ADDICTED TO YOU By MsiMiluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ADDICTED TO YOU By MsiMiluhlulnui (Completed)

Unread post by Ngaia » October 25th, 2020, 8:52 pm

ADDICTED_TO_YOU 💙 #EP-7

By : Msi_Miluhlulnui 👩


★ Zanin chu a tawi deuh dawn ta anih hi. Ka tai a rawn na lutuka ka tilui hram hram a mahse ka tih belh thei tawh thlawt loa heihi ni phawt mai rawh se aw a ngaihnawm em em pawh ka ring lo😖





"A lawmawm ngawt ang chu Civil lamah te kal kan lo tum a" naute nu chuan a rawn ti a, naute awih pah chuan ka nui ringawt bawk. "Tunge a hming ni a? Avan cute em em a chum bawk si" ka ti hliai a, naute cute deuh hi chu ka kalsan thei mai mai lo a bikin ka cousin te fa ngat phei chu an duhawm si.





"Apu in Vanlalhriatpuia iti ang u atia Vanlalhriatpuia, Mahriata anih kha" anu bawk chuan a rawn ti leh a, a hming leh a hmel chu a inhmeh reuh takzet ani. "E... taka, keipawh ka hming chu Lora ania in car-a min chuan tir avangin ka lawm nawn leh e" ka ti a, an pahnih chuan ka awmdan avang nge an nui ringawt bawk.





"Țani ka nia chuan ani hi ka u Zodina hahdam deuh khan chuang rawh kan hlauhawm hranpa lo ania" a rawn ti fiamthu a, ka nui chhuak nghal hak hak bawk. Naute chu ka pawm a, a muhil lai chu ka thlir reng bawk. Ka phone ka hûm chu a ri renga silent-a ka dah avangin an hre lo mai mai pawh a. Damian-a call ani a, ka chhang ang nge chhang lo ang tih velah chuan ka buai takzet ani.





A rawn ên leh rual chuan ka hmet thim nghal zat zela min phurtu te hian ka awmdan avang hian ngaihțhat lohna an neih ka hlau takzet ani. Keia pawh chuan zah zel ah naute muhil tawh chu ka awi reng a zâwi te te in ka zai leh rih țhin bawk.





"Lora" tia Motor khalhtu mipa in min rawn auh rual chuan ka hawichhuak nghal deuh zawk a ka lo chhing ve sel hman ani ngei ngei ang "aw.. ah, enge ni ta? Tlemtê ka lo chhing ve sek a" inthlahrung zet chuan ka ti nghala, a nui ri suk a Glass chu min hmuh theih nan chuan a siam rem zui nghal zat bawk. "Khawchhung chu kan lut tawh a Bawngkawn traffice jam-ah kan tâng mek a Damdawiin awmna lam chu sawi la" a rawn ti sup, ka nui tawi tak a avan zahthlak ve mawle.





"Aw... englo, Ramhlun lamah khan kual rawh TBH Hospital kha ania tah chuan ka thawk a Doctor te pawh an thiam lutuk" ka ti nghal sap a, a bu zui nghut bawk. Motor chu a tâwt ang reng viau a kan tawlh sawt lo hle bawk. "Naute kha ka lo la dawn em ni a tui a hal tawh ang" u Țani'n a rawn tih rual chuan 'aw' pah hian ka pe a, a hnute tui chu a pe nghal zat bawk.





Ka phone ka ah chu ka phawrh chhuak a Damian-a missed call 50 dâwn alo awm anih chu! Maria-i number chu ka hmet chhuak a, ka call nghal zat bawk. Henu hi engvanga call la theilo em em nge maw anih le hahthlak lutuk awmdan tur min ti hrelo zo vek tawh. Damian'n min hmu leh anih vaih chuan chhan dan tur pawh ka hre dawn hleinem.





"Iva hlauhthawn hmel ve" Zodina chuan a rawn ti a, lu thin pah chuan zah zel ah ka nui ringawt bawk. Kan thawl deuh hnu chuan kan tlanchhuak ve ta hram bawk a Ramhlun lamah kual in ka thawhna Hospital lam chu a pan zui nghal zat bawk a kei erawh chuan huphurhna lian tak ka nei thung. Nizanah ka duty dawn loh thu Damian'n Dr. Marina alo va hrilh ve ringawta insawifiahna țha tak ka neih ngei a ngai bawk ang.





"Lo kal rawh u" tiin Hospital chhungah chuan ka hruai lut a mi'n min en hrek hrek hlawm kan rin nen mahse tu mah chutiangin an awm loa a zia ang reng viau bawk. U Atei Duty-na lamah chuan la hruai phei a min hmuh rual chuan a rawn ding chhuaka a mitmeng ah chuan zawhna a nei tih ka hria mahse chhan dan tur ka hre dawnlo ani.





"U Atei bulah hian lo sawi ula aw kei chu report pek ka ngai a heihi nia hna hmanhmawha ka sawi chu mahse ka zawh veleh ah ka rawn buaipui leh ang che u. U Ate, i kutah ka dah ania Dr. Marina bulah kal nghal ka ngai a" ka ti a, alo bu deuh nghat nghat a mahse a mitmeng ațang chuan a ngaih a țhalo hle tih pawh ka hmu thei chiang hle bawk.





"Lora" ka kal tur chu min rawn au leh a, nuih pah chuan ka hawileta, a lama kal turin min ti lehnghal zat bawk. "Dr. Marina chu vawiinah a chawl dawn a an in lama i kal a ngaih hmel chuan nangmah hrilh tur che in min ti a heta i lo kal chuan an ina kal tur che in" a rawn ti a, ka thaw chhuak zui nghal hak bawk.





"Anih chuan ka va kal mai ang. Zodin, lo awm ula ka rawn let leh vat ang u Atei kha a fel lutuk ania amah khan engkim alo buaipui sak vek mai ang che u" ka ti a, ka phone nghawr dar dar chu ka la chhuaka Maria-i anih avang chuan lak pah hian kawngkhar lam chu ka pan nghal zat bawk.





"Ngatinge call i lak theih miah loh a vawi engzah nge ka call tawh che i hria em, ka buai hman țep alawm" a rawn chhan rual rual chuan ka lo ti nghal țhat a, Damdawiin kawtah chuan ak ding vâng tawh bawk. "Aw... ka lo dah zâwi daih a a ri ka lo hrelo anih hi enge a i rawn ân leh chiam tawh a" a rawn ti ve hlak a, Taxi-a chuang turin pawisa ah sa pawh ka neilo.





"Min lo hruai rawh Dr. Marina te inah kal ka ngai a Taxi chuanna tur pawisa ka neilo ilo thlen veleh thil awmzia ka hrilh ang che lo kal vat rawh hun ka ngah lo teh ania in lamah indopui ka hmachhawn ala ngai dawn bawk a" ka ti leh hlak.





"Aw ka lo kal dawn. I hriat tur News ropui tawk ka nei ania keipawn ka thawhpui te hnen ațangin ka hriaa ka hriatna pawh ala reilo ka rawn thlen hunah ka hrilh dawn che nia" tiin phone chu a dah zui hmak bawk. Ka bul hnai velah min zui ru tu emaw Damian-a âwm ang an awm leh awm loh ka enkual reng a chuvang chuan ka ring te hi a kham vek tawhin ka hria ani.





Darkar chanve hnuah Maria-i a rawn thleng a chuang nghal vat in Tuikual lam pan turin ka hrilh a thuawih tak chuan a khalh ve leh mai bawk. Kan tlan chhung zawng chuan nimina thil thleng leh nizana thil thleng te ka hrilh a min hauh ka rin nen ka nu te thiltih dan chu mak a tih thu a sawi daih bawk. Ni e, tu pawn mak an ti ang an mahni ah indah se kan tih ang tho hian an ti ve in ka ring ani.





"Anih Damian-a chuan a duh thu a hrilh che a chuan i hnawl bawk a. Ngatingei hnawl a in pahnih hian instagram-ah in lar teh asin in thlalak a darh nasa si in pahnih khan inngaizawng angin an sawi bawk cheu a in thlalak te chu an post darh chuai chuai mawle instagram i khawih loa i hrelo mai mai anih kha Damdawiina in kal dunna thlalak ania" a rawn ti a, a thusawi avang chuan âng phuau in ka thaw chhuak nghal hak bawk.





"Ani maw? Engtik ami nge ka van hrelo ve. Ka nau pawn instagram a khawih ve reng bawk si a a hmulo amaw ni le engmah min hrilh miah lo" ka ti nghal vat a, engtin nge kan pahnih thlalak miin an post darh tih ka hriat miah loh theih zawk. "Ka kawrlum iptê ah khan ka phone a awm a instagram-ah khan a awm en rawh comment te pawh a tam teh ania positive comment ai chuan negative comment a tam zawk" a rawn ti a, a iptê a a phone awm chu ka ban a tlan laklawh lai chuan ka check ta ringawt bawk.





A sawi ang ngeiin Damdawiina kan kal dun ni a kan thlalak ani a Caption lah chu ala rapthlak em em mai lehnghal, keimah zawk in ka zar buai ang in a inziak a mai mai chuan. Comments te chu ka chhiar vek a Remzualin 'fake' tih a alo comment te chu mi sangkhat chuang zet in an like-a reply tu pawh a ngah bawk. Comment a nat êm avang chuan chhiar zo duh lo in a iptê ah chuan ka thun leh a, ka thaw chhuak nghal hak bawk.





"Lora, i țha maw?" Maria-i chuan a rawn ti a, mahse ka chhang lo engtin mi hi hetiang em em hian an rapthlak theih zawk le thuchiang engmah hre lo in keiman ka zar buai ang in an sawia ka zui kual renga a duh lo chung ka awmpui ang ten an sawi bawk a comments tam zawk phei kha chu hriatreng pawh ka duh tawh lo. Thuchiang hre hmasa lo in diklo tak in mi sawichhiat an hrat em em mai bawk a an mak ka ti takzet ani.





"Lora kan thleng tawh ania Dr. Marina te in chu" Maria'n a rawn tih chuan engmah ngaihtuah chiang mang hlei lo chuan ka chhuk ve ringawta mahse alo la ding chianglo chu niin kawngpui ah chuan ka kiu hrût zawng hian ka tlu a ka lu te chu a hai mual mual thei .





"Engmaw i ngaihtuah le kan thleng tawh ka ti ringawt alawm kan la ding chiang hleinem i khawilai nge na?" Maria-i chuan min dintir pah hian a rawn ti a, ka kiu thîp lutuk chu ka en a lian zet hian alo pem a thi a chhuak ser ser bawk. "I hrût pilh anih hi engemaw i ngaihtuah reng reng le, nangnu hi i țha miahlo ania aw" ka kiu chhem pah chuan a rawn ti a a thîp êm avang chuan ka ner zui nghal nak bawk.





"Ig comments vel kha ka lo ngaihtuaha thuchiang engmah hrelo in na zet zet in an comment-a keimah min dem zawngin an comment deuh țhup bawk a engtin nge an theih zawk le? Maria, ka zak takzet ani sawi ngaihna pawh ka hrelo chuvang aniang khawlai ka kal te hian mi hian min en hrek hrek zel ni mahse engah mah ka lo ngai duh lemlo a mahse khavang kha anih dawn chiah kha" ka ti chhuak hap a, ka kiau chu a rawmawl ah chuan a rawn tuam nghal zat bawk.





"Ni ngawt mai mi ho hi an mak ka ti thuchiang engmah pawh hrelo in na zet zet hian an țawng a an hman hi ka ti ngawih ngawih ngawih mai ni. Mahse kei chu i lamah ka țang tlat ania" a rawn ti a, ka thaw chhuak nghal vak bawk. "Hna i tlai palh ang min hawsan mai rawh zah theih loh chhuah in Dr. Marina ka inthlah tir mai ang" ka ti a, a duh loh viau a chu ka tih luih tlat avang chuan a haw ta nge nge bawk a huphurh ru zet chung in Dr. Marina te in lam pan chuan ka kal nghal zat bawk.





Kawngkhar chu ka kik dat dat a ka ban chuan min tir ve et et reuh a chêt te chu a ti harsa ve lek lek thei. Nu pakhat hian a rawn hawng a Dr. Marina a awm leh awm loh ka zawt nghal zat bawk.





"Lo lut la a room-ah a awm a ka han hrilh ang" a rawn ti a, bu nghat in inchhungah chuan ka lut a, an inah hian vawithum vel chu ka kal ve tawh mahse ka kal a an awmpuinu kha a thawk tawh miahlo ani ngei ang midangin min lo chhâwn daih bawk. Ka nghah lai chuan ka phone a rawn nghawr leh dar dar a ka nau anih avang chuan ka chhang zui nghal zat bawk.




"Ilo la haw dawn lo ami anu in a ngaihtuah teh mai che ania apa lakah pawh a lungawi loa nizanah pawh a mu țha bawk si lo khawnge in awm reng reng a?" A rawn ti nghal hlak a, ka nu chu ka ngaihtuah leh ang reng viau bawk. "Dr. Marina te inah ka awm report ka pek zawh ah ka rawn haw ang chuan Sheryl, ka pa kha nangpawn lo sawipui tum ve la kan pahniha kan dil chuan a thu a sawhsawn maithei asin" ka ti sap.





"Nizanah pawh anu nen kan sawi alawm mahse amah zawk thinrim ah a țang zawk zela chuvang chuan engmah pawh kan sawi duh tawh lo mahse ka theihtawp chu ka chhuah ve tho ania aw nangmah rawn haw la rawn be rawh nangmah ngeiin i sawi chuan a duh maithei asin keini thusawi ve chu enga tan mah a ti lo" a rawn ti a, ka thaw chhuak nghal hak bawk. Inchung step ațanga an awmpuinu rawn chhuk ka hmuh rual chuan ka buai thu hrilhin phone chu ka dah nghal hmak a ka pan hnai deuh hret bawk.





"Marina chuan a room-ah chho tur che in a duh chea han kal mai ta che in tur ka lo kal lak ang che u" a rawn ti dam dap a, in tur chu a ngaih loh thu ka hrilh a Dr. Marina room lam chu ka pan chho ve ringawt bawk zêp loh chuan ka ril chu a țam ve tawh ang reng mahse hemi zawh ah ka haw dawn thoa inah ka ei law law mai ang.





Room pakhat chu kik risk ve țhuai in Dr. Marina chu ka au a amah ngei chuan lut turin min ti nghal zat a. A room chhung ka luh rual chuan Sofa chunga țhu a Laptop alo bih ngur ngur chu ka hmu nghal zat a kawngkâ chu ka khar ri nghal dawt bawk.





"I sawi duh chu sawi la Lora" a rawn ti sup a, a Laptop pawm lai chu a khup thawk a a rawn tho chhuak zui nghal bawk "englo ania nizan kha ka rawn Duty theih lohna chhan chu englo.. ih.." sawi chhunzawm lo chuan ka ngawi leh dat a sawi tur ka hrelo ani a chhan chu enge Damian-a khan a sawi ka hre miau si loa han thup mawi emaw han sawikual vel dan tur ka thiamlo ani.





"I sawi tum chu Damian-a hnen ațangin ka lo hre vek tawh alawm kei ai chuan ani hnen ah hian insawifiah i ngai zawk a ang hle mai. Rei lo ula anih loh chuan ka rawn lut ve dawn ania" Dr. Marin'n a rawn tih chuan a ngaihna hrelo zetin amah chu ka en nghal a a hawina lampang ka en ve rual chuan bang ngheng chunga Damian-a lo ding reng chu ka hmu nghal chat a ka phu nghal nghek bawk.





Thinrim tih hriat zet hian mitmeng nêlawm loh zet chuan min rawn en a, ngeiawm fê hian a nui nghal suk bawk. Engtin nge hetah hian alo awm theih zawk le chuan engtin nge room chhung ka luh khan ka hmuh miah loh theih zawk.





"Ka lawm e, ka zawhna te țha tak min chhan ka beisei" min tihchhan lutuk tak mai chuan a rawn ti leh a, sawi ve tur reng ka hrelo ka A B C thiam te hi an bo vek ni maiin ka hria. "Lora fighting!" Dr. Marina chuan ka dar a rawn ben thak thak pah chuan a rawn ti a, kawngkhar chu hawng in a chhuaka chhuah ve nghal ka tum chu pawn lamah a lock ani ngei ang a ri nghal khep a, chhunglama a kalhna chu ka dawm ringawt bawk.





"Lora" a rawn ti hrâwih a, maimichhing chung chuan ka thaw chhuak nghal vak bawk. Nilo, he mihring lakah hian ka zâm mai tur ani lo amah avang hian zahna ka tawng a mi'n dik lo tak tak in min ngai bawk a engkim hi ama bul țan vek an ni a chuta karah chuan a laka zâm thei hi ka nilo hrim hrim.





"Engtin nge hetah hian ilo awm theih nachhan ka kal tur thu hi i hre lawk vek tihna em ni?" Pangngai zet hian ka ti chhuak a, theihtawpin ka awmdan chu thunun ka tum a mahse avan harsa si em! Duh lo teh viau țhin mah ila he mihring hi eng emaw avangin ka hmu fo mai a chu thil chu ka duhlo takzet ani a hlat thei ang ber ah awm ka duh mahse ka thei silo chu anih ber hi.





"Hre lawk lo ila ka awm dawn em ni? Nang ai khawchhung ka thleng hmasa anih hmel" ngeiawm zet hian a rawn ti ve leh kher bawk a kawngkhar lam chu ka melh ve leh ngar ngar bawk a he mihringpa lak ațang hian engtin nge ka tlanchhuah theih ang engtikah nge a hlatah hian ka awm ve theih ang le.





"Alo ni dawn anih chu i thil tih theih ka lo theihnghilh alawm mawle. Anih chuan i hnena insawifiah aiin ka hnenah insawifiah hi i ba zawk lo maw engvangin nge kan thlalak kha an post tih min hrilh loh comments te kha i chhiar ve vek âwm si a mahse ngatinge engmah hrelo ang maia i awmchhan, thu diklo pui pui an sawi a a diklo ani tih hre reng chung in engtin nge i palzam mai mai theih zawk?" Amah en pah chuan ka ti chhuak nghal țhat.





" Khawi ațanga i hriat nge tu hnen ațanga i hriat nge? Remzuali hnen ațangin em ni?" a rawn ti zui hrâwih ka nui chhuak nghal hak.






"Enge ani chu hmatheh ah i rawn hman a a hnen ațang khera ka hriat i ring ami. A teuh lo mai mi anga insta te ka khawih loh avang hian ka hrelo bik turah ilo ngai em ni mahse hei ka hriat hi chuan ka zak hle bawk. Thudik ang maia ngaiin mi min țawngkhum dan kha i hria em? Nangmah hi zui kual reng che leh ti buai reng ang che in min chhuah asin comments zawng zawnh deuh thaw kha keimah min sawichhiatna vek an ni chuan nang hian i hmu ve ngei bawk a engtin nge khatiang khan i pal zam mai mai theih zawk a?" ka ti lehnghal țhat.





"Khawi ațanga i hriat nge ka tih chu mawle?" ti leh hrâwih in min rawn pan hnaia tawlhsawn ka tum rual chuan ka ban na lai takah chuan a rawn hmer nghal chat a, a nat êm avang chuan ka au chhuak nghal vak a kut chu a la thla nghal zat bawk. "Engtin nge i awm? I țha em?" min ngaihtuah tih hriat zet hian a aia dam zawk chuan a rawn ti leh a, ka ban na lutuk chu ka dawm nghal vat bawk.





"Khawi maw ka lo en teh ang" tia rawn khawih a tum rual chuan a kut chu ka lo dah sawn sak nghal vat a, rûm nghut pah hian ka ban lehlamah chuan a rawn dawm a "luhlul hun ani lo" a rawn ti nghut a, min kai pheiin khumah chuan min țhuttira thawh kân ka tum rual chuan min nem țhu lehnghal zat bawk.





"Lo awm mai mai rawh" a ti leh hrâwih a, rawn țhu hniam in ka ban a rawmawl Maria'n a suih bet chu a rawn phelh nghal zat a kei erawh chuan a hmel chu ka lo en ngar ngar thung. Rawmawl chhuata a dah thlak rual chuan a rûm zui nghut a "engtia ti na nge inih?" a rawn ti nghal zat bawk.





"Chu chu ilo ngaihtuah ve pawh a ngailo i tan țangkaina pakhat mah a neilo" ka ti hmak a, ka kut chu laksawn ka tum a mahse min vuan nghet zual sauh "luhlul chhuah lo khan sawi mai rawh Lora" ka mita min en reng pah chuan a rawn ti nghuta ka thaw chhuak nghal vak bawk.





"Kan rawn kalna lama ka tihnat anih hi motor din chian hma in ka chhuka chuan Maria'n a rawmawl in min tuam saka chu chu ani mai tunah chuan i hre tawh bawk a keimah pawn ka enkawl ve thei reng" ka ti leh hmak a mahse a duh loh a pe na kher mai "lo chesawn hlek suh ang che" ti nghut in a tho chhuaka Dr. Marina drawer te chu ava hawng ang rawk rawk a first-aid box chu a rawn la chhuak nghal zat bawk.





"A nat chuan sawi rawh aw" a rawn ti sup a, ka bulah chuan rawn țhu thla leh in box chu a hawng a lapua ah te chuan Damdawi chu a tât zui nghal zat bawk. "Engvangin nge ka chungah hetiang hian i awm nachhan engatinge? Ngatinge min hlat rawh tih che pawn min hlat duh miah loh nachhan?" amah en reng pah chuan ka ti nghal sap.





Țhut țhat pah chuan min rawn en a, keipawh chuan ka lo en let ve ngar ngar bawk "nizanah ka sawi vek tawh ka sawi tawh kha ka duh chea ka theihtawpin ka venghim bawk ang che duh lo mah la ka ûm zui zel bawk ang che tichuan ka sawi nawn leh ala ngai dawn em?" a rawn ti leh sup a, chhan pawh chhang lo chuan ka ban nâ chu ka en leh daih ringawt bawk.





"A thîp deuh maithei i duh chuan ka kut hi i vuan thei ang" a rawn ti sup a, mahse ngaihsak lo chuan ka ban na lai chu ka en ngar ngar. A damna turin Damdawi a hnawih dawna an ui thar leh vel pawh ka tum chuang lo mahse hetia a awm avang hian ka huatna te a reh in ka ngaidam ta tihna pawh ani hek lo ka ban na laia Damdawi a hnawih dawn vang chauh ani.





A na lai lapua a rawn tawh tir rual chuan a thîp êm avang chuan au chhuak țhat in a ban chu ka hmer chawt a a lo nui ri nghal suk bawk. "A tir hian ka thusawi hi awih ve mai țhin la țha tur" nuih deuh reuh pah chuan a rawn ti sup a, a thîp lutuk avang chuan ka heh ka pet nghal fan fan bawk.





"A rei tawh lo ang" a rawn tih leh sup rual chuan a rawn hnawih lehnghal zat a ka hmui chu seh vak in a ban pawh chu ka hmer zui nghal vak bawk a ngatinge a nat em em mai le ana rapthlakk lutuk chu sawi ngaihna pawh ka hrelo.





"A zo tawh e" a tih sup rual chuan ka thaw chhuak nghal hak a, tuam rih lo turin min ti a rawmawl a kan tuam avang hian a pem lai kha a nêm a chuvanga na zual anih thu a sawi bawk a mahse a thusawi dang chu ka ngaithla chhunzawm tawh lem lo bawk.





"Lora" ka hminga chiang zeta a rawn lam leh rual chuan amah chu ka en chho a ka hmui ah chuan a mit a fu ngar ngar ni berin ka hria "Enge?" ka ti nghal hmak. A kut chu ka hmai lam ah rawn lek phei in ka hmui hnuailam chu a rawn tuai nghal zat a a tuai pah chuan a thîp zui nghal sak bawk.





"A sen thi anih hi" a rawn ti sup a, ka hmui chu ka khawih ve lehnghal zat a ka kutah chuan thisen chu alo kai ve nual bawk. Nichinah khan ana lutuka ka hmui ka seh vak kha ani a tah khan ka seh thi ani ngei ang pawi tawh lo mai. "A pawilo" ka ti sep a, thawh kân ka tum rual chuan min nem țhu leh in che lo turin min hrilh nghal zat.





"Enge ni leh tawh?" ka ti vak a, nui suk pah hian ka hmui chu a rawn fawp anih chu! Hnuailam chu a pet nghal zat a ana lai kher chu a fawp zui nghal chat bawk. A thil tih avang chuan che lovin ka țhu ngawi reng ringawta ka awmdan a rawn danglam leh țan tawh bawk. Ana lai chu a fawp dek dek bawk a ka awmdan danglam chak lutuk chu sawidan pawh ka thiamlo zawk. Ka sawi tawh kha hepa bulah hi chuan chakna pakhat mah ka neilo engkimah hian ka tlawm ziah bawk.





A tirah thinrim ve țhin teh mah ila xhu chuan rei an daih leh ngailo. Ka hmui hnuai a peh zawh chuan a inla hrang mai dawn amaw ka tia a pangngai zawkin min rawn fawp leh a ka nghawngah chuan a dawm a duh thawh hle bawk. Ka awmdan maksak lutuk avang chuan ka thinphu a rang a a hmui in ka hmui a tih chêt ve rual chuan ka chang let ve ringawt bawk a ala rûm hrâwih zui lehnghal.






Ka thiam dan ang tawk chuan ka chhang let ve zela ka rilru chuan a duhlo takzet mahse midang hian an zawm ve hauh si lo. Ani hi mipa ka fawh hmasak ber ani chuan a hmasa ber chu mi room-ah ani bawk. Remzuali ka mitthlaa a rawn lan zawk avang chuan a âwm ah chuan nem ka tum a mahse ka zak hnuaiah chuan rawn dawm in min pawm kâng a, amah zawk chu khumah chuan țhu in a mal chungah chuan min nghat nghal zat bawk.





"Hetiang thil hi a thleng thei tawh lo, nilo a theih loh thleng lo ang in ngai rawh e ni leh lo theihnghilh zawk rawh i bialnu in a hre leh palh hlauh ang e tuna mi kha chu ka thiam loh ani mahse ka awmdan kha ka hrethiam lo ka chhang let ve ringawt che" ka ti deuh nawk a, thil thleng zo chiah avang chuan ka awmdan ala pangngai loa ka thinphuna rang a ka thâwk pawh a mumal lo hle bawk.





"Lora ka mitah min en rawh, ka mitah tak hian min en rawh" ka nghawnga rawn dawm paha a rawn tih chuan amah chu ka en a a mitmeng thûk ruih chuan min lo en reng bawk. "Tuna thil thleng kha ka theihnghilh hauh lo ang chuan thleng zel se tih pawh ka duhthusam ani chuan nang hian ka lakah feelings eng emaw tal chu i nei ani tiraw? Nizana i thusawi te pawh kha chiang takin ka la hre vek ania" a rawn ti sup.






"Maw?? Nizana ka thusawi kha i hria maw? Mahse engtin, i muhil daih bawk sia" ka ti nghal vat a, a nui nghal suk bawk "ka la muhil hauh lo chuan ka thusawi kha engkim i hria tih ka hre bawk. Muhil der leh a tak hre hrang lo tur khawpa mawl chu ka ni bik hauh lo. Nangmah avanga inthlak danglam ka pawisa lo chuan engthil pawh nise ka kianga i awm theihna tur anih phawt chuan ka ti zel bawk ang chuan thlalak kha a titu zawn mek an ni bawk." a rawn ti leh sup.






A malchung ațang chuan tal thla in a hmaah chuan ka ding a ka tawlhhnung deuh nghal dat bawk. "Hetiang hi a thleng tur ani lo tih kan hre ve ve dan ka duh țhin mahse ka dang thei bik si lo mahse tun ațang chuan thleng chhunzawm tawh suh se tuna mi pawh kha thleng lo ang in ngai hmiah rawh diklo taka tih mualpho kan ti tawh thlalak pawh kha eng ang pawn a titu zawng chhuak mah ula mi zawng zawng deuh thaw in an hmuh tawh avangin delete leh mahse awmzia a awm chuang lo. Chuvang chuan miin min lo en thlak leh hma emaw chanchin dang a awm leh hma in inhlat ila a țha ber chu chu thil nih dan tur ani. Chuan tuna thil thlenga ka chetdan pawh kha ka tho â angah i ngai mai dawn nia" ka ti chhuak sap a, rûm nghut pah hian a rawn tho chhuaka ka kutah chuan a rawn vuan nghal zat bawk.





"Khatiang thu kha sawi lo turin ka hrilh fo che. Remzuali i ngaihtuah anih chuan ani chu ka chingfel thei" a rawn ti leh nghut. Ka kut chu pawt thla in ka ding hla lehnghal dat.





"Ni e, ani chu ka ngaihtuah alawm a chhan chu in inkawp mek a chuan ani pawn a Hmangaih bawk che. I lakah hian feelings ka nei tih ka pha lo i bula ka awm apiangin ka awmdan a danglama duh pawh ka duhlo țhin reng mahse ka dan theih phak bak ani i chungah thinrim viau țhin mah ila chu chuan rei tak a awh leh ngai si lo engtik ațanga lo awm nge pawh ka hre biklo mahse thleng lo se ka duh ka duhloh chhan sawi kher pawh a ngai chuang loa chuvang chuan a tawp nan tak tak inhmu tawh lo ang chu chu thutawp ani, ka kal dawna min dan tum suh ang che chuan Dr. Marina hnenah khan ngaihdam min lo dilsak dawn nia" ka ti a, ka inhera kawngkhar lam chu ka pan a a inkalh ka rin tehreng nen alo inkalh loa ka hminga min auhna pawh chu hrelo der in room ațang chuan ka chhuaka midangin min hmuh ka hlau lutuk chu ka tlanchhuak nghal bawk.





