2!3! BY Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

2!3! BY Msi Miluhlulnui (Completed)

Unread post by Ngaia » December 20th, 2020, 3:02 pm

125105808.jpg
125105808.jpg (32.49 KiB) Viewed 26976 times
2'3' Episode - 1

By : Msi_Miluhlulnui 👩🏻
(Hmeichhe Naupang tereuhtê🙃)





"Eng rilru pu a hetiang thil ti hi ti nge maw inih hrep le!?" ti hrâwk ri ka hriat pawh chuan che lovin ka ding ngawi reng a hmalam chu ka melh ngur bawk, ka thil hmuh avang sawn ka thâ a zawiin ngaihtuahna fîm pawh ka pu in ka in hrelo.





"Ka sawi chu i hria em nula? " a tih leh hrâwk ri ah chuan ka phu chhuak deuh zawk a, ka sira mipa lo ding reng chu ka melh chho nghal hâw a, mahse rei en lovin ka hmaa mai a țhu hlim tih hriat zeta nui chu ka en lehnghala, awmdan tur ka thiamlo ani.





Ka thâ a zawi vek ruala ka kaihzâ a inthleh hnawk rual chuan ka sir lamah ka âwn nghal riai riai a, mahse kut tha chak tih hriat zetin ka kâwngah a rawn vuan nghal chawt a! Thaw ri hrawih ka hre chhunzawm nghal zat bawk.





"Hrep che chuan! Ka pheikhawk a wine i tihbuak hnuah pawh ka la buaipui zel dawn che em ni nula? " a tih leh hrâwih pawh chu ka hre reng, mahse ka â vekin ka hria ka ngaihtuahna te hi an chawmawlh vek mai, țawng tur pawn ka hrawk hi bâwk lian tak ang maiin a hnawh phui vek ang hian a awm a, ka tâwt up up bawk.





"Khawngaihin pâwnah min hruai chhuak thei ang em? " harsa ti zetin ka țawng chhuak a ka aw pawh a zâwiin a țial ruak mai, kan dinna lai hi a thim êm avangin tuman min hmu lo mai pawha ni lo se chuan ka mualpho dêr tawh ang.





"I țha em? " a aia dam zawka a rawn tih leh rual chuan ka bu ve nghat ringawt a, mahse ka țhalo tih hi ka hrechiang mah mah, tunah tak hi chuan he Bâr hlat thei ang berah hian awm ka duh ani.





Engmah sawi tawh lovin na zet hian a thaw chhuak hawk a, ka bân chu a rawn la lawk a, ka kutțang karah chuan a kutțang a rawn rawlh lut a, nghet takin a hum a, EXIT lam pan chuan min kai phei zela, min tih ang ang in ka awm tawp. A thim lam zelah min kalpui a midangin min hmuh pawh a hlau ve deuh ani mahna.





Kan chhuah dawn chuan ka hawi lêt leh hram a mahse ani erawh lungawi hmel hliah hliah hian a hmaa țhu hmeichhia chu en in a nuih suk a, a hmuiah chuan a fawh sak zeuh bawk, ka ni nghal dawt thei! Na leh chuang tur ka awm tawh lo. Tunah hian ât daih ka duh takzet ani.





Pâwn kan chhuah chuan boruak ka hîp lut nghal kâwk a, min kaitu pa chakna hawh țhen lo ila chu ka tlu tawp tawhin ka ring. Thlifîm rawn thaw heuh heuh chuan min ti harh sawng sawng thei, mahse ka tâwt lutuk erawh a zia phah chuang lo.





"Dear, iva rei ve" hmeichhe aw tliang nalh zet ka hriat rual chuan ka meng kâwk! Hmanhmawh lutukin min kaihna chu ka phelh sawk sawk a, ka tawlhsawn nghal vat bawk. Ka harh chiang khawpin ka hria, ka chakna te kha chawp leh chilhin an rawn lêt leh nghal vek thei.





Min kaitu pa ka en chuan a ngaihna hrelo zetin min lo melh ngur a ka mitmu chu ka ti sawn rang mah mah bawk. Chupa bulah chuan hmeichhe pakhat hi a rawn ding nghala mipa chuan a kâwngah alo vuan nghal chat bawk.





"Kan in be rei leh ta deuh alawm, min lo nghak rei a, tihpalh" a tih zawm zata a biangah chuan a fawh sak zeuh a, kei erawh ka lo maimichhing daih thung. Ka awm ve tih hre lek lova an han khawsak chu le, tâwt up up lo ilang chuan eng emaw ka sawi hrim hrim ang.





"Henu hi tunge a? " tih ri ah chuan ka meng chhuak riai riai a, chunu chuan uluk fahranin min lo melh a, mitmeng ngeiawm zeta min nuih pah in a nui sak mai, a mitmeng ațang chuan he hmun ațang hian kalsawn nghal tura min duh zia a lang nghal vek ni bera ka hriat.





A zawhna chhan tuma min kaitu pa âng zuai ka hmuh rual chuan rang lutukin ka lo chhân khalh a.





"Englo" ka ti chhuak chiam ringawt a, an pahnih chuan an rawn hawi rual nghal a.





"Ih... Kei chu min ngai pawimawh duh suh tumah ka ni lo chuan min puih avangin ka lawm lutuk ania kha hmun ațang khan min hruai chhuak lo la chu tih ber tur pawh ka hre lo ang chuan englo,... Lo ngai kawi duh suh, i bialpa nge i pasal chungah hian la lawm takzet ka kal phawt mai ang ka lawm lutuk" ka tih khalh ta zung zung a, ka sawi zo chu ka inher a hmalam panin ka pên nghal hlawk hlawk bawk.





Ka kal hla tawh viau a ka hriat hnu chuan muangchangin ka kal ta a, țap tur ka nih laiin tinge ka țah si loh, ka rilru ana lo ti dawn ila ana bawk si, mahse tinge ka mittui hi tla tura ka duh chhan le.





Hmeichhe tam tak chu an bialpa ten an țhen emaw an lo kawp chuan an țap a, an tuar bawk a, kei erawh ka thil hmuh zawh chiah avang khan ka țap thei hauh si lo, ka rilru chu ana in a tâwt up up bawk si, mahse tinge ka mittui hi tla tura ka duh viau chhan, ka inhrethiamlo engvanga hetiang a awm hi nge ka nih.





Ka ring em em a, ka lo ring sual zawk em ni? Nge ni a hmeichhia kha a bialnu ni lovin a unaunu alo ni zawk? Mahse a unaunu chu nise a hmuiah khan a kiss hauh lo ang. Kei hi bum in ka lo awm reng tawh zawk tihna em ni ang?





Rilrua thil ngaihtuah ngut ngut chungin in chu ka thleng ve maia ka luh veleh room lam ka pan nghala khumah ka bawk nghal thlawp a, lukhamah ka hmai ka phum kâk bawk.





Kha hmunah khan ka kal mai mai lova ka zan hnathawhna ani. Chuan Kima kha hmuh ka in beisei miah lo, nilo, ka ring lo zawk, ka hna kal hmaa kan inbiak kha chuan apa nen hna thila an chhuah a ngaih thu a sawi si a.





Mahse kha hmunah khan ka hmu leh si chu pawh hmeichhia nen lehnghal, engtiang chiahin nge min nghawng ang tih hi in hrethiam kha ang em chu ka hrelo, mahse keimah takngial pawn min nghawng dan hi ka hrethiam lo.





Mahse ka lo hmu sual pawh ani thei a ngaihdan ka siam nghal ngawt thei lo amah ngeiin min duh tawh loh thu leh min kalsan tur thu a sawi chauhin ka kalsan ang, ka vawikhat hmuhna ah ngawt thuthlûkna ka siam tur ani lo. Kha thil kha hna avanga ti pawh alo ni thei, naktukah ka zawt chiang anga engkim chu a hriat vek mai ang. Tiin mahni chuan ka phun nuah nuah a.





Kima nen hian kum 5 lai kan inkawp ve tawh, min ngaihsak thei em em a, a bikin tunlai hian ka tan hun a neih loh zia sawiin ngaihdam min dil chhên thin, an hausa a an chhungkua an buai țhin zia pawh ka hriatpui vek avangin engah mah ka ngaihsak ngai lo. Ka haw hran lo.





Hmuhsitna ka tawh țhin lai zawng zawngin ka kiang ah a awm a min hnêm a min țanpui țhin, ani chuan en liam in ka nihna ang ang in min pawm a, heihi amah ka duh ve na pakhat ani. Ka zep lo fahrah ka ni, khawvel êng ka hmuh tirh phat ațangin pa hmel ka hmu lo nghala, ka nu in min enkawl seiliana, pa nei lo tiin mi ten ka hnung lamah min sawi țhin.





Tiang hi Movies velah chauh an ti țhin emaw ka ti a mahse Mizo ngeiin an lo ti ve hi ka âwih lo hial zawk chu pawh an Mizo pui hnenah lehnghal.





Ka pa thlalak hmuh tur ka nei lova, a hmel, a chanchin engkim hriat a lêm ka nei lo, ka nu ka zawh lahin a thi tawh tiin min chhang țhin a, a thlalak ka dil in ka nei lo a ti țhin, a hnuah pa i nei lo min ti leh daih țhin, mahse ka nu hi amah ngawtin a rai thei lo tih ka hriat avangin pa ka nei ve tih ka ngaihtuah a ka hlim, mahse a chanchin leh a thlalak tak ngial pawh hriat tur leh hmuh tur ka neih loh avangin ka hlim hun chhung erawh rei lo hle.





