LOVE IS NEVER ENOUGH by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: LOVE IS NEVER ENOUGH by Amy Cck (Completed)

Unread post by Ngaia » November 1st, 2020, 2:26 pm

CHAPTER - 37 πŸ’˜ by Amy Cck


Ka hmai chu tu emaw hian a rawn khawih avang in mit ka meng a. Benjamina hmel ka hmuh rual in ka mutna atang chuan ka thu chhuak nghal vat. Ka thi dang a nih ka ring. Mahse enge nichin a a thu sawi kha? Ka thil ngaihtuah chhuah avang chuan rang zet in ka melh nghal kawk.


" Nang hian nichin khan enge i sawi kha? Min zui ruk mai duh tawk lo in ka chanchin pawh i lo chhui a ni ti raw? " Ka ti nghal tan tan. Khawnge ka nu leh pa pawh hi an awm daih ni.


" Evang in nge ka chhui ruk kher ang che! Kum 5 chhung khan thil at thlak bak engmah i lo ti lo tih erawh chu ka hria. Ka Naute kha i ni miau a! " Khi suk hian a rawn ti a. Ka ang nghal phiau.


" A nih chuan.... A nih chuan nang hi... I ni tak tak maw? Min tih der lo ti raw? " Ka ti chhuak tiau. Ka aw lawi deuh rat leh ka kaw chhung lam atang a tah chhuak in min rawn hnawh up up vang chuan ka in hum ruh nghal vak bawk.


" Lo kal teh ka Naute! " Ti sup in min pawt hnai hrut a. A awm hlai hlup a min kuah bet in ka chhipah a khabe a nghat a, hahdam hmel zet in a thaw chhuak nghal suai suai bawk.


" Engvang in nge i rei em em a? " Ti chhuak tiau in ka tap chhuak nghal hawk a. Zawhna tam tak ka nei a, eng thil nge thleng a, engvang a hetiang a danglam nge a nih tih pawh zawh ka duh. Mahse engmah ka sawi chhuak thei lo, ka hlim lutuk leh lawm lutuk chu a taksa kuah bet in ka tap vak ringawt. Duat zet a min kuah let a, ka tah chhung zawng chuan dawh theih tak in min lo nghak a, ka hlim a mahse ka mittui a chhuak zo thei lo thung.


Ka hahdam deuh hnu chuan ka taksa kuah bet hlun chung chuan thil thlen dan chu a sawi a, a kar lakah zawhna tam tak ka zawt a, ka u in a tih thin ang chiah khan dam dup in min chhang zel a. A chang in ka hlim lutuk vang in ka tap leh thin, engkim mai chu flim emaw thawnthu ang mai a ni. Mahse ka tan chuan thawnthu a zawng a hlimawm ber a ni miau thung.


" Ka pa chungah i lawm lo em? " A awm zawn a hahdam zet a beiin ka ti sap. A rawn nui suk a, kei in a chhanna ka ngai chang thung.


" A tir kha chuan ka thin a rim! A rim tak zet. Kum nga zet a lo ngawih bo pui vang khan. Mahse tunah erawh a rilru ka hrethiam tawh. Ka pa rem ruatna hmasial zet kha pawm lo se chuan ka dam kher lo a nga, kum 5 chu sawi lo kum khua in ka hmu thei tawh dawn si lo che a! " A rawn ti thawp sup a. Hahdam zet in thawk ka la halh.


Kan pahnih chuan in hnuai lamah kan chhuk a, kan chhungte dang pawh an rawn leng ve a, dik tak chuan kan vai mai chuan min thawng em em vek a. Kei phei chuan ngaiah ka nei thei lo. Ka mit hmuh a a awm loh hlek chuan ka zawng ruai a. A chhan pawh min bo san leh mai ka hlauh vang a ni ber.


" Reubena i rawn zawng a nih chuan phone call a dawng a a kal sawn lawk! " Varanda lamah ka chhuak chu u Rinzualan a lo ti sup a. Min thawng deuh thut lutuk chu ka phu dawr leh nghal.


"Engtik in nge i lo thlen a? " Ka ti let vat a nui suk in a la rei loh thu in min chhang ve nghal bawk.


" Ka lo ngaihtuah a! Kan pahnih chung chang kha... " A tawng chu a tawp dat a, za lo zet in a nui nghal suk. Engmah sawi lo mahse ka in thiam lo ngawih ngawih thung. Chiang tak in ka u a lo let leh takah chuan a ni nen a kan in zawmna hi chu a tawp tih kan hre ve ve a. Kum 5 chhung zet khan min buaipui in ka bulah a awm reng a, ka mamawh lai zawng in min hlat ngai lo, chuvang chuan a lakah pawh hian ka in thiam lo tak zet.


" Ka tihpalh aw! I chungah hian lawm thu sawi dan pawh ka hre lo hial zawk. Awm lo la chuan tiang din hmunah hian ka awm miah lo ang tih pawh ka hria. " Ka ti let sap. Bu nghut in a nui ve suk a. Sawi tur a vang lutuk chu ka thaw leh hak thin.


" Engmah ngaihdam dil na tur i nei hlei nem. Ka enkawl thei che kha ka lawm zawk a sin. A nih chuan i natna chung chang hi i zep reng thei dawn lo. Benjamin... Oh... Reubena hian rei lo te ah sawi lo mah la a hre tho dawn tih i hria ti raw! " A rawn ti sup a. Ka nui tawi tak.


" Hetah in lo awm a! " Kan hnung lam atang in ka u in a rawn ti sup a. Ka hawi nghal dawr. Kan lam pan chuan ka u a lo kal a. Ka bul a rawn thlen rual in ka kawngah a ban rawn suih kawp in ka chhipah a hmui in a rawn nawr nghal vang vang a. U Rinzuala pawh a nui chhuak hawk.


" I hmel chu danglam deuh mahse nangmah ngei i la ni e! " Ti sup in u Rinzuala chu a khi suk a.


" Ka awm loh lai a ka ai I lo awh avang in i chungah hian ka lawm a nia Thiana! Chu tih rual in nupui tur dang i zawn leh mai a ngaih hmel! " Nui hawk a ka u in a ti chu a nak ah ka kiu in ka nghawk nghal salh a. Ka kawng a min kuahna chu a rawn hmer salh a, ka rak that.


" A pawi ka lo ti vak hlei nem. Kei chuan Reubena ang lo tak in hmeichhe buaipui ngai leh enthlak reng ngai hi ka ngaina lo. Mahni lu zo tak smart deuh ka zawng leh mai ang! " U Rinzuala chuan a rawn ti a. Ka melh chho nghal rawm.


" Wow... Kei chu chutiang hmeichhia chu an hneawm ka ti riau. Buaipui reng ngai, thil ho te pawh ka tel lo a ti thei lo leh ngaihven reng ngai hmeichhia hian ka mit an la zawk! " Ka u in ka beng bulah ti sup in a hmui chuan ka nghawng a rawn nawr deuh salh a, ka nui chhuak hak.


" Ni teh se! Ka haw phei dawn, zingkarah damdawiin a kal ka ngai a. Nang pawh i rawn let tawh bawk a I awm mai mai thei lo tih kha hria la! " Ti leh kal sawn a rual a. Min kuah reng chung chuan hma lam a bar chu a rawn vuan a. A taksa che awk a thawk a lak rual in ka nghawng zawng a lum hak.


" A hahdam thlak hle mai! " A rawn ti sup a. Kei pawh ka hahdam tak zet. Kum kha ti che mit thi emaw ka tih tawh a la dam chu ka rin phak bak a ni a. Ka lawm zia leh ka hlim a ni tih hi thu maiin ka sawi chhuak thiam lo.


Ka natna chung chang hrilh ka tum a ka hrawk ka thian kharh chu, kan nula in in leng te an haw dawn a zu mang tha tur in ka nu in min koh thu a sawi avang in engmah sawi lo chuan in hnuai lamah kan chhuk ta thung.


In leng ho in min haw san hnu chuan ka pa in min hmuh duh avang in room ah kan zui lut a , thil rawn thleng deuh thut vang nge ka nu phei chuan a bik in ka u chu a en leh vang vang thin. Kei pawh in ka koh dan zawng zawng nen ka la lai deuh hu bawk.


" In pahnih awm dan tur hi sawi ho ngai in ka hria a! Rinzuala nen in in neih tur chung chang pawh thu kan sawi fel a ngai viau ang! " Ka pa in a ti sup a. Ka u ka melh zawk chu min lo melh ve run avang chuan ka hawi sawn hmak.


" Reubena pawh hetiang a I rawn tha chhuak leh hi ka lawm tak zet. Mak pawh in ti ang tih ka ring a, mahse ka thu thuknaah khan kei chuan tun thleng hian in chhirna ka la nei lo. In pa ka nih ang in ka fanu leh fapa neih chhun liau liau in ni a, pa thinlung atang chuan khang thu pawm mai kha thil harsa tak a ni.


In pian hlim atang in ka kut in ka pawm in ka chawi lian cheu in, ka enkawl cheu a, pa dinhmun atang chuan ka fa neih chhun liau liau te in neih tir kha thil dik ber a ni lo. Chu mai ni lo in Reubena pawh nangmah hringtu pa bulah ka awm tir che kha ka in chhir ngai hek lo. Ka fapa i nih ang in a pawimawh ber chu i nunna kha a ni miau a.


I la dam tawk tawk theihna tur a nih chuan kha aia hla a thawn che pawh kha ka hreh hek lo. Mahse tum ang in thil a kal vek lo a. I pa nen in rem siamna kan nei a, ka sawi tawh ang in mipa i nih chuan i thu thuknaah i ding nghet tur a ni. Chuvang chuan Angeli i hriat leh beiseiin in hmu leh hram u la ka tih vang a, Angel rawn tir ka ni a. Ka fa re in nih ang in in hlim na ka ngaihtuah lo thei lo a. I natna atang in harh chhuak leh tih ka hre har erawh ka in thiam lo tak zet.


Rei tak hreawm in tuar miau a, khang buaina zo zai kar a tun din hmun in thleng hi kei chuan mak ka ti hran lo. Khuanu ruat lawk chu tu nge thlak thei ang. Ka thinlungah chuan ka fapa i ni reng a. Mahse dan ang tak chuan mi hrang hlak i ni tawh thung a. Angeli nen in inneihna pawh pangai tak a buaipui tha leh tur in i pa ka lo bia a nga.


Ka fanu hian ka tar tak tak hma in pasal nei ve tawh se tih hi zep loh chuan ka duh ve bawk a. " Min rawn en in a then suk a. Ka hmui ka lo ti pawrh vak thung. Kan chhungkua a kan awm kim lai hian ka chung chang kha sawi ka tum viau a mahse kan chhungkua kan hlim ve chauh a ti chhe tu nih ka duh loh avang in engmah ka sawi leh ta lo. Rem chang hmasa ber ah erawh ka sawi chhuah ngei a ngai ang ka rilru in ka ti thung.

*

" I muhil thei bik a mi? " Ka khum chu rawn hniam salh in ka hnung lam atang in taksa lum thur thur in min rawn kuah in a ti sup a, nui chung in a lam hawiin ka in her ve nghal thak.


" Thil ka lo ngaihtuah a! " A taksa lian leh pang ti lum thur thur kuah bet salh salh chuan ka ti sap.


" Sawi la! " A rawn ti let sup .


" Ka tihpalh tih ka hrilh hman loh che avang khan ka in thiam lo lutuk a. Kum 5 Liam ta khan Champhai kan awm lai kha i la hria em? ' ka ti zawi sap a. Lu bu nghut in ka chhip zawnah a rawn thaw chhuak suai suai a.


" Ngaihzawng i nei a maw ka tih tlat kha i la hria em? Ka lo a ti rawh. I thu sawi kha lo ring mai tur kha ka nia. Mahse kha tih lai khan engin nge min mawlh pawh ka hre lo, mahse tunah chuan ka in chhir tak zet.


