Never Be Enough BY 27 SENORIA (Completed)
Posted: December 20th, 2020, 2:47 pm
Chuan Click ah tan min lakpui leh vek dawn nia in fel hlawm em kha
#prologue
An piang ve tih pawh in hre ngai lo te pahnih mize in anglo tak te chu a nu damlohna avangin bul an tan a,a Nu chu an tan chuan Relationship maker a ni ta a.. Mahse, aruk a alo duh leh a lo vei ruk em em Doctor pa hrak leh a melh khat pawha azamna hial thlen tu chuan nupui hual hial alo nei tih reng a hre silo. Thu dik chuan a vaw na a,mahse hun hian chu a tawrhna chu a lo hriatpui reng thin.... Hlimna tluan tling a pe thei angem. Mary lalnunsiami tan hian.. Nge a rem velo tiin Doctor Arvey lalawmpuia hi a hawisan mai dawn...??!!
Chapter - 1
Arvey lalawmpuia pov.
"" Duat, enge mizoram boruak vel chu i ngaihdan , a nuam iti ve tawh em? "" Min en kar chunga chu zawhna min zawt tu chu ka nuih let sak a, he a hmel pawisawi lo zet hi kum engzat atam mge ka lo mangphan thin tawh.. Tunah erawh chuan a tak ngeiin ka khawih thei tawh a,mahse ka lunglen rukna leh mal a ka in hriat thin na te kha a reh vek phah chuanglo. Doctor zir a Mumbai a ka awm lai chhung zawng zawng khan he nu tuna ka bula thu mek zún hian min pawt bet thin a, mahse mipa ka ni a, ka tumah ka chian em avang khan ka tuar hram hram thin.. Ani pawh keimah ang thovin a rinawm reng tih ka hria a, hmeichhe rilru nghet tak anih avang hrim hrim hian ka duh zual ani.
"" A tha vek, ka boruak hip chu nangmah hi alawm""a kut fawp zeuh chuan ka ti let nghal a, abulah awmin khawih thei mah ila ka ngai reng tho si...a lai hmel leh a mitmeng dawizep ru tak chuan min ti nui chhuak nghal hak thei .. "Uang ziah suh, engtik atang nge hna chu i tan dawn"" Ka dar a rawn nghen pah chuan arawn ti a, angai te bawkin ka sana bun chu a khalh leh niap niap tawh a.. "" Ka hre mai biklo hna thawh ai chuan i bula awm reng hi ka chak zawk"" Ka ti let leh a, henu ka hmangaih ang em em hian tu mah ka la hmamgaih ngai lo va, ka hmangaih leh theih pawh ka in ring lo..
""Keipawn chu chu ka duhthu sam ber alawm, mahse kei ai mahin damlo tam tak in an mamawh zual che alawm, " A rawn tih chuan chhan pawh chhang let lovin ka ngawi leh ngul tawh a, "hei ti khan awm lo la, khawnge ka pi hi a awm? " Hreawm tihna mitmeng a min melhin a rawn ti chhuak nghal a. "" Ka hrelo a chhuak aniang" Ka ti let ve nghal a ka àw chu duhai a rum mah mah bawk.. Arawn thaw deuh hluai a.. "" Ka tihpalh sawi sual ka neih chuan" A rawn tih chuan tlem chuan in thiam lohna chu ka nei ve nghal thei.. Ti nge maw henu lakah hian ka thinrim hmat theih em em thin le.. A mah aia midangin min mamawh thu a sawi vang kha ani chiang mai, heti em em em a ka lunghnur hi.. "" Ka tihpalh , "ka tih chuan a rawn then sak nghal a.. "" A pawilo a pawilo ka hmangaih tho che""a rawn tih chuan a hmuiah fawp zeuhvin ka kuah ta nghal a.
"" Engtikah mah nang hian min kalsan theilo ania""a sama chulin a lu ah chuan ka fawp leh zeuh va, ""thihna chauh lo chuan min then hran ka phal dawn lo"" A rawn ti ve nghal a.. Ka lawm chu a kim chiang ngei mai.. "" Naktuk hian champhaiah kal ka ngai dawn a,ka peihlo khawp mai"" Ka tih chuan min en thei turin a in siam rem nghal a. " Ti nge, enge itih dawn a, chuan nangmah in maw? " A rawn ti nghal hluai a, ahmelah chuan min ngaihtuah hmel alang nghal thei, a awm ve tho mizoramah hian class12 thleng bak ka kal si lova, Nunu-i pawhhi Shillong College a ka tawn kha ani. Aizawla khawsa ka ni a, hmun dangah ka la zin chhuak lo hrim hrim bawk.
"" Nilo ve doctor Ramdina nen kan ni dawn a, training pe tura tih kan ni ani awm e,, ka ngaihven chiam lo"ka tih chuan a ner nghal sak thei a. "" A that chu nangmah chauh chuan ka ngaihtuah deuh che a, in awm rei angem? "A rawn ti let chuan ka lu ka lo thing nghal a. "" Ni 4 vel chauh anih ka ring, reitak cham chu ka theilo ani... "" Ka mit siai paha ka tih chuan min ner khum nasa leh zual a, avan duhawm hliah hliah tak em .... "" Ka va haw tawh ang aw, nangpawh hahdam rawh mizoram kawng chu i rin ai a tha vak dawn lo a nia, a hahthlak thei lutuk""tih leh din a rual nghal a, "i hmanhmawh mah mah" Tipah chuan a kutah ka vuan bet nghal a.
