It's_Always_You By Mrs.Oh (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

Re: It's_Always_You By Mrs.Oh (Completed)

Unread post by Ngaia » December 20th, 2020, 2:31 pm

Dominus Vombiscum




Silence means “please be happy”
Tears means “I truly loved you”


Ikon… B.I









Thil engkim chu a pangaiin a kal a mahse Andrey awmdan hi ka hrethiamlo, a rilru tibuaitu an awm tlat hian ka hria a, ka zawh lahin a that vek thu a sawi a mahse awih harsa kati, enge maw amah tibuaitu chu an awm ngei a ni, min hrilh theih hun nghah mai loh chu tihtheih ka neilo.


Ka hriatthiamloh chu engvang a ka hlat a awm tum tlat nge anih tih hi a ni. Ka lak a zep nei ang maiin ka hriatchian a hlau tlat a, a hma ami Andrey kulh bangin a hung tlat kha a ang leh tawh.





Nimin khan kan result a chhuak a 2nd ah tihpalh thil thu in ka pass ve tehmial a mahse ka pass chang chang ang a ni mai. Andrey chu ka beisei lawk ang ngeiin Gold medalist ani thung, ka chhuang takzet. Mahse khawnge a zirzawm ang tih chuan minti buai, ka hmuh phak ah awm se kati.




Kan pass lawm nan kan thian hmeichhe ho kan lengchhuak a, kanu in pass lawmpui nan kekawr thar leina tur min pe bawk nen ka phur hle mai. Andrey chu min kalpui turin ka sawm ngei a mahse thil tihfel tur a neih avangin ka sawm lui duh ta lo.



Thil ei turin kan chawl a, Aruatin min treat dawn avangin kan phur ngang mai. Mahse kan luh rual chuan Mahruaii leh hmeichhe pahnih ka hmu nghal a, ka phurna an paih bo nghal vek alawm le.



“Hmanni zan kha mak ka tih zia chu Andrey khan ka rin aiin a in thei daih”

“nia a in ngaihloh hmel tehreng nen… I thu chu a awih khawp mai hreh chung chung in a in mai alawm”
An thianduh in biakna chu ka ngaithla reng a. Ka hriat theih tur leh minti thinrim tur a an sawi ani tih hre tho mahila ka haider theilo. An duh ang ngeiin ka thinrim bawk. Zami chuan “sawlai ami te sawn Andrey hming an sawi ania” alo ti ru sar sar a. “Midang aniang Andrey nen in hria seng chuan ka hria ang” kati liam puat a. Hetiang a nui chung a ka thiante bula a chanchin thalo ka thup bo a ngai hi a zahthlak kati ngawih ngawih.





Ka chauh thu ka sawi chhen avangin ka thiante pawh chuan min hrethiam in tum ai a hma in ka haw ta a. In ka thlen chuan kani eirawng ka bawl peihloh thu hrilhin ka mu nghal hmak bawk.



Hmanni zan ah khan ka rin ang ngeiin Mahruaii bulah a awm a ni. Khanu kha ka ngainat loh zia chiang takin a hria, engtin nge a bulah chuan ala awm chhen theih. Amah vangin zu te a in vel maw? Andrey Vanlalhruaitluanga awmdan hi ka awih theilo hial zawk, min fiam khanglang a maw ni le.





Rui chungin kha hmeichhia sihal pitar ang mai a ko ham hnenah khan a awm a, enge an tih ang tih pawh ka ngaihtuah thiamlo hial zawk. Hei vang hi ani ngei ang minlo hlat tlat a ka lak atanga a inlak hran chhan. Ka hriat ve remlo kha zan khan a thleng em ni? Tinge ka lakah hian zep nei ang tlat a a khawsak le?




Ka ngaihtuahna te chu a buai nuai nuai thei… tunah chuan ka rilru na lam ai chuan ka thinrim em em ringawt ani mai.






Ka chhungte ka zah ve deuh avangin peihlo zet chuan chaw ka ei a, thleng ka sil lai chuan ka chhungte tawng ri atangin Andrey alo kal tih ka hrethei. Tun a ka dinhmun ah hi chuan ka be peihlo takzet.




Thil sawiduh a neih avangin min hruaichhuah lawk ka chhungte a dil a an ni chuan anlo phal ve mai bawk a. Kal hlat ka duh miau loh avangin kan in kawt thutthleng ah chuan kan thu a. Andrey chu a ngawi reng a keipawn tawng tumna ka nei hranlo. Mahse a rawn thaw chhuak leh hak thin chuan ka ngaih ati thalo rilru hahna lian tak nei a ang kati.





“Kolkata ah CA zir ka tum a class 10 ka pass khan ka tum tawh a CPT pawh ka pass tawh a, thulh leh mahila tunah tih thar leh ka duh a. Kar leh Friday hian chhuk thlak ka tum a” atih chuan ka hlauthawng in ka na takzet. Ka thutna atang chuan ka tho a kal tum a ka inher chuan ka banah alo man nghal a.


“Tinge” tia min zawh chuan min chelhna chu ka vai thla a “I tan tunge ka nih” tiin ka zawt let a. “ã viau lo teh thu la sawidun ang” tiin min thlem a
“tun a sawidun chauh maw? I bialnu kani a min rawn miahlo in engtin nge thutlukna I siam theih? Sawidun a tul tawhlo I thutlukna chu I siam fel tawh alawm” ka thinrim lutuk chu ka aw a khur thei hial. Tiang em em hian ka pawimawhlo ang tih ka ring ngailo

“I ngaih ang kha anilo” a tih lai mek chuan “enge ka ngaih ang nilo chu? I bialnu a ka in ngai hi em ni” tiin ka zawt sak a

“A mak e.. Engkim hi la kawi lo teh” ning tih hriat zet chuan ati a

“engkim ka la kawi maw? Nilo engkim hi ka haider zawk ani. Min hmangaihlo tih hrereng in ka haider a kei aia ngaihhlut I nei tih hrereng chungin ka enliam zel zawk anih hi' ka thinrim lutuk chu ka au ni ber in ka hria, insum tumna pakhatmah ka neilo, ka thinrimna hi thup seng lo in tunah hian a puakdarh mek a ni.


“Ka hmangaih che chu chu I hria I rindan hi dik tur ah dah vek suh” tiin min vin let a

“Nilo uAndrey I hresual min hmangaihlo.. Keichu min hmangaih hun nghakin I bulah ka awm reng a mahse I nunhlui vangin I inkhar tlat a, mi zawng zawng hi I nu ang nitur a I ngaih hi bansan rawh. I nunhlui kha I paih chhuah loh chuan keichu kalo lut ve theilo mahse chu chu iti theilo tiraw” tiin ka nuih khum a, ani erawh min chhan tumlo tih hriat takin a ngawi ngal thung


“keimah chauhin hmangaih reng che hi ka peih tawhlo, hetah hian duhtawk ang. Hmangaih che bansan hun ka hre ngailo a tun hi hmangaih che ka bansan hun ani in ka hria….. inthen mai ang” kati ta nge nge a. Ni e kan inthen a ngai, a harsa dawn tih ka hria mahse hetiang a awm reng ai hi chuan a harsat ka ringlo. Tunah chuan natna ka tawrh theih ang zawng zawng ka tuar tawh, ka duhtawk ta viau e.




Ka dar ah chuan min chelh a “I thinrim laiin thutlukna siam thin suh.. Ka thiamloh ani e in ngaihtuah fim phawt la nakin ah kan sawidun dawn nia. Nang chuan min then duh mahla keichuan ka duhlo” nghet charh chuan ati a.



Amah chu chiang zet in ka en a “ka chau tawh, nang hmangaih che hi ka thei tawhlo. Min kaltir mai rawh… hlimna min pe theitu bulah awm ve ka duh tawh, I bulah hi chuan ka hlim thei ngailo ang” tia ka ngen takah chuan min chelhna chu a thlah riai riai a.


In her in muangchangin kan in lam chu ka pan a “I kal dawm maw? Jovial min kalsan dawn maw? Nang leh zel pawn min kalsan dawn a?” ti a Andrey min zawhna pawh chu ka hre pha reng. Mahse hawilet tawhlo in ngawi reng chuan ka luhsan a. U Andrey a tlai tawh…. Ka tawrh theihna te hian an tlin tawhlo a ni.







College kan tan hnu ni thum vawiin ni ah hian Fresher’s day kan hmang a, kum dang aiin ka hmang hma. Vawiin hi thutsday ani a, a awmzia chu naktuk hian Andrey chu a kal tawh dawn.




Khang ni liam ta te kha engtin nge ka hman in hre duh em?

Muangchangin ka thi ni maiin ka hria. A ni tel in a na telh telh a, ka chhungril atang hian tih chhiat mek niin ka in hria. Andrey chu a reh vang vang mai si a, a reh ri te chu ka tan ri bengchheng ber an ni. A na lutuk a a chang chuan bialnu lemchan kha chhunzawm mai a that zawk ka ring rum rum thin a mahse chu thil chhunzawm chu awmze neiin ka hrechuang silo.



Andrey tihsual leh a tlinlohna te chu enliam theih ka duh a, hmangaihna chuan a en liam thei meuh mai mahse he mihring hi ngaidamlo turin a chapona te hian anti luhlul tawh si a ni.



Andrey thusawi lai chu ka en reng a, ka hriat theih chin ata tawh hepa hi chu a hmeltha a ni. Haw em em chung pawn a hmelthatna leh a piannalhna hi chu ka hmuhhmaih thei hlawllo. Hun a liam anga khu mipa hmeltha zet bulah khuan hmeichhe dang an ding tawh dawn chu ani si a.



Hmeichhe dang tan a phuar hran in a awm tawh anga, a hmangaihna pawh chu hmeichhe tan chuan ani tawh ang. Chhungkua a din a nga a fa ten chu hmeichhia chu “ nu” tiin an ko ang, ka duhthusam thin ang khan. Chung thil ka ngaihtuah chang chuan thi tur ang mai hian ka na thin.







Program a zo a Andrey hmuh hlau zetin ka chhuak nghal vat a, a hmel hi natna mai a ni.

Hall ka chhuahsan fel chiah chu ka hmaah Zomuani alo ding thut a henu pawh hi ka hmuh chakloh ber te zing a mi a ni. “Andrey I hawsan dawn mi? A thinrim a nge” min fiam pah deuh chuan ati a. “Kan inthen tawh” kati zawi sap a.

“Daw lo mai teh nichin ah pawh kannu hmuh ka ngai” atih kha a tih chuan awihlo zet in amah chu ka en a. “Kan inthen tawh lawm ngaihzawng thar a nei aniang” ka thusawi chu keimah ngei pawn ka awihlo. Andrey hian ngaihzawng a neilo tih chiang takin ka hria, ani hi ka hrechiang ngaihzawng nei mai mai chi a nilo. Mahse tinge dawt a sawi tih chuan min tibuai.


“Tinge in inthen? Kir leh in tumlo ami” tiin min zawt leh a “engkim hian chhan a nei mahse sawi nuam anni veklo a min hrethiam mai rawh chuan kan kir tawh dawnlo a tawp tawh” thaw hak pah chuan ka chhang a. “I sawi duhloh chuan a tha e… mahse Andrey’n a ngaihhlut zia che leh a ngaihtuah zia che hi theihnghilh suh ang che” tiin min kalsan a.



