ADDICTED TO YOU By MsiMiluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ADDICTED TO YOU By MsiMiluhlulnui (Completed)

Unread post by Ngaia » October 25th, 2020, 8:48 pm

rxrhbcty.jpg
rxrhbcty.jpg (26.15 KiB) Viewed 39939 times

ADDICTED_TO_YOU 💙 #EP-1

BY : Msi_Miluhlulnui 👩





★ Damian Zomuansanga POV

"Mi pakhat ah famkimna zawng ngai suh a chhan chu kumkhua leh chatuan pawhin i hmuh ngai dawn chuang lo, saw hmeichhia sawn a nunah i duhdan pakhat mah a neiin a nunpui lo ti suh, va belchiang la a nei emaw nei lo emaw Miss Remzuali ai chuan ka duhpui che in i tana țha tura kan thlan ani mahse ani sawn engmah a hrelo i hriattir tur pawh ani hek lo ipa duhdan pawh ani mahse in innei vat dawn tihna ani chuang lo i pa chuan amah hrechiang hmasa tur che in a duh che "





"Ka pa in ka nupui tur thlang tur cheu in a ti che u a chuan saw hmeichhia saw in thlang ta a. Keimah min râwn der chhin eih lo in hrep chuan, ka duh in ring reng reng em ni sawtiang hmeichhe nû leh der dêp hmel lutuk saw, hriatchian pawh ka mamawh hek lo ka pa chu ka lo sawipui ang Remzuali lo chu hmeichhe dang duh ka neilo mahse Pu Tlan, amah saw enchiang la a nuih chauh lo pawh sawn a hmelțha anih saw" kan hma buildinga a țhiante nena thawmhnaw en kual paha nui hmeichhia en pah chuan ka ti zui sup.





"I sawi ang ringawt ani dawnlo tih chu fiah tu tur ini i fiah ngei pawh ka beisei bawk meeting țan a hun țep tawh a ka lo va phei hmasa ang e" tiin a chhuak zui nghala kei erawh darthlalanga innem khalh chungin ka hma maia Building chhunga hmeichhe nui hmel mawi zet chu ka en zui reng. "ka tih ngai loh dan pawh ani hleinem" ti zui hluk in ka inhera ka Office kawngkhara lo ding ka hmuh rual chuan ka nui nghal suk bawk.





"Ilo thlenna a rei tawh em?" Tiin ka pan phei nghal vut a, a lu a thing zui nar nar bawk. "Zingah khan i pa alo kala eng emaw min rawn sawipuia mahse thildang daih ania ka pa nen an thawhdunna chungchang ka hriat leh hriat loh tih vel" ban phar meuha a rawn tih rual chuan nui chhuak hawk in ka lamah chuan ka pawt hnaia ka fawp zui nghal vang vang bawk.





"Ka pa mizia chu i hriat kha" ka ti zui sup. A rawn nui chhuak nghal hak hak a.





"Babe, zanin chu lo kal ve ngei ngei la ka țhiante pawn an beisei ve reng dawn chea" a rawn tih ruala ka âwm a rawn khawihna kut chu ka man bet zui chawt! "Nizanah ka sawi chiang viau tawh sawi nawn ka duh loh thu nen Birthday tih vel hi ka phur zawng ani ve lo tlat ka ngaihdan i hrethiam dawnlo anih chuan tunah hian i chhuak thei ang bazar na tur pawisa erawh ka pe ang che" ka ti zui nghut in ka thlah a, a ner zui nâng bawk.





"Nang chu... khatiang khan i ti zela ka țhiante pawn nizanah lo kal tir ngei ngei rawh an ti a sawmna pawh i dawng tawha keimah vang tal chuan țhulh lo la" a rawn ti lehnghal zat. He hmeichhia hi tih thinrim ka duh ngai lo a lungawi loh chuan keimah zawk ka buai leh țhin amaherawhchu; tun ber khera sawmna erawh hi chu ka ngainat loh lam zawng tak ani tlat.





"Remzual, ka sawi i hrechiang tawha i sawi nawn leh dawn anih chuan i chhuak thei ang zanah a hmun thleng ka thlah dawn che nia" ti sup in a biangah chuan ka fawp zeuha ka dawhkan lam chu ka pan nghal zat bawk kha hmeichhe nui hmel teh hrep khan ka rilru a luah khat tlatna chhan hi ka hrethiam ta hauh lo amah kha ka vawikhat hmuhna ani. Ka ngaihtuahna avang mai mai chuan nichina an awmna Building lam chu ka en zui lehnghal zat, an lo awm tawh hauh lo bawk.





"Ngatinge Building lam kha i en char char a thil thleng a awm ami?" Remzuali'n a rawn tih rual chuan lu thing nghut in ka sira Coat chu ka ban nghal zata "awm hranpa lo mamawh ila nei em? I neih chuan Meeting țan hma hian sawi la" amah pawh en lem lo chuan ka ti a.





"Nei lo e... ka ngai tawh chea mahse ka lakah i lungawi loh hmel i thin ka ti rim em ni?" Tiin min rawn kuah nghal zata ka âwmah a khabe nghatin dâk vah hian min rawn en chho bawka ka lu ka thing nghut "Ti rim lo ve, i hriat ang in vawiin kan rel tur hian min ti buai ve deuh mai chauh ani i bulah hun duh angin ka hmang theilo zawka thinrim tur zawk ini mahse i rilru hi a țha leh lutuk" ka ti zui hluk, a nui chhuak hak hak a, ka kuah bet nghal hlu hlu bawk.





"Ka thusawi avang khan i thin a rim amaw ka tia chuvang chu ania mahse i buai zia ka hriaa ka hrethiam che ka tihpalh ani" min kuah nghet salh paha a rawn tih leh rual chuan nui zui suk in a chhipah chuan ka fawp zui nghal vang vang bawk. "Party zawh huna ka rawn hruai leh hunah che khawiah emaw hruai duhna che ka nei dawna in tur eng emaw kha lo in vak lo la i lung in a hua tih i hriat kha" ka ti zui sup a, a rawn nui nghawr nghal dat bawk.





"Va kal tawh rawh i tlai palh ang ka lo thlen khan pu Tlana khan nangmah chiah an nghah reng tawh thu che min hrilha tah hian ka lo awm anga nangman min bazar pui rawh" awm hlat pah chuan a rawn ti a, a kawngah vuanin ka lamah ka pawt hnai lehnghal zat "ka rei lo ang" ti sup in ka fawp zui nghal zata a rawn nui chhuak hak hak bawk.





"Sheryl, ti tura ka hrilh ang che khan lehkha pawimawh zawng zawng kha i peihfel tawh em? Chuan an țhutna turah țheuh i dah fel tawh em?" Hall lam pan phei pah chuan ka ti pheia, a tlai tawh ang reng viau bawk. Ka sira tlan meuha min rawn zui avang chuan nui chhuak hawk in ka kal muang lehnghal zat a thaw hlawp hlawp a file chu a keu phei mawlh mawlh bawk "ka peihfel vek tawh e chuan an lo thlen kim hma khan an țhutna turah ka dah fel vek tawh bawka chuan sir thil pakhat ka hah lutuka i kal muang thei deuh em? Heihi ka lak theihnghilha ka va la leh a ka rawn ûm dawr dawr chea" a rawn ti thâm chhal a, a thlan te chu a tla phung bawk.





"Ka tlai tawh vang ania ka kal chak ni tikhan i rawl a reh phah dawn zawk alawm ni lawm ni. Niminah picnic naa kal turin phalna ka pe chea i rawl daih bawk si a" ka ti leh sup.





"Au lawm... a Scooty ken a phalloa ke in min kalpuia Taxi-ah kan leng ve tawh si loa chuvang vek ania mahse a hla vak lo a kan vannei. Oops! Mimal thil ka sawi ka tihpalh lutuk" a rawn tih lehnghal zat. Nui zui suk in ka lu ka thing nghuta a pawi loh thu ka hrilh nghal zat bawk. Ala naupan ang bawkin a hna a thiamin ti tura ka hrilh te hnial lovin țha takin a hlen țhin mimal nun sawi lan ka phalloh avangin a chhungte chungchang engmah ka hre hauh lo thung.





Meeting țan anih rualin a mal tê tê in report an pe nghal zata a țhen erawh ka hriat hnu an nih avangin ka beng khawn teh chiam lo "Pu Zualte, tuna i play lai kha han forward zung zung teh chuan hnathawk ho in hna an thawh țan tirh ațang khan i play țha dawn nia" projector lam kawh pah chuan ka ti chhuak nghut.





"Aw.. tah khan tawp rawh. Khi lai tak khi a sak dan tur engkim duan vek ani tawha mahse ngatinge khiti khian in la tih kual hram, a hmun hma vel kan enfiah ni pawh khan chiang takin ka hrilh cheu a ka pa a awm ve avangin a hmaa in tihdan ang tho khan uluk takin in ngaithla amaw ka tia mahse ka sawi ang lo hlak in in ti anih hi sawifiahna ka mamawh Jephtha" ka ti zui nghut he thil kan buaipui na hi a rei tawh lutuk.





"Sir, a hmun hma enfiah ni khan ka kal ve loa lehkha chuan dawng tho nâ in nimin ațang khan ka hna ka țan ve chauh a henglam hi engmah hriat ka nei ve hauh lo"





"Lorenzo" ka ti zui leh nghut.





"Sir, hei chu ka sawifiah thiam phak bak ani nangmah ngeiin a hmunah enfiah la kan duha chu chu vawiinah pawh hian sawi ka tum bawka mahse a rem chuan a fâl a biak che ka duha eng emaw fel hlel a awm tlat" a rawn ti a, hei chu ka rindan chiah ani thla tam tak kan khawih tawha ka pa in hemi chungchang hi ala hriat loh hram ka beisei.





"Anih chuan sawitur la awm ang zawng zawng sawi rawh u tunah enge kan sum dinhmun te leh a hralh chhuahna lampang engkim sawi vek rawh u chuan in hma dawhkana lehkha awm kha in hmu vek bawk anga chiang zawka ka sawi leh a ngai in ka hrelo khang kha report ka dawn dan ani in lakah ka lungawilo takzet. In insiam țhat vat pawh ka beisei hle bawk." ka ti zui leh nghut bawk, dawhkana lehkha chu ban in an en nghal zata an hmel a danglam chak viau bawk.





"Lorenzo ka Office lamah min lo zui nghal dawn nia chuan Jephtha naktukah Hospital tlawh a ngai dawna engkim a felfai em tih lo en nawn leh ta che pu Zualte nang chuan tuna i buaipui kha buaipui chhunzawm leh rawh kan project khawih lai a fel hma loh chuan awl thei in nih loh zia in hria ula a hralhna lamah kan tlachhia in kan sum dinhmunah a nghawng chho a thil a pawi thui hma in kan chingfel vat tur ani" tiin ka tho chhuaka Sheryl'i chu lehkha pawimawh sem tura hrilh nghal zat in Hall ațang chuan ka chhuaka ka Necktie chu ka pawt phelh nghal zat bawk.





Ngaihthlak tur tam lutuk leh sawitur tam lutuk hian taksa hahna min thlen, ka pa hian engtin nge a tlin țhin tih ka zawt fo bawk ka chhanna beisei min pe ngailo hmasawna țang sauh sauh tur leh amah anga hlawhtling turin min hrilh țhin a chang chuan ban a nun pangngai tak hman ka chak ve țhin heng thil hian rilru hriselna min thlen hauh lo bawk.





"Sir, engmah sawi theih ka nei hauh lo a chu mahse hahdam i ngaiin ka hria zingah meeting i conduct tawh a Hospital lam tunah Building lam i khawih leh a tlema in tih thawven ve deuh te hi a ngai țhin ania" Sheryl'n a rawn tih rual chuan ka Necktie chu pe in ka coat chu ka phelh lehnghal zat "ka tih fo țhin dan alawm ka pa in alo be tawh che em hmeichhe pakhat chungchangah" ka ti let nghala.





"Lehkha pakhat chu alo thleng tawha zingah khan ania ka lo hrilh lo chea i buai bawk sia nakinah ka rawn pe dawn che nia Coffee ka lo laksak phawt ang che. Chuan thil pakhat i hahdam nan ka u chuan a hah deuh emaw ngaihtuah a ngah chuan dawhkanah hian a ke a nghata țhutthleng a ngheng a tukverh bulah țhu in thli a inchhem tir țhin i tih ve duh tak in" a rawn ti a, ka lu ka thing nghut ringawt.





"Ka pa in lehkha alo thawn che chu ka Office dawhkanah ilo dah dawn nia chuan naktuka meeting awm leh tihtur awm zawng zawng ka theih loh thu i hriatchhuah tir dawn nia" tiin kawngkhar chu ka hawnga Office chhungah chuan ka lut zui nghala ka Kamis kawrkilh chu ka phelh thawl zui nghal zat bawk.





"In van rei lo em em tinge a sawitur a tam vak lo ami?" Remzuali chuan a rawn ti nghal a tui Bottle chu la in ka in zui nghal khawlh khawlh bawk. "Vawiin chu ka ngaithla tam peih hauh lo Office lama min nghaktu an awm reng vang pawh ani mahna" ka ti sup a, a ner zui nâng bawk.





"Keimah vangin i hna țhulh phah ziah suh ka tih che kha kei te chuan ka nghak thei che alawm vawikhat mah khatiang khan ti tawh miah suh ang che thil pawimawh deuh te pawh a awm maithei asin" a rawn ti a, ka nui ringawt bawk. "Ka tan chuan i pawimawh ber chuan nula hmelțha leh rilru țha lutuk in ka Office-ah min nghak renga engtin nge thildang ka ngaihtuah theih ang tun țum chu i dik lo zawk" ti sup in ka hmaa a rawn ding chu a kawngah vuan in bang ah chuan ka nawr bet zui nghal zat.





"Mi an lo lut thut anga sin hetianga awm chu a chi loh bakah Office ani bawk si a zahthlak awmsawn rawh" a rawn tih rual chuan nui zui suk in a a biangah chuan ka fawp nghal zat "ka phalna telloa rawn luh an theih loh zia i hriat kha tunah chuan tumah an rawn kal lo ang an rawn kal leh an chhuah lehnghal theih nan eng emaw kan tih ngei chu a ngai ang" ka ti sup.





"Anih mi an lo kal vaih chuan nangman engkim i sawifiah vek tur ani anih loh chuan i chak lo ngawt ang i hria em? Nangma cho chhuah ania min ti zak ve miah suh ang che" a rawn ti hlak a, a hmui hnuailam tuai heuh heuh pah chuan a mitah chuan chiang zetin ka en a, a mitmeng pawisawi loh naa khat chuan ka pa thil tum min hriatchhuah tir tlat pek, mahse Remzuali lo hi chu neih ka tum hauh lo engtiang kawng zawng pawhin hma ka la ngei bawk ang.





"Sir, ka lo lut thei ang em?" Kawngkhar kik a rawn ti tu avang chuan ka chet zui hluk a chal ah chuan ka chal nghat in a hnarah chuan ka fawp zeuh a ka âwmah a rawn nem "kha ka tih kha ka sawi i awih duh lo vela thil pawi zawk a thlen hma in kalsawn vat rawh an țawng thei ropui si Group-ah te khan an post leh emaw ania nga a zahthlak mai mai" a rawn ti nghal zata ka rûm nghal nghut bawk.





"Hei chiah hi" ti sup in a hmui chu ka fawp nghal zata a hmui hnuailam seh zeuh pah chuan thlah in ka nuih suka melh rum theih ang ber chuan min melh rum a a hmui ațanga thisen rawn chhuak chu fawp zeuhin ka in la hranga ka kal tur chu ka hnung zângah rawn beng dawt in chimawm min tih thu a sawi zui nghal zata ka nui chhuak nghal hawk bawk.





"Sir... kan tih țan tirh ti ila a ni thumna velah khan hnathawk ho saw an nuar a ni thum vel emaw kha chu hna an rawn thawk duh loa a chhan chu thawktu an indaih loh mai bakah an nupui fanau te an chawm theih nana inhlawh leh chhawr vek te an ni a hna a hau tak ang bawk in hlawh kha a tlem leh si a an duh chiah lo deuha chuan hnathawk dang kha kan la leha a sak dan engkim hrilhfiah hman an nih tawh si loh avangin an lo sa kual ta tawpa khavang kha ania a kal kual tak ni" Lorenzo chuan a rawn ti a, ka thaw chhuak nghal hawk bawk.





"Anih chuan pu Tlanzaua te chuan an hlawh bang zawng an ei i tihna em ni? Chuan engvanga chu thu chu min hriattir lo nge in nih? Thil lian tham lutuk ani a chuan min hriattir hauh lo in in kaltlang pui ta tho a" Ka ti leh hrâwih.





"Kha thilah kha chuan kan thiamlo hul hual i pa pawh kan hrilh duh loa nangmah chen in a chhan chu buaina dang a tam loh nana ti kan ni a pu Tlanzaua te chuan an ei em ka chiang chiah lo mahse an mahni kha enkawltu ber an ni a keini erawh chuan an enfiah ringawt țhin mahse ka zêp lo mai anga ka rindan chu ani alawm" a rawn ti lehnghal zata ka thaw chhuak nghal hrâwih bawk.





"Chutiang thu chu pakhat mah min hriattir loa țha in tih dan in in kaltlang pui a he thil tih naa a hruaitu in ni a chuan kei chu engmah lo mai ka lo ni taa. Hetiang hian em ni ka pa awm lai khan hna in thawh țhina nitin bum ziah in amah râwn lo in țha in tih dana kaltlang puiin hrep chuan, ka pu tana saw Building sak a hlut zia saw hriattir in ni lo em ni? Hetiang hian em ni nidangah pawh hna in lo thawh ziah țhina" ka ti chhuak hrâwk. Remzuali chuan inbengdai turin min ti nghal zata vawi tam an hnathawh dan hi ka enliam tawh ka pa tana an țangkai êm avangin engmah ka sawichhuak ngai loa tunah a ngai ang chiahin an ti leha ka dawh mai mai tawh hauh lo ang.





"Sir, chutiang chu ka sawi tum ani lo i pa in a enkawl lai pawh khan thildangah hetiang hi chu a thleng fo tawh alawm nangmahni kan hriattir cheu chuan a hnathawk te dikna kha kan hmu thei dawnlo asin. Tunah pawh hlawh tlem ti chung chung in thawh tur nei si lo in an rawn thawk leh hram hram a hah avanga an thlan luang saw kan luan ral tir ani ringawt dawn asin an thawhrimna te engmah lo mai ah a thamral anga an fate tan engmah an tihsak ve thei dawnlo asin kei chuan thawk tute saw ka thlawp a an ngaihdan leh duhdan saw ka pawmpuia chuvang ania a fala ka biak duh nachhan che he thil chhui chiang tur hian"





"Ka pa in hriattir tawh em?"





"Pu Saia chuan engmah a hrelo Building sak țan tirh anih ațang khan report zawng zawng chu i kutah a lut veka enchiang leh deuh turin ka duh che ani. Thildang pawh tunah hian Aluminium hralh chhuahnaah hian buiana a awm zeuh zeuh a dawr tu ten a man ang ai zata tama an lei ziah thu an rawn thlena a enfiah tu ka nihna angin ka hnenah an rawn thlena mahse ka chhui chhuak thei bawk si loa" a rawn ti a, chawlh kar khat lek leave ka la a thil engkim alo danglam hmana tunah chuan ka chêt hun ani ve chiah anih dawn chu.





"Ti hian hma la ang che u, Jephtha kha hriattir la Aluminium hralh chhuahna list thla hmasa leh tun thla zawng zawng enfiah ula thawktu pakhat an mahni enfiah tu tur dah belh bawk ula chutiang chiahin Building sakna lamah pawh chuan keiman naktuk lamah ka lo enfiah ang, Hruaimawia kha a țangkai dawna engkimah râwn ang che u" ka ti zui nghuta tih tur dang chu ka hrilh lehnghal zat bawk.





"Babe, ka țhianten min rawn biaa ka rawn let leh vat ang pawn lamah ka va be lawk ang" Remzuali'n a rawn tih rual chuan ka bu zui nghuta Lorenzo chu Store room enfiah theihna lehkha ka pe zui nghal zat bawk. Kei tih lo ah chuan a hralh chhuahna te lam chauhin store room an enfiah theia mahse he lehkha erawh hi chuan engpawh a tih tir thei ang.





"Sir, heihi ania ipa lehkha lo thawn che chu" tiin Sheryl'i chuan envelop pakhat hi ka dawhkanah a rawn dah a, file dum pakhat nen file dum chu Lorenzo pe tura hrilh nghal zat in Envelop chu ka hawng a a chhungah chuan thlalak pakhat leh lehkha alo awm a thlalak chu ka lek kâng nghal vut.





Nichin lawka Building chhunga ka hmuh hmeichhia kha niin Scooty-a a chuang lai thlalak alo ni a a hmel chu chiang zet in ka en nghal zat, a nui hmel hmuh a nuama a hmel a țha tel bawk thlalak ai chuan a takah belh chian a dawl tih ka fiahna ala reilo hle bawk. Lehkha chu hawngin ka pharh nghal zata a chanchin ni âwm tak chu alo inziak a.





"Lora Malsawmtluangi" ka ti chhuak ve sup. A hming chu a hmel nen a inhmeh ang reng viau bawk. Ka phone chu la chhuak in ka pa number chu ka hmetchhuak nghal zata a thlalak chu la kang in ka en leh nghal zat bawk. "Pa, engvanga hetiang thil rawn thawn nge inih?" A lak rual chuan min chhan hma hma in ka ti chhuak nghal nghut.





"Enge a an reng reng a Bawiha a hmelțha in nula fel tak ani asin Remzuali tih vel ai chuan ka duhpui zawk che Tlana khan engkim a hrilhfiah tawh che in ka ring ka thusawi awih la i inchhir lo ang" a rawn ti ve ta chiah.





"Ka pa, engvangin nge Remzuali țhatna hi i hmuh theih miah loh? Amah hi ka hrechianga chuan ka duh bawk ka nupui ni turin ani ang hmeichhe zaidam leh rilru țha hi chu an awm leh tawh lo ang he hmeichhia hi chu a hmel a țha in a fel viau pawh ani thei mahse ka duhzawng ani lo ka hmeichhe duh chu ka thlang fel tawh Remzuali chauh hi ani" ka ti chhuak hrâwih.





"Zomuansang ipa hian i tana țha tur ka ngaihtuaha min hnial ngam zawk amaw?! I nupui tura ka thlan ani in innei dawn kher tih ka sawilo belchiang hmasa la amaha țhatna awm kha i hmuthiam anga tuna i bula hun hmang i nupui tura i thlan ai kha chuan a let tam tak in i Hmangaih ngei ang ka thusawi hi awih la belchiang mai rawh" a rawn ti chang hrâwih.





"Ka têt lai ațangin tih lawm loh che ka hlau țhina i thusawi apiang te hnial lo in ka awih in ka ti țhin tun thlengin mahse tuna i thiltih hi chu ani mah mah tawh ani. Mipa puitling mahni duhzawng thlang thei rual ka ni tawh ka nupui leh ka tana țha tur chu keimah ngeiin ka ngaihtuah ve thei naupang chhia ang mai in min chei bawl tawh suh, ka duhdan hi min zahpui tur ani zawk asin engtin pawn sawi mah la ka hnial tho tho ang che min ti lui dawn anih chuan i fapa hi min chân zawk ngei ang" ti hrâwih in phone chu ka off-a ka silent zui nghal hmak bawk.





"Ka nupui tura an thlan ini mahse ka duhzawng ini lo engtikah mah ka hnaih in ka nupui ini ngailo ang" thlalak en pah chuan ka ti chhuak hrâwih. Thlalak chu pawt thler in hnawmbawmah ka vawm lut nghal zata a chanchin inziahna lehkha pawh chu pawt thler in ka paih lehnghal zata ka belchiang lo anga ka nupui pawh ani bawk hek lovang.





Ka sira Jacket chu ban in ka inthawlha Office chu ka chhuahsan nghal zat bawk. "Oh! I hman tawh ami? Thil pawimawh kan sawi lawka" Remzuali chuan a rawn ti a, a ban rêk ah chuan vuan in lift lam pan chuan ka kai phei nghal zata min zui ve dat dat bawk. "Ngatinge i thinrim ami? Ka ke ka bilh dawn ania i kal chak lutuk" ka ban rawn vawn pah chuan a rawn ti a, kei erawh chuan engmah sawi lo in ka kai phei zel bawk.





"Kan inbiak rei vang ami? A pawimawh lutuka cake siam tur kha alo hman leh dawn loa chuvang ania midang te ka be kual leha chuvang ania ka thiam loh ani" a rawn ti lehnghal zat "i ngawi thei tawh em?" ka ti zui hrâwk! A phu nghal zawk a mahse kei erawh ka thiltih avang chuan ka inthiamlo leh hle thung.





"Babe, ka rilru a hah deuha min hrethiam rawh" ka ti leh sup. Engthil nge maw ka tih leh tak hrep hi le.





"I rilru a hah pawn țha deuha min hrilh turin ka tih țhin che kha keimah avangin i thinrim amaw ka tia ka insawifiah ve em em a mahse nang chuan engmah sawi lovin thinrim takin min kai phara chutah min la vîn zui bawka i lungawi lo anih chuan sawi țha ve mai la ka ke pawh a nat vek hi min rawn umzui suh ang che" ti hlak in ka kut chu a dah thlaa lift-a kal lo in step-ah chuan a tlan thla nghal zata ka sam chu ka tuai chho nghal puat bawk.





Kha hmeichhia vang vek kha ani, ka hmuh hunah chuan a chak hauh lo ang le. Step-ah chuan thla ve nghal in Remzuali chu ka ûm thla nghal zata a kual lai chu ka hmu a, a biang a khawih danah a țap ani tih ka hai hauh lo. Keima thiamloh ani a, ka chinfel leh ngei chu a ngai ang ka chunga a lungawi loh hian awmdan tur ka thiam țhin lo.





"Bawihi" Taxi a phar tur chiah chu a banah chuan vuanin ka pawt ding nghal zat "min rawn ûm zui suh ka tih che kha ka hmu duh lo che chhan awm lovin min vîn ve ringawt bawka engmah tihsual ka neih loh kha" a rawn ti țiau, a inhnît nghal feih a, ka lamah chuan ka pawt phei nghal zata a bek ah chuan dawm in min en theih tur chuan ka kuia dâk nghal zat.





"Ka tihpalh ani, ka rilru a hah deuh hleka i sawidik, tihsual engmah i nei lo keimah zawk hian ka tisual a ka tihpalh ani ka vin avang che khan" ka ti chhuak sup. Min rawn kuaha ka âwmah chuan a hmai phum in a rawn țap chhuak nghal zata nghet zeta kuah in a tukhumah chuan ka dawm a, a chhipah chuan ka fawp zui nghal zat bawk.





"Khatiang khan awm tawh suh aw ka hlau lutuk ania chhan sawi lo in min thinrim khum in min vîn tawh miah suh" ka âwma a hmai phum reng chung chuan a rawn ti nghal țiau bawka ka kuah nghet sauh bawk. "ka tihpalh Bawihi min ngaidam tih sawi la i thinrim chuan ka buai vek țhin tih i hriat kha" ka ti sup.





"Ka ngaidam che, mahse khati khan ti tawh miah suh i thinrim chuan ka hlau țhin chea keimah vangin i thinrim amaw ka tia" a rawn ti leh țiau bawk.





"Aih, ka thinrim lo thildang vang zawk ania kal ila motor-ah engkim ka hrilh dawn che nia kal ang le. Bazar kan ngaih kha i nui hmel mawi deuh kha min hmuhtir leh tawh la" ka tih rual chuan rawn nui chhuak hak in a awm hranga a mittui chu a hru nghal thuak thuak bawk. Min rawn en pah hian a nui chhuak hak a, "kal tawh ang a tlai tawh ania cake buaipui ka ngaia Zote Bakery-ah kal hmasa ang zanin ami tur ani bawk si" tiin ka kutah a rawn vuan nghal zata nghet zetin ka hûm let ve nghal zat bawk.





He hmeichhe rilru țhatna hi chu tuman an tluk thei hauh lo ang hriatthiamna a ngah bawk. Ka hmeichhia, ka nupui ni turin ka duh bawk.





"Pa Saia chuan i nupui tur a thlansak chea chuan belchiang tur che in a ti bawk chea hah! Avan mak em em, tun thlengin min la ngaina chuang lo ani maw thil tam tak ka tihsak tawh hnuah pawh" rilru nat hmel zeta chuan a rawn ti chhuak nghal zat, "Tunge chu hmeichhia chu? I nupui tur atana an duh em em chu ka hre ve duh nangpawn i hre tawh anga tiraw? Kei ai chuan a țha anga chuan i nu leh i pa te pawh a tihlim bawk anga" a rawn ti lehnghal zat.





"Chu hmeichhia an sawi chu keipawn ka hre bik lo kei chuan nangmah chiah ka duh che chu hmeichhia an sawi chu ka belchiang hauh lo ang an duhdanin thil a thleng dawnlo ka nupui ini ang ka tiam a che. Min tilui zel dawn anih chuan ka ru mai ang che" ka ti zui nghut.





"Mahse ngaihtuah teh, an hlim dawn zia chu an duh tak nupuiah an neihtir che anga chuan nangpawn i ngaina anga hlim takin in awm bawk anga a țha dawn lutuk, i nu leh pa thusawi chu awih rawh i tana țha tur an duha an thlansak che chu pawm...." a sawi zawh hma chuan a hmui ka hup nghal zat.





"Kha thu kha vawikhat mah sawi chhuak tawh suh, engtikah mah ka pawm ngailo ang nangmah chauh ka duh che a ka kalsan ngailo ang che an ngaina che emaw ngaina lo che emaw an duhdan chu ka pawmpui lo zaninah ka lo sawipui nawn leh anga an la duhlo fo anih chuan ka ru mai ang che" ka ti zui nghut a, a mitmeng ațang chuan a nâ tih ka hmu bawk. He hmeichhe rilru țha lutuk hi engtikah mah kalsan ka duh hauh lo, ka kalsan ngai bawk hek lo ang. Kha hmeichhia kha engtia tih emaw chu a ngai ngei ang.





"Enge ka thlan ang Babe? Carter-a khan Hmingbawihi present tur chu a leisak tawha chuan a kawr pek pawh zaninah hian a ha dawn bawka a hring duk amaw ni kha le, a ni ta in ka hria chu chu a ha dawna enge ka hak ve ang" Remzuali chuan thawmhnaw en kual pah chuan a rawn ti a, kei erawh chuan dawr chhunga rawn lut ve chiah te chu ka lo en renga "Lora" ka ti chhuak sup bawk.





"Engmaw i sawi?" min kuah paha Remzual'n a rawn tih avang chuan lu thing nghutin a lam chu ka hawi nghal zata chiang zet hian min lo en a, a chalah chuan ka tauh nghal dat bawk "i duhzawng kha thlang rawh i duh chuan va ha chhin la i inhmeh ber kan thlang dawn nia" a bianga piai pah chuan ka ti nghal supa, nuih ver ver pah chuan thawmhnaw chu a enkual nghal zata kei erawh chuan kha hmeichhia kha ka en zui nghal vut thung.





Țhutthlengah țhu in a țhiante ni âwm tak thawmhnaw enkual ve te chu a en ve kiau a, a mitmeng lian zet chu a ti che kual ralh ralh a a ke chu a thên a thên bawk. A awmdan chu a inhmehin a duhawm letling phiana a țhutna ațang chuan 'kha kha la rawh u' tiin a lo kâwk kual ve ngat ngat a a țhiante lah chuan an ngaihsak hauh lo lehnghal.





"Ka va inthlak ang aw tah hian min lo nghak dawn nia" Remzuali'n a rawn tih chuan amah pawh en lem lo chuan ka bûk khum nghuta ka hma maia lungkham neih loh hmel zeta hmeichhe țhu chuan ka mit ala ang reng viau bawk.





"Maria! Ka thawmhnaw sawi kha la ve ta che u i inhmeh dawn chiang sa ka thusawi pawh in ngaihsak thlawt lo" țhut reng pah chuan a ti vîn ve țhat, a awmdan avang mai mai chuan ka nui nghal suk a "a țhut hmun ațang thuneih a tum ava nih hmel ve, belh chian a dawl hle dawn anih hi" ka ti zui sup bawk.





A dawh thei ta ngang lo ani mahna tho chhuak ve nghatin thawmhnaw chu a la sawk sawk a, a țhiante âwmah chuan a hmeh bel nghal zat. "Țawng țawng lo khan thlang rawh u vawiin atan ringawt pawh dawr 15-ah kan lut tawha in thlan ai chuan in țawng a tam zawk ka chau tawh lutuk hi sawi ngaihna pawh ka hrelo" a ti ve tan tan reuh a, a che vel chu a hmuhnawm ang reng hle bawk.





"Na... Lora, thawmhnaw hak chhin pawh ka peihlo ka hak tawk hi awm nghal se ka ti teh mai ania bakah inthlak kual vel ka peih loa a chhan chu ka Lal nunnem-i hi a nuar bawk sia" a țhiannu lah chuan a ti nghal zat. An che vel chu bang ngheng chungin ka lo en ngar ngar a Lora an tih nu erawh chu a nui leh rih țhin bawk.





"Enge chu chu in sawi ve ziaha Lal nunnemi a nuar tih chu? Ka hrethiam ve ziah lo thla tin min zawta a dikna min hrilh ngailo lehnghal" A ti leh țhat. Hetianga hmeichhia ka thlir reng hi ka la hre hauh lo. Saw hmeichhe duhawm lutuk vang saw ani mahna. Ka belchiang lo ang tia insawi kha a che vel han hmuh takah chuan sawi lo ang hmiah ka ni.





"Aw.... iva han mawl tak! Mampuii khan a hrilh tawh che amaw ka tia a awmzia chu maw ka period tihna mawle" a țhiannu in a tih sep rual chuan amah zawk chu a hmui hup in a nui khur dat dat a a che vel chuan min ti nui ve suk thei bawk.





A che vel ka lo en a ta lang in Remzuali min kohna pawh ka lo hre hauh lo dawr nghaktu in min rawn ko a, Remzuali lam ka pan nghal ta vut bawk. "Ka koh che i hre loa dawr nghaktu ka lo koh tir tawp che anih kha. Enge hei a an ka inhmeh em?" a awmna room ka luh rual chuan alo ti nghal zat. Ka lu ka thing nghut.





"Heihi han ha chhin teh kha chuan a ti lang senior lutuk mah mah che ani ka thlan hi i inhmeh ang ha leh chhin rawh" tiin thawmhnaw pakhat chu ka pe nghal zat. A taksa ah chuan hmeh bel in min rawn en a "mahse hak ava hahthlak âwm ve, mahse pawilo kan hachhin ang min lo nghak leh rawh. E, chumi hma in a hnung zipper hi min lo zih thlak rawh" tiin ka inher nghal zata zipper chu pawt thla in ka chhuak zui nghal zat bawk.





Bang nghenga nichina mi te zawnga ka hawikual rual chuan ka kawrah chuan tu emaw hian a rawn pawt a ka hawilet nghal zat bawk. Ka hnungah chuan lo ding in a kut chu ka lamah a rawn lek phei nghal zat "Englo, ka pu heihi i phone ani em? Țhutthlengah hian ka chhar a i ta anih chuan" tiin phone chu a rawn ti lang a. He hmeichhia hian ka pu min ti anih chu! Ka lang upa viau em ni? Ta mai mai chuan.





"Ka lang upa viau em ni Lora?" ka tih sup rual chuan a rawn meng deuh kâwk a, a kut chu a la let lehnghal zat "mahse.. engtin nge ka hming i hriat a? Ka hre ve ngai lo che, mahse chu chu a pawimawh ber lo heihi i phone ani em? Dawr ah hian midang tumah an awm bawk si loa" a rawn ti lehnghal zat a, a mitmeng lian zet chuan min en kiau a a ti che leh ralh ralh zel bawk.





"Vanduai thlak takin ka phone ani lo hlauh. Ka phone chu ka iptê ah hian him takin a awm e chuan ka zawhna ila chhang lo. Ka pu min ti a, ka lang upa viau em ni?" chiang zeta amah en pah chuan ka ti sup. Min en let ve kiau a a ner zui nâng bawk. "Aw.... ka hre ngai bawk si lo chea chuan ka pu tiin ka ko tawp chea in mawl biak tawp ai te chuan a țha daih zawk. Anih chuan i phone anih loh chuan a nghaktu bulah sawn ka va dah ang e" a ti nghal zat.





Min kal pelh dawn chiah chuan a banah chuan vuanin ka hmaah ka pawt let lehnghal zat. "Enge?" a rawn ti țhat a, a ban chu a ti che reng bawk.





"Lora" ka ti chhuak sup, a hming hi a inhmeh in lam a nuam takzet bawk. "Aw enge? Ka hming in min ko thei bawk si a mahse kei chuan ka hre ve ngailo che khawi ațangin nge ka hming i hriat ka hreloa mahse ka ban hi thlah tawh rawh" tiin ka ban chu a rawn vawn hnan nghal zat a, ka kut chu a pawt zui vak bawk.





"Pasal nei thut dawn ta la engtin nge i ngaih ang?" vawn ngheh sual sauh pah chuan ka ti leh nghut. Mak tih hmel zet hian min rawn en a "tunge maw inih le? Min thlah teh, i thil sawi awmzia pawh ka hrelo ka hming i hriaa pasal neih te i sawi leh ta nghala iti âwm ang lo lutuk reng reng chutiang thil a awm ngailo min thlah vat rawh, chuti lo chu ka au chhuak vak ani mai" tiin rum zet hian min melh let ve kalh a, a thusawi avang chuan ka nui chhuak nghal hawk.





"Nakinah ila au chhuak dawn nia thil awmzia i hriat hunah" tiin a ban ka vawnna chu ka thlaha en pawh min en lo chuan a kalsawn nghal daiha dawr nghaktu bula a thusawi lai chu ka en zui lehnghal vut "ka belchiang lo ang che tih ka sawi kha ka sût leh ni rawh se" ka ti zui sup bawk.





Hna dang khawih tur a awm leh avangin Office lamah ka phei san leha chawhnu meeting chungchang bawk kha ani. Mahse engmah ka ngaihtuah thei hauh lo kha beisei chimawm leh duhawm zet kha ka mitthlaah a châm ta ni ber in ka hria. Mahse, a pawnlam landan avang ngawt kha chuan vei thei ka ni hauh lo hmeichhe tam zawk mizia chu ka hrechiang ve thawkhat viau.





"A mitmeng lian zet chuan a en che a, a vîn bawk che a chu hmeichhia chu tunge eng emaw tawi deuh mai lah chu ila lam chhuak ziah lehnghala zawi te te in nangpa hi i tho â ani lo maw?"





"Hmela, tho â hmel ka pu em ni? I present pek tur kha buaipui hle hle rawh thil hrilh man awm lo lutuk" ti hluk in a ke ah chuan ka tlawh nghal zat. "Enge? I awmdan kha tho â i ang êm anih kha saw Remzuali alo kal ania va buaipui hle hle la anih chu ka sawi vek mai tur ania" a rawn ti ve hluka Remzuali hming a sawi lan avang chuan ka țhutna ațang chuan ka tho chhuak nghal zawk.





Vawiina ka thlansak chu ha in a rawn lut a, a inhmeh ka tih kha ka sawisual hauh lo "i nalh lutuk" tiin ka pan phei nghal vuta, a bun sang ngang aniang muangchangin a rawn phei ve a, a biangah chuan ka lo fawp nghal zata make-up a hman hnuah hi chuan a hmuia fawh hi a phal tawh tlat loa hmeichhia ho chuan in hriatthiam mai ka va ring.





"Thlen hma ka ngai sia Carter kan kalsan mai ang che aw ka Duata pawh hi hna khawih ala ngai bawk sia" Remzuali chuan a ti a, a rem tih rual chuan a inbun sân êm avangin a tluk sual ka hlaua Motor awmna thleng ka pawm pheia "i kawr thlan vang hi alawm bun sân a ngaih vek ni" tiin min la hau zui nghal zat bawk a. Ka thlan chhan erawh kha chu a hre hauh lo ang le.





"Chhunah ka sawi tawh kha in tur eng emaw an siam kha in ringawt lo la i lung in a ngeih loh êm kha i in anih chuan hreawm ti leh ber ber tur inih kha" Ka ti zui nghut. "Aw... ka hria e, ka in lo ang mahse cake ka ei ve chu i phal ang tiraw?" a rawn tih rual chuan nui chhuak hawk in a tukhumah chuan dawm in a hmuiah chuan ka fawp nghal zat a, ka dar ah a rawn chûm nghal vak bawk.





"Ka hnawih sen i ti pherh vek ka van ui, ka inhnawih țha peih tawh lo asin chiang deuhin ka hrilh tawh che kha na.... i chimawm thei si ka inhnawh țha peih tawhlo asin" a ti nang nang a, nui chhuak hawk in motor chu ka tinung nghal zat bawk.





"Ka hmuh ve dan chuan hnawih sen a ang lemlo hnawih uk a ang zawk mah" ka tih rual chuan min rawn beng lehnghal pawp a, nui zui suk in a țhiannu te in lamah chuan kan inkhalh pheia kawng tluanin min hau phei char char bawk, thildang zawnga aia a huat chu uluk taka a inhnawih sa tih pherh sak hi ania chin tawk awm lovin min hau chiam țhin bawk.





