LOVE IS NEVER ENOUGH by Amy Cck (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: LOVE IS NEVER ENOUGH by Amy Cck (Completed)

Unread post by Ngaia » November 1st, 2020, 2:16 pm

CHAPTER - 25 πŸ’˜ by Amy Cck



( 24 a a zawmna nizan a ka dah in chhiar loh chuan chhiar ru aw😁) SUNDAY BONUSπŸ’˜πŸ’˜


* REUBEN ZOMUANPUIIA Pov *


" Ngati nge Angeli hi i la thlah fel lo a hriatna ka neih tlat a? Angeli i en dan a tang hian ka hmu thei thin! " Passenger seat a thu in Opi chuan a rawn ti sap.


" A lo lang viau a maw? " Ti sup in ka then suk.


" Reuben! " Opin a rawn ti vak chu a lam hawiin mit ka san uk.


" Nautei ka thlah ang ka tih lai ka hre miah lo. Ka sawi dik em? " Ti sup in ka melh chu a meng buai nghal nak.


" Mahse in chung chang tu man hre lo se i duh thu i sawi vek tawh kha! Engkim in ti tawp tihna a ni mai lo a mi? " Zawhna mit meng chuan a rawn ti zui nghal zat.


" Tuman hre lo se tih chu ka sawi a , mahse kha vang khan engkim ka theihnghilh tihna a ni hran lo. " Ka ti leh sup chu thinrim mit meng ling hlar in min melh nghal rawm.


" Angeli thlah i tum chuang lo a maw? A nih chuan kei hi i tan enge ka nih ve. I lak a ka rilru put hmang zawng zawng hi i hmu lo der vek thei a nia. I lo sual hle mai! " A rawn ti chhuak halh chu ka ner sawk.


" Op ti nge engmah hi i hriat thiam theih loh. Ni lo.. I hrethiam duh lo zawk in ka hria. Nang nen a kan in kar chu kan tawp chian tawh zia pawh i hria. Ka lakah chuan engmah beisei tawh suh, i na mai mai ang! " Ka ti chhuak hmuk . Nui hak in a sam a hui chho pap a. Kei erawh in hma lam ka melh ngur thung.


" Kei nen a kan hun hman ve zawng zawng kha i hre tawh lo a ni ti raw? A tha e... Engkim hi ka sawi chhuak vek dawn. Angeli nen in thu ruk engkim hi ka sawi chhuak vek dawn! " A rawn ti chhuak tan tan a. A aw atang pawh in a thin a rim tih ka hre thei.


" I duh ang chuan ti rawh! " Ka ti sup chu mak min ti zet in min melh vat a. Ka nui suk ringawt.


" Mi zawng zawng hian hre mahse pawi ka ti lo. Ka tan pawh a awlsam zawk ang. I sawi darh duh a nih pawn ka dang lo ang che. " Ka ti nawn leh sup chu in seh ruh ngawt ngawt in min melh a. Ka sawi kha ka ti tak zet bawk. Nautein min huat belhna dang tih ka duh loh vang mai mai a ngawi ka ni miau a, pawi ka ti hauh lo.


" I nun rawng hle mai. Kei nen engkim kan ti dun a. Hna kan thawk dun a, i mamawh na a piangah ka in phal em em vek a, sex hial pawh kan hmang dun a mahse engtin nge min thloh thlak mai theih? " A rawn ti chhuak tiau chu thaw hawk in motor ka ti ding dawt.


" Kha thilah kha chuan min dem hlek suh. He thil hi sawi lan kher ka duh lem lo, mahse engkimah khan i duh thlanna vek a nih kha. Ni lo... Hma la hmasa tu i ni ziah tih i hre chiang bawk. Kan in kawp lai khan engmah thu ka tiam ngai hek lo che. " Ti chhuak hmuk a ka melh vut chu in hum ruh ngat ngat in min melh tlawk tlawk.


" I la in chhir khawp ang. Enge ka tih theih lo en rawh! " Ti vin hrak in motor kawngka chu a nem hawng nghal rawk a, a chhuak zui nghal hmak. Thaw chhuak hawk in kawngka chu ka nem hawng zui ve nghal.


Office ah kan tlang nghal a. Staff ho pawh an lo awm thap tawh. Damdawiin lam ka buaipui viau takah chuan office lam hna ka khawih ta mang lo a. Mahse ram dang a atang a kan bungrua rawn chah tu te nen thil chin fel ngai a awm avang in a tlai a tlai in kan let phah a. Ka pa tih hah aiin a ai awh in ka kal ta zawk a. Kan mi biak tur te lah naktuk zing a haw nghal an ngaih avang in tun a let rawk rawk kan ni bawk.


Meeting kan rei avang in break nei zawk in kan in hnawh puar a kan tan leh nghal char char a, dar 8 pelh vel ah zo fel thei hram in kan let leh nghal a. Kawng lakah pawh kan in be tawh hran lo. In kan luh rual in chhungkua in ti hlim tur a kan ni mah i la ka pa in kan va kalna report a en nghal thuak thuak a, ka nu a phun zui nghal zat chu kan nui nghal hawk.


" Khawnge midang hi an awm vek a? " Ka nu lam hawi chuan ka ti sup.


" Pawn lamah an chhuak dial nih kha. Angeli kha chu room ah a awm in ka hria. A nuam lo nge ni tlai atang khan a mizia a zawi riau. A mut dawn damdawi a ei em ka han en nghal a nge! " Tih leh kal mai a tum chu in thlak ka tum tho a ka han en mai ang tiin ka chiang zui nghal sup.


Ka nu min chhan letna pawh nghak lo chuan ka in her a ka chho zui nghal vut. Ka room lamah in thlak hmasa in Nautei room lam ka pan a. Kan in ang a nih miau loh bakah mi kan awm ve nual avang in thalai ho chu room kan in tawm deuh nuk a. Room zawn ka thlen a reh deuh vung vung vang chuan a muhil a nih ring in dim zet in kawngka ka nem hawng a ka thil hmuh vang chuan ka in seh ruh nghal tawlh tawlh.


Kut thlak tum a sir Rema kawr awm ka tham nawk rual in Nautei rawn vin that in khawih lo tur in min ti nghal bawk. A mah zawk in chiang tak a a fawh hmasak thu a sawi phei chuan ka kaw chhung hi a so bulh bulh hial in ka hria. Sir Rema ka vawnna chu thing thla hnawk in Nautei ka pan hnai hrut chu ka ner nghal sawk.


" Nang phiang sen hian i lo hrai rui a maw? " Ti chhuak thawt in ka kut ka vai nghal fua. Ka in sum ve na zawng zawng an puak darh hial in ka hria. A pian tirh a ta vawi khat mah Angeli hian zu leh a kaih hawih hi a la ti ngai lo. Mahse tunah hian a rim a nam thar thar a, a mit meng atang in a harh fim hlawl lo tih ka hre chiah bawk.


Min tih el zet a Sir Rema nui suk chu a awmah tham in khawi leh ka tum a ka pa in min rawn dang ta hram. Midang ho pawh chu room bulah chuan an rawn ding ve nghal thap a. Ka pa chu a rawn pen lut zui nghal vut.


" Engbuaina nge in neih ? Kut hial in in thlak na chhan hi? " A rawn ti sup chu ner sawk in Nautei ka va melh nghal vut a, a mit meng buai nuai chu a ruih vang nge a hlauhthawn vang pawh ka hre hrep lo.


" Ruatpuii saw zawt mai rawh! Hrep hian... Eng rim teh hrep nge a nam saw? " Lawm lo zet in ka ti chhuak hrawk.


" Angel he tah rawh kal teh! " Ka pa in a kut lek vut in a ti sup chu khum chungah a ding zum ngar. " Vat in! " Ka pa in a ti leh hmuk chu hlau thawng zet in khum atang chuan a rawn chhuk a, ka pa bulah a rawn kal zui nghal.


" Eng thil hrep nge? Rema ka fanu hi i lo in pui a maw? " Ka pa in a ti chhuak hrawk.


" Chutiang eng thil mah ka ti lo! " Sir Reman a rawn ti let ve sup chu hnek zui chawrh ka chak ut ut.


" A nih chuan he thil hi enge awm zia? Ruatpuii! Tu ta nge ? " Ka pa in ti hrawk in Ruatpuii banah a pawt her nawk chu a rak that. A mittui a hnam nghal tiam tiam chu ka hmuh hmaih lo. Mahse lo tan tumna ka nei lo.


" Lalruatpui zawhna ka zawt che? " Ka pa in a ti chhuak leh hrawk chu a ip nghal chawi.


" Papui kei ma ta a nih kha. Angeli khan ka ta a in! " Kawngka lam atang in Maman a rawn ti a, ka Pa chu a rum chhuak hrawk. Room chhung a tumah chu kan hmel a hlim phah chuang lo.


" Kha tiang khan ken kan khap thu in hre vek in ka ring. A bik in Ruatpui nang phei chu i hriselna ngaihtuah in midang in an in a nih pawn I ti ve tur a ni lo tih i hre chiang a ni lawm ni! I chungah hian ka lawm lo khawp mai! " Ti hmuk in Angeli chu a melh ngur a. Mama pawh ka pi leh pu in hau mawlh mawlh in an kal san pui zui nghal .


" Mu nghal ang cheu! Naktuk chaw hma lamah kan haw ang! In ah kan sawi tha ang! " Ti sup in a kal sawn zui nghal a. Midang ho pawh chu an kal sawn nghal. Ka pa thin a rim tih chu kan hmu vek a mahse midang awm ve thup lai a in hauh vak in eng mah sawt na a nei lo tih a hriat vang a nih ka ring ka nu nen an in zui chhuak nghal.


" Nang pawh chhuak rawh! " Nautei chuan a rawn ti chhuak nghek chu thaw hawk in ka pan hnai hrut.


" I ti mah mah tih i hre thiam in ka ring! " Ka ti ngut chu za lo zet in a nui chhuak hak.


" Ka ti mah mah maw? A khawi ah khan maw? Bear ka in ve vang nge ka ruih vang zawk. Nge ni a sir Rema ka fawh vang zawk khan? " A rawn ti that chu lawm lo zet in ka melh ngur.


" I la harh fim lo a nih kha. " Ka ti hmuk.


" Ka harh fim leh fim loh a ngai reng a ni lawm ni? Ka pik ngawih ngawih a nih hi. Nang lah in min lo nawr ve reng a. Hahdam tak pawn ka awm thei lo. Ka pik lutuk tih reh tum in bear pawh ka in. Chuan ti khan i hre thiam tawh em? Kha tiang vang a ka pa thinrim pawh ka chhang ngam lo a nih chuan a aia nasa ka tih theih ring suh. Chuvang chuan ka awm dan hian min en liam ve mai rawh! " A rawn ti chhuak nghek chu ka thaw chhuak hawk.


" Muhil rawh! " Ti sup in ka chhuah san nghal vut. Harhfim lo mahse sawi dik loh erawh a nei hauh lo. Hmeichhia ah pawh rilru dawi pu mi leh hlau thawng hma chi a ni a. A mah leh a mizia nen a ka ngaihtuah pawh in dem na ka nei lo. Mahse ka rilru erawh thlak ka tum chuang lo.


" Engvang in nge a duh lo che tih i pawm sak mai lo. A rilru i ti nat sak a sin! " Ka chhuah rual in kawngka pawn lam a mipa lo ding chuan a ti sup.


" Lo in rawlh suh! " Ti hmuk in ka pen sawn nghal vut.


" Tuvang a kha tiang a awm nge a nih i hria em? Angel hian nang hi a hmangaih che tih chu kei pawn ka hria. Kei pawn ka duh ve tho avang in a chung chang chu ka ngaih ven. Mahse a nu leh pa te a ngaihtuah lo thei lo tih hriat sak rawh! " A rawn ti leh sup chu thinrim in seh ruh tun in ka thaw chhuak hawk.


" Chung chu ka hriat loh i ring reng reng a mi? " Melh let ngur in ka ti sup , za lo zet in a then suk.


" Ka rin tawk vel. I hma i sial vang a nih ka ring reng a. Midang i ngaihtuah miah lo. Mahse i nai chuan nang ang lo tak in midang a ngaihtuah tel vek thung a! " A rawn ti chhuak sup chu ka in hum ruh tawlh tawlh.


" I ti dik ka hma ka sial a lawm. Chu chu i hriat duh a nih ngei pawh ka ring! " Ti chhuak ngut in ka pen sawn zui nghal vut. Engtiang a sual leh mahni hmasial ang pawn min ngai se Nautei ka neih theihna a nih chuan pawi tihna chhe te mah ka nei lo.

*

Zingkarah nizan kan boruak a buai tak nuai avang in kan haw a. Ka nu leh pa motor pakhatah rawn in phur in ka motorah Nautei leh Babyi te nen ka phur ve thung. Opi erawh Sir Rema motor ah a rawn let dawn bawk. Babyi kan thlah kawi hmasa a, Nautei thu zawi ngiai chu ka melh leh zawk thin. Mut kham lo te pawh a ang mah zawk.


" I tha em? " Ka ti sup , lu a bu nghat nghat a mahse a tum deuh bar tho.


" Ka lu hi a na nge a ai deuh chhu mai. Chubakah midang ho khan min ngei vek ang, kei mah vang in an man chhuak vek a! " A rawn ti zawi sap chu ka then suk.





" In ve tur kha i ni lo reng a ni. In ah ka pa in a hau bawk che a nga. " Ka ti sup chu kawngka ngheng in a thu ner nang.


" Nizan bak kha chu ti tawh suh ang che! " Kan ngawih vang vang hnu chuan ka ti leh sup.


" In rawh pawh ti la ka duh tawh teuh lo. " A rawn ti vin nghal hlak. A sawi zawng ringawt pawh chuan a duh lo lutuk chu a ner nghal nak.


" Min tih el nan a mipa dang hnaih kha a nia ka sawi! " Kan in kawt a motor ti ding dawt in ka ti sup. Min melh zawk in engmah dang sawi lo chuan kawngka chu nem hawng in a chhuak zui nghal hmak.


__________________________________________________

* ANGEL LALRUATPUII pov *


" Vawin chu kan bang hma sia lo leng u la! " Class ah kan awm a. Ka lehkha bu khung mawlh mawlh in ka ti sap.


" Ka duh lo. Kan picnic ni atang kha chu i nu leh pa ka hmu zak vek tawh. A duh leh Ji hi sawm rawh! " Baby in A ti nghal zat chu ka ner nang.


" A ho lutuk. Nang te chu an hau tawh dawn lo che. An theihnghilh vek tawh a lawm! " Ka ti zui zat. Mahse a duh bik thak lo. Kha mi zan kha chu a fuh lo vel vek a ni tawp. Lalmama pawn tun thleng in min la be tha duh lo hial. Ka pi leh pu, u Mama te zawng zawng in an hauh rawn vek miau a.


College Gate kan chhuak tur chu Sir Rema motor a rawn tlan chhuak ve a. College campus ah kan in hmuh khat zia ka ngaihtuah chhuak nghal zat.


A rual a kan tel duh leh duh loh min zawt a. Babyi ten tel law law mai rawh an ti bawk a. Ka thu lut nghal zat. 3rd sem kan nih ve takah chuan kan class ah class a rawn la ngai tawh lo a. Office leh kan class room a in hnaih lo bawk nen kan in a a rawn lang ve zawk thin a nih loh chuan kan in hmu meuh lo. Ka ruih nawi vang a kut a tuar ta pawh kha ka in thlahrung tel bawk.


Kan in gate bulah motor a ti ding a, lo leng lut tur a ka sawm chu min hnial ve teh tlat. Kan zirtirtu a nih bakah hian a bulah hi chuan ka lo che mak ve thei thin bawk nen ka thian kawm deuh mah zawk tawh in ka hre bawk.


Gate ka lut tur chu taxi ka zawn a a rawn din vang chuan ka hawi let leh a. U Opi a rawn chhuak zui nghal.


" I bang chiah a law? In hmuh a khat hle mai. I nu leh pa an awm ti raw? " Ti leh gate chu nem hawng zau deuh in a lut zui nghal.


" Ka pa chu hna a kal ang! Enge i lo tih dawn! " Um zui in ka ti nghal zat.


" Office lam ka call a I pa a haw hma thu an sawi ! " A ti sam et leh nghal.


" Engmaw? " Ka ti leh ha. Kan in a rawn kal tur hian ka duh teh chiam lo. Kan chanchin a hre ve vek a, sir Rema ang in a rilru a tha ve lo tih ka hre chiang tawh bawk a. A hmel ka hmuh hi chuan ka hlau thawng nghal vek zel.


" Ka hmuh dan che chuan i hlau thawng in ka hria. Reubena nen in chung chang ka hriat vang hi a ni ti raw? Ka lo hria a, nang chuan tawp i duh tih mahse i u hi i zunah a uai hneh lutuk a engah mah a ngai duh si lo. Tunah hian engkim sawi chhuak tur in ka lo kal! " Nui deuh hak a a ti chu ka meng buai nghal vek.


" Engkim sawi tur in a? " Ka ti bah nak chu min nuih khum leh sak in doorbell a hmet zui nghal. Kan nula pakhat zawk in a rawn hawng a, a pen luh rual in ka nu in a rawn be nghal vat.


" Opi nang maw? Angel nang pawh i va rawn bang hma ve? " Ka nu in a rawn ti a, ka thin a phu nghal dawt dawt. Ka nu lah chuan ka pa pawh a rawn haw hma thu sawiin UOpi chu a lo kal chhan zawt pah in common room lamah a hruai lut nghal.


