CARO BY PAPUII SAILO (Completed)

[Ngaia]

CHAPTER - 13





Kan inbiak atangin hun tam ala liam miahlo mahse a phone a off hman a nih chu ! Kha nu nen a an awmdun duh vang kha a ni angem ?. Hmingtani a nilo tih ka chiang , khanu kha chu tlem a cher lam deuh ania,Hmingtani aiin a hniam zawk deuh bawk.Mahse tunge ni ta ang? Khatiang khawp a a ngam chuan atan hmelhriat satliah chu a ni lo chiang.






Khanu kha tu nge anih ang ? Rosangpuia tan enge anih tih mawlh ka ngaihtuah avangin zing khawvar hnuah ka muhil thei ve hram a, ka harh leh meuh chuan ni a tlangsang tawh. Ka phone ka check vat a, Rosangpuia morning wish pawh a lo awm vang, mahse chu ai chuan a hnuai chiah a number hlang ringawt thlalak min lo thawn chuan ka mit ala zawk.





Enge ni leh ang ? An mudun lai thlalak a ni tawh angem ? Hlauthawng chung chungin ka hawng a, ka mittui a far thla nghal fap, engtin nge ka chungah tiang hi a tih theih zawk. Khumah an pahnihin an mu dun a, Rosangpuia chuan kawr pawh a ha lo, hmeichhia zawk pawn mutkawr pan te chiah ha in Rosangpuia awmah chuan a bei chial a, a samin a hmai a hliah leh vek thung.




" A duhthawh danah a nawmna tur khawp i pe lo tih a hriat mai. " A rawn ti tel a nih chu !. Chu thil chuan ka awm hi chhun sawk ang maiin a ti na, ka kawr tham tawkin tahchhuah hlau lutukin ka heh ka pet fan fan a, ka mittui dan ruallohin a luang nghal zung zung. A tum hnih nan na takin min siam nawn leh ta e !






A morning wish chu ka chhanglet ta tho a, rawn call let nghalin nizan a kan inbiak zawh hnu a a battery a low avangin ka call pawh zingah pawh a hmuhchiah thu a sawi chuan ka na nawn leh awn awn. Ka buaithu hrilhin phone ka dah vat a, khumah letthla leh nghal tapin blanket ka seh bet a ka tap khur nghal char char. Nizanah hmeichhia a riahpui em tih zawh chu ka duh mahse a riahpui thu min hrilh ka hlauh em avangin engmah ka zawt ngamlo, ka chhunglam atang chuan " Remlalhruai an thlalak i hmu a , kha bak a chiang a awm tawh chuang em ni ? " A rawn ti a, mahse... Mahse kei mimawl hian Rosangpuia khan min phatsan ka la ring phallo cheu anih chu !






*





" U Hruai he mi lo hi size dang kan la kawl em kha'h " Ti ri ah chuan ka hawichhuak vat a,



" Ka van hre mai lo "





" Awii awm hram se.. A Colour hi nalh ka ti lutuk a, mahse tlemin a lian deuh ka ti bawk sia " A leitu tur ni awm tak chuan a lo ti sap a, store room lamah enturin ka lut zui nghal vut.




" Hei hi a te ber a ni tawh a,i ha tawk em ha chhin la " A duh rawng tak phei hi chu pakhat chiah a lo awm tawh. Lawm hmel lutukin a la nghal vat a, a kalpui pa chu a bag chu pe vutin inthlakna room lam a pan nghal zui nghal. Rei vak lo hnuah a rawn chhuak a ,





" I inhmeh lutuk ringawt , kha chiah kha a awn tawh lehnghal " Ka tih chuan a nui sen sen a, a lak tur thu a sawi nghal zat, ka bul a ding mipa chu a lo rum ri nghut.





" Min lo ngai tawh em ! Hmeltha vak lemlo ho ! " Lalhriatdiki dawr rawn lutin a rawn ti lut vei ham ham chu an lo chhawn nghal tliar tliar a, an infiam thang hlawm bawk a, tawngkamna deuh deuh pawn infiam se tuman thinrimah an la ngai lo. An insawisa zui a customer ngaihtuah lek lo in an la nui khek chiam chiam leh nghal, nui thing hlawm ropui si!





" Ka lo pack sak ang che ! " A va inthlak leh hnu chuan ka lo ti vat a, counter lam chu ka pan zui nghal a, a kalpui pa nen khan enge maw ni sawiin an phun zui sup sup thung.





Ka pack sak thlap hnu chuan an ni pahnih pawh an rawn inzui phei ve mai a, kan awmna an rawn thlen chuan Dikteii nui uar uar theh mih ang hmiah a a nui tawp nghal hmak chu ka en vat a,mak tih hmel lutukin a mipa zawk chu a lo melh char char a, chutiang chiahin chupa pawh chuan a lo melh ve ngur mahse a hmekah mak tihna a lang ve lo thung.





" Min lo dawr ziah dawn nia " Nui sang chung chuan ka ti a, an chhuah thlengin Diki chuan ala en zui char char anih chu !.




" Heii, Lalhriatdik i lo melh tai leh pek a nimaw kha ti tak a i enzui a !, lerh lutuk suh " Ka tih chuan a nui tawi tak a, an fiam zui nghal sap sap , a nui ve tho nangin a rawn luh tirh aiin a ngawichawi ta riau a, an biak pawn a rul tawk lek lek bakin a chhang lo. Rei pawh awmlo in a haw zui nghal daih lehnghal eng a hria chu nimaw !.






In lampan a ka inkhalh haw chu kan veng thlen hma deuh a, ka pum a rawn nat vak avangin ka ding tawp a, ka pum ka dawm nghal vawng vawng, na chhawkna lah chu ka pai der silo, a hma pawn a na tho thin na in tiang em em chuan a ni ngailo. Ana lutuk chu ka thlante hi a chhuak nghal tiam tiam a, scooty ka khalh bawk si nen ka awmdan chu a remlo kual vel vek, steering chu ka bawh tawp a ka phone phawrh tur takngial pawn ka che thei tawhlo, ka kut hmawrte hi a kawm deuh titih vek, ka bing mup mup a, "Nula " Ti a au ri ka hriat avangin thei leh theilo in ka hawichhuak a, mipa pakhat hian ka lam a rawn pan a , mahse ka khaw hmuh a phe vek avangin a hmel erawh ka hmu theilo.








* ROSANGPUIA POV *





Ka hma a mi pahnih ding dunte avang chuan ka inhumruh nghal tawlh tawlh, reilo te ka awmbo chhung lekin mipa dang alo hnaih a maw chupawh tudang nilo in ka unaupa lehnghal.Tenawm reuh lutuk !






Ka tawngri chu hriain Remlalhruaii chu a rawn hawi vat a, a hmelah mak ti hmel hmuh ka tum tehlul nen a hmel a buai eih lo, a mitmeng tlanchhiat a hnekin inrintawk hmel lutukin min en zawk anih chu !. An awmna lam chu ka pan phei a, mit lasawn miahlo in ka mitah min melh kar






" Bumhmang, Tenawm lutuk "




" U..i ngaihang engmah..." Ka kut ka phar chhuah chuan a tawng tawp chut a, Remlalhruaii chu ka melh chhuk run thung. Zam hmel a pu chuang lo.




" I sawifiah dawn em ! Remlalhruai " Ka ti chhuak sup chu, Zonunsanga rawn tawng leh vang chuan ka kut ka vai nghal fua a, a pai nghal nawk bawk.





" Lo ngawi turin ka ti che nilawm ni ZONUNSANG " Seh chilh nawk chuan ka tichhuak hrawk a, Remlalhruaii chuan hlauhthawn hmel lutuk hian Zonunsanga chu a pan vat a, na lutuk a ka pawt let lehnghal sawk chu a rak deuh thawt.





" Min thlah vat rawh ! ROSANGPUI " A rawn ti chu bangah nawr betin bang ka chum ringhal bur a, a tim nghal chawih.





" Thla khat chiah ka zinbo a, mipa dang ilo kawp hman a maw ! Chu pawh ka unaupa kher ! " Ka thusawi tawp lamah chuan ka vin deuh thawt





" A chhan chu nang teh thlawt aia a that zawk vang! I lawm em ? " A rawn tivin that, Ka nawr behna a ta tal chhuakin Zonunsanga lam chu a pan a, a banah chelhin a that leh thatloh a zawt nghal vat a, kei erawh ka office lam panin chak lutukin ka kal nghal.





Ka office ka luh rualin ka dawhkan a bungraw awm ho ka hnawl thla nghal vek a, dawhkan ka chhuih zui nghal chawrh chawrh.Kei aiin Zonunsanga kha a thlang phiangsen zawk a nih chu ! Hrep hianin ! Ka thawmah Rinpuii a rawn lut vat a, file vel darh nuai chu a chhar khawm nghal mial mial a,





Ka zin chhung khan ka buai em avangin ka be hman manglo,mahse zan rei pawh ni se min lo nghak ziah thin. Kar khat hnu vel atangin kan inbiak pawn a rul tawk lek lekin min chhang a, mahse zantin kan inbe ziah thung.Kan tihfel lawk theih loh avangin kan haw maithei lo va,Hmingtani'n Zonunsanga nen an inzui a hmuh fo thu min rawn hrilh khan mak ka ti em em a, amah pawh ka zawt reng a, an dawrah a kal fo thin avanga inhria an nih thuin min chhang a ka awih mai bawk.






Mahse hmanni deuh atang khan ka call lakloh a ching a, a chhan ka zawhin a buai thu in min chhang mai thin. Phone atang a engmah sawi ka duh loh avangin hna tifel lovin niminah ka haw a, ka phone alak theih miau loh avangin hrilh pawh ka hrilh lo. Chuan vawiinah zawhfiah tuma an dawrlama kal ka tumlai takin Zonunsanga phiangsen nen khan ka hotel-ah ngei ka hmu dun a, kei aia a that zawk thu min hrilh bawk a nih kha !.Dustbin chu ka chhuih leng dawrh a, Rinpuii file chhar khawm chu a rak nghal thawt.





*


No ah chuan zu chu ka thli chhuak a, ka tlak nghal pap. Bur khat keimahin ka inzo tawh mahse ruih a hnekin ka harhfim tulh tulh thung. Lalruatfeli ka room-ah a rawn luh chuan mi melh rum em em ringawt leh nghal, engmah pawh sawi lovin a chhuak leh nghal daih a, kawngkhar a khar thlap hnuah " Chaw kan ei dawn, rawn chhuk rawh ! " A rawn ti leh lawng lawng lawi sia.






Ka pa'n chaw eiloh mai mai a phal loh avangin inhnuai lamah ka chhuk thla a, ka inhnem teh reng nen ka pai chhin eihlo chu mak ka inti zawk.





Sitting room a lo thu ve ka hmuh chuan biak pawh be lovin choka lam ka pan tlang a, Ruatfeli'n mak tih hmel deuhi mi en reng thung. Mak ti awm pawh a ni ! Nidang a a lokal te chuan ka hmuh ruali ka be ngei ngei ziah. Choka ka luh dawnlai tak a a thusawi vang chuan ka ding nghal chawt...





" ZONUNSANG i thusawi kha han sawi nawn leh teh ! "





" Nupui ka nei dawn ka ti mawle ! " Dar san ak a a tih chuan ka pan phei nghal buan buan a, a hmaiah tak ka hnek nghal sawk, min hnek let ve nghal avangin kan insual zui a nimai.





" Duhtawk nghal rawh u ! " Ti vin thawt riah chuan kan tawp chawt a, a kawr awmah ka la tham reng thung.





" Rosangpui..!! Thlah vat rawh " Ka pa in thinrim lutuk a a tih leh chuan nam deuh sawk chungin ka vawnna chu ka thlah a, ka tho chhuak nghal. Zonunsanga pawh chu a rawn tho ve nghal tuah tuah a, a hmai a khem deuh nual bawk. U zawk na na na chu tha ah min hneh lo a ni, min khawih ve hmanlo hrim hrim.





" Thu rawh u, Rosangpui eng vanga i nau hnek ringawt nge inih sawi nghal rawh ! " Chhan ka tum lemlo, diktak chuan ka tlawm tak zet, ka bialnu ngei ka nau lakah ka chan a nia !.Ka ngawih reng vang nge hahthlak min tih hmel zet hian ka pa chu a thaw hawk a, ka chetdan ka ngaihtuah letin naupang chhia ka inti hnuhnawh.Tlangval senior-in hmeichhia vangin ka nau ka insualpui chu nia !






