CARO BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: CARO BY PAPUII SAILO (Completed)

Unread post by Ngaia » December 20th, 2020, 2:42 pm

CARO BY PAPUII SAILO



CHAPTER - 7






Chhunah chuan min lo hruai leh thlap a, min en pah a a ner leh sak zel chuan ka awm a ti nuam thei lo. Ka in en ngial pawn diklo lai engmah a awm silo. A khat tawkin a hawi kual reng a, chu mi hnuah min rawn en leh thin.Kan dawr chawlhna tur kan thlen chuan nula awm ve ho chuan min en duh hlawm hle a. Ka kawng a a ban lian tak awm run chuan an mit ala leh zual , kan lam hawi a an phun phun chu keiin nuamlo ka tih em em laiin ka kalpui pa erawh hi chuan a hrelo der nge a hre lo hrim hrim zawk eng teh ualah a ngailo thung.






Kan thutna tur kan thlen chuan thutna min pawh chhuak sak thlap a, ka thu dawn chiah tihin a coat hak lai hlipin ka kawngah a rawn suih bet hmiah anih chu !.








" Eng thil nge itih hi ? Mi in min en thup ania " Ka tih sap chuan engmah sawi lovin a thutna lam min pansan hmiah thung. Ka kawng a a coat suih phelh ka tum chuan " Phelh miah suh " A rawn ti deuh hmuk eng a hria chu ni maw ?









" A hreawm a lawm, bakah let leh i ngaih kha ka delh chuar vek ang a sin ! "









" Phelh suh ka tih chuan phelh lo la a nimai , i chet zawngin i taksa a lan theih vek kha " A tih chuan mak ti lutukin ka melh tawp.







" Enge chu chu a pawina ? " Ka ti deuh haw chu nin hmel deuhin thawk a la kawk








" Mipa dangin i taksa an hmuh ka phal hlei nem, hrim hrimin zingah khan kha kawr teh hrep kha i ha lo " A tawplam pang chu a chang tha kher mai !







" Bal a kai a chuvangin dawr a mi ka ha ringawt alawm "







" Vawikhat mah khatiang kawr kha ha tawh suh ! Naupang hak awm lek anih kha ". Zing a ka t-shirt hakah bal a kai palh a,khua a lum bawk nen dawr ami crop top ka ha ta ringawt kha ania chhuak dawn kher lo ila chuan ka thlak chuang lo vang. Ka hak than tho anih avangin eng ah vak ka ngai lo va nia , hetiangin a awm phah dawn tih hria ila chu ka ha tawp lovang maw le ! Mahse chutianga ka lak a thikthu a pe chhia chu ka lawm ru veng veng thung.








Kan inbe ngun telh telh a ka vei telh telh , a tir kha chuan ka duh em ka chianglo kha ania tunah erawh ka duh tih hi ka kut zungtang neih zat ka chian tlukin ka chiang tawh. Kan intawn hmasak ber dan dikloh vang kha nge a tir kha chuan ka ngaina lo a mizia leh a hawiher engkim kha ka haw em em vek , mahse amah ka belhchian hnu hian khang ka lo ngaihdan letling thawk kha ani thung. Khawi hmunah pawh awm ila min ngaihsakna a lantir hreh lo va, ka thinchhe lutuk hi min dawhthei em em bawk.






***







Dawr ka lut chiah tihin ka hmai a ri nghal sawk a tuiin min theh zui nghal , ka hmai huh chu ka tuai puat a, ka kawr pawh a huh tel vek. Ka hma ami chuan thinrim tih hriat lutuk hian min lo melh ngawt ngawt ! . Rosangpuia bialnu hlui a hma pawh a min ankhum tu ngei kha a ni. Engvang a hetia rawn che ngawt nge anih chu pawh ka dawr chhungah lehnghal.









" I phu tawk chiah anih kha ! Hmeichhe zaktheilo lutuk , engvang a ka bialpa lo thlem kual ngam nge inih ? " A ti vin that a , kei hian a bialpa ka thlem kual amaw !











" Tu bialpa mah ka thlem lo ve ," Thinrim lutuk chuan ka chhang let ve a, dawr a awm ve ho in min en thup bawk.










" Rosangpuia i chhuahpui thin tih ka hre lo emaw iti a ni maw ! " Henu hian engthil nge a sawi hi a ngaihzawng pawh ni tawhlo ka chhuahpui chu a sualna ka hre lo ve !















" Hei hi lo hre rawh , vawikhat pawh lo hnaih tawh suh ang che , ka pasal tur anih saw " Min kawk sawk sawk pah chuan a ti leh salh a. Dawr a chhuahsan lai chu ka thlir mawl tawp,engthil nge a sawi kha an lo la inthen miahlo tihna em ni ? Pasal tur a tibawk em kha'h ? Ni e Rosangpuia'n min duh thu min hrilh khan Atani nen an inthen thu vawi khat mah a sawi lo kei hi ka mawl tak zet zet a ni. Kei lah chuan min ngaihsak thin em avang khan ka lo ring em em ringawt a, bum nuam min lo ti ngawt ang chu ! Mimawl ka nih hi !.Khang thla khat chhung khan bum ka lo nireng ani tih ka hriat chuan ka thinrim lutuk hi ka rilru hi a tawt up up thei.













" Remlalhruai " Ti vak ri ah chuan ka hawi chhuak a, Dina'n mak tih hmel deuhin min lo en char char,













" Tehhlawl che chuan khawilam thli chhiain nge rawn chhem lut che " Ka ngaihtuahna te thup tum takin ka nui lui nghal sang a, ka aw ka ti zangkhai vah bawk.










" Thli tha berin min rawn chhem lut, eng thil nge ilo ngaihtuah a khati zozai ka kohna che i hriat loh ? nge i beng a ngawng thar zawk "












" Vanlaldinsanga hian kei hlir min pawt kawi tawh lo hian engtikah nge hmeichhe chhelo lutuk min hmelhriattir ve ang tih ka lo ngaihtuah "










" Hmeichhia hei zo zai min hel tu zing a nang pian nalh lo ber ka kai kual duh che hi lawm hle rawh Remlalhruai " Tih pahin ka lu ah min kuk fawlh a, ka tum zui nghal hmak.










Dina chuan fiamthu a thawh char char a, ka ngaihtuahna nu buai nuai theihnghilh thakin ka nui, he pa hi chu ka tan a hlu chiang a ni. A lakah lungawi lohna neiin be duh lo ila a chhan a hriat hma chu min be lui char char a, ka nin tawpah ka thinrimna zawng zawng ka hrilh a ka ankhum chhung zawngin dawhthei takin a lo ngaithla a, ka duhtawk ka sawi hnuin tha takin min hrilhfiah leh mai thin.












College kan kal tan tirh khan min duh thu min hrilh a,chuta tanga inhre tan chu kan ni nghe nghe mahse chutiang lam a ka en theih ngang loh avangin tlang takin ka sawi a, thian ang talin inkawm ila a tih avangin ka remti ve mai a, min duh thu a sawi leh tawh ngailo bawk nen ka thiantha ber te zing ami a ni zui ta daih anih hi.Rosangpuia nen a kan inngaihzawn pawh ka hrilh ve vek a, engmah a sawi lem chuanglo na in mak a ti viau.











Atani thusawi vel Dina hrilh ka tum lai tak chuan ka phone a ri a, Rosangpuia a ni. Ka reject nghal hmak a , a rawn ri nawn leh nghal zat , Dina chuan a mitmengin tunge tih min rawn zawt a ka lu ka thing ringawt thung. A rawn call nawn chhen avangin ka silent ta daih a










" A changtunu a titau a ni maw ? " Dina chuan min fiam nghal zat chu ka kutin ka tin nghal uai uai a










" Din.. Ka rilru a buai " Ka ti deuh halh chu min rawn awm hnaih nghal ruak a, Atani rawn chet dan te leh a thusawi zawng zawng chu ka hrilh chhawng ta vek a. Thuruk a zep thei tih ka hria ka hmeichhe thiante aiin ka thuruk a hre hnem zawk a, thu rawn tha tak tak min pe fo thin bawk. Tunah pawh thurawn min pek beisei a hrilh ka ni, mahse a thusawi chuan min chhawk lo kher mai !











" Chu chu i chiang em ? Engtikin nge ? Engtin nge a tih theih ? " Beisei nei tak chuan ka melh ran a, a hmel atangin thu dik a sawi ngei tih ka hre thung. Mahse rin harsa ka ti











" U hlima te sawi ania, thla leh khian a tiin ka hria ". Rilru na lutuk chuan Dina chu ka melh tlawk tlawk, Rosangpuia leh Hmingtani te kha thla leh mai a an inhual tur thu a sawi anih chu!. Dina'n ka biang a rawn tawh chuan ka mittui a tla tih ka hre chiah, chumi rual chiah chuan a pai nghal nawk a, Rosangpuia hmel rum lutuk ka hmu nghal.












" Min lo zui rawh " Tih pah chuan ka banah manin pawnlam pan chuan min kalpui nghal dawr dawr a , kawngka kan chhuah dawn chuan Dina awmna lam ka va hawi chu min lo en reng, a hmui thi deuh ser ser chu ka va hmu bawk.












" Min thlah rawh ! Rosangpui khawiah mah ka zui dawnlo che ! " Ti vin thatin ka kut a chelh beh na lam chu ka thing nghal vak a mahse awmzia pakhat mah a awmlo, min man nghet sauhin min kalpui dawr dawr a , a vawnna nghet lutuk vang chuan ka ban rek chu a tur ut ut thei !









" Min thlah teh ! Ana ania " Ka tih chuan ding deuh chutin ka kut a manna chu a thlah dul deuh a, chu velah ka tal pit a dawr lampanin ka tlan let leh nghal.










" Hei.... Hei.. Min dahthla nghal rawh , ROSANGPUI ! Miin min enthup hi min dahthla nghal vat rawh ! " Lei atanga ka kan thut avang chuan ka ti nghal chul a, ka tal zui nghal vak vak, mihring an tam vaklo na'ngin a awm chhun te chuan min enduh hlawm ngang mai !










" Min lo pui rawh u ! Min pawngsual a tum ania ! " Ka au vak vak chu a rum deuh nghutin leiah min dahthla a ,a motor bulah kan lo awm reng tawh ! ka theihtawp a rumin ka melh chho nghal










" Kan inbe ringawt dawn alawm, nge pawngsual tak tak chu i duh zawk " Nui suk chung chuan a rawn ti a, a ngalah ka chhuih nghal vak ! A ner sawk duh chauh.











" Zaktheilo lutuk, ka be peih reng reng lo che, engkim ka hre vek tawh ! Bum nuam min lo ti ngawt ang chu tiraw ! " A tir lam a rin that nen a tawp lam chu keipawhin ka hre chang chang, ka mittui a far nghal fap a, a hmuh hlauin ka banin ka hru nghal tawk, he pa hmaah hian ka tap tur ani lo tiin ka infuih nghal mawlh mawlh bawk.