Ka nu in min kalsan leh hnu phei chuan keimah chiah ka ni tawh, ka mal em em a, tunge kan chhungte ni a, tute nge ka pi leh pu te pawh ka hrelo, a chhan chu ka nu khan min hrilh ngai miau lo, ka hmuh laiin phone a khawih ngai lova, a chhuak ngai lova tumah a be ngai lo bawk, ka biak pawn a rul tawk lek lek in min chhang țhin a, ka biak loh chuan min be lo ani mai, ka pa chungchang ka zawhin min hau vak vak țhin bawk.





College-ah pawh hmuhsitna ka dawng nasa zual sauh a, fahrah inih kha, nu leh pa nei lo tih te in, chu hmuhsitna țawngkam chuan College lei pawh min rah țhat tir ngam loh phah a. Ka chawlh phah ta reng bawk ani.





Tun thleng hian fahrah tih thumal hian keimah ah nghawng na tak ala siam țhin a chuvangin he thu hi a huatin ka haw takzet ani.





Thil ka hriatchhuah zawk avangin ka phone chu ka phawrh chhuak a, zaninah hian bia ilang a țha ang, thudik chu a hriat vek mai dawn alawm, zinga ka bia anih chuan a dawtsawi ho lam te kha ka âwih leh emaw kha ania nga.





Ka call a, a in ring chu thin phu dep dep leh hlauthawng ru tak chung siin ka ngaithla a, a tawp tawh dawn emaw ka tih hnuah a rawn Hello ve ta hram a. "Khawnge I awm? " ka ti nghal vat a, phone ațang chuan an thawm pawh ka hre thei veka, ka tâwt lehnghal up up tawh mai.





"Hei., insaknaah ka awm mek a, thir an ch$ ring bawk nen music an play ring bawk nen, kan chhuah hunah ka lo call ang che aw.. Babe" a sawi zawh rual rual chuan line a cut nghal daih a, tunah tak hian tui vawta theh ang țhawt ang mai ka ni, ka hit nghal dûk mai.



\°•°/



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:03 pm

2'3' #EP-2

By : Msi_Miluhlulnui 👩🏻
(Hmeichhe Naupang Tereuhtê 🙃)


Barakhaih! 😀😀





Ka call nawn leh ngat a, busy a inti zela mahse call ka țhulh phah chuang lo, a tawpa tawp ah chuan switch off a inti hmak! Ka call nawn leh țhin a mahse a in ring hma hma in ka hmet tawp leh țhin a, mahni chauhin awm mah ila hlauh vang ni hauh lovin room chhungah chuan ka hawi vual vual mai.





Engtik ațangin nge kei hi min lo bum tawh ang, bum ka lo nuam viau em ni, hetiang taka awlsam taka an ti thei hi. Ka lo â viau ania ange, min ngaihsak loh em em chang pawh khan hnaah a buai aniang tiin ka infuih thawveng a, khang ah te khan kei min kalsan in khanu bulah khan alo awm reng tawh awm si a.





Engtin nge hetiang hi ka chungah a thlentir theih zawk, min kalsan a duh anih chuan chiang takin min hrilh thei reng si a, engvangin nge hetiang zâwng hian thil a tih kei min ti na tur hian, a pawi eng nge ka sawi. Min hmangaih emaw ka tih kha dâwt vek em ni ang? Ka biangah dawm in 'nang chauh hi ka hmeichhe Hmangaih ini' a tih thin kha, kha thil kha chu dâwt ni lo hrâm rawh se.





Ka zawhna chhanna zawng zawng hi tunge min pe ta ang. Hmeichhe dang tam tak angin ka natna pai te thlenna tur nu leh pa ka nei ve lova, ka buaina te sawiin ka rilru hahna te thlenna tur ka nei ve lo. Keimah leh keimah ah ka inthlen a natna bawkin min rawn tuam leh țhin.





Ka ngaihtuahna â vek tih reh tuma khum ațanga ka tho tur chu ka țhu thla leh hnawk a, ka mittui a rawn luang nghal zung zung a, engati nge tunah chauh ilo tlak, nichina tla tura ka duh lai che khan lo tla ta che, tunah hi chuan chakna ka mamawh lai tak ania sin.





Ka mittui hlimna vang ni lo natna avanga luang thla chu ka hru a, mahse dan zawh rual loh in an rawn luang thla lehnghal zela, nichin khan rawn tla la chu tunah hian i tla miah lovang. Ka mittui chungah chiah hian ka thinrimna, natna te, lungawi lohna te ka thlen ve thei a ka rilru in ka hau a ka sawisa țhin.





Ka lo țap muhil ani ngei ang ka harh chuan nizana ka awmdan ngai ngaiin ka lo la awm a, mit bui lûkin ka tho chhuak a ka țahna avangin ka mit a sen ram bawk a morning work ka nei lo chu ka vannei takzet ani, nilo se chuan thawh ka hai lehnghala ka hlawh an cut chiang khawp ang.





Ka intifai nghal sawk sawk a, ka insiam fel vek hnua ka phone ka en chuan missed call 10 lai alo awm a chu pawh Kima hnen ațangin vekin, ka phone chu ka bag ah ka khung nghal daih a, a rawn call na ka hmuh ringawt pawh hian amah ka ngaihtuah chhuak a, he thil hi a tih theih ka la ring lo fo.





Khatiang khawpa thil chiangah khan kei hian a tih theih ka la ring thei lo cheu anih chu! Ka â tawh ani ngei ang, amah ka duhna hian ka mit leh ngaihtuahna zawng zawng min tih del sak vek tawh ani ngei ang.





Ka Message tone a rawn rik leh rual chuan ka phone chu ka la chhuak lehnghala "baby.. In hmu ang aw, ka lo lam ang che" tih ringawt hi alo ni a, thil thleng pawh awm lo ang maiin lawm loh in ka khi leh vur vur tawh mai. Inngaihzawnna/hmangaihna hi chuan min ti țap a, mahse min tihlim leh thin an lo tih hi a dik viau in ka hria.





"Saw saw, Kima kha ani lawm ni? " salad tur carrot ka chan mawlh mawlh laia Feli thu rawn sawi avang chuan ka chem ken lai ka dah lawk a, min lo lam dawn tawh ani hrim hrim ang.





Ka apron hak lai phelh mawlh mawlh paha a sawina lam ka hawi phei chuan ka kut che lai ka tâwp chut! Ka hmaa țhu te chu ka en reng a, ka tâwt lehnghal up up tawh mai, min lam turin alo kal emaw tia eng vangin nge hmeichhia nen an lo kal chu pawh nizana hmeichhia nen bawk khan.





Min rawn hmu lova ka en reng tih pawh an hre hek lo "alo kal pui nu saw ka hria Designer rawn awm thar fanu anih saw, engtin nge an lo in hriat leh hman tawh le, mi hausa ho tak hi chu aw.... " Feli chuan a ti nui nui a "tu maw anih a? " ka ti nghek a, ka awmdan avang chuan phâwk hra in min rawn en a.





"Kha, Aizawl-a Designer rawn awm thar nuthlâwi an tih fanu kha alawm, a hmelțha ka ti teh mai ania" a tih zawm zata, kei erawh ka bing chûk mai, designer an awm thar tih chu ka hria, lar pawh an lar viau, a fanu in mipa kawp ngheh a nei tih an sawi pawh ka hria. Mahse engtin nge Kima hi anih theih zawk.





"A bialpa thar lah kha Kima nen sawn an inang em em mai lehnghala" a ti sam êt lehnghal.





"Fel, saw table-ah sawn order i la dawn chiah tiraw? Anih chuan ka lo lak sak ang che" ka tih chuan a ngaihna hriat loh hmel zet hian min rawn melh a ka lo nuih sak a "ka hrilhfiah vek ang che" tih pahin ka pan phei nghala. Vawiin hian engkim ka hrechiang anga a tawp nghal vek bawk ang.





"Enge in duh ang? " ka tih chuan hmeichhia zawk chuan Kima chu a râwn a, a kuta vawn kher khu a țullo mawle, Kima hi a aw ațang pawhin ka hre thei ania tunah khan ka aw a hria a mahse min hre miah lo, eng ang rilru chiah ka lakah hian a put le.





"Khami tak kha chu a awm tawh lo a, mahse Mojito kha chu ala awm aw, in duh mai em? " ka sawi zawh rual rual chuan an pahnih chuan an rawn hawi rual nghal a, ka lo nuih sâng a. Kima hmel ka en chuan a hamhaih hmel a mak a ti tih a hmel ațangin a hriat theih bawk.





"In duh in sawi zawh tawh chuan ka lo ziak ang chu, in nghak rei lovang" nui sâng chungin ka ti chhuak leh a, amaherawhchu; nuih der hi khawvela thil har ber ani lo maw ka ti hman hial ani, ka ha langa nuih hi har ka ti takzet.





Hmeichhia zawk chuan Menu chu a en leh a Kima chuan min en reng tih ka hria, rapthlak ti lutuk in ka melh a tuna a hmel awmdan hi inhmu ve phei se chuan mak a inti khawp ang. Tunah chuan bum ka nih chian zia ka in hre tawh a, zingah kha chuan ka la ring lo fo kha ania mahse tunah hian eng thil pawh sawi mahsela awmzia a nei tawh lo.





"Alo thleng vat ang" tih paha kal ka tum chu ka banrêkah a rawn man chawt a, a thîp zawk thei.