I thi a maw ka tih pawh khan kei mah vangah ka in ngai nghet bur a, kan naute pawh kha... " Ka tawng tawp dat a, kum 5 zet Liam tawh mahse sawi chhuah har ka ti tak zet.


" Shiii.... Hun Liam tawh a nih kha. Chu bakah i thiam loh vek a ni lo. Kha i thian ang a in chhal mipa vang vek kha a ni a, i rai no rilru no lai rem changah a la tika hre har lutuk kha a pawi ka ti zawk! " Seh chilh zet chuan a rawn ti chhuak hrawk a. A thu sawi avang chuan ka thu chhuak hlawl.


" Enge Dika chuan a tih a. Tun thleng in i la hua a maw? Kei mah a lawm ti dik lo! " Ka ti ve nghal a. Thaw chhuak hawk in a rawn thu a. Room dim light eng dul raih hnuaiah chuan a hmel pa zet chu a lang pa zual ngawih ngawih.




" Kha pa khan Dindini vo in kan nupa in kar tih chhiat tum in a lo kher ngar ngar a sin. Hrilh che kha ka tum a, kha mi tlai khan zanriah kil chhuah a saawi pui che ka tum a. Ka hna, ka pu ai ka kal pawh kha chawlh san a, i duh phawt chuan Aizawl lam a let pui che ka tum a mahse i lungruh ngil ngel lutuk a min tlan bo san I lo tum hman hmawh reuh a nih kha! " A rawn ti thawp sup a.


In thiam lo zet in ka thu ngawi ran thung. Ka ngaihtuah chian pauh leh ka mawl zia ka hre chiang a. Kha tih lai a ka rilru ka lo kal pui nasat lutuk vang a kan buaina tawh ka ngaihtuah phei chuan ka in thiam lo zual ngawih ngawih. Dika thil tih ka u in a sawi hnu phei chuan thinrimna in min luah khat mup mup bawk.


" Ka tihpalh aw! I thu sawi kha lo ring tur ka ni a. Kei lah khan ka lo ring ve em em a. " Ka ti chhuak halh. Ka mittui pawh a rawn chhuak nghal ngiai ngiai a. Mahse a hma ang chiah in kut lian leh lum thur thur in ka hmai chu rawn khuap in ka mittui chu min hruk sak a. Hei bak a hlu hi ka tan a a chuang lo.


" Engmah i thiam loh a awm lo ka tih kha. Chu ai chuan engvang a pasal dang neih tum nge i nih? Ka ngaihtuah chian hian ka lawm miah lo a nia. Tunah hian engmah la hre lo ta i la pasal dang i nei dawn ta chu a nia! " A rawn ti hmuk a, ka melh nghal vat.


" Kha kha... Thil... Thil hrilh tur che ka nei a nia! Dik tak chuan in... " Ka ti rual in ka hmui a rawn khar nghal chawt a. A hmui lum ham ham chuan uar zet in min fawp nghal tawn tawn bawk.


" Tunah rih chuan engmah sawi zawm tawh suh. Ka ngai lutuk che, ka rawn tlai lo pawh hi ka lawm tawk em em! " In la hrang hlek a ti sup in a sawi zawh rual in ka hnar a rawn fawp nghal zeuh a. Ka nui hak. Vawin ringawtah pawh ka nuih ngun tawh zia hi min lo chik tu tan chuan thil mak a ni hial ngei ang.


Ka hmuiah chuan rawn fawp leh nghal in, ka shirt chu min phelh sak a, zawi muang a khum a min mut thlak tir a kut chu ka taksaah a vah kual tir nghal ruai bawk. Dan chu sawi lo a khawi rem tur chuan ka lo in siam rem ve zel zawk a nih chu!

*
*

Ka bul a mipa muhil thaw sak sak chu ka thlir vang vang a. Ka kut chu lek chhuak in a chalah ka kut tang chu nghat in a hmai chu ka chhui thla riak riak a. Ka mumang te pawh a ang rum rum hial a. Mahse ka mumang a ni ang tih erawh ka hlau leh viau bawk si.


" Min en duh tawk thei tawh em? " A muhil reng emaw ka tih lai chuan a rawn ti thawp sup a. Ka meng bial nghal kawk.


" Enga ti nge i mut thilh der ziah a! " Ti hlar in a awmah chuan ka beng ri thlap a, a rawn nui chhuak hawk.


" Min en duh thei lutuk hi ka hmel thar hi i duh chiah lo a mi ka ti hial! " Ti sup in a ban pahnih chu mu reng chung chuan a lu kham a, mit min rawn kan khum uk chu ka ner nghal nang.


" Ngaiah neih ka tum a lawm! Ka tho dawn.. Rawng ka zu bawk pui ang! " Tih leh khum tlang a thu chhuak in ka sam ka bawk tawm nghal mawlh mawlh a. Ka thu sawi vang nge ka chet dan vang zawk a rawn nui chhuak nghal hawk a nih chu.


" I la harh chiang lo em ni! Rei lo te lo mu tha leh rawh!" A rawn ti sup a. Ka ban a rawn vawn a tum chu ka ding nghal vat.


" Ti nge... Nui suh aw. Rawng bawl ka zir nasa tih i hria em? " Ka ti let vak chu a hmui ti sawi in min rawn ban leh mai a tum a rang lutuk in kawngka lamah ka tlan phei nghal. Ka room ka chhuah pawh chuan a nui ri hawk hawk chu ka la hre thei. Rawng ka bawl dawn ka tih kha a nuih zat ni maiin ka hria.


Dik tak chuan ka u nen kan tlan dun lai a , ka pu teri in ah engmah thiam nei lo a ka cheng kha hreawm ka tih zia kha ka la hre reng a. He ta ka awm chinah pawh hian inchhung chet leh ei rawngbawl te ka zir tha leh a. Mi a ang mai a in a ka tawm chawt lai pawh khan ka rilru tih thawven nan ka hmang ber thin.


" Vawin chu kalna tur kan nei a! " Chaw kan ei lai chuan ka chhung te ho melh kual chuan ka ti chhuak a. An vai mai chuan min en vek.


" Kimkimi a lo thleng dawn a, kan lo zu hmuah a ngai dawn a! " Ka ti chuan ka pa chuan fimkhur tur in min chah nghal.


" Kimkimi pawh a lawm ngawt ang chu. I boral emaw tiin mi zawng zawng kha min thawng em em vek a. A bik in Kimkimi phei chu phone a ka biak pawn a rawn tap nasa lutuk kha ka khawngaih zawk! " Ka nu chuan ka u en chuan a ti ve nghal a. Ka u a la dam tih ka hrilh pawn a lawm lutuk leh awi harsa a ti bawk si kha min rawn tah khum nasa bawk.


" Kei pawh kar leh hian Dubai ah ka chhuk leh a ngai dawn a! " Ka u in a rawn tih chuan ka thil ei lai ka tawp chat.


" Engvang in maw I kal dawn a? Hetah i awm reng tawh ang chu! " Ka nu in a ti nghal vat. Ka pa pawh chuan a rawn tui hnih ve nghal bawk.


" Hna zawh fel loh ka nei nual a. A rei ber ah kar khat vel bak ka awm lo ang. Nautei nen kan in neih hma a chinfel ka duh a. Chuvang chuan... " Ka u chuan a ti a, a tawng lak lawh lai chuan ka thutna atang chuan ka ding nghal hmak.


" Aii... Khawiah mah i kal ka phal tawh lo." Ka ti hmak.


"Ka sawi hi ngaithla phawt la! " A rawn tih pawh chuan en duh lo in ka kal sawn zui hmak. A kal leh a nih chuan a rawn let tawh lo ang tih ka hlau miau. Tunah pawh rei lo te ka hmuh lo a nih chuan hlauh thawnna in min tuam zui nghal mai zel a nia. Engtin nge a kal ka phal tawh teh lul ang.


Step a ka chho lai te chuan ka awm zawn chu a rawn thip vin tur a. " A hun lo lutuk! " Ka ti zui hlak.


________________________________________________


* REUBEN ZOMUANPUIA POV *


" Han thlem la, han hrilhfiah rawh. A hlau thawng a nih kha! I hriat kha a kum chu upa ve tawh mahse a rilru erawh a la puitling lo viau a nia! " Ka pa chuan a rawn ti sup a. Ka nu pawh a rawn thaw zui hak.


" Hun rei tak hnuah thinlung tak in a hlim hmel kan hmu leh a. Ka fapa rangkachak i lo let leh bawk a. Chuvang chuan in ti lawm lo rei suh u. " Ka nu chuan nui sang in a rawn ti ve bawk. Ka thutna atang chuan tho in in chung lam chu ka pan ve nghal a. Nautei room ka kik chu min chhang leh duh tlat lo. Nui suk in kawngka chu ka hawng a. Room chhungah chuan a hmel hmuh tur a awm hauh lo.


Room chhung a pen lut in ka zawng kual nghal a mahse A vang viau leh nghal. Bathroom kawngka hawn mai ka tum chu chhung lam atang in a lo in kalh tlat avang chuan sawi deuh chung chuan ka ko a mahse min chhang miah lo a nih chu.


" Naute lo hawng teh! Kan sawi dun dawn a nia. Vat in Ruatpui... Kawngka ka ti chhe hreh miah lo a nia! " A rawn hawn duh loh avang chuan ka ti chhuak hrawk. A thawm engmah ka hriat loh avang chuan kawngka chu ka ti chhe ta tawp a. Bathroom chhung a Nautei lo tlu reng ka hmuh rual in rang zet in ka pen lut nghal pawk pawk a. A taksa chu tui in a lo in a lo bual huh vek tawh leh nghal.


" Naute.... Heiii.... I tha dawn a nia! I bulah ka awm hi! " Ti mawlh mawlh chung chuan ka pawm chhuak a, in hnuai lam a hman hmawh zet a ka pawm tha chu ka nu leh pa in hlauthawng zet in min lo buai pui a. Chhan pawh chhang tha hman lo chuan kawngka lamah ka pawm chhuak a, motor a ka dah luh rual in ka nu leh pa in an rawn thut luh pui nghal a. Damdawiin lamah kan in khalh chhuak nghal bawk.


" A tha ang ti raw! A dam vek tawh si a, engtin nge hetiang hian a awm thut a? " Ka nu chuan a ti chhuak halh a. Nautei hmai dang var pap leh ni khaw hre lo a mit chhin tlat vang chuan ka rilru pawh hlauhthawnna hlir in a luah khat bawk.


Damdawiin kan thlen rual in doctor ho chuan an lo buaipui a, Rinzuala pawh rawn lang in thil ti ngai chu a tih tur ve nghal vat a. Oxygen hmang a thawk tirin cabin a Nautei mu chu ka melh a, a result chhuak vat vat se tih chu ka duh ber a ni.


Nurse pakhat rawn lut in Dr Rinzualan min hmuh duh thu min rawn hrilh a. Nautei result lam a nih ring chuan a office lam chu ka pan ve nghal. Office a ka luh rual in result chhuak thenkhat chu min en tir tur in ka hrilh nghal a, Dr Rinzuala hmel dik lo ru riau chu ka hmuh hmaih hauh lo bawk.


" Engtin nge hetiang hi a nih theih a? " Ka kut a lehkha chu melh ngur in ka ti sup.


" Angelin a la hrilh lo che a ni maw? " Rawn ti tu chu a doctor coat ah chuan ka tham sak nghal hmiah.


" Hre reng chung in i zep sak a maw? A thih leh dam chung chang a ni tih hre reng chung in engtin nge i en liam mai theih zawk! Doctor chauhan ni lo in a unaupa ang hial i ni lawm ni! " Ka ti chhuak hrawk.


" Ka tum ve a sin. Mahse a rilru sak zet sawh hneh a har zia i hre ve reng a ni lawm ni. I boral emaw tiin dam chakna a nei tawh lo a, a tan nun hlutna hial awm tawh lo in a in hre miau a, khang kum chhung khan ka tum loh hi i ring reng reng em ni! Dam khaw chhuak tur a bei tur a ka hrilh a piang a min chhan let na i hria em?


