2!3! BY Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

Re: 2!3! BY Msi Miluhlulnui (Completed)

Unread post by Ngaia » December 20th, 2020, 3:11 pm

2!3! #EP-31

By : Msi_Miluhlulnui 👩🏻
(Hmeichhe naupang tereuhte)





"Bawihi che miah suh aw" rawn ti sup tu chu thei leh thei lovin ka melh a, ani erawh na tih vangin a lo țhen tlawk tlawk a. Min kuahna chu ti nghet sauhin "tikhan awm rawh" a ti leh sup bawk a. Ka chet dawn rual rual chuan min rawn kuah nghet lehnghal bawk.





"Min thlah teh hei, i ban a thi alawm. Ka... Ramhlun i ban a thi" ka ti țûng a, keimahah hlauhna a rawn awm a, ka hrelo ka chiai vek ani ber "Bawihi ka hria min kahna lamah i taksa an kap thawi tel a, chuvang chuan che miah suh" a rawn ti nghut a. A bana thi chu rang zet hian ka dawm sak.





Kei pawh ka pum chu a rawn thip leh zawk țhin bawk. Ramhluna sawi ang tak tak khan min kap thawi ani ngei ang. Ka pum ațang chuan thisen tak zet mai a rawn luang chhuak ve bawk a. Mahse ngatan mah ka ti lo.





"Kalsawn ang... Ramhlun heta țang hian kalsawn ang, i ban leh ka.. i dar hi" ka ti chûl a, ani erawh chu rûm nghutin ka tukhumah a rawn fawp vang vang a. "Bawihi, i che anih vaih chuan an rawn kap lehnghal dawn che che tawh suh" a rawn ti a, mahse chutianga in dan ngawt theih ani lo.





A ban ațangin thi chu a rawn luang chhuak zela. "Bawihi, engmah ani lo. Che tawh lo rih lawk la" a rawn ti sup a, ka bekah chuan a rawn fâwp nghal tawk a! "Che tawh suh min ti tawh suh, i ban ațangin thisen a rawn luang chhuak a, chuan engtin mah ti lo turin min ti a. I mawl ami. Damdawiinah kalpui vat a ngai alawm" ka ti nghal hlak a. A ban tuam na tur chu ka zawng nghal ruai bawk a.





Ka chet avang chuan ka pum a rawn thip leh zawk a! A nat em avang chuan ka țhen nghal tlawk tlawk "Malsawmzual, che suh ka tih che kha" rawn ti hrâwih ri ka hriat rual chuan ka îp nghal châwih a, amah zawk zawk in ka pum chu a rawn dawm a.





"Gabriel, tunah sawn pahnih an lo kal belh a, zuah miah suh ang che u" a ti zui leh hrâwih a, chumi rual deuh thaw chuan silai chu a rawn puak nghal țhawt țhawt a, ka phu zuk zuk zel bawk. Ramhluna chuan min pawm kang nawlhin car chhungah chuan min nghat a.





"Luhlul lutuk mai, ka ban te hi chu thihna tham pawh ani hleinem, nangmah hi in en zawk ta che i dân vek tawh hi. Thisen a chhuak nasa tawh bawk si" thinrim aw ka ni lo mahse lungawi lohna aw ka zawk ani a chhah chhuah ni.





Ka pum ka en thlak chuan thi awmna chu alo val kulh a, thisen tlem tlem a rawn luang chhuak bawk a. Thisen ka hmuh hi chuan ka nu kha ka hrechhuak ziah țhin. Chhuata thi hnuang chunga alo let hrilhhai zeta ka bâwihsâwm lai te kha. Thei leh thei lova a rawn meng a, a thu min hrilh te kha an rawn lang uar uar a.





Ka mittui a rawn hnâm nghal kuar thei. Ka pum rawn thîp zawkah chuan ka mittui a rawn far thla keuh a, Ramhluna banah chuan a far thla nghal keuh bawk. Rang zeta rawn hawi chhuakin "Bawihi, ana ami? Tihpalh lutuk. Hrep chuan engvanga râwn hmasa lo che nge maw ka nih le" ngaihdam min dil a, mahse amah indemna aw ri a chhak chhuak lehnghal tho.





Muangchangin amah chu ka en a, min rawn en ve chiah bawk a. Ka mittui a hmuh rual chuan rûm hrâwihin ka biangah chuan a kut pahnih chuan a rawn khuap bet nghala. Ka mittui chu a kutzungțanga hru zeuhin "Duati, he thil hi natna keimah vanga tla ni tawh lul suh se" a rawn ti sup a, ka mitah chuan a rawn fawp vang vang a. A banah rêkah chuan ka lo vawn sak nghal vat a.





"Ramhlun, ka nu kha, ka nu kha. Thisen tam tak nen chhuatah alo let reng a. Keimah chauhin hrilhhai zetin ka bâwihsâwm asin chuan thei leh thei lovin a rawn meng a" ka sawi zawm thei lo. Ka inhnît nghal hraih.





"Bawihte" rawn ti supin a âwmah chuan min kuah bet nghala. Pawn lamah chuan silai ri chu a nasa tual tual a, min kuah beh pah chuan ka beng a rawn hup ve ve a, ka chhipah chuan fawp nghal tâwkin "ka tihpalh" ati leh sup bawk a. Ka țah chhuah loh nan ka hmui ka pet fan fan ringawt.





Ka nu kha thei leh thei lovin a rawn meng chhuak a. A hnen ațanga ka la hriat ngai miah lo. Hmangaihna thu min hrilh a, chuan a duhthusam hnuhnung ber pawh thei leh thei lovin, khur hlawk hlawk chungin min hrilh anih kha. Ka hrilhhai lutuk khan ka lo ngaithla mawl tawp a. Engmah tih nachang pawh ka hrelo anih kha.





Khatih hun lai khan lo fing deuh ila chu, ka nu kha ala dam ngei anga. Hlim takin ka pa kan hmu dun anga. Keiin. 'Pa' ka ti anga, ka au anga. Aniin 'bawihi pa, duhtak" a ti ngei awm si a. Tichuan miin a chhungkua an sawi chu kan ni ve mai dawn si.





Ramhluna chuan min nawr hla hlekin ka hnarah chuan a rawn fawp zeuh a. Ka beng ala hup reng bawk. Mahse a aw ka hre thei a. Silai ri erawh chu ka hre zawi tial tial bawk. "Ka venghim tlat tawh ang che. Ka tihsual min ngaidam dawn anih chuan hetiang thil hi a thleng leh tawh ngai lovang, chuan keimah avangin he biangah hian mittui luang tawh lo se ka duh" ti supin ka biang chu a rawn fawp a. Insawn zelin dam zet hian ka hmuiah chuan a rawn fawp vang vang a. Amah ka huatna te kha tunah hian amah ngeiin tidam țan leh mek tawh bawk.





Gabriel-a chu kan bulah rawn kal in Ramhluna banah chuan eng emaw a rawn hnawih a, a tuamsak nghal bawk a. Enge tiha ka zawh chuan 'ka tana damna dawi pahnihna anih hi, nang hi pakhatna' a rawn ti a. A thusawi mai mai avang chuan ka ner nghal nâng bawk.





Che lo tura min duh avang chuan a malchungah min pawm bet nghal vek a. Ama sawi dan chuan a thi chhuak tur ka dang a, che rih lo la ka duh a ti a. Vawt ka tih avangin a taksa lum zet chu ka ngheng nasa zual sauh bawk.





Car chuan min tlan chhuahpui a, car hi a chhunglam ațang hi chuan pawnlam hi kan hmu vek thei a. Mahse pawn lam ațang erawh chuan a dum vek thung a engmah a hmuh theih lo.





Thawm avang khan mipui an lo chhuak ani ngei ang. Feli pawh ka hmu a, thei leh thei lovin garage chhung chu a bih a, min zawng pawh ani maithei. Police ho pawh an duty khat vek tawh. Amaherawh chu police pangngai an ni hauh lo tih ka hrechiang bawk.





"Bawihi i mut a chhuak em? " Ramhluna chuan a rawn ti sup a, rang zeta lu thing in a taksa chu ka kuah nghet sauh sauh a. Aniin ka chhipah a rawn fawp vang vang bawk a. "Sir, pakhat kha a tlanchhuak hman a, kan kap ve hman lo" Gabriel-a chuan driver seat ațang chuan a rawn ti a. Ramhluna chu a thaw chhuak hawk a.





"Umzui zel ang che u. Mizoramah a awm anih chuan min rawn bi tum leh dawn" a ti a. "Venhimna kha khauh țha bawk rawh se, hrilh darh nghal rawh. An hna an thawk țha lo anih chuan an chan tur kha hre nawn bawk se" a ti nghet leh churh a. A țawngkam chhuak reng reng chu a nghet churh vek a. Tu tan pawh tih ngei ngei na chi ani.





"He thil hi i hre lawk tiraw?" ka ti sap a, na zet hian a thaw chhuak hawk a "Duati" a rawn ti sup
"Min hrilh la, he thil hi i hre lawk tiraw?" Ka ti leh sap a, thei leh thei lo chuan ka han en chho a, thaw chhuak ham ham in min rawn en ve a.





"Ka hre lawk, mahse keimah zawk min kap ang tih ka hre lawk hauh lo. An tumdan chuan nang hi kah che an tum a, mahse keimah min kap ta zawk anih kha" a ti sup a.





"Anih tunge chutiang ka chunga thil thlentir duh ve ngawt ang. Tihsual ka nei si lova" ka ti sap a. Thaw chhuak ham ham in ka hnarah chuan a rawn fawp nghal zeuh a " tihsual i nei lo. Engmah i tisual lo, chuan i chunga hetiang thil thlentir duh chu tam tak an awm. Chu pawh i tihsual ni miah lo ah keimah min kawp avang hian ani. Ka kianga i awm chuan harsatna leh natna, a inchhâwkin i tawk reng dawn a. Tu mai pawh hian keimah tihchhiat nan an hmang vek dawn che ani" a rawn ti sup a.





Chhang let ta lo chuan maimichhing chungin a taksa chu ka kuah nghet leh sauh a. Amah ka huatna zawng zawng te kha amah vek hian min tihdam sak leh a. Ka natna lo pai pawh amah vek hian min tihdam sak leh bawk. Kha thil thleng erawh a sawifiah ka la phût cheu bawk dawn.





Chuan miin eng tawktar ah pawh min hmang mahse, ani hi ka kalsan ngai lovang. Chhan tha tak avanga kalsan a ngaih chauhin ka kalsan ang. Chuti anih loh chuan a lak ațang hian ka kal hrang dawn lo. Aman min kalsan anih loh chuan. A chhan pawh, ka nunah hmun thûk tak a luah tawh tlat ani.





Damdawiin kan thlen chuan min pawm lut nghal vat a. Mi mit chu kan pahnihah a fu țhap bawk. Duh lo viau mahse a kut entir hmasa turin ka ti a. Ka tih luih tlat avangin lungawi lo tawkin doctor a entira, an lo tuam vûm sak lûng anih kha.





Kei erawh tih neuh neuh ngai a awm avangin a buaithlak deuh hlek a. Hliam kha alo thuk deuh hlek avangin țhui hial a ngai a. Ramhluna chuan Doctor te zawk alo tur sek a. A ban chu en in a chet lehnghal hluk zel bawk.





★ Lalramhluna POV (mipa POV hi ziah har ka ti tawp. Ka dik lo aniang😆)


Bawihi an kahna an țhui chhung zawng chuan pawn lamah ka lo awm a, rei ka ti tawh lutuk chu ka lo tei kual sek bawk. Eng em em nge maw an tih le. Darkar 1 chuang an țhui tawh dawn. Hun a duh rei loh tehlul nen. Bawihi taksa an la hmu dawn zui lehnghala. Hrep tak chuan enge maw lut rawh min tih lai khan ka lo luh ve mai mai loh le.





Keimah vang bawkin hliam a tuar a, a na bawk țhin. Chu chuan keimah ah a vawikhat nan inthiamlohna a awm tira, heng misual ho lah hi ka chêt khalh thei miah loh lehnghal.





Hemi te hi ka pa company ka enkawl hnu a min er em em tu te an ni a. India ram chhunga company awm zinga midang rama company va din thei awmchhun kan nih avangin min er em em țhina, mahse hetiang lam thleng thleng hian an tih duh hi ka ring ngai hauh lo.





Bawihi nen kan inkawp tih an hria a, amah hi ka chak lohna ani tih an hriat takah chuan Bawihi tawktar ah hmangin min bi tum a. Mahse hlawhchhamna bak an hmu let hauh lovang. Ka Duati hi tuman engtin mah an tih ka phal dawn hauh lo.




He thil hi chinfel a awl ai dawn lo tawp bawk a. Lalrinkima leh anu an in rawlh miau a, tunah pawh an share hralh hi keimah ngeiin ka lei sak zela. Sum ngah an duh luatah an thil neih an hralh zung zung mai ani. Mahse ka lei tih erawh an hre hauh lo.





Ka pa lah an bum â let der tawh a. Ka pa mah nise puih ka tum hauh lo. Amah ngei hi ani min hmangaihna tibo tu chu, a hmuh chhuah chu a kutah a nghat bawk a. Thil a hrethiama a fapa anga min pawm leh dawn anih chuan engkim huamin ka pui ang. Tunah erawh chuan ka tana mi pawimawh ber chu Bawihi hi ani tlat.





Evelyn-i thu min hrilh leh thlalak min entir ka lo pawm nghal mai kha a âtthlak takzet bawk. Ka duha ka hmangaih anih chuan amahah rinna nghat tur ka ni. Khatiang mi anilo tih pawh keimah ka inhriat tlukin ka hrechiang, mahse engvanga ring nghal mai nge ka nih ka in hre hauh lo.





Bawihi pawn engpawh min zâwt se, chhan ka inhuam. Evelyn-i sawi ang erawh kha chuan kan mu dun hauh lo. Ka hmuia lipstick alo kai dan kha ka hre hauh lo bawk. Hrep chuan khanu pawh khan hremna a tawk ngei ang.





"Sir, mr. Ols khan zaninah hmuh che a duh a, sawi dun pui tur che a neih thu a sawi bawk a" J-a thusawi avang chuan ka rûm chhuak nghal nghut a "Min hmu duh anih chuan amah ngeiin min rawn pan rawh se, anih loh chuan a fapa in a tuar ang tih kha hrilh bawk rawh" ka ti chhuak hrawih?.





Tun hunah tak hian ani ka thil zir te ka hman țangkai hun tur chu. An chhungkua ka hrechiang bawk a. Enge an chaklohna pawh ka hre ngang mai. Amaherawhchu; muangchanga chêt hian anni pawh a ti thlabar zual deuh mahna.





A nupui erawh tunah hian Gabriela'n a buaipui mek bawk a. Ani hmeichhe tih ki kawi kual vel dan a thiam a, awlsam takin a keuh thlu lehnghal vat mai ang.





Hetiang em em a chet hi ka duh bik hauh lo. A tir kha chuan pangngai taka indawra an harsatna laiah puih ka tum kha ani a. Mahse anni zawkin hma an la sual a. Anni aia ka lak sual ve a ngai ta tlat ani. Ka duh dan ni lo mahse, an chêtdan zui zel dan avang hian anni aia hraw zawka ka chet angai a. Ka inzirna pa pawh ka va be pawp fo bawk.





Kum tam tak ka zawn tawh CD chu amah hian a kawl tih ka hre bawk a. Chu thil chu neih let ngei ka ngai ani. A chhunga awm an en anih vaih chuan engkim a bul ațang khan a tawp vek ani mai. Bawihi thleng hian ka chân ngei bawk dawn chu thil chu ka duh lo ani. Kumkhuaa ka bula awm turin ka duh ka kiangah.





"Sir, va intifai phawt la" Gabriel-a chuan a rawn ti a. Ka in en chian chuan thisen ka lo kai nuai mai a. Mahse a pawina a awm hauh lo. Bawihi hnenah a mit a rawn men ruala, min hmuh nghal tur thu ka tiam tawh a. Engti kawng mah hian ka kalsan dawn lo reng reng.





"Hei chu ka la ti ang, mahse chu ai mah chuan Elizabeth-i kha biak pawh tum rawh u a puihna kan mamawh dawn ania. Mr. Ols hming tak a hria in ka hria" ka ti sup a. Ka sawi tawhin ka hria. Hepa hi mizo ani a, mahse ramdang anga insawiin min bum char char a. Apa pawh Home Minister ani tih ka hre tawh a. Hei chu patea kutah khan ka dah tawh bawk. Mahse apa tunge anih ka hria a, ama hming tak erawh ka la hre thei lo fo.





"Mahse, Elizabeth-i chu L.A lamah a kal daih tawh alawm. Ka lo chhoh ni khan ani pawh a kal ve nghala"





"Chuvang tak reng chuan biak pawh dan in zawng dawn reng alawm. Amah ațanga direct nghal tawh lo khan a secretary kha be pawp hmasa ulang a țhat ka ring" ka ti nghut.





Ka hmaa patea hmanhmawh leh hlauhthawn hmel zeta a rawn tlanphei chu ka lo en reng a.





"Tunge patea saw ko? " ka ti sup.





"Keiman, ka ko. Ih.... u Zualtei chanchin min zâwt a" Gabriel-a chuan a rawn ti a. Patea chuan ka bul a rawn thleng chawpchilh nghal der bawk.





"Khawnge ka fanu chu? Engtin nge a awm? A țha em?" A rawn ti nghal zung zung.





"Pate, a țha vek e, an țhui mek alawm. Engtin mah a awm lovang. Ka awm chhung chuan engtin mah a awm lovang" ka ti a. A hnungah chuan Julia'in a rawn zui bawk a.





"An zaina a rei tawh em? A ngaihtuah awm loh maw? " a rawn ti ve sap a. Ka bu nghat. Henu hi chu nu chhuanawm tak ava ni chiang em!





Ka phone a rawn rik avangin ka kalsawn nghal vat a. Ka la chiah chu "ka u... Enge ka naute chu a an a? " Kima chuan a rawn ti a. Ka rûm nghal nghut.





"Lalrinkim i țawngkam kha fimkhur rawh aw" ka ti hrâwih.





"Aw..... Enge fimkhur na vak tur awm a, ka hnena alo kir hunah hrisel deuhin rawn let se ka duh mai ania" a nui zui hawk hawk bawk.





"A rawn let hauh lovang" ka ti hrâwih. Ka nau anihna anga zah mai chauh ka ni. Chuti ani loh chuan tuna ka chet dan ang chiah hian a chungah pawh ka che ve ngei ang.





"Let dawn e, ka rawn tirhte khan an rawn hruai haw ngei ang" ring zetin ka nui chhuak hawk.





"Oh! A pawi khawp mai. I mi tirhte chu an vai khan an muhil tawh tlat" ka ti chhuak nghut a. Phone lehlam ațang chuan a rawn au chhuak hrâwih!.





"Lo en rawh, i châk lo ang. Nangmah ngei kha ka la ti chhe vek che anga. Zualtei pawh kha ka la let leh ang" a rawn ti let a, ka nui zui hawk!.





"Tumna hi a pawimawh. Han tum phawt mai la. Mahse hlawhchhamna bak i hmu let chuang lo ang" ti kha fak in phone chu ka off nghala. Engtikah mah Bawihi hi a hnenah a let duh dawn lo tih ka hria. Mahse hepa hian a duh duh in thil a ti thei tlat. Mahse ka lak ațang hian tu man an lak hran ka phal ngai hauh lo ang.





Ka nupui niin ka kiangah hlim takin kumkhuain awm se ka duh a. Ka nupui, hrep chuan, min ngaidam tawh em tih pawh hriat hma hmaa ka lo suangtuah vak!. Mahse heihi chu ka chiang ani. Ka nupui anih loh chuan tu nupui mah a ni lovang.





"Sir, an lo nawr chhuak dawn asin" J-a chuan a rawn ti a, phone chu ipte ah thun mawlh mawlh in ka tlanphei nghala. Ka va thlen chuan an lo nawr chhuak chiah bawk a. Zawh ngai lovin chhanna min pe leh sa ngei bawk ang.





"Sir, kan țhui zo tawh a. Mahse damdawiinah hian ni reilote chu ka awm se, in lamah chuan a intikhawlo palh ang tih a hlauhawm. Englo, ka țang hma ka hai duh vang ani miah lo ania. Damlo dinhmun diktak ațanga ka thlir dan ania" min hlauh hmel zet hian a rawn ti a, ka bu nghut a.





"Ka rawn hmu ang che, chuan nurse leh doctor pawh a țha ber ber ka duh ang. In hna in tlin ngei ka beisei" ka ti sup a. Bawihi awmna lam chu panin a kutah chuan a vuan nghala. Engmah sawi lovin a chalah chuan ka fawp nghal vang vang bawk.





Reilote pawh min awm bosanin ka awm thei lo chu ania. Kal bo emaw, thihna chungchang emaw phei chu sawi tawh hlek suh ang che tiin ka phun nghal sup bawk.





Bawihi chu keima private room ah ka dah a, amah vengtu leh awmpuitu ka dah tel vek bawk. Zanah chhuah ka ngaih avangin ka awm loh chhung hi chuan buaina engmah thleng lo se ka duh. Chu chu ka duhdan ani.





"Enge Zualtei chu a an a? " Room chhunga Rsa leh Davida rawn lut chu țhu turin ka mitmei nghal zeuh a. Bawihi erawh a rawn harh tawh a. Mahse na a tih avangin an jection lehnghala. Heihian darkar 6 a awh dawn bawk a. Chumi zawhah chuan a harh pangngai tawh tur thu a sawi bawk a. Tunah hian ka kut vuanin a muhil mek bawk.




"A tha, an jection leh a" ka ti sup.




An rawn țhut ve rual chuan "ngatinge le, buaina hi a chungah hian a thlen reng bik le. Keimahni thlen tir te pawh ani rum rum in ka hria" David chuan a rawn ti ve nghala. Bawihi chu ka en a, tui zeta muhilin a thaw sâk sâk bawk.




"Nia, kan thil tihsual hi a tuar bik ziah" he thil ah hi chuan sawi tur ka nei ve hauh lo.