" I han in thlak phawt dawn lo a mi? " Common room lam ka pan ve chu ka nu in a rawn ti zui zat.


" Ka ril a tam lutuk. Nu te thingpui min lo pe phawt! " Ka zah zelah ka ti lang lang. Sofa pakhatah chuan ka thu thla a, single sofaah u Opi a thu thung.


" Thil hrilh duh che u ka nei a, pa Nunsanga a awm phei chuan in pahnih bulah ni thei se! " U Opin a ti chu ka thu khawng at. A ni hian ka nu leh pa hrilh tak tak a tum a nih ka ring chu ka thaw chhuak tawh mang lo. Ka pa pawh chu a office atang a rawn chhuak a, in lamah hna a khawih chhun zawm a nih ka ring.


" E... Opi chu i dam tawh maw? Kan in lamah te i rawn len luh a. " Ka pa in a ti nghal sup. A lo damlo vel a maw? Hna a kal loh vang a ni maw ka pa awm leh awm loh pawh office lam a phone. Kan bulah chuan a rawn thu thla ve nghal zat a. A rawn kal chhan an zawt zui nghal chu in seh ruh nghek in ka lo ngaihthlak ve ran.

" Ka in thlahrung viau nan hrih ngei cheu tha in ka hria a, Reubena pawh awm se ka duh a, ka va bia a hna a khawih lak lawh thu in min chhang bawk nen! " A ti zuai raih. A sawi duh a sawi mai lo chu ka thin phu a pangai thei meuh tawh lo.


" A pawimawh hmel hle mai. Han sawi la, puih che kan in peih reng a nia! " Ka pa bawk chuan a ti ve sup. Nute in thingpui leh a hmeh a rawn chhawp a. Ka dang ro hulh vang chuan ka lem nghal hlak a.


" Ka rai a! " U opi in A rawn ti chhuak pawng chu ka thingpui in ka hak thawt. Kei mah ang tho in ka nu leh pa pawh a thawng tih an hmelah a lang nghal bawk.


" Engmaw i sawi? " Ka nu in a ti nghal vat. Kei pawh chuan a sawi sual emaw ka hriat sual emaw tiin ka melh nghal vat.


" Sawi nuam chu a ni lo a, mahse Reubena fa ka pai! " A rawn tih nawn leh takah chuan ka ring ngam ve chiah. Ka u nen kan chung chang a sawi hlau khan ka awm hle hle thei lo a mahse chutiang engmah a sawi lo hlauh. Mahse a thu sawi erawh kha chuan ka thawk a ti sak talh thung. Ka hlim nge ka lungngai pawh ka hre lo!


πŸ™ŠπŸ™Š Next ah he tah hian ka zawm leh ang aw. Ka dah a piang a chapter thar tih zel chuan a chapter a thui duh lutuk a🀣🀣 ka story te hi chapter 30 - 40 in kar an ni zel tih in hriat kha, hei pawh hi chutiang vel nih tur a ka duh avang in chapter tawi te te dah zut ai chuan ka zawm leh thin ang tih min lo hriat sak ru aw😬😬 ka story hmasa te ang in chapter 1 ah ka hriselna a pan deuh hlek tak vang hian duh ang in ka type thei thei si lo a,. Min lo hre thiam zel mai ru awπŸ™ˆπŸ™ˆ

πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:17 pm

CHAPTER - 26 πŸ’˜ by Amy Cck



Eng tin tin emaw chuan hun chu kan hmang chho ve zel a. Mahse hun ral zel chuan engmah a ti dang lam chuang lo a. Kei leh ka u chu kan in kar a hla telh telh emaw tih mai tur in kan awm a. A hma a chhungkaw in pawh tak leh engkim sawi ho thin khan chutiang hun chu kan nei tawh ngai lo. Ka pa pawh in vawi tam min zilh ta fo.


Ka u ka hmuh hreh avang in peh hel dan ngawt ka zawng thin a. A bik in u Opi nen an awm dun lai phei chuan hmuh loh tawp ka duh thin. Hmeichhe dang a hnaih a, a duat lai ka hmuh hian ka sawi fiah thiam loh natna ka nei thin si a. In sum thei lo lek a ka awm ka hlau a ni ber. Midang thik kual tur in dikna ka nei tawh miau si lo a, kei mah ngei kha thlah a kal tir tu ka ni miau.


Hriat loh kar in semester exam kan lo hnaih leh duai tawh a. Ka rilru lak pen nan lehkha melh luih hram hram ka tum pawn harsa tak a ni. Ka u pawh a hna lamah a in sawr bing nasa a. Ka pa te ho leh u Opi te chhungkaw pawh in be fel in a hming in ka u leh u Opi pawh in in hualna an nei a.


Ka rilru chuan ka u hian inhual kher chu pawm rih lo se ka duh ngawih ngawih. Mahse engmah a sawi buai chhin miah lo a nih chu. Ka rilru chuan a beidawng in min thlah hlen tak tak a tum a nih ka ring a. Hlim tur ka ni a mahse ka hlim chuang lo. Kei ngei pawn ka rilru hi ka hre thiam tawh lo.

*

Vawin chu class kan bang hma a, kum in a class kan kal tawpna ber tur a ni tawh bawk. Kar 1 chawlh kan neih hnu a exam kan tan tawh dawn a, in lam a in zir ve char char kan ngai dawn a nih hmel. Inchung lam pan a ka chho chu step tawpah u Opi nen kan in tawk a, khawvel a ka mi hmuh peih lo ber a ni hial ang chu.


" In va bang hma ve! Tunlai chu i vang hle mai. In in ngeiah pawh hian vang tak i ni! " A rawn ti deuh kher chu ka melh nghal ram. A dul a puar ve lah tawh a. Rai chu a ngeih viau leh nghal. A vun a nung in a mah hrim hrin hi a no sen deuh siah a, kei nen chuan in ang lo tak kan ni. Engtin mah chhang lo a kal pelh mai la tum chu a thu rawn sawi avang chuan ka ding dat.


" Reubena nen kan in neih dawn takah chuan engkim kha hre lo ang in ka awm ang. Nang pawh tun ang hian awm reng ang che! I hriat thiam ve mai ka ring Reubena nen hian in hnaih tak in ni tawh lo tih hi! " A rawn ti deuh kher a nih chu. A thu sawi chuan ka hliamah chi a rawn phul bel ang mai hian ka in seh ruh nghal vak.


" In in hual ringawt a lawm. In la in neih em loh kha. Ka u hlat tur a min hrilh takah chuan kei pawh ka hrilh ve ang che. I pum a naute hi ka u fa a ni ka ring hauh lo a nia! Ka u fa a ni lo a nih phei chuan ka u hian neih chhan tur che a nei dawn lo. Chuvang chuan nang pawh zahna dang i tawh loh nan tuhah hian duh tawk rawh! " Ka ti kha ve fak.


" Pawi khawp mai, Reubena fa ngei a nih hi. Nang hian min thik zawk a ni lo maw? I mipa hmangaih ber fa ka pai hi. Chubakah min ngaihtuah suh kei chu ka in enkawl thei! " A ti zui zat chu ner sak in ka in her a, kal sawn ka tum chiah chu u Opi rak that vang chuan ka hawi nghal dawr a. Mahse ka hmuh zawng chu step a u Opi lum thla lai a ni.


Step tawp a thlen rual in ka nu choka lam atang thawm ngaihven in a rawn tlan chhuak a. U Opi pum puar ve al tawh chhuat a let reng chu a buaipui zui nghal a. Hlau thawng lutuk a step a chhuk ka tum rual in ka u in min rawn pel thla nghal vut.


" Ka pum! Reuben ka pum a na lutuk! " U Opi in tap chung a a rawn tih leh phei chuan ka thin a phu dawt dawt.


" Angel eng thil nge thleng hi? A rap a sual sual a mi? A va pawi ve aw? " Ka nu in min en chung a a ti chu hrilh hai zet in ka melh a. Chhan mai ngaihna pawh ka hre lo. Ka u chuan dim zet in a pawm a, kawngka lam a pan pui nghal vat a.


Rilru phi ruai in ka nu in ka u te a um chhuak chu ka zui ve a. Engtin nge step kha a rah sual theih. Nau a pai tih a in hria a fimkhur tur a ni a sin. Ka rilruah a nau pai kha a rawn lang nghal a. Hlau thawng lutuk in motor hnung lam a ka nu leh u Opi chu ka melh leh zawk thin.


" Reuben a thi a put a nia! " Ka nu in a rawn tih phei chuan a damlo ber ni lo mah i la ka hlau thawng lutuk ringawt. Ka u pawh engmah sawi lo mahse a hmel atang a hlau thawng ve tih ka hria.


Damdawiin ah kan in zawn lut a, hospital kan thlen meuh chuan u Opi chu ni khua a hre tawh mang lo. " Eng thil nge thleng? " Ka hmaah ka u a rawn ding a chang deuh bawl a a rawn ti chu ka phu zawk. U Opi erawh room ah an nawe lut tawh thung.


" Ka.. Ka hre bik lo! " Ka ti bah nak . Ka u hmel tang tawlh tawlh leh mit meng thim khup vang chuan ka hlau thawng leh zual bawk.


" Step ah khan in pahnih chiah in in awm a ni lawm ni? Chuan eng thil nge thleng i hre lo a nia! " A rawn ti chhuak hrawk , a tawng khauh ru zet vang chuan ka thaw chhuak tawh pawn ka hre lo.


" Ka nem tlak ah i ngai a maw? " Seh chilh nak a ka ti chu min melh ngur a. Engmah sawi lo in a in her vut a nih chu.


" Angel motor a ka phone ka thloh a niang, i pa chan chin hrilh a ngai sia zu la lawk mai teh! " Ka u biak leh tum a ka pan hnai chu ka nu in a rawn ti a. Ka u ka va melh chu min hnung chhawn in a ding khawng luah a, u Opi an nawr luhna room lam chu a melh ngur bawk. Ka nu chu en leh in thaw hal in lu ka by nghat.


Sawi lang lo mahse ka u khan min ring hlel tih ka hria. A mitah khan min huatna a rawn lang chhuak miau. Mahse engmah tih ka nei lo a, a in chhir vat tho ang. Kan motor bul chu ka thleng a, hnung lam kawngka ka pawh hawn rual in ka khawng nghal awt. Ka rin phak bak in u Opi thi kha a put nasa. Motor seatah te chuan a tling deuh pum a nih chu.


" Bawihte! " Ka dar a min rawn khawih chuan ka pa aw in a rawn ti sup!


" I lo thleng a, ka lo nghak che a! " Damdawiin kawt ka thutna atang chuan ding in ka ti sap.


" Opi chu a na viau em? Ti nge pawnah i awm a? " Ka pa chuan a ti ve sup.


" Ka lo nghak che! " Ka ti zawi sap a, mahse dik tak chuan inchhung a ka u leh midang te hmel hmuh a hreawm em avang in ka chhuan lam mai zawk a ni. Ka pa chuan luh a rawt a, kan in zui lut a, ka nu in min lo chhawn vat in chanchin chu a hrilh luam a. U Opi chhungte lam pawh an rawn thahnem ta viau.


Step a a lum na avang khan a in sawh khaw loh phah a. Zai nghal ni in naute pawh vanduaithlak tak in kan chhan hial a. Kan vai mai chuan kan ngui em em vek a. A bik in ka u phei chu a la tawng mang lo hrim hrim.


A tlai tawh avang in tam deuh a damdawiin a awm rum rum chi a ni lo bawk nen, damlo ber an zai hlawh tling ta bawk a, in lam kan let a, ka pa motor ah ka nu nen kan pathum in kan in khalh haw a, ka u erawh a mah in a motor in a rawn let thung.


In thlak a, in ti faiin chaw kan ei a, damdawiin lamah a chhuak leh nghal a. Zanah ka pa in thil awm dan vel min zawh chuan ka chi ai lutuk pawh a reh tawh bawk nen ka hriat dan chu ka hrilh ve mai bawk.


Ka room ah chuan ka vei kual sek a. U Opin nau a chhiat chuan ka u nen an in nei tho a ngem tih vel ngaihtuah in ka rilru a kal kual nasa viau. Ka u phone a damdawiin lam chanchin zawh ka chak viau nan mahse vawin tlai a a hmel ka ngaihtuah in biak chiah ka ngai chiah bawk si lo.


" I la muhil na nge? A tlai tawh a nia! " Choka a ka muhil thei lo ei tur dap a ka chhuk chu ka nu a lo lut ve hlawl.


" Umm.... Ka ril a tam a! " Ka ti ve sap .


" Lo thu rawh ka lo siam ang che! Tlaiah khan chaw I ei tlem em bawk a, a awm lo hran lo e. " Ti sap in ka ei tur siam chuan a che zui nghal a. Chair a thu in ka nu che kual vel chu ka thlir ve reng bawk.


" Nu.... Nau a chhiat sia an in nei dawn tho em? " Ka ti sap chu ka nu che lai a tawp dat.


" Ka hre lo le. Opi pawh a rawn harh tawh an tia. Naktukah kan va kal ve a nga. Thil awm dan hi han ngai chang zel phawt i la. " Ka nu chuan a ti sap. Engmah thil dang sawi lo a ka melh ngai ka melh vung vung lai chu ka nu chuan ka hmaah ka eitur a rawn dah a. Min melh zui ha bawk.


" Angel I rilru ti buai vak suh. A bik in i u chung changah phei chuan in ngaihtuah hah tur in ka duh lo che. Ka sawi awm zia i hria ti raw! " Ka mitah tak min melh ran in a rawn ti sap a. Lu bu nghat in ka nui lui sak.


" Mahse a harsa lutuk a! A tel lo a awm hi harsa ka ti. Ka hnaih thei lo a ka hlat thei bawk si lo. Kan awm dan ka ngaihtuah chang phei hi chuan ka nun hian awm zia a nei ve lo ni mai in ka hre hial thin! " Tah chhuah in sum zet in ka ti chhuak tiau.


" A tha leh vek mai ang. Engkim siam tha tur in kawng chanve i kal tawh a, hma lam pan tang tang tur in ka duh che a nia! " Ka nu chuan a rawn ti ve sap.

*
*
" I tha em? Na lai te a la awm em? " Cabin chhung kan luh rual in ka nu chuan a ti vat a. Khum a u Opi a thu awn diai a. A bulah a unau te leh a nu leh pa te ho pawh an lo thu ve thap. Ka u ka zawng ru deuh a mahse a hmel hmuh tur a awm ve miah lo.


" Ka tha lawm! " U opi chuan a ti ve sap a. Vanneih thlak tak in taksa dangah na nei hmel lo hlauh a. A mit bui deuh lakah chuan a tap nasa tih a hriat viau bawk. A naute a chan miau a. A thi put avang khan nge a vun a dang vel bal bawk.


Ka nu leh pa leh midang ho chu an in be luam a, u Opi erawh a chau deuh nge a mu hah chawl a. Sir lam bang bul a chair a thu a ka ngaihtuahna ka lo kawm malh malh lai chuan cabin kawngka atang ka u leh nurse pakhat an rawn lut a. A lo duty daih vang a a hma pawh khan lo hmu lo mai mai ka nih ka ring. U Opi doctor chu a ni chiah lo a mahse chin chang a rawn ngaihven tih a sawi a. A ngaihtuah ve tak tak a nih ka ring.


Ka nu leh pa an la awm deuh dawn avang in ka u haw a tum tho a, a rual a let tur in min ti a, hreh ru viau mah i la heta awm reng ai chuan ka hnial ta bik lo.


" Tihpalh tih sawi kha a harsa viau a mi? " Kan in kawtah motor a din tir a, chhuk ka tum chu a ka tawng zawi sup vang chuan kawngka ka hawng tawh chu ka tawp dat.


" Engmaw! " Tih leh a lam hawi ka rual nghal.


" Nangmah vang in na a tuar a, nau hial a chhiat a, i in thiam lo miah lo chu a nia! " A rawh ti leh sup chu in seh ruh vak in ka melh nghal nghek.


" A chet sual lai a a bul a ka awm vang khan ka thiam loh a nih i ring a mi? Nimin khan kan pahnih chuan kan awm dun a mahse chhe te mah in kan in si hlek lo. " Ka ti vin hlar.


" A nih chuan engvang a la na em em nge i nih? Tha tak in engmah i ti lo tih sawi mai la. " A rawn ti sup chu ka melh nghek. Mahni thil tih sual ni miah lo a in puh nat zia chu a hre chiang ve tho tih ka hria.


" Eng thil nge la ni cheu a? " Ka chhuak tur chu ka ban rekah a rawn vuan leh chawt a, a lam hawi in ka ti vin hlar. A mit meng thim khup ka melh rual chu ka kut chu pawh let ka tum a, min vuan bet nghet sauh thung chu ka thaw hak.


" Ka pa in Opi nen kan in neihna kal tlang pui tho tur in min ti tih i hria em? " A ti sup chu ka taksa a tang nghal vek. Chutiang engmah ka hre ve miah lo, nizan a ka nu ka zawh pawh khan engmah a sawi lo a nih kha. Nge ni a, ka rilru a nat a hlauh vang in a sawi duh lo zawk.


" Chu chu engvang in nge min hrilh? " Ka ti sap. Engah mah ngai lo ang in sawi chhuah tum viau mah i la ka seh chilh nak tho. Ka u hmel tang tawlh tawlh chu en rei duh lo in ka hawi sawn hmak.


" Hetiang a tawp hi i duh tak tak a maw? Hrep che hian Lalruatpui i thinlungah khan tlem te tal in min ngaihtuah ve em? " Ti chhuak thawt in motor stearing chu a chum nghal chawrh.