" Hei a tlai ve tawh alawm , nangpawh hahdam zawk rawh" A rawn ti let leh nghal a, kalu ka lo thin khum nghal .. " Min lo nghak rawh ka lo thlah ang che, nangmah chauh chuan i haw ka remti lo"" Tih leh min hnial hma in room ah ka lut nghal a, Ka t shirt hak thlak nghalin ka chhuak phei leh nghal a. "" A chi dawn ami, kapi lo haw hunah a zawng leh dawm che ania aw"a rawn tih chuan ka ngaihtuah na a rawn sawi chhuak nghal vek.. "" A pawilo ka call mai ang, alo haw hman pawh ka ring lemlo""ka tih chuan min nuih sakin a lu a rawn bu nghal a, Nunu-i te in lam pan chuan kan tlan chhuak nghal a..
"" Arvey engtiang chiaha nasa in nge min hmangaih"? A rawn tih chuan ka melh zawk a, "" Hmangaih na hian tawp chin a nei ngai a nih chuan ka hmangaihna erawh hi chuan tawp chin a nei kher lovang"" Tlek zeuhva ka tih chuan a rawn nui nghal sen sen a,.. "Ka nupui ni tawh mai rawh"" Ka tih chuan a nui lai chu a tawp dat nghal a.. "" Ka la thei lo , ka sawi tawh kha ka zirlai hi zawh phawt ka duh alawm.. Chuan nupui chawm hlawm nih ka duh hleinem"" A rawn tih chuan lawm lohna ka nei ve nghal pang bawk a. "" Min neih hi i duh tak tak lo hian ka hre thin""ka ti deuh hnuk a. Athaw rí hrawi leh beidawng zet rum ri chiah ka hre thei.
"" Min hrethiam rawh, i nupui hual ka ni tawh tho alawm, in neih tak tak erawh chu ka la ti thei lo ani, min hrethiam ang tiraw.. "" A rawn tih pawh chuan ka lunglen na a chho chhuak ka ti dawn nge ka chhang let chak tlat lo pek .. "" Kan thu tiam kha i la hre reng em.. Mahse a huna lo thlen chuan i tlan chhe leh si, heng hi ka duh ve lo"ka ti chang nghal rún a, Doctor ka zirzawh rual a, innei turin thu tiam kan thlung tawh a, mahse ahun alo thlen chuan hei a tlan chhe leh si.. Heitak hian min ti lungawi theilo ani. "" Ka hria alawm, mahse ka zirna hi alaklawh em ani.. Min hriat thiam ka lo beisei tlat asin"a rawn ti ve nghal salh a, a kut kuangkuahin a thu deuh nghal hmuka, hmeichhe thlem hi ka tih zawng a ni ve tlat lo..
"" Puitling kan ni ve ve tawh a, thutiam tawh bawh chhiat leh sut let hi ka thil huatber a ni tih i hria, a hunlai khan min tiam loh mai tur che alawm""tih leh phun hluk ka rual nghal a, arawn thaw leh deuh hak a, "" Min hrethiam thin tu Arvey a kha ila ni tak tak em... Kan in tiam na chu ka hre ve reng alawm keipawn nanglo chu pasala neih ka duhlo mahse ka la laklawh ve em ani... Min hriatthiam dawn loh chuan a pawi pawh ka tilo.. Khawngaih ka dil ngun viau tawh che in ka hria"" A rawn ti deuh hmuk a.. Ka in seh ruh nghal tun thei .
"" Hetiang thil sawihi apawi ka ti, mahse min hrethiam thei dawn lo anih chuan i thuthlukna ang ang chu ka pawm vek ang.. I thu tiam pui thei midang i zawn duh pawn ka hnial lovang che... Mahse ka hmangaih che a, vawi 1 chiah ka dil che , "" A mittui hru zeuh paha arawn tih chuan nuam lo tihna chu ka neive tho .. Mahse ka mipa lunglenna hian min dang ve tlat si.. Ka hmangaiha keilo chuan an neih ka phal bawk silo.. Vawitam min lo hriatthiam thin tawhna avang khan a vawi 1 min ngen na chu ka tihsak ve angai in ka hria,.. Kanin hmangaih a, nupa tur kan la ni dawn tho .... "" A tha e, mahse i zirlai i zawh veleh kan innei nghal ang""ka tih chuan a hmel chu hlimna in arawn in thlak nghal a, ka car khalh lai chu min rawn kuah nghal chhawn chhawn a,. A hlimna ani tih hria ila ka lo pawm vat mai tur hi ania.
"Ka lawm lutuk aw, ifel ber mai... Ka zawh veleh chuan Arvey a Nupui ka ni tawh ang"" Ka bianga rawn piang vak pah chuan arawn ti a, kalo then khun suk ringawt.. A hlim zia ka hria a, ka hlim ve mai ani.. "" Kum engzat nge ngai dawn? "" Ka tih chuan a rawn nui sen sen nghal a. "Kum khat chiah angai tawh, arei lo lutuk... Chhuanlam ka siam tawh dawn lo"" A rawn ti leh hluai nghal a.. Anin chu kan thleng ve chawpchilh nghal .. "" Ilo lut dawn em? "A bag ak paha atih chuan kir leh mai ka duh avangin ka lo hnial ve ta nghal a.. " A nih chuan zanah kan in be dawn nia, zin nuam aw"tih leh chhuah a rual nghal a.. A luh thleng chuan ka thlir zui a, ka tlinlung chu a lawm famkim ta tlat tawh lo.. Kan thu lo tiam tawh kan nem hnan tawh ngei a bawhchhiatna hian min ti lungawi famkim thei tlatlo ani.
