2!3! BY Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

Re: 2!3! BY Msi Miluhlulnui (Completed)

Unread post by Ngaia » December 20th, 2020, 3:08 pm

2'3' #EP-19

By : Msi_Miluhlulnui 👩🏻
(Hmeichhe Naupang Tereuhte)





"Tunah khan engthu nge i sawi? " ka ti khur hlawk hlawk a, ka ban bul ve ve ah chuan ka invuan a, dawr a chawl te chuan min en țhup tawh bawk a. Zah lam ai chuan a vawt ka ti lutuk hi kalsawn vat ka duh.





"Tuna ka thusawi kha i hrelo amaw? Hah! Nang hi i beng a țhalo em ni? " min ngai hniam tih hriat zet a tih pah chuan ngeiawm zet chuan a nui zui hak bawk a. "Ka beng a țhalo ni lovin i sawi ka hre hman lo mai ania" ngeiawm zet chuan ka ti lêt ve leh hmak a. Engvanga hetianga rawn ti hi nge maw anih hrep le.





"I hriat hman loh chuan i beng a țhalo tihna a ni mai alawm" tih pahin a bula mi te nen chuan an nui zui har har a. Tinge mi hian engmah tih an tum miah loh le. "Engvangin nge hetiang hi ka chungah i tih? I lakah enge tihsual ka neih" ring hauh si lo in ka ti let sap.





"Ka laka i tihsual i hrelo amaw? Lalpa leh! Hmeichhe mak tak chu ilo nih hi. Nang hian ka laka i tihsual chu kan hriattir ang che, khatiang nun nei chung khan mi hausa i ngaizawng ve a, chuan ka pasal ni mai tawh tur min chhuhsak a, chupawh i dawt sawi phiangsen vang khan mawle tunah hian Ramhlun'an min hmu duh lo tih i hria em? " tih tuarh pah chuan a bucket ken lai chu a theh thla pawp a, min rawn pan nghal chat.





Mahse min rawn hnaih hma hma in ka hmaah tak chuan Feli chu a rawn ding a "I ngam chuan i pên leh dawn nia Lalngaihzual, ka tih theih chu i hriat kha" Feli chuan a ti kha fak a, engtin nge Evelyn-i hi alo hriat daih daih theih zawk? Hei pawh zawhna bawk.





"Ka hmingpumin min ko ngam elaw!? " Evelyn-i chuan a ti ve fak a. Feli chuan ka banah rawn vuanin amah hnaih chêt chuan min pawt phei a, lo tih ve tur reng ka hrelo.





"Ka ko ziah che a ni lawm ni chuan ka duh loh dana awm chu ka tih dan i hre vek tawh a. I awm leh a nih chuan i chân tur kha hria ang che" a ti leh fak.





"Ka hlauh che i ring reng reng em ni. Ka pa avang mai mai a hetiang dinhmun a ding thei ini tih in hria ang che. Chuan i țhiannu fahrah ve mai mai khan Ramhluna kha țhen nghal rawh se, a nih loh chuan a chan tur chu ana khawp ang" min rawn kawh pah chuan a ti leh țhat!.





Țawng tuma ka âng zuai chu Feli chuan min lo chhân khalh vat "I ngam chuan ti chiah ang che. Keimah min hmachhawn hmasak a ngai ang. Chuan ka țhiannu hian a țhen leh țhen loh tur chu a thu a ni a, nanga lo khel ve vak vak khan awmzia a nei teh chiam lovang" a ti leh fak a, Feli chu ka en reng ringawt.





"Nang ka pa avanga chaw ei tur nei ve mai mai inih kha" tih paha a kut a rawn lek chhuah chu ka lo man chat a. Min melh hrâwkin a kut chu lak thlak a tum a, mahse keimah zawkin ka paih thlak sak nghal pawp a. Engmah hi ka tuar dam mai mai tawh dawn hauh lo.





"I kâ ringawt hian em ni i chapo? Tuna i thusawi kha a dik chiah, ni e fahrah ka ni alawm, ka zêp lo, an duh chuan an hre vek rawh se. Mahse enge chutah chuan ka tihsual, ka duh vanga ni ka ni bik reng reng lo. Engvanga hetianga rawn che nge inih ka hrelo va mahse i tih hma in i inngaihtuah chiang em? I tih ka ring hauh lo. Tunah hian keimah zawk ka mualpho i duh ka ring a, mahse en la nangmah zawk a nih hi rawn inti mualpho" ka ti let ve ta fak a, a beisei lo a ni mahna a meng deuh kâwk bawk, mahse a rei lo.





"Aw.... A hunah chuan ilo zah theih loh hi le. Engtin nge Ramhluna hi i thlem thlûk theih zawk le? A ni chuan keini ang bak hi a duh si lova" zak map lo chuan a rawn ti leh a. Ka nui chhuak hak.





"Amah ini em ni? Engtin nangmah ni ang chauh a duh tih i sawi theih? Mahse en la a duh lo che aniang chu nangni anga sum chauh duh infêng chhing hlur ai chuan kei nangni laka bawng êk ang lek min thlan tak hi" ngeiawm zet chuan ka ti let ve hmak a. Khawi ațangin nge hetiang țawngkam hi ka kâ ațang alo chhuah ka hre hauh lo.





"Evelyn eng thil nge maw i rawn tih le? Helai hmunah hian Pu Hminga'n i luh ve a phal hauh hleinem" madam aw ri kan hriat rual chuan kan lehhawi nghal vat a. A mitmeng chuan min rawn signal zeuh bawk.





"Zualtei leh Feli kha in hnaah let rawh u, chuan nangni pawh khawngaihin in țhutna ah let leh rawh u, thil thleng vang hian kan tihpalh takzet a ni. A thleng leh tawh lovang, ei chhunzawm rawh u" customer te bulah chuan a ti sap sap a. Keini pawh kalsawn turin min mitvei vat bawk. Feli chuan rang zetin min kai sawn a dawr hnung lamah chuan kan phei nghal bawk.





"Nang hi engtin mah i awm miah lo tak tak maw? " Feli chuan a rawn ti leh hlak a. "Ka awm loh a min hmuh hi" tih pahin ka bân chu ka phar hluai a, ka nui sâng bawk. "Ui, englo kha thu khan na taka a siam leh che ka lo ring a, chuvang chu ania" a ti sap a, a thusawi avang chuan ka ban chu ka la thla riai riai a.





"Nia, keipawh ka lo ring deuh a, mahse a mak lutuk ringawt. Kha thu khan ka lakah nghawng a nei tawh lo a ni maithei, a sawi rual rual kha chuan ka thin zawn kha a rawn tawt leh ut ut a. Mahse a rawn țawng zel dan khan keimah ah inrintawkna min rawn pe a" ka ti sap a. Alo bu nghat nghat bawk.





"U Ramhluna chu aw.... Ka van haw mai mai tak. Khatiang hunah te khan rawn chhan tur che ani asin mawle. Enge a tih reng reng a?" a ti zui leh hlak a. Ka nui chhuak hak "A ho emai, khatianga mipa inrawlh kha a mawi lo daih zawk ang. Hrim hrim in enge nang hi min biak duh miah lova" ka ti let ve nghal zat.





"Be duh lo che pawh a ni lo, min hrilh har lutuk a, ka thinrim mai bakah Evelyn-i kha ka cousin ania chuan a nasa tih pawh ka hria a. A tir ațang khan u Ramhluna nen an inngaizawng tih pawh ka hre daih tawh, mahse ka sawi lang duh lo. Ka cousin a ni tih pawh hi hria an tlem a hre hmasa pawl ini" a ti sap a, ka bulah chuan a rawn țhu thla ve nghal bawk a.





"Tinge a tir te khan engmah min hrilh ngai miah lova " ka ti sap.





"Nia, a pawimawh lo êm alawm bakah ka huat êm avangin ka sawi ngai lo mai mai a amah phei chuan i cousin ka ni tih hi sawi reng reng suh ang che a ti țhin a, kei lah ka lo kawlh ve bawk si a kan insual phah leh nge nge zel" a sawi zo chu a nui zui hak a.





"Mahse tinge ka pa vanga nung in nih kha te a tih a? " ka ti leh, a thusawi engmah kha ka hrethiam lo hrim hrim a tin ni. "





"Haha, nia a sawi kha a dik alawm. Heng zawng zawng phênah hian thil tam tak a awm a nakinah ka hrilh dawn che nia, bakah chuvang deuh chu ania nangpawh kha u Ramhluna ka duhpui loh em em nachhan che, Evelyn-i a nasat zia ka hria a, nangman i tuar vek dawn tih ka hriat vang ania" a tih chuan ka melh nghal rawm rawm.





"A tir te khan engkim min hrilh ve mai ta che min han be duh lo kual kawi vel a, chimawm lutuk" tih hlak pahin a bânah chuan ka beng pawp a. "Ni tho, nakinah kimchang deuhin ka hrilh ang che, tunah chuan min melh rum tu saw han buaipui phawt teh" tih pah chuan a mit hmul chu a ti che zeuh zeuh a, kawngka lam chu ka hawiphei nghal vat.





Ramhluna chuan kekawr ipte zen in kawngkhar chu alo ngheng a, uluk fê hian min lo en kur bawk a. Ka hawi phei chiah khan ding țha in a kut chu a kekawr ipte ațangin ala chhuak daih bawk.





"Nichin ațang khan a awm tawh a, min melh rum sia a rapawm reuh tlat. Ka kalsan daih dawn che" Feli chuan tih pahin thawh a tum a, mahse ka pawt țhu lehnghal "Nichinah a awm daih tawh amaw?" ka ti zawi nghal vak bawk.





"Awm daih tawh e mawle, min melh rum na a rei tawh. Ka hrilh duh lo che a nih kha" a ti hlak a, Ramhluna chu a melh rum lehnghal nghek bawk. "Min melh rum na a rei tawh bawk a, a bulah ka awm tir che anga mahse a natna hi tihdam sak ang che, a dam țan dawn dek dek a, kha i bialnu hlui inti chhelo zet khan a rawn belhchhah leh a, ngaihdam dil ang che" Feli chuan ring leng lawng hian a ti țhat a.





A kawr banah chuan ka lo pawh sak vat a, mahse pawt let vakin a tho nghal daih a nih chu! "Nichin te khan lo thleng hman ni la khatiang thil kha a thleng hauh lovang, rawn thlen hun pawh hrelo" a tih leh hlak chu ka hria, sawi hun a ni lo mawle.





Engtik laiin nge Ramhlun'an ka bul a rawn thlen hman ka hre hauh lo, ka hawichhuah rual chuan min si chetin a lo ding tawh! "Engthil nge thleng a? " a ti sup a, min rawn melh zeuh bawk a amah chu ka lo en hû ringawt.





"I bialnu hi zawt la ti nia, keiman ka sawi chak viau a chu, ka sawi lo mai ang" Feli chuan a ti sap a, ka bulah a kal tur thu a rawn sawi a ka lo buk nghat avang chuan thil min hrilh zeuhin a kal nghal daih a. A thu min hrilh avang ka nui chhuak hak bawk "Na tawk tawk a ti ang che in i sawi dawn nia. Ka cousin pawh nise ka phal vek" tiin.





"Bawihi, enge thleng? " tih hluk pah chuan ka bulah a rawn țhu thla ve nghala a taksa in min deh rual chuan ka lo îp nghal châwih ringawt. "Engvak mah a thleng lo. Hna j thawk dawn lo ami? " ka tih zawm zat a. Thil engkim hi hre vek lo se a țha ber ang.





"A thleng ngei aniang chu, ni lo se i huh hauh lovang, i thawmhnaw a huh vek hi. Enge thleng sawi rawh?" a ti nghal hrâwk "engmah a thleng lo ka ti tak tak. Ka huh nachhan hi chu tui ka in tihbuak vang mai mai a nih hi, engmah a ni lo" ka ti sap a, ka kut chuan ka kekawr chu ka tuai zeuh a.





"Duati, dawt sawi i inhmeh lo ka tih tawh kha" a ti sup a, a kut chu chêt vutin ka kut chu a rawn hûm a lehlam chuan ka biang rawn khawihin amah en tur chuan min kuai phei a, ka biangah chuan a rawn fawp nghal zeuh a.





"Min rinchhan la, engkim min hrilh rawh. I nat ka phallo tuman an tihnat che ka phallo" a phun sup a, ka chalah chuan a hmui a rawn nghat vang vang a. A pangtilum chuan keimah zawk pawh min ur lum ve a, ka hnen ațang hla takah awm ta se, ka awm thiam ang em ka hre ta hauh lo mai.





"Ka ti tak tak alawm, engmah a thleng lo tak tak" ka la ti fan "Thil thleng sawi chu a harsa viau em ni Bawihi? Dawt sawi i thiamlo ka tih tawh kha. Min rinchhan la engkim min hrilh rawh, thil thleng zawng zawng" ka hmai bulah chuan a au deuh ti tih a. Ka phu nghal zawk bawk.





A aia dam zawk chuan "sawi rawh le, min rinchhan la keiman engkim ka chingfel vek ang bawihi engmah hmaih nei lovin sawi vek rawh" ka chalah hmui nghat chung chuan a phun sup a. A țawng zawng chuan min nghawr dar dar thei.





Ka thaw chhuak hak a thil thleng zawng zawng chu a bo a bang awm lovin ka hrilh fai ta veka, ka sawi zo chu a thaw ri nghal hrawih a. Ka kut chu a hûm na chu a hmer nghal chawt chawt a, a hmel chu a chang nghal țawlh țawlh bawk.





"Chutiang chu i hnenah a thlentir amaw?! " a aw chu a ring lova mahse thinrim in thunun tum tih hriat reng rengin a sehchilh nawk a. "A ho lutuk engah mah ka ngai hleinem" ka ti a, dawt hi ka va han sawi zing tawh mawlh mawlh ve le. Mahsr tuna thil thleng erawh kha chu ka pai dam tawh bik hauh lovang.





"Nimin khan ka hrilh chiang viau si a" a ti leh deuh hrâwk. Na zet hian a thaw chhuak nghal hawk bawk a "Amah nen khan inzawmna in la nei em ni? " ka ti sap a, amah chu ka melh deuh hâ bawk a, a awmdan danglam ka ring ania. Mahse chhete mahin a danglam lo, engvanga danglam ring ve ngawt nge maw ka nih le.





"Inzawmna kan nei ngai lo. Rei tak ka zawng che a, a ni khan min zar buai reng bawk a, nangmah ka zawnna lamah che a ni kha hman țangkai alo ngai ta ve lehzela chumi avang chuan ka be țha ve a, mahse a rawn ngampa sawta a duh duh a sawi chhuak a nih kha. Nangmah ka neih theih na tur che a nih chuan engpawh ka ti mai ang" a ti chhuak sup a, a hmelah chuan dawt sawi hmel reng reng a lang lo bawk.





"Chuan hei min hmuh tawh hi" tih pah chuan ka phar hluai a, a rawn nui chhuak hawk a. "Hmu tawh e, chumi avang chuan ka tan a țangkai tawh miau hek lo. Mahse sumdawnna lamah a thawh hlawk ve êm avangin ka ti țha lo ngawt thei lo bawk a" a ti leh a ka lo bu nghat thung.





"Nang chiah hian ka thinrimna i tireh thei tih j hria em? " a rawn tih rual chuan ka nui ri tel a "thinrimna avanga engmah ti hreh lo mai tur hi pangngai ah min hruai let leh thei a, engkim min theihnghilh tir vek thei" a phun sup sup a.





"Chuan, engvanga nizana call chhang theilo nge inih? Voice chauh min hnutchhiah a, ka lungawi lo khawp mai" a ti nghut a, a hmel chu an ti tûm deuh bar lehnghal.





"Ka mut a chhuak ka tih kha, tihbuai ka duh loh avangin ka silent daih a nih kha" ka tih rual chuan hnai zetah hian min rawn en a, ka hnar ah chuan a fawp nghal zeuh bawk a. "Ka lung a awi miah lo ania" a ti leh nghut bawk.





Kan in awm hnaih êm avang chuan ka thin hi a phu rang leh det det tawh mai. "Nichinah ka thinrim tawh lo itih kha, tunah i thinrim leh thut amaw?! " ka nui zui hak hak a. Ka hmuiah chuan a rawn fâwp zeuh a, ka nui lai ka tawp chiang teh e.





"Thinrim ni lovin, lungawi lo mawle" ka hmui bulah chuan a phun leh sup a. Hetia a tih apiang hian ka awmdan hi a danglam vek zel, ka sawi thiamlo. Ka chhunglam ațang hian ka za chuai zel thin
"Chupawh nise a inang reng alawm" ka ti let ve leh hram.