"Ka sawi kha hre reng rawh aw i theihnghilh hlauh ang e zan rei tawh ah Damdawiin kal chûk chûk a ngaih loh nan" motor a din rual chuan ka ti nghal zat "ka hria alawm ka in lo ang ka lo haw dawnah ka lo be dawn che nia mahse i buai viau chuan min lo hruai duh lo mai la a chhan chu hna i ngah bawk sia" a rawn ti a, kawngkhar chu a hawng nghal zat bawk.





A țhiannu te ina lut tur ka hmuh rual chuan Remzuali chhuak tur chu a banah vuanin ka pawt bet nghal zat a ka seat belt chu ka phelh zui nghal zat bawk "ka rawn kal ve ang nangmah chauha i kal chu ka phallo ka ngaihtuah che" ka ti zui sup a, mak a ti lutuk leh a lawm bawk si chuan min rawn kuaha kei erawh rilru hmanhmawhna hian min tur ut ut ani ber hetiang em em a hmanhmawh hi ka neih âwm ka la hre hauh lo.





"Ka țhiante pawh an lawm ngawt ang tun hi Birthday party-a i vawihnih kalna ani ve chiahin ka hria ka hre rei thei iti em?" an in kan pan lai chuan ka ban vawn pah hian a rawn ti a, a kawnga vawn pah chuan ka lamah ka pawt hnai nghal zata "harsatna i neih chuan min hrilh nghal vat ang che" ka ti sup a, lawm avangin a bu nghat nghat bawk.





A chhung kan luh rual erawh chuan ka mit in a lenna chu hmun dang daih ani. An sawm tam vak lo chung zingah chuan ka belhchian tur'i pawh a tel ngei bawk a engtia kal nge anih ka hre hauh lo thung.





A țhiante nena an awmna lam chu ka thlek leh zeuh țhin nin hmel zet hian a țhiante pahnih chu eng emaw hi a hrilha a kalsawn nghal zat bawk. "Bawihi, varanda lamah ka lo va awm ang. Harsatna i neih chuan min rawn hrilh nghal vat ang che" tiin Remzuali chu ka hrilh nghal zat.





Lora-i kalna lamah chuan ka phei ve zela mahse a awm hauh lo. Eng emaw tla ri bal ka hriat ruala hmeichhe aw ri ka hriatna lam chu ka pan phei leha a thim ang reng viau bawk. Bel tla vel chu lak kân pah hian a rem țha nghal zata a pheikhawk bun chu a ning deuh nge ni țhut thlak dawt pah hian a kaih chu a khawih nghal zat a.





"Ka thawl ka ti mawlh mawlh a min bun luih tira kal pawh ka kal țhat theih loh phah" ti zui hlak in a bag chu a zen leh rawk rawk a a phone chu phawrh chhuak in light a on nghal zata he hmeichhia hian ka awm ve tih a hre hauh lo. A pheikhawk a siam țhat pah chuan eng emaw hi zâwi te hian a sawi ang nep nep bawk a, awm hmun ah pawh min ti nui suk thei.





"A nghet tawh êm ang chu" tia a rawn thawh kân ruala a phone light êng in ka thawmhnaw a rawn chhun rual chuan a phu nasa lutuk chu a au chhuak nghal vat a, ka sira rawn tlan phei a tum rual chuan a banah lo vuanin ka pawm bet nghal zat a "tu... tu... tunge i nih a? Enge hetah ilo tih? Min umzui ani maw? A chiang mai" tal deuh nawk nawk pah chuan a rawn ti a, a chiâi tih a aw ațang chuan a hriat vek bawk.





"Hahdam rawh, hlauh tur a awmlo kei nge thim hi i hlauh?" a beng bulah chuan ka ti nghal sup. A che lai chu tawp hmak in a phone light êng chuan ka hmai chu a rawn chhun a, a phone chu ka laksak zui nghal zat bawk "nangpa hi ka hre tawh che dawr ami kha ini tiraw? Enge hetah i rawn tih ve ngawt a? Nang hi min chhui ani maw?" a rawn ti nghal țhat. A phone ka ken chu a rawn ban nghal zata a kawnga nghet zeta vawn pah chuan țhutthleng awmah chuan ka țhut pui nghal zata chumi pah chuan a rawn chu a rawn ban hman hram bawk.





"Ka umzui lo che, helai hmunah hian nang ai ka awm hmasaa i chetdan zawng zawng kha ka hmuh hmaih hauh lo ania" ka ti zui sup. Kan awmna chu inchhung êng in tlemtê a rawn chhun êng ve a, a hmel chu chiang vak lo in ka hmu thei bawk "chupawh nise thawm nei ve ta che. Ka lungphu i ti țhalo țep alawm mawl lutuk min thlah rawh min vuan ve ziah suh ka hlau che ka hriat ngai pawh ini lo" ti țhat in a kawnga ka vawnna ka kut chu a rawn khawih nghal zata phelh tir tum in ka kutțang te chu a kuai kau chhen bawk.





"I phelh mai mai hauh lo ang ti khan awm la ka zawhna che i chhang dawn nia" ka ti sup.





"Nang a zawhna pakhat mah ka chhang dawn lo ka hmelhriat pawh ini loa hetiang hian min ti ringawt lehnghal, ka pa ka man tir dawn khawp che min thlah rawh. Ngatinge mipa ho hi in zah loh hlawm em em mai le, hmeichhe hringnun khawih chhiat phet tum hlawm mai" ka kut pawh phelh pawp pah chuan a rawn ti lehnghal țhat.





"I ngaih ang mipa ka ni lo tih chu i fiah thei ang" ti sup in ka ban ka phar hluai a, rang zeta tho kâng in a kawr hak chu a siam țha mawlh mawlh a tho chhuak ve nghal in ka kekawr iptê chu zen in hmalam chu ka en a "Lora" ka ti chhuak sup bawk.





"Ka hming lah chu ila hre ta deuh deuh lehnghala engtia min hria nge maw inih le? Ka hre ve lo che ka tih tawh kha. Nge College velah hian kan kal rual tawh anga chuta țang chuan min hre zawk ani em? I hming sawi ve teh" a rawn ti a, ka sirah chuan a rawn ding nghal zat. "Ka hming i hriaa i hming sawi ve rawh ka tih chu" a rawn ti nghat.





"Damian" ka ti nghal sup.





"Maw!? Chutiang hming a awm ngai pawh ka hrelo e a avan mak em em, mahse a nalh reuh a dangdai i hming ka sawichhia tihna ani lo ania, a nalh reuh i hming ka hre tawh bawka ka kal tawh phawt ang e, ka hmelhriat vak loh te bulah ka awm ngai vak loa" a rawn ti a, ka hma zawnah chuan rawn âwn vak in chiang zet hian min rawn en a a mita ka en rual chuan ding țha sawk sawk in a kal tur thu a sawi lehnghal zat hmeichhe thawveng tak zawng ani ve chiang anih hi.





"Lora Malsawmtluang" ka ti chhuak nghut. A pen lai chu a tawp chawt a, a lamah chuan in her in ka pan hnai nghal zat, a hnung chiah ah chuan ding in a hmai zawnah chuan ka kun hniama ka awmna lamah chuan rawn hawi phei in min rawn hmuh rual chuan a hawi let lehnghal zata a chetdan avang chuan ka rilru ah duhawm tih alo lang hmasa ber bawk.





"Ka hmingpum te chu i hre bawk sia College velah kan kal ho tawh ami?" a rawn ti leh.





"Min hre miah lo em ni?" ka tih rual chuan a lu a thing nghal nghut nghut.





"College-ah chuan class khatah kan țhu dun țhin min hre vak lo ang kei chuan ka hrechiang viau che Nurse nih chu enge a an?" ka ti sup. A dinna ațang chuan awm sawn in ka lam hawi zawng chuan a rawn ding țha nghal zat "ka chanchin ivan hre em em mahse kei chuan ka la hrelo fo che kan College ami te kha chu ka hre ve nual asin mahse ka lo hriat hmaih palh che aniang a chuvang ami Hmingbawihi Birthday-ah hian ilo kal ve" a rawn ti hliai reuh a nui zui suk in ka bu nghal nghat bawk.





"Ka hre ve lo che chu a pawi mang e mahse tunah țhian kan ni thei tho alawm tiraw? ka hming i hre tawh tho a" tiin a kut a rawn lek phei nghal zat a, a kutah chuan vuan in ka lamah chuan ka pawt pheia a mitmeng lian zet chuan hlauh hmek zet hian min rawn melh a, a chil a lem ri khalh bawk.





"I hmelțha lutuk" ka tih rual chuan a nui tawi tak a ka vawnna chu thlah in ka nuih suk bawk. Bialnu nei lai reng ka ni a, amah theihnghilh țhak khawpa ka chet vawikhatna ani he hmeichhia tê reuh hian belhchian a dawl dawn mah mah anih hi a College kalnaa kal ve anga ka insawi erawh a tih chi loh ang reng viau.





"Enteh, kha kan picnic nia tui a Sangzela te an tlak der kha ila hria em? Zaninah video kha an tichhuak dawna ka en leh chak ania Hmingbawihi sawn alo cover hmana amah pawh alo kal ve a, a zak ngawt ang i en ve chak em?" hmalam en ngar ngar pah chuan a rawn ti a, a hmel chu ka en reng a a nui leh rih țhin bawk, hetiang em em a hmeichhe nui hmel mawi hi ka la hmu hauh lo.





"Min en reng lo la ka zawhna che chu chhang la i hmu ve leh chak lo ami? Kei chu ka chak rap, Picnic nia video țhenkhat ka cover te pawh ka la nei reng a class group-ah pawh ka post tawh kha chuan kar leh ah re-union kan nei dawn bawka a nawm dawn zia hi khaw danga awm te pawh an rawn kal thei dawna" nuih var var paha a tih rual chuan ka nui ve nghal suk a, min rawn en a, a nui chhuak lehnghal hak bawk. Eng helh a neih loh hmel ang reng.





"Re-union chu a chakawm khawp alawm" ka ti va ta sup. Ring zet hian a kut a rawn beng a.





"Awi! Enteh, Jordian kha maw zaninah pawh alo kal ve asin hmelțha leh chhelo ka la ti reng mahse bialnu a nei a a bialnu pawh alo kal ve a, awi leh! Sawi loh tur tur ka sawi ta ka sawi lo angah ngai rawh ka lut dawn" a ti lehnghal zat a lut tura min mit mei zeuh rual chuan ka lo bu nghata a kal phei lai chu ka en zui reng bawk.





"I țhian hlui ang ah min ngai a ka nihna leh thil thleng tur hrechiang lang chuan ka bulah i nui hauh lo ang le. Mahse, i nui hmel hahdam thlak zet ka hmu zel thei dawn anih chuan i classmate anga awm chu ka pawi ti lo zawk ngei ang Lora" ka ti zui sup bawk.





Hetiang hian ka la awm ngai hauh lo, Remzuali ngaihtuah chuan ka sawi ang khan he hmeichhia hi huaa a chungah eng emaw ti tur ka ni kei min huat theih nan chutiang tih a hnêk in a hlim hmel hmuh ka chak zual sauh si ka theih loh chhan hrethiam tu chu a fing viau ngei ang.





Ka phone rawn ri chu ka la nghal zat "Sir, Office-ah ka la awm renga chuan kan nghak bawk chea ka thil hmuh chhuah hi rawn en la ka duh ani a landanah chuan thla hmasa khan engmah in record a awm hauh lo pawh thlak na hnu hma pawh a awmlo bawka chuan thildang pawh ka hmuchhuaka lo kal vat turin ka duh che" Lorenzo chuan a rawn ti nghal zat.





"Lo awm la ka rawn kal dawn nia fimkhur ang che tuman i awm tih an hre tur ani lo ka rawn thleng har lo ang" tiin phone chu ka off zui a dar 7 a ri țep tawh bawk. Remzuali bulah let leh in hna pawimawh ka neih thu ka hriilhin hmanhmawh zetin ka chhuak zui nghala Office lam ka pan nghal zat bawk.





A sawi ang ngeiin thla hmasaa receipt leh record pakhat mah alo awm loa naktukah meeting koh ngei a ngai dawn bawk. Ka rin ang chiahin thil a thleng dawn anih hi tu emaw chuan hlawkna tel alo tum ani ngei ang chumi chuan min hrechiang hle bawk anga. Hrep chuan, ka hrechhuak anih chuan a chak hauh lo ang.







"Sheryl'i ko ula nimin ka awm loh hnuah ka Office-a lut ka hre duh ko vat rawh u" ka ti chhuak tuarh. Thil engkim chu a hnawkin alo let pheng phung bawka nizana kan thil hmuhchhuah kha a hria pawh ani mahna chahbi a zawng ani ngei ang.





"Sir, min ko em ni? Englo ania, ka nau chu a dam loa a ai ka rawn kala" titu aw ka hriat rual chuan rang zet chuan ka hawi let a "Lora" ka ti chhuak nghal hawk.





"Awi! Nangmah maw?! Mahse, engtin nge a nih theih? Nilo, ka haw dawn ka nau ka rawn kal tir ang" ti deuh nawk nawk a, kal a tum chu a lamah chuan tlan pheiin a banah chuan ka vuan nghal zat "kal suh, awm rawh engmah a thleng lo ang ka bulah awm rawh" ka ti nghal sup bawk.




★ Ka edit hnu pawha word mak deuh deuh a awm pawn min hrethiam ru aw★



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:48 pm

ADDICTED_TO_YOU 💙 #EP-2

By : Msi Miluhlulnui 👩




★ A ngaihnawm loh ngawt ang... ka edit laiin a laihawl ami word 3000 chuang ka cut palh a, rilru hah tawkin țap pur chungin ka ziak😄 a tawi phah ta vek anih hi typing mistake a tam pawn ka mittui tling vangah in lo ngai mai dawn nia, ka hmu phê veka😆







"Ka day-off niin ka nau ai ka lo kala mahse hmuh che pawh ka lo in beisei loa ka haw anga ka nau chuan leave la mai rawh se, bakah engmah hriatthiam ka nei ve lo ka tibuai zawk mai mai ang che" a ti leh țalh a, kal a tum zet nâng in a ban ka pawh beh tlat avang chuan kal thei bik heklo "vawiin atan engmah tihtur a awm lo chuvang chuan haw lo la ka bula awm turin ka duh che i nau chuan leave lak a duh hauh lo ang" ka ti zui leh nghut.





Ani hi Sheryl, ka Assistant u anih chuan a chanchin hi ani maw ka beng chuan alo ngaihthlak nitin țhin ka hlimpui chang lah a tam, he hmeichhia hi ka hriat hma hauh in a chanchin ka hre hnem in titi bera kan neih chang a tam hle bawk. "A.... chu pawh nise ka thawk ngai bawk si loa i sawi ang in leave lak a duh loa ka rawn kal sak a eng eng nge a tih țhina? Ka sawi awmzia chu room hnawk vek hi a thian fai țhin ami?" A rawn hawilet rual chuan a rawn ti nghal zat, lu thing nghutin ka nui chhuak nghal hawk.





"Ni lo e, heng hi chu midangin an khawih țhin i nau erawh chuan ka tihtur hrilh ang ang tiin ka kalna apianga min zui kual țhin chu zawng chu ani mai" ka ti nghal sup, room chhung enkual pah chuan a ner zui nâng reuh a a kut ka vawn beh chu la lawk in a tui zui nghal zat a "anih chuan alo haw hian a chau thei hle bawk sia mahse i sawi danah chuan a thawh a ho hmel bawk sia" a ti zui hram bawk.





"Hna a tam dan a zir in a thawh a tam in a tlem bawk tun țum a a damloh chhan erawh Picnic na tur hmuna ke a i kalpui vang chu ani êm lo maw?" Din țhat pah chuan ka ti nghal sup, rum zeta min rawn melh pah hian a kut chu a dahthla nghal zat "teuhlo mai tumah ke a kal vang mai mai in an damlo ngailo a hritlang ve dawn ani mai a, anih chuan tihtur a awm loh thu i sawia ka haw dawn engmah thiam ka nei ve lo" a ti zui leh zat.





"Ka sawi chiang tawh viau in ka hria ka bula awm turin ka hrilh che, haw ila tum lui țalh bawk a anih chuan Office hnawk hi i tifai dawn em ni ang midang koh ai chuan a chang chuan i nau pawh khan a ti ve țhin tho a, a ai ilo kal ta sa sa" ka ti leh sup, a rûm zui ve nghat reuh a "i thusawi hi nichina i sawi nen a inperhsan ropui si ka College kal pui țhin te hnuaia hna ka thawh pawh hi ka lo ring ngailo" ti ve hlak in a kalsawn zui nghala țhutthleng tlu te chu a tung tho a, lehkha kha te chu thinrim hmel zet hian a la kâng leh țhin bawk. He hmeichhia hian min ngaihsakna pakhat mah zu nei hauh lo a.





"Sir... eng emaw i hmuh tur a awm a" Jephtha thu rawn sawi avang chuan kawngkhar lam ka pan phei nghal a Office kawt ah chuan mipa pakhat hi lo phuar in țhutthlengah chuan an lo țhutpuia a sirah Lorenzo alo awm bawk "Hepa hi tunge?" Ka ti zui nghut.





"CCTV record ațanga a landan chuan hepa hi zingkarah i Office-a a lut ru hmuh ani a, i rindan ang chiah khan chahbi dahna lamah a kal bawka nizana kan lehkha hmuhchhuah kha a zawng ani mahna a chiang viau tawhin ka hria he thil ti tu hi chuan a hrechiang viau che anih dawn hi" Lorenzo chuan a rawn ti nghal zat.





"Store room lama duty leh Aluminium lam hralh chhuahna lama thawktu te kha zawhna eng emaw tal in zawt tawh em?" An phuar beh pa lam pan phei pah chuan ka ti zui sup. A bek ah chuan thil dum eng emaw hi chiang vak lo in a inchhu a, a vun a ngo a a dum chu a lang chiang ang reng viau bawk "Chawhnu lamah chauh rawn kal tur an nia" an rawn ti leh a. An phuar beh pa bulah chuan țhu thla in a bek chu ka khawih sak nghal zat.





"He tatoo hi i neih sa nge tatoo hian thil dang a entir zawk? Tha taka ka zawhna te min chhang anih chuan na nei miah lo in i chhuak ang mahse chutiang a nih loh erawh chuan ni eng emaw zat chu i sil awng reng maithei, room âwl ah khan hruai ula ka rawn phei ve nghal ang he thil hi tuman an hre tur ani lo" din chhuah pah chuan ka ti zui nghut. A hmui an tuam avangin țawng chhuah tum ni âwm fahran hian a hmai a rawn ti kawh a, mahse hruai turin ka ti lui tho.





He thil thleng hi hmanni deuh ațang khan a ințan tawha rei anih ka rin loh avangin ka buaipui zui duh vak lo bawk mahse a pun lun zel ta chu ani a chhui a hau tak ta dawn hle bawk hnathawk ho an thawh dan report ka dawng țan nuala a endik tur ka dah bawk chung ațang chuan an hnathawh dan a hriat hle bawk a. Sum dinhmun a tlak hniam rualin a hralh chhuahna lam in buaina an nei zui ve nghal zel bawk he mi inkara awm buaina siam tu hi chuan ka thil tih tum leh keimah min hrechiang thawkhat hle bawk a. Ka tihtur a zir in alo inveng in min lo dang ve zel bawka mahse han rinhlelh tur âwm pakhat mah ka hmu in ka hre hauh lo.





"Jephtha, a bek a tatoo awm kha lo enchiang deuh rawh aw hmuh tawhna i nei em tihte kha thil khan eng emaw chu a entir chiang in ka ring he thil ti tu hian min hrechiang hle aniang tun ni lo a hma daih tawh ațang khan min lo bei tawh ngeiin a rinawm bawk he thil hi buaina thar lâm ani miahlo ania bawhzui nghal vat a ngai" ka ti zui nghut. A ruala Building lam leh a hralhna lam a buai dan ah hian a phêna awm hi ka hnaih ah a awm tihna ani ka thil tih tur zawng zawng hre vek tu.





Tum mumal nei takin thil an ti anih dawn hi kei min tichhe tura che chu nise min bi tum nghal ngei ang mahse an bi tum ka ni lo tlat, ka rilru tihbuai an tum zawk ani he Company ațang hian duh an nei ngei anga Building lam leh Aluminium lam ațanga hma an la anih chuan a dawt leh tur chu Hospital lam anih ngei a rinawm bawk.





Room chhungah chuan lut leh in Lora zawng chuan ka hawikual nghal zat. Tukverh bulah chuan eng lehkha emaw hi ni êng hnuaiah chuan alo bih ni ngei tur ani darthlalangah chuan nghatin a kut zungțang chuan alo kâwk kual ngat ngat a, a nau in a sawi ang ai ngawt chuan a taka a che vel chu a duhawm letling phian bawk. Muangchanga pan pheiin a bulah chuan ngawi rengin ka va ding a ka thawm a hre miah lo tih hriat zet chuan lehkha chu ala bih ngur ngur bawk.





Tukverh chu ngheng in a lehkha chhiar lai chu ka en zui reng ni in a chhun avang chuan zîm tê hian a meng reuh bawk a a hmui chu ti che in a phun ve neuh neuh reng bawk "KG-1 ațanga School luh țhat leh i ngai dawn anih kha A AW B ila thiam chiang lo ava nih hmel ve" ka tih sup rual chuan phu nghal zawk in a lehkha ken chu rang zet hian a la thlaa a hnunglamah chuan a dah nghal zat bawk.





"Chutiang pawh ka ngailo engmah nang khan i hrelo. Bakah ngatinge ilo lan thut thut zela chhun anih hi zan ang ani lo thawm tal rawn nei ve ta che i bula awm a thlamuan thlak loh emai, min ti phu ziah lehnghal" en pawh min en țha mang hlei lo chuan a ti ve țhat a a tawlh hnung zui leh dat bawk.





"Room chhung tifai tur che in ka hrilh chea mahse lehkha ilo chhiar mai mai si a ala hnawk zia hi en ta che mi lo lut thut ta se ka insawifiah a ngai dawn asin, ka ai insawifiah i duh em ni?" Ti hluk in ka ding chhuak a, a kûn ngul bawk. Engvanga ka laka hetianga awm hi nge maw anih reuh hrep le min ngaihsakna leh ngainatna pakhat mah a nei hauh lo.





"Aw... mahse hei tumah an lo luh chuang loh hi, ka tihfai pah in eng lehkha emaw ka hmu a a inziak ka hrethiam si loa a ziak a fiah lo bawk sia ni thlara chhiar ka lo tum anih kha ka tifai zo țep tawh enge heti em em a hnawka i awm theih zawk a? Ka lo kal kher kher hi ka van inchhir tak" a tih zawm leh zat a, minute khat chhung lek pawh in thu tam tak a sawi hmana a sawi lah hi a dik ngei ngei ziah reuh bawk a, amah hi a danglam hranpa ve hrim hrim.





"Engthil nge chutia uluk taka ilo thlêk chu min hmuhtir ve la" tiin ka pan hnai nghal zat. Pên khat in alo tawlhnung ve leh chat bawk a. Min hnaih duhna pakhat mah a nei lo.





"A ho lutuk thil țangkai pawh ani lo amak ka tia ka lo en mai mai a kan tifai leh tawh ang e henghi chu ka lo dah țha vek mai ang" tia kal a tum chu a banah chuan vuanin ka pawt let lehnghal zat a, a hnunga a lehkha ken chu laksak in ka hmaah chuan ka pharh nghal zata thil inziak avang mai mai chuan ka nui chhuak nghal hawk. Remzuali'n ka hming awmzia maksak taka a ziahna lehkha uluk zetin alo bih a chuan engmah ani lo ala ti zui bawk a.





"Ka hming hi i ngaizawng tihna em ni Lora? Uluk zetin ilo thlêk a, ni thlar ațanga chhiar theih in beiseiin" ka ti nghal sup, lehkha chu khawr in a iptê ah chuan ka dah nghal bawk a. "Chu lam ani lo, a inziak kha en la a mak ka ti êm a chhiar tum in ka lo bei ve mek anih kha i hming awmzia anih pawh ka hrelo e a ninawm min tibuai reng suh tuman an hnathawk te an tibuai reng ngailo" a rawn ti zui ve leh țhat.





"Min hlau em ni?" Ka ti nghut. Âwm ang lo tih hmel zet hian min rawn en a, ni êng in a mit a chhun avang chuan a mit lehlam chu a siai nghal zat a a hmaah chuan ka ding zui nghal zat "ka zawhna che chhang rawh kei hi min hlau em ni? Engvanga ka mitah tak en ngam lo nge inih?" Ka ti zui leh nghut. Min hlat tlat a tumna hi ka hmu theilo mai pawh ani lo keimah zawk hi min ti awm thiamlo dawn a ang tlat.





"Zêp miah loh chuan ka hlau che, ka hming te i hriaa ka chanchin nen College kan kal ho thu i sawi bawk a mahse kei chuan ka la hre ve chuang lo che. Thlarau ang mai in thâwk leh khatah i rawn lang tawp zela zanah ani emaw chhunah chuan min pawt bet ziah bawk a ka hlau che ka tan hian i hlauhawm vawiin bak chu ka lo kal tawh lo ang, vawiin pawh ka nau vang chauha lo kal ka nia mahse ka inchhir hle" tiin a tawlhhnunga a hnunga lehkha tla te chu a chhar zawm nghal zat a. Sofa hnung chu ka chum zui nghal pawp bawk.





A hlauh turin em ni ka awm a, chuan kei hi a tan ka hlauhawm thu a sawi bawka hrep chuan, min ngaihsak lo tu leh min mamawh hauh lo tu hmeichhia chu duhawm viau mahse ka ngaihsak let nachhan tur pakhat mah a awm lo. Ani aia min ngaihsak tu ka nei a min Hmangaih bawk "i tihfai zawh ah ka dawhkana lehkha pawimawh awm saw remfel nghal ang che ka rawn let leh hma in ilo chhuak hman tawh tur ani" ti nghut in room ațang chuan ka chhuahsan zui nghal a. Nichina mi pa an hruaina lam chu ka pan nghal vut bawk.





"Hriat in nei tawh em?" Ka hmaa mipa țhu en pah chuan ka ti sup. A mitmeng ațang chuan a chauh zia a langa a ban chu la lawk in a kawr hak chu ka pawt hlim a a inchiu na thla alo lang kulh bawk "A damdawi man atan henghi a ti ava nih hmel ve, a ban hi en ula chuan tunah hian a mitmeng a dul in a chauh hmel em em bawk" a mit vun khawih pah chuan ka ti leh sup a, tha a neih loh hmel hle bawk.





"A Jacket iptê ah pawh hian Syringe ka hmu a nichin khan eng emaw palh tak thut ah ka tia ka la chhuak duh loa mahse, engvanga ani ber kher ruai nge an nih ang. Fing var viau si in hetiang an ruai duh a" Jephtha chuan a rawn ti nghal zat a, a taksa dang chu dap kual in thil dang a awm leh awm lo ka en nghal zat bawk.





"Mi fimkhur tak ruai ta se chuan thil engkim an tifel tawh ngei ang a chhan chu chu mihring khan bungrua engmah tichhe loa a zawn thiam dawn vang ani hepa an rawih chhanah hi chuan eng emaw tak tum an nei ani ngei ang min fiahna ani pah fâwm bawk ani ang tlangval ruih nei, ruih avanga che khaw baw mai mai pawh hetiang tak hian kan buaipui dawn ani tih hriat an duh ani ngei ang an chet leh dan tur hriat a chakawm tawh hle mai" tiin a hmui an tuamna chu ka phelh zui nghal zat a. No a tui awm chuan a hmai ah ka theh nghal țhawt a, a rawn thaw chhuak kâwk bawk.





"Chuan keini pawn hetiang ang mi mai mai pawh kan zawhna zawh dan kan lan tir ve tur ani, an lo in hma khua lawk theih nan chuan nizana ti tura ka hrilh cheu kha in ti tawh em Jephtha?"





"Nichin khan an sakna hmunah chuan ka va kala pu Tlanzaua te chu ka va titi puia niminah duty tura kan dah pawh khan thil min lo hrilh nual bawka hnathawk te chan tur aia tam an ei ziah niin a sawi bawk a thildang vak ka sawipui lo pa Saia hian a ring dun em em mai bawk si a pa Saia pawi sawi ka hlauh luat vang chauh ani" a rawn ti nghut.





"Ka pa chu vengthawng duh suh, kan thil tihchhan a hria anih chuan engtin mah min ti lovang chuan ka rindan ah chuan pu Tlanzaua te leh tuna kan mi zawn mek te hian in kungkaihna țha tak an nei ngei ang mahse tunah tut tut chuan engmah la sawichhuak lo ula fiahna kan nei țha si lo. Nangni pahnih ka tihchhan kher cheu pawh hi ka rin ngam awmchhun in nih vang ani ka rinna cheu hi in tihchhiat loh hram ka beisei hle bawk" ka ti zui nghut bawk.





He thil a tira ka lo buaipui nghal lo kha tunah hian ka inchhir leh hnuhnawh ta hle bawk. Thil a kal thui ka rin loh avanga bawhzui lo kha ka ni a mahse heti zawng hian hma an la ta si a ka chêt chhuah ve ngei a ngai ta ani. Thil thleng reng reng a thildang nghawng nghal thei lo chu ka buaipui hmasa ngai hauh lo tuna mi erawh ka lo ngaihsam luat ah sum dinhmun chen in a tla hniama he thil hi chu ani mah mah tawh ani.





"Khapa kha chhuah ula, in en zui reng dawn nia Hospital lam ka va thli thlai vat loh chuan thil pawi dang a thleng ang tih a hlauhawm Hospital lam in buaina an tawh chuan Doctor ho an nuar anga damlo te dinhmun a zual phah a hlauhawm mahse en zui reng ang che u kan tan ala țangkai dawn chauh ania" tiin ka ding chhuak a, a bek a tatoo awm chu thla lak sak in chiang zet hian ka zoom a 'F' ang deuh hi alo chuang kalh bawk a he thil hian eng emaw tak kawh tum chu a neih chiang ani.





Office ka thlen hma deuh chiah chuan hmeichhia inhnial thawm ni âwm tak ka hriat avangin ka kal chak zual sauh bawk a. Ka rin ang ngeiin Remzuali leh Lora-i chu an lo in dinchilh chu ka hmu nghal zat bawk.





"Nang hi tunge inih ka hrelo min dang tur pawn dikna i nei hek lo. Ngawi teh, nizan Party naah khan ka hmu thân che in ka hria" Remzuali zawk chuan a ti fiak țhat.
"Min hmu em chu ka hrelo mahse amah a awmloa a kalna tur a sawi bawk si loa ka luh tir thei ngawt lo ang che. Mahse, engmah ka hrethiam ve bawk si lo, ihmaw... ka nau ai hetah hian ka lo kal a engmah hriatthiam ve ka neilo" Lora chuan beidawng zet hian a ti chhuak leh halh. Zaidam taka ala țawng thei chu mak ka ti ang reng viau bawk.





"Chu lehnghal i nau ai i lo kala min la dang ngam zawka tunge ka nih hi i hrelo ami? A bialnu ka nih hi tumah hian ka luh leh luh loh tur thu ah min dan theihna in neilo" Remzuali zawk chuan a ti leh.





"Duhtawk rawh u" ka ti chhuak hrâwih, an pahnih chuan an rawn hawi rual nghal a an lam pan chuan ka phei nghal vut bawk. "Babe, henu hian ka luh a phalloa tunge anih reng reng a min lo dan ve ngawt nachhan?" Ka bana rawn vawn pah chuan Remzuali chuan a rawn ti nghal chat a. Lora erawh chuan bangbo hmel zet hian min en tawn zak zak bawk.





"Lo va lut rawh" ka ti zui nghut. "Mah.. mahse, henu hi hau phawt rawh ka luh a phal hleinem" Remzuali bawk.





"Ka hrilh chiang viau che in ka hria lo va lut rawh ka rawn kal har lo ang i duh ang ngei chuan ka hrem bawk ang" a biangah fawh zeuh pah chuan ka ti zui nghal sup a. Lora erawh ka mit sir in ka melh reng thung a, a kûn ngul a, a kut chu a hûm a a hmer zui nghal vak bawk.





"Rei suh aw hrem loh ka ti viau nâ a chu min tihdan kha ka lawm lo lutuka ka lo va lut ang thil hrilh tur che ka nei a" a rawn ti a, ka nuih nghal suk bawk. Remzuali a luh fel hnu chuan ka hmaa hmeichhe ding chu ka melh nghal ngur ngur a, ani erawh a kûn ngal thung.





"Sawi duh i nei em?" Ka ti nghut.





"Englo, amah kha i bialnu ani tih ka hrelo mi narân mai mai amaw ka lo tia chuan luh phêt a tum bawk sia ka nau khan i phalna la lo chuan tumah luh a theih loh thu min hrilha chuan ka lo phal lo ve tawp a" inthiamloh hmel zet chuan a rawn ti sap a, a kûn ngul a, a kut chu a hmer leh vak țhin bawk a a hmer sen deuh vek tawh bawk. "A țhen ah chuan i dik, amaherawhchu; ka bialnu ani a khatianga lo ti tur kha ini lo amah i hrelo anih pawhin tunge anih i zawt hmasa tur ani i tihdik loh zia i inhria em?" Ka ti leh nghut.





"Mah.. mahse, chutiangin a nachang ka hre hleinem bakah amah kha insawi ve mai..." a sawi zawh hma hma chuan țawng tawh lo turin ka ti nghal hrâwih. A phu nghal zawk bawk. "I thiam thu sawi pakhat mah ka ngaithla duh lo i nau aia rawn kal ini a ka hriatthiam che i beisei chuan i tisual ang hnathawk anga rawn kal inih ang in i tihtur i hlen tur ani a chiang em?" Ka ti nghal hrâwih.





Țawngkâa min chhang lo in a bu nghat nghat a ka run tawk a tling leh hle bawk "khatiang kha i pu min chhandan tur ani lo 'aw' leh 'aih' emaw tal in i chhang tur ani chuan ngaihdam dil i theihnghilh chiang hle bawk" ka ti leh hrâwk. A thaw chhuak nghal hak a a hmel hmuh theih loh tawk chiah in a lu a rawn dah sâng bawk.





"Aw ka hria e, ka tihpalh ani ka rawn kal leh hunah chuan ka lo hre reng tawh dawn nia Sir" a ti lawi rat bawk. "Hospital lama kan kal a ngaia lo inpeih ang che thawktu list a awma Laptop-a awm nen khan lo enfiah ang che" ti zui leh nghut in ka kalsawna kawngkhar ka hawng tur chiah chu min auh leh avang chuan ka ding zui dawt.





Muangchangin ka hawilet a, a rawn dak chhuaka a hmel chu chiang takin ka hmu thei ta bawk "ka nau aia lo kal ka ni a, ka vawikhat lo kalna ani a hnathawh dan leh a tih țhin engkim hriat ka nei ve lo tunge mi pawimawh ni a tunge chumi khami chu tih lah ka hre hek lo engkim a bo in ka bo veka tihsual te neih ka hlau ve em em bawk ka nau vang chu ni lo se helai hmunah hian min hmu hauh lo ang chuan tuna thil thleng ah khan ka thiam ka ti bik miah lo mahse khatia min ti lo khan amah kha insawiin thil pangngai takin min hrilh se lang chuan ka hrethiam ngei ang.





Mahse engmah min hrilh loa min hau zawka nang lehzel pawn engmah ka hriat loh avanga min hrilh hre tur zawk in ni a mahse a pawi lo, tun bak chu min hmu tawh chuang lo ang chuan ka lo kal hi ka inchhir in ka zak hle bawk. I bialnu ka hriat loh avangin ka tihpalh bawka vawiin atan chauh ka nau ilo hrethiam mai dawn nia ka haw zawk mai ang buaina ka thlen tam mai mai" a rawn ti zui sap a, in her in a dawhkana file inthuah rûn chu a keu a.





Nichina la tura ka tih thawktu list file chu la chhuakin ka lam pan chuan a rawn kal phei a file chu ka lamah a rawn lek nghal zat "heihi i mamawh kha niin ka hria chuan hetiang thawh hi ka tih ni ani ve lo aniang mahse thil awmdan tlem tal ka hre ve a, a zia lutuk tho e" a rawn ti a, a nui nghal ver ver bawk.





"Ka phalna la lo chuan i haw thei ngawt lo tih i hria em?" Ka ti nghut, a dar a sân zui ak.





"Chu pawh chu ka hrechuang lo, chuan heta thawk hi ka ni chuang loa ai kal mai ka ni chuan ka haw leh haw loh ah chuan thuneihna i neiin ka hrelo kha chu keima thu thu ani ve tlat chu chu ka hre ve" nuih sâng pah hian a rawn ti lehnghala file chu a rawn lek phei lehnghal zat bawk he hmeichhia hian ka dang a ti âwk in tunah hian sawi tur min tlak chham tir tih a hre hauh lo in ka ring.





★ Lora Malsawmtluangi POV ★

Engvanga file pawh chu la duhlo nge maw anih le ka theihtawpin hlim hmel ka hmuh ve hram hram a an thusawi kha huat loh ka tum hram hram bawk mahse tunah engmah sawi lo in a ngawi char char a file pawh ala la duhlo zui lehnghal bawk a tih dan ka hre tawh lo lutuk chu ka thaw chhuak vak ringawt bawk.





"Kha... file hi la rawh ka haw dawn ka tih chu tun bak chu min hmu tawh lo anga buaina pawh in tawk tawh lo ang bawk ang" ka ti țha leh ngat a, lak pawh a tum lo nge ni ngawi reng in min en reng a a tawpa tawpah chuan a âwmah chuan ka va hmeh bel chawt! Hepa hi ka College kalpui țhin anih hi ka ringlo tial tial Damin tih hmingpu an awm pawh ka hrelo.





"Ka kal phawt ang e, ka nau chu a zia chuan naktukah a rawn kal nghal thei ang keimah avang chuan lo hau lo ula a chhan chu vawiin thil thlengah hi chuan ka thiam loh vek ani sia anih leh phawt le" ka ti chhuak hap a, min chhan ve ka beisei nen min la chhang lo fo a, ka inhera kal ka tum chu ka ban rêk ah bawk a rawn vuan leh chuan ka ding chiang mah mah bawk.





"Kal suh" min ui hmel zet hian a rawn ti sup. Ngatinge maw hetiang hian a awm thut thut zel le Sheryl pawh ka hau chiang ngawt ang eng buainaah nge min hnuhluh pawh hi a hre tawp lo "Enge? Ka kal a ngai alawm engmah tihtur ka nei chuang hleinem bakah ka tibuai mai mai cheu ka tih tawh kha ka kut hi thlah rawh" ka ti țhat a, mahse vawn ngheh sual sauh pah hian a lamah min pawt phei a rang lutukin ka inhera a âwmah chuan ka nem nghal vak bawk.





"Khaw... khawngaihin hetiang hian awm suh, ka duhlo ka hlau che. Ka hlau che ka tih tawh kha, bakah chhung lamah i bialnu a awm ve reng bawk si hetianga awm tur hi ini lo chuan ngatinge min hmuh apiang hian min man beh ziah zela i eng pawi mah ka sawi hleinem min thlah rawh... hetianga awm hi ka duh lo min thlah rawh" ka ti zâwi țhata mahse min pawt nghet zual sauh sauh bawk.





"Engvanga min hlau nge inih? Sawi rawh, engvanga min hlau nge inih?" Ka hmai zawnah chuan a rawn ti hrâwk a, ka îp nghal zawk bawk. He mihring ka tawng kher kher hi chu khawvelah hian hreawm ka tih ber ala niang "ka hlau tawp che ani mai chhan dang a awm lo min thlah tawh rawh khawngaihin ka haw duh tawh" ka kut pawh vak pah chuan ka ti țha leh ngat a, mahse a hmerna zual sauh lehnghal. A nat êm avang chuan ka țhen nghal sak a.





"Ana... i hmer na lutuk a hit vek tawh... thlah rawh, thisen kal tur i dang ang e ana lutuk thlah rawh" ka ti nghal vak a, ka ban rek a man na chu ka vawn hnan a chumi rual chuan tlem in a thlah dul deuh a ka thawl hawk thei nia mawle. He mihring hi ka hua ka haw lutuk, hetiang em em hian em ni mipa hi an lo sual em em mize inang lo hlawm lutuk. A țhen an fel em em a, mahse hepa hi chu ka hua ani ka haw so bawrh bawrh.





"La haw suh.... thil thleng avang kha anih chuan min dem thei ang mahse la awm rawh tihtur vak a awm tawhlo Hospital-a kal ani tawh mai kan rei lo ang a țha em?" a rawn ti dam ta thlup, a awmdan avang mai mai chuan amah chu a ngaihna hrelo zetin ka melh chho a ka mitah tak min lo en nghal chat lehnghal.





"Enga tinge hetiang hian i awm leh thut nachhan nia? Haw ka tum tawha ka haw dawn tho tho ti hian awm suh ngatinge i awmdan te i thlak thut thut țhin le. In hmelhriat țha pawh kan nih loh hi ka kut hi vuan tawh suh buaina dang ka duh tawh miah lo ania" ka ti leh ngat a, mahse engah mah a ngailo min vuan nghet sauh zawk mawle.





"Buaina dang i duh lo anih chuan ka sawi ang khan awm la haw suh chu chu buaina thlen loh dan tur ani, i tilui anih chuan i duh bak bak a buaina ka tawn tir ang che" a rawn ti lehnghal nghut. Ka thaw chhuak nghal vak a, ka kut chu ka pawt leh vak a mahse a sawt chuang lo.