A kal liam tur chu ka ko let leh a “Mahruaii te nen a in inhmuhkhawm na ah Andrey'n zu a in a mi” tiin ka zawt leh a. Tunah chuan eng chhanna pawh dawng dawn ila hlauh chhan tur ka nei tawhlo.


“Immm result chhuah hma khan a nia… kalna tur a nei a, zu a in hma kha chu kal an phal silo a no khat a in a a kal nghal” a tih chuan mak kati takzet. Mahse Andrey zu in ka hriat kha chu exam lai kha a ni si a.


“Engtik nge chu chu” tiin ka zawt leh a
“Result chhuah hma chiah khan” a tih leh phei chuan ka bo takzet.
“Nih leh exam lai khan a in em” tiin ka zawt leh a
Nin hmel zet in a mit a chet kual ralh a “Exam lai chuan lehkha zir nen hna a ngah bawk si a buai lutuk ringawt. Exam zawh ni chaw eikhawm ah pawh alo kallo” ati a. Ka rilru hi a buai nuai nuai mai… enge dik ber pawh ka hrethiam lo.


“Andrey chuan I hriat a duhlo na chungin ka hrilh mai ang che, hna a thawh vak vak chhan pawh 100 days lawm a duh vang ania, I tan thil tihsak che a duh a chuan a a zirna man tur tuak a ngai bawk a. I tan hian a thawkrim a sin. In inthen chhan chu Mahruaii tawng theih vang anih hmel a I rin thu kha thudik ah ngai suh. Tum tum chu I thiamloh a nih hmel” tiin min zilh a.



Enge thil awmzia hi? Ka rindan ka kalpui thui tihna em ni?


Mahse inchhir turin ka tlai tawh. Ka hlim nan a min kalsan turin ka ngen a, ka ngenna ang ngeiin ani chuan min kalsan tawh. Andrey hi rinna tla chham tiin ka sawi a mahse ringlo tu chu keimah ka ni. Ani chuan min ringlo zawngin tawngkam a nei ve ngailo a thikthu a chhe deuh mai chauh a ni.


Min ngaihtuahna nei miahlo in ani pawn kolkata a awm turin min kalsan a tum alawm tiin mahni ka inthiam chawp a. Ka thiamloh ani ti rilru chungin Andrey dem talh chu ka tum a.





Hanabi



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:31 pm

WITHOUT



“Min ngai ami” ti a min zawt ziahtu kha ka ngai a
Mahse “ka ngai che” ti turin a tlai zo tawh si








A hlim nana kaltir turin min duh a, thil awlsam tak chu ani hauhlo mai.


Ni e… ka ngaihsak hmanlo a, min biak a chak em em reng ani tih hre mahila a tan hun ka in siam thei chuang silo. University kalna senso a tam dawn bakah Jovial tan thil enge maw tak tihsak ve ka duh em vang in a ngaihdan tur ngaihtuah hauhlo in ka duhdan in thil kati a kati sual ta a ni.




Flashback

Jovial missed call enge maw zat ka hmuh chuan call back nghal ka tum a mahse an exam lai anih ringin ka ti leh talo a. Chhunah chuan ka buai lehpek khawp mai, mawi tak leh danglam tak Jovial'n a theihnghilh tawh ngailoh tur buatsaih sak ka duh a ni. Ka buai bawk nen amah pawh ka be talo a, Joviali ni chu engkim ka hrilh lawk a minlo hrethiam khawp mai.



Ka beisei sang deuh nge pawh ka hrelo atan a ka thiltih chuan Jovial chu a tih lawm hmel tehchiamlo in ka hria, nge ni a thildang ka tisual leh zawk? Nizan a call ka pick up loh vang anih ngei ka ring. Nizan ka chau leh taksa kham lutuk tihreh nan zu ka in hlek a, mi zingah chuan in loh hram hi ka duhdan ani a mahse ka taksa a chauh lutuk hi chuan mahni a han in zeuh hi ka tih fo dan a ni. Ka chauh bakah zu ka in bawk nen kalo mutui deuh ani ngei ang ka phone ri ka hrelo reng reng.





Tunah chuan a lungawi ve ta deuh e. A taksa chu ka fawp kual a rilru fim pu leklo a ka taksa duhdan tih hlawhtlin theih hi ka chak mahse he hmeichhe thianghlim tak khawih chhetu nih hi ka duhlo. A hmangaihna min hlan a a inchhir leh dawn tih hrereng chungin a insum theihloh lai hi remchang a la turin tumah ka nilo.




Zan dar 10 vel thleng Jovial te in a ka len hnu chuan in ah haw in mu turin ka in buatsaih a. Ka mu fel chiah tih chuan kanu in minlo call ve nghal a, ani biak chhan tur nei a ka inhriatloh avangin ka ngaihsak lemlo. Message ri in a rawn chhunzawm nghal a, Andria contact info minlo thawn in “ani hi ka be zawk dawn ami” a tih chuan pawn ah chhuak nghal in amah chu ka call back vat a.



“Kei leh ka chhungkua hi hlat ang che” a pick up rual chuan kati nghal tawng a
“Ka call chhang lang chuan khatiang khan katih a ngailo ang” a rawn ti let hlar a
“Enge I duh” chhum bung zet chuan ka zawt a, nu leh fa in hmangaihna tih vel hi ka ring tawhlo. Pakhat in min kalsan a pakhat zawk lah in a der in min hmangaih bawk, thil lem tak a ni.

“Ka bulah rawn zir zawm rawh” a tih chuan ka nui hawk mai. Ka nui der hauhlo a zaktheilo ka tih em avangin ka nuih a za

“Hmelhriatloh bula khawsa mai thei mihring kani lo” nui chung chuan ka chhang a

“I chimawm dan chu min chhun hle mai, anih chuan I unaupa lem hnenah khan thudik ka hrilh mai a ngai anih chu” atih chuan ka sa zawk mai.

“Andria chu hnuklut thak suh ang” kati vin tuar a

“Damchhung a amah chan hlen I duhloh chuan ka sawi ang hian ti ang che” tiin a dah nghal hmak a.






Result a chhuah hnu thleng pawh chuan ka rilru ala buai, kanu bula awm ka duhloh chu thuhran Jovial hlat a awm chu ka thei dawn in ka in hrelo a ni. Ka hmangaih ani tih ka hriat hma leh tiang em em a ka tan a pawimawh hma pawh khan ka lungngaih lai a hmuhtur a awmloh kha ka hlau thin a. Ka hnawl a ka tihnat lai reng pawn min hlat turin ka phal tak tak chuanglo.



Mahse Andria ve hi engtin nge ni ta ang? Ka nau hian kei leh kapa min nei chung pawn a nun hi a khuahar in mal intih chang a nei fo thin a, he thil hi a hrechhuak anih chuan min kalsan ngei ka ring, kum kha leh chen kalo zep avang pawh khan min haw ngei ang. Kei leh kapa min chan leh anih chuan tumah a nei tawh dawn silo a, tumah neilo ang mai a awm tur chuan ka nau hi ka phallo a ni.





A tawp a ka thutlukna chu Andria ka chan theilo tih hi a ni. Ka kal anih pawn Jovial chu ka ta ala ni reng ang, lunglen khawharna te chu tuar mahila thil hlu tak Andria nen a tehkhin chuan engmah a nilo. Kanu chungchang erawh kapa tihloh chu midang hrilh tulin ka hrelo thung. Tunah chuan Jovial hrilh tur a inbuatsaih ka ngai ta ani, ka huphurh takzet.


Ka awm bo dawn anih ro ro chuan CA zir ngei ka duh si a, kum 5 vel han awmhran chu atan a harsa dawn tih ka hria. Mahse hengte hi kan hmalam hun atan zel zawk ani tih erawh a hriatthiam ve hram ka beisei.



Ka beiseiloh dan lutuk in thil a thleng ta zawk a, amah ka rawnloh avangin a thinrim a mahse chuvang chauh chu niin ka hrelo. Ka hmangaihna a ring zo lo a mahse ka dem theilo a beisei ka phak loh vang ani tih ka hria. Ka thil hlauh em em inthen chu a sawichhuak a, min then duhtu chelh talh chu tlawm thlak mahse chapona avanga Jovial chan chu ka theihloh avangin ka then dawnloh thu a hrilh a.




A tawpah chuan min hmangaih theih tawhloh thu leh min hmangaihna avanga a chauh tawh thu sawiin a hlim nan kalsan turin min ngen a. Kha zet kha zawng a na kati in ka tlawm theihna te hian an tlinlo tep a ni. Hmangaih ka harsat em vang ani maw min hringtu leh kanu te khan minlo kalsan, Jovial meuh pawn min hmangaih chu awmze neilo anih thu a sawi ta chu a nia.



Mahse beidawng duhlo in ka infuih hran hram a, a thinrim vang chauh a kha thu kha sawi ani tiin. A hlim nan a kalsan turin min duh mahse a hmangaihna kani a a hlimna chu keimah kani tiin ka in hrilh mawlh mawlh a. Tunah chuan ala thinrim rih a nakinah chuan ala hrethiam ngei ang tih beiseina nen hun thawl ka pe a. Ngai chung chung in ka belo a, a bula awm thlahlel ngawih ngawih chung in amah chu ka peh hel a.




Fresher Day a a tap lai ka hmuh khan minla hmangaih reng ani tih beiseina ka nei a, program a zawh rual chuan amah chu ka zawng nghal vat a. “Engkim hian chhan a nei mahse sawi nuam anni veklo a min hrethiam mai rawh chuan kan kir tawh dawnlo a tawp tawh” tia Zomuani zawhna a chhang ri ka hriat rual khan ka beiseina te chu chhem bo ang diak anni ta.


End of flashback




“Lokir a tum tawhlo ani pawn a kalsan tawh che” tih chu ka bengah hian a ri nawn tluk tluk a mipa ka nihna theihnghil thak a tah theih ka chak. Heihi maw a tawp dan tur chu? Fairytale anilo tih hrereng mahila “hlim takin an awmdun ta a” tia tawp tur chuan ka beisei tho asin. Mahse Prince Charming kani silo a ka thinlung Lalfanu venghim tur leh a hmangaihna vawng nung tur hian ka chak tawklo ani ngei ang.




CA chu ka zir ang Jovial leh a hlimthla ka chhui theihlohna hmun ah awm in a tello a nun ka zir tawh ang. Mahse Andria hi thudik ka hrilh tur a ni. Hetiang hian ka bum reng theilo, thudik a hriat hnuah min kalsan a duh anih pawn keichuan ka kalsan chuanglo ang. Ka zawng anga atan ka nung zel ang. Chutiang chiah chuan Jovial pawh… min kalsan in a hlimna diktak a tawn hunah pawh a hnunglam ah a tih dikloh te veng turin ka awm reng ang.




A hnunglam rawn hawi a keimah chauh min en leh thei anih ngai chuan a hnenah ka kir leh ngei ang. He hmeichhia hian duhlo pawh nise ka kalsan theilo, hmeichhe fimkhurlo leh chesual reng thin anih avangin venhim a mamawh a ni. Mipa angin a kiang ah hmun ka chang tawhlo anih pawn a unaupa amah duat em em thintu Andrey ah khan kir leh in a bula ka awm theih nan anih phawt chuan tu pawh kani mai ang.