Pawn ka thlen rual chuan ka nau chu call nghal vat in min hruai turin ka ti a, min rawn zawn leh ka rin avangin a phen lai deuh ah chuan ka dinga rin ang ngeiin min zawnga Gate pawnah te chuan a hawikuala hnim kar ațang chuan ka en reng ringawt ngatinge bialnu nei reng siin hetiang hian ka lakah a awm tak mai le Remzuali lakah ka inthlahrung ani. A bialpa chuan min duh thu a sawia mahse keipawh enge ka nih bik ka bang bik chuang lo, a lakah feelings ka nei ve tho a ka thup hleithei der lo lehnghal.





Ka nau rawn thlen rual chuan in lam pan chuan kan inkhalh haw nghala kawngtluan chuan ka țawng loa min biakna pawh ka chhang bawk heklo thil ka ngaihtuah kawng tluan a thil tam tak sawi sen loh ani ka ngaihtuah ni. Nimin ațangin thil engkim thleng hian min vaw chau takzet ani.





Inkawt ka thlen rual chuan ka chhuk a ka nau in Motor a dah fel chu ka nghak reng bawk "Lora" tia ka hminga min au tu an awm avang chuan hnunglam ka hawi nghal vat a Zodina anih avang chuan nuih pah hian ka pan phei a "enge hetah te in rawn tih daih daih a?" ka ti nghal vat bawk.





"Nia... sawlai deuh lawk ah sawn ka nu te an awm a tah chuan kan innghat dawna hnunglam ațangin ka hmu chea nangmah inih ka ring a" a rawn ti a, ka nui ringawt bawk.





"Anih chuan engtin nge naute chu an lo tih a?" ka ti lehnghal zat.





"An lo admit-a keipawh ka va intifai anga ka kal lehnghal ang ka ring i zarah Doctor țha tak kan hmu theia a lawmawm lutuk" a rawn ti sup a, a nui deuh suk bawk. "keipawh ka lawm... kan inpui tawn ni mai rawh se zanah ka duty dawna naute chu ka rawn tlawh ve dawn nia" ka ti a, a bu zui nghut bawk.





"u lut ang" ka nau in a rawn tih rual chuan ka luh vat tur thu in ka chhang a Zodina chu ka en chho leh "Anih chuan keipawh kan haw ve tawh phawt ang e" ka ti a, in lam hawi tuma ka in inher rual chuan kan lam pan a Remzuali rawn kal chu ka hmu nghal zat a, ala thinrim hmel em em mai lehnghal "engthil nge nia?" ka hmaa a rawn din rual chuan ka ti nghal zat.





"Nang hmeichhe zak theilo lutuk" tih pah chuan ka hmai ah chuan a rawn beng nghal sawk a! Ka biang thîp lutuk chu ka dawm nghal zata ka mittui a tling nghal kuau thei nia "engthil nge maw itih hi le" ka ti nghal țhat a, hawichhuakin amah chu ka en nghal zat.





"I phu tawk chiah, kha kha Damian-a ilo riah pui vel vang anih kha zak theilo lutuk kan beng nawn leh zat teh ang che" tia a kut a rawn phar leh rual chiah chuan ka hmaah tak chuan Zodina chu rawn ding in Remzuali kut chu a rawn vuan nghal chat. Tunah khan Damian-a riah pui ang in min sawi anih chu! Avan âwm ang lo tak em!.





"Kalsawn rawh, mipa hmeichhe buai naah rawn inrawlh suh" Remzuali'n a tih leh țhat rual chuan kan bulah chuan car pakhat hi a rawn ding a Damian-a car ani tih ka chiang hle bawk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:52 pm

ADDICTED_TO_YOU 💙 #EP-8

By : Msi_Miluhlulnui 👩





Remzuali chuan Zodin'n a kut a vawn chu pawh thlak pawp pah hian thinrim tih hriat zet hian eng emaw a sawi zui nghal zat a kei erawh chuan Damian-a Car ațanga alo chhuak chu ka en reng ringawt bawk. "Lora i țha em?" Zodin'n a rawn tih rual chuan ka bu nghal nghat nghat bawk. Damian-a pawh chuan engmah a hrethiam lo tih hriat zet hian min en deuh ngur ngur a, kûn in a hmuh theih loh tur zawng chuan ka ding nghal zat.





"Damian..." Remzuali'n a tih rual chuan a rûm zui nghut a "I țha em Lora?" A rawn ti ta daih a, min rawn hnaih chilh nghal tih hriat zet hian a taksa lumna pawh chu ka hre thei a ka ban bulah rawn dawm in ama lam hawi tur chuan min kuai her nghal zat.





Ka mittui tling kuau a rawn hmu nge ni a rûm zui nghut a, ka biang dawmna ka kut chu rawn la thla in a kut hlai hlup chuan a rawn dawm nghal zat "Damian... engvangin nge ani kha i buaipui nachhan... mi zak theilo anih kha" Remzuali'n a rawn tih leh rual chuan "A tawk Remzual dâwt engmah sawi belh tawh suh" a ti nghal hrâwih bawk a Remzuali chuan a hmui a chîp chiang hle bawk.





"I țha em ka naute? I chungah hian engthil nge a tih?" Min ngaihtuah tih hriat zet hian a rawn ti thûm sup, țawngkâa chhang lo chuan ka lo bu nghut nghut ringawt, a chhan chu sawi tur mai ka hrelo ani alo kal hi ka lawm takzet.





Ka biang lehlamah chuan rawn dawm leh in ka chal ah chuan a rawn fawp zui nghal vang vang a, ka thaw chhuak nghal hak ringawt bawk.





"Tunge inih a? Engvanga khatianga rawn awm nge inih?" Zodin'n a rawn ti a, "ilo buai ve na tur pakhat mah a awm lo" Damian chuan a ti zui hrâwk!, min vawnna ațang chuan ka tal hranĝ nghal hlawk mai bawk a. Kan buaina avang nge ni kan țhenawm te leh kawmchhak lam te pawh an rawn kal khawm deuh reuh a ka nu aw ngeiin hnunglam ațang chuan ka hming in min rawn au nghal zat bawk.





Thaw chhuak hak in Zodina lam ka hawi a Remzuali ka en tel rual chuan lungawi loh hmel zet hian min lo en a a thinrim hmel em em mai bawk "englo, Zodin hetiang buainaa ka in hnamhnawih tir che avang hian min ngaidam dawn nia i chau âwm si va hahdam tawh rawh Damdawiin lamah kal ila ngai bawk si a" ka ti chhual hap a, Remzuali lah chu Damian-a bulah a rawn ding a nuih pah hian min dêi hmel zet hian min melh zui bawk.





"A pawilo, ka hrethiam alawm nangmah hi i țha ani tiraw?" A rawn ti a, nuih pah chuan ka bu zui nghata Damian-a rûm nghut ri chuan a chhunzawm nghal zat bawk. Ka biang chu a thîp deuh vung vung a ka nu chuan enge thleng tih min rawn zawt a mahse pakhat mah in ka chhang lo țhenawm khawvengte pawn min en reng a pangngai taka lan ka tum hram hram ani ber.





Hetianga Remzuali a a rawn awmna chhan chu chiang takin kek hian ka hre bawk a nizana in pakhata kan riak kha alo ngai kawi leh ngei anga chuvanga hetianga rawn che pawh hi ani bawk ang. Mahse ka hmaia a ben erawh ka theihnghilh mai mai hauh lo ang





Tu mai pawh hian dawhtheih chintawk kan nei vek chuan thil a thlen dan a zir in chet dan hmang a âwm tawk a awm ve lehzel bawk. Mahse tuna thil thleng erawh hi chu ani mah mah ani.





"Babe, haw ang lo kal rawh henu ve hi chu hmuh leh pawh a ngai tawh lo" Zodina kal hnu chuan Remzuali chuan a lo ti ve nghat a, mahse en pawh en lo in ka nu te lam ka hawi a ka țhat thu ka hrilh nghal zat bawk. "Lora, khapa kha tunge?" Damiana-a chuan a rawn ti hrâwih, ka nu leh ka nau chuan min en hrek hrek a, in sehru nghek in ka kut chu ka hûm ruh nghal vak bawk.





"I tan a pawimawh lo chuvang chuan in pahnih khan let tawh rawh u thil dangah chuan min ti zak tawh suh u" ka ti let ve leh hmak bawk. Damian-a a rawn kal a ka lawm takzet mahse a hriata Remzuali thusawi tur ka ngaihthlak duh tawh loh avanga hetianga awm mai chauh hi ka ni a, a lakah leh Zodina lakah ka inthlahrung em em a, Zodina phei chu vawiin ațang chauha ka hmelhriat ala ni zui bawk a khatianga min hmu nghal ringawt kha ka zak chem chem mai ani.





"Lut ang u" ka ti a. Ka nu te chu an kal a mahse kei ka pên ve tur chiah chu ka banah chuan rawn vuanin min pawt her lawp a ka ban bul ve ve ah chuan a rawn dawm zui nghal chat bawk. "Khapa kha tu phiangsen nge anih? Engvanga khatianga bia nge inih? Sawi rawh Lora" a rawn ti hrâwk, îp zui châwih in ka maimichhing zui nghal chawt!.





A thinrim tih hai rual loh chuan a thaw ri hrâwih hrâwih a ani hian ka chungchang engkim hi a hriat vek a țul tawh lo ani. "I tan a pawimawh ber lo buaina lian tham zawk thleng tur ațanga min lak chhuah avangin ka lawm takzet ani mahse tunah chuan in pahnih hian let tawh rawh u tuna thil thleng erawh hrelo ang in ka lo awm mai ang" men chhuah pah chuan ka ti nghal sap a a hmel chu chiang zet hian ka hmu nghal zat bawk.





"Damian a sawi kha kal ang, he hmeichhia hi mi zaktheilo anih hi a mizia ila hrechiang lo mai mai anih kha" Remzuali'n a rawn tih rual chuan ka lo nui nghal sak "engmah sawi lo turin ka hrilh che Remzual chuan khatiang khan vawikhat mah țawng leh tawh ngai suh" Damian chuan a ti zui hrâwk a, chu erawh chu Remzuali run tawk a tling hle aniang a bulah chuan a rawn ding a kei zawk min melh rum nghal zat.





"Mahse ka thusawi hi a dik alawm i duh chuan nangmah ngeiin i fiah thei ang he hmeichhia hian a in ûm kual tir che a mahse i pawisa bak a duh lo nizanah pawh a bumna hmang in a riah chhuah pui che a zingah pawh ka sawi vek tawh kha he hmeichhia hi mi țha ani lo tih" zak map lo chuan a rawn ti leh a, rapthlak hi ka van ti tak em! Engtin nge a hmaa ka awm ve reng laiin ni lo lo a ka chanchin a sawi theih zawk a thusawi ah chuan ala din nghet hmel em em mai lehnghal.





"Hrep tak che hian, duhtawk ve tawh em em rawh. Engtin nge hetiang mizia hi i nei tih ka lo hriat loh theih zawk. Tukin zingah khan thudik engkim hrilh ini, ka kâ ațang lo pawh in midang kâ ațangin i hre bawk, tunah dâwt muhlum hlang hlak in thu i rawn sawi kual leh a hrep tak che hian eng ang hmeichhia nge maw ilo nih teh hrep le" Damian- bawk chuan a ti kha zui leh hrâwih bawk a mahse chhete mah in a phu loa a zâm bawk hek lo avan thei piap piap tak!.





"Damian" no zet hian a rawn ti leh, a ban chu a rawn khawih nghal zat a mahse chimawm chhuah ve ngat in a kut chu ka lo dah thlak sak hmak "i zaklo reuh mang e ka ti kha thu i sawi lai khan i hmaah ka ding reng a engtin nge i zâm miah loh theih zawk. Damian-a ka in ûm zui kual tir loa a pawisa pawh ka duh bawk hek lo chuan nizanah khan in khatah chuan kan riak ngei a mahse kan riak dun tihna kher ani lo engtin nge dâwt muhlum hlak i sawi theih zawk le" nuih deuh pah hian ka ti chhuak fak a. Ka dawh mai mai tawh bik hauh lo ang.





"In pahnih khat let rawh u dawt dang a awm leh hma in" ka ti leh. Damian-a chuan rûm zui nghut pah hian ka banah a rawn vuana "min lo zui rawh" a ti nghut a, kan in lam pan chuan min kai phei a țap deuh țiau a Remzuali'n a rawn auh vak vak pawh chu hrelo ang hmaka langin a kal hmiah hmiah a ka nu te pawh chuan an en reng ringawt bawk.



★★★

"Tah hian țhu rawh chuan nute vur in neih chuan a dehna tur nen lo la ta che u" sofaa min țhut thlak tir dawt pah chuan a rawn ti a, deuh hmuk hmuk chuan.





"Mahse... deh pawh a ngai...." ka sawi zawh hma hma chuan "engmah lo sawi ve suh" a ti zui leh nghut. Ngawi reng in amah chu ka en a en pawh min en lo chuan a kamis ban chu a thlep chho mawlh mawlh a a tûm hmuk ang reng reuh bawk si a engemaw a hriat reuh le. Mahse, engvanga Remzuali zawk kha zui lo nge maw anih le.





Ka nu zawk chuan vur leh puan chu a rawn la a, ka bulah a rawn țhu thlaa "bawihte, i țha maw? A khawihna hman che em?" A rawn ti dam dap a a rilru a hah tih hriat zet hian a mitmeng te chu a dul em em mai bawk "ka țha lawm vawikhat chauh min beng hman a nangmah kha i țha zawk em?" Ka ti nghal sap thâwk chhuah hawk pah hian ka kut chu a rawn vuana ngaihdam min dil zui nghal zat ringawt bawk.





"Lo hawi la Duati" Damian-a chuan a rawn ti sup. Duati ah! Hepa hi! A ve ringawta.





"Damian vur a deh pawh a ngai dawn em maw ni le a ngai anih pawn keimahni'n kan lo ti mai ang chu" ka nu chuan a rawn ti a.





"A ngai lo ve nute keiman ka ti thei alawm chuan a vûn hmaa vur a deh hi a Damdawi țha ber chu ani, mahni inngaihtuah hmasak nachang hrelo'i têreuh hian a ti leh duh hauh lo ang" a ti leh ta nghut. Ka ner zui nghal nâwng a ka ban bulah chuan rawn dawm in a lam hawi zawng chuan min kuai her a ka bianga rawn deh a tum rual chiah chuan a phone a rawn ri a a rûm zui nghut. Enge maw a hriat le hetia a awm tak deuh hmuk hmuk ni.





Mahni inngaihtuah nachang te chu ka hre ve tho bawk e. Chutiang em em a in ngaihsak lo pawh ka ni bawk lo.





"Pick la ka deh chhungin ka bengah dah in min lo dawm sak rawh" phone min rawn pek pah chuan a rawn ti leh hmuk, hnialin awmzia a neih leh dawn loh avang chuan phone chu ka ban ve mai a 'Jephtha' tih alo inziaka ka pick sak a a bengah chuan ka han dak sak bawk "sawi rawh" tih nghut pah chuan țhu hniam in vur chu ka biangah chuan a rawn deh tir nghal zat a ka biang nâ kha a zia deuh huai in ka hria.





"Nu khawnge ka pa?" Damian'n ka bianga vur a deh tir lai reng chuan ka ti chhuak sap.
"A duty mek a 12-ah a zo ang vawiin chu khawiah mah kal lo la ipa nen eng emaw sawidun ta che u keini thusawi chu engah mah a ngai loa nangman bia la i nawr thei deuh mahna" a rawn ti a, ka thaw chhuak nghal ham ham bawk.





"I ban a kham tawh em?" Nuih deuh reuh paha a rawn tih rual chuan melh rum hrep pah hian a phone chu ka la thlaa ala kiai suk zui lehnghal ngeiawm lutuk, a be zo tawh tihte chu min hrilh țhat ve mai âwm ania nichinah a tûm hmuk ang reuh a tunah lah min la nuih ang suk suk lehnghal bawk a a ngeiawm lulai lutuk.





"A zia deuh em? Ka lo enchiang leh teh ang" a rawn ti a, ka hmai bula a rawn awm hnaih rual chuan a âwm ah chuan ka lo nem nghal vak a ka nu te chu ka mitmei zeuh bawk, ka nu leh Sheryl an awm ve renga hetianga awm te chu ah! A zahthlak lutuk ringawt dawn.





"A ho lutuk engah mah an ngailo" a ti ve mai lehnghala chet hlak pah chuan ka nem leh vak a, a tawpa tawpah chuan a awm hrang deuh ta bawk a mahse min hlat takah chuan ala țhu chuang lo reng reng bawk.





"Damian Bawiha, ipa khan a sawi zuai tawha hmanniah khan, vawiina ka fanu chunga khatiang thil rawn titu kha i bialnu Remzuali ani tiraw? Chuan enga tinge khatiang khan a rawn awm ringawt țhenawm khawveng ten an hmu bawk si, thil hriatsual palh a nei nge, nge ni a ipa te thil rel avang hian in inkar a chhiat phah a ka fanu chungah a rawn țuan?. Nang lah chuan ani buaipui lo khan Bawihi i rawn buaipui leh ta daih si a" ka nu chuan a ti a, sawi ka duh vaklo asin mawle theihnghilh ka duh.





"Nute, Lora ka buaipui zawk avang hian enge thil awmzia chu in hriat ka ringa sawi tam vak a ngaih ka ring bawk hek lo. Hriatsual ni lo in tih luihna lampang ani, ama lamah kha chuan in vengthawng lo ula engkim ka lo buaipui dawn nia" a ti sup a, a sawi zawh rual deuh thaw chuan ka nâk ding lamah chuan a rawn hmer nghal salh a ka țhu chhuak nghal deuh zawk bawk. Ka nu te lah chuan ka awmdan chu mak an tih hmel em em lehnghal.





"Engthil nge maw itih hi le?" Ti zâwi țhat a a lam ka hawi chu en pawh min en hauh lo chuan hmalam alo melh ngur ngur a ava han chimawm thiam tak e aw... ka ngei lutuk!





"Nute, Lora hi a fâl in ka be lawk duh a rem in tih chuan eng emaw sawi fel tur kan nei a" a tih sup rual chuan ka bul hnaih chêt ah chuan rawn țhu leh in ka kawng ah chuan a vuana a lamah min pawt hnai nghal zat bawk.





"Anih chuan Bawihte, Damian-a nen chaw in la ei lo ang tiraw chaw ei ka va siam ang che u in ril a țam lutuk tawh ang" tiin ka nu chu a tho chhuaka choka lam a pan nghal zat. Sheryl lah a phone a rawn ri a pawn lamah a chhuak daih lehnghal.





"Min thlah rawh" tih pah chuan kûn pah in a kut chu pawh phelh ka tum a, mahse rawn hmer salh pah hian a lamah min pawt phei leh a ka bawh deuh rawk rawk lehnghal. "Kha mipa phiangsen kha tunge anih? I bialpa ani tih chu min hrilh tum hlek suh" a rawn ti nghal hrâwih. Țhut țhat deuh pah chuan amah chu ka ner khum nghal nâwng.





"Enge ilo ngai mawh ve vak a, duh leh ka bialpa pawh ani anga duh leh ani lo anga i lo buaina tur pawh pakhat mah a awm lo" ka ti ve hmak. Rûm nghut pah hian min pawt âwn leh thut a, a âwm ah chuan ka va bawh rawk rawh zui lehnghal. Thawh chhuah ka tum a mahse min kuah nghet sauh "ka buaina tur ani, a chhan chu nang hi ka mawhphurhna ini tawh mipa dang in an khawih che emaw pawh ka remti hauh lo" a rawn ti zui leh hrâwih.





"A ve ringawt a che engtik laiin nge i mawhphurhna ka lo nih a ka nih lai ka hre lo reng reng mipa dangin min khawih emaw min biakna turah lah chuan thuneihna i nei lo chiang bawk. Min thlah la, i bialnu țah belh zet bulah khan va kal rawh tunah chuan alo țap leh ker ker tawh ang chu mawle keimah min beng a amah zawk ala țap zui, dâwt lah chu a sawi nasa ropui bawk si" ka ti hlak a, awm hran tum chuan ka theihpatawpin ka che bawk.





"Ka kal anih chuan i thîk lo ang maw?" A rawn ti sup. Ka nui chhuak nghal hak bawk.





"Thîk maw? A teuh hian a hnailo a thleng ngailo ang chuan i kal chuan hmuh pawh min rawn hmu tawh suh ang che chuan kan buaina a fel ani mai mahse vawiina ka chunga khatiang thil a tih avang khan ka ngaihdam mai mai ring hauh suh se a hunah chuan sual ka chhuah thiam ve reng ania" ka ti zui leh hlak bawk. Kal a tum chuan min thlah ve mai kan rin nen thawh ka tum a mahse min kuah nghet sauh.





"Anih chuan kha mihring phiangsen kha zawn chhuaha ka khawih deuh hlek a ngai dawn ava nih hmel ve a hnaih tawh lohna tur che anih chuan a chungah engpawh ka ti hreh hauh lo ang" a rawn ti hrâwih a, rawn thawh kân a tum rual chuan 'aih' vak pah chuan a âwm ah chuan ka nem vak a a nui chhuak nghal hawk bawk.





"Engtin mah khawih hlek suh" ka ti nghal vak a, nuih chhuah hawk pah chuan ka khel ah chuan a rawn dawm a a malchungah chuan min hlang kâng nghal zat lehnghal. "Anih chuan chutianga ka tih i phallo anih chuan tunge anih chu min hrilh ta che" ngeiawm zet hian a rawn ti leh a ka kawngah chuan rawn vuan in min pawt hnai zui nghal hrâwk bawk.





"A teuh lo, min chhuk tir rawh ka ril a țam tawh engmah ka la eilo"





"Sawi phawt la ka chhuk tir ang che"





"I ninawm emai aw enga tinge heti hian i awm vak zela vawitam tak ka hnawl tawh che a mahse tinge min la rawn tihbuai zel. Nizanah pawh khan kan tih tur ve ve chu ka sawi tawh kha kan pa te nawr, buaina tam zawk a chhuah loh nan chu chu kan tihtur ani nangpawn i duh loh kha" a âwma innem khalh pah chuan ka ti nghal vak ringawt bawk.





"Ka duh, ka pa te thu thlûkna kha ka pawmpui bawk. Ka duh che a ka kianga awm turin ka duh che nangmah avanga inthlak danglam ka pawi ti hek lo ka pa te bulah chuan ka neih na tur che in ka dil dawn ani. Chuan kha mihring kha ka hmuh hunah chuan a sil awng viau maithei ni" a tawp lam chu a ri chhuak hrâwih a, ka hnarah chuan a rawn fawp nghal zeuh bawk.





"Khawih miah suh, tukin a kawchhung ka thlen theih nana ka chuanna motor khalh tu pa anih kha Damdawiinah an kal dawna ka lo phar ding a chuan kan Damdawiin thleng kan kal ho bawk chu bak engmah a awm lo i pawi pawh sawilo chu i khawih duh hauh lo ang. Chuan i duhdan kha ka pawmpui ve theilo che neih che pawh ka duh bawk hek lo" ka ti hmak a, a kut chu vuanin min thlah turin ka ti nghal zat a. Min la thlah duh lawk lo lehnghal.





Ka nu in chaw a ei theih thu a rawn sawi rual chuan min vawnna chu a thlah thâwl deuh hlek a remchangah la in ka tal thla nghal vat bawk. "Kha buainaa min rawn buaipui leh min chhanhim avangin ka lawm lutuk. Mahse kei ni lo in Remzuali zawk i buaipui tur niin ka hria chuan ka nu in chaw ei a siamsak ve chea i duh chuan i ei thei a i duh chuan i theilo bawk engmah ila ei ka ring bikloa i thi thu ani e" a hmaa din pah chuan ka ti nghal sap.





Ka kal tur chu ka banah rawn vuanin hnunglam ațang chuan nghet zet hian min rawn kuah "Lora... tih luih che ka tum lo min ngainat theih nana nasa taka nawr che pawh ka tum bawk hek lo. Ka duh che a, ka kianga i awm loh chuan ka buai nghal țhin inneih tur thu ka hriat tirh kha chuan ka duh hauh lo che hmeichhe nêp leh der dêp hmel lutuk ah ka ngai bawk che mahse chutiang hmeichhia ini lo tih engkim ka fiah vek tawh. Remzuali i vengthawng anih chuan engkim ka chingfel thei" a rawn ti sup, ka sam ah chuan a hmai phûm in a thaw chhuak nghal ham ham bawk.





"Damian" ka ti chhuak hap ringawt bawk. He mihring pa lakah hian feelings ka nei ve tih ka pha lo, phat pawh ka tum bawk hek lo mahse he ka feelings neih avang ringawt hian ka nei in ka ring thei tlat bawk si lo. A sawi dik alawm Remzuali ka vengthawng ve pakhat bawk. Nizan thil thleng engmah pawh hrelo in khatiang khan ka chungah a rawn che nghal ringawta a ngaisual chiang hle bawk.





Damian a duh tih ka hria midang tan a phallo tih ka hre tawh bawk. A duh em em midang bula a awm hmu ve ta se a nat dan tur ka hrethiam keimah ang chiah ani dawn bawk. Mahse tih theih engmah ka nei silo Damian-a awmdan pakhat mah ka dang thei loa ka bula a awm hnem pauh leh a laka ka feelings neih te hi an pung tual tual a nasa takin ka thup a, amah hi min hlat turin ka hrilh țhin bawk anih kha mahse awmzia a awm chuang hauh lo.





Khawi ațangin nge, engtik ațangin nge feelings hi ka neih ka hrelo mahse ka bula a awm apianga ka awmdan diklo țhin avang hian niminah khan ka hrechhuaka mahse nasa taka inthup a ngai si. Nizanah khan ka mut naah ka ngaihtuah neuh neuh bawk a ka duhna hi ka pawm ngamlo mai pawh ni lo in ka ti lang ngamlo ani.





"Aw... khawnge Damian-a kha a chaw ei tur ka siam kêp asin" chokaa ka luh rual chuan ka nu chuan alo ti nghala dawhkanah chuan chawhmeh te chu a chhawp zui nghal zat bawk. "An rawn call leha hna pawimawh a nei thuta a kal anih kha ka ril a țam tawh lutuk engmah ka la ei loa kan ei nghal teh ang" tih pah chuan ka țhutnaah chuan ka țhu a, chaw thleng chu ka lamah ka dah phei nghal zat bawk.





"Bawihi, ani kha i duh lo viau in ka hre si a ipa pawh i hnial hrep bawk a khatiang khan a lakah vawikhat mah ila awm ngailo mahse nichin maia thil thleng te kha enge awmzia ni a? In pahnih hian inzawmna in nei em ni?" Bai ka hâwp lai chuan ka nu chuan a rawn ti a, ka hâk zui nghal bawrh bawrh bawk.





Ka hnung zângah rawn chûm in tui min rawn pe a, a thak lutuk chu ka mittui a tling rum thei. "Ka thusawi avanga i thil hâwp lai i hâk dan ah eng emaw chu a awm ani tiraw?" A rawn ti a, ka hnungah chuan a chûl zui nghal heuh heuh bawk.





"A thak lutuk ka hrawk ana vek" ka ti a, ka khuh zui lehnghal bawrh bawrh bawk. "Hmarcha ka lo thlak hnem deuh hlek anih kha Anțam tui kha in la a zia mai ang a sat lai khan hâwp rawh" a rawn ti a, a sawi ang chuan Anțam tui chu ka hâwp zui nghala ka hrâwk chu a thîp thla rum rum thei.





"Eng inzawmna mah kan neilo a rawn kal ve mai mai anih kha. Chuan nu, Nizanah ka pa in enge a sawi? Chuan a thinrim em?" Ka ti ta daih, Damian-a nena kan chungchang chu sawi ka duh rih lo.





"Thil tam tak a sawi an ngaihdan an sawh sawn dawn loh thu te pawh an sawi a Damian-a pa nen pawh khan an inbe bawk. A thinrim hran lo i pawm hun an nghak dawn anih hmel. I nau nen pawh vawitam sawipui kan tum țhina mahse thinrima lak a tum a engmah kan sawipui lo. Nang in nawr la thil a nihdan takin sawi bawk la" a rawn ti a, ka lo bu nghal nghat nghat bawk.





"Mahse nu... ngatinge ka hrilh khan hrelo ang in a awm si a mahse in lo hre leh daih tawh si in hre renga ka lakah in zêp char char tihna ami?" Ka ti leh sap.





"Nimina i pa te sawi ang khan School an kal ho țhin lai ațanga an rel ani tun thlengin an la tum bawk. I pa in engmah sawi a phalloh avanga zêp kan ni, engtikah emaw in la intawng anga in la induh ngei bawk ang tih kan ngaihtuaha tunah in intawng ta reng bawk a mahse an duhdan in thil a thleng dawnlo anih hmel tlat" a rawn ti a, eng emaw tak zêp ala nei ani ngei ang a hmel ah a hriat vek a mahse engmah zawh chhunzawm pawh ka tum tawh chuang lem lo bawk.





Ka inbuala ka battery low vek chu ka Charge nghak bawka Switch off pawh ka la on duh lo. Ka inbual chhung zawng in Damian-a nen a kan awmdan vel ka ngaihtuaha a chang leh ka nui leh ver ver zela â ka inti ru leh em em zel bawk. Thil zêp ve kil kelh ka thiam lo sawi chhuah phawng phawng chang lah ka ngah țhin bawk. Hei tak hi ka chhungte pawn min hauh tam na a ni țhin.





Ka damchhungin ka mumangah lehzel pawh tuna thil thleng te hi ka la mang chhin ngailo ngaihtuah phei chu khawi ah, ka pasal tur lo hual lawk ang te lek phei chu. Mahse ka beisei loh deuh in ka pa te chuan inremsiamna an lo nei si chu pawh an naupan lai thusawi lehnghal, tun thlengin an la kaltlang pui bawk.





