CARO BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

CARO BY PAPUII SAILO (Completed)

Unread post by Ngaia » December 20th, 2020, 2:41 pm

126033354_.jpg
126033354_.jpg (36.3 KiB) Viewed 16451 times

CARO BY PAPUII SAILO




CHAPTER - 1






Kut lum nel thep hian ka hmai chu a thai kual riak riak a,tu kut nge tih ka hre nghal. Nizan ka mengrei bawk nen ka mit chu a inchar bet ta maw tih tur hian men pawh ka meng tha theilo,mahse henu tereuh bulah hi chuan a mut rei theih hlawl loh , thawhpui hma hi chu min tibuai char char zel.






Ka hmui a rawn chul lai chuan a kut chu ka lo seh sak zeuh a a nui ri nghal hek hek. Ka vantirhkoh tereuhte anih hi!






"Bawihte ka mut ala chhuak asin, api a tho tawh ang lo zu chhuk rawh " Ka ti phak chap a, a ni erawh a tum nghal hmuk reuh anih chu!






"Nunu Chu...iti zel a, nangman naktukah kan work dawn nia itih kha " Leh tlat mai a! Nizanah ka sawi tawp silo a...






" Tetea lo zuk sawm mai rawh, nunu hi nizanah ka mu thei lo va , ka mut ala chhuak alawm... Umm... I fel em kha " Tlawn deuh titih chuan ka ti a, tum vei hman chunga room a chhuahsan chu ka nuih tawp.Ring leng lawngin a putea a au zui nghal.







Bawihteii chhuk hnu chuan ka lo muhil leh tak tak ka harh leh meuh chuan dar 8 a lo hnai kuar tawh. In phih faiin ka chhuk thla ve a, Bawihteii leh a pute a pawh an lo ri leh chul tawh a, an inkawm tawk thin ania. Ka chhuk min hmuh chuan bawihteii chuan min lo ban vat a, ka pawm kang nghal a.







Kum 2 a ni ve tawh a chum reuh em em a, a tawngduh bawk nen kan chhungkua min tihlimtu ber a ni. Makve deuh chu a tawngtheih tirh atangin atawngfiah nghal em em a, mahse fing ker chi erawh a ni lo thung. Kan fanu nilo mahse bawihteii hi chu hmeltha ka tihtho ka ring.







"Nu dawr bungrua alo thleng thar a, lokal ve la vawiin chu" Ka tih chuan Lalnunpuia'n bawihtei a kheuh ru zeuh chu ka hmu hman, min ngentir leh a tum chiang lutuk hepa hi chu






" Lalnunpui khatin lo kheuh zeuh zeuh zel suh, bawihte i ma han kaitho rawh le " Ka tinghal zat a, akal ve nghal mai bawk. Unau 4 kan ni a, kan upa ber hmeichhia hian pasal nei tawhin, kei leh Lalnunpuia leu luau hi phir kan nia, chuan kan naupang ber hi hmeichhia tho ania kum 20 chauh ala ni a, pa tello in bawihtei hi a pawm bawk.






Bawihteii a pai khan kum 18 ala tlinglo deuh a,kan pahnih hian kan inpawh bik em avangin min hrilh hmasa ber a, atir chuan ka dem viau dawn a, mahse a bialpa in a hrai ruih avanga sex hmang an nih thu te leh arai thu a hrilh a titla tur a a hrilh bawk thu tap zawih zawih chung a min hrilh khan ka chunga thleng nilo mahse ka lo na vawng vawng thei. Pai tlang tur a ka tih avangin a pai tlang a, ka nu leh pa thudik engkim ka hrilh ve vek a, A pa berin a duh loh miau avangin apa hmingah nunpuia hi kan ziak ta daih bawk.







" Lalnunpui rawn kal ve ang che nang pawh, in chawl tih ka hria ania " Ka ti chu a mitmeng a tlanchhe nghal





" Ka hmanlo kan nu nen kan indate dawn, chuan nang aiin ka khawvel ka hmu hmasa tih hrereng chungin ka hmingpumin min ko tawh lul suh " Kut suih chungin a ti kual vel chu, ka thil ken laiin a lu ah ka khawng ri nghal fawlh.







" Piang hmasa e sa lo e ka buai peih lo, hrim hrimin bialnu pawh ineih ve tawp loh kha i hmel nen kha chuan bialnu chu i tan van a rah ang a ni " Ka unaupa hi e a hmel a chhelo mahse a bulah ka sawi ngailo thung, abula sawi chuan nikhat pum a infak chhunzawm thei ang tih tur ang chi hi ania, chuvangin ka fak mai mai ngailo.







" Zak teh Remlalhruai nang zawk anih kha kum 23 ini tawh tun thlengin bial pa pawh ila neih loh kha , kei chuan vengtinah ka hung ". Heti reng hi kan ni hepa nen a kan awmdun tawh chuan tlawm zawk nih kan hreh em em a, a tawngthei lutuk ka hnial hneh ve tawh silo hian a tawpah ka nu maw ka pa maw bulah ka vui leh nge nge zel. Ni loh chuan ka bula awm reng chang apiang a dawng thin.







" In ninawm lutuk in awmdun hlek hian in inhnial ziah zel mai, awmdun loh hlek a inngai hle si!! Lalnunpui nang pawh veng tin a neih chu intihtheihna chi a ni mi, rawn hruai rawh ti che ila i mengkhup leh zul zul anga, dawt hi sawi vak vak zel suh mipa ve si! " Ka nu in a tih chuan a ring thei ang berin ka nui lui vak vak. A haw leh teh ang chu.








Chaw eikham chuan keiin scooty-in ka nu ka phur a, bawihtei'n kal ve angen tlat avangin nunpuia'n bike-ah a phur ve thung a. B.A ka pass hnu in ka zir chhunzawm peih tawh ngang loh avangin bazarah thawmhnaw dawr ka siam ve e ka tia, thawmhnaw lo pawh kan kawl teuh tho. A hmun in a zir bakah kan nei thleng thar thei bawk nen kan lun ve viau.







Kan dawr a lian ve angreng nen hmeichhia pathum kan chhawr a an fel hlawm viau bawk, bawihteii an hmu tel ve chu an lo ri chul a, bawihtei lahin in la polite fahran hian alo hi let zauh bawk nen, an lawm lutuk chu pawm an inchuh nghal chuk chuk hlawm a, ka sawi tawh tak em bawihtei hi Remruatfeli ania , a hmingin kan ko vak ngailo thung.







Kan tam bawk nen chawhma lamin kan zo hman vek a, chhun thil eitur lam turin bawihtei nen kan dawr paih deuh lawkah kan kal a, nunpuia va kal mai rawh ka tia a peih leh thak lo.







Eitur kan lak fel hnuin Ice cream a eichak thu a sawi avangin kan lei leh te te a, mi an tam bawk nen ke a kaltir chi a ni silo ,ka pawm a lehlamin kan eitur lak ka khai bawk a, ka lian fahran silo a ka nuihzatthlak ngawt ang. Dawrkan thleng phei tep tihin bawihtei chuan an rawn nek deuh nge a ice cream ei chu a thloh palh a kan bul lawk a kal hmeichhe pheikhawkah tak a zuk tla.. Chiloh lutuk!






" Awii kan tihpalh lutuk, bawihtei hi an nek palh a, a zia lo hle mai "ka ti nghal zung zung a,






" A rang vek dawn anih kha , tinge maw in fimkhur loh em em zel mai le " Atih chuan ka sa deuh zak, duh vang reng a ni tawp silo.






" Pawi ka ti lutuk, sawlai lawk saw kan dawr ania i duh chuan lo tifai la " Zawldawh tak chuan ka ti hram hram a, bawihtei inthiamlo lutukin nunu pawi e, alo ti ve reuh anih chu!







" Tunlai thangthar ho tak hi chu! Naupangte te hian fa hi in nei a, enkawl leh thiam mang silo " A ti kher chu ka insum thei ngang lo







"Enteh ka pi!! kan tihpalh ania tha deuhin ngaihdam ka dil bawk che a tawk mai lo ami, nau kan enkawl chungchangah chuan lo inrawlh ve lo mai rawh ! " Ka ti deuh hrawk a, kei aia upa mah ni se ka dik naah kei Remlalhruaii hi ka tlawm mai mai ngai lo ve.







" I va han zaklo reuh e , nang ai a u fe ka ni tih i hre lo amaw ni le!! " A rawn ti vin deuh that a, tumah chuan min ngaihsak lem chuang hlei lo a, tawng leh ka tum lai takin a pasal nge ni palian deuh khep khup a hmel en pawhin a naupang vak tawhlo tih hriat tak hian " Buaina a awm ami!! " A rawn ti thum deuh dut a







" Babe! he naupang han zahtheih loh zia hi, a fanu hian ice cream min tihtlak a, min hnial let zet zet a anih chu aia upa zahna a neilo reng reng " Awii..nichin a a tawngdan nen chuan a aw ki chu dang tak ani. a upat hmel tawh nen a inla no vel anih chu! tenawm reuh lutuk !