" I... I duh thlanna a nia eng thil nge ti se min duh? " Ka ti ve vak. Ro zet a rawn nui chhuak hawk in a hmai a tuai phawk a. A chet dan chu ka en ve ngar bawk. Ka kut a vawn beh na lam chuan a lamah min pawt hnai dawt in a aw hlai hlupah chuan min kuah bet a. Harsa tih hmel zet in a thaw chhuak hawk bawk.


" Nei lo tur in min hrilh rawh! Nang mah vuan tlat tur che in min hrilh rawh. Chu chiah chu sawi tur in ka duh che! " Ka beng bulah chuan a ti thawp sup a. A aw zawi sup atang pawh chuan a ngen ngawl tak zet.


Mit ka khap fak rual in ka mittui ka biangah a luang thla pap. A taksa lum nuam zet ka thlak hlelh zia ka hre chhuak thar a. Ka ngaihtuahna chu a buai nuai a ni ber. Ka hriat loh hlan in ka rilru a nem tulh tulh tih erawh ka hria.


" Nei suh! β€œ ka ti chhuak sap. Ka thu sawi chuan a thawng ve bawk nge a thaw chhuak hawk.


" Sawi leh rawh Naute! Ka ngaihtuahna mai mai a ni lo tih hriat ngei ka duh. " A rawn ti sup.


" Nupui min neih san suh ! Ka bulah awm reng la tun ang hian min kuah reng rawh! " Ka ti nawn ve sap. Thu tlem te mah nise ka taksa chu a hahdam huai a. Ka rilru pawh a zang nghal hawk.


" Min ti hlau thawng tak zet! " Ti sup a rawn kun hniam in ka hmuiah a rawn fawp vang vang a. Engmah ngaihtuahna dang pu lo in ka chhang let ve nghal. Tun tum chu ka rilru thlak ka tum tawh lo. Ka kal san, ka hlat char char a nih chuan ka theih ve mai kha ka ring a mahse u Opi a hnaih chiah khan ka hlat theih lo zia ka hre tawh.

*
*

" Ka Naute! Eng thil nge i ti ve a? " Hnung lam atang ka kawngah kut rawn rawlh lut in ka beng zawnah a rawn ti sup a. Za ka ti chu nui hak in ka tal nghal phat.


" Cake siam ka zir a nih hi! Min lo ti buai suh! " tih leh tal sawn ka rual chu a hmui ti sawi zauh in ka dar atang in ka thil siam chu a rawn bih nghal vut.


" Lehkha zir i ngai zawk in i hre ve lo maw? " Ka lam rawn hawiin hnai chet chawtah a rawn ti sup a, ka ner nghal nang.


" Ka rest lawk a lawm. Ka thiam vek tawh a! ' ka ti zui zat chu then suk in ka hmuiah a rawn fawp zauh a. Ka melh nghal rawm. Tumah chokaah an awm lo hlauh.


Ka thil siam lai nuih za hmel pu deuh a min melh ngur Tu chu ka chhiat khum leh ringawt thin. Bul chu kan tan leh tawh a. U Opi nen pawh an in kar a tawp tih a sawi a. Eng tak nge thleng chu min hrilh duh lem lo a mahse ka lawm tawk hrim hrim. Dawi zep tak a ka tlan chhiat San reng lai pawh a min vawn tlat avang hian kei pawn a tih ang a tih ve ka tum tawh.


Buaina pawh kan thlen ngei ang, kan mualpho viau bawk ang. Kan chhungte rilru pawh kan ti na ang tih ka hria mahse dam chhan nei lo ang mai a nun kha ka duh lo. Ka u tel lo chuan ka kim lo a, a tel lo chuan nui ve thin mah i la ka thinlung tak in ka nui thei lo tih ka hre chiang a.


A mah rinchhan in ka nung ve tawk tawk thin a rei lo te chhung kei mah a ka ding thei emaw, a tel lo in ka awm thei tih ngaihtuahna kha engtin nge ka lo neih thei. Pawnlamah ka pa aw in thinrim zet a min ko ri ka hriat vang chuan ka thil tih lai ka chawl dat.


Ka u nen kan chhuak phei nghal a, ka nu pawh room lam atang ka pa thinrim aw khan a muhil a ti harh ve a nih ka ring a rawn chhuak ve nghal.


" Pa, ngati nge? " Ka pa ka hmuh rual in ka ti sap. Mahse ka pa chet dan chuan min thawng lutuk tlat. Kan lam rawn pan pawk pawk in ka bul a ka u ding chu a rawn beng pai nawk a nih chu.


" Ka thu hriat hi enge awm zia? Nang ni pahnih in karah hian eng maw awm a? Lalruatpui min chhang vat rawh? Nang hian Opin nau a chhiat theih nan step atang khan i nem thla tih hi a dik em? " Ka pa aw khauh leh ring zet chuan a ti chhuak thawt a. Kan in chhung pawh a khawk thei hial. Engtin nge a hriat theih ka exam zawhah ka u nen hrilh kan tum tho nan mahse tun a a hre chhuak thut hian min thawng tak zet.


Ka pa hmel leh mit meng a thinrim avang a sen rum chu melh in ka in hum ruh tang a. Chuti chung chuan ka kaiza tha te chu an khur dar dar tho. Ka nu in hrilhfiah tum a min rawn pan hnai chu ka pa in a khap nghal hmuk. A vawi khat nan ka pa in ka nu a thinrim aw ka vin in a bia a nih chu.


" Opi nen in in neihna tulh leh i duh chhan chu he thil zah thlak zet vang hian maw? Zomuanpui I farnu ngaih melh duh tur khawp in i rilru a lo dang lam chu a nia. Ka fapa tih che pawh hi ka zak hial. Tunah hian engkim siam tha leh vek ang cheu, nang pawh nupui nei ang che! In pahnih a sual rawng in bawl vang in naute pawi sawi lo in nunna a chan a sin." Ka pa bawk chuan a rawn ti chhuak leh hrawk.


" Pa... Kei nin... " Ka ti hman tawh chu ka u in ka kut a rawn hum bet nghal hmiah.


" Nautein engmah tih sual a nei lo. Opi kha a mah a tlu sual a nih kha. Chuan ka pa, hman a I bul a thil ka sawi kha i la hria em? Opi nau pai ka fa a ni lo tih kan chian chuan ka hmeichhe hmangaih min pawm sak tur in ka ngen che kha. Chu hmeichhia chu Ruatpuii hi a ni. " Ka u chuan ka pa melh ngur in ka ti sup. Ka pa benna vang in a biang a sen tul bawk.


" Chhuak rawh! " Ka pa aw ri hrawk vang chuan ka u kut ka hmer vat. Ka nu in ka pa chu in bengdai tur in a hrilh ngial a mahse a hmel atang in Tu thu sawi mah a ngaithla dawn lo tih ka hmu chiang lutuk tlat.



πŸ’˜πŸ’˜ Chapter a tam tawh lo a nia aw lo ning suh uπŸ˜‚ han ti ngawt i la ning chung chung a in chhiar luih tih a theih tawp si lo a🀣🀣 chuan whatapp group ❀❀ ka duat em em te ho tan a hriatthiam dil na🀧Truth Or Dare chhiar lak lawh te tan in thlahrung deuh in kha chu he mi story tawp hun law law ah tha thar in kan ziak dawn a nia, kan la dah tawi tho bawk a.😬ruh chang na leh tha na ka nei a tunlai chu ka tlin thlawt lo.


πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:21 pm

CHAPTER - 27 πŸ’˜ by Amy Cck



Exam kan zawh ni a kan in a ka u rawn kal atang khan vawi khat mah kan in hmu leh tawh lo a. Ka pa in a phal miau loh avang in, inah min khung deuh chawt a. Ka phone leh laptop zawng zawng pawh min lak sak vek. Ka nu in engkim hre chung a min zep sak avang pawh khan ka pa in ka nu a kam khat phah bawk .


Ka u bul a awm ve daih ka chak lutuk chu a chang chuan kei mah leh kei mah ka in phun thinrim loh leh ka in ngaihtuah lung puam thul. Ka u in kum in chu ka pa ngaih chan phawt a ti miau a. December kan kai ve tawh avang in kei pawh in ka u rilru ka tawm pui ve ta ngawt. Mahse ka pa chenchilh tu ka ni a, a rilru a thlak erawh ka ring lo. Eng thil pawh ni se a tih tawh chu ti bur chi a ni ve tlat.


" Nizanah in leng kan nei a. Pasal nei tur in i rilru lo siam ang che! " Ka pa in tuk thuan ei lai in a rawn ti chhuak hmuk chu ka chaw ei lai ka tawp chawt a, ka pa ka en chu engmah sawi lo ang mai in a awm dan a ngai reng a nih chu.


" Ka u nen kan in kawp i phal tawh maw? " Ring hlel tho si mahse hlim ru deuh tak chuan ka ti let sap. Ni e... Rem ti lo viau mahse dan ang thlap in ka u kan chhungkua atang in a chhuak tawh miau a. Ka pa pawn min hrethiam a nih ka ring zui nghal mai bawk. Mahse ka pa thu sawi avang chuan ka beiseina zawng zawng chu a chhe leh nghal vek.


" Ka sawi chiang viau tawh in ka hria kha thilah kha chuan. Ka dam ve tawk tawk chhung chu kha tiang thil kha a thlen ka rem ti dawn lo. Enge i nu nen kan en kawl naah hian pek hmaih cheu kan neih. Zilh lo fa ang mai a in nun in hman a. Mahni in chhung leh chhungkua ngeiah khatiang rilru pu khan in khaw sak theih. Tunah pawh thenawm khawveng leh u leh nau thleng in mi sawi kan kai a.


Mahni fanu pawh veng tha thei lo ni hial in min chhuah a. Kei hian fanu pakhat leh fapa pakhat ve ve chiah ka nei cheu a. Ka fanu ngei ka fapa in a nei tur hi ka pawm zam theih ring suh u. Rinzuala nen in in nei dawn. Palai pawh rawn tir in kan in be fel vek tawh. " Ka pa thu sawi vang chuan ka ngawng chhuih mai in ka hria.


" Tu... Tu maw? Tu maw ka neih dawn a? " Ti bah nak in ka pa ka melh nghal ngawt ngawt. A mi sawi chu ka hriat sual e maw ka ti hial. Kei leh u Rinzuala te chu ngaihtuah pawh ka ngaihtuah ngai lo.


" Ka sawi tawh, Rinzuala nen in in neihna chrismas thlen hma in kan buatsaih ang. Kohhranah pawh lehkha ka pe lut vat ang. " Ka pa bawk chuan a ti leh hmuk. Ka nu ka va melh a mahse beisei tur engmah a awm lo.


" Ka... Ka duh lo! Engvang in nge mi pawh zawt hmasa lo in , in lo rem tih ve ringawt? " In sum hman lo lek in ka ti chhuak nghal vak in ka thutna atang chuan ka ding nghal hliai. Thinrim zet in ka pa ka melh nghal rawm bawk.


" I u nen kha tiang thil tul lo lutuk in ngaihtuah chhuah lai khan min zawt hmasa bik em? Ka sawi ang chuan in in nei dawn! Thu la i chaw kha ei rawh! " Ka thinrimna ngai pawimawh lo zet in a ti hmuk a nih chu. Thinrim leh rilru na zet a ka melh lai reng chuan in ka chhuah san a phal loh thu leh ka u biak pawh hrim hrim a phal loh thu a sawi zui nghal hmuk. Ka pa a ni lo emaw ka ti hial. Hetiang em em a a sual thiam tih ka hre ngai lo. Thinrim zet in ka room lam pan in ka tlan chho nghal hlak hlak a. Ka room ka luh rual in ka mittui a rawn luang nghal zawih zawih.


" Eng thil nge tih i tum a? " Ka in siam a, ka thawmhnaw ka khung mawlh mawlh lai chu ka nu rawn lut in mang ang aw zet in a rawn ti chul a. Kei erawh engmah hre lo ang maiin ka in siam mawlh mawlh thung.


" Lalruatpui! " Ka dar a min thing nawk in ka nu in a rawn ti chhuak that.


" Ka chhuak ve dawn! Pasal neih ai chuan he in atang a chhuah ve pawh ka duh zawk. He ta ka la awm ve chhan chu in rilru in thlak tak hlauh kan beisei vang a sin. Engtin nge ka hriat loh lai in ka pasal tur in lo biak fel vek theih. Ka hua cheu. Ka pa pawh ka hua. In vai in ka hua cheu! " Ti chhuak tan tan in ka sawi zawh rual in ka tap chhuak nghal hawk.


" I pa thu sawi kha i hre lo mi? In hi i chhuah san a phal lo. Engvang in nge i u nen in in kar chu i lo pawm leh hrim hrim. Hetiang buaina hi kan pum pelh thei tih hre reng chung in, in pal zam lui a. Lehkha pakhat lek khan Reubena pawh kan fapa a nihna a ti kiang thei lo tih hre thiam ta che u. Midang in I u chung chang an sawi dan te hi i pa tan hian pal zam mai theih a nih i ring bik em ni? " Ka nu chuan beidawng zet in a rawn ti chhuak halh.


" Chu pawh ni se... Ka haw tho cheu. " Ka ti leh vak. Ni e.. Ka pa tan chuan a harsa khawp ang. A zahawmna zawng zawng kan hnul hniam vek miau a. Mahse min zawt miah lo a pasal min neih tir an tum avang in ka haq tho.


" Naupang chhia viau thin suh . Nang leh Reubena chung chang midang in an sawi dan te hi nu leh pa tan chuan tuar dam a har a sin. Sawi vak hian thatna pakhat mah a awm lo. Pasal nei tur in i upa ve tawh bawk a. Chubakah Rinzuala pawh mipa fel tak a ni a. Hun a liam a nga i theihnghilh ve mai ang! " Ka nu in a ti sap a. Mahse chutiang chuan ka ngai ve thei lo.


" Ka u ka be duh! " Ka ti halh. Kei pawn engmah ka la hre bik lo a nih chuan a ni phei chuan a hre dawn lo. Chuvang chuan hrilh a min lo hruai tur a biak ngei ngei ka duh.


" I pa in a phal loh kha. Min dil lui suh. A hma a engkim ka ti tawp i tih vang in i pa lakah ka zep sak che a. Mahse tun hi kan thlen phah a nih hi. Chu vang chuan tunah rih chuan i pa thu sawi ka tawm pui! " A ti ve sap a. Ka room a chhuah thleng chuan ka dinna ngaiah ka ding ngar. In hnuaiah pawh chhuk i la ka pa a awm tih ka nu in a sawi a. Kawngka ka thlen hma in min hnuk let leh hman tho ang. Chuvang chuan tih dan tur dang ka ngaihtuah a ngai!


Ka khum bul drower chu na zet a pawt hawng in ka damdawi, nachhawkna sang chi chu la chhuak in mum khat mai pawh ni lo, ka kut phahah bun chhuak in ka hmawm nghal vek a. Dawhkan a tui chu la in ka lem zui nghal kawlh kawlh bawk. Tunah tak chuan pawi sak ka nei tawh lo a ni ber.


Rei lo ah ka lu a rawn hai muai muai a. Ka khaw hmuh a fiah lo tan bawk. Mahse chu chu kan in atang a ka chhuan theih dan tur kawng awm chhun ka hriat a ni miau. Ka lung phu chu vawi leh khatah a rawn phu rang dawt dawt a. Khum a zawi muang a mu in ka lung phu ri chu ka ngai thla a. Zawi muang in a phu zawi telh telh a. Mahse ka hlau miah lo thung. A chhan chu ka mi hmuh tur ka chiang miau!

*
*
Ka lu na leh hai deuh chhur chu ka harh rual a ka hriat hmasak ber a ni. Mit ka men rual in ka awmna chu damdawiin a ni tih chiang tak in ka hre nghal bawk. Ni e... Hei hi ka duh kha a ni reng a. Ka damlo a nih chuan damdawiin a ka awm a ngai dawn a. Damdawiin ah chuan ka u ka hmuh ngei pawh ka ring nghet bur.


" U.. " Tukverh bul a mipa min hnung chhawn zawng a ding ka hmuh rual in ka ti chhuak sap a. Mahse chawp leh chilh in ka u a ni lo tih ka hre zawm nghal.


" Hetah enge i tih? Khaw nge ka u? " U Rinzuala melh chuan ka ti nghal fak. A ni pawh hi ka hua, engtin nge min neih a lo pawm ngawt theih. Nge ni a ka u nen kan in kar a hre ve lo zawk. Mahse chu chu ka ring chiah lo, a chhan chu mi tam tak in an hre darh tawh a. Social media ah kan chung chang chu mi khel leh ngaihven ber pawl a ni miau. Chung zingah chuan a tha lam aia a chhe lam a min sawina a tam zawk bawk.


" I tha em? Na lai i la nei em? " Ka sir a rawn ding in a ti sup chu ka ner sak a. Ka melh nghal ram.


" Khawnge ka u ka tih chu? Nang hi i hmel ka hmu peih lo tih i hria em? Ka hua che... Engtin nge ka pa thu kha i lo pawm pui mai theih! " Dam kawr e ti lo chuan ka vin nghal vak a. Mahse ka taksa zawk in a zo leh lo a, ka thin zawn chu a rawn thip vin nghal hlur. Ka awm chu dawm in thawk ka la zui halh.


" Sawi fiahna hun min pe ve phawt la! " Ti sup a min rawn khawih a tum chu a kut ka lo vai per nghal nawk. Ding ngil vut in a thaw chhuak hawk a. Kei erawh ka awm zawn na lutuk vang in ka che ngam tawh lo thung.


