LOVE IS NEVER ENOUGH by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: LOVE IS NEVER ENOUGH by Amy Cck (Completed)

Unread post by Ngaia » November 1st, 2020, 2:09 pm

CHAPTER - 19 ๐Ÿ’˜ by Amy Cck









" Reuben tunah rih chuan i rilru a la fim lo a ni kha. Kei ni hi i nu leh pa te kan ni a. Chu chu tumah in an thlak dang lam thei lo. Eng thil pawh hria la a pawi mawh ber chu chhungkua kan la ni reng tih hi! " Sofa pakhatah ka nu in ka u a pawt thu a. Ka pa erawh single sofaah a thu run a. A hmel a la chang tha viau. Kei pawh an bul chiahah ka thu ve bawk.









" Kha thu kha engtik atang nge i hria? Hmingmawiin min rawn bia a Kimkimi an in atang in i chhuah pui thu leh thil dang pawh a rawn sawi nual. Mi chhungkua ti buai a ti dar tur in dikna i nei hauh lo bawk! " Ka pa in a rawn ti chhur chhur chu ka u hlau thawng zet in ka nu nen kan en a. Ka u erawh nidang a fapa thu awi thei ang ang khan a awm hauh lo. Fapa luhlul zet ang maiin a thu ngawi ngul thung.









" Ka farnu a ni a, chubakah Kimkimin a duhthlanna in min zui bawk. " Ka u in a ti ve sup chu ka thaw chhuak tawh pawn ka hre lo. Ka pa thinrim thaw ri hrawk hrawk te chuan boruak a ti pik zual ngawih ngawih.









" Kha lam kha chu dahtha rih i la. Rawn haw ang che. Sawi kual vak ka tum lo a, a tul pawn ka hre hrep lo. He lai hi i in a ni a, kei hi i pa ka ni bawk. A bak sawi zui a ngai lo. " Ka pa chuan in bengdaih tum zet in a ti hmuk. A chhan pawh ka nu in in bengdai hram hram tur in leh pangai zawk a sawi duh tur a a ngen a vang in. Chuan kei min veng thawng tel bawk tih ka pa mit mengah ka hmu thiam tel bawk. Ka pa aw chhuak a dam deuh takah chuan ka nu nen pawh kan hahdam huai thei hial.









" Ka la rawn haw thei lo. A pawi ka ti mahse in ngaihtuah harh ka ngai rih! " Ka u tawng zawi sup vang chuan ka pa chu a in hum ruh nghal tawlh tawlh. A thutna atang chuan a ding vut a. Ka nu in ka u a thlem mawlh mawlh lai chuan ka pa erawh thinrim tih hriat zet in ka vei kual thuak thuak a. A pa lian bawk nen, ka pa thinrim chu hlauhawm tak a ni.









" Tun chiah ka sawi ang, i rawn haw lo a nih chuan ka lawm lo khawp ang! He inah hian nakin zelah pawh i chen ve a rem tawh lo ang. " Kan hma a ding khawng luah in a ti hmuk chu ka melh nghal dawr. Ka nu leh keiin ka pa chu ka ko nghal vat bawk.









" A pawi ka ti mahse ka rilru hi thlak ka tum lo! " Ti sup a ka u ding vut chu a kal sawn hlau zet in a hmaah ka ding ve nghal a. Ka nu pawh rawn ding in a banah vuan in ka pa ngaihdam dil tur in leh chhuak lo tur in a ti nghal vat.









" Zomuanpui hrep che hian! I rilru pawt peng tu enge thil dik lo awm phiang sen a? " Ka pa in aw ri hriam zet a a rawn ti chu ka u chuan en pawh a en lo, a mit meng tak run chuan min melh a. Engmah sawi lo mahse ka lo in thiam lo ve ringawt leh nghal.









" Dik lo a awm lo. Ka thinlung duh dan in thil ka ti, chu zawng chu! " Ti sup in a tawp nan ni awm ang hrim in za lo zet a min nuih suk in ka nu vawnna pawh ngai pawi mawh lo in a pen sawn nghal pawk pawk chu ka pa in a melh ngur a. Ka nu erawh in a ko lawm lawm thung.









" Angel I u kha a rilru va thlak sak tum rawh! " Ka nu in rilru na aw zet a a rawn tih takah chuan ka harh chhuak zawk. Ka nu mit mengah chuan ka u kha zui chhuah a duh tih ka hria mahse ka pa rilru pawh a na miau a. Kal sawn thei a ni bik lo. Tlai hnu hnawh zet in ka tlan chhuak ve a mahse ka u motor reng ka hmu hman lo.









Gate pawn a taxi rawn tlan chu ka lo phar ve tawp a. Ka u hotel awmna lam pan tur in ka hrilh ve nghal a. Tun a thil thleng kha chu kei leh ka u kan in hau ang mai mai kha a ni lo tih ka chiang a. Ka pa meuh in thu tawp a siam a. Chuvang chuan ka u hi a rawn haw ngei ngei a ngai a ni tawp.









" 250 aw! " Taxi driver in a rawn ti chu engmah pawisa ka keng lo tih ka hre chhuak chiah leh nghal. Ka phone tak ngial pawh ka lo keng reng reng lolo chu a ka in ti leh hnu hnawh viau.









" Oh... Ka bag ka theihnghilh daih a rei lo te min lo nghak thei a ngem? Hotel ah khian mi ka han hmu a nga, ka rawn pe nghal ang che. " In thlahrung zet chuan ka ti sap a. Taxi driver in lawm lo tih hriat zet a min en te chu hreawm tak a ni tawp. Mahse engmah tih theih awm hek lo. Kawng sir rem laiah in hung tha in rei lo tur in min ti chu ka let leh ngei ngei tur thu sawiin ka chhuak nghal vat.









" Heii....u Ruatpui... Ka u hnaah a kal lo! " Hotel ka lut tur chu tu emaw hian a rawn ti sup a. Ding dat a ka hawi let chu sir lam two whealer park naah Simona a lo ding reng a nih chu. Hepa hi chu tleirawl te si a nghal a nia, midang zawng zawng in Angel min tih laiin a mah chiah hian u Ruatpui min ti teh tlat nia.









" I u maw! A nih chu.... A nih chuan pawisa min lo puk tir teh! Vat in... " Ka ti vin hlar chu a ngaihna hriat loh hmel zet in min la en zui.









" Vat in.... Taxi fair keng lo in ka lo chhuak a! Min nghak a nia! " Tih leh taxi din na lam chu melh ka rual a. Sawi sel lem lo chuan min pe ve mai a. Simona ka hmu fuh chu ka lawm viau. Hotelah hian ka u a let ngei em tih ka chian miau loh avang in ka in nghal risk tir ngawt thei lo .








Mahse ka vanneih pui ta phian a, buai chiam ngai lo in ka u room lam ka pan theih phah a. Tunah tak hi chuan ka rilru phi li leh buai nuai kha an reh tan tawh bawk nen ka thawmhnaw hal hi ka chhuang viau lo. Hetiang hotel lian luh pui nan ngat phei chuan a mawi lo tak zet.









" A awm em ang chu! " Ti chhuak halh in room kawngka ka kik kharh kharh a. Vawi thum ka kik tawh, a rawn hawn mai tak lohah chuan beidawng zet a let tum in ka in her a mahse a rawn in hawng hlauh. Kawngka bul a ka u hmel tak ngur leh mit meng thim khup ka hmu chu ka ham haih leh hnu hnawh.









" U.... Englo.... " Ka ti hman tawk chu ka ban rekah vuan in room chhungah min pawt lut nawk a. Kawngka a nem khar dawp rual in kawngkaah chuan min nem bet nghal hrawk chu ka thin a phu nghal dawt dawt. Ka u ka hlauh vang lam ni lo in kha tiang a in thawn thut kha ka lung lam hian a zawh loh vang zawk in.









" Min ti hlau tih i hria em? " Ka sawi tum pawh sawi lo chuan ka ti leh nghek phawt a. Mahse engmah a sawi ve lo. Kawngka a min nem bet run chuan chuan min si chet in a ding a. Nghet zet in ka ban a vuan bawk.









" U.... " Ka ti leh sap rual in a rawn kun hniam a. Ka hmuiah a rawn fawp nghal hmiah chu kawngka ka ngheng nghal vak a. Nam sawn tum a ka kut ka chet tur chu a hmer bet tlat leh nghal! A kut leh lam rawn chet vut in ka tukhumah a kut tang hrawl zet chu a zen lut a. Nghet zet a min vuan in duh thaw zet in min fawp nghal ngawng ngawng a nih chu.









Thawk lakna hun pawh min siam lo lek in min fawhna chu a uar tulh tulh a. Nem sawn ka tum ve na chuan chhe te mah in awm zia a nei lo. A tawpah phei chuan tih theih awm hek lo a hmui hnuai lam chu ka seh sak vak ringawt. Ka ka chhung a rawn al pap rual in rum nghut in a in la hrang ta hram.









" Ka thluak nu bulh hi tih fim ka mamawh tak zet! " Seh chilh zet a ti chhuak hrawk in ka darah chuan a chal a nghat ngur a. A pa lian bawk sir chu a ding kun deuh ngur bawk. A taksa lian zet che uk a thawk a lak hawk rual in ka nghawng a lum tel ve hawk zel a. Mahse ka che ngam lo.









" I thil tih kha ngaihtuah chiang lo a ni! Ka pa bulah kal in ngaihdam dil i la engkim a tha vek mai ang! " Ka ti chhuak sap chu a lu thing ngut in a hmui lum thur thur chuan ka nghawng nem lai a rawn nawr tawk a, ka thawk ka ip let vak.









" Ka rawn haw chuan engkim a kal dik lo vek dawn! " Ti sup in kawngkaah chuan min nawr na zual sauh a. Zawi te in thawk ka la zui ham ham thung.









" A dik lo. Tunah pawh ka pa i chhan dan vang khan hreawm i tih em hi! Chuvang chuan engkim kan siam tha thei! " Ka ti ve sap. Ka pa thu hnial emaw ka pa hian vawi vawi khat tr pawh thinrim in a be ngai lo a. Ka u in hreawm a tih dan tur chu ka chiang lutuk tlat.









" Hrep chuan! Siam that ka duh lo. Ka lo let a nih chuan ka farnu i nih emaw ni lo emaw chutiang a ka en che a ngai leh dawn. Chu aia hreawm tih ka nei lo. Mipa dang kut i vuan lai i unaupa ang a thlir liam hun che a la awm bawk ang. Chu hunah chuan ka keh chhe hneh viau zawk bawk ang. Tun ai hian hreawm ka ti bawk ang tih ka chiang. Chuvang chuan heta ka awm hi a tha zawk! " Ka dar a a chal nghal ngur chuan a phun chhuak sup a. Kan awm dan hi a hreawm tak zet.









Ka u hi kei pawn ka khawngaih a, mahse a rilru ang hi tawm pui har ka ti. Ka rilru thenkhat chuan ka u naute ka nih vang hrim hrim leh ka u bul a ka awm reng theih dawn chuan pawi a ti tawh lo a mahse a chanve leh lam hian rilru fim tak hmang in thil dik lo a ni tih min la hrilh bawk si.









Vawin thil thleng atang ringawt pawh khan, ka u nen in zawmna dang kan lo nei a ka pa ten an hre chhuak a nih chuan kan chhungkua chu kan keh chhe hneh viau ang.









Rei fe ka u lo haw a ka pa be tha leh tur in ka thlem a mahse lungpui biak ang chauh a ni. Ka pa ang chiah in thu thlukna a siam tawh a sawh sawn ngai lo. Chuvang chuan ka dinhmun a khirh leh zual bawk. Leh lamah ka nu leh pa an awm a, leh lamah ka u. Taxi phar ding in pawisa nei lo bawk in ka haw a mahse kan in thleng ka in drop tir avang in chuan man erawh ka buai tawh lo.









Ka nu in ka u chanchin min lo zawt vat a mahse a rilru ti na zual tur in rawn haw a tum lo thu ka hrilh thung. Ka pa hmel erawh ka hmu lo. Hmuh duh viau mah i la ka taksa chau deuh nghulh vang in ka room ah mu tur in ka chho tlang a. Ka nu pawn min ngaihtuah in min zui chho ve nghal bawk.








.
" Nu.. . Ka u thu sawi khan a thawng lo che a mi? " Khum a thu in ka nu chu ka melh a ka ti sap. Thaw hak in ka bulah a rawn thu thla a, sawi duh ngah zet hmel a pu bawk.












" A nih na takah chuan .... In tet lai khan..... Dik tak chuan kan hre sa vek tawh a. In hriat ve kan duh ngai lo zawk. A chhan chu kan fa te in nih na a bo phah lo. Nang chu ka fa, ka hrin liau liau i ni a ka hmangaih em em bawk che . Reubena erawh thisen zawm kan ni lo na chung in nu hmangaihna mamawh tak naupang a nih avang in ka hmangaih leh zual bawk. Chuan I pa fapa a nih loh thu ka hriat atang phei kha chuan khawvel a hmangaihna zawng zawng hi nei tur in ka duh leh zual bawk. " Ka nu thu sawi chuan min thawng lutuk a mak ti zet in ka melh ngawt ngawt.









" In lo hre vek tawh a maw? Ka.... Ka pa pawh in maw? " Ka ti leh hram chu ka nu in lu a bu nghat . Thaw chhuak hak in za lo zet in ka then sak. Ka hre hmasa ber emaw ka tia ka lo hre hnu hnung ber zawk a nih chu!









" Engtin? " Ka ti halh ringawt. Ka u pawn rei tak a lo zep tawh a. A aia rei daih ka nu leh pa ten an lo zep bawk a. Enge thil thleng hi ka hre thiam lo tak zet.









" I pian atang a rei lo te ah khan i u hringtu nu hian a sawi a. Kha tih lai khan jail a tang a. Rei tak tang tur a ni a. Sawi nuam chu a ni lo a mahse a ni vang khan ka nunna ka chan tep. Mi that tum leh kidnap thu buai vang in rei tak tang tur a ni a. Mahse kha mi hnu khang buaina a awm tan a, an chhungkua khan Reubena hi i pa fapa a ni lo ti a tang in enkawl an tum ruh bur mai a. Kha ta tang khan kan hre chhuak a, Hmingmawii khan midang fa kha i pa fa ang in a lo sawi tih. Dan ang takah chuan kei ni chu a thisen zawm ka ni tawh lo a, a pi leh pu te khan enkawl tum in min rawn ti buai ve reng a.









I u lah khan engmah hre ve lo khan kei hi min ngaina in a nu tak ka ni lo tih hriat thei loh tur khawp in min duh a min zui deuh chawt zel a. A nu leh pi leh pu tak tak te kha chu a ngaina ngai lo. In rem siamna kan nei phah hial a, Reubena kan fapa a ni anga min rawn ti buai tawh dawn lo a nih chuan Hmingmawii lak a kan thu buai kan la let ang tiin.









I pa chuan a rem ti lo viau a mahse i u hi ka hmangaih em em a, a hma a a nu in a lo en kawl dan ka hriat phei chuan an kut a hlan mai kha harsa ka ti tak zet bawk. Kan thu a in hmu thei hlawm hram a. Hmingmawii jail atang kan chuah tir a kei niin i u kan chang thung. Kha vang khan Aizawl lam a awm pawh duh lo in Thenzawlah kan awm reng a. I pi pawh a thu hriat in a thawng em a hetiang a a dinhmun a that tak lo chhan a ni nghe nghe.









Mahse i hrisel lo em em mai bawk si a. Loh theih lo in hetah bawk kan awm a ngai a. Hmanah khan engvang a I pa in Reubena hringtu ni hi haw viau nge a nih tih min zawh kha i hriatthiam mai ka ring. " Ka nu chuan a ti halh a. A thu sawi chu chhan ngaihna pawh ka hre lo.









Ka u pawn a nu a lo huat tlat chhan teri kha kei chuan ka ngaihtuah pui ngai lo a mahse ka hrethiam kuar in ka hria. Kimkimi pawh in ' ka nu ang a hmeichhe sual nih ka duh lo! ' ka bulah a ti a nih kha. Engkim an lo hre bik a kei ve chu an sirah ka lo tal vel mai mai a ni chu. Ka rilru put hmang chiah pawh hi ka hre thiam tawh bik lo.









" Mahse! " Ka nu chuan rawn ti chhuak halh in ka kut a rawn vuan a ka en nghal vat. " Chhungkua hi thisen in zawm a lo ni ber lo a. A hma daih atang in kei leh Reubena chu chhungkua, thisen, engmah in zawmna kan nei chuang lo. Mahse ka hmangaih tho a, i pa fapa a nih lo tak vang khan chhe te mah in helai hi a dang lam lo! " Ti leh halh in a kut keh lam chuan a awm zawn a khawih dat.









" A hma ai zawng in i u ka hmangaihna a zual zawk. A chhan chu a dawn ngai reng reng loh hmangaihna pek chak na leh pek duhna ka nei lian zawk a. Thisen hi a pawimawh na meuh mai mahse a aia pawimawh chu hmangaihna ngah tak mihring nih hi. Thil thleng tha lo te avang a in dawm kun ai chuan a eng zawng a thlir thiam mi nih hi a pawimawh zawk fo.









Tunah pawh i u hi a rilru a na ang tih ka hria. Chu mi ang chiah chuan i pa pawh a na a. I u hi mal tak a awm tur in ka duh ngai lo a tunah pawh ka duh hek lo. Chuvang chu a rilru thlak sak tum rawh! " A rawn ti deuh duah chu tih ngaihna vak ka hriat loh vang in ka chhang lo tawp.



*


*


" Vawin enge i tih dawn? Ka u hna a kal dawn lo a va tlawh i la. " Ka in siam mawlh mawlh laiin Kimkimi phone ka chhang a, a rawn ti zang khai vah.









" Ka pa ka zui dawn a ka hman pawh ka ring lo. " Ka ti zuai raih. Kimkimi pawh chuan a mah a a kal tur thu in min rawn chhang leh mai a.









December kan chuang kai a, class kal ngai tawh hek lo, ka nu leh pa an cham tak reng a vang in ka pa rual in hna ka kal ve thin a. Ka u erawh damdawiin lamah chiah a kal tawh thung a . Kan chhungkua chu mi hriat si loh in kan tha vak lem lo. Ka nu pawh ka u hmu tur in a kal ve tawh a mahse a rawn hlawh chham haw ve tho. Ka pa erawh in engmah a sawi ngai lo thung.









Ka u bia emaw be lo tur pawn min ti ngai lo a. A mah phei chuan ka u chhuah ni atang khan engmah ka bulah a sawi leh tawh lo a. Min hau lo a zawhna pawh min zawt hek lo. Ka pa mizia pangai ang khan a awm reng a mahse a mit meng atang a chhung lam a hlim lo tih ka hre thei a, nuam erawh ka ti lo.









" Office rawn haw hma ru aw, ka u te inah chaw ei phei kan ngai a nia! " Ka nu in kan kal tur min thlah pah in a ti sap a. Motor chhungah lut in eng eng emaw kan sawi dun a. Digining lamah ka tui thar tak em avang hian hna ka kal pawn chu tiang lam chu ka khawi ve thin a. U Opi pawh kan deginer lam a kan neih that ber a nih vang in ka ti buai ve nak nak a.









Ka u ka hmu ngun em em lo a mahse a chanchin erawh u Opin ka bulah a sawi reng avang leh Kimkimi a tang in hriat erawh ka nei nual. Dr Tluangpuii te nufa nen an in pawh viau toh thleng in ka hria a. Hotel khat ni mahse room hrang ah an awm tiin u opi bulah ka sawi a mahse u opi erawh chuan room khat a awm ang deuh thaw in an in pawh tih thleng in a hre vek a. Mahse a hma ang in han sawi pui emaw ka nei tawh lo. A chhan chu ka u rilru ka hre chiang a chuvang a ni mahna. U opi erawh ka khawngaih viau, a mah melh pawh melh duh lo tu heti khawp a a vei hi.









" I u bulah kal la, i pu te in a rawn kal ve tur in i ti dawn nia. I pi in vawin hospital ah a kal loh thu min rawn hrilh a! " Office kan chhuah san rual in ka pa in a rawn ti a. Rang zet in ka melh a mahse a hmel a ngai reng.









" Lo kal duh lo ta se! " Ka ti sap chu a hmui ti sawi zauh in min en a. Kei pawn ka melh let vah.









"Kha chu a thu a ni mai. He tiang a a in lak hran zel chuan a la in kilh tawih zel mai ang. " A ti leh hmuk a.









Taxi la in hotel lam ka pan a, Kimkimi call in ka u bulah a la awm em tih ka zawt a. Mahse a lo haw daih tawh thung. A tlai ve tawh hrim hrim bawk a. Khua a thim hma tawh bawk nen, tlai lam chu a vawt deuh sur tawh bawk.









Ka u room zawn ka thleng a, kawngka ka kik a, chhanna a awm lo. A in hawn pawh ring lem lo chuan a kalhna chu ka herh chhin a mahse a lo in hawng hlauh. Room chhung ah chu music ri zawi zet a in play in midang hmel erawh ka hmu lo.









Dawhkan chungah chuan pizza leh ei tur dang dang, a lo in hung hnawk deuh nuai a. Ka hnung lamah pen ri ka hriat avang chuan ka in her nghal vat a, mahse ka thil hmuh erawh in min thawng tak zet.









" Nang maw? " Mak min tih hmel zet a min en in Dr Tluangpuii chuan a rawn ti haw a. Shower a nei zo nge bathrub ha in a sam la hnawm lam deuh chu a darah a hui liam nghal thak.









" Enge hetah i tih? " Ka ti chang fak. Thawmhnaw pangai pawh ha lo a ka u room a a lo awm chu ka lawm teh chiam lo tih ka tawng kamah a hriat ngei pawh ka ring.









" I hmuh ang hian shower ka nei zo chiah! Reubena a emaw ka ti che a nang i nih ka ring miah lo! " Ti sap in dawhkan chung a tui chu no ah a thli chhuak a a lem nghal khalh chu ka melh no hran lo viau.









" Reubena leh ka fanu in in hnuai lamah dinner ei tur in min nghak sia kawr ka va in bel lawk a nge! Helai chu ti fai tur koh an ngai a nih hi! " Min zah pahna nei em em lo chuan a bathrub hak chu melh kual rual in dawhkan hnawk zet chu melh in a ti nghal zat a. Chu mi rual in a ner nghal sak.









" Ka awi thei lo! " Ti chhuak halh in ka bul a hmeichhe kal sawn chu a hnung lam atang ka melh zui tawp. Kei ai chuan a upa ngei a mahse he room nei tu chhungte kha ti khan min pal zam ngam chu a zak thei lo ka ti tak zet.









" I lo la awm a? I u i hmu duh a nih chuan min lo zui la kan rual in dinner i ei ve nghal a nga. " Room atang a thawmhnaw rawn in ha kim vek a a rawn chhuak chu a la rawn ti leh nghal. Thawmhnaw a hak loh khan ka thin a rim em em a mahse ka u bedroom a in thlak tur a a lut a thawmhnaw pangai a rawn haw chhuak chuan thinrim mai piah lamah min ti na deuh tlat a nih chu.









" Ka u nen hian eng in zawmna nge in neih a? He tiang a a room a tlang nel tur hian? " Ka ti kha fak chu a kal tur a ding dat a. Ka lam rawn hawiin mit min san khum ak ringawt chu ka ngei tawk viau.









" Chu tiang hrilh tur che ka ni em ka hre chiah lo. I u ngei pawn kan chanchin a hrilh loh che chuan kei a lo sawi kha a mawi lem lo a, sawi pawh ka duh hek lo. " Doctor tih takah a tawng dam dap. Mahse a thu sawi danah erawh a in veng viau tih a lang.









" Midang i i chung chang an sawi i hriat ve chu ka ring a. I pasal chhuah san in zah pawh pawisa lo in mipa dang i ngai zawng an ti che a. I thawhna damdawiin ngeiah pawh an sawi che a mahse he tiang hian mipa room ah i awm leh a. Tlem tal in zahna i nei a nih chuan .... " Tawp dat in ka melh ralh a. A thu sawi khan a ti lawm bik vak lo tih ka hria. Mahse hmeichhe fel leh mi pawisawi hlau tak ka ni lo ka tih tawh kha. Ka u a tel ve tawh phei chuan Kimkimi nen pawh tawngkam na tak kan in hman khum chawk a. Henu bul a nih vang a zaidam vel chiam ka tum hek lo.










" Mi thu sawi na zawng i awi vek chu ka ring lo a. Mahse dik a mual mual pawh a awm ang chu. Ka pasal chu ka chhuah san ngei a, zep lo chuan i u hian min pui nasa viau. A chungah pawh hian ka lawm viau a, tunah rih chuan i u hi ka la mamawh tak zet bawk. Ka fanu nen hian.... Eng pawh ni se i lak a in sawi fel hi ka ba lo. " Ti halh in a in her a a kal zui nghal hmak.









Room a chhuan san hnu chuan kei mah in ka din ngaiin ka ding reng a. Midang in an thu sawi te, heta thawk ngei te pawh in an sawi sep sep tawh a. Mahse engah mah an la ngai lo chu a nia. Ka u pawh ka ngei zual thut. Ka pa nen an in kar siam that tum lam ai a mi nupa buaina a a lo in rawlh ve chu thin a rim thun.









Kawngka lam ka pan chu pawn lam a tang a rawn in nem hawng in ka u a rawn pen lut nghal vut a. Thinrim zet in ka melh nghal hrak.









" Hetah tun ang hunah enge i rawn tih? " A ti sup chu ka ner sak.









" Zan riah ei tur a rawn sawm che ka tum a mahse ei pui tur i nei tih ka lo hre tawh a , ka kal ve mai ang! Sawi chu ka duh chiah lo , mahse mi nupui ngai zawng tur khawp chuan i dang lam loh ka beisei. " Ngeiawm zet a then lui sak a tiin kawngka ka pawt hawng chu na zet in a nem khar nghal dawp.









" Enge i sawi tum? " Ti sup in ka chhuah phal lo ang maiin kawnga hmaah chuan a ding nghal run a. Ka ner sak.









" Hre lo der suh. Midang zawng zawng in i hnuai a hna tawk nu pakhat, fa nei tawh, a pasal lak a pawt hrang a, an fanu nen hotel a awm pui ang in an sawi luai luai cheu a nih hi. Chuan.... Chuan... Kha hmeichhia khan ka hmai chhan ngeiah a pasal lak a a awm hran theih nan i tanpui tih min sawi khum bawk a! " Hrethiam se ka tih vang nge ka thinrim lutuk vang ka hre lo ka ban ka phar nghal hliai bawk.









" Chu tah chuan dik lo a awm ka hre lo! " A rawn ti hmuk chu thinrim zet in ka in hum ruh vak.









" Chutiang chuan i ngai a maw? Hahh...i room ah hmeichhe thawmhnaw ha lo a awm ka rawn hmu a, sawi tur i neih loh chuan i thu le. A tha lawm. " Ka ti chhuak halh ringawt.









Thinrim nasa viau tur in mahni u te hmeichhe kawp huat ngawt thu a awm si lo. Mahse a ruk erawh chuan ka thinrim ka sa pup pup thung. Ka phone rawn ri avang chuan thaw hak in ka phone chu ka la chhuak a. Ka nu in a rawn call a ka thlen vat tur thu leh ka u a kal ve theih dawn loh thu ka sawi deuh hmak chu ka hma a mipa ding chu a ner deuh sawk.









" Ka kal dawn loh thu ka sawi lo! " Phone ka dah hnu chuan nuih in sup zet in a rawn ti sup a. Ngeiawm thiam ve chiang a nia.









" Sawi vat ta che! " Ka ti teu hlar.









" Ka kal tur thu pawh ka sawi lo! " Ka phone hmet a ka nu ka call let tur chu a rawn tih leh sup vang chuan rum zet in ka melh nghal nghek.









" Sual thiam viau suh! " Ka tih vak rual in ka phone a rawn ri leh chiah a. Ka hawi sawn ve hram. Ka thinrim em em laiin fiamthu in min ti kual reng bik hi ka ngei tlat bawk. Ka nu in a rawn call leh emaw ka ti hman a mahse sir Rema a ni daih chu kei pawn mak ka ti . Ka phone a hming rawn lang chu ka u pawn hmu in a hmel a tum nghal hmuk.









" Hotel I lut kha ka hmu che, i haw tawh a mi? Ka lo nghak risk tawp che. " Chhan pawh ka chhan hma chuan a rawn ti chu chhan mai ngaihna ka hre lo.









" Haw lo. Mahse ka haw dawn chiah... " Ka sawi zawh hma in ka phone min pawh phih thlak sak hlawk chu ka hawi phawk nghal vat.









" Kha pa khan engvang in nge a rawn biak che? Engtik atang khan nge thil thleng zawng zawng hrilh tur khawp in i lo hnaih hrep a? " Ti chhuak hrawk in ka phone chu a hum run a. A hmel a thinrimna rawn lang ringawt chu ka hre thiam lo lek lek. Chu mai pawh ni lo in engkim ka hrilh a tih vel pawh kha ka hre thiam hek lo.









" Ka hre lo. I buaina tur pawh a ni lo. Khawi ka phone. " Tih leh ka phone lak ka tum chu a kekawr ipah a dah nghal hmuk a nih chu. Ngei lutuk a melh hrep in thawk ka la hak.









" Sual thiam viau lo teh. Ka duh duh ka bia a nga, lo in rawlh ve suh. Nang pawh ka in rawlh loh kha. I duh duh kawp la , chen pui la, kei pawn ka ti ve ang! Kei min ngaihtuah lo in i duh ang ang in khaw sa rawh! " Ka ti chhuak vak chu a rawn in seh ruh tawlh tawlh a. Sawi sual ka nei pawn ka hre lo. Ka au ring in ka tang bawk si chu ka thaw nghal hak.









" A tha lawm! " Ti sup tu chu khabe pauh vah in ka melh nghek a. A mit meng thim khup a a thil ngaihtuah chu ka hre thiam lo.









" Ka kal dawn! " Tih leh kawngka hawnna ka vawn rual chuan ka taksa a kang nghal nawlh a ka khek nghal that. Kan din na atang chuan min pen sawn pui pawk pawk in couch ah chuan min dah thla in min delh bet nghal run.









" Enge? Ka kal duh a nia! " Ti vin that a thawh ka tum chu a che sawn duh thak lo.









" Ka duh ang a thil ti tur in min tih zawh chiah kha! Hrep chuan, hre lo ang in awm duh suh kha pa kha engkim i hrilh a ni lawm ni? Unau kan ni lo tih thleng in! " Ka hmai bulah chuan a rawn ti chhuak hrawk a. A thu sawi awmzia erawh ka hre hauh lo.









" I sawi awm zia ka hre lo! " Ti vak in a awmah ka nem vak a mahse chhe te mah in a che sawn lo. Ka hmai bul chetah chuan rawn then suk in a hmui chuan ka hmuiah a rawn fawp nghal chawt bawk. Ka kut a lo in dan ka tum rual in na zet a ka ban rek a hmer in a kut khing khat chuan ka lu zawn couch ah chuan a nem bet nghal hrawk bawk.









Dan tum a tawng ka tum ka hmui ka chet chu rem changah la in a lei chuan ka hmui a rawn nawr kau nghal zat a. A kut leh lam a ka shirt hak lai pawt ri thawt in a kut lian zet chu a zen lut nghal hrawk takah chuan hlauhthawnna in min rawn luh chilh nghal tup tup bawk.









Min fawhna uar zual sauh in a kut chuan ka hnute a hrawm tel nawk nawk a. A bawp hrawl zet chu chet hrut in ka tal nawk nawk chu remchang a la in ka mal in karah a tlak zeh tir nghal hmak bawk. Ka chet ve a , tan ka khawh ve a piangin a chet ka ti awl sam ting mai chuan min ti beidawng tak zet bawk.







*ZAWMNA*






VAwiinah ads i la click lo a nih chuan a hnuai a milem khu i click ve zeuh dawn nia.









* REUBEN ZOMUANPUIA POV *









" Khawngaih in min ti lui suh! " Nautein hlau thawng leh tap deuh tiau a a rawn ti chuan min ti harh zawk. A hmai zawn a ka in beng kang vut rual in ka thil tih tul lo zet vang in ka ti hlau tih hai rual lo in a mit atang a mit tui chhuak chu a bekah a luang ngiai ngiai bawk.









" Khawngaih in.... " Mit meng vai riai a min melh in mittui tling pam chung chuan a rawn ti leh sap a tah in sum zet in a hmui hnuai lam a pet fan fan bawk. Thaw chhuak hawk in a kut couch a ka nem beh chu ka thlah ruai ruai a. A kut pahnih a a hmai a hup thak rual in ka rum chhuak hrawk.









" Naute! " Ka tih sup rual in chhuak zet in a rawn in hnit nghal hlawp hlawp a. A hmai erawh a kut phah in a hup tlat thung. Chiang tak in a ban rek ka hmerna duk kulh pawh chu ka hmu bawk. In thiam lo zet a a kut vawn ka tum chu ka kut a lo vai per nawk a. In sum hman lo in couch nghenchhan ka hnek zui chawrh .









A din hmun hre chiang ber tu in a tan a pawi thei hlir in a lakah ka khawsa a ni tih ka hre chhuak a. Mahni in thiam loh na avang chuan ka thinrim tun a ni ber . Couch ah chuan ka thu chhuak vut a, pik zet in ka thaw chhuak hrawk. Kha pa phiangsen khan a rawn call tih hre kher lo i la he tiang hian ka thinrim thut kher lo ang. Nautein kei ni lo kha pa zawk a pan dawn tih hmai chhan a min sawi khum phei kha chuan ka in thu nunna ka hlauh vek bawk.









Kei in atan ka chhungkua ka kal san vek a. Ka nu leh pa rilru na tur pawh ngaihtuah duh lo in a mah ka hnaih theih nan kawng awm ang chu tih ka tum mek a mahse ka hma a awm reng chung a a hmu thiam duh lo tlat te, ka mit atang a ka hmangaihna ka lan chhuah tir na te hmuh hmaih in hmeichhe dang hnaih tur in min ti a. Keiin mipa dang a hnaih emaw biak hlek pawh ka hmuh theih loh laiin. Hrep chuan!









" Ka... Ka duh lo , min khawih tawh suh! " A rawn tho chhuak a kawng a vuan a ka mal chung a ka pawh hnai hrawk rual in hlau thawn hmel zet hian a rawn ti vin that a. Ngai pawimawh duh lo in ka lam hawi chuan a taksa chu couch a thu run in ka mal chungah ka pawm bet hmuk a. Nautei erawh nasa zet a tal chhuah tum in a taksa a chet thung. A tal chhuak thei lo thinrim chuan ka sam a kek nghek chu a na ve reng! A duh lohnaah chuan kawl hlik hlek tak a ni.