" Ka Pi ! nangman thil tullo i rawn sawi chhuah vang zawk anih kha, tha deuhin ngaihdam ka dil tawh che, i pawmlo anih pawn ka buai lo , ka tihtur diktak ka titawh ka kaldawn " Ka tih chuan mipa lo ding ve chu a nui ri deuh suk, a eng kha nge maw alo nuih ni, a bialnu nge a nupui eng a pawh chu lo ni teh se a thinrim hmel nen.







Bawihtei rit ve reuh tawh bawk nen ka ban a kham tawh lutuk ,a ni hnial turin ka tha in a tlin tawhlo, kan kalsan hnu thleng pawh chuan chupa bulah chuan ala vui zui char char enge a sawi phei chu ka hre lem hlei law..







"In va han rei em em, ka riltam lutuk hi ka thal tawplo chauh " Hepa han over zia hi chu aw!!






Hmeichhe pakhat nen a kan inhnial buai vel chu ka sawi a, Lalnunpuia'n a kut zungpui alo tipir leh hman. Kan unau ho hi kan inngaina a kan intan hlawm bawk, a bik takin bawihtei chung changah phei chuan Diktei tawrh zawng zawng kan hre bawk nen kan insum theilo thin, kei ngat phei hi chu ngawi mai mai chi ka lo nilo bawk nen.







Ka rin ang chiahin ka nu in min hau leh ta ngei, min hau tam ber ziah kan unauah ka tawng chak lutuk hi , mahse ana zawngin mi pawi ka sawi bik lo.






" Bawihte i pu nen hian lo va haw ta che u, Ama a khua a har ang "






" Remlalhruai ka hnek mai ang che, tlangval lai a pu nih ka duh ziah lo " A haw dawn tih hresa a sawi ka ni, pu nih ka duh rihlo ka zak a tih tlat avangin 'tete' kan tih tir ringawt a, midang bulah a putea kan ti zel bawk, min a pu tur alawm ti eng ang mahse a putea a nimai a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:41 pm

CARO BY PAPUII SAILO



CHAPTER - 2




* ROSANGPUIA POV *





"Sir, i bialnu a lokal ka lo luhtir dawn em " Ka secretary chuan a rawn ti a, chhan pawh ka chhan let hma in kawngka a rawnin nam hawng nghal, henu ngampa lutuk thin hi chu a buaithlak.







"Babe ! I secretary hi ka duh aiin a inla strict, surprise ve duh che pawn a ti bam vek zel " A rawn phun lut nghal niah niah chu ka rum deuh nghut thung.







" A tihtur diktak a ti a, sawisel tur ka hrelo kei chuan " Ka chhanna chuan a ti lawmlo tih hriat takin a tum nghal bar a, thlem ka tum lemlo rei a daih leh chuanglo ang.







Mi thlem ka thiamlo, chu chu Atani pawh hian a hre chiang a, ka thlem a phut ngai lemlo. Engtin nge ka bulah hian a awm reng peih zawk hi ka ti thin. Ka be hmasa ngailo va,ka care vak ngai bawk silo.







" I thin tihrim ka tumlo nia babes ! " Ka rin dan chiah min thinrim khum rei ngamlo midang ka pansan hi a hlau lutuk niber hian ka hria , min veng reng hi ani ringawt. Mi hausa fanu mal duat sual tih takah zahna hi a hmelhriat vak lo nge hmeichhia min melh deuhtu ankhum mai a hreh lo.







" Office-ah rawn kallo tur in ka hrilh fo che " Ka ti deuh nghut a, a nui ringawt thung.






" Ka hria... Vawiin bak ka rawn kal tawh lo ang, min chhuahpui dawn chuan " Nui seih chung chuan a ti a, a hmel hi chu a tha thlawt mipa tam tak it rawn khawp pian a nei bawk.Kei erawhin a mizia vang hi nge ka ngaina thei miahlo. Vawi tam tak kan mu dun tawh, bul ka tan hmasa ngailo thung.Chu vangte pawh chu a nimahna hei chen chen ka kawp. Hmeichhe dang ka kawp san a hlauh avangin hma la hmasa tu nih a hreh lo a ,mahse amah lo pawh zan khat kawp ang chu ka neih zeuh zeuh tho. Hmeichhe dang ka kawp san a hriat pawhin ka lakah thinrimin awmzia a neilo tih hria in an mahni zawk alo va an khum chiam zel.





Bazar lamah kan inzui phei a, engtak chu lei leh dawn nimaw, sum a nei bawk a thil thar hlek a awm chuan a hmaih ngailo.






" Tah hian chhuk mai ta che, min lo nghak la motor park na tur kan zawng lawk ang e " Ka tih chuan a chhuk ve nghal mai a, kan Mizoram kawng zim lutuk hi chu buaithlak chhuah vah ni khua in motor park na tur zawn chiam angai zel. Motor lah a pung tulh tulh mai bawk si.








Ka motor park zo Atani awmna lam pan a ka phei chu hmeichhe pakhat nau pawm nen hian an lo in hau a.An thinrim hmel dun em em mai lehnghal, Chunu tereuhin Atani ka pi atih chuan ka nui ri suk. Ka hriat chinah hetiang a Atani chhang ngamtu awm chhun ala ni. A hmel lah chu a tha reuh hrep lehnghal, fa neitur atan chuan a hmel ala naupang mah mah bawk. A fa ani lo tih dawnin an inan na riau an nei bawk si.Kei hian engthil nge ka ngaihtuah tiangin tu hmeichhia mah ka chik ngailo..








An kalsawn hnu pawh chuan Atani chu ala phun char char. Khatiang a chhang ngamtu a tawng kha ala na viau pawh ani mah na le.



*


Kan farm lam kan tlawh khat emai ka pa in atih avangin kan chhungkua in kan riak phei a, Khawpui pawn deuh si ah hian farm lian tawk tak kan nei a, hnathawktu pawh kan chhawr nual. Thlai leh thei chi hrang hrang atam a Mizoram chhungah leh pawnah kan thawnchhuak nasa , keiin hotel lam ka enkawl laiin ka nau leh ka pa hian farm vel hi chu an buaipui a, ka pui zeuh zeuh tho.








Ka kalkhat tawh em avangin a hmun vel chu ka fangkual a. Hnathawk ho in an enkawl tha bawk a a faiin a hmuh pawh a nuam viau. Thei thenkhat a par mek a, kawlthei leh eng eng emaw adang chu a rah mek thung. Ka phone ri chu ka chhang a hello pawh tih hma hma in Hlimpuia rawn tawng leh nghal par par







" Buddy , in hotel chu a rem dawn em ? A remloh pawn kan rawnkal lui dawn tho tho tih hria la, chuvangin lo ti awl ngei ngei ang che " Naktuk hi a fanu birthday a nia, kan hotel-ah a lawmna buatsaih an tum bawk , kan inbiak mawlh mawlh lai a ka thil hmuh avang chuan ka buai thu hrilhin phone ka dah a, ka hmalam pan chuan ka phei nghal a.







" Engthil teh hrep nge itih kha ? " Ka tih vin thak rualin ka hma a hmeichhia chu a phu zawk a, a thil kenlai a thlauh nghal vek bawk. Tlanchhiat a tum nghal a keiin a samah manin ka pawt let hrawk thung.






" Anah.... Hmela min thlah vat rawh ... " A rawl ring lutuk vang chuan ka ner deuh sawk.







" Engvanga kawlthei kha lo ru nge inih sawi nghal rawh ?. " Ka tih chuan a rawn inher a, a sam ka vawn na vai per thla pahin mi melh rum vak reuh anih chu !








" Ka duh a ka lo a ni mai ! Engmah lo sawi ve tur inei eih lo , a neitute ka dil thlap bawk " Vin deuh chuan a rawn ti a,








" Naupang keihi a neitu ka nia, min dil lai ka va hre silo ve " Nui suk chunga ka tih chuan a meng buai deuh nak







" Dawt sawi suh ! Sawta ka pu kha a sin a neitu chu ! A neitu nih chu khawi lam Ruk tur i zawng ve ani zawk lo maw ! " Ner nang chung chuan a ti a henu tereuh hi rukru hmel ka pu reng reng amaw ni, awm ang lo lutuk.








" Ngaithla rawh naupang kei hi a neitu ka ni . Saw ta i pu chu ka pa anih ngei ka ring bawk. Chuan helai velah hian lokal tawh suh, thingkung ho hian hmeichhe naupang bengchheng deuh an ngaithei vaklo ania " Tawng leh a tum lai takin a thiante ni ngei turin an lo ko a, a kawlthei lawh chu chharin kal mai a tum chu a banah ka phih deuh dawr.