" Sanga tu maw i nupui tur chu ! " A tih leh sup chuan Zonunsanga chuan mi rawn melh kher, kut ka thlak leh mai hlauin ka tho vut a, bike chahbi banin pawnlamah ka chhuak zui nghal. Ka nu in min au zui pawh ka hria, mahse tunah chuan ka tan in a awm rihloh a tha zawk.






Remlalhruaii te kawtah chuan ka bike ka ti thi a, a room lam ka melh chho nghal vat, a la en ut danah ala mu lo tih a hriat, ka phone ka dap vat a, ka keng chhuak reng renglo ka roomah khan ka dah daih.





Naktuk zan ka awl maithei aw !

[Ngaia]

CHAPTER - 14





Min sawi det dettu an awm avangin ka meng deuh ruai ruai a, Remlalhruaii nen chiang lutukin kan inmelh nghal. Ka hawi kual nghal ruai a, an inkawtah ka lo la awm reng ka bike nghengin leiah ka thu a, ka lo muthlu a ni ngei ang.





" CARO... " Tih sup pahin ka ban ka lek chhuak riai riai a, a biang ka tawh rualin ka thaw chhuak nghal suai suai. He a vun nem lutuk hi lawm deh ka chak em em kha !. Mit khap miahlo in min en reng a, a mitmeng chu ka chhiar thiamlo. Natna, khawngaihna, hlauhthawnna a inlan chhawk zut zut , mahse a mit a khap rualin a danglam nghal vek.





" Va haw rawh, zan a rei tawh " A ti chang fak a, a ding zui nghal nulh





" Ka duh hunah ka haw mai ang, lut rawh zan a rei tawh " A sawi ang chiah chuan ka ti ve a, a heh pet zeuhin a meng kual deuh ralh a,





" I duh duh chen awm teh " Tih leh inher a rual a, a hnunglam atang chuan ka enzui reng. Gate a lut tep tih chuan rawn inher lehin a sam chu a hui chho pap a, ka lam panin a rawn let leh. Ka nui suk thung.





" Rosangpui haw vat teh ! ". Rilru buai hmel lutukin a tichhuak hlak.




" Tinge Zonunsanga rawn kalin min hmuh i hlau em ni ? " Ngeiawm lutukin ka nui ri hak. Ka nuih erawh a za hlawllo,




" Chutiang a ni lo "




" Chuti anih chuan i lut thei anih chu ! " Ka ti hmuk a, ka thutdan siam remin bike chu ka ngheng tha a, ka mit ka chhingzui nghal vang vang. Ka na... Ni e ka na tak zet !. Reilo te ka awmbo hlan a midang min kawpsan avang hian kalsan vang vang tur ka ni. Mahse kalsan turin ka hmangaih lutuk tawh mah mah !.





A ni pawh kalsan chuanglo chuan ka bulah chuan a awm ve reng a, a ke a kham nge ni a thu thla ve a, ka mit chhing mah ila a chezia zawng zawng ka hre vek thei tho.




" Zonunsanga chuan enge a neih bik, ka bulah khan i hlim viauin ka hria sin ! Nge lem ilo chang mai mai zawk ! " Ka ti chhuak sup a,





" Ka duat tawklo che anih chuan sawi rawh, ka insiam tha ang, hmeichhia chu sawiloh ka chhungte tak ngial pawh ngaihven vak dan ka hre lo , mahse min kalsan lohna tur anih phawt chuan ka theihtawp ka chhuah ang . "





" Rs... Inkawp tur kan nilo... "




" Engvangin nge inkawp tur kan nihloh nachhan REMLALHRUAI Ka hmangaih che ka tih khan ka ti mai mai hlei nem ! Ka bulah awm tawp la.. I mamawh zawng zawng ka pe vek ang che ! KA HMANGAIH CHE chu chu a tawk mai lo em ni ? " A dar tawn tawnah vuanin ka thing nghek a, ka sawi tirh lam a rin nen a tawp lam chu a ri chang chang tawh.





" In innei chuanglo ang , ka mo ni turin ka duhlo che , ka ta chauh ini reng ang keima ta chauh " Min melh ngawt ngawt a, hahthlak min tih hmel zet hian a thaw chhuak hak.





*



Lalruatfeli au vak vak ri avang chuan ka thiltih lai dahtha in kawngka lam ka pan a, engmah ka sawi hma in a rawn lut zui nghal tharh.In kuangkuah thanin mi chhoh melh ralh a , a hmel enin lawmthu min hrilh hmel loh.



" Sawivat rawh ka buai a nia ! " Ka ti nghut a, a ner nang thung.




" Hruaii chanchin i hria em ? "





" Ani chanchin i sawi dawn anih chuan chhuak rawh ka hre peihlo "






" Misual inih kha engtin nge hmeichhe dang i kawpsan theih ani ang a fel kha chu i hmu leh tawh lovang " A ti pang pang chu ka rum nghal nghut, Remlalhruaii chuan eng dawt tak lo fah ni maw ! Ka rin aiin a nasa zek . Kei a u zawk min tanlo a ani zawk atan danah dawt a phuah nasa hle anih ka ring.





" Engmah i hriatloh chuan chhuak rawh, ka buai " Ka thil khawih lai chu ka khawih san leh daih a, per sawk sawk chungin a chhuak tau a, kawngka a rawn khar ri dawp.






Ka hna khawihlai pawh ka rilruah a lut leh tawhlo, Remlalhruaii theihnghilh tumin hnalamah ka insawrbing a,ka intibuai lui a ni ber, mahse engtik lai mahin ka rilru a chhuahsan ngailo. Ka mit ka chhin hlekin a nui hmel duhawm zet ka hmu ziah a, zan lamah ni se ka mang thlengin min tibuai zui bawk.






Ka tlawm theih tawpin ka tlawm a, min kalsan lo turin ka ngen ngawih ngawih, min duhlo tu ngen ngawih ngawih tluk a tlawmthlak mihring tan a awmlo, ka tih ve ka inring ngailo bawk. Ngaihzawng vang a an nunna an chhat te hi ka dem thin ,Mahse hmangaihna in min nuai meuh chuan ka dem ta lo, hmangaih berte neih na tur anih chuan kawng tinreng kan dap ruai mai a lo ni zawk.





Thil tisualtu zawk nimah se ka hmangaih em avangin neihlet tumin ka bei tang tang a, Zonunsanga kalsana ka hnenah a lokir chuan engkim ka theihnghilh vek tur thu ka hrilh a, mahse a lokir chuanglo, ka biak theihna tur zawng zawngah min block vek a, dawrah pawh ka kalchilh fo avangin a kal ngai tawh lo.A thil ti suallo tu zawkin ka ngen chung pawh a a lokir duh miau loh avangin ka rilru siam felin ka be tawh ngai lo va, mahse ngaihtuah loh lai ka nei ngailo.






Ka phone ri chuan ka ngaihtuahna atang khawvel takah min pawt let a, ka chhang nghal sup.




" I lokal dawnlo mi ka nghak reng che nia ! " Ka tawng ve hmain lehlam a mi chuan a rawn ti nghal sap a, angaihna ka hrelo hle





" Khawiah ? Thil pawimawh a awm a mi ? " Ka chhan na avang chuan a chek zui nghal tlak tlak .





" Dinner kan eidun dawn ni lo'm ni ? " Lungawilo lutuk a a rawn ti chu, thawk ka la nghal hawk. Ka hman leh loh thu hrilhin ka ti tawp nghal daih a, ka hmai ka tuai nghal puat.






Vawiinah ka awmve lai ngei a Zonunsanga'n Hruaii nen dinner ei dun an tum thu a sawi ri ka hriat avang ngawtin ka thinthawk thutin Rinpuii ka sawm ve rawk a, tlai anih meuh chuan ka lo theihnghilh leh hman. Chu pawh Remlalhruaii hlirin ka ngaihtuahna a luah vang vek. Hrep hian in ! Engtik thleng nge ka ngaihtuahna hi tihbuai a tum !




*


Hotel ka thlen chuan Rinpuii ka hmu chu ka inthiamlo letling zawk, biak ka tum zet na in midang an awm ve avangin ka office lamah ka lut tlang ta daih a.Rinpuii nen hian Hmingtani nen kan inkawp hma khan kan inkawp ve zuai, mahse kan pahnih chiahin ksn hre thung. Inthenna em em sawi lovin Hmingtani ka kawp san a ani pawn engmah a sawi zui chuang lo.





Nimin tlai ka thulhsan leh si avanga ka inthiamlo chuan ka office a lo luh chuan lunch kan eidawn nia ka lo ti a, a pawm ve mai bawk.






Thil ei tur a Rinpuii nen kan inzui chhuah chuan ka tumloh deuhin chhunah chuan Hruaii ka hmu hlawl chu pawh kan hotelah lehnghal, ka hmuh loh rei vang nge tlemin a cher deuhin ka hria, a dinna kan thleng tep tihin Zonunsanga chu khawi maw lai atangin a rawn chhuak hlawl a, Eng emaw sawi dunin hlim hmel deuhin an nui dun hawk hawk a.Ka thik lutuk chu ka kekawr ipte chhungah ka kut ka hum ruh nghal tawlh tawlh.





Rinpuii chu a pheikhawk bun a lek nge a te deuh that rualin a rawn awn riai riai a, ka hnung lama kal a ni bawk si nen dawm tum a ka lo inher chu min rawn kuahin tum loh lutukin kan in kiss a, kan awmna floor a awmve ho chu an thum nghal hak.







* REMLALHRUAII POV *



Nunsanga nen inhmuh kan tum avangin hotel ground floor-ah chuan ka nghak reng a, ka rinai daihin a rei tawh lehnghal. Rosangpuia ka hmu hman ang tih ka hlau tak zet.




" Kheleuhnu, ilo tlu hman em lo maw ! Ka tum aiin ka rei alawm mawle " Nunsanga'n ka bul alo thlen chuan a tinghal vat a, kei erawh min koh dan vangin ka ner nang thung, engvanga hetia mi ko tlat nge maw a nih!





" Val vanduai nghah chu a rei duh khawp mai ! " Ka lo ti ve sak chu kan nui dun nghal hawk hawk.Midang awm ve ho chu an thum deuh hak avang chuan an melhna lam chu ka en ve vat a, mahse ka lo hawi ta kher kher kha ka inchhir ram ram. Rosangpuia chuan hmeichhe pakhat a lo kiss anih chu ! Midang an awm ve thup lai leh nghalin. Na tur chu ka nilo mahse ka na em em thung si a ni !





Rosangpuia rawn inher nen chuan kan inmelh sak a, ngeiawm lutukin min nuih nghal suk !.Min en reng chungin chu nu kawngah chuan kuahin alamah a pawt hnai deuh salh kher a. Pawn an chhuah thlengin ka enzui,A hmeichhia zawk chu ka hriathnu a ang riau.




" Rinpuii nen sawn an inkawp a mawni le ! " Nunsanga'n a rawn tih avang chuan a awm ve tih ka hrechhuak chiah ! Rosangpuia ka hmuh vangin ka bula ding reng ka theihnghilh thei anih chu ! I a tawh tak zet a ni Remlalhruai !





" I hre ngai em ni ? " Amah pawh melh lem lo chuan ka ti sap a, a secretary a nih thuin min chhang.




" I thik tiraw ! " A rawn ti sup chu ka melh chho nghal vak, hepa pui pawh hi Rosangpuia ang chiah a sang, mahse a u aiin a hniam deuh zawk. chuti chung pawh chuan ka la melh chho ha tho.





" Teuh lo.... Khatiang mi lerh lutuk ka duh lo, nangmah ka nei che lawm " Mitmeng chimawm zet a melh pahin a banah ka vuan nghal zat a, ka vawnna phelh a tum char char.





" 420 man pawh ni ve tho mahla, i nau ka la duh zawk tho tho " A ti chu kan in en a kan nui vak vak ringawt.Chimawm liana anih hi ! Makpa interview nei lai mek tih kan sawi tel hram a nge !





* FLASHBACK *





Ka kiang vel a tawng thawm chuan min tiharh a, ka meng deuh riai riai a, dikteii niawm tak leh mipa pakhat hi ka hmu a, min hnungchhawn zawng a a din avangin mipa hmel erawh ka hmu theilo





" Ahh... U i lo harh tawh maw ! Tui in rawh aw ! " Table a tui bottle chu banin min pe nghal vat a, ka awmdan siamremin ka in nghal khawlh khawlh.





" I lo harh tawh maw ! " Ti thum duttu chu ka en vat a, ka lu ka bu nghal nghat.





" U hei hi hospital a hruaitu che anih hi , min lo phone a kan hre ve chauh ka nu te pawh an lo thleng tep ang " Dikteii chuan a ti nghal zung zung a , ka thiam tawkin lawmthu ka hrilh ve nghal.