"Aw.... ka haw te chuan buaina a awmlo zawk dawn alawm amak e, min thlah teh ka tih chu maw le, ka dawhtheihna hian a tlin tawh thlawt lo che ania" tiin ka kut chu ka pawt leh ngata thâwk leh khata a rawn thlah tak thut avang chuan ka pai deuh nawk nawk a, a țha e, a duh duh a min kuai phar thei turah a inngai ani ngei ang a ngaihdan chu ava han puitling âwm lo tak.





Inhera kal nghal ka tum chu ka kawr hnungah chuan rawn pawt leh in a taksa ngheng tur chuan min pawt phei a, ka dul ah chuan a kut a rawn nghat nghal zat bawk "engthil nge i tih hi? I â ami? Min thlah rawh, nangpa hi! Ka rin ang chiah ilo nih hi mipa dang ang chiah zak theilo lutuk min thlah rawh" tiin ka dul a kuahna kut chu ka vuan bet a, mahse a lian lutuk.





"He thil ațanga i chhuak duh anih chuan i haw loh tur thu sawi phawt la chuan i chhuak thei ang anih loh chuan vawn beh reng ini ang" ka beng bulah chuan a rawn ti sup a, ka va han haw ber tak! Vawikhatmah hmuh leh pawh ka duh tawh ngai lo ang vawikhatmah "anih chuan min thlah rawh ka haw lo ang ka tiam a che" ka ti ta nghat.





"Dawt i sawi anih chuan engtin pawn ka ti hreh dawn hauh lo che ania" ka beng bulah chuan a rawn ti leh a, ka kut lehlam chuan a hmai ah ka nawr nghal zat "ka hria, thu tiama ding nghet țhin hmeichhia ka ni ka haw lo ang ka tih chuan ka haw dawn lo min thlah rawh" ka ti leh a, min kuahna chu a thlah a amah pawh en lo chuan dawhkan lam chu ka pan a, țhutthlengah chuan ka țhu thla nghal dawt.





Vawikhat mah hmuh leh pawh ka duh tawh hauh lo ang zak theilo lutuk mai, nichin lawkah thinrim em em in min hau a tun lawk ah khatiang khan a awm leh bawk a mize engzat chiah nge a neih ang, sawi tur ka hriat loh lutuk avangin ka thinrimna pawh ka tilang hleithei lo lehnghal.





Ka chanchin a hre em em mai bawk a ka tih țhin nen thlap a hre bawk. Kei erawh chuan amah hi chhetê pawn ka la hmu loa ka hmuh tawh hnu ang pawh ka ti chuang hek lo kan College-a a kal pawh ka ring lo nasa tial tial dawta min bum a tum ani ngei ngei ang ka lakah hian engmah a beisei tur pawh ani hek lo.





File chu la thla in dawhkanah chuan ka nghat thla pawp a, au chhuak vak in ka lu chu ka dawm nghal bawk "ngatinge ka lo kal kher kher le ka inchhir lutuk. Engmah hriatthiam ka nei bawk si lo ka bo lutuk hi sawi ngaihna pawh ka hrelo" ka ti zâwi sap a, țullo zet in ka sam chu ka tuai nghal vak bawk.





Ka phone rawn ri chu thaw chhuak vak in ka la chhuaka Maria-i anih avang chuan ka la a, a buai lo reuh amaw ni le "inah ka lo kala ilo awm si loa khawnge i kal a? I nau lah chu a hna a kal bawk si loa min bazar pui turin ka duh che a" a rawn ti a, nidanga ka tih țhin dan ang bawk in țhutthleng chu ka ngheng ar ar a dawhkanah chuan ka ke hlang kâng in ka maimichhinga ka chunga Fan chu ka inchhem tir nghal zat bawk.





"Ka nau ai hna ka kal saka chuan tunah a thawhna Office-ah ka awm mek bawk a hna a tam ve reuh lutuka ka bazar pui hman che pawh ka ring lo" ka ti zâwi sap a, phone chu loudspeaker-ah dah in ka hmai chungah chuan ka dah a, ka kut chu ka phar nghal duai bawk.





"Anih ka ring reng ah i nau khan min hrilh țha duh vak loa engpawh chu nise Mampuii kan sawm mai ang ka t-shirt var kha thawmhnaw rawng kal nen alo suk pawlh a hak tur pawh ka nei tawh lo naktukah hak ngei ngei a ngai bawk sia tunah ka va lei tut tut a ngaia" a rawn ti a, ka lo bu nghat nghat bawk.





"Aw... a pawi ka ti rap mahse tunah pawh hna khawih tur ka nei a, taka enteh... ka nau hian he hmunah hian engtin nge hna a thawh theih zawk le ka ti a Boss hi maw... ah, ka sawi leh peih lo ka hua ani tawp mai. Chuan, hnaah i kal lo ami nang a pawh chu"





"Chawhnu chawlh ka la a, thawmhnaw lei ka ngai bawk sia Madam a țek leh tawh rap mawle ka nuih a za zawk midang awm lai kher in ka dil bawk sia min hauh kha a duh bik si loa kei lah ka lo chimawm bawk si a tih ngaihna hrelo lutuk khan thinrim aw deuh hian 'kal rawh' min ti a tun thleng hian ka nuih ala za mawle" a rawn ti a, ka nui chhuak nghal hak hak bawk. Henu han ngam pat theih dan em em hi aw...





Kawngkhar ri ka hriat avang chuan rang zetin phone chu ka la nghal sawk sawk a ka țhu țha nghala Maria-i chu ka biak leh tur thu ka hrilh nghal zata phone ka off ruala ka hawichhuak chu ka hmaah chuan alo ding luau a ka la phu vak lehnghal.





"In peih turin ka hrilh che kha" a rawn ti leh nghut. A sir vel chu ka enkuala khawiah nge a bialnu kha alo awm hman daih le ka ti rilru nauh nauh bawk. "Lora" a rawn tih leh fuk rual chuan amah pawh en lem hlei lo chuan ka sira ka dah file chu ka ka kânga ka tho chhuak nghal zat "i ninawm ka hman, duh duh hunah mood ti fuh reng ringawt mai" a hriat hlau lutuk chuan ka ti zâwi nghal hlaka, mahse a hre hman nge ni a rûm nghat mai.





"Anih chuan min rawn zui rawh" a ti ve nghuta a kal rual chuan a hnungah ka zui a, a chang leh hnunglam chu ka hawi let leh țhin bawka a bialnu lo chhuah lai kha ka hre bawk si loa mahse alo kal ve bawk si loa ka phone hmang lai kha an rawn hmu tihna amaw ni le. Teuh lo, ni lo se chu thawm ka hre tur ani mahse tinge a bialnu kha alo kal ve miah loh le, mak ka la ti tho tho.





Ka kal ve char char amaw ka tih lai chuan eng emaw hi ka su dawt a, ka awmsawn deuh dawrh bawk "kal pah a i hawikual zel dawn anih chuan engmah i ti hman lo ang" Rawn ti nghut tu avang chuan muangchang hian ka hawichhuaka min lo en ngur ngur bawk a, rang zet chuan ka ding țha a amah chu rum zetin ka melh let a, vawiin bak bak a ka hun hman nawm loh hi ka la hre ngailo.





"Enge? Ka hawikual leh hawikual loh ah chuan thu neih ve leh zel i tum a ka duh leh ka hawikual thei reng alawm i thuneihna i hmang over mah mah ani, mimal nun tal te chu in zah sak ve tur em em lutuk a over leh...." ka sawi zawh hma hma hma chuan min rawn kuah pah hian ka hmuiah a rawn hup a, min kalpui nghal hmawk hmawk anih chu!





"Minute khat lek chhung pawn thil tam tak i sawi hman țhin tih hi i inhria em? A chang leh i duhawm em em a, a chang leh i âng ve reuh nghek zel bawka mahse thinrim hi i inhmeh tih i hriat a ngai" a rawn ti sup a, lift chhung min luh pui thleng pawh chuan ka hmui ala hup ngar ngar a pawh thlak ka tum a mahse che lo turin min ti leh zel, a puma ka nghawk sak vak pawh in engah mah ala ngailo fo bawka ka hrethiam theilo.





Motor kan chuan chhung zawng in ka țawng lo char char a min biak pawn ka chhang hek lo melh pawh ka melh duh loa amah hlat thei ang berah ka țhu bawk. Ka nau hi ka haw ngawih ngawih engtin nge khatiang hmunah te khan a thawh theih zawk le rapthlak lutuk. A boss lah hi a sual ropui lehnghal min tihnat phet a tuma min hau reng bawka a chang leh min ngainat hmel zet in a țawng leh bawk si ka ning lutuk tawh.





"Kan thleng tawh" a rawn tih sup rual chuan ka hawichhuaka Glass ațanga ka hma maia Building awm ka hmuh rual chuan amah chu ka en phei nghal vat "enge hetah hian kan tih dawn?" Damdawiin lam kawh pah chuan ka ti nghal zat.





"Ka sawi tawh kha Hospital-a kal a ngai ka tih tawh kha chuan kan kalna hmun tur kan thleng tawh bawk" a rawn ti leh sup. Ka chil ka lem nghal dâk a "ka kal duh lo" ka ti nghal vat, a chet zui hluka ka kal duhlo ani tawp mai.





"Ka thawhna Damdawiin anih hi ka kal duh lo ka thawhpui ten min hmu anih vaih chuan ka chhe vek ani mai nangmahin lut rawh kei chu ka lo lut ve lo mai ang motor-ah hian ka lo nghak ang che ka chawlh ni ani lehnghal bawk si ka duh lo" ka ti nghal vak a, Damdawiin lam chu ka thlek leh a, ka thawhpui te rawn chhuak ka hmuh rual chuan rang zetin seat-ah chuan ka kûn thlaa ka ner nghal nâng bawk. Engvangin nge hetah hian min hruai dawn kher le, kan kalna tur te kha zawt tur ka ni asin.





"A țha alawm" ti nghutin kawngkhar chu a hawnga a chhuah rual chuan thaw chhuak hak in muangchangin ka dak chhuaka motor kawngkhar a rawn khar rual chuan ka țhu țha nghal vata ka thawhpui dang ten mipa nen min hmu dun anih vaih chuan a chi dawn loh lutuk an hnenah ka thusawi kha ka theihnghilh tur ani lo.





Ka țhutna lam kawngkhar rawn ri khep avang chuan ka țhu sawn nghal vata Damian-a țhutna lama kawngkhar chu ka ngheng nghal rawk rawk bawka mahse ka țhutna lam pawh chu a rawn ri ve lehnghal zata au chhuah ka tum rual chuan ka ban bulah chuan tu emaw hian min rawn vuana min pawt chhuak nghal lawp anih chu! "Ka kalna apianga kal ve turin ka duh chea chuta kara Motor chhunga lo awm bik chu a fair lo tlatin i hre ve lo maw" a rawn ti nghal sup a, ka thinrim lutuk chu ka tal nghek ringawt bawk.





"Ka sawi tawh kha kan chawlhni ah chuan tuman min hmu tur ani lo tunah hian min hmu anih vaih chuan ka chhe vek ani mai, ka thusawi chu awih la min luh tir rawh saw pui an lo kal lehnghal min hmu thei tak ngial dawn" ka ti a, motor chhanah chuan ka kûn a, mahse ka kawr ah bawk rawn vuan leh in min pawt tho lehnghal zat bawk.





"Engthil mah a thleng hauh lo ang hahdam taka awm tum rawh" a rawn ti dam thlup, ka kawra a pawhna chu thlah in ka kawngah chuan a rawn vuan nghal zat. "Ka bialnu angin awm la engmah a thleng lo ang" ka beng bulah chuan a rawn ti nghal sup.





"Maw?! Ka... a teuhlo mai chutianga awm ka duh teuh lo nangpa hi vawiina hna ka rawn kal ngawt avang hian hetiang thil hi a thleng tur pawh ani lo car-ah hian min luh tir rawh" Damdawiin melh pah chuan ka ti nghal vaka, ngatinge ka thusawi hi pakhat mah a hriatthiam duh miah loh le chawlhni a min hmu anih chuan a tuk ah min zilh leh dawn sa.





"I chungah engmah a thleng lo ang ka sawi ang hian awm la a țha ani mai" a rawn ti leh sup a, ka bek ah chuan a rawn fawp zui nghal anih chu! A ve ngawt a, rang lutuk in ka bek chu ka hup a a nâkah chuan ka nghawk sak nghal pawp bawk.







"Vawikhat mah i hnaah i ai min kaltir tawh chuan kha mihring kha hmuh leh pawh ka duh tawhlo rapthlak lutuk, ka haw ngawih ngawih engtin nge khatiangah te khan i thawh reng theih zawk a ka hah ngawih ngawih" tiin sofaah chuan ka mu thla nghal dawt a, ka chau lutuk hi sawi ngaihna pawh ka hrelo.





"Engthil nge thleng a?" a rawn tih pawh chuan chhang lo in ka in let nghal thawk.





" A sawi pawh ka sawi peih lo taka khawnge ka nu leh ka pa hi an awm? An va reh ve" ka ti daih a, vawiin chanchin sawi peihna in ka khat lo theihnghilh nghal ka duh hle bawk "nichinah khan pa Mawia nupui kha a borala chaw ei hma kan va lang ve lawk ang e an tia" a rawn tih rual chuan ka inperh tho nghal zat "Nu Zikpuii maw?! Mahse, nat lawkna pawh a nei bawk si loa avan mak teh thut ve zaninah tlaivarpui a ngai dawn tihna ani maw?" ka ti nghal hluai bawk.





"Ka hre biklo tlaiah khan a chauh deuh thu a sawia an tia chuan nat lawkna pawh awm lovin a boral zui nghala an tia chu bak engmah hriat ka nei ve lo a fate ka khawngaih lutuk an la naupang bawk si a naupang ber pawh kum 5 pawh ala tling loa" a rawn ti a, ka thaw chhuak nghal hak bawk mihring hian kan hma hun tur hi kan va han hre lawk lo tak em!





Kan hun alo thlen ve meuh chuan duh lo in sawisel chiam mah ila engmah awmzia a awm tawh hauh si lo thihna hi chu mihringin a tuar thiam phak baka nâ ani a tawp chiang em em a hmu leh tawh ngai miah lo tura han insuangtuah hreawm tur zia ka ngaihtuah thiama a chhan chu kan tawng tawh vang bawk ani. An mahni ngaiin țap mah ila a sâwt tawh hauh si lo mahse Pa ângchhungah thlamuang takin an chawl anga natna awm tawh lohna hmunah chuan hlim takin an leng tawh ngei bawk ang, a chang chuan an awhawm ka ti țhin. Natna leh hreawmna, lungngaihna chen in a awm tawh lo anga Pa ângchhungah thlamuang takin an chawl tawh bawk ang.





"Mawh.. u, han sawi teh enge vawiinah chuan thlenga Boss chuan tihtur tam deuh a pe che ami? A tihdan ve reng ania mahse i biak thiam chuan a ngaina ngawt ang che mi hian sual viau turah hian an ngai ringawta mahse fiamthu te chu a duh ve lutuk ringawt, amah an hrechiang lo mai mai ani" a rawn ti leha, ka beng hup in ka țhutna ațang chuan ka tho chhuak a.





"Ngainat chu khawi ah a chanchin kha vawikhatmah ka hriatah hian sawi lang tawh ngai suh ang che hriat nawn leh pawh ka duh tawh lo chuan i damloh leh hunah chuan leave la tawh ang che" ti hmak in ka room lam pan chuan ka kal nghal daih a. Engtikah mah kha mihring kha hmuh leh pawh ka duh tawh ngai lo ang.





Room-ah chuan inthlak in darthlang hmaah chuan ka ding a, ka biang chu ka khawiha min fawhna kha ka hrechhuak nghal zawk a ka mur nghal chuaih thei ka biangah khan engvanga rawn fawp ve ngawt nge anih ang khatiang khan tu mipa mahin min la ti lo ka mumangah pawh ka mangpha bawk hek lo. Mahse Jordian nen erawh ka suangtuaha ah chuan hun kan hmang dun fo bawk.





'I hmelțha lutuk' tih a sawi lai chu ka mitthla nghal zawk a, mawi deuh maiin a nui bawk a. Ka ngaihtuahna avang mai mai chuan ka biang chu ka dawm nghal vak a. Awi leh! Kei hi ka â tawh ani ngei ang zanah thingpui sem ka ngai dawn kha mihring ngaihtuah hman pawh kha ka ni mai mai lo inbual ila chaw ei hma in mu ila zanah ka meng thei deuh ang.





"Pa, Nu Zikpuii chu a thi thut tihna ami? Kei chu mak pawh ka ka ti tawp theilo" chaw ei lai chuan ka ti a, kan chhungkua pawh min țhawng ani mahna kan chaw ei pawh a tui loh hmel hle bawk.





"Kan hriatdan chu ania eng emaw rilru hahna te pawh alo nei ani âwm a, engpawh nise nula in ni tawha thingpui lum chu in tihtur ani a, rei tak in awm hman lo pawh ani thei mahse va lang ve ula pakhat zawk zawk pawh kan tih ve theih tawk ani tih hriat tur." ka pa chuan a rawn ti a, ka bu nghat nghat bawk.





Awm rei pawh duh mah ila kei erawh chu ka hman lo, naktukah zingkar ațangin duty ka ngaia dar 6 velah chuan chhuah daih ka ngai dawna mahse ka pa sawi ang khan hman thleng chuan va lang ve ila duh leh an indaih viau chuan haw hma leh ila chu chu ani tawh mai.





"Jordian, hetah te enge i rawn tih dawna? Ve teh mial che chuan i zin amaw ka tia" Jordian ka hmuh rual chuan ka ti nghal hliai a, nui suk in ka bulah chuan a rawn țhu thlaa ka thil in lai chu min laksak in a in nghal daih a, a lem zawnga a hrawk bâwk che thla ralh ralh chu hmunhnawm ti zet hian ka lo en dauh dauh a, ka chal ah chuan a rawn khawng nghal chawrh bawk.





"Kha tin awm suh ka tih ziah țhin che kha mi'n mi mawl amaw an ti che anga sin nangtê hi i puitling thei thlawt lo em ni?" a rawn ti leh hluk a, ka melh rum nghal hrep bawk hetiang hian kan inbiak tawh chuan min ti ve ziah lehnghal "ka puitling tawha Nurse ka nih ve tawh hi en ta che Maria-i ang hi chu ka ni ve lo ang ka tiam a che" ka ti a, a nui chhuak nghal hawk haw bawk.





"Henu hi avan reh ve re-union te kha ama rawt chhuah anih kha a kal thei lo ah a țang leh vel ang e" a rawn ti hluk a, ka nui chhuak nghal hak bawk. "Vawiinah a hnathawhna khan Birthday an lawm dawna an pi fanu a ti maiin ka hria cake buaipui tu tur ani dawn a a buai lutuka chuvang aniang" ka ti a, alo bu nghat bawk.





"I chawlh lai ka nang hman chea biak pawh i man hla dawn e, ka zin loh chhan i hriat duh chuan ka phone Message Gloria lo thawn kha chhiar la i hrethiam mai ang" tiin a phone chu min rawn pe a, a password ka hriatsak vek avangin ka hawng nghal maitheia a wallpaper-ah chuan min la hmang ta cheu lehnghala ka nui ringawt bawk.





"Ngatinge i wallpaper-ah te min hmana?" ka ti zâwi sep, ka kawngah chuan vuanin a lamah chuan min pawt pheia amah chu ka ngheng nghal zat bawk. Gloria-i nena an intext-na chu ka chhiar a ani chuan a chhang țha vaklo a duh lo tih a sawi tawh nghe nghe bawk tak e.





Mahse Gloria-i message rawn thawn pakhat chu ka chhiar nawn ka chhiar nawn a dik ka ti lutuk chu sawi ngaihna pawh ka hrelo
*In ngaihzawnna inkarah mipa in thil a tisual anih chuan hmeichhia in a Hmangaih avangin a ngaidama hlim takin nun bul an țan țha leha mahse tinge Hmeichhia in a vawikhat tihsual ah chuan tiang chu a dawn ve theih loh. Hliam na tak siamsak ani a, a Hmangaih chuan hua in amah kalsan turin a hrilha amah a ngaihdam ang chiah khan engvanga ngaidam theilo nge anih? An thil tihsual chu thuhmun reng ani si a mahse ngatinge hmeichhia zawk chan chu a nat theih em em?* tih ani, ka thai thlaa ka thai chho leha mahse kha thil bak kha chhiar nawn tur ka hmulo.





"Ngatinge a? In ințhen ami?" a phone pek pah chuan ka ti chhuak nghal hap.





"Ka duh loh zia i hriat vek kha" a rawn ti chhum hmuk.





"Chupawh nise ani chuan a Hmangaih chea a thil vawikhat tihsual avang maiin i ngaidam theilo ami? Kei chu min ngaihtuah suh ka tih che kha nangmah avangin tunah hian rilru nâ in a awm mek dawn asin a nun hreawm tawh sa nâk alaiin itih hreawm belh dawn a ngaihdam va dil rawh" ka ti nghal vak. A rûm chhuak nghal hrâwih a.





"Nangman ngaizawng lui turin min tir lui lo lang chuan tunah hian nangnen hun kan hmangdun tawh ngei ang min dem leh si em ni? Ka duh chea mahse nang chuan midang pan turin min ti a, i hreawm ti hmel ka hmuh reng theih i ring reng reng em ni? Ka thei tawh lo i kianga hun hman ka duh tawh ka ti thei tawh lo" a rawn ti zui leh hrâwih, ka thaw chhuak nghal hak a, he thil ka tihchhan hi a hre hauh si lo.





"Ka hria alawm keipawn ka duh chea mahse he thil ka tih hian chhan a nei alawm tunah ngaihdam va dil rawh, ngaihdam va dil rawh ka tih chu... hun reilotê chiah nghah a ngai tawh he khawvelah hian a dam rei tawh dawnlo" ka ti chhuak hap a, a rawn thaw chhuak ve nghal hawk bawk.





"Ka thei tawh lo. Ka Hmangaih chu ka kianga awm reng siin ka khawih thei lo chea chu thil bak bak hreawm chu a awm lovang Gloria chu engkim ka hrilhfiah ngei ang chuan i bulah hun ka hmang anga khawvela hmeichhe hlim berah ka siam ang che ka tiam a che. Lo nghak rawh engkim ka va chingfel vek ang" tiin ka nghawngah chuan a rawn dawm a, ka chalah chuan a rawn fawp zui nghal vang vang bawk.





"Jordian" ka ti chhuak sep a, mahse ka auhna pawh ngaithla lo in a tlanchhuak nghala ka thaw chhuak nghal vak bawk. A hun reilotê neih tawh chu hlim taka a hman theih tawh dawn loh thu a hriat hunah chuan a taksa in a chak loh phah ngei ang engvanga ani pawh chuan mipa dang lo awmpui țalh nge maw anih le.





Ka phone chu phawrh chhuak in Gloria number chu ka dial nghal zat a mahse a chhang theilo a hun hnuhnung ani tawha thu țhin țhawng tak a hre tur ani lo asin.





A number chu hmet chhuak in ka dial lehnghal zat a, mahse a in ring ral țhak tho. "Kha mipa kha tu phiangsen nge anih?" ka bul maia ti hrâwih ri ka hriat rual chuan ka phu nasa lutuk chu ka au chhuak nghal vak a, ka phone ken pawh ka thlauh teuh kher bawk. Rang zet hian ka hawi leta ka hnungah chuan Damian chu bang ngheng hian alo ding a thinrim hmel zet hian min rawn en a.





"Kha mipa kha tu phiangsen nge anih min hrilh rawh" a rawn ti lehnghal hrâwih bawk a. Engthil nge maw a hriat leh tak le, a mitmeng ațang chuan min pawhsawm vek a duh hmel takzet bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:49 pm

ADDICTED_TO_YOU 💙 #EP-3

By : Msi_Miluhlulnui 👩





"Enge maw i hriat reuh le, i tan engmah țangkaina a neilo" ka ti chhuak ve hlaka, kan inhmuh hian ngati nge a duh duh hunah hian min vîn a min biak țhat ziah le tu ah nge maw min ngaih le "ka tan țangkaina a awm loh vang reng chuan alawm tunge anih min hrilh rawh ka tih che amah khawih theih na hun țha tak ka neih lai hian" min melh ngur ngur pah chuan a rawn ti thûm leh dut.





"Engmah ka hrilh âwm lo che i hriat nachhan tur pawh a awm lo" ka ti leh hmak, a rûm chhuak hrâwih mai a enge maw hetah te a rawn tih dawn reng reng le ka hmu tawh ngai lo ang kha ka ti a, mahse amah zawk a rawn in lan a a hmel ka hmuh hian nimina thil thleng lah kha ka la hrechhuak zui lehnghal.





"Vawikhat chiah ka sawi leh ang tunge anih min hrilh rawh, engvanga khatiang kha i chunga ti nge anih?" A rawn ti leh hrâwk. "I van ninawm sek tak i tan engmah ani loa enge maw min zawh sek le i duh leh vawihnih pawh sawi la vawi sawm nga chuang pawh sawi la ka hrilh âwm chuang lo che" ka ti ve leh hmak a, ka phone chu ka iptê ah ka thun nghal sawk sawk a amah chu rum zeta melh rawm rawm pah chuan ka kal pela mahse ka banah rawn vuanin min pawt let lehnghal.





"Na.... tinge a hetiang hian i awm a? Ngatinge min tihbuai reng? In hmel mâk na kan nei ami mahse chutiang nei tur chuan kan inhmelhriat bawk hek lo. Taka, nang hi i van daw heh reuh tak nizanah ka țhiante ka zawt a tuman kan College-ah khan Damian tih hming pu an hrelo chuan nang hian min lo tihder reng tihna anih chu" nuih pah hian ka ti a, amah chu ka melh ang sâwng a mahse nuih pawh a nui ve lo thinrim hmel zet hian min melh ngur ngur a, ka nui tawp lehnghal riai riai bawk.





"Ka thawhna Damdawiin anih hi, zah lo taka min ti emaw min khawih anih chuan Dr. Marina ka hrilh anga a theh chhuak nghal ngei ang che, hmun tinah hian vengtu țha tak tak an awm vek bawka an vei kual reng bawk, niminah i hmuh tawh kha, min thlah vat mai rawh" ka ti nghal țhat a, mahse a nui chhuak nghal hawk mai.





"Dr. Marina chu i hrilh anga chuan kei min thehchhuak anga nge ni a i vengtu sawi te chuan min man bet anga min chhuahtir bawk anga ve reuh tak che hian tunge ka nih hi i hrelo tak tak em ni?" Nuih deuh pah hian a rawn ti chhuak nghal hluk bawk.





"En rawh, min man bet leh tawh ania min thlah rawh ngatinge i duh duh hunah hian min vin a min biak țhat nachhan? Chutianga i tih mai mai tur pawh ka ni hleinem dawt min hrilha min hria ang in i insawia khawi ațangin nge ka chanchin i hriat ka hrelo mahse hetiang hian awm tawh suh ka pa ka man tir tawh ang ngei ngei ang che" a mita en let ve kalh pah chuan ka ti hlak a ka kut a man behna chu a thlah a mahse rei pawh anih hma in ka ban bulah rawn dawm lawk in bang ah chuan min nawr bet a ka nghawngah rawn dawm in min rawn fawp anih chu!





A âwmah chuan nem in ka tal vak a, mahse a sawt lo kher bawk a taksa ka khawih theihna lai lai ah chuan ka chum a, ka beng bawk a mahse a inla hrang duh lo "engvangin nge hetianga ka awm chhan tih min zawt anga min hau lehnghal bawk anga țawng na hun tur te min pe ve em em la nangmah chauha i țawng te chuan i kâ a kham palh anga sin" ka hmui dek lo chiah chiah chuan a rawn ti thâwp sup a ka thinphu rang lutuk chu ka hrethiamlo. A mitmeng thûk leh muanawm ruiha ka mita a rawn en rual chuan ka lo en let ve ngar ngar a ka thinphu hi a pangngai lo.





"Ngatinge hetiang hian i awm nachhan?" Ka ti zâwi sap a min nuih suk pah hian ka hnarah a rawn fawp leh zeuh a dan ka tum a mahse ka che hlei thei miah lo enge maw awmzia le. Jd-a ka rilru ah a rawn lang zawk a thaw chhuak hak in kalsawn ka tum a mahse ka sirah chuan rawn ding in bang ah chuan a kut in a rawn innem khalh a lehlam pangah kal ka tum leha mahse a rawn innem khalh lehnghal zat bawk.





"Khapa khan enga tinge i chal ah a rawn fawh nachhan bialpa ila neilo ani lawm ni mahse ka thil hmuh leh hriat kha sawifiahna ka duh" a rawn ti thûm sup, mahse a aw ațang chuan chhanna a duh tih a hriat hle bawk ka thaw chhuak nghal hak a en pawh ka en duh tawh lo niminah Hospital-ah ngei hian min tizak tawha tunah rapthlak zetin ka chungah hetiang hian a awm leh a mahse a lakah hian ka chaklo em em bawk si.





"Khawngaihin, hetiang hian ka chungah awm tawh suh ka hmu duh tawh lo che ka hlau che ka hriat ngai pawh ini bawk si lo nihnih khat kan inhmuh avang ngawt khan ka lakah hetiang hian i awm tur ani lo ka duh lo bawk keipawh hian" ka ti zâwi sap a, min man beh leh ka hlauh lutuk avang chuan a zak hnuaiah chuan lut in Damdawiin chhungah chuan ka tlan lut nghala ka hmui chu ka hup a, a chang in ka tuai vak bawk a ka mipa duh tak ngial pawn ala tawh loh khapa khan a tawk a, keimah te hi ka inten dawn hialin ka hria.





Washroom-ah chuan phei in ka kut ka sil a, ka hmai chu ka phih bawk a, thaw chhuak vak in darthlalang hmaah chuan ka in en a ngatinge a lakah khan ka chak loh em em nachhan, ka mipa duh em em pawn ala tih ngai loh a ti a, ka hmuiah leh ka biangah a fawp bawk a mahse ka dang hneh si lo, ni lo chu pawh ani lo, ka chak lo zawk ani ka tan a hlauhawm tih hre reng chung siin ka la bia a amah ka hmuh rual khan tlanchhe daih tawh tur ka ni a mahse biak ka la tum țalh zel bawk si.





Nihnih khat lek kan inhmuh avang maia ka laka khatianga a che dawn anih chuan naktukah kan lo inhmu leh thut anih chuan engtin nge a chet leh zel tak ang ka ngaihtuah ngam lo zawk amah kha ka hmu leh anih pawh hmu lo der hmak ila chu chu a tawk chiah, a bak a awm lo. Ka hmu tawh tur ani lo tihpalh thil thu a kan inhmu leh anih pawh ka tlanchhiat san tawh tur ani. Sheryl pawh bang turin kan hrilh dawn chiang lutuk ringawt.





"Lora..." tia ka hminga min au tu ka hriat rual chuan ka hawilet nghal vat a ka hnungah chuan thaw hlawp hlawp hian Muani chu alo ding reng a a ngaihna hrelo zetin amah chu ka en a "Enge? Thil thleng a awm ami? I va rawn hmanhmawh âwm ve" ka ti țha ve mai a, ka rawmawl ah chuan ka hmai ka hru zui nghal zat bawk.





" I van mak tak! Hetah hian ngatinge i awm char char a Doctor Marina'n a zawng reng tawh che ania a ruala ward fan i ngaih kha mawle a thinrim hma hian rawn kal vat rawh nimin vangin i chungah a lungawi tawh lo ropui si belhchhah i duh reng reng ami?" A rawn ti a, ka meng chhuak nghal kâwk mai!





"Awi! Ani tak e, ka va han mawl tak ka lo theihnghilh daih alawm tunah khawiah nge a awm? Chuan khawnge ka phone hi, ui.... ka che buai vek engtin nge min tih ang le ka van kal ngam lo tak!" Hawi kual pah chuan ka ti zung zung a ka sira ka phone ka dah chu la in ka sam te chu ka chûl țha sawk sawk a Muani pawh nghak tawh lemlo chuan washroom ațang chuan ka tlanchhuak nghala min lo kalsan tawh anih chuan ka thil tawn tur chu a thim dawn rapthlak chiang lutuk.





Niminah khan min hmu a kan chawlhni a min hmu anih chuan i chau lo tawp anih kha tiin min zilh in min hau țhin ka chungah a lungawi lo tawh nasa bawk si tunah min zawng lehnghal bawk a engtin tak pumpelh thei ang maw.





Ka Duty-na hmun ka thlen hma chiah chuan Dr. Marina leh Damian-a inbia ka hmu lehnghal zat a min hmuh ka hlauh lutuk avang chuan rang zetin ka hawi let lehnghala bihrûk na tur ka zawng nghal ruai bawk, saw pa bawk chu ala kal lo ka ti enge Doctor bulah sawn a sawi ang ka van ning tak! Ngatinge nimin ațang khan ka chet chhiat theih tak em em mai le.





Bihrûkna tur ka zawn kual lai chuan Washroom lam ațang chuan Muani a rawn pheia min rawn hmuh rual chuan a rawn tlan phei nghal "Awi! I thleng daih tawh ang chu tih nâk alaiin enge hetah hian ilo la din reng va kal vat rawh hremna thuah hnih dawn i duh loh chuan" tiin ka banah chuan ka rawn vuana mahse ka pawt let ve lehnghal zat.





"Nimina ka lo kal pui mipa nen sawn in be zo phawt rawh se chumi zawh ah chuan ka kal ang eng hremna pawh ni se ka pawm mai ang mahse an inbiak zawh hma chuan ka kal lo ang" ka ti a, ka hnunglam chu a en a ka kaihza tha te hi a khur dar dar thei nia mawle "Tumah a biak loh saw a bulah tumah an awm reng reng lo i hmusual zawk ani lo maw?" A rawn ti a.





Phâwk hru a meng in ka hawileta mahse Dr. Marina bulah chuan tumah an lo awm leh chuang miah lo nichin khan an inbe ngei alawm ka hmu chiang lutuk ringawt "ka hmu chiang alawm mahse a awm tawhlo tho a ka va kal ang engmah rawn sawi lo lang chuan ka thi chiang ngawt ang" ka ti a, thaw chhuak hak in ka inhera Dr. Marina lam chu ka pan a, ka zâm lutuk hi ka thi thei dawn hialin ka hria.





"Doctor, ka tlaia ka tihpalh ka lo mang nghilh daih a" a bul ka thlen rual chuan kun ngul hia. inthlahrung zet chuan ka ti chhuak a, ka kut chu ka hmer zui vak bawk. "A țha e, a dawt leh ah chuan thleng nawn tawh suh se min rawn zui nghal dawn nia hun ka ngah vak loa muang suh ang che" a rawn ti zui nghuta, ka lawm lutuk chu thaw chhuak hak in ka mamawh tur chu ka la, ka Duty pui te chuan an kutzungpui an rawn ti pir a, ka nui chhuak nghal hak bawk.





"Kan pu nen khan eng inzawmna nge in neih?" Step-a kan chhoh rual chuan a rawn ti a, a ngaihna ka hriat loh êm avang chuan amah chu ka en chho haw a "tu kan pu maw? Tunge i sawi hi ka hrelo reng reng" ka ti chhuak sap bawk.





"Sir Damian-a nen khan eng inzawmna nge in neih?" A rawn ti nawn leh a, a sawi ka hrethiam chiah "e... khapa kha maw... ka hria e, eng inzawmna mah kan neilo niminah kha chuan ka nau a damsam loh avangin a ai hna ka kal saka chuan a hnathawhna Boss ber ania tihtur a sawi ang in ka rawn zui a" ka ti nghal sep bawk.





"Khap ti lo in Sir ti tawh ang che"





"Sir maw? Mahse engvangin? A sual zia i hre ve lo anih kha a landan ang ngawt kha ani lo" ka ti țha leh ngat a, 'Sir' ka tihna chhan tur pakhat mah a awm lo hrim hrim
khatiang mihring sual leh rapthlak lutuk kha. Ka beng hian a chanchin a hre ve deuh ziah lehnghala ka hre ngun malh malh tawh lutuk.





"I țawngkam veng fimkhur rawh Doctor dang in an hria anih chuan buaina i tawk ngei ang ani kha mi satliah ani lo. He Hospital neitu hi ani a, a enkawl mek tu pawh ani tunah hian nimina in pahniha in rawn kal rual avangin mi hian an ngai khawlo vek tawh chea vawiina a lo kal chhan pawh kha nimin thil chingfel tur chauhin ani" a rawn ti ta nghut.





"He Hospital neitu hi maw?! Mahse... nangmah ini reng ani lawm ni? Ngatinge amah ani tak thut a?" Ka ti chhuak nghal vak a, mahse ka au rin lutuk avang chuan ka hmui ka hup lehnghal zata Nurse dang rawn chhuk thla te chuan min en deuh hrek hrek bawk "kei chu a ai awh tu mai chauh ka ni nimin kha a vawihnih rawn kalna chauh ania ila hmu lo pawh ani mahna i țawng kha veng fimkhur tawh ang che" a rawn ti lehnghal zat a, mak ka ti lutuk chu ka âng phuau renga nimina a kal chhan kha ka hrethiam lo reng ani tu mai pawh khan an zah bawk si a ka lo enliam satliah ve tawp lehnghal bawk a. Mahse he Hospital neitu hi lo ni reng in mak ka tih dan chu sawifiah ngaihna pawh ka hrelo.





Nichin lawka ka țawngkhum dan ka ngaihtuaha a zah hian ka zak ru ngawih ngawih, ka thusawi avang khan amah pawh kha a nuih a za hial anih kha amah man tir tur ang ten ka la insawi zui bawk a. Heiham, ka zak anih pawn ka theihnghilh tur ani amah ka hmuh tawh loh chuan engkim a țha vek ani mai.





"Lawk aw Doctor, pawna țhu saw ka va be lawk ang kan luh dawn pawh khan alo țhu tawha harsatna a nei ani maithei asin" kan chhuah dawn chuan ka ti a, a rem tih avang chuan chunu awmna lam pan chuan ka phei nghala, a tiang ken chu a hmaah hian a dah a alo țhu khur dar dar bawk a. A hmaah chuan ka va țhu thlaa a kut khur chu ka khawih nghal zat bawka a kut chu a sa em em bawk.





"Ka pi, ka țawng i hrethei tiraw? Hetah hian enge i tih a?" Ka ti dam dap, ka aw a hrethei ani ngei ang muangchangin min rawn en a "min hlau suh aw ka țanpui ang che. Enge hetah hian i tih a?" A aia chiang zawk chuan ka ti leh a, a kut ka vawnna ka kut chu a kut lehlam chuan a rawn vuan leh a, a hawikual a hawikual bawk.





"Ka fapa ka zawnga" a rawn ti a, a hawikuala a chak loh hmel ang reng bawk si a a khur dawt dawt bawk, a chal chu ka khawih a a sa reuh phian bawk a a khua a sik ani ngei ang "i fapa hming chu min hrilh la anih loh pawn eng emaw ken i nei em? Amah biak theihna tur" ka ti a, min rawn en leh a a kut chu la sawn in a bula țhutthlenga phone awm chu a rawn la a.





"Kha kha a phone ania chuan amah zawkin ka phone têreuhtê a keng daih a, englo ania nula a phone hi ka en a chuan alo kalsawn daih a" hlauhthawn hmel zet hian a rawn ti a, amah chu nuih pah hian a kut sa lutuk chu ka hmer vang vang a hetianga khawsik hian engtin nge maw an kalsan theih zawk le. Amah a țha vak bawk si loa tihdan ka van hrelo tak em!





"I phone number chu i hria em? I hriat chuan heta țang hian kan bia anga chuan alo kal nghal mai dawn alawm" ka ti a, amah a hahdam theih nan chuan ka nuih a, a khua a sik bawk si a mahse Damdawi ka pe risk ngam ngawt si lo "ihmaw nula, ka phone number ka lo keng loa" a rawn ti a, phone chu a rawn la a.





"Ihmaw... ka phone number chu inah ka dah a lehkhaah ka ziak a i hak ang ha midang an lo kala khatianga ka sawi khan min nuih vak vak a nang chuan min nuih ve dawnlo tiraw?" Hlauh hmel zet hian a rawn ti a, ka lu ka thing nghal vata engvanga rilru chhia em em nge maw an nih țhin le. An tana kan tih ve theih tawk ani a, harsatna an nei anih chuan kan theih ang tawka pui tur kan ni nuihzat mai lovin. Kan nuih hma in Siamtu Pathian kan ngaihtuah hmasa tur ani, an ni kan nuihzat anih chuan amah pawh nuihzat ang kan ni si a. Hremna chu an pumpelh hauh lo ang.





"Ka nuih ve miah lo ang che. Hetah hian i number chu ka lo zawng anga a awm chuan kan bia anga i fapa chu alo kal mai ang aw hlauh tur a awm lo ania" ka ti dam dap a, bu nghatin rang zet hian phone chu min rawn pe a, a mitmeng a dul in a hmai te chu a dâng em em a a chau tih hai rual ani lo. Phone chu hmet êng in Contact ah chuan a number âwm ang ka zawnga 'ka nu' tia in save chu ka hmu a ka call nghal zat bawk.





Call an lak rual chuan mangan hmel zet hian anu awmna chu a rawn zawt nghala ka pi en chuan ka nui var var a "ka pu, hetah ka bulah a awma 3rd Floor-ah khan lo chho la Balcony lam ațang khan i rawn kal anga min hmu mai ang ka lo awmpui tlat dawn nia" ka ti a, a rawn kal nghal tur thu sawiin phone chu a off-a ka pi chu thil awmzia ka hrilhfiah nghal zat bawk a. A rawn nui ve suk bawk.