"Rs, Gabriel-a khan Elizabeth-i biak pawh i tum tih a sawi a. Enge chanchin? Kan Mr. Burac lah hi a rawn che turu nasa mai sia. A landan chuan Minister lamah pawh hmelhriat a nei tha viau in a lang" ka ti a. Bawihi rawn inlet tur chu ka pui nghal vat a. Ka ban kham in a rawn thaw chhuak leh nghal siai siai bawk a. A hmui senno chêk chuan ka mit a la leh chat tawh mai. Ka țhiante pahnih hi awm lo se chu engmah ngaihtuah lovin ka thluaka rawn lang ang hian ka che nghal chiang ngei ang.





"Nia biak pawh ka tum a, mahse engmah chanchin ala awm lo. Ols-a hmingpum hi a hria in ka hria a. Chuan bakah amah hi kan hmang țangkai thei dawn a. Ka pa pawn nimina Kima te share hralh kha alo lei a" a ti a, ka bu nghut.




"Pawi lo, nangni pawn in duh chuan lei rawh u, mahse hriattir lo ula. Hepa hi chu man ka chak tawh khawp mai" ka ti hrawih.





"Kei tak hi ania. Mizo alo nih ngat phei chuan tunge ka hre chak takzet ani" David-a chuan a lo ti ve bawk. Kan pathum hian kan pa te ațanga inkawm ho kan ni a. Kan pa te avang hian in tihhlimna hun pawh kan nei ngai meuh lo. Kan awmho pawn hna lam bak kan sawi kai ngai meuh lo a. Party naa kal ho hi kan theih ve chhun ani.





Tunah pawh hna chungchang bawk kan sawi a. Bawihi a rawn chet sek avangin duh angin ka țawng ve hleithei hauh lo. Zan lama Mr. Ols min hmuhpui turin ka ti a. Eitur order turin an chhuak zui nghal daih bawk.





Bawihi chu rawn zi mar țalh țalh in min rawn kuah a, a chetna avang chuan a pum chu ana deuh ani maithei. Ner nâwngin a rawn meng riai riai a. Ka en reng tih a hriat rual chuan a nui leh a. A pum chu a dawm a a țhen leh sak bawk.





"Ana mi? " ka tih chuan a lu a thing nar nar a "Ka tipalh mai mai anih kha" a rawn ti sap a, a sam rawn uai thla chu a bengah ka zeh sak nghal a. Muangchanga rawn tawlh chhoh a tum rual chuan a zak ah vuanin keimah zawkin ka malchungah ka nghat a. A hmai bul chêtah chuan ka thaw chhuak nghal ham ham.





"I mut chhung zawng khan, hremna rapthlak tak mai ka lo tawk a. Mahse tunah hei chu hremna chu a ti nep tu tur alo harh tawh a, ka hremna hi min tih nep sak tawh se" a hnarah ka fawp nghal zeuh a. A nui chhuak hak a. He nui ri hian alawm keimaha awm ngai lo ka thinlung hmun tina ama natna hrik thehdarh ni.





" I over" a ti hlak a, ka vawn behna ațanga tal thlak a tum rual chuan a ke lamah ka kherh bet nghala. A kawng chin chunglam erawh chu amah pawh hian a ti che țha ngam lova. Keiin a ke lam ka lo kherh bet bawk nen, engtikah mah a chhuak hauh lovang.





"Ka ke i kherh bet a i phakar" a rawn ti hlak a. A țawngkam hman avang chuan ka nui chhuak hawk.




"Duati, hremna ka tawh hi na ka ti tawh alawm chuvang chuan min tihdam sak tawh mai rawh" ka tih chuan thei leh thei lo hian ka darah a rawn beng ri thlawrh a.





"Over suh, damlo ka nih hi chutiang tih te chu a! " a ti leh hlak a, ka hmai zawnah chuan a rawn tûm deuh bâr bawk a. A hnarah chuan fawh sak zeuhin hnuailamah chuan ka fawp thla zela. A hmui bulah chuan thaw chhuak hawkin "Chakna ka chang zawk mai ang" ti supin ka fawp nghal vang vang a, nui sukin min chhang let ve nghal vat a. He hmui nêm leh thlum zet hi ka ngai a, amah chawp hian ka ngai vek. Ei zawh vek mai ka duh rum rum.





"Chu mi an lo kal" tih pah chuan a inla hrang a mahse a tukhumah dawmin ngen ngawl zetin ka fawp lehnghal ngawng ngawng a, engtikah mah ka kham ngai lovang.





Kawngka ri rak ah chuan rang lutukin min thlah a, a mu țha tur chu ka pui nghal vat a. Hrep chuan Rsa te mai mai chu hun nuam lai hi min chân tir ve ziah. Hemi te pahnih hi eng emaw la sawipui a ngai ani.





Eitur an rawn khai lut țeuh a, Bawihi chu an rawn be nghal bawrh bawrh a, kei erawh chuan ka lo melh rum ngang mai "Zualte, i bialpa hian kan rawn kal ațang tawh in min melh rum ania i lo hau ami" Rsa chuan a rawn ti leh kher, he mihring chimawm lutuk hi chuh!.




"Lalrinsang, țawng țawng lo khan ei mai mai teh" ka ti hluk a. An pahnih chuan an nui dun hawk hawk

"Ka ei reng alawm, mahse min lo melh kher lo la, min ti lai ve a" a rawn ti leh kher a. Bawihi lah chuan min rawn nghawk zeuh a.





"I hmel kha siam tûm suh, i țhiante hian hian an hrethiam vek ania" zawite tak te hian a rawn ti sap a. Ka rûm nghut a. "A ho lutuk. An rawn kal hun a fuh lo thei em anih kha" ka ti nghut a. Min nuih ringawt lehnghal.





Bawihi te nen eng emaw an sawi ho a, an nui leh dar dar țhin bawk. Kei erawh hna ka lo thawk mial mial thung. Zanina kan inhmuhna turah hian engkim a fel vek a ngai a. Pakhat te pawha ka che chhia anih chuan kan tuar vek thei.




Ka phone rawn rik avang chuan ka kalsawn deuh hlek a. Bawihi pawh nui țha ngam chiah si lo, nuih duh bawk si avangin, a khi ve sen sen a, duhawm leh lutuk mai.





Kima anih avangin ka lak veleh chhang lo chuan a sawi tum ka ngaithla leh te te phawt a. "Zualtei kha ka ta ani vat dawn" tih a rawn sawi chuan ka nui chhuak hawk a. "Chu thilah chuan maw ilo la buai" ka ti fak!.




"Buai ang chu le, ka ta ani dawn miau alawm. Ka duh duh hunah ka taah ka siam thei" a rawn ti a. "Tum chhin la" ka ti sup. Tukverh ațang chuan Bawihi nui sen sen chu ka en pah bawk.





"Tum chhin pawh ni lovin tunah pawh hian ka ta ani thei tlat. U.. i dâwn thui lo ani. Eng emaw tunah hian ka kawl tlat" a rawn ti a.





Ka chhan ve leh hma hma chuan "ka u... nangmah ti chhe vek tu tur che alo awm a, chuan tunah chuan chu CD chu ka kawl mek bawk a. A chhungah enge awm en a chakawm khawp mai" elhsen zetin a ti chhuak hrâwih!.





"Lalrinkim" ka ti nghal hrâwk!. A rawn nui chhuak hawk hawk a.




"Bro... Hlauthawng suh, a chhunga awm ka la en hleinem, mahse ka en hunah erawh chuan engkim hi ka ta vek ani tawh dawn". Nui chung hian a rawn ti a. Hrep chuan khapa phiangsen khan alo pe ani maw. Lalrinkima'n a kawl vaih chuan Bawihi hi ka chân thei reng. Ni lo, engti kawng zawng pawha ka lak let ngei ngei a ngai. Ka hmangaih hi ka chân thei lo.



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:12 pm

2!3! #EP-32

By : Msi_Miluhlulnui 👩🏻
(Hmeichhe naupang tereuhte)






Bawihi nui chu pawn ațang chuan ka thlir reng a. Kei min tawn hma pawhin buaina tam tak a nei tawh a, tunah ka hnenah awm turin ka duh a. Mahse kei min tawn hma ai khan buaina a hmachhawn hnem zawk ta si, keimah avangin harsatna tam tak a tawk bawk.




Mahse chutiang a tawk tih hre reng chung pawn ka kiangah la awm zel se ka duh fo a, harsatna a tawh ka duh lo anih chuan kalsan tur ka ni. Mahse engtikah mah kalsan ka duh lo, ka kiangah kumkhua in awm se. A hlim nui ri saw ka beng hian hre reng in hmu reng thei ila, chu chu ka duhdan ani.




Ka nu khan 'Hmangaih i tawn hunah chuan chunu i hmangaihi chuan awm hle hle thei lova a siam che ka ring tlat' min ti țhina. A sawi hi a dik tak tak bawk. Awm hle hle thei mai pawh ani lo, amah hmuh min chak tirna leh ka ngaihna hian min tur et et zawk a. Awm hle hle hi chu sawi lan chi ani hauh lo.





Tukverh ka nem tawlh rual chuan an lo hawi rual țhup a. Bawihi chuan min rawn nuih nghal sâng bawk, a mit hmul chu ti che zeuhin a hmaa a tih țhin dan angin enge thleng min rawn zawt a. Lu thing khum nghutin ka nuih suk a, an lam pan chuan ka phei nghal bawk.




Engvang pawhin kha thil kha ka lak let a ka tihchhiat ngei a ngai ani. Engvang mahin Bawihi hi ka chân dawn lo, Lalrinkima bula a nui tur hi hmuh ka duh lo ani. Hlimna avanga a nui ri hi chu ka bengah chiah hian ri se ka duh.




"Rs, David, zanin chu aw" ka ti nghal nghut a. An bu dun nghut a. Bawihi bula ka țhu hniam thla chiah chu min rawn ngheng nghal chûk chûk a. Keipawh chuan ka lo kuah bet ve nghal vat bawk.





"Engkim a fel tawh em? A fel loh chuan buaina a chhuak leh anga, keimahni min mawhpuh leh zawk mai ang" David-a chuan a rawn ti sup. Side table a laptop chu ka ban zeuh a "Tah hian engkim chu a in set vek a, vawiin ah a țha em tih an va chian dawn bawk a. Mahse tuna ka tih lai khan lo zo lawk teh u" ka ti sup a, an lamah chuan ka theh phei nghal bawk.




"Enge a? " Bawihi chuan ka khabe hnuaia rawn dah chhoh hâ pah hian a rawn ti a. A hnarah chuan fawp zeuhin a hmuiah chuan ka fawp lehnghal zeuh a. Rang zet hian ka mal ah a rawn beng pawp a. A nui zui nghal hak bawk.




"Zaninah misual hmuh tur ka nei a" ka ti sup. Ka thusawi avang chuan a rawn nui chhuak hak a. "Tu misual maw? " a rawn ti a, a kut nem thep chuan ka kut a rawn vuan a, a karah a kutțang rawlh lutin a âwmah chuan a hûm bet nghal bawk.





"Misual lutuk tak mai Mr. Ols mawle, Turkish anga insawi, mahse Mizo ni si ania" ka ti leh sup a. "Ava mak dawn ve" a rawn ti nghal sap bawk. Ka țhiante pahnih hian kan thusawi an ngaihven loh tih ka hria. Tuna an thil tih mek saw uluk taka tih a ngai miau a.




"Mak hran hleinem Bawihi hepa hi tuna ka buaipui mek, i chunga hetiang thil thlen tir duh tu zinga mi pakhat a nia. Chuan zanin hian kan pahnih in sawi dun tur kan nei a. Chuan chumi chhung chuan ilo awm thei ang tiraw? " ka ti sup.




"Thei ang, e... Keimah chauh chuan ka duh leh lo, a zau si. Feli min kohsak mai la, ani a awm chuan a nuam leh deuh ang" a rawn ti a.




"Henu nen hi chuan țhen hran theih in ni lo maw le" ka tih chuan rawn nui chhuak hak in ka kut a hûm chu nghet lehzualin a hûm a.





"Ka unaunu ang mai ani" a ti sap a, a hmui che vel leh a khabe ruh rawn che kual vel chu insûm hman lovin ka fâwp leh chawk a. Ka kut chu a rawn hmer nghal vak a. A hmui hnuai pet zeuhin ka in la hrang a, a hnarah chuan ka fawp lehnghal zeuh bawk.




"Naa..., ti thut thut zel suh. Rsa te pawh an awm ve reng hi aw, min lo hmuh vaih chuan a zahthlak dawn lutuk" a rawn ti hlak a, mahse hemi te pahnih hi an thil tihah hian an buai tih ka hria. An hawi chhuak hman meuh lo ang.




"Bawihi, keimah vangin hetiang hi i chungah a thleng ta si a. Min kalsan i duh... " ka sawi zawi hma hma chuan amah zawkin ka hmui a rawn hup a, zah pawh a sawi tawh hauh lo.




"Nangmah zawkin thih leh kal bo chungchang sawi tawh lo turin min tih kha. Tinge nangmah zawk zawk in khatiang te i sawi chhuah. Sawi tawh miah suh, hetiang te hi chu nun fight na pakhat ani ve alawm. Miin engthilah pawh min hmang in tawktar ah pawh min lo hmang mahse ka kalsan dawn lo che. Nangman min kalsan te anih ngawt loh chuan" a rawn ti sap a. A kut phah chu fawp zeuhin a kut chu lak thlak ka tum a. Mahse a ngaia nghetin a rawn hup leh hmiah.





"Sawi phawt rawh, min kalsan dawn lo tih" a rawn ti a. Ka hmui a hup lai reng chuan "ti te chuan engtin nge ka sawi anga" ka ti a.




"E, nia taka" tih pahin a kut chu a la thla a. Chumi rual deuh thaw chuan a zak ah dawmin ka pawt chho a. Keimah min hmachhawn zawng turin ka awm tira. Rsa te erawh lehlam sofa ah an awm tawh thung.




"Ka sawi tawh lovang. Chuan engtikah mah ka kalsan dawn lo che, engtikah mah" ka ti sup. He hmeichhia hi ka kalsan ngai lovang, engtikah mah. Thihna in min țhen anih ngawt loh chuan ka nu tih loh ah a kianga hun hman hi kumkhua leh chatuana ka duh ani.




"Min kalsan leh si vaih" a rawn ti a. A hmuiah chuan ka kutțang ka nghat a "Engtikah mah chutiang thil chu a thleng ngai lovang. Ka tiam a che" ka ti sup a. A biangah chuan fawp zeuhin a hmui nêm zetah chuan ka fawp lehnghal vang vang bawk.




He hmeichhia hian hmân atang tawh ka thinlungah thu a sawi tawh a. Ka thinlung lalnu ani a tuman an luahlân lo ang. Ka rilru leh ngaihtuahna in țanna ka thluakah hian a lal ber a, ka kal sualna tur leh engkim theihnghilh a rorum taka ka chêt na turah min dang vek. Amah ka ngaihtuaha chu chuan engkim min țhulh tir leh țhin. Ka thluak hmun tinah hian te reuh te te hian tunah hian chi a thlah belh mek zel bawk.




"Nangni pahnih kha lo induat hlek suh u" Rsa chuan a rawn ti nghut a. Bawihi chu a nui chhuak hak a. "Duattu i nei ve em? Rs" a ti let a. Hemi te pahnih in pawh ta lutuk hi a mak zawk. Ka tan phei chuan thîk lamah a kal lek lek tawh.




"Duattu ka nei ve hman lo, min duat dawn apiang in ka malchungah hian laptop alo awm țhina" a rawn ti nghut a. David-a leh kei chenin kan nui a. Bawihi chuan min rawn nghen sauh sauh pahin.




"Laptop chuan kal bo a ngai tih a in hre na nge? " a ti leh sap.




"Hrelo pawh ani lo a kal duh lo alawm. A pu a hlau a" a rawn ti a. A sawi hi a dik ve reng. Rsa hian hna a thawh țhat loh chuan apa ngaihven a hlawh hauh lo, a unau dang te erawh hna thawk lovin apa hian a ngaihsak em em thung. Apa ngaihsak nih ve a duh luatah hian hna a thawk nasa zual sauh sauh țhin.




"Bawihi, a pu khan a vawi hrep zel alawm" ka lo ti sup. Rum zeta min rawn melh pah hian "Lalramhlun, kha thu kha tu pawh hrilh i tum ami a?" a rawn ti nghek a. Ka nui chhuak nghal hawk.




"Bawihi a vaw hrep zel tak tak" ka la ti leh hram.




"Zualte, a ti mai mai anih kha. Hetiang chungchang kan sawi hi chuan kan bula lo awm ve te hnenah kha thu kha a sawi ve ziah. Tiraw Dave? " Rsa chuan a ti sup.




"Aih"


A chhan rang lutuk avang chuan Bawihi thlengin kan nui a "Fair lo hle mai. Nidangah pawh 'aw' i ti țhin a. In lo in signal zeuh ani maw, misual pahnih mai mai chuh!" a rawn ti nghut a. Ka nui chhuak hawk hawk bawk.



🍀

Bawihi an rawn jection leh a, a mut laia kal ka duh avangin Feli ka call sak nghala. A mut lai tala ka kal loh chua ka kal leh thei dawn si lova. A bula hun hman tluka duh ka nei lo. Englai pawha a taksa sik reng ka duh.




Feli a rawn thlen hnu chuan chanchin ka hrilh zung zung a, kei pawh misual ro thapa hmu turin ka chhuak nghal bawk. Engkim peih fel ani tawh a. Rsa leh David-a pawh ka bulah ka partner niin an rawn kal ve ve bawk. An pahnih chanchin hi ala hre ve lova, chuvang chuan a ringhlel lo maithei.




Kan inhmuh na tur Hotel kan thlen chuan anni pawh an lo thleng ve chiah a. Mahse hmu lo anga lang in ka kalsan hmiah hmiah. Pawimawh tak anih loh chuan biak hmasak ka tum hauh lo.




Țhutna tura kan lo țhutfel hnu chuan anni pawh an rawn thleng ve nghal mai a. Min melh rum hi chu thuhran nise, kei ai chuan ka țhiante pahnih hi a melh rum zawk.


"Tute nge an nih? " a rawn ti nghut a ka nui suk. "English kan hrethiam lo, mizo țawngin aw, anih loh chuan indawrna hi a tawp nghal ang" ka ti let ve kher a. Mizo țawng a thiam tih hi ka hrechiang lutuk tlat.




"Tute nge i rawn hruai? Nang hian min bum i tum ani lo maw? " a rawn ti ve ta. Nui suk in "I hnena oil rawn hralh țhinte pahnih kha an ni e, i lakah lungawilohna lian tak an nei a, chumi chu an rawn thlen ve duh mai ani" ka ti sup.




"Mahse, hemi te hi an lo kal ngai tlat lo" a rawn ti leh a. Ka nui ri suk. "An manager te an nih hi. Lo kal țhinte kha chu producer te chauh. Chuan vawikhat inhmuhna ah zawhna i ngah nghal hle mai. Ti hi chuan indawrna hi a kal tluang miah lovang" ka ti sup a. Dawhkana intur an chhawp chu ka ban nghal vut bawk.




A laia pangpar ah hian camera a awm a. Chu chu a hring niin hnah ang ber tura an siam ani bawk. Chuan hmun hrang hrang ah hian camera an dah bawk a. Bang ang tur ten an siam a țhutthleng ang tur pawhin. He hotel hi ka ta ani a. Mahse ama hauh ngei ani a, ka ta ani tih a hre hauh lo bawk. Chuvang chuan engkim hi a tih ruk vek theih.




"In buaina chu han sawi ula, tihfel dan a awm chuan ka pui em em ang che u" a rawn ti leh a. Davida chuan harsatna awm tur ang zawng zawng form kan siam sa vek tawh chu a pe a, he thil hian tuna a neih tam zawk chu kan laksak thei dawn a. Ama tana hlawkna anga lang kha keini in kan lo chang zel dawn a. Chu thil chu a ngaihtuah thiam pha hauh lo ang.




"Chuan... Nangnena kan inhmuhna chhan chu kan țan tawh dawn em ni ang, i bialnu pawh chu enge a an ka hre chak fû ania" a rawn ti a, dawhkanah chuan paper chu theh thlak pahin "ani ilo ngaihtuah chu a lawmawm e, mahse hriat chak kha a tawk mai. Ka hmuh duh chhan che chu ipa chungchang ania" ka ti sup.




Dawhkana paper chu ka la a, ka hmaah chuan ka keng kang bawk a. "Oh! Ka pa thihna chungchang hi chhui tu an tam a, nang pawn ilo chhui ani maw? " a rawn ti a. Ka khi suk ringawt.




"Mahni pa la dam reng, sum pawh thawn țhintu hian apa a duat em em chu a kâ in alo thihtir a" ka ti leh sup a. Paper chu a hmaah chuan ka va theh phei nghal bawk a. Paper chu ban in a bih zeuh a min rawn en a.




"Enge sawi i tum? " a rawn ti fuk.




"I pa, Lalsangliana MLA chungchang ania ka sawi" ka ti nghut. Apa hming ka sawi chuan a beng a verh deuh pawh ania nge. Min rawn melh hrâwk a. Mahse rei ani lo, " eng dâwt thu nge maw i sawi le? He thilah hian maw min hmuh ilo duh a" a rawn ti a, za vak lova nui in paper chu a theh thla leh a.




"Ni mai love, chuan ka sawi hi dâwt thu ani lo bawk a. Mizo inih thu hi hriatchhuah ani tawh. Lungngai suh, keimah chiahin ka la hria alawm hlauthawng duh suh, nang angin ka ti darh ve mai mai lovang" ka ti sup.




"CD kha ka nau ilo pe tih ka hre tel bawk a. Um... A awm lo hran lem love, sum i duh bawk a tiraw" ka ti leh nghut a. Ka ipte ațang chuan pendrive chu ka la chhuak a dawhkanah chuan dahin ka tuai vir nghal zeuh bawk.




"CD kha ipe ta sia, he thil hi media lam ka pe ve mai dawn em ni ang? Chhungte ai chuan media lamah hian a darh chak zawk ang a" ka ti leh sup a. Rawn ban a tum chu hum bo in ka ipte ah chuan ka khung lehnghal hmiah. He thil hi a hrechiang lutuk tih ka hria. Sum nena kan inthleng kha ani miau a, tunah chuan amah zawk zawk mamawha țang anih leh tawh hi. Mahse ka hnen ațang hian engti kawng mahin ala hauh lovang, hemi la tur hi chuan sum hi chu nêp te ani ringawt mai ni.




