawi zui ve leh sap sap bawk.





Naktuk lama khawih zawm leh turin meeting chu ka ti tawp a, ka indahfel hnua khum lam ka hawiphei chu alo inthlep fel thân reuh s, ka meng ve kâwk thei nia. Engtik laiin nge thawm dîm thei ang bera alo chhuah hman.





Bathroom ka en a mahse a awm lo, hrep tak hian, min hrilh miah lo in a haw tihna em ni, a pitei te reng ka lo ngaihtuah tawh lo, keimah avanga hauh a tawh ka duh hauh lo. An hauhna chu keiman ka tuar vek tur a ni.





"Lora, eng vanga engmah min hrilh hmasa lo nge inih" ti nghut in ka sam chu ka tuai chho nghal puat a.





Kawngkhar lam chu hmanhmawh zet in ka pan phei a, hawn tum a ka ban chiah chu amah chuan a rawn inhawng riai riai a, Lora hmel ka hmuh rual chuan ka thaw chhuak nghal hawk. A ke in kawngkhar a rawn tlawh hawng a, coffee no khat a rawn keng tel bawk. A ni erawh chuan ka mangan hman zia hre lêk lo in min lo nuih var var.





"In zo tawh mi? Coffee ka lo siamsak che a ka tia i ngaithla tui bawk sia ka tibuai duh lo che a" tiin a rawn lut a, kawngkhar bula table awm ah chuan a hûng thla nghal bawk a. A rawn hawi leh rual chuan a lamah chuan pên pheiin ka kuah bet nghala a tukhumah chuan nghet zetin ka dawm zui nghal bawk.





"Ngatinge heti hian i awm thut a?" A ngaihna hrelo zet hian a rawn ti hliai.





"Ka mangan hman zia i hria em? Eng vanga engmah min hrilh hmasa lo nge inih" ka ti zui nghut. A tukhumah chuan nghet zeta dawm in a bek ah chuan ka fawp nghal vang vang a.





Ka hmuh theih loh china a awm hian ka buai vek țhin.





"Tihpalh, i buai hmel lutuka thil kha i sawi nasa bawk sia chuvang ania, rizai ka thleh lai te kha i hriat ka rin tehlul nen i chal i dawm a i thaw leh hawk zela" a rawn ti dam dap a.





"Min kalsan in i haw amaw ka ti hman alawm. Eng ang pawn buai mahila min hrilh hmasa ziah tawh rawh engmah min hrilh lo chuan kal tawh suh, ka hna ai pawn i pawimawh zawk i hria tiraw?" Ka ti leh nghut.





"Aw... ka hria e, ka hrilh ziah tawh ang che Coffee a dai hman ang in phawt rawh mahse chumi hma chuan kawr min lo hak tir, nizana i phelh lai ka hre miah lo" talhran pah chuan a rawn ti a, bra nen chauh a awm tih ka hmu ve chiah.





"Hetiang ngat hian Coffee min siamsak a duhthusam a ni, i Coffee siam pawh a sexy lo ang tih a sawi theih loh" a âwm bawr melh ngar ngar paha ka tih rual chuan a rawn rûm nghal nghat a, ka banah chuan a rawn beng zui nghal pawp bawk.





"Tikhan ti ziah suh, keimah in kawr ka ha mai thei loa chuvang alawm bakah pitei ten ka room an en chuan an mangang tawh lutuk ang" a rawn ti a, ka bu zui nghut bawk. A awmlo tih an hriat chuan a țhalo tawp ang, insawifiah a ngaih dawn erawh chuan keimah ațangin an dawng ang.





A kawr chu hak tir in eng emaw ka eitir leh phawt a, hetiang hian buaipui reng thei ila ka ti ngawt mai, ama tih ve theih reng pawh a ban avangin a ti theilo chu a ni a, ka kiangah awm reng thei tawh se duat ka chak hluah hlauh tawh.





Mahse a hmasa in ka theih ang tawka thil chhui chian ka duh hmasa engkim hriat vek ka duh, hahdam taka a awm theih nan. Ka tihsual tam tak ka siam țhat ala ngai a, apa ngaihdan ka thlak sak ala ngai bawk.





Ruahmanna siamsa zawng zawng leh tihtur awm ang zawng zawng chu hau tak in harsa viau mahse ka Naute hlimna leh hahdamna tur a nih chuan ka theihtawp ka chhuah ang.





★ 9:00 a.m
Damian-a te in ★

"Nizanah khawnge i riah chhuah daih a ipa nen eng emaw sawipui che kan lo tum a" ka insiam mawlh mawlh lai chuan ka Room-a ka nu awm ve reng chuan a rawn ti a.





"In hlui lamah ka riak phei a" tih ringawt in ka chhang a.





"A nih chu i sawi hmasa loa Maria-i nen chuan in in be tawh reng reng em?" Kan boruak ngaichang pah zet hian a rawn ti a, thaw chhuak hawk in kawnghren chu ka hreng zui mawlh mawlh.





"Be lo, biak pawh ka tum lo i duh leh nangman i hrilh hre dawn nia engah mah min in rawlh tir tum ve suh i ruahmanna hi engmah ka pawm dawn chuang lo chu chu ka thu tawp a ni" ka ti ram hmak a, ka țawng chang tak viau avang chuan ka nu pawn mak a ti ang reng hle bawk.





Ka nu ka biak dan tur a ni lo tih ka hria, mahse a thuthlûkna a sawhsawn dawn chuan loh chuan ka duh dan lo anga ka chêt ve a țul dawn miau.





"Bawiha, Lora hi nei suh ka ti reng reng lo mahse khatiang thil thlen tawh hnuah khan apa sawn engtin nge a pawm leh theih ang che. Maria-i chu a țhiannu a ni tho a, an pahnih chuan eng tin tin emaw an sawidun ve thei mai...." a sawi zawh hma chuan





"Nu!" Ka lo ti chhuak hrâwih.





"Enge i ngaihtuahnaah hian awm reng reng a eng vanga unau chu min inneih tum tir țalh nge i nih? Chu pawh in duh tawnna pakhat mah awm lo. Hetiang thil i tih avang hian i tan enge hlawkna tur mahni fanu leh fapa pum khata siam chu eng hlawkna nge a pek ang che" ka ti let ve ta tuarh a, ka Jacket hak tur pawh khumah ka theh thla zui nghal pawp bawk.





"I duh duh hi sawi ve ringawt zel suh, i nu thil tum dan pawh hi i hrelo. Chuan, khatiang kha i nu biak dan tur a ni lo tih hrilh hriat nawn leh kher i ngai dawn ami?" A rawn ti ve deuh țhah.





Ka sam chu ka tuai chho puat a, "hrilhhriat leh kher ka ngaiin ka hrelo ka bengah hian vawitam tak a lut tawha ka bel tawh zia i hria ang nangpawn. Mahse tuna mi erawh hi chu nangma cho chhuah liau liau a ni ve nu, nangmah kha in en let la i thusawi te ngaihtuah chiang zawk rawh" a aia dam zawk chuan ka ti a.





"Ka fapa leh! I va lo danglam ta ve" a rawn ti ta thlâwt ringawt.





"Danglam love, ka la danglam lo nangmah i danglam avangin min hmu danglam a nih kha, hetiang hi ini lo nu, tuna thil thleng mek nu leh fa kara inhnialna awm pawh hi nangma cho chhuah liau liau a ni. Ka dawh theih phak bak chin a pel ve tawh.





A tirin ka pa in ka nupui tur mi a zawn tira ka duh lo em em a, mahse a ni chu ka belchiang telh telh a âwihawm loh khawp in tunah chuan ka Hmangaih tawh, a ni lo chu ka nei dawnlo a telloa awm phei chu a teuh lo mai. Ka pa pawn a pawmpui lo che a in in hauh phah bawk a ngatinge engmah i ngaihtuah chian duh miah lo a" ka ti chhuak hawk a, ka sawi zo a ka pa pawh ka room-ah a rawn lut ve leh chiah bawk.





"Bawiha, i nu thusawi hi ngaipawimawh suh keiman ka rawn chingfel mai ang, vuak harh deuh a ngai dawn a nih hi, ka țhat lai a ni bawk a Damdawi te ka ei țhaa a ni chu ka kutah dah rawh" ka pa chuan a rawn ti a, ka thaw chhuak nghal ham ham ringawt.





"I thil tih hi i hria em?" Ka nu chuan ka pa en pah chuan a ti ta thlâwt.





"Engmah lo sawi ve suh, he inchhunga pa ber ka nihna ang in ka thuneihna ka lek kawh mai tur asin. I fapa thinlung chauh pawh i hliam lo kei ngei pawh i hliam. Kan inneih zana mak ka tih reng nachhan pawh kha hei vang chiah hi alo ni, engtin chiah nge ka tih dawn che tih ngaihtuah fê ala ngai a ni" ka pa chuan ka nu en pah chuan a ti nghet charh a.





Ka nu mah nise tunah tak hi chuan amah țan zawnga thusawi hi chu ka tum lo bur, amah leh amah in en let se a thusawi hi ngaihtuah let se ka duh, chumi hnuah chauh chuan ngaihdam pawh ka dil ang.





"Inhnuai lamah Jephtha a awm a, zu kal rawh file nen a rawn kal a a pawimawh aniang" ka pa chuan a rawn ti leh a, ka jacket chu ban in phone chu ka ak a, ka room ațang chuan ka chhuak zui nghal bawk.





"Hna ațang i rawn peng nge?" Jephtha ka hmuh rual chuan ka ti nghal a. Sofa-ah chuan a țhu thlaa.





"Aih, ka kal hma zawkin ka rawn peng Lorenzo a awm tho a ka tia. Heihi niminah khan kan hmu chhuak thar a, ala lum vut vut ania" a rawn ti a, nui chhuak hawk in file chu ka ban a ka hawng zui nghal zat bawk.





"Hotel-ah hian nizanah a riak tihna a ni maw chuan Mizoram-ah hian a awm tihna a ni bawk a. Ka rin dan vel a ni, Tatoo chungchang nena a in kaih hnawih kha ka ring reng ah! Maria-i pa leh tuna kan chhui hi an thawk dun tihna a ni tihna a nih chu" ka ti a, Maria-i pa thlalak chu ka en zui nghal zat bawk.





"A nihdan chu ania mahse mak ka tih deuh chu ngatinge mi pangngai ve mai mai in a hetiang thil te a tih mai le mihring tih atan chuan a rapthlak. Phuba lakna te pawh a ang zawk alawm le, Company nen ala in kaihhnawih ve zel lehnghal bawk si a, u Saia awm lo phei se chuan tunah pawh hian ka la hrechhuak tawp lo ang a ni'n min pui hlauh a" a rawn ti ve zung zung a.





"Mipa nge hmeichhia a nih?"





"Maw? Tu maw?"





"Tuna Hotel-a riak hi"





"Ka hre biklo, heta ka rawn kal hma hian Hotel-ah chuan ka kal a, vawiin nilengin chhuahna tur a neilo an ti a" a rawn ti a, file chu ka pe a.





"A nih chuan keimah in ka kal a ngai a nih chu inremsiamna ka neih pui thei mahna, Remzuali leh Sangtea ko la hna lo va thawk rawh u Order zawng zawng vawiinah peih fel tum ula a tam thei ang ber siam chhuak in hralh tum bawk ang che u. Chawhnu lamah ka rawn kal ang" ka ti a, eng emaw a sawi leh a kan inthlah fel thei ta hram bawk.





Ka Naute be hmasa leh te te in Hotel Regency lam pan in ka inkhalh chhuak a, secret meeting, naktuka neihna tur atana room hauh lawk tawh a nih avangin ka tan luh mai a awlsam a, awlsam takin min luh tir nghal mai bawk. Leh, keimah ka nih vang pawh a ni mahna le.





Ka room sawina lam pan lovin room number lehkhaa ka ken lam pan chuan ka kal zela, a kawngkhar zawn ka thlen chuan ding vâng in ka hawikuala kawngkhar hawn tuma ka che chiah chu tlem tê a lo inhawng sa chu ka hmu a, ka kik a, mahse tuman min chhang lo.





Ka ban chuan ka nawr hawng a, chhungah chuan ka lut a alo felfai thlap a breakfast alo ei mek a ni mahna le.





"Min hmuh theih chuan min hre ngei anga kan inbe lawk dawn em ni ang thil sawidun tur kan nei a, dawihzep tak i nih loh chuan i hmel rawn in lan la" tiin ka au chhuak a, mahse chhanna a awm lo.





Bathroom lama shower in herh ri ka hriat rual chuan ka pan phei nghal vut a, Bathroom kawngkhar inhawng dê dê chu ka nam hawng a, mahse tumah an awm lo.





"Hrep chuan" ti chhuak hrâwih a, ka in her tur chiah chu ka lu ah tak chuan tu emaw hian min rawn chhu pawp a, thil keh ri chuai leh chhuata a tla ri chu ka hre zawm nghal zat bawk.





Ka meng vai ruai a, ka lu chu ka dawm a ka kut ka en leh chuan thisen alo kai nuai bawk. Hnunglam ațang chuan tu emaw hian ka nâk ah a rawn vit a, rûm chhuak hrâwih a inher in man theih tum in ka kut ka lek chhuak a.





Sam ka khawih fuh rual chuan ka pawt lawp a, a thal rual chuan keimah pawh ka thal ve nghal tawp a, au ri ațang chuan hmeichhia a ni tih ka hrethei.





Bathroom ațang chuan tui a rawn chhuak a ni ngei ang, ka kut chu tui ah chuan a inchiah nghala hawi chhuah ka tum a mahse engmah ka hmu fiah theilo ka vai ruai mai, ka nâk ațanga thi rawn chhuak zung zung tur chu ka dang a, ka thâ a zawi, ka awmdan a dik lo.





Hrep tak chuan! Ka lu a hai a, engmah ka hmufiah thei tawh lo!.