"Min thlah nghal rawh" zawi si, fiah si chuan ka ti chang fak a, a lo hruai nu lah chu a kûn daih lehnghal.





"Hmuhnawm siam I duh lo anih chuan min lo zui mai rawh" a ti ve hrâwih a, a bula hmeichhia chu a en a. "Min lo nghak lawk rawh aw" a ti leh sup a.





Min biak dan leh henu a biak dan hi chu lei leh van ang vel ani.





"Min thlah rawh, min tibuai tawh suh" ka ti chang leh rat a, engah mah ngailo tih hriat zetin a nui suk ringawt a, ka ban chu a hmer na zual sauh a, ka ner nghal nak bawk. Hepa min hrechiang lutuk hi chu ka haw takzet ani.





"Min lo zui mai rawh babe... Miin min en țhup tawh ania" ka beng bulah chuan a rawn phun sup a, na zetin a lu ah chuan ka lo tauh sak pawp a, a nui ang chhuak hawk bawk. Engmah sawi tawh lovin min kaichhuak dawr dawr a ka kut saw ana tawh takzet, ka che leh anih chuan engtin emaw a ti leh ngei awm sia.





Pawn kan chhuak tur chiah chu mi ka su dawt a ka nghing lawih thei "bro... Min lo nghak lawk rawh. Ka rei lovang" Kima chuan a ti leh a, chupa chuan min en vung vung a, hepa hi ka hmu tawh chiang lutuk ringawt mahse khawiah nge ka hrechhuak zo lo. Min melh dan hian ka tha a tikhur thei nia mawle.





"Rei lo la" a tih thûm dut rual chuan Kima chu a bu ve nghut a, min kai chhuak nghal dawr dawr anih chu! Ka ban na lutuk avang chuan ka ner nâng a, ka awmdan in a zir loh chuan kei hian a chêt dan tur ka hrechiang lutuk a ni, ka kut hi eng vang mahin ka tina lovang.





Dawr huanah chuan min hruai a min kaihna a phelh rual chuan "kha hmunah khan enge i tih?" a ti chang hrâwk a, ka phu zawk thei.





"Kan dawr ah khan engthil nge itih? Hetiang thawmhnaw ha hian hna i thawk amaw? " a tih chang leh hrâwih rual chuan ka phu zawk a. Hlau thei ka ni lo, huaisen taka ka beih lêt a ngai asin. Mahse hlauh avangin ka khur mek chu anih si hi.





"Babe... Sawi rawh!" a ti leh tuarh a ka maimichhing nghal tawp! Ka hmai bulah chuan a rawn thaw huam huam a tun ang taka a thinrim hi ka la hre lo.





"Hna ka thawk, ni e ka thawk alawm chu chu enge i tan a țangkaina?" a hun taka tianga ka țawng chhuak thei hi ka lawm takzet, inrintawkna ka neih chuan min men tira hmaichhanah chiang fek fawkin kan in hmachhawn ta siah mai, ka zam tur ani lo.





"Kan dawr ah hian maw?! " a tawngkam hmuhsit awm tak chuan ka thin zâwn hi a tina ut ut thei.





"aw" ka ti sap a.





"kan dawr ah lo hmundangah thawhna tur a tam nen engvanga heta thawk kher hi nge inih? Min râwn hmasa ta che" ti chang hrawih a, "min râwn hmasa ta che a! Hah! I zak lawm ni, nang hian chhunah enge ka tih țhin a zanah enge ka tih țhin pawh hi i hria ami? Hna ka thawh leh thawh loh pawh i hrelo a, min zawt ngai lova i ngaihsak hek lo, chuan heihi in dawr a ni tih reng reng ka hrelo bawk" ka ti ve fak a.





Ka sawi dik chiah bawk, enge ka tih țhin a hrelo a ka thawh țhin phei chu a hrelo lehzual, ti hian kum 5 lai chu kan lo inkawp ve tawh chu ania, rapthlak hian, chuan heihi an dawr anih tih phei chu a sawi ațang chiah khan ka hre ve leh chiah bawk.





"Kan dawra thawh hi nang a tan chuan Vanram ang ani lo maw? " a thusawi chuan min deng dawt dawt mai hetiang khawp hian ani maw min lo hmuhsit a.





" Vanram ang chiah ani, a nuam lutuk takzet chuan i hria em? Nang pawh hnathawh naa han in kiss vel te kha a nuam viau lo maw? " a mit a melh ralh paha ka tih chuan, a mitmeng chu a inthlak nghal hlawk a, mahse rei a ni lo.





"I sawi chu ka hre lo a, ka thusawi ațang khan pên tum hlek suh" a tih chuan ka nui chhuak hak a, "I hrelo amaw? Ni zanah khan ipa nen hna thil ah chhuah in ngaih thu i sawi a tiraw? Mahse Hoirfen-ah khan enge in tih? Hna thawk turin maw?! A teuh lo lutuk! Saw dawr chhunga awm hmeichhia nen sawn in awmdun ani lawm ni a hmuiah te khan in kiss vel anih kha





Khatiang kha hnaa an telh thar ami? An telh thar âwm pawh ka hre si lova a mak ngawt mai, chuan thir kha pakhat mah a inchhu ri bawk lo" ka tih chuan a meng buai nak mai, ka nuih sak.





"Tukin zingah pawh khatiang thil i tih kha ka la ring thei lo fo a mahse tunah chuan a chiang tawh takzet in ka hria, insawifiah duh lo mai rawh, ka mamawh lo, tun ațang ngei hian kan inkar chu tâwp rawh se" ka ti chang fak a.





Ka inher a ka kal tur chiah chu a thusawi avang chuan ka ding leh dat a "nang khan min țhen theih i in ring amaw? Min hmangaih viau ani lawm ni" a tih chuan ka lehhawi a. Hmangaih. Chu thumal chuan min tibuai pha takzet, ani hi ka hmangaih em ka hre hauh lo.





"Ka theih lo i ring amaw? I ring sual anih chu khang kum 5 chhung khan i thlazar hnuai, e, ni lo i dâwt sawi hnuaiah khan ka lo awm pawh ani thei a, khavang mai mai khan ka theihnghilh theih loh che ring duh suh, i tisual ang, khatiang ngaihsakna tlachham zet ka dawnna ațang khan chhuak turin min duh viau tawh zawk ang chu, i hlim tawh em? Hei ka chhuak dawn ta alawm". Ka thusawi chu kei pawn ka awih lo zawk hetiang em em hian ka lo chimawm thei tih ka lo hre hauh lo.





"Nang!" ka hmai a ri nghal sawk a, a thîp vung vung mai.





"Nang fahrah mai mai hian..... " a thusawi lai chu a tawp chut a! Chiang fahran hian min rawn en a kei erawh ka melh ngai ka melh ngawt ngawt a tuna a thusawi kha. Khur dar dar in amah chu ka melh chho a ani pawn mak a ti tih a hriat mahse a sawi zo vek tawh. Min ngaihdan leh hmuh dan chu tunah hian ka hrechiang tawh mah mah a ni.





Ani pawh hian mi ngaih ang tho in min ngai ve a an rilru ang chiah a pu ve tho a ni, ka khur nasa lutuk chu ka bânah min rawn dawm a.





"Ka... Ka.. Tihpalh... Sawi ka tum ani lo" a ti bah nawk nawk a, mahse a sawi zo vek tawh.





'Khatiang kha ka sawi ve ring hauh suh, ka sawi ve anih chuan kei hi thi tlak ka ni ang, i hreawmna țhin sawi chhuah chu ka duh hauh lo, theih nise he khawvel ațang hian ka paih chhuak ang' a tih lai te chu ka mitthla ah an rawn lang nghal zut zut mai.





Ka kawchhung hi a sa bulh bulh a engkim hi ana vekin ka hria, a sawi, a sawi ve asin ka sawi lo ang kha a ti si a mahse a sawi ve asin tiin ka rilru chuan ka phun mawlh mawlh a, ka khur nasa lutuk chu leiah ka țhu thla nghal dawt a ka mittui a rawn far thla nghal keuh bawk.





"Babe... Ka ka.. Ka sawi tum ani miah lo ania" ti bah nawk nawk in ka bulah chuan a rawn țhu thla ve nghala ka mittui luang chu a rawn hru a nghet lutukin min kuah a, awmsawn tur pawn tha ka nei lova ka khur nasa lutuk hian min ti â vek thei dawn. Kha thu khan tun thlengin nghawng na tak min la siam ka tih tawh kha, tunah khan a sawi tur bera ka rin loh in a sawi a.





Ka nihna ang anga min pawmtua ka lo ngaih khan a sawi asin a sawi ve, engtin nge kha thu kha awlsam taka a sawi chhuah maithei zawk. Min nghawng nat zia a hre vek ani lawm ni. Nge kha hmeichhia a tawn rual khan a theihnghilh vek tawh zawk.





"Ka.. Ka tihpalh tak tak, ka sawi tum ani miah lo min ngaidam rawh". a ti khur hlawk hlawk a, a mangang tih ka hai lo. Ka mittui a luang thla char char a tunah hian ka țawng chhuak thei lo. Tawng chhuah a hauh hrep ka duh mahse engmah ka sawi thei miah lo.





"Lalrinkim!" ti hrâwk ri chuan mak tak maiin min ti dam sawng sawng thei nia, a aw ațang ringawt pawh chuan thlamuanna ka zawn țhin ang kha ka hmu ni maiin ka hria vîn viau mahse.





Kima'n "Bro" a ti chhunzawm zat.