' Chutiang ka mamawh lo. Dam thlahlel te chiah in a lawm enkawlna dawng thin. Tun mai a ka nunna ka tih tawp loh chhan chu Zomuanpuia vang a ni a, in enkawl ka duh loh chhan pawh Zomuanpuia vang tho ' a ti thin. Ka tan chuan tih theih a awm lo. Chuvang chuan min dem lutuk bik suh. Dem tur an awm chuan nang hi i ni! Rei tak awm bo lo la chuan nang chuan a rilru i hmin em em ang! " Tih leh ka vawnna thing thla hmuk in office atang a chhuah a rual nghal.


" Tunah kan awm dun ve chauh a, min kal san hi ka rem tih ring suh! " Khum a Nautei mu chu a kut nghet zet a vawn sak in ka be mawlh mawlh a. Tun mai a a lung thlak na engtin nge kan hmuh anh tih mawlh ka ngaihtuah. A hmasa a kan thlak dawn pawh khan a thla tel ka pa khan a zawng kha a nia.


Ka nu leh pa chanchin ka hrilh a, buaina pakhat a kiang a buaina dang in min nang ching leh nghal zel erawh rilru a hreawm duh khawp mai. Ka nu leh pa rilru pawh a hah viau a. Theih tawp in Nautei lung thlakna tur kan ngaihven nghal a. Chutiang a hmuh mai lah chu thil harsa tak a ni bawk si.


A lung a chhiat tawh em avang leh , a treatment lak thin leh damdawi tak ngial pawh a ma thu a a lo tih tawp vek avang in tunah hian thlakna tur hmu pawh ni i la damchhuahna change a chhe tawh viau leh nghal. Ka ngaihtuahna kal bing zet atang chuan ka phone ri vang chuan ka harh chhuak zawk a. Ka phone screen ka en rual in Jenny hming ka hmu zui nghal.


" U... I lo chhuk hun tur chu i sawi chiang thei tawh em? " Phone ka lak rual in a rawn ti lang lang a. Nautei muhil chu melh zawk in ka thaw chhuK hawk a, ka thutna atang chuan ding tukverh bul chu ka pan zui nghal.


" Duati ka lo kal tur chung chang kha ka thulh leh mai a ngaih hmel. Helamah thil pawimawh a awm a! " Ka ti let ngut.


" Engmaw? Ngati leh thut nge. Kha nu vang tho kha a ni ti raw. Kei ni ho min hmuh hi i tum tawh lo tak tak maw? U... I nun a rawng e mai. Ka pa in i chungah thil thleng a zep chhan kha chu chan che a hlauh vang a nih kha! " A taan ti chhuak nghek a. Phone leh lam atang chuan a lawm loh zia pawh ka hre thei.


" Sorry . Heta ka awm hi a ngai tlat. Kan in be leh dawn a nia. Ka dah phawt! " Tih leh phone dah ka rual a. Nautei rawn harh tan chu ka buaipui chhun zawm nghal.


Rin ai tak in a rawn harh tha a. Mahse thisen a neih tlem avang in kan khai sak ta tho a. Ka nu leh pa te pawh ka hrilh ve nghal bawk.


" U... U Rinzuala chungah i thinrim i lo hrithla a ni maw? He thil hi chu ka duh dan a ni hi aw, chuvang chuan midang huat phah tur in ka duh lo che! " A rawn ti sap a. Mit ka chhing sawk.


" Engvang in nge i sawi vat loh! " Ka ti hmuk.


" Kan hlim lai tak a ti chhe tu nih ziah bik kha ka duh lo a. Dik tak chuan i thi emaw ka tih vang khan dam hi ka thlahlel bik vak tawh hlei nem. Engvang a pasal neih kha rem ti nge ka nih tih min zawh khan hrilh che ka tum a mahse a rem leh si lo a. Pasal neih ka tum chhan chu i boral ve hun ah pawh ka nu leh pa min lo enkawl sak tu tur ka mamawh a. Chuan chutiang ti tur chuan u Rinzuala ala tha leh rin tur ka hre si lo a. " Nui lui sak in a rawn ti a, ka thaw hawk.


" A viau thin suh! " Ka ti hmuk chu a rawn nui chhuak hak.


" Ti nge ka thil tih ve chhun a piang hian buaina a thlen bik ziah le! " A rawn ti tiau chu awm hnaih in ka ku ah bet nghal hmiah.


" I tha leh vek mai ang. Ka awm chhung chuan i nat ka phal ngai lo ang. " Ka ti ve sup. Rilru erawh A thlaphang ru ve ngawih ngawih tho.

*
*

" Nau hi engzat chiah nge i neih a?" Lawm lo lutuk a Kimkimi tawng chu ka nuih suk. Nimin ah Jenny a rawn zin a, hotelah a awm avang in hmu tur a kal la ngai a, Kimkimi chawlh la a a rawn haw lai a nih avang in Nautei lo awm pui tur in ka ti ta thung.


" Thik thu kha lo pe chhe viau lo la! " Ti sup in ka khi suk. Ner nang in kut a kuang kuah nghal at.


" Enge in sawi dun dawn hrim hrim? " A rawn tih rual in A chalah ka nem dat.


" I hriat ka duh hun ah ka sawi ve mai ang! I tih tur zawng chu Nautei lo duat la. Chawhnu lamah chuan ka rawn thlak thei ang che. Thil har vak a ni lo! " Tih leh motor A luh ka rual nghal.


Jenny hotel thlenna lam chu ka pan a, Jenny room ka luh rual in ka phone ri vang in ka tawi khaw muang hrut a. Phone ka lak rual a Kimkimi thu rawn sawi avang chuan ka nghil nghal dup.


" Tu maw bo a? " Ka ti chhuak hrawk. Nautei a cabinah a awm loh thu Kimkimin a rawn sawi a nih chu!

πŸ’˜πŸ’˜ like, cmt leh click kha rawn ti ve ru aw hmeltha hoπŸ’˜πŸ’˜
πŸ’œ ADS HI A CHUNG LEH A HNUAIAH DAH VE VE A NI A πŸ’œ
A chung leh a hnuai a mi hi vawi khat ve ve click tur a ni e, in lo hre dawn nia πŸ‘‡πŸ‘‡



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:26 pm

CHAPTER - 38 πŸ’˜ by Amy Cck


" U.... I kal leh nghal dawn a mi? " Kawngka ka lut tawh Kimkimi thu rawn sawi vang a chhuah leh mai ka tum chu Jenny in a rawn ti vat a. Damdawiin lamah hmanhmawh thlak a awm thu sawiin ka pen chhuak nghal a. Ka rilru hman hmawh leh hlauthawng lutuk chu ka ngaihtuahna a nu bulh hial in ka hria.


" Ka lo kal ve dawn! " Ka motor a ka thu lut chu passenger seat lam rawn in pawt hawng in Jenny chu rawn thu lut in a rawn ti ve nghal a. Hnial buaina hun pawh a awm tawh lo. Hman hmawh zet chuan ka tlan chhuak zui nghal.


Motor khalh chung chuan ka pa ka bia a, a ni pawh hna atang un damdawiin lam a pan mek thu leh ka nu erawh in atang in a chhuah avang in damdawiin a thlen vel tawh a rin thu a rawn sawi a. Rang zet in ka nu no chu ka call nghal a, mahse a chhang thei miah lo leh nghal.


" Angeli a bo maw? Eng tin nge a thlen theih? " Jenny chuan a rawn ti vat a. Pik zet a thaw chhuak hawk in motor stearing chu ka chum nghal dawp.


" Ka hre lo! " Ti bul hmuk in motor khalh reng chung chuan ka kut leh lam a phone keng in Rinzuala no ka hmet chhuak zui nghal. Vanneih thlak zet in a rawn la hram.


" Enge chanchin? " Ka ti nghal hmuk. Ka bul a Jenny lo awm ve pawh chu ka ngaihven hman meuh lo. Min hmu tur a rawn zin vang vang ni mahse tunah rih chuan ngaihven tur dang pawimawh ka nei rih tlat.


" Kan la hmu lo! A awm na tur ni a kan rin zawng zawng chu kan en chhuak vek tawh! " Rinzuala pawh chuan a rawn ti let a. A aw atang a rilru a buai ve hle tih pawh ka hre thei.. Chu chuan min ti hlauthawng zual sauh bawk.


Damdawiin parkingah chuan tlan lut in hman hmawh zet in motor atang ka chhuak a. Ka hnungah Jenny in min rawn um tih ka hria mahse nghak emaw buaipui viau hman ka ni miau lo a. Nautei cabin ka luh rual in ka nu, Kimkimi leh ka pi an lo awm a. Cabin ka pen luh rual in ka pa pawh a rawn thleng chawp chilh ve nghal.


" Khaw nge Angeli chu? " Ka ti nghal hrawk. Ka nu leh Kimkimi pawh an mittui a tling pam bawk.


" A awm na kan hre lo. Ka thlen tirh khan inchung vel ah a chho a nih ka ring a mahse a rawn chhuk har tak em avang in ka han zawng a , khawiah mah ka hmu zo lo. A taksa a la chak lo bawk nen! " Kimkimi chuan a ti a. Cabin kawngka atang in Rinzuala a rawn lut ve nghal bawk chu kan hawi nghal dawr.


" Khawiah mah hmuh tur a awm lo! " A rawn tih chuan rilru a buai map mai.


" A mah chuan khawiah mah a kal thei lo ang! " Ka sam tuai chho phawk in ka ti chhuak ngut. Rei lo te pawh a kal hah chuan a thawk lamah buaina a nei nghal zel miau a.


" A mah chuan khawiah mah a kal thei lo ang. Zawng leh i la, vak khaw thawng tur a a kal chhuak hi a taksa chau sa nen khawi lai kilah emaw a lo tlu sual reng pawh a ni thei a! " Ka pa chuan A rawn ti chhur chhur a. Damdawiin pum chu kan zawng chhuak vek a tih theih ang mahse Nautei hmel reng hmuh tur a awm lo. Tumah lo hmu tu lah an awm lo chuan zawnna tur pawh a ti tawp hmuk a ni ber.


Damlo lai ni si in bo ang in kan report a ngai a, mahse police ho pawn tih ngaihna vak an hre lo. Kan damdawiin cctv awm zawng zawng nen police ho in an chhui hma in kan en vek a mahse Nautei hmel erawh a vang lutuk tlat. A phone thleng a cabin a a awm vek avang in ruk bo ngei a nih ka ring a. Mahse tu nge damlo lai ru bo duh ang tih ka ngaihtuah ngial pawn ka hre lo.


" Khawiah hrep nge i awm Naute? " Ka phun chhuak sup a. Zan reiah kal na tur ber pawh hre lo in kawngpui ah chuan ka tlan kual nghek ringawt a. Kawngsir a ka hmuh thut ka beisei pawh a ni mahna.


" Reuben khawnge i awm? " Phone ka lak rual in ka pa in a rawn ti sup. Nautei ka zawn kual thu ka sawi chuan beidawng tih hriat zet in a rawn thaw chhuak ve hawk.


" Bawihtei buai in kan buai a Jenny pawh kan lo ngaihven hman lo a. I rawn haw rual in kan in lamah i rawn hruai phei dawn a mi? Kan inah room ruak a awm reng lai a hotel a in nghah tir tlat chu a chi in ka va hre lo ve! Rawn lam kawi rawh aw, i nu in a lo va be tawh a nia. " A rawn tih tak ah chuan ka va hruai haw tur thu ka hrilh ve nghal.


Hotel lam pan chung chuan police station lam call in chanchin a awm em tih ka zawt a , engmah chanchin thar an hriat loh thu in rawn rawn chhang a, thinrim zet in phone ka dah zui nghal.