"Min hnial kalh reng suh aw. Hremna ka pe mai ang che" a rawn ti hluk. "Hremna maw? Eng hremna? Enge tihsual ka neih a?" ka ti nghal vat a. Nui ri sukin ka hmuiah chuan a rawn fawp nghal zeuh a.





"Tihsual i nei, hremna ka pe dawn che, chu erawh chu hremna ka pek zawh hunah chiah che i hria ang" a rawn ti sup a, ka ner nghal nang a "In la eng emaw kual vel lutuk" ka ti zawi hluk a. Chumi chu alo hre pha nge ni.





"Tunah khan engmaw i sawi? " a ti hluk a, ka khêlah chuan vuanin a malchungah chuan min hlang chho nghal nawlh a, ka râk nghal țhat bawk. "Engmah ka sawi lo" ka ti vak a, a nui chhuak hawk a.





"I sawi chiang alawm, in la tih vel chu a awm tel chiang ani" min tih el zet chuan a rawn ti leh a, ka kawngah a kut chu nghatin ka nak chu a rawn hmer zeuh a. Ka tal vak rual chuan a lamah chuan min pawt hnai hrâwkin a chalah chuan ka chal ka va nghat nghal a. Ka sam chuan a hmai chu a hliah nghal vek bawk.





"Tikhan ti thut thut zel lo la" ka ti nghal sep a. A nui ri suk a "Ka ngai che" kan thusawi thlakin a rawn ti leh daih a. Thinlung lam a khawih leh țan nghal der tawh mai.





"Hmuh reng che a, i taksa dek renga awm ka duh" a ti leh sup a ka nghawng chu a rawn nul thuak a, ka za nghal chuai mai. Ka kawngah chuan a aia ngheta rawn man in min pawt leh hrâwk a.





"I engkim hi ka ngai vek a. I tello in engtin nge maw khatiang hun zozai kha ka lo hman theih le" a ti leh sup bawk a. Hetia a sawi apiang hian ka man lo lutuk hi sawi tur ka hrelo, min hriatna hi a rei tawh hmel lutuk a kei lah chuan ka hre ve miah lo lehnghal.





"Ka ngaih em em hian min ngai ve em? " ka biang rawn nul thuakin ka hmui chu a rawn fawp zeuh a. "A ngai ve che a nih chu" ka tih chuan ri meuhin a rawn nui chhuak hawk hawk a.





"Duhawm viau suh, ka ei zo vek duh mai ang che. E nilo, ka ei zawh vek che chuan hmuh tur che ka nei tawh dawn si lova. Keimah ah hian ka beh tir vek mai ang che" a tih rual chuan ka nui chhuak hak a. Amah pawh a rawn nui ve suk mai.





"Kei pawn ka ngai che" ka sawi zawh rual rual chuan ka hmui chu a rawn khar chilh nghal hmiah a, ril zet chuan min fawp nghal ngawng ngawng bawk a. Chhan let loh tih vel chu ngaihtuahnaah pawh a lang pha lo hrim hrim.





Ka phone a rawn rik avang chuan rum nghutin min thlah a "hunlo lutuk, ka hnek dawn amaw ni le ka hmuh hun hunah ka hnek ang" a ti hluk a, ka nui chhuak nghal hak a. Ka phone ka en chuan u Saia a nih avangin ka la nghal vat a.





A thu rawn sawi avang chuan ka thin a phu rang dawt dawt a, ka lawm lutuk hi au vak ka duh hial a ni, a thu rawn sawi chu "Ipa chanchin âwm ang tur chu ka hre tawh e. Zanah ilo kal leh mai dawn nia mahse thuchiang lutuk erawh ala awm lo" tih a ni.





Ka pa ka hmuh tawh tihna, nih chuan pa ka nei ve tawh dawn tihna. Lalpa ka lawm lutuk e. Pa ka nei ve tawh dawn.





"Bawihi enge thleng? " Ramhluna chuan a rawn ti ngha a, awi!! A awm ve tih ka theihnghilh "Pa ka nei ve tawh dawn" ka ti hliai a. A ngaihna hrelo zet chuan min rawn melh a "engmaw? " a rawn ti deuh hluk bawk.



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:08 pm

2'3' #EP-20

By : Msi_Miluhlulnui 👩🏻
(Hmeichhe Naupang Tereuhte)





"Pa ka nei ve tawh dawn a nih chu, kum tam tak kum tam tak chhunga ka lo awh ve tawh kha" ka sawi zawng ringawt pawh chuan ka țap țeuh thei. Tunah chuan pa te thlazar hnuaia hlim taka awm țhin ang kha ka ni ve tawh dawn. Pa neiin ka harsatna pawh engkim ka thlen ve thei tawh anga.





Ka thil ngaihtuah avang chuan ka mittui a rawn hnâm țiam țiam a, "duati" tih pah chuan a âwmah min kuah bet nghal thlawp a, ka insût nghal hraih bawk. "Ipa chu kum tam tak ilo zawng tawh maw? " a ti sup a, a âwm a hmai phum reng chung chuan uar zetin ka bu nghat nghat a.





Na zet hian a thaw chhuak hawk a, keipawh ka che ve awk thei. "Chungte chu a tir khan ngatinge min hrilh loh" lungawi lo tih hriat zet hian a rawn ti hluk, ka lu ka lo thing nar nar a "Hrilh nachhan tur che ka nei hleinem, bakah ka zawng tih hi tuman an hre hleinem chuan a bul tumtu ka nih angin engkim buaipuiin a tawpna pawh keimahah bawk a ni tur a ni" ka ti sap.





"Chupawh nise, min rinchhan la engkim min hrilh rawh ka tih che kha" a lungawi miah lo tih a aw atang chuan ka hre thei. Mahse engkim hrilh tur kha chuan ka thei lo a ni, ka chanchin ringawt a ngaihtuah leh anga eng thil dang mahin a rilru kha a nei lo leh anga chutiang chu ka thlentir theilo.





"A ho lutuk, ka zo fel tawh tho alawm engmah tihtur a awm tawh chuang hleinem" ka ti a, a rûm nghut a. Ka dar ah chuan vuanin tlemin min nawr hla deuh a, a kawngah chuan ka la kuah ve tai bawk.





Ka biangah chuan a kut hlai țha zet chuan a rawn dawm a. "Tun ațang chuan engkim a bo a bâng awm lovin min hrilh vek tawh ang che. Ka sawi nawn leh ang, min rinchhan la, engkim min hrilh vek thin ang che. Nangmah maia thil tih ka phallo, tun ațang chuan keimah nen hlir kan ti tawh ang" ka mita min melh rûn chung chuan a phun sup a.





Kei pawh chuan ka melh let ve ngar a. Mipa dang ang lo taka a mithmul chhah tak te, a mit khur thûk leh a hmel pa hrak te, a hnar ngul invuah fuh zet te, a khabe ruh kual nalh zet te, a hmui sexy zet leh fawh nuam em em te hi tunah chuan ka ta an ni tawh a.





Hmeichhe duhrawn leh khel rawn, tu hmeichhia pawhin a an sawi bân theih loh chu ka hmaah tak hian awmin ka ta chauh ani a, hmeichhe vannei tiha an sawi ka ni. Mahse enge ka vanneihna ka hrelo. A țhen chuan ka vanneihna chu a hausak em avang ah an ngai a, țhenkhat erawh chuan a larna a vang ni te in an ngai bawk, mahse alo ni lo tih ka chiang takzet a ni tunah hian.





Ka ngaihtuahna in Australia vel a thleng tawh ang chu tih dawn velah chuan chupa thil tih avang hrep chuan ka harh chhuak zawk a. Keimah zawk hi a awm thiamlo ka ni leh tawh zawk.


Ka hmui hnuaia rei fe a bur ngar ngar hnu chuan panngai zet hian min rawn fawp a, ka chhangletna a ran lutuk avang chuan a nui ri suk a, nghet zeta ka kawngah kuah pahin a lamah chuan min pawt hnai deuh hrâwk bawk.





Hetiang hian Kima nen kan inkawp lai khan keimah zawk hi ka awm ngam ngailo kha ania. Ka zahzum vei tehreng nen engvanga hepa laka huai ta viau nge ka nih pawh ka in hre hrep love a, ka ngampa sawt a hetiang thil tih velah hian hma ka la thiam ve zat tawh bawk a kei hi ka dik vak tawh lo aniang.





Min fawhna chu muangchangin a thlah riai riai a, ka hmui ka sa vung vung chu dim zet hian a rawn fawp leh zeuh a "I biang a sa vek a nih hi" ka hmui bulah chuan a phun sup a a nui tel kher bawk, keimah zawk hi ka danglam leh tawh, ka ni leh nghulh tawh mai.





"Mahse he i hmui fawh nuam zet, nêm em em hi kalsan a harsa bawk si, i bula ka awm tawh chuan hei ringawt hi ka ngaihtuah ni maiin ka hria. Min dawi â vek tawh a nih hi" a ti leh a, ka nui chhuak hak a "Magic ka thiam hleinem engtin nge ka dawi ât ang che" nui ker ker pah chuan ka ti let a.





Ka nâkah chuan rawn tham zeuhin keipawh ka che nghal at a, "chimawm hlek suh, anih loh chuan tuna ka thil ngaihtuah ang hian ka che mai ang" a rawn ti nghut a, rang lutukin a hmuiah chuan ka hup sak. "I ngaihtuahna kha tihmul hlek suh" ka ti nghal hlak a. A rawn nui suk a, ka kut phah chu a rawn fawp zeuh bawk, ka lawmna a kim takzet a ni tunah hian.





Hna a let ka ngaih tawh avangin ui zetin dawr lam min pan pui a, amah zawk a phun bul bul ringawt a. A sirah ka lo nui tet tet thung, a chang chuan mipa naupang kum 6 mi vel lek ang hian a khawsa thin a. A bulah sawi ngat phei ila chu a awih loh dan tur chu ka sawi peih lo zawk.





"I hnathawhna hi chu ka la sawn ang mawle" a rawn luh rual chuan a ti nghal hluk ringawt a. "Engvangin maw i sawn ve ngawt ang?" ka lo ti ve nghal vat bawk a. Dawhkana ka thil ziah luh tur an lo chhawp chu a en chhunzawm nghal zat bawk.





"En la, i taksa chhunglama nghawng thei tur che vek an nih hi, nangmah chauh ini lehnghala. Engtin emaw tih deuh hlek chu a ngai ang" Lehkha chu keu pahin a ti lehnghal bawk a. Ka lo nui chhuak hak thung.





"A ho lutuk, keimah ka infit phah alawm, zep lovah chuan a hneawm mahse vawiin ațang min puitu tur an rawn dah tawh dawna a hma ang em em a buai kha chu ka ni tawh lovang" ka ti a, ani pawh a bu ve nghut a.





"Chu a nih chuan, i aw hriatna hun ka ngah dawn tihna ani maw" min melh deuh ralh pah chuan a rawn ti a, ka puan ken chuan amah chu ka va vawm nghal pawp a. "Khatiang ringawt kha lo ngaihtuah suh aw" ka ti nghal hlak a. A nui chhuak hawk hawk bawk.





"U Zualte, madam in a ko che a, a hmanhmawh thlak thu a sawi a" staff pakhat chuan thaw hlawp hlawp hian kawngka bula ding chungin a rawn ti a, Ramhluna lo ding ve kur a hmuh avang chuan an lai leh lailawk a. Ava han hahthlak țhin ve mawle.





Ka kal tur thu ka hrilh hnu chuan Ramhluna chu melh leh zeuhin a kalsawn nghal vat bawk a. Ka nui chhuak hak ringawt. "Bawihi, va kal la kei pawh ka kal ang. Tlaiah ka lo lam ang che, i kalna turah chuan ka kalpui ang che" a ti a, ka bu nghat a. Kan in zui chhuak nghal bawk.





"E, lo kal vat teh. Hei kan buai lutuk ringawt " pi ber room a ka lut chiah chu senior chef chuan a lo ti nghal vat a. Hmanhmawh thei ang ber chuan an mahni lam chu ka pan phei a, dawhkanah chuan paper an lo chhawp nuai bawk.





"Zualte, register-a ziah luh hi i hna tiraw? " Senior chef in a tih chuan ka bu nghat a.





"Nimin a nangmah puitu tur an tih kha alo kal tawh em? " a tih zawm nghal zat bawk a "Kal lo, vawiin chawhma khan alo kal tur thu in sawi a, mahse tun thlengin alo la kal lo" ka ti sap a. Eng buaina emaw chu a thleng chiang alawm.





"Buaina tlem a awm deuh hlek a, pu ten an hriat ka hlau deuh bawk si a, an mahni hriat loh theih dan tur ber a chinfel a ngai a" madam chuan a ti sap a. "Eng buaina nge? " ka ti nghal vat bawk. Hetianga an mahni in buaina thleng chinfel an tum a nih chuan a serious tawh hle tihna a ni țhin.





"Register bu ah hian ni 12 hma lama record ho kha a awm miah lova. Kar leh hian pu ber in record a rawn en fiah leh tawh dawn a chumi hma chuan engkim hi siamțhat vek a ngai a " a ti sap a, rilru hah hmel fê hian a thaw chhuak zui hawk bawk.





"Avan mak awm ve" ka ti hliai a, a bak chu sawi tur ka hre lo "Nangmah a ni em ziak lut tu? " senior chef in a rawn tih chuan ka lu ka thing nghal vat a. "Teuh lo, kei te chu ni 20 ațang chiah khan ka duty ve țan a, khami hmaa thil thleng chu pakhat mah ka hrelo" ka ti nghal vat.





"A nih chuan i hma chiah a duty chu tunge? " a ti leh nghal a. A âw hi hre țhang lo ila chuan hlauh avangin ka khur der der tawh ang. Amah thau lampang a ni bawk si, a aw a thûm si, a thinrim phei chuan hei ai hian ala hlauhawm zawk.





"Ka duty hmaa duty maw? Ih... Dinpuii kha ania. Tunah chuan 3rd floor ah hian a awm" ka ti nghal a. Duty tur an ziahna bu chu a la chhuak a, na zet hian Dawhkana chuan a dah thla pawp a, ka lo phu hmanhmawh lehnghal. Madam pawh a rilru a hah ve hle a ni ngei ang, engtin mah senior chef pawh a khak lo. Ni lo se chuan 'che buan buan zel suh' a ti leh daih tawh ang.





"Min lo koh sak ta che, henu hian thil chu a hre ngei ang" a ti sup a, ka bu nghat a. "Mahse enge min koh chhan?" Ka ti leh hrâm a, senior chef rawn țawng a tum chu madam chuan a kut in alo khap a.





"He thil hi i tih amaw kan tia, chuvang ania mahse i tih a ni leh si lova, police lam pawn thu zawh fiah duh che an nei maithei a, chutah chuan dik takin chhang la, hlau miah suh ang che. Tu emaw hi chuan a tum lawk reng a ni" a ti nghal sap bawk a. Tuna register bu a kim lo hi ka tih ah an puh anih chu! Rapthlak hian. An mahni zawk hian tunge duty tih te chu hriat awm tak. A ruk chuan ka thinrim mahse ka tilang ngam thlawt lo.





"Anih min mamawhna in nei anih chuan ka awm reng ania" ka ti sap a, an bu dun nghut a. Office ațang chuan ka chhuak nghala. Ka chhuak chiah chu ka thaw chhuak nghal hak bawk. Thil engmah hi ka hrethiam tawh nei nuai lo e a. Mahse a landan chuan madam sawi kha a dik hmel tlat tu emaw chuan an lo tum lawk chiang a ni.





Lift lam ka pan tur chiah chu ka mi hmuh avang chuan ka khi nghal țhaw a ka va han lawm tak. Ka chho peih lo lutuk hi ka țap lo chauh "Dinpui" ka tih rual chuan a kalpui nu nen chuan an rawn hawi rual nghala. An lam pan chuan ka pen nghal vat bawk a.





"Aw, u Zualte min mamawhna i nei ami? " an pahnih chuan an ti rual nghala, lu thin pah chuan ka nui nghal ver ver a. "Dinpui, madam leh senior chef in an ko che a eng emaw thil ah biak che an duh ani awm e" ka sawi zo chu a hmel landan a dang nghal vek a.





Meng phâwk hra in "Hehe... Ke, keima maw? Ava mak ve, keimah ang te min hmu ve duh a" a ti bah nawk nawk a, a awmdan chu uluk fe hian ka lo en a, eng emaw inthup chu a awm chiang ani. A thiannu pawh chuan mak a ti ve deuh ani ngei ang âng phuau in a en ve ringawt.