" Kha thil kha ken tel tumhlek suh ! I duh chuan nangmah khan i thiante chu i pan thei ang, ka thei rah te nen chuan ni lo ve !!" Melh chhuk run chung a ka tisup chu , a thinrim hmel kher mai










" Ka la lo tawp ang , mi hausa uikawm lutuk hetiang mai mai pawh han ui ... I duh leh nangmah khan i pum puak pawp khawpin lo ei rawh, eitur pawn min sawm ngawng mahla mi uikawm lutuk thil chu ka ei lo ang, ka pumte a na reu reu ang ! " A leili a hriam hrep lehnghal.









Kal tum a a inher tawh chu , a rawn inher leh a min nuih sak a, ka mit ko san awk thung. Min rawn pan hnaiin ka ngalah tak a rawn chhuih pawp a a tlan zui nghal vang vang! Mai mai chuan le'h ka hmu leh te nih chuan a chak lovang .









Ana hrep lehnghal a, a thiante lam pana a tlan chu thinrim tunin ka thlir zui vawng vawng ringawt . A sam dum sei tak chu a chhipah a tawn vah a, t-shirt leh kekawr tight dum ha in a kawngah kamiz a suih deuh tap bawk a. A sang vaklo na in a pian lah chu analh reuh phian lehnghal ! Lawkin a hmel kha Bazara Atani inhnial pui kha a ang lutuk.








* REMLALHRUAII POV *




Ka lu chu a khat tawkin ka tuai ka tuai leh thin a, khatianga hmeichhia te han tih reng reng a ban en ringawt pawhin mipa tam takin an cho lo ang tih hriat sa ania, a tha zawng zawng a hmang amaw tih mai turin min pawt ania. Ka lu vun hi ala na ut ut thei .







Kan thianho ti ila cousin vek kan nizawk mah ka nu te lampanga ka unau te ho nen hian kan inrual khat a , kan inkawm tawk bawk nen. Midang chu a tlem zawk an ni. Picnic ang u an tih tlat avangin helai hmunah hian kan kal a, kan kal lamin farm kha kan tlanpel a kawiam khan ka mit ala tlat a, ka va let leh ngat kha ania ka eichak em em pawh ani lo. Putar pakhat kha ka dil thlap bawk. Mahse khapa uikawm deuh vang khan ka hahthlawn ani ringawt. Khatiang lek vangin a tlakchhiat phah awm tawp silo .






"I lu chu ala viau ami a " Tih pahin Dina chu ka bula rawn thut a rual a. Ka lu ka lo thing ringawt thung. Ani hi chu ka cousin a ni lemlo, college kan kal ho a, ka thian mipa zingah chuan ka nel ber leh ka duh duh dan a ka tirh kawi ngam, ka bialpa lemah a tang zeuh zeuh bawk. Atan pawh chutiang tho chu ka ni.






" Mipa ve si hmeichhe sam a keh te chu ava pa lo ve , awm ila chuan ka hnek thal tawp mai tur ania. " A kuttum chu a lek kual vel a, ka nui ringawt thung.





Insual tak tak se a hneh teuhlo mai. Kha pa kha chu palian satliah nilo in tha nei tel chi a ni, a khabe hmul tam vaklo a to khan a tilang upa in a inhmeh takzet, chuan thlamuan pui tham khawp a sa tha leh mawi a nei. Kei hi ka a deuh a maw ni le !? ka sam duat lutuk min pawh saktu anih kha ! Midangin atchilh luai luai mah se pa ti ve tur ka nilo hrim hrim. Tuman ka samah min pawh sak ngailo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:41 pm

CARO BY PAPUII SAILO



CHAPTER - 3




" Hruaihrang , i thianpa alo thleng tawh ania" Ka room a rawn dak chung chuan, Nunpuia chuan a ti a,








" Ka inpeih tep a nimai, lo zu hrilh leh law law teh " Ka mit hnawih tha mawlh mawlh pah chuan ka ti a, phun bui bui chungin a chhuak ve leh mai. Unaupa fel hi chu a ni chiang a ni.








Zanin hi Dina u fanu birthday a ni a, kalpui tur ka neilo atih avangin min sawm a, a u te nen kan inhriat pawh ve vak loh avangin a tir chuan ka hnial char char, mahse min nawrluih dan a thiam lutuk a ka hnial hneh ta nganglo.








Ka hmaiah make-up nasa lutuk lo a hnawihin Kawrfual senduk ka khup khuh lo deuh ka ha a, high heel dum ka bun leh tawpin ka sam ka thlah siau a a hmawr lam ka duhdan tak in a kawi deuh siang bawk nen keimah tawkah confi tak hi ka ni ringawt.








Ka room atanga ka chhuk thla chu ka chhungte chuan ka inhmeh thu min lo hrilh sap sap a, inrintawkna min pek belh sauh. Bawihtei'n "Nunu kawr ang hi ka duh ve " A lo ti leh hmanhmawh mi hi chu a ngaisang ve chiang a ni ka fanu tereuh hian!








" I chhelo lutuk a, ka melh tai lek lek che in ka hria ! " Car kawngkhar hawng pah a Dina'n atih chuan ka lei ka chhuah khum vak ringawt.









" Enteh Din ! Mi an tam dawn em ? In hmelhriat tha pawh kan ni silo va ka zak e ! , nang pawh hi midang sawm ve mai tur che nia maw! "









" Nanglo sawm tur ka hre hlei nem ! Bialnu hruai tur ka nei bawk silo a, " Tih pahin mi siai suk a, zai a play nghal zat. Kan thiam lai lai kan lo zawm ve a kan inen a kan nui leh ringawt zel kan zaithiamlo dun ve em a ni ! .









A lawmna tur hmun kan thlen chuan ka thaw hawk, helai hotel an hmang dawn anih chuan an neinung ve hle tih a hriat. Hotel ADAMO hi chu a changtlung em avang hian hman man vel pawh a to a, Mizoramah chuan a tha ber pawl an ni customer an care-in an hnathawk te biak an nuam a , khualzin ho pawhin thlen nan an hman ber thin a ni reng a ni. Hotel neitupa hmelthat zia leh pa zia hi hmeichhe ho titi ber a ni bawk, mahse kei mi beng hawnglo hian vawikhat mah ka la hmu ve lo thung.










Function neihna hmun tur lam panin kan inzui lut a, a kut ka vawn turin a rawn dah chhuak a ka lo vuan ve vat bawk. Kan lut chiah chu ka rinai daihin an lo tam. Dina u chuan min hmuh chuan min lo pan vat a,









" Naua chu khawilam nula nge i rawn hruai ve ngawt a , i vo chhuak a ni em lo maw ? " A tih chuan Dina chu a ner nang a,








" Hi ! Dina u hi ka nia , U mapui min ti mai rawh ! Kan nau a hian a engtin nge nang ang a hmeichhe hmeltha hi a kherh thluk theih zawk a " Dina melh pah chuan a ti a, ka hming te sawiin kan in chibai a, ka rin ai daihin a nelawm lehnghal, a tawng dan atangin Dina bialnu ka ni amaw a ti bawkin ka hria, mahse ka nilo ti a sawi kher ka tum lemlo.









" Wow ...Nang ang lo takin ava hmeltha ve ! " U mapuii kalsawn hnu chuan kut phar meuhin ka tichhuak deuh hliai a, Ka tukhumah min nam bu lawp.








Function an tan a, zaithiam pathum vel an sawm a mahse tute nge an nih ka hre ngailo. An zaithiam em em mai lehnghal a mipui chawhphur an thiam bawk nen an lam deuh suau suau hlawm mai. U mapuii te lam ka va hawi chuan hmanni a farm a ka hmuhpa ang deuh kha an bulah chuan a ding ve a, mahse ka chiang ngamlo. A khat tawkin an lam chu ka va hawi leh zeuh zeuh thin a, vawikhat phei chu chupa nen chuan chiang deuhin kan mit a intawng, ka hawi let rang lutuk.









" Din, U mapuii te bula ding mipa saw inchhungte tho a mi ? " Ka hre chak lutuk ka insum thei nganglo chuan ka zawt ta nge nge a, min nuih vak vak a nih chu !









" Remlalhruai ani saw i hrelo tak tak nge i tider ? " Nuih insum lutuk a min zawh chuan a rum thei ang berin ka melh vak , hria ila ka zawt awm tawp silo a










"Ok.. Ok.. I mitmengah i hrelo tih ka hre mai ! " Nui chung chuan a ti a "nula mai nilo tleirawl leh nu ho pawhin an atchilh luai luai laia i lo hre ve miahlo hi amak , tiang chuan i leng tar tak takin ka ring, chuan he hotel neitupa hi a ni bawk aw...!" A thluk vak pah kher chu ka lo ner khum vak.