Jenny room a ka lut chu couch bulah a thawmhnaw dahna bag vel a lo hung chhuak fel vek tawh. A mah ka hmuh mai loh avang chuan corridor lam chu ka pan a, phone a lo be mek a nih hmel, ka thleng tawh tih pawh a hre lo.



" Hun min pe phawt rawh ka tih che kha! " Ka kal sawn mai tur chu Jenny tawng ri ka hriat vang chuan ka ding leh dawt. Kal sawn ta mai lo chuan pan hnai hrut in min hmuh theih loh na chin chiahah chuan ka ding ta zawk.



" Ka hria...mahse ka tum chhin dawn a lawm. He lai hmun a thil thleng hi i hre lo a nih kha! " A hnung lam deuh atanga ka hmuh vang chuan a hmel erawh ka hmu chiang viau lo. Mahse Jenny ngei a ni tih ka hria. Phone a be zo a rawn in her chu a hnung a ka ding min deuh thut vang chuan ka meng bial nghal kawk.


" Ohhh.... U... Ngati nge i lo kal a? " A hmel chu rawn in thlak vat in a rawn ti a, kei erawh in ka melh ngur thung.


" Ka rawn hruai dawn che! " Ka ti let ve ta sup.


" Ah... Ni tak.. Ka hman a ni mai! " Nui lui hak a tiin min kal pel nghal a. Kei pawh chuan ka zui ve nghal a. Jenny che vel chu ka en chik pauh leh a khawr tlat leh nghal. A thawmhnaw dahna chu khai sak in hotel atang chuan ka in zui chhuak ve nghal a.


" Ka rawn thlen lai khan tu nge rawn bia che? " Motor kan luh hnu chuan ka ti sup. Passenger seat a Jenny thu chu a rawn hawi nghal dawr bawk.


" Aa... Nichin khan maw? Ka pa... Ka pa a nih kha! I awm tih hria i la chuan ka biak tir ve tur che a nia! " A rawn ti zui zat a. Lu ka bu ve nghut.


" Kan in a rawn awm chu hreawm i ti lo ang maw? Nautei chung chang vel nen hian kan lo ngaihtuah hman lutuk loh che a nih pawh in lunghnur mai lo la! " Tlan chhuah phah chuan ka ti ve sup.


" Umm... Ka hre thiam a lawm. Ka lo zin lai ber kher leh nghal. Angeli pawh chu khawiah nge a awm ang ni, ka ngaihtuah ngawt mai! Mahse heti tawp a bo chu a mak ka ti ve deuh. A mah hian a lo kal bo zawk pawh a ni mai thei a sin! " A rawn ti zui nghal chu lawm lo zet in ka rum nghut.


" Engvang in nge a tlan bo ang? " Ka ti hmuk. Ka awi lo lutuk chu za lo zet in ka nui ro nghal hawk.


" Ka rin thu mai mai a ni ve tho a mahse nang pawh i hria a damlo tih chu. In rilru tih hah a duh lo vang pawh a ni thei a.... Ih.. Mahse a tlan bo ngei ka tihna a ni chuang lo a nia. " Bah deuh nak chuan a rawn ti zawm nghal zat.


" Kan rilru hah hlau si chuan engvang in nge tlan bo a min tih hlauhthawn a, kan rilru a tih hah leh zual duh ang? " Ka sawi zawh rual in ka ner nghal sawk.


" Nia... I sawi dik chiah! " Ti zawi sap in in thiam lo zet chuan a thu ngawi ran a. Jenny in thiam loh na a nei lo tih hre reng mah i la ka rilru hah lutuk in ka in sum hman lo a ni ber. In kan thleng a ka nu te pawh in rilru khing bai zet chung in Jenny chu an lo lawm hram hram a. Phone ri deuh se Angeli chung chang a nih ring in kan phi nghal ruai bawk. Zan pawh tumah kan muhil thei kan awm lo.


" I tha em? " Ka room a dawhkan bul a chair ah thu in bing zet a ka ngaihtuahna ka hman lai chuan ka darah min rawn khawih in ka nu in a rawn ti dam dap.


" Ka ngaihtuah lutuk hi ka a mai dawn in ka hria! Dam tha lo chungin zan hun khawiah nge a hman tih pawh ka hre lo a nia. Khawiah emaw lo buai reng ta se tih ka ngaihtuah ringawt pawh zawng tur a chhuah mai ka duh a mahse khawiah nge ka zawn tawh ang tih ka hre si lo! " Pik zet a thaw chhuak hawk in ka ti chhuak hmuk a.


Ka nu chuan min kuah bet nghal vat a, ka beidawng lutuk chu nghet zet a ka nu kuah chung chuan thawk ka la hawlh ringawt. Tun tum chu ka nu pawh in engmah min hnemna thu sawi tur a hre lo.

*
*

" U... Ka lo kal a! " Ka room kawngka rawn kik in Kimkimi a rawn lut nghal a. Kei erawh ka thawmhnaw dahna pawt hawng in ka in thlak mawlh mawlh thung.


" Khaw nge i kal dawn? " Kimkimin a rawn nghal ha.


" Zawng tur in ka chhuak leh dawn! " Ka ti sup. Thaw hak a Kimkimi khum a a thi thla hnak chu ka mit sir reng bawk.


" Vawin ah ka kal leh dawn a. Angeli hetiang din hmunah a awm tih chu ka hre tho a mahse thla khat chiah chawlh ka rawn la sia! " A rawn ti zuai raih a. Kimkimi lam pan chuan ka kal nghal vat.


" Ka hre thiam che a lawm! I rilru ti hah duh suh! Ka rawn thlah dawn che a mi? " Ka ti let sup a. Lu a thing nghal vat.


" Aiii.... Chawhnu lam flight a nia. In siam te pawh ka la duh! " A rawn ti leh nghal a, li ka bu ve nghut.


" I duh chuan hetah, kan damdawiinah i thawk thei reng a nia! Let kher i ngai lo, ka bulah, ka hmuh theiah hian awm zawk mai la! " Ka ti ta nge nge. Angeli awm na kan hriat loh lai a Kimkimi kal bo tur chu ka rilru a nuam ngang lo a ni ber.


" Ka chak viau nan mahse khu ti lamah nghak tu ka nei ve a! Kan in hmuh leh hun chuan ka rawn hruai tel tawh ang! " Nui ver ver chuan a rawn ti a. A kut tang a zungbun chu min hmuh nghal vat bawk. Ka hma zawn a a rawn ding chu nui suk in ka kuah nghal hmiah bawk.


In hnuai lamah kan chhuk a, ka nu leh pa leh Jenny te pawh tukthuan kil tur in an lo chhuak ve chiah a. Ka nu leh ka pa pawh an rilru a hah in zan an mu thei lo a. Ka nu phei chu drip khai ngai hial in a awm a, tih theih lah chu kan nei der lo leh nghal.


" Jenny engtia rei nge cham i tum deuh a? " Dawhkan kan kil lai chuan Kimkimin a rawn ti chhuak hlawl.


" Ka hre lo le... " Jenny chuan a ti tawi tak.


" I duh chuan la cham reng rawh. I lo zin lai a hetiang boruak a thleng erawh a pawi ka ti. Ti khan lo ei ru room lamah ka va mu zawk teh ang! " Ka nu in a rawn ti a. A mit meng chauh hmel tak te chu ka hmuh hmaih lo. Ka pa chuan room lamah a phei pui a. Kan chhungkaw boruak rit zet vang chuan thawk a chham mai dawn.




Station lamah Nautei chanchin ngaihven in ka kal hmasa a, mahse engmah thu thar a awm lo. A awm na tur awm ang chu ka zawng kim vek tawh. Babyi pawh dubai atang a rawn let tawh a. Nautei kal na tur a a rin chu kan kal chhuak vek mahse a vang lutuk tlat.


Hna a kal in, rilru pe lo zet in office ah ka thu ve ngur a. Ka ngaihtuahnaah erawh khawi lai ah nge Nautei ka zawn leh ang tih mawlh ka ngaihtuah thung.


" I lo let chiah a mi? Biak lawk che ka duh a! " In ka luh rual in Jenny in a rawn ti vat.


" Ka chau rih! Nakinah sawi mai rawh! " Tih leh ka room lam a chhoh ka rual a. Zan engzat nge ka tlaivar tawh pawh ka hre hrep lo. Nautei chan chin engmah ka hre thei bawk si lo chu ka chau hluah hluah a ni mai.


" Angeli vang in i rilru a hah tih chu ka hria a, kan vaiin kan rilru a hah vek. Mahse che te chuan min ngai sak ve thei lo a mi? " Ka room ah min zui lut in a rawn ti vin that a. Ka in sum hman lo in ka coat chu phelh lawk in chhuatah ka vawm nghal chawrh.


" Hrep chuan! Tunah hian Angeli chin hriat loh in a bo mek a, nang in ngaihsak i lo phut kual vel a maw? I mawl ka ti dawn nge , engvang a nangmah chiah in ngaihtuah nge i nih, hrep che hian! " Ka ti chhuak ve hrawk. Jenny ding tawm chawi chu thinrim in beng daih tum zet in ka melh hrawk a.


" Chutiang in ka sawi lo! Ka...ka sawi tum chu... " A rawn ti chu ka kut ka vai nghal thuak.


" Heta i la awm reng chhan hi ka hria a sin. Min hruai let leh i beisei tih pawh ka hria mahse chu thil chu a thleng dawn lo tih hre rawh. Nang hian Angeli kan hmu lawk thei lo pawh hi i lawm zawk hial ka ring! " Ka chhuak hawk chu mittui tling pam in min en a. Ka rilru pik lutuk chu ka thawk te thleng hian a chham thei mai dawn.


" I sual hle mai! " Ti chhuak halh a in sut hraih in room atang chuan a chhuak a. Ka hmai chu tuai phawk in ka thaw chhuak nghal hawk. Ka phone la chhuak in ka tih thin dan bawk in station lam ah chan chin an hria em tih ka zawt a, engmah thu thar a la awm chuang lo!. Thinrim zet in ka phone chu ka vawm darh nghal thawt.


" Engati nge khatiang khan Jenny kha i tawng khum a? " Ka pu rawn lut in a ti sup a. Chhan pawh ka chhang buai peih lo. Thaw hawk in khum tlang ah ka thu thla dawt ringawt.


" I rilru a buai in a hah tih ka hria mahse Jenny chung a I chet dan leh tawng dan kha chu a mawi miah lo a nia. Kei ni pawh kan rilru hi a hah vek a, midang chung a in hrik thlak hi a fuh ber lo tih hriat tur! I nu rilru ti hah zual zawng phei chuan awm lo hram la a tha khawp ang. ! " Ka dar a rawn beng thak thak in a ti zawi sup a. Tawng ve tur hre lo chuan ka melh ngai ka melh ngur thung.


" I la beidawng lo a ni tih min hrilh rawh! Ka pa.. Ka a mai dawn in ka hria . A chang chuan Nautei nen hian awm dun tur a ruat kan ni ve lo hial in ka hre thin. Tunah hian a bo ang in ka ngaihtuah a mahse a mah a lo kal bo te pawh a nih ka ring leh rum rum thin. Mahse engvang tih erawh la ngaihtuah thiam lo. Ka rilru ka sengkual nasa lutuk mahse kawiah mah hmuh tur a awm si lo.


Ruatpuii tel lo chuan ka dam zo in ka in ring lo. Ka a mai dawn in ka hria a ni. Chuvang chuan beidawng lo tur in min hrilh rawh! " Ka ti chhuak hrawk a. Ka khup a ka kiu nghat a in dawm kun in ka tap khur dar dar a. Ka bul ah rawn thu thla in ka pa chuan ka dar ah min beng dat dat a. A khat tawk in a thaw chhuak ve hawlh thin.


" Ka hai tak zet tawh a ni. Khawiah emaw na tuar a a awm tur ka mit thla lah in ka pik zual em em a, ka tel lo a hlim tak a a awm ka ring phal bawk si lo! " Ka ti leh sup.