In lam pan chuan ka tlan chuak leh nghal a.. Ka rilru khingbai ru zet chuan ka awm a ti nuam derlo leh nghal... Mahse Nunu-i ka hmangaihna nen ka buk chhin hian ka lungawilohna chuan a hneh ngang lo va, mahse ka lawm vak bawk silo a buaithlak takzet ani.. Keichuan ka nupui niin ka kiangah awm reng tawh se, hetia in thlah reng ngai lo te hian ka mut ruala mu a, ka thawh rual a tho ve tawh tur atan ka duh ani. Ka lungawilo ru nen ka tlan chak phian a, chu lovah ka pi duhtakin min lo zawn leh ka rin vang ani, min hmuh loh chuan a lo mangang leh dawn sia.
Ka nu leh pa te an thih khan ro khawm tu awm chhun ka nih avang in harsa lovin kan nung chho ve a, chulai chhanah ka pi hian penson hlawh ala ve reng bawk a, neinung lutuk nilo mah ila ka awh leh ka mamawh chu lei theih loh ka nei biklo ani.. In ka thlen chuan pawn a ka pi lo tei lauh lauh ka hmuh chuan min lo zawng leh tawh ani tih ka hre thei nghal. Kapa te boral atang khan min ngaihtuah zual ka ti dawn nge ni a hmuh lohva ka awm hlek hian min zawng kual nghal zel mai a, phone hman ai chuan a àw rawl a hmang tam zawk thin bawk..
"" Pi,ilo letna arei tawh em..? "A bul ka thlen chuan ka ti nghal a, "" Bawihte, ilo leng chhuak em ni... Ka lo zawng che a, "" Ka lam pan pah chuan arawn ti nghal a, "pi min ngaihtuah thei lutuk a, lo kal rawh lut ang... I phone te hi hmang ve thin teh"" Ka tih chuan phone hman a peih loh zia leh a nin zia a rawn sawi leh nghal zat a.. A hmanlai rilru hi ala paih thei tak tak lo ani... "" Naktukah ka zin bosan dawn che sia, i ngaihtuah awm lovang chu tiraw"" Ka tih chuan ka zinna tur min zawt let nghal a. " Champhai ah training tenau pe turin kan kal dawn a, ni 4 vel bak kan cham ka ringlo.. .. Siamtei ka be tawh a, ka awm loh chhung chu alo awmpui ang che"" Ka tih chuan min ngaihtuah hmel deuhvin ka kut chu avuan nghet sauhva, "bawihte i motor khalh fimkhur la aw,... Khalh chak lo la, kawng thlanglam hnaih lutuk lo bawk la aw, " A rawn ti leh dap dap tawh a, hetiang vel hi kan ni mai.. Kapi hi tar tawh mahse ala chak vut vut khawp a, a kum rual ka nih chuan a kal ang vawh vawh hian ka kal theih ka in ring lo.. An hun lai khan hmanlai kan pi leh pu te nunphung kha an tem hman ve hle bawk ani.. Hei vang hian a la chak tha vut vut khawp mai..
"" Ka pi min ngaihtuah thei lutuk a, ka fimkhur dawn alawm""ti pah chuan ka room lam ka pan san ta nghal a, zingkar chhuah a ngaih dawn avangin ka in siam lawk ve nghal a, training ka tih hian Doctor leh nurse te mai nilovin Doctor line a kal leh zirtirtu te tan zirtirna kan pe dawn ani.. Ka phur rual rualin ka chak lohna chuan min hneh leh zawk a, a chhan pawh engdang anilo zin veivah hi ka peihloh thil ber anih mai bakah ka vawi khat kalna tur a ni dawn a, tumah hmel hriat pawh ka neive bawk silo.. Ka sawi tawh ang khan mizoram a ka rawn letna hi ala reilo ka tih tawh kha, ka kalpui tur Doctor Ramdina erawh a senoir tawh viau bawk si.. Ka chak lemlo khawp mai.
Mary lalnunsiami pov.
""" Mary, call i dawng a, i nu a tha vaklo ani awm e, class i la laklawh bawk sia, "" Ti nar nar paha ka phone min pek pah chuan Miss Rintei chuan min nuih sak nghal a.... Lo ban ve nghalin min rawn be tu ka Nutei number chu ka call back nghal a. "" Aw bawihte, i buai em" Ka Nu àw zawk ka hriat chuan ka phone chu melh in Rintei chu ka en deuh hàw a, "" Nu, itha lo em ni.. Hei miss Rintei hian i that loh thu an rawn sawia a tia? "" Tia ka zawh chuan ka nu chu a rawn nui ri deuh hak nghal a.. "" Bawihte chutiang engmah a awm lo.. Ka khua a sik deuh ser ser a damdawi ka ei a, ka tha tawh lutuk. I nutei tih tur hrelo mai mai anih kha.. Ka tha lutuk ania""a rawn tih let chuan ka thaw deuh nghal kawk a, Rinte'in a mit hmanga zawhna min zawh chu ka lu ka buk khum let ve tawp a. "" Imm a nih chuan class lak leh ka ngai a, kan dah phawt ang aw""ti pah chuan ka dah ve nghal a.