Thaw chhuak hak in ngaihtuah chhunzawm duh tawh lo in ka lu ka thing nghal vak a, engtiang kawng zawng pawn ka pa hi a thu ka sût tir thei ngei ngei tur ani. A țul chuan ka nunna lakah pawh ka vo mai ang a fanu thi tur chu min ngaih thah mai mai ka ring hauh lo. Hetianga ka ti anih chuan buaina tam zawk a awm lo anga keipawn ka theihnghilh ve thei mai ang.





Ka phone chu ka on a missed call tam zet alo awm bawk, midang dang hnen ațangin engmah pawh check lo chuan Whatsapp lamah ka lut a engdang mah en lem lo chuan Maria-i message chu ka en hmasa bera amah call tura min rawn tihna vek ani bawk.





A number chu hmet chhuakin amah chu ka call nghal zat a ala la har em em mai lehnghal "Awi.... ava tawp hman teuh ve ka buai zia chu" tiin phone a rawn lak rual chuan a rawn ti nghal zat a, ka lo nui ringawt bawk.





"Buai si enge nangmah call turin min hrilh char char ni i buai loh hunah ka rawn bia ang che, ka dah dawn" ka ti a, dah lo tura min hrilh in a rawn au vak ringawt a ka phone chu ka beng ațangin ka dah hla vak bawk. Mawl thei lutuk mai.





"Anih chuan i sawi duh chu sawi mai ta che buai i in ti bawk si dah suh min ti bawk si i hahthlak emai" ka ti hlak a, a rawn nui chhuak hak hak bawk. Thil thleng vel min rawn zawt a engkim ka hrilh nghal vek bawk kei ai pawn a rilru a buai thu min rawn hrilh a sawitur pawh ka hre tawh lo tu mai pawh nise a hria apiang chu an buai ve tho in ka ring ani, ka ring takzet bawk.





"Tlai ah i haw hma dawn em?" thil a sawi mawlh mawlh lai chuan ka ti ta daih.






"Hma ka ring a chhan chu vawiina ka hna tur chu ka zo tawha reilotê ka awm leh anga chuan ka haw thei ani mai. Naktuk Sunday ani bawk si a inbuatsaih ve te pawh ka duh ka țan dawn lehnghal" a rawn ti a, a țan ngun bawk si a a țan dawn apiangin ka bulah a rawn vui ziah lehnghal bawk a a peihloh thu ngawt a sawi țhin bawk.





"Anih chuan chhuak dun ila kan chhuak dun khat tawh hun kan neih lai hi chuan awm dun ve ang Chawlhni ah bak kan inhmu thei bawk si lo, taka i sawi ang khan Remzuali chu ilo en chiang tawh em?" ka ti nghal zat. Niminah khan alo chhui vel tur thu a sawia a chhan pawh an dawr ami ten a chungchang an sawi nasat vang ani bawk.





"Chhui tawh e, kan inhmuh hunah ka hrilh ang che Magazine-i ani ringawt chu lo pawh vanchhumpiani mawle. Awi! Ka hrilh chak tawh lutuk che a țhen ah chuan i nui anga i ngei ve tho bawk ang ka dah dawn ka haw tur thu ka va in report phawt anga ka insiam anga ka lo kal ang" a rawn ti leh zung zung a engmah ka sawi ve leh hma hma in a off zui daih lehnghal, a duh a sawi zo a ka thusawi pawh ngaihsak ve tawh lo in a dah daih zel.





"Bawihi, ipa alo haw ania" ka nu in a rawn tih rual chuan ka in perh tho nghal zat a a enga mah hma in ka huphurh ve em em ringawt bawk. Mahse ka ti thei ngei ngei tur ani. Khum ațanga ka thawh kân rual chuan ka phone a rawn ri leh a Damian-a alo ni a, mahse la lo chuan khumah ka theh thlaa kawngkhar lam ka pan nghal daih bawk. Inbe tam vak tawh lo ila engkim a țha vek ani mai, kan lo inhmu leh thut anih pawh in ka theih tawpin ka pehhel ngei a ngai tawh ngei bawk ang.





Sitting room-ah chuan ka pa chu a form nen chuan Sofa-ah alo țhu renga T.V chu alo thlêk reng bawk, ka nu in thingpui a lum sak ani ngei ang a awm loa a bulah chuan ka va țhu phei a mahse ka thawm hria ang pawn a awm lo. "pa" ka ti rual chuan a rawn hawi a min hmuh rual chuan a țhu țha nghal vut bawk.





"Bawihte, i țha em? Nâ te i nei em?" a rawn ti nghal zat a, ka nu ang mai in ka taksa chu a rawn enkual nghal bawk. "Ka țha lawm nâ engmah ka neilo. Englo, eng emaw sawipui che ka duh a" ka ti nghal sep.





"Sawi la, inneihna lam anih chuan thuthlûkna i siam tawh ngei ka beisei" a rawn ti nghal zat bawk a, ka thaw chhuak nghal ham ham ringawt bawk.





"Englo ania inneihna chungchang kha chu ani tho a. Pa, nimina ka sawi tawh ang khan inneihna hi ka duh lo in naupan laia in thusawi mai mai ania ngatinge in puitlin hnuah pawh in la kaltlang pui zel. Nangmah pawn min hrilh țhin kha 'in hmakhua hi ka ngaihtuah bera hlim taka nun in hman pawh ka duh pui che u' tiin mahse tunah khang i thusawi te kha engmah lo mai ah i chhuah leh tawp dawn asin ka hmakhua i ngaihtuah anih chuan pa hetiang hian ti suh i fanu hmakhua hi i tichhe vek dawn asin" ka ti a, ka pa erawh lungawi loh hmel zet hian a thaw chhuak vak ringawt bawk.





"I hmakhua ka ngaih avanga hetianga ti hi ka ni nu leh pa chuan an fa te tana țha tur an duhvek a chutiang chiahin keini pawn khatiang thu kan hrilh nitin chhan cheu chu in nitin nun fimkhur tak leh uluk taka in hman kan duh vang ani. Nu leh pa chuan fate chu thu țha hrilh in an țhatna tur lam an kawhhmuh in an kaihruai țhin chuan tuna ka thil tih hi i tana țha tura ka tih ani bawk" a rawn ti lehnghal hrâwih.





"Pa! Engtin nge khatiang thu kha i sawi theih zawk? I ngaihtuah ve ngai miah lo em ni? Keimah ah han inchan chhin teh anih loh pawn nangmah ang khan in ngai la i mipa emaw hmeichhe duh lo leh i huat em em chu tih luihna hmang in nei dawn ta la engtin nge itih ang? I duh lo ve tho ang chu chuan chutiang chu ka hma hun atana țha ani in i sawi bawk a țha chu khawi ah a chhe vek dawn asin" ka ti lehnghal vak a, hetiang em em hian engtin nge alo inthlak danglam theih zawk le, rin harsa ka ti takzet ani.





"Bawihi, ka thusawi hi pawm la i hlim ani mai. Ipa hian i tana țhalo tur chu engmah ka ti ngailo ani tih i hriat kha" a rawn ti leh.





"Pa, engtin nge hetiang em em hian i inthlak danglam theih? Engtin nge i fanu nun chu infiam nan i hmansak theih zawk. Kum kan tling tawh a kan pasal tur emaw thildang reng reng ah pawh duh thlang thei rual kan ni ve tawh asin. Zalen taka nung turin min hrilh țhina chutianga awm pawh chu ka tum bawk țhin ka nun te țha taka hman ka duh a rim taka hna thawha kan tana min tih sak zawng zawng te kha rul vek thei dawn lo cheu mah ula ka theih ang tawk chu in tan hman ka tum ve țhin.





Chuan tunah ka duhthlanna pawh min zah sak lo in pasal min neihtir in tum leh ringawta nu leh pa chuan fate tana țha tur an duh a tiin i sawi reng a a takin i lanchhuah tir si lo. In naupan laia in thusawi tawh chu thawh thar leh in i fanu hmakhua min tihchhiat sak i tum a tichuan i tana țha tur ani tiin min hrilh bawk. Keimah emaw ka nau hrim hrim pawh kan tana țha tur i duh anih chuan kan duhthlanna te min zah sak ve tur ini asin" ka ti nghal țiau.





Ka pa hmaa țah hi ka duh ngailo a chhan chu mi chak tak ka ni tih lan tir ka duh țhin vang ani ka mittui tla pawh an hmu khat țhin em em bawk mahse tun hnuah erawh ama thiltih ngei hian min vaw na em em a a hmuh ah ka mittui a luang lo theilo ani.





"Engtiang pawn sawi la ka thusawi hi ka sawh sawn dawn chuang lo chiang tak in inngaihtuah leh la ka thusawi hi pawm mai rawh. I pawm dawnlo anih erawh chuan i nau ka neih tir tho tho ang nang erawh i nu Hlimi te bulah thingtlangah ka thawn che anga kumtluanin hah takin hna i thawk tawh ang" a ti hrâwih a, a tho chhuak nghal zat bawk.





"Ka nau pawh neih tir la a hlim dawn chuang em ni? A mittui luang i hmu reng anga mahse ila Hmangaih ve mai ang emaw i tuar chhuak ve mai ang tiin i hrilh leh hram dawn em ni? Engtin nge kan chungah hetiang thil hi i tih theih zawk pa?" Din chhuah pah chuan ka ti ve nghal țiau a, ka pa an room-a a lut tur pawh chu a ding zui lehnghal zat bawk.





"Inngaihtuah harh i ngai anih kha va hawi thawveng la engkim i ngaihtuah chian hunah ka thusawi engkim hi i hrethiam mai ang" a ti leh hram a, an nupa room-ah chuan a lut zui nghal zat bawk. Ka mittui rawn luang chu ka hru nghal thuak thuak a ka thaw chhuak nghal hak bawk.





"A țha e, i thusawi ah chuan ding nghet ang che mahse min hmu leh mai mai tawh lo ang" a hriat tawk tur chuan ka ti chhuak vak a, ka room-ah chuan lut in kawrlum chu ka la a ka phone chu ka ban nghal zat bawk.





Room ațanga ka chhuah pawh chuan ka nu in min lo biaa mahse pakhat mah in ka chhang loa in ațang chuan ka chhuak nghal ringawt bawk. Maria-i chu ka biaa kan in bula ka awm thu leh min lo hruai turin ka hrilh nghal zat bawk.





Ka pa thusawi zawng zawng khan min ti na em em vek a sawi ber tur pawh ka hrelo bawk engtin nge khatiang em em khan alo inthlak danglam theih zawk le mak ka ti takzet ani. Ka pa ani thei hi ka lawm in ka chhuang em em țhin mahse tunah chuan engmah pawisak nei tawh lo mihring anih avang khan ka haw takzet ani.





Engvanga ka tana țha tur nia ngai tlat nge anih ka hrethiam lo ani keiin ka neih loh pawn ka nau in a nei ang ala ti hram anih kha. Ani lakah chuan kan zahawmna emaw kan duhthlanna te hi engmah lo mai an lo ni dawn anih kha ka țawng nat ka hlau lutuk ber khan sawi tur ka haih chhama ka sawi ngai te pawh ka sawi nawn tluk tluk ngei ang.





Mahse engtikah mah ka dinna hi ka sawh sawn dawn chuang lo Damian-a pawh a lakah feelings neiin ka lo duh pawh ani thei mahse ka pasal ani dawn tihna ani kher lo in duhna hi chu thil awm thei satliah ve mai chauh ani.





Tunah chuan amah hi hnaih lo in be lo bawk ila hmu lo bawk ila ka tan chuan a țha ber ani. Engtikah mah an thil duh hi ka tih hlawhtlin tir ngai bawk hek lo ang engtikah mah.





Ka țhutna chu ni a sa em em a mahse thâwk leh khat ah a rawn daih hlim thut a lei ah chuan mihring thla a lang nghal bawk. Hawichhuah ka tum rual chuan "Lora" tiin ka hming chuan a rawn au nghal sup a, tunge anih ka hria ani.





Dak chhuak in ka hmaa ding chu ka en a a hmel ka hmuh chian rual chuan ka nui chhuak nghal hak a "Jordian" ka ti chhuak nghek bawk.



★ A tawi leh pek ani ti'ru😆. Ka muthlu zeuh zeuh a, kan feh leha ka chau deuh aniang😅. Naktuk zan ațang chuan zan tin a awm leh thei tawh ang aw... chuan a hma ang chiahin a thui leh tawh bawk ang☺ min ring ru😆 chuanin an inngaizawng țep tawh ania😂🤭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:53 pm

ADDICTED_TO_YOU 💙 #EP-9

By : Msi_Miluhlulnui 👩





Ka din chhuah rual chuan alo nui nghal suk a, ka hmu thut ham haih bawk si chu enge sawitur ber ka hre lo amah chu ka en a ka nui leh ringawt zel bawk.





"I lo dam țha em? Ngatinge i mit te chu ava sen ve i țap em ni?" Ka mit hnuai lam deuh hlek rawn khawih pah chuan a rawn ti a, nui chhuah hak pah chuan ka lu ka thing ringawt bawk.





"Englo, ih... engtin nge hetah te i awm theih a? Khuta awm tur ini si a bakah in kalna pawh ala rei vak bawk si lo a" ka ti chhuak hap ringawt. A hmel hmuh leh pawh ka in beisei tawh lo kha ani a mahse tunah ka hmu leh thut bawk si a ka lawm bawk si ka hamhaih bawk si chu awmdan tur ka hre mai lo.





"Mamawh lam turin ka rawn chho zawk a chuan ka rawn tlawh kawi che a zanin tlaiah ka let thla lehnghal ang. Mahse i țhat loh hmel i cher riau in ka hria chaw i ei țha lo ami? I mu tlem dawn tih chu ka hre sa tho a chu" ka chal te rawn khawih pah chuan a rawn ti leh a, ka chal a vawnna a kut chu ka thlaa ka nuih lui hram hram bawk.





Ka thin phu chuan a phut rual hian midang ta ani tawh tih a rawn sawi tel dup dup ni maiin ka hria.
"Enge Gloria chu a an a? In țha zel em?" Ka ti ta daih.





"Aw... Pathian zarah kan țha chak lutuk e, test hrang hrang an nei a chuan naktuk hian an zai dawna Doctor kha chuan a dam leh theihna chance hi a sâng zawk a kha a tia i bulah pawh lawmthu sawi a duh nghe nghe asin bia la" a rawn ti sup a, nuih luih pah chuan ka lu ka thing nghal nar nar bawk.





"Avan lawmawm ve, ka lawmpui lutuk che chuan lo dam zel rawh u nakinah ka rawn be dawn nia a hmel te pawh ka hmu ve chak tawh a" ka ti leh sap bawk.





"Ka thlen thlak hunah ka lo hrilh dawn nia ngatinge inchhungah pawh awm lo in pawn lamah te i awm a ka lut tur khan ka rawn hmu che a. Bakah enge instagram-a thlalak kha enge awmzia khapa nena in inngaizawng an tih kha thudik ani em?" A rawn ti sup. Tu mai pawn an lo hmu tawh anih ngei dawn hi keiin vawiinah ka hre ve chauh bawk a.





"Thu diklo anih kha an sawi pakhat mah a diklo lo ngai kawi duh suh eng emaw palh vanga thleng mai mai anih kha let tawh rawh i tlai palh ang e khua a nuam vak bawk si loa zan lamah ka lo bia ang che u" ka ti sap a, ka nuih nghal ver ver bawk. Ani erawh chu a ngaih a la țha vaklo tih hriat zet hian chîk zet hian min en zui ngur ngur ringawt bawk.





"Lora, ka lo thleng tawh" tia Maria-i aw ka hriat rual chuan Jordian-a hnunglam chu ka en nghal vat a Scooty ațang chuan a rawn chhuk vel mek bawk. "Lo kal rawh, i tum loh deuh ilo hmu mai ang" ka ti a. "Tu maw?" Tih pah chuan ka bulah chuan a rawn ding a kan hmaa Jordian ding a hmuh rual chuan a au chhuak nghal vak bawk.





"Hmela leh! Engtikah nge ilo chhoh a? Chuan engvanga engmah min hrilh lo nge inih? Hmun changkang lutuk ah i awm a i induh nghal ve deuh tihna em ni? Ve that that che hian zak teh aw" a ti zui bawrh bawrh a a âwm ah chuan a han hnek zui ang chawrh bawk a. Jordian nen chuan kan in en a kan nui ringawt bawk.





"Ka rawn thlenna pawh ala rei loa engmah hrilhna hun cheu awm hek lo Lora bulah ka rawn kal hmasa bera zanin tlai ah ka let lehnghal ang, inhmuh loh kar in ilo țhang deuh in ka hria" tih pah chuan a inteh zui nghal zat a, Maria-i run tawk a tling hle a, ka lo nui chhuak hak ringawt.





Maria-i nen Gloria-i chungchang vel an sawi lai chuan a hmel chu ka lo en reng a a hlim tih hai rual ani lo bawk. Gloria-i bula hlim taka a zu awm avang leh a hmel hmuh a nawm avangin keimah pawh ka lawm ve thei hialin ka hria chuta karah a dam theihna chance ala sâng zawng bawk a. Ka lawmpui takzet ani.





"I bike i lo keng in ka hria ani tiraw? Lora nen hian bazar kan tum a min lo zui ve rawh i chhuk leh hma dawn si" Maria chuan a ti leh a, a keng ngei tih hriat nan a tih țhin dan ziah in a Bike chahbi a ah chu a rawn phawrh chhuaka a thing ri nghal zat bawk. "I hman chuan lo kal ve rawh engtikah nge ilo chhoh leh ang tih a hriat bawk si loa" ka lo ti ve sep bawk.





"Kan dam a Pathian in rem a tih chuan kan la inhmu leh dawn alawm baka, treat cheu pawh ka la bâ a mahse mamawh lam khawm ka ngai a chuan Gloria-i u hmeichhia kha hruai thlak ka ngai bawk a tihtur a awm neuh neuh bawk nen Flight ka nang hman lo ang tih a hlauhawm ka rawn zui lo mai ang che u in hnungah ka rawn tlan anga Zarkawt Traffice point-ah khan ka kual chho ang" a rawn ti a.





Keini pawh Maria-i nen Bazar lam pan in kan inkhalh chhuaka ka. hnunga Jordian tlan chu ka en leh zeuh zela mahse Car pakhat hian a hliah leh țhina amah chuan min hmu vak lo ang.





Ka hmuh leh tawh pawh ka in rin loh nen a rawn lang thut a mahse a kal lehnghal daih bawk si a ngaihawm tawk lek in a rawn lang zui bawk si a. Mahse ka hmuh chhunah a hmel a nung in a hlim bawk a keimah pawh ka hlim. Ti kha chuan ka phone ațangin a thlalak te pawh ka delete thei tawh ang.





Ka nu in min rawn call a mahse ka chhang lo nakinah tlai ah ka be mai ang tunah rih chuan in lama mi te tumah biak chakna in ka khat lo. Inneih chungchang vel emaw bawk kha kan sawi leh anga tunah chuan engmah sawi ka peih rih lo thawveng taka awm ka duh rih ani.





Floria Hotel kawt ah chuan kan ding a motor dah an lo tam ang reng viau bawk.
"Hey! Nangnu hi! Iva ngawi leh tawh ve thil thleng a awm leh tawh ami? Jordian vang kha mi nge thildang?. Engkim min hrilh ve vek turin ka hrilh țhin che kha ka bulah chuan zêp te hi nei kîl kêlh suh" A Scooty hûn fel mawlh mawlh pah chuan a rawn ti a, a seat chu hawng in Bag a rawn la chhuak nghal zat bawk.





"Apa nen kan inhniala inneihna chungchang vel bawk kha ania a thusawi sawh sawn a tum chuang loa keiin sawhsawn ka tum ve bawk si loa ka thinrim lutuk khan ka hnial vak a chuan in ațangin ka lo chhuaka ni eng emaw zah vel chu in inah ka awm a ngai maithei min hmuh zen zen tawh loh tur thu ka hrilh a" ka ti chhuak hap a, min rawn en deuh vung vung bawk.





"Ipa chu avan ti mak em em hetianga a awm ngai pawh ka la hrelo pa țha tak kha ani in ka hre sia a reng reng thu in enge nang a pawh chu Damian-a nen heti khawp hian in inkarah thil a thleng tawh a neih ve mai âwm se, feelings pawh i nei ve thoa" a rawn ti a, thaw chhuak hak in LPS Market lam chu ka pan phei a tlan meuh in min rawn zui ve bawk.





"Ka awmdan pawh hi ka hrethiam tawh lo a taksa ka deh in ka thinphu a rang țhin em em a feelings ka nei ani tih thup pawh ka tum loa amah pawn a hre tawh bawk a chuan amah pawn min duh thu min hrilh a. Mahse kei hi ka â aniang ka pawm ngamlo ani berin ka hria vawiina ina ka let hnu khan kawtah Remzuali'n min beng a Damian-a pawh a awm țhenawm khawvengte pawn min hmu vek. Nizana kan riak dun kha keiman ka bum kuala ka zui kual tir ang in a rawn sawi a nakinah a kimchang in ka hrilh ang che tunah chuan mi an tam bawk si an lo hre riau riau ang" ka ti leh daih a.





LPS Market-ah chuan lut chho in a chung berah 17v-ah chuan kan chho leh a a nau Birthday-a pek tur bengbeh vel chu a en sak a kan en ve ngial a mahse ka lei duh pakhat mah ka hmu lo.





"Sanpiau dawr ah khan chhuk mai ang chhunah engmah ka la ei lo" tiin Bazar chhung lamah chuan min kuah thlaa kawnga chawhmeh vel an lo zawrh chu kan enkual leh hmasa te te phawt a Grape lah chu ala lei țawk zui lehnghal. Kal thlak pah chuan ala ei tuam tuam zui bawk a ala sil hmasa lo zui lehnghal Bazar laia Grape a lei chuan inah pawh hawn lo in a ei zo nghal vek zel.





Sanpiau dawr ah chuan kan lut thlaa a ril a țam tawh bawk aniang plate hnih lai a chah a kei erawh plate khat bak ka chah lo. "Taka khanu Remzuali chungchang ka hriat ang ang chu ka hrilh tawh ang che aw dawr ah khan amah hrechiang ve deuh an lo awm a engmah hrelo na nâ nâ chu ka zawt kual vaka ani lah chuan amah ngaisang âwm ang hrim in min ngaia min la hrilh duah lehnghal mahse chung karah chuan a nuihzatthlak te pawh a sawi tel ve tho a" lasi in pah chuan a rawn ti a. Ka țhut hnaih sauh bawk.





"Mahse a ringhlel lo che ami?"





"Ringhlel lo aniang chu khatiang chen chen min hrilh. Ka lo hrilh chea Vanchhumpiani ka tih chhan chu maw khanu khan a sawi a a no lutuka a țah belh ve bawk sia a țhianten an phuah saka mahse a hunah chuan a chak lutuk an ni bawk a. Chuan Magazine-i ka rawn tih chhan chu a lar ve bawk sia miin Model atan an hmang ngun ve bawk sia chuvang chuan an phuahsaka" a rawn ti a, amah lah chu a sawi zawng te chuan ala nui zui lehnghala a nuihzatthlakna pakhat mah ka hre ve lo.





"Chuan chu chauh chu ami a hrilh che a" ka tih lah chuan a lu a thing a a thil ei tur chu a ei hmasa leh te te bawk a a mak bawrh bawrh țhin ania.





"A duh loh tawp ah chuan a sual lutuk a ti miin a thil duh tak lo lei khalh emaw lo chhuhsak ta se neih let leh tum in a bei char char țhin chuan a zia a thup thiam lutuk a ti bawk a chuvang aniang nangpawh khatianga a rawn tih che Damian-a i laksak ang in a ngai anga a rawn beng che aniang mahse amah ka hmuh ve hunah chuan ka va han beng ve âwm chiang tak zak theilo ropui si mi hi chu an landan ang ngawt hi chu an van lo ni lo tak!" A ti zui leh hram bawk.





"Damian-a pawh ka tan hmuh tawh loh a țha ber ang ka hmu zel anih chuan buaina tam zawk a chhuak ang tih ka hlau ani" ka ti leh sap.





"Enge chutiang te i sawi, khuanu Samsuih te pawh in lo ni maithei asin Remzuali i vengthawng ani chiang mai ani vang mai mai a i duhna te pawh i tilang ngamlo anih chuan keimah hian ka nawr lui ang che, anih loh pawn khanu kha ka va sawisa ang, ani pawn a duh thu a hrilh chea a bialnu pawh a ngaihsak miah loh chu pawm ngam mai rawh i thu anga i kaltlang puia i theihnghilh leh theih loh chuan an hlim hmel i hmu anga nangmah bawk anih kha in thiamlo leh tur. Jordian i chân ang chiah khan i chân leh mai tur asin" a rawn ti hlak a, ka thaw chhuak hak ringawt.





"Mahse ka awmdan hi ka hrethiam lo alawm midang an nat ka hlau ani ber ang chu ka â tawh ani ngei ang mahse ka bula a awm tam pauh leh feelings ka ngah a a taksa ka deh lek lek phei chuan ka thinphu hi a phu chhuak dawn amaw ka ti țhin. Ka awmdan phei chu nasa takin ka thup țhin bawk a m ahse a chang chuan a tih hleihtheih loh" ka ti chhuak hap a, eitur chu ka ei zui nghal daih bawk.





"Midang nat hlauh avang mai mai a mahni pawh inngaihtuah lo chuh! Ani pawn a duh ve che a nangin i duh bawk a a bialnu ni mek pawh theihnghilha a rawn pan pawp che anih chuan lo pawm hliah hliah tur ini zawk aw Lora. I mipa duh ve pawh chu engvangin nge neih tum a i beih ve mai loh, midang nat hlauh avangin Jordian pawh i chân tawh ania tunah Damian...." a sawi zawh hma hma chuan a kâ chu na zet hian ka va hûp sak a. Ka kut chu pawthlak a tum ve ngar ngar bawk.





"Engmah sawi tawh suh dawr kawngkâa lo lut chiah te saw en la i mit a țhaa i hmu anih chuan ngawi tawh rawh a hming te ila lam zui lehnghala a hre hman hrim hrim ang" ka ti nghal hlak a, ka sawina lam chu a en pawh ani mahna a mal ah a rawn țham vak a, a chang leh a rawn chûm leh rih țhin bawk.





An țhutna tur chu kan en zui reng a ban phêna an țhut hnu chuan a kâ ka hupna chu ka thlah a rang tawk hian a rawn țhu țhaa "ka țawng kha a hre hman lo ang tiraw?" A rawn ti a, ka dar ka sân nghal ak bawk.





"Ka mal i hmer na vek, i sik tel lehnghal" tih pah chuan ka mal chu ka tuai a, a thîp sek sek mai.





"Aw... enge ka hmu thut kha ka hlauthawng êm alawm a hming ka sawi lai tak ani lehnghal a pilh lo ang a sen ringawt ang, khawnge an țhut a?" Tih pah chuan ding meuhin ala en lehnghala ka pawt țhu rang asin aw...





"Tikhan en suh ban phenah sawn an țhu ei vat vat la kan kal daih dawn nia kan awm rei tawh lutuk chawl duh ve midang pawh an awm ang, ka lo nghak ang che" ka ti hlak a, an țhutna lam chu melh zeuh a min hnungchhawn zawnga an țhut avangin min rawn hmu lo mai pawh a mahse enge hetah hian an rawn chawlh ve le chupawh Remzuali nen lehnghal.





Maria'n a ei lai chuan ka en leh zeuh zela Damian'n a kuah lai te chu ka hmu a a ngaihsak tih hriat zet hian a thil tihtur reng reng a tihsak bawk a. Sawtianga ti leh tur si engvanga min duh thu min hrilh nge maw anih le. Tukin zingah te kha chuan Remzuali kha a huat hmel em em mai bawk si a mahse tunah lêm a ngaihsak leh em em a a thusawi kha a ti tak tak lo ani ngei ang.





"Ka ei zo kal ang" Maria'n a rawn tih chuan Damian-a te pahnih chu en leh zeuh in ka tho chhuaka Remzuali lah chu hlim hmel zet hian Damian-a dar ah chuan ka bei a mahse rei pawh en duh lo in țhutthlenga ka bag awm chu ka la kâng a, ka ak nghal zat bawk. Tu emaw min hrechiang tu deuh emaw kha thlalaka min hrechiang tu deuh hian min hmu kawp ang tih ka hlau takzet ani.





"Kal ang" tiin ei man pekna lam chu ka pan phei a "Lora... min pek kêp la a nawi ka neilo" tiin Maria-i chu a rawn au phei lûng lûng a, rang zetin hnunglam chu ka hawi a Damian-a rawn hawi tur ka hmuh rual chuan kan ei man chu pe sawk sawk in dawr ațangin ka chhuak a min hmuh theih lohna turah chuan ka ding nghal zat bawk.





Ka âwm chu dawm in ka thaw chhuak nghal vak a step-a midang lo kal te chuan ka awmdan chu mak an ti tih hriat zet hian min en zui leh reng țhin bawk. Ka thinphu nasa lutuk chu a ngaihna ka hrelo takzet ani. A phu ring in a phu rang em em mai bawk a Damian-a khan min hmuh hman loh hram ka beisei takzet ani.





Maria-i rawn chhuak chu lo pawt in step-ah chuan ka pawt chho a engmah sawi lo chuan min zui ve dawt dawt a kan chhoh dawn chuan dawr lam chu ka en thla leh hram a Damian-a rawn chhuak ka hmu chiaha Maria-i chu ka nem chho leh vak bawk.





"Ngatinge ka hming khan min auh a Damian-a a khan a hria asin ivan mawl tak! Min hmuh hman loh hram ka beisei min hmuh hman ka hlau lutuka hmanhmawh deuhin ka chhuak alawm tunah pawh hian ka thinphu hi ala pangngai lo asin mahse kha ka awm tih a hriaa dawr ațangin a rawn chhuaka" amah kaih chhoh pah chuan ka ti zui hlak a. Ka thin te hi an la phu rang lutuk ringawt.





