Changes by changes BY Lalmatei Cck (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

Re: Changes by changes BY Lalmatei Cck (Completed)

Unread post by Ngaia » November 8th, 2020, 2:50 pm

Vawin ka lu ana lutuk a phone eng ka bih lahin min tur ut ut mai bawk sia, ka duh ang pawn ka type thei lo.Hemi pawh hi lu na chung chung a ka lo type ania a tawi deuh pawn min hre thiam mai dawn nia.





Changes By Changes




CHAPTER - 25




BY Lalmatei Cck





Ka u khan naute karhnih mi alo pai reng a, khatia ei a rawn duh ta lutuk te leh alo uak deuh tuar tuar thin te naute insiam dawn lai vel alo nih vang anih dawn kha.Mahse engtinnge ka hriat loh theih? a awm dan atang kha chuan mi pangngai chuan an hrethiam vek ang.


Mahse nimin khan washroom ah alo tlu ni awm e mahse a tirah engmah a na lo a.A chhuah hnu ah tikhan na in che thei lo in alo tlu ni awm e.Ka khawngaih rual rual in a mak ka ti.Amah lah chuan ala tuar na em em zui, mahse a pa a sawi duh miah lo.A sawi duh lo ti ila tuman an zawt bik lova, ani pawn sawi a tum bik lo nih hmel.


Ka nu in damdawiin kal ala ti tal pek nih chu! Umami'n ka duh lo ati chung pawn ka nu in inven nan hrim hrim, a sawhkhawk ala awm thei tiin hmeichhe doctor pan a tum.Ka u lah chu a che chang peih der mai bawk silo.


Ka nu in kal pui ve turin min duh viau mahse dawrah ka kal a ngai sia, in atangin chhuak rual tho mahila kan pan lam chu a in ang lo.


Tunlai kan nun dan pawh hi ka hrethiam lo, ka chau ka ni deuh nghulh mai.Dawrah pawh chuan che chang peih lo in ka thu deuh reng.Chuan kan thawmhnaw man vel te chu kan chhiar a, chumi pawh rilru pe lo zetin.


Nizan atangin Sangzuala'n min lo la be lo reng reng.Min lo biak ka phut vang em em pawh a nilo a tih ve turah ka ngai.Mahse khatianga chiang a ka man tawh chung khan tinge a dik lo ni tih thu min hrilh duh miah loh? enge thu dik tak chu ni? kha Emily nen khan an lo la in kawp reng thei, a ex ani a chumi mai bakah sex te hial an lo hmang dun tawh a.Sangzuala tan pawh theihnghilh mai mai chu a har ve ang, mahse engmah ka hre thiam lo.


A hma ang bawk khan ka rilru a buai leh tawh, ani hi kalsan dawn ila ka thei ngem? chu zawhna bawk chu a rawn lang leh hmasa ber.A chhan chu ani hi kalsan turin ka la in phallo nge duh lo ka hre lo.Tunah tak hian ka tan kalsan leh a har zualna chu min hmangaih thu min hrilh a, chumi chu ka ring.Ka rin vang te pawh a ni mahna kalsan harsa ka tih em em!


Chhunah chuan ka nu in min lo bia in ka u chu a that thu leh la in dim deuh a ngaih thu min rawn hrilh.Dawrah rawn tlang viau chu duh mahse ka u a chauh deuh nghulh vangin in lamah an let leh ta zawk ani awm e.


Thawmhnaw ka lo en fel mual mual lai chuan ka kawr ipte a ka phone ah chu a rawn vibrate chur chur mai! ka zu ban nghal zat.Screen ah chuan Jacqueline hming a rawn lang nghal.

"Hello..."

"Hmelchhenu!..i va han in duh em em ve.." pawr tawk thinrim tih hriat zet chuan a rawn ti, ka nui ringawt.

"Hmeltha min tih em kha" ka ti ringawt.

"Awi..sawi lo mai teh, tinge i biak tlang theih miah loh a??" ati leh nghal zat.

"Nia..ka phone ka off daih zel a"

"Chupawh nise ka lo call che ni tih i hmuh te chuan min lo call ve mai ta che" tunlai call details ka check vak ngai lo a awm awm in ka awm tir hmiah.

"Ka tih palh ka lo hrelo ni"

"A tha chuan biak theih in awm reng tawh ang che." in la thu deuh chuan a rawn ti, ka rilru te te in nula senior ka lo ti leh hmanhmawh tawh.

"Anih chuan enge min lo biak chhan?" min hau ringawt tur chu anih ka ring lova.

"Virat kha..i sawi ang khan kan ni a, mahse ka la hlau thawng reuh lutuk a, tih ngaihna ka hre lo" nichin mi ang lo tak khan a aw chu a cool.

"A tha hle mai tikhan i duh chu pan hmiah rawh" kan ti ve ngei a."Mahse...ka nu in a hriat chhuah hunah kan nasa lo dawn lutuk a" a rawn thluk vak kher."A ho lutuk khatiangah buai suh ka tih kha" anu a hlau lutuk hi chu a, a senior tawh tawh nen.

"Anih loh pawn maw ka in ruk tir daih dawn emaw ni le??" a rawn ti ta mai, keipoh ka phu zawk mai lawm."Jacqueline" ka ti ta thawt ringawt, chutah tuna a thil sawi kha a tih tak loh zia lan tir tum ni awm takin a rawn nui nghal vak vak nih chu! ala nui uar em em zui, ka beng atangin phone pawh ka dah hla tawp.

"Ka ti mai mai nih kha, mahse maw rai ta ilang ka nu chuan kan in kawp mai a phal ka ring" a awri atang pawn a thu tak leh hle tawh ni ti ka hre thei.

"Chutiang chu ngaihtuah suh, tha deuh a hneh in tum zawk dawn lawm" ka u atangin rai that loh zia chu ka hre ve deuh kan rai dawn nih chuan pasal neih hun, chupawh pasal te thlazar hnuaiah ngei.

"Mahse maw Christy..naute a awm tawh dawn miau avang khan ka nu chuan inneih kha a remti lo ngam dawn lo a" inneih maw a sawi a? inngaihzawn chung chang kan sawi chauh a maw tia? ani erawh chu inneih na ah a lut nghal daih, a va hmanhmawh ve.

"A tullo, rai kha thil tha ber a nilo ka tih kha" min chhan dan tur a hre tawh lo nge a u ang chiahin phone chhanah chuan a rawn thaw kawk.Nakinah hmaichhan ah kan sawi dawn nia tiin amah zawk chuan a dah.A lan danah chuan a hlau thawng ve hle a nih hmel.


Vawin chu keimah ka haw tlai ber dawn anih hmel.Midang chu min lo haw san vek turin ka ti a, reilo te awm lehin ka chhuak ve mai.Khua pawh a thim tawh hle.Dawr ka kalh fel lai chuan ka phone bawk a rawn vibrate leh, mahse ka lak lawh em vang chuan ka ring ral tir rih.


Dawr chu kalh fel zo in ka phone chu ka ban nghal zat.Chumi rual chuan a rawn eng leh nghal pap bawk.

"Ve teh tawl che chuan" nui sukin kan ti a.

"Khawnge in pa hi a awm?" leh lam atang chuan Nancy in thinrim hmel zetin a rawn ti, chuan Sangzuala chung chang a sawi tih ka hre thiam mai.

"Nancy.."

"Tunah hian khawnge i bialpa duh lai kha a awm ka tih chu.." a rawn ti leh vak.

"Ka hre nang" ka hre miau lo vawin ni lengin min rawn be lo a min rawn hmu lo a.Keiin a chung chang ka lo ngaih ven vak lo nen tunah khawnge a awm pawh ka hre lo.

"Tunah hian ka hma ah a awm"

"What?"

"Chupawh kan prof nen" a thu rawn sawi chuan min deng leh ta dawt mai.Kha Emily nen khan an lo la in hmu a maw? tunah pawh kei min ngaihtuah lo in ani maw alo ngaihtuah a? ka thin chhung hi a na veng veng mai in ka hria.

"An hlim dun hmel hawr hawr hle mai" a hmel chu hmu ilang a in siam chhe nasa ngawt ang.Ani pawn a ei vak bik lo nih hmel, ka thiannu min hmangaihtu kha ani miau lawm.

"Nancy khawnge in awm hrim hrim a?" normal tum zet a aw thian deuh kharh in ka ti.

"Tunah hotel ah Drew bday lawm turin dinner kan ei chhuak a, mahse kan hma lawk a thu te sawn ka thil ei an ti tui lo khawp mai" a zat vang em em pawh nilo in ka nui ringawt, mahse rilru tak tak a nuilo tih hriat zetin a ro deuh halh.Tunah dinner eitur in an lo chhuak vel a maw? tikhan engmah ti lo ang a awm in a rawn leng leh zawr zawr nga! hah..! rap thlak lutuk.Liansangzual ka chung a i thil tih man hi ila hmu ve khawp ang tih pahin ka kut chu ka hum nghek.

"Christy..ila awm em..??" Nancy chuan a rawn ti lawng lawng."Ummm" ka ti ringawt thung."An thla ka la nga ka lo thawn ang che aw"

"No..ai ka duh lo" ka ti nghal vat.A chhan chu ka thinrim in Liansangzuala ka hmuh leh nga anin ka zui ru amaw tiin min thinrim khum let leh zawk nga, chumi chu ka duh lo.A uite ang mai a zui kual det det tu nih ka duh reng reng lo.Chulo ah chutia an awm dun lai ka hmu nih chuan ka na zual mai mai ang.

"Nang hi enge i hriat le?" min dem aw deuh in a rawn ti ringawt, a awm ve tho mai.Mahse ka buai thu hrilh in ka dah nghal.In lam panin ka kal nghal zat.


Liansangzuala hi ka then a ngai tak zet, tunah pawh a lakah ka lungawi lo tih a hre ve reng a mahse chumi chu tih reh tum a hnekin ka lungawi lohna nu nen ngei chuan dinner te an lo ei dun a maw? hah..i duh chu pan mawlh rawh! ti sepin ka thaw kawk.


"Bawihte i u kha a muhil deuh chiah a thawm han dim rawh aw.." ka nu chuan enge maw siam rek rek pah chuan alo ti.Inchungah pawh chho mai lo in choka lamah ka lut leh rih.

"Nu enge i siam??" a bulah chuan thu thla in ka kut chu dawhkanah ka dah kang nghal.

"I u eitur mawle,"

"Nu..ka u chuan a tuar na viau em?"

"Tuar ve e, chumi vang chuan han chim lutuk lo lang chuan a rilru natna tur engmah sawi suh ang che" min ti ta khauh mai, ka hmui ka ti pawrh ter.Chutiang te chu ka hre ve tho, tunge lo tawng vak vak duh bik ang?

"Anih nu..tunge a naute pa chu..??" ka u muhil ti mahse alo harh ruk takin tiin a beng bul chetah ka va ti.Min en zawk, mahse a thil siam lai chu a en leh daih, Umami'n hrilh suh ati mawle, tinge a sawi duh loh le?

"Nu..??"

"Bawihte tawng ring suh i u a harh palh ang" ka dara min rawn ben zeuh pah chuan ati."Min hrilh ve la, ka hre chak a lawm" min en leh vang vang in a rawn thaw hawk, a thil tih lai pawh a chawl hmak.

"A college kal pui thin kha a nia, alo duh ruk deuh kha anih hmel, hmanni a i u alo haw lo ka tih kha ila hria em?" tih pah chuan min rawn melh.Ka lu pawh ka lo bu rang kher mai."Khami zan khan re-union an lo nei ve ani mai thei, khami zan khan an che sual a" ka nu pawn a sawi zawih danah a sawi hreh ve hle nih hmel.Mahse vawikhat tih na ah a rai nghal theih dawn mi??

"Mahse nu.."

"Ka hria lawm, vanduai palh pawh a awm thei" ka thil zawh tum lo hre nghal tih hriat zetin min rawn chhan khalh.Anih chuan a mipa chu a chì a chak hle mai, vawikhatna ah a rai nghal thei nia!

"Mahse khatiang zawhna kha chu zawt reng reng suh ang che, tunah chuan a awm ang ang a kan en a tul rih" tih pah chuan a tho vut.

"Anih chuan nu ka chho mai" tih pah chuan inchung lam chu ka pan chho.


Rilru hah lutuk a awm hi alo hre awm a nih dawn hi! ka u leh kei ka in ngaihtuah chang phei chuan ka tawt up up mai in ka hria.Tinge buaina pakhat a awm hian buaina dangin a rawn chim tel nghal zel le? buaina te chu a kal tluang duh an lo tih tak kha maw!




____________________________






"Pa..kan hun tawnin zir lo viau mahse inneih lam hi ngaihtuah a tha tawh in ka hria" Umama chuan thu tak zet a ka pa melh ngurin a rawn ti.Ka nu erawh chuan engmah hre lo ang mai a awm in alo ngawi ngur.

"Nia..chumi pawh chu ngaihtuah a ngai tawh" ka pa pawn lu bu nghauh nghauh in a rawn ti.

"A theih hram chuan a rang lam kha ka duh, Sarah ka kiang hnai a, a awm loh hian ka hlau thawng thin.Engtinnge a awm ang? tiin ka ngaihtuah vak vak a" rilru buai hmel zet chuan a rawn ti.Ka tum loh deuh in ka lo nui hawk,mahse in thiam loh zetin ka hmui chu ka hup nghal.Mahse ka pa a rawn nuih ve sukah chuan ka kut chu la thla in ka nui ve leh vak.


Ka nu erawh chu engmah sawi lo in a tho nghal daih.Midang zawng te nen chuan kan en haw! thleng dang chu la in cooker ami chu a suak chhuak Umami ta tur a ni tih ka hre thiam nghal mai.Umami'n engmah ka ei duh lo ti mahse ka nu hi chuan pek luih a tum tho nih hmel.

"Bawiha chutia i hmanhmawh viau te nih chuan naktuk lamah i papuia te rawn in palai kan va tir dawn nia" ka pa pawh chuan ka nu chhuah hnu lawk chuan a rawn ti.


In lamah ka chet vek a ngai a, dawrah nen ka rilru alo hah ve bawk nen ka buai in ka hah tak zet.Kan in chhung thil thleng hi lo zia deuh se anih loh pawn Sangzuala nen kan in kar lo tha tal se, huiss..chutiang ka ngaihtuah a tullo ka buai mai mai.


Zanah pawh chuan ka room ah ka chho duh lawk lo.A chhan pawh ka kâ in beisei ka neilo ti mahse ka thin chhung ami hi chuan beisei a nei tlat si.Chumi chu ka lo nghak te pawh a ni mahna.Mahse ka thu mai mai thei lo, ka ding a kawngka pui ka en leh thin.Mahse ka beisei na chu beisei na nung nilo in a thlawn ani dawn anih hmel.


Nizan ka beisei loh laiin alo kal ang zawr zawr a tunah ka beisei ve leh alo kal lo leh a, keimah zawkin a va biak hmasak ka duh silo.Khanu bula a awm vang kha em ni alo kal loh? kei nilo in amah zawk kha a thlang ta tihna maw? ka thin zawn chu ka kawr chhanah ka tham tawk, a thip zawkin ka hria.A bulah min kalsan turin ti thin mah ila atak alo thlen chuan keimah berin ka thei leh silo nih hi!!




____________________________






"Nu..ka pite chu engmah hrilh suh" tih thawm ka hriat chuan ka ding chut, a aia hnai a kawngkhar bihin ka beng ka dawh leh.

"Mami..i pi alo kal dawn a, a chhan min zawt dawn a kan hrilh ngei a ngai dawn" ka nu pawh chuan ka u tlawn deuh ti tih awka zaidam deuh in alo ti.

"Mahse nu..ka chunga thil thleng a hria nih chuan engtinnge a awm ang? hotel ah thlen tir mai ru.." ka u pawh chu nizan a tap nasa leh deuh nge a aw chu a ipik hmel lutuk.Chumi rual chuan tah vang ni miah lo in a in hnit leh hrawih thin.

"Hetah a fanu ka awm a chutiang chu a chi loh" ka nu.

"Nu hrilh chu ka la duh lo tho, tih dan tur chu ngaihtuah rawh" ati ta hmak mai.Ka nu chhanna pawh ngai thla tawh lo in ka chhuk thla tlang hmiah.Umama Usarah te in ah a riak deuh reng a, ka u in engmah a ei peih lova, chutiangin ka nu pawh.Chumi vang chuan zingah ei rawng kan bawl vak lo.Ka pa pawh a hna thawhna lamah a ei mai, kei erawh chu ka ei peih lo tawp.


Ka pa pawh hmu lo in dawrah ka tlang hmiah, chupawh KTM ngatin.Tunlai chu keimah chiah a awm ka chak tak zet, chupawh hmun reh lutuk tak mai han nise.Chumi chu ka duhthusam a ni.


In chhung boruak tawt zet chhuah san ka duh vangin ka kal hma a.Chumi vang chuan tumah an lo la awm lo, chumi chu ka tan chance tha.Room ah chuan chho tlangin ka thu deuh hnawk.Ka chau leh rilru na lutuk hi depression te ka nei dawn in ka hria.


Ka phone ri in ka taksa a rawn nghawr dar dar takah chuan ka mit mengin ka ban vat.Mahse screen a hming lo lang ka hmuh rual chuan ka ner sak.Ani hi ka be peih reng reng lo, nimin nilengin khawnge a awm? zanah ka lo nghak a chuan chumi chu min nghah thlawn tir chupawh hmeichhe dang vangin.Tuna ka biak bik nachhan tur che ka hre lo tiin ka reject hmiah.


Tuna ka biak bik nachhan tur hi ka hre lo hrim hrim.A bialnu pakhat zawkin a kalsan rih a chuan tunah a hun awl hnawh khah nan kei min rawn hman leh a tum a!


Hah..! Liansangzual min bum mai mai tawh lo ang!


Chutia ka harh tak ro ro ah chuan thu ta lo in kawr awm tawh lo ho chu store room atang a la chhuakin in hnuai lamah tar turin ka la chhuk nghal.Ka ngaihtuahna chu ka kawm melh melh reng mahse enge ka ngaihtuah erawh ka hre lo.


Ka melh ngai melh ngawt ngawt a kawr ka lo khai lai chuan, kawngka chu a rawn ri zawk.Mahse a tlai ve tawh tho vangin hna thawk ho an nih ringin ka hawi phei duh lo, ka tih ngai chu ka tih chhun zawm char char.


Ka hnung lam atang a mipa taksa tih hriat zet a khauh leh lum vung vungin min rawn sik rual chuan ka ip zawk! ka thil tih lai pawh ka chawl hmak.Chutah a kut hrawl zet chu ka dul zawnah rawn rawlh lutin min pawt hnai deuh salh! ka taksa pawh alo tang mar leh tung tawh.Ka beng zawnah chuan rawn kun hniamin sexy tawk lekin a rawn thaw chhuak, chumi chuan ka taksa ah dang lamna siam in te reuh te te in ka bawl chhuak leh tek tek tawh.A pangtilum leh awm khauh tha zetah chuan tunge anih ka hai lo chiang kher mai.


Mahse tal nghek ka duh, ani hian a duh hun hun ah min khawih thei lo.Mahse ani chuan ka chak lohna lai a hre tlat chumi vang chuan zawi deuh hnawkin che chang tur reng ka awm lo.Chet chu sawi loh tawng pawh ka tawng chhuak thei lo!

"My boy.." ril zet mai chuan ka beng bulah a rawn ti.Chumi rual chuan nichin mi ang chiah khan ka beng a lum leh hak! mahse hetia min koh hian a nuam ka ti, keimah ah mahni in ngaih special na min neih tir.

"I phone i pick lova" ati leh sup.'Ka be peih lo che' aw rawl ring em em a tih khum hrep ka chak.Mahse ka bengbul a, a hmui a tih chet leh ka dul zawna a kut awmze nei tak a a rin riak riak chu maimichhingin ka lo feel hmiah.Tinge ami khawihna hi ka hnar theih miah loh? tinge ka thinrim lai ber pawn ka dan theih loh? hmeichhe chak lo tak ang mai in engvangin nge ka awm?

"In ah ilo awm lova" ti leh sapin ka bek chu a fawp tawk.A kut chu zu hmer vakin ka ip nghal chawi! a kut pawh chu hum hneh ve viau lo mah ila ka hmer ve vak.Ka awm dan hre thiam tih hriat zetin Sangzuala chu a rawn nui chhuak hak.

"Hmelchhepa min thlah rawh" ka aw pawh chu ka theih pa tawpin tih chan ka tum, mahse ka awm danah erawh ka thinrim hmel viau si loh!

"Ka ngai che" keilo ang takin a aw chu a cool, chuan a chauh hmel.

"Min thlah lang chhuak nghal rawh"

"Nimin khan ka buai lutuk a ka lo kal"

"Nia dinner i ei pui chhelo em a lawm" a sawi zawh pawh nghak hman lo in ka lo tih khalh.Mahse ka awki chhuak ah chuan thikna a tel deuh in ka hria.

"Engthil nge i hriat?" tih pah chuan min thlah hrawih!

"Engkim ka hre vek, chuan duh chu i thlang fel tawh nih hmel" ama lamah in herin ka ti deuh kher.Chumi rual chuan min melh hrawk! mahse ngatan mah ka ngai leu.

"Kha thil kha chu tih palh thil thu a nih kha"

"Hah..!!" tih pah chuan ka nui ro hak.A bak tih theih leh sawi tur ka hre lo.Nancy in chiang taka an kil dun thu min rawn hrilh a.Chumi vang chuan tih palh chu a ni thei lo.Nimin a a pic lo lak a tum a ka lo duh lo kha ka in chhir ngei mai, min lo thawn se tunah hian a hmai ah tak vawn siah ila chutah a harh chhuak ve mahna.

"My boy.."

"Khati khan min ko ve ziah suh, ka luak iti chhuak" ner deuh nangin ka lo tih khum hmiah.Ani pawh lawm lo tih hriat lutukin a rawn rum hrawih.

"Min ring tawp rawh, chuan he thinlung hian hmeichhe pakhat chiah a thlang chupawh chu i hria" a rawn ti ve hak nih chu! chutia vin lek lek a min tawngkhum leh amah ring leh tawp tur a min ti chu ka ngeiin ka thin chhung hi min deng dawt! sawi tur hre lo in amah chu ka melh tlawk tlawk.

"My boy..ka sawi chu i hria tiraw..kei hian nang chiah ka thlang che" tih pah chuan ka kut chu la in a thin zawnah min nam beh tir nghal.A thinphu dup dup ka kut in a kawr chhana a feel rual chuan ka phu ve dawt dawt mai in ka hria.

"Keipon min hlat turin ka ti che" amah vang a ka thinphu rang lutuk te chu a hriat loh nan a hnaih atang chuan in lak hran ka tum vat, mahse ka kut chu che eih lo in nghet zetin a vuan.

"Chu chu ka thei lo tih i hria" tih pahin min rawn bih hnai ve.Amah chu ngam chiah lo in ka melh."Chuan nang pawh in kei ang chiahin ka hlat a awm i thei lo" mahni in ring tawk tih hriat zet a rawn tiin rum deuh lek lekin min melh.A thu rawn sawi chhuah dan chu zak lo ka ti ngawih ngawih.

"I tho ve!" ka ti nghek.A hmel a changin a thu tak teh reng nen a rawn nui chhuak leh hak nih chu! keiin rum em em in ka lo melh a.

"My boy..ka sawi chu a dik" nuihza aw zetin a rawn ti.

"A teuh lo lutuk chu thil chu i mumangah thleng dik rawh se" pawr deuh in ka ti vak!

"Chu chu atak ramah pawh i chan tir thei" rawn ti supin ka hmui ah a rawn fawp zeuh mahse a in la hrang leh nghal.

"Ve mai mai a che"

"Ka hmangaih che" nui chhuak hawk lo tur a ka insum zia chu! ka thinrim viau tawha a hriat hian min hmangaih thu a sawi ve ziah.

"Anih tak chu.."

"Ni e.."

"E.."

"My boy.." kan in hnialna chu nuihza thlak tih hmel zetin a rawn nui suk.

"Kal tawh rawh"

"Min fawp phawt lang" hah..engthil nge a sawi kha? tun ang ka thinrim lai hian engtinnge ani hi ka fawh duh a rin theih? fawh chu sawi loh a tawh pawh ka tawk peih lo.

"I duhthasam a nih chu!" ka hawi sawn nghal hmak.

"Ka duhthusam thlen dik tir tu ka vantirhkoh ni mai la?" kiai deuh sukin a rawn ti.Mahse amah ngei pawhin a thu sawi kha naupang chhia tih hmel zetin a rawn nuih pui leh hak, kei erawh chuan insum na nun ka neih alo tul tlat.

"Ka duh lo mai nge" ngei awm zet a hmel siam chhia in ka ti tawp.Min rawn chhan let leh a tum chiah chu kawngka a rawn rik leh vawl takah chuan ding leh rihin chumi lam chu a en.Zamzami leh midang pahnih vel chu an lo lut.A hun lo tih hmel zet a rawn thaw hrawih in min rawn pan hnai.

"Zamzam in lo thleng tawh maw?" min rawn hnaih chu duh lo tih hriat zetin amah kal pel deuh pahin ka ti vak.Zamzami pawn min rawn melh vat, an lam ka pan phei tur te chu Liansangzuala chuan rum ri deuh hrawih in min thlah, kan hre duh lo der leh ngei a.

"I van hma em em?" an bul ka thlen rual chuan alo ti nghal."Ummm" tih pahin ka lu chu ka bu zeuh.Mahse kei min en lo in ka hnung a mipa ding khawng luah chu an en daih.

"Hei.." tih pah chuan ka mit ka san khum vak.

"A..saw saw i bialpa kha mi??" amit hmul min san khum ve pah chuan a rawn ti.Ka lu chu ka thing nghut nghut.Mahse awi loh hmel zet a min melh in Sangzuala bawk an melh leh.

"Lem..hna tan tawh ru.." tih pah chuan ka nawr deuh vak vak.

"My boy.." hnung lam atang a aw thum zetin a rawn tih rual chuan hmeichhe ho chu an lo au tuar a nih chu, ka che pawh ka tawp chat.

"Min lo thlah la.." hepa han zah loh dan em em hi! zahna hi a rap bet ani ringawt.

"Saw..a auh che saw va kal rawh" zawi te in an rawn ti sep.Ka hmelah chuan zahna bak a lan ka ring lo.

"Hei..kan buai deuh a lo va chhuak mai ta che" amah pawh melh duh lo in ka ti.

"A buai lo, va thlah rawh" chung hmeichhe ho zet chu an kut rawn phar chhuak deuh hluai in an rawn ti.Chumi rual chuan a nem in min nem pawp pawp.Sangzuala pawh ka va bawh deuh rawk rawk mai lawm.Liansangzuala pawh awrawl tawp in a nui chhuak ve hawk mai lawm.

"Min thlah rawh" ti deuh hrawih in min lo vawn na a kut chu ka phih sawn sak nghal, ka awm dan pawh ka siam rem nghal vat.

"Anih chuan kan chhuak dawn mi?" rawn ti leh kher in ka kawngah a rawn rawlh lut nghal.Phih leh lawp mai nia ka duh ni, mahse lem chan a ngai tlat.Ka chhan mai loh vang chuan min chhuah pui nghal, hnung lam atang a rawn te deuh that ka hriat rual chuan ka leh hawi deuh zawk.


Zamzami te chuan nui tut tut in an kut zungpui min lo hmuh.Hepa hian ka kawngah chelh tlat lo seng chuan ka kut tum hi ka hmuh ngei ang.

"Min thlah tawh rawh" pawn kan chhuah rual chuan tal deuh nakin ka ti.A aia nghetin min kuah rawh ka ti maw a ti ni mahna nghet zeta min rawn chelh leh in a car park na lam ah min phei pui nghal.

"Heti lai thleng thleng ka lo kal peih lo"

"Mahse hei kan thleng tawh lawm" mitko san zeuh in a ti."Anih chu min thlah lang kal rawh" a kut chu ka zu ban deuh rawk rawk."Min fawp phawt rawh" naupang chhia zetin a hmui chu a rawn ti pawrh ve.

"Ka duh bawk lo"

"My boy"

"Pawnah kan awm hi"

"Chuan?"

"A zah thlak" ka lai leh deuh tlat vangin hnuai lam ka bih nghal daih.

"Kei ka zak lo" ti leh supin ka khabe ah dawm in min rawn fawp nghal.Mahse chhan let erawh ka tum lo, ani pawn kawt lai ani tih a hre chhuak leh te pawh ani mahna min thlah ve leh mai.

"Vawin chu ka lo lam dawn che lo haw hma tawh suh ang che" tiin ka chalah a fawp tawk.Chhang tawh lo chuan ka dawh mawl tawp.


Ani pawh chu a tlan chhuak ve nghal zat, mahse amah thlir ang a lan kha ka duh lo a rang tawkin ka tlan lut nghal.


Ka rin ang ngeiin Zamzami te chuan min lo pawt chawng chawng mai.Thil awmzia vel min han zawt a, a phur ber ber ah an lo la tang zui.

"Dawr kan lo luh hma khan eng chen a rei nge in lo awm tawh, chuan enga maw te te pawh" an la rawn ti nih chu.

"Ngawi mai mai ula in hna thawk ru" ti a au vak in ka hnawl tin darh.Customer pawh an lo lut leh tan tawh, an ni pawh an che sung sung.


Liansangzuala vangin zak deuh a kan awm chu! mai mai sal a!


Chhun ah ka nu in min lo bia in tukin zing ka lo hriat ruk tawh ka pi lo kal tur thu chu a rawn sawi.Mahse vawinah chuan a nilo, naktuk lamah ani mai thei, a chiang bik chiah lo ni mahna.


Dawrah pawh chuan buai lo mah ila ka buai lui ni mai in ka hria.Tih loh tur pui pui te kha taima ber awm ang in ka ti zung zung.


Tlaiah pawh Sangzuala'n ka lo lam dawn che a tih vang in nge ka lo nghak deuh reuh pawh ka hre lo.Ka haw hreh ve deuh tat nih chu, mahse amah nghak ang a lan erawh ka duh lo.



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » November 8th, 2020, 2:50 pm

STORY MOOD AH KA CHENG LO LUTUK A, ZANIN PHEI CHU A NGAIHNAWM LOH LEH ZUAL, LO HRE THIAM VE MAI RUU





Changes By Changes




CHAPTER - 26



BY Lalmatei Cck




Mahse nizan ang chiah in beiseina thlawn bawk min pe leh! keipoh a eng vang a lo nghak nge maw ka nih le? kei nilo in ani kha a thlang tih ka hre reng sia!


Za lo lutukin ka nui chhuak, tukin ah alo kal a, a vawikhat khawihna ah ka lo dang lamin ka lo nem leh mai a chuan hei tunah mi â ang mai in ka lo nghah hi! ka rilru na bawk si tah chhuak bawk si tih ngaihna ka hre lo.Ka mittui tling deuh piau in ka nui ro halh, chu erawh chu hre awm tak a ni! ka dang thei der silo.


Pawnah chhuakin ka bike park na lam ka pan nghal.Ka mittui hru deuh tawkin helmet chu ka khum nghal.Ka sawi tawh angin ka thinrim piangin bike khalh ka duh thin chutiang bawkin muang tak leh speed hniam taka tlan ka thiam lo.Accident dawn pawh ni hlei lo ka ti hmiah mai.


Kan in lam pawh pan lo in folkland lam ka pan hmiah, mahse rei pawh ka awm lo.Ka bike ah thu reng chung a dingin van lam ka thlir.Van thim deuh khup mai, chhum zing lek lek leh arsi lang pheuh pheuh chuan ka lung zu han ti chhe tlat a.Ka mit ka chhin rual a tui lo chhuak pawh hi ka duh dan a nilo.Rei pawh chu awm lo in ka haw leh nghal.


In chhung ka lut chu sitting room lam a patling tawng ni awm tak thawm ri deuh hum hum ka hriat rual chuan mak ti deuh haw in ka pan phei.Chutah patling rual deuh thah mai an lo awm nih chu, papuia te ho leh mi thenkhat tlem.Ka han en vang vang a ka pate thu sawi kha ka hre chiah, palai chung chang a nih ka ring.

"Matei pawh alo haw tawh maw?" papui'n min rawn hmuh rual chuan nui sukin a rawn ti.Midang ho pawn min rawn en nghal vek.

"Bawihte thingpui lo lum la..hei i papuia te dang pawh a ro lutuk tawh ang" ka pa pawn alo ti ve nghal.Lu buk khum zeuh in choka lam ka pan ve mai.


Mahni lo maha rilru hah nak lai a hetia min lo tirh chu le? ka ti rum rum mai lawm le.Gas thuk chu on in thingpui bel chu ka chhuang nghal.A rawn so hma chhuan gas bul ka kuttang a khawng ri khauh khauh in thil ka ngaihtuah.Tuna ka nun dan hi ka duh lo a hre awm in a ninawm!


Mahse ka ngaihtuahna pawh thui tak ka kawm hma chuan ka thingpui chhuan chu alo so.No chu banin ka siam nghal, mahse an bulah chuan hmeichhe rilru na leh nun hre awm ti mek ang a lan ka duh lo.Hmeichhe hlim thei tak nih ka duh, chutiang chuan lan ka duh bawk.Tray ah no dah diat diat in ka chhuak phei nghal.

"Felfeli pawh alo lian ta zuar mai" pa Khawma ka pa u chiah chuan no ban pahin alo ti, chhan ngaihna hre lo in ka nuih ringawt.

"Kan naute mai maw kan la tih laiin hei alo puitling ta mai nih hi" papuia bawk chuan nui uar uar in a rawn ti, ani hi chu putar deuh tawh mahse ka tet lai atanga min duattu ani a ka ngaina ber.

"Papui naupang mai mai ani tawh lo nia in leng pawg nei tawh ngat nih kha" ka u chuan a rawn ti ta mai.

"Umam.!" ka lo ti nghek.Chumi rual chuan midang ho chu an rawn nui chhuak hawk, ka zak lutuk chu ka tlan chhuak nghal rawk rawk.Ka chhuah thleng pawn an la nui lawm le.


In chungah chuan chho in ka in thlak nghal.Umami room pawh hmeichhia zawi tak a phun ser ser tih hriat zetin a ri sur sur.Ka nu in thil a hrilh ni ngei tur ni, heti hian an in awm ni leng thak chu ni awm sia.In thlak sawk sawkin washroom ah ka lut tlang nghal.


Liansangzuala ka rilru ah dah loh hram hram ka tum mahse zawhna chhanna ka in pek theih si loh hi alo lut zut zut mai.'Tinge min rawn lam dawn lo nih chuan phone call in min rawn hrilh mai loh?' a chhanna erawh a bo hmak.


Washroom atang pawn chhuak leh vatin ka close set atang chuan kawrfual hring uk, hna rawng lam lek lek ka khup chen chu la chhuakin ka ha nghal.Ka lu pawh hru thuak thuak in ka kutin ka tuai mam, in hnuai lamah ka chhuk thla nghal vut.


Mahse ka u chu tray a no lo keng chhuakin a hnung lamah midang ho chuan ka u fiam tih hriat zet a nuih deuh pah chuan an rawn chhuak.Ka chhuk thla lai pawh ka tawp deuh chat.

"Felfel..i va awm bo rei ve" pa Khawma bawk chuan min rawn melh chho in a ti."Ka rei vak mi?" tih pahin ka chhuk thla nghal.

"In la nula nu i sam hi zuah sei ve tawh la" tih pah chuan ka sam chu a rawn tuai thur vak nih chu.

"Papui.." ti a au in a kut chu ka lo pawt sawn vak.Chumi rual chuan ka sam chu ka tuai man tha leh nghal, nichinah pawh khuih hman lo in ka kutin ka tuai man a, min lo tih thur sak te chu a.Midang lah chu an lo nui ang huah huah a.


Mahse in mangtha na thu sawi in min chhuah san diat diat.Chaw ei ve nghal turin ti ve mah ila an duh dawn chuang lo a, ka sawm peih chiam lo.Mahse chutia papui'n ka sam zuah sei leh tur a min ti chu mi pakhat bawk ka hre chhuak leh tawh.


Hman zana Sangzuala'n ka sam zuah sei a duh thu a sawi kha ka hre chhuak.Khami zan khan ka in thlahrungin ka zak tak zet.Ka lawm nan sam sei a duh loh thu chu sawi mahse a ruk tak chuan a duh ni tih ka hre vek, ka zak lutuk in 'My boy' ti a koh turi nei tawh dawn lo sin ka ti ringawt nih kha.Khami zan khan ka sam ka lo cut ka in chhir ber tum a niang!


Choka ah bawk lutin Umama'n no alo dah chu ka sil fai nghal.Chumi rual chuan zanriah tur ka buatsaih chiah.Ka tlai deuh tawh vangin frozen food lam ka siam tawp.Sangzuala ka nghah vangin ka tlai vek lawm.


Ka pa leh ka u tih hriat zet pawh aw thum deuh hak a tawngin an rawn in be lut ve lawng lawng.Ka nu erawh chu hetiang mood ah ala cheng vak lo ni tih hriat zetin Umami room ah ala awm reng.

"Bawihte Serchhip lam i pite an lo kal dawn kha i hria em?" ka pa'n choka kawngka a rawn dah pahin a ti.Ka hawi vut ka lu chu ka bu zeuh."Anih chuan i ute pawh an lo thlen hunah kan hrilh nghal nga ni mai" ti lehin a kal leh nghal.


Liansangzuala reu rua kha a rawn kal leh hlawl hlau in ka room ah ka mu hmak, ka phone pawh ka off leh hmak tawh.Ka nu ten min rawn kai tho lui dawn tih ka hriat avangin nghet zet a lo mut thilh ka tum.Vawin min tih dan hi ka duh lo reng reng, ka ngei in ka haw tak zet.




