ADDICTED TO YOU By MsiMiluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ADDICTED TO YOU By MsiMiluhlulnui (Completed)

Unread post by Ngaia » October 25th, 2020, 8:57 pm

ADDICTED_TO_YOU 💙 #EP-31

By : Msi_Miluhlulnui 👩
(Hmeichhe Naupang Tereuhtê)





A thusawi avang chuan ka chil ka lem ri nghal khalh "mawh Naute?" a rawn ti leh sup, ka beng bulah chuan a rawn thaw lum ham ham a hetiang a a rawn awm avang ringawt pawh hian ka lungphu te hi a rang nghal dawt dawt a, an inphut siak ka ti mai.





"Aw" ka ti chhuak hap, țawng leh ka tum rual chuan a taksa hnuailam chuan min nawr bet na zual sauh a a darah chuan lu nghat thla in ka maimichhing zui nghal tâwk!.





"Insûm ngai reng tawh lo se ka duh takzet Duati" ka beng bulah chuan a rawn ti hnawk țuak. A thusawi avang chuan nizana thil thleng ka ngaihtuah chhuak thut a, ka mur nghal ar ar thei nia mawle, eng êm chu la thleng lo mahse a aw sexy zetin a khatiang thu a sawichhuah hian ka taksa hi chawp leh chilh in an danglam nghal țhin ni berin ka hria.





"A theih rih loh tih i hriat kha" ka ti chhuak hap a, na zeta rawn thaw chhuak hawk in ka bek ah chuan a rawn fawp zui nghal tawk!.





"A nih chuan kan inneih vat a ngai dawn a nih chu, rei chu ka nghak thei tawh lo ang ipa remtihna pawh kan nei tawh a" a rawn ti sup a, hnai zeta min en pah chuan min nuih nghal suk a ka taksa chhunga thil awm zawng zawng hi an chawl dûk vek ni berin ka hria.





A hmui hnuailam chu sexy zeta liak pah zeuhin ka nghawngah chuan a rawn dawm a ka hmuiah chuan rawn fawp in a kut lehlam chu ka kawr chhungah a zen lut nghal zat a, kut lawng a ka taksa a khawih avang chuan tum loh zet hian ka rûm chhuak ta hak a, ka hmui dek reng chung chuan a nui nghal suk bawk.



★★★★

Ka ban pawh kan phelh tir tawh a mahse a hma ang em em kha chuan ka la hmang theilo, thil ka ti ve beuh beuh thei a mahse rit erawh ka la chawi theilo thung, ka duh angin ka la ti mar thei lo a chu chu hreawm ka tihna ber a ni bawk.





Damian-a nena kan inkar pawh rin phak bak in a țha a, mahse hna thil a a buai theih êm avangin phone lama kan inbia tih loh chu chutiang em em a tunkara inhmuh kan la neilo thung. Hotel-a thil thleng Case kha chhui ala ni zel a Jordian te pawh chhan awm lova inpe tawp an nih avang khan zan khan chauh lock-up ah an tang hman a an chhuah lehnghal bawk.





Damian'n chhuina hna a buaipui tawh avangin mipui pawn an nawr tawh lem lo a mahse chanchin erawh an ngaihven reng thung. Mihring danah chuan thil harsa tak tur a ni a, a chhui thiam te tan pawh a hautak ngawt in ka ring. Damian-a information dawn ang zawng zawng te kha țangkai viau mahse a titu tak zawn chhuah nan chuan a hman tlak si loh.





Remzuali te nena an inkar sawichhuah theih a nih loh avangin thildangin hma an la a, mahse nizana min rawn biak danah kha chuan an hlawhtling chho mek tih a sawi a. Tunah chuan a tan chuan zanlai ang vel ala ni, zing dar 9 a ri dawn tawh a dar 8 khan a mu ve hman chauh a mahse a tih țhin dan ang bawk in chau viau mahse a mut dawnah chuan min la rawn be tho a, a muthlu hman nge ni ka biak pawn min chhang tawh lo a ka off tawp a nih kha.





Mihring hian kan hma hun tur kan hriat lawk loh ang bawk hian keipawh hian ka hma hunah enge ka tawn leh zel ang ka hrelo a, harsatna tam tak paltlang pawh ka la ngai maithei mahse hun lo la kal turah pawh nise Damian-a hlat a awm hi chu ka duhlo takzet a ni.





"Mambawih" ti a ka room chhunga ka nu rawn lut chu ka lo nuih var var a, ka closet bula ka ding chu min rawn pan nghal zat bawk. "I hak tur ilo thlang fel tawh em?" A rawn ti a, ka chawlhni thawmhnaw vel chu min rawn ensak ve nghal zat bawk.





"Thlan tur pawh ka hrelo nangman min lo thlan sak mai, heihi chu chawlhni hmasa khan ka ha tawh a" tiin ka hak tawh chu ka kawk a, hunger vel chu keu hawng in ka thawmhnaw chu a en diat diat a a tawp a tawpah chuan kawr pawl chu a rawn phawrh chhuak a "a tlai tawh heihi ha mai rawh" a rawn ti ta tawp bawk.





Ka puan bih tur nen a la a, ka hmai leh ka sam vel ka khawih tawh avangin thawmhnaw chu dîm zetin min hak tir a, puan pawh min bih tir thlap a, mahse min bih kawih tir zel avang chuan thei leh thei lo in keimah chuan ka bih a hnunglam pang alo siam rem ve zel bawk.





"In hman vek tawh ami? Keimah chiah min nghak a ni maw..." ka ti a, ka pheikhawk bun tur a kaih chu min rawn suih sak a "ipa in hun a hmang dawn a hmanhmawh a ngai alawm nangpawh chawhnu lama i Bible chhiar tur i en tawh reng reng em?" A rawn ti leh a, lehlam chu a rawn suih lehnghal mawlh mawlh.





"Nizanah ka mut dawnah Bible chhiar pah khan ka en pah nghal a ka inpuahchah lawk sa vek tawh"





"A nih chuan tikhan i hman a tiraw kal ang dar 9 leh chanve a ri thei takngial dawn... i thawmhnaw hak tur tal te chu ilo phawrh ve tawh ang chu tih nâk a laiin ilo en vung vung ringawt a" a ti a, nuih pah chuan khum chu ka chûl mâm thuak thuak a ka bag chu ka ban zawk a room ațang chuan kan pahnih in kan chhuak phei a ka pa pawh kal turin alo inpeih reng tawh.





"In hman ami?" Ka pa chuan a rawn ti a.





"Aw... lo va kal rawh u kawngka chu ka rawn kalh mai ang, i tarmit i theihnghilh em?" Tih pah chuan ka nu in ka pa bag chu a rawn en sak leh. Inkhawm dawn tû hi chuan a buai vak zel a bikin ka pa in hun a neih dawn in.





"Nimin hnatlang kha sawi leh ta țhin ila, kan leader u Hluta khan a ti âwm ang lo ka ti" Biakin lam pan a step-a kan chhoh lai chuan Remremi chuan midang hriat hlau zetin a rawn ti sa sa.





"Engthil nge thleng a?" Ka lo ti nghal vat, group hnathlan ni ah pawh kal turin hun ka nei ve meuh lo. Țhenkhat hi chu College chauh te an la kal a, a țhen erawh hi chuan inrinniah hna an thawk ngai lemlo thung a kei ve chu hun neih chu khawiah a ni ringawt mai ni.





"A chêtdan kha a mawilo, thing kha motor chungah khan Albert-a te ho khan an thiar chho mawlh mawlh a puih pawh tum lo khan a sirah khi Chhanhimi khi alo chhaih mai mai a u Masanga te khan rawn sawilo phei se chu engmah a ti ve lo ang ka ring. Hnatlan ni khuaa a phur ber ber a țang mahse a hmun thlen tak a cheng a engmah ti leh peih lo ti a sawi a nih daih hi a K.T.P hna lo lutuk. Group lo pawh țhalai thil tihnaah reng reng, ui ka sawi peihlo an zâwn kan thleng țep" a ti chho mawlh mawlh a, Muani pawh chuan zawi thei ang berin a sawi zawm zui bawk.





"U Hluta chu a ti mak thei hrim hrim, Leader ber si hi thil tihnaah reng reng infuihphur pawh awm lo amah hian âwl phêt a tum amaw tih mai tur a ni ziah. Amah ai te chuan u Masanga te hi Leader ni zawk țha tur engtia lo thlang nge maw an nih hlawm ni" Muani chuan a ti leh hlak a, u Hluta te awmna zawn kan thlen avang chuan engmah an sawi zawm tawh lem lo.





Niminah ka kal ve loh avangin thilthleng engmah ka hrelo mahse an sawidan hmang leh u Hluta awmdan ve țhin hrim hrim ațangin an sawi chu ka man thiam nghal mai. Leader chanvo an chang tawh a nih chuan member te min fuihphur thiam tur a ni, mahse u Hluta chu khatiang mi kha a ni lo. Motor chuang ngailo ang maiin motor chuan dawn chuan a phur phur ah a țang a mahse engmah a ti leh peih tawp si lo ang kha ania, a tihtur ruat țhin reng reng ah hian tumah hi phur taka an kal âwm ka la hrelo hrim hrim.





Inkhawm banah chuan ka pa duty lehnghal deuh mai a ngaih avangin ka nu nen an lo va haw hmasa a ka pa hian biakinah hun a neih dawn chuan eng ang pawn duty dawn mahse țhulh a duh ngailo mahse a duty hunah erawh chuan hun a vawng dik leh thlap țhin thung, kei erawh Remremi te inah ka la kawi dawn a College ala kal a, chawlhni apiangin a zirlai min en pui turin min sawm ziah a mahse engmah min tihpui leh ngai chuang lo reng reng.





"Ui.... Lora, i bialpa han chhiat loh bik zia hi chu aw ka thîk ngawih ngawih che" Muani chuan ka hnungzânga min rawn ben dawt pah hian a rawn ti a "leh ngawt zel a" tih pah chuan ka nui ringawt.





"Amah hrim hrim hi a perfect vek ni berin ka hria, a duat dawn che tih ka chiang bawk a mahse tunhnaia thil thleng velah hian a buai thei ngawt ang a hmingchhe ve hman deuh reuh bawk sia" a rawn ti a, ka bu nghat.





"Buai a ni mai, hna khawih tur an nei reng a Mizoram-ah supply tur alo tam ve bawk sia, nimina thilthleng vel chu kimchang deuhin min lo hrilh ve teh ka hre chak u Hluta te zâwn kan thlen khan i ngawi daih bawk sia sawi chhunzawm in tum tawh bawk si lo" ka ti lehnghal zat a, Remremi nu leh pa an awm avangin ka sawi ring țha vak ngamlo bawk.





"Kan sawi ang kha a ni deuh mai bakah sawi dawn chuan sawi tur a tam lulai lutuk a eng ber nge kan sawi tur pawh ka hrelo. Taka, naktukah blanket suk hnatlang neih leh tur ania rawn kal ve tawh rawh eng vak ti theilo mah la eitur siam ho tlemtê a ilo puih ve theih chuan chu bak bak a țha chu a awm lo" Muani chuan a rawn ti a, Remremi nu chu choka ah a rawn lut a kan ril a țam leh țam loh te min rawn zawt luam bawk.





"Taka, Lora i nu te kha inkhawm ban veleh khan hmanhmawh takin an haw nghal bawk sia thil țhalo thleng te a awm em ni nang lah hetah i awm daih bawk sia" Remremi nu chuan a rawn ti a, nuih pah hian ka lu ka thing a.





"Awm love ka pa kha 12-ah a ding lehnghal dawn a chuvang a nih kha, tikhan a che buai vak zela apa pawn tih ngaihna a hre bik ngailo ka haw hunah alo țhu hah leh hluam mai ang" ka ti a, a nui ta hua huah ringawt.





Midang an rawn thlen belh a naktuk hnatlan naa an ken tur eng ilo vel an sawi khawm laih laih a kei erawh an sirah țhu in Maria-i biak tum in message ka type mawlh mawlh. Nimin piah khan thil pawimawh tihtur a neih thu sawiin min zin san a mahse vawikhat mah biak pawh min la rawn be lo, online reng siin ka message a seen duh miah lo a chu chuan min tih lungawi loh rual rual in hlauhthawnna lian tak min siamsak.





*Maria.... ngatinge ka message min chhan duh miah loh a?* tih ve mai hi ka va thawn a, ka call lah nise a ring ral tir țhak țhak a, a chang leh a reject hmak hmak zel lehnghal.





Tunah hian a online mek a nidang chu nise ka message a thlen rualin a seen nghal ang mahse tunah chuan seen pawh a seen duh lo message engzah nge ka thawn tawh ang pawh hi ka hre zozai tawh lo.





Tei lah exam hmachhawn tur a neih avangin țul tawp khawk ah lo chuan ka be ngam lo a a nih duh a beihna kawngah a tibuai tu nih ka duh loh vang a ni pakhat.





A number chu hmet chhuak in ka dial a mahse a ring ral tir leh țhak, thaw chhuak hak in Whatsapp-ah chuan ka lut lehnghal a online ala in ti tho. Nidangah hetiang hian a awm ngailo chhan awm lovin min tihtauh khum in min thinrim khum ngawt ngailo ka chunga a thinrim phei chuan chiang tak tak in min hrilh thlap phawt zel a min hau vak vak zel bawk mahse tunah erawh chuan chhan awm lovin min thinrim khum a tih ngaihna ka hre tawh lo lutuk a nizanah pawh a nu ka va call ringawt tawh bawk.





An awm naah signal a țhalo a tih ringawt in min chhang a signal a țha nge țhalo tih hre tur pawn an kalna tak ngial pawh ka hrelo. Hetiang hian vawikhat mah ala awm ngailo, Damian-a nena an chungchang hi a hre tawh zawk amaw ni aw ka ti rum rum nizanah pawh, a hre tawh a nih pawn min hrilh turah ka ngai ve hmiah a, khang kha chu chhungkaw lam thil a nih tawh avangin lo inrawlh ve ka tum hranlo.





Ka hmai zawn a kut in hmet ri tlak ka hriat rual chuan ka hawichhuak nghal deuh zawk a, Remremi chuan uluk fahran hian hnai zetah min lo en reng a, min en hnaih lutuk avang chuan ner nângin ka mit ko ka tih kân khum a, a chair țhut chu siam rem sawk sawk in ka bulah chuan a rawn țhu a.





"I bialpa i bia mi?" Inti thutak fê hian a rawn ti a, nuih sak pah in ka lu ka thing a phone chu hmet thim in dawhkanah chuan ka dah a.





"Maria-i ka lo bia a chu zawng chu, khawnge midang hi an awm zawk vek a?" tiin ka hawikual nghal a nichinah kha chuan an la zi mur mur sia.





"Pawn lamah an awm vek, ka ko che a i eih bawk si lo a ngaih i ti țhalo alawm, i rilru a hah hmel i hmel te kha a dâng vek țep alawm i mitmeng a dul ropui si, biakin ațang khan i awmdan a dik tawh lo hrim hrim" min hrechiang tih tak ah a rawn ti nghal zat a, ka biang chu ka dawm a zêp loh chuan ka awm a nuam lo ruih ruih bawk.





"Maria-i kha i hria tiraw?" Ka tih chuan a bu nghat, ka thaw chhuak hak a. Ka țhiante ah Remremi hi Maria-i te leh Tei te leh Jordian tih loh ah chuan keimah min hrechiang ber tu a ni, engkim kan inhrilh vek zela a ni pawn ka țhiante hming hi a hre tawh em em a mahse vawikhat vel âwrh chauh an la in hmu.





"Nimin piah khan thil pawimawh a zinna tur an neih thu a sawi a chuan tun thlengin min la rawn be lo, online reng chung pawn ka message a seen duh miah lo a chhan ka hrelo" beidawng zet chuan ka ti a, ka thaw chhuak deuh nghal ham ham bawk.





"Chutiang ringawt te chu.... a hma in thu in hmuh lo emaw han in tih thiam lohna vel in nei em?" A rawn ti a, ka lu ka thing ringawt.





"I hre vek tawh tho a Damian-a nen hian nu hmun pa hrang an nia chu chu a hre tawh ami le aw ka tia, a hriat chuan keiin ka hrilh bawk si lo a ka lakah a lungawi lo zawk amaw ni le aw ka tia mahse chutiang a ni thei ringawt dawn bawk si lo a" ka ti a, ka rilru a ti hah lutuk hi sawi ngaihna pawh ka hrelo.





"Khawmaw kan en chhin" tih pah in ka phone chu a la a, lock chu hawng in Whatsapp chu a en nghal zat bawk. "Hei a online reng alawm" a rawn ti hluai.





"Online reng e, mahse kha an kalni ațang tawh a ka message pawh ala seen hleinem, ka rilru a ti hah lutuk leh a ti mangang lutuk hi ka țah a chhuak ut ut tawh mai" a online lang vâ en pah chuan ka ka ti țûng a, ka awm a ti nuamlo rawih rawih.





"Avan mak... mahse a number hi ka la anga ka phone ațang kan call chhin dawn nia, ka phone ka han la lawk ang" tiin ka phone chu dawhkanah a dah chho leh a, a phone la turin a tho chhuak nghal bawk. Hetiang anga min be duh lo a a awm a nih chuan ka lakah lungawi lohna lian tak a nei tihna a ni țhin. A hma pawn hetiang chiah hian a awm tawh mahse nikhat bak a awm lo, mahse tun țum erawh chu a ngaihna ka hrelo takzet a ni.





Remremi chu a phone nen a rawn chhuk thla a, Maria-i number chu a la a, a call nghal zat. "Engmah lo sawi ve suh aw midang ang deuh chiahin ka be dawn ania" a rawn ti a, loudspeaker-ah a dah a, a in ring rual te chuan thaw dep dep chungin ka lo ngaithla reng.





"Hello!?" Zâwi zet hian a rawn ti, Remremi chu ka kheuh nghal zeuh.





"Maria-i a ni em?" Pangngai zet hian a ti a, keimah zawk hi ka lo khur vel hialin ka hria.





"Umm.. ni e, tunge aw?" A rawn ti a, a aw chu a zâwiin a mut a chhuah hmel kher bawk. Maria tih a au vak mai ka duh mahse Remremi'n engmah ka sawi ve a phalloh avangin hlauthawng ru tak siin ka lo ngaithla kar.





"Aw... ka lo be sual che amaw ka tia, englo Lora-i țhiannu ka nia Remremi kha, englo amah i be thei em ka be thei miah lo a vawiinah alo inkhawm bawk si lo a" pangngai zet hian a ti leh, a thusawi avang chuan amah chu ka en deuh hâw a mit min la rawn siai suk lehnghal.





"Aw... bia a, kan zin daih a kan zinna ah alo kal ve daih alawm a hrilh na che nge?" A rawn tih rual chuan engkim hi a reh nghal dûk ni maiin ka hria, Remremi zawk pawn min rawn en ringawt "aw hrilh miah lo, avan mak tak henu hi chu! Khawnge in zin a?" A ti leh a, kei erawh chuan ka țhutthleng chu ka ngheng dawt! Engtin nge khatiang thu kha a sawi theih zawk le.





"Thingtlangah ania a khaw hming kha enge khah?... Jordian Lora, enge kan zinna khaw hming khah?..." a ti lauh lauh, Jordian-a hming a rawn lam tel ve avang te chuan ka meng phar awn awn a han tih vak ngaihna ka hrelo, an țawng ri nak nak chu ka ngaithla reng a ka mittui a rawn tling ringawt nia.





"Aw... hetah Kawlkulh-ah daih kan zin a Lora chu i be duh ami?" Zângkhai zet hian a rawn ti leh, chutah zet zawng ka thaw chhuak nghal kâwk thei, Remremi chuan min rawn en a ka lu ka lo thing nghal vat.





"Duh lo mai, i bulah a awm tho a, a awmna ka hre tawh tho a min rawn be bawk si lo a, a inkhawm bawk si lo a ka ngaihtuah deuh a" a ti leh, "aw... a ni ve thei lutuk ang Lora chu ka lo hau dawn nia a nih Remrem ka dah phawt ang aw kal chhuah kan ngai dawn a i number ka lo save ang" a ti zung zung a, Remremi chhan letna pawh ngaipawimawh lemlo chuan a off nghal hmak.





"I țha em?" Remremi chuan a rawn ti nghal vat.





"Țha chiah lo, engtin nge khatiang thu kha a sawi theih zawk le. Khatianga min haw tur khan engtiang fakau in nge a chungah thil ka lo tihsual ang, engmah ka hrethiam lo. Jordian nen an inzui bawk si, huat lam ai mah chuan ka rilru a hah pui zawk Jordian a sual tawh si" ka ti chhuak hap a, ka ban bulah chuan a rawn chûl a.





"Nakinah zanah ka lo be leh chhin ang a chiang deuhin ka lo zawt dawn nia i rilru lo ti hah duh suh, a phatsan che a nih chuan kan ti let ve êr dawn nia" a rawn ti a, chhan pawh ka chhang lo ka phone ka ken chu ka melh ngawt ngawt ringawt.





"Ka hre lo, ka hrethiam tawh bik lo mahse engmah lo zawt miah suh aw ka haw anga Damian-a te inah ka kal anga a nu ka va zawt chhin teh ang Maria-i a chungchang a hrilh a nih chuan Maria-i hnenah insawifiahna țha tak ka pek a ngai tihna a ni mai" ka ti a, ka ding chhuak nghal uaih bawk.





"Ka lo kalpui ang che, ka Scooty kan keng dawn nia mahse in thlak phawt la" a ti a, hnial buai pawh ka tum hranlo, tunah chuan a ni hi ka mamawh ber rih tlat a tin ni.





Kan țhian dangte chu kan hrilh a mahse keiman ka hrilh lo Remremi vekin a sawi, kan in a kan kal lawk tur thu zawng a sawi a kei erawh țawng vak chakna ka nei tawh lo. Zêp loh chuan Jordian-a bulah a awm lehnghal a ka hlau hluah hluah, ka țhiannu ve ngawih ngawih a chhia a țha ka hrilhna leh ka mangan lai apianga min awmpui tu in min hua ang tih mawlh a ni ka hlauh ni. Têt lai ațang tawhin țhian țha chân nat zia ka hre tawh a thleng nawn tawh lo se ka duh takzet.





Kan in kan thleng a, ka sawi ang tak khan ka nu pawh alo țhu thlan leh thluam tawh. Remremi'n thil a hrilh nual a, sawidan tur engkim a hriat hneh tawh vangin room-ah ka lut tlang a a ni pawh a rawn lut ve nghal bawk.





"I țha tak tak maw? Engmah ila sawi bawk si lo a ka ngaih i ti țhalo" ka puan bih min thleh sak mawlh mawlh pah chuan a rawn ti a, ka khumah chuan țhu in ka sam chu ka țham a, maimichhing chungin ka thaw chhuak nghal ham ham.





"Zêp loh chuan ka hlau takzet, ka chân ka hlau țhian țha chân nat zia chu kan hriat tawh kha thleng tawh lo se ka duh. Bakah Jordian-a bulah a awm bawk si, thudik lo pui pui hrilh in alo thlem ang tih ka hlau" ka ti a, ka rilru hahna hi han sawi vak ngaihna pawh ka hrelo.
"Chutiang a thleng lo ang Maria-i chu i hriatchian kha chutiang em em a mawl chu a ni bik lo ang. Lora, rilru fîm tak i put a ngai ania aw" Remremi chuan min ngaihtuah tih hriat ngawih ngawih hian a rawn ti a, chhang lo in dawhkan bula kan țhianho thlalak chu ka en vang vang ringawt.





Kan kalna tur hmun ka nu a hrilh ka hrelo, ka nu in reilo turin min ti ringawt a Scooty-a kan chuan hnu a Remremi ka zawh lah chuan kan test tur min en pui dawn tih angin alo sawi daih lehnghal a, ka nui ta ringawt.





"Hospital-a thawh i tum tawh lo ami? I thawk leh thei tawh tih min hrilh kha" a rawn ti a.





"Umm... ka thawk leh thei a mahse thawh ka duh tawh lo, buaina a in hnamhnawih ka duh tawh lo ti ila a dik ber ang chu. Niminah pawh ka kal a, ka awm ve reng lai pawn min sawi zui a Muani leh u Atei khan engah mah ngailo turin min ti a mahse a harsa. Nakinah ka ban hi zia ve telh telh se hnadang zawn ka duh zawk" ka ti a, min pawmpui tih hriat zet hian a bu ta nghat nghat bawk.





Damian-a te in awmna lai chu ka hrilh a, reilotêah kan thleng ve lehnghal mai bawk. Gate kawtah chuan kan ding vâng a, chawlhni a nih avangin khawlai te chu a reh in an in tak ngial pawh a reh. Kar khat hnu a ka vawikhat kal lehna a ni ngei ang.





Hmanniah Security te Damian'n a hauh avangin kei erawh awlsam takin gate-ah ka lut tlang mai a, a chhan pawh in a ka lut tur kha luh an phalloh miau vang a ni, mahse Remremi erawh a hming an ziah sak a, a number nen an la thlap. Hetiang hian hmanni ațang khan an ti deuh țan a, case ala kal zel avangin a pu MLA thupek angin amah venna pawh uluk leh zualin a kalpui bawk.





