It's_Always_You By Mrs.Oh (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

It's_Always_You By Mrs.Oh (Completed)

Unread post by Ngaia » December 20th, 2020, 2:25 pm

123757624.jpg
123757624.jpg (26.12 KiB) Viewed 18553 times
HOPELESS

“It hurts when you have someone in your heart but you can’t have them in your arms”

He mihring lerh zia hi chu aw… tun ah pawh amah vang in ka tah leh tawh hi..


Kan in kawt a lo ding mek chu ka kuah thlawp a, a awmdan atang chuan a hrilhhai hle tih ka hrethei.

“Andria, minti na leh tawh ania” tiin ka tah khum chhunzawm hliam hliam a.

“A bialnu alo hruai haw a, ilo hmu ami?”

Ka lu ka bu nghat a
“Tinge uAndrey vang hian ka nat reng bik le? Ila hre reng em.. Class 6 kan nih lai a uMami hmui chhah deuh nen a an nih lai ang chiah khan ala na” kuah ngheh sauh pah chuan kati a.

Ka kuahna atang chuan a in la hrang hlek a

Ka mittui hruk pah in “tap chungin tawng zuah zuah thin suh.. I tawng fiahlo thei ropui si” atih rual chuan mittui nen ka nui leh ta.. Ka hmelchhe ngawt ang

“Jov, beidawng ve tawh mai laaa I na tih pawh a hriat loh hi, hria pawh nise a ngaipawimawh chuanglo ang ani te chuan amah chiah alawm a ngaihtuah" a tawngkam ah chuan a lawm lo tih ka hre thei.

“Beidawn te chu” kati hman chauh
“ka hria… beidawn te chu I duh a I theilo alawm.. I na tih hrelo mahse pawi iti lo a bak ah a hriat chuan hrehawm a tipalh thei a I duhlo lawm tiraw?” duat tak a ka lu chul pah chuan ati leh a

Ka Thuva_nunnem_a hi chu ka tan hian a van hlu tak em…

Ni e... Tiang hian Andria bulah ka sawi fo thin.

U Andrey vangin vawi duauilo ka na tawh a, chutiang zat chiah chu mahni ka inti dam leh thin. Mahse keimah chauh in ka tuar ngailo, min hnem a min thlamuan turin Andria hi ka bul ah alo awm ve reng thin.

“ ihmaw Andria, u Andrey lak a ka beidawn theihloh chhan hi engmah a lak atang hian ka beisei loh vang amawn le kati.. Ka hmangaih theih chuan ka lungawi ani ber mai”


“maw!!! Chutiang chuan kha leh chen kha ilo hmangaih a” mak atih zia chu a hmel ah chiang tak in a inziak kulh mai…
ka nuih ati za lek lek alawm le

“Agape hmangaihna antih ang pawh kha ani chuanglo… a lakah hian phutlet tam tak ka nei a mahse ka phut let ang in awmlo mahse ka hmangaih tho”

Ka lu a tuai pah chuan “ I van beidawnthalk tak em” ati hap a


Dikchiah ka beidawn thlak… ka hmangaihna kawng hi a beidawn thlak… Andrey Vanlalhruaitluanga hmangaih hi a beidawn thlak takzet..

Mahse enge tih theih ka neih?

Ka hriat theih tirh ata u Andrey hi ka tan a hlu em em a, a hlutna chu dunna ah alo chang thuai a, thil ka hriatthiam meuh chuan bansan rualloh in kalo hmangaih hman tawh si

Amah duh chungin ka thanglian a.. Amah hmangaihna chu ka than hnan a, hmangaih em em reng chu ka mize pakhat ang mai alo ni chho a… tawpsan hun hrelo lek in ka hmangaih ta anih hi..

Noodles bowl hnih ka ei hnu chuan ka zia ta deuh e.

“Andria, a chang chuan uAndrey hi ni deih la kati thin tawp”

“hmmm.. Eng vang?”

“Nang chu I ngainatawm a, tarmit I vuah tihloh ah chuan I chhelo ve reng a bakah I luck ve tho a mahse ngaihzawng I nei ngailo a… tinge uAndrey Lerha hi ka duh tlat bik le? Ka ã niang”

“immm I ã lawm.. Double RHlua te,Hmangaih_phir te, Zampaliani leh Spidermani te pawn ã anti lutuk che” a nuihmel mawlh mai kha..

“Andria, uAndrey nuihmawi theih zia kha… tunah chuan killer smile bak a hmel ah hmuhtur a awm tawh ngailo reng reng” uAndrey danglam ta thut hi pawmthiam harsa ka la ti takzet ani.

“Jov mipa dang ngaihzawn te hi tum ve chhin la… uAndrey lo mipa dang tha tih ve deuh hi I nei hlawllo mi”
“mipa dang ngaihzawn kha chu sawibuai duh tawh suh, ka hlawhchham chian em kha… celebrity te chu duh ve tho e”

“ka mang iti ang”

“ka hria… ka duh deih dawn che mawnlee”

“het het het… min han duh vaih teh ka hmel I hmu tawhlo ang.. UAndrey ang hian min han duh mai la, a… ngaihtuahloh ka duh zawk ka rap ea” a dar tuai vut vut pahin ati leh kher anih chu, ka hnek chawrh dawn a maw ni le.

“Chu nangpawn ka bame hma che in uAndrey ang in min hnawl nghal alaw"

“ni mai ang chu.. Andrey Vanlalhruaitluanga nau, a ngaihsakloh leh a nin em em Andria Vanlalhruaizela ka nih hi”

Andria hian he thu hi nuisang chung in sawi mahse a thinlung chhungril tak a uAndrey ngaihsakna a thlakhleh zia chiang takin ka hmu ni mai hian ka hria..

Andria nen hian in an na lian tak kan nei a chu chu UAndrey hi kan ngaihlu in kan thlahlel em em a mahse atan chuan a chhehvel a mihring khawsa ve satliah ang chauh kanni thung…

Kan misual...

ANDREY VANLALHRUAITLUANGA hi chu aw..







Ka vawikhat ziahna ania... Mi tlemte pawh nise chhunzawm tur a min duh chuan ka chhunzawm ang... Mahse mizo tawng a ka naupanna erawh min hmuh kan sak hram dawn nia.

Hanabi



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:25 pm

MY YOUTH

“I’m glad that I found you on the first page of the book of my life”




Ka hming chu Jovial Hmingthansangi ani a, kan chhungkaw member hi panga kanni a. Kanu leh pa, kapi, kani leh keimah kanni deuh tawp mai.


Fanu mal ka nih chhan chu kanu leh pa te hi nula/tlangval senior ve tak annih hnu ah an innei chauh a, faneih lam ah harsatna an neih phah a, an beidawn hnu ah kei hi kalo piang ta ani.

Kapa hian furniture a siam thin a, kanu erawh bank ah a thawk thung. Kapu pension te nen harsa lo tak chuan kan la nung ve tawk tawk a.

He chhungkua a ka piang pawi ka tihna awmchhun chu cousin upa deuh deuh, fa mai bak ah tu hial nei tawh ka neih nual vang a ni.


Mi chuan fanu mal ka nih avang hian unau ka awh te an ring thin a, mahse ka awt lemlo duatrawn nih hi nuam kati..



Kar leh hian kum 18 kani ve tawh dawn a, tun ah hian BA 1st semester ka tan ve mek bawk. 5.4ft a sang kani a, ka te lutuk lo a ka lian lutuk lo bawk a awmzia chu ka laklawh tihna ani ber mai.

Thawmhnaw lian pui pui hi ka ngaina tehchiamlo a T-shirt pawh lian lam ai chuan a te lam ka duh tlangpui.

Ka vun rawng hi ngo tak anih lemloh avangin keimah hi “thahang ngaihnobei” ka inti mai thin…. Lol

Hlim tak a awm tur a min duh avang in kapa in JOVIAL tih hming hi min phuahsak a, mahse ka thiante chuan an lam pum peihloh avangin “Jov” minti mai thin..

Mahse a hming hlutna anti hmelhem kati..

Andrey chuan “jovial” min tih loh leh a thinrim chang in “Hmingi” minti deuh fawk zel

Miin min hriatchian poh leh Andrey chanchin an hre tam thin






Andrey chu kei aiin kum hnih in a upa a, tun ah B.com 5th semester a zir mek bawk. Lehkha a thiamthei hle a top 3 a a lanloh lai a awm meuhlo.