Saw saw maw an lo sawi ve ziah , a hmingah pawh 'val senior zun ngah a' an tih chu ! . An sawi uar lutuk vangin sawisel bo a hmuh ka tum zawk nge ka hre lo , kei chuan a awmdan ngel ngul saw ka duh chi pawh ani lo. A thu a duh hmel ropui si ! Mahse a pian erawh ka duhthusam a sang tha a, a dar a pharh thain a taksa a inphut mawi tawk chiah , coat a ha chung pawh sawn a sa a tha tawk tih a hriat.Amah hrim hrim saw a zahawm khup bawk.










Boruak ti deuh helh hulh chu ka zawh vak loh avangin Dina chu balcony lamah ka awm thawven duh thu hrilhin ka chhuak zui nghal a, balcony-ah ka chhuak chiah chu ka thawveng deuh hawk thei. Thlifim thaw heuh heuhin min chhem chuan ka harh sawng sawngin ka hria. Chhunglam kha chu thawm a bengchheng bawk nen a boruak kha a uap deuh churh a, ka lu hi a ni deuh muih mai.









Rei pawh ka la awmlo tih chuan ka sir lam deuhah chuan thawm hi ka hria a, en chiangturin ka va kalhnai chu ka kal hma kha ka ngai rum rum. Mipa pakhat leh hmeichhe pakhat hi duhthawh lutuk in an lo in kiss mawlh mawlh anih chu ! Hetiang hmunah lehnghal tenawm lutuk mai !.










Let leh ka tumlai takin ka phone a ri a, ka hma ami te pahnih chu an rawn hawi phawk nghal hra !.. Rang lutukin ka phone off tumin ka dap nghal a, ka la dap fuh lawk lo zui.... Ka hmuh hnuin rang lutukin ka off nghal, ka hmalam ka va hawi phei leh chu ka hma a mi te pahnih chuan min lo en kur anih chu ! A mipa zawk chu he hotel nei tupa kha ! A hmel ka hmuh chian takah chuan farm ami kha ani tih ka hre chiah bawk. Hmeichhia zawk chu a bengbulah enge maw a hrilh zeuh a, a lut zui nghal mai a, luh ve tumin ka inher a a thil rawn sawi vang chuan ka ding chawt..










" Eng maw isawi kha ! " Ka theihtawpa rum a melh chung chuan ka ti sehchilh nawk a,








" Thil ruk tur i zawng leh anih chuan he laiah hi chuan khawi hmunah pawh cctv a awm a, i fimkhur hle dawn nia " Chupa mai mai chu'h!









" Ka pu, he building ami hi engmah hi duh ka nei lo tih hi lo hre ve mai mai teh ! Chuan mi thil awt ngailo tur a zirtir ka ni bawk " Ka ti vin that a a nui ri suk a nih chu !









" Pu em chu ka la nibik lo ania,min koh duh tal chuan Rosangpuia "









" A tu teh hrep pawh chu lo ni la ka pawisa lo ve ! ka tan tangkaina a awmlo !"









" I tan a mi pawimawh ber ka la nilo ang tih tu nge sawi thei ?!" Mit ko san ak chung a a ti chu ka lo ner vak ringawt a teuh hian a hnailo lutuk ! Chapo ro pui si..










" I awih vak na nge ? I awih loh chuan kan fiah dawn ami " Tih pah chuan min rawn pan hnai a








" Fiah kher angai lo ve , ka duh zawng chi ini lo tlat " Ka tih khum salh chu a rum deuh nghut








" I inringtawk khawp mai maw ! Ka duh chi tak ... Mahse hei hi hre rawh ka ta ila ni khawp ang, ka tello a nun harsa itih hun a thleng ngei ang tih ka tiam a che !.. " A aw ka chhuakah pawh a inringtawk tih hriat takin a aw chu a nghet churh









" A thleng ngai lovang tih ka tiam thung ang che ! " A mit taka melh chho chung chuan ka ti ve salh a







A rawn kun hniam a ka che deuh hrut thung, ka sam ka hmai zar tu chu a kut chuan ka bengah zeh pahin a rawn kun hniam zel a ka che ngam tawh lo hrim hrim, ka beng bulah chuan a thaw lum deuh halh a, ka mur nghal sung sung thei .







" Tunah hian i taksa ah danglam a awmlo ti in tang eng ang mah la , danglamna ka thlen che tih ka hria , chuvang chuan ka ta ila ni dawn tih ka sawi chuan awih tawp rawh " A ti thawp sup a, sawitur hre lo in ka ding mawl tawp thung. Chhunglam atangin tu emaw ni hian a rawn ko hlauh a ka lawmzia chu sawi hian a siak lo hi ani tawp.








" Ka sawi kha theihnghilh miah suh ang che " Tih sup pahin a inla hrang a, ka hawi chhuak chu rawn ko tunu khan rum deuhin min lo melh reng kan lo awmdan vang kha nge tih hriat pawh va ni suh.








Chunu lam pan chuan a kal phei chu ka en reng a, a bul a thlen chuan chu nu chuan a biangah a lo fawp zauh a, nichin lawkah hmeichhe dang duhthawh lutuk in a thim chinah alo fawp ngawng ngawng zo chiah a, duh hmel deuhin a melh leh thei nih chu tenawm lutuk mai. A ta chu ka ni mai mai lo khawp ang.





( ka battery a low dawn ti zawng hi nimai rawh se🤧 muang changin kan kal chho bek bek dawn nia u😂)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:41 pm

CARO BY PAPUII SAILO



CHAPTER - 4




Rei vaklo ka awm leh hnu chuan inchhung lamah chuan ka lut ve a, cake an lo zai dawn chiah hi alo ni a , Dina bulah ka thu ve nghal mai a, Rosangpuia te chu kan piah chiah ah an thu bawk. Ka va hawi phei chuan min lo en ngur anih chu ! rang deuhin ka hawilet leh nghal mahse ka taksa hian min la en reng tih hi a feel thei.







Dina bul a haw ka duh tawh thu ka sawi chuan U mapuii te hrilh ve reng reng ila atih avangin an thutna lam pan chuan kan inzui phei a,






" U, Ahruaii hi haw a duh tawh deuh a, kan haw mai dawn asin " A ti a, kei erawh U mapuii te bula thu ve pa ngel ngul hian min enreng avang hian ka awm a nuam theilo.






" Aw.. Ala hma em hi ! I va hmanhmawh ve a Ahruai " U mapuii'n min en chung a a tih chuan ka pa te'n min ngaihtuah ka hlauh thu in ka lo chhang vat, min ngaihtuah ka hlauh vang chu ni tho mahse ka che zia min enzui rengtu mi hausa ui kawm a vang hi a ni pakhat.







Pawn lam panin Dina nen chuan kan inzui chhuak a, motor a la chu gate bulah chuan ka lo nghak a, ka hnungah chuan pen ri hi a rawn awm a ka ngaihsak lem lo mahse ka hma zawn tak a a rawn din hnu chuan nichin a Rosangpuia rawn ko tu kha ani tih ka hria.






" Hmeichhe zaktheilo lutuk ! Mipa dang kalpui reng chungin ka bialpa ilo thlem vel a maw ? " Chang fak a atih chuan mak ka ti lutuk chu ka meng kawk. He nu hi a bialnu anih chuan a hmeichhe lo tawmpui kha... Tenawm fahran lutuk.






" Nangni ang hi khawi atang hian nge maw in lo chawrchhuah thin le..? Mahni kawppui te pawh duhkhawp lo a , sum nei apiang zah pawh dawn lo a pâk huam huam thin hmeichhe zaktheilo lutuk ! " Min hmusit tih hriat tak chuan a tawngkam tin chu a lam deuh fak fak a, a hmelah pawh min ngaitheilo tih a hriat ngawih ngawih.







" Thil hriatsual inei anih kha.... "






"Hriatsual a... Sangpuia ngei khan min hrilh vek tih i hria em ? Chu ti chung chuan i la pha dawn a mi ! " Ka thu sawi lai pawt chatin a rawn ti dam thlup a , ngeiawm deuh hian a nui nghal hak bawk.Chu pa mai mai chu'h dawheh lutuk ka haw so bawrh bawrh.






" I bialpa zawk khan thim zing ah hmeichhe pakhat duhthawh lutukin a hip ngawng ngawng tih lo hre zawk teh ! Va hmu lo phei ila chuan kha lai hmunah khan nang a bialnu ti a inchhal hi theihnghilh thak che in a phelh ruak duh hialin ka ring !" Thinrim lutuk a ka ti vin that chu a meng deuh kawk a, ka kalsan nghal vang vang. Dawtin min lo puh kual vel lo se la chuan sawichhuah kher ka tumlo kha ania, a phu tawk chiah, tikhan a bialnu khan then nghal vang vang rawh se. Kha nu reng reng pawh kha a thudik hre uk si lo a min an khum ve vak vak bum kual a nuam ngawt ang. Mahse min rawn hmuh lai a kan awmdan khan a zirlo ve em a ni . Zanin ka lo kal ta kher kher chu ka inchhir hle mai !.