Unaupa maw!?


\°•°/

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:03 pm

2'3' #EP-3

By : Msi_Miluhlulnui 👩🏻
(Hmeichhe_Naupang_Tereuhtê🙃)





Thei leh thei lo chuan ka hawilet ve a, ka hnungah chuan nichina ka sut pa kha a lo ding a, chiang fahran hian min lo en a, Kima khan bro a ti chiang lutuk ringawt.





"Dawrah lo va lut rawh" a aw chu a dam hran lo a, a chang hran lo bawk mahse zawm loh ngam chi ani hauh lo ang.





"Mahse, bro... " Kim'n a ti hman chauh a "ka sawi tawhin ka hria, lo va lut rawh ka lo buaipui mai ang" a ti leh sup a.





"Mahse, keimah ngeiin,... " a ti leh hman chauh "ka sawi nawn tawh lo ang, lo va lut rawh Judy pawn a nghak rei lutuk ang che, chuan nichina thil thleng kha i sawifiah ngei chu a ngai ang" a ti khauh fur a.





Kima chu rawn țhu hniamin ka bek tawn tawnah chuan a rawn vuan a, ka chalah chuan a rawn fawp vang vang a ka mittui a rawn hru hul bawk "ka tihpalh lutuk aw, Zual, ka lo bia ang che" a ti sup a, a tho a dawr lam pan chuan a kal zui nghala.





Engtik laiin nge ka tha khur te kha an reh ka hrelo, khami te pahnih inbia ka en vang kha ani chiang lutuk, chutianga hmuhnawm pawh an ni tawp si lo a. Khawnge khapa pawh kha alo awm leh hman. Ka hawi kual tur chu min chhuk melh ngur ka hmuh avang chuan ka phu zawk a, a nui suk lehnghala. Ka hlauh hman zia kha.





Ka mawng na lutuk thawh chhuah ka tum chu ka thu thla leh hnawk a ka tho thei miah lo, ka inbeng kâng leh a mahse a ngai ang tho in ka thu thla leh hnawk tho, hepa lah hi ka buaipui ang chuti khati te a ti vela, buaipui chu khawiah ani ringawt, mi â ang maiin min en reng ringawt.





Hetiang mihring hmaah hian ka zâm in ka țap tur ani lo.





"Min lo pui lawk mai, ka tho thei mai lova" ka tih chuan a rawn thu thla nghal vut a, min pui dawn amaw tih nâk alaiin a ding lehnghal daih anih chu! Eng chu nge maw a hriat hrep ni "min pui dawn amaw tih nâk alaiin enge i thawh leh daih a?" ka ti hlar a. Min chhang miah lo.





"Min lo pui vat teh, ka bal vek dawn ania" ka tih leh chuan a rawn țhu hniam lawk a, ka kâwngah a kut rawlh lutin min pawm kâng nghal nawlh anih chu! Enge a hriat a, hepa tu ah nge maw a inngaih le, zaklo lutuk.





Țhutthleng awm ah chuan min nghat thla dawt a "ti kha chuan i fai tawh ang" a ti anih chu! Ka ngei lutuk chu ka melh chho nghek a "hmela" ka ti nghal hlar bawk.





"Oh! Ka hming i hre chak tih sawi mai teh, Ramhlun min ti mai rawh, nge i hre daih tawh zawk ang a" ava han zak lo, enge maw hriat le.





"I hming hi ka hre chak hlawl lo, lo hriat hmasak phei chu ka chak lo lehzual" ka ti hlar a "min hria tih sawi mai la" a rawn ti leh.





A zawk za mah chuan, zaklo hi ka van ti tak.





"Nang kha ka hre peih hlawl lo che" ka ti nek a. "Min hre miah lo tih sawi miah suh" a tih chuan ka melh rawm rawm a, enge a hriat a hetia a rawn awm vak vak le, kei hi min bawl a tum zawk amaw ni le.





"E, ka hre leh si che, Kima u emaw nau iniang nichin khan bro a ti che alawm, chu bak bak enge?" ka ti leh hlar a, ka ngei lutuk hi en pawh ka en tha peih lo, a hmel chu țha viau lo se chuan ka kalsan daih tawh ang mawle.





"Naupang chhia lutuk! " a ti hluk a.





"Ka pheikhawk chunga i thlen kha engtia min rulh nge i tum hrep a? " a thusawi âtthlak lutuk avang chuan amah chu ka melh chho nghal hâw a, "enge i sawi awmzia?" ka ti hû bawk, engmah ka hre thiamlo. "Nangmah avangin a savun pawh a chhiat phah vek lehnghal" a tih leh ngat phei chuan ka bo tulh tulh mai.





"Eng thil nge sawi i tum a? " ka ti țeu hlar a, engthil nge maw a sawi hi le a thu sawi hi amak thei takzet.





Min si chêtin a rawn țhu thla a.





"Oh! Bawihi kan hrilhfiah ang che nizan khan țawng miah lova hmai dâng lêpa hmalam en ngur ngur tur leh pawn lama thil sawi leh țeuh si khan thil i tibua tih i theihnghilh tih sawi miah suh" a tih chuan ka meng phawk hrâ mai, ka hrechiang leh lutuk rapthlak, chuan a thil sawi hi amak miah lo bawk.





"Min hai aniang" ka ti ta ringawt, nizan khan thil ka tibua tih chu ka hre ngei mahse hepa hi engtin nge alo nih daih theih le, "ka hai che ring hauh suh" a ti thûm dut a min va han hriatchian hmel em em ve mawle.





"Kha..... i pheikhawk chu ala chhiat tawp loh kha dâwt sawi hlek suh" ka ti ta fak a, "Nula, pheikhawk pakhat chiah ka neih i ring reng reng em ni?" a rawn ti chhuak hawk a, nuih a insûm hmel țhat zia hi. Het! Tuna ka ngaihtuahna kha thil țullo rapthlak lutuk anih kha.





"Ring nang, i hausak viau leh lei leh mai la thil harsa a awm hleinem" ka ti sam êt a.





"Aw... Ka lei ring hauh suh, i rul ngei ang nizanah pawh nangmah vangin ka mu thei lova, chungte chu i rulh tel vek a ngai" a tih chuan ka lo nui chhuak hak a "iva mawl tak, nizanah keimah vanga lo muttheih loh te chu a, min hre sa ngawt amaw ni le, ve ngawt che chuan" tiin ka awih lo lutuk chu ka nui chhuak ta vak vak a.





Ti hian awm ila a hawisawn laiin kalsawn daih teh ang, chuti lo chu pawisa min dil reng dawn tlat awm ve reng na chi pawh ani lo. Pawisa ka nei lo ang bawkin ka rul dawn lo hrim hrim.





Tlema a hawisawn deuh rual chuan ka tho a ka tlan tur chiah chu min pawt lêt lawp a, a malchungah chuan min nghat nghal tharh a ka kâwngah chuan a rawn vuan nghal chat a "khawiah nge kal i tum a?" a rawn ti sup bawk.





"Min thlah vat mai teh, miin min hmu anga sin, i mawl ami?" ka ti hlar a, ka tal tur chu ka nâk nêmah a țham nghal salh a zâ ka ti lutuk chu ka îp nghal châwih a engtin nge hepa hian ka sa huat lai a hriat nghal ngawt theih le. Ka kâwng a vawnna phelh tir ka tum a kut a ka vuan chu ka kut alo hum let hmak anih chu.





"Kan la sawi zo hleinem" a ti sup a, ka tâl zeuh rual chuan ka nâkah a hmer nghal zela ka îp châwih zel, ka kut a hûm nghet bawk si, enge maw a hriat chu le ka va han ngei tak aw...





"Enge sawi leh chuan tur awm a, ka rul dawn lo che ka tih tawh kha" ka ti vak a, ka che ngam tawh lo hrim hrim ka tal leh chuan zâ ka ti lutuk hi ka au chhuak vak mai ang.





"Rulh i tum hma chu i kal dawn lo ania" a tih chuan ka melh nghek a "khang te chu tihpalh anih kha, tu pawn thil te chu kan tisual thei vek alawm, pawisa an indil dû dû ngai pawn ka hrelo e a, min thlah vat mai teh miin min hmu ang" ka ti nek a, min thlah chu sawi loh ka kut lah chu a hum nghet tual tual lehnghal.





"Hna ka la ngah ania, min thlah vat mai teh anih loh chuan mi hnenah ni lo lo in ka sawi ang che" ka tih chuan a nui suk ringawt "min thlah teh" ka tih leh nghek rual chuan ka nâkah a hmer leh chawt a! A zâ ka ti lutuk chu ka au chhuak vak bawk a. "Misualpa, min dah thla vat mai teh, ka rul chuang lo ang che" ka ti țhat a.





"Malsawmzual" tih hrâwk pahin amah hnaih zet chuan min pawt hnai hrâwk a, a chalah ka va intauh dawt phah lehnghal, ka va han ngei tak tu ah nge maw a inngaih a hetia min tih vak vak ni.





"Ka rul dawn lo che, i duh leh a thar lei mai rawh i hausa ang ka ring" ka tih chuan nui chhuak hawkin ka hmui bul chêtah chuan a hmui a rawn dah a muangchangin ka hmui chu a rawn tawk riai riai a, ka lo dawh mawl tawp, lo tih lêt tur pawh ka hrelo, ka dang dawn nge engtin nge ka hrelo, ka meng phâwk hra a, tunah hian ka ngaihtuahna ah enge awm ka hre hauh lo.