" Ka ngai che! " Ka ti chhuak sup chu a che lai a tawp dat a ka mal chungah chuan a thu khawng at.









" Min ngaihtuah ve ngai miah lo tih ka hre chung pawh hian ka ngai tho che! Midang chuan ka tel lo a awm thiam lo leh min ti buai reng thin ang in an sawi che a mahse kei zawk hi i tel lo a awm thei lo dik tak zawk ka ni thung . Chu vang chuan tiang hian rilru khing bai zet in min dah suh! " Ti sup in ka kuah na ka thlah dul ruai ruai a. Kal sawn tum a a che chu a kawngah ka vuan leh hmiah.









" Ti nat che ka duh lo! " Ka ti sup chu a rawn in hnit faih. A sam hnawk niai a hmai zar tu chu hui sawn sak in ka nui lui suk. Tap zo hlim tih hriat zet in a mittui a la tling pam a. A hnar a sen hlar bawk. A tet lai atang in a tap ka thlem a piang in he tiang hian a taksa hi ka kuah khawm vek thin. Tap thlem ka thiam dan awm chhun a ni miau a. Chuvang chuan hmeichhe dang tap thlem phei chu a ngaihna ka hre hauh lo.









" Ka kal tir ang che! I bul a ka thu sawi zawng zawng kha hre lo ang in i awm dawn a nia. Hetah hian rawn kal tawh suh la, min hmu tur in emaw mi pawh rawn biak tum tawh suh. A nih loh chuan ka rilru ka thlak leh duh mai ang! I hrethiam em? " Ti sup in a biang chu ka vuan nghal vut a. A mittui in a tih hnawm chap chu ka hruk sak nghal zat bawk.









" Rawn let I tum tawh miah lo ti raw? " A rawn ti tham chel chu nui suk in lu ka thing ngut.









" Kan rilru a in mil in a hma ang khan kan in pawh tawh ngai dawn lo a chuvang chuan kan rawn haw tawh loh hi kan pahnih tan hian a tha zawk. Ka bul a I awm a nih chuan ka neih theih loh vang che in ka in sum na hlauh in i nun ka ti chhe vek mai ang! Chu thil chu thleng tur in ka duh lo! " Ti hmuk in couch ah chuan thut thlak tir in ka ding nghal vut.









" Mahni unaupa ngaizawng tur khawp a hmeichhe rilru nghet lo i ni lo tih ka lo theihnghilh a ni! " Ti sup in room lam ka pan san vut. A bul a ka awm a nih chuan ka in thunun theihna a pan tial tial a. Ka ta a ni thei dawn lo tih hre reng in ka kal tir phal dawn lo tih ka hre bawk. Chuvang chuan a mah hmu lo a ka awm hi ka tan leh a tan a tha ber.









A nih loh chuan mipa sual leh mah ni hmasial tak ang maiin ka ta ni tur in tih luihna ka hmang ang tih ka hlau a ni. Tunah pawh ka kal tir ang tih ka sawi kha ka in chhir leh nghal der tawh. A kal tak tak a nih chuan ka lakah eng rilru mah a pu ve lo tihna a ni dawn a. Tlangval a pum pa hian chu chu ka hlau a nih hrep chu. Mahse a awm dawn lo tih erawh ka chiang viau thung.



*



*


" Haw ve dawn tawh i la! Nang ang lo tak in kei chu nghak tu ka nei sia! " Ka office kawngkaah Dr Tluangpuii rawn lut in nui sak in a rawn ti a lu ka bu nghut.









Chrismas thleng tur in ni 2 chiah in min dang tawh a mahse hna erawh a tam zawk viau. Accident te nau atang a lian tham thleng in hun pui ah chuan a tam thin bawk nen. Damdawiin hawn thar mai a nih avang in staff in daih loh pawh a na suh viau.









" Cindy i be tawh em? " Ka office kan chhuah san hnu chuan ka ti sup. A biak tawh thu leh a lo mut thilh leh mai a rin thu a sawi a. Hospital kan chhuah san tur chu kawt a ambulance rawn tlan lut a dam lo an zawn chhuah vang chuan ka ding dawt. Tleirawl an zing a mi chu Simona a ang viau bawk.









" Dik lo a awm a mi? " Tluangpuiin a rawn ti vat.









" Faithi maw? " Tih leh Tluangpuii chu lo va haw tur a hrilh ka rual a. Damlo an zawn luhna lam chu ka pan nghal pawk pawk a. Ka rin kha dik chiah in ICU pawn chhuatah Simona lo thu chu ka pan nghal a. A hma ka din rual in a rawn hawi chhuak a, min hmu chiah chu a tap chhuak nghal hawk.









A thawmhnaw a thisen kai nuai nen chuan thuthlengah a thu ngawi chawt a. Pa Jerome a te bia in chanchin ka hrilh sak a. Simona erawh thil thleng in a thawn lutuk vang nge a thu ngawi ngul thung.









Doctor a rawn chhuah rual chuan pan vat in chanchin ka zawt nghal a mahse ka thu hriat chuan kei ngei pawh awm dan min ti hre lo. Simonan doctor in Faithi a awm tawh lo tih a sawi a hriat rual chuan mi a ang mai in damdawiin corridor ah chuan a au chhuak thawt in chhuatah a thingthi thla hnawk.









Nu Sangtein damdawiin an rawn thlen thu phone in min rawn hrilh a. Kan awmna ka hrilh a, Faithi chung chang erawh phone a sawi chi a ni miau lo. Doctor bulah faithi naute pai chung chang a chhungte lak a zep tur in ka hrilh a. Rei lo te ah midang pawh an rawn thleng chawp chilh zui nghal a.









Thil thleng vang chun kei pawh haw lo in Faithi ruang ka zui haw a. Ka nu bia in thil awm dan ka hrilh a. Nu Sangtei te in lamah an rawn kal ve nghal tur thu a sawi a. Zalai a nih deuh thaw tawh avang in Nautei chu hrilh rih lo in zinglamah chauh hrilh tur in ka ti a. A chhan pawh faithi nen an in kawm nasat ve em avang in a tuar thiam lo ang tih ka hlau.









" Naute a pai mek a sin! Lo chhuah pui miah lo tur ka ni a! " Passenger seat a Simona thu in rilru na zet in a rawn ti chhuak hrawk chu ka lainat viau. Tleirawl mai chauh a la ni a, a farnu leh a u neih chhun a chan a nia. Tuar dan a thiam lo ang tih mawlh ka hlau pui.









" I chhungte kha thil kha an hre lo a, nang leh kei kan ni tawp. Midang hriat i duh lo a nih chuan ka sawi chhuak hauh lo ang! " A lam hawiin ka ti sup chu a thaw chhuak hawk.









" Simon! " An in kawt kan thleng chu motor atang a chhuak mai lo chuan ka ti leh sup a. Rilru buai hmel zet in lu a thing nawk.









" Faithin sawi chhuah a duh lo ang! " A tih tak supah chuan lu ka bu ve nghut.









In chhungah kan lut a, pa Christa te leh midang ho in in an lo singsa fel mek a. Simonan a hmuh rual in a kuah nghal thlawp. Room lamah kan in zui chho a, theenawm khawveng, hnai vai ho pawh an rawn kal ve nak nak a. Pa Christ an Simona a buaipui chhun zawm a, kei erawh in hnuai ah ka chhuk thung.









Ruang pawh a lo thleng der tawh a. In hnuai ka chhuk chu an lo khat mur tawh bawk. Ruangkiltu te zing a ka mi hmuh vang chuan ka in seh ruh vak.









" Reuben! " Ka pa in min hmuh rual in min rawn pan a ka darah vuan in zai rin loh na lam ah in be tur in kan kal sawn nghal vut.









" Pa, Angeli saw rawn hruai rih lo tur in ni a sin! " Ka pa en in ka ti sup chu ka pa pawh a thaw hawk.









" I nu nen kan thu sawi a lo hre fuh a lawm maw le! Ti hian awm se nakin deuh ah haw pui tum la ka duh. Zan khua a a awm chuan a tap tawp thei si lo, a hriselna in a tuar mai ang! " A ti ve sup. Ka rilru ah erawh Nautein haw a duh ka ring lo bur.










Zan a rei deuh hnu chuan chhuan lam siam in Nautei kuang bul atang in ka hruai sawn thei hram a. Haw ka sawi chuan ka ring ang chiah in a duh lo viau leh nghal. Faithi hun tawp hi ka kal san thei lo a ti ve bur miau. Nu Sarah in in chung lam room a hahchawl tir rih tur in min ti hlauh a, thlem tak te a thlem in kan in hruai chho thei hram.









" Nun hi a fair lo ngawt mai ti raw! " Khum a thu a ti sap tu chu a bulah thu in ka kuah nghal vat. A tuar a nih pawn a awm ve viau. An naupan lai chuan Nautei hrisel loh vang in Faithi hi kan in ah Nautei kawm tur in a rawn leng lut ngun viau a, an tleirawl chhuah takah chuan an mizia a dang ve tan a an in kawm nasa thei tawh lo mai zawk a.









" Engmah ngaihtuah lo a hahdam i mamawh a nia. Naktuk Faithi thlahnaah ah i tel theih loh chuan hreawm i ti dawn a nia! " Ka ti sup. Room ah a mutthilh thleng ka awm a. Zing l dar 3 vel ah in hnuai lamah ka chhuk a. Ka nu leh pa pawh ruangkil in an lo thu ve bawk.









Simona erawh kan haw a chin kha a room atang in a rawn chhuak ta hauh lo a. Tumah a biak duh loh thu pa Christan a sawi bawk nen Faithi thihna hian a nunah nghawng tha lo a neih loh hram ka duh pui tak zet. Faithi rai thu erawh tuman an hre lo a nih hmel.










" I harh na a rei tawh em? " Zing dar 7 vel ah Nautei mutna room a ka chho chu khumah a lo thut chhuah avang chuan nui suk in ka ti sup. A bul ka kal hnaih rual in ka phone a hum ran tih ka hmu chiah bawk.









" Nautei i tha em? " Ti sup in a hmaah chuan ka thu hniam nghal run. A hmai a dang bel a, a mit pawh nizan a tahna vang in a bui deuh lak bawk. A awm dan A nawm loh hmel em avang chuan ka kut chu lek vut in a hmai ka khawih chu a lo sa deuh vur niin.









" I tha miah lo. Dandawi kan ngaihtuah a nge! " Tih sup a din ka rual chu ka banah a rawn vuan bet chawt. Ka kal tur pawh ding leh in hrilh hai zet in ka melh chhuk nghal run.









" Kal suh! " A rawn ti tham chel chu thawk ka la hawk.









," Damsawi ka lak sak ang che. I khawsik kha a sang zel dawn tlat! " Ka ti sup chu a aia nghet in ka kut chu a rawn vuan leh a, a awm dan chu ka hrethiam lo tak zet bawk.









" Kal suh ka tih chu! Ka bul ah awm reng tawh rawh. Hetah.... Ka hmuh theih ah hian! " Ti chhuak vak in a tap chhuak nghal hawk chu kei pawn kal san lo chuan a bulah ka thu thla leh ta zawk a. Ka kuah hmasak pawh ngai lo chuan ka awmah a rawn bei nghal thlawp.









" Na i nei a nih chuan min hrilh rawh! " Ka ti sup.









" Ka... Ka nei lo mahse min kal san tawh suh. A hreawm e mai! Ka hlau thawng a, tam tak un hlauh thawnna ka nei a. Ka chan ang che tih ka hlau thin a. Rei tak ka bul a I awm theih nan ka hriat ang tawk in ka bei a mahse engmah a tawk zo lo. Nang chu i hla tial tial a, kum khua atan ka chan ang che tih ka hlau a ni!









Ka hmangaih che a, ka duh na che pawh hi tih lam ve ka chak tak zet mahse ka hlauh thawn vang in ka thup hram hram a. Mahse min kal san hlen dawn ai chuan thup tawh lo ka duh zawk ! " Ka awm zawnah chuan a rawn ti tan tan a, a thu sawi chuan min thawng dawt.









" Enge i sawi kha awm zia? " Ti sup in ka nem hrang dat a. Muttui tling pam a min en tu chu beiseina mit meng in ka melh chhuk ngur.








" Nangte reuh in min duh ve! A dik em? " Ring ngam chiah lo chuan ka ti sup.









" Umm...." Lu nu nghat in a rawn ti chu mit khap lo lek in ka melh run.









" Min duh ve lo thu i sawi kha ! " Ka la ti hram chu min melh nghal vak.









" Chutiang in ka sawi lo. Thil thleng thei a nih loh thu chiah ka sawi. Ka... Ka hlau thawng a lawm. Ka nu leh pa in an hriat chuan in atang an chhuah tir che a ka hmuh leh tawh lo che ka hlau a lawm! " A rawn ti tham chel chu ka nu ta suk.









" A nih chuan vawi khat chiah min hrilh ve rawh! " A mit bui lak a melh chuan ka ti sup.









" Eng.. " A rawn ti ha chu ner suk a kun hniam in a chal ah ka chal in ka tauh nghal dat.










" Min duh ve a ni tih kha! " A hmai zawn hnai zet a melh run in ka ti sup.









" Ka duh che! Suala! " A rawn tih sap chu ka then suk.









" Mawl reuh lutuk! " To sup in a hnar a tahna avang a sen hler ah chuan ka fawp zeuh a a ner nang.









" Ka mawl lo bawk. " Tum bar a a ti chu nuih suk in ka kuah nghal hlun a. Mitthi sun e ti lo chuan ka thinlung hi lawm avang in a nui hial a nih chu. Nautei ka bulah a awm chuan ka nun hi a famkim vek miau a. Ka nu leh pa te erawh in min pawm pui mai mai hauh lo ang.









๐Ÿ˜‚๐Ÿ˜‚๐Ÿ˜‚ an in ngaizawng ta๐Ÿคฃ nizan note ka hnut chhiahah naktuk zanah ka lo dah ang tih ka lo ziak tel a๐Ÿ™„ ka lo hre miah lo a whatsapp group ah in lo sawi chhuak a, nghak in lo awm ve lak lawh nen, kei mah tawng theih zit zet vang a meng thlawn in awm loh na ngaihnawm vak lo hman hmawh deuh in ka rawn dah tawp๐Ÿ˜๐Ÿ˜ ka van fel leh si em๐Ÿ™ˆ๐Ÿ™ˆ๐Ÿ™Š๐Ÿ™Š chuvang chuan cmt, like leh click kha ka phut a nia๐Ÿ˜‚๐Ÿ˜‚



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:10 pm

CHAPTER - 20 ๐Ÿ’˜ by Amy Cck







" Awiii..... Min ti phu a lawm. Simon nang maw? " Bathroom atang a ka chhuak chu khum mawng lam chhuatah Simona a lo thu thluang zuar a. Ka hmuh rual in ding chawt in ka ti sep. Min chhan mai loh avang chuan zawi muang in ka pan hnai a, room a phu tha bawk a pawn lam thawm engmah hriat tur a awm lo.







" Hetah enge i tih ve? " A bul khum tlang a ka thut rual in a ti sep. Ka u in hahdam tur in min hruai chho kha a nia mahse hetiang boruak ah chuan a hahdam theih si lo a. Ka u in thlamuang tak a midang a buai pui theih nan muhil der in roomah ka in khung ta ngawt kha a nia.







" Zawhna mawl tak a ni. Faithi thlah tur in i rawn kal ve tak e! " Nui lui hawk a tiin a kut chuan a hmai a hup nghal hmuk a. Ka lainat reuh lutuk chu ka mittui ka biangah a rawn lum thla ve pap.







" Faithi i la hmu ve miah lo tih ka hria a, nakinah chuan duh pawh ni la i hmu thei tawh dawn lo a nia. " Dam dap chuan ka ti a min chhang lo chuan a thaw hawk ringawt. Midang sawi dan atang in damdawiin atang a an rawn haw hnu in Simona hi room ah a in khung tlat a ni awm a. A tuar dan tur chu ka hre tho a mahse nakinah a in chhir ka hlau pui a ni.







" Ka tum a, hmuh pawh ka duh mahse ka thei lo. Kei mah vang vek a ni. Ka kutah tanpui ngai em em in a awm a mahse engmah ka tih sak thei si lo. A mit meng te..... Hrep chuan.. " Ti chhuak thawt in a sam a tham ngawt ngawt a, a kun ngawih ngawih chu a hma zawn a thu hniam in ka kuah ve tawp.







" I thiam loh a nni hlei nem! Tu pawh in accident chu kan tawk thei a lawm! " Ka ti chhuak tiau. In sum viau mah i la ka tah a chhuak ve tun a, ka mittui pawh a dir ve zawih zawih tho.







" Mahse.....Mahse hei kher chu ka hrethiam thei lo! " A taksa a min kuah bet chuan a ti chhuak leh vak. Ka awmah hmai phum in a tap khur dar dar a. Tih ngaihna vak pawh hre bik lo chuan ka kuah a. A ri lo chuan ka tah pui ve tawp. Lalmama leh Simona hi an in rual khat vel viau a, a mah leh a mah a in dem lutuk ber hian ka rilru a ti na tak zet.







Kei pawn ka hriat tirh khan mak ka ti, Faithi bike khalh thiam zia ka hria a, accident an tih pawh khan na lutuk tur ah ka dah lo a mahse a nunna an chhan hman loh hial thu ka hriat khan chet lawkna chhang pawh ka hre bik lo hial. Simona tan phei chuan a hreawm leh zual ngawt ang.







Room chhungah kan pahnih in kan in khung char char a. Faithi te unau nen hi chuan kan in ang em a, unau pahnih chauh ve ve kan ni bawk nen pakhat zawk awm lo tur chu kan mal hmel bik ngawih ngawih. Ka thiam tawk in ka hnem ve a, a u hun tawpah a ruang tak ngial pawh a kil lo tur chu ka lo ngai ngam lo a ni ber. Room atang a a chhuah meuh chuan zing dar 4 a lo ri der tawh.







Ka taksa chau leh zawi ngawih ngawih vang chuan mitthil pawh tum em em lo in khumah chuan ka mu a. In hnuai a ka chhuk leh a nih chuan ka tap nasa leh dawn tih ka hre bawk nen nizan avang ringawt pawh in ka lu a na bur a. Thlanmual lamah ka kal ve theih loh ka hlauh vang in ka in sum hram hram a ni ber.







Ka mu lai chu phone vibrate ri nghawr dur dur vang in ka harh a. Ka lo muhil hman a nih hmel. Ka tho chhuak tur chu ka taksa na lutuk vang in ka ner sak. Ka lu lah chu ka mut hma ai in a na zawk a nih chu. Thu chhuak in ka thaw sa hut hut tih reh tum in khum sir table a tui lo awm chu ka in nghal khawlh khawlh a. Mahse ka thaw sa hal huam huam chu a reh phah lem lo.







Thawh ka tum chu phone bawk kha a rawn ri nghawr leh dur dur a. Khum mawng lam a ka u kawr chung chu la in a ip ka dap nghal rak rak a, a phone a ken thlak theihnghilh a nih hmel. A rawn call tu vang chuan lak loh ka tum deuh viau a mahse a sual thlak ka tih avang in ka la ta hram.







" Pa Reuben.... " Ka beng bulah phone ka dah rual in hmeichhe naupang aw in a rawn ti lang lang chu rang zet in phone ka off leh nghal hmak. Ka sual vang pawh a ni mai theih Dr Tluangpuii te nufa hi ka haw tlat a, ka u hnaih a an awm a, nel tak a ka u an biak vel thin vang te leh midang in in ngai zawng ang a an sawi te vang hian ni ber in ka hria.







Chiang tak in kei pawh ka rilru suk thlek a danglam tawh tih la hria. Ka u nen kan in kar pawh a tha tawh dawn lo tih leh ngai a awh tawh dawn lo tih ka chiang bawk a. Ka u a ni reng ang tih ngaihtuah chung in ka u bul a ka thik thu ka lan chhuah tir na ho hi a dik bawk hek lo. Chu vang chuan ka in chhir tak tak hma in ka u hian min kal san lo nan ka vuan tlat tawh dawn .




*



" Tunah rih chuan rawn chhuk tum suh ang che, i rawn chhuk lui a nih chuan inah ka haw pui ang che! " Puan a min khuh tha sauh sauh a ti hmuk tu chu ner nang in ka melh a. A hmel erawh tun a ka haw duh loh avang in a rum ngang mai.







" Ka hria! Mahse nakinah min rawn hruai ngei ngei ang che, ka lo mutthilh pawn min kai tho la, a nih loh vaih chuan i chak lo ngawt ang! " Ka ti ram deuh hmak chu a ner suk.






" A te zawk hian mi hi vo ve khai khai thin suh! I hlauhawm thei si. Ruang kan vui hma in i khawsik hi lo reh hman tir tum ang che! " Ti sup in a rawn kun hniam a, ka hmuiah a rawn fawp zeuh chu ka meng bial kawk.







" Kha thil kha ngaiah ka neih theih ka ring lo! " Lai deuh tak a ka ti sap chu a huat tur ang a sawi ka ni lo bawk a a khi ve suk.





" Ngaiah i neih ngei chu a ngai ang! " Ti sup in a ngai ang bawk in a rawn kun hniam a min fawp leh chu ka kut chet ka tum a, ka puan sin chhungah a ti bet daih a nih chu.






* FLASH BACK *







" Angel... " Hotel pawn a ka chhuah rual in sir lam thutna an siam atangin Sir Reman min rawn ko a rang zet in ka mittui ka hru ru nghal vat. Michin lawk a ka u awm dan leh thu sawi zawng zawng kha ngaihtuah let loh hram ka duh a mahse a harsa tak zet.







" I lo la awm a maw? " Nui lui sak in ka ti a. A then ve suk.







" A nih hi! In khaw lamah i awm daih ang chu ka tia mahse tunah chuan ka ring hlel tawh lo e. I tha em? " A rawn ti zawm zat chu engmah hre lo ang maiin ka melh ha a mahse ka hmelah a lo hre thiam vek a nih hmel.







" Tunah chuan tha tawh. I haw dawn chuan ka lo tel ve ! " Ka ti ve nghal a. Ngaih that vak loh hmel a min en chung chuan a phal ve mai bawk. Thla a sik tawh bawk a, tun ang tlaiah chuan boruak a vawt deuh vur a. Kawngdung vel ah chuan thil zuar leh lei tur an in hnawh tuau tuau a. Mahse heng hian a ti chrismas thla bik riau thung.







" Chuan engtik khan nge i lo chhuk a. Chriasmas i hman tur thu kha i sawi a. Biak pawh ka be thei lo che a. I u nen kan in kam khat deuh vang khan min block kher chu ka ring lo a sin! " Driver seat a thu in motor khalh chung chuan a rawn ti sup chu ka melh ha.







" Ka haw lo hrim hrim zawk! Chuan.... Enge i sawi kha... Ka block che maw? " Ti leh ka phone ka hum mek chu hmeh en ka rual a mahse sir Rema number pawh ka lo nei tawh miah lo. WhatsApp ah lut in ka zawng ngial a ka hmu chuang lo chu ka ham haih lek lek. Ka lo ngaihven loh lutuk vang in kan in biakna ho a bo tih pawh ka lo hre miah lo chu ka in thiam lo leh hnu hnawh. Chuan kar khat chhung ka u in ka phone min kawl sak daih avang khan a tih a nih ka ring nghet bur bawk.







" Sorry! Ka phone ka hmeh sual na lamah a nih ka ring. Mahse tunah min lo call tho sia! " Ka ti ta ngawt chu mit min rawn kan khum uk.







" A pangai in min lo block lo a nih ka ring. WhatsApp ah erawh min block chiang a. Min be duh lo a nih ring in ka call ngam lo che a nih kha. " A rawn ti phei chuan ka in thlahrung leh zual. Mahni lecturer te han block mai chu, zah thlak ve duh tak a ni. Engmah ka sawi hma in ka nu call a rawn lut a, chaw ei an hman vek tawh thu a rawn sawi chuan ka kal ve loh tur thu in ka chhang ta ngawt.







Ka nu lah in min la rawn hau zui leh nghal. Ka kal loh tur thu pawh k lo va hrilh leh tawh miah si lo a, ka chhang let ngam lo hrim hrim.







" A nih chuan kan la in ngai zawng zel dawn em? " Ngawi reng a motor tukverh a ka dak veuh veuh chu a rawn ti sup a. Ka melh nghal vat.







" Kan in hmuh hnu hnun ber ni khan kan in ngaizawng tawh in ka hria a. Mahse kan reh dun... Ni lo... I reh leh vang vang sia! " Nuih in sum zet hian a rawn ti sup a ka ner zui nang.







" Dik tak chuan.... In ngaihzawn vel kha chu a fuh chiah loh hmel! " Ka ti zawi sap. Sir Rema hi chu a fel thlawt a mahse ka u nen buaina dang neih belh ka duh lo. Tun a mi pawh hi chinfel a harsa mah mah a. Tunah phei chuan kan in kar kan chhu chat der a nia. Chutah ka u ngainat loh mipa lo zui kual chu ka theih loh bakah enga feeling mah ka nei lo hrim hrim bawk.







" I u vang a ni ti raw? " A rawn ti sup chu ka phu zawk. Ka rilru hre thei ang maiin a rawn sawi chu chhan mai ngaihna pawh ka hre lo lek lek.







" Aiii.... Ni teuh lo mai! Engvang in nge ka u vang a nih ngawt ang! " Nui lui hak in ka ti ve nghal.





" Thu i pehhel thiam loh ang bawk in dawt pawh i sawi thiam chuang lo. I u hian a nau ang lo deuh in a en che tih hre tur khan vawi khat ka biak kha a tawk viau. Unau piang hmun pawh in ni lo tih ka hria! " A ti sup chu mak ti lutuk in ka melh a, engtin nge a hriat theih tih ka ngaihtuah buai nghal char char.







" I room a I file zingah khan ka hmu a lawm! Chuan ti chiang tur in i u ka hmu ngat bawk a. Rei lo te ah ka rin dik zia ka hmu bawk. " A rawn ti leh sup chu sawi ve tur reng ka hre lo. Ka zak viau bawk.







" Mahse mahni unaupa te ngaihzawn chu a fuh viau lo ang! " A rawn ti zawm leh zat chu ka in seh ruh nghek.







" Motor hi ti ding rawh, ka chhuk duh ! " Ka ti hmak chu hma lam melh in a speed a san sauh a nih chu.







" Ding rawh ka tih chu! " Ka ti vin that takah chuan a ding ve hram.






" In in chhir tam hma hian ka bulah rawn kal rawh! Hma lam I pan pui theih lo tur in zawmna siam pui hian awm zia a nei lo. Reubena hian i rilru a dawi kual in a fiam kual mai mai che a ni. A nau lakah rilru tenawm tak pu in a awm a nia. Chuvang chuan.... " Ka kut ka vai rual in ka kut phah a thip zawk. Sir Rema pawh a ngawi ve chawt. Ka thin hi chu a chhia tih ka hria a mahse ka kut a ram tih ka lo hre tel hauh lo.






" Nang pawh hian rilru dang i pu tih ka hre chiah . A awm lo hran lo e, i dinhmuh angah hi chuan Reubena chiah hi i neih chhun a ni miau a. " A hmai tuai phawk a a rawn ti chu ka in hum ruh zui nghek.






" Engmah i hre lo. Ka u pawh i ngaih ang a rilru chhia a ni hek lo. " Ti ram hmak in motor kawngka chu ka hawng rawk rawk a ka chhuak zui nghal . Kawng a motor rawn tlan rem chang chu phar ding in ka lut zui hmak. Ka u chanchin mawi lo zet a a sawi ri hriat reng kha ka duh reng reng lo.






A tawpah chuan in ka thleng ve hram. Kan nula in kawngka a rawn hawn rual in biak pawh be lo in ka room lam pan in la tlan chho a. Room ka luh rual a kawngka kalh in khum chungah la thu tawm nghal ngawt ngawt.





Ka banrek ka u in min hmerna avang a duk kual ralh chu en in ka thaw chhuak hak. " Ka ngai che! " Min tih khan chhang lo mah i la ka chhung lam a mi hian a ngai ve tho tih ka hria. Ka rilru a in sual nasa em a ka buai zo a ni ber. Ka u nen hian hma hun eng tak ka nei in ka hre tlat lo a. Bul tan dun hma hauh in kan tawpna a rawn lang sa vek bawk a.






Ka nu leh ka pa in an rem ti kher lo ang. Kan vai in kan na vek ang tih pawh hriat sa. Chu mai ni lo in midang in an hriat chuan mualpho na nasa tak kan tawk ngei a nga. Thinsen chu a lang tawh dawn hauh lo, mi tam tak rilru ah unau kan ni tih an hriatna a reh dawn lo a. Chutiang ang mualpho na chu kan chhungkua in kan tawk ngei ang. Mahse ka u kal tir tawp tur ang a ka in ngaihtuah hian ka phal thei tlat lo.



*



" Reubena leh Doctor pakhat in kawp chung chang an sawi hi enge awm zia? Hotel lamah an awm dun tih te pawn hmel hriat thenkhat in an sawi a. " Ka pa zing walk haw in chair a rawn thu thla in a ti sup chu ka tui in ka phu that a ka nu ka en zui nghal.





" Chutiang in an in karah engmah a awm lo Reubenan a ti a mahse an hotel staff te pawn a room ah an uh ngun thu an sawi a. Tlangval a ni a dan emaw hauh ringawt chi a ni hlei nem. " Ka nu in a ti chu ka lo ner sak.





" Dan chu kan dang thei hauh lo ang. Mahse he tiang a hotel vel a chen ho hi chu a mawi lo khawp mai. A hmeichhia pawh chu biak a, Reubena pawh biak a that ka ring! Engpawh ni se nupui nei rual pawh a ni tawh a. He tiang a neih duh loh tur nen a sawi kai hi a tha ka ti lo. " Ka pa tawng zawi sup vang chuan ka lo hnual rawi rawi thei. Ka u in nupui a nei ang maw?





Ka nu lah chuan Dr Tluangpuii chu la fak viau leh nghal. Fa nei tawh a nih thu te thleng in an sawi kai a, an bulah ka lo thu ngawi kar ringawt. Ka pa nuthlawi a ni emaw pawi a tih loh hmel lutuk te chu ka tah a lo ti chhuak zawk. Ka lo duh lo ve chhan lah chu kei ma ta chiah ni tur a ka duh vang a ni a. Midang nen in tawm ka phal lo a ni tawp.






Engtik atang khan nge ka hre lo, rei tak erawh a la ni lo tih ka hria. Mahse Reuben Zomuanpuia hi ka duh ve tawh tak zet. Ka hnar tang tang lai pawh khan ka lo duh reng tawh a. Kei mah in ka pawm duh lo mai zawk a. Duh ve lo i la chuan ka chung a a chet dan tam zawk vang khan ka huat viau loh pawn hlau tur chu ka ni. Mahse ka ti miah lo, a chhan chu ka lo duh let ve reng tawh zawk vang in!






* END OF FLASH BACK *







" I tha deuh tawh em? Kan haw ve leh nachhawkna/natchhawkna chak chi in jection ka pe che a nga i dam vat mai ang. " Motor chhungah kan thu a driver seat a thu run a ti sup tu chu ka ner kum nang.





" Simona hi ka ngaihtuah! " Ka ti sap chu min rawn melh zawk . Vawin a thlanmual a Faithi an phum dawm meuh chuan aw rawl chhuah meuh a tap in a thiam loh thu a sawi reng kha a nia. Ka rilru ah nizan a awm dan nen khan a cham reng bawk nen. Ka tawrh pui leh zual tawp.






" Thihna hi chu kan thu a ni bik si lo a! " Ka u in a ti sup chu pawm pui zet in ka thaw chhuak hak.






" Kei ni pawh hi kan la thi ve ngei a nga. Nang ai chuan ka kal hmasak ka ring a, ka awm loh hnu ah ka ai awh in hmeichhe dang..... " Motor a tih din dawt vang chuan ka tawng tawp chawt.






" Kha tiang thu kha sawi tawh suh ang che. Fiamthu pawh ka hre duh lo a nia. Tunah chuan kei ka la dam a nang pawh hma i sawn ve zel a. Chu vang sawi leh tawh ngai suh! " Ka lam rawn hawiin mit meng thim khup a min melh in a ti hmuk a, mak ti zet in ka melh ha.






" Hmeichhe dang i hmangaih ka phal dawn chuang lo tih ka tum mai a lawm! " Ka ti sap chu hahdam huai ang mai hian a thaw chhuak ham ham.






" Hmangaih rawh ti mah la KA KHUAVANG NAUTE lo chu ka hmangaih thei dawn lo tih hre reng rawh! " Nui suk a a ti chu lei ka chhuah zeuh.






" Ti nge khuavang naute i tih kher zel a? " Ka ti sap chu khi suk a min min siai suk in motor a ti nung a a tlan leh nghal vut a nih chu.






" Min chhang lo ma lek rawh. Suala!" Ti hmak in kut ka kuang kuah a pawn lam la hawi zui hmak. Driver seat atang a min nui leh suk thin chu hre reng mah i la ka hre lo der hmak.







In kan thlen pawn be duh lo luiin room ah ka chho tlang a. Ka nu leh pa erawh an la rawn haw mai dawn lo thung. Ka thawmhnaw phelh in shower ka nei a, ka harh sawt in ka hre bawk. Bathrub ha in, ka tih dan thin in ka sam chu towel in ka tuam vek a. Bathroom atang a ka chhuak chu khumah ka u lo thu in ka phone a lo hmet mual mual a nih chu.







" Heiii.... Enge lo tih leh i tum? " Ti vak a tlan phei in a kut a ka phone chu a in rin hma in ka pawt thla deuh vak a. Chal ti chuar deuh tup in min melh nghal run.






" Tu nge Andrew chu? " A rawn ti hmuk a ka ner nang.





" Khawi maw I phone kha? " Tih leh ka lam a a ban rawn phar chhuah a rual chu hlau thawng lutuk in ka nuih tlawn ta tawp.





" Ruatpui, tha tak a ka sawi lai hian i phone kha min pe vat rawh! " Lawm lo tih hriat zet leh ka pek loh chuan min chhuh sak tho a tum tih a hmel leh mit meng atang a min warning chung chuan a ti leh hmuk.






" Tu... Tumah a ni lo. A hrim hrim in midang phone an phalna lo in an khawih tawp tawp ngai lo! " Tih leh ka bathrub chhung lam zawk ip ah dah ka rual chu ngei awm zet in a ner nawk.






" Tumah ni lo in an rawn biak che chu ka ring chiah lo. Chubakah tu nge tukin zing a ka phone call lo chhang a, a hnu a lo reject zel tu kha? " Min hmul min kan khum uk a a rawn ti chu ka meng khup nghal zal zal. Zingah khan doctor tluangpuii call kha ka hmeh busy sak zel tak tak miau a.