Motor kan chuan chhung zawng pawh chuan ka tawnglo, kan inkawtah a ding a min thlah avang a lawmthu sawiin ka chhuak nghal a,mangtha pawh mangtha lo vin kan inlam ka pansan nghal daih.






*

Store room lama bungrua ka remfel malh malh lai chuan Rci chuan min zawng an awm tih sawiin min rawn au a, a tu tak chu ni maw ? Zawngtu ka nei khat tehlul nen ka tih chuan I hre mai ang tih ngawtin min chhang. Counter hmaah chuan mipa pakhat hi min hnung chhawn zawng hian alo ding a, kan tawngri hria in a rawn in her riai riai a, ka tawng tawp nghal chut hepa pui hian enge hetah a rawn tih. Ka mak ti hmel a hmuh chuan mit min lo siai khum zeuh.






" Nang ang mi hausa uikawm leplerh hian kan dawrah enge i rawn tih ? " Seh chilh deuh nawk leh ngeiawm tak a nui chung a ka tih chuan a rum ri deuh nghut.







" Kan rukru nu chu i customer lo dawn sawn dan a mak hle mai ! " Nui suk chung a atih chuan ka melh rum vak.








" Mi pangngai chin chu ka theihtawp a tha in ka dawngsawng thin nang ang mi dawheh te chuan i phu ve lo ." Kan inchhan dan vang chu nge hnathawk ho chuan min entawn chhen a, 'a â ta maw ni le ? ' Tih melhin min melh bawk. Rosangpuia hi tunge anih tih an hria, Midangin an tlawn huai huai thin kha hnuai chhiah takin ka be mek chu mak an ti tih an hmelah alang vek bawk. Mahse he pa hian tha tak a customer te dang ang a biak a phu hlawllo.










Ka dinna lam pan chuan a rawn pen phei pawk pawk a, a pen khat saw ka pen thum vel aniang. Ka dinna bul a rawn thlen chuan rawn kun hniamin " Ka thil sawitur hi i nau te'n an hriat ve iduh chiah ka ringlo, chuvangin kan inbe lawk dawn ami " Ka beng bulah chuan a ti thum deuh sap a, a sawi zawi lutuk a a aw a thum bawk nen ka hre chang chang chauh. A sawi zo a a awmsawn lehnnghal a , ka chhanna nghak tih hriat takin mi melh ngur bawk.









" Ka buai lutuk chuvangin ka hman lo nimai teh se " Ka chhan na avang chuan a ner deuh suk a









" Ka bialnu hi a buai chuan ka pui hman reng a nia ! " Ring deuh leng lawng chuan a tilui kher a nih chu ! , dawr a awm ho chuan min rawn en nghal thup a, an phun nghal sur sur bawk.Kan dawr hi a lun ve ang reng a englai pawn dawrtu kan nei ve reng tunah pawh awm ve an awm nual.A then hi chu Rosangpuia an hmuh avang a rawn lut an ni tih pawh ka hria.









" HMEL PAWNG I BIALNU KA NI BAWKLO " Dak chho vahin a mit a enchungin ka ti chang fak ! . A mit ko min san khum duh chauh , min rawn zui rawh tih pahin ka bag ka la a ka chhuak zui nghal. Dawrah kha chuan eng dawt nge a sawi belh leh ang ka hre tlatlo , thenkhat ho khan an awih ngei bawk ang a, kha a bialnu mawl zet khan alo hriat ve phei chuan ka thlem emaw ti lehin ka sam a pawt kawlh duh mai ang.








Ka hnungah min lo zui ve mai bawk a, a nui ri leh suk thin chuan ka thin a tirim tak zet. Min kalpelin a car kawngkhar chu ka thutluh theihnan a hawng a, ka thu lut a a kawngkhar a rawn khar nghak lo in na thei ang berin ka pawt khar nghal sawk. A phun ri hluk in a zui nghal,a hmalam atang a kal hualin driver seatah chuan a rawn thu lut a, Nuih insum hmel a pu reng chuan ka thin a tirim zual sauh, a eng hian nge maw a nuih ti za ni !. Kan tlan char char a in awmna chin kan tlan pelh vek hnu pawh chuan a ngawih reng avangin ka insum thei nganglo.








" I sawiduh chu tihian sawi vat rawh ! Let leh vat ka ngai ania nang ang a hman ka nilo " Ka thusawi chu hre lo ang hmiahin a awm a, kawng chu a melh ding ngur ringawt.








" ROSANGPUI.. Ka sawi chu i hria em ? Sawi tur i neih chuan sawi la, anih loh chuan motor hi tiding rawh ka chhuk duh ! " Amah en chunga ka ti vin deuh thawt chu brake a rap thut a hmalamah ka bu deuh dawr !







" Engthil nge maw i tih le... Min...." Car kawngkhar hawngin hmanhmawh lutuk a chhuk nghal vut chu ka enzui a motor hma lam a a kun hniam ka hmuh chuan ka chhuak ve nghal vat. Rosangpuia chuan uite hmeltha deuh hi a lo pawm a, ka su hmanlo chiah chiah anih hmel. Min hmuh chuan uite chu min pe a, ka lo ban ve mai bawk . A hmeltha tak zet, helai hmun rehah te enge maw a tih teh daih ni.







" A neitu an awmlo tihna a mi le ? Helaiah te a awm daih nei ila a pawilo ang tiraw.. " A mah pawh melh chuanglo a ka tih chuan a pawi a rin loh thu in min chhang. " Tha lutuk keiman ka nei daih ang che ! Bawihteii nen in inkawm tawk dawn lutuk " Uite chul hauh hauh pah chuan ka ti a







" Kha naupang kha i fanu a mi , tu nge a pa " Rosangpuia chuan a rawn ti sup, engtin nge bawihteii a hriat !






" Imm ka fanu anih kha , apa chu Nunpuia " Awlsam deuh chuan ka chhang a, ka fanu ve tho alawm mawle anih le a, nunpuia pawh a pa angin kan ziak tho. Thu dik hrilh thlio thlep a ngai lo.






" Hman zan a mipa dang i lokal pui danah Apa nen chuan in innei lo tihna ania nga ? chuan sava thlawk lai inia ka perh thla ngei bawk ang che. " Chhan pawh ka chhang peih tawhlo uite duhawm zet chu ka chhaih san daih.






*






Rosangpuia nen a kan inphurh chhuah ve ngawt atang khan kar khat aliam leh tawh. A tuka dawr ka kal khan zawhna ka dawng nasa ngang mai. Mahni aia u tirh nuam ka tih loh avangin dawrah hian kei aia nau vek ka chhawr a, kan innel bawk nen an rilru a awm ang ang min zawt pawp pawp a, kan inngaizawng tak tak a maw an tih thu an sawi phei kha chuan nui vak vak chungin a nih loh thu ka hrilh a, inhmeh min tih thu an la sawi tal tho.







" Nunu... Milow hi kawr mawi leisak ve la.. " Bawihtei chuan milow pawm chung chuan min rawn pan a, kan leisak dawn nia ka tih chuan a lawm ngang mai. Hmanni a Rosangpuia nen a kan chhar kha ania, chaw a duh reuh bawk nen kan chhar tirh ai khan a chum deuh tawh a bawihteii hian a lawm na ngiang bawk a a pawm kual deuh reng a nimai.






Ka nu leh diktei dawr lamah an phei a, Bawihteii nen inah kan awm thung. Milow kan bual a, pahnih chauh nimah ila milow bauh ri nen kan bengchheng viau . Kan bual zawh hnu in bawihteii ka paw muhil a , milow muhil bawk nen . A reh emai ti a online tum a ka phone ka en chu miss call a lo awm teuh tu chu ni maw ! Pawimawh anih ringin ka call let vat a, a ring ral tep tihin a la a mipa aw hian " Ka bialnu " A rawn ti thawp sup, tudang nilo in Rosangpuia ani tih ka hre nghal.






" Hmela engtin nge ka no ineih ? " Ka ti vak chu bawihteii ka pua tih ka hrechhuak thut, a harh lo hlauh thung.






" Ka bialnu number ka neihloh ten bialpa tlak ka ni nang " Nui hawk hawk chungin a rawn ti nih chu,






" I bialnu ka ni chhe te beuh lo ! ROSANGPUI " Tawng rin hlau tak chuan ka ti a, lehlam ami thawri hawk chu ka hrethei





" Remlalhruaii hi ka bialnu anih loh chuan ka hming ka thlak ang, chuan ka ngai lutuk bawk che.. " Dam dap a a tih chuan ka phone chu ka melh vak ringawt.





" I thlak dawn nia, keiman ka phuah sak nghe nghe ang che "





" Ka bialnu inih nan hun rei angai tawhlo ang CARO " a tih chuan a aw thawp sup chuan engtin emaw hian min fan chiai chiai. Rapthlak hianin .