" Thu dang sawi tum hlek suh REMLALHRUAI " A rawn tivin thawt chu ka phu zawk thei, tah chhuak deuh chung chuan ka melh chho a , a thinrim inseh ruhna lamah a bek a pawng tawlh tawlh.









" Ka phone call i chhan theih loh avangin , meeting ka cancel phah a nang teh hrep chuan....kha.. Kha mi laktlak loh lutuk kha i lo inkhawih tir vel ania ! Hrep che hianin ! Remlalhruai ! " A car khawngkhar chu a chum ri bur a, ka tawlh hnung dawr thung.










" Lut rawh " Ti bung hmukin passenger seat lam chu a hawng a, ka lu ka thing nghal vak vak thung, ka zui dawnlo hrim hrim , tun a a hmelah ngat phei hi chuan min pawhsawm vek duh hmel a pu !.Ka inrin hmain a kawngkhar hawnah chuan min nawr lut rawk rawk a, na deuhin a rawn khar zui dawt chu ka phu leh dawrh thei. Motor kal hualin a rawn thu lut a, vung lutukin min tlanchhuah pui nghal.












Motor a tih din pawh chuan ka awm ngaiin ka awm ngul a, chet pawh ka che eih lo. Ka tawng dawnlo hrim hrim hi a ni tawp. Biak pawh a phu hlawllo bum hmang dawheh lutuk min duh ber awm hrim te khan a awm a, tenawm lutuk mai !.














" Khapa nen teh hrep khan eng thil nge in lo tih kha sawi nghal rawh Remlalhruai " A thinrim in seh ruh tawlh tawlh chu ka mit sir zeuh a, engmah sawi ka tumlo thung.






*






Chanchinthar enin kan chhungkuain T.V hmaah kan thu thap a, MLA pakhat ban anih thu vel an puan chuan ka nu leh ka pa in an sawi zui mual mual a,kan lo tuihnih ve zeuh zeuh bawk. A hma kha chuan politics an sawi hian ka sawi ve em em ngailo , mahse College ka'n han kal a , political science ka la chho a, kan ram inrelbawlna fuh loh zia leh hruaitu tha kan mamawh zia ka hre chho a, ka subject lakin a zir bawk nen ka lo sawi ve leh teuh zel thin. Mahse mi nazawng bulah ka sawi ngailo thung.










Mu tur a room ka luh chuan , ka phone eng thim chiah chu ka hmu hman, tu nge ani tih ka chian em avangin ngaihsak duh lo vin ka inthlak san a, hmanni khan ka tawngduh miau loh avangin tihvak ngaihna min hre lo nge min tlanlet pui ta tawp a, ka chhuk pawn engmah ka sawi lo va a ni pawn engmah sawi tawh lovin min thlir liam tawp. Hmaichhanah leh call chuan ka tah ka hlauh avangin zanah ka thilhriat engkim message-in ka va hrilh vek a, a seen thlap a reply na ka dawnglo thung. Chu chuan min ti na em em lawi si, thudiklo anih thu a rawn sawi ka ring a , mahse a reh ta hmiah.










Chuan tukinah khan a call ka dawng a ka chhan duh loh avangin nilengin a rawn call char char a, phone pawh ka khawih loh phah. Ka phone ka en chu a call na ringawt pawh vawi 60 chuang alo awm leh tawh.Thil pawimawh a awm anih ringin ka call let ta nge nge a, a ring tawp dawn tep tih chuan ala a







" Ka ngai lutuk che Caro " A rawn ti thawp sup, a aw ah chuan a ruih hmel em em mai lehnghal.








" Zing atangin ka rawn phone tawh che kha , ti nge min chhan miah loh " A rawn ti buh deuh nuai chu ka tumloh lutuk in ka nui chhuak hak. Rosangpuia'n zu a rui a nih hmel inremlo lutuk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:43 pm

CARO BY PAPUII SAILO





CHAPTER - 8





A rawn phun niah niah reng a, a thusawi thenkhat phei chuan awmzia a neipawn ka hre lo, min ngaih tawh thu a khat tawkin a sawi reng bawk a, engzat fa ko in ang maw ? .



" Rosangpui " Thawm a reh tak vang vang avang chuan ka ko a chhanna ka dawnglo.





" Ila awm em ? I chatthla mi ? Hello... " Ka ngaihtha lo chu khumah chuan ka thuchhuak deuh hluai a, lehlam a mi chu a ri rawk rawk thung. " Rawn be tawh suh ka ti che nilawm ni ? " Rawn ti chang fak tu aw ka hriat chuan tui vawt a theh ang mai hian ka harh nghal kawk thei.





" Mi pasal tur pawh i chuhpui hrehloh danah zirtirna tha i dawnglo a niang maw ?Sangpuia hian a bawl kual mai mai che tih i hre lo nge i hre duhlo der zawk,kan intihthiamloh chhungin a lo be ve mai mai che anih kha, nang ang nuthlawi phei chuan i tilawm hneh nasa dawn si a !" Min hmuhsit hmel tak a atih chuan, ka thinrim lutuk awmngaihna hre lo hi ka tawt up up .





" Mahse ngaihdam ka dilna a pawm ta bawk nen, ka lo enkawl chhunzawm tawh a nge naupangte ! " A thusawi tawp a a nui ri deuh hak chuan min ngaihnep zia a tilang chiang lehzual.






Tun ang zantlai tawhah pawh a an awmdun anih chuan...,ka ngaihtuahna chu duh lovin ka sam ka tuai nghal nawk nawk. Diktak chuan min ngaih thu a sawi khan ka rilru zahve chu a hmin nghal , keipawh hian ka ngai lutuk tak zet englai pawn ka rilruah a awm reng a ka ngaihtuahna hi a chhuahsan ngailo. Ka duh tih chu ka hre ngei ka inpawm thlap bawk,mahse a tello a ni reilo te ka hman chhung lek hian ka duh satliah mai ni lo in ka atchilh tel tawh a ni tih ka in hre ve chiah thung.




" Lehlawk,, nang a hnaih chhan che kha ka hre tel bawk ania, nang anga hnar tu hi ala tawnglo a i hrethiam mai em ? " Line a cut zui nghal hmak a, a thusawi te chuan min thawng em em thung.





U mapuii fanu birthday lawm zana a thusawi te kha ka hrechhuak zawk " Min la duh dawn khawp, chumai nilo in ka tello a i awm theihloh hun a la awm ang " a ti anih kha, ka chiang ta kuar, engkim hi ruat lawk vek , ka thusawi alak nat vang mai mai a min ngaizawng der a ni.Chu thil chuan min ti na tak zet bawk , a vawikhat nan... A vawikhat nan tak tak mipa vangin rawl chhuah meuhin ka tah phah ! .







*


*


Nitin ka hun hman dan angai reng, bawihtei ka awm loh leh dawr lamah ka tap chawt a,abak hmun dangah ka chhuak ngai meuh lo.Rosangpuia theihnghilh tumin ka bei tang tang a, mahse ka thluak hian theihnghilh a phallo a maw tih mai turin amah hriatchhuah theihna tur hlir min pe fo thung si. Milow ka hmuh phei hi chuan ka hrechhuak hmasa ber ziah a, amah ang mai a bia in ka ngaih thu te ka lo hrilh leh siam siam thin a, milow bauh kharh kharh ri in ka ngaihtuahna a lakpen rualin ka thiltih atthlak zia ka hrechhuak ziah. Ka hnar avang maiin min hnaih tih hre mah ila ka duhna a bo phah chuang lo.






Diktei'n min koh vak vak avang chuan an room lam ka pan vat a, bawihtei blanket-in a lo khuh hlun a , khum bul velah luak ni awm tak a lo awm bawk nen ka hamhaih nghal vek. " Ngati nge...? " Ka ti deuh halh a,





" Ka hre biklo, khumah ka mutpui a , a rawn luak ringawt a chuan a tlun zui nghal , U damdawiinah kalpui mai ang , ka nu te an awm bawk silo "





" Maw.. Khawnge ka nu te chu ! " Ka ti deuh haw chu min ngei hmel lutuk hian min melh vak ringawt.





" I ninawm e... Ka pi te inah an leng phei chaw eilaiin an sawi reng kha ! " . Ni dawn tak, kan tlawhkhat emai an tih avangin zanriah eikhamin an phei nghal daih a, Nunpuia lah a lengchhuak daih bawk si.





" Nih chuan bawihtei kha thuamlum deuh la lo pua la, scooty ka lo zuk la chhuak ang, kal pahin ka nu te chu kan hrilh mai dawn nia, a hmanhmawh thlak tawh " . Ka room lamah pheiin kawrlum ka ha a, ka hmanhmawh lutuk na lamah ka ha dik lawkthei lo lehnghal, Thinrim lutukin ka phih sawk sawk a,rilru hah nen inrem lo lutuk mai ! . Diktei'n bawihteii a puain a hmathlak a, zanlam a ni tawh bawk nen puan nuam a sin pui hlun bawk a, Pathian zarah a hrisel reuh a, a pianhlim atangin han damloh em em a nei ngailoh vangin he tia a awm deuh thut hi ka chi ai vek, a nu ai pawn ka laktlak loh zawk, a rum vei deuh hlarh hlarh nen hmanhmawh thei ang berin ka tlanchhuak nghal a, Diktei'n ka nu te a be pah a, an lokal ve nghal tur thu an sawi bawk.





Casualty-ah kan lut a, rilru hahsa nak alaiin Doctor lo duty chu ala kai nam chha leh nghal, bawihteii vawt ti a tap deuh titih tawh bawk si nen, thaw hi a ipik ngawih ngawih, tiang te chuan engtin nge kan rin ngam ang, nurse duty te fel viaulo phei se la chuan hmundangah kal daih a nia ka duh, mahse min buaipui nghal char char a, nachhawkna in an jection nghal thuai bawk a, doctor chu chet pawh a che lo hrim hrim.





Mahse a tlun avang leh a luah vang khan doctor-in a check ngei loh chuan ka ngaih a ngam silo a, saw doctor saw chu ka rin zawhloh avangin doctor dang min koh sak tur a ka tih chuan a theihloh thu in min chhang a, keiin ka duh tlat bawk si nen kan inhnial buai deuh phah a.





" Ka pi, duty tur an awm a , zan a ni bawk nen ko mah ila a lokal lo ang , naupang doctor kher in duh chuan naktuk lamah lokal tha mai rawh u " Zawl dawh tak chuan a ti a, ka tanna sawh sawn ka tumlo. Zan pawh ni se doctor duty a rintlak loh chuan a lokal tur a ni ka ti tlat thung a,






" Mate " Ti ri ah chuan nurse nu nen chuan kan hawi rual thawt a, Rosangpuia mitmeng tak ngur nen kan inmelh nghal, kan lam rawn panin ka hma a nurse chu a chhipah a fawp zauh a, kan lo indinchilh run nachhan chu a zawt aniang tih turin a mit chu chu nu chu a kan khum zauh a, nurse duty chuan a sawi ve mai bawk a.