"Ka rin ang chiah" ti supin min thlah a "engtin nge min rulh dawn le? " a tih zawm zat bawk, ka ngaihtuahna hi a chawmawlh vekin ka hria "sawi la" a ti sup a, "ka hrelo.. mah... " Lawk, hepa hi! Tunah khan ka ngaihtuahna a hruai kawi chiang lutuk ka rulh dan tur min zawh tumin






Hmela mai mai chuh!


\°•°/

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:03 pm

2'3' #EP-4

By : Msi_Miluhlulnui 👩🏻
(Hmeichhe_Naupang_Tereuhtê🙃)





Ka kut a vawn telna a thlah rual deuh thaw chuan ka tal thla nghala "ka rul dawn chuang lo che" tih vak pahin dawr lam pan chuan ka tlanphei nghala, engvanga che naupang chhia viau nge maw ka nih hrep ni, hetiang hian ka la awm ngai tawp si lo a.





Khapa kha Kima û a nih loh vek pawhin a nau ani ngei anga engtin nge khatiang khan ka lo awmpui theih zawk le, eng ang hmeichhia nge ka nih, a chêtdan te kha dang tur ka nih laiin ka dang miah lo, dan chu sawi loh ka thluak a ti chawmawlh vek zawk anih kha.





Dawr chhung ka luh chuan Kima te kha an lo la țhu reng a awm lo ang maia ngaiin ka kalpel a, ka hua ani ka haw takzet, amah ka hrechiang viau amaw ka tih kha ka lo hrechiang lo ani. Midang nen an ngaihdan a dang chuang lo a ka nihna ang ang a min pawm amaw ka tih kha ka lo ring sual ani, min lo ngaih țhin dan chu a pholang chiah tawh bawk.





Theih nise he khawvel hi chhuahsan ka duh a, mahse ka nu duhthusam hnuhnung ber kha tihhlawhtlin sak ka duh a, ka pa zawn chhuah a chanchin kimchang hriat ka duh a, mahse a hmel leh a chanchin pawh ka hriatloh chu ka tan zawn a harsa takzet ani.





File-a vawiin order chhuak ka ziah luh mawlh mawlh laia ka bula lo ding Feli thusawi avang chuan ka thil ziah lai ka ziah sual phah. "Ui, Zual, Kima u Ramhluna saw ka van duh tak a chhiatloh zia saw" rapthlak ti lutukin ka melh nghal.





Saw mihring sual lutuk saw henu hian alo duh leh hman tawh anih chu! "Fel, enge i hriat a? " ka ti ta ringawt, saw misual mizia saw ala hrelo amaw ni le, a hmelțhat vang mai mai sawn a duh tih ka chiang lutuk.





"Engmah hre nang, mi tih loh dan pawh ani hleinem, nang chiah hi amah duh lo tu hmeichhia awmchhun iniang, enge i hriat zawk a? " a ti hlak a, zawk za mah chuan .





"Khawnge nimin a ichhelo tih kha? " ka zawhna avang chuan nui vak vak chungin min rawn beng pawp a.





"Malsawmzual, khang te chu chhelo tih satliah ve mai alawm, u Ramhluna te saw chu ka duhna a rei tawh" a nui zui leh vak vak a, tunah khan nuihzatthlak pakhat mah ka sawi lo.





Henu hian nitin chhelo tih hi vawi engzah nge a sawi chhuah ang, chu mi te chanchin lah chu sawi tur a hre thei phian zel lehnghala, a chang chuan ka ning lutuk hi ka beng ka lo hup tawp zel. Zanlaiah call ula, sawipui tum ula, a sawi peih reng, ninawm khawpin a hrilh mai ang che u.





"I ho e a, taka zanin kha ka hman lo ania" ka tih rual chuan ka bânah min rawn bêng nghal pawp a, thîp tak ani "enge i hman loh? Hman rawh, i hna pawh kha kallo mai rawh, hrim hrim in an lo beisei dawn che ania" a sawi hi a dik ve reng, mahse ka thei chuang lo.





"Ka hria lawm, amah pawh ka hrilh lawk tawh tho a, in ngaihdan pawh a inang chiah, mahse keimah hi ka hman lo alawm" ka tih chuan rum mang khengin min rawn melh a, a țawng leh tur chiah chu Madam-in a rawn koh avangin a phun zui hlak a.





"Ka rawn let hunah kan sawi țha leh ang, engti kawng zawng pawhin i kal dawn hrim hrim" ti zui hlakin madam in a kohna lamah chuan a kal nghala ka thaw chhuak hak.





Kan thiannu pakhat ramdanga lehkha zir alo haw a, mi hausa tih takah alo haw lawm nan party an buatsaih a, tah chuan VIP niin ka kal ve thei bawk a, mahse ka kal hman lo, zanin chu hlawh double zan ani a, hnaah ka kallo anih chuan a double-na tur nen lam khan ka hlawh an cut tel vek dawn a chu thil chu ka thlentir theilo.





Ka pa zawn chhuah nan sum tak tak ka la mamawh dawn chauh a tunah hian U Sai'an ka nu chanchin, ka pian hmalam a chhui meka, ka nu te khuaah a awm mek bawk, chuvangin ho mai mai a hun khawhral hman ka ni lo.





Dawr hi Security awm vek mahse tlai lama buaipui tu leh zing lama buaipuitu kan awm țhina, vawiin hi keipawh ka buaipui ni ani bawk. Dawr khar hnua dawr chhunga thil thleng a awm chuan Security leh a buaipui tuten kan tuar leh vek țhin, kan hlawh an cut duai zel.





Engkim a fela ka hriat hnu chuan kawngka ka lock-a hnunglam ka hawi chiah chu ka mi hmuh avang chuan ka phu zawk a, tunge a nih hrelo ila chuan ka au chhuak chiam ngei ang, a pumrua ațang ringawt pawhin tunge anih ka hrethei a, mahse a ni erawh chuan ka aw ringawt pawh a hrelo ania.





"Enge i duh?" ka ti chang rat a "in be lawk ang" a rawn ti sup a dawr kawt êng laiah chuan a rawn ding ve a "enge sawi tur ka awm a vawiin thil thleng kha maw, theihnghilh rawh, engkim a tawp vek tawh" ka ti leh hap a, ka kal tur chu ka bânah min rawn pawt a ka ding nghal dat "keiman ka nei alawm" a ti chhuak hawk bawk.





"Ka tihpalh takzet, kha thil kha ka tum lawk ani miah lo" a ti sup a "i tum ani lo tih ka hria lawm, mahse a thleng tur chu a thleng vek tawh, kan tawp tawh, min kalsan rawh" ka ti leh a, ti hi chuan ka rilru a nêm leh thei mai dawn.





"Aih, engkim ka siamțha leh vek ang, ințhen ka duh lo" a sawi zo chu ka nui chhuak hak a, a zat vang erawh ani hauh lo, "I siamtha ang maw? Kim, khanu bula i awm duh thu kha pangngai takin min hrilh ni la chuan i hlimna tur anih chuan ka kaltir ngei ang che a chhan chu hlimna ka thlen ngai miau lo che a, mahse iti miah lo, khanu nen khan kum tam tak awmdun tawh ang maia inkhawsa lai ka hmu a, engtin nge ka awm ang i ngaihtuah ve em? " a tawp lam chu ka ri chhuak chang chang a.





"Babe, ka thiltih avang khan min ngaidam dawn lo tih hre mah ila ințhen ka duh chuang lo" ro zetin ka nui chhuak hak a "I thutiam pawh i puitlin thei lo a, tikhan kha thu khan min nghawng dan chu a vawi 2 nan i hmu leh ta a engtin nge i awm? A hma ang tho khan khawvel ațang hian paih chhuah ila chak em? I chak tawh hauh lo ang tiraw? Ka tan chuan sawi ve loh i intiam a mahse i sawi leh tho si, khanu i tawn atang khan i thutiam te kha i theihnghilh vek ta em ni? Itan hian enge ka nih ve a, khanu ai khan enge ka that loh bikna min hrilh rawh ka lo in siamțha nghal ang mahse i tan ni tawh lovin" ka sawi zo chu insût hraih a, ka țawng chhuak leh anih chuan ka țap chhuak thei mai dawn.





"Babe kha kha... ". A ngawi leh dat a, thaw chhuak hak in ka nui ri sak a "sawi tur i hre tawh na nge? Kan sawi zo law law ang, khanu nena in awmdan ah kha chuan ka ngaidam vek ang che, mahse i thutiam ngei pawh i hlen zawh lohna ah kha chuan ka ngaihdam theih che ka ring lo. Chuan khanu nen khan in inkarah ka lo inrawlh miah lovang ka hnawksak lo ang, mi tan ka hnawksak tawh a, mahse i tan lehzel ka lo hnawksak ang tih ka ring pha miah lo khang hun chhung zawng khan i hlimna ka thlen sak ve țhin che amaw ka ti a mahse ka lo hnawksak zawk si a" ka nui a.





"Mahse lunngai suh, ka hnawksak tawh dawn lo ania, chuan keimah ang hian hmeichhe dang ti ve suh ang che anni chu hlim takin siam la an duhthusam te tih puitlin sak ang che, ti țap ve ngai hauh suh aw, chuan leh lawk, khanu kha a hmelțha takzet" ka sawi zo chu hawi lêt lovin ka tlanchhuak nghala.