"Chhuk vat la a țhat ka ring, i beng pawh kha a rim viau maithei ni" nui sang chung chuan ka ti sap a, an hnunga lift lo thleng chiah ka hmuh avang chuan an mahni chu kalpel ka tum a, mahse "Ngatinge min hmuh an duh teh deuh thut a? " a rawn ti leh a, ka ding dat.





Ka kut chu chung lamah ka dah kang a V sign chu ka pe zeuh a "Ka hre bik lo" tih pahin lift lam pan chuan ka kal nghal daih bawk. Ka duhna ah hi chuan ka mizia leh ka landan engkim hi ka thlak danglam ve thei vek chimawm leh sual a hun chuan ka sual ve mai a ni.





Ka phone a rawn rik avang chuan ka ipte chu ka zen rawk rawk a Remruata ani "Aw enge, induhpa" ka ti nghal ringawt a "Amak, min biak peih loh hmel zet hian awm ziah suh ka tih kha" a rawn ti hmuk a, ka nui chhuak hak.





"I hmelchhe tho lawm" ka ti sap a, ani pawh a rawn nui ri ve ta suk a. "Tak tak in ka rawn biak chhan che chu, kar leh lam hian U. S lamah ka kal leh tawh dawna ka lo hrilh lawk che" a rawn ti a.





"Hey! Misualpa, rei lo te i awm a enge chhuk lehnghal i tum a iva phakar ve, khatiang kha zin dan tur pawh a ni lo, an zin chuan rei tak te an châm țhin, nang ve chu" ka ti nghal țhat a. A rawn nui chhuak hawk hawk a "Nui bawk suh" ka ti hmak.





"Chutiang lam pawh ani lo, di te lenna lamah chuan kan kal ve tur ania lawm" rawn ti êt lehnghala.
"I ho emai, hetah pawh i țhiannu ka awm ve tho" ka ti leh hlak a, phakar leh lutuk mai. Ka châm rei dawn de dei dei dei te a ti vela châm rei leh tawp si lo.





"Haha, tak tak in ka hna lampangah chhuk lawk a ngai a, Hlutei thla 1 vel ka awmpui leh anga chumi hnu chuan he lamah ka awm tawh ang" a ti a. "Chupawh nise, ka hruai ve ang che tih pawh awm lo" ka ti leh hlak a a rawn nui chhuak hawk a.





"I kal peih leh dawn loh kha, sawi sawi suh. Zarkawt atanga Khatla inkar lek pawh i rui ania" a rawn tih chuan "Lalremruat" ka ti nghal țhat a. A rawn nui chhuak hawk hawk, hepa thil hre rei thei lutuk hi chu a hahthlak, ka motor chuan sual avanga ka ruih kha alo la hre reng a, a rei tawh tawh nen engtin nge maw a lo la hriat theih ni.





Rei fe kan inbiak hnu chuan hna ka ngah lutuk avangin kan dah ve ta hram a, Feli a tel ve hi chuan hnathawh țhulh țhak khawpin kan inbe thei a, mi pawn enge in sawi țhin a min ti țhin a, kan pathum hian kan nui ringawt zel.





"Bawihi, rawn luh ve kher i duh em? " U Saia in kawngkhar bulah kan ding vang tawh a. Ka huphurh rual rual in ka hre chak tawh bawk si, pa ka nei ve tawh dawn a hlim chu ka hlim meuh mai, mahse ngatinge chhungril lamah hian huphurh rukna riau ka neih tlat le, ka hrethiam lo.





"Ka hrelo, englo, ih... Lo lut ve la, mahse i duh loh chuan a pawi chuang lo a" ka ti sap a, ka zam vang nge vawh ka tih vang, ka khur ve dar dar mai. "Lut suh pawh ti la, ka lut tho ang, nangmah maiiin engmah itih ka phal tawh lo" a ti a, ka ban bul ve ve ah chuan vuanin ka chalah chuan a rawn fawp vang vang a, ka hahdam nghal sawng sawng thei mai.





"Lut ang e, i bulah ka awm tlat dawn alawm" a ti a, ka zâm tih hi a hre ve a ni ngei ang. Ni e ka zâm, a vawikhat nan ka pa ka hmu dawn ani a, ka zam a ni chutin ka huphurh tel bawk.





Inchhungah chuan min luhpuia u Saia chuan Ramhluna a hmuh tel ve rual chuan "nangmah chauhin ilo kal dawn amaw tia" a ti nghal a, ka chhang lova, kan pahnih țhutna tur chu min lo kian nghal vat bawk.





"A hriat ve a pawi lo ang maw? " Ramhluna chu a melh leh zeuh a a ni lah in lo ngaithei lo, a thaw ri hrawih a "sawi rawh a pawi lo" ka ti nghal vat a, Laptop chu ka hmaah ka en theih ngei turin a rawn her rem a ka huphurh lutuk chu Ramhluna kutah chuan ka hmer nghal vak ringawt.





"Anih chuan ka sawi țan nghal mai anga, laptop-ah hian CCTV record tlema zawng a awm a, chuta mi chu ipa ani a, chiang takin i en dawn nia, hmuh tawhna te i nei em tih te, i hriat hnu ani em tih te kha hriat vek a ngai a" a ti a.





"Tinge, amah chu in va biak nghal tawp loh a hetia ti lo hian, in hmuh chuan be nghal tawp rawh u ka tih kha" ka ti a.





"Bawihi, hahdam rawh keiman kan sawi ang e. Tunge inih chu ka hre chuang lova amaherawhchu; kum tam tak a pa a zawng tawh a, a duhdan chu in zah sak tur ani dawn lawm ni" Ramhluna chuan a rawn ti chang deuh hrâwih.





"Ka pu, ka hria alawm mahse tih theih kan nei lo mi Hausa tak ani a, amah vengtu hi tam tak an awm ziah a, amah hmu tur phei chuan chhan tha tak neih a ngai a, bakah nang hi Zualtei pa ini a, kan hruai chhuak dawn che kan va ti ngawt thei lo alawm. Zualtei duhdana kal kha chu a rem teh chiam lo ani" u Saia chuan Ramhluna a biak dan chu a hnuaia hnathawk ten zah taka an bia ang mai hi ani melh pawh a melh țha ngam reng reng hleinem.




"Chupawh chu lo nise, a duhdan zawm chu in tihtur ani chung chu chhuanlamah a tling lo, ruahmanna in siam lawk lo niin a lang" a ti nghut a. A banah chuan ka vawn sak nghal vat a "A pawi lo, ka hrethiam alawm, va be ringawt ta ula nangmahni in buaina in tawk thei zawk tlat alawm, a pawi lo ka hrethiam" ka ti sap a, ka ngaih em em a chu alo rum nghut mai.





"Video hi a play theih tawh em? " ka ti sap a "theih tawh e, tikhan play la uluk takin i en dawn nia" a ti sup a. Ka play tur chiah chu phone ri avang chuan ka tawp leh rih a. "Bawihi, Rsa ania kan be lawk ang e" Ramhluna chuan a ti sup a "Reilo la aw" ka la ti hram.





A kal hnu chuan video chu ka play a, a thim ang reng viau a mahse tute nge ka hre hleithei lo, U Saia'n min hrilh ngiang chung pawn ka hre thei lo, amah phei chuan hahthlak a ti lutuk a, a thaw chhuak vak zel.





"Bawihi enge chanchin? " taksa lum zet ka feel rual chuan aw ka hre chhunzawm zat a "a thim lutuka ka hmu hleithei lo" ka ti a, Ramhluna chuan a en ve a, ani pawn a hmu thiam chuang lo, laptop chu a her ringawt a, a chetdan avang chuan u Saia nen chuan kan lo nui ringawt.





"Anih chuan chanchin naktukah a hriat dawna vawiin khan Freddy'an kan hmuh theih leh theih loh tur kha a zawt a, naktukah a chiang ang a tia" a tih chuan ka bu nghat a, video clip chu ka phone ah ka in send tir a, eng ti kawng zawng pawh hian ka hmu fiah tur hi ani ringawt mai ni. Ka pa a nih chuan thim thamah pawh ka hre chat chat tur ani.





"Chuan kan hmuh theih tak hlauh chuan ka lo bia che anga, ilo kal ve dawn nia" a tih chuan ka nuih ringawt a ka thaw chhuak hak a. Zep miah lo chuan ka huphurh ani engtin nge an hmuh tih pawh ka hre chak a, mahse ka zawt rih lo mai ang.





Ramhluna phone hmang zo chu a rawn phei a. "Engkim a tha maw? " ka lo ti nghal vat a. "Bawihi car ah ka hrilh ang che" a ti sup a. Ka bu nghat a. "Anih kan kal dawn aw, natuk chu a theih hram chuan ka lo kal ve ang" u Saia bulah chuan ka ti a. A bu nghut a, kawngkhar lam pan chuan kan kal phei a.





"Phone i van hmang zing mawlh mawlh ve" lift a kan chuan lai chuan ka ti chhuak sap a, hnunglam atang min kuahin ka darah khabe a nghat a, thâwk zin hmel fe hian a thaw vak zel bawk a.





"Ka hrilh tawh che kha, i hria anga. Elizabeth-i kha kan be thei tawh a, mahse Mizoram hi alo chhuahsan hman tawh a. Amah nena programme hman ngei ngei kha a ngai sia. Chuvang chuan zanin la la hian a awmna hmun kan zu pan dawn a" ka ti sup a, nghet leh zuala min kuahin amah hnaih chêt chuan min pawt leh.





"Oh! " ka ti hliai ringawt.





"Ka kal chak lo tih i hria em? " rawn ti supin, ka nghawng chu a rawn fawp zeuh bawk a. "Engtia rei nge in awm dawn? " ka ti a, zep miah lo chuan ka huphurh ani, a tello in kum tam tak chu lo awm tawh mah ila, tun hnaiah a tello in ka la awm ngai lova, ka huphurh ve det.





"Kar khat vel pawh ani maithei ka chiang lo" a tih chuan ka thaw chhuak hak a. Kar khat lek pawh ni mahse ka tan chuan a rei tho ka ring. "Bawihi ka kal chak lo tih i hria em? Theih se i bula hun hman tam tluk a duh ka nei lo, mahse he hna hi ka tilo anih chuan ka pa in Kima kut ah company hi a dah dawn a. Chu thil chu ka thlen tir thei lo ani" a ti leh sup a, lift kawngkhar rawn inhawng chu ka melh reng ringawt a.





Car ah pawh ka țawng miah lova, kan inkawt kan thlen pawn ka la țawng chuang lo. Ka huphurh tih bakin ka sawi thiam si lo, kal suh ti dawn ngawt ila a hna ani a, keima thu in ka dang ngawt thei si lo. Tinge maw hla taka min kalsan tur ang mai hian ka ngaih tlat le. Ka thinlung hi a khawhar lawk sa ni maiin ka hria.





Car khawngkhar min hawnsak rual chuan ka chhuak nghal vat a. Amah kalpel nghal ka tum chu ka banah rawn pawtin a kawngah chuan a rawn kuah nghal vat a "I thinrim ami? Bawihi, sawi sual ka nei em ni? " a âw ah chuan inthiamlohna ri a ri chhuak tel a, chu chuan ka thinlung hi a tuam hneh takzet.





"Thinrim lo aw, ka thinrim lo ania. Sawi tur ka hrelo mai mai alawm" ka ti zawi sap a, ka țap thei dawnin ka hria. Tunah pawh kar khat vel lek an cham tur thu a sawi a, ka lung a leng lawk sa a, ka ngai lawk sa a, kallo turin ka duh. Kumkhua in min kalsan dawn ta se, engtin nge ka awm ang. Ka ngaihtuah ngam lo zawk. Ka thinlung ah hian hmun tam tak a luah tawh ani.





"I huphurh ani tiraw, ka hria, nang ai ka huphurh zawk ka hruai ve ang che ka tia, mahse i duh dawn si lova. Duati kal lo turin min duh em? " a ti leh sup a, ka lu ka thing nar nar a. "I mawl ami, kal rawh kal ngei ngei rawh, a pawimawh i tih kha" ka ti chhuak nghal vak a, ka nui lui hak.





"Chu thil ai chuan ka tan i pawimawh zawk. I pawimawh fe zawk, min en teh" tih pahin a lam hawi chuan min kuai her a, ka mittui hnâm a hmuh chuan a rûm nghut a, "tihian awm lo la, anih loh chuan ka kal lo mai dawn ania, ka awm loh laiin lo țap miah suh ang che" ti supin ka mit hnuai chu a rawn a rawn chûl zeuh a.





Ka mittui tling chu a kutah a far nghal keuh bawk a "Um... ka hria ka lo țap lovang. Kal tawh rawh, i tlai lutuk palh ang" nui lui sang chuan ka ti a, rum nghutin amah hnaih zet chuan min pawt hnai a.





"I țah leh chuan kal lo turin min duh tihna angah ka ngai dawn ania" a tih rual chuan ka mit chu a rawn fawp zeuh a, ka mittui a rawn fawh chuan ka thinlung, nilo, ka engkim hian a hre rang mah mah bawk.





"Ka țah tawh loh hi, kal tawh rawh, in tlai lutuk ang. Min lo be rawh aw" ka tih chuan ka kawngah vuanin a hmai bul chetah chuan min pawt phei leh a, ka hmui chuan a hmui chu a si lek lek tawh a. Ka thin hi a phu rang leh dut dut tawh mai "Kal tur pawh chuan min va duh ve a, min ngai dawn miah lo ami? " pangchang aw lek leka a rawn tih chuan ka nui chhuak hak a.





"Ka ngai dawn che, ka ngai dawn che, in tlai ka hlauh vang alawm" ka ti sep a, ka țawng zawng chuan amah zawkin ka hmui chu a rawn tawk zeuh zeuh a, ka țawng lai ka tawp leh tawp zel.





"Nang aia nasa in ka ngai dawn che, i taksa te, i hmui thlum leh nalh zet te, i sam rimtui tak te, i rim nu hnâp te leh i mitmeng mawi zet te, i âw te, ka tawk in ka hre thei dawn lo ania" a ti nghut a, ka nui chhuak hak a "Em em a che" ka ti hlak bawk.





"Ania lawm" a rawn ti hmuk a, ka kut chuan a hmai chu ka chûl sak a, min thlakhlelh hmel zet chuan alo chhing a, a biangah chuan dawm sak in "keipawn i rim pa hrak te, i pangtilum muanna min pe tu te, i aw rapawm deuh hlek te" ka tih rual chuan ka nakah a rawn țham salh a, ka nui chhuak hak a.





"Chimawm suh aw" a rawn ti hluk bawk "Enge, ka chimawm hleinem thudik tak alawm ka sawi, i engkim hi ka ngai vek dawn" ka tih rual chuan a hmai chu ka chûl sak a "chiah maw? " a rawn ti sup.





"Tehreng" ka tih rual chuan nui hawkin min pawm kang nawlh a, ka bawp chu a kawngah a khawkherh tir nghal bawk a. "Anih chuan ka hun ani ve tawhin ka hria" a ti sup a, ka nui chhuak hak a, min pawm phei zelin car hma lamah chuan min nghat a.




"Lo che miah lo la, keimah chiah min ngaihtuahin ka chetdan chiah hi ngaichang ang che" a ti sup a, engmah hre hlei lovin ka bu ve nghut bawk a. A rawn chet leh dan avang chuan ka meng buai nak mai.





Ka kawngah vuanin amah hnaih chuan min pawt a, ka hnar chu rawn fawp zeuhin a nui suk bawk a. Ka hmui lamah chuan rawn insawn thla in a hnuai lam chu a pet nghal zat.





Chet ka tum ve hlek rual chuan ka kut chu a man bet a ka hmui bul chetah chuan phun supin "lo che suh ka tih che kha" a ti țhin a, ka che lai hi ka tawp chiang thei em em mai lehnghal.





Ka hmui hnuai bawkah chuan rawn fawp leh, a seh leh zeuh rual chuan ka rak țhat a, a rawn nui ri nghal suk. Ka ka chhung hi a al puat maiin ka hria. Tal hran ka tum rual chuan pangngai zetin min rawn fawp a, ka chhang lehnghal vat tho.