"A tha em i nu chu? "" Rinte'i chuan arawn ti nghal a.. "Imm a khua a sik deuh ani mai... Naktuk a Doctor lo kal tur ten zirtirna min pek dawn kha i hria tiraw.. Kal loh mai ka duh , tunlai chu ka tuition pe nen ka hah ve lutuk a"" Ka tih chuan min rawn ner khum zeuh vin a rawn then thaw nghal a.. "" Kan nula chhuan vawr leh hmeltha i kal loh ten kan mualpho mai dawn asin""nui sur sur paha arawn tih chuan ka lo ner let ve nghal a. "" I uang reng mai, taktakin principal saw min lo sawi pui ve teh.. Ka kal chaklo tak tak, i awm tho alawm""ka tihpawh chuan a lei min chhuah khum duh chauh leh nghal. Ka ngei tak tak ani.
"" Awm mah ila, keimah chauh hmeichhia ka ni dawn asin.. A science teacher ber i awm loh chuan ka awm peih bik lo.. Kan kal ve ve ang.. Chu chu ani mai"" Tih leh class la tura chhuah arual nghal a.. Thawhakin keipawh ka lehkhabu pawm chunga kal chhuah ka tum chu Muanawma lo lut nen chuan kan in tawk a, ka hmuh duhloh ber a sin le... Min bem a, a chezia ah pawh min duh hle tih ka hria.. Mahse ka mipa duh zawng ani tlat lo.. Biak chhiatna chhan tur ka neih loh avang hian min zuam ka ti dawn nge kan thawhpui tam tak hian in ngaizawng turah min ngai vek leh nghal, heivang hian ka pehhel lui hram hram thin.. Mahse a zawng zawng chuan atheih tlatlo anihhi.
"" Class ila dawn maw?? "" Tih leh ka kalna turah chuan min dan arual nghal a.. "" Aw kal sawn teh ka tlai tawh ania, Bell a rikna arei tawh kha""tih leh kal pel ka rual nghala, "" Mary, naktuk i kalna turah khan ka hruai ang che aw, "" A rawn tih deuh sup chuan ka thaw deuh kawk a.. "" Ka in hrilh leh dawn nia, "tih leh rang em em a tlan chhuah ka rual nghal a.. Hepa lakah hian engtia rei nge ka tlan chhiat la ngai dawn le.. Bialpa neih vat ka ngai ani. Chuan a beidawng ve mai ang.. Kum 24 ka ni ve tawh a, GM Higher ah hian Science teacher (chemistry &physic) bik niin hna ka thawk ve a, kanu nen chauh a khawsa kan ni bawk... Thla kalta khan ka ú neih chhun ve liau liauin min boral sal a, tun thleng hian kan la tuar reng ani.
School ban hun a nih chuan Rinte'i chu ka túr nghal a, ani che muang chi alo ni ve bawk nen Muanawma'n min thlah a tum leh ka hlauh vang ani reng sia.. Ka túr nasa lutuk chu a phun reng mai leh nghal. "" Lo kal vat rawh, i muang leh lutuk""a bag a ah rual chuan abanah lo vuanin kal chhuah pui nghal ka tum chu muanawma chuan min rawn au nghal leh zat bawk a.. Ka van ning mai mai tak.. "" Hawi lovin kal rawh"tih leh kal pui leh nghal ka tum chu kan bula rawn thleng chawpchilh ve nghal a.. "" In va hmanhmawh ve a, kalo thlah ang che u.. Rinte'in a duh chuan""a rawn ti nghal a, Rintei chu en in ka signal nghal a, duhlo se ka ti ngawih ngawih.
"" Aaa Muan vawin tlai chu kalna tur kan lo nei a, nidangah nimai rawh se aw, kal ang Mary""a rawn tih chuan ka khi vur vur nghal a, Muanawma melh zeuhvin kan kalsan nghal a.. " Duhve mai tawh la, heti khawp hian a duh che a, nangmah avang hian hmeichhia a hnawl hnem tawh ania a, keichu ni ila ka chhuah miah lovang kan veng tlangval fel leh chhuanvawr ber anihhi"" Ka Scooty ka lakchhuah lai chuana rawn ti buan buan nghal a.. Kan duh lo te duh luih tum hi thil harsa anih zia hi engtin nge kan hrilhfiah dawn le.. "" Nangman bem mai la, alo duh mai thei che asin"" Ka tih chuan a rawn lawn kai ve nghal a.
"I mak thin e, min duh ve lo alawm, arilru ah sawn Mary lalnunsiami tih bak a awm lo.. Ka hrilh ang che kan veng tlangval saw nei la i in chhir lovang.. A duat dawn lutuk che mi à nu"" Tih leh ka Helmet rawn ben pawp a rual a, chhanpawh ka chhang peih tawhlo.. Kanin lam pan chuan ka tlan chhuak leh ta tingawt a.. Kawng tluanin min bia a, Muanawma chungchang hlir a sawi avang erawh chuan ka ngawi kar thung ... Ka duh lo ve ani mai a, duh tura han in nawr luih hi ka ti thei der lo.. "" I tawng tam chhuk vat rawh i rit ropui si""kan in kan thlen chuan ka ti nghal a, a lungawi lo leh khawp mai.. Ka nuisuk ringawt a, alawmlo hmel chu ka nuih tiza tu mai an ni.