Min auh lawm lawm pawh ka hrereng mahse ka hawilet theilo ka hawilet anih chuan engkim theihnghilh vek khawpin ka pawm leh duh mai ang, mahse hreawm tuar tur ringawt chuan ka ti thei tawh lo ani. Ka mittui chu a rawn luang thla ngiai ngiai a.





Enga tinge hetiang hi ka chungah a thlen bik, hlimna chhe tê ka beisei ve pawh ka hmu lova hlimna zawkin min kiansak zel si, hetiang tur hian ka nu khan tinge min lo hrin chhuah, a pum chhunga ka awm lai khan a duhdan ang chiah khan lo ti se tun ang hian ka awm bik hauh lo tur.





Inkawt chu tlan meuhin ka thleng a ka mittui ka hru thuak thuak a ka thaw chhuak hak, ka inkawta motor lo ding chu ka en reng a, tun ang hunah te tunge lo kal le, ba ka neih pawh ka hre bawk si lova, eng buaina mah ka siam bawk si lo.





Ka ngaihtuahna a vah thui lai tak chuan motor kawngkhar chu a rawn inhawng a, motor ațang lo chhuak ka hmuh chuan ka meng kâwk a, hemi te unau hian enge an hriat a, kehchhe vek turin min duh em ni.





A hmelțha zet nena inhmeh zet chuan nui sukin ka lam chu a rawn pan a ka thin hi a phu rang dep dep lutuk ringawt. Nichin kha chuan natna avangin ka țap a tunah erawh chhan leh vang awm lovin ka zâm ve em em ringawt lehnghala, ka awmdan inthlak danglam chak zung zung țhin lutuk hi a mak ka ti ani.





"Enge i duh?" ka aw chu a nêlawm hran miah lovang. Ka bul a rawn thlen chuan "ka pawisa lam turin ka lo kal dawn" a ti sup a, a vei nuih suk bawk "ka rul dawn chuang lo che ka tih tawh kha" ka ti nghek a, amah kalpel tuma ka che chu ka kalna lam apiangah a rawn ding ve zel anih chu!





"La kal mai bik lo la" tiin ka hmai zâwnah chuan min rawn en a ka lo meng phawk hrû mai, ka mitah tak min en rual chuan ka lo en ve chiah bawk a, kan mit chu a ințawng siah mai. A kut chu lek zuaiin ka biang chu a rawn khawih a.





"I țap, a dik em? " a aw ril ruih chuan min fan rawih rawih thei nia "tap lo" ka ti vat a.





"Malsawmzual, i țap tih hi thudik ani em? " a ti hrâwih a, enge maw a hriat leh tak le.






"I tan a pawimawh lo" ka ti hmak a, ka kal tur chuan min pawt let lawpa a taksa ah ka bet thlawp mai.





"Sawi turin ka duh che" a aw a min ngaihsakna ri chhuak chuan min ti țap leh thei mai dawn, ka chhan lawk loh avang chuan "Malsawmzual" a rawn ti leh hrawih a.





"I tan enge a pawimawhna? Ka tah chhan i hriat chuan ba a rul dawn che em ni? Min thlah vat mai rawh, nangnen hian inzawmna kan nei lo ang bawkin hetianga chêt theihna dan hi I nei lo" ka ti fak a.





"Hetianga che tur hian nangnen inzawmna kan neih kher a ngai em ni? " ti supin min thlah a ka ding țha nghal nawk nawk a, rum mang khengin ka melh zui a, a ni erawh a nui suk lehnghal.


Cont....

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:03 pm

2'3' #EP-5

By : Msi_Miluhlulnui 👩🏻
(Hmeichhe_Naupang_Tereuhtê🙃)





"Nangnena inzawmna neih chu i duh em ni? " rapthlak ti lutukin ka melh a, hemi te unau hian zanin hian kehchhe vek turin min duh zawk amaw ni le "nangni unau hian enge in hriat a, ka kehchhe lai hi a bo a bâng awm lova hmuh vek in duh em ni? " ka ti chhuak nghek a. An unau hian a huatin ka haw takzet ani.





"Oh! Chutiang ka sawi hauh lo" thawven hmel fe chuan a ti a " I sawi lo, mahse enge min tihbuai reng a, kha i pheikhawk man kha ka rul dawn chuang lo che ka ti ani lawm ni, i duh leh i nau kha va dil mai rawh" ka thinrim tawh lutuk chu a au in ka au chhuak.





"Ka nau hmer tel i tum tihna em ni? " a nui ri nghal suk a, hepa hian min ti â zo thei takngial dawn, ka țawngkam thiam te hian a daih tawh lo hialin ka hria.






"Hmer tel ani mai ang chu, kal tawh rawh in unau hian min rawn tibuai tawh suh ang che u. In hmel pawh hi ka hmu duh lo ka haw lutuk che u" tih vak pahin amah chu kalpel ka tum a, mahse rang lutuka min pawt lêtin ka kawngah chuan a vuan nghal chawt a min pawm kâng lawp a, a dar ah min pu anih chu!





"Hey! Hmela min thlah vat mai rawh, eng vangin nge hetianga i rawn chet ve ngawt a, i zaktheilo lutuk. Min dahthla vat rawh" tiin ka ke chu ka leng vak vak a, a hnung rem laiah chuan ka chum nghal pawp pawp bawk. "Awm mai mai rawh, anih loh chuan i tlakna tur hi a na viau ang" tih pahin ka in lam pan chuan a pên nghal pawk pawk a, a sang lutuka ka thlâwk ni maiin ka hria.





"Nangnen hian inzawmna kan nei lo ka ti ani lawm ni, hetiang hian awm tawh suh, ka ngen a che, in unau hian min tibuai tawh suh u" ka ti vak a, engmah hrelo ang maiin a pên pâwk pâwk a, "I van țawng hnem tawh gak, ngawi rih la, i hah lutuk palh ang" ngaihsam zeta a tihna avang chuan ka au chhuak nghek a.





Ka haw lutuk hi lan chhuah tir dan ka thiamlo mai pawha ni lo se chuan ka awmdan ațang hian ka huatzia chu a hre vek ang mawle, mahse mak deuh chu hepa bula ka awm hian thil thleng te kha ka hrechhuak ngai zen zen miah lo vawiinah chauh kan inhmu lehnghala, a ala chimawm em em mai lehnghal.





Bathlârah chuan min nghat thla pawp a, kawngkaah chuan min nem bet nghal rawk a. "I duh duh hi sawi țhin suh" a ti nghut bawk, hnai sêt sawtah min rawn en a, ka zâm lutuk hi ka awmdan pawh ka hre tawh lo, ka khur dar dar in ka hria "kawngka hawng la" a tih rual chuan. "Teuh lo" ka ti nghal vak a, ka chhân rang lutuk vang nge a nui chhuak hawk mai.





"Eng vangin? " zawhna bawk maw?! A zawhna lah hi chhân dan tur ka ngaihtuah fê a ngai ziah, chuti chung pawh chuan min la chhang lêt zel thei nia mawle "a theih loh ani tawp mai, ka inah hian ka phalna la lo chuan i lut ngawt thei lo " ka tih chuan ri meuhin a rawn nui chhhuak nghal hawk hawk a.





"Hawng la ka ti ringawt alawm, ka lut dawn tih ka sawi hauh lo, ni lawm ni" nuih insum zeta a tih chuan ka zak lutuk hi ka sen țâwn țâwn thei, " a reng reng thu in tihtur te i nei ve lo ami? Engati nge min tihbuai reng a? I hausak viau leh a thar lei leh mai la, i buai peih reuh mang e" ka tih chuan thaw chhuak hawkin hnai fê ah min rawn en a.





Ka lai lutuk chu ka hawisawn nghal daih bawk. Mahse ka biangah rawn dawmin a mitah tak en turin min kuai her a "I ngaihdan ringawt hian thil kalpui țhin suh" a ti sup a, ka thinphu hi a ring dup dup lutuk ringawt "kal tawh rawh" ka phun chhuak sap a, min awm hnaih lutuk avang hian duh ang pawn ka țawng țha ngam lo.





"Kal tur pawh chuan min va duh ve a" lungawi loh hmel fe a ti chhuakin a awm hrang hlawk a, ka thaw chhuak hawk thei, tunah khan ka lo țan nasat zia ka hrechiang, a mi uapna kha ana lutuk ringawt.





Ka țawng leh tur chiah chu "Azual, enge ni ta? Mhapa kha tunge? " kan țhenawmnu nu Sawmi țawng ri avang chuan ka meng phâwk hra a, rang lutukin a lehhawi a, nu Sawmi chu kan hnungah alo ding reng tawh "e,, e... Enge ilo tih dawna? " ka ti bah nawk a, ka zawhna han âtthlak zia hi.





"Eng ti dawn love, hei Comedian Search en turin ka kal dawn chiah a, in lo indinchilh rûn sia, thil thleng a awm amaw kan ti deuh mawle" a tih chuan ka thinphu rang lutuk avang hian ka awmdan a pangngai theilo. Rin loh lutuk tak maiin Ramhluna chuan ka kâwngah a rawn vuan chawt a, a lamah min hnûk phei nghal hrâwk a, nu Sawmi chu a meng phâwk nasa mai.





A kut ka vawn ruala ka tal tur chu ka kâwngah chuan a rawn hmer deuh salh a, min warning-na a ni tih ka hrechiang lutuk mah mah, ka che ngam tawh lo hrim hrim ka sa huat lai a hria hi chu pawi tak ani pawi tak.