Khumah chuan țhu in ka hmui chu ka khawih zeuh a, ka khi nghal ver ver, mahse a thusawi ka ngaihtuah let rual chuan ka țim nghal uaih uaih mai. Vawihnih lai min sehsak lehnghal "Tikhan, tu mipa mahin an rawn en thei dawn loh che, kawp lai nei ini tih an hria anga. Mahse chumi hre reng a, an tilui a nih chuan ka sawisa hrep ang" a ti kha a ni a. Ka hmui chu a thîp ve vawng vawng thei mai.





Call ka tum zet nangin an kal tawh ka rin avangin message ka hnutchhiah ta zawk a, ka hmui chu khawihin ka nui leh sak a, khumah chuan mu in ka in luhkhuh nghal daih bawk.





Zingah chuan ka phone ri in min ti harh a, chiang lo riaiin ka meng a, min lo call tu ka en chuan 'kima nula lawma' tiha ka save chu alo lang kuau va, engvanga zing zing a min rawn call nge maw anih le, a pawimawh viau aniang a. Amah ka save dan hi hria se chuan min vîn leh hrep tawh ang.





Ka lak rual rual chuan "Enge?" ka ti nghal thawr a. Ka țawng zawnga ka hmui che ve chu a thîp zawk a, ka khawih rual chuan a rawn thi ser ser a, hepa thil min hnutchhiah ve hi aw...





"Englo ania, ka u in ka call a chhang thei lova nangman min lo call sak mai ta che, a pawimawh lutuka " a rawn ti sup a, a aw ka hriat lohna pawh a rei ve ta hle mai.





"Ala mu aniang" ka ti a, mahse "nichinah pawh ka call a, ala thei lo a online tho sia. Lo be teh a" a rawn tih zawm zat a.




"Naaa... try leh mai la" ka ti leh.





"A pawimawh a i call chu a lak duh ka ring" a tih leh "min lo tihsak mai rawh aw a pawimawh lutuk a" a rawn ti a, a off nghal daih anih chu! Hmela mai mai chuh! A duh duh huna a tirh tur pawh ka ni lo, ka va han call awm lo mai mai tak.





Mahse a pawimawh a ti bawk sia ka call sak chhin dawn amaw ni le, lawk a online a ti sia tinge message ka dawn miah lo a.





WhatsApp-ah chuan ka lut a, a last seen pawh tun mai kha ania mahse ka message pawh a seen lova mahse a online tho sia. Hepa hi enge maw a hriat le. Ka call ngei chu a ngai ang.





Ka out tur chiah chu video call a rawn lut a, Ramhluna ani. Ka la nghal vata, mahse ka mi hmuh hmasak ber avang chuan ka meng buai nak a, keimahah hlauhthawnna a rawn awm lehnghal bawk a, ka ni nghal nghulh mai.




Evelyn-i chu khumah bra nen chauh a lo awm a, engtin nge Ramhluna phone aťang alo call theih le "khawnge Ramhluna? " ka ti nghal sap a, ka thin phu nasa lutuk leh ka hlauthawng lutuk chu ka khur nghal der der thei.





Phone ațang chuan a rawn nui hak hak a, "khawnge Ramhluna ka tih chu? " ka ti lehnghal vak a, ka ngaihtuahna te hi a buai vek thei.





"I bialpa duhtak chu a mutui khawp mai" tih pah chuan phone chu a her a, khum lam chu min en tir a, Ramhluna chu kawr ha lovin bawkkhup zawngin a mu a, a lu bulah chuan Evelyn-i chu a rawn lang leh.





An pahnih hian an mu dun amaw? Ka thil hmuh avang chuan ka mitmeng te hi an phe ruai a, ka kut te hi a khur nghal der der a, ka thin a phu rang sauh a, ka â dawnin ka hria. Khum ațang chuan ka tho chhuak nghal vat a, ka che reng reng chu a dik thei tawh lo.





An pahnih hian an mudun, an mu dun ani. Chuan keimah min phatsanin an mu dun.





"Nizanah a che nasa bawk a a chau aniang muttir phawt rawh, keipawh kan mu leh ange, ka chau tlat" tih pah chuan a samah chuan a fawp zeuh a, a taksa chu a kuah nghal bawk.





Ramhluna hmel lo lang chu ka en a, a hmel hahdam zet chuan min ti â dawnin ka hria. Ka khurh nasat lutuk avang chuan phone chu ka thlauh tawp a, kei min phatsan in amah nen khan an mu dun anih chu!





Hmeichhe dang min pansan loh tur thu kha a sawi si a, mahse an mudun leh si "Ka dah aw, a rawn harh leh hunah nizan ang chiah kha a duh leh dawn sia, ka lo mut loh chuan.... " a sawi zawh hma hma chuan ka beng ka hup a, khum ațang chuan chhuk thla in khum ngheng chuan chhuatah ka țhu a, ka in kuahkhawm nghal vek bawk.


Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:08 pm

‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍2!3! #EP-21

By : Msi_Miluhlulnui 👩🏻
(Hmeichhe Naupang Tereuhte)




Kima ang kha ani ve lo ang ka ti a ti a, mahse alo ni reng zawk tihna em ni? Kei min duh lovin hmeichhe dang min pansan a, hmeichhe dang aia ka țhat loh bikna chu enge ni ang? Min hrilh se ka insiam țha ve mai tur. Nge ni a an unau hian ka na lai hi hmuh an duh ve ve zawk niang.





Amah a rinna ka nghah mek laiin a tichhia a, amah pawn min rinchhan rawh a ti a, mahse khang te kha dawt vek tihna em ni ang. Hetianga min ti mai mai tur si, engvangin nge khatiang khan min awmpui, ka hlim ve hi an phallo em ni, nge ka na lai an la hmu kham lo zawk.?





Ka mittui a rawn far keuh a, khawvela hlimna hian tinge min kiansan bik zel, min hua em ni a lakah tihsual ka nei em ni. Tinge ka hlim na tur min laksak zela, hreawm taka min nuntir. A hma zawng zawnga ka natna te kha a tawk tawh em em lovem ni?.





Ka room kawngkhar rawn inhawng țhuai ri ah chuan ka phu zawk a, mittui luang ngiai ngiai chung leh hlau ru tak chung si chuan ka hawiphei a, Kima chu hah hmel zet hian kawngka bulah alo ding a. Walk zo hlim tih hriat takin a taksa ah chuan a thlan a luang ngiai ngiai bawk a.





"Babe, engtin nge i awm? I țha em? " tih pah chuan ka awmna lam chu a rawn pan phei a, ka bianga mittui luang ngiai ngiai chung chuan ka lo melh ngawt ngawt a. "I țha em?" Ti pah chuan a rawn țhu hniam thla nghal vut bawk.





"Tunge hetiang hian ti che? " a ti hrâwk a, min rawn ban a tum chu a kut chu ka lo vai kian sak lawp a, an unau hian ka haw takzet ani. An inang chiah, ka natna bak an duh lo.





"Zual, sawi rawh" a ti leh sup a, mittui luang ngiai ngiai chung chuan amah chu ka han melh chho a, a mit ațang chuan hmana min ngaihsakna mitmeng ang kha ka hmu a, min ngaihtuah hmel ang chiah kha a pu leh tawh bawk.





"Enge i rawn tih? " ka ti a, ka in chahbi spare ka pek kha alo la nei reng anih dawn hi. Ni lo se chuan a rawn lut mai mai hauh lovang. "Ka lo phone hnu che khan chanchin i rawn sawi leh ta si lova, walk pahin ka lo zawt ang che ka tia, mahse i țap ri ka hria a" a ti sup a, a kut chuan ka kut chu ala rawn vuan hram.





"Ka țha kal tawh rawh" ka phun sep a, ka țahna avang khan ka aw pawh a lawi rât mai "Engvanga hetianga awm hi nge inih sawi phawt la, ka kal ang" a ti sup a, a kut chuan ka țah a a tih thin dan ang chiahin ka sam ah a rawn chûl leh a.





"Ka haw lutuk che u, in unau hian ka haw takzet che u. A hmaa ka na lai inhmuh kha in duh tawk tawh lo vem ni, ngatinge hlim tak hian min awmtir ve theih lo. Tinge in unau vang hian ka hlimna hmuh tur pawh ka chân zel a" a au in ka au chhuak a, ka țap chhuak nghal hawk bawk.





"Babe" tih paha min rawn ban a tum chu a kut ka lo vai sak leh pawp a, amah pawh a thaw chhuak ve ta hawk mai. "Khati pawh khan min ko tawh suh, ka haw lutuk che u. In unau hian danglamna pakhat mah innei lo, ka hmuh theih ah rawn inlan tawh lo hram rawh u" ka sawi zo chu ka țah leh vak loh nan ka hmui chu ka pet fan fan.





Ka thinlung na lutuk avang hian awm ngaihna ka hrelo. Hmun reh taka au chhuah vaka, ring taka țah ka duh takzet ani. Ka tâwt up up a, boruak hîp tur te hi ka tlachham mai dawnin ka hria.





"Kal tawh rawh, ka hmu duh tawh lo che u" ka ti fak a, ka mittui rawn luang thla ngiai ngiai chu ka hru zeuh bawk a. Kima chu a tukhuma a kut nghat chung chuan vanva dak chung in a thaw chhuak hawk.





Țawng a rawn tum chiah rual chuan ka phone a rawn ri a, ka thin a phu rang lehnghal dup dup tawh mai. Ramhluna leh bawk. Nilo, Evelyn-i leh bawk em ni ang?.





Hlauthawng leh thinphu dep dep chung chuan ka phone rizai kara awm chu ka zu bih dêk dêk, u Saia ani. Ka thaw nghal huai a, rang lutukin ka phone chu ka zu ban a.





"Aw, u Sai" tih pah chuan phone chu ka bengah ka dah nghal zat a "I țap em ni? " a rawn ti a "țap love, ka tho ve chiah a, enge chanchin? " ka ti nghal vat a, theihtawp chuan ka aw chu ka thunun ve bawk a.





"Aw, chanchin chu kan dawng tawh a" a tih rual chuan Kima chuan nghet zet hian hnunglam ațng chuan min rawn kuah nghala, ka tal nghal nghek a, mahse min kuah hneh lutuk a, ka tal chhuak thei lo.





"Min thlah rawh, engthil nge maw i tih le? " zawi tak chung chuan ka ti chang rat a "Tikhan be rawh" ka beng bulah chuan a rawn phun sup a, ka tal nghal leh nghek bawk a. Mahse a tha chu hneh lo tak ka ni ringawt.





"Hmela min thlah nghal vat mai rawh" ka ti chang leh rat a. Phone ațang chuan "Zualte, thil thleng a awm em ni? " u Saia chuan a rawn ti ve lehnghal chat bawk. "Thleng love, sawi chhunzawm rawh" ka ti sap a. Min kuahna ațang chuan tal tum in ka che sek.





Mahse a aia nghetin min kuah lehnghal zela, ka thaw theilo lek lek tawh. "Ipa chuan kan hmuh a remti a, chuan vawiin dar 10 hian kan hmu thei dawn bawk a, ilo kal ve ang tiraw? " a rawn ti a.





"Aw kal ang, ka lo kal ang" ka ti sap a, min kuahna nghet lutuk avang hian duh ang pawn ka țawng țha theilo "Anih chuan ka lo lam dawn che nia, lo inpeih fel hma rawh aw" a ti a "aw le" ka ti lehnghal sep bawk.





"Anih chuan ka dah phawt aw, vawiinah engkim a chiang vek tawh ka ring" a rawn ti leh a, ka bu nghat a, mahse a hmu thei tawp si lo.





Phone a dah hnu chuan khumah chuan ka theh thla tawp a "tenawmpa min thlah nghal rawh. Engvangin nge min kuah ve rik ngawt a, i zak lo lutuk" ka ti chang vak a, mahse engah mah ngai lovin min kuah ngai reng chuan min la kuah a, ka nghawngah chuan a nul thuak zel a, tenawm lutuk.





"Min thlah nghal vat rawh ka tih chu" ka ti leh nghek a, mahse engah mah ala ngai lo fo. Ka theih tawpa na chuan a pum ah chuan ka nghawk sak pawp a "kha chu ana ve det" a ti sam êt lehnghal. Engvanga Hetianga rawn awm hi nge maw anih hrep le.





"Min thlah rawh!" ka ti leh nghek a "Ka ngai che, ka ngai che alawm ka la kuah duh che" ka beng bulah chuan a rawn phun sup "I kâ ațang hi chuan dawt bak a chhuak tawh ngai lovang. Min thlah vat mai teh" a ti let țhat.





A kut chu chet zeuhin ka hnute ah chuan a rawn țham a, ka rak nghal țhat a, min kuahna ațang chuan rang lutukin ka tal chhuak nghala. In her in a hmaiah chuan ka beng ri nghal sawk.





"I zak lo ami? Engvangin nge khatiang kha itih ngam zawk?" ka ti nghal țhat!. Ka âwm chu ka kut chuan ka hup nghal bawk a. "Kha thil kha ka îtna a rei tawh, engtikah emaw chuan ka ta ala ni ngei ang" a tih chuan rapthlak ti lutukin ka melh nghal nghek.





"Zaklo lutuk, ka in ațang hian chhuak rawh, chhuak nghal rawh, in hmel pawh hi hmuh leh ka duh tawh lo, chhuak nghal rawh" ka ti tuarh!. Dar sân uk in a nui suk ringawt a. Tunah khan min khawih hman ta se, ni lo chutiang ka ngaihtuah tur ani lo.





★ Lalramhluna POV ★

Ka beng leh ka hmai vel za mer mer avang chuan ka meng a, Bawihi em ni. Mahse ani chu ka kalna ah a kal ve hauh lo.





Ka mit ka men chian ruala ka mi hmuh avang chuan rum nghutin ka tho nghala. "Engtin nge hetah hian i awm theih? " ka ti nghal hrâwk a. Ka hmuh theih tur chuan a âwm chu a rawn tilang nghal kher bawk a, ka ner zui nawk!.





"Ka room ah hian engtin nge i rawn luh theih tih zawhna ka zawt che" ka aw ka thunun hman loh avang chuan a ri chhuak nghal hrawih a, henu hi nizan khan ka room chahbi ka pe hauh lo. Chuan engtin nge a rawn luh theih ka hre hauh lo bawk.





"Nizan khan chahbi min pe tih i theihnghilh em ni, Duat" îtawm zeta a âwm ka hma lama rawn dah pah chuan a ti a, ka thaw chhuak nghal hrâwih a. "Dawt ka duh lo tih i hriat kha Evelyn, kei hian chahbi ka pe hauh lo che. Chuan heta i lo awm theih dan hi insawifiahna țha tak ka phût bawk ang" ka ti zui leh nghut.





Khum ațang chuan chhukin ka thawmhnaw chu ka ha mawlh mawlh a, khuma mu erawh zah nei miah lovin rizai te lah chu ala keu hawng deuh deuh lehnghal, hmeichhe nalh tak ani a, mahse îtna pakhat mah ka nei lo. Bawihi chiah ka mamawh.





"Duat, nizan khan min pek ngei kha, i theihnghilh tawh em ni? Riah pui tur pawh khan min sawm nghe nghe kha" a aw a thleh no dan saw khawiah emaw a zir ani ngei ang. A zirna te erawh an perfect chiah lo ania nge.





"Ka sawm che maw hah! Nizanah kan inhmu reng reng em ni? " ka aw chu a dam hran lova mahse ani erawh hi chuan ngaiah a nei tawh ang. "Thil hi i theihnghilh nghal zung zung zela nang chu" tih pah chuan rizai chu a mal lang thei tur chuan an hlim a.





"Ka theihnghilh lo ania nge, ka sawi lai ka hre tlat lo. Chuan i hriat ve mai mai atan, in la îtawm vak duh lo mai rawh, Bawihi bakin ka rilru a luah chuang lo ania" ka ti nghut a. Side table a ka phone ka dah chu ka ban chhunzawm zat bawk.





"Khanu kha sawi teivet suh, ani ai chuan ka țha fê zawk" tih țhat pahin a rawn ding hluaia, ka nui suk "Chhuak vat la, itan a țhat zawk ka ring, security ka ko anih chuan he hotel pawh hi i chhuahsan nghalah i in ngai dawn nia" ka ti sup a, ka phone chu ka on nghal zat bawk.





Bawihi message alo awm nual a, chupawh nizana mi vek kha ani. Message chu ka open vat a, ka khi nghal suk bawk. Ka ngai ani, ka ngai takzet. Call ka tum chiah chuan khuma ding ka hmuh leh rual chuan ka tawp leh.