"A țullo mawle, ka number te kha ka ui ve sin" tih nang nang pahin ka bulah a rawn ding a, ka lo nuih ringawt. An in chu nalh a tih zia leh changkang a tih zia ka beng bulah a sawi reng a ka lo uksak vak lemlo.





In kawngkhar a kan lut tur chiah chu hnunglam ațang ka hming a min ko ri chu ka hria a, ka hawilet a Damian-a nu chuan min lo nuih var var a kutah chuan kawlthei a keng țeuh bawk "chawlhni ah te enge in lo tih dawn a? Lo lut rawh u Bawiha chu ala mu in ka hria" kan bula rawn din pah chuan a ti zung zung a, kawlthei kan ei duh leh duh loh chu min zawt nghal zat bawk.





"Ah.. englo ania nute, thil zawh duh che ka nei a chuvang ania" ka ti a, min rawn en vang vang a "nute min ti leh ta, nu min ti mai rawh ka tih kha" a rawn ti a, ka lo nur nâng. Hmanni ațang khan 'nu' tiin min ko rawh a ti tlat a, mahse ka thiam lo kan la innei êm lo a nu tih a koh chu ka la ngam chiah lo a ni.





"A... ka thiamlo lawm, pa Saia a awm em?" ka ti a, a nui a "aw... nichin deuh lawk khan damdawiinah an kal a nih kha check up turin" a rawn ti a, nu chungchang bawk a rawn sawi chhuak leh.





"Tum rawh, nu tih mai mai te chu a harsa hleinem, lo lut rawh u i țhiannu nen khan thingpui te in ula Fakawm kawlthei hi silfai la lo chhawp rawh aw" tiin hnathawk pakhat chu kawlthei a pe a, inchhung a a luh rual chuan kan zui lut ve nghal bawk.





"Enge min zawh tur chu ni a Mama ka han kaitho dawn mi?" A ti a, ka lu ka thing ringawt "a ngailo, a chau ang mu hahdam zawk rawh se. Englo ania Maria-i a chungchang i hrilh tawh em?" Pehhêl kual lo in ka sawi tlang thâwr, ka thusawi chu mak tih hmel zet hian min rawn en deuh kâwk a a beisei lo a ni ngei ang.





"Hrilh teh nang, hrilh chu ka duh tawh alawm mahse Mama hian buaina chinfel hma chu la hrilh lo turin min tih kha, i hriat kha kan chanchin ngaihven reng reng in an khawsa hlawm a buaina kara Maria-i chungchang han hriat kha chu thu dang a leng nasa mai mai. Tinge min zawh deuh teh thut a" a rawn ti a, ka kut chu ka hmer vak.





"Ihmaw... ka ngai sual miah lo che mahse nimin piah khan zinna tur an neih thu min hrilh a an zinna hmun tur pawh min hrilh lo chuan tun thlengin ka biakna min chhang duh miah lo a ka call pawh min chhang duh lo. Chuan ama chungchang hi in hrilh amaw ka tia ka hrilh loh avangin ka chungah a thinrim amaw ka ti a, chuvang ania. Kan lo kal hma khan ka țhiannu phone ațangin kan bia a ka awmna a zawt a mahse a bula kal angin min sawi a ka hrethiam lo a awmdan hi Jordian a bulah a awm ve bawk si" tiin engkim ka hrilh a, mak a ti tih hriat zet hian a âng phâm mai.





"Bawihte, i thusawi kha han sawi chiang deuh teh" pa Saia aw ka hriat rual chuan ka hawi nghal dâwrh, țhutkhawmna pindan bulah chuan a tiang rinchhan hian kan thusawi alo ngaithla reng a, a ngaithla ve tih reng ka hrelo "ilo awm reng elaw?" Ka ti a, ka bu nghut ringawt. Nutei pawh chuan engtikah nge a rawn thlen tih alo zawt ve chiah bawk.





"Kan rawn thleng deuh chiah a, in thusawi kha ka lo hre thâwi hman a Jordian-a tihte kha enge awmzia Bawihi han sawi țha leh teh" pa Saia chuan nutei bula țhut thlak pah chuan a rawn ti a, nutei ka hrilh ang chiah khan a vaiin ka mangan thu nen ka hrilh leh thlap bawk. Ka nu leh ka pa erawh zanah ka sawipui chauh ang Jordian-a chungchang a tel avangin Damian-a nu leh pa te hi sawipui ka duh hmasak vang a ni.





"Chutiang te a tih a ava mawl ve Jordian nen an inkawp phei chuan a ngaihtuahawm lehzual a nih chu.... a number min lo pe teh biak dan kawng kan lo zawng ang e, a awmna te pawh a chhui theih ang chu" pa Saia chuan a rawn ti a "ni ngawt mai, min lo pe rawh tihdan kan lo zawng dawn nia kan Jordian-a lah hian thil a hre hnem reuh bawk si a hmanniah pawh khan min vo khar khar reuh lehnghal" nutei pawh chuan a rawn ti ve bawk a ka phone ka ken loh avangin Remremi chuan a number a pe ta tawp bawk.





"An ngainatawm tawp an nupa hian" Remremi chuan nutei leh pa Saia inbe lai en pah chuan ka beng bulah a rawn ti sar sar a "an zau lutuk" ka lo ti ve sap bawk.





"Jephtha kan lo en tir anga chanchin kan rawn hrilh dawn che nia aw Bawihi, kha i ban chu enge a an tawh?" Pa Saia bawk a ni, ka ban chu ka bih zeuh a "a țha ve tawh lutuk, ka ti che ve zeuh zeuh thei tawh a a nuam tawh lutuk" ka ti a, an nui dun var var.





"Damdawi ka pek che kha hnawih țha la a ser kha reh vek lo mahse tlem a zawng a hliahkhuh thei ang" nutei chuan a rawn ti a, ka bu nghat bawk.





"Bawiha hi khawnge a awm? I hmu dawnlo em ni?" Pa Saia chuan a rawn ti leh a, ka nui a "ka duh tho a mahse a chau âwm sia tihbuai loh ka duh law law" ka ti a, an nupa lah chu an lungnih loh hmel em em mai lehnghal, ka nuih ta ringawt. Upa duh viau tawh mahse chêt naupan chhiat chang an nei țhin, nutei pawh a hma kha chuan ka haw hman lek lek mahse amah ngeiin min hrilh ngaihdam pawh min dil hial a thil tam tak min hrilh bawk.





"Nu, Bawihi hi ka call min chhang thei miah lo call ve chhin teh u" mangan hmel zeta rawn ti tu lam chu ka en nghal dâwrh, phone bih chung hian Damian-a chu țhutkhawmna pindan bulah a ding reng message a type mawlh mawlh nge ni phone lah chu a hmet mual mual lehnghal.





Kekawr bul dum a ha a, t-shirt grey lampang a ha leh tawp a chapal nen, mu tho hlim tih hriat zet hian a sam chu a thur deuh siang a, eng thawmhnaw pawh inbel se a inhmeh vel vek zel. "Kan be thei heta hi a awm alawm" nutei'n a rawn tih rual chuan rang zet hian a rawn hawichhuak nghal vut, min rawn hmuh rual chuan hriatthiam si loh mitmeng hian min rawn melh nghal rûn a, zah zelah ka lo nuih let var var ringawt.





"Khawnge i phone? Engvanga ka call chhang lo nge inih?" A rawn ti nghut, a aw chu a nêlawm fahran loh, a lungawi lo tih a aw ațang chuan a hriat theih. Ka lam pan chuan a rawn pên phei pâwk pâwk a ka bulah chuan a rawn țhu thla a min melh leh rûn "ka phone ka keng lo a chuvang chu ania inah a awm daih" a hmel ka en chian rual chuan inthlahrung zet hian ka ti a, a rûm nghut.





"A mak vak vak țhin Bawiha, hetah a awm tawh tho kha. Taka, Remremi tiraw? Maria-i number kha lo sawi leh teh a" nutei bawk chuan a rawn ti a, pa Saia erawh chuan phone a hmang thung.





"I kalna apiangah phone keng ziah tawh rawh ka tih țhin kha, ka call i chhan vat loh chuan ka mangang țhin tih i hriat kha" dam zet hian a rawn ti leh thlup a, ka tukhumah dawm in a lamah min pawt hnai a, ka chal ah a rawn fawp vang vang a hahdam ta huai ang hian a thaw chhuak zui ham ham a "ka ngai lutuk che" a rawn ti nghal sup bawk.





"Bawiha, Lora awm lai hian nurse koh ngai lo in i hliam kha dressing tir rawh, niminah pawh i dressing tir tawh lo" nutei bawk chuan a rawn ti leh hlak, rang zet hian amah chu ka en chho a a nu lah chu ngei hmel zet hian alo en nutei lah chuan alo ngaihsak tawh tawp si lo.





"Ngatinge chungte chu pakhat mah min hrilh loh a ngatinge niminah pawh i dressing tir loh?" Lungawi lo lutuk tak mai chuan ka ti nghal hlak, ka kut rawn vawn a tum rual chuan ka hnungah ka dah nghal hmak. "Bawihi, thinrim lo teh nangma enkawl ka duh alawm nangma khawih bak ka duh lo, nurse dang phei chu sawi suh buai nen an hmel ka hmu peih lo" a tawp lam chu a ri chhuak hluk.





"Chu pawh chu nise ti tho ta che, i ngai pawimawh lo lutuk, a nih chuan kar hmasa chhung zawng pawh khan ka lo kal ni tih loh kha chu i lo dressing miah lo mi?" Ka ti leh, min en rên râwn a rawn bu ta nghut, na zet hian ka thaw chhuak nghal hak.





"Keiman ka dressing, an hmel ka hmu peihlo ka tih kha chauh nen" a rawn ti ve nghut, ala lungawi lo zawk amaw ni pe. Hepa hi! Engtin nge ka tih dawn....





"Chu pawh nise, ui... hauh ngaihna che pawh ka hrelo. Rem... nutei te bulah lo awm lawk rawh aw ka han dressing sak lawk ang ka reilo ang" ka ti zung zung a, a ni lah chuan "kal rawh, ka lo awm ang hmanhmawh suh" ala rawn ti ta deuh deuh lehnghal.





"Tho rawh!" Tiin ka ding chhuak nghal, a rawn ding ve nghal vut, ka kut a rawn vawn a tum rual chuan duh lo in a hmaah ka kal daih a, ka hnungah chuan a nui ri suk zel lehnghal ka huat tawk lah alo tling em em ziah. Thil hi a ngai ho thei lutuk a ka thinrimna chhan pakhat a ni ziah.





A room kawngkhar bulah chuan ka ding a a rawn thlen rual chuan "hawng la lut rawh" ka lo ti nghal hmak, engmah sawi lo chuan thuâwih takin a lut ve mai. Keipawh chu ka lut ve nghal a, kawnga ka khar ka in her tur chiah chu ka kâng nghal lâwp! Au țhat in ka maimichhing nghal chawt a, nui chhuak hawk hawk thawm ka hre zawm nghal zat bawk.





Mit ka men rual chuan hnai zetah hian min lo en reng a, a malchungah min lo nghat fel der tawh niin, min ti lai leh vek tawh mahse lai hman pawh ka ni lo "khawimaw fiamthu lo teh... ka chhuk dawn" ka ti hlar, tal thlak ka tum rual chuan ka kawngah nghet zeta rawn dawm in a lamah chuan min hnûkhnai nghal hrâwk!.





"I mak" ka ti leh țhat.





"Ka fiamthu bik lo Bawihi, ka ngai tawh che ka tih kha ni engzah nge i taksa pawh hi ka deh tawh lo" a rawn ti thâwp sup, min kuah hnai leh salh a ka darah khabe nghatin ka nghawng chu a rawn fawp kual dan dan. Ka awmdan hi a dik lo leh zo vek dawn, a mi tawhna apiang hi țha takin ka lo dawngsawng nghal ziah a ka taksa min siam danglam nghal sak ziah lehnghal.





"Ka ngai lo bik lo che, mahse tunah chuan khatiang kha ngaihtuah pawh ngaihtuah suh thu i âwih loh avangin khatiang kha a rem lo mahni pawh in ngaihtuah duh lo, i hliam kha zual zel in i vun te paih ngaiin i taksa chhunglam thleng nghawng se engtin nge nia nga, i mawl emai Damian.... kan inhmuh theih loh pawn mahni tal inngaihtuah ve ta che" ka țap deuh ti tih, min kuahna ațang tlem a awm hrang deuhin min en vung vung.





"Mawh! Mahni tal inngaihtuah ve ta che, i hria em? I ngai ho a mahse kei chuan ka ngai ho ve lo zantin ka rawn zawt ziah che a i dressing em tih mahse nang chuan dawt min lo hrilh char char zawk a ka ngei che, ka haw so bawrh bawrh che" ka ti țiau, ka biangah a kut pahnih in a rawn dawm a ka chal ah a rawn fawp zeuh.





"Ka liam ang e aw min haw so bawrh bawrh suh" ka chal a a hmui nghat reng chung chuan a rawn ti sup, a nui deuh ti tih bawk. Mahse kei erawh rang zetin ka tal hrang nghal alo inring lo bawk nge ni ka tal chhuak a mahse min pawt țhu lehnghal.





"Fiamthu na hun pawh a ni ziah lo aw fiamthu reng suh, ka ngaihtuah em em che a zantin ka zawt ziah che a mahse nang chuan dawt lek min lo hrilh a ka ngaihtuah zia che i hrelo ami? Ngatinge fiamthu te ila thawh theih zawk?" Ti țiau in a darah chuan ka chûm nghal țawk a, nghet zetin min kuah bet nghal a, ka tal deuh aih mahse min kuah nghet leh zual.





"Min thlah rawh ka ngei che" ka ti leh, mahse min kuah hneh lutuk ringawt.





"Shitt... Bawihi sawi tawh suh, ka tihpalh..ka.."





"Tihpalh sawina hun pawh a ni tawh lo, i hria em a țhuina pawh an la phelh lo a hna i thawh pawh tih tawh mah nâk alaiin ilo la dressing lo leh zui a enge i hriat a mawh!?" A sawi zawh hma hma chuan ka lo sawi khalh, ka vîn hleithei tawh lo ka țah a chhuak ut ut zawk.





"Sawi tawh lo la, ka thiam lo ka tihpalh takzet bawk. Mahse hei tal hi hria la, ka taksa nangma khawih loh chu ka duh lo, nâ ka neih emaw hliam ka neih emaw lo pawh thil dang..." min nawr hla deuh hlek, ka hmuiah chuan a rawn fawp zeuh "hetiang ang thil ah te hian i kut chauh hian ka taksa a tawk tur a ni, chu chu ka duhdan a ni bawk midang dang khawih kual a ka taksa tih bawlhhlawh ka duh lo, ka ta chiah inih rual in ita chiah nih ve ka duh bawk ka engkim i ta a ni a, i enkawl in thu ber la ka duh, hmeichhe dang khawih tir phei chu sawi lan ka duh tawh lo" zâwi zet hian a rawn ti thâwp sup.





"Chu pawh nise" insût hraih chungin ka lati leh hram, a rawn nui ri suk a ka mit hnuai chu a kut pahnihin a rawn tuai zeuh.





"Ka hria e, ka thiamlo hul hual mahse chauh nen hmeichhe dang hmuh ka peih lo, ka taksa khawih tir phei chu khawi ah a ni ringawt, a neitu a awm ve reng laia hmeichhe dangin an khawih leh chuan thîkna lamah a kal ang tih a hlauhawm" chimawm zeta a rawn tih rual chuan a nâkah ka hmer sak zeuh "sh*t!" A rawn ti nghal hluk, a nâk na lai ka khawih fuh tih ka hre chiah.





"Ah! Ka tihpalh, khawmaw ka lo en a thi em ka hre duh min kuah bet tlat lo teh... a na lo lam ka hmer amaw ka tia lawm" mangang zet chuan ka ti chûl, ka sam a a hmai phûm reng chung chuan a rawn nui chhuak hawk hawk. "A na lai chung chiah alawm i hmer engtin mah a awm lo ang a țha em? Hlauthawng suh" dam zet hian a rawn ti a, ka nghawng chu a fawp dek dek bawk.





"Khawi, tifai phawt ang um..." ka taksa a a thiltih avang chuan ka danglam leh der tawh, ka aw phei chu tunah khan ka thunun thei țâwk. "Ok... mahse hemi zawh hunah hian eng emaw tih ka ngai ania" a rawn tih rual chuan ka sa nghal tân tân thei.





Khumah chuan a mu a, lukham pahnih dahthuah in ka chevel chu min lo en reng, tui lum a awm sa bawk, ka ban lehlam ka hmang thei lutuk lo a chu tlem tlem chuan ka ti ve thei bawk. Khum bula dawhkan tê ah chuan tuilum leh hmanraw dang vel chu ka dah a min en reng avang chuan ka che vel hi a sak țalh zel.





"I kawr phelh ila" ka ti a, thuâwih takin a rawn tho chhuak ve mai. Mak deuh mai chu a nâk pawh a ni vak chiah lo, han țhut vel hian amah hian nâ a ti ngai miah lo a mut reng chu a peih dawnlo nasa hle bawk, hna a thawhpui mawk mawk a mahse engmah a sawi lêm hleilo.





"I ban chu enge a an?" A rawn ti a, ka nui a.





"Um... a zia tawh lutuk ka hmang ve zeuh zeuh thei tawh.... mahse tlem chuan tihchêt ala harsa deuh" ka ti a, alo bu nghat.





"Ka ngaihsak hman si lo che a, mahse ka duat thei țep tawh che ania aw" inthiamloh hmel zet hian a rawn ti sup, mahse ka fiam chak tlat.





"Awi! Mahni pawh in enkawl theilo khan engtin nge min duat anga, min duat dawn chuan in ngaihtuah hmasa phawt rawh" ka ti a, a rûm nghut, ka lo nui var var thung.





"Aw... bawihi, khatiang lam kha chu sawi lo teh heng zawng zawng hi bansan a palai rawn tirh ka chak tawh lutuk hi ka puak keh lo chauh" a rawn ti deuh nghut, "enge a an? A felfai țep tawh em?" Uang tawh lo chuan ka ti ta zawk. Thilthleng avang hian a mualpho tel ve a, leh chanchin an ngaihven reng avang leh thil ala buar chuai nuaih loh avang hian inneih ala sawi ngam loh thu a sawi a, hun hi ralmuang phawt se a duh vang a ni.





"Um.... zaninah kan han ennawn leh phawt anga chuan a felfai famkim chuan naktukah kan theh lut anga an bawhzui nghal ang i hriat kha, uluk taka thil tih a ngai a a buaithlak lutuk takzet a ni. Lorenzo phei chu mutmu pawh a tuah hman lo heti khawp hian kan buaipui a ala fel thei ngang lo a nih chuan ka bansan tawh ang, ka pu lah alo hlauthawng nasa.... min veng turin Police thleng thleng in a rawn dah ka pa in hnial lo turin min ti a ka hnial lo ta mai" a rawn ti ve bauh bauh a, keipawh ka lo bu nghat nghat.





"Ka ring tawk che lawm i hlawhtling ang tih ka ring bawk" ka ti sap, a bul vel ka tihfai lai lai chuan rawn awm kângin ka hmuiah a rawn fawp vang vang a a hmui dek reng chung chuan ka nui chhuak hak bawk.





"Ka lawm e" a rawn ti sup.





"Ugh... Remzuali te nen in in be pawp em?"





"Be pawp lemlo, chêt an la ngam dawnlo tih ka hria alawm he case-ah hian ka buai tawk tawh tih an hria anga engmah ka tih hman an ring lo ang supply tur alo tam ve zel bawk nen, mahse hmundanga ka supply tur min block sak erawh ka hre kar. Hnunglam ațang ka bei tih a inhre lo ang, Jephtha'n zaninah a chungchang kimchang a rawn dah dawn a naktukah theh luh tel ve a ni bawk ang" a rawn ti dap dap a, a thusawi pawh chu ngun takin ka lo ngaithla kar a Jordian chungchang a sawi avang chuan Maria-i pawh ka ngaihtuah chhuak leh a, mi kam leh rûn tawh.





"Bawihi, enge i ngaihtuah?" Damian-a chuan a rawn ti nghut.





"Ugh... engmah ni lo, lo che vak vak tawh suh aw" ka ti a, a țhuina vel ka hmuh rual chuan ka chet zui hlak bawk.





"Vawiina in rawn kal chhan hi enge a nih tih min hrilh dawn lo em ni? Engmah min rawn hrilh lawk bawk si lo" a rawn ti sup.





"Um.... heihi zo phawt ila engkim ka hrilh vek dawn che nia" ka ti a, a hliam vel chu uluk zet hian ka khawih zui nghal bawk.





Maria-i chungchang vel chu engkim ka hrilh vek a ka rilru hah zia leh mangan zia pawh. Nute'n a awmna tur alo chhui tur thu te thlengin ka hrilh a, ka thusawi lai reng chuan uluk takin min lo ngaithla ve reng a, ka sawi hnem em em a mahse nin hmel pawh a pu lo.





Thil tam tak kan sawidun a, amah pawn alo bawhzui tur thu a lo sawi bawk. Ka manganna te hi an reh tial tial in ka hria, a hnenah hian hahdamna zawng zawng ka nei vek țhin, ka la neih ngai loh thlengin.





"Umm... bawihi, ka phone kha charger nen lo connect lawk, Jephtha mail min rawn thawn hi kan enfiah lawk" laptop hmeh mual mual pah chuan a rawn ti a, a phone khum a awm chu ban in khum bula charger nen chuan ka connect a a rawn êng rual a message ka hmuh rual chuan hawn chakna in ka khat.





Phone chu ka la kâng a, a password leh ka password a in an tho avangin awlsam takin ka hawng a message lo awm vâng chu ka en a, thlalak alo ni. Ka download a mahse an thil lo thawn ka hmuh rual chuan ka ni nghal dut dut mai, ka kut chu a khur nawk nawk a phone chu carpet dûp chinah chuan ka thlauh nghal bal, plug ațang chuan charger chu rawn dawk thla in a tla ri nghal rum rum a.





"Bawihi" Damian-a aw ri ka hriat rual chuan ka zawi nghal hnawk thei.



__________\°•°/ :)

★ KA DAH CHAR CHAR TAWH DAWN.★



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:58 pm

ADDICTED_TO_YOU 💙 #EP-32

By : Msi_Miluhlulnui 👩
(Hmeichhe Naupang Tereuhtê)





★Damian Zomuansanga POV★

"Bawihi" ka tih rual a a taksa khur hlawk hlawk ka hmuh rual chuan rang zet hian ka pan phei nghal. Phone leh charger chu carpet dûp chungah an lo let ngat a, khumah chuan dah chho in Bawihi taksa khur nasa lutuk chu ka kuah bet nghal vat. A tukhumah chuan vuan in a bekah chuan ka fawh sak nghal vang vang.





"Bawihi i țha em?" Ka ti sup, mahse min chhang lo. Ka kuah bet hneh viau chung pawn a a khur ala reh thei chuang lo "Bawihi" ka ti leh, ka thusawi hrelo ang maiin a ngawi ngul a a taksa chu a zawi em em bawk. Hrep chuan, a țhalo tawp mai.





Pawm kâng lawp in khumah chuan ka țhu thla a, ka malchungah chuan nghat in a biangah chuan ka dawm sak a, mahse mi â ang mai in a meng vai ruai a ni ber. A awmdan hian min ti hlauthawng a engthil chiah nge a chunga thleng ka hrelo mahse a țhalo takzet a ni.





"Bawihte.... ka thusawi i hria tiraw? Min en teh" a bianga dawm pah chuan ka ti sup, muangchangin min rawn en a, a mittui tling kuau ka hmuh rual chuan ka rûm nghal nghut. "Bawihte.... i chungah enge thleng min hrilh hram teh... eng thil nge i hmuh?" Ka biang a dawm vang vang pah chuan ka ti leh, engmah sawi lovin ka âwm ah chuan a hmai a rawn phûm kâk a a theih ang tâwk a nghetin min kuah ve bawk.





"Bawihi" ka ti leh, mahse chhanna ala awm chuang lo.





Thaw chhuak hawk in phone khum a let ngal chu ka ban zawk, phone ka en rual chuan ka rûm chhuak nghal hrâwih, rang zetin ka pa nu number chu ka hmet chhuak a ka call nghal zat "Bawihi, engkim a țha vek hlauh tur a awm lo aw a țha vek, i bulah ka awm reng aw ka awm reng" a chhip a fawh vang vang pah chuan ka ti sup, nghet leh zualin ka kuah a, a khur pawh tlem tlem in a reh ve deuh tual tual bawk.





"Aw Bawiha, in rawn chhuk tawh dawn em?"





"Nu... ka pa nen khan ka room-ah rawn chho vat teh u, thil hmanhmawh thlak a awm" ka ti chhuak nghal nghut.





"Engthil nge thleng a Bawiha?" Mangang zet hian a rawn ti nghal.





"Aw... lo chho phawt teh u Laptop kha lo keng chho bawk ula, ka dah ania" ka ti a, min chhanna pawh nghak lo chuan off-in Jephtha ka call lehnghal zat.