"Eng ni lo e, Bawihi hi a nuamsam chiah lova damdawi ei rawh ka tih lahin a duh si lo a, khatiang khan kan che kual vel anih kha, i hriatthiam ka ring" a ti a, a țawng laia a hrawk bâwk che ralh ralh chu ka lo en ngar ngar a, nu Sawmi a biak dan leh kei min biak dan hi lei leh van ani ringawt.





"Ani maw.. Ka hrethiam mai, Azual damdawi chu ei ta che mawle i bialpa lah hian a ngaihsak em em che a, ei ngei ngei ang che" ala rawn tih zawm nghal zat lehnghala. Bialpa maw!? Hepa hi maw!? Ka mak ti lutuk chu ka thup zo thlawt lo, he misuala hi ka bialpa anih chu! Rapthlak lutuk.





Ka chhân hma hma chuan "a ei anga a țha ve leh mai ang, duat thei ang berin kan duat anga" a thusawi avang chuan ka khuh nghal kharh kharh a hmela mai mai chu aw... Ava han zaklo ngawih ngawih tak em! A duh duh sawi thei turah a inngai amaw ni le, kei lah chu ka țawng ve hman der lo lehnghal.





"Nia duat rawh, a nu a awm loh ațang phei chuan amah chiah ani tawh a, hna a thawk nasa bawk si a, ngaihsaktu a nei bawk si lo, kei lah hian ka buapui hman reng țhin si lova, a chang chuan a damloh te hian a tuar tlang pawp zela damdawi a ei ngai lo, a nu a awm loh ațang hian chaw mumal pawh a ei ngai lo. Anih chuan ka kal phawt mai ang thil thleng a awm amaw ka tih vang ania, Azual damdawi chu ei ang che " ka bu ve nghat nghat reuh a ka nu arawn sawi chhuah avang chuan ka lung a chhe lehnghal ringawt tawh, ka ngai nghal veng veng mai.





Ka damloh țhin laia țawng chhuak miah lova min ngaihsak țhin lai te kha ka mitthlaah an rawn lang nghal zut zut a, tunah chuan khatianga min tihsak tu kha ka nei tawh lo.





Nu Sawmi a kal liam hnu chuan min kuahna ațang chuan ka tal hrang nghala, kawngka chu ka hawng sawk sawk a "min kalsan rawh, hmuh leh che u ka duh tawh lo" ti sap in inchhungah chuan ka lut a kawngka ka kalh nghala. Chhuatah chuan ka thu thla hnawk a, ka mittui a rawn luang zung zung bawk.





★ Lalramhluna POV ★

Inchhunga a lut chu ngawi rengin ka en zui reng a, ka dang lova zawhna ka zawt lo chu mak ka inti hial zawk a ni, khanu khan engvang teh hrep a a nu kha rawn sawi chhuak nge maw anih hrep ni.





Rei fê ka din hnu chuan car lam panin ka phei a, zanin thil thleng tura ka lo duan lawk pawh kha nu phiansen vang vang khan engmah a thleng ta lo, boruak a rawn ti chhe vek. Hrep chuan, motor chu ka chum nghal pawpa ka tukhumah kut nghatin ka thaw chhuak hawk bawk.





Malsawmzual, eng hmeichhia chiah nge maw inih bik hrep le, ka bialnu theihnghilh țhak khawpa ka pan che.

\°•°/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:04 pm

2'3' #EP-6

By : Msi_Miluhlulnui 👩🏻
(Hmeichhe_Naupang_Tereuhtê🙃)





Theih nise ka venghim ngei ang che, i nat pawh ka phal hauh lovang, mahse tunah chuan ka nau bialnu ini tlat, ka chuhpui theilo, mahse ka ta inih hunah erawh chuan i mittui kha hlimna avang chauhin a tla tawh ang.





Kima nen hian unau tihah ka nu thih hnua ka pa in nupui a neih leh ațanga an fa a ni, thisen inzawm loh kan nih avang ngawt hian ka haw lo, amaherawhchu; a nu, sum chauh duh saw chu ka mil thei ngai lovang, ka pa rosum chiah a duh a chu erawh ka pa sawn a hre hauh si lo.





Malsawmzuali hi Kima ai pawhin ka hre hmasa a College kan kal ho țhin, kan tleirawl lai, ti ve ngat ila. Khatih hunlai kha chuan mipa țawng tam zawk zawk ka ni ngai lo. Lehkha zir ah chauh ka rilru ka pe a, Zualtei pawh hi ka duh ru ve țhin bawk, mahse mipa țawng tlem chuan tih dan vak chu hrelo tak ka ni.





College kan chhuah rualin ka pa in engkim ka kutah a nghat nghal vek a, nupui neiin Kima hi a rawn lut bawk a, fa an lo nei daih tawh niin. Dawr lampang hna a thawk veka, kei erawh chuan sumdawnna dang ka khawih thung. Ramdangah ka zin nasa a ka țawng tlemna te kha ka dah țha tial tial a, sumdawnnaah chuan rilru leh aw thawh hnem a ngaih ang bawkin ka țawng hnem ve ta bawk.





A tir chuan ka thiam mai lo, ka zak ani țawng vak vak kha. Mahse hna vanga țawng na tur lo awm ve zel avangin ka thiam ve telh telh bawk. Tuna ka bialnu Tebawihi hi ka tawng a, hnaa ka in sawrbing reng avangin Zualtei pawh ka hmu ngai lo. Hmeichhe laka ka tlak nat ang hû in hmeichhia ka hnaih lova, pakhata ka bur tawh chuan chunu ah chauh chuan rilru ka pe țhin.





Ka duh chuan hmeichhia min hmu tur ringawt pawh tam tak minute 10 chhungin ka ko chhuak thei ang, chutiang khawp chuan ka tla na a, mahse ka thinlung erawh chu hmân ațang tawhin Hmeichhe pakhat tan chauh a awm a, a awm reng bawk ang. Heng hmeichhia te hi chu hun awl hnawh khahna pakhat ve mai anni.





"I țha em tih tal chu hriat ka mamawh takzet ani" ka phun chhuak sup a, in lam chu ka en a, a thim tak vek avang chuan thaw chhuak hawkin motor kawngkhar chu ka hawng a, ka țhu lut a tinungin in lam pan chuan ka inkhalh chhuak nghal bawk.





"Gabriel, chhui tura ka tih che kha ilo chhui em? " ka tih chuan bu nghut in file dum chu min rawn pe a, henu avang hian ka hun ka khawhral hnem tawh takzet ani. Hmeichhe rapthlak lutuk. File chu ka keu mawlh mawlh a engmah thu thar a awm hauh lo. File chu dawhkanah ka theh thla tawp a.





Hmanhmawh lutuka J-a rawn lut chu ka mit ko ka lo sân khum a "Sir, CCTV record check vek ani a, mahse khami hunlai ami kha engmah a in record hauh lo, a black vek ani" a sawi zawh rual rual chuan ka thaw chhuak nghal hrâwih a, hrep tak chuan, hmeichhia mai mai pawn min bum ngam ania.





"Tunah nizana duty ho kha hmuh ka duh, Security zawng zawng nen an kim vek tur a ni, chhuanlam a awm tur a ni lo, chuan Gabriel, henu chanchin hi lo bawhzui zel ang che tlai lamah chuan thudik hriat vek ka duh ang" ti hrâwkin a lamah chuan file chu ka theh phei a.





"J-a, tunah Office-ah hian rawn kal vek turin Information thawn darh nghal rawh" ka ti leh a, bu nghatin an kal chhuak nghal bawk.





Ka tukhum vuanin ka thaw chhuak nghal hrawih a, ka pa in Company sum a bo tih hre ngat se zawng, min chinfel tir lovin kha a tirhkah rintlak loh zet kha a tir leh anga, chu chu ka nuhrawn in remchangah alo la ve leh chiah bawk anga mahse chu thil chu a thleng ngai lovang.





Henu hi ka man anih vaih chuan hmeichhia a ni tih theihnghilh țhak khawpa sawisak ani ngei ang, a thiltih man hi a hmu dawn chiang khawp alawm, Lesbian angin ala rawn in lan ta deuh deuh lehnghala.





Office chhunga J-a rawn lut chuan hlauh hmel fe hian min rawn melh a, min hlau tur ani, ka thinrim lai hmu ngai zen zen lo mahse an hmuh tawh vek vek chuan a hmaa min nêl tak te pawh khan ramsa ang maiin min en tawh thin.





"Sir, an lo thleng kim tawh e" a ti chhuak nawk a, "rawn luh tir rawh" ka aw chu theihtawkin ka thunun ve bawk. An vai chuan ți dâkin an rawn lut a, an rawn luh kim hnu chuan ka ding a, dawhkan chu ka kal huala, an hmaah tak chuan dingin dawhkana pen chu ka la a, ka thu nghal bawk a. Dawhkanah chuan pen chu ka khawng ri kauh kauh a.





An phu zuk hlawma, hetianga ka hnathawk ten min hmuh hi ka duh bik hauh lo mahse thudik hriatna atan a țangkai miau si "Nizana guard duty head tunge? " ka aw chu ka theih tawpa ka thunun na lamah vîn lo mahse a nêlawm loh viau thung, security pakhat chu rawn țawng chhuakin.





"Sir, keimah ka nia" hlauh hmel fê hian a rawn ti chhuak a, ka nui suk.





"Hahdam rawh, engtin mah ka ti hauh lovang che, nizan in duty dan ka hre duh mai ani" ka tih chuan hahdam hmel fê hian a thaw chhuak a, nui sângin min rawn en a.