Amah tak chu ka hmu ngailo mahse Zingtin leh zantin min rawn wish ta ziah chu pawh call ngeiin. Ka be let vak ngailo na chu phone a dah lawk ngailo va ka off sak bik chuanglo, thil dang te ka tihsan daih thin.A tir chuan chutianga a rawn call thin chu a kum ka ngaihtuah hian ka nuih aza tlat anih chu! Mahse Mipa chu sawiloh thiante wish pawh dawng ngailo tu hian call ngei hmanga in wish chu engtin maw zawng tak hian nuam tihna ka nei tih chu ka zep lo, karkhat vel a rawn tih hnu chuan ngaiah ka nei tan a , zan lamah phei chuan a call chu ka chang ta fo zawk. A tawng thum deuh dut zel chu ngawi rengin ka lo ngaithla thin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:42 pm

CARO BY PAPUII SAILO



CHAPTER - 5








' Nunpuia nen va bazar ru ' ka nu in atih tlat avangin kan inzui chhuak a, bazar kan thlen chuan ka kuahbet leh chawt tawh , kan tetlai atanga kan tih than a nia, kan chhuah dun hlek hi chuan amah hnaih thei ang berin ka awm thin. A nau ka ni tih hre lo tamtak amah lo duh ru ve tute ho phei chuan a bianu ka ni amaw tiin min lo thik fo mai.







" Bhaiaa tomato hi kan lei dawn em ? " Thlai hnah vel kan en lai chuan ka ti a, a ner nghal sung. Tomato a ngaina vaklo a keiin ka duh em em thung, kan tleirawl chhuah tirhin ka nu in hmelthatna anih hi a tih thin avangin a ni hmelthat chak ta na na na chuan tui tilo chung chungin a eilui fo zel a, chhaih nan tak kan hmang ziah. Tunah erawh a ei leh ngai tawhlo.








" Lei lo ang pawh ti ila, i ban leh dek dek awm tho sia zawh kher ka ngai ami ? " Mi melh chhuk run chung chuan a ti a ka nui ringawt thung.








Kan duhna lam lamah ka pawt kual a, min zui ve zel tho " Mi pawh kual chhen man nakinah game kan khel leh ang ? " A tih chuan ka aw ve mai. Kan chhuah apiangin a ti ve ziah a , mi ti zak ngei ngei bawk.






Dawrah kan lut kawi zawk a, diktei a awm bawk a rei pawh kan awmlo. Dawrah hian ka awm peih hlawllo tunlai chu ka aiah diktei a kal char char a , bawihtei ka awm a , mahse ani te pawn a nu a ngen zeuh zeuh avangin keimahin ka awm tlawng chang a awm.








Zanah chuan Rosangpuia lo phone hun ka nghak leh ringawt tawh !. Zan dang zawng zawng ah pawh dar 9:30 vel a rawn call ziah thin khan dar 10 a rik pawh chuan ala rawn call lo.' Kei hian ka duh tan tihna em ni ?' ' Ani lo ang a rawn call ziah avanga chang ve mai mai alawm ka nih.' Chutiang ringawt ngaihtuah chuan mut pawh ka muhil theilo. Tukin min rawn call lai a ka lo be tha duh lo te chu ka inchhir thul, a chang leh ani ka bialpa pawh nilo call dawn loh avang a ka rilru buai ringawt te chu ka inhau a. Khumah chuan thinrim ru tunin ka insawh tau nghawng nghawng ringawt.







Mit thial ur in ka tho a, men pawh ka meng tha peihlo Rosangpuia vang vek. Peih lo deuhin ka tho a, dawr ka kal ve tawh ang chu ka ti ania hetiang chung chuan ka peih leh pawn ka ringlo ve a.






" I hmel chu le..! Tinge i damlo ami ?" Ka chhungte'n min hmuh chuan min lo zawt vat a, chhan pawh ka chhang peih lo. Ka pa chanchinbu chhiarna bulah amah ngheng chialin ka thu thla nghal hmak. Tukin ah pawh min rawn wish leh lo a , ka mood a uih ngawih ngawih lehlamah chuan ani wish dawn loh vang a hetiang a ka awm hi mawl ka inti in ka zak .






*



Dawr a ka awm Dina'n U mapuii te inah min kalpui lawk rawh a tih avangin ka kalpui a, a dan ngaiin min lo be leh siam siam a, a nui sang reng bawk nen a hmel hian mi pawi a sawilo ve ngawtin ka hria.An fanu chu ka pawmsak a, hei pawh anu ang chiahin a hmeltha a nui duh reuh bawk si, sitting room-ah Dina nen kan infiam puia u mapuii erawh choka lamah a awm thung.







" U,,,U hlima chu alo thleng dawn tawh em ? Ahruaii hi dawr lamah phei leh vat angai dawn sia kan hmanhmawh riau a ! " Dina chuan a ti deuh lawng lawng a







" A lo thleng tep ang , ka lo haw a tihna a rei tawh e mai ! " U mapuii chuan choka lam atanga rawn phei pahin a ti a , a sawi zo deuh chiah tihin kawtah motor ding ri a awm zui nghal." Chu an lo thleng mai alawm " A ti zui nghal zat.








U mapuii te fanu chu an sofa-ah chuan ka infiampui a, ka dek fiam vel chu a nui ri hek hek zel a, chu chu keiin ka nuih pui thung. Min enreng tu awm a ka hriat avangin ka hawi chhuak chu Rosangpuia chuan hmuhnawm tih hmel zet hian min lo thlir reng a, kan mit a intawng chat ,rei en duh lovin naute chu ka lawm zui leh nghal daih a. Dina leh u hlima inchung a inzui chho pawh chu an va rei ve mawle ! Hepa pui hian ka awm ati nuamlo kal vat vat ka duh.







" Ahruai, Dina alo la chhuk chuang lo va tikhan lo awmpui lawk rawh aw, ka thil pho kan seng lawk ang e ! " U mapuii'n a tih chuan aih ti a chhan mai ka duh hepa nen chauh a a awm dun hi ka duh lo, min melh run run reng bawk si nen ka awm a tinuam hlawllo. Ka awmpui theih tur thu a ka chhan chuan a chhuak nghal daih lehnghal.








" Min lo ngai tawh em? " Tih ri avang chuan ka hawi a ho a, Rosangpuia chu a rum ri deuh nghut " Engvangin nge ka ngaih teh lul ang che ! Ka tan engmah ini hlei nem " Ka ti zawi sap a,







" Kei chuan ka ngai che lawm "






" Dawt sawi hi chu i thiam ve thlawt ! Min ngai nila chu ni thum chhung i reh hmak lovang "






" Ka call i chang i tihna a ni em ? " A thut dan siam tha deuh hluai chung chuan a rawn ti a, ka duh theilo enge tuna ka sawi kha ! Ka ka zep zuap tak hi chu aww ! Sawi loh tur tur ka sawi chhuak ziah mai ! Ka va han zak tak !!.





Dina leh u hlima inchung atangin an rawn chhuk hlauh ka lawm zia hi ! Thlan khur ata min chhan ani ringawt alawm le a ! . Dina chuan haw a rawt nghal a , kan chhuak tur chu Rosangpuia lam ka va hawi chuan min lo nuih deuh suk a, ka melh rum vak thung.







Dawr kan thlen chuan dawrtu an lo awm ve nual avangin ka buai nghal char char a, thawktu pahnih an khaw lamah an haw lai anu bawk nen buai map map tak kan ni.Mawng pawh hung hman lo in ka phe nghal char char a, chuta karah Dikteii'n bawihteii tap deuh pur ala rawn pawm lut zui. An lam chu ka pan nghal vat a, bawihteiin min lo ban vatin ka nghawngah a kuah bet nghal tai reuh a a hmai a thukru nghal hmiah.






" Awiii u Remruatfeli sual zia hi ,,' Nunu bulah kal ang ' a tia a tap char char a , ka thlem nasa lutuk awmzia awmlo ka rawn hruai tawp, milow kan bual dawn nia ka tih pawn a duh thak lo ! " Dikteii chu a phun nghal bul bul a,






" Bawihte , Amaa chuan kei angin a duat ve lo che a mi a ? " Ka tih chuan a bu nghat nghat reuh a, Diktei'n a run na ngiang mai.






" D , tikhan lo pui mai rawh kan indaih lo lutuk a vawin chu bawihteii chu ka lo ngaihven mai ang " Ka tih chuan customer lam chu a pan ve nghal mai a, keiin bawihteii ka thlem char char thung. Ka duat bawk a min ngai em em reng a, min hlau ber bawk. Thil ngen a nawrh a chin hian duat viau mah ila ka ngaihsak duh thak lo va , a nuin thlem a tum pawn ka phal ngailo. Naupang hi an duh apiang kan tihtir hian an sual awl bik a, an tette atang a khuahkhirh a zir tir an ngai , kan duhloh zawng an tih chuan an tih nawn ngamloh nan hremna kan pe tur a ni ka ti ve tlat.