Pawl sawm a pass khan tution pe in a inhlawh a, a mamawh engkim a in tum thin, tun ah tak phei chuan inhlawhna dang a neiin ka hria..


Mihring independent ve tak anihna te chu ka duhna a ni.

A nunah aman duhthlanna a siam a tumah a rawn ngai heklo… amah in engkim a hmachhawn mai thin.



A sang pangai hle a 177cm aniin ka hria, a hmel hian asian ai chuan western lam hi a ang zawk mah a, a vun hi a duh aia a ngo avang in nipui ah chuan an in chungah a in pho thin.. Heihi nia a mawl ve em em na chu.

Kan naupan lai chuan Andria nen a kan hero chu uAndrey ani deuh tawp mai.


Andria chuan superhero dang zawng zawng aiin uAndrey ang nih a duh zawk a, keipawn lalfapa neih ai chuan uAndrey nupui nih ka duh zawk.

A hrim hrim in lo ngaisang lo chi kha kan nilo kan chhungte khan an fak thin ve emm bawk ani.



Kan naupan lai chuan uAndrey bul ah hian kan awm tam thei hle a, ani pawn thian dang kawm em em lo in a naute pahnih bul ah hian a awm tam hle thin.

Apa hi high school zirtirtu ani a, thingtlang lam ah a thawh avangin anu ho hian an khawsa deuh reng thin a, inthenawm ta na na na chu kan in lam a anlo riah chang pawh a awm fo thin.

Pawl ruk kan nih laiin vanduaithlak takin Andrey nu leh pa te hi an inthen a, Andria chu anu nen anu te khua saitual lam ah an insawn ta deih a, ka ngai thei khawp mai.


Khata tang khan Andrey chu tlem in a danglam chho ta a mahse tun ang em em hi chu ala nilo.





Naupang mawl mai kala nih avangin Andrey danglam chhan ah khan a bialnu uMami kha ka puh deuh tlat a

ka ngei emm avangin balloon ah tui ka thun a, refrigerator ah ka dah vawt sauh sauh a, uMami chu ka vawm huh ta vek mai a.

Andrey bul ah alo sawi leh sia min hauh phah a mahse ka sual ka chhuah chhunzawm zel tho.

Andrey te in ah alo len tum in ka kawlhrawn zia ka hmuhtir pek anih kha.

Andrey chhuah hlan in bathroom ah a lut a, pawn lam ah ka kalh khum hmak a, in kawt ah uAndrey lo haw hun ka nghak a, uMami haw tawh thu hrilhin thil min leipui turin ka sawm a, kan chhuahsan ta deih a.

Tlai a kan haw chuan alo awm tawh miahlo.. Andrey ni eirawngbawl sak tur a lokal chuan kawngka alo hawnsak chu lo niin a thinrim khawp ang le.

Andrey chuan min hau dawn emaw katih laiin a nuih a za hle thung a, ka thawveng huai in ka hria.


Mahse uMami thinrim chuan uAndrey bul ah “sakawlh anih kha.. Naupang angin en tawh suh, nungchang mawi pawh a hrelo”, minlo ti deuh hrep a.

Chutiang a min sawichhiat avang chuan Andrey a thinrim ve leh ta bawk sia an inthen phah ta nghe nghe a.

Keimah… keimah ngei hian Andrey ngaihzawng hmasa ber chu ka hnawh bo sak ta deih a ni.






Kum khat a liam leh meuh chuan vanduaina lian tak kan chung ah alo thleng a.

Andrey nu chu zu a in nasat em avangin a boral a… ka naupan tet atanga min duat em em tu leh ka ngainat em em mai mihring kan chan ta chu tawrhthiam a har kati hle

Ka tan mah a harsa anih chuan Andrey leh Andria tan phei chuan a harsat dan tur chu ka ngaihtuah thiamlo hial zawk..

Andria pawh aizawl lam ah alo haw leh a, mahse kha ta tang khan uAndrey kan chan ta thung..

Andrey chu in ah a awm tamlo tan hle a, a awm ve chang pawn a room ah a tawm tlat thin.

Apa a hnathawhna ah a awm deih bawk si a ka chhungte hian an ngaihtuah thei khawp mai.

.

Pawl kua anih tawh avangin uAndrey chu ka hmu khat tan ta hle a, ka hmuhchhun ah pawh mihring dang hlak ang maiin min khawsak khum thin.

Thinglung nei velo ang maiin tawngkam dengkhawng tak tak in min be fo a, a nuihmel mawi thin zia theihnghilh tawh ang maiin a hmel chu thinrimna in a khat reng thin..

A danglam teh thut lutuk a… dawnsawn dan ka thiamlo in ka hrilhhai takzet ani.





Kha ni kha ka la hrereng thin..

Andrey chu khawlai zawhte neitu neilo niawm tak nen a an infiam lai ka hmu a, ka va pan thuai a

“uAndrey enkawl deih la, neitu an awmlo aniang”kava ti siam siam a… uAndrey a nelawm tak kha ni tawhlo mahse ka la ngaina tho a ni.

“ka enkawl chuan amah hi ka ngaina dawn a ka duhlo”

“timaw?”

“thil ngaihhlut leh hmangaih I neih chuan a tawp ah natna chiah an pe ang che” zawhte chu lei ah dah in a kalsawn nghal a.

Ka umzui vat a “hmangaih neih chu a thalo ami” kati leh hram a

“Immm mi ã chiahin hmangaih an nei thin, hmangaihna in tih pawh hi in suangtuahna mai mai anih hi”

“mahse ka hmangaihna che hi ka suangtuahna mai mai anilo” engvang a sawichhuak nge ka nih ka hrelo , mahse sawilo pawh ni ila a lak a ka rilru put hmang hi a hrechiang hle tih ka hria.

“ani maw? Mahse min hmangaihna hi I chaklohna ani tiraw? Ka awmdan pakhat lek pawn ati buai vek zel che nia… keichuan khatiang chaklohna kha ka duh velo”




Thli vawt a rawn tleh emaw tih mai turin ka vawt nghal vek in ka hria..

Khati tak a hnawl chianna tawng tur kha chuan ka la nau deuh lo maw… kum 14 chiah asin ka la nih.

Min hnawl ai mah na leh ka theihnghilh theihloh chhan chu kalo hlimpui a kalo tahpui ve thin amah ka hmangaihna hii ka chaklohna ah min chhuahsak kha a ni..

A thinlung vur in a hmehkhawng vek tawh hi engtin nge ka tih tui ang le?

A kawng ka bo mai pawh anilo kal tan dan tur pawh ka hrelo ani.





Mahse naupan lai nun hlimawm tak min pe a

Ka hriatreng tawhtur ngaihsakna leh duatna te.

Hmangaih neih hlimawm zia te


Natna tam tak min hnutchhiah thin mahse nunhlui ka ngaihtuah changim Andrey lak ah hian ka lawm nawn fo thin….

Hepa hi tupawh nise ka hmangaih hi ka lawm a

Ka lawmna hi min tihchhiat sak loh hram ka beisei.


Hanabi

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:25 pm

My 18th birthday

“Good friends are like stars
You don’t always see them
But
You know they’re always there”




Ni ruk a liam leh chuan official tak in “adult” kani ve dawn ta… ka nghakhlel takzet..

Puitling nih hi ka chak ngawih ngawih thin a chhan chu uAndrey hian hmeichhia ang in min en ve se… naupang ang nilo tih hi ka duh tak zet zet ani.





Chu kawngkhar bul ah chuan ka ding a, lut mai thei dinhmun ah ding mahila ka theilo.. Ka zam in ka hlauthawng a, eng chhanna nge ka dãwn dawn tih lah ka hre silo.

Kum tam tak a hnen ah hian ngenna ka siam tawhlo a, minlo hnial fithla thak angem tih te.. lo duhlo ta se ka rilru nat dan tur te nen lam chuan ka rilru ah alo lut zut zut a.

Mahse…..
Hetiang vang hian ka zam tur aniloo

Thil ani ngei em tih pawh ka hriatloh, ka rindan vel vang mai mai a zam thin hmeichhia ka nih chuan Andrey Vanlalhruaitluanga hmangaih tur hian ka tling tawklo tih na ani mai.