_______________\°•°/

👇Ads la click lo tan a hnuaia milem khu in lo click ve ngei ngei dawn nia aw 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:57 pm

ADDICTED_TO_YOU 💙 #EP-27

By : Msi_Miluhlulnui 👩
(Hmeichhe Naupang Tereuhtê🙃)





"Tikhan thil chhui chu i ban san phah ve mahna ka Hmangaih"





Hmeichhe aw ri chu ka hre vuai vuai. Ka rin loh hlawm tawp in tui tam zet chu ka hmaiah a rawn baw hawk a, ka thâwk țhat theih loh avang chuan boruak ka hîp nghal kâwk kâwk a, ka kut lehlam chuan ka hmai chu tuai zui pâwk in ka thaw zui nghal hluam hluam.





Ka taksa zawi tawh lutuk thisen chhuak avanga chau tawngkhawng tawh nen chuan ka mu ta tawp. Ka phone ri te chu ka hre vuai vuai a engmah ka hmu țha theilo, ka lu a hai muai muai bawk. Ka kawr chhungah tui tam zet an lut zung zung a, vawt tih avangin ka khur ru ta dar dar.





Thawh chhuah tum in ka theihtawp ka chhuah a mahse ka taksa erawh a rit nulh a ka che reng a sak țalh. Inbeng kâng nawlh a țhut chhuah ka tum chu ka lu hai lutuk leh ka vai ruai avang chuan ka let thla leh tawp a tui a per ri nghal chuaih bawk, hrep tak chuan! Tu hmeichhia nge maw a nih hrep le.





Ka nâk a vihna lam chu eng emaw zum ah ka sawh a, mipa e ti lo chuan a na lutuk chu ka vial tawm ngawng ngawng thei, ka thisen a chhuak nasaa tui a rawn luang reng bawk nen vawt tiin ka khur a, ka taksa khur tih bak lo chu che thei tur reng ka awm tawh lo ka mitmeng pawh khap fak fak ang chauh a ni tawh.





Inchung ka hmu phe vuai vuai tawh a, ka beng chu a kiu ang vung vung bawk. Chhuat chu chûm pawp in ka thaw chhuak nghal hawk a. Ka mit chu chhin lo tum in ka theihtawp ka chhuah a, reilotêah Jephtha aw ka hre zawm ta zat bawk.





★ Aizawl Civil Hospital ★
__________________________

"A thisen a chhuak nasa tawh lutuk hmanhmawh rawh u, a chhungte in hrilh hre tawh em?" Tih ri te chu ka hre vuai vuai, ka beng a kiu vung vung.





"Keimah... keimah hi a chhungte. Khawngaihin hmanhmawh rawh u, a thisen hi a chhuak hnem tawh lutuk" tia hmeichhe aw ri chu ka hre vuai vuai ka hai chhalh a, ka meng hlei theilo.





"Damian... ngatinge engmah i sawi loh? Țang fan fan rawh aw" mangang zet hian a ti leh a, ka kut chu a rawn vuan a nghet zetin ka hûm let zui ve nghal bawk.





"Ka naute..." ka ti chhuak thei țâwk!.





Țah aw țiau hian "umm.... i bulah ka awm ania ka awm tlat dawn țang fan fan rawh aw ka kut i thlah ngai lo ang tih min tiam kha" a tih ri te chu a phel phawk phawk ang mai hian ka hria a, a hmaa ka awmdan ang ai pawh khan tuna ka awmdan hi a diklo zual zawk. Lora kut nghet taka ka vuan amaw ka tih te chu a zawi tual tual bawk, ka ngaihtuahna reng a fîm tawh lo.



★ Dar 11:00 a.m ( Sunday) ★
______________________________

Țawng ri nak nak thawmah chuan chiang lo zet hian ka meng chhuak a, engkim chu a phe fua a ka maimichhing nawn leh nghal sak bawk. Ka lu na ut ut chu dawm in ka inbeng kâng zui nghala ka nâk a rawn thîp lehnghal zawk a, ka țhen zui nghal sawk bawk.





Ka awmna chhungah chuan ka nu, ka pa leh Jephtha an lo awm a ka hawikual țha leh ngat a mahse ka Naute erawh a awm ve lo.





"Ka pa, khawnge Lora hi?" Ka ti chhuak nghal nghut.





An pathum chuan rawn hawi rual nghal in min hmuh rual chuan min rawn pan nghal hlawm a "Bawiha, engtik laiin nge ilo harh a?" Ka nu chuan a rawn ti a, ka țhat leh țhat loh hriat nan ka taksa te chu a enkual nghal vek bawk.





"Ka rawn harh ve deuh chiah, khawnge Lora hi?" Ka ti lehnghal zat a, ka harh veleha hmuh tur a awm lo chuan ka mood min siam chhiat sak ang reng hle bawk.





"A inkhawm hmasa phawt a nih kha zing thleng kha chuan ala awm reng a nizanah pawh a mu lo hrim hrim, a chau viau in ka ring. Nangmah kha nâ i nei em enge i an reng reng a?" Ka pa chuan a rawn ti a.





"Ka țha, ka lu a hai deuh a chu zawng chu a ni mai. Darkar engzat nge ka mut?"





"Darkar 24 i mu, Lora pawh i rawn harh hun nghak in a meng ve reng a mu tura ka tih pawh khan a duhlo a, i rawn harh hun nghak reng mahse inkhawm a duh avangin a phei san chea a rawn thleng leh țep tawh ang" ka nu chuan a rawn ti ve leh bawk.





"Nu... lukham hi a pahnihin ka nghen theih turin min lo siamsak" ka ti zui leh sup bawk.





"Ka ngaih i ti țhalo, i rawn harh chiah a mahse dam ang maiin i awm a, i nâk kha hmun li ah an țhui a, che sek lo teh, nâ engmah neilo anga awm te kha a țullo. In tih pâ na hun a ni lo" ka nghen tur lukham siam mawlh mawlh pah chuan ka nu chuan a rawn ti hlak hlak a, ka nui nghal suk ringawt.





"Ka țha lawm... ka in dîm dawn bawk a khum bet a nâ ka nih loh chuan chutianga damlo anga awm a ngai hran hleinem mahse ni eng emaw zat chu ka âwl ve chu a ngaiin ka ring" ka ti sup a, ka thusawi chu ka nu bawk chuan min pawmpui leh thei ngang lo bawk.





In tih pâ na lam a ni lo, khum beta nâ leh na zual lutuk ka nih lem loh chuan mut reng khan awmzia a nei chuang lo, ka naute rawn thlen hunah erawh chuan na ber ang in ka lo awm mahna, chu zawng a hriat lawk hauh lo.





"Jephtha, Hotel-a awm hmeichhia kha in hre thei em? A au rual khan hmeichhia a ni tih ka hria a, ka kal dawn tih kha alo hre lawk a ang ang reng hle mai mawi takin min lo khawih sak a, mipa che theiloa min siam thei hmeichhia chu mi mai mai a niin ka ring lo" ka ti zui nghut a. Ka nu pawh Doctor ko turin ka pa nen an chhuak bawk.





"Kan lo thlen kha chuan tumah an lo awm tawh lo, thisen nen tui ah khan ilo in chiah piah reng a. Tunah Police-in an enfiah mek, a sam kha tlem ilo pawh thlak sak a chu chu a sample test turin an la phei a kan vannei a nih chuan a man nan chuan rei kan nghah a ngai tawh lo ang" a rawn ti a, ka thaw chhuak zui nghal ham ham.





"Police êm chu in rawlh lo se ka van duh ve" ka ti sup.





"A loh theih loh, thil thleng kha Hotel-ah ania chhun laiah a ni lehnghal bawk si nen. Nizan chanchinthar ah pawh an puang bawk a mipuiin Police te hma la vat turin an nawr dawna rin aiin Case chu a sangin a țang dawn in a lang. I hming pawh chiang zetin a lang ve a kan vanduai a nih chuan thil a kalsual thei a Police pawh thu zawt fiah tur che in an kal țep tawh ang" a rawn ti a, ka rûm chhuak zui nghal nghut.





"Engkimah chhanna inang tak kan pek thiam viau a ngai dawn a nih chu"





"Nimin la la khan Company vel pawh rawn enfiah a ni nghala mahse engmah finfiahna tur an hmu lo"





"Ruahman loh anga thil a thleng zel mai hian buaina tam zawk min siam belh zel a, thil dang tih lehna turah pawh tîmna min pe deuh thei hial. Kan ruahmanna zawng zawng hrilhtu an awm a nih loh chuan thiam takin min dang chêp hauh lo ang, kan zingah hian dawt hmanga nung an awm niin a lang, ka hriat chhuah hunah erawh chuan a tawrh zawh loh hremna ka pe khawp ang" ka ti nghal hrâwih.





"A hmel vawikhat tê pawh i hmu miah lo ami?"





"A hriat lawk ang bawk in min khawih theih nan ruahmanna alo siam ve leh chhawng a, ka inrin loh lai a chang bawk. Hotel-a thawk ten amah chu chhete pawn an hmu eih lo em ni?" Ka ti lehnghal a.





"Tunah nimina duty te chu thu zawhfiah mek an ni a, chanchin a hriat vat theih turah ngai ang. Ka pu leh ka pi khan thil awmdan min zawt reng a engmah ka hriat loh thu hlir in ka chhang. Thil a kalsual a nih chuan mawhphurtu ah puh che in thubuai an siamsak thei che a ka ngaihtuah khawp mai che" a rawn ti a, zâwi zet hian ka nui chhuak nghal hawk.





"Thu min zawhfiahna chu T.V-ah a lang ngei anga kha hmeichhia khan a hmu ngei bawk ang. Thiam taka chêt kan lak a ngai, T.V kaltlang hian inpuan tir dan kan zawn a ngai a ni. A nih loh chuan dâwt var sawi zeuh a ni mai" ka ti a, a iptê ațang chuan pendrive a rawn phawrh chhuak a.





"Hei hi nimina..." pawn ațanga Lora țawng thawm ka hriat avang chuan ka kut hmang chuan tawp turin ka hrilh a.





"Engmah sawi tawh suh, ak țha rawh kha kha, Lora tana hmuh nuam lo tur khawp in i hmel lo ti danglam lo bawk la. Zawhna a zawt che a nih chuan pakhat mahin chhang lo la keimah min zawt zawk turin i hrilh dawn nia" ka ti nghal sup a, ka lukham dah țha tura ka hrilh rual chuan hrethiam tih hriat zeta nui huk in a rawn siam țhaa kei erawh ka maimichhing zui nghal bawk.





Lem chan ve zawk chu a pawi êm lovang chu.





"Ah... Jephtha, an sawi kha a dik em a harh tawh tak tak a mi?" Tia ka Naute aw ka hriat rual chuam ka chhunglam thleng hian ka hahdam sawng sawng thei.





"Aw a harh tawh, mahse a lu na a ti leh deuh a a mu leh deuh chiah lo kal rawh, a bulah lo țhu rawh" Jephtha chuan a ti ve leh mai bawk.





"Ka van lawm tak! Pa Saia khan min lo hrilh a ka âwih ngam chiah loa. Alo harh in a taksa nâ tih vel a nei em? An țhuina emaw pawh" min ngaihtuah zia thup miah loa a sawi te chu hun harsa tak karah pawh chhungril lam a ti nui vur vur thei.





"Ka lu a hai a ti ringawt a, alo nghak reng che a mahse a nghak zo lo che a nih hi tikhan a bulah lo awm rawh, ka pu te bulah chuan ka va kal ve ang e tihfel tur te a awm takin" Jephtha chuan a ti zung zung a. Ka naute chuan ka kut rawn vuan in khumah chuan a țhu thla ni ngei tur a ni ka biang chu a rawn dawm nghal bawk.





"Inthlak tur chauha i haw tur thu i sawi a mahse Hotel-ah thi hnuangin an hmu leh bawk si che a, engmah han ngaihruat dan tur ka thiam lo. I chunga thil thleng avangin zawhna tam tak ka dawng a mahse chhan dan tur pakhat mah ka hrelo, ngatinge mangang em em a min siam ziah a?" Tiin ka hmai te chu a chûl kual dan dan a a inhnît leh fêih țhin bawk.





"I harh laiin ka lo awm lo lehnghal bawk si a, i harh dawn rau rau chuan harh hun tur i hrelo lutuk. Min nghah ve mai mai tur che ania țawngțainaah i țhat vat theih nan ka dil a, Pathianin ka dilna min hriat sak a tun hnuah chuan nangmahin thil ti tawh miah suh aw, engkimah pui theilo che mah ila i kalna apiangah ka kal ve zel tawh ang, hma ka hruai tawh ang" a rawn ti a, ka hmui chu a rawn tawk zeuh a.





Awm hran a tum rual chuan a kawngah chuan ka lo vuan nghal chawt a! Min rawn bawh rawk rawk a, a tukhumah chuan dawm in keimah zawk in ka fawp zui nghal zat a, a rawn nui ri nghal hak bawk.





"Min tihder a ni maw? Ka ring reng ah! Muhil tak tak i ang lo reng a ni" a rawn ti a, thawh chhuah tum a a innem khalh rual chuan ka pawt thla leh a, ka fawp nawn leh ngat. "Ngatinge ilo mut miah loh nachhan? I mitmeng a ti mawilo vek tih i hria em?" Ka ti sup.





A biang chu dawm sak in a mit hnuai chu ka tuai sak a "ka mu theilo, ka ngaihtuah lutuk avang che in mahse nang chuan tunah pawh min tihder mai mai lehnghal a. He thil hi fiamthu na chi a ni miahlo ania aw, nâ i neilo tak tak em? I khua te a sik em?" A rawn ti a, a kut chuan ka chal chu a rawn dek nghal zat.





A kut chu vawn thlak sak in ka la thlaa ka fawp zui nghal vang vang "ka țha vek ka țha vek, nâ engmah ka neilo ka lu a hai deuh tih mai chauh a ni. Vawiinah chhuah ka dil anga in lama min enkawl turin ka duh che, nangmah chauhin min enkawl rawh, dressing pawh nangman min tihsak vek la a hmaa ka kut i enkawl ang bawk khan" ka ti a, phâwk zet hian a rawn meng a, ka nui chhuak nghal hawk bawk.