Dar 3 vel chuan in lamah ka nu a buai ang tiin bawihteii pawh anu in a haw pui a, kei erawh dawr khar turin ka awm khawtlai thung. Mihring an tam vak tawhlo avangin dar 4 velah chuan ' khar mai ang u ' ka ti a , an ni an lo phur zawng tak alo ni nen, an haw hmasa a , pawisa vel siam fel a ka inkhung fel hnuin dawrah chuan Rosangpuia a rawn lut hlawl.






" Kan inkhar tawh, ka haw tawh dawn engmah a lei theih tawhlo " Ka lo ti zung zung a, chhun lam a ka tawngsual vang khan peh hel dan hram ngaihtuah ka duh.






" Kan thil sawi zawhloh kha kan sawizo phawt ang a, ka thlah haw ang che " A ti thum deuh dut a, ka lu ka thing nghal vat.





" Sawi zawh tur kan neilo, chuan i thlah ngailo in scooty-in ka haw thei " Ka ti deuh vak chu a nui suk duh chauh





" Ka call chu ilo chang thin reng ami ? Ka lo call loh te chuan lo call mai tur che lawm "





" Nang hi...! I call ka changlo ka ka a kua a ka sawi ve mai mai anih kha "





" I ka kuak satliah vang chu ani hauh lovang ! "Mit min kan khum zeuh chung a atih chuan hnial vak ka tum a mahse sawitur hlawl ka ngaihtuah chhuak zo lo chu ka thaw hawk ringawt.





" Nithum chhung khan ka wish ilo nghak thin tih chu pawm mai rawh "





" Aw... I ninawm ka nghak alawm ! Karkhat chhung min rawn wish ziah avang a ngaih a ka neih hman vang chauh ani chhan dang erawh a awm chuang lo " Ka ti vak chu min hnaih nghal ruak ruak






" Engah min ngailo chu nila chutiangin i awm tawp lovang, ka wish loh vang ngawt che in i lungawilo ringawt lo bawk ang , a dik em ? Nang hian min duhna i nei ve tiraw " Inringtawk hmel pu tak chuan min zawt a , ka ngawi reng ringawt kei hian ka duh em ka hre lo, mahse a sawi ang hian duhlo ni ila chu hetiang hian ka awm dawn a em ni ! uiiii... Min tibuai vek hepa lel lul hian !






" Min duh ve tih chu pawm mai rawh ! CARO " Rawn kun hniamin ka beng bulah chuan a ti thawp sup a, a tawng zawng a a thawlum ham ham chuan min ti mur sung sung thei.






" Ka... Ka hre lo " Ka biang vela a kut lumin a thai kual riak riak avang chuan ka tawng bah deuh nak a





" Min duh ve itihna ah ka ngai ang, tun atang chuan ka ta , kei ma ta , ROSANGPUIA ta chiah ini ! CARO..! " Tih pah chuan a kut pahnih a ka bek tawn tawn a vuanin ka hmui chu a hmui lum ham ham chuan a rawn bawhthuah nghal zat a, duhthawh deuh hian min fawp zui nghal ngawng ngawng







Min fawhna ata in la hrang hlekin " Min chhang let ve rawh le.. " Ka hmui si reng chung chuan a phun sap a, a tawng zawi lutuk chu keipawn ka hre chang chang, a hma ai a duhthawh chuan min fawp zui nghawl tawn tawn a , ka hmui ka tihchet lai ka hre lo ka thiam ang ang chuan ka chhang let ve a , chu chuan a ti phur sawt amaw tihtur hi a ni.







Harsa tih hmel deuh a in la hrang in ka chalah na deuh hian a fawp zui tawk a, " Ka zawng chhang ngei dawn anih kha ! " Nui suk chungah a tih chuan ka zak lutuk chu ka hmai a sa nghal hat hat thei.





" Ka ta chauh ini tih hre reng ang che ! Tu mipa dang mah an awm tur a nilo, vawiin ami pawh kha sawifiahna ka duh nghal ania " Nem fahran lo a a tih chuan ka ner nghal nang






" I zaktheilo ee.. " Ka tih chuan a rum nghut . " Ka ta inih chuan ka ta chauh ini tur ani hre chiang em ? Chuan vawiin ami chu ?" Ka chalah a tauh dat a






" Rosangpui i hneawm lutuk, ka thianpa anih kha, tiang reng a i dilchhut dawn chuan ka ngaizawng duh lovang che " Ka tih chuan a nui nghawr dawt







" Hmanni a a bianga i kiss pa pawh kha sawi nghal law law ila ! " A rawh tih leh chuan ka meng buai deuh nak " Bazar mi tam na lai tak ami kha ania ka tih ni ! " A ti bung hmuk







" Nunpuia kha maw ? " Ka ti deuh haw chu a inseh ruh nghal vak anih chu !







" Phiangsen chuan chupa chu naute pa itih kha ani em ? In la inkawp tihna ami ! Hrep che hianin " A aw ka chhuak atang pawh chhan a thinrim hmel tak zet







" Zawhna min zawt vak vak suh i ninawm ! Ka unaupa anih kha " Tawng alo tum chu ka kut vaiin ka ti tawp a " Dare challenge kan nei a chuvang anih kha , chuan bawihteii pa ang a kan ziah ani bawk , a chiang em ? " Hmanni kan bazar ni khan a tih ziah thin angin dare challenge min tihpui leh a, ka biangah kiss rawh atih tlat avang a ti ka ni, a hma te phei chuan hmeichhe no te min dil tir thin.





" Khawi in thlalak ka lo en a finfiah nan " A tih chuan ka melh vak ! Em em lutuk a , tun atang in tiang hi a ni nghal ania






" Ka neilo tlat , min rinloh leh i thu ka haw dawn ! " Ka ti deuh hmak chu min kuah bet nghal tlat.





" Ka fiam mai mai che anih kha thinchhe reuh lutuk, kha mi ni khan ka hmu che a, chuvang a rawn wish ngai ta lo che pawh ka nia, mahse i rilru ka hriat theih phah a a zia zawk " A hnungah ka sik vak ringawt chu a nui hawk hawk.






Ka scooty ka khalh hawng a , a nin ka hnungah min zui thung , a khat tawkin horn a arawn hmet ri reng a , ka ning lutukin vawikhat phei chu ka hmet ve vak vak ringawt.







In ka thleng chiah tihin ka chhungten i va haw tlai ve min lo ti sap sap hlawm a, sana ka en chuan dar a lo kal leh duai tawh Rosangpuia vang vek , kan veng thlen hma kawng reh laiah ding teh a tih avangin ka ding a, ' ka ngai dawn che sia awm rih lawk ang ' atih vangin rei tawk kan awm leh phah .







* ROSANGPUIA POV *






" Nangpa hi enge khatia mahni a i nuih vur vur reng a " Ka ban a rawn hnek tawlh pah a Hlimpuia'n a tih chuan ka ngaihtuah na ka lo nuihpui tih ka hre chiah.







" Hmuh tha ka hmu ani mah na le " Nui suk chunga ka ti chu a hmelah a hriat chak zia a lang nghal.






" Han sawi teh ! Englam nge nula ti dawn ila Hmingtani a awm sa reng sia " A thu sawi vang chuan ka ner deuh sak







" I fanu birthday lawm zan a, hmeichhe pakhat inringtawk deuh ka sawi kha ila hria em ? Ka zun a a uailoh tur thu sawitu kha "








" Ahruaii kha maw ? Tinge i zunah a uai ta a mi ? " Atih chuan ka bu nghat a, a kang deuh hluai bawk.








" Thianpa , a thusawi i lak nat vang mai mai a kherh ini tih a hria em ? "






" Hre kher lovang " Thawk ka la vang vang phawt a " A chhan chu keimah zawk hian ka vei mah mah tawh zawk " Ka ti chu mak a tih hmel tak zet.




Keipawh hian mak ka inti , a tir kha chuan kha a thusawi ka lak nat em avang a, hnaih tum kha ka nia, mahse keimah ka inhneh telh telh zawk a lo ni. A mizia leh a hmel a engkim hian min aikaih ani ber . Ka huang ata chhuah tir ka phal tawh ngaiin ka ringlo hial.







A tawi ti ti chu an daw duai😌🤣🤣

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:42 pm

CARO BY PAPUII SAILO



CHAPTER - 6





* ROSANGPUIA POV *








" Buddy , ka haw mai dawn atlai tawh ." Ka sana ka en chuan zan lai a ni thuak tawh.Ka thlah hnu khan Ahruaii ka la be lo bawk nen ka hmanhmawh ani pakhat. Ka call a lo chang leh reng angem tih ka ngaihtuah chhuah rual phei chuan inthiam loh rukna riau ka nei.