" Beidawng suh ang che. Zawhna tam tak i neih chu Angeli ngei i chhan tir dawn a nia. I hre chiang a ni lawm ni Angeli hi hmeichhe chak tak a ni tih. A rawn let leh em em ang! " Ka pa chuan a ti zawi sup. A awm lawi ve rawt atang chuan a lung ngai ve hle tih ka hre thei bawk.


_________________________________________________


* ANGEL LALRUATPUII pov *


" Coffee chu i duh ve em? " Khum a thu awn diai in Kimkimi chu ka melh ralh a. Mit min San ak in coffee ka duh leh duh loh chu min zawt nawn leh nghal.


" Ka u chuan Jenny a hmu dawn maw? " Ka ti daih chu Kimkimi a ner nasa mai.


" I van mal tak. ka sawi tawh kha. I duh leh call la, hmu suh i tih chuan a rawn kal nghal ka ring. A nih loh pawn kan tih der dawn a mi? " Nui sak a a rawn ti chu hmui ka tih pawrh khum vak.


" Ka thik hlei nem? A duh chuan hmu rawh se! " Ka ti sap. Kimkimi lah chuan a duh lo nasa mai.


" Ngati nge i fel thar tak em em a? Hmanah kha chuan u ti a ka koh ringawt pawn min khawih hrep chak mit meng kha i pu thin a. Tunah i in la fel kual leh vel a. Kei chu ka lawm lo hrim hrim... Accident a ka u bul a thu ang a a in sawi vel i tih te kha a tak a nih chuan zak lo ka ti ngawih ngawih! " A rawn ti nghek a. A tawng lai chu ka nuih sak ringawt.


" Hman a ka din hmunah khan i ding ni ber in ka hria! College kan kal lai kha chuan ka thik thei thin che a lawm. A bik in ka u nen thisen in zawm in nih vang khan ka thik leh zual che a mahse kan lo mawl theih zia kha ka hre tawh. Tunah te hian ka lo ngai na lo ang che tih hi ka hlau leh hnu hnawh a nia.


Chubakah ka thik lo hrim hrim! " Ka ti leh nghal zat chu Kimkimi a ner nasa ngang mai.


" Thik lo tak tak maw? " A rawn ti leh kher chu lu ka bu nghat.


" College kan kal lai khan tul lo tawp in nang ka thik che a, a rah chhuah chu i hriat kha, kan chhungkua kan keh chhe vek. Champhaiah pawh kha hmeichhia Racheali kha awm ze nei miah lo in ka thik a. A rah chhuah chu kum 5 chhung ka tuar a sin. Tunah Jenny a ni leh a, mahse ka fing tawh!


Thik tham a ni hlei nem. Ka thik a nih chuan kei mah ka in dah hniam mai mai dawn a sin. Kum 5 chhung zet keiin ka tih theih loh Zomuanpuia min lo en kawl sak a, in zawm na nghet nei lo mahse a unaupa neih chhun ang tak tak in a en tih pawh ka hria.


Dawt a sawi chhan pawh kha Zomuanpuia hi a lak atang a kal bo mai ang tih a hlauh vangah ka ngaih sak a. A din hmunah chuan ding I la ka ti ve tho mai thei a ni. Zomuanpuia ang hi chu tu pawn kan bul a awm tur in kan duh vek ang chu. Nang nen pawh kan in chuh nasa thei em kha! " Nui hak a tiin Kimkimi chu ka melh a. A tum ang bar leh nghal.


" A nih an bul a hruai let tum ta se. " A rawn ti leh sap a. Awiawm loh ti zet in ka nui hak hak.


" Chutiang a thleng ngai lo ang tih ka hming ka chiang tluk in ka chiang a lawm. I la hre fiah lo a ni maw! Kei hi maw Zomuanpuian a nu leh pa, a chhung te kum 30 chuang a chen pui tawh te ai pawh a a thlan hmeichhia ka nih hi.


A hna, a hming thatna zawng zawng chan a kal san duh vek khawp a a hmangaih ka ni bawk a. Thina pawn a hneh lo, kum tam tak ral hnu pawh a ka nui hmel leh lung ngai hmel in a thlak dang lam theih mipa hi kei hian rin hlelh na tur ka neih i ring a mi? " Ka ti nghal vat a. Ka sawi zawh chuan ka nui tel sak.


" I va in chhuang reuh tak! " A ti hlak chu ka net khum sak.


" Ni e... Ka in chhuang a lawm. In chhuanna tham khawp in i unaupa Reuben Zomuanpuia hian min hmangaih miau sia. Kan pahnih in lai chin na atan hian hmangaihna chiah hi kan duh tawk lo a, kum khua a awm dun kan tum a sin. Chuvang chuan engtikah mah Zomuanpuia hian min kal san lo ang. Ka kal san pawh a min hruai let leh zel tu mipa tumruh zet kha a ni miau a! " Mit siai sak a ka ti chu min ei loh hmel ngang mai.


" A nih vel tak chu. Kei pawh pasal hual ka nei a. Ka chhuk hun nghak A min lo thlir Tu! " A kut rawn lek va va in A ti a, ka meng bial ak.


" I va in zep thei ve! A... A hun ve tawh a lawm. Chubakah Zomuanpuia hian nang aiin min hmangaih zawk! " Ka ti leh kher chu in sawh tau nghawng nghawng in coffee in tur in a chhuah lawk tur thu min hrilh a. Ka duh ve leh duh ve loh min zawh leh tak ah chuan ka duh loh thu leh mut hah chawlh ka duh zawk thu in ka chhang ta thung.


Ka muhil tan tihah chuan ka bulah hian thil ri rak rak ka hria a, Kimkimi a nih ring in ka ngaihven zui peih lo. Ka taksa chu zawi muang a thlawk delh delh ang mai hian a zawi tan a, ka rilru chu harhfim lo tulh tulh in zawi muang in a ral riai riai a nih chu! Ka taksa che vel pawh chuan min men chhuah tir zo tawh lo!

*
*

Mit ka men leh meuh chuan ka awm na chu ka hre tawh hauh lo. Cabin ni lo in in a room pangaiah ka awm ni mai in ka hria. Ka khum mutna pawh chu a zau damdawiin khum a ni miah lo.


Sir lam ka hawi chu ka kutah drip pawh a lo la in khai a, ka taksa chu tih chet ka tum a ka thei miah lo leh nghal. Kawngka lam thawm ri vang chuan ka hawi sawn a, khawngkhar lock rawh in hawng a rawn lut ka hmuh rual in hrilh hai leh a ngaihna hre lo zet in ka melh haw.


" Nang maw? " Ka ti sap a. Ka aw chu a chhuak em pawh ka hre lo! Ka dang ro lutuk vang chuan chil ka lem nghal kalh bawk!



πŸ’˜πŸ’˜πŸ’˜Current kan nei lo a ti zawng hi ka type hmanπŸ˜†πŸ’˜πŸ’˜

πŸ’œ
ADS HI A CHUNG LEH A HNUAIAH DAH VE VE A NI A
A chung leh a hnuai a mi hi vawi khat ve ve click tur a ni e, in lo hre dawn nia πŸ‘‡πŸ‘‡

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:26 pm

CHAPTER - 39 πŸ’˜ by Amy Cck


" Enga ti nge tah hian ka awm? Eng thil nge i tih hi? " U Rinzuala chu mak ti lutuk a en in ka ti chhuak vat a. Eng tin mah min chhang lo chuan kawngka bul atang chuan a rawn pen lut a, khum chu rawn hel kual in ka mut na khum sir lamah chuan a rawn ding a ka drip khai chu a rawn khawi zui nghal zat.


Ka theih ang a rang chuan ka in nem kang a, mahse ka tha ka nei lo lutuk chu thu chhuak tur in min rawn pui nghal vat a. Khum lu lam ngheng chuan ka thu awn nghal diai a. U Rinzuala chu ka melh nghal vat.


" Engvang in nge hetah hian ka awm a? " A vawi hnih nan ka zawt nawn leh sap. Tun tum chu ka bul khum chungah a thut avang in a hmel ka hmu chiang deuh a. Mahse engmah thil dang lam thleng ang pawn a awm miah lo. Ka ban a drip khaina chu a pawt phawi a , a thip deuh sek avang chuan ka ner nghal sak bawk.


" Damdawi in atang khan ka hruai chhuak che! " A rawn ti sup chu ka melh nghal vat. A thu sawi awm zia ka hriat loh tluk zet in engvang a damdawiin atang a min hruai chhuak nge a nih pawh ka hriat loh avang chuan sawi leh mai tur ka hre lo.


" Engvang in... Ngati nge min hruai chhuah? Ka u emaw ka chhung ten an hria em? " Ka ti let nghal a. Chik zet in u Rinzuala chu ka en a, eng thil nge a ngaihtuah ka hre thiam chuang hauh lo.


" Tu man an hre lo, an hre ngai bawk lo ang! " A rawn ti sup a. A sawi zawh rual in a nui nghal suk bawk . A awm dan chuan min thawng tak zet leh nghal.


" Enge i sawi awm zia chu? Ka nu leh pa te hriat loh in min hruai a maw? I thil tih hi i hria em? " Ka thei ang a vin chuan ka ti nghal vak a. Ka thu sawi a pawi sa lo hmel lutuk chu ka in seh ruh nghal nghek.


" Ka haw dawn! " Tih leh chet sawn ka tum chu ka ban rek a rawn vuan in min pawt let nghal nawk a. Khum lu lam bangah chuan che thei lo tur in min nem bet nghal nawk a, ka rak zui that.


" Kei hi bawlhhlawh ka ang em ni? I duh hun hun a i biak that a, i mamawh loh ve leh a I hnung chhawn tur ang lekah min ngai phiangsen a maw? " Ka hmai bul chetah chuan a rawn ti chhuak hrawk a, a thu sawi vang chuan ka hawi nghal dawr . A mit meng chu rawn sen rum in ka hriat thin Rinzuala hmel kha a ni tawh miah lo.


" Eng... Eng thil nge i tih hi? " Tal chhuah tum chuan ka ti ve vak a. Mahse ka ban rek chu mu chum chum khawp a a hmer nat avang in ka tha a chak lo bawk nen ka tal chhuak thei lo.


A hmel ka en chu min khawih hrep chak hluah hluah ang mai mit meng a pu a. Doctor zai dam leh thinrim ve thei lo ka hriat thin kha an na pakhat mah a nei tawh lo chuan min ti hlau ve tak zet. Ka hmuh tirh kha chuan hlauh na em em pawh ka la nei lo kha a nia, mahse tunah chuan ka taksa chhung lam hi a khur ru der der tawh.


" Ka hmeichhia i nih hi! Engtin nge mipa pakhat Reubena ang a a rawn lan vang mai a chhe te pawh a min ngaihtuah lo a, kha pa bul kha min pan san theih zawk? Awl sam tak in ka kal tir che i lo ring a nih chuan i ti sual chiang khawp mai! " Ti leh hrawk in ka kut chu hma lamah pawt hnai hrawk in khum bul mai a drawer chu pawt hawng in hrui a rawn la chhuak a nih chu.


A thil tih tur ka hriat lawk a vang chuan nasa zet chuan ka tal nghal vak a. Ka tal nasat pauh leh ka ban rek a vawnna chu a hmer na bawk si. " Min thla rawh! Hetiang hian ti suh! " Ti chhuak nghek a ka kut ka pawt vak chu ka vei lam zawk ka pawt chhuak thei hlauh.


" Hrep chuan... Awm hle hle rawh LALRUATPUI! " Ti chhuak thawt in a kut a rawn vai nghal fua a, ka biang a thip zawk rual in khumah ka bawk nghal thlawp a. Thaw hak a in beng kang leh ka tum chu ka lu hai vang in ka thei tawh lo.


" Ka thu awi la na i tuar lo a ni mai! " Ti sup in ka kut chu a rawn pawt deuh nawk a. Ka hnung lamah chuan a tawng nghal mawlh mawlh a. Ka biak thip leh lum pup pup chuan khum a sik rual in ka ner sak a, ka mittui a rawn chhuak nghal pap bawk.