" I harh tawh tho bawk a ka haw tawh mai ang, tihtur ka la nei bawk sia, naktukah ka lokal leh dawn nia " A ban lekchhuak vutin a sana chy a enpah nghal vut a.





" Ka lawm lutuk ania, min hmu lo la chuan engtin nge ka awm ang ka hre silo a, D kawngka thleng va thlah la " Ka tih chuan Dikteii chu a phurloh hmel kher mai. " Lokal rawh " Ti nghutin a chhuak nghal nulh anih chu ! Eng a hria chu nimaw , chupa pawh chuan min mangtha nawn leh supin a chhuak zui ve nghal a.





Ka hriathnu hnun ber kha chuan scooty-ah khan ka bawk tawp kha nia, kha pa khan min hmulo se ka thi mai a ngem ? Ka ngaituahna chu duhloh in ka hmaiah ka beng nghal thek thek. Laldiki rawn lut chu a kun deuh tlat a, ka biak pawn min en duhlo. T





" Lalhriatdik... In en lo a chhan ka huat zia i hria ni lawm ni ? " Ka ti vin that chu a rawn inhnit ri nghal hraih , khum atang chuan chhukin tukverh bula a ding chu ka pan nghal vat a, engkim a tha em tih ka zawt nghal sap.





" U... Ngati nge ka vanduai bik em em le ! Ngati nge heng buaina, hmuhsitna zozai hi ka tawn bik " Min kuah thlawpin a inhnit nghal hlawp hlawp a, a sawi awmzia man lo lutukin ka kuah let ve tawp.





" I tahchhan chu sawi rawh le ! " A duhtawk a tah hnu chuan a biang a dawm chungin ka ti dam thlup a, a thusawi erawh ka rinloh lam daih a ni. Nichina room a mipa awm ve kha bawihtei nilo... Kan Remruatfeli pa a ti nih chu !.




*



Na em em ka nihloh avangin damdawiinah pawh zan hnih chiah ka riak, doctor-in ka rilphir lam anih thu leh zai angaih thu a sawi. Nunsanga pawh ka damdawiin awm chhungin a rawn lang ve leh nawlh thin. Dikteii chung a a thiltih vangin haw viau mah ila, min tanpuitu anih vangin ka be chhe ngawt thei biklo. Dikteii erawh a awmlaia a lokal chuan a chhuak hmak zel, a mahah ka inchanin awm ka tihpui viau.






Nunsanga'n min zawh duh a neih vang a kan inhmuh tumin bawihtei pa tunge anih thu min zawh chuan ka thinrim kher mai, ka insum zo lo in ka ankhum hrep a, a fanu anih a rinloh thu a sawi phei chuan a biangah ka beng nghe nghe. A thusawi ka ngaihthlak hnu erawhin bum an ni tih kan hrechhuak , Dikteii ka hrilh ve a mahse engmah a sawi lem lo thung.




Rosangpuia pawh hmai chhanah ngei engkim sawi ka duh zawk avangin thenna thu ka la hrilh chuang lo, min biak pawn ka be ve zel tho. Mahse a hma ang a ka biaktui theih loh avangin chhuanlam siamin ka dah vat zel,Nunsanga nen cousin an ni tih ka hriat khan a tir chuan ka awihlo a, mahse Nunsanga'n an thlalak nen lam min hmuh khan ka ring ve chiah. ' Kan monu te makpa tur ka nih hi ' a tih fo avangin Rosangpuia nen kan buaina zawng zawng ka hrilh ve vek a, ka hrilh chhan erawh ka hre lem lo, a tul a nia nge !





Zep theih ni hek lo, ka nu leh pa te pawn bawihtei pa a ni tih an hre thuai a, Nunsanga min hrilh dan ang thlap a, ka hrilh ve hnuin an haw em em biklo. Dikteii erawh ala dam thei rih nganglo nge pehhel dan a zawng char char a, kani in a lokal pawh a phallo. Mahse bawihtei a hmuh ve chak thin avangin a bulah keiman ka hruai fo a,kan inhmuh zin phah ta thung.





Hotel a Rosangpuia' min rawn hmuh pawh khan bawihtei hruai tur a va kal ka ni a, mahse khatiang teh nuai kha a thleng ta si, tullo lutukin Nunsanga ka bialpa angin ka sawi phah ringawt leh nghal, ani aia a that zawk thu ka sawi khum kan a mitmengah natna ka hmuh sak. Mahse ka sawi zo tawh si !. A hma a video min lo thawn thintu hnen atang khan thlalak ka dawn leh thin atang khan ka be tha duhlo a, a call pawh ka ring ral tir thak thak chang a tam.





Bawihtei vangin Nunsanga nen kan inpawh phah ka tilo theilo , a tawngduh bawk nen bawihtei pawh a lawm thiam tak zet, thisen inzawm na na na chu bawihteii pawn a nel ve nghal mai a, 'Apa' a ti deuh reng mai a ni.





Nunsanga nen kan inngaizawng amaw a tihtlat avangin Rosangpuia'n min ngaihdam vek tih leh , a hnena kir leh turin min thlem reng a, lo inkawp tak tak ni ila chuan khati khawp a a inphahhniam avang pawh khan a bulah ka let leh ngei ang,mahse ka kalsan chhan a ni si lo. Khatiang khawp khan mipa hi an tlawm leh thei chuangin ka ringlo. Mahse ka hlat chhan a dan miau avangin leh a tlawm hmel hmuh hreawm ka tih em avang zawk khan, engkimah ka block vek a, chutichung pawn dawrah a lo la kal fo tho !.





Ka pum lam ana ta zeuh zeuh bawk nen inzai duhlo viau mah ila , ka chhungte'n min nawrlui a, damdawiinah kar hnih vel zet ka awm phah, Ruatfeli thawhna a lo ni kher kher nen, kan luh niin kan inhmu a, a u nen kan that leh thatloh min zawh chuan inthlahrung lutukin ka hrilh vek , mahse Rosangpuia chuan engah mah an ngailo nge thawm a rawn nei leh tawhlo hrim hrim.




* __END OF FLAHSBACK__*




Kan inchhung a kan inzui lut chu bawihtei chuan a pa chu a ban nghal vat a, Dikteii erawh Nunsanga ka hruai haw chu min ngei hmel lutukin min melh thung. Nunsanga'n 'hun ka pe rei tawh e mai , ka neihlet leh duh chuan min haw dawn mahse in in lo luh phawt angai ' a tih tlat avangin hauh huamin kan inzui haw kha a nia, Lawm a hlawh hmel vak loh.






Inrem tir hman ka tum nen a vawt lutuk a ka kut hmawr a hik vek tawh 🥶Nizan awl ai sei tawk ka lo dah

[Ngaia]

CHAPTER - 15





Inthlak tur a room a ka lut chu diki chu a rawn lut ve vat a, a sawitum ka hriatsa vangin ka thawmhnaw ka thlak nghal mial mial.




" U... A mak e ! Lokal turin ka duhlo ka ti ni lawm ni ? " A hmel chu a khawngaih thlak zawk, chhan ngaihna vak ka hrelo. Nunsanga'n a tilui miau a, ka tan lo hnial kha a nuamlo ve em a ni.





" D inbe tha rawh u,in pahnih a in inbiak hma chu hreawm ti deuhin in awm reng dawn a sin "



" Ka duh ve tho, mahse hi a awm leh thin. Ka thil paltlang zawng zawng ka ngaihtuah hian ka dam zo thlawtlo a lawm "





" A tihsual a ni biklo in , er tu i neih vang a buaina tawk in ni. Bawihtei'n a len deuh hnuah ' A nu'n apa a ngaihdam duh loh vangin pa ka nei lo ' tiin a dem mai tur che sin " Ka ti sap chu a inngaihtuah nasat ve hmel viau.





Chawhnu pum Nunsanga pawh a awm ve ta reng a,ka thusawi zawmin dikteii pawn a bia a, an insawifel nghal em chu ka hre lo na'ngin hun rei a ngai tawhlo turah ngai ang.




Dikteii ka hrilh ang kha kei chuan ka ngaihdan diktak a ni. An karah thu vai virtu an awm avanga heng harsatna te hi tawk an ni a, mahse thudik an hrechhuak tawh thung. Ka nau niin a tuar zawng zawng hre vek mah ila Nunsanga pawn a tuar ve tho tih ka hria chuvangin duhthlana diktak siam turin ka duh a, mahse ngaidam tur a nawr luih vak ka tum chuang lo. An pahnihin an duhthlanna ngeiin an inkar siam tha se ka duhthusam a ni, an inhmangaih ve ve a, chuta karah bawihteii a awm tawh lehnghal. Tunah engmah hrethiam lo mah se nakinah thil chin chang a hriat hunah anu leh pa an awmdun loh chhan zawhna ala siam fo dawn a, a na tur chu Dikteii bawk a ni.





*



" Hruai... Kan inah i lokal lawk hman em " Phone ka lak rualin Ruatfeli chuan inthlahrung tih hriat tak hian a rawn ti sap a,




" Maw... Ngatinge ? Nangmah lokal zawk la dawrah ka awm a " Ka chhanna vang chuan thawk ala nghal hawk.





" Ihh.. Englo ania Mama hi... Ihh englo.. Aaa lokal hram mai teh ! " A rawn ti buh nuai a, eng tak chu ni maw !




" Naa Fel.. I U nen kan inthen tawh bawk sia ama chungchang anih phei chuan ka lokal lph atha zawk "





" Chutiang a ni lo... Keimah zawk.. Lokal rawh ka ring che. Ani nen inthen mah ula ka thiannu em em inih kha ! " A rawn ti leh lawi si ! Phone a dah zui nghal hmak lehnghal. Ka kal ang nge kallo ang ? Kalloh ngawt dawnin Ruatfeli ka hmaizah ve tho bawk si , mahse... Rosangpuia awm ta se.. Naa... Lalruatfeli hian eng ang dinhmun khirhah nge min dah hi !





Phur fahranlo chuan ka inkhalh chhuak ta hram a, Rosangpuia in a a awmloh nan rilru tawngtaina ka nei pah mawlh mawlh. Mahse chhan ka nilo chiang kher mai ! An inkawtah a lo ding run a, pangpartui a pe a mawni lehnghal ni !. Min hnungchhawn zawngin a ding a, t-shirt dum ha in jogger pant grey lam lek lek a ha leh tawp a, a incheina ho viau mahse a inhmeh em em tho.





" Ka va hmuhnawm awm ve ! " Rawn hawilet miahlo a a tih chuan ka hawi kual nghal vak vak, keimah em ni min biak ? Mahse min hmu pawn ka hre bawk silo a, a tukhumah mit nei se chu thuhran.




" Nangmah kha ka bia che ! " Tih pah chuan a rawn inher ruai ruai a, ka lo melh mawl tawp ringawt.




" Ihh... Ruatfeli'... "




" I lo thleng der a law.. " Ka chhan hmain Ruatfei rawn chhuak chuan a rawn ti lawng lawng a, ka thawveng nghal huai. Kan pahnih chuan inchhung lamah kan inzui lut a, ka tukhum za mer merah Rosangpuia'n min enzui reng tih ka hrethei.





" Engmah tak tak pawh a nilo,kan inhmu khat tawh sia ka ngai ve che a chuvang mai mai, ka night lai a ni hlauh bawk nen " Then pah sawng chung chuan a ti a, ka kutin tin fiam nghal uai uai thung.






" I riltam em ka lo duat ang che vawiin chu i lo leng nileng dawn bawk si " A ti nghal ham ham , henu thaw veng ve lutuk hi chu'h





Spicy noodles leh thil dang neuh neuh a siam a, mittui parawl kuang chungin kan ei, a chhuak leh lam tur huphurhawm ngei mai !. Pahnih chauh nimah ila kan bengchheng tham viau, Rosangpuia ka hmu leh tawh miahlo a, a rukin ka lo zawng leh thin.





A room lamah kan inzui chho a, kan lut chiah tihin a phone a theihnghilh thu sawiin inhnuai lamah a chhuk leh nghal, haihawt thangveli. Tukverh awmn lamah ka phei a, thlifim rawn thaw lut heuh heuh chuan min tidai sawng sawng, Mizoram hi chu kan vannei ngawt mai ! Ram thenkhatah te chuan thlifim pawh a lum vek a nia . Mahse thung leh mau kan suat nasat vang nge ka pa'n ' kan hunlai angin boruak a nuam tawhlo, sik leh sa pawn mumal a nei tawh meuh lo ' a ti fo.