'Ka nu' tia mipa aw ri ka hriat rual chuan tho chhuak nghal vat in aw lo chhuahna lampang ah chuan ka hawi phei nghala mipa pakhat hi hmanhmawh zeta rawn tlan in a nu chu a rawn kuaha a ngaihtuah zia thu a sawi nghal vata, ka nui nghal hak bawk. Ka pi chuan a fapa hnungah chuan beng in 'hetah ka awm daih alawm' a ti țha ve maia min rawn en a ka lo nuih nghal ver ver bawk.





"Ka lawm lutuk, ka nu min lo enkawl sak avangin, lawmthu hrilh ngaihna che pawh ka hrelo" tiin a rawn ding chhuaka nuih pah hian ka lu ka lo thing nghal vat a "a ho lutuk, ka tih ve theih tawk alawm. Mahse a khaw sik kha a sâng lutuka Damdawi ka lo pe ngam tawp bawk si loa Damdawi pek lai in neih chuan pe vat rawh aw anih loh pawn Doctor in râwn thei reng ania" ka ti chhuak sap bawk.





"Kan rawn in check-up zo chiaha Damdawi chu ka lo pe nghal dawn nia ka lawm lutuk ringawt. A thil enkual duh hian alo kal hrang leh daih zela" a rawn ti leh a, ka nui chhuak nghal hak bawk "i chhuahpui pawn a kutah kai tlat tawh kha chhete pawn hlat tawh miah suh aw chuan heihi i phone ania min pe a" tiin phone chu a lamah ka lek phei nghal zat bawk.





"Aw nia, chhuah hian phone ken ve țalh a duh țhina a phone hi min kawl tira ka phone hi a keng ve duh țhina kan lawm lutuk e, a mut a chhuak tawh bawk sia kan kal phawt mai ang. Puih theihna che ka neih chuan kan inhmuh leh hunah ka pui ngei ngei ang che" a rawn ti a, ka lo bu nghal nghat bawk. An kal dawn chuan ka pi chu ka bye bye-a hlim tih hriat zet hian min nuih var var bawk a. A khua a sik avangin a kal țha thei vak loa mahse a fapa chuan a pawm chhuak ta bawk.





"Iva ti țha ve" tia ka dara rawn khawihtu chu ka en nghal zat a Tluangpuii lo ni reng in "kan tih ve theih tawk alawm" ka pi te en zui reng pah chuan ka ti chhuak nghal sep bawk " midang chu nise khatiang khan tuman an ti ve hauh lo ang, nang hi chu mi danglam tak ini bik chiang alawm" a rawn ti a, ka nêk nghal vak ringawt.





"I ninawm.. tiang khan sawi ve ziah suh ziah luh tur ka ngah rap min lo pui teh hremna ania keimah chuan ka ti zo theilo" tiin a banah chuan ka kut ka rawlh lut a step lam chu ka pan pui nghal hmawk hmawk bawk.







"Maria vawiin khan Jd-a khan Gloria-i nen an ințhen thu a sawia an message vel min chhiar tira alo be tawh che em? Ka call a chhang theiloa a zin leh thut amaw ni le" Bazara Anțam enkual pah chuan ka ti a, ka bulah rawn ding in a dâwng țha țha chu min rawn thlan puia an la ti to zêk lehnghal "Maria, a mak e... ka biak che chu i hre lo ami?" Anțam dah thlak dawt pah chuan ka ti chhuak țhat a, a zuar tunu chuan dîm turin min rawn hrilh nghal zat bawk.





"Ka hrereng alawm, i chhiar tur ka zawng mek anih hi i dawhthei lo lutuk Anțam kha lo thlang mai mai la anih chu" phone hmeh mual mual pah hian a rawn ti a, thaw chhuak nghal hak in Anțam pakhat chu ka la lawka min pek sak turin ka ti nghal zat bawk. "Kha heihi kal pah in chhiar rawh Gloria-i min lo biakna ania a rawn țap bawka keipawn sawipui che ka lo tum mek a" a rawn ti ve bawka a phone chu ka la a, ka Bazar bag ah chu ka pe nghal zat bawk.





Vawiina Jd-a lo kal hnu vela an inbiakna ni âwm ani. Voice a rawn thawn chu ka play hmasaa ka bengah chuan ka dah nghal zat bawk. Keimah min biak ngam loh thu leh hreawm a tih zia thu te a rawn sawia a thinlung a nat thu nen lam a țap bawk a a thusawi chuan min ti țap ve țep ani.





An message inthawn țhenkhat chu ka chhiar bawk "ngatinge min biak ngam lohna chhan niang le" phone pek pah chuan ka ti nghal sep bawk. An pahnih inkarah harsatna a thlen chuan keimah min rawn biaa engkim min hrilha keiin ka theihtawpin ka lo fuih ve țhin bawk mahse tun țum erawh min be ngam hauh lo engthil nge a hnenah chuan a sawi ang le.





"Aw... Jd'n a duh zia che a hriaa i lakah a inthiamlo aniang chutiang bakin ngaihdan ka neilo enge hmelpawnga chu chutia alo va tih thawt thawt a Gloria-i pawn a thil tihsual zia a pawm vek tawha han ngaihdam ve mai âwm, a hun hnuhnung ani tawh lehnghal" Maria-i pawh chuan a rawn ti ve nghal hlaka, ka thaw chhuak nghal hak bawk.





"Pawilo ka night dawnlo tho zanin khawhar in chu nu leh pa kal zan ania ka kal dawnlo thoa ka va kal anga ka va be teh ang Damdawiinah a lut lo tiraw?" ka ti lehnghal zat. Tomato Kg-ah sawmthum anj tih an rawn sawi ri ka hriat rual chuan Maria chu ka pawt peng lehnghal zat a, Bazar a tâwt bawk si a kan in nêk per lawp lawp mai.





"A rawn sawi danah chuan ania mahse a. thil tawn avang hian a taksa a chau anga a luh leh a hlauhawm takzet. Kan hmelpawnga mai mai chuh! Ka biak leh theih hmasak ber hunah ka hau anga ka hmuh hunah ka sawisa chiang ngawt bawk ang" a rawn ti a, ngawi tura hrilhin Tomato chu thlang turin ka hrilh zui nghal zat bawk.





College kan kal lai ațang tawhin Gloria-i hian Jd-a hi a duh em em tawha a Hmangaih zia pawh a che zia in vawitam a ti lang țhin bawk mahse Jd-a erawh chuan a ngaihsak ve hauh lo. Anu ka hnenah a rawn kala a natna neih te min rawn hrilha a hun hnuhnung anih tawh thu nen a hun hnuhnungah chuan hlim taka a nun siamsak turin min rawn ngen a nitinin Gloria-i chu a chaklo tial tial bawk.





Jd-a chu thil engkim hrilhin Gloria tihlim tur leh amah awmpui turin ka hrilha ka duh ang ngeiin a ti bawka natna karah pawh a hlim hmel kan hmu theia chaklo tial tial mahse thil thleng avang chuan a hlim em em a, a nui hmel hmuh tur a tam bawk. A chhungte hlim hmel in hlimna min siama a chhan chu an fanu hi a hun hnuhnunga thinlung taka a hlim an hmuh vang ani.





Jd-a hi ka duh a keipawn an awmdan ka hmuhin ka na ve țhin tho mahse a theih chhung chuan hlim se ka duh mahse Jd-a zawk hian a thei tawh lo lutuk hi buaina an neih phah fo a kei erawh amah duh lo angin ka lang ngar ngar bawk. A harsa țhin takzet mahse Gloria-i hlim hmel chuan min ti hlim ve tlat si.





"Tian ti ang, keipawh ka rawn kal ve ang Mazualtea biak kan tum chhin ang e kan hmelpawnga chu a be thei maithei asin Mampuii ka hrilh anga Jd-a u kan biak tir chhin dawn nia an inhriaa" Maria-i chuan a rawn ti a, țawngkâa chhang lo in ka lo bu nghat bawk.





"Dar sarih velah ka lo bia che anga chuan ilo kal mai dawn nia rawn pan che ai chuan rawn kal zawk la a rem zawk in la hria" ka ti a, ka banah chuan a rawn beng nghal pawp ringawt "iti ve ziah tikhan Scooty keng turin min hrilh leh anga i Scooty khalh chhuak peih lo lutuk vang ani tih ka hre ve vek aw phakar thei lutuk mai" a rawn ti nghal hlak.





"Enge?.... Chulam pawh ani lo in inlama ka rawn kal chuan kual leh duah a ngai dawn asin a hau tak mai mai chuvang chuan kan inah i rawn kal anga a hnai daih zawk bawka ka phakar vang pawh ani lo" nuih pah chuan ka ti a, a haw kher lehnghal.





"Nu.... Bean chu a awmlo aw ti ila a awmchhun kha a chhe lutuka ka lei duh loa" tiin dawhkanah chuan Bazar bag chu ka nghat nghal chawrh a ka dar na lutuk chu ka tuai zui nghal vut vut bawk. "Pawilo ka mamawh leh lo maitheia ipa khan lei tur a tia chuvang chauh chu ania a dang a kim vek ami? Surf te, Sahbawn te" a rawn ti a, Bazar bag chu a lamah pawt pheiin thil awm chu a phawrh chhuak nghal zat bawk.





"A rit tih mai loh chu a dang chu a kim vek, ka dar ana lutuk ringawt min lei hnem tir lutuka a rit hlawm ropui si sawilai kawi ah sawn ka kual dik loa ka la rawn tlu țep zui" ka ti a, a nui chhuak nghal hak hak bawk.





"Mami tih hnen ațangin lehkha i dawnga i khumah ka dah tawh ka en rawh" a rawn ti a, Mami maw, tu Mami nge anih a.





"Aw... ka night dawnloa mahse zanin chu kal chhuahna tur ka nei lawka Maria-i nen ania kan rei lo ang a pawimawh lutuka ka pa Duty alo la haw lo mi?" ka ti lehnghal zat.





"Aw... dar 3 to dar 6 ania a rawn haw har deuh maithei va inthlak rawh i thawmhnaw hak kha sûk turah dah nghal la a bal vek anih kha. Chuan hmun kha lo hawl rawh aw ka hawl hman tawh lo" a rawn ti a, bu nghatin Choka ațang chuan ka chhuaka kawngkâa ka nau rawn lut ka hmuh rual rual chuan a banah kaiin ka room lamah ka pawt phei nghal zat bawk.





"Enge u, tihsual ka nei ami?" a rawn ti nghal vak.





"Aw... tihsual i nei, i tihsual chu saw Company-a hna i hmu leh i thawk saw ani bang nghal la ka duh in Boss saw a hlauhawm lutuk itan pawn a hlauhawm thei chu chu hmannia ka hriatchhuah ani chuvang chuan bang nghal la ka duh" kut inkuangkuah nghal at pah chuan ka ti nghal zat, mak tih hmel zet hian min rawn en nghal bawk.





"U... enge i hriata ngatinge ka hnathawh te i sawisel tak? Boss saw ka hrechiang ka tan a hlauhawmna pakhat mah ka neilo midang zawng aiin min ngaina tih pawh ka hriaa chuan min ring ve em em bawk" a lungawi lo deuh nge ni a rawn ti ve nghal țhat.





"A ngainatna che chu a hmang țangkai dawn reng alawm ka hrechiang bang nghal rawh ka tih chuan bang nghal la ani mai i u hian i țhatna tur ka sawia ka thu hi zawm mai rawh"





"U... i mak emai, nidangah pawh ka hnathawh hi ka tuina zawng anih avangin min pawmpuiin mim fuih ziah țhin bawka mahse tinge tun a taka khatianga i awm leh si. Min ngaina ka tih khan sual lam a kawk lo a hnathawk ka nihna anga min ngaina chauh ani i ngaih ang kha engmah a awm lo" a rawn ti vîn ve ta țhat.





"Sheryl" ka ti nghal vak, a rawn thaw chhuak hak a engvanga ka thusawi hi awih loa min hnial kalh zel nge anih hrep le.





"U... engtin pawn sawi mah la ka hnathawhna ațang hian chhan țha tak a awm anih loh chuan ka bang dawn hauh lo i ngaih ang kha engmah ani lo ngaihtuah chhunzawm tawh suh" rawn ti leh țhat in ka room ațang chuan a chhhuak zui nghala ka thaw chhuak nghal hak bawk. Engvanga ka thusawi kha awih lo tlat nge anih le. Keipawh khatianga min ti thei anih chuan ka nau dinhmun kha a derthawng dawn tih ka chiang bawk engtin emaw ka hriattir ngei a ngai ang.





Zanah chuan Maria-i nen Gloria-i te inah chuan kan kal a mahse anu in a awm loh thu leh a awmna a hriat loh thu in min chhanga kan pahnih chuan kan in en reng ringawt bawk "mahse nu Hruai anu inia a kalna chu hre tur ini khawngaihin a kalna i hriat chuan min hrilh rawh a chungah eng emaw a thleng anga sin" ka ti nghal vata mahse a lu a thing char char.





"Keipawn an kalna tur ka hre biklo min hrilh loa Bag nen khan an chhuaka" a rawn ti leh 'an' a ti tlat.





" 'an' i tia tu emaw nen chuan an ni chiang alawm mipa nge hmeichhia chu tal chu i hria ang tiraw? nu Hruai, i hriat ang ang min hrilh rawh" ka ti lehnghal vat, a thaw chhuak nghal hawk a, a hmai te chu a tuai puat bawka ngatinge thil engmah hi a kal tluan theih miah loh le Jordian lah ka be pawp thei bawk si lo tlai ațang khan ka try char char tawh mahse Switch off ala inti char char.





"Aw... Jordian kha ania khawiah emaw a hruai tur thu a sawia ngaihtuah lo turin min hrilh bawka a sawidan kha chuan Doctor a hmuh pui tur thu a sawia chu bak engmah ka hrelo an kalna tur tak ngial pawh ka hre biklo dar 8 vela min lo biak tur thu a sawia" mangan hmel zet hian a rawn ti a, Maria-i chu ka pawt hranga Mampuii chuan a be tawh em tih ka zawt nghal zat bawk.





"A u pawn a riak chhuak dawn tih a bula a sawi thu min hrilha chu bak engmah a sawi chuang lo. Alo call hun nghak ve tawp ila chuan engkim a hriat vek mai ang Doctor enkawlna dawng turin nge a hruai ang thil dangah" a rawn ti a, thaw chhuak hak in ka sam rawn tla thla chu ka tuai chho nghal puat a, ka hlauthawng ani Maria-i sawi ang khan Doctor enkawlna dawng turin nge ni a thil dang vang zawkin a hruai chhuak niang... thil țhalo a tih loh hram ka beiseip takzet ani.





Dar 8 a rik pawh chuan call ala dawng chuang loa keini pawn biak tum in kan try reng bawka mahse a tlang thei chuang lo "aw... hei message ka dawng" tia nu Hruai'n a rawn sawi rual chuan a țhutna bulah chuan rang zetin kan țhu phei ve nghala Message chu a hawnga Jordian-a number anih avangin ka call ve lehnghal zata mahse Switch off ala inti tho bawk. Hepa hian engthil chiah nge maw tih a tum le.





*Ka pi, i fanu chu lo ngaihtuah duh suh Doctor țha ber ber ka enkawl tir dawna kar khat hnuah kan lo let leh ang hemi number-ah hian i fanu chu i be thei ang* tih a rawn thawna number nen lam a hnuaiah thlalak a awm bawka Gloria-i nena an thlalak ani, an nui sânga mahse ka thinlungah thîkna a rawn awm thung.





Maria-i pawh hrilh lo chuan ka țhutna ațanga tho chhuakin in ațang chuan ka chhuaka Scooty kan hûn na lam pan chuan chak thei ang berin ka kal bawk engvanga tun a taka ka thîk tak mai. Inngeih hmel taka thla an lak dun te leh hlim hmel zeta an nui te chu ka mitthlaah a rawn langa ka kal chak zual sauh bawk.





"Lora... enge i hriat a? Tinge engmah sawi loa i chhuah daih?" tiin Maria-i chuan ka kal lai chu min pawt ding a ka hmaah chuan a rawn ding nghal chat bawk. "Tinge khatianga i awm a? I țap ami?" a rawn ti nghal zat, ka thaw chhuak nghal ham ham bawk.





"An thlalak ka hmuh khan ka thîk takzet ani engmah pawh min hrilh lo in an chhuaka inngeih hmel takin thla an la duna ka thiltih hian min vaw let mek anih hi Jordian chuan alo duh hman ani ngei ang tunah pawh a dam nan Doctor țha tak tak a enkawl tir dawn bawk a mahse eng emaw tak chu min hrilh ve tur ani asin ngatinge engmah min hrilh miah loh le" ka ti chhuak nghal hap.





"Lora... i thiltih kha a țha lutuk alawm mi an hun hnuhnung lamah beiseina thar i siamsaka tuma pek theih loh nang chuan i pe a hlimna tunah chuan a dam leh theih beiseiin a hun a hmang ngei bawk ang i ngaih ang ngawt khan Jordian pawh alo awm lo maithei asin nakinah aman engkim chu a rawn sawifiah leh vek mai ang" a rawn ti a, chu thil chu thleng ngei turin ka beisei ani.





"Ka ring a ka beisei bawk mahse zanina ka thil hmuh avanga khan ka rinna chu a tlem tawh lutuk ani. Hetianga awm tur ka ni lo tih ka hria Maria mahse ka thîk tlat si hetiang hian ka la awm lo engmah min hrilh lo in a chhuahpuia chuan induh hmel taka an thlalak dun ka hmu zui bawka amah chu biak theih loh in a awm bawk. Ka ngaihtuah zia hi a hre ve ang em? Ka mipa duh pawh ka nei ve thei loa vawiinah khan engkim a fel vek tawh tur thu min hrilh asin" ka ti chhuak leh hap a, ka țah ka hlau lutuk chuan ka heh ka pet fan fan a mahse awmzia a awmlo kher mai. He khawvelah hian ka mittui hi engtikah mah ka dang zo ngailo ang.





"I awmdan tur chu ka hrethiam mahse thil a êng lam zawnga thlir tum hram hram la um.. chhan țha tak vangin thil pawh alo ti maithei asin engmah kan hrechiang bik si loa keipawn biak dan tur ka lo zawng ngar ngar ang.. țap suh aw" tiin min rawn kuah nghal zata mahse ka mittui chu zâwi muangin a luang thla reng tho.





Midang hlimna turin ka mipa duh chu ka nei thei loa kum tam tak ka lo nghak ve tawha mahse nu Hruaii min ngenna avangin engkim a chhe ta vek si a tir chuan ka haw ngailo a dam rei tawh dawn loh avangin a hun reilotê chhung kha hlim se ka duhpui ve thoa chuvanga Jordian pawh amah awmpui tura hrilh reng ka ni mahse a hlimna chuan a taksa a siam țhaa tunah pawh a dam leh theih beiseina nen Doctor enkawlna a dawng mek a a lawmawm takzet mahse kei ve hi engtin nge ka awm tak ang. Ka mipa duh ve em em chuan engmah min hrilh lo in ani chu a awm bo pui a ka ngaihtuah zia hi a hrethiam pha hauh lo ang.







"Nimina ka vin avang che khan u ka tihpalh mahse i thusawi kha a diklo alawm chutiang chu kan Boss mizia ani lo tunah bialnu a nei a a bialnu chu a âtchilh hlum lo chauh asin chuan keipawh hian duhzawng ka nei ve vek bawk. Min ngainat dan chu pu in thawktu a ngaina ani chu zawng chu chuan ka hna ațanga bang tur chuan min hrilh tawh lo ang tiraw?" ka nau chuan ka kut vuan meuhin a rawn ti nghal zat.





"Aw... ka hria e, i hnaa i tui zia pawh ka hre bawk a bang turin ka ti lui tawh lo ang che mahse khapa hming leh chanchin hrim hrim kha chu ka hre duh tawh lo kan sawi chhuak ve ve tur ani lo" ka ti nghal sep bawk. Darthlalangah chuan ka in en a ka mit chu a bui lûk a, dark circle lian zet ka nei bawk.





Nizanah Jordian vawitam tak call ka tuma mahse a theih loh message pawh 100 chuang ka thawn a mahse awmzia a awm chuang lo a in one tick char char a tun thleng pawn ala chhiar lo bawk. Ka rilru hah zia leh amah ka ngaihtuah zia a hre ve ang em le tihte chu ka ngaihtuaha Maria-i pawh chuan a biak theih loh thu min rawn hrilha mahse theihtawp chhuaka a țhiante a biak theih tir tur thu a sawia a țhiante zingah hian tu emaw ber chuan hriat an nei ngei ngei tur ani.





"Mambawih, i insiam zawh chuan lo chhuak phei lawk rawh aw i pa in eng emaw sawi duh a neia" ka nu in a rawn tih chuan ka hman țep tawh thu ka hrilha ka dark circle lai velah chuan foundation tlem a zawng ka hnawih ve a ka mit bui lûk mai tih reh tum chuan make-up dang te pawh chu ka hmang ve bawk a tlem chuan a zia deuh tawh bawk.





Room ațanga ka chhuah hma chuan Jordian chu ka text nawn leha nizana ka message thawn te pawh pakhat mah ala seen lo a last seen erawh nimin ani daih tawh thung "i chanchin eng emaw tal min hriattir i tum lo em ni? Engkim a țha vek ang itih kha ngatinge engmah min hrilh i tum miah lo a" a dp-a a hman kan pahnih thlalak chu en in ka phun chhuak sup a, ka phone hmai chu chûl in ka thaw chhuak nghal hak bawk.





Ka insiam zawh tawh avang chuan Sitting room lamah chuan ka chhuak pheia an vaiin an lo țhu vek tawh bawk. Ka va țhut thlak ve rual chuan an pathum chuan chiang zet mai hian min lo en țhup a, ka melh kual zak zak bawk "enge a khatianga min lo melh vaka, ka hmaiah hian thil kai a awm ami?" ka hmai kawh pah chuan ka ti nghal zat.





"A awm e" tih pah chuan ka nu chuan ka mit hnuai chu a rawn khawih a, a kut chu a en lehnghal zat bawk "make-up a awm anih hi" nuih deuh hlek pah hian a rawn ti a, ka thup ve tehreng nen an lo hmu leh hman vek tawh mawle.





"Ah! Heihi chu maw dark circle ka neih nasat lutuk avangin ka hmang ve mai mai, ka hmang ngailo tawp pawh ani hleinem enga tinge in lo buai ve vak. Sawitur in neih chuan sawi vat rawh u hna ka tlai dawn ania" ka ti chhuak hliai a, an pathum chuan en loh hram hram ka tum ve bawk a mahse ka mit sir chuan ka melh zawk zawk bawk.





"Nu leh pa te chuan fate tana țha tur kan duh veka nuamsa taka an awm theih nan theihtawp kan chhuah vek țhin bawk. Chuan keini pawh hian in hlim nan chuan engpawh kan ti ang a chhan chu kan hunlai chuan nangmahni ang rual kan nih hian kan chên ve theilo lo lamah hnathawh a ngaia kan eitur thawhchhuah a ngaia rethei takin kan awm bawk a kum la naupang tê siin puitlin zir kan ngaia chutiang nei tur chuan kan chhung ten kan thinlung min tah hriam sak țhin.





Nangni pawh in vanglai hi chu âm tak in hmang ula in hlim hmel kan hmuh theihna anih dawn phawt chuan engmah tih hreh kan neilo mahse âm takin hmang rawh u ka tih khan sualna nen in nun chawhpawlh rawh u ka ti lo in nitin nun hman chu Isua nen in hnang dun tur ani a țha zawngin chuan vawiin in unaunu thihcham anih ang in lo haw hma tum ula eng emaw kan tihsak dawn nia a thlan te pawh tlawh kan ngai tawha" ka pa chuan a rawn ti a, kan vai chuan kan bu nghal nghat nghat bawk.





Kan upa ber hi ka pian hma chiah hian a thi a, a hmel pawh kan hmu ve hman lo a thihchhan an sawj duh ngailoa mahse zawh reng kan tum chuang lo a kan veng mi te chuan a nungchang a țha in a fel zia thu a chanchin kan zawh in a hria apiangin min hrilh țhin hmuh ve ka chak zual sauha mahse he khawvel ka hmelhriat hma leh Khawvel êng ka hmuh ve hma in min chawlhsan tawha a chanchin bak lo chu min hnutchhiah lo bawk.





Ka pa in thildang eng emaw fiamthu nen a sawi hluta hna ka tlai țep avangin ngaithla zo lo in ka chhuahsana Damdawiin ka thlen rualin tihtur a tam thu an lo sawi nghal bawka hmanhmawh thlak taka mi zai tur a awm thu nen lam Damdawiin chhung chu a buai in a buai nuaih ka ti mai mi zawng zawng chu an che buai vek ni hian ka hmu a kei erawh phurna chhete mah ka neilo.





Nurse pakhat inhliam avangin koh mai tur an awm loa Operation room-a lut turin Dr. Marina'n min rawn ti a, ka intifel sawk sawk a ka lut a, inzai chu an țan nghal ti tih bawk. Ka thawmhnaw velah chuan thisen a kai ve nual bawka kan zai chhung in Doctor te chuan kan mi zai hi a pawimawh zia an sawi bawka mahse kei erawh chuan ka rilru ka pe ve hleithei lo.





Kan zawh chuan ka zawi êm avangin inti harh turin Damdawiin kawtah ka chhuaka Canteen-ah chuan vur ka lam nghal zat bawk a țhutthleng âwl awm ang ang ah chuan ka țhu a ka phone chu phawrh chhuak Jordian bawk chu ka text leh a mahse ka message pakhat ala seen lo second tick pawh a lang tawh tho si a. Whatsapp ațanga chhuah ka tum chiah chu a dp inthlak thut chu ka hmu nghal zat. Rang zetin ka en a Gloria-i bianga a kiss lai thlalak chu a hmanga ngawi rengin ka en reng.





A about ka check nghal vata 'Ka Arsi' tiin alo thlak tawh bawk a ka phone chu hmet thim in ka thaw chhuak zui nghal zat. Online reng siin ka Message a seen loa kan pahnih lanna a dp chu thlak in midang bianga a fawhna a hmanga a About ka tana a thlak țhin chu midang tan a thlak ta bawka tunah chuan engmah sawi ngai lovin thil engkim a lang chiang vek tawh mi hlimna tura ka thil tih chuan pum khatah a siama a tirah duh lo hle mahse alo Hmangaih taa lawmpui tur ka ni mahse ka lawmpui thei lo. Ka thaw chhuak nghal vak a





Ka phone chu hmet êng leh in a chat-ah chuan ka lut a online alo inti kuau bawk mahse ka message pakhat mah a seen lo Status a up em tih ka en a, nichin lawk khan alo up a 'Ka tihpalh' tih ringawt hi ka view a chumi rual chuan a delete lehnghal. Rang zetin a chat-ah chuan ka lut a Message ka thawn tur ka type mek lai chuan a Dp leh a About chu a bo nghal vek. Send tih chu ka hmet a mahse one tick chauh ani, min Block.. hepa hian min Block ani.





Engtin nge a theih zawk. Engtin nge hetiang hian min bum theih zawk? Nimin lawkah min Hmangaih thu leh engkim a pangngai vek tur thu min hrilh a mahse tunah khatiang khan a awm leh si a number chu hmet chhuakin call ka tuma mahse call theihna thlengin min block ani ngei ang ka ti thei lo mangang zetin message chu ka chhu leha ka thawn a a dang ka chhu leha mahse engmah a seen chuang lo.





"Hetiang hian ka chungah ti suh a theih loh.... khawngaihin min Hmangaih thu i sawi kha i kiangah pawh hun ka la hmang ve hman lo asin hetiang hian ka chungah i ti thei lo ang" tiin ka phun chhuak sep sep. Ka hawikual ruai a, amah ka biak ngei ngei a ngai ani ka biak ngei ngei a ngai, ka vur ei lai chu paih in ka thawmhnaw hak nen chuan ka tlanchhuak ti tih nghala ka kalna pawh ka en lo Gate ka chhuah hma chiah chuan tu emaw hi ka su dawt a lei ah chuan ka tlu sawp nghal nuai bawk.





"Lora..." rawn ti thûm sup tu aw ka hriat rual chuan ka hawichhuak nghal vat a, Jordian amaw ka ti a, mahse ani lo thawh chhuah pawh tum lo chuan ka sn chho renga ka mangang leh chiâi lutuk chuan engmah min ngaihtuah tir hleithei lo.





"I țha em?" tih sup pah chuan ka bulah chuan a rawn țhu thlaa kei erawh chuan ka lo en ngar ngar thung min rawn khawih a tum rual chuan a kut chu ka dah sawn sak nghal vat a he mipa hi ka hlat tur mipa kha ani ka tlanchhiatsan tur mipa kha.





"Min khawih suh" tih pah chuan ka țhutna ațang chuan ka tho chhuak nghala rûm chhuah hrâwih pah chuan a rawn tho chhuak ve lehnghal zat. Kal lehnghal tuma ka pen tur chiah chu ka banah rawn vuanin a lamah min pawt pheia ka taksa chu a thlek kual nghal zat.





"Heng thawmhnaw thisen kai nen hian khawia kal nge i tum? I chungah hian enge thleng a Lora?" min ngaihtuah hmel zet hian a rawn ti leh sup a, min vawnna kut chu ka thing thla nghal vat "i buai lohna tur tur ah hian buai ziah suh" ti hmak in kal ka tuma mahse a ngai te bawk in min pawt let leh.





" Ka buai leh buai loh tur chu ka thu ani chuan nang hi ka buaina ini reng bawk" a rawn ti leh nghut.





"Ka sawi tawh kha i buai lohna turah buai tawh suh min tibuai tawh suh... min kal tir rawh min thlah rawh ka tih chu" ka ti chhuak nghal țhat, ka lung a rawn chhe thar thut nge ni ka țap chhuak zui nghal hawk a, ka mitah tak chuan min rawn en nghal zat a kei erawh chuan thawm dang ka siam leh ka hlau lutuk chu ka heh ka pet fan fan a "min thlah rawh ka tih chu" ka ti lehnghal țiau bawk.





"Ka thlah hauh lo ang che" ti zui hrâwih in a lamah chuan min pawt pheia a âwmah chuan min kuat bet in nghet zetin ka kawngah chuan a chelh bawka kei erawh ka zawi lutuk chu tal chhuah ngaihna ka hrelo "i chunga thleng min hrilh rawh" ka tukhuma rawn dawm pah chuan a rawn ti thâwp sup.





"Mim phatsan ani min phatsan dawt min hrilh, ka ring ve asin rei tak ka nghak tawh bawka mahse min bum a min phatsan ka thiltih avangin min kalsan tawh" ka ti chhuak nghal țiau, min kuah nghet sauh a kei erawh chuan a kawrah ka pawt ngar ngar thung "tu in nge hetiang hian siam che. Sawi rawh, tu in nge siam che" a rawn ti leh hrâwih a mahse ka chhang theilo ka sawi thei bawk hek lo.





Min kuahna ațanga tal hran tuma ka chet ka tum rual chuan "Zawnga" ti hrâwih ri chu ka hre nghal zat a Jordian aw ani. Rang zetin min kuahna ațang chuan ka tal hranga Gate lam ka hawi rual chuan Jordian chu ka hmu a, thinrim tih hriat zet hian kan lam a rawn pan a hetah engtin nge a awm theih? "Engvangin nge i khawih ngam zawk a?" kan bul a rawn thlen rual chuan ti hrâwk in Damian chu a rawn hnek nghal pawp anih chu!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:51 pm

ADDICTED_TO_YOU 💙 EP-4

By : Msi Miluhlulnui 👩



MARKA 9 : 34-35 (Lo chhiar chhuak vek ngei ngei rawh u aw💙)






"Ka hmeichhia hi i kut hmawr khan ilo khawih ve ngam amaw?" Tia au chhuak leh hrâwkin hnek leh tum in a kut chu a lek kâng a mahse Damian zawk chuan rawn hnek ve leh pawp in Jordian chu a thal zui nghal țhuai a, a hnar chu a thi zui nghal bawk. A rawn thawh kân leh rual chuan a hmaah chuan ka lo ding nghal zat "duhtawk rawh engmah ti tawh suh" ka ti chhuak țhat. Thinrim tih hriat zeta thaw hrâwih hrâwih chung hian min rawn en a.





"Lora" a rawn ti chhuak hrâwih bawk.





"Engmah ti tawh suh, khatiang thil ka chunga itih hnuah pawh engtin nge ka hmaah hian ila rawn in lan ngam zawk a ani nen khan hmun hla takah in awm tawh ani lawm ni ka hua che, ka hmuh theih ah pawh rawn inlan tawh suh" amah en let ve kalh pah chuan ka ti chhuak țhat! Kan bula kal te leh awm te chuan hmuhnawm thlir in min thlir tawh a, hreawm ka ti lutuk chu țah chhuah vak ka duh tawh takzet ani.





"Lora... i sawi awmzia ka hrelo" bangbo hmel zet hian a rawn ti chhuak leh ta hawk!. "A awmzia i hria nge i hrelo der zawk? Hrilhfiah chawp leh zel ila ngai dawn ami? I hmel hmuh pawh ka duh tawh lo" ti chhuak țhat in Damdawiin lam hawi chuan ka inhera midang din țhupna karah chuan kûn ngul in ka tlanphei a, tunah hian hmun reh taka awma au chhuak vak ka chak takzet ani, ka chak takzet.





Damdawiin chhungah chuan pangngai thei ang bera lan tum in ka kal a, mahse pawn lam boruak an lo hre ve deuh reuh ani ngei ang min en hrek hrek hlawma eng emaw an sawi zui zeuh zel bawk, tumah pawh be chhunzawm lo in Washroom lam ka pan nghal daih bawka. Tui chu herh haw in ka hmai ka phih nghal zat bawk. Nizanah ka message engmah a chhang loa chuan nichin lawk ah a dp te thlak in thildang a ti leh a hnuah khawi ațangin nge tih hriat miah loh in a rawn lang leh ringawt bawk a ka rilru ti nâ a tibuai tur mai mai hian a awm em ni? Niminah min Hmangaih thu a sawia mahse vawiinah khatiang kha ani leh si.





Chhuatah chuan țhu thla in bang chu ka ngheng nghal zata ka khupah ka kiu nghatin ka lu ka dawm a, ka maimichhing zui vang vang bawk. Ka mittui a rawn luang thlaa thil thleng te chu ka ngaihtuah let a, ka heh chu ka pet nghal fan fan bawk. Ka mipa duh ve em em chu ka kiangah pawh awm tir hman lo in midang hlim nan ka kaltira mahse tunah chuan keimah bawkin na tuar leh si. Ka thiltih khan thil țha chu a thlen na meuh mai mahse ka tan chuan natna chauh a thlen si.





Niminah min Hmangaih thu min hrilha kha thu a sawi avanga ka hlim zia kha a hrethiam phak kher lo ang engkim a chinfel tur thu min hrilha mahse tunah khatiang kha ani leh ta si. Thil engkim chiang taka a lan hnuah engthil mah a hriat loh thu min sawi khum leh a anih chuan khang thil zawng zawng kha enge awmzia ni ta ang engmah ka ngaihtuah thiamlo enge rin tur nia enge rin loh tur tih te thlengin thuchiang enge ni ta ang?.





"Lora" tia ka hminga min au tu ka hriat rual chuan muangchangin ka hawichhuaka ka hmaah chuan Damian chu alo ding reng bawk. "Nangpawh ka hmu duh lo che kal rawh. Mahse i chunga khatiang thil a thlen avang khan min ngaidam dawn nia" ti chhuak sap in hmalam chu ka melh lehnghal bawk. A rûm hrâwih ri ka hriat rual chuan ka hmaah tak chuan a rawn țhu thla nghal zat.





"I țap ani tiraw?" Min ngaihtuah hmel zet hian a rawn ti thûm sup. Chhan pawh chhang lo in a âwm chu ka melh ngar ngar a ka buaina ah hian tumah inrawlh tir ve ka duh lo a bik takin ka hmelhriat țha lo phei chu.





"Lora, min en rawh" rawn ti leh sup in ka biangah chuan a rawn dawm nghal zat a, loh theih loh in amah chu ka en ta tho bawk, nichina Jordian'n a hnekna kha a mit bul deuh chu alo duk a. Thildang sawi chhunzawm lo chuan amit bul chu ka han khawih nghal zat a ka kut chu a rawn hûm hnan nghal chawt mai.





"Keimah avangin i biang a duk anih hi a pawi ka ti takzet ani ka buainaah ka hnûk lut ve che a Damdawi hnawih ang chuan a duk kha a reh ve deuh dawna" tia din chhuah ka tum rual chuan ka dar ah rawn khawih in min nem țhu lehnghal zat "ka zawhna che chhang phawt la" a rawn ti thâwp sup.





"I biangah khan Damdawi hnawih a ngai alawm ngatinge i pehhel char char a duk reng se i ti ami?" Ka ti nghal hlak, ka hmuiah chuan a kut zungțang rawn nghatin țawng tawh lo turin min ti nghal zat. "Rilru nat hmel zeta i țah chhan kha ka hre duh" a rawn ti nghut, a kut lak thlak ka tum rual chuan lu min thin khum nghut pah in ka kut lehlam chu a rawn hûm bet lehnghal zat.





"Ka zawhna engkim hi chhanna țha tak min pek hma chuan i awmna ațang hian i chesawn hauh lo ang chuan tumah vengthawng lo la ka duh bawk tumah an lo lut hauh lo ang" a rawn ti sup a, rang zet chuan kawngkhar lam ka hawiphei nghala chhunglama a inlock chu ka hmu nghal zat. Amah ka en leh rual chuan a kut pahnihin ka biang chu a rawn tuai nghal zat bawk.





"Mittui hi chhan neilo chuan a luang ngailo, chuan i luan tir chhan ka zawt chea diktaka min chhan hram ka beisei" a rawn ti leh sup bawk a, țawng lo chuan ka chil ka lem ri nghal khawlh. He mihring hi ka tawnna ala reilo mahse nitin min ngaihtuah zia a lan tira a sawi țhin bawk, a chhan ka hre heklo tlanchhiat san ziah tura inti kha ka ni mahse eng emaw vang bawkin ka theilo leh țhin ka chunga hetianga a awm avang mai hian ka chunga thil thleng hi ka hrilhin ka buaina ah ka hnûk lut ve theilo ani.





"I mit bulah khan Damdawi hnawih phawt ang keimah vang ani bawk si" ka ti ta daiha mahse a rûm zui nghut. "Nichinah khan ka hrilh tawh che ka zawhna engkim i chhan hma loh chuan i kal dawn hauh lo tih kei ni lovin nangmah zawk hian i pehhel zawk ani" a rawn ti zui leh nghut bawk.





"Ka pehhel lo i mit bulah khan Damdawi hnawih phawt ang chuan chumi zawh ah chuan ka hrilh ang che ka hmu theilo" ka ti ve nghat a, awih loh hmel zet hian min en ngur ngur a keia pawh chuan ka en let ve ngar ngar bawk. "Enge? I awih lo ami? Ka thutiam ka bawhchhe ve ngailo i mit bula Damdawi kan hnawih zawh ah ka hrilh ang che, mahse i awih leh awih loh chu i thu ania Duty ka neia ka kal dawn" ka ti a, ka kut a man beh avanga ka thawh theih loh ka rin teh lul nen ka ding chhuak nghal hlawl bawk.





"I thutiamah i ding nghet nge ding nghet lo chu fiah ani thuai ang" ka beng bula a rawn tih sup rual chuan rang zeta hawilet in amah chu ka en nghal vat a, a kekawr iptê zen pah hian a ding țha a a nui nghal suk bawk. Kawngkhar lam chu pan in a kalhna chu ka hawng nghal zat a ka chhuahsan nghal nal nal bawk.





Ka bulah a rawn kala ka bula a awm chhung lek khan thil tam tak ka theihnghilh hmana amah ah khan min la lut ka ti mai, ka mittui luang a hruk fai khan ka chhungril lam hi engtin emaw a awma a mitmeng leh a che zia ațang khan min ngaihtuah zia ka hmu thiam vek bawka mahse enge a chhan ni ang? Amah ka hre ngailoa mahse ka chanchin a hre em em thung si, khawi ațangin nge a hriat ka hre hauh lo, ka hmuh tirh ațangin nitin ka la hmu ziaha pehhel ka tum țhin mahse ka tumna chu engmah lo mai ah a chang leha a tham ral leh mai țhin.





Ka hnunglam chu ka hawi a, iptê zen chung hian min lo zui ve reng bawka Nurse leh Doctor kan tawh țhenkhat te chuan zahna an lan tir leh țhin bawk a nimina ka țawngkhum dan kha min hriatchhuah tir tlat bawk. Mahse ka thiam loh pawh ani vak chuang lo tunge anih ka hrelo miau a khatianga thu sawi tur khan dikna ka nei ve tho bawk.





"Hetah hian lo țhu rawh Damdawi leh lapua vel ka va la lawk ang" tiin țhutna tur chu ka kawhhmuh a ka Duty pui Tluangpuii chuan Damdawi ka lak lai chuan min en reng a ka bulah chuan a rawn tawlh hnai nghal sauh sauh bawk "Ngatinge Boss nen hian in inzui renga tunlai hi Group velah khan titi berah an nei cheu asin in inkarah hian engthil chiah nge awm a? Ka hre ve duh" zâwi zet hian a rawn ti sa sa a. Damian-a lam chu ka en nghal zat a mahse kan lam alo hawi lo hlauh.