"I chhuak dawn nge security ka ko dawn? " tih pahin ka call log chu ka hmetchhuaka, amah chu ka hmuh tir nghal bawk a. Hmeichhia hian ka thin an tirim viau anih loh chuan ka vîn ngai lova, âwm nêm zawk an ni a, tu hmeichhia pawh nise, ka thin an tihrim loh phawt chuan ka be chhe ngai lo.





Amaherawhchu; ka thin an tih rim tawh phawt chuan a hnu leh ah kei aia rapthlak an hmuh ngai loh thu an sawi țhin. Ka duh lohna ah chuan hmeichhe leh mipa ka thliar ngai lova, hremna emaw, thil engpawh an tawn a inang vek țhin.





"Ramhlun, ka ti tak tak alawm, nizan khan mutpui turin min sawm a chuan i chauh thu i sawi a, i duh hunah lo kal mai rawh itia chahbi min pe anih kha, engtin nge i theihnghilh theih zawk?" tih pah chuan khum ațang a rawn chhuk a. Ka rûm nghal nghut.





"Evelyn, dawt ka duh lo ka ti ani lawm ni, i kâ ațang a dawt chhak chhuak tawh lo khan chhuak mai rawh. Kei hian tumah ka room min țawmpui turin hmeichhia ka la sawm hauh lo" ka ti chang rat a. Ka dawhtheihna fiah a tum anih chuan a tisual der ang.





"Mahse ka ti tak tak alawm" ala rawn ti leh hrâm "A tawp nan ka sawi leh ang, ka room hi chhuahsan la, i room ah kal rawh anih loh chuan ka thawn haw leh ang che. Min dil avanga kal ve mai chauh inih kha" ka ti zui hrâwih!.





"Ila châk lo khawp ang" tih pah chuan thinrim zet hian a thawmhnaw te chu a pawm chhuak a, kawngka chu na zet hian a rawn khâr bawk a. Kei hian hmeichhia ka khum min țawmpui turin ka la sawm lova, an mahni ațangin sawmna ka dawng zawk țhin.





Bawihi message ka reply hnu chuan ka call nghal zat a. Mahse phone ala thei lo, la mu anih ringin ka call chhunzawm duh tawh lem lova, nizan khan net signal ka nei lo char char a, kan thlen in ka battery a thi lehnghal bawk si a. Engah mah ka phone ka hmang thei lo.





"Gabriel, Elizabeth-i kha bia la, nizan ami kha vawiin chhunah hian neih tur ani tih hrilh ang che. A hnial anih chuan sawi tura ka tih che kha ilo sawi dawn nia" call dang ka hmang chhunzawm zata. He thil hi zawh vat vat a, Bawihi hnena awm leh vat ka duh tawh a rim nu hnâp te kha hriat leh ka duh tawh ani.





"Sir, J-a khan biak a tum mek a, kei erawh chuan ti tura min tih kha ka buaipui mek a" a rawn ti a "Ka hrethiam e, mahse kha thil kha chu Mizoram-a kan let hnuah i buaipui dawn nia, tuna mi hi zo fel vat rawh u" ka ti sup.





"Mahse, a pawimawh tawh lutuk asin" a rawn ti leh a, phone ațang chuan a laptop ch$ ri mual mual pawh chu a hriat vek theih.





"Pawimawh mahse, a chhunzawm theih. Tuna mi erawh chu a thleng leh ang em tih pawh hriat loh ania. Buaipui hmasa ang che u. E, chuan Bawihi ina CCTV dah tura ka tih che kha i dah em? " ka tih zawm zata. Towel chu la in bathroom lam ka pan chhunzawm nghal zat bawk.





"Ka dah a, laptop ațang khan lo check mai rawh, heti lamah hi chuan a hman theih loh a, mahse i en hma zawng ho kha chu ka rawn thawn ang che" a tih chuan hmanhmawh turin leh Hall-a min rawn hmu turin ka hrilh zawm zat a.





Nizanah inbual hman lovin kan thleng a, ka bal lutuk tawh takzet ani. Vawiin ah ka zo fel thei anih chuan vawiin tlai la la hian Mizoram ka pan lehnghal ang. Rei cham thei ka ni hauh lo.





Shower ka neih zawh chuan Bawihi chu ka call leh ngat a, mahse phone a la thei chuang lo. A last seen pawh tun mai kha ani a engvangin nge ka call a chhan loh hrep a.





Ka call nawn leh ngat, mahse busy a inti tlat. Ka phone chu khumah ka theh thla tawp a, ka tukhum chu dawmin na zet hian ka thaw chhuak bawk. Engvang tehhrep a min be duh lo nge anih. Nizan vang kha em ni, a nih chuan ka insawifiah anga ani mai lawm. A âw ka hre chak tawh lutuk hi awm ngaihna ka hrelo thei takngial dawn.





Rûm nghutin dawhkana ka laptop dah chu ka la kang nghal vat a. Dawhkanah chuan nghatin Gabriel-a email min rawn thawn chu ka open nghal vat bawk a.





Nizan lama Bawihi che vel chu en in ka khi leh suk țhin, a mu lai hahdam hmel zet chu ka en a, ka pause nghal. Laptop hmai chu chûl in "nikhat pawh ka la awm tling lo ania, ka ngai nghal der che a. Engtin nge khang kum tam tak chhung kha i tello a hun ka lo hman theih zawk le?" ka phun sup, a hmelțha zet te hi ka ngai ani.





Kum tam tak ka zawn hnuah ka hmu a, chumi hnuah ka ta ani leh a, engtikah mah hian ka lak ațang hian ka kaltir leh tawh ngai lovang. Kumkhua in ka venghim ang a, hreawmna avangin a țap tawh lo vang a hlimna avangin a țap tawh zawk ang. Tu mipa mahin an melh a, an neih ka phal dawn hauh lo, ka ta a nih hi keima ta chauh.





Video chu ka forward char char a, a mangchhiat zia ka hmu a, mahni in ka khi leh suk țhin. Tu hmeichhia mahin an tluk lova, hmeichhe dang tam tak aiin a danglam a, hmeichhe dang tam tak in an neih loh a neih a, he khawvel hmeichhia a hmeichhe danglam ber ani. Hmeichhe duhawm ber ani bawk.





A voice in record tel lo mahse a che vel hmuh ringawt pawh hian ka hahna min chhâwk thei a, lawm loh in min nuih tir nghal vur vur thei.





Zinga a phone ri a lak peih loh zia ka hmuh chuan ka nui chhuak hawk a. Peih lo lutuk tak mai chuan phone chu a bengah a dah a, mahse a be țha ang reng viau si.





A hnuah mahni chuan a phun bul bul a, a awmdan chu a rawn danglam tial tial a, a taksa awmdan chu ka hre hneh hle bawk. A phone a benga dah reng chung chuan a khur dawt dawt a. A thâwk dan ațang khian boruak hîp tur a mamawh tih ka hrethei.





Laptop chu chiang lehzualin ka bih a "Bawihi, engtin nge i awm a? " ka phun nghal sup, hetianga a awm apiang hian a kiangah ka awm ngai lo zela. A chungah eng emaw a thleng anih vaih chuan mahni ka inngaidam tawh lovang.





Phone chu khumah thehthla pawpin khum ațang chuan a chhuk a, a beng hupin a khur dawt dawt a. Hrep chuan! A mittui far ka hmuh rual chuan keimah hi ka ni nghal nghulh a, engvang nge a mittui khi tla nge anih?.





Chair ațang chuan tho zawk in laptop hmaah chuan kan in nem khalh nghal rûn a, vengtu tur kha engvanga dah lo nge maw ka nih hrep le. Hrep chuan! Ka au chhuak vak a. Lo zin san lo tawp ila țha tur, ni lo se tiang hi a chungah a thleng hauh lovang.





A hnu leha thil thleng avang chuan ka insehru nghal țeuh, laptop chu dawhkan ațang chuan ka hui thla pawp a, ka au chhuak nghal tuarh!.





Bawihi taksa a khawih ngam amaw, Bawihi kuahin a taksa te a deh tira, a duh loh chung a taksa a khawih sak a. Lalrinkima zet chu hnaih loh tur khan ka hrilh chiang viau si a. A thu tiam bawhchhia in ka awm loh changin alo che leh a.


Hah! Bawihi taksa i khawih avang hrim hrim pawh khan i tuar dawn hrim hrim. Ka khêk khal rei tawh bawk che a.Ka chêt a hun ve tawhin ka hria. Bawihi taksa i khawih avang khan i tuar dawn khawp.





Ka phone chu la chhuakin Gabriel-a chu ka call nghal zat a "Programme kha cancel la chuan Mizorama ka chhohna tur thlawhna lo buatsaih nghal ang che. Tunah la la hian ka chhuak duh" ka ti nghal hrâwih a, ka thinrim lutuk inthunun tum chuan ka thaw chhuak nghal hawk bawk.

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:09 pm

2!3! #EP-22

By : Msi_Miluhlulnui 👩🏻
(Hmeichhe naupang tereuhte)



"Sir, thlawhna chu peihfel ani tawh a, dar 9:30 a chhuak tura buatsaih fel ani tawh e" Gabriel'an a tih chuan ka bu nghut "nangman min zui la, J-a kha chu heti lam buaipui tur khan i hrilh dawn nia mahse engkim a fel vek tur ani" ka ti nghut a. Thâwk ka la leh hawk bawk.





Nichin ațang khan Bawihi ka call char char tawh a, mahse a busy tlat zel. Engvang tehhrep a min be duh lo nge maw anih hrep ni. Nizan vanga a lungawi lo anih chuan insawifiahna țha tawk tak ka neih a ngai ngei ang.





"Sir, engvanga chho duh thut nge inih a, a hmanhmawh thlak tiin helai thleng thleng kan zui ve tawh a, mahse kan chho lehnghal dawn a" Gabriel-a chuan rawn ti nui nui "Zawhna min zawt lovin ti tura ka tih che kha ti mai rawh, nakinah engkim chu i hre vek mai ang" ka ti nghut.





In lungawi lohna chu sawi țhin rawh u ka tih tak avang hian a lungawi lohna zawng zawng hi a rawn sawi chhuak a. Hmeichhia ang mai hian a țawng zut zut zel lehnghal.





"Sir, thlawhna chu alo thleng tawh aw" a tih chuan ka bu nghut a "Anih chuan min lo zui la, engkim a fel leh fel loh en dik leh thlap ang che. Buaina a awm tur ani lo" ka ti sup a. Hmun tinrenga CCTV ka dah lo anih chuan J-a hian amah mai chuan a chingfel dawn tlat lo.





"Duat, red nge blue i duh? Kei chuan red ka thlang a" Hall kawta chhing zeta lo inthuam ka hmuh rual chuan ka ner nghal nak a "Tunge red i thlang tih chu zawt che?" ka ti nghal sup.





"Tuman min zawt lo, mahse ka hrilh che, khawnge i kal dawn a? " a tih chhunzawm zat a "I thawmhnaw i thlak hunah ka hrilh dawn che nia. Gabriel kal ang" ka ti nghut a. Kawngkhar lam chuan ka pen zui nghal bawk.





Ka pa hian engvanga tun hnaia Kima hnena company hi hlan tum nge anih ka hre lova, engtik laiin nge a nu hian alo hmin hman ka hre hek lo. Ka pa lah hi an duh duh dan in an ti kual a, chu erawh ka pa hian a hre hauh si lo.





Haw viau lo ila chuan ka pui ngei ang. Mahse ka nu theihnghilh hmaka hmeichhe dang a nei leh hian min ti thinrim a, ka nu engah mah alo ngaih loh zia amah ngei hian a tilang bawk a. Ka nu boral hnu ațang hian panngai tak hian ka la be lova. Ka thinlung hian a pawh thei tak tak tawh lo zawk ani ber.





"Bawihi, call hi chhang teh!" ka ti chhuak nghut, vawi engzah nge ka call tawh ang. Chung zawng zawngah chuan busy a inti vek bawk. Kei min be hman lova midang a biak hi Kima anih vaih chuan kei aia rapthlak hi a hmu leh tawh lovang.





Phone chu off in ka rum nghut chhuak nghal nghut a. Table ah chuan theh thla pawpin ka thaw chhuak hrâwih a seat chu ka ngheng nghal dawt bawk. Ka biak theih loh hlek pawn ka buai ania. A tello a awm phei chu ngaihtuah tel chi pawh ani lo.





"In ah tlang la, khuti lam lo ngaihven ang che. Buaina a thlen chuan min rawn hrilh nghal vat ang che" Mizoram-ah kan awm tawh. Ka duh chuan eng hunah pawh ka duhna hmun hi chu ka thleng thei.





"Mahse khawnge i kal dawn programme an țan dan te kha nangman i hmuh ve vek a ngai" a tih chuan ka rûm chhuak hrâwih a. "Bawihi ka be tlang thei lova ka kal dawn a chiang tawh em? Zawhna awm tawh suh se" ka ti nghut a. Ka inthunun hman lo teuh kher lehnghal.





"Grace, Gabriel-a kha zui la, chuan Sandra nangman min rawn zui ang che, amaherawhchu; thawk thar ini a, ka duhdana i che lo anih chuan bân lehnghal ini ang" ka ti hrâwih a. Car in min lo nghahna lam chu ka pan nghal vut bawk.





Ka ngaihruatna ang hi a thleng anih chuan Bawihi chawp in an tuar dawn a, ka bialnu niin ka hmangaih ber pawh ni mahla ka tihtur chu ka hlen a ngai tho ani. I nat ka phallo a, ka ngaihruatna ang hi chuan lo awm lul suh ang che.





Ka theihtawp a venhim che a, hlimna tam tak thlensak che ka duh a, mahse Kima i hnaih anih chuan chu thil chu ka thlentir thei dawn si lo. Ka nihna i hre chhuak anga, natna bawk ka pe dawn che. Chu thil thlentir theilo tu chu nangmah chauh ani nangmah chauh.





"Sir, i sawina hmun chu kan thleng tawh a" ka bân a min rawn tawktu an awm avang chuan ka ngaihtuahna a vir zawk a. Mak tih hmel zet chuan Sandra-i chuan min lo melh kur "Kan thlenna a rei tawh em? " ka ti nghal sup.





"Rei lo, kan thleng ve deuh chiah, i melh ngai i melh ngawt ngawt bawk sia. Ka lo sâwi tawp che anih kha" a ti leh a, ka bu nghut ringawt. Ka hnathawk te hmaa ka chêtchhiat changa sawi tur ka baihvai chhan em em hi ka hrelo. Ka dang te hi a âwk ve tlat zel.





"Dawr chhunga ka luh chhungin car ah hian lo awm ang che" ka tih chuan a bu nghat a. Kawngkhar chu hawngin ka chhuak nghala. Dawr lam pan chuan ka pên nghal vut bawk. Bawihi duty na room chu a thim khup a henu hi a awm lo amaw ni hrep le.





"Sir, morning " min hmuh rual chuan an lo ti sap sap hlawma, bu phei nghatin Bawihi țhiannu awmna lam chu ka pan nghal vut bawk "Ehe! u Ramhluna chu i zin amaw ka tia" min hmuh rual chuan alo ti nghal hluaia, a țhiannu hian min duh tih hi engtikah nge maw Bawihi a hrilh dawn ni.





"Bawihi, a awm em le? " ka ti sup. A mit mu ti chet kual ralh pah chuan "Bawihi" a rawn ti ve leh a. "Chutiang an awm lo" a rawn ti leh a, ka nui chhuak nghal hawk a. Bawihi nen an mizia a inang takzet inkawm tur reng pawh an lo nih hi.





"Hun ka ngah lo ania, hmuh vat ka mamawh" ka ti nghut. "Awi!!! Lalzualtei sawi ang chiah ilo nih hi, dawhtheihna i nei lo lutuk" a rawn ti hlak a. Ka nui suk. Chutiang chuan maw min lo sawi a mahse a sawi dik dawhtheihna hi ka tlachham.





"Anih chuan min hrilh vat la a țhat ka ring"





"A kalna tur chu a hrilh lo che ami? " a rawn ti a, ka bu nghut.





"Ka call a chhang theilo, busy a inti zel" ka ti a, a phone chu la chhuakin bawihi number a dial ve nghal zat a. Ani pawh busy a inti ve tho.





"Ava mak ve, zingah kha chuan u Saia hnena a kal tur thu min hrilh a, alo let tlai tur thu nen" a tih chuan ka khi nghal suk a. Kima hming a lam ri lo chuan min ti thâwl hawk thei.





"Anih chuan ka lawm e, dinner ka la eipui dawn che nia" ka ti sup a, nuih sukin ka kalpel nghal bawk. Ka chhuah dawn chuan ring leng lawng hian "rawn letpui vat rawh aw" a rawn ti nghek a, chhang lo chuan ka chhuak zui nghala kha pawh Bawihi nena an in an lehna pakhat.