" I van rei phone la lawk tur si ! " Kawngka lam ri deuh rak thawmah chuan ka lo ti nghal vak a, ka inher chiah erawh ka hmuh tum loh zawk ka hmu thung.




" Heiii.. Engthil nge itih kha.. Ruatfeli.. "




" I thiannu chu a lo chho tawhin ka ringlo " Ka sawi zawh hmain min lo tihkhal sup a, a thle nghal bat ( ka hmang dik em ka hre lo)bawk.




" Chuti chu ka haw dawn ! " Ka bag banin kawngka lam chu ka pan a , mahsea din hliah run thung. " Awmsawn rawh ka haw duh ! " A dinna ngai a a din tlat avang chuan ka ti vin that a, a kut kuangkuah hlunin a mit ko min san khum ak duh chauh.






" I la haw dawn lawm Caro mahse ka phal hunah chauh , chiang em ? " A ti thum deuh dut chu ka mit ka chet kual nghal ralh




" Sawivat rawh ka hmanhmawh "




" Zonunsanga nen in inngaizawng miahlo ! Ni em ? "




" A dik alawm chuan adang leh vatin " Ka ti liam puat chu a nui ri nghal suk.




" Ngati nge thlalak leh video chungchang kha min zawhfiah hmasak loh " A thusawi avang chuan ka meng deuh kawk. Engtinnge a hriat tih zawhna ka inzawt nghal mawlh mawlh. "Ruatfeli'n min hrilh " Ka mak ti hmel a hmuh chuan a ti chhuak leh sap.Kei erawhin engmah sawitur ka hre tawhlo, kha thil kha hriat nawn leh ka duh tawhlo zawk.





" Vawi khat... Vawi khat te pawh sawi lang ni la chuan... Ka hlatah i awm ngailo tur ! " Ka biang chu a kut lum ther ther chuan rawn dawmin amah en turin min kuai dak salh a, ka mit a natna te chu a hmuthiam nge a mitah chuan khawngaihna mitmeng a ni ka hmuh !. A mitmeng a khawngaihna leh thinrimna inpawlh nuai avang chuan ka mittui ka dan ve tang tang chu a luang thla nghal pap. Rang lutukin min kuah bet a, ka inhnit zui nghal hlawp hlawp. Khang thil zozai ka hmuh hunlai a ka nat tluk zet khan ka na leh nimaiin ka hria.






" Ka thiamloh vek a ni !!. " Chu thu chu vawi enge maw zat a sawi tawh.Thlalak min lo thawntu kha a secretary Rinpuii kha a lo ni a, chuan video a mi pawh kha amah ngei a ni, ka hmuh hnu a ang ka tih kha amah a lo nih vang chiah a ni.




Khami zan khan a zuruih vang niin a sawi a, a record thlap danah a tihluih a ni tih a chiang viau lawi !. An inkawp thin thu min hrilh chuan ka melh nghal rawm rawm.





" Kha tin min melh suh ! Naupang titau i ang lutuk " Ka sam chu a tuai thur nghal vak.




" Ka ngaidam dawn chuanglo che ! I dawheh ve ropui si , dawt bak i sawi leh lo ang "




" Dawt ka la hrilh ngailo che Remlalhruai " Lungawi loh hmel lutukin a ti chhuak hluk.




" Anih a finfiahna i nei em "



" Ka dikzia fiah turin min duh tihna maw ? Min ringzo thlawtlo tihna a ni em ? " A tih chuan ka bu nghat chu ka thutna couch chu a chum ri nghal bur.




Dawt sawi hmel pu lo mahse tun tum chu ka ring nghal theilo, a hma anga thu mai mai leh midang ka atanga ka hriat nilo in ka mit ngeiin ka hmuh a ni a, a hma a kan buaina nen kha chuan a dan a dang em a ni. A ngawih tak reng avang chuan ka tho chhuak a, ani pawn min dan a tum chuang bik tawh lo.





Inhnuai ka thlen thlak rualin Ruatfeli'n min nuih tlawn sen sen chung chuan min lo pan nghal vat a, ka hmelah thil awmzia a man thiam nge engmah min zawt zui lo.



" Dawt ka hrilh chuanglo che nia ka ngai tak tak che !, Ka u in order min pe sia ka hnial ngam silo a, mahse ka hmuh chak vang che pawh a ni tho " A beng pawt chung chuan a in la cute pah a, ka nui chhuak nghal hak. A pawi loh thu ka hrilh chuan hahdam huai hmel a pu.





Mut hmunah ka ngaihtuahna a vak kual chiam, engvang a khangte kha min lo thawn kher nge anih ang ? Rosangpuia sawi dan kha chuan an inthen hnu pawn amahah engmah danglamna awmlo in secretary tha tak leh hna tlin tak a ni zui tho a ti kha nia. Nge... A lo la duh ve reng zawk, mahse kan inkawp hma pawn Hmingtani nen an inkawp reng tho sia.





" Nunu... Papa in teddy min lei sak a " Bawihtei chuan an rawn luh rualin a tinghal chul a, a thil thar neih chu a hlimpui hle tih a hriat, ka fak sak nghal luam a, a thiam ang tawkin eng eng a maw a sawi ve nasa mai ! A la naupan em avang hian mizo tawng ala hre tlem ka ti mai, a sawi kawkalh nuai zel.




" Val luck-lo a chu nachang i va hre ve "



" Khatin min ko tawh suh ka luck tawh alawm tiraw D " A bula ding dikteii chu a kuah pah kher a, dikteii erawh a biang a sen nghal ap ap thung.





" I retheihna bul tur a intan chiahah ngai rawh, ka chhawr nasa dawn teh mai che nia " Ka tih chuan kan vaiin kan nui vek.




Dawr chhunga rawn pen lut ka hmuh rualin ka nui tawp nghal hmak. Zonunsanga a hmuh chuan a ner nghal nawk a, keiin amah chu uluk lutukin ka lo en char char thung.





" Lokal rawh le.. " Ka bul a rawn thlen rualin a tinghal sup a, ka banah vuanin min kalpui nghal ringawt, a mak teh thut thin.



" Khawnge kan kal dawn ? Enge kan tih dawn ? Nge min lo hruai ve ngawt ? " Zawhna ka zawt nghal zung zung a, engmah a sawilo. Ngawi reng chuan ka zui ve zel, engtak chu hria ni maw !



A motor hunna bul kan thlen chuan kawngka min hawnsak thlapin lut turin min ti zui zat a, a sawi ang ang chuan ka awm ve vel tawp. A hotel lam kan pan a ni tih a tlanna kawng atangin ka hria. Hotel kan luh chuan an lo wish sap sap hlawm a, chhang let lo in ka kutah nghet lutukin min kai a, min kal tlangpui hmiah hmiah , hnathawkte chuan min enzui duh hlawm hle a, kan tawh thenkhat zawhna mitmeng a min en tute chu ka nuih tawi tak ringawt zel. A office chhung kan luh chuan Rinpuii kha a lo awm a, ka thin a rim nghal ut ut. A ni pawn min melh danah min lawm vaklo tih a hriat.






Rosangpuia'n ka phone min dil chuan ka pe ve mai a, a hmet zui nghal mual mual a, phone a ri zui nghal zat, Rinpuii'n a phone chu la chhuakin call tu a hmuh chuan a meng phar nghal awk ! " Sangpui i ngaih ang... Engmah "





" Engvanga heng thil hi ti nge inih LALRINPUI " A aw chu a hlauhawm kher mai, Rinpuii pawh chuan a hlau tih a hriat , a meng kual zawk zawk a, ar man tum a kan zim tlanchhuahna zawng kual ruai nen hian a awmdan chu ka tehkhin ber .





" A chhan sawi vat rawh, dawhtheihna ka neihlai hian " A ti leh hrawk a, ka lo ip chawi chawi thung.





" Engmah inthenna mumal awmlo in midang min kawpsan a, ka tan a nat zia i hria em ? Ka hmuh lai ngei a Hmingtani nen in awmdun thin te kha hmuh a hreawm zia pawh i hrethiam lo zawk ang ? Ka hmangaih ber hmeichhe dang bula a awm kha khawvel a thil hmuh hreawm ber a ni,Mahse a ni kha chu i duh tak taklo tih i chezia atangin ka hria a, ka ngawi zawk mai a ni.Ka lam i lo pan leh hun ka nghak a,mahse henu hi a lo lan atang khan i danglam vek a,ka hnenah i lokir dawn lo tih ka hre nghal chuvangin ka kawng hriat ka zawh a nih kha ,Ka hmangaih che a ka ta ni reng turin ka duh bawk che " A tir lam a rin that nen a tawplamah chuan a insut feih feih tawh.





A chan ka ngaihtuahin a nat tur zia ka hre ve , mahse kan ta lo tur chu eng ang pawn neih tumin bei mah ila kan neih phal sak kan ni chuang lo. Hmangaih viau mah ila kan lam an awn ve miah loh chuan bansan mai a ngai fo thin. Hringnu teh nuai hi chu hriatthiam a har a ni.




" Chhuak rawh ! Chuan rawn kalleh tawh ngai suh ang che " Chang beng bawng a a tih chuan Rinpuii pawn awmzuina chi a nilo tih hriain a chhuak zui nghal vat.




" Fiahna chu i hmu ta a, engtin nge ni dawn " Ti dam thlup ri vang chuan amah chu ka en nghal vat, nichin a Rinpuii a biakna tawngkam nen chuan vanram leh nawhfe ang vel a ni.





" Eng chhanna nge i duh ? " Ka ti let sap chu a chal a ti chuar nghal tap a, chimawm min tih hmel fe hian min melh zui nghal khui




" Damchhunga ka kawppui ni tur a Biak In a Pathian leh kohhran hma a i tiam tlat tur thu " Min chhanna vang chuan ka nui chhuak nghal hak, a tawngkam a nih duh loh hmel lutuk.




" KA HMANGAIH CHE " A hriatchian loh hlauin thumal tin chu ka lam ri fak fak. Reilote chu a hmel a haihchham a,mahse a reilo min pawm kangin min fawp zui nghal ngawng ngawng.





" KA HMANGAIH LUTUK CHE ... !! " Min fawhna ata in la hrangin a ti nghal sup.

[Ngaia]

CHAPTER - 16





* ROSANGPUIA POV *





Ruatfeli phone ka check sak tumin Hruaii nen an intext na ka chhiar a, sawi chiang ballo mah se an inbiak dan atangin min kalsan chhan a nei tih hrethiam turin christmas vawi enge maw zat ka hmang ve tawh. Ka zawh chuan video leh thlalak vel thawntu an awm thintu min hrilh tha ve mai. Ka ngaihtuahna a buai map eng ang nge ni ang tih leh tu in nge thawn ang tih ka ngaihtuah nghal ruai.





Keiman ka phone chuan a la leh duh dawnlo tih ka hriat avangin Ruatfeli ka phone tir a, a la sawi buh nuai zui lehnghal. Kan ruahman sa ang ngeiin ka be thei hram ! A mit a natna inlar chhuak zut zut vang chuan ka inthiamlo tak zet. Ka duhvang a nih loh zia ka hrilh mawlh mawlh a, finfiahna a phut tlat thung si ! Min rin theihna tur a nih phawt chuan ka pe em em ang.






Kha mi zan khan kan inbiak zawh khan zu rim nam huam huam chungin Rinpuii a rawn lut a, min theihnghilh ngai loh thu vel sawiin kha ti khan a rawn awm ringawt a a record thlap tih reng ka hre lo. Hria ni ila chuan a zan la la khan ka pawtsawm vek duh ang, mahse a chet dan ka hriat chian miau avangin a him rei lovang.







Ka hmuh duhthu hrilhin ka office chhunga min nghak turin ka ti a, keiin ka CARO hruai turin an dawr lam ka pan thung , engmah sawi nawilo a min zui teh khiah chu ka lawm rualin mak ka ti em em lawi.







A hmaah ngei finfiahna pe in Rinpuii'n a thil tihsual a puang vek a, ka rin miahloh leh beisei ngam loh chhanna min pek avang chuan ka hamhaih vek. Inkawp rei lutuk nilo mah se midang chuan an induh thu tal an sawi thin a ni ngai a, Remlalhruaii erawh hi chuan vawi khat pawh min duh thu hmaichhanah min la hrilh lo, mahse a che zia leh a mitmengah ka hmuhsak avangin sawi turin ka phut kher lem lo,keiman ka hmangaih a ka bulah a hlim phawt chuan ka duh tawk em em kha a nia. Chuan tunah hian min duh thu vawikhat mah sawi lo vin min hmangaihthu a sawi anih chu ! Chu tluk a hriat nuam chu ka tan a awmlo.