"Keimah kher maw? Mahse... ka ban lehlam ka hmang thei bawk si lo, leh i nu in a phal lo..." a sawi zawh hma hauh chuan a hmuiah chuan ka lo fawh sak a "ka nu vengthawng suh chuan ban lehlam hman kher a ngailo ka bula i awm chuan ka duhtawk ka hliam min enkawl sak turin nangmah chauh ka duh che, ka Doctor sexy zet ni turin" ka ti a, ka âwmah chuan rawn beng zui dawt in a ner nâng a.





"Khatia maksak deuh a sawi kher kha a ngailo aw...ka enkawl..." a sawi zawh hma a "Pu Damian, in laklawh viau a chu zawhna zawh lawk che kan va duh ve" tih ri a hriat rual chuan a biang a sen zui tân tân a, rang zet hian a in beng kâng zui nghal bawk.





Dangdai deuhin aw 👇
★ Damian-a nâk a vittu POV ★ 🤣

"Khi a rawn lang dawn alawm engtiang chiahin nge Police zawhna a chhan tih hriat a chakawm tawh vut vut alawm le. An sawi anga thluak țha a nei a nih chuan puhna ata a fihlim thei, a nih loh erawh chuan a tan chuan Boom! a ni tawh mai" ka ti nghal sak a, min thlâwp nan tiin kut an lo beng ve bawk.





A hmelțha zet leh pa tak T.V-a rawn lang chu en in ka nuih nghal sak, ka sam chu tuai chho in remote chu ka la a, T.V chu ka ti ring zui nghal bawk.





An zawhna a chhan dan chu ngun takin ka lo en reng. A țawngkam hman pakhat mah a chhep sual lo, a bahlah eih lo bawk a, a hmui phun pawh chhete pawn a danglam eih lo, Camera hmaa ding țhang tawh tih takah inringtawk takin a chhang thei a. An zawhna zawng zawng tawi fel takin leh âwih theih turin a chhang fai vek.





A hmelțha zet chu Camera hmaah chuan chiang zet hian a rawn lang a, mawi zet hian a nui zui nghal suk bawk, a hmelțha lutuk en sawn ngaihtuahna a ti nu ve bulh thei nia. Ka țhiante tak ngial pawn chilthli tla lo chauhin an en ngawih ngawih.





Ni e, a țha chiang alawm a che reng reng pâ lo a awm lo, a cool em em bawk, a nui ri te T.V-ah te chuan a mawi hlei hlei tih tur a ni, sound te chu ka tih rin belh zual sauh sauh a, an zawhna avanga a nui ri te chu rimawi ai pawhin ka bengah chuan a mawi zawk.





Mahse, ka hmelma a ni tawh. Amah ngeiin a hmelma ni turin min siam a, zantin mutnaa amah suangtuah chunga zan hun hman zawh bak tih theih ka nei tawh lo. Amah ngeiin ka chunga ti tura a duh te suangtuah chungin zan hun ka hmang liam a, chu chu a hreawm tawk tawh mah mah a ni.





"Zawhna engkim bahlah miah loa a chhang thiam hi mak ka ti, Police ho pawh hian rinhlelhna pakhat mah an nei lo hrim hrim ang, a zei thlâwt" ka țhiante chuan an rawn ti a, mahse chhan en ah ka en lo.





"Hmeichhia in a mipa a in rin loh laia beih thut a, che thei lêk loa siam theitu hmeichhia chu mi mai mai i ni lo tawp ang. Mahse, he mi kaltlang hian i hnenah sawi duh ka nei, i en ve ngeiin ka ring bawk a. Keimah ngeiin ka man che a, ka hrechhuak che a nih chuan hmeichhia mah nila tawrh zawh loh khawp a hreawm ka tuar tir ang che. I chêt leh dan tur zel engmah ka hrelo mahse...." tiin a nui ri zui leh suk.





"I chêt leh dan tur ruahmanna i hriat lawk sa ang khan uluk takin ngaihtuah lawk sa tawh ang che. I sam..." a ngawi leh daih, a ner zui nak a.





"I sam zai ka pawh thlak khan tlem chuan a dang chêp ve deuh maithei che aw. Mihring inih kha, chupawh hmeichhia lehnghal tlem chuan insûm ve deuh rawh" a rawn ti a, mawi zet mahse ngeiawm ru tak si hian a nui zui leh kher bawk a, ka sam chu țham in ka au chhuak nghal vak bawk.





"Ka sam i pawtthla tih reng ka hrelo" zâwi thei ang ber chuan ka ti a, ka sam chu țham vak in ka maimichhing zui nghal vak bawk.





Ka sam zai chu an test ngei ang a, nilo, ka in man chhuah tir theilo a khuh nan eng emaw tak chu ka tih a ngai a ni.





Keimah hi ka va in lan anga hmaichhan ngei ah in bei ta zawk ila nge ni a midang tih ang in ka sawi zawk dawn. Ka rilru buai lutuk avang chuan ka au chhuak vak a, dawhkana thil awm zawng zawng chu ka hui thla nghal vek bawk.





"Carter-a leh Tlanhlua min koh sak teh u ka mamawh engmah tih tur ka hre tawh lo. Saw mihring, hmelțha leh fing zet saw ka haw lutuk. Ka chunga khatiang thil a tih hnuah pawh min hrelo der hmak a, a bialnu ban saw ka la ti tliah sak khawp ang" ka ti nghal tuarh a.





"Enge thleng a?" Tia ka room chhunga Carter-a rawn lut chu ka pan nghal vat a, a bul ka thlen rual chuan a hmaiah chuan ka beng zui nghal sawk.





"I țhianpa lamah nge keima lamah i țan?" Ka ti chang nghal rat bawk.





★ Damian Zomuansanga POV ★

"Tui min lo lak" tia tui awmna lam ka kawh rual chuan hmanhmawh zet hian a chapal khing lehlam pawh bun hman loh khawp in a kal a, no chu la in filter ațang chuan tui chu a thli chhuak a, a zawh rual chuan hmanhmawh zet in min rawn pan lehnghal a.





Tui chu min rawn pe a "in zo la i hliam kha a bul vel kan hru fai dawn nia chuan keipawh ka haw a ngai tawh, in lama let leh ka ngai ka chawlhni thawmhnaw nen ka la awm hi kekawr bul chauh ka ha bawk si" a ti nui nui a, khumah chuan a rawn țhu thlaa ka lo en reng.





"I haw dawn lo" ka lo ti hmuk.





No chu a rawn laa "ka haw a ngai alawm inah hian ka riak ve ngawt theilo, a mawi hleinem bakah Nurse pawn a riah chilh dawn tho che a zanlai velah chuan in in buaipui thei ang" ala rawn ti leh hram, ka rûm chhuak nghal nghut a.





"Ka Doctor ini ka tih tawh che kha, nangma min enkawl chauh ka duh, i haw dawnlo, i nu leh i pa te leh i pitei te chu keiman ka biak sak ang che. Chawlhni thawmhnaw pawh khan awm mahla ka pawi ti lo ka kawr hak tur pawh a awm haw tum țalh suh" ka ti leh deuh nghut a, a thaw chhuak hak.





"Damian.... thil a kawi zawngin ti zel lo la hmeichhia chu kan mualpho hma bik bawk si bakah a nuam lo" a rawn ti leh.





"I haw dawnlo ka tih chuan i haw dawnlo a ni mai, hetah i bialpa hliam pui tuarin ka awm a nang lah chuan haw i tum țalh a, zanlaiah te ka mut hlan in a țhuina te lo inphelh ta se engtin ka tih anga na tuar tlawk tlawk turin min duh ami? I haw ka phallo, haw luih tum țalh suh"





"I mak e.... nang chu... tikhan ngai kawi zel lo la naktukah ka lo kal leh dawn alawm. A țha tiraw?" Ala rawn ti zui leh hram a, ka thaw chhuak nghal hawk.





"A țha e, i haw dawn a nih chuan haw rawh naktuka lo kal pawh a ngailo ang keimahin ka in enkawl ve thei" ti hmuk in lukham chu ka siam țha sauh sauh a. Amah ka ngaih zia leh a bula awm ka thlakhlelh zia hre ngat se zawng a haw bik tawp lovang.





Amah ka ngai huam huam a, a bula awm ka chak huam huam bawk a thlakhlelh namên lo in ka thlahlel bawk. Second tin a bula awm ka duh reng a, chhete pawn min hlat lo se ka duh ngawih ngawih, engtik lai pawn ka ngai reng.





"A titau ringawt e, Damian.... min ngaihtuah ve tal la keipawn haw ka duh biklo mahse ka tan a țhalo alawm hriatthiam tum ve la, a...sawidan pawh ka thiam tawh lo" a rawn ti a, a thaw chhuak ve nghal ham ham bawk.





"I thiam tawhlo a nih chuan haw lo mai rawh, ka ngai che ka tih mawlh mawlh pawn haw luih i tum țalh a, i haw chuan min ngailo hle tihma a ni mai i bialpa enkawl ngaia ka awm lai hi chuan haw luih tum țalh suh" ka ti a, thaw chhuak hak in min rawn melh zui rawm rawm a, a haw dawnlo tih ka hrechiang ta hle bawk. Ka nui nghal suk.





"In tih khawngaihthlak i tumna lamah i țap țep tih hre rawh. Mak lutuk mai, min ngaihtuah ve rawh ka ti mawlh mawlh a. Ka thusawi te kha ngaihtuah chiang ve la chuan ti hian min ti miah lo ang. I kawr hlim rawh" a rawn ti hlak hlak a, nui ri suk in thuawih zetin ka kawr chu ka hlim zui nghal bawk.





"I hliam chu keiman ka lo khawih dawn em ni a hliam siamtu chuan a enkawl pawh ka thiam ania i bialnu bân nâ ai chuan a hliam siamtu ngei hian ka enkawl thiam zawk ang" rawn titu chu ka en zui nghal vut a, ka room kawngkhar bula lo ding in a nui zui sak bawk.





"Nang maw!?"


★ A tawi, mahse ka tlin tawk a nih hi aw. Ka mit hian min zo lo lek lek zawk mah, ka thei tawh thlawt lo a phone phei chu ka theh thla tawp ringawt, chuan a tawp har tawh dawnlo tih ka sawi bawk ang aw. A kal zung zung anga ka cut zung zung ang a, a tawp vat ang^_^★


_____________\°•°/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:57 pm

ADDICTED_TO_YOU 💙 #EP-28

By : Msi_Miluhlulnui 👩
(Hmeichhe Naupang Tereuhtê🙃)





"Aw... keimah, min la theihnghilh leh tawh êm lo maw?" a ti a, a nui nghal sâng bawk.





"Theihnghilh che ni ilang nang maw ka rawn ti dawn em ni" tiin ngeiawm zet chuan ka chhang let ve leh kher a, a nui ri ta hak bawk.





"I nu in i room-a i awm thu hi min hrilh a, mahse i bialnu nen in awm tih a sawi tel miah lo" Lora en hâ pah chuan a ti a, Lora erawh chuan a vawikhat hmuhna a nih vang chuan a ngaihna hrelo zetin min rawn melh a Muankimi chu a en lehnghal zat bawk.





"Eng thil nge rawn tih i tum? Pehhel kual reng lo in sawi rawh, mikhual kan mamawh teh chiam lo ania" ka ti zui nghut.





"Tak tak in a, ka rawn fiamthu hlut a nih kha. Enge i an tih pah in ka rawn kan che a, ka pa in kal turin min tur nasa mah zawk haha, bakah thil thleng te ka lo hre ve a nangmah enge i an tawh hrim hrim?" Tiin tlangnêl sa tak ang mai chuan Sofa-ah chuan a țhu thla a. Lora thaw ri hak chu ka hre zawm zat a, ka nui nghal suk.





"Ka țha, pu Tlana chu ka țha tih lo hrilh rawh, ngaihtuahawm ka ni lo"





"Aw... ava lawmawm lehzel ve, i hliam chu keiman ka lo en sak ang che chu... i bialnu kut ana bawk sia ka puih ve theih lai che a ni bawk sia" tiin a țhutna ațang chuan a rawn tho chhuak a, khumah chuan rawn țhu thla in ka hliam chu a rawn en a, dawhkan tê a lapua chu a ban nghal a, Lora thaw ri hak chu ka hre zawm zat bawk.





"A bulah a bialnu ka awm ve reng laiin engtin nge keimah pawh râwn lo in a hliam i khawih ngam zawk a? Awm sawn rawh, nang ai chuan ka thiam zawk ang, ka kut pakhat chauh hmang thei mah ila a hliam enkawl tur chuan kut pahnih ka mamawh teh chiam bik lo ania" ti let ve sak in Muankimi thil ken chu a lak sak lawk a, a țhutnaah chuan țhu in a nêk sawn zui nghal a.





A chêtdan duhawm zet avang chuan ka lo nui suk a, min rawn melh rum nghal zat bawk.





"A veng țha hle mai che a, mahse tiang kha a țha zawk.... inhnuai lamah ka lo zu awm zawk ang ka tibuai palh ang che u i țhaa a lawmawm" a ti a, bu nghut in pu Tlana chu ngaihtuahawm ka nih loh thu hrilh tura ti nawn leh in Lora min biakna chu ka chhang zui nghal bawk.





"Nui tawh la"





"Nuihna chhan tur a awm loh hi"





"A nih hlim hmel tal min hmuh la" ka hliam bul vel a hrukfai mawlh mawlh lai chuan ka ti sup a, țhu chhuak in min rawn en vang vang a a hmel awmdan hi a dik miah lo.





"A harsa a nih hi, thil nih theih dan ka sawi a mahse min pawmsak lo in i thu ang in i kal țalh a, chuan khanu kha alo lang leh a i hliam bul vel tihfai a rawn tum te khan lo dang ve tur inia mahse dan a hnêk in ila en mai mai lehnghala khatiang khan rawn ti lo ilang chuan i hruk tir ang" a rawn ti deuh hmak a, a tûm deuh bar bawk.





A duhawm lutuk hi ei zawh vek ka chak țhin.





"Dang lo ta ilang engtin nge i tih ang?" Tiin ka zawt leh kher.





"A samah khan ka kêk duhin ka ring, zaklo si, a rawn fiamthu dan te kha khatiang kha fiamthu thawh dan pawh a ni lo.... Zomuansang! Uanna chi a ni lo aw! Nui tawh suh, ka haw san daih mai ang che" a sawi zawh hma hmaa ka lo nuih avang chuan a rawn tih chhunzawm nghal hlak a.