_____________________________







"Vawin chu dawr i hawng lo mai dawn mi?" ka nu in choka a rawn luh pahin a ti.Ka bai chhuan lai chu off in ka en nghal."Ngati maw?" ti leh in bel dang ka chhuang nghal."Vawin ah i pite an lo kal dawn a" ka ngaih bel nge ka nu aw hi a dik lo riau.

"Nu zan i mu tha lo em ni?" ka to tawp.

"Mu tha tho e..mahse nizan i u mangchhia in ati buai leh deuh a" tih pah chuan a ham nghal.

"Nu i ngaihtuah lutuk anih kha i tar tawh em kha in enkawl that i ngai"

"Ka tar lo aw" a tar ka tih kha a mah ka ngaihtuah vang zawk a ni.Mahse ka nuih ringawt ani pawh a rawn nui ve tho.

"Mahse naute chan hi chu a hre awm ve lawm, keipon pakhat kha ka chhiat a" a rawn ti ta mai.Chutiang ala sawi ngai lo chutiang bawkin ka la hre lo hrim hrim.

"Nu..enge i sawi awm zia?" ka ti nghal, chutiang lam kawng reng reng ka hre lo."I u chiah tur hi nia thla hnihna anih in enge ka ei sual nge ka hre lo ka pumna lutuk damdawiin kan kal a, chumi hnu chuan ka chhiat thu min hrilh.Naute pawh ala ni chiah lo thisen hlawm ala ni mah mai thei" ati ve zung zung.


Hetiang thu te engtinnge a zep reng theih? tinge min hrilh loh.Chuvang ni maw ka u nen kan chhang hi a khat bik em em? Umama leh Umami chu kum 3 vel lekin an in thlau a, kei erawh chu ka hla dawk, ka naupang rei bawk.Chutiang alo tawn ve tawh vang te pawh ani maw ka nu hian ka u alo buai pui em em ni?

"Nu..tinge chutiang min hrilh ve loh?"

"Sawi chhuah kha harsa ka ti lawm, khami tum a ka rai kha huat ka ngahin ka thin chhe em em a.Chuan midang ang lo takin raino te kha ka hua a.A chang chuan lo chhuak suh tih te, ka lo pai kher kher che hi ti a tawngkam bawlhlawh phuh chhuah ka ching a.Ka rilru tak takin ti lo mah ila ka luak chhuah chang ka thinrim chang khan ka insum zo lo in ka lo ti thin a.Khami vang te pawh kha ni mahna Pathian in min lak sak ni" a sawi zawng te pawh chuan a rilru ala nat hmel lutuk.

"Nu..chumi chu ka u chiah maw?"

"Umm.."

"Ka pa engtinnge a awm?" ka pa awm dan tur ka ngaihtuah erawh in ka tah a chhuak thung.Engmah sawi lo in a ngawi ngul a nga mahse a chhungril erawh a na viau ang chumi chu ka pa mizia a ni.Ka rin dan chiah in ka nu pawh in min chhang.


Ka nu in an nun hlui ah hemi chiah hi min hrilh lo a bak ka pa nen an in ngaihzawn lai zawng zawng pawh min hrilh vek.He thilhi chu a rilru a na in a in chhir ve hle a niang, engmah min hrilh loh ni.


Nizan atang tawh in Sangzuala pawn min la be lo.Ka thinrim lutuk pawh a reh vek, a pawi lo amah theihnghilhna chance tha a ni mai.Hei tunah pawh amah ka ngaihtuah ngut ngut tawh loh hi.


Ka pite chu dar6 khan an veng sumo ah an rawn chhuak a.An rawn tlan chak phei chuan an lo thleng har over lo ang.


Mahse tukin zing chu Umami dawhkan min rawn kil pui hlauh.Ka pite an lo kal dawn vangin in tih harh te pawh a duh ni mahna.Mahse amah chu thil ei tha lo tih hriat zetin a cher in a hmai te chu a tla deuh kawk.

"Vawin pawh Muanzova kan va tlawh a tha ang, kan haw hnu in kan la tlawh leh miah lo" ka pa in Muanzova chung chang a rawn sawi chhuak chiah chu a ke ana ni tih ka lo theihnghilh tih ka hre chhuak, va tlawh ve kha ka duh sin le aw.

"Nia a tha khawp ang, tumah awm pui a nei silo" ka nu pawh in alo ti ve nghal.

"Ka lo theihnghilh palh a lawm le, kan buai ta lutuk ni" ka pa pawh chuan mahni in thiam loh deuh in a rawn ti.

"Tinge pa chhungte a neilo mi?" ka nu in a chhan hma in ka lo tih khalh.

"Neih chu a nei tho a mahse State ah an awm thung a" ka pa.

Chumi hnu chuan thil ho mai mai in kan ti ti.Mahse Umami chuan a ning deuh nge a tho ta nalh mai, ka rin dan rengin ka nu in a zui nghal.Ka pate chuan an awm ang ang in an en ringawt a nih hmel.


Ka nu in dawr hawng lo tur a min tih takah chuan midang hrilhin vawin chu an chawlh thu ka hrilh.Chumi hnu chuan ka pite awmna tur room, chu ka tifai.Kan awm loh na anih vangin tlemin tih fai a ngai zual.Khum bedsheet zawng zawng thlakin ka su leh vek a.Chumi hnu ah Umami room ka tih fai sak leh.Ka nu erawh chu ka pite chaw hmeh duh ber mai lei turin bazar ah a kal.


Umami chu balcony ah van lam hawi in a ding reng.Ni a sa lutuk lova khua a thiangin van a pawl deuh kak a chumi chu nuam a ti ve te pawh ni mahna.A room chu kei ang lo takin a room hi chu a fel fai.Ani hi chu a che fel nia.


Inchung berah vawin ka bedsheet suk vel ka zar lai chuan kan kawtah car pawl hi a rawn ding.Ka pite an ni tih ka hriat nghal vangin ka thil zar pawh zar zo lo in ka chhuk thla nghal.Umami erawh milim ang mai a lo la dingin ka pite chu alo zu bih thla ve.


Step ka chhuk thlak dawn chiah chuan kawngka a rawn in hawng nghal.Ka pu leh nutei leh ka nu an rawn lut nghal zat.

"Ka pi.." ti a au in ka zu tlan thla nghal, midang pawh an rawn hawi chho nghal vek.

"Ka ngaihzia che hi i hria em?" tih pah chuan kan kuah nghal thlawp a.Nutei te chu nui chungin choka ah an lut."Keini pawn kan ngai che lawm ilo zin duh tawh lo lutuk a" ka hnung a ben thek thek pah chuan ati ve."Ka hman lo thei lutuk a"

"Khawi maw ilo va lian tawh ve hmanni lawk a naute ni kha tunah chuan ilo sang zuar tawh lawm" tih pah chuan min han thlek chho a.Chutah kan han in nuih vak a.Ka apron hak chu in hmeh min ti ngei mai, a sawi char char mai lawm.


Zing chaw ei lo a lo kal an nih vangin chaw ei ka siam sak nghal.Chuan khawi a driver nge maw ni pakhat hi an lo hruai tel bawk a.Kawng lak lawh ah an sumo kha a chhia ni awm e, chumi vang te pawh chu ni mahna an lo thlen har.Mahse an driver pa chuan chaw a ei ve duh thak lo, a let leh nghal duh thu chauh a sawi.


Tichuan ka pite nen kan in ngaih thu sawi in vawin ni chu kan han hmang ral ve a.Umami pawh a in ti harh ve hram hram a niang chu a hma zawng aiin a tawng duh.Mahse nau a chhiat thu chu hrilh kan tum lo nih hmel.


Zanriah eina ah Umama leh Usarah chung chang kan han sawi ta mai chu ka pite'n an awi lo lutuk a,Sarah te chu hmuh ve nghal rawk rawk an duh lawm le.A awm ve tho a ni hian ngaihzawng a neih kha kan ring lo nia, ka pite kan tlawh pawn a awm tawp a, kan haw leh tawp.Tawng duh lo, h a atchilh ang kha ani ve a.Chumi vang chuan bialnu a nei tih pawh a awi lo chuta karah a lo rai tawh ni tih phei chu a awi lo leh zual.Umama lah chu ka pi in thu tak deuh deuh a, a fiamna te chu a thinrim lek lek tawh mahse a tawp a kan nuih leh thup takah chuan harsa tih hmel zetin a nui ve suk mai lawm.


Zanriah kan kil zawh chuan sitting room ah ti ti pahin thei kan ei mai mai.Umama erawh a naute duati te hmu turin a kal leh tawh.Ka pi pawh tar ve bauh bauh tawh mahse a tawng duh par par hle mai ani chiah hi nih hi ka lo chhun chu ni.


Nutei erawh a fanau te a ngai nghal deuh nge balcony ah awm in a be char char mai.Umami pawh zan dang ang lo takin a thu ve reng.Ka pi pawn ka pu phun chiar tawh zia te sawi in, amah ber ber chuan a nuih pui.

"Pi..in haw leh hunah min hruai ve daih la" fork a thei zu vih sawk pah chuan ka ti."Nia..kan ngai tawh che, i pu pawn a ngai tawh lutuk che" ka pi pawn alo ti ve nghal."Anih chuan nu ka chho ve daih dawn?" ka nu melh pah chuan ka ti."I pa te hi rawn la" alo ti ta daih.Ka pa chu fanu fel ber ang mai a melhin ka nuih sen sen, ka pa pawh a rawn nui chhuak hawk mai lawm.

"Awi..Remruatfel i zak lo lutuk" ka u in rawn tiin thei chu a ban nghal.

"Na..nge ka zah loh na, ka pite khua ah ka zin duh ni ve mai a" in ti naupang chhia zet a tiin ka pi chu ka va kuah nghal."Dik chiah mai" tih pah chuan min lo kuah ve ngei.Chumi rual chuan Umami pawh min ei loh hmel zetin a rawn nui ta lawm.

"Bawihtea te chuan min ngai nghal der mai lawm" nute in lo luh pah chuan a rawn ti.

"Rawn hruai ve ta che" pawr deuh in ka lo ti.An ni pawh an ngaih awm ve tho.

"Zualtea a dam lo a midang chu school kal a ngai lawm.Ka nu hi lawm min kal pui rawh ati tlat pek a" a rawn ti nang nang.Ka pi pawn alo hnial vat, mahse kawngka lam thawm ka hriat vangin hawn turin ka va ding nghal.

Kawngka ka hawn rual a ka mi hmuh vang chuan ka tum hmuk.Ka lo hlim lutuk na lamah hepa hi ka lo ngaihtuah lo hrim hrim.Chuan ka thin chhung hi a sa nghal ht ut, chupawh hepa ka huat leh hmuh chak loh lutuk vang a ni.

"I ke hi la sawn rawh" khar leh nghal ka tum chu ka tih tum hre lawk ang mai in a ke in a rawn dang.Ka melh nghal nghek bawk.

"My boy"

"Enge i duh ka tih ?" pawr deuh a tiin kawngka chu ka vuan tlat.

"Min luh tir dawn lo em ni?" a va han zak lo tak.Ka thinrim tawh sa nen nen ka thin chhung hi ati sa nghal hat.

"Rawn tih tur i nei lo" ka ti bung hmuk.Nge ka mamawh laiin a bo reng? tunah amah ka ngaihtuah lo a, a rawn lang leh a ka va han ngei ngawih ngawih tak em!

"Bawihte tunge ni i va awm rei ve?" ka pi chuan a rawn ti ta mai.

"Tumah mawle" tih pah a ka tawlh hnung hret chu, hmela mai mai chuan chance ah lo la in kawngkhar ka vuanna chu rawn su tlangin a rawn lut nghal.

"Hi..in lo dam maw?" tih pahin a lut tlang nghal nih chu, a hnung lam tang chuan ka kut in ka tin ringawt.

"Sangzual nang i ni maw? ilo va lang khat ve?" ka nu in alo ti nghal vat."Tunlai chu kan buai rih deuh ni"Hmela lah chu sitting room ah lutin alo va thu fel der, ka melh rawm rawm na te chu a hmu lo der hmak, thaw hrawih in ka pi bulah ka thu thla nghal.

"Bawihte hei hi tunge ni a?" ka pi chuan Sangzuala en ngurin a rawn ti.

"Christy bialpa hi ka nia" awi ka zo lo! ka thi thelh a ni ringawt.Ka pi pawn a en nghal dawk, ka nute leh Umami chu Liansangzuala tawngkam frank lutuk vang nge an lo nui suk nih chu.

"Bialpa te ilo nei ve tawh maw?" min melh chung chuan a rawn ti.Chhanna pek dan tur ka va hre thiam lo e aw.Kan in ngaizawng thin a mahse then ka tum tih mai nia ka duh ni.Sangzuala chu ka va melh a, ka chhanna pek hun nghak ve reng tih hriat zetin min lo melh ngur.Ka pi chu en leh in ka lu chu ka bu zeuh.

"Awi..ka hriat ve loh a thil thleng alo va tam ve" ve ngei in a, ka pi chu le! a bak sawi tur pawh ka hre lo.Hmela chu ka mit sirin ka va melh rum vak vak mahse min hmu lo der tlat mai nih chu! ka pi lah chuan a be char char ringawt ka rin loh deuh in Sangzuala pawn pangngai deuh in alo chhang ve mai.Ka pa pawn a hna chung chang alo zawt ve zeuh bawk.

"Christy nen hian zanin party na ah kal kan ngai a" thu tak deuh in a rawn ti ta mai.Ka phu chiang lutuk leh a thu sawi ka hriat thiam loh lutuk vang chuan amah chu ka va en dawr.Ka thinrim tawh tak zet, tunah tak hi chuan pet chhuah daih mai nia ka duh ni.

"Chutia law, engmah hre lo in kan lo be char char cheu a, kan lo ti khaw tlai vek cheu nih chu" ka pi in a rawn ti ta zung zung mai.Kei erawh hawi sawn thei lo in Liansangzuala ka melh ngur.

"Bawihte engmah i sawi lo a?" ka nu in a rawn ti.Ka chil lem deuh khalh in ka nu chu ka melh.Hepa awm dan leh thil sawi vel hian min ti ham haih tak zet, ka chhungte bulah mi ã ang mai in min tir dawn lawm.Eng party na ah mah kalna tur kan nei lo tih nghek mai nia ka duh ni.

"A..nu nia" ka ti ringawt.Chutia ka buai deuh nuai chu Sangzuala chuan min lo nuih suk nih chu! ka mit sirin ka melh nghek.

"Anih chuan han in siam rawh in tlai lutuk a nge" min nem thawh tum pah chuan ka pi in a rawn ti leh.

"Mahse pi..E zanin chu ka pite an lo kal sia ka lo kal ve lo mai ang" ka hriat chhuah thut vangin Sangzuala chu ti fuh in tih hmel zetin ka va melh nghal, ka mitko ka san khum kher, a hmel pawh a rawn thim nghal vek.

"A ho lutuk keimahni vang mai mai chuan han chho la han in siam rawh" ka pi in a rawn ti leh ta mai.Ka pi hi ka va han ngei tak e aw..hetia lo tih kher? chumi rual chuan hmela pawn chak zawk chan a chang tih in hria in ka tih ang chiah in a mitko min san.Ka thinrim lutuk chu ka beng atangte in khu a chhuak dawn in ka hria.

"Bawihte a tlai tawh si, han chho la insiam vat ta che" ka pa in a rawn tih leh takah chuan ka ding ta zawk mai.Mahse a rukin hmela chu ka middle finger ka hmuh zeuh.Mahse zun nei em em in a rawn ding nuih suk nih chu!


Chutiang engmah pawh a sawi tawp silo, in dress dan tur pawh ka hre lo.Nimin atang tawh in a reh char char a tunah engmah sawi lo in a rawn lang leh thut a chuan party na a kal tur ang in min rawn sawi leh a.Khupa awm dan pawh khu ka hrethiam lo e.


Ka thawmhnaw bawm chu kan hai rawk rawk a, hak mai tur pawh ka hmu lo.Chutiang party dress pawh ka nei lo, ka beidawng chu khum ah ka thu thla hnawk ringawt.Liansangzuala ka ngei bawk si, thinrim bawk si chu ka sam tham tawkin ka au hrep.Tinge a duh dan dan a min tih kawi a tum mai le? ka awm dan tur te hi a hre thiam ve ngai lo reng reng.


Khupa khu chuan amah chiah a in ngaihtuah, a hlimna chiah a duh.Pakhat a kawp a pakhat a kawp loh in min rawn pan a chutiang ringawt chuan a nung a, ka hua ni.Zanin hian thil engkim chu ka ti tawp vek ang.


Ka thawmhnaw bawm chu va hai leh rawk rawk in, black velvet chhing lutuk lo chu ka la chhuak nghal.Chumi chu ha in Ankle boot chu ka bun nghal, chumi chu a awlsam in a tha ber mai.Chumi hnu chuan in hnuai ah ka chhuk thla leh nghal.

"Bawihte a chhing deuh lo maw?" ka nu in alo ti nghal.Mahse Sangzuala ka en daih thung, ani pawn ka chhip atang a ke hmawr thleng chuan chik deuh in min lo en thla nghal.Mahse ka kawr fual hakin a thlen tawp chin chu ner deuh nangin a hawi sawn.

"A pawi lo" ti mai in Sangzuala chu ka melh.

"Anih chuan kan kal mai dawn mi?" Sangzuala pawn rawn din chhuah pahin a rawn ti.

"Mahse rawn hawi tlai lo ula aw" ka pi in a rawn ti hram.

"Kan tlai lo ang tih ka tiam a cheu" tih pahin ka kawngah a rawn hmer nghal salh.Ka ip zawk, hepa hi chuan ka awm dan hi chu a hre nghal thei nia nui sukin min chhuah pui nghal.

"Min thlah rawh" gate kan chhuah rualin ka ti nghal.Mahse ani pawn min thlah ve mai.

"Haw rawh"

"What?" a kut rawn phar chhuak hluai in a rawn ti ve hak.

"Ka hmu peih reng reng lo che chumi vang chuan haw nghal rawh" ka kut kuangkuahin ka ti leh hmak.

"My boy"

"Khati khan min ko ziah suh, nang nen hian in zawmna neih ka duh tawh lo ka tih kha chuan zanin hi kan in hmuh tawpna ni rawh se" a mitah tak melh ve sakin ka ti.Chumi ruala a duh lo tih hriat zeta sakei ang mai a rawn rum, ring hauh silo mahse hlauhawm si chu ka hai der hmiah.

"Chu chu a thleng ngai lo ang" a rawn ti khauh.

"Hah! i thu lo" van lam hawi a nui hakin ka ti.

"Keiin kan in then ka tih hma loh chu kan in then ngai lo ang" chang fahran chuan a rawn ti.A thu sawi confi thei lutuk te hi ka ngei in ka haw hluah hluah.Hetiang em em a confi tur hian em ni Pathian hian alo duan ni?!

"Liansangzual i rapthlak lutuk!" sawi tur ka hre lo lutuk in ka ti ta tawp.Mahse a rawn nui chhuak hawk.

"Hetiang tur hian awm turin a tur in min tur miau a lawm" min hnaih deuh pah chuan a rawn ti.

"Tuman an tur lo che" ka tawlh hnung ve dat.

"Chu chu i hria mi?" ka chet leh hma in ka kawngah rawn man in a awm lamah chuan min pawt let dawr.Tunah hian ka boot bun hi heel sang ve tak a ni a, chumi vang chuan Sangzual nen chuan kan in san hleih lutuk lo.

"Min thlah nghal rawh" ti lehin hnung lama a kut chu va ban ka tum.

"My boy.."

"I chhe ve!" ka hmai zawnah tak a rawn thaw lum leh huam a nih chu.A rim fresh lutuk nen phei chuan in rem tak a ni, a pa ngawih ngawih.

"Nang tha ka ti thung che" nuihza insum zet chuan a rawn ti.

"Hmela min thlah vat mai teh" min kuah bet mahse ka ke chu ka per deuh tan tan.Chumi chu a duh lo deuh nge a kut leh lam bawka ka kawng a chelhin min chawi kang lawp.Tunah chuan amah aiin ka sang ta daih mai.

"Liansangzual engthil nge i tih hi? min thlah rawh" ka kut te nen lam min kuah khawm vek vangin ka che thei lo, mahse ka taksa chu ka ti che nawk nawk.

"My boy..kha tia i tih khan keimah ah phurna i awm tir tih i hria em?" rawn ti zeuh in ka hnute zawn chu a rawn melh thla zeuh.A thil sawi tum ka hre thiam nghal mai.Ka tal zawnga ka hnute in a taksa a hrut tel kha a lo hria ni mahna.

"Rilru hmul kiri!!" ka tih khum nghek ringawt, ka che ngam tawh der mai bawk silo.

"My boy..i engkim hian min ti phur thei vek mai" tih pah chuan a rawn awn chho deuh.Mahse min fawh a tum maw tiin ka lo awn ve nghal.

"Insum thei lutuk" a rawn ti leh hluai.Nge ka insum theih na? ve ngawt ngawt a.

"I ninawm min dah thla lang haw nghal rawh" ka ti ta tawp.

"Nope"

"Hmela"

"Zanin chu ka chhuah dawn lo che"

"I tho ve!"

"My boy..hetianga min hnial ve pang pang hian mawh ka thil tih chak deuh i hre duh em?" nui tel deuh hakin a rawn ti.

"Ka hre peih lo" mahse a ri meuh in a rawn nui chhuak hawk nih chu!

"Fawh hrep che ka chak thin" a thu sawi mai mai chu le!

"Liansangzual!"

"Umm..My boy ka ngai thla" rawn ti dam leh dupin ka awm chu a hmai in a rawn nawr nih chu.Ka taksa pawh min pawm khawm vang nilo in a khawng nghal vek.Chumi ruala a thaw chhuak lumin ka awm a rawn tih lum hak rual chuan ka ip zui chawi.

"Hei..nge hetia i awm?" ka awm ah thlamuan hmel zetin hmai a phum vang vang ringawt.Mahse min la chawi kang char char rit te hi min ti ve lo maw ni le?

"Sangzual?"

"Ummm" that chhe aw zetin a rawn ti.

"Min dah thla teh"

"Ka ngai che" chumi rual chuam ka hnute chu ka kawr chhanah na vak silo hmuam deuh ti tih in a rawn seh nih chu!

"Hmela" ti that in ka tal nghal vat.

"Ka ngai che ka tih chu.." beisei nei zet a min rawn melhin a ti.Keipon a mit ah tak ka lo melh ve.Mahse hetia chiang leh ril zet a ka melh takah chuan a hmeltha tak te chu a chauh hmel ngawih ngawih.Chuan a mitmeng fim kak mai uk deuh kharh ah chuan kei min ngaihzia tih lan a tum nge ka hmu ve hrim hrim.Second reilo te chhung chu ngawi rengin kan han in melh leh rih phawt ang.A tu a mah chu tawng zai reng kan rel lo.

"My boy.."

"Hah.." a duh ai hma a ka chhan vang nge a rawn nui suk.Ka zak leh si chuan lei ka chhuah khum zeuh ringawt.

"Ka ngai che" a nui suk kha reh in ril zet a min melh in a ti thawp leh ta sap mai.Kei erawh chuan engtinnge ka chhan ang tih ka lo ngaihtuah daih.Nimin atang tawhin kan in hmu lo a, a ngaih chu ka ngai ngei a lawm.Mahse ka sawi thei lo, ani hi hnaih ka tum tawh loh kha, ti hian ka bulah a awm laiin min thlahlel ber ang a awm in min ngaih thu te a sawi nga mahse nakin lawkah min kalsan in khanu bulah khan kei min tih ang chiah in ati leh nga, chumi chu ka duh lo, ka tuar thei tawh lo ang.

"Min dah thla tawh rawh" ka ngaihtuahna ka lo kawm tui deuh nge ka aw pawh a chhuak chang chang.Mahse Sangzuala a rawn rum deuh hak danah ka thu sawi kha a hria ni tih ka hre thei.

"Min ngai ve em? ka ngaih ang chiah che hian min ngai ve ni tih han sawi teh" cool zet leh beisei ngam chiah lo chuan a rawn ti leh.Ka lu chu ka thing nghauh nghauh.

"No..My boy min ngaih thu sawi rawh, kei ang chiah in min ngai ve ni tih hi.." a mit chhingin a rawn ti.Amit a chhin takah chuan tlema hnai deuh a bih in a hmel chu chiang takin ka en.'Ka ngai che, ka ngai lutuk che' tih chhuah mai ka duh ni.Keipon ani ang tho in ka ngai ve mahse ka sawi thei lo ni, ka ring ngam tawh rih lo tlat.

"Sangzual..min thlah rawh chuan haw rawh" ka thaw hip let kawk in ka ti leh tawp.

"Remruatfel nang hian min ngai chu chu engvang a sawi chhuah harsa ti em em nge i nih?" thinrim lek lek chuan a rawn ti.Lalconfiliana ani ringawt, chutah thil ala hre thei em em zui.

"Ka ngai lo che, tikhan a tha em?" ka ti hmiah.Ka thu sawi a awi loh vang nge pawh ka hre lo, ka hmui zawnah tak ti lui deuh in a rawn nui chhuak hak!

"Tuna i thinrimna khan min ngaih zia ati chiang" ti supin min dah thla.

"Ka ngai thlawt lo che hmeichhe dang bula awm reng chu ka ngaih na chhan tur ka hre lo" ka duh aiin ka tawng thui.Chuan ka thik thu ka pe chhia tih na mi?

"Engthil nge i sawi?" tih pahin min pawt hnai leh salh.

"Engmah"

"Remruatfel"

"Hah..min thlah rawh" nui tel sakin ka ti kher.

"I lawm loh na chu sawi tha mai rawh" amah zawk chu a thinrim in ka hria, tunah tak hi chuan keimah zawk a sin thinrim tur.

"Ka lawm loh na maw? i awm dan engkim hi ka lawm lo vek" amah aia pawr in ka ti vak."Chu thil chu maw..??" ti duh chauh in a kut leh lamin a khabe a tuai nauh nauh.

"Aw ni chiang e mahni thu sawi ang pawh a awm thei lo mihring i nih kha" ka in ti thinrim chawp ni mai in ka hria.

"Nimin chung chang anih chuan kha thil kha chu nakinah ngaih dam ka dil ang che" nakinah a.? chuan kha thil kha hre reng chungin a sawi lo maw? zak lo lutuk.

"Nakinah! nakinah chuan a tul tawh lo ang, min kalsan rawh"

"Remruatfel!"

"Khati khan min ko tei vet suh, ka ngei riau che nia"

"Nakinah engkim ka hrilh fiah ang che ka tih chu, tunah chuan min ring phawt rawh" ka biang a rawn khuapin a ti sap.

"Ring, ring, ring ti reng ringawt ka ning lutuk!" ka kut phar hluai in ka ti.



TUNLAI CHU KA NUAM LO DEUH A, DUH ANGIN A THUI THEI LO...SORRYYY

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » November 8th, 2020, 2:50 pm

Changes By Changes



CHAPTER - 27



BY Lalmatei Cck


He story ah hian zawhna in thup (secret quetions) a awm a chumi chu a tir atang tawh khan rilru leh tih tak zetin chhiar ulang chuan cmt lamah in lo sawi tawh ang.


Rilru leh tih tak zetin in chhiar lo chu ka tilo a mahse ka rawn sawi ve mai mai.Ka story ho te min lo chhiar sak ve duh a ka lawm lutuk tlat.



ZANIN PAWH ENGMAH KA EN NAWN LEH HMAN LO CHUMI VANG CHUAN CHHIAR A HRE AWM DEUH MAI THEI.


TUNLAI CHU KA BUAI THEI LUTUK A...

"Liansangzual i duh duh hmeichhia i kawp a nga chuan a hnu ah nangmah ring tawp turin min ti leh nga.Keiin ka lo ring leh tawp bawk che nga, chu chu maw i duh? hah..! a thleng ngai lo ang.Nang hi ka ring leh tawh ngai lo ang che" tih pah chuan a awm zawnah chuan ka va kawk deuh salh salh.Mahse ka sawi hnem lutuk kha ka thaw a chham hman tep a lawm.

"Chutiang a i ngai a nih chuan a tha lawm" a rawn ti duh chauh nih chu! ka thinrim ve na te kha chu ngatan mah a ngai lo reng reng, amah chiah a in ngaihtuah.

"Zawnga min thlawh bo san rawh" ti deuh nghek a in herin in chhung lamah chuan luh ka tum.Mahse thla nei ang mai in ka kang leh zawk tawh!

"Hmelchhepa min thlah nghal rawh" a car min kal kual pui rual chuan ka ti nghal.Mahse min chhang lo in kawngka chu a hawng rawk rawk a min thut luh tir nghal.Ka che leh phat chu ka dar tawn tawn a vuan in seat hnungah chuan min nem bet deuh chat.Chumi rual chuan tur zetin min melh.Ka che lo deuh chiah chu seat belt min hren that tir nghal.A awm dan leh chezia min tih dan zawng zawng chu rap thlak tih hmel zetin ka lo en tlawk tlawk.


Keimah zawk thinrim ka ni maw in tih laiin amah zawk chu thinrim zawk angin kawngka chu a rawn khar ri deuh chhawk ni chu.Ka phu deuh dawr mai lawm, car rawn ka hual leh pah amin rawn en te chuan mit khap miah lo in rum deuh in ka lo melh!

"Hmela min chhuah tir nghal rawh, ka hua che i bulah pawh ka awm peih lo" a rawn thut luh rual chuan a hmai vela va ham deuh tawn tawn pah chuan ka ti leh hrep.Mahse ka kut chu alo la per nawlh nih chu!

"Kawlh ve hlik hlek lutuk" ti leh duh chauh in min nuih nih chu! thaw ri deuh hrawih in ka kut chu ka la let nghal.

"My boy.." a kohna pawh chu hre lo der ve hmak in seat ah chuan lu nghatin ka maimichhing nghal.

"Zanin hian engkim ka hrilh vek ang che, chumi hma chuan party na ah kal kan ngai.Chumi zawhah chuan i duh duh engkim min zawt thei ang.Chhanna dik tak vek ka pe ang che" ati cool ruih mai.Chuan min rawn bih hnai hle a niang ka hmai te chu a tawng zawng in a lum tel hak hak chumi rual chuan ka chal hi tur tu awm ang mai in a za mer mer mai.

"My boy"

"Min be suh" ka mit la chhing reng chung chuan ka ti.

"Nang chiah ka thlang che, nang bak duh ka neilo.Chu chu i hria tiraw? chuan ka hmangaih che" ti leh supin ka hmui ah chuan a rawn fawp zeuh.Ka kut chu a hmuh theih loh turin ka lo hum nghek, mahse a awm sawn leh mai takah chuan ka in thlah dul leh deuh.


Chuan enge a thil sawi awmzia kha? zanin hian engkim a sawifiah ang maw? engthil chu nge maw tih a tum ni? a duh duh dan chuan awm se, ka lo in rawlh tawh lo ang.Mahse khawiah nge min hruai a tum hrim hrim? eng party na ah mah ka kal peih lo sin.


Kan in be leh tawh lo hrim hrim, ani tawng a tum tawh lo a chutiang bawkin keipoh.Tawng chu sawi loh a men pawh ka meng peih lo nia.Zanin chu a duh dan dan in min han ti phawt mai teh se.

"My boy.." kha tia min koh kha ka duh lo tih hriat tir nan a tih ang chiah in a hriat ngei turin ring tawkin ka rum ve hak.Mahse pa em em in a rawn nui chhuak a nih chu, mahse ka melh nghek tho.

"Kan thleng tawh a, kan chhuak dawn mi?" a rawn ti dam leh dup.

"I duh leh chhuak la" glass lam hawi nghal daih in ka ti.

"My boy..hetiang hian awm lo teh." a awki atang pawn ani pawh a beidawn hmel lutuk.

"Engtinnge ka awm vak? hetah hian ka duh vang reng pawh a kal ka nilo i duh leh nang chu lut rawh" ka kut phar deuh hluai a tiin ka vin khum lek lek.

"Zanin ngei hian i thinrimna leh buaina chu ka ti kiang ang ka tih kha chumi hma chu min ring leh tawp rawh" chang zet chuan a rawn ti.Zanin ah a tih tho chuan tinge tunah a in sawifiah mai loh? nge zan hun a nghah kher?

"Tunah chuan party na a kal kan ngai" ka ngaihtuahna te rawn hmu tlang ang mai a an awm chu!

"Ka kal ve duh lo"

"My boy.."

"I duh leh nangmah in kal rawh"

"My boy..he party hi ka thianpa te in hualna ani dawn a, chutah chuan keimah chiah a kal turin min duh ka ring lo" confi zet chuan a rawn ti leh.

"Ka duh" a mitah tak va en deuh salh in ka ti ngat, mahse a mitmengah chuan nuih zatna ka hmu in ka hria.

"Mahse keiman ka duh hlei nem" a rawn ti deuh sup.

"I thu lo"

"Ka thu leh thu loh chu fiah ila" tih pah chuan min rawn awm hnaih deuh sawt.Keiin glass lam ka lo hnaih ve tial tial a.

"Liansangzual kal nghal rawh engthil nge tih i tum?" a awmah chuan lo nam in ka ti nghal.

"Ka fawp dawn che" dawn che ti ve mahse min fawp nghal.Ka fawp che tih law law awm.Mahse ka rin aiin min fawp dim, min fawp lep lep ka ti mai, a changin ka hmui chu a pet tel leh zeuh thin.Chumi chu keiin ka lo dawh mawl tawp, ka nghawng hnung lamah chuan zen lutin ama lamah min pawt hnai deuh salh.Ka dang lo a ka chhang let hek lo.Ani pawn chutia ka dawh mawl tawp chu lawm hmel fahranin min fawh chhunzawm char char.Thawk lak tum a ka kâ ka lo an ve rual chuan hun pawh min pe lo in a lei hrawl zet amah ang a lian chu ka kâ chhungah a rawn hnawl lutuk nghal.Chumi rual chuan duhthawh zet a che chhunzawm in min fawp ngawng ngawng.A uar tulh tulh a, a nuam tulh tulh.Keipoh a mood ah min chen tir nghal delh delh.


Min fawp buan buan ta mai in ka hria.Ka chhang let lo chung pawn heti hian a uar a nia.Chhang let chiah ila engtin tak awm ang maw? ka nghawng atangin ka hnung zang ah a zut thla a, ka kawngfek laiah chuan hmer deuh salh in amah lamah bawk min pawt hnai leh deuh hrawk.

"My boy..insum hlum thak i tum mi?" min fawhna thlah zeuh a, ka chal leh a chal in sik tirin a rawn ti.Amah pawh a nui tel deuh sak, keipon ka lo nuih ve, khatiang thu kha a phuh chhuah ka ring miah lo.

"Min chhang let ve rawh" thu tak zet a rawn tiin min fawp leh nghal.Ka hre thiam bik lo ka zak nge ka lai? ka chhang let ngam lawk lo.Mahse min fawh leh ham ham takah chuan a kâ chhungah thaw deuh hakin ka fawp let ve nghal.Ka rin lawk sa ang chiah chutia ka hmui leh lei ka ti che ve chiah chu a phur ngei mah a uar tawh teh reng nen a hma mi aia uar in a rawn che chhun zawm a nih chu.


Min fawp reng chung chuan a kut chu a chet, ka taksa pawh a zut kual leh ruai tawh, ka black velvet hak chhanah chuan ka hnute chu a hmet ne ne.Chumi rual chuan rum leh deuh hakin min fawp uar sawt.Keipon a nghawng a kuah in ka fawp let ve ta tan tan.A kut leh lam a ka hnute hmetin a leh lamin ka tukhum ah a dawm, chutah min kuai deuh hlekin uar lutuk in min fawh chhunzawm leh nghal.A lei te chu hmang thiam tak a ni, ka kâ chhung zawng zawng a hawl chhuak kim vek, min fawp uar tulh tulh a, a nuam tulh tulh.

"Sangzual" a awmah ka nam na zo dawn lo a ka hriat a vangin ka hmui chu lak sawn ka tum zawk.Mahse ka auh na pawh chu ngaihtuah lo in min rawn fawh leh nghal a tum.Mahse a awmah pawh nam tel in hnung lamah ka thle deuh zawk.

"Party na ah kal kan ngai i ti a ni lawm ni?" ka ti nghal vat.Ani pawh rawn rum leh hrawihin a thu ngil nghal, keipon ka awm dan posi lai deuh chu ka lo siam rem ve nghal vat.

"Zanah kan chhunzawm leh ang" ala rawn ti ta deuh deuh.A thu sawi chu awi loh hmel lutukin amah ka va melh.Mahse a hmel thu tak zet ka hmuh rual chuan a tih mai mai loh zia ka hre nghal.

"I rapthlak!" tih pah in ka kawr tlem a sawi chu ka siam tha nghal.

"Chupawh nangmah vang" nui tel sukin a rawn ti, chutia min mawh puh ka ngei lutuk vang chuan ka melh nghek.

"Tirawh lut ang le" ti leh duh chauh in a chhuak nghal.Ka awmna lam rawn pan pheiin aman a rawn hawng nghal, ka awm sep dawr khawp a thawk la leh phawtin ka chhuak ve nghal.


Kan awmna kawt chu kan en vang vang a, a pawn lam atang ringawt pawn hotel changkang tak ani tih chu hairual loh in a hriat.Sangzuala pawn ka hmui a rawn fawp zeuh in min luh pui nghal.Mahse chutia a chhung taka kan luh dawn chuan ka kawngah rawn chelh in amah si chat in min pawt hnai nghal, ka kawng fek lai takah a hmer deuh tawk!