Kawngkhar chu ka kik karh karh aa

Chhunglam ami in “lo lut rawh” atih chuan ka lut nghal thuai a

“UAndrey” ka tih rual chuan alo hawi ve vat a, a mitmeng chuan “I duh sawila chhuak nghal rawh” minti ni mai hian ka hria… minti zam zual takzet


“Ka birthday party ah lokal ve la” ka hmalam a kut suih at pah chuan kati a

“Zanin ah maw” ka birthday pawh a hre tawhlo a niah… keiin a pianni ka hriatchian tehreng nen

“Aihhh Thursday ah”

“Hmingi, ni engzat nge la awm I hria em? A hma mah mah lo maw” a thin ka tirim leh tawh ani chiang mai..

“ni tho a” kati hman chuah a

“kalo tum ang” miin min hmu se ka menglian thut chu min hlauh ka ring hial… ka menglian sa ang reng sia.

“maw!!!”

“ka sawi I hriat kha… chhuak tawh rawh”

Ka chhuak nghal thuai a… awiii ka van hlim tak uAndrey nen ka birthday kan lawm dawn…





Ka phur lutuk hi ka ngaih a thalo hial zawk… ka chhungte inneih hmang turin an zin vek dawn bawk si… engkim hi a dik vel vek mai…

Andria leh college a ka thian dang paruk te ka sawm a… UAndrey pawn hrehawm a tih bikloh hram ka beisei.


Ka birthday hma ni class ka kal te chu ka z*ng riau hian ka hria a, naupang zin tur nghakhlel lutuk phur bawk si hi ka ang ber in ka hria.



Zan ah chuan ka chhungte an zinchhuah tawh avangin ka thiannu deuh ber Zampaliani alo riak a… nunhlui sawiin kan nui nasa ngang mai.

Chutiang a naktuk hun nghak hlel tak a ka awm lai chuan tunkum a a vawikhat nan..nilo… nikum pawn min call pawn ka hrelo, ka call loh chuan min call ngailo reng reng.

Hun rei tak hnu a a vawikhat nan Andrey an min call nawlh anih chu.. Hnunglama sa barh ang ani ngawt e..

Rinloh deuh deuh a khawsak hi chu a hrat ve ngawt mai



Ka pick up a hello pawh kati hmanlo

“Jovial naktuk kha tihtur pawimawh ka nei a ka hmanlo ang”

Ka thu hriat hi a dik meuh em..

“ka tawng I hre thei em?” pawr deuh lek lek chuan ati leh a

“immm” kati thei tawk ani.

“A that chu” a dah lehnghal hmak anih chu mawle.. A van sual ve tak.

Sawifiahna tlem tal min pek pawh a tum miahlo anih chu….


“Tihtur pawimawh a neih vang alawm” tiin mahni ka inhrilh mawlh mawlh a mahse ka thinrim tho si.

Chutia Andrey Vanlalhruaitluangan ka birthday plan zawng zawng atih chhiat vek tak ah chuan, kei mihring plan B siam nachang hrelo khawp a fing varlo hian ka birthday party chu ka thulh ta nge nge a.

Ka zing tho te chu ka rit ngawih ngawih… nimin nen chuan in anglo tak kani.

Ka piancham pawh minlo lawmpui sap sap hlawm a, tumah pawh ka chhanglet peih meuhlo ani e…


Class kal dawn chuan Andria chuan minlo sawm a, present bawm pahnih alo keng a, tun tum chu pahnih minpe dawn ni maw..

“nakum ami tur nen ami?” kalo tifiam a

Mahse Andrey present nen anih thu min hrilh chuan ka dam huai ni mai hian ka hria… lung rit tak min delhtu lak kiansak ang mai kani.

Andrey present zawk chu ka hawng thuai a, Harry style t-shirt “treat people with kindness” tih inziahna ngei mai chu alo awm anih chu!!


Engtin nge ka duh ani tih a hriat pawh ka hrelo… ka hlim takzet.

Mahse heng ai hian a bulah hmang thei ila ka duh zawk.

Andrey chu ka text nghal a ka thiam ang tawkin lawmthu ka hrilh bawk..

Ti hian a seen anga min reply leh chuang miahlo ang

A tihdan ve reng ania ngai ah ka nei tawh.




Ka thianten lawm loh ai ah tiin Double RHlua te'n hmun nuam deuh an hriat ah chuan zanriah ei turin kan kal ta zawk a.

Zampalianin a scooty a kenloh avangin kan phir unau te chu kan nula pahnih te phur turin kan ti a.


Mahse rinlawk ang ngeiin Hmangaihsanga zawk chuan Zami chu a bike hawhtir in an unau in an inphur leh hmak anih chu… em em thin a.

Kei leh Lalruathlua erawh sawibuai ngailo in kan chuanna ngai ah kan chuang lehnghal hmak tawh.



Double Rhlua te hi Lalruathlua leh Lalrinhlua te annia, high school atangin kan inkawm tawh a. An sawidan chuan an tet te atangin an pahnih hian an inkawm tawh a, thiantha ber chu anni ve chiang a ni.

Mahse Lalruathlua hi Lalrinhlua nupui ang vel hian a khawsa thin a, Lalrinhlua bike hnung hi luahman a chawi emaw tih mai tur hian amah lo midang hi an chuang khat hle..

Lalruathlua ka ngei thin na chhan chu dawt nichiah silo dawt nih duh hmel deuh a thil sawi hi a hrat em em a

A hma pawn “tui hleuh te chu ka thiam ve em.. Min phuar hlawm vek in tui ah hian min paih daih mahse ka ke zungpui a chet theih chhung chuan ka thilo ang” atia kei lah chuan tui thiam deuh amaw kalo ti hman pek a.

Mahse tunge keizungpui a la chet theih chuan thi ngai reng reng ni… a nuihzatthlak thei nia aw.




Lalrinhlua zawk tak hi chu high school kan luh tirh in min bame nasa thei tawp a mahse thian kan nih phah ta zawk a.

Miin Lalrinhlua hi tunge tiin min zawt ta se la
Andria chuan “Google human version” tiin a chhan ka ring

Zampaliani chuan “Google upgrade '

Lalruathlua chuan “Ka thil tawn pawh kei aiin a hrechiang zawk… Google advitiser anih hi” ati ngei ang.

Phir unaute chuan “mihring search engine awmchhun”

Aruati chuan “engkim hria a”

Keichuan “ke ex ni phalo”

Chuti tak a mihring thil inti hria anih avang chuan “Pu_Google_a” tih hi chu a phu ve chiang a ni.



Hmangaihzuala leh Hmangaihsanga te hi phir anni a, Hmangaih_phir_te kanti mai thin… an inhau peih em em a mahse an awm hran chuan an in zawng nghal chung zel thung. Anni nen hian higher atangin kan inkawm tan ve chiah ani.


Kan thian ho chu punbelh zelin college ka luh hnuah Aruati hi ka tawng a.

Pawl sawm pahnih ah khan Aruati te school nen hian centre thuhmun ah kan exam a

Lalrinhlua leh pek hian Aruatin a pawnfen hnuai a spiderman kekawrbul a hak chu alo hmu leh pek anih chu. A hmuh dan lah hi a sawichhuak duh miahlo lehnghal a

College kan tan ni chuan Aruati chuan thian a neih mailoh avangin minlo bia a… a hmeltha katih zia kha aw..

Mihring a tak a ka hmuh tawh ah chuan ala duhawm ber ang…

Ka vawikhat hmuhna ah khan thinlung thianghlim tak a nei tih ka hrethei.

Mahse Lalrinhluan “spiderman” tia ring tawk a a koh chiah kha chuan Aruati hmel chu a dãng nghal vek a, nunna nei hmel pawh a pu tawhlo.. Mahse kha thil khan kan tan thiantha tak a nihna kawng ah a pui ta zawk thung.




Zampaliani hi chu a palian ani deuh tawp mai. Mizo nula 5.8ft hi chu a lutuk deuh ani, a bul ah chuan te tak kani… Aruati phei chu ka sawi peihlo zawk.

Andria tihloh ah chuan ka thian hmasa ber ani a, tunge ka nih chiang takin a hre bawk.