Thildang kan lei lai te pawh chuan min hmu hman ang em tih ringawt ka ngaihtuaha ka awm a nuam theilo. Maria-i lah chuan a tihpalh thu a sawi reng bawk a mahse chhan pawh ka chhang lo.





Maria-i nu leh pa chu ni eng emaw zat chhung vel riah ka dila pawi an ti loa ka duh chen chen riak turin min hrilh bawk, mahse zanin erawh chuan ka Duty dawn avangin ka riak thei dawn loa in lamah ka thawmhnaw lah chu a awm vek lehnghal bawk si.





Tlaiah chuam chaw pawh ei lo in ka chhuaka ka nau chu bia in in kawta ka awm thu leh ka thawmhnaw min rawn pe turin ka hrilh a. Khua a dur ang reng bawk si a a vawt lam lek lek ani.





"U... ngatinge a harsa zawng hian i awm tlata kan boss chu nei la ani mai alawm tunah pawh ka nu rilru hah reng reng in i siam a chaw pawh a ei duh hleinem ka pa lah in a thu sawh sawn a tum chuang bawk si lo" bag-a thawmhnaw min rawn pek pah chuan Sheryl chuan a rawn ti a, thawmhnaw ban pah chuan ka thaw chhuak nghal vak ringawt bawk.





"Tunah chuan engmah sawi ka peih rih lo a vawt si lut leh tawh rawh, ka nu chu ka țhat thu hrilh la min ngaihtuah lo turin iti dawn nia chaw ei țha turin hrilh la ka rawn haw leh vat ang" ka ti a. Kal ka tum a mahse min rawn au leha ka ding zui leh dat bawk.





"An thusawi i zawm hma chu ka nu hian ngai a awh thei lo ang nangmah ngaihtuah che in a hun a hmang anga ka pa nen an inti thiamlo bawk si, u... nangmah chiah hian engkim i siam țha thei ngaihtuah chiang la Boss nen pawh eng emaw tak inzawmna in nei ngei ngei ang vawiinah pawh khan min hrilh a i hahthlak a tih chu, nangpawn i duh ve thoa ngatinge inneihna hi i kaltlang pui mai loh" a rawn ti leh a, bag hrui chu nghet zeta vuanin hmalam chu ka en ngar ngar ringawt bawk.





"Sheryl, nangmah ah inchan chhin la nangpawn harsa iti ve tho ang thil hi i hmuhdan leh i ngaih ang ngawt khan a awlsam bik lo asin engkim hi a harsa lutuk vek tak tak. A lakah feelings ka nei tih ka pha lo mahse keipawn ka awmdan hi ka hrethiam biklo, ka nu chu lo enkawl țha ang che a damlo leh palh hlauh ang e inngaihtuah fîm ka mamawh takzet ani, ka rawn bia ang che ka kal ania" ka ti a, hawilet tawh lo chuan kawng sirah chuan ka kal phei zel a ka mittui a rawn tling ringawt bawk.





Hmingmuani ka va thlak a zaninah chuan Muani te nen kan duty dawn bawk a mahse anni erawh chu an lo la thleng lo. An lo thlen hma tiin Balcony-ah chuan ka lo ding a thli chu a thaw nasa ang reng viau a khua pawh a dur ang reng viau bawk, ruah a sur dawn pawh ani mahna.





Vawiin khan engvanga kan chawlhna hmun khera rawn chawl nge maw an nih le. Kan kal dawn tih an hre lawk âwm si loa bakah khang khang ah te khan an chawlh ka ring lo reng reng bawk.





Ka hming an lam ri vawikhat lek pawh a hriat rual chuan a rawn hawi nghal chat thei a chuan ka awm nge awm lo min en zui nghal zat bawk anih kha. Mahse engvanga Remzuali nena rawn kal rual nge maw an nih le tukin zingah kha chuan a huat hmel em em a mahse tlai ah khan amah duh hmel zetin a lang leh bawk a a kawngah te vuanin a tihtur engkim a tihsak vek a a nui bawk.





Remzuali hlim hmel taka a dara a bei lai te leh a kuah lai te chu ka mitthla ah an rawn lang zut zut a, a kut in a thlen chin te chu a chhui vek lehnghal bawk a ka chhunglam chu engtin emaw hian a rawn awm a ka sawi thiamlo ka na ru ngawt ngawt thei ni maiin ka hria.





Tukin zingah min duh thu zêp hauh lo in a sawi chhuaka mahse a tlaiah lêm Remzuali nen an awmdun leh a ka hnawl avang khan hetiang thil hi a ti ta tihna amaw ni le mahse chutiang chu a tih ka ring bawk si lo. Ka hmai chu hup vak in ka au chhuak vak a ka sam te chu ka tuai thur vak bawk.





"Ngatinge ka ngaihtuah tak reng mai le, ngaihtuah lo tur ka ni asin ngaihtuah tawh suh ngaihtuah tawh suh, ka thluak ațang hian bo rawh..." ka ti zâwi hlak a, mahse awmzia a awm lo kher mai. Ka ngaihtuahna a luah ngut ngut dan ah hian ka thîk tihna amaw ni le nilo thîk thei ka ni lo ka ni lo takzet. Lo thîk ve tur pawn dikna ka nei hek lo mahse tinge hetiang hian ka awm tak mai le ka â dawnin ka hria.





"Lora... i țha maw? Hetah te enge i tih daih daih a?" Muani aw ka hriat rual chuan ka phu deuh zawk a, rang zetin hnunglam chu ka hawi nghala tukverh ațang chuan a rawn chhuak ve nghal chiah bawka min ti phu lutuk ringawt.





"Ka țha lawm ka lo awm thawveng ve mai mai anih hi min rawn au thut bawk sia min ti phu lutuk ringawt" ka ti zui hlak a, nuih pah chuan ka bulah a rawn ding a a vawh ve deuh thu a rawn sawi zui ve lehnghal zat bawk.





"Muan... thil ka zawt ang che aw âwm ang lo pawh iti maithei a mahse hei i mi duh deuh emaw i bialpa ang te pawn hmeichhe dang lo be ta se chuan chu chu ilo thîk taa chuanin i thîk khan engtin nge i awm țhin? Ka sawi awmzia tak zawk chu aw... engtin nge i awm țhin tihna anih ber chu" nuih deuh reuh pah chuan ka ti chhuak sap a, ani pawh a rawn nui ve leh ringawt bawk.





"Ka van sawi thiam chiah lo ka awmdan tiraw min zawh khah?! Ka awm a nuamlo ruih zela mi'n min biak hlek te hian ka thinrim țun zel bawk ka ngaihtuah ngut ngut reng a zawhna tam tak ka inzawta a chang leh chhanna te ka inpe leh thûl zel bawk. Awi! Chutiang bak chuan ka sawi thiamlo, mahse tinge min zawh thut a? Tunlai i awmdan hi a mak thei hrim hrim" a rawn ti a, ka nui der ringawt bawk.





"Ka rawh lut ang midang pawh an lo thleng țep tawh ang a vawt reuh bawk si thil sawidun ang" ka hnungzânga rawn ben pah chuan a rawn ti a, ka luh vat tur thu ka hrilh a ani erawh chuan min luhsan thung.





Ngatinge ka awmdan te hi a mak in a danglam tak daih nachhan le ngaihtuah tur pakhat mah ka hreloa ka â hui ni maiin ka hria. Damian'n Remzuali kawng a vawn lai te chu chiang tak hian ka mitthla thei a ka lu ka thing leh vak zel bawk. Kei hi ka awmdan a diklo ka thîk thei lo ang hlat tur zawk ka nih kha chuvang chuan ka ngaihtuah tawh tur ani lo midang bulah va awm ila ka theihnghilh thei mahna.





Huiz, a ngaihtuah leh a sawi chauh chu avan awlsam tak em! Ava han sâwt lo ber tak! Kan inkawm khawm hnu pawn awmzia a awm chuang lo intih harh tum in coffee te ka in a ziah tur awm ang ang ka rilru lak pên nan ka ziak a engmah ka ngaihtuah theih loh nan buai anga inngaih tlat ka tum a tihtur ka zawng reng bawk mahse awmzia pakhat mah a awm lo.





"Arghhh.... ka thluak ațang hian chhuak teh u. .. ngaihtuahna fîm tak hman ka ngai ania min chhuahsan rawh u" ka lu dawm pah chuan ka ti zâwi hlak a, Muani lah chuan ka awmdan chu mak tih hmel zet hian min lo en zui lehnghal bawk a. Țawng ka tum chiah chu ka phone a rawn ri a Maria-i anih avang chuan la in Balcony lam chu ka pan nghal zat a ruah chu alo tla sep sep bawk.





"Ka nu in i ril a țam leh țam loh zawt tur che in min ti a chaw i ei duh bawk si loa tlai ah khan i inthlahrung amaw an tia inthlahrung lo turin an duh bawk che a an ngaihdan chu ka ngaihdan ve chiah ani" a rawn ti nghal zat a țhutthleng an dah ah chuan țhu in bang chu ka ngheng a ka maimichhing zui nghal zat bawk.





"Ka ril a țam loa a bak engmah a awm lo vawitam tak chaw ka lo ei tawha inthlahrun nachhan tur ka nei hleinem naktuk chhunah ka lo haw anga ka rawn ei leh țeuh mai dawn alawm nutei pawh kha lo hrilh rawh. Taka ihmaw... ka pa te emaw ka nu emaw tal pawn an rawn call cheu em?" Ka ti a, ka hmai ah chuan ruah a rawn far thla fep bawk.





"Um... nichinah khan ipa in a rawn call a heta i awm leh awm loh hriat a duh aniang ka nu in alo chhang a ngaihtuah awm i nih loh thu te kha a hrilh bawk a a bak chu ka hre tawhlo room-ah ka chho daih a" a rawn ti a, ka thaw chhuak zui nghal hak bawk.





"Ngaihtuahna fîm tak pawh ka la hmang theilo ka thluak ah hian vawiina dawra ka thil hmuh kha a awm ngut ngut a ka â vek dawnin ka hria ngaihtuah loh ka tum pawn ka thei chuang lo midang bulah ka titi ve a thildang ka ti bawk a mahse reilotê ah ka ngaihtuah leh zela ka awmdan ațang hi chuan ka thîk niin ka hre bawk sia mahse ka thîk duh bawk si loa" ka ti a, a rawn chet nghal hlak ringawt bawk.





"I thîk anih kha mawle in pawm ve mai țhin rawh. Chuan heihi hre reng rawh vawiinah ka sawi kha amah kha i duha zêp buai pawh a ngai tawh lo. Jordian anga chân leh i duh lo anih chuan pawm ngam mai rawh midang tana țha tur ngaihtuah ringawt lo khan i hlimna tur ngaihtuah ve rawh anni chuan an hlimna an inbuaipui ve thei." A rawn ti leh hmak hmak bawk.





"Aw le, ka hria e... ka hre reng ngaihtuah tur a tam êm avang hian e ka buai vek ani tawh ber hna hi chu nei lo ila chuan tunah hian hmun reh tak ah ka awm daih tawh ang kha a hmaa kan kalna țhin hmun reh leh nuam deuh ah khan" ka ti sap a, naktuk chawhnu ka âwl dawn tho a ka kal ngei ngei ang.





"Nakinah kan kal leh dawn nia ka dah phawt ang aw ka nu chawhmeh pack pui ka ngai a naktukah a thawn chhuak leh dawna tunah pawh min au leh tawh zan rei ah kan intext dawn nia hrilh tur che ka nei a bialpa thar chungchang" a tawp lam chu zâwi tê hian a rawn ti a ka chhan ve leh hma hma chuan a off zui lehnghal daih bawk.





"A țha e, enge ka chungah thleng zel dawn chu ka hrelo amaherawhchu; Maria-i sawi kha a dik ka tan, ka hlimna ve tur atan chuan keimah ngeiin ka beih ve a ngai tawh ani. Nun hreawm takin ka hmang reng thei tawh bik lo ang mahse Remzuali" ka ti chhuak sap a, ngaihtuah chhunzawm duh tawh lo chuan ka lu ka thing vak a, tho chhuak in ruah chu tlemtê ka do a Damdawiin chhung lamah chuan ka lut phei leh bawk.





★★★

"Ah! Zodin, hmuh che pawh ka lo in beisei loa ka lo tlawh ang cheu ka tia mahse ka hman leh ta ngang loa enge Mahriata chu a an zel a?" ka hmaa Zodina ding en pah chuan ka ti chhuak hliai bawk. "Kan țha chak lutuk e naktuk lamah kan khuaah ka chho dawn a chumi hma chuan min chhuahpui duh ang em?" a rawn ti nghal sup a, ka bula Muani țhu chuan min rawn nghawk zeuh ringawt bawk.





" I van chho hma dawn ve hetah u Țani te kha ila awmpui reng dawn amaw ka tia" ka ti leh a, dawhkân sang chu a rawn bawh a Muani lah chu alo la khuh kharh kharh zui lehnghal.





"Khiti lamah hna pawimawh te ka nei ve si a ka châm reng hman lo alawm chuan ka sawi zawh chiah kha enge i ngaih ve dan vawiin chu min chhuahpui hman ang em?" a rawn ti leh sup a, ka pen ken lai chu ka hûm zui vak bawk a engtin nge ka chhan ang aw... ka van hrelo tak!.





"Lora..." a rawn tih leh rual chuan ka hawichhuak nghal deuh zawk a mûk zet hian min lo melh zui ngur ngur a ka chal a rawn pen zui kawrh pah chuan a nui nghal suk bawk. "i inngaihtuah buai ani maw... ngai kawi lo la țhian ang chauh in" a rawn ti leh a, ka nui tawk ta tak ringawt.





"Ka lo ngaihtuah ang aw vawiin chawhnu ah ka âwl dawna tihtur dang ka neih leh neih loh ani mai ka lo hrilh leh dawn che nia" ka ti sap a, a bu zui nghut bawk. "I phone min lo pe lawk ta che" din chhuah pah chuan a rawn ti leh a, ka phone chu la in ka pe zui ve mai bawk. A nui zui nghal suk bawk.





Ka phone chu a hmet mual mual ang reuh a chumi zawh hnuah a phone nen lam. Password vel ka dah lem loa a chhan chu midang tana hmuh pawi tur ang em em ka dah loh vang ani chuan keimah lo chuan min khawihpui ngai lemlo bawk.





"Ka number ka dah lut a i number ka la bawk a heta ka awm lo anih pawn min rawn be mai dawn nia" ka phone min rawn pek pah chuan a rawn ti a, ka ban zui ve nghal vat bawk a. Ka chhanna alo beisei reng tur thu sawi in a kekawr ipte zen chung chuan a chhuak a ka en zui reng ringawt bawk.





"Ui... nangnu hi chu aw .... ivan luck bik tak em! Mipa hian an bawr che ani ringawt. Kan Boss pu Damian-a ani bawk, chuan tunah kha mipa cool zet kha ani leh bawk a uiha ka van thîk tak che. A number kha min lo pe ve ka lo be ve pawi itih loh chuan" Muani chuan a rawn ti a, ka Contact-ah chuan lut in a number a save dan chu ka en nghal zat a ala save pangngai ve thlap lehnghal.





"Mawh... Lora" min nêk pah chuan Muani chuan a rawn ti leh. Henu han lerh dan em em hi chu aw.... "Kha i duh leh la la mahse ka pe che tih sawi miah suh ang che a nuam dawn miahlo ania taka hmannia damlo kha engtin nge a awm tak zel a ka hmu miah lo" ka phone pek pah chuan ka ti a, nuih pah hian rang tawk hian a rawn ban nghal bawk.





"Dr. Marina sawi ka hriat ania keipawn ka hrechiang biklo mahse ICU-ah a awm a a dinhmun a țha vaklo a tia a bak ka hre biklo a chhungte ka khawngaih ngawt mai a dinhmun a rawn țhat tehlul nen hman zanah khatiang khan a rawn awm leh ringawta tunah a dinhmun a țhalo lehzuala" a rawn ti a, a thusawi chu keipawh ka ngaihdan chiah ani.





"Heihi hman zanah khan ka ziak tawh bawk sia hming inang a tam ropui si duty lai ti ila âwl ve deuh laia hetiang thil min tihtir ziah hi chu ka ning..." lehkha chiang zeta bih pah chuan ka ti chhuak hlak a, ka hmai zâwnah chuan dah in chiang lo tak tak a inziak te chu chhiar theih tum in ka bei bawk.





Ka dawhkan hma rawn ri kerh kerh ah chuan lehkha chu dah sawn in ka hawichhuaka mahse ka mi hmuh avang chuan rang zetin lehkha chuan ka hmai chu ka khuh leh a a nui ri suk chu ka hre hman bawk. Engthil nge maw hetah hian a rawn tih dawn le, hei pui ka thinphu hi a diklo leh țan tawh.





"Ah! Sir, hetah ilo kal elaw? Dr. Marina ka han koh sak dawn che mi niang" Muani'n din paha a tih rual te chuan lehkha te chu ka hmai zâwnah chuan ka keng hnai sauh sauh a hmuh pawh ka in beisei lo asin mawle. "A ngai lo e... amah hmu tura lo kal ka ni loa a lawmawm tho e i hna thawk leh tawh rawh" a ti sup a, kei lah chu din ve nachang pawh ka hrelo.





"Thil rawn thaw lut hian i hmai a ti bawl lo ang" nuih deuh pah hian a rawn ti sup a, ka inkhuhna lehkha chu rawn la lawk in a kut chuan a nem bet nghal zat a. Amah ka en rual chuan alo nui kiai nghal suk a, ka kut chuan ka mit chu ka khup leh zâl zâl ringawt. Tunah hian hmai phih lo in ka awm a ka hmelchhe lutuk takzet ani.





"I tho fuh chiah lo em ni?" nuih chhuah hawk pah chuan a rawn ti leh a ka mit ka hupna ka kut chu rawn la thla leh in a vuan zui nghal zat a en pawh ka la en duh chuang lo ka la kûn ve ngar ngar bawk. Engvanga a hmaa lai thar ta thut nge maw ka nih le kei hi ka â tawh ani ngei ang. Nizanah thu thlûkna ka siam chauh a tunah lêm amah ka hmuh in ka lai nghal ringawta engtia awm thei nge mihring ah mahse tunah chuan ka awm mek chu anih hi.





"Lora" nuih deuh suk pah chuan a rawn ti leh. Zah avang hian ka biang te hi a sa hat hat thei. "Sir, englo ania nichinah khan Zodina khan chhuahpui ah a rawn sawm a chuan nangmah a hmu leh thut bawk che sia chuvang chu aniang. Lora, enge khatianga i awm tlat a?" Muani lah chuan a rawn ti ta deuh deuh lehnghal kûn pah chuan amah chu ka melh rum hrep a ala hrethiam lo em em mai lehnghal.





"Chu chu a dik em Lora? Kha mihring phiangsen khan chhuahpui ah chuan a sawm che em ni?" Damian-a chuan a rawn ti hrâwk a, ka kut a vawn chu a hmer zui deuh chawt a a nat reuh êm avang chuan țe țhat in ka hawi chhuak nghal deuh zawk a a thlah rang teh asin aw...





"Sorry!" tih nghut pah chuan ka kut xhu dam zet hian a rawn hmet a, mahse pawh thlak pawp pah chuan ka malchungah la hmet zui nghal zat a a thinrim apiangin ka taksa khawi lai eng emaw ber hi a tina ve ziah.





"A thusawi kha a dik em min hrilh rawh Lora?" a rawn ti leh hrâwk!.





"Aw... a ti alawm mahse engtin mah ka chhang lo ka chhuapui tur thu ang pawn a number te min pe bawk a chubak engmah a awm lo enge ka kut khatia i hmeh vak kher a ruh te i ti pelh anga sin" ka ti zui hlak a, hahdam hmel fê hian a thaw chhuak zui ang hawk a ka hmaa dawhkan awm chu rawn kal hual in chair pakhat awm chu a pawt chhuaka ka sirah chuan a rawn țhu nghal zat bawk.





Ka țhutna Chair chu rawn pawt her in a lamah chuan min pawt hnai nghal zat a ka meng phâwk nghal hra bawk. "Lora.. Dr. Marin'n a Office-a kal tur che in oh! Sir... ilo awm ve ani maw" hmeichhe pakhat chuan a rawn ti nghal zat a tunge anih ka hrelo an lak thar pawh ani ngei ang.





"A țha e, ka rualin a rawn kal ang i kal thei tawh ang" Ka kut rawn lak pah chuan a ti zui nghut. Ka kut chu ka pawt nghal vak a mahse awmzia a awm lo kher mai.





"Mahse tunah hmuh...." a sawi zawh hma hma chuan rûm zui nghut pah chuan chunu chu a melh zui hrâwk! "Ka sawi i hrechiang kal turin ka hrilh bawk che sawi nawn leh a ngai dawn em ni?" a ti hrâwih a, chunu chuan ngaihdam dil nghal zat in a kalsawn nghal daih bawk.





"Enge khatianga i vin kher a damlo dang te pawh iti phâwk lêk anga sin i mawl lutuk. Chuan min thlah rawh chu hna ka nei ania" tia ka kut pawh chhuah ka tum rual chuan a vuan nghet sauh a a lamah min pawt phei lehnghal zat bawk.





"Ka rual in i chho dawn nia tunah chuan i kut ka tihnat hi ka hmeh sak phawt ang che" a rawn ti sup a, nichina a hmehna chiah chiah kha a rawn hmet a a rawn na nghal deuh zawk bawk.





"Mahni inngaihtuah hmasak nachang i hrelo lutuk hian alawm ti chaklo țhin che, luhlul ve reuh si awm hle hle rawh" a rawn ti leh hluk a, ka kut chu dam zet hian a rawn hmet nghal zat bawk. A hmel tak ngul chu ka en reng a tunah chuan he mihring pa hian min haw tur ani si a mahse tinge min huat miah loh a ka kianga a rawn awm leh si le.





"Englo Damian... kei hi min haw miah lo ami? Nimina thil thleng avang pawh khan min haw tur ini si a mahse tinge ka kiangah ilo kal leh si" ka ti sep. Ka kut vawn pah chuan a rawn hawi chhuaka a mit khur thûk tak nen chuan min rawn en a, ka biangah chuan a rawn dawm nghal zat bawk.





"Huat tum che in vawitam ka bei tawh mahse ka rilru hi engtik lai mah in i chhuahsan ngai hauh lo. Engtik lai pawn ka ngai reng che a ka kianga awm reng turin ka duh che ka nawr lui lo ang che ka tih kha i inpeih hun nghah ka tum mai chauh ani. Kha i țhiannu țawng duh zet Maria-i hnen ațang khan engkim ka hre vek tawh" a rawn tih rual chuan ka meng phâwk nghal hraw ringawt.





"Maria-i maw?!" ka ti nghal vak. Nuih suk pah hian a bu zui nghut a, ka thaw chhuak nghal hak bawk. Chunu mai mai chuh! Engvanga lo sawi vek nge maw anih le. Chuan tunah ani hian engkim a hre vek tawh bawk a awi! Ka zak ani tawp mai ni.





"Le! Tunah chuan min rawn zui rawh le ka naute tunah chuan ka ta chiah ini tawh tu mipa mahin an khawih che ka remti lo, ka ta chauh inih hi a chiang em? Chuan khapa phiangsen pawh kha i hmu leh tawh tur ani lo keiman ka hmu anih chuan a sil awng viau bawk ang. Min rawn zui rawh le ka naute" ti sup in ka hmui ah chuan a rawn fawp nghal zeuh anih chu! Ka biang chu a sa zui hat hat mai.





Damdawiin ațanga ka chhuah hnu in in lama let ka tum a mahse Damdawiin kawta Remzuali lo ding reng chu ka hmu a, a hawikual ruala min rawn hmuh ve rual chuan min rawn pan nghal zat a kei erawh chuan ka lo en reng ringawt bawk. "Inbe lawk ang hmiang" Remzuali chuan a rawn ti a, ka lo bu nghat ringawt bawk.





Damdawiin canteen-ah chuan kan lut a a hmaa kan inhmuhna hmun bawk ah khan kan țhu leh bawk "Enge i sawi duh chu ni a?" țhut thlak pah chuan ka ti nghal zat.





"Ka pehhel kual vak lo mai ang nangmah avangin Damian-a nen kan inkar a chhia a hetiang thil hi ka tawn ka ring pha ngailo ka na em em bawk. Mahse ka palzam mai mai ring suh. Chuan nangnu nen hian inremsiamna neih ka duh ani, i pawm ngei ka beisei a i zawm ngei pawh ka duh ani. Inremsiamna chu hetah hian a awm" tih pah chuan lehkha pakhat chu ka hmaah chuan a rawn theh thla nghal zat.





★ Apa in... thawnthu ka ziak i ti sia Episode nei ang khan ami tih a? Enge nitin chhun zan zawm a i type zut zut zel kha ni a min ti😅😅😅🤭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:53 pm

ADDICTED_TO_YOU 💙 #EP-10

By : Msi_Miluhlulnui 👩





"Eng in remsiamna nge ni a? Ka chhiar duh lo kha la let rawh" tih pah chuan lehkha chu a lamah ka nawr phei a, rûm zui nghat pah hian ka lamah chuan a rawn nawr phei ve leh "i chhiar phawt loh te chuan engtin nge i hriat ang ni chhiar la chuan pawm bawk ang che" a rawn ti leh hmak.





Thaw chhuak hak in lehkha chu ka ban a ka keu nghal zat bawk. A chhunga thu inziak ka chhiar rual chuan ka meng zui nghal kâwk! "He....he.. heng zawng zawng hi pawm turin min duh amaw?" Ka ti chhuak nghal hawk bawk.





"Aw.... ka duh alawm i thil chhiar zawng zawng kha a vaiin i pawm ngei tur ani bawk. Damian-a nen in inkawp emaw in inneih hunah i țhen vat tur ani rei tak chu ka nghak thei bik lo ang keipawh hian, nangpawh hian inneih chu i duh lo tih ka hria. In innei anga in nu leh pa te chuan in induh lo tih an hria anga in ințhen har ka ring lo chuan chutah chiah chuan Damian-a pawh ka nei let leh thei ang.





Mahse nang pawh hian țawngkam țha emaw ang te i hmuh tur ani lo khum ințawm pawh i duh tur ani lo i duh loh zia lan chhuah tir reng la a dawhtheih chin bak bak i pel anih chuan in ințhen vat ang" zak map lo chuan a rawn ti a, lehkha dawhkana dah thlak pah chuan a rapthlak ka ti lutuk chu ka nui chhuak nghal hak.





"Khang i sawi zawng zawng leh a bak lehkhaa inziak te hi pawm vek turin min duh amaw?! Hah! Chutiang em em a mawl ah chuan min lo ngai em ni? Duh duh a in tih kual theih mihring pawh ka ni hek lo, engtikah mah he lehkhaa thu inziak hi ka pawm ngai lo ang" tih țhat pah chuan lehkha chu a hmai zâwn ah chuan ka vawm zui pawp bawk.





Engvanga he hmeichhia hian min ngai hniam em em nge maw anih le, mai mai chuan, a duh duh a a tih kual theih tura min ngai anih chuan ka nih loh zia ka hmuh tir chiang khawp ang.





"Oh! Duh lo mah la i pawm luih tho ngaiin ka va hre ve Damian-a i duh loa mahse in chhungte chuan inneih tir phêt cheu an tum bawk si a, mahse he lehkha hi i pawm duh chuang bawk si loa" nuih pah hian a rawn ti leh a, a țawng dan ah te chuan zâmna pakhat mah a lang lo.





"Ani ka duh leh duh loh ah chuan ilo buai ve na tur pakhat mah a awm lo chung ai chuan ka hmaia min ben ve rikngawt nachhan kha ngaihtuah buai la i diklo ani tih inpawm bawk rawh" ka ti leh țhat a, ka țhutna ațang chuan ding chhuak in kal ka tum a mahse ding turin min rawn ti lehnghal zat.





"Hetah hian rawn țhu leh rawh" hmak hmak chuan leh.





"Ka boss ni lo ka chunga thuneitu ini bawk hek lo, nge ini em ni? A teuh lo, tu pawh hian ini lo tih an hria i duh chuan nangmah kha tho zawk la țhu thla leh mai la ti nia nang nena ho mai mai sawi turin hun pawh ka nei lo" hawi pawh hawi let loa tih ve hmak pah chuan Canteen ațang chuan ka chhuak nghal bawk.





Hmeichhe mawl tak anga min ngaih a duh duh a an tih kual theih mai mai tur ka ni bik lo, ka duh hunah chuan sual ka chhuah ve thiam em! Mitin in duh loh zawng leh tih loh zawng kan nei vek mahse an mi tih dan hi chu ka dawh theih chin phak bak ani tawh.





Kawngpuiah chuan ding in Maria-i lo kal hun ka nghak a mahse Remzuali bawk ka bulah a rawn ding leh "Enge ila beisei cheu a khatiang in remsiamna tenawm lutuk pawm tur khawp a mawla min dah anih chuan min dah tu chuan min la hrechiang tawk lo anih chu" ama lam hawi pah chuan ka ti leh fak a, thil lo sawi a tum ani ngei ang a kâ alo âng zuau hman bawk.





"I chapo ve ar ar hle mai a mahse hetiang hian rei tak i awm hauh lo ang engtiang chiahin nge Damian-a tan hian ka pawimawh tih leh a thinlunga hmun ka chan hnem sia ka hmuh tir ang che a tan chuan mi mai mai chu ka lo ni hauh lo maithei asin tiraw?" Min deu sawh hmel zeta nuih pah hian a rawn ti a. Avan mak sek tak!.





"Duh leh mi mai mai pawh ni la enge pawi" ka ti ve leh hmak a engemaw hetianga a rawn awm vak vak mai le. Ka nunah hian mipa pakhat avang mai a hmeichhe dang nena ka buai hi ka la ring pha ngailo hrim hrim. Ngaihtuah phei chu khawi ah!.