" Doctor check ngei chu in duh kher em ni? " Ka lam rawn hawi chung a a ti thum deuh dat a, ka lo bu nghauh ringawt. A phone phawrhin call a siamzui nghal zat a, kan chungchang a sawi lan avangin doctor a be turah ka ngai ngawt. " A lokal dawn anih chu ! In lo nghak dawn nia " Phone a dah hnu chuan a ti leh sup a, ka hahdam huai





" A lokal dawn maw, mahse a nu a damlo sia " Nurse chuan mak tih hmel tak Rosangpuia chu a enchho ha a, " A nu damlo mah se , mipui rawngbawltur a lawm a nih, in doctor duty reng reng pawh chu ava nep ve " A sawi zawh chuan a ner sak a.





Kawngka lamah chuan thawm a rawn awm deuh hak a, mipa pakhat hi an rawn zawn lut a, duty nu chu a thaw nghal hak " Ka va buaipui lawk nge aw u, tikhan lo awm rih lawk rawh tihtur pawimawh i neih chuan loh kha ". Damlo an rawn zawn luh lam chu a pan nghal vat a.





" Lawm thu min hrilh dawnlo em ni ? " Rawn tisup tu chu ka melh nghal vat a, a lo nuih deuh suk






" Ka lawm e " Pangngai tak chuan ka ti tha ve mai a, rum deuh nghutin min melh run thung. " Ka lawm tak tak , i zarah doctor a lokal phah dawn bawk a " Dikteii te awmna lam panin ka inher zui nghal zat a, zawi sapa min kohna avang chuan ka ding chawt. Engvanga hetianga min ko ziah nge anih ka hre lo mahse a aw thum deuh takin ril ruih a min koh hi chuan danglam bikah ka inngai a nuam ka ti ru veng veng zel.





" Ka thusawi engmah i ngaithla ve dawn lo mi ? " A hmel hmulo mah ila a aw atang ringawt pawh chuan min biak a duh takzet tih ka hre thei, mahse a insawifiah chuan awlsam taka a bumna ngaiah ka tluk nawn leh ka hlau a ni.





" I sawi ang ngeiin i zunah chuan ka tang a nih hi ! Chu chu a tawk mai lo em ni ? Kei chuan khang kan hun hmandun kha nang anglo takin ka ngaihlu em em a, mahse ... dawt vek niin ka lakah tlawm ang a i inngaih vang lek a min hnaih zawk ilo nia, engtin nge khati em em khan lem i chan thiam zawk ! Rosangpuii ilo ropui tak zet ! " Ka mittui chu tlalo turin ka la dang thei hram hram.





Hawilet tawhlo in dikteii te lam chu ka pan vat a, ka tukhum za mer mer atang hian min la enzui reng tih ka hrethei. Bawihteii pawh a tlun chu a zia tawh a, mahse khawsik ala awm thung.Anu hmel ka en a , ka nau mah ni se ka faklo theilo naupangte in fa a pawm a, mi te'n a hnunglama an sawi sep te leh an hmusit zia zawng zawng pawh a hre ve vek mahse engmah a sawi ngailo, ' Nangni ka chhungte leh Pathianin thudik in hria lawm chu chu ka tan atawk lutuk ' tiin a sawi mai thin.A puitling em em a kei a u zawk pawh hian ka tluklo fo, bawihteii mamawh leina tur amah ngeiin thawhchhuah hram hram a tum a,a chhungte hi min tibuai khat khawp.Kan hmuhah chuan puitling takin na lo angin awm mahse a rukin a tap ve thin tho tih ka hria, atap ka hmuh apiangin hetiang dinhmun a dintirtu mipa hi hmuh a sawisak hrep ka chak thin.






Ka nu te lo thlen hnu deuh lawkah doctor pawh chu a rawn thleng ve a, a en nghal zung zung a , hlauhthawn awm anih loh thu leh allergy vang anih thu a sawi chuan ka thaw huai thei.Zanriahah chakai kan hmeh a, a ngen ve tlat bawk nen a bawppui ka ei kha tlem ka pe ve a chuvang chu a lo ni a, ka pe leh tawhlo chiang ang chu aw !









" U , Doctor phone tu kha Hotel Adamo neitu Rosangpuia kha a ni em? " Ka lam rawn hawi chung a diktei'n a tih chuan ka bu nghat, a muhil daih tawh ang chu tih nak laiin. Bawihteii a khuasik leh thut takah kan roomah lo riak ve mai rawh a tihtlat avangin ka riak ve ta kha a nia.






" In inhria mi ? " A ti leh sap a, va han dilchhut reuh tak e aw ! A chanchin ka sawi vak duhlo a sin le zan khuain ka ngaihtuah leh nga ka muhil leh theilo ang, mahse ka chhan hma chu min zawt char char dawn tih ka hre ve kur bawk si. Laizawn neih man alawm le tiin ka hrilh ta vek a, mak a ti ve tho tih a hmelah a hriat






" U, ih maw ! Bawihteii pa nen kan inhmu sin " A rawn ti ta daih a , ka thu chhuak deuh hluai thung.






" Khawiah ? Engtik khan nge ? Engvangin nge engmah i sawi loh " Ka ti nghal zung zung, la thinrim nghal tun bawk.






" Damdawiinah khan a nia, mahse engmah kan sawilo min hmu kha mak atih hmel lutuk ringawt " Rawn thu chhuak ve pah chuan a ti a.Thlalakah chuan ka hmu a takah vawikhat mah ka la hmu ve lo , nau titla tur a atih hnu khan Diki nen pawh hian an inhmu leh tawhlo a , thawm a rawn nei zuilo hrim hrim bawk. Chuvang a haw zual em em pawh chu ka ni, Mipa ve si dawihzep tak leh nep tak niin ka hria, Mipa ti a inchhal ve ngam tur pawh a ni lo.







*




Bawihteii leh milow infiam rak chul chu kan nuih pui leh hak hak thin. A nu'n order pek angaih avangin a chhuak a dawrlamah ka hruai ve a,milow hruai ve ang a ti leh tlat pek, kan lo chhar lo ang tih hi ka hlau kan chhar tirh ai khan a lian ve deuh tawhin a thau ve deuh tawh nen a zo tha vak tawh lo chungin a pawm kual ve reng zel. Milow lah hian a hre em em mai lehnghal a, a vir thet thet reng a kan in a reh loh phah leh zual.






" Khawnge bawihtei chu ? " Nunpuia'n a tih chuan an awmna lam ka kawk a , ka thil tih lai ka tih zawm lehnghal char char a, a hmuh loh thu a rawn sawi chuan rang mang khenin ka thutna atangin ka tho chhuak nghal, dawr chhung leh store room lam thleng a kan en vek hnu pawh chuan kan hmu zo lo.





Pawn lam entur a ka chhuah dawn lai tak chuan ka mi hmuh te vang chuan mak ti lutukin ka meng nghal kawk, Rosangpuia chuan bawihteii chu a rawn pawmlut a nih chu! Chuan an hnungah hmingtani leh damdawiin kan kal zana lo duty nurse khan an rawn zui ve bawk, an awmna lam chu ka pan nghal vat a, bawihteiin min lo ban nghal vat chu ka pawm a milow a pawm bet ve tai bawk.






" Fa hi in nei ringawt a, enzui in thlahthlam leh si " Hmingtani chuan a rawn ti kher , chhan ka tum lai tak a Nunpuia kan bulah a rawn ding chu enpahin " Oh.. Hei hi em ni a pa chu ! " A ti nghal zat a,





" Hmingtan ngawi rawh " Rosangpuia'n a ti ram hmarh chu engah vak angaih hmel lem loh,kei ni ila khatiang khan min khak ve se ka zak lutuk hi khuk ral daih ka duh ang .





" Pawnah hian uite hi a lo umchhuak a kan hmufuh a , ka u hian a hmu a chuan hmanzan a mi te kha inni tih ka hre ve chiah alawm " Nurse nu khan rawn ti tham chhelin bawihteii ka pawm lai chu a chhaih zui nghal a, a hmel leh a hnathawh a inhmeh ka ti ngawih ngawih a hmelthain a zaidam hmel ropui si.






" Nuthlawi chuan a fanu thlahthlamin mipa dang lakah a inphal em ni a? " A aw ri Zawi deuh dup si mahse kha fak si ah chuan min ten hmel zia leh min hmuhsit zia a hriat. A thu sawi chuan min vilh nghal ngut ngut, min duh tak tak lo mahse a hnen atang kher hi chuan tiang hriat ka beisei lo a sin , nge ka lo ngai tha leh lutuk zawk, ka biang a lum thla nghal pap chu hrhk buai pawh ka tumlo.





" Hmela.. Eng thil maw i sawi kha ? " Tih leh Nunpuia chuan Rosangpuia hmaiah tak chuan
hnek a rual a, a hmeichhe lo hruai pahnih chu an rak nghal that a kei erawhin a phu ve rengah ka ngai thung. Mahse bawihtei'n a putea'n mi kut a thlak lai a hmu chu pawi ka ti tak zet.








❤ Rosangpuia pov ziah lan hram ka tum nen ka tlin tawhlo🤣 nizan kha ka hman ta nganglo a ni e , chuan fb luh zel hi a buaithlak sia information pekna tur whatsapp group siam ila enge in ngaihdan in awm duh angem? 😅 comment lamah lo sawi ru aw My CARO te u😘❤❤❤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:43 pm

CARO BY PAPUII SAILO



CHAPTER - 9






* ROSANGPUIA POV *





Hruaii'n ka phone a lak theih loh avangin meeting ka cancel tir ringawt a, hmanhmawh lutukin an dawr lam ka pan nghal a, kha a thianpa a tih nen khan inhnaih taka an lo ding dun ka hmuh chuan ka insum hmanlo, an lam panin ka pen phei nghal pawk pawk a, ka kut ka vai nghal fua. Ngaihsak zui lo in hruaii chu pawn lamah ka kai chhuak dawr dawr a, a tang ve tai reuh bawk nen ka lo vuan na mah mah nge ni a nat thu a sawi chuan ka vawnna ka thlah dulh deuh a, chu velah dawr lam panin a tlanlet leh nulh anih chu ! Umzui vatin ka pawm kang nghal nawlh a, a nasa thei ang berin a tal zui nghal.







" Min lo pui rawh u, min pawngsual a tum a nia ! " Ti a a au vak vak chuan nui chhuaklo turin ka insum tang tang.Tun ang chhun engah, chu pawh hmun ual au lutuk ah lehnghal ! An awih a ring reng reng a maw ni. A luhlul lutuk avangin ka tum loh deuhin ka vin phah a,a phu zawk ka hmuh phei chuan ka chhunglamah hian ka inthiamlo ru veng veng.







Zawhna ka zawh pawh chuan a ngawi ngal a,min chhan tum hmel a pu lo, keimah zawk thinrim rim tur ka nih laiin a thinrim zawk hlauh lehnghal a maw ni !. Engmah a sawi duh dawn lo va ka hriat avangin ka thlah let ta ri ngawt a, motor atang a a chhuk thlengin engmah a sawilo.