" A tha e! A hmasa in ka hau phawt dawn che. Eng rilru pu in nge kha damdawi kha i ei theih. A chak zia chu nang ngei pawn I hre chiang a. I lung phu a tawp hman tep tih i hria em? " Lawm vak lo hian a rawn ti chhuak hluk chu in seh ruh vak in ka melh ngai ka melh ngar. Damdawiin hruai ngai ngei ngei a nat kha ka tum miau a. Mahse ka ngaihtuah thlen loh erawh chu ka u te damdawiin ah min hruai lo mai theih tih.


" Kha bak kawng dang ka nei hlei nem! " Ka ti ve kher. Rum zet in ka melh nghal nghek.


" Ka u thianpa i ni a, chuan kei pawn ka u ang chiah in ka en che a. Eng tin nge ka pa in in neih chung chang a sawi pui che khan i pawm mai theih? Eng thil pawh thleng mahse kei hian ka nei dawn hlek lo che! " Ka ti nawn leh fak.


" Kei pawn ka nei duh lo che! " A rawn ti sup chu ka melh haw. A mit meng chu a tak ve run a, ti der hmel a pu lo.


" Maw? A... A nih chuan ka pa bulah.... "


" Ka lo pawm mai loh chuan i pasal tur midang biak a tum dawn tho a. Chuvang chuan ka rem ti. " A rawn ti sup chu sawi tur hre lo in ka melh ngawt ngawt.


" A nih chuan i phone min hman tir rawh! Ka u ka biak a ngai! " Ka ti sap a. Thaw chhuak hawlh in sawi sel lem lo chuan a kekawr ip chu a zen nghal rawk rawk a. A phone min pek rual in ka u no ka hmet chhuak zui nghal.


Ka u in phone a rawn lak rual in ka in sut zui nghal hlawp hlawp. A bul a min hruai ve duh loh vang a ka huat tluk zet in ka ngai em em bawk. Ka pa in pasal min neih tir a tum thu chu in sang mar ru teuh chuan ka hrilh a. In biak rei vak chi a nih loh avang in u Rinzuala phone pe tur a min tih takah chuan ka pe a, kum a thaw hak a ka mut thlak rual in ka nu leh pa an lo lut ve chiah.


Ka nu chuan a dan ngaiin min hau leh a, a rilru ka tih hah thu a sawi zui nghal. Ka pa erawh in ngawi ngul in min en a, min hauh chu a chak ka ring mahse ka dam lo rih miau a min hau ve em lo thung.


Ka nu in min riah pui dawn avang in ka pa leh u Rinzuala chu haw tum in an ding uai a. Enge ka u nen an sawi ka hriat ve hman loh avang in an haw tur chu ka melh deuh haw. Mahse ka nu leh pa in biak lai in ka bulah rawn kal in a ruk in a phone chu min rawlh ruk a. Ka rilru erawh a nuam huai.


Bathroom kal ka ngaih thu sawiin ka mu chu ka tho a, u Rinzuala phone min hnut chhiah atang chuan ka u ka bia a. Zanah min rawn hruai tur thu a sawi chuan in sum hman lo in ka nui chhuak hak. Ka hlim lutuk chu ka biangah mittui a rawn luang thla nghal pap bawk.


Ka nu nen chauh chuan cabinah kan awm a. Ka la lung awi loh miau avang in ka tawng duh miah lo bawk. Ka rilru erawh in khua thim vat vat se tih mawlh ka ngaihtuah a. Hahdam tak pawn ka awm thei lo hial.


Zan dar 8 leh a chanve in kan hun a nih chuan ka pu te nupa an rawn kal a. Ka tawng that duh lo miau avang in ka nu te nen an in kawm a ni mah zawk. Eng pawh chu ni se, ka pasal tur a an biak ber u Rinzualan min nei duh lo tih ka chiang a. Ka hahdam tawh hrim hrim. Ka kawr chhung a ka phone a rawn vibrate a vang chuan midang rin hlelh hlau tak chuan bathroom ah ka lut a. Ka u message ka hmuh rual in ka nui ver ver.


Ka cabin bul lawk a a awm thu leh ka pi te an haw dawnah hun rem chang a awm ve leh cabin a tang a chhuak tur in min rawn ti a. Engmah zawhna zawt let lo chuan ka tih tur thu in ka chhang let nghal. A chhan pawh hun rem chang dang a awm tawh loh ka hlau lutuk tlat


Pasal neih ka hlau em em tih zawng ka hria a. U Rinzuala ka pasal tur ang a ka ngaihtuah khan ka thin a rim in ka lawm lo em em a. Mahse ka pa in u Rinzualan min pui tih a hriat chuan mipa dang a zawng leh lo ang tih ka sawi thei lo. Mipa dang, ka hriat ngai miah loh neih phei chu thih hlauh in ka hlau a ni tawp.


Vanneih thlak tak in ka nu in ka pu te haw tur a thlah chhung in ka chhuak ru theih ta hlauh. In kan hun bawr vel a nih avang in damdawiin corridor phei vel ah chuan min vei vak pawh an awm ve nak nak a. Ka u hmel reng reng hmuh tur a awm lo chu ka thin a rim hlur. Ka tah teri chu a chhuak ut ut hial.


Phone ka kawl tih hte chhuak thut in ka u call ka tum chu tu emaw hian ka hnung lam atang in kawr lian zet hian min rawn khuh hlun a. Ka tah nuih ta tawp. A hmel hmu kher lo mah i la a rim a tang hian tu nge tih ka chiang lutuk tlat.


" Kal ang aw! " Ti sup in ka kutah chuan min kai a. Min kal sawn pui nghal pawk pawk. Damdawiin atang chhuak in a motor hunna lamah min hruai a. Motor bul ah min din puiin hahdam huai ang mai hian a thaw chhuak hawk a. Min rawn en a a nuih suk rual in thinrim zet in a ngal charah ka chhuih nghal chawrh.


" Zomuanpui mi sualpa! " Tah aw tiau in ka ti nghal bawk. A awm hlai hlup a min kuah beh rual in ka in hnit nghal hlawp hlawp a. Ka hlauh thawn hman zia ka ngaihtuah khan ka thinrim a mahse tunah a bul a ka awm vang hian ka hlim in ka thla a muang em em thung a nih chu.


" Engkim a tha vek tawh e! I bulah ka awm reng tawh dawn a lawm. " Ti sup in ka chhipah chuan a hmuiin a nawr vang vang a. Thlasik khaw vawt chuan boruak ti vawt deuh vuk mahse ka u taksa lum nuam zet vang hian engmah ka hre ve lo. Motor a kan thut hnu pawh chuan ka hlim lutuk hi ka nui leh ver ver thin.


Driver seat a thu in min hmangaihna a khat mit meng a khat in min melh a. Ka kut chu nghet zet a hum in a hmui zawnah chuan a khat tawk a lek chhuak in a fawp leh vang vang thin. Hei tluk a thlak hlelh leh duh ka neih miau loh avang in ka hlim tih bak sawi vak tur ka hre lo.


" Khawihah nge kan kal dawn? " Ka ti sap chu min rawn en in a nui suk a. Kei erawh in beisei nei zet in ka melh thung.


" Kan tlan bo dawn! " Mit min siai suk in a rawn ti a, hrethiam lo zet in ka melh thung.


" Pasal min neih san tum tu hi pasal a neih hma in ka ru che a nih hi! " Nui suk a a rawn tih leh tak ah chuan ka thaw huai. Motor a tih din tak ah chuan ka hawi chhuak a. Kan damdawiin parkingah kan lo ding reng a nih chu.


" Ngati nge tah hian kan kal a? Ka pa in min rawn zawng hmu vat mai ang. Ni lo tunah pawh hian min zawng tawh ang " Ka ti bah nak nak.


" Naute! Hahdam rawh! Hetah i awm dawn lo , a tha em! " Ka kut vuan in a rawn ti sup a. A mit meng ka en chu a dam dup.


Motor atang a chhuak in tu emaw phone in a bia a, rei lo te ah kan aam na ah u Rinzuala a rawn lang nghal hlawl bawk.


" Ngati nge i hmai kha? " Kan hma a a rawn din rual in mak ti zet in ka melh ha a ka ti sap. Ka u en a a then suk tak ah chuan ka u tih a ni tih ka hre nghal mai bawk.


" Pa Nunsangan min man chhuak em lo ang chu! " Ti sup in ka u chahbi a pe a. An awm danah chuan engkim an lo rua hman lawk tih ka hre ve ta chiah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:22 pm

CHAPTER - 28 πŸ’˜ by Amy Cck



" Van zah thlak tak! " Ti chhuak sap in ka u a chhuak chiah tihah khum khuhna chu ka pawt hlip nghal vat vat a, nizan ka ngaihtuah let a ka zak lutuk hi ka taksa a rawn lum pup pup thei hial. Mahse nupa tak tak ang a ka in ngaihna avang chuan ka hriat loh kar in ka lo nui leh sen sen thin bawk.



" Hubby! " Ti chhuak sap in ka nui nghal sak. Ka chhung lam atang a hlim ruk veng veng na rawn awm bawk, khum khuhna chu bathroom lamah pawm phei in shower ka nei ve nghal a. Shower neih zawhah in thlak sawk sawk in ka rei lutuk hlau chuan ka sam chu towel a tuam lak in room atang chuan ka chhuak phei ve a. Mahse sitting room lam a ka lut phei chu ka mi hmuh te vang chuan ka khawng nghal at.



Hlau thawng ru zet in ka u ka zawng nghal ruai a, thuthleng pakhatah a thu a rawn thawh chhuah takah chuan ka thaw chhuak halh. Ka dinna atang chuan ka kutah vuan in thutna awl lam pan chuan min kai phei a. Ka pa leh ka pu te hmaah kan thu thla zui nghal a. Ka pa mit meng thim khup ka hmuh rual in ka taksa a khawng nghal talh a, thawk pangai pawn ka thaw tawh lo hial in ka hria.



" Angel rawn hruai tur cheu in kan rawn kal a. " Ka pu in a rawn ti sup a, chhang lo in ka ngawi ta ringawt. Ka pa erawh tawng tum hmel a pu lo thung.



" Ka pu rawn haw tumna kan nei lo! " Ka u in ka kut hum run chuan a ti sup a. Ka pa a rawn thaw ri nghal hrawk.



" Kan sawi tawh ang khan kan let rual in Ruatpuii hi a rawn let dawn! Engtin nge damlo damdawiin a admit lai hi i ruk bo theih zawk? " Ka pa in a rawn ti chhuak chhur chhur a. A aw atang pawh chuan thinrim in sum tih a hriat viau bawk.



" Kei pawh ka sawi tawh kha. Kan in neih in rem ti a nih loh chuan a rawn haw ka rem ti lo. Kan rawn let a nih pawn kan in dang ang! " Ka u chuan a ti ve sup.



" Khanglang cheu chuan! Ka fanu a ni a , ka thu a zawm tur a ni ringawt! Ruatpui min rawn zui rawh! " Ka pa chu rawn ding vut in a ti chhuak hrawk a. Ka banah min rawn pawt ding nghal nawlh. Mahse ka ban leh lamah ka u in min vawn beh ve avang chuan lawm lo zet in a phun nghal hluk.



" Pa.... Ka lo haw duh lo! Ka u bulah hian ka awm duh! " Ka pa hlau ru zet a ka ti chhuak halh chu mit meng thim khup a min melh in a mit meng atang chuan kut min thlak pawh a hreh loh hmel hial bawk.



" I chiang em? Tunah ka rual a I rawn let lo a nih chuan ka fanu i ni tih hi ka theihnghilh ang! " Ka pa aw khauh ru zet vang chuan mit ka chhing sawk.



" Ka tihpalh! Ka zui haw thei lo cheu! " Ti chhuak tiau in ka pa min vawnna ka kut chu ka pawt let a. Ka pa mit meng a rilru natna leh thinrimna lo lang chuan ka thawk a ti sak ve talh. Mahse ka pa ka hlauh vang in ka u ka phat san thei lo. He ti chen kan thleng tawh a, tunah inah let leh mah i la a hma ang khan ka hlim in engkim theihnghilh in kan awm thei tawh dawn chuang lo a. Chu bakah zak tak a ka u siam hi ka duh lo.



" I thu thluknaah in chhir suh ang che. Tih luihna chuan ka haw pui lo ang che. Mahse i lo haw lo a nih chuan engtikah mah rawn haw buai tum tawh suh ang che! " Ti chhuak hmuk in a chhuak zui vut chu mittui tling pam in ka thlir a. Ka pa te an chhuak fel chiah tihah sofaah thu thla hnawk in ka mittui a luang nghal zwih zawih a. Ka u in min rawn kuah nghal vat.




" Angel rilru hahdam deuh khan awm rawh u. I pa te kha an thin a rim rih mai mai a nih kha. Ni te han kal se an rilru pawh a dam ve hret hret a nga . Nu leh pa te hi chuan kan fate hi kan thlah thlam mai mai thei lo a nia. Nang ni pawh an la pawm ve mai ang ! " U Rinzuala pu chuan a rawn ti sup a. Mahse ka ring chiah lo. Midang ang kan ni ve miau lo a.



" I zia awm deuh tawh em? " Room a ka thu ngawi reng chu ka u in a rawn ti sup. Engtik in nge a rawn luh ka hre miah lo. Ka pu nen khan an in be fal lawk kha a nia.



" A hreawm ka ti! Ka pa thinrim zia kha i lo hmu em? " Ka hma zawn a a rawn ding khawng luah chu melh chho in ka ti sap a. Ka sawi zawh rual in ka thaw chhuak halh.



" A la zia awm ve mai ang! Rei nghah pawh a ngai lo ang tih ka chiang. " Ka biang a kut lian zet a rawn khuap in a ti sup.



" Engtin nge i chian em em theih! " Rilru buai zet in ka ti chhuak halh.



" Ka hre ve tawp. A hmasa ber in naute kan nei phawt a nga! Ka pa chu a tang rei thei tawp lo ang! " Ti sup in a then suk a. Ka ner nang a hmuh rual in ka sam ka tuamna towel chu pawt thla in ka sam chu min hruk sak nghal mawlh mawlh a. Ka rilru pawh a nuam ve ta deuh.



" Ni e.. Fa kan neih chuan an rilru pawh a dam phah hrim hrim ang" Ka ti ve ta sap.

*

*

" U Angel i duh chuan va in siam tawh rawh! U Reubena a lo haw tep tawh ang! " In kan ti fel zo chu Dindinin a ti sap a, lu ka bu nghat. Hun a ral ve zel a, Christmas pawh tluang tak chuan kan hmang zo ve a. Chrismas tuk khan ka nu nen kan in be ve a, mahse rei lo te chiah a ni thung. Ka ngai viau nan mahse ka sawi lang duh ngai lo thung. Ka u rilru tih hreawm ka duh loh vang in.



Ka u pawh ka pu ai hnaah kal sak thin in , nitin a chhuak ve a. Heta kan awm chu kawng leh lam takah chuan a hahdam zawk viau. Ka chhuah vah ngai loh vang nge tuman kan chan chin an sawi ve luam lo a. Mahse a chang chuan ka in thlahrung ve thin.



Nula ve uai tawh mah i la kan inah khan in chhung hna sek rek vel ka khawi ngai loh avang khan engmah thiam a lawi ka nei lo. Rawng bawl tur tak ngial pawn ka lak tlak hlawl lo a nih chu. Dindini a fel hlauh avang in min phut buai ngai lo a. Mahse a ruk chuan a nuam lo duh tak zet. Kan inah kha chuan ka ei in in, ka duh ang ang in ka awm tawp thin kha a nia. Mahse engkim chu thiam tum in ka in zir chawp ve zel thung.



Room ah lut in ka in thlak nghal mawlh mawlh a. Ka u a hna thawhna lam a a hmelhriat ten zan riah ei tur in an sawm a, ka kal ve chak lem lo viau nan kal tur in min ti ve tlat sia ka hnial duh bik lo.



Kawr fual eng dal lam, hak nuam zet chu in bel in pheikhawk pawh a flat simple zet ka in rawlh a. Thawmhnaw he tah chuan ka neih tam loh avang in han in chei vak na tur pawh ka nei hran lo. Ka sam chu ka bawk khawm vek a. Ka mit hnuai lam a dark circle rawn val deuh ralh ka hmuh chuan ka ner sak.



" U Angel! I duh chuan ka makeup hi hmang rawh! " Darthlalang a ka in thlek kual vel lai chuan Dindini rawn lut in a rawn ti a, ka hnar lem lo.



Ka u pawh a rawn thleng ve mai a. Ka lo in siam sa vek tawh a vang chuan kan chhuak zui nghal a. Kei in hmelhriat ka neih vak loh kaiin ka u chu hre tu a ngah tawh viau a. Doctor specialist a nih vang a lo ral khat hriat nawk an awm bakah ka pu ai hna kal in office work a thiam zawng tak a ni bawk a. Ka pu pawh in in dang luah kan sawi pawn min ui der ve viau a. Mahse kan awm reng dawn chuan in dang luah chu kei chuan ka la duh rilruk viau thung.



" I nuam lo a mi? I va ngawi chawi ve ? " Ka u chuan motor khalh chung chuan a rawn ti sup a. Nui lui sak in lu ka thing vat.



" Kan haw leh vat dawn nia." Min ngaihtuah zet chuan a ti leh sup. Kan Kal na tur chu a lo hla lutuk lo bawk nen kan thleng thuai a. Nupa tuak lek a khawsa ve tho an lo ni nghe nghe a. An nu zawk chu ka u thawhpui nu ni in , an pa pawh chu ka u te nen school an lo kal tlang hrep tawh tih ka hre chawp ve zel a. Nuam lo em em chu a ni bik lo.