Kawngkhar pawh kik lemlo Andria room ah chuan ka lut a, ka luhlohna a rei tawh hle mai. Khum ah chuan thu in phone alo khawih mawlh mawlh a, min hmu chu a hmel a hlim riau in ka hria.
“Thil sawitur ka nei” kati hmasa te te a
“Sawi vat vat.. Ka thian ten min nghak a nia” a phone bih reng chung chuan ati a
“Andria kan pahnih hian” kati a sawi theilo in ka thaw leh halh a
“thisen ah kan in zawmlo
Andria thusawi chuan min thawn em avangin amah chu ka en tlawk tlawk a, ani erawh chuan a phone a khawih zawm reng thung.

“ka hria tih ka hrilh lawklo che a ka tihpalh” tiin min nuih ver ver a

“engtin nge I hriat” tiin ka zawt vat a. Ani hian lo hre tawh maw? Tinge engvang nge a sawichhuah loh?

“saitual a ka awm lai khan mitenawm pa khan a fa ka nih thu min hrilh a, a tir chuan awihloh ka duh a chuan I hriatchhuah kha ka hlau bawk a. Mahse kanu khan a hrilh che a, min la ngaihsak reng tho avang khan unau kan la ni reng ani tih ka hria a. Chuan I sawichhuahloh dan ah tul iti lo anih ringin ka sawichhuak lo ve tawp a” tia min hrilh chuan chhan mai dan tur pawh ka hrelo.

“Thisen ah kan inzawmlo” a nui hak a “mahse kan thanglian dun a unau kanni ani mai lo mi nge ni a I unau ni turin min duhlo zawk” tia min zawh chuan “nilo… thisen a zawmpui dang pawh nei ila nang ai hian ka tan an hlu chuanglo ang” tiin ka chhang vat a. Ka thusawi a ngaih dikloh hlau ru em em chung in a hmel awmdan atangin a rilru chhiar tum tak chuan amah chu ka en a.


“a tir chuan I nau kani tawh dawnlo amaw kati a, pawm duhlo viau mahila ka nuapan lai kha chuan ka ngaisang ve thin em che a” nui reng mahse a hmel ah sawn natna ka hmu thei… keimah ang tho in thisen a kan inzawm lo hi pawi ati tih ka hria

“I nau nih hi ka duh… I nau kani lo anih chuan he khawvel ah hian tumah ka nei dawnlo, thisen ah kan inzawmlo hi ka hua” tiin hnuailam a bih ngar ngar a, a taksa awmdan ah chuan a tap tih ka hria. Amah chu pahnai in ka kuah a, kum 18 chuang ni tawh mahse a u bula pangchang leh thikthu chhe zet mai, naupang tahbelh ve tak Andria kha ala ni reng a ni.


“Ka u bik bik anih hi” tiin a rualpui thenawm naupang bulah khan min hauh em em zel a, Jovial a velh chang a ka hau thin te kha a thinrim in chaw eilo a tihtauh te kha a ching a. Kanu leh pa te an inthen hma kha chuan ka bulah lo chuan a mu duh ngailo a, thian dang ka kawm te kha a phallo fo a, “ka len hun ah chuan a u ang kani ang ka la lar dawn tiraw nu” tia kanu a zawt fo thin te khan minti hlim in mahni min in ngaih hlut tir ve em em thin a. A entawn tlak leh a zah tlak a awm kha ka tum ve em em thin.



A naupan lai atangin a hrisello em em a, dimdawi a ngaiin thian ngaina viau mahse in ah khung a ngai fo thin a, amah kawm tur a Jovial lo leng fo kha kan lawm hle thin kha ania. Thian ngaina mi leh pawnlam nuam ti mi anih avangin pawnchhuah ngen in a tap fo thin a, kanu in chhuah a phalloh chang khan a hrehawm kati em em zel a, a ruk in ka chhuahpui fo a, kanu in kan pahnih in min vaw leh nge nge thin. Harsatna tam tak a tuar a, a kum phulo in hmachhawn dan a thiam a keipawh hian ka tluklo hle a ni. Chutih rual chuan hnemtu leh pangchanna tur a mamawh ve tho a ni. Eng ang pawn tuarchhel mahse inhumhimna leh thlamuantu tur chu midang ang tho in a thlahlel ve a ni.


Min mamawh em em laiin ka kalsan a, mi dawihzep ang maiin amah hmachhawn ngamlo in ka tlanchhia a mahse ani chuan a u ni tur in minla pawm reng a. Keiin ka harsatna tawh ah dem tur leh puhmawh tur ka zawn reng laiin ani chuan pawm thiam a tum hram hram a, ka nau hi ka tluklo takzet a ni.








Ngawireng a kal ringawt chu dik a ka hriatloh avangin Jovial thlah tur chuan an in lam ka pan a.



Hanabi

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:34 pm

OLD WAY



A kiang a awm turin kawng remchang apiang a dap a
Kalsan nih hlau in khur chungin a hmangaih sulhnu pawr te chu a chhuimam sak zel a






A kal dawn zan chuan ka beisei loh deuh in Andrey alo leng a, engmah thlenglo ang maiin tlangnel hmel zet in rawn awm mahse engkim a danglam tawh tih erawh kan hrechiang hle thung. Kan pahnih a kan awm fal hnu chuan anu bula awm tur a kal a tum thu te min hrilh a, keipawn anu nen a an inkar siam that tum turin ka fuih ve mawlh mawlh a.



A tumah mah in ngaihdam kan in dil lo a, kan inkar siamthat lam lah kan sawi heklo. Hmanlai hun ah khan kir leh in unau in pawh tak ang a awm leh turin thutlukna kan siam a. Chu chu ka nun a Andrey a tel ve zel theih dan kawng awmchhun ani tih ka hria, ka thinlung neitu atan a ruat nilo mahse ka nun atanga paih chhuak hlen tur erawh chuan ka la in peihlo takzet a ni.












Tunah chuan BA kan zo ve ta reng mai. Andrey kal hnu thla li vel ah khan kapi in min boral san a, Andrey pawh alo haw leh a mahse khami hnu atang khan vawikhat mah a rawn let tawhlo. Kan pahnih inkar chu a hma ai zawng khan a inhnaih zawk hial in ka hria, nitin kan inbia a kan hun hmandan te kan in hrilh tawn thin.



Ngaihzawng dang ka nei thuai a mahse mi tha tak erawh ka ngaizawng ngailo thung. Rilru ka pe ngailo a, Andrey nen a kan inremna “unau ang a awm leh” chu ka ti hlawhtling ani tih tihlanna hmanrua ah ka hmang ang chauh a ni. Ngaihzawng thar ka nei tih Andrey an a hriat apiang in min sawichhiat sak chiam zel a, mahse chutiang a atih chuan ka hlim ru veng veng thung thin.




Ani pawh hmeichhe dang nen a an thlalak ka hmuh apiangin ka titau ziah a amah ka be duhlo fo thin, amah chiah leh hmeichhe pakhat nen chiah a an thlalak anih ngat phei chuan thinrim in ka block ngei ngei a mahse ka hriatchian chuan a thian emaw a lehkha zirpui anlo ni leh thin. Andrey chu a thusawi ah a ding tlat a, hmeichhia ang a min be ngailo a, inngaihzawn lam hawiin tawngkam a nei ngai heklo, unau ang in thurawn tha tak tak min pe thin.



Keichuan MA kal zawm ka tum hranlo a Andrey an phallo viau mahse thutlukna ka siam tawh chu sawhsawn ka tum hranlo, a bula zirzawm tur a min sawmna pawh kha ka hnawl ta kha ania. Andria erawh Andrey bulah zir zawm a tum thung a, ani lehzel pawh a awmlo tur chuan minti lungngai takzet. Mahse heng unau pahnih te hlimthla ah hian ka nung reng theilo tih ka hria, mahni a mahni kawng sualchhuak turin hma ka lak a hun ve tawh a ni.




Andria chuan amah thlah pah in ni hnih vel cham turin Kolkata kal ve turin min sawm a, ka chhungte pawn an remti ve mai bawk a. “Tiang chuan I fapa hming ah pawh Zorampela I phuah ve thei nang, a hawizim thlak em mai” ti a min tawng el avang chuan kal chu ka rem ti ta nge nge a mahse Andrey erawh hrilloh kan tum thung.





Airport kan thlen chuan Andrey chuan minlo hmuak ngei a mahse min hmu miahlo. Andria chiah chu a bia a keichu en pawh min en lo. Ka kal ve a rinloh lutuk vang ani ngei ang. Lawmlo zet in amah chu ka au a hrilhhai hmel zet hian min en nghal vat a, chet mai nachang pawh hrelo chuan min en tlawk tlawk ringawt a.



Chumi hnuah min rawn pan hnaiin min kuah thlawp a “ka mumang a nilo tiraw” tia min zawh chuan amah nen a inrem loh em avangin ka nui hawk a. “Ka ngai lutuk che” zawi sap leh rilruih mai a atih chuan ka thinglung hi a nghawr dat in ka hre hial, “unau angin” tawngsual inti zet chuan a tihzawm a. “Keipawn unau angin ka ngai lutuk che” tiin nui chungin ka hrilh ve a, mahse ka thusawi chu a diklo tih ka hria. Ka la hmangaih reng em tih chu ka hrelo mahse min kalsan lo tur a ka duh ber chu amah hi ala ni reng a ni. Ngaihzawng nei in ka duh dan in ka nung a, thlamuang tak a ka la awm theih chhan erawh engtik lai pawh a ka chanchin ngaihtuah reng tur a Andrey ala awm vang chauh a ni.






An in kan thlen chuan hmeichhe lo awm ve chu anu ani tih ka hrenghal a. Hai rualloh in an in ang takzet, an mitmeng ah phei chuan danglamna an neilo. Minlo lawm thiam hle a, a awmdan ah chuan Andria tih lawmloh a hlau mah mah emaw ni aw kati hial. Inthlahrung deuh a a khawsak hlau ni awm tak in a awm a, a tan nu nih a tum tih hriat takin a ngainat zawng te leh a ei duhzawng te chu a zawt nghal zung zung a, Andria tan insiamrem a tum ve nasa hle ani tih ati lang chiang hle, chu chuan minti thlamuang in minti lawm takzet.




Andrey nen an chendun hlim kha chuan an inkar kha ala khirh ve hle a, mahse hun a liam a a ruk a nu hmangaihna thlahlel em em tu Andrey pawn a thinlung a hawng ve zel a. A hriatloh kar in Andrey pawn a ngaidam ve tial tial a, ani tel in anu chanchin min hrilh tam telh telh bawk. Anu chu pawm duhlo viau mahse a hriatloh phen a anu a thlakhlelh zia leh anu a mamawh zia a hmuthiam telh telh a tunah chuan engkim a fel ta vek e kanti thei tawh ang.




Andria an bula awmtir pawh hi anu rawtchhuah ani nghe nghe a, sawibuai miahlo a Andria an alo pawm mai pawh kha mak kati hle a ni. “Ka unaupa ah ka pawm a a chhungkua pawh ka chhungkua anni ve mai alawm, an tello a mal tak a awm mai tur hi an bulah min awmtir duh anih chuan lawm mai tur ka ni. Bakah uAndrey ang tho a tawngkam aia thinglung tha anih ka ring” tiin Andria chuan min hrilh a, hepa em em hi chu a felna hi ka teh seng hlawllo.





Bathroom awl a awmloh avangin Andrey room ami ka hmang a, mipa bathroom ka hman avangin ka tihdan lo deuh in bathroom ah ka thawmhnaw ka thlak phah lehnghal. Ka chhuak tur chuan dustbin ka pal baw zui zat a, ka che chhe lutuk chuan minti thinrim.