" Sawi leh lawk teh... Min hmangaih thu kha sawi leh rawh , ka la hre nawn fo duh bawk ang. " Ka tih chuan a ner nghal nang




" Ka hmangaih che, ka hmangaih che , ka hmangaih che, ka... " A tawng laklawh lai pawh sawi lovin ka fawp leh nghal vawng vawng.





" Hmangaih che ... Rosangpui " Ka in lakhran rualin a tihzawm leh sap, chimawm reuh lutuk.




" Keipawn ka hmangaih lutuk che " Ka ti ve leh sup.






Kan inkar tha leh chu kei aiin Ruatfeli a lawm zawkin ka hria, ' Then miah suh nei ngei ngei ang che , i tar thi thei mai ang.Hmeichhe dang melh tawhlo bawk la, i melh ka hriat vaih chuan keiman ka khai ang che ' tiin a khat tawkin min vau deuh reng mai a ni. Hetiang em em a a ngaina hi a mak ka ti zawk, Hmingtani kha kan inah ka hruai haw zeuh zeuh a, a be chhe hranlo nangin Hruaii ang em em hian a vei lo ka ti mai.






*



" A hreawm viau em ? Kan thleng tep tawh a nia ! " A kut lakangin ka hmui zawnah ka dah nghal vang vang. Ruatfeli'n ' Farm kan tlawh khat tawh e picnic ang deuhin kal ila ' tiin min dil char char a, Hotel lam kan buai ve bawk nen ka hnial a, mahse a ât loh zia alang leh ! Hruaii a lo sawiphur pui a , ani'n a lo chak ve tho nen a ngen tak meuh a min ngen chuan ka hnial hneh ta ngang lo. Hruaii te unau thum bakah remremi leh keini unau chuan Nunsanga nen kan kal a , a phur tehlul nen rei pawh kan tlanlo tihin motor a rui nghal. Tawng pawh a tawng tha peih meuh lo.






" Nunu kha a damlo leh mi ? " Min hmuh rualin Remremi chuan a lo ti nghal vat a, a dam that thuin ka chhang zui sup, a zawi em avangin a ka pawm ang che ka tihin min hnial tang tang a,mahse a tha a thawh tha theilo bawk nen ka pawm lui tho. Nunpuia leh Ruatfeli bike-in an inphur a,Diki leh Remremi Nunsanga bulah an chuang thung.Ka tlanchak pui duh loh avangin kan thleng tlat ber a, kan thlen ve meuh chuan an lo ri tung tawh, Kan inpawm chhan min lo zawt vat hlawm bawk.






Inchhungah pawm lutin pindan lamah ka luhtlang pui nghal a, mu hahdam rih se la a zia mai ang. Khumah chuan mutin puan chhah vaklo chu ka sintir a, a bulah ka muthla ve nghalin a kawngah ka kuah nghal run a, ka kut a lo vuan ve vat.





Ka hmai za mer mer avang chuan ka harh a, ka meng duh lo thung. Ka hmai chu a kuttang chuan a thaikual riak riak a, a nui ri leh hak thin. Ka chal atang a thai thla riak riakin ka hmui zawnah chuan a tawp chat a, ka lo seh fiam avang chuan a rah nghal that.





" Nang pa pui hi..! I harh reng maw ? " A rawn ti nghal vak a, a thuchhuak nghal daih bawk.





" Ka harh deuh chiah, mahse khatiang itih leh dawn chuan ka muhil der leh peih " Nuih insum lutuk a ka tih chuan a nui tawi tak a , athen nghal sak ringawt. A inrin hma a che thutin khumah chuan ka kuaithla leh a nghet lutukin ka kuah bet zui nghal chu tal vak vakin a rak nghlal tung.






" Che che suh ! Ka pawngsual mai tur che nia " Ka ti chu a che a tawp chiang kher mai ! Ka awm zawnah a thaw nghal hle hle.





" Ka ril a tam e.. " Ka awm atanga min rawn melh chho kar chung chuan a ti sap a, a sawi har ka ti reng a ni. Kan lo muhil daih bawk nen a tlai tawh viau.




" Come on man... " Tipahin ka tho chhuak nghal hluai, a ni erawh khum atangin min en reng ringawt. " Tam leh silo mi ? " Amah en chung chuan ka tisup chu a hnar a tivnang nghal vak.





" Rosangpui... Man ka nia mi ? " Thinrim lutuk a a rawn tichhuak chu ka nui nghal hawk hawk.




Min paw rawh a tih tlat avangin ka in paw chhuak a, midang ho chu an reh diak a, an kalkual a ni maithei.





" Chuan enge i siam dawn ? " Kitchen cabinet-ah chuan ka nghat thla a,a sir tawn tawnah ka banin ka khuap nghal bawk.




" Maww.. Nangman i siam dawnlo mi ? " A rawn ti nghal haw




" A riltam zawk i ni sia i siam ang chu " Ka ti sup chu a hmui a pet nghal zeuh




" Naa... Ka story chhiar ah te chuan mipa zawkin eitur an siam a, hmeichhiain an lo thlir reng ringawt zel a, ka chak ve lawm tiang chu ! I siam ve thiamlo mi ? " Henu thin hi tak hi chu aw... !.





" Ka thiamlo nimai rawh se " Thle buk chunga ka ti chu hmui a ti pawrh nghal tarh , insum hmanlo in ka seh sak zeuh chu a ke in ka bawiha a tek nghal chhawk. Ka insehruh nghal tawlh tawlh.




" Tihpalh, tihpalh a na viau em ? Ka tum a ni miahlo a nia , ka inring hman biklo a... A na viau em ? " A rawn tizui nghal chul a, a hmelah pawh a inthlahrung tih a hriat, ka ner deuh sak ringawt. A na lo tih chi rual a nilo, ka mipat puilo chuan anat zia an hre lo ang.





Eitur a siamlai chuan midang ho pawh an rawn lut sap sap a, an hah aniang an thlan phung a an thaw hluam hluam hlawm a, Hruaii erawh a khat tawkin inthiamlo tih hriat lutuk hian min rawn melh leh zeuh zeuh thin a, a thiamloh anih thu hmui phunin ka lo hrilh sup thin thung. Mahse a ngai te bawkin min rawn melh leh thin.






Kan eizawh hnuin huan fang turin kan pahnih chuan kan chhuak ve thung a, hmana kawiam a lawhna kha kan thlen chuan a nui leh suk suk thin. Ka ngaihtuah ang hi a ngaihtuah ve a ni ngei ang, kha tih hunlai khan tun nang hian a zunah ka uai ka ring chhinlo hrim hrim.Chutiang bawkin a ni pawh hian a ring bikin ka ring chuang lo.





" Rukruk i thiam zia hi i hria em ? "




" I pa kha ka dil tak tak, ka ru lo hrim hrim " A ti nai nai chu ka nui suk, ka thusawi a manlo a nih hmel !




" Chumi nilo thil dang i ru lawm "




" Daw suh Rosangpui eng thil mah ka ru lo ! " Hahthlak reuh sia'h , a hmelah a hlauthawng tih a hriat, nge thil a ru tak tak zawk a maw ni !




" Ka thinlung tan hian rukru i ni tlat sia " Chal ti chuar tap chung a ka ti chu a hmel a buai nak, a hrethiam ta nge lei min chhuah khum vak a, tlan nghal nal nal.





* REMLALHRUAII POV *





Tunlai hi enge a hriat a , a ka atanga thu chhuak a thlum theih viau, a thlum lutuk hi ka hak ziah nimaiin ka hria. Thu mak pui pui a sawi reng a, min tihzah phet a tum zel, unau te chhaih mai maiah pawh lai thei mihring hian a bul a awm te hi ka hreh phah vek. Mahse engtik lai pawn ka ngai em em thung.





Keimahin ka phun phei char char a, Ruatfeli'n min lo koh avang chuan a lam ka pan zui nghal. Tui a cheng nasa deuh nge a mit a sen ram tawh. Bawihteii kan hruai bawk nen zan riah a chi siloh a, tunah haw a hun tep tawh bawk nen tui chen ve loh chu ka ui deuh si, ka inthlak tur thu hrilhin inchhung ka lut nghal a, ka chhuah leh meuh chuan Rosangpuia pawh a lo a ve vun tawh. Kekawr bul ha tawpin kawr erawh a ha lo thung, a taksa nalh lutuk chu kawr a hak loh phei chuan a chiang leh zual.





Min hmuh chuan a lam pan tur chuan min hui zauh a, a lam pan lo in Ruatfeli leh Nunpuia awmna lam ka pan daih thung. Dikteii te pathum pawh an hlim hmel viau Nunsanga'n bawihteii a chhaih rak teng tung a, ka rin ai daihin he pa pui hian naupang han chhaih kual vel a thiam. Rosangpuia ve hi engtak ang ve i maw !





Pool chhungah chuan ball kan beng a, ka ding nghet tha theilo nen ka pil leh bawrh zel. Min signal zeuh thintu chu ka hmulo der hmak. Ka ngaihzawng mah nise tiang ang hun midang nen chhuah vah ni hi chuan inngaizawng fal deuh bik in si chawt a awm thin hi ka huat zawng tak anih avangin keimah pawh ka awm duhlo. ' Midang nen kan chhuak ho anih chuan kan ngaihzawngte chauh buaipui loh tur mi hmuhah a mawi ngailo, midang an awm ve tih hriat reng tur , an awmloh hunah induatna hun te chu ala tam lutuk ' Ka u a pasal nen an inngaihzawn ve lai khan he thu hi ka nu in a hrilh fo thin. A dik ka ti viau bawk.





Kan haw dawn chuan Ruatfeli chuan min rawn kheuh zeuh a , za lo lutukin ka then khum sak ringawt. A u chhaihkual turin min ti char char, mahse Rosangpuia hmel en hian chhaih ngam chi ni pawn ka hre lo. Nichina a bula ka kal duhloh vang khan a la tum hmuk reng.




" Ka rui leh ang tih ka hlau e.. Nunpuia bulah ka chuang tawh mai dawn sin ! " Tim dai a ka ti chu a rum ri nghal nghut a, " A tullo lutuk " Tih leh ka kutah min kai a rual a, a motor lamah min kalpui nghal dawr dawr, hnunglam ka hawilet chuan nuih insum tih hriat lutuk hian min lo thlir thap anih chu ! Nunsanga'n a kut min lo la vai zeuh zui.






" Lut rawh " Kawngkhar a hawng a, ka thu lut zui ve nghal a, motor hma lam atang a a thutna tur lam a pan chu ka enzui zel, engtin nge ka tih lungawi tak ang, Lalruatfeli ruahmanna tullo lutuk vang vek. A rawn thu lut a, engmah pawh sawi lem chuanglo in a tlanchhuak nghal. Tunah tak hian sawitur ka vai lutuk hi a hreawm zawk.




Ka phone la chhuakin Ruatfeli ka text a, ka type laklawh laiin ka phone chu a kang nawlh a, motor hmalamah a thlawk phei nghal daih !. Mak ti lutukin Rosangpuia chu ka melh phei a, ka lam a lo hawi danah motor a tiding tih ka hre ve chiah , ka nuih tlawn nghal ringawt chu a ner nghal sawk.





" Lalruatfeli bul a i awmin min theihnghilh hmak thin suh ka tih tawh kha ! " Enge a sawi hi a nau a lo la thik fan nia... A leh lutuk !





" Pool awmchhung a min pehhel pawh tih tawh laiin Nunpuia rual a haw te ila tum lehnghal ! " A aw ah pawh a lawm hlawlko tih a hriat, Ruatfeli min tih tir tih sawi lanna chu a ni tawhlo hrim hrim. Inah a hau leh duh mai ang. Keimah a ka thiam ang ang a ka insawifel mai a ngai.






" Ka tum tak tak dawnlo tih chu i hriat kha my love you che "




" Remlalhruai fiamthu thawhna hun a nih loh hi ! " Hmmm fiamthu thawh a duhlo nih chu, ka zak a sin maw le a. Ka thutdan siam remin a lam hawiin ka inher a, ka kut la kang de dein a biangah ka dawm a, chiang lutukin ka mitah min melh run thung. Awm kangin a hmuiah ka fawp de de a, min chhanglo mahse keumah zawk hian nuam ka ti , ka thiam dan tawkin ka fawp lui ngar ngar a, che deuh hrutin ka tukhum samah a tham a, min fawp let nghal tawn tawn chu ka nui chhuak nghal hak. A ngaih rei ka ringlo reng ah !





" Khatianga min thlem ziah dawn chuan ka thinrim der ziah mai thei a ni " A inlakhran hnuin nui suk chung chuan a ti a, Maw..!! He pa hi a thinrim miahlo maw.. !!