A banah chuan vuanin ka lamah chuan ka pawt phei a, nghet zeta kuah in a bek ah chuan ka fawp zui nghal vang vang.





★ Lora Malsawmtluangi POV ★

"Engtiang chiah in nge hmeichhe dang lakah min hauh nat ka hmu a, ka hlim. Chuan ka ngaihtuah lo che a ni lo, ka ngaihtuah lutuk vang zawk che le i bula awm ka thlakhlelh êm avanga riak tura ti che ka ni." Ka sam a rawn fawh leh zeuh pah chuan a rawn ti a, maimichhing chung in ka thaw chhuak nghal hak.





"Ngaihtuah ka ngai hleinem, ka țha alawm" ka ti a, mahse a rûm zui nghut.





"I ngai alawm, Jephtha sawi ang khan next target i ni thei, rinhlelh ber Remzuali ania a hrechiang che a min hneh theih nan tawk tar ah a hmang thei che chu chu ka duh lo, chuvang chuan ka taksa hlat ah hian i awm tur a ni lo" a rawn ti nghet charh a.





A kutah chuan vuan in ka awm hrang a.





"Engmah ka hrethiam lo, Remzuali nen in thawk dun leh tawh a mahse a ni chu in ringhlel leh bawk sia engmah ka chhût ve thiam tawh lo. Ka ngaihtuah nasat pauh leh a buai tulh tulh" ka ti a, ka biangah chuan a rawn dawm a.





"Nimin khan Jephtha hnena Report pe turin ka hrilh a mahse Jephtha bulah Hotel-a kal a ngaih thu a sawi a, mahse a hnuah a sawi sual tih a inhre leh a ni mahna Message hmang in chhungkaw thila a chhuah tur thu a hrilh leh a mahse Jephtha khan a chhuak lo tih a chhungte hnen ațangin ava hre leh bawk. Kan thawh ho avangin ruahmanna zawng zawng a hre thei dawn a rinhlelh hmasak ber ni thei a nih vang a ni" a rawn ti a, a thusawi chhung zawng chuan amah chu ka lo en ngar ngar a dâwt a sawi loh zia ka hrechiang hle bawk.





"Mahse.... ngatinge zawhna an zawh che khan i sawi mai lo a amah kha call out mai ta che" ka ti leh.





"Khangah khan rinhlelhna ngaihna pakhat mah ka la hrelo, khami zawhna leh chhanna hun ka siam kha chu tu pawh lo nise tih thlabar nana ka hman a ni a. Chawhnu lama Jephtha thu min hrilh ațang khan rinhlelh dan ka thiam ta chiah bawk. Mi mai mai a ni lo ka tih tawh kha... chuvang chuan ka hlatah awm ngai suh ang che i hria tiraw?" A rawn ti a, a kutzungpui chuan ka hmui hnuailam a rawn tuai pah zeuh bawk.





"Um... ka hria ka hrethiam. Mahse, zaninah heta rawn kal turin iti leh bawk sia"





"Vawiinah meeting nei tur kan ni a, mahse hetiang thil a thleng leh ta sia zanah ka ko ta zawk a nih kha, tah chuan engkim chiang leh zual zawkin a hriat theih ang" a rawn ti a, a lamah chuan min pawt phei a ka hmuiah chuan a rawn fawp zeuh a.





"Darkar tlemtê tal pawh mu lawk la ka duh, nizan zankhua in i mu lo tih ka hria. Tunah hian i mitmeng a dul in a chau hle bawk min hnial âwih loh aw ka lo kuah muhil ang che" a rawn ti a, ka mit hnuailam chu a rawn khawih a.





"Mahse, i hliam kha a la thar bawk sia ka tih nat belh chhah mai mai ang i lu i tuam bawk si" ka ti a, a chet zui hluk a. "Engtin mah ka awm dawnlo, ka țha alawm" a rawn ti a, hnial lo in khumah chuan ka mu ve nghal thân bawk.





A nâk veilama an vih avangin a che țha ngam vak loa chuvang chuan zangthal zawngin a mu a, a âwmah min bei tir a a kut pahnih in min kuah bet nghal hlûn bawk.





"Mutthilh ka tum a mahse ka theilo i harh thei lo ang tih hlauhna khan ka khat a, lo muthlu palh ta ila lo harh thut in nâ lo nei palh ta la tih te ka ngaihtuah bawk a, zankhua in i kut vuan in ka meng char char. Hetiang thil hi keimah vang tal pawn bansan tawh rawh, hna hi bansan daih la ka duh" a âwm a, hmai phûm kâk chung chuan ka ti sap a, a rawn thaw chhuak nghal hawk bawk.





"Heng zawng zawng ka zawh hunah ka bansan chauh ang. Thuruk tam tak hai chhuah tur leh hriat duh tam tak te pawh ka la nei a, mahse ka tiam a che ka tihtur engkim ka hrilh zat zat tawh ang che hlauthawng takin ka siam tawh lo ang che" a rawn ti a, a âwmah khabe nghat in ka dâk chhuak a, ka chal ah chuan a rawn fawp zeuh a.





"Vawiin kan inkhawm naah ka pa in thu a sawi a, kan pahnih chungchang tlem a zawng a sawi lang ve a ka mittui a tla a, i chunga thil thleng avang hian ka pa chuan a ngaihdan a thlak maithei asin tiraw? I dam țhat hunah be leh ila kan pahnihin kut a in kai chungin. Ka pa chuan a ngaihdan te pawh a thlak maithei asin" ka ti a, ka awm hrang a ka samah chuan a rawn tuai a.





"Engkim i tih dan dan ka pawm vek, ipa in a phallo a nih pawhin țhingțhi chung pawn ka dil nawn leh mai ang. Mahse tunah chuan mu phawt rawh, i meng sen tawh lutuk rilru fîm tak pu in naktukah kan sawi țha leh dawn nia, tunah chuan mu phawt rawh ka duatpui" a rawn ti a, ka hmui chu a rawn fawp zeuh a.





"Tun țum chu ka hnial lo mai ang che, mahse lo inhlei miah suh aw" ka ti a, nui zui kar kar in a âwmah chuan ka bei a ka mit chu ka chhing zui nghal bawk. A ni pawh ka thusawi avang chuan nui nghawr dat in a kut chu ka kawr hnunglamah rawn zen lut a, ka hnung chu a rawn tuai a ka lo îp châwih bawk.





"Bra i ha miah lo" a rawn ti a, ka nui a.





"Ka hak khan ka ban hi hreawm țhin a lehlam a bahna awm leh lehlam awm lo a hren chu a hahthlak lutuka chuvang chuan ka hreng peih lo" ka ti a, a rawn nui nghawr leh dat a.





"Pawilo ti hian a țha zawk, i lang sexy zual zawk. I bra nen chauh pawn i sexy tawh lutuk tlat. Insûm ngai reng tawh lo se ka ti ngawt mai" a rawn ti nghal hluk a, ka nui a.





"Ngai reng se ka ti zawk, ka zak" ka ti a, nui chhuak hawk in a kut lehlam chuan ka hnutê a rawn țham zui tâwk a "chimawm suh aw, ka ei zo vek mai ang che." A rawn ti hluk a, ka nui zui kar kar bawk.





Mahse mu tawh turin min rawn hrilh a, meng leh in a biangah chuan ka fawh sak zeuh a mawi zet hian a rawn nui zui nghal bawk a.





Kawngkhar beng dat dat ri ah chuan chiang lo ruai hian ka meng a, ka awmna chu alo thim vek a, mahse Damian-a room ah ka awm tih ka hriatchian êm avangin ka thaw chhuak nghal ham ham a.





Muangchangin ka in beng kang a, khum bula plug chu ka hmet zeuh a kan awmna lai zawn te chauh chu a rawn êng nghal teng bawk a. Khawngkhar rawn beng ri pawh a reh zui leh daih bawk. Damian-a chu ka en a, tui zet hian alo la muhil a a thaw sâk sâk bawk.





A lamah chuan ka tawlh phei a, rizai chu pawt chho in ka sin țhat tir a, chêt pawh a che eih lo bawk. A chal hmun hnih a pem awm ka hmuh rual chuan Damdawi ka la hnawih lo tih ka hriatchhuah avangin side table-a Damdawi ka dah chu ka ban a, sana chu ka en a dar 6 alo ri dawn chauh bawk.





Ka ha in Damdawi chu ka seh hawng a, hmet chhuak in a chal pem laiah chuan ka hnawihsak nghal bawk a, a thîp aniang a taksa chu a rawn phu chhuak deuh zawk a, ka nghak vang vang a a rawn harh tawh lem loh avang chuan dîm zetin Damdawi chu ka hnawih chhunzawm lehnghal bawk.





Niminah khan ka mangang lutuk a, a thih ka hlauh lutuk avang khan ka țap ringawt a nih kha. Ka mangang lutuk kha ka â ruai a, tu min biakna mah ka chhang theilo bawk. Inkhawm bana Damian-a pa, pa Sai'n a harh tih min rawn hrilh phei kha chuan ka â lo chauh.





Diktaka sawi chuan a bula awm ka duh lo a ni lo, riah ka hreh ngawih ngawih a ni ber, thil kalsual ta se ka mualpho hma dawn lutuka ka tan a țhalo bawk. Pakhat leh ah chuan a nu a ni bawk, thil thleng avang hian ka hmu huphurh ngawih ngawih a a hmel ka hmuh apiangin Maria-i ka hrechhuak ziah a, thilthleng ka ngaihtuaha hreawm ka ti ngawih ngawih zel bawk.





Keimah chu min be chhe chuang lo a, a nui hmel pawh min hmuh a Maria-i chungchang engmah min zawt miah lo bawk. Mahse keimah hian hreawm ka ti zawk, ka țhiannu a fanu ania a mo atan a duh bawk a chuan kei a fapa in min duh bawk a, ka tan hian engkim hi a hreawm ngawih ngawih.





Maria'n a hriat hunah engtin nge a ngaih ang le, keimah hi min huat phah ang tih te ka hlau ngawih ngawih.





"Haaaaashh" tih vak pah chuan Damian-a chu ka en leh a, mahse a kut lukham in mit khap miah lo in min lo en reng a nih chu!.





"I rawn harh tawh elaw? Mahse, i rawn hharh lai ka hre miahlo" ka ti ringawt a, ka nui lui hram hram bawk.





"Ka harh ve deuh chiah, mahse engvanga khatianga lo awm nge inih?" A rawn ti a, thei leh thei lo hian a rawn inbeng kâng a a nghen turin lukham chu ka lo siam sak nghal vat bawk.





A ner zui sawk avang chuan "ana mi?" Tih pah chuan a kawr chu ka hlim sak nghala, mahse ka kut chu a rawn vuan a "na lo e, ka țha lawm. Khatianga i lo awm chhan kha sawi tawh rawh, ka hriat loh in eng rilru hahna nge ilo neih Naute?" A rawn ti sup.





Ka țhu țha a, chîk zet hian min lo en reng bawk.





"Maria-i chungchang vel ka lo ngaihtuaha, i nu te pawh. Maria'n hrechhuak ta se engtin nge a ngaih ang min huat phah ang em tihte ka lo ngaihtuah a, inu hian a fanu chu a duhsak zawk ngei âwm sia. Mahse, ka huat avanga sawi ka ni miah lo ania aw ka rindan vel mai mai ania" ka ti a, anu chungchang hetia ka sawi tawp hi a pawi ka hlau hle bawk.





"Ka hria alawm, inthiam lo nghal zat zel suh ka tih che kha. Ka nu pawh, mahni hma a sial lutuka a dik lo a thiltih hi ngaihtuah let se ka duh bawk. A tawp râk thlengin kan țang dun ang iti a ni lawm ni i thusawi kha i theihnghilh leh tawh ani maw?" A rawn ti a, ka lu ka thing a.





"Ka la hre reng alawm mahse ka ngaihtuah nasat pauh leh ka hlauhthawnna a lian tulh tulh, thil thleng avangin ka pa leh ipa inkarah inhmuh thiam lohna a thleng a, thil... thil engkim hi a harsa zo vek ang tih ka hlau a ni" ka ti chhuak hap a, a bula mu tura min hrilh in lukham chu a beng thak thak a.





"Engpawh thleng dawn se ka kalsan lo ang che, ka tiam a che engkim ka chinfel hun lo nghak hram hram rawh aw Naute" a rawn ti a, ka thaw chhuak nghal ham ham ringawt.






Dar 7 velah Jephtha te ho an lo kal a, Remzuali pawh thil thleng awm lo ang maiin hawi sang vah chungin a rawn kal a mahse tuman an lo ngaihsak lem lo, in tur a awm tawh mai loh avang chuan lak sak tum in inhnuai lam ka pan thla a.





Pa Saia leh nu Hruaii erawh an leng chhuak thung.





Bottle lian ber chu ka la chhuak a, chhuah ka tum chiah chu Lb-i chu chokaah chuan a rawn lut a, ka bulah chuan a rawn ding a "inbe lawk ila" a rawn ti nghal sap bawk.





"Aw... eng lam nge?" Ka ti a, chair chu a pawt chhuak a.





"A tam lutuk, thil hrang hrang" a ti ringawt a, bangbo ru zet chung chuan a bulah chuan ka țhu thla ve a.





"Sangtea nena in inneih tur chungchang kha thu diklo a ni tih i hria em?" A rawn ti a, ka lu ka lo thing nghal vat.





"Hrelo, engmah ka ngaihven chhunzawm tawh lo. Mahse ka tiam ang che, ka nei miah lo ang" ka ti a, a nui ringawt mahse a nui hmel chu a chau lutuk takzet.





"Ka hria lawm i neilo ang tih ka hria mahse keipawn ka nei dawnlo" a rawn ti a, no chu a la a, a tuai vir a tuai vir ringawt.





"Lawk aw... tui hi ka han pe lawk anga kan sawi țha leh dawn nia min lo nghak rawh" ka ti a, a bu ve nghat a "aw le, lutuk" a rawn ti ve mai bawk.