Bawlhhlawh chhar khawm tumin ka kun a ka chhar mawlh mawlh lai chuan pregnancy test kit ka hmu nawlh anih chu. Rin pahnih a awm bawk a… ka ngaihtuahna a thil lo lut chuan minti na vawng vawng mai. Rinloh theih ka duh mahse a chiang viau lawi si, Andrey hi pa ani tawh dawn maw? Mahse ngaihzawng a neih awm ka hre silo a.



Ka inrin hma in ka mittui chu alo luang zawih zawih a, hru mawlh mawlh mahila a hul thei chuanglo. Andrey hi kalo la hmangaih takzet anih ngei dawn hi, tunah chuan thinlung hliam tak tak chu ka tuar tan dawn ta. A hma zawng kha chuan ka kiangah Andrey a awm tlat a chuvang chu ani ka na te kha an dam leh thuai thin ni, mahse tunah chuan engkim a danglam tawh.




Kawngka chu a rawn kik dawt dawt a “I van rei ve I tha em” tiin Andrey chuan min zawt zawm nghal a. Tap chung hi chuan min hmu theilo ang, heihi unau awm phung tur a nilo a lakah ka hmangaihna rilru hi tarlan leh ka duh tawhlo. Mahse ka insum theilo ngang silo a, ka kã chu hup in ka tap ri a hriat hlau tak chung chuan ka thu a, “I tha em” atih leh chuan insiam rem in ka mittui ka hru hul a “immm kalo chhuak tep” harsa zet chuan kati a.



“I inbual tawhlo tih ka hria lo chhuak nghal rawh” a rawn tih leh tak ah chuan test kit chu dusbin ah dah leh in ka chhuak vat a. Amah en lo a chhuah ka tum tehreng nen ka hmai ka hliahna towel chu pawt thla in min chelh ding a ka tah chhan min zawt zawm nghal a. Chhuanlam siam tur ka hrelo takzet ani pawh hi haider ve mai tur hi a nia.



“Bathroom ah khan test kit ka hmu a” ka tih rual chuan a hmel chu mak tihna hlir hian a khat a, “eng test kit” tia min zawh pah chuan bathroom ah chuan a lut nghal a, ka chhang tawh lemlo. A hnu reilo te ah a rawn chhuak lehnghal a hlauthawnna hlir hian a khat ni maiin ka hria. “Ngai diklo miah suh I rin ang kha a nilo” a rawn tichhuak nghal a.



“A ho lutuk tiang te chu zep chi pawh ani mi, ka lawmpui lutuk che” tiin ka nui lui hram hram a, a sam tuai nawk nawk pah chuan “thutlukna I siam hma in hrechiang thin rawh… lo nghak lawk rawh” tih pah in a phone chu a phawrh a, tu emaw a call tih ka hrethei. Loud speaker ah a dah nghal a lehlam ami in a pick up rual chuan “tinge I test kit hi ka bathroom ah I paih” ati nghal deuh tawng a.

“A pawi vak ami” rawn titu chu hmeichhia ani, a bialnu maw nile a aw chu ka hriathnu ang riau in ka hre bawk.

“I rai thu hi I chhungte leh I bialpa mawl deuh kha ka hrilh dawn” Andrey'n a tih chuan “a tullo ka pai tlang dawn em tih pawh ka la chianglo nia bakah hnam dang fa ani tih I hriat kha kapa a thinrim lutuk ang midang kã atanga a hriat chuan” hlauthawng tih hriat tak a lehlam ami in a tih chuan ka dam nghal huai mai. Ka hresual leh tawh.



Andrey chuan phone chu a dah nghal a “Zomuani anih kha hmanni ah hetah alo test a” tiin min en kar a. “A ho ka tih kha sawifiah pawh a ngailo” lai zet chung chuan kati a.

“Anih si chuan tinge I tah” ti a min zawh chuan a zawhna chu hrelo der in Zomuani chungchang chu ka zawt daih a. Nui suk chungin ka chal ah chuan a a nam a “phakar reuh lutuk mai” tiin a nuih zawm vur vur a, a nuih laia a hmelthat zia kha ka sawithiamlo. Hepa nuihmel ang reng a mawi hi ka la hmu ngailo, a chal arh nalh zet leh a hnarngul sang vah mai te, a mithmul chhah nalh tak leh a hmui sexy em em te, a hmaitlang in vuah dik lutuk leh a zun tina tu a biangsum mawi zet te hian hmeichhia engtiang a tam nge kei ang hian buai zo vek turin a siam ang tiin ka ngaihtuah fo thin.




Ni hnih chu hriatloh kar in an liam thuai a, hun reilo te mahnise khang kum hnih liamta chhung zawng ah khan ka hriatreng duh ber hun anni thung. Amah ka hmuh hma kha chuan Andrey nu hi sual ve lampang nitur khan ka ngai ringawt a mahse rinloh lam takin kan chungah a tha takzet. Mahse ka letling thawk ang vel ani a, a smart in a chetzia engkim a dik thlarh a thil tisual ve thin hmel pawh a pu lo mahse chu chuan amah min ngainat tak tak tir theilo thung.



Ka haw dawn zan chuan ka mut tawh hnuah Andrey alo kal nawlh a, engmah sawilo a ka bula alo mut chuan thawh nghal vat ka tum a. Min chelh vat in nghet zet in min kuah a “hlau suh engmah kati lo ang” tiin zawi sap in min thlamuan a, a aw chu lungngaihna atanga lo chhuak ni mai hian ka hria.



“Engthil nge I tih hi I hria em? Line I pel a nia” tiin sawi mahila a kalsawn chu kei aia hlau an awmlo ang. “I unaupa hian a ngai em che lawm uikawm vak suh, vawikhat kuah pawh phalloh” titau tawngkam zet chuan ati a. A thawh tak tak ka hlauh avangin engmah ka sawizawm duh tawhlo, ani lah chuan min kuah nghet tial tial mai si a, ka lung phu rang tial tial hi a hriatloh hram ka beisei.



“Ka bula riah chu I tumlo ang tiraw” tiin ngawireng a kan awm hnu chuan ka zawt a. “A tlai tawh hi ka let peih tawhlo” ti hmuk in min chhang a, a maimi chhing ngar ngar bawk. “Bialpa ka nei tih I hria em” tiin ka fiam a, “I bialpa ve kha a khawsik pui vei zo hlim a ang si” atih chuan ka nui nasa lutuk, Tetea hmel nen ka mitthla a anih duh hmel hi kati lutuk ringawt.



“Muhil tawh rawh naktuk ah I chau lutuk ang” mutchhuah hmel zet a atih chuan a awm ah chuan ka hmai ka phum a, mutthilh tum chuan ka maimichhing a. Rawn kun hniam a ka sam a rawn hnim leh veng vemg tak ah chuan insum zo lo in kan nunhlui te ngaiin ka tap chhuak hawk a. Khang hun hlimawm tak te kha an liam vek tawh, natna tam tak ten a hlutna tichhe then mahse kan hlimlai hun te kha ka ngaih a reh thei chuanglo.




Andrey chuan duat tih hriat tak hian ka sam chu a chul a “engkim vang khan ka tihpalh” ati chhuak sap a. Engtin nge ka chhan ang ka hrelo, ka ngaidam vek che timahila a hnen a kir leh tumna ka nei chuang silo, ka thinlung duhdan hi ka rilru hian a pawmpui theih miau loh avangin ngawih ka chuh ta zawk a.







Hanabi


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:34 pm

AU REVOIR




Ramri kham velo hmangaihna chu kan inkar ah a tel a rem tawh a silo a
Ka ramri pelh hlau reng reng a in veng kar chungin hnaih che ka tum ve fan fan thin asin
Mrs.Oh









Tui tak a a muhil sek sek lai chu ka thlir ngawih ngawih a, zingkar ani bawk nen a hmui sexy zet leh a kawrawm zau deuh vang a a hnute bul lang te chuan ka duatpuia hi anti buai takzet a ni. Insum zo lo in a hmui ah chuan ka fawp vawng vawng a, duhkhawp lo zet a ka lei hmanga a hmui ka nawr kau rual chuan alo meng diar diar a. Tawp hlekin amah chu ka en a, meng tha manglo a ka nghawng ah a rawn kuah ve takah chuan ka thil tih lai chu ka chhunzawm nghal a.




Tu bialnu nge anih tih lamah ka buailo, ka natna pek te avang khan ka lakah ala hel deuh mai chauh ani tih chiang takin ka hria. Kan pahnih inkar ah beiseina a nei tawhlo tih hrechiang viau mahila a hlat ah min dah phal chuanloh avangin keichu ka la beidawng velo. A hlimna chu a theih ang tawkin han zawng phawt se a beidawn tawp ah keiin kalo la nghak reng ani tih hriatthiam hun ala nei ngei ang. Natna tam tak ka pek a vawi tam ka tlanchhiat san hnuah keipawn ka hrethiam ve ta ang chiah khan.







A kawr chu hmanhmawh zet chuan ka hlim a, a hnuai ah engmah a hak miauloh avangin a hnute lian leh thianghlim zet chu ka en ngawih ngawih a. Tunah chuan a harhfim tawh ani ngei ang hmai sen tek chungin a ban in a hnute chu a hliah a. A ban chu dahsawn sak in kum hnih chhung zantin kalo suangtuah thin a hnute nalh zet mai chu ka fawp vawng vawng a, min dawngsawng tha tih hriat tak in Jovial chu a thaw leh halh thin a, chu thil chuan minti phur zual zel thung.







Ka lei hmang a a hnute hmur chhaihkual pah chuan a kekawr chhungah ka zen lut a, Jovial taksa chu a che dawt mai, a inringlo hle ni ngei tur a ni. Nawmna vawrtawp pek tum a a hmeichhiatna ka sawngbawl leh chuan a thaw chu a rang tawh takzet, keipawh chuti tho. Ka duatpui an duat a thlahlel ve tih hriat tak a alo khawng tial tial te chuan rilru fim min puttir thei meuhlo.






Ka banbul a rawn ben pahin thei leh theilo hian “uAndrey a tawk” a rawn ti sap a, harsa a tih ve zia chu a hmelah a lang reng. Keipawn nawrlui duhlo in ka duhtawk ve mai a, mahse min dan avangin ka lawm tehchiam lo ani tih tihlan nan dimna nei miahlo in a hmui chu ka kiss bawrh bawrh a, min chhanlet ngaihna hrelo in a dawh mawl ve tawp ringawt. Ka tawp dawn a a hmui ka seh sak chiah chu a te that a min nam zui chiam bawk a. Amah chu bawhbet in a kawr chu a darah ka pawt liam a, a dar ruak kang ah chuan sen kawlh khawp a ka kiss hnuah ka room lam pan in ka phei san a, zingkar nuam ber ala ni hial ang.







Amah chauh a let tur anih avangin Jovial chuan ka rilru ati buai hle a, Mizoram pawn a a zin vawikhatna chiah ani bawk nen a rual a let ve lawk mai ka tum hman a. Mahse a duhlo ve khanglang a, inzir nan ka duh atih deuh tlat avangin amah chuan ka haw tir ta nge nge a.




Airport ah chuan an thlawhchhuah hun kan nghak a, thil tih dantur chu ka hrilh mawlh mawlh reng a, a ning deuh ani ngei ang ngaithla awm ang pawn a awmlo. An chhuah hun a thlen chuan a hmel chu rawn inthlak in lunglenna hlir hian a khat a. Nuih luih takngial pawh a theihloh dan ah hian a huphurh hle ani ngei ang.