Ka tlan chhuak dawn chiah tihin hotel lam atangin phone call ka dawn avangin hotel lam ka pan nghal a, ka thlen rualin Genral Manager-in min lo pan nghal vatin thil awm zia a sawi zui mawlh mawlh a,





" Engtin nge chutiang a la thlen fo theih ? " Ka thinrim em avangin ka aw pawh a chang tha beng bawng viau. " Ka hre biklo sir, a hma ang tho in thil thlen hunlai vel cctv record a bo leh vek a! " Hawi pawh hawi chhuak ngamlo chuan kun ngul ringawt.




" Engtin nge he hotel security tha lutuk hnuaiah hian ruk rukna a thlen ziah theih ! " Ka ti vin that chu min en thap a , hmeichhe ho phei chuan min hlauh hmel tak zet.





Thla hmasa lawkin a thleng tawh a Hlimpuia'n min chinfel pui zo chiah a tunah a thleng lehnghal a nia, mak takin an thil bo hunlai ni a an sawi cctv record a awmlo ziah bawk.Ka office lamah sawifel turin kan inzui lut a, sawifel pui an har phian lehnghal, a tawp atawp ah pawisa bawkin kan in thlem lungawi thei hram.





Meeting roomah hnathawk ho zawng zawng ko khawm vekin,a hma aia uluk a an hna thawk theuh turin chuang fek fawkin ka hrilh vek a, hotel mualpho theihna thil anih avangin pawn lam a a chhuak tur a ni lo tiin ka hrilh vek bawk. Kei pawn ka hrethiam biklo hetiang thil thlen theih dan hi kan security a tha em em a, floor tinah cctv kan dah vek bawk.Mahse thil thlenlai hun record a bo ziah thung.A hma a rukruk a lo thlenna hmunah chiah tunah pawh a thleng leh a, he thil titu hi chuan kan hotel chin chang a hre hle tihna a ni.







Ka office-ah ka lut a, single sofa ka dahah chuan ka thu thla nghal hnak, tu pawh chu ni se ka man chhuak har tawh lo ang. A thiltih man hremna a hmu ngei bawk tur a ni. Ka phone ri ah chuan ka indap vat a, dawhkan chunga a ri chu ka va hmu zui zat,nichin victim-te nen kan inbiak lai a ka phawrhchhuah kha ka lo dahtlang daih anih dawn hi.






Ka nu chu ka haw tep tawh thu ka hrilh zui nghal zat a, tun thlengin Hruaii text leh call tak ngial pawh ka la dawnglo, a thinrim chhan lah ka hre der silo. Naktuk lamah hmaichhanah ngei ka bia ang a, ka tihsual zawk nih leh ngaihdam ka dil mai ang chu ! Ka ngaihtuahna avang chuan ka lu ka thing ngut, Rosangpuia hian ngaihdam dil ka ngaihtuah a nih chu! Chu pawh Remlalhruaii vangin ! Min ti a tawh tak zet a ni henu te hian, A tet ang angin zun a ngah !.










" I lo van thleng har ka ril tam tawh zia hi ! " Kawngka ka lut chiah tihin Matei chuan alo ti nghal barh barh a , khum bul a lo thu ve ka hmuh chuan ka ner nghal nawk thung. Ka biaklohna chin pawh ka hre tawhlo, hetah kan awm thu te hi engtin nge maw a lo hriat leh pek ni. Ka lo melh rei deuh nge matei chuan mit ko tisang ak pah hian mi rawn nek na na a, ka rum nghal nghut.






" Lalruatfel, ani saw i hrilh a ni em ? " Ka tih chuan a lu a thing nasa mai. Ani pawh hian Atani hi a mil vaklo , kan inzui lai pawh khan min duhpui lo a, zep vak a neih loh vang hian then turin min ti fo. Mahse engah vak ka ngai lem hlei lo a,Remlalhruaii rawn lan hnuah erawh a sawi ngai tawh lo in ka thlah ta hmak.Hruaii ka bia ang ka tih pawh Ka pa a chauh thut avangin damdawiin lamah kan dah lut deuh thut bawk nen, hotel lam buaina nen hmu tur a chhuah chu sawiloh phone tak ngial pawh ka khawih that hmaloh avangin ni 4 lai ka be tawhlo ka ngai tawh tak zet !. Tukin zing atangin ka call tawh a ala duhlo nge ala theilo zawk chhanna pakhatmah ka la dawnglo.







*





Matei duty ka tlawh kawina lamah Remlalhruaii ka hmu hlawl, a mak ka ti viau dawn a a piah lawkah hmeichhe pakhatin a fanu khum a mu bam a awmpui chu ka hmu zui zat, ka thusawi a ngaithla dawnlo a mi ti a ka zawhna min chhan dan avang chuan mak ka ti tak zet , kha thu kha engtin nge a hriat, a thinrim chhan kha a ni mai a ngem ? Ka atchilh hneh tawh zia a hriat loh chuan ka bum a maw a ti ngei bawk ang.







" U, i hria mi khanu kha ? " Matei zawhna avang chuan alam ka melh vut a, Rinpuia nen chuan mak tih hmel deuh hian min lo thlir reng. " I monu tur a nih kha !. " Ti a ka chhan phei chuan an meng dun kawk, " Boss a lo nih vang a ni maw 'rawn kal tur a min rawn phone nghal vat ' " Rinzual'n a tih chuan ka nui sak ringawt. Matei chu a phul nghal hlut a, hmeltha a tih thu a sawi zui nghal siam siam a hmuh leh vat a chak thu a sawi cham chi bawk.




" Naktukah an dawrah ka kalpui ang che "



" Tak tak maw ! Yesss nei vat vat ang che i expire hmain " Chimawm fahran hian min melh pah a, damlo lam a pan zui leh vat.Rinzuala nen rei vaklo kan titi leh hnuin Ka pa riahpui turin ka chho zui ta nghal a.





*





Hruaii ka hmuh pui loh a hlauh lutuk avangin Lalruatfeli night duty chu zingah midangin an thlak rualin cabin lamah a rawn chho vat a, ka nu a lo thlen rualin inlamah kan haw nghal. Mu phawt rawh tih pawn a duh bau lo. " Kan haw hunah ka mu mai ang , ka mi hmuh vawikhatna a ka nel nghal awmchhun ala ni, bakah ka mo nu ala ni dawn zui, bialnu i ngah tawh nen nupui a neih tum pakhat mah ila neilo a nia chuvangin ka phi cheng a nih pawn min lo ngaithiam mai mai teh " . A ti deuh tlat a, ka enliam ta ringawt.






Dawr kawtah chuan Hruaii fanu chuan uite a lo umchhuak a , ka hmuh rualin ka pan nghal vut a ka pawm kang nghal zat, min duhlo biklo. Inchhung lam ka pan nghal vat a, mipa ka hmuh tel ve rual chuan ka thinrim leh nghal phat, he ti em em hian ka thikthu a chhia tih ani ka tawn atang chiah hian ka hria.Hmingtani thil rawn sawi phei chuan ka thin a tirim lehzual ka tum loh deuhin ka tawngphah a mahse a rilru na hmel ka hmuhin ka inchhir nghal.






Ka hmai zawnah kuttum ka hmuh rualin ka hmai a ri nghal sawk. Mai mai chuan leh ! Ka kut ka vai ve nghal fua a, a pai zui nghal nawk. Hnek zui leh tumin ka pan a





" ROSANGPUI.. Engtin nge ka unaupa kha i khawih ngam zawk a ! " Ti vin that ka hriat rualin ka kut ka hum ngawt ngawt, a unaupa maw ni a hrep chuan leh ! " CARO " Ti supin a lam ka pan phei a, hnunglamah a tawlh hrut ka hmuhin ka ding nghal chawt , a mit mengah sawn huatna nasa tak ka hmu, thei se chuan min pawh sawm vek chak hmel a pu. Inher vutin pawn lam ka pan nghal a, motor bul ka thlen rual in motor ke ka theih tawp a na in ka chhir zui vak vak.






* REMLALHRUAII POV *





Bawihtei leiah dahthla in Nunpuia lam chu ka pan vat a, a kam sir thi ser ser ka hmuh phei chuan Rosangpuia ka huatna a nasa zual sauh, a nau leh hmingtani chu an chhuak zui ve vat. " Nunu...! " Bawihtei aw ri ah chuan ka hawi vat a, midang bula kal turin ka ti zui nghal sap, thi suk a neih avangin hmuh tir chi a ni lo.






" Enge irawn tih leh dawn ? " Kawngka a rawn lut leh ka hmuh chuan ka lo ti kha fak a , ngawi rengin Nunpuia lam a pan a, thil hriatsual vang tiin ngaihdam a dil nghal zat chu ang phiauin mak ti lutukin ka melh reng ringawt.





" Tihpalh anih kha ! I phal chuan i unaunu hi ka be duh nghal bawk " Nunpuia dara beng thuk thuk chung chuan a ti zui leh nghal zat a, zahna te hi a pianpui ve hlawllo a maw ni le !. Nunpuia'n ka lam rawn hawiin a mit mengin thil awmzia min rawn zawt a, Rosangpuia rum lutuk in ka melh nghal vak.






" Ka be duh lo che ! Chuvangin haw vang vang la va mu lum rawh, i rilru a buai anih kha " Ka ti vin vak chu Nuih insum tih hriat lutuk chuan min melh a, Nunpuia zawk chu a rawn nui chhuak hawk.






" Min biak duh hun ka nghak thei reng " Tih pahin thutna lam a pan nghal zui nghal vut, " I bialpa tiraw ? " Nunpuia min zawhna avang chuan ka ner nghal vak. Chhan tumin ka ang zuau hman tihin Bawihteii a pawm nawlh a , an haw tur thu sawiin a chhuak nghal vang vang.






Rosangpuia a awm ve kur avangin ka che ka khawr vek , hai der tum eng ang mah ila a ngaihna hlawl a awmlo. Ka chetna lam apiangah min enzui zel tih amah hmu kher lo mah ila ka taksa hian a hre thei. Hna thawh tur te a nei ve lo a maw ni le !






" U, bawihtei te chu an haw tawh mi ? Ka tum aiin ka rei a " Diktei rawn lut chuan a rawn ti lawng lawng a, Ka piah deuh a thu ve run a hmuh chuan min rawn en nghal vak a, ka dar ka lo san khum ak thung.





" An chhuak deuh chiah a putea'n a haw pui a, Ama chu alo haw har tawh e a tireng che a , vawiin chu angai che niang ".





" Ni ve ang, chhunah i bulah a tal tam sia zanah ka bulah a mu ringawt ang ania, ka haw ve nghal dawn ". Haw lo tur a tihmai ka duh viau na in bawihtei khan a ngai ve ngang aniang vawiin chu a sawi deuh reng a, ka dang duh ta lo a. Dikteii a chhuak chiah tihin ka boruak hip a dang leh nghal vek, saw pa vang ker kur vek saw, haw a la tum hmel der si lo.