Bottle chu keng in inchung lam ka pan chho a, kawngkhar chu hawng in Room chhungah chuan ka lut a, an awmna lam pan phei mai ka tum a mahse Damian-a hmaa Remzuali lo țhingțhi ka hmuh avang chuan ka tawp chawt a, Damian-a chuan a nâk chu alo dawm a, a kutah chuan thisen alo kai bawk!.


★ NAKTUK CHHUNAH LINK NGAIAH KA RAWN ZAWM LAWK ANG, EMERGENGY a awm, ka type belh hman tawh lo!. ★

👇Ads la click lo tan a hnuaia milem khu in lo click ve ngei ngei dawn nia aw 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:57 pm

ADDICTED_TO_YOU 💙 #EP-29

By : Msi_Miluhlulnui 👩
(Hmeichhe Naupang Tereuhtê🙃)





"Damian..." ka ti nghal sep, ka Bottle ken chu chhuatah chuan ka thlauh thla nghal zat a.





Ka thawm chu hriaiin a nâk dawm chung chuan a rawn hawi a chutiang chiah in midang pawh.





"I nâk kha...a thi" tih pahin ka pan phei a, amah pawh chuan a en thla ve vut a mahse rei a ni lo "ka țha Duati, a thi mai chauh a nih hi ka hnungah hian lo awm rawh" a rawn ti ringawt.





Chet hlak in a kutah chuan ka vuan a "a thi ringawt tih lam a ni lo, khawi ka lo en ang țhu rawh, a țhuina a phelh aniang" ka ti a, ka hlauthawng lutuk hi awmdan tur ber pawh ka hrelo zawk, amah zawk chuan ka kutah chuan a rawn vuan let ve zawk a.





"A phelh lo ang, a thi satliah ve mai mai a nih hi" ala rawn ti leh hram.





"Phelh lo ang ti ngawt suh, i hre ngawt hleinem. Ka thusawi âwih la țhu la a ni ringawt min hnial tawh suh! Vatin, țhu rawh tah hian" ka ti nghal țhat a, țhutthleng chu ka pawh phei sak a keimah zawk chuan ka pawt a a țhu ve leh mai bawk.





"I kawr hi lo vuan rawh chuan chet pawh lo che hlek suh ang che, ngawi rengin lo țhu rawh. Ngaihsam thei lutuk mai" ka ti zui hlak a, ka sawi ang chuan a kawr chu hlim in alo vuan ve mai a, chhuatah chuan țhu thla in thisen rawn chhuahna chu ka en nghal zat a, mahse a hliam a thar êm avangin duh ang in ka khawih ngam chiah lo.






"Aw Lalpa leh! A rawn thi nasa lutuk, kei chuan ka khawih ngam lo. Damdawiinah kal vat ang" tiin a kawr chu ka hlim thla a, ka ding chhuak nghal bawk. A nâk chu dawm in a ner zui sawk a "A sawi ang chuan Jephtha, Car ilo ken chuan lo zu buaipui rawh" a ti ve mai a, thei leh thei lo a a rawn ding chhuak tur chu ka lo pui nghal vat bawk.





"Ngaihsam viau zel suh ka tih che kha, hliam kha a thûk ropui si, engtin nge maw ilo tih hman reng reng le" ka ti lehnghal hlak a, ka dar a min kuah turin ka ti a, nuih pah hian min rawn kuah a "ka hria e" a rawn ti nghal sup bawk.





"Sangte, Remzuali hi lo awmpui rawh aw ka rawn let hma chu room ațang hian lo chhuak suh se, a kuta thisen kai pawh kha a reh tur a ni lo" kan kal tur chu a ti ram hmak a. Remzuali chu ka melh zeuh, a ngawi reng a a kûn ngul bawk. A kut dinglamah chuan thisen a kai ve nual bawk a, thil thlen dan rin dan tur ka hre thiam chiah bawk.





"Nangman en la, hmanrua a awm vek tho hi" kal pah chuan a la ti phei zui.





"Nangman en mai la ala ti.... engtin nge ka kut pakhat chauh hmang hian ka en theih ang a. Fimkhur a, che che lo turin ka chah lawm lawm che a zawm tih awm reng reng lo, i zawm loh chuan khumah ka țâwn bet tawh ang che tih hre rawh che thei lo in ka siam ang che" ka ti leh hlak a, a rawn nui chhuak nghal hawk.





"Nuih pawh nui suh, nuih hun pawh a ni lo, i Doctor-in țhu țha ka hrilh mek che a nih hi..... tikhan ka țha te chu ila ti ham ham ania. Thuâwih takin awm hle hle tawh ang che, thil in sawi ho dawn a nih pawhin khumah i mu anga khum bulah midang an awm mai ang. I nu leh i pa in hre ngat se chuan an sa viau ang" ka ti zui leh hram bawk.





"Aw ka hria e, ka hria e. Thu ka âwih tawh ang a țha em?" A rawn ti a, step-a kan chhuk thlak dawn avang chuan kal fimkhur turin ka hrilh nghal zat bawk.





"Ngatinge in rawn in kuah thlak a? Awi! Ngatinge i kutah te khan thisen a kai a" Lb-i chuan kan bula rawn din pah chuan a rawn ti nghal hliai a.





"Thu a âwih loh avangin a țhuina alo phelh a ni maithei, hei thisen a chhuak nasa lutuk a" ka lo tih khalh a, zâwi zet hian Damian-a chu a rawn nui ri nghal bawk.





"Thil thleng a awm chiang tiraw?" Lb-i chuan a ti leh.





"Room-ah chho la i hre mai ang Sangtea pawh a awm kha" tiin Damian-a chuan a chhang a.





"Ka duh lo, ka lo zui zawk ang che u. Scooty ka keng tho a, in hnungah ka rawn tlan ang" a ti a, kawngkhar lam chu a pan nghal daih bawk.





"Sangtea nen an inkar a țha vak lo ami?" Lb-i en zui pah chuan ka ti a.





"Vawiin khan an inkar an ti tawp a nih kha, ruahmanna kalsual hian thil a tikhawlo zo vek a nih hi. Leh Lalsangliana pawh khi a thiam lo, mahse kal phawt teh ang ka zawi zo dawn motor-ah ka hrilh dawn che nia" a rawn ti a, kan in kuah chhuak lehnghal bawk.





A țhuina chu alo phelh lo a mahse a chêt pui nasat lutuk avanga thisen lo chhuak a ni a, Doctor pawn che che lo tur leh fimkhur turin a hrilh a, a ban te phar vak vak lo turin a hrilh bawk.





"I kal i kal em ni?" Doctor chuan a rawn ti a, Damian-a chuan min rawn en zeuh a ka mit ko ka lo sân khum ak ringawt.





"Pên 20 chiah ka pên" a khabe tuai zeuh pah chuan a ti kher, Doctor lah chuan a ei loh hmel lutuk chu a ner a, Damian-a erawh chuan a ngaihsak zui tawh lo, a hahthlak ve a ni he mihring hi chu.





"Engpawh chu nise chêt pui vak tawh lo la, a theih hram chuan mu tam bawk ka, dressing kha in theihnghilh palh hlauh ang e" a ti a, a bu ve nghut bawk.





"Enge khatia bul deuh deuh a i chhan kher a? Țha tak khan chhang ve mai ta che harsa pakhat mah a awm lo" motor-a kan chuan hnu chuan ka ti a, Jephtha erawh chuan Damdawi chhuna kan lei kim loh a lei mek thung.





"Kha Doctor kha ka ngaina lo" a rawn ti.





"Aw.... ngainat leh ngainat loh lam ka sawi lo, bul deuh deuh in i chhang a țha deuh deuh in a chhan theih ka tihna alawm" ka ti a, zawi hmel zet hian a rawn nui suk a. A țhu mu deuh a a kawngah chuan kan kam sang sak bawk.





"Kan pahnih chauh a kan awm lai hian kha Doctor chanchin ringawt kha em ni kan sawi dawn?" Beisei nei tih hriat zet mitmeng chuan min rawn melh a, Car hnung chu nghengin ka țhu țha a.





"Ihmaw... ka zawh tur che a ni em ka hrelo a mahse ka zawt tho che anga maw, min chhan duh loh chuan min chhang lo mai la a pawi chuang lo a Damdawiinah khan ka lo ngaihtuah char char a" ka ti a.





"Sawi la" a rawn ti ve sup a, ka thaw chhuak hak.





"Ngatinge Remzuali kutah khan thisen a kai nachhan? Inhnuai a ka thang chhung kha a reilo bawk sia ka lo chhoh khan khatiang kha a ni leh bawk sia. Amah lah kha a ngawi reng a, a kûn ngul bawk sia" ka ti a, ka thil zawh a huat ka hlau lutuk chu ka kut ka hmer vak.





"Kan țhu khawm tur kha ka bulah a rawn țhu a, ka hliam a rawn khawih a Jephtha khan a țhingțhit tir hnawk a nih kha. Nakinah thil zawh ka duh dawn a chuvanga khatianga ti kha ka nia. Ka rinhlelhna hi a dik a nih chuan engkim mawhphurtu, Tatoo lam chen in amah vek aniang mahse a nih loh erawh chuan tumah rin ngaihna ka hrelo, ka bansan tawhin ka ring" a rawn ti a, ka kut chu a rawn vuan a ka thaw chhuak nghal ham ham.





"Lo ni ta se engtin nge i tih ang?" Ka ti leh.





"Ka hrelo le, a tihsual a pawm a thinlung taka ngaihdam min dil a nih chuan ka ngaidam mahna le, a ni lo a nih erawh chuan a tâng mahna a hriat loh. A chungah keiman thuthlûkna ka siam lo anga amaherawhchu; amah zawkin a siam ang" a rawn ti a, ka kut chu la kângin a fawp nghal vang vang bawk.





"Naktuk hi ka ban ka check tir ni hnuhnung ber tur ania, naktuka a țhat chuan a tuk leh ah kan phelh thei ang" ka ti a, rawn țhut chhuah a tum chu ka mut thlak tir lehnghal.





"Tho suh, Doctor-in mut tam a țha a tih kha" ka ti nghal hlak a, a ner ve nâwng lehnghal.





"Tak tak in che che suh thisen a chhuah leh chuan a țha lo ang chuvang chuan ka sawi tawh ang khan keimah ang in naute piang hlim ang chiahin awm rawh" ka ti a, a nui chhuak hawk a.





A kut lehlam chu rawn phar chhuak in ka kawngah chuan a rawn rawlh lut a, ka in rin hma hauh chuan a âwmah chuan min pawt mu ti tih a thawh chhuah ka tum a mahse 'tikhan awm rawh' a rawn ti a.





"Ngatinge chutiang te pakhat mah min hrilh loh?" Lungawi loh hmel zet hian a rawn ti nghal hluk.





"Aw.... hrilh che ka duh a mahse kan inkar kha khatiang kha a ni ta sia chuan chumi hnuah hetiang thil hi i chungah a thleng leh bawk sia. Khawi ka lo tho ang ka tihnat belh phah ang che" ka ti a, a rûm nghut.





"Ka hliam vengthawng suh, ka hliam chen hian an ngai vek che. Ka buaipui theih loh avang che in ka in thiamlo takzet, engkimah khan ka thiamlo vek, ka thiltih avangin i ban pawh ka ngaihsak hman lo a" tiin inthiamloh hmel zet hian a rawn ti a, ka samah chuan a rawn fawp nghal zeuh bawk.





"A pawi lo, nangmah bakin ila hrelo hrim hrim alawm midang chu ka la hrilh lo" ka ti a, a rawn nui a.





"Tlai viau mahse ka hmasa leh ber tho a ni maw?" A rawn ti a.





"A nih hi, ka hringnuna i rawn lan hnuah hian engkimah a hmasa ber ini ziah, buaipui ngaia ka awm in ka kiangah i awm hmasa ber zela ka chungah thil thleng hlek se i hmel ka hmu hmasa ber zel a. Pangpar tui pawh dawng țha ngailo ro lutuk tawh, tui mamawh em em tawh kha nang chuan tui thianghlim tak i rawn pe a pangpar nun chu i tih êng sak leh a, engkimah min ngaichang in ka duhdan min zah sak a lawmthu han sawi ngaihna pawh ka hrelo" ka ti a, thei leh thei lo in ka kuah let ve a.





"Naute" a rawn ti nghal sup bawk.





"Jordian vangin hun harsa tak ka tawng ve a, mahse nang chuan min tihdam sak leh vek a, engkim a bo a bang awm lo in min theihnghilh tir thei a ka mamawh engkim min pe a, ka kianga i awm hnu hian keimah zawng zawng hi ka thar leh vek ni maiin ka hria ka tan chuan i hlu takzet" ka ti a, hlim hmel zet hian a rawn nui a.





"Chuan...." a rawn ti sup.





"Chuan in...." tih pah chuan tlemtê in ka awm hrang a, nui suk in hmel hlim zet hian min hmuh a, a mit ko a rawn sân ak.





"KA HMANGAIH CHE" ka ti a, a hmel landan chu chawp leh chilh hian a inthlak nghal ka ti mai.





"Tuna i sawi kha.... i sawi tak tak em? Ka hresual zawk em? Ka hresual lo a ni tiraw?" Hlim tih hriat ngawih ngawih hian a rawn ti a, a nui chhuak zui hawk bawk. Tuna a hlim hmel hi engtikah mah ka theihnghilh leh tawh ngailo ang.





"Um... i hresual loa chuan ka sawi tak tak bawk. Tuna ka mit in a en mek leh, ka taksa in a taksa nghet tak leh rintlak tak a nghen mek Damian Zomuansanga hi KA HMANGAIH a ka pasal ni turin ka duh bawk, ka kut vuan a ka kianga hun hmang turin ka....." ka sawi zawh hma chuan ka biangah rawn dawm in ka hmuiah chuan a rawn fawp nghal vang vang a, ka nui ri nghal hak bawk.





"Keipawn KA HMANGAIH CHE" ka hmui tawk reng chung chuan a rawn phun sup a, ka nui a a ni pawh a nui ve tho. Tunah hian ka thinlung takin ka hlim a, ka lawm bawk.