"Enteh, niminah pawh min la ngaihsak zia i hmu ani tiraw? Mak ti vak lo la in awm tih ka hriat avanga rawn kalpui kha ka nia lawm Damian lah chuan engmah a hrelo hlauh bawk a. Chuan, kawppui nei mek te inkara tlak zeh emaw an inkar tihchhiat a țhat loh zia leh hlauhawm zia chu ka hmuh tir ang che i sim vang vang mai ang. Hre reng rawh, min zuam bawk a min zuam sual viau ang duhsakna ka hlan a che" ngeiawm zeta rawn tih pah chuan ka hmai zâwn ah chuan a kutzungpui a rawn ti pir bawk.





Dâk vah a a kal lai chu ka en reng a mak leh rapthlak ka ti lutuk chu ka thaw chhuak nghal vak ringawt. Engtin nge khatiang em em a rapthlak khan a țawng theih zawk le Maria'n a zia a thup thiam lutuk a tih kha alo dik tak tak anih dawn hi.





Reilotê ka nghah leh hnu chuan Maria-i chu a rawn thleng a, chuang in an in lam pan chuan min kal phei pui a Motor chuan lai chuan thil ka ngaihtuah neuh neuh reng a a bikin nimin thil thleng kha.





Remzuali'n a sawi ang khan kan awm tih Damian-a khan a hriat loh hmel em em a ka hminga min au ri a hriat rual khan rawn hawi a tum nghal anih kha. Kan awm tih a hrelo chung pawn Remzuali a la ngaihsak zia chu chiang takin ka hmu a a tihtur engkim a tihsak a, a hmaah a nui bawk a chuan inngeih hmel zeta țhu dun in Remzuali pawh a darah a bei ngei anih kha.





Haha, engtin nge ka theihnghilh theih zawk le. Tukin zingah te khan ka rilru a bual â vek anih kha nimin thil thleng chungchang pakhat mah ka hre tawh lo, min duh thu sawi reng in Remzuali bulah a awm leh bawk si a avan thei piap piap ve le engtin a rual in hmeichhe pahnih a kherh thlûk theih zawk. Rapthlak hian.





"I nu in zingah khan i thawmhnaw a rawn dah a ilo haw hun nghah reng a tum a mahse ilo haw har ang reng bawk sia ka rawn kal dawn khan a haw ve chiaha" Garage-a a Scooty dah țhat pah chuan Maria-i chuan a rawn ti a.





"Anih thildang sawi te a nei em? Ka pa chungchang ang ve te pawh keimah min hrilh leh tur ang chi" ka ti sap.





"Hrilh pawh ka hrelo anu nen khan an inbiaa chaw ka ei lai ani bawk sia an thusawi ka hre ve vak lo mahse a sawi loh hmel ka ti a chhan chu ka nu te hian engmah an hre ve si loa" a rawn ti a, ka bu zui nghat bawk. Ka la vawiinah a duty dawn loa inah ka kal thei bawk si lo pawilo insiam pah in ka nu chu ka be mai ang.





"Anih chuan kan kal ziah țhinna hmunah chuan ami i kal dawn?" A rawn ti a, ka hriat loh thu in ka chhang ringawt bawk. "Maria i lo thlen hma chiah khan Remzuali nen kan inhmua in remsiamna te min neih pui a tum a inneih hnu emaw inkawp hnua țawngkam țha hmuh loh a țhen vat ang chi kha ania mahse pakhat mah ka pawm lo ka rin aiin alo nasa daih min vau vel bawk a" inchhung lam pan pah chuan ka ti nghal sep a, ka kal lai chu min pawt ding ringawt bawk.





"Ava mak sek ve chunu pawh chu lo thleng hman ila țha tur kan khawih ve hlak tur ania thildang sawi te ala nei em? Ui.... ka va han khawih chak tak, mahse insual ka bansan tawh bawk sia" a kut pahnih hûm ruh pah chuan a rawn ti a, thaw chhuak hak in a kut chu ka dah thlak sak nghal bawk.





"Nimina Sanpiau dawra thil thleng kha i hria tiraw? Kan awm tih Damian-a khan a hre miah loa Remzuali zawkin kan awm tih hriaiin a rawn hruai a, a hma pawn min zui ru tu a dah tawh ka tih kha. Ngaihtuah teh, Damian-a khan kan awm tih pawh hre miah lo in Remzuali a ngaihsak zia a tilanga nangpawn i hmuh ve vek kha tukin zingah a ta ka nih thu te a rawn sawi leh a hetiang hi chuan duh pawh ni ilang ka kaltlang pui thei lo ang" ka ti chhuak hap.





"Engvangin maw?" A rawn ti hû.





"Ngaihtuah ta che kei min duh thu min hrilh a mahse Remzuali ala ngaihsak in ala kalsan chuang lo. Nangmah Hruaizela khan in inkawp reng chung pawn lal mi nasa-i a theihnghilh duh miah loh kha nang ai pawn a ngaihsak zawk ania hreawm i tih zia kha i hria em? Chuan Damian-a pawh hi Hruaizela ang chiah kha ani Remzuali a la ngaihsak tho chuvang chuan amah hnaih in a lakah ka nêm tur ani lo" ka ti a, ka jacket iptê chu zen in inchhung lam ka pan lehnghal zat bawk.





Maria-i nu in chaw ei tur min lo siamsak a keiin ka intihfai hnuah ka ei bawk. Chaw ei laiin Damian-a hnen ațangin call ka dawng a mahse reject zel a Whatsapp lamah a message ka dawng nghal zat bawk. Engtin nge hetiang em em a mi tenawm hi anih theih. Remzuali ngaihsak reng siin kei min rawn ngaihsak ve leh a a call chhan pawh hi a phu thlâwt lo.





Mahse mak tak maiin tukin zing khan engmah ka ngaihtuah thleng pha lo, nilo Remzuali khan rawn sawi lo se chu engmah ka la hre hauh lo ang. Ka bula a awm khan ka thluak a chawh buai hneh ziah kha amah lo chu ngaihtuah reng ka neilo anih kha a mak takzet ani.





"Lora... ka kal dawn ania ka tlai tawh lutuk ka lo haw har lo ang kan pi a țêk leh viau tawh ang mahse nangmah zawk ka mawhpuh ngei ngei ang che" chokaa rawn dah pah chuan a rawn ti zung zung a ala kal lehnghal daih zui.. "Henu hi chu a mak zung zung thei ania a duh hi a sawi a midang thusawi pawh ngaithla tawh lo in a kal lehnghal daih zel bawk a kan hrilh ngun tawh ania" anu chuan a rawn ti a, ka lo nui ringawt bawk.





"A hnuah a hriat loh chuan min zawt leh țhin tho a, a sim thei tawh lo aniang. Mahse khatiang khan ti ve ila chu amah zawk zawk in min hau leh hrep anga" ka ti a, Maria-i nu chu za zet hian a rawn nui bawk.





"Taka, i nu khan tlai lama tlawh phei tur che in a duh che a engvak a sawi loa chu a hmanhmawh thlak thu kha a sawi a iva tlawh ngei chu a ngai ang. Kha pui a dam sam loh hmel ang reng bawk si a" dawhkan ka hrûk lai chuan Maria-i nu chuan a rawn ti a, ka dawhkân hrûk lai chu ka tawp zui nghal chawt bawk.





Zingah Sheryl ka la be miah loa ka nu a țha em tih pawh ka zawt miah lo a â ka van in ti leh hnuhnawh tak em! Mahse a hun tawh bawk si lo pawilo tlai lamah chuan ka va kal mai ang ka pa hmu lo pawn ka kal thei tho alawm le.





Zodina call chu ka la ang em la lo ang tih ka la ngaihtuah buai. Tun hi vawihnih a rawn call na ani tawh a vawikhatna chu ka la lo.





Ka la anih chuan chhuah vel kha a rawn sawi anga mahse ka inbuatsaih bawk si lo. Mahse min sawm ve laklawh tawh bawk si a han hnial chu ka hreh bawk si. Pawilo, kal tawp mai ang amah zawk pawn țhian anga inhmuh mai mai a tih kha a pawina a awm lo ang.





"I buai ami? Call ivan la theilo ve" a call ka pick rual chuan a rawn ti nghal sup.
"Ah! Ka ri ka lo hrelo a ka lo dah zâwi daih a engthil nge ni ta a?" Ka ti ta daih a, a thaw chhuak hawk chu phone ațang chuan ka hrechiang em em bawk.





"Zingah kan sawi tawh kha Lora chhuahdun chungchang kha. Chuan i remchang dawn em tih hriat tum in ka rawn bia che" a rawn ti sup a, ner nâwng in ka kiu chu dawhkanah chuan ka nghat a, ka mit chu ka hup nghal zat bawk.





"E.. aw, anih chu ka hria alawm chuan ka remti e kan chhuak dun thei ang mahse tlai lamah ka nu tlawh ka ngai dawna ka haw har thei lo ang aw" ka ti sap a, a hlim tih hriat zet hian a rawn nui chhuak nghal hawk a min ti nui ve thei nia.





"Ok, ka rawn lam ang che chuan ka lawm e" a ti leh sup a, ka lo nui ringawt bawk. Maria-i te awmna chu ka hrilh a a rawn thlen vat tur thu min hrilh in phone chu a dah a ka nui ringawt bawk.





Ka phone chu ak in ka nu thawmhnaw min rawn ken awmna lam chu ka pan a bag lian vak lo ah a rawn thun khawm a zipper chu hawng in a rawn dah chu ka en a ka nui ringawt bawk. Ka hak țhan deuh deuh leh ka ngainat zual ho a rawn dah a ka nu tak hi chu aw... ka zin dawn pawn amah hlir in ka thawmhnaw tur min siamsak țhin a chhan chu thun hmaih ka neih țhin vang mawle.





Dik taka sawi chuan Zodina kha a chhe hran lo a hmelțhaa a pà bawk a pian te chu a nalh takzet a, a luck ngawt bawk in ka ring bawk. Mahse eng teh ual ah ka ngai hran lo Muani leh Maria-i duh chi ania Maria-i phei chuan hmu se chu a â thei hial ang mawle.





Cream ka inhnawih lai chuan ka phone a rawn ri a Sheryl anih avang chuan phur zet hian ka la a, mahse tuman min chhang ve lo "Rammuanawm hetiang hi ching tawh suh ka tih che tinge ila chîn fo a anu in hria se chuan..." ka ti hlak a, mahse ka sawi chhunzawm duh tawh lem lo.





"Inu in hria se engtin nge a tih ang Duati?" Rawn ti thûm sup tu avang chuan rang zet in ka phone chu ka dah hlaa, Damian maw? Mahse hei te chu Sheryl number ani sia engtin nge heta țang daih daih hian min rawn biak theih. Rang zetin Contat-ah chuan lut in Damian-a number chu ka hmet chhuaka alo la awm thlap zui lehnghal.





"Engtin nge heta țang daih daih min rawn biak theih a khawnge Sheryl?" Ka ti nghal vat, a nui ri suk chu ka hre thei. A call ka lak duh loh avangin ka nau phone hmang in min rawn bia ani ngei ngei ang.





"Hna a thawk mek in ka hria mak tih vanga ân phuau kha a hunlo ania i nau chu a țha e, min zawh leh hma in a chungah engmah ka ti hauh lo" ngeiawm zet hian a rawn ti leh a ka ner zui nghal nâwng bawk. "Ka zawt dawn che tih hre lawk sa ang hrim a Sheryl biak tur a awm lo anih chuan ka dah dawn ka be peih lo che" ka ti hmak.





"Dah suh Lora" a rawn ti zâwi sup. Ka beng ațanga ka lo dah hlat deuh tawh avang chuan a aw pawh chu ka hre thei chang chang. "Engvangin maw ka dah loh ang?" Ka ti ve leh.





"I aw ka hre duh chuan engvanga ka call pick lo nge inih?" A rawn ti zui leh nghut.





"I call ka pick-na chhan tur pakhat mah a awm lo" ka ti ve leh hmak a a rawn thaw ri hrâwih bawk.





"Engvanga a awm lo anga sawi nge inih? Ka ta ini tawh zingah khan ka rawn call che anih chuan a rang lama la nghal vat tur che in ka hrilh che" lungawi loh hmel zet hian a rawn ti leh nghut. Remzuali thusawi vel ka ngaihtuah let a nimin thil thleng te ka hrechhuak awn awn in ka hria.





"Min hrilh alawm mahse lak na chhan tur pakhat mah ka neilo nang nen hian eng inzawmna mah kan nei lo bawk. Remzuali țhen chuang si lo in kei min pan a min duh thu min hrilh leh vel bawk a nimina dawra a bula i awmdan te kha ka hmu ve vek in hnungah kan țhu bawk engtin nge a rual in hmeichhe pahnih lakah i thinlung i pek theih i tenawm lutuk!" Ka ti chhuak hlak. Ka țawng na em tihte chu ka ngaihtuah leh thûl hahthlak hian.





"Hmeichhe pahnih hnena thinlung hlan. Lora, engvanga chu thu chu huai taka sawi ngam nge inih? Nimin thil thleng hriatsual palh i nei anih chuan kei hian ka hrilhfiah thei ang che" a rawn ti zui leh nghut a ka nui chhuak nghal hak bawk.





"Hriatsual palh maw? A âwm ang lo lutuk Damian, niminah khan dawr ah khan kan awm ve tih i hre miah lo mahse kei chuan hnunglam ațangin ka lo hmu reng che Remzuali i ngaihsak zia pawh ka hmu ve vek bawk hrilhfiah pawh ka ngai lo. Chuan kha i bialnu mak zit zet deuh kha lo hrilh rawh a duh duh a in remsiamna neih pui tur ka ni lo tih" ka ti leh fak a, ka thaw chhuak zui nghal ham ham bawk.





"Hrep tak chuan, i ngaih ang kha engmah a thleng lo Lora... inhmu ang ka hrilhfiah anh che" a rawn ti leh a, thildang a sawi leh hma hma chuan ka lo pawt chat nghal vak "Damian, ka duh che tih ka pha lo nang nena inzawmna siam pawh ka duh a mahse ka kawppui tur chu hmeichhe dang nena ințawm ka duh lo ka chapo emaw ka inti eng emaw pawh ilo ti maithei a mahse heihi ka duhthlanna ani Remzuali țhen rawh ka tihna ani lo. Mahse nimina i awmdan ațang kha chuan amah i hlat theilo ani tih a hriat vek tawh" ka ti chhuak sap a, thildang a sawi ve leh hma hma chuan ka off-a ka silent zui nghal daih bawk.





Darthlalang hmaah chuan ka hmai hup in ka thaw chhuak nghal vak bawk. Ka tan hian mipa kawp hi a rem ve lo ani ngei ang. Hmeichhe dang an lo lang zel Jordian chu sawilo law law ang kha chu keima thiam loh liau liau ani mahse an lo in Hmangaih taa. Damian erawh kei min duh thu min hrilh reng chungin Remzuali ala ngaihsak em em a chin tawk awm lo khawp in. Tu hmeichhia in nge an mipa duh chu midang nen ințawm phal bik ang ni, kei chang an nih ka ring lo.





Mahse enge min hrilhfiah a duh kha niang le nimin chungchang kha niin a sawi bawk si a a thusawi kha ka ngaithla phawt dawn em ni ang. Ni lo, ka ngaithla tur ani lo ka mit ngeiin ka hmu a dawt zawk chu ka ring thei lo ang mahse hriatsual palh awm thulh ah ka ngaihthlak ngei chu a ngai ang kei zawk hian thil ka lo hresual palh pawh ani thei tho a.





"A..... ngaihtuah tawh suh insiam mai mai rawh" ti vak in ka lu chu ka tuai vak a hepa avang hian ka â thei dawn tak ngial te hian ka hria. A aw ri ka hria emaw amah ka hmuh chuan min luah khat zung zung zel lehnghal ka â thei dawn tak ngialin ka hria.





Zodina chuan innghahna tur hmun kan sawi ah chuan ka va thlen in min lo nghak reng tawh a ka inthiamlo ang reng viau bawk. Min rawn hmuh rual chuan a Car ațang chuan rawn chhuak in min lo nuih nghal suk a a bulah chuan ka va phei nghal zat bawk.



rps20200702_222843.jpg
rps20200702_222843.jpg (37.06 KiB) Viewed 6310 times

Zodina aw😍😍😍





"I lo thlenna a rei tawh em? Call ka dawng leh lawk a ka rei phah ta vek anih hi" ka ti nghal sap a, a lu a thing zui nghut mai bawk. "Ka thleng ve deuh chiah i nalh lutuk" tih pah chuan ka chal ah a rawn pen kawrh a ka nui ringawt bawk. Ka rin aiin fiamthu lam a ngaina.





"Nangpawh i nalh tho alawm chuan zawh che a pawi êm lovang chu maw khawiah nge kan kal dawn a phone-ah khan i sawi si loa" ka ti sep.





"Lut la, a vawt reuh bawk si a kan thlen hunah i hre mai ang lut rawh pawn ai chuan Car chhung hi a lum zawk ania" a rawn ti sup a, bu nghatin ka țhutna tur lam chu ka pan a, ka țhut luh rual chuan ani pawh a rawn lut zui ve nghal zat bawk.





"Thil zawh che a pawi lovang chu maw... kan inhriatna la reilo hle mahse" kan tlan chhuah pah chuan a rawn ti nghal sup.





"Aw... i duh duh min zawt thei alawm ka theih ang tawka chhan che ka lo tum ang" ka ti a, a rawn nui zui suk bawk.





"Hmannia in inkawta thil thleng a mipa lo kal nen khan eng inzawmna nge in neih a? A ngaihtuah hmel em em che a, a hauh em em mai bawk che a ani nen khan inzawmna eng emaw tak in nei em?" A rawn ti sup, amah chu ka en nghal vat a mahse thutak hmel zet hian hmalam chu alo melh ngur ngur ringawt bawk.





"Inzawmna chu kan neiloa mahse hei i hriatthiam dan tur chuan induh ve ve mahse inkar kak zau tak awm avanga inhnaih thei lo ang hi ani mai. Ka sawi thiamlo a chang chuan keimah ber țhin hi ania" ka ti chhuak hap a, mahse engtin mah a awm ve duh miah lo.





"Hey! Ngatinge engmah i sawi loh a?" Tih pah chuan a banah chuan ka va beng a, nuih suk pah hian min rawn en a ka chal ah chuan a rawn tuk lehnghal zat. Avan mak sek tak enge maw ka chal ah pawh chuan tuk a hrat em em mai le.





"Thildang ka lo ngaihtuah daih a nangtê reuh hi nimin piah lawk ah inhmu mah ila inkawm hrep tawh ang maiin ka ngaina che anih hi naktukah ka chhoh san daih tur che erawh a pawi ka ti. Ka theih anga ranga rawn chhuk leh vat ka lo tum ang" a rawn ti ta daih a, ka țhu țha zui nghal vat bawk.





"Keipawh ka rin aiin ka nêl daih che mipa hi nêl ka harsat țhina, ka hlau hmasa ngei ngei mahse nang chu i danglam aniang ka hlau ve lo che." Ka ti a, a rawn nui chhuak nghal hawk bawk.





"Enge naute chu a an zel a a țha zel ang tiraw?" ka ti leh sep.





"Doctor kha chuan hma a sawn thu kha a sawi a Pathian zarah thil harsa tih ngai em em a awm loa kan vannei takzet ani. Tunkar tawp ah chuan kan chhuak ve thei tawh ang" a rawn ti a, nuih pah chuan ka lo bu nghat bawk.





MC-ah kan lut hmasaa a chung berah kal a rawt teh tlata lift-ah pawh chuang lo chuan step-ah ngat kan chho a kal pah in thil nuihzatthlak deuh deuh a sawi a ka nui chho nasa lutuk a step-a kal ve dang hmeichhe pakhat lian ve lampang hi ka su dawt a mahse keimah zawk ka leng daih.





Zodina lah chuan min la nuih nasa em em mai lehnghala ka nuih a za bawk sia mahse ka nui țha ngam bawk si lo. Ka sut nu lah chuan min melh rum em em mai lehnghala ka inthiamlo ve det. Mahse a su tu zawk ka nia keimah zawk ka leng daih a chu chuan midang nuih a ti zâ ang reng hle bawk.





"Nangmah vang vek anih kha aw enge thil nuihzatthlak deuh deuh te i sawi kher ni ka sut nu lah khan min sawisak hrep duh hmel ka râp ania aw... ka nui chak bawk sia mahse ka nui ngam bawk si lo" inchung zâwl kan thlen rual chuan ka ti nghal hlak a ka sam a rawn tuai pah chuan a nui chhuak lehnghal hawk bawk.





"I ninawm... ka sam tuai pah in min nuih tawh suh... ka sutna lamah ka ban bul te hi ana vek in ka hria engtin nge maw ka sut theih reng reng le kawng te kha ka en lo nge maw ni. a.... ka ngaihtuah peih tawh lo enge hetah kan tih dawn?" hawikual pah chuan ka ti a, thawmhnaw ka hmu hmasa tuarh bawk.





"Thawmhnaw ken chhoh tur lak ka ngai a chuan thil kan ei phawt anga kan kalna turah chuan ka hruai dawn che nia a tlai hma in" pangngai zet hian a rawn ti a, ka lo bu nghat bawk. Khatiang em em a nasaa ka nuih kha ka la hre ngailo a thusawi ho te te pawh kha ka lawm thei ropui si a țha hrim hrim e rilru hah taka awm ai chuan thinlung taka nuih kha a hrisel ani.





Eng ang pawn thil vei in hreawm ti țhin mah ila, thinlung nâ te neiin kehchhe vek mah ila thinlung taka nuih hi a hrisel takzet ani. Thil a êng lam zawnga thlir hram hram hi a țha bawk, rilru hah reng reng a nun hman ai chuan eng ang pawn harsa mahse ha tih lan kha tum hram hram țhin tur. I nuih khan chakna thar țha tak a pe ngei ang che, chu chu ka chiang ani.





Dawr pakhat an siam ah chuan kan lut a an inhmelhriat țha ani ngei ang an inbe nghal bawrh bawrh a kei erawh chuan an design vel chu ka lo enkual bawk. Zodina pawh chuan rei lo in thawmhnaw chu a la khawm nghal zung zung a nuamlo ka tih hlau in min chhuahpui nghal vat bawk.





"Thil chu ei lo ang ka ei na pawh ala rei loa ka la puar lutuk bakah ka ti hek mai mai ang che tih ka hlau chuvang chuan kan kalna tur i sawina hmunah chuan kal tawh ang" ka ti a, min ei luih pui țalh a tum a mahse ka ti lui ve țalh a ka thusawi a âwih ta hram bawk.





"Heihi lo keng lawk rawh aw call hi kan chhang lawk ang" tiin a thil khai pakhat chu min rawn pe a a iptê chu a zen zui nghal zat a. Chhan pah chuan kan kal phei zel a, a thil lei vel chu ka lo en vel tawp bawk. "Ah!" mi ka sut dawt avang chuan ka au chhuak țhat a, ka thil khai tla chu ka chhar zui nghal zat bawk.





"Kawng en chung in i kal thei lo em ni?" a rawn tih nghut rual chuan tunge anih tih chiang tak in ka hria. Ka din chhuah rual chuan amah chu ka en chho a ani pawh chuan min hmuh rual chuan mak a ti tih hriat zet hian min en ngur ngur bawk a ka chil ka lem ri nghal khalh mai.





"Jephtha, mamawh tur ang ka sawi kha lam khawm la chuan enfiah rawh ka tih che enfiah nghal bawk ang che zanin tlaia tihfel vek a ngaih kha" tiin a bul maia ding chu a hrilh nghal zat a. Chupa lah chuan thuawih hmel zeta bu nghat in a kalsawn zui nghal zat a Damian erawh chuan a kekawr ipte zen chung in min en ngur ngur bawk.





"Hetah hian engthil nge itih? Report ka dawn dan chuan in lama awm tur ini" a rawn ti nghut, ka hmui chu ti chîp vak in ka la chil ka lem ri nghal khalh a enge ka sawi ang chhan dan tur ka hrelo.





"Lora... min zui reng amaw tia hetah ilo la awm a" tia Zodina aw ka hriat rual chuan ka bulah a rawn ding nghal zat a ka hmaa Damian-a ding chu ka en zui nghal chat a. Thinrim hmel zet hian Zodina chu a en a, kei pawh chu min melh zui hrâwk bawk.





"I țha maw Lora?" a rawn ti lehnghal zat. Aw Lalpa leh! Enga tinge hetah kher kan intawh khawm le avan pawi tak!





"Aw... ah, nia ka țha lawm ka thil khai lai hi ka thlauh a chuvang chuan ka lo zui lawk lo che anih kha" ti khur deuh nawk a ka thil khai lai hrui chu nghet zet hian ka vuan zui bawk a thinrim tih hriat zet a Damian-a thaw ri hrâwih chu ka hre chhunzawm nghal zat a ka îp zui nghal châwih bawk.





"Anih chuan kal ila" a rawn ti leh sup.





"Khawiah mah in kal hauh lo ang" Damian chuan a rawn ti zui hrâwih! Ka mit chu ka chhing zui nghal sawk a ka tha te hi a khur vel hialin ka hria "nangmah bawk ini maw? Lora hi ka hruaichhuah ania kan kal leh kal loh turah chuan thu neihna i nei hauh lo" Zodina chuan a ti ve leh hrâwk! A thusawi avang chuan Damian-a chu ngeiawm zet hian a nui ri nghal suk bawk. Engtin nge ka tih ang ka rilru avan buai tak em! Ât hial te ka duh.





"Lora, kal ang" tia Zodin'n ka kuta rawn vawn a tum rual chuan Damian-a chuan a kut chu a rawn hmer zui chawt! "I ngam chuan khawih rawh, i hre mai ang" seh chilh nawk pah chuan a ti zui hrâwih a thinrim tih hriat zet hian Zodina kut chu a hmer ngawt ngawt a a kuta thisen zâm awm te chu a rawn pâwng chhuak bawk.





"Engmaw ka hriat tur chu ti ta che. Nang mihring hian engmah tih theih i nei lo lo inrawlh ve lo law law zawk rawh" Zodina bawk chuan a rawn ti leh a Damian erawh chu a nui chhuak hawk mai. Buaina tam zawk a thlen hma in he thil hi ka tih tawp vat a ngai ani.





Damian'n țawng a tum veleh rual chiah chuan a kut ah chuan ka zu vuan chawt! "Enge in hriat a? Duhtawk tawh rawh u mi'n an en țhup cheu hi in hria em? A zah pawh in zak lo ami? Mipui tamna kar ah lehngal chupawh keimah avang mai mai lehnghal in duhtawk nghal rawh u" ka ti chhuak țhat. Thâwk chhuah hrâwih pah hian Damian chuan Zodina kut a vawn chu a thlah a ka kut ah chuan a rawn vuan nghal chat.





"Min rawn zui rawh!" a ti hrâwih. Min kalpui a tum rual chuan Zodina bawk chuan ka banah chuan a rawn vuan ve leh. Hemi te pahnih hian enge maw an hriat le in hnialna avanga neih mai mai theih pawh ka ni lo, tumah hi zui lo ve ve ila a țha ber ang.





"Ka hruaichhuah ani a, ka bulah chauh a kal ang kei hian ka hruai haw bawk ang nang khan engmah tih tum suh" Zodin'n a rawn tih rual chuan Damian-a chu rawn inher zawk in Zodina chu a rawn hnek nghal pawp anih chu! Chhuatah chuan a thal nghal țhuai a, ka au chhuak nghal țhat bawk.





"Ka hmeichhia, ka naute hi i kut hmawr pawha i khawih leh anih chuan Damdawiina admit ngai tur khawp hial in ka sawisa tawh ang che. Kha kha chu a tir chauh ala nih kha" a ti hrâwih a, min vawnna ka kut pawh thlak pawp pah chuan chhuatah chuan țhut thlak ka tum a mahse ka ban bulah rawn dawm in min pawt tho leh lâwp.





"Enge ni leh pek a? Engvangin nge hetianga i chêt ngawt?! Ngatinge buaina min thlen reng, min kalsan rawh!" amah en kalh pah chuan ka ti chhuak țhat a, Zodina chu ka en leh a a kamsir ațang chuan thisen a chhuak bawk. "Zodin i țha tiraw? Kha i kam sir kha a thi ania" ka ti ngjal vat a, a kamsir khawih pah chuan a chet zui hluk a,midang chuan an rawn buaipui nghal vat bawk.





Keimah avangin hetiang buaina hi vawihnih a tawk tawh a ka inthiamlo takzet ani.





"Min thlah rawh, min vuan tawh suh" tih vak pah chuan ka kut chu pawh thlak ka tum a, mahse rûm zui nghut pah hian ka banah chuan a rawn vuan nghet sauh. "Ka rualin rawn kal rawh, insawifiahna țha tak i neilo anih chuan keimah ngeiin ka zawng chhuak ang" seh chilh nawk pah hian a ti chang hrâwih a. Ka banah chuan pawt in min kai phei nghala Zodina chu ka en zui reng ringawt.





"Awi! Nangpa hi min thlah nghal vat rawh ka tih chu ngatinge buaina min siam ziah nangmah avangin kha a thisen a chhuak anih kha ka buaipui a ngai min thlah rawh min kai tawh suh ka tih chu" step-a chhuk thlak dawt dawt pah chuan ka ti a, mahse ka thusawi chu eng ah mah ngai lo tih hriat zet hian lift-ah chuan min luh pui a ka kut ala thlah chuang lo bawk.





"Kha mihring phiangsen kha hmu tawh lo turin ka hrilh che. Ka thusawi awih lo in ila hmu lui tho a țawngkam khat pawh i chhak chhuak leh anih chuan ani kha han khawih leh in thil awmzia ka zawng chhuak ang" ka mita chiang zeta min rawn en rual chuan a rawn ti leh hrâwih a. Ka lo en let ve ngar ngar bawk.