"Aw Sir"





"In lamah i hman chuan rawn kal lawk ta che, chuan i rawn kal hma in Remzuali awmna âwm ang lo hriat tum bawk rawh a rang lam in muangchang lo la" ka ti zung zung a, thil awmdan chu ka hrilh hre nual bawk. Ka nu te pawh Jephtha ka biak lai rengin an rawn lut a, engmah ka hrilh zawm tawh lem lo.





"Bawiha ngatinge Lora chu, a damlo em ni?" Ka nu bawk a ni, a țhiannu erawh a mangan hmel viau.





"A thil hmuh in amah ah nghawng a nei nasa lutuk a, hei a khur pawh ala reh fel theilo, kha hei en rawh u" tiin phone chu ka pe chho a, an lo ban ve mai "Bawihi, min en teh" tih a, awm hran tir ka tum rual chuan a ban lehlam chuan theihpatawpa nâ in min rawn kuah leh.





"Aih... ka duh lo, Damian ka hlau ka duh lo ka chungah a thleng ve dawn tih a sawi ve vek kha ka duh lo" a rawn ti țiau, thaw chhuak hawk in ka kuah nghet lehzual a, a chhipah chuan a fawp zui tâwk! "Bawihi, ka thusawi hi ngaithla rawh, theihtawpin ka venghim ang che i chungah engmah a thlen ka phallo ang, a thleng ngai bawk lo ang" ka ti chhuak hrâwih a, a sam ah chuan ka fawp leh vang vang bawk.





"Heihi enge awmzia? Thu inziak te hi, chuan ruang hi tu ruang nge?" Ka nu chuan a ti nghal zung zung, ka pa erawh chuan ngun takin ruang a en hmasa leh te te phawt. "Ruang kha Remzuali ruang a nih kha kei aiin Bawihi hian alo hmu hmasa a, a țhalo takzet a ni. A khur ala reh hleithei lo" ka ti a, an pathum chuan Bawihi chu an rawn melh vang vang.





"Enge maw thil thleng hi awmzia le chawlhni ah ber kher lehnghal ava han zialo tak ve mawle" ka nu chuan a ti lehnghal zat. Ka pa erawh chuan phone min rawn pek pah chuan "thil awmzia kimchang i hre tawh em? Heng hi i hrelawk sa em? Ruang an rawn thawn nachhan ringawt che hi a chhan i hria em?" A rawn ti a, ka lu ka thing vut.





"Jephtha Remzuali awmna âwm ang ka zawn tir mek a, a hmuh theih chuan a rawn thleng har lo ang. Ka pu pawh chanchin kimchang leh thudik tak hrilh in ruang thlalak pawh hi ka thawn nghal ang buaina a awm loh nan" ka ti a, ka pa pawh alo bu nghut.





"Lora chen in in inhnamhnawih ve vek dawn a, henghi ruahman lawk sa a ni lo ang tih pawh a sawi theih loh engpawh chu nise Police pawn zawhna an lo zawt cheu a nih chuan thudik tak vekin chhang ang che u. Nu-i Țana kha call rawh in lamah hian rawn kal tir rawh" ka pa chuan a ti leh kauh kauh a, Lora khur pawh a reh ve tual tual.





"Bawihi, engkim a țha vek i bulah kan awm tawh a țha vek ania" ka ti leh sup, muangchangin a awm hrang a a mit sen ram ka hmuh rual chuan ka rûm nghal nghut "ka tihpalh khawi ka lo chhuk tawh ang" a ti a, pangngai anga lan a tumna erawh ka hmuh hmaih lo chiang.





Ka nu te an awm avangin ngaihtuah viau mah ila carpet-ah chuan ka nghat thla a, mahse a din chhuah rual erawh chuan a bulah ding in nghet zetin a kawngah ka vuan thung, a zawi lutuk hi amah pawn a ding hleithei lo.





"Lora i țha maw? Mahse hlauthawng lo la theihtawp kan chhuah ang a engkim kan hre vat mai ang" ka pa chuan dam zet hian a rawn ti a, a țhiannu erawh a bulah a rawn ding nghal chat a, a kuah nghal vang vang bawk.





"Aw ka hria e, mahse pate a harsa, ka hlau" zâwi zet hian a rawn ti chhuak a, a kawng a ka vawnna chu ka ti nghet salh "Bawihi, i chungah engmah a thlen tir ka phal ngailo ang" ka ti chhuak charh a, a kawng ka vawnna kut chu a rawn hûm hnan vang vang bawk. Heihi amah ka duh em em na chu a ni, eng ang pawn hlau mahse thudik sawi a hreh ngailo, engkim a ngaihtuah naa lang ang ang a sawi chhuak mawp mawp țhin.





"Inhnuai lamah i chhuk thla ang u, Țana pawh a rawn thleng anga chanchin ngaichang phawt ang u chuan Bawihi nangni pawh thuchiang hriat hma chuan la haw lo ula" ka pa bawk chuan a rawn ti leh a, Remremi chuan alo pawmpui thlap bawk, Lora tan țhianțha a ni tih ka hria a, a ni pawh hi an hmer tel thei reng.





Bawihi pangngai anga lan a tum lutuk chuan ka chhunglam hi a ti tâwt ve țûn thei. Min rin thu a sawi mahse a hlauhna hian a kiansan hleithei lo, a kut ka vuan reng a, ka thlah lo tluk a ni. Amah pawn a hlat a awm lo turin min hrilh bawk, ka hlatah awm rawh pawh ti mahse engtikah mah ka awm ngailo ang.





"Ka fapa khawmaw i message dawn chu ka lo en ve ang chu" pu Țana chuan a rawn ti a, ka phone chu a lamah ka pe phei nghal bawk. Ka nu in Bawihi nu a bia a, a rawn thang mek bawk. Keiin ka thlah hman loh chuan an țhiandun a an haw mai rem ka ti lo mahse a awmdan ka hmuh hi chuan keiman thlah ngei ka duh takzet.





"He ruang hi i hria a amah nen inzawmna pawh in lo nei tawh bawk a a nu leh pa ten an rinhlelh ber tur chu nang hi ini Bawiha, he hmeichhe thih chhanah hian an puh daih thei che tihna a nih chu. Mahse thu an zawt fiah a nangma laka case an file a nih pawhin thudik tak chauh sawi ang che. Ka tupa ni mah la nangmah țan zawnga thu ka sawi a thiang dawn lo a chuan he Case hi keiman ka la lo thei bawk. Mahse ka sawi duh chu, thudik engkim chauh sawi ang che u" ka pu chuan a rawn ti a, ka bu nghal nghut.





"Sir... Remzuali chu a phone ațangin a awmna hmun chu ka hre thei tawh e, chite lui bula insaknaah hian a tawp a hetah hian a awm ka ring a ni." Jephtha chuan Laptop min rawn pek pah hian a rawn ti a, ka sam chu ka tuai chho puat.





"A nih chuan tah chuan kal thlak nghal tur a nih chu, chhukthla turin kan hrilh ang e a hmanhmawh thlak lam mah mah a ni tawh" tiin ka pu chuan phone a hmang nghal zat a, Bawihi chu ka en a, a rawn hawi chhuak ve chiah "Bawihi, i bula awm chu ka duh takzet mahse ka pu hi zui thlak ve phawt ka duh a call in ka rawn be reng ang che, a țha em? Lo hlau miah suh aw" ka ti sup.





A bu nghat a "um... zu kal rawh mahse fimkhur rawh aw chanchin i hriat veleh min lo hrilh vat la" a rawn ti a, ka lamah chuan pawt hnaiin a chal ah chuan ka fawp nghal vang vang. "Ka rawn let har lo ang tih ka tiam a che, chuan ka awm loh chhung chuan number lawng ațangin message i dawng a nih pawn hawng miah lo la call chhang bawk suh aw, khawiah mah lo chhuak lo la i room tukverh a in kalh țha em en uluk bawk rawh, ka sawi chu a chiang tiraw?" Ka ti sup a, "umm.." a ti ve sep bawk.





Kalsan ka hreh, mahse zui ve ngei ka duh bawk si. Ka kal chhunga a chungah eng emaw alo thleng a nih vaih chuan ka inthiam leh tawh ngailo ang.





"Kan rawn let veleh ka rawn kal nghal ang, ka Hmangaih che tih theihnghilh ngai suh"





Bawihi, a nu te nena an kal liam kher kan nghak a, ka pa in kan driver thlah turin a ti a, an tlanliam lai ka en zui reng. Jephtha nen erawh ka pu kan zui thla ve dawn thung, ka pu erawh chuan a ho te alo tir thla tawh bawk.





"Ka pu, pawi itih loh chuan Bawihi kha min ven sak turin ka duh che, hna thilah chhuah reng ka ngai a thil engkim nen hian kan in zawm vek avangin buaipui tur a tam lutuk takzet. Amah pawh ka ngaihtuah țha hman mang lo a, ka kianga a awm loh chuan a țha tih tal hriat ka duh" Chite lam kan pan tawh, zah pawh dâwn lo in ka pu bulah chuan ka sawi ta tawp bawk.





"Ka hria alawm, an kal dawn a i ngaihtuah zia pawh kha ka hmuh hmaih reng reng lo chuvang chuan amah en tur khan Hriata leh Jerry-a ka ti tawh alawm, lunngai suh i bialnu chu engtin mah a awm lo ang" a rawn ti a, ka thaw chhuak nghal hawk. "Ka beise loh tawp thil a nih chu" ka ti chhuak nghal hluk bawk.





"I nu te a biak danah khan hmeichhe țha tak a ni dawn tih ka hre sa, a mitmengah khan tihderna ka hmu lo. Thlahthlam reng reng suh ang che" a rawn ti a, ka bu nghut.





"Kalsan turin min ti mahse ka kalsan chuang lo ang" ka ti ve sup bawk. A dik a ni, he hmeichhe tello hi chuan ka nung thei tawh lo ang, ka kiang hnaih ah awm reng thei tawh se ka duh takzet. Mahse thil thleng avanga a mualpho ve ka duh lo hreawm tuar tir pawh ka duh hek lo, mahse keimah nena inzawm thil thleng zel avang hian hreawmna a thlen tam tawk tawh takzet a ni. Hlim taka nun hahdam taka a awm theih nan ka theihtawp ka chhuah zel ang.





"Khalh chak deuh rawh Jephtha bawiha, chuan in pahnih inkar chu hriatna hun ala tam tho a, nizana in thil chhui chungchang min rawn hrilh chiang zawkin min hrilh ta che, thil hi ka duh ai in buaipui rei ka lo ti a" a rawn ti leh a, ka sam chu ka tuai chho puat.





"Um... ka sawi țhenkhat ang kha thil nih dan chu ania zaninah kan han enfel leh anga kan ti a Remzuali chanchin nen lam mahse hetiang a chunga a thlen avang hian kan thil tih tum a khaih lak zo vek ang tih a hlauhawm. Zaninah kan han enfiah leh tho anga kan rinngam tawk tawh a nih chuan kan kal tlang pui tho ang" ka ti sup.





Remzuali chanchin chhui a nih mek laiin hetiang hi a dinhmun a ni leh ta si a, tuna Case kan buaipui mek kawng hi min tih khaih lak sak thut thei dinhmunah a ding bawk. Tun kar tir khan Aluminium ramchhunga supply kawngah min block a hrelo ang hmak in ka en liam tawp, mahse hnunglam ațang ka bei reng tih an hrelo nimin thleng pawn call kaltlangin kan la inbia, hnehtu a nih dawn thu chiang takin a sawi bawk.





Hmeichhe naran a ni, mahse fiahna tello chuan ka man tir ngawt theilo, amah hi chhui a harsa em em a amah manna turin fiahna țha engmah ka nei hleithei lo hian ka thin a ti rim hle bawk. A thi hian midang a țhâwn ang tho in keipawh min țhâwng âwih harsa ka ti hle bawk, a thihchhan erawh ngaihruat dan ka thiam hauh lo.





Ka pu sawi ang tak khan a chhungte mawhpuh ber ka ni thei, kan inkar a chhiat khan Remzuali awmdan a țhalo țan a a chhungte khak pawh ka tawk fo reng bawk. Damdawi tih a ching a a rilru a lang hmasa ang ang in a che mawp mawp țhin. A chang kha chuan min bei tih pawh inhre lo hian ngaihdam min dil leh vek țhin Bawihi pawn engkim a hria, mahse a kalthui lutuk tawh. Ngaihdam min dil hnu lawk ah a ngai ang bawkin a che zawm leh mai țhin, ka sawi lang lemlo a ngai a ka hriat loh vang chauh a ni.





Mahse Remzuali thattu hian Bawihi chungchang chiang takin a hria tih ka hre thei, ka chak lohna tih a hriat avanga amah hi tawktar a hmang an ni tih pawh hrethiam lo rual ka ni lo. Mahse a duh ang chuan a hlawhtling ngailo ang midang angin hausa in thil ti thei lem lo mah ila ka Hmangaih venghim tur chuan engpawh ka ti thei, Police leh sum kan mamawh lo Hmangaihna kan nei alawm. Mahse Bawihi taksa ah hliam pakhat pawh a awm a nih chuan an chaklo khawp ang.





Chite lui kan thlen chuan in chu kan pan nghal chawt. Remzuali ruang chu puan in an lo khuh a an sawi dan hmangah chuan a thihna ala rei loh thu an sawi bawk. A taksa khawi hmun pawh a thi phung a thisen in a bual vek bawk. A hrawk ah rehna hnu hma an hmu a a kutah ser lian tak a awm bawk. A nâk ah silai in an kâp a, chu a thisen chu a taksaah an lo chulh a ni ngei tur a ni, mipa tan pawh en hreawm lek lek khawpin a ni an siam ni.





"Ka pu, henglai vel an enkual tawh chuan hmuh an nei em?" Tukverh a dah chhuah zeuh pah chuan ka ti vut.





"Ruahman lawk sa a ni ngeiin a rinawm engmah hnuhma hmuh tur a awm lemlo. Cctv dah a ni tawp bawk si lo keini ngei pawn mipuite hnenah insawifiahna pek kan ngai dawn niin a lang" tiin pawn lam chu a thlêk zeuh, ka thlêk ve nghal vut a chanchin an hria a ni ngei ang chite mipuite pawh an lo kal khawm mek bawk.





Remzuali ruang chu ka en zui vut "rorelna dik i hmuh theih nan theihtawp ka chhuah ang" ka ti nghal sup bawk. A thiltih avanga huat a, enliam mai mai ka tum lo, a duh vanga ti a ni lo tih ka hria tam takah kha chuan ka pawi a sawi țhin viau, tum loh taka in bei pawh kan ni reng a ni. Mahse a chunga hetiang thil titu erawh ka zuah sak loh ang rorelna dik a hmuh theih nan theihtawp pawh ka chhuahpui ngei bawk ang.





Ruang an rawn bâwihsâwm a, postmortem turin a ruang Damdawiin lamah an kalpui nghal bawk, mipui an lungawi lo hle a news-ah pawh a darh chak hle bawk, ka pu in ruang thlalak min rawn thawntu number kha a chhui tir nghal a mahse engmah chhuina tur chhete pawh an hmu lo.





Ka pu ten tihtur țul ang ang an tih zawh hnu in keini pawh khawpui chhung lamah kan inkhalh lêt a ruang thlalak min rawn thawntu thuziak chu ka chhiar leh dauh dauh. Kei mihring thluak hi an tibuai takzet a ni, țullo lutuka ka tâl awh ka hlau ve ta det bawk.





"Jephtha engkim uluk takin i kalpui em?"





"Aw sir, a hmaa fimkhur tura min chah ang khan engkim kan tih apiangin fimkhur thei ang berin kan ti. Mahse sir, mak ka tih deuh tak chu nimin vel pawh khan Remzuali chu a office kal ziahna țhin ah khan a kal tih thu amah zui ru tuten an hria a hetiang thil thâwk leh khat a a chunga thil a thleng thut hian min kângkai pha ve maithei" a rawn ti a, ka thaw chhuak zui hrâwih.





"Min kângkai dawn chu chu chiang sa a ni, thudik sawichhuahna hun remchang min siamsak tihna a ni mai. Pehhel kual in engkim sawifel vek ila mahse țawngkam in hman chhep sual suh ang che u pu Tlana pawh lo hrilh rawh" ka ti zui nghut bawk.





Hotel-a thil thleng kha fiahna țha a awm loh avang leh chhan awm lova hliam ka tawrh avangin dawt var tlem belh in Case kha kan chhui zui a mahse enfiah a nih leh hnuah engkim sawichhuah pah in a remchang bawk a tiin buaina zawng zawng chinfel pah kan tum bawk. Mahse vawiina thil thleng hian engkim a ti buai pha leh vek dawn a nih phiangsen hi! Hrep tak hian, ka hrechhuak a nih chuan ka chhuah hauh lo ang.





Ka phone chu phawrh in Bawihi ka call nghal vut, nilengin ka la be lo a tunah rih chuan a bula hun hman ka chak takzet a ni. "Hello" zâwi zet hian a rawn ti a, a aw ațang chuan a țha tih ka hria a ka thaw chhuak zui nghal ham ham bawk.





"Kan lo lêt tawh a, in in lam pan in ka lo kal mek, i țha chiang takzet em Bawihi?" Ka ti sup.





"Umm... ka țha vek tawh lo call che ka tum chiah a, mahse min lo call a. Englo, eng emaw hmuh te in nei em thil pawimawh"





"Kan rawn thleng țep, ka rawn thlen hunah engkim ka hrilh vek dawn che nia" ka ti sup, a nu in a rawn a ni ngei ang thleng vat tura min duh thu sawiin amah zawk in a off hmasa a ka nui nghal suk bawk.





Ka nâk chu dawm in ka țhen zui sak, ka chêtpui nasa bawk a a rawn na ve ta a nih hmel khawp mai. Bawihi pawn ka dim loh avanga a pûn țep thu a sawi a, mahse chu lam ka ngaihtuah lo. Chauh nen hmeichhe dang hmuh a taksa in khawih tir chu khawi ah a ni ringawt.





Bawihi te inkawt kan thlen chuan ka chhuk thla nghla vut "Jeptha, va haw la chawl hahdam rawh chanchin ngaihven ngai a awm a nih chuan ka rawn hrilh ang che chuan ka lawm e" a dar a ben thak thak pah chuan ka ti sup.





"Ka lawm e tih min hrilh hmasak berna a ni hial ang, a lawm nan min treat ang che" a rawn ti a, ka nui chhuak hawk. "I duh ang chuan le, kal rawh ka tibuai hnem lutuk che va hahdam rawh" ka ti a, min hnial lemlo chuan a tlanchhuak ve nghal vat bawk.





Ka nâk chu a rawn na leh zawk țhin vawiin chu a tuar ta ngang lo ania nge a nâ a na ve ta mai.





Bawihi te in lam chu ka pan phei a, inchhung chu a reh ang țhuap bawk.





"E... Damian ilo kal elaw? Lo țhu rawh, Bawihi chu Bathroom-ah a lut lawk a lo nghak rawh" ka sir ațang chuan nutei chuan a rawn ti zung zung, nui sukin ka pên lut a sofa lam chu ka pan phei nghal vut bawk.





Ka țhufel âwrh chauh tih chuan ka phone a rawn ri leh, Jephtha a nih avang chuan ka pick nghal zat bawk.




"Sir, tunah kha i pu khan min lo be zo chiah a Police lam in thu zawt fiah tur che in an ko che a nih chu. Ka rawn let leh mek a, ka rawn thleng dawn tawh" a rawn ti a, ka thaw chhuak hrâwih, hahdam tak pawh hian min awm hman tir meuh lo.





"Ka hrethiam e, i rawn thlen hunah horn i pe mai dawn nia" ti sup in call chu ka ti tawp a, ka hawichhuah rual chuan Bawihi chuan ding chung ngatin ngawi rengin min lo en reng, ka nuih suk a, min ti lai ve mai dawn alawm mawle.





"Ilo thlenna a rei tawh em?" A ti sap.





"Ka rawn thleng deuh chiah" ka ti sup a, a bu nghat bawk.





"Thingpui i duh em? Emaw coffee pawh"





"Ah... Bawihi diktak chuan let lehnghal ka ngai a thil thleng avang in Police in thu min zawtfiah dawna ka rei lo ang, ka rawn kal lehnghal ang ka tiam a che" tiin ka ding chhuak nghal vut, a hamhaih hmel ka hmuh rual chuan ka rûm chhuak nghal hrâwih.





Pawnlama horn ri a hriat rual chuan a hamhaih hmel chu mangang hmelin a rawn thlak nghal a, thaw hrâwihin ka pan phei nghal vut bawk.





★ Chhunzawmna ★

Bawihi mangang hmel chuan ka chhunglam hi a ti na ve ut ut thei a, țullo lutuk in thil a kalsual ka hlau ta hle bawk. "Hey, Bawihi.... engkim a țha vek dawn alawm ka rawn let leh dawn alawm engmah thil țhalo a thleng dawn lo" a bianga dawm pah chuan ka ti sup, pangngai zeta lan tum in a thaw chhuak hawk, ka rûm chhuak nghal hrâwih.





"I kal lo thei mai lo ami?" Zâwi zet hian a rawn ti sep, thaw chhuak hrâwihin ka âwm ah chuan ka kuah bet nghal chawt a, a chhipah chuan ka fawp zui nghal vang vang.





"Hriatthiam tum la Duati, ka kal anga buaina engkim ka chingfel vek dawn alawm thil hi a nihna tur dik taka a kal vek a hun tawh. Ka sawi chu i hrethiam tiraw? Engmah a thleng tawh lo ang" ka ti sup, a rawn thaw chhuak ve hawk bawk, heng zawng zawng hi chinfel a hna bansan a ka Hmangaih nena nun zalen taka hman bak bak a khawvela thlakhlelh ka neilo.





"I chungah eng emaw thleng ta se...." zâwi zet hian a rawn ti leh țiau, ka thaw chhuak hrâwih. "Min en teh Bawihi" tiin ka biangah chuan ka dawm a, a mita mittui tling khat vek ka hmuh ruak chuan ka chhunglam hi hreawm tihna avangin a tâwt ve țûn bawk.





"Min ring tiraw?" A bu nghat nghat.





"Aih, i kâ ngeiin sawi rawh, min ring em?" Ka ti nawn leh.





"Um... ka ring che" a rawn ti sep, min rin thu a sawi hian keimah ah chakna chawp leh chilhin min pe țhin.





"A nih chuan, ka mitah hian min lo en rawh le" ka ti leh sup, muangchangin min rawn en a a mitmenga kal lo tura min duhzia rawn lang chhuak ka hmuh chuan a mit bulah chuan ka fawp leh vang vang phawt. He hmeichhe danglam bik lutuk ka tan a a awm hi khawvela mipa vannei ber ka ni hial ang.





"Ka kal ang a, ka rawn let leh ang. Thil engkim kan va tifel ang a chuan hahdam takin nun kan hmang thei tawh ang, ka rawn let leh ngei ang tih ka tiam a che, ka chungah engmah a thleng lo ang, a țha tiraw?" Ka ti leh sup, a rawn bu nghat a a chalah chuan ka fawp zui nghal vang vang, a tello a nun hi engtikah mah suangtuah ka duh lo.





"Ka kal ang aw" ka ti leh "umm...." zâwi zet hian a rawn ti a, kawngkhar bulah chuan ka dinpui leh rên râwn a, pawn lama car awm chu a thlêk zeuh, a rawn thaw chhuak ve hak reuh bawk. Ka pu in a ven tir reng tih hrilh ka tum lemlo, ka hrilh a nih chuan a duh leh dawnlo tih ka hriat chian vang a ni.





"Nui la Bawihi, hetiang reng reng chuan ka kalsan thei dawn tawp lo che ania" a kawngah vuanin ka lamah ka pawt phei a a samah chuan ka fawp leh zeuh, nui deuh sak chungin a rawn dâk chho a a hmel pawh a hma zawng ai pawhin hmuh a nuam tawh bawk.





"Kal tawh rawh, Jephtha sawn a nghak rei tawh lutuk ang che" a rawn ti ve sep a, tunah hian ka nupui ni tawh se tih ka ngaihtuah chhuak vut a, ka nui nghal suk bawk.





"Aw... Bawiha kal lehnghal mai i tum ami thingpui te in la" nutei țawng ri ah chuan kan in her a, a ngaihna hrelo zet hian min en tawn zak zak bawk. "Aw... let lehnghal ka ngai a nute, Bawihi hi amah chauhin awm tir suh u aw chuan hmelhriat loh in eng emaw an rawn pe cheu emaw an lo call cheu chuan lo dawng sawng suh u" ka ti sup, nutei chu a bu nghat a, thil thleng vel pawh khan a ni pawh a țhawng viau bawk.





"Aw... kan hria e, bawihi pa a rawn thleng țep alawm thil awmzia kan lo hrilh dawn nia" a rawn ti a, ka bu nghut.





"Bawihi ka kal aw, a fâl in lo awm miah suh ang che" ka ti sup a, a bûk nghat rual chuan a chalah chuan fawp zeuhin in chu ka chhuahsan nghal a, car-ah chuan lut in Jephtha chu tlanchhuak turin ka hrilh nghal bawk.