Nupa lek a khawsa an nih bakah hna an neih ve ve avang chuan tleirawl pakhat chenpui an nei nghe nghe a. An ti ti an tui chhoh tak deuh vang chuan boruak dang hip tum in pawnah ka chhuak a an in chung la sak loh lam chu pan in ka hawi thaw veng a. Ka phone rawn ri chu en in ka thaw hak.



" Hello! " Babyi call chu la in ka ti zawi sap.



" I va in duh ve!" A rawn ti thawr chu ka ner sak. Phone thar ka hman bakah ka no thleng a a dang lam vek avang in tumah ka be thei lo reng a. Mahse ka u phone ah Babyi no a lo awm avang in hmanni deuh atang khan kan in be ve a. Kan chung chang vel pawh ka hrilh hre ve ta vek. Babyi leh Kimkimi chiah hi ka biak awm chhun an ni bawk.



" Min ngai thei viau suh ! ' nui hak a ka ti chu a rawn nui ve hak hak. Eng eng emaw kan sawi nual a. Thian te han biak chuan tawng duh viau lo mah i la kan in be tawp thei leh meuh lo.



" Tak in class i kal lo vang vang sia exam tal chu i rawn pe ang ti raw! 4 semester a ni tawh dawn a. Term tharah chuan core student kan ni ve tawh dawn a! " A rawn ti lang lang. Kei erawh chuan heta kan awm rei ve tawh zia ka ngaihtuah daih thung. Kum chanve deuh thaw kan lo awm ve reng chu a nia.



" Ka la hre lo le! Ka kal chhun zawm theih rih pawh ka in ring lo! " Ka ti zuai raih. Ka u in let lam a la ngaihtuah hmel si lo a. Hman zanah pawh helam a clinic hawn chung chang ka pu nen an sawi dun kha a nia.



" Naa... Ngati maw? Mi te pawh pasal nei chung te pawn an kal ve tho a. U Reubena i sawi pui hrim hrim lo a mi? " A rawn ti leh lang lang chu ka thaw hak.



" Midang nen kan in ang ve lo hi lawm buaina! " ka ti sap. Midang te chu unau a in nei an ni ve tlat lo. Ka hnung lam a pen ri ka hriat avang chuan ka in her a, ka u a nih ka ring deuh a mahse in neitu pa zawk a lo ni.



" Baby ka lo be leh ang che! " Ti sap in phone ka dah a ka bul a mipa lo ding chu ka nuih lui sak.



" I tha maw? Ei tur kan peih fel tawh a sin! " A rawn ti sup a. Tha deuh a chhang in in chhung a chhuk tum a ka in her chu a rawn tawng leh vang chuan ka ding dat.



" Reubena hian a sawi nasa thin che kha ka ti reng a. Hetiang in zawmna in lo neih vang a nih ka ring ta! " Nui suk hian a rawn ti a. Kei pawn nui hmel ka hmuh tho a mahse a thu sawi erawh ka awi em em lo. A chhan chu ka u hian a thian kawm nazawng hnenah a mimal nun a sawi ngai lo miau.



" Ka ring chiah lo na in a lawmawm lamah ka ngai mai ang! " Ti sap a kal mai ka tum chu ka banah a rawn man bet chawt a. A lam ka hawi rual in min elh sen hmel zet hian a nui nghal sawng.



" Induh thiam viau lo teh! Kawm tlangnel che ka tum a nih hi. " A rawn ti hluk chu ka ner sak.



" Enge i hriat a? ' ka kut a vawn pawh let mai ka tum chu a thlah duh loh avang in ka vin ta nghek.



" In la viau in chapo reuh viau mahla i nihna chu i thup thei lo ang! ' ti chhuak hrawk in a lam a min pawt hnai hrawk a, thinrim zet in ka tal nghal vak. Zak thei lo ka tih zia chu pui tak a ni.



" Enge i sawi ka hre lo. Min thlah vat rawh ka au vak hma hian! ' ka ti vin hlar a. Mahse min thlah tum hmel a pu miah lo a nih chu.



" Eng ang tak in nge mipa i mamawh chu min en tir la! I unaupa ngei pawh i ngaih melh thei a nih chuan kei nen pawh hun hlim awm tak kan hmang dun thei ang chu! " Ka beng bulah a rawn ti sup a. A thu sawi vang chuan ka khawng awt.



" Lungngai suh tuman an hre lo ang! Tu nge hria i u Reubena leh ka nupui pawh khu an hna thawh na lamah an lo che na duh viau mai thei tih! Ka nupui hian i u in hna a rawn thawh atang hian hna kal hi nuam a ti sawt viau a nia! " A rawn ti leh sup, engtik lai in nge a hmaiah ka ben ka hre lo. Ka hriat zawng chu ka thin a rim hle tih hi.



" Tenawm lutuk! " Ti fak a ka benna dawm tu pa chu melh nghek in ka pen sawn nghal hlak hlak. Engtin nge kha tiang khan ka chungah chet ngam. Ka awm dan a en hian ka lo xuam awm viau zawk nge, ka taksa rawn pawt let nawk tu vang chuan ka rak that.



" Min kal san theih mai ring suh! Min hnar der tih ka hria a lawm. Reubena hian kum engzat I nih in nge he I taksa no nalh zet hi a khawih kual vel! A ni au chuan ka siam nuam zawk ang che. Mipa dang tem chhin chu i chak ve tih i mit mengah ka hmu thiam a nia! " Bang a min nem bet chuan a rawn ti chhuak chhur chhur a. Ka hlau lutuk leh thinrim bawk si chu ka tha te a khur vek hial a nih chu.



A kut chuan ka hnute ka kawr chhanah a rawn tham nawk nawk a. In chhung pawh ni lo a hetiang a a che ngam chu ka ten in ka rap tak zet bawk. Min fawh tum a a rawn kun hniam chu ka lo thlek sawn zel avang chuan thinrim zet in ka khabe a rawn hmek sawk a, na ka ti chu mit ka chhing sawk.



Ti fuh in ti zet a then suk a rawn kun hniam chu ka theih ang a na in a kapah ka pet sak chawr a, rum hrawk in a na ti a kun nghal ngawih ngawih chu rem changah lah in stepah ka tlan thla a, ka tha khur nasa lutuk leh ka mittui tla vang chuan duh ang pawn ka kal chak thei lo. In chhung ka luh rual a ka u leh kha mi thenawmpa nupui lo awm duh ka hmuh teri chuan ka thin a ti rim hlur.



" Naute.. Khawnge i lo kal daih? " Ka u in min hmuh rual in a rawn ti sup a. Kei erawh tah in sum zet in ka ding thung.



" Ka haw dawn! " Ti leh sir lam bang bul a ka bag dah chu la in ka chhuak zui nghal!

πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:22 pm

CHAPTER - 29 πŸ’˜ by Amy Cck



" I tha em? Nula... " Ka tomato tla vel chhar a ka kun chu tu emaw hian ka ban bulah vuan in min rawn pawt ding a. Ka mittui tling deuh pam vang chuan a hmel ka hmu chiang thei mai lo leh nghal.


" Na i nei a mi? " A rawn tih leh takah chuan ka harh chhuak hlawl.


" Ka...ka tha e! Ka tihpalh i motor hmaah ka lo tlan lut thut ringawt a! " Bah nak a tiin ka kut a vawn chu ka tal pit nghal vat a. Mahse ka lu rawn hai deuh vang chuan ka pai zui nghal nak thung. Ka tlu dawn emaw ka ti hman chu ka kawngah min vuan in a taksa rin chhan chuan ka ding zui nghal a. Bazar a awm ve leh kawng kal ho chuan motor in min su emaw tiin min rawn ngaihven zui nak nak bawk.


" Damdawiin ah ka hruai ang che! " A rawn tih chuan in la hrang deuh in lu ka thing vat. Hetiang a ka awm chhan hi a mah vang a ni lo a, ka tih buai vak chhan tur a awm lo. Ka taksa a chak lo deuh mai ni in ka hre zawk.


" Kawng sir ah sawn min hruai lawk thei zawk a ngem? " In thlahrung ru deuh tak chuan ka ti zui sap a. Ka pi ka nghahna lam chu ka melh nghal ralh a. Bu nghut in dim zet chuan min kal pui a. Ka kawngah vuan in min ngai chang zet in min kal pui a, duh lo ru viau mah i la hnial thei din hmunah ka ding lo.


" Ka lawm e! Chuan ka tih buai che vang in min hrethiam hram dawn a nia. " Step bul rem chang a thu thla in ka ti let vat a. Nuih luih chu duh viau mah i la ka awm dan hian a zir tlat lo nen lawm thu pawh ka sawi thei tawk.


" Heta thut ai chuan in in awmna sawi la ka va thlah ang che! " Min ngaihtuah hmel zet chuan a ti leh sup a. Mi sual tak chu a nih hmel loh. Mahse chuvang chuan tih buai ka duh tihna a ni chuang lo. A motor hma a ka va ding ringawt pawh kha a in thlahrun awm let ling zawk a nia, engtin nge ka in thlah tir ngam teh lul ang.


" Aiii... A ngai lo! A ngai lo tak tak... Ka pi nen kan nia, ka lo nghak zawk ang. I kalna lam turah kal tawh zawk rawh. " Ka ti nghal vat chu a rilru a buai hmel ngang mai. A tawpah chuan engmah sawi lo in a kal sawn a. Ka thaw chhuak nghal hak. Ka phone chu hmet eng in ka u no bawk chu ka call leh a, ka call a la chhang thei chuang miah lo chu ka thin a rim nghal hlar bawk.


Ka lu hai deuh vang chuan mit ka chhing vang vang a, ka men leh rual a ka hma a hnai zet a min lo en tu vang chuan ka phu nghal chiam.


" Nga... Ngati nge hetah i lo awm leh? I kal daih tawh sia! " Ka ti nawi nak. Motor a min su tep tu pa bawk kha a ni chu. Ni lo... A motor ka va su tep zawk a nih kha.


" I mi nghah chu ka lo nghah pui ang che ka ti deuh. Ka motor kha ka va hung sawn lawk a! " Ti tha ve mai chuan ka bul ah a rawn thu thla a, mak ti zet in ka melh haw.


" Mahse engvang in? " Mak ka tihna thup lek lo a melh chuan ka ti leh sap.

" A chhan chu.... Ka hre bik lo le! I mi nghah lo thlen hma in tlu sual palh ta la, buaipui tur che in! " Nuih in sum zet a a rawn ti chu ka ner zui nang.


" Engvang in nge ka tluk ngawt ang? " Ka la ti hram. Ka hriat ngai pawh a ni lo a , a rawn awm dan chuan min thawng tih bak sawi ngaihna ka hre lo. Min chhan loh avang chu melh nghek in ka hawi sawn ve hmak. In be lo chuan kan thu ren rawn a. A khat tawk a ka phone a ka u call in, phone a lak theih loh vang chuan ka thaw leh hal thin.


" I pi chu i call a mi? " Rawn ti tu vang chuan ka phu chiam. Ka bulah a lo thu ve tih ka lo theihnghilh leh hman chu a ka in ti tak zet bawk.


" Enge i hriat a? " Ka awm dawm chuan ka ti vin hlar.


" Sorry! Kha ti em em khan i phut ka ring lo a. " In thiam loh hmel deuh chuan a ti zawi sup. Mit chhing in thawk ka la zui hak. Kei pawn kha ti em em a vin kha ka tum miah lo. Ka in control hman lo a ni ber. Tunlai ka mizia danglam hi engvang nge ka hre thiam lo tak zet. Ka huatthu a chhiat bakah ka thinchhiat a zual em em a, ho te a tah a, ka mittui rawn chhuah mai a ching bawk. Ka lung a len vang pawh a ni mai thei.


" Hetah i lo awm daih a. Saw tah khan ka zawng che a, i lo awm tawh si lo a. Ka nghak deuh reng che a sin! " Ka pi chu kan bulah a rawn thleng ve hlawl.


" Maw? Min nghak maw? " Ka ti haw. Ka pi hmel ja hmuh rual in ka in thiam lo nghal chem chem. Saw tah nghak tur zawk kha, ka lo kal sawn a, ka awmna ka hrilh leh miah lo tih ka hre chuak ve chiah. Ka hai haat vang nge ka hriatna hi a tawi tup mai.


" Pi... Nang hi maw kan li nghah reng che a! " Ka bul a mipa chuan zangkhai zet hian a rawn ti sup a. Ka mak ti chu ka melh tawn zak zak.


" Rindika teh mial chu! Enge hetah i tih a? Angeli nen hian in in hria a mi? " Ka pi pawh chuan a ti ve nghal a. Kei erawh an bulah ka ding ngawi kar ringawt.


" Angeli maw? Ti leh min rawn en a rual a! " Kei pawn ka melh ve ha. " Tunah khan kan in hre chiah. " Ti sup a min rawn en tu chu mak ti lutuk in ka la melh haw tho.


" In haw dawn chuan ka lo thlah ang cheu! " Rindika chuan a rawn ti zui zat a ka pi pawh chuan pawi a tih loh thu in a chhang a. A motor dahna lam ni a a sawiah chuan ka in zui phei nghal a. Mipa nel awm leh polite tak a nih bakah a la upa zawk zawk lo ang tih a hriat.


Kawng lakah chuan ka pi nen chuan a tawng barh barh a. Kei erawh seat hnungah kan chaw hmeh lei te nen ka thu a. A khat tawk in ka phone bawk ka khawih leh thin. Engvang in nge ka u in ka call a lak thei loh. A buai a nih pawn tum chen chen chu a buai ka ring lo. Ka miss call hmu a min rawn call let ve tal tur a nia.


" I lo chhuak ve duh lo a va ang ve! " Ti ri avang chuan ka hawi nghal dawr. Kei mah chiah in motor chhungah ka lo thu tawh leh nghal. Ka sir lam kawngka atang Rindika khan min lo en reng tawh bawk.


" Khaw nge ka pi? " Ka tih rual in kan in a ka pi lut ka hmu zui zat a. Zak ru zet a mit chhing sawk in ka chhuak zui ve nghal.


" Ka lo keng lut ang! " Kan bazar bag ka la tur chu a rawn ti sup a. Bag chy min rawn ban khalh bawk. Sawi buai ta lem lo chuan ka kal sawn a, ka hnungah Rindika chuan min zui ve zel bawk.


" Angel Dika kha thingpui lo lum sak rawh aw. ! " Choka lam a kan in zui lut chu ka pi in min rawn au zui lang lang a. Kei pawh chuan ka lum sak tur thu in ka chhang ve mai bawk.


" Lo thu rawh! Kan lum lawk ang! " Tih leh thingpui chu chhuan ka rual a. Dawhkan bul a chair chu pawt chhuak in a thu ve mai a. Kei pawh chuan dawhkan chung a bazar bag a dah chu pawt sawn in kan thil kei ho chu ka la chhuak nghal zat.


" Hetah hian i cheng ve tih ka lo hre miah lo a. Dindini lo chu chenpui an neih awm pawh ka hre chuang lo. Nge ni a, i awmna a la rei lo! " Min melh reng chung chuan a rawn ti a. Ka pi te chhung nen an lo in hre viau a nih ka ring dindini a hriat danah.


" Kum chanve dawn chu ka awm ve tawh! " Tih zawng in ka chhang. Lu a bu ve nghauh nghauh tho. Bag chhung mawng lam a Bawngsa ka la chhuak chu ka pum a rawn let but a, rang zet in tui dehna hmaah chuan ka tlan phei a, ka uak nghal tuar a nih chu.


" I tha em? " Dika chu ka bulah rawn kal vat in min rawn ngaih ven vat a. Chhan pawh ka chhang thei lo a, ka pum no deuh nghulh vang chuan ka uak leh tuar a. Mahse engmah erawh ka luak chhuak lo thung.



" Ka tha e! Sa rim thang saw ka ti thei lo a niang. Ka pum pui chak lo a chhuak a! " Ka zia awm hnu chuan ka ti ta sap a tui ka in zui nghal kawlh kawlh bawk.


" Ka lo dah chhuah sak ang che! A dahna tur min pe la! " A tih chuan ka hnial lo chiang lutuk. Plate ka pe vat a, sa chu a bun chhuak a, freezer ah a dah lai te chuan ral khat atang in ka thlir reng ringawt. Ka thingpui chhuan a so takah chuan ka siam vat a. Ka pi pawh choka lamah a rawn phei ve ta hram.


" Huan lamah i pu ka zu tlawh ve chhin a nge, chaw hmeh siam vak a ngai lo bawk a. Bawngsa kha cooker in lo phit tir tawp la. A harsa lo ti raw? " Ka pi lah chuan a la rawn ti ang deuh deuh. Ka a zo tak ngial dawn.


" Dika nang pawh hetah chaw ei ve rawh aw. I rawn haw tih reng kan lo hre lo a. Dindini pawh a rawn haw tep ang. " Ka pi chuan a ti nghal zat a. Dika pawh chuan a hnial lem lo.


Vanneih thlak lutuk in bawngsa chu ka siam ngai lo in Dikan a siam hlauh a , bawngsa mai ni lo cooker phit ri te chuan ka luak an ti chhuak tlat leh nghal. Kei hi ka natna a rawn chhuak dawn a nih te ka ring rum rum hial. Dindini a rawn haw tawh bawk a boruak dang hip tum in in hnung lamah ka chhuak daih a. Ka hahdam huai in ka hre bawk.