"Nangpawh kha enge inih bik? Danglamna pakhat mah kan neilo ve ve nangpawn ani kha ila thlah chuang hleinem mawle engvanga ani ka chhuahpui pawh chu haw em em nge inih a?" ka ti ve leh țhat! Ka tukhumah chuan rawn dawm in ka hmui ah chuan a rawn fawp nghal zat a, ka tal nghek rual chuan min thlah a ka hnar ah chuan a rawn fawp nghal zeuh bawk.





"Sawidun ve ve kan ngai anih chu chuan nimina thil thleng pawh thil awmzia i hriat hnuah chuan i thinrim tawh hauh lo ang" a aia dam zawk chuan a rawn ti leh daih a, kei erawh chuan ka melh zui rawm rawm ringawt bawk. Țawng tih tawp dan hre leh lutuk mai. Ka melh rum vang nge ni ala nui kiai suk lehnghala ka van ngei tak! Hepa thinrimna hi khawnge a awm bo leh tak? Ngatinge an duh duh hunah hian an inthlak danglam țhin mai le.





Min kaih chhuah lai pawh chuan ka kal țha duh loa rûm nghat pah hian min kalpui ve leh zel bawk. A car awmna kan thlen rual chuan engmah sawi lo chuan kawngkhar min hawnsaka min țhut luh tir in seat belt te chu min hren tir bawk.
Engmah ka sawi tawh hauh lo ang.





Amah a rawn țhut luh ve rual chuan a phone a rawn ri nghal zat a ka mir sir chuan hming inziak chu ka en a Remzuali alo inti kuau a, a țha lawm... a țhen theilo tih chu tunah hian ava han chiang lehzual tak em!.





Chhan pah chuan loudspeaker-ah a daha a hmaah chuan a tung nghal zat "Sawi rawh" a ti chhum hmuk.





"Damian Bawiha, tunah hian Remzuali hi a thâwk a buai leh tawh a lo kal vat rawh" mangang aw hian a rawn ti a, Remzuali nu ami le ka lo ti rilru nauh nauh a Damian-a chhan hun chu ka thinphu ri chuan a nghak ve ni âwm fahran hian a rawn phu rang bawk.





"Nute.... nichin lawk pawh khan a dam țha vur si a ana der leh tawh em ni? Nge ni a a Damdawi a ei duh lo der leh tawh" awih loh hmel zet hian a ti nghal hluk. A thusawi avanh chuan amah chu ka en nghal hâw a ani erawh chuan ka kut ka malchunga ka dah chu a rawn hûm nghal daih bawk.


★★★





"Damian.... chutiang lam pawh ani lo a hmaa a awm ang khan a awm leh tawh a a lam a lam che a i rawn kal vat a ngai ani" aw ngai bawk chuan mangang zet hian a rawn ti leh ka lo hlauthawng ve ringawt anih chu!





"nute.. ka hrechiang ve thawkhat a bula ka kal theihna tur anih chuan nat der pawh a pawisa lo chuan nichin mai a țha vur engvang mah a nat thut chhan tur a awm hauh lo bawk. A der anih loh chuan zan lamah ka rawn phei ang tunah chuan ka buai rih lutuk" tih hmuk pah chuan call chu a off zui nghal daih.





Min rawn en rual chuan hawisawn vat in ka kut chu hnunglamah ka dah a darthlalang nghen pah chuan ka țhu âwn a, ka maimichhing nghal daih bawk. Thâwk chhuah hawk pah hian Motor chu a ti nung a, a tlanchhuak zui nghal bawk.





'A der anih loh chuan zan lamah ka rawn phei ang' tih a sawi chu ka lu chhungah hian an ri nawn awn awn a ngaihtuah loh ka tum pawn a ai chiang zawng hian a rawn ri lehnghal zel a. Ka hriat ah ngei khatiang thu kha a sawi a mahse engmah lo sawi ve theih ka nei si lo ka tlawm vawng vawng ka ti dawn nge ni a Remzuali sawi ang khan a thinlungah hmun thûk tak ala luah.





Zodina ka ngaihtuah chhuah thut avang chuan ka thu chhuak nghal deuh zawk a. Engtin nge a awm zel tak ang.





Ka jacket iptê chu ka zen a ka phone chu la chhuak in a number chu ka hmet chhuak nghal zat.





Rei tâwk fâng a in ring hnuah chuan chauh hmel zet hian a rawn țawng a chungte chuan ka hreawm tihna a ti pung zual sauh "i țha em? In i thleng tawh ami? Keimah vang vek ani sia ka tihpalh lutuk aw englo... damdawi vel a hnawih tur chu ka lo leisak ang che" ka ti nghal vat, a rawn nui ri suk a engtin nge khatiang thil thlen tawh hnuah pawh ala nuih theih zawk.





"Ka țha lawm, ngaihtuah ka ngai love nangmah kha inngaihtuah zawk rawh kha i bialpa thîk thu chhe zet hnenah khan kan inngaizawng tih ten ilo sawi ang e. I hria maw... thudik sawi la dawt i sawi chuan nakinah nangmah zawk ila inchhir hlei hlei ang ka sawi chu i hria...." a sawi zawh hma hma chuan Damian-a chuan ka phone chu rawn la lawk in a beng ah chuan a dah nghal zat.





"Zaktheilo pa! Rawn la rawh engvangin nge ilo lak ve ngawt a?" Tih pah chuan ban ka tum a, mahse chimawm zet hian motor chu a khalh kuala ka lo inring lo bawk nen ka âwn kual vak a, amah lah chu engtin mah ala awm ve lo zui.





"I sawi zawng zawng chu keiman chiang takin ka hria e Lora lak ațanga i inthiar fihlim lo anih chuan vawikhat chauh ah ka duhtawk tawh hauh lo ang" ti hrâwih in phone chu a off zui hmak! Rang zeta ban ka tum rual chuan motor bawk chu a khalh kual leh a a ngai ang chiahin ka âwn leh a, a châwn ah chuan ka tlawh sak zui nghal pawp bawk.





"I bia tih ka hre leh emaw in awmdun lai ka hmu leh anih chuan ka that hreh hauh lo ang" a ti chang leh hrâwih a. Ka phone chu keng țha te te in a jacket iptê ah chuan a thun hmak anih chu!





"Enge a? Ka phone kha i ah ve ngawt nachhan khawi min rawn pe vat rawh. Nangmahf avangin hliam a nei a engmah hrechiang hmasa lo in enge i khawih ve ngawt a ka bula i awm ve apiangin buaina min thlen ziah" Ka ti țhat a, ka phone ban ka tum chu ka kut zawk rawn vuan chawt in motor chu ti ding a a ti nghal tuarh bawk.





"Khapa phiangsen kha hmu tawh lo a buaina a awm lo ani mai. A kut hmawr pawh khan a khawih tawh tur che ani lo ka ta inih hi, keima ta chauh" min rawn en pah chuan a rawn ti nghal hrâwih a, a ve hian.





"Enge ka chungah hian thuneih i tum tlat a? Nangpawh kha i bang biklo asin. Remzuali ila ngaihsak reng a mahse min ta hauh tlat bawk si a damlo nge ka hrelo mahse i ngaihtuah zia chu ka mit leh ka beng ngei hian ka hmu in ka hre bawk asin chuti chung chuan engtin nge i ta ang in min la sawi theih i tenawm takzet ani" ka chhungril rawn tâwt ta lutuk avang chuan a tawp lam chu a ri chang chang ka âwm chu ka dawm a ka heh ka pet fan fan bawk.





"I ngaih ang kha engmah ani lo ka sawifiah thei" tih paha min rawn khawih a tum rual chuan tawlh sawn in ka lu ka thing a, ka hmui chu ti chîp vak in ka thaw chhuak hak a ka țap chhuak teuh kher lehnghal "engtin nge i sawifiah dawn ka hrelo mahse ngaihthlak ka duh lo a chhan chu ka ngaihtuah chian pauh leh a dik ngei si ani. Ka thil hmuh kha pawm loh tum in leh i insawifiahna ngaithla tur pawn ka inhrilh mahse engkim hi a chiang vek si.





Dawr chhungah khan kan awm ve tih hre miah lo in i ngaihsak zia i tilang a ka hminga min au ri i hriat rual chuan min rawn zawng nghala a chhan chu ka hmuh cheu i hlauh vang ani. Chuan tun lawk ah pawh khan a nat der loh chuan a hnena kal tur ang in i insawi bawk a min ta hauh tlat bawk si engmah hi ngaihthlaka ngaihtuah ka duh tawh lo ka â dawnin ka hria" ka ti thâm chhal a, a mitah chuan ka en let ve ngar ngar bawk.





"Ka naute, ani nen chuan kan inkar a tawp vek tawh. Khami ni khan in awm tih ka hria kan rawn luh hma khan ka hmu daih tawh che Remzuali ka chhuah pui chhan erawh anu vang chauh ani. Hmuh che ka in beisei hauh lo mahse eng ang chiahin nge ka laka i feelings te ka hriat duh vanga khatianga awm kha ka ni bawk chuan kei hian ka hriat duh chu ka hre bawk a, Duati tichuan ka thusawi chu i ring tawh em?" Ka bianga rawn dawm pah chuan a rawn ti nghal sup.





"Anu avangin i chhuahpui a chu chuan in inkarah thil ala awm ngei ani tih a finfiah bawk. Ka bula i awm apiangin ka feelings te a pung tual tual a engtik laiin nge kei hian i lak ațangin feelings ka neih ka hrelo alo awm ve tawp aniang. Ka taksa i deh in ka thinphu a rang em em țhin a a phu chhuak dawn hial in ka hre țhin, ka rin ngam loh avangin thup pawh ka inthup nasa țhina mahse ka thup hleithei ta meuhlo anih hi.





Ka mipa duh em em ka neih ve theih tawhna tur chuan hma ka la ve tawh ang tiin ka inhrilh a a chhan chu Jordian ang mai khan chân che ka hlauh vang ani. Mahse nang chuan Remzuali ila ngaihsak em em a chu chu ka hre leh zel si tun lawk ah pawh khan ani, a mize tam tak i hre ve tawp si lo, in inkar ala tawp lo anih chuan hmuh che pawh ka duh tawh lo a chhan chu....."





Ka sawi zawh hma hma chuan ka tukhumah rawn dawm in a lamah chuan min pawt hnai a, ka hmuiah chuan a rawn fawp zui nghal chat a ka mittui a rawn far thla fep bawk. Kei hi ka awmdan hi ka hrethiam lo takzet ani, engvanga hepa bula nêm hma em em nge ka nih a chang in ka haw em em a mahse ka bula a awm chuan amah ka huatna te ka theihnghilh leh vek țhin si. Hepa hian min ti â dawn tak ngialin ka hria.





"Ka tihpalh hmannia thil thleng avang khan hrilhfiah hmasa tur che ka ni. Remzuali hian lung lam natna a nei a zai hma bak ani bawk. Kan lo inkawp ve tawh avanga anu leh pa te pawn min ring an ni. Chuta karah nat der a hrat bawk. Mahse a nat tak tak erawh chuan a biak hleih theih loh țhin. Mahse kan inkar chu a tawp fel tawh ka tan chuan i pawimawh ber nangtê reuh hian kal lo tura min ti anih chuan ka kal hauh lo ang" ka hmui bulah chuan a rawn ti sup a, ka bek ve ve ah chuan dawm in min fawp leh vang vang a, a ban rêk ah chuan ka lo vuan chat ringawt bawk.





"I duh chuan i kal thei ang ani chu ila ngaihsak miau alawm tiraw? Ngaihsak suh ka ti miah lo mahse a natna hmangin a bula kal tur che in a ti mai mai che anih ka ring ka rin dan ania i duh chuan ka sawi lo ang in i ngai thei ang" tih sap pah chuan ka awm hrang a, ka nêm mai mai tur ani lo amah ka ngaihdan leh a nihna hi Damian-a hian a hriat a ngai ani mahse a thusawi avang hian ka nêm țan mek anih ber hi.





"I sawi a engtin nge i sawi lo anga ka la ngaih țalh theih ang duhawm viau suh i rin dan chu ka rin dan chiah ani. A chhan chu tun lo pawh vawitam a tih tawh vang ani, lo en rawh" tih pah chuan ka biangah a rawn fawp zeuh a a awmdan inthlak danglam thut thut țhin hi a mak takzet ani. A sawi ang tak tak chuan Remzuali nen chuan an ințhen tawh tak tak tihna ami niang le.





Ka phone chu la chhuak in number pakhat hi a chhu lut a dial in loudspeaker-ah chuan a dah nghal zat a, la lam rawn hawi in a nui kiai nghal suk bawk. "Tunge ni a?" tiin hmeichhe pakhat hian a rawn chhang a. Damian-a ka en rual chuan Remzuali ani nge ni lo zawt turin min ti nghal zat a ka phone chu ka ban nghal de de bawk.





"Remzuali ini em?" ka ti nghal sap.





"Aw ni e, engthil ah nge min biak i duh a?" a rawn ti leh hmak a, phâwk hra hian Damian-a bawk chu ka en leh a, alo bu nghut bawk. Anih chuan ka rindan hi a dik tihna ani maw. Avan rapthlak ve! Engtin nge a dam lohna chu chhuan lam in khatiang khan a rawn tih theih zawk le anu dawt ala sawi tir zui bawk a.





Ka phone rawn lak pah chuan call chu a titawp nghal zat "a chiang tawh em ti khan a der leh der lo chu fiahna tur țha tak a awm nangmah ka tawn ațang che in a ching chho țan tawh a ti der nge a ti tak tak fiah nan khatiang kha ka hmang fo, chuan nangtê hian ka thluak i hruai kawi hneh mah mah bawk" tih pah chuan ka hnar ah chuan a rawn fawp leh zeuh bawk.





"Anih chuan engtikah nge in inkar a tawp a? Inngaizawng ang in in la awm tho bawk si a" ka ti chhuak hap.





"Intê a kan riah tuk a i tlan chhuah daih hlan khan mawle, ka duh che tih ka hrilh tawh che kha midang ang mai mai ini lo min hnawl leh anih chuan tih luihna ka hman a ngai tawh ngei ang. Chuan kha mihring phiangsen kha tunge anih min thei tawh ang em? I bialpa ani tih chu sawi hauh suh ang che" a rawn ti hluk.





"A hma pawn ka țhianpa ani ka tih tawh mawlh mawlh kha nangmah zawk in i ngai kawi zel anih kha. Naktukah an khuaah a chho dawna chuan vawiinah țhian anga bazar pui turin min sawm a i rawn khawih ve ringawt lehnghal mahse kha ani chuan thudik engkim hrilh tur che in min la ti fan asin" ka ti hlak a, motor seat chu a ngheng dawt a motor pawh a rawn che thei.





"Ka thîk, kha mihring phiangsen kha ka thîk ani tih i hria em? A kut hmawr pawh khan a khawih tawh tur che ani lo anih loh chuan ka duh ai na in ka khawih leh khawp ang nangpawn a biak pawh be tawh suh ang che" a rawn ti zui hrâwih!





"Kan inngaizawng pawh ani tawp si loa enge khatianga i țawng ve rikngawt a ka duh leh ka bia anga i thu pakhat mah a awm lo" tih pah chuan ka țhu țha nghal vat bawk.





"Kan inngaizawng lo tih i sawi maw?" ti hluk pah chuan ka sir ah chuan rawn innem khalh in ka mitah chuan chiang zet in min rawn en bawk.





"Enge hetia i rawn awm leh rikngawta awmsawn rawh ka haw dawn ania" motor seat nghen vak pah chuan ka ti nghal sep. Ka mita min en ngur ngur pah chuan ka hmui ah a rawn fawp nghal chawk! "nanghi ka ta chauh inih hi, kan inngaihzawn loh thu kha vawikhat mah sawi tawh suh chuan hrelo der bawk tawh suh ang che nang hi ka bialnu ini a ka nupui tur ini bawk i hria maw? Engmah sawi buai tawh suh" a ti leh hluk a țawng tuma ka án zuai rual chuan ka hmui ah a rawn fawp lehnghal zat a nuih suk pah hian a țhutna ah chuan a țhu thla zui leh dawt bawk. A hmel ah chuan a hlim tih a hriat takzet ani.





"Khawiah emaw ka hruai ang che" a rawn ti sup a, amah pawh en lo chuan ka lo bu nghat ringawt a ka biang sa lutuk chu ka dawm ringawt bawk.





"Chuan in inngaizawng maw? Awi leh! Ka awih theilo in van che rang leh si ve, ui... Lora bialpa i nei ve tawh ania chu pawh i mipa duh em em ani lehnghal ka lawmpui che awi! Remzuali chu avan chawh mai mai tak! Dawt a sawi man a hmu anih chu a phu tawk chiah a zaktheilo er awr vel lutuk anih kha sala! A chawh tawp" Maria-i chuan a rawn ti a, khumah chuan a let a let bawk a a awmdan avang chuan ka lo nui ringawt bawk.





"Enteh... a bulah chuan maw amah ka huatna te leh ka thinrimna te zawng zawng a reh vek țhin ka nêm em em zel a a thusawi te kha ka ring nghet nghal hmiah thei" ka ti sep a, khumah chuan ka țhu thla ve lehnghal dawt bawk.





"Mahse en rawh Hruaizela anga mipa thu tiam zawt zawt a thutiam anga awm leh si lo ang ai chuan Damian-a anga cool ruih ang hi ka duh zawk thu a tiam ve zawt zawt lo che a i kiangah a awm reng a amaha țhatna awm hi nang hian i hmuh hmaih rei lutuk anih kha. A duh hmel che si awi a duat hmel bawk che si ka thîk che e... a lakah țha hle rawh aw nangpawn duat la Remzuali te mai mai chu..... dah nil hmak rawh" a rawn ti leh reuh a ka nui ringawt bawk.





A hma kha chuan inneih kha ka duhlo em em a mahse tunah chuan ka bulah a awm hnem ta cheng a, amah ka duh telh telh si. Awi! kan hun lo kal tur hi kan va han hrelo tak em! Duh lo duh lo tiin kan sawikual vel vak vak a a hnuah kan duh leh tho țhin si keipawh hi ka ni chiah anih hi.





"Awi!!" Ring zeta Maria-i a rawn au rual chuan ka phu nghal zawk!





"Hei a rawn call ania chhang la Balcony-ah chuan va kal rawh kal vat rawh in thusawi ka rawn ngaithla ru dawn ania aw kal vat rawh" a rawn ti vak a, phone chu ka âwm ah a rawn hmeh bel a min nawr tho anih chu! "Ivan mak tak enge i hriat a ka kal dawn reng alawm" ka ti vak a, mahse balcony-ah chuan min nawr chhuak daih.





Tukverh lah chu khar pah in a kut zungpui a rawn ti pir vah a avan ho mai mai tak.





Damian-a hming chu en in ka thaw chhuak hak a ka thin a phu rang dut dut mai nia. Muangchangin a hring chu ka thai chho a ka beng ah chuan ka nghat nghal zat bawk.





"Ka naute" a rawn ti nghal sup bawk.





Ka nun hi engtin nge ka hman zel tak ang. Ala buai chuar dawn chauh tihna em ni ang nge nia ti hian hlim takin ka nun ka hmang ve tawh dawn zawk. Ka nun mahni chauha ho lam taka ka hman țhin chu mi pahnih anga ka hman a ngai tawh dawna. Engkim inhrilh tawn vek. Pakhat in a tih theih reng pawh pahnih a tih dun ang te pawh.





Zingah chuan Zodin'n an chhuah hma chiah in min rawn call a Inrinni vela a rawn chhuk leh vat tur thu a sawi bawk. A țha em ka tih hma hma in a țhat thu a rawn sawi a ka lo nui ringawt bawk.





Mipa rilru zau leh fel tak ani a, a kawppui tur hmeichhe țha tak a tawn ngei ka beisei takzet ani.





Chuan kei hi vawiinah in lamah ka haw phei bawk ang.





"Lora... enteh nizan khan maw Gloria-i kha a boral a chuan tunah a ruang an rawn phur chho mek. Jordian-a u sawi dan kha chuan a tuar zo tawh lo ani ber a sang tawh lutuka" Maria-i chuan a rawn ti a. A thusawi avang chuan ka meng phâwk nghal hra bawk.





"Mah... mahse, a țhat vat tur thu kha a sawi bawk sina Doctor pawh khan a sawi an tih kha an mak em em Jordian i be tawh em?" ka ti nghal zat. Engtin nge a boral thut theih le a mak takzet ani.





"Ka be theilo a a phone a pick thei loa a tuar viau ang ka van khawngaih tak. A dam leh kha kan beisei vek asin ngati teh thut nge maw anih le" a rawn ti a, keipawh chu ka thaw chhuak nghal hak bawk.





"Oh! Ka phone a rawn ri" tih pah chuan khuma ka phone chu ka ban a Jordian hming chu a rawn lang nghal zat bawk.





"Hei.... Jordian'n alo call keimah min rawn call" Maria-i lama ka phone lek phei pah chuan ka ti a, a mu lai chu a rawn tho chhuak ve nghal zawk bawk.


★ Zanah ka dah leh ang aw.... chuan story hi ala kal dawn chauh ania in ngaihdan te lo sawi ve ula aw... next-ah chuan Damian-a POV kan ziak bawk ang☺★

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:53 pm

ADDICTED_TO_YOU 💙 #EP-11

By : Msi_Miluhlulnui 👩



★BIBLE chang chhiar tur : Matthaia 23 :1-12★





"Chhang vat rawh! Loudspeaker-ah dah la" tih pah chuan khum ah chuan a rawn țhu thla ve a call chu ka pick zui nghal zat bawk.





"Jordian, i țha tiraw?" Ka ti nghal sep.





Min chhang loa a a ngawi reng ringawt bawk. Amah ani lo amaw ni le ka ti rum rum thei "Jordian" ka ti leh sep, a reh lutuka ka thinphu dat dat ri te chu ka hre thei hial in ka hria.





"Ngatinge engmah a sawi loh a? Jordian, i țha em?" Maria-i pawh chuan a rawn ti ve lehnghal zat. Engvanga engmah sawi lo nge maw anih le.





Țawng tuma ka ân zuai rual chuan "Lora" a rawn ti sup, phone chu kan beng hnaih ah chuan ka dah nghal zat. "Aw...keimah Lora, i țha tiraw?" Ka ti lehnghal vat a, a thaw chhuak hawk chu kan hre thei bawk.





"Ka țawngțai a ngaithla lo em ni Lora? Ngatinge ka dilna pakhat mah min chhan sak loh? A hnenah a hruai a, a kiangah hun rei pawh ka la hmang hman hauh lo asin. Nge, keimah vang zawk hian a thi ni lo ka ti em ni Lora? Keimah vang hian a thi ani tiraw?" Thinlung leh rilru nâ tih hriat ngawih ngawih hian a rawn ti a, rizai ka deh chu ka țham zui vak.





"Jordian nang hi! I țawng elh elaw?" Maria-i chuan a rawn ti nghal zat. Amah chu ka en nghal a ani pawh a rilru a nuam lo tih hriat zet hian alo ner deuh nâng bawk.





"Jordian, chutiang sawi suh nangmah in mawhpuh suh i thiam loh pakhat mah a awm lo. Khatiang khan vawikhat mah țawng tawh miah suh Jordian" ka ti nghal țhat a, a rawn thaw chhuak ang hawk lehnghal, mahse ka inthiamlo lehnghal zat, A Hmangaih em em in a kalsana hreawm a tawrh laiin kei hian țawngkam vîn in ka be tur ani lo.





"In tawn loh chuan in hrethiam hauh lo ang" beidawn hmel zet hian a rawn ti leh a, min ti țap ve țeuh thei. "Nangmah kha i țha ani tiraw? Thil thleng avang hian ngaihtuahna sual pu miah suh aw i hria em?" Ka ti lehnghal zat a, in tih hlum hial te alo tum ang tih ka hlau ru takzet ani tunah hian.





"Ka țhat i ring em Lora? Kei hi ka țha hauh lo. Ka rawn be leh ang che u min rawn call tum lo bawk ula nangni pawh ka be peih rih lo che u" a rawn ti sup a, thil sawi ve leh ka tum rual chuan call chu a titawp nghal zat a call back ka tum rual chiah chuan Maria-i chuan min lo dang a amah ka en rual chuan a lu alo thing zui nar nar bawk.





"Keini pawh min biak peih rih loh thu a sawi kha tilui suh, a tuar dan tur kan hriatthiam pui lo maithei hun reilote chhung chauh an awmduna keini hian kan hriatthiam zawk a ngai ani" a rawn ti a, ka thaw chhuak nghal hak.





"Mahse... thil thleng avang hian ngaihtuahna sual pu in in tih hlum hial te alo tum ang tih ka hlau alawm Maria. A rilru a hah a hreawm a tih chang chuan a ngaihtuah hmasak ang ang ti hmasa tawp țhin mihring ani tih kan hriat ve vek kha chuvang chuan ka ngaih a țha theilo ani" ka ti chhuak hap.





"Chutiang rilru chu a put ka ring hauh lo. Ngaihtuah rawh Lora, a ngaihtuah hmasak ang ang a ti țhin tih kan hria mahse in tih hlum em em chu a duh ka ring lo chutiang em em a mawl chu ani bawk hek lo ngaihtuah suh, a chak êm kha a tuar chhuak em em ang tunah chuan keini hi a tan kan pawimawh ber ania a rilru nat belhna tur engmah kan siamsak tur ani lo" a rawn ti a, thaw chhuak hak in phone chu ka hûm ngawt ngawt ringawt bawk.





"Mahse ka ngaih a țhat loh tlat nachhan hi ka hrethiam lo bakah tunlai hi ka awmdan a diklo thil a negative zawnga thlir tlat ka tum a insiam țhat vat ka ngai ani" ka ti chhuak sap a, Jordian chu a țhat ngei ka beisei takzet ani.





Thihna hi chu a van tawp ngawih ngawih tak em!. Hmuh leh tawh ngai loh tura suangtuah ngawt phei chu a rapthlak dawn takzet ani. A tuartu te au aw hian ka mittui an ko chhuak ve țhin. An mahni an ngaih ngawih ngawih tur thu te sawi in an tello chuan engmah an nih dawn loh thu țap chunga an sawi te hian ka biangah mittui a luan tir ve thei țhin.





Ka phone rawn ri ah chuan ka harh chhuak deuh zawk a tunge min lo call tih ka en rual chuan Damian-a hming chu ka hmu nghal zat bawk. "Kan chhang lawk ang aw, a message pawh ka la seen hman loa" tih pah chuan ka tho chhuaka Balcony lam chu ka pan nghal zat bawk.





"Hello!" Tih pah chuan tukverh chu ka nem tawlh nghala țhutthleng an dah ah chuan ka țhu nghal chat bawk.





"Ka message ila seen hauh lo" lungawi loh hmel zet hian a rawn ti hmuk a, nuih pah chuan bang chu ka ngheng nghal zat bawk. "Ka la buai lutuka nichinah call ka dawng a tah chuan ka khawih ve thei chiah a" ka ti nghal sep bawk.





"Ok! I aw ka hre chak reng a ka hmu chak reng bawk che, chutiang chiah chuan i message dawn reng pawh ka duh ho tê pawh nise. But.. Rilru hah hman tur khawp in min siam tawh lo la." A rawn ti sup a, ka nui chhuak nghal hak bawk.





"Um... ka hria e, englo ania Jordian bialnu boral kha i hria em? Jordian pawh i hriat ve tawh kha" ka ti leh sep.





"Nope!"





"Nizanah khan a boral a, chuan tunah helam pan in a ruang an rawn phur chho mek a keipawh vawiinah ka kal a ngai a min hruaina tur hmunah khan ka kalpui leh hman dawn lo che a, ka țhianțha tak ani a ka țawiâwm ve a ngai a rem i ti ang tiraw?" Ka ti a, a phalloh pawn ka kal lui tho ang te chu ka ti rilru pah neuh neuh bawk.





"Umm.... ka hrethiam che, rem tih lohna tur pakhat mah ka nei lo i kal dawn nia kan kalna turah chuan karleh lamah pawh kan kal thei alawm in kal hun tur sawi la vawiin ka hun hman dan tur ka lo en anga ka rawn kal ve dawn nia" a rawn ti sup a, ka țhu ngil nghal awt mai.





"Ilo kal ve tak tak ang maw? Mahse... i buai âwm sia hna in ngah hmel thei si" ka ti nghal zat.





"Ka naute, hna chu a tam na meuh mai, nitin thawk mah ila thawh zawh sen rual ani chuang lo. Chhiat tawh nia țhenrual țha te leh țhian țha te in țawiâwm hi a pawimawh ber. Tawng ve thei reng kan ni inhmelhriat țha kan ni emaw ni lo emaw ka rawn zui ve ang che u. I țhianțha tak ani bawk a" a rawn ti sup a, ka nui nghal ver ver bawk, ka rin ai daih in hepa thinlung chhungril hi alo țha anih hi mihring hi kan lan dan ang ngawt hi chu kan lo va ni lo tak!





"Anih chuan Maria-i ka lo bia anga ka lo hrilh leh dawn che nia. Chuan, ka lawm lutuk ania ilo kal ve dawn a" ka ti nghal sep a, ka nui leh ringawt zel bawk. "Lawmthu inhrilh ai chuan min ngai em tih ka hre duh zawk. Keiin engtik lai pawn ka ngai che a ka ngaih reng ang che hian min ngai ve em tih ka hre duh ka naute?" A rawn ti sup a, ka ner zui nâwng bawk.





Nizan ațangin sawi turin min ti tawh mahse ka sawi ngam loa a tilui zela ka dah dawn ka tih lah in a phal bawk si lo, nizan kha chuan ka ngei hman ania aw...