Car-a ka țhut luh hnu chuan Station lama tlang nghal turin ka ti a, zawhna an nei tih ka hria mahse min zawt ngam tlat lo. Heihi ka hnathawk te ka chhawr dan ani, zawhna tam zet ka chhan dawn hian ka la buai tlat țhin a, ka tleirawl laia ka țawng tlem țhin na khan min vaw let chiah țhin.





"Tah hian lo awm ula, ka mamawh che u anih chuan ka rawn ko mai ang che u. Zawhna dawn ka duh lo bawk" ka ti leh nghut a. Car ațang chuan chhukin Station lam chu ka pan ding nghala. Bawihin u Saia a tih ve ziah Office lam pan chuan ka pên lehnghal vut bawk.





Office Kawngkhar chu kik hmasa lovin ka nam hawng nghal pawp a. A chhung ka luh rual chuan Bawihi ka hmu hmasa ber a ka hahdam nghal huai bawk. Meng phâwk hra chungin min lo melh kiau a, ka nuih suk nangin hremna a hmu let dawn chiang hle bawk.




★ Malsawmzuali POV ★

Ka hmaa mipa ding chu phâwk lutukin ka melh a, hepa hi a zin sia engtin nge hetah hian a awm theih zawk le. Tukin zing pawh khan a video kha ka en reng si a, kha thil kha dâwt tihna amaw ni le.





"Bawihi" a rawn ti rual chuan ka thinlung hian alo hre rang mah mah. Ka ngaih hman zia ka hre chhunzawm nghal zat bawk a u Saia chuan "inbiak in duh ka ring" ti sup in min thawhsan a. Ramhluna chuan min rawn pan nghal vut bawk. Ka țhutna ațang chuan ka lo ding ve nghal vat.





"I zin amaw ka tia" ka ti sap a, țawng ka a min chhang lovin a nui suk ringawt a. Ka bul a rawn thlen chuan chawp leh chilhin a taksa si chêt chuan min kuah bet nghal thlawp a. Ka sam chu a hnîm vang vang bawk.





"Ka ngai che a, ka lo haw lehnghal anih hi" a ti sup a, ka dara khabe nghatin a thaw chhuak nghal ham ham bawk "Mahse i hna kha engtin nge ni dawn, a pawimawh hmel sia" ka ti sep a, kei pawh chuan nghet lehzualin ka kuah let ve a, he lumna hian alawm min ti hahdam sawng sawng thei.





"Khalam kha chu a pawimawh lo, min ngai miah lo in ka hria" a rawn ti hmuk a. Ka chhang lo, tukin thil thleng kha zawh ka châk viau a, mahse ka ngam tlat si lo. Khatiang thil kha a thleng tak tak ang em le. Mahse tinge a hmel ka hmuh rual chuan thinrim nghal tur ka nih laiin ka hahdam huai thung si. Khatiang kha a tih ka la ring theilo cheu bawk.





"Bawihi, min chhang la" a ti leh a, ka dara vuanin min nawr hlat a tum rual chuan a aia nghet chuan ka kuah a, "ka ngai che, chuan ka la kuah duh che" ka ti sap a, a âwmah chuan thlakhlelh hmel zetin ka bei nghala. Nui chhuak hawkin min kuah ve lehnghala.





Tukin kha chuan a huatin ka haw takzet a mahse amah ka hmu leh dêk dêk a, ka huatna kha chuan hmun a chang ve tawh lo. Amah ka ngaih na hian a rawn luah lân vek.





"U Sai, Vawiin tlaia a theih chuan min lo hrilh leh vat rawh aw, ka kal tawh mai ang" ka ti sap a. Ka pa kan hmu dawn amaw kan ti a, mahse a zin leh daih a, Vawiin tlai hian alo chho lehnghal dawn a. Tah chuan kan hmuh theih thu an sawi bawk.





Car-ah chuan ka țhu ngawi reng a, ka kut chu hma lamah dahin ka sik neuh neuh a, ka zâm ani. Tukin thil thleng zawt ringawt tur pawn ka ngam lova, engtin nge țawngkam phei chuan ka sawi chhuah ngam tak ang.





Ka ngaihtuahna a buai nuai nuai lai chuan ka kut a rawn vawn thut avang chuan ka phu zawk a. Amah pawh a nui ri nghal suk "Min zawh duh i neiin ka hria" ka ngaihtuahna hria ni âwm fahran hian a rawn ti nghal sup bawk.





"Nei lo" ka ti a, mahse a rûm nghut "dawt sawi i thiam lo ka tih kha, i kut i sik neuh neuh pawh ka hmu alawm, thâwk la la min zawh duh chu min zawt rawh le" a ti dam thlup a. Ka thaw chhuak zui nghal hak bawk.





"Tukin ah khan i mu lai ka hmu sia, mahse engtin nge hetah i awm leh daih theih a." ka ti ta sep, a rawn nui chhuak hawk a "Engtin nge ka mu lai i hmuh theih ang. Nang tereuh hi mumang nen ila awm zawk tihna em ni?" a rawn ti a, a nui chhuak leh hawk bawk.





Keimahah hlauhthawnna a rawn awm lehnghala, thin phu rang dawt dawt chung chuan "mahse ka hmu ngei che alawm, bawkkhup zawngin i mu a, kawr ha lovin, chuan i bulah Evelyn-i kha a mu bawk a" ka ti sap a, a hming ka sawi lo ang ka ti kha ania. Mahse ka kâ hian alo sawi chhuak leh tho.





"Engtin nge ihriat? " a rawn ti mauh mai le, amah chu ka en nghal vat a. Anih chuan ka rindan hi a dik tihna em ni ang. An lo mu dun tak tak tihna em ni.





"Anih chuan kha thil kha a dik tihna em ni, nangni pahnih kha in mu dun tihna em ni? " ka ti ruai,a rawn rûm nghut ringawt a min chhang hauh lo "Sawi rawh, in pahnih khan in mu dun tak tak em? " ka ti leh nghek. Steering chu herh pawpin kawng sirah chuan a ding ri nghal tuarh!





"Bawihi" tih paha min rawn ban a tum chuan a kut lo vai kian ka tum a, mahse ka kut zawk chu man in a hum bet vek a, min kuah bet nghal thlawp a " min thlah nghal rawh, in mu dun tih ka hre vek tawh. Engtin nge i theih zawk." ka ti vak a, ka tal nghal nghek bawk.





"Khatiang mi kha ini ve lo amaw ka tia, mahse ilo ni reng anih hi. I nau nen in inang chiah, danglamna pakhat mah in nei lo ka natna chauh in duh" ka tih vak rual chuan rum hrâwihin "Malsawmzual, ka nau nen min tehkhin hlek suh" a rawn ti nghal hrâwih? A haw ngang ania nge.





Ka tal leh rual chuan a aia nghetin min kuah khâwm nghal a "Min thlah rawh, ka haw lutuk che, i th kha ka la ring lo fo a, mahse tunah chuan in mu dun tih ka chiang tawh a, min kalsan tawh rawh" ka ti chhuak vak.





Ka chêt awk rual chuan a hmui chuan ka hmui a rawn si zawm nghal zat a. Tal ka tum rual chuan ka khêlah man betin a mal chungah chuan min hlang nghal hmak.





A chala ka chal ka nghah rual chuan "kalsan tih thumal kha sawi tawh suh ang che. Engtikah mah, engtikah mah ka kalsan dawn lo che" a ti hrâwih, mahse a thusawi pawh ngaithla lovin tal chhuah tumin ka bei leh.





"Anih chuan keiman ka kalsan mai che a ngai anih chu" ka ti rual chuan ka bânah rawn hmer vakin "khathu kha sawi tawh suh" a rawn ti nghal hrâwk a, ka phu nghal zawk lehnghal, hlauhna avangin ka thin hi a phu rang dawt dawt lutuk ringawt.





"Bawihi, kalsan tih thumal kha sawi tawh suh" ka chala a chal nghat chung chuan a rawn phun leh sup "In mu dun ani lawm ni, tinge ani chu kalsanin hetah i awm si" ka ti deuh țiau, ka sawi zawng ringawt pawh hian ka mittui a tla thei dawnin ka hria.





"Ka thusawi hi ngaithla rawh, kan mu dun lo" a rawn ti dam thlup a, ka lu ka lo thing nar nar "Ka awih i ring ami, a tak ngeiin ka hmu alawm, Evelyn-i pawh bra nen chauh a awm a, chuan nangmah pawh hahdam hmel deuhin i mu a, enge a sawi i hria em? 'Nizanah a, a... A,.. Che... " sawi zawm thei lovin ka hmui chu ka pet fan fan ringawt.





"Engthu maw a sawi? " a rawn ti nghut, ka chhang lo "Evelyn-i thusawi chu min hrilh rawh. Thil engkim min hrilh rawh engkim " a ti a, ka chalah chuan a rawn fâwp nghal vang vang, ka thaw chhuak hak a.
"Zingah Kima call ka dawng a, chuan nangmah a biak theih loh thu che min hrilh a, chuan call sak tur che in min ti bawk a, chuan ka call dawn lai tak che in video call alo lut a, ka lak ruala ka hmuh hmasak ber i hria em. Evelyn-i ani asin" ka mittui a rawn far keuh a, hepa laka mittui ka ngah viau chhan hi ka hre duh takzet.





Evelyn'in a sawi ang, zawng zawng chu ka hrilh vek a, a hnu lehah Kima nena thil thleng erawh chu ka hrilh lo "Ka hlau lutuk asin, in mu dun anga, kei min theihnghilhin" ka phun sap, "kan mu dun lo, kan mu dun hauh lo" a rawn ti zui hrâwih.





"Mahse, ka hmu dun cheu alawm, hmeichhe leh mipa thawmhnaw pawh inbel mumal lo in in awm duna, thil thleng chu a hriat vek alawm, mahse ka thinlung hian chu thil chu a pawm ve thei silo. Ka thinlung hian ala pawm lo asin" ka țap chhuak hawk "Duati" tih pah chuan min kuah bet nghal thlawp a, ka țap chhuak hawm hawm bawk.





Tal chhuah ka tum lova, ka awm awm hian ka awm ve tawp ani. Eng hi nge thudik ni a, eng hi nge thudik lo tih pawh hi ka hre lo. Mahse ka thinlung erawh chuan a tih ala ring theilo cheu bawk.





Ka tal tur chiah chu "Che suh che miah suh ang che" a rawn ti nghut a, min kuah khâwm nghal bawk, a kut pakhat chuan ka beng a rawn hup a, mahse thawm chu ka hre pha tho.





Ramhlun'an "tunah" a tih rual chuan silai a rawn puak nghal țhuai a, Ramhluna kawr chu ka hmer nghal vak ringawt a "Vawikhat leh" a tih leh rual chuan silai chu a ri lehnghal țhuai bawk.


Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:09 pm

2!3! #EP-23

By : Msi_Miluhlulnui 👩🏻
(Hmeichhe naupang tereuhte)




"Duati, hawi chhuak rawh ka tih hma che chu hawi chhuak suh ang che" a rawn ti sup a, ka chhipah chuan a rawn fawp nghal vang vang bawk. Pâwn lamah chuan thawm a rawn awm nak nak a, mipui phun ri mur mur pawh ka hre chhunzawm zat bawk.





"La sawn vat ula khalai hmuna CCTV record kha tichhe bawk ang che u, mipui tam tak kâ kha chu in hup bet thei dawn lova, mahse a nih nih in nihtir tawh dawn nia" a țawng reng reng chu a ri khauh fur a, a thupek chu zawm loh ngam chi ani hauh lo in ka ring bawk.





Ka mittui tla te chu a kawr ka dehna lamah a hul vek tawh a, tal chhuah ka tum chu min kuah bet leh tlat a. "Ka la sawi zo ve lo, chumi hma chu i chhuak dawn lo" a ti hmuk a, ka ban chu la in a taksa chu min kuah tir nghal bawk a.





Hmai phûm reng chung chuan "enge sawi tur la awm" ka ti sep "I duh duh i sawi anga ti chuan keiin ka lo ngaithla anga min kalsan ang maw!? Bawihi ka thusawi tur te hi ngaithla ve phawt țhin rawh" a rawn ti nghut.





"Kan mu dun lova chuan i thil hmuh pawh kha a dik lo bawk" a rawn ti a, ka tal nghek rual chuan "ka mit ngeiin ka hmu a engtin nge ila thup theih zawk?" ka ti chhuak vak a, min kuah beh pah chuan a rawn thaw chhuak hawk a.





"Ka sawi zawh te hi nghak ve phawt țhin rawh!" a rawn ti hrâwih, ka thaw chhuak ham ham a, a sawi leh tur ngaithla tur chuan ka beng ka lo chhi kar bawk. Hepa lakah hian rei ka thinrim theilo ni mai lovin ka thinrimna hi chawp leh chilhin amah hian a ti reh lehnghal vek zel.





"Alo call lai che ka hrelo a, keipawn ka room a alo awm kha mak ka ti a, nizanah khum țawmpui tura ka sawm thu a sawi a. Mahse ka sawm hauh lo. Nangmah ka thlah hnu che a ka haw leh khan kal ve min dil a, ka kal tira mahse nizanah erawh chuan ka be hauh lo.





Hmeichhia khum țawmpui turin ka sawm ngai lo, chuan ka room chahbi a neih dan chhui mek ani bawk" a ti sup a, a thusawi zawng zawng chu chawp leh chilhin ka thinlung hian alo pawm nghal hmiah a. Ka nêm lehnghal vek tawh.





"Chupawh nise i bulah a mu tal alawm" ka ti leh hram, a rawn nui chhuak hawk a, kei pawh ka che awk thei "Bawihi" a rawn ti chhuak hawk a. Ka darah chuan vuanin tlemin min nawr hla deuh hlek a "Ka ngai che" a rawn ti sup a. A aw ri chuan min fan rawih rawih mai.





"Min dahthla rawh, ka la ngaidam reng reng lo che, i thusawi te kha ka pawm tih ka sawi hauh lo" kut inkuangkuah at chung chuan ka ti a "What! Bawihi, kha bak baka insawifiahna țha kha a awm leh tawh ngai lovang" a rawn ti hluk a, ka lu ka lo thing vat.





"Awm thei e, chuan ka ngaidam dawn che nge dawn lo che ka la ngaihtuah ang, tunah chuan ka chhuk duh tawh" ka ti sep a, chhuk ka tum rual chuan ka khêlah vuanin amah hnai chêt chuan min pawt phei leh.





"Min ngaihdam thu i sawi hma chu heta țang hian i chhuk lovang, zan thleng pawh nise pawi ka ti lo" a ti sup a, ka hnarah chuan a rawn fawp zeuh "Ka hnarah khan fawp ziah suh aw" ka ti hlar a. Ani erawh a nui suk duh chauh.





"Min ngaidam dawn em? " ka hmai zawna chiang fek fawka min en rual chuan a phun sup a. Ka lu ka thin rual chuan a rûm nghut "Come on, Bawihi tihsual engmah ka nei hleinem" a rawn ti hluk a, a ruk chuan ka lo nui.





"Tihsual i nei lo tih pawh ala chiang hleinem" ka ti leh kher a, rûm nghutin ka kawngah chuan a rawn hmer a "chimawn miah suh aw" a ti nghut a, ka nui zui nghal ker ker bawk. Tuna a hmel landan hi a khawngaihthlak lutuk ringawt..





"Ka chimawm hleinem, min dahthla tawh rawh ka chhuk duh tawh, hna kal ka ngai ania" ka ti a, tal ka rual nghal bawk. Mahse ka kawng a vawnna hi a nghet mah mah lutuk ringawt.. Tinge mipa tha hi a chak bik em em le.





"Nope! Vawiin chu ka bulah hun i hmang ang" a ti sup a "maw!? " ka ti nghal nghek "Vawiin ah ka bulah i awm ang ka ti anih chu, min ngaihdam hma chu ka lak ațang hian inches 1 pawn i awm sawn dawn lo" a tih rual chuan ka hmuiah chuan a rawn fawp zeuh a. Ka melh hâw ringawt.





"Mahse hna kal ka ngai alawm" ka ti leh "hna i kal dawn hleinem, ka bulah i awm dawn alawm, nilengin ka bulah hun i hmang dawn" a ti a, ka ner nghal nâng, nui suk a min fawp zeuhin ka țhutna ah chuan min nghat thla leh a.