"Nang hi" a rawn ti hrâwk a. Ka nuih suk "Hmela, Engtin nge kha thil kha i lo la neih theih zawk a. Ka tichhe tawh iti si a" a rawn ti fak!.




"Thusawi ang hian an awm vek ngai lo ania" ka ti leh kher a. Thinrim zeta ding chhuakin silai a rawn phawrh nghal ta mai a. Mahse nui suk chungin ka ding ve nghal uaih bawk.




"Min kâp thei ang" tih pahin ka bân chu ka phar a "ka kâp khawp ang che. Ka that dawn che. Nang hi ka sumdawnna ti bawrhbâng tu inih hi" ti hrâwihin silai chu a load lehnghal zat.



Silai chu a rawn hmet puak pawp a mahse sir lamah chuan ka tawlhphei hman, vawikhat dang a rawn kap leh a. Mahse tun țum erawh chu min kah țhelh thung. A bula ding mipa pahnih silai phawrh tum te chu a kutin a dang a.




"Keimah ngeiin ka kâp dawn. Engmah lo ti ve suh ang che u" a ti hrâwih a. A thinrim in hrosa vel chu a hmuhnawm kher bawk. Mahse Hei erawh a bul țanna chauh. Plan A, B, C siam ani. Amaherawhchu; plan siam sa hi pakhat mah hman ala ni lo.




"Kha thil kha min pe anih loh chuan, ka kâp dawn che ania. Chuan CD pawh kha i bialnu hmuh tir turin ka hrilh nghal ang. Ka phalna lo chuan tuman an ti thei lo bawk a. Ka hmuh tir khawp ang. Chuan i bialnu hmelțha leh chhelo zet saw ka ta ani bawk anga, ka khumah ngei ka khawih tre ang" a rawn ti hrâwk!.




Ka hriat duh pakhat chu ka hre ta phawt. CD chu ka nau in nei mahse ama kutah ala awm vek tho tih. Rang zetin ka silai ah chu ka phawrh a, a dar veilamah chuan ka kah sak nghal pawp a. Na ti zeta rûm chhuakin min rawn kah leh a tum a. Mahse 'stop' a inti tlat.




"Oh! Ava vanduai thlak ve le. Kum 16 ka nih ațangin silai ka hûm tawh. I silai kha eng model nge anih a, vawi engzah nge a kah theih tih chu ka hriat loh ring hauh suh. Chuan Bawihi chanchin leh a taksa kha sawi lang ve tawh hauh suh ang che. Ani saw i khawih anih chuan hremna ai pawha rapthlak i hmu ngei ang" ka ti hrâwk a. A dar veilam chu tin in ka kâp lehnghal pawp.




A bula mipa pahnih ding te pahnih chuan silai an phawrh chhungin Rsa leh David'n an lo kâp hman bawk a. Nui sukin a bulah chuan ka va phei a. Na tih avanga a țhingțhi kûn tlawk tlawk chu a khabe ah va dawmin ka kuai dak a.




"Ka zawhna pakhat ka zawh hma hma che in chhanna min pe nghala, a lawmawm e. Chuan he thil hi chu nêp te ani. Ila hre dawn chauh, i dâwt sawi man hi i tuar khawp ang. Mizo ni reng siin ramdang angin i insawi a, kan Mizo hming hi i tichhe takzet bawk. Mizo pa tia sawi tlak pawh ini lo. Kan ram pawh hi rawn rap ve lo law law la a țha zawk ang. Kan ram hian nang ang hi mamawhna chhete mah a nei lo. Chuan khatianga Bawihi chanchin leh a taksa chungchang i sawi leh anih chuan hremna satliah mai ni lo ka pe ngei ang che" ka ti hrâwk!..




Ka phone chu ka la chhuak zui nghala. Gabriela ka call nghal zat. "Rawn la rawh u, chuan ruang pahnih hi chu phûm mai rawh u. Turkish pa erawh hi chu a hliam hi enkawl ula. Dahna tura ka hrilhna hmunah cheu khan in dah dawn nia" ka ti nghut a. Phone chu off in ipte ah chuan ka thun lehnghal bawk.




An rawn buaipui chhung chuan an bag rawn ken vel kan lo dap a, mahse mamawh kan nei hauh lo. "Ka kah lohna a rei ta bawk a. A nuam phiar phiar hle mai a. Ka lo la kâp thiam reng anih dawn hi" Davida chuan a rawn ti a. A silai hman chu a thlêk leh vut țhin bawk.




Bawihi alo harh tawh hrim hrim ang "In pahnih khan min lo buaipui sak mai rawh u, sawi ho tur chu naktukah kan sawi dawn nia. Tunah chuan ka hman tawh lo" tih pah chuan ka tlanchhuak nghal vut a. Car chu la chhuakin chak zetin hospital lam ka pan nghal bawk.


★ Malsawmzuali POV ★


"Engtin nge, ka hmangaih min chuhpuitute ka tih tawh i hria em? Hrelo maw... Kan hrilh ang che, pakhat chu a nghawngah khan kan rêk a, hreawm a ti kha a tal vak vak asin. Hmuhnawm tak ani. Kha pawh kha Ramhluna assistant ni țhin amah lo beisei ngama mutpui hiala sawmtu kha ania. A zar buai reng bawk sia khatia ka tih kha a pawi lo hran lo ang. Chuan in âwk hlum anga lang turin kan khai amaw a dawt leh chu enge ni ta ang. Ih... A dawt leh chu maw... Bhooommmmmm, a zo" Evelyn-i chuan tih pahin a nui nghal sak.




Kei erawh chuan rapthlak ti lutukin ka melh a, ka pum avangin duh angin ka che țha thei lova, tunah hian ka bulah pa lian pui pui nen an awm mek a. Palian pui pui te chuan min hmer thêp an tum amaw tih turin min dawm bet bawk.




Hlauh a hnêkin ka rilru ka sawh khawng tual tual zawk. Hetiang hmeichhe tenawm leh rapthlak lutuk hi ka hlauh chhan tur a awm lo, ka hlau anih vaih chuan min zuam nghal sawt dawn.




"I rapthlak hle mai" ka ti fak a. Ring zeta nui chhuakin "rapthlak love le, ihmaw... Chutianga min sawi lovin i ti țha lutuk min ti zawk ta che. A chhan chu maw nang hian chutiang chiah chu i tuar ve dawn sia" a rawn ti a. Ka hmai bulah chuan min rawn en a, ka hmai chu a kutțang in a rawn zût thla nghal bawk.




"Engvangin maw? " ka ti let a. Nui sak in ka khabe ah a rawn dawm a. Ka taksa che awk avang chuan ka pum a rawn thîp zawk a. Ka ner nghal nâng bawk.




"A chhan min zawt amaw? Hah! Nang hian i hrechiang ber ang chu. Nang hi Ramhluna hmangaih inih vang mawle. Ani hi ka ta tur anih hi. Ka ta tur chauh. Nangni ang hmeichhia mai mai tan chuan a uiawm deuh ani. A hausa bawk sia, a hmelțha bawk sia bakah khumah a zei bawk si" ka hmai bul chêtah chuan a rawn ti a.




"Tum chhin la, engtikah mah ita ani ngai lovang. Chatuan thlengin, vanramah pawh ka kiangah, ka bulah a awm zel ang, chuan khumah a zei iti a tiraw? Dâwt vek anih chu. Nang hi chu i kâ bak hian i hausa lo, i kâ bak hian khatiang kha a thlentir ngai lo" ka ti let ve țhat!.




Nui ri suk ri ka hriat rual chuan ka biang chu a rawn thîp nghal zawk a. Ka pum rawn na avang chuan ka țhen lehnghal sak bawk. Ramhlun, Feli khawiah nge in awm? Tunah hian ka mamawh takzet che u ani. Ka mamawh che u ka rilru chuan ka ti mawlh mawlh




"Nang hian engmah i hrelo, a sawi pawh sawi ve tawh suh ang che. Chuan tum pawh a ngai tawh hleinem, zanin la la hian ka ta ani leh dawn. Nang hi chu kumkhua leh chatuanin a hmu tawh dawn lo che. A nupui niin a kiangah chuan keimah chiah ani awm dawn ni. Nang hi chuan van ațangin mittui tla pûrin min lo thlir thung ang" a rawn ti a.




Ka pum lam chu zût thla zelin ka hliam neihna lai chu a hmet deuh salh a, ana lutuk chu ka mittui a hnâm nghal sawk thei. Vawikhat dang a rawn hmet leh a, a nat em avang chuan ka hmui hnuai ka pet fan fan a. Ka mittui a rawn luang nghal nguai nguai bawk.




"Heihi chu hremhmun te nau anih hi, ana ani tiraw. Lungngai suh. Natna awm tawh lohna hmunah i kal vat dawn alawm. Hemi tuar chhung hi chu a rei lo lutuk. Tuar fan fan zawk rawh" a rawn ti leh kher a. Kei erawh ka țawng thei tawh lo.




A rawn hmet leh a. Ana lutuk chu ka au chhuak vak. Ka mittui a rawn luang thla zung zung bawk. Evelyn'i chu thei leh thei lo hian ka melh a. Mahse ani erawh chuan min nuih ringawt thung.




"Fahrah ini a, nu leh pa pawh inei lova. Ramhluna hausakna hi hman țangkai te i tum mai mai a. Mahse i thei leh si lo. Lunngai suh, fahrah nih a khawvela hreawm deuha awm ai chuan vanah i awm anga, fahrah ini tih pawh tuman an hre tawh lo ang. Chuan hausak i duh em kha, khang zawng zawng kha leia i zawn aia let hi i hmu vat dawn" a rawn ti a. Vawikhat na zet hian a rawn hmet leh a. Ka au chhuak nghal vak!.




"Oh! A thi anih hi, avan pawi ve. Mahse natna hrik te hi ilo vei ange" tih pah chuan a ding a. A kuta thisen kai chu a kawrah a hru a. Ka pum chu thei leh thei lo hian ka en thla a, thisen alo luang chhuak nghal nguai nguai bawk.




"Avan nat hmel tak em! Mahse lungngai suh ka tih kha, a rei tawh lovang. Na i hre thei tawh lo vat dawn alawm" a rawn ti a. A sawi zawh rual rual chuan kawngka chu a rawn inhawng a. Feli chu eitur khai bawr tûn chungin a rawn lut a.




"Zual, ilo harh tawh em? Hei, ei tur ka zu leisak țeuh che a. Ramhluna pawh alo let țep ang, rin ai i duh ang chi alo tam a" a rawn ti lut zung zung a. Feli chu mittui nen ka thlir ringawt. Ka țawng thei lo, ka pum hi ana lutuk takzet.




"Zual" tih paha a rawn hawi chhuak leh chu ka bula lo awm ve te avang chuan phâwk zet hian a meng a, kei min rawn en leh a. Mahse mittui nen ka lo melh let thung ka pum chu a rawn hmu a.




"Lalngaihzual, engthil nge i tih? " a rawn ti nghal țhat a. Mahse Evelyn-i chuan nui chhuak hak hak in kut a ben khum a "Vawiin chu ka nihlawh ka ti dawn nge niang, hmu tu an lo awm bawk sia. Ka unaunu ni lo Oh! Ka cousin ni bawk, chuan Zualtei țhiannu hian a hmu bawk sia ka tih ang che khan ka ti ve mai dawn em ni? " min rawn en pah chuan a ti nghal sap.




Ka lu ka lo thing khum ngut ngut a. Min nuih sak "ilu kha thing mah la, awmzia a awm chuang lo ang" a rawn ti leh kher a, ka mittui a luang thla zung zung a, ka pum na lutuk avang chuan ka hmui ka pet fan fan ringawt.




"Lalngaihzual, he thil itih hian hlawkna a nei lo" Feli chuan a rawn ti fak. "Zual, ana em?" a rawn tih chhunzawm zat a. Ka chhang thei lo. Ana lutuk hi sawi ngaihna pawh ka hrelo.




"Hlawkna nei dawn lo ila ka ti nang. Ka hlawkna tur chu sawi ngai lovin i hriat ka va ring" a ti leh kher a. Keimah chu min rawn en a chimawm zet hian a nui leh suk bawk.




Ka lam ah chuan a rawn pen hnai leh a. "Engthil mah ti tawh suh, Lalngaihzual, Zualtei kha i khawih leh anih chuan kei hi min hmachhawn a ngai tawh ang" Feli thusawi chu hrelo ang hmaka langin ka bianga mittui luang chu a rawn hru leh vela.




"Ka van khawngaih tak che em! Mahse maw.. i mittui te hi ti tla duh tawh suh, i kal vat dawn alawm" a rawn ti a. Ka beng bulah chuan a rawn kun hniam a "I țhiannu saw a inti rapthlak ve em em a tiraw. Mahse engmah lo mai anih saw. Ka pa in a châwm mai mai anih saw, chupawh keimah vang bawk mawle" a rawn ti a, ka beng chu a rawn seh zeuh a tenawm lutuk!.




"Ka cousin. Lal intifel, khatiang khan țawng ve duh lo mai rawh. Nangpawh rei khatiang khan i țawng tawh dawn lo, e... i duh leh lo țawng char char rawh. Țawngna hun k nei tlem tawh ania, nge ni a țawng lova Zualtei na tuar lai hi i en duh zawk? " Feli en paha tih leh kher pah chuan ka pum chu na zet hian a rawn hmet a.




Ana lutuk chu ring zet hian ka au chhuak vak a. Ka mittui a rawn luang zung zung mai. Tunah hian dam reng chunga thi ang tih ang mai kha ka ni. Vawi leh khatah Evelyn-i chu in her lawp in a biang chu a ri nghal sawk!.




Mittui luang ngiai ngiai chunga ka en chho chu Feli chuan alo din chilh rûn bawk a. Min dawm bet tu palian pui pui pahnih te chu guard ho in an rawn buaipui nghal vat bawk a. Nichina thawm te kha an hre miah lo amaw ni le, ngatinge min pui tura an rawn kal miah loh.




Room chhung chu a ri nuaih nuaih a, kei erawh ka pum na lutuk avangin khumah chuan ka let tawp a. Ka pum ațanga thi rawn chhuak chu thei leh thei lovin ka zu dawm bawk a. Ka thinphu a rang a, ka thâwk a dik lo leh țan tawh bawk. Ka taksa hi an zawi vek tawh.




"Khawih tawh suh ka tih che kha i hrelo ami a? Mahse lo en rawh, engah mah min ngai lo a tiraw i hre khawp ang" Feli chuan tih hrâwih pah chuan Evelyn-i chu a hnek nghal pawp a. A pai chhat chhat a. Side table chu a rawn bawh rawk rawk bawk.




Evelyn-i sam ah chuan kek in a pawt tho a. A kut chu a hnung khirh sak nghal bawk. "Tiang khawp khan min lo hmusita min lo ngai nep anih chuan cousin tih pawh khan min ko tawh suh ang che" a ti leh hrâwih a. Evelyn-i chu hnunglamah a theh lawp bawk.



Va pan phei a tum rual chuan Evelyn-ichu hlauh avang nge mahni in chhanhim a tumna avang zawk in a ding thut a. Rang zetin pawn lamah chuan a tlanchhuak nghal bawk.





Feli'n umzui a tum chu na tih avanga ka lo țě chu a hre ve leh a. Keimah zawk min rawm buaipui ta zawk a. Ka lu chu dawm kangin aman ka pum chu a rawn hup a.




"Zual, ka tihpalh lutuk, dawr ah khan kalsan lo tur che ka nia sin, tunah chuan Ramhluna pawn min haw tawh ngawt ang. Ka thiamlo takzet" a rawn ti zung zung a, amah a indem tih a aw ri ațang chuan ka hre vek thei.




Mahse engmah sawi lovin a kut chu ka hmer ngawt ngawt a "Zual, i zawi vek ania, i taksa pawh hi a vawt deuh sung mai. Zual, lo nghak rawh aw, tuar fan fan rawh. Doctor kan koh tir ange" a ti zung zung a, kei erawh chu ka mit ka chhing tial tial a. Ka khawhmuh te chu an phe ruai mai.




Aw ri ka hriat hnuhnun ber erawh chuan natna leh hreawm na karah pawh chakna min pe a, min ti thlamuang bawk. Ramhluna'n 'Bawihi' a tih chu ka ri hriatna hnuhnun ber ani.



🍀

Khawl ri țêt țêt chu chiang lo ruai in ka hria a, ka kut chu nghet zeta hûm tu an awm tih ka hre bawk. Mahse men a harsa lutuk ringawt, men ka tum a mahse ka meng theilo ka mit hi a thîp lutuk.




Ka kut nghet zeta hûm tu kut chu zawi zet hian ka hûm let ve a "Bawihi, i harh" rawn titu aw chu ka hriat țhan tak kha ani "i harh tiraw, i harh" hlim tih hriat zeta a țawng chu ka hre ruaI ruai a mahse ka la meng thei miah lo.




"Ka... i harh, Bawihi ka aw i hria tiraw? Doctor kan ko ang" a aw rik dan ațang chuan a hamhaih ve hle tih a hriat theih. Taksa lum zet ka hriat rual chuan ka chhipah rawn fawp vang vang in "doctor kan ko lawk ang e" a ti sup a. A chhuak zui nghal ani ngei ang ka vawt nghal sung sung mai.




Ka pum chu ka zu dap a, na engmah a awm tawh hauh lo. Ka nui chhuak hak a, mahse tinge ka mit hi ka men theih loh le, ka mit a del ta em ni. Ni lo ka mit hi a delna chhan tur a awm hauh lo.




"A Damdawi khan a hneh lutuk ani ngei ang, hei hian kan jection leh anga a rawn meng thei tawh mai ang" ti ri chu ka hre vuai vuai a, ka kut chu a rawn thîp zawk a. Ka muhil lehnghal riai riai ni maiin ka hria.





Thawm ri nak nak ah chuan chiang lo ruai in ka meng chhuak a mahse a ên em avang chuan ka chhing lehnghal vat a. Ka mit chu ka nuai deuh nak nak a, chumi hnua ka men chian leh chuan Ramhluna hmel hahdam zet leh, ka pa, Feli, Rsa, Davida leh midang pawh chiang zetin ka hmu a.




"Bawihi" Ramhluna chuan a rawn ti sup a, "in va tam ve" ka ti let nghal sap. Ramhluna chu a nui chhuak hawk a. An tam tak tak, ka la hmuh vak ngai loh te anni hlawm a mahse anni erawh chuan min nuih sâng a pakhat phei chuan "unaunu, enge i an? " a la rawn ti zui. Mit khap fak fak in Ramhluna chu ka en ringawt.




"Bawihi, henghi i unau te annia, an rawn kan che anih hi" a ti sup a, ka chalah chuan midang awm lai reng in a rawn fawp vang vang a ka țang nghal țeuh mai. "Unau" ka ti ve sep a. He thu hi.. He thu hi ka kâ atang hian a chhuah ve ka ring ngai hauh lo mahse tunah chuan a chhuak a, a tak ngei ani bawk.




"Um, i unaute, patea fate chu i unau te anni mai alawm" a rawn ti sup a. Na zet hian ka thaw chhuak a chumi te chu ka en ringawt. Hemi te hi ka unau te annih chu! Ka.. Ka rin phak hauh lo tur unau ka nei anih chu! Mi unau hlim taka an awm ka hmuh a ka awh lai te, an hlim thin dan tur ka suangtuah thin lai te kha ka mitthla nghal uar uar a, ka mittui a rawn hnâm nghal sawk thei.




"Bawihpui, harh veleh chuan țap nghal lo la kan hrilhhai lutuk anga sin" ka pa chuan a rawn ti a mahse chhang lovin Ramhluna kut chu ka hmer chawt ringawt. Ka awh țhin em em inpawh hmel taka inkai riala chhuak ho țhinte neih unau kha ka nei ve tawh anih chu! . Pa ka awt em em a ka rin loh em em in ka nei leh a unau ka awh leh țhin em em kha ka nei leh bawk a. Ka lawmna hi ka sawifiah thiam lo zawk.




"Duati" Ramhluna chuan a rawn ti ril ruih.




"Lalzual, tap tawh suh min ti țap ve dawn" Feli chuan a rawn ti țiau a, unau ka awh theih țhin zia kha a hretu chu Feli chauh ani, Feli hnenah hian ka hmuh apiangin ka sawi țhina ani pawn min țawng thlamuan ve fo țhin.




"Zualte, i harh ve chauh a hahdam phawt rawh" Rsa leh Davida chuan an rawn ti a. Mahse tumah ka chhang lo. Unau tak ni dawn lo mah ila anmahnj chu ka en tlawk tlawk a mahse anni erawh chuan hrilhhai hmel zetin min en thung, kei ai an upat hmel zawk daih a. Mahse mipa vek anni thung.




"Bawiha, in pathum khan in hming te hrilh ula unaunu neih in chak țhin em kha, hei in nei ta alawm" ka pa chuan a rawn ti a. Ramhluna chuan a âwmah min kuah bet nghala. Ka muhil ka harh chauh a, mahse hetiang thil hi a thleng leh ta si a. Ka hriat chak ber erawh Ramhluna ka zawt tho ang.




"Kei hi a upa ber Augustine Lalnunmawia.
Chuan kei chu a lai Sebastian.
Chuan kei a naupang ber Victor (a kut a rawn vai zeuh a) " tiin an pathum chuan an hming min hrilh vek a, a naupang ber pawh kei ai kum khat chauh in a upa ka hming ka hrilh ve dawna mahse an pathum chuan 'Malsawmzuali' a rawn ti rual țhap a. Mak ti zetin ka en reng ringawt.




"Engtin nge in hriat, ka la sawi miah si lova" ka ti a. A te ber chuan " u Ramhluna'n tikhan ti rawh u a ti anih kha" a rawn ti a. Ramhluna chu ka en a, alo kiai suk ringawt.



🍀

Doctor ten damdawi min rawn pek leh avangin tlem chuan ka awm a nuam deuh a, Rsa leh Davida pawh an awm rei fû a, mahse ka pa leh Feli te nen an chhuak rual leh vek tho.




"Ni 2 zet k mit hian min chhin san tawh tih I hria em?" Tih pahin min rawn țhut hnaih sauh sauh a, a taksa hahdam zet ah chuan min kuah bet nghal hlu hlu a ka chhipah chuan a rawn fawp vang vang bawk.