"Engmah kan inkarah a awm lo ka hrilh tawh che kha.... ngatinge ka sawi hi i awih duh miah lo a?" Ka ti zâwi nghal vak, ka banah chuan a rawn beng nghal pawp "Ka awih lo pawh ka tih loh kha tunlai chu in inzui ve dat dat reng bawk sia mak ka ti mai mai alawm mahse Bialnu a nei bawk sia nidanga pawh lo kal ngai mang hlei lo ngatinge tunlai hi a rawn kal ziah nachhan niang le" min sawichhan hmel zet hian a rawn ti a, min la en țha duhlo ve khanglang lehnghal.





A darah chuan dawm in a hmai bulah chuan ka kûn hniam nghal zat "i ngaihdan i sawichhuah ngam loh kha lo dream chhunzawm zel rawh a chhan chu a taka awm lo ani bawk sia i dream khan a tak alo ni mai dawna a țha mai alawm. Mahse ka thusawi hi nang hi chuan i awih ngei ngei tur ani" zâwi zet hian ka ti nghal hlak a, a hmel awmdan avang mai mai chuan nuih pah hian Damian-a awmna lam chu ka pan nghal zat bawk.





"Lo țhu hnai la helaiah hian a rem zawk a" amah pawh en lem lo chuan ka ti a, ka hnungah chuan tawlh in țhutthlengah chuan ka țhu nghal zat a, engmah sawi buai lem lo chuan amah pawh chu a rawn tawlh phei ve lehnghal zat bawk. A mit bula duk awm chu ka en a, keimah vangin chhan awm lovin hliam a tuar ve ringawta a enkawl hi chu ka tihtur ani mahse thil thleng erawh hrilh ka tum lo pehhel dan ka zawng hram hram mai ang.





"Lo kûn hnai la" lapua a Damdawi tah mawlh mawlh pah chuan ka ti a, ka hawichhuah rual chiaha kan hnar insi lo chiah chiah avang chuan ka phu nghal zawk a, ka chil ka lem ri nghal khalh "i rawn awm hnai lutuk Damdawi ka hnawih theilo" ka ti nghal dâk. Mahse ka thusawi ngaih pawimawh loh hmel zet chuan ka kawngah rawn vuanin a ai hnaia chuan min la pawt nghal zat. Ka mit sir in Tluangpuii ka en a mahse kan lam alo hawilo.





"I thil tih hi i hria em? Damdawiin anih hi hetiang hian awm suh miin min hmu ang bakah hetianga awm tur hi ini lo awmsawn vat rawh" ka ti zâwi nghal țhat, kan in awm hnaih lutuk avang hian duh ang pawn ka țawng hleithei lo "ti khan Damdawi hnawih rawh" a rawn ti ta daih. Awm hran ka tum rual chuan ka sira puanzar chu a pawta chu chuan min hliah nghal zat bawk.





"Enga tinge hetiang hian i awm tlat nachhan? Bakah i rawn awm hnai lutuk ka hnawih theilo ang chuan.... hetiang hi kan awmdan tur ani lo... min hlat ra..." ka sawi zawh hma hma chuan ka chal ah chuan a rawn tauh nghal zat engvanga engmah ti theilo nge ka nih ka khawng tlat in ka hria. "Hnawih rawh ti khan engmahin a dîp lo ang che, hnawih vat i duh ani lawm ni? I hmuh theih loh thu i sawi kha" a rawn ti thâwp sup. Ka thin chu a phu dut dut a ka pangngai lo, ka awmdan hi a dik vak lo ka thlan te chu amah in a rawn bawl chhuak țiam țiam in ka hria.





Ka lapua ken na lam ka kut chu muangchangin ka lek chhuaka a mit bula duk lai ah chuan ka hnawih a a thîp deuh nge nge ni ka kawng chu na zet hian a rawn hmer nghal zat a ka thil hnawih lai chu tawp chawt in ka îp zui nghal châwih bawk. "Ka.. a na ami?" Ka ti deuh nawk a, lu thin nghut pah hian a nui ri suk a kei erawh chu ka ner nghal sâwng bawk.





"Iva han daw heh reuh tak! Ngatinge mipa ho hi nâ in tih reng pawn na ti lo anga lan in tum țalh le hliam emaw thildang in tawrh reng reng in a na tih in lantir khan hmeichhia in ni tihna pawh ni hlei lo a na anih chuan a na ani ve maia in tih pâ tum leh lutuk hlawm mai" ka ti nghal hlak a, ala nui chhuak zui hawk lehnghal. A dik reng ka thusawi kha hliam na tak an tawrh pawn na lo ang in an la sawi hram zel a ana anih chuan a nat zia lan tir ve mai tur ania in tih pa na hun pawh ani lo.





Damdawi ka hnawih lai chuan ka awmdan maksak zet avang chuan a mitah tak ka en leh chat zela mahse min lo en reng zel avang hian rang zetin ka hawisawn lehnghal vat zel bawk a, a nui ri suk zel.





"Ka zo e, awmsawn tawh rawh" tia ka kawng a vawnna a kut dah thlak ka tum rual chuan ka nâk ah chuan a rawn hmer nghal salh a, ka sa huat lai alo ni ve bawk nen ner vak pah chuan ka îp zui nghal châwih a a âwm ah chuan ka nem nghal vak ringawt bawk. "Damdawi i hnawih zawh tawh ang in chhanna ka mamawh" a rawn ti sup, thaw chhuak hak in a kut chu ka pawt ve ngar ngar a mahse a thlah duh lo. Engtin nge ka sawi loh theih ang engmah hriattir ka duh lo.





"Ka sawi dawn reng alawm mahse min thlah phawt rawh hetiang hian awm lo la a chhan chu min awm hnaih lutuka engmah ka sawi hleithei lo ang" ka ti nghal vat a, a kut chu phelh tir turin ka pawt ve ngar ngar bawk. "Chiah maw?" Awih loh hmel zet hian a rawn ti chhuak nghal a ka bu nghal nghat.





"Ka thusawi ah ka ding nghet țhin ka tih tawh mawlh mawlh kha mawle ka sawi dawn reng alawm min thlah vat mai rawh chuan hetiang hian awm tawh suh, kawp lai nei inih kha miin chhe tak tak a min sawi ka duh lo chuan min lo hmu tawh lo bawk la" ka ti nghal vat a, ka sawi zawh rual rual chuan min thlah nghal ta chat a, ka thawl hawk thei mak pawh ka ti hran lo bawk bialnu a nei tih a theihnghilh anga ka sawi khan a hre leh chiah pawh ani mahna.





Amah pawh en lo chuan ka thaw chhuak nghal hak "englo..." ka ti nghal chiaha a phone ah lai nge ka hrelo a rawn ri nghal zat. Ka phone chu sawtah sawn ka dah bawk si a ka lawm lutuk chu ka au chhuak vak țep ani. Amah lah chuan rûm nghut pah hian ala chhuaka thinrim hmel zet hian a chhang nghal zat bawk.





Damdawi vel chu ka khung mawlh mawlh a "ni reilote chhung ka Doctor ini thei ang em?" A rawn ti sup. A ngaihna hrelo zetin amah chu ka en chho nghala a phone ken pah chuan thutak hmel zet hian min lo en ngur ngur bawk "enge i sawi awmzia?" A ngaihna hrelo zet chuan ka ti nghala engemaw a thil sawi awmzia hi le.





"Ka mit bula duk hi a reh vat theih nan enge ka tih țha ber ang" a rawn ti leh.





"Aw... Damdawi i hnawih nguna i enkawl țhat chuan a reh hma ang mahse hun a duh ve maithei Doctor ka ni loa tiang kha chu vawikhat ka enkawl ve tawh a"





"Anih chuan ni reilote chhung chu ka Doctor ni turin ka duh che a dam hma chuan nitin ka rawn pan bawk ang che a țul chang in min rawn pan bawk ang ti chuan kan inrem em?" A rawn ti a, ka meng buai nghal nak mai "enge i sawi awmzia hi nia Doctor i duh te chuan Doctor Marina pawh a awm reng alawm bakah khatiang te chu a dam har vak chuang loa" ka ti nghal vat a, a thusawi awmzia hi pakhat mah ka hre țhak lo.





"Ka sawi ang chuan ka Doctor ni la engkim a pangngai vek ani mai hna pawimawh ka neia ka kal a ngai, ka rawn bia ang che" ti zui nghut in a tho chhuaka a phone rawn ri leh chu chhan pah hian puan chu a pawt kau a a chhuak nghal daih bawk. Tunah khan a mit bul duk avang mai mai khan a Doctor nia Damdawi hnawih sak turin min ti tihna em ni? Avan rapthlak ve... rapthlak lutuk chutiang em em chu ka thei bik hauh lo ang ni lo, ka ti tur ani lo a duh chuan midang enkawl tir ve mai rawh se.





Damdawi chu ka khung mawlh mawlh a, puan zar chu ka keu pheia ka chhuak pheia mahse ka țhutna hmaa mipa lo ding reng avang chuan ka thil ken lai chu chhuatah ka thlauh nghal chawrha Tluangpuii nena an rawn hawi rual chuan ka phone chu a ri nghal zat bawk. "Lora" tih pah hian min rawn pan pheia mahse ka lo tawlhnung nghal dat bawk.





"Min rawn hnaih suh, chuan min rawn hmu tawh lo turin ka hrilh che kha tinge ilo kal leha hmun hla takah chuan awm in khanu nen khan hun nuam tak va hmang ta che u enge hetah hian ila tih cheu a?" Ka ti nghal vat, ka hlauh lutuk avang nge ni ka sawi duh ang pawh ka sawi hleithei lo.





"Jordian ini ang tiraw? Khawngaihin hetah hi chuan buaina siam suh damlo te an awm ve si a iti hlau ang tih a hlauhawm Damdawiin anihna angin zah ve tal rawh" Tluangpuii chuan ka bula rawn din pah hian a rawn ti a, ka hlau tih a hrethiam ani mahna ni e ka hlau alawm chuan ka hmu duhlo bawk ka hua a ka thinlung a ti na hle bawk.





"Lora... i thusawi awmzia kha pakhat mah ka hrelo sawifiah rawh pakhatmah ka hrethiam lo" a rawn ti lehnghal zat. Ka awih lo lutuk chu ka nui chhuak nghal hak "nangmah lo midang an awm em ni ngatinge a awmzia pakhat mah i hriat loh? A lem hle mai vanduai thlak takin sawi leh pawh ka duh tawhlo hriatchhuah nawn leh pawh ka duh heklo nangpawh hian min rawn hmu tawh suh hmuh leh che pawh ka duh tawh lo" ka ti chhuak nghal țhat. Ka thusawi avang chuan thinrim hmel zet hian a thaw chhuak nghal hrâwih a, ka lama a rawn pên hnai leh rual chuan ka lo tawlhhnung lehnghal zat.





"Anih chuan Damdawiin pawn lamah engkim sawifel ang" tia min rawn ban a tum rual chuan Tluangpuii chuan a lo dang nghal zat "Lora hi khawiah mah a kal ka phallo hnathawk lai ani, a duty mek bawk i be duh anih chuan naktuk lamah i be dawn nia tunah chuan buaina siam lo in chhuak rawh Security ka koh hma in" a ti chang rat, thâwk chhuah hrâwih pah hian a sam chu a tuai chho nghal puat.





"Zanah ka rawn bia ang che" ti hrâwk in thinrim zet hian a chhuaka ka thaw chhuak nghal ham ham bawk. "i țha maw? I hlauh hmel lutuka khatiang khan ka rawn ti tawp anih kha a pawi lo ang chu tiraw?" ka ban bula rawn khawih pah chuan a rawn ti nghal zat, ka lu ka thing nghal nar nar a ka thinphu ran dan chu ka awm a ti nuamlo tham tak tak ani.





"A pawilo khatia i ti kha ka lawm zawk lutuk, awm lo lang chuan ka dinhmun tur pawh ka hrelo a lak ațang khan min chhanhima ka lawm lutuk" ka ti chhuak nghal hap a, ka țhutna lam chu ka pan nghal zat bawk.





"Enteh.... in pahnih chanchin chu ka hrelo mahse Jordian kha i sawi ațangin ka lo hre ve fo tawha i tan a țhalo ani a hlauhawm hmel si tuna a awmdan te kha kut thawh mai pawh a pawisa lo hmel anih kha" ka bula rawn țhut thlak ve pah chuan Tluangpuii chuan a rawn ti a, kei erawh dawhkanah chuan ka kut ka nghata ka biang chu dawm in ka thaw chhuak nghal vak bawk.





"Ka tana mi țha anih loh zia chu ka fiah tawh alawm mahse amah kha hmuh ka duh tawh bawk si lo mahse a rawn kal leh dawn bawk si tihdan engmah pawh ka hre tawh lo thil engkim chiang taka a tih lan hnuah pawh ka lakah ala pha tho a sawifiah turin min la ti zui bawk a ka hah ani ka hah takzet" ka ti chhuak hap a, ka hmai chu hup in ka thaw chhuak nghal vak bawk.





Ka pa in haw hma tur a tih avangin ka Duty zawh veleh ah ka haw nghala thlanmualah te kal in ka u thlan kan tifaia ka pa chuan a chanchin te leh thil hrang hrang a tih tawh chen in a vawikhat nan min hrilh vek bawk a vengchhungin a chanchin an sawi chu a dik zia ka hrefiah nghal uar uar bawk.





Zanah chuan chaw ei khamah khumah ka mu phei nghala naktuk nileng leh zan ka Duty dawn avangin zan mut ka âm deuh a ngaia mahse ka mu leh thei ang e maw. Ka mut hma in ka nu te bulah Jordian alo kal chuan ka mutthilh tawh thu hrilha haw lehnghal mai tura hrilh turin ka ti a, zanah ka lo kal ang a tih avang kha ani a ka hmuh duh loh vang ani.





Maria-i nen vawiina thil thleng vel kan sawiduna min rawn thinrim pui em em mai bawk a kan inbiak chhung zawng in a thinrim thu a sawi char char a a chang leh a âng zui leh vak zel bawk. Kan hnathawhna hmun a inan loh avangin chawlhni tih lo ah chuan kan inhmu khat em em a a biak pawh kan inbe khat bawk. Hunâwl kan neih veleh kan awmdun chawt a an inah emaw kan inah kan riak dun nghal zat zel bawk. Ka țhian neih chhun ka tana awm reng ani a ka tan chuan ka unaunu ang mai ani a, a hlu tak zet zet bawk.





Kuhva kheh tur a neih avangin min rawn biak leh tur thu a sawia nghah chhungin Whatsapp vel ka lo enkual vel mai mai mai a ka thawhna Damdawiin Group-ah chuan Tluangpuii sawi ang khan min sawizui em tih chu ka en a a sawi ang tak tak kha ani thlalak nen thlap mawle. A țhen chuan inngaizawng ang ten min chhuaha message țhenkhat avang chuan ka nui a a țhen te erawh chu an țawng na em em bawk. Kan inkarah enge maw an hre ve hauh si lo.





Mizo hi chuan țullo pui pui a mi rel hi kan hrat em em a thudik hre mang hlei lo hian kan tawng pawng țawng nat a thudik a rawn chhuah leh rual in a sawi hmatawngah an țang leh țhin bawk. Mi nun kan sawisel peih a mahse mahni nun in en let nan hun kan nei si lo, mi nun kan sawichhiat hma in enge kan nih bik tih hi in ennawn fo a țha. Mi țha famkim kan awm lo țhatna lai leh țhat lohna lai kan nek vek mi nun a chhe zawnga kan sawi hma in mahni enge kan nih tih inlet hmasam fo a țha ngai.





Dar 8 velah ka nau ka room-ah a rawn lut a Jordian a haw thu a rawn sawi nghal zat a țullo zet in ka hlauthawnga ka thin a phu nasa nghal ringawt bawk "sawi rawh u ka tih ang chiah chiah khan in sawi em?" ka ti nghal vat a, ka hmu duh lo leh ka hlau lutuk hi sawi ngaihna pawh ka hre zo zai tawh lo.





"Sawi e, ka pa in alo chhang a chuan a awih aniang a chhuak ve leh mai a enge in inkarah hian thleng reng reng a?" a rawn ti lehnghal zat, thaw chhuak hawk in ka phone chu dawhkan tê ah chuan ka dah a rizai chu ka siam țha nghal zat "Mate, a sawi pawh ka peih lo ka mu dawn min chhuahsan rih rawh ka chau lutuk" ka ti a, mu thla nghal dawt in rizai chuan ka inkhuha ka inzial zui nghal vak bawk.





Enge engmah ka hrethiamlo a tihchhan kha niang le, kha thil khan min mawlh ve reuh tlat ani.







Zingah chuan chhuah hma leh tho ka ngaih avangin thawh veleh ah ka insiam nghal sawk sawk a Damdawiin pawh ka thleng hma reng bawk. Coffee lam turin Canteen-ah ka chhuk hmasa leh te te a ka let leh tur ka hminga min au ri ka hriat tlat avang chuan hnunglam ka hawi nghal zata Damian-a bialnu Remzuali chu ka hmua ka lam a rawn pan nghal zat bawk.





"Nangmah em ni min au tu?" ka bul a rawn thlen rual chuan ka ti nghal vat a, engemaw tun angah te a rawn tih dawn le.





"Inbia ang eng emaw sawifel tur kan nei, nang hi zilh deuh hlek i ngai ani" lungawi loh hmel zet hian a rawn ti a, rum zet hian min melh zui nghal zat bawk.





★ Naktuk chhunah Chapter ngai ah hian ka zawm leh ang... ka mit ana tawh lutuka ★





‍‍‍‍‍‍Chhunzawmna 👇





Canteen-ah chuan a lut a bangbo ru zet chung chuan ka zui lut ve nghal bawk.





"Ka hmaah khan țhu rawh" deuh hmak hmak chuan engemaw a hriat reuh le.
Țhutthleng chu pawt tawlh in chimawm ka chhuah ve ngat, a hmaah pawh țhu duh lo chuan a sir deuh hlekah chuan ka țhu ve hmaka duh duh a an tih kual theih tur hi ka ni bik reng reng lo.





"I sawi duh chu sawi vat rawh duty ka ngai ania" coffee lem zeuh pah chuan ka ti a, a kut a kuangkuaha min en ang rên râwn bawka min ngei hmel em em mai lehnghal. Henu min huat theih nan hian ka hriat loh in enge maw ka lo tih leh tak le.





"Damian hi lo hmu tawh suh" no lo zeta min melh pah chuan a rawn ti fak! A teh thlâwt chuan. "A ve ngawt a che, keiman ka hmu ngai reng reng lo amah a rawn kal a tum loh deuh bak in kan inhmu ngai reng reng lo" ka ti ve nghal nghat a hetiang zawnga in tih hi ka duh bik reng reng lo mi inkar tihchhiat ka hlauh țhin mah nâk alaiin.





"I koh țhin vangin alawm alo kal ni" a rawn tih leh lek phei chuan a âwm ang lo lutuk chu ka lo nui chhuak nghal hak. "Iva han daw heh reuh mai mai tak chutiang em em a mipa mamawh țhinah chuan min dah em ni a? Rapthlak hian, sawi ngaihna pawh ka hrelo" ka ti chhuak nghal hawk! Nuih luih pawh a harsa alawm le.





"Office ilo kal ni ațang khan ka ringhlel daih tawh che ka chhui zui tir reng bawk che a chutiang em em a mawl ah chuan min ngai bik lo la heng hian a ti chiang viau in ka hria" tih pah chuan a bag chu a zen a thlalak tam ve zet mai hi dawhkanah chuan a rawn theh thlaa Damian-a min kuah lai te chuan nimina țap chunga min kuah lai te thlengin alo awm bawk.





"Min zui ruk tira chuan heng hi ilo la a, anih chuan tu in nge ko zawk chu i hre mai lo ami? I hrelo ang, a chhan chu ka ko lo miau a tiraw? Chuan amah zawk alo lang hmasa ziah tih i hre bawk anga ngatinge amah zawk chu i zawh fiah mai loh" thlalak a lama nawr phei chuan ka ti ve nghal zat. Min zui ruk tira chuan ka koh vanga lo kal ang in a sawi bawka ka nuih hi a za zawk e a. Mahse ka nui theilo.





"Enteh Lora... ani hian a duh tak tak lo che keimah min Hmangaiha chuan kan innei vat dawn bawk chuvang chuan lo hnaih tawh suh nangmah avangin ka bulah hun tam a hmang tawh ngailo" amah nena inhmeh lo lutuk mai chuan a rawn ti dam dap. Ngatinge heng ho hian an duh duh hunah an mizia an thlak hlawm mai le eng dan nge ni ngai.





"Enge chungte chu ka bulah i sawi ani bulah khan sawi zawk ta che amah zawk kha alawm rawn kal ziah engah mah inrawlh ka duh ve lo a bik takin mi inkarah ngat phei chuan amah kha chiang deuhin va hrilh zawk rawh" ka ti ve leh hmak a, tunlaia ka chunga thil maksak pui pui thleng hi a ngaihna ka va han hrelo tak mi hrang hrang ka hmu a duh duh hunah min vîn a min be țha leh a, ka hriat ngai loh in ka chanchin leh ka hming an hriaa min zui ru tu an lo awm lehzel bawk a, ka hah zo vek tawhin ka hria.





"A lo kal leh chuan amah kha min lo hrilh sak rawh nang te chu anu leh apa ten a nupui ni turin an duh chea a belchiang ringawt chea a bak engmah a awm lo nangmah zawk i inthiar fihlim chuan kan innei vat thei ang" a rawn ti a, a thusawi avang chuan phâwk zet hian amah chu ka en nghala "nupui tur a?!" Ka ti chhuak nghal hap bawk.





"Aw ni e, i hmuh leh hunah amah zawk i zawtfiah dawn nia engkim a hrilhfiah mai ang che anu leh a pa te thu a awih țhin avang chauha rawn ti ania feelings ilo neih hman loh hram ka beisei" tiin a țhutna ațang chuan a ding chhuak nghala a kal tur chu a banah chuan vuanin ka pawt ding leh nghal chat.





"Khawngaihin he thlalak hi la let leh vek rawh chuan tumah min zui ruk tir tawh suh hetiang thila inrawlh ve pawh hi ka duh bawk hek lo. Engpawh chu nise feelings ka neilo ka nei ngai bawk hek lo. In inkarah tum lo deuh tak in ka rawn tla zep anih hmel a mahse thil a pawi thui hma in engkim ka lo siam țha vek dawn nia mahse thlalak hi la la tumah min zui ruk tir tawh suh" ka ti chhuak nghal sap.





"I mawl lo e, ka rin ai i fing daih mai țhian kan nih thei ang chu maw..." tiin ka hmaah chuan rawn ding in a kut chu a rawn phar chhuaka mahse chibai lovin ka tho coffee chu la in ka tho chhuaka Damdawiin lam chu ka pan zui nghal daih bawk. Nupui tur tih a sawi khan min luh chilh nghal tup tup ni berin ka hria kei hi ka hriat miah loh in mo turin min lo hual lawka chuan tunah belhchian ka ni mek a tum loh takin mi inkarah ka lo tla zep bawk a. Heng thil zawng zawng hi a hrilhfiahna ka duh.





Duty-na hmun ka thlen rual chuan ka phone chu la in ka pa chu ka call nghal zat a anni pawh hian eng emaw tal chu hriat an nei ngei ngei tur ani. A in ring tawp țep tih ah chuan a la ve ta hram a roll call a zawh chiah thu a rawn sawi bawk.





"Pa, he thu hi i hre ve em? Miin a ruk in an mo turin min lo hual lawk reng tawh tih chuan belhchian ka ni mek tih pawh hi i hre ve em? Ka nu nen khan in hrelo ani ti rawh u" ka ti nghal zat.





"Hre nang chutiang engmah kan van hrelo ve khawi ațangin nge i hriat a ava mak tut tut ve" a rawn ti a, ani pawh a țawng dan ațang chuan a hriat loh hmel em em bawk "nichinah khan hmeichhe pakhat in min hrilha chuan tunah hian belhchian ka nih mek thu a sawi tel bawk a" ka ti lehngha sap. Ka thinrim leh hlauthawng bawk si chu ka kal kual ka kal kuala ka thaw chhuak leh hawk zel bawk. Damlo te ka ti phâwk lêk ang tih ka hlau takzet ani.





"Chutiang ani lo ang Bawihi, chutiangin tuman mo atan an hual lo ang che an hual che anih chuan keini pawh min hriattir tur ani chu bakah chutiang thil a awm ngailo hrim hrim, a rawn hrilh tu che chu i hmelhriat țha em ni?" A rawn ti leh.





"Hmelhriat țha ani teuh lo mai Sheryl dam loh nia a hnathawh tur ka va thawhsak ni khan kan inhmua chu zawng chu ani mai an mo ni tura min duh tute fapa bialnu chu ania"





"E... i hmelhriat țha anih loh chuan a thusawi chu ring in awih ringawt suh, tunlaiah chuan dawta in bumna te a tam ang reng bawk si a keiman ka lo enchiang dawn nia lo hlau lo la harsatna i neih chuan i rawn sawi nghal vat dawn nia tumah kha ring suh ang che. A thusawi chu thudik ani nge ni lo chhui chian ka lo tum dawn nia, hna ka ngah a ka dah phawt ang aw Bawihi" a rawn ti a, ti vat vat tura hrilhin phone chu ka dah a thaw chhuak hak in ka țhut naah chuan ka țhu lehnghala engpawh nise kha mihring kha ka hnaih tawh loh a țha ber ang.





"Iva in ngaihtuah mûk hmel ve i kûn nasa ropui si" tia ka dara vuana min pawt tho chu zawi zet hian ka en chho a Dr. Marina alo ni reng bawk "inngaihtuah mûk ve nasa e a ril ber lai ka thleng hial alawm" ka ti a, a rawn nui chhuak nghal hawk a ka bula țhutthleng chu a lamah pawt pheiin a rawn țhu ve nghal zat bawk.





"A ril ber lai ah chuan ka tel ve êm ang chu maw" a rawn tih chuan ka nui chhuak nghal hak "chutiang lam pawh ka lo ngaihtuah lo thildang daih ka lo ngaihtuaha" ka ti nghal sep bawk.





"Lora, i laka ka feelings te..." a sawi zawh hma hma chuan ka phone a rawn ri a avan hun chiah chiah thei tak em! "Dr. Marin khatiang thu kha sawi tawh suh" tiin ka phone chu ka ban a ka tho chhuaka tukverh lam chu ka pan nghal zat bawk.





"Aw Maria, tinge i buai lo ami?" Phone ka benga nghah pah chuan ka ti nghal zat.





"Buai vak lo, Lora... tunah khan i duty mek tiraw mahse hla thei ang berah awm tum rawh Jordian alo kal mek ania" mangang zeta a rawn tih rual chuan rang zetin hnunglam chu ka hawi nghala Dr. Marina chuan min lo en kur a ka hawi let leh rang ngei mai "mah.. mahse, ka hmu duh hleinem, ka duty mek bawk sia khawiah mah ka kalsawn thei bawk si lo Maria engtin nge ka tih ang ka hmu duh lo" ka hlauthawng lutuk chuan ka ti nghal vak a, țullo zet in tukverh te chu ka thlêk leh thûl bawk.





"Tihdan zawng mai rawh nichinah thinrim deuhin a rawn kal a ka bulah a rawn zawng chea ka hlauh hman zia chu tunah chuan a rawn thleng țep tawh ang khawiah emaw kal vat tum rawh" a rawn ti a, min hlauhthawn pui tih ka hria mahse kei hi ka duty lai ani a khawiah mah ka kal thei si lo engtin nge ka tih ang. Ka rilru a buai nghal nuaih mai.





"Maria.... tihdan tur pawh ka hrelo khawiah mah ka kal thei bawk si lo a thinrim hmel bawk si" ka mangang lutuk chuan ka ti lehnghala. Huaisen taka hmachhawn tur ka nih laiin ka thei si lo a chhan pawh a thinrim lai chuan a rapthlak țhin zia ka hriat tawh vang ani. Kan inngaihzawn hma khan mipa dang ka biak chuan a thinrim lutuk țhin khan insual pui ah a cho tawp zela keimah thlengin ka chungah a thinrima tunah pawh hian ka chungah a thinrim tih ka hria a chhan chu ka hmuh duh loh vang kha ani.





"I țha maw Lora?" tia Dr. Marina aw ri ka bula ka hriat rual chuan ka phu nasa lutuk chu bang ka ngheng nghal rawk rawk a a ngaihna hriat loh hmel zet hian min en ngur ngur bawk. "Ivan hlauhthawn hmel ve" tia min rawn ban a tum rual chuan tawlh sawnin a sirah chuan ka ding a pangngai thei ang bera lan chu ka tum hram hram bawk.





"Ka țha alawm an thu min hrilh hian min țhawng lutuka chuvang chu alawm ka țha vek e washroom-ah ka va kal lawk ang aw" nuih luih pah chuan ka ti a, mahse a van har tak em!





"Va kal rawh, mahse i țha vak lo ka lo kalpui dawn che mi niang" a rawn ti a rang zetin ka lu chu ka thing nghal vat a, ka phone chu nghet zeta hûm in ka thaw chhuak nghal hak. "A ngai hleinem hna i ngah awm si ka tibuai mai mai ang chd hmanhmawh deuhin ka va kal zawk ang duty lai ka ni bawk sia" ka ti a, min chhanna pawh nghak tawh lemlo chuan ka chhuak pheia inhnuai lam chu ka pan thla nghal zat bawk.





Hetia ka awm hi ka duhlo takzet ani amah kha hlau tur ka ni lo huaisen taka hmachhawn tur zawk ka ni mahse ka hlau tlat si thil țhalo pui pui ka ngaihtuaha chungte chu ka duh lo takzet ani.





Inhnuai ka thlen thlak rual chuan Washroom lam ka pan a mahse ka thlen dawn țep tih ah chuan tu emaw hian ka banah rawn vuan in room pakhatah chuan min pawt lut a, au chhuah ka tum rual chiah chuan ka hmuiah rawn hup in kawngkharah chuan min nawr bet nghala tunge tih ma hmuh rual chuan ka meng zui nghal kâwk bawk.





"Min pehhel tawh suh Lora engkim sawidun ang a țha em?" a rawn ti nghal sup, rang zet in ka lu chu ka thing a a âwm a nem vak ka tum rual chuan ka kut chu rawn vuan bet in a hnunglamah chuan min dahsak nghal zat a ka tal zui nghal nghek bawk.





"Thil engkim pangngai takin sawi dun ang aw... a țha em? Engkim sawidun ang min pehhel tawh suh i chungah engmah ka ti lo ang ka tiam a che" a rawn ti lehnghal sup, lu thing nghutin ka tal nghek nghek a mahse awmzia a awm lo chiang hle "ka tihpalh, ka tihpalh takzet engkim sawidun ang aw" tiin ka kut a vawnna chu a thlah a, ka hmui a hupna chu thlah leh in a tawlh hnunga khumah chuan a țhu nghal zat bawk.





"Ka hmu duh tawh lo che ka tih kha ngatinge ilo la kal hram a ka chhuak dawn" tia chhuah ka tum rual chuan "Lora" a rawn ti thûm sup. A lock-na chu ka vuana ka ding ngawi reng bawk. "Kal suh, engkim sawifel ang" a rawn ti lehnghal sup bawk a ka thaw chhuak nghal ham ham bawk.





"Hetiang hi ka duhdan pawh ani lo mahse alo thleng ve tawp si ani. A thi tur hmel kha ka hmu thei loa mittui nen kalsan lo turin min ngen asin kha thu a sawi lai khan mak tak maiin ka awmdan a danglam a amah chân hlauhna khan ka khat a keipawn ka awmdan kha ka hrethiam bik lo chuan khatiang khan ka ti a ka duh niin ka hria ani chuan ka Hmangaih bawk" a rawn ti leh sup a, kawngkhar lock-na chu nghet zetin ka vuan ngar ngar bawk.





"Anih chuan ngatinge engmah min hriattir loh? Engvangin nge khatiang khan i tih kher chuan a fiahna chiang taka a awm hnuah pawh ka thusawi awmzia i hriat loh thu leh engkim i hriatthiam loh thu min sawi khum leh a min Hmangaih thu min hrilh zo chiah a ngatingd ka chungah hetiang thil hi itih nachhan?" ka ti chhuak nghal sap.





"Ka Hmangaih che alawm i duhawma i hmelțha bawk kalsan che kha ka duh ngailo khatiang thil ka tih hnu pawh khan min la ngaihdam theih ka rin vang ania khatianga ka tih nachhan mahse i awmdan ațang khan min haw hle tih ka hriaa keipawh khan ka awmdan kha ka hrethiam lo ani kum khat teh meuh min tirh luihna avangin kan inzuia khatia a thi mai tur hmel ka hmuh khan ka danglam ani" a rawn ti chhuak hawk.





"Chu pawh nise engkim min hrilh la ka message te seen in thudik min hrilh ni lang chuan tihdan te a awm anga kei pawn ka tuar thiam ngei bawk ang mahse engmah min hrilh lo min ti mangang em em a ka thiltih avang te khan ka inchhir hial asin ka mipa duh em em chu midang țhatna turin ka kaltira engtikah emaw alo let leh bawk anga ka kianga awm ve tawh turin dawhthei takin ka nghak hram hram che a ka duh em em ka neih theih loh chuan midang min Hmangaih san a chupawh keimah thiltih avangin mahse ka thiltih avangin nun pakhat chu a hlim phah si nangmah nen lawm tur ka nih laiin ka thei tlat lo, ka inchhir ngawih ngawih asin" ka ti nghal hap a, ka mittui a tling ruih a ka țah mai ka hlau takzet ani.





"Ka tihpalh ani Lora keimah vang vek ani mahse Ka Hmangaih dawn tih ka hre lawk bik lo asin sawifiah ngaihna pawh ka hrelo i lakah hian ka inthiam thei tawh ngailo ang ka Hmangaih tih pawh ring chhin duh lo in nangma lamah ka la insawrbing hram hram a mahse awmzia a awmlo takzet ani" rilru nat hmel zet chuan a rawn ti chhuak ve lehnghal hawk bawk.





"Mahse Lora, ka duh che... ka la duh reng che" a rawn ti leh a ka lu chu ka thing zui nghat nghat bawk.




"Aih, a tawk Jordian engmah sawi tawh suh ka hrethiam vek kan tawp a ngai tawh Gloria thih leh dam chu kan kutah hian a innghat tawh asin induh mah ila kan inkawp theilo a rilru nat avangin a taksa a chau leh mai ang ka thiltih avangin hetiang chen ala dam theia ka lawmpui takzet ani chuan a Hmangaih ber a nei thei bika ani chuan a Hmangaih let ve bawk a hlim taka in awmdun theih hram ka beisei engmah ka hre duh tawh lo a tawp vek tawh" tiin a lock-na chu ka hawnga room ațang chuan ka chhuaka washroom lam chu ka pan nghal zat bawk.





Ka mipa duh ve em em hun rei tak chhung ka nghah tawh chu ka ta ani dawn ta emaw ka tih laiin Hmangaih dang neiin ka hlat zawngin a awm leh ta si. Zawh duh tam tak ka nei hriatthiam lo tam tak nen mahse eng ber ațangin nge ka țan ang ka hrethiam lo ani a hmel ka hmuh chuan let leh mai ka duh ka hlau takzeta mahse midang nun ka tichhe dawn si.





Tunah chuan in Hmangaih takin an awmdun tawh ngei bawk ang, min Hmangaih thu min hrilh lai te leh engkim a pangngai leh vek tur thu min hrilh lai te kha ka ngaihtuah chhuaka mahse khatah te khan alo Hmangaih daih tawh si, hun rei tak ka nghak ve tawha a thusawi te kha ka ring em em a mahse dawt lek lo ani si. Gloria-i bula ka lo kal tir kha a vawikhatna atan ka inchhir mek ani ka inchhir takzet. Lo kal tir lo ilang chuan ka kiangah a awm anga khatiang thil kha a thleng lo mai tur.





Wash Basin-ah chuan ka kut nghatin darthlalang ah chuan ka in en vang vang a kei hi ka va han vanduai tak em! Mi dang tana țhatna tur ka tih laiin ka tan chuan natna mai a rawn ni ta si tunah hian ât vek ka duh ka â vek chak takzet ani.





"Lora.... nichin lawk khan phai lamah an chhuk a Doctor țha ber ber an enkawl tir a dawn a Jordian khan min rawn hrilha hrilh loh che ka tum viau nâng in i hriat duh takin ka tia ka hrilh che" Maria-i chuan ka bula rawn țhut thlak pah hian a rawn ti a, kei erawh ka lo thaw chhuak nghal ham ham thung. Nichinah pawh a call ka dawnga Gloria-i hnen ațang pawhin text ka dawnga mahse pakhat mah ka chhang lo ve ve.





"Maria, ka thil tih hi a țha nge țhalo kei chu tunah hian ka inchhir takzet asin ka mipa duh ve em em chu laksak ka ni a engtikah mah ka ta ani thei tawh dawn si lo ka thiltih avangin ka inchhir mek a tunah hian engkim huamin amah kha kalsan in ka kiangah rawn let leh dawn ta se ka lo pawm ngei ang mahse chutiang chu a thleng tawh dawn si lo a Hmangaih ve tawh tlat si ani" ka ti chhuak nghal țiau, ka mittui rawn tla tur chu duh lo in van lam ka en chho a mahse ka bek ah chuan alo luang leh hram tho bawk.





"Midang nun theih nan i țanpuia tunah chuan a dam leh thei maitheia mahse Pathian thu thu ani. Jordian chuan a Hmangaih tak a tawnga an in Hmangaih ve ve bawk a lawmpui zawk tur kan ni asin i thiltih kha inchhir suh, i ti țha lutuk" ka kut rawn vawn pah chuan a rawn ti a, ka maimichhing nghal vang vang bawk.





"Inchhir loh ka duh alawm mahse ka inchhir takzet asin min Hmangaih ve a min Hmangaih thu min hrilh a mahse a lem mai ani bawk si hmeichhe thinlung ti na tur hian țawngkam hnih khat lek hi a tawk takzet ani tiraw 'ka tihpalh' tih ringawt pawh khan min vaw na em em a hrilhfiah leh chuan ngai lo in thil awmzia engkim ka man thiam nghal vek si kha țawngkham hnih khat lek kha ka hua ani ka haw takzet" ka ti nghal țiau a, ka mittui chu ka bek ah a luang nghal nguai nguai bawk a Maria-i chuan min rawn kuah nghal vat bawk.





"Ana ngawt ang tih ka hrethiam alawm i awmdan tur ka hriatthiam pui che mahse an dinhmunah chuan kan lawmpui zawk tur ani Pathian Remruat pawh ani zawk maithei asin engtikah emaw nangmah Hmangaih tu tak tak ila tawng dawn alawm ani chu i mipa duh satliah ve mai ani Hmangaih nen a inang lo hlim tum rawh, hlim tum hram rawh" a rawn ti a, ka thaw chhuak nghal ham ham bawk.





Hlim ka duh, lawmpui pawh ka duh mahse a harsa ka bula a awm ve theih hun ka lo suangtuah ve ngar ngar a mahse min hlat tial tial dawn ta si a. Khang kum khat chhunga dawhtheihna nena ka lo nghah ve țang țang na kha engmah lo mai ah a thamral dawn taa kumkhuaa theihnghilh turin min duh bawk a ka ta ani thei tawh dawn loa ka kaltir a ngai a mahse kei hi ka țha ang em? Ka țha hauh lo ang ka țha lo ang .





Jordian'n message tam tak min rawn thawn a ka seen ringawta mahse pakhat mah ka chhang lo a pawi a tih thu te pawh a rawn sawia chutiang chiahin Gloria-i pawn mahse ka chhang lo ve ve , an pahnih dp chu ka en tawn chhen a thlawhna chhunga an lak ani a an hlim dun hmel em em bawk. A țha e, duh viau che mah ila ka kaltir a ngai tlat che ani.





Phone-a kan pahniha kan thlalak chu ka en a, phone hmai chu ka chûl bawk "i thinlung takin i hlim ang tiraw? Kei chu min rawn be tawh lo la min ngaihsak tawh suh ka rilru na i ti thar leh mai mai ang chuvang chuan amah nen khan hlim takin awm ula in hlimna ka țawmpui ve theih nan cheu theihtawp ka lo chhuah reng ang mahse ka duhna che hi a reh ngai lo ang engtikah mah a reh ngai lo ang" tiin ka phun chhuak nghal sep bawk.





"Lora" tia Muani'n min rawn nghawk vak rual chuan amah chu ka en nghal vata a mitmeng hmang chuan hmalam en turin min ti nghal zat. "Enge awma?" Tia ka hmalam ka en rual chuan Damian hian dawhkan chunga kut nghah pah hian min lo en reng a "Ka doctor hmu turin ka lo kal. Ka lo kak chhan min zawh hma in" nuih pah hian a rawn ti nghal sup.





Zingkara Remzuali thusawi kha ka hrechhuaka amah hi hlat ka ngai tih ka hre thar leh bawk. Mahse eng emaw zawhfiah ka ngai ani a thusawi kha a dik tak tak em tih ka hriatchhuah a ngai. Alo dik tak tak anih chuan he mihring hlat thei ang berah hian ka awm tawh tur ani.





"Saw laiah sawn lo va țhu rawh" ka ti nghal sep a, Damdawi vel chu ka la khawm nghal sawk sawk bawk.





A țhutna lam chu ka pan phei a, a hmaah chuan ka țhu a amah pawh en lo chuan lapua ah chuan Damdawi chu ka hnawih zui nghal a ka mit sir in amah chu ka melh leh țhina ani erawh chuan min en ngar ngar tih ka hmu thei bawk.