" Ok, a lo tlai ruih tawh tak anih bawk hi ! Nidangah kan la buaipui tha zawk dawn nia ." Kan in mangtha hnu chuan ka chhuak nghal a, motor ka luh rualin ka phone phawrh nghal vatin ka call nghal a rei pawh a in ring hmanlo tih in ala nghal chu lawm lohin ka nui nghal vur vur. Motor start-in ka tlanchhuak zui nghal a















" Ka bialnu !!! " Thluk deuh raih a ka ti chu lehlam ami chu a nui ri nghal hak a, ka hah zawng zawng a ti bo nghal vek thei .
















" Ngati nge tun angah te min lo phone ? mut ka tum chiah a nia " A rawn ti niah niah a, Min nghah ka rin thu ka sawi chuan min nghahloh thu sawiin a tang char char.















" Zanin chu Bawihtei a sual deuh a chuvang alawm ka mut fel zo mut ka tum ve chiah i rawn call anih kha ! Ka nghak lo che , ka hre tawhlo hrim hrim zawk che " Atih chuan thawk ka la ri hrawk, min hre chhuak tawh lo anih chu !, ani in kan thil khawih laiah pawh rilru pe tha theilo khawpin ka ngaihtuah na a luah hneh a nia,













" I la awm em, ih.. Englo....ka thil sawi kha chu theihnghilh daih rawh ! " Inthlahrung aw tak a a rawn tih chuan , ka lo ngawi reng ani tih ka hre chhuak chiah












" A pawilo , mu tawh rawh a tlai tawh " Ti chhum hmuk in phone chu ka dah nghal daih a, kei hian ka phut sang nghal mah mah em ni ?. Vawiinah bul kan tan chauh a ni a, a lakah hmun ka la chang thuk vak lo ania nge, min vei ngawih ngawih turin ka la siam ang.






*

*









Ka room kawngkhar ri dawt dawt thawmah chuan ka harh a, Nunsanga min ko ri ka hre zui nghal zat. Muang chang a tho in kawngka ka hawng chu a dan ngaiin a lo inpeih leh thlap tawh














" Tukin zing chu ka peihlo nimai teh se , nizan ka meng rei lutuk a ka chau " Ka sawi zawh hma in room a rawn lutin ka thawmhnaw hak tur a phawrh zui nghal.














" Tukin chu kan sawi lawk vek tawh kha aw thulh thiang lo " A tilui leh tlat dawn tih ka hriat avangin ka insiam a , kan inzui chhuak nghal a.














Nunsanga hi ka pate a fapa a nia, kei aiin kum 5 in a nau thung, a tetlai atangin ka bulah a tal tam a kan cousin dang zawng te'n min nel loh em em laiin a ni hi chuan min ngaina in ka bulah a awm chawt thin. Kei pawn ka duhsakin ka pianpui unau te nen ka tan chuan an danglamna a awmlo.
















" Tak a boss hmanniah ka hmu asin " Ka hmaah tlanin min hmachhawn zawng chuan a rawn inher a, ding meuhin ka en nghal thung.














" Theihnghilh tawh rawh ka tih kha Zonunsang " Ka ti ram hmak thung.












" Tum lo ka nibik hlei nem u, hmeichhe dang pawh hnaih ka tum mahse ka hnaih dawn a piangin amah bawk kha ka ngaihtuah chhuak leh thin a , inthiamlohna nasa tak ka nei thin " A ti ro halh a nep tih hmel zetin ka melh ran thung.














" Bumtu chuan ngaihtuah chhuah a phu tawh lo, amah avanga tianga awm reng phei chu phu lo tak a ni. Chuvangin ka hriatah sawi leh tawh suh " Ka ti bung nghut a, tawng leh a tum chu ka tlansan nghal hmak.














Hmeichhe pakhat M.A a zirlaiin a tawng ve a a hmangaih zia pawh min hrilh thin. A bum tih a hriat khan a rilru ana em em a, khatiang khawp a rilru ti nat sak tu kha ka hmu ve lo chungin ka haw nghal em em, a chhan pawh Zonunsanga hi a tuarchhelin a luhlul a a tetlai a a pa in a vuak pawn a tap ngai lo. Chutiang khawp a mi ngeng ve tawk chu hmeichhe pakhat vangin ka hma ah a mittui a tla a, hmangaihna tih tawngkam hi a huat phah a, hmeichhia a ngaih sak tawh ngailo bawk. Tunah kum enge maw zat a liam tawh hnuah pawh khanu bawk khan a rilru a la luah tlat anih chu.















Hotel-ah kal hmasa lo vin ahruaii te dawrah ka kal kawi hmasa a, ka kal tur thu ka hrilh lo thung, zing atangin ka la be lo zawk. Min hmuh chuan a makti chu a meng deuh kawk a, mit ti zim sun in ka melh thung. A lam ka pan chu che lo in min lo en char char ringawt.













" Enge ilo tih dawn ? " Chu zawhna bawk chu 'h











" Engvanga kha zawhna kha min zawt fo nge inih ? Ka caro hmu turin ka lokal chhan dang enge awm ang , chuvangin kha zawhna kha min zawt nawn fo tawh suh ang che ! " Ka tawng chhung zawngin a mit meng mawi lutuk chuan min melh chho kiau a, midang hi awm ve lo se chuan ka hmuh rual khan he a hmui nalh lutukah hian ka fawp nghal vawng vawng tawh ang.













" Ih... I thinrim a maw ka tia ? Ih.. Nizan khan .. Eng lo.. Ih.. " " Nizan kha chu a liam tawh, ni lawm ni " Ka lo tih khalh chuan a thaw deuh huai a.












" I thinrim amaw ka tia , zingah i reh daih bawk sia , nuamlo ka ti lutuk a " Tim deuh dai a a sawi chuan phone ka dah khum avang khan ka inthiamlo nghal, enge maw tal kha lo sawi tur ania ka thinthawk thut vang vek.








* REMLALHRUAI POV *








Chaw kan eilai chuan ka nu in ka haw tlai avangin min hau char char, nidangah tiang em em in ka haw tlai ngai silo a, min phone tlang thei bawk silo nen nunpuia kan rawn tir hman tep a tih chuan ka inthiamlo ngei mai !












" Hmeichhia in nia, tunlaiah mi an sual tawh bawk nen engpawh ti dawn ula chhungte tu emaw tal hrilh zel tur ngaihtuah in awl hma bik . Zanah phei chuan mipa tel lo phei chuan chhuah reng reng loh tur " Ka pa chuan chaw eilai chuan a sawi dap dap a, hriat hnu vek mah ni se uluk deuhin ka ngaithla tho, nu leh pa te thu tluk a fate tan a thu tha a awmlo.













Ka nu leh pa te hi chu khawvela nu leh pa tha ber ka tilo theilo, mi te pawn kan unau min enkawl danah an fak fo thin. Unau mah ni ila in hauh chang kan nei ve fo , chutiangah chuan a thiamlo zawk pawh a thiam zawk hriat laiin min hau ngailo va min ko hrangin min hau thin. Kan unau kan inhmangaih loh a kan inpawh loh an hlau em em a , kan vaia kan tih tlan theih kan inkungkaihna that zualna tur tih tur min pe fo va , kan tetlai atang tawhin kan awmhran an phal ngailo, Ka pi te'n tu emaw ber hi kan lo awmpui ve ang an tih pawhin ka nu in " In awmpui ka phal loh vang pawh ni lovin , an tetlai atanga an awmhran chuan nakin zelah in huphurh na an nei ang a , an inngaina lo ang, chuvangin buai hle mah ila an awm hran ka phallo "tiin a hnial fithla thak thin.












Bawihteii mu duh lo a sual leh a, dar 10 velah pawh anu nen kan la in puak chhawk zak zak, a nu in a puakin min ngen a , ka puakin a nu a ngen bawk si nen hahthlak tak a ni. Zanlai hnaih tawhah ka paw muhil ta hram a, an khumah ka mut hnuin mu turin ka chho ve a, room ka lut chiah tihin ka phone a ri nghal Rosangpuia lek lo niin.











Ka chhan dan avangin a lungawi lo nge phone a dah hmak chu ka inthiamlo tak zet, kei kher kher pawh hi khati khan enga ti nge ka lo chhan kher ni ! . Phone let leh ka tum uk a mahse ka huaisenna in a zuam ngang lo.











Ka bia ang nge be lo vang ti a ka inkhap buai vel lai takin dawrah a rawn lut hlawl. Min rawn pan phei lai pawh chuan a lokal ka beisei loh lutuk vang nge ka en char char ringawt. A thinrim loh thu a sawi chuan ka thaw huai thei, tun atang chuan ka tawng fimkhur tawh viau ang ka thiante zinga tawngkam ka thlah dah lutuk thin vang vek.











" Chhunah i buai a nge'm " Atih chuan ka buai ka rinloh thu ka sawi nghal vat a,










" Lunch eiturin ka lo hruai ang che , min lo nghak reng ang che " Thu pe aw tak a atih chuan ka lo ner leh hman, thu in pek tawngkam vel hi ka nu leh pa te an nih loh chuan ka ngaithei vak lo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)