Ka phone ri avang chuan ka kekawr ipte atangin ka phawrh vat a , rum lutukin Rosangpuia ka melh zui nghal. Ka hmet tawp hmak a a rawn call leh nghal zat, thinrim lutukin a thutna lam ka pan phei a, nui suk chung hian a lem ka pan phei chu min lo en char char.





" Hmela... Engthil chiah nge i duh ? Ka buai tih i hmu reng lo'm ni ? " Zawi deuh Seh chilh nak chuan ka ti a,




" Nangmah... Nangmah ka duh ! " Min melh run chung chuan a ti thawp sup a, chhan mai ka tum a , chhan dan tur ka hriatloh avangin thawk ka la hak ringawt.






" Nangmah ka be duh che ! Chuan min biak duh loh chhan leh ka lak a i thinrim chhan pawh ka hre duh " A kut pahnihin ka kawngah a chelh a , a lamah min pawt hnai hrut a. A thu chung leh ka ding chung hi kan inchen deuh thuak. Ka tal deuh phat a, min chelh nghet salh thung.






" I thinrim chhan ka hriat hma loh chu haw ka tumlo , ka nghak thei che, hna va thawk leh phawt rawh , mahse awm ve lo ang kha chuan min ngai tawh suh ang che ! " .








A thutna ngaiah a thu reng a, keiin ka tih tur ka ti mawlh mawlh thung. A lam ka hawi khat deuh a piang a min rawn call ziah avangin ka phone ka silent a vibrate ka on thung, a rik chuan ka va en vat a a off ve leh mai zel. Dawr min khar pui thlap a, ka scooty lam ka pan chuan min au leh sup a, ka va en chuan inthlahrun hmel deuh hian min lo en vawng vawng.







🍁 ❤Chhiat kan tawh avangin ka rawn zawm lawk thei lo va, tunkar pawh kan la buai nak2 dawn a zantin ka dah thei angem pawh ka hre lo aw❤dah loh tawp aiah ka tia zanin pawh a tawi tiu teu viau 😄🍁🍁

Whatsapp group ka siam ve a lo join ve ru aw hmelthe ho❤❤

https://chat.whatsapp.com/HqRPteL2Xg65nLmBYWDzzS

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:43 pm

CARO BY PAPUII SAILO





CHAPTER - 10




Ka helmet ka khum vek tawh chu hlip lehin scooty seat-ah chuan ka dah a, Rosangpuia chu ka pan phei leh a, a hmaah tak dingin ka melh chho ha, a mit a melh tur hi chuan dah chhoh vah ka ngai.






" Ka hrilh vek tawh che a, sawi leh tur chuang a awm tawh em ni ? "





" Kha thil kha...! A tir te kha chuan i thusawi vang chauh a hnaih che ka ni ngei a lawm , chuan tunah... " A kut chuan a hmai a tuai puat a , thawk ala zui nghak hrawk.




" Chuan tunah pawh ala ni reng a,chumai nilo in nupui i nei tep tawh bawk ". Ka sawi zawng pawh hian ka la na ngut ngut thei.





" Chu chu khawi atang a i hriat phiangsen nge ? Nupui ka nei dawn teh hrep lo ! " A ti hrawk a kei erawh a thusawi avang chuan ka ner nghal nang, tunah pawh dawt ala sawi cheu a maw




" I nupui ngei tur leh mi rintlak takin min hrilh ka ti tawh a ni lo'm ni dawt chu a nilo ang, chuan ka hrilh zan che a ka message seen vek chung si a reply na ka dawnglo khan a ti chiang hle bawkin ka hria ". Kha mi zan khan dawt anih thu a rawn sawi ka ring a, mahse a ngawi zui hmiah a nih kha




" Dawt sawi suh Remlalhruai ! Eng message mah ka dawnglo ". Ka phone chu phawrhin hman zan a ka text na la awm chu ka hmuh a, ameng buai deuh nak, " CARO min ring rawh eng message mah ka dawnglo, dawng ni ila dawt anih zia ka hrilh ngei ang che " A ti sup a.




" Ka ring chuanglo che "




" Min ring rawh nang tluk a hmangaih ka neilo , chuan nanglo chu nupui dang neih ka tumlo bawk ". A thu sawi vang chuan ka melh zui kawk, kei hi min hmangaih a maw ! " CARO.... A awm zia i hria em ? " A ti leh sap a, ka hrelo tih nan ka lu ka thing nghat thung.




" I lo zawng chhuak dawn nia, chuan engtik atangin nge tiang a ka koh tan che tih nen, tunah chuan haw phawt rawh i chhungte'n an ngaihtuah ang che, zanah ka lokal ang ". Tih pahin min kuai her a, ka scooty dahna lamah min nawr phei zui dat dat a.






In ka thlen velah engdang mah ti lo in dikteii ka pan vat a a hriat takah tiin CARO awm zia chu ka zawt nghal vat. " A pu google-a zawt ta mai che ! I lu bur chhunga thluak hi hmang ve thin rawh " Mi lo ti hrep zawk za mah, kei aiin a fin zawk avang hian thil ho te te a ka tibuai thin hi a ning thin a, a buailai a zawh phei chuan min melh hrep zel.





A awmzia ka hre chiah chu ka khi nghal sak,' hmangaih' tihna a lo ni reng anih chu ! a awmzia hrelo a min koh pawh khan nuam ka ti a nia , a awmzia hriat phei chuan a ril leh zual. Mahse ka ringngam a ngem ? Min bumna la ni si se ! Ka ngaihtuah na avang chuan ka nui tawp riai riai. Mak ka tih chu ka message kha engtin nge a hmuh loh theih, chuan Dinsanga khan dawt a sawi tihna nge nilo a ni chuan dawt a sawi lovang, ka phone chu banin Dina number ka dial nghal vat a, mahse ala thei thak lo.







Chhunlam ka chauh deuh avangin mut hma tumin dar 7 velah roomah ka chho a, ka tum lai takin diki'n i thianpa a lo leng tiin min rawn ko a, Dina a nih ka rin vangin inthlak lemlo in ka kekawr bul nen chuan ka chhuk thla tawp a, sitting room-a lo thu run ka hmuh chuan ka lo chhuk ta kher a ni ka ti ru nghal vawng vawng. A lokal tak tak pawh ka ringlo a nia, alam chu muang changib ka pan phei a hmuhnawm tih hmel zet hian min lo thlir reng, lawk.. Kei hi ka kekawr hak hi...! Naa ho emai chuti fahran a chhing pawh a nilo, ka malte a thleng tho, mahse min en na avang chuan ka taksa lang chin chu a sa hat hat thei zu nia maw le ! Rapthlak lutuk.






Bawihtei leh Dikteii thutnaah chuan ka thu thla ve nghal zat a, min en zui reng bawk nen bawihtei chu ka chhaih zui ta daih, biak dan tur hlawl ka hriatloh avangin bawihtei ka chhaih zawm char char a, Diktei'n a be zeuh zeuh thung. Ka nu te ka hmuh loh avangin ka pi te inlamah an phei leh turah ka ngai ringawt a, tunlai chu ka pi ka pa nu hi a damsam meuh loh avangin zanlamah chu lamah chuan an tap deuh chawt zel.






" Bawihte mu ang le ! ". Dikteii tawng ri avang chuan amah chu ka en vat a , mu hrih lo turin ka mitmei nghal char char a, a hre duh thak lo. An awmloh hnu chuan ka awmdan ka lai kual vel vek, ka che sek a biak dan tur ka hre mai silo nen ka tah te hi a chhuak ut ut zawk.





" Tunah chuan i chhuanlam a kal bo ta bawk a, min biak ngei ngei angaih tawh hmel " Ti tu chu ka melh vat a, min lo nuih sak. Tunah hian bo thut tluk a chak ka neilo.



" Nge ilo len ve ngawt , engmah hetah tih tur inei lo ".





" Sawifel tur kan ngah kha , ni lo'm ni ? Chuan ka home work pek che chu ilo ti em ? " Chimawm lutuk a min melh chung chuan a ti sup a, tho deuh hluaiin ka bulah a rawn insawn phei a, thawh tum a ka che chu ka kawngah a kut pahnih a min man betin a mal chungah min pawt thu chawt a ka tang nghal tung. Chet pawh ka che ngam tawh lo.






A kut dinglam zawk chu chetin ka nakah chuan a zut chho pah titih a ka thaw pawn ka hre tawhlo. Ka sam ka thlah hniang chu ka dar lehlamah hui liam vekin ka nghawng zawnah a thaw lum nghal ham ham. A hmui hik thlarin ka nghawng a rawn sik chuan ka harh chhuak zawk ka tal nghal phat a, min chelh nghet sauh.





" Khawi teh Rosangpui... Ka nu te an lo hawng ang, min thlah rawh " A kut min vawnna chu phelh ka tum ngar ngar a, tereuhte pawn ka ti sawn zo lo.




" Ka thusawi i ngaihthlak dawn loh chuan ka thlah dawnlo che.. " A tih tlat avangin ka ngaihthlak tur thu ka hrilh a, min thlah ta hram. Ka thutna sawn ka tum chu a tullo a ti bur bawk nen ngaihngam zan lo chuan a bulah chuan ka thu a, nichin a kan awmdan kha ka nu te'n min hmu se chuan ka ngaihtuah thui ngamlo zawk.





Nupui a neih dawnloh thu te,hotel buaina leh a pa damloh avang a min rawn biak hmanloh thu te chu a sawi a keiin a mitah tak en in ka ngaithla kar thung, a ni pawn ka mitah tak min en chungin a sawi a, a mitmengah thudik a sawi tih ka hre thei, Dina khan dawt a sawi ka ring bawk silo hresual tihna a ni thei mai a ngem ?.






" Nih leh rui chunga min rawn call zan khan Hmingtani khan i bulah enge a tih ve ? In riak dun em ? "





" Thikna aw ka hre telin ka hria a dik em? " A nui leh suk a " Rosangpui... " Ka tih vak chuan a nui chhuak hawk hawk. Ka thik lutuk tak zet , a bialnu hlui a lo ni kher bawk nen. Chutah ka thu hriat zawng zawngte nen phei chuan






" Ka biaklai che in ka chatthla a, chuan Hlimpuia'n min thlah haw. Hmingtani lokal leh lokal loh ka hre lo kan riak dunlo tihna a nih chu ! Vawiin pawh khan matei khan a hmuh chak vang che in ka rawn hruai a, Atani kha chu a tawng avang khan a lokal ve tih ka hre chiah matei nen khan pawnah an inhmu a ni mahna ! Min zawh duh ila nei em ? " Tih pah chuan min kuah nghal hlun a,ka lu ka thing ringawt. A awm hlai lutuk a ka bei chiah chuan ka thla a muang nghal veng veng, ka ngaih tawh zia ka hre chhuak uar uar bawk.







" Tinge Remremi kha i fanu a nilo tih min hrilh loh ! " A tih sup chuan a taksa atanga in la hrangin ka en chho nghal vat a, a bek ruh pawng tawlh tawlh avang chuan a thinrim ni ah ka ngai hmiah.





