It's_Always_You By Mrs.Oh (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: It's_Always_You By Mrs.Oh (Completed)

Unread post by Ngaia » December 20th, 2020, 2:35 pm

IT’S ALWAYS YOU





There is no greater gift than love






Vawi tam tak “innei tawh mai ang” ti a ka sawm tak chhen ah chuan a ning ve ta deuh ani ngei ang a ding hluai a, min hauh hlau zet in chil ka lem nghal khawlh bawk.


“Jovial, kan pahnih a kan chenna tur in ka la sa zolo a, kan hmalam hun atan pawisa khawl sa ka la neilo a, PA ni turin ka la inpeih lo bawk. Pasal tha tak nihdan ka la zir thiam lo a, nun hlimawm tak ka tiam thei heklo che. Ka luhlul in ka thu ka duh hle a, chen pui hahthlak leh thil duhkhirh thin tak kani. Ka pek theih zawng che chu hmangaihna leh rinawmna chiah a ni, chuti chung chuan min nei duh dawn en ni” tiin mitmeng hlauthawng zet chuan min zawt a.






“U Andrey ka hmangaih dawn che khan ka in ring hman miahlo a, alo thleng thut ani mai. Ka hmangaih na pawmtir che ka tum lai pawh khan natna ka hmachhawn ngei ka ring a, ka hlauthawng ve lutuk asin” tiin amah chu ka en a.


Sawizawm leh in “mahse ka tawpsan duhlo a, tun dinhmun hi kan thleng ta a. Tunah min nei turin ka sawm che a, chhungkua din turin ka inpeih em ka hrelo, ka hriat zawng chu damchhung a i ta nih ka duhna chauh a ni. Hmalam hun tur ngaihtuah chu thil tha ani meuh mai chutih rual chuan awmze neilo a hahna mai anih chang a awm ve fo a nia. Thil thenkhat hi chu alo thlen hun a hmachhawn tawp a ngaih chang a awm ve fo asin. Diktak chuan pitar ka nih hun thleng pawn i tan nupui tha tak ka nih theih ka ring chuanglo mahse I nupui nih ka la duh tho a ni” tiin ka chhang a.




Kum 30 a tlin hma a nupui nei duhlo Andrey Vanlalhruaitluanga chuan kum 28 mi niin min neih a remti ve ta.


Kum hnih zet kan inngaihzawn that leh hnuah innei turin thutlukna kan siam ve thei hram kha a nia. Kan hun tawn tam tak te, tap zawih zawih khawp a kan in hauh te, thikthu chhiatna avanga kan inbiak duhloh te, kum hnih chhung lek khan thil tam tak a thleng hman a ni. Minti na lo turin Andrey pawn theihtawp a chhuah tih ka hria mahse mihring ve tho ani a, a tisual leh thin. Hriatthiam ngai ve tho hian amah hriatthiam harsa tih chang ka ngah hle a, mahse hmangaihna avang bawk in kan inrem leh thin. He mihring hi famkim tur a ka hmangaih a nilo a, a famkimlohna te hi ka hmangaihna chhan anni zawk. A insawi ang in ngaihzawng fel leh hriatthiamna ngah tak chu a nilo mahse ka duh ber hmangaihna leh rinawmna erawh a mah ah hian ka hmu thung.





Kapa in state dang a awm a phal tak ngang loh avangin Bank lamah a lut ta nge nge a, State Bank ah branch manager niin a buai ve thei khawp mai. “Kum nga chhung I thawhrimna kha a thlawn vek dawn asin” kapa thu a awihlo tur a ka thlem fe hnuah kati a. “A thlawn hleinem a thiamna kha ka la nei reng alawm chu chu ka zir chhan pawh ania” tiin min hrilh anih kha. Kha tih lai khan keichu ka lawmlo em em a mahse ani erawh chuan a hrethiam hle thung.






Kan inneih ni kha ka la hrereng thin. Andrey chuan holam deuh a inneih kha a duh a, mahse kapa leh bawk in a fanu neihchhun pasal neihna chu holam tak a duhloh avangin min telpui tu pawh an thahnem khawp mai. “In fate hi ‘pate' tiin nge ‘pu’ tiin ka in koh tir ang le” tiin Andria chu a phun nung nung a, Andrey an pate tir atum a keiin pu tir ka tum thung a, inneih ni ah pawh kan inhnial leh ta nge nge a nih kha.




Inneih inkhawm chhung zawng chu Andrey chuan a nin hmel em em reng a, inneih thutiam kan sawi lai bak kha chu a nui hmel ka hmu miahlo,. Hrehawm kati in min neih a duh lehlo a maw kati hman hial a. Mahse kan awmfal hnu ah “mipui tam lutuk khan minti chau, ka duh ang pawn I hmeltha zet ah ka rilru ka pe theilo” tiin min hrilh a, keimah lam nilo in midang vang ani tih ka hriat khan ka thawveng ve thei chauh a ni.





Kan inneih zan chuan kan chauh dun em avangin inkuah chungin kan muhil ta zawk a, bakah ka thiante'n min ngaihthlak ruk an tum tih ka hriat avangin ka ngamlo takzet. Sex kan hman hmasak ber tum khan ka zam hle a, a vawikhatna ani bawk nen an sawi fo angin a na hle a ni. Mahse ka hmangaih hnenah ka thianghlimna ka hlan theih avangin ka lawm a, ka mittui a tla hial bawk. Thianghlim takin kan innei a, Pathian tanpuina kan dawn nasat zia ka hrechhuak fo thin. Inneih hma a sex hmang te hi an demawm hauhlo, mihring anni a chãkna nei anni. Keini erawh Pathian in min veng a, ka zahawmna hum ka duh ang chiahin Andrey pawn sex lo hmang in kan inneih hma in rai ta ila mite'n min en dan tur ngaihtuah ran chungin sex kan hmanglo mai zawk a ni.