"My boy..ka hlatah awm phal sak i ni lo, engtik lai pawn ka taksa hi i dek reng tur ni.Chuan mipa dang biak emaw hnaih phalloh, bear emaw whiskey emah alcohol kaih hnawih in phal loh bawk" min rawn melh chhuk in ati ta khauh mai, em em a in ti thu lutuk.Amah ka sik reng te chuan engtinnge mipa dang ka hnaih hman a nga? chuan bear tak ngial pawh in a phallo maw?

"A theih bik loh, nge ka in chu pawi viau?" ka ti ve vat.

"Midang bulah in a tullo, i in dawn nih pawn kan pahnih chauh kei nen chauh a kan awm hun a" a thu sawi pawh a tih tak zia lan tir tumin thu tak zetin ka mitah min melh, chuan ka hnial luih duh lo tih hriat zetin tur zetin min melh.Mahse ka chhan tak loh ah chuan a hma aia hnai a min pawt leh in min luh pui nghal.


Kan inchei buai rei bawk a, kan tlai ber anih hmel.Mi chu an lo tam tha tawh khawp mai.Sangzuala pawn min kal pui zel, chumi pah chuan keipon chu lai party na mi te chu ka en kual dan dan.Mi rethei tumah an awm lo nih hmel tih tur khawpin an in cheidan leh awm danah a lang.Mahse chutia ka hawi kual vawl vawl lai chuan ka hmuh duh loh deuh leh ka hmuh ka rin miah loh chu ka hmu ta chat.Mi thenkhat zingah chuan Emily ka va hmu ta chat anih chu! chumi chuan ka awm dan ati khaih lak.Sangzuala chu ka en nghal, ani pawn ka hmuh ang chu alo hmu ve ni mai thei.Mahse enga tan mah ngai lo tur a min ti ni awm zetin cool lutukin min melh.Mahse ka awm ala nuam chuang lo.

"My boy.."

"Ummm" tih pah chuan ka han hawi chho nghal.Mahse a hma mite chu min melh khum.

"Sangzual in lo thleng tawh maw??" kan hma a mipa Sangzuala ang chiah a hrawl leh lian chuan a rawn ti.A bulah chuan hmeichhe te ve tak mai, ngo ving veng, hmeltha ve zet chu a ding ve.Sangzuala ang chiah in chupa chuan hmeichhia chu a kawngah in ti neitu zetin a kuah deuh tat.

"Kan naute nen hian kan rawn inchei buai rei deuh a lawm le" hmela mai mai chuan nuihza aw zetin a rawn ti.Chumi rual chuan kan hma a nupa ni awm tak te pahnih chu an rawn nui chhuak ve hawk.Hmeichhia zawk chu a te ve ang reng bawk sia, keipoh ka dar a pel deuh tawk.A pasal hual ni ngei tur tan phei chuan a fanu ang vel a lawm le a nih le.

"My boy hei hi ka thianpa nupui neih mai tum Thansanga chu a nih hi chuan a nupui hual hi Jon-i anih hi" Sangzuala'n rawn ti leh in keimah min rawn melh.Chupa pawh chuan min en ve vat.

"In chibai ve ila" tih pah chuan a kut a rawn phar, keipon ka lo ban vat.

"Christy" tih pah chuan ka chibai.A lu chu min buk khum zeuh, chutah a nupui hual chuan a kut rawn phar ve in ka lo ban ve nghal.


Chumi hnu chuan Sangzuala te chu an ti ti chhunzawm nghal.Kei erawh sawi ve tur hre lo in ka lo ding ve reng ringawt.Mahse a khat tawkin Sangzuala chuan min rawn en ve leh zeuh thin chumi rual chuan ka ât chem chem theihna tur a mawi leh ril in min rawn nuih thin, keipon ka lo nuih ve suk zel.


Eitur ka hmuh vang chuan ka ril zu han ti tam tlat pek a.Sangzuala kawr ah chuan ka pawt det det, ani pawh a thil sawi lai chu tawpin min rawn en zeuh.Ka hmui phunin kalsawn ka duh thu chu ka hrilh.Min en vang vang hnu in alu a rawn thing, ka van ngei mai mai min ka ril a tam ve em em a.

"Ka ril a tam a lawm" ka kut a hui in lo kun hniam turin ka ti chumi rual chuan zawi te in ka han ti.A rawn nui chhuak hak, chumi rual chuan eitur awmna lam chu a en ve var chutah ka pum zawn chu a rawn en leh.

"My boy..i pumpui tereuhte ah khan sazu an vak leh tawh em ni?" ka bengbulah chuan nui lum hakin a rawn ti.Ka ngei lutuk chuan a nakah ka hnek vak, mahse a rawn ri leh duh chauh mai nih chu!

"Anih chuan lo va ei la ka lo phei ve vat ang" ti leh supin min thlah ve nghal.Ka vawt nghal sung sung mai in ka hria.Ka nu sawi kha a dik duh aiin ka in ha chhing.Ka taksa lang lai pawh Sangzuala pangtilum in min kalsan tih hria in an rawn mur sung sung mai.


Mahse engmah ngaihtuah lo chuan eitur awmna lam chu ka pan.Plate leh fork chu la in cake chu ka ban nghal.Mahse ka piah a hmeichhe tawng deuh lawng lawng vang chuan ka thil tih lai ka tawp chat.


Ka piah deuh ah chuan Emily te chu nichin lawka alo awm pui a thiante pahnih nen an lo awm leh tawh.Chuan kei min rawn melh zawk zawk in thil a sawi, mahse ka hre lo der hmak ka thil tih lai chu tih chhun zawm in ka duh chu ka ban mawlh mawlh.Chumi hnu chuan kil khatah kalin midang che tla lai chu en chungin ka ei mial mial.

"Hello" Jon-i chuan a rawn ti.

"Hi..i ei ve duh em?" tih pah chuan ka thil ei chu ka lek kang vut.A duh lo ni ngei tur ni a hmel tum deuh dat in alu a thing.Mahse ka bulah chuan a rawn ding ve nghal.

"Engtik nge inneih in tum ang?" tih pah chuan ka fork ami chu ka hmawm leh zeuh.

"Ka hrelo le.." ti deuh nuah nuah in a glass mi wine chu a lem zeuh.A rilru a hah hmel lutuk a lan danah chuan.

"Enge awmzia?" ka ti deuh haw ringawt.

"Buaina a tam lutuk a zanin in hualna pawh hi ka duh vang reng a nilo" ati ve leh ta daih.Amah ala naupan hmel a chumi vang te pawh chu ani mahna.

"Eng buaina nge awm vak a nga? in in hual tawh ber te chuan inneih te chu in duh har nang" zah pawh dawn lo in ka ti ve leh hmiah.

"Sawi dawn chuan sawi tur a tam lutuk" tih pahin a wine bawk chu a lem leh.Keipon zawh chhun zawm duh tawh bik lo in ka thil ei lai ka chhunzawm hmiah.

"Bawihi lo kal lawk" a pasal hual chuan a kut a hui pahin a rawn ti.

"Ninawm Hmingthansanga lah hi, min ko reng ringawt" nin ve hmel deuh a rawn tiin a kal ve mai.A awm dan chuan ka nuih ati za, kei ai pawn ala naupang chhia zawk anih dawn kha.


Engtik laiin nge ka plate ami a zawh pawh ka hre lo.A dang va lak belh tur in table lam chu ka pan, mahse a bul hnai a lo awm ve teh vang sawn ka kal peih teh chiam lo.An awm loh na lam pang hlir ami chu ka la.Emily pawn kan luh tirh a mitmeng ling deuh hlar ang khan min la melh char char.Tlem chuan ka in thlahrung ve deuh a chhan chu Sangzuala'n alo la kawp ve reng si a chuan tunah kei nen! huiss..engkim hi Liansangzuala thiam loh vek a ni.!!


Ka hnung lam atang a min khuap lum vek thei tur khawp a taksa lian in min rawn kuah takah chuan ip deuh chawi in ka thil tih lai ka tawp chat.Chumi rual chuan ka dulah kut rawlh lutin ka darah a khabe a rawn nghat.Ka thawk ka lo chelh leh vat tawh thung.

"My boy.."

"Hah.."

"Sazu te ho chu an puar tawh em?" nui tel deuh hakin a rawn ti.Ka kiu in a nakah ka nghawk zauh.Ka beng hnuai zawn a lum nghal hak.

"Keipoh ka ril a tam tawh" ka nghawng rawn nul thuak pah chuan ati.

"Hei ei ve la eitur te chu a tam a lawm" lo ti sam et in thil dang chu ka ban nghal.

"Khami tam khan a tam lo tih i hria?" ti deuh tawkin ka bengkawm chu a rawn fawp deuh chhawk."Sangzual min min hmu nge" ip deuh chawi in ka lo ti.

"A pawi lo" ti ve duh chauh in ka nghawng chu a hmui in a rawn nul kual dun dun.Nichin mi ang bawkin ka mur leh chuai chuai tawh, ka plate ken pawh keng nghet thei lo in ka dah thla deuh chawt, chumi rual chuan Sangzuala chu ka va ngheng deuh awr.Ani pawn ami khawihna ka feel dan chu hria in a rawn nui suk.

"My boy.."

"Ummm"

"Kan haw tawh mai dawn em ni?"

"Mahse.." kan la awm rei bawk silo kan haw leh nghal chuan an lungawi lo palh ang.

"Mahse chu nge? hetah kan la awm reng nih chuan mi zawng zawng awm lai hian ka fawp hrep lo ang che tih ka sawi thei miah lo"

"Liansangzual!!" ti nghekin ka in la hrang nghal vat, ka duh aiin ka la au ring ka hmui chu hupin ka hawi kual nghal.Chumi rual a mitmeng thip hlar a min lo melh reng tu leh ralkhatah pawh lo in hum ruh tun tu chu ka hmuh hmaih hauh.A hmel te chu a thinrim em vangin puak mai tur te pawh a ang a lawm le!

"My boy..ka thil sawi i hrethiam a, a tha chuan Thansanga ka va be lawk a nge hetah hian min lo nghak rawh" ti leh supin a kal nghal.


Chutia a kal chiah chu ka thaw huai mai, ka bul a glass lo awm chu ka han tlak pawp mai a.A kha lutuk chu ka hmel siam chhe deuh nuai in ka dah thla.Whiskey tak tha lutuk tak mai anih ka ring.Ka piah a awm te chuan ka awm an ti nuam lo, ka va mit sir reng a chutah an la meng ling thei em em zui.

Sangzuala pawh chu a rei ngei mai, alo kir leh vat tur thu te kha a sawi vel sia.

"Hello...Hen...rietta.." thluk deuh vak leh elhsen na awka tel deuh chuan a rawn ti.Mahse an mahni ngaih sak lo leh confi zet chuan ka ding reng.

"Wow..kan naute chu a thinrim deuh mi a?" an zing a hmeichhe pakhat chuan a rawn ti kher, chumi rual chuan an rawn nui deuh uar uar mai nih chu.Hetia hmuhsit hmel zet a min tih hi ka duh reng reng lo.

"Min kalsan ru.." tiin ka kut chu ka kuangkuah nghal hmiah, kei aia an hniam miau avangin ka melh chhuk deuh run.

"Oh..babe i va hmanhmawh ve kan lo kal ve chiah a chutia min kalsan tir leh mai i tum chu.." chunu bawk chuan a rawn ti leh.Keipoh ka meng ling ve hle tawh, ka melh rawm rawm.

"Emily i thian teng hneng ho te nen hian min kalsan nghal ru, chuti lo chu hetah hian midang an awm ve ani tih hrelo lekin inchungah ka che mai ang" ka tomboy hun lai a ka tih thin ang chiah a pa in ka ti, reilo te chhung kha chu a rawn meng buai ve nak mahse a rei lo.Engvang nge pawh ka hre lo a rawn nui chhuak leh hak anih chu!

"Naupang mai mai" pakhati zawk lipstick in hnawih sen deuh in chuan ner nangin a rawn ti.Mahse insum hram hram ka tum, ka kut pawh ka hum leh nghek tawh.

"I duh chu ti la..nang ve mai mai" min tham lo tih hriat zet chuan a rawn ti leh.Mahse ka thinrim tawh lutuk chu ka insum thei thlawt dawn lo in ka hria chumi vang chuan keimah zawk hi ka kal mai a ngaih hmel.

"A tha lawm" dar san khum zeuh a tiin ka kal nghal.Mahse thui pawh ka pen hmà a, a thil rawn sawi chuan ka thin chhung hi a deng dawt in ka hria.

"Engmaw i sawi??" tih pah chuan an lam chu ka hawi phei leh nghal.

"Nang ang mi pangngai pawh phallo hmeichhia nge mipa i nih pawh hriat loh kha Sangzuala hian a duh tak tak che i ring em ni ka ti nih chu" ring leng lawng chuan a rawn ti.Kan bul amite pawh an rawn hawi deuh thup.Chutia ka nunhlui bawk a min bei leh chuan ka thin chhung hi a ti tawt vek chuan zah lam ai chuan thinrim lamah a kal tlat.

"Min duh a niang chu tun thleng a kan la in ngaihzawn ni" ka ti ve deuh kher, a chan loh avangin hetiang hian chhe tak tak in min tawng khum tur a nilo.Mahse Emily chu za em em a rawn nui chhuakin a kut chu a beng tel deuh vak vak mai nih chu.A awm dan chuan keipoh min ti hamhaih vek mai lawm.

"Eng maw i sawi kha? engmah hre lo khan tawng tawng suh" la nui deuh uar uar chung chuan a rawn ti.Chuan enge ka hre lo a tih kha? kei hian engmah hriat loh ka neilo.

"Sangzuala i chan loh a vang mai in kan in kar tih chhiat tum suh" ka ti ve leh hmiah.

"Zawngi!" chutia amah hmuhsit hmel zet a ka tawng khum takah chuan a thin ka khei ve ta zak ani mahni a hmel pawh achang tha khawp mai.

"Hmmm" tih ringawt a chhangin ka kut chu ka phar chhuak tel kher, ka nuih sak bawk.

"Sangzuala hian a duh tak tak che chu ring suh, i nun khawlo lutuk atang a la chhuak tur che a, a nau in a ngen vang a ngaizawng der mai mai che anih kha" pawr tawkin a rawn ti.Chuan nichin mi ang bawk khan tuna a thu sawi khan ka thin chhung hi a deng leh dawt dawt, chuan hlauh thawnna leh zamna chuan min rawn tuam nghal.

"Engthil nge i sawi kha??" amah melh ngur chung chuan ka ti, ka thin phut ran dan em em pawh ka hre lo.

"Nang hi ngenna vang a ngaihzawn der i ni" a thu sawi chu ka beng chhungah hian a ri nawn tluk tluk mai, midang lo awm ve te pawh chuan min en thup tawh, enge ka chung a thleng ta hi? a thil sawi kha a dik em? ka lu te hi a vir nghal muai muai in ka hria.

"Nang a nun lo thlak tum in a, a nau bula ilo sawi a ti tur a i tih tir miau te chuan tu in nge naute thu hnial reng thei ang" ala rawn ti zel anih chu! a thu sawi tin te chu khuar khurum a awm ang mai in a hla in a khawk rum rum, ka lu te hi a hai lutuk ka tlu mai dawn in ka hria.Chuan a thu sawi tin te khan ka kawchhung lam hi a hrawm tawn tawn tumah pawh ka hmu chiang thei tawh lo, ka biang pawh a lum thla leh hak tawh.


Jac in a ngen vang a kei min ngaihzawn thu te, a der mai mai anih thu te chu ala sawi tawn tawn, mahse chiang tak a hriat ka nei thei lo.Midang mit chu keimah ah a fuh ta vek mai, mahse hetia hian henu thu sawi hi ka ring mai dawn lo.Sangzuala ka zawh ngei a ngai, engkim thu dik chu a nin a hria.Mahse ka zawi in ka na ngawih ngawih.Ka thin chhung phei chu a tawt up up.Ka mit ka chhin rual in ka biang chu a sa thla hat hat, chawlh lai nei lo in ka mittui chu a dir zung zung.

"My boy.." chu aw ka hriat rual chuan ka mit meng chhuak vatin ka hawi kual nghal.Chumi rual chuan mi zing a Sangzuala lo awm leh min rawn pan mek tu chu ka hmu nghal.Mahse amah lo pan ve turin tha leh chakna reng ka nei tawh lo ka awmna tang chuan ka lo en tlawk tlawk.

"Hrep tak hian.!!" tih pah chuan min rawn kuah nghal thlawp a nih chu.Chutia Sangzuala taksa ka tawk chiah chu ka tah a chhuak tak zet chuan hlauhthawnna hlawm lian in min rawn tuam nghal.

"Emily engthil nge i tih??" min kuahna tang a in la hrangin Emily te lam chu a hawi nghal, a aw pawh thinrim insum tum tih hriat zetin a khur deuh hluk hluk.

"Engmah tih ka neilo thu dik ka sawi mai ni" zam bik lo tih hriat zet chuan a rawn ti, chumi rual a Sangzual thinrim rum ri hrawih in a bek a thisen zam pawng tawlh tawlh chu ka hmuh hmaih hauh lo, a kut pawh a hum leh nghek tawh.Midang ka han en kual a hmuhnawm tih hmel zetin min lo thlir reng hlawm a nih chu! chumi te zing ah chuan te nupa pawh ka va hmu nghal. min khawngaih hmel zetin min lo en reng.

"Sangzual" chutia chhan let leh a tum chiah chu a kawr hnungah pawt in ka ti nghal mahse ka aw pawh a chhuak chang chang ringawt.

"My boy.." tih pahin a kut lian zet chuan ka biang huh deuh hluam chu a rawn khuap nghal.

"Nang hian Jac ngen vang che in min ngaizawng der a mi??" rilru na zet leh sawi chhuah harsa ti zet chuan ka ti.Mahse Sangzuala chuan min thlah deuh hakin a in la hrang nghal.Chumi rual chuan a phun chhuak nghal that.

"Chu chu tu sawi nge?" kei min melh lo in hnuai lam a bih chat.

"Keimah, Sangzual engkim a hriat a hun tawh thu dik tak" ka chhan hma a min rawn chhan khalhin kan lam a rawn pan tel nghal zat.

"Ngawi hmak rawh nang khan engmah lo sawi suh"ti leh deuh hrawih in Sangzuala chuan Emily lamah a kut a lek, ani pawh a hlau deuh nge a kal lai chu tawpin a ding nghal chat.Mahse chumi chuan ka rin hlelh na a ti zual sauh.

"Sangzual a thu sawi kha a dik em??" ka lo ti nghal.

"My boy.."

"Ai..min chhang rawh thu dik ani em??" amah chu thinrim deuh a melhin ka ti leh.Mahse min chhan ngaihna a hre lo nge min en tlawk tlawk chuan a mitmengah hlauh thawnna ka hmu tel bawk.Chumi chuan min ti thinrim in Emily thu sawi kha thu dik ani tih min pawm tir.

"Liansangzual ka zawh na che min chhang rawh, Emily thu sawi kha a dik em??" a bulah vakal hnai in a hmai zawnah chuan ka ti nghek, a thaw chhuak kawk ringawt.

"My boy.."

"Aw nge Ai in min chhang rawh" ka kut a in dangin ka ti.Chuan a chhanna min pek tur chuan ka thin chhung phu thei lo in a siam keimah ah zamna a awm nghal zat bawk.Amah chu beisei nei zetin ma melh bawk.


Mahse a lu chu a rawn bu ta khauh mai nih chu! ka nghing nghal hlawih mai in ka hria.Ka engkim hi an chawl nghal duk mai hi ani ringawt che thei reng ka awm lo.Ka thin chhung a thip tel nghal zawk bawk, rilru nat na leh hre awmna chuan min rawn tuam in awm ngaihna hre lo in min awm tir.Thawk pawh ka thaw chhuak thei lo, ka awmah hian hnawh tu lian tak a awm ang mai ni.Ka chawn tha rawn zawi in tluk mai ka tum mahse ban tha chak zetin min lo vuan hman.Amah ka en chu ka thinrim rilru na lutuk chuan ben hrep mai nia ka duh ni.

"Min thlah nghal rawh" ti nghek in ka in la hrang nghal ka mit atangin tui a lo far chhuak leh ta khauh.Ka thin chhung hi a thu sawi khan a lawngin a tham tawn tawn mai in ka hria ka na mgawih ngawih .

"My boy.."

"Khati khan min ko reng reng suh Liansangzual mihring pawh i nilo ramsa kawlh mi rilru na tur pawh dawn na chang hrelo misual i nih kha" ti tawn tawn in ka kal nghal.Chulai boruak uap zet chu chhuah san vat ka duh, ka na lutuk hi ka â mai dawn in ka hria.


Ka hnung lam atang a min rawn auh ri te chu ka haw hluah hluah chuan ka taksa hi chemte in a vit sawk sawk mai in ka hria.Ka na ngawih ngawih, mi zawng zawng zingah khatiang khan min tawngkhum a chuan chu chu thu dik anih thu Liansangzual an a rawn sawi leh bawk si, tunah tak hi chuan ât emaw thih daih mai ni ka duh ni.

"My boy.." ti deuh hrawih in ka banah chuan rawn vuan in min pawt her lawp.Chumi rual chuan a biang a ri nghal chawrh, ka tha zawng zawng sawm khawm a beng ka ni bawk a ani pawh a hawi ve deuh sak mai lawm.Chutah ka ben zawh chiahna a biang chu a kutin a khawih zeuh.

"Nang hian min lo bum char char amaw? i va han rap thlak em em ve! hetiang em em i nunrawn hi ka ring ngai lo.Vawikhat mah min rawn hmu leh tawh suh ang" ka lo au khum leh tawn tawn.

"Khathil kha sawi lo turin ka ti che" chutia thu neitu ni awm ang zet a a rawnti chu ka ngei in zak lo hi ka ti bawn let tawp tawp.

"Hmelchhepa i thu lo tun atang chuan nang nen a in zawmna neih leh ka duh tawh lo" amah ai a nasa leh uar in ka ti.Ka hmai pawh ka pho deuh tar amah ka cho zek zek ni tih a hriat nan.

"Remruatfel kha thil kha sawi lo turin ka ti che" a rawn ti chang leh fak."I thu lo chuan nang nen hian tun atang hian kan in then nghal" tih pah a in herin ka kal nghal.Ani pawn min rawn zui ta bik lo, a tlan hian ka tlan a ni ringawt.


Mahse chutia Liansangzuala hlat a ka awm chiah chu ka thinrimna zawng zawng na te kha bo in rilru nat na in min rawn tuam leh nghal a nih chu.Kal pah chuan ka tap khur nghal dar dar, thli lah alo thaw ve vuk vuk nen a vawt ka ti deuh chuan ka kut chu kuangkuahin ka in hmer tawm khawm a khat tawkin ka mittui ka han hru leh tawk thin.Nichin mi ang khan thinrim deuh in awm ila ka ti a chhan chu ka rilru nat na leh hre awmna te kha ka hre lo a.Mahse tunah chuan Emily thil sawi leh a dik zia ti lang tur a Sangzuala lu min buk khum te chu a rawn lang nghal zut zut.Ka tah chhuak insum nen ka thil ngaihtuah nen ka tawt in a hre awm tak zet.Ka la thaw tha thei lo zui, chutah tah ka duh loh vang nge ka la irhfiak zui.Ka awm dan hre awm lutuk chu ka kal lai tawpin ka ding nghal chat.


Chumi rual chuan thu in chhuak em em in ka tap nghal.Zanlai lam kan hnaih tawh vangin mi vai vak an awm lutuk lo chumi chu chance ah la in ka tap nghek.Ka thin chu dawm in a ring thei ang ber a au in ka tap hluam hluam.Tah pah chuan ka thin chu ka chum dawt dawt.Ana ana tak zet, tuna ka awm dan hi chu thi chhawng a let reng nen kan in ang ka ti.Ka nat dan hi ka sawi thiam lo.Chhungrilah ka na vawng vawng in ka hria.


Ka boot bun chu phelhin ke in kan in ka thleng thak!In ah chuan tumah an lo awm tawh lo, an mu vek tawh nih hmel.Keipoh thawm dim zetin ka room lam ka pan chho.


Ka chhungte an lo mu tawh chu ka vanneih tak zet chuti chu nilo se tuna ka awm dan leh hmel phelh phang hi min hmu nga, a chhan min zawt ngei nga mahse chhanna pek tur erawh ka hre der dawn silo.


Washroom ah chuan lutin shower chu ka on nghal.Chumi rual chuan bang nghengin ka tap khur nghal dar dar.Shower tui vawt in ka taksa a rawn phuh rual chuan ka harh deuh sawng mahse ka tap uar tulh tulh zawk.Chumi rual chuan ka ngaihtuahna ah ngaihzawn der ka nih thu kha a rawn lang nghal.A hre awm in ana tak zet, ka thin bawk chu na hre thei lo ang mai in ka chum dawt dawt!!


Darkar eng zat nge washroom chhungah ka awm pawh ka hre lo, ka thu tawm ngawt ngawt mai.Ka kaw chhung hi Liansangzuala te unau huat na in a khat nghal vek! engtinnge Jacqueline pawn hetiang hian ka chungah a tih theih? kei chuan thian ang tak tak in ka lo en a sin.Chuan engmah hre lo in ka lo be tha huam huam a.Ka thil ngaihtuah let chuan min tina leh nghal, ka sam chu kek deuh tawkin ka tap chhuak leh.


A pawi ta ber chu Liansangzuala ka lo hmangaih kha a ni.Ani pawn min hmangaih thu min hrilh anih kha, mahse dawt vek alo ni si.Engtinnge 'Hmangaihna' chu in fiam nan a hman theih zawk?? mihring pawh anilo tak tak anih hi!!





*LIANSANGZUALA POV*






Christy rilru na zeta a kal liam chu a hnung lam atangin ka thlir ngawt ngawt.Engtia tih tur nge ka hre lo che sawn thei lo in ka din na ngai ah chuan ka ding reng ringawt.Chuan a thinrim in a rilru ana hle ni tih chu a hmel thinrimna a khat leh a tahna vang a hmai huh deuh hluam atang khan ka hre thei.Chuan kha a rilru na ka hmuh khan keipoh ka na ve tho ka thin chhung hi ka hriat thiam si loh in a na ngut ngut.Mahse ka thil hriat chhuah thut a vang chuan che nghal vatin hotel chhung lam ka pan leh nghal.


Ka kut chu hum ruh nghekin kawngkhar chu ka hawng deuh thuai.Chumi rual chuan midang lo awm ve ho chu an lo te deuh that a then chu an lo kal darh ve tawh nih hmel.Ka mit chu len in Emily chu ka zawng nghal.Chutah kil khat a an thian pathum chuan an lo ding, chumi lam chu


"Kha thil kha engvang a tinge i nih??" a darah chuan vuan in ka thing deuh nawk nawk.

"Min thlah rawh ka tih chhan chu i hria" lo ti vin ve vakin ka vawnna tang chuan a tal nghal vat.

"Khathil i tih man kha i hmu ngei ang" ti ve leh hakin ka vawnna tang chuan ka thlah nghal.Ani pawh a kat deuh dawr.

"Thiana engthil nge in buaina chu ka hre lo mahse duh tawk tawh ula a tha khawp mai" Thansang an ka dar a rawn ben thek pah chuan a rawn ti.Emily melh ngur chung chuan ka thaw ri hrawih.Ani pawn min cho tih hriat zet a ling deuh hlar in min melh.Ani hi mipa chu nise hetah ngei hian thi chhawngin ka khawih ang.Thaw deuh hluam hluam in ka kut ka hum ruhna vang a na deuh lek lek chu ka phelh nghal.

"Sangzual lo kal rawh room lamah chho ang"Jon-i chuan min rawn kaih pah chuan ati.Thansanga ka en chu alu min lo buk khum ani pawn heta awm reng tur hian min duh lo ni tih ka hria, chumi vang chuan engmah sawi lo in ka chho ve nghal.

"Hetah hian lo awm rih rawh" room chhung kan luh rual chuan tiin amah chu a chhuak leh nghal.Keipoh couch ah chu thu thla deuh hnawkin ka lu chu ka nghat nghal.Chung lam chu mit khap miah lo in ka melh char char.


Chumi rual chuan Christy rilru na tap lai kha a rawn lang nghal.Ka mit chu ka chhing nghal vat, ka rum deuh huk bawk.


Zanin hian engkim tawrh huam a hrilh vek chu ka tum, mahse Emily khan min lo hma khalh tlat.Emily sawi kha dik lo a awm lo.


Christy ka hmuh hmasak ber khan keipon ka mit ka la sawn thei lo nih kha.Amah a hmel nu phian si a in dress dan pa ru riau khan ka mit chu ala ngei mai, mahse a sam boyscut leh Mami min lo hrilh dan ah TOMBOY ani tih ka hria chumi vang chuan ka ngaih ven teh chiam lo.


Kan in hmuh pawh khan keimah ah nghawng pakhat mah a nei lo.Emily kha ani tawp mai.Ani kha ka hmangaih chu ka tilo mahse ka chan phallo a chhan chu ka duh min pe in nuam takin min siam.Chumi mai bakah kum eng emaw zah kan lo in zui tawh a, anilo chu hmeichhe dang ka melh ngai lo.Amah ah khan ka duhkhawp ka hmu in ka lungawi tawk.


Mahse Christy rawn langin ka nun chu a rawn thlak vek.Mami'n Christy ngai zawng tur a min tih khan mak ka tiin ka duh loh thu in ka chhang.Khatiang tomboy ngaizawng tur a min ti kha ka lung a awi lo lek lek, khatiang ngaihzawn chi ani em ni? mahse keimah vanga anih na ngai a a let leh duh thu leh bialnu ka lo neih vanga a awm dan thlak leh loh a tum chung chang te chu sawi in ngaizawng turin min ti ta tlat a.Keipon ka hnial ve tang tang a chhan chu khatiang mipa ka ni miau lo.


Mahse ani chuan ngen tak te in min ngen 'Nangmah vang a hmeichhe pakhat nun dang lam tur hi i hre ni, i kutah a nun chu a in nghat' ti a min hrilh in amah chu a thinrim zawk daih.Chutia keimah vang a tih chuan keimah ah nghawng a nei pha tlat.Chumi vang chuan mami thil min hrilh chu ka ngaihtuah veng veng, mahse Emily alo lang thin.Bialnu nei reng chung a midang kawp san kha ka theih ka ring lo ni.


Mahse mami sawi angin "kum khua a ngaihzawn a ngai lo, a nun a change thleng nghak la chumi hnu ah chuan buaina siam in i kalsan dawn nia' min ti.Keipoh in chuti chu tiin eng teh luai ah ka ngai lo.Amah chu ka han lem ta vel a.Mahse ka fawh hmasak ber zan khan keimah a la awm ngai reng reng lo zamna leh duhthawhna kha a awm nghal.


Ka thisen zamah te khan thisen nilo in current a kal ni mai in ka hria.Mahse hetiang tomboy/lesbian tih vel hi ngaina lo leh hnaih duh lo ka nih vangin Christy pawh kha hnaih teh awr ka tum lo.Mami sawi angin ka lem chho zel a, chutah Ruata unaunu alo ni leh zel a, ka tan kha chuan chance a tha tak zet.Chumi vang chuan min duh ve tho mahse Emily alo hriat thawi tawh vangin min duh lo ang in a awm lui tlat.Mahse min duh ni tih ka hmuh tlang vek vangin tih luih na hmangin ka nih pui ta nih kha.


Khatia kan in ngaihzawn hnu pawh khan amah kha ngaihtuah vak ka tum lo, kan in ngaihzawn tawh ber chuan a tawk tawh turah ka ngai.Emily nen pawh pangngai deuh in kan ni zel mahse tih palh thil thu vangin Emily leh Christy te chu ka in kawtah an lo in tawk ani awm e.Chumi chungchang chu min zawt ta chat.Keipon zep nei lo in ka hrilh ve mai, a tirah chuan Emily chuan a duh lo in a rem ti teh chiam lo mahse amah ah bak ah rilru ka pe dawn lo tih a hria nge ka tih tawh chu ka to lui tlat dawn tih a hre zawk.Thinrim tun in a rem ti ve mai lawm.


Mahse mak deuh mai chu Christy ka duh hma pawh khan amah ka fawh tawh chuan ka duhthawh in ka thlah phal lawk lo thin.Amah khan min hip bet deuh tlat, chuan a hmui nem thep mai fawh kha nuam ka tiin fawh reng mai kha ka duh.Mahse alo nun tawh dan ka ngaihtuahin amah ah rilru ka pe thei lo.


Zankhat ka malchungah thu a mipa naupang ang mai a a tah ve bai bai a, amah kalsan lo tur a min tih leh Malsawmkima tih ang a ti ve lo tur a min tih khan ka thinlung chhungril ber thlengin keimah hi min hneh tak zet.Khatah khan a mah tih nat duh loh na leh duat chakna keimah ah alo piang nghal.


Khami zan kha ni Christina Remruatfeli zun a ka uai tanna chu.A hma kha chuan a nun kha mi pangngai lo duh duh a nung mawl tawp leh sex lamah pawh tlan ve nasa hle turah ka ngai.Mahse khami zan atang khan ani ka lo ngaih sual zia leh anih na lo vek ani tih chu ka hria.Chuan naute ang mai a a tap ve bai bai kha ka duh in a in hmeh lutuk.


Tichuan ani telin ka duh zual tial tial a, ka atchilh lo chauh.Ka bula a awm loh hlek chuan ka ngai in amah ringawt ka ngaihtuah thin.Chuan duhna chu hmangaihna ah alo piang ta a.Mahse Christy ka duh tang khan Emily ah rilru ka pe thei tawh lo chumi avang then reng ka ni mahse ani chuan Christy engkim hrilh ah min vo in a bula awm turin min chelh tlat.A duh ang a ka awm lo nih chuan Christy engkim hrilh a tum thin chumi chu duh lo in a sawi ang chuan ka ti leh nge nge thin.A chhan chu Christy in engkim a hria nih chuan kei hi min kalsan ngei dawn tih ka hriat vang ni tun ang chiah in.


Kan awm dun lai a hmuh pawn min ring tawp turin ka ti thin.Khata a na lai leh hre awm ti lai hmel tah chhuah insum hmuh kha hre awm tak a ni.Engkim hrilh vek mai te kha ka duh thin mahse a hnu leh a thleng tur ka ngaihtuah khan ka ngam leh thlawt lo ni.Chumi vang a zep reng pawh ni reng ka ni.


Mahse hetia hre awm leh rilru na a awm tir reng hi ka duh lo chumi vang a zanin ah pawh engkim tuar huam a hrilh vek ka tum ni mahse heti hian thil a thleng ta si a.

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » November 8th, 2020, 2:51 pm

Changes By Changes



CHAPTER - 28



BY Lalmatei Cck




A STORY HI KAL TIR LEH ZUT ZUT MAI ANG AW..HEMI HI TIH TAWP LEH VAT KA DUH TAWH A.


MI THENKHAT CHUAN PANGNGAI LOMIN LO TI MAI THEI.A CHHAN CHU HETIANG HIAN KA TI VE ZIAH SIA.






Engtia han tih tur nge pawh ka hre lo, Emily in min lo hma khalh tlat.Ani kha hnaih emaw kawp leh tumna ka nei lo.Mahse ani khan min vo na tur a nei tha em a ni.Chumi vang khan loh theih loh na vangin a bula ka awm a ngai.Christy in kan pic alo neih pawh khan thinrim tur ka nilo mahse min zui in min en thla ah khan ka ngai tlat a, chumi chu ka duh lo.Min ring tawp turin ka ti chumi chiah chu, a chhan chu amah chiah ka thlan dawn vangin.


Tunah phei chuan ka duh mai nilo in ka hmangaih a, ka kiangah awm tir reng pawh ka duh ka hlatah a awm hlek chuan ka ngaih a ngam lo.Ka phone call a pick loh te hian min ti hlau thawng thei tak zet.


Mahse tunah chuan ka hlatah a awm ta si.Hla takah a kal bo nga, ka hmuh a duh lo nga chuan midang a nei a nga, nilo..chu chu ani thei lo! midang a nei tur a ka han suangtuah rik ngawt pawn ka thin chhung hi ana vawng vawng.Ani kha ka ta keima ta chauh chumi vang chuan tumahin min lak sak thei lo, ka hauh tlat dawn.


Mahse tunah chuan a hmuh pawh min hmu duh lo chu ani si a, ka chal chu kan dawm vang vang a.Tunah pawh ka ngai nghal der ni mai in ka hria.A taksa lian ve tak khal ve tal in a min kuah kha a nuam tak zet.Chuan tunah khatiang khan min kuah leh se ka ti ni.


Kawngka a rawn rik khep rual chuan beisei nei zetin ka va hawi phei nghal.Mahse Thansanga te nupa lek lo ni in thaw chhuak hawkin couch ah chuan ka lu ka nghat leh nghal.

"Sangzual enge in buaina chu?" Thansanga chuan ka bula lo thut thlak pah chuan a rawn ti.Jon-i erawh chuan ding chungin min lo melh ngur.

"Bawiha nakinah engkim chu ka hrilh zawk ang che tunah chuan ka kal rih phawt mai ang" ti ta zawk daih in ka ding nghal vut.Thansanga pawn min en vang vangin a lu min buk khum zeuh.Chumi hnu chuan ka chhuak ve nghal mai.


Ka car awmna lam chu pan pheiin khawi lamah nge ka kal dawn tih ka ngaihtuah.Christy te in lamah kal dawn ila tunah zanlai a hnai tawh si, huiss...engtin nge ka tih dawn ni.Chulai hmun atang chuan ka han in khalh chhuak ve hrim hrim phawt a.