"Lo awm hnai rawh ti kha chuan ka hnawih theilo" dah chhuah pah chuan ka ti nghal zat a, engmah sawi buai lo chuan a rawn awm hnai ve lehnghal mai bawk. "Ka zawhna che hi dik takin min chhang rawh aw" ka ti nghal sap.





"Sawi la" a rawn ti sup a, ka insehru nghal nghek bawk.





"Kei hi inu leh ipa ten i nupui ni turin min duh a chuan nang hian an thu awih in tunah hian ka nundan te i belchiang mek a ka mizia nen lam ani em? Ka sawi chu a dik tiraw?" A mita en reng chung chuan ka ti chhuak nghal sap.



★ Zanah ka dah leh ang a thui ... tuna mi hi a thui ti'ru😂😂😂😆

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:52 pm

ADDICTED_TO_YOU 💙 #EP-5

By : Msi Miluhlulnui 👩



★ BIBLE chang chhiar tur :-
(★ MATTHAIA 20 :13-14 ★)






"Eng chungchang nge i sawi hi?" A rawn ti chhuak sup, ka kut chu la thla in ka rûm nghal nghat.





"I mak emai aw... enge i hriat loh der tlata? Tukin zingah kha i bialnu Remzuali khan min hrilh vek tawh tunah kei hi min belchiang meka chu pawh inu leh i pa te thu angin hah! Mai mai chuan, chutianga duh duh a tih theih tura piang chhuak ka ni hleinem" ka ti nghal țhat a, ka thusawi chhung zawng chuan min en ngar ngar a kei erawh chuan rum mang kheng hian ka melh thung.





"Chutiang thu chu a hrilh che amaw?" A rawn ti chhuak nghal hawk a, ka lo bu nghal nghat nghat bawk. Tuna a awmdan ațang hi chuan a thusawi kha a dik ka ring nghet hmiah engvanga chutianga an mo nu ni tura min lo hual lawk ve ngawt, a rapthlak lutuk emai.





"Hrep chuan, hrilh lo tur che khan ka hrilh chiang viau si a" a rawn ti chhuak hrâwih mai a, anih chuan a thusawi kha alo dik tak tak anih dawn hi a awmdan vel ațang kha chuan dawt a sawi kha a rinawm deuha mahse tunah chuan alo sawi lo chiang takzet anih hi.





"Anih chuan chu thu chu a dik anih chuan keiman ka hre tawh bawk a min rawn hmuh tum buai duh tawh suh, hetiang thila in hnamhnawih ve pawh hi ka duhlo leh mi inkar tichhe zawnga awm te. Remzuali khan min hrilh a a bula hun i hman ngai vak loh zia te chuvang chuan min rawn hmu tawh suh i mit bul pawh kha Damdawi hi ka pe che anga lo kal a ngai tawh lo ang" ka ti a.





Damdawi chu la in a lamah ka lek phei a a lak duh mai loh avang chuan a malchungah chuan dah in kal ka tum a, mahse ka banah vuanin min pawt ding nghal chat "kal suh... kha thil avang ringawta hnaih che kha ka ni lo thildang vang zawk ani" a rawn ti thâwp sup.





Muangchangin amah chu ka en leha muang ruih hian min rawn en chho ve bawk, min vawnna a kut chu ka en thlaa chumi rual chiah chuan nghet zetin a hûm zui nghal bawk. "Min hnaih chhan ka hrelo mahse ka sawi tawh kha ka hnaih ah awm tawh suh ka duh lo mi inkara tlak zeh hrim hrim emaw pawh ka duh lo keimah ai chuan i tana pawimawh zawk Remzuali kha va awmpui rawh ka bula a rawn zualko leh hma in" ka ti sep a, a kut dah thla in ka țhutna lam ka pan nghal chat bawk.





"Muani, lo va chhuak lawk ta che Lora hi kan be lawk ang" ka țhutfel rual chiah chuan ka hnung lamah chuan aw ri ka hre leh a, Muani chu ka en nghal vat a kan pahniha min en tawn zak zak pah chuan 'aw le sir' tiin a tho chhuaka inhnuai lamah a tlan thla daih anih chu!





"Engemaw nang hian i hriat le? Nichinah pawh vawihnih lai ka sawi tawh kha ka hnaih a awm tawh lo tur che in" ti țhat in ka tho chhuaka a lam chu ka hawi nghal zat bawk "i thawm dîm rawh damlo te i hlat tak avang mai khan ring tak tak a țawng tur tihna ani hauh lo" kan thusawi nena inrem lo lutuk chuan a rawn ti sup a, ka melh nghal sâwng bawk.





"Chu pawh nise enga tinge buaina min siamsak ila tum țalh a? Ka hnaih ah awm lo la buaina ka neilo ani mai mi ina ka chumi khami min laksak, ka chumi khami min chhuhsak tih ang vela an ânkhum nih ve ka duh lo ka hmu in ka hre zing tawk tawh.. bakah in innei..." ka sawi zawh hma hma chuan ka banah chuan rawn vuan lawk in a lamah chuan min pawt phei a, ka kawngah dawm in a kutțang chu ka hmui ah a nghat nghal zat.





"I mak emai... ti hian awm suh min thlah rawh" chiang mang hleilo chuan ka riat chhuak nawk nawk a , a kawrah chuan ka pawt nghal vak vak bawk. "Mahni chauha thil sawia mahni ngaihdan ringawt sawi chhuah hi chu thil țha ani vak ngailo ania. A dik alawm, ka belchiang chho mek zel che tun thleng pawn ka rin phak bak in belhchian i dawl bawk ka ngaih ang hmeichhia ini lo tih ka fiah tawh bawka" ka mita min en ngur ngur pah chuan a rawn ti thûm sup a, ka la țang ve ngar ngar.





"Nang a belhchian pawh ka ngai loa nanga fiah pawh ka ngai bawk hek lo min rawn hmu tawh lo la chu chu ka duhdan chiah ani tumah buaina thlen ka duh loa chutiang chiah chuan ka buaina tur pawh in thlen ka duh bawk hek lo" ti chhuak țhat in ka kawng a vawnna a kut chu ka pawt thla pawp! "min kalsan rang rawh" ti nghat in ka țhutna lamah ka let lehnghala, ka beng chu hup im dawhkan chu ka bawh nghal zat bawk.





"Enge in sawia? Sawlai ațang sawn ka lo en reng cheu a nangmah lah kha i thinrim hmel bawk sia" Muani chuan min rawn țhuthnaih pah hian a rawn ti a, thaw chhuak hak in ka țhu âwn nghal duai bawk. "Kan sawi țeuh mai sawi nawn leh pawh ka duh tawh lo thingpui kha an rawn pe che tiraw? Chhang ka neia ka ril a țam ei ang nichinah khan chaw ka ei tlem lutuka" ka ti ta daih a, ka bag chu zen rawk rawk in ka nu chhang min rawn pek chu ka la chhuaka ka kheh zui nghal zat bawk.





Zan a rei telh telh a ka mut a chhuak lo tulh tulh bawk, damlo awm kan check tawh bawka phone kan khawih tawh thung Whatsapp-ah chuan biak tur hre mang hlei lo chuan ka lut nawn sek a, a chang leh Jd-a dp chu ka en ka en leh țhin bawk. Ka en apiangin ka thinlung nâ a thar leh țhin a mahse tihdan vak ka hre bawk si lo. Tunah te hian enge an tih ang tihte chu ka ngaihtuah vel mai mai a, zêp loh chuan ka ngai in ka hmu chak takzet ani.





Maria-i chu ala online ring in ka va text-a a seen rang em em mai bawk. Chhun lamah hna hah tak taka a thawh țhin avangin zan lam hi chu a meng thei meuh loa zanin erawh chu a chau vak lo ani ngei ang. Re-union chungchang vel kan sawia ka phur rual rual in ka peih lohna in min bûk zawka a hma kha chuan phur thei tak ka ni mahse phur chhan pakhat mah ka nei tawh lo.





*Taka, kan țhenawmnu khami damdawiina thawk ve khan min hrilh a Damian-a tih amaw ni nen in inzui ngawrh viau ami a? Tunge chupa chu ni a?* tih a rawn thawn a ka seen rang em em mai bawk. An țhenawm ami chu tunge anih ka zawt nghal zat a he thil hi alawm ka duh lo em em em chu.





En-i anih thu a rawn sawia, chutiang hming heta thawk an âwm ka hrelo reng reng. Message ka type lai chuan call a rawn lut a, ka chhang nghal vat bawk.





"Tunge Damian-a chu? A hming hi ka hriatah i sawi ve deuh tawh tlat in ka hria ka hriatsual loh chuan" a rawn ti a, a bulah hian chiang lo ruai in ka hrilh tawha mahse a khami ni khan a ngaihsak lo hlauh a ka sawi chhunzawm duh tawh lo kha ania "englo kha... engtin nge ka sawi ang aw... aw ni tak e. Aluminium hralhna company lian ber kha i hria em? Ka nau thawhna company kha, khata a neitu pa kha ania Damdawiin pawh hi a ta ania miin inzui ngun anga min ngaih chhan pawh ka nau aia hna ka kal ni khan Damdawiinah hian min kalpuia ka thawhpui ten min hmua chung vel chu" ka ti a, a awih lo leh ang chu aw...





"Chuvang ringawt chu ani âwm lo emai, in zui ngun an tih cheu chuan khami ni ringawt kha ani lo ang Lora thudik hi min hrilh ve nghal mai țhin la sawi kual duah a ngailo mai tur" a rawn ti țhat a, kha maw... a awih lo leh ngei ngei ang ka tih kha.





"Aw... khang te chu, keimah vang pawh ani lo amah alawm a rawn lang thut thut zela Damdawiina ka awm laiin chuan miin min lo hmu ve lehzel bawk sia bakah nimina Jordian alo kal khan ka țap lai min lo kuah lai tak ani bawk sia a rawn hnek a" ka ti chiah chu a rawn au nghal vak anih chu! Ka phone chu ka beng ațang chuan ka dah hla nghal vat a, min ti phu tho tho nia mawle.





"Enge chungte chu min hrilh ve ngai miah loh a? Inhmu khat mah ila phone-ah te pawh i rawn sawi ve thei tho alawm ka lungawi lo lutuk thildang thleng pawh a awm hrim hrim ang nangnu hi chu aw... chungte chu min hrilh ve vat țhin ta che....i â thei emai " a thinrim bawk si sawi ngaihna a hre bawk si lo chuan a rawn ti ta ringawta ka nui ringawt bawk.





"Zan a rei tawh êm hi au vak zel suh inu in khum ațangin i hming pum in a rawn au leh palh ang che" ka ti fiamthu a, a run kher lehnghal țawng hriatthiam mang hleih loh hian rang zet zeta țawng in min rawn hau leha call ka ti tawp hman țep ani.





"Ka tihpalh, engmah kha hriat nawn leh ka duh tawh loh vang ania engmah ka hrilh lo che, bakah Jordian vang khan ka mangang bawk nen engmah ka hre tawh loa" ka ti a, a rawn thaw chhuak leh vak bawk. "Chupawh nise, engkim inhrilh vek turin kan intiam tawh kha nangmahin engkim i tuar vek zela keimah ka awm ve reng hi midang ang ka ni lo i țhiannu bik ka nih hi plural ni lo in singular ka ni bawk min theihnghilh tawh suh" a rawn ti leh hlak a, ka nui chhuak nghal hak bawk.





"Ka theihnghilh ngai reng reng lo che khatiang vang mai mai a tihbuai che ka duh loh vang ania naktuk chhunah dawrah ka lo kal anga ka hrilh ang che chhunah ka duty dawn loa tunlai chu ka âwl ve tawp a " ka ti a, ka sawi zawh ruala ka lam pana hmeichhe naupang tê rawn tlanphei chu ka hmu a ka țhu ngil nghal vat bawk.





"Au.. anu saw, a awmdan a mak lutuk lo en vat vat rawh" hlauhthawn hmel zet hian a rawn ti nghala "ka rawn be leh ang che" tiin phone chu ka dah a Muani nen chuan kan tlanphei nghal bawk. Nichin kha chuan tui tak in a mu a, a țha vek bawk si engvanga hetianga rawn awm thut hi nge maw anih le.





"Nichin khan a dinhmun a pangngai tho bawk si a avan mak ve" Muani chuan a rawn ti a, keipawh chuan mak ka ti lutuk chu sawi ngaihna pawh ka hrelo, hetiang hian vawikhat mah ala awm loa a dinhmun pawh a țha chho ve mek zel kha ani a eng emaw kal diklo a awm ani ngei ang.





Khum ațanga rawn tal thlak a tum rual chuan Muani chuan "lo dawm bet rawh" a rawn ti nghal vat a, a ban bul ve ve ah chuan ka dawm bet a a meng phâwk nasa em em bawk. Muani'n a bana a rawn chiu rual chuan a zawi nghal tial tial a keipawh chu ka thaw chhuak nghal ham ham bawk. "Enge thleng a?" Dr. Hruai'n a rawn tih rual chuan muangchangin ka ding țhaa Muani chuan a awmdan alo sawi zung zung a a chiu ringawt thu te chu alo sawi bawk.





"Chiu kha a pawi lovang a drip khai in thlak em? Nichin lawk kha chuan ala țha fû si a" Dr. Hruaia chuan a rawn ti a amah chu a rawn enfiah nghal zat bawk. "A awmdan hi a dik vak loa amah hi enfiah nghal ka duh zawn lut rawh u" a rawn ti a, midang chu an che nghal sawk sawk a keini erawh kan lo tawlhhnung thung.





Ka kawra rawn pawttu an awm avang chuan ka hawithla nghal vata nichina hmeichhe naupanh rawn kal kha ani a, a hlauhthawn ve hmel em em bawk. "Bawihte, ihmaw... anu hi Doctor ten an enfiah leh dawna maw hlauh tur a awm miah lo ania alo dam leh vat dawn alawm ani nen hian lo hlau miah suh u aw" tiin alu ah chuan ka tuai sak nghal zeuh a, ka nuih nghal ver ver bawk.





"Au, anu chu a țha leh vat ang tiraw?" Mangan hmel zet hian a rawn ti ve reuh a, ka lamah chuan ka pawt phei a ka kuah nghal zat bawk naupangtê in hetiang a hmu hi hreawm ka ti takzet ani "a țha leh vat dawn ka tih kha hlauh tur a awm miahlo ania aw nui rawh le, i nuih nasat theih êm kha" ka ti a, a hlau ve deuh ani mahna a nui hleithei vak lo bawk.





"A hlauhawm loh thu lo hrilh la lo thlamuan rawh aw, chuan a mut a chhuak tawh anih hi ti mu vat la" ka ti a, Dr. Hruai'n min koh avangin naupang chu ani bulah chuan ka kal tira Doctor chu ka zui nghal zat bawk.





"Nichina a awm ang khan hman zanah i duty loh niin a awm tawha kan buai ania aw ka chiu ve ringawta nichin ami ang khan mahse a rawn zia a a tuk zingah pawh a rawn țha chho zela mahse zaninah a rawn awm leh thuta a awmdan kha ka hrethiam lo" Muani chuan a țhutnaa țhut thlak dawt pah hian a rawn ti a, keipawh min țhawng ang reng lutuka sawi tur ber pawh ka hrelo.





"Nichin khan ka hmanhmawh lutuka ka phone ka lo thlauh anih hi... a hmai tlem a keh" chhuata a phone chhar pah chuan a ti a, a keh nasa lo ang reng viau bawk. "Temper glass chauh ania a zia anih kha LCD thlauh chhiat hi lawm ngeiawm chu a siam man a to ropui si kan thlauh lo thei bawk si lo" ka phone ban pah chuan ka ti ve lehnghal zat bawk.





Zingah chuan min rawn thlaka tawi khaw muan pawh tum lo chuan ka mut chhuak lutuk chu ka inkhalh haw nghal, inkawt ka thlen chuan ka phone a rawn ri nghal zat bawk. Jordian anih avangin ka hmet thima Scooty chahbi chu la in inchhung lamah ka lut a, ka pa chiah alo la tho bawk. Ni eng emaw chen chu a chanchin hriat emaw amah biak pawh ka duh rih lo theihnghilh tuma beih ka duh zawk ani.





"Pa... ivan tho hma ve"





"Nia... nizanah ma hmu hma lutuk alawm le zingah i rawn haw dawn bawk si a ka tia thingpui leh chhang ka lo siamsak chea" a ti a, a rawn tho chhuaka choka lam a pan chu ka zui phei ve nghal bawk. Ka pa nge nge a fate hi chu min ngaihtuah țhin takzet ani.





"Vawiinah hna i kal dawnlo ami?" Tiin țhuthleng chu ka pawt chhuaka ka țhu nghal tharh bawk "dawn e, mahse ka kal tlai deuh maithei lehkha tihfel tur ka neia bakah C.O gate-ah ka ding dawna Mațhaa ka thlak dawna a rui reng zel bawk si a C.O-in a ngaithei vak tawhlo anih hmel" a rawn ti a, thingpui chu ka hmaah a rawn chhawp nghal zat bawk.





"Tunlai chu i duh duh naa duty hi i ang țhin inah i awm tlem bawk si"





"Nia... tunlai chu kan indaih vak lo training tura chhuak an țha hnem deuha chuan nimina i sawi nupui tur chungchang vel kha nimin khan ka enchiang nghal ang ka tia mahse ka hman leh ta loa vawiin lamah buaipui ka lo tum dawn nia" a rawn ti a, chhang ban pah chuan a ngaih loh thu ka hrilh nghal zat.





"A ngai leh lo ang thudik engkim ka hre vek tawh alawm alo sawi dik ngeia a mipa ngei pawh ka zawt chianga chuan ti tawh lo turin ka hrilha min hlat turin ka hrilh bawka bakah nangni pawn lo hria in lo duh ve pawh ni ulang chuan ka duh ve chuang lo ang pasal neih pawh ka la duh lo, nangmahni bula awm ka la duh in bula mut te pawh ka la chak a" ka ti a, ka pa pawh a nui ringawt bawk.





"Va intifai rawh chaw ei hma in mut tum la i mut a chhuak tih ka hre reng ania kan rawn kaitho ang che chuan i phone kha, nichin ațangin ala êng char char ania an rawn call che a ang" a rawn ti a, thingpui chu ka in zung zung a ka room lam chu ka pan nghala ka nu pawh a rawn tho chhuak ve chiah bawk.





Intifai hmasa lo chuan khumah chuan ka bawk thla tawp a, ka phone pawh a rawn mur leh nghal zat bawk. Chhing diar diar chung in ka la kânga Jordian anih avangin ka la duh loa, a chung chu ka thai thla zeuh a missed call 10 alo awm hman mawle "ka tihpalh mahse ka be duh rih lo che, hlim takin awm tum rawh min ngaihtuah tawh suh, hetia i rawn tih reng chuan ka block ang che tih ka hlau" a hming en pah chuan ka ti chhuak sep a, ka hmet thim a ka mu țha nghal vat bawk.





"Kal rawh... nangen hian eng inzawmna mah neih ka duh lo" tiin Jordian âwm ah chuan ka nem vak a, mahse ka kut zawk a rawn vuan bet a thinrim tih hriat zet hian a thaw nghal hrâwih hrâwih bawk "kha thu kha sawi tawh suh ka tih che kha" a rawn ti chang hrâwih a mittui tling kuau chungin amah chu ka en chho nghal bawk.





"Engvangin maw ka sawi loh ang? Ka sawi thei alawm chuan tunah hian ka sawi nawn leh ang nang hi hmuh leh che pawh ka duh tawh lo ka hua che beidawng reng reng in min siama nghaktu nih reng hi ka peih tawh lo ka țhian ni tur pawn ka duh tawh lo che" ka ti chhuak nghal vak a, ka kut a vawn chu thlah in a thaw hrâwih hrâwih a. Kawngpui lam chu a pan nghal zat bawk.




"Kalsawn rawh kha motor..." tiin Jordian ka hmaa kal chu ka au a, mahse ka țawng pakhat mah a hrelo 'Jordian' tih vak pahin a lam pan chuan ka tlanpheia amah chu kawng sirah ka nem thlu a Car chuan keimah zawk min su nghal dawt a ka kân awk rual chuan thil engkim chu a phê ruai nghal veka thil chu ka hmufiah lo nghal ruai bawk.





Eng emaw a rik leh dawt rual chuan thaw chhuak hlawp hlawp chungin ka meng chhuak nghal kâwk! Thosilen ka hmuh rual chuan ka âwm dawm in thaw chhuak hak in ka maimichhing nghal vang vang a ka mumang ani, ka van lawm tak! Tho chhuakin lawmthu sawiin ka țawngțai nghal zat a sana ka en chuan zing dar 9 alo ri țep tawh bawk.





Ka mumang chu ka ngaihtuah leta Jd-a motor-in a su țepa chuan keiman va dang in a aiah Motor khan min su bawk a enge kha thil khan a entir ang le ka hlau ru takzet ani a thleng tak tak ang em tihte chu ka ngaihtuaha mahse mumang ka chhawr âwm ka hre bawk si lo. Rizai chu pawt kau in ka phone chu ban in khum ațang chuan ka chhuk thla nghal zat a. Ka phone chu ka en a Jordian missed call leh message alo tam hle bawk.





Pakhat mah en lo in phone chu ka charge-a room ațanga chhuakin Choka lamah ka lut pheia ka nu chuan eirawng alo bawl mek a, a bulah chuan ka pa in chanchinbu alo chhiar mek bawk. "Pa" tiin a bulah chuan ka țhu phei a a chhiar tui bawk aniang a rawn hawichhuak deuh zawk bawk.





"Iva harh hma ve" a rawn ti a. Ka nu chuan duh ka neih leh neih loh min zawta engmah ka duh loh thu in ka chhang bawk.





"Nu, pa Mumang ka chhawr âwm in hre tawh em?" Ka ti chhuak phawng. An pahnih chuan an rawn hawirual nghal zat a ka nu phei chuan mak ala tih hmel em em mai lehnghal "Mate, enge chutiang te i rawn sawi tak mai a?" Ka nu chuan a rawn ti a, thaw chhuak hak in ka țhu țha nghal bawk.





"Nia... englo ania ka mumang vang ania a rapthlak deuh hleka chuan mi'n mumang an chhawr thu hi min hrilh ve nual bawka chuvang ania ka zawh nachhan cheu, ka hlau deuh hleka" ka ti a, an pahnih chuan an in en ta ringawt bawk. "Ngatinge a min chhan miah loh a? Ka zawt ve em em cheu a in awih lo ami?" An pahnih en tawn zak zak pah chuan ka ti lehnghal țhat.





Ka pa chuan a chanchinbu chhiar lai dawhkana dah pah chuan ka kutah chuan a rawn vuana "amak hlarh hlarh țhin kan awih loh thu pakhat mah kan sawi loh kha mumang chhawr tih vel chu ring lo la ka va duh ve enge i mumanga i hmuh chu kan hre lova mahse țawngțai la ka duh, mumang a taka thleng dik hi a vang viau țhin ania hlauthawng lutuk lo la" a rawn ti a, ka thaw chhuak ham ham bawk.





"Ka duh alawm mahse ka hlau deuha chuvang mai mai chu ania mahse engmah a thleng lo turah ngai ang ka va inbual lawk ang" ka ti a, tho chhuakin ka room lam ka pan a, towel ban in bathroom lamah ka lut phei nghal bawk. Ka inbual chhung zawng in ka mumang ringawt kha ka ngaihtuaha ka ngaih a ti țha tlat lo hian ka awm a ti nuamlo ani, a awmzia ka hreloa a thlen dik ka hlau takzet ani.





Chaw ei khamah chuan Maria-i te dawra kal tur chuan ka insiama Scandal ka bun lai chuan ka phone a rawn ri a thei leh thei lo in ka ban a number lawng alo la ni zui. Lak ka tum lo zet nâng in a pawimawh ring in ka pick nghal . "Hello!" Ka ti nghal sep a, Scandal chu ka bun chhunzawm lehnghal zat bawk.





"Engmah i sawi dawn loh chuan ka dah dawn ania a pawimawh ring in ka la ve ringawta" min chhan loh avang chuan ka ti hlak a off tuma ka phone ka la sawn chiah chu ka hminga min ko ri ka hriat avang chuan ka bengah ka dah lehnghal zat. "Ka hming i lam tiraw tunah khan" ka ti nghal sep bawk. Mahse a țawng leh chuang bawk si lo.





"Lora" a rawn ti ta sup. Ah! A aw chu, a aw chu ka hre tawh alawm "Damian" ka ti chhuak nghal hawk a a nui ri suk pawh chu ka hrethei bawk engtin nge ka number te a neih theih zawk a avan mak lehzel tak ve mawle ngatinge kei hi min lo hriatchian em em na chhan ni ang min lo chhui ru reng tawh tihna ani ngei ang.





"I țha maw Lora?" A rawn ti leh a, mak ka ti lutuk chu ka âng nghal phuau mai bawka ka Scandal pawh bun chhunzawmna chang ka hrelo "ma... mahse, khawi ațangin nge ka number i neih theih a? Avan mak ve" ka ti nghal hliai bawk. Ka chanchin a chhui ruk na ațangin a nei ani ngei ngei ang.





"I number ka neihna chu a pawimawh ber em ni?" Chimawm zet hian a rawn ti leh a, Scandal chu inthawlh thawt thawt in ka țhu mar nghal awt! "Ka tan chuan a pawimawha ka zawt che ani mai lawm" ka ti let ve nghal hmak a khuma ka bag chu ka la a, darthlalang ah chuan ka in en leh te te bawk.





"I duty dawn em?" A rawn ti leh a, ka duty loh tur thu ringawt in ka chhang a, sawi tur ka va haihchham tak em! Sawi tur ka hreloa chhan dan tur ka la hre hek lo ka dang te hi a âwk vek ni berin ka hria.





★ Damian Zomuansanga POV ★

A vawikhat nan kei hian sawi tur ka haih chham anih chu! Hrep chuan, khatiang khan vawikhat mah ka la awm hauh lo a aw ka hriat rual khan ka sawitur min lak kian ni berin ka hria. A number chu en in ka thaw chhuak nghal hawk! "Nangnu têreuh avang hian ka awmdan ava danglam chak si êm! Hmeichhe tlaw leh der dêp hmel tia ka sawi che kha hre ngat lang chuan minute 10 chuang min hau ngei in a rinawm" ka ti chhuak hluk a, a number chu ka save zui nghal zat bawk.





Hmu tawh lo turin kei mihring hian vawi engzah nge ka rilru ka siamfel tawh a țhen erawh amah avang bawkin ani. Mahse a daih rei lo viau, a aw hriat chakna in ka khat a a taksa deh emaw hmuh chakna in min luah khat leh țhin, ka thluakah hian min chen chilh tawh ni berin ka hria.





"Bawiha, hna ila kal lo tiraw? Ka rawn lut dawn ania" kawngkhar kik chunga ka nu in a rawn tih chuan lut turin ka hrilh zui nghal nghut bawk. "Ka be duh chea ila insiam lo bawk a" a rawn ti a.





"Sawi la, i thusawi chu eng ang pawn tlai dawn mah ila ka ngaithla hman reng ania nula min nghaktu an awm anih loh chuan" ka ti sup a, a nui chhuak nghal hak hak bawk. Ka nu ani, a thusawi tur chu engdang ai pawhin ka ngai pawimawh zawk bawk. Thildang zawng aia ka dah pawimawh hmasak ber ani.





"Tunlai chu Remzuali bulah hun i hmang tam lo em ni? Nizanah khan țap deuh țeuh chung in min rawn hrilh a i buai lutuk avang khan ka hrilh duh lo che a, a call pawh ilo pick lo ani âwm a" a rawn ti a, thaw chhuak hawk in ka sam ka tuai chho nghal puat bawk.





"Nu... kha lam kha chu min sawipui lo teh sawi ka chak vak lemlo ania thildang sawi duh i neih chuan sawi zawk la" ka ti chhuak nghut. Tunlaia ka awmdan ka hriatthiam loh avanga thil thleng hi chu sawi nawn ka duh hauh lo a bikin Remzuali chungchangah ngat phei chuan "kha thu sawipui tur chea lo kal ka nia, hetiang hian i awm ngai si loa i chungah hian enge thlenga ka fapa dik lohna i nei em ni? I neih chuan i nu ka awm ania" a rawn ti lehnghal zat bawk.





"Nu, i fapa hi ka dik lutuk zawka ka buai anih hi hemi chungchang hi chu ka rawn haw hunah kan sawi dawn nia meeting ka neia ka hmanhmawh deuh a tlai ah rilru thar nen sawi kan tum leh zawk dawn nia" ti sup in a chal ah chuan ka fawp zui a, khuma ka Coat dah chu ban ka inthawlh nghal zat bawk.





"Ni mai rawh se chuan i chhuk rualin ipa bulah kal la, lehkha thawn tur che a nei a tiin ka hria mahse lo haw tlai lutuk lo la mikhual kan nei dawn ka tih tawh kha mikhual neih lai hi chuan awm ve tum hram hram țhin la, nangmah an hmu chak ve țhin bawk che sia tum la, i thei ang tiraw?"





"Tum phawt ila tlai lam hna a tam leh tam loh ani mai ka buai zia chu i hriat kha ka lo haw hman loh chuan ka tello in in lo ei mai dawn nia" ka ti a, ka phone chu ban in room ațang chuan ka chhuak zui a ka pa awmna lam ka pan lehnghal vut bawk.





"Pa... lehkha min thawn tur i nei em ni?" A lehkha chhiarna pindana luh pah chuan ka ti nghal sup a, a nitin tih dan pangngai in a hma dawhkanah chuan lehkhabu an lo let rem rum bawk. "Aw nei e, i rawn chhuk har lutuka inu khan a hrilh theihnghilh che amaw ka ti hman a" a rawn ti nghal bawk.





"Keima thawn pawh ani chiah lo, i pu ania Jephtha pe turin a duh che ani âwm a, i pu hi chu a upa ve tawh a mahse a thluak hi ala hmang thiam teh mai ania Jephtha hi a hnuaia thawk țhin mi rinawm tak ani a, chah duh a nei te pawh ani mahna"





"Ka pu hi chuan thuruk hi chu a ngah ve ngawt ani. A chungchang kan hriat loh tam zawk hi chu Jephtha sawn a hre ngei ang heng a thuruk sawi ai chuan a tlangval laia an insual țhin lai sawi nuam a ti zawk" ka ti zui ve hluk bawk.






"Sheryl vawiin ka programme neih ang sawi ta che ilo ngaithla ila"





"Sir, vawiin chu hunâwl pawh i nei mang dawn lo meeting awm loh chang in hna khawih fel tur i ngah dawna ka sawi thiam ve danah chuan țhutthlengah i mawng char bet law law rawh tih ani. Chuan, tun ațanga darkar reilotê ah hian Hospital lam leh Company dang ațangin meeting turin an lo kal dawn a chumi atan chuan ilo inbuatsaih a ngai dawn a" min zui leh dat dat pah chuan a rawn ti zung zung a ka thâwk a ipik leh sa hiala ka hriat chu.





"Jephtha khan lehkha alo dah tawh em?" A file ken lai lak pah chuan ka ti zui nghut a, vawiina ka hun hman dan tur inziak chu ka en zui nghal chat bawk. "La dah nang an lo la kal lo hrim hrim chuanin taka...englo Remzuali kha a lo kal a, i Office chhungah a nghak mek bawk che a tumah lo awm tir lo tur khan min hrilh bawk sia mahse a tilui tlat a ka dang hneh loa" a rawn ti sep.





"A pawilo, a luhlul ve zia chu i hriat kha. Lehkha hi Jephtha lo kal hunah pe la chuan Lorenzo nen khan ka Office-ah ilo luh tir dawn nia vawiin atana lehkha pawimawh tur ho kha lo peihfel rawh" ti zui nghut in file leh lehkha chu ka pe a Office chhungah chuan ka lut zui nghal bawk.





"Tunlai chu i van lo kal tlai thei ve nangmah ai ka thleng hmasa ziah in ka hria hna i ngah deuh em ni?" Remzuali chuan min hmuh rual chuan rawn din chhuah pah hian a rawn ti nghal zat. Chhang zui lem lo chuan ka dawhkan lamah ka phei a nizana ka hna khawih zawh loh chu ka ennawn lehnghal bawk.





"Babe, ka chungah i lungawi lo leh tawh ami? Tihsual ka nei leh tawh ami? Sawi chiang la" ka sir dawhkana rawn țhut pah chuan a rawn ti leh. Thaw chhuak hawk in ka thil ziah lai chu dah in țhutthleng chu ka ngheng nghal dawt! "I tihsual hi ka sawi kher a ngai țhin em ni? Chiang taka hrilh ini tawh engvanga tunlai hi i mizia danglam em em nge anih a? Nidanga ka hmuh ngai loh ka hmuh fo chang lah a tam" ka ti hrâwih, a nui hmel chu a tawp nghal riai riai bawk.





"Nangmah anih kha mize thlak chak zawk chu, a hma ang kha ini tawh lo min be khat em em a min biak chhunah lah thinrim hmel deuhin min be ziaha min ti bangbo țhin takzet asin tihsual ka nei amaw ka ti ziah a hreawm ka ti țhin" thinrim zet hian a rawn ti ve ta phat a. Ka nui nghal suk.





"I thil tihsual hre duh miah lo in hreawm ilo ti a chuan nizanah țap chungin ka nu i be bawk a. Ka pa ina hriattir a duh loh chu engvanga hriattir nge inih? A hre tur ani lo tiin chiang takin ka hrilh che mahse i thutiam bawhchhia in ilo hriattir bawk a hrep chuan" ka ti chhuak hrâwih. A kut chu hûm ruh in ka hmaah chuan a rawn ding nghal zat.





"Ka hriattir a ngai alawm chutah chuan enge tih dik loh ka neih? Kha hmeichhia avang khan kei hi min be khat a a hmaa i awmdan ang pawn i awm ngai tawh lo min ngaihsak ngai loa min duh em em ang khan i awm tawh ngai lo bawk, ka Hmangaih chea ka tan chuan hriatthiam a har asin hetiang thil avang mai mai a kan inkar a chhiat i rem tih ngai loh kha mahse tunah chuan engthil nge thleng ta hi? Ka thiamloh vek ah min puh a mahse i thiamlo zawk engkimah i thiamlo vek" a ti chhuak țhat! A biangah a mittui a luang thla nghal zat a, a banah chuan vuan in ka malchungah chuan ka pawt țhu nghal zat a he hmeichhe mittui tla ka hmuh hi chuan inthiam lohna bawk in ka khat leh țhin.





"Nangman i sawia ani kha i duh loh thu te pawh inu te pawn tilui che mahse ka kutah vuanin i țan tlat dawn thu i sawi kha mahse tinge tiang chuan i awm leh si loh? Hmanni ah pawh a țap lai i kuah bawk a khangte kha engmah sawi lovin pai dam ka tum hram hram asin mahse nang chu ka lakah i thinrim zawka min duh ve tak tak amaw ka ti a mahse min lo duh ve lo tawp anih dawn hi" ti țiau in ka âwma beiin a țap chhuak nghal hawk hawk a a sam ah chuan ka fawp zui nghal vang vang bawk.





"Ka buai zia i hriaa in lamah pawh ka haw khat mahse ka pa in kha nula kha ka belchiang em tih nitin midang a zawt ziah a chang chuan âwm ang tak tak a ka chet a țul chang a awm bawk rei ani tawh lo ang ka pa hnenah neih ka duh thu che ka hrilh ang a țha em? Țap tawh lo la" ka ti sup, ka âwm a bei in min kuah nghet sauh a, ka thaw chhuak zui nghal hawk bawk.





"Anih chuan kha hmeichhia khan a duh lo chea a hmuh leh hunah che pawh engkim a chinfel vek tur thu a sawi a nangpawn i hmu tawh lo ang tih min tiam rawh hmu tawh lo la chuan ipa pawn i duh loh zia a hria anga a thu chu sût leh a tum mai dawn alawm chuan keipawn ka theihtawp ka lo chhuah anga min ngainat theihna turin" ka âwma bei reng chung chuan a rawn ti a.Țawngkâa chhang lo chuan a samah chuan ka fawp zui ringawt bawk.





Kei ngei pawh hian ka awmdan hi ka hrethiam hauh lo kha hmeichhia in min mamawh loh zia nitin ka beng hian a hria keimah zawk inthunun theilo ka ni fo hmu tawh lo tura in tih chang lah ka ngah mahse chhungril lam nawrna nasa lutuk hian amah min pan tir leh nge nge țhin. Min mamawh loh zia hre nitin mah ila amah hnaih nuam tihna ka ngah zawk. Min hnaih a duh loh thu min hrilh tam pauh leh bialnu nei lai reng ka ni tih ka in hrechhuak tam pauh zel bawk.





"Min tiam rawh. Khanu kha i hmu tawh lo ang tih min tiam rawh, i hmu leh anih chuan ka nui hmel hi vawikhat mah i hmu leh tawh ngai lo ang" awm hlat pah chuan a rawn ti nghal nghat a, nuih suk pah hian ka bu zui nghut bawk. A țha e, a tawpna anih tawh hram ka beisei.





"Hna khawih tur ka ngah lutuk a i duh chuan hetah ilo awm thei tho a mahse chimawm tak khan lo khawsa lo la" ti sup in a hmuiah chuan ka fawp nghal zeuh a mahse duhkhawp lo in ka pawt hnai sauh a a nui chhuak hak hak bawk.





Ka kamis kilh a rawn phelh rual chuan a kut chu ka hûm bet nghal chawt! "Na... babe, hun kan hmang dun khat tawh êm alawm tumah an lo kal chuan loh hi" chak hmel zet hian a rawn ti a, nui zui suk in ka pawm kâng a dawhkanah chuan nghat in ka fawp lehnghal zat. "Ka buai ka tih tawh kha hun ala tam alawm" ti sup in, ka fawhna chu ka thlah a kawngkhar hawng turin ka chhuak phei nghal vut bawk. Phurna pakhat mah ka neilo.





"Lo lut rawh u midangin an hmu cheu em tih kha en ula" kawngkhar hawn pah chuan ka ti zui nghut. An mi hruai chu rawn pawt lut in kawngkâ chu an rawn khar nghal zat. "Enge thlenga? Tunge hepa hi?" Hlauthawng tih hriat zeta Remzuali'n a rawn tih rual chuan ka banah rawn vuanin ka hnungah chuan a ding nghal zat a ka lamah chuan pawt phei in a biangah chuan ka dawm a "lo va chhuak lawk la i țhiante nen lo awmdun ta che u, hna i nei rih lo bawk a hnathawh tur kan nei a" ka ti zui sup bawk.





Bu nghat nghat chungin an mi rawn hruai pa chu a en a, sofaa a bag chu la in a chhuak a. Kawngkhar a khar rual chiah chuan chhuatah chuan țhu thla in an rawn hruai pa bek chu ka en nghal zat a hmannia tatoo ang kha awm in chiang vak lo hian F tih hi alo inchhu ve bawk. "Hrep chuan, khawia in hmuh phiangsen nge?" Din chhuah pah chuan ka ti zui hrâwih.





"Nichin lawk ami ania vengtu pakhat alo tuk thlu hman a Lorenzo hian a hmu a ka khawih deuh hleka a hmai vel kha a pem deuh nual maithei" Jephtha chuan a rawn ti a, ka thaw chhuak nghal hrâwih bawk. "Engvanga fakaua hetianga rawn che hi nge maw an nih hrep le. Kan lak ațang hian eng emaw duh chu an nei ani, a titu hi chuan ka nitin nundan engkim, ka tih leh tur thlengin a hria chuan min dang chêp mek bawk. Hospital ațangin complain a rawn lut tawh em?" Ka ti zui nghut.





"Tun dinhmunah chuan ala țha rih sawiselna ala awm lo. Building sakna lam leh Aluminium lam pawh kha nimin khan ka va tifel bawka mahse rei a rial ka ring tawh lo an chêt vat ka ring" Jephtha chuan a rawn ti a, thaw chhuak hrâwih in an rawn hruai pa kawr ban chu ka pawt hlim nghal zat. Hriu luhna a awm loa a thawmhnaw hak ah pawh engmah a awm lo bawk.





"Hepa hi chuan eng emaw tal min hrilhfiah thei mahna dah țha rawh u, eitur leh in tur pe bawk ula ka duh ai Game an khel thui tawh tlat chhui chhuah vat vat kan mamawh ka pa in hemi chungchang a hriat hma hian chuan Company venhimna pawh hi tikhauh ula nitin enfiah theihnghilh suh ang che u" ka ti leh hrâwih a. An rawn hruai pa thla chu la in enfiah turin ka ti nghal zat bawk ka hmuh hnu a ang ang reng viau.





"Sir" tia Sheryl rawn lut ka hmuh rual chuam Jephtha leh Lorenzo chu an rawn hruai pa hliah tur chuan ka pawt her nghal chawt!. "Sawi rawh Sheryl" ka ti zui nghut bawk.





" Mr.& Mrs Armando te kha tunah hian an lo thleng chiah a meeting na hmun tur lam an pan bawka pu Tlana khan a rang lama ko tur che in min tia chuan mi pawimawh țhenkhat te an lo thleng tawh bawk a a hmanhmawh thlak êm avangin dil pawh dil hmasa lo che in ka rawn lut tawp a" a tawp lam chu a inthlahrung leh ang reng viau bawk a. Jephtha leh Lorenzo chu chiang zet hian en zui bawk.