" Nuilo tur a ka insumna lamah ka pum ana vekin ka hria " Ka hmuiah chuan a rawn fawp leh zeuh a, ka kutin ka lo tuai fai nghal chu a nui ri nghal hawk hawk a, keipawh ka chet dan vang chuan mittui tla phungin ka nui.







Ka ruih leh a hlau deuh nge glass min hawn tir vek a, a khat tawkin min be reng bawk. Midangin a tawng mawh tiin hre mah se ka bulah hi chuan a tawng tlem em em lo. Hnial khan a hre ropui si min hnial dang lel zel.





Zan a Ruatfeli nen kan in text-in a thinrim ka thlem lungawi zawh loh thu vel dawt ka va hrilh chiam a, Rosangpuia pawh thinrim ang a lemchang der turin ka ti a, a va chang der ta nge a rawn inthiamlo nasa mai. Min rawn call a mahse nuih ka insum zawh ka rinloh avangin ka la lo, kan intext ringawt chung pawn ka nui vak vak ania, min hmu phei chu awm se ka phone ka en a ka nui leh chiam thin chu mimawl a maw min ti hrim hrim.Tikhan thin tullo min tihtir man phuba ka la ni ve mai teh se.








#A tawp teuh tawh mai sia e᭄ᥬ᭄ᥬ᭄ᥬ

[Ngaia]

CHAPTER - 17





*_____AFTER TWO YEARS______*





" NU.. Nupui ka lo ru haw dawn a nia ! " Ka tuiin lai ka hak nghal thawt , ka khuh nghal bawrh bawrh chu ka hnungah ala rawn chum det det zui.



" E.. I hmuh phawt chuan lo ru haw rawh, i kui tiak ve lovang tih hlauh mah nak lai a ! " Ka nu chhanna vang chuan a hawi leh lel sia, Mawlchawllova !





" Khawi lam lanu nge maw i chhai thluk ve ang le ! " Ka lo ti chu ka hma lamah ka bu zui nghal lawp. Ka melh chho zui nghal ram ram.




" Nunvawk, Nunkerang... Ka puang fai kelh mai tur che nia " Rang lutukin ka ka ah a carrot ei lai chu a rawn hnawh lut nghal tawt, ka uak zui nghal tuar tuar chu min lo nuih tiah tiah anih chu !




" LALNUNPUI.. Khatin i nau ti ziah suh ! Nupui ruk tur chu va zawng vat vat rawh kan khua a har dawn em hi ! " Ka nu chuan a hnungah a chum pah dawt a a ti chu a eu zui nghal ngawng ngawng.





" An zak silo a e.. mi farnu te chuan an nuta te neih hun an nghak phawt a ni ngai a'h "




" Kum hnih chhungin i hmu ve silo a lawm le ! " Ka nu chu ka kut zungpui ka lo tihpir khum zauh a , Nunpuia'n min melh nghai zui nghal khui





" Nu.. A hmu reng Ruatfeli.... "





" Remlalhruai i mawl e mai ! Ka leng dawn ! " A bike chahbi la in a chhuak zui nghal nul nul chu ka nu nen kan nuih nghal vak vak. Ka chhaih dawn tih a hriat vang a chhuak a ni tih hi ka kut zungtang ka chian tlukin ka chiang. Ruatfeli a lo bem ve ngei a mawni mahse Ruatfeli'n bialpa nghet a neih avangin tha takin a lo hnar a ni awm e, min hrilh tirh phei chuan ka nui vak vak a, ' Ka inthiamlo zawk e, amah tak phei hi chu misual pawh a ni lo, mahse ka lo nei ve tit tet bawk sia, ka hmuh hreh zo vek. Chhaih miah suh ang che ' Min ti zui lawm lawm a, mahse kei hian chhaih loh a liamtir mai tur chuan ka ui em a ni !





" Dikteii a awm tawhlo bawk nen nang i chhuak ve leh dawn sia , a huphurh ve aniang nupui ka ru dawn a ti fiam reng mai ni ! " Ka nu thusawi chu ka ngaihtuah a , a nih duh hmel tak tak, tun hnaiah hian ka room-ah te hian tihtur em em neilo pawn a rawn thu ve leh reng zel. Nikum lamah Diktei leh Nunsanga an innei a, bawihteii a awm tawhlo nen an inneih hnu khan kan inchhung reh hawk a, ka pa pawhin a lunglen thu a khat tawkin a sawi reng thin.Tunah ka neih ve leh phei chuan an pathum chauh an ni tawh awm sia an khua a har lehzual ngawt ang.






Dawhkan a ka phone dah nghawr der der chu la kangin ka nu bulah room lamah ka chhoh tur thu ka sawi zui zat.




" LOVE.. " Phone ka lak rualin a rawn ti tham nghal dut a, lawm lohin ka nui nghal vur vur.
" Ka ngaithla che.. " Ka ti zui sap




" Zanin chu ka lokal tel ve mai dawn ? " A rawn ti chu ka phone chu ka melh nghal vak, awm ang lo lutuk.




" Mi'n Mizo dan bawhchhetu an timai tur che sin"





" Rei deuh min nghahtir leh ang tih i hlau ve lo mi ? Kei chu ka hlau " A rawn tih chuan ka nui chhuak nghal hak. Zanin hian a palai te kan inneih hun leh ni ruatfel turin an rawn kal leh dawn a, keipawh hian hla deuh an ruat ang tih ka hlau ve tho.





Kan inngaihzawn kum hnih chhung khan rinhlelhna tur chhete mah ka hmu ngailo,amah duh ve tu tam tak leh be thintu tam tak chu an awm, mahse chungte chu keini dan rual ni hek lo. Keimah chauh hmeichhia a hmu zo emaw tih tur khawpin min ngaihsak em em a, khawi hmunah pawh awm ila min hmangaih zia leh a ta ka nih zia a lantir hreg ngai lo. Mak ka tih em em chu kan pahnih tan a ni pawimawh a chhinchhiah thlap thin hi a ni.





Keimah zawkin ka theihnghilh ziah laiin a ni chuan a hre chat chat a, kan inngaihzawn kum hnihna ka theihnghilh tum phei chuan a thinrim nghe nghe " Ka ngaih pawimawh ang hian i ngai pawimawh ve tak tak lo anih kha " A ti a, nikhat min biak duhloh phah, a thinrim kha awm ka tihpui a ni chuan a kum chu sawiloh a thla ang zawng anih pawn dinner min eichhuah pui ziah a nia.






Keimahni lam ve ve kan inbuatsaih sa deuh tawh bawk nen kan inneih hun tur pawh thla thar ni 27 an ruat a, tun thla a ral ruai tawh nen a hla vak tawhlo. A nih na takah chuan Rosangpuia a hmanhmawh em avangin tuman kan hnial ngamlo a ni ber. Ka pa bulah a hmanhmawh thu zak miah lo va a sawi kur dup vang pawh a ni mahna.






Keiman ka neih ve dawn takah chuan inneih sen so hautak zia ka hre ve vek a, ka inthlahrung rum rum zawk thei. Chhungte tan hi chuan ka hlut rual rualin phurrit hi kan ni ve pakhat chiang ngawt mai hmeichhia hi chu !. Min chawm seilian a, duh leh mamawh kan ngah ropui si ! A hautak zawng zawng min tihsak hnu in pasal kan neihsan leh daih thin chu nia, chuta karah thuam chhawm neuh neuh ala ngai cheu bawk.Fanu hlir nei tan phei hi chuan lu a hai thun duh map map khawp huan ka ring.






A dawn chawp a tih chuk chuk aiin kan ti a, mo kawr vel pawh kan en sa nghal a, a unaupa ka pasal tur anih avangin Ruatfeli'n min din pui an phallo a, ka cousin pakhat ka din pui dawn a nih hmel. Kei ai aiin Ruatfeli a lawmlo zawk, a chang leh a u a hau thul, a insawi kaw thei chuang bawk silo chu ' in inneih ni ah pawh ka kal lo ang ' a ti leh ringawt zel. A kallo phal dawnlo tih hi ka hre chiang mai sia'h.






" I nalh lutuk " Ka hnunglam atanga min rawn kuahin a tisup a,ka hma a darthlalang atang chuan ka melh a, ka nui nghal sen sen, keipawh hian nalh ka inti.





" Ninawm.. In tenawm dun e.. Midang kan awm ve thup hi , a takah ka dinpui thei dawn silo a, chuvangin hei hi ka ha ve chhin ang a, thla kan la ang " A kawr pawm beh that pah a a rawn ti phawr phawr chu Rsa nen chuan kan in en a kan nuih ringawt, a lung a awi thei nganglo, ' shooting naah pawh ka kal ve ang a, mo thian angin ka tel ve tal ang ' a khat tawkin a ti reng bawk.






" Keipawn kal ve se ka duh tak tak, a ni lo thian vak ka nei silo, nge maw i nau kher a lo nih le.. " Ka ti zui nai nai chu a nui chhuak nghal hawk a, anu leh pa te'n a mawilo an tih vang anih thu a sawi zui sup.





*
*
*

Vawiin hi kan inneihni a ni ta, Rosangpuia te veng Biak In-ah kohhran dan puitling ngeiin kan innei dawn , Remlalhruaii hian pasal ka nei ve tak tak dawn anih chu ! Min lawmpui turin Biak In khat tlatin mipui an lokal khawm a, ka hlimni ber tur ni mah se kan pual a mihring tam tak pungkhawm chuan ka hnuk a ti ulh tlat zawk.






Nunpuia'n ka banah vuanin Biak In chhungah min hruai lut a, a ni ka unaupa a ni hi ka lawm tak zet , pasal i nei daih dawn si tiin nizanah ka roomah mut ve min dil tlat a, a sawi a ka rinloh thu tha tak tak min hrilh mai bakah min ngaih dawn tur thu a sawi phei chuan ka tah khum chiam





" Hruai... Puitling takin va awm la , chhungkaw thar i nei dawn a, i pasal chauh nilo in a chhungte nen hmangaih tum vek ang che. Ho te te ah thinrimna zawnglo la , pasal i neih ngam chuan hreawm tuar pawh i huam tawh tihna a ni. Mipa te hi chu in la pa viau thin mah ila duat kan ngai ru em em thin, chuvangin i pasal i ngaihsakna tilang hreh lo la, rawn haw leh te kha i tum mai mai a nge ka phal dawn teuhlo a nia, ka nu leh pa te pawh lo ngaihtuah lo la fapa min neih hi keiman tha takin ka enkawl ang. Ka hmangaih che tih theihnghilh ngailo la eng buaina pawh tawk la min hrilh hreh reng reng suh ang che. " Tiin min thlah a, hnuk ulh tunin ka ngaithla , zawm ngei pawh ka tum bawk. Phir nimah ila intibuai reng thin kan ni a, hetiang a thu min hrilh hi ka ring ngailo hrim hrim. Keipawn ka ngai dawn tak zet.






Biak In chhungah chuan kan lut phei zel a, mipuiin ding meuh a ka lut lai min lo thlir avang te hian ka zam chhe vek. Maicham hmaa Rosangpuia ding chu ka va hmu a, a mitah chuan hmangaihna hlir ka hmu. Lawk... Rosangpuia saw a mittui a tla ! A tah nuih a , a mittui a khap per sak sak bawk. Chu tluk a ka tan hian hlu a awmlo. Kan inneihniah chu pawh mipui tam tak hmaah min hmangaih vangin a mittui tla a zahpui miah loh anih chu ! Hmeichhe tam tak suangtuah thin a ni ngeiin ka ring bawk.






Nunpuia'n ka kut Rosangpuia a pek dawn chuan " Enkawl tha ang che " A ti sup a, a lo bu nghut bawk. An pahnih chuan entawnin " Ka hmangaih che u " Ka ti sap chu an nui nghal suk.





Thutiam kan chhamlai te chuan ka thinlung zawng zawngin ka tiam tel a, Rosangpuia mit ngei a en chungin thumal tin chu ka lam kalh kalh.




" Pathian leh a kohhran ho hmaah nupa tak in ni ta tih ka puang e, Pathianin a zawm tawh chu mihringin then suh se " Pastor chuan a tu dap dap a, ni e tunah chuan Rosangpuia leh Remlalhruaii hi nupa tak tak kan ni ve ta.





Join reception hall lamah kan hmang a, ka zak zing malh malh hle a ni. Zonunsanga kher a host bawk nen min zawt ril thei si, chhan loh ngawt chi a ni silo a, zak chung chungin a zawhna ka chhang vek a, mipui an lo nui dur dur zel.