Christyin ka call a chang dawn lo tih hre tho mah ila ka call lui tho.A in ring char char hnu ah a reject hmiah, mahse ka try leh tho.Chutah phei chuan a ring ral tir thak, luhlul ve reuh bawk si.Keipon tawp duh bik lo in ka ti lui char char.A tawpah a ning ta deuh nge a switch off ta hmak mai.Car hma lam ah chuan ka phone pawh chu ka paih let tawp.


Ka in lam chu ka pan ta zawk, mahse ka ngaihtuahna ah te hian enge awm ka hre lo, thil ngaihtuah ngut ngut ang chuan ka awm a mahse eng ber nge ka ngaihtuah ka hre silo.A changin steering chu kan chum leh pawp thin chumi erawh ka duh khawp ani ta hauh lo.


In chhungah chuan lutin couch ah ka thu leh ngawt ngawt.Ka kut chu ka khup ah dahin mi â ang mai in ka lu chu ka thing tunah tak hi chuan ka ngaihtuahna hi whiskey tak tha ver vawrin a chiah zawp vek ang a ni.A chawmawlh vek, mahse ka thil hriat chhuah thut vang chuan ka phone chu ka phawrh leh nghal.

"Mani hetah ka in lo kal rawh" ka aw pawh duh aiin a normal lo, a khur deuh der der.

"U..tunah maw? a tlai tawh em hi ka peih lo" a mu tui lai ka ti harh tih hriat rengin a te teng tung mai.

"Tunah rawn kal rawh ka tih chu" ka la ti tal.

"U i ninawm ka peih lo" pawr deuh in a rawn ti ve leh nghal.

"Lalfakzual rawn kal nghal rawh"

"Ka peih lo ka mu dawn ka dah" tih pah chuan a dah nghal daih mai nih chu.., ka thinrim lutuk chuan ka phone pawh ka vawm leh thuai.Ka chhip sam buk lai chu tham deuh tawkin ka thaw chhuak leh hawk.


Zanin hian kei hi ka muhil thei dawn em ni?


Choka ah chuan lut pheiin whiskey bur chu ka la chhuak nghal.No pawh ban buai peih lo in a chhin chu ka hàwng rawk rawk a ka hmui nen ka chuktuah nghal hmiah.Thawk pawh la buai lo in ka in khalh khalh, a tawpah thaw chham lek lekin ka phawi ve ta hram a lawm.Mahse mak deuh mai chu ka harh fim nghal sawt ni mai in ka hria.Chumi vang chuan ka in leh nghal, a um a ruah thak thlengin ka in a lawm le.Ka ngaihtuahna chu fim viau mahse ka mit khaw hmuh erawh a phir deuh tlat.Ka ding tha hlei thei lo chu chair pawt chhuakin ka thu thla ta hnawk, dawhkanah chuan ka chal ka nghat nghal hmiah.


Mahse ka in chhung tumah awm ve lo tih hriat zet a thim deuh khup reh tlawk tlawk chu thei leh thei lo in ka en nghal.Ka thawk la ri bak ri hriat tur engmah a awm lo.


Ka thinlung chhung hi Christy in min kalsan hlau in a rum a sin, ka kaw chhung tawp thlengin a rawn run ri dur dur mai in ka hria.




__________________________






"U..harh teh ngati nge choka ah hian i riah?" tih pah a min sawi vak vak na chu ka hre deuh vuai vuai.Mahse ka mit ka la meng thei lo, chumi vang chuan a aia nasa in min rawn sawi leh.Ka thu chhuak nghal hlawl.

"U..ngati nge hetia ilo awm??" mami pawn min rawn en haw in a rawn ti.Amah ka en chu ka lo awm dan a mak a tih zia a hmelah ka hmuh sak thei.Ka chal rawn za mer mer leh ka lu na ngut ngut chuan min rawn tur.Chumi vang chuan ka lu dawm in kan kun leh rih a.

"A mak u nizan i va in nasa awm ve??" ka dara min rawn sawi leh nawk nawk pah chuan ati.Nizan chung chang ka ngaihtuah leh phei chuan ka na zual ni mai in ka hria.Ka lu bur hi a rit lutuk, ana ngut ngut.

"Enge ilo tih?" tih ringawt zawtin din chhuah ka tum nghal, mahse ka lu hai ngut vangin ka ding thei lawk lo mami'n min lo pui vat.

"Amak nizanah nang man lo kal rawh i tih kha" ti ve pahin min kai tho ve nghal.Nizana lo kal tur a ka koh dan vel chu ka hre chhuak nghal zat, mahse tunah engtia han sawi tur nge pawh ka hre lo.Christy in engkim a hre chhuak ka ti ringawt mai dawn em ni?

"Haw rawh" ti ta daih in inchung lamah chuan chhoh ka tum."Enge thil awmzia min hrilh phawt rawh" ti ve in ka hnungah min rawn zui nghal.Engtin mah a chhang tawh lo in ka chhoh san, mahse min zui ve char char tho.

"U..sawi tha ve mai teh nizan zanlai ah min lo call in i in a kal turin min ti a, chuan tunah engmah i sawi leh duh lova" nizan atang a ka awm dan mak a tih zia chu a thu sawi mai nilo a hmel ah pawh a lang vek.Mahse ka kawr chu hlip sawk sawkin washroom lamah luh san ka tum."I van sual tak enge thleng tih tal chu min hrilh ta che"beidawn hmel zeta a kut phar chhuak deuh hluai in a rawn ti.

"Mami tunah rih chuan in leng ka duh teh chiam lo chumi vang chuan i haw a tha zawk ang" tiin washroom chhungah ka luh san nghal.Tunah chuan ka chau in engmah ka sawi peih lo, harh fim lai a khatiang sawi pawh kha ka peih chuang lo.Mami pawh a thinrim deuh ni mahna pawn lam atangin a rawn au vak, ani pawh hi thinchhe ve reuh lutuk.


Tui vawt ver vawrin ka taksa a rawn phuh rual chuan harh deuh sawng sawngin nizan Christy mittui tling pam a min an khum bawrh bawrh na kha a rawn lang.Ka mit chhing reng chungin ka rum chhuak hak, washroom bang chu kan chum deuh chawrh.


Ka thinrim nge rim lo pawh ka hre lo.Ka hriat zawng chu ka na hle ni tih hi!


Ka chhuah leh hnu chuan mami pawh alo awm tawh lo alo haw ve tawh teh pawh ani mahna.Ka thawmhnaw bawm chu hawng rawk rawk in kawr ka hak tur chu ka la chhuak nghal.Mahse vawin chu hna ah ka kal theih pawh ka ring lo.


A tawp nan ti deuh pahin Christy chu ka call leh mahse ani tereuh hian min lo block leh tawh nih hmel.A thinrim dan tur leh nat dan tur chu ka hre thiam mahse keipoh ka na ve tho.Tuna a thinrimna pawh hi ka hrethiam chutiang bawkin thlem lungawi leh mai mai chi ani hauh dawn lo tih pawh ka hria.Chumi tak chuan ka kaw chhung lamah hian min tham deuh tawk.


Tuna kan buaina hi ngaihdam dil a fel mai thei nise ka ti tak zet, chutiang chu ni thei se.


In thlak sawk sawk in Christy dawr lam pan ka tum, a kal chu ring viau lo mah ila kal ve reng reng tha a ka hriat vangin ka kal lui ta tho.


Mahse a dawr lam ka pan lai te chuan keimah nilo Liansangzuala lo ang takin zamna leh hlauh thawn rukna keimah ah a awm tlat.Ani khan min lo hmu duh lo se tih leh midang lo awm pui nghal se nilo chutiang ani thei lo.Midang a neih nghal mai chu keipon ka ring lo ka ring phallo.


Ka rin ang ngeiin an dawrah chuan a hna thawk te bak an lo awm lo.Mahse hmanni lawk a lo awm ve hmeichhe thenkhat te chuan min lo be tha deuh hluam.Khatiang mood ah pawh khan ka cheng lo chumi vang chuan chhuak leh nghalin an in lam chu ka pan.


Mahse a chhungah ka lut ngam a ngem tih hi ka chiang lo ni.Engkim lo hrilh in min lo haw vek ta se? chutiang ngaih dan ka neih phei chuan ka hlau thawng zual tak zet, mahse Christy ka chan thei silo.


An kawtah chuan kan ding leh reng phawt a, pawn atang chuan an in kawt chu ka thlir ngawt ngawt.Chuan nizan mai a Christy nen kan in chei buai dan vel kha ngaihtuah letin ka nui sak.Khatih lai khan engkim lo hrilh vek zawk ila tha tur, mahse engkim a thleng tur chu a thleng vek tawh.


Mipa in ti ve ngam ka ni tawh bawk a chumi vang chuan engmah hlauh tur ka neih ka hre lo.Car atang a chhuak vutin an in chhung lam chu ka pan nghal.Tunah pawh hian a hma tawh lutuk lo chumi vang chuan an chhungkua a an lo awm kim thap ka ring.


Bell chu kan hmet vak vak a, rei pawh ka din hma in min rawn hawn ve mai.

"Sangzual nang maw? i va hma ve?" Christy nu chuan kawngka a rawn hawn rual a min hmuh chuan mak tih hmel zetin a rawn ti.

"Nia..ka lo lut thei ngem?" ka khabe hmul hiat neuh neuh in ka ti ta tawp.Ani pawh mawl in tih hmel tawk a in hau in kawng min kian ve mai.

"Thingpui in ta che" ka hnung lam atang chuan a rawn ti.Ka lu buk khum zeuh in ka hawi kual choka chhungah chuan nizan a pitar lo awm ve kha alo awm, chuan a bak chu tumah hmuh tur an awm lo.

"Lo va thu la" rawn ti leh in sitting room lam chu a melh zeuh.Chutah nizan Christy ka thlah lai an hriat loh thu leh ala mut thu a rawn sawi nghal.


Nizan khan ka thlah haw reng reng lo amah in ke in em ni an in hi a thlen thak? ka kaw chhung lam atangin ka rum ri leh hrawih.Nizan ka tih nat zia ka ngaihtuah phei chuan ka na ve vawng vawng mai lawm.

"Kha lo in la chuan bawihi chu ka han kai tho a nge" tih pah chuan centre table ah thinpui no khu vut vut chu a rawn dah.Anu ka chungah ala that danah leh han kaih thawh hial a tum danah engmah ala hre ve lo nih hmel.


Thingpui chu ka lem deuh khalh a, ka melh ngai melh ngut ngut in ka thu ngawi reng.Mahse ka ngaihtuahna erawh a kal buai viau thung, thil hrethiam lo in a buai nuai nuai ni mai in ka hria.

"Kha ilo va leng hma ve a?" Christy pi chuan min rawn ti keipoh min ti phu zawk mai lawm.Chhan ngaihna ka hriat loh vangin ka nuih ringawt.

"Matei hi ala naupang chhia ve ang reng si a, hetia bialpa alo nei mai te hi ka la awilo rum rum" nui tel deuh pah chuan a rawn ti.A naupan chhiat zia chu ka hria lawm chuan ka duh tak zet.A mize in thup nu tak mai leh mize lang pa em em mai te hi ka duh hlum lo chauh.Ka ngaihtuahna vang chuan ka nui suk.

"Sangzual bawihtei chu a dam lo deuh ni awm e, ka lo tho harh peih lo ati tlat" mahni in thlahrun hmel deuh chuan a rawn ti."Engtin maw matei chu a awm damdawi te a ei em?" api chuan ding nghal meuh in a rawn ti, an chhungkaw duat rawn hi nizan ah kei chuan natna tawp thei lo ka lo pe chu ni si a maw? tunah pawh hian kei min hmuh duh loh vang anih ka ring, chuti nilo a alo dam lo tak tak te a nih phei chuan ka in thiam lohna a zual ngawt ang.

"A pawi chuang lo nakinah ka rawn hmu leh mai dawn nia" tih pah chuan ka ding chhuak leh nghal, anu pawh chuan harsa tih hmel zetin min lo nuih ve.Ka chhuah hma hret chuan inchung lam pan chhohna step chu ka han thlir hram.A nu leh pate an awm ve ni tih theihnghilh in ka han tlan chho nghal tawp mai dawn em ni? ka ngaihtuahna te chu tih tak tak mai nia ka duh ni.


Mahse ka chhuak tlang ta tho, pawn ka chhuah rual chuan ka thaw chhuak nghal kawk.Ka ipik lutuk leh chhung lam hre awm lutuk ti reh thei tu chu mi pakhat chiah an awm.Ani chiah chu ka mamawh a tello chuan ka awm thei lo ang.

"My boy...dam lo miah suh aw..chuan min ngai dam dawn nia.I tello chuan ka awm thei lo tih hria lang ka chungah thinrim rei suh aw." tih paha a room lam han thlir pah chuan ka thaw chhuak leh hak, mahse ka thinlung tawt lutuk chu a reh thei chuang lo.


Car lam chu pan leh in ka in khalh chhuak leh nghal.Hna lam pan pawh ka tum lo, khawiah nge ka kal dawn pawh ka hre thiam tawh lo.Christy alo kal chu ring lo viau mah ila an dawr lam ka pan tho.


An dawr kawtah chuan seat ngheng dawt in ka thu reng a chang leh ka mit ka chhing vang vang a.Mahse Christy in a min nuih sen sen lai te ka bulah ngam pa taka a tah ve lai te kha a rawn lang nghal zut zut.Ani ka lo duh zia leh hmangaihzia ka hre nghal zat zat mai lawm le.A tello a awm thei lo ka ni tih hi a hre ve a ngem le??

"My boy..ka ngai che ka ngai lutuk che, i tello a awm thei lo leh tal buai nghal vek hi min hre ve reng rawh aw, chuan thinrim rei lutuk suh aw i tello chuan ka awm thei lo nia" ti chhuak deuh sapin ka thaw leh kawk.


Ka rin dan chiah in dawrah chuan amah chu sawi loh a chhungte tak ngial pawh an rawn lang lo.Chumi vang chuan ka in khalh chhuak le hmiah.Ka phone pawh a ri reng hna lam ani tih ka hriat a vangin ka reject hmiah thung.Tunah chuan ka ngaihtuahna te hi fim lo leh engmah ngaihtuah thei lo a ka siam a ngai, whiskey tak tha ver vawr in ka thluak hi luah khat se ka na lutuk pawh hi a zia awm deuh mah na.


Music ri dup dup kara mi chi hrang hrang lo lam kual vel chu ner nangin ka kal pel.Tunah chuan zu chiah ka mamawh chat thla thak khawp a in ka duh.



*



"U..i harh em?? enge hetah i tih? tho rawh" ka hmai zawnah kut rawn vai vak vak pah a min sawi in a rawn ti.Mahse ka nui ringawt tih ka hria, chuan chet sawn ka tum lo reng reng.

"Amak e..u tho rawh haw ang" mami bawk chuan a rawn ti leh.Thei leh thei lo chuan din ve kan tum a mahse ka tlu thelh chiang kher mai, mami'n min lo dawm hman hlauh, ka khi reng mai.

"U ngati nge hetia i awm?" ka hma ah chuan dingin beidawn thlak min tih hmel zet in a rawn ti.Keipon ka ngaihtuah te tih fim tumin ka mit ka chhing leh vang vang chumi rual chuan ka thutna ah chuan lu ka nghat deuh chawrh.

"Mami.."

"Ummm"

"Heti lai hi ana" tih pah chuan ka thin chu ka kawk fawk.Chutia ka ti leh chiah chu ka na nghal zawk ni mai in ka hria.

"Engvang chuan maw? tinge a nat? Christy nen buaina in nei mi?" ka bula lo thut thlak ve pah chuan ati.Ani pawn min vin tawh lo in min lainat hmel zetin a rawn ti.

"Mami."

"U sawi rawh" ka kut a lo chelh pah chuan ati ve vat.Amah en thei tur a thle deuh in ka kut chu ka zu en vat.He kut hi Christy kut ni zawk se chuan min kuah se, min kalsan loh
tur thu sawi bawk se, chumi chu ka duh, ka duh tak zet.

"U.."

"Engkim a hre chhuak tawh"

"Engmaw i sawi?" min rawn awm hnaih pah a tiin a kut chu a la let vat.Mitmeng phelh deuh phang a en in ka rum ri hrawih.

"Engmaw a hriat vek tawh chu? han sawi chiang deuh teh" ka dara rawn sawi nawk nawk pahin ati leh.

"Engkim a hre vek tawh" tih te chuan ka lo chhang leh.

"Tu in? chuan enge a hriat..?" mahse a thil sawi chu a hre chhuak leh si nge a thu sawi lai pawh tawp chatin phawk zetin min en.

"U iti tak tak em..??" mak tihna a khat awri chuan a rawn ti.Ani pawh che chang reng tur a awm lo, a thu ngawi ve ta kar mai.Mami awm dan vang chuan ka har sawng sawng ni mai in ka hria, chumi vang chuan ka no banin ala awm chu ka lem leh khalh.

"Anih chuan engthil nge thleng?" ala rawn ti, mahse chhang lo in ka no mi bawk ka lem leh.



*



Khami zan atang khan kar khat a liam leh tawh.Mahse ni liam khan ka natna zawng zawng te kha engmah a kal liam pui lo.Ka pite pawh nimin lawkah an haw, engmah erawh ka hrilh lo.Mahse room ah ka in khung ngawt ngawt a, a bak tih theih ka nei lo.


Zanah ka muhil thei bawk silo, chhun lamah ka mu thei chuang bawk silo.Engmah ka ei thei hek lo, ka awm dan hre awm lutuk hi ka hah in ka chau tak zet.Ka pite an awm a vangin rilru na leh chau hre awm ang a lan ka duh silo an mi hmuh ah han nui der ve thin mah ila ka chhungril lam erawh natna vangin a rum vawng vawng si.


Mahse Liansangzuala chu zak lo ka ti ngawih ngawih, engtinnge min hmuh ala tum ngam le? kan in ah ngei lo kal in min rawn hmuh te ala tum a nia.Zahna hi a tla chham ka ti ngawih ngawih, zankhat kha Jac pawn min rawn biak a tum mahse ani pawh kha a u ang in ka be peih reng reng lo.An lo in thu rual a tichuan khatiang khan ka chungah an lo ti maw? an unau ka huat zia chu ka sawi thiam lo.


Mahse Sangzuala khan min hmangaih thu min hrilh a sin, engtinnge bumna vek anih theih? keite chuan ka hmangaih in ka rilru leh tih tak zetin ka duh a mahse ani chuan ngenna vang mai mai in min lo kawp.Mahse zantin hian Emily in mi zawng zawng hma a min tih zah zia kha a rawn langin ka beng chhungah hian ari nawn tluk tluk mai in ka hria.Chutah Liansangzuala'n thu dik ani tih min hriat tir na kha a rawn lang tel nghal zat.Ka thin chhung hi ana in min vit leh sawk sawk thin.Khami zan ami ang chiah khan chiang fahranin ka mit thla ah a rawn lang leh nghal zat thin.


Ka mit hnuaiah pawh a duk(darh circle) a val kulh mai.Keimah ka cher tawh sa nak laiin ka cher thla leh dawk mai bawk si.Tuna ka hmel tak hi chu hmuh ka hre awm tak zet, a hah thlak bawk.


Ka nute chuan engkim an hre tawh chumi vang a alo kal tur pawh dang zel an nih.Ka pite kha chu tih buai kan duh loh vangin kan hrilh loh mai ni engmah a hriat loh vangin ka damlo kha a zual a maw tiin min buai pui char char.


Nimin piah ka u lo haw kha ka room ah lo lutin Sangzuala nat zia min rawn hrilh.Khatia amah tan zawnga a rawn tawng kha ka haw tak zet.Mahse a sawi leh danin ka u khan Sangzuala kut thlak tumin a in ah a va kal chilh a.A tum ang ngeiin kut chu a thlak ngei mahse Sangzuala chuan engtin mah alo ti let ve lo.Chumi a hnekin kei min hmangaih thu ringawt a lo hrilh.

'Dawt vek anih kha' tih khum hrep mai nia ka duh ni.Dawt sawi hmang, lem chan thiam mi nun rawng, mihring pawh nilo ramsa a nih kha.Ka ngaidam ngai lo ang.


Umami'n in tih thawven nan ka pite chu a zui ve a, in ah ka nu nen a hma ang bawkin kan awm leh tlawk tlawk tawh.A changin ka nu in min rawn riah pui a, mahse ka pa a awm ve tho vangin alo riak chho hman lutuk lo.


Muanzova a lo kal zeuh zeuh a mahse wheelchair mai a nih vangin duh angin alo kal thei lo.Ka nu ten zanah an va tlawh thin, chhungte awm pui tu a nei bawk silo a kan buai pui mai a ngai.


Nancy erawh engmah ka la hrilh loh, in exam hma chhawn tur a neih vangin a rilru tih buai sak ka duh lo.An in exam zawh ah rilru ipik lutuk lo thawveng deuh in ka la hrilh ang.


Mahse ka chung a thil thleng hi ka la awi thei lo.Hetiang hi ka tawn ka in ring ngai lo.Ka nihna thlak a duh vang a min ngaizawng mai maw alo nih? ka mittui alo hnam leh ta tawk tawk.Ka thin chhung hi a tawt nghal tup tup.Ka thin chu kan chum bawrh bawrh a, mahse awmzia a awm silo.


Chutih lai tak chuan ka nu ka room ah alo lut chiah.

"Bawihte.." chutia ka lo awm min rawn hmu chu min ngaihtuah hmel zeta tiin min rawn pan phei nghal.

"Nu.." tih pah chuan ka lo kuah nghal thlawp.Chumi rual chuan ka tah khum nghal nghek, ani pawn ka hnungah chulin min lo hnem ve char char.

"Nu..a na..a na lutuk" tih pah a in la hrangin ka thin zawn chu awmze neilo in ka tham bawrh bawrh."Bawihte..bawihte.." ka nu pawn min khawngaih hmel zet a min en in alo ti.

"Nu..i hria em ka thin chhung hi a na lutuk ka thi mai dawn in ka hria!" tap hluam hluam chung chuan ka ti leh.Ka thin chhung tawt lutuk pawh ka hrawk lamah a rawn in hnawh chho.Ka nu mitmengah pawh min lainatna bak hmuh tur ka nei lo.

"A na tak zet" ti zuih ralin ka nu awm ah chuan hmai ka phum nghal.Ka nu pawn tah insum tih hriat zet a aw khur deuh hlukin min lo ko ve.

"Bawihte hetiang a i awm hi hmuh leh ka in beisei tawh lo sin.Chutiang bawkin ka duh tawh lo, hetiang a hre awm ti taka i awm hi hmuh hre awm ka ti" ka samah lo chul hauh hauh in a rawn ti.Chutia ka nu min ngaihtuahna leh duatna awka ka hria chu ka lung chhe zual in ka tap nghal hlawp hlawp!

"Nu..a hma mi aia khan a na daih zawk a sin.Msa min kalsan ai pawh khan na ka ti, ka thin chhung hi a kut lawngin min tham sak bawrh bawrh ni mai in ka hria.Nu.. a nat na chhan em em chu maw ani kha ka hmangaih a ni, ka hmangaih tak zet, a tello chuan ka awm thei lo ang.Mahse ka chung a a thil tih hi maw na ka ti tak zet, a na ngawih ngawih" tap deuh hluam hluam a sawi ka nih vang in ka hah in ka thawk a chham lek lek mahse thawk pangngai pawh la hman lo in ka tahna in a rawn zui leh nghal.


Ka sawi dik, Msa min kalsan ai khan na ka ti, a chhan chu ani kha ka hmangaih miau lo.A hun lai khan na tiin ka nun hial ti chhe mah ila tun a mi lakah chuan na lo tak a ni.A chhan chu ka rin phak bakin Liansangzuala hi ka hmangaih a ni.Ka hmangaih lutuk, a tello a awm phei chu ka ngaihtuah ngam lo.


Mahse ka hmangaih tluk zetin min tih dan hian min tina tak zet.Ka hmangaihna leh a ni ka huatna ka buk tawn in, a in zat chiah ni mai in ka hria, khawi zawk nge rit tur ka hre lo.Mahse tunah tak hi chuan ani ka huat na hian ka nunah hmun a chang tam zawk ni mai in ka hria.

"Bawihte muhil phawt la..chuan i zia mai ang" a awm atang a min nawr hla in ka mittui chu min hruk sak nghal.

"Ai..nu ka duh lo ka mit ka chhin in khami te pahnih kha an lo lang zel" lu thing nghal vat in a kut chu ka lak sak nghal.

"Bawihte i mut phawt a ngai lawm, chuan ilo thawh hunah thil tui deuh ka siam dawn che nia" min nuih sukin a rawn ti leh.Mahse min nuihna phen a, a lungaihna leh min ngaihtuahna chu ka hmuh sak thei vek.

"Nu..mutthilh ka duh lo, ka mu duh lo" ka mittui ka biang a berh deuh nuai chu ka hru nghal tawk tawk.

"Bawihte i chau lutuk tawh ang, mu phawt rawh hetiang chuan nikhaw hre lo in i tlu mai ang"

"Nu..a hre awm lutuk a sin" kan piah lawk a awm tukverh chu en in a pawn a van lo lang pawl ruih chu ka en ngawt ngawt.

"I tuar chhuak thei em em ang, ka fanu duat lai tuar chhel tak i nih kha, khami kha chu ilo paltlang hnu i hneh tawh hnu anih kha" min fuih pah a rawn tiin ka biang tawn tawn ah a rawn dawm.

"Ka hre lo nu..ka chiang lo ka tuar chhuak thei a ngem? ani hi ka hmangaih tak zet si ni" ka la ti fan.Ka nu pawn min chhan dan tur a hre tawh lo nge min en leh reng ringawt.


Mahse reilo te hnu ah min chhuah san ve mai.Kar khat chhung Sangzuala hmu lo in ka awm ve ta reng chu ani si a.Mahse tun tum chu amah ka ngai miah lo.Nidang ka thinrim chang pawn nikhat hmu lo hlek ila ka ngai nghal zel kha ani si a.Mahse tunah chuan amah ka ngaihtuahin ka thinrim tak zet, min lo tih dan zawng zawng kha a rawn lang nghal zat.


Khawvel a misual ber pawn ka chunga a tih ang hi chu an ti duh bik lo ang.Ani hi chu a sual tak zet, a nunrawng bawk.Tlai thleng
chuan ka room ah ka awm char char.Chet sawn reng ka peih lo, khum a awm reng mai hi ni ka duh ni chuan engmah ngaihtuah lo in awm ila chu chu ka duh ber.


Kei hi chu na reng tur a siam ka ni nih dawn hi! tinge ka nun hi tluang takin a kal ve theih loh? tinge mipa leh hmeichhe a eng a pawh ah hian ka vanduai bik em em? hetiang tur reng hian em ni Pathian hian min lo siam?


A theih hram chuan Pathian hi lam tel ka duh lo chutiang bawkin amah dem zawng a tawng ka duh lo.Mahse ka in ngaihtuah lum puam deuh nge ka sawi tel ta tlat.Mahse ka na em a ni! eng ang pawn min lo tina mahse hetiang em em hi chu a nih ka ring bik lo.Chuta karah mi zawng zawng zingah min la puan chhuah sak zui a, ka zak lutuk leh rilru na lutuk kha ka â lo chauh.



*



"Bawihte Sangzuala pawnah a awm leh reng tawh nia" ka nu chuan hlauh thawn hmel zetin a rawn ti.

"A ho lutuk" lo tih sak ringawt in ka puan sin lai chu thu chungin ka pawt chho.Zantin a tih dan a nilo chuang hlei nem, kan in ah lo lut ngam lo in pawnah a motor chhungah a thu reng ringawt.Mahse ngaih ven tumna ka nei lo, a awm awm in awm rawh se, a duh leh a bialnu kei aia a thlan nu bulah khan va kal se.

"Mahse khuta awm tir reng chu a tha dawn mi? i u pawn koh luh mai a tum." a rawn la ti."A theih loh nu, Umama chu hrilh la luh tir suh se" rang deuh in ka lo ti ve nghal.Ka u pawh hi Sangzual an ka chunga a thil tih a hriat khan a thinrim ve lutuk mahse Sangzuala in a a va kal khan ka chunga a tih ang bawkin ka u bulah a dawi thil tih theihna lo hmangin ka u chu keimah min hmin turin alo hrilh ta daih.Chuan ka u chuan Sangzuala kha a tan ta tlat mai nih chu.

"I pa a awm ve reng bawk sia, engtinnge a ngaih nga?"

"Nu..ka chunga a thil tih chu i hriat vek kha, chuan hmuh ka duh lo tak zet, kan kawt atang pawh khuan kal bo tir rawh" tunlai chu tah hmuam i ka ni ringawt.Thil sawi in han ngaihtuah hlek ila ka tah hi alo chhuak nghal tun zel.Tunah pawh ka awm danah ka mittui a hnai leh tawh hle tih ka hre thei.

"A tha lawm, nih chuan tui ka lo lak che nga mu rawh aw.." ka samah rawn chulin ati dam dup.Ka mit chhing chungin ka lu chu ka buk khum zeuh, ani pawh a chhuak ve nghal mai.


Mahse ka tukverh lam chuan ka mit zu han la tlat a.Ka mittui in ka biang a thlen rual in ka kut ka hum nghek, chumi rual chuan tukverh lam chu ka pan phei.Ka hre thiam bik lo ka ke tha te chu a khur deuh hluk a nih chu! kal tha thei lo in ka ding deuh chawt.Ka kut hum ngawt ngawtin ka pen phei zel, parda chu keu mai ka tum.Mahse min pawt deuh tlat tu awm in ka kut chu ka ti che thei lo.Ka thawk chelh tlat pawh ka paih chhuak leh nghal thawt.Parda chu tlem kan keu kau a, chutah chuan ka bih thla dek dek.


Sangzuala chu a car nghengin a bawp a kawkalh a, a kut chu alo kuangkuah deuh than.A hmel erawh a kun tlat a vangin duh angin ka hmu thei lo.Mahse ani pawh a hlim hmel vak bik lo.Enge khutia a rawn awm vak a duh leh a duh em em kan in ngaihzawn lai ngei pawh a alo la hmuh thin nu kha va pan se ti nia, a room a saruak deuh thaw a alo awm te khan engtinnge ka hriat thiam loh theih? chuan a hna thawhna lamah te nen lam alo va thlah a nih kha, ka lo ât rei zia ka in hre chhuak uar uar mai.

"Vawikhat mah hmuh leh che ka duh tawh lo chuan lo kal leh tawh suh" ka ti sep.Mahse in chunga lo chho thawm ka hriat a vangin ka khum lamah ka kal phei nghal daih, engmah tilo ang a awm in ka khumah chuan ka lo thu than.

"Bawihte ilo la mu na nge??" ka nu pawn tui bottle rawn keng telin a rawn ti nghal.

"Ka lo nghak che a"

"Anih chuan mu tawh rawh le, vawin i chau lutuk ang" tih pah chuan a man khumah chuan min muttir, keipon a tih ang ang chu ka lo dawh ve mai.Side table ah tui bottle dahin min rawn en leh.

"Bawihte engmah ngaihtuah tawh lo in muhil rawh aw.." tiin ka chalah chuan a rawn fawp vang vang.Chumi hnu chuan min chhuah san ve mai.Keipon kan kawtah Liansangzuala a awm reng ani tih theihnghilh in ka mit chu ka chhing, mutthilh ve mai ka tum, chu erawh a harsa viau ang.


Hun leh nite liam zelin keipon ka nun khawhar tak leh riang tak mai chu he ka room reh tak mai ah hian ka hmang liam ve zel.Engmah ti thei lo in ka awm reng a chutiang bawkin Sangzuala pawh a beidawng duh bik lo.Mahse a hma awlsam tak a min hmin ang kha chuan min ti mai mai tawh lo, engti kawng mah in a bulah ka let leh tawh lo ang.


Mahse kei a lo nat ringawt vangin midang nun dan ka ti khaih lak thei lo.Umama te pawh palai vawihnih an tirh hnu ah thla leh ni 23 an inneih ni atan an ti thlu ta a ni.Keipon ka ute chu hlim hmel ka hmuh deuh sang mahse kan in hmu ngun lutuk lo.Chhun lamah hna ah a buai a zanah Usarah buai pui a ngai bawk si.In khat a cheng reng chung pawn kan in hmu tha meuh thei lo ni.


Muanzova hi ka unaupa ah ka ngai tawh.A chhan chu ani pawh dam lo ve tho a ni a.Chumi vang chuan kan in ah alo awm deuh chawt, ka nu in alo awm thin.Mahse ka chung a thil thleng a hre ve nge ka biak loh chuan min biak lutuk a tum lo.


Dawr lamah lah kal tur mang kan awm silo.A chang leh kan khar leh ringawt thin, chumi vang chuan keipoh in tih chak hram hram ka tum.


Mahse tuna ka natna hi chu pawn lang nilo in chhung lam zawk a ni.Chumi vang te pawh chu ani mahna ka nat bik em em ni.Mahse ka fight ve a ngai, ka fight chhuak thei ngei tur a ni.

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » November 8th, 2020, 2:51 pm

Changes By Changes



CHAPTER - 29



BY Lalmatei Cck




ZANIN CHU KA RAWN IN THLAHRUNG LO RAPSS..😁😁 A CHHAN CHU NIZANMI AI NENKA LO DAH THUI LUTUK A☺☺😆😆


MAHSE TUNLAI KA PHONE IN MIN NUAR KHUM A KA TYPE THEI LO.TUN AMI PAWH HI A RUK A FATHER PHONE A KA RAWN TYPE ANIH HI.😅😅😅

MAHSE REGU MINTIH A PIANG HIAN KA REGU THEI LO CHUMI VANG CHUAN REGU MIN LO TI TAWH LO MAI RU...🤧😏🙃🙃




Ka chhungril lam na mahse pawn lamah tih lan ka tum viau lo.Ka awm dan zawng zawng ka thlak leh vek a ngaih hmel.Keimah a awm tlawk tlawk te bansan ka ngai a, chuan hmeichhe chak lo ang a awm kha ka bansan a ngai bawk.


Ka no thlakin Liansangzuala sulhnu engkim tih bo vek ka tum.Amah min hriat chhuah tir thei tur chu paih bo vek ka duh.Ka pawn lam lan danah hian ka na lo ani mai thei mahse ka chhungril lamah hian min tham ngawt ngawt chumi chu a hre awm zawk.

"Bawihte dawrah chuan i kal peih dawn maw?" full mirror a ka lo in en leh vang vang lai chuan ka nu in a rawn ti, ka harh deuh zawk in ka hria.

"Umm" tih pah chuan ka lu ka bu vak.

"Mahse la chhuak rih lo la pawi ka ti vak lo, i cher mah mah chuan i zo lo mai ang tih a hlauh awm" a thil sawi chu min ngaihtuah vang ani tih ka hria, chuan hetiang a min ngaihtuah tu ka la nei hi ka lawm tak zet.

"Nu..ka tlin em em ang i fanu duat lai ka nih kha ka tuar chhuah theih nang pawn i rin ve tho kha" tih pahin a bulah chuan ka va ding, a darah chuan chelhin ka kut chu ka hmuh zeuh.Chumi rual chuan a rawn nui chhuak hak, keipon ka lo nuih ve mai.

"Ka fanu duat lai kha ini miau a, anih chuan Muanzova ka tlawh zawh ah ka lo kal ve dawn nia" a rawn ti nghal.Lu buk khum pahin ka kal sawn nghal.Ka sam pawh alo sei chak ve tawh hle mai, ka beng hnuai a thleng tawh lawm.Mahse ka duh aiin a buk chumi mai bakah ka in hmeh teh chiam lo.


Pawn ka chhuah rual in kan garage chuan ka mit ala ta zar mai.Muang changin ka pan phei, chutah kil khat a ka bike lo ding vang chu ka en nghal vat.Ka en deuh vang vang hnu chuan ka nui suk, keimah ah khalh chakna a rawn awm nghal.Ka insum leh thei dawn lo tih ka hriat a vangin a rang lamin ka va pan nghal.

"Alo rei ve ta hle mai, vawin chu ka bulah hun hmang rawh aw.." tih pah chuan helmet chu ka ban nghal.Ka in khalh chhuak nghal zat bawk.Mahse nidang ka speed lo ang takin a hniam deuh ruih, chumi chu ka duh a nuam tawk chiah.Ka ngaihtuahna te chu a thlawk delh delh chuan buaina zawng zawng a thlawh bo pui tel nghal.Kar engzat nge ka room ah ka in khung ka hre lo, chumi vang chuan pawn boruak vawt deuh ruih chu a nuam ka ti tak zet.


Mahse engtinnge Liansangzuala kha a awm tak zel ang le? hmanni deuh atang khan a reh ta vawng vawng a, kan in kawtah pawh alo kal tawh ngai lo.Mahse a tha ka ti fu, amah ka theihnghilh theih hma deuh nan pawh.Mahse amah hi haw viau mah ila nikhatah amah chu vawikhat tal ka ngaihtuah thin, chuan a changin ka lo nui leh suk thin.Amarawh chu ani ngaihtuah loh hram hram ka tum, ani ka ngaihtuah reng anih chuan ka tan theihnghilh a harsa mai mai ang.


Dawr kawtah chuan ka bike chu park in a chhungah ka lut tlang nghal.Ka lut chiah chu a hma a ka lo chet ve hrepna ni tih hria in ka ngaih zia ka hre chhuak nghal.Lut tlang lawk lo in kan en kual dan dan phawt a.

"Awi..Christy nang maw!!?? ilo kal leh tawh dawn em ni??" Zamzami chuan mak ti tih hriat zet leh awi loh hmel zetin a rawn ti.A rawn au rin deuh a vangin midang chuan min lo en nghal thup.