"Ngatinge chuti chen chen" ka lo ti a.




"Duati" a rawn ti nghut. A landan ah chuan zawh a duh loh hmel takzet "Ngatinge chuti chen chen ka mut a, tinge ka harh vat loh? " ka ti nghal hlak a thaw chhuak ham ham in ka kawngah chuan a rawn vuana a malchungah chuan amah hmachhawn zawngin min țhuttira, ka biang chu a kut phah hlai zet chuan a rawn khuap nghal bawk.




"Duati, hriat kher i duh ami? " a rawn ti sup a, ka hnarah chuan fawp zeuhin ka hmuiah chuan a rawn fawp leh vang vang a. "Ka hre duh chutiang em em a rei an mu ngai lo hrim hrim. Chuan Evelyn'i chungchang pawh kha ka hre duh" ka ti a, a rawn thaw chhuak hawk a.




"Hrelo la ka duh asin" a ti sup a, ka biang chu a rawn tuai heuh heuh "ka hre duh, Ramhlun min hrilh rawh ka hre duh ania. Anih loh chuan keimah ngeiin ka zawng chhuak ang" ka ti fak a. Thâwk zin hmel fe a thaw chhuak hawk in ka kawngah chuan a rawn vuan a, min kuah bet nghalin ka chhipah chuan a rawn fawp vang vang bawk.




"Nikhaw hrelo a i awm lai khan damdawia chiu che alo tum a, mahse ka hmu hmana, ruahmanna fel tak a nei ani ngei ang, min hmuh rual rual in a tlanchhuak zui nghala ka umzui nghala mahse ka hmu hman tawh lo. Tun thleng hian la zawn ani a mahse a chanchin engmah hriat kan nei lo. Bawihi, a rawn umzui leh hma che a ka hmuh ngei a ngai ani. Hremna ka pe ngei ang" a ti zui hrâwih bawk?

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:12 pm

2!3! #EP-33

By : Msi_Miluhlulnui 👩🏻
(Hmeichhe naupang tereuhte)





"In la hmu lo maw!? " ka ti hâ a, keimahah hlauhna a rawn awm a ka in thunun thei lo, ka khur leh der der tawh mai. "Duati" Ramhluna chuan a rawn ti sup a amah zawk Chuan min kuah bet.




"Engtin mah i awm dawn lo, i awm ka phal ngai bawk hek lovang" a ti hrâwih a, min kuaha ka chhipah chuan a fawp zui nghal vang vang bawk. Tun thlengin an la hmu lova a awmna tak ngial pawh an la hrelo anih chuan engtik lai pawhin keimah hi min rawn tibuai reng thei tihna anih chu.





"Kha thil a tihchhan chu nangman min hmangaih vang anih thu a sawi a, chuan thil dang dang nen" ka ti sap a, min kuahna ațang chuan ka tal hrang a a hmel pa zet leh hahdam zet chu ka en nghal bawk a. Tuna ka thu hrilh tur hi a hre ve angem le, a hre ve lo anih chuan hre ta se engtin nge a awm ang.




"Duati, eng thu dang nge a sawi? " a rawn ti sup a, țawng lovin amah chu ka melh reng a ka thusawi tur hi a la hrelo anih chuan hre ta se engtin nge a tih ang. "Assistant hmeichhia i nei tawh em? " ka ti ta daih a, he thu hi chu keimah ngeiin ka chian hunah chauh ka sawi chhuak ang.




"Chu chu ngatinge tunah min zawh thuta" a rawn ti a, ka nui lui sâng a mahse nuih luih chu har ve tak ani. "Ka hre chak thut mai mai, en la i bul velah hian mipa hlir an awm țhin sia" ka ti a ka thusawi lai reng chuan chiang zet hian min lo en a min ti zâm vek.





"Duati, i sawi tumah lut rawh" a rawn ti nghut a. Hepa min hrechiang lutuk hi chu ka va han ning tak.




"Ka lut reng alawm" ka la ti hrâm a, keimah lah hi ka inthup thiam țha mang bawk si lo avan hahthlak tak, ka awmdan a danglam hlek anih chuan min hre nghal zel bawk si, tum lo deuhin ka sawi chhuak ang tih mawlh ka hlau ani.




"Dawt sawi i thiamlo ka tih tawh kha" a rawn ti a, ka kawngah vuan lovin ka mal ah a rawn vuan a ka îp nghal châwih a, a nui suk mai "Ka sawi lo tak tak, hmeichhia i chhawr tawh leh chhawr tawh lo ka hre chak mai mai alawm a chhan chu mipa hlir i bulah an awm țhin sia" ka ti vak a, ka mala a kut a tih chêt chu ka zu vuan bet a, mahse nui zui suk in ka kut chu vawn hnan in a ti chhunzawm lehnghal tho.




"Chu chuan awmzia a nei em Duati? " a rawn ti a, ka sam chu la khawm in hnunglamah a dah nghal daih a, engthil nge maw a tih le "enge i sawi awmzia? " ka ti lêt hâ a, ka mal za lutuk avang chuan ka awm hle hle thei lo.





Ka hmai bulah chuan a hmai rawn dah in "ka hmeichhe chhawr tawh leh tawh loh thu i hriat duh chuan awmzia a nei em?" A rawn ti a, a sawi zawh rual rual chuan ka nghawngah chuan a rawn fawp nghal thuak a, ka îp nghal châwih bawk.




"A nei lo ka hre chak mai mai ka tih tawh kha" ka ti vak a, ka mal leh ka nghawng za lutuk avang chuan ka che sek a mahse amah zawkin min vuan bet tlat zawk zel. "Ok, mahse i duh hunah i thil vei em em kha chu min hrilh ngei a ngai ang" ti sup in ka nghawngah chuan a rawn fawp a, a za lutuk chu ka tal nghal vak bawk.




"Engmah vei ka nei lo" ka ti khur ve dar dar a, hepa hi thil ka sawi chhuah a duh avangin hetiang hian min ti ani chiang mai, zâ ka hua tih a hria a, tianga ka awm tawh hi chuan ka insûm thei tawh ngai si lova chuvang chuan heti zawng hian hma a la ani hrim hrim ang.




"Oh! Duati dawt sawi i thiam lo tih hi vawi engzah nge ka hrilh dawn che le" a rawn ti a, chumi rual chuan ka nghawngah fawp in ka biangah chuan a rawn fawp chho zela zâ ka ti lutuk chu ka lo che ve sek bawk.





Ka hnarah fawp zeuhin ka hmui bulah chuan a rawn thaw ham ham a, "dawt ka sawi lo ka tih tawh kha" ka ti vak a, ka țawng lai reng chuan ka hmuiah a hmui a nghat deuh ti tih a ka țawng avanga a hmui che ve zel avang chuan a rûm hrâwih a, na zet hian min rawn fawp bawk.




"Na...." ka ti vaka, a nui suk ringawt. " dawt i sawi leh sawi loh chu nakinah a hriat mai ang tunah chuan hriat tum lo mai ang" ti sup in zawi muang hian min fawp riai riai a, min fawhna chu a dam diai a mahse a rawn duhthawh tulh tulh thung a kei pawn eng dang ngaihtuah tawh lovin ka chhang let ve nghal zat.




Evelyn'i thil min hrilh ah khan hriat duh tam tak ka la nei a thil thleng tam zawk pawh hriat duh ka la nei bawk. Heng zawng zawng ka zawhna chhanna hi tunge dik taka min pe thei ta ang, Evelyn'i chuan Ramhluna zar buai tute chu chutiang chuan a ti vek țhin ami tihte hi hriat ka mamawh takzet ani.




Nikhaw hrelo a ka awmchhunga thil thleng tam zawk chu Feli hnen ațangin ka hre veka, thil thar danglam tak thleng chu awm lo mahse hriat ka mamawh ve hrim hrim bawk. Ka thil tihtur hi Feli hrilh ve ta ila a pawi em lovang chu, keimah chauh ka nih chuan puih ka ngaih hunah a buaithlak dawn emai ka ti rilru mawlh mawlh bawk..




Ramhluna bathroom ah intifai turin a lut a, chumi chhung leka min awmpui tur chuan Feli a ko leh hrâm a, a inbual dawna a thu min hrilh khan min ti nui ver ver thei.




"Fel" ka tih rual chuan a rawn hawi chhuak nghal vat a. Ka thaw chhuak hak, bathroom lam chu ka en phei leh dêk dêk a, a luhna ala rei lo bawk a ka sawi zo hman em ang chu.




"Enge? Mamawh i nei ami? " a rawn ti a, ka lu ka thing nar nar a. "Ka thu hrilh tur che hi tumah hrilh suh aw, kan pahnih chauhin hria ang chuan i puihna ka mamawh bawk ania" ka ti sap a, a apple chan lai reng chuan a kut chu ka zu vuana a chemte ken chuan ka la in ât hram a, a thîp nghal zawk mai.




"Enge min hrilh tur chu " a rawn ti a.




"Tumah o hrilh lo ang tih min tiam la chuan min pui bawk ang tih min tiam rawh" ka ti leh hram.




"Ka hrilh ang che, puih i ngaih chuan engtik lai pawhin ka pui em em ang che, i tan chuan engpawh ka ti ang. Chuan tumah ka hrilh lo ang" ka kut rawn hûm lêt ve pah chuan a rawn ti a.




"Ka lawm e" ka ti sap a, min nuih nghal sâng a sawi tawh rawh a rawn ti nghal vat bawk.




"Englo ania, Evelyn-i awmna keimah pawn ka zawng ka duh a, a awmna hi hriat ngei ngei ka duh a tah chuan min pui thei ang em?" Ka ti a, ka sawi zawh rual rual chuan bathroom lam chu ka en leh a mahse a rik ngaiin ala ri reng.




"Ngatinge chu chu ani awmna chu i hriat duh a? " a rawn ti a. Kawngka lam en leh zeuh pah chuan "thil hriatchian ngei ngei a ngai a, nakinah kimchang tawkin kan chhuah hunah ka hrilh ang che. Ama hnen ațang ngei khan hriat ka duh ani, a thu min hrilh zawng zawng kha" ka ti sap a, țawng rin kan hlau bawk si kan phun ser ser ri hi a hria ang tih kan hlau bawk si.




"Engthu nge a hrilh che a? " a rawn ti leh a.




"Kha chu nakinah ka hrilh ang che, tunah chuan ni lo. E, chuan Ramhluna hian maw hmeichhia assistant ah a nei tawh em, i hria em? " ka ti leh a, bathroom lam chu ka thlêk sek bawk.




"Hmeichhe assistant maw?!.... Ngatan nge maw itih le? " a ngaihtuah amaw ka tih lai chuan a rawn ti leh hluai a ka phu chiam lehnghal.




"Min hrilh dawn maw tia" ka ti a.




"Dawn e, mahse chungte ngatan nge itih a? " a rawn ti ve ser ser a.




"Nakinah ka hrilh vek ang che ka tih kha tunah chuan a theih loh Ramhluna'n kan țawng hi alo hre ve palh ang kan chhuah hunah ka hrilh ang che, chuan hmeichhe assistant chu a nei tak tak em? " țawng rin kan hlau dun bawk si chu hnai sêt sâwt a in en chungin kan phun ser ser a engmah hre lovin min rawn hmu thut ta se kan awmdan avang hian mawl tih kan hlawh ngei ang.




"Nei e" a ti ta a, ka thaw huai thei. Bathroom kawngkhar ri rek ah chuan ka țhu țha nghal vat a. Ramhluna rawn chhuak chuan mit zîm sun hian min rawn en a Feli chu ka mit sir zeuh a mahse nichina a awmdan ang chiah khan Apple alo vel leh mial mial tawh.




"Iva inbual rei ve a hmeichhia ang mai" ka lo ti hlak a "Duati" tih pah chuan a nui chhuak hawk a, khum lam pan chuan a rawn pên bawk a, a body saw chiang zeta ka vawikhat hmuhna.




"Ka hmuhnawm viau ami? " a rawn ti sup a, amah ka en chhoh rual chuan alo kiai nghal suk a. "Kal mai teh" ka ti hlak a, a nui chhuak leh hawk hawk bawk.




"Ka inbual ve duh tawh e" tih pah chuan ka kawr hak nghawng vel chu ka khawih a, ka rimchhe tawh viau ang ni engzat nge ka inbual tawh loh ang.




"A teuh lo, Bawihi ala ngai lo i inbual hunah chuan keiman ka buaipui mai ang che, tunah inbual a ngai hauh lo" a rawn ti nghut a, a hawi sawn dawna min rawn thlêk leh vut a, khumah chuan a rawn țhu hniam thla nghal bawk a. Ka kut chu a rawn la kang a.




"Heihi engtia thi nge? " a rawn ti nghut a, kei pawn ka kut chu ka en ve nghal vat bawk. Nichina Feli kut ka vawnna lama chemte a ka in ahna kha alo thi ser ser a, chu chu alo hmu ani ngei ang, engtin nge maw alo hmuh leh hman zawk le.




"Nichinah Apple zai ve phêt ka tum a, Feli'n a phal lova ka chuh lui tlata ka lo in ât palh aniang" ka ti vat a, Feli chuan ka thusawi lai chuan min lo en reng a alo khi ver ver bawk. Henu tak hi chu aw..




"Vawikhat mah engmah tih lo tum tawh suh i in tina mai mai, Fel nangpawn tih a tum chuan lo hau hmak rawh" a ti nghut a, table a first-aid box chu a la a,eng emaw hi a rawn hnawih a chuan ban-aid in a tuam lehnghal bawk.




"Engmah tih lo tum ve tawh suh aw" a rawn ti sup a, a thawh dawn chuan ka chalah a fawp zeuh a a tho zui nghal daih bawk.




"Eissss, an duat bik mai sia" Feli chuan a rawn ti a. A banah chuan ka ben sak nghal pawp ringawt.



🍀
Damdawiin ațang kan chhuak tawh a ka inah awm ka tuma mahse Ramhlun'n a phal tlat lo, ama inah min hruai țalh a vengtu tam tawk leh nurse pakhat leh awmpui an awm bawk a. Chung ho chuan chhun a zanin min veng a, hna ka thawh ala phal lo zui. 'Madam' tiin min la ko vek zui a, zahthlak zawk rem rem tak ani.




"Rawn luh dawn pawn tunge kan nih sawi chian a ngai tawh hle mai, ka bag ka siam nalh sa pawh an tichhe leh vek" Feli rawn lut chuan a rawn ti nghal hlak a, tih ngaihna ka hriatpui loh em avang chuan ka lo nuih sâng ringawt.




Ani pawh hi Ramhlun'n hna a chawlh tira keimah min awm tir ani ringawt, ka khawhar a hlau bawk si ka chhuah a phal bawk si lo. Chuvang chuan Feli a chawlh tir ta ringawt a. Hnial in awmzia a nei lo, mahse Feli pawh hlawh a lêt in a pe tho.




"Zual, in pa hi venhimna a ti khauh leh lutuk, niminah ka lo kal tawh a tunge ka nih pawh an hre veka mahse min ringhlel a min la check tho anih chu" tih pah chuan sofa ah chuan a țhu thla dawt a. Nuih sun sun pah chuan a bulah ka zu țhu thla nghala.




"Amah hrilh mai rawh" ka ti sap a, he thilah hian ka thu lo lutuk hi ka sawi peih lo zawk. Engpawh sawi ila hetiang lam anih chuan ka tana tha tur tiin min sawi khalh daih zel.




"Ka hrilh ang alo haw hunah ka hrilh dawn. Ti te chuan ID pawh awrh a ngai hial tawh ang chu" a ti hlak a, ka tih ngaihna hrelo chuan ka nuih vur vur ringawt.




A Ina awm ka duh loh thu hi vawitam ka hrilh tawh a, mahse min chhang țha duh ngai miah lo. Rsa hnen ațanga ka hriat dan chuan keimaha ka awm a phal lo a Evelyn-i an la hmu bawk si lova min ngaihtuah luatah hetiang thil hi a ti tih a sawi a, eng emaw dang dang a sawi bawk a. Ka hrethiam nei nuai lo. Kei pawn ka la chhuah theih loh avangin engmah ka la ti thei lova ka chhuah theih veleh chuan tih ngei ngei ka ngai tawh. Engkim hi a hmalama hriat vek ka duh.




"Fel, inu te chu i call tir chhin em? " ka ti sap a. A phone hmeh mual mual pah chuan "an zina vawiinah an lo haw thleng dawna ka tihtir ang" a rawn ti a. Ka bu nghat bawk.





A phone a hmeh mawlh mawlh avang chuan "tunge a? " tih pah hian ka zu en a, screen ah chuan 'hmelțha' tih ringawt alo inziak a Feli chuan 'ka țhiannu bulah ka awm a' tih te mai chauh alo thawn a.




"Heihi, ka bialpa thar tur anih hi naktukah kan inhmu dawna" a rawn ti a, an inbiak dan vel chu min en tir nghal thuak thuak bawk a. A mipa țawngkam hman hi ka hriat hnu a ang takzet.




"Khawi ami nge? " ka ti sap a. A mipa țawngkam hman țhin dan hi ka hre tawh chiang alawm.




"Ka hrelo a, IG-ah min lo follow a chuan ka follow let ve a min lo bia a, kan inbe chho zela chutiang vel nuaih chu" a rawn ti a. Message tone a rawn ri nghala khi vur vur chungin a phone chu a hmet êng nghal zat bawk.




"Engtik ah khan nge alo biak che a" ka ti leh a.




"Ala rei lo, kha ih... englo ilo harh ni tûkah khan" a rawn ti a, ka lo bu ve nghat a.




"Phone chhass ani maw? " ka tih chuan a khi ver ver ringawt, ka thusawi pawh ngaihsak tawh lem lo chuan phone chu a hmeh chhunzawm mawlh mawlh bawk.




"Vawiinah chuan a țhianpa inah an kal dawna kan inhmu hman lova damlo tlawh tur an neih thu a sawi a. Zual enteh, a fel hmel tawp" a rawn ti a. Rsa'n min rawn call avangin a thusawi pawh chu ka ngaihven lo. An lo kal tur thu a sawi a, kei pawn ka lo welcome tur thu ka lo hrilh a, eng emaw a sawi leh te te a phone chu a dah ve mai bawk.




"Fel, in inbiakna pawh ala rei si lova ring nghal ringawt lo la" ka ti a. Ngaihzawng lamah hian henu hi chu a easy lutuka a buaithlak. Ka ngaihtuah bawk si, ani lah in a hmuh hmasak sak, amah be țha tu emaw bem tu apiang anih pui hmiah hmiah mai sia, a hahthlak ani.




"Mahse maw tuna hi mi hi chu a fel hmel tak tak alawm. Hlauthawng suh ka fimkhur ve tawh alawm" tih pah chuan a nui leh vur vur a.




"Fimkhur alawm tih pah khan i leh nui vur vur a ka ring hlawl lo che" ka ti hmak a din hluai pah hian.




"Ka tui a hal lutuk chuan chumi zawhah chuan a thlalak ka en tir ang che" a ti a, choka lam pan chuan a kal nghal daih bawk.




Ka phone ri in a chhunzawm zat a. Ka la chiah chu Rsa chuan 'kan lo lut theilo min lo pui teh' a rawn ti a, nui chhuak vak in pawnah chuan ka chhuak a. Security ho in an alo check vel mek a ner nawng hian min rawn melh a ka lo nuih vur vur ringawt.




Gate an rawn luh dawn chuan pakhat chu eng emaw hrilh pah hian hnek tum in a tin uaih a, mahse a dahthla lehnghal daih a. Ramhluna hi engemaw a hriat tak le, a țhiante tak ngial pawh a ringhlel ta emaw ni.




"In pa hi chu aw, ka la hnek ang mawle keini lehzel pawh min dap tir ania" David-a chuan a rawn ti lut nghala. Ka tih ngaihna hrelo chuan ka lo nuih vur vur ringawt "Feli pawh an check tho a" ka ti a. A dar min san khum ringawt.




"Security pakhat saw, ka point lai te zu dap a mawle ava han â tak" Rsa chuan a rawn ti phei lung lung a David-a nen chuan kan in en a kan nui ringawt. Rsa lah chuan a kap chu a rawn khawih chhen a, a awm thiamlo reuh amaw ni.




"Ngatinge pawnah te ilo awm a, in pa in a phal dawn loh teh lul nen" a rawn ti nghala ka kawr chu hlim in ka dul an thuina chu a en nghal zat bawk a. Hetia a tih hmasak ber țuma Ramhluna lungawi loh zia kha ka la hre reng.




En an tuma keiman ka phal si lova, Rsa lah hian a thi anih ringin en phêt a tum sia, zau lutuk lo a rawn keu a, a rawn en a Ramhluna lungawi lo lutuk kha, khatah kha chuan tu pawn hmuhnawm kan ti, Rsa kha a melh rum em em mai bawk a. A lawmawm zawk.




"In pa awm loh lai kan chuh lawk anih kha" tih pah in mit min siai zeuh a, ka nui chhuak nghal hak.




"Zual, enge chhunah kan ei ang" Feli chuan Apple rawn keih phei pah hian a rawn ti lung lung a. Ka bula lo ding te pahnih a hmuh chuan a tawp chat a. Rsa chu a en a, min rawn en leh a, Davida chu a en a Anni pahnih chuan "nangmaw" an inti ruala, an in en vang vang ringawt.




"Nangmah hi maw" tih pah chuan Davida chuan Feli chu a pan hnaia Rsa nen chuan ka huau in kan lo en ringawt "Nangpawh" Feli chuan a rawn ti a. Chiang fek fawk chuan an in en dun a. Eng mah sawi set set lovin Davida chuan Feli chu inchhungah a kai lut hmiah ringawt.




"Enge an hriat a" Rsa nen chuan kan ti rual a, inchhungah chuan kan lut ve nghal vat bawk.




Anni pahnih hi cichina inbia te kha an lo ni reng sia mipa țawngkam hman kha ka hriat hnu ani khan ka hre reng ani. Engtin nge maw an inhriat loh theih zawk le, an inhmu ngun viau khan ka hre sia nge ni a, an in hrelo der zawk ni. Hahthlak dun lutuk, țhut pawh țhu dun ngam lovin inhlat vak lovah hian an țhu a, an in mit sir tho sia.