An unau hi hmeichhia vek annih avangin ani hi fapa ang deuh hian an chei a mahse a pa em em biklo.

A thil hlauhber chu Nula_palian nih hi a ni deuh tawp a chuvang chuan “Zampalian” tiin ka ko kher thin.

Ani pawn a thinrim chang chuan “virgin in thi ang che” minti ve thin tho. Virgin a thih hi ka duh miahlo..




Andria hi chu sawi dawn chuan sawitur a tam mai. Kei aiin kum khat dawn in a upa a mahse miin ka nau emaw anti fo thin, a chhan chu a hmel hi lang naupang chi ani ve reuh a.
Mahse ka thik avang hian ka thinrim phah ziah. Amah ang hian lang naupang ve ila kati thin.

Eng kawng ah mah hian he mihring hi chu ka tluk thei hlawllo.

Andrey tihloh ah chuan min dah zero hneh bertu a ni.

A nun a nem hle a “rilru tha” tih thumal hian amah min hriatchhuah tir thin

Pawnlam ah nem mahse harsatna hmachhawn kawng ah chuan lungpui ang mai a chang ani thung a

A nunah harsa tam tak a tawk ve tho a mahse ani chuan nui chungin a paltlang thin.

Ka tan phei hi chuan sawiselna tur hi a awm hlawllo. Amah leh keimah in kan hriatthiam phak bak hian ka tan hian a hlut ka ring tlat a ni.

Guardian angel hi ka nei anih ngai chuan Andria hi ani ngei.

Ka rilru tih nat a hlau hle thin a, keh thei dawm in min dawm ani ber mai.

Ka chhungte pawn an ngaina hle a, a bik takin kani hian a ngaina zual a, fiamthu hian Andria pasal ah nei turin minti fo thin.

Ni e… Andria nupui chu hmeichhe hlim tak anih ngei ka ring.

A tawngtam hranlo a midang te tan a hmuhnuam turin mawi takin a nui thin.

Mahse a hlimloh chang a a tum deuh hmak hian a duhawm thei lutuk…

A thinrim changin a tarmit hnuai atang hian min melh raw zel a, mahse a thinrim rei ngai miahlo thung.

A chang chuan min hrechiang lutuk hi ka hlau deuh lek lek thin. A lak ah chuan ka rilru puthmang ka thup theilo a, ka nihna zawng zawng hi chiang takin a hmu a ni.

Ka hlimni ah mi lawmpui tur in ka bul ah a awm a, ka lungngaih niin ka chakna hnar ni turin ka awmna ah alo kal thin.

Ka_thuva_nunnem_a katilo theilo a ni.

Andria hi sawi buai ngailo in a hmel en hian a luck tih a hriat nghal a mahse ngaihzawng a nei ngai miahlo

A chang chuan a gay te ka ring rum rum thin..

School kan kal lai leh tun thleng hian hmeichhe hrang hrang in an bame thin a mahse tumah a ngaizawng ngailo.

“Jovial tan chiah thinlung ka nei”
“Jovial thu thu ani mai”
“Bialnu ka nei a”

Tih vel hian alo hnawl thin a.

Miin a bialnu emaw min tih phah fo, a then phei chuan Andria hian min hmangaih lutuk a keiin ka hnawl emaw te anti vel thul

Engmah lah hi an hre der silo a e..

Mahse chutia alo chhan avang chuan buaina ka tawk fo thin a.

Message hmang ten minlo tawngkhum a, a then phei chuan min sual rawn an tum bawk a Zampaliani vangin tun thleng hian kut em chu min la thlak lo thung.

Ngaihzawng ala neihloh chhan ka zawh apiangin “tu emaw danglam bik tak ka thinlung thlak danglam dawrh thei, keimah chiah min hmangaih reng tur ka nghak” tiin min chhang mai thin.

Mahse a ngaihzawng neilo hi pawi kati hranlo, ngaihzawng a neih chuan ka thianpa hi ka chan mai ka hlau.

A duham thlak hle ani tih ka hria
Kei hi mi duham tak kani miau a ni.



Andrey tello mahse ka thian mize danglam tak tak te nen ka birthday kan hmang ho thei hi ka lawm ani.


Image


Double RHlua te annih khi…. 😂😂😂




Hanabi

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:26 pm

COUNT OF MONTE CRISTO




“I hate loving you
I’d love to hate you
But I can’t give up on loving you”






Lalrinhlua'n Aruati mi zing ah spiderman a tih avangin an inhau leh ta nge nge e… nuih tur hi anti tam thin ania.

Kan dan pangai te in kan bengchheng leh tawh khawp mai… birthday chhe ber chu anih bikloh hi






Huhh!! engthil nge ka hmuh hi

Ka hmu sual ni hlauh se ka van duh tak em..


Mahse Andria'n “u enge I tih” atih rual chuan ka hmusual lo tih a chiang ta

Minlo en hmasa phawt a, a biangsum lang kalh turin a khi sak a… a ban a kaitu nula fel hmel tak chu ka hmuhhmaih lo nasa, bialnu thar a nei leh tawh ani maw..


A vun chu a nalh hle a makeup a hmang tam lemlo khawp mai, Andrey ai chuan tlemin a upat hmel deuh mahse chung zawng ai chuan Andrey a melh dan mawlh kha..

A duh takzet ani tih ka hre thei..





Keimah zawk hi asin a kiang a ding tur, amah vuan chung a nui tur chu keimah hi kani tiin ka thikthuchhiatna chuan min nawr tup tup ni mai hian ka hria…

Nuih luih chu thil har ber ani awm e.

“Nakin lawk a then leh mai atan chuan a tha mah mah ani” tih te chuan mahni ka inhnem chawp ta zawk a.

Ni e… henu pawh hi ala kalsan leh ngei ang.





Andria chu a en leh thuai a “Bawbawihi thiannu hna thar neih kan lawm a” atih rual chuan ka mit sulh ni mai hian ka hria.

Chu thil chu maw ka birthday aia pawimawh chu.

“Chu chu maw thilpawimawh chu” Andria chuan en haw pah chuan atia.


“Ni mai ang chu a aia pawimawh tihtur ka nei chuanglo a” tiin a inher a a kal liam nghal daih anih chu.





Chhuanlam enge maw tal a neih kalo ring a.. Ka birthday aia a chu thil a pawimawh zawk na chhan chu chhuanlam tha tak a awm ka lo beisei ve fan a.

Chhuanlam pakhat tal han nei se chuan sawibuai miahlo in ka ngaidam mai tur hi ania… mahse a nei silo.

Chhan dang vak a awmlo atan ka hlu tawklo mai chauh a ni.

Engtin nge a nunrawn em em theih le.. Thinlung hi a nei ve chiah em?

Keipawh hi hetiang mihring hi maw kalo hmangaih a.

Mahse ka thinlung kil khat atang chuan amah ngaidamna thawm a awm tlat si…

Ka nep lutuk hi ka inhua..





“Jov, kha mihring vang khan min hnawl a” Rinhluan atih chuan chhan mai dan pawh ka hrelo

kun hniam in ka mittui chu ka hru zauh a.



“Aw… kha mihring kha anih kha min duh der vetu te mi mawl ber anga ka hnawl zel na chhan chu” tia au khum hrep theih ka chak..

Ka mawlna leh Andrey ka hmangaihna avanga thutlukna dik pawh ka siam thei ngailo hi ka inhua.


Pawm harsa hle mahse Andrey khan a sawidik amah ka hmangaihna hi ka chaklohna a ni.

Mahse he chaklohna hi ka paihbo phal silo… a hrehawm ang ang hian la vawn nun zel ka la duh ani.




“Kha kha Andria u maw a van chhelo tak ve… Jov I mit hi alo tha nih hi, mahse Andria nen an van in anglo” Aruatin atih chuan Andrey chanchin sawizawm lo se katih zia chu..

Ni e… mipa hmeltha chu ka hria.. Mahse hmangaih nuam tur erawh ka hrelo ani

“Jov'n a sawifiah thiam ber 'Andrey chu a western hmel that a Andria hmelthat dan chu a tribal' ati” Zampalianin atih chuan an nui dar dar a, mahse ka nuih hi a za ve hlawllo.