"Umm..ka lo tel tawh dawn nih hi" nui sang a tiin ka pan phei nghal."Kan lo ngai tawh lutuk che sin" tap aw zet a rawn tiin min lo kuah, chutia min lo ngai ve ni tih ka hria chu ka lawm ve ang reng, a hnungah chuan nghet zet a vuanin ka kuah deuh tawk.

"I nu khan ilo la kal theih loh tur thu te kha alo sawi sia"min la kuah reng chung chuan a rawn ti.

"Nia..mahse ka tha tawh a ka lo kal nghal vat, ka ngai tawh che a" a bengbulah chuan zawi te in ka ti.A awi loh lutuk vang anih ka ring, a rawn nui chhuak hawk."Awi..i van sual min ngai awm lo em mai" amah nui uar uar chung chuan a rawn ti.Ka nuih ve ringawt tawp a lawm."Ilo kal duh lo lutuk a customer pawh an lo lut tha duh lo" rawn tum leh thutin a ti, kei ang chiahin a mizia a thlak ve zung zung a nih hi.

"Chutia law..anih chuan hei ka lo kal tawh bawk a, an rawn lang leh chur chur mai ang" nui chungah ka tih takah chuan amah pawh a rawn nui ve leh tho.Chumi hnu chuan in thlahin keipoh inchung lamah ka chho nghal.Washroom ah lut leh phawt in ka kut chu ka sil.Ka hma a ka hlim thla lo lang chu uluk zetin ka en.Ka mit hnuai a val deuh kulh pawh duh aiin a la lang.

"Remruatfel i tuar chhuak thei, mipa vang a tah kha a tul tawh lo.Chuan ani kha chu theihnghilh hmak rawh" ti a in fuih in ka chhuak leh nghal.Room chhungah lutin ka bag chu ka dah phawt, vawin atangin hna ka tan leh dawn chu ani si maw, ka han in sang mar deuh phawt a.Chumi hnu chuan in hnuai lamah ka chhuk thla leh nghal.


Ka in ngaih bel vang nge midang chuan min en deuh hrek hrek ni mai in ka hria.Mahse ka notice teh chiam lo, an nun ah ka buai lo a ka nun a an lo buai ve chhan tur ka hre lo.Thawmhnaw ho chu ka en kual diat diat ringawt.


Ka phone rawn vibrate leh chur churah chuan dingin ka kekawr ipte chu ka zu zen nghal.

"Nu..ilo kal tawh dawn mi?" phur zetin ka ti.

"Bawihte ka lo kal leh lo mai ang, hei Muanzova kha vawin a in check-up tir ni alo nia, ka kal pui leh mai a ngaih hmel" ka lo phur ve teh reng nen min rawn ti hnual nghal vek."Bawihte a pawi viau em?" in thiam loh hmel zet chuan a rawn ti.

"A pawi lo nu, damdawiin a kal chu a pawimawh lawm" lawm lo ang deuh a lan kha ka duh lo chumi vangin ka aw pawh ka ti zang deuh vah.

"A that hloh chu, hei Muanzova hi a in thla hrung lutuk a nangmah rawn lo che chuan ka kal pui a duh lo a" nuihza aw deuh chuan a rawn ti.Keipoh ka nui ve suk mai lawm, chutia min hlauh hmel lutuk chu ka nuih a za ve ang reng.

"Muanzova chu lo hrilh la a pawilo a ho lutuk a mah kha a pawimawh ber chumi chu hrilh rawh" nui ve vakin ka ti, mahse chutia khi vur chung a phone ka lo hman lai chuan kawngka a lo lut ka hmuh vangin ka tawp chut.Jacqueline chu hmanhmawh zetin alo lut nghal nih chu, ani pawn min rawn hmu ve nghal vat, ka nu in a min rawn chhan let na pawh ka hre lo, ka bing leh muai muai tawh.

"Nu ka dah rih phawt" tih pah chuan ka phone chu ka off daih.Jac pawh melh rei duh lo in inchung lamah ka chho nghal.Ka tlan chho deuh dawr dawr mahse step ka chhoh dawn a Jac min au chung a min lo
zui ve ka hmuh rual chuan a aia chakin ka tlan chho nghal.

"Christy.." room chhung luh ka tum, kawngkhar hawnna ka vawn rual chiah chuan ring zetin a rawn ti, keipoh loh theih loh na vangin ka ding ve chut.

"In be lawk ang, a rei lo ang" a rawn ti leh nghal.Mahse chhang lo in luh nghal mai ka tum mahse min rawn auh leh vang chuan ka ding leh nghal chat."Hun reilo te min pe rawh, reilo te tak tak" ala ti fan.

"Nang ka biak na chhan tur che ka hre lo" amah pawh melh duh lo in ka hma lam chu ka melh ngur.

"Keiman ka nei, in be lawk ang a rei lo ang" chumi a sawi zawh rual chuan a pen ri ka hre nghal zat.

"Engmah ngaih thlak tur ka neih pawh ka hre lo chumi vang chuan min kalsan zawk rawh" ti deuh hmukin ka lut tlang nghal.Kawngka pawh chu ka lock nghal hmiah, chumi chu nghengin ka thaw chhuak hrawih.

"Christy in be lawk ang a rei dawn lo.Thil awmzia ka sawi nga chuan ka kal leh nghal ang" rawn ti nghalin kawngka chu a rawn chum nghal vak vak.Mahse kawngkhar chu ngheng deuh dawtin ka thu thla deuh hnawk, chuan tah chhuah hmel zetin ka awm.

"Christy kawngka hi min lo hawn phawt rawh, thil hrilh duh che ka nei in be lawk ang" tiin a rawn la au vak vak.Ka mit chu chhing in ka thawk chhuahna ka dang leh tlat, ka khupah ka khabe nghatin ka thu tawm ngawt ngawt.

"Ka tawng i hre thei tih ka hria, min hmu duh lo tlat anih chuan heti hian ka sawi mai ang min lo ngai thla dawn nia" a u ang chiah in a luhlul in a beidawng duh lo nih hi.

"Ka tih palh lutuk min ngai dam hram dawn nia.Kha ka thil tih khan hetiang em em hian i lakah nghawng a neih ka ring ngai lo, kei chuan i nun i thlak leh theihna tur a puih mai che kha nia ka duh ni.Chumi vang chuan ka u kha ka ngen a mahse maw ani chuan a duh loh thu in min chhang a sin.Mahse beidawng duh lo in tikhan ka u kha ka nawr lui char char a, a chhan chu i nun i thlak leh duh ringawt pawh ka lawm tak zet.Mahse ka u in ngaihzawng alo neih vang a i hnual phah zia te kha ka hria a, khami khan nangmah puih chakna che min pe.Chumi vang chuan ka u pawh ka ngen leh char char.A tawpah a rem ti ve ta hram a" chumi a sawi zawh rual chiah chuan ka thin chhung hi thir rit lutuk tak mai in a rawn deng nghal dawt ni mai in ka hria.A na lutuk ngenna vang mai mai a ngaihzawn maw ka lo nih? ka va han na vawng vawng tak em!! tinge ka thian tha ber ni a ka lo ngaihin hetiang hian ka chungah a tih?? ka lo ring ve sin.Ka mittui pawh ka kutah alo far thla kauh.Chumi pawh chu ka ngaih ven lo, ka melh ngai chu melh in ka biangah tui lum a luang thla zal zal.

"Min ngaidam rawh" a rawn ti tham leh tuak, ani pawh a aw atangin a tap ve ani tih ka hre thei.Mahse khawngaih a hnekin ka haw zual sauh ni mai in ka hria.

"Ka tih palh tak zet, hetiang a i lak nat hi ka ring lo" ala rawn ti ngam a nih chu! ka nat a ring lo maw? ka chunga a thil tih ang hi a chungah ti ta ila a na lo bik a ngem? a teuh lo kei aiin a tuar thei lo zawk ang.

"Christy..ka tan chuan ka thian tha ber ka hmangaih i ni a, engtikah mah ka haw thei ngai lo ang che.Chuan kei chu i tan ka awm reng ang" rawn ti leh in a in sut ri hrawih.Keipon ka hmui hupin ka tap khur nghal der der.

"Mahse maw ka u hi chu khawngaih in kalsan suh, i tello chuan a awm thei lo ang.Tunah pawh zu nen awm in i hming ringawt a lam., khawngaih takin ngaidam hram rawh ani kha chuan a hmangaih tak zet che sin" chutia a u a rawn tan chu ka thinrim zual sauh, ka beng hriat ah a hming pawh lam ka duh lo.Mahse ka mittui chu alo chhuak duh ngei mai, a dir thla zut zut.

"Min ngaidam rawh aw.." rawn ti leh in a ri deuh hrawih.Chumi hnu chuan thawm ri ka hre nghal, a pen thawm muang ruih ka hriat rualin a kal leh tawh ni tih ka hre thiam mai.Pen thawm a reh hun nghakin ka beng pawh ka chhi reng, chutia a reh rual chiah chuan chhuak em em in ka tap nghal.Insum tumna nei lek lo in ka tap chhuak nghal bawrh bawrh.


Mahse ka tah chhan erawh ka hre lo.Liansangzuala ka huat vang nge Jacqueline ka ngei vang zawk? nge ni a ka chunga alo chet dan a rawn sawi chhuah vang zawk? a za vai chu khan ka tah ati chhuak vek.


Vawin ni atangin engkim theihnghilh ka tum a mahse ani kha lo langin engkim a aia chiangin min rawn hrilh leh ta vek si.Hetiangte chuan engtinnge hma lam ka pan theih nga?


A hma khan ka nun hlui a let leh tawh lo tur leh hma lam ka pan thei nan a min pui tu kha Liansangzuala a ni a.Ani khan a kut chu min pe in hmasawn thei turin min pen pui a nih kha.Mahse tunah amah ani ngei mai chak tak a awm tura a kut min pe tu khan min lak sak leh ta daih si.Mahse ka nun ani a midang min puih a ngai lo, tunah pawh keimah ngei in ka fight ang.Kumkhua daih tur a nilo tih ka hre lo ni, tun atang chuan engkim ka nun anih tawh phawt chuan keimah in ka bei zel ang.


Ka mittui chu hru deuh tawk tawk in ka ding chhuak nghal, mahse in hnuai a ka chhuk thlak hma in washroom ah ka lut leh lawk.Ka hmai chu tui in ka theh leh thawt thawt, keimah chu in tih harh chawp ka tum ani ringawt.


In hnuaiah ka chhuk thlak leh hnu pawn a hma ang khan ka harh thei tawh lo ka cool vek ni mai in ka hria.Chulo ah engtia Jac kha rawn kal ngawt thei nge a nih? dawrah ka awm rual in min rawn pan nghal thei nia.Min lo zui ru reng tih na em ni? nge min en thla?


Ka rilru a nuam thei thlawt lo, ka nu ka call leh ringawt.In a haw dawn a min rawn hrilh turin, keipoh vawin atan chuan ka hna off leh phawt mai ang.A nau a rawn lan chuan a u pawh a rawn lang dawn ngei ngei mahse Liansangzuala hma chhawn tur chuan ka la in peih lo deuh ni.


Ani kha ka hmu duh reng reng lo.Nge ni a ani pawh khan min lo hnawl tak tak zawk? khanu kha a pan nga hlim deuh in an awm tawh zawk ang? huisss..chutiang ngaihtuah suh i buaina tur ani tawh lo, ani kha i nun atang a paih bo i tum tawh kha.A chung chang engkim theihnghilh la hriat belh tum tawh suh.

"Chris..lunch ka order dawn a enge i duh ve ang??" Zamzami chuan a benga phone dah chung chuan a rawn ti.

"A..engmah ka eilo mai ang haw ka duh deuh a.." pangngai deuh chuan ka lo chhang ve mai.

"Maw.? tinge ilo kal ve chiah a i haw leh nghal ten" lawm loh hmel deuh chuan a rawn ti."Chutiang pawh nilo ka haw leh a ngai thut a" nui lui sang a tiin ka in her nghal.Hetah hian ka la awm reng nih chuan thaw chham in ka thi thei mai ang.Ka bag han la rawk rawk in ka chhuak nghal.


Mahse chutia ka chhuak chiah tih chuan kan dawr kawtah chuan Liansangzuala car ngei mai lo tlan phei ka hmu nih chu.A hma atangin ani pawn min rawn hmu tih ka hre thei chumi rual chuan a car pawh park tha lo in a awmna hmunah chuan a ding tir nghal rawk rawk.A engine pawh a thih chian hma in amah chu a rawn pawk chhuak, chumi rual chuan hmanhmawh zetin keima lamah alo tlan.Keipoh ka ding khawng reng chu che nghal zat in ka bike park na lamah ka tlan phei ve nghal.

"My boy.." chu aw ril zet mai, natna a khat tih hriat reng reng a zawi deuh sap, mahse cool em em mai si a min kohna chuan ka ke pen thei lo a siam in keimah che chang tur reng a awm lo, ka ding nghal chat.

"My boy.." a ngai te bawkin a rawn ti leh.A mi kohna khan ka taksa peng khawi lai emaw tak hi a man ni mai in ka hria.Ka kut chu ka hum nghek chumi rual chuan ka taksa pawh a tang tung.Liansangzuala pawn min rawn pan phei ve zel ani tih hriat zetin a ke pen thawm a hnai tial tial.

"Nangmah i ni tiraw..??" hnung lam atang chuan awi ngam chiah lo mahse anih ngei beisei si in a rawn ti cool ruih.A awri zawi lutuk leh zawi lutuk te chuan ka thin chhung hi an fan rawih rawih.Mahse ani hi hnaih leh tum na ka nei tawh lo, ka hua a ka nun ti chhe tu a ni.Engtikah mah ka ngai dam ngai lo ang.Engtinmah a chhang lo chuan hma lamah ka kal leh nghal.

"My boy.." chutia ka kal chiah chu ka kut a rawn vuanin min pawt her deuh sawk nih chu.Thinrim deuh a ankhum nghal tum a ka kâ ka ang chiah tih chuan engmah sawi thei lo in ka chip leh nghal.


Chutia Liansangzuala hnai set sawt a ka hmu chiah chu ka thin chhung ami hi a che leh dulh dulh.Hman atang tawh in he thin chhung te reuh te mi hi a mah chiah in a ti phu thei, chuan tun thleng pawn amah vang chauh in ala phu.A hmel pawr pheng phang chu hmuh a hre awm tak zet.A mit khur a thukin kei angin chiah in a val ve deuh kulh.Chuan a khabe hmul pawh a buk deuh chhup, a mitmeng cool ruih mai mu tam lo tih hriat reng reng chu rei ka en ngam lo.A hmui pawh a ro deuh halh, a lan dan chu hmuh hre awm tak hi a ni ringawt.A lan dan lungrun lutuk chuan ka chhungril lam bawk min fan chhuak leh nghal vek.Zu a in nasa hle a nih hmel tunah pawh zu rim chu a nam ham ham.

"Min thlah rawh" tah insum zet a hnuai lam bih pahin ka ti.A hmel kha ka en reng a nih chuan ka tah khum mai ang! tuna hetia hmuh hi ka duh reng reng lo.

"My boy..." a rawn ti tham leh tuak.A awri a natna lo tel ve lah chu ka hriat hmaih hauh bawk silo, chumi chuan keipoh min tina ve, min tham leh bawrh bawrh tawh.

"Ka hmu duh lo che chuan min thlah lang kal nghal rawh" ka aw khur nasa lutuk pawh chu ka duh vang reng a nilo, ka control thei tlat lo ni.

"Ka ngai che" rawn ti sap in ama lam hnaih ah chuan min pawt hnai nghal, keipoh te deuh that in ka dak chho nghal.

"Mahse ka haw thung che lawm" ka duh aiin ka au ring, a hmai zawnah tak ka la tawng khum zui.Chumi rual chuan a tih thin dan bawkin lawm lo tih hriat zetin a rawn rum chhuak hak!

"Ka hua che chuan hmuh che pawh ka duh tawh lo, vawikhat mah min rawn hmuh tum tawh suh" ti leh nghekin min vawn beh na tang chuan tal hran ka tum, ka tal deuh nawk nawk.Mahse Liansangzuala chuan a hma aia nghet in min rawn kuah deuh salh a nih chu.A taksa leh ka taksa chu chip thei ang berin a kuah khawm.

"Ai..min kalsan suh khawngaihin i tello chuan he thinlung hian awm ngaihna a hre lo, phu ve tur awm lo in a reh tlawk tlawk.Chuan nangmah a ngai ngawih ngawih che" ril zet a rawn ti leh in ka awmah rawn kun in a hmai a rawn phum nghal.Ka taksa pawh a tang leh tung mai, mi then khat lo vei vak ve ten min rawn en zuk zuk bawk.

"Liansangzual min thlah rawh.." seh chilh deuh nawk nawk a tiin ka lo tal leh phat.Mahse engtin mah che lo in ka awm chu kawr chhanah a rawn thawk khum hak a nih chu! keipoh ipdeuh chawi in ka tawp leh hmak.

"Ka ngai che chuan i bula awm ka chak.Hetia i taksa a hmai phum a kuah che hi ka chak chuan min kalsan leh tawh lo turin ka duh bawk che" a sawi zawi lutuk chu keipon ka hre thei chang chang.Mahse chuthil chu a thleng thei silo ni, tunah rih chuan amah huatna hlir in ka la khat tlat.

"Min thlah rawh chuan tuna i thu sawi kha ka hre lo ang ah ka lo ngai dawn nia" ti deuh kher in a lak atang chuan in lak hran ka tum nghal vat.

"Ka duh lo ka kal tir dawn lo che ka bulah awm reng rawh..aw..??" ka awm atang a rawn dak chhuakin naupang ang mai in min melh.Amitmeng thim khup mai a thuk ruih a min melhna chuan min ti dang lam deuh zawk in ka hria.Amah chu ka en ngawt ngawt ringawt, ani pawn beisei nei zetin min melh ve char char.

"Min min en thup hi min thlah rawh" keipoh ka phun deuh sep ringawt.

"Nope"

"Hmela min thlah rawh, nang hi ka si peih reng reng lo che" insum hman lo in kan au khum leh nghek a.

"Ka phallo ka thlah tawh dawn lo che, ka ngai tak zet che" rawn ti leh duh chauh in min rawn kuah tha sauh anih chu!

"Liansangzual min thlah nghal rawh i va han zak lo em em ve! khatiang ka chunga i tih hnu ah heti hian min la ti ngam a maw..??" ka sawi zawh rual rual chuan a kaw chhungril ber thleng a tanga rawn rum chhuak tih hriat zetin a ri deuh hum hum.Ani pawn min rawn melh nghal vat, keilah in mitmeng thip ram in ka lo melh rawm rawm a.

"My boy.."

"I chhe ve" duh lo tih hriat lutuk in a rawn rum leh nghal chumi rual chuan harsa tih hmel zetin a rawn thaw chhuak leh hawk.

"Ka tih palh" rawn ti zuih ral in a mit a chhing nghal.

"Hah..i tih palh maw??" awi lo lutukin ka nui chhuak nghal hak."Tihpalh nilo in tih luih a nih kha, nangmah ngei pawh in a dik ani tih i fiah tawh kha chuan tunah tih palh iti maw??" ka kut hi hmang thei ngat ilang chuan a hmai ah tak hian ka beng nghal sak ang mawle! zak lo lutuk mai.

"Min ngaidam tur pawn ka phut lo che mahse ka hlat ah chuan awm tawh suh.I tello chuan he nunna hian awmzia a neilo"
ka mitah tak min melhin thu tak zetin a rawn ti.

"Chu chu ka theih ring suh, engtinnge a rual in pahnih min lo kawp theih? i zak lo hi ka ti ngawih ngawih!" ani lo ang takin kei chu ka au ring.

"Chuan nangmah kha ring tur che in min ti tiraw?? i room ah ngei in awm dun lai ka hmu chung pawn nangmah kha ring tawp tur che in min ti a" za lo zetin ka nui ro halh."Chuan i hria em? keiin engtinnge ka lo chhan che? kei mi mawl mipa tupawh in a an bum theih mai, mi â i chuan ka lo ring leh tawp che.Ka mit ngei a ka hmu chung cheu pawn nang man ring tur che a min tih a vangin ka thil hmuh zawng zawng theihnghilh leh hre lo derin ka ring leh tawp che.Mahse ka rinna hlawh chhuah chu enge? i thu sawi ang in ka ring che a mahse enge ka hlawh chhuah hi??" a hmai zawnah ka au tuar tuar mahse ani pawn mit khap miah lo leh ril zetin min lo melh ve ngur.

"My boy.."

"Khati pawh khan min ko ve ziah suh" ti deuh hlakin ka hawi sawn hmak.

"Liansangzual i hria em enge ka hlawh chhuah chu? ka hlawh ve chu maw BUMNA lek, chumi chiah chu chan ka nei.Khami ni khan lo ring lo che in lo kalsan hlen che ila heti em em hian ka na lo tur!" a tirah pawr ve viau mah ila a tawp lam chu ka rilru nat lutuk vangin a zuih ral vek.Ka mittui pawh a tling leh pam tawh, mahse alo chhuah mai phallo in ka khap let sak.

"My boy.." ani pawn ka awm dan hria in zawi deuh sapin a rawn ti, chumi rual chuan a kut lum tha zet lian em em mai bawk si chuan ka biang chu a rawn tawk da da mahse ami khawihna ka feel tak tak hma chuan thinrim deuh in ka hawi deuh sawk.

"Heti lai chhung hi i ti na lutuk a sin, a na tak zet! hetiang em em hian min tih nat ka ring ngai lo, a na lutuk hi maw ka thi mai dawn in ka hria" ani pawh ka thu sawi vangin a rawn rum chhuak leh hak.Mahse amah chu ka melh duh lo lui, ka mit chhingin ka thawk lak pangngai tir hram hram ka tum.

"Ka naute..."

"Khati khan min ko suh" ka mit la chhing reng chungin ka lo ti ve hlak.

"I nat hi ka phallo ka duh lo bawk.Chuan tih nat che ka duh ngai lo ang"

"Mahse i ti si lawm" rum deuh a melh nghal vatin ka lo ti chang fak.

"Ai..ka duh lo ka phallo" a lu thing vut vut in a rawn ti.

"Mahse maw min tina min ti na ngawih ngawih! chuan maw hetiang em em a min tih nat theih hi ka ring ngai lo.Ih maw..Sangzual nang chuan maw ka thin chhung hi ka chunga i thil loh tih vang khan maw, i kut khan min tham sak ni mai in ka hria" keipoh ka vin tawh bik lo.Mahse Sangzuala chuan min en tlawk tlawk, a mitmeng uk fiah deuh kharh pawh kha a buai ve deuh nak mai.

"Nang chuan eng ang pawn min lo tina mah la hetiang em em a min tih nat hi ka ring ngai lo.A chhan chu min hmangaih thu min hrilh miau a.Min hmangaih tu chuan na takin min siam thei lo ang.Mahse nang chuan i thei tunah ka chungah i thlen tir mek, chuan hmangaih tu der i nih ngei pawh ka ring" a mitah tak en in ka ti pang pang.Chutia hmangaihtu der ka ti chu duh lo nge min thlah nghal chat, keipoh hnung lamah ka per deuh nawlh a lawm.A awm dan chuan min ti ham haih lek lek, amah lah chu ding khawng deuh luahin hnuai lam a rawn bih.


Amah chu ka en ve tlawk tlawk phawt.Mahse engmah sawi tum lo tih hriat zetin a ngawi reng.

"Vawikhat mah min rawn hmuh tum tawh suh ang che.Nang nen a kan in kar a thil lo thleng tawh zawng zawng kha chu theihnghilh vek ang che chuan keipon ka theihnghilhin ka hriat rengna tang hian ka lo paih bo nghal vek ang." ti deuh kher in ka bike lam chu ka pan phei nghal.Mahse ka thin phu rang lutuk leh su dup dup hi chu chuan beisei a nei ru tlat, chumi erawh ka hriat sak loh a tha ber.


Ka helmet chu banin ka khum tha nghal, mahse ka hnung lam a mipa awm chuan tlan chhuak lawk thei lo in min siam.Ka bike ah chuan thu kai in start mai lo in ka ding leh rih phawt.Chutah ka helmet glass chu tuai chho in Sangzuala lam chu ka va hawi nghal.

"Chuan i duh ber nen a hlim deuh a in awm theih nan duhsakna ka hlan a che" ka theih ka rin loh chu tiin ka nuih lui sang mahse a har tak zet khatiang a midang kut a ka hlan leh duhsakna ka hlan kha ka in ring lo.Chumia hnekin ka la nuih sang zui.Ka chungah enge thleng pawh ka hre lo.

"My boy.." ka thu sawi chu hria in min rawn melh nghal.Mahse a sawi zawi lutuk keipon a hmui phun atang chiah in ka hre thei.Chuan tun kha duat tak a min koh hnu hnung na ber anih ngei ka ring.Mahse ka lam pan tum a a che hruih ka hmuh chuan in siam tha nghal vatin ka bike chu ka start nghal.

"My boy.." ka kalsan hlau tih hriat zet a pawr leh hlauthawngin a rawn ti.Chumi rual chuan ka lam a rawn pan phei nghal chat.Mahse ka tlan chhuak nghal, amah pawh chu melh tawh lo in ka tlan nghal zat.

"Remruatfel ding rawh" a rawn ti nghal hrawih.Mahse chumi pawh chu ka beng chhungah hian a ri zawi kher mai.Ka hnung lam atang chuan au in a in hrosa tawn tawn.Ka speed chu ka ti muang hret mahse thil ri bur ka hre nghal, hawi let thei ka ni tawh lo.A thawm ri hriat hre awm zet chu hre chhun zawm duh lo in ka tlan chak nghal phat.Ka kaw chhung pawh a tawt in a ipik lutuk, ka na veng veng bawk.


Ka tahna vang nilo in ka thinlung chhung na rawn rum chhuah vangin ka mittui pawh a rawn tla.


Khatiang a ka hmuh kha ka in ring lo, chuan kei ang chiah in na takin alo awm ve reng tihna em ni? nilo a ni thei lo.Khapa kha a lem channa mai mai a nih kha.Anite chu lem chan thiam lalpa a lawm, khatih hun lai pawh khan keipon min hmangaih tak tak maw ka ti.Mahse kha pawh kha bumna, ngenna vek alo nih kha.


Tuna a rawn awm dan pawh kha lem channa vek a nih kha.A lem chan thiam zia ka bulah a rawn show off vel mai mai ni!

Garage ah chuan lutin ka bike chu ka dah tha nghal.In chhungah chuan hmanhmawh zet a lutin choka lam ka pan.Tui chu no ah thli chhuak in hmanhmawh zetin ka in nghal khawlh khawlh.Ka thaw ipik lutuk pawh a zia deuh hawkin ka hria.


Mahse ka zawi deuh hnawk ni mai in ka hria.Chair chu pawt chhuakin ka thu thla deuh hnawk.Chumi rual chuan ka phone ari nghal zat.

"Nu ilo haw tawh dawn mi??" ka nu ni tih ka hriat rual chuan awka zang vah leh tun lawk a ka rilru na thup hram tum in ka ti.

"Hei..damdawiin atang chuan kan rawn chhuak chiah a in lam ka pan dawn chiah" a rawn ti ve nghal.

"Um..keipoh in ah ka awm tawh lo haw vat ru"

"Anih chuan Muanzova hi ka rawn hruai haw mai dawn mi??" ani hi chu a fa ang tak takin a en a, a ngaihtuah pawh a ngaih tawh.Mahse tunah rih chuan lo kal lo se ka ti, ka mood hi a dik lo tlat.

"Nu..vawin chu lo hruai lo mai la" ka ti ta tawp."Aw..amah chauh in a awm dawn a, amah pawn a kal thei tawh, tlem vawn pui leh lawk mai nia ngai"

"I duh duh dan ni mai lo haw vat ulang" ka ti ta tawp.Chumi hnu chuan ka dah nghal, in chungah chho in ka in thlak nghal.Ka thluak hi a chaw mawlh vekin ka hria, ka sam sei ve tawh tak chu ka khuih ve mial mial.


Mahse ka mit thla ah Liansangzuala alo lang leh nghal zat.A hmel chauh hmel zet cool em em mai te kha, chuan min ngaih thu ril zet a min hrilh te, engkim kha a tak vek chu a ang.Mahse lem channa vek a ni si, ka ngei tak zet.


In hnuaiah chhuk in thei ka eitur chu ka lo vel mai mai.Chumi rual chuan kawngka lam a ri rek, ka nute an nih ringin ka lo en nghal vat.Chutah muang chang a in kuah chung a lo lut te chu chu ka lo thlir dauh dauh.

"Muanzova chu i kal thei tawh law?" ding hluai in ka lo ti nghal.

"Umm..chupawh i nu puih na zar" nui sukin a rawn ti.

"Ti hian lo thu ve la room ah ka va lut lawk nge" ka nu in chair a rawn thut thlak tir pah chuan a ti.Chumi hnu chuan a phei ve mai.

"I zia deuh tawh mi??"

"Hah..tinge ka dam lo mi??" amah en ho in ka ti.Mahse a mitmengah chuan a thil min zawh ka hmuh sak thei."A..imm..kha kha maw ka zia tawh nih hmel" ka ti leh nghal zat.Sawi belh tur ka hre tawh lo chuan ka kut chu ka sik leh neuh neuh tawh.

"Ih..thei" tih pahin ka plate chu ka keng kang zeuh.Rawn nui sukin a ban ve mai, enge ka hriat pawh ka hre lo ka lai ve ringawt anih chu!

"Anih i ke chu enge a an zel?" amah pawh melh ngam tawh lo in ka ti leh.

"Umm tha chu ni mai, in lama min vah pui tur leh min kal pui tur hi awm seng chuan ka dam hma viau ang" a rawn ti ve nghal.A thil sawi hrethiam lo zetin ka va en, ani pawn apple hlep khat hmawm zeuh in min rawn en leh."A..ka sawi awmzia chu hetia thut reng chu dam a har deuh ka ti mai nia" nui chungin a rawn ti leh.Keipon lu bu nghauh in thei chu ka ban ve mai.

"Anih chuan lo awm daih la?"

"Maw..??" nuihza aw zetin a rawn ti.Ka thu sawi kha a awi lo nge ka tih tak tak a ring lo zawk??

"Tinge..?? ka ti tak tak lawm chuan keiman kal ka lo zirtir dawn che nia" thu tak deuh in ka ti.Mahse ka thil sawi chuan awm zia a neilo nih hmel a rawn nui leh hak.Ani pawh tu emaw ang in a nui mawi lutuk mahse keimah ah engmah nghawng a nei lo.Sangzuala kha chu keima lam hawi a a nuih suk tawh kha chuan ka thinphu rangin min lo ti nui ve ver ver zel.Mahse Muanzova hi chuan keimah ah engmah thawhna a nei lo, chumi tak chu ni Liansangzuala keimah a a danglamna leh midangte lak a a dan bik na.

"Chutia nang berin i tih te chuan.." ka hmai bul chet a rawn awm hnai in a rawn ti ta mai.Chutia min rawn awm hnaih thut chu ka hamhaih leh phu in engmah ka sawi thei lo.Amah chu meng phawk deuh tawkin ka en, kan in awm hnaih em vangin ka thaw chhuak em pawh ka hre lo.

"Enge i tih..??" tih pah a hawisawn in amah chu ka nam nghal.

"I lai ve deuh mi..??" nuihza aw zetin a rawn ti.Ka van ngei mai mai! a hrim hrim ah tunlai hi a tawng duh riau hman ami ang kha ni leh se a tha.Tawng duh lo deuh mahse tawng hun leh mi fiam hun hre deuh kha mahse tun a mi hi chu duh aiin a tawng duh.Chuan min tih zah dan a hre bawk.

"Ve mai mai a che nge ka laih ngawt ang?" pawr deuh in ka ti, mahse min nuih leh duh chauh nih chu.Rum tawkin ka melh mahse thil ei chungin min la nuih char char.

"I van ninawm!" ka ti hmiah.

"Nuih vang a ninawm nih chu! a va zia lo dawn ve aw.." nui huah huah chungin a rawn ti.

"Nui tawh suh" tih pahin a kâ ah ka va hnawh thawih.

"Bawihte tinge ilo va haw hma leh si ve??" ka nu pawn sam tawn tha mawlh mawlh pahin a rawn ti.

"Nu..dawrah ka awm peih tawh lo a" ka ti zuih ral daih.Ka lo hlim ve na te kha a reh
nghal vekin ka hria.Liansangzuala min rawn tih dan min rawn hriat chhuah tir a.

"Hello.." Muanzova chuan ka hmai zawna a kut rawn vai lauh lauh pah chuan a ti.Keipoh ka mit chhing vak in a kut chu ka man hmiah.Mahse meng chhuak leh vatin ka kut awmna chu ka en nghal ani pawn ka en chiah chu alo en ve chat.Rang lutukin ka kut ka la sawn nghal.

"Ih..a..umm" ka ti kual vel mai mai, ka kut pawh ka hmet neuh neuh.

"Engmaw i sawi ve nuap nuap a??" ka nu pawn gas thuk lam panin a rawn ti."Tu emaw ni chu lâi an awm ni" ka beng bulah chet chuan zawi te in a rawn ti.Chutia min chhaih ka ngei lutuk chu a darah ka va beng vak vak.

"Bawihte khati khan dam lo ti vak vak mah ta che" ka nu pawn min lo khap leh nghal vat.

"Dam lo pawh a nilo, chulo ah a ke lawm na a dar a na lo" tiin ka lo hnial ve pang pang.Mahse Muanzova chuan chak chan tu chang in tih hmel zetin min rawn melh.Mahse ka kut tum ka lo hmuh nghal vat! ala nui ang huah huah.




*




Ka room tukverh bulah single sofa kan dahah chuan thu in van lam ka thlir dauh dauh.Ka ngaihtuah ah hian enge awm erawh ka hre lo.Vawin thil thleng chung chang te chu ka ngaihtuah a mahse ka thil duh loh ber mai ka ngaihtuah char char.


Liansangzuala na tuar hmel ni awm tak pawr deuh phang kha ka mit thla ah a rawn lang nghal uai uai.Tinge a nat lai chiah ka hmuh sak theih? tinge min tih nat dan zawng zawng kha ka hmuh ve theih loh? ngati nge na a tuar ni tih ka hriat a ka lo nat ve zel? hei pawh hi hmangaihna vang bawk a ni em? hmangaihna mit a ka thlir vang zawk em ni? zawhna tam tak chhanna ka in pek theih silo chu a rawn lut nghal zut zut.


Thla eng lutuk lo chu tah chhuak tun in ka en.Engvang a ka mittui hi lo chhuah chak tlat zel nge a nih? ka ning lutuk ka ning tak zet! mahse chutia ka lo thut ngawi reng lai chuan motor ri ka hre nghal, ka thin chhung pawh hi a phu dup dup.Chu ka thinphu in a min hriat tir chu ka ring phallo.A car ri ringawt pawh ka thin chhung ami hian alo hre rang kher mai.Heti em em hian em ni ka lo duh hneh? a engkim khu chiang takin ka la hre fiah fai vek a nih hmel.


Tunah pawh a car hmu silo in a ri tang ringawt pawn ka lo hre nghal chat thei nia, ka chunga a dawi hman ala sut lo ni mahna.Mahse amah anih ring ngam chiah lo in tukverh atang chuan ka zu bih thla nghal, mahse ka zu dak vak chuang lo.


Chutah Sangzuala leh ka u chu car chhung atang chuan an lo chhuak chiah.Tinge ka u khu Sangzuala'n a rawn thlah? khawnge a car? engvangin nge an rawn haw dun? an pahnih ka hmuh dun rual ringawt pawn zawhna ka in zawt hnem hman khawp mai.


Umama chuan Sangzuala chu lo lut turin a sawm deuh ani mahna mahse a duh lo nia.Liansangzuala'n kan in chhungah a lo luh a duh lo nia, za lo lutukin ka nui hak.An pahnih chuan in mangtha nan an han in kuah a chumi hnu chuan ka u chu alo lut nghal.Ka u chu Sangzuala chuan a thlir char char chuan keiin amah ka lo en reng thung.


Mahse chutia ka lo en char char lai chuan a rawn hawi chho ta mai.Parda zip in ka kun nghal, min rawn hmu hman a ngem? ka lo en ru reng ani tih kha a hria ngem? nilo min hmu hman tur a nilo.Ka lo en reng ani tih a hre tur a nilo hrim hrim.Ka thinphu nasa lutuk chu ka dawm vang vang.Sofa ah pawh ka thu chho ngam tawh lo, chhuatah chuan ka thu tung char char, ka thin zawnah ka kut ka la dah tlat.


Mahse a car ri thawm ka hriat tak miah loh vang chuan ala kal chhuak lo ni tih ka hre thiam mai.Chuan kan kawtah khuan a la awm reng tih na! hah..zak lo lutuk! khuta lo awm reng tur pawh a nilo.Ngam leh ngam lo chuan ka han kalsawn a chupawh thu chungin.


Ka khum lam chu thinphu dut dut in ka pan, chutah ka blanket chu keu thawkin ka zuang kai nghal.Chumi rual chuan hlauh nei ni awm takin ka in lukhup nghal than,ka la tawm deuh kak zui.Mahse a lum ka ti tlat mai nih chu, chutah ka in in khuh than bawk si.Ka thawk a chham dawn a vangin ka in keu nghal vat, duham em em in ka thaw nghal.


"Awi..ka nu!!" ka room kawngka an rawn kik rual chuan ka phu nasa lutukin ka ti nghal thawt, ka thin chhung a mi hi a thlawk chhuak dawnin ka hria! mahni lo mah a hlauh nak lai a!

"Mate ka lo lut dawn nia" Umama'n a rawn ti nghal.Thawk la kawk kawk in ka lo awm dan chu ka siam tha nghal zat.