Ka phone-a message lo thleng chu ka en zui nghal a, *lo let leh vat rawh aw* tih Bawihi hnen ațang a lo ni.





*Thil lo ngaihtuah ngut ngut lo la, eng emaw tal lo ei rawh aw ka rawn let leh ang tih ka tiam a che* tih chu ka thawn let a, News group vel leh group dang dang chu ka enkual nghal thuak thuak bawk. Rin lawk ang ngeiin Remzuali thihna chu group tin a luah emaw tih mai tur a ni. Mipui thinrimna erawh sawi sen rual a ni lo.





"Jephtha... Bawihi țhiannu Maria-i awmna kha i hre mial lo maw?" Phone ka iptê a thun luh mawlh mawlh pah chuan ka ti sup, ka pu te Station lam panin kan tlan mek a, ka nu leh ka pa pawh ka pu in a hrilh tawh ring tho mah ila an ngaih țhat nan tiin message hmangin ka hrilh leh tho bawk.





"Hre miah lo, kan inhmuh lohna chen pawh ka hre tawh lo" a rawn ti ve sup a, ka thaw chhuak nghal hawk bawk. Bawihi khan vawiin khan a mangan thu min hrilh a, Jordian nen an awmdun avang ringawt pawh khan keipawn ka ngaihtuah hle bawk, thil thleng ah hian inhnamhnawihna an neih ve rin rum rum na chen pawh ka nei ve, mahse Bawihi hnenah ka sawi lang lemlo. A țhianțha ber a ni, a rilru tihnat sak ka duh lo bawk.





"Sir... u lb-i leh Sangte'n min rawn bia a, chanchin ka lo hrilh thuak thuak a Station-ah an rawn kal ve dawn a mahse Carter-a chu ka be thei hauh lo" Jephtha bawk chuan a rawn ti ve leh.





"Ok, a pawilo Carter-a chu i be pawp lo ang thla tir khan Mumbai lamah a chhuk a a awm deuh reng, kei nen pawh kan inbe khat, a buai viau ni turah ka ngai ve rawk" ka ti a, ka țhianpa nena kan in biak lohna chen ngaihtuah chuan rei tak a ni tawh. Mahni hna ah ve ve kan buai a inbiak hman loh pawh a âwm khawp a ni.





"Sir, ka sawi tawh tho a chu thil hi țullo deuh a a kal sual hlauhna i nei ve em?" Jephtha chuan a rawn ti leh phawng, a ni leh Lorenzo nen hi chuan danglamna kan nei em em hran lo engkim kan inhrilh tawn a kan manganna leh buaina te pawh a inang thei fû zel bawk.





"Ruang en tura kan kal lai ațang tawh khan ngaih țhat lohna chu ka nei der tawh, ka sawi lang duh lo a nih kha. Thil hi a landan ang ngawt a ni dawn tawp lo a, keini pawn chêt lak dan kan thiam a ngai ang, kan vawikhat thu sawi sual hian peng dangah min hruai daih thei a mahse Pathian zarah eng êm a thleng lo turah ngai ang" ka ti zui sup bawk.





Ngaihțhat lohna lian tak ka neih chhan hi ka hrethiam lo hle, thil hi a kalsual palh ang tih hlauhna ka nei ve bawk. Thil a kalsual chuan engkim hi keimahah a in bur bun vek dawn a chuan a vawikhat nan Bawihi chân tur ang hialin chite lui bula inah khan ka in ngaih phah bawk. Mahse rei ngaihtuah ka duh lo, ka hmeichhe Hmangaih hi engtikah mah ka chân dawnlo a ni tawp mai.





Station kawta motor a din rual chuan ka chhuk thla nghal vut, a kawtah chuan Lb-i leh Sangtea ka nu leh ka pa chen in an lo awm fur , ka thaw chhuak nghal hawk. "Nu pa, enge in lo kal ve duh a tih hah cheu ka duh lo" an bul ka thlen rual chuan ka ti nghal sup a, ka țhiante pahnih erawh an darah ka beng dat dat thung.





"Kan ngaihtuah che alawm, min ngaihtuah suh kan țha nangmah kha i țha zawk em?" Ka nu chuan a rawn ti a, ka bu ve nghut mahse a rûk erawh chuan ka țhalo em em thung. Ka chhungte leh ka țhiante hmaa tih lan erawh ka duh lo.





"Bawiha, ka sawi kha i hre reng em? I hriat ang ang zêp neilo in sawi ang che Remzuali te nena in inzawmna te pawh sawi a ngaih chuan sawi mai rawh thudik chu a ding chang țhin" ka pa chuan a rawn ti nghet churh a, hetiang nikhuaa min thlamuan theitu nu leh pa ka la nei hi ka lawm hle bawk.





"Țhiana niminah Carter-a khan min rawn bia mail min rawn thawn a a rawn thawn ve che em?" Sangtea chuan a rawn ti a, ka lu ka thing nghut. "Ok... hemi zawh hian ka hmuh tir dawn che nia hmalak dan tur thar a awm hmel" a rawn ti a, ka bu nghut bawk.





Kan case buaipui naah kawng engkimah min pui a Doctor a nihna angin a theih ang tawk alo ti ve bawk. Lb-i nen erawh engtik lai ațang nge bul an lo țan ka hrelo, an in kalsan hleithei meuh lo a ni ber.





Ka hma dawhkana ka fapa rual lek tur ni âwm Police chu melh in ka țhen sak, pumruaah chuan in len hleih tak kan ni ka fapa rual vel lek ni tur a ni, mahse kumah erawh kei ai a upa in a thu lâk a nat țhin thu ka pu in a sawi thawi bawk. Chuan a lal hle a tih tak bawk kha mawle.





"I phone a ruang lo thawntu number kha pe ta che, chiang lehzuala kan chhui theih nan" a rawn ti hmuk, thuâwih takin ka phone pawh chu ka pe ve leh mai bawk. Police dang chu eng emaw a hrilh sup sup a, ngawi rengin ka lo țhu kar bawk.





"Thil thleng hi a bul ațanga sawi vek a ngai hran tawh lo a, a hmun a kalin thil thleng i zu hmu ve vek bawk. Mahse tuman an hriat hma daihin he hmeichhe ruang thlalak hi i number neih loh ațangin an rawn thawn che a, hetiang tih tur hian he hmeichhia nen hian inzawmna tak in nei em ni?" A rawn ti a, ka thaw chhuak ham ham.





"Um... ka sawi dawt ang a, tun hma chuan kan inkawp țhin mahse tunah chuan kan inkarah engmah a awm tawh lo, a chhungten ka laka case an file nghal rikngawt chhan pawh hi a thih chhan a min puh vang a ni pakhat ang ka sawi dik em?" Ka tih chuan a bu nghat a, ka rin dan tawk vel a ni.





"Chuan a ni chu ilo that chiang tihna em ni?" A rawn tih rual chuan ka nui chhuak hawk, zat vang erawh a ni lo chiang kher lehnghal.





"Mihring leh! Tual that duh turah min ngai em maw ni le. A țha e, kan inkar a chhiat khan aman a țhat loh phah tih chu ka hria a chhungte pawn keimah vangah an puh fo țhin. Damdawi a ti țhin tih pawh ka hria mahse heng zawng zawng a tihchhan hi ka ni lo, ka nihna chhan tur a awm bawk hek lo" ka ti nghut a, thil zawng zawng hi a bo a bâng awm lo a sawi theih ka va chak ngawih ngawih tak em!.





"Khalam kha chu engpawh nise, inngaihzawnna lam chuan hmun a luah hneh lutuk lo ang. Kha thlalak an rawn thawn rikngawt nachhan che kha a awm ang, i hriat ngei pawh ka ring. Chhan awm lovin kha ruang thlalak kha an rawn thawn tawp lovang hmelma i nei tih a chiang reng bawk a engkim sawi vek ta che" a rawn ti ve ta chat bawk.





"Ka thusawi zawng zawng i ngaihthlak hnuah dâwt sawi anga min puh chu i tum êm lo maw....nge ni a mipui ti ti ni turin min siam i tum zawk?" tiin sir lam chu ka thlêk zauh, nichin ațang khan ka hmu tawh Camera an lo fit ru reng tih, ka thusawi hi chu an record dawn tih ka hria mahse news lam an inrawlh ka ring lo, he ka awmna hmun ka luh ațang khan ka hmu tawh.





Police pa chuan a thlêk ve zauh a meng phar ta awn awn bawk. "In fimkhur loh luat zar ka lo zo ve a nih hi" ka ti nghut, Camera-ah sawn Tv station hming a intar kulh alawm ka hriat loh ring reng reng suh se, an ni ai heng hi chu ka paltlang hnem tawh ang. Kei ai Lal in Police pawh ni mahse mimal in beih naah pawh ka khing ngam hial ang he mihring phiarrûkna nena nun hmang tu hi!.





Ka sira button awm chu ka hmet zauh "ka thusawi in hrethei tih ka hria, hepa ni lo hi midang ka duh in rawn dah loh chuan engmah ka sawi lo ang" ka ti nghut, button chu ka hmet tawp lehnghal bawk. Police pa sawi tur engmah hrelo chu ngeiawm zet hian ka nuih suk kher bawk.





Tuna ka landanah hi chuan Remzuali thattu ka ang ngei ang mahse hetia ka tih chhan erawh thil engkim a bo a bang awm lo a hrilh theihna tur ka duh vang a ni. He Police hi chu ka hmuh tirh ațang khan a hmel phakar zet hi ka hrethiam daih tawh.





Ka pu te pawn thil awmdan an rawn man thiam rang kher mai, Camera an fit chu an la thla a room chhung chu an enkual nghal bawk. Min dâwp tura an tih Police erawh a uniform an hlihsak thut maithei a ni.





Tuna an rawn dah luh erawh Zoram pawhin an rin em em a ni thung, keipawn ka ngaisang in ka zah hle bawk. A nunah entawn tur tam tak a hnutchhiah a, a thuziah te ka chhiar in ka hre reng kar fo țhin. Amah ațang hian zirtur ka la ngah zia ka hre țhin bawk.





"Ka lawm e" ka lo ti sup, a bu nghut bawk.





"Ka lo en ve reng a, i sawi duh chu sawi la" a rawn ti a, kei erawh ka țhu rem sauh thung. Awm herhna hun a ni lo tih ka hria, engkim chiang taka sawi hun a inhawng angah ka ngai hmiah.





A tir phat ațangin thil awmdan zawng zawng ka sawi kim dap, ngun takin alo ngaithla kar a, ziah luh ngai a ziak lut bawk "an case file chhan chu ava ho ang reng ve" amah zawk pawh chuan a rawn ti ve nghut a, ka nui suk.





"I rawn sawi ho zawng zawng chu a ruka chhui sak tur che in min duh tihna em ni?" Ka thusawi hrethiam tih hriat zet hian a rawn ti lêt khauh bawk.





"Umm... i hriat kha kei chuan tih theih ka nei tlem takzet, min pui turin ka mamawh bawk che ka hming hrilh ho che kha chhui tura ka duh chhan che pawh an inhnamhnawih ni a kan rin vang a ni, min puih theih chuan ka lawm ngawt ang" ka ti sup, min pui ngei se ka duh takzet bawk.





"Umm... ka ring che lawm in buaina țhenkhat hi chu ka fanu hnen ațangin ka lo hre ve țhin supply tur an block pawh kha ka lo hria a ka lo ngaihven reng tawh cheu alawm lunngai suh, ka pui ngei ang che. Heng ho man hi alawm kan tihtur an phu tawk hremna chu ka pe ang keiman" nghet zet hian a rawn ti churh a, ka mi ngaihsan em em in ka chunga rinna a nghah avang hian ka lawm takzet bawk.





"Chuan i case an file erawh chhuanlam ho tê a niin ka hria, mahse ka ngaihtuaha i laka case an file chu hnuhdawh tir lo in kaltlang tir zawk ila mahse tlem chuan i mualpho ve deuh maithei, mahse thudik zawn nan chuan i tuar ve a ngai ang. A sawi kim vek theih loh a i pu nen hemi zawh hian ka Office-ah min rawn hmu lawk ta che u" tiin a tho chhuak nghal vut a, ka bu nghut bawk.





"Thil thlendan hi series ve ang reng a nangni pawh in ngawih mai mai a fuh ang mipuite erawh chuan chanchin an ngaihven reng dawn bawk a pu Țan, he case hi ka lak sak dawn a nangman min țanpui la ka duh he hmeichhe pawisawi lo hi rorelna dik a hmuh ngei theih nan țan kan la ang chu" a office-a kan țhut luh hnu chuan a rawn ti a, ka pu erawh chuan a pawmpui ngang bawk.





"Nangmah berin i tih te chuan kan pawm mai aniang chu nichin khan pu in min rawn bia a, MLA lam pawh he thilah hian an inrawlh dawn a ni âwm e, ruang postmortem result a chhuah hunah engkim.a chiang lehzual ngei bawk ang. Sawi leh sawi hnu information Jephtha ka rawn theh luh tir kha uluk deuh a lo enfiah turin ka duh bawk che" ka pu pawh chuan a ti ve nghut bawk.





"Hotel-a thilthleng chungchang kha maw..." Hotel-a thilthleng chungchang pawh kha an sawi kai a keiin ka lo zawm ve leh zauh țhin bawk.





"Chuan pu Fak, ka ngen duh che chu Bawihi min venhim sak turin ka duh che u. Ka chak lohna a ni tih an hria a, amah tawktar a hmangin kei min bei tih a chiang bawk a nunna hlauhthawn awmah a awm reng a, heti kan nih dawn tak si ah chuan keiin engmah tih theih ka nei dawn lo chuvang chuan min venhim sak turin ka duh che u" tiin chiang fek fawk chuan ka sawi a, ka pa rual aia chung daih ni ve ve tawh kara han awm chu kan tê rawih rawih bawk.





Ka hmangaih pawh keimah ngeiin ka venhim hleihtheih loh avang hian ka in haw țûn bawk. Engkim a kal diklo vek a a buai tulh tulh dawn bawk.





"Bawihi maw?" Nuihzat hmel zet hian a rawn ti a, a nui zui ta suk bawk.





"Keipawh ka nupui hi venhim a ngai nasa țhin asin, kei ngei pawn ka venghim theilo midang kuta ka dah a ngai a mahni ngei pawn ka venhim theih loh avanga hreawm ka tihna hi tun thlengin ala reh theilo, khatia midang kuta venhimna atan ka dah lo a nih chuan ka kiangah a him lo a khatianga ti kha ka ni. Mahse engkimah min hrethiam, min dem ngailo ka hnathawh a hria a, ka tih țhin pawh a hria min țâwiâwm țha em em zawk țhin. Nangpawh, i venhim theih loh avang khan in dem suh ang che, i bula a awm a a him dawn loh chuan venhim luih tum țalh suh, buaina tam zawk i hmachhawn zawk ang chuvang chuan pawm thiam la harsatna chinfel tum zawk rawh Pathian hnenah thlen la" a rawn ti sup a, ka bu nghut bawk.





Station ațanga kan chhuah erawh chuan chawlhni mah nise pawn lamah mipui thawm a țha viau, news-ah ka hming a chhe zawnga a lanna ala rei lo a tunah tualthattu angin ka lang leh a mipui chuan zawhna tam tak chhan sen loh min zawt bawk keimah ngeiin Case hi khawih a kalpui ka chak takzet bawk, mahse engmah ka tih ve a rem tawh hauh lo. Hrep tak hian!.





★Lora Malsawmtluangi POV★

Tv-a Damian-a mipuiin an bawr hut hut chu kan en reng, ka țhutna ațang chuan ka lo insehru ve nghek ringawt bawk. A dik zia hai lan tum lo in Case an ti pun lun zawk a khipa remruatna khi engmah ka hrethiam lo bawk. Remzuali thihna hian Mizoram mipuite hi a vaw harh ta emaw tih tur khawpin media lamah an phu suau suau a, a chungchang ringawt a ni an sawi țhin ni.





"Pu Fak'n Damian-a case a la tur chu ava lawmawm ve le aw... thudik an hmuh chhuah ngei beisei ang" ka pa chuan tv thlek reng pah chuan a ti ve sup a, kei erawh ka thaw chhuak hak thung ka ngaih ala țha thei chuanglo reng reng.





Ka phone ri tleng tleng chu ka en vat Maria-i message a nih avang chuan rang zet hian ka hawng a ka lawm lutuk chu sawi ngaihna pawh ka hrelo. Ka hawn chuan video pahnih hi alo ni a *i download hma in hmanhmawh in Damian-a thawn vat rawh, muangchang suh* tih te mai hi a rawn thawn a a sawi ang chuan Damian-a chu Maria-i message nen thleng chuan ka thawn vek a, a seen nghal pang bawk.





*Enge awmzia?* tih Maria-i chu ka thawn let, ka hlauthawng lutuk chu ka thin pawh a phu rang ve dup dup bawk.





*Ka rawn thlen hunah ka hrilhfiah vek ang che chuan tihpalh aw, i hauh ka in ring reng ania i duhtawkin min hau dawn nia* tih te mai a rawn lut leh a, ka lawm lutuk hi ka țap lo chauh *ka chân dawn che maw ka ti hman a* tih te mai hi ka va thawn let a, ka mittui a tling ruak thei.





Maria-i video pakhat ka dawn chu ka download-a tlem chu a kal ve tawh. Play tum in ka hmet a a tir chuan a reh deuh mahse a thawm a rawn awm a.





'Remzuali kha maw? Aw khanu kha... ka duh ai thil a hre hnem a Damdawi a ti a a â emaw kan tih kha min lo bum lek alawm Zomuansanga lam alo țang reng zawk a kan lo hre har mah mah midang hian a â emaw an ti zawk hlauh a, aw... tunah chuan ka that tawh ka îtna a rei tawh bawk a a duh lo chung ka sual lui a chuan tlanchhiat a tum kha ka that bawk" tih chu ring zet hian a rawn in play a ka nu leh ka pa pawh an rawn hawi dâwrh thei.





Phone chu ka bih leh, video a mihring hmel rawn lang ka hmuh rual chuan țê chhuak vak in phone chu ka thlauh nghal tawp bawk.


★ Current kan nei leh tawh lo a, a tawi ta vek a nih hi. Chuan misual in hre theilo si.... 🤦😂 hint ka pe chung cheu pawn🤣 chuan vawikhat leh chiah, Damian-a a nâk a an vih a, Damdawiina a awm lai kha chhiar let emaw ngaihtuah let leh rawh u😅 in fiah uar uar mai ang a chiang ania aw tah khan, chuanin, in la hriat loh fo chuan naktukah zanah ka rawn reveal dawn nia.😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:58 pm

ADDICTED_TO_YOU 💙 #EP-33

By : Msi_Miluhlulnui 👩
(Hmeichhe Naupang Tereuhtê)





"Bawihi, enge ni a, tunge?" Ka nu chuan ka phone chhar pah chuan a rawn ti hluai a ka pa pawh ka bulah chuan a rawn țhu thla ve nghal bawk.





"Nu-i phone kha en teh, Bawihi i țha em?" Ka pa chuan ka sam a rawn chûl pah hian a rawn ti a, ka bu ve nghat ringawt ka kut khur nasa lutuk chu ka hûm tawm ringawt a, video chu an en a "awi leh! Ava rapthlak ve" ka nu chuan a rawn ti nghal sep bawk, kei erawh chuan ka en ngam tawh lo.





"Hepa hi High School vela tibuai ziah țhintu che Renghluna fapa saw a ni em kan veng ami saw? Hmanni a kan in a lo kal kha" ka nu in a rawn tih leh rual chuan uar zet hian ka lo bu nghat nghat a, a rapthlak lutuk hi sawi ngaihna pawh ka hrelo ka thaw te pawh hi a ti ipik tûn mai.





"Ava mak lehzel ve mawle, kha call kha chhang phawt rawh" ka pa bawk chuan a rawn ti leh, ka nu in phone chu min rawn pe a Damian-a call a nih avangin ka la nghal vat a, muangchangin ka beng bulah ka dah a "I țha em Bawihi?" A rawn ti nghal sup, a aw ri a min ngaihtuahna rawn ri chhuak tel ve chuan ka hah a ti dam sawng sawng thei.





"Dik taka sawi chuan ka țha chiah lo, video kha i en tawh em?" Ka ti daih a, a rawn thaw chhuak ham ham.





"Ka lo en zo chiah a, ka pu leh pu Faka hnenah ka forward nghal bawk in in lam panin kan lo kal mek, Maria-i pawh ka bulah a awm aw" dam zet hian a rawn ti a, a țawng danah chuan buaina kiang ta hawk a hahdam huai ta angin a țawng dam thlup.





"Aw... mahse engtin nge in lo kal rual theih a?" Ka ti a, Maria-i chu ka haw bawk si a lo let leh hi ka lawm bawk si hi sawi ngaihna pawh ka hrelo, ka hau anga ka kuah bawk anga ka vîn hrep hrep ang. Engtiang chiahin nge min tih mang an a hlauhna min siam ala hre ve dawn chiang alawm.





"Kan inah alo awm reng a, kan rawn thlen hunah kimchang zawkin ka hrilh dawn che nia kan lo thleng țep aw" a rawn ti a, Maria-i leh Jephtha țawng lawng lawng ri chu phone ațang chuan a ri chiang kher bawk a, ka lawmna leh huatna a inpawlh nuk nuk a ni ber.





"Umm... in lo thlen hunah ka hriat theih nan horn lo pe ru aw" ka ti a, an rawn thlen dawn tawh thu sawiin call chu a ti tawp zui nghal bawk.





"Bawihi Maria-i chu i be thei em ni?" Ka pa chuan a rawn ti a, ka bu nghat.





"Aw... thil awmdan sawifiah turin tunah an lo kal mek a Damian-a te nen, Remzuali thihna chungchang vel kha Maria-i hian a hria niin a lang" ka ti a, ka nu leh ka pa hmel buai lutuk chu hmuh a hreawm takzet. Ni e, a tir ațang engmah ka hrilh lo a chhan chu min ngaihtuah dawn lutuk vang a ni. High School kan kal vel lai pawn motor in min su deuh reuh tawh a khata țang khan keimah a kawngpui ka kân min phalsak tawh lo.





"Nakinah an lo thlen hunah an sawifiah anga in hrethiam mai ang" ka ti a, an bu ve ta nghut bawk. Ka pa erawh an pu in a rawn call a a pawimawh nge ni room lamah a phei thung a ka nu pawn a zui phei ve nghal bawk.





Reilotêah motor horn a rawn ri a, tho chhuak in kawngkhar lam ka pan nghal bawk. Jephtha chu a rawn chhuak hmasa ber a, a dawt ah Damian-a, a ni erawh chuan black cap khum in hmalamah a pawt âwn thla deuh hlek a, a jacket dum hak chhungah a kut zen lut in in lam a rawn pan bawk. A tawp berah Maria-i a rawn chhuak hnuhnung ber, ka ngaih tawh rual rual in ka lo melh rum na ngang bawk.





Damian-a lo kal phei chu ka en reng, hetia a inthuam chhan a ka rin pawh mipuiin a chanchin an ngaihven reng vang a ni. Lock-up a awm tur em em chuan a case kha a lian loh bakah chhan țha tak a awm lo bawk mahse mipuiin ama tih ah an ngai vek a chuvanga hetianga rawn inthuam hi a nih ka ring bawk.





Ka bul a rawn thlen rual chuan a cap khum chu a pawt chho deuh a, a hmel hahdam zet ka hmuh rual chuan a nui nghal suk a rang zet hian ka va kuah nghal bawk. A ni pawh chuan nghet zeta min kuah let ve in ka chhip ah chuan a fawp nghal vang vang "ka sawi kha... ka lo let ang tih ka sawi kha, engkim tifel turin ka kal alawm" a rawn ti sup a, ka țah nuih nghal ti tih bawk.





A thusawi tawh a hlen lo ngailo a ti ngei ngei țhin, mahse thil thleng avang te khan ka ngaihtuahna a buai in chawp leh chilhin hlauhna te kha ka nei a, ka ngaih kha a țha thei tawh reng reng lo mahse a hmel ah hahdam tura min duh zia leh amah rinchhan tura min duh zia a lang chiang em em a, kha khan ka ngaih a ti țha thei chauh bawk.





"I țhiannu mawl zet hi han hmelhriat la" a rawn ti kher a, a sawi zawh rual chuan awm hrang hlek in ka sirah a rawn ding a ka kawngah chuan a rawn vuan nghal chat tho. Ka hmaah chuan Maria-i chuan a kut hma suih in nui var var chungin min lo en kei erawh chuan rum theih patawp in ka melh rum.





"Hriat pawh ka hre ngailo" Maria-i en vang vang pah chuan ka ti sep, a nui hmel a thlak a min rawn melh rum ve bawk. Damian-a leh Jephtha erawh an lo nui chhuak hawk hawk thung. "Malsawmtluang khatiang khan ti kher suh aw.... ka be tawh lo mai ang che" a rawn ti ve hlar.