" Ka hrilh loh che vangin tihpalh mahse ka fanu tho alawm anih " Nuih tlawn pah chuan ka ti a, hma lam a melh ngur thung.





" I unaupa kut tuar awm reng kha ka ni ! Ka tawngkhum dan che kha .. " Sawi zawm lo in a inseh ruh ngawt ngawt a, tim dai a a biangah chuan ka kut khingkhatin ka dawm a , a thiamloh anih thu ka hrilh nghal sap. Ka kut chu vawn hnanin a biang chuan a lo nul let nghal vat a,






" Khatiang a tawngkhum che kha ka tumlo , mahse i bulah mipa ka hmuh hian ka buai vek zel ka atchilh bur vang che hi a niang " Ka mitah tak min en chung a a tih chuan ka lai lutuk hi ka biang a sa nghal hat hat thei.








A haw turin min thlah rawh atih tlat avangin kan inzui chhuak a, ka nu te leh Nunpuia leng an lo haw ve chiah bawk. Rosangpuia nen min hmuh chuan mak an tih hmel hle a, mahse engmah sawi lo in inchhung lamah an lut tlang nghal.







A motor hunna lamah ka zui phei a, a lut mai dawn a maw tih laiin rawn inher lehin uar lutukin min fawp nghal ngawng ngawng a, ka thiam dan tawk a ka lo chhan let ve na chuan a ti phur sauh zual sauh a maw tih tur a ni. A kut ka tukhum a vawnna chu sawn thla riai riai in ka mawng keima tawk a poh ve tarh chu a sawk zui nghal tawn tawn.





" Tiang kekawr chhing lutuk hi ha tawh suh , mipa dang bulah ngat phei chuan " In la hrang pah chuan a ti a, mut ka tum tawh avangin ka ha tih ka sawi chuan a rum nghut.




" Khawlai tih theihnghilh thak khawp a ka chet hmain ka'n haw vat a nge ! KA HMANGAIH CHE " A thu sawi vang chuan ka nui nghal ver ver.





" Anu..... Nunkerang " Kawngka ka hawng chiah Nunpuia ka hmuh thut avang chuan ka phu nasa ngei mai, ka au deuh thawt a thutak hmel zet hian min melh run thung.





" I bialpa em ni ? " A tih chuan anih thu in ka chhang vat a, tiang em em a thutak hian ka la hmu ngailo. A lennaah hian thil tha lo ava tawng zawk a maw ni le..!!





" A kutthlak anat kha le... Ka sim vang vang " Ner nawk chunga a tih chuan ka nui vak vak, mawlliana anih hi ! min hau dawn maw ka tia hlauhthawn ruk hman nen, vawiin lama thil thleng te chu thil hriatsual palh vang anih thu ka hrilh a ngaihdam te ka dil luam a, min ei loh hmel tawkin a lo ner vak vak ringawt.






Ka mut dawn tawh thu hrilhin ka va text a call a rawn lut nghal zat, rei tawk fang kan inbiak hnu chuan kan dah ve thei hram. Ka thutlukna ah hian ka inchhirloh ngei ka beisei, a tello kha chuan ka ruak vek a, ka nun a hlim hlawllo .






* ROSANGPUIA POV *




Hruaii te in atang a ka haw hnu chuan hotelah thil enfel tur ka neih avangin hotel lam ka pan nghal a. Ka office ka lut chiah tihin a text ka dawng zui a, a aw ka hriat chak avangin ka call nghal zat.




A nau tawngkam atangin Remremi a fanu a nilo tih ka hriat khan chhun lam a ka tawng khum dan avang khan ka in haw ngawih ngawih. Bazara a u nen ka hmuh tum khan hnunglam atang a hmu ka nih vangin mipa hmel kha ka hre lo a chuvang a dawra ka hmuh pawh a thik ka ni. A bul a mipa ka hmuh tawh phawt chuan ka chhunglamah hian thinrimna a in mung khawm tup tup thin.







Hna khawih tur ka la neih avang leh amah ka venthawn avangin phone ka dah hram a, nilo se chuan zankhua pawn bia ila ka hne lovang, file khawih ngai ka khawih zui mawlh mawlh a, chhunlam a dawra ka thut ve reng avang khan tihfel tur a awm nual lehnghal.Haw lo va riah tlang ka tum ta law law a, Ka khawih zawh meuh chuan zinglam dar 1 a ri tawh.





Ka indah fel dawn chuan hruaii thusawi ka hriatchhuah zawk avangin laptop chu banin rukrukna thlen zan ka phone ka kalsan daih lai vel chu cctv record kha ka check a, ka thil hmuh chuan min thawng kher mai !. Phiangsen chuan..!! .Thinrim lutukin ka dawhkan chu ka chum ri bur a, a reh bawk nen a ring tha duh kher lehnghal.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:44 pm

CARO BY PAPUII SAILO




CHAPTER - 11






" Mmmm.... Hello " Buh deuh nuai a a rawn tih chuan ka nui ri suk, a mutui lai ka kaitho a ni ngei ang. A aw a tham deuh tuak a, a sexy ru zek leh nghal.Tunah hian ka bulah awm chu ni se...Zingkar atanga ka thil ngaihtuah vang chuan ka lu ka thing nghut ringawt.





" Ka ngai che ... " Ka ti sup chu a rawn thaw ri hak a, " Imm ka mut ala chhuak lutuk " Tih leh call reject a rual nghal daih chu ka phone ka melh vung vung ringawt. Tunah dar 7 a ri tawh dawn a, kan inneih hunah phei chuan zan lamah ka mut mai mai tir phal dawn silo a, zing lam thawh a harsat khawp ang le.





" Mimawl ang mai nge i nuih vur vur a ? " Ti riah chuan ka inher a, Nunsanga'n mit tizim sunin min lo en char char. " Khatiang a i nui kha chu matei bulah chiah ka hmu thin, mahse tuna i biak kha chu matei anih hmel siloh..! " A ti zui zat a.





" Enge tun ang zingkarah ilo tih zawk dawn ? " A thusawi chhanglo chuan ka zawt ta daih a,





" Papuia'n engmah a sawilo mi ? Chawlh chhung ka lo pui leh dawn che u " .Awlsam deuh chuan a ti ve mai. Nunsanga hi MZU-ah assistant proffesor-in a thawk ve mek a, economics subject lam anih avang hian, an chawlh lai hi chuan hotel lamah min pui ve zeuh zeuh thin.





" Nupui tur te pawh ka rawn zawng pah mai thei " Nui chunga a tih chuan a banbulah ka hnek ri nghal chawrh.





Hotel kan thlen chuan hnathawk ho chuan min lo wish sap sap hlawm a, Zonunsanga'n kal pah a hnathawk hmeichhe ho a chhaih an lai chhe thei lutuk chu intihtheih hmel deuh hian mi rawn en kher zel. Ka lu ka lo thin khum ringawt thung, kei ang lo takin hmeichhe lamah chuan zei tak a ni. A be seuh seuh a, an lawm zawng tak thusawi tur a hre thei riau,mahse a kawp mai mai ngailo.Kei erawh hmeichhia ka be hmasa ngailo, min rawn pan zawk thin a,Remlalhruaii erawh kha chuan min hnarin keimah ngeiin hma ka la thung anih kha. Min duh tih ka hria mahse a tilang huam huam ngailo thung, ka hmeichhe kawp tawhte lakah chuan danglam tak a ni.







Reception hmaah chuan Nunpuia ang deuh kha ka va hmu a, a awmna lam pan a kal kan ni bawk nen ka hnaih deuh hnu chuan amah ngei a ni tih hriain ka pan nghal vut, ka tih ngai ni miah loin he pa pawh hi ngaihdam ka dil anih kha chu pawh Remlalhruaii vang tho a ni. A unaupa ni kher lo se chuan ka dillo maithei bawk.





" Mamawh i nei em ni? Nau a " Ka tih rualin a rawn inher nghal zawk a, min hmuh duh vang a lokal a ni tih a sawi zui sup bawk. Nunsanga te nen kan pathum chuan office lamah kan inzui chho a, Nunsanga nen pawh an inbe thei nghal fu... A farnu a chhan a tih nat danah mipa tha tak anih ngei ka ring.






A sawi duh a sawi zawh hnu chuan haw nghal mai a duhthu sawiin a tho zui nghal zat, a la naupan ngaihtuahin a rilru a puitling ru zek, hmanni thil thleng avang a min hmu duh a lo ni a,a farnu ka tihnat chuan engmah ti hreh a neiloh thu a sawi chuan ka nui suk, ka ti na leh tawh ngailo ang dawtthu vang ngawt phei chuan, a chhuah dawn chuan kawngka vuan run chung a rawn hawiletin enge maw a sawi sup a, a thusawi vang erawh chuan ka phone ka dap nghal ruai.







Zing kar a kan inbiak bak kan inbe leh tawh miahlo bawk nen chanchin ka hre lo chu ka inthiamlo ru viau , Hruaii number chu ka dial nghal vat a, Nunsanga'n inhnuai lama a chhuk tur thu min hrilhin a chhuak ve nghal vut bawk.





" Lo call che ka tumlai tak.. " A aw ah chuan a lai tih a hriat hle, thil thleng awm ang pawn a awmlo, nge min hrilh ngamlo zawk tih ka ngaihtuahnaah a lo lut zawk.





" Min lo be ve a, engmah i sawileh bawk silo " Vui aw tak chuan a rawn ti sap a, ka ngaihtuahna avangin ka lo ngawi vung vung tih ka hrechiah.





" Remremi chu enge a awn tawh a " A sawi dawn lova ka hriat avangin ka ti sup





" Maw... Tinge bawihtei chu...? " A rawn tilet haw chu ka hrilhhai letling





" Nunpuia'n bawihtei thi in a luak a, dawr pawh a kallo a ti che a, chanchin hriat tumin ka rawn bia che, min hrilh ngamloh takah... "







" Maw... Nunpuia a lo kal maw? Chuan eng maw a sawi a ? " Ka thil sawilai pawt chat chuan a rawn tivak a, ka sawi nawn leh chu a au vak vak a, tlan thawm in a zui nghal zat a a reh zui nghal vawng vawng.








* REMLALHRUAII POV *





Rosangpuia thil rawn sawi avang chuan thinrim lutukin ka room atangin ka tlanchhuak nghal a, ka phone kha ka off em pawh ka hre tawhlo Inhnuaiah chhukin Nunpuia kawngka a lo lut chiah chu thil hmuh hmasak berin ka vawm nghal pawp a,ka la vawm thelh zui. Min rawn enin min nuih sawng anih chu !. Ka thinrim lutuk leh zak lutuk bawk si hi awmngaihna pawh ka hre lo.






" Ava mak e aw...! Nunpui i nau chu engtin nge i lo tih leh tak ? Ava kawlh leh hmel ta ve ! " Choka atang a ka nu rawn chhuak chuan a ti a, kan thawm a hre phak ni ngei tur a ni.