"Umm lo lut rawh" ka aw pangngai zet a lan tir tumin ka thaw halh.Chumi rual chuan kawngka pawh a rawn in hawng nghal.

"U..ilo haw chiah a mi?" nui sangin ka lo ti nghal vat.

"Umm..zanin chu thian hlui te nen dinner kan ei ho lawm le" tih pahin ka khum tlangah chuan a rawn thu thla nghal.

"Anih chuan Usarah te in ah kal i tum lo mi?"

"Umm"

"Tinge?"

"Mate thil sawi pui lawk che ka duh a" ka zawhna pawh chhang lo in a rawn ti ta daih.

"Umm han sawi lo" ka u awm dan chu a mak ka ti ve ang reng.

"Sangzuala.."

"U.." Sangzuala chung chang sawi a tum ni a ka hriat rual chuan ka lo ti nghal vat.

"Mate ka sawi tur hi lo ngai thla phawt la" tih pahin ka kut chu a rawn vuan, chuan thu tak deuh in min melh bawk.

"Sangzuala hi hetia awm tir reng i tum a mi??" ka mitah tak min en in a ti.Keipon ka melh ve char char tho."U..ani chung chang kha ka sawi peih" tih pahin ka kut chu ka la let."Hetiang ringawt a in awm chuan a tawpah natna bak intawng dawn chuang lo" Sangzuala tan zawng deuh chuan a rawn ti leh.Engtin fako in nge ka u chu thu alo fah ni heti khawp a amah a tan ni.

"Mahse u..ka chunga a thil tih pawh i hre vek a chuan tunah ngaidam turin min ti a maw??" awki san deuh hluai in ka ti.

"Chutiang pawh a nilo"

"Anih reng kha, i sawi danah amah ngaidam turin min duh tih a chiang reng" ka aw chhuah teng teng danah ka tah a chhuak leh nghal tawh tih ka hre thiam mai.

"Mahse khatiang kha lo ti mahse a hmangaih che lawm chuan ani pawh ana lutuk a sin.Engmah ati thei hek lo zu ah tuan in zan pawh sawi lo in a in zut zut mai nih hi" thaw deuh hrawih in a rawn ti.

"Keipoh ka na lo bik mi? ani natna chu i hmuh sak thei a kei erawh chu i hmu lo a maw??" tap aw lek lekin ka ti.Ani pawn beidawn hmel zetin min en, a tawpah a rawn thaw chhuak leh hawk.

"Lo kal teh" tih pah a kut rawn pharin min rawn kuah nghal.Keipona awmah hmai phum in nghet zetin ka kuah.Chumi rual chuan ka tap nghal kerh kerh.

"Mate tap lo la..kan naute tap hi hmuh hre awm ka ti nia.Chumi vang chuan tap suh le.." ka samah rawn chulin a ti dam dup.Keipoh ka tah nuih deuh hawk naute ang mai a min chei bawl tha leh chu ka nuih a za ang reng.

"Lem..bang tawh rawh chuan khatiang lam kha chu kan sawi rih tawh dawn lo nia" tih pah a ka mittui lo hru in min nuih sang, keipon ka nuih ve suk.

"Anih chuan mu tawh rawh" tih pahin a tho nghal."Mahse u..Usarah te in ah i kal lo nih chuan naute leh Usarah khan an lo ngai che nga sin" ka lo ti nghal vat."Keipon ka ngai lawm mahse zanin chu zu ka in ve tlat a, zu rim nam a naute leh a nu hmuh ka duh lo" ti a nui sakin a chhuak zui nghal.Ka u thin hi chu aw..ti nauh nauh in ka mu tha mai.


Mahse Liansangzuala kha a haw tawh ngem? mahse ka u in khatia a rawn tan lutuk kha ka ngei vek.Ka thinrimna a ti zual sauh in ka hria.Chumi vang chuan engmah ngaihtuah lo in ka muhil nghal hmak.




_________________________________




Vawin pawh dawrah lamah kal rih ka duh lo.Khapa reu reu kha alo kal leh lo ang tih tunge sawi thei? chumi vang chuan in ah Muanzova lo awm mai mai ila a tha ang.

"Morning" choka rawng ka lo bawl tur tur chu, thei leh thei lo a rawn lutin a rawn ti.

"Awi..i va tho hma ve??" ti ta zawk daih in amah puih tum chuan ka va pan hnai nghal.Ka kut pawh a lo vuan ve chat, a ding leh reng ringawt.Mahse chumi chu hre lo derin chair chu ka pawt chhuak nghal.Ani pawh a rawn thu thla ve nghal mai.

"Thingpui nge coffee??"

"Amm..thingpui" ngaihtuah ve ni awm tak a ti nauh nauh in a rawn ti.

"Okey..a hang nge a thlum?" a rawn nui chhuak hak.Keipoh ka nui ve tho, mahse engmah sawi tawh lo in thingpui chu ka siam sak nghal.

"Ei rawng i bawl ve thiam em ni??" a rawn ti, a thu sawi danah pawh min awi chiah lo nih hmel, ve mai mai a!

"Ka thiam loh mi i rin? keimah vekin lawm bawl thin" mahni in chhuan hmel zet a tiin a hma ah chuan no ka va dah nghal.

"I hmelah hi chuan 'Min cho mi?' tih hi a lang reng ringawt." nui tut tut in a rawn ti.

"I hmelchhia!" ka ti ringawt.Chutiang em em in ka meng rum reng bik lo, min hmuh dan mai mai chu!

"A hrim hrim ah i ke na khan tawng duhna a keng tel mi a??" ka ti leh nghal.Ka thu sawi awmzia a hriat loh vang nge a thingpui chhem lai chu tawpin min rawn en nghal chat.A mit min la san khum zeuh zui, ka chim awm chhuah in a tih ang chiah in ka mitko ka lo san khum ve.

"Sual thiam reuh lutuk, enge awmzia?" a rawn ti tel nghal zat."Engmah" ti leh duh chauh siin ka kal nghal daih."Chimawm dan hi chu i thiam ve maw le" tih pahin a rawn nui leh hak.Keipon hnung lam atang a ka kuttang v sign hmuh in ka nuih ve hak.




*




Mahse vawinah ka pa ngei ngei in Kolkata ah a kal a ngai leh si a.Ka nu in air-port thleng a va thlah.Kei leh Muanzova chu in ah kan lo awm ta ngawt.


Tukin zing ka zawh ang deuh in a ke na khan tawng duhna a keng tel deuh ani mahna a tawng ve duh par par hle mai.Keipoh ka tawng hman mang lo ka tawng ve hlek lahin min lo fiam zel mai bawk sia.Tum burin kan in melh leh rawm rawm mai lawm.


Mahse amah chuan a hma te kha chuan ka zak ve lawm a rawn ti nih chu! ka awi loh lutuk vangin amah chu ka nuih vak vak ringawt, mahse a lawm vak lo nih hmel a tum ve bur bur.Chumi chuan Liansangzuala bawk min hriat chhuah tir, naupang ang mai a a tum ve bur bur lai kha.Ka hriat loh lai anih ngei ka ring ka lo nui ve suk.

"Christy..??"

"Hah.." amah pawh en lo in ka hma mi melh ngawt ngawt in ka ti."I ril atam em?" ka mit khap in ka nui chhuak hak."Ngati nge..??" la nui reng chungin ka ti."Aw..i ril atam takin" nui ve duh miah lo in a rawn ti."Tam chuang nang" tum deuh burin a hawi sawn.

"Ngati nge i ril a tam a mi?" phur deuh in min rawn en nghal.Chumi rual chuan ui ang mai in a lu chu a bu nghauh nghauh.

"Tikhan ti suh"

"Maw?"

"I lu kha tikhan bu suh" hawi sawn in nuih insum deuh in ka ti.

"Engvang chuan maw?"

"Ui i ang lutuk" ka hmui hupin ka nui leh nghal uar uar.Mahse chutia a ang ka ti chiah chu a lawm lo leh chiang a ningei tur ni min melh leh vak vak.

"Ok..ok..i ang lo chuan in hnuaiah chhukin thil eitur zu siam ang" la nui reng chung a tiin ka kai tho nghal."I sual thiam ve hle mai" ala ti ve ang chat chat.Mahse ka nuih reng tho, ka vawn mekpa lah chu ala tum bur tawh mai bawk sia.


"I ril atam te chuan sawi mai la" a thil ei lai chu en rengin ka ti sep.

"Chutiang" ati ringawt.

"Hmm..nge?" mahse min chhang tawh lo in a ei mial mial.

"Muanzo..??"

"Ummm"

"Ka bula i awm hi ka lawm lutuk aw.." thu tak zet leh ka rilru leh tih takzetin ka ti ni tih a hriat nan amit ah tak ka melh.A thil ei lai chu tawpin keimah chu min rawn en nghal chat.

"Enge i sawi awmzia??"

"Ka bula i awm hi ka lawm tak zet.Nang ka bulah awm lo lang chuan tunah te hian hre awm ti takin ka awm awm si a" hnuai lam ka bih leh nghal daih.Ka nat dan ngaihtuah phei chuan tuna ka hlim thei leh min ti hlim thei hi a mak tak zet.Ka rilru na zawng zawng theihnghilh thak khawpin lawm le min nuih tir le.Chumi bak bak chu a awm thei tawh lo ang, chuan ani hi ka ngaina tawh tak zet.


"I rilru leh tih tak zet a i tih ngei ka beisei" ani pawn a rawn ti cool ve ruih.

"Hah..ka tih tak i ring lo em ni?" nui hakin ka ti.Ani pawh a rawn nui ve leh tho.


Ka nu lo haw hnu in Muanzova pawnah a chhuah harh pui a.Chumi chu in chhung atangin ka lo en char char.Hetiang hian rilru thaw veng deuh in awm thei ila ka ti tak zet.Engmah ngaihtuah lo a awm hi a nuam.


Hun pawh alo kal ve pheuh pheuh a, dawr lamah kal erawh ka tum lo.Mahse Umama te inneih na mi tur in buatsaih a ngai a.In ah pawh kan buai ve thei khawp mai, Umami lah inneih dawn tepah ka lo haw ang ala ti chauh mai bawk sia.


"Bawihte dawr lamah card hi i sem ve dawn em??" ka u te inneih sawmna card rawn keng tun chungin a rawn ti."Ka hre lo le..keng ve hrim hrim ila" ka ti mai."Anih chuan tah hian ka dah nga chuan i hna kal pahin i keng dawn nia" tih pah chuan centre table chungah a dah.Keipon ka kekawr hak ka lo siam tha mek, ka duh aiin ka jeans hak hi a tawt.


Vawin ni chu taxi in kal teh ang, bike a kal reng pawh a dik lo.Kan dawr kawtah chuan dingin pawisa pe in ka chhuak nghal.

"Zamzam lo kal lawk teh" a chhung ka luh rual a au in ka hui nghal, ani pawh a rawn kal ve mai.

"What?" a rawn tih dan te tawl vang chuan ka nui chhuak hak.

"Kha hei hi ka ute inneih sawmna card ania i lo kal ve ngei dawn nia" tih pahin card pakhat chu la chhuakin ka pe nghal.

"Awi..chutia law? min sawm ve chu ka van lawm min sawm pawh ka ring lo sin" phur deuh a rawn tiin card chu a ban nghal.

"Chuan kha hei hi midang lo sem nghal la" a vai a phawrh in a kut ah chuan hlan ka tum.

"A chi nang nangman sen rawh, i tih tur zawk lawm" a lo ti vat.

"Ngati maw??"

"Nangman sem zawk rawh, kei chu ka kal leh tawh ang" tih pahin a kal daih.Ka chalsam chhem phir siau in ka thaw hawk.Midang chu panin ka sem zel, kan sawm ve an ring lo nge mak tih hmel deuh deuh in a then in min lo en.Customer thenkhat pawn min lo fiam in ka sawm leh sawm loh min zawt.Mahse card pe chuang lo in tawngka in ka chhang, an la nui deuh tut tut zui.


Ka sem zawh hnu chan in chungah chho in ka thu leh rih phawt.Chumi rual chuan ka phone ari leh nghal zat.Caller id ah Muanzova hming a rawn lan rualin ka nui nghal sak.


Mahse lunch ei pui ah min rawn sawm tlat,,ka peih loh vangin nakinah ei dun ah kan khek.Ani pawh a dam tha tawh khawp mai kan in a, a awm chhung khan kan in ngaina ve hman tak zet.Keipon u ang tak tak in ka en mahse ani min en ve dan erawh ka chiang lo.Mahse nau angin min en lo tih erawh ka chiang mahse ka hre lo der hmak.


In hnuaiah chuan chhukin counter a pawisa vel chu ka en fel, ka din na lamah ka ke pawh a na vek tawh.Ka dar a min rawn beng thek thek tu an awm vangin ka hawi chhuak zawk.Hlute in min lo melh kuau, chumi rual chuan ka hnung lam chu a melh kawk.Ka hmui phunin thil awmzia ka zawt, mahse a mitko min san khumin hnung lam bawk a melh.


Hrethiam lo zetin ka hawi phei ve.God!! ka hawi sual chiang lutuk, rang lutuk in hma lam ka hawi leh nghal chumi rual chuan ka kut chu ka hum vak.


Liansangzuala bawk kawngka bula lo dingin min lo melh leh kuau tawh nih chu.Engtinnge ala rawn kal ngam zawk? zak lo lutuk mahse hre lo ang in ka awm nghal hmiah.Mahse ka thil tih lai pawh chu ka ngaihtuahna ah a lut thei tawh lo.Chuan ka tawng chhuah pawn enge ka sawi ka hre lo, ka tawng bah deuh nawk ni mai in ka hria.

"My boy.." tlemah ka thil ken ka thloh lo chauh lawm.Saw tah a awm maw tih laiin ka hnung lawkah alo awm chu! mahse ngaih sak lo zetin ka thil tih lai chu bihin Hlutei chu ka be lui char char.

"My boy.." a rawn ti thawp leh ta sap.Chutah lem tawng loh theih ani ta lo.In herin amah chu ka en ta chat.Ani pawn thuk em em in min lo melh nghal.Mahse hmanni mi ai kha chuan a that hmel tawh zawk, a hmel nguai lutuk leh chauh hmel lutuk pawh kha a awm tawh lo.Mahse nidang a hmeltha tak thin pa em em mai kha chu a tluk lo.


"Hmeichhe kawr zawrhna hian enge rawn tih ve i tum??" pangngai zet mahse amah huat hmel zet a meng ling hlar in ka ti.Mahse cool ruih in min en char char thung.

"Nge ni a i bialnu kawr tur i rawn lei sak dawn?" keimah min melh reng chungin a rawn rum hak.Mahse ka kut kuangkuah tha sauh in amah chu ka melh ngur.

"Kan in be lawk dawn mi??" ati zawi deuh sap.

"I hmuh ang hian ka hman lo, chuan thil lei tur i nih loh chuan chhuak leh tawh rawh" tih pah a in herin ka lehkha ken chu ka la leh nghal zat.

"Lei tur chu ka nei lawm" a rawn ti ve nghal.Mahse hlauh thawnna vang anih ngei ka ring ka thin a rawn phu leh nghal dut dut.Emily kawr tur chu em ni rawn lei a tum? tinge kan dawrah kher? min rawn tih nat a tum leh vang bak a nilo.Ka va han ngei buan buan tak em.

"Anih chuan va en la ti nia" amah pawh en duh lo in ka ti ve hmak.

"Ka en reng lawm" enge a thil sawi awmzia? ka hre lo chuan amah chu ka va en leh vat.

"Enge i hriat a?" ka ti ta daih.

"Nangmah hi ka lei dawn che" kiai deuh suk a rawn tiin min rawn pan hnai nghal.

"I van zak lo! ve mai mai a che! zawrh lai pawh ka nilo" tih pahin min rawn kuah tumna chu ka lo vai ve vak vak.Mahse ka kawngah a ban rawlh lutin a awmah min pawt hnai deuh salh.

"Mahse ka lei duh che lawm" tih pah a rawn kun hniamin ka hmui bul chetah a nui hak.A rim pa lutuk tak mai zun nei em em si leh a thaw fresh zet chuan ka thluak thleng chho vatin min ti mur chuai chuai mai!

"I zak lo nih chu! min thlah nghal rawh, heti hian min rawn ti ve ringawt suh" a awmah chuan chum vak ka tum mahse mi in insual emaw min tih ka hlauh vangin a ruk thei ang berin a awm chu kawr chhanah ka sik vak, tang tungin nia ka sih ni.Mahse amah ah engmah thawhna a neilo tih hriat zetin a rawn nui chhuak duh chauh.

"Hmela min thlah nghal rawh" a khabe hnuai a tang in ka han bih chho tawp.A khabe hmul erawh a la ziat fai lo deuh nge a la buk chhup mai.Mahse amah ati lang pa daih zawk ka ti.

"My boy.."

"Kiri.." a thu sawi danah a cool in a mood teh reng nen pawr deuh a ka lo chhan vangin ril em em in a rawn nui chhuak leh nghal.Tum burin ka lo melh leh nghek.

"Ka ngai che" a nui hmel mawi zet chu reh tial tial in ka mit ah thu tak zetin min en.Amah en reng chungin ka chil ka lem deuh khalh.

"Ka ngai che chuan ka bulah awm rawh" rawn ti tham deuh tuak in a rawn awn hnai deuh chat, kei erawh che thei lo in amah chu ka lo en tlawk tlawk.

"He i taksa hi ka ngai ka ngai takzet, chuan maw i tello a awm chu har tak a ni.Hrem hmun nen danglamna a awm lo" ril zet a rawn ti leh in a biangin ka bek vel chu a rawn nul.Mahse a khabe hmul buk zetin a ka hmai vun nem lai a rawn tawk chiah chu thip deuh sep sep in ka tek deuh chhawk chhawk!! keipoh a awm dan vang chuan thaw tha thei lo in ami tawhna chu ka lo feel nghal vat.

"Ka ngai che..chu chu i hria tiraw..??" tih pahin min rawn nawr na zual sauh, a hmui pawh a hmang tel tan.

"Min thlah rawh.." ka aw pawh ari chang chang, ka hrawkah hian min hnawh nge min pawt ka hre lo.

"Chu chu ka phal ring suh, chuan maw nang hian min ngai ve tho ani tih min han hrilh teh" ti leh nghal chatin a hmui nem zet lum deuh hiam chuan ka beng kawm chu a rawn fawp tawk.Mahse ka chhip atang a ke hmawr thleng a tek deuh chhawkin Liansangzuala chu a awmah ka nam nghal dawr.Ani pawh a takse che hauh lo in a hmui chu a la sawn.

"Min..min khawih suh, mi zingah heti hian min ti reng reng suh" ka duh aiin hepa khawihna hi ka feel mah mah chutiang bawkin ka aw pawh a khur ru der der chu erawh a hriat loh hram ka beisei.

"My boy.."

"Ai..min thlah rawh, nang hi hmuh leh che ka duh tawh lo chutiang bawkin min rawn hmuh tum tawh suh" ka kut a in dangin ka ti leh.Ani pawn muang changa a kut la sawn in a rawn thaw hawk.Chutia min thlah chiah chu ama hlatah ka awm nghal vat.

"Liansangzuala ka chung a i thil tih kha i hria em? khathil kha engtikah mah ka theihnghilh tawh lo ang chutiang bawkin ka ngaidam ngai lo ang che" ka aw pawh chu chhuak deuh chang chang mahse amah ka melhna leh ka sehchilh deuh na ah chuan ka tih mai mai loh zia a hriat ngei ka beisei.

"Mahse i tello in ka awm thei lo, chumi chu i hria"

"No..ka hre lo, ka hriat zawng chu nang hian ngenna vang chauh a min ngaizawng tih hi" a thu sawi lai lo pawt chatin ka ti nghal that.Min melh nghal vatin a chhip sam buk lai chu a tuai chho deuh puat, chutah thil sawi tum ni awm tak a rawn ang, mahse a tawp leh chat.Chutah ka lo melh ngurna chu beisei nei zet leh natna tuar ani tih hriat zetin min rawn en.Khitiang a natna leh tawrhna a mitmeng a ka hmuh sak ang hi ka mitmengah hian a hmu ve lo em ni? kei chuan a na tuar lai te, hlim lai te, hre awm ati lai te engkim ka hria in ka hmuh sak vek thei.


Kei erawh chu a hmu ve lo nge a hmu lo der? hmu chu nise hetia min rawn pawng nawr vak vak lo hian hun thawl min pe ngei ang.Mahse chumi chu tilo in amah natna chiah hria a chuan heti hian a rawn ti nih hi!!

"Ka hmangaih che" kan thu sawi in millo leh in perhsan lutuk chuan ka nuih pawh ti za lo in ka thinrim zual sauh.Kha thu kha rawn sawi tei vet pawh a tullo, ka ring lo.

"Ka rin che chu in beisei suh" ka nui ro tel nghal hat.

"Min rin leh rin loh ah ka buai lo.Mahse ka hmangaih che, chuan nangpawn min hmangaih" aw chang fek fawk leh amah ani tih hriat zet a confi in a rawn ti.Chutianga zamna a neilo lutuk leh a rawn sawi dik lutuk chu ka haw so buan buan.

"Zahna te hi i nei ve lo em ni??" sawi tur ka hre lo chuan ka ti ta tawp.A chhan chu a thu sawi ah khan dawt a awm miau lo.Kei hian ka hmangaih ngei a lawm, ani pawn min hmangaih chu ka ring mahse ka ring ngam chiah lo ni.

"Ka sawi chu a dik" khauh fak in a rawn ti.Chutah zam lo lutukin min nuih suk.

"I sawi dik ka hmangaih che mahse tunah chuan khang hmangaihna zawng zawng kha huatna leh thinrimna ah a chang vek tawh.Tunah tak hi chuan nang hi maw ka haw so bawrh bawrh che" a awm zawnah kut chang va kawk fawk fawkin ka ti.Ka bulah tunge lo awm, tu in nge min lo en chutiangah ka buai peih tawh lo.Hepa hi zilh deuh hlak a ngai.

"My boy.."

"Sawi tur i hre na nge? a tha lawm.Chutiang anih chuan ka duh ka sawi zo tawh chutiang bawkin nang pawn anih chuan kal tawh rawh, i rawn kal leh loh hram ka beisei" tih khum leh hrepin ka in her daih.

"My.."

"Min lo hrethiam lawk, hemi kawr hi a rawng dang a awm em??" Sangzuala tawng rual chiah a rawn ti anih vangin ani pawh a tawp daih.Customer lam chu ka va hawi nghal.Kawrfual sen hi alo khai lang va.

"Umm..awm e eng rawng nge i duh??" nui sang a tiin ka va pan nghal.Sangzuala erawh a ding khawng leh reng tawh.

"A dum hi a awm em??" a bul ka thlen rual chuan alo ti nghal."Umm hetiang chiah chiah hi maw?" ti leh in a kawr chu ka lak sak.

"Umm"

"Anih chuan lo nghak lawk" tih pahin inchung lam ka pan.Ka mit sirin Sangzuala ka va melh hram, a hmai tuai chho puatin a kawng alo dawm.Inchung lam chu hawi in ka nui suk.


Store room ah chuan lutin ka kawr ken ang chiah chiah chu ka zawng.Mahse a dum tak alo awm tawh lo nih hmel, a colour dang chu a duh takin tiin ka keng thla tel ve hrim hrim.


Mahse in hnuaiah chuan Sangzuala alo awm tawh miah lo.A lo kal ve tawh te pawh ani mahna, a tir atang khan kal ve nghal mai tur nia.

"Hetiang hi chu a dum a awm tawh lo, a rawng dang hi i duh mai em??" min lo nghak reng tu bula dingin ka kawr ken thlak ho chu ka en tir.Mahse a hmelah chuan a duh vak lo nih hmel, ei loh hmel zetin a en kual dan dan.

"Anih hemi i rawn ken chhuah ho chiah hi mi in neih tawh??" a rawn ti leh, ka lu chu ka bu zeuh."A..anih chuan a dang kan en leh mai nge" ati ta daih, amah pawh a in thlahrun ve hmel em vangin ka nuih lui sang.


Mahse pawn lam chu thei leh thei lo in ka va bih dek dek.Liansangzuala kha a kal ta tak tak emaw ni le? a pawi lo ka ngaih ven na chhan tur ka hre lo.Tikhan kal hmak rawh se!


Hun pawh chu alo kal chak ngei mai lunch ei alo hun leh der tawh.Mahse tunlai chu engmah ei ka peih rih lo, in lamah pawh ka ei vak lo.Chumi vang chuan egg roll te ka chah, chumi pawh chu ka ei peih teh chiam lo.


Tlai thleng chuan kan buai ani deuh ber mai, vawin ni hi pangngai tak a hna ka tan leh ni ani bawk sia.Tlaiah Muanzova'n kan in ah chaw alo ei dawn avang in min rawn lam tur thu a sawi a, keipon ka lo nghak ve mai.Ka lo nghah pah chuan dawr ka awm loh chhunga an bungruah lo lak luh leh pawisa an lo hman dan vel chu ka en fel.


Pawn a horn ri ka hriat rual chuan ka che nghal chat, hmanhmawh zetin pawnah chuan ka chhuak nghal.Muanzova car lo ding reng leh a chhung a lo thu nui kur chu ka va hmu nghal, ka nuih ve tawp.A kutin min rawn hui nghal.

"Lo chhuak ve mai la.." ding tha sauh a in kuangkuah in ka ti.A lu a rawn thing ve vual vual.

"A hmanhmawh thlak loh lo chhuak ve hrim hrim rawh" ka la ti tal.Chumi rual chuan a glass ah chuan rawn dak chhuakin a tlai tawh thu a rawn sawi.

"Anih te chuan min lo lam vat ta che" ti tum hmakin dawr chhungah chuan ka lut leh nghal, ka bag vel chu la in dawr chu ka kalh fel leh phawt.Chumi hnu chuan a motor chhunga thu chunga min lo nghak reng tu chu ka pan nghal.

"Lo luh ve mai tur che lawm" ka thut luh rual chuan tiin seat belt chu ka hreng tha nghal.

"Nute in ipa alo haw thu min rawn hrilh a haw hma turin min ti lawm" mahni thiam in ti zet a tiin a tlan chhuak nghal hmai.Ka hmui ka tih pawrh khum ringawt.Mahse kan in be char char a, vawin hna chung chang te sawi in kan nui dun bawk bawk.


Kawng laklawh ah zanriah ei kham a eitur thei ala lei tal.Pudding an lo siam sa chu lei a tum, mahse mahni a siam a that zawk thu sawi in lei ka lo phallo, keipon ka siam ve thei reng.


In pawh chu kan thleng har lo, amah a hman hmawh bawk a, ka nu hi chu a hlau ve ngawt mai.Chulo ah ka pa chu kar leh lamah maw alo haw dawn tia, alo va haw hma leh si ve.

"Nu..hei Muanzova'n thei a rawn lei kawi a" in chhung kan luh rualin ka thei kenna bag hmuh in ring leng lawngin ka ti.Mahse ka nu in min lo khap nghal vat.

"Enge..??" zawi te in ka ti ve leh.

"I pa a mu a, i ti harh ang" tih pahin min beng thawih.Muanzova pawh alo nui ringawt, ka pa pawh chu tun ang hun a han mut zanriah kan ei tep tawh a.

"A hrim hrim ah lei sa pawh kan la ngah a tinge in rawn lei teuh a??" ti ve leh nghalin ka bag khai chu min lak sak nghal.

"Muanzova hi lawm a ngai lo ka tih pawn ati lui tal a" amah melh kher in ka ti, a hnar min lo tum sak dat mai lawm.

"Nang aia upa anih kha Muanzova ti ve lawl lawl suh" ala ran ti tal.Chutah Muanzova tih ang chiah a hnar tum datin ka hmui ka ti pawrh.Ka nu in a tan chu lawm tih hriat zet a rawn nui in keimah min kawk deuh kerh kerh.'Upa mahse a mizia a naupang chhia' ka tih khum hrep dawn emaw ni zawk le??


Mahse engmah sawi tawh lo in inchung lamah in thlak turin ka chho nghal.Vawin dawr chung leh hnuai ka in kal tawn ngun deuh nge ka chawntha hi ana ngut ngut, mut vang vang ka chak.


"Nu..ka pa chu ala mu reng mi..??" choka ah ka luh rual chuan ka ti nghal.Mahse ka thil hmuh vangin ka ding leh chut.Muanzova chu a kamis kawrban a keu chin a thlep chho in a hma kilh chu tlem alo phelh.Chutah apron hring chu te tatin alo ha ve nih chu! ka nuih chhuah teuh zia chu!!

"Min rawn pui ve nghal rawh" ka awm dan hria ni awm takin a rawn ti nghal.Ka nu lah chu Muanzova awm dan enga tan mah ngai lo tih hriat zetin alo che buan buan.

"Bengchheng lo khan rawn lut rawh" ati ringawt.Mahse an hnung lam atang chuan ka nuih kerh kerh ringawt.

"Enge ka lo tih ve dawn a..??" nuih la za zet chungin ka ti.Muanzova'n min rawn melhin a mitko min san khum, mahse ka lo nuih ringawt.

"Antam kha rawn sil rawh" in ti thu zetin a rawn ti.

"I thu lo" ti kherin ka nu bulah ka kal daih."Nu..enge ka tih dawn?" a darah va kuah pahin ka ti leh nghal."Aw..Muanzova'n a sawi kha..antam saw la la, lo silfai rawh" gas a, a thil chhuan chawk mawlh mawlh in a rawn ti.Chumi rual a Muanzova in ti thei lutuk chu ka van ngei tak.Tum burin dawhkan a antam plate a an lo dah chu ka va la nghal.


Tui dehna lam a Muanzova awmna ah chuan ka va dah deuh chawrh.

"A tirah khan ti that ve mai mai tur che nia" ka bengbulah chuan nui chungin a rawn ti nih chu.

"I tho ve!" ka lo ti nghek.

"Bawihte i tawngkam hi a mawi lo thei lutuk" ka nu pawn min lo zilh leh ta, mahse hepa bulah hi chuan tawngkam hi ka uluk thei thlawt lo."Kha kha ni mai" chutia tan tu a neichu a rawn in ti thei ngei mai.Ka chhang let ngam tawh bawk silo chu, ka melh rawm rawm ringawt.


Mahse chutia thil kan sil dun char char lai chuan a mawng sang deuh chuan min rawn nek anih chu.Ka sir lamah ka perh deuh nawlh a lawm.

"Hei.." ring deuh a tiin ka tawlh hnai leh vat.

"Bawihte i pa a mu ka tih kha" min melh chuang miah lo in a rawn ti.Ka kawng dawm in ka chalsam ka chhem pir siau.

"Min cho mi a??" ka han melh chho haw.Mahse min tham loh hmel zetin min lo nuih duh chauh nih chu.Ka ngei chiang lutuk tlat.

"Hmelchhepa min cho ve khang lang maw??" tih pah a tawlh hnai sawt sawt in ka va nek ve vak.Mahse a che keuh ringawt anih chu amah lah chu za em em in a rawn nui chhuak.

"In va mak e aw..!! bengchheng su i pa lo thlenna ala rei lo ka tih kha" ka nu pawn vin lek lek in a rawn ti.

"Nu..Muanzova hi lawm, keimah chiah min hau suh ani pawh hi hau ta che" thinrim au ring ngam chiah silo in ka ti ve nghal pang pang.

"Chutiang pawh a nilo in in pahnih khan bengchheng tawh su" a rawn ti leh.Chumi rual chuan Muanzova chu lei ka han chhuah khum zeuh.Mahse ari hauh lo in a rawn nui nih chu, alu pawh a la thing vuai vuai zui.


Umama alo haw tlai deuh avang leh ka pa kan kaih thawh lawk duh loh vangin zanriah pawh kan ei tlai.Tih tur hre lo in choka ah kan thu char char mahse Muanzova nen kan in bei reng ringawt.Ka nu pawn kan sir a lo thu in min lo khak ve char char.


Ka pa chu a mu rei bawk a, zanah a mu lawk thei lo a.Chumi vang chuan Muanzova pawh haw phallo in a chelh lui char char.Mahse thil hriat belh kan nei tal lawm.Muanzova'n a mizia alo thup hneh zia chu, fiamthu a duh in a tawng duh parh parh khawp mai.


Alo len tirh te kha chuan a ngawi reng a, a changin a rawn tawng ve leh zeuh a chuan a nui tlem hle bawk mahse tunah chuan nui duh tak a ni.Amah lo ang takin fiamthu thawh pahin a nui ve char char.Ka nu leh pate pawn an nuih pui nasa kher mai chutiang bawkin kei ngei pawh in.


Khami ni atang a ka nuih leh na nasat ber tum a ni ang.Zan rei tawh ah pawh kan nui uar uar mai lawm.Ka nu lah hian alo tawm pui ve thei zel sia.


Mahse zanlai a hnaih tawh vangin loh theih lohna vangin kan in thlah a tul.Ka nuten riak turin han ti ve teh mahse tlangval te alo nih ve na ah a mawi lo ati ve tlat.Pawn thleng thlah tum chuan kan in zui chhuak.

"Anih muttui aw.." tih pah kawngka khar leh mai ka tum chu, min pawt chhuak anih chu.

"Engthil nge i tih??" tawlh hnung leh nghal vatin ka ti thawt.

"Gate pawn thleng saw min lo thlah rawh" min nuih tel deuh sakin a rawn ti.

"Na..ka peih lo a vawt si" tih pah a in kuah khawmin ka in tuai vut vut.

"A rei lo ang" tih pah a ka dar a min rawn kuah in min kal pui lui."I va han zak lo!" ka ti ringawt.Min rawn melh chhukin a nui leh ringawt.


Mahse pawn kan chhuah rual a ka thil hmuh vang chuan ka ding chut.Muanzova pawn min rawn en nghal vat.Mahse kan hma lawk a car lo ding thim khup chu ka melh reng.A chhung thim in engmah hmu thei lo mah ila tunge ani tih ka hai lo chiang.Chumi mai bakah ka thin chhung a mi in awm ngaihna alo hre lo leh nghal der tawh.

"A vawt chu iti tak tak em ni??" min rawn en vang vangin a ti.Amah pawh chu ka melh vat, mahse ka mit sirin car lam chu ka la melh tel hram.

"A...ih ai..vawt tilo.." tih bah nawk nawk in car lam chu ka va melh leh."Anih chuan heti lai thleng hi ni mai rawh se" a man rawn tiin a kut chu min vai leuh.Keipon ngaih ngam chiah lo in ka nuih lui hram.

"Anih chuang mangtha." tiin ka kut chu ka vai khum ve zeuh.Rawn nui sukin a car dahna lam chu a pan ve nghal.Kei erawh che sawn thei lo in Muanzova kal liam tur chu ka en reng, mahse ka mit sir in car lam bawk ka melh leh, a chhungah sawn awm in min lo melh ve reng a ngem? chuan engtik atangin nge alo awm tawh?? a awmna a rei tawh ngem? nge ni a amu thlu zawk?? hlau thawng ru zetin ka va en dek dek.


Muanzova'n car chhunga awm chung a min rawn auh leh vak takah chuan che deuh that in ka hawi leh nghal.Lut tur a min tiin amah pawh a tlan chhuak nghal.Keipoh luh chu ka duh lutuk mahse min aikaih deuh tlata nih chu!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » November 8th, 2020, 2:51 pm

Changes By Changes



CHAPTER - 29



BY Lalmatei Cck




ZANIN CHU KA RAWN IN THLAHRUNG LO RAPSS..😁😁 A CHHAN CHU NIZANMI AI NENKA LO DAH THUI LUTUK A☺☺😆😆


MAHSE TUNLAI KA PHONE IN MIN NUAR KHUM A KA TYPE THEI LO.TUN AMI PAWH HI A RUK A FATHER PHONE A KA RAWN TYPE ANIH HI.😅😅😅

MAHSE REGU MINTIH A PIANG HIAN KA REGU THEI LO CHUMI VANG CHUAN REGU MIN LO TI TAWH LO MAI RU...🤧😏🙃🙃




Ka chhungril lam na mahse pawn lamah tih lan ka tum viau lo.Ka awm dan zawng zawng ka thlak leh vek a ngaih hmel.Keimah a awm tlawk tlawk te bansan ka ngai a, chuan hmeichhe chak lo ang a awm kha ka bansan a ngai bawk.


Ka no thlakin Liansangzuala sulhnu engkim tih bo vek ka tum.Amah min hriat chhuah tir thei tur chu paih bo vek ka duh.Ka pawn lam lan danah hian ka na lo ani mai thei mahse ka chhungril lamah hian min tham ngawt ngawt chumi chu a hre awm zawk.

"Bawihte dawrah chuan i kal peih dawn maw?" full mirror a ka lo in en leh vang vang lai chuan ka nu in a rawn ti, ka harh deuh zawk in ka hria.

"Umm" tih pah chuan ka lu ka bu vak.

"Mahse la chhuak rih lo la pawi ka ti vak lo, i cher mah mah chuan i zo lo mai ang tih a hlauh awm" a thil sawi chu min ngaihtuah vang ani tih ka hria, chuan hetiang a min ngaihtuah tu ka la nei hi ka lawm tak zet.

"Nu..ka tlin em em ang i fanu duat lai ka nih kha ka tuar chhuah theih nang pawn i rin ve tho kha" tih pahin a bulah chuan ka va ding, a darah chuan chelhin ka kut chu ka hmuh zeuh.Chumi rual chuan a rawn nui chhuak hak, keipon ka lo nuih ve mai.