Rsa phei chuan 'in inbe tawh tho a, ni nghal daih rawh u a pawi reng reng lo ania, keimah chiah singe ila ni mai lawm. Mahse Christmas velah chuan third wheel nih a hreawm bik dawn mang nge' a ti a, kan vai nuih huk ringawt.



🍀
Tlaia Ramhluna a rawn haw rual chuan ka pa leh ka unau te leh ka nu(Julia) a rawn hruai haw tel a, pawn ka rah a phal si lova chu vang chuan bathlar ațangin ka lo en reng a. An che vel reng reng chu a hmuhnawm tham takzet ani.




Tisawn ka nu(Julia)'isaw keima nu tak tak ah han chang ta se chuan ka unaute nen Ramhluna te nen ka tana thil rawn lei ni ta se, a nuam lehzual ang. Ka nu khan nui sâng in ka pa min koh țhin dan angin 'bawihpui, hei i duhzawng ang kha kan lo lei țeuh asin' tiin a thil khai min pe anga, chuan nui vur vur chungin ka lo ban anga chutiang chiah chuan midang pawn an ti ngei anga.




Ka nu nui hmel hmuh ka chak țhin em em kha ka hmu ni mai tur ania tunah hian la dam in ka kiangah la awm sela chuan a hlim nui ri te ka beng hian a ngaithla ve ngei awm si a. Chu thil chu ka hmu chak takzet ani.




Ka thil ngaihtuah avang chuan ka mittui a rawn tla a, engtikah nge ka nu ka ngaihna avanga ka țah hi a reh ang le. Ka mittui chu an hmuh hlau in ka hru nghal vat a mahse Ramhlun'n a rawn hmu leh hman tho.




"Duati, I tha em? " a rawn ti nghal vat a. Ka țha tih a hriat nan ka lo nuih ver ver a, ngaih țhat loh hmel tak chuan min thlêk ngawih ngawih a. Min enchiang leh tawh ani hrim hrim ang, nge min chhui chhuah a tum leh tawh zawk amaw ni.




"Bawihpui, enge ilo an tawh a? " ka pa chuan a rawn ti a. "Ka țha tawh lutuk pa" ka ti nghal sap a, a thil khai a nghat fel chiah chu ka va kuah nghal vat a. Pa te thlazar hnuaia awm leh mahni thlazar hnuaia awm chu in danglam hleih tak hi ani ringawt.




"Ava lawmawm ve, hei chaw kan lo ei dawna chawhmeh kan rawn lei țeuh asin" a ti a, ka nuih ver ver ringawt a. Amah zawk chuan ka lu ah chuan a rawn fawp vang vang bawk.




Ka nu chu ka kuah ve leh a, ka nu tak tak ang chiah ani a, a fel a, keipawh duat theih tak meuhin min duat a. Ka pa in hmeichhia a awt thei lutuk tih a sawi a chuan kei pawh hi a fanu ang tak taka min pawm thu a sawi bawk a ti a. Ka lawm ani. A fanu anga min pawm nghal maithei hi. Nu tam tak tluk loh anih hi. Ka nu nen hian nu ropui ber anni ve ve.




"Nu, ka lawm e" ka ti sap a, nui sak chungin ani pawn min kuah a, ka lu ah chuan a fawp nghal vang vang bawk. Ka u te chu kan kuah ve leh a kei an sang veka, an mahni in min rawn kuah zawk mah.




Inchhungah chuan kan inzui lut vek a, awmpui te chuan chawhmeh chu an dahfel nghal zung zung bawk a, kei chuan Ramhluna engmah sawi lo chu inchung lama chho nul nul chu ka zui chho ve nghala.




A room ah chuan alo inthlak mek a, a kamis kilh a phelh zo chiah chu ka va lut thawk a. Min rawn en zawk a, mahse hnunglam a hawi lehnghal daih.




"Tinge a? " tih pah chuan ka pan phei a, khum bula table a hûn ah chuan a sana chu a dah a. Min la chhang chuang lo. "Ramhlun" tih pah chuan ka pan phei leh.




"I titau ami? " ka ti leh a, a titauhna tur awm ang ka sawi ka hre hauh lo.




"Khutah khan keimah chauh min kuah lo tih i hria em? " a rawn ti nghut a, amah chu ka en nghal hâ a "Maw? " ka ti nghal vat bawk.




"Khutah khan midang ho zawng zawng zingah khan keimah chauh min kuah lo, min ngai lo anih kha" a rawn ti a. A thusawi avang chuan ka nui chhuak hak a, naupang chhia lutuk.




"A țha lawm, nui rawh" tih paha kalsawn a tum chu a banah chuan ka vuan bet a "Ka tihpalh anih kha, kal suh" ka ti sap a, tinge maw a thik thu hi a chhiat em em mai le.




"Zu chhuk tawh rawh, an lo zawng palh ang che" a rawn ti leh nghut a. Kal lehnghal a tum chu theih patawpa na in a banah chuan ka pawt a. "Kal suh, ka tihpalh ka tih kha, bakah ka nu leh ka pa leh ka unau te mai mai annih kha" ka ti leh a. Engtin nge ka thlem lungawi tak ang aw.




"Um ka hria, chhuk tawh rawh" a rawn ti leh.





"Aih, ka ngaihdam dil na che hi i pawm hma loh chuan ka chhuk dawn lo" ka ti a, ka sawi zawh rual rual chuan rawn in her in ka kawngah chuan a rawn vuan a, a lamah chuan min pawt phei a, min pawm kang nawlhin ka hmuiah chuan a rawn fawp vang vang a.




Khumah chuan thu in a malchungah chuan min țhuttir a "Anih chuan i ngaihdam dil na hi ka pawm ani tih kan en tir ang che, chuan i thiamloh anih avangin engmah lo ti ve hlek suh ang che" a tih hrâwih rual chuan ka îp zui nghal châwih a, nui sukin min rawn fawp zui nghal vang vang bawk.


💜

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:12 pm

2!3! #EP-34

By : Msi_Miluhlulnui 👩🏻
(Hmeichhe naupang tereuhte)





"Chhuk tawh ang min lo zawng tawh hlawm ang" tih pah chuan tal thlak ka tum a, mahse a aia nghetin ka kawngah a rawn vuan bet leh chawt a. "Duati" ti sup in ka dar ah chuan khabe a nghat a.




"Um, tinge i chau ami? " ka ti sap a, a sam karah chuan ka kut ka han rawlh lut a a sam chu na vak lo hian ka țham sak a. Ka kut chu la thla in a hûm ve leh hmiah a "Ka hah tawh" a rawn ti sup a, a hmel en ka tum chu duh lovin min kuah nghet zawk sauh a.




"Ramhlun tinge? " ka ti vat.




"I damlo mi? " min chhan loh avang chuan ka ti nawn leh.




"Ka dam lutuk alawm, nangpawn i hriatchian kha, chu lam ani lo" a rawn ti a?




"Anih enge? " ka ti leh hram.




"Ka hah tawh ani, he thil hi bansan ka duh. Heng zawng zawng hi bansana nangnena hmun hla tak tuma awm lohna hmuna hahdam taka nun hman ka duh ani" a rawn ti a, a aw ațang chuan a chauh hmel hluah hluah.




"Engthil nge bansan i duh chu sawi la? " ka ti a, thaw chhuak hawk in ka dar ah chuan a rawn fawp zeuh a. Ka îp leh hmanhmawh tawh.





"Heng hna zawng zawng te hi bansan vek ka duh, ka bansan vek anga ka nau hnenah hian ka hlan anga chuan nangmah nen kan kalbo daih dawn em ni ang? " a rawn ti a, eng thil emaw tak vei chu a nei chiang alawm.




"Thil thleng a awm em ni? " ka ti sap a, ka kut chu la lawk in a kawngah chuan a nghat a nghet zetin ka kuah let nghala, ka dara khabe nghah pah chuan ka sam chu a chûl a chûl bawk.




"A tam lutuk hi ka hne zawk" a rawn ti zui hrâwih a. Na zet hian a thaw chhuak a chumi rual chuan keimah pawh ka che ve nghal awk bawk. "Min hrilh thei reng ania" ka ti sap a, ka kuahna chu ka ti nghet zual sauh bawk.





"Ka pa in nangmah vang in company enkawl țhalo ah min puh a, chuan vawiin ah meeting ko a enkawltu tur thlan that a rawt a. An lo pawm hlawm nasa, ka nuhrawn tih leh bawk aniang, vawiinah pawh a rawn kal ve nghe nghe kha, henu hi chu engtia han tihchi nge maw ni" a ti zui leh hrâwih a.




"Chuan engtin nge ni zel dawn? " ka lo ti a.




"An lo pawm tak vekah chuan thlan țhat ani dawna kei chuan engmah ka buaipui tawh lovang an duh duh chu thlang rawh se an duhthlanna ani dawna keia țan lo lak ve vak khan awmzia a nei dawn lo. Company hi a chhe dawn anih chuan a chhe dawn tho tho" a ti leh.




"Kei min thlan loh leh nangnen hmun hla takah heng awm lohna ah hian kan kal daih anga a țha ting ani mai lawm" a rawn tih chhunzawm zat a. A nui zui hawk bawk. Ka kuahna chu ka phelh thawl a, amah chu min en turin ka ti nghal bawk a.




"Min en rawh, nang hi an thlang ngei ang che. Chuan i hria em? Nangnen chuan kan awmdun reng dawn alawm engtik lai pawhin, saw company, mihring pawh ni lo sawn min țhen hrang hauh lo ang" ka ti a, ka thusawi avang chuan a nui suk a. Mahse a rei lo.





"Keiman ka chan duh vang ni lovin engvanga an nufa sawn min haw em em nge maw an nih hrep ni, an duh chuan ka pa hmangin an duh duh an nei thei. Ka pa ro tih loh chu, mahse kei heti zawnga min ti tel ve hian ka buai lohna turah min buai tira, ka hah zo tawh" a ti leh nghut a, ka biang chu rawn chûl in a fawp zui nghal zat bawk.




"Hetia an tihchhana ka rin chu, ka lo sawi theih a awm chuang lo na in, ipa ro i kawl vang pakhat ani a, khathil kha an nei thei dawn si lova chuvang chu ani pakhat ang. Mahse a ho lutuk. An tluk loh vang che anih hi, chuan chumi vang leh inu thawh chhuah hi a chhiat i duh loh chuan nasa takin bei zawk la, inu pawh kha la dam se nasa taka bei let turin a ti hrim hrim ang che ka ring inbeihna thianghlim nen, anni anga inbeihna rapthlak ni lovin" ka ti a, engtia hnem tur nge ka hre thiam lo.




Engkim min hrilhin a ngaihdan leh duhdan te min hrilh thlap zela, chuan keiin ka thiam ang tawkin ka lo pui țhina, ka thu chhak chhuah hian a pui zo meuh țhin ange maw, mahse a chungchang hriat ve loh chuan ngaihdan lo siam ve hi a har takzet.




Chuan hetia ngaihdan min siampui a, a vei leh duhdan te min hrilh hian ka lawm a, thil zep a nei lo hi ka duh takzet bawk. Chuan kei lawn ka duh a, ka hmangaiha, ka ring ngam anih chuan zep ka nei tur ani lo, amah ang hian engkim ka share ve tur ani. Alo hreawm anih chuan ka tuar mai ang. Ani ka chan dawn ai chuan ka duh fe zawk chu thil chu.





"Mahse Bawihi keimah chauh chuan ka hah tawh ani, ka nu thawh rah hi a chhiat chu ka duh bik lo mahse ka hah tawh, tumah hian kei hi min ring lo, ka pa ngei pawhin" a aw ah chuan natna a rawn ri chhuak tel tih ka hre thei. Rang zetin a biangah chuan ka dawm sak a.




"Nangmah chauh ini lo ka awm alawm, ka awm i kiangah ka awm chuan ka ring bawk che engkimah ka ring che. I hneh ngei ang tih ka hria Pathianin a pui dawn che alawm" ka ti sap a, a biang ka dawmna kut chu a rawn vawn hnan a.




"Tunah chuan nang chân che hi ka hlau ani" a ti sup a, ka kut chu a fawp zeuh a. "Min chân dawn lo, i kiangah ka awm zel ang chuan company vang mai mai hian kan inkar a chhiat phah dawn lo kan inkar hi chu kan pahnih chungchang ani company in a rel tur ani lo chuan i chhungte pawn" ka ti sap a, engmah sawi lovin min rawn fawp vang vang a.




"Ka lawm e, ka kianga i awm avangin" a ti sup bawk.




"Ihmaw... Hrilh lo che ka tum nangin mahse ka hrilh ang che, ih... Evelyn-i min hrilh ania 'ramdangah insual te emaw tiang hrim hrim ang kha i training țhin ami? " ka ti a, chiang zet hian min rawn en a.




"Chu thil chu a hrilh che amaw? " a rawn ti deuh hrâwih a, "aw, hmannia alo kal khan min hrilh a chuan thildang pawh" ka ti sap ringawt. "Hrep chuan leh! " a ti zawi sup a. "Eng thu dang nge a hrilh che" a aia dam zawk chuan a rawn ti leh.




"Englo, i assistant hmeichhe chungchang te" ka ti leh a, a hmel a chang em avang chuan ți dâk in ka en a, chutia ka en chu a hmuh vang nge ni a thaw chhuak hawk a. "Duati, min hlauh hmel deuh khan min en lo la" a rawn ti a, a hmai chu hup in na zet hian a thaw chhuak bawk.




"Chutiang chu lo ti ta ila, eng angin nge min ngaih ang, misual angin min ngai anga min kalsan dawn ami? " a rawn ti a, ka lu ka thing nghal vat a.




"Teuh lo, nangman min kalsan loh chuan ka kalsan lovang che ka tih kha, engpawh lo ti la thil sual ani dawn lo tih ka hria alawm, mahse i chanchin hi nangmah ngeiin min hrilh tawh la midang ka ațanga hriat chuan awih tur nge awih loh tur pawh hi ka hre ngai lo, tunah pawh khan zêp ka tuma a tak ani nge ni lo chhui chian ka tuma a chhan pawh Evelyn-i thusawi anih vang ania" ka ti sap a.




"Duati" a rawn ti sup a, nghet zetin ka kut chu a hûm bawk.




"Chuan i assistant hmeichhia kha a thi tih ka lo hre ve leh a, khanu khan a zar buai che a mutpuiah te a sawm che tih ka lo hria a, mahse khanu kha engtia thi nge? " ka ti leh ta zawk a. A hnathawh hi engpawh nise a tana pawi tur leh sual anih loh chuan sawisel sak ka tum lo.




"Oh! Kha kha maw... Alo rei ve ta hle mai, engvanga chu thu chu hrilh che nge maw anih le. Englo, a inah in âwkhluma hmuh ani a" a rawn ti a. Ka meng phâwk hra mai, Evelyn'i khan a thah thu a sawi tak e, chuan in âwk hlum anga a lan theih nan.




"Duati" a rawn ti a, amah chu ka en nghal vat a. "Ih.. Englo kha kha amaha inthat ani lo, Evelyni'n a sawi alawm aman a rêk a chuan in âwk hlum anga a lan theih nan an khai a" ka ti a, ka sawi zawng ringawt pawh hian ka râp lutuk ringawt. Hmeichhia in chutiang chu a ti ngam ania.




"Duati, enge i sawi awmzia? " a rawn ti a, ka kut nghet zeta hûmin min rawn en a "ih... Khanu kha amahin a in that loh Evelyn'n min hrilh alawm. Nangmah zar buaitu leh duh ve tu apiang chu tiang khan a ti țhin tih a sawi a, chuan khanu pawh kha, englo min hrilh alawm, a rêka chuan in âwk hlum anga lang turin an khai bawk a" ka ti bah nawk nawk a.




"Chuan keipawn ka tuar tur thu a sawi asin, khanu a tih ang chiah khan min tih ve tur thu a sawi a" ka ti khur dar dar a, ka darah vuanin ka biangah a rawn dawm a. A mitah tak chuan ka en kuau a, ka ngaihtuah zawng ringawt pawh hian hlauh avangin ka khur dar dar thei.




"Min en rawh" tih pah chuan amah zawkin min siam rem a, " chutiang thil i.chungah engmah a thleng dawn lo. I hria em? A thleng dawn lo, a thleng ka phal ngai bawk hek lovang" a rawn ti sup a, nghet zeta min kuahin ka chhipah chuan a rawn fawp nghal vang vang a. A âng chhunga ka awm hian anih hi ka thla a muan a ka hlim țhin em em ni.




"Room ah khan tawm reng in tum em ni, rawn chhuak ve tawh em em ula, chuti lo chu engmah sawi lovin ka rawn lut dawn ania" ka pa kawngka bula a țawng ri avang chuan rang zetin min kuahna ațang chuan ka tal hrang nghala Ramhluna malchung ațang chuan bahlah zet hian ka chhuk nawk nawk bawk a.




"Pa, kan lo chhuak dawn, ih... Englo Ramhluna kawng hi ka hmeh sak lawk alawm, pa i ngaihtuah ang kha engmah a thleng lo ania" ka ti nawi nak a, ka sawi zawh chuan ka lei ka chhuah zeuh a, Ramhluna chuan khuma țhut âwn duai pah chuan min lo nuih vur vur a, ka melh hrep ringawt.




"Bawihpui, enge ka ngaihtuah chu... Room ah khan awm reng in tum ami ka ti mai alawm, nangmah zawk anih kha ngaihtuahna dik lo chu" a rawn ti a, ka zak lutuk hi ka sen țawn țawn thei. Ramhluna ka en chuan nuih insum fê hian min lo en a, "nangmah vang vek" ka la ti leh hram bawk.




"Tak tak in lo chhuk tawh rawh u, Rsa te an lo kal ania" ka pa chuan a rawn ti a, kan chhuk tur thu kan hrilh hnu chuan a kalsawn ani ngei ang ke pên ri pawh kan hria a, thawm a reh deuh hnu chuan Ramhluna țhu âwn duai chu melh hrep pahin
"Tho rawh, chhuk ang room ah kan awm rei tawh lutuk. A zahthlak zawk, ngaihtuahna ni lo lo an pu leh awm sia, zahthlak lutuk. Nui tawh bawk suh aw" ka ti zui hlak a, pawh tho ka tum rual chuan ka bânah rawn pawtin amah chu ka bawh thla rawk rawk a.




Ka kawngah chuan nghet zetin a rawn vuana a hmai zâwnah chuan ka melh rûn mai "Min thlah tawh rawh, chhuk tawh ang, hei kawr pawh i ha lo lehnghal" ka ti leh hlak a, nui sukin ka sam ka hmai bula rawn uai thla chu a rawn hui sawn nghala.




"Nangmah zawk alawm ngaihtuahna dik lo pu chu, inhnuai lama awm te khuan tuman i ngaihtuahna ang kha an pu dawn miah lo. Chuan keimah chauh kawr ha lo ka ni lo ania" tih pah chuan mit min rawn siai suk a. Keimah leh keimah ka in en chu.




"Awi leh! Ka... Kawr ka ha miah lo, engtik lai khan nge i phelh a?" ka ti chûl a, tunah hian bra nen chiah ka awm anih chu! Engtik lai khan nge alo phelh hmana. Chuan ngati nge kawr ka ha lo tih pawh ka hriat miah loh theih zawk.




Thei leh thei lo chuan min kuah behna ațang chuan ka âwm chu ka hup a "Duati, ka hmu vek tawh zak duh suh" a rawn ti a, kiai sukin ka biang chu a rawn nul a "Naa... engtik lai khan nge ilo phelh hman le, chuan tinge keipawh hi kawr ka ha miah lo tih ka hriat loh theih zawk a, nangmah vang vek misualpa, khawmaw min thlah teh, ka tho dawn" ka ti hlak a, a rawn nui chhuak hawk hawk a. Thawh ka tum rual chuan ka kawngah rawn vuan nghet sauhin min hnuk chho hrâwk a. A hnarah tak chuan ka hnar ka han nghat nghal thawrh bawk.




"Zah avangin i hmai a sen vek tawh alawm" a rawn ti a, ka biang sa hut hut chu a rawn tuai zeuh a. "I duhawm lutuk" tih pah chuan ka biang chu a rawn fawp zeuh a, ka biang hi a sa hut hut tak tak. A hreawm zawk.




"Nge kawr ka ha lo tih pawh min hrilh duh miah lova, i van sual tak" tih pah chuan a dar ah chuan ka ben sak nghal thlawrh a. A nui chhuak hawk hawk a khumah chuan a lu nghatin a awmdan ang zel chuan min kuai kun ve zel a.




"I nalh lutuk" tih supin ka biang chu a rawn khawih leh a, ka hmui hnuai chu a rawn tuai zeuh bawk a. "I phelh lai ka hre miah lo tak tak, nangmah hi a hmu hmasa ber tu ini lehnghal" ka ti hmuk a, nui sukin ka hmui hnuailam chu a rawn tuai leh a.




"Ka lawm e, a hmasa ber ka nih avangin chuan a hnuhnung ber pawh ka ni ngei bawk ang" a ti sup a, ka hmuia rawn fawh a tum chu rang zetin a hmui chu ka hup beh sak a. "Chhuk tawh ang, min lo zawng tawh ang, kan awm rei tawh lutuk" ka ti sap a, ka sawi zawh rual rual chuan a rawn rûm nghal nghut a. Ka nuih lui sâng a.




"I insûm rih a ngai tihna anih chu aw" tih pah chuan a hmui hupna chu ka la thla a, thawh ka tum rual chuan phallo in ka kawngah chuan a rawn vuan leh a "enge a? " tih hlak pahin amah chu ka zu en leh a.




"One chiah, please" a rawn ti a, a thusawi avang chuan ka nui chhuak hak a. "Naupang chhia lutuk" ka ti nghal hlak bawk.




"One chiah tak tak, i bialpa hi min hrem reng țhin lo la, hremna hi nitin hian ka dawng zing thei bik mah mah" a ti a, a lunghnûr hmel chu ka en a, ka nui chhuak hak hak bawk, phalna ka la pek loh avang chuan min kuah nghet sauhin "Duati" a rawn ti sup a.