Varanda thu thleng ah chuan thu in, a nghenchhan chu ngheng in mit ka chhing vang vang a. Tun hnai te atang hian ka nu leh pa ka ngai em em reng a, ka u bulah erawh ka sawi lang ngai lo. A ni chu ka pu ai hna a kal avang in a rilru ah chutiang lam a lan pawh ka ring lo. Mahse kei chu ka ni tin hun hman dan a ngai put a, helai hi nuam ka tih loh vang ni lo in, mahni in ni lo na na na chu tlem chuan ka in thlahrung ve lo thei lo bawk nen. Kan in ka ngai tawh tak zet.


Dindinin min rawn sawi harh a, ka lo muhil tih ka hre chiah. Chaw ei an hman tawh thu a sawi avang chuan kan in zui lut a. Ka pi leh ku pawh an lo haw tawh a nih hmel. Mahse ka hawi kual a ka u hmel erawh ka la hmu ve chuang miah lo.


" A... Angel U Reubena chu a rawn haw tlai dawn a. " Ka thil tih hria ang maiin Dindini chuan a rawn ti vat .


" A ni maw? " Ka ti zawi sap.


" Aw... Min rawn call a! " A ti zui leh zat chu ka nui chhuak hak. Mahse ka taksa erawh a tang nghal vek. Dindini leh Dikan mak min tih hmel zet a min enna chu hai der in chaw ei ka siam zui mawp mawp a. Kha ti zat ka call a mahse kei ni lo in Dindini a rawn haw tlai thu a hrilh daih chu ka lawm lo tak zet.


Chaw pawh ka ei mang lo. Mawi hnaiah dawhkan ka kil ve mai mai a ni mah zawk. Chaw ei khamah midang mit mei ka veng thei tawh ngang lo a, Dindini bulah ka nawm sam vak lo vang a thleng sil mai tur a tiin ka room ah ka in khung nghal daih a. Bathroom ah in sum lek lo in ka luak nghek a. Ka pum no nghulh lah a reh thei der lo leh nghal. Hetiang hian a hma in ka awm ngai si lo a, vawin a sa zawrhna a kan kal khan a rim ka hip lut fuh lo a nih te ka ring ta rum rum.



*

Ka taksa hnung lam atang a rawn kuah lum thur thur a, a taksa lian zet si chet a min pawt hnai nghal hrut tu vang chuan ka meng chhuak riai riai a. Bang a sana pui ka hmuh rual in a lo tlai tawh zia ka hre bawk. Ka nghawng zawnah a hmai a rawn nawr in a thaw chhuak suai suai a, kei erawh ka che ngam lo.


Ka mut lah chu a chhuak thei tawh lo. Zan a rei tulh tulh a, ka harh tulh tulh thung. Rei fe che lo a ka awm hnu chuan a mut ngheh tawh ring in a kut min kuah behna chu tih harh hlau zet in ka la sawn a. Khum sir lamah ka tawlh phei a , thawh ka tum rual in ka ban rekah a rawn vuan chawt a, phu chiam in ka hawi nghal dawr.


" Khawnge i kal dawn? " Ti sup in a rawn in beng kang a, ka thaw nghal hak. A mit meng atang chuan a la muhil bik lo tih ka hmu thei. Kha tih chhung zawng khan kei mah ang chiah in a lo muhil der ve mai mai a nih ka ring ta bawk.


" Khawiah mah! " Ti hmak in ka kut chu ka pawt let nghal hmak. Ka zah zel ah ka sam ka tawn der kual ve a, mahse min hre chiang tu a ni a, ka awm dan a dik lo tih a hmu thiam tih a mit meng thim khup atang in ka chhiar thei.


" Dindinin i nuam sam lo tih a sawi a! " Rawn thu chhuak in a ti thawp sup a. Ka in rin hma in ka kawngah rawn vuan in a lamah min pawt hnai nghal hrut. Ka taksa chu a tang nghal at a mahse engmah ka sawi duh ta bik lo.


" A ni maw! " Ti chhuak halh in ka rilru a lawm lohna rawn awm chu thup ka la tum lui hram. A chhan chu nu leh pa te rem ti lo chung hetiang thleng kan kal tawh a, in tih thiam loh leh in hauh buai vel hi ka thil hlauh ber a ni. Chuvang chuan ka lung lenna te nuam lo ka tihna tam tak pawh zep in ka tuar hram hram bawk.


" Vawin chu i buai viau a ni maw? Ka call pawh i chhang thei lo a, bakah zanriah pawh i ei chhuak hial a. " Pangai tak ang a lan tum chuan ka ti chhuak sap.


" Hnaah ka bur deuh chawt a. I call ka hmuh rual in ka rawn call back che a I la leh thei si lo a. Dindini rawn bia in kan department ho in zanriah kan ei tur pawh ka rawn hrilh a nih kha! " Dam zet chuan a rawn ti chhuak sup a. A hmui lum ham ham chuan ka nghawng leh beng vel a hrut kual ruai a. A kut pawh ka kawr chhungah a zen lut fel der tawh. Mahse kei erawh ka kawchhung lamah hian thinrimna a rawn in hlum let tup tup thung.


" A ni maw? " Ka ti zawi sap a mahse ka mitthlaah Racheali nen motor chhungah an awm lai ka hmu daih thung. Kha tih lai khan hna a thawk miah lo tih ka mit ngeiin ka hmu a. Vawi engzat fa ko nge ka call pawh ka hre se nek lo. Mahse pakhat mah a hre lo erawh rin tur a ni em ka hre lo.


" Mu tawh rawh, i chau ang! " Ti leh ka kawr chhung a a kut chu vawn hnan in ka la chhuak a. Ka aw tah in sum zet a lawi rat chu duh lo viau mah i la ka in sum zo tawh lo.


" Dik lo a awm a mi? " Min rawn kuah leh mai tum a a rawn che chu rang zet in khum atang in ka tho a. Phun hluk in a rawn ti hmuk.


" Awm lo! " Tih leh rang zet a bathroom lam a tlan phei ka rual a, bathroom ka luh rual a kawngka kal in ka uak nghal tuar. Chaw ka ei mang lo miau avang in engmah erawh chhuak tur a awm lo. Ka mittui lah chu a rawn dir nghal zawih zawih a. Enge ka hriat teh reng ni.


" Naute i tha em? Lo hawng teh! " Ka u in kawngka chum dawt dawt in a rawn ti a, hawn enah pawh ka en lo. Rei fe bathroom a ka in khung hnu chuan ka chhuak a. Bathroom bul kawngka ngheng a mipa lo ding ka hmuh rual in a ngai ang bawk in ka pum a rawn no leh nghal bulh.


" I tha em? " Ti sup a min rawn pan hnai in min rawn khawih mai a tum chu na zet in a kut ka lo vai per nawk. Lawm lo tih hriat zet in a meng dur nghal khui a, mahse tunah rih chuan ka ngei tlat a nih chu.


" Ka tha ! " Tih leh khum lam pan ka rual a. Khumah pawh chuan a sir thei tawpah ka mu bawk. Tha deuh a vawin chung chang sawi pui ka duh laiin a ni chuan dawt sawiin hna a thawh char char thu min hrilh a. Kan awmna hi kan in a nih loh bakah zan a rei tawh a in hauh buai ka duh lo vang in ngawih ka chuh ta zawk.


Khumah chuan a rawn mu thla ve a, ka mit mei a hmuh loh vang nge min hnaih a tum lui bik lo. Ka mittui rawn chhuak leh ringawt chu a hmuh hlau in sir lam ka hawi zui hmak bawk. Ka hnung lam atang rei lo teah min rawn kuah zui nghal hlun a, ka in sum hman lo chu chhuak lutuk in ka in hnit zui nghal hlawp hlawp.


" Ka tihpalh ! I damloh lai a I bulah ka awm hman loh avang in! " Ti dam dup in a lam hawiin min kuai her a, engmah sawi lo chuan ka in hnit hlawp hlawp thung. Chu chu ka lawm lo chhan a ni lo tih hria se ka duh a mahse hna a thawh thu a sawi vek tawh a, dawt min hrilh tih sawi chhuak tu nih a, buaina siam hmasak ka duh si lo. Ka taksa chhung lamah hian min hnawh ut ut chu a hreawm tak zet.

*
*

" Tunlai hi U Reubena nen hian in in hau a mi? " Dindini nen kan in kawt a hnim to vel kan pawh fai lai chuan a rawn ti tawl a, nui lui sak in lu ka thing nghal nak.


" Ka awi lo! In ah kan pathum chiah in kan awm a, ka lo hmuh dan chuan in tha vak lo in ka hria. " A rawn ti zui hram. Ka pi leh pu te an zin a, Dindini erawh an exam mek thung.


" Chutiang engmah a awm lo! Lo ti duh tawh suh, lehkha va zir tawh rawh exam lai i nih kha! " Ka ti let nghal zat. Kei pawh Aizawlah chuan awm i la ka exam ve mai thei. Ka ngaihtuah chhuah chang hi chuan ka lung a leng ve thin.


Tunlai chu ka u nen kan in mil thei meuh lo bawk nen, hman ni a Racheali nen ka hmuh dun ni a dawt min hrilh atang phei kha chuan rin hlelhna hlir in ka khat tawh ni ber in ka hria. A hriat loh lai a a phone check ruk ka ching ta fo a, ka thil tih tul lo zet vang chuan kei mah zawk ka na nawn fo bawk. Ka rin phak bak in hmeichhia text tu a ngah a mahse reply let erawh a nei meuh lo. A reply ho chu a hmel hriat tha ho an ni tih an in reply na atang in ka hre ve bawk a. Mahse chu chuan ka thik thu chhiatna a ti reh chuang hauh lo. Hmeichhe lamah ka u tlak nat zia ka hre chiang tulh tulh a, ho te ah ka thinrim phah fo bawk.


" Ka zir peih lo lutuk a tih tur dang ka zawng ruai a nih hi. Saw.. U Dika a lo lang hlawl mai, min rawn fiam leh vak hma in ka lut dawn, nang pawh ti duh tawh suh ni a sa tawh e mai! " A ti ve mai a. Chhang lem lo chuan ka nui ringawt. Inah tih tur a dang a awm si lo a, tunlai chu ka rilru lak pen nan chet char char ka duh.


" I va thawk nasa ve. Laldinpuii chu enge min hmuh ve leh a luh daih a! " Dika lah chuan a rawn ti nghal a, ka lo nuih hak hak thung. Dika hi awm lo phei se chuan ka lung hi a leng zual ngawt ang tih ka chiang. Dika te leh ka pi te hi an lo in chhung khat reng a. Dika erawh Aizawl lamah zirna vang in a awm thung a, MA a chhuak ve tep a nih hmel. Inah a rawn len luh ve zauh zauh takah chuan eng tin tin emaw kan in nel chho ve viau a. Ka khaw har hnem tu ber a tih theih ang chu.


" Nangte hi a ni tel hian i cher tawlh tawlh mai in ka hria. Damloh ruk riauna i nei te hi a ni lo maw? " Min en vung vung in Dika chuan a rawn ti hlawl a. Engmah chutiang a awm pawh ka hre lo ve nan mahse ka taksa erawh a cher tih chu ka in hre ve.


" Naktukah ka in entir dawn a. Vitamin tha deuh ka lo in chawh tir dawn nia! " Nui hak in fiamthu ti tak deuh chuan ka ti a. Ka u chu hrilh i la a mah min buaipui thei maiin ka ring a mahse tunlai chu ka mil thei tlat lo. Ka bul a a awm ringawt pawh ka ngei ngawih ngawih a, min hlat theih nan chhuan lam ka siam hram hram a. Ka hlat a a awm leh ka ngai ngawih ngawih bawk si. Min ngaihsak viau leh ka thinrimna a ti tam a, min ngaihsak lo ang a a awm leh ka thinrim bawk.


" Tu nen nge in kal dawn? In pa nen a mi? " a ti chu nui chung in lu ka thing a, kei mah a ka kal tur thu ka sawi chuan min kal pui a tum ve nghal a. Ka hnial bik lo, mahni a kal chu ka huphurh ve tho a vang a hnial lo ka ni bawk. Step a thu chung a kan ti ti mai mai chu thli rawn thaw in ka mitah kei nawi a la rawn chhem lut zui bawk. Ka meng tha ngam bawk si lo ka kut lah a la balh avang in ka khawi mai ngam bawk si lo chu Dikan min rawn pui a. Ka mit thip lutuk chu ka mittui nen ka rak tung a ni ber.


" Eng thil nge in tih a? " Kan in buai pui lai chuan ka u aw ri bung nghut chuan a rawn ti a. Ka hawi chhuak chu kan bulah a lo ding reng tawh. Vawin a rawn haw hma thut chu mak ka tih viau a, chu mai ni lo in Racheali pawh a bulah a lo ding ve ran a nih chu.


" Ka mitah lei nawi a lut a , Dika hian min lo tih fai pui a! " Ka kawr hmawr lam a ka mit la nuai reng chung chuan ka ti a. Ka u erawh a lawm vak lo nge a rum dueuh nghut ringawt.


" Lo kal rawh, in chhungah i hmai kan phih dawn a nia! " Ti chhuak hmuk in ka banah chuan a rawn vuan a, engvang a a aw a lawm lohna ri tel nge a nih ka hriat loh tluk chiah in a hmeichhe rawh hruai hian enge a rawn tih dawn ka hre lo.


" Dika... Lo lut ve rawh thingpui ka lo lum ang che! " Dika hrilh hai hmel chu nuih lui sak in ka ti ve zui zat. Mi a a ni lo a ka u in a mit hmai tha a hmuh lo tih a hria a, a in thlahrung ang tih ka hlau tak zet. In chhungah kan lut a, Dika leh Racheali chu common room lamah an thu a, ka u nen room ah kan in zui lut a, ka hmai ka phih ka chhuak chu khum chungah thu in file a lo keu mek a. Hna lam a kal leh a la tumah ka ngai hmiah.


" Kha pa khan enge a rawn tih? " Kal pel a chhuah mai ka tum chu a rawn ti sup. Ka pen lai pawh chu ka ding ve dat.


" A lo leng! " Pangai tak chuan ka ti a. A file ken chu khup in muang chang in min rawn en a. A mit meng chu a chauh hmel viau leh nghal.


" A rawn leng tih chu ka hmu reng. Engvang a rawn lang ngun viau nge a nih? " Lawm vak lo a a rawn ti hmuk chu ka ner sak.


" Chung te engtin nge ka hriat a nga? " Ngeiawm zet chuan ka ti let ve kher. A rawn leng thin hi kei in nuam ka lo ti a, engvang a thinrim ringawt nge a nih pawh ka hre nek lo.


" Tunlai i mize danglam tlat chhan hi saw pa vang saw a nih chuan ka en liam mai mai dawn hauh lo a nia! " A rawn ti deuh hmuk chu rum zet in ka melh nghal nghek.


" Enge i sawi awm zia? " Ka ti ve ngat.


" Ka sawi tum chu i hriat kha. Mipa dang nupui i ni tih hria se rawn kawm chin tawk che hre rawh se! " Ti hmuk in ka hmaah a rawn ding a, rum zet in ka melh chho ve ram.


" Engmah tih dik lo kan nei hlei nem. Engvang in nge mi rawn leng tha pangai chu i hmuh theih loh viau a? Nang pawh nuithlawi pakhat nen miin in chung chang an sawi zawm thin cheu hi ka hre ve a sin. " Ka ti let ve nghek.


" Kha tiang khan thu la kawi suh! " A rawn ti hmuk chu ka thin a ter at.


" Ka la kawi maw? " Ngei zet chuan ka ti nghek.


" I hriat chian loh chuan sawi chhuak tawp thin suh. Office khat a hna thawk kan ni a, chubak engmah a awm lo! " A rawn ti leh hmuk.


" Chu chiah chu ka sawi tum a ni. " Ti ngat in room chhuah san ka tum chu kawngka a rawn nem khar nghal hmuk.


" Thinrim chung in min chhuah san suh! " A ti nghal hmuk. Tunlai chu hetiang reng hi kan ni mai, a tu a ve ve pawh hi kan in biak chuan in hauh kan cho nghal at zel a. Kan awm dan hi ka hrethiam bik lo. Ho te ah pawh ka mittui a rawn chhuak awl em em a, ka rilru a no tlat pawh hi ka hrethiam lo.


" Nang mah a nih kha thinrim hmasa zawk. Nang hian min ngaihtuah tak tak em tih pawh hi ka hre thiam tawh lo. Nileng in office i kal a, kei hi engtin nge ka awm a, he inah hian ka khua a har em tih e maw, ka lung a leng em tih lam I ngaih tuah ve lo. Engtiang tak in ka awm a, mi hrang hrang in hmeichhia hmanni lawk a pasal then nen an sawi zawm cheu te hian engtin nge ka lo ngaih ve tih pawh i ngaih tuah lo! He hmun a ka lo kal hi ka in chhiar tak zet. " Ka ti chhuak tan tan a. Zah emaw in sum lam a lang tawh lo ka kaw chhung lam pik zawng zawng kha ka au chhuah pui vek hial in ka hria.


" Engmaw i sawi? " Ding khawng luah chuan a rawn ti zawi sup a. In seh ruh vak in ka mittui rawn luang chu ka kut hnung lam chuan ka hru nghal thak.


" Theihnghilh rawh! " Tih leh room atang a chhuah ka rual nghal. Duh aiin ka tawng tam tih ka hria mahse ka kaw chhung phik lutuk erawh a zia hawk. Kha lo pawh kha sawi duh tam tak ka la nei a mahse sawi vek erawh a tul lem lo. Thinrim ru tun in thingpui ka lum a. Choka ah Dika a rawn luh rual in ka nui lui sak.