"A pawilo lehkha pawimawh kha pu Tlana chu lo va pe la kan rawn phei ve nghal dawn nia i chhuak thei tawh ang" ka ti nghal sup. Chhuah a tum chu a rawn hawi let leh "chuanin englo, kawngkharah sawn tinge thisen...." a sawi zawh hma hma chuan chhuak turin ka ti nghal hrâwk a a chhuak zui nghal vang vang bawk.





"Enga tinge i vin kher a i ti hlau anga a ngaih i ti țhalo vek dawn asin" Jephtha chuan a rawn ti nghal hluk. Ka thaw chhuak nghal hawk. "Ka tum dan ani biklo thisen a hmu anga a insawi vang anih kha i sawisak hnehsawh lutuk avanga thisen chhuak anih hi dah fel vat rawh u meeting naa kal a ngai ania" ka ti zui nghut a ka kuta thisen kai chu ka rawmawl chuan ka hru nghal zat bawk.





"A nghal ve reuh êm anih kha a phu tawk chiah i kut kha va sil vai rawh a hmai te ila khawih zui a natna hrik te i kai ang e" Lorenzo thusawi avang mai mai chuan ka rûm zui nghal nghut. "Zawnga! Âwm ang deuh te hi sawi ve teh i lu len ang chiah khan i rilru te hi lian ve teh se" ti hluk in Bathroom lam ka pan zui nghal zat bawk.





"Mr.&Mrs. Armando ka hmu cheu chu ka lawm hle mai, in rawn kalna a thui si a din kher pawh a țul lo asin" an mahni chibai pah chuan ka ti zui sup. An mahni hi ramdang ațanga Aluminium hralh lama kan thawhpui țha ber ber te an ni a buaina kan tawh chungchang hrilhtu an lo va awm avanga rawn kal an ni a an lo kal thu hi ka pa pawn a hre tawh ngei ang. Mizo an ni a sumdawnna avanga ramdanga awm an ni bawk.





"Tuna in dinhmun enge ni? Sum dinhmun te pawh a tla hniam niin kan lo hriaa kan hriat dan hi a dik em aw...?" Mr. Armando chuan a rawn ti a, ka nui chhuak nghal hawk! "A hma kha chuan report in dawn ang khan buaina chu kan tawk ngei a mahse tunah chuan engkim kan chingfel vek tawh e nangni lam zawk enge in an? Indawrna te a kaltluang em?" Ka ti sup.





"Kal tluang tehreng e in zar vek ani. I pa pawh kan rawn tlawh tawha a hma ai chuan alo upa ve ta deuh. In buaina te a reh chu a a lawmawm hle mai ngaih in ti țha loa kan rawn kal chawm mai anih hi. Mahni ram ngei tlawh lohna te pawh a rei tawh alawm" a rawn ti a, Sheryl chu lehkha pawimawh pe turin ka hrilh nghal zat bawk.





"Kha kha tuna kan dinhmun ani a kan meeting hi nangmah ngeiin min kaihhruai sak la kan va duh ve in dinhmun te pawh sawi lang in in chanchin te pawh min hrilh ula" ka ti zui sup. A ke an zai tawh avangin atan din a remchang vak loa a nupui Mrs. Armando chuan a kaihruaia an pa ai awh zo tak leh nu in pe zo tak anih avangin a hna a tlin hle bawk.





"Zan lamah zanriah ei turin kan lo beisei reng dawn cheu nia ka nu pawh ka lo hrilh ang Hminga hian in thlenna Hotel thleng ava thlah dawn cheu nia " din chhuah pah chuan ka ti zui sup.





"A pawi hle mai Damian, let lehnghal kan ngai dawna hna a tam ang reng bawk si a i nu leh i pa te pawh kan tlawh tawha tluang taka kan thawhdun zel ka beisei" ka kut rawn vawn pah chuan a rawn ti a, Hminga chu an thlenna Hotel thleng thlah turin ka ti a an kal liam lai chu ka en zui reng bawk.





"Movie ang anih loh hi hna thawk leh tawh rawh u thawh tur in ngah kha sawiselna pakhat mah awm tawh suh che" ka ti zui hluk. An kalh dar sang sang rual chuan Sheryl chuan ka phone min rawn pe a nichin ațanga a rik char char tawh thu min hrilh zui bawk.





"Tunge lo call a?" Ka ti zui nghut.





"Inu ania, nichinah khan ka chhang tawha mahse alo call leh zela in zawh hun ka nghak tawpa" a rawn ti a, phone chu ka ban zui nghal vut bawk.





"Aw nu"





"E... meeting in zo tawh a mikhual te pawh an lo thleng dawn tawh a i rawn haw ve hman dawn em?" A sawi kha ka rin sa ani.





"Ka hre bik lo ziah fel tur hi kan ti phawt anga rawn haw chu ka tum dawn nia tute nge kan mikhual tur te chu?" Dawhkana lehkha lak pah chuan ka ti zui sup a, Mr. Armando lehkha min pek chu ka enchiang nghal zat bawk.





"Rawn haw la i hre ve mai dawn nia ka dah dawn ania ka buai lutuk chumi hrilh tur che chuan ka rawn bia che ani" a rawn ti a, ka chhan let hma in a off leh daih bawk si a. Hmeichhe ho tak hi chuh! An duh an sawia an duhtawk nghal ringawt a hahthlak tak hi chu an ni.





Mr. Armando lehkha min pek chu ngun zeta thlêk in chair-ah chuan ka țhu thla leh a engvanga he thil hi min pe nge maw anih hrep le mahse a pawimawh a tih danah khan țangkaina ala awm mial mahna. Lehkha dang an rawn theh luh chu ka enfel lehnghal zat huiz, hrep tak hian engvanga hetiang em em a hna rawn tam thar thut nge maw anih hrep le.





"Hmelchhe pa" tia Carter-a aw ri ka hriat rual chuan ka hawi chhuak nghal vut "hetah hian ilo awm daih a? I Office-ah rei tâwk fâng ka nghak che a engmah sawi lo hian min ti hah hlur ringawt mai" ti hluk in chair chu pawt chhuakin ka bulah chuan a rawn țhu thla nghal vut bawk.





"Enfel tur a tam lutuka ka la rawn chhuak peih lo anih kha enge in zinna chu a an a intifel thei em?" Ka ti zui sup.





"Tifel thei ti ila a dik ani mai ang chu contract sign kha an lo duh lutuk loa mahse ka pa khan engtin tin emaw kha a tia tunah chuan an thawkdun ve ta bawka țullo zetin ka zu tei kual hrep a Hmingbawihi bulah pawh hun ka hmang thei hleinem" a rawn ti zui hluk a ka nui chhuak nghal hawk bawk!





"Bialnu bula awm reng ringawt hi i tuma i theihna laia i puih ve te kha lawm zawk tur ini mawle. Naupang chhia viau zel suh nangmah bak innghahna tur an neih loh che hi, fing ve deuh tawh teh" ka ti nghut. Ka lehkha en lai chu rawn la lawk in a sirah chuan a dah nghal bawk.





"Kei ai mah chuan nang hi i ngaihtuahawm zawk. High School ațanga luck bik tih tak ah tunge Lora chu?"





"Khawi ațanga i hriat nge?" Ka ti nghal nghut. Ka rin ai thil a darh nasa zual sauh mai.





"Aw... ka hriatna chu a pawimawh ber em ni? Instagram-ah pawh in thlalak a tam êm kha, a kutah ila kai zui bawk a ngawi teh khanu kha hman zan Hmingbawihi birthday kan lawm dawn zana i sawi hmeichhia kha ani em? Ani tiraw? Ka ring dik e Remzuali a sa viau lo maw?" Nuih paha a rawn tih rual chuan dawhkana ka phone awm chu ka ban nghal vut. Instagram-ah chuan lut in ka en nghal zat.





A sawi ang ngeiin Damdawiina kan luh ațanga kan chhuah thlalak alo awm a positive comments ai negative comments a tam zawk bawk. Mai mai chuan "he thil i hriat te chuan min rawn hriattir vat tur che alawm" ka ti nghal hrâwih.





"Hriattir pawh ngai lovin i hmuh ve mai ka ring mawle comments te kha ka chhiar chhuak vek a kha hmeichhia i sawi Lora-i demna a tam zawk em kha... Remzuali an khawngaih thu nen lam News thar lâm anih ang in hre hmasa ber tur chu ini mawle vanneih thlak tak in Lora khan instagram a khawih lo anih hmela khawih ngat se chuan an tag anga a mualpho der dawn asin" ngaihsam zet chuan a rawn ti ve leh maj lehnghal.





"A titu hi zawn chhuah vat a ngai ani buaina tam zawk a thlen hma in Lora-i'n a hmu tur ani lo" ka ti zui hrâwih. Amama chu call in an post-na Account khawihtu chu lo chhui turin leh a chanchin kimchang hre turin ka hrilh a. Hetiang lama ka hmelhriat neih awmchhun ani a, ka hming hmanga fake Account an siam pawh ka chhui chhuah tirtu ani bawk.





Thudik lo an khel ti dawn ila kan thlalak leh awmdanah kha chuan ni ve thei reng dinhmunah a ding bawk. Lora hian ala hrelo ani mahna, hre ngat se chuan ka lakah a thinrim ngei bawk ang.





"Ngatinge amah chu i buaipui viau nachhan nia? Remzuali'n engmah a sawi lo ami?... a comment ve reng sia mahse fake tih ringawt khan a comment a reply tu a ngah asin" a rawn ti leh sup.





"Kha thil a hmuh avanga khatianga ti anih ngei dawn chu. Ka pa in ka nupui tura a duh ania belchiang turin min ti mek bawk. Mahse kha hmeichhe duhawm zet khan min ngaihsakna pakhat mah a nei lo khami ni erawh kha chuan a nau ka Assistant Sheryl ai a rawn kal ni ania khatiang thil kha a thleng ta phut anih kha, Remzuali chuan engvanga sawi lo nge maw anih hrep le" ka ti chhuak nghal hawk bawk.





"I Assistant Sheryl nau maw anih a? Mahse ka ngaihtuah let hian an lo in ang deuh tho. Pa Saia pawh chu enge a hriata chutianga i nupui tur te alo hual tak mai" a ngaihna hrelo lutuk chuan a rawn ti chhuak ve sup bawk. "Ka hrethiam bik lo eng emaw tak tum a nei ani mahna mahse ka ti thei tawh lo ang min ngaihsakna pakhat mah neilo tu belhchian tuma nasa taka beih ai chuan min Hmangaih tu pan ka thlang zawk" ka ti zui hluk bawk.





"I sawi ang ngawt iva nih hmel loh ve, i vawikhat hmuhnaah khatiang khan i awm nghal thei ania i lo duh ru reng hman ani lo amaw" a tih leh rual chuan a ban puam lai ah chuan ka hnek zui nghal pawp! "I bialnu kha ngaihsak la ani ringawt nang hrilh hi chu mi 10 vel hrilh ang kan ni ziah, i nai hnen ațanga free advice ka dawn anih chu" ka ti zui hluk a, a nau a sawi chhe zui nghal zat bawk.





"He tatoo hi en teh, i hriat zawng ani em?" Tiin phone-a an bek a tatoo thla awm ka lak chu ka entir nghal a zoom deuh turin ka ti nghal sup bawk. "Ka hriat ngai âwm pawh ka hrelo mahse 'F' tih chiang vak lo in a inziaka eng emaw pawl hming te pawh a an hi, engatinge hetiang tatoo lamah te i țuan tak mai" phone min rawn pek pah chuan a ti nghal sup.





"He tatoo awmzia hi ka hriatchhuah vat a ngai. Arema kha tatoo lam hi a hria em hmelhriat țha ka nei hauh lo" ka ti zui nghuta, Tatoo lama hmelhriat a neih loh thu a sawi ve nghal zat bawk.





"Sir" tia Hall-a Sheryl rawn lut chu thil thleng a awm leh awm lo ka zawt zui nghal zat.





"Englo ania, hna ka nei vak tawh chuang si loa ka haw hma thei ang tiraw? Kan chhungkua miin chaw ei ah min sawm a ka pa khan kal vek tur atia min rawn hrilh a" ka phal loh hlauh hmel zet hian a rawn ti a, ka nui nghal suk bawk. "I hna i zawh chuan i kal thei alawm mahse i u a kal ve dawn em?" Ka ti sup. Carter'n min rawn tlawh rual chuan ka rûm nghal hrâwih a ka hre chak a, ka zawt mai, hmeichhia ang maia sawi phalloa khap ang mai.





"Ka hre biklo mahse ka pa chuan a hrilh ve hrim hrim dawna mi ina chaw ei emaw ruai țheh ang chi te hi a tui pui vak loa ngatinge min zawh thut a? Ka u chanchin min zawt ngai bawk si loa" a ngaihna hrelo zet hian a rawn ti a, Carter-a lo nui khur ngar ngar chu ka melh zui nghal hrâwk a hrep hian,.kei mipa in ti pâ ve tak hian chhan dan tur ka hre lo anih chu!.





"Chung chu a pawimawh ber lo i haw dawn chuan haw vat la hnadang ka pek hma che in. Chuan naktukah hma taka lo thlen tum la naktuk hi kei ai pawn i buai zawk maithei mikhual kan nei dawna ilo welcome a ngai dawna a hmaa i tih țhin dan ang khan" ka ti ta hluk a, bu nghat in a chhuak zui a Carter-a rawn țawng tur melh zui hrâwk pah chuan ka tho chhuak nghal vut.





"Zawnga! Ngaih loh lama ngaih i tum anih chuan i rilru seng buai duh suh" ti zui nghut in ka phone chu ka ban a, Hall ațang chuan ka chhuak zui nghal bawk.





"Bawihi, engvanga Instagram-a i thil hmuh min hrilh lo nge inih? I thil hriat pai bo suh ka tih țhin che kha" Remzuali pan phei pah chuan ka ti nghal sup. Min hrilh duh miah lo in alo ngawih bo pui char char a aman hma alo la ve mek zui bawk. "Ah... nia, keiman ka chinfel theih ka beisei a chuvang ania engmah ka hrilh duh loh nachhan che, mahse tunah chuan a pawimawh ber tawh hleinem tiraw? I hmu tawh dawn lo tho a duh leh a post tu pa kha kan delete tir anga" a rawn ti nghal sap a, thaw chhuak hawk in ka bu zui nghut bawk.





"Engtikah nge i hna țan i tum a? Chawlh ila rei tawh em em lo maw?" Ka ti sup, ner nâwng pah hian ka bulah a rawn țhu phei a ka lo kuah nghal zat bawk. "Kar leh lamah ka țan ve tawh ang, Chawl mah ila min rawn râwn reng tho a zanah phei chuan ka buai thei teh mai ania ka tello hi chuan engmah an ti thei lo ka pa pawn zawm vat turin min duh a ka rilru chu a hmanhmawh ve tawh tho" a ti sep.





"I telloa engmah an tih theih loh chuan rei tak chawlh la lo in zawm vat turin ka hrilh țhin che kha. Hmannia i in check-up na kha result a chhuak tawh em? Ngatinge engmah ka hriat ve loh" ka ti lehnghal nghut, ka malchunga rawn țhut kân pah hian ka âwm ah a rawn bei nghal zat, a kawnga vawn pah chuan ka pawt hnai nghal zat bawk.





"Result ka la en duh loa anu ka entira a țhat thu min hrilha keimah phei chuan en ka la duh lo rilru tih hah ka duh loa bakah, bula hun hman ka la duh alawm ka la ngai bawk chea hna ka zawm hunah te chuan kan inhmu khat leh dawn asin phone-ah kan inbe ringawt emaw kha ania nga a hreawm leh dawn êm asin" a rawn ti a, ka âwm ah chuan a khabe nghat in a rawn dâk vah a, a hmui ah chuan ka lo fawh sak nghal zeuh bawk.





"Treatment la la, i lung thlak tu tur kan zawng anga" ka tih rual chuan a lu a thing zui nar nar a a duh lo lutuk chu a hmel a pe chhe ang reng viau bawk "ka duh lo treatment laka Damdawiina awm ka duh lo i bula hun hman ka duh zawk innei vat ila chuan ka dam ani mai chubak chu duh ka neilo thi dawn pawh ni ilang i kianga nui chunga thih ka duh chu chu ka duhthusam ani" a rawn ti a, ka chhan ve leh hma hma chuan ka hmuiah rawn fawp nghal zat in amah hnial lo turin min hrilh nghal zat bawk.





"Naktukah in inah ka lo kal anga pa Saia pawh ka lo bia anga min ngainat theih nan chuan a duhzawng engpawh ka ti ang inu chuan min ngaina tih ka hria pa Saia tan pawh chuan engpawh ka ti mai ang chuan innei vat ang aw fate kan nei anga hlim deuhin kan awm anga" nuih var var paha a rawn tih rual chuan ka lamah pawt hnaiin a chal ah chuan ka fawp zui nghal vang vang bawk.





Ka pa hian a ngainat loh tlatna chhan hi tuman kan hrelo ka nu erawh chuan a duh thu sawi lo mahse a duh loh thu pawh a lantir chuang ngai bawk hek lo ka pa erawh chuan kan inkawp tih a hriat ațangin kalsan turin min ti nghal chat mahse tun thlengin ka la kalsan theilo chu ani ber. Kan kawng a dal hranlo mahse kalsan tura min tihna a nêp phah chuang hauh lo ka nu pawn a hau fo a duhdan a sawh sawn duh chuang lo.





"Ka rawn kawi tawh lo mai ang. Zanah ka lo kal zawk dawn nia mikhual kan nei dawn bawk sia haw hma turin min ti ve chhen bawk si a, i Damdawi lo ei la ka rawn kal har lo ang" tiin ka fawp zui nghal vang vang a. Min nghah reng tur thu sawiin car kawngkhar chu a hawnga an in lam pan chuan a kal a, a luh thleng chuan ka en zui reng bawk.





A luh fel hnu chuan thaw chhuak hawk in in lam pan chuan ka inkhalh haw nghala in kawtah chuan car pakhat hi alo ding vû tawh bawk.





Car ațanga ka chhuah rual chuan ka nu call ka dawng nghal zat. Inkawta ka awm tawh thu ka hrilh a, Car chu ka hmuh hnu a an ang reng viau avang chuan ngun zet hian ka bih a khawiah emaw chuan hmuhna ka nei tawh chiang ani.





"Ka pu, i nu chuan hmanhmawh taka kut turin a duh che a mikhual ten an nghak reng tawh chea" tia in lama hnathawk pakhat in a rawn tih chuan ka nui ta ringawt ka nu zet hi chuh! "Ka rawn lut nghal" tiin Car chu ka thlêk leh zeuh a in lam chu ka pan nghal vut bawk.





In chhung ka luh rual chuan țhutkhawmna lama an awm thu an sawia chu lam chu ka pan lehnghal bawk. Chutiang taka an lo awm mikhual te chu tute nge an nih va hmu ve ila ani mai alawm an tan a pawimawh viau ani mahna.





"Ka lo thleng e" ka va ti lut a, min lo en deuh țhap ang reng bawk.





"Bawiha, ilo thleng thei maw? Heihi kan mikhual te chu ania ipa Faka leh i nu Sawmi te chuan fanu pahnih an nei bawk a a naupang zawk kha chu bathroom-ah a kala pakhat kha chu alo la thleng loa chibai la" ka nu chuan a rawn ti ta zung zung a amak țhin ania.





"In lo thleng thei chu a lawmawm hle mai nuam deuha awm in tum dawn nia" ti sup in an bulah chuan ka țhu thlaa kan in chibai zui nghal zat bawk.





"School kan kal ho țhina kan kal lai chuan best friend an tih ang kha kan inti ve țhin, mahse kan inhmuh lohna chu a rei ve leh ang reng tawh niminah khan kan inhmu hlawl a chaw ei ah ka sawm anih hi. I nupui tura ka duh nu leh pa te kha an nia" ka pa in a rawn tih rual chuan amah chu ka en zui nghal vut a, chutiang chiahin ka nu pawh. "Anni hi Lora nu leh pa te maw?" Ka ti chhuak nghal hawk!





"Ni e, an fanu ani tih reng ka hreloa kei hi pa vannei ber ka ni dawn anih hi" ka pa chuan a rawn ti leh "pa" ka ti chhuak nghal hrâwih. Lora nu leh pa annih chuan amah pawh engmah hreloa rawn kal ve tur ani. Thil awmzia a hria anih chuan a thinrim leh ngei bawk anga eng thil nge maw hemi te pahnih hian tih an tum hrep le.





"Min lo hrethiam ula in fanu Lora chu hetah hian alo kal ve dawn em?" Anu leh pa en pah chuan ka ti nghal sup. "Aw... kan hrilh tawha kalkawngah alo thang vel mek ang tinge a mam iva tih hmel em em ve" anu chuan a rawn ti a. Engtin nge ka hrilhfiah lehzual tak ang.





"Sir, enge hetah hian i tih ve a?" Ka hnunglama Sheryl aw ka hriat rual chuan ka hawi let nghal vut a, mak tih hmel zet hian kan vai chuan min en tawn zak zak a, ka pa chuan Lora nau anih thu a rawn sawi nghal zat bawk. "Heihi in in em ni?" A ngaihna hriat loh hmel zeta a rawn tih rual chuan ka nu lah chuan a fapa ka nih thu alo sawi nghal zat bawk. Hrep tak chuan, hengho hian engthil nge maw tih an tum hrep le.





"Nu, pa, min hrethiam rawh u zanriah chu ka kilpui theih cheu ka ring lo ka pu te u min hrethiam dawn nia mahse ka kal a ngai tlat ani" din chhuah pah chuan ka ti nghal sup. "Zomuansang i țhutna ngai ah khan țhu leh nghal rawh! Kan rualin zanriah i ei ve ngei ngei tur ani" Ka pa chuan a rawn ti zui hrâwk!





A thusawi ngaipawimawh lo chuan chhuah ka tum a, mahse pawn lamah chuan Lora aw ka hre nghal zat, zâng khai zeta 'ka lo thleng' a tih rual chuan ka hmaah chuan rawn ding in ka âwm ah chuan a rawn intauh nghal zat bawk.





"I țha em?" Ka tih sup rual chuan rawn hawi chhuakin a meng zui nghal kâwk bawk "Damian nangmah maw?! Ma... mahse, hetah te enge i tih ve a tah hian chaw ei kan tum asin" ti chhuak hliai in ka hnunglam chu a melh zui nghal zat ka thaw chhuak nghal hrâwih bawk.





"Oh! Nu in lo thleng daih tawh elaw? A jam nasa lutuka" tia kal a tum rual chuan a banah chuan vuanin "kal suh" ka ti nghal sup. "Engvang ngawtin maw?" Ala rawn ti let ve kha kha reuh lehnghal.





"Ka sawi chu awih la kal lo tura ka hrilh ang che chuan kal lo mai rawh, nat i duh loh chuan min rawn zui rawh" ka ti zui hrâwih. A kut ka vawnna lah chu ala thing thla ta deuh deuh lehnghala hrep tak hian.





"Lora ini ang maw? Kan hmu che chu ka lawm hle mai, thlalak ai pawn a takah i hmelțha zawk anih hi ilo thleng tluang thei maw?" Ka nu in a rawn tih rual chuan pangngai tak chuan ala chhang ve lehnghal zui mai bawk. "Lora... kha kha ka fapa Damian anih kha in lo inhre tawh aniang maw?" Ka pa in a rawn tih rual chuan ka chet zui nghal hluk.





"Damian hi i fapa maw ni a?" Mak tih hmel zeta a rawn tih rual chuan ka pa chuan anih zia alo sawi ve leh bawk. Hrep tak chuan ka chhungte hian buaina eng emaw tak an chawk chhuak ngei dawn anih hi.





"Pa... hetah hian chaw chu kan ei dawn tak tak em ni? An... an ni hi alawm ka sawi chu ka... kha englo nupui tur chungchang vel kha" a ti bah ta nawk!





"Bawihi, englo khami chungchang kha" anu in a rawn tih rual chuan a thaw chhuak zui nghal hawk! "In hria ani tiraw? Nangni hian khami chungchang kha in hria ani tiraw? Chuan ka lakah in zêp a engmah min hrilh duh loa hrelo ang in in awm a ka duh loh zia pawh ka sawi tawh kha ngatinge min tih luih țalh in tum nachhan?" Mangang zet chuan a ti chhuak zui nghala a banah chuan vuanin min zui turin ka hrilh nghal zat.





"Teuh lo mai" tiin ka kut chu a thing thla leh hmak.





"Nang hi hnaih che ka duh reng reng lo, in vai hian min bum vek. Engatinge dawt min hrilh a ka lakah in zêp nachhan. Pa, nangpawh tukin zingah ka hrilh che kha he thil hi ka duhlo tih khawngaihin ti suh u min ngaihtuah ve lo ami? Ngatinge in hriat loh der tlat nachhan? Ka... ka duhlo nu, pa, pasal neih ka la duh lo min ti lui suh u ka duhlo ania min tilui suh u" a ti nghal țiau bawk a. Ka lama ka pawh phei rual chuan a mit a mittui tling khat vek chu ka hmu nghal zat bawk.


★ Sual sim a Isua pan tuten Vanram an chang dawn.★



★ ‍Episode hnih ang khan ka kaltir dawn loa pakhatah hian ka khung khawm vek dawna chutiang chuan a remchang ka ti zawk a. Episode hnih anih loh hian a double lo tihna ani lo ania pakhatah ka khung khawm vek a, episode hniha tih kha chu ka rilru ah a lian lem lo lutuka, ala thui ve ang reng dawn bawk sia bakah ka kal buaitir ka hlau deuh hleka😅

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 8:52 pm

ADDICTED_TO_YOU 💙 #EP-6

By : Msi_Miluhlulnui 👩


★BIBLE chang chhiar tur :- (MARKA 10:13-14)





"Ngatinge? Eng emaw tal sawi ve ta che nangpawn i duh loh kha an tih luih ve tho che kha eng emaw tal sawi rawh i thusawi chu an awih maithei asin nangpawn min duh loh thu sawi la chuan an awih anga engkim a fel vek mai dawn alawm" a mita mittui tling khat vek chung chuan a ti leh țiau a, eng emaw tal ka sawi ve theih ringin beiseina mitmeng nen min melh a thaw chhuak hawk in a biangah chuan ka dawm zui nghala "Lora" ka ti sup bawk.





"Engmah i sawi dawnlo maw?! A țha e, keiman ka sawi mai ang. Damian-a nu chuan a pa keini hi min inneih tir tum suh u kan induh lo ve ve Damian-a pawh hian hmeichhe Hmangaih a neia chuan keipawn ka duh bik loa min tih luih țalh in tum chuan kan pahnih nun hi inti chhe ve ve dawn asin. Chuvang chuan khawngaihin hetiang thil hi ti suh u kan in duh lo kan induh miah lo tak tak" ka pa te lam hawi chuan a mittui hrûk thuak thuak pah chuan a ti leh.





"Pa... en ta che, țap chungin a dil ngawih ngawih che a ila tilui dawn tho em ni?" Ka ti zui hrâwih. Ka pa erawh a inngaihtuah mûk hmel ang reng viau bawk. "Bawiha pa" ka nu in a tih rual chuan ka pa chu a rawn thaw chhuak nghal hawk!.





"I duh loh zia ka hmu a mahse Lora Bawihi ipa te nen kan sawiho vek tawh thu sût leh mai mai chi mihring kan ni lo, kan tih tawh chu kan kaltlang pui țhin ka fapa tan hian i țha bera chutiang chiah chuan i tan chuan ka fapa hi a țha ber bawk. Nangni pahnih hi in innei ngei ngei tur ani" tia ka pa in a sawi zawh rual chuan Lora erawh a nui chhuak ta hak. Ka pa luhlul zia ka hria a thil tih tawh chu sût leh ngailo mi ani chuan ka nu hian a thu hniala duh ngai lo bawk, thi dawn pawh ni ila a thusawi hi a sût hauh lo ang.





"Ani maw?! Mahse, induh tawn lo ve ve te chu engtin nge chutiang chuan kan tana a țhat thu i sawi theih zawk? Pa, nangpawn nupui pasal leh inneihna chungchang min hrilh fo țhin ani lawm ni inneihna chu Hmangaihna te leh, rinawmna, inrintawnna inkara awm tur ani tiin mahse tuna in thil tih hi inhria em? Thu țha min hrilh min hrilh a mahse tiang lam hawi chuan min kaihhruai in tum leh si lo. Engtin nge Hmangaihna tello chuan hetiang thil hi a thlen theih ang?" A ti zui leh țhat a, thaw chhuak hawk in min zui turin ka hrilh nghal zat.





"Aih, nang hi ka zui dawn lo che heng thil zawng zawng hi nangmahni vanga thleng vek anih hi in duhdan hi kei chuan ka pawmpui ve thei lo ang che u in duhdan in thlak dawn loh ang bawk in keipawh hian thlak ka tum lo in duhdan chuan engmah a thleng lo ang" ti țhat in, ka ban chu a thing thla nghal hmak a, in ațang chuan a tlanchhuak zui nghal bawk.





★ Lora Malsawmtluangi POV ★

"Lora, ding rawh...." tia Damian-a aw ka hriat pawh chuan engah mah ngai lovin hmalam pan chuan ka pen zui nghal hmawk hmawk a. Ka mittui tla chu ka hru leh rih țhin bawk, an duhdan an sawhsawh dawn lo anih chuan keipawh hian ka sawhsawn bik hauh lo ang eng ang chiaha luhlul nge ka nih hi hre rawh se Hmangaih lo pasal a neih ai chuan len tar pawh ka thlang zawk.





"Ding rawh ka tih chu mawle" ti hrâwih ri ka hriat leh rual chuan ka banah chuan rawn vuan chat in min pawt ding nghal zat a, hah hmel zeta thaw chhuak hawk in ka hmaah chuan a rawn ding a en pawh ka en duh lo "enge ila duh a? Nangnen hian inhmuh emaw pawh ka duh tawh lo inchhungkua hian ka hlatah hian awm rawh u ka nun min tihchhiat sak vek in tum a ka hua cheu ka haw takzet cheu ni" ka ti chhuak țhat a, a thaw ri hrâwih chu ka hre chhunzawm nghal zat bawk.





"Ka hria i sawi ngun tawh viau i vawikhat sawi kha ka beng hian ala hria" dawhtheih loh hmel fahran hian a rawn ti ve nghut.





Ka ban chu ka pawt thla pawp a amah chu muangchang hian ka en chho bawk. "Anih chuan engatinge min la hnaih fo si, ka hmuh tirh ațang reng che in buaina ka la tawk ziah a ka rawn kal hma chiah pawn khan i bialnu kha ka bulah a rawn kal leh a hlim hmel zet in lawmthu te min rawn hrilh ang sâwng a, duh duh a in bawl kual theih mihring pawh ka ni bik hleinem duh duh hunah min hau a, min vau ang thûl a hnuah lawmthu in rawn sawi leh a in mak takzet ani" ka ti leh țhat a, ka mittui rawn luang thla chu ka hru lehnghal tâwk bawk. An chunga ân a, thinrim vak chakna bak hian tunah hian ka khat lo.





"Hmun reh taka awm i mamawh anih kha min rawn zui rawh" ti nghuta, ka ban rawn vawn leh a tum rual chuan ka lo tawlhsawn nghal zat a a rûm chhuak hrâwih lehnghal "nang zui che hi ka duh reng reng lo tun ațang chuan hmelma kan ni tawh kan inkarah hian kak thûk tak a awm a chung chu nangmahni siam vek ani bawk a ti phui tura in bei dawn anih loh chuan ka ti kak thui zui zel ang" ka ti nghal fak a, ka bag hrui vawn ngheh sauh pah chuan amah chu ka kalpel nghal zat bawk.





"Luhlul hun hi chu i hrelo mawle" a ti nghut chu ka hriaa ka pên chak zual sauh bawk. Kawng kân ka tum rual chiah chuan ka inrin hma hma in keimah chu ka kâng nghal awk a a darah min pu anih chu! "Hey! Nang hi engthil nge i tih a? Min dah thla nghal rawh, min dah thla rawh ka tih chu" tih vak pah chuan a hnung zâng ah chuan ka chûm zui nghal vak a, mahse engah mah ngai lovin a kal hmiah hmiah anih chu!.





"Thil sawi țeuh hi thiam hlur ringawt țhin suh" ti hluk in a kal zela ka ke chu ka leng vak vak a min pui tu tur ka au nghal ruai bawk. Ka chawn a rawn dawm chat pah chuan tumah an lo kal loh tur thu a rawn sawi nghal zat a, ka rûm nghal vak bawk. Engvanga hetianga awm ziah hi nge maw anih le? A hmaah vawihnih lai ka mittui a tla tawha amah bawk hian min tih reh sak a tunah pawh thinrim zetin min siam leh tawh bawk hi. Hepa hian danglamna eng emaw tak chu a nei ngei ani. Mahse ka hua.





"Chêt sawn tum hlek suh ang che" a tih nghut rual chuan motor chhungah chuan min nghat nghal zat a, seat belt min hren tir tura a kûn lai chuan chhuah tum in ka lo bei a mahse ka ban bulah rawn dawm in Motor seat chu min nghen tir nghal dawt, seat belt chu min rawn hrentir nghal zat bawk a. "Chêt tum suh tih ka hrilh zo chiah che ani lawm ni" a rawn ti deuh hrâwih bawk.





"Ka chêt leh chêt lo turah thuneihna pakhat mah i neilo i huang chin i pel mah mah ani i rual hian khawiah mah kal ka duh reng reng lo min chhuk tir vat rawh nangni nen hian inhnim hnaih ka duh lo" ka ti nghat a, mahse engah mah ngailo tih hriat zet hian tho chhuakin car kawngkhar chu a khar nghal zat a, rang lutukin seat belt chu phelh ka tum a mahse a theih loh a sak lutuk takzet ani.





A rawn țhut luh ve rual chuan a ngal ah chuan ka lo tlawh sak nghal pawp! Min rawn melh zui hrâwk a mahse engah mah ngai duh lo ve ngar ngar in ka melh let ve nghek bawk. "Seat belt hi min phelh sak rawh anih loh chuan ka pawt chhe vek ani mai" ka ti țhat a, a nui nghal suk lehnghal.





"I pawhchhiat mai mai theih tura an siam ani hleinem i theih chuan pawt la ka nghak thei reng ania" ngeiawm zet hian a rawn ti a, rûm nghat pah chuan a châwn ah chuan ka tlawh lehnghal pawp a țhut țhat pah chuan car kawngkhar chu hawn ka tum a mahse a theih loh, ka pawt leh vak vak a mahse a inhawng thei chuang lo "i lock ami a? Hawng vat rawh ka tih chu ka chhuk duh i bulah hian awm pawh ka duh lo ngatinge ka chungah hetiang thil hi i tih tlat a? I eng pawi nge ka sawi ngatinge min tihbuai reng?" Amah en phei pah chuan ka ti leh țhat a, a thaw chhuak hawk bawk.





"Awm thawvena in bengdaih i ngai anih kha ngawi reng khan țhu rawh anih loh chuan i kâ chîp dan tur ka hriat ang hian ka ti tawh ang" ti nghut in Motor chu a tinung zui nghal zat a. Ka chhan veleh hma hma chuan chak zet hian a tlanchhuak zui nghal bawk. Tihdan dang a awm loh avang chuan motor seat chu ka ngheng nghal dawt a ka maimichhing zui nghal vang vang bawk.





Phone ri ka hriat rual chuan ka phone ka dap nghal vat a mahse alo ni lo hlauh "ka buai deuh a ka rawn be leh ang che" Damian-a chuan a ti deuh hrâwih mai a muangchanga mengchhuakin amah chu ka en a thinrim hmel zet hian hmalam bih ngur ngur pah hian Steering chu a herh kuala, rei pawh en lo in ka awmdan ngai chuan ka awm leh hmak bawk.





Zinga ka pa thusawi te leh nichin lawka thilthleng te ka ngaihtuah let a, ka thinrim thar leh lutuk hi au chhuah vak ka duh takzet ani. Zinga ka pa ka hrilh pawh khan alo hre vek tawh a mahse ka lakah ala zêp țalh a chutiang chiahin ka nu pawn engtin nge an fanu hi a mipa duh loh em em chu min neihtir tum lui țalh nge maw an nih le, an duh chuan kei kher lo Sheryl pawh neih tir se ani mai alawm kei ai pawn a țha daih zawk ang.





He zanriah ei na tur an sawi ah hian lo kal lo tawp ila țha tur. Ka mimal nun pawh min zahsak lo in an mahni duh ngei mipa chu min neihtir an tuma vawitam pasal ka la neih duh loh thu ka sawi țhina anni pawn ka neih an la phalloh thu an sawi ve bawk țhin mahse tunah chuan ka nu leh pa hriat țhin ang kha an ni tawh lo ka nun min tihchhiat sak vek an tum tawh anih hi...





Ka phone ah a rawn nghawr dar dar rual chuan Maria-i anih ring in ka la chhuaka mahse ka nu call anih avang chuan ka hmet thim zui leh hmak bawk. An thu an sawh sawn hma loh chuan ka be dawn hauh lo. Ah ka tum leh rual chiah chuan call dang a rawn lut lehnghal zat a ka nau leh bawk ani, chhang duh lo chuan phone chu ka Switch off-a ka bag ah chuan ka khung nghal hmak bawk.





"Engvanga call kha chhang duhlo nge inih?" Damian'n a rawn tih rual chuan ka thaw chhuak nghal hak "i buai lohna tur tur ah hian lo buai ziah suh" ti hmak in ka țhu saisir deuh a ka thinrim lutuk hi sawi ngaihna pawh ka hrelo tumah biak pawh ka duh heklo min hruaina tur tur ațangin keimah in haw na tur ka zawng ve mai ang.





"Lora kan thleng tawh..." Damian'n a rawn tih chuan men pawh meng duh lo in ka țhu lui ngar ngar a, a thaw hrâwih te pawh chu ka hre reng bawk. "Meng rawh Lora" a rawn ti leh nghut. Ngaihsak lo chuan ka saisir zual sauh sauh a a run tawk a tling em em bawk.





"Chimawm chhuah a hunlo viau ania Lora" a rawn tih leh nghut rual chuan min rawn hnaih chilh nge ni a perfume rim pâ zet chu ka hre nghal zat a mahse ka la meng duh chuang lo "i luhlul man a i thil hmuh ah hi chuan min dem hauh suh ang che" ti nghut in ka kaihza hnuaiah chuan a kut a rawn rawlh lut a au chhuak vak in ka meng nghal kâwk a, a mitmengah chuan chiang zet hian ka inhmu zui nghal bawk.





"Min khawih s...."
Ka sawi zawh hma hma chuan min pawm kâng zui nawlh in car kawngkhar chu a tlawh khar zui nghal a. A nâk a, ka sih vak rual chuan "hrep tak che hian engthil nge maw i hriat reuh le" ti hluk in min thlauh thla nghal dawt anih chu! Ka mawng na lutuk chu ka dawm nghal ngawih ngawih a ka heh ka pet zui nghal fan fan bawk.





"I țha em?" Ti sup a a rawn țhut thlak rual chuan rum zeta melh zui pah chuan thei leh theilo hian ka tho chhuaka ka mawng na lutuk avang chuan duh ang in ka ding hleithei lo bawk. He mihring bulah hi chuan engmah pawh ka ngaihtuah theilo ka thinrimna zawng zawng min lak kian sak vek a amah min huat tir ni berin ka hria.





"Ana viau em?" Inthiamloh hmel zeta a rawn tih rual chuan ka ding sawn leh dat a "min ngaihtuah pawh ka ngailo" ka ti zui hmak bawk.





"A țha lawm, ngaihsak i duh loh miau chuan nâ chu tuar tlawk tlawk ta che ngaihsak pawh duh lo hmeichhe buaipui reng turin hun ka nei bik hleinem" a ti ve nghut a, a lungawi lo ve tak tak ani ngei ang ka thiam loh vek pawh ani bik lo enge ka duh loh chung min pawm vel awr awr ni. Kalsawn in car chu a kal huala ka awmna hmun hriat tuma ka hawikual rual chuan ka meng phâwk nghal hra a, khawilaiah nge kan awm? Aizawl khawchhung chu ani miah lo.





A țhutna lam kawngkhar a hawn rîk ka hriat rual chuan thei leh thei lo hian mawng na chung chung in a lamah chuan hmanhmawh zet in ka kal phei nghala a țhu lut tur chu a "hey!" Tiin a banah chuan ka va vuan ta tawp. Lut zui ta lo chuan a rawn ding chhuaka Car kawngkhar chu thinrim hmel zet hian a khar zui nghal dawt bawk.





"Helai hmunah hian min hruaitu ini a engvanga min hawsan tum leh ringawt nge inih? Hetah hian min hnutchhiah i tum ringawt ami a?" Ka ti țhat a, a kekawr ipte zen pah hian Car chu a nghenga ngun zet hian min en bawk. "Ka ngaihsak i duhlo ni khan ka hre si a" chimawm zet hian a rawn ti sup a, ka ner zui nghal nâwng bawk.





"A inang hleinem heta hnutchhiah leh min thlakna avanga mawng na a inang hleinem" ka ti ve leh hmak a, a nui ri nghal suk bawk.





"A la na viau em?" A rawn tih leh rual chuan țawngkâ pawn chhang duh lo in ka bu nghut nghut ringawt bawk. "Helai hmun hi khawi lai nge? Hriat ngai lohna hmunah min hruai a keimah chauha min hnutchhiah i tum ringawta" ka ti leh a, a hmun hma vel chu ka enkuala ala nawm hmel phian lehnghal.