Ka hnung lam a ka kut a phuar zawh chuan min rawn tung tho deuh nawk a. Khum lu lam min nghen tir in ka sir ah chuan a rawn thu thla a. Tap chhuak lo tur in ka hmui ka pet fan fan a, ka mittui erawh ka biangah a lung ngiai ngiai tih ka hre thung.


" A na viau em? Ka tih palh a nih kha! Kut thlak che ka duh lo tih i hriat kha! " Aw dam dup a tiin ka sam hnawk niai, ka mittui vang a ka hmai a rawn bet te chu dim dawi zet in a hui kiang a. Ka biang min benna avang a sa hut hut chu a khawih rual in sir lam ka hawi hmak a mahse ka in chhiar nghal. Na zet in ka khabe ah a lam hawi tur in min kuai her nawk a nih chu.


" Min kal san tum lo la chuan tiang hian i awm miah lo ang. Enge pek kim loh che ka neih? Ka ngaihsakna, ka hmangaihna zawng zawng ka pe vek che a sin Angel! Enge min hmangaih ve theih nan ka tih la ngai dawn? " A rawn ti thawp sup a. A chet dan hian min ti hlau em a sawi tur pawh min ti hre lo zawk hial.


A mit meng leh A chet dan chuan min thlahlel ngawih ngawih hmel A pu a. Mahse chu chuan min ti hlau tak zet.


" Min kal tir rawh! U Rinzual... Hetiang mi i nih loh kha! Khawngaih in! Min kal tir chuan engmah ka sawi lo ang. Min ru bo tih pawh ka zep tlat ang! Khawngaih in! " Ngam leh ngam lo chuan ka ti chhuak tiau. Ka thu sawi chuan a ti thin rim tih hriat zet in a thaw ri hrawk a. A thutna atang chuan ding chhuak vut in khum bul drower chu a chhir nghal chawrh a, ka phu nasa lutuk chu ka ip nghal chawi.


" Chu thil chu a thleng ngai lo ang! Ka ta i nih hi. Ka hmeichhia, khawvel a ka hmangaih awm chhun! Hun rei tak ka nghak a sin nang nei tur che hian, thawnthu ngaihnawm deuh hrilh tur che ka nei a sin! I ngaithla duh ang ti raw? " Ti sup in ka bulah chuan a rawn thu thla a. A chet dan ni vut vut leh a chang a min rik rap ang mai a a awm thin chuan thawk pangai in min ti thaw thei lo.


" I hre ve kher lo mai thei a, kei hian highschool ka kal lai atang khan ka duh tan tawh che. Naupang te mai kha i la ni a, hmeichhia ah pawh a bik tak in i no in i naupang chhia em em a, Reubena lakah i in nghah nasat zia pawh kha ka hmu a . Reubena nen kan in kawm chhoh tak zel ah phei kha chuan ka hriat loh kar in ka lo ngai na ve viau che a. Mahse nang chuan i hre lo mai ni lo in khang ka duhna che te kha i hmu duh ngai miah lo.



Chhuan lam ho te te siam in, in inah ka lo leng lut fo a, a chhan pawh nangmah hmu tur che in. I hrisel loh em avang in school i kal ve ngai si lo a, in in a rawn len luh mai loh chu tih theih ka nei ngai lo. I rilru kha a thianghlim em a, engmah ka sawi chhuak ngai lo, a chhan pawh min huat ka hlauh vang in.


Mipa emaw ngaih zawng lam I ngaih sak lo ringawt pawh kha ka hlim pui a sin. Damdawiin ah vawi tam tak i rawn lut a, kha tih lai te khan nang mah rawn hmu tu te kha ka lo chik em em vek a. Mahse ka hre chiang ve viau che khan ka in hria a, i chhungte lo chu midang i ngai na mai mai ngai lo tih kha! Vawi tam tak Reubena pawh i chung chang ka zawt thin nghe nghe.


College i kal thei pawh kha ka lo hlim ve hman viau a. College i chhuah ve leh ka rilru put hmang ka hrilh ang che tiin ka ngaihtuah a mahse engkim kha a rawn thleng thut a. Engtik lai in nge ka lak atang khan i hlat tak viau? Mipa i ngaihtuah ngai lo tiin ka lo hahdam na zawng zawng kha engmah ka lo hriat loh vang a lo ni reng a. " A sawi zawh rual in a then nghal suk. A nui hmel chu midang ang a ni lo, a hlauh awm ngawih ngawih.


" Tu nge hria ang Reubena nen in lo in ngaizawng reng tih kha. Kha tih lai a ka rilru nat zia kha i hre kher lo ang. Ka chan dawn che emaw ka ti hman a. Mahse i pa in nang neih ka duh leh duh loh min zawh kha ka hlim a, beiseina ka nei leh a. Mahse chu pawh chu rei lo teah i ti chhe vek! " Ti hrawk in ka khabeah chuan a rawn hmer sawk a. Ka ner sak.


" Kei min neih ai khan i nunna tih tawp hial kha i thlang a nih kha. Kha ti khawp a min duh lo tih i ti lang kha chuan min ti na tak zet. Mahse ka beidawng mai lo a nia. Thawnthu chu a in tan chiah zawk! I mitah mi tha tak ang a lan kha a ngai tih ka hriat avang in Reubena nen in in ruk dawn pawh khan ka pui cheu a nih kha.


Kha thil tih kha a harsat zia i hria em? Ka hmeichhe hmangaih leh duh ber chu mipa dang nen an in ru tur ka pui a nih chu. Atthlak zawk hian. Mahse engkim kha ka ruahmanna ang in kal vek miau a. Kan khuaah awm tir che in Racheali pawh kha engkim ka hrilh sa, ka thian a nih a, ti tur a ka tih zawng chu Reubena hnaih kha a ni a.



Chuan I hria em... Ka nau Dindini leh Dika pawh kha ka ruahmannaah an tel a sin. Reubena nen in inkar tih chhiar a I rawn let hun nghah kha ka tih theih awm chhun a ni a, chanchin engkim kha ka lo hre ve zel bawk. Reubena nen in in kar chhe tan mek te kha ka lo hlim pui em em a, Aizawl lamah Reubena hriat loh a k rawn let tih ka hriat a ka lawm xia kha i hre thiam kher lo ang.


Reubena ber i huat chuan engkim a tha vek dawn tih ka hre miau a. Mahse accident kha rin loh deuh in a rawn thleng leh si a. Mahse ka vanneih a zarah Reubena a boral ta hlauh a. I tuar lai ka hmuh khan hreawm ka ti ve lutuk a sin. Mipa dang vang a mi a ang mai a I khawsa ka hmuh khan ka lo na ve vawng vawng a. Dam chak na i neih loh thu min hrilh ni a ka awm dan kha min hriat thiam pui kher lo ang.


Ka theih tawp in ka dawm che a, kum 5 kha a tawk viau lo a mi kei min hmangaih ve tur hian. Ka nun pum khan nang bak ngaihtuah ka nei ngai lo a sin. A tawp ah chuan min neih i rem ti ve hram a. Min hmangaih vang a ni lo tih hre mah i la ka la hlim tho. Ka bul a I awm dawn vang khan. .. I zin kha lo rem ti lo tawp tur ka ni a sin.


Min huat a min hmuh duh tawh loh ka hlauh luat a I duh ang leh i sawi ang chuan ka tih sak zel che a. I natna pawh ka zep sak che a, min huat ka hlauh vang in. Kan in nei a nih chuan ka nupui i nih ang in duh lo mah la engkawl dam che kha ka tum a sin. Mahse rei lo te chiah i mipa hmuh in Reubena a nih thu a sawi vang in zan khat lekah kum kha ti chen ka thawh rah chu mei vapah i chan tir vek a. Tunah chuan engmah ka ngai pawimawh tawh hrep lo.


Ti hian ka bulah i awm anga, i thawk ve tawk tawk chhung chu ka bulah i awm dawn. I duh emaw duh loh pawh ni la ka kal tir thei lo che! " A rawn ti hmuk a, a thu sawi mak zet vang chuan sawi ve tur pawh ka hre lo. Room a chhuah san lai te chuan ngawi reng in ka thu tlawk tlawk a. Khang kum chhung zawng khan kei leh ka u min then hran tum in hma a lo la char char a nia.


Tum nei ran in min lo hnaih a ni tih chu rin harsa ka ti tak zet. Dika chung chang kha chu ka u khan min hrilh tawh ngei a, mahse engtin nge Dindini khan kha tiang rilru chhia kha kan chungah a put theih. Kei lha kha ka tleirawl rilru nen khan ka u chanchin a sawi kha chu ka lo awi ve mai zel kha a nia.


A thawm a reh vang vang avang chuan khum atang chuan harsa zet in ka chhuk a. Ka kut hnung lamah a tawn tlat avang in ka che tha thei lo. Ka damlo taksa chak lo nen chhuat a ka din rual in ka chawn leh kaiza tha chu a khur der der a. Tukverh bul a phei in pawn lam en ka tum chu engmah a hmuh theih lo leh nghal. Kawngka lam pan in hawn ka tum chu pawn lamah min kalh khum tlat bawk si. Ka hlau thawng leh rilru na lutuk tih ngaihna hre bawk si lo chu chhuatah ka thu thla hnawk.


" Min pui ru! " Ka ti tiau a. Mahse room chhung phui zet atang hian ka thawm a chhuah theih ka ring chuang lo. Ka nu leh pa ka ngaihtuah a, min ngaihtuah nasat dan tur thleng in ka mit thla thei. A bik tak in ka u! A rawn let atang in thla khat em pawh ka la awm dun lo a. A hmel hmu leh lo a thih ka hlauh na chuan ka thawk thleng in a ti sak vek thei.


Ka thinphu rang dawt dawt leh ka awm chhung lam rawn thip vin tur vang chuan ka in seh ruh ngawt ngawt a. Ka taksa chu thlan in a rawn bual huh nghal vek bawk.

*
*

Mit ka men leh meuh chuan khumah ka lo mu leh reng tawh. Ni khaw hre lo in ka awm a nih ka ring. Ka banah drip a lo in khai a. U Rinzuala chet dan hi rin harsa ka la ti cheu. Kawngka ri khap avang chuan ka hawi nghal a, hna atang a a bang chiah tih hriat zet in a la I thuam zuih.


" I mu tui bawk maw? Vawin chu ka rawn bang hma deuh a, I chhungte pawn an ngaihtuah khawp mai che. Tu nge ring ang ka inah i awm daih tih hi! Ka in ti fai a nga thil kan ei dawn nia! " Ka drip khai chu rawn phelh in a ti sup a. Thil ka ei loh na rei tawh bawk nen mahni pawn ka tho kang zo meuh tawh lo. A mah bawk chuan min thut tir a. Ka kut leh ke a phuar vek avang in chet ngaihna ka hre lo.


Min phuar lo mahse ka tlan chhuah theih pawh ka ring tawh chiang lo. A ni tel in ka chak lo telh telh miau a. Bathroom lam pan a a kal chu en pawh en peih lo in mit ka chhin san daih. Ka chung a a thil tih vang a ka thinrim tluk zet in ka lo ring thin kha mawl ka in ti tak zet.


" Lalpa leh! Angel... I harh em? " Ka dar a rawn sawi nawk nawk tu aw ka hriat rual in ka meng chhuak nghal kawl. Kimkimi hmel ka hmu hlawl chu ka mumang a nih ka ring trum rum.


" Engtin nge tah hian ka awm tih i hriat? " Ka ti zawi sap. Ka lu hai lutuk chu mit ka chhing nghal chawt.


" Rinzuala ka rawn zui ru a. Vawin haw ka tum ni a nia damdawiinah va mangtha tur a ka kal kha a office ahda damdawi mak pui pui ka hmu a! Tho vat teh! " Min phuarna vel phelh zo chuan A ti vat a. Ka hlim bawk si chu ka tah nuih tawp.