Aruati chuan “mahse Andria hmeltha kati zawk” Andria melh ralh pah chuan alo ti thuai a

Mahse Andria chu hre awm ang pawn a awmlo… a hmel chu thinrimna hian a khat ani ber..

Min natpui leh tawh anih hi





Haw thuai thuai a mahni inkhawngaih pah a tah hliam hliam ka chak ber.

Dawhkan hnuai a ka kut dah chu Andria'n alo hum rual chuan ka en vat a “I tha em?” alo ti zawi sap.

“Thalo” tia tahkhum leh chiam mai ka van chak em..

Andria hian min kuah se thlamuang tak a tah hawm hawm theih ka thlahlel takzet.

Zanriah kan ei zawh chuan kawi tawh lemlo in kan haw tlang nghal a






Zampaliani leh Andria chu kan in ah anlo riah dawn avangin an in ah kawilo in kan in lam kan pan ho a.

In kan thlen chuan mut ngha mai ka tum a, ka thiante lak ah inthlahrung viau mahila hlim tak a kawm turin chakna ka nei hlawllo a ni.


Ka room a ka luh dawn in Andria chuan “ jov a hrehawm viau chuan ka bulah ilo mu mai dawn nia” atih te chuan ka hnuk ati ulh zualin ka hria.

Min ngaihtuah thei emmm asin ani hi chuan

Ka lu ka bu nghat a, mahni a tap turin room ah chuan ka luhsan a.





Zan dar 10 a ri tawh mahse ka ngaihtuahna ah hian thil pakhat chiah a awm thei si…

Vawikhat chiah zawh nawn leh ka duh a ni… chumi hma chu ka dam thei chuanglo ang

Eng chhanna pawh min pe dawn se ka pawi sa lo.. Chu chuan thutlukna siam turin min pui thei zawk ngei ang.






Andrey te in kawt ah chuan ka ding ran a, khawngkhar ala in kalh dan ah Andrey hi ala hawlo ani ngei ang..

Ruahsur tam lai anih vangin khua a vawt reuh hle a… mahse ka thiltum ka bansan chuanglo ang. Engtik hun ah pawh lo haw dawn se ka nghak tlat dawn.

Rei ve tawk tak ka nghah hnu chuan alo haw dawnlo emaw kati hman hial a.

Mahse ke pen thawm ka hriat chuan ka hawi vat a amah ngei ani e..



Min hmu thut chu mak ati ve ani ngei ang
“Hmingi, hetah enge I tih?” a chang leh bawl bawl khawp mai
“kalo nghak che” tlawm bik ka tum hauhlo
“ã viau thin lo teh.. Haw rawh a tlai tawh” kawngkhar chu a hawng a luh mai a tum a.

A ban ah chuan ka man vat
“ uAndrey hei chiah hi min chhang la ka haw ang… I bialnu thiannu ai khan ka pawimawhlo zawk tak tak ami?” ka van tlawm vawng vawng thin em..



Enge ka beisei ka hrelo mahse a chhanna ka hre duh a ni.

“I hre sa renglo mi?”

“hrelo” sawichhuak ngei se ka duh tlat… a ka ngei hian

“I birthday party kalsan in kha hmun ah khan ka kal a a pawimawh zawk chu a chiang reng alawm… ni lawm ni?”

A chhanna ka hriat sa reng ni mahse a na ka ti tho



Enge maw tak kha ka beisei ani ber… diktak chuan amah ka hmangaih zel theihna chhan tur ka zawng a ni.

“ mihring ini ve reng em? I van nunrawng ve… nilo.. Sakawlh inih hi, thinglung hi I nei ve chiah maw” insum theih ka duh mahse ka theilo… ati mah mah tawh a ni.

“he sakawlh hi ani lawm ni I hmangaih” ngeiawm zet a nuih pah chuan ati leh kher anih chu

Ka chakloh zia tilang tur a ka mittui lo luang ve chhen chu ka van haw tak

“A tap leh ringawt e… I hmangaihna thil vel hi ka ning tawh takzet.. Bansan tawh rawh”aw ki hniam tak mahse thinrim tih hriat tak chuan ati leh hrawk a

a va na teh thlawt thin tak..



“Tinge I danglam thut a… a ngaihna ka hrelo teh mai nia” tap pur chung chuan kati leh hram a, hei tal hi hriat ka la duh fan a ni.

Tinge a danglam thut? Ka hriat thin Andrey kha tinge a paihbo tak daih..

He mihring Andrey hi ka pawmlo… ka Andrey kha tinge a awm takloh?

Chu tal chu ka hre duh a ni.



“Hmingthansang, I hriat thin mihring kha kani tawhlo, I mit ngei a I hmuh hi ring rawh ka danglam tawh tih I hriat kha, keimah hlui kha zawng fo tawh suh… ka danglam tawh chu chu I pawm tur ani.. I hriat reng thin mihring kha I hmu tawh ngai dawnlo.. Theinghilh suh ang che” a sawichiang viau a ni.



Mahse…. Mahse….

Ka la pawm thei chuanglo

Ka duhtawk ka la hmulo

“Tinge hmangaih hi i harsat em em? Keiin hmangaih loh che harsa kati bawk si.. Tinge tiang hi inih” mahni ka va in phawrh mualpho ngun ta em..

Tlawm ah pawh tlawm chintawk kalo neilo anih ngei dawn hi

A mit a chet kual ralh a

“min hmangaih turin ka dillo che… I duhthlanna anih kha… min dem suh”

Ka chelhna chu a paih thla a a lut nghal hmak, a kawngka khar ri pawh a ring tha ngei mai…

Ka duhtawk ka hmu ta ani ngei ang…

A sawi dik ka hmangaih Andrey kha chu a awm tawhlo… tun ami hi chu midang hlak.. Ka hmangaihna phulo leh hmangaih tlakloh mihring mai anih hi.




In a ka luh chuan Andria leh Zami chuan minlo pan nghal vat a

“I chhuahna tur I sawi silo a, phone I keng bawk silo” min ngaihtuah tih hriat tak in Andria chuan alo ti thuai a

Ka kuah thlawp a, ka theih ang a ring chuan ka tah khum leh ta chiam mai.

“u Andrey hi ka hmangaih tawh dawnlo… ka theihnghilh tawh ang, nilo ka nat aia nasa hian ka la tina ve ang” in hnit hlawp hlawp chung chuan kati leh zuah zuah a.

“Count of Monte Cristo thar kan nei ani maw” atih chuan ka nuilo theilo..

Zampaliani phei chu a nui nasa ngang mai..

“Tun atang chuan Edmond Dantes tih hlir in ka ko tawh dawn che… keipawn I chanchin hi ka ziak anga Alexandre Zami Dumas ka inti tawh ang” Zampaliani'n a tih phei chuan mittui nen ka nui ri hawk hawk mai.




Mahse a reilo hleee

Kan naupan lai a Andrey an Count of Monte Cristo min chhiarsak lai kha ka rilru ah a rawn lang nghal lo theilo.

Andrey mi nunnem tak hmangaih loh theihloh khawp a fel.. Nuimawi leh thinlung thianghlim tak nei kha ka ngai a ni.

Ka naupan lai chuan pem te reuh te pawh nei ila Andrey bulah chuan a na bik emaw tih mai turin ka tahpui chiam thin a.. Ka pangchan theih zia kha.

Naupang dang leh Andria ngei pawn min hauh chang in min chhan hle thin a, Andria pawh min duat tur leh ka lak a that chhuah turin a zilh fo thin.

Khati tak a ka nat phallo tu mihring khan heng natna zawng zawng min pe ta mai hi a hrilhhai thlak in a na takzet.

Kei mi zawng zawng zing ah pawh thil hrethiam har lutuk tan hi chuan engtik ah mah hriatthiam hun a awm thei ngailo ang.

UAndrey tinge tiang hi inih tak mai le?

Hmangaih che ka la duh asin..

Mahse a theih ta lo anih dawn hi









Hanabi

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:27 pm

IF YOU CAN



“Tell the world to stop turnin' around
Tell the sky not to be so blue
Tell the rain to stop fallinn’ down
Like tears,
But don’t tell me to stop loving you”




Lee Ann Womack hla “don’t tell me” chu zankhua a ngaithla in ka muhil ta miahlo..