" Chuan midang phone ni lo in Lalruatpuii phone a ni bawk! " Ti leh ka bathrub hrui a rawn pawh rual in ka bawh nghal rawk rawk a. Ka hriat leh meuh chuan khumah min bawh bet reng tawh a nih chu. A kut a ka bathrub in buk thuahna lai a zen hrut chu rang lutuk in ka kut pahnih in a banrekah ka vuan bet nghal tung.







" Tumah a ni lo tak tak a lawm! " Hlau thawng lutuk in ka ti chul chu a awi hmel chuang hauh lo leh nghal.






" A nih chuan engvang in nge ka en chu i phal loh viau? " A kut chu awlsam zet a zen lut in a ti leh sup. Ka va dang chiang lutuk ringawt.







" A.. . A chhan chu ... Aa.... Midang hriat ve chi loh kan sawi vang in! " Ka ti thla ringawt . Mahse ka tawng sual zia ka hre chhuak.





"Ka hre chak zual sauh mai! " Tih leh awlsam lutuk a ka phone lak a rual a. Phone ah khian a en kual a nih ngat chuan hotel a awm chhung zawng a, Kimkimi a mah ngaiven tur leh a awm dan te, enge a tih tih ka zawhna zawng zawng te a hmu dawn chiang. Min nuih leh nasa dawn lutuk chu a en ka phal lo bur.






Thawk la hak in min bawh bet run chung a ka phone hmet mual mual tu chu a biang tawn tawn a vuan in ka lamah ka pawt hnai salh a ka fawp ve hmiah! A thawng ve a ni mahna a che lai tawp chawt in min melh ngur a, ka phone a keng tlat bawk nen a rilru lak pen tum chuan ka thiam dan chuan ka hmui ka chet zui nghal zat bawk!








* ZAWMNA *








" Danglam deuh ve! " In la hrang hlek chuan a ti sup a. Ka zak leh hnu hnawh chu a mitah pawh ka en tha ngam lo. Nula ve uai tawh mah i la mipa lam leh in ngaihzawngna lamah hi chuan la bo ve tak kha ka ni miau. Chu chu ka u pawh hian a hre chiang.







" Khawi..... Ka phone kha min pe tawh rawh ! " Ka ti leh tawl chu hmui ti sawi zauh in a kekawr ip lamah a kut chu dah thla in a ak nghal hmuk a nih chu. Chiang tak in vawin hian min man chhuak dawn tih ka hre chiang lutuk chu ka hmai te chu an sen talh talh hal in ka ring.







" Nakinah ka en zawhah ka pe ang che. Tunah rih chuan tun lawk a kan thil tih kha ka la kham lo! " Nuih in sum zet a tiin a rawn kun hniam leh chu ka hmui zawnah ka kut ka phar nghal hmak a, ka hmui fawh tum in ka kut phah hnung lam zawk a fawp chu lawm lo tih hriat zet in a rum nghut.







" Ka phone min pek hma chu! Chubakah min fawp ngun tawh lutuk! " Ka ti chhuak vak chu hmui ti sawi zauh in min melh a. A mit ti zim sun in eng emaw ngaihtuah nei hmel a pu deuh bawk.







" Ka fawp ngun che maw? Ka awi chiah lo. Hei hi in fawhah i chhiar tel a nih loh chuan! " Tih sup in ka in rin hma chuan ka kut chu a ti sawn a. Ka hmui rawn si zauh in a in la hrang leh nghal a ka ner zui nang.







" Kha tiang bak bak.. " Ka la ti hram. Engah mah ngaih loh tur viau mah i la ngaiah erawh ka nei mai thei lo.







" Kha tiang kha chu in kiss ah pawh ka ngai lem lo. Zir la, en la i rilru pe la lo feel rawh, next ah chuan i tih ve ka phut ang! " Ti sup in min rawn hnaih chilh leh nghal hmiah a. A hmui lum vung vung a dam zet a ka hmui rawn nawr kau in muang fan ruih chuan min fawp a. Chhan pawh chhang let lo chuan ka awm ngai chuan ka awm khawng at ringawt.







Ka kut chu a kut lian leh lum thur thur a rawn hum nghal vek in hman hmawhna tel hauh lo chuan min fawp a. Min fawp sa tliah mai pawh ni lo in ka hmui hnuai lam chu a hne zui dek dek a. A chang in a seh leh zauh tih bawk chu ka lo ip deuh chawi thin.







" Ka tih ang chiah khan min chhang let rawh! " In la hrang hlek in ka beng bulah chuan a rawn phun sup a. A sawi zawh rual a ka beng a pet tel zauh vang chuan ka thaw chhuak hak. A nuih suk rual ka nghawng bawr vel chu a lum tel ve hawk a. Ka hmuiah bawk chuan a rawn bur leh nghal hmiah.







" Min chhang let rawh Naute! " A rawn tih nawn leh sup takah chuan tim deuh tak chuan ka hmui ka chet ve a. A hma ai mah khan min fawh dan a dam in boruak a thlawk delh delh ang mai hian ka taksa in a feel tan a. Mit pawh ka meng hlei thei tawh lo. Ka thiam tawk chuan ka chhang let tan tan a. Engmah ka ngaihtuahna ah thil dang a lut tawh lo.







Thawk leh khatah min fawh dan dam zet chu rawn thlak thut in duh thaw leh uar zet in min fawp ta tawn tawn a, a lei sa leh thap hrak chuan ka hmui rawn nawr kau in uar zet chuan a chet nghal ngawng ngawng a. Mahse dan ka tum chuang lo. Lo dan chu sawi loh ka thiam tawk a uar chuan ka chhang let ve zel a nih chu! Rapthlak zawk chuan!







A kut chu sawn thla in ka bathrub chhan atang ka hnute a hup bet nghal hmiah a, zawi muang a a kut chu che kual in ka hnute chu a tham kual ruai a. Vawi leh khatah ka bathrub chhungah zen lut in engmah dal tu nei lo chuan ka hnute chu a hup chawt a. Harh chhuak thut in a kut chu ka vawn hnan ve chawt. Rang zet in ka melh thla nghal vat bawk.







" I hlau a mi? " Ti thawp sup tu vang chuan ka hawi sawn nghal vat. Ka u mit meng thim rap leh sexy ru zet vang chuan chhang mai lo in chil ka lem kalh ringawt. Mahse a kut lian zet ka vawnna erawh ka hmer nghet lutuk tlat.







" Ihh.... Tlem in! " Min melh ngur tak ah chuan ka ti ro halh. Ka taksa chu ka zam lutuk vang nge chhung lam atang in a khur ru der der bawk.







" Min ring ti raw? " A rawn ti leh sup .







" Umm.... " Ka lu chet zeuh a ka ti chu nalh lutuk in a nui nghal suk a. Mahse ka ti ril erawh a la khur ru der der tho. Ka hmuiah bawk chuan a hma ang bawk chuan dim zet in min fawp leh a, a kut chu dah sawn tum lo zet in ka hnute chu a hup run bawk. Min fawhna ril leh nuam zet vang chuan ka thla chu ka thlah dul ve leh ta riai riai a, chu chu ka u pawn hria in a chet a uar ve sauh a, a kut a chet leh pawh chu ka dang tawh bik lo.







Uar leh duh thaw zet a min fawp in a lei chu a chet ngawng ngawng a. Chumi rual chuan a kut lum vung vung chuan ka hnute chu hrawm kual in zei zet a a kut tang hrawl zet in ka hnute hm*r a tuai pial leh ralh rual chuan ka hriat miah loh in ka lo rum chhuak leh hak thin.







" Hrep chuan! Ka tawp thei lo tak ngial dawn! " Ti chhuak hrawk in thawk leh khatah a in beng kang vut a, da va riai a meng chhuak in ka u hmel chang tawlh tawlh leh mit meng thim khup chu ka melh ha a, a tawp deuh thut vang khan ka ham haih lek lek bawk.







" Min hlau lo ti raw? " A ti sup chu hre thim lo zet in lu ka bu nghat a. A thaw nghal huai.







" A tha! Tunah chuan rilru lak pen nan thil dang, i khawsik kha a la awm em? A awm chuan damdawi ka pe ang che! " Dang ro hmel zet a ti chhuak hawlh in chil a lem deuh kawlh kawlh a, a thut chhuah tak ah chuan kei pawh ka tho chhuak ve nghal a. Ka bathrub hak chu a hma a lo in phelh vek a nih chu! Panty chiah ka hak avang in ka taksa lang var hanah chuan ka u mit a fu nghal ngur bawk.







" Jection ka duh lo, damdawi te chu min pek zawh chiah kha, ka dam vek tawh! Ka khawsik pawh a bo tawh! " Ti bah nak nak in ka bathrub chu ka siam tha nghal sawk sawk. Ding vut in a hmai a tuai phawk a. Ka rilru a pangai leh tawh tan bawk nen ka zak ru chem chem leh nghal. Kha tiang thil kha ka vawi khat tihna a nia, a nuam lo hran lo viau nan a zah thlak ve det bawk!







" A nih chuan muhil rawh! I chau ang, nizan i mu tha lo bawk a. Mahse Simona rilru i lo hmin sak a I thawk tha hrim hrim! " Ka sir leh sir a a ban lian zet a rawn in beng khalh ngur in a ti sup a. Ka ner nang.








" Zingah ka muhil tho a lawm! " Ka ti sup chu a hmui a ti sawi zauh.







" Zanah Faithi te in lam a ka rual a kal leh i duh chuan muhil rawh. A tha em? " A ti leh sup chu lu ka bu ta nghat. Ka nu leh pa vawin ni leng in an va awm bawk nen zan lamah tal chuan kan va lan chhawk leh a ngai dawn miau.







" Good! Kei pawh ka va in thlak ve a nge! " Ti sup a kal sawn a tum chu rang zet in a banah ka vuan vat.







" Hotel ah chuan let suh aw! " Hlau thawng aw tak chuan ka ti sap.








" Ok! Lo mu hah dam rawh! " Tih sup a rawn aw hnaiin ka hmuiah a rawn fawp leh hram.







" Ka kham thei lo che a, ngaiah neih a har dawn viau bawk in ka hria! " Ka hmui si reng chung chuan a ti thawp sup a, a nui tel suk bawk chu ka nui ve hak tho. Kei pawn ngaiah neih a har ka tih ka ring.




*



Ka mu chet mai ka tum chu ka taksa hnung lam a tang hian ban lian leh hrawl zet in min lo kuah bet hlun a, hmu lo mah i la pang ti lum nuam zet ka nghen chu tu taksa nge tih ka hre chiang. Chu mai pawh ni lo in a kut chu ka kawr chhungah zen lut in ka hnute a hum tel run a nih chu. Ka nghawng zawnah a muhil a nih ka ring a thaw ri suk suk a, a chau viau a nih ka ring. Hna a bang mitthi in lamah a tlang nghal char char bawk nen.







Zawi te in a kut chu ka kawr chhung atang ka la chhuak a. Khum a ka thut chhuah rual in rawn rum tuah tuah in a taksa chu zang thal nghal vut a, a harh dawn emaw tiin ka lo thaw chhuak ngam tawh lo hial a mahse a harh lo hlauh. Kawr ha lo in kekawr erawh a hah thung. A taksa nalh zet chu ka thlir vang vang a. Thawk a lak rual a a dul vel leh six pack che kual vel chu hmuh nawm tak a ni.







Khua a vawt bawk nen puan chu sin that tir in puan nuam pakhat chu la in ka sin ve thung a, ka room atang in ka chhuak ve ta hram. Chaw hma lam atang a ka mu tlaiah ka harh ve chiah avang in ka ril lah chu a tam phian leh nghal.







" Bawihte i mutui em? " Ka pa thu thleng a thu thluang zuar chu a mah si chet in ka thu a, ka puan sin nen zawng zawng a min kuah khawm hlu hlu in a rawn ti sup chu nui sak in lu ka bu nghat nghat.







" Step ah kha tiang khan tlan kual tawh suh. I tlu sual ang. I puan sin I hnuk leh nghal a. " Ka nu in a rawn ti chu ka hmui ka tih pawrh khum vak.






" Pa, ka nu aiin ka chhun zawk che ti raw? A ni chu a thin chhe si min hau reng bik ziah! " Ka pa melh chho ha a ka ti chu ka pa a nui chhuak hawk. Ka nu erawh mawl min ti lutuk nge a lu a thing mat mat.





" A hmu tu a zir a niang chu! I rin aiin i nu te chu a romantic daih ang! " Fiamthu a ka pa in a ti chu ka awi lo lutuk in ka ner nang.






" Awiawm loh! A nih ka nu in nge nang man i duh thu sawi chhuak hmasa cheu! Ee.... Sawi leh suh nang mah i nih ka ring, a dik em? " Ka pa melh ralh a ka ti chu lu a bu nghut.





" A nih ka nu pawn a lo duh ve nghal che a mi? A romantic viau chuan engtin nge a chhan che? Nang chu i zei dawn tih ka hre sa a! " Nuih hak a ka ti chu ka pa in ka zakah min rawn dek a ka khek nghal tuar.






" Mawww..... Ka hre chak lutuk paa! " Ka ti nang nang chu ka nu in min lo hau a mahse ka hre lo der hmak.





" I nu ka duh thu ka hmangaih thu ka hrilh hmasak ber a min chhan dan maw? " Ti sup in ka nu a melh phei vut chu ka nu a lo meng rum al.





" 'Putar I nih kha ! ' tih zawng a sawi! Min duh lo a. " Nui hawk in ka pa in a ti chu ka ner nghal vak.






" Naa.... Eng chhanna nge a? Nu i ti tak tak a mi? Ka pa te chu tunah pawh a chhe lo em em a, i duh lo a maw? " Ka ti vak chu ka nu in hahthlak min ti lutuk in a thaw hak.







" In pafa khan duh tawk u la i u han kai tho la chaw ei a hun dawn. " Ka ti hlak chu ka nui hak.step ah ka u pawh a rawn pen chhuk thauh thauh a. Jumper dum ha in kekawr gray lam rawng kai a ha bawk a. A mut thoh chiah vang nge a hmel a tum deuh bur bawk.







" Chaw ei hma ei tur eng emaw ka va zawng dawn. " Tih leh ka thut na atang a thawh ka rual nghal a, choka lam ka pan nghal vat. Ka hnung chiah ah ka u la chuan min la rawn zui leh nghal.






" Ti nge min lo thawh san daih? " Dawhkan a thil ei tur a ka thu chu a rawn ti hmuk.




" I la mutui em a nih kha! " Tih leh ka chhang ken a butter chu pir ka rual a a ner sawk chu mit ka san ak. Kan piah deuh ah kan nula in rawng a bawl mawlh mawlh bawk.







" Nghal ve reuh si! " Ti hmuk a rawn awm hnai thut in ka hmui a rawn fawp zeuh chu phawk lutuk a meng in kan nula ka va melh a, min hmu lo hlauh. Rum zet in ka u chu ka melh ta hrep.







" Ei tam lutuk suh! Chaw I ei thei lo ang. " Ti sup in a bottle ken a tui chu a lem nghal khawlh a. Na zet in ka chhang ken lai ka seh vak ringawt chu min nuih suk in a chhuak nghal nul nul a nih chu!.


*


*


" Reuben vawin ang te chu chawl ve u la, chrismas hmang nuam lo phung in in awm a nge! " Tuk thuan kan kil lai chuan ka nu in a ti sap a. Ka u leh ka pa erawh hna kal tur in peih at in an in siam sa thlup.







" Naktuk ka chawl dawn thung a lawm. " Ka u in a ti sup chu ka nu nen kan ner nang.







" Naktuk te chu chrismas a nia i chawlh lo in? " Ka ti hmak chu ka u in min rawn en vut a lei ka lo chhuah vak. Ka pa erawh a lo nui suk.







" Pa nang pawh! " Ka ti leh nghal zat.







" Chawhma ka va lang a nga kei chu ka rawn haw hma ang! " Kan hauh leh kan chhuah chhal ve hlau chuan a rawn ti a ka nu nen pawh kan nui ve tawp.







" Reuben hotel atang sawn chhuak la rawn haw ang che. Miin an sawi dan che hi a mawi vak lo a nia. Hospital i hawng tan chiah a mualpho vel kha a fuh vak lo. Kha doctor hmeichhia kha i ngai zawng duh a nih pawn kan sawi sel lo, mahse in atang pawh hian in in kawp thei reng a. He tiang hi chu a tha chiah lo! " Ka pa in a ti sup chu ka u ka va en a. A thu ngawi ngul ringawt.







" Ka lo ngaihtuah tha dawn a nia. Zan in kha ka rawn haw hman dawn lo a nia nu, hna ka thawk rei dawn a! " Ka nu lam hawi a tiin a tho nghal vut chu ka lo hnual nghal rawi a nih chu. Ka nu leh pa lah chuan dr Tluangpuii nen khan an in ngaizawng emaw an la ti ang deuh deuh a. Zomuanpuia ve lah khan engmah sawi pawh a tum lo. Naktuk chrismas a ni tawh a Zan in rawn haw a la tum lo te chu ka thinrim ru deuh tun bawk.







Nileng in rilru nuam lo deuh in ka awm a, chawhnu lamah Maman min rawn bia in U Mama vawinah a rawn thlen dawn thu leh zanah ar an kang dawn a, kal ve tur in min rawn sawm a. Ka nu leh pa erawh mitthi an la lenpui dawn a nih hmel. Kei chu tih tur em em ka neih tawh loh avang in nidangah len leh ka rilruk ta zawk a. Tun chu puitling hun deuh bik a ang riau bawk nen.







Kimkimi a khua a har ka ring a ka va sawm ve leh chhawng a mahse a thiante nen an chhuah ho tur thu in min lo chhang a. Thian nei tlem hreawm zia ka hre ve chiah. Baby I lah a pi te khuaah Christmas leh kumthar hmang tur in a kal daih bawk si. Kum dangah pawh ka chhungte bulah tho ka hmang thin a mahse kum in chu ka hir ha riau. Ka hriselna in hma a sawn vang pawh a ni mahna.







Dar 7 vel ah Maman min rawn lam a, kan chhuah dawn chuan ka nu leh pa pawh pa Jeromea te in lam a lan phei tum in an in siam ve mek bawk. Ka pu te in kan thleng phei a, rei vak lo ah kan cousin thenkhat te leh an thian te pawh an rawn thleng a. Ei tur an chah a, a then an siam chawp bawk.







Kei chu sitting room lamah u mama leh ka pi leh pu bulah mei lum aiin ka thu a, phone ka khawih vel mai mai thung. Midang awm nuai nuai leh ri tamna hi nuam ka ti ve vak ngai lo miau a. Ka u nen kan in text zeuh zeuh a. Mahse min reply rang thei lo thung.







" Angel.... Kawn kan fang dawn. Lo kal ve rawh! " Sitting room a Mama rawn dak in a rawn ti a. Min thlah haw hman nghal dawn chuan ka tel ve ang ka ti ve mai a. Motor an keng chhuak a, two Wheeler a kal na tur nei lo ho an chuang a, mahse kei mi khir zet hian ka chuang duh lo leh tlat. Mama bike ah ka in phurh tir a, a bialnu an khua ah a haw avang in phurh tur bik a nei chuang lo bawk nen.







Motor a ka chuang a nih chuan an ri ve laih laih sia ka zo chiah lo in ka ring deuh a. Bike a ka chuang pawh hi ka u leh ka nu in hria se min hau leh ngei ang. Veng hrang hrang kan fang thla te pawh kan la ve nual. Chaltlang a kan awm laiin ka u in min rawn phone a, hotel a a room a thlen chiah thu min rawn hrilh a ni ber.







Kan la haw loh thu ka hrilh chuan a lawm vak lo. Khua a vawt bawk nen min ngaihtuah leh tawh toh ka hre nghal. Midang an la haw duh loh pawn Mama in thlah haw tir tur in min rawn ti a. Zandangah hmun dang ka kal chaknaah min hruai tir thu a sawi tel nghal bawk.







Mama bulah haw ka duh thu leh min va thlah lawk a, let leh tur in la ti a. Awl sam zet chuan min thlah tur thu a sawi ve nghal a. Dar 12 a ri tep tawh bawk nen ka nu pawn min rawn call tawh a, mahse ngaihtuahna dang ka neih avang chuan mama hnenah ka u hotel awmna a min dah zawk tur in ka ti a. Ka nu bulah zingah ka u nen kan haw rual tur thu ka hrilh nghal bawk.







Ka u thawn thut ka tum avang in ka kal tih pawh ka hrilh duh lem lo. A room zawnah ding in kawngka lock chu ka hmet a, kik hran pa lem lo chuan ka lut tlang nghal mai a. Room chu a eng dul deuh ruih a. Ka kal tih a hriat hlau zet in thawm erawh ka dim viau thung.







Room kawngka zawi muang a ka nem hawng chu ka nui hmel a reh nghal riai riai. Khumah ka u a thu awn ruai a. A bul khum tlangah hmeichhe thu ka hmu tel bawk! Chu nu chu ka u lamah hnai zel in an in fawp a nih chu!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:10 pm

CHAPTER - 21 ๐Ÿ’˜ by Amy Cck







Hotel room atang chuan thawm pawh nei lo in ka chhuak zui nghal a. Ka ngaihtuahna thenkhat chuan room chhungah khan va lut a, an pahnih a va an khum hrep a duh a mahse chhia leh tha ka la hriat ve tawk tawk na thenkhat hian chu thil chu a tha ber lo tih min hrilh thung.







Room chhung thim em vang khan an hmel hmu chiang lo mah i la ka ngaihtuahna chuan a rin hriat vek tho. Dr Tluangpuii lo chu ka u room lut chhuak ngun an awm lo tih ka chiang a. Hotel ah an nufa in an khawsa ve tih ka chian tluk in min hnung chhawn a hmeichhia khum a thu kha a mah a ni tih ka chiang.







" Pawn khaw vawt ah enge i tih? " Hotel kawt sir lam deuh step a ka thu chu mipa aw ka hriat than deuh hian a rawn ti a. Muang chang a ka hawi chhuak chu ka hmaah Simona a lo ding reng.







" Engmah ka ti lo! " Ka ti sap ringawt.







" I haw dawn nge u Reubena bulah i kal dawn? " Ti leh ka bul a rawn thut thlak a rual chu za lo zet in ka then sak ringawt.







" A eng zawk mah kha ka ti dawn lo! " Ka ti chhuak halh a. Ka thaw chhuak zui nghal hak bawk. Dik tak chuan Mama bulah ka u hnen a ka kal tur thu ka hrilh vek tawh a, ka nu pawh phone in zingah ka u rual a in a ka haw tur thu ka hrilh tawh bawk nen. Ka u lah hmeichhe dang nen an lo awm dun bawk si chu ka lak lawh zo vek tawh.







" A nih chuan ka bulah lo kal mai la! " Ti sup in a ding a ka vawn tur in a kut a rawn phar chhuak chu ka vuan ve ta ngawt. Ka hotel chhuah sanna kawngka ah bawk chuan kan in zui lut a. Hotel nei tu fapa nen zan rei a kan in zui chu midang ho chuan min en duh hlawm ngang mai.







" Khaw nge kan kal dawn? " Tih leh a mah en a hawi chhoh ka rual chu ding chawt in a jacket tlangah ka pawt ding ve tawp.







" Nga... Ngati nge i hmai kha? In in sual a mi? " Hlau thawng lutuk in ka ti ta chul. Ka tawng ring bawk in ka bula mi te pawh an rawn hawi deuh thap.







" A ho lutuk! " Ti sap et a kal leh mai a tum chu kei erawh ka din ngai in ka ding ngar.







" I lo kal dawn em? " A tih leh takah chuan ka zui ve leh mai a. Pawnah khan ka lo en chiang miah lo a, mahse a hmai a khem nasa lutuk chuan ka awm a ti nuam thei lo. Lift chhung a kan awm lai pawh chuan ka mit sir leh zeuh thin.







" Chhang ta che! " A phone a rik reng avang chuan ka ti sap a. Min chhang lo chuan a nui ringawt leh nghal. Ka u awmna floor pel in room pakhatah kan lut a. Room kan luh rual in couch lian zet pakhatah a thu thla nghal zat chu thaw hak in a bul sir lamah chuan ka thu ve nghal.







" Khaw nge damdawi vel a awm? " Ka ti sap chu min rawn melh zawk a. Min chhang lem lo chuan a phone min en sak hmak a nih chu. Ka thutna atang a tho in ka zawng risk a, ka hmu ve hram. Simona thutna lam pan a let in a hma ah chuan ka ding vang a. A pem vel chu ka tih fai sak nghal mawlh mawlh.







" Zan in ang a in sual chu a fuh viau lo a nia. Naktuk Christmas a ni bawk nen, i chhungte bula awm tur i ni! " Damdawi hnawih chuan ka ti a. Mipa tawng duh chi a ni lo bawk nen ngawi reng in min en reng ringawt.







" Nang pawh i chhungte bulah awm tur i niin ka hria! " A rawn ti chu ner sak in ka kal sawn tur chu ka banah min rawn vuan ding chawt. Hre thiam lo zet in ka melh let ha.







" Haw suh aw! Khawngaih in Zan in chu ka bulah awm rawh! Ka chhungte bula ka awm chuan in thiam loh na hlir in ka khat a. Mahse kei mah a awm ka hlau bawk si. " Khawngaih thla la zet a min melh chuan a rawn ti a. Nui lui sak in ka awm pui rih tur thu ka hrilh ve mai a. Faith-i boral na la rei lo bawk nen ka khawngaih ve bakah kal na tur ka hre bik chuang lo.







Bathroom ah in phih harh tur in ka lut a ka chhuak leh chu ka phone ringtone ri ka hriat vang in ka bag ka dahna lam chu ka pan a. Mahse ka thlen hma in Simonan a lo la chu rang zet in ka pawh thlak sak hlawk in ka off nghal hmak.







" Sorry! I la rawn chhuak lo a maw ka tia. U Reubena a ni tho bawk nen !" In thlahrun hmel deuh chuan a rawn ti a. A pawi loh thu ka hrilh zo chiah a ka u call a rawn lut leh nghal. Chhang lo bawk chuan ka reject leh a, a rawn tih nawn leh takah chuan ka switch off ta hmak.







" Hetah ka awm tih hrilh suh aw! " Simona melh chho in ka ti sap chu mak min tih hmel viau leh nghal.







" I hrilh dawn chuan ka haw ang! " Ka tih takah chuan a hrilh loh tur thu a sawi ve ta nge nge. Halpuah leh thil ri puak vel vang chuan corridor lamah kan phei a. Van lam a hal mawi de chuai chuai chu mawi tak a ni.







" Marry chrismas . " Ka bulah Simona ding in a rawn ti sup a . Ka wish let ve nghal vat. .







" Chrismas midang bul a ka hman hmasak na ber a nih hi aw . Vannei in ti hle rawh! " Nui chung a ka ti chu a nui ve suk. Kum dangah chuan chhungkaw kim in kan inah kan hmang ziah thin kha a nia.







" Kei pawh! Mahse tun atang chuan chhungkaw kim in kan hmang thei tawh ngai dawn si lo a! " A rawn ti chu sawi fuh lo ka in ti ngei mai. Faithi a ngaihtuah tih a tawng dan leh mit mengah a lang reng bawk nen.



*

*


" Khawiah nge nizanah i awm? " Kan in kawngka a rawn in hawn rual in ka u in hmel rum zet pu chung in a rawn ti a . Ner sak in melh pawh melh rei peih lo in ka hawi sawn hmak a. In chhung ka pen lut tur chiah chu ka ban ah min vuan ding chawt.







" Min thlah rawh! " Ti hmak in ka kut chu ka pawt nghal vak a. Mahse min thla lo in a hma ah chiah chuan min pawt let leh nghal hrawk.







" Ka zawhna che kha min chhang rawh? " A aw chang zet chuan seh chilh nawk in a rawn ti a. Thawk la halh in ka melh chho nghal nghek.
A mit meng chuan ka mitah chiang tak a min melh in ka rilru chhiar a tum tih ka hrethiam mai bawk. Mahse awlsam tak chuan ka in hneh tir mai mai bik dawn lo.







" Ka thian te bulah! A tawk em? " Ti let hmak in ka kut chu ka thing hnawk a min thlah ve hram.







" A nih chuan ka phone call rawn chhang tu kha tu nge? " Kal sawn ka tum chu ka hma a rawn ding in a ti chhuak leh hmuk. A aw atang a chuan a lawm lo tih ka hre thei. Mahse hrilh kher ka tum bik lo. Nizanah hmeichhia nen hotel ah an awm dun tih ka hriat a rin loh vang nge he tiang tak a ka chungah a la ngam pat.







" Nang ni pahnih chu in rawn thleng chiah a mi? " Ka nu an room atang in a rawn chhuak a a rawn ti hlawl chu ka lawm ngei mai. Ni lo se chuan a zawhna ka chhan hma chu kan in din chilh leh dawn tih ka chiang.






" Nu marry Chrismas. " Nui sang a tiin ka pan a, ka chibai nghal a, kan nu la choka lam atang in a rawn chhuak chu chrismas chibai ka lo buk ve nghal bawk. Kawngka bul a mipa ding khawng luah chu hmu lo der hmak in ka nu te room lamah ka tlan phei a. Ka pa a hmai phih zo lo in hru mawlh mawlh chu ka chibai a. Room atang ka pa rual in ka chhuak zui nghal a. Ka u hmel erawh ka en leh tawh lo.








Ka phone nizan a ka off kha on in Babyi leh Ji message min wish na pawh a lo awm vang a. Video call in ka bia a. An ni chu an dan pangaiin an hlim dun leh ngang mai. Ka nu te nen pawh an in be ve luam a. Ji tak hi chu ka chhungte an hre ve vak lo. Babyi erawh an hre bel ve tawh viau. Ka nu leh pa te an awm ve tawh miau avang in engmah ka u pawn a sawi tawh lo.







Ka nu a rawn thawh khan kawngka bulah kan lo ding dun bawk nen kan haw rual emaw an ti tih an tawng dan vel ah chuan ka hre mai a. Engmah sawi ka tum bik lo. Chhung in khawm kan hmang a, chaw kan ei zawh in in khawm tur a in siam tur in ka room ah ka chho a. Shower ka neih zawhah dressing table hmaah thu in ka in chei nghal malh malh a.







Duh ang pawn ka in chei tha hman lo. Ka u a rawn luh thut hlau in ka che deuh sawk sawk . Ka sam pawh ti ro hman lo in kawr ka ha a. Ka puan bih tur leh ka pheikhawk chu la in in hnuaiah ka tlan thla nghal nal nal a ka nu te room ah ka tlan lut zui nghal daih.







" Nula uai tawh hi ke lawng in tlan zui zui thin suh. I in siam zo tawh a mi? " Ka nu in in siam chung chuan a rawn ti a, ka pheikhawk chhuat a dah in ka puan bih tur ka ken kha khumah ka theh thla zui nghal bawk.







" Kha ti te khan in khawm a tum a niang chu! " Ka pa in nui suk in a rawn ti a, ka ner zui nang. Sunday kawr leh kekawr bul nen tlawng ka ding teu miau a. Min fiam tih pawh ka hre reng a mahse ka melh rum ta tho chu ka pa a nui chhuak hawk.







Ka nu te room ah chuan ka in siam ve malh malh a , ka nu leh pa te rual chiah in room pawh ka chhuah san. Common room ah ka u a lo thu run tawh. Min rawn en rual in ka hawi sawn hmak a. Mahse loh thei lo in kan pali in motor khatah kan chuan chu a ngai leh vek tho. A hma seatah ka la thu zui bawk nen, ka nu leh pa hriat loh in kan boruak chu rit tak a ni.







Tlaiah ka pu te in lamah kan tlang nghal a, sitting room ah puitling ho an in kawm a. Kan chhungkaw zingah chuan kei leh Mama chiah hi naupang chu kan ni deuh mai avang in choka lamah kan awm a . Vawin a biakin vel a thla a lak vel kan en dun, nula thla a lak sak a hmeh chhuah chang in ka chhaih leh zeuh thin chu a lai ve bawk nen kan nui dun leh thin. Nizan atang a mood fuh lo pawh a bo phah duak in ka hria.







" Ka mut a chhuak , ka pa te an la in kawm tui sia Mam min va thlah lawk la! " Mama bulah chuan ka ti a, nizan khan mut pawh ka muhil lo hrim hrim bawk nen ka lu a na leh bur tak tak.







" Pa... Haw In la tih har hmel sia ka lo va haw hmasa dawn aw. Maman min thlah hman tho a! " Ka pa te hmaah ding chuan ka ti a. Ka nu in ka nawm sam leh nawm sam loh min rawn zawt nghal vat. Ka that thu ka sawi ve mai a.









" Ka rual in let mai rawh se, kei pawh hna thawh tur ka nei a! " Ka u rawn ding uai in a ti sup chu ka melh nghal haw.







" I lo haw ve nghal chuan ka pa te engtin nge an rawn haw a nga? " Ka u rual a let ka hlau lutuk chu ka ti nghal vak. Ka duh ai ka tawng ring deuh nge midang ho chuan mak ti hmel lutuk in min en haw hlawm.







" Haw in duh hunah ka rawn lam mai ang cheu! " Ka u chuan awlsam deuh hian a ti leh sup a. Ngei lutuk in ka melh nghal hrak. A rual a ka let hreh lutuk chu ka haw leh duh lo tih vak mai ka chak ut ut a mahse haw tum hmasa ber tu in han duh leh loh kha thil tih chi a ni bawk si lo.







Hreh ru zet in ka u hnungah chuan ka kal a. A hnung lam atang a melh rum vak loh chu tih theih ka nei lo bawk nen ngei tak hi ka ni ringawt. Passenger seat kawngka chu pawt hawng in ka luh hun nghak in a ding run a. Hre lo der hmak in hnung lam kawngka ka pawt hawng a ka thu lut nghal hmak.







Mipa thaw ri hawk ka hriat rual in kawngka chu a rawn in nem khar dawp a. Motor chu a rawn kal hual pawk pawk a. Driver seat a a thut luh rual in front glass atang in min rawn en leh hram a, ka hawi sawn hmak.







Ngawi reng in kan in lamah ka haw a. In kan thlen dawn tep ah ka pheikhawk chu motor chhungah ka phel sawk sawk a. In ka thlen ve leh ka room a ka tlan luh theih nan. Engvang a a thil sual ti lo tu zawk hi tlan chhe zel zawk nge ka nih lah ka hre lo.







" Min peh hel na tur ringawt zawng lo teh. " Kan in kawtah motor a din rual in ka u in a rawn ti chhuak hmuk. Ka chhuak tur chu ka tawp dat a mahse chhang lo in ka chhuak lui tho.