"" Nu kan lo haw e, enge ilo an a? "In dah fel pah chuan ka ti nghal zung zung a, "" Nute i fanu hi mawlna hri hian a man bet zo tawh "" Ka nu bula thut thlak ve pah chuan Rinte'i chuan a ti hluai a,ka melh no viaulo bawk.. "" Enge ni leh ta,? "" Ka nu in a rawn tih let chuan sawilo tura signal in khawngaih ka dil a, mahse a lei min chhuah khum duh chauh leh nghal ngeiawm ve tak chu ani.. "" I hria em .. Kan veng tlangval Muanawma kha a pawm thei thlawtlo a, à leh lutuk.. Tu nge maw a ngah ruk le.. He ti hi chuan a leng tar hrim hrim""a tih deuh hluai chuan ka nu chu arawn nui nghal vur vur a, Muanawma hian min thlah ngun ve tawh avangin ka nu nen pawh hian an in hre tha phian tawh.
"" Khai a Rinte i thiannu hi chu engtin nge kan tih ang le aw... Keipawn ka hrilh ve thin nan eng kan ang thei chuanglo anihhi""ka nu pawn a rawn ti zawm nghal a, ka melh dun kur tawp. "" In ninawm nangni pawh tilui reng cheu ila in duh dawn bik ami.. ? "" Ka ti deuh hluk nghal a.. Nui rí kur kur mahse ka lawm teh chiamlo ani. "" En la, hei tun pawhhi muana'n a thlah ahluah lutuk avangin min rawn hruai leh ringawt tawh a nihhi""Ritei'n a tih leh chuan a chalah chuan ka pen fawk nghal a, tawngthei zitzet leh lutuk mai.. "" A na lo emai a, naktuk chu muana in thlah tir ang aw? "" A rawn tih chuan ka ngei lutuk tih ngaihna hre silo chu ka lei ka chhuah khum ringawt a,muana chungchang hi chu sawi pawh ka duh lo.
"In hruai tir rawh kei chu ka scooty duat em em nen hian kan rawn kal ang, chuan nilengin ka be lo bawk ang che"" Ka lo ti let nghal a, "a nih ka tlawm e, kal rual ang.. Luhlul Nu" A rawn ti ve nghal a.. "" Enge tihtur in nei em ni?? "Ka nu in arawn tih chuan chhan tuma ka ka ka àn hma in Rintei' dang chak lutuk chuan asawi zo hman leh vek tawh.. "" Zawt zawt che hian.. Dang chak nu""ka ti leh tawp a.. "" Nge.. Keichu naktuk lo kal tur a chhelo zawk zawk chu ka hual sa, Min lo chuh pui miah suh ang che""a rawn tih chuan ka engah mah athawk eih lo.. "" Tehreng mai Doctor hmeltha tak hi ka la hmulo he zoram khawvel ah hian""ti pah chuan ka ban chu ka vai kual vel chiam a.. Kan nui ho nghal dar dar leh nghal , a hlimawm letling leh zawk .
"" Chaw ei ve rawh aw, chuan ka thlah ang che""ka tih chuan a pawm fel leh nghal thlap tawh a awlsam thei ania.. "" A nih chuan lo kal rawh eitur min lo siam pui teh"" Tih leh pawh tho ka rual a, choka lamah chuan kan in zui lut nghal a.. "" Mary , thil dang daih i ú kha ka ngai thin khawp mai.. A bula awm anuam sia, khatiang tawhsual atawk mai kha a mak ka ti reng thei.. "A rawn tih chuan keipawn ka ú thihdan chu ka ngaihtuah chhuak lo thei lova.. A car chhungah thi a chhar ani a, drug overdose an ti anih kha.. Mahse kei chuan ka ring thei lo ka ú a ni a ka hre chiang ve tawk Doctor a zir avang khan ruihhlo kaih hnawihah a fihlim tih chiang takin ka hria.. Mahse tih theih vak a awm lo investigation an neih pawn drug vanga thi a nihzia hlir mai a lang bawk si.. Rilru chu a hreawm ngawih ngawih.
"" Nia tiraw keipawn ka ngai thin khawp mai.. Ila hria em a doctor form var ha chunga a in thihtheih zia te kha "" Ka ti chhuak sap a, ka mitthla ah ka ú nui hmel chu a rawn lang chhuak nghal zut zut bawk a, ka ngai ani.. "" Nia tiraw.. Amak hi ka la ti reng thin.. Chuan enteh ka star theih zia kha i u lah khan azirlai bak engmah angaihsak bawk silo ka thinrim thei ania aw"a tawplam chu arawn nui ri hak nghal a.. Rinte'i hian ka u kha aduhzia ka hriatpui a, ka bulah pawh ka tihpui beiseiin a sawi ziah thin mahse tih ngaihna a awm lo , ngaihzawng leh bialnu kha eng atan mah a ti tlat lo.. Ka zir chhuah hunah a ti deuh tlat ani. Thildang dang sawiin naktuk lam boruak tur te kan sawi kai a, rinai kan nui dun leh ring khawp mai..