A hla thu te chu ngei viau siin ka thinlung chuan a pawm thlap bawk si..





Andrey hian ka hmangaihna hi pawmlo pawh nise tawpsan turin min hrilh lo se tih hi ka duh a ni.



“Tell the past to be forgotten” tih lai phei hi chu ka tah pui mai loh chuan ka hun tawn nen hian a inrem emmm a ni.


Andrey hlui kha theihnghilh thei ilang chuan hmangaih reng hi ka bansan thei mahna le.







Zan ka mu thalo bawk nen chhuanlam tur tawk lek in ka chhungte zin anlo haw dawn ve chiah bawk si… class ka kal talo ringawt a


Bak ah Andrey hmu ta ila engtin nge ka hmachhawn ang ka hrethiamlo..



Tlanchhiat chu a dawihzep thlak tih hre tho mahila hmachhawn turin ka huaisen zo hlawllo ani.


Ka chhungte lo haw nen kan buai ve nek nek reng a ka ngaihtuahna ka kawm hman meuh lo… a lawmawm phian mai.





Andrey chaw a eichhuah dawn avangin a tih fo dan angin Andria chu chaw alo ei a… keimah ai pawn ka chhungte hian an ngai in ka hria.


Fur khua tih tak ah zanah pawh ruah chu a la sur reng a, nilengin a sur awl meuhlo… fur hi ka ngaina takzet.


Kan naupan lai chuan school kal dawn ah nihliap kan theihnghilh lui a ruah kan do haw thin.


A chang chuan uAndrey hian ka theihnghilh leh ringin minlo ken kep thin a, ruah ka do loh phah thin. Andria nen kan ngei thei ania aw.





Ka khum ah mu chungin smokie sak “have you ever seen the rain” chu ka ngaithla a, he hla hi chu Chris Norman aw nen hian a in rem ber in ka hria… kan khaw awmdan cherh cherh te nen chuan a inrem vel vek mai.


Andria alo lut a ka bul ah chuan ngawi reng in alo mu ve a.



Kan pahnih hla duh em em Bon Jovi hla ALWAYS alo in play chiah chu eng in nge min man ka hrelo, nizan thil thleng ngaihtuahin ka mittui alo far lehnghal a… ka la dam mawlhlo a ni.


Andria chuan puan a ka hmai rawn khuh in ka kut a rawn vuan nghal a, chakna thar ka nei sawt ni mai hian ka hria.


Ka_thuva_nunnem_a hian a tihdan ngai te in ngawireng in ka mal loh zia min hrilh leh tawh anih hi..


A u natna min pek avanga a nau in min hnemna hi engtik ah tak tawp ve ang maw??









Zan hmasa lam ka mu thalo bawk nen ka chau deuh aniang ka lo chhing sek a, Andria phone hmang ri chuan minti harh zawk mai.


Hmuh chian tum a a hmel ka en chuan a mangang hle tih ka hrenghal a.


“Andria” ka tih rual chuan alo hawi thuai a


“Jov, in siam rawh hospital ah kal angai” atih chuan ka hrethiamlo hle mai.


“UAndrey hospital ah a awm anti a kan kal nghal angai” atih leh phei chuan ka chi ai nghal vek… eng thil nge thleng mek hi???





Ka chhungte chu Andria chuan thil awmzia a hrilh nghal zung zung a, kani chu kapi awmpui a ngaih avangin kanu leh pa te nen hospital lam pan chuan kan chhuak nghal a.


Hospital khum a Andrey mu ka hmuh phei chuan ka mangang in ka hlauthawng takzet.


Kapa chuan doctor chu Andrey dinhmun a zawt nghal thuai a

“hlauhthawn awm chu a nilo, a khawsik a san avangin nikhua a hrelo a, a taksa a chaklo bawk nen naktuk thleng awm sela a chhuak thei mai ang” doctor in a tih chuan ka thawl huai mai.


Nizan zankhua a minti tap tu hi tiang em em hian ani maw kalo ngaihtuah a… ka lu ati hai vek thei alawm le.




Kan bul a pa pakhat lo awm ve chu Andrey hospital a hruaitu chu lo niin, kapa chuan lawmthu a hrilh mawlh mawlh a.


A sawidan in ruahsur hnuai ah kawngsir thutthleng a Andrey mu chu a hmu a, ava en chian chuan ni khaw hrelo in alo awm tawh a, ti chuan hospital a panpui nghal ani awm e.


He mihring fimkhur ve tak chung ah hian eng thil nge thleng hi??? Andrey Vanlalhruaitluanga hi ka hrethiam ngai dawnlo anih hi.







Vanneih thlak takin cabin kan chang hlauh a, kan in suan lut nghal a.


Darkar khat hnu vel ah Andrey pawh alo harh ve ta, hnar a hlit phawi ang huai ani.


Kanu leh pa te chu a tih mangan avanga ngaihdam dilin lawmthu a hrilh ve mawlh mawlh a, kei erawh zawng en pawh min en peih meuh lo.


Ni e… min melh miahloh hi kan pahnih tan a tha zawk, min han hnawl char char teh ti chuan ka hawisan ve thei zawk ang che.


Andrey, I theih ang a nasa in min han hliam phawt la, chuti chuan ka duhtawk ve thei tawh ang.


Kapa in “pa te hnen ah lawmthu sawi angai hleinem, thisen ah in zawmlo mahila ka fa inni lo tihna ani chuanglo” atih charh charh chuan Andrey te unau a hmangaihna ati lang chiang hle mai.


Riahpui lo tur tan awm ve reng a rem silo a, kanu le pa te chuan tihdan tur Andria hrilh mawlh mawlh chungin cabin chu kan chhuahsan a.


Zanin pawh ka muhil leh dawnlo anih hi…. Amah vanga zanhnih tlaivar hi he mihring hian a phulo asin.






Kan professor chu tawng ring viau mahse ka rilru ah a lut meuhlo.


Nilengin Andrey ngawt chu ka rilru ah a awm a, mahse a chanchin zawh emaw amah hmu tur a kal erawh ka tum hauhlo.


Andrey chanchin ka hriat peihloh avangin in ah ka haw lawklo a, tlai dar li leh a chanve pelh ah in ka thleng chauh.


Kanu chuan tiffin alo siam mawlh mawlh a, hospital a ken tur anih ngei ka ring.


“Nulapui” kanu in atih chuan min tir dawn tih ka hrethiam nghal, min tir dawnlo seng chuan tiang hian min ko hauhlo ang.


“Damdawi in ah chaw hi va pe ta che… Andrey taksa hi a chaklo reuh sia damdawi in chaw a ei chuan a fuhlo ang, a tuilo ve thei sia ani lah eitur a duhtui reuh si” rinlawk ang chiahin min tir leh ta.

Ka van kal peihlo mai mai tak e aw..






Danrualloh kanu thupek vang chuan cabin kawt ah ka ding leh ran tawh.


A chhung ka luh chuan tumah anlo awmlo, kan damlo ber pawh chu khawnge a kal ni? A tha tawh viau ani ngei ang.


Kawngka lam a pen thawm a awm avangin ka hawi nghal thuai a, Andrey alo ding run mai.


He mihring huhang zet hi chu kei a tawrh zawh rual anilo, min ti zawi vek thei hial thin.


“Andria a awmlo” ati bung nghut a.. Ka zawt tawp silo a…. A damloh phei chuan a aw hi a hlauhawm zualin ka hria.


“ka zawnglo… in eitur kalo dah anih hi… ka kal” tiffin dah pah chuan chhuah mai ka tum a


“ka that leh thatloh pawh min zawh I tumlo ami?” atih chuan ka ding chiang hle mai.


In her in “I lan dan ah I tha anih hmel, bak ah ka ngaihven lemlo” kati liampuat a… ka ngaihven em em reng sia.. Ka hre duhlo mai chauh ani.


“I hmangaih damthat leh thatloh pawh I ngaihtuahlo a? Heihi mi I hmangaihna chu? A man ava tlawm hmel ve” ka van haw famkim tak.


He mihring hian sual chintawk a hrelo anih hi


“ka hmangaih tawhlo che ani mahna” ka tih chuan a awihloh hmel ngang mai.


“wow!!! Min hmangaih tawhlo maw” min hmusit tih hriat lutuk a min nuih pah chuan min zawt nawn leh kher a.