" Nu... Ka zak lutuk...He pa mawl lutuk vang vek hi ! " Mittui tling pam chuan ka nu lam chu ka pan nghal vat a, ka nu in thil awmzia a zawt nghal chu en pawh min en ngamlo in a sawi a, rum lutukin ka melh char char.






" Nunpui chutiang mihrang bula sawi chi pawh va ni suh ! I a telh tulh e mai ! Tiang te chuan mo neih kan la hlat vang vang khawp e ! " Hahthlak tih hmel deuh chuan Nunpuia chu a melh a, choka lamah a lut leh nghal daih a.






" A awmzia a hre chuang tawp na'ng a tiraw ka nau hmetha " Tih pah chuan ka lu ah a rawn chul a , a kut ka lo vaithlak sak hmak.






Tukina chaw eilaiin " Bawihtei thi in a luak dawrah ka kal peihlo a nia " Ka ti a, kan sawi fiam fo thin dan anih avangin ka chhungte chuan ka period tih an hrethiam nghal vek.Mahse nge maw a hriat a Rosangpuia bulah alo va sawi kher, hrim hrimin engti tur a hmu reng reng nge maw anih ,.... Rosangpuia lah chuan bawihtei a damlo a maw a la tizui ania , Naa....... Unaupa fing var lo lutuk neih vang vek , amah pawh ka hmu ngam tawh dawn ami...!!







Zana Rosangpuia lo leng pawh chu melh pawh ka melh tha ngamlo, ka zak lutuk chuan amah biakloh dan mawlh ka zawng a ni ber, mahse inhnung lam corridor-ah kan pahnih chauhin kan thu a pehhel chu har tak a ni. Min enin a nui leh suk suk thin a, theih ni se khuk ral daih a nia ka duh ni.






" Bawihtei chu.. " A tih rualin ka kutin a hmui ka hup sak nghal chawt, min lo biak nawn lehin zak chung chungin thudik ka hrilh vek a, kan inbiak chung zawngin a chimawm chhuahin min fiam zui char char.






" I sawi leh dawn ai chuan haw rawh " Ka kut la thlain lehlam ka hawi nghal hmak a, a nui ri nghal hawk.





" Ok... Ka sawi tawh lovang , chuan lo hawi tawh rawh le ! " Tih pah chuan min kuah nghal hlun a , keipawn ka nghen nghal ar ar.





" Nunpuia chu ti maw a lokal ? " Ka insum thei nganglo ka hre chak em a ni.





" Mipa thuruk ni mai rawh se , a chhuah dawnin 'dawrah pawh a kal peihlo... A sawi dan chu i hrethiam mai ang ka sawi chuan i thinrim leh awm sia " Tih pah chuan amah ka melh chho kar chu ka chalah a hmui chuan a rawn nawr zui vang vang a.





* * * *



" A la hma mah mah iti ve lo mi ? Let leh zawk mai ang " Ka zam lutuk hi ka kut te hi a thlan dup thei, kan in atanga kan tlanchhuak chiah tihin let leh ka duh thu ka sawi nghal. Mahse let leh chu a tum hmel lem loh khawp mai.





" CARO... Inthlah dul la hahdam deuh a awm tum rawh an seh dawn lo che " Tih leh kawngka hawn a rual a, nu pakhat hmeltha deuh hi kan lampanin a rawn kal nghal vat a, a hmelah Rosangpuia nu a ni tih ka hrethei nghal an inang tak zet.





A nu leh pa te nen min inhmelhriat tir a duh tlar avangin zanriah einghal turin an inah min hruai a, a sawi tirh kha chuan ka zam em em biklo. Mahse a taka a thlen chiah chuan zamawm duh tak a ni. A nu chu ka chibai vat a, a hmel en in nu tha tak a ni tih a hriat a nui sang reng a, min be nghal seuh seuh bawk. Kan piah deuh room atang chuan A pa ni ngei tur chu a rawn chhuak bawk a, apa a chhun vang anih hi Rosangpuia hi a pa len em em ni. Mahse hmelah chuan a nu nen an inang zawk.





" Nu, Pa ka room lamah ka chhohpui lawk dawn ania " A tih chuan an remtih thu in an lo chhang vat, an nelawm dun tak zet.




A room kan lut chu ka meng zau kawk, a nuam lutuk tak zet , mipa room ni mah se bangah wallpaper var changkang lutuk a inbel chhuak vek a, a bedsheet vel erawh a dum vek a ni thung. Lehkhabu hi khum mawng lampang chhuar nalh deuh a siamah chuan a dah tlar thut bawk. A room chhung bungrua engkim chu ka duhthusam vek a ni mai. A hnuhma atangin mipa invawng tak a ni tih a hriat bawk, engkima awmna turah a awm thlap.





Ka hnunglam atang chuan min rawn kuahin ka dul zawnah a ban a suih bet a, ka darah a khabe a nghat bawk nen ka hnunglam atang chuan min bawh titih a, ka ding nghet vaklo nen a ni palian bawk siin min rinchhan chu ka tlu tep.




" Khawi teh Rosangpui i rit ania " Ka ti hlak a




" Kei aia naupang hian ka hmingpum hian min ko ngai miahlo " A awmdan siam tha chuanglo chuan a ti sup a




" Anih chuan ka u dawn che mi "



" Tunge mahni bialpa te u tut tut ngai " atih chuan ka ner nang , " Ka nu pawn ka pa ' U Ram 'a ti ziah, ani phei chu a pasal a ni tawh lehnghal " Ka tih chuan a nui ri hawk



"Duhawm reuh lutuk " Tih pah chuan ka nghawngah chuan a rawn fawp tawk a, ka ip nghal chawih, dim deuh hian ka nghawng chu a fawp zui dek dek a, thawk leh khatah ka kang nghal dawrh a tlak hlau lutukin a nghawngah ka kuah bet nghal tai.





Khumah chuan zawi muang a min nghat thla riai riaiin, a bawp pahnihin min kar cheh zui nghal a, rawn kun hniamin a hmui chuan ka hmui a rawn si nghal zat, a kut pahnihin ka bek a chelh in duhthawh lutuk chuan min fawp zui nghal tawn tawn a, a lei lum hiam leh thap hrak ka ka chhung a a a rawn luh tir chuan insum zo lo in duhthawh lutukin ka lo fawp let ve nghal tan tan.




A kut pakhat chu sawn thlain ka hnute chu a sawk nghal tawn tawn a , Hnuailamah chuan ka kap zawnah tak enge maw ni ruh deuh tulin min kam run bawk nen min fawhna chu inla hrangin ka thaw nghal hlawp hlawp a, ka inlakhran rualin ka kawr chu ka kawrhnuai nen ka lu lamah a pawt chhuak nghal zat , hmuhnawm tih hmel lutukin ka chunglam atang chuan min en vawng vawng.





Rawn kun hniam lehin a hma aia rilin min fawp zui leh ngawng ngawng a, hnuailam pang a a mipa*na khawng run chu zawi muangin a ti che zui a, ka vawikhat tawnna anih avangin dawnsawn dan tur ka thiamlo. Ka hriat ngailoh nawmna in min fan chiai chiai a, hmeichhiaka nih zia ka inhre chiang hle bawk. A hmui chuan a chhui kual ruai a, ka hnut* hm** in a ka chhung sa ham ham ka feel rual chiah chuan tui vawt a theh ang mai hian ka harh nghal kawk thei.





Rosangpuia chu ka namsawn a ka chung atang chuan a in la hrang zui ve mai bawk. Ka awmbawr chu hupin ka kawr ka zawng nghal ruai a, ka thil zawn hria ni awm takin min rawn pe vat a, lak ka tum lai takin a kut ala let leh a amah chuan ka bra chu min hren that tir thlap hnuah ka kawr chu min hak tir leh thlap a, a chetzia chu ka lo en mawl tawp.





" Inngaizawng inkarah chuan thleng ve tur reng anih kha inthiamlo duh suh , KA HMANGAIH CHE " Tih sup pahin ka chalah chuan a fawp zui vang vang a, a tawngkam vang chuan ka inthiamlohna zatve a kiam duak thei. Min hmusit lo tur a hrilh chiam ka tumlo a chhan chu a tawngkam khan a tichiang viau, tin a pawichin kan thlen hma in ka harhchhuak hman nen a sawi ang khan a pawi vaklo turah ngai ang. Ani ang mipa hi tu hmeichhiain nge hnar thei tehlul ang ni !





" Bathroom ka va hmang lawk ang e, lo enkual rawh " Ti supin hma lam puar luah chung chuan bathroom-ah a lut nghal a, keimah vang a a taksa a danglamna thleng chu ka nuih chhuah pui hak.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 2:44 pm

CARO BY PAPUII SAILO




CHAPTER - 12





Kawngka chu dimte hian a rawn innawr hawng riai riai a, thawm neih hlau lutukin Ruatfeli a rawn pen lut them them a mit mengin a u awmna min zawh chuan bathroom lam ka kawk nghal vat a, " Min lo zui rawh " Ti sapin ka banah min kai a, thawm dim lutukin kan inzui chhuak. A room kan luh chuan ka in en a, kan nghal vak vak a,





"Shh.. Shhh... A hre pha a nge ! " Nuih za insum lutuk hian Ruatfeli chuan a rawn ti a, kan hmui kan hup a kan nui khur nghal char char, ka pum te hi a na vek thei.




Ruatfeli nen hi chuan kan inhmuh ve zeuh zeuh thin avang hian kan inhre tha tawh viau,A u ka no dilin min rawn text hlawl a , a tir chuan Rosangpuia nau anih vang hrim hrim khan ka be zak, mahse kan mizia a in angin kan thil duh zawng leh tuipui zawng a inan em avangin kan inkawm thei ta phian a,kan inrual khat bawk nen thian dang nei vaklo ve ve chu kan inbe zan tin a kan chhuak dun zeuh zeuh bawk.





Tunah pawh an inah ka kal dawn tih ka hrilh khan a phur em em a,' Mama hriatlohin tik tok video kan siam dawn nia' a ti leh tlat pek a, ka phur zawng tak lo ni nen hnial chu hnailo veh veh tak a ni.




Camera kan set fel a, tunlaia tik tok trend lar tak pakhat ti ve chhin ang kan tia , kan ti tan dawn chiah tihin room kawngkhar a rawn inhawng ri dawt a, Ruatfeli nen kan hawi rual thawt, Rosangpuia'n min lo melh khui chu za lo lutukin ka then khum ringawt.Kan awmna lamah a rawn pen phei pawk pawk a,ka hma zawnah tak rawn dingin ka hnunglama camera chu banin a off nghal hmak.





" U... A ho e khatiang te chu " Ruatfeli chuan a ti nai nai a, kei erawh ka ngawi reng thung.