" Awii ka ke a kham tawh lutuk " Tih pahin khumah ka letnghal tawp a, min hmeh sak zui nghal mual mual. Nilengin pheikhawk sang ka bun bawk nen ka chawn tha zawng zawng a zawi vek nimaiin ka hria. Nichin atangin mut hahdam ka chak tawh mahse mo thar lawm inleng an awm ve reng avangin ka beisei thlawn mai a ni.Kan present dawn vel kan hawng leh a,room min chinfel pui hlawm bawk nen kan inpeih meuh chuan zanlai a hnai thuak tawh.






" Ka inbual peih tawhlo e.. " Ham bai bai chung chuan ka ti a, a ner nghal sak.




" I muttui lovang inbual ila i muhil phawt ang a, chuan.. " A mit ko chu mi san khum ak a, ka awm ka hup nghal ringawt chu a nui ri nghal hawk hawk.




" Hu* suh Rosangpui "




" CARO zanin chu duhthlang thei ini lo ka ta ini tawh, zanin ka nghahhlelh zia hi i hre lo zawk ang " Tih pah chuan min rawn bawh nghal zat a, chunglam atangin min melh chhuk nghal run.






" Naa... Ka inbual duh sin.. " A nui chhuak leh nghal hak, enge a hriat a a nuih reng mai ni !




" Tunge inbual ka peihlo ti zo chiah tu kha ? Chuan ka ngaihtuah tha a kan tih tur ti zo phawt ila kan inbual dun ang tha em ? " A ti sup a, a mitmeng chimawm lutukah chuan eng ang pawn hnial mah ila a thu tlukna kaltlang pui tho a tum tih a hriat.





( LAWI THAT ZAN CHU IN HRE VEK LO NGAIH RUAT MAI RU )




Zingah dar 6 velah chuan keimah chauh a ka chhuk hreh vangin kan inzui thla dun a, innel sa tawh tho mah ila mo nih hnu chuan a dan a dang, kan inngaihzawn lai khan an inah chaw ka ei ve fo. Chokaah chuan Rosangpuia nu ohh ka nu a ni ve tawh tak e, ka nu chu a lo ri rak rak tawh. A tho hma thin awm hle mai, kei tehlul hian ka thawh khalh ngai dawnlo tih ka hre nghal.





" Aw.. In lo va tho hma ve,nizan in mu har sia in lo tho hma duh kher anih kha " Min hmuh rual chuan a lo ti nghal bawrh bawrh.




" Rawngbawlpui che a nghakhlel a lawm " Rosangpuia chuan a lo ti vat a,





" Mai mai thin a... Chutia i chak te chuan kan lo chhawr hlek che nge " Nui huah huah chuang chuan min fiam zui nghal.





Rawng kan bawl mawlh mawlh a, kan tawng duh dun bawk nen , kan bengchheng dun viau. A nuam ka ti takzet a tawngkam atangin min mo cheilo in min fanu chei zawk tih a hriat a, ka tihsual deuhin min hau bawrh bawrh a, ka duh dan a ni zawk inhauh hian kan inpawh phah.





" Nu.. Thingpui a awm em ? " Meng mang lo chuan Ruatfeli chuan chokaah chuan a rawn ti lut a, dar zat ka en nghal vat dar 8 a ri tep. Mahse a dem awmloh a hna in a zirlo bawk nen a night lai ani bawk sia, nizan erawh kan inneih vang liau liauin a thiante shift a inthleng pui.





" Ehe.. Tho hma theng theng ve, mo thar tha chhawr hun thingpui min lo siam teh " Min hmu chu a ti nghal ham ham a, a lo luh tirh te khan mi hmu lo a maw ni ! Thingpui chu ka siam ve mai a, a zing tho hmel pawh hi a tha tho 2nd Lalnunpuia hi.






" Nizanah i muhil lo hrim hrim, ka u in a mutthilh tir phal teuh lo che " Kan pahnih chauh a kan awm hnu chuan min dawp chhuah tumin min zawt char char a, ka nui mai mai ringawt mi hriat chi va ni suh !




" Lalruatfel â à suh ! Pasal nei ve la nizan ang i mut leh mut loh te chu i hre ve mai ang " Rosangpuia rawn lut chuan a lu a tuai sak pah a a ti chu thil in la hrethiam lutukin min melh kual vel a, ka lo insiamchhiat khum vak.






Nunkeranga thlahna khian ka hnuk a ti ulh tlat anih chu ho in ti maithei mahse mittui tla chungin ka type🥴🥴

[Ngaia]

CHAPTER - 18 ( LAST CHAPTER )





" I chhungte chu an lo thleng dawn tawh em ? " Rosangpuia chuan a ti a, ka hriat bik loh thuin ka chhang ve nghal.




Chaw eikhawm kan nei dawn a, Nunsanga te chhungkua leh ka nu te, chuan keini ka chhungkaw thar te nen.Kan in ( Rosangpuia te In ) ah a nidawn a, rawngbawl lam chu kan peih fel tawh viau an lo thlen hun hun a ni tawh mai.





" Min theihnghilh leh nge ! " A ti deuh hluk , ka ni ringawt thung.



Kan awmkhawm dawn deuh hlek chuan a sawi ve ziah ,chhungkaw lakah pawh hian thik thu a pe chhe em em zel, ka nu nen phei hi chuan nufa ang tak takin kan awm a, sawi tur kan hre dun si kan lo titi leh luam zel a,kan pahnih a kan awm hnuin " Min ngaihsak lo si " a ti ve ziah , thlem lam erawh ka hnehsawh ve tawh em ! Hehe.. Mahse ho te teah pawh thikthu a pe chhia hi ka lawm zawk, tunlaiah nupui te aia hmeichhe dang lak a thikthu pe chhe zawk an tam tawh, ani chuan ka duatna leh ka ngaihsakna chauh a phut tihna a nia.





" I chhungte pawh lokal mah se, ka bulah awm char char ang che " A ti leh hmuk




" Ka ngai ve tho sia engtin nge ni ang ? " Amah melh pah chuan ka ti a




" I taksa si reng a ka awmloh chuan ka ruak vek zel, ngai mah la ka bul chet a awm chungin i ngai dawn nia " Nui suk chungin a ti leh a, ka nui chhuak nghal hak. Min ngai reng tupa anih hi !




An lo thleng khawm nak nak a, milow pawh an lo hruai tel ve , min hmu chu lawm ve ang hrim hian min vir nghal thet thet reuh, kan chhar tirh ngaihtuah chuan lian ve tawh tak a ni. Ui lian chi a ni lo mai pawh a !. Chhawm phei ka tum kha nia, Nunpuia'n zu phal thak lo va.





Chaw ei nan ala hma deuh an tih avangin nu leh pa ho sitting room lamah an inkawm khawm a, keini naupang ho pawnlam thutnaah kam thu thung.




" Boss, kan neihkhalh leh dawn che u nia, ka fate'n i fa te an vel zing dawn mang e ! " Nunsanga chuan a ti a, Rosangpuia'n ka kut a rawn hmer nghal salh



" I siam ve thiamlo zawk a maw ni le , ka zirtir dawn che mi ? " A tih leh chuan Diktei'n a nghawk ru zeuh chu ka hmu, a zah vang tih ka hria, keini aiin an innei hmasa bawk nen tunah hian a puar leh al reuh tawh a, thla thum hnu velah a rawn chhuak ve leh tawh dawn a ni awm e an sawi danin.





" Apa pawh ka kid rinawm i nia an vel ngamlo hrim hrim tiraw Caro " Min melh pah a Rosangpuia'n a tih chuan ka nui ve nghal suk.





" Chuchiah anu lah ka kid rinawm a ni ve bawk. " Ka lo ti uang ve bawk a,





" Nangni nupa dak theih zia hi chu aw ! In inthurual ropui si, Nilo kan nupa kan inthurual zawk tiraw D " A thusawi avang chuan kan nui vek.





Inchhunglam atanga min rawn koh tak avangin kan inzui lut tham tham a, Ruatfeli leh Nunpuia'n bawihteii an infiampui chu ka au zui nghal bawk. Bawihtei pawh nau a nei dawn tih a hriat atangin a in ti nula ve tawh viau , apa bulah mut hran te a ngen a ni awm e Diktei sawi danin.





Chhung inkhawm kan nei leh phawt a, keima pa tak tak zawkin a kaihruai a,nupa awmdan tur te leh thu tha tak tak a sawi teuh mai. Keini aia tawnhriat lo ngah tawh zawk an nih avangin zawm ngei ka tum bawk. Mahse ka thei ngut a nge maw ? A sawi a sawi hi chu a awl a, a tak ngei a kan chung a alo thlen hian khawilamah nge kan zawm tumna rilru kha a kal tak tih pawh hriat a ni leh tawh ngai silo.





Chaw kan ei a, Nunpuia dawh hnem lutuk chu ka nuih leh rih , a thun hnem ve thei a nia mipa tih takah.




" I pum kha a keh a nge " Ka va tizauh chu a meng dur nasa mai .





" Remlalhruai rak rak suh, kan tleirawl laiin kei aiin i eitam ziah, tu emaw in ' hmeichhe chaw heh deuh chu ka rap tlat ' a tih vang mai a tun hnu a eitlem inih kha " Min tih chuan ka dang der, thil sawi hun leh hun loh hi a hrelo ve ropui si a hahthlak thin eee...





" Tunge chutiang sawitu chu ka hnek chak " Ka beng bulah tisup ri vang chuan ka ner nghal nang, hepa pui pawh hi a, ka hrilh awm hlei chuang lo.




Chaw eikham chuan " Bawihte inbe lawk ang hmiang " Ka nu tak tak zawkin a tih avang chuan kan room lamah kan inzui chho a, Rosangpuia lah pekin min thlir zui leh vawng vawng tawh.





" Tha deuhin min hrilh teh , indanna i ei em ? " A zawhna a vang chuan ka na nghal vawng vawng.





" In inneih na thla a liam ve leh nual tawh, in pa nen induhthlanna zawk nge ka hre lo , mahse bawihte.. Ngaihtuah teh Sangpuia fa u ber ania, a nu leh pa te pawn upat lam an pan ve zel a tu hmel hmuh te pawh an chak ve thei a "





" Nu... " Nghet lutukin ka kuah nghal thlawp.





" I fanu hian fa ka nei theilo maithei " Ka sawi zawh rualin ka tah loh nan ka heh la pet nghal fan fan.




" Bawihte... Enge awmzia sawi chiang teh ? Engmah zep tur a awmlo i nu ka nih hi keilo tu nge i hrilh chuan ang " Ka lu a chul heuh heuh pah chuan a ti a, chu chuan ka insum ve tang tangna te chu tichhiain ka inhnit zui nghal hlawp hlawp. Kawngkhar a ri rak a Rosangpuia a rawn lut zui nghal, kan lo awmdan avang chuan a hrilhhai hmel kher mai.






" Caro " Ti thawp supin min rawn pan a , ka nu awm a ka bei reng chu min pawt sawnin min kuah bet nghal hmiah.





" Ka pi, in fanu hi engtin pawn awm mahse ka hmangaihna a dang chuang lo, amah lo chu hmangaih theih pawh ka inring tawhlo bawk. Chuvangin eng harsatna pawh tawk mah se kalsan ka tumlo tih hre reng turin ka duh che. Amah hian min kalsan dawn pawh ni se ka umzui zel tho ang ". A awm a min kuah bet hlun chung chuan ka nu bulah chuan a sawi sup sup a, a kawrah nghet lutukin ka tham char char, a thusawi engkim kha a ti mai mailo tih hriat takin a aw a nghet churh bawk.





" Ka hrethiam e, mahse fa neih theih loh tih vel kha enge a awm zia ? "




Rosangpuia taksa atanga inla hrangin ka nu chu ka melh kalh a, hriatchhuah hun an la nei dawn tho tun hi a hun tak chu a ni. Rosangpuia ka en chuan a lo bu nghat.





" Nu.. Doctor-in kei hian ka chhul chak loh avangin nau ka pai theilo maithei tih a sawi a, thla hmasa khan a ni tawh. Hrilh che u ka tum a ka ngam nganglo a ni. " Ka sawi zo chu thawk ka la nghal kawk.





" Ka naute.. Ka va han khawngaih tak che em ! Mahse Pathianin engkim a tithei a, indil chuan a pe em em ang che u, tawngtai tam angai anih chu " Ka kut a vuan chung chuan a ti dam thlup a, a mit a min khawngaihna inlar zut zut chuan min ti zuau vek a, mahni inkhawngaihna hlirin ka khat ni berin ka hria.