"Anih one chiah tak tak ang, mahse hmanhmawh ang" ka sawi zawh rual rual chuan ka hmui chu a rawn khar chilh nghal hmiah a, keipawh hian a tir chuan duh lo țhin teh mah ila an thleng țhin chiah hi chu ka duhthawh ve ngei ngei zel.




A tawp theilo dawn amaw ka ti tawh, a chhunzawm zela keimah zawk tho thurhin ka kawr chu ka inthawlh a, a ngaihna hrelo zetin min rawn en a. "A rei tur ani lo ka tih kha" ka ti hlak a, a kut pahnih chu a lukham a, kham lo hmel zet hian min rawn en a.




"Zanah kan chhunzawm loh vaih chuan, a lêt i dawng ang"




"Teuh lo, hmanhmawh rawh chhuk vat ang" ka ti hlak a, a bawkkhup thawk a. "Lo zu chhuk la, kan intifai ve lawk ang" a ti a, rei lo turin ka la ti hrâm a room chu ka chhuahsan nghal vat bawk. He in ațanga ka chhuah vat hi a ngai ani, chuti lo chu nupa ang tak tak in kan la khawsa thei takngial dawn.




Keimah maia kha thil zawn chhuah ka lo tum kha â ka inti takzet ani. Tikhan keimah chauhin lo chhui in lo buaipui ta ila nakinah aman hre leh ta si se ka tan a țhalo zawk ngei ang. Amah pawh ka chân phah zawk maithei ani. Tiang khan lo zawt vat tawh ila chuan engkim a fel vek tawh mai tur ania, aman ka ti ru tih hria se chuan ka lakah a lungawi lo ngei bawk ang.




Inhnuaia ka chhuk chuan an lo țhu țhup tawh a. Rsa chuan Ramhluna awmna min zawt a, a intihfai thu ka lo hrilh nghal vat a. Chaw ei ve nghal tura ka tih chuan phûr zet hian an 'aw' a, Davida lah hi min en țha ngam tawh der lo. Feli vang kha ani hrim hrim ang, eng emaw chu ka dâwp chhuah a ngai dawn ani an ni tawh ange maw chu.



🍀
"Bawihpui, i u te kha kawtah sawn an awmin ka hria va ko ta che, chhung inkhawm i nei ang u hmiang" ka pa chuan a rawn ti a. Ala hma viau amaw ka tia chaw ei alo hun leh der tawh. Ramhluna pawh Rsa te nen hna chungchang an sawi ho a, library ah an awm mek bawk.




Ka pa in ka dam țhat tawh chuan chhuak turin min ti a, hetia innei si lova kan awm reng chu amah pawn țhalo alo ti ve tho ani ngei ang, ka nu ka râwn ve a. Ani pawn a ngaihdan dik tak a rawn sawi chhuak ve a. Hetia nu leh pa râwn tur neih te, an thurâwn min pek te hi alawm ka châk ve țhin em em kha ka harsatna hrilh te pawh, tunah chuan ka châk țhin em em chu ka ti hlawhtling ve thei ta a, ka hlim takzet ani. Ka nu ka ngaih a zual sauh bawk.




Pawnah chuan " chaw kan ei dawn lo lut rawh u" ka ti a, games an lo khel ni ngei tur ani. An phone chu an lo keng âwn vak a. Ka hmuh rual rual chuan ka nui chhuak nghal vak vak bawk. Anni pawh an nui chhuak ve nghal tho.




Kan vai chuan inchhungah kan inzui lut a. Ramhluna te pawh an lo țhu chhuak tawh a. A bula thu turin min hui nghala, ka țhu thla chiah chu min lo kuah nghal vat a.




Ka pa chu a ding uaih a "in duh duh hunah ani mai, tiha chaw ei hun kan nghah zel chuan a tlai zel dawn si a. Chuvang chuan ei ka rawt ta mai anih kha. Hei, Bawihpuii pawh Pathian zarah dam takin a awm leh thei a, Pathianin kan țawngțaina a chhang a, chuvang chuan a hnenah hian lawmthu sawi sen loh kan bâ ani. Rilru hian lawmthu sawi mawlh mawlh bawk ila, a țha âwm e. Chuan Bawihpuii pawn buaina te a tawh lo hrâm beisei tawh ila, Pathian hnenah kan thlen anga, aniin min lo venhim sak ngei ka beisei bawk a.




Chuan hei, Ramhluna pawh Bawihpuii a țha chak viau tawh a, innei si lova awm dun reng hi thil țha ani ngai lova, mi pawn sawi berah an lo nei maithei bawk. Bakah nupa ni lova awm dun hi a țha ngai lova, upa ngaihdan pawh ani ngai love chuvang chuan Bawihpuii pawh a dam țha tawh a, naktuk lamah hian in lamah insawn phei tawh se, tih ka lo rilruk a, a duh chuan kan inlamah pawh a awm thei reng bawk a" a sawi zawh rual rual chuan Ramhluna chu a lo rûm nghal nghut a.




A malah chuan ka ben sak nghal pawp a. Ka beng bulah chuan "patea hi enge maw a hriat le" a rawn ti zui sup bawk a, nui sukin awm țha turin ka hrilh nghala. Rûm nghut chuan a țhu tha lehnghala. Hepa han lawmawm dan em em hi chu aw...




Ka pa țawngțaina chuan min hneh takzet ani. Kan vai hming lam chhuakin kan tan a țawngțai vek a, a tawp berah ka hming lamin min țawngțai sak bawk a. Ka mittui a tla pur thei. Ka nu avanga ka beidawn tawh em avang khan Pathian lakah pawh ka beidawng tela, zan tin ka nu tana țawngțai țhin kha țawngțai ka țhulh ta a, a hnena ka thlen țhin ka nu nena inpawhna te, a damna te ka dila ka thlen thin kha chhanna ka hmuh loh em avang khan amah ka dem a, amah ka huat phah thin bawk.




Mahse zanin hian tun thlenga kei min lo ven leh dam leh hrisel taka min hruaina avang hian lawmthu hrilh mawlh mawlh tur ka lo ni a, a malsawmna ka dawng a, pa neiin chhungkua ka nei bawk a. Hengah te hian lawmthu sawi mawlh mawlh tur zawk ka ni si a. Mahse lawmthu sawi a hnek in amah ka lo dem em em zawk si a.




Mihring te hian chhanna dawn kan hmanhmawh țhin em avang hian kan â vek țhina, chhanna kan dawn leh vat si loh chuan Pathian kan dem a, amah kan hua a, kan țawngțaina te ngaihsak loh ah kan puh țhin. Mahse chutiang chu alo ni lo, engkim tuar turin aman min siam a, beidawn tawh hnu vekah chauh chhanna min pe chauh țhin. Chumi alo thlen chuan mihring chuan lawm luat avangin lawmthu sawi nachang kan hrelo leh a kan theihnghilh a. Pathian chu kan rilru in kan ring leh em em tho a, ringtu kan ni kan ti leh hmiah zel bawk. Mahse amah insawifiah ngai lovin a nuna rawn lang chhuak a, ama hnen atanga beidawng lova beiseina nung nei tlata amah ringa a hnena inpe te chauh hi ani ringtu dik taka ka hriat chu.




Ka pa a țawngțai zawh chuan chaw kan ei a Ramhluna lungawi lo lutuk chu a rukin ka nuih tet tet ringawt. "Bawiha chu țo haw tur ang mai alawm inih le, i hmel chu ngatinge? " ka pa chuan a rawn ti ta nge nge, Rsa te nen chuan kan lo nui tet tet a, Ramhluna chuan a malchunga ka kut a vawn chu a rawn hmer vak a.




"Aaaa... Pate, chutiang lam pawh ani lo, ka chau deuh hlek ani aniang, ka mu anga ka zia mai ang" a rawn ti nghut a. A inthunun theilo lutuk hi insûm zo lova ka nuih chhuah ka hlau takzet.




"Mawi nah... Pate, a ti mai mai anih kha Zualtei chhuak tur hi a lung a awi lo anih hi" a rawn ti a, Ramhluna chu a rûm nghut a. "Rs, chaw ei mai mai teh" a rawn ti hluk a, a rukin ka lo nui tet tet ringawt.




"Haha, ka hrethiam e, Bawiha chutiang ngawt ani ngai hleinem nupa in la ni si lova chuvang chu alawm hriatthiam tum la, nupa in nih hunah in awm dun reng dawn alawm" ka pa chuan a rawn ti dam dap a.




"Pate chutiang lam ani hleinem, engmah ani lo ka chau deuh aniang" a rawn ti leh a, ka kut a hûm chu a hmer nghet lutuk a, ana ngut ngut thei nia. A huphurh leh duh lo lutuk hmel hi ka khawngaih let ling zawk.




Rsa ten thudang an rawn sawi takah chuan kan titi a dang ta deuh a, hna lam anih tawh avang nge Ramhluna pawh a rawn țawng chhuak ve tawh a. Ka kut a hmer pawh a ti dul deuh tawh alawm.




Ka nu nen chuan sawi tur kan hriat dun loh em avang chuan kan in en a, kan innuih leh ringawt zel bawk, ka nu tak ni lo mahse mahni rila rah ang maiin min en a, a fapa te nen min en dan a dang hran chuang lo bawk. A fate a pek ang zawng zawng min pe a, kan dawn hmangaihna a in ang vek bawk. Chuvang chuan nu ropui ka ti lo thei lo.




Tam tak chu nise hetiang hian an ti hauh lovang, mahni fate ngei pawh hnawksak ni a ngai an awm a, chung karah chuan keini ve mai mai chuan hnawksak nih pawh kan hlawh pha lo zawk ang. Nu tam tak chu an mahni an indah ropui duh luatah mahni fate ngei an thlah thlam a, mahni rila rah ngei pawh duh lovin ropuina an thlang zawk țhin. Tichuan hei hi nu hmagaihna ropui ber ani, hetiang anga hmangaihna hi tu nu mahin an pe dawn lo che, tiin fate an chhuah chhal leh a.




Ni e, nu hmangaihna bak baka ropui hi a awm lovang, tu fate mah hian mahni nu te hnen ațanga kan dawn hmangaihna ang hi midang hnenah an dawng dawn lo. Mahse chung ah chuan nu te ngei pawh hian hmangaih dan chin tawk kan thiam tur ani. An thil tihsual haider a mifel uchuaka chhuah kan tum chuan nu kha a diklo ani, chuan chu thil chu hmangaihna ropui a ti thei bawk hek lovang.



🍀
"Bawihi, patea hi chu a fair lo ve thlawt ani tiraw? " hnunglam ațanga min kuah hlu hlu tu chuan ka dara khabe nghah pah hian a rawn ti a. Midang zawng zawng inchhungah an awm veka, keini erawh pawnah kan awm thung. Nuam lo ti ru hle mah ila an mahni zawk zawk in awm rawh u min ti țalh a, mahse ka awm a nuam thei chuang lo.




"A sawi dikin ka hria, nupa kan la ni si lova tia awmdun reng chu a țhalo alawm" tih pah chuan ka ngheng hnai ve sauh sauh a, ka dula a kut a nghah chu ka vuan bet ve nghal vat bawk.




"Dik te chu dik tho e, mahse i bula awm reng ka duh si a a buaithlak" a ti a, ka nui chhuak hak ringawt. "Chak lo mai la" ka ti a, "chimawm suh aw" tih pah chuan ka nâkah a rawn thâm zeuh a, a za lutuk chu ka tal nghal vak ringawt.




Chutih lai tak chuan gate ah chuan motor head light hi a rawn êng va va a, chu chuan in kawt chu a rawn chhun êng vek bawk.




"Bawihi, tah hian lo awm rawh aw, ka pa te annih saw, ka lo let leh vat ang kawt hi lo rap miah suh ang che i hria em ka thusawi" a ti sup a, ka bu nghat a. Ka chhipah chuan rawn fawp vang vangin min kuahna ațang chuan a kalsawn nghala ka vawt nghal sung sung mai.




Ngatinge tuna taka apa te hi an lo kal le, Ramhluna hian a ko zawk amaw ni le, mahse engvangin nge a koh ngawt ang, koh nachhan tur a nei hauh lo.




Pawn lam chu thei leh thei lo hian ka va en ve a, motor ațang chuan mi pathum an lo chhuak tih chu ka hmu thei a, pakhat chu Kima ani tih ka hre chiang ngang bawk.




Ka en lai reng chuan ka awmna lam chu a rawn en a a êng lamah chuan a ding a, a lu chungah bân vai zeuhin min nuih vur vur a, flying kiss rawn pe zeuhin Ramhluna darah chuan a vuana a kut chuan X sign a siam nghal zeuh bawk.




Min nuih leh vur vur pah chuan an inbiakna lam chu a hawi a, khapa khah! Tuna a thil tih kha Enge awmzia ni ang, chhan awm lovin khatiang khan ati dawn lo hrim hrim. Ni lo, ka ngaihtuahna ang hi chu ni lul suh se.


💜

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:12 pm

2!3! #EP-35

By : Msi_Miluhlulnui 👩🏻
(Hmeichhe naupang tereuhte)




Gate pawna an din reng avang chuan rei ka ti tawh hle a engthu nge maw an sawi dawn le, thu pawimawh an sawi anih phei chuan va kal ve ngawt chi lah ani bawk si lo. Bakah Kima awm ve sawn ka awm a ti nuam thei ngang lo.




"Bawihpui, lo lut tawh ula haw zai kan han rel ve tawh ange" ka pa chuan a rawn ti a. "Lawk aw pa, Ramhluna nu te an lo kala chuan an inbe lawka ka nghak lawk" ka ti a, gate lam chu ka thlêk lehnghal vat bawk.





"Ehe, Muana te an lo kal maw, mahse tinge ka va hmu si love" tih pah chuan ka bulah a rawn ding a.




"Saw, gate pawnah sawn an awm" ka ti a, ka sawina lamah chuan ka pa chu a hawi nghal vat a. "Aw, ngah nge maw pawnah sawn an inbiak a, inchhungah te rawn luh ve tur alawm, khawinge ka va kal ve ange" a ti a, a kekawr chu pawt chhing in a chhuak zui ve nghal zat bawk.




Ka pa ava kal ve hnu pawh chuan an la rei tho, nghah paha țhutthlenga țhut ka tum rual chuan gate ri rak avang chuan ka ding țha leh a, ngaih țhat tawh loh nak alaiin gate bula ding chu Ramhluna ani lehnghala engmah pawh sawi tawh lo chuan ka tlanchhuak ve lehnghal a.





Gate pawnah chuan chhuak vatin Ramhluna chu ka pan nghal vat a. "I țha em?" Tih pah chuan a banah chuan ka vuan vat a. Ka aw a hriat rual rual chuan "Bawihi, ngatinge ilo chhuah, lei lo rap suh ka tih che kha" a rawn ti a, min ngaihtuah tih hriat zet hian ka biang chu a rawn dawm nghal vat bawk.




"Ka țha alawm, nangmah zawk kha? ". Ka ti a, min chhang lo chuan a bu nghut a. Engthil nge thleng tih en tuma ka hawichhuak chu ka hmaah tak hian Kima hi alo ding a, min ti phu hmanhmawh bawk.




"Ehe! Ka naute chu ilo chhuak ve duh a" rawn tih pah chuan ka sam chu rawn khawih a tuma, mahse Ramhluna chuan ka kawngah rawn vuanin a taksa si chêt chuan min pawt hnai nghal vat a. "Lalrinkim, i kut hmawr pawh khan khawih suh i khawih anih chuan nichina ka thusawi ang khan ka awm hauh lo ang" a ti zui hrâwih a, nghet zet chuan ka kawngah a rawn hmer bawk.




"Henu hi ani maw, hnathawh tir theilo tu che chu" hmeichhe aw ri ngeiawm zet ka hriat rual chuan hmelțba zet hi ka hmaah a rawn ding nghala. Keimah chu min rawn ena, ka taksa chu a rawn en thla a. "Hmeichhe class lo tak ani pah bawk a" elhsen zet chuan a rawn ti chhuak bawk.





"Ka nu" Ramhluna chuan a ti hrâwih a! Hmeichhia chu za lo tih hriat zeta nui chhuak chungin "inu pawh ka nih loh kha Bawiha, ilo theihnghilh ta em ni? Nge ni a, henu țhing zet hian i ngaihtuahna fing tak te kha a laksak tawh zawk che" min rawn en paha ti chung chuan a ner zui sak a.




"I fapa ka ni lo tih hre reng chungin nangpawn Bawiha min ti tho alawm, nang hi alawm sum in ti â zawk che" Ramhluna chuan a ti zui ve hrâwih a, a thusawi avang chuan Kima chu alo nui ri suka, engmah tih theih nei ve lo tih takah ka lo melh hrep a. Mahse engah mah ngai lovin min rawn khawih a tum leh.




"Lalrinkim ka sawi chiang viau tawh ani lawm ni" Ramhluna chuan a ti zui hrâwih a, Kima chuan muangchangin min rawn khawih a tumna kut chu a la let a. "Bawihi, rawn chhuak suh ka tih che kha" ka beng bulah chuan a rawn phun zui sup bawk. Ka lo chhuak ta kher kher hi ka inchhir takzet.




"Ka pa, kal rawh u anih loh chuan ka thusawi kha ka sût leh ngei ang, ka pa pawh ni mahla i ro ka neih tawhna ah hian thuneihna i nei ve tawh lo" a pa a biak dan pawh chu a dam hran chuang lo, mahse pa te annih na angin a zah tih a entir bawk.





Ramhluna pa ni ngei tur chuan engmah sawi lo chuan a fapa chu a melh ngawt ngawt a, Ramhluna erawh chuan en pawh a en duh hauh lo. " in rawn chêt dan hi a mawi lo khawp mai, in duh anih chuan felfai takin chhungkua in insawi mai tur ani hetia chêt lak ngai lo turin" ka pa chuan a rawn ti dam dap mai a. Kan vai chuan ka pa lam kan en țhup bawk.




"Oh! Ilo sawi ve tur a awm hauh lo ania he thil hi chu kan chhungkaw buaina ani, kan chhungkaw zingah tel ve na pakhat mah i nei lo" Ramhluna nu chuan ka pa en pah chuan ngaih nêp hmel zet hian a ti zui salh a.




"Ni e, ka lo sawi ve tur chu a awm hauh lo mai, mahse in rawn chêtdan hi miin hre ve ta se mawi lo chu an ti ve tho lawng maw, ngaihtuah chiang rawh u hetia duh duh dana thu sawi hmasa lo hian" ka pa chuan dam diai hian a rawn ti leh a, a duh chuan thinrim ve thei reng ani a, mahse a insûm tih a hmel ațang chuan a hriat theih.




Ramhluna nu a rawn țawng ve leh tur chiah chu a pa chuan "duhtak a tawk rawh, i kal ang u" a fapa en reng chung chuan a rawn ti a, mahse Ramhluna chuan pakhat mahin a melh let ve eih lo.




"Mahse, ka... Kan la tifel hleinem" a hnial ngam chiah bik lo ani ngei ang, a bânah chuan pawtin a ti deuh ngei a, kei erawh chuan a che zia chu chîk fahran hian ka lo en a. Ramhlun'n anu mizia a sawi țhin ang khan a lan chhuah tir mek bawk.




"A tawk, kal tawh ang u kan inti mualpho mai mai. Bawihpui, naktukah chuan min rawn hmu ang che aw thil sawipui duh che pawh ka nei dawna" apa chuan a fapa en pah chuan a ti dam leh dap a. Ramhlun'n melh pawh a melh let ve loh avang chuan apa chu beidawn hmel fê hian a inher a, chutia pa ber a kal ta chu zui loh ngaihna awm hek lo, an zui leh ta nge nge. Kima lah chuan mit min la rawn siai zui leh hrâm a, zak theilo lutuk mai.




"I tha em? " Ramhluna sir lam en reng chu ka ti sap a, na zet hian a thaw chhuak a, chumi rual chuan a țhen nghal sak tih ka hmu thei. "Ka... Khawilai nge na, Ramhlun tinge? " ka ti chûl a, muangchang hian min rawn en a, a hmel chu a beidawn hmel ve takzet bawk.




"Bawiha, i țha amaw?" ka pa chuan a rawn ti ve leh a. Mahse ka pa pawh a chhang chuang lo, engmah sawi lovin min en ngar ngar a "Ramhlun" ka ti leh sep bawk. Engmah sawi lo chuan thaw chhuak hawk in min rawn kuah bet nghal chawt a "Bawihi, " a rawn ti ril ruih bawk.




"Ka lo va lut ange, in rawn luh hunah min hrilh mai dawn nia" tih pah chuan ka pa chuan Ramhluna hnungah chuan a rawn beng thak thak a, gate ah chuan a lut zui nghal bawk. Ramhluna chuan nghet zet hian min kuah a a thaw chhuak leh hawk zel a.




"Ramhlun, tinge?" Ka ti leh sep a, nghet zet chuan ka kuah let ve bawk a. "Bawihi, ka pa kha ilo hmu em? Min hmangaih hmel takin min en ve asin mahse khang kha a der mai mai ani bawk si. Khatiang mitmenga min melh lohna kha a rei tawh takzet" a ti sup a, a thaw chhuak hawk a. Tih vak ngaihna ka hriat loh avang chuan a hnungah chuan ka chûl sak ringawt a.




"Enge an rawn sawi a? " ka ti a.




"Ro chungchang bawk mawle" a rawn ti leh sup a, min kuahna ațang chuan amah zawk chu tal hrangin a hmai chu a hup a, na zet hian a rawn thaw chhuak bawk.




"Min hrilh duh ineih chuan" tih pah chuan ka nuih sâng a, tih vak ngaihna dang ka hre thlawt lo. Ka nui sâng a hmuh rual chuan a rawn khi ve nghal suk a, ka biangah chuan a rawn fâwp zeuh bawk.




"Aw, ro lehkha kha a lem tih an rawn sawi a mahse a tak anih zia chu ka pa nen kan hrechiang lutuk takzet. Chuan ka pa in dam tak hian ro chu sem ve turin min tia ".... Sawi zawm lo chuan a ngawi leh daih a.




Min hrilh zo lo tih ka hria, mahse engmah zawh chhunzawm ka tum lo, aman a inpeih hunah chuan min hrilh mai ang, rilru hah lai laia thil lo inzawh vak vak hian rilru a tihah leh zual duh a chuvang chuan a inpeih hun ka nghak mai ang.