A vawihnih nan a Jovial kaltir leh chu ka tan pawh thil harsa tak a ni. Luhlul viau hi sim in kan bulah zirzawm hle hle se a tha mai tur hi ania, a upa tulh tulh a a luhlul tulh tulh ni mai hian ka hria. Hetah a tawng ri leh a rimtui tak te ka hriat phaklohna hmunah hian keichu ka awm leh a ngai dawn si a, thil phurawm tak ani lemlo.





“Bialnu I neih chuan zep lo in min hrilh ang che” intih hlauhawm tum zet chuan ati ve tan tan a. “Bialpa chhe deuh deuh kha nei tawhlo la ani mai” ka tih chuan a nui vur vur a. A luh dawn chuan a rawn hawilet duh miahlo a, a tap anih ngei ka ring. Engtik lai pawn a bulah awm in kan thanglian ho a, kan tello a han khawsak chu a tan a harsa hle ang tih ka hria.






Motor lampan a kan kal lai chuan Andria chuan min din hnaih in “U I hma hun a thim teh ania” atih chuan hrethiamlo zet in amah chu ka en a.
“I than a kin tawh a keilah ka la thang dawn chauh a tunah pawh 2inch vel bakin I sang tawhlo ania” a tih chuan nuihawk chungin a mawngah ka pet a, min tih hlim a tum ve dan ani tih ka hria. “I tap dawn kha, kal vat ang a zahthlak” atih leh chuan amah chu pet leh ka tum a, hmanhmawh zet in a tlan a motor ah a thu nghal hmak a. Andria lo awm ve tur chuan minti lawm takzet, engtik ah emaw chuan Jovial pawn min rawn zawm ve ngei ang.











Thui fe kan tlan hnu chuan “I nu hi ka rin aiin a fel” Andria chuan ati chhuak nawlh a
“I nu nilo in kan nu mawle” ka tih chuan a lu a bu ve nghat nghat a.



Andria tan kanu pawm mai hi thil harsa anih dawn zia kei aia hrethiam tur an awm kherlo ang, mahse engtik ah emaw chuan ala pawm ve theih ngei ka ring tlat a ni.






Kolkata ka chhukthlak hlim khan kanu bulah awm duhlo in in ka luah a, a lawmlo viau anih kha. Mihring induhtawk tak anih avangin ngaihdam min dil aia a thuhnuai a min dah kha a tum tlat a, keiin chu chu ka ngaitheilo bur mai bawk si. Mim hmu turin alo kal fo a, kan inhauh hrep hnuah a kal leh thin, in millo tak hi kanni ringawt.




Kanu nen a kan inhauh apiang hian Jovial hian min hau let chiam thin a mahse kanu nen kan inhauh thu ka hrilhlo ngai chuanglo a chhan chu min duhsak vang ani tih ka hria a, min duhsakna tawngkam ka hriat hian ka na te an dam huai thin. Jovial ngaihtuah loh lai ka neilo a, enge a tih ang le tih chu ka zawhna tam ber anni. Thil tui deuh ka ei changin ei ve se tiin ka ngaihtuah a, thawmhnaw mawi tak ka hmuh changin a ha lai tur ka mitthla kual thin.





Ngaihzawng a nei tih ka hriat hmasak ber kha chuan ka chhe vek ni mai hian ka hria ka beidawng takzet bawk. Mahse ka nun atanga kaltir ka thei silo a na lo ang takin ka awm a, ka thikthu kati lang anih chuan ka chhuanlam “unau ang a awm” hi ka chhunzawm thei dawnlo tih ka hriatchian em vang a ni.





Hun a liam a kanu pawn ka mizia a zir thiam ve ta ani ngei ang, a hma ang khan namnul tak tak hi ka khawsak khum thei tawh meuhlo. Ka tawngkam te a hrethiam chho tan in engtia dawr tur nge ka nih a man chho a keipawn ka ngaina tial tial bawk. Hun rei tak duat kalo thlahlel ve em em ani tih min hriatchhuah tir a, ka mamawhlo emaw katih laiin kanu chu a rukin kalo zawng ruai thin ani tih ka hmuchiang ta hle mai.




Mal tak a mahni a engkim tuar a ka tah tlawk tlawk fo hnu ah thlamuantu han neih leh chu a hahdam thlak takzet. Ka thinlung hriatrengna thalo leh natna tam tak ten an hliam tawh hian tuamdamtu a hmu ve ta. Keimah a ruak awm tlat Jovial, Andria leh kapa ten an hnawh khah zawhloh chu rawn hnawhkhat in a tawpah chuan nu hmangaihna tak tak in thlamuanna min pek theih chu ka hrethiam ve ta.



Tunah chuan engpawh ka chungah thleng se ka kawng ah buaina awm in tlu sawp fo mahila lainat tak a min kai tho thintu tur ka nei tawh a. Mal takin ka tuar tawh dawnlo a hnemtu tur ka mamawh changin ka kiangah a awm dawn tih ka hria. He thlamuanna hi a hlut zia ka hrethiam tawh a chan nawm tawhlo turin theihtawp ka chhuah ang.




Ka nunhlui hliam te kha ka theihnghilh lo a minti na tawhlo mai chauh a ni. “Nu ka hmangaih che” kati leh thei ta, ka hmangaih lo theilo min hmangaih si a.






Hanabi




Note: A chapter hi a laklawh dawn sia chuvang chuan hemi chapter hi chu a tawi deuh a ni e… minlo chhiarsak thin a ka lawm e… Dam hlen tum tlat ang che u ☺

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:35 pm

REGRET






Hmangaihtu chuan a tuar tang tang a, chakna tawp theilo a nei bik ang maiin a tuar thin.

Mahse maw a beidawn hun a thlen a, a hawisan tawh anih ngai chuan hnunglam ami chuan ati buai leh tawh ngailo.








Andrey Vanlalhruautluanga Chartered Accountant tih ani tawh dawn ta, amah ka chhuan zia hi hria seng chuan ka chungah a lawm zawk ngawt ang. India atanga zirchhuak anih bakah a course chhung a a zo thei te hi ka chhuanna ti zualtu an ni. A hlawhtlin chhan hi mite aia thluak tha a neih vang a nilo a, mi danglam bik a nilo tih hrereng chung a a thawhrim vang a ni.



Vawiin ah a rawn haw dawn a, kum thum hnuah engtiang in nge alo danglam tawh ang tih pawh ka ngaihtuah thiamlo. “Minlo hmuah loh chuan ka hmeltha lutuk tak mai hi I hmu tawhlo ang” ti a min vo leh tak avangin kapa nen hmuak turin kan kal a. Andria erawh thlaleh lam ah a rawn haw dawn thung a, anlo thlen hun a pelh rei tawh nen ka rin aiin anlo chhuak har daih lehnghal a.






Awi…. Saw mihring saw… ka awih theilo zawk… ka thaw a chham dawn alawm le. A taksa a danglam ang sawn a hmel saw danglam seng chuan Andrey ani tih ka hre hauhlo ang. A sam kir lampang te kha anlo ngil tawh a, a vun ngo ve tak amah pawhin a duhloh em em te kha tunah chuan ngo lutuk han tihtur anni tawhlo.



A tleirawl hmel duhawm te kha paih tawhin tunah chuan puitling tak tak a ang ve ta, hmuihmul a neilo hlauh erawh ka tan lawmna, hmuihmul hi ka ngaina lo. Mahse a mitmeng minti vawt sung sung thintu leh a hmui sexy zet sen vam ham thin te chu anla ngaireng thung. Sawibuai ngailo in a thang nual ani tih chu a hriat a, gym a kal tih a sawi khan tuipui viau mahila duh aiin a kal mah mah niin ka hre tawh. Tun a Andrey landan hi a zahawm in PA tia sawitur diktak ani a, ka mit ngei a ka hmuh tawh ah ani aia Smart ka la hmu hauhlo, a landan hian “Gentleman” tih thumal hi min hriatchhuah tir. Mahse a taksa lianpui leh a landan thar hi ka ngaina lo… ka hlau.





Min hmuh rual chuan nui chungin ka lam a rawn pan a, ka bul alo thleng chuan engmah sawilo in ka lu chu a khawih a “I thang miahlo anih hi” minti anih chu mawle, nghal famkim lutuk mai. Bakah 5.5ft kani ve tawh reng sia mahse a hma a a khabe chen vel ni ve thin kha tunah chuan a hma aiin ka thawkna a hniam tawh, thil lawmawm tak ani hranlo.



“Nang chu I thang nasa hle mai mahse I mawl hmel sawt” kati let ve a min chhang tawhlo in min en ngur ngur ringawt a, a mitmeng chuan “ka ngai lutuk che” tiin min hrilh ni mai hian ka hria. Keipawn ka ngai takzet a ni. A bungrua te kan hlan fel hnu chuan in lam kan pan nghal a, kapa in car a khalh a keini pahnih a hnungah kan thu thung.





Kan tlanchhuak chiah chu ka kut a rawn vuan nghal a, ka phu zawk mai. Engmah thlenglo ang maiin kapa nen chuan an ti ti char char a, kei erawh kapa hmuh hlau zet in ka ip chawih chawih reng thung. Mahse a kut lum nuam tak in min vuan leh thei ta hi ka hlim a, kum thum chhung amah ka ngaihna te kha a thlawn mai an nilo tih min hriattir bawk. Andrey nen hian in ngaizawng chi kan nilo tih chu ka hrechiang viau tawh mahse hmalam ka pansan thei tak tak chuanglo. He thil atang hian engtin nge ka zalen theih ang ka hrelo, mahse hmeichhe dang nen “tiam tlat e” antih hunah chuan ãt hi bansan in hmalam ka pan ve theih ngei ka beisei thin. Mahse chu ni chu ka mangchhia thlen dik ni, ka tan a ni tihbaiawm ber ani ngei ang.





Kan thlen hnu ah Andrey bungrua te kan dan fel hnu in inti fai turin kan phei san a, a pa a awmlo bawk nen kan in lam a chaw rawn ei turin kan chah mawlh mawlh bawk a. Kan in a rawn thleng phei chu thut pawh a thut hma hauh in kanu te chuan zawhna chi hrang hrang an zawt nghal char char a, keipawh hian zawh chak tam tak ka nei a ni. Mahse chung zawhna zawh ai chuan a taksa si chet turin min kuah se khang hun chhung zawng a amah thlakhleh vanga ka hrehawmna zawng zawng te kha tidam thei ila tih chu ka thlahlel ber a ni.




Kapi thlalak chu a en vang vang a, a hmel leh a taksa awmdan atangin a khuahar tih ka hrethei. “A kimlo riau mai” ati chhuak sap a, a awmdan atangin a thusawi chu ka hrelo turah a ngai ani ngei ang. A rilru tur chu ka hrethiam in ka in hria, keipawn ka ngaihtuah fo thin, in ka thlen rual a “nula I chau em” ti a minlo zawt ziahtu an awmlo ta mai chu a ruak huai ni mai hian ka hre thin. Andrey tan pawh chuti tho chu a ni, in alo luh rual hian biak hmasak hi kan chang mang ngailo, kapi hian nuisang chungin alo be nghal vat thin kha a nia.