Kan chaw ei kham chuan Rintei chu ka thlah nghal a, muanawma vakvel ka hmuh palh hlauvin ka tlan haw leh nghal a... Kanu pawh a zia ve a niang a room ah a in khung leh deuh chawt a, va tihbuai ka ngam tlat lo ka u a sun nat zia hre tu ka ni a, ka rilru chhia alo chhuah phei chuan ka nu hian ka u chiah hi a duat bik hian ka hre hial ani... Thil pakhat ka sawi hmaih theih miah loh chu kum 8 mi ka nih khan ka pa hian hmichhe dang lakah fa alo nei a, ka nu nen pawh an in hau nasa viau bawk .. Chulai chhanah in then phahin ka pa chuan ka nu leh kan unau chu mal taka awm turin min kalsan a, kala naupan em avang leh ka nu ka ngainat zawk hrim hrim na khan rilru hah pawh min puttir theilo..
Mahse kum alo vei a,tlang sawi neuh neuh te ka hmachhawn ngun thin em avang hian ka pa ka huatna leh ka zahna chu a in zat thin.. A then in ka nu an dem a a thenin ka pa an dem bawk a.. Mahse kei chuan ka nu hi ka dem lo min hmangaih na leh duatna hian a dik zawk tih min rin tir ani.. Vawikhat tal ka pa kha hmu leh ila engvanga kha tiang thil ti kha nge anih zawh ka duh ani.. Hawilet miah lo leh a fate pawh khawngaih miah lova a nupui pakhat zawk lam a pan lai khan min lainatna hi a neive reng reng angem tihhi ka zawt duh ani.. A nupui pawh kha ka hua , ka haw so bawrh bawrh thei.. Kapa in nupuia nei reng tih hria in alo lem kual vel a, an pahnih khan thawk dun an ni nghe nghe thin.. Ngaihtuah ve teh u engtiang chiahin nge ka nu tan hian a hreawm ang.. Ka hreawm tihna leh ka zahna ai mahin ka nu hian a tuar nasa zual dawn tih ka hria ani..
Mahse pathian zarah sawrkar hna te thawkin mi chhungkaw pha lo mah ila , zahawmna chu ka nei ve ani... . . . Tunah chuan ka nu lo chu neih ka nei tawh lova, ka naupan lai atanga tawh a, hetiang dinghmun ka thlen theih nana a hreawm pawh pawisa ngailo ka nu hi ka tan chuan ka engkim a ni a, ka theih ang tawka, chawmlet ve hi ka duh ani.. Ka ngaihtuahna kal kual nasa lutuk avang chuan mut pawh aharsa talh talh khawp mai.. Mahse a thim zawnga thil thir thin mi ka ni ve tlat lo.. Ka chakna hnar ka ú thlarau leh ka nu hi ka kianga an awm chhung chuan engmah dang ka mamawh tawhlo ani.
Zing atang chuan ka buai leh nghal a.. A chebuai ve thin hi ka nive hrim hrim bawk nen a buaithlak khawp mai.. Kanu pawh tawnglem lovin ka che buai min en in a ring alo sawn kual vel bawk a.. Min pui ve tep ani.. Ka phone chu a rawn rí nghal lal lal a, "" Aw ka hman tep, min lo tur sek lo teh? "" Rinte'i a nih avangin ka àw ki pawh a sang leh viau tawh henu hi chu ka ngam tlak ve hrim hrim keiai upa mah se. "Aw lalbuai lian sana kha en mai teh.. Kawtah ka ding reng tawh ania"" A rawn tih chuan ka che leh nghal buan buan a, "" Nu ka kal aw, i khua a sik leh chuan min rawn call dawn nia"tih leh a chhan letna pawh nghak lo chuan ka tlan chhuak nghal a.. Ka helmet karah chuan phone chu ka rawlh lut nghala. "" Ka lo chhuak nghal, ka rei lovang.. "Ka ti nghal a.. " Imm lo hmanhmawh suh, kan tlai lovang"a rawn ti dam dap nghal a.. Scooty an nei ve reng a, mahse akhalh ngam tlatlo buaithlak thin..
Rinte'i chu in khai thli zaihin an in kawtah chuan alo ding a, puan kan bih ve ve avang erawh chuan ka tal buai tep ani.. Hall lam pan chuan ka tlan chhuak nghal a.. School dang atang pawn kal an tam ve dawn avang leh Doctor leh nurse an awm ve dawn bawk a, tlem chuan a nuam ve tho ang.. A hmun kan thlen chuan chhun dar 12 a ri tep tawh.. "" An lo thleng tawh amaw ni le?? "" Pawnah mi an tlem em avang chuan Rintei chu ka melh a.. "Ka hrelo lut chhin ang.. An rawn zing kal pawh ani mai thei ani"" A tih chuan ka scooty chu park tha nghalin Hall chhunglam chu kan pan nghal a.
Van neih thlak takin an lo la thlenglo zawk ani.. Ka thaw huai thei nghal.. Hall chhung chu an lo chei bawl vel mek a, kan theih ang ang chu kan tihpui nghal bawk a.. "Miss mary helamah han min lo pui lawk mai ta che"" Champhai Higher principal chuan a rawn ti a, ka zui ve nghal a.. "" Kan doctor te hi an lo thleng tep tawh a.. Refreshment lam hi min lo buaipui sak turin kan duh che ani.. I che fel ber ang"a rawn tih chuan ka lawm letling phian mai.. School naupang an awm ve avangin a nuam ka ti daih zawk.. "Awle tehreng mai.. Kan rawn la lut nghal dawn tihna em ni"" Ka tih chuan a lu bu zeuhvin a chhuak phei nghal a.. Kan schhol naupang nilo mahse min zah thiam ve na chuan min ti hlim ru viau bawk.