"Chuan engtin nge ni dawna, naktukah lo kal rawh an ti bawk sia" a ngaihna hriat loh hmel zet chuan ka ti a, ka zawt chhunzawm lo chu hahdam hmel fe hian a thaw chhuak a. Ka nuih sak. Tunah khan lo zawt chhunzawm ta ila chuan a thinrim ngei ngei ang.




"Naktukah ka hmu anga kan tifel ang, engkim fel tawh rawh se ka ning tawh" a ti zui hrâwih bawk a. Eng emaw ngaihtuah hmel zet hian min rawn en leh vung vung a. "Chuan Lalrinkima kha a chak lo viau bawk ang" a rawn ti leh hrâwih bawk.




"I.... " ka sawi zawh hma hma chuan "bawihi, a sawi pawh sawi suh, ka thik tih chu k hriat vek kha. Tu mipa mah hian an khawih che ka phal ngai lovang ka ta inih hi" a rawn ti sup a, ka biangah chuan a rawn dawm nghal bawk a. Ka lo ner khum nâng ringawt.


"Enge? " a rawn ti nghut a.




"Enge ka sawi tum pawh i hre ngawt ami, ka sawi tum pawh hre lovin min chhang ve vak vak ringawt a" ka ti a, a kiai nghal suk a nghet zet hian ka kawngah a rawn dawm a. "Ka rawn risk anih kha" a ti sup a, a sawi zawh rual rual chuan ka nui chhuak nghal hak.




"I risk dik lo nasa anih chu" ka ti a, min rawn nuih suk a "ka lawm e" a ti zui sup bawk. Ka hmuiah chuan a rawn fawp nghal vang vang a, a bana dawm pahin ka chhang let ve nghal vat a, a rawn duhthawh zual sauh bawk.




A ban chu nal deuh puata ka hriat avang chuan ka en thla nghal vat a. "Thisen a awm anih hi, Ramhlun i ban a thi" ka ti chûl a rang zet hian ka nghawngah a rawn dawm a, amah en tur chuan min kuai her nghal vat a.




"Hahdam rawh, engmah anih loh hi hliam satliah mai alawm, hlauthawng lo la um... Lut tawh zawk ang" a rawn ti dap thlup a, ka biangah chuan a rawn fawp vang vang a. "Min lo nam na deuh ani ngei ang" a ti zui sup bawk.




"Lut ang damdawi kan hnawih dawn nia" ka ti a, min nuih suk in rei ngial min fawp leh a inchhungah chuan kan inzui lut nghal bawk a. Ramhlun'n ka pa nen thil sawi tur an neih lawk thu a sawi chuan ka lo bu nghat a, an pahnih chuan inchung lamah an inzui chho a, ka en zui vang vang bawk.




"Bawihpui, enge ni ta a?" Ka nu chuan a rawn ti vat a. "Ka hrelo, eng emaw sawi dun tur an neih thu an sawi a" ka ti ta ringawt a. Midang an awm ve vek si a, ka sawi chhuak ngam lo tih ka nu chuan a hrethiam ani chêk ang hrelo ang hmiaha langin thu turin min ti nghala, keipawh chu thawveng hmel fê chuan ka thu thla ve nghala mahse ka rilru erawh a nuam thei chuang lo.



🍀
Ka tui a hal em avang chuan ka harh hlawl a, side table a tui awm chu ka in nghal khawlh khawlh bawk. Ka in zo ka sir lam ka en chu Ramhluna mutna chu alo ruak huai a, rang zet hian ka hawi kual nghala. Tukverh bula van lam en renga alo ding chu ka hmu nghal vat bawk.




Rang zet chuan ka tho chhuaka a bul ka thlen chuan amah chu ka en vang vang a, ani erawh chuan van lama arsi chu a melh ve reng bawk. A bana ka khawih rual chuan rang zet hian a rawn hawi a.




"Ka tiharh che mi? " a rawn ti sup a, ka lu ka thin rual chuan ka banah pawtin a hmaah chuan min dintira hnunglam ațang chuan min kuah nghal vat bawk a. Ka lum nghal vung vung thei mawle.




"Ngatinge i mu theilo ami? " ka ti sap a, min kuahna kut chu ka vawn hnan nghal vat bawk a. "Ka mut a chhuak lo aniang, ngatinge kan hlim ve dawn ve leh hian buaina dang hi a rawn thlen ziah le" a rawn ti sup a, ka lu chungah chuan a khabe a rawn nghat a "Arsi khi an mawi tiraw? " a rawn ti zawm lehnghal sup bawk.




"Arsi mawizia hi ka hmu khat tawh lutuk" ka ti ve sap a, vana arsi lang tuarh chu ka thlir chho ve bawk. Arsi hi hetia ka thlir lohna hi a rei ve tawh takzet ani. Ka thlir hnuhnun ber khan naupang te chauh ka la nia, chu pawh ka nu nena inngeih taka kan la awm lai kha ani bawk.




"Ka nu khan zantin min en pui țhina, zan tin an awmna a dang țhin bawk sia, hming hrang hrang hi kan vuah țhina arsi lian deuh kan hmuh chuan 'khi khi chu a lian emai mihringah chang ta se tuman kan tiat miah lovang a hmelțhat hmel si' a ti țhina a hming hrang hrang phuah kha theihnghilh lo turin min ti țhin" a rawn ti a, an hming phuah tlema zawng ala hriat thu sawi chhunzawm pahin ka darah khabe a rawn nghat a. Arsi chu a kâwk a a hming hriat theih ang ang chu a sawi chhuak bawk a.




"Kei ni kha chuan ngawi rengin kan thlir tawp zel țhin ka nu khan min kuaha van lam a en a, thil a sawi sep sep zela kei lah kha ka la â bawk sia hmuhnawm ti tak khan ka thlir pui țhin. Arsi thlâwk ka hmuh rual rual in duhthu ka sâm nghal vat țhina maimichhing chung hian ka duh zawng te ka sawi ve țhin. Mahse alo thleng ngai si lova khatih hunlai khan arsi te kha ka haw thei rapthlak mawle ka rilru hian misual tiin ka sawi bawk țhin" arsi en reng pah chuan ka ti sep sep a, Ramhluna ka en chu uluk zet hian min lo en ngar ngar a.




"I duhawm lutuk" a ti zui sup a, ka biangah chuan na zet hian a rawn fawp bawk a "Duhthu k sâm leh duh em? " a rawn ti sup bawk a. Ka nui chhuak hak, "arsi thlâwk pawh a awm loh hi duhthusâm man pawh a awm lovang" ka ti sap a. Van lam chu ka en lehnghala. Tunah hian ka nu hian ka hlim zia hi min hriatpui ve ang em le. A bula awm ka chak takzet ani.




"Arsi a thlawh lai kher hian duhthu an sam ngai hleinem engtik lai pawhin duhthu chu sam chu a neih theih alawm" a rawn ti sup a. Nghet zet hian min kuah a, keipawn ka ngheng hnai ve sauh sauh bawk.




"Le, duhthu sam tawh rawh le" a ti sup a. Nui sukin arsi lam en chung chuan ka maimichhing a, rei fê maimichhinga duhthu ka sam hnu chuan ka meng chhuak riai riai a, chumi rual rual chuan ka nghawng chu rawn zâ mer mer in Ramhluna Chuan a lam hawiin min kuai hera min pawm kang nghal nawlh bawk.




"Tunah chuan ka duhthusam a thleng dik nghal ang" a ti sup a, ka hmuiah chuan a rawn fawp nghal vang vang a, khum lamah chuan min kalphei pui a "Duhthu ilo sam ve ami? " ka ti sap a.




"Kei chuan tuna mi hi chhun ațang khan ka sam tawh alawm, chuan tunah hian a thleng dik nghal dawn chiah bawk a. Hmmm.. ka vannei hle mai ka duhthusam a thleng dik dawn bik a" ati sup a, khumah Chuan min nghat a, nui suk in min rawn fawp zui nghal bawk.



🍀
Hna ka kal khât tawh em avang chuan kal ve ka tuma Ramhlun'n a phal lova mahse hei a rukin ka la kal hram tho. Ka insawn chhuak dawn tih a theihnghilh a mahse tukin zinga Rsa lo kal khan a sawi leh a, a rawn hre ve leh bawk sia a lungawi lohna kha a rawn lang chhuak leh a, biak pawh a biak hleihtheih loh.




A chang leh ka thawmhnaw chu a dah țha veka a chang leh 'patea sawi kha a dik tho bawk sia' a tia a chang leh 'Duati kal suh, a hreawm dawn' a ti leh a, zing kar kar ah a buai hrep a. Rsa in thiamlo lutuk kha ka khawngaih zawk.




Mahse insawn chhuah ka ngai miau sia lungawi lo tak chung chuan a pawm ve leh mai bawk a. Ka bungrua min leisak zawng zawng leh kan lak phei te chu motor hmangin a thiar tir veka engmah ka tih ve a phal leh ta lo kha ani a. Mahse tunah pawh hei hnathawh ruk ka tum tho. Kum tam tak hna ka thawk tawh a, thawh loh thut hi ka thiamlo, keimah hi ka awm thiamlo.




Dawra hnathawk te chuan ka chanchin an lo hria a, min lo bâwihsâwm nghal vat bawk. Madam phei chuan engmah ka tih a phallo ve bawk a. Ramhlun'n alo va hrilh amaw ni, mahse a rukin ka thawk tho ang.




Ka awmloh chhungin hnathawk tu tur an lo la thar teuh a, keipawh min puitu tura an tih kha an lo dah tawh bawk . "Eu, in pa chuan i hnathawh a phal tawh ani maw, nge ni a nang hi thu k awih lo leh tawh zawk? " Feli chuan min rawn kuah pah hian a rawn ti a.




"A rukin ka thawk dawn, ka awm hle hle thei tawh lo. Chuan nangpawn lo hrilh miah suh ang che" ka ti nghal vat bawk. "Thu i awih loh chuan ka sawi tho ang, i rawn chhuak ru bawk sia hre ta se engtin nge a tih ang aw.. " a rawn ti zui sap a. A sawi zawh rual chiah chiah chuan call a rawn lut nghal zat a. Ramhluna ani chiah bawk.




"Aw haw le! Engtin tak in sawifiah ang maw" Feli chuan a rawn ti a, ka melh rum hrep ringawt. Phone lak hi ka huphurh lutuk ringawt, inah ka awm lo tih a hre leh tawh amaw ni le, hepa thil hre thei lutuk hi chu ka ning tlat.




Phone ka la chiah chu "um" ka ti nghal tawp a. Phone lehlama a thaw chhuak hawk chu ka hre thei. "Duati, ka ngai viau nang che in, ka pa ka tlawh phawt anga ka lo kal mai ang aw" a rawn ti sup a, an buai nge maw ni phone ațang chuan thawm a rawn awm nak nak bawk.




"Um, mahse fimkhur la aw" ka ti sap a, Engvanga fimkhur tura duh nge maw ka nih le, "yes, lutuk. Engmah na i nei lo tiraw? " min ngaihtuahna aw ri chhuak chuan amah ka ngaihna a ti zual sauh mai. "Um, ka nei lo ka tha lutuk min ngaihtuah duh suh, chuan ka ngai tawh che hmanhmawh la" ka ti sap a.




"Ka ngai fê zawk che, ka rei lo ang ka lo thleng vat ang" a ti sup a, phone chu a dah nghal daih bawk. Ka thaw huai thei ka awmlo tih a hrelo hlauh chu, ni lo se chuan rang zetin a rawn kal leh tawh ang chu mawle.




"Zualtei chu i rawn kal duh kher anih kha" madam chuan a rawn ti a, min ngaihsak thar ta lutuk hi ka hrethiam hauh lo. "Ni e, boss in a phal ami? " kan chef chuan a rawn ti lehnghal zat bawk a. Hemi te pahnih hi vawiin chu an tho fuh amaw ni reuh le, hetia zaidam taka an țawng tak mai.




"Nia, a phalloa chu hna ka thawk chak tawh lutuka ka lo kal ru tawp alo let hma in ka haw leh mai ang" ka ti ta ringawt a. An pahnih chuan chîk zet hian min en a, ka awm pawh an ti nuam hrep love a.




"Fel, ngatinge madam leh chef hi?" Feli bulah chuan ka ti ta nge nge.




"Enge anni pahnih chu" a ngaihna hriat loh hmel zet hian a rawn ti hâ a.




"An piangthar ami? Nge an tho fuh zawk" ka ti leh.




"E, nangpawn ilo ti ve tho aaw, ihmaw... tunlai chu an mizia a mak dun tawp an fel thei bawk sia, chuan keini lakah pawh an fel rap. In pa hian a zilh hrep anih ka ring" a rawn ti ru sar sar a, madam che vel chu kan en dun reng a, sawtiang sawn hnathawh pah sawn a la nui ngai lo reng reng. Eng maw awmzia le, ka kal lohna a rei tawh lutuk a engmah hi ka hrethiam tawh nei nuai lo e a. Dawr awmdan lah hi an lo thlak nasa tawh si.




Awi!!! Lalfeli lah kha Davida nena an chanchin ka zawh theihnghilh leh ta, min hrilh pawh hi a tum lo amaw ni, nge ni a, an lo ni daih tawh zawk le. Tu emaw zawk zawk chu ka dâwp ngei a ngai ang.




"Tunge i hming? " ka bula hnathawk tura an lo dah thar chu a hming ka zawt nghala. Ka bia tih pawh a hre hauh lo, lehkha chu a bih reng ringawt. A thil ziah mawlh mawlh lai chuan a hmai bulah chuan ka kut chu ka zu vai a, a phu zawk a. Min hmuh rual chuan ding nghal zawk in chibai min buk nghala.




"Englo, i thawk tui viau nangin i hming ka zawt che a, I hrelo a" ka ti sap a. A zak chu a hmai a sen nghal țawn țawn a, a beng thlengin zu sen a mawle. "Zak duh suh, a ho lutuk" ka ti a, a hmai a sen vek sia a beng nen a khawngaih thlak zawk alawm le.




"Ih.... Ka hming chu Hannah ania, englo min ngaidam dawn nia i thusawi kha ka lo hrelo a" a ti bah nawk nawk a, ka nui chhuak hak a. "I hming chu a nalh lutuk ringawt. Ngaihdam dil a ngai reng reng lo i thiamloh a awm hleinem. Amm... Hetah hian i thawhna a rei tawh em? " ka tih chhunzawm zat a.




"Rei ve tawh tho, nangmah i thawh loh hnu deuh lawkah khan min sawn chho a" a ti a.
"Chu min lo hre daih tawh ani maw? " ka ti hluai a, ka nuih sâng bawk.




"Um, hre tawh nang te chu hrelo che pawh an awm ka ring lo, boss bialnu ini bawk sia" a rawn ti ve sep a, a aw hi a nalh reuh lutuk ringawt. Amah a cute bawk si a aw leh a hmel hi a inhmeh tawp.




"Haha, min hrelo chu a tam zawk alawm annih chutiangin ka lar hleinem" ka ti a, ngatinge maw milar anga ka than tak chiam le.




"Mahse boss hi a lar sia nanpawh hrelo mang an awm lo ang che. Chuan thlalak ai pawhin a takah i hmelțha zawk daih" a rawn ti a, ka hmel chungchang thu Ramhluna tih loh a min sawi hmasak ber tu ani ngei ang, min ti lai ve țût nia.




"Ivan ti lawmawm ve, mahse kei aiin i hmelțha zawk daih ania aw, i cute lutuk" nui var var in ka ti let a. Ani pawn min nuih vur vur chungin 'ka lawm e' a rawn ti ve a.




Eng emaw ka hrilhfiah hnu chuan ka hnathawhna turah chuan ka țhu ve nghala. Ramhlun'n min rawn call leh a, a rei dawn loh thu leh alo let vat tur thu min rawn hrilh a, min ngaih thu nen. Ka chhan letna chuan a hmanhmawh tir sauh ang tih ka hlau khawp mai. Tichuan, nilengin Hannah'i nen chuan hna kan thawk dun ta a.




A tlai tak tak hma leh Ramhluna a rawn kal hma chuan haw ka tuma dawr pawn ka chhuak chiah chu ka bana rawn pawt lawk tu an awm avang chuan ka leng lawp a, hnunglam ațang chuan tunge anih ka hre thei hauh lo, ka bana a hmerna chu a nat em avang chuan ka ner sak a.




"Tunge maw inih le, min thlah vat rawh" ka ti vaka, mahse engtin mah min chhang hauh lo. A kal ngai renga kal in zau zet hian a pên pâwk pâwk a, ka kal țha hleithei lo.




"Tunge maw inih le, min thlah vat rawh" ka tih pawh chuan min la chhang chuang lo, garage ah chuan min hnûk lut ani ber. Min vawnna a thlah hnu chuan ka bân chu ka tuai heuh heuh a, thinrim zeta ka hawi chhuak chu Kima chuan chiang fahran hian min lo en a, ka phu zawk bawk.




"Nangmaw? " ka ti hâ a, min chhang lovin min nuih suk ringawt.




"I dam maw baby? " a rawn ti a, a kekawr ipte zen chung chuan muang zet hian min rawn pan hnai bawka, min si lek lek chuan a rawn ding bawk. "Engthil nge maw itih le, min rawn hnaih suh kalsawn rawh" ka ti țhat a. Mahse ka thusawi zawm chu khawiah.




Ka sam rawn khawih a tumna kut chu ka vai kian sak lawp a. "I thil tih hi a âtthlak tih i hria em? " ka ti lehnghal țhat bawk.




Ka ban bul ve ve ah chuan a rawn dawm a, duh lo in tal chiam mah ila a tha chu hneh lo tak ka ni "min khawih suh, min thlah rawh, engthil nge maw itih le" ka ti țhat a, ka tal zui chiam a mahse aia nghet chuan ka ban chu a rawn hmer a, ana ngawt ngawt thei nia.




"Baby, ka bulah lo let rawh, ka u ai chuan hlimna ka thlen zawk ngei ang che". A rawn ti a, ka hmai bulah chuan a rawn thaw huam huam bawk. "Mi tenawm pa, kalsawn nghal rawh iva zaktheilo tak. Engtikah mah i hnenah hian ka rawn let tawh dawn lo" ka ti țhat a, ka tal zui chiama mahse awmzia avan neilo ber.




"Rawn let rawh ka tih chu ka u ai thlawt chuan hlimna ka siam tam zawk ngei ang che" a rawn ti hrâwih a, ka hmai bul chêtah chuan a rawn thaw huam huam a "Zakthei lo lutuk, awmsawn vat rawh. Ka rawn let dawn chuang lo, țhingțhi pawn min dil mahla ka let chuang lovang" ka ti fak a, kan thawm hi security pawn an hrelo amaw ni le, tinge tumah an lo kal miah lova.




"Baby, ka u khan eng hlimna mah a pe lo che. Ka hlimna pek ang che kha a pe miah lovang che. Ka hlimna kha i duh leh tiraw, lo let leh rawh kha aia hlimna nasa tak kha ka pe ang che" a rawn ti leh a, min ngen ani mah zawk.




"I hnena hlimna ka dawn leh Ramhluna hnena ka dawn hlimna hi tehkhin ngai hauh suh, a chhan chu maw i chak dawn chuang lo. I hnena ka awm lai khan hlimna tak tak ka dawng țhin amaw ka lo tia mahse khang te kha a lem vek ani, Ramhluna hnenah chuan maw... Hmana ka zawn țhin hlimna ka hmu asin nanga laka ka hlimna hmuh nen kha chuan tehkhin ve hauh suh" ka ti leh fak bawk.




"Ka u chuan eng hlimna nge a pek che, ka u hnen atang chuan enge i dawn? Ka hlimna pek ang che kha a pe hauh lovang che. Ka hnenah khan i hlim ber. Ka u chuan eng hlimna nge a pek che mawh?! Eng hlimna nge a pek che, kei chuan nitin ka la ngai che asin" a rawn ti a, ka chalah chuan a chal a rawn nghat a. A thaw chhuak zui ham ham bawk.




"I u ina hlimna min pek chu kei chauh hian ka hrethiam ang, midang hi chuan hriatthiam tum eng ang mah ula in thei chuang lovang a chhan chu maw... I u hlimna min pek hi chu khawvela hlimna diktak anih vang mawle. Nang anga hlimna dâwt nena inchawhpawlh ni lovin" ka ti leh salh a. Rawn thaw chhuak hrâwihin.




"Ka ta ini leh khawp ang, vawiin hian ka taah ka siam leh dawn che, ka u hlimna pek che kha hlimna diktak kha ka pe ang che, i duh apiang ka pe ang che" a ti hrâwih a, chumi rual chuan min rawn fawp anih chu!




Ka tal nghal vaka, mahse ka bânah chuan nghet zeta hmerin ka ke chu a ke lehlam chuan a rawn kherh bet nghal bawk a. Ka lu tihcheta tal chhuah ka tum rual chuan ka tukhumah vuanin na zet hian min fawh chhunzawm a.




Ka fawp let lo, thei leh thei lo chuan ka tal a, ka hmui tihchêt loh hram hram ka tum bawk. Mahse min kherh betin min vuan hneh lutuk tlat. Engmah ka tih hleihtheih loh avang leh ka beidawn lutuk avang chuan ka mittui a rawn hnâm sawk thei.




Ka che thei lova, tum eng ang mah ila a tha chu ka hneh lo rapthlak mai si, camera rawn ri khep ri ka hriat rual chuan mittui tla ngiai ngiai chung chuan ka meng phâwk hra a. Kima chuan min thlah thuta, keipawh chuan ka mittui chu hru in ka hmui chu ka nuai nghal nawk nawk a. Ka ten lutuk takzet.




Ka hawichhuah rual chuan Kima chuan thlalak hi kengin uluk zet hian alo bih a, kei min rawn en a, thlalak chu ka hmaah tak chuan a rawn lek kanga, thlalak ka en chiah chu ka phu dawrh thei.




Tuna thil thleng zo chiah kha ani, keipawn ka lo duhâm hmel em em bawk. Ka... He thil hi Nichina camera ri khepah khan an lo la tihna em ni. Ka thin chu a phu dawt dawt a. Kima chu ka en a. Min lo nuih suk lehnghal.