Andrey tan hi chuan kapi hlutna hi a zual bik a, a nu leh pa an inthen hlim khan a pa chhungte bulah a awm duh silo a kan in ah alo riak fo thin a, kapi bulah khan a mu ziah thin. Kum 13 anih thleng khan a mu a, a danglam tak hnuah pawh khan kapi eitur leh damdawi leisak te kha ala ching a. Kan in rawn kal khat in kapi nen hun hmangdun tam tawhlo mahse atan chuan ala hlu em em ani tih ka hria. Kapi pawh khan a ngaina a, a chanchin chhia ka sawi hlek in a tan hlur zel a, Andrey vangin min hau fo bawk. A thih dawn thleng pawh khan Andrey chu ala hrereng a mahse alo thlen hun a nghak thleng zo ta lo kha ania.




Zanriah kan eikham hnu in chaw eikham thingpui ka lumsak a, kapa thingpui heh lutuk hi chu ka ning thin. Thingpui ka sem fel hnu chuan an bulah chuan ka thu thla ve nghal a, “Andrey khawiah nge thawh I tum deuh” ti a kapa in a zawh chuan Andrey chu ka en vat a, keipawn chu chu ka hrechak takzet a ni.




“Company pali chuan hna chu min offer tawh a keimah tak hi chuan intern ka pekna ah khan thawh zawm ka duh a mahse ka la chiang biklo” atih chuan ka nghing lawih mai. Mizoram ah a awm dawnlo maw? Ni e… Andrey nen chuan kan khawvel a hrang tawh tlat a ni. Eng ang pawn thlunzawm tum mahila Pathian in awmhrang tur a min ruatna hi thlak theih ani chuanglo.





“Eng in nge I rilru chu tibuai” amah chik zet a en chung a kapa in a zawh chuan a chhan hrethiamlo zet in an pahnih chuan ka en a. “Jovial hian” ti a Andrey an a chhan chuan ka phu dawrh mai. “Jovial hi nupui ah neih ka duh a, state dangah kan awm chuan I hmuh phakloh ah a awm dawn a chu chu rem itih ka ringlo a” tiin a sawizawm a. “Anih lo phalllo ta ila engtin nge I tih ang” tiin kapa chuan a zawt leh a. “Bank lamah luh ka tum tawh mai ang chu Mizoramah chuan CA hna ka thawk peihlo” ti a a chhan chuan mak tiin amah chu ka en tlawk tlawk ringawt. Kum nga chhung a thawhrimna chu heti mai hian paihbo a phal a maw? Andrey kha ala ni tak tak em.




“Engthil attlak nge in sawi hi ka awm ve reng laiin min rawn miahlo in ka pasal neih hun tur in sawi a maw” kati vin tuar a, ka nui zui hak bawk. “U Andrey kan inkar chu kum nga liamta khan a tawp tawh nangpawn I hrechiang viau engvang nge tih chu, chuan pa ka pasal neih chungchang ah inrawlh lo turin min tiam tawh kha” tiin thinrim zet in in chu ka chhuahsan a.





Andrey ngaihtuahna ah hian enge lut ta le? Keichu kum nga liamta ah khan ka la awm reng a ni. Andrey chu ka hmangaih ngei alawm mahse ka hmangaih avang maiin kan rilru puthmang inanglo lutuk hi thlak theih ani chuanglo. A thlirna tlang atangin ka thlir thiamlo a, a rilru puthmang hrethiam turin a dinhmun a in dah dan ka hre heklo ani pawh chutiang chiah chu a ni. Awmdunlo tur a ruat kanni tih chu ka hrethiam tawh pawm mai pawh a harsa mahse thudik ani miau si, Andrey pawn ala hrethiam ve ngei ang.



Engtik ah emaw ka tan a ruat chu ka nunah rawn lut in loh theihloh in Andrey ka hmangaihna te hi paihbo in Andrey hi a la ti bo ve ngei ang tiin ka beisei fo thin. Andrey hmangaihna tuipui a tan hi hun khawhralna leh awmze neilo mai ani tih chiang tak in ka hria. Mahse chu tuipui chhuahsan chu ka phal chuang silo, ka chhuah theihnan kawngka chu a in hawng reng a mahse chu hmun nawmna chuan min chelh tlat a chhuahsan chu ka thei rihlo a ni. Mahse chu hmun chu ka chamhlen na tur ani silo.





Pan lan em em pawh neilo a ka kal mek lai chuan ka hnunglam ah tu emaw hian minlo kuah thut a, a taksa lum ham ham leh ka thinlung danglam dawrh dan atang chuan Andrey ani tih hai rual a nilo. Ka mittui chu a rawng luang nghal zung zung a, ka naupan lai atang a danglam ve ngailo chu Andrey bulah hi chuan ka mittui te hi ka thunun zo lo a, awlsam takin anlo luang nghal mai thin.



“Engthil nge I sawi kha? Unau ang in awm ka tum ani lawm ni” tiin tap pur chungin ka zawt a. Ka dar ah chuan a lu a nghat a, a sa nghal ham ham mai. “Dawt ka hrilh che vang in pawi kati, duhthlan tur ka neilo a ni” ati zawi sap a. Inher in amah chu chiang zet in ka en a, zan thim hnuaiah chuan a hmelthatna chu a chiang zual in ka hria.





“Engvangin nge kha thil kha I sawi si nangmah ani lawm ni unau ang a awm rawtchhuaktu chu” aw khur deuh dar dar chuan kati a, a awmdan hi min fiamkual a ang kati. Vawikhat inthen ka sawi a lungawi takin min kalsan a, ka thiamloh ani tih ka hria mahse engvang in nge ka thinrim tih hriatchhuah a tumlo a. Min hriatchian tum ve hlek chu nisela a hrethiam ngei ang, kum tam tak kan in hre tawh a Kolkata a a zirzawmna tur ah min rawnloh avang mai a inthen sawichhuak mai tur chi ka nilo tih chu hretur a ni. Mahse ka mizia zir a tum lo a ka ngaihdan a tan a pawimawh ve ngailo, vawikhat te mah a chhan min zawt heklo. Kum nga lai a reh hnu ah awlsam tak a min neihlet a tum leh ringawt a, tunah pawh ka ngaihdan tur ngaihtuah miahlo in thutlukna a siam leh tawh hi.




“A chhan chu i nunah tel ve zel ka duh vang a ni, I ngaihzawng angin ka awm ve reng I phal tawh silo a chhuanlam tur ka zawng anih kha” ti a min chhan chuan mittui nen ka nui hak a. “Andrey nang hi chuan min hrethiam ngai dawnlo anih hi tiraw” ka tih chuan ka mit ah min en ve ta.


“Ka beisei reng thin a kir turin min sawm kalo beisei ve asin, mahse nang chuan I hrethiamlo min hrethiam ngai bawklo ang. Unau ang a awm I duh tih I sawi hnu khan kei chuan ka beiseina te leh ka hmangaihna che chu ka phum bo vek tawh. Engtik ah mah min hrethiam ngai dawnlo a chhan chu nang leh kei hi in ngaizawng tur a ruat kanni lo tlat a ni. Inneih chungchang I sawi kha chu hrelo ang in kalo awm zawk ang” tiin amah chu ka kalsan a.




Ka banah nghet zet in a man a, mahse ka hawilet chuanglo. “Andrey min kaltir mai rawh nang hmachhawn leh tur chuan ka chau tawh lutuk, nang leh I hmangaihna thil… inneih tih vel te hi ka ning in minti chau takzet a ni” ka tih chuan muangchang in min thlah riai riai a, hawikir tawhlo in ka kalsan a.



Ka thiltih leh sawi te ah khan ka inchhir leh mai angem tih ka hrelo mahse thildik ti ni a ka inhriatna hian min thlamuan tlat a ni. In ka thlen hnu chuan engmah sawilo in mu tur in room ah ka lut nghal a, kha tiang a kapa ka bia kha chu ka inthiamlo takzet. Ka phone ka en a Andrey message lo awm chu ka hawng nghal vat a “khuanu ruat kan nilo tih chu ka pawm ang mahse a remruatna thlak turin ka theih ang apiang kati ang” he mihring luhlul lutuk hi engtia tih chi nge ka hrelo. Andrey kan pahnih hian in tawng tur a ruat nimahila chu thil chu chatuan daih tur a siam a nilo tih hi engtik ah nge I hriatthiam ve ang le?





Hanabi

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:35 pm

THE END


Parting is a lot harder than meeting







BA ka pass hnu khan loan puk in dawr ka hawng ve a, stationery dawr lianlo te ni mahse mahni mamawh ka intum ve thei a ka tan chuan a tawk ve viau a ni. A dawr hi school pahnih hnaih tak a a awm avangin inhralh a awl a, buai em em lo in ka loan te pawh ka rul zo ve anih kha. Kanu guarantor a hman ka tum tirh a a duhloh zia kha ka theihnghilh theilo, a fanu hi min ring hlawllo hi ani tawp mai.




Dawr hawn hma ka duh avangin ka tih fo dan in zing dar sarih velah chawi ei in in ka chhuahsan nghal a. Scooty la chhuak in dawr awmna lam ka pan nghal a, scooty pawh hi keima thawhchhuah a ka lei ve liau liau a ni, chawmhlawm scooty a nilo a nia lol. Dawr nghah pah a rawlthar chhelo zet zet thil lei tur lo chhaih vel hi a nuam kati, ka hnathawh mek a ka ngainat ber thil a ni.




Rei pawh ka nghah hma chuan ka bialpa Joseph Hmingnunpuia chuan minlo call a, naktuk a birthday anih avangin zanriah eipui ah min sawm a, ka hman thu hrilh in kan duhtawk nghal a. Ka rilru a rawn lut chu a bialnu pakhat zawk kha a hmanlo ami le? tih chu a ni. Mi tha tak ka ngaizawng ngailo ka tih tawh kha, Joseph pawh hi mi tha tak ani hranlo, kei lo pawh bialnu dang a nei tih ka hria. Keipawn ka rilru ka pe thei chuanglo a, a lerh em avang a min ngaizawng ang chiah in keipawn Andrey lak a indahhran nan ka hmang ve tho a, min kawp chu ka ngaihaw hranlo.




Dar 10 a rik chuan ka mut a chhuak tawh takzet, Andrey vangin nizan ka mu leh mang lo, hepa hi chu natn a ni. “Ka rin aiin I dawr chu a lian” tih ri avang chuan ka hawichhuak a, chik zet in Andrey chuan minlo en ngur a. “eng…. engtin nge i hriat” kati bah nawk nawk a. A nuisuk a “in chhungkua ah nangmah chiahin inneih pui a ka sawmna che i pawmlo tlat a ka tan hriat a har hranlo” atih chuan ka chhungte chu hauh hrep ka chak nghal hlur mai.






“Enge ilo tih dawn” tiin ka zawt leh phawt a, “ka hman lutuk a dawr ka nghah pui dawn che” mawi zet a nui chung chuan ati a. “I tumna ah khan ka lawm tawk haw zawk rawh” amah nuihlet chung chuan ka chhang a. Min chhang tawh lemlo in ka thutna bulah chuan a rawn thu ve nghal a, hepa lelhlulh hi chu a ngaihna hi ka hre hlawllo.