" I duh leh nangmah khan tirawh ani chu a tullo ! " A ti hmuk a, ka ner nang ringawt





" A ho lutuk Ruatfel a hriatlohin kan la ti dawn nia " Ka lo ti awlsam then chu min rawn melh ngur a, ka lei ka lo chhuahkhum zeuh chu a rum nghal nghut. " Nge.. Khatin mi melh vak suh ! Ka tik tok account-ah phei chuan i video hlir a awm ! " Ka sawi zawh rualin rang lutukin ka hmui ka hup nghal. Ruatfeli ka va melh a a lo nui dir char char.Ka rilru a awm apiang ka sawichhuak thin hi chu ka la chhiatpui ang.




*

" I thinrim tak tak a mi, tinge min biak that duh miah loh a... " Amah en kar pah chuan ka ti a, kawng lam a en ngur ringawt a, ka thusawi chu hria ang pawn a awmlo.





" A nuamlo a nia, engemaw tal sawi teh i thinrim chhan ka hriat loh chuan ngaihdam dil dan tur che pawh ka hre lo a nia. " Chhanna ka dawng chuanglo, an in atanga kan tlanchhuah atangin keimah zawkin ka be char char a mahse chhanna pakhat mah min pe lo.





Kan kawtah motor a tiding dawt a, engmah sawi lo va ala ngawi reng chu ka zaidamna in a tlin tawh thlawt lo.






" I nau nen kan video siam tum vang nih chuan khangte chu ka siam fo tih i hria engmah i sawi ngailo tun a tak a thinrim pui. I nu leh pa ka hmuh dawn a ka zam zia pawh i hre ve reng , mahse in in a kan awm chhung zawngin min ngaihtuah tawhlo hrim hrim, ka tan a nawmloh dan tur i hre lo mi ! Ruatfeli kha awmlo phei se la chuan ka haw leh daih ang, tiang tur tih hriat a lo zui malek tur che nia ! " Ka aw a nem lemlo viau,






" I thinrim anih chuan tha deuhin sawi mai la , engmah sawi i tum chuang bawk silo a, I mak emai Rosangpui i bialnu angin min hruailut a min ngaihsak zui leh bawk silo. Ka zah zia pawh i hre ve tawp nang ! " ngawi rengin hmalam a en reng a, melh pawh min melh eih lo , a awmdan teh thlawt avang chuan ka mittui te hi a tling pam thei. Motor hma lam a ka bag chu banin ka chhuak nghal a, ri bur khawpin kawngkhar ka khar nghal nghek.






Ruatfeli room atanga kan inzui chhuah hnu khan a ngawi ngul reng a, a hmel ka enin thinrim awmin a awm bawk silo.Ka bulah awm reng tho mahse min be tawhlo hrim hrim. Motor kan luh atangin zawldawh takin min biak duhloh chhan ka zawt char char a , chhanna chu khawilam a melh pawh min melh lo hrim hrim.






Thinrim lutukin khumah ka let thla chawrh a , ka tal zui nghal vak vak.Inthlak pawh inthlak lo in ka mu reng a,a nu leh pa lah kha an frank ang reng bawk sia zawhna inzawh awm lo deuh deuh min zawt a, kan intawndan tih vel,Rosangpuia a ngawih reng avangin a then then zepin ka sawi deuh nel nual a,apa a la nui huah huah zui. Ka ngaihtuah ringawt pawh hian ka zak thar leh. A motor tlanchhuak ri awm ka la hriatloh avangin khum atanga tho in tukverh lam ka pan vat a, parda tlem keu kau a ka zu bih dek dek chu kan mit a intawng nghal chat rang lutukin ka inher nghal zawk.






Ka zuk en leh chuan min rawn melh chho run chung chuan a bengah a phone a dah a, ka phone a ri zui nghal zat, ka va han la awm hlei tawhlo !. Parda nawr tawmin tukverh ka hawng a phone erawh lak ka tum chuanglo. Amah chu ka en char char a, a peih chen chen call rawh se a hunlai a tawng nachang hre hlei lo tuna tak a rawn call chiam chiam.






A ring zo chiah tihin a rawn call nawn nghal zel avangin ka phone chu a ri chawl lo hrim hrim, amah chu ka en reng a phone lak ka tum chuanglo ka thinrim vang pawh ni tawh em em lo in min biak duh loh man kha chu a hmu ve hrim hrim tur a ni. A phone chu a hmet mual mual a, a hmui phunin phone en rawh min ti nghal sup.






Ka khum lam pan vatin a message min thawn ka en chuan ka meng nghal kawk. Hei hi engtin nge a neih theih ! Tukverh lam pan leh vatin ka call let ve ta thung a, min en reng chungin a la duh thak lo nih chu ! A reject hmak a, lo chhuk rawh tih nan a lu a chet zauh. Rang lutukin room atangin ka tlanchhuak nghal a, sitting room a ka chhungte lo thu pawh engmah ka hrilh lo. Engtin nge kha thlalak kha a neih theih tih mawlh ka rilru ah a awm tawh.






Thui chu tlan lo mah ila a bul ka thlen chuan ka hah lutuk ka kut a ka khup pahnih dawmin chu ka thaw nghal hlawp hlawp a, min melh chhuk run thung.






" Engtin nge kha thil kha ineih theih " Ka hahdam deuh hnu chuan ka tichhuak thei hram a







" Ka neih theih dan nilo in tunge a ni tih a pawimawh hmasa zawk ! Ni em ? " A ti bung hmuk a, " I neih theih dan sawi phawt rawh " Ka ti ve tlat thung.






" Kei min kalsan a Lalruatfei bul a i awm hlan khan ka dawng " A ti thawp sup , engvang nge tu in nge thawn ang tih ka ngaihtuah nghal ruai.






" He thlalak a i fawh hi tunge sawi vat rawh REMLALHRUAI...Nang hian mipa dang i nei nge nei lo ?" Sehchilh nawk hian a ti a , a bek ruh a pawng nghal tawlh tawlh bawk.






" Ihh... Ka cousin a nih kha "





" Dawt sawi tum hlek suh Remlalhruai i cousin chu i kiss lul lo ang " A rawn ti nghek a, a hmui ka hup sak nghal vat





" Motor chhungah inbia ang.. Immm... Chuan ka hrilh vek ang che ... Ti hi chuan kawngkal an awm ve reng bawk si... " Ngen ngawl tak chuan ka ti a, ka ban pawtthla in motor-ah a lut nghal vut chu ka ner zui nang ! Thu dik hria se a thik dawnloh tehlul nen !





Thil awmzia ka sawifiah a ngun deuhin min lo en ran, a fiahna nen thlap ka hmuh hnu in min ring thei hram a, mahse a lung a awi famkim hmel lem loh.




" Chutiang game-ah tel tawh suh ! I cousin pawh ni se mipa tho a ni " A ti nghut a, ka lo bu vak vak chu min nuih sukin alamah min pawt phei nghal vut,





" Thinrim kual vel lo kha chuan tha takin sawi mai la, ka an khum vak vaklo tur che nia,ching tawh miah suh " A awm a bei hlun chung chuan ka phun sep sep a




" Lalruatfeli bul a i awmin min theihnghilh hmak tawh suh ang che ! " Whatt... Hepa hi a nau a thik a maw !. Ka nuih chhuah loh na'n ka insum tang tang. Mahni nau chupawh hmeichhia leh nghal, amah hian a inhmeh hlawllo





" Imm nangmah chiah ka duat ang che ! " Melh chho ralh pah chuan ka ti a , a nui ve suk.






*



Bawihteii'n a nu a tah thu min hrilh avangin an room lamah ka kal nghal vat a, mahse ka hawng theilo chhunglamah a inkalh tlat





" Diki.. Lo hawng teh.. " Kawngkhar chu ka beng vak vak a, A rik deuh rak rualin a rawn nam hawng a, a hmelah a tap nasa tawh viau tih a hriat. A mit a bui chak a, a sen deuh ram bawk.




" Tinge sawi rawh engmah zep neilo in " Khumah chuan ka nem thu a , a rawn inhnit nghal hlawp hlawp. Ka kuah nghal vat a a tukhum samah ka chul nghal hliau hliau , tun anga chhuak tak a a tah hi bawihtei a pai thu min hrilh zan bak kha ka la hmu lo.





" U... Ngati nge ka lo pian ve kher kher le " A tah chhuak zualpui a reh hnu chuan a rawn ti chhuak tiau a




" I pianloh te'n nau hmeltha lutuk ka nei na'ng ! Chutiangin sawi tawh reng reng suh " A biangah ka dawm a, a tah tawh loh nan a heh a pet fan fan







Vawiin a chhuahna a hmeichhe pakhatin a tawng khum dan vel chu min hrilh a, ka lo thinrim pui tung thei. Nga tinge an harsat na tawh hre silo a mi hi an landan ringawt a kan teh thin le..... Fa nei tam tak hi duh vang reng an ni bik lo ang , mahse kan bible-in nupui pasal neih hma a sex hman a phal miau loh avangin khawvel mit hmuhah chuan thiamlo an ni bawk si.






Zan a Rosangpuia'n nen kan in video call chuan mipa nep ka ngei zia thu ka sawikhum hrep a, ngawirengin a ngaithla ve tho. An hotel thil velah a zin avangin a buai thei em em a, chhun lamah phei chuan kan inbe ngailo tawp, zan lamah pawh zanrei lam bak a hman ngailoh avangin ka lo nghak ngat ngat thin. Kar khat a thang tawh a , alo la haw theih rih loh tur thu a sawi phei chuan ka ngaih lutuk vang nge ka hnual nghal rawih thei.






Darkar khat vel kan inbiak hnu chuan muturin ka insiam a, a phallo chung ka dah a ni zawk mah, tunlai chu ka nuam sam vaklo nen ka pum a khat tawkin ana reng a, thil ka ei tha thei bawk silo nen ka chau ngawih ngawih a ni ber.




Ka mu fel chiah tihin whatsapp message a lo thleng a, ka nui chhuak nghal hak, ahranpa in min lo wish leh thlap a ni ngei ang. Mahse Rosangpuia a nilo number hlang ringawt atang hian video min lo thawn hi a ni a, ka download zo ka en chu ka bing nghal vek . Ka thu chhiak zawk a, a bul atangin ka en tha leh ngat amah ngei a ni !.





Video chu a reilo mahse tunge anih ka chiang em em thung ! Rosangpuia ngei a ni . Chair-ah a thu a hmeichhe pakhat thawmhnaw them hlem zet ha hian a zut kual ruai a,chunu hmel erawh hnunglam atanga lak anih avangin alang ve lo thung. Rosangpuia erawh a hmel a lang chiang a, Dan tum awmin a awmlo a,a thu mawl tawp ringawt.







Kan inbiak laia a thawmhnaw hak ngei a nih vangin zanin a mi ngei a ni !. Engtin... Engtinnge a nih theih, khang zan dang zawng zawng ah te khan...tiang hian a khawsa thin tihna a ni angem ?.Ka ngaihtuahna chu duh lo vin ka bek sam tawn tawn chu ka kek vak vak a, amah ngei ka zawh fiah angai ! A no ah chuan ka dial nghal vat a,




SWITCH OFF !!







🍁Sawi vak tur ka hre lo A tawi tiu teu 😆🔨Tihian tawp nghal daih mai se 😆🍁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)