" Bathroom ah a awm a nia! " Min kuah din rual chuan ka ti sap a. Thawm dim zet chuan kan in kuah chhuak a. Zawh tur ka ngah lutuk mahse tunah chuan helai atang a chhuah hi a pawimawh hmasa ber rih .


Kawngka pui lam kan pan chu hnung lam atang hian eng emaw hian min rawn thawi fua a, chhuatah chuan kan bawk nghal thlawp. In beng kan a Kimkimi lam ka hawi phei chu ka meng buai nghal vek.


" Ni... Nilo... Eng thil nge i tih hi? Kim... Harh teh! Kimm... " Ti vak in Kimkimi chu ka hnaih nghal ruai a, a tukhum atang chuan thinsen a rawn chhuak tiam tiam a. Thawk harsa tih hmel lutuk a thaw kawk kawk in a taksa zawi ruai ruai chu ka kuah bet nghal vek.


" I thil tih hi i hria em? Tanpui rawh khawngaih in! " Ka hma a mipa bathrobe ha a ding khawng luah melh chuan ka ti nghek a. A mit meng atang chuan pawi ti hmel pawh a pu hauh lo a nih chu.


" Khawngaih in... A thi mai ang! Pui hram teh! " Ka ti chhuak tiau a. Ka kut a thisen kai nuai leh ka thutna chhuat a thisen kawi nuai chuan ka khaw hmuh an ti fiah lo a, ka tha an ti khur ti tih leh nghal.


" Min kal san tum ngai suh ka tih che kha! Engvang in nge min nawr luih tlat! I thil tih vek a nih kha. " A rawn ti sup a. Ka mal chung a Kimkimi engmah hre lo a mu zawi ngiai chu tih ngaihna hre lo zet in ka kuah a. A lu atang a thisen chhuak chu ka theih tawp a dan tum in ka hup bet a mahse awm zia a awm lo!


πŸ’˜πŸ’˜ ka mut a chhuak over lutuk he ti thleng hi a ni mai zan in chu πŸ˜©πŸ˜©πŸ’˜πŸ’˜

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:27 pm

LAST CHAPTER - 40 πŸ’˜ by Amy Cck


* REUBEN ZOMUANPUIA POV *


Khum a Nautei muhil thaw sak sak chu a bulah thu in ka veng reng a. Damdawiin atang a ka chhuah na pawh kar hnih zet a ni tawh. Thil thleng khan a thawng in a mu pawh hi a mu nghet thei lo a ni ber a. Rinzuala leh Kimkimi boral chung chang a hre zawm nghal mai bawk nen a taksa pawn duh ang in hma a sawn chak theih loh phah hial a.


Rinzuala boral chung changah erawh dan lam hre mi kan rawn a, mahni in venhimna ang in case kan kal tir a, a nih dan tak a ni reng bawk a. Nautei erawh a fihlim vek tih hrilh mah i la, a mah leh a mah a in mawh puh loh phah chuang lo. A mah ngeiin Rinzuala a vih thu a sawi a, a mah vang in Kimkimin a tuar phah bawk a. Pangai tak a awm chu a tan a har sa viau ang tih pawh kan hriat thiam pui vek bawk. Mahse kan chhungkaw tan chuan a pawimawh ber Angeli nungdam in kan hmu let a, chu bakah thil hlu leh hlimawm kan tan a awm chuang lo.


Rei tawk fang ka awm pui hnu chuan in hnuai lamah ka chhuk a , sitting room a ka nu leh pa lo thu chu an bulah ka thu thla ve nghal zat.


" Angeli chu a muhil tawh a mi? " Ka nu chuan a lo ti vat a. Lu ka bu nghut.


" Thil sawi duh ka nei a. Nautei nen kan chung chang hi ... " Ka nu leh ka pa melh tawn chuan ka ti sup a. An pahnih chuan min rawn en ve vat bawk.


" Kan boruak tawh in a la zir chiah lo tih chu hre tho mah i la, in neih that ka duh a. " Ka ti nawn leh sup. Kan buaina tawh teh nuai vang in engmah kan la ti fel tak tak lo a. Kan nghak reng a nih chuan engtik khawtikah mah kan in sawi fel ka ring lo. Chuvang a ti rum rum pawh ka ni.


" A tha a lawm. In kum pawh a naupang zawk zawk tawh lo bawk a. Mahse Angeli hi nawr lutuk ka duh lo tih hria a, a mah nen lo sawi dun leh phawt u la. Tun a a boruak tawn nen phei chuan a lo la in huam lo viau thei bawk a. I nu nen chuan rem tih loh na kan nei hran lo. Midang sawi kan kai ta law law a, fa te tan chuan a tawp rak thleng in kan tuar mai a niang chu! " Then suk a ka pa in a rawn ti chu ka thaw ve huai.


Ni e. . Thenawm khawveng te hriat leh hmuhah pawh kan chhungkua chu kan lang buai nuai ngei ang. Mahse tunah tak chuan chhungkua a zawng a chhungkaw hahdam ber kan ni tih ka chiang ngam sak. A hma ang chiah kha. Mahse thil danglam erawh chu tunah chuan Nautei nen kan chung changah Tu man min sawi sel emaw sak tawh lo a. Min hre tu leh min hmu tu tawh phawt chuan la in nei fel chiah lo mah i la nupa ang in min ngai fur tawh a. A nuam ve hrim hrim.


Ka nu leh pa mu tur a an room lam an pan hnu chuan in chung lam a chho tur in ka in tin tuah ve a. Mahse step a hmeichhe mu tho hlim tih hriat zet a rawn chhuk ka hmuh rual a nui suk in ka dinna ngaiah chuan ka lo nghak ta thung.


" Ngati nge ka mutthilh lai in min lo chhuah san daih? " Ka bul a rawn thlen rual in lawm lo leh pang chang tih hriat ngawih ngawih aw hian a rawn ti a. Ka nui nghal hawk.


" Ka rawn chho dawn chiah! " Tih sup in a darah kuah in step a chhoh pui ka tum chu a tal hrang nghal vat a.


" Ka rawn chhuk ve chauh hi. Ka ril a tam... Ei tur min siam rawh! " A ti nghal hlak chu ka nuih suk.


" Awlee .... Ka Lalfanu pangchang em enmte! " Tih leh a taksa chu pawm kan nawlh ka rual a, a lo in ring hman lo chu rak that in ka nghawngah min kuah nghal vat.


" Ti khan min ti phut phut thin suh! Ka tla a nga sin! " Ka mit a min melh chho ram a a rawn ti chu hmui tih sawih khum zauh in a hnarah chuan ka fawp nghal zeuh a. A rawn ner nang.


" Ka thloh tawh ngai reng reng che em ni? Sawi la... Vawi khat tal ka thloh tawh che em? " Nuih in sum zet a ka ti chu ner nang in a hawi sawn hmak a. Ka then suk. A taksa pawm chung chuan dining room lam chu ka pan pui a. Kan tih thin loh dan pawh a ni lo bawk a, hman a tang tawh a zanlai riltam nei thin a ni miau a.


A ei tur ka siam lai chu dawhkan chung a thu in min lo en reng a. Kum 5 hnuah pawh ka tan chuan ka Naute kha a la ni miau a, engkimah a mah a awm a, mahni in enkawl thei a nih chu ka thil duh a ni mahse chu ai chuan min ti buai reng se, engtik lai pawn , a thil tih na a piangah min mamawh se chu chu kei chuan ka la duh zawk. A chhan chu ka nun ti famkim tu ber kha a ni miau a.


Lalruatpuii lo chu buaipui tur ka nei lo miau a. A ni leh zel a puitling chuan ka khua a har dawn em a sin.


" In nei tawh mai ang! " Dawhkan a a thil ei lai melh run chuan ka ti sup a. A thil ei tawp dat in a thleng chu a melh nghal ran thung.


" Naute! I hrisel na chu a la pan viau tih ka hria a mahse nghah reng hi a tulna ka hre lo a ni! " Ka ti nawn leh sup chu a rawn in sut faih a. A rawn hawi chhuah rual in a mitah mittui a tling pam tih ka hmu thei.


" Nghah deuh i la duh a nih chuan ka nawr lui chuang lo che. " A hmel ka hmuh vang chuan ka ti leh ta ngawt. In neih chu a la duh ve chiah lo a nih ka ring hial.


" Khating thil zawng zawng ka tih hnuah leh kei mah vang a Kimkimi i chan hnuah pawh min la nei duh tho a mi? " A rawn ti zawi sap chu ka thaw hawk.


" Nang chu i awmna hmun a piang a mi ngainat leh hmangaih i hlawh a, mi dang tanpuiin mi nunna hial pawh i chhan sak thin a ni si a. Kei ve chu ka awm tawhnaah chuan buaina hlir ka thlen a, buaipui reng ngai in ka khawsa ziah a, mahni hmasial tak in ka la nung ve zel bawk a. " A rawn ti zuai raih chu a lam pan in ka kal nghal vat a. A hma zawn a thu hniam in a biang chu ka khuap sak nghal vut.


" Chuan... Min neih i la duh tho a maw? " A rawn ti tiau a. A mit meng mahni in thiam lohna a khat vang chuan ka kawchhung thleng in ka tawt ve up up hial.


" Engvang in nge ka neih loh ang che. Khang zawng zawng khan Lalruatpuii ka Naute a nih zia ti chiang tu kha an ni miau a. Khang i mizia zawng zawng kha kei chu ka duh vek. Chuvang chuan nangmah in dem tawh suh. A tha em? Nang ven him che hi ka duh ber a la ni reng a, chutih rual in ka tel lo a I hlim hi ka hlau em em thung si. " Ti sup in ka nuih suk a. Rawn nui ve sak in lu a bu ta nghat.

*
*

" Good morning ka Naute te u! " Ka nupui ka bul a mu chu a hnung lam atang a a dul puar ve lah a kuah in ka lamah ka pawt hnai nghal hrut a. Rum tiah tiah in a rawn in let thak a. A bawp chuan min rawn khan zui nghal zat chu ka nui chhuak hawk.


" Vawin in check up kan neih ni a nih kha. Ka nu pawn minute 15 liam ta khan a rawn ngaihven tawh che. " Kuah hnai sauh a ti sup in a nghawngah hmai phum chuan a rim nu chek chu ka hip lut nghal vang vang a. A ni erawh hahdam zet in a la thaw sak sak thung.


" Enteh.... Pahnih an nih vang a niang mut hi ka kham thei ngai lo reng reng! " Mit pawh la meng mang lo chuan a rawn ti tham chel a, ka nui nghawr dawt. Tunah hian phir hmeichhe pahnih a pum puar liahah hian an awm miau a, a awm lo hran chuang lo.


" Mut te chu i kham ngai reng reng em ni? " Nuih za in sum zet chuan ka ti sup chu a rawn meng chhuak a, a ner nasa viau bawk.


" I va sual tak. Chaw pawh ka heh tho, a hma ai zawng in. Tunah pawh ka ril a tam. Ka mut thilh loh chuan thil ei ka chak huam huam a, ka thau bial zo vek tawh! " Ti bai bai a a tho chhuak chu ka kiu a in nem kang in ka en zui reng a.


Kan in neih hnu thla 4 naah a ruak lo nghal a. Tun tum chu a hma ang khan rai a haw lem lo. A taksa a no nalh in , a vun a nung sang a. A hrisel na lam pawh Pathian zarah a tha sawt viau a. Mahse treatment erawh kan la chhun zawm reng thung.


" Papa hian an lo chhuah hun tur hi ka nghak hlel tawh! In lo chhuak chak ve tawh tho ti raw u ka vantirhkoh te u! " Darthlalang a a in chei mawlh mawlh chu a hnung lam atang kuah in a pum chu ka chul tel hlu hlu a. Nautei erawh in ka taksa a rawn ngheng tha salh salh thung.