Ka khabe ah dawm in min en vang vang a, ka hmuiah chuan a rawn fawp leh zeuh a. Hlim tih hriat ngawih ngawih hian min fawp reng pah chuan a nui leh țhin bawk.





"Ka theihtawpa hlim in ka siam ang che, engkimah ka venghim thei kher lo ang che mahse ka theihtawp ka chhuah ang, i biangah keimah vang emaw midang vanga mittui a luang a nih chuan a hrufai tu tur chu keimah chauh ka ni, ka ni reng bawk ang" tiin ka hmui bul chêt ah chuan a rawn phun sup a, ka nui a.





"Ka lawm e" tiin keimah zawk chuan ka han fawp hmasa a, a chhan let na pawh ka dawng rang hle a, a hma zawng ai pawn a duhthawh zawk a min ei zawh vek a tum ni berin ka hria.







"Oh! Zodin" tiin ka hmaa mipa ding chu khawih pah in ka ti hliai, a ni pawh ka aw a hria nge ni a rawn hawi a min hmuh rual chuan a nui a "Lora" a rawn ti chhuak ve hawk bawk.





"Enge hetah te i tih a Damdawiinah lehnghal" ka ti a, ka hawi kual a a bulah midang tumah an ding bawk si lo.





"Aw... kan in entir a enge i tih zawk?" A rawn ti a.





"Aw keipawh ka ban hi ka entir leh a, Damian-a ka nghak mek, tunge i entir?" Ka ti a, a bul vel chu ka enkual lehnghal thuak bawk.





"Ka bialnu mawle" a rawn ti ve mai.





"Euu.... bialnu i nei tih pawh ka hre reng reng hleinem kan inhmuh lohna a rei tawh ropui si, min rawn biak pawh i tum ngailo ka number ka pe tawh reng che a" ka ti a, ka tûm deuh hmak bawk.





"Phone ka khawih hman ngailo tluk a ni bakah thil inhrilhna hun pawh a awm lo, heti lamah ka awm loa niminah ka rawn chhuk a" a rawn ti a, ka bu nghat a.





"Lawk aw" tih pah chuan a lehkha ken chu a bulah chuan a dah a, min rawn kalpel a keipawh chuan hnunglam chu ka hawi nghal vat a, hmeichhe hmelțha zet chu a kuta kai in ka lam a rawn pan pui a ka lo nuih nghal ver ver bawk.





"Ehem!" Ka lo ti a, a rawn nui a, a hmeichhia zawk erawh chuan a hriatthiam loh hmel hle bawk. A hmelțha, a hmelțha a ni tawp mai. A nû hnâp a a sam sei ve deuh hniang chu a thlah bawk a, a inhmeh ngawih ngawih.





"Hei ka bialnu Rinrini ania Athena Lalrinnungi, chuan Rin heihi ka țhiannu Lora" tiin ka bul an ranw thlen chuan min in hmelhriat tir a, nui var var in chunu nen chuan kan in chibai nghal bawk.





"Lo awm lawk ru aw lehkha ka va tifel lawk ang" a ti a, a bialnu chu țhutthlengah chuan a țhuttir a keipawh chu ka țhu thla ve nghal a.





"I englai nge in entir a?" Ka ti a, min en pah chuan a rawn nui a.





"Ka pum lam ka sawisel a kan entir a hei Damdawi min lo chawh țeuh a nih hi" a ti a, ka nui ta ringawt bawk.





"I vannei ka ti, Zodina nen sawn chutiang kan inhre țha vaklo a chu mahse a fel, a inpe zo si i vannei ngawih ngawih" ka ti a, kan pahnih chuan Zodina awmna lam chu kan hawi phei a. Nuih pah hian a thaw chhuak ham ham a, a nuih hian a hmel a țha lehzual.





"Ni e tiraw enge i tih zawk a?" A rawn ti ve leh a.





"Aw hei ka ban kan entir a chuan Damian-a ka nghak bawk a, alo thleng ve țep tawh ang" ka ti a, a bu zui ve nghat bawk.





"Duati" tia Damian-a aw ka hriat rual chuan ka hawi chhuak a, ka bul chu a rawn thleng chawpchilh nghal bawk.





"In zo tawh mi? Engtin nge an lo tih a?" Ka ti nghal a.





"A hil țha an ti a, i hman chuan kal ila Office lamah kawi ka ngai dawn a" a rawn ti a, bu nghat in ka ding chhuak a.





"Athena" Damian-a chuan a ti chhuak sup.





Zodina bialnu chu a rawn hawi chhuak a, Damian-a a hmuh rual chuan a rawn nui a "nangmah maw? Inih ka ring reng ah" a rawn ti a, a rawn ding chhuak a, an pahnih chuan an inkuah nghal bawk a. An inhmuh khat thu te an sawi luam bawk.





An pahnih chuan eng emaw an sawi a mahse Damian-a a hmanhmawh avangin rei pawh an inbe hman lo.





"Engtin nge in in hriat a?" Car-a kan țhut luh hnu chuan ka ti a.





"Ka pa leh a nu hi an inhriaa chuta țang chuan kan in hre ve a mahse kan inhnaih em em lo Lunglei lamah an awm phei a mahse amah kha chu heti lamah a awm a nih kha, ka țhian hlui ania, hmanniah khan kan inhmu zuai a" a rawn ti a, ka lo bu nghat bawk.





"A hmelțha, a nuih phei kha chuan a hmelțha lehzual a zûn a uai ana ngawt ang" ka ti a, a rawn nui a.





"Nikum khan a mipa Hmangaih ber Accident vanga a thih thu min hrilh a, hmalam pan in a kal ve mek zel a a tuarchhel a a theih ngei pawh ka ring" a rawn ti a.





"Tunge a mipa hming chu?"





"Jeremy Lalmalsawma a ti maiin ka hria a bak ka hre bik lo" a rawn ti a, a phone a rawn rik avangin a sawi zawm tawh lem loa mahse a sawi chhun erawh kha chuan keimah hi mi verh zar mai.





Building kawt kan thlen chuan mipui an lo pung khawm țeuh a Jephtha chuan ka chhukna tur kawngkâ a rawn hawn a, thawm a tam êm avang chuan ka hawikual a Camera chu kan lamah chuan a rawn de nghak chuai chuai bawk.





Damian-a chu Hotel-a thil thleng chungchang hlir an zawt a, a țhen chuan 'Police-in engmah an ti thei lo a, rorelna dik tak i hmuh theih nan engmah iti ve dawnlo em ni? Ka rawh, keini hian kan thlawp tlat ang che' tiin an au rual a, a țhen erawh chuan amah an sawisel thung.





A kalna tur kawng chu an lo tih kuak sak a a tan mipuite chuan kawng an zawh ka ti mai. A ni erawh chuan engtin mah a chhang lo a, kei min kai chungin a kal hmawk hmawk ka ti ber.





"Jephtha, engtik ațangin nge an lo awm țan?" Building chhunga kan luh hnu chuan a ti nghal nghut a, ka țhat leh țhat loh min zawt nghal zat bawk.





"Ka hre bik miah lo mahse an awmna a rei tawh hmel. Hetiang zela he Case hi a kal a nih chuan a țha dawnlo tawp mai, engtin nge kan tih tak ang?" A rawn ti a, Damian-a erawh a thaw chhuak nghal hawk a, a sam chu a tuai chho nghal puat a.





Pawn lamah chuan mipuite chuan ama hming lam in an au a, Building chhung ațang pawh chuan chiang zet hian a hriat theih bawk.





"Engtin tin emaw lo tihdan lo zawng teh u a, hetianh ringawt hi chuan a țhalo ang inhliam te kha an lo awm palh hlauh ang e" a ti a, Jephtha chuan mi eng emaw zat a hruai a pawn lam chu an pan lehnghal bawk.





"I țha em?" Tih pah chuan ka biangah chuan a rawn dawm a, hetiang karah pawh kei min la ngaihtuah hmasa zawk ania, he mihring hi chu a danglam takzet a ni.





"Ka țha lawm ka țha, nangmah zawk kha... an tifuh palh em?" Ka ti a, a lu a thing nghut a, ka chalah chuan a rawn fawp vang vang a.





"Inchung lamah chho lawk ila chuan in lamah kan let dawn nia, hetah hi chuan awm reng a țhalo tawp ang" a ti a, ka lo bu ve nghat bawk.





Inchung lamah min chhoh pui a, lift-a kan chuan lai te chuan a phone te chu a ri reng a, reilotê te an inbiaa a țhen a chhang a a țhen erawh a chhang lemlo thung.





"Hetiang ang tak hian thil a kal ka ring lo reng reng, Police lam in chhui ngaihna an hrelo a pu Tlana lah in engmah hmuh chhuah tur a nei bawk si lo a. Thil awmdan mipui hnenah ka sawi ngawt thei si lo, mahse hei vang hian buaina tam zawk a chhuah ka hlau hle mai" a rawn ti a, a rilru hah zia chu a hmelah pawh a hriat vek bawk.





Han sawi ve mai tur ka hriat loh avang chuan ka lo ngawi reng ringawt a, a phone lah chu a ri sek a a chang leh thinrim zet hian a off leh țhin a, a awmdan avang chuan keimah zawk pawh hian hreawm ka lo ti ngawih ngawih.





A Office chhungah chuan file nen a inchhawp a, phone hman pah chuan thil nih dan vel a sawi a sawi bawk "In lamah pawh an lo va kal maw!? Hrep tak hian! A theih ang ang in lo buaipui rawh u thil hi chinfel vat a nih chuan buaina tam zawk a chhuak ngei ang, dawr min khar sak theihna pawh an nei țep tawhin ka ring" a ti chhuak hrâwih a, keimah pawh chu ka phone a rawn ri ve tleng tleng a.





Ka pa a nih avang chuan ka tho chhuak a, tukverh lamah chuan ka phei a, tukverh ațang chuan Building kawt chu a lang thei a mipui chu an au rual a, nichin ai khan an tam daih zawkin ka hre bawk.





Hotel-ah kha thil kha chhan awm lovin a thleng a chhan awm lo bawk in Damian'n hliam a tuar bawk a chu chu mipui hriat dan a ni. Mahse Damian-a sawidan hmangah amah chu tih luihna hmanga bei ang in thu a chhuak taa chu chuan mipui lungawi lohna a thlen lehzual sauh bawk.





Thaw chhuak hak in ka pa call chu ka chhang a.





"Aw pa"





"Khawiah nge in awm a Bawihi?" Dam zet hian a rawn ti a.





"Hetah Damian-a Office-ah kan awm a tinge i duty lo mi?" Ka ti nghal a.





"Ka zo tawh a, vawiin ka rest ni ania. In pahnih khan in buai loh chuan in lamah rawn peng lawk ta che u, eng emaw kan sawidun lawk dawn em ni ang?" A rawn ti a, Damian-a awmna lam chu ka hawi phei a alo la buai em em bawk.





"Kan lo tum ang aw... mahse eng thilah nge?"





"Lo thleng phawt ula in hre mai dawn alawm enge amah kha a an reng reng a?" A rawn ti leh a.





"Aw a țha lutuk, vawiinah kan dressing tir a u Marina khan a hil țhat thu alo sawi a chuan kei pawh naktuk tuk lehah hian ka ban hi kan phelh thei tawh dawn a" ka ti a, hlim hmel zet hian a rawn nui a.





"A lawmawm a nih chu, in hman hunah lo phei ula eng emaw sawi ho kan ngai a nih hi. Ipa Saia pawh a rawn kal dawna reilo ula" a rawn ti a, kan theih veleh a kan kal tur thu hrilh in kan inbiakna chu ka ti tawp a.





Damian-a lam chu ka hawi a, a buai lutuk leh a rilru hah hmel lutuk saw hmuh a hreawm takzet. Ka pa in in lamah min hmuh a duh ve ve bawk sia mahse sawtianga a awm lai chuan engmah ka hrilh ngam si lo.





Ka kut chuan phone chu ka hûm ran a, engtin nge niang tiin ka rilru chu a insual buai ve nuai nuai bawk. Thil thleng hian min ti mangang ve lutuk takzet a ni.





Ka phone rawn ri leh chu ka en nghal vat a, Maria-i a nih avang chuan ka la a.





"Ivan busy rei em em" a rawn ti nghal zat bawk.





"Aw... ka pa nen kan lo inbia a, i buai lo mi min lo call ve teh mial a" ka ti a.





"Aw, News thar lam lutuk hriat ka nei a chuvang ania"





"Eng News thar lam maw?" Ka ti nghal hû.





"Damian-a chunga khatiang thil titu kha an mahni leh an mahni an inpe a Police kutah" a rawn ti a, ka meng nghal kâwk thei.





"A ni maw? Mahse, tunge an mahni te iti bawk si enge awmzia?" Ka ti nghal vak.





"An mahni ka tih chuan pahnih tihna a ni mai, amak rap, Jordian pawh a tel asin alo zin miah lo bawk a pakhat chu hmeichhia ania" a rawn ti a, a thusawi avang chuan rang zet hian Damian-a awmna lam chu ka hawi phei nghal a, a ni lah alo la buai em em bawk.





Tuna ka thu hriat hi ala hre miah lo ang.





Ka chil chu ka lem ri nghal khalh a.


_________\°•°/

??Ads la click lo tan a hnuaia milem khu in lo click ve ngei ngei dawn nia aw ??

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:57 pm

DDICTED_TO_YOU 💙 #EP-30

By : Msi_Miluhlulnui 👩
(Hmeichhe Naupang Tereuhtê)





Phone chu nghet zet hian ka hûm zui ngar ngar, Maria'n "Lora...." a rawn tih leh chuan muangchangin ka inher a ka khur vel hial in ka hria.





"Aw.... nakinah ka lo be leh ang che ka buai deuh a ka dah ania" ka ti a, min chhanna pawh nghak tawh lemlo chuan phone chu ka off nghal hmak a hmalam en chuan ka thaw chhuak nghal hak.





"Naute" tia Damian-a min au ri ka hriat leh rual chuan ka hnung mai ah hian a ding tih a taksa lumna ațang chuan ka hre thei a, ka thâwk chhuah hak rual chuan a taksa chuan min rawn hnaihchilh nghal tih hriat zet hian ka dul ah a ban a rawn suih bet a, ka darah a khabe rawn nghat zawm zat in ka nghawngah chuan a rawn fawp vang vang.