Ka puan bih pawt chhing in ka pheikhawk ka khai chhuak a, in chhung ka luh rual in in chungah ka tlan chho nghal a. Ka room kawngka ka hawng tur chiah chu ka banah min rawn pawt dawr dawr in a room lamah min kal pui a nih chu.







Kal duh lo in ka tang ve tang tang a mahse nidang ang bawk in awm zia a nei lo. A room chhungah a theh in min theh lut ka ti mai. A lam ka hawi rual in ka pheikhawk khai in ka vawm nghal vak a, a lo la bum khang lang leh nghal. Kawngka zawk vawm fuh in a ri chawrh a. Beidawn hmel zet a ka u thaw chhuak hawk chu ka melh zui rawm.







" Ka chungah lawm loh na i neih chuan tha deuh in sawi la, he tiang a awm hi chu a naupan chhiat thlak i ti ve lo maw? " Ti chhuak hluk in a coat hak chu a hlip nghal vut a, couch nghen chhanah chuan a bang zui nghal vut a. A tie pawh a pawt phelh zui nghal .







" Lera! " Ka ti kha fak chu lawm lo lutuk in a rum chhuak nghut. Couch nghen chhan ah chuan thu in a ban chuan a in nem khal nghal run a. A mit meng dur zet chuan thil sual ti ru an man ang mai hian min melh a nih chu.







" Kha tiang a min ko tur khan enge thil tih ka neih sawi ta reng che! " A rawn ti hmuk chu ka ner sak. Nizan lawkah Dr Tluangpuii nen an in fawp lai ka hmu a, enge ka tih sual a la ti let zawk zal mah chu ka huat tawk a tling viau leh nghal.







" I hre lo der vel a. Engvang in nge hmeichhe dang i hnaih dawn tho chuan min duh thu min hrilh! Kei lah chuan ka ngaihtuahna hmang miah lo in i thu sawi ka lo awi ve mai a. Mahse tunah chuan min bum mai mai hauh lo ang. I tel lo pawh hian ka awm thei em em ang, i duh phawt chuan kha nu bulah khan awm hlen rawh! " Ka ti chhuak nghek. Ka mitthlaah an awm dun lai kha ka ngaihtuah phei chuan ka mawl ka in ti zual ngawih ngawih.







" Min duh em em ang in i awm a. Ka rilru min ti buai sak vek hnu a, hmeichhe dang i hnaih leh a. He tiang a min ti leh tur chu engmah kha sawi lo in zep hlen law law tur che a lawm. Ka hua che, i hria em? I duh leh kha doctor nu bulh khan kal rawh. " Ti chhuak leh nghek in kawngka lam ka pan zui hlak hlak.







" Min thlah rawh! I bulah pawh ka awm duh lo! " Kawngka ka thlen hma a ka taksa a rawn pawm kang nawlh chu ka ti vin that. Min pen sawn pui lai te chuan ka tal laih laih a. Ka theih tawp a nasa in ka ke ka leng bawk. Ka puan bih te chu an tla phung tawh. Zomuanpuia lah chuan engah mah a ngai duh tlat lo leh nghal.







" Eng thil nge i sawi kha ? Thil hre chiang hmasa lo in midang dem ringawt suh." Khum a min nghat dawp in a ti hrawk a. In beng kang a thawh ka tum chu ka banrek pahnih a min vuan in min nem bet tlat a nih chu.







" Thil ka hre chiang lo a maw? A lo nih tak chu, i ngaih ngaih in ngai rawh. Khawi.... Min thlah rawh! " Ka ti ve nghek. Mahse min thlah tum hmel reng in a khawsa lo. Ka tah lah hi a rawn chhuak ve ziah leh nghal.







" I sawi fiah phawt loh chuan i kal sawn dawn lo " Ka hmai bul a rawn kun hniam in a ti hmuk chu mittui tling pam in ka melh let ram.







" Kha doctor nen a in awm dan zawng zawng hi ka hre lo emaw i ti a mi? Ka hua che, engmah hre lo der ang a I awm pawh hi ka hua. Tun atang chuan ka haw char char tawh dawn che ! " Ka ti chhuak nghek.







" Kan buainaah hian Dr Tluangpuii hnuk lut tel hlek suh. I ngaina lo tih chu ka hria, mahse u ngaih ang a sual kha a ni lo... " Ka nuih chhuah hak avang chuan a tawng tawp dat.







" A thlavang pawh i hauh a lawm ti raw. Ka thik tih hre reng in i hnaih zel a. A awmna hotel ah kher i in nghat a. Chuan.... Tunah pawh khan doctor Tluangpuii a ni tih ka sawi miah lo." Ngeiawm zet in ka ti chhuak leh vak chu a rawn in seh ruh nghal tawlh tawlh. Mahse sawi sual ka nei lo a. In chhirna tur pawh ka nei hek lo.







" Kha tiang khan thu la kawi suh. Nang mah zawk a ni lawm ni nizanah pawh mipa dang bul a awm a, i phone call hial i lo chhan tir. I awmna ka hriat i hlauh vang in i off zui nghal a. Hrep che hian! " Ti hrawk in ka lu zawn khum chu a rawn chum dawt a a tho kang nghal vut. Ka bek a ka mittui luang ngiai ngiai chu ka kut a vawn loh takah chuan ka hru nghal vat.








" Ni e! Ka awmna i hriat kha ka duh loh vang in ka off a nih kha . Mahse in chhirna ka nei lo, i tih ang chiah ka ti ve miau a! " Thu chhuak in ka ti ve kher chu thinrim tih hriat lutuk in a in seh ruh nghal tawlh tawlh.







A phone rawn ri avang chuan thlawk la hawk in a kekawr ip chu a zen nghal vut a, a beng zawn a a lek chhuah rual in " Hello ! " A ti bung nghut. Chhuat ka en a ka pheikhawk leh puan let ram vang chuan ka in hum ruh nghal vak.







" Cindy i fel lutuk! Ka lo kal nghal! " Min melh run chuan a ti sup a. Ka che lai ka tawp dat. Tunah pawh kha doctor fanu kha min la biak khum ngam a nia. Zak lo hi ka ti ngawih ngawih.







" A fanu thleng in i ngaihsak em em a nia. Kha ti chung khan in zawmna in neih loh thu I la sawi a.! " Ngeiawm zet a nui sak in ka ti leh kher chu min chhan let tum ni awm tak in a awm hman a. Mahse a ngawi leh ta zawk.
In sawi fel dan a hre lo a ni mahna.







" Tih tur pawi mawh ka nei a, ka lo haw hunah kan sawi tha dawn a nia! " Ti sup in couch nghen chhan a a kawrchung kha a la a, kawngka lam a pan nghal pawk pawk chu in seh ruh teuh in ka melh zui ngawt ngawt. Nizan kha chuan ka tap ringawt a mahse tunah tak hi chuan ka na ngawih ngawih.







Chiang tak in kha mi te nufa kha a pan dawn tih ka hriat vang a ni ngei ang. Dr Tluangpuii fanu khan a rawn phone miau a lawm.







" Hei hi maw min hmangaih na i lan chhuah tir dan chu! " Rilru na zet in ka ti chhuak tiau. Kawngka zawn a thlen chuan a ding dawt a, ka biang a ka mittui rawn luang ngiai ngiai chung chuan ka la melh lui hram. Rawn hawi pawh rawn hawi let lo in a chhuak lui a. Rilru na lutuk a thu reng chung chuan khum khuhna chu ka tham tawm ngawt ngawt ringawt.





* ZAWMNA *








* REUBEN ZOMUANPUIA POV *






Ka sir a Dr Tluangpuii thu a in hnit leh faih faih thin chu en in thawk ka la hawk. A bulah Cindy in a nu tap chu a thiam tawk in a thlem ve bawk a. An nufa chuan an lai nat awm tih bak sawi vak ngaihna ka hre lo.







" Ka tihpalh lutuk vawin angah te kan rawn ti buai che a! " Tap aw tiau chuan a rawn ti a. A pawi loh thu ka hrilh sup. Kar tir lam khan hotel atang in an nufa in an chhuak tawh a. In luah tur an hmuh bakah nula pakhat awm pui tur an hmu hlauh bawk nen. Mahse vawin ah a pasal in kuh khung in an in khawm bang buaina a lo chhuak leh a.






Cindy in a nu phone in min rawn hrilh tak ah chuan hmeithai hlim hlawl thla bar mang ang hawi san ngawt chi lah a ni thei bawk lo, a chhungkaw belh tur ber te nen an in kar a tha lo tih hre chiang tu ka ni bawk nen. Hman hmawh zet in in atang ka chhuah phah kha a ni. Tluangpuii a pasal lo dan a tum na lamah kut a tuar leh nual tih ka hmuh phei chuan ka lawm lo ngawih ngawih.






" Nakin zelah pawh in nu fa tan a pawi thei a, thu buai theih luh a dan hmang a hrem na pek i duh chuan puih i ngaihna a piangah ka pui hreh lo che a nia! " Ka ti chhuak hmuk. Hetiang sawi tur leh ro rel sak tur hian chan vo chu an chungah ka nei lo tih ka hria. Mahse hmeichhe pahnih nufa chauh an ni a. An inah pawh a luh khung a kut a thlak ngam tawh a nih chuan an tan a hlauhawm bakah thil pawi zawk a thlen ka hlauh pui a ni ber.






" Dik tak chuan a reh ve mai ka ring a. In then ka duh vang a ka u te bulah pawh awm duh lo ka ni a. Hetah pawh thlamuang in ka awm thei lo. A sawi dan kha chuan Cindy min lak sak a tum a. Cindy ka bul a a awm theihna a nih phawt chuan eng thil pawh tih ka huam. Mahse mi zahawm chhungkua leh mi chung en an nih vang hian rei tang lo in a rawn chhuah leh a ka chhaih kawlh ka hlau em a ni. " A ti tham chel chu a ngaihtuahna ka hriat pui loh vang nge a dawn a tawi ka ti riau a nih chu.






" A nih chuan a ngam pa tulh tulh dawn tih i hriat ka ring a . Engtik lai pawn ka pui thei che tih chu sawi mah i la engtikah nge a rawn kal a a rawn tih buai cheu ka hre ve miau lo a. Tunah pawh ka rawn thlen meuh chuan a mah ber hmu tur a awm tawh lo nghal der a. I tan leh Cindy sa him nan FIR theh luh chu ka duh pui ber cheu. " Ka ti chhuak leh sup.






" Ni e... I ti dik ang! " A rawn ti a. A rang lam a hma lak tha a a ngaih thu a sawi chuan ka puih reng tur thu in ka chhang ve nghal a. Kawng leh lam tak ah chuan ka naupan lai te pawn min ti hre chhuak lek lek.






Ka pa in nupui dang a neih avang khan ka pi leh purm te khan min en kawl tum in hma an la a. Kar khat tha vel chu min kawl nghe nghe. Mahse ka nu leh pa te khan min rawn hruai leh thei hram a. Kha tih lai a ka nu leh pa bul a ka awm theih loh ka hlauh hman zia kha ka hre chhuak uar uar a. Cindy kha ka din hmun ang a ding ang maiin ka ngai bawk.






A pa aiin a nu a ngaina zawk a mahse chhuan lam eng emaw siam a a pa te chhung lam in enkawl theihna chance an nei ve miau bawk a. Kei nen kan dang lamna erawh kei kha chu ka pa nen khan in zawmna kan neih loh avang khan ka pa te din hmun a chhia tih tun hnu hian ka hre thar leh a. Ka hotel room ah ka nu a lo kal tum in engkim chiang zet in ka zawt a min hrilh fiah bawk nen. Ka nu leh pa au khan Tluangpuii te nufa hian chance an nei tha tih ka hria a chuvang in a theih ang ang a puih in huam ka ni bawk.






In lam a haw lo in hotel lamah ka bungraw lam tur in ka chhuak a. Chrismas tlai ni mahse ka hun hman dan chu a chrismas lem loh viau leh nghal. Nizan atang in Nautei lah ka chungah a lawm lo ve ngawt a. A chhan tak erawh ka hre lo a, mahse vawiin ni ral hma hian hriat ngei ka tum.






Chuvang tak a hotel a kal hmasa pawh ka ni. Tluangpuii a ngaina lo tih chu ka hria a mahse tun tum tak hi chu Tluangpuii lak a lawm lo tur in kan in hnaih loh na a rei tawh bawk nen, ka bo tulh tulh. Kar khat zet hotel a tang an chhuahna a liam tawh a. Damdawiin ah pawh a duty hun thlak sak in zan lam a haw hma daih thin a. In lamah Cindy a awm avang in. Kei lah tlai tak tak thleng ka office ah ka awm thin thung.






Ka room ah ka thawmhnaw ka khung fel kai chuan Simona a rawn lut hlawl. Hepa pawh hi Faith-i boral hnu atang a a mizia a ngeng sawt viau tih an sawi a. Ka hmuh fuh ngai loh avang in thu hrilhna hun ka la nei lo zawk a. Tleirawl nungchang tha zawk zawk a ni lo tih chu hre tho mah i la ka nu te sawi dan atang in tun hnai hian a mizia a ngeng in in sual a hrat thu te leh thil dang pawh an sawi nual.






" I chhuak dawn tih ka lo hria a, kan customer hlun i nih na ang in mawi hnai tak in ka rawn thlah che! " Ti leh couch a thut thlak a rual chu ka then suk. A che zia hi chu a ngeng thaw khat viau. Midang chu ni se in zah lohnaah an ngaih sak duh hial ang chu.






" I ti lawm awm viau nan ka mamawh lem lo. Tunlai i nun dan a khaw lo viau niin ka lo hria a. " A hma a thu chuan ka ti sup. Ka thu sawi a ngai pawi mawh loh hmel lutuk chu zilh pawh ni i la a hre dawn lo tih a chiang reng mahse nau ang a ka lo en ve tawhna avang in enliam tawp chu thil harsa lam mah a ni thung.







" Damdawi tun hnai te hi i khawi a mi? Mi ka atang in ka hria a, i tan a tha lem lo a nia! " Thu tak zawk chuan ka ti leh sup.






" Chu thil pawh chu in va vei hlawm ve. Kar khat em pawh a la tling lo a in lo hre vek a nia. Tih ka tum tawh lo, tum pawh ni i la ka thei tawh dawn lo pate Lisona bulah Japan lamah ka kal bo dawn. He ram a ka awm chuan ka a thei tak ngial dawn sia! " Nui deuh hawk hian a rawn ti a. A hmelah erawh a na tih a lang zawt zawt thung.







" A ngawlh i vei hma a I ban san chuan chu tluk a tha a awm lo. I rawn kal ta sa sa garage thleng min rawn thla la! " Ti sup in ka nui ve suk.






" Eng in nge i rilru thlak tir che tih ka hre chak hle mai! " Lift a kan din lai chuan Simona chu melh in ka ti sup.






" Nizanah u Ruatpuiin min zilh zan khua thak maw le. A hma chuan Japan a kal tumna pawh ka nei lo. Ka tal tal a tal kual mai mai ka tum a nia. " A tukhum tuai nuah nuah in a ti a, a then lui sak bawk.






" Ruatpuiii nen nizanah in awm dun maw? A phone rawn chhang tu kha nang hi i ni maw? " Tih chhuak sup in ka nui chhuak hawk. Mipa dang a awm pui emaw ka ti hman kha a nia ka rilru a nuam nghal huai a nih chu.







" Sawi lo tur in min ti a sin maw le. Mahse i hre ta tho a. Nizanah hmu tur che in a rawn kal a niang hotel pawnah a lo awm reng a. Midang nen a hmuh cheu avang in a lo lut duh lo a pawnah vawt ti in a lo awm a. Ka room ah kan pahnih in kan in khung char char a lawm. Awm lo se chuan nizan pawh khan damdawi tiin rilru mumal lo zet in ka awm ang. Mahse nizan atang khan tih tumna ka nei tawh lo. " A tukhum tuai nuah nuah chuan tiin a khi deuh sak bawk.






" A atthlak hle mai! " Thaw hawk in ka ti chhuak hluk. Ka thawmhnaw dahna bag chu ka motor seat hma lamah ka thut luh rual in ka theh phei nghal vut a. Hotel parking atang chuan ka tlan chhuak zui nghal. Nautei ka lakah a thinrim chhan chu ka ngaihruat thiam deuh ruai a. Simona ka hmu chu ka vannei let ling zawk.







In ka thlen chuan dar 7 a pel thuak tawh. Ka nu leh pa pawh in khawm tur in an lo in siam vek tawh. Nautei erawh a nawm sam loh avang in tlai atang a la mu char char ka nu in a lo ti vat Ka in khawm dawn chuan Angeli awm pui tur in inah awm mai a tum thu a sawi chu keimah zawk in ka awm pui tur thu in ka chhang sup.







Ka nu te in khawm an chhuah fel hnu chuan in chung lam a chho lo in ka nu leh pa room lam ka pan bing nghal a, a chhan pawh ka nu in an room ah Nautei a mut thilh thu a sawi miau.






" I duh chen chen han mu phawt teh! Khum a hmeichhe muhil thaw sak sak chu melh chhuk ngur in ka phun sup. Dim zet a kun hniam in a harh hlau zet in a taksa lum ve ther ther chu ka pawm kang nawlh a. Thaw halh in a ban in min rawn kuah chu a harh emaw tiin ka melh nghal vut. Mahse a mit chhing chial a thawk a lak sak sak takah chuan nui suk in room atang chuan ka pawm chhuak nghal a. Ka khum a ka mut tir thleng chuan a harh map lo a nih chu.






A hmai zawn a kun hniam in hahdam zet a a thaw ri sak sak chu ka ngaithla a, ka then nghal suk. " Mutduhnu! " Ti sup in a chalah chuan ka hmuiin ka nawr vang vang a. A mutthilh vang chauh a rawn thinrim lo a ni tih hre mah i la kan buaina ber ka hriat tawh avang in ka hahdam huai thung.






Shower ka neih zawh pawh chuan a mut ngaiin a la mutui phian a. In biak kan ngai tih hre tho mah i la nizanah Simona an tlaivar thu a sawi avang leh vawiin ah biakin lamah hun a hmang ni leng leh thak a, a chauh ka rin avang chuan kai tho lo in a puan sin chu pawt kau in ka Nautei taksa lum ham ham chu ka kuah bet nghal hlun a, rawn rum chhuak tiah tiah in a kut chu ka zak hnuaiah rawn rawlh kut in min kuah bet ve nghal than a. A bawp te tak te chuan min rawn khan in min kher bet nghal zat chu a ri lo in ka khi suk.






" Muhil reng mai la tha mai tur! " Ti sup in a chhipah chuan ka hmuiin ka nawr vang vang a. A tet lai atang tawh in a mang hi chu a chhe em em thin reng a. Zingah a bul a sawi lah hian zanah engmah a hriat loh miau avang in a la awi lo ve tum hrang zel reuh leh nghal.



*


Ka kuah beh mek taksa che talh talh vang chuan mit ka meng ruai ruai a. Min hnung chhawn zawng a a mut avang in ka harh tih erawh a hre lo a nih hmel. Kan puan sin chu zawi te a pawt sawn leh in dim zet a a kawng a ka kuahna kut dah sawn a tum chu ka kuah bet nghal hmuk.






" Thawh tum buai duh suh! " Ti sup in ka taksa si chet in ka pawt hnai nghal hrut a. A ngai ang bawk a ka kut dah sawn leh a tum chu tawp dat in, a tal in a rawn tal ta vak. Ka kuah behna ka thlah takah chuan khumah a thu ter nghal at.







" Ngati nge? Ngati nge ka mutthilh lai in min lo pawm sawn ve ziah! Ka room ah ka kal dawn! " Ti chhuak hlak hlak a in sawh tau nghawng nghawng khum atang in a chhuak a kawngka lamah ke lawng in a pen nghal phak chu phun hluk chung in khum atang a tho chhuak in ka u zui vat.






" Zomuanpui hawng nghal rawh . " Ti vin that in kawngka chu a sawi nghal vak vak a. Ka dinna atang chuan kut kuang kuah in, nuih in sum zet in ka melh ngur thung.






" Misualpa ! Rawn hawng vat rawh ka tih chu! " Na zet kawngka a chhir vak rual in na a tih vang a a ke ding lam khai in a rak nghal that.






" Luhlul hlik hlek lutuk! " Ti sup in a lam pan chuan ka pen zui pawk pawk a, a taksa ka pawm kan nawlh rual in thinrim lutuk a tal laih laih in ka chhip samah a rawn kek vak chu pawm reng chung chuan ka thing deuh nawk a, tlak hlauh hmel zet in ka nghawngah min kuah zui nghal vat.






" Mahni in ti na zawng hlir hian khawsa thin suh! " Melh chhuk ngur in ka ti sup chu min rawn melh chho nghal ram. Khum lam pan chuan let puiin khum chungah bawk chuan dim zet in ka thut tir a. A ke , kawngka a chhirna sen deuh tan chu en in ka ner sawk.






" Min khawih bawk suh! " Ti hlak in a ke a rawn pawt sawn hlak chu hahthlak ti zet a ding vut in ka thaw chhuak nghal hawk.






" Zan in hian sawi fel ang. Nizanah hotel ah i lo kal ti raw? " Ti hmuk in khum a hmeichhe thu chu ka melh ngur a, thinrim tih hriat zet a in seh ruh teuh in ,ka sawi hre lo ang hmak in a hma lam a melh ngar a nih chu.






" Enge i hmuh chu ka hre lo mahse thil hre chiang hmasa lo in kha tiang khan min lawm loh khum ringawt suh. " Ka ti chhuak leh hrawk.






" Min thinrim khum zawk a maw? I sual hle mai. Ka bul a awm hman loh chhuan lam in hmeichhe dang nen kha room ah khan hun in hmang dun leh tho si. Midang thu sawi pawh hreawm ti chung chung in ka en liam zel a. Ka nu leh ka pa pawh in kha nu nen khan in in hmeh thu thleng in an sawi. Mahse ka en liam zel a, chung zawng zawng ka hriat loh der avang chuan ka thik lo tihna pawh a ni lo. Engtin nge he tiang hian min tih thei a! " Ti chhuak vak in khum a lukham chuan min rawn vawm zui nghal vak a. A in sut nghal hlawp hlawp bawk.






" Min khawih suh! Biak pawh min be tawh suh. " A bul a thu thla a ka mal chung a ka pawm kan but rual chuan a ti chhuak leh nghal nghek.






" Hriat sual thil a nih kha. Tluangpuii te nufa chu hotel atang an chhuahna a rei tawh! " Ka ti sup chu ka awm a rawn beng ri thlarh. Kawr ka ha lo bawk nen a thip ve veng veng leh nghal. Engtik atang khan nge mi kut thlak hi a chin that viau ni.






" Dawt sawi suh! Ka mit ngeiin in i fawp lai pawh ka hmu vek! Vawin pawh khan an bul a kal tur in min chhuah san a nih kha! Khawi maw.. . Ka chhuak dawn, i bulah pawh ka awm duh lo. ! " A rawn ti leh vak chu ka kuah nghet sauh thung.






" Tluangpuii nen nizanah ka hmu lo! " Ka ti hmuk chu a rawn nui ro hak.






" Dawt! " A ti nghal sap bawk chu ka rum chhuak nghut.






" Opi a nih kha! " Ka ti hmuk. Nizanah kan in be zo ka room ka thleng kha ka room kawtah Opi a lo ding reng a, lut tur a sawm loh kha a mawi chiah lo nen rei lo te coffee in tur in a rawn lut zawk kha a nia.






Hotelah khan an thian ho in party an neih thu leh a nin deuh avang in a rawn tlan bo san thu a sawi nghe nghe a. Ka taksa chau leh tun hnai te hna ka thawk rim leh ka mu tlem bawk si chu biak pawh be tam luam lo in, ka in ti fai zawh khan room lamah mu hah chawl tur in ka luh san daih bawk.






Tu emaw in min fawp tih ka hriat rual khan ka harh hlawl a, mut pawh mu tha lo in khum lu lam awn deuh tak a ngheng in ka lo muthlu tih ka hre chiah bawk. Rang zet in Opi chu ka nem sawn a. Ka room a a lo la awm reng chuan min thawng mah zawk.






A thil tih tul lo zet vang chuan ka hauh phah hrep bawk. Sana ka en rual a phun hluk in Opi pawh ngaihven zui lo in ka phone ka hman san hmuk a. Nautei hnenah in a thlen hun a min rawn be tur in ka hrilh a mahse min la rawn biak loh avang chuan ka call nghal hmuk a. Mipa aw in a rawn chhan rual in ka taksa lum deuh pup in a tang nghal tawlh tawlh.






Ka thin ti rim zual tur in phone an cut zui hmak a, chrismas wish tur in ka call a mahse min cut sak daih chu lawm lo lutuk in hotel atang a Zan a Zan in ka in khalh chhuak a. Kan in ka thlen chuan ka nu leh pa pawh an lo mu vek tawh . In chungah Nautei room ka lut a tumah an awm lo. Ka call tluk tluk pawn a phone a off hmak a. Zing thleng ka nghak tlaivar thak reng bawk.






A ni lah chuan engmah min zawt chiang lo in min lo tih tauh khum zui a, nileng in min be duh lo in min peh hel char char a, a tawpah a mah bawk a in ti na leh nghal.






" Chupawh ni se ka lawm chuang lo. Vawin tlaiah pawh an rawn call chuan min ngaihtuah lo lek in I pan a. Ka ngaih ve dan pawh i ngaihtuah lo. I nau chiah ka nih tawh lo hii! Midang bul a min kal san daih vang khan ka haw tho tho che! " A rawn ti chhuak halh a. A hma ang chuan a vin chiam tawh lo thung.






" Buaina an tawk a. Tanpui an ngai sia. I bul a sawi fiah vek tur khan hun a awm ngang lo a nih kha . Nang lah khan hre chiang hmasa lo khan i haw em em mai bawk sia. " Nui suk a ka ti chu rum zet in min rawn melh chho vak a, mit san uk in a hnarah ka fawp zeuh chu ner nang in ka hmai a rawn nam nghal vak.






" Buaina te chu tu pawn kan nei! " A ti hlak chu thaw chhuak hawk in khum ah ka nghat a che lo tur in ka ti nghal sup.






" A pasal in kut a thlak thin a. A u chian chhungkhat laina a nei a mahse a u in a pui duh si lo a, ka hnuai a hna thawk a nihna ang leh ka thian a nihna ang in ka tanpui a ngai a! " Khum bul drawer a damdawi box chu la in ka ti chhuak sup a. A hmel atang chuan zawhna a ngah tih ka hria.






" I tin i chhuih tliak ringawt a nia, Thinawrh!" Ka ti sup chu a tum leh bar. A kezungpui sir thi ser ser chu ka buaipui sak zui nghal a. Chu mi pah chuan Tluangpuii te nufa din hmun chu ka hrilh fiah a. Midang chanchin an phalna lo a sawi kual duah chu tha ka tih zawng a nih loh bakah mipa tan phei chuan a mawi lo ka ti leh zual viau nan ka hrilh fiah thlap loh chuan nakin zelah Tluangpuii te nufa chung changah kan la in hmu thiam lo zel dawn a ka hriat avang in ka hrilh fiah ta vek.





" Tun tum chu ka hrethiam ang che! Mahse a leh pekah chuan tumah.... . Hmeichhe dang hrim hrim fawp tawh miah suh. Tihpalh thil pawn ka phal miah lo! " A rawn ti sap chu ka then suk.



" Nhi rih ngawt suh aw! " A rawn ti teu leh hlar chu ka nuih a za ta deuh deuh.


" Ka hria! Nang mah chiah ka fawp tawh ang che! " Ti sup a a hmai zawn a awm hnaih in a hmuiah chuan ka fawp nghal zat a. Ner zui nang chung in a nui ve ta sak.






" Marry chrismas ka Naute! " Ti sup in a biang tawn tawn a vuan chuan ka fawp leh nghal hmiah a. A thutna atang a pawm kang hrut in khumah chuan ka bawh bet nghal ruai ruai. A hmui nem thep chu fawp ngawng ngawng in a ka chhung sa hiamah chuan a lei in luh na ka zawng nghal ruai bawk.






Ka kut chuan a kawr hak chhungah zen lut in a hnute chu ka hrawm nghal tawn tawn a. Ka chet dan avang a nuam ti zet a mit chhing chial in a awm a rawn kan iak iak te chu hmuh nawm tak a ni! Tawp san mai phal chi a ni lo tih mi mawl ber tan pawh a hriat vek bawk!







๐Ÿ’˜ dah loh in thlahrung deuh in ngaihnawm loh deuh ka rawn dah hram๐Ÿคฃ๐Ÿคฃ๐Ÿ™ˆ๐Ÿ™ˆvawinah sub-centre kawtah ke vawr suau in ka thal tawp a maw, ka sil deuh thum a, Tun thleng in ka zak lutuk a story pawh ka type tui thei lo๐Ÿคฃ๐Ÿคฃ ka ban ruh leh ka mawng ka la sawh na phian leh nghal ๐Ÿ˜๐Ÿ˜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:10 pm

CHAPTER - 22 ๐Ÿ’˜ by Amy Cck




Ka taksa a ka u thil tih mek vang chuan boruak kham lo ang maiin ka thaw chhuak leh halh thin. Mahse a ngai ang bawk in ka hnar a leng lo hial khawp in boruak thawk chhuah tur ka ngah leh zel thung. Ka awm zawnah in nem khalh in a kut lian leh lum thur thur chuan ka hnute chu hup bet in a hrawm tawn tawn a. A kut a a hup beh loh na lam chu duh thaw zet in a fawp tawn tawn bawk.




Muang chang a a kut chu sawn thla zel in ka kekawr chhungah a zen lut tur chu harh chhuak zawk in a kut chu ka vuan bet chawt a, ka thaw chhuak nghal halh halh.




" Hlau thawng suh Naute! Min en la, engmah hlauh tur a awm lo. Min ring rawh! " Ka hmai bul chet a rawn in beng kang in a ti sup a. A mit meng thim khup, sexy ru zet chu vai riai a en in chil ka lem kalh a. A mah ring tur a min duh zia pawh chiang tak in ka hmu bawk.



A kut ka vawn ka thlah dul riai riai tak ah chuan then suk in ka hmuiah a rawn bur leh nghal hmiah a. A kut chu zawi muang a ka kekawr chhungah zen lut in muang chang in a chet nghal zat bawk. Ka thin phu chu thil thleng tur ka ngaihtuah vang nge , a phu rang dawt dawt a. Mahse ka hmui a min fawhna avang leh hnuai lam a a kut che reng vang chuan ka rilru a fim lo tan tial tial bawk.



Rei lo teah hlauhthawn na kha nuam tihna in a rawn thlak a. A kut a chet ran a piang in ka taksa chu ka duh vang leh tum reng vang pawh ni lo in ka kan leh iak iak thin. Ka taksa chu a za kual ruai bawk. Vawi leh khatah a kut tang a rawn ti lut thut chu ka ip nghal chawi a. Ka thawk ka hip let nghal kawk.




" Eng thil nge...? " Ka ti hman tawk chu a kut tang chu in and out in a chet zui nghal zawt zawt a, ka tukum a khum nawr vak in ka taksa chu ka tal zui nghal phat a mahse a chet dan ka siam rem sak sauh zawk. Ka hmui hnuai lam pet fan fan in ka u ban rek lian zet chu phak leh phak lo in ka hmet ngawt ngawt a, mahse a chet a tawp phah chuang hauh lo.




A kut ka vawn hnanna nghet zet avang chuan a kut a chet zawng a a marphu che tel ve zel te chu ka feel ve vek hial in ka hre bawk. Thawk leh khatah a kut tang chu a la chhuak thut a, thaw chhuak hawk in ka mal chu ka chip nghal chawi a. Ka tai bawr za deuh chuai leh in pawt dat dat vang chuan ka thawk thleng in a pangai lo vek. Mahse mak tak in ka taksa hi a la kham lo, tih tur mai hian ka sa deuh chuai a nih chu.



" Ka chhun zawm dawn em? " Ka beng bul a sexy zet a rawn ti thawp sup tu chu mit meng vai ruai in ka melh a, ka taksa che ak ak in ka thaw chhuak nghal halh halh thung.




" Naute! "Ti thawp sup in a hmui chuan ka beng bul leh nghawng vel a nawr kual ruai a . A kut tang hrawl zet chuan ka mal leh dul bawr vel a zut kual ruai bawk. Ka hmeichhiana zawn a thlen dawn a piang in mit chhing sawk in ka ip nghal chawi zel a mahse khawih thleng duh lo in a let leh daih zel chu ka taksa hian a lo ui ngawih ngawih in ka hre hial.




" Ka zawhna kha? " Ti sup in a lei thap hrak chuan ka nghawng vel chu a hrut leh zauh thin. Ka rilru engmah a fim tawh lo chu chhan mai dan tur hre lo in ka lu chhungah hian ka ngaihtuahna te chu an in hnial buai luai luai ang maiin sawi chhuah mai tur ka haih chham vek.




" Ka.... Ka hre lo! " Ka ti chhuak ro halh. Thawk leh khatah ka u chu a thu chhuak hlawl a, ka kekawr chhung a a kut pawh chu a la chhuak zui nghal vut. A mitmeng chu, ka hrethiam chiah lo mahse min mamawh hmel zet mit meng a pu a. A thim leh thuk ruih thin kha a hma ai zawng in a tawrh hlelh awm zawk bawk.



" Ngati nge? " Ka kiu a in beng kan in ka ti deuh ha. Ka aw ah pawh mak ka tih zia a di chhuak tel hial bawk. Mahse ka u hmel ka hmuh rual in ka zawhna at thlak zet vang khan ka sa nghal hat hat.




" I ril a tam ka ring. Va in thlak la , ka in tleuh zuai a nga ei tur ka siam ang che! " Ka kawr a hnawl tawm kha min siam that sak in a ti sup a. A sawi zawh rual a ka chal a a hmui rawn nawr vang vang in, khum atang chuan a ding chhuak nghal vut chu ka hrilh hai leh zual.




" Hrep chuan! " Ti chhuak hluk a ner suk in a kekawr hma rawn puar deuh luah chu a melh chhuk ngur a. Min rawn en leh vut chu a chet dan ka lo en reng tih a hria rual in sexy lutuk in min nuih nghal suk. Chil lem kalh in ka hawi sawn nghal vat a, ka zah lutuk vang in ka kut in khum khuhna ka hmer nghal vak.



Bathroom lam a pan nul nul a, bathroom kawngka in khar ri ka hriat rual in rang zet in khum atang chuan ka tawlh thla a, mahse chhuat ka rah rual in ka ner sak. Ka kezungpui ka ti na tih pawh ka theihnghilh vek a nih chu.