In hnuai lamah kan chhuk a. Ka nu leh pa ten nen tuk thuan kan ei lai chuan ka pa in Nautei in check up naah vawin chu a kal pui tur thu a rawn sawi a, ka nu in a kal ve duh thu a lo sawi bawk. Kei lah in kal pui ka tum vek tawh bawk . Nau a neih thla tur a nih tawh vang in kan phur tlang a ni ber ang chu.


A tawpah chuan hna kal phah a ka tan kal pui a rem avang in ka kal pui tur thu in thu kan ti tlu a. Haw a duh hunah erawh ka thlah hman loh pawn driver in a rawn hruai hman dawn tho bawk a.


Kan in check tir chu rin loh deuh in a doctor in min lo admit a. Kan chhungte pawh kan hrilh ve nghal a. Doctor hnen ah nau vei tir au chuan zai chhuah kan thlan zawk thu kan sawi bawk a. A chhan pawh Nautei kan ngaihtuah vang a ni pakhat. Kan damdawiin a ni bawk a, ka awl deuh chuan Nautei cabinah ka awm chawt a ni ber.


__________________________________________________


* ANGEL LALRUATPUII POV *


" Hei... Mama.. I lo harh tawh a. " Mit ka men rual in ka pasal aw dam dup ka hre hmasa ber. Ka harh chian tak ah chuan bul mai a ka pasal Zomuanpuia chu lo thu in kan naute pakhat zawk chu a lo pawm a. Kan piah mai ah ka nu in naute pakhat zawk pawm in ka pa nen an lo buai pui dun a. Ka thil hmuh vang chuan ka hlim lutuk chu ka nui chhuak hak a. Ka mit atang erawh in mittui a rawn chhuak thung.


Hun harsa tak kan tawh hnu a hetiang ang boruak hahdam thlak leh hlimna hi kan tawng leh ang tih ka ring pha lo. Tun thleng in thenkhat chuan kei leh ka pasal chung changah hian ngaihdan an la in neih siak fo a. Mahse chu chu kei chuan engah mah ka ngai lo. Kan thil tawh, ka buaina zo zai leh engtiang a nasa nge Tun din hmun thleng tur hian ka beih an hre lo a. An ngaihruatna atang ringawt a thiam lo min chan tir erawh ka haw thin viau. Mahse chutiang bengkhawn a ngaihven tur chuan hun ka nei lo.


Mi buai tak ka ni tawh miau a. A hma ang in ka khawsa mai mai thei tawh lo a, a chhan pawh chhungkaw nu ber ka ni tawh miau a. Ka pasal Zomuanpuia leh ka fanu te pahnih enkawl ka ngai a, chu mai ni lo in kan sum dawnna ka pa in ka kutah a dah miau avang in hna ka buaipui a ngai bawk a. A hma ang in ka u ka phut buai thei tawh lo. Damdawiin lian tak enkawl tur a nei ve miau a. Chu mai bakah kei leh a chhungte a kutah kan in nghat nasa em em bawk nen.


Ka pa pawh hna lam a khawih khat in a buaipui vak tak lohah chuan a tunu te buai puiin a hun a hmang a. Ka nu nen hian an buaipui chawt avang in, kawng leh lam tak ah chuan min chhawk viau a. A khat tawk in treatment la la reng mah i la ka hrisel na erawh in hma lam a pan zel bawk a.


A chang chuan hun liam tawh te ka ngaihtuah let ve fo a. Nunah hian hlimna mai ni lo lungngaihna, harsatna leh buaina kan tawh chang a tam a, mahse chung chuan mi puitling tak ah min siam thung thin tih erawh ka zir chhuak thung.


Kei ang hmeichhe enkawl hahthlak ve tak pawh in ka phu tawk aia tha min hmangaih em em tu pasal ka nei a. Engtik lai pawh in ka bulah ka hma min hruai sak tur in a awm zia a. Chhia leh tha ka hriat tirh a ta engtik lai pawh in ka mamawh chuan ka bulah a awm thin. A tel lo a kum 5 ka hman kha ka hun tawn tawh a hun harsa ka la tih ber a ni tih ka sawi ngam sak bawk.


Zomuanpuia nen chuan thihna kut vawt in min man lai pawn ka thla a muang in ka hahdam em em a. Mahse a tel lo chuan dam reng chung in ka thi thung. Hmangaihna awm zia min zir tir a min hrilh hre tu a ni a. Hmangaihte chan nat zia min hriat tir tu pawh a mah tho a ni a, dam chakna ka neih tawh loh hnu a dam hlut zia min hmuh tir leh tu pawh Reuben Zomuanpuia bawk a ni. Ka tan ka engkim, ka khawvel a ni ka ti ngam sak.

*
*

" Pa ti nge khi lam a zin chhoh pawh chu i tih thut a. Kum tharah kan chhung in kan zin thei tho a. " Sitting room ah kan chhungkua in ka awm a, thla a sik tan tawh avang in meilum kan ai ho bawk. Ka pasal leh ka fate erawh kan bulah an infiam a, pa ber in a mit tuam a, a fate chu um kual in a man beh a piang in a khat tawk in an khek leh chul thin.


" Nakumah pawh kan zin leh tho ang chu. I nu nen kan ti deuh thut a. I pi boral atang in a kum 1 na chiah a ni a, chuvang chuan zin ngei chu kan tum! " Ka pa lah chuan a la ti zui , Zomuanpuia ka va en a, a fanu te nen an in chhaih rak tung a, kan tawng hre ve awm pawn an awm lo.


" Amy leh Emmai pawh kan hruai ang kan lo tia. " Ka nu in a rawn ti chu ka hawi nghal haw.


" An ni leh zel in hruai ten... " Ka ti halh.


" Sawi buai tum duh suh. Nang I rit ve tawh si a, Reubenan nang , Amy leh Emma-i te a buaipui cheu chuan a buai lutuk ang. Hna thawh a ngai ve tho si. Chuvang chuan kan bulah kan hruai fihlim mai ang! " Ka nu bawk chuan a rawn ti leh nghal a. Ka thaw halh ringawt.


" I khua a har i hlau a ni maw? " Ka pa in nui suk a a rawn tih chuan ka nui tawi tak. Zin ve chi ka ni tawh chiah lo. Amy leh Emmai tr chhang tur ka pai mek bawk nen. Chubakah Reubenan a hna a chawl ve theih bawk si lo.


" I thu rei tawh bawk a, mu hahdam tawh la! " Ka bulah ka pasal hmangaih em em mai chu rawn kal in a rawn ti sup a. Ka melh chho ha chu mit min lo san khum zauh ringawt.


" Khawnge naupang te? " Ka tih zui sap a. Ka thutna atang ka ding ve nghal a.


" An room ah ka mut fel tawh! Muttui u aw nu! " Ka nu te lam melh in a sup a. Ka kawngah min rawn vuan in min pen pui nghal zat.


" Ka thu rei lutuk a ka ke a mu chiah chiah mai. " Step hmawr a ding chuan ka kawng ka dawm vang a ka ti sap.


" Chuvang a lawm hah chawl tur a ka tih che! Lo kal teh! " Ti sup in ka taksa chu a rawn pawm nghal nawlh a. Nui hak in a nghawngah ka kuah bet nghal a. Step a min chho pui lai chuan a hmel pa leh tha zet chu ka en a, ka hlim veng veng.


" Ka nu leh pa in an zinnaah Emmai leh Amy hruai an tum hi i pawi ti lo a mi? ' ka ti ta nge nge.


" Pawi vak in ka hre lo. Kei chuan a tha ka ti viau zawk. Kan pahnih in chance kan nei reng thei dawn a! " A rawn ti sup a, a nui zui suk chu ka net khum nang.


" I uang e mai. Rai puar luah in buaipui reng ka ngai a, eng chance nge nei se min tih? " Ka ti zui zat chu a nui hawk a. A dar a kan room kawngka nawr hawng in room ah a pen lut nghal vut. Ka u room kha kan nupa room ah kan siam a, ka room kha Emmai leh Amy room ah kan siam thung.


" Buaipui che hi nuam ka ti tih i hriat kha. Hman atang a tun thleng in! Ka Naute kha i la ni reng miau a. " Ti sup in khumah dim zet in min nghat a, ka hmuiah a rawn fawp nghal zeuh bawk. Hetia a sawi hian nuam ka ti thin .


" Ka pa te an awm loh chuan i buai viau ang. Ka zui kual reng ang che! Raipuar luah chung hian! " Ka ti leh hram.


" Chu bak bak a chak ka nei lo! " Khi suk in a rawn ti leh mai a. Hna en lawk a suh vang in a hma thawhnaah lam chu a pan a. Kei erawh in laptop ah flim ka en thung. Office hna in lamah ka en a phal lo a. Rai lai chuan rilru tih thawven a, engmah ngaihtuah hah loh tur a ti miau si a.


" Papa.. Simona a lo let tih kha i hre ve em? " Movie ka en zo chu ka ti sap.


" Umm.... Kan damdawiin ah a bialnu emaw ni kha a awm a. He lamah a cham hlen tawh dawn a ni mai thei! " Min rawn melh in a ti sup a. Ka chal ka chuar tap.


" Simonan bialnu a nei maw? " Naktuk chu damdawiin ah ka lo zui dawn che! ' ka ti nghal zat chu a ner sawk ka hmu hram.


" Ti nge kha tia I ner vak? I phal lo a ni maw? " Ka ti leh hram.


" Duh lo mah la i lo kal a ngai. I in check up ni a nia. Muhil tawh la, i mut a hun tawh! ' a rawn ti leh sup a. Lei chhuah tet in ka ngawi vang vang vang a. A hna thawk lai chu ka thil char char bawk.


" Papa... " Ka ti leh sap.


" Sawi la ... Ka Nautee...! " Muang fan ruih leh aw dam dup a rawn tiin a rawn hawi ruai ruai a. Ka lo nuih sen sen chu mit hmul a san nghal uk.


" Kei mah chuan ka muhil thei lo a... " Ka tih chuan a hmui ti sawi zauh in a file ken a khup thawk a. A thutna chair atang chuan rawn tho in a shirt hak chu a hlip thawk a, ka bulah chuan a rawn in thawh nghal zat.


" Lee... Muhil tawh rawh le... Ka fapa hi hrisel tak a a rawn than len ka duh a nia! Nangmah ang a mut a duh loh nan mut kham sa in rawn chhuak se a tha viau ang! " Ka chhip zawn a thaw chhuak suai suai in a ti sup a. Ka nui sak. Hetiang kumah pawh Zomuanpuia bulah chuan Naute ang maiin ka la khawsa in ka la pangchang a nia, mahse nuam ka ti a ka hlim em em bawk.


πŸ’˜A TAWP TAπŸ’˜

He story hi whatsApp g-3 ho in video in an rawn thlah thlap aπŸ’ƒπŸ’ƒπŸ˜πŸ˜ lo en ve ru awπŸ‘‡https://youtu.be/9MTJYqyW7A0

πŸ’˜ LOVE IS NEVER ENOUGH chu zan 40 zet kan ziah hnuah a tawp kan lo thleng ve leh ta der a.😁 duh khawp loh lai leh ngaihnawm tih loh na tam tak in neih pawh ka ring a, chu ttih rual a a tir atang a a tawp thleng a min lo chhiar sak tu te chungah lawm thu ka sawi a, min cmt sak a ka story min lo click sak thin tu zawng zawng te chungah pawh lawm thu ka sawi nghal bawk e. 😘ka story ziah ho ve tan a video nalh tak tak leh pic nalh tak tak a min lo siam sak thin tu te chungah pawh lawm thu ka sawi bik riau e❀❀ka story ti hlu zual Tu te in ni 😍😘 Last chapter a nih bawk a cmt rawn hnut chhiah vek ru aw❀❀

πŸ’œπŸ’œπŸ’œ Ads i la click ve lo a ni maw? Han click ve nghal zeuh la, second 10 bak nghah a ngai lo a nia. πŸ’œπŸ’œπŸ’œ

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)