"Um... min be tawh lo mai rawh, keipawn engmah pawh min hrilh lo a min kalsan daih tu leh min ti mangang em em tu kha biak pawh ka be peih bik lo, chân ka hlau em em a mahse tunah chuan a hmel ka hmu a chân pawh ka hlau tawh lo" ka ti leh, Damian-a bawk a rawn nui leh a nuihzatthlak pakhat mah la sawi tawp si lo.





"Aaa....Lora, ka hrilhfiah vek dawn che lawm ka tihpalh tak tak keipawn hreawm ka ti ve tho alawm" a rawn ti a, a hmel ah chuan hreawm a ti tih a lang chiang ngang bawk mahse heti mai mai hi chuan ka nêm bik dawn teuh lo.





"Hreawm itih ve tho chuan engkim min hrilh vek ta che, a chhia a țha kan inhrilh a mahse nang chuan hrilh tlakah pawh min ngai tawh lo. I hria em? Ka chân dawn che amaw ka ti tawh asin ka hlauhthawn zia i hrelo a nih kha, zantin ka rawn be ziah che a mahse chhanna pawh ka dawng ngailo, vawiina Renrem'n alo biak che pawh khan ngatinge khatiang thu te kha ila sawi theih zawk, ka mangang lutuk kha tih ber tur pawh min ti hre tawh lo asin" ka ti vak a, ka thusawi lai reng chuan min lo en reng a ka mittui a tling ruak bawk.





"Shiiit Bawihi, a tawk rih. Nakinah hei ai nasa hian ila hau dawn nia tunah chuan lut phawt ang u" Damian-a chuan a rawn ti sup a, ka mit hnuai chu rawn tuai in ka chal ah chuan a rawn fawp vang vang a ka awmdan a hmuh rual chuan a nui nghal ang suk lehnghal.





Inchhungah kan lut a ka nu leh ka pa pawh room ațang an lo chhuak ve chiah bawk, Maria-i ka bulah țhut a tum tlat a mahse ka phal lo, ngaihdam min dil phêt a tum bawk a a awmdan chu an vaiin nuih lamah a kal tawh aniang an nuih suk suk reng bawk.





"Maria, engkim sawifiah la" Damian-a chuan a rawn ti sup, ka kawngah a vuan reng a a taksa si chêt in min pawt țhu bawk. A thâwk lak dan na zet mahse hahdam ru zet leh a khat tawk a ka sam a rawn fawh zeuh te chuan ka chhungril lam hi a ti dam ve sawng sawng thei.





"Um..nu, pa" Maria-i chuan a rawn ti hmasa te te a, ka nu leh pa hi nu, pa tiin a ko ve tho. Kan hnam a in an mai bakah hetianga koh hi a duh zawk thu a sawi tawh a ka pa te pawn pawi an ti hran lo.





"In hre tawh em chu ka hrelo Damian-a nen hian unau kan ni a mahse thisen inzawm lo nu hmun pa hrang kan nia keipawn hmanni khan ka hre ve chauh a Jordian hnen ațangin, Lora pawn a hre daih tawh tihna a nih chu. A tir kha chuan Lora sual zet i hian min hrilh duh lo kha ka thinrim em em a in in a lo kal tura min tih a ka lo kal loh chhan pawh kha ania. Chuan ka nu tak zawk kan in a alo kal khan ka pa nena an in be thawm ka ngaithla ve kar a tuma hnena la sawi lan rih loh a rem thu an sawi khan thil ngaihruat dan tur ka hrethiam ve chiah bawk a" a ti a, a thusawi lai reng chuan kan lo ngawi țhap a ka nu leh ka pa mak ti hmel bak bak a hmuh hreawm tih ka neilo tunah hian.





"Chuan a nih ngatinge khatiang thil kha i tih si ka chungah pawh" ka lo ti ve leh, min rawn en a ala nui var var zui, ka pen vir nawk dawn amaw ni zawk le.





"Um... Damian-a te buaina te min hrilh ațang khan ka lo hre ve țan a leh mipuiin an sawi nasa bawk a media lamah ka hmu nual bawk. Remzuali kha kan inah alo kal a, a tir kha chuan mak ka ti lutuk ka lo hau hrep a mahse mi â ang mai khan a awm a a ngawi reng ringawt mahse a hnuah pangngai deuh a thil min sawipui a duh thu a sawi leh a ka sawipui ve mai bawk. Tuma hriat loh, in pahnih pawh in a in hriat loh chu Remzuali khan min hrilh vek, nangmahni hrilh cheu kha ka duh lutuk a mahse in hriat chuan buaina a chhuak dawn bawk si chuvang chuan a ngawih bo pui ta a nih kha" a rawn ti leh dap dap a, a thusawi mak ka ti lutuk chu ka lo âng phâm reng ringawt.





"Remzuali chuan eng eng nge a sawi a?" Damian-a bawk chuan a rawn ti ve leh nghut.





"Umm.. a sawi țeuh mai, a tir kha chuan nangmah neih let a duh avang che a ti ania mahse a hnuah i company-a share neih ve a duh avang leh i sumdawnna kawnga puih a duh avang che a khatianga ti mai kha ania mahse Carter-a te kha an kal thui...." a sawi zawh hma hma chuan Damian-a alo thaw ri hrâwih, an vai chuan an rawn hawi vek.





"Carter Lalnunpuia maw?" A ti hrâwih, a thinrimna chu thunun tum eng ang mahse a thei hleithei lo tih a bek pawng ruh țawlh țawlh ațang chuan ka hre thei, min kuahna pawh a hma zawng aiin a ti na zawk bawk.





"Um... i hnung lam ațang a bei reng che alawm chu chu Remzuali min hrilh dan ania" Maria-i chuan a rawn ti leh a "hrep tak hian, tenawm lutuk!" A ti chhuak hrâwih a, a thinrim lutuk chu a hmai te thlengin a sen vek thei.





"Remzuali kha in ngaih sual theih nan che turin an ti a Remzuali erawh kha chuan a ti ve mai mahse a hnu daih ah i hnathawh naa puih che a duh vang chauh a ni bawk a, chuvanga a hna pawh bansan reng a ni. A lung lam a țha lo a a zual zel bawk si a a kal hmaa puih che a duh vang chauh a ni tih min hrilh a. Mahse thil a kalsual ta vek a Damdawi a ei chang apiangin a â vek țhin a thil ni lo lo a tih phah țhin bawk Hotel-a thil thleng zawng zawng te kha a ni tel a, a Damdawi eiin hna a thawh chang chuan phuba lak chakna ten a khat țhin, i hnawl na khan hmelhmaah a siam ang tlat a rinna che a nei țhin bawk, mahse a rawn pangngai leh hnu in a inthiam loh țhin thu min hrilh tel vek bawk" a rawn ti leh a, ka thaw chhuak hawk chutiang chiahin Damian-a pawh.





"Sawi zel rawh"





"Lora... a hma in Remzuali'n țhian anga pangngai taka awm a duh thu a hrilh tawh che em?" Maria-i chuan a rawn ti leh khauh.





"Aw... hrilh tawh vawikhat, Tlanhlua nena an inkawp lai khan ania mahse a chêtdan țhin avang khan amah kha ka ring lo thei em em a chuvang chuan ka lo âwih lo a" ka ti a, Tlanhlua hming ka lam zawng te hian ka tâwt nghal țûn thei nia mawle.





"Aw.. kha kha a ti tak tak a, tah khan hun tam pawh a nei tawh lo a Damdawi ei in a hneh tual tual a nitin a thluak a thil awm te a paih țhen sak a a chang chuan thil thleng te kha a mang hriat ruai țhin. Alo kal ni pawh chuan a cher lutuk, a chang chuan thil ni lo lo a sawi leh țhin bawk, a u hmeichhia in a rawn kalpui a , a hma vela a chêtdan kha chu Damian-a neih let a duh vang chauh ania mahse a Hmangaih zia che a hmuh hnu in amah khan danglam a tum ve țan pheuh pheuh tih a u in min hrilh a, in in kawt a i ban a tih nat pawh kha a tum reng vang a ni bik lo tih a sawi a" rilru nat hmel zet hian a rawn ti ve a, thil thleng a sawi vel danah chuan Remzuali ka lainat ta rum rum bawk mahse a hun tawh lo takzet.





"Carter-a te thil tihdan chu sawi rawh!" Damian-a aw nêlawm loh fahran chu a rawn ri chhuak nghut.





"Aw... Remzuali sawi dan chuan Carter-a hian hnunglam ațangin a bei che a tia, a sumdawnna i tihchhiat sak angin a sawi che a, ami?" a rawn ti leh, Damian chuan a kutzungchal chuan a mit a nuai zeuh a, a rawn thaw chhuak ham ham.





"Umm... mahse a sawidan nen a inperhsan thawk, kan thawk dun a an sumdawnna ai kan sumdawnna kha a kal tluang leh ta si a contract min ziahpui duh tu pawh an tam zawk khavang kha a ni ngei ang" a rawn ti nghut a, thil thlen dan chu ka man thiam nghal uar uar thei.





"Remzuali chuan khalam kha a sawi kai vak lo a, mahse hnunglam ațangin a bei reng che tih a sawi, supply block te leh i office lam an rawn check te thleng khan. Tichuan a khaikhawm nan i beih pa nangmah hrechiang em em tu che i thil tih leh zel tur a dan chêp dan tur che hre em em tu chu Carter-a a nih chu. I ruahmanna engkim i hrilh țhin khan a ni tan awlsam takin hma alo lak tir thei a, chuan Tlanhlua hian a pui bawk a pui ti ila hmelma a siamtu cheu a ni ber ang chu. Remzuali sawidan chuan tihchhiat vek che a tum a mahse nang lahin thildangin hma ilo la ve lehzel a, tatoo chungchang zawng zawng te kha amah ațang vek a chhuak ania tatoo kha amah hian a nghawng hnunglamah a nei bawk. Remzuali banah khan duh lo chung Tlanhlua khan a ziah sak lui a" a rawn ti a, Damian-a chu a thaw chhuak nghal hrâwih bawk.





"Chuan video kha?" Ka ti leh.





"Aw... video kha chu ka lak a nih kha Jordian pawh a lo inhnamhnawih ve reng a, phai lama alo zin thlak reng chhan pawh kha Carter-a nen an lo inhmu reng țhin alawm. Zin khawthawng ang a tia kei lah ka rilru alo hah ve bawk sia amah kha rinhlelhna nachang reng reng ka hrelo kan zin dun a kan kal lam khan a inhnamhnawih tih ka hre daih tawh a chhan chu motor khalh tu kha Tlanhlua ania ka muhil amaw ka tih lai a an sawi kha ka hre reng alawm.





Awi sawi dawn chuan sawi tur a tam lutuk ringawt, nakinah a aia kimchang zawkin kan zinna chu ka hrilh ang cheu. Video ka neih dan pawh phone kha ka dah ru a an sawi lai ka lak theih nan" a rawn ti a, ka thaw chhuak nghal ham ham mai.





"Ngatinge chung zawng zawng i hria tih chu min hrilh loh? I zêp avang khan nangmah pawn i tuar thei asin Maria" ka ti ve leh, thil thleng buai nasa lutuk leh hnaivai taka beitu awm reng hriat loh tihte chuan min luah khat tup tup mai.





"Aw... keipawn ka duh alawm mahse ka hrilh cheu chuan thil a buai vek dawn asin. Remzuali pawn a sawi alawm ka hrilh cheu chuan Damian-a hian a bei nghal chung chung ang a midangin an lo hrethiam vat dawn a ngaihtuah chiang ve ta che u. Remzuali'n min hrilh rual khan in hnen thleng ta se Damian-a thinrim lutuk hian thil a ti khawlo zo vek dawn asin" a rawn ti a, chupawh nise tih țalh ka la tum.





"A sawi dik, min hrilh ni se chuan kha mihring kha ka khawih nghal duh ngei ang, min hrilh lo hi a lawmawm rual rual in engkim kal dan a dang ta vek a nih hi engmah sawi belh tawh lo mah la thil thlen dan âwm ang zawng zawng ka hre vek tawh, a duh chu ka tih tir ang min ti chhe rawh se mahse chutih rual erawh chuan jail bang a zût ve nghal ang kumkhua in" Damian-a chuan a ti zui hrâwih a midang chu kan lo ngawi kar bawk.





A pu leh pu Faka te a be zung zung, Carter-a chu a duhdana chêt tir phawt turin a hrilh a a hnua man a duh chauh thu a hrilh bawk. Ama sawi leh dan chuan tunah Carter-a chu Aizawl-ah a awm mek a enthlak reng a nih thu a sawi bawk.





"Bawiha, i pa in hah taka a din tawh sa chu i tihchhiat sak mai ang maw?" Ka pa chuan a rawn ti.





"A tichhe dawn hleinem pate, aman a tichhe ta angah a in ngai ringawt dawn alawm engtikah mah ka pa in hah taka alo din ve hi ka tihchhiat tir ngailo ang. Ka bia anga inhmuh ka duh thu ka hrilh bawk ang, Jephtha, Lorenzo bia la kan ina lo kal turin hrilh ta che" Damian-a chuan a ti zui nghut a, a thinrim lutuk in thunun tum chu ka melh ve ngar ngar bawk. Lo dan ka tum lo, a duh ang chuan che rawh se, a tuar hnem ve tawk tawh lutuk.





"Bawiha, ka va ngaihtuah che ve i chungah thil țhalo a thleng leh palh ang tih avan hlauhawm tak aw... " ka nu chuan a rawn ti ve leh bawk.





"Nute, ka chungah engmah a thleng lo ang tih chu ka tiam ngam sak theilo che u mahse engkim a fel tawh ang nakinah nangni pawh chiang deuhin ka la hrilh dawn cheu nia. Chuan Maria i thusawi kha pu Faka i hrilh ve erawh chu a ngai ang" a ti a, ka chhungte pawh an lo bu ve tliar tliar bawk.





"Chuan Bawihi" min rawn en a.





"Ka va kal lawk ang aw, pawnah lo chhuak lo la inah hian lo awm tlat rawh aw ka rawn let leh vat ang, engkim a fel țep tawh ania" a rawn ti a, ka chal ah a rawn fawp nghal vang vang bawk.





"Um... va kal rawh, mahse fimkhur rawh aw" ka ti a, a bu ve nghut bawk.





Jephtha nen an inzui chhuak lai chu ka thlir reng, cap a khum tlat avangin amah hrechiang lo tan phei chuan hriat ngaihna a awm lo. Motor-a a țhut luh hnu chuan a cap khum chu dah kâng zeuhin min rawn en a, nalh zet hian a nui zui suk bawk.





"Min be tawh rawh" tia ka bulah ding Maria-i chu ka melh nghal rawm rawm.





"Khang zawng zawng kha i hre vek a buaina lo chhuah dan nen zawng zawng, mahse.... engmah min hrilh ve lo nangmah in thil ilo buaipui char char a lem chang in kei min biak duh loh phah bawk a a fair lo takzet a ni. Maria khang hunlai zawng zawng, vawiin thlengin ka hlauhthawn zia kha i hria em? Țhian chan nat zia ka hre tawh, chan che kha ka hlau hluah hluah asin" ka ti a, min rawn kuah a ka hnungah chuan a beng thak thak bawk.





"Ka tihpalh Lora, keipawn hreawm ka ti ve tho asin mahse khatia ka tih kha a ngai a tin ni. Thil thleng zawng zawng kha hriat ka duh lo mahse nangmahni ho in in hre thei si lo, Remzuali khan min rawn pan tawp a ka lainat asin aw... kei chu huat pawh ka haw tawh lo a natna in a ei chhe tawh bawk si a taksa te kha ruh hlang an ni ringawt tawh asin" a rawn ti a, Remzuali chanchin sawi takah chuan keipawn ka lainat takzet a hmaa a thil tih kha chu ni e... kan âwih theih tur khan a che miau alawm a tih chhan ngaihtuah erawh chuan ka mittui a tla thei hial.





"Tun ațang chuan engkim min hrilh vek tawh ang che i hria em? A hma ang chiah khan thil kan ti ho leh tawh ang" ka ti a, nui chhuak hak in a bu nghat nghat bawk.





"Lo kal teh...Jordian-a chungchang Damian-a te hriat chi loh ka hrilh ang che" a ti a, ka room lamah min kai phei nghal ti tih bawk. Khumah chuan min țhutpui a a phone a rawn phawrh chhuak tel bawk.





"Sawi vat la" ka lo ti, ka hre chak tawh lutuk hi ka phi cheng thei.





"Aw... Gloria-i thih nachhan kha min hrilh a" a rawn ti a ka meng nghal kâwk mai.





"A natna avanga thi a ni lo mi?" Ka ti leh.





"A tam zawk rin dan a ni" a rawn tih leh lek phei chuan ka thin a phu rang sauh.





"Hei chhiar phawt rawh" tih pah chuan a phone chu min rawn pe a, ka lo ban ve vat thung.





*Jordian, lo kal tawh la min zai a hun țep tawh ania*

*Aw... ka lo kal țep Lora kan be leh lawk ang*

*Ngatinge a ni chu i biak kher a ngaih in inkar a chhiat vek tawh kha*

*ka hria, sawi nawn a ngai tawh lo ka hre ve reng, i sawi zing lutuk a ka beng te hi a kham vek tawh*

*ka tihpalh ka sawi tawh lo ang mahse i biak nachhan tur chu min hrilh la*

*Damdawi min rawn thawn thla dawn a i eitur*


A dang chu ka scroll thla puat puat, ka chhiar thuak thuak bawk. Mahse ka kut chu ka chawl dat, ka thai chho leh.

*Aw... keimah Linda, Gloria-i chu a muhil a*

*A Damdawi kha i pe țha em?*

*Pe țha e, vawiinah vawi nga a ei tawh eilo mahse a pawi kher lo ang a chhan chu Doctor in hun tam a nei tawh dawn lo a ti tho a*

*Chupawh nise ei tho rawh se naktukah thuziak kha lo chhiar tir bawk ang che*

Ka thinphu a rang tual tual, message chu ka scroll thla leh puat puat

*Lora in heihi min lo thawn a*

*Eng thil nge lo forward teh Bawihi*

*Damdawi kha i ei țha em? Kha khan nitin i taksa a tichhe tial tial ang, strip khat i ei zawh phei chuan i thin kha a tâwt țan ang, a ti thaw țha theilo tual tual ang che. Kha kha Jordian min chhuhsak vang a nih kha, mahse rei i dam tawh dawn chuang lo Damdawi kha ei ve hrim hrim rawh aw... chuan....*


Chhiar zo duh lo in phone chu ka hmet thim, ka mittui a rawn hnâm nghal sawk bawk. Rang zetin Maria-i chuan min rawn kuah a, ka mittui a luang nghal zung zung "engtin nge a theih zawk? Engtin nge khatiang khan a tih theih zawk?" Ka ti țiau, ka mittui rawn luang thla zung zung chu dan tumna pawh ka nei bawk hek lo, ka âwm chhung ami hi ana ngut ngut a a puak keh vek dawnin ka hre bawk.





"Heng zawng zawng hi min hrilh vek lo mahse a phone ațang ka screenshot vek a, chuan a pangngai in ka siam a" a rawn ti a, kei erawh chuan engmah ka sawi hleithei lo ka kâ ka ân rualin ka mittui bawk a rawn baw leh hawk țhin.





"Gloria-i thih thut chhan pawh kha hei vang hi ania chuan Jordian kha nangmah a duh che amaw kan tih lai pawh khan u Linda-i nen an lo inkawp reng tawh alawm" a rawn ti a, thil thleng maksak thei lutuk hian min ti thaw țha theilo.





"A nih chuan... ka thah angin a kal tihna a ni maw... damdawi pawh ka thawn thla tawp si lo Gloria-i khan min haw ngawt ang, natna karah pawh hreawm a tuar reng a, engtin nge khatiang khan a tih theih zawk. A ruang rawn thlen tirh te khan min be țha duh lo a, a hnuah pawh min la haw reng a khatiang thil ti reng chung si khan...ka..." sawi zo thei lo in ka mittui a rawn luang zung zung. Ka thin zâwn na lutuk hi chum pawp pawp ka duh takzet a ni.





"Heng hi ka la tih pawh a hrelo, min hrilh țhenkhat kha ka rinhlelh avangin a phone a mut hlanin ka check sak a, henghi ka hmu leh sia keipawn ka chhiar tirh chuan mak ka ti lutuk ringawt" a rawn ti ve țiau a, kei erawh chuan a darah chal nghat in ka maimichhing vang vang, thil thleng hi a rapthlak ngawih ngawih takzet a ni.





"Engtin nge khatiang khan a tih theih zawk? A hmangaih amaw ka ti a ka kaltir kha ania khatih lai khan na lo bik ka ni lo Gloria-i hlim hmel ka hmuh khan ka awm pawh alo nuam ve sawng sawng zel a a hlim hmel ka hmuh khan keipawh ka hlim ve țhin. Mahse tunah chuan min haw tawh ngawt ang" ka ti țiau, ka sawi duh pawh ka sawi chhuak hleithei lo ka thluakah hian sawitur chu a tam lutuk mahse eng ber ațanga sawi țan tur nge ka hrelo.





"Jordian chuan a hun tawp a hlim taka awm tir a duh avang chauh a khatianga ti kha ania, Gloria-i chuan a haw lo ang che, van ațang thudik a rawn hre dawn alawm Jordian-a ten thil sual an tih nasat zia leh amah an that a ni tih pawh a hre ngei ngei ang Gloria-i chuan a haw lo ang che" țap țiau chungin Maria-i chuan a rawn ti ve a, ka maimichhing a ka mittui a luang zung zung bawk.





Ka thawn ang a lan tir in Damdawi țhalo tak, zawi muang a lungphu ti țhalo thei an lo pe reng a a natna pawh khan a ei chau tawk tawh viau asin. Chutih laiin ka thawn emaw tiin message a chhiar hnuah khan a na anga hreawm a ti ngawih ngawih âwm si. Keiin hlim takin an awm amaw ka tih lai khan hreawm nasa tak alo tuar reng si chupawh keimah vangin keimah vang vekin, ka rilru in ngaihdam ka dil mawlh mawlh a mahse awmzia a awm tawh der si lo.





"Ka hua ka haw lutuk takzet, heng zawng zawng zingah hian he thil hi theh luh ve ka duh a ni, Gloria thlarau pawn zalen takin a awm ngei ang Gloria-i a thah avangin inthiam lohna pawh nei lo in nun an hmang a a unaunu nen, zalen taka an nun țhin hi tihtawp ka duh he thil hi ka theh lut ve dawn Maria thil thleng tur ka hrelo mahse heihi tih ngei ka duh" ka ti a, ka kut chu theihpatawpin ka hûm ruh bawk.





"Ka theh lut tawh alawm pu Faka hnenah aman engkim alo buaipui mai ang an thiltih man chu an hmu ve dawn khawp alawm, ka chhuah dawn reng reng lo mipa rapthlak lutuk. Țhian țha tak angin a insawi a mahse dâwt hmang lek in nun alo hmang si, hetiang mihring hi engtin nge an lo pian ve theih zawk le, rapthlak lutuk" a rawn ti ve hlak a, thubuai a siamsak tawh avang chuan ka lawm hle bawk.





"Thil thleng vel hi Tei i hrilh tawh em?"





"Aw... niminah ka hrilh vek tawh naktukah alo chho tawh dawn"





"Chuan chu pawh chu min hrilh lo ve lehzel amaw!? A em em tawh lo maw?" Ka ti hlak.





"Rawn surprise che a tum a mahse ka hrilh tho che a nih hi, hrelo angin lo awm tawp mai rawh. I hria tih a hriat chuan a tûm leh nasa dawn si" a rawn ti a, thaw chhuak hak in amah chu ka melh rawm rawm a ala nui vur vur lehnghal.





Zanah chuan riak turin leh chaw ei turin ka sawm a alo pawm ve mai bawk. Chaw ei khamah a inbual a ka thawmhnaw a ha ve mai dawn bawk. Kei erawh a inbual chhungin khumah ka lo țhu a, vawiina thil thleng hrang hrang ka ngaihtuah neuh neuh bawk.





Engkim hi a ni nuai nuai vek a khawi ber ațanga ngaihtuah tur nge pawh ka hrethiam tawh lo. Remzuali ka ngaihtuah a ka lainat rual rual in nasa takin ka indem bawk, mahse khatiang thil a tih kha ka âwih em em a ni e tunge awih lo ang rinhlelh tur pawh awm miah lo in lem a chang mawp mawp a Damdawi a ei țhin tih pawh ka hrelo, mahse a thil tih nachhan leh a thil tih te ka ngaihtuah hian ka lainat in keimah zawk pawh hi ka in dem ngawih ngawih bawk.





A chang leh Damian-a nen an inkarah lo tla zep lo ilang chuan a chungah hetiang thil a thleng miah lo ang tih te ka ngaihtuah thûl. Mahse ka duh vang ngawt a tlazep ka ni bik lo te ka in ti leh thûl, thildang ngaihtuah fê ka tum pawn Remzuali chungchang lo chu ngaihtuah tur reng reng ka hre hauh lo.





Lukham a ka phone dah chu a rawn nghawr dar dar, ka la kang a Damian-a a nih avangin ka chhang nghal vat bawk.