Hman hmawh ru deuh tak chuan ka room lamah ka bai phei euh euh a. Engvang a ka u kha kha tiang a awm thut nge tih ngaihtuah in ka rilru a buai viau leh nghal. Ka room ah lut in ka kekawr leh panty ka thlak sawk sawk a. Ka rilru a fim leh tawh bawk ka u rual a in hnuai a chhuk a thil ei chu ka zak leh hnu hnawh. Ka room a awm hlen mai ka duh ut ut a mahse ka ril lah chu a tam viau bawk si.




Ka u rawn chhuk ve hma a lo zu in ei puar hman tum in ka room atang chuan ka chhuak a. Ka u in min rawn hmuh a ka chhuk san tih a hriat ka hlauh vang chuan thawm ka sim viau. Mahse zan tlai tawhah chuan kawngka ka khar ri mai mai pawh a ring ka ti viau.



" Awiii.... " Ka ti that rual in ka taksa a kang nghal nawlh a. Tlak ka hlau lutuk chu a nghawngah ka kuah nghal chawt bawk. Phawk zet a ka melh chho chu a mit meng thim khup chuan min lo melh ve run a. Lai zet in ka hawi sawn leh nghal.


A bawp hrawl leh lian zet chuan in hnuaiah min pen thlak pui thauh thauh a, a rim fresh sar atang chuan shower a nei zo chiah tih ka hre mai bawk. In hnuai kan thleng thla chu bang a sana pui lian zet chu ka hmu nghal a, 12 a lo ri ve chiah.



" Khawi.. Kei mah in ka kal thei tawh.! " Tih leh chhuk mai ka tum chu a phal thak lo a nih chu. Rum zet a ka melh chho chu rawn kun hniam in ka hmuiah a rawn fawp nghal zauh a ner sak in a awmah ka beng nghal thlarh.


" Mi kut thlak ching miah suh. " A rawn ti hmuk chu hmui ti pawrh vak in ka beng nawn leh kher a, rum nghut in min sep deuh dawr chu rak thak in a taksa lian zet chu ka kuah bet nghal chawt.



" Ka ching lo, a tulah chauh ka thlak thin che! Khawi maw.... Ka chhuk duh ka tih chu! " Ka ti zui hlak chu a mit a chet kual rulh a, ka thu sawi a hre lo der hmak . Ka ngei mai mai zia chu.


" Kut thlak ngai in ka awm lo! " A tih hmuk rual in ner nang in ka melh nghal ram.


" Daw suh. Ler kawh zet in hmeichhe dang i lo fawp a, engmah ka ti sual lo, min la tih khum a! " Ka ti zui hmak chu a chal in ka chalah min rawn tauh ri nghal bawp a. Ka rak that.



" Duh vang reng in ka fawp lo ka tih kha. Nang pawh mipa dang i fawh tawh kha. " A rawn ti leh hmuk chu hrethiam lo lutuk in ka melh chho ha a, a hmel a tum hmuk a, kei ai pawn a lawm loh hmel zawk hial in ka hria. Sir Reman hman a min fawh kha a sawi na a nih ka ring ve tawp bawk.



" Kha te chu... Ka hriat loh lai a nih kha! " A tir lam ka aw ki ka san vak a mahse ka u mit meng thuk zet vang in a tawp lam chu a zuih ral thak.



" Tak zet! " A ti sup chu chhan ngaihna hre lo in hmui ka chip hmak.


" A.... Ka pu te an rawn haw emaw ka tia! " Hnung lam a rawn ti sap tu vang chuan min pawm reng chung chuan ka u chu a in her a, kan nula chuan min lo melh ve reng leh nghal. Min pawmna atang a tal tlak ka tum leh chu ka hlawh chham leh tho. Vawi engzat nge chhuk ka tum tawh pawh ka hre lo.



" Ka nu leh pa zai khawm an la rawn let lo maw? Lo nghak duh suh, mut san daih rawh! " Ka u chuan dam dup in a ti sup a. Lu but nghat in Nanuni pawh a room lamah a let zui leh mai a.



" Tal thlak phet lo tum suh! " Ti sup a ka chal a rawn tauh leh dawt chu a hmai ah ka nem nghal vak.


" Suala! " Ka ti vak chu min then khum suk in choka lamah min pen sawn pui nul nul a, dawhkan chungah min thut tir in ei tur chu a siam zui nghal mawlh mawlh a. Keiin hmuh nawm ti tawk in a che vel ka lo en thung. Thiam loh pawh hi a nei ve lo hial hian ka hre thin.



Suit nen, office kal tur a a in thuam zuih pawn a in hmeh em em a, doctor coat var dak thluk a hak pawn a in hmeh em em mai bawk si, tunah thawmhnaw pawh ha lo in ei tur min siam sak leh a, a lang pa in a sexy leh ngawih ngawih bawk a, in hmeh loh tak tak pawh a nei ve lo hial a nih ka ring


" Ka hmuh nawm viau a mi? " Ti thum dut tu vang chuan ka harh zawk. Ka hmaah a lo ding reng tawh chu nui heu in ka melh chho ha.



" Kha ei rawh! I ei zawh hma chu muthlu bik em lo la! " A ei tur siam rawn lek kan rual chuan a ti sup a. Ner nang a ban ve mai in dawhkan a ke then leuh leuh chuan ka ei a, ka ril tam tawh vang nge ka ei hnem em em mai leh nghal.


" Min en reng suh! " Melh chho ralh a ka ti vak chu ner sawk in a ban hrawl zet pahnih chuan ka thutna dawhkan sir ve ve ah chuan a rawn in nem khalh nghal hmiah a nih chu .



" I hmuh nawm a lawm! " Ti thawp sup in, ka mitah chuan nuih in sum zet in min melh nghal khui a. Ka ner nang.



" Chu pawh ni se, kal sawn rawh! " Tih leh ka fian ken na vak lo a a chal a khawn ka rual chu a tum nghal bur.



" A Upa zawk lah hi i ti tau ve ziah leh nghal! " Ka ti leh sap. A hmel en a ka hawi chhuak leh chiah chu ka hmuiah a rawn fawp thut a, meng bial kawk in ka awm hla dat.



" Ti khan ti ziah suh! Midang in min hmu ang! " Ka ti zui vak chu la nui ang hawk hawk a. . Kan room ah pawh kan awm li a, kan nula emaw ka nu ten min hmuh chuan a nuih zat thlak dawn miah lo tak tak.



" Tumah an awm lo! A ni lawm ni! " Ti sup in a ban leh lam chuan ka kawngah rawn vuan in dawhkan hmawr lamah chuan min hnuk hnai salh a. Ka mal in karah ding run in min rawn fawp nawn leh kher chu, tang eng ang mah i la min run luih a chak zual dawn tih ka hriat avang in ka hnar ta bik lo.





Ka kut leh lam a ka thleng la keng reng chung chuan leh lam in dawhkanah ka in nem khalh a, engtik lai in nge min fawhna ka lo chhan let leh hman pawh ka hre lo. Mahse kan lam pan a ke pen thawm leh ka nu aw ka hriat rual in harh zawk in ka thleng ken chu chhuatah ka thlauh keh nghal chuai.




" Eng thil nge in tih? " Ka nu aw fiak that ka hriat rual in hlau thawng zet in ka u ka melh nghal vat . Ka u erawh a mit meng chu hlauh nei ve hmel pawh a pu lo. A awm dan ngai chuan ding run in a kut erawh dawhkanah a rawn in nem khalh ta thung. Ka u dar phen atang a kan lam pan a ka nu rawn kal chu in seh ruh teuh in ka melh a, kan awm dan kha min rawn hmu a nih ka rin na chuan thawk pawh min ti thaw tha ngam tawh lo.




" Ruatpui! " Kan bul a ka nu a rawn ding rual in a rawn ti leh a, ka hming kher a lam takah phei chuan ka hlau thawng tawh lutuk ringawt. Ka u chu a ding ngil nghal ruai ruai a. Kei pawh zawi muang in dawhkan atang chuan ka tawlh thla nghal riai riai. Lei ka rah rual in ka ner sak.




" I ke te chu ngati nge? Vawi engzat nge dawhkan chung vel ah lawn tawh lo tur in ka tih che? Plate i la ti keh zui a. Naupang chhia viau thin suh! " Ti zui hlak in a Bible leh hla but ken chu dawhkanah a dah a, ka plate thloh keh chu ti fai tur in a thu hniam nghal zat. A thil sawi vang chuan ka thaw chhuak nghal hak.




" Ngati leh barh barh nge? Ka naute ngati nge i ke chu? " Ka pa pawh chuan a rawn ti lut ve nghal a. Chair lam pan a ka kal bai euh euh min rawn hmuh vang in ka ke a na tih a hria a ni chek ang chu.



" Ka in chhuih palh a! " Ka ti tawi tak chu ka u a lo nui ri suk. Rum zet in ka melh chho nghal nghek.



" I zanlai ril tam , i u muhil kai tho in ei tur i lo siam tir a ni maw? Rawn haw hman i la chuan kei man kan siam sak tur che a nia! " Ka chhip a ka pa in a hmui rawn nawr vang vang in a ti sup chu ka nui lui sak. Ka lungphu a mumal thei der lo leh nghal. Min rawn man chhuak tawh dawn emaw tiin ka tha te a khur vek.



" In rawn haw tawh bawk a mu tur in kan chho dawn a nia! " Ka u in rawn ti sup in ka lam a rawn pan zui nghal vut a. Ka mit meng a eng thil nge i tih tih melh a ka melh chu hre lo der hmak in ka nu leh pa hmuh lai chuan min pawm leh nghal nawlh.



Ka nu leh pa in engtin mah min tih loh avang chuan ka hahdam huai. In chung a ka u in min pawm chhauh lai pawh chuan ka tawng lo. Tun a ka hlauh thawn dan mawlh kha ngaihtuah let in ka rilru a kal thui hman viau. Dik tak chuan tun a ka u in min pawm chho pawh hi nidangah pawh min pawm fo avang in ka nu leh pa tan chuan mak tih tur a awm lo, mahse kan in kar ah thik dang a awm tawh miau avang in ho te ah pawh rilru a hlau thawng zo vek.



" Ka nu in a hauh vang che khan i thinrim a mi? " Khumah min dah thla in a rawn ti sup chu ka melh ta vat. Min nuih suk in ka puan sin chu a pawt kau a, a rawn in thawlh ve nghal hmuk.



" Ka thlauthawng a, kan awm dan kha min rawn hmu emaw ka ti hman tawh a. " A awm zawnah mu tawm kak in ka phun chhuak sap. Thaw chhuak ham ham in min kuah nghet salh a ka chhipah a hmui a rawn nawr vang vang bawk.



" Hre mahse a pawi vak a mi? " A ti sup chu ka melh chho vak.



" Ngati nge i hlau thawng ve miah lo a mi? Ka nu leh pa in an hre chhuak a nih chuan.... " Ka ti vak chu ka thu sawi lai a rawn pawt chat vat.



" An la hre dawn a lawm! Kei chuan zep reng ka tum lo. Hma sawn zawng a kal thin tur ka tih kha. Kan in kar pawh kan zep reng thei dawn lo a, zep reng pawh ka duh hek lo! " A ti chhuak hmuk chu pik zet in ka thaw chhuak hak.



" Mah... Mahse, ka pa in a hriat chuan a lawm dawn lo. In atang in min hnawt chhuak daih duh hial ang! " Rilru buai zet in ka ti chhuak hliai.



" Engmah hi i ngaihtuah lawk ve lo a mi? I mak e mai! " Nhi suk a a kut zungpui a ka hmui a rawn tuai hauh hauh chu ti chhuak vak in a kut chu ka beng sawn nghal hlak. Tunah ka nu in a hria emaw ka tih khan ka lungphu a chawl hman tep tak tak, ka pa in a hriat phei chuan ka thi thei hial in ka ring. Chuan, a ni ve hian rilru hahna nei ve hmel pawh a pu lo hian min ti thinrim ni maiin ka hria.



" Ka ngaihtuah lawk vek tawh vang a sawi a lawm ka ni. Ka rilru chuan he in hi ka chhuah San vek tawh. Mahse nang te reuh hian haw tur in min ti miau a. Ka bulah i awm tur thu i sawi bawk a. Chuvang chauh a la awm ka nih hi. Ka nu leh pa in an hriat hun ah chuan an lawm lo ngei ang. Mahse an fapa ka nih miau loh chuan nang hi ka ngaizawng ve thei che! " Ti sup in a kut tang hrawl zet chu ka bekah a rawn zen lut a.



" Uuu... " Beidawng zet in ka ti chhuak halh.



" I tan chuan engkim hi ka kal san phal vek. Ka nu leh pa fapa nih kher hi ka thil thlak hlelh ber a ni hran lo. A hma chuan a ni ngei a mahse tunah chuan nang chiah hi ka duh che. Ka nu leh pa erawh keimahah an awm reng tawh a. Eng thil pawh thleng se! " Ka mit a tak ngur a min en chuan a ti sup.



" Mahse... " Ka ti sap . Sawi tur erawh ka hre lo. Tunah rih chuan ka hlau thawng tih zawng ka hria.



" I hlau thawng tih ka hria. " Ka ngaihtuahna hria ang hrim chuan a rawn ti sup a. Min thlamuang tum zet in a khi nghal suk bawk.



" Mahse kei chu ka hlim lutuk. Ka bulah i awm a, engmah zep nei lo in i mitah ka en thei bawk . Chuan hei hi ka ti thei bawk a, ka duh hun hun ah! " Ti sup in ka hmuiah a rawn fawp zauh a, ka hmui si reng chung chuan a then suk bawk.



" I hlim phawt chuan kei pawh ka hlim ang! " Ka ti chhuak sap. Ka hlau thawng ngei a mahse ka u hmel leh mit meng hahdam zet hi tih bo sak ka phal teuh lo. Chubakah Kimkimi sawi ang in unau pawh kan ni lo a, midangte pawh cousin hnai vai tak in ngaizawng a in nei ta te pawh an awm ve tho a. Kei leh ka u teri chu thisen ah pakhat mah in zawmna kan nei lo.


Ka nu leh pa te erawh in an hriat hun ah an lawm lo in, a thawng viau ang tih ka hria mahse min hriat thiam ve erawh beisei phawt ang. Chu tih rual in tunah tut tut chuan an hriat ka la duh lo a , ka la in peih lo bawk.

*

*

" Awii... Angel I kawr hak chu i in hmeh tak zet! " Ka room darthlalang ah ka in thlek kual vel chu Baby in phur zet in a rawn ti a. Nui hak a a lam hawi in a kawr pawh chu a in hmeh thu ka sawi ve vat.



" A sen kha ka lo la zawk lo a ni! " Ner deuh sak in ka ti leh hnu hnawh . Kar fual var simple deuh a chei ka ha a Babyin a hring dal lam a ha thung. Darthlalang pakhatah makeup Artist in Babyi an chei mawlh mawlh a, kei erawh a hnu hnung zawkah min chei dawn thung.



" A var hi i in hmeh a lawm, i ngo bawk sia." A thutna atang a rawn ding in a rawn ti leh vat a. Kei ka thu ve nghal vat. Mi chei zawh meuh chuan mawi ti lutuk in kan in en a, ka nui leh hal thin. Ka nu pawh in siam zo at in a rawn lut a, kan hman tawh chuan in hnuai lamah chhuk tur in min rawn ti ve nghal bawk.



" Ngati nge i u hian ni 31 kher hi a ti a. " Motor a kan thut hnu chuan Babyin a rawn ti a. Ka hriat bik loh thu in ka chhang ve sap. Ka u erawh kan in siam hma daih khan a lo va kal hmasa a, mikhual ho lo va tawi awm tur in.



" In lo thleng thei a. Khaw nge in awm tiin ka lo zawng ruai tawh cheu a! " Hall pawnah u Rinzuala lo awm in ka pa te a hmuh rual chuan hmel hlim sang in a rawn ti a. Ka pa pawh chuan chanchin a zawt ve luam. Hall chhung lamah ka u pawh a awm thu a sawi nghal sup a, min rawn en rual in mit min siai khum suk chu lei ka lo chhuah nghal vak.



Hall chhungah kan in zui lut a. Ka u pawh kan lam pan in a rawn kal ve nghal a. Mahse a bul a hmeichhe rawn kal ve vang chuan ka tum deuh hmak. Kan bul an rawn thlen rual a u Opi nui sang chu nuih pawh ka nuih let lo. Hman zan vang khan ka ngei deuh tlat.



" Kal kawngah an rawn hau leh che a mi? " Ka beng bul a rawn ti thawp sup tu chu rum zet in ka melh chho nghal nghek.



" Ngati nge u Opi kha a lo kal hma dawn tih min hrilh loh! " Ka ti deuh hmak. U Opi khan a sawi lang miau, ka nu leh pa lah khan an lawm thu an la hrilh mawlh mawlh zui.



" Ka pa in office lam atang in min pui tur in a lo va ti miau sia. Ka pa pawn a sawi zawh chiah kha! " Nuih in sum zet hian a rawn ti chu midang ho hi awm ve lo se chuan ka thin a rim nasa viau ang.



" Chu pawh nise kei mah pawn ka pui ve thei reng che. Chubakah hei chu damdawiin chan a nia, a ni sawn a puih che a tulna pawh ka hre lo! " Ka ti leh hmak chu a rawn nui chhuak hawk.



" Thikthu chhe em em te! " Nui suk a tiin ka kutah a rawn vuan a ka pa te thutna lamah chuan min kai phei zui nghal.



" Ka la duh tawk miah lo a nia! " Ka ti hram . Midang pawh an rawn thlen belh zel a, minister leh mi chal lang tak tak. Chung zingah chuan doctor an tam ber bawk. Ka thutna atang chuan ka u ka melh ru reng a. En loh ka tum pawn ka tum loh deuh in ka lo en leh vang vang thin.


Hmeichhe chhelo deuh nen a in nel tak a an awm lai vel ka hmuh phei chuan ka awm hmunah ka thin a lo rim ve em em zel bawk a. Kan bulah a awm hman meuh lo chu ka thinrim pui bawk.


Kimkimi leh kei leh Babyi chu corridor thlang lam a thutnaah kan thu a. Function a zo tawh bawk a. Ei leh in lam pawh kan zo fel thaw khat viau.


" Hei... Khaw nge midang? " Ka bul a rawn thu thla dawt pa a ti tu chu ka hau in ka melh thung.


" Khaw nge function chhung zawng khan i lo awm? " Ka ti nghal hmak chu a rawn tum hmuk.

" Hnung lam atang ka lo thlir char char che maw le. Mit tla lo lek a u Reubena i thlir lai pawh kha ka hmuh hmaih lo! " A rawn ti chu ka ner nghal nang.

" Chutiang engmah ka ti lo. Engtik nge i kal dawn? " Ka ti ta daih chu a nui sak.


" Kha tah enge i lo tih reng ka zawng che a? Simona pawh i lo awm a, engtik nge kal i tum? " Kan hma a ka u rawn ding run in a ti sup chu ka lo ner nang. Function chhung zawng in ka bulah a awm hman mang lo a tunah min rawn be ve hman tawk a. Ka thik thu a chhe thin viau a mahse tunah hian a chhe leh zual hi ka in hre thiam lo.


" Tu emaw vang in kal leh loh ka tum rilru deuh! " Ti sup a ka dar a min rawn kuah a rual chu ka melh nghal haw.


" Ruatpui min duh em? " Hnai set sawt a min melh in a rawn ti chu sawi ngaihna pawh ka hre lo. Tu emaw hian min rawn pawt tho lawp a. Ka u hmel dur khup ka hmu nghal bawk.


" Fiamthu kual vel lo khan i hna thawk ho va buaipui rawh. Chuan Ruatpui ni lo in U Ruatpui tih tur zawk! " Ka kawng a ka u in min vuan run a a rawn ti chhuak hmuk chu ka hawi dawr.



" Ka fiamthu a nih kha. Kar leh hian ka kal dawn. Ka rawn let leh hun ah lo la single la! " Mit siai sak a tiin a kal sawn nul nul chu ka hau in ka melh ringawt.


" I thlir zo tawh em? " Ti hmuk tu chu ka melh chho haw a. A hmel rum leh tum hmukah chuan Simona kha a thik tih ka hre thiam vek bawk.


" I thik chiang! " Nuih in sum zet a ka ti chu ka kawng a rawn hmer lui salh a. Ka rak that.


" Khaw nge ka nu te? Kan let tawh dawn a mi? " Nui hak in ka ti zui nghal.


" An let tawh. Kei ni chu kalna tur kan nei! " A ti sup chu khawiah tih nan ka mit ka san ak.


" Kum hlui hi kan thlah dun ang chu! " A ti sup ka nui nghal var var.

" Mah... Mahse Babyi leh Kimkimi? " Ka ti nghal vat. Bathroom an kal mai mai kha a ni sia an rei phian. An rawn let leh har riau.


" An haw tawh! " A ti sup chu ka melh ha.


" Kan kal thei tawh em? " A tih takah chuan lu ka bu ta nghat. Hotel atang kan chhuak a. Hotel kawtah ka u ka nghak a. Parking atang a motor la chhuak tur in a kal a. Mi an tam deuh bawk nen a rei phian.

A rei lutuk chu lawm lo zet in in hnuai lam a motor park na chu ka pan a. Hun pui a ni bawk a. Motor pawh a tam ngang mai. Mahse mihring erawh hmuh tur an awm tawh lo. Ka u motor chu ka zawng phei zel a, a tawpah chuan ka hmu hlauh.

" I va rei... " Driver seat in hawng huau bul a ka ding rual in ka ti chu ka tawng tawp chawt.


" Thi... Thisen! Tu thisen nge? U.. " Hlau thawng lutuk a tiin ka u ka pan nghal rawk rawk. A kut chuan a dul zawn dawm in thisen chu a kamis var te chu thisen a kai nuai a. Chiang tak in ka u thisen a ni tih ka hria. Ka hlau thawng lutuk chu chet mai ngaihna pawh ka hre tawh lo.

๐Ÿ’˜๐Ÿ’˜ nizan kha ka kut a vung deuh a ka rawn dah ta lo mai๐Ÿ˜ฌ๐Ÿ˜ฌtunah pawh a la vung tho๐Ÿคฃ

๐Ÿ‘‡Ads la click lo tan a hnuaia milem khu in lo click ve ngei ngei dawn nia aw ๐Ÿ‘‡

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:11 pm

CHAPTER - 23 ๐Ÿ’˜ by Amy Cck




Harh chhuak thut in ka u chu ka pan nghal rawk rawk a. Tih vak ngaihna pawh hre lo chuan a dul zawn thisen kai nuai chu ka dawm ve ringawt a. Ka u rawn rum tuah tuah chu ka be mawlh mawlh a mahse kei ngei pawn enge ka sawi ka hre lo.



" Phone... Midang ka koh a ngai! " Ti bah nawk nawk in ka bag chu ka zen nghal rawk rawk a. Mahse ka tha khur nasa lutuk leh hlau thawng thinphu dawt dawt vang chuan engmah ka ti fuh hlei thei lo. Ka phone screen te chu ka kut a thisen kai vang in ka khawih kal tha thei lo bawk.



Buai leh rilru phi li zet a ka awm chu tu emaw hian garage chhungah chuan motor a rawn ti nung a. Ka phone khawih lai tawp chawt in min pui tur ka au ta vak. Motor ri reh dup rual in ka u bul atang chuan kal sawn deuh in motor rikna lam kha ka pan ve ta ngawt a. Kan lam pan a ke pen thawm rawn awm rual in tu emaw hian min rawn hmu tih ka hria. Ka mittui kar atang in fiah lo ruai in ka hmu tlat.



" Angel! Nang... Eng thil nge thleng? Misual kut i tuar a mi? " Ka hma a rawn ding a rawn ti tu chu hlau thawng zet in ka en a. Sir Rema a nih ka ring pha miah lo. Ka hma a a din takah chuan ka lan dan hnawk nuai vang hian a hmelah mak tihna ka hmu ve bawk.



" Ka... Ka u! Khawngaihin min pui rawh! " Ka tap chhuak nghal hawk. Hman hmawh zet in kan motor bulah kan phei a. Ka u chu harh pawh a harh tawh mang lo. Sir Rema chuan ambulance call in min buaipui zui nghal vat vat a. Kei erawh ngaihtuah ber pawh ka nei thei tawh lo.



Hotel parking atang a kan in phur chhuah lai chuan kum a thar chiah tih hriat zet in halpuah leh hal mawi puak in an ri dup dup a. Mahse ka bengah chuan ambulance ri kiu vuai vuai chiah chu a ring ber.



" I chhungte i hrilh hre tawh em? " Damdawiin corridor chhuatah ka thu chu ka hmaah Sir Rema ding in a rawn ti sup a. Tumah biak ka lo la nei lo tih ka hre chhuak chiah. Ka phone la chhuak in ka hmet tur chu ka khur nasa lutuk a ka ti thei lo leh nghal. Thaw chhuak hawk in ka phone chu min rawn lak sak a, hmet nghal mual mual in ka nu te a nih ka ring, a be zui nghal.



Ka u erawh damdawiin kan thlen rual in vawi 3 lai an vih avang in in zaina room lamah an nawr lut nghal a. Engtin nge ka thiang thil kha a thlen ka ngaihtuah thiam lo.



Rei lo teah ka nu leh pa te an rawn thleng a. Ka pu te ho zawng zawng nen an rawn thleng nghal vek. Ka nu in min rawn pan nghal in min thlamuan zui mawlh mawlh a. Sir Rema leh ka pa te ho an in be zui mawlh mawlh bawk. Nurse rawn chhuak chu chanchin an zawt a, ka pi pawh in zaina room ah luh tum in a kal sawn zui nghal.



" Bawihte ! " Ka pa aw thawp sup leh dam dup ka hriat rual in ka bulah a rawn thu a, a awmzawn a min kuah hlun rual in mit ka chhing a ka tap khur nghal der der. Ka chhipaha hmui lum thup a rawn nawr vang vang in a thaw chhuak hawk a. Engkim a that tur thu a sawi nghal sup.

*

*

Tawng ri vai deuh ruai a ka hriat vang chuan mit ka meng chhuak kawk a. Chiang tak in ka awmna chu damdawiin a ni tih ka hre nghal bawk.



" U! " Ka ti chhuak sap a. Ka dang ro hulh vang chuan chil ka lem nghal kalh. Mahse tumah room ah chuan an awm lo nge a reh deuh thap.



Thawh tum a ka che chu ka nu ka bulah a rawn tlan nghal vatah. Eng tin nge hetah ka mut daih theih tih ka hre lo chu mak ka ti let ling. Nge ni a, ka u an vih vel kha ka mumang mai mai zawk.



" Nu, ngati nge hetah ka awm? " Ka thut chhuah rual in ka ti nghal ha. Ka awm zawn rawn thip deuh hlar vang chuan ka kut leh lam chuan dawm in zawi te chuan thawk ka la nghal vang vang.



" Nikhaw hre lo in i awm a! " Ka nu chuan a rawn ti nghal zat. Tui in tur min pek rual a ka ngaihtuahna a thil rawn lut vang chuan ka thawk a sak nghal talh.



" Khawnge ka u? " Hlau thawng tak si, mahse ka mumang a lo nih hlauh ringhlel ru chung chuan ka tawng chhuak thei hram.



" Room dangah i pi in a awmpui!" Ka nu tawng zawi sap atang chuan mumang mai a ni lo tih ka hre nghal bawk.



" Hmu tur in ka kal ve duh! " Tih leh ka ban a drip in khai pawh phelh ka tum chu ka nu in min lo dang nghal vat.



" A la harh lo a, tunah rih chuan nangmah zawk hi hahdam i ngai. " A rawn ti zui zat.



" A tha ti raw? " Mittui tling pam chuan ka ti a. Nizan a thisen zo zai ka mithla nghal a, ka taksa hi a ti zawi nghal vek thei.



" Ngaihtuah hah vak duh suh. Tha tak in an zai a, a tha mai ang. I pa te leh police lam pawn misual chu an zawn hmuh vat ka ring! " A ti ve mai a. Ka nu hmel dang bel atang chuan pangai deuh in awm tum mahse a hlau thawng ve tih ka hmu hmaih lo.



" Enge kan an? " Cabin kawngka a rawn lut in u Rinzualan a rawn ti a. Ka nu chuan rin ai ka harh that thu a sawi nghal a. Min check zui nghal mawlh mawlh.



" I U zawk a damloh a piang a I lo damloh tel ve zel chuan kan va buai duh awm ve! " Fiamthu hian a rawn ti a. A nui nghal suk. Na ka la neih leh neih loh min zawh pawh in ka that vek thu in ka chhang lui tlat a. Ka awm zawn thip deuh hlar pawh ka sawi duh lo. Ka u ka hmuh har ka hlauh avang in.


*

Police ten ka u vit tu rinhlelh awm mipa pahnih an man a. Pakhat zawk chu Dr Tluangpuii pasal ni in, a bul tum tu ber pawh a mah a nih thu an sawi a. Ka u pawh a rawn harh tawh a. Ka u pawn chiang tak in an mi man te chu an nih thu a sawi a. An pawi khawihna lai tak kha cctv in a lak thlen loh lai ni mahse Cctv pawn lam a miin an chhuak tur a lo la fuh hlauh a. Phat na tur an nei bik lo.



Tluangpuii pasal leh a thianpa kha an ruih bakah, an nupa inkar leh in then an tumna vel ah ka u in a nupui a lo buaipui vel chu ngai thei lo in a thianpa nen an zu rui lung puam kha, function kan neih zawh thleng an lo nghal a. Ka u motor la chhuak tur kha Tluangpuii pasal zawk khan lo be buai in, an nupa in kar a lo in rawlh tawh lo tur in a vo a, ka u lah mipa rilru nghet leh a tih tawh leh tum tawh lam chu ti bur chi a lo ni bawk nen a duh ang chhanna a pek loh avang in, ka u in ring lo lai chu hnung lam atang a thianpa in a rawn vit a, chu chu rem changah hmang in Tluangpuii pasal chuan a vit leh ni in ka u pawn a sawi.


*

" Nu kal kal dawn a nia? " In hnuai a ka chhuk chu ka au zui lang lang. Min chhan mai loh avang chuan sitting room lamah chuan ka phei a. Sofa a sir Rema lo thu chu ka hau in ka melh nghal.


" I lo leng a law! " A lam pan a kal chuan ka ti zui nghal a. Kha mi zan khan Sir Rema hi lo awm lo se chuan ka u kha kei mah mai in ka buaipui thei ka ring lo. Ka haw viau kha a nia mahse tunah chuan a chungah hian ka lawm tak zet. Kei mai ni lo in ka nu leh pa thleng in an lawm thu an hrilh mawlh mawlh reng thung bawk.


" Enge in an tawh? " A hma a ka thut thlak rual in a ti sup chu kan that tawh thu in ka chhang a. Ka nu tray chawi chung in a rawn lut zui nghal zat bawk.


" Damdawiin i ngaina si lo a kei mah zawk ka va riak mai dawn a mi? " A ti zui zat chu ka riah pui duh thu ka sawi ve tlat.



Kar khat meuh chu ka u pawh damdawiin lamah a awm tawh a, vawi khat mah ka la riak ve lo. Kimkimi leh ka nu an ni deuh chawt a . Ka hriselna lo pan ve bawk ka riah ve dawn pawn chhuan lam min siam zel a. Tun tum chu ka tum ruh ve bur. Chhun lamah erawh ka awm pui ziah thung.



" Ka kalna lam tur a ni tho a, ka va thlah ang che! " Ka chhuak tur chu Sir Reman a rawn ti a, lu ka bu ve nghat. Motor ah chuan ngawi reng in kan thu dun a. Ka u nen kan chungchang hre tu awm chhun a nih vang hrim hrim hian a hma ang khan ka pawh thei tawh lo. A mah pawh hian a hrethiam tih a awm danah a lang reng.


" Misual ber te an man tawh chu in hahdam huai lo maw? " Thil ka ngaihtuah lai chu a rawn ti sup a a lam ka hawi vat. A ni erawh hma lam a hawi thung.


" Umm.... I chungah hian ka lawm tak zet! " Ka ti zui sap. Nui suk in lu a bu nghut nghut.


" Thil hrilh duh che ka nei a! " damdawiin gate bul a ka chhuk tur chu ka banah rawn vuan in a ti sup. Chhuah ka tum tawh chu a lam ka hawi leh nghal vat bawk.


" Sawi la.. " Ka ti zang khai vah. A hmel a thu tak in eng emaw vei nei hmel a pu deuh a ka hriat vang chuan aw ka thian nghal kharh.


" Ehee.... U Opi maw? " Damdawiin a u Opi lut tur chiah ka hmu chu ka ti chhuak sap. Ka rilru a hman hmawh leh vek tawh. Ka u a mah chauh in a awm tih ka hria a , u Op lah hian a duh tih ka hre ve bawk nen an pahnih a awm dun tir ka phal tawh lo bur.


" I hman hmawh hmel e mai nidangah kan in hmuh leh hun ah ka hrilh dawn che a nia! " Sir Reman ka kut a vawn chu thlah in a ti sup a. Nui lui sak in ka chhuak zui nghal.


" Lo awm dun leh ngat se chuan ka lawm mai mai rawh hauh lo ang. " Damdawiin corridor a thinrim zet a pen hlak hlak chuan kei mah in ka phun leh hlak thin. Engmah pawh la hmu lo in ka ngaihtuahna hmang in ka in phun thinrim a ni mah zawk. Ho te teah pawh ka thikthu ka pe chhe viau hi kei pawn mak ka in ti a mahse ka in dang thei chuang lo.


" Ohh.... I lo thleng chiah a! " Ka u cabin a ka luh rual in chair ah u Opi phone khawih a thu chu a rawn hawi chhuak a, a ti nghal zat.



" Khaw nge ka u? " Cabin ka pen luh rual in ka ti nghal tawl. Ka tawng dan dam vak lo vang chuan u Opi pawh chuan mak a tih hmel leh zual. Ka u muhil lai a fawp ringawt tih ka hriat atang khan ka ngainatna a bo vek.


" Ka hre lo, a chhuak lawk a niang! " A rawn ti nghal zat chu chhang tawh lo in khum bulah chuan ka thu a. A khat tawk in u Opi chu ka melh leh zauh thin. A hma kha chuan ka u nen an in ngaihzawn theih nan ka pui vel kha a nia, tunah ka ngaihtuah let hian engvang a lo ti nge ka nih tih ka in ngaihtuah let hnu hawh a. Kei ma thil tih ngei avang in ka thinrim tun.


" Ka u hi i la duh reng.... A ni em? " A tawp a tawpah chuan ka ti chhuak ta nge nge. Nui sak in lu a bu nghat.


" Dik tak chuan ka beidawng hman deuh tawh a. Dr Tluangpuii nen an chung chang ka lo hre dik lo ve deuh nen khan. Mahse hetiang buaina a thlen tak ah chuan Reubena hian hmeichhe kawp a lo nei lo tih ka hre chhuak a. " Nui sak in a rawn ti a. Ka in hum ruh nghal vak. Ka rilru chuan ' kei mah nen kan in kawp' tih sawi ka duh a mahse ka thei lo.