“ka sawi I hria” zam duh bik hauhlo chuan ka ti let ve sak a


“ni e… I sawi ka hria mahse tinge dawt ani a ka hriat tlat ni” a mitmeng te zawng zawng nen hian minti thinrim takzet.


“in ringtawk lutuk duh suh, nangang thinlung pawh neilo hmangaih hi ka duhtawk viau tawh… I sawi dikchiah Andrey ka hriat thin kha a awm tawhlo.. I sawi kha ka la hrereng alawm”

Ama tawngkam ngei chuan ka bei let ve nghal a.



“nilo Jovial I hresual… min theihnghilh thei ngai dawnlo a chhan chu min la hmangaih tlat”


A inrintawkna zawng zawng te nen hian tihchhiat vek ka van chak tak.


“ I sawidik ka la hmangaih che mahse ka hmangaih reng dawn che tihna anilo, ka hmangaih loh hun che a thleng anga ka theihnghilh thuai bawk ang che”

Ka thusawi chu keimah ngei pawh hian rin harsa kati mahse ka sawilo anih chuan he mihring hmuhsit theih hian ka awm chhunzawm zel dawn tihna ani mai.





Mahse ka rinloh dan lutuk a rawn che in bang ah min nawr bet thut anih chu.


Ka hlauthawng takzet.. Ka lung pawh chu phu nasa tak ani.


Ka mit ah tak min en a, nuichung in “I theih chuan min theihnghilh han tum ta che” tiin min kiss thut anih chu..


A reh nghal duk ni mai hian ka hria, dang tur pawh in chakna ka neilo… nilo ka dang phallo ani mah zawk.


Ka mit ka chhing a Andrey hmui chu ka feel veng veng a, a thlum tui takzet… heihi ani lawm ni kalo thlakhleh thin kha


A in la hrang a ani chu khum ah a mu hmak anih chu, keichu ka la che thei meuhlo. Ka hamhaih lutuk a awmdan tur ber pawh ka hrelo ani.




Andria alo lut chhunzawm nghal a, ka harchhuak ve thei hram e.


Chaw ka kensak thu te hrilhin ka chhuahsan nghal a, ka biang te chu a sa hut hut mai.




Hospital kawt ka thlen chuan ka thaw pangai thei chauhin ka hria.

Ka first kiss changtu chu ka hmangaih hmasa ber ngei a ni.

Ka hlim takzet…
Ka tap dawn hialin ka hria..



Hanabi

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 2:27 pm

YOU DUMMY




“I just want you to be happy
If that’s with me
Or with someone”








Ka hming chu Andria Vanlalhruaizela ani a, hringnun harsa tak lo paltlang tawh mihring kani.


Kum 11 kanih khan ka hringnun chu nasa takin a inthlak danglam a.. Ka hriatthiam phak bak a ni.


Kanu leh pa an inthen a, ka chhungkua mai ni lovin ka mihring ngaihhlut em em hnen atanga lak hran in ka awm a. Mahse kanu ka bulah ala awm tal a hmachhawn dan a awm ve zel mai


Chutih rual chuan Jovial, ka unau neihchhun Andrey leh kapa kalsan meuh kha zawng a harsa ve takzet ani.




Naupang ta na na na chu Saitual ah pawh chuan ka tlangnel nghal thuai a, thianthar te siamin nunphung pangai ka zawh leh thuai a. Mahse ka seilen pui, ka hun tam tak a bul a ka hman thin Jovial Hmingthansangi tluk a thiantha erawh ka tawng thei meuhlo.






Saitual kan awm atang chuan kanu chuan zu in a ching tan a, kapi leh pute pawn an khap thei meuhlo. A ruihlai chuan kanu kha a hlauhawm hle thin a, kut min thlak mai te kha a ching a.




Tumkhat chu keimah a in a ka awm laiin rui buai tih hriat zet hian alo hawng a.. Ka lam rawn pan dingin ka hmai ah min beng anih chu… tah mai na chang pawh ka hrelo… ka hrilhhai takzet




“I pa anga phatsantu inih kha” tiin ka ban ah min man a, chiang tak a min en in “Andria I nu hi I phatsan ve dawn em” tiin mi ã ang maiin a khawsa kual a, a mitmeng te chu a rapawm takzet. Rilru fimlo satliah pawh a anglo, mi ã a ang ber.





Keilah chuan ka hlauhthawn em avangin chhan mai nachang ka hre silo a kut minthlak ta chiam mai a. Amah dang turin kapi leh pute an awm bawk silo… kapa leh Andrey hming ka theihtawp in ka lam a, mahse tumah an rawn kal bawk silo.. Ka hlauh zia kha aw..




Nikhaw hrelo in ka awm hial a, zun lah ka cheh nasa mai… ka harh leh chuan kanu chu zu in turin alo chhuak leh tawh a… Ka nun hmasa kha ka ngai takzet ani.



Kanu chuan a ruih chang apiang chuan amah kalsan lo turin min ngen a, hmeichhe dang nen a kan kaldun a hmuh changte hian “min phatsan ve I tum” tiin kut min thlak chiam thin.


Zu a in reng avangin kanu taksa chu a chhe chak hle a, hmunpui lam pan lah a duh bawk silo… a mangan thlak takzet a ni. Andrey chuan kanu chanchin zawt in minlo call fo thin a, mahse alo call thu kanu hrilhlo turin min hrilh ziah thung… ka chhungkua hi engvang in nge tiang hian an awm tak?




Kapa chu a reh hmak a… amah ka biak chak chang a in lam ka call chang te hian biak tur a awm ngai miahlo..




Tu emaw tal khan engkim a that vek thu min hrilh in hlauthawnglo turin min hnem se.. Mal tak a kha hun kha hmanglo in ka bulah tu emaw tal awm ve se kati thin. Ka hlauthawng a, helai ami te tan chuan mikhual ang mai ka la ni si a ka natna te ka manganna te hrilh turin tumah an awm silo






Ani telin kanu dinhmun chuan hniamlam a pan a nunna nei hmel pawh apu tawh meuhlo, a cher in a hriatna te chuan an chhuahsan ta emaw tihtur in a fapa ngei pawh hi min hre tawhlo chu ani si a. Kanu chuan Andrey awmna min zawt fo thin a “ka fapa Andrey” tiin keichu “tunge inih” minti fo thin.


Mi chuan an hre tamlo kanu khan zu chauh a in lo a, a ruih theih apiang a khawih ani deuh ber mai, harhfim lai reng a nei meuhlo. Anxiety leh bipolar disorder alo nei nasa bawk si, a rilru ti buai zual tur a a ruihhlo khawih te nen chuan hetiang mihring ah hian a chhuak ta a ni.



Kanu natna hi ka zep tlat thin a… a chhan chu miin min hlau ang tih ka hlau a ni.



Ka mangan tawh em avangin Andrey hnenah chuan kanu chu Aizawl lam a in enkawl tur a hrilh turin ka nawr ta ringawt mai a. Andrey thusawi chu a hnial ngailo tih ka hria..




A hma pawn hrilh turin kati tawh a mahse kanu biak a duh miauloh avangin ka tilui lo mai chauh a ni.


Rinlawk ang ngeiin kanu chuan Andrey thusawi chu zawmin Aizawl lam a in enkawl tur a kal chu a remti ta hram a.Mahse kan tlai hlek a ni…



Aizawl pan a kan kalkawng ah chuan kanu taksa chuan a tlin talo a… a fapa in a mamawhna pawh dah pawimawh zo lo in a natna zawng zawng te nen khawvel a chhuahsan ta.






Ka vanduaina tizual turin kanu laksak kanih meuh chuan ka tliak chiang ngei mai. “Lalpa hei em em hi zawng” kati vawng vawng lo theilo a ni.


Ka hlauthawng a hnutchhiah niin ka inhria a… hmalam hun ka ngaihtuah thiamlo a, tawrhzawh rualloh natna zawng ani ngei e.





Kanu tello a awm ta silo a saitual ah chuan ka mikhual ta tlat mai si a, kapi leh pu te phallo chung kapa hnen ah ka kir leh ta a. Mahse engkim chu alo danglam tawh si…



Kapa chu a hnathawhna atangin alo haw ngai ta meuhlo a, ka unaupa ka ngaihsan em em thin, fel leh ngainatawm tak lah chu mihrang hlak ah inthlak in keimah chiah a awm turin pawnlam ah hun min hmansan ta thin a.