"Ka fanu duat lai kha ini miau a, anih chuan Muanzova ka tlawh zawh ah ka lo kal ve dawn nia" a rawn ti nghal.Lu buk khum pahin ka kal sawn nghal.Ka sam pawh alo sei chak ve tawh hle mai, ka beng hnuai a thleng tawh lawm.Mahse ka duh aiin a buk chumi mai bakah ka in hmeh teh chiam lo.


Pawn ka chhuah rual in kan garage chuan ka mit ala ta zar mai.Muang changin ka pan phei, chutah kil khat a ka bike lo ding vang chu ka en nghal vat.Ka en deuh vang vang hnu chuan ka nui suk, keimah ah khalh chakna a rawn awm nghal.Ka insum leh thei dawn lo tih ka hriat a vangin a rang lamin ka va pan nghal.

"Alo rei ve ta hle mai, vawin chu ka bulah hun hmang rawh aw.." tih pah chuan helmet chu ka ban nghal.Ka in khalh chhuak nghal zat bawk.Mahse nidang ka speed lo ang takin a hniam deuh ruih, chumi chu ka duh a nuam tawk chiah.Ka ngaihtuahna te chu a thlawk delh delh chuan buaina zawng zawng a thlawh bo pui tel nghal.Kar engzat nge ka room ah ka in khung ka hre lo, chumi vang chuan pawn boruak vawt deuh ruih chu a nuam ka ti tak zet.


Mahse engtinnge Liansangzuala kha a awm tak zel ang le? hmanni deuh atang khan a reh ta vawng vawng a, kan in kawtah pawh alo kal tawh ngai lo.Mahse a tha ka ti fu, amah ka theihnghilh theih hma deuh nan pawh.Mahse amah hi haw viau mah ila nikhatah amah chu vawikhat tal ka ngaihtuah thin, chuan a changin ka lo nui leh suk thin.Amarawh chu ani ngaihtuah loh hram hram ka tum, ani ka ngaihtuah reng anih chuan ka tan theihnghilh a harsa mai mai ang.


Dawr kawtah chuan ka bike chu park in a chhungah ka lut tlang nghal.Ka lut chiah chu a hma a ka lo chet ve hrepna ni tih hria in ka ngaih zia ka hre chhuak nghal.Lut tlang lawk lo in kan en kual dan dan phawt a.

"Awi..Christy nang maw!!?? ilo kal leh tawh dawn em ni??" Zamzami chuan mak ti tih hriat zet leh awi loh hmel zetin a rawn ti.A rawn au rin deuh a vangin midang chuan min lo en nghal thup.

"Umm..ka lo tel tawh dawn nih hi" nui sang a tiin ka pan phei nghal."Kan lo ngai tawh lutuk che sin" tap aw zet a rawn tiin min lo kuah, chutia min lo ngai ve ni tih ka hria chu ka lawm ve ang reng, a hnungah chuan nghet zet a vuanin ka kuah deuh tawk.

"I nu khan ilo la kal theih loh tur thu te kha alo sawi sia"min la kuah reng chung chuan a rawn ti.

"Nia..mahse ka tha tawh a ka lo kal nghal vat, ka ngai tawh che a" a bengbulah chuan zawi te in ka ti.A awi loh lutuk vang anih ka ring, a rawn nui chhuak hawk."Awi..i van sual min ngai awm lo em mai" amah nui uar uar chung chuan a rawn ti.Ka nuih ve ringawt tawp a lawm."Ilo kal duh lo lutuk a customer pawh an lo lut tha duh lo" rawn tum leh thutin a ti, kei ang chiahin a mizia a thlak ve zung zung a nih hi.

"Chutia law..anih chuan hei ka lo kal tawh bawk a, an rawn lang leh chur chur mai ang" nui chungah ka tih takah chuan amah pawh a rawn nui ve leh tho.Chumi hnu chuan in thlahin keipoh inchung lamah ka chho nghal.Washroom ah lut leh phawt in ka kut chu ka sil.Ka hma a ka hlim thla lo lang chu uluk zetin ka en.Ka mit hnuai a val deuh kulh pawh duh aiin a la lang.

"Remruatfel i tuar chhuak thei, mipa vang a tah kha a tul tawh lo.Chuan ani kha chu theihnghilh hmak rawh" ti a in fuih in ka chhuak leh nghal.Room chhungah lutin ka bag chu ka dah phawt, vawin atangin hna ka tan leh dawn chu ani si maw, ka han in sang mar deuh phawt a.Chumi hnu chuan in hnuai lamah ka chhuk thla leh nghal.


Ka in ngaih bel vang nge midang chuan min en deuh hrek hrek ni mai in ka hria.Mahse ka notice teh chiam lo, an nun ah ka buai lo a ka nun a an lo buai ve chhan tur ka hre lo.Thawmhnaw ho chu ka en kual diat diat ringawt.


Ka phone rawn vibrate leh chur churah chuan dingin ka kekawr ipte chu ka zu zen nghal.

"Nu..ilo kal tawh dawn mi?" phur zetin ka ti.

"Bawihte ka lo kal leh lo mai ang, hei Muanzova kha vawin a in check-up tir ni alo nia, ka kal pui leh mai a ngaih hmel" ka lo phur ve teh reng nen min rawn ti hnual nghal vek."Bawihte a pawi viau em?" in thiam loh hmel zet chuan a rawn ti.

"A pawi lo nu, damdawiin a kal chu a pawimawh lawm" lawm lo ang deuh a lan kha ka duh lo chumi vangin ka aw pawh ka ti zang deuh vah.

"A that hloh chu, hei Muanzova hi a in thla hrung lutuk a nangmah rawn lo che chuan ka kal pui a duh lo a" nuihza aw deuh chuan a rawn ti.Keipoh ka nui ve suk mai lawm, chutia min hlauh hmel lutuk chu ka nuih a za ve ang reng.

"Muanzova chu lo hrilh la a pawilo a ho lutuk a mah kha a pawimawh ber chumi chu hrilh rawh" nui ve vakin ka ti, mahse chutia khi vur chung a phone ka lo hman lai chuan kawngka a lo lut ka hmuh vangin ka tawp chut.Jacqueline chu hmanhmawh zetin alo lut nghal nih chu, ani pawn min rawn hmu ve nghal vat, ka nu in a min rawn chhan let na pawh ka hre lo, ka bing leh muai muai tawh.

"Nu ka dah rih phawt" tih pah chuan ka phone chu ka off daih.Jac pawh melh rei duh lo in inchung lamah ka chho nghal.Ka tlan chho deuh dawr dawr mahse step ka chhoh dawn a Jac min au chung a min lo
zui ve ka hmuh rual chuan a aia chakin ka tlan chho nghal.

"Christy.." room chhung luh ka tum, kawngkhar hawnna ka vawn rual chiah chuan ring zetin a rawn ti, keipoh loh theih loh na vangin ka ding ve chut.

"In be lawk ang, a rei lo ang" a rawn ti leh nghal.Mahse chhang lo in luh nghal mai ka tum mahse min rawn auh leh vang chuan ka ding leh nghal chat."Hun reilo te min pe rawh, reilo te tak tak" ala ti fan.

"Nang ka biak na chhan tur che ka hre lo" amah pawh melh duh lo in ka hma lam chu ka melh ngur.

"Keiman ka nei, in be lawk ang a rei lo ang" chumi a sawi zawh rual chuan a pen ri ka hre nghal zat.

"Engmah ngaih thlak tur ka neih pawh ka hre lo chumi vang chuan min kalsan zawk rawh" ti deuh hmukin ka lut tlang nghal.Kawngka pawh chu ka lock nghal hmiah, chumi chu nghengin ka thaw chhuak hrawih.

"Christy in be lawk ang a rei dawn lo.Thil awmzia ka sawi nga chuan ka kal leh nghal ang" rawn ti nghalin kawngka chu a rawn chum nghal vak vak.Mahse kawngkhar chu ngheng deuh dawtin ka thu thla deuh hnawk, chuan tah chhuah hmel zetin ka awm.

"Christy kawngka hi min lo hawn phawt rawh, thil hrilh duh che ka nei in be lawk ang" tiin a rawn la au vak vak.Ka mit chu chhing in ka thawk chhuahna ka dang leh tlat, ka khupah ka khabe nghatin ka thu tawm ngawt ngawt.

"Ka tawng i hre thei tih ka hria, min hmu duh lo tlat anih chuan heti hian ka sawi mai ang min lo ngai thla dawn nia" a u ang chiah in a luhlul in a beidawng duh lo nih hi.

"Ka tih palh lutuk min ngai dam hram dawn nia.Kha ka thil tih khan hetiang em em hian i lakah nghawng a neih ka ring ngai lo, kei chuan i nun i thlak leh theihna tur a puih mai che kha nia ka duh ni.Chumi vang chuan ka u kha ka ngen a mahse maw ani chuan a duh loh thu in min chhang a sin.Mahse beidawng duh lo in tikhan ka u kha ka nawr lui char char a, a chhan chu i nun i thlak leh duh ringawt pawh ka lawm tak zet.Mahse ka u in ngaihzawng alo neih vang a i hnual phah zia te kha ka hria a, khami khan nangmah puih chakna che min pe.Chumi vang chuan ka u pawh ka ngen leh char char.A tawpah a rem ti ve ta hram a" chumi a sawi zawh rual chiah chuan ka thin chhung hi thir rit lutuk tak mai in a rawn deng nghal dawt ni mai in ka hria.A na lutuk ngenna vang mai mai a ngaihzawn maw ka lo nih? ka va han na vawng vawng tak em!! tinge ka thian tha ber ni a ka lo ngaihin hetiang hian ka chungah a tih?? ka lo ring ve sin.Ka mittui pawh ka kutah alo far thla kauh.Chumi pawh chu ka ngaih ven lo, ka melh ngai chu melh in ka biangah tui lum a luang thla zal zal.

"Min ngaidam rawh" a rawn ti tham leh tuak, ani pawh a aw atangin a tap ve ani tih ka hre thei.Mahse khawngaih a hnekin ka haw zual sauh ni mai in ka hria.

"Ka tih palh tak zet, hetiang a i lak nat hi ka ring lo" ala rawn ti ngam a nih chu! ka nat a ring lo maw? ka chunga a thil tih ang hi a chungah ti ta ila a na lo bik a ngem? a teuh lo kei aiin a tuar thei lo zawk ang.

"Christy..ka tan chuan ka thian tha ber ka hmangaih i ni a, engtikah mah ka haw thei ngai lo ang che.Chuan kei chu i tan ka awm reng ang" rawn ti leh in a in sut ri hrawih.Keipon ka hmui hupin ka tap khur nghal der der.

"Mahse maw ka u hi chu khawngaih in kalsan suh, i tello chuan a awm thei lo ang.Tunah pawh zu nen awm in i hming ringawt a lam., khawngaih takin ngaidam hram rawh ani kha chuan a hmangaih tak zet che sin" chutia a u a rawn tan chu ka thinrim zual sauh, ka beng hriat ah a hming pawh lam ka duh lo.Mahse ka mittui chu alo chhuak duh ngei mai, a dir thla zut zut.

"Min ngaidam rawh aw.." rawn ti leh in a ri deuh hrawih.Chumi hnu chuan thawm ri ka hre nghal, a pen thawm muang ruih ka hriat rualin a kal leh tawh ni tih ka hre thiam mai.Pen thawm a reh hun nghakin ka beng pawh ka chhi reng, chutia a reh rual chiah chuan chhuak em em in ka tap nghal.Insum tumna nei lek lo in ka tap chhuak nghal bawrh bawrh.


Mahse ka tah chhan erawh ka hre lo.Liansangzuala ka huat vang nge Jacqueline ka ngei vang zawk? nge ni a ka chunga alo chet dan a rawn sawi chhuah vang zawk? a za vai chu khan ka tah ati chhuak vek.


Vawin ni atangin engkim theihnghilh ka tum a mahse ani kha lo langin engkim a aia chiangin min rawn hrilh leh ta vek si.Hetiangte chuan engtinnge hma lam ka pan theih nga?


A hma khan ka nun hlui a let leh tawh lo tur leh hma lam ka pan thei nan a min pui tu kha Liansangzuala a ni a.Ani khan a kut chu min pe in hmasawn thei turin min pen pui a nih kha.Mahse tunah amah ani ngei mai chak tak a awm tura a kut min pe tu khan min lak sak leh ta daih si.Mahse ka nun ani a midang min puih a ngai lo, tunah pawh keimah ngei in ka fight ang.Kumkhua daih tur a nilo tih ka hre lo ni, tun atang chuan engkim ka nun anih tawh phawt chuan keimah in ka bei zel ang.


Ka mittui chu hru deuh tawk tawk in ka ding chhuak nghal, mahse in hnuai a ka chhuk thlak hma in washroom ah ka lut leh lawk.Ka hmai chu tui in ka theh leh thawt thawt, keimah chu in tih harh chawp ka tum ani ringawt.


In hnuaiah ka chhuk thlak leh hnu pawn a hma ang khan ka harh thei tawh lo ka cool vek ni mai in ka hria.Chulo ah engtia Jac kha rawn kal ngawt thei nge a nih? dawrah ka awm rual in min rawn pan nghal thei nia.Min lo zui ru reng tih na em ni? nge min en thla?


Ka rilru a nuam thei thlawt lo, ka nu ka call leh ringawt.In a haw dawn a min rawn hrilh turin, keipoh vawin atan chuan ka hna off leh phawt mai ang.A nau a rawn lan chuan a u pawh a rawn lang dawn ngei ngei mahse Liansangzuala hma chhawn tur chuan ka la in peih lo deuh ni.


Ani kha ka hmu duh reng reng lo.Nge ni a ani pawh khan min lo hnawl tak tak zawk? khanu kha a pan nga hlim deuh in an awm tawh zawk ang? huisss..chutiang ngaihtuah suh i buaina tur ani tawh lo, ani kha i nun atang a paih bo i tum tawh kha.A chung chang engkim theihnghilh la hriat belh tum tawh suh.

"Chris..lunch ka order dawn a enge i duh ve ang??" Zamzami chuan a benga phone dah chung chuan a rawn ti.

"A..engmah ka eilo mai ang haw ka duh deuh a.." pangngai deuh chuan ka lo chhang ve mai.

"Maw.? tinge ilo kal ve chiah a i haw leh nghal ten" lawm loh hmel deuh chuan a rawn ti."Chutiang pawh nilo ka haw leh a ngai thut a" nui lui sang a tiin ka in her nghal.Hetah hian ka la awm reng nih chuan thaw chham in ka thi thei mai ang.Ka bag han la rawk rawk in ka chhuak nghal.


Mahse chutia ka chhuak chiah tih chuan kan dawr kawtah chuan Liansangzuala car ngei mai lo tlan phei ka hmu nih chu.A hma atangin ani pawn min rawn hmu tih ka hre thei chumi rual chuan a car pawh park tha lo in a awmna hmunah chuan a ding tir nghal rawk rawk.A engine pawh a thih chian hma in amah chu a rawn pawk chhuak, chumi rual chuan hmanhmawh zetin keima lamah alo tlan.Keipoh ka ding khawng reng chu che nghal zat in ka bike park na lamah ka tlan phei ve nghal.

"My boy.." chu aw ril zet mai, natna a khat tih hriat reng reng a zawi deuh sap, mahse cool em em mai si a min kohna chuan ka ke pen thei lo a siam in keimah che chang tur reng a awm lo, ka ding nghal chat.

"My boy.." a ngai te bawkin a rawn ti leh.A mi kohna khan ka taksa peng khawi lai emaw tak hi a man ni mai in ka hria.Ka kut chu ka hum nghek chumi rual chuan ka taksa pawh a tang tung.Liansangzuala pawn min rawn pan phei ve zel ani tih hriat zetin a ke pen thawm a hnai tial tial.

"Nangmah i ni tiraw..??" hnung lam atang chuan awi ngam chiah lo mahse anih ngei beisei si in a rawn ti cool ruih.A awri zawi lutuk leh zawi lutuk te chuan ka thin chhung hi an fan rawih rawih.Mahse ani hi hnaih leh tum na ka nei tawh lo, ka hua a ka nun ti chhe tu a ni.Engtikah mah ka ngai dam ngai lo ang.Engtinmah a chhang lo chuan hma lamah ka kal leh nghal.

"My boy.." chutia ka kal chiah chu ka kut a rawn vuanin min pawt her deuh sawk nih chu.Thinrim deuh a ankhum nghal tum a ka kâ ka ang chiah tih chuan engmah sawi thei lo in ka chip leh nghal.


Chutia Liansangzuala hnai set sawt a ka hmu chiah chu ka thin chhung ami hi a che leh dulh dulh.Hman atang tawh in he thin chhung te reuh te mi hi a mah chiah in a ti phu thei, chuan tun thleng pawn amah vang chauh in ala phu.A hmel pawr pheng phang chu hmuh a hre awm tak zet.A mit khur a thukin kei angin chiah in a val ve deuh kulh.Chuan a khabe hmul pawh a buk deuh chhup, a mitmeng cool ruih mai mu tam lo tih hriat reng reng chu rei ka en ngam lo.A hmui pawh a ro deuh halh, a lan dan chu hmuh hre awm tak hi a ni ringawt.A lan dan lungrun lutuk chuan ka chhungril lam bawk min fan chhuak leh nghal vek.Zu a in nasa hle a nih hmel tunah pawh zu rim chu a nam ham ham.

"Min thlah rawh" tah insum zet a hnuai lam bih pahin ka ti.A hmel kha ka en reng a nih chuan ka tah khum mai ang! tuna hetia hmuh hi ka duh reng reng lo.

"My boy..." a rawn ti tham leh tuak.A awri a natna lo tel ve lah chu ka hriat hmaih hauh bawk silo, chumi chuan keipoh min tina ve, min tham leh bawrh bawrh tawh.

"Ka hmu duh lo che chuan min thlah lang kal nghal rawh" ka aw khur nasa lutuk pawh chu ka duh vang reng a nilo, ka control thei tlat lo ni.

"Ka ngai che" rawn ti sap in ama lam hnaih ah chuan min pawt hnai nghal, keipoh te deuh that in ka dak chho nghal.

"Mahse ka haw thung che lawm" ka duh aiin ka au ring, a hmai zawnah tak ka la tawng khum zui.Chumi rual chuan a tih thin dan bawkin lawm lo tih hriat zetin a rawn rum chhuak hak!

"Ka hua che chuan hmuh che pawh ka duh tawh lo, vawikhat mah min rawn hmuh tum tawh suh" ti leh nghekin min vawn beh na tang chuan tal hran ka tum, ka tal deuh nawk nawk.Mahse Liansangzuala chuan a hma aia nghet in min rawn kuah deuh salh a nih chu.A taksa leh ka taksa chu chip thei ang berin a kuah khawm.

"Ai..min kalsan suh khawngaihin i tello chuan he thinlung hian awm ngaihna a hre lo, phu ve tur awm lo in a reh tlawk tlawk.Chuan nangmah a ngai ngawih ngawih che" ril zet a rawn ti leh in ka awmah rawn kun in a hmai a rawn phum nghal.Ka taksa pawh a tang leh tung mai, mi then khat lo vei vak ve ten min rawn en zuk zuk bawk.

"Liansangzual min thlah rawh.." seh chilh deuh nawk nawk a tiin ka lo tal leh phat.Mahse engtin mah che lo in ka awm chu kawr chhanah a rawn thawk khum hak a nih chu! keipoh ipdeuh chawi in ka tawp leh hmak.

"Ka ngai che chuan i bula awm ka chak.Hetia i taksa a hmai phum a kuah che hi ka chak chuan min kalsan leh tawh lo turin ka duh bawk che" a sawi zawi lutuk chu keipon ka hre thei chang chang.Mahse chuthil chu a thleng thei silo ni, tunah rih chuan amah huatna hlir in ka la khat tlat.

"Min thlah rawh chuan tuna i thu sawi kha ka hre lo ang ah ka lo ngai dawn nia" ti deuh kher in a lak atang chuan in lak hran ka tum nghal vat.

"Ka duh lo ka kal tir dawn lo che ka bulah awm reng rawh..aw..??" ka awm atang a rawn dak chhuakin naupang ang mai in min melh.Amitmeng thim khup mai a thuk ruih a min melhna chuan min ti dang lam deuh zawk in ka hria.Amah chu ka en ngawt ngawt ringawt, ani pawn beisei nei zetin min melh ve char char.

"Min min en thup hi min thlah rawh" keipoh ka phun deuh sep ringawt.

"Nope"

"Hmela min thlah rawh, nang hi ka si peih reng reng lo che" insum hman lo in kan au khum leh nghek a.

"Ka phallo ka thlah tawh dawn lo che, ka ngai tak zet che" rawn ti leh duh chauh in min rawn kuah tha sauh anih chu!

"Liansangzual min thlah nghal rawh i va han zak lo em em ve! khatiang ka chunga i tih hnu ah heti hian min la ti ngam a maw..??" ka sawi zawh rual rual chuan a kaw chhungril ber thleng a tanga rawn rum chhuak tih hriat zetin a ri deuh hum hum.Ani pawn min rawn melh nghal vat, keilah in mitmeng thip ram in ka lo melh rawm rawm a.

"My boy.."

"I chhe ve" duh lo tih hriat lutuk in a rawn rum leh nghal chumi rual chuan harsa tih hmel zetin a rawn thaw chhuak leh hawk.

"Ka tih palh" rawn ti zuih ral in a mit a chhing nghal.

"Hah..i tih palh maw??" awi lo lutukin ka nui chhuak nghal hak."Tihpalh nilo in tih luih a nih kha, nangmah ngei pawh in a dik ani tih i fiah tawh kha chuan tunah tih palh iti maw??" ka kut hi hmang thei ngat ilang chuan a hmai ah tak hian ka beng nghal sak ang mawle! zak lo lutuk mai.

"Min ngaidam tur pawn ka phut lo che mahse ka hlat ah chuan awm tawh suh.I tello chuan he nunna hian awmzia a neilo"
ka mitah tak min melhin thu tak zetin a rawn ti.

"Chu chu ka theih ring suh, engtinnge a rual in pahnih min lo kawp theih? i zak lo hi ka ti ngawih ngawih!" ani lo ang takin kei chu ka au ring.

"Chuan nangmah kha ring tur che in min ti tiraw?? i room ah ngei in awm dun lai ka hmu chung pawn nangmah kha ring tawp tur che in min ti a" za lo zetin ka nui ro halh."Chuan i hria em? keiin engtinnge ka lo chhan che? kei mi mawl mipa tupawh in a an bum theih mai, mi â i chuan ka lo ring leh tawp che.Ka mit ngei a ka hmu chung cheu pawn nang man ring tur che a min tih a vangin ka thil hmuh zawng zawng theihnghilh leh hre lo derin ka ring leh tawp che.Mahse ka rinna hlawh chhuah chu enge? i thu sawi ang in ka ring che a mahse enge ka hlawh chhuah hi??" a hmai zawnah ka au tuar tuar mahse ani pawn mit khap miah lo leh ril zetin min lo melh ve ngur.

"My boy.."

"Khati pawh khan min ko ve ziah suh" ti deuh hlakin ka hawi sawn hmak.

"Liansangzual i hria em enge ka hlawh chhuah chu? ka hlawh ve chu maw BUMNA lek, chumi chiah chu chan ka nei.Khami ni khan lo ring lo che in lo kalsan hlen che ila heti em em hian ka na lo tur!" a tirah pawr ve viau mah ila a tawp lam chu ka rilru nat lutuk vangin a zuih ral vek.Ka mittui pawh a tling leh pam tawh, mahse alo chhuah mai phallo in ka khap let sak.

"My boy.." ani pawn ka awm dan hria in zawi deuh sapin a rawn ti, chumi rual chuan a kut lum tha zet lian em em mai bawk si chuan ka biang chu a rawn tawk da da mahse ami khawihna ka feel tak tak hma chuan thinrim deuh in ka hawi deuh sawk.

"Heti lai chhung hi i ti na lutuk a sin, a na tak zet! hetiang em em hian min tih nat ka ring ngai lo, a na lutuk hi maw ka thi mai dawn in ka hria" ani pawh ka thu sawi vangin a rawn rum chhuak leh hak.Mahse amah chu ka melh duh lo lui, ka mit chhingin ka thawk lak pangngai tir hram hram ka tum.

"Ka naute..."

"Khati khan min ko suh" ka mit la chhing reng chungin ka lo ti ve hlak.

"I nat hi ka phallo ka duh lo bawk.Chuan tih nat che ka duh ngai lo ang"

"Mahse i ti si lawm" rum deuh a melh nghal vatin ka lo ti chang fak.

"Ai..ka duh lo ka phallo" a lu thing vut vut in a rawn ti.

"Mahse maw min tina min ti na ngawih ngawih! chuan maw hetiang em em a min tih nat theih hi ka ring ngai lo.Ih maw..Sangzual nang chuan maw ka thin chhung hi ka chunga i thil loh tih vang khan maw, i kut khan min tham sak ni mai in ka hria" keipoh ka vin tawh bik lo.Mahse Sangzuala chuan min en tlawk tlawk, a mitmeng uk fiah deuh kharh pawh kha a buai ve deuh nak mai.

"Nang chuan eng ang pawn min lo tina mah la hetiang em em a min tih nat hi ka ring ngai lo.A chhan chu min hmangaih thu min hrilh miau a.Min hmangaih tu chuan na takin min siam thei lo ang.Mahse nang chuan i thei tunah ka chungah i thlen tir mek, chuan hmangaih tu der i nih ngei pawh ka ring" a mitah tak en in ka ti pang pang.Chutia hmangaihtu der ka ti chu duh lo nge min thlah nghal chat, keipoh hnung lamah ka per deuh nawlh a lawm.A awm dan chuan min ti ham haih lek lek, amah lah chu ding khawng deuh luahin hnuai lam a rawn bih.


Amah chu ka en ve tlawk tlawk phawt.Mahse engmah sawi tum lo tih hriat zetin a ngawi reng.

"Vawikhat mah min rawn hmuh tum tawh suh ang che.Nang nen a kan in kar a thil lo thleng tawh zawng zawng kha chu theihnghilh vek ang che chuan keipon ka theihnghilhin ka hriat rengna tang hian ka lo paih bo nghal vek ang." ti deuh kher in ka bike lam chu ka pan phei nghal.Mahse ka thin phu rang lutuk leh su dup dup hi chu chuan beisei a nei ru tlat, chumi erawh ka hriat sak loh a tha ber.


Ka helmet chu banin ka khum tha nghal, mahse ka hnung lam a mipa awm chuan tlan chhuak lawk thei lo in min siam.Ka bike ah chuan thu kai in start mai lo in ka ding leh rih phawt.Chutah ka helmet glass chu tuai chho in Sangzuala lam chu ka va hawi nghal.

"Chuan i duh ber nen a hlim deuh a in awm theih nan duhsakna ka hlan a che" ka theih ka rin loh chu tiin ka nuih lui sang mahse a har tak zet khatiang a midang kut a ka hlan leh duhsakna ka hlan kha ka in ring lo.Chumia hnekin ka la nuih sang zui.Ka chungah enge thleng pawh ka hre lo.

"My boy.." ka thu sawi chu hria in min rawn melh nghal.Mahse a sawi zawi lutuk keipon a hmui phun atang chiah in ka hre thei.Chuan tun kha duat tak a min koh hnu hnung na ber anih ngei ka ring.Mahse ka lam pan tum a a che hruih ka hmuh chuan in siam tha nghal vatin ka bike chu ka start nghal.

"My boy.." ka kalsan hlau tih hriat zet a pawr leh hlauthawngin a rawn ti.Chumi rual chuan ka lam a rawn pan phei nghal chat.Mahse ka tlan chhuak nghal, amah pawh chu melh tawh lo in ka tlan nghal zat.

"Remruatfel ding rawh" a rawn ti nghal hrawih.Mahse chumi pawh chu ka beng chhungah hian a ri zawi kher mai.Ka hnung lam atang chuan au in a in hrosa tawn tawn.Ka speed chu ka ti muang hret mahse thil ri bur ka hre nghal, hawi let thei ka ni tawh lo.A thawm ri hriat hre awm zet chu hre chhun zawm duh lo in ka tlan chak nghal phat.Ka kaw chhung pawh a tawt in a ipik lutuk, ka na veng veng bawk.


Ka tahna vang nilo in ka thinlung chhung na rawn rum chhuah vangin ka mittui pawh a rawn tla.


Khatiang a ka hmuh kha ka in ring lo, chuan kei ang chiah in na takin alo awm ve reng tihna em ni? nilo a ni thei lo.Khapa kha a lem channa mai mai a nih kha.Anite chu lem chan thiam lalpa a lawm, khatih hun lai pawh khan keipon min hmangaih tak tak maw ka ti.Mahse kha pawh kha bumna, ngenna vek alo nih kha.


Tuna a rawn awm dan pawh kha lem channa vek a nih kha.A lem chan thiam zia ka bulah a rawn show off vel mai mai ni!

Garage ah chuan lutin ka bike chu ka dah tha nghal.In chhungah chuan hmanhmawh zet a lutin choka lam ka pan.Tui chu no ah thli chhuak in hmanhmawh zetin ka in nghal khawlh khawlh.Ka thaw ipik lutuk pawh a zia deuh hawkin ka hria.


Mahse ka zawi deuh hnawk ni mai in ka hria.Chair chu pawt chhuakin ka thu thla deuh hnawk.Chumi rual chuan ka phone ari nghal zat.

"Nu ilo haw tawh dawn mi??" ka nu ni tih ka hriat rual chuan awka zang vah leh tun lawk a ka rilru na thup hram tum in ka ti.

"Hei..damdawiin atang chuan kan rawn chhuak chiah a in lam ka pan dawn chiah" a rawn ti ve nghal.

"Um..keipoh in ah ka awm tawh lo haw vat ru"

"Anih chuan Muanzova hi ka rawn hruai haw mai dawn mi??" ani hi chu a fa ang tak takin a en a, a ngaihtuah pawh a ngaih tawh.Mahse tunah rih chuan lo kal lo se ka ti, ka mood hi a dik lo tlat.

"Nu..vawin chu lo hruai lo mai la" ka ti ta tawp."Aw..amah chauh in a awm dawn a, amah pawn a kal thei tawh, tlem vawn pui leh lawk mai nia ngai"

"I duh duh dan ni mai lo haw vat ulang" ka ti ta tawp.Chumi hnu chuan ka dah nghal, in chungah chho in ka in thlak nghal.Ka thluak hi a chaw mawlh vekin ka hria, ka sam sei ve tawh tak chu ka khuih ve mial mial.


Mahse ka mit thla ah Liansangzuala alo lang leh nghal zat.A hmel chauh hmel zet cool em em mai te kha, chuan min ngaih thu ril zet a min hrilh te, engkim kha a tak vek chu a ang.Mahse lem channa vek a ni si, ka ngei tak zet.


In hnuaiah chhuk in thei ka eitur chu ka lo vel mai mai.Chumi rual chuan kawngka lam a ri rek, ka nute an nih ringin ka lo en nghal vat.Chutah muang chang a in kuah chung a lo lut te chu chu ka lo thlir dauh dauh.

"Muanzova chu i kal thei tawh law?" ding hluai in ka lo ti nghal.

"Umm..chupawh i nu puih na zar" nui sukin a rawn ti.

"Ti hian lo thu ve la room ah ka va lut lawk nge" ka nu in chair a rawn thut thlak tir pah chuan a ti.Chumi hnu chuan a phei ve mai.

"I zia deuh tawh mi??"

"Hah..tinge ka dam lo mi??" amah en ho in ka ti.Mahse a mitmengah chuan a thil min zawh ka hmuh sak thei."A..imm..kha kha maw ka zia tawh nih hmel" ka ti leh nghal zat.Sawi belh tur ka hre tawh lo chuan ka kut chu ka sik leh neuh neuh tawh.

"Ih..thei" tih pahin ka plate chu ka keng kang zeuh.Rawn nui sukin a ban ve mai, enge ka hriat pawh ka hre lo ka lai ve ringawt anih chu!

"Anih i ke chu enge a an zel?" amah pawh melh ngam tawh lo in ka ti leh.

"Umm tha chu ni mai, in lama min vah pui tur leh min kal pui tur hi awm seng chuan ka dam hma viau ang" a rawn ti ve nghal.A thil sawi hrethiam lo zetin ka va en, ani pawn apple hlep khat hmawm zeuh in min rawn en leh."A..ka sawi awmzia chu hetia thut reng chu dam a har deuh ka ti mai nia" nui chungin a rawn ti leh.Keipon lu bu nghauh in thei chu ka ban ve mai.

"Anih chuan lo awm daih la?"

"Maw..??" nuihza aw zetin a rawn ti.Ka thu sawi kha a awi lo nge ka tih tak tak a ring lo zawk??

"Tinge..?? ka ti tak tak lawm chuan keiman kal ka lo zirtir dawn che nia" thu tak deuh in ka ti.Mahse ka thil sawi chuan awm zia a neilo nih hmel a rawn nui leh hak.Ani pawh tu emaw ang in a nui mawi lutuk mahse keimah ah engmah nghawng a nei lo.Sangzuala kha chu keima lam hawi a a nuih suk tawh kha chuan ka thinphu rangin min lo ti nui ve ver ver zel.Mahse Muanzova hi chuan keimah ah engmah thawhna a nei lo, chumi tak chu ni Liansangzuala keimah a a danglamna leh midangte lak a a dan bik na.

"Chutia nang berin i tih te chuan.." ka hmai bul chet a rawn awm hnai in a rawn ti ta mai.Chutia min rawn awm hnaih thut chu ka hamhaih leh phu in engmah ka sawi thei lo.Amah chu meng phawk deuh tawkin ka en, kan in awm hnaih em vangin ka thaw chhuak em pawh ka hre lo.

"Enge i tih..??" tih pah a hawisawn in amah chu ka nam nghal.

"I lai ve deuh mi..??" nuihza aw zetin a rawn ti.Ka van ngei mai mai! a hrim hrim ah tunlai hi a tawng duh riau hman ami ang kha ni leh se a tha.Tawng duh lo deuh mahse tawng hun leh mi fiam hun hre deuh kha mahse tun a mi hi chu duh aiin a tawng duh.Chuan min tih zah dan a hre bawk.

"Ve mai mai a che nge ka laih ngawt ang?" pawr deuh in ka ti, mahse min nuih leh duh chauh nih chu.Rum tawkin ka melh mahse thil ei chungin min la nuih char char.

"I van ninawm!" ka ti hmiah.

"Nuih vang a ninawm nih chu! a va zia lo dawn ve aw.." nui huah huah chungin a rawn ti.

"Nui tawh suh" tih pahin a kâ ah ka va hnawh thawih.

"Bawihte tinge ilo va haw hma leh si ve??" ka nu pawn sam tawn tha mawlh mawlh pahin a rawn ti.

"Nu..dawrah ka awm peih tawh lo a" ka ti zuih ral daih.Ka lo hlim ve na te kha a reh
nghal vekin ka hria.Liansangzuala min rawn tih dan min rawn hriat chhuah tir a.

"Hello.." Muanzova chuan ka hmai zawna a kut rawn vai lauh lauh pah chuan a ti.Keipoh ka mit chhing vak in a kut chu ka man hmiah.Mahse meng chhuak leh vatin ka kut awmna chu ka en nghal ani pawn ka en chiah chu alo en ve chat.Rang lutukin ka kut ka la sawn nghal.

"Ih..a..umm" ka ti kual vel mai mai, ka kut pawh ka hmet neuh neuh.

"Engmaw i sawi ve nuap nuap a??" ka nu pawn gas thuk lam panin a rawn ti."Tu emaw ni chu lâi an awm ni" ka beng bulah chet chuan zawi te in a rawn ti.Chutia min chhaih ka ngei lutuk chu a darah ka va beng vak vak.

"Bawihte khati khan dam lo ti vak vak mah ta che" ka nu pawn min lo khap leh nghal vat.

"Dam lo pawh a nilo, chulo ah a ke lawm na a dar a na lo" tiin ka lo hnial ve pang pang.Mahse Muanzova chuan chak chan tu chang in tih hmel zetin min rawn melh.Mahse ka kut tum ka lo hmuh nghal vat! ala nui ang huah huah.




*




Ka room tukverh bulah single sofa kan dahah chuan thu in van lam ka thlir dauh dauh.Ka ngaihtuah ah hian enge awm erawh ka hre lo.Vawin thil thleng chung chang te chu ka ngaihtuah a mahse ka thil duh loh ber mai ka ngaihtuah char char.


Liansangzuala na tuar hmel ni awm tak pawr deuh phang kha ka mit thla ah a rawn lang nghal uai uai.Tinge a nat lai chiah ka hmuh sak theih? tinge min tih nat dan zawng zawng kha ka hmuh ve theih loh? ngati nge na a tuar ni tih ka hriat a ka lo nat ve zel? hei pawh hi hmangaihna vang bawk a ni em? hmangaihna mit a ka thlir vang zawk em ni? zawhna tam tak chhanna ka in pek theih silo chu a rawn lut nghal zut zut.


Thla eng lutuk lo chu tah chhuak tun in ka en.Engvang a ka mittui hi lo chhuah chak tlat zel nge a nih? ka ning lutuk ka ning tak zet! mahse chutia ka lo thut ngawi reng lai chuan motor ri ka hre nghal, ka thin chhung pawh hi a phu dup dup.Chu ka thinphu in a min hriat tir chu ka ring phallo.A car ri ringawt pawh ka thin chhung ami hian alo hre rang kher mai.Heti em em hian em ni ka lo duh hneh? a engkim khu chiang takin ka la hre fiah fai vek a nih hmel.


Tunah pawh a car hmu silo in a ri tang ringawt pawn ka lo hre nghal chat thei nia, ka chunga a dawi hman ala sut lo ni mahna.Mahse amah anih ring ngam chiah lo in tukverh atang chuan ka zu bih thla nghal, mahse ka zu dak vak chuang lo.