"Hetah enge itih a? " Rintei chuan min rawn khawih zeuh pah chuan arawn ti a, "" Nia hei hi buaipui turin min ti a, minlo pui zawk teh""ka lo ti ve nghal a.. A hnial lemlo.. Kan Doctor nghah te pawh chu an va rawn thleng har em em ve mahle aw.. An van lal em em ti hian an eitur te kan buatsaih sak ve hluam a, a tuilo an tih chuan ka hau hrep ang male.. "" Saw an lo thleng e.. Le naupangte u fimkhur deuhin va chawi lut ru aw""Rintei chuan rawn ti nghal bawrh bawrhin a hawina lam chu ka en nghal a.. Mi kan tam em vang leh kei aia sang an awm ve pheuh pheuh avang chuan ka hmu chianglo khawp mai.. Fit5'4 ka ni ve ania, chulai chhanah pheikhawk sang ka in in rawlh ve bawk a, kan awmna hian azirlo bawk nen ka hmu lo hi a ni tawp mai.. "" Awi mary mary... "" Rawn ti cheng tu Rintei chu ka lo melh let haw nghal a.. "Cheng chunga che, enge? " Ka tih deuh hluk leh nghal ka van vin thin tak "" Enteh lo kal te saw an hmeltha dun lutuk tlat.lo en ve teh""tih pah chuan min pawt kal nghal dawr a..
Mipui karah chuan min pawt phei zel nghal a.. Ka kut lehlama intur ka dawm avang erawh chuan ka finkhur rú viau bawk.. "" Saw en rawh a hmeltha tiraw.. Awi ka duh lutuk""a tih chuan a en na lam chu ka hawiphei a,.. Doctor hmeltha chu hei ngeihi anih dawn hi ka ti nghal thei.. A palian mai bakah a hmel hrim hrim chu ka duh chi hi a van ni chiang em?!! "" Tu nge a? A chhiat lemlo saw? "" Ka in tur in zeuh pah chuan ka ti a.. "" Doctor Ramdina anih saw , a thianpa pawh hmeltha deuh mai ania khawnge a kal hman le.. "Tiin a ring chu a fal kual a, kei erawh chuan mit tla lek lovin Doctor Ramdina chu ka en reng a.. Avan tha chiang tak em.. Chulai karah min rawn en ve chat nghal a.. Ka hawisawn rang asin aw..
"" Rin , hei kan va dah lawk""tih leh min chhan letna pawh nghak lo chuan ka kal nghal a, mipui chu ka kalpel phei nghal pawp pawp a, awi khapa min melh zeuhva ka phut nasat zia kha.. A nuam e!!! Ka ngaihtuahna avang chuan tu emaw ke ka rah sak a.. Ka tlu tur chu a necktie ah pawtin ka pawt tlu tel ve nghal a.. Ka theitui ken pawn keimah zawk min leih baw nghal vek.... A hmel ka en chu mak tih hmel deuhva min melh kur pah chuan a mit a ti zim sún a.. "" I tha maw? "" A rawn tih vawt ruih chuan ka harh kawk nghal thei.. "" Aaa. Hhh. Aw ... tehreng mai ka tha "" Ka ti bah nawk nawk nghal a. A tho zuive nghal a, keipawh min kaitho ve nghalin awm hmunah kan in melh no lo ngei mai.. Thinrim vang erawh chu anilo hriat loh melh hian kan in melh ani..
"" Ka pheikhawk i rap "" A rawn tih chuan ka en nghal a, ka pheikhawk hnu alo lang chiang khawp mai.. Chulai karah a tie ka pawh tawm sak chu a siam tha mawlh mawlh bawk a.. Van nuamlo mai mai tak em.. "Ka tihpalh lutuk.. Mi ka ken na lamah ka lo hmulo che a"" Ka tih chuan min rawn melh kur nghal a. A sang tha bawk si a palian bawk si a uap chu a na mah mah ani.. Ka kawr huh pawh ka hre chang tawhlo ka zamna lamah chuan ka sa chuak vek ani. "" Fimkhur i zir angai anih kha" Tih leh in her vutin a kalsawn nghal a.. "" Ka fimkhur reng alawm ... Induh tawk lutuk mihring" Ka ti ve hluai a, apen lai chu ading chiang khawp mai.. Ahria nih ringin in her vuta pen sawn ka tum chu "nangnu kha" A rawn ti thum bul nghal a.. Ka van ding chiang si em.
Hrelo dera kal ka tum chu tha chak zet chuan ka ban ah vuanin min pawt her lawp nghal a.. Chupa bawk chu.!!! A hmelah chuan a lungawi vaklo ani ngei ang.. Keipawh ka lungawi vaklo asin le.. "" Aw mamawh i nei em ni? "" Pangai tak chuan ka ti chhuak nghal a.. "" Nei lo.. Ngaihdam min dil tha leh rawh. "" A rawn ti chang run nghal a, tumah chuan min rawn ngai pawimawh vaklo ani ngei ang an tawngtui hlawm e mai.. Tu mihring nge mw anih le.. "" Ka dil tawh che kha.. Ka kut hi thlah vat rawh""ti let ve nghalin ka kut chu phih thlak ka tun a, mahse a lungawi lohna chu ka belh chah sauh leh nghal.. "" Thil ti sual tu ini a, chu lai chhanah tawngkam ngeiawm tak ila chhak chhuak bawk a.. "Tih pah chuan arawn thle zeuh va..