" Reubena rilru that zia ka hriat belh leh zawk a. Tunah chuan a hma ai mah in hnaih leh zual ka tum zawk. A hma pawn min pui tawh a, tunah pawh ka lam I tan ka ring tlat a nia! " A sawi zawh rual chuan a nui tel nghal sak.



" Chubakah nang chu engkim ka hrilh ngam che bawk a ka sawi mai mai a nga. Reubena hian kei aia kawp rei leh in zawmna a siam pui hnai vai hi a neih ka la hre lo bawk a. Chu chuan beiseina min siam deuh bawk a. " A ti zui zat chu ka ngaihtuahna a let but but.



" In zawmna maw? " Ka ti sap. Ka ngaihtuah a thil rawn lut duh lo chuan ka thaw chhuak hak.



" A rawn let har emaw ka nghak lo mai ang. Hna thawh tur ka nei a, ka hman chuan zanah ka rawn kal leh ang! " Ti zui zat in a ding a, a bag a ak zui nghal mawlh mawlh chu ka en mawl tawp.



Mawi hnaiah la awm tur emaw a tih tumna pawh ka nei lo. A chhan pawh ka thik miau. Ka u nen an in kar tu mit mei mah veng lo in a sawi chhuak thei a. Kei hian ka thei ve a ngem ka hre lo. Tunah pawh in kawp reng chung in tuman min hriat pui lo a. Mi in an hria ang tih kan hlau chu a ni zawk si a. U Opi chuan la in kawp bik em lo mahse hma hun a suangtuah a, chakna leh beiseina a neih phah a. Kei chuan kan hma hun ka ngaihtuah nasat pauh leh a pik tulh tulh in ka beiseina an bo tulh tulh thung.



" I lo thlenna a rei tawh em? " Damdawiin room tukverh bul a ka ding chu hnung lam a tang in taksa lian leh lum thur thur hian min rawn kuah a. Ka phu nghal zawk.



" Nichin deuh khan! Khaw nge i lo kal daih a? " Ka ngaihtuahna thup tum zet chuan ka ti let sap. Ka u chuan tlang tak a kal a duh a mahse kei mah bawk hi a hlau thawng zawk ka ni bawk si hi ka rilru a buai leh thin. Ka u ka hmangaih a kal san ka duh lo, chutih rual in ka nu leh pa rilru tihnat a, ser reh thei lo siam sak ka thei bawk si lo.



" Boruak dang hip tur in ka chhuak lawk. Dik lo a awm em? " A lam a min kuai her in a ti sup chu lu ka thing nak. Mahse a awih hmel chiah lo chu a kut chu ka khabe a rawn dawm in a mah en tur chuan min siam a. A mit meng tak ngur chu melh ran in ka ner ta nang.



" Dr Tluangpuii office ah chuan eng boruak tha maa i hip! " Ka ti kha nghal fak chu a nui chhuak nghal hawk. U Rinzualan a awmna min hrilh reng sia.


" Tih teh Naute! I ngaih ang kha a ni lo a nia ! " A mah ka kal pel tur chu ka banah vuan in a rawn ti zui hmuk. A lam hawi chuan rum zet in ka melh nghal ram.



" U... Ngati nge i la buai pui cheu a. A mah vang in i nunna i chan pah tep a nih hi. " Ka ti nghal chiam. Ni e... In zawmna ka lo ngaih ang kha an nei lo mahse hetiang a a awm chhan chu an nufa vang kha a ni miau a. Kei chuan a hnaih hi ka duh chuang lo.


" Ka chan lo chu a ni lawm ni! " Khi suk a a ti chu ka melh nghal rawm.


" Naute puihna an mamawh a lawm. Ka hna thawk a nih bakah ka thian a ni bawk a. Nang pawh i thian in buaina a tawh in pui thei reng chung in i en liam thei dawn a mi? Min chhang la, i thei a nih chuan kei pawn ka ti ang! " Thu tak zet chuan a rawn ti hmuk a. Chhan mai ngaihna ka hre lo chu ka thaw chhuak hak.


" Tun hi a hun tak zawk a ni. Kei min hliam vang in thubuai a nei a, Tluangpuii tan pashu tan fung tha tak a ni dawn a. I hrethiam ti raw? " A biang a a kut phah lum ham ham a rawn dawm in a ti sup chu rilru dam zan lo chuan ka aw ve hram.


" Good girl ! A nih chuan ka lo luh lai hre lo lek a I lo ngaihtuah kha min hrilh tawh la! " A rawn ti sup chu ka meng buai nghal nak. Kan pahnih hma hun thim zia ka sawi a nih chuan a lawm leh dawn lo tih ka hre chiang a. Ka rilru a ti hah a nih chuan chiang tak a ka nu leh pa hrilh a duh thu a sawi leh dawn tih lah ka chiang.


" Engmah a ni lo. Dr Tluangpuii te chung chang kha maw le! " Ka ti ta ngawt. Ka thu sawi a awi theih nan ka nui lui nghal sak.


" Oh... Ka sawi hmaih chu... Kei man ka riah pui char char tawh dawn che a. I nat deuh laiin an phal ve bawk si lo! " Kan thu sawi thlak tum chuan ka ti nghal vat a. Ka u pawh a nui ve suk.


" Ok! " Muang fan rui a a ti chu chal ti chuar tap in ka melh thung.


" Inbual fai ka duh a, min puih ngei a ngai dawn a nih chu! " Nuih za hmel zet in a rawn ti sup.


" I kut a nat tel loh kha ! " A mit meng chimawm zet vang chuan ka ti nghal hlak.


" I hreh a nih chuan ka ti lui lo che a nia. Nurse emaw ka ko mai ang. Dr Tluangpuii pawh a hman lai a ni tak! " Nui hmel pu duh miah lo a ti sup in a damdawiin kawr hak kilh chu a hmet phelh nghal mual mual.


" Ka hreh ka tih loh kha. Suala! " Ka ti hlak chu a khi suk.



__________________________________________________



* REUBEN ZOMUANPUIA POV *



" Engvang in nge i hriat sa chuan i in vih tir kher a! " Atthlak tih hmel zet in Tluangpuii chu ka hmaah a ding hluai. Kei erawh hahdam zet in ka thaw chhuak ham ham.



" I nunna i chan tep a. Min puih i duh tih chu ka hria a mahse i tih dan hi chu ka lawm miah lo. Vawi thum ngawt vit in zai/ zei pui i tawh phah a. I chhungte hmel pawh ka hmu ngam tawh lo. " A ti chhuak leh halh.



Function kan neih lai atang khan Tluangpuii pasal kha hall pawn lamah khan ka hmu tawh a. Buaina a rawn siam chu ka rin sa a nih avang in hmu lo der in rem changah lak ka tum nghe nghe. Function a zawh tawh hnu khan min zui zel tak ah chuan Tluangpuii teri nufa ni lo in kei mah zawk kha a duh ka nih ka ring ta tawp bawk.



Parking atang a motor la chhuak tur a ka kal pawn Nautei hruai lo in hotel pawn lamah min lo nghak tur in ka hrilh a. A chhan pawh zui ru tu ka nei a, buaina a thlen palh chuan a tan a tha lo tih ka hriat vang in.



Ka rin ang chiah in ka motor a ka lut tur chu tu emaw hian min rawn hnek chawrh a. Khi suk in ka hnek let ve nghal. Zu rim nam huam chung chuan a nupui leh fanu kal san tur in min rawn ti chhur chhur a, kei lah in ka ngai pawimawh duh thak lo thung.



Zu rui khawi vak chu dik hek lo, chhuat a ka hnek thal thuai rual a ka motor ka hawng tur chu hnung lam atang in ka nakah min rawn vit nghal sawk a. Thaw ri hrawk a in her vut in min vit tu pa kawr awm ka tham nghal hrawk a. A chem ken pawh a thlauh ri nghal bawk. Mahse Tluangpuii pasal zawk khan min rawn vit nawn leh tak ah chuan ka tham beh mek chu thlah in ka thingthi thla hnawk a. An tlan chhe zui nghal kha a nia.



Thei leh thei lo a ka motor kawngka in pawt hawng sa a thu lut in ka kekawr ip a ka phone lak chhuah ka tum chu ka la thlauh zui. Ka plan motor hnuaiah a lut ta daih chu rum chhuak hrawk in motor stearing ka chum nghal tawlh a. Chumirual a ka pum rawn thip vin tur vang chuan then sawk in seat nghen chhan ka ngheng nghal dawt.



" Sawi chhuah kher a ngai hran lo. Thil thlen dan chu ka sawi ang kha a ni mai. Ti kha chuan chiang tak in naupang enkawl emaw hnaih tir ngam a ni lo tih an hria a nga, awl sam tak in Cindy pawh i enkawl thei ang. Chuh buai tu emaw , in nufa then hrang tum an awm tawh dawn lo a! " Ka ti sup chu at thlak tih hmel zet in lu a thing mat mat. Kei pawn min vih em kha chu ka ring lo kha a nia. An kal thu ve hret a nia. Thu buai an neih phah dawn bawk.


*

" U Opi a lo kal a. I lo luh hma khan a haw leh tawh! " Min en lem lo chuan a ti chhuak sap. Bathroom a ding in tui rawn in phuh thla sar sar chu a kut chuan a khawi a. A che zia chu hahdam zet in ka melh ngur.



" Chuan . " Ka ti chhuak sup chu rawn hawiin a ner nghal nang.



" Thil kan sawi dun a. Kan chung chang engmah hre ve lem lo chu in lo in kawp dan te a sawi nual a. A la duh thu che pawh! " Ti sap in a nui lui sak. Kei erawh in tul ti lo zet in mit ti zim ngur in ka en thung.



" Lo kal la! Bandage kha tih huh a la chi lo ang ti raw? Kan ti huh vak mai a nga? " Ka dul zawn melh chuan a ti nang nang a. A hmui a pet sawi zeuh a, a ngaihtuahna hmang buai kual vel chu lawm awm tak a ni.


*

" Kan zo e! A dang chu ka puihna i mamawh tawh pawh ka ring lo! " Towel a min rawn hru in a ti nui suk in a kawngah ka kut rawlh lut in ka lamah ka pawt hnai nghal salh. Ka hliam lai tawh fuh hlau zet chuan min rawn melh chho nghal ha.


" Ka ngai che a nia. Kan pahnih a awm dun theih nan a ka plan lah a chhe ta vek sia! " Kun hniam in a hmuiah ka fawp nghal zauh chu a hmui a rawn ti pawrh nghal tar.


" Hmm... Tunah pawh kan awm dun reng hi! Engkim kha duh ang vek chuan thleng lo mahse kum hlui kan thlah dun a, kan pahnih in damdawiin khumah kum thar kan hmang bawk a. A tha thaw khat ka ti. I la dam chiang lo tih mai loh chu! " Ngeiawm zet a min melh ralh in a rawn ti sap chu ka tum deuh hmuk.



" Hetiang lo deuh hi ka beisei a! " Kun hniam in a beng bulah ka ti sup chu a thaw zui hak.


" Ka ... Ka hre thiam lo! " Aw tham chel a a rawn ti chu nui suk in ka din hnaih leh nghal vut a. A beng hnuai hret a khuavang pahnih sexy zet chu ka hmui in ka nawr nghal a, ka seh pial nghal ralh chu thaw chhuak halh in ka awmah a in nem khal nghal tang.


" Mi an lo kal a nge! " Bah nak a a tih rual in a beng var no sar chu ka hmuiin ka pet leh nghal zeuh a. A taksa a tang nghal vak bawk.


" Lo kal rawh se! " Ka ti sup chu a tawh hak.


" U.. " A mit meng zam hmel zet a min melh chho chuan a rawn ti sap.


" Ka mamawh che! Tunah! " Ka ti sup chu min chhang mai lo chuan a ngawi vang vang a. Ka kut chuan a biang a vuan in a hmui sen no chek leh nem thep ah chuan ka fawp zui nghal hmiah.


A hmui hnuai lam chu zawi muang a fawp in a hmui a rawn tih chet rual in uar leh duh thaw zet chuan ka fawp zui nghal tawn tawn a. A taksa hi ka thlahlel ngawih ngawih a mahse midang mit mei ven reng kan ngaih avang in ka duh ang pawn ka hnaih thei lo. Ka rilru a kal bing lai chuan engmah ngaihtuah lo lek a kan in kar pho lan ka duh a mahse Nautein midang hriat a la in peih tlat si lo. Nawr vak ka duh lo vang a la dawh hram hram ka ni bawk.



" Ka ti tak tak, mi an lo kal ang! " Hnuai lamah ka mipatna rawn che tual tual vang chuan ka thaw hawk.


" A nih chuan kan zawh vat a ngai a nih chu! " Ti chhuak hrawk in a kut chu towel chhanah ka hum tir a. A phu deuh zawk chu ka nuih nghal suk.




" Ka khawih thin ang che a min khawih ve tur in ka duh che! " Ti chhuak hrawk in a hmuiah a fawp zui nghal a, hnuai lamah pawh a kut vawn hnan reng chung chuan ti che tur in ka pui bawk. Towel chhan mai a duh tawk lo chuan ka zen luh tir a, tim deuh tak a a kut a ti che chu dim lo tur in ka hrilh nghal sup. Rang zet a a kut a chet tak ah chuan ka taksa chu tang nghal tawlh tawlh in nghet zet in bang rin chhan a ding chung chuan ka tum chhuak nghal hrawk.




" Kha zet chu, ka zawng chhang ngei ang! " Thaw chhuak hawlh hawlh a tiin a hmuiah chuan ka fawp zui tawn tawn. Nautei lai hmel sexy zet chu ka nuih nghal suk.




" Thi.. Thisen! Awii.... Ka duh lo a thuina kan ti peh a ni hrim hrim! " Ka dul zawn en chuan hlau thawng zet in a ti nghal tung a. A enna zawn ka en rual in ka phun nghal hluk.


" Ka tha lawm. Hahdam rawh! " Thlamuan tum zet chuan tiin min en tur in ka kuai dak a. Thi suk a neih avang in a chi ai leh vek tawh. Min vih zan pawh khan a che buai vek a nih kha.



" Ka.. Ka chhuak dawn. Doctor ka va ko dawn ! " Ti bah nuai in a kal sawn zui nghal chu thaw chhuak hawk in ban ka phar nghal hluai.



" Hun lo lutuk! " Ti chhuak hluk in ka dul a bandage rawn thi chhuak hnam tiam tiam ka melh leh vut.


__________________________________________________



* ANGEL LALRUATPUII POV *



" I lo chhuak tawh em? I va rei ve? " Ka room ah ka in siam ka phone ri ka lak rual in Kimkimin a rawn ti nghal lang lang. Vawinah ka u damdawiin atang a chhuak dawn a. Hruai tur a kal kan tum ka in siam mek min lo tur ve chhen avang chuan thinrim hlur in ka hman tep thu ka hrilh ve nghal.




" Pa ka kal a nia;" In ka chhuah san tur chu ka ti hram. Ka nu erawh nizan damdawiin a a riah avang in inah a awm lo thung. Driver in hruai tir in kimkimite hostel lam kan pan a, damdawiin lamah kan kawi ve ta chauh.




Damdawiin kawtah u Opi kan tawk a. Tunlai chu rawn lang ngun vet vet tak a ni. Ka u nen pawh kan in hnial phah fo a. Ka u in a duh loh thu sawi mahse u Opin a hnaih luih reng avang hian ka thik lo thei bik si lo.



" In lo thleng ve hram a. In tel lo in damdawiin kan chhuak teuh khawp mai! " Cabin chhung kan lut chu Maman a lo ti a, Kimkimin ka tlai vang tiin min la mawhpuh zui. An vai mai chuan min nuih ang thaw a, kei ka tum bur. Kan thleng ve chauh nan chhuah in peih at a an lo awm tawh avang in damdawiin pawh kan chhuah san a.



Ka pi leh u Rinzuala chu duty lai an nih avang in tlaiah an rawn haw rual tur thu an sawi a. Ka pu leh Mama motor khatah an in phur a, kan phei na motor ah khan ka nu leh ka u an let bawk. Kei leh Kimkimi erawh bazarah Babyi va hruai kan tum vang in an rual in kan let ve lo thung.



" Lo lut u la! " Kawngsir a kan kal chu kan bul lawkah car rawn ding in a rawn ti a. U Opi a rawn dak nghal ha. A rawn din na a chep avang in hnial chi ah kan ngai lo a, car hnung kawngka chu pawt hawng in kan thu lut ve mai a. Kan kalna tur min zawh chuan kan hrilh ve nghal bawk.



" Angel tunlai Reubena nen in tha maw? " Hma lam atang chuan u Opi chuan a rawn ti a, hre thiam lo zet a ka melh ha chu front glass atang min rawn nuih sak. Lalkimkimi lah chuan a phone min en san daih leh nghal.



" Ka zawh chhan che chu nang hi Reubenan a ruk a a hmeichhe kawp i lo ni reng a. A ruk thei ang ber a in in zui a ngai dawn sia ka lo ngaihtuah a... " Kimkimin a phone car chhuat a a thlauh bawl vang chuan tawng tawp dat in a nui nghal sak.



" Kimkimi pawn I hria a ni maw? Wooww.... A mak hle mai! Pakhat a farnu a nia pakhat a ngaihzawng thuh ruk. Ka rin aiin in nun a lo buai chuar daih. Chuan... Kei hi min lo bum kual vel mai mai bawk a. " Nui ro hak in a rawn ti chu nghet lutuk in Kimkimi ban ka hmer bawk.



" Tunah hian ka ngawih bo pui ang nge ka sawi chhuak ang tih ka ngaihtuah mek. Min lo bum a, i u bialnu tur a min duh ang deuh a lem I lo chan kual vel avang khan ka lawm lo viau a nia. I nu leh pa hrilh ta i la engtin nge an ngaih ang. An thin a rim viau lawng maw? Mahni nuta te han ngaihzawn tawp mai chu! " Nui zui hak in a rawn ti leh kher.



" Nang nu chu, engmah i hriat chian loh chuan sawi ringawt suh. " Kimkimin a ti chu engmah sawi lo tur in ka mit mei vat.



" In rin aiin ka hre hnem ang! He lai thleng hi ka thlah mai ang cheu. Chuan tlai kha zanriah rawn ei chu ka duh ve viau nan ka hman dawn lo tih pa Nunsanga leh nu Kimtei min lo hrilh sak dawn a nia. Ka thinrim a reh loh chuan thu sawi tul lo te ka sawi chhuak ang tih a hlauhawm riau! " Car ti ding dat in a ti nghal zat.


" Tumah pawn kan sawm lui lo che! " Ti hlak a Kimkimi chhuak chuan rang zet in min rawn pawt chhuak zui rawk rawk.



" Ti nge engtin mah i chhan loh a? Kei chu ka ngei tlat kha tiang hmeichhia! " A ti zui hlak hlak chu thawk ka la hak.



" Enge ka sawi ang? Thu dik a sawi vek sia. Ka u ka ngai zawng a tia, a dik a. A hma in an in ngaihzawn theih nan hma ka lak pui tih pawh a dik a. " Ka ti zawi sap. Tunah kha tiang mai mai kha na ka ti a nih chuan ka nu leh pa in an hriat hun ah engtin nge ka awm ang. Mahse engtin nge u Opin a hriat theih.




" Kan thil lei kha lo dah fel pui mai ru aw! " In kan thlen rual a tiin in hnuai a midang lo awm ho pawh be hmasa lo in i chungah ka chho a, ka u room ka pan zui nghal.



" A hria a nia! U Opi kan chung chang kha a hria! " Kawngka ka hawn rual in ka ti nghal vak. Darthlalang hma a ka u kawr ha lo in a lo ding a, ahliam lai a lo en a nih ka ring . Ka thawm a hriat rual in a rawn hawi nghal vut.



" Ka hrilh a nih kha! " Ka u thu sawi chu ka hriat sual a maw ka ti hial. Mahse a mit meng thim khup atang chuan a sawi ngei tih a chiang bawi si.


" Engtin nge i tih theih? Min rawn hmasa miah lo in. Rei lo te chiah min lo la nghak thei lo a mi? " Thinrim leh hlau thawng ru zet chuan ka ti chhuak nghek.


" Engtia rei? Ka ning tawh, a ruk a kha tiang a nun kha. Kha pa khan engkim hre chung a a rawn hnaih leh che pawh hi ka duh hrep lo. Chuvang chuan an vai hian hre vek mahse pawi ka ti lo! " A rawn ti chhuak ve thawt chu mak ti lutuk in ka melh ngawt ngawt.



" I ngaih ang kha a ni lo. I nunna chhan chhuak tu a ni kha. Awm lo se chuan.... "



" Ka thi ang maw? " Nui ro hawk in a ti chhuak hawk.


" Damdawiin a ka awm laiin nang leh kha pa khan in lamah hun thawl in lo nei a. Kan in kar zep i duh chhan pawh hi nang hian a tawp thleng thlen i in rin loh vang a ni ti raw? " A rawn ti chhuak leh hrawk. A thinrim vang a a tang lutuk chu ain zai na a na a nih ka ring a then nghal sawk.



" I ring dik lo a nih kha. Chutiang engmah a thleng lo! " Ti chhuak halh in a lam chu ka pan a. A pum dawm a khum a a thu thla chu a bulah ka ding zui nghal. Ni hnih thum vel bak sir Rema a rawn leng lo, chu pawh kei nen kan in be lutuk lo, ka nu leh pa nen an in kawm a ni mah zawk.



" Khawi maw ka lo en chhin! " Thaw chhuak hak a tiin a hma zawnah chuan ka thu hniam a. A hliam lai chu ka en nghal zat.



" Min kal san mai ang tih ka hlau a ni! " A rawn ti zuai ruih chu ka en chho vat a. A mit meng thuk zetah chuan min chan mai hlauh na hlir a rawn lang chhuak zawt zawt.



" Chutiang a thleng lo ang! " Nui sak in ka ti ve nghal.


" Ka khawvel i nih hi, ka engkim! Nang chan che hi ka thei lo! " Ti thawp sup in ka bek samah chuan a kut tang hrawl zet chu a rawn rawlh lut a. Rawn kun hniam in ka hmuiah a rawn fawp zui nghal tawn tawn. Tun tum min fawh dan erawh a hma a dam zet ang kha a ni lo. A na lek lek zawk mahse dan ka tum lo. Ka u rilru mangang leh hlau thawng hmel ka hmu ngai lo a, tunah kei min chan hlauh vang in a hlau thawng a nia. A lawmawm lamah ka ngai lo thei lo.



" Eng thil nge in tih kha? " Rawn ti ri vang chuan ka meng nghal kawk a. Kawngka lam ka hawi rual in ka ding chhuak nghal.



" Tun a thil thleng ka sawi fiah ru? Reuben tu maw i duh a? Tu te nge in hmangaih a in kal san thei lo te chu? Ni lo... Ka rawn hmuh ang kha engmah a ni lo tih sawi ta cheu! " Ka nu chu rawn kal hnai in a ti vin tuar.



" Nu... " Hlau thawng lutuk a ka ti hman tawk chu ka u in min rawn dang nghal vat.



" Nu, kei leh Angeli hi kan in hmangaih! " Ka u tawng chhuak ri in ring tawk zet vang chuan ka taksa te hi a tang mar vek.



" Hahh.... Ka hria! Unau in ni a in in hmangaih ang chu! " Ka nu chu zal lo zet in a nui pah hak.



" Mipa leh hmeichhia ang in! " Ka u in a ti sup rual in ka nu chu a hmel a buai nghal vek. Chi ai zet chuan a bul a sofa chu a vuan nghal rawk rawk a. Ka u in ka kut a rawn vawn rual in ka melh chho nghal vat a. Kei ka hlau thawng em em a mahse a ni chu a ding nghet churh a, hmel buai leh chi ai hmel a pu ve hauh lo!



* ZAWMNA *



" Hriat sual palh chu ka nei si lo. Eng... Engtin nge kha tiang rilru kha in put theih? Unau in nih kha! Reuben I nau a nih kha, ka fanu leh i nau neih chhun! " Ka nu chuan a rawn ti bah deuh nak nak a. A tawng chhuah dan leh a aw khur dar dar chu ka u thu sawiin a tih thinrim vang nge a thawn lutuk vang ka hre thiam lo.



" Hrilh che ka duh thin a, mahse Nautei vang in ka ngawi leh zel zawk a. Kei chuan ka duh na hi a rei tawh! " Ka u in a rawn ti chhuak hmuk chu awm vak ngaihna pawh ka hre lo. Ka din na ngaiah chuan in seh ruh vak in ngawi reng in ka nu chu ka en ngawt ngawt.



" Aii... Ka pawm thei lo. Angeli hi ka fanu a ni a, nang pawh ka fapa i ni. Ka ril a rah, ka hrin ngei i ni lo tih chu ka hria mahse ka fapa i nih loh phah lo. Eng thil pawh in in karah a awm a nih chuan tun atang hian tawp rawh se! " Ka nu chu harh chhuak thut ang mai hian a rawn ding ngil a. A mit meng a rilru natna rawn lang chhuak zawt zawt chung chuan a rawn ti kha fak.



" Ka sawi chu in hria em? " Ka nu aw fiak that vang chuan ka phu nghal chiam. Ka u in ka kut a rawn hum bet nghal hmiah chu hreawm ti zet in ka melh chho nghal bawk.



" Ka tihpalh! Ka nu i ni a ka zah in i thu zawm loh hi ka hreh ber a ni thin, mahse tunah chuan ka rilru ka thlak thei tawh lo. " Ka u in a rawn ti sup a. A aw khauh ru zet ah chuan a rilru a kal tlang pui dawn tih a lang chiang lutuk tlat. Kei mai ni lo ka nu pawh a hre thiam tih ka hria.



" A tha e! I pa in a hriat chuan a thinrim in a rilru a na dawn a, tun aia din hmun khirh ah in awm dawn tih in hria em? Engtin nge hetiang rilru hi in put theih. Unau in nih hi! Angel... Nang pawh... " Ka nu chuan min en in a ti chhuak leh halh a.



A thu hriat in a thawng bawk a sai vak ngaihna a hre bik lo a nih ka ring. Ka u kut chu nghet zet a hmer in ka nu chu ka en a. Enge sawi ve tur reng ka hre lo.



" I pa ka hrilh a ngai a ni! " A hmai tui phak a tiin kawngka lam chu a pan zui nghal vat a. Hlauthawng lutuk a ka u ka en chu a din ngaiin a ding ngur bawk si. Ka nu um zui tum a ka che chu ka u in min pawt let nghal hmuk.



" Kal suh! " Ka hawi chhuah rual in a ti sup.



" Min thlah teh! Ka pa a hrilh chuan... Ni lo.. Midang pawh tunah kan inah an awm vek a sin! " Ti vak in ka kut chu ka thing nak .



" A pawi ka ti lo. Tunah an hriat loh chuan nakinah an la hre tho ang. Nge ni a nang hian hma lam pan i duh ve lo zawk! " A rawn ti chhuak hrawk chu ka tha ka thlah dul riai riai.



" Ka hre lo. Ka hre lo tak zet! Hetiang din hmun a ding tur hian ka la huai sen tawk lo a nih ka ring! " Ti chhuak sap in ka u min vawnna atang chuan ka tal chhuak a. Ka nu ka um zui nghal. Room ka chhuah san rual in thil ri chawrh in a zui nghal a. Ka kal lai chu ka ding dat mahse ka let duh ta lo. Ka let a nih chuan ka chhuah a phal leh a ngem ka hre lo.



" Nu... " In hnuai lamah tlan thla in choka a lut in ka ti vak. Mahse a awm lo!



" Angel! Dik lo a awm a mi? " Dawhkan bulah Babyi leh kimkimi lo thu chuan an lo ti vat. Kan awmpui te pawh chuan mak min tih hmel zet in min en ve haw.



" Ka nu in lo hmu em? " Ka ti nghal tawp.



" Nichin khan pa Nunsanga a zawng in ka hria! " Babyin a ti chu ka taksa a khawng nghal awt. Ka pa a hrilh chuan buaina lian zawk a thlen ngei dawn tih ka hria.



In chhung chu ka zawng kual a, mahse nu leh pa hmel hmuh tur chu sawi loh an aw tak ngial pawh ka hre lo. Kan cousin kan in a chaw rawn ei tur te erawh an rawn tlang sup sup tawh. Rilru mang ang zet in lehkhabu chhiar naah chuan a awm pawh ring em em lo chuan ka lut a. Tukverh bul a ka nu lo ding ka hmuh rual in ka thaw chhuak hak.



" Nu.. " Ka tih sap rual in a che deuh a. A mittui a hru tih ka hmu thei. Ka damloh tih lohah chuan ka nu hi a tap mai mai khat khawp tih ka hriat chian tluk in kei mah vang a a mittui a tla chu ka in thiam lo nghal ngawih ngawih.



" Enge kan enkawl naah cheu khan dik lo awm tih ka ngaihtuah mek a nih hi! " A bul ka thlen rual in a ti tham chel. A mit meng dul raih vang chuan ka lo na ve ngawih ngawih bawk.



" Enge hetiang a in unau rilru kal sual tir thur khawp hian kan tih tih te ka ngaihtuah a! Chhungkaw nu ber ni chung in ka fate rilru hre lo lek a ka lo awm avang pawh hian ka in dem tak zet. Mahse tu in nge ring bik ang nang leh i u.... " A tawng lai chu tawp dat in a mittui a biang a rawn luang chu a hru leh nghal zauh.



" I pa bulah engtin nge ka sawi fiah ang tih ka ngaihtuah bawk a. Heti khawp a kei pawh ka rilru a na a, hreawm ka ti a nih chuan i pa phei chu! A chhungkaw a ngai pawimawh ber thin si a. Rei tak.. Kha leh chen a lo ven him tawh a chhungkaw chu a mualpho vek theih tih a hriat chuan.... " Rilru mumal lo zet a ti chung chuan a thaw chhuak leh halh.



" Mahse nu... Kan in hmangaih a lawm. Enge a pawi na? Unau dik tak pawh kan ni lo a.. "



" Mah... se.. I u a nih saw! " Ka tawng lai pawt chat in a rawn ti vin that. Tah in sum zet a ka ding chu min en in a thaw leh halh.



" Angel! Tun a I ngaih ang hian thil a awl sam dawn lo. Engtin nge ka hrilhfiah ang che! " Ti chhuak sap in kan piah deuh a thu thlengah chuan a thu a, a bulah min pawt thu ve nghal zat.



" Midang in hre ta se kan mualpho dan tur i hria em? Midang bulah unau piang hmun in nih loh zia in sawi fiah diak diak thei dawn lo tluk zet in kum khua a mi sawi kan nih phah thei a sin. Chubakah khawvel kal dan a ni lo! " Hrethiam se min ti tih hriat zet in a rawn ti a. A hmel a buai nak reng tho.



" Mahse kan in hmangaih a lawm. Nang pawn I sawi thin kha ' a pawimawh ber chu hmangaihna! ' midang ngaihdan a in nghah loh tur tiin. Ka pa pawh a thinrim ang tih ka hria. Mahse nang man i sawi a nih chuan min hrethiam duh em em ang. I thu chu a ngai pawimawh thin a lawm." Ka nu chuan min hrethiam se ttih duh vang chuan ka ti let ve a mahse a hmel atang chuan min hriatthiam ka ring lo.



" Ka hria! A pawimawh ber tih chu. Mahse midang kan ti na dawn a nih chuan a tha ngai lo. Kha mi ka sawi awm zia chu thil dang daih a ni. Nang leh i u awm dan hi chuan kei mai ni lo, i pa, i pi leh i pu, kan chhungkhat laina hnai thleng in zahna leh harsatna a thlen thei a sin!" A rawn ti chhuak halh a. A aw atang ringawt pawh chuan ka hriatthiam loh a hlau tih ka hria.



" Nuu... Kei pawn a dik lo tih chu ka hre tho a mahse dik lo pum hlum vek chu kan ni bik lo. " Ka la ti ve fan. Mahse kan dik lohna ka tan chhan ber chu thisen zawm kan ni lo tih a ni a, midang tan chuan a ho duh viau ang.



" Mahse in dik lo, a ni lawm ni? Kei pawn ka rem ti lo ang bawk hian i pa pawn a rem ti dawn lo. I pa chu i hriat chian kha. Tunah hian a la tlai chhe lo! Ti tawp rawh, i u chuan a rilru a thlak dawn lo tih ka hria mahse nang in i hnawl zel a nih chuan a la tawp ve mai ang! " Ka nu chuan ka kut rawn vuan in a rawn ti chhuak sap a. A thu sawi vang chuan tah vak mai ka chak ut ut.



" Mahse ka hmangaih a lawm. A ni pawn min hmangaih! Ngati nge kan awm dun thei loh?" In seh ruh chung chuan ka ti chhuak hap.



" A chang chuan kan hmangaih te hi kan bul a awm kum khua tur an lo ni kher ngai lo. Min ring rawh i nu hian ka hre chiang a nia. " Ka mit a min en chuan a ti sap. Pawn lamah ka pa aw ka hre chawp chilh nghal. Ka nu a hmuh loh avang in a zawng a nih ka ring.



" I pa hrilh lo tur a min duh chuan in in kar hi duh tawk hmasa tuah tang rawh. A nih loh chuan i pa ka hrilh ang. I pa in a hriat chuan i rin phak bak in thil a thleng dawn a nia. I nat hlau em em tu leh a nunna ai hial pawh a hmangaihtu che ser nung siam sak a tihnat i duh ka ring lo.



I pa fanu i nih kha. A chang chuan taksa aiin rilru in tih bat sak hian dam hun chhung a duh rei thin viau a nia. " A rawn ti zawm leh zat chu ka rilru a buai deuh nuai.



" Hetah in lo awm a. Ka zawng che a. " Kawngka ka nu in a hawn rual in ka pa chu kan lam pan in a rawn kal nghal a. Ka nu bul a rawn thlen rual in chik zet in ka nu a melh nghal run.



" Dik lo a awm em? " Ti sup in ka nu a melhna atang chuan mit a la sawn hauh lo.



" Aii.... Ka mit a bawlhhlawh lut kan la chhuak a. Angel choka ah i thian te va pui ve rawh! " A rawn ti nghal zat chu rang zet in ka kal sawn nghal. Ka hriat a chinah ka nu in ka pa lakah thu zep a neih vawi khatna a ni a, chu pawh kei mah vang in! A hreawm tak zet, hreawm ka tih aia nasa in ka nu in a ti bawk dawn tih ka hria.