Tun hnu a ka hriatchian em em mai chu “hmeichhia a zahawmna atan a a thianghlimna vawnghim zo lo nih aiin mipa min duhlo tu zarbuai chhen thin nih chu a zahthlak bikna a awmlo” tih hi a ni. Ka ngaihdan ah chuan mipa ngaizawng kual dun dun a, duh ber pawh neilo, rinawm thei chuang bawk silo nih ai chuan pakhat ah chauh rilru pek a, pakhat chauh hmangaih a, amah nei tur a theihtawp chhuah chu thil tha zawk a ni. Heng nun pahnih te hi kalo hmang ve ve tawh a keichuan Pakhat tan a rinawm tlat reng chu ka thlang zawk a ni.




“I hmangaih neih turin i theihtawp chhuah la, I tan a ruat a nihloh chuan a kawng reng hrelo in I beidawn san hun a thleng ang. Mahse kawng i neih hun chhung chu bei tang tang la, i tan khuanu khian rem a ruat sak ngei ang che”





Kan inneih hnu kum 1 leh a chanve velah kan in dang ve a, keichuan in dan kha ka hreh takzek, patea leh Andria te an pahnih chauh a an awm mai tur ka ngaihtuah phei chuan a harsa kati. Kan nunhlui ka ngaihtuah chang a ka nuih tiza em em thin tu chu kan inhauh tum kha a ni.





Kan nupa in kan inhau a, a chhan pawh engmah min hrilhlo a Andrey chaw a eichhuah vang ani chuta karah Mahruaii te nen an la ni zui. Ani lahin hrethiam ve mai turin min duh a, keilah a insawifiah pauh leh ka thinrim tulh tulh mai si. Ka chhungte thenawm lawk ah an awm bawk nen “ka peih tawhlo ka haw dawn” tiin tlan ka tum a. Engtin mah min chelh lo in amah zawk chuan min chhuahsan daih anih chu, ka rilru nat em em zia kha. Mittui tla pur chungin kan in lam ka pan a, inchhung ka luh chuan kanu leh pa leh Andrey te ti ti lai chu ka hmunghal a. Hrethiamlo zet in anmahni chu ka en a “tlan I tum bawk sia mahni in ka mu peih silo a ka kal khalh mai che” Andrey chuan alo ti vat a, ka nuih za bawk si nui duh bawk silo chu ka pum a na vek thei hial. Kapa in awmdan tur min hrilh hrep hnuah inkuah chungin ka room hlui ah chuan ka mudun leh ta nge nge kha a nia.





Andrey lakah hian beisei kati sang hle thin a, a chang chuan min ngaihsaklo in min ning ni mai te hian ka hre thin. Mahse a tawp ah chuan min hmangaih zia ka hrechiang leh thin. Mize in anglo tak kannih avangin kan inhau fo a mahse kan in haw ngailo thung. Inhauh kan awlsam ang bawk in kan in ngaidam hma a, chu tak chu keichuan hmangaihna kati.





Ka sawi fo angin keini chu fairytale leh movie ami kanni miau lo a, hlim takin an awmdun ta a tiin a tawp ve mai theilo. Kum nga lai kan inneih hnuah pawh hian fa kan ka nei theilo a, Andrey lakah hian ka inthlahrung takzet. Kanu leh pa ka chhun vangin fa neih ka harsat tih ka chiang a chutah ka chhul a chaklo bawk nen, doctor chuan fa neihna chance ka neihchhiat hle thu min hrilh anih kha.


Keini aia innei hnuhnung Tlamuana te pawn fa an nei tawh a, an fate kan hmuh chang hian Andrey hmel en ngamlo in mahni ka indem thin. Fa a awh ve zia ka hria a mahse ka bulah chuan fa neih chungchang a sawi ri ngai miahlo thung mahse chu chuan minti hrehawm zual takzet a ni. A hrehawm em avangin inthen ka rawt hial a mahse ka rinloh dan deuh in Andrey chu ka thusawi avangin a thinrim hle a, kut min thlak a tum hial a. Min kuah chung in “khawngaih takin khatiang thil atthlak kha sawi tawh suh, fa tam tak aiin ka duh zawk che. Ni e… fa chu ka awt lutuk mahse nangmah nen a thleng tur khawp chuan ka awtlo. Fa kan nei emaw neilo emaw ka bula I awm chhung chuan ka hlim a ni mai” tiin min hrilh a.





Engtik ah emaw chuan Pathian hian fa minla pek ve ngei ka beisei tlat a, amah rin mai chu ka tihtur a ni.


Thil tam tak ka tuar a, beidawng lek lek chungin Andrey chu ka hmangaih tang tang thin a. Amah ka hmangaihna chu natna hlir in khat mahse ka tuar zel a, ka hmangaihna a pawm duhlo chung pawn a tan ka rinawm reng thin. Tunah chuan “min hmangaih avangin ka lawm e” tiin lawm thu min hrilh fo a. Ka hmangaihna leh ka beiseina te avangin ka hmangaih chuan min hmangaih let ve ta.

Ka tawrhna te kha an thlawn lo e.





A TAWP TA






Hanabi


Note:Haru leh Zampaliani te thawnthu hi in chhiar duh angem?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)