Thawk leh khatah ka kut chu rawn thlah thutin mawng sawh dawpin ka tlu hnawk nghal a.. Ana vawng vawng khawp mai.. "" Phuba "" Tih leh ner suka min kalsan arual a,rang em em a tho nghalin ka thinrim lutuk chu ka in sual pui duh tep ani.. "" I tha em.. Ka hmu vek cheu ania aw"Rintei pawh arawn thleng chawpchilh nghal a.. "Enge.. Ka that hmel ami? " Ka lo vin hrep nghal a.. A phu zuk leh nghal.. "" Awi i van vin em em ve... Lo kal rawh kan tan tawh dawn""a rawn tih chuan hall chhung thutna an rem dul na lam pan chuan min luh pui nghal a., khapa kha khawi school zirtir tu nge maw anih dawn le.. Ka van sawisa chak tak em aw.. Hmeichhia ka nih avangin min ngam viau leh nghal ka hnek chak lutuk ka hnek chu nà dawn lo mahse..
Kan programme an tan pawh chuan ka in sawrbing thei meuhlo ... "Tunah chuan Aizawl lam atanga kan Guest kan sawm anga, ani hian science lamah te leh damdawi thil lam hrim hrimah zirtirna leh kan hriattur tul an tih zawng zawng te rawn sawina a nei dawn ani.. " A rawn tih chuan phur fahran lo chuan kut chu ka beng ve nghal a, Rintei phur zia chu ka awt khawp mai.. "Chibai vek ule, ka hming chu Arvey lalawmpuia ani a, tunah hian Civil hospital Aizawlah ka thawk ani.. "" Rawn ti tu ka en chu awi a ni theilo!! Kan hmel a chuh!! Doctor maw alo nih a, chumi awmzia chu Doctor Ramdina rawn kalpui ani tihna.. Kà hau chuan Rintei chu ka melh a, mawl min tih hmel viau bawk.. "" Saw saw Doctor maw? "Ka ti ta tawp a..chek tlak tlak pah chuan" Aw i àt hmel lutuk.. I in tihbuai pui pa kha anih saw.. Doctor Ramdina rawn kalpui"" A rawn tih chuan a chiang mah mah khawp mai..
Khawi emaw school teacher tura ka lo ngaihruk chu kan Guest ber alo nia.. Van tih chi loh tak em. Chulai chhanah ka thutna lahhi a langsar em em mai leh nghal nuamlo duh hle mai.. "" An chhelo dun asin , Doctor Arvey a saw Delhi a zirchuak hlim hlawl ania, sap ramah pawh sawmtu a ngah mahse a ma piana mizoram tan thawh aduh tlat a, a chhuanawm tiraw a hmel a tha bawk si""ka thian nu chuan arawn ti rú nghal reuh reuh va... "" Chuti maw ka lo hre miah lova, teacher emaw ka lo tia"ka tih chuan Arvey a chuan a mike ken chu ka lamah rawn lek nghalin "" Miss mary khawngaih in ilo tawng tawh lo thei angem.. Lungngai suh hun ka hmang rei lovang""a rawn ti dam dup a,, mizawng zawng mit chu ka chungah hian afu nghal vek thei.. Ka zak tih hian a sawifiah zo kher lovang.. Saw mihring pa saw repro mai ka duh.
A tawng chhunzawm nghal a, kei erawh ka hawi chhuak ngam tawhlo.. Rintei chuan ka kut rawn vuanin min hnem atum tih ka hria, a chhan pawh ka mittui a tla mek anihhi..heti em em hian tuman min la ti zak ngailo.. Miin min hriat hlau tak si chuan ka mittui chu ka hru zeuh zeuhva, Rintei chuan min rawn vuan nghet sauhva chu chuan ka tah ati chhuak nasa zual em em bawk.. Arvey hmel phaka ka ngeina chu a luangkawi vek thei.. A hmel tha in thiamna nei sang mahse a tawngkam ngeiawm tak leh min mension kher na chuan a mah ka huatna a ti zual vek thei... Ka hawi chhuak leh tawh lova, ka mittui erawh a dír nasa mah mah..
..
Programme a zawh rual chuan Rintei chuan min chhuahpui nghalin scooty lamah chuan min pawt phei nghal a.. "" Mary ka tihpalh keima biak vang vek che.. "A rawn tih chuan ka mittui chu ka khap per nghal sak a.. "" Kal ang.. Vawin ni chu ka hre reng tawh dawn anihhi""ka mittui hru zeuh pah chuan tiin ka start nghal a, hawilet miah lovin in lam pan chuan kan tlan chhuak nghal a...Rintei chuan hreawm a tihve zia asawi reng a, ka hne lek lek zawk ka zahna a ti zual .. In thlen vat baka chak ka nei tawhlo.. Kha mihring kha eng ang mipa nge maw anih le keini lo in be sur sur an tam nen keimah kher min rawn hau kha ka ngei em ani.. Ka hmuh tawh loh hram ka beisei .. ka damloh pawn Civil-ah chuan ka in entir miah lovang khapa vang hrim hrim pawh khan. Mipa induh tawk ve tak ani.
Advertisement mawlh hi aw, tan i han la leh ang u hmiang
Show post links
Top