Kan in chu damlo rawn haw e ti lo chuan kan ti nak nak a. Damlo satliah ni lo a mi kut tuar a lo nih na avang hian rawn kan tu an tam phian a. Vawin ringawt pawn thenawm te thleng in an rawn lut zut a, ka u ber erawh in chung room ah a in chung avang in tuman an ti buai lo. U Rinzuala leh ka pi pawh damdawiin lam atang an rawn let rual a. Ka u han en tur in ka pi erawh in chung lamah a chho nghal.



" I u in a hmu duh che a nia, i hman chuan han chho rawh. Helam a rawn chhuk, a tan a buai thlak mai mai! A theih chuan a tam thei ang ber hahdam rawh se. " Choka dawhkan kil a kan thu chu ka pi rawn lut in a rawn ti a lu ka bu nghal. Ka pi chu a chhuak zui nghal mai a, mahse kei erawh in chung lam a chhoh tumna ka nei lo.


" Ka u in a ko che a ni lawm ni? " Ka bulah Kimkimi chuan a rawn ti a. Ka kal mai loh vang a nih ka ring. Zawhna mit meng in min en bawk.


" Ka ai lo han kal mai la! " Nui lui sak a ka ti chu ner nang in min en a. Mahse engmah sawi lo in a sing zui ve nghal mai a. Midang ho thu sawi leh fiamthu thawh a an nui leh dar dar te chuan ka nuih a ti za ve thei lo. Ka rilru kam run tu thil a awm miau a. Kei mah ang chiah in ka nu pawh a hmel a ngui in a chauh hmel vek bawk.



Ka hriatah ngei pawh vawi tam tak ka pa in a dam that leh that loh a zawt a, a that thu chuan a la chhang zel a. Mahse ka pa bulah a zep reng thei dawn em ka hre lo.



" Nangmah han kal mai rawh! Urggg... A mood eng in nge tih off sak ni? A thinchhe lutuk. Kei ni lo in nangmah zawk a hmuh duh thu che sawiin min vin vak. Tha deuh pawn a sawi thei reng si! " Tum bur a ka bul a Kimkimi rawn thu a phun bai bai en chuan ka thaw hak.



Ka thutna atang ding in ka kal sawn a. Inchung step ka chho tur chu ka nu min kohna vang chuan ka ding dat a. Enge ka tih dawn tih min zawt nghal a. Ka pi in ka u in min hmu duh tih a sawi vang in ka chho dawn thu ka sawi nghal zat. Ka nu hmel erawh a dang nghal sawp sawp.



" Kei mah ka han chho ang. Chaw ei a hun dawn tawh hrim hrim a, i pu in tawngtaina a hmang dawn a, a rawn thut chhuah ve a ngai tho a. " A ti zui nghal zat. A hmelah chuan ka u room a ka luh a hlauh zia a lang chhuak nghal bawk.



" Nu... Kan in kar chu ka ti tawp ang. Chuvang chuan i rilru ti hah lo la, chuan ka pa engmah hrilh suh aw! " Ka nu kal sawn tur chu a ban a vuan in ka ti ta sap. Ka nu rawn nui sak chu za lo zet in ka nuih let a, tun a ka thil sawi kha engtiang tak a harsa nge a nih dawn ka hre lo mahse kei mah vang a ka nu leh pa rilru na tur hi ka hmu ngam ngang lo.



Chhung in khawm hmang tur in kan thu thap a, ka nu keh ka u pawh an rawn chhuk a, ka u hmel erawh an rawn chhuk tirh bak ka en leh tawh lo. Mahse a ni chuan ka awmna lam a piangah min en zui ngur tih ka hre thung. Kimkimi pawn kan in hauh leh hauh loh min zawt hial. Mahse engmah ka hrilh duh lo.



Zanriah kil zawh ve leh ka u chu Maman a room ah a hruai chho leh nghal a. Babyi haw tlai lutuk thei a nih loh avang in Kimkimi nen kan va thlah a, Kimkimi erawh riak tur a ka sawm avang in a riak dawn thung.



" Karleh mai hi ka kal hun a ni tawh a, min ngai ve viau ang! " Ka room ah kan awm dun a, a rawn ti chu ka nui ve hak.



" Tlai hnu hnawhah ka ngaina riau che sia, kal leh lo mai la;" Ka ti ve mai chu eng emaw ngaihtuah hmel a pu ve deuh.



" Ka peih lo. Hetah chuan ka nu leh pa ka hmu lo thei lo a rilru a nuam tawh lo. Hna neih vat a mahni in chawm theih vat ka duh. Chuvang a lawm college chawlh san law law a nurse ka zir chhan! " A rawn ti chu ka nui let sak.



" Ka zir chhuah hun ah ka u damdawiinah ka thawk nghal a nga, ka dream fel vek tawh! " A ti zui leh zat.


" Kei pawh kal bo ve daih ka duh! " Ti chhuak halh in khumah ka mu thla ve nghal. Kimkimi din hmun chu kawng leh lamah khawngaih thlak viau mahse tunah rih chuan ka awt lutuk tlat.



" Mate... Nautei kha a fal in ka lo be lawk ang! " Mit chhing vang vang a thil ka ngaihtuah chu tawng ri vang chuan rang zet in ka thu chhuak hlawl. Kawngkaah ka u a lo ding ngur a, ka bul a Kimkimi chu thu reng chung chuan min en tawn zak zak a, thawh a tum chu a banah ka hmer nghal chawt.



Kimkimin mak ti hmel zet a min rawn en rual in room chhuah san lo tur in ka mit meng in ka ngen zui nghal chu a hrethiam lo nge hre duh lo der min thawh san tho a nih chu. Kawngka lam pan a Kimkimi kal chu ui ru zet in ka melh zui ngawih ngawih.



" Engvang in nge min pehhel char char? " Ti hmuk a ka hma a mipa rawn ding chu en duh lo in ka hma lam ka melh lui ngar.



" Vawin vang khan i thinrim a mi? Opi ka hrilh vang nge ka nu bulah engkim ka sawi vang zawk kha ka chungah i lawm lo? " Ka chhan loh vang chuan a rawn ti leh sup. In seh ruh vak in ka puan sin chu ka tham ngawt ngawt a. Eng thil pawh ti I la tu emaw ber chu an na tho tho dawn tih ka hria. A bik in kei phei chan eng thil pawh thlang i la ka na dawn. Mahse ka tih ngei ngei a ngai thung chu hreawm ka ti tak zet.



" Ka nu thu min hrilh hi a dik lo ti raw? Nang hian i rilru i thlak tih hi! Ka nu chuan a duh duh a aawi mai mai... A dik em? Min chhang ta che. " A tawng tir lam chu pangai viau mahse a tawp lam erawh a ri chhuak deuh hrawk.



" Ka nu sawi zawng zawng kha a dik vek! " Ka ti sap rual in mit ka chhing nghal sawk a. Ka biang a lum thla nghal pap.



" Maw? Ni lo... Nang hian min kal san loh tur thu i sawi kha. " Rilru na zet a ti chhuak hrawk in ka darah min rawn vuan a, a mah en tur in min kuai her nghal bawk. A mit meng chu rilru natna leh thinrimna, ka kal san a hlauh vang a thlaphanna nen a rawn in pawlh nghal nuk.



" Nikhat em pawh a la ral lo, min kal san loh tur thu I sawi atang kha. Tunah engtin nge awlsam tak a I sawi theih. Engmah tih ve tur in ka phut lo che. Ka duh zawng chu ngawi reng a ka bul a lo awm chiah a ni. Chu chu a har viau a mi? " Min thing deuh nawk chuan a ti chhuak hrawk a. Tah in sum zet in ka hmui ka pet fan fan.



" Ka.... Ka thei lo a lawm. A hma kha chuan ka theih mai ka ring a mahse vawin thil thleng atang khan ka ti thei lo tih ka hre chhuak tawh. Ngawi reng a lo awm tawp har zia kha i hria em? A bik tak in ka nu rilru na leh keh chhe hmel ka hmuh hnu phei kha chuan! " Ka ti chhuak ve that. Ka tawng zawng te chuan ka mittui a rawn luang chhuak ngiai ngiai .



" Engvang in nge tum chhin pawh i tum ve miah lo a. Nge ni a min ring miah lo zawk? " A rawn ti chhuak hrawk. A mit meng chu a thim khup a. A taksa chu a tang nghal tawlh tawlh bawk. A mah ka rin lutuk vang in tun a tawp na siam ka ni tih hi a hre lo a ni ngei ang, mahse chu chu a tha zawk. Ka ring a ni tih a hriat chuan a beidawng duh dawn miau lo.



" Ka duh lo. Chuvang chuan kan in kar chu ti hian ti tawp ang! Ka nu leh pa rilru ti na tur chuan ka chak tawk lo a ni. " Ka ti chhuak sap.



" Kha kha i rilru dik tak a ni lo! " A rawn ti chhuak hrawk chu tawi te in ka nui sak.



" A ni a lawm. An hming ti tha a chawimawi tur zawk kan ni tih ka lo theihnghilh hman a , i hmangaihna leh i ngaigsakna, nilo.... Nang hian ka rilru i chawk buai vek a. Nang mah chiah ka ngaihtuah a ka hmuh che avang in enge dik a dik lo tih ka lo ngaihtuah ngai lo. Kan pahnih hmasial dun vang in mi tam tak rilru kan ti na tep a sin! " Ka ti chhuak halh.



Ka nu in min hrilh fe hnu a ka ngaihtuahna ka thak hram a. Mi thenkhat in midang tih nat ai chuan an nunna chung chang hialah pawh thu zep an nei thei a nih chuan kei ni hian kan hmangaihte tan kan thei ve em em a. Pa Muanawma tih ang chiah khan!



" Atthlak tak in nang nen suangtuahna ka nei ve thin a..."



" Nei ve thin..." Ka tawng lai pawt chat in a ti hmuk chu ka thaw hak.



" Mahse fim tak a ka ngaihtuah chuan kan hma hun chu a thim lutuk. Ka suangtuahna ah chuan engkim a dik thlap a, mahse a tak ramah erawh natna chiah! A nihna tak ah chuan suangtuahna leh a tak ram a lo in ang miah lo. Mahse chu suangtuahna chu a hlimawm si a.



Nun dik tak zawk kha ka hmu lo der hram a mahse ka thei tawh lo. Kan pahnih avang a rilru na an awm ngat phei chuan ka duh lo. " Ka ti chhuak leh sap.



" A nih kei ve hi? " A ti sup chu za lo zet in ka nui sak.



" A hma pawn I awm thei kha! Tunah pawi i thei leh em em ang! " A mit meng natna a khat a melh chuan ka ti sap. Nui chhuak hawk in min vawnna a thlah nghal ruai ruai.



" Midang nat hlau em em khan kei min tih nat erawh chu i pawi ti leh hauh si lo. Tawp i duh a ti rawh? A tha e i duh ang chuan awm mawlh rawh. Kei pawh ka duh dan in ka che ve ang. Tun tum chu min dang eng ang mah la awm zia a awm lo ang! " Nui suk in ti mahse a hmel rum ul leh mit meng thim khup chu a hlauhawm lutuk tlat.



Ka u chhuak tur chu in seh ruh ngawt ngawt in ka mittui kar atang chuan ka en a. Ka duh thlanna a ni a, ka in chhir tur a ni lo tiin ka in hrilh mawlh mawlh a. A chang in bul tan ka lo pawm pui kha ka thiam loh hul hual ang in ka hre bawk. Mahse engkim a nih tur ang a ni zo vek tawh. Ka hma sial vang a ka nu leh pa na tur ka ngaihtuah hian ka tuar thei in ka ring lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:11 pm

CHAPTER - 24 ๐Ÿ’˜ by Amy Cck


* REUBEN ZOMUANPUIA POV *


Ka nu zui chhuak a Nautei kal lai chu ka din na ngai a ding chung chuan in seh ruh tawlh tawlh in ka melh ngur a. Ka ti lutuk pawh a ni mai thei mahse a mah chan ka hlauh luatah ka duh ai ka kal thu hret in ka hre ve tho. Damdawiin a ka awm lai khan Opin min rawn hmu reng a. Tluangpuii nen kan in karah eng a thleng lo tih a hriat vang te pawh a ni mahna.


Mahse Nautei a thik avang leh tu hmeichhia bulah mah hian beisei awm a awm ka duh loh avang in ka hnar zel a. Tum loh thleng thleng in a hriat phah bawk. Mahse pawi tihna ka nei lo. Nautei nen kan in kar a ruk thei ang ber a kan kal pui a vang hian thil ho te ah kan pawh thik thu a chhe hma em em tih pawh ka hria.


Kei ngei pawn Sir Rema kan inah a rawn leng lut thin tih ka room a ka nu in min hruai chhoh phah a a sawi khan ka thin a rim nghal ringawt a. A bik in Sir Rema phei chuan Nautei nen kan in kar a hre vek chung pawh a Nautei a hnaih luih zel avang hian ka ngaina lo leh zual.


Sofa pakhat a thu thla dawt in ka pa min rawn thinrim khum hun tur ka nghak ta ringawt. Chiang tak in ka nu hian ka pa lakah engmah a zep ngai lo tih ka hria a. Tun a thil thleng pawh kha a hrilh ngei ka ring nghet bur. Kawngka rawn ri rakah chuan ka hawi vut a, ka pi a rawn nui lut sang.


Damdawiin atang a a rawn let ve chiah thu leh ka tha em tih rawn en a duh thu a sawi nghal zat a. A hmel atang chuan engmah a hre lo tih a lang nghal bawk. Ka hliam lai vel chu enkual in, in dim rih tur in min hrilh mawlh mawlh a. Ka room a chhuah san dawn chuan Nautei lo chhoh tir tur in ka hrilh nghal sup.


Luhlul zet in Kimkimi zawk a rawn kal chu ka thinrim nghal hlur. Kimkimin Nautei chu ei tur siam in a buai thu a sawi phei chuan in sum hman lo lek in ka vin hrawk a. A chhan pawh kan in chhungah hian Nautei hi a che ngai lo tih hre chiang tu ka ni miau. Kimkimi lawm lo hmel chu melh ngur in Nautei zawk rawn chhoh tir tur in ka ti leh ngut.



" Reuben! " Sofa nghenchhan ngheng a mit ka chhing chu min ko ri vang chuan ka meng chhuak a. Ka nu hmel ka hmuh rual in in seh ruh vak in ka hawi sawn nghal hmuk. A mit atang a tap tih ka hre thei, Tu vang nge tih ka hriat chian leh zual vang a en rei duh lo ka ni bawk.


" Thil sawi dun kan ngai a nia! Michin a thil thleng zawng zawng pawh kha! " Ti sap in ka bulah a raan thu thla a, ka thut ngai in kei erawh ka thu ngur. Ka nu a vawi khat nan a rilru ka tih nat sak a. Hreawm ka ti tak zet, mahse hnung tawlh erawh ka tum lo.


" Ka pa i la hrilh lo a nih ka ring a. Tunah chuan midang an awm avang in i hrilh hreh pawh a nih ka ring. Zanah kei mah ngeiin ka hrilh ang! " Ka ti chhuak sup.


" I hrilh a ngai lo. Chuan ka sawi tawh kha i nau nen in in kar chu tun atang hian tawp rawh se. Ka fapa i nih hi i nau chu i hmangaih tur a ni tih ka hria a mahse tun a.... Tun a I en dan hi chu a dik lo. Thisen in zawmna in lo nei lo a nih pawn I nau a la ni tho a, chhungkhat in nihna a bo chuang lo.


Nang chuan i rilru hmang tur i ni a sin. Mi mit mei zah a ngai a I hriat loh pawh in kan chhungkaw zahawmna hum nan tal pawh. " A rawn ti leh hap chu pik zet in ka thaw chhuak hawk.


" Ka thei lo, a hma chuan i ngaihtuah ang khan ka ngaihtuah ve a. Nautei lak a ka feeling pawh thup hlen ka tum nasa. Ka theih emaw ka ti hman hial bawk. Mahse a rawn thang lian tulh tulh a, kei leh kan chhungkua chiah a duh tawk lo ve tulh tulh a. Nula a rawn ni a, thian a siam a, kei lo mipa dang a hnaih chiah khan ka feeling khan a lo la bo lo tih ka hre chhuak a.


A hma kha chuan ka bulah chiah a awm avang khan ka lo hre lo mai zawk a ni a. Mahse tunah chuan ka thei tawh lo. Ka hmasial tak chung in ka neih a, ka bul a awm tir ka duh! Thil dang zawng zawng chu ka kal san thei ve Nautei ka bulah a awm dawn phawt chuan! " Ka nu lam hawi chuan ka ti sup.


Ka nu beidawn hmel chu hmu mah i la chu bak sawi theih ka nei tlat lo.


" Kei leh i pa pawh hi kan pawimawh zo lo a maw? I hma i sial ta hle mai. Mahse ka pawm pui thei chuang lo che. I nu ka nih loh thu sawi eng ang mah la kei chuan kei lo nu i nei lo ka ti tho ang. Chuan Angeli chuan in in kar tih tawp a rem ti a. Nang pawh hian i pawm lo a ni mai thei mahse i nau hi hnaih chin tawk nei ang che.


Ka dan theih chu i ni lo mai thei mahse i nau erawh a rilru a no em em a. Nang pawn I hriat kha. Buaina lian tham leh rilru ti hah vak thei din hmunah din tir suh. A hriselna pan zia pawh i hriat chian kha. " A ka nu chuan a rawn ti zuai raih.


" Angeli chuan min thlah bik lo ang! " Ka ti chhuak hawk.


" A tum dawn tih min tiam vek tawh. Kan hmangaih vang ringawt a kan bul a awm tir tum hi a fuh ber lo tih hre tur in ka duh che. Chuan I pa chu engmah hrilh ka tum lo.


Tunah rih chuan ka fanu ka rinnaah hian ka in nghat phawt ang. Nang pawh hreawm viau dawn mahse kawng dik thlang tur in ka la beisei fan che a nia! " A rawn ti dam leh dap.


Ka nu mizia chu a la ngai reng, a thinrim nasat pauh leh a tawngkam chhuak a dam a. Chu tih rual in thu thup mawi leh hliah a nei ve ngai lo. A lawm lo a nih chuan a lang chhuak vat ang chiah hi a hlim pawn a hmel a nung nghal sar thin. Chu a mizia chu Angeli pawn a nei ve bawk.


Ka nu thu sawi chu pawm ve chiah lo mah i la hnial buai ka tum tawh lo. A rilru a thlak dawn loh ang chiah in kei pawn thlak tumna ka nei bik lo. In hnuai lamah kan chhuk a, Nautei biak duh viau mah i la a mah zawk in min peh hel kual char char avang in zanah biak ka tum ta zawk.


Kimkimi pawh ngaihtuah buai lo in Nautei ka biak duh thu leh lo va chhuak rih tur in ka hrilh a. Nautei hmel buai nak ka hmuh te chuan ka hlau thawng in ka nu thu sawi kha a dik ang tih ka hlau ngawih ngawih a. Ka hlauh ang ngeiin ka mit a en chung in min hnaih a duh tawh loh thu a sawi a nih chu!


Thinrim leh rilru na zet in a room chu ka chhuah san a. Ka room a ka luh rual in bang ka hnek nghal chawrh. Ka taksa a tan tak vakah chuan ka dul min vihna a rawn thip nghal zawk.


" I duh emaw duh lo a nih pawn heti mai a tawp hi ka tum lo. I duh tawk in min hlat chu tum rawh! Ka lo en ang i thei chiah em tih! " Ti chhuak hrawk in za lo zet in ka then suk.

*
*

Thla khat lai engmah ti lo chuan a ral ve der tawh a, Kimkimi pawh nurse training tur in a kal tawh a. Nautei pawh class a tan leh na kar 2 zet a ni tawh. Kei nen erawh kan in be tam lo in chaw ei lai tih loh chuan kan in hmu meuh lo. Ka nu bulah pawh engkim a ngai ang a a awm leh tur thu ka sawi a mahse ka rilru erawh a la ngai reng. Ka nu hlim lo hmel ka hmuh reng theih loh vang a ni zawk.


Nautei erawh in min hel dan ringawt a ngaihtuah a. Kha tih chhung zawng khan kei pawn ka en liam ve zel a. Ka nu pawh in kan tawp tak takah ngai in a hmel pawh a pangai leh tah tawh a. Mahse a chang hi chuan Nautei nen kan awm dun hi a phal lo lek lek thin.


" Vawin chu hna kal ve i tum tawh a? " Ka room ah ka nu rawn lut in nui sang in a rawn ti a, ka nuih let ve suk. Ka kamis ka kilh mawlh mawlh lai chu min rawn tih sak nghal vat.


" Ka pa in he lamah awm ngheh i duh tih a sawi a. Kei mah ni vang a ni ti raw! " Ka ti sup chu za lo zet hian a rawn then sak.


" Nia, i pi pawh i pa leh nau in an han hruai dawn a. Thenzawl lam a factory leh hna chu enkawl tu dang an awm leh mai ang. Helamah nang i in daih lo a. Hospital lamah i rilru sawr bing la sumdawnna hi i pain buaipui se tih ka ngaihtuah a. I pa pawn a rem ti a. Chubakah ka fate vang pawh hi a ni bawk a. Chhungkua a kan awm theih chuan chu bak a hlu a awm lo, i hria ti raw? " Nui hak a a rawn ti chu lu bu nghut in ka then ve suk.


" Sum tam tak leh hmingthatna tam zawk ai hian kan hmangaihte kan bul a an awm hian nun chu a nuam in a hlimawm ber bawk! " Ti nawn leh sap in in hnuaiah chaw ei an peih tawh thu sawiin min chhuah san a. Kei pawh in siam mawlh mawlh in ka lehkha pawimawh ka ken tur chu ka ti fel zui nghal a. Ka room ka chhuah san, Nautei room kawngka in kau deuh atang phone a bia nge a tawng lang lang a, a thiante a bia a nih ka ring.


" Awii... Min ti phu! " Kawngka a rawn pawh hawn rual min hmu thut chu a ring bik lo a nih ka ring a phu chiam tak tak. Bang ngheng ngur a ka ding chu ka khi nghal suk.


" Ka pa nen ka pi in hruai dawn tih ka lo hria a. " Melh ngur a ka ti chu tawi te in a then sak a, lu a bu nghal nghat.


" A tha ti raw kan vaiin hetah kan awm dawn a. " A ti ve sap chu khi suk in ka mit ko ka san uk. Zawi muang a ding chhuak ruai ruai in a dinnna lam ka pan chu mak min tih hmel zet in min lo melh chho ha.


" Ni e! A tha viau kan pahnih inkar siam that nan pawh! " Ti sup in a hmaah ka ding khawng nghal luah.

" Ka nu in min hrilh a, engkim theihnghilh i tum tih! Chuan a hma ang a kan awm leh tur chu ka hahdam huai! " Ti sap in a nui lui leh sak.


" I ring sual deuh a nih chu! " Ka ti hmuk chu a rawn hawi nghal dawr. A hmai zawn a ka kun hniam rual chuan a tawl hnung det a, chu mi rual in ka kut chu a kawngah zen lut in ka lamah chuan ka pawt hnai nghal salh.


" Eng... Enge tih i tum? " Hlau thawng lutuk a a rawn ti thawp sap chu a mit meng chi ai zet a melh in ka then suk.


" Hman atang tawh in thil i hriat thiam loh chuan ka hrilhfiah thin che kha i la hria em? Tunah pawh kha tiang chiah khan ka tih leh mek. Kan pahnih hian rilru in ang kan nei tlat, ka nu leh pa rilru tihnat kan duh lo ve ve .


Kan ti na lo bawk ang. Kei nen kan in kar sawi chhuah i duh lo a, chu pawh chu ka pawm pui ang che. Tuman an hre lo ang. A hre tawh te pawn an sawi chhuak lo ang tih ka tiam ang che. Chu tih rual in kan pahnih inkar erawh a ngai reng. Kum tam tak chhung ka duh na che hi ka nu in vawi khat min hrilh vang ringawt a bo thei a ni ve lo. " A mit meng bial kalh a melh ngur chuan ka ti sup.




" Nang hi... I a em ni? Ka nu in a hriat leh chuan ka pa a hrilh tawh dawn a nia. Chuvang chuan kei chuan hnaih che ka tum tawh lo." Ti vak in min nem sawn a tum chu a kawng a ka kut chuan ka pawt hnai zual sauh a, ka taksa a rawn bawh nghal rawk rawk. A rim nu chek leh ngaihno bei zet chu hip lut vang vang in a beng bulah chuan ka thaw chhuak leh hawk a. A taksa a rawn tang nghal vak thung.


" Nangmah vang a nih chuan mi a nih pawh ka pawi ti lo. Ka ta i nih theih nan chuan engkim ka chan ngam ka tih tawh kha! Min hlat i tum pauh leh ka hnaih tulh tulh ang che! " Ti thawp sup in a nghawngah ka hmui ka nawr vang vang. He thu in ka sawi mai mai hauh lo bawk.


" Nang hi.... Ka nu bulah i thu sawi zawng zawng kha dawt tihna maw? " A rawn ti sap chu ka nui suk.


" Nang kal san kher chu ka nu sawi ngei ni mahse ka zawm thei lo! Min hriat chian kha, ka sawi tawh chu tih ngei ka duh thin. Nang pawh hi! Midang hriat kher i duh miau loh chuan an hre lo ang mahse ka ta i ni reng thin a, hman atang a tun thleng hian, chu thil chu duh mah la i thlak dang lam thei lo! " Ti zawi sup in ka sawi zawh rual in ka ding ngil nghal vut.


" In hmangaih te hi an awm dun kher a ngai lo i ti a ti raw? Kei chuan engti kawng pawh ka pawm ve lo! Chhuk ang min nghak reng a nia! " Ka kekawr ip zen hmuk in ka ti sup chu in seh ruh vak in min melh zui ram.


___________________________________________________


* ANGEL LALRUATPUII POV *


" Duh ka thlang fel tawh. Chuvang chuan i bulah ka rawn let tawh dawn lo! " Ka ti vin deuh that chu a kal lai a ding chawt. A rawn chet dan tur ngai chang in i ring reng in ka ding nghal at.


" Kan in ang a nih chu ! Eng thil pawh thlang la a tawpah chuan ka ta i ni tho ang! " Rawn hawi let lo chuan in ring tawk zet in a ti sup a. Step ah a pen thla phawk phawk chu melh mawl tawp.


" Tun tum chu i dik ka ring lo! " Ka ti zuai raih. Ka rilru ka siam fel tawh a. Kei chuan ka u a nih na ang bak in hnaih ka tum tawh lo. Ka nu bul a ka thu tiam a ni a. Buaina tam tak thlen tu nih ai chuan chu buaina lo thleng tur ka dan theih lai hian dang tu nih ka duh zawk. Ka hmangaih ve ngei a ni tih pawh ka hria mahse midang ka tawng a nga, kei pawh ka rilru a dang lam em em ang tih ka beisei tlat a. Midang ka duh san miau chuan ka u pawh a beidawng em em ang!

*
*

Ni a liam ve zel a. Mahse kan awm dan erawh a hahthlak zual deuh deuh hian ka hre thung. Lung dam vak lo in kan college a mi mipa pakhat Andrew nen kan in zui ve a, ka duh vang em em pawh ni lo, ka u lak a ka rilru ka lak pen nan ka ti mah zawk. Mahse kan class a in an loh bakah kan in hmu khat lutuk tlat.


Zingah ka u rual in class ka kal a, tlaiah min rawn lam leh thlap thlap a. Sawi thiam dan berah chuan in kawm tlangnel na tur in kan in hmu hman meuh lo. Phone a in text a nih tawp loh chuan. Vawi khat kan inah a rawn leng ve a, ka u a lo awm kher bawk nen zawhna tul lo zet zawt kual duah in rawn len leh chak lo hial in a siam a nih chu. Engtin nge a tih pawh ka hre nek lo.


Thla khat tha chiah kan in kawp reng bawk a. Ka u erawh engmah thleng lo ang mai in a ngawi churh a. Ka nu pawh a rilru a hahdam hmel tan viau. Kei in engmah ka sawi lang ngam tawh si lo. Ka nu hnenah ka u in a rilru a la thlak loh thu sawi ngat i la chuan ka pa a hrilh tawh ngei ngei dawn tih ka chiang bawk nen.


" I va hman har ve, i nu in han in siam pui rawh min ti a! " Ka room a Babyi rawn lut chuan a rawn ti lang lang a. Second semester exam zawh den chhen in chhungkua a picnic an rawt a. Chhungkua tihah chhungkhat lo deuh te pawh an tel bawk. Chung zingah chuan u Opi pawh a tel dawn. A chhan pawh tunlai chu ka u nen in zui hming an put deuh avang in. Mahse kei mah chiah in an in zui tak tak lo tih ka hre thung.


" Thawh ka hai a! " Ka ti rual in a nui chhuak hak.


" Thawh te chu i hai ziah a lawm. Tak ah sir Rema khu insawm ve a mi? " A rawn ti zawm zat chu ka melh nghal ha.


" Ka nu in a sawm a niang. A rawn leng ve thin a. " Ka ti zui zat. Tu tu nge rawn kal dawn ka hriat loh miau avang in sawi zui tur pawh ka nei lem lo. Ka in siam zo a, ka room kan chhuah san rual in ka u room atang in u Opi leh ka u an rawn in zui chhuak ve nghal. Nui lui sak in Baby chu ka kai a ka kal pui nghal daih.


" Kha kha... U Reubena bialnu a ni ti raw? Awii.... Ka duh theih zia chu, designer a ni leh nghal. A thawmhnaw design tr hian ka mit an la thei tawp. Chhelo bawk them thiam bawk. Bialpa chhe bawk si, a van vannei tak! " Baby thu sawi vang chuan ka tum bar.


" Kei pawh designing lam ka zir dawn. Ka thil design kha tiang khan duh ve ang che;" Ka ti hmak chu a nui nghal hak hak.


Kan cousin thenkhat te pawh an rawn thleng a. Ka pu te chhung erawh an in kawng lam kan tlanna tur a nih vang in kawng lakah in tawk tur in kan ti a. Sir Rema pawh chu kan be luam a. Ka nu in a lo va zawm ve tak tak. Kan chet sual ni min pui avang khan ka nu hi a lawm taap thei lo ni ber in ka hria.


" Angel... In va sawm zau awm em em ve! " Kawngka a rawn lut lam hawiin Baby in a ti chu ka ner nang.


" U Rinzuala te chu kan chhungkaw mi ang chiah a lawm. A ho lutuk. " Ti sap in ka u te ho din ba lam chu ka melh a. Dar 9 vel ah kan chhuak fel thei hram. Kan chhungkaw spot a nih avang in zan khat riah kan tum a, hna a an buai hlawm em avang hian tiang hun hi kan nei mai mai lo bawk nen kan phur hlawm viau.


" Awii... A nawm zia hi thla la tur in kal ang! " A hmun kan thlen rual in Baby in a ti nghal vak.


" Room ah in dah fel phawt ang! Kimkimi biak ka ngai a nia! " Ti leh a ban a kaih ka rual a. Babyi a phur fal tawh bakah, midang ho chuan pool lam a an kal tur thu an sawi avang chuan Kimkimi ka biak zawh a kal kal ve tur thu ka hrilh a. Babyi pawh midang bulah a kal ve ta zawk. J-i erawh tih tur dang a neih avang in a lo kal ve thei lo a, naktuk lamah kan riah dawn chuan lo kal ve a tum thung.


Ka phone chu loudspeaker a dah in ka thawmhnaw chu ka thlak a, Kimkimi nen kan in be tel bawk. Kha ti khawp a in ngeih lo kan in kawm thei ta phian chu midang pawn mak min ti fur. Mahse tunah chuan Babyi leh j-i tih lohah chuan ka kawm ber a ni tawh.


Midang awmna a kal ve tum a room ka kal pel pakhat a thawm vang chuan ka ding dat a. An vaiin in chiah dai tur in an kal vek tawh ka ring chu thawm ngai chang chuan ka ding deuh reng a. A reh vang vang takah chuan kal mai ka tum chu hmeichhe nui ri hak ka hriat leh vang chuan in her kawngka chu ka nem kau deuh a, ka thil hmuh vang chuan ka meng kawk in ka hmui ka hup bet chawt.


Ka u leh u Opi room chhungah chuan an lo awm reng a. Chair ah ka u a thut a, a mal chungah u Opi thu in duh thaw dun zet in an lo in fawp a nih chu! U Opi hnung zang ruak kang ka hmuh theih danah kawr a ha miah lo. Panty erawh a ha tih ka hmu.


Kawngka chu khar a kal sawn mai tur ka nih laiin ka che sawn thei tlat lo. U Opi chu ka u mal chung atang chuan ding in saruak ngal ngat chuan a ding a. Nui chhuak har har in ka u hmaah a thingthi thla riai riai a. In seh ruh nghek in min ka chhing sawk.


" I chhuk ve na nge? " Rawn ti thum dut tu vang chuan phu chiam in khawngka tlem ka hawn kha ka khar ri dawp. A chhung a mi te pawh khan an hre chiang viau in ka ring.


" Ih... Eng lo... Chhuk ka tum chiah a! " Ti bah niai in Sir Rema chu ka melh a. Ka thin phu rang dawt dawt vang chuan a thip thei zawk hial.


" A nih chu! Chhuk rual i la! " A rawn tih leh takah chuan bu nghat in ka nui lui sak. Kal sawn tum a ka chet rual in kawngka a rawn in pawt hawng a, ka u hmel tak ngur ka melh rual chuan ka taksa a khawng nghal at.


" I la awm ve a law? Tumah an awm tawh lo emaw kan ti a sin! " Ka u bulah u Opi rawn ding in a rawn ti a. Min melh ralh rual in min nuih lui sak. Nichin a ka u hma a a awm dan ka ngaihtuah let rual in ka ner sak.


" Kal kan tum chiah! " Tih leh sir Rema ban a vawn ka rual a. Ka kal zui nghal hlak hlak. Ka u mit mengah khan ka en thla a ni tih a hria tih ka hmu vek. Ni lo... An thawm ka hriat vang chauh in kawngka kha ka hawng.


" Heii.... Hei... Ding lawk la. I bawp tawi hle si i va kal chak reuh ve! " Sir Reman a rawn tih avang chuan harh chhuak zawk in ka ding nghal vat.


" Tihpalh lutuk! " Ka ti ta ngawt chu min nuih suk.


" I thik a ni ti raw? " A rawn ti sup chu ka melh chho nghal vat.


" Ai... " Ka ti zuai raih.


" Ka bulah chuan i zep kher a ngai lo a nia. Ka hrethiam vek che a lawm i hmel nur nang atang khan! " A rawn ti leh sup.


" Thik thei din hmunah ka ding tawh hlei nem;" Ka ti chhuak halh. Kei mah ngeiin ka duh tawh loh thu ka sawi a, hmeichhe dang a buaipui chuan lawm a thawveng zawk tak mahse ka na zawk tlat a nih chu.