"Duati" a rawn tih leh sup rual chuan ka thaw chhuak nghal hak "ka sawi zak, bakah sawi dawn pawh ni ilang a mood-ah ka cheng lo sawi tam pawh a ngai vak lo in ka hria min tilui tawh lo la ka inpeih hunah chuan ka sawi ve mai anga" ka ti nang nang a, a rawn nui chhuak hawk bawk.





"Duh loh i pe na ve reuh si, chhuanlam tur lah chu i nei țha phian bawk a vawiin chauh chu ka ngaidam leh ang che a dawt leh ah chuan i sawi ngei ngei a ngai tawh ang a chiang em? Chuan tunah khan hahdam tak in i awm tih ka hre thei a ka hlim bawk. Thil thleng avang khan in ngaihtuah ngut ngut lo la" a rawn ti sup a, thâwk chhuah hawk pah chuan ka nui nghal ver ber bawk.





"Um... ka hria e, ka lawm lutuk ania chuan.....Maria'n min ko a ka dah phawt ang aw ka rawn be leh ang che" ka ti a, rei tak ani dawn nge ni dawn lo tih min la zawt hram zui lehnghal. Nimin ațang chauh in inkawp mah ila la reilo hle mahse ho te te ah pawh min nuih tir thei a chuan ka thinlung hi a hlim takzet ani tih ka hre thei bawk.





"Ruang chu a rawn thlen țep tawh thu an sawi a keini pawh insiam ila kal nghal ang kan thlen har lutuk chuan a chi loh palh ang chaw pawh ei lo mai ang" a rawn ti a, a thawmhnaw bawm lam chu pan in a hai zui nghal zat bawk.





"Aw... ka hria Damian-a kan hrilh ve phawt ang aw" ka ti a, a thawmhnaw bawm a lut tawh chu a rawn dâk chhuak leh "Maw?! Damian maw? Mahse enge a tih ve dawn?" Mak tih hmel zet hian a rawn ti nghal zat.





"Aw... alo kal ve tur thu a sawi a chuan ka hrilh a ngai a lunngai suh, make-up ka hmang ve dawnloa inthlak chiah ani mai nangmah kha hmanhmawh zawk rawh" ka ti a. Damian-a number chu ka hmet chhuak nghal zat bawk. "Anih chuan Scooty ka keng peih lo a motor keng turin hrilh la a motor chuan kan kal dawn nia fuh dawn lutuk!" A rawn ti heu lehnghala remchanna hi alo zawng ve hman ziah.





Damian-a chuan Maria-i te in kawtah min lo nghak a, khua a nawm vak loa ruah hmi a tla ser ser bawk. Overcoat dum kan ha ve ve a puan ka bih bawk sia duh ang pawn ka kal țha theilo "ivan lo thleng hma leh si ve" tih pah chuan a bulah chuan ka va ding a, ka ban bulah chuan rawn dawm in ka chal ah chuan a rawn fawp zui nghal vang vang bawk.






"Eu.... deuh vel a cheu in duat hun ani lo kal a hun tawh" a rawn ti a, Damian-a lah chu alo rûm zui nghut lehnghala ka nui ringawt bawk. "Tunge i chuang ve dawn ti reng reng a?" Damian-a chuan a ti zui nghut. Maria-i chu a rawn rûm nghal nghat a, Damian-a dar ah chuan a rawn nem zui nghal pawl bawk.





"A ve che... kan inkawtah anih hi aw i awm bakah Lora țhian țha ber ka nia ka tello chuan khawiah mah a kal ngailo ka chuan ve a ngai ngei ngei hi ani tawp mai ni" a rawn ti nghal țhat a, a awmdan avang chuan ka lo nui ringawt bawk. Damian-a lah chuan tih thinrim luih a tum tih hriat zet hian a en zui ngur ngur lehnghal.





"In inkawtah kan awm a, a dik ngei e mahse i chuanna tur chu ka Motor ani a dik zual zawk. Ka motor anih ang in i chuan leh chuan loh chu ka thu ani" a ti zui leh hmuk. Maria-i chuan rum mang kheng hian a melh a chutiang chiah chuan keipawh min rawn melh.





"Awi! Lora, i bialpa hi hrilh ve rawh ka chuan lohna chhan tur hi pakhat mah a awm lo vawikhat ka chuanna turah pawh a induh nghal em em a, ka ti chhe vek dawn tihna pawh ani lo tunah hian ka tih balh nghal loh ah inhnial mood-ah pawh ka cheng lo" a ti zui leh țhat a, a țawng dan avang mai mai chuan Damian-a pawh a nui ta ringawt bawk.





"In ho lutuk! Kal tawh ang u kan tlai dawn ania" tih pah chuan an ban bulah chuan ka nawr ve ve a, Maria-i chuan thinrim zet hian car kawngkhar hnung chu a hawng a a țhu lut a, kawngkhar chu a khar zui nghal chawrh bawk.





"Ka rin ai a thinchhe reuh zêk, hnial chi pawh ani dawn lo anih kha" nuih pah chuan a rawn ti zui hluk bawk. "Tih luih mai mai chi pawh ani lo kal ang kan tlai dawn ania" ka ti a, mahse ka ban bulah rawn dawm in a hmaah chuan min dintir leh "a vawt i tih chuan sawi la aw car hnungah puan ka dah ania" a rawn ti sup a, ka bu zui nghat nghat bawk.





Gloria-i te in lam pan chuan kan inkhalh chhuaka kan thlen chuan an lo awm tam ang reng tawh hle bawk. Kan țhian dangte pawh an lo thleng tawh a chanchin kan zawh chuan in lam pana an rawn tlanpui mek thu an sawi a pawnah chuan kan lo nghak reng bawk.





"A nuamlo iti em?" Damian-a en chhoh pah chuan ka ti nghal sep a, lu thin nghut pah hian ka kawngah chuan rawn vuanin a lamah chuan min pawt phei a ka chhip ah chuan a rawn fawp zui nghal bawk. "Ka bulah awm la chu chu ani mai. Kan thawhpui țhenkhat te pawh an kal a, nakinah kan va kal dawn nia, a vawt iti em?" a rawn ti lehnghal sup.





"Ti vak lo, ka taksa ai chuan ka beng hi a hit daih zawk a khawng vek in ka hria, khua a vawh hi chuan tiang hian a awm ve ziah" ka ti a, min kuah hnaih leh sauh pah chuan a kut lehlam chuan ka beng lehlam chu a hup a, lehlam chu a kawr chhanah a awm bawk. "Tikhan a zia mai ang" a rawn ti a, ka kut chu a rawn vuana a khal zui nghal daih bawk.





Ruang a rawn thleng a khulam ațanga zui chho tu a ngah avangin inchhung lam kan kian a pawnah kawngka bulah kan lo țhu thung. Jordian ka la hmu miah loa a u kan zawh lah in ani pawn a awmna a hriat loh thu min hrilh bawk. Call a chhang thei bawk si loa ka rilru a ti hah zual sauh.





Kan call sup sup laiin thlalak dawnah a rawn thleng ve chauh bawk, a mitmeng a dul in a chau tih a hriat ngawih ngawih bawk. Gloria-i hmel chu an entir a midang hmaa țah a duh loh țhin teh lul nen ri miah lo in a țap a, a mittui a hrûk lai chu ka en reng bawk.





"Ka van khawngaih tak!" Maria-i chuan a rawn ti a, Jordian-a awmdan avang chuan ka mittui a rawn tla ve ringawt bawk. Damian-a chuan min rawn kuah a ka sam ah fawp in nghet zet in min kuah zui nghal zat bawk.





"Eng emaw tal ei la, anih loh chuan i taksa a chau lutuk anga sin" chaw ei tir tum in Jordian-a nu chuan a bei a mahse engtin mah a chhang loa a melh ngai a melh ngawt ngawt bawk. "Damian.... ngaih kawih tur a awm loa mahse keiman pek ka va tum chhin ang aw engmah a ei loh chuan a taksa a chau lutuk palh ang" amah en chhoh pah chuan ka ti nghal sap.





Jordian chu a en zui vut a, keimah chu min rawn en leh a a bu zui deuh nghut bawk. "Va kal rawh" a rawn ti leh sup bawk. "nute, khawi keiman pek ka lo tum chhin ang lo chawl hahdam rawh" tih pah chuan nu Kimi(Jordian-a nu) chu ka va biaa. Soup chu min pe a, Jordian hmaah chuan ka țhu nghal zat bawk.





"Hey! Eng emaw tal i ei loh chuan a hma ang khan i awm leh dawn ania aw.... pum dawm chung in i vial leh ngawih ngawih anga i inchhir leh anga mawhpuh tur i zawng leh ruai dawn asin" ka ti zâng vah a, mahse chêt pawh a che lo a chal dawm in a melh nghal a melh ngawt ngawt a, vur a tih khawng vek ang hi ani mai.





"Jordian.... a mak e, eng emaw tal ei rawh kha i pum a rawn ri leh rawk rawk tawh ania chuvang chuan i pum pawh khan thu awih turin a duh che" ka ti leh a, thaw chhuak hawk in a tho chhuaka a kalsawn zui nghal daih bawk.





Zui ka tum a mahse anu chuan tilui lo turin min hrilh bawk. Khatianga a awm avang khan ka rilru a ti hah zual sauh sauh bawk. Ka ngaihtuah ang hian thil a thleng ang tih te ka hlau takzet ani.





"I țha em Duati?" in lam kan pan rual chuan Damian-a chuan a rawn ti sup, ka thaw chhuak nghal hak ringawt. "Dik taka sawi chuan amah hi ka ngaihtuah takzet ani. A rilru a hah lai te emaw hreawm a tih lai chuan a rilru a lang hmasa ber ang hian a che tawp zela in tih hlum te alo tum ang tih ka hlau takzet ani" ka ti chhuak hap bawk.





"Mipa puitling ani tawh a chutiang rilru chu a pu hauh lo ang tih ka ring i rilru ti hah lutuk lo la nangmah in ngaihtuah hmasa ziah rawh. I kianga ka awm loh lai anih pawn nangmah inngaihtuah hmasa ber tawh rawh i hria em?" a rawn ti a, ka kut chu a rawn vuan a hahdam turin min hrilh zui lehnghal zat bawk.





Ka țhiante erawh kei tiam loh in Jordian-a te inah an la awm a kei erawh haw turin min ti lui tlat a a chhan ka hrethiam lo. Maria-i lah khan keimah min hmuh a duh loh thu te kha a sawi bawk si a mahse tinge kei kher. Zinga ka thusawi avang khan ka chungah lungawi lohna a nei tihna amaw ni le. He mihring pa zet hi chuan rilru hahdam tak hian min awm tir thei dawnlo anih hi.





"Ah! Tak a, ngatinge heti lam pan hian kan kal daih a kan kalna tur lam ani miah lo" kawng enkual pah chuan ka ti chhuak nghal sep a, kal lamah khan heti lamah hian kan kal miah lo bawk.





"Office lamah kal lawk ka ngai a, kal phawt ila ka thlah dawn che nia Jephtha khan hna pawimawh a awm thu a rawn sawi a" a ti sup a, Motor tlan an tlem deuh nge ni a speed chu a ti chak zual sauh bawk.





A Company Building kan thlen chuan pawnah Jephtha a tih ni ngei tur chuan alo nghak a mipa pakhat nen. Ka kutah min kai in min luh pui a, ka taksa hlat ah a awmlo tluk ani. Mi tam zawk chuan min en deuh hrek hrek hlawm a anih ka ring ani an hmuh tawh hmu ka ang dawn êm asin hetiang kan thlen hma khan kan chanchin diklo takin a thang tawh anih kha.





"Enge i ngaihtuaha Duati?" Lift-a kan chuan lai chuan Damian-a chuan a rawn ti a, ka lu chu ka thing nghal vak bawk. "Engvak mah ka ngaihtuah lo ka rilru ka lo kawm mial mial a thil chi hrang hrang ka ngaihtuah a" ka ti sep a, a awih loh hmel em em mai lehnghal.





"Chiah maw? I țha hauh lo" tih pah chuan ka chal ah chuan a rawn khawih a, a kut chu ka lo dah thlak sak nghal vat bawk. "Midang an awm ve reng hi hetianga awm chu a mawilo ka țha alawm. Hmana Ig-a thil post vel kha ka lo ngaihtuaha chu zawng chu ani mai" ka ti zâng vah a mahse amah zawk a rûm zui nghut bawk.





"Tunah chuan khang kha a bo vek tawh alawm midang te chuan an tihsual an hriat kar ang in an la hre reng, tunah chuan ka kiangah i awm tawha thil awmdan hrilhfiah ngai lo in an hre leh vek tawh ang. Mahse, i kutah vuan in engtik ah mah ka thlah tawh lo ang che" a rawn ti sup a a âwm ah chuan min kuah bet in ka sam ah chuan a rawn fawp zui nghal zat bawk.





"Ngatinge Sheryl a kal miah loh a? Kan kal hmaa ka biak khan tihtur nei ang in a insawi bawk sia" a țhutna lam en pah chuan ka ti nghal sap.





"Ka kal ni chauh in a kal țhin vawiin chuan a bialpa ni âwm tak hmu tur ang in a insawi kha mawle." a rawn ti hluk a Dominic-a hmuh a tum ani ngei ang. Engtik ațangin nge maw an lo inkawp ve leh hman tawh le an che rang hlawm ngei mai.





"Lut ang aw... ka reilo ang i duh chuan ilo muhil dawn nia" a ti sup a, a office chhungah chuan min luh pui a kan ruala kal te pahnih lo mipa hlang hlak pathum an lo awm a kan lut min hmuh rual chuan an lo la ding chhuak vek zui. A ngaihna hrelo zet hian Damian-a chu ka en a min lo nuih nghal suk bawk.






"Meeting pawimawh tak ania, lo chawl hahdam lawk rawh aw Duati kan rei lo ang. Mr. Armando reilote min lo hrethiam lawk ta che u" mipa dang pathum lam hawi leh pah chuan a ti a, ka banah chuan min kai in a țhutna lamah chuan min kal pui a, lehkhabu inrem tlarna hhnungah chuan min kalpui leh zel bawk.





Kawngka pakhat chu a hawng a, min luhpui nghal zat bawk. "Tah hian lo hahdam lawk rawh aw ka reilo ang ka tih kha a țha tiraw? I hlau êm lovang chu" a rawn ti a, ka lu ka thing nar nar bawk.





"Hlau lo e... va kal rawh a pawimawh hmel si tan ka lo awm ang" ka ti a, ka hmui ah chuan rawn fawp vang vang in a chhuak zui a, room chhung chu enkual pah chuan ka thaw chhuak nghal vak ringawt bawk.





Dawhkan tê lam chu ka pan a a chungah chuan thlalak hi alo in hûng a, anu leh la te nena an lak ani bawk. Hetah hian a chawl hahdam țhin ani ngei ang. Engkim chu a felfai thlup a awm tawhna ani tih pawh a hriat loh. Khumah chuan țhu thla in ka phone chu ka phawrh chhuaka ka nu number chu ka hmet chhuaka ka dial nghal zat bawk.





"Nu...." a chhan rual chuan ka ti nghal sap a, ka biak a ring lo pawh ani mahna a rawn nui ringawt bawk. "Ka lo biak vat loh che avangin min ngaidam dawn nia mahse Sheryl hnen ațangin i chanchin engkim ka hre vek țhin ania aw.... chaw te kha lo ei țha la" ka ti leh.





"Engtikah nge lo haw i tum? I nu hian ka ngaihtuah lutuk che asin Bawihte, ipa pawn a thu thlûkna sawh sawn a tum ve deuh ani ngei ang i chanchin te min zawt ve reng a. Bawihte, lo haw la i pa chu rawn sawipui leh rawh" a rawn ti a, a țap nge maw ni a insût deuh hraih bawk.





"Zaninah ka insiam anga naktukah lo haw ka tum alawm, vawiinah rawn haw ka tum a mahse Jordian chungah khatiang thil kha a thleng leh bawk si a zaninah chuan ka lo haw leh hman lo ang chuan nu ka riak chhuak tawh miah lo ang" ka ti chhuak nghal hap bawk.





Rilru hah reng reng in an pahnih hian ka la siam a mahse dawhthei tak in min en liam zel a mahse keimah zawk hian ka nâwk lui țalh zel a a hnuah keimah bawk in hreawm ka ti leh țhin. Nu leh pa leh unau te hlat a awm bak bak a hreawm hi a awm hauh lo ang.





"Nu.... chuan ka pa chuan chutiang a sawi anih chuan nangpawn lo sawipui ve leh tum chhin la i thusawi pawh a awih tawh maithei asin a hma kha chuan a rilru a hah lutuk anga khatiang khan a awm aniang" ka ti a, a rawn thaw chhuak deuh ham ham bawk.





" Nizanah kan sawidun tawh alawm lo haw la engkim i hre vek mai ang" a rawn ti bawk. Inneih ka duh loh thu ka sawi hnuah Damian-a nen tunah kan inkawp leh mek a ka pa lah chuan a thu thlak danglam a tum leh mek tawh bawk.





Mahse tih luihna hmanga inneihna kal tlangpui ai chuan induhna ngei leh tih luihna engmah awm lo nen ka duhzawk ani. Ka nu te pawh ka hrilh leh anga anni pawn min pawmpui leh ngeiin ka ring ani.





Thildang eng emaw kan sawi a, ka pa duty tura insiam a ngaih tawh thu sawiin phone chu a dah a mahse kei erawh chuan Maria-i ka call lehnghal zat bawk. Khumah chuan ka mu thlaa saisir zawng chuan ka mu bawk a, a in ring chhung zawng chuan ka lo maimichhinga mutthilh tum in ka bei ani ber.





Jordian enge a an tawh thu ka zawt a, thil a ei thu a sawi chuan ka lawm a mahse engvang nge niang engvanga ka awm loh hnuah chauh ei nge anih le kei hi min huatna chu a nei tak tak amaw ni dawn le. Mahse a huat tur sawi ka neih âwm ka hre bawk si lo.





Maria-i chu thildang a sawi leh sawi loh ka zawt a mahse engmah a sawi loh thu in min chhang ringawt lehnghal. Ka van hrethiam lo tak em! Amah ka ngaihtuah avang chauha sawi ka ni asin mawle mahse ani chuan min huat phah nan a hmang daih bawk si, ka van hrethiamlo ngawih ngawih tak em! Sawi ngaihna pawh ka hrelo.





Ka chauh vang nge ni Maria'n thil a sawi lai chuan ka chhing diar diar a a thusawi pawh ka hre țha hleithei lo. A țawng te pawh chu a zâwi tial tial a ka meng hleithei lo. Ka phone ban tum a ka chet rual chuan ka kâng zui nghal awk a, Damian-a hmel chu chiang lo zet hian ka mu nghal ruai bawk.





Ka hmai za mer mer avang chuan ka hmai chu ka dap a, mahse engmah a awm lo. "Harh tawh la naute" tiin ka beng bulah chuan tu emaw hi a rawn țawng sup a, ka mut ala chhuak lutuk a ka meng hleithei lo.





"Ka la mu duh" tih pah chuan ka inlet a, chiang lo ruai a ka men chhuah rual chuan a aia chiang zawk in ka meng chhuak nghal kâwk! Lawk, kei hi khawnge ka awm?.





Ka mutna ațang chuan ka tho chhuak nghal deuh zawk a room chhung ka hmuh rual chuan ka meng phâwk nghal hra, khawiah nge ka awm kei hi. Țullo zet in rizai te chu ka keu ringawt a kekawr bul ka lo ha anih chu! Chuan kawr lian zet nen ni lo Jacket ani mah zawk.





Au chhuak țhat in ka hawikual ruaia mahse ka awmdan uluk zeta min lo en reng tu ka hmuh rual chuan ka tawp nghal chawt! Kawr a ha lo tih ka hmuh rual chuan ka hmai chu ka hup nghal thawk a amah zawk la chu ala nui chhuak hawk lehnghal.





"Ngatinge kawr i hak loh? Chuan ngatinge hetah hian ka awm a ka thawmhnaw te hi enge awmzia ni a?" ka ti chhuak nghal vak a, ala nui ri suk lehnghal "i mut laia thil thleng kha pakhat mah i hre tawh miah lo em ni?" nuih rik suk pah chuan a rawn ti sup a, rang lutuka tawlhsawn ka tum rual chuan ka âwn nghal vat a, Damian-a chuan ka kawngah rawn dawm in min pawt kâng a, a hmel chiang zeta ka en rual chuan a âwm ah chuan ka kut ka la nghat zui a, ka la thla rang mah mah bawk.





"Fimkhur ve țhin la" a rawn ti sup a, ka hnar ah chuan a rawn fawp nghal zeuh bawk. "Hetah hian engtin nge ka awm theih a? Chuan helai hi khawi hmun nge? engkim sawi fiah rawh ka chungah enge i tih?" ka ti nghal vat a, kawr a ha bawk si lo amah te hi en ka hreh ngawih ngawih.





"Ka room anih hi. I muhila chuan ka hruai haw bawk che, lum itih avangin awmpui hmeichhia ten an thlak che a an hak tir che hi chu ka sawi theih phak bak ani, ka awm lo miau a chuan i chungah engmah a thleng lo a țha em? Hahdam tawh rawh" a rawn ti sup a, Hahdam ah! Chu chu khawi ah ani ringawt.





Tunah hian mipa room-ah thawmhnaw ho te hâ in ka awm mek a, chuan hepa hian kawr ala ha lo zui bawk. Tichuan hahdam turin min duh amaw? Engtin nge hetiang te chuan ka hahdam theih ang.





"Heta awm thei ka ni lo ina haw ka ngai min thlah rawh min lo ngaihtuah tawh ngawt ang ngatinge ka mut rei em em le" tih pah chuan awmsawn ka tum a mahse min kuah nghet sauh "i chhungte leh Maria chuan heta i awm thu an hre tawh" a rawn tih rual chuan ka âng nghal phuau ringawt.





"Maw?!" ka ti nghal vak a, a nui kiai suk lehnghal.





"Ka sawi ang kha ani mai, chuan i lang sexy lutuk i mut lai khan i sexy lehzual" a rawn tih rual chuan a hmai chu ka hup a, ka kut rawn vawn pah chuan a nui chhuak nghal hawk "en pawh min en suh, khawiah nge ka thawmhnaw a awm? Ka haw dawn, heta awm thei ka ni lo" tih pah chuan khum ațang chuan ka tal thlaa ka thawmhnaw ka zawng a mahse ka hmu lo.





Khum ațanga rawn chhuk thlak a tum rual chuan ka lo tlanchhia "chhuat kha a rah pawh rap suh" ka ti nghal vak a, mahse ka thusawi engah mah ngai lo in a rawn tho chhuaka kawr a ha bawk si lo a pian chu chiang takin ka hmu thei. Hnunglam ka hawi nghal vat a, a nui ri nghal suk bawk.





Hepa hian engthil chiah nge maw tih a tum le. Min khawih a tum tihna em ni, engmah a sawi bawk si lo. Ka van ning tak! Khawiah nge ma thawmhnaw te hi an awm a.....





Tlansawn leh ka tum rual chuan phone rawn ri avang chuan ka thaw chhuak nghal hawk "hrep chuan" ka hnung lawka rawn ti hrâwih tu avang chuan ka phu zawk a, hnunglam hawi pah chuan ka tawlhhnung nghal zat bawk.





Ka sir mai a, dawhkana a phone ni ngei tur chu a ban a, Kekawr tluan pangngai zet hi a hâ a, kawr a ha bawk si lo. Kei lah ka in ha bul bawk si... van buaithlak tak!





""Sawi rawh" a phone a chhan rual chuan a ti zui nghut a, ka awmna lamah rawn phei in ka sir ah chuan a rawn innem khalh a, ka mita rawn en pah chuan ka hmui ah chuan rawn fawh a tum a mahse rang zet chuan a hmui ka lo hup a, ka kut chu a fawp ri nghal zat bawk.





Ding chhuak in ka kut ah chuan a rawn vuan a a lamah chuan min pawt hnai nghal zat. "Anih chuan a in puan hma chuan sawisa rawh u ka rawn kal ang" a thusawi avang chuan ka ding khawng nghal at a, phone-a mipa pakhat thu rawn sawi ri te chuan ka thinphu a ti rang sauh bawk.



★ Anu in mu tawh turin min ti a, a tawi sia a ngaihnawm loh ngawt ang😅 chuvang chuan naktuk zanah ka zawm loh pawn a thar a awm ang aw... naktuk chhunah ka zawm hman dawn loa★🙃

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:53 pm

ADDICTED_TO_YOU 💙 #EP-12

By : Msi_Miluhlulnui 👩


★Ka mit ana lutuka ka ti lui thei tawh thlâwt lo, ka mit nâ a rawn chhuak leh țan tawh a vawiin vang vek ania a hreawm tawp, online pawh ka online țha ngam lo, ka type muang dawn tih pawh ka hrilh duh lo cheu nih kha😞 chuan in naktuk zan ațang chuan a sei pangngai leh thei tawh ang aw... damdawi te kan han thlawr anga🙃





'A inpuan hma chuan sawisa rawh u' a tih chu enge awmzia niang le. Ngawi teh! Hepa hi, misual pawl ah te hian alo tel reng te hi ani lo maw. Ka thil ngaihtuah avang chuan min kuahna ațang chuan tal sawn ka tum a mahse rûm zui nghut pah chuan min kuah nghet leh sauh.





"Ka rawn thleng har lo ang a inpuan theihna tur anih phawt chuan engmah tih hreh nei suh ang che u" a ti zui leh hrâwih a! An in biakna chu an titawp ani ngei ang phone chu kan sir maia dawhkanah chuan a dah thla a.





Kei lah in chu chu remchangah lo lak tum in pensawn ka tum a mahse ka ke dinglam in chhuat a rah leh rual chiah chuan ka khêl ah chuan rawn dawm in dawhkan chungah chuan min nghat chho nghal zat a, chhuk phêt ka tum leh rual chuan ka kap kar ah rawn in zep in ka mal bulah chuan a rawn innem khalh a a rawn awmdan avang chuan bang chu ka ngheng lehnghal rawk rawk bawk.





"Engthil nge maw itih hi le awmsawn vat rawh. Kawr i ha bawk si lo" amah pawh en țha ngam hlei lo chuan ka ti ve ringawt a, ka mitmu chu ka ti che kual vel vak vak bawk, ka thinphu te lah chu ran na men loh in an rang bawk. Second 1-ah hian vawi nuaih chuang a phu hman hial in ka ring.





"Engvanga ka lak ațanga tlan chhia nge inih?" Lungawi loh hmel zet hian rawn ti nghut, ka mitmu chu ka ti che kual ralh ralh a, ka tal deuh sek bawk. "Aw... enge min man beh a eng emaw tih i tum anih kha ka duh hleinem bakah kawr i ha lo lehnghal kei lah ka in ha bul ropui si in in ani lehnghal bawk a....." ka tâng zui chawt! Sawi leh mai tur ka hre tawh lo.






"Enge hetah te min hruai reng reng a?" Ka sawi tur hre tawh lo lutuk chuan ka ngawih fê hnuah chuan ka ti leh ringawta nui chhuak hawk in ka kawng ah chuan a rawn vuan a a lamah chuan min pawt hnai a, a âwm ah lah chuan ka kut ka la nghat ziah lehnghal. A taksa ka deh hian ka sa nghal pup pup thei.





"I haw duh loh thu i sawi tih ka sawi chuan i awih leh dawn hauh si lo heta i lo awm daih theih dan ah hian enge sawi turin min duh?" Ka khabe rawn fawh pah chuan a rawn ti sup a, ka chil ka lem ri nghal khalh. A mit khur thûk zet nen chuan min en zui vung vung a kei hian sawitur ka hrelo.





"Lora" a rawn ti leh sup.





Min en ngur ngur avang chuan lai ru zet chung in amah chu ka en chho "ka dang, sawi tur ka hrelo chuvang chuan min kaltir tawh la ka haw anga engkim a țha ani mai nangpawn hna i neih thu i sawi kha hei khua a thim dawn" ka ti ta daih a, tal thlak ka tum a mahse ka nghawng ah rawn dawm in ka hmui ah chuan a rawn fawp nghal zat.





"Hna chu nakinah eng emaw tih hmasak phawt ka mamawh" tih pah chuan ka hmui ah chuan a rawn fawp leh zeuh a, tiang chuan vawi nga vel a ti hman bawk. Ka awmdan a ti danglam leh vek tawh.






"Ka awmdan a diklo ka pangngai miah lo ka awmdan pawh hi ka hrethiam lo i thil tih vang hi aniang, ah... englo, ka sawi thiamlo" ka ti chhuak hap a, amah ka en rual chuan alo nui kiai nghal suk lehnghal.





Ka zah êm avang chuan lehlam chu ka hawi nghal daih a ka sa pup pup mai ka thin a phu nasa bawk, ka kawchhung te hi engtin emaw an awm in ka hria ka sawi thiamlo an chawmawlh vek ni berin ka hria.





Ka khabe ah chuan rawn dawm in amah en tur chuan min siam rem a nuih suk pah hian mit zîm sun hian min en a ka chal ah chuan a rawn tauh nghal dat a ka hmui bulah chuan a rawn thaw chhuak ham ham bawk, ka kawng ah chuan a hmer zui lehnghal salh bawka ka awmdan avang hian engmah tih tur ka hrelo sawitur pawh ka hre hek lo ka engkim hi vur tlang ang mai a khawng hi ani berin ka hria.





"Duhawm viau suh, ka ei zo vek duh mai ang che ka naute" ka hmui bul chêt ah chuan a rawn phun sup a țawng tum a ka ân zuai rual chuan min rawn fawp lehnghal in ka ka chhungah chuan a lei a rawn hawl lut nghal zat a, a âwm a ka kut ka nghah chu ka hûm zui vak bawk.





★ Damian Zomuansanga POV★

"Engvanga heta la awm nge in nih?" Țhutthlenga țhut thlak pah chuan ka ti zui nghut. Ka hma mai a mipa țhu chu ka en zui nghal vut a a chau tawh tih hriat zet hian an phuarna ațang chuan hmalamah a âwn zui vak bawk. Ala inpuang lo ani mahna.