Ka țhu fel chiah chu "nichina silai puak kha enge awmzia?" ka ti nghala. Silai puah lai khan ka beng min hup sak a, hawichhuah a phallo bawk anih kha. Enge thleng ka hmu thei lova, mipui phu mur mur ri bak kha ka hrelo.





"Engmah ani lo, an Infiam mai mai anih kha. Dawr ah chuan kal hmasak i duh em? " a rawn ti leh daih a, ngaih țha zan lo chuan "aw, kal phawt ang" ka ti sap a, ka ngaih hi a țha thei thlawt lo, nichina mi kha silai ri ani chiang lutuk ringawt.. Infiamna chi leh silai ri ang chi chu ka hre hrang ve viau bawk.





"Fel, vawiin ah leave ka la ami? " dawr kan thlen rual chuan Ramhluna pawh ngaihsak lovin Feli awmna lam ka pan nghala "Aw, an laksak che anih hi, mahse an lakna ala rei lo" tih pahin register chu a en a, engtik lai khan nge alo biak hman le, car ah khan ka țawng char char bawk sia.





"E taka, u Ramhluna kha alo kal a, i sawi ang tak tak kha ani. A dawhtheilo teh e, a rawn zawng che a" a ti nek "Min rawn zawng maw!? " ka ti nghal hû a, ngatinge thil te hi ka hriat tlai theih bik em em le.





"Aw, zawng e, lo fiam ka tum ve khanglang a mahse a dawhthei lo lutuk a, ka hrilh ta tawp anih kha. Mahse a nuam e, dinner min treat phah dawn a" a ti leh a, ka lo ner nâng, min rawn zawng tih te chu min rawn hrilh ve tur ania. Ni lo se chuan ka bihruksan daih ang.





"Awi!!! Saw pui mi chhe sawi chu koh aiin an hnai an tih kha" a ti leh hlak a, a sawina lamah chuan ka hawiphei nghala. Kekawr ipte zen chungin a rawn phei a, mawi ka tih thin ang deuh khan a rawn nui bawk.





"Tikhan tikher lo la" ka tih chuan ka bânah a rawn beng pawp a "țan viau suh aw, ka duh duh hunah ka sawisel dawn, ka star hlui anih man ah" a ti leh hlak a, chu chu Ramhlun'an a rawn hre pha leh kher.
"Star hlui a!? " a rawn ti phei hluk bawk a. Kan pahnih chuan kan in en a, kan innuih ringawt.





"Bawihi, kan kal hman tawh em? " min si chêta rawn din pah chuan a rawn ti a, ka lo bu nghat "Khawnge in kal dawn? " Feli chuan a rawn ti nghal vat reng bawm.





"Vawiin chu, i țhiannu hi kan ru bo lawk ange" Ramhluna chuan a ti sup a.





"Hmm...a âwm alawm, nangni te chu in la thar a, keipawh Joseph'an min lo lam ve dawn tho" a tih zawm leh zat a. Henu zet hi zawng engtia han tihchi nge maw anih le.





"Anih chuan kal ve mai rawh, keini pawh kan kal tawh ange" Ramhluna bawk chuan min chhân khalh leh a, hepa han țawng hnem hman zia hi aw... "Hey, dinner kha don't forget. Mahse chutih hunah chuan Zualtei hi a tel ve thiang lo ang" a tih rual chuan ka melh nghal nghek.





"I thu lo, ka duh leh ka tel ang" ka ti hmak a, Ramhluna zawk chu a rawn nui chhuak hawk a, ka nghawk nghal sawk. "I duh leh ka tel loin i kal dawn nia" a rawn ti leh a, ka mitmu puak vek tur khawp hian ka melh dawn amaw ni le. Ka chhân ve leh hma hma chuan "Duati, kal ila, kan tlai lutuk ang" Ramhluna chuan a rawn ti leh.





"Lalruatfel, i châk lo ang" tih hlak pah chuan ka pên sawn nghala. Engvanga hetia awm hi nge maw a nih le. Tihtauh bur bur te hi ka hrât ngai miah lo asin.





"Tu emaw chuan a țhiannu pawh a thîk țan der tawh ani maw?" min tih chhan zeta rawn titu chu ka melh nghek a, thinrim laia a nui ka hmuh hian, ka thinrimna a tibo vek zel tunah pawh hian a tibo tial tial in ania ka hriat ni.





"Ka thîk lo" ka ti nghek a, nui ri sukin kekawr ipte zen chung chuan a rawn kun hniam, ka mitah tak chuan min rawn melh a, ka zâm lehnghal der tawh mai.





"Ani maw? Mahse i thik lo anih si chuan engvangin nge khatiang khan i awm a?" ka mita min en reng chung chuan a phun sup "Engtin mah ka awm lo, kal tawh ang, kan tlai ang itih kha" ka ti let ve ngat a a nui suk.





"Anih chuan nakinah min hrilh mai dawn nia, tunah chuan kal phawt ang aw" a ti a, ka hnarah chuan a rawn piai nghal zeuh a, ka rûm nghal nghat bawm. Ka kutah chuan vuanin a car awmna lam chu min pan phei pui a. Hman zana ina kan kalna ah khan kan kal leh a, zan lam ai chuan chhunah hian a nalh lehzual zawk. A kawtah chuan pangpar nalh tak tak leh grass a awm țeuh a, in tê pawh kha zan lam ai chuan chhunah a nalh zawk.





In te awmna lam chu ka kâwk a "Tah sawn enge awm a? " ka ti a "tah saw chuan ka nu pangpar ngainat ber ber te an awm a, chuan inkawt pawh hi ama chei vek ani a, saw in tê ah sawn lut tura a duh te chiah an lut țhin" a ti sup a. Ka kawngah chuan hnunglam ațangin min rawn kuah nghal hlu hlu a.





"Tute nge chu chu? " tih pah chuan a kut chu ka lo vawn hnan nghal vat "Keimah leh amah chiah, mahse nupui emaw ngaihzawng ka neih hunah chuan chu hmeichhia chuan enkawl chhunzawm rawh se a ti a, tunah chuan i ta ani tawh" a rawn ti sup a. Ka chhipah chuan a rawn fawp nghal vang vang bawk.





"Naaa, mahse i nu enkawl ang em em chuan ka enkawl ve thei lo ang" ka ti a, a nui che dawt a. "Bawihi, enkawl tu an awm vek alawm, i tihtur chu, a chi saw hmun danga phun sawn te, a par țha țha dahkhawm bak ani lo" a ti leh "Nakinah kan kal dawn nia, tunah chuan thil dang ti phawt ang" a ti leh a, in lam pan chuan min kuah chung chuan a kal nghal a.





Doorbell chu a hmet a, nu pakhat hian alo hawng a. Min nuih nghal ver ber bawk "Bawihi, heihi nu Rini ania chuan nu Rin heihi Bawihi, Zualtei" min kuah reng chung chuan a ti a, tal chhuah ka tum rual chuan ka beng bulah "awm mai mai rawh anih loh chuan a hmuh lai ngei hian a aia nasa ka ti mai ang" a rawn ti a ka che lai ka tawp chiang hle bawk.





"Aw, ka hria che alawm ka hre lutuk che, beng na tur vek khawpin ka hre tawh che" nuih pah chuan a rawn ti leh a, ka nui ve seih ringawt. Ka vawikhat hmuhna ah mi chuan min lo hre zela, engtin nge mi hian min lo hriat em em theih zawk le.





"Aaa, kei chuan ka hre ve chauh che" ka ti sap a, "aniang, rawn lut rawh u, enge pawnah khan in din reng" a tih chhunzawm zat a. Ramhluna bawk chuan min kuah lut leh a, hepa hi enge maw min kuah tlat le. A zak ve lo amaw ni, kei chu zah avang hian ka sen țawn țawn tawh ang.





"Nu Rin Bawihi eitur hi lo siamsak rawh aw" a ti sup a.





"Lutuk, enge i ei duh ang? " tiin min rawn râwn nghal thlap bawk.





"Engpawh ani mai, ka ei thei vek ang i siam apiang chu" ka ti sap a, lo nghak lawk tura min hrilhin choka lam amaw ni ah chuan a kal nghal daih bawk.





"Ngatinge a awm lai khan min kuah tlat a, zahthlak lutuk, min thlah ve mai ta che" ka ti nghal hlak "A ho lutuk, engah mah a ngai lo" a rawn ti sam êt, "chupawh nise, keini aia upa ania, a zahthlak alawm" ka ti leh hlak.





"Aw le, anih chuan miss min inthlak pui ve lawk la tiraw" a ti sup a, kailawn lampang ah chuan min kuah phei lehnghal a, tunah hian kan hnungah mi ding ta se, ka awm ve tih an hre miah lo. A Chhan pawh min kuahtu pa hian ka taksa zawng zawng a kuah khâwm miau alawm.





A room ah chuan min luhpui a, thil engkim chu man to tak tak vek ani tih a hriat a, chuan a room pawh hian awmzia a neiin ka hre bawk. Eng emaw sign chuan a room hi a awm chiang ani.





"Lo enkual la, kan inthlak lawk ang e" a ti sup a, ka biangah chuan fawp zeuhin min kuahna chu a thlah nghala, ka vawt nghal sûkin ka hria.





Inchhung bungrua vel chu ka enkual a, engkim chu a changkang tih bakin ka defined thiam lo. Mipa room ani tih hriat zetin apa raih a, chuan ama rim a ka duh țhin em em a nam chem chem bawk a, perfume chu ani lo chiang ani.





Table a thlalak in hûng chu ka en nghal vat a, anu ni ngei tur nen chuan an ding duna, inkuah riala hmalam an en na ani. Anu nen hian an inang takzet. Thlalak ah pawh hian a hmelțha em em a, a takah phei chuan engtin tak hmelțha ang maw.





Ka nu ka ngaihtuah chhuak a, ka ngai nghal vawng vawng mai, kan pahnih a kan thlalak dun na takngial pawh ka nei ve lova, tunah pawh hian a thlalak hlui chhe tawh tak bak ka nei lova, mahse chu chu ka roh em em a, ka mut dawn apiangin ka mangțha țhin bawk.





"Enge ilo en a? " tih paha hnunglam ațanga min rawn kuahtu pangtilum chu ka feel nghal zat a. Lawk hepa hi kawr a ha lo tihna em ni a...





"Kawr i ha lo mi? " ka ti chhuak nghal vak a, a rawn nui chhuak hawk "Kawr va ha rawh" tih leh vak ka rual nghala "Bawihi" a rawn ti hluk mai, a nui chhuak hawk bawk. A lam hawi zawnga min kuaih her a tum chuan ka lo țang ve nghal țûng bawk.





Awi!! A taksa nalh tur zet hi ka hmu ngam reng reng lo, thlalakah ka hmu tawh alawm ka sawi peih lo zawk, a nalh ani tawp mai.





"Bawihi, min en teh" a rawn ti leh sup a, nuih a insum tih ka hre thei. Mahse ka va han hawi awm lo tak. Teuh hian a hnai lo bur.


Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:09 pm

2!3! #EP-24

By : Msi_Miluhlulnui 👩🏻
(Hmeichhe naupang tereuhte)



"Ka en dawn chuang lo che" ka ti vak a, tlan chhiat tuma a sir lama hêl ka tum chu ka bânah min rawn pawt a ka awmna ngaiah bawk chuan ka awm leh, a âwmah tak chuan ka va intauh chawrh lehnghal.





"Engvangin maw min en lo ang a?" a rawn ti a, chhang lo chuan ka maimichhing nghal daih, dik tak chuan tuna ka awmdan hi a mak lutuk, ka pangngai miah lo lum ti miah si lo hian ka thlan ang chuap a, tuna ka awmdan tak hi a hreawm tih bakin sawi dan tur ka hrelo.





"Kawr va ha phawt rawh, in hnuaiah ka lo zu awm ang" ka ti sep a, ka biangah chuan a rawn dawm a, min kuai dak a ka maimichhing a hmu ta cheng a a rûm nghal nghut "Meng tawh rawh" a rawn ti hluk a, ka lu ka thing nghal vat.





Mipa taksa hmaichhana ka vawikhat hmuhna tur ani a, ka ngam lo mai pawh ni lovin ka zak ani ka bialpa pawh ni mahse ka zak tho.





"Kawr ha phawt la ka meng ang" ka ti leh a, a nui ri suk, min vawn behna chu a thlah a, a pênsawn thawm chu ka hria. Eng emaw a ti ri ruk ruk bawk a. Rei lo te ah ka awmna hmun chu a rawn thleng chawpchilh lehnghal tih ka hre thei.





"Meng tawh rawh le, kawr ka ha tawh ania" a rawn ti a, ka hnarah a rawn piai zeuh , ka lo rum nghat a "I ha tawh tak tak em? " ka ti leh ngat, a chhan chu a ha lai ka hmu si lova min lo bum thei reng.





"Ka ha tawh tak tak, meng tawh rawh le" a rawn tih leh rual chuan thaw chhuak nghal suai suai in ka meng a, mahse ka hmaa lo awm ka hmuh rual chuan rang lutukin ka maimichhing lehnghal. "Misualpa, engvangin nge dawt min hrilh a, kawr pawh ila hak loh tawp kha" ka ti chhuak zui nghek.





A rawn nui chhuak hawk hawk a "La ha reng nang, ka zawh che khan min khawih hmasak tur che nia" ala rawn ti zawk za mah a nih chu!. Ka va han ngei ber tak "Chupawh nise thudik sawi ve mai ta che" ka ti leh hlar, ngatinge kei a pawh chu amah kha ka lo khawih hmasak loh ka va han mawl tak.





"Ok. Anih chuan meng tawh rawh le"





"Aih"





"I hmu tawh tho alawm" a rawn ti leh, ka au chhuak vak a "Naaa, tinge maw ka lo khawih hmasak loh che le" ka ti vak, a ni erawh chu zat hmel zet hian a rawn nui chhuak hawk hawk a. Ka inrin loh lai chuan min rawn pawm kang nghal nawlh, ka tlâk hlau lutuk chuan a kawngah ka bawp chu ka khawkherh nghal vat a, a rawn nui ri suk "ti thut thut zel suh" ka ti leh hlak a, mahse chhân lêt nan chuan ka bianga kiss bak ka dawng lo.





"Meng rawh le" a tih rual chuan thil dûp nuam takah hian ka tla thla nghal dawt a. Ka va han meng chiang tak. Ka thin phu rang lutuk avang chuan ka âwm ka dawm nghal vat reng bawk " min ti hlau alawm" ka ti a, mahse min la chhang chuang lo cheu, a in duh ve reuh amaw ni le.





Engtik lai khan nge kawr a hak hman ka hre hauh lo, min pawm lai kha chuan ala ha lo ngei a, engtik lai khan nge maw alo hak hman ni, che rang leh lutuk mai.





"Enge i tih dawn? " ka ke a khawih rual chuan mangang zet hian ka ti nghal vat a, ka kiu chuan ka in nem khalh nghal vat bawk "I pheikhawk hi ka phelh dawn, mu mai mai rawh" a rawn ti sup a, awlsam zet chuan ka pheikhawk chu a phelh a, ka mawza nen chuan a phelh tel nghal vek bawk.





"Ka lo hmeh ang che i duh em? " a rawn ti a, inngaihtuah chawp loin a sawi zawh rual rual chuan "aw" ka lo ti nghal vat a. A nui chhuak hawk bawk, ka hmuh hmasak ber kha chuan amah hi nuih tlem hmel, in la strict hlur ang kha ani dawn amaw ka tia mahse a nui hnem ve thei takzet. Chuan a nui ri hian keimah pawh min ti nui ve thei.





"I ke têt zia hi i hria em? I ke țang ai hian i kutțang kha ala te zawk" a rawn ti sup a, a sawi dik. Ka ke țang ai hian ka kutțang hi a te zâwk a, a zên thlarh bawk a, mahse a tawi tho.





Ka mitthlaah ka nu in ka ke min hmehsak lai vel kha a rawn lang a, a mood a fuh deuh chang hian ka ke țang hi min hmehsak țhin a, a dam nghal sawng sawng zel bawk a. Mahse a tukah chuan 'ka hmehsak che kha lawm hle tur ini' min ti leh daih țhin.





Tam takah chuan entirnan, vawiin a thil min tihsak te min biak te hi a tukah chuan lawm tur ka ni tih min hrilh daih țhin , a mood a fuh loh changa ka ke min lo hmeh ka tih chang hian 'kut i neih ve tho kha' tiin min chhang let țhin a, ka hrilhhai thei asin aw... Ka duh chuan ka kalsanin keimah pawn ka inbuaipui thei, mahse ka nu ani. Min hringtunu ngei ani a, khawvel êng min hmuhtirtu ani a, min chawi seilian tu ani bawk a. Ka nu ani a, khatianga a awm avang khan ka hmangaih loh phah chuang lova, ka huat phah chuang lo bawk. Ka hmangaihna a zual zâwk zel thung.