" Enge i sawi awm zia? Nang ni unau hi... " A ti chu ka nui hak.


" Unau... Ni e! Unau kan ni , unau chiah. Kal tawh ang midang ho bulah! " Sawi thui duh lo in ka ti zui zat. Ni e.... Ka thik thei lo, sir Rema sawi ang khan unau kan ni, ka u bialnu chu ka thik tur a ni lo.


Midang ho kan zu pawh a, sir Rema a pawh u Mama te leh u Rinzuala te ho nen an in kawm thei phian a, a mal lutuk bik lo. Kei pawh chu midang ho bulah pool ah ka lut ve a. Tui chungah ball te kan beng a. Lalmama tui chhung a mi pawh luh thut a chin avang chuan kan hlau hlawm lutuk chu kan bul hnai deuh a a lo kal a piang in kan rak nghal chul zel a, a hlimawm let ling viau.


Rei fe hnuah u Opi leh ka u pawh an rawn lang ve hram a. U Opi hlim nui sang te chuan ka luak a ti chhuak zawk hial. Engtin nge kha tiang kha a tih theih tih ka ngaihtuah hian kei chuan ka theih ve ka ring lo a ni tawp.


" Nichin khan min hmu ti raw? Hahh... Lungngai suh ka thinrim lo a nia. Reubena nen hian kan in kar siam that kan tum mek a, i hriat loh tak in, hmeichhe khaw lo zet ah chuan min ngai suh. Kan in ngaihzawn lai pawn khai aia thui kan kal fo. Mahni unaupa ngei ngai zawng duh pawh in awm chawk tawh a nia! Khawvel chhiat tawh zia hi. " Ka bul a ding in a ti chhuak sap chu ka melh nghal nghek. A mit meng chuan min hmusit zia bak a ti lang lo.




Au ri that ka hriat rual in ka luah ball in min rawn fuh a, tui a per nghal chuai. Midang ho chuan ka that leh that loh min zawt nghal liam liam a, ka chauh deuh tawh hrim hrim thu sawiin pool atang chuan ka chhuak nghal daih thung. Dik tak chuan kha nu bul a awm vel kha ka peih thlawt lo.


Ka nu te ho pawh ei tur lam buai pui in an bo deuh vek tawh a. Pool ah chuan thalai rual chiah kan awm tawh. In tleuh fai tum in pool hnung lam bathroom ah ka lut phei a. Ka lu dawm in ka ner leh sak thin.


Shower chu herh haw in ka taksa huh vek tawh chu ka in phuh nawn ti sang sang a. Ka thawm hnaw ka phelh vek tawh hnuah mawl in ti zet in ka thaw hak. Ka shower gel leh sampoo , chuan towel pawh ka keng lut miah lo!


" Angel! I awm em? I na viau a mi? " Kawngka rawn kik karh karh chuan Baby in a rawn ti a, min ngaihtuah a nih ka ring. Kei pawh chuan ka that thu leh ka towel vel pool bul a ka bag ah ka dah daih avang in min lak sak mai tur in ka ti let ta zawk a, a va lak tur thu a sawi ve mai bawk. Babyi i lo kal chu ka vanneih tak zet.

" I va rei leh si ve, khawi sampoo... " Kawngka a rawn kik leh rual chuan hawng in ka ti nghal zat a, mahse Babyi ni lo in ka u zawk a lo ding run a nih chu. Kawr a hak loh miau avang in a awm sek phiar fatah chuan tui a bawl tek tek a, a dul zawnah erawh ser a awm tawh thung.


" Eng thil nge i tih hi? " Kawngka khar tum a ka pawt chu a ban hrawl leh tha ngah zet a rawn dang in a rawn pen lut nghal vut a, ka vin nghal that. Ka thawmhnaw ka phelh vek tawh miau avang in bra leh panty chiah ka in bel tawh leh nghal.


" Chhuak rawh! Babyi a lo kal dawn a nia! " Zam ru zet chung chuan ka ti leh vak a mahse chhuah tum hmel a pu lo. Kan awmna room a te in a chep bawk nen ka tang ti tih der a nih chu.

" A tha lawm! I duh leh awm rawh, kei mah zawk ka chhuak mai ang! " Ti kha leh fak in kal pelh ka tum chu ka ban rekah min vuan nawk in bang hit thler ah chuan min nem bet nghal rawk rawk a, ka tal ve nghal phat.


" Ka duh ka tih zawh hun ah chiah kan chhuak ang! " A rawn ti sup a. A hmel ka en chho chu ngeiawm zet in min then khum suk a nih chu. Ngei zet a melh nghek in ka tal nghal vak a, ka ban pahnih chu man bet in bangah chuan a nem bet nghal hmuk a, ka che thei ta hauh lo.


" Opi kha i thik ti raw? " A rawn ti sup chu ka ner sak.


" Teuh lo! " Ka ti let vak a, a ni erawh chuan in nuih za in sum zet in min en thung.


A kut leh lam chu muang chang a rawn lek chhuak in a kut tang sei thlarh chuan ka hmai tlang a rawn zut nghal ruak ruak a. Zawi muang a a kut chu sawn thla zel in ka hnute zawnah a tawp chat.


" Eng thil nge tih i tum? " Hlau thawng lutuk in ka ti nghal vat chu mit min san khum uk a, lo en la i hre mai ang tih melh in min melh zui bawk.


" Engtiang pawh a nasa in min hnar mah la kei chuan chu mi let chuan ka hnaih zel ang che ka tih tawh kha! " Ti sup in a kut chu a sawn thla ruai ruai a, ka panty chhungah a zen luh rual in ka ip nghal chawi.


" Eng thil pawh tih la ka rilru ka thlak dawn lo. Min thlah rawh, i duh leh i bialnu kha han khawih rawh! " Seh chilh zet a ka ti chu then suk in lu a thing ngut ngut a, a kut chu ka hmeichhiatna zawnah a ti che nghal zat a. Ka mal chip chawiin ka tukhum in bang ka nawr nghal vak.


" Khawvel a ka duh ber hetah i awm a midang chu ka ngaihven lo!" Ti sup in a kut tang chu a ti lut nghal zawt a. Ka rum chhuah hak rual in a ni a nui suk thung. A kut chu a chet zui nghal a, thawm ka chhuah leh hlau chuan ka hmui ka pet fan fan a. Ka tai bawr rawn za chuai chuai vang chuan ka ding nghet thei tawh lo, ka thazam a rawn mar at rual in ka rak that a, mahse ka hmui chu rawn khar chilh in min rawn fawp nghal tawn tawn a nih chu.


Chumi rual in pawn lam ah thawm a awm nghal a, ka meng buai nghal vek. " Angel! " Pawn lam ah Baby in a rawn ti chu ka taksa hi an hit nghal vek. Hetiang a ka u nen min hmu a nih chuan a pawi ngawt ang!



* ZAWMNA *




" Angel! Lo hawng la? " Kawngka rawn kik kharh kharh in Baby in a rawn ti leh a, kei erawh ka u taksa rin chhan a ding in thawm chhuah hlau zet in thawk ka leh halh thin. Ka u hmel rum zet a ka melh chho nghek chu hlauh thawnna nasa lutuk in min luh chilh nghal.


" I thiannu hi kan hrilh hre ve mai dawn em ni? " Rawn kun hniam in ka beng bulah a rawn ti sup a, ka hmeichhiatna chhung a a kut tang chu a tawp nan ti ang hrim in a rawn kawm lut deuh hmuk , in rin hman lo lek in ka te chhuak that a, chu mi rual in rang zet in ka kut pakhat in ka hmui ka hup a, leh lam in ka u ban rek lian zet chu ka hmer nghal ngawt ngawt bawk.


" Ngati nge? Angel I tha em? Kawngka hi lo hawng teh. Min ti hlau thawng a nia aw! " Ti vak in kawngka a rawn sawi a, a aw atang pawn min ngaihtuah vang in a hlau thawng tawh tih ka hre thei.


" Mi.. Midang ka va ko dawn! " Babyi tah chhuak leh hlau thawng aw in a ti rual in ka beng bial nghal kawk a. Babyi chu ka ko nghal vak. Ka aw lawi deuh rat leh khur ru deuh vang chuan min chhing sawk in ka ner nghal sak bawk.


" Ti nge min chhan vat lo! Lu hai in I tlu a maw ka ti hman tawh a lawm. Min ti hlau thawng lutuk. " In sut faih a tiin kawngka hawng a ka thil lak tir min pek a tum thu a sawi nghal zat. Mahse kawngka ka hawng a nih chuan kan awm dan hi min hmu vek dawn a. Chu chu thlen tir ka duh si lo.


" Ohh... Ihh.... Ran nung ka hmu a, thawm ka siam lawk ngam lo a nih kha. Ka bag kha a chung atang hian min lo pe mai la! " Zang khai vah in tih ka tum a, mahse ka taksa hnuai lam a, a kut chet zauh zauh tu vang hian ka seh chilh leh nak thin chu ka ner zui sak.


" I mawl a mi? Ka ban pha hlei nem! Lo hawng vat mai teh! " Babyi vin deuh hlar ka hriat rual in ka taksa atang chuan a kut tang chu zawi muang in a la chhuak ruai ruai a. Ka u a in lak hran rual chuan ka thaw chhuak zui hak. Ka hma a mipa mit meng sexy zet leh nuih zal in sum hmel pa zet a min melh tu chu I la chak lo ang tih melh in ka melh thung.


" Lalruatpui hmanhmawh ve teh! " Baby in a rawn tih bak leh hlar chu ka hawn tur thu in ka chhang ta tawp. Ka u chu kal pel in kawngka lock chu ka hawng a, zim te tak tak in.


" Khawi... Ka thil.. " Nui lui sak in ka ban ka phar chhuak nghal.


" Kha... Engkim chu a tha vek ti raw? " Ka bag in pek pah in a ti leh hram , ka that thu ka sawi hnu chuan a kal sawn zui nghal a. Bathroom kawngka ka pawh khar rual in ka thaw chhuak zui nghal halh.


" Engvang in nge ka awm ve tih i sawi mai lo a? " Nuih in sum zet a ti sup tu chu thinrim mit meng ling hlar in ka melh thung.


" Engtin nge kha tiang khan ka thiannu awm laiin min khawih theih? Lo... Lo hre chhuak ta se... " Zawi si vin deuh hlar a ka ti chu min rawn pan hnai leh hrut vang chuan kawngka ka ngheng nghal rawk rawk. Ka awm dan chu min nuih nghal suk bawk.


" Tumah hrilh ka tum lo kha chu ka ti ngei a, mahse an hre chhuak tal a nih chuan pawi ka ti chuang hauh lo! " Ti sup in a sam tuiin a phuh huh ve chu a tuai nghal phawk a. Beidawng bawk si thinrim tun chuan ka thaw chhuak hak.


" Eng pawh ni se, chhuak rawh! In..inbual ka duh! " Ka ti kha ta fak.


" Nope! I lakah hian beisei ka la nei! " A ti chhuak hluk chu rap lutuk in ka melh a. Ngeiawm zet a min melh in mit a rawn siai suk chu rang lutuk in kawngka kalna kha open in tlan chhuah tum a, ka in her chu ka kawngah rawn vuan in min pawt lut zui nghal nawk a, ka rak that. Mahse a kut lian zet in ka hmui a rawn hup bet zui nghal hmuk a tuman an hre hman lo ang.


" Ka lak atang hian i tlan chhe thei ngai lo ang Naute! I duh chuan au rawh, midang hriat pawi ka ti lo ka tih tawh kha! " Ka beng bulah hnung lam atang chuan a rawn ti zawi sup a. Nui suk in ka hmui a hupna chu a la sawn nghal ruai ruai.


" Min thlah rawh! Suala.... Min kal tir rawh ka tih chu! " Ti vin hlar in hnung lam atang a mipa lian zet min man bet tu chu ka vin ve hlak hlak a. Min kal tir tumna a neih loh hmel lutuk chu ka tah te hi a chhuak ut ut hial.


" Thil min tih sak a nih chuan ka kal tir ang che! " Hnung lam atang ka beng bulah a rawn ti leh sup chu ka che ka tawp chat.


" Eng! " Ka ti vin that chu a nui suk tih ka hre thei.


" Damdawiin bathroom ah i tih ang kha! " A rawn tih sup rual chu ngei lutuk in ka tal zui nawk nawk nawk.


" A teuh lo. I duh leh i bialnu kha tih tir rawh! Khawi maw.. Min thlah teh ka tih chu! " Ka ti zui chiam chu rum chhuak nghut in ka kut chu a rawn man bet a kan hma zawn kawngkaah chuan a pahnih in a nem bet nghal rawk.


" Vanduaithlak tak in I duh emaw duh loh pawn I ti dawn! " Ti chhuak hmuk in ka mawng zawnah chuan a kap ruh deuh tul chuan min rawn nawr nghal hrawk a. Engtin nge hetiang em em hian a sual theih zawk. Hmeichhe dang a kawp tawh reng chung pawn tiang hian engtin nge min tih theih! Ka ngaihtuahna ah u Opi nen room a an awm dun lai a rawn lang nghal zat a, mit ka chhin sawk rual in ka mittui a hnam ve sawk.


Ka hnung lam atang a ka taksa a in hri thla mek tih hriat zet a rum dur dur ri te chuan min ti na ngawih ngawih. Mahse tan ka khawh in awmzia a nei ve lo. In seh ruh ngawt ngawt in a duh tawk hun chu ka nghak ta tawp.


* sensor *


" Hmeichhe dang i neih tawh kha, engvang in hetiang hian min tih ? " A chhuak tur chu ka tawng vang chuan a ding dawt a, a rawn hawi let nghal vut.


" Hmeichhe dang chu nang i ni ve miau lo. I zawhna ka chhang in ka hria! " A ti hmuk chu ka kut ka hum tawm nghal ngawt ngawt. In seh ruh nghek in ka melh nghek a, thawmhnaw ka in bel loh lam in ka rilru a luah tawh lo.


" Hetiang a I awm hian kan in ti na tawn mai mai tih i hre lo a mi? Ti nge min kal tir mai thei loh! " Ka ti ta tawp chu a rawn nui suk a. Mahse a za lo ngawih ngawih.


" Ti chuan hlim tak in kan nun ve ve kan hmang a nga maw? Nang chuan i ti thei leh mai ang tih ka hria. Midang nay hlauh vang mai mai a min kal san thei kha i ni miau a! " Ngeiawm rawng kai zet a a ti hmuk chu ka in hum ruh zual sauh.


" Vanduai thlak tak in kei chuan ka thei ve lo. I duh tawk in midang mit mei chu i veng thei ang. Midang in kan in kar pawh an hre lo ang. Mahse thu dik erawh chu nang hi ka ta chiah i ni dawn. In ti fai rawh, awm rei lutuk lo la, i damlo ang! " Ti hmuk in a pen chhuak zui nghal vut chu beidawng zet in ka melh ringawt


Ka taksa sil thum chu zawi zet in ka ti fai a. Ka ban rek duk deuh, mahse nasa lutuk lo ka hmuh rual in ka thaw hak.

*
Ka muhil tui lai chu tawng leh thawm ri vang chuan ka meng chhuak riai riai a. Khua a lo thim vek tawh. Pool atang a ka chhoh khan room ah ka lo muhil daih a nih hmel.


" E... Lo kaih thawh che ka tum chiah a. Chaw ei a hun tawh a. I nuam vak lo mi? Room ka rawn luh in i lo muhil sia! " Ka thawh chhuah rual in Babyi chuan min lo be nghal vat.


" In lo chho ve chiah a maw? " La ham bai bai in ka ti sap chu a nui chhuak hak hak.


" Teuh lo... Rawng pawh kan rawn bawl vek aw. A nuam reuh e, naktuk haw pawh ka la ui. " A ti zui nghal zat chu ka nui ve sak.


" Kan kal leh hun ah i lo kal ve ziah dawn nia. Naktuk chu ji a lo kal ve dawn ta em? Ka la be leh miah lo! ' ka sam vial tawm mawlh mawlh chuan ka ti nghal a. Vawt ka ti deuh vur leh nghal.


" Awii.... Ngati nge i kut hi? A duk a nia. Engtin nge i tih duk a? " Ka sam ka bawk malh malh lai chu ka ban rek a rawn vuan in a rawn ti chul a. Ka meng buai nak hman a mahse ka in siam tha leh vat a, Babyi en chuan ka nui lui sak bawk.


" A nih hi! Pool a kan chen lai khan , ka ti palh a niang! " Ti sap in ka tuai zui nghal vat.


" Tak tak maw? " A rawn ti leh ha chu mit ka san ak.


" A ho lutuk tumah hrilh suh a. Tihian a reh ve leh mai ang. Ka in tih palh hlek hi a lang sar thei lutuk tih i hriat tawh kha. Midang in an hriat chuan min ngaihtuah leh a nga, ka in fiam emaw vel min khap leh mai ang! " Midang a hrilh hlau thawng ru zet chuan ka ti zui vat a. Ka kut melh reng chung chuan lu a bu ve nghat.


" Mahse damdawi a awm lo a mi? " A rawn ti leh hram.


" A ho lutuk ka tih kha. Chhuk ve tawh i la! " Ka kawr lum la chhuak a hak pah chuan ka ti a, in hnuai lamah kan chhuk zui nghal. Vanneih thlak lutuk in ka cousin te ho hian kei aiin Babyi i an kawm ngaih thiam em tih tur khawp in an en hrang lo a. Chuvang a nuam ti pawh a ni ka ring.


" I nuam sam lo a mi? Tui i chen zo k rawn chho kha i reh vang vang a! " Ka pi in a rawn ti chu, ka that thu leh ka mut thilh a chhuah vang in ka chhang ve mai a. Ka hriselna a pan bik tih an hriat vang hian mi hi an ngaihtuah hma thei bik hrim hrim a, ka chhungte ho hi chu an vai mai hian ka tan an tha em em vek. Chuvang chuan engtin nge tih nat emaw ka tih mualpho theih ang.


Dawhkan bul a chair a thu in midang ho rawngbawl chu thla ka lak sak kual vel a. U Opi pawh midang ho chuan an ngaina hlawm viau. Ka u bialnu neih an hriatpui hmasak ber a nih vang pawh a nih ka ring. Ka nu pawh in a fak viau leh nghal. Ka u in nupui nei vat se a rilru in a ti tih ka hria. Hetiang a hlim hmel lu deuh ang hian awm mahse a rilruah erawh a la hahdam zan lo tih ka hria a, ka khawngaih in ka in thlahrun phah.


Chuvang chuan ka nu bulah ka u nen kan in kar ka ti tawp ang ka ti a, ka thu tiam chu ka hlen thei em em ang. Ka u in midang chu ngaihtuah ve lo mahse kei chuan ka thei lo. Midang zawng an hlim dawn chuan ka theih chen a piang chu ka tuar mai ang tiin ka rilru ka siam fel tawh.


Kan raawngbawlna ka u a rawn luh phei rual in ka in sang mar nghal vak. U Opi bulah va ding eng emaw a va hrilh ru sup a, kan hriat ve phak si loh a in bia in an kal hrang nghal daih chu ka melh zui vang vang.


" Enge i en? " Ka hma a kut rawn hmet ri khap a ti tu vang chuan ka phu nghal dawr. Lalmaman min nuih nghal vak vak chu a darah ka beng nghal hlak.


" Ehee... Hei hi ti nge? " Tih leh ka ban bawk chu rawn vawn a rual. Rang lutuk a pawt let in ka kawr ban chuan ka khuh nghal vat. Mahse sawt lo tak a ni. Ring leng lawng in ka nu a hrilh ta mai a nih chu.


An rawn en rual in chhuan lam ka siam nghal vat a. Tui chhungah kan in fiam, in pawt kual nasa lutuk tiin ka tang tlat a. Min hau zui vak leh nghal. Min hauh lai tak in ka u bawk chu a rawn lut leh a, ka melh rum ngei mai.


" Kha... I damdawi, i theihnghilh dawn! " Tih sup in ka hma zawn dawhkanah chuan a rawn dah a. Tui min thlit sak zui nghal . Engmah ti lo leh hre lo ang mai a a awm chu chum tawk ka chak hluah hluah.


" I la ei na nge? Chaw kan ei tep tawh hi! " Ka nu in a rawn ti zawm nghal . Tum bar in damdawi chu ka ban a ka dawlh zui nghal.


" Nu.. Kan va chhuak lawk dawn a nia. Chaw min lo ei san mai ru. Midang ho hi an ril a tam tawh ang! " Ka nu lam hawi a a ti sup chu ka nu in an kalna a zawt nghal zat a. Opi nen an chhuah lawk tur thu chiah sawi in a kal chhuak chu ka ngaihtuah ru viau a mahse ngaihtuah lo ka tum lui hram hram.


A sawi ang tak tak in chaw ei kham pawn an la rawn let lawk lo. Upa ho leh thalai ho kan duh dan a in an loh avang chuan kan in hnial deuh nak nak a. A tawpah chuan a duh zawng in chhungah big screen a movie en, thalai ho erawh in pawn lam thla eng hnuai a mei pui chheh kan tum thung.


Ka nu rem ti vak lo chung ka kal chhuak ve a. Pawn lam chu a vawh vur vang in hritlang ka kai a hlau a. Mahse midang ho an kal ve a, inah aam bik ka duh lo ka to tlat a a phal ve hram.


Spot ram mawng lam hmun zawl deuh lai ah chuan mei lian zet a tuah in, guitar nen nuam ka ti hlawm viau. Fiamthu te kan thawh nak nak a. Kan awm rei deuh hnu chuan kan zing a pakhat chuan bear a rawn phawrh ta mai. Midang ho pawh chuan an hre sa a ni chek ang chu an au dar dar a, kei leh Babyi erawh ka hawi lawl lawl a ni ber.


" In duh ve chuan in ve u la, in in ve loh pawn papuia te, midang ho bulah sawi awi lo. Unau vek kan nih hi! " An ti zui nghal zat a. An vai mei chuan min melh deuh thap bik leh nghal. Kan chhungkaw vua leh vang ho hi kan in kawm tawk hlawm fu ka tih tawh kha. Christmas vel ah pawh thian dang ngai lo hian an hmang ho mai thin a. Kei chiah hi ka bang thin thung. Chuvang chuan ka sawi an hlau a nih ka ring.


" Angeli te chuan a sawi dawn lo. Mahse tumah rui khawp in in awi loh! " Lalmaman a rawn ti zui vat a. An vai mai chuan an bear cain an dawm far a. Babyi pawn a in ve tho. Bear te chu hmeichhe lam tan pawh a tha an la ti ham ham zui leh nghal. Hahthlak hlawm hian. Kei erawh in thei tui ka in thung.


" Angeli chu pa Nunsanga leh nu Kimtei te naute a la ni miau a. A chhuak khat si an naupang chhe en reng dawn a nih hi. Kan bulah pawh awm nuam a tih ngai loh hi. Ngaihzawng te hi i nei ve em? I neih pawh ka ring lo. " An tawng duh ta hlawm lutuk chuan fiamthu in min kap deuh sek a. Min tih thin dan a nih avang in ka haw lem lo. Ka nui liam ve mai mai a. An rilru tak tak chuan min ngaihtuah em em vek tih ka hre miau.


" Tak in. .. U Reubena leh U Opi kha an in ngai zawng ve tak tak a ni kha ti ru! Mak in ti ve em? Kan naupan lai atang in u Reubena hi ngaihzawng a neih hi ka hre miah lo! " Pakhat chuan nui chung hian a rawn ti a, midang ho pawh chuan an pawm bawk a niang an lo sawi zui liam liam.


A then in Dr Tluangpuii nen christmas lai a an lo sawi zawm ve zauh tawh vang in an ring hlel bawk. Ka awm ve tih ngaihtuah lo lek a an sawi thui peih ta lutuk chu ka thutnaah ka lo thinrim ve hlur.


" Angel, vawt i ti a mi? I hnar a sen hler mai. " Baby in a rawn ti sar sar chu ka hnar ka tuai nghal vat.


" A vawt tan deuh a nih hi! " Ka ti tha ve mai.


" Hei... Angel in ve rawh a vawt i ti lo mai ang. A tui chi a nih hi. A hiar ve lo! " Ka cousin te zing a pakhat chuan ti sap in ka lamah a rawn theh phei a. Enge ka hriat ni ka ban ve ringawt.


" A in ve thei lo ang, a damloh kha! " A then in an rawn ti zui zat a. Thaw hak in ka in ve thuai. Engkim ah min veng thawng leh ka thil tih min khap ziah chu ka tih el ve deuh bawk nen. Tui ti lem lo tak chuan ka in zo thak.


A dang in leh ka tum chu Maman min rawn lak sak a, mahse ka tih luih tlat avang in min dang ngam ta bik lo. Vawi khat in naah bur hnih ka in zo thak chu ka lu a ti hai nghal muai muai.


" In tawh suh! Lo kal rawn ka hruai chho ang che! In in tir ve a, ka pa ten min man chhuah chuan kan tuar vek ang! " Maman lawm lo zet a tiin min kaih thawh a rual a. Kei erawh an hmel hlau thawng hlawm lutuk vang chuan ka nuih a za tlat a nih chu.


" Ngati nge in ngawih thap a, in nuih zat thlak hlawm lutuk! " Nui hak hak in ka ti a. Maman min kal sawn pui lai te chuan ka lu hai lutuk vang in ka kal pai leh nak thin. Baby in min rawn zui a tum a mahse Maman a ruk a room a min dah a tum avang in lo kal ve lo tur in a ti a. Kei erawh ka ngaihtuahna a nawi em em vek.


" Mamm.. Pool ah kal ang! Zanah hi a nuam ngawt ang. " Tih leh pool awmna zawn ka thleng chu tlan ka rual a. Mahse ka kawr banah a rawn pawt chawt a, ka ding ve chawt.


" A ngai lo! A vawt si room a ka dah che a nga muhil vat rawh. " Ti bui bui in mai kal sawn pui a tum chu ka ding lui tlat.


" Rei lo te tal min kal pui loh chuan ka pa te bulah bear in in kha ka sawi dawn! " Tum bar in ka ti zui nghal chu a lawm lo ngang mai.


" Nang pawn I in ve reng hi. Tawng thei viau suh. Ka farnu chu ni lo la ka kal san daih ang che. Rui nawi si! " Min ti khang lang chu a ngal charah ka chhuih nghal chawrh a, a na ti chu a rak thawt a, a bai nghal auh auh zui.


" I duh leh min kal san rawh. " Ka ti zui vak chu ka banah min la rawn pawt hram.


" Eng thil nge in tih a! " Rawn ti sup ri kan hriat rual in Mama nen kan hawi rual vat a. Ka pai deuh khat khat chu Lalmaman min min kuah bet nghal chawt.


" Engmah! Rawn chhoh kan tum chiah a. " Mama chuan a ti vat a. Sir Rema chu a hlauh hmel em em mai leh nghal. Thil ti sual ang mai.


" Aii. . Kan lo la chho dawn lo. Pool ah kan la kal dawn. Chubakah Mam kan ruih hi min lo man chhuak ang! " Ka ti bah deuh nak nak chu rang lutuk in Maman ka hmui a rawn hui nghal.


" Ngawi rawh! Engmah sawi suh! " Ti leh min rawn melh a rual chu meng khup zal zal in ka irh fiak nghal ak.


" I van hah thlak reu tak! " Min tih leh rual chu ngei lutuk in ka nem sawn vak a, kei mah a ka ding ngil zo leh lo chu chhuat charah ka thu thla chawr a, ka rak that.


Rang zet in Mama leh sir Reman min rawn buai pui a. An hmel hlau thawng hmel vang chuan ka nuih bawk a za leh nghal. Ti nge ka nuih hi a zat hma em em lah ka hre der lo.


" Ti em em a rui hian eng tin nge i in tir theih? " Sir Reman min rawn kaih thawh tum pah chuan a ti sup a. Kei in thawh duh lo in a kut ka lo beng per sawr sawk.


" A mah hian a lawm! A thu a suh lutuk a! Ka nu ten min hau ngei ngei dawn a nih hi! A rui chhe si" Lalmama tawng dan vang chuan lawm lo zet in ka ner nang.


" Ka rui lo a nia. Ka rui lo hrim hrim. Ka lu a hai ringawt a lawm. Pool bulah rei lo te awm lawk i la ka mu ang ka ti reng a, i phal lo a nih kha! " Ti leh lalmama melh rum ka rual a. Sir Rema tih ngaihna hre lo pawn min en tawp.


" Awlee... Tho la, kan kal dawn nia. Vat in! " Tih leh min kaih thawh mai a tum chu ka duh leh tawh tlat lo.


" A hma pawn min kal pui peih lo kha. I rual in ka kal dawn lo. Kei mah pawn ka kal thei! " Ti vak in thawh ka rual a, pai deuh khat khat chuan ka kal zui nghal. Ka mit phe leh ruai thin vang chuan ka khap leh fak fak thin. Ka kal lai chu tu emaw hian puan hian min rawn khuh a, ka ding dat.


" I lo kal ve peih a mi? " Sir Rema melh ha a ka ti chu rei lo te chu a hman tih min hrilh a ka nui nghal ver ver. Min rawn khuhna pawh kha puan ni lo in a kawr lum hak zawk a nih chu.


Kal pah chuan Lalmama ka rel zui nghal niah niah a. Enge ka sawi ber erawh kei tak ngial pawn ka hre lo. A tawpah chuan ka duhna takah ka awm a mahse ka ngaihtuah ang in a nuam ta hauh lo chu ka tum bar.


Thli vawt zet chuan min rawn chhem leh heuh heuh thin. Sir Rema kawr lum kha ka in thawlh tha sauh sauh a. Pool sir ah chuan rei ren rawn ka ding ta ringawt. Ka lung rawn chhe ringawt chu duh lo viau mah i la ka nuih zal in sum thei lo ang chiah kha a ni.


Thu tung hnak in ka khupah ka chal ka nghat a ka tap ta ngawt. Sir Rema chu ka bulah a rawn thu hniam ve a mahse a mah ngaihtuah lek lo a tap in a kawr lum ka hak ban te chu ka mittui in a ti hnawm vek.


" I u chungah lawm loh na i nei leh a ni maw? " Nui suk in a rawn ti a lu ka thing nar nar.


" Ka va awi chiah lo ve! " A rawn ti leh sup.


" Ka nei lo. Mahse ti nge ka rilru hi a hreawm em em. Chhunah kha chuan ka in sum a ka la tuar thei reng si a. Tunah hian ti nge hreawm ka tih em em? " Ka ti chhuak tiau. Sir Rema chu ngawi reng in ka tah chhung chu ka bulah a awm a. Ka tah chhan tak hi kei pawn sawi tur ka hre lo. Ka bear in kha ka mawhpuh ve ngawt bawk.


" Hman atang khan ka tah hian ka bulah u lo awm ve thei ziah! A mak ti raw. " Thaw hak a ka ti chu a nui suk. Kei pawn ka nui hak. Ka tah na avang in ka hnar lah chu a ping em em mai leh nghal.


" Ihh... Ka nun buai chuar ta nuai a ta hi chhuah ka duh ngawih ngawih. Engtin nge ka tih ang ka hre bawk si lo. " Van lam hawi chuan ka ti chhuak halh.


" Ka puih i mamawh chuan i tan ka awm reng a nia! " A rawn ti sup chu ka nui hak. Mi dang ho pawh ka tan an awm vek a mahse tun a ka buaina hi chu tumah hriat tir ka duh lo.


A vawh bakah a tlai tawh em avang chuan in lam kan pan a. Ka rilru pawh a harh sawt viau leh nghal. In chhung kan luh rual in ka nu te pawh be kawi lo in room ah min hruai tlang nghal a. Khum chungah ka thu tawm deuh chal chu khum tlang a rawn thu in phone in mi a bia a. Mama a bia in ka hre deuh chu ka lo en kar.


" Mama te ho pawn an rawn chho dawn. A ngaihtuah che bawk a, I muhil dawn tih ka hrilh lawk a nih kha. " A ti sup chu ka ner nang.

" Ka mut pawh a la chhuak lo! " Ka ti hmak chu a nui leh suk.


" A nih chuan enge i tih tak ang aw. A tlai tawh thaw khat viau a nia! " Nuih in sum zet a ti chu ka melh ralh a. Ka room kawngka zawnah mipa aw thum bul bul ka hriat rual in ka thin a rim thar ta tlat. Rang zet a sir Rema chu hnaih in a biangah vuan in ka fawp nghal chawt .


Chu mi rual in kawngka a rawn in nem hawng a, ka u a rawn pen lut ka hmuh rual in mit ka chhing nghal hmak. Sir Rema pawh chu chet ngaihna a hre lo. A khawng deuh awt ringawt. Ka in lak hran rual a ka u ka va melh chu , lo en lo law law i la tih ka ngaihtuah nghal.


A mit meng chu a rawn thim dur khup a. Sir Reman ka hawi na lam a hawi rual in a thaw chhuak hawk. Ka u rawn pen hnai vut rual in sir Rema chu a ding ve nghal a. Sir Rema kawr awmah chuan a tham nghal nawk.


" Khawih miah suh aw! Kei man ka fawp hmasa a nih kha ! " Khum chung a ding in ka u ban ka vuan a ka ti ve ngat.


" Tak zet che hian! " Ti hrawk in Sir Rema a vawnna chu a thlah a. Ka lam a rawn hnaih hrut rual in a ner sawk.


" Nang phiang sen hian i lo hrai rui a maw? " Lawm lo lutuk a ti hrawk in tumah kan in ring hman lo a kut chu a vai nghal fua a, sir Rema pawh a pai nawk. Khawih nawn leh tum a a kawr nghawng a a tham leh nawk chu sir Rema lah chuan a lo la nuih sul zui. Thil thleng vang chuan ka harh kawk maiin ka hria.


" Reuben eng thil nge thleng hi? " Kawngka lam atang ka pa aw thum sup in a rawn ti hmuk chu ka hawi nghal dawr. A bulah ka nu rawn lang ve nghal a. A hmel a hlau thawng nghal ngawih ngawih bawk.



๐Ÿ’˜๐Ÿ’˜ ka hul ngang a ni mi hrethiam teh u๐Ÿ˜ญ๐Ÿ˜ญ ka ngaihtuahna a chawl duk a maw. Hul tih piah lam a ni tawp. Zan kar thlak a ka dahh chung pawh hian type tur hi ka hre mu mal lo chu ka ti chiah ngam lo a mahse ka ngaihtuahna ang hian ka ziak chhuak thei lo๐Ÿคง๐Ÿคง chawlh rih a, tha thar a rawn ziah leh te ka rilruk rum rum. Zep lo chuan a nih tur ang in ka ziak chhuak lo ang tih ka hlau a nih chu๐Ÿ™๐Ÿ™

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)