"Tunge ilo biak a?" A rawn ti sup a, a dul a a ban a suih beh chu ka vuan nghal zat.





"Maria-i ka lo bia a thil min hrilh a" ka ti deuh hap a, ka thil hriat avanga ka awmdan ka inthunun hleithei lo lutuk chu a hria ang tih ka hlau ngawih ngawih.





"Engthu nge a hrilh che a? Chuan i awmdan a diklo bawk i taksa te hi an țang nasa lutuk" a rawn ti a, a hre ta tho e. Ka beng ah chuan a rawn fawp nghal zeuh a amah zawk chu a thaw chhuak nghal ham ham.





Ka maimichhing a, ka rilru insual buai lutuk chu tih reh ka chak takzet a ni. "Naute" a rawn ti leh, ka meng chhuak a theihtawp chuan ka awmdan tih pangngai ka tum a, mahse ka chhungril ațang hian ka tâwt chhuak up up a, ka thaw theilo dawn hial ten ka hria.





"Englo...." ka chawl leh dat.





"Sawi la" tiin ka dul a min kuahna chu a phelh a mahse a lam hawi turin min kuai her lehnghal zat tho, ka tâwt lutuk hmel a hmuh rual chuan a thaw chhuak zui nghal hrâwih.





Ka sam karah chuan a kutțang rawn rawlh lut in ka bek ah chuan a rawn dawm a "engthu nge a sawi, sawi rawh Duati" a rawn ti nghal sup, ka kawngah chuan vuanin a lamah chuan min pawt phei a, a mitmeng chau zet te leh thil thleng avanga a rilru hah zia a hmel a a langchhuak ka hmuh te chuan keimah zawk te hi min ti tâwt tâwt up up zawk thei.





"Duati, hetianga i awm chhan min hrilh loh chuan engmah ka hre thei dawnlo asin" a rawn ti dam thlup a, maimichhing chungin ka thaw chhuak hak a, ka men leh rual chuan uluk zet hian min lo en reng, ka kâ chu ka âng zuai a mahse ka chîp leh rih țhin.





"Maria-i khan i chunga khatiang thil titu kha Police hnenah an inpe tih min rawn hrilh a, pahnih an nia chuan pakhat chu Jordian ania pakhat chu hmeichhia ania tunge tih a hre bik lo a, chuan chu chu... i la hre âwm si loa ka hrilh hreh deuh che a" ka ti chhuak hap a, ka sawi zawh rual deuh thaw chuan amah zawk chu vanvadâk in a thaw chhuak nghal hawk.





"Ka hrethiam e, engkim hi ka rin loh lam vekin a ni kal ni" a rawn ti chhuak hawk, a hma ai zawng pawn a hmel ah chuan a rilru a hah zual zia a lang zual sauh. "I țha tiraw?" Tiin a biangah chuan ka dawm sak ve a, nui lui tih hriat zet hian min rawn țhen suk a mahse a rilru a buai tih a thup țhen thei chuang lo.





A lamah chuan min pawt hnaiin ka hmuiah chuan a rawn fawp a, "ka țha e, lehkha tlem a zawng hi ka chingfel leh anga in in lamah kan phei dawn nia, a reilo ang aw.. lo nghak lawk la" ka hmui bul chêt ah chuan a rawn phun sup a, nui sêih chungin ka bu nghat.





Hahdam hmel fê hian a rawn thaw chhuak ham ham a, rawn ding chhuakin ka chalah chuan a rawn fawp zeuh a, nichina a țhutna lam bawkah chuan a let lehnghala a che reng reng chu ka lo en reng.





Rilru buai leh rilru hah taka a awm laia kei leh zel in a hlim lo hmel ka lo hmuh ve a nih chuan amah ka tih hah belh chhah leh mai mai ang, ka hlim lo hmel a hmuh chuan a chhan min zawt leh char char bawk ang a, chung ai chuan a thil tihna apianga thlawp zel a hahdam taka a awm theih nan ka țanpui a țûl zawk tak meuh.





Mahse enga tinge kan in lama phei a tih le, ka pa hian a lo hrilh tawh anga alo hre daih tawh zawk tihna mi niang, tunah lah zawh theih lêk loh in a buai leh tawh bawk si.





A bulah chuan thâwm dîm zet hian ka va țhu thla ve a, lehkha chu a chang leh a keu let mawlh mawlh zela a chang leh a dang chu a ban leh zawk țhin, call a hmang reng a an rawn call reng bawk a, a indaih lo ti tih zawk a ni ber.





"Ka information dawn zawng zawng leh lak khawm zawng zawng hi a țha ber a ni lo maithei a, a fiah nan a țha ber pawh chu ni lo mahse tun a tan chuan a tawk ber rih, kan neih ang ang hi copy siam vek a a copy zawk chu thawn tur a ni. A chiang tiraw? Tun țum ah tal hi chuan engkim felfai leh dik thlapin kal tawh hram rawh se, tlawm zawk a țan ngai pawh nise kan țang mai tur a ni." A ti nghet churh a, eng emaw sawi zui leh sup in phone chu a off-a lehkha chu bih in thil a ziak zui lehnghal mawlh mawlh.





A phone a rawn rik leh avang chuan a chet zui hluk, a ban hma chuan ka lo ban khalh a "ziak rawh ka lo chhang ang, pawimawh a awm chuan ka lo hrilh ang che" ka ti nghal zat a, nui suk in ka tukhumah a rawn dawm a, chintawk awm lo tur khawp amaw tih tur in min fawp ngawng ngawng a.





"Ka lawm e" tiin ka hmui bulah a phun sup a, nui hak in ka bu nghat, "zan ni tawh se" zâwi sup a tih leh pah chuan a nui kiai nghal suk a, a hmui hnuailam a liak zeuh, mitmeng de sawr sawr a min rawn en pah ka hmuiah a rawn fawp leh zeuh a, keimah zawk hi ka mur chuai chuai mai.





A awm hran hmu chuan ka hmui chu ka tawk a, reilotê mah nise a duhthawh lutuk avang khan a sa vung vung thei.





"Kha... nangmah vak vek, call pawh ka chhang hman lo" ka ti deuh nui nui a, nui chhuak hawk in a thil ziah lai chu a ziah zawm a. "A pawimawh chuan an rawn call leh mai ang, phone call avang mai mai in ka thil tih tur ka țhulh phah lo ang, kha pawh kha ka la khamlo tih hria la" tih pah chuan ngeiawm zet hian a rawn nui kher a, ka ner khum vak ringawt.





A sawi ang tak tak khan a rawn call nawn leh a, number ngai bawk kha a ni. Tîm dai hian phone chu ka chhang a "khawnge Damian?" Hmeichhe chuan a rawn ti a, a aw ri chu ram hmarh! A aw hi ka hriat hnu a ang takzet.





"A buai deuh a, ka bulah i sawi thei ang ka bulah a awm a ka hrilh thei tho a" ka ti dam dap a, phone ațanga nin hmel zeta a thaw chhuak hak chu ka hrechiang kher lehnghal.





"A Assistant nge i nih a midang? I bula a awm ve reng a nih chuan ngatinge amah kha call i chhan tir loh tunah khan pe rawh, hneawm hlawm lutuk!" a rawn ti leh hram, a țawngkam hman duhdan mai mai chu leh! A sawi ang chuan ka va han awm âwm bik lo.





"A Assistant ka nih leh mih loh ah chuan lo buai ve suh, ka sawi ang khan a buai ka tih tawh kha, ka bula i sawi dawn lo a nih chuan a pawi lo mai, tu pawh chu ni la a rawn call let tawh dawn miahlo che ania" ka ti let ve kher a, Damian-a nui ri suk chu ka hre zawm zat a ka melh nghal rawm bawk.





"Tu chu nge maw inih le... pawilo ka rawn kal mai ang" a ti ta zawk a, chhan buai ka tum tawh lo phone ka dah tur chu Damian-a zawk chuan phone chu a rawn en a, number a hmuh rual chuan a rûm zui nghal nghut.





A rawn ban zawk a "hello" a ti zui nghut.





"Rawn kal a ngailo ang chuan ka sawi tawh in ka hria, hmeichhia inih kha a âwm nêm zawk, tlem chuan i thiltih avang hian zahna nei ve deuh teh, ka kut ngei a i tlu lut a nih chuan tawrh zawh loh khawp a hreawm tuar turin lo inring rawh" a ti hrâwih a, phone chu off-in dawhkanah chuan a theh thla zui hmak.





A țhutna sofa nghen dawt pah chuan a kut chuan a mit chu a hmet a "Tunge a?" Tîm dai hian ka ti let a, call ka lo chhan sak kha a pawi tham ka hlau ru leh ta kher lehnghal.





"Remzuali a nih kha" a rawn tih rual chuan ka meng zui kâwk thei, a aw kha ka hriat hnu a ang ka ti reng a ni.





"Ka lo chhan kha a pawi tihna ami?" Ka ti leh.





A rawn țhu chhuak a, ka lo en ve reng "pawi love, a țha lutuk, amah man nan fianfiahna țha tawk tak kan la nei thei lo a finfiahna nei lo in kan man ngawt thei silo, heng ka information dawn zawng zawng hian a tanna khawp a pe dawn lo a. Khang Hotel-a thil thleng khan mipui beng a verh êm avangin kan buaina hi hrilh hriat ngawt theih a ni bawk si lo, thil zawng zawng hi a kal sual ta vek a nih hi" a ti chhuak hawk a, thildang sawi a tum ve leh rual chuan a phone bawk a rawn ri leh a, eng emaw sawi hluk in phone chu a ban zawm zat bawk.





Kan in lam pan tura motor kan chuan thlengin phone ala hmang a, ka tihbuai ka hlauh avangin a sirah chuan ngawi rengin ka lo awm ve tawp a, an thusawi te ngun takin ka ngaithla ve zel bawk. Jordian ruala hmeichhe inpe chu midang daih a nih chu a sawi tel bawk a thil thleng reng reng hi ka ngaihtuah chian pauh leh keimah hi ka bo tulh tulh zel.





Jordian alo in hnamhnawih ve ngawt chhan te hriat ka chak em em a, ni tam tak kan inbe tawh lo a chanchin phei chu ka hre ngailo tluk a ni Maria-i hian rawn sawichhuah ve leh zeuh a ching bawk a. Amah nena kan inkar a chhiat hnu ațang kan inpawh lo em em a leh a Hmangaih ber Grace-i a awm tâk loh ațangin a nunphung a danglam ka ti a, a bikin keima lakah.





Min be khat em em a ka text ve pawn min chhang lo in karkhat chuang lai te a seenzone țhin, ka laka hetianga awm tur hian a lakah tihsual ka neih âwm ka hrelo a ka lo nei a nih chuan aman min hrilh se ngaihdam pawh ka dil ngei ang, mahse engmah sawi lovin min mihrang en hmak a ka tan chuan tih ngaihna a awm tawh thlawt lo.





Grace-i nen khatianga an nih tak hnu pawh khan inngaizawng chiah lo mah ila țhian ang tluk in kan inkawm a, min duh thu a sawi reng a, a bialnu ni tura min duh thu a sawi tel țhin bawk. Mahse khang hunlai khan Grace-i ka rilru a a awm ve reng țhin avang khan khang lam kha engmah ka ngaihtuah thei ngailo a tunah chuan inhmelhriat loh ang chauh kan ni tawh.





"Naute" Damian-a min au ri ka hriat rual chuan ama lam chu ka hawi nghal dâwrh a, ngun zet hian min lo en reng a ka nui lui ta ringawt.





"I bula ka awm ve reng laiin tunge i ngaihtuahnaah ilo dah a?" A ti deuh hmuk, a thusawi avang chuan mit kân ak in amah chu ka en ta ngawt, jam-ah kan tâng mek a phone a hman buai êm avanga tibuai lo kha ka nia a phone a hman zawh lai pawh ka hrelo.





"Tumah ka dah lo, thil ka lo ngaihtuah mai mai a phone i hmang zo tawh mi?" Ka ti a, a bu ve nghut. Țhut țhat ka tum chu ka banah chuan a rawn hmer deuh chawt a, amah chu ka en leh deuh kâwk bawk.





"Mawlhtu i nei em ni? Thil thleng hi a nih chuan ka chingfel țep, reilotê lo la nghak lawk rawh" a rawn ti sup a, ka ban a hmerna chu a thlah a, ka biangah chuan a rawn dawm a, ka nui lui nghal sak bawk.





"Khalam kha chu ka lo ngaihtuah vak lem lo a englo, Jordian danglam ta lutuk vel hi ka lo ngaihtuah a hman leh tun nen chuan danglam tak a ni tawh. Kei nen phei chuan mihrang ang hlak kan ni hial tawh ang, a hma anga țhian anga in en a a țha emaw a țha lo emaw inhrilh ang kha kan nei tawh lo, chhan awm loh in min haw em em a tunah hetiang hi a ni leh a Grace-i a thih ațang khan ka lakah hian a danglam bik lutuk a" ka ti chhuak hap a, ka thusawi lai reng chuan min lo en reng a tih ngaihna a hre bik vaklo nge ni a thaw chhuak ta hawk.





"Mipa tih a vuah tlak pawh a ni hrep lo kha mihring kha" a ti zui hluk a, a thu rawn sawi teh daih avang chuan ka nui chhuak leh rih.





"Kan thusawi a inmil lo emai aw...." ka ti a, ala nui duh miahlo lehnghal.





"Inmil lo mahse khatiang mi nêp lutuk kha mipaa vuah tlak pawh a ni hrep lo" a ti leh hluk a kan hnung lama ding motor dang in horn an rawn pek rik tak tuarh tuarh avang chuan phun hluk in a khalh ve lehnghal mai bawk.





Dik taka sawi chuan Doctor khan motor la khalh a phal lo a mahse amah zawk hian a ti lui tlat a, a kut a chêt zawng hian a nâk kha a mar ve zel avangin keipawn khalh lo se ka duhpui takzet. Mahse he mipa thu duh ve zet hian khalh luih a tum țalh tho a, ka hnial hneh miah lo lehnghal.