Hnar haw tum in awmzia a neilo tih ka hriatchian em avangin a duh ang chuan ka awmtir ta tawp a, mahse nuamsa tak a awmtir erawh ka tum hauhlo. Thil rem ngai leh chawisawn ngai zawng zawng ka tihtir vek a keiin thu chungin tihtur ka sawi zet zet thung. A nin mai ka rin tehreng nen engmah a sawi miahlo, tihtur ka hrilh apiang lah chuan a nuih kati za ting emaw tih mai tur hian min nuih ziah lehnghal a, maksak em em lutuk mai.




Ka coffee in lai chu chhuatah ka leih bua a “U Andrey ka coffee tihbuak hi lo nawt teh a val palh ang” tiin ka tir zawm nghal a. A sual thlak tih ka hria mahse hetah hian lokal chhen lo se ka duh. Ka lam rawn hawi in a ban lehlam a a kawng dawm chungin min en run a, a thinrim tan ani ngei ang. “Nupa a dawr nghak kan ang reuh” a rawn tih chuan ka lu hi a hai nghal muai maui ni maiin ka hria, engtin nge a danglam tak em em theih le. Andrey Vanlalhruaitluanga mi induhtawk ve tak kha a paihbo ta mai em ni?



“Kan inneih hunah chuan min tir peih ngawt ang” a tihzawm leh a, “inneih sawi ziah suh” kalo ti nghal hluk a. “Ka hria i duhlo… duh nghal tur pawn ka beisei lo che. I rilru ka hrethiamlo tih ka pawm mahse chuvang ngawt chuan ka beidawng theilo” nghet charh a atih chuan ka na nghal vawng vawng mai. Luhlul a chhuah tlat hian ka tan pawh a harsa in hrehawm kati ve takzet a sin.




Vawiin chu dawrtu kan ngah khawp mai, a bik takin tleirawl hmeichhia an tam zual in ka hria. Hmeichhe rual khat hi anlo lut leh huk thin a an laih hmel em em zel lehnghal a. Andrey chuan alo be thiam in a tuan a tha hle a, sumdawng mi niawm tak a ni. Kan inkhar dawn tep ah chuan tleirawl pariat reng hi anlo lut leh a, thil leitur pawh en rei lemlo in an duh an la nghal vat a. Thil man vel an pek dawn chuan an inhrilhru sep sep a, a upat hmel ber chuan “Andrey Vanlalhruaitluanga CA thar kha ini em” tiin Andrey chu a zawt nawlh a.




“Aw ni e, engtin nge I hriat a” tiin nui ver ver chungin Andrey chuan a zawt let a


“Commerce student kan nia hmanni ah Accountancy teacher in group ah alo post a” laih hmel zet chuan a chhang a, Andrey chuan a nuih let suk a.

“CA hi a har em? Zir ve kan chak a… class 12 ah hian a tlai tawh em” tiin an zawt leh a

“Har ve tho mahse a nuam lutuk, class 10 ah hian tan a tha ber a mahse keipawn college ka chhuah hnu ah alawm ka zir chauh” tia a chhan chuan mak tih hmel zet hian amah chu an en haw a. A hmel en ai hian a upa tawh tih an hrelo a tin ni, kum 26 a chuang tawh tih hi a hmel em chuan awih a harsa.


“Sir in EY firm in an sawm thu che a sawi a tak tak ami” tiin a zahzum hmel ber chuan a zawt ve a.

“Immmm tah chuan intern kati a” atih leh phei chuan amah chu an ngaihsan hmel ngang mai.

“Nangmah ang hi kan ni ve thei angem le” pakhat chuan ati chhuak sep a, Andrey chu a nui hak hak a “theihtawp in chhuah phawt chuan kei aiin in thleng sang thei daih zawk ang, keichu ka rilru a chaklo lutuk” tiin a chhang a, chung naupang te chu an hero hmu ang mai hi an ni in ka hria. An in be lai chu ka en reng a, amah ka lo chhuan ve zia hi saw mihring sawm a hrethiam pha lo ang.



An chhuah hnu chuan “EY firm chu enge” tiin kalo zawt vat a

“Intern ka tihna ka tih kha” tiin min chhang a,
“Chu chu ka zawh chhan che a nilo enge a nih ka tia lawm” vin lek lek chuan kati leh a
“CA firm ania india ah chuan top 3 ah a lang pha ve ang” atih chuan ka meng kawk mai
“I thawk dawn em” tiin ka zawt nghal vat a
“I pa thu thu ani mai” tiin min chhang a, “mawl viau suh” kati nghal hluk a
“ka thawh chuan pawisa chiah ka ngah anga mahse ka nei che nih chuan ka hlim thung ang, chu chu ka duh zawk” atih chuan ka thinlung chu a tuiral leh tep a ni.



Mahse hlimna chu hrehawmna in a rawn zawm nghal a, ka rilru a tibuai takzet. Tinge Andrey hi hetiang mi hi anih tak mai le? Ngawih mai chu a fin thlak a ka hriat avangin engtin mah ka chhang tawhlo mahse ka ngaihtuahna erawh a kal thui hle thung.






A tuk a mahni chauh a dawr ka nghak ta chu a reh ruih ni mai hian ka hria, pawm duhlo viau mahila Andrey ka ngai. Zampaliani lo peng kawi in kuva thlum min pek chuan nimin thil thleng vangin ka nui suk a. Nimin chhunah eitur leitur a chhuah ka tum a, lokal ve a tum talh a, amah zawk kal tur a ka tih lahin a duh bawk silo. Eitur lo dah turin ka hrilhlo laklawh tawh si a, dawr khar in kan pahnih in kan kal ta ringawt a. “Kuva thlum I lei dawnlo mi” tiin min zawt a hrethiamlo zet in amah chu ka en a. “College ban a kan haw kawng ah I lei ziah thin kha” tiin kuva thlum kan lei thin na dawr chu a en vung vung a. Kan inthen hnu atang khan chumi dawr ah chuan ka kal leh ta miahlo.






Zami chhuah rual chuan zirlai hmeichhia paruk vel hi anlo lut a, zawn nei tih hriat takin an hawiruai a. Pakhat chuan “nimin a dawr lo nghak ve kha vawiin ah alo kallo ami” tiin min zawt a. “Kallo… heta thawk anilo a, minlo pui lawk anih kha” tiin ka chhang vat a. “Amah vangin class kan tlanbo ve bawk a” tiin an phun zui nang nang a, anni pawh hian a hmelthatna hi an dawl zo lo ve tho anih dawn hi. “Bialnu a nei em” ti a mitmeng de sawr sawr khawp a min zawh chuan zaktheilo hi kalo ti lutuk a. “A bialnu ka nia” tiin nuisang in dawt ka hrilh a, engvang a dawt sawi nge ka nih ka hrelo. Heng naupang ho lak ah hian Andrey hi chan ka phallo ani mahna. Tiang zaktheilo deuh hi Andrey bialnu ni turin an tlinloh vang alawm tiin ka in hrilh ta ringawt a.







“Yoo” tih ri ka hriat rual chuan ka hawi vat a, a lu bula banphar chungin Andrey chu alo nui var var a. Aw…… Van angel te u Andrey ai hian in hmeltha bik dawn chuang em ni? Rawng dum hi chu a inhmeh ani tawp mai. Leather jacket hnuai ah t-shirts dum a ha a, off white logo print cargo nalh ka tih em em chu ha in timberwood lace up combat boot a bun bawk a, a chhiatloh zia chu sawi mai dan ka hrelo.


“I va hlim vur vur ve” tiin ka nuih let a
“Bike ka lei a, ka phurh hmasak ber ini duh em” tiin hlim hmel zet in min zawt a
Ka lu ka bu nghat a “eng bike nge I lei” tih leh en tur a pawn a chhuah ka rual nghal a

Kan dawr bul a Royal Enfield Thunderbird x lo ding chu ka hmu nghal zat a, a neitupa nen hian an inhmeh vel vek awm e.




Dawr chu min nghah pui leh a, zirlai ho pawh anlo kal tam leh ngang mai, chhun a Andrey lo zawng tu te kha anlo kal leh ka hlauh zia chu. “Zan in chu chaw eichhuak ila date lampang nilo in” tiin min sawm a
“ka bialpa birthday nia ka hmanlo lawm” tiin ka hnial a
“I bialpa kha korean zaithiam hlawhtling theilo a ang si” a tih chuan insum zo lo in ka nui nghal hawk hawk a, a sawidik hi kati lutuk ringawt. Keipawn a chang chuan korean style a la lutuk hi ka ten deuh thin, an vun ang a nalh a nei ve leh bawk silo a.

“Sual viau suh… mipa in mi an rel ngailo” nui chungin kati a
“A nihna alawm ka sawi tan vak suh” titau deuh chuan ati a, a thu tum zui hmak a, a duhawm lutuk chu a beng ah ka seh sak lehpek a. A au that a mahse a pangai lehnghal, kei erawh ka thiltih zawh chiah atthlak lutuk avang khan zah vangin ka thi lo chauh thung.





Dawr kan khar hnu chuan Joseph nen kan inhmuhna tur ah min tlah turin kati a “mahni ex te a bialpa nen a an inhmu tur han thlah chuh” tiin a phun zui nung nung a. “Ka nupui la ni mai tur lehnghal” atih leh chuan a lu ah ka beng pawp a. A thinrim hmel ngang mai, min tlahlo tep a ni.





Kan tlanchhuak tur chiah chu Josephan minlo call a, a hman leh loh thu sawiin a dah lehnghal hmak a, ka lawmloh zia chu ka sawi thiamlo hial zawk. Min han thamloh ve khanglan chu le…. Then a hun tawh tihna ah ngaiin rei erawh ka thinrim chuanglo. Andrey nen zawk chuan chaw eichhuah kan tum ta a, a tir atang rengin chu chu ka chak zawk a, a lak a inlakhran nan ka hnial mai chauh a ni.




Thui pawh tlan lo in min chhukpui a, building lian deuh hlui lampang tawh ah hian kan lut a, dawr thenkhat kan kal pelh nual hnu ah chuan a hmun chu kan thleng a, a nawmloh hmel rapthlak. “Thing deuh mahse an siamtui teh mai nia aw, bakah a hmun hi a fai lutuk ringawt” nuisang chung chuan ati a

“engtin nge a hmun hi I hriat zawk a biru ropui si” tiin ka zawt vat a
“Thlamuana vangin mawle a pu te ta ania” ati a


A chhung ka lut chu hrehawm em em chu ani hranlo, table tin chu daidan vek ani a, chu chuan a ti zalen riau in ka hria. “Lo kal ru khawiah nge in thut ang” ti a minlo chhawntu chu amah Thlamuana ngei a ni, Andrey nen chuan an inkuah nghal thuak thuak a sawitur an ngah tawh ngawt ang.





Rei lo te ah kan order chu anlo peih fel thuai a, Andrey khan lo sawi uar deuh tur ania a tui dan em em hi. Thlamuana pawh a awl chhungin alo thu ve a, Andrey nen a an tawng tui lai chuan “Senior tian dawr hi I enkawl tawh ami” tiin kalo pawt chat a.



“Nilo e… volleyball ka khelh zawm a tunah chuan club ka enkawl ve tawh” tiin min chhang a. “E…. Haru kha Perugia Team ah a khel mek tih I hria em” tiin Andrey chu a zawt a. “Hre nang… khapa kha chu a bawn reuh em a enge maw tak ala nih ka ring reng a ni” tiin Andrey chu a nui suk a
“Jovial hepa hian Haru thiam a tih zia a sawi peih thei lutuk a, a ngaizawng a maw kati hial alawm” atih chuan kan nui hawk hawk a. “I la tawngthei em em reng anih hi” Andrey chuan ati zui hmuk bawk a.