"Tunah khan i thinrim lo ani tih i inhria em? Inneih chungchang vel avang khan thinrimna pakhat mah i neilo, a dik em?" A rawn tih sup rual chuan rang zet in amah chu ka en nghala mahse ka inchhir hle, hnai zetah hian chiang zet hian min lo en a ka phut nasat êm avang chuan alo nui nghal suk bawk.





"Ka la thinrim reng, ka tilang duh lo mai mai anih hi nanga bula thinrimna hian engmah sâwtna a neiloa chuvang chuan ka tilang lo mai chauh ani" ka ti hmak a, ka thusawi avang chuan nge ni a nui ang suk lehnghal "a dik chiah maw? Ka hriat dan nen hian a va inperhsan deuh ve" a rawn ti leh sup a, din hlat pah chuan ner nâwng in ka melh zui nghal bawk.





"A inperhsan ani mai alawm enge pawi vak ka haw duh ania min hruai haw tawh rawh kan kalna hmun hi ka hre bawk si lo" tih pah chuan ka hawikual nghal bawk. Nichina a sawi kha keipawn anih ka ring. Inneih chungchang avang khan tunah hian ka thinrimna a bo veka ka ngaihtuah pha tawh hauh lo bawk. Engpawh chu nise hepa lakah hi chuan thinrimna lan chhuah tir pawn awmzia a nei leh dawn chuang lo.





"Haw ang" ti leh nghata amah en tura ka hawiphei chu ka kawngah chuan rawn vuan in a lamah chuan min hnûk phei a, car ah chuan min nem bet in ka hmaah chuan a rawn innem khalh nghal zat a kei erawh ka meng phâwk nasa hle bawk. "Ngatinge ka tum pawn ka theih loh engvang nge? Tinge ka rilru chhungrilah hian i awm ngut ngut a i chhuahsan theih loh?" Ka mita chiang zeta min en pah chuan a rawn ti sup a ka chil ka lem nghal dâk bawk.





"E.. enge i sawi awmzia chu ni a? Egmah ka hrethiam lo" ka ti deuh nawk nawk a, ani erawh chuan a mitmeng thûk zet chuan min en zui ngur ngur bawk a chu chuan ka thinphu a ti rang takzet ani. "Naupang in an thil duh neih an chak a an vei ngut ngut ang mai hian alawm ka vei che le vawitam ngaihsak tawh loh tum che in ka inhrilh țhin mahse awmzia a awm lo, min ngaihsakna pakhat mah i neilo chung pawh hian hnaih luih zel che ka chak tlat zel si" a rawn ti thûm leh sup. Ka thinphu nasa lutuk hian ka thâwk te a pawt hialin ka hria ani.





"A țha e, chutiang chu sawi tawh lo ang ka haw duh ka chhungte chu an thu sût leh turin ka na nawr ang nasa taka ka nawr chuan an sût leh thei hrim hrim ang nangpawh i pa kha lo nawr ve la i tih tlat chuan an ani pawn a thu a sût thei ngei ngei ang tun hi kan țan rualna hun tur chiah ani" thâwk chhuah hawk pah hian ka ti a, pangngai taka lan ka tum hram hram bawk a mahse avan harsa si em!





"Kal ang, haw ang... va nawr ang" tia a innem khalhna pawhthlak tir ka tum rual chuan a ai hnaiah a rawn awm lehnghal zat "Lora... engvanga min ngaihsak miah lo nge inih?" A rawn ti lehnghal sup. Amah pawh en ngam lo chuan ka kûn deuh ti tih a ka thinphu rang lutuk hi tih reh ka duh takzet ani ka duh takzet.





"Min chhang rawh, engvanga min ngaihsak miah lo nge inih?" A rawn ti leh sup a, ka thaw chhuak nghal ham ham bawk. "Ngaihsakna chhan tur che pakhat mah ka nei hleinem bakah ngaihsak che pawh ka duh heklo ma hmelma ini a, ka thinphu i tih ran hi a tawk tawh bialnu nei la inih kha ka chungah hetiang hian awm suh buainaa in hnamhnawih ka duh lo ka tih kha" ka ti chhuak hap a, thâwk chhuah hrâwih pah hian a kut chuan car chu chûm zui nghal pawp a, ka phu nghal nghek bawk.





"A țha e, ka ta ni turin ka siam ngei ang che" ti sup in ka banah chuan a rawn vuan a car-ah min țhuh luh tir dawn amaw tih nâk alaiin in pakhat awmna lam chuan min kaiphei nghal dawr dawr a a kal chak lutuka engmah pawh ka sawi hleithei lo "enge hetah hian min hruai ve ngawt nachhan nia haw ang ka tih kha" a din dawt rual chuan ka ti ve nghal nghat a ka hah lutuk chu ka thaw chhuak nghal hlawi hlawi bawk.





"Zanin chu hetah hian riak rawh" a rawn ti sup.





Phâwk zeta meng chung chuan "maw!?" Ka ti nghal vak.





"Hetah hian riak rawh, i haw anih chuan thinrim chung bawk in in i chhuahsan leh ang. Engvang mah in kan chhungte hian an thu an sawh sawn hauh lo ang hlauh tur a awm lo i mamawh engkim a awm vek ang hnathawk an awm bawk" a rawn ti leh sup a, na zet chuan ka ban a vawnna kut chu ka thing thla nghal vak.





"Engtiang chiahin nge min lo ngaih a duh duh a min tih kual mai mai theih tur mihring ang in maw? Hah! A rapthlak hle mai, engatinge ka nun pawh chu control i tum tlat nachhan engvang nge ni a? Ngatinge ka kalna turah ilo awm zel zalen tak hian min awm tir ve hle hle thei lo em ni? Ka nun tihchhiat in tum thûl engtiang chiaha min siam danglam nge in tum a?" Ka thinrim tawh lutuk chuan ka ti chhuak nghal vaka ka thaw chhuak nghal hlawi hlawi bawk. A nih hian ani tawh lo hrim hrim.





"A chhan chu he thil vang hi ani, nichin ațang tawh khan ala ri ngar ngar asin. Ka pa leh ka nu chuan number lawng leh i nau nen lam. A tu ber call hi nge chhang turin min duh an vai hian em ni? Nge ni a i nau zawk hi?" Tih hrâwk pah chuan a phone chu ka hmuh theih turin a rawn lek kâng nghal zat a. A sawi ang tak tak in a hming a sawi te ațang chuan missed call chu a intlar thla țhup a, number lawng chu ka pa number ani tih ka chiang hle bawk. Ka phone ka off daih si a an buai viau ta ve ang.





"Min hnial lo in ka thusawi hi ngaithla rawh Lora" a rawn ti sup, ka thaw chhuak nghal hak a engtin nge hetiang em em hian ka chhungte hi ka lakah an nunrâwn theih zawk hetiang hian an awm ngailo asin mahse engatinge an inthlak danglam thut a ka lakah hetiang thil lian tham lutuk hi an zêp nachhan.





"Helai hmunah hian i riah ngei a ngai ani Lora, tunah chuan kan awmdun mek tih an hriaa an hlauhthawnna pawh tam uchuak ani hauh lo ang kan awmdun avang hian kan inngeih theih an beisei mek in ka ring bawk. Mahse he thil hi i duh lo anih chuan i duhdan in thil i kaltlangpui ve thei" a rawn ti sup a, ka thaw chhuak nghal hak bawk.





"Pakhat call kha chhang chhin teh pakhat call kha an thu rawn sawi a zir in thil ka ti in ka ti lo ang" ka ti chhuak hap a, ani pawh rilru buai hmel zet hian a thaw chhuak zui nghal hawk a call rawn lut leh hmasa ber chu a pick zui nghal zata loudspeaker-ah a dah a, ka pa aw ka hre nghal chat bawk.





"Pa" ka ti chhuak sep.





"Bawihi, i țha ani tiraw? I chungah engmah a thleng lo tih sawi hram rawh Bawihi, kan thiltih hi i tana țha tura kan tih ani asin hriatthiam tum rawh. In innei anga nakinah chuan in la in Hmangaih dawn chauh heihi School kan kal lai pawh a kan suangtuah țhin ani kan fate inneih tir ve ve hi" ka pa chuan a rawn ti a, a thusawi avang chuan ka mittui a tling nghal ringawt bawk.





"In ât laia in suangtuahna ringawt ani a ngatinge a taka chantir kher in tum nachhan? In thil tih hian ka nun pum a tichhe vek thei tih in hria em? Hmangaihna maw? Ka ringlo pa, ka mipa duh ve ve em em pawh ka nei thei lo ania khatiang lam ngaihtuah leh pawh kha ka duh lo bawk. Min tilui zel dawn anih chuan inah khan ka rawn haw tawh rih lo ang ka nunna emaw ka zahawmna min ngaihpawimawh saka in fanu anga min ngaih leh hunah chauh ka rawn haw leh ang " Ka ti chhuak hap a, keimah zawk in phone chu han ban in ka hmet tawp nghal zat a ka din țhat rual chuan ka țap chhuak teuh kher bawk.





Na zet hian ka hmai chu hup in ka thaw chhuak nghal vak a, ka mittui tling chu ka hru deuh thuak bawk "i sawi ang chuan hetah hian ka awm ang mahse vawikhat chauh i phone kha ka lo hmang thei ang sm? Englo, Maria-i biak ka duh a" ka hmai hup pah chuan ka ti chhuak sap a, tunah tak hian hmuh reh tak a țah chhuah vak bak bak a chak ka neilo.





"Rei lo la inchhung lamah hnathawk ho ka lo va bia ang chuan Lora" tih pah chuan ka hmai hupna ka kut chu rawn la thla in ka biangah chuan dawm in ka mittui chu a hru nghal zat "ka mitah min en rawh" a rawn ti a, muangchangin ka en chho a a mitmeng muanawm ruih chuan min lo en let ve reng bawk.





"Engkim a pangngai leh vek ang tih ka tiam a che" a ti sup a, ka chal ah chuan a rawn fawp zui vang vang bawk. Lo dan nachang pawh ka hre lem chuang loa a tih ang ang chuan ka dawh mawl ve tawp ani ber.





"Ka lawm e" tih pah chuan a phone min pek chu ka hûm nghet zual sauh a thaw chhuak haka inher in țhutthleng awmna lam chu tlan meuhin ka pan phei a ka țhut fel rual chuan ka thaw chhuak zui nghal ham ham bawk.





Tunlaia ka hun tawn lo danglam ta em em mai hi la hrethiam lo ani thil maksak pui pui leh huathla la awm takzet te ka tawng a tunah ka chhungte hetiang hi an ni leh a enge ngaihtuah tur ber pawh hi ka hrethiam tawh lo. Ka mipa duh loh chu pasal ah min neih tir an tum a tichuan ka hma hun ka ngaihtuah e ka tana țha tur ani e an ti leh bawk a. Ka hma hun ngaihtuah chu nise chuan ka duhdan min zah sak in hetiang thil hi an ti miah lo ang.





Mahse tunah chuan ka nun min tihchhiat sak vek an tum ta si a, ka thil tawn danglam ta thut thut hian thâwk ngaihna min ti hrelo țep ani. Tunah te hian ka hah hluah hluah a enge ngaihtuah ber tur pawh ka hre tawh lo ka thluak te hi an chawmawlh vek a Damian-a sawi ang khan hmiun thawvenga awm ka ngai takzet ani chuan an tilui zel dawn anih chuan keipawh ka dinna ngai ah hian ding in ka hlim theihna anih dawn phawt chuan engpawh ka ti mai ang.





A phone chu hmet êng in Maria-i number chu ka chhu lut a ka call nghal zat bawk. A buai ani ngei ang a vawikhatna ah chuan a chhang loa mahse ka call nawn leh ngat a a tawp țep tih ah chuan mutchhuah hmel zet hian a rawn chhang a alo muhil leh hman tawh ani ngei ang.





"Maria, keimah Lora" ka ti nghal sap.





Nangmah maw? Mahse tinge? Khawngwi phone?" Mak tih hmel zet hian a rawn ti a,ka kut chu ka hûm thlan vek tawh.





"A battery a low daih a chuan midang phone ațangin ka lo call tawp che a chuan zanin chu ka lo kal thei leh dawn loa a chhan pawh a awm vak lo duty ka nei leh thuta Damdawiinah kal lehnghal ka ngai a chuvang chu ania i thusawi vel kha chu naktukah kan buaipui mai dawn nia bakah zanah chuan tih a har dawn ê... light êng hnuaia bih reng a ngai dawna a hahthlak dawn êm asin" ka ti a.





"Ni ve tho, mahse ngatinge tut tut nge tunlai hi i chianglo reuh riau mai. Chuan i țap ami a? I aw kha a dik miahlo ania aw" a rawn ti nghal chat a henu hi chuan min hrechiang takzet anih hi.





"Țap lo, a vawt lutuka ka hnar a ping vek anih hi naktuk zanah kan khawih dawn nia chuan ka dah phawt ang aw ka insiam dawna ka thlen hunah ka rawn be leh ang che" ka ti a, eng emaw a sawi deuh nuap nuap bawk a mahse chhang zui tawh lem lo chuan phone chu ka off-a ka thaw chhuak nghal hak bawk.





Ka pa number ațang leh anu leh pa hnen ațang chuan missed call tam zet a awm a mahse ka view sak duh chuang lo bawk. Phone chu hmet thim in ka bula âwl ah chuan ka dah a hmalam chu en in ka thaw chhuak nghal hak a. Engtin nge ka awm zel tak ang le. Ka haw anih chuan ka duh lo chung pasal min neih luih tir anga duh lo in tlanchhuak dawn mah ila an mahni bawk lo chu pan tur ka nei leh chuang bawk si lo.





"Nu... pa, engatinge ka chungah hetiang thil hi in tih tak mai. In fanu hian in pawi sawi ka nei em ni? Ka nun a chhe vek dawn tih pawh ka hriatchian tluk hian hrechiang ve tur inni asin ngatinge ka la Hmangaih dawn ang tlata in sawi tak mai. Hetiang mizia hi in neih ngai loh kha khawngaih takin hetiang thil hi a thleng ngai lo ang tih min hrilh rawh u" hmalam en pah chuan ka ti chhuak sep a, ka mittui a rawn parawl lehnghal ringawt bawk.





"Lora" tia Damian-a aw ka hriat rual chuan lehlam hawi in ka mittui chu ka hru nghal thuak thuak a a hmuh ah hian ka țap tawh tur ani lo. "I phone min hman tira ka lawm e chuan helai hmun te min kawhhmuh bawk a ka lawm lutuk ania ka ngaih ang em em a sual chu ilo ni lo anih hi" ka hmaa a rawn din rual chuan amah en chhoh pah chuan ka ti nghal sep a, a nui chhuak nghal hawk bawk.





"I mamawh engkim a awm bawk a i room tur pawh an peihfel tawh bawk a hlauh tur a awm lo ania hmeichhe pahnih an awm ziah alawm an fel lutuk, i nel thuai mai ang" a rawn ti a, chhan ngaihnaka hrelo lutuk chu ka nui ta ringawt bawk.





"Nui reng rawh, i nuih hian i hmelțha lehzual" a rawn ti sup a, ka ner zui nâng ringawt bawk.





"Helai hmun hi tu ta nge a chuan khawi lai velah nge kan awm a?" ka ti sep.





"Khawchhung kan hlat vak lo, he hmun hi ka hah changa chawlh hahdamna tura ka pan țhin ani ka pu khan ka tana a sak tir ani bawk a engkim hi thing hmang veka siam ani bawk, uluk takin enkawl se ka duh a a awmchilh tawp tur nufa ka ruai a anni chuan an enkawl mek bawk" thil awm vel enkual pah hian lawm hmel zet hian a ti chhuak ve hawk bawk.





"A nalh lutuk ringawt chuan ka lawm nawn leh e.... kan inhmuh hnua thil țha min tih sak ve hmasak ber ala niang" ka ti sep a, awih loh hmel zet hian a rawn nui chhuak hawk a keipawh ka nui ve tho bawk.





A chhungah chuan min luh puiin hmeichhe pahnih awm te chu min in hmelhriat tira an fel hmel em em mai bawk a mahse ka be tam lemlo ka ril a țam ring in chaw min pe a chupawh tam ka ei lemlo bawk engmah ei chakna ka nei miau lo. Ka nu ten min ngaihtuah ang em tih chu ka ngaihtuah reng a tunah hian min rawn call an tum mek âwm si a mahse ka biak chuan pasal chungchang bawk kha an sawi leh anga ka thâwk a ti ipik zual mai mai dawn tlat ani.





A pawilo, hetah hian zan in chu ka riak anga naktuka ka phei hunah eng emaw tal sawiin an thu sût leh tura hmin ka tum anga ka theilo anih erawh chuan ka neih lohna tur anih dawn phawt chua engpawh ka ti mai ang mahse tunah pawh ka pasal tura an duh bulah chuan hun ka hmang meka a hlat ah awm in amah hi haw tur ka ni si a, mahse amah zawk in min la ngaihsak em em a ka hahdamna tur min la zawn sak bawk a enge ka awmzia pawh hi ka hrethiam tawh nei nuai lo e a.





"Englo... Lora, Damian-a chuan pawna lo chhuak turin a ti che a tunah" hmeichhe nu khan a rawn ti a, "Ala haw lo maw? Mahse, a haw tur thu kha a sawi bawk si a" ka ti nghal hap a, hepa hi engemaw a hriat reuh le.





"Aw, haw lo" a rawn ti a, ka chhuah tur thu ka hrilh bawk. Engvanga la haw lo nge maw anih le, nichin ațang tawh khan haw turin ka ti daih tawh bawk si a mahse tunah ala awm bawk si. Thaw chhuak hak in ka tho chhuaka pawn lam chu ka pan nghal zat bawk a bathlar a țhutthleng an siam ah chuan lo țhu in no ah chuan eng emaw hi a keng a a in leh zeuh țhin bawk.





"Ngatinge ila haw loh a? Haw tura ka tihna che a rei tawh reng nen" ka ti nghal a, a bulah chuan ka va phei nghal ti tih bawk.





"I sawi ang khan i duh duh a i tihkual theih mihring ka ni bik lo ania" a rawn ti ve leh khera a ngeiawm êm avang chuan hnunglam ațang chuan ka chhiat khum nghal vak bawk.





"I in ve duh em?" tih pah chuan no chu ka lam ah a rawn lek kâng a a rawn tho chhuak nghal ti tih bawk.





"Aih, ka duh lo ka in ve ngai lo" ka ti a, ka lu ka thing zui nghut bawk.





"In chhin la, a ruih theih loh rilru hahna te a chhawk ve asin a rim ana lo bawk, in rawh a pawina a awmlo tam zawk chuan hriselna atana a țhat thu te an sawi țhin" tiin no bawk chu ka lamah a rawn lek ve a vawikhat chu tiang lo chi hi ka in ve tawh mahse ka rui vak miah lo. A pawi loh ring in no chu ka la a, alo nui suk bawk.





No chu thên zeuh in ka in a, a thlum dep dep bawk. A thlum ka hmuia kai liah pah chuan a tui zia ka sawi vak a, a sawi ang khan rim a nei loa chuan ruih chi niin ka hrelo bawk.





"Avan dangdai ve a" tia in ka tum leh rual chuan rawn pên hnak vut in no chu min laksak a ka tukhumah dawm in ka hmui bulah chuan a rawn fawp ringawt anih chu! Ngawi reng chuan ka ding ringawta a ani pawh a che chhunzawm tawh bik lo.





"Lora" ti sup in ka nghawngah chuan a rawn dawm a, ka hmuia fawh a rawn tum rual chuan a âwm ah chuan nem vak in ka tawlhsawn nghala ka thaw chhuak zui nghal ham ham bawk "hetiang thil hi a thleng tur ani lo, aih... a theih loh hrim hrim" ka ti chhuak hap a, lu thing nghuta kal ka tum rual chuan ka banah chuan rawn vuanin a lamah chuan min pawt phei a, nghet zetin min kuah zui nghal bawk.





CHHUNZAWMNA👇


rps20200627_225043.jpg
rps20200627_225043.jpg (25.02 KiB) Viewed 5772 times

★Damian Zomuansanga★
Au Nui Chawngthu Manumije tan aw😍





"Engthil nge itih leh tak hi... nang hi! I rui ami a? I thil in vang kha ani chiang mai khaw maw min thlah teh va haw tawh rawh zan a rei dawn...." tiin a nâk ah chuan ka nem vak a keimah pawh chu ka tal sek bawk mahse min kuah nghet sauh in ka sam ah a hmai a phum a, ka taksa che ve awk thei khawp hian a rawn thaw chhuak ve leh țhin bawk.





"Lora... chhanna ka duh, engvanga min ngaihsakna pakhat mah neilo nge inih?" Ka sam a hmai phum reng chung chuan a rawn ti thâwp sup. Ka sam chu a rawn fawp zui vang vang a engvanga hetianga awm hi nge maw anih ziah le.





"Enge ka ngaihsak ngawt ang che... ngaihsakna chhan tur che pawh ka nei hleinem bakah hetiang hian awm suh buaina ka duh lo ka tih kha" ka ti vak a, tal chhuah ka tum a ka thei țep tih ah chuan min kuah nghet leh vak a ka ngei lutuk chu ka rûm nghal vak bawk.





"Chhete pawn min ngaihtuah ve ngai miah lo em ni? Min hrilh rawh" a rawn ti leh sup, ka thaw chhuak nghal vak a he thil ațanga tlanchhiat hi ka ngai ani thil țhalo zawk a thlen hma in "ngaihtuah ve țhin tho e mahse ngaihbel tur pakhat mah a awm lo. Awi leh! Min thlah vat rawh saw Remzuali alo kal ania a thinrim hmel em em mai lehnghal" ka ti chûl a, a kawr ah chuan ka pawt nghal vak bawk.





"A lo kal ka tih chu mawle" tih leh vak pah chuan a pum ah ka nem a, a awm hran deuh rual chuan ka tal pît nghal zuai ni berin ka hria hmanhmawh zeta kal ka tum chu ka banah bawk rawn vuan leh in min pawt let leh a, in bang ah chuan min nawr bet in min rawn dinchilh a ka nghawnga a dawm rual chuan țawng chhuah ka tum a mahse ka hmui ah a rawn fawp nghal chawt!.





Nichina mi kha a in ve tho avangin a thlum dep dep chu ka hre thei. Hetiang thil hi a thleng tur ani lo tih ka hria mahse ka dan theih loh bawk ani leh tawh duh lo teh mah ila dang turin chakna ka nei si lo kei hian ka awmdan hi ka hrethiam lo hepa lakah hian chakna ka nei loa chutiang chiahin ka chak loh lai tak bawkin ani kan intawn leh țhin ni hetiang chiah hian Jordian ka duh khan ka awm țhin chuan hepa hi ka duh ve tihna em ni nilo, a theih loh.





Ka ngaihtuahna maksak zet avang chuan a âwm ah chuan ka nem vak a, amah pawh chu a awm hrang ve deuh hlawk bawk. "Hetiang hian awm lovang aw a țha em? Ka duh loh deuh thil a thleng ang tih ka hlau bakah tunah chuan kan hma hun kan ngaihtuah a pawimawh ber kan nu leh pa te ve ve bulah kan induh loh zia lantir ila chuan nawr bawk ila keini pawh inhlat in tihpalh thil anih loh chuan inhmu tawh lo ila a țha ber ang kha i bialnu mize maksak deuh kha a rawn kal leh palh ang" ka ti chhuak hap a, amah chu ka en a a mitmeng thûk zet chuan min lo melh reng bawk.





"Tiang chuan kan inremsiam tiraw? Kan nu leh pa te kan nawr ve ve a ngai ania a țha tiraw?" Nuih deuh reuh pah chuan ka ti leh a, mahse min nuih let ve chuang lo tuna a thiltih avang khan ka awmdan ala danglama ka hrethiam lo ka zak ru chem chem ni ber in ka hria. Ka biang te ka nghawng te thleng in ka sa thla pup pup in ka hria.





"Min chhang duh bawk si loa ka kal ania nangpawh va haw tawh rawh zan a rei tawh dawn" ka ti leh a, amah chu ka kalpel a mahse inchhung luhna kawngkhar ka hawng tur chiah chu ka hnunglam ațang chuan min rawn kuah a, ka dul ah a kut nghat in a lamah chuan min hnûkhnai nghal zat a, ka dara a khabe a rawn nghah rual chuan ka îp zui nghal châwih bawk.





"Chutiang chuan ka ti lovang, ka duh che Lora" a rawn ti thâwp sup. Ka chil chu ka lem nghal dâk a, tunah khan min duhthu a sawi mawle min duhthu a sawi. Hetiang hi thleng tur ani lo mahse tinge a thlen tlat si "ka kianga hun hmanga ka kianga nui turin ka duh che min ngaihsak loh zia hre reng chungin hnaih chakna che in ka khat țhin hnaih tawh loh tum che pawn vawitam ka inhrilh awmzia a awmlo ka duh che Lora" a rawn ti leh sup a, tuna a thusawi chhung zawng khan ka thaw lo ni ber in ka hria.





Min kuahna a kut chu muangchang in ka enthlaa, enge ka sawi ang sawi tur ka hrelo chhan dan tur ka hrelo tunah hian ka hrawk hi an hnawhphui vek ang mai hian a awm chhan ka duh mahse ka theilo. Remzuali te ka ngaihtuah chhuak thûl bialnu a nei reng a mahse mim duh thu min hrilh leh a hetiang hi chu thil theih ani lo.





"I rui anih kha va haw tawh rawh motor i khalh theilo palh ang" tia a kut ka vawn hnan rual chuan a rûm zui nghut. "Ka rui lo, ka rui hauh lo Lora" a rawn ti hrâwih a. Ka îp zui nghal vak bawk. Sawi tur ka van haih chham tak em!





"Anih i ruilo anih chuan min thlah rawh bialnu nei lai reng inih kha ka chungah hetiang hian awm suh bakah ipa thusawi avang khan i rilru a hah lutuk anga min duh ang in i insawi mai mai aniang nang chuan Remzuali i nei alawm" ka ti a, ka rûm zui leh nghut bawk.





"Ka nei mahse ka Ka Hmangaih lo, ani chu ka chingfel thei Lora ka kiangah awm la ka kianga nui a hun hmang turin ka duh che" a rawn ti a, min kuahna chu a phelh thawl a kei erawh chuan remchangah la in ka lo tal hrang nghal vat bawk. Jordian chauh ka duh dawn ka tih kha ani chauh kha ka duh ang ka duh reng bawk ang.





"Chutiang chu ka thei lovang ani khan a duh em em che a khatiang ang buaina chhete kan inkara awm pawh kha ani tan chuan buaina lian tham lutuk indopui ang mai ani a chhan chu nang a chân che a hlauh vang ani bawk a Hmangaih che a chuan chutiang chiahin nangpawn tunah kha chuan i rilru a hah a min duh ang in i sawi mai mai anih kha nangpawn hetiang thil hi a thlen i duh lo tih ka hria inneihna tur avang hian kan buai tawk tawh em em a midang tihbuai ve lehzel enge a ngaihna, va haw tawh rawh naktukah chuan i theihnghilh leh vek mai ang" ka ti a, min man beh leh hlau lutuk chuan inchhungah chuan ka lut a hemi in luah tute nufa chuan min lo en reng bawk.





"Ka va mu tawh ang e" zah zelah chuan ka ti daih a kan pahnih thusawi kha an lo hre ve reng ani ngei ang han phat kual vel khan awmzia a nei lo. Khumah chuan mu in ka phone ka switch off chu ka on a ka chhungte hnen ațanga missed call tam zet alo awm bawk. Engmah chhang lo chuan ka silent-a dawhkan tê ah chuan dah in ka mu țhaa ka maimichhing zui vang vang bawk.





Ka mut theih loh avang chuan ka tal kual sek a ngaihtuah duh lo teh mah ila Damian-a chu a haw tawh ang em tihte chu ka ngaihtuah leh rauh rauh a a chang leh ka tho chhuak leh hluai zel bawk. Zanina a thusawi kha a thutak hmel em em a mahse kei hian ka awih ngawt thei si lo. Ka duh dana thil ka kal tlangpui dawn anih chuan kei ve teh mai hian buaina tam zet ka chawk chhuak leh mai ang.





Ka phone chu ban zawk in dar zat ka en a mahse dar 11 pawh ala ri lo Gallery-ah chuan lut in thlalak te chu ka enkuala Jordian nena kan thlalak dun țhenkhat te chu ka en a amah chu zoom-in a hmai te chu ka chûl bawk "Tunah chuan i Hmangaih tak bulah i awm a i hlim tawh ngawt ang tiraw? Kei chu min ngaihtuah duh tawh suh ka tih kha he khawvela rei tak ala dam ve theih țawk țawk nachhan chu nangmah vang chauh ani a a hun hnuhnung lama hlim theia a awm kha a vannei takzet ani.





Chuvang chuan keimah avangin inchhir lo la khatiang thil i tawn avang khan lawm zawk rawh a chhan chu Hmangaih pawh hmu theilo leh nei thei loa mual liam ta an tam lutuk nang chu i vannei a i Hmangaih tak i tawng a Pathian Remruat ani ngei ang. A dam leh thih chu Pathian thu thu ani a, Pathian zara damna te alo chan leh hlauh chuan innei ula hlim takin fa te nei ula kei chu hmana i School kalpui țhin i țhian hlui ang chauhin min ngai tawh la min theihnghilh vang vang tawh ang che" ka ti chhuak sep a, ka mittui chu ka phone hmai ah chuan a far thla nghal keuh bawk.





Bialpa ka la neih ngam loh avangin min duh ve tih a sawina pawh ka hnawl a khatah khan lo chhang ila chuan tunah hian buaina awm miah lo in kan inkawp ngei anga mahse Pathian Remruat hi avan mak tak em! A Hmangaih tak a tawn tir a enge nun awmzia a hriattir a, Hmangaihna enge tih nen, tunah chuan a Hmangaih tak chu a chhanchhuah tum in a bei mek a an pahnih hian Malsawmna chu dawng mawlh rawh se.





Ka mutna room kawngkhar ri khep ka hriat rual chuan ka mittui chu hru thuak thuak in ka mu țhaa ka maimichhinga ka muhil der ringawt bawk. Khum hniam sawt ka hriat rual chuan ka hmai ah chuan tu emaw hian a rawn khawih nghal zat a a kut ațang chuan Damian-a ani tih ka hrethei.





"I mitmeng mawi leh lian zet te, i biang no tak leh i hnar ngul nalh zet te i hmui nalh zet fawh nuam em em te leh i hmelțha zet te hi ka ta an ni ngei ang min ngaihsak ve hun ala awm ngei bawk ang a chhan chu min duh lo chiang tih i lantir hauh lo i mitmeng ațang khan hlauh thawnna ka hmu thei Remzuali i ngaihtuah ani tiraw? Hetiang hunah pawh midang ila ngaihtuaha an tana țha tur chu ila duh pui bawk a rilru țha leh lutuk mai" a rawn ti sup a, a nui suk ri pawh ka hre thei ka lungphu hi a chawl in ka hria.





"Jordian i ngaihtuah tih pawh ka hria i thiltih engkim ka hre vek bawk i rin phak bak in i chanchin ka hriaa ka chhui tawh bawk mi hlim leh nun theih nan i mipa duh chu i kaltira tunah pawh a thlalak en in i țap muhil tih ka hre bawk. Hetiang em em a rilru țha leh thianghlim zêp pawh nei kil kel loa sawi chhuak vek țhin hmeichhe duhawm hi engvanga ka hmaa rawn inlan vat lo nge inih?" A rawn ti zui leh nghut a ka hmui hnuailam chu a tuai zeuh zeuh bawk a ka awmdan a dik lo ka thlan te hi a tla bawrh bawrh in ka hria ka tho thut ang a ka tlawh thla pawp dawn em ni niang ka awmdan hi a maksak lutuk.





"Lora" ka hming a rawn lam leh zeuh rual chuan ka chal ah chuan a rawn fawp zui nghal vang vang a ka chil ka lem ri nghal khalh bawk. Ngatinge ka lo mutthilh der kher kher le ka awmdan hi a mak lutuk ringawt "tui deuhin mu la" rawn ti leh sup in ka hnar ah chuan a rawn fawp leh zeuh a ka kut in rizai chu ka hmer nghal vak ringawt bawk.





"Naktukah i nui hmel hmuh ka lo in beisei ang" a rawn ti leh sup a, ka hmuiah a rawn fawp nghal vang vang anih chu! Ka au chhuah vak loh nan chuan rizai chu ka hmer vak vak a, aw leh! Ka thinphu ri hi a ring in a phu rang lutuk ringawt, hepa hian a hria anih vaih chuan ka muhil lo tih a hre dawn ngei ngei bawk "muttui le" rawn ti leh sup in ka biangah chuan a rawn tuai leh a a tho chhuak ani ngei ang khum chu a kâng nghal awk a ka room kawngkhar a rik khep rual chuan boruak tlachham zet hian ka thaw chhuak nghal hawk a ka meng zui nghal kâwk kâwk bawk.





Tuna thil thleng rapthlak zia kha. Thaw chhuak vak in a fawhna ka chal leh ka hnar, ka hmui nen lam chuan ka khawih a ka maimichhing nghal vak bawk. Ka hmai hup vak in ka tho chhuaka ka phone chu side table-ah chuan alo awm leh bawk a ka thinphu rang lutuk avang chuan ka âwm chu ka dawm ringawt a.... ka biang te hi a alh in ka hria a sa lutuk ringawt ngatinge khatiang khan a rawn awm thut le chuan keia pawh chu engvanga lo muhil der nge maw ka nih le ka â thei dawnin ka hria. Jordian nena kan chungchang te a hre vek anih chu!.





Zâwi zeta au chhuak vak in ka biang chu ka dawm a ka awmdan hi a diklo a dik lo hulhual Lora ngaihtuah chhunzawm suh ngaihtuah suh kha mihring hlat ah khan i awm tur ani. Ti rilru vakin khumah chuan ka mu thla leh dawt a ka thâwk te hi a buai dawn hialin ka hria ka sa pup pup bawk si ka awmdan hi a mak lutuk. Amah kha haw tur ka ni sia mahse ka ngaihtuah chhunzawm a.... ka duh reng reng lo ka mipa duhzawng pawh ani lo bawk.





"Ngawi teh... ala haw lo tawp aniang a, ka va enchhin teh ang" ti sap a, khum ațang chuan tho chhuak in kawngkhar lam chu ka pan a kawngkhar chu zâwi tê a hawng in inchhung chu ka enkuala tumah an awm lo a ang lutuk ringawt. Muangchangin ka chhuak phei a Kitchen light chu off turin ka phei a ka off rual chuan kawngkâ inkhar țhalo chu ka hmu leh a a haw anga kawngka a khar țhalo ani ngei ang.





Kawngka ka kalh fel rual chuan mu tura let ka tum a mahse sofaa lo mu ka hmuh avang chuan ka phu nghal vak a, ka kâ chu ka hup ringawt bawk. Haw miah lo in hetah hian alo mu ve reng amaw amah a sei zêp zuap bawk sia sofa lah chu ala tlawh tlang zui. A muhil tawh pawh ani mahna a thaw sâk sâk a Rizai engmah ala sin lo zui bawk a vawh ve reuh teh reng nen.





Room-ah thawm dîm zeta let leh in rizai pan tê pakhat chu ka va la a a mutna lamah bawk chuan ka let phei leh bawk rizai chu ka sin tira a ke chu ka dah țhat sak bawk a ala rit em em phian lehnghal. A chau ve ngang aniang nichina thil thleng kha ala rei vak loh nen a muhil nghal thei ania, mipa pawh hi hmeichhia ang tho hian mut an lo awlsam ve tho anih dawn hi.





A hmai bulah chuan ka țhu thlaa a hmel pa chu chiang zet in ka en a a mit khur thûk zet te chu ți dâk in ka han khawih a a harh ka rin teh lul nen a harh miah lo bawk. He mipa thinlung neitu hmeichhia chu hmeichhe vannei tak an ni ngei ang ka laka a awmdan ațang ringawt pawh in a Hmangaih te a ngaihsak tur zia ka hre thei a zanina a thusawi te kha naktuk alo thlen chuan a theihnghilh leh ngei ang a thil in kha a rui deuh pawh ani maithei.





"Tumah hi midang vang in an inthlak danglam ngailo asin mahse nang erawh kei ve teh mai avangin thil maksak pui pui iti a i hmeichhe kawp lakah i awmdan a danglam bawk a eng hmeichhia mah ka ni hleinem chuvang chuan keimah vangin i awmdan thlak danglam tawh suh i bialnu chauh ngaihtuah la i tana a pawimawh zia hre thar zel rawh keipawh kan inneih loh nan theihtawp ka chhuah ang" a sam khawih neuh neuh pah chuan ka ti sep a, a chêt hrut rual chuan a harh hlau zet in ka ding chhuaka ka mutna room lam chu ka pan lehnghal zat bawk.





Zanina ka duty tur ka âwl tur thu Dr. Marina kha a hrilh ringawt tawh bawk a ka inthiamlo ang reng viau bawk.





Zingah chuan a phone hman dil tum in amah ka zawnga a chhan chu Maria'n min lo hruai zawk se ka duh vang ani a rual chuan ka let thei tawh lo. Ka phone erawh ka la on duh lo fo ka chhungten min call bang dawnlo ani tih ka hriat vang ani. Nizan thil thleng te kha ka hrelo amaw a ti ngei âwm sia mahse ka hre bawk si a keimah zawk hi ka awm a nuam hleithei lo.





Nu Op-i a awmna ka zawh chuan kawt zawlah a tih avangin ka chhuak phei a mahse Damian-a leh Remzuali inbia ka hmuh avang chuan rang zet in inchhung lamah chuan ka lut lehnghala engtin nge hetah hian alo kal theih zawk le. Mahse tunah chuan chu chu a pawimawh ber tawh lo min hmu anih vaih chuan ka chungah a țuan anga ni lo lo in min ngai leh anga buaina ka chawk chhuak mai mai, chung ai chuan min hmuh hma in ka chhuak vang vang anga chu chu a țha ber ang chuan ka hmu tawh lo bawk ang a.





Ka inthlak sawk sawk a nimina ka thawmhna hak pangngai chu ka ha leh a nu Op-i chuan chaw a ei theih tawh thu a rawn sawi bawk. "Englo, nu Op ihmaw... tunah hian ka let leh vat a ngaia chuan Damian-a khan min lo zawng anih pawn khawchhung lama ka let tawh thu ilo sawi dawn nia aw thil hmanhmawh thlak a awm thut a ka sawi tam lo mai ang" ka ti a, ka phone chu ban in amah pawh be chhunzawm tawh lem lo chuan room ațang chuan ka chhuak a an pahnih min hmuh loh theihna tur ang ber chuan Gate chu ka chhuahsan nghal bawk.





Khaw pawn deuh ah kan awm a tih avangin motor vei vak ka chang a min hmuh ka hlau em em bawk. Maria-i lah a phone ala la theilo zui bawk a min lo zawng hman tawh ang tih ka hlau takzet ani.





Ka rilru hmanhmawh tawh lai tak chuan Car hi alo tlanphei a ka lawm zia chu ka sawi thiamlo zawk. Ka lo phar ve ringawt bawk a mahse a ding ve mai tho bawk. "Englo ania khawchhung lamah i lut dawn em?" Ka va ti nghal ringawta Driver seat-ah chuan mipa pakhat fresh zet mai hi alo țhu a a hnungah chuan nu pakhat nau pawm hi alo țhu bawk.





"Lut dawn e, tinge a buaina i tawk em ni?" A rawn ti a, nuih pah chuan ka lu ka thing nghal nghut nghut.





"Aih tawk lo e, sawtah sawn chawl hahdam turin kan riak a ka țhiannu biak ka tum a min lo hruai turin mahse a call a chhang thei loa chuvang chuan ka lo phar ding tawp cheu a ka chuan ve in rem ti ang em?" Ka ti a. Pangngai tak anga lan chu ka tum hram hram bawk.





"A rem lohna a awm hleinem lo lut la" a hmeichhia zawkin a rawn tih chuan lawmthu hrilh nghal zat in a hnung lamah chuan ka lut a kawngkhar ka khar fel rual an tlanchhuak ve lehnghal mai bawk a hnunglam chu ka hawi let a Gate ațanga Damian-a rawn tlanchhuak chu ka hmu nghal zat bawk.





Aw le, a țha e kan inhmuh tawh loh hram ka beisei ka rilru chuan ka ti a, țhu țha in ka thaw chhuak nghal ham ham bawk.





"I țha em Nula?" Driver chuan a rawn ti a, nuih pah chuan ka țhat chu ka hrilh nghal vat bawk.





"Awi ha! In naute chu a van hmelțha em em ka lo pawm ve chhin thei ang em? Fa in nei hmelțha hle mai" naute en pah chuan ka ti chhuak hliai bawk a, Motor khalh tu pah chu a rawn nui chhuak hawk ringaw a ngaihna hrelo zetin amah chu ka en nghal bawk.





"Kan fa ani hleinem, ka nau anih kha" nuihzat hmel zet hian a rawn ti sup a, ka nui tawi tak ringawt bawk. "A damloa entir turin kan rawn hruai anih hi kha pawm rawh, i pawm duh chuan" hmeichhia chuan a rawn ti a, naute chu min pawm tir nghal zat bawk.





"Avan pawi ve, mahse ka thawhna Damdawiinah hian Doctor te an thiam asin lo kal ula keiman ka lo hruai ang che u in motor-ah min phur bawk sia" zângkhai zet hian ka ti chhuaka darthlalang ațang chuan motor khalh tu pa chuan min rawn en a kei erawh chu ka lo hawisawn vat thung.



★ ZANAH KA DAH LEH ANG AW😌

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)