Kan inkawtah chuan motor a ti ding dat a, a rawn rûm chhuah deuh hrâwih avang chuan amah chu ka en nghal vat a, a nâk chu dawm in a lo ner zui sawk bawk. "Khaw maw ka lo en" tih pah chuan a kut chu ka la sawn a, a kawr chu hlim in an tuamna chu ka en nghal zat. Bandage chhanah chuan thisen a rawn kai a, rang zetin a kawr chu ka pawt thla a rum zeta amah ka en rual chuan na tih hmel zet hian a lo ner zui nâwng.





"I thuawih lo man a nih kha, na chung chung a khalh luih țalh kha a ngai ami i hliam kha i tihnat nasat pauh leh a dam har dawn... thusawi i awih duh bawk si lo" ka ti nghal țhat a, a hmui pet sâwi zeuh in a nâk chu a rawn dawm a na tih hmel zet hian a rawn ner nawn leh bawk a, ka thaw chhuak hak.





"Kan pahniha hmun khat a kan kal dawn a nih chuan keimah ngeiin hruai ziah che ka duh chuvanga khalh chu ka ni, heng na rawn chhuak hi chu engah mah ka ngailo" ala rawn ti sup zui.





"Awi! Engah mah ka ngailo ala ti, i mak lutuk. Engtin nge a țhuina pawh an phelh hma in khatiang em em a ho khan i ngaih theih zawk a.... nui ham ham suh aw Zomuansang!" Ka ti leh țhat, min tlawn tum âwm ang hrim hian min nuih ang suk suk lehnghal.





"Nangmahin rawn kal ang che" tih pah chuan kawngkhar chu ka hawng zui mawlh mawlh a, chhuah ka tum rual chiah chuan ka banah a rawn vuan a ka țhutna ngaiah chuan ka let lehnghal dawt! Chumi rual deuh thaw chuan ka hmai bul chêtah min rawn en a, a nâk a na deuh nge ni rûm zui nghutin ka darah chuan a hmai a rawn phûm ta tâwk!.





"Tinge, a na mi?" Ka ti nghal vat.





"Umm..." a rawn ti thûm dut a, a rûm zui deuh nghut bawk.





"Nang chu.... naupang ang mai ti suh tih pawh ti rawh tih ang zel ania i hliam a dam fel hma chu motor khalh tawh suh i hria tiraw? In lamah pawh hna thawk zawk rawh" ka ti sap a, a nâk a vawnna a kut chu ka vawn hnan nghal zat a, ka nghawng chu a biang chuan a rawn nûl thuak a ka îp zui châwih bawk.





"A nih chuan ka bulah riak ang che, ka dam hma chu ka bulah awm bawk ang che" a rawn ti deuh hmuk. A țawngdan avang chuan ka nui chhuak hak a, rûm nghuta awm hrang hlek in ka seat nghenah chuan a rawn innem khalh a chiang zetin min en a "nuihzat tur ka sawi lo" a rawn ti zui leh hmuk bawk.





Mahse kei erawh a rawn awmdan leh zel avang chuan ka nuih a za zual sauh, ka nuih chhuah loh chuan ka hmui chu ka pet ngar ngar. "Malsawmtluang!" A rawn ti deuh nghut a, mahse ka insûm hleithei lo, ka thâwk ka hîp vak a mahse ka nui chhuak ta hak.





"Ka thusawi ah khan nuihna tur a awm chuan rawn point out rawh" a rawn ti leh hmuk, ka lu ka thing nar nar a "a awmlo" ka ti sep.





"A nih chuan engvanga nui nge i nih?"





"Aw.... hei i thusawi dan vel kha mawle i inhmeh lutuk a, i palian ropui si i aw thûm chhak a naupang deuh a thu sawi kha i inhmeh, i cute, chuvang chuan ka nui ka sawi tawh" ka ti a, ka khi leh vur vur a "ka nuih i...." ka sawi zawh hma chuan ka hmui ah chuan ngenngawl lutuk tak mai hian a rawn fawp a, ka tawp chiang hle bawk.





"Tikhan... nuihna tur ila hmu em?" Ka hmui hnuai peh zeuh pah hian a rawn ti a, a țawng zawnga a kâ ațanga lumna rawn chhuak chuan min ti mur sung sung thei, tuna thil thleng zo chiah avang leh kan in awm hnaih êm avang chuan ka thâwk a rang sauh a ka chil ka lem ri nghal khalh.





"Zawhna ka zawt che ka duatpui, tikhan nuihna tur ila hria em?" A rawn ti thâwp leh sup, ka hmui hnuailam chu rawn tuai zeuh in min ei zo vek dawn amaw tih tur khawp hian a rawn fawp leh țhin a, ka hmui bula a rawn thâwk ham ham rual chuan ka lu ka thing nghat a, a nui kiai zui nghal suk bawk.





A mitmeng de sawr sawr leh sexy lutuk chuan min en reng a, ka zâmchhe lo chauh. Rawn kun hniamin ka beng bulah chuan a rawn thaw lum ham ham a ka beng hnuailam chu a seh zeuh, ka mur nghal ar ar thei. Ka bengah chuan a rawn fawp a keimah hi ka zâ chhuak vek bawk.





"Tuna ka rilru put ang hi i pu ve tho a ni tiraw?" Sexy zeta rawn ti thâwp sup in ka nghawng chu a rawn fawp dan dan, a thiltih avang chuan ka âng zuai zuai a, mahse ka chhang theilo a thiltih avanga ka taksa danglam țan mek zel chu lan chhuah tir duh lo teh mah ila ka thei hleithei si lo.





"Mawh... ka duatpui" ka beng bula a rawn tih leh sup rual chuan a kut chu ka kawr chhungah a rawn zen lut a, a kut lawng in a ka taksa an dek chiah chu tum loh lutuk tak maiin ka rûm chhuak ta hak a, sexy zet hian a rawn nui ri nghal suk bawk.





"Duati" a rawn ti leh.





A nghawngah chuan ka hmai ka phûm kâk a, ka bra chhanah chuan a rawn țhâm nghal tâwk! "Damian" ka ti chhuak hap, ka aw rîk chhuah dan te lah chuh! Ala thâm em em mai lehnghal.





"Um... sawi rawh ka naute" a rawn ti leh sup, mahse engmah ka sawi hleithei lo. Țawng tum in ka âng leh zuai țhin a mahse a thiltih avang bawk in ka hmui ka chîp leh rih țhin. Ka kawchhung zawng zawng te hi an puakdarh vekin ka hria.





Ka lungphu reng a normal tawh lo, Car chhungah te hian boruak hlawm lian zet zet a rawn lut ta emaw tih mai tur a ni, ka taksa danglam hneh lutuk avang chuan țullo zeta ka rûm chhuah leh ka hlau hle bawk, ka beng hnuai chu a fawp dek dek ni maiin ka hria ka taksa a mur chuai chuai a, ka taksa chhunga awm zawng zawng te hian awm ngaihna an hre tawhlo emaw ka ti hial.





"A tâwk rih" ka ti chhuak hap, ka theihtawpin ka aw chu thunun ka tum a mahse a rîk chhuah dan erawh chuan Damian-a nuih a ko nge ni a rawn nui ri nghal suk a, motor bul vela naupanh rak nak nak ri a rawn awm rual chuan boruak tam zet hîp lut ang mai hian ka thaw chhuak nghal hawk.





"Zanah kan chhunzawm leh ang" ti sup in ka bengah chuan a rawn fawp leh zeuh 'zanah kan chhunzawm leh ang' a sawi te chu ka bengah chuan a ri nawn nghal tluk tluk thei, a rîk nawn rual te chuan ka chhunglam ațang hian keimah hi ka țang nghal țung thei.





In lamah kan in kuah phei a, thil thleng avang khan ka awmdan a pangngai thei loa ka biang te hi an sa hat hat a in chhung luh dawn te chuan a thâwk hian ka thaw chhuak ka ti mai. Damian-a lah chuan min la nuih ang suk zui lehnghal.





"Nangmah vang vek, ka awmdan a pangngai theilo" ka ti a, nui chhuak hawk in ka bek ah chuan a rawn fawp vang vang "tikhan i lang sexy zual zawk, keipawh i nu leh i pa hmaah insûm hmel sen țawlh țawlh a ka lan a ngai dawn ta nih hi" a ti ve hluk a, a thu rawn sawi avang chuan ka melh nghal rawm rawm a min nuih suk duh chauh lehnghal.





"Nuih pawh nui suh aw.... i sawi ang chiah khan nuihzattur a awm lo" ka ti ve hlak a, kan țawng tawm an hria nge ni in kawngkhar chu a rawn inhawng a ka pa hmel a rawn lang a Damian-a din țhat a tum chu "awm hle hle rawh, din pawh i din ngil theih loh kha" ka lo ti nghal hlak bawk.





"Tinge in rawn luh nghal loh a? Kha ngatinge in rawn inkuah luh tak mai" Ka pa chuan kan pahnih min entawn zak zak pah chuan a rawn ti a.





"Nia... a thuawih loh avangin a hliam ațangin thi a rawn chhuak leh a chuvang chu mawle kan lo lut dawn chiah" ka ti a, "Duati" Damian-a chuan a rawn ti hluk.





"Ka țha lutuk pate, inchhung lamah lut ang u" Tiin ka pa chu a be leh ta zawk a, ka pa pawh chuan inchhung lama a hliam en zawk a țhat thu sawiin inchhung lamah a lut zui nghal a a luh fel rual chuan ka melh zui lehnghal rawm rawm.





"Meng rum nghal ngawt țhin lo la" a rawn ti sup.





"Dawt sawi iva hnehsawh tak" ka ti ta ringawt, a rawn nui a.





"Tlangval ve uaih tawh, a bialnu pa hmuh a nâ tih avanga țhen tlawk tlawk turin min duh em ni? Khatianga ka awm chuan mipa nêp tak ang maiin min ngai anga ka neih che a phal tawp nang" a rawn ti a, a thusawi avang chuan ka nui ta ringawt.





"I ngaihtuah thui mai mai a nih chu ka pa chutiang mi chu a ni lo, lut tawh ang i nui hmel hian min ti nêm zo thei takngial dawn" ka ti hlak a, nui chhuak hawk in inchhung lamah chuan kan inkuah lut a, ka nu a awm a pa Saia a awm bawk a pitei te nupa nen. Damian-a nena kan inkuah luh avang chuan an ngaih alo țhalo deuh nge ni chanchin min zawt nghal chat bawk.





Ka pa chuan kan rin loh hlawm tawp in Damian-a hnenah ngaihdam a dil a kan inneih a remtih thu leh palai pawh an lo beisei vat tur thu a sawi a, ka lawm lutuk chu sawi ngaihna pawh ka hrelo. An vai chuan ka entawn sek hlawm a Damian-a hlim hmel ka hmuh tel rual phei chuan ka lawmna hi a famkim hliah hliah a ni ber.





"Pa... intiam rawh, i thusawi i thlak tawh miah ang tih" ka ti țha let ngat, an vai chuan an nui chhuak ang hawk a Damian-a pawh a ni tho.





"A hma in thil ka lo tisual tawh a, tunah chuan ka tisual nawn tawh lo ang, nizanah pawh inu nen mu mang lo in kan ngaihtuah a i hlimna tur a nih chuan engpawh kan ti mai ang i hlimna tur tal pawh kan zahsak theilo che a nih chuan i nu leh pa tih a inchhal tlak pawh kan ni dawn hleinem le. Rilru hahdam deuhin awm tawh rawh ka fanu" dam zet hian a rawn ti a, ka lawm lutuk chu ka țap chhuak hawk teuh kher bawk.





Damian-a te in lamah kan inkhalh phei a, an rawn call reng a vawiin thil chungchang bawk kha a niang. Zanah chuan ka riak êm bik lo anga mahse tlaiah erawh chuan ka awmpui mahna zana han riah êm chu ka tan chuan thil mawi a ni tawh lo tlat a tin ni.





A room panna tur step-a kan chhoh lai te chuan phone ala hmang mawlh mawlh "tlawm zawka kan țan a ngai dawn a nih chuan țang mai tur ka tih kha, engkim a kalsual tawh a a kal ang ang hian kal mawp mawp se nakinah tha thar in bul kan țan leh dawn nia tikhan a fel thei tawh em?" A ti a, zawhfiah ka chak rual rual in tunah tak chuan a chi in ka la hrelo.





"A țha e, zan lamah rawn kal rawh u" a ti leh a phone chu a dah ve ta hram bawk.





A room kawngkhar chu kan hawng a, kan luh fel rual chuan amah zawk chuan room kawngkhar ah chuan min nam bet a, ka hmaa mim din chilh rûn in kawngkhar chu a lock ri nghal khep a, engmah ka ti ve hman reng reng lo.





"Motor chhunga ka thusawi kha ila hre reng em?" Zâwi zet hian a rawn ti thâwp sup.





★ INSAWIFIAHNA ★

Ka chawl leh vang vang a, ka rawn zawm leh thut a, tuna mi hi in duhthu a sam lo ang tih ka hria, story hi a kal muang ta deuh deuh in kei hian ka la hre lehchhawng zui a🤣 a kal chak viau amaw ka tih pawh hian a lo kal muang leh tawp zel a🤣. Aw... engpawh chu nise ka chawlh chhan tak zawk chu ka mit vang bawk hi a ni leh a, inhriat tawh ang khan ka mit hi a țhalo țan ka tih kha... zual lam a pan leh deuh hlek a phone pawh ka khawih ta ngailo tluk a chanchin pawh ka rawn sawi thei meuh lo, online exam alo awm ve leh bawk nen thil engkim kal dan hi Damian-a ang takin rin loh lam vekin a ni a kal ni😆. Rawn dah zawm leh ka tum ang a tawp vat bawk teh se😆 ka inthiamlo tawh😄 Chanchin sawi theilo khawp a ka awm vangin pawi ka ti a, in mi hriatthiamna sang ber ka rawn dil bawk che u😘. Chuan ADS click mawlh kha aw.... in duh berah in click tawp anga midang dang story-ah pawh in duh ber naah khan, n7ikhatah vawihnih click a nih kha aw....😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)