"Haw tum a kan insiam lai khan tatoo chungchang kha hriat a neih thu a sawi a chuan thildang an la tih leh zel tur te thleng pawn. Mahse tunah engmah hriat belh kan la nei thei chuang lo a sawi duh leh tlat lo" Jephtha chuan a rawn ti a, dawhkana file awm chu ka ban zui nghal zat bawk.





"Damdawiin lama thawktu țhenkhat ban an ngaih țhu kha Dr. Marina in hriattir tawh em?" Lehkha keu pah chuan ka ti nghal nghut a, thawktu ban ngai hming list an siam chhuah chu ka bih zui nghal vut bawk. "Vawiin lama print out chauh anih avangin kan la hriattir hman loa naktuk lama hriattir kan tum bawk. Vawiin lama Mr. Armando nena thawktu file kan en ațanga hming kha thlang chhuak kan ni bawk" a rawn ti leh bawk.





A tawp ber a hming inziak ka hmuh rual chuan ka rûm zui nghut. "Engvanga Lora hi ban tur zinga tel ve nge anih?" Ka ti chhuak nghal hrâwih! File rawn ban pah chuan hming list chu a en ve nghal zat.





"Heihi! Kan chhut luh âwm ka van hrelo ka hriat hmaih palh pawh ani maithei heng ho kan tlanchhuah hi chu an thawh tawhna report kan en ațanga ti kan ni a a mimala an mahni hmuh phawt i duh chuan a theih tho" a rawn tih chuan thaw chhuak hrâwih in ka țhutna ațang chuan ka ding chhuak nghal bawk. "A vaiin enfiah leh vek ang che u chuan a thar in in chhu lut dawn nia Lora hming hi a tel tawh tur ani lo. Inzawmna kan nei tih a hria anga pawi a rawn khawih leh ani ngei ang hrep chuan, a kal thui tawh mah mah ani. Lora, a hmer tel ve anih chuan ka duh ai bak bak a ka chêt a ngai tawh ang" ka ti hrâwk a! Dawhkan chu ka chûm zui nghal pawp bawk.





Lora tih hreawm tel ve a tum anih chuan a chak hauh lo ang. "Tunge maw inih hrep le, min hrechiang viau anih chuan rawn inlan ta che mi dâwihzep anga biru mai lovin hmai chhanah ngei in bei ang nge nang hian min hneh loh i rin avanga darthlalang phen ațangin min bei zawk? Lora, i tina tel anih chuan ka chhuah hauh lo ang" ti zui hrâwih in Glass awm chu ka hnek zui nghal pawp a ka thaw chhuak zui nghal hrâwih bawk.





"Damian, nichin khan eng emaw a sawi a nikhaw hrelo in a awm ani maithei ka zawhna engmah min chhang tawh lo a tunah an buaipui mek heihi kan record chu ania" Lorenzo thu rawn sawi avang chuan ama lam chu ka en zui nghal vut. Dawhkana a recorder dah chu ka ban zui nghal a ka kut chu a thi deuh ser ser bawk.





'Ila chawh dawn lutuk! He tatoo neitu hi chuan nangmah a hrechiang hle bawk che, i tih leh tur engkim a hre vek a a dang hneh bawk che i hmangaih te veng uluk hle rawh in ring rengin awm la a chunga i tih ang chiah khan i chungah a ti ve ngei bawk ang' tih chu recorder ațanga thu rawn chhuak ani. A aia ringa dah in ka play nawn lehnghal zat bawk.





"A chunga ka tih ang chiahin ka chungah a ti ve ang. Chu thu chuan awmzia a nei niin in hria em?" Ka ti zui sup.





"Awmzia eng emaw tak chu a nei a ang ka ti i tun hma nun ami te pawh alo ni thei a mahse ka hre biklo ka rindan anih chu" Lorenzo chuan a rawn ti sup a, ka play nawn lehnghal zata, chiang lehzualin ka ngaithla lehnghal zat bawk.





"Ka Hmangaih te veng fimkhur turin min chah a anih chuan Hospital lam aiin anni chu a bi tum hmasa dawn ani mahna ka chhungte tu pawh an kalna hmuna en zui zel tur dah ula nitin an chanchin chuan ka hnen a thleng hman ziah tur ani an sawi nen a inang bawk tur ani a, chuan Lora pawh... ani phei chu uluk lehzualin veng ula in ti hlau tur ani lo" ka ti zui nghut a. Kan mi man pa chu enkawl uluk turin ka hrilh zui nghal zat bawk.





"Engtin nge maw itih reng reng le, a awmdan ațang hi chuan darthlalang hnek te pawh i ang, mahse ka rindan mai mai ania a chhan chu hliam hi a landan ațang hian an tih natna a hriat țhina hei chem a in zai na te pawh a hriat êm hi" ka kuta thisen luang hrukfai pah chuan Lora chuan a ti sep sep a, a hrûk pah chuan a chhem leh zeuh zel bawk.





He hmeichhe rilru țha lutuk leh duhawm zet hi harsatna karah ka kiangah a awm ve thei chauh a, la reilo mahse ka lo rin lawk ang ngeiin min ti hlim hle bawk. Ka kianga a awm chuan ka harsatna tawh hian a tina ve thei a amah hi bitum ah an nei thei bawk. Engmah a hre hauh lo a hriattir ka duh hek lo.





Engkimah ka venghim thei dawn ka ti hauh lo amaherawhchu; ka theihna lai apiangah chuan venhim ka duh a, a nui hmel hmuh reng ka duh bawk, a kianga awm ka mamawha ani hi ka hahdamna ani si. A rilrua awm ang ang zêp miah lo in a sawi chhuak țhin, heihi ka duh leh zualna pakhat ani bawk, min ring ngam se ka duh a a tan rintlak ka nih zia hmuh tir ka duh bawk chutianga awm tur chuan ka theihtawp ka chhuah ngei bawk ang, emgvanga a hma daih tawha lo tawng lo nge maw ka nih hrep ni.





"Ka tuam anga chuan naktukah Damdawi kan hnawih leh dawn nia chuan hmang rim lutuk suh aw a chhan chu a pûn palh ang tih a hlauhawm" bandange-a tuam kual pah chuan a rawn ti leh sep a, uluk zet hian a bih zui ngur ngur bawk.





"Lora" ka ti nghal sup.





"Um... enge? Thil âtthlak deuh tih tum miah suh ang che i room pawh anih loh hi" a rawn ti lehnghal zat reuh a, ka nui chhuak nghal hawk bawk!. "I nghal ve reuh țhin sia maw" ka ti zuk hluk a, min rawn en zawk a ka kut bawk chu a bih zui leh bawk.





"Enge ania lawm, nghal lampang pawh ani lo Maria-i room ania i rawn kal ve ringawt lehnghala i kut na lo seng chuan Maria-i pawn luh a phal miah lo ang engthil nge itih reng reng a hetiang em em a a thi nasat a?" Chhem pah chuan a rawn ti leh a, a kut ah chuan vuan in ka lamah chuan ka pawt phei nghal zat a, ka kuah bet nghal zat bawk.





"Darthlalang ka hnek avanga thi chhuak anih kha. Thisen chhuak hian Lora bulah ka kal duh a tia ka rawn hruai anih hi i duat a ngai ania" ka ti sup a, a ner zui nghal nâwng reuh bawk. "Ivan over tak! Khaw maw ka la tuam zo lo ania kan tuam zawh a a bul vel hi kan hmet bawk anga naktuk zingah chuan a zia deuh mai ang" tih pah chuan tal hran a tum lehnghala a aia nghet chuan ka kuah zui lehnghal zat.





"Lora.... thil thleng zawng zawng tur ka hre lawk biklo engkimah la venghim vek ang che tih ka tiam theilo che mahse ka theih tawkin ka venghim ang che, i chungah engthil țhalo mah a thlen ka phal hauh lo ang. Ka venhim theih nan che min rin ka mamawh, min ring ngam ani tih sawi rawh Lora" ka ti zui sup. Ka thusawi a hrethiam lo tih hriat lutuk chuan min en deuh hê hâw a ka insûm hman lo chuan a hmui ah ka zui fawp zui chawt bawk.





"Zanin chu i mak, thil mak pui pui i sawi a i thusawi engmah ka hrethiam lo thil țhalo thleng tur ang mai hian alawm i awm le rilru hahna i nei ami? Nge ni a, kei hi min țhen i duh leh zawk? Ani chiang tiraw?" A rawn ti nghal hluai a, a thinrim ve hmel reuh em em bawk. Mai mai țhin hian.





"Ka țhen lovang che, ka țhen ngai lovang che min rin leh rin loh zawng ani ka hriat duh ni Lora?" Ka ti leh sup, min hriatchian tum leh zual ni âwm fahran hian chiang zet hian min rawn en bawk a, a hmui ah ka lo fawp lehnghal chat bawk. Ka ban bulah chuan rawn beng pawp in a țhu chhuak nghala ka kut bawk chu a rawn la leh. A thluak têreuhtê ah hian eng eng nge a khung khawm țhin ang ni, duhawmna bak a lanchhuah tir lo.





"Englo.... mi hi rin harsa ka ti thei lutuka ka mi ngainat em em entirnan ka chhungte leh Maria-i ang te tih loh chu rin harsa ka ti țhin. Mahse nang chu kha englo, intê a kan riah ațang tawh khan ka ring daih tawh che nangmah ngeiin rin ngam inih zia i fiah bawk a mahse keimah zawk khan ka pawm ngamlo mai mai.





Awlsam takin ka ring thei che hi mak ka ti a, mahse khuanu ruat ani ngei ang chuan nangpawn awlsam tak chuan ka rinna che hi min tihchhiat sak miah suh ang che" en pawh min en lo chuan a rawn ti chhuak reuh a a thusawi chuan min tih hlim zia a hrethiam pha hauh lo ang.





"Engvanga nangtê hi a hma daih tawha ka hmaa rawn inlan lo nge inih?" Ti hluk in ka lamah chuan ka pawt hnai a a khêl ah dawm in ka malchungah chuan ka hlang kâng nghal zat bawk.





"I ninawm... Maria-i alo kal ang i room pawh ani lo ka tih tawh kha aw" a rawn tih rual a hmui ah chuan kut ka nghal nghal zat a. Țawng ka tum rual chiah chuan a țhiannu aw ri chu kan hre nghal zat. 'Ka tih reng kha' ti âwm ang zia zânga min melh pah chuan a tal thla nghal zat a, ka hmai chu tuai nghal puak in ka thaw chhuak nghal hawk! Hun lo lutuk! A țhiannu hi dah țhat ala ngai dawn anih hi.





"Ka naute, ka phei phawt ang aw... ka pa biak a eng emaw sawipui ka ngai a i țhiannu saw min tihbuai a hrat dawn riau a ang tlat dah țhat hun la neih a ngai ang ka thlen hunah ka rawn be dawn che nia, ka ngai nghal che ka tih chuan i awih lo leh dawn sia.... ka hmu chak lehnghal dawn che" ti sup in, a biangah chuan ka fawp nghal zat a, "over suh aw... ka lo thlah ang che" a rawn ti zui lehnghal zat bawk.





"Maawm, khawnga ka nu hi? A zing bazar alo la haw lo ami?" Chokaa luh pah chuan ka ti zui nghut.





"Haw chiah, i hnunga kha" a rawn tih chuan ka hnunglam chu ka hawi nghal vut a, ka nu pawh bawr zet hian a rawn in khai lut bawk "ka lo haw chiah ngatinge naupang chhia ang mai zing kar kar ah min lo zawn vak țhin a?" Tih pah chuan a bag ah chu dawhkanah a hûng zui nghal chawrh bawk.





"Ila haw loh chuan ka rawn hruai ang che ka lo tia eng emaw sawi pui duh che ka nei a" ka ti nghal sup a, chair chu pawt chhuak in ka țhuttir nghal zat bawk.





"I țhiannu hmannia lo leng tatoo ngah deuh kha min koh sak la ka va duh ve biak lawk duhna ka nei a nu lian ve pui kha nuih duh deuh kha" ka ti sup.
"Rami kha maw... mahse ngatinge ani daih daih" a rawn ti a, a phone chu a phawrh chhuak zui nghal bawk.





"Biak lawk duhna ka nei a chu zawng chu nakinah engkim ka hrilhfiah dawn che nia. A number i neih chuan min lo thawn ka keiman ka lo be mai ang"





"Ka rawn thawn ang che ipa in alo call-a an thleng tawh ani maithei a rui leh hrim hrim ang kan chhang phawt ang e" tiin a tho chhuak a Maawmi chu chawhmeh tifel tura hrilhin ka room lam ka pan chho nghal bawk.






"Sir... i mi nghah chu alo thleng tawh a ka rawn luh tir nghal dawn em?" Lehkha ka ziah fel mawlh mawlh lai chuan Sheryl chuan a rawn ti a, luhtir tura hrilh nghal zat in coffee no hnih ka turin ka hrilh zui nghal bawk.





"A ve teh mial chuan eng ah nge min biak i duh deuh a in hna thil velah țangkaina ka nei âwm tawp si loa" tia ka nu țhiannu rawn lut chu ngawi rengin ka lo en zui reng a a hmel ai chuan a bana a tatoo te leh a nghawng ami te chu ka lo en chîk zawk bawk. Mahse kha mipa bek a tatoo awm ang kha chu ka hmu hauh lo. Engvanga zawng nge maw ka nih hrep le.





"Lo țhu rawh, Coffee ka lam tira in pahin kan titi dawn nia eng emaw thil ah biak lawk che ka duh a" ti sup in lehkha vel chu ka dah fela a țhutna lam chu ka pan zui nghal zat bawk.





"Engthil ah nge min biak i duh a inu khan min hrilh tawh a hna thil te anih chuan ka va han bangbo dawn ve mawle, hna lo lampang anih chuan ka hre ve mial mahna le" zâng khai zet hian a rawn ti leh a engmah lungkhan a neih loh hmel ang reng bawk a a chêt rual chuan a ban a tatoo chu chiang zetin ka lo en zui bawk.





Sheryl chu bia in Jephtha rawn luh tir turin ka hrilh nghal zat bawk. "Ka pi, i tatoo vel kha engtia i chhut tir nge? Zawh che a pawi êm lovang chu maw" ka ti nghal sup, A ban vel chu a rawn enkuala a ngaihna hriat loh hmel zet hian min rawn en bawk.





"Aw.... ka tatoo lam daih maw ilo ngaihtuaha, nia... heng tatoo hi chu ka chhut tir ania mahse Mizoram-ah hi chuan ani lo ramdanga ka awm laia ka chhut tir daih tawh ania thup kan tum ve țhin tak na in a tih hleih theih loh anih hi ngatinge ka tatoo lam daih daih te i lo buaipui tak a" a rawn ti a, ka thaw chhuak zui nghal hawk!.





"Eng emaw chhui lai ka neih vang ania ka zawh che. Anih i chhut tir naah chuan hetiang ang chi hi an khawih ve țhin em? Chiang deuhin en la" tiin ka phone-a khapa bek a tatoo awm kha ka en tir nghal zat a, Jephtha pawh a rawn lut ve nghal chiah bawk.





"An mahni kha ka hrechiang ang reng a hetiang ang hi chu an tih âwm ka la hre miah lo mahse hetiang hi vawikhat ka hmuh tawh in ka hria lawk aw kan ngaihtuah lawk ang" a rawn ti a, Jephtha chu inring turin ka hrilh zui nghal zat bawk. Ani hnen ațang hian eng emaw tal ka hriat theih kha ka ring reng ani.





"Aw.... ka hria e, hetiang hi chu mipa pakhat bek ah ka hmu tawh alawm kan inah alo kal a eng eng emaw te min rawn zawt a amah kha ka lo enchiang lutuk lo a mahse kan venga mi pa chu ani tih ka hria kan kawmthlangah a awm nghe nghe bawk" a rawn ti a, tatoo chu chiang lehzual hian a en lehnghal zat bawk. "Anih chuan in veng hming chu min hrilh la kan lo enchhin dawn nia" ka ti nghal sup bawk.





"Jephtha kha thil kha Lorenzo lo enfiah tir ang che chuan Lora chanchin in hriat ang zawng zawng ka duh nghal bawk ang" ti zui nghut bawk, a duty laia biak a duh loh thu a sawi a, a aw ka hre chak tawh lutuk hi ka â thei mak dawn hialin ka hria. He hmeichhia hian min luahkhat hneh zo tawh mah mah ani.





"Sir, heihi ania chuan pawnah sawn Remzuali a awma kan rawn luh tir dawn em? Luh a tum phêt mai bawk si a" Jephtha chuan a rawn ti nghal sup. Ka thaw chhuak zui nghal hawk bawk. "Rawn luh tir rawh chuan heihi chu la let leh rawh a țha ani tih ka hriat chuan a tawk mai uluk lehzualin en ula buaina a tawk anih chuan min rawn hriattir nghal ang che u" ka ti nghut a, lehkha chu ka pe let lehnghal zat bawk.





"Ah! Damian, i țha zel maw? Hna ka zawm leh tawha chuan hetah hian tihtur ka nei a chuan ka rawn tlawh kawi che a" a rawn ti lut a, a damlo tak tak reuh nge ni a mitmeng te chu a dul in a chauh hmel em em mai bawk. A damdawi a ei duhlo der leh tawh ani mahna.





"I hna avangin hetah engmah tihtur i nei lo chhuanlam tur dang i hre thlawt lo em ni?" ka ti zui nghut. "Ah! Damian, chutiang lam ani lo ka hna avangin ka rawn kal tak tak alawm chuan i țha em tih hriat ka duh bawk a chu zawng chu i țha tih ka hriaa a lawmawm lutuk e" a rawn ti leh bawk.





"Remzual, i natna hmang in vawikhat mah dawt sawi leh tawh suh damdawi ei țha la țha tak in in enkawl zawk rawh thil ei țha la" ka ti sup, nuih pah chuan a bu nghat nghat a, ka lam pan a rawn kal a tum rual chuan ka țhutna ațang chuan ka tho chhuak zui nghal zat.





"Chuan, kan inkarah engmah a awm tawh lo tih theihnghilh suh. Naupang ang mai a ințhen avanga inbiak țhat loh tih vel kha ka duhzawng ani lo ka sawi ang khan i Damdawi ei țha la zai hmabak ani tih hre reng la a huat zawng engmah ti suh ang che" ka ti zui leh nghut a, ka jacket chu ban in Office ațang chuan ka chhuak zui nghal bawk.





Lora chu call in Damdawiin lam pan chuan ka inkhalh chhuaka darkar tlemte chauh awm tawh mahse nghah hi chu ka thei tawh hauh lo. Ka hmuh chakna hian min tur ve et et bawk a ka call ala pick duh hrep lo lehnghal.





Motor chu dah fel in Damdawiin lam chu ka pan chho nghala a duty-na floor lam chu ka pan zui nghal vut bawk. Ka call reng a pakhat mah in a chhang duh lo bawk. A duty-na hmun thlen hma deuh chiah chuan ka call leh a, a phone rawn ri chhuak chu ka dinna ațang chuan a chiang hle bawk.





Ala la duh lo fo.





Vawikhat ka try leh a, a phone hûm pah chuan a rawn ding chhuak ta hlawl bawk. A phone en pah chuan eng emaw chu a sawi ve niap niap a kalsawnin tukverh chu a hawng a a chhuak zui nghal bawk. "Enge a....min lo call chhen a? Mi buai lai lai a min lo call suh ka tih mawlh mawlh kha" phone a lak rual chuan a rawn ti nghal țhat. Nui zui suk in a awmna lam chu ka pan phei a bang ngheng in tukverh ațang chuan a awmdan vel chu ka en zui reng bawk.





"I buai a, keiin ka ngai che alawm ka hmu chak tawh bawk che, i hnunga țhutthlengah khan țhu la van lam kha en la thaw chhuak hawk rawh leh Duati" ka ti sup. Rang zet hian a rawn hawikual nghala ban phena ka awm avang chuan min hmu theilo bawk. Ka thawmhnaw vel erawh a lang viau maithei bawk.





"Engtin nge ka hnungah țhutthleng a awm tih i hriat theih? Damdawiinah hian i awm ami?" tiin a rawn hawikual leh a, a che vel chu ka lo en ngar ngar bawk. " Damdawiinah awm ilang chuan i bulah ka ding tawh ang chu ka risk dik anih hmel. Anih chuan țhutthleng a awm chuan țhu la thaw chhuak rawh le, i hah lutuk anih kha" ka ti sup bawk.





Muangchangin a lam chu ka pan phei a, a hnungah chuan ding in a țawng ri chu ka ngaithla reng bawk. "I bialpa biak chu enge a an?" a beng bulah chuan ka ti zui sup, a phu nasa lutuk chu a tho kâng nghal zawk a rang zet hian ka lam chu a rawn hawi nghal bawk.





"Min ti phu nasa lutuk ringawt enge khatianga i rawn tih kher a? Chuan, engtikah nge ilo thlen a?" a rawn ti hlak a, a âwm chu dawm in a thaw chhuak leh vak zel bawk a, a landan duhawm lutuk avang chuan nui suk in țhutthleng chu ka kal huala țhutthlengah chuan țhu thla in ka bulah chuan ka pawt țhu thla ve nghal bawk.





"Second 1 pawh rei tih tawh nâk alaiin darkar chanve. No, Duati, i duty laia biak che i duh lo leh anih chuan vawikhat mah i duty tawh hauh lo ang hremhmun tenau min tem tir ani ringawt" ka ti zui hluk a, ka lamah chuan pawt hnai in nghet zet in ka kuah zui nghal bawk.





"Over viau zel suh aw.... Duty laia phone hman hi chu țul viau ah lo chuan an phal ngai zen zen loa chuvanga khatianga ti kha ka nia min hrethiam ve la tunah pawh hna zawh loh ka la ngah mai vawiinah zawh hnan ngei ngei ka ngai" a âwm a bei reng chung chuan a rawn ti nghal zat bawk.





"Hna i ngah zel dawn anih chuan i duty tawh loh a țha ber dawn anih chu! Ka lo sawipui dawn nia" ka tih rual chuan ka âwmah rawn tauh dat in a khabe a nghat a, a rawn dâk chhuak nghal bawk. "A țullo ber mai âwm e sawi pawh ngailo ka hna ania ka hna neih ve ang ang te chu rim taka ka thawh a ngai alawm chutiaga iti kual leh anih chuan min sawi nasa zual dawn asin" a rawn ti ve reuh va, a sawi chu a dik leh ang reng fû si bawk.





"Ka ngai tawh che a, ka hmu leh chak tawh lutuk che hi awmdan tur pawh ka hrethiam ta hauh lo. Nang hian min bâwl ât vek laiin nang in hna chauh ilo ngaihtuahaa fair lo chu iti ve deuh lo maw?" Ka tih rual chuan a ner zui nâwng reuh a, țawng a tum rual chiah chuan dawm kâng in a hmuiah chuan ka fawp zui nghal zat.





"Kha kha ka call i chhan duh loh man vawikhatna ani a, hremna ai chuan a nêp deuh" ti sup in ka fawp lehnghal zat. "Chuan kha kha a vawihnihna atan" ti leh sup in ka fawp lehnghal zat a a rawn nui chhuak ta hak bawk. Fawh leh ka tum rual chiah chuan ka hmui ah kut rawn nghat in a țhu țha nghal zat.





"Chuan heihi min tihder vang" tih pah chuan min rawn fawp a, a zak leh lutuk chu a biang te chu a sen zui deuh țawlh țawlh bawk. "Duhawm viau suh" ti hluk in ka âwmah chuan ka kuah bet nghala, ka âwm ah chuan hmai phum in a hna khawih chu a sawi chhunzawm nghal zat bawk.





"Darkar khat emaw darkar chanve vel chauh ka nei tawh a heihi tih zawh ngei ngei ka ngaia hmannia min hremna kha ania ka theh luh a hun țep tawh a i duh chuan min lo nghak la mahse i duh chuan i let leh thei tho a nangmah avangin hun ka chân țeuh" lehkha min hmuh pah chuan a rawn ti nghal hlak a, a duty pui hmeichhia te pawh an nui ta ringawt bawk.





"Khang kha chu minute pawh a tling lo ang ka belh leh hma in lo ziak vat vat la Marina eng emaw ka han sawipui lawk ang e ka rawn let leh vat ang" ti sup in ka lamah chuan ka pawt hnai a, a chal ah chuan ka fawp zui nghal vang vang bawk.





Chair-ah chuan țhuttir in pen chu ka hûm tir bawk a, a ziak peih tawh lo lutuk hmel chu a duhawm letling zawk hle bawk. "Ner nâwng lo la.... i zawh țep tawh thu i sawi kha ka rawn chhuk thlak hunah ka rawn pui dawn che nia" ka ti leh sup a, ding chhuak in floor danga kal turin lift lam chu ka pan phei zui nghal zat bawk.





"Lehkha i dawng tawh em? Thawktu țhenkhat ban tur list kha, enfiah la ka hrilh tawh tho ang che khan an bang hlen dawn loa enchhinna kan nei ringawt dawn a ni reilote chhung chu an lo țah a ngaih a rinawm" sofaa țhut thlak pah chuan ka ti zui nghut.





"Ka hria alawm ka lo en tawh a hrilh ka huphurh tih deuh mai loh chu engmah pawi tihna chu ka nei chuang lo. Kum heti chen chu Damdawiin țha tia mite hriat alo ni ve tawha mipakhat avang mai mai a a tlakchhiat chu ka remti hauh lo ang mahse pawi deuh mai chu Lora hming ala rawn tel ve leh hram a" a tih rual chuan dawhkana lehkha chu ka ban zui nghal vut.





"Nizanah khan chiang takin ka hrilh ennawn leh vek turin chumi hnuah pawh chuan ala tel tho maw a chhan a awm em? Engvanga ban ve ngai ve anih?" Ka ti zui hrâwih! Lehkha chu hûm khawr in sofa hnungah chuan ka vawm zui nghal pawl bawk. Hrep tak hian, engtin nge ala tel theih zawk.





"An rawn tihdan hi a fair ka tia sawiselna ka nei em em hranlo an hnathawh dan an en ațanga an thlan chhuah ani a, engmah sawi buai loa i pawm a ngaiin ka hria nangpawn. Chuan, nizanah pa Saia kha ka rawn biaa a zin tih ka lo hriaa hemi chungchang vel hi chhui ve tihna em ni?" A rawn ti zui sup.





"Enfiah a duh ve vanga zin chhuak ania, ka pa ani a a hmuh chhuah ngei pawh ka ring khang kha vawiinah sem chhuak ula Lora chu keiman ka lo hrilh dawn nia engmah lo hriattir lo la chu chu ani mai" ka ti nghut a, hrep tak hian.





"A thangkam pawh ani thei a nang pawh fimkhur ang che call hi kan chhang lawk ang e" ti sup in ka tho chhuak a. Jephtha chuan tatoo nei tu pa chanchin a hriat deub tawh thu a rawn sawi avang chuan Lora pawh hrilh tawh lem lo chuan Office lam bawk ka pan phei leh. He thil hi fel se ka duh tawh takzet ani.





"A inluahna te sawi dan chuan a haw khat em em a a rawn haw chhunah chuan rui chungin a rawn haw țhin an ti a chuan inluah man pawh thla hnih lai a pe tawh lo bawk. A țawng tam vak loa a kalna âwm ang an hriat leh hriat loh ka zawt a mahse chu lam chu engmah an hriat loh thu min hrilh a" a rawn ti a, a thlalak leh a chanchin țhenkhat chu min rawn pe a ka en fiah nghal zat bawk.





"Khapa kha lo hruai teh a, hepa hi a hre ngei ngei ang ka ring chuan dawr kha khar turin hrilh bawk rawh hmanhmawh ula" ka ti nghut bawk. A thlalak âwm ang chu rinhlelh tawh ah ka nei nge nei lo chu ka en zui nghal zat a mahse inang pakhat mah a awm lo.





Lora chu bia in zana ka ka tur thu la hrilh a ani pawn hmuh tur a neih thu a sawi bawk a mahse a hming a sawi ka hrechiang theilo. Ka biak leh vat tur thu hrilh in phone chu ka dah a an rawn hruai luh pa lam chu ka pan phei nghal vut bawk.





Dar 5 velah pawh ka la buai a, kan dâwpna lamah eng emaw hriatchhuah kan neih avangin ka en zui mek bawk. Tunah chuan ka hre har tawh hauh lo ang le. Tu mihring nge inih chu kan la hre dawn alawm.





"Lo lut rawh" ka ti hmuk.





Tunge tih ka en rual chuan Remzuali hmel chu a rawn lang nghal zat "engthil nge i rawn tih leh dawn? I hna thil avang bawkin i rawn kal leh em ni?" Ka lo ti chhum hmuk. Tunah rih chuan ani hi hmuh phurna ka nei hauh lo, a hma ai zawng pawh in.





"Ni lo e, thildang daih ania Lora'n eng emaw a rawn hrilh tawh che em? Nichin lawk khan min rawn hrilh a" a rawn ti sap. "Engthil nge ni a?" Ka ti zui leh nghut.





"In pahnih inkar ania nang ai ka hre hmasa zawk ava nih hmel ve kei teh daih daih min rawn call hmasaa" a rawn tih rual chuan amah en in ka hawi chhuak nghal vut bawk. "Ila hrelo tak tak ani maw?" Ala rawn ti leh hram bawk.





★Lora Malsawmtluangi POV★

"Pa, in duh ang ngei chuan inneihna chu kal tlangpui ka duh e.... sût turin ka duh lo che u inneihna chu kaltlang pui ka duh mahse tun tut tut ah ni lo in" ka ti a, ka thusawi avang chuan ka nu leh ka pa chu an rawn hawi chhuak deuh zawk a kei erawh chuan ka kut ka hûm ruh ngar ngar thung.


★★★

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)