Kan pahnih inkar min zawt lo chu ka lawm takzet bakah Andrey hian engkim a hrilh tawh tho ang. Haru kha 4th sem kan nih khan a pu a boral a, college zo lo in Japan ah a kir leh a. Zami nen khan an inngaizawng ve hman deuh a, khatiang a engmah sawi mumallo a a kir leh mai kha Zami hian a la na em em a, tuman Haru hming hi kan sawi ri tawh ngailo. Ka hmu leh anih ngat chuan kei ai fe pawn lian mahse ka hnek tho tho ang, khatiang em em khan Zami hi ala chaklo ngailo, a tuar na takzet a ni.




Zanriah ei hma ve tak chu kanni ngei ang, khua pawh la eng uar mai. Thlamuana leh Andrey an la in biak kawi avangin building kawt ah ka nghak a. Ka bul a bike rawn ding leh a khaltu chu ka tan an mikhuallo khawp mai, helmet khum mahse tunge anih ka hai hauhlo. A hmeichhe phurh nen a an chhuk fel hnu chuan min hmu ve ta hram a, a la phu uih zui lehnghal a. Khaw eng pawh zah lo an la rui zui te nen chuan amah ka ten na ati zual.



“I hmanlo a maw ka tia” tiin Joseph chu ka melh ran a
“I tan chuan hmanlo e” tiin a nuisuk a, he mihring ve khanglang chu e
“Heihi mi I fiamkual thin mawl deuh itih kha” a bialnu ni ngei tur chuan ati a, ani pawh hi zuheh ve tho anih hmel
“Nih hi… hunawl hnawhkhahna” tiin Joseph chu a phun sap a
“Ihmaw I dinhmun hi hre rawh aw… Joseph hi lo hlat ang che, a fa ka pai mek a nia” inti thei zet chuan ati a, anni zu heh pahnih fa neih dawn vang mai hian ka nat an ring reng reng a maw ni. A bialpa hian hunawl hnawhkhah nan min hmang ang chiah hian ka tan pawh hmanrua mai ani tih a hrelo a ni.
“Zu ngawl vei pahnih in fa in nei dawn anih hmel a, a va ropui lo ve” tiin ka nuih let a an lawmloh hmel ngang mai mahse dawt ka sawi lo tlat.
“I ka veng tha rawh aw… nang in la fel sex ka duhlo ti kual vel chung a mipa in duh duh an tih theih mai inih kha” minti ta zek a. Mipa ve si a van daw thei tak, hetiang rui tawng deuh biak mah zahthlak ka tih tawh nen dawt an la sawi zui chu a nia.

“Mipa hrang hrang in min ti thei a mahse nang chuan min ti ve theilo ani lawm ni? Tuai ini tlat a” kati let ve sak a
“Zawngi” tih pahin a kut a hum ruh a, min hnek tum a a ban a lek kan chuan a ngaihna hrelo in ka hmai ka hup tawp ringawt a. Mahse ka hmai in a dawn tur ni ngei a ka hriat a dawn har em avang chuan ka meng diar diar a, Andrey an Josepha kut a chu alo hum ngar ngar a, Joseph chu hlauthawng hmel a pu nghal der in ka hria.





Andrey chuan Joseph chu a namsawn deuh a a pum ah chuan a tlawh zui pawp a, a nat hmel hi kalo ti lutuk a, Joseph pawh a vial nghal chawn chawn mai. Andrey chuan a thutbet zui nghal a, hnek a tum chuan hlauthawng in a ban chu ka vuan vat a. Rum zet hian min en nghal kawk a, ka dang chu a lawmloh hmel hle mai. “Hetiang mi tawng lutuk vang hian inti mualpho suh, loser khawih duh khawp a hniam I nih loh kha” ka tih chuan a inthlah dul deuh.





Engtin mah ti tawhlo in kan kalsan mai dawn emaw katih laiin Andrey chu a che thut a, Josepha a kiu a inbeng kang tawk tawk chu a hmai ah lei si chawt turin a rap leh kher anih chu. “Henu hi I bum kual amaw iti a mahse maw ani miahlo, ka laka inven nan a hmang mai che a nih kha, a kut I vawn lai pawh khan a thinlung leh a rilru a awm chu keimah chiah kani” tiin a nuih khum a, a mitmeng ah erawh a thinrim zia a lang reng thung. Amah a pa lian bawk nen thinrim vang a a men sen rum leh phei chuan hlauhawm tak a ni. Ka hmangaih ngei kha ani tih hrelo ilang chuan ka dang ngam hauhlo ang.






Ka lam pan in a rawn kal a, ka ban ah chelh in chak zet in min kalpui nghal dawr dawr a. Tunah hian ka zak in ka rilru a na vawng vawng mai. Joseph leh a bialnu in min tawngkhum lai kha chuan ka na miahlo, min thamlo lutuk khan minti thinrim deuh chauh a ni. Mahse Andrey an engkim alo ngaithla vek te, khatiang mipa tawng lutuk a kezungte tin pawh tluklo tur ka ngaizawng tih a hria te leh amah vang a ngaizawng mai kani tih alo hria te khan minti na in ka zak ngawih ngawih.





Bike a kan chuan lai chuan a tawng miahlo a, keipawn a awmdan chu ka hlauh em avangin amah pawh chu ka chelh ngamlo. An in lam min panpui a, engmah sawilo in a room ah min luhtlang pui nghal a. Ka ban a hmerna chu a na ut ut thei hial, room a kan luh hnu chuan khum ah min nam tlu pawp a, min rawn bawh zui nghal a ka hlauthawng takzet. Harsat hmel zet hian a thaw hrawk hrawk a, ka ban pawh a hmerna telh telh bawk, tiang em em hian Andrey hi ka la hlau ngailo. Ka tah chu a chhuak chu insum harsa kati mahse amah ka hlauh em avangin ka tap ngamlo chuang bawk silo.




Min kuah tak hlu hlu ah chuan k thla a muang ta deuh a, ka tap ngam ve ta. Ka chung atang chuan chhuk in amah en tur chuan min kuai her a, ka mittui hruk pah chuan “ka inthunun theilo a… ka tihpalh lutuk” tiin duat tih hriat takin ka biang chu a chul a. “Jovial vawikhat chiah ka zawt leh ang che, I bialpa nen a in inthen lai hi remchang ah lak ka tum tih chu ka pawm ang” tiin a thaw halh a

“ilo kir thei mailo em ni? Thil tam tak chu ka tiam theilo che mahse thil pakhat chu ka thei I tan ka rinawm reng ang, keichuan vawikhat mah ka phatsan lo ang che. I mizia ka hrethiamlo fo thin a mahse vawikhat tal ka tan risk I la leh thei mai lo em ni? Ka theihtawp ka chhuah ang kati tak tak, I thu ka ngaipawimawh anga, nangmah ka rawn hmasa ber thin ang che” sawizawm tum a an zuai lai chuan “duhtawk rawh vawi engzat nge ka sawi dawn kan pahnih chuan a remlo tih hi” kati vin tuar a.




Andrey chu a ngawi hmak a, a hmelah chuan hrilhhaina leh natna an inlan chhawk zut zut mai. A thu chhuak a, a phone ri in a chhunzawm nghal a, kei erawh rilru buai zet in ka la mu thung. A phone chu chhangin “kalo kal tep” atih chuan ka thu ve nghal vat a.

“khawnge I kal dawn” tiin ka zawt a
“Mahruaii appointment thar hmuh lawmna ah” ti hmuk in min chhang a.

Engmah sawizawm lo in a ding nghal hluai a, hlauthawng zet in a kekawr ipte ah chuan ka chelh ve nghal vat bawk a. “Kal suh” zawisap chuan kati a, ani pawn hriatthiamloh hmel zet in min en ve nghal a. Mahruaii bulah a kal anih chu Andrey hi ka chan hlen mai dawn niin ka in hria a, ka hlauthawng a ni. Mahse min kalsan hlen kha ka duh ani lawm ni? Keima rilru ngei pawh hi ka hrethiam tawhlo. Andrey nilo in keimah zawk hi ani hrechianglo chu, Andrey nen hian inngaizawng chi kan nilo niin ka ngai a mahse chu thil chu ka pawm thei miahlo thung. A hlatah kal ka tum emaw ka tih laiin a awmlohna hmun ah pawh amah chu ka zawng ruai a, a hma ang tho kha ala ni amah chauh hi ka tan a awm chu. Keimah chauh lo chu atan ka phallo a, min kalsan loh avangin ka thla a muang em a ka rilru diktak kalo hrethiamlo mai chauh zawk a ni.




Ka hma ah chuan rawn thu in ka kut chu a vuan a. “Min la hmangaih a, ka kalsan che I phallo a, ka bula awm I duh ani tiraw” tiin zawldawh tak chuan min zawt a. Pha buai tawhlo in ka lu ka bu nghat a, naupang tap thlem mek a ang kati. Min kuah vat a “ natna tam tak ka pe che a, I rilru puthmang ka hrethiamlo em em bawk a, I tan ka tlinglo in hlimna aiin tahna ka thlen tam zawk che a, mahse chuti chung pawh a chance minla pek avangin ka lawm e” ati dam dap a. Heihi ani ka thinlung in alo duh ruk em em chu, ka luhlulna te hian ka duhna hi anlo hliahkhuh mai chauh a ni.





“I upat tawh em hi Naruto posters hi la thla tawh rawh” tiin a room bang a Naruto, Hinata, Sasuke, Sakura leh Kakashi thlalak in tar chu ka kawk a. A nui suk a “kum 80 pawh ni ila ka la tar tho ang, ka hero an nih hi” a ti a, naupang chhia hi kalo ti lutuk a.

“kan inneih hunah pawh I tar dawn tho ami? A thing e ka duhlo” kati vat a
“a mawi em hi duhlo mahla kan tar tho ang” ati leh hmuk tawh. Nichin lawk ah I thu ka ngaipawimawh ang ati vel a, thuduh ve tak Andrey tho kha ala ni. Mahse ka ngai haw hranlo, mipa ani a hmeichhe thu awih duam duam mi ni ta se ka duh hauhlo ang, heng a mizia induhtawk tak te, hotu tak a a khawsa thin te leh a luhlulna te, mahni a inrintawhna te hi amah ka duh em em na chhan lian tak anni.




“Sakura ka hmuh chang hian ka hrechhuak thin che” poster en reng chung chuan ati a. “Ti maw” kalo ti vat a
“Sasuke amah ngaihsaklo tu a hmangaih tlat a, Naruto ang mipa fel deuh a kalsan bawk a, a bula awm tur leh venghim turin theihtawp a chhuah a” tiin poster la en reng chung chuan a nui vur vur a.
“Nangpawh Sasuke ang chiah a sual inih kha, Sakura in a hmangaih ve tehreng nen ninawm te ati vel khanglang a” tiin amah chu ka melhrum a.

Ka lam rawn hawi in ka biang lehlam lehlam ah a a kut a dah a “min hmangaih tlat thin avangin ka lawm e” tiin min fawp vawng vawng a.






Kan in a kan luh dawn chuan “I lerh reuh kati damlai lu I sun zawh hnu lawkah I ex I renew lehnghal ania” tiin a chek tlawk tlawk anih chu, ka van ngei mai mai tak.




Engpawh ni se Andrey hmangaih bansan ka tumna chu a tawp ta.




Hanabi

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)