"Kawngka min lo hawn la Bawihi" a rawn ti sup, ka țhu ngil nghal deuh zawk a ni ber.





"Ilo kal maw? Mahse kawngka te chu a inhawng sa reng lo mi?" Ka ti hliai, Maria-i chu bathroom ațang a rawn chhuak ve chiah bawk.





"Um... a inkalh tih i hrelo em ni?" Nuih deuh reuh pah hian a rawn ti a "aw hrelo" tih pah chuan khum ațang chuan ka tawlh sat sat a chapal chu inthawlh sawk sawk in ka ding chhuak nghal hluai bawk.





"Umm.. a nih chuan lo hawng la" a rawn ti sup a, Maria-i chuan khawnge ka kal tih hriat tum hmel zet hian a kawng dawm rân chungin min lo en reng a, ka lu chu kawngkhar lamah ka thlêk zeuh ringawt a amah pawh en tawh lem lo chuan room ațang chuan ka chhuak phei nghal vat bawk.





"Avan mak, ka nu te an awm reng sia tinge an kalh tlat le" tih nui nui pah in kawngkhar chunglama an kalhna chu ka hawng a, kawngkhar bulah chuan bang ngheng hian Damian-a chu alo ding a, a ngai te bawkin cap a khum leh tawh a mahse a thawmhnaw erawh a thlak thung.





"Ka hmangaih che" min en reng pah a phun sup in phone chu a hmet tawp a ka lo nui chhuak hak bawk.





"A vawt âwm si lo lut vat vat rawh" ka ti a, nui sukin a rawn lut a, kawngka chu keipawn ka khar let vat. Ka inher rual chiah chuan min rawn hnaih chilh nghal ti tih a, kawngkhar bula ban ah chuan innem khalh in hna zetah hian a rawn ding nghal bawk, ka thinphu a rang leh ta vek mai.





"Zanin chu i bulah ka riak dawn" zâwi zet hian a rawn ti a, ka chho melh dâwrh. "Maw?" Ka ti nghal vak bawk.





"Shitt.. thawm dim ka i nu te an rawn chhuak ang" a ti sup, a rawn kunhniam a hnai chêtah min rawn en nghal bawk, ka chil ka lem ri nghal khalh "a theih loh... Maria-i alo riak dawn" ka ti nghal vat, ka beng bulah chuan a rawn thaw lum ham ham, a rimtui hman chu ka hîp lut vang vang a min zêm leh chiai chiai tawh mai.





"I room-a sofa-ah khan mu mai rawh se" ngaihsam zet hian a rawn ti a, ka lo nur nâng "a duh âwm lo emai bakah lo riah ve ngawt a chi loh ka nu te pawh an awm hi" tih pah chuan nawr sawn ka tum a mahse min nghen hnaih sauh pah chuan a taksa chuan na zet hian min nâwk zui nghal bawk.





"Aih... chhuanlam hi ka pawm lo, ka chau bawihi i bulah ka awm duh i bulah hahdam ka duh" chauh hmel zet hian a rawn ti thâwp sup a ka bek ah chuan a rawn fawp nghal vang vang.





"Mahse...chupawh nise, ka nu ten hre ta se" ka ti leh hram, tunah hian an rawn chhuah ka hlau takzet bawk.





"Aih, an hrelo ang ka chhuah hnuah i room tukverh lo hawng la ka rawn lut ru dawn alawm" a thusawi avang chuan tum loh lutuk in ka nui chhuak hak. A ni pawh a rawn nui ri ve suk bawk. "Um.. kalsawn phawt la ka nu te an lo kal palh ang tianga kan awm min hmuh chuan a țhalo palh ang" ka ti a, "aw le" chauh hmel zet a ti sup in ka nghawngah chuan a rawn fawp zeuh a a ding chhuak nghal bawk.





A chau hle aniang a taksa pawh a zawi takzet, a cap khum a lak thlak lai chu ka en reng a sam chu a tuai puat puat a, a thur ve siang hi chu a inhmeh chiang alawm a bik takin a thawh hlim ah, a kiangah ka hahdam em em țhin a ka kiangah hahdam taka awm a duh a nih chuan ka awm tir tur a ni. Amah ka rinchhan ang chiah hian min rinchhan ve ngei se ka duh bawk amah ang em em a rintlak ni lo mah ila.





"Ka hmai ah thil kai a awm ami?" A rawn ti sup rual chuan ka lu ka thing nghal nawk, a nui ri hawk chu ka hria a ka hawi chhuah rual chuan hnai sêt sâwt ah hian min lo en reng a, ka lai lutuk kûn daih ka tum rual chuan ka khabe-ah rawn dawm in amah en turin min kuai dâk a, a hmel sexy zet ka hmuh rual chuan ka biang a sa nghal hat hat a ka thin te chu a phu rang dup dup bawk.





"Duhawm lutuk" ti sup in, nalh zet hian a nui suk a rawn kûn hniam in ka hmuiah chuan a rawn fawp nghal zeuh bawk.





"Thil i ei tawh em?" Pangngai zet hian ka ti chhuak sep a "um... in ațang ka rawn kal alawm" a ti a, ka bu nghat ringawt. Kan in mah nise ka lai em em ringawt mai ni.





"Ehe, Damian-a chu ilo kal elaw?" Ka nu aw ri kan hriat rual chuan kan pahnih chuan kan hawi rual nghal a ka nu pawh an nupa room ațangin a rawn chhuak ve nghal a "um nia, ngaih deuh mai ka nei a" Damian-a lah chuan a ti ve mai lehnghal a ka nu pawh a nui tawp.





"Nu... ngatinge inah in awm reng sia kawngka in lock daih a?" Ka ti a, amak êm a tin ni hetiang hian vawikhat mah an la ti ngailo.





"Aw... nia ipa nen room-ah țawngțaina kan hmang a chumi chhung lek chuan kan lock a nih kha, ipa ngaihdan a ni lo nasa... mahse thil thleng thulh ah ka lo in dang ve a nih chu ipa ngaihdan a nih lo nasat zia chu a hmel a tûm bar reng mai" a rawn ti a, ka nui chhuak hak bawk.





"A țha nute, țhutkhawmna lama pakhat tal in awm loh chuan kawngka kalh zel rawh u, thil thleng tur a hriat loh i ti țha lutuk. Boruak ala fel si lo keimah ai mah chuan in dinhmun hi a țhalo zawk" Damian-a chuan pangngai zet hian a rawn ti sup a, ka nu lah in alo pawmpui leh ngang.





"Chuvang tak reng chuan alawm ka tih reng ni, lo țhu rawh thingpui kan lum ang e i pa pawh a rawn chhuak țep ang" a ti a, sofa lam pan chuan Damian-a zawk lah chu ala kal nulh lehnghal. Maria-i pawh room ațangin a rawn chhuak a kan in a a rawn riah apianga a hak ziah țhin chu a rawn ha leh bawk.





"Mi lungleng thei em em a alo leng a ni maw?" A rawn ti phei a Damian-a chu ala rûm nghut a "ziah a che" a ti nghal hluk bawk.





"Mambawihi, i phone ka lo hmang lawk ang chu ka net pack a zo tih reng reng ka hre hleinem" tih lûng lûng pah in ka pa chu room ațangin a rawn chhuak a Damian-a a hmuh rual chuan "lung ava leng hma âwm ve" a rawn ti leh kher bawk si a Damian-a chu a rûm zui ta nghut bawk.




"Lock ka dah lo aw" tih pah in phone chu ka pe nghal zat bawk.





"Bawiha, enge chanchin zel? Thil țhalo thleng te a awm lemlo maw chanchin vel hi kan batch-ah an sawi deuh nawk nawk a thudik a ni em chu ka hrelo a nangman sawi chiang la" a rawn ti nghut a, Damian-a pawh a țhu rem sauh sauh bawk.





"Um... naktukah an pathum in pu Faka ho ten an la ang, zaninah an chhui chiang dawn a an awmna hmun thlengin thil engkim chiang takin haichhuah a ni tawh a in nghah tir reng khan awmzia a neilo êm a ni" a ti a, ka pa pawh a bu ve nghut bawk.





"Vawiinah Carter-a nen chuan in inhmu ta em ni?" Ka lo ti ve sep.





"Hmu lo, hmuh tlakah pawh ka ngailo tisawn che țha angin in ngai hle se a tawk chiah ang" a ti nghut a, ka pa pawh alo bu ve leh nghut nghut.





"A țha, tihbuai a ngai tawh lo sual chu sual bawk a thung rulh tur a ni ngailo" ka pa chuan a rawn ti ve sup bawk.





"Ka fawp chak tawh che" Damian-a chuan ka beng bulah a rawn ti sup, ka beng ala fawp zeuh zui, ka taksa chu a țang nghal at lehnghal a ka melh chho rawm rawm, nalh zet hian ala nui kiai suk lehnghal ka pen vir nawk dawn amaw ni le.





Ka pa nen hna chungchang an sawi dun pah reng a ka nu te nen erawh ludo kan lo khel mai mai thung. Damian-a bulah ka țhu a, a kil lam deuh a nih avangin a khât tawkin ka kawr chhungah a rawn zen lut a ka nâk a rawn țham pah zeuh ziah lehnghal a, kan games khelh ah pawh rilru ka pe hleithei lo bawk.





"I mak" ka ti hlak, engah mah ngailo hian ka pa nen thil an la sawidun char char lehnghal chimawm lutuk mai.





"Ka meng kar dawn ania ka hriat lai emaw ka hmuh lai emaw a in lo in chu e kha a nih vaih chuan ka tlawh tho pawp ang che, ka ngai ve em em che a zanah in mut hlan in a hmaiah ka thai rang vek ang" sofa-a mut tauh nghawng nghawng pah chuan a ti a, ka nui ringawt.





"Muttui aw..." ka ti leh hram, rum zeta min rawn melh pah hian "mu mai teh" a rawn ti hlak a, ka nui chhuak hak bawk.





Damian-a chuan tukverh hawn sak turin min rawn ti a, ka hawn sak a awlsam zet hian a rawn lut mai bawk "kan lo riah chhuah tir zawk lo a ni" Maria-i melh zeuh pah chuan a ti hluk, hemi te pahnih hi chu aw....





"Zomuansang, nasa reng reng suh aw.... ka hmuh laia in lo in chu e kha vaih chuan ka tlawh tho lawp che nga tukverh ah ka pai chhuak daih ang che" Maria-i chuan vîn zet hian a rawn ti hlak a, Damian-a erawh a nui zui vur vur bawk, kan inah hetiang thil a tih hi ka ring pha ngailo, mahse ka rin loh zawng zawng ka ti ta ziah mai bawk.





"Ka fawp chak tawh che ka tih kha...." zâwi zeta rawn phun in ka hmui bulah a rawn kunhniam nghal zat "ugh... mahse a chi loh Maria-i a awm ve reng saw" zawi zet hian ka ti a, ka kawngah vuanin a lamah min pawt phei nghal zat.





"Ka ngai pawimawh lo ka mamawh lutuk che hi ka puak darh lo chauh, inneih vat ka duh tawh" a rawn ti țuak a, ka hmui bulah a rawn fawp thawi thuak a, ka mur sung sung thei.





"Bawihi" a aw zâwi lutuk leh sexy ru tak bawk si chuan ka thau ah man in ka tha a ti khur dar dar thei nia.





"I țhiannu saw ka pêt chhuak ang tih a hlauhawm" a ti hluk, ka lo nui chhuak hak "ka mut a chhuak tawh, mahse chumi hma chuan eng emaw tal tih phawt ka duh" ti zâwi sup in ka hmui chu a rawn tuai thuak a keimah zawk zawk in ka han fawp hmasa a, duhthawh zet hian min chhang let nghal bawk.





★★★

*Bawihi, Carter-a leh Tlanhlua te chu an la chiah aw, chuan vawiin chu Hospital lamah ka tlang zawk a ngai dawn a chumi zawh ah chuan ka rawn lam ang che* Damian-a message chu ka chhiar a ka nui vur vur bawk. Meeting an nei dawn chiah tih a hnuaiah a chhu leh kulh bawk.





*um..* tih te mai hi ka thawn let ve nghal bawk.





Carter-a leh Tlanhlua Jordian leh u Linda-i thlengin Police in an man vek, chanchinthar group leh tv pawh an luah hneh ngang bawk. Kei erawh chuan engmah hriat zawm ka duh loh avangin ka ngaihsak vak lemlo hriat reng ka duh lo vang a ni bawk.





Room ațanga ka chhuak tur chu ka phone a rawn ri a ka la nghal vat.




"Lora.. i lehkha tur hospital-ah alo thleng a lo lam lawk la a pawinawh hmel rap" Muani chuan a rawn ti hliai.





"Eng lehkha nge i hria em?" Ka ti nghal vat.





"Hrelo, envelop chhungah a awm a i hming a inziak kulh mai ka ka night tel dawn bawk a ka lo dah hman dawn lo a lo lam mai la" a rawn ti a, ka kal tur thu hrilh in phone chu ka titawp nghal bawk.





Damian-a pawh hrilh tawh lemlo chuan ka nu chu ka kalna tur ka hrilh a Scooty ka la khalh theih loh avangin Taxi ka lak mai tur thu ka hrilh bawk.





Eng lehkha tak la ang maw?





Kan vengah taxi a awm mai loh avangin Zarkawt lamah ka chhuk thla a Taxi lo tlan chu ka phar ve hmiah alo remchang hlauh lehghal "ramhlun lamah i kal dawn em?" Țhut luh pah chuan ka ti a.





"Aw.. kal dawn e" a rawn ti a, traffic in min rawn hauh hma in a tlanchhuak nghal bawk.





"Zodina țhiannu kha ini tiraw?" Titu chu ka melh zawk, ka sirah chuan hmannia Damdawiin a Zodina rawn hruai nu hmelțha zet kha alo țhu reng a min hmuh rual chuan min rawn nuih var var a "nangmah maw?" Ka ti ve nghal vat bawk.





"Kan inhmu leh chu ava lawmawm ve" a rawn ti a, keipawh chuan nuih pahin "nia" ka ti ve sep bawk.





"Khawnge i kal dawn?" Ka ti a, a țhutdan a siam rem a.





"In Damdawiinah khan ka kal leh dawn a, ka incheck up a hun leh tawh a nangzawk?" Dam zet hian a rawn ti a, a hmelțha bawk si a nuih hian a hmelțha lehzual.





"Keipawh... ka lehkha tur a thleng daih a ka lam dawn a" ka ti a, alo bu ve nghat bawk.





"Zodina nen in țha zel maw?"





"Um... mahse tunlai chu a sumdawnna a kal tluang vak lo a Shillong lamah tifel turin a chhuk zawk a" a rawn ti a, ka bu nghat "nizanah min rawn hrilh a, nakinah la chhuak ho ila tiraw? Amah pawh ka hmuh lohna a rei tawh" ka ti a, min pawmpui thu alo sawi ve bawk.





Damdawiin kawtah chuan kan ding a pawisa chu ka pe nghal sawk sawk a "ka lo pui ang che" chhuk tum a kawngkhar a hawn rual chuan ka ti vat a, keimah zawk chhuk hmasa in a țhutna chu ka hawng a ka kut a vawn theih nan ka pe bawk a, a dul dawm pah chuan muangchang hian a rawn chhuak a "ka lawm e... motor ațanga chhuk hian a rawn na zawk zel a" a rawn ti nghal zat.





"A pawilo, engah mah ngai suh" ka lo ti ve nghal vat bawk.





"Ehe! Saw chu Zomuansanga a ni lawm ni" a rawn tih rual chuan a sawina lam chu ka hawi ve vat, Damian-a ngei mai chu Damdawiin ațang a rawn chhuak a a hnungah chuan Muankimi a tih khan a rawn hruai bawk a Muankimi lah chu rai ang maiin tlemin a dul a puar ve deuh bawk, a chauh hmel takzet.





"Meeting ka nei dawn a ti sia" ka ti sep, an pahnih rawn chhuak chu ka en reng, Muankimi chu chauh hmel zet hian Damian-a sirah chuan a rawn kal a tlu tur ang mai hian a âwn riai riai a, Damian-a chuan hmui phun in eng emaw a sawi a Muankimi chu a pawm kâng nghal nawlh a nih chu!.





Inring hman lek lo in Rinrini banah chuan ka vuan chawt, a ni pawn ka awmdan hrethiam tih hriat zet hian Damian'n zo zeta Muankimi pawm chunga a pên pâwk pâwk chu a en ve reng a, ka awm chhung hi a tâwt nghal up up a, ka thin a phu rangin ka hriatthiam si loh hlauhna in ka khat bawk.



★ Sual chu sual bawk a thung rulh a țha ngailo.★

💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:58 pm

ADDICTED_TO_YOU 💙 #EP-34 (Łäšţ)

By : Msi_Miluhlulnui 👩
(Hmeichhe Naupang Tereuhtê)



★ Last episode a nihna ang in silent reader pawh fb lam comment chu ka phût vek cheu aw. A story duh khawp lohna lai in neih te leh, sawisel duh in neihna lai te leh thil dang dang te pawh hreh miah lo in a sawi theih reng aw.★ ENJOY💞





"I țha em?" Rinrini chuan min rawn en pah chuan a ti nghal vat, kei erawh chuan a car chhung a Muankimi a pawm lut lai chu ka en reng "lo kal rawh, ka hruai sawn ang che hetiang thil hmuh hi chuan an mahni hlat thei ang berah kal ila a fin thlak zawk" a ti a, ka kutah a rawn vuan a min kalsan pui nghal ka kal ve tawp a ni ber. Damdawiin chhung kan luh dawn chuan ka hawi let hram, chak zeta a tlan chhuak lai chu ka hmu hman țâwk.





"I țha takzet maw Lora?" Damdawiin chhung kan luh hnu chuan a rawn ti leh a, harh chhuak zawk ang mai hian ka thaw nghal kâwk "ka hmusual êm bik lo tiraw?" Ka ti chhuak sep, thil thleng ka mitthla let a, ka awm chhung hi a rawn na nghal ut ut thei khang zawng zawng a tihna chhan kha enge niang, meeting ka nei dawn a ti a mahse rei pawh a nih hma in Damdawiinah ka hmu leh si engmah ka hrethiam tawh lo.





"I hmusual lo mahse ngaihtuahna fîm put tum rawh aw, khang thil i hmuh kha ring mai lo la a chhan chu thil hi a landan ngawt a nih ngailoh vang a ni, a ni pawh khan khatiang kha chhan neiin a ti ngei ang" a rawn ti a, Damdawiin chhung mah nise a thusawi chu keima hriat theih chauh turin a sawi ni berin ka hria, ka tan chuan a zâwi lutuk takzet a ni.





"Engtin nge chutiang thil chu chiang takin i sawi theih zawk? Ah.... Rinrin min hrethiam la ka kal phawt mai ang aw kan inhmu leh dawn nia" ka ti zung zung a min chhan letna pawh ngaithla tawh lemlo chuan rang zet hian lift lam ka pan phei nghal hlawk hlawk, khatianga ka tih kha amah ka huat vang a ni lo khatiang thu awlsam taka a sawichhuak thei kha mak ka tih vang zawk a ni.





Lift chhunga ka luh rual chuan na zet hian thâwk ka la nghal kâwk, Muankimi rai ang maiin a dul a puar a a taksa zawi vek kha Damian'n pawm in a motor-ah a chuan pui a khatiang thil a ti dawn a nih chuan ka hnenah engvangin nge meeting ka nei dawn a tih kher si, meeting ka nei dawn a ti a mahse Damdawiinah raipuar a buaipui leh tho si chupawh Muankimi lehnghal.





Vawiinah a dik zia mipuiin an hria a thil tisual tu a nih loh zia fiah a ni bawk a khawi tv-ah pawh Jordian te ho an lang vek a news group pawh an luah hneh lutuk takzet. Engmah a tilo tih fiah a ni dêk dêk a hmeichhe raipuar a buaipui nghal a ka hnenah dawt sawiin meeting an neih dawn thu a sawi a, aw Lalpa leh! Engtin nge hetiang thil hi a tih theih zawk khawngaihin ka rin ang hi chu ni lul suh se ka ti rilru mawlh mawlh.





Lift bang hit thler chu nghengin ka maimichhing vang vang, tunah hian ka âwm chhung hi a tâwt takzet, a tâwt lutuk takzet a ni a tâwt lutuk hi ka thaw theilo mai dawn ten ka hria, mit ka meng a ka mittui a hnâm tih ka hre chiah, din țhat ka tum rual chuan lift kawngkhar pawh a rawn in hawng a keipawh chu zawi ru zet chungin ka kal chhuak ve nghal bawk.






Muani duty-na lam chu ka pan phei nghal a ka landan chu tih pangngai ka tum lui hram hram bawk, ka mit sen ram a hmuh chuan a chhan min zawt leh chiam mai ang mahse ka chhunglam tâwt lutuk avang hian țah chhuah hawm hawm ka chak takzet a ni. He damdawiinah hian ka thawh loh ațangin thil tam tak an lo ti danglam a Damdawiin chhung thleng pawn Dr. Marina erawh hmun dangah an transfer daih tawh avangin he damdawiinah hi chuan a thawk tawh lo.





"Muan.. ka lo thleng" pangngai zeta ti hliai in Muani bulah chuan ka țhu thla a, min rawn hmuh rual chuan min rawn kuah nghal vat a "iva lo thleng hma leh si ve" a rawn ti nghal vat bawk, rei tâwk fâng min han en a mahse a awm hrang lehnghal engmah min zawt miah lo bawk.






"Kalkawngah kan thang rei vak lo a khawnge lehkha chu?" Ka ti vat, lak vat vat a let leh vat ka duh.





"Ah... englo, Damian-a kha alo kal a i lehkha tur kha chu alo la daih tawh" a thusawi avang chuan ka meng nghal kâwk "ka lehkha tur chu aman alo la daih tawh amaw?" Ka ti nghal vak, ka țawng ring lutuk tih ka hria chutiang chiahin rang zet hian ka hmui a rawn hup a damlo te ka tih hlauhthawn chu a sawi hram bawk.





"Nichin lawk khan a rawn kal alawm a hmanhmawh hmel lutuk a lehkha ka lak lai pawn a sana a bih leh zeuh zeuh zela suit nen thlap a rawn kal mawle. Ka pek rual in biak hman pawh awm lo khawp a chak in a kal chhuak lehnghal a ka en reng ringawt alawm" a rawn tih leh lek phei chuan ka thaw chhuak hak. Hmela mai mai chuh!.





"A nih amah chiahin ami alo kal midang nen an lo kal em?" He zawhna hi ka hlau a ni, chhanna dawn ka hlau mahse chhanna chu ka zawh a ka dawn ngei a ngai bawk si a tin ni. Ka thin a phu rang dup dup a ka chhunglam pawh a hma ai zawng pawn a tâwt tûn thei.





"Enge maw hmeichhia nen an lo kal i rin le amah chauhin a lo kal a hmanhmawh em em mai lehnghal" a rawn ti a min en leh deuh vang vang.





"Tak tak em? Hmeichhia nen an lo kal lo tak tak maw?" Ka ti leh țalh, min melh ram ram a "lo kal chu nise ka hrilh ang che chu amah in alawm alo kal le, hetah i lehkha alo thleng tih nangmah bak ka hrilh lo che a mahse aman a rawn la leh chat bawk sia mak ka tihzia mai chu" a rawn ti ve lehnghal mai a, chu thil aia mak zawk chu hmeichhe a hmu tello zawk chu a ni. Kawtah an inzui chhuak leh tho si? Aw.... ni tak e Muani ka țhiannu tih a hria alawm engvangin nge a hmuh tir duh teh lul ang ni.





"Muan...aman alo lak tawh tho chuan ka kal nghal dawn ania" ka ti a, ka tho uaih tawh chu min pawt țhu leh hnawk. Ka ban na lam ka sawh deuh avang chuan ka ner nghal nâng a "awi tihpalh, ana viau em?" A rawn ti nghal vat bawk.





"Na ve deuh tho, enge min pawh țhut hnawk kher a?" Ka ti a, a nui a mahse a reilo hnai zetah min rawn en leh ka mitah tak mawle "nichin khan engmah ka zawt lo che a ka zawt lo ang che ka ti tak nâ in ka zawt leh tho ang che, i țap tiraw i mit a sen vek" a rawn ti ta chat reng bawk. Ka sawi tawh kha henu hian min hrechiang lutuk ringawt, ka țah chhan hriat duh in a phi leh cheng dawn.





"Țap nang, ka mitah thil a lut a ka rawn nuai phei pah alawm chu zawng chu mi i sawi duh" ka ti a, chiang lutuk tak mai hian min en leh.





"Lora.... min bum theih i inring amaw ni reuh le i țap tih hre hmasa ber țhintu ka nih kha... inthup tum eng ang mah la e... ka lakah chuan i inthup thei chhiava lo ang" a rawn ti a, a sawi dik reng bawk. Muani bulah hi chuan ka inthup thei ngailo amah zawk hian a rawn hre leh chat zel bawk.