" Ka lo chhuak dawn chiah! " Ka ti nghal vat.


" A.... Midang an awm tawh lo. Kei mah chiah ka nia!" A tih takah chuan ka thingpui no thum siam chu en in ka ner sak.


" Duh leh chhuak daih rawh se! " Zawi deuh a ti hmak in thingpui chu Dika ka pe a, a dang zawng chu ka leih baw nghal vek. Zanriah ei tur pawh in a rawn haw lo. Call pawh ka tum bik lo, engtin nge Dika nen kan in kawm vang ringawt khan min rinhlel theih.


Zan dar 11 a rik pawh chuan a la rawn haw lo. Dindini lah a room lamah lehkha zir in a in khung a, kei mah chuan in chhungah ka kal kual chhen a. Ka phone rawn ri ah chuan ka u no a nih vang in rang zet in ka la a, mahse phone a hmeichhe tawng ri vang chuan ka thimphu a rang nghal dawt dawt.


" Reubena i lo ngaihtuah ka hlauh vang in ka lo phone che , Zan in chu a rawn haw dawn lo aw. I lo nghah sual ka ring deuh a. " Thaw veng zet a tiin ka chhan letna pawh nghak lo in phone a dah daih a nih chu. Ka call back nghal a a reject nghal hmak leh nghal.


" Engtin nge ka chungah hetiang hian i tih theih! " Tah chhuah in sum zet in ka ti nghal tiau! A hna thawh pui chauh a nih thu a sawi a mahse kei mah a rinhlelhna lian tak erawh a ti pung zawng in an khawsa zel si!

πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 1st, 2020, 2:22 pm

CHAPTER - 30 πŸ’˜ by Amy Cck


" Angel i leng chhuak ve dawn a mi? " Kan room atang a ka chhuak chu Dindini exam tur rawn chhuak chuan a rawn ti nghal vat a. Lu rit deuh bur chung chuan ka nui lui sak. Nizan ka mut theih loh vang in ka lu a nat bakah ka tah zan khua deuh thak avang in ka mit meng pawh a nuam lem lo.


" U Reubena hi.. " Ti let nghal in zawhna mit meng a min en chu in seh ruh vak in thawk ka la nghal hak. Nizanah a rawn haw lo hrim hrim miau a. Chhan ngaihna pawh ka hre nek lo. Rei lo te ah Dika a rawn thleng a, Dindini bulah chuan kan len kual mai mai tur thu chiah ka sawi. Damdawiin vel ka sawi chuan ka u a hrilh leh lo ang tih ka sawi thei lo miau a. Dika pawh engmah a lo sawi buai bik lo.


" Ding reng lo khan lo kal la? " Pawn a kan chhuak chu ka hma zawn a bike a thu melh chuan ka ner nang. Dika lah chuan nuih za hmel pu deuh in a la rawn ti zui.


" Car zawk i duh tih ka lo hre lo a! " A rawn tih chuan a pawi loh thu in ka chhang ta vat. Rang zet in bike hnungah chuan ka thu a kan tlan chhuak zui nghal. Kan chhuak hma bawk a, damdawiin ah card la in Dikan min buai pui sak vek a. Mahni ngawt a in entir ai chuan a zia viau. In entir tur a kan nghah lai chuan ka u call a rawn lut reng a, ka thinrim miau avang in ka la duh lo lui char char a. A tawpah phei chuan ka off ta hmak.


Kan hming an rawn lam takah chuan kan lut ve a, doctor in min check kual vel a, natna ben vawn ka lo nei lawk avang in damdawiin pawh min chawh vak lo, ka damdawi lehkha hmasa ho engmah ka lo keng lo hrim hrim bawk a. Mahse doctor zawhna min zawh pakhat erawh chhan mai ngaihna ka hre lo. Ka rai leh rai lo min zawt miau.


Chawp chilh zet in test kid kan lei chuk chuk a, a result erawh sawi buai ngai lo in ka lo ruak lo reng a nih chu. Ka lawm nge lawm lo pawh ka hre lo. Thil thleng chuan min thawng a ni tawp. A tih chian nan ultrasound kan ti leh thlap a, thla tam fe chu pasal nei in ka khawsa ve a, nupa nun pawh ka hmang ve ziah mahse ka rai mai loh avang kha a ruk tak chuan ka lo beidawng hman tawh a.


Midang zawng aia ka hrisel na a pan bik avang leh in sawi sel neuh neuhna ka neih avang hian nau ka pai thei ta lo emaw ka ti hman a mahse tunah chuan ka rilru a hahdam deuh huai bawk.


" Ka lawmpui lutuk che a nia. Ka hmuh tirh che kha chuan nula emaw ka ti che a nia. Pasal i lo nei reng a, tunah naute i nei leh dawn bawk a. Ka rin aisa daih in nang hi i lo mak. " Dawrah thil ei tur in kan chawl a, Dikan fiamthu ti tak deuh a a rawn tih chuan ka nui nghal hak.


" U Reubena i hrilh hun chuan a lawm ve viau ang chu. In bul tan dan te ka lo hre ve nel nual a! " A rawn ti nawn leh nghal a, za lo zet in ka nui sak.


" I lo hre ve maw? Nia... Chuvang chuan ka nau pai hian engkim a tih danglam ka beisei tak zet. Heta tang hian kan haw theih phah pawh ka ring! " Ka ti ve sap. Tunah chuan nau ka pai ta bawk a, Aizawl lam a let pawh ka u ka sawi pui nawn leh ang tih ka ngaihtuah nghal a, eng thil pawh thleng se ka pa te pawh an rilru a nem ve ka ring nghal ngawt bawk.


In lam a kan haw dawn meuh chuan a tlai ve duai tawh. Tunah meuh chuan ka rilru hi a hlim veng veng tawh bawk. Ka rai tih ka hriat tirh kha chuan min thawng bakah, mak ka ti lutuk kha awm dan ka hre lawk lo kha a nia. Mahse tunah chuan ka lawm zia hi ka sawi fiah thiam lo zawk. Ka rilru pik tun te pawh kha an reh hawk in ka hre hial.


" A tawpah chuan kan thleng ve hram! Lo lut kawi la thingpui tui tawk ka lo lum ang che! " Bike atang a chhuk in ka ti nghal vat a. Zing ka chhuak tur ka rilru a hreawm ngaihtuah in tun erawh ka zangkhai vah a nih chu.


" Teh reng mai! " Ti ve mai in a bike chu a hung rem a, ka bulah a rawn ding a ka nui ve sak. In lam pan a kan kal chu rin loh deuh in kawngka atang in ka u a rawn chhuak hlawl a. Mak ka ti bawk si chu ka ding deuh chawt.


" I hrilh dawn nge ka hrilh sak dawn che! " Nui vur vur in Dika chuan a rawn ti a ka melh nghal vak. Ni e... Kan buai ve deuh tih chu ka hria a, ka thin a rim a chu tih rual in kei pawh ka dik vek bik in ka in hre lo. Eng thil pawh ka u in sawi se ka thinrim nghal ngawt zel a, Racheali chung changah pawh ka u in hna thawk dun chauh kan ni a ti a mahse kei chuan ka ring hlel lui tho. Chu vang chuan engkim tha deuh a sawi pui ka duh ta ber.


' mahse nizan chung chang kha engtin nge i tih dawn? ' ka chhung lam a mi chuan a rawn ti vat a. Ka in seh ruh nghal nghek. Nizanah rawn haw lo in kha nu nen khan an awm dun tih call rawn la tu atang khan a hriat a. Mahse ka u ka zawt fiah phawt ang. Ka ti rilru thai. Nau ka pai tawh a ngaihtuah kawi put ka duh tawh lo.


" U... " Kan bul a rawn thlen rual in ka lo ti vat a. Mahse ka u rawn chet dan vang chuan ka rak nghal that. Ka bul a Dika ding ve chu a rawn hnek nghal chawrh a nih chu. Dika pawh a pai ve nghal nawk.


" Eng... Eng thil nge i tih hi! " Ka ti that rual in Dika kawr nghawngah a tham sak leh nawk a. Rang zet in an in karah ka va tla zep ve nghal . Ka u mit meng a thinrim tih hriat zet a sen rum ka hmuh chuan ka tim ve chawi a mahse hlau lo ang in ka awm lui ve tlat.


" Ka nupui hi lo hnaih tawh suh ang che! A bul hnai a I rawn in lan leh a nih chuan ka that duh hial ang che! " Ka u thinrim aw ri hrawk vang chuan ka nghil nghal dup . Dika nui deuh suk vang chuan ka u chu a lawm lo zual sawt tih ka hria.


" Duh tawk teh! I vawnna hi thlah rawh, sawi duh I neih chuan ka bulah sawi mai ta che. Hetiang a midang kut thlak lo hian! " Ka u kut vuan chuan ka ti ve nghek a. Dika kut a rawn thlak ringawt chu ka lawm bik vak lo bawk.


" Tak zet che chuan! Min rawn zui rawh! " Ti hrawk in ka ban rekah a rawn vuan a in lam pan chuan min pawt kal nghal dawt dawt a. Thei leh thei lo Dika chu ka melh a, a lakah ka in thlahrung tak zet bawk. Thian ang chiah in kan in kawm a, vawin ah ka ti hah hrep a, tunah kei mah vang in tul lo zet in kut a la tuar zui bawk a nia. Zomuanpuia hi ka haw ngawih ngawih!


" Min thlah rawh! Zomuanpui min thlah rawh ka tih chu! " In chhung kan luh rual in vin zet in ka ti chhuak nghek a. Ka kut a vawn behna pawh ka thing thla nghal hnawk. Min kal chak pui bakah thil thleng thut vang khan ka thin phu a rang dawt dawt bawk.


" I eng hi nge dik lo teh hrep a? " Ti vin thawt in ka darah a rawn vuan a min thing nghal nawk chu mit ka chhing ve sawk.


" Ka zawh tur zawk che a nih kha! Eng vang in nge Dika kha kut i rawn thlak ngawt a. Engmah tih sual a nei hlei nem! " Thinrim lutuk chuan ka ti ve vak a. A mit meng dur thim khup atang chuan min vai thlu tawp duh hmel a pu hial in ka hria. A mah ni lo in kei mah hi thinrim a, nizan a rawn haw lo avang te khan lawm lo zawk tur ka nia, eng thil nge a tih pawh hi ka hrethiam nek lo.


" Tih sual a nei lo maw? Hrep tak hian. Kha mihring pa kha ka hriatah hian tan hlek suh ang che. Hnaih lo tur a ka tih che kha zawm mai tur i ni! Zawm a hnek in vawinah pawh in lo leng chhuak kual vel a nia. " Thinrim zet chuan a rawn ti chhuak hrawk a, a thu sawi vang chuan ka thin a ter ve at.


" Hahh... Enge kan leng chhuah chu a pawi viau na? Nang pawh hmeichhe dang i len chhuah pui lo bik a mi? Kei ni te chuan a ruk a ral in engmah kan ti lo tal a ni lawm ni!" Ka ti chhuak ve nghek. Ka thinrim lutuk hi ka alh chhuak lo chauh hial.


" Kha tiang khan min tawngkhum hlek suh! A ruk a ral i tih kha enge a awm zia? " A rawn ti chhuak chhur chhur chu ka ner sak. A hre lo der vel a, ni e... An leng chhuak dun ka hmu tih a hre ve tlat lo miau a.


" Min bum tum duh suh! Ka hmu vek che u a nia! Ka phone call kha ti zo zai la thei lo a buai em em ang a in sawi in kha hmeichhia nen khan in leng kual thin tih hi ka hre vek. Inah tawm reng mah i la ka lo hre ve vek thin a nia. He hmun chhuah san I duh loh tlat chhan pawh hi kha nu vang kha a ni tih ka hria! In lamah min khung bet in engmah hre lo turah min ngai a, pawn lam a I awm dan zawng zawng hi ka hre ve vek. " Ka ti vin tuar.


" Lalruatpui a tawk! " Ti chhuak hrawk in min ben tum chuan a kut a rawn lek hman tawh. Kei pawh chuan min ben rin lutuk chuan mit ka chhing sawk a mahse a in thu num hman a ni chek ang chu mit ka men leh meuh chuan a kut a lo dah thla leh tawh.


" Hah... Min beng ta che! Engmah sawi dik loh ka nei lo. Hetiang hian kan awm dawn tih hria i la chuan i bulah hian ka lo kal miah lo ang. Ka hua che! " Ti chhuak fak in room lamah chuan ka tlan lut a kawngka kal nghal rawk rawk in in sum lek lo in ka tap chhuak nghal hawk.


Kei ni lo in a mah zawk thil ti sual tu a ni reng sia mahse kei mah ringawt min tawng chhan vang khan ka na tak zet. A ni ang chuan chan ka nei tam lo. Ka nu leh pa thinrimna kha ka tan chuan tawrh hreawm ber a ni a. Ka u erawh chuan a hna, kum khat chiah damdawiin a hawn thar pawh a enkawl hma a. A engkim tak meuh a chan tih ka hria. Chuvang chuan ka thiam tawk in a rilru tih hah loh pawh ka duh.


He inah kan in thlahrun loh nan ka pu ai hna a kal sak tih pawh ka hmu thiam vek a chuvang tak chuan Racheali pawh ngaina lo chung chung in ka sawi sel sak duh ngai lo. Kei mah in ka tuar tlawk tlawk a. Mahse khang zawng zawng khan kan in karah khi a siam ka ring ngai lo. Tumah thian emaw ka nei lo a, tunah Dika nen thla khat tha vel chiah kan la in kawm a , ti khawp hian a hmu thei lo bik a, ka na lo ka tih chuan a awiawm loh hial zawk ang.


" A thawng viau ang che ti raw naute! Kei pawn apa kha sual ka ti tak zet! " Ka pum la them han, nakin mai a la puar ve lah tur chu khawih in ka ti chhuak sap. Room chhungah in kalh khum in khumah chuan ka thu ngawi ran a. Nau ka pai tih pawh sawi na hun rem chang ka nei hman lo. Mahse min tih dan avang khan hrilh chakna pawh ka nei tawh nek lo.


* I tha em? In pa khan a hau nasa viau che em? * ka phone screen rawn eng pap ka en rual chuan Dika message ka hmu nghal zat. Thawk la halh in phone chu ka la kang a. Message chu ka reply nghal zat bawk.


* ka tha lawm... Nang mah zawk kha ka ngaihtuah che. * tih ka thawn let nghal. Tul lo tawp in ka u kut a tuar phah chu a ni sia. Min buaipui hah na zawng zawng ngaihtuah phei chuan ka zak tak zet.


* kei pawh ka tha ... Min lo chhan hman lo la chuan ka na ve deuh mai thei😬 * tih a rawn thawn a, ka nui hak.


* pawi ka ti lutuk a nia aw... * ka ti leh hram.


* a ho lutuk ka tih kha... A nih leh naute chung chang kha i hrilh em? ?? * a rawn ti let ve nghal a, reply let ka tum lai tak in room kawngka a rawn in hawng a ka phu nghal chiam. Ka u a rawn pen luh rual in phawk lutuk in ka melh a, kawngka kha ka kalh khan ka hre sia.


" In be teh ang! " Ka hma zawn a rawn ding chuan a rawn ti sup. A mit meng vawt ruih leh tak ngur atang chuan a la thinrim em ka hre lo. Mahse kei erawh ka thinrim thar leh tak zet.


" Ka peih lo! " Ti fak in ka ding a kal sawn ka tum chu ka ban rekah a rawn vuan bet chawt.


" Naute! " A rawn ti thawp sup a. Ka in hum ruh nghal nghek. Ka huat viau lai pawh hian min duat na tawngkam ka hriat hi chuan ka rilru no chhuak in a lam ka awn leh nge nge thin. Chu chu a mah pawh hian a hre chiang tih ka hria. Chuvang chuan a tum ang a thil thlen tir ka tum tawh lo.


" Min thlah rawh! Ka be peih lo che ka tih mawlh mawlh chu! " ti hlak in ka kut chu ka pawt let sawk. Mahse awm zia a awm lem lo, a lamah min pawt hnai in min kuah nghal hlun chu ka tal zui phat.


" Zomuanpui min thlah rawh ka tih chu! Awl sam deuh a thlem lung awi mai mai theih ka ni tawh bik lo a nia! " Thinrim zet a ti nghek in a kuahna atang chuan tal chhuah ka tum a. Tha a ngah in a chak bik lutuk chuan ka thin a ti rim zual tulh tulh bawk. Tul lo zet in ka tah a chhuak nghal ngut ngut a, ka tal nasa lutuk leh ka tap tur in sum nasa lutuk chu ka taksa a sa chhuak vek hial in ka hria.


" Ka tihpalh! A tha em? Ka tihpalh ka tih chu Naute! " Ka beng bulah min kuah bet chung chuan a rawn ti thawp sup a, a tawp nan tiin na zet in ka tal leh nghek thung. Mahse ka hlawh chham leh tho.


" Tihpalh tih ringawt khan engmah a siam tha lo. " Ka ti chang fak. Ka tah rawn chhuak ut ut chu duh lo viau mah i la ka in dang zo bik lo.


" Min thlah rawh! Ka hua che ka tih kha. I bul a awm pawh hi ka duh lo, ka haw ngawih ngawih che. I thu sawi pawh ka ngaithla duh lo a, nang leh kha hmeichhe zak thei lo zet chung chang phei kha chu ka hre peih lo leh zual. " Na zet a a awm a nem in ka ti chhuak tan tan.