Kan inneih tirh khan midang te ang a rai nghal mai ka inbeisei ve, mahse a nilo nupa nun kan hmang reng chung pawn thla nga hnuah pawh ka la rai chuanglo kha hreawm ka ti em em a, Rosangpuia chuan a pawilo ti mahse inthlahrun rukna ka nei tho. In check - up ka duh thu ka sawi a, min kalpui thlap bawk. Khami ni khan hetiang thu ka hre dawn tih hria ila chuan ka kallo ang. Doctor-in ka chhul chak thatloh avang a naupai ka harsat tur thu min hrilh khan ka bing vek a, engmah ka ngaihtuah mumal theilo. In kan thlen dan tak ngial pawh ka hre lo. Room kan lut chiah tihin khumah ka bawk thlawp a aw rawl chhuah meuhin ka tap nghal. Rosangpuia'n min hnem mawlh mawlh a, keimah min neih chuan fa neih kher a ngaihloh thu leh fa te chu adopt pawh a theih tih thu in. Mahse hmeichhia la thalai tak hrisel ve tak thinin fa ka nei theilo tur anga ka inngaihtuah khan ka zak a, ka na ngawih ngawih a ni ber.





Fa lak pawh chu a theih tak meuh mai , mahse keimah ngeiin a ka fa, ka thisen zawm ngei pawm ka chak em em lawi si. Mite'n an fa duhlo va an tihtlak laiin ngati nge kei fa awt ngawih ngawih min pek phal siloh tiin Pathian lakah ka vui phah hial. Ka chhungte hrilh ka tum a, ka ngam nganglo. Rosangpuia pawn a nu leh pa bulah ka harsatna min zep puiin fa neih kan la duh rihlo thu a sawi mai thin.





Ka bulah fa a awh thu a sawiri ngailo va, keimah chiah min thlahlel ngawih ngawih angin a awm thin.Keimah a ka awm chuan ka in ngaihtuah ngut ngut thin avangin min awmfal tir ngai lo va, hotel lamah a awm chang pawn a khat tawkin min phone reng thin.He pa pasala ka nei hi chu ka vannei tak zet. Ka dawr pawh keiman ka la enkawl a, rilru chu a la peng ve viau bawk. Ka sawi hmaih loh tur chu ka nu leh pa phallna thlapin thla tin dawr atanga ka pawisa lakl luh ve ka chhungte a zahve ka pe ziah. A tir chuan ka chhungte'n an la duh lo va mahse ka nu leh pa meuhin an va lenchilh takah chuan an pawm hram.






Inhnuaiah kan inzui thla a, ka nu chuan a khat tawk hian min en leh reng thin. A fanu hian hetiang ka tawn a ring biklo a nimahna le.




*




" Dawr lamah chuan kallo mai rawh " Ka hnunglam atanga min rawn kuah pah chuan a ti a, ka samah a hmai a phum nghal vang vang.




" Bungrua a lo thleng dawn bawk sia, ka va kal hram ang e " Ka ti let sap. Tukin zing ka tho fuhlo a ka lu a rit bur reng a, eirawng pawh ka bawl pui peihlo, min hrethiam viau thung.





" Nih chuan intihfel velah min lo hrilh la , ka rawn hruai ang che " A ti deuh hmuk. Kal loh chu ka duh ve tho mahse a tul ve miau sia.




" Yes boss, min lo hruai loh vaih "




"Min rawn phone hmain ka rawn thleng phei leh lo ang tih tunge sawi thei " Atih chuan kan nui dun hawk hawk. A sawi ang taktak hian phone a ngai lehlo maithei a ni.





Dawrah pawh chuan eng vak ka tihpui peih chuanglo, ka thu tawp a, an thil hriatloh vel min zawt a, ka hrilh a chu zawng chu a nimai. Ka zawi ngawih ngawih hi a ni ber ka sawi thiam dan ber chuan. Min lo lam hun pawh nghak lovin ka hawsan daih.




Ka bul a che sat sat rengah chuan ka harh a , ka la meng tha thei lawklo leh nghal. Ka kut chuan ka bul vel chu ka dap kual a, taksa lum thar thar ka deh fuh chuan insiamthain a awmah ka bei nghal chial a, min lo kuah zui vat.





" Min lo phone dawn maw ka tia, i nuamlo viau em ni ? " Ka sam khalh niap niap pah chuan a ti sup sup a, ka lu ka thing ringawt.Ka haw kha chuan chawhnu dar khat vel kha ania, tunah khua a thim thet thet tawh, ka lo mu rei awm hle mai, a inthlahrun awm rum rum zawk. Ka mut vang nge ka nuamlo pawh ka zia deuh hawk.





Chaw eitur a kan chhuk thlak chuan ka zia deuh em tih min lo zawt vat hlawm a,ka thawh harh thuin ka chhang nghal vat. An fanu tak tak angin min en a, Ruatfeli nen hian min enhranna an neilo.Ka tih chak zawng leh ka mamawh min zawt awllo a, rei la lawi lut lo mah ila ka chawhmeh duhzawng chenin ka nu hian a hre fai kelh tawh.





Chawhmeh a tui bawk nen chaw pawh ka ei ve nual chuan ka hria,tlai kan mu bawk nen mut a chhuak har dawn emai tiin T.V enin kan thu ve ta reng a, Rosangpuia room chhoh duh tawh chuan a khat tawkin min rawn kheuh leh zeuh thin a, ka en duhtak a chhuak bawk nen ka hrelo der char char.




" Ka chho dawn ania " Ring leng lawngin a rawn ti hluk chu ka melh nghal rawm, ka hriatloh der vang mai a rawn sawi vak kher, lo han chho rawh tih chi ni der bawk silo. Nuih insum lutukin min melh ngawt ngawt.





" Lo han chho rawh " Ka ti ve ngat, a thawk tha e , a tum nghal bur anih chu ! " Tui ka va la lawk a nge , kan kawl tawh lo va " Ka ti chu a rum deuh nghut.




" Va la rawh ka lo nghak ang che " A tih leh deuh tlat avangin choka lamah ka phei a, diktak chuan kawllai te chu kan nei reng. Ka fiam chak avangin ka chhuanlam ve mai mai a ni. Ka pa te awm ve lai pawh hian min si chet reng zel te hi ka zak ve thin, amah pui roh lah hian a hre ve tawh silo. Ka thil ngaihtuahna vang chuan ka nui chhuak hak.




Fridge ka khar chiah chu ka lu a rawn hai thut a,frigde chu ka nek nghal rawk rawk a, a thim nghal mup.




Ka meng deuh siar siar chu eng lutuk avangin ka chhing leh nghal sawk. Kut lum thur thurin ka kut a hum beh run chu ka chet zauh a




" Caro i harh em ? " Ti chungin ka hmai zawnah a rawn awm hnai nghal ruak a, ka mit khap sak sak chung a ka meng chu a tah nuih nghal hawk.




" Engtin nge ka awm ? Chuan khawiah nge ka awm ? " Ka aw chu keipawn hre chang chang. Luhai a ka tluk vanga damdawiin a ka awm thu a sawi nghal sup.




" Min hrilh duh i nei em ? " A hlim hmel em avang chuan ka ti ta tawp, nupuite damlo khum a an mut laia hlim thu awm hek lo.




" Caro.. Naute.. Nang hian kan pahnih fa tur i pai mek " A tih chuan ka harh nghal kawk. Naute ka pai maw chuan a awmzia chu fa ka nei dawn tihna, ka hlim zia hi ka sawithiamlo zawk.




" Dawt i sawilo tiraw ? Kei hi ka rai ve tak tak tiaw " Ka ti chhuak tiau




" Aw he i pum chhungah ngei hian kan pahnih fa tur a awm ngei e " Ka pumah a kut nghat a, a kut chungah ka kut ka nghat ve nghal vat. Kei hi ka rai ve tak tak ta anih chu ! Chu pawh kan inneih kum khat hnuah , ka thinlung chu nu ka ni ve tawh dawn tih min hrilhin a au in a au ni ber hian ka hria.




Kan chhungte'n an hriatin an lawm em em a,ka nu a lawm zual berin ka hria , a ni chuan engkim a hre ve vek miau a, naute pawh thla hnih a lo tling ve tep tawh anih chu ! Engtin nge ka hriat miahloh theih zawk, thla hmasa ka period loh pawh ka period hun insawn turah ka ngai mai a, ka nih ziah thin dan anih a a vangin. Inrinhlelhna chang reng reng ka hre lo,mahse ka rai vang a lo ni reng zawk si !





Thla thum a ni chho a, rai no chu ka haw teh e ! Ka cher kawk kawk a, ei theih a bar ka neilo. Ruatfeli'n eitur tha a hre bawk a, a duty a zatin a rawn hawn reng mahse ka eithei lo. Zingkar luak chhuak ka nei ngai leh lawi silo. Thil ka hne hma em em a, thil ka eitui ve deuh pawh ka einawn leh ngai lo, ka chhungte ka tibuai hneh hle. Mahse nuam an ti zawk amaw tih tur a ni. Ka eichak zawng te min zawt seuh seuh a, keilah ka dangdai thei ropui si ! Lays cheng 5 man pack chiah te ka eichak tlat a, min rawn leisak teuh a pack khat pawh ka ei zo leh ngai tawp silo. Ka hahthlak hi a nitawp mai a ni.






" Damdawiin chu i ngeih aniang i thau deuhin ka hria " Rosangpuia chuan a ti sup a, ka nui ve suk. Tunah pawh in ka hne ngawih ngawih avangin damdawiinah ka lut a, mahse damdawiin pawh hi ka hne leh tawhin ka hria.




" Iti ve maw ? Keipawh ka thau ve deuhin ka inhria , mahse ka haw leh chak tawh ka nu chawhmeh siam ka eichak bai thak deuh deuh ni se " Ka ngaihtuah zawng pawh hian ka chil a put thei nia !




" Huat i nei tawh dawnlo aniang a, naktukah chhuah kan dil daih dawn nia dam thalo em em ini bawk silo " A ti tha ve mai.





Ka raino huat neih chhung zawngin min awl char char hlawm a, ka huat a reh ta maw tih a exercise lak pah nifawmin a theihna a piangah ka nu ka pui char char a, ka tan a tha tur a nih avangin Rosangpuia pawn min hnial lem lo. Ka rai len hnu pawn ka in fit reng bawk a, step-ah te pawh ka tlan chho thei mahse ka tlan duh chuanglo chet sual ka hlau ve tho.





Damdawiinah nau ka nei a, ka kumkuruh a kau that tawkloh avangin ka vei na tawh bawk si nen a zan a zanin min zai chuk chuk a, hnim hlum min pe bawk nen eng a ruai hriat ka neilo. Ka harh chian meuh chuan ka khum bulah Ruatfeli'n naute a lo awi hlu hlu a, fapa ka neih thu min hrilh chuan lawm avangin ka mittui a tla hial.



*


" Papa.. Bawihpuia diaper kha lo thlak lawk mai " Puante thlep tha mawlh mawlh pah chuan ka ti a, phur deuhin a tho ve nghal vut. Ka mitsir ru reng a,a diaper hrenlai chu awlsam deuhin a hlip ve mai, a hak tir dawn meuh chuan a hmalam tur a hre lo nge a let a let ringawt chu nui rah rah chung chuan ka puan thleh lai dah thain ka va pan a, a diaper ken lai laksakin ka hrentir chu uluk lutukin min lo en.





" A lehpek atang chuan ka thiam tawh hrim hrim " A ti ve sup




Thla thum a tling ve tawh a, apa hian mipa a nih vang nge ka hre lo a lawm em em a, a bulah hian a tawlh hrut hrut reng zel. An inawrh phei chu hmuhnawm tak a ni, ka rin ai daihin a zei lehnghal. Khum lu a ka phone ri chu ka ban vat a ka nu a ni. A thusawi vang erawhin ka meng nghal kawk. Engtinnge a nih theih




" Papa.. " Ka ti sup chu bawihpuia a melh rengna atang a mit la sawnin min rawn melh vat a, engtin nge a dawnsawn ang.





" Ka nu in min lo phone a, Nunpuia leh Ruatfeli an rawn inhruai haw a ti "





___ A TAWP TA ___





Tawp dawn a ruaiah nizan kan awl leh alast a ni sia ka rawn chhawp hnawk.min lo chhiar sak a, comment min lo pe thin tu zawng zawng te ka lawm em em e.❤Fa neihtir ka tumloh nen thinrim turin awm bawk siTawpna ka siam dan vang a min hau tur pawh in la awm fo tih ka hria


Kan dam anih chuan kan la tichho ve zel turah ngai ila min lo chhiar sak zel turin ka sawm nghal bawk a che uLove u all❤❤❤❤

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/