"Um... nakinah pangngai deuhin ka hrilh ang che aw tunah chuan engmah ka sawi chak rih lo ka kal dawn ania khawngaihin engmah min zawt rih miah suh" ka ti a, ka ban a vawnna kut chu ka la thla a ka ding nghal uaih "aw.. mahse buaina i tawh chuan min rawn hrilh vat ang che i hria em? Zaninah chuan ka hre duh ngei ngei tawh ania" a rawn ti a, bu nghat in ka kal nghal nal nal.





Lift-ah chuang tawh lo in step-ah chuan ka tlan thla deuh ti tih a, ka hmanhmawh ang reng hle bawk. Ka phone lah alo ri ve chhen a kan en nâk chuan Damian-a a nih avangin chhang lo in ka bag-ah ka khung lehnghal hmiah. Khatiang hmeichhia a buaipui hnuah pawh khan engtin nge min la rawn call ngam zawk le, a meeting neih chu a zo a ni chiang khawp alawm.





Taxi stand lam ka pan phei a, pakhat chiah seat alo âwl tawh avangin ka țhu lut ve nghal vat bawk.





Damian-a te Building kawtah chuan ka ding vâng tawh, ka huphurhna leh ka hlauhna chu a zual tulh tulh. Kha hmeichhia khan a fa paiin lo ngaihsak ta ang nise ni lo, chutiang ngawt a ni theilo mahse engvangin nge ka hnenah meeting nei tur anga insawi in kha hmeichhia kha a buaipui leh si engvang nge nizanah pawh min Hmangaih thu min hrilh reng si a.





Rilru a hlauhthawnna a khat chungin Building chhungah chuan ka pên lut a mitin mai chu an buai in an tlan kual zut zut reng bawk a an thawm pawh chu a țha kher bawk. "Lora" tih a min rawn au tu ka hriat rual chuan ka sir lam chu ka en nghal vat, Jephtha chuan file dum pakhat ken pah hian min lo en reng, keima ka ni ngei tih hre ta âwm ang hrim in ka lam a rawn pan nghal a a hnungah Damian-a a awm leh awm lo ka thlêk nghal zat bawk.





"Ilo kal tur thu Sir in a sawi miah lo" ka bula a rawn din rual chuan a rawn ti nghal thawr, amah chu en chho in ka nuih lui a ka awmdan chu a hriatthiam loh hmel kher lehnghal.





"Aw nia... englo, lo kal tum chiah pawh ka ni lo a Damian-a a awm em?" Ka ti daih.





"A rawn la let lo"





"Maw? Khawi ațang?" Ka ti nghal vat, ka hlauhthawnna a zual tulh tulh, ka au ring nge ni mak tih hmel zet hian min rawn en a ka awmdan chu tih pangngai ka tum lui hram hram mahse avan har si em!.





"Aw... Damdawiinah i lehkha a rawn thlen thu an hrilh a lam turin a kal a ta țang chuan alo la let lo a hrilh lo che mi?" A rawn ti a, thaw chhuak hak in ka bu nghat. Engvanga ka lehkha a lam tur thu min hrilh lo nge a nih?.





"Ugh.. Lora i țha chiah maw?" Min ngaihtuah hmel zet hian Jephtha chuan a rawn ti a chîk zet hian min en bawk. Ni e, ka landanah hi chuan ka țha lo tawp ang mahse amah chu ka nuih lui hram hram a ka awmdan chu a hreawm tih phak bak a ni.





"Meeting a nei dawn amaw ka tia" a tawp lam chu a ri deuh chang chang, kha aia tam thu sawi ila chu a ri chhuak tawh lo ang. Ka kawchhung hi a ipik țûn a ka âwmah hian min hnawh țûn mai.





"Neih chu nei dawn a mahse i lehkha a rawn thleng tih an hrilh khan meeting cancel turin min ti a a hrilh miah lo che chu avan mak ve. Muankimi kha a hruai tel bawk a" a rawn ti leh lek phei chuan ka bing nghal mup mup, engkim chu a reh nghal vek ni maiin ka hria ka kut chu ka hûm ruh ngar ngar. Ka rin ang ngeiin thil a thleng ta chat mai le engtin nge ka dawnsawn ang, dawnsawn dan tur ka thiam lo takzet.





"Nang hi i țha miah lo tak tak" Jephtha bawk chuan a rawn ti leh, ka mittui a rawn hnai nghal kuar nia mawle.





"Ka țha lawm, ka kal ang aw ka lehkha tur alo la tawh tho a ka lo kal tih pawh hrilh kher suh aw a buai thei si" pangngai zetin ka ti a, ka hmel a hmuh chu ka hlau na ngang bawk. "A nih ka lo thlah dawn che mi niang?" A rawn ti leh, 'aih' tih nan ka lu ka thing ringawt a engmah sawi zawm tawh lo chuan chak zetin ka chhuak nghal nal nal.





Pawn boruak chu ka hîp lut nghal kâwk! Ka mittui rawn tling khat vek chuan ka khawhmuh a ti phê ruai, ka âwm chhung tâwt lutuk avang chuan boruak ka hîp lut zui nghal kâwk kâwk. Hetiang thil hi vawikhat mah a tih ka ring chhin ngailo ka tan a inpe em em a mahse tunah khatiang khan a ti leh si, engtin... engtin nge khatiang khan a tih theih zawk.





Ka țah chhuah hawk ka hlauh avangin ka hmui chu ka hup a, kawngpui lam pan chuan ka kal phei nghal nal nal. Taxi rawn tlan chu ka phar ve tawp rang zet hian kawngkhar chu hawng in ka lut a "khawi lamah nge i kal dawn?" Driver chuan a rawn ti nghal a kei erawh ka kûn tlat.





"Lo tlan tawp rih phawt mai rawh" ka ti ringawt a, kûn hniam in ka kut pahnih in ka hmai chu ka hup a, a ri lo chuan ka țap nghal hawm hawm.





"Nula... i phone kha a ri reng ania i țha maw?" Driver chuan a rawn ti a "țha e" tih ringawt in ka chhang. Ka phone chu ka en a, Maria-i alo nih avang chuan pick up in phone chu muangchangin ka bengah chuan ka nghat a "Lora... Station ațang ka chhuak chiah a, ilo chhuak tawh em?" Maria-i chuan a rawn ti lûng lûng. Vawiin hian Station-ah finfiahna atan a thusawi kha an mamawh dawn avangin a kal tak e, chuan chhuak dun tur pawh kan ni.





"Um... taxi-ah ka awm mek" pangngai taka țawng tum mah ila ka aw chu a țial ruak thei. "Aw... mahse i aw a dik lo i țap a ni maw?" Chat mai a.





"Maria engtin nge ka tih ang tih ber tur pawh ka hrelo ka hlauthawng lutuk" ka ti țiau a, ka mittui chu a rawn luang thla lehnghal bawk.





"Engtin nge i awm Lora? Khawnge i awm tunah? E nilo, Station-ah lo kal rawh ka la awm ka lo nghak ang che" a rawn ti zung zung, ka țah tawh hi chuan henu pawh hi a mangang ve vek zel.





"Ka pu khawngaihin vaivakawn Police Station lamah min lo tlan sak aw" ka ti a, seat hma ah chuan ka lu nghatin ka thaw chhuak nghal ham ham, ka mittui bawk a rawn luang thla leh "i chungah hian enge maw thleng ta le?" Zâwi te in ka phun sep, zawi te tak tak in a ni ka phun ni.





Damian-a message chu ka en vang vang "Tinge ka call i chhan loh? Khawnge i awm?" Tih hi alo ni a, chhang let lo chuan ka hmet thim hmak.





"Keipawn khawiah nge i awm tih ka hre chak takzet asin, kha hmeichhe bulah kha chuan i awm loh hram ka beisei"





Station kawtah chuan a ding a pawisa chu ka pe a, ka chhuak nghal bawk, luhna tur bulah chuan Maria-i chu alo kal kual chhen "Maria" ka ti sep, rang zet hian a rawn hawi nghal dâwrh a, ka lam pan in a rawn kal nghal bawk. Mahse... a hnunga mipa awm ka hmuh rual chuan ka tawlh hnung nghal dat, enge hetah hian a tih ve le?.





"I țha em? I biang te i mit te a sen vek alawm" ka bul a rawn thlen chuan Maria-i chuan a rawn ti nghal vat, kan lam pan a rawn kal mipa ke pên chu ka en reng, ka thin a phu rang dup dup nângin ka haw lutuk takzet a ni.





"Bawihi" ka bul mai ah a ding tawh, ka taksa chu a khur ru dar dar, a hmel pawisawi lo hmel anga lang chu ka en vang vang ti hian hmeichhe dang a buaipui hnuah hetah alo awm leh a, engmah thleng lo ang maiin hetah alo awm leh a hmeichhe buaipui pawh raipuar a ni. Ka hmuh lai ngeiin a pawm a Damdawiin kawtah khan mi an tlem âwm tehreng nen min hmu ve reng âwm si a Muankimi nen ka lehkha an la dawn tih pawh min hrilh lo bawk a, ka thil ngaihtuah avang chuan hun lo lutuk in ka mittui a rawn luang zung zung.





"sh*t! Bawihi" ti hluk a min rawn kuah a tum chu ka lo tawlhsawn leh dâwrh, Maria-i nen chuan a ngaihna hrelo zet hian min en ve ve "min rawn khawih suh, a tawh pawh min tawk suh ka hmu duh lo che ka hua che" ka ti țiau, kan bula mi kal vel te pawh kan lam an rawn hawi țhup.





"Lora... enge maw i sawi awmzia le?" Maria-i a ni.





"Bawihi, i chungah enge thleng sawi rawh!?" A rawn ti deuh hrâwih, min rawn ban leh a tum chu a kut ka lo vai thlak sap pawp, a hrilhhai hmel lutuk leh a mangang hmel ka en chu ka inchhir ngawih ngawih. Hetiang chiah hi Muankimi tlu tur a dawm rual khan a hmelah a lang chhuak ve.





"Ka hua che, khawih pawh min khawih tum tawh suh i hria em ka haw lutuk che" ti tuarh in ka inher a khawnge ka kal dawn pawh ka hrelo, hmalam pan chuan ka pên nghal hmawk hmawk ka mittui luang chu ka hru leh tâwk! Engtin nge khatiang thil a tih hnuah pawh ka hmuh ah alo in lan in engmah thleng lo anga ala awm theih zawk le.





"Ding rawh ka tih chu!" Aw vîn tuarh ri ka hriat rual chuan keimah chu ka in her nghal nawk, hahdamna famkim ka hmuhna țhin, a âwm a thlamuang taka ka beina țhin ah chuan min kuah bet nghal chawt! Hetiang hian Muankimi pawh a ti dawn tih ka ngaihtuah chhuah rual chuan ka tal nghal nawk nawk.





"Che tawh suh Bawihi, ennawm siam i duh loh chuan che tawh suh kawng kal lai zawng zawng in tunah hian hmuhnawm thlir in min thlir mek" a aw chu a nêm hran lo, a khauh fur a mahse hetiang ringawt hi chuan ka awm theilo ka nêm lehnghal vek mai ang "min thlah rawh!" Sehchilh zeta tih nawk pah chuan ka tal leh nghek, chumi rual chuan chet la ve nghal zat in nghet zetin min kuah a ka chhipah a rawn fawp zui tâwk! Ka zâwi nghal riai riai thei, ka mittui pawh a luang thla lehnghal zat.





"Rawn lut vat rawh u" Maria-i aw ka hriat rual chuan ka kâng zui nghal nawlh, ka tal nghek rual chuan car seat-ah min nghat fel leh der tawh ka țhutna lam kawngkhar chu a rawn khar a "min chhuah tir rawh khawngaihin i bulah ka awm duh lo, ka hua che ka ten che" ka ti vak a, kawngkhar chu ka nem dawt, hawn ka tum a mahse a inhawng theilo, car glass te chu a thim vek bawk si ka hlau ru takzet.





Lehlamah chuan ka tawlh phei nghal vat, Maria-i chu enge maw hrilh zeuhin hnunglamah chuan a rawn lut ve nghal, a rawn luh rual chuan ka țhutna lamah bawk ka phei leh dâwrh a, rum mang kheng hian mittui kar ațangin ka melh, amah zawk a rawn rûm chhuak hrâwih.





"Hmela, min chhuah tir rawh! Min chhuah tir rawh ka tih chu...." ka ti nghal tuarh, ka țap chhuak leh thei mai dawn in ka hria.





"Engvanga hetianga awm hi nge inih Bawihi" zâwi zet hian a rawn phun sup.





"Hetianga ka awm chhan maw? I hre zawk ang chu... dawt min hrilh in hmeichhe dang nen in chhuak a i meeting chu i hlen țha khawp mai tenawm lutuk!" Sehchilh zet hian ka ti chhuak nawk nawk.





"Tenawm!" A ti hluk, a rawn awm hnai a ka lo tawlh ve zel "min khawih suh" ka sawi zo chiah, ka khel ah a rawn dawm a ka kâng nghal awk. Tal nghek ka tum rual chuan a malchungah min nghat thla fel der "ka khawih ang che bawihi, a chhan pawh ka ta chiah inih vang a ni, chuan engvanga tenawm tih țawngkam kha mang nge inih?" A ti nghut, a aw a nêlawm loh. Engvanga ka lakah hian thinrim zawk nge maw a nih hrep ni.





"Ka hman chhan chu i hre chiang na ngang ang chu, nangnena inbiak hi ka peih lo ka haw che ka haw ngawih ngawih che" ka ti leh hlak, ka thusawi avang chuan ala nui suk lehnghal nuihzatthlak thlak pakhat mah ka sawi lo.





"I duh duh min sawi khum thei ang Bawihi, mahse kei erawh chuan i mittui tlak chhan hi ka hre duh a ni. Sawi rawh engvanga țap nge inih?" Thutak deuh zawk hian a rawn ti a, ka melh rawm rawm "ka țah chhan lehzel i hriat ve na tur a awm lo, hre chiang zawk tur ini mahse khatiang hmel pawisawi lo leh engmah thleng lo anga awm thei mihring hnenah hian engmah ka sawi lo ang" ka ti ve ngat, a malchung ațanga chhuk ka tum rual chuan ka khelah bawk a rawn dawm leh a âwm si chêt chuan min hnûkhnai hrâwk.





"Bawihi, i sawi loh chuan engtin nge i mittui ka hrukfai theih ang. Chutiang chiahin i thusawi hi pakhat mah ka hrethiam lo bawk tenawm tih țawngkam i hman chhan pawh kha min hrilh rawh" a rawn ti deuh nghut.





"A țha e... engtin nge khatiang thil a thleng tawh chung pawn ka hmuh ah engmah thleng lo ang in engtin nge ila awm theih zawk? Mawh?... Muankimi rai i pawm a, a tlu tur kha mangan hmel zetin i en a i pawm a i hruai bawk. Ka lehkha la turin Muankimi nen ngat in kal dawn tih pawh min hrilh lo a engtin nge khatiang thil kha itih theih zawk?" Ka ti nghal țhat, ka thusawi duh ka sawi chhuak thiam țha mang lo.





Ka rin loh deuhin a hmel a danglam kan rin nen a nui suk a nih chu!.





"Min lo hmu reng a chuan i thîk tihna em ni?" A nui pah a nih chu, he mihring hi a nui pah a nih chu. Rapthlak hian.





"A țha e, nui liam vel mai mai rawh i ngai ho bawk mahse kei chu nang ang lo tak ka ni ve thung. I duh chuan khanu bulah khan va awm rawh, kal rawh" ka ti nghal vak, a rawn nui chhuak hawk hawk. Rûm nghat a tawlh thlak ka tum rual chuan ka kawngah bawk rawn vuan leh in a kut lehlam chuan ka nghawng hnunglamah a rawn dawm nghal zat.





"Muankimi kha chu ka pui mai chauh a ni, a bak engmah a awm lo ka office-ah a rawn kal..." a sawi zawh hma hma chuan "tunge insawifiah rawh ti che min thlah rawh!" Ka lo ti nghal hmak, a nui kiai nghal suk a nih chu! Engtin nge he mihring hi heng thil thlen hnuah pawh ala nuih theih zawk??.





"Keiman... chuan nangpawn i ngaithla duh tih ka hria, ka sawi dik a ni tiraw?" Min nuih suk pah a a rawn tih rual chuan ka lo melh nghal rawm rawm, ka biangah chuan a rawn fawp zeuh a "min hnial lo in ka thusawi hi ngun takin lo ngaithla la Bawihi, sual pâk vel kha ka peih lo ania" a rawn ti nghal sup bawk.





Ka țang țûng ka inthlah dul riai riai tih a hriat rual chuan min en pah hian nalh zet hian a nui lehnghal suk bawk.





"Muankimi kha a rai a, a fa paina pa in a duh loh avangin ka bulah a rawn kal a..." a sawi zawh hma hma chuan ka lo țawng khalh leh




"Va buaipui law law rawh"





"Amak țhin Bawihi, suak pak a hun lo ka tih kha ka thusawi ngaithla zo ve phawt țhin rawh" a rawn ti dam thlup a, ka thaw chhuak hak.





"A fa paina pa in a duh lo a, unaupa anga min ngaiin ka bulah a rawn kal a a rawn insawi thawl ve bawk. Inhmuh loh kar in alo cher em em a nau a pai a mahse eitur țha a ei ngailo a rilru a hah zia a hmelah a lang chiang bawk. I lehkha damdawiin lamah a thleng tih an sawi khan a lo thawntu ka hriat avanga kal ka ni reng bawk. Khami rual khan in check up ve nghal se ka duh a lehkha ka lak chhungin Thomas-a alo hmu bawk.





Thisen a neih tlem thu an sawi a, thil a ei mumal loh thu an sawi bawk. A fa paina pa min hrilh duh miau loh avangin biak pawh theihna pakhat mah ka hrelo. Damdawiin kawtah kha chuan a taksa a chauh thut avanga tlu a nih avangin ka pawm a, in lam ka pan pui mahse Hospital lamah bawk kan let leh a tunah ICU-ah a awm mek bawk. A nau pai saw a chhiat ang tih pawh a sawi theih loh" a rawn ti a, a thusawi chu ngun takin ka lo ngaithla kar sawi belh ve tur reng ka hrelo ka thiamlo hulhual a ni.





"Chuan... engmah hrelo in ilo thîk a, i mittui alo tla bawk a Bawihi, thil hriatchian lo i neih chuan min zawt hmasa turin ka hrilh țhin che kha" a aw ri chhuak ah chuan nuihzatna leh thinrimna a inpawlh nuk ni berin ka hria.





"Ngaihtuah ta che, nangpawh khatiang khan mipa dang nen awm dun ta ila i thîk ve tho ang. Engkim min rawn hrilh hmasa ni lang chuan ka țap miah lo ang, ka rilru na lutuk leh ka awm chhung tâwt lutuk hreawm zia kha i hrethiam pha kher lo ang. Ka hlau a, thil hriat te kha ka huphurh ngawih ngawih asin... nang lah chuan min ti hah em em tih i hre tawp si lo" ka ti a, hahdam ta huai ang hian a rawn thaw chhuak ham ham.





"Ka tihpalh, lehkha kha ilo lak hman ka hlauh avanga engmah hrilh lo che ka ni"





"Eng lehkha nge?"





"Umm... Jordian hnena rawn thleng a ni, a landanah chuan i hre tawh Gloria-i thihna chungchang kha a ni. Maria-i ka lo sawipui a nang lah țap purin i rawn kal a tenawm min ti bawk a min ti mangan hma zia kha i hria em?" A rawn ti ve nghut a, a âwm ah chuan min kuah bet nghal vang vang.





"Ka tihpalh, thil engmah hriatchian ka tum hmasa lo a" ka ti sep.





"Um... a dawt leh ah chuan thil engpawh hriatchian hmasak tum țhin tur, rinhlelhna avanga in zawh duh loh ang te kha a awm tur a ni lo, tin nupa kan nih hnuah phei chuan mipa dang han hnaih vaih la chu maw... kha mihring kha ka khawih nghal ang" a rawn ti deuh hrâwih a.





"Nupa nih hun maw?" Ka lo ti ve sep.





"Um... zaninah palai ka rawn tir dawn" ka âng phâm mai.



★★★ (ka buai tir vak lo mai ang, Damian-a tal buai lai vel ziah duh viau mah ila ka hun in min daih tawh lo, ka ziah chuan a tawp thei dawnlo tlat😅)




Naktuk tuk leh hi kan inneih ni a ni tawh, ka zâm ru viau nângin ka phur tawh bawk, a inchen vel ang. Kei ai mahin ka țhiante leh Damian-a an phur zawk.





Niminah jail-ah Jordian te ho kan va tlawh a mak tak maiin pangngai takin thil min lo sawipui vek, a lem nge ka hrelo an inthlak danglam chak hlawm takzet u Linda-i phei chu hmuh theih khawpin a taksa a chak lo in a chau bawk. Mahse an thil tih ngaihtuah lêt chuan heng thil hi chu nêp tê a la ni.





Hun hreawm tak tak a thleng a, harsatna tam tak kan tawk bawk. Mahse Pathianin min veng zel a tun hun hi min hruai thleng ta a ni, misual chu eng ang pawn inthup in lang lo in sual mahse hai chhuah an ni tho țhin. Tuna tang ho pawh hi an thil tih ngaihtuah chuan heng hi chu nêp tak ala ni mahse thih hnu piah lam ram thleng pawn hreawm nasa tak an la tuar ngei ang. Chuan, Remzuali thlarau pawh hahdam takin a chawl thei tawh ngei ang.





"Lora.... Zodina leh Rinrini an lo kal a" room-a ka awm lai chuan Maria-i chuan a rawn ti a, rawn luh tir turin kalo ti nghal vat bawk.





"Aw... kha iva buai hmel ve" Rinrini aw ka hriat rual chuan ka hawi phei nghal vat a, a hmel chu hmanni ai khan hmuh a nuam zawk make up tlem a hmang ve a a inhmeh leh zual "buai vak lo, lo lut rawh kha... ivan dam tawh hmel ve" ka ti a, a rawn lut a.





"Pathian khawngaihna zarah ka țha ve zel e, ka lo tihpui ang che" a rawn ti a, ka hnial lem lo ka thil tih lai chu min rawn tihpui ve nghal a "khawnge Zodina?" Ka lo ti vat.





"Imm... kan rawn luh rualin ipa in alo ko pêng nghal a" a ti a, ka nui chhuak hak bawk.





"Hmanni a in buaina Damian'n min hrilh a, Damdawiin vela thil thleng chungchang kha.. Lora heng thil hi i hnena sawi thei turin dikna ka neilo tih ka hria mahse hria la ka duh che a ni. Thil hi maw... kan hmuh leh hriat ang ngawt hi an ni țhin ngailo" a rawn ti a, amah chu ka en a amah ah hian zirtur tam tak ka neiin ka inhria.





"Engtin nge kha thu kha awlsam leh inringtawk takin i sawi theih țhin le?" Ka ti ringawt, a rawn nui a.





"A chhan chu Lora, ka paltlang hnem ve tawk tawh alawm nang aia nasa daih hi ka paltlang tawh ang khatiang kha chu ka tan chuan thil thar a ni tawh lo. I hria em? I hmangaih a a ni pawn a hmangaih che a nih chuan ringhlel ngai suh ang che nangmah leh nangmah i in ti hah mai mai. Hmanni a thilthleng te kha.. ah, in pahnih inkar a ni a ka lo sawi ve tur pawh a awm kher lo ang mahse heihi hria la ka duh, nupa in ni tawh dawn a, engkim in nupa in inkar a nih chuan fiah hmasak tum phawt țhin ula thudik hriat tum ula a chhan chu thil hi kan hmuh leh hriat ang ngawt a ni ngailo, in tum loh chuan in pahnih in in tina tawn mai mai ang keipawh tun thlengin ka lo fiah hmasa ngailo kha ka la inchhir reng asin mahse a sâwt tawh lo" a rawn ti a, a nunhlui a ngaihtuah kir leh a ni ngei ang a mittui tling chu ka hmuh hmaih hauh lo.





"I țha em?" Ka ti let ve ta zawk, kan pahnih boruak chu a ni deuh up up mai "ka țha lawm... Jeremy ka lo ngaihtuah a hetiang hian Zodina bulah ka awm tih min hrilh sak lo hram rawh aw a hriat chuan a rilru a hah leh dawn lutuk a" mahni in thunun tum zet hian a rawn ti a, a nui lui kher bawk.





"I chanchin eng emaw tal min hrilh ve la" pangpar khawih mawlh mawlh pah chuan ka ti a, a hmelțha zet chu ka en leh vang vang phawt, hetiang em em a hmeichhe hmelțha hi ka hmuh ngai âwm pawh ka hrelo.





"Um.. sawi dawn chuan sawi tur a tam lutuk a nakinah kimchang deuhin ka la hrilh zawk ang che, chuan Lora ka sawi kha hre reng rawh aw kei ang hian tisual ve suh in pahnih in in ngaithla tawn ula in in ti thiamlo a nih pawn ngawi zawk emaw ngaihdam dil tu nih hmasak zawk tum hram hram tur. Hmangaihna inkara thil thleng reng reng thil thleng ka tih khan buaina a ni ber ang chu, fiah hmasa lo in thinrimna avangin thu kaltlangpui ngawt suh u aw, rilru hmun khat, thinlung hmun khat in put a ngai chuti lo chu thinlung ser reh theilo in insiam mai ang, hmanni a thil thleng pawh ka sawi tur a awm lo nângin mahse zawt fiah hmasa ni lang chuan i ngaihtuahna țha lo zet ang khan i awm tlang anga tun hun hi in thleng lo tawp ang. A hmangaih lutuk che tih ka hria ania, thlah tum mah la nangpawn i theilo ang " a ti a, a tawp lamah chuan a rawn nuih sêih bawk.