Chutah Sangzuala leh ka u chu car chhung atang chuan an lo chhuak chiah.Tinge ka u khu Sangzuala'n a rawn thlah? khawnge a car? engvangin nge an rawn haw dun? an pahnih ka hmuh dun rual ringawt pawn zawhna ka in zawt hnem hman khawp mai.


Umama chuan Sangzuala chu lo lut turin a sawm deuh ani mahna mahse a duh lo nia.Liansangzuala'n kan in chhungah a lo luh a duh lo nia, za lo lutukin ka nui hak.An pahnih chuan in mangtha nan an han in kuah a chumi hnu chuan ka u chu alo lut nghal.Ka u chu Sangzuala chuan a thlir char char chuan keiin amah ka lo en reng thung.


Mahse chutia ka lo en char char lai chuan a rawn hawi chho ta mai.Parda zip in ka kun nghal, min rawn hmu hman a ngem? ka lo en ru reng ani tih kha a hria ngem? nilo min hmu hman tur a nilo.Ka lo en reng ani tih a hre tur a nilo hrim hrim.Ka thinphu nasa lutuk chu ka dawm vang vang.Sofa ah pawh ka thu chho ngam tawh lo, chhuatah chuan ka thu tung char char, ka thin zawnah ka kut ka la dah tlat.


Mahse a car ri thawm ka hriat tak miah loh vang chuan ala kal chhuak lo ni tih ka hre thiam mai.Chuan kan kawtah khuan a la awm reng tih na! hah..zak lo lutuk! khuta lo awm reng tur pawh a nilo.Ngam leh ngam lo chuan ka han kalsawn a chupawh thu chungin.


Ka khum lam chu thinphu dut dut in ka pan, chutah ka blanket chu keu thawkin ka zuang kai nghal.Chumi rual chuan hlauh nei ni awm takin ka in lukhup nghal than,ka la tawm deuh kak zui.Mahse a lum ka ti tlat mai nih chu, chutah ka in in khuh than bawk si.Ka thawk a chham dawn a vangin ka in keu nghal vat, duham em em in ka thaw nghal.


"Awi..ka nu!!" ka room kawngka an rawn kik rual chuan ka phu nasa lutukin ka ti nghal thawt, ka thin chhung a mi hi a thlawk chhuak dawnin ka hria! mahni lo mah a hlauh nak lai a!

"Mate ka lo lut dawn nia" Umama'n a rawn ti nghal.Thawk la kawk kawk in ka lo awm dan chu ka siam tha nghal zat.

"Umm lo lut rawh" ka aw pangngai zet a lan tir tumin ka thaw halh.Chumi rual chuan kawngka pawh a rawn in hawng nghal.

"U..ilo haw chiah a mi?" nui sangin ka lo ti nghal vat.

"Umm..zanin chu thian hlui te nen dinner kan ei ho lawm le" tih pahin ka khum tlangah chuan a rawn thu thla nghal.

"Anih chuan Usarah te in ah kal i tum lo mi?"

"Umm"

"Tinge?"

"Mate thil sawi pui lawk che ka duh a" ka zawhna pawh chhang lo in a rawn ti ta daih.

"Umm han sawi lo" ka u awm dan chu a mak ka ti ve ang reng.

"Sangzuala.."

"U.." Sangzuala chung chang sawi a tum ni a ka hriat rual chuan ka lo ti nghal vat.

"Mate ka sawi tur hi lo ngai thla phawt la" tih pahin ka kut chu a rawn vuan, chuan thu tak deuh in min melh bawk.

"Sangzuala hi hetia awm tir reng i tum a mi??" ka mitah tak min en in a ti.Keipon ka melh ve char char tho."U..ani chung chang kha ka sawi peih" tih pahin ka kut chu ka la let."Hetiang ringawt a in awm chuan a tawpah natna bak intawng dawn chuang lo" Sangzuala tan zawng deuh chuan a rawn ti leh.Engtin fako in nge ka u chu thu alo fah ni heti khawp a amah a tan ni.

"Mahse u..ka chunga a thil tih pawh i hre vek a chuan tunah ngaidam turin min ti a maw??" awki san deuh hluai in ka ti.

"Chutiang pawh a nilo"

"Anih reng kha, i sawi danah amah ngaidam turin min duh tih a chiang reng" ka aw chhuah teng teng danah ka tah a chhuak leh nghal tawh tih ka hre thiam mai.

"Mahse khatiang kha lo ti mahse a hmangaih che lawm chuan ani pawh ana lutuk a sin.Engmah ati thei hek lo zu ah tuan in zan pawh sawi lo in a in zut zut mai nih hi" thaw deuh hrawih in a rawn ti.

"Keipoh ka na lo bik mi? ani natna chu i hmuh sak thei a kei erawh chu i hmu lo a maw??" tap aw lek lekin ka ti.Ani pawn beidawn hmel zetin min en, a tawpah a rawn thaw chhuak leh hawk.

"Lo kal teh" tih pah a kut rawn pharin min rawn kuah nghal.Keipona awmah hmai phum in nghet zetin ka kuah.Chumi rual chuan ka tap nghal kerh kerh.

"Mate tap lo la..kan naute tap hi hmuh hre awm ka ti nia.Chumi vang chuan tap suh le.." ka samah rawn chulin a ti dam dup.Keipoh ka tah nuih deuh hawk naute ang mai a min chei bawl tha leh chu ka nuih a za ang reng.

"Lem..bang tawh rawh chuan khatiang lam kha chu kan sawi rih tawh dawn lo nia" tih pah a ka mittui lo hru in min nuih sang, keipon ka nuih ve suk.

"Anih chuan mu tawh rawh" tih pahin a tho nghal."Mahse u..Usarah te in ah i kal lo nih chuan naute leh Usarah khan an lo ngai che nga sin" ka lo ti nghal vat."Keipon ka ngai lawm mahse zanin chu zu ka in ve tlat a, zu rim nam a naute leh a nu hmuh ka duh lo" ti a nui sakin a chhuak zui nghal.Ka u thin hi chu aw..ti nauh nauh in ka mu tha mai.


Mahse Liansangzuala kha a haw tawh ngem? mahse ka u in khatia a rawn tan lutuk kha ka ngei vek.Ka thinrimna a ti zual sauh in ka hria.Chumi vang chuan engmah ngaihtuah lo in ka muhil nghal hmak.




_________________________________




Vawin pawh dawrah lamah kal rih ka duh lo.Khapa reu reu kha alo kal leh lo ang tih tunge sawi thei? chumi vang chuan in ah Muanzova lo awm mai mai ila a tha ang.

"Morning" choka rawng ka lo bawl tur tur chu, thei leh thei lo a rawn lutin a rawn ti.

"Awi..i va tho hma ve??" ti ta zawk daih in amah puih tum chuan ka va pan hnai nghal.Ka kut pawh a lo vuan ve chat, a ding leh reng ringawt.Mahse chumi chu hre lo derin chair chu ka pawt chhuak nghal.Ani pawh a rawn thu thla ve nghal mai.

"Thingpui nge coffee??"

"Amm..thingpui" ngaihtuah ve ni awm tak a ti nauh nauh in a rawn ti.

"Okey..a hang nge a thlum?" a rawn nui chhuak hak.Keipoh ka nui ve tho, mahse engmah sawi tawh lo in thingpui chu ka siam sak nghal.

"Ei rawng i bawl ve thiam em ni??" a rawn ti, a thu sawi danah pawh min awi chiah lo nih hmel, ve mai mai a!

"Ka thiam loh mi i rin? keimah vekin lawm bawl thin" mahni in chhuan hmel zet a tiin a hma ah chuan no ka va dah nghal.

"I hmelah hi chuan 'Min cho mi?' tih hi a lang reng ringawt." nui tut tut in a rawn ti.

"I hmelchhia!" ka ti ringawt.Chutiang em em in ka meng rum reng bik lo, min hmuh dan mai mai chu!

"A hrim hrim ah i ke na khan tawng duhna a keng tel mi a??" ka ti leh nghal.Ka thu sawi awmzia a hriat loh vang nge a thingpui chhem lai chu tawpin min rawn en nghal chat.A mit min la san khum zeuh zui, ka chim awm chhuah in a tih ang chiah in ka mitko ka lo san khum ve.

"Sual thiam reuh lutuk, enge awmzia?" a rawn ti tel nghal zat."Engmah" ti leh duh chauh siin ka kal nghal daih."Chimawm dan hi chu i thiam ve maw le" tih pahin a rawn nui leh hak.Keipon hnung lam atang a ka kuttang v sign hmuh in ka nuih ve hak.




*




Mahse vawinah ka pa ngei ngei in Kolkata ah a kal a ngai leh si a.Ka nu in air-port thleng a va thlah.Kei leh Muanzova chu in ah kan lo awm ta ngawt.


Tukin zing ka zawh ang deuh in a ke na khan tawng duhna a keng tel deuh ani mahna a tawng ve duh par par hle mai.Keipoh ka tawng hman mang lo ka tawng ve hlek lahin min lo fiam zel mai bawk sia.Tum burin kan in melh leh rawm rawm mai lawm.


Mahse amah chuan a hma te kha chuan ka zak ve lawm a rawn ti nih chu! ka awi loh lutuk vangin amah chu ka nuih vak vak ringawt, mahse a lawm vak lo nih hmel a tum ve bur bur.Chumi chuan Liansangzuala bawk min hriat chhuah tir, naupang ang mai a a tum ve bur bur lai kha.Ka hriat loh lai anih ngei ka ring ka lo nui ve suk.

"Christy..??"

"Hah.." amah pawh en lo in ka hma mi melh ngawt ngawt in ka ti."I ril atam em?" ka mit khap in ka nui chhuak hak."Ngati nge..??" la nui reng chungin ka ti."Aw..i ril atam takin" nui ve duh miah lo in a rawn ti."Tam chuang nang" tum deuh burin a hawi sawn.

"Ngati nge i ril a tam a mi?" phur deuh in min rawn en nghal.Chumi rual chuan ui ang mai in a lu chu a bu nghauh nghauh.

"Tikhan ti suh"

"Maw?"

"I lu kha tikhan bu suh" hawi sawn in nuih insum deuh in ka ti.

"Engvang chuan maw?"

"Ui i ang lutuk" ka hmui hupin ka nui leh nghal uar uar.Mahse chutia a ang ka ti chiah chu a lawm lo leh chiang a ningei tur ni min melh leh vak vak.

"Ok..ok..i ang lo chuan in hnuaiah chhukin thil eitur zu siam ang" la nui reng chung a tiin ka kai tho nghal."I sual thiam ve hle mai" ala ti ve ang chat chat.Mahse ka nuih reng tho, ka vawn mekpa lah chu ala tum bur tawh mai bawk sia.


"I ril atam te chuan sawi mai la" a thil ei lai chu en rengin ka ti sep.

"Chutiang" ati ringawt.

"Hmm..nge?" mahse min chhang tawh lo in a ei mial mial.

"Muanzo..??"

"Ummm"

"Ka bula i awm hi ka lawm lutuk aw.." thu tak zet leh ka rilru leh tih takzetin ka ti ni tih a hriat nan amit ah tak ka melh.A thil ei lai chu tawpin keimah chu min rawn en nghal chat.

"Enge i sawi awmzia??"

"Ka bula i awm hi ka lawm tak zet.Nang ka bulah awm lo lang chuan tunah te hian hre awm ti takin ka awm awm si a" hnuai lam ka bih leh nghal daih.Ka nat dan ngaihtuah phei chuan tuna ka hlim thei leh min ti hlim thei hi a mak tak zet.Ka rilru na zawng zawng theihnghilh thak khawpin lawm le min nuih tir le.Chumi bak bak chu a awm thei tawh lo ang, chuan ani hi ka ngaina tawh tak zet.


"I rilru leh tih tak zet a i tih ngei ka beisei" ani pawn a rawn ti cool ve ruih.

"Hah..ka tih tak i ring lo em ni?" nui hakin ka ti.Ani pawh a rawn nui ve leh tho.


Ka nu lo haw hnu in Muanzova pawnah a chhuah harh pui a.Chumi chu in chhung atangin ka lo en char char.Hetiang hian rilru thaw veng deuh in awm thei ila ka ti tak zet.Engmah ngaihtuah lo a awm hi a nuam.


Hun pawh alo kal ve pheuh pheuh a, dawr lamah kal erawh ka tum lo.Mahse Umama te inneih na mi tur in buatsaih a ngai a.In ah pawh kan buai ve thei khawp mai, Umami lah inneih dawn tepah ka lo haw ang ala ti chauh mai bawk sia.


"Bawihte dawr lamah card hi i sem ve dawn em??" ka u te inneih sawmna card rawn keng tun chungin a rawn ti."Ka hre lo le..keng ve hrim hrim ila" ka ti mai."Anih chuan tah hian ka dah nga chuan i hna kal pahin i keng dawn nia" tih pah chuan centre table chungah a dah.Keipon ka kekawr hak ka lo siam tha mek, ka duh aiin ka jeans hak hi a tawt.


Vawin ni chu taxi in kal teh ang, bike a kal reng pawh a dik lo.Kan dawr kawtah chuan dingin pawisa pe in ka chhuak nghal.

"Zamzam lo kal lawk teh" a chhung ka luh rual a au in ka hui nghal, ani pawh a rawn kal ve mai.

"What?" a rawn tih dan te tawl vang chuan ka nui chhuak hak.

"Kha hei hi ka ute inneih sawmna card ania i lo kal ve ngei dawn nia" tih pahin card pakhat chu la chhuakin ka pe nghal.

"Awi..chutia law? min sawm ve chu ka van lawm min sawm pawh ka ring lo sin" phur deuh a rawn tiin card chu a ban nghal.

"Chuan kha hei hi midang lo sem nghal la" a vai a phawrh in a kut ah chuan hlan ka tum.

"A chi nang nangman sen rawh, i tih tur zawk lawm" a lo ti vat.

"Ngati maw??"

"Nangman sem zawk rawh, kei chu ka kal leh tawh ang" tih pahin a kal daih.Ka chalsam chhem phir siau in ka thaw hawk.Midang chu panin ka sem zel, kan sawm ve an ring lo nge mak tih hmel deuh deuh in a then in min lo en.Customer thenkhat pawn min lo fiam in ka sawm leh sawm loh min zawt.Mahse card pe chuang lo in tawngka in ka chhang, an la nui deuh tut tut zui.


Ka sem zawh hnu chan in chungah chho in ka thu leh rih phawt.Chumi rual chuan ka phone ari leh nghal zat.Caller id ah Muanzova hming a rawn lan rualin ka nui nghal sak.


Mahse lunch ei pui ah min rawn sawm tlat,,ka peih loh vangin nakinah ei dun ah kan khek.Ani pawh a dam tha tawh khawp mai kan in a, a awm chhung khan kan in ngaina ve hman tak zet.Keipon u ang tak tak in ka en mahse ani min en ve dan erawh ka chiang lo.Mahse nau angin min en lo tih erawh ka chiang mahse ka hre lo der hmak.


In hnuaiah chuan chhukin counter a pawisa vel chu ka en fel, ka din na lamah ka ke pawh a na vek tawh.Ka dar a min rawn beng thek thek tu an awm vangin ka hawi chhuak zawk.Hlute in min lo melh kuau, chumi rual chuan ka hnung lam chu a melh kawk.Ka hmui phunin thil awmzia ka zawt, mahse a mitko min san khumin hnung lam bawk a melh.


Hrethiam lo zetin ka hawi phei ve.God!! ka hawi sual chiang lutuk, rang lutuk in hma lam ka hawi leh nghal chumi rual chuan ka kut chu ka hum vak.


Liansangzuala bawk kawngka bula lo dingin min lo melh leh kuau tawh nih chu.Engtinnge ala rawn kal ngam zawk? zak lo lutuk mahse hre lo ang in ka awm nghal hmiah.Mahse ka thil tih lai pawh chu ka ngaihtuahna ah a lut thei tawh lo.Chuan ka tawng chhuah pawn enge ka sawi ka hre lo, ka tawng bah deuh nawk ni mai in ka hria.

"My boy.." tlemah ka thil ken ka thloh lo chauh lawm.Saw tah a awm maw tih laiin ka hnung lawkah alo awm chu! mahse ngaih sak lo zetin ka thil tih lai chu bihin Hlutei chu ka be lui char char.

"My boy.." a rawn ti thawp leh ta sap.Chutah lem tawng loh theih ani ta lo.In herin amah chu ka en ta chat.Ani pawn thuk em em in min lo melh nghal.Mahse hmanni mi ai kha chuan a that hmel tawh zawk, a hmel nguai lutuk leh chauh hmel lutuk pawh kha a awm tawh lo.Mahse nidang a hmeltha tak thin pa em em mai kha chu a tluk lo.


"Hmeichhe kawr zawrhna hian enge rawn tih ve i tum??" pangngai zet mahse amah huat hmel zet a meng ling hlar in ka ti.Mahse cool ruih in min en char char thung.

"Nge ni a i bialnu kawr tur i rawn lei sak dawn?" keimah min melh reng chungin a rawn rum hak.Mahse ka kut kuangkuah tha sauh in amah chu ka melh ngur.

"Kan in be lawk dawn mi??" ati zawi deuh sap.

"I hmuh ang hian ka hman lo, chuan thil lei tur i nih loh chuan chhuak leh tawh rawh" tih pah a in herin ka lehkha ken chu ka la leh nghal zat.

"Lei tur chu ka nei lawm" a rawn ti ve nghal.Mahse hlauh thawnna vang anih ngei ka ring ka thin a rawn phu leh nghal dut dut.Emily kawr tur chu em ni rawn lei a tum? tinge kan dawrah kher? min rawn tih nat a tum leh vang bak a nilo.Ka va han ngei buan buan tak em.

"Anih chuan va en la ti nia" amah pawh en duh lo in ka ti ve hmak.

"Ka en reng lawm" enge a thil sawi awmzia? ka hre lo chuan amah chu ka va en leh vat.

"Enge i hriat a?" ka ti ta daih.

"Nangmah hi ka lei dawn che" kiai deuh suk a rawn tiin min rawn pan hnai nghal.

"I van zak lo! ve mai mai a che! zawrh lai pawh ka nilo" tih pahin min rawn kuah tumna chu ka lo vai ve vak vak.Mahse ka kawngah a ban rawlh lutin a awmah min pawt hnai deuh salh.

"Mahse ka lei duh che lawm" tih pah a rawn kun hniamin ka hmui bul chetah a nui hak.A rim pa lutuk tak mai zun nei em em si leh a thaw fresh zet chuan ka thluak thleng chho vatin min ti mur chuai chuai mai!

"I zak lo nih chu! min thlah nghal rawh, heti hian min rawn ti ve ringawt suh" a awmah chuan chum vak ka tum mahse mi in insual emaw min tih ka hlauh vangin a ruk thei ang berin a awm chu kawr chhanah ka sik vak, tang tungin nia ka sih ni.Mahse amah ah engmah thawhna a neilo tih hriat zetin a rawn nui chhuak duh chauh.

"Hmela min thlah nghal rawh" a khabe hnuai a tang in ka han bih chho tawp.A khabe hmul erawh a la ziat fai lo deuh nge a la buk chhup mai.Mahse amah ati lang pa daih zawk ka ti.

"My boy.."

"Kiri.." a thu sawi danah a cool in a mood teh reng nen pawr deuh a ka lo chhan vangin ril em em in a rawn nui chhuak leh nghal.Tum burin ka lo melh leh nghek.

"Ka ngai che" a nui hmel mawi zet chu reh tial tial in ka mit ah thu tak zetin min en.Amah en reng chungin ka chil ka lem deuh khalh.

"Ka ngai che chuan ka bulah awm rawh" rawn ti tham deuh tuak in a rawn awn hnai deuh chat, kei erawh che thei lo in amah chu ka lo en tlawk tlawk.

"He i taksa hi ka ngai ka ngai takzet, chuan maw i tello a awm chu har tak a ni.Hrem hmun nen danglamna a awm lo" ril zet a rawn ti leh in a biangin ka bek vel chu a rawn nul.Mahse a khabe hmul buk zetin a ka hmai vun nem lai a rawn tawk chiah chu thip deuh sep sep in ka tek deuh chhawk chhawk!! keipoh a awm dan vang chuan thaw tha thei lo in ami tawhna chu ka lo feel nghal vat.

"Ka ngai che..chu chu i hria tiraw..??" tih pahin min rawn nawr na zual sauh, a hmui pawh a hmang tel tan.

"Min thlah rawh.." ka aw pawh ari chang chang, ka hrawkah hian min hnawh nge min pawt ka hre lo.

"Chu chu ka phal ring suh, chuan maw nang hian min ngai ve tho ani tih min han hrilh teh" ti leh nghal chatin a hmui nem zet lum deuh hiam chuan ka beng kawm chu a rawn fawp tawk.Mahse ka chhip atang a ke hmawr thleng a tek deuh chhawkin Liansangzuala chu a awmah ka nam nghal dawr.Ani pawh a takse che hauh lo in a hmui chu a la sawn.

"Min..min khawih suh, mi zingah heti hian min ti reng reng suh" ka duh aiin hepa khawihna hi ka feel mah mah chutiang bawkin ka aw pawh a khur ru der der chu erawh a hriat loh hram ka beisei.

"My boy.."

"Ai..min thlah rawh, nang hi hmuh leh che ka duh tawh lo chutiang bawkin min rawn hmuh tum tawh suh" ka kut a in dangin ka ti leh.Ani pawn muang changa a kut la sawn in a rawn thaw hawk.Chutia min thlah chiah chu ama hlatah ka awm nghal vat.

"Liansangzuala ka chung a i thil tih kha i hria em? khathil kha engtikah mah ka theihnghilh tawh lo ang chutiang bawkin ka ngaidam ngai lo ang che" ka aw pawh chu chhuak deuh chang chang mahse amah ka melhna leh ka sehchilh deuh na ah chuan ka tih mai mai loh zia a hriat ngei ka beisei.

"Mahse i tello in ka awm thei lo, chumi chu i hria"

"No..ka hre lo, ka hriat zawng chu nang hian ngenna vang chauh a min ngaizawng tih hi" a thu sawi lai lo pawt chatin ka ti nghal that.Min melh nghal vatin a chhip sam buk lai chu a tuai chho deuh puat, chutah thil sawi tum ni awm tak a rawn ang, mahse a tawp leh chat.Chutah ka lo melh ngurna chu beisei nei zet leh natna tuar ani tih hriat zetin min rawn en.Khitiang a natna leh tawrhna a mitmeng a ka hmuh sak ang hi ka mitmengah hian a hmu ve lo em ni? kei chuan a na tuar lai te, hlim lai te, hre awm ati lai te engkim ka hria in ka hmuh sak vek thei.


Kei erawh chu a hmu ve lo nge a hmu lo der? hmu chu nise hetia min rawn pawng nawr vak vak lo hian hun thawl min pe ngei ang.Mahse chumi chu tilo in amah natna chiah hria a chuan heti hian a rawn ti nih hi!!

"Ka hmangaih che" kan thu sawi in millo leh in perhsan lutuk chuan ka nuih pawh ti za lo in ka thinrim zual sauh.Kha thu kha rawn sawi tei vet pawh a tullo, ka ring lo.

"Ka rin che chu in beisei suh" ka nui ro tel nghal hat.

"Min rin leh rin loh ah ka buai lo.Mahse ka hmangaih che, chuan nangpawn min hmangaih" aw chang fek fawk leh amah ani tih hriat zet a confi in a rawn ti.Chutianga zamna a neilo lutuk leh a rawn sawi dik lutuk chu ka haw so buan buan.

"Zahna te hi i nei ve lo em ni??" sawi tur ka hre lo chuan ka ti ta tawp.A chhan chu a thu sawi ah khan dawt a awm miau lo.Kei hian ka hmangaih ngei a lawm, ani pawn min hmangaih chu ka ring mahse ka ring ngam chiah lo ni.

"Ka sawi chu a dik" khauh fak in a rawn ti.Chutah zam lo lutukin min nuih suk.

"I sawi dik ka hmangaih che mahse tunah chuan khang hmangaihna zawng zawng kha huatna leh thinrimna ah a chang vek tawh.Tunah tak hi chuan nang hi maw ka haw so bawrh bawrh che" a awm zawnah kut chang va kawk fawk fawkin ka ti.Ka bulah tunge lo awm, tu in nge min lo en chutiangah ka buai peih tawh lo.Hepa hi zilh deuh hlak a ngai.

"My boy.."

"Sawi tur i hre na nge? a tha lawm.Chutiang anih chuan ka duh ka sawi zo tawh chutiang bawkin nang pawn anih chuan kal tawh rawh, i rawn kal leh loh hram ka beisei" tih khum leh hrepin ka in her daih.

"My.."

"Min lo hrethiam lawk, hemi kawr hi a rawng dang a awm em??" Sangzuala tawng rual chiah a rawn ti anih vangin ani pawh a tawp daih.Customer lam chu ka va hawi nghal.Kawrfual sen hi alo khai lang va.

"Umm..awm e eng rawng nge i duh??" nui sang a tiin ka va pan nghal.Sangzuala erawh a ding khawng leh reng tawh.

"A dum hi a awm em??" a bul ka thlen rual chuan alo ti nghal."Umm hetiang chiah chiah hi maw?" ti leh in a kawr chu ka lak sak.

"Umm"

"Anih chuan lo nghak lawk" tih pahin inchung lam ka pan.Ka mit sirin Sangzuala ka va melh hram, a hmai tuai chho puatin a kawng alo dawm.Inchung lam chu hawi in ka nui suk.


Store room ah chuan lutin ka kawr ken ang chiah chiah chu ka zawng.Mahse a dum tak alo awm tawh lo nih hmel, a colour dang chu a duh takin tiin ka keng thla tel ve hrim hrim.


Mahse in hnuaiah chuan Sangzuala alo awm tawh miah lo.A lo kal ve tawh te pawh ani mahna, a tir atang khan kal ve nghal mai tur nia.

"Hetiang hi chu a dum a awm tawh lo, a rawng dang hi i duh mai em??" min lo nghak reng tu bula dingin ka kawr ken thlak ho chu ka en tir.Mahse a hmelah chuan a duh vak lo nih hmel, ei loh hmel zetin a en kual dan dan.

"Anih hemi i rawn ken chhuah ho chiah hi mi in neih tawh??" a rawn ti leh, ka lu chu ka bu zeuh."A..anih chuan a dang kan en leh mai nge" ati ta daih, amah pawh a in thlahrun ve hmel em vangin ka nuih lui sang.


Mahse pawn lam chu thei leh thei lo in ka va bih dek dek.Liansangzuala kha a kal ta tak tak emaw ni le? a pawi lo ka ngaih ven na chhan tur ka hre lo.Tikhan kal hmak rawh se!


Hun pawh chu alo kal chak ngei mai lunch ei alo hun leh der tawh.Mahse tunlai chu engmah ei ka peih rih lo, in lamah pawh ka ei vak lo.Chumi vang chuan egg roll te ka chah, chumi pawh chu ka ei peih teh chiam lo.


Tlai thleng chuan kan buai ani deuh ber mai, vawin ni hi pangngai tak a hna ka tan leh ni ani bawk sia.Tlaiah Muanzova'n kan in ah chaw alo ei dawn avang in min rawn lam tur thu a sawi a, keipon ka lo nghak ve mai.Ka lo nghah pah chuan dawr ka awm loh chhunga an bungruah lo lak luh leh pawisa an lo hman dan vel chu ka en fel.


Pawn a horn ri ka hriat rual chuan ka che nghal chat, hmanhmawh zetin pawnah chuan ka chhuak nghal.Muanzova car lo ding reng leh a chhung a lo thu nui kur chu ka va hmu nghal, ka nuih ve tawp.A kutin min rawn hui nghal.

"Lo chhuak ve mai la.." ding tha sauh a in kuangkuah in ka ti.A lu a rawn thing ve vual vual.

"A hmanhmawh thlak loh lo chhuak ve hrim hrim rawh" ka la ti tal.Chumi rual chuan a glass ah chuan rawn dak chhuakin a tlai tawh thu a rawn sawi.

"Anih te chuan min lo lam vat ta che" ti tum hmakin dawr chhungah chuan ka lut leh nghal, ka bag vel chu la in dawr chu ka kalh fel leh phawt.Chumi hnu chuan a motor chhunga thu chunga min lo nghak reng tu chu ka pan nghal.

"Lo luh ve mai tur che lawm" ka thut luh rual chuan tiin seat belt chu ka hreng tha nghal.

"Nute in ipa alo haw thu min rawn hrilh a haw hma turin min ti lawm" mahni thiam in ti zet a tiin a tlan chhuak nghal hmai.Ka hmui ka tih pawrh khum ringawt.Mahse kan in be char char a, vawin hna chung chang te sawi in kan nui dun bawk bawk.


Kawng laklawh ah zanriah ei kham a eitur thei ala lei tal.Pudding an lo siam sa chu lei a tum, mahse mahni a siam a that zawk thu sawi in lei ka lo phallo, keipon ka siam ve thei reng.


In pawh chu kan thleng har lo, amah a hman hmawh bawk a, ka nu hi chu a hlau ve ngawt mai.Chulo ah ka pa chu kar leh lamah maw alo haw dawn tia, alo va haw hma leh si ve.

"Nu..hei Muanzova'n thei a rawn lei kawi a" in chhung kan luh rualin ka thei kenna bag hmuh in ring leng lawngin ka ti.Mahse ka nu in min lo khap nghal vat.

"Enge..??" zawi te in ka ti ve leh.

"I pa a mu a, i ti harh ang" tih pahin min beng thawih.Muanzova pawh alo nui ringawt, ka pa pawh chu tun ang hun a han mut zanriah kan ei tep tawh a.

"A hrim hrim ah lei sa pawh kan la ngah a tinge in rawn lei teuh a??" ti ve leh nghalin ka bag khai chu min lak sak nghal.

"Muanzova hi lawm a ngai lo ka tih pawn ati lui tal a" amah melh kher in ka ti, a hnar min lo tum sak dat mai lawm.

"Nang aia upa anih kha Muanzova ti ve lawl lawl suh" ala ran ti tal.Chutah Muanzova tih ang chiah a hnar tum datin ka hmui ka ti pawrh.Ka nu in a tan chu lawm tih hriat zet a rawn nui in keimah min kawk deuh kerh kerh.'Upa mahse a mizia a naupang chhia' ka tih khum hrep dawn emaw ni zawk le??


Mahse engmah sawi tawh lo in inchung lamah in thlak turin ka chho nghal.Vawin dawr chung leh hnuai ka in kal tawn ngun deuh nge ka chawntha hi ana ngut ngut, mut vang vang ka chak.


"Nu..ka pa chu ala mu reng mi..??" choka ah ka luh rual chuan ka ti nghal.Mahse ka thil hmuh vangin ka ding leh chut.Muanzova chu a kamis kawrban a keu chin a thlep chho in a hma kilh chu tlem alo phelh.Chutah apron hring chu te tatin alo ha ve nih chu! ka nuih chhuah teuh zia chu!!

"Min rawn pui ve nghal rawh" ka awm dan hria ni awm takin a rawn ti nghal.Ka nu lah chu Muanzova awm dan enga tan mah ngai lo tih hriat zetin alo che buan buan.

"Bengchheng lo khan rawn lut rawh" ati ringawt.Mahse an hnung lam atang chuan ka nuih kerh kerh ringawt.

"Enge ka lo tih ve dawn a..??" nuih la za zet chungin ka ti.Muanzova'n min rawn melhin a mitko min san khum, mahse ka lo nuih ringawt.

"Antam kha rawn sil rawh" in ti thu zetin a rawn ti.

"I thu lo" ti kherin ka nu bulah ka kal daih."Nu..enge ka tih dawn?" a darah va kuah pahin ka ti leh nghal."Aw..Muanzova'n a sawi kha..antam saw la la, lo silfai rawh" gas a, a thil chhuan chawk mawlh mawlh in a rawn ti.Chumi rual a Muanzova in ti thei lutuk chu ka van ngei tak.Tum burin dawhkan a antam plate a an lo dah chu ka va la nghal.


Tui dehna lam a Muanzova awmna ah chuan ka va dah deuh chawrh.

"A tirah khan ti that ve mai mai tur che nia" ka bengbulah chuan nui chungin a rawn ti nih chu.

"I tho ve!" ka lo ti nghek.

"Bawihte i tawngkam hi a mawi lo thei lutuk" ka nu pawn min lo zilh leh ta, mahse hepa bulah hi chuan tawngkam hi ka uluk thei thlawt lo."Kha kha ni mai" chutia tan tu a neichu a rawn in ti thei ngei mai.Ka chhang let ngam tawh bawk silo chu, ka melh rawm rawm ringawt.


Mahse chutia thil kan sil dun char char lai chuan a mawng sang deuh chuan min rawn nek anih chu.Ka sir lamah ka perh deuh nawlh a lawm.

"Hei.." ring deuh a tiin ka tawlh hnai leh vat.

"Bawihte i pa a mu ka tih kha" min melh chuang miah lo in a rawn ti.Ka kawng dawm in ka chalsam ka chhem pir siau.

"Min cho mi a??" ka han melh chho haw.Mahse min tham loh hmel zetin min lo nuih duh chauh nih chu.Ka ngei chiang lutuk tlat.

"Hmelchhepa min cho ve khang lang maw??" tih pah a tawlh hnai sawt sawt in ka va nek ve vak.Mahse a che keuh ringawt anih chu amah lah chu za em em in a rawn nui chhuak.

"In va mak e aw..!! bengchheng su i pa lo thlenna ala rei lo ka tih kha" ka nu pawn vin lek lek in a rawn ti.

"Nu..Muanzova hi lawm, keimah chiah min hau suh ani pawh hi hau ta che" thinrim au ring ngam chiah silo in ka ti ve nghal pang pang.

"Chutiang pawh a nilo in in pahnih khan bengchheng tawh su" a rawn ti leh.Chumi rual chuan Muanzova chu lei ka han chhuah khum zeuh.Mahse ari hauh lo in a rawn nui nih chu, alu pawh a la thing vuai vuai zui.


Umama alo haw tlai deuh avang leh ka pa kan kaih thawh lawk duh loh vangin zanriah pawh kan ei tlai.Tih tur hre lo in choka ah kan thu char char mahse Muanzova nen kan in bei reng ringawt.Ka nu pawn kan sir a lo thu in min lo khak ve char char.


Ka pa chu a mu rei bawk a, zanah a mu lawk thei lo a.Chumi vang chuan Muanzova pawh haw phallo in a chelh lui char char.Mahse thil hriat belh kan nei tal lawm.Muanzova'n a mizia alo thup hneh zia chu, fiamthu a duh in a tawng duh parh parh khawp mai.


Alo len tirh te kha chuan a ngawi reng a, a changin a rawn tawng ve leh zeuh a chuan a nui tlem hle bawk mahse tunah chuan nui duh tak a ni.Amah lo ang takin fiamthu thawh pahin a nui ve char char.Ka nu leh pate pawn an nuih pui nasa kher mai chutiang bawkin kei ngei pawh in.


Khami ni atang a ka nuih leh na nasat ber tum a ni ang.Zan rei tawh ah pawh kan nui uar uar mai lawm.Ka nu lah hian alo tawm pui ve thei zel sia.


Mahse zanlai a hnaih tawh vangin loh theih lohna vangin kan in thlah a tul.Ka nuten riak turin han ti ve teh mahse tlangval te alo nih ve na ah a mawi lo ati ve tlat.Pawn thleng thlah tum chuan kan in zui chhuak.

"Anih muttui aw.." tih pah kawngka khar leh mai ka tum chu, min pawt chhuak anih chu.

"Engthil nge i tih??" tawlh hnung leh nghal vatin ka ti thawt.

"Gate pawn thleng saw min lo thlah rawh" min nuih tel deuh sakin a rawn ti.

"Na..ka peih lo a vawt si" tih pah a in kuah khawmin ka in tuai vut vut.

"A rei lo ang" tih pah a ka dar a min rawn kuah in min kal pui lui."I va han zak lo!" ka ti ringawt.Min rawn melh chhukin a nui leh ringawt.


Mahse pawn kan chhuah rual a ka thil hmuh vang chuan ka ding chut.Muanzova pawn min rawn en nghal vat.Mahse kan hma lawk a car lo ding thim khup chu ka melh reng.A chhung thim in engmah hmu thei lo mah ila tunge ani tih ka hai lo chiang.Chumi mai bakah ka thin chhung a mi in awm ngaihna alo hre lo leh nghal der tawh.

"A vawt chu iti tak tak em ni??" min rawn en vang vangin a ti.Amah pawh chu ka melh vat, mahse ka mit sirin car lam chu ka la melh tel hram.

"A...ih ai..vawt tilo.." tih bah nawk nawk in car lam chu ka va melh leh."Anih chuan heti lai thleng hi ni mai rawh se" a man rawn tiin a kut chu min vai leuh.Keipon ngaih ngam chiah lo in ka nuih lui hram.

"Anih chuang mangtha." tiin ka kut chu ka vai khum ve zeuh.Rawn nui sukin a car dahna lam chu a pan ve nghal.Kei erawh che sawn thei lo in Muanzova kal liam tur chu ka en reng, mahse ka mit sir in car lam bawk ka melh leh, a chhungah sawn awm in min lo melh ve reng a ngem? chuan engtik atangin nge alo awm tawh?? a awmna a rei tawh ngem? nge ni a amu thlu zawk?? hlau thawng ru zetin ka va en dek dek.


Muanzova'n car chhunga awm chung a min rawn auh leh vak takah chuan che deuh that in ka hawi leh nghal.Lut tur a min tiin amah pawh a tlan chhuak nghal.Keipoh luh chu ka duh lutuk mahse min aikaih deuh tlata nih chu!!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)