Mal tak a awm ka hlauh avanga kir leh ni chung siin ka mal leh ta tho si. Saitual ah let leh mahila malna chuan min umzui reng dawn tih lah ka hrechiang em em si a.



Kuk 12 mi tan chuan a mangan thlak in a hrehawm takzet ani.





Mahse Jov alo lang a, ka tan chuan beiseina êng a ni. A chhungkua min tawmtir a, keimah chauh a mal tak a awm turin min kalsan ve ngailo.


Thil tamtak danglam tawh mahse Jov chu a dinna ngaih ah ding in a danglam ve ngailo. Mihring fing var tak anih lemloh avangin naupang pakhat malna in a hmehhlum tep a chhanchhuak ani tih pawh a hrethiam kher lo ang


Khata tang khan Jov chu thian anga en harsa kati tan ta hle a, tunge a hmangaih tih lah ka hrechiang hle si. Mahse ka inrin hma hauhin kalo hmangaih hman tawh ani.





Hmeichhe duhawm leh hmeltha tak anih reuh avangin ngaihzawng a nei mai ang tih ka hlauh thin zia kha aw. A bul ah ka awm tlat a mipa dangin an hnaih chu sawiloh an melh ringawt pawn ka thinrim mai thin.

An hnaih ngamloh na turin a lak ah chuan ka huamhauh zia kati lang fo thin a, mahse ani chuan a hrethiam leh tlatlo thung. “Andria min veng zel rawh aw” tiin nuisang in a sawi thin


Kha tawngkam kha ka haw takzet, ka hmangaihna hmuthiamlo khawp a a fing varlo te hi ka hua.



High school ka luh tirh a Lalrinhluan a bame khan tawpsan vat turin ka hrilh a, ani lah chuan alo ngai pawimawhlo nasa mai.



Kan insual phah ta nghe nghe a, Rinhlua'n “Eng ang pawn venhim tum mahla a hmangaih chu midang ani tho chance I neilo” min tih khan insum hmanlo in a ha bal khawp in ka hnek ta anih kha.


A thusawi dik lutuk khan ka thin a tirim zual ani ber mai, a dik lutuk a chhan ngaihna ka hriat miau loh avangin ka hnek ta mai a ni.



Mahse Jov hi ka chan dawn anih chuan Andrey lakah ani ngei tur ani. Andrey chu a hmangaih ani a, a bula a awm chu a hlimna ber tur ani tih ka hrechiang. Andrey a kalsan theih hun a thleng anih chuan ka ta ah ka siam ngei ang.




Hun a liam a Jov bulah hun ka hmang tam telh telh a Andrey a hmangaih zia ka hrechiang telh telh bawk. Ani chuan na tak tak in a siam fo a mahse he hmeichhia chakloh hmel ve tak hian chung natna zawng zawng chu a tuarchhuak thei tlat ani.




Beidawn na chang hre leklo in a hmangaih chu a um tang tang a, a thinlung nei turin a theihtawp a chhuah a, a hliam tawrh tam tak te chuan amah chu an chher hriam zel si.


Chapona a nei velo emaw tih mai turin a hmangaihna hmusittu lak ah chuan a tlawm nawn fo thin a, mittui far zawih zawih chungin a thinlung hliamte chu an dam hun a nghak thin. Hmeichhe chhel tak zawng ani..





Tun ah pawh hei hmanni lawk a mittui nen a “ka hmangaih tawh dawnlo” titu khan nuisang chungin theihnghilh a tum tih kha a theihnghilh leh tawh thu min hrilh leh tawh hi.


Heihi ka hriat thin Jov ngei kha ani, hmangaih chintawk hrelo, mi ã ang maia na nawn tur a a hmangaih pan tlat thin kan mi ã Jovial Hmingthansangi ngei kha.


A hming pu zo takin a hlim thei em em, a nuihmel hi thlir reng atan pawh a ninawm hauhlo ang. Mahse mi ã diktak a ni thung, a thluak aia a thinlung ring tlat thin mihring anih hi.



A biang a mittui luang hmuh fo te mipa pakhat in mangang tak leh tlawm tak a a siam reng mai te hi thil hmuh hrehawm ber chu anni.


A nat hlau reng reng a dimdawi tak a ka enkawl thin hi lung a siam ani emaw ti niawm hrim a natna tam tak pe reng thin tu lak ah hian kut thlak ve mai ka duh rum rum thin.


Mahse kan mi ã nu hian a bansan thei chuang silo a, a natna te lo hnem a ngawi reng a enliam mai bak tihtheih ka nei silo.




“Jov, engtia rei nge mi ã ang mai a I natnawn fo dawn” beidawng tak chuan kati ta thlawt a.


“ka hria… natna tam tak min hnutchhiah tawh.. Mahse heng natna zawng zawng te nen hian ka hmangaih tlat si alawm” tiin min chhang a.


A hnunglam atang chuan a lu ah kut ka nghat a, thawhalh pah a “mi ã nu” tih mai loh chu tihtheih ka neilo ani e







Jovial Hmingthansangi at lutuk avanga ka lu na bur tih reh nan chuan ka leng chhuak a, keimah chiah a kawngsir a thu in ka ngaihtuahna ka kawm a.


Headphone chu vuah in sawisel bo khawp a zaithiam Dolly Parton zai chu ka ngaithla a… he malna rilru tun a min chenchilh tlattu hi ka duhlo takzet.


Rei pawh ka thu hmalo ka bulah chuan rawn thu ve an awm ni a ka hriat avangin ka hawi nghal vat a

Aruati lo ni reng in



Ka headphone chu a la thla a “Group chat kha kalo en a Jov khan a rilru a thlak leh sia… hetah I awm ka ring a” nuisang chuan ati a


Aruati hian min duh tih ka hria amah ngei pawn min hrilh tawh, mahse keipawn Jov ka duhthu tlang takin ka hrilh ve nghal bawk


A tir chuan hmeichhe dang ang in Jov chung ah a tuan mai kha ka hlau a, chuan hun rei tak kalo vawn tawh ka hmangaihna kha a puanzar mai ka hlau hle bawk anih kha


Mahse chutiang chuan ati hauhlo, engkim tha vek angin a awm, Jov bul ah pawh a tawngkam mai nilo a mitmeng ah pawh Jovi huatna mitmeng hmuhtur a awm ngai hauhlo.


Amah zawk hian Jov nen min thlahfal fo thin a, a bul a awm a hahdam in ka thla a muang ru riau thin.



Hnuailam a bih ngar ngar a chutah “Andria I rilru nat pawn nangmah in awm tawhlo la… tihtheih chu ka nei vaklo a mahse I thusawi te ka ngaithla thei a… ka sawichhuak miahlo ang promise” a rawn tichhuak reuh anih chu a biang lah chu a sen tek lehnghal a, a lai ani ngei ang.

A lawmawm reuh lutuk chu ka nuisuk mai..



“Awle” ka tih chuan a rawn hawi vat a.. A nuihmel chu a êng ni mai hian ka hre hial. A mitmeng ah chuan a hlimzia chu a chhiar theih vek a a duhawm reuh lutuk….




“Engin nge ilo kal” ngawireng a rei fe kan thut hnu chuan kati a

“taxi… ih taxi in kalo hmang a” a tawng bah deuh nak nak mai.. Ka be thut kha a hlau a mawn nile?


Bike ah chuan ka thu a “lo chuang rawh haw tawh ang hmeichhia zan ah an chhuak ngailo” ka tih chuan minlo en haw a, lo chuang ta mailo chuan a kun leh deih anih chu.

“mahse… Ruathluan Jovi thutna ati alawm” a rawn tichhuak phawng a

Ka nuih a za ngei mai..

“ka bike te chu Rinhlua bike angin tuman luah man an chawi ve hleinem” katih chuan a hmel chu hmuhtheih khawp hian hlimna in a rawn thlak a…


“Bike seat chhawngnei ho hi chu ka ning tlat” tiin lawn nghal a… a san zawng kalo theihnghilh palh a ni.


Kan spiderman_i bul a awm hi chu a hlimawm riau thin



Hanabi

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)