"I pasal chu i ngai thei ngawt ang" kan ti thla ve rawk, a rawn nui a mahse a mitmengah erawh chuan khawharna thûk tak ka hmu thei.





"Ka pasal a ni hleinem kan la innei hman lo, ka ngai țhin tih phak bak a ni ka ngaih zia hi sawifiah ngaihna pawh ka hre ngailo a chang chuan a bula kal ve daih te ka chak țhin. Engmah ka lo sawifiah pui hmasa ngailo leh ka ngaihdana ka lo kal țhin ringawt te kha tun hnuah hian ka inchhir ngawih ngawih asin mahse a sawt tawh tawp si lo amah ah hahdamna tam tak ka hmu țhin rin phak bak hahdamna ka nei țhin mahse ka lakah hahdamna pawh hmu ve hman lo in min kalsan a, ka Hmangaih thu ka hrilh ve hman chauh bawk a...." a ti a, a ngawi leh vang vang a kut chu nghet zetin a hûm a maimichhing chungin thâwk ala vang vang bawk.





"Mahse.... a ni chuan hlim taka awm turin min duh reng a chuvangin Zodina hi ka tan a rawn tir a ni ngei ang. A ni chuan engtik lai pawhin min hrethiam reng a Jeremy ngai a ka lo țah chang pawn min hrethiam takin min awmpui reng a, thil tam tak min sawipui țhin keipawn amah ah rilru ka pe ve tial tial bawk. Jeremy chu ka thinlungah a cham reng, ka theihnghilh thei dawn lo tih ka hria mahse ka dam chhung chuan ka hmu tawh dawn lo hmalam pan a kê pên zir ka ngai a ka nihna engkim pawm a min pui turin amah pawn Zodina hi a rawn tir a ni ngei ngei ang" a ti a, a tawp lamah chuan a nui leh bawk.





A nunah enge a tawn ka hriatpui lo mahse hmalam pan a tum tlat hi ka fak takzet a ni. Thu tam sawi lo mahse min chah chu a sawi chiang em em thung bawk, ka hmangaih a nih chuan ringhlel nghal mai lovin ka fiah phawt tur a ni.





"In titi tui viau a chu monu induh-i chu ka lo be ve ang chu, a bialpa thîk thu chhe zet kha a awm êm lo maw?" Zodina aw ri kan hriat rual chuan kan pahnih chuan kawngkhar lam chu kan hawi phei nghal a "hmela, chimawm suh" ka ti nghal hlak bawk.





"Tak tak an a, enge in sawi a?" Tih pahin a rawn phei a, Rinrini bulah chuan ding in a chhipah chuan a fawh sak zeuh a ka lo ner nâng "mipa hriat ve chi loh, hrim hrim in ka awm ve reng a khatiang tih kha a țullo aw" ka ti hlar a, a nui chhuak hawk.





"Ka lo ti ve ang che, mahse i bialpa alo kal chuan ka khabe thlawn khawpin min hnek leh palh ang tih ka hlau" a nui zui huah huah, ava ngeiawm tak aw hepa hi chu.





"Ilo biak avang ringawt pawh khan ka hnek hreh lo che nia" rawn ti nghut ri ka hriat rual chuan ka bulah hian pangtilum ka hre nghal zat, tunge tih hrilh ka ngailo "min la thîk reng a nih hi min thîk ve reng reng chu avan lawmawm tak" ngaipawimawh lo zeta Zodina bawkin a tih leh chuan Damian-a chu a rûm chhuak nghut a Rinrini nen chuan kan lo nui khur char char bawk.





"Kan lo va chhuak ang aw midang kan lo va pui ang Zomuansanga hian sawiduh a neih hmel emai" Rinrini chuan a rawn ti a Damian-a chu a en chho deuh kher bawk a pakhat lah in alo ngaithei lo nasa "tawi khawmuang lo khan chhuak vat mai ula" alo ti hluk a, an pahnih chuan nuih ruh ruh pah hian an chhuak ve mai bawk.





"Kawngka ka khar ania, ka kalh nghal dawn em?" Zodina chuan chimawm zet hian an chhuah dawn chuan a rawn ti leh kher "chhuak vat mai teh" alo ti hluk a, ka nui chhuak hak bawk.





"Bawihi, khapa hmuh a nuih ziah pawh kha a țul tei vet lo khatiang khan han ti leh teh se a awmna hmun khawilai pawh nise Biakin pawh nise ka hnek hreh tawh lo ang" a rawn ti nghut, a lam chu ka hawi a a hmel lah chu ala thutak em em mai lehnghal.





"Em em lutuk a che aw... ka țhian ania ka nuih ve loh in min kawm duh tawh lo anga sin" ka ti a, a rûm nghut.





"A pawi tawp lo" a rawn ti nih chu! Thinrim ah pawh a lak theih loh ka nui chhuak hak.





"Tah lo țhu teh" tih pah in khumah ka pawt țhu a, mahse amah zawkin min chawi kang nawlh in a malchungah amah en theih turin min siam rem a ka kawngah chuan inti neitu zet hian a vuan nghal chat bawk a tumah an awm tawp si lo.





"Ka mitah min en la" ka ti a, hnai zetah hian min rawn en a ka nui nghal hak.





"Nuih tam hi hriselna ania chuan a bulah nui rawh chumi bulah chuan nui suh in tih theih pawh a ni lo, Zodina bula ka nui ve i thîk lehzel te chuan ka tan a nuam lo a chhan chu duh duh hunah ka inthlak danglam ngawt theilo a tin ni. Eng ang pawn mipa emaw hmeichhe bulah pawh lo nui mah ila ka thinlungah chuan nangmah chauh i awm a chiang em? An ni ka nuih leh nangmah ka nuih che chu a inang lo, chuvang chuan thîk tawh lo la" ka ti a, a thaw hawk.





"A theih bik si loh a nih hi" a rawn ti hluk a, ava han buaithlak tak!.





"A nih chuan tûm reng turin min duh tihna em ni?" Ka ti a, a lu a thing vut.





"Nilo, chutiang lam ka sawilo. Kha mihring kha ka thîk tih i hria, mipa dang bulah chuan nui mah la pawi ka ti lo thîk en ah pawh ka en hlawm lo, mahse kha mihring erawh alo chhuahpui tawh avang che khan ka thîk hrim hrim, a bula i nui ka hmuh phei chuan khawnvartui a lighter thlak thlak a rawn alh nghal pup ang vel ka ni nghal ziah, chimawm thiam lêk lûk ropui si" a rawn ti a, ka nui chhuak nghal hak a thîkna țawngkam han duhawm dan hi!.





"Um... helam hi chu sawi tawh lo ang enge Muankimi chu a an?" Ka ti a, a rawn thaw chhuak deuh ham ham a ka biangah a rawn nul zeuh. Nau a chhiat lo mahse a taksa tih chak nan damdawi inah ala awm reng thung.





"A zia ve zel, amah pawn thil a ei țha a naute pawh a hrisel țha e. A fa paina pa nichin ka va tlawh khan a rawn kal a buaina a siam ni ngei tur a ni. A landan chuan an fa hi thah a tum niin a lang" a rawn ti a "oh!" Ka lo ti ringawt, ava rapthlak tak! Mahni ril a rah ngei thah han tum mai chuh!





"Hetiang hun kan thlen hi i ring ve chhin tawh ngai reng reng em?" Ka ti leh sep.





"Um... ka Hmangaih che tih ka inhriat ațang tawh khan tun hun hi kan thleng dawn tih ka hre tawh kan pahnih hian eng emaw tak kan la nih ngei pawh ka ring, ka inkhawm khat avang hian țawngțai khatah min ngai ngawt lo la hun ka neih chuan ka inkhawm ziah ka hmaih ngailo, chuan kan pahnih inkar hi a țhat zel theih nan leh keima nupui chauh inih theih nan Pathian hnenah dilin ka thlen ziah țhin alawm, Pathian zarah harsatna tam tak tawk mah ila hlim takin kan awm thei a, a lawmawm takzet a ni, chuan ka nghak rei bawk a ka nghei tawh lo ang" A rawn ti a, keipawh chuan ka lo pawmpui ve ngang bawk.





"A nih chuan, zaninah dar 10 velah biakinah kal ila lawmthu sawi țawngțaina nei ila Jordian te, Carter-a te leh Tlanhlua u Linda-i te tan thleng pawn kan țawngțai sak anga um... i duh em?" Ka ti a, ka hmuiah chuan a rawn fawp zeuh.





"Rilru țha leh lutuk mai, kan kal dawn nia keipawn sawi ka lo tum hrim hrim a mahse jail bang zût ho tan erawh sawi sak ka tum lo. Mahse i sawi avangin ka tih chu a ngai ngei ang" a rawn ti sup a, a hmuiah chuan fawpin lawmthu ka hrilh nghal zat bawk.





"Aw... mo kawr en tura kan chhuah hma in eng emaw ti lawk ang hmiang" tiin ka inrin hma in khumah chuan min leh thal a ka chungah chuan a rawn innem khalh nghal rûn bawk.





"Midang an rawn lut ang e" ka hmui bulah a rawn thaw lum ham ham, ka taksa chu a danglam lehnghal ti tih der tawh.





"One chiah" a rawn ti țuak, hnuai lam chuan min rawn nawr salh a ka maimichhing nghal châwih bawk.





"One chiah a ni mai, duration 15 minutes" a rawn tih rual chuan ka nui chhuak hak a, ka hmui hnuailam chu rawn pet in duhthawh zet hian min fawp nghal tawn tawn a, ka kawr chhungah zen lut in a kut lawngin bra chhanah ka hnute chu a hup zui nghal chat bawk.



★★★

Ka hmaa ka pasal hmelțha zet leh hlim tih hriat ngawih ngawih a a nui deuh suk suk zel chu ka en ngawih ngawih. Ka kut chu a thlah leh tawh ngai dawn lo tih hriat ngawih ngawih hian nghet zetin a hûm a mipui tam tak hmaah ding mah ila kan pahnih inkara thil awm hi chu tu mihring mah hian an hrethiam pha kher lo ang.





A thusawi lai reng chuan ka lo en reng, inringtawk tih hriat ngawih ngawih hian a sawi a, a thusawi chu a hlen ngei dawn tih keimah ka inhriatchian tluk zetin ka hrechiang bawk. Keiin thu ka sawi ve lai chuan min en reng in a nalh zet hian a nui leh suk suk zel a hmui phun chuan 'ka hmangaih lutuk che' a rawn ti sup bawk. Chu erawh kan Pastor pawh hian a hre pha hauh lo ang mahse kei chuan ka thinlung hian alo hre chat miau a ni. Min Hmangaih a keipawn ka Hmangaih.


rps20201004_224414.jpg
rps20201004_224414.jpg (44.66 KiB) Viewed 2565 times

7


"I kawr kha rit iti tawh em? Kan thlak tawh mai dawn em ni?" Thla kan lak lai chuan ka beng bulah chuan a rawn ti a, amah chu ka en chho a chutih lai tak chuan ka hmuiah a rawn fawp a thla an la nghal chuai chuai a a hmui dek reng chung chuan ka nui tawp.





"Ka hlim lutuk a a rit tih pawh ka hre chang tawh lo, lunngai suh heng hi chu engmah a ni lo" ka ti a, ka chal ah chuan a rawn tauh nghal dat, ka lo nuih var var ringawt.





"I sexy lutuk, i duhawm bawk tunah hian phelh ruah vek mai che ka duh tawh" ka beng bulah bawk chuan a rawn ti leh, ka nghawng a rawn tawk zauh bawk a ka mur nghal ar ar thei "saw i nu alo kal" ka tih rual chuan a awm hrang nghal deuh vut a mahse tumah an lo kal tawp si lo "zanah i hre khawp ang" a ramw ti hluk a ka nuih a za tawh lo chiang kher asin aw....





Keiin țhian ah Maria-i ka hmang a Damian-a erawh chuan Lorenzo a hmang thung. Jephtha erawh a unaupa ang chiah a a en thu a sawi bawk.





Damian-a thawpui țhenkhat ramdang ami Mr. Armando thlengin an rawn tel vek a, after party buatsaih tu pawh Mr. Armando a ni, kei erawh ka țhiante Maria-i, Tei, Remremi leh Muani te nen ka mo kawr room-ah kan lo thlak thung. An pali leh keimah tiam pawn phelh har tak a ni.





"Kei chu pasal ka neih dawnah chuan hetiang em em a phelh har hi ka ha ve lo ang" Tei chuan a rawn ti nui nui a, keipawh a phelhna lamah ka hah vek ti nia mawle.





"Maria lo chhuak lawk ula kan indaih lo țep min lo pui lawk" Jephtha chuan a rawn ti a, an rawn let vat tur thu sawiin an chhuak daih bawk. Kei erawh khumah țhu in ka pheikhawk bun sang zet chu ka lo phelh a ka ke a kham țhûm tih ka hre ve chiah, ka sawi ang khan ka hlim leh lawm lutuk avangin heng ka ke te thleng pawh hian ka hrechang tawh lo.





"Ka lo hmet ang" ti sup tu ka hriat rual chuan kut phah lum zet hian ka ke rêk chu a rawn vuan nghal a ka lo nui nghal hak bawk.





"I chau viau em?" A rawn ti a, ka lu ka thing vat.





"Chau em em hran lo ka chauh ka rin teh lul nen mahse i hlim hmel, ka nu leh pa, ka nau i nu leh i pa leh ka țhiante leh mi lo kal zawng zawng hlim hmel ka hmuh khan ka chauh pawh ka hre lo mahse tunah hi chuan tlem in ka mut a chhuak ve deuh"





"Zanin chuan mut chhuak tih țawngkam kha hriat ka duh miah lo ania" a rawn ti nghut, ka nui chhuak hak a mahse a kut in ka mal a rawn thlen rual chuan ka maimichhing nghal chawt. Ka thâwk a rang nghal vek thei.





"Party hi ti tawp vat teh ang" ti hluk in a rawn kunhniam a duhthawh zet hian min rawn fawp nghal tawn tawn bawk.





A hmaa kan kalna intê lam pan in kan tlan mek, kan kal lam te chuan ka muthlu zeuh zeuh in ka hria. Damian-a lah chuan ka mutthluk a phallo nasa... amah ang lo takin min be char char a nih chu a tawpah phei chuan a phun hluk a ka nui ta ringawt.





"I inthlak hma in lo kal phawt teh" inchhung kan luh rual chuan a ti nghal nghut a, ka zawi em avangin ka zui ve tawp. Bathroom-ah chuan min dinpui in shower chu a on nghal pawp a nih chu! Ka harh chiang lutuk ringawt "i harh chiang tawh em?" Nuihza insûm deuh hlek hian a rawn ti a.





"Chiang mah mah lutuk tlat" ka ti a, a rawn nui chhuak nghal hawk bawk.





Ka khabe ah dawm in min kuai dâk a "monu hmelțha ber leh sexy ber ini" ti thâwp sup in chintawk awm lo khawpin min fawp nghal tawn tawn a, a lei chu ka ka chhungah a hawl kual nghal ruai bawk. Min pawm kang nawlh a a kawngah chuan ka lo kherh bet ve nghal vat bawk.





"Hetah ni lo khumah zawk aw" a rawn ti sup a, thildang ka sawi ve hma hma chuan min rawn fawp lehnghala ka hnar lo chiang kher mai.





Tichuan, kum tam tak ka lo vawn him ve tawh chu ka Hmangaih ber ka pasal lakah ka hlan, a hlim hmel kha engtikah mah theihnghilh leh ka duh tawh ngailo ang.





Pasal i neih hma in sex hmang ngawt suh, ka hrilh ang che i hmang a nih chuan pasal i neih hunah inchhirna in i khat ang i pasal chu tu pawh lo ni rawh se hrethiam che mah sela nangmah ah khan in thiam lohna i nei ang. Kha i thianghlimna i Hmangaih ber i pasal i pek rual a a hlim hmel i hmuh khan khawvela hmeichhe hlim ber ini tel ve tih theihnghilh ngai suh, tikhan i nun chu alo famkim ta chiah bawk ang.







"Bawihi, ka nu in ATM card kha a rawn dah chho tawh em?" Khum ka thlep fel mawlh mawlh, tukin zinga a kut hlei lutuk avanga kan chêtna pawh a chuar nuai mai midangin hmu ngat sela chuan an nui huk ang mawle.





"Bawihi, ka thusawi i ngaithla miah lo" Damian'n a rawn tih leh nghut rual chuan amah chu ka en a, a lungawi lo hmel a pe chhe thei si.





"I wallet-ah ka dah daih tawh tih ka hrilh che kha nangpawn ka hrilh lai che in i ngaithla bik lo" ka ti a, a lungawi lo hmel chu nuihza hmelah a rawn inthlak a, a kekawr hnunglam chu zen rawk rawk in a wallet chu a rawn phawrh chhuak a ATM card chu a rawn lek va va a ka lo melh hrep ringawt.





Khum chu ka tuai mam leh thuak thuak, mi en ah pawh a zahthlak zawk alawm le, khum bula Choclate ka dah chu ka hmawh zeuh mahse ka chhak chhuak lehnghal ka uak tuarh a rang zetin bathroom lamah ka tlan phei nghal.





"Bawihi, i țha em?" Damian-a aw ah chuan hlauhthawnna ri ka hre tel ve bawk ka chal ah chuan a rawn dawm a "nu lo chho lawk teh" a ti nghal nghut, phone a hmang a ni ngei ang. Ka zawi lutuk chu toilet ngheng chuan ka țhu reng. "I țha leh vat mai ang, enge maw choclate kha i ei reng reng le" a ti a, ka chal ah chuan a rawn fawp zeuh, chhang tur pawn chakna pawh ka neilo.





"Khumah mu rawh aw" dam thlup hian a rawn ti a min pawm kâng nghal nawlh in khumah chuan dîm zet hian min nghat a ka chal ah chuan a rawn fawp leh zeuh "tinge a bawiha?" Ka nu pawh room-ah mangan hmel zet hian a rawn lut a khuma ka mu a hmuh rual chuan a chhan a zawt nghal zat bawk.





"Choclate hi a ei a, a uak vak a chuan a zawi lutuk a taksa hi nu... thil eisual a nei tihna mi? A țhalo lam a ni em?" Damian-a hlauthawng lutuk chu ka lo nuih ringawt, "ka țha lawm Damian... engmah a ni lo ang ka zia deuh tawh ania aw nu..." ti nghal vat, thawh kân ka tum a mahse Damian-a bawk in min nem mu leh "la tho rih suh" a rawn ti sup.





"Um... ka fanu, ka rindan chuan nau i pai niin ka hria, vawiin lamah kan in check up chhin dawn em ni?" Ka nu in a rawn tih rual chuan Damian-a nen chuan "maw?" Kan ti rual a ka nu lawmah alo tla "in va mak tak" a ti ringawt bawk.





"Naute maw?" Damian-a hlim aw ri bak bak a hriat nuam a awm lo ang.





"Aw naute ni e... insiam ula chaw rawn ei ula kan kal dawn nia" a ti a, ka nu chhuah rual a thawh chhuah ka tum chu Damian-a chuan min pawm kang nawlh mak ti zetin ka en hâ. "Naute alo awm a nih chuan i ke pawh hian chhuat a rap mai mai lo ang" a rawn ti a, ka nui ringawt.





"Hna kal i ngaih kha khawi i tie suih phawt ang"





"Ni lo e vawiin chu ka rawn zui ve dawn che u ka nupui damlo hi ka kalsan dawn reng reng lo" a rawn ti a, a hmuiah chuan ka fawp nghal vang vang bawk. Hetiang anga pasal țha hi an awm leh tawh ngailo ang.





Inhnuai lamah min pawm thla a mahse choka ațanga an thil siam rim rawn chhuak avang chuan ka uak lehnghal a chawhmeh rim kha ka ti hleithei țhak lo.





Doctor sawi danin kar thum mi ka lo pai mek hi alo ni a, Damian-a lawm lutuk chu a țawng phelh ang nawk nawk bawk keipawh ka lawm ka lawm takzet. Kan inneih ațangin thla khat chauh ala liam Pathian hnenah lawmthu ka sawi nghal mawlh mawlh bawk.





Rai ka haw em em a, thil ei chak ka nei a mahse alo thlen in a hmel ka hmu leh peih ngailo, Damian-a pawh a nu hah a a zawi thei ngei mai mahse ei chak ka neih in a chauh thu sawi lovin a inperh tho nghal at țhin zanlai mah nise. Ka tan a inpe zo em em a keilah thinchhe bawk kan room bungrua pawh a chimawm thiam avangin ka vawm chhe nual tawh. Mahse țawngkam vîn vawikhat mah min hman khum ngailo, a dawh theih van san zia chu... a ni tawp mai ni. Maria-i ka hmuh loh chuan ka ngai em em a mahse a aw ka hriat ringawt pawn ka hne leh țhin amah phei chuan min haw vek tawh.





Zing ka thawh rual apiangin ka pum vuan chungin min lo en reng țhin a min Hmangaih thu min hrilh țhin. Chawlhni ah chaw ei dawna țawngțai kan neih in ama hun a nih chuan ka pum a kut nghat chung ngatin a țawngțai țhin.





Thil a rawn lei țeuh țeuh a hmeichhia a nih a ring nghet bur lehnghal, ka nu bulah a țulloh thu ka sawi a mahse tih tir mai mai turin min hrilh tawp, zingkar ka thawh har changin ka pum nen alo infiam a hmeichhe a nih a ring leh lutuk a ka chhungte pawh an nui tawp bawk.





Min duat tih bakin ka sawi thiam lo, ka tan a inpe zo em em a ka dul a puar luah tawh hnuah phei chuan chhuat ka rah a phal ngailo amah hlirin engkim min tihsak, min bual a ka thawmhnaw min thlak sak a ka sam thlengin a khawih vek țhin, a nu hah lai phei chuan a chau em tih ka zawt a "chau lo... hei ai nasa pawh tih zel ka la duh" a ti a nih kha, ka Hmangaih a zual ngawih ngawih.





Doctor in zai a ngaih dawn thu min hrilh a, ka huphurh ru ang reng hle lehnghal.





Naute țap thawmah chuan ka meng riai riai, Damian-a chuan alo âwi a, a ring dik fanu kan nei a chuan a âtchilh hle bawk. Tuma pawm a phal ve mai mai ngailo an pawm pawn reilotê bak pawm tir a phallo a âtchilh lutuk a midang pawn fiamthu in hau mahse engah mah a ngailo ka pa(pa saia) erawh chuan a lawm thu a sawi reng țhin.





"Bawihi en rawh, a mithmul a sei in a er nghal târh a, a kutțang a sei nghal em em bawk nangmah ang chiah chiah, i mitmeng mawi zet a chhun bawk ka Hmangaih che u ka khawvel tifam kim tute in ni" tiin bawihtei chu a fawp a, chutiang chiahin keipawh.





"Kan la țawngțai miah lo"





"Aw ni dawn tak e" tiin bawihtei chu ka bulah a rawn mut a, apa pangtilum a hre tawh ngang bawk.





Kan fanu chal ah a kut a nghat a, kei ka kutah a vuan thung, kan maimichhing a Pathian hnenah fanu duhawm tak Emily Laldinsangi min pek avanga lawmthu sawiin Pathian hnenah kan kawltir nghal bawk.





A ni chuan min kaihhruai sak se kan fanu in amah rinchhan chunga ke a pen zel theih nan tiin kan dil bawk a.





"Kan chhungkua i hnenah kan rawn inkawl tir a, engkim i hming ropui nan nise, i fapa Isua Krista hmingin lawmthu sawi chungin kan rawn dil e. Amen"


"Amen"


★ A TAWP TA ★


ADDICTED_TO_YOu chu kan lo complete leh ta der mai, tlin lohna lai tam tak ka nei ang chutiang chiahin duhthu sam lohna lai pawh in nei ang mahse engmah sawisel lova in lo chhiar ve țang țang avangin ka lawm lutuk💜. A thupui lo chhuahna erawh in ngaihtuah zui turin ka dah, a harsa lo aw... han ngaihtuah ula a story chhung hi in ngaihtuah chhuak zut zut mai ang.🖤 Chuan, ka regu lo viau chung pawh a dawhthei taka min lo nghah țang țang țhin avangin ka lawm lutuk bawk e, a khaikhawm nan KA LAWM E tih ni mai rawh se, sawi tur ka ngah leh dawn emai😅. Next Story nen kan inhmu leh vat dawn nia aw. Min lo chhiarsak leh țheuh dawn nia💙.


Damian Zomuansanga leh Lora Malsawmtluangi

Te thawnthu chhiartu zawng zawng te in za vaiin

BORAHAE💜 MY love you♥

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)