Ka mittui chu ka bek ah a rawn luang thla ngiai ngiai a, ka hru zeuh "Bawihi" Ramhluna aw ri zet chuan ka lung a tichhe zual takzet. "Engvanga tap nge inih? " min ngaihtuahna aw ri a kâ atanga a chhuak hian min khawih takzet.





"Engmah ani lo, ka nu ka lo ngaihtuah a, ka ngai lutuk a ka lo țap ve tawp anih hi. Englo, ka ke min hmeh sak ang chiah khan min hmehsak țhin a, țawng mial mial chung hian a hmet țhin a" ka ti sep a, ka sawi zawng ringawt pawh hian ka țap țeuh thei.





"Duati" a rawn tih rual chuan ka khêlah vuanin min chawi chho nawlh a, a mal chungah chuan min nghatin kei pawn a âwmah chuan ka hmai ka phûm nghal a, ka mittui a rawn far keuh.





"Duati, țap rawh i thâwlna tur anih chuan țap rawh le" a rawn ti sup a, ka samah chuan chûlin ka hnungah chuan a beng thek thek a. Ka țap chhuak thei lo, ka mittui erawh a luang zung zung a, ka hmui hnuailam chu ka pet fan fan ringawt, ka nu ka ngai takzet ani.





"Duati" a rawn ti leh a, ka darah chuan vuanin min nawr hla deuh hlek a, dam hlup chuan ka bianga mittui luang chu a rawn hru a, amah chu ka melh kiau a ani pawh chuan min ngaihtuah hmel fe hian min lo en ve bawk.





"I nu thlânah kal i duh em? " a rawn tih rual chuan lu ka thing a "aih, a ngai lo, chhuk tawh ang" ka ti a, ka țah chhuah theih lohna avanga ka hmui ka pehna kha a thîp vawng vawng thei.





"A nih lawmman ka la dawng bawk si lova" a rawn ti deuh nghut a, ka nui chhuak chiang kher mai. "Eng lawmman maw? " ka ti hâ a, a sam chu ka han tawk zeuh a, a sam ka tawhna kut chu man bet in a hum bet nghal hmiah a, chutiang chiah chuan lehlam pawh.





"I ke ka hmehsak man che lawmman chu min pek ngei a ngai ang" a rawn ti a, ka ban a man pahnih chu pawt in kei pawn amah chu ka va hnaih nghala, a hnar leh ka hnar a insi leh reng tawh.





"Ke inhmeh sak ah lawmman a awm ngai pawh ka hrelo e a" nui chhuah hak pah chuan ka ti a, "keiman ka siam ani mai lawm" a rawn ti leh keuh, ka thaw chhuak hak a. Hepa hi mipa ka kawm emaw ka tawn tawhah chuan mi hnial kalh dan la hre ber tu a ni.





"Mahse tun țum erawh nangmah ngeiin min pek a ngai ang" a ti leh, ka hnarah chuan a rawn fawp zeuh a, ka khêlah chuan a dawm nghal bawk a. Ka hmui zawnah chuan a hmui dahin tim dai hian a rawn tawk nghal de de bawk.





Ka hmui la si reng chung si chuan "nangmah ngeiin a min fawh hi chu ka phu ve in ka hria" a rawn ti sup a, ka hmui chu a țawng zawng chuan a che ve zela, ka za uai uai mai. Țawng tuma tal hran ka tum rual chuan a ngaia nghetin ka kawngah chuan a rawn man bet.





"Na....tunah lo" ka ti a, ka țawng zawnga ka hmui leh a hmui insi avang chuan a rawn rum chhuak hawk "No, tunah ka duh" a rawn ti sup a, ka mitah chuan chiang zet hian min rawn en a, ka biang sa lutuk tawh avang chuan ka hawisawn nghal vat a. Mahse second khat pawh a tling hman lovang, a mitmeng tuar har zet chu ka melh leh ngar tawh mai.





A bula ka awm hian ka awmdan a pangngai loh țhin mai bakah, ka thin hian phut hman loh hi a hlau thei em em a, ka taksa awmdan pawh hi a dang lam vek țhin, hetia inhnaih taka kan awm phei chuan, ah..... Ka sawi thiam lo. Keimah hi ka dang lam ve tawp.





"Bawihi" a rawn ti leh sup a, ka thaw chhuak hak, "maimichhing la" ka tih rual chuan a nui chhuak nghal hawk a. "Enge maimichhing ve mai la, anih loh chuan ka ti miah lovang" ka ti hlak a, nui hawk hawk pah chuan "Duati" a rawn ti leh deuh nghut bawk a. Hetia min koh apiang hian he ka thinlung khawhar zia hi ka hre nghal chat țhin.





"Ramhlun Bawiha a ei theih tawh ania" Nu Rini țawng ri kan hriat avang chuan kan inthlah chiang ngei mai, Ramhluna chu chet nghal hluk pahin a phun nghal hluk bawk "Kan lo chhuak dawn e" tiin a chhâwn nghal vat a. A malchung ațanga chhuk thlak ka tum rual chuan ka khêlah a rawn vuan leh "Khawnge i kal dawn? " a rawn ti nghal sup bawk a, ka thaw chhuak hak "A ei theih tawh a tih kha" ka ti a, a ni a rûm nghut mai "Kei pawh ka ril a țam ve tho alawm" ala rawn ti ta deuh deuh lehnghal.





"Nia, thil kan ei phawt dawn alawm, i duh leh zanah...... " ka va han țawng tawp chiang tehkher em! Ramhluna hmel ka en chuan alo kiai suk a, nui suk chuan ka hmuiah chuan a rawn fawp leh zeuh a. Tunah khan ka sawi pum hman em? Sawi pum hman lo in ka hria. Engtin nge maw khatiang thu te ka sawi chhuah theih zawk a, kei hi tunge maw ka nih tak le, khatiang lam te awlsam taka ka sawi chhuah theih zawk. Arghh..... Ka kâ leh ka ngaihtuahna hi hepa thil tih avang hrep hian an â vek tawh anih hi.





"A nih chuan thil kan ei hmasa phawt aniang chu, mahse zanah erawh chuan i tlanchhe thei tawh hauh lovang" a rawn ti a, ka biang a sa hat hat mai.





"Min dahthla rawh" step bul kan thleng tawh avang ka ti chhuak nghal chûl a "mawh, min dahthla rawh, damlo pawh ka nih loh hi" ka ti leh chûl a, a nui ringawt "Mahse ka pawm duh tlat che ti ta ila" a rawn ti leh kher, a darah chuan ka ben sak nghal thlawp.





"Chupawh nise, min pawm châk lo mai rawh, min dahthla rawh. Nu Rini pawh a zahawm alawm" ka ti a, kal lamah lah min kuah bet tlat tawh. Tunah lah min pawm a tum leh tlat tawh a, hepa hian eng chiah nge maw a hriat ni.





Chutia ka tih tak avang chuan muangchang hian min dahthla riai riai a, a lungawi lo tih a hmelah chuan a lang reng "Anih chuan, zanah ka bulah i riak thei tihna ani mai" ti nghal sup in step ah chuan min chhuksan daih a nih chu! Hmelchhe lutuk mai.





Chhuk tur pawn chapal ka nei lo ania, ka pheikhawk lah a room ah khan a awm daih si. Hmela mai mai chuh! Ava han châk dawn lo tak!. Thinrim ru țeuh chung a phun mawlh mawlh pah chuan a room lam chu ka pan lehnghala.. A room lah hi a pawn ațanga en pawn luh a inthlahrun awm ngawih ngawih a, amah pawh a zahawm tawh ania. A room lehzel in a hnung an han zui a. Rapthlak lutuk.





Ka pheikhawk chu bun in stepah chuan ka chhuk thla a, chhuat ka rap chiah chu doorbell ri avang chuan ka ding dat a, a rawn rik nawn leh tak avang chuan kawngka lam chu ka en pheia, tu man an hre miah lo amaw ni le.





A rawn rik nawn leh tak sek avang chuan a pawi lovang ang tih pahin kawngka lam chu ka pan leh a, muangchangin kawngka chu ka va hawn sak nghal a. Mahse ka mi hmuh avang chuan ka meng kâwk a! Khar leh ka tum rual chuan rang lutukin kawngkhar chu a rawn man bet nghal chawt!.





"Nangmaw?! " a rawn ti nghal țhat a, inchhung chu a rawn en a, kei min en leh in rum zet hian min melh bawk a "Nang hetah maw!? Engthil nge i tih? " a rawn ti nghal țhat a. Inchhungah chuan min nem lut nghal ti tih bawk a. Tinge ka țawng chhuah hleihtheih miah loh.





"Engthil nge i tih ka tih chu, nang hian thlem kualin an in thleng i thleng tawh a, bungrua te hi ilo la darh tawh hial lo maw? Nang hi chuan a hausakna chauh i duh bawk sia" a thusawi avang chuan amah chu ka melh nghal vat a. Min hmuhsit tih hriat zet hian min lo melh a. Ka thawmhnaw hak chu en in a ner khum lehnghal zat bawk.





"A inchhung bungrua hi a changkang sia nang chuan i ina dah ve atan i awt ngawt ang tiraw?" ngeiawm zet chuan a rawn ti ve leh kher a, ka melh ve ta hrâwk a, mahse a nui sak ringawt thung "Hah! Min melh ve vak duh suh, a chhan chu maw he inchhunga thil awm te hi ka ta vek annih hi keima enkawl chuan nang hian min luahlan thei lo bawk ang" a rawn ti leh.





Ka nui chhuak ta hak a, mak tih hmel fe chuan min rawn en "I ta vek anih chuan, tinge i hming i ziah loh a?" ka ti let ve ta kher. Min melh rum teh e!. "Zaktheilonu ngawi hmak rawh, ka inchhung bungrua ania ka duh duh dan in ka ti thei. Khawiah nge Ramhluna? " a ti lehnghal zat. Inchhung lam chu a melh kual nghal bawk a.





Hmeichhe țawp leh țhing tiin amah hi sawi ta ila chu dawt chiang tak ka sawi tihna ania, a chhelo a, a hmelțha bawk a, a fresh a, thawmhnaw changkang tinreng a hmuh theih zawng zawng a ha bawk a. Mahse a chhing thei hle thung. Hmeichhe dang tam tak chuan amah hian Mizo hmeichhia hi ramdang lakah min chawisang a, min pholang ve ani tiin an sawi țhin a, mahse khang mi te khan amah hrechiang lovin an lo sawi tawp ania nge. A hmel leh a pian hi chu a țha thlawt ani. Model ani pawh hi a awm thlawt mahse, kei erawh chuan a mizia hi ka hre hneh fû tawh si a, heng an award hlan tawh te hi Feli ang chiahin a phulo ka ti ve ngawih ngawih tawh mai.





"Khawnge maw Ramhluna chu le! Engmah sawi lovin min hawsan daih lehnghala." Ka hriat tur khera Chiang chuan a rawn ti a, a sawi zawng pawh khan min melh deuh ralh tih ka hria. Mahse ka thêngthâwngah hian a lut hlawllo.


"Ramhlun" a ti leh tuarh a, rawn luh tlang a tum rual chuan a kalna tur laiah ka lo ding zela.Engvanga hetia ti hi nge maw ka nih hrep ni. Mahse ka rilru ah a lang miau sia.





"Ka inchhunga bengchheng tur hian tu ah nge maw i inngaih le?" rawn ti nghut tu ka hriat rual chuan ka hnung chuan a pangtilum zet chu a hre chhunzawm nghal zat bawk a, rang lutukin ka hawichhuak nghal vat a. A hmel hahdam zet ka hmuh rual chuan ka lo hah rukna chu a kiang ve nghal zat.





A hmui phun chuan hahdam turin min ti tih ka hmu thei a, sawi lo mahse a hmel leh a taksa lum zet ka hriat rual chuan sawi leh chuan ngai lovin keimahah a thawk tur a thawk nghal vat țhin. A hmasa bera ka hmuh erawh chu hahdamna ani ziah thung.





"Kan pahnihna kan inbiak angai" Evelyn-i chuan a ti sap a, Ramhluna chuan ka banah vuanin a taksa si chet chuan min pawt phei a, ka kawngah chuan a kut chu nghet zet hian a rawn dah nghal bawk.





"I sawi duh chu Bawihi nena kan hriat lai ngei hian i sawi tur ani. Chuan nichina i chet dan avang khan ka lawm lo tih hria ang che" Evelyn-i a biak dan chu dam ruiha lang si hian a khauh ru fur a, kei nena min biak dan nen chuan dang lam tak ani.





"Ani hian a hriat ve chu I phal takzet ang maw? " min ning tih a țawng dan ațang chuan a hriat nghal vek theih. Helai hmun ațanga kalsawn in an pahnih hian ka inbiak tir ang.





Tlema talhran ka tum rual chuan ka kawngah a rawn vuan nghet sauh a " khawiah mah kal suh, chuan Evelyn i sawi duh chu sawi vat mai rawh, hun kan ngah lo" a ti leh a. Ngatinge maw vawiin chu mihring hmaah reng reng hian min kuah bet emaw, min vawn beh tlat zel le. Evelyn-i hmel ka en lah hian Keimaha inthiamlohna a awm ziah lehnghal, nuam pawh ka ti nek lo e a.





"Inu chanchin ania" a rawn ti leh a, Ramhluna zawk chu taksa che awk chungin a thaw chhuak hawk a. Țullo lutuk in ka chhipah chuan a rawn fawp nghal vang vang a "Bawihi nena kan hriat theih tur hian i sawi dawn em ni ang" a ti dam ta thlup.





"Henu hian a hriat ve kher a ngai ami? Hneawm lutuk amah avangin khuta țang ka hriat miah loh laiin min lo hawsan daih a" a sawi zawng ringawt pawh chuan a țap țeuh thei mawle. Tunah hian helai hmun ațanga kalsawn tluk baka châk ka nei lo.





"Thudanga peng kual lo in i sawi duh chu sawi mai rawh, chuan henu hi ni lovin Bawihi anih hi, i țawng fimkhur ang che" Ramhluna chuan a ti leh hrâwih!.





"Choka ah nu Rini ka lo va pui ang, in sawi duh chu sawi rawh u" ka ti sap a, Ramhluna zawk a rawn rûm nghut a. Min vawn beh leh a tum hma hma chuan ka lo talsawn nghal bawk a. Kha hotela thil thleng an sawi lan rual apiang khan, ka na nghal vawng vawng thei. An mu dun tak tak amaw ni le tiin rinna ka la insiam tho.





"Bawihi, tah hian awm rawh" a ti nghal sup a, ka lu ka lo thing nar nar a, ka awm pawh hi a nuam tawh hauh lo. An pahnih inkara ka awm avang nge. An pahnih tana ka hnawksak vang pawh hi ka hre tawh lo.





"A ngai lo, a awm duh loh chuan awm suh se" Evelyn-irawn tawng rual chuan Ramhlun'an "lo ngawi rawh!" a ti nghal hrâwk, a tawp chiang asin aw...





"Nia, bakah ka ril a țam tawh alawm, saw tah ka lo va awm ang in sawi zawhah ilo kal mai dawn nia" ka ti sep a, a rawn thaw chhuak ham ham "Takzet?" A rawn ti nghal nghut a ka lo bûk khum nghal nghat thung.





"Anih chuan ka lo phei vat ang, min nghak rei lovang" a ti sup a, ka chalah chuan a rawn fawp vang vang a. Keipawn amah chu nuih lui in ka kalsawn nghal bawk a. Ka tâwt leh up up tawh mai, keimahah hian inthiamlohna khawi ațnga lo kal nge tih pawh hriat loh hi a rawn awm zut mai.





Choka ka thleng tep tawh tiha ka hawilet leh chu,ka thil hmuh avang chuan lo hawilet lo law law ila țha tur ania, Keimaha na ka insiam lo mai tur. Evelyn-i chuan Ramhluna banah kuahin a dar chu a ngheng a, Ramhluna chuan engtin mah a ti lo bawk. Chu thil chuan min ti na zual a saw thil saw hmu lo ila chuan thinlung na ka insiam lo mai tur tinge ka lo va hawi phei kher kher? Tunah chuan thil awmdan tur ka man thiam leh ta zut bawk.


Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)