" Tak zet chuan! A nih chuan engvang in nge hetah i la awm reng. Tha deuh a sawi pui che ka duh laiin a kawi zawng in thu i la zel a. Kan buaina chu kan sawi fel thei mai lo a mi. I awm dan hian min ti chau tak zet! " Lawm lo zet in a rawn ti chhuak hluk a. Hahthlak min tih hmel zet in a ban a phar nghal hluai bawk.


" Sawi fel maw? Chu chu engvang in nge ka duh ang? Kha nu nen in chung chang midang sawi chu thu hran , kei ngei pawh hian ka mit in ka hmu cheu a sin. Chu mai ni lo in nizan pawh a bulah i awm a ni kha. Ka phone call hial a lo chhang kha tihpalh thil a nih ka ring hek lo. " Ka ti ve nghek. Ka hma a mipa ding khawng luah chu thip zet in ka melh rawm a. Ka sawi dik lutuk chu min chhan ngaihna a hre lo a nih hial ka ring. A ngawi hmuk a nih chu.


" Chuan heta ka la awm chhan hi min zawt a ti raw? A chhan chu kal na tur dang ka neih loh vang a ni. Nang mah vang in kan in ka chhuah san a, ka let leh a nih chuan ka nu leh pa in ' khaa... Kan sawi reng kha! ' ti a min lo tawng khum ka duh lo. Chuvang chauh a la awm ka ni! " Ti vak in ka chhuak nghal hmak.

*
*
" Angel... I va ngaihtuah muk awm ve! " Ka bazar zo ka ril tam lutuk dawr a ka chawl chu ka hma zawn a kut rawn hmet ri khap tu vang chuan ka hawi chhuak vat a. Dika hmel ka hmuh rual in ngainat awm zet in a rawn nui nghal suk.


" Enge hetah i tih a? " Ka ti nghal vat. Min chhang mai lo chuan ka hma zawn thutna awlah chuan a rawn thu a, ei tur a order lai te chuan chik zet in ka melh thung. Ka u nen an in mil tak loh tak viau atang khan kar 1 zet a liam tawh a. Thil thleng avang khan kan inah pawh a rawn lang tawh ngai lo hial kha a ni. Phone atang in erawh kan la in be ve zeuh zeuh thung.


" Ka chhuak vel mai mai a, dawr ka kal pel tur saw ka rawn hmu che a. " A rawn tih takah chuan ka nui ve sak.


" Tak a... I pasal nen in in kar a la tha vak lo a ni maw? " A rawn ti zui zat chu rang zet in ka melh nghal vat.


" Engmaw? " Ka tih rual in a rawn then suk a. Kei erawh in enge a sawi tum tih ngai chang zet in ka melh thung.


" U Racheali nen khan mi reng reng hian an sawi zawm nasa ta lutuk hi. A chang chuan ka tha a lo nat pui thin hial che a nia. Nang in thian i kawm a, i chhuah hlek pawh in a thinrim khum che kha a nia. Mahse pawn lamah a ni nupui nei lo ang maiin a khawsa thung si a." A rawn ti leh nghal zat chu nuih luih har tak a ni.


" Chutiang engmah a awm hlei nem! " Ka ti ve tak na a ka rilru erawh chuan Dika thu sawi chu a helh ngar mai.


" I rilru ti hreawm tur a sawi ka ni lo a nia. Kar tawpah hian Aizawlah ka chhuk leh tawh dawn a! " A rawn ti leh a, Aizawl a rawn sawi takah chuan kei pawh haa ve chu ka chak ngawih ngawih.


" A ni maw? " Ka ti sap.


" I duh chuan ka rual in lo chhuk ve la. " A rawn ti chu lu ka thing leh nak ringawt.


" Ka thei lo! " Ka ti sap.


" Ni e.... Pasal te thu lo chuan i thei lo tak. Hetiang a I awm reng hi hmuh hreawm ka ti che a nia. I pasal hi i kal san thei a nih loh chuan in in kar hi sawi fel pui tum rawh. I nau pai chung chang te hi i hrilh chu a hun ve tawh a nia. Chiang tak a a rin awm loh san che tih i hmu lo a nih phei chuan sawi fel pui thum chhin rawh. " Tha deuh chuan a rawn ti leh mai a. Sawi zui pui vak ka chak loh avang chuan thil dang ka sawi ta daih a. A ni pawh chuan hrethiam in min sawi pui lui ta bik lo.


Dawr aatang a kan chhuak chu min thla a tum viau nan mahse ka hnial ta zawk. Taxi la in in lamah ka let a. Naktuk ah ka pi leh pu an rawn haw dawn vang a lo bazar lawk ka ni bawk nen ka in khai bawr viau a, Dindini erawh an thian ho an picnic a vang in min bazar pui ve hman lo thung.


In ka thlen chuan rawng bawl a lo hun der tawh. Ka thiam ang ang chu chaw hmeh a siam in, rawng ka bawl zui nghal a. Dindinin min rawn phone a chaw chhum kep lo tur in leh zanah pawh an thian pakhat te inah an riah khawm nghal tur thu min rawn hrilh a.


" A tlai leh dawn a ni maw? " Ti hap in kawngka bulah chuan ka vei kual sek a. Ka in hrethiam bik lo ka awm dan hi. Ka bulah in sawi fiah a tum in ka ngaithla duh lo a, ka hmuh theihah emaw ka hnaih a a awm chuan chhan em em pawh awm lo in ka thinrim hlur a, mahse a reh vang vang hi chuan ka ngai leh viau ang lawi bawk si.


Dika sawi ka ngaihtuah a, ka rai no thinchhia leh huat tur ringawt ka zawn lai nen a lo in nang ching ve bawk nen. Eng pawh ni se in biak chu kei pawn tha la ti ve ta deuh a. Racheali nen an in zawmna pawh ka chiang bik lo a, ka hmuh dan leh hriat ang khan ka rilru ka kal pui tawp a. An chhuak dun ka hmu a, a riah chhuah zan in ka call a lo chhan sak bawk a. Kei chuan kha kha ka huat em em chhan a ni bawk.


Choka a dawhkan bul Chair a thu in ka ngaihtuahna ka lo kawm mawlh mawlh lai chuan kawngka chu a rawn in pawt hawng a, ka u a lo haw a nih ring in ka thutna atang chuan ding in ka chhuak phei ve nghal a. Ka rin ang chiah in a lo haw tlai viau. Chuan nidang ang lo tak in a rawn rui haw bawk!


" I lo haw tawh a! " Thinrim loh hram tum chuan ka ti dam dap a. Tunlai kan boruak rit zet vang hian a rilru a hah ve a nih ka ring ta ber. A mit meng sen rum leh thim dur khup atang chuan a thinrim te pawh a ang mah mah zawk.


" Vawinah khwiah nge i kal? " Min melh ngur a a rawn ti hmuk chu mak ti zet in ka melh vat a. Rui chhia ti a sawi tur a nia, a rim atang hre lo phei i la chuan zu a in tih ka hre hauh lo ang tih tur a ni. Mahse a rim a nam miau a, chu chuan ka hnar a verh in ka pum a ni deuh nghulh nghal bawk.


" Enge i sawi awm zia? " Ka ti sap. Min chhang ta mai lo chuan thinrim in sum tih hriat zet hian min melh a. A awm dan chuan kei pawh min ti hlau thawng lek lek hial.


" Eng pawh ni se! In ti fai la, chaw hmeh ka va ti lum ang! Chaw ei tur in ka lo nghak che a. Chuan thil sawi duh ka nei bawk a. " Tha deuh chuan ka ti leh mai a. Engkim sawi pui a, kan in kar chin fel ka duh tak zet tawh.


Racheali emaw Dika emaw tlak zeh tir ka duh lo a. Chiang tak a sawi fel ka duh a. Nau ka pai tih ka hrilh hnu phei chuan a lawm viau ang tih ka ring nghet tlat. Ni lo.... Ka hrilh har avang in a thinrim zawk mai thei. Mahse enge ni vak, a chungah ka lawm lo lak lawh a, bakah kar khat chiah a lawm ka zep.


" Peh hel kual lo in ka zawhna che chu chhang mai rawh! " Choka lam pan a ka in her chu a rawn ti vin hrawk a. Ka lo in ring lo bawk nen ka phu nghal chiam.


" Ti nge i thinrim vak a! " Ka in sum thei bik lo chuan ka ti let ve ta nge nge. Tha tak a lo chhawn in thu sawi pui ka tum a mahse a awm dan hian ka tum ve na zawng zawng an ti chhe vek.


" Eng maw? Ka thinrim chhan i hre lo maw? Lalruatpui nang hian min bum kual thei hi i ring tak tak a mi. Ka theih tawp in ka in sum a, ka en liam lui hram hram che. Mahse i kal thui mah mah a ni tih hi hre rawh. Nula ang a khawsa a awm kual vel thei i ni tawh lo. Pasal nei i nih tawh hi. Nge ni a.... Pangai tak a in neihna a awm loh avang in pasal neiah i lo in ngai lo zawk? " Thinrim aw hriam zet chuan a rawn ti hrawk a. A hmel leh mit meng rum ul atang chuan a thinrim zia hai rual a ni lo.


" I thu sawi awm zia ka hre lo! " Ka ti sap. A awm dan hian min thawng lutuk chu chhan vak ngaihna pawh ka hre lo.


" Hrep che hian! Kha pa phiangsen nen khan in in hmu leh tih hi ka hriat loh i ring a mi? Nang hian ka lakah zep in kha pa kha i pan a maw? I tan hian enge ka nih reng reng a? " Ka banah rawn vuan in a lamah min pawt hnai hrawk a. Seh chil nawk in ka hmai bul chet a a rawn ti chhur chhur chu phawk lutuk in ka en nghal.



" Eng maw? Nang hian i hre tawh a maw? Engtin nge i hriat? " Ka ti chhuak halh. Nau ka pai tih a hre chhuak tawh a nih ka ring. Chu mai ni lo in a mah aia Dikan a hre hmasa chu a la na viau a nih ka ring bawk.


" Engmah kha i pha dawn lo a maw? Min ti lawm lo hle mai? " Ti chhuak hrawk in za lo zet in a nui chhuak nghal hawk. Min tham lo zet a a tawng vang chuan ka thin a khei ve nghal zat.


" Kha tiang khan min tawng khum tur in enge i nih bik? Engkim ka hrilh tur in hun rem chang min pe ngai bik a mi? " Ka ti chhuak ve nghek. Ka thu sawi chuan a hma au zawng in a ti thinrim tih a hmelah a rawn lang chhuak bawk.


" Hun rem chang? Chu chu maw I chhuan lam? Mipa dang i hnaih chhan chu kei hian hun ka pek ngai loh vang che i ti maw? I bul a ka awm i duh ngai miah lo zawk a nih kha! A chhan pawh kha pa vang hrep kha a ni tih ka hre thiam ta e! Nau I la pai duh lo a nih chuan tha tak in min hrilh mai la ka hrethiam em em ang che, a ruk a in dan na damdawi ei kual vel lo khan! " Ro zet a nui chung in a rawn ti hrawk a. A thu sawi vang chuan ka tal hrang nghal phat. A thu sawi engkim hian min thawng em em vek a, a bik in kha thu khan! Kei hian ga neih ka duh loh vang in eng damdawi mah ka ei lo hrim hrim bawk.


" Khatiang khan Dika hi puh chhe nghal ngawt suh. Enge i buaina ber pawh hi ka hre thiam tawh lo. Kei hian fa neih ka duh lo ang in i ngai a maw? Engtin nge i rin theih zawk? A tha e... Engmah in sawi fiah na chhan tur ka nei lo. Engkim a min control a I naute lem ang maiin min kawh kawi vel ai chuan awm hrang ang! Kan in karah hian in rin tawnna che te mah kei chuan ka hmu tawh lo. Chuvang chuan ka chau tawh! " Ti chhuak ve nghek in ka sawi zawh rual in thawk ka la nghal halh.


A rawn haw hma A ka sawi ang ka tih zawng zawng te kha chhem bo ang duak in ka rilru atang an bo tawh. Chubakah in ring hlel dun reng A chen dun hi ka ning ve tak zet .


" Ding rawh! He in atang hian pen khat pawn chhuah kha tum suh! " Kawngka lam pan a ka kal chu a rawn ti vin nghal hrawk. Din erawh ka tum hauh lo.


" Ka sawi chu i hria em? Ka duh lo thil ti tur in min nawr lui suh! " Ka kal luih zel avang chuan a rawn ti leh hrawk. Tlawm zawkah tang in theih tawp ka chhuah a mahse heti hian kan tawpna chu a awm leh ta tho a. Ka tuar thei tawh bik lo.


" Eng thil nge i tih hi? Min dah thla rawh! Zomuanpui min kal tir rawh ka tih chu! " Ka taksa hnung lam atang a zo zet a min chawi kang nawlh chu thinrim lutuk a au chhuak vak in ka tal nghal nawk nawk. Ka sawi chu engah mah ngai lo ang maiin min pen sawn pui pawk pawk a. Kan room a min luh puiin khumah min nghat nghal dawp chu thinrim zet in ka melh nghal rawm.


" Ka hrilh che a ni lawm ni, min nawr lui lo tur in! Kei nen buaina i siam kual reng chhan pawh hi kha pa bul a I awm duh vang kha a ni tih ka hria. He ta tang a chhuak a kha pa haw tur kha zui i tum tih hi ka hriat loh i ring reng reng em ni! Mahse chutiang thil chu ka thlen tir ring suh! " Ti chhuak chhur chhur in thinrim tih hriat zet in a tie awrh chu a pawt phelh nghal hrawk.


" Enge i sawi kha. Kei hian engmaw tih ka tum a? I duh duh in min puh a kei hian ka lo en mai mai i ring a nih chuan i ring sual viau ang! I sawi takah chuan a tha viau ang. Dika rual in Aizawlah ka let dawn! Min dan tum suh ang che! ' tih vak in thawh ka tum chu khumah min nem bet nghal hrawk a, a taksa lian zet chuan min rawn bawh bet nghal run a. Nam sawn tum a ka che chu engah mah ngai lo in ka kut chu a pahnih in a man kawp nghal vek a nih chu.


" Zomuanpui min thlah rawh! Min thlah rawh ka tih chu! " Ka ti chhuak nghek a. Mahse ka sawi chu engah mah a ngai duh thak lo leh nghal.


" Tha tak a ka hrilh che a I zawm duh lo a nih chuan kawng dang ka zawng mai ang! Ka lak atang hian tuman an la hrang thei lo che ! " Thinrim seh chilh nawk a tiin ka hmuiah chuan a rawn fawp nghal tawn tawn a. Min fawhna na zet vang chuan ka tal zui ve nghal nawk nawk.


" Min thlah rawh! " A hmui seh sak vak in ka ti leh nghek. Ka ka chhung rawn al lum pap danah ka seh na thaw khat tih ka hria.


" Ka ring chiah lo! " Ti sup in a kut chu ka kawr chhungah a rawn zen lut a, dimna tel lek lo in ka hnute chu a hrawm nghal tawn tawn a nih chu. Ka kut a hmer kawp tlat avang leh min delh beh ngheh em avang chuan tal chhuah ngaihna a awn lo.


A kut chu sawn thla in ka kekawr kawngah a zen lut a, ka lo tan ve tlat avang chuan thineim thinrim tih hriat zet in a pawt nghal hrawk a, a pawt na lutuk chu ka kekawr pawh a ri nghal thawt.


" Kha pa vang khan ka khawih pawh i duh tawh lo a ni ti raw? Enge ka tih theih lo en rawh? " Ka beng bulah chuan a rawn ti chhuak hrawk a. A thil in rim chuan ka pum a ti no nghul tawh. Min tih dan leh ka lak a a chet dan vang chuan sawi tur reng ka hre lo. Ka theih tawp a tal vak loh chu engmah tih theih ka nei lo.


" Hetiang hi i ti duh lo tih ka hria! I in chhir leh na tur engmah tih suh khawngaih in! " Ka panty chhungah a kut a zen luh rual in ka ti nghal vak. Ka hlau thawng luh chu ka tawng pawh ka seh chilh nak tawh.


" Ka chelh beh theihna tur che a nih chuan tih hreh ka nei lo! " Tih hrawk in ka hmeichhiatnaah chuan a kut tang a rawn luh tir nghal hmuk a. Ip zawk in ka tukum in khum ka nawr bet nghal ngawt ngawt.


A kut chu a chet nghal ruai a, ka beng bul a a thaw lum huam huam te chuan ka luak an ti chhuak zawk hial. Ka beidawng chuan min khawi na pawh chu dan buai ka tum tawh lo. Rilru na zet chuan ka tuar tlawk tlawk a. Ka taksa chhungah a rawn luh lai te chuan nuam tihna chhe te mah ka nei lo.


A duh tawk a ngah hnu chuan a tho kang nghal vut a, a hmel pawh en duh lo a mit chhing ngawt ngawt in khumah chuan ka mu tawm nghal chial a. Ka tah chhuah hlau zet in ka hmui hnuai lam ka pet fan fan bawk. Engtin nge ka chungah kha tiang khan tih luihna a hman theih? Ka u ka hriat thin kha a ni tawh lo tih ka ngaihtuahna a a rawn lut a, ka taksa na mai ni lo ka thinlung pawh a hlim tel vek vang chuan ka awm zawn hi a thip hlur bawk!

πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡
πŸ’œπŸ’œ Ads i la click ve lo a ni maw? A hnuaia ads milem khu lo click ve rawh le πŸ‘‡

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)