"Sir, keini kha chu kan duty lai kha chuan lut leh chhuak an awm hauh lo a, chuang nangmah ngeiin zanriah ei tura min hrilh hnu khan kan kal chhuak a, khami hnua lut leh chhuak erawh chu kan hre tawh lo" a ti chhuak sup a.





A sawi hi a dik vek, lut leh chhuak an awm chuan ka hnena report vek ani țhin. A nih chuan an zanriah ei lai chuan anih chu, chu rukru chu alo kal "nizan Control room-a duty kha report pek ve i tum na nge? " ka tih chuan phu zawkin a hawi nghal vual vual a.





"Nangmah kha aw, nangmah kha" ka tih chuan a kut a sik nauh nauh a, hmeichhia mah nise ka zawhna zawh tur leh a chhanna ah dâwt min pe anih chuan an tuar a inang vek țhin chu chu a hrechiang hle bawk "hahdam la" ka ti sup a, thâwk zin hmel fe hian a thaw chhuak hak a.





"Sir, ka sawi ang mahse khawngaihin ka hlawh chu min cut sak lo hram rawh, fanu ka nei ve si a" a tih chuan ka nuih suk a, ka hnathawk te hian thil sual an tih a chumi thup nana dâwt an sawi leh si a ka hriatchhuah hian an kum 1 hlawh ka cut sak pawp zel țhin.





"Sawi la" ka ti chhuak sup a, "nizan khan Miss Teresa kha alo kal a, chuan nangman min koh thu a rawn sawi a, lo awm lawk turin ka tia, ka chhuak a, mahse min lo ko leh si lova, Sir Gabriel ka zawh pawh kha i hriat tho ka ring a, chuan ka let leh chuan light zawng zawng pawh alo thim veka, ka on lehnghala, ngaihțha deuhin ka lo awm ve ringawt a, mahse pawisa a bo tih ka hre miah lo, ka ti tak tak" a tih chuan ka thaw chhuak hrâwih a.





Ka thinrim lutuk in beng daih tum chuan thâwk ka la hawk a, chu hmeichhia zet chuh! Teresa-i pawh alo hmer tel ani maw. Ka hmuh hunah che chuan I chak lo khawp ang, fing viau ah ilo in ngai ang e, Mizoram a ila awm a nih chuan nang man nan che hian rei ka nghak tawh hauh lovang. Chuvang anih chiah chu duty ho pawn Teresa chu an lo rin em em ni. Ka nau ani miau alawm.





Duty zawng zawng zawhna zawh chu J-a kutah ka dah ta veka, kei erawh ka thinrim ka inthunun theih loh ka hlauh avangin ka chhuak a. A nih loh chuan an vai khan kut ka thlak duh mai ang.





Car nen chuan ka inkhalh chhuak a, ka pan chu a ngai leh bawk ani, a ni chauh hian ka thinrimna te a ti reh thei țhin a, amah pan duh țhin teh mah ila ka theilo tih ka hrechiang, mahni nau te ngaihzawng lo chuhpui chu thil sual tak a ni, lo duh ve phei chu sual a ni, mahse engkim chu a thleng thei vek. Ka nau mah nise tunah chuan ka thîk hlur ta mai.





Dawr ka thlen chuan motor ka dahțhat tir nghala, he dawr ah hian a thawk tih hmanni ațang khan ka hre ve chauh a, kum tam tak chhung chu ka zawng tawh, misual Mizoram a man tur an awm chuan reilotêah ka man nghal mai țhin a, he ba ngah reuh nu'i erawh hi chu hmeichhe tê ve tak ni siin kum tam tak zawn a ngai.





Dawr chhungah chuan ka lut tlang nghal a, nui sen sen chunga customer te lo be mek tu chuan ka mit a la nghal zar bawk. A che vel chu ka en ngar ngar a, tah hian kum tam tak alo thawk tawh reng si a, engtin nge maw ka lo hriat loh theih zawk ni.





Order ala zo a kal tur chiah chu ka lo en reng tih a hmu ani ngei ang, ner nawkin rang lutukin choka lamah a tlanphei nghala, customer te pawn an en țhup bawk, ka nui chhuak hawk a, duhawm lutuk mai.





A khât tawka ka thla la tu lah bâng lo, ngaihtuah chuan ka lan chhiatna pawh an la țeuh tawh ania ka rin. Țhutna âwl ah chuan ka va țhu ve a. A țhiannu in order rawn lam a tum chuan amah ngei kha ka duh tih ka hrilh a, a ngaihna hrelo zetin min melh a, a țhiannu hian min duh tih ka hria chu chu remchangah ka la ngei bawk ang.





"I țhiannu kha min lo koh sak zawk mai ta che, chuan Madam Sangi kha ilo ko nghal bawk dawn nia" ka ti a, ngaihțha zân lo tih hriat chuan a bu ve nghat a, a kal nghal bawk.





Ngawi teh, kei hian nizan ațang khan Tebawihi ka la be hauh lo, ti ila amah pawn min rawn be chuang lo, ka tello pawn a tlei a, bazar dawnah leh tihtur pawimawh ah chauh min be țha tih tluk ani.





Ka duh vanga ngaizawng ka ni lo, chhan neia thil ti ka ni, ka thinlung erawh chu ba ngah reuh nu'i tan chauh ani. Kha zan khan let leh lo ila chuan tun thleng pawh hian ka la zawngin ka ring. Kan intawn vawi 2-na erawh atan a lawmawm teh chiam lo thung.





Phun nuah nuah chunga a rawn phei chu ka lo nuih suka "hmela, enge kei kher, ka buai ania, hmanhmawh rawh, e. Chuan madam a awm lo" a tih zawm zata min ngaihsak lo anga lan a tum lutuk hian a ti duhawm takzet. "Ba ngah reuh nu" ka ti chhuak sup a, rang lutukin a rawn en thla nghal bawk a.





"Naaa, ba ka nei ziah lo, i duh duh hming hi min phuah ve ringawt zel suh" a ti chhuak hlak a "duh duh hming phuah ringawt turin hei chauh hi lawm ka la phuah, awmdun hrep tawh ang maia i țawng le" ka tih chuan a thusawi chu ngaihtuah lêt ni awm takin a ngawi vung vung a.





"I ninawm, mi chhân lêt dan i thiam ropui si, i duh chu sawi rawh kei lo midangin an rawn pe ang che" a tih chuan ka rûm nghut a "very no, nangmah ngeiin min rawn pe anga ka bill pawh ila vek ang, tips i duh tel ka ring a " ka tih chuan rum lutuk hian min rawn melh a.





"Hmela, min va han ngaihniam ve a, chutiang em em a pawisa mamawh chu ka ni lo aw. Chuan i pawisa kha ka mamawh teh hrep lo, i duh leh i pheikhawk thar lei nan khan hmang rawh" a ti chang rat a, a țawng ring ngam bawk si lo, a duhawm tih bak sawitur ka hrelo.





A kal zet tawh, a rawn inher leh a "Ka duh duh ka rawn pe ang che nga, han sawisel nah teh" ti hlak in Kitchen lamah chuan a phei lehnghala, ka nui chhuak hawk bawk.





Ka phone ri chhunzawm zat chu ka la chhuak a "Gabriel sawi rawh" ka ti nghal nghut bawk.





"Sir, a awmna ka hmu tawb e, location ka lo thawn che kha lo en rawh, a lan dan chuan vawiin hian Switzerland pan a tum niin a lang" a rawn tih chuan ka ding chhuak nghal zawk a "lo dang bet rawh u, engti kawng mahin a kal tur ani lo" ka ti hrâwk a phone chu off-in ka tlanchhuak nghal bawk.





Ka lak atang hian i tal chhuak tawh hauh lovang i ruahmanna zawng zawng leh Ols Burak-a hnen ațanga ka mamawh CD pawh ka hmu ngei bawk ang. Hremna tuar turin lo inring ang che.





★ Malsawmzuali POV ★

In tur kenga ka phei chu alo awm tawh miah lo, hmela mai mai chuh!. Min bâwl kual vel mai mai ani maw. Zaklo lutuk, ba ngah nu min ka ti zui lehnghala, bâ ka nei tawp si lova zak lo lutuk. Ka thil lak hi duh leh ka in zo vek anga ni mai lawm a order tawh a, ka ziak lut vek tawh a, a hmingin bill pawh a kal vek dawn tho alawm.





Nilengin a rawn lang leh ta miah lova. Kei hi!!! Engvanga amah hj beisei ve ngawt nge ka nih a, ka â em ni, ka mâwl zawk anih hi, nizan ațang khan ka dik vak tawh lo, kei hi min tibuai tur bakin a rawn kal lo, nge ka lo beisei ve ngawt a, ka va han zaktheilo tak.





"Zual, order lo va la mai, ka la hman lo lawk" Asangi chu a rawn au lûng lûng a, rawn lut thar te awmna lam chu ka pan phei nghal bawk. "Enge in duh ang? " ka ti sap a. An pahnih chuan an rawn hawi rual nghala, ka meng nghal kâwk a. Ka dinna ațang chuan ka tawlhsawn nghal deuh dâwrh bawk.





Ding chhuak a min rawn ban a tum chu a kut ka lo vai kian sak lâwp a, henu nen hian enge an rawn tih, nimin lawkah min țhen a duh loh thu a sawi a, tunah henu nen bawk an lo kal dun leh si. Couple T-shirt an la ha zui bawk. Chu pawh ka awh țhin em em kha a ni.



\°•°/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)