"He... He... He thlalak hi" kâwk chung chuan ka ti bah nawk nawk a. "Ni e, he thlalak hi Ramhluna ka hmuh anga chuan vawiin ni ami ani tih a hre ngei bawk anga, en teh, nangpawn min fawp let ve anih hi. Chu thil chu a hmu anga eng tin nge a ngaiha i rin, heta a landan phei hi chuan nangmah zawkin i duhthawh hmel em em mai lehnghala" a tih chuan..




"Maw!!??? " ka ti chhuak nghal vak a. Tuna a thusawi kha enge awmzia. Ka khur nghal dawt dawt thei nia.




"Baby heihi maw... Ramhluna ka hmuh dawn alawm, lungngai reng reng suh, vawiin ni la la hian ka ta ini leh dawn alawm, a rei tawh lovang. He thlalak hi a hmuha a awmdan tur han ngaihtuah chhin teh, an thinrim dan tur chu, nangma chungah ngat phei chuan a thinrim hle ang, chuan in ințhen phah ngei bawk anga. Lunngai suh ka bulah ilo let thei ang, kei chuan ka lo pawm reng che" min en pah chuan a rawn ti sup a.




"Kha thil kha a tak ani lo, a ring bawk hek lovang. Mahse pe suh i pe anih vaih chuan.... " ka sawi zawh hma hma chuan




"Ka pe ngei ngei dawn, nge ni a, ka pe lo anga ka bialnu ah i țang leh zawk dawn? I duh i thlang thei ang, Ramhluna hmuh nge ni a, ka bialnu a țan leh zawk? I duh thlang rawh. Ramhlun'n a hmuh huna a ngaihdan tur kha suangtuah theihnghilh lo la aw, baby" min en pah chuan elhsen zet hian a ti chhuak a ka kur a khur zui dar dar bawk.



💜

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:13 pm

2!3! #EP-36

By : Msi_Miluhlulnui 👩🏻
(Hmeichhe naupang tereuhte)




"Baby, 4 ngaihtuah zo tawh em eng zawk nge i thlan dawn? " thlalak chu a en a, chimawm zet hian min rawn melh zui bawk a. Rapthlak lutuk. "Eng mihring nge maw inih hrep le" ka ti zui hlak a. Rum zet hian ka melh bawk.




"Oh! Mihring satliah ve mai mawle ka nih, mahse mihring nangmah vei em em tu che ka nih leh bawk si a" a rawn ti a. Thlalak chu a thlêk leh vut țhin bawk. Ka hlauhthawnna hi chu dahțha ta ila thlalak saw ka lak ngei a ngai ani. Hepa hian a thusawi hi a ti duh leh tak tak ang.





"Mihring â tak inih dawn chu, kha thil kha Ramhlun'n a awih i ring ami? I ring sual anih chu, i ngaihtuahna hi alo tawi ka tia" ka ti let ve fak a, ka thusawi avang chuan a nui zui suk a "I țawngkam lo hriam ta lutuk hi ka awm thiamlo țep alawm mawle, mahse ka hre țhang dawn si a, tun ațanga ngaia ka neih a ngai dawn anih chu" a ti zui sup a. Mit min siai nghal suk bawk.




A kuta thlalak saw engtin nge ka lak theih ang le, nichin thil thleng khan min la țhawng lutuk a ka khur ala reh bawk si lo. Ka la vat lo anih chuan Ramhlun'n a hmu anga insawifiah tum eng ang mah ila a ngaithla duh leh dawn si lo. Saw thlalak saw ka lak vat a ngai ani.




"I duh chu thlang la, ka nghak rei peih vak dawn lo ania. He thlalak hi ka u hmuh nge ni a, ka bialnu a țan nghal mai i duh" a rawn ti a. Amah chu ka nuih sak a, engti kawng pawha saw thlalak saw ka lak ngei a ngai ani.





"I duh chuan i hmuh thei ang, hmuh ta che, tunah va hmuh nghal rawh a awih dawn lo tih chu kan hrechiang dun ani lawm ni" ka ti fak a. Thlalak chu lak theih dan tur remchang ka zawng reng bawk.




"Nichin kha chuan i hlau em em a, tunah erawh i ngam leh em em tawh a. Anih chuan a țha alawm, ka hmuh ngei ang chuan ani chuan a awih ngei bawk anga, ka kal nghal mai dawn asin min lo zui ve duh kher em?" a rawn ti a. Ka chhang lo.


"Kal ta che" ka ti leh sap.




"I chiang chiah maw? " ala rawn ti leh hram a. Chiang zet hian min rawn en a.




"I kal dawn nge keiman ka va entir dawn" ka ti leh a, hetia a rilru tihbuaia chutih laia lak chu a ngai ani, anih loh chuan engti kawng mahin ka la thei dawn lo.





"Chutia i inhuam viau chuan kan entir mai aniang chu, ka entir zawhah ka lo tlawh dawn che nia" a ti a, ka bu nghat a. Ka lo en ve reng avang chuan ngaih țhat loh hmel zet hian min rawn en a, mahse ka lo nuih lui sâng a. Ngaihțhat hmel zeta thaw chhuak chung chuan a inher a. Chutih lai tak chuan chak zeta tlanin a kuta a thlalak ken chu ka va pawt pawp a, ka kuta a awm hnu chuan amah chu ka theih pa tawpa na in ka nam zui chawrh a, thlalak chu ka hûm khâwr nghal vek bawk.




"Nang" tih hrâwk paha a rawn hawi let rual chuan ka phu zawka, ka thlalak hûm khâwr vek tawh chu ka hnungah ka dah a, cho zet hian ka melh let ve bawk a. Hlauh avangin ka khur ru dar dar thei nia.




"Tiang zawng khan i che leh si amaw? " a rawn au zui hrâwih a, ka phu lehnghal zuk bawk "A ngai miau sia lawm, mahse tunah erawh chuan i thil tum chu a hlawhtling dawn lo tih lo hre tawh ang che" ka ti let ve țhat a. Ka thin phu nasa lutuk avang hian ka awm a nuam lo leh țan tawh.




"Thlalak kha min rawn pe rawh, min rawn pe rawh ka tih chu" a ti hrâwk a, ka lam pan chuan a rawn pên nghal vut a, hnunglamah chuan ka tawlh ve leh zel bawk. Thlalak chu ka hûm nghet zual sauh a ka hûm na lamah hian ka kut a thlan vek tawh bawk.





"Thlalak kha hmuh i phal ani lawm ni, engvangin nge min rawn laksak leh si a" a aw chu thinrimna avangin a ri chhuak hrawih hrawih a, ka thlan a tla phung thei nia. "Min rawn hnaih tawh hlek suh, anih loh chuan police ka ko mai ang" ka ti ve fak a. Mahse ka thusawi chuan awmzia a neih loh hmel takzet. Ring zet hian a rawn nui chhuak vak vak a.




"Police i ko ang maw... Nang ve te hian Police i ko ang maw" tih pah chuan a nui zui leh vak vak a, a nui chu garage chhungah hian a khâwk thei mawle, ka chil ka lem nghal dâwk a, thlalak chu ka hûm nghet lehzual sauh bawk.




"I duh chuan ko mawlh ta che" tih leh hrâwih pah chuan rawn pên zau hretin na zet hian ka ban bulah chuan a rawn vuana a lam ah chuan min pawt phei nghal hrâwk bawk. "Police chu ko ta che" a rawn ti leh a, tal chhuah tum chuan ka tal ve sek a.




"Baby, i theih loh tur hi chu sawi ve țhin teh suh" tih pah chuan ka biangah a rawn zût thla riak riak a, duh lo in ka hawisawn ve hmak a. "Ka theih loh tur thu ka sawi hauh lo chuan Police chu ka ko khawp ang, nang mi tenawm lutuk man tur hian ka ko khawp ang. Chuan min thlah nghal rawh" ka ti țhat a. Ka theih pa tawpa na chuan ka tal nghek bawk.




"Kei hi mi tenawm maw ka niha, lo en rawh eng anga tenawm nge ka nih kan hmuh tir ang che" a ti a, thlalak ka hûmna kut chu a rawn vuan a, nghet zetin keiin ka kut chu ka hûm ve bawk. "Mi tenawm lutuk inih hi, min thlah nghal rawh tih leh tih loh tur pawh hrethiam lo mihring inih hi" ka thinrimna avanga ka țawngkam chhak chhuah te chu duh lo te mah ila ka kâ hian a rawn sawi chhuak ve tawp țhin si.




"Nang hian min ti â zo vek tawh anih hi, mahse tenawm min ti sa sa lo en rawh engtiang chiaha tenawm nge ka nih kan hmuh tir ang che" tih pah chuan hnunglam ațang chuan ka mawng rawn khawih in ka hnute chu a țhâm nghal bawk a. Ka tal nghal vak!.




"Baby, che suh, i taksa ka khawih lohna hi engtianga rei nge ni tawh" tih paha ka hnute rawn khawih a tum leh rual chuan au chhuak vak in na zet hian a kapah chuan ka pêt sak a, min thlah thut rual chuan a hmai ah ka beng nghal sawk bawk.




Ka thin phu nasa lutuk avang chuan duh angin ka awmdan a fuh thei lova, boruak ka hîp lut nghal kâwk zel bawk. "Nang hi eng ang mihring nge maw ilo nih le, khang zawng zawng thlen hnuah pawh khan i insiamțhat ka lo ring a, mahse ka lo ring sual deuh ani, i tenawm, i tenawm takzet ani. I duh duha i khawih theih mihring ni turin ka piang chhuak lo" ka ti chhuak nghal vak a, ka thin zawn na lutuk avang chuan ka mittui a tling kuar thei.




"Zualte... " a rawn ti zawi deuh hrawih a, "kha kha i chan tawk chiah anih kha, hetiang em em a tenawm hi ani maw ilo nih a, hmeichhe zahawmna hriat nachang pawh hrelo inih hi, i tenawm lutuk" ka ti zui leh fak a. Ka thin zawn na lutuk leh phu rang lutuk avang chuan ka awm zawn chu ka dawm a.




"Nang hian ka mit i tidel vek tawh anih hi" a rawn tih hrâwih ruala rawn ding chhuak deuh thut in mit sen rûma min rawn pan a tum leh rual chuan chak zeta kut rawn thawi fua hi ka hmu a, Kima chu chhuatah chuan a thal nghal tawp bawk.




"Bawihi" aw ri ka hriat rual rual chuan rang zet hian hnunglam ka hawi a, ka hnung mai ah chuan Ramhluna chu alo ding anih chu! ka hmu thut chu ka hamhaih vang nge ni țawng mai nachang ka hrelo ka thin rawn na lutuk avang chuan ka mit a rawn na nghal ûr thei.




"Bawihi, i țha em? " a rawn ti leh sup a. A aw ri a min ngaihtuahna rawn ri chhuak avang chuan ka rilru a no a, ka mittui a rawn luang chhuak nghal nguai nguai mai a, keimahah inthiamlohna nasa tak a rawn awm nghal bawk.




"Duati" rawn ti leh sup in min rawn pan hnai a, ka mittui tla a hmuh rual chuan thaw chhuak leh hrâwihin a âwmah chuan min kuah bet nghal vat a ka thin ana lutuka duh angin ka thaw hleithei lo. Tinge ka thinphu a ran hian ka thâwk hi a buai chhunzawm nghal zat țhin le.





"Gabriel, vawikhat hnek leh rawh" a ti leh hrâwih a, amah zawk chuan nghet zetin min kuaha ka samah rawn chûlin ka chhipah chuan a rawn fâwp nghal vang vang a, ka hahdam sawng sawng thei mai nia. Mahse keimaha inthiamlohna a rawn tam tual tual a, ka thlalak ken chu ka hûm nghet tual tual a, ka hûm na lamah ka kut pawh a na vek tawh.




"Sir, a tawk tawh mai lawm ni" Gabriel-a aw chu ka hria a, Ramhluna chuan "a car ah dah lut ula driver kha a inah va dah tir rawh u, chuan hnuhma kha ilo tihfai tir nghal dawn nia" a ti sup a, a sawi zawh rual rual chuan ka chhipah chuan a rawn fawp lehnghal vang vang bawk.




"Ka duatte, i tha em? Engtin mah ati lo che tiraw" min duatna aw ri ka hriat rual te chuan keimaha inthiamlohna nasa tak awm tawh chu a rawn pung tual tual a, ka mittui a luang thla zung zung thei.




Ka bek ah ve ve dawm in amah en tur chuan min kuai dak nghala ka mittui tla a hmuh rual chuan a rûm chhuak nghal hrâwih a rang zeta rawn hru in "Bawihi, a khawih hman che ami? " a rawn ti leh a, ka mitah chuan chiang zet hian min rawn en bawk a, ka en let ve rual chuan a mitmeng ațanga ka thil hmuh chuan mahni inthiamlohna min siam nasa zual sauh bawk.




"Ramhlun.... " ka ti sep a, ka sawi zawm theilo. Keimaha inthiamlohna awm avang chuan hreawm ka tih belh ngawih ngawih a "Bawihi, sawi rawh engtin nge a tih che?" a rawn ti deuh hrâwih!.




"Ka... Ka khapa khan min khawih a chuan.... " sawi zawm lo chuan ka ngawi leh daih a. Ka biang ve ve ah dawmin min kuai dak lehnghala a hmel hahdam zet ka hmuh rual chuan ka inthiamlo nasa tual tual bawk.




"Ka hria Bawihi, ka hmu alawm i taksa a khawih avang chuan hremna a hmu khawp ang" a rawn ti deuh hrâwih a, hahdam rawh a rawn ti zui leh sup bawk. "Aih, nilo Ramhlun, kha... Khatiang lam kha ani lo" ka ti leh a, a ngaihna hrelo zetin min melh nghal bawk.




"Bawihi, sawi la, i sawi loh chuan ka hre bik lo alawm, ka rawn thlen hma khan thil dang thleng a awm ami, engtin nge a tih che sawi rawh Bawihi" a rawn ti leh a, engmah sawi lo chuan a mitah chuan ka en ngar ngar a. A thu sawi ang khan lo awm ila chu hetiang thil zawng zawng hi a thleng lo mai tur ania. Keima duhthawh lutukna avang hian eng thil nge ka thlen tir tak le.




"Bawihi" a rawn ti leh sup a, na ka nei nge nei lo min rawn thlêk leh vut a. "Ih.. Kima khan... Ih.. Englo min, min fawp asin. Mahse ka duh vang ani chuang miah lo, min pawt bet tlat a ka țang thei si lova a tha ka hneh bawk si lo, chuan min rawn fawp a ka tal vak a mahse min vuan bet tlat a. Chutih lai tak chuan thla an lo la a, chuan nangmah hmuh tir che a tum a. Ka... Ramhlun i thu ka awih loh vang ani, ka... Ka.. " ka sawi zawh hma hma ka hmui chu a rawn hup bet a, a mitmeng hmang chuan ngawi turin min hrilh bawk.




"Ka hria Bawihi i duh dawn lo tih ka hria, chuan nangmaha inthiamlohna awm kha ka hmuh duh hauh lo ania khatianga a tih man che chu a hmu khawp ang, CCTV footage kan la anga kan chian dawn nia" a rawn ti sup a, ka thusawi chuan a țhawng ve tho ang, mahse ka hmuh laia thinrim a duh lo ani ngei ang.




"Thlalak chu I kawl em Bawihi? " a rawn ti a, ka kut hnunga thlalak ka ken chu ka hûm nghet zual sauh a, "kawl lo" ka ti sep a, he thlalak hi a hmu anih vaih chuan a thinrim dawn tih ka hria. Engvanga a thusawi kha lo awih lo nge maw ka nih le, inah khan lo awm mai mai ila chu hetiang thil hi a thleng ngai hauh lovang.




"Dawt sawi i thiamlo ka tih țhin kha, eng ang pawn tum ve mahla ka hre thei ania" a ti a, min nuih suk a, chumi rual chuan ka hnunglam chu rawn ban zeuhin ka kut chu a rawn hûm hnan hmiah a, ka beng bulah chuan "ka sawi dik Bawihi" a rawn ti a, a nui ri zui suk a. Ka kut kara ka hûm thlalak khâwr chhe vek tawh chu a rawn la nghal hmiah bawk.




Thlalak chu a pharh a, mahse alo chuar tawh bawk nen, alo chhe tel deuh tawh bawk a. Engvak mah a hmu theilo ani ngei ang. "Bawihi, CCTV ah kan en nawn leh ngei a ngai dawn anih hi" a ti a, min rawn en nghal zeuh bawk.




A duh chuan thinrimin ka lakah hian a lungawi lohna a lan chhuah tir thei bawk, mahse engmah a ti lo, hahdam hmel zeta min en in engah mah ngai lo turin min la hrilh fan a, mahse kei hian ka hrechiang ani. Ka hrechiang takzet. Kima thil tih avang leh keimana ka buaina lo thlen ve avang hian a lungawi lo tih hi.




CCTV footage an en chhung chuan kei chuan kei chuan hnunglam ka hawi tlat a, a chang chuan Ramhluna chuan na zet hian ka kut chu a rawn hmer leh țhin bawk. Kei erawh chuan en ngam lovin hnunglam ka hawi a, hnunglam ațang chuan ka lo insehru ve ngawt ngawt bawk.




An en zo tawh nge ni, ka inrin hma chuan min kuai hera min kuah nghal vang vang a, a ngaihna ka va hrelo tak em! Engmah sawi lo chuan min kuah reng a, a chang leh a thaw chhuak leh hawk țhin bawk. A chhan ka zawh pawh chuan min chhang lova nghet zet hian ka kuah let ve a.




Engmah a sawi loh avang chuan ka ngaih a țhalo tawh em em a, kei hi min haw tak em ni ang, min hua anga min kalsan daih dawn amaw ni le, ka ngaihtuahna ang hi chu ni lul lo se ka va ti tak em!.





Rei fe min kuah hnu chuan ka mitah chiang zetin min en a, ka thiamloh anih loh thu min hrilh a Mahni indem lo turin min hrilh bawk. Chuan Kima'n a thil tih avanga a tuar tur thu a sawi tel bawk a. A hmel landan ațang chuan a thinrim em em tih ka hrethei.




Ka thiamloh ani lo tih sawiin, mahni indem lo turin min hrilh mahse keimah ka thiamlohna a pung tual tual zawk ni maiin ka hria. Engvanga mahni inthiamlo tlat nge ka nih ka in hrelo. Kima kha ka theih pa tawpa sual let ve tur ka ni, mahse thei ni ila chu ka ti ang. Mipa tha na nâ nâ chu hmeichhe tan chuan theih pa tawpa na in țang mah ila kan hneh chuang lo. Mahse lo dan tumin tan lo la ve tal ila chuan tiang buaina te hi a thleng lo mai tur ania, engkim hi ka thiamloh vek ani.



🍀
"Bawihi, zanin hian inpui lamah min kalpui la, ka nu leh pa thil pek ka ngai a mahse kan rei lovang" ka hnathawhnaah Ramhluna chu a țhu ve renga, ka hnathawk chu min lo thlir ani mah zawk. A chang leh a tihtur hrelo lutuk chu a fai fûk rât rât a, min tihbuai tum awm ang hrimin ka biangah a rawn fawp chhen bawk a.




Hna thawk turin ka ti a, a peih loh thu in min chhang ziah. "Bawihi, ka râwn ve na che kha chhanna ka la dawng lo ania" a rawn ti sup a. Rang zeta chair chu ti tawlh in ka bulah chuan a rawn tawlhphei nghala.




"Um, kan kal dawn nia" ka ti sep a, " ti daih tawh tur kha, min chhang dawn lo amaw ka ti hman tawh a" a rawn ti sup a, ka sam chu khawihin a rawn vial a rawn vial leh țhin bawk a. A chang leh a rawn hnim leh vang vang thin.




"Ngatinge ka sam hi i hnim vak zela" ka ti a, a hnîm leh zeuh a, min rawn en a. "Ka hre bik lo le, ngaiah ka nei tawh pawh ani mai thei" a rawn ti sup a, chair chu ti tawlh lehin hnai zetah chuan a rawn țhu a "Ava dangdai dawn ve, sam inhnim sak chu" ka ti a.




"Dove ka hmuh leh a rim ka hriat chang hi chuan ka hrechhuak ngei ngei zel che" ala rawn ti ta deuh deuh lehnghala, chiang zet hian ka va en phei a, mit zim sun hian min lo melh a, "enge ania lawm. Ka hrechhuak ziah che" a rawn ti leh.




"Ani lo ka tia mi? " ka tih chuan a rawn nui chhuak ta hawk a. "I rawn ti dawn amaw ka tia ka lo chhang lawk che anih kha" ala ti leh hrâm a, hepa han nghal dan em em hi chu aw... "Chimawm suh aw" ka ti hlak a, nui chhuak hawk in ka biangah chuan a rawn fawp nghal zeuh a.




"Ka zo tep aw, kan kal thei țep" ka ti a a bu nghat a. Dik tak chuan ka bulah a awm reng a, hnathawh a tum bawk si lova, hna lo thawh bik kha a nuam chiah bawk si lo, amah lah hian thawk mai mai rawh ati mai zel sia, a nuamlo ve det.




Ka ziah mawlh mawlh lai chuan ka phone a rawn ri a, amah chuan "remruat saprama" a rawn ti a, a hming ka save dan a chhiar avang chuan a nui zui nghal hawk bawk. "Min lo laksak mai" inthlahrung zet chuan ka ti a, "ok" tih pah chuan ala nghal zat bawk.




"Hello"




Phone atang chuan Remruata'n "Zualtei, a awm em? " a rawn tih ri pawh chu ka hre thei vek a.




"I biak tum number neitu hmelțha leh duhawm zet hi a biak theih rih lo, tunah chuan a kut hi a rim lutuk tlat. Chuvang chuan a bialpa chhe lo em em hi i hrilh duh chu min hrilh mai ta che. Hrilhchhawn leh ani dawn tho" a ti a, a sawi zawh rual rual chuan ka nui chhuak nghal hak a, min rawn en a, mit mit siai nghal suk bawk.




"Khawimaw teh" tih pah chuan phone chu ka laksaka Remruata chu ka be nghal zat a. Alo haw tur thu min hrilh a, ka au chhuak vak nghala, ramhluna chu a hawihai teh asin aw..




Kan inbiak chhung zawng chuan min lo tibuai chhen a, ka melh leh hrep thina mahse min en vung vung pah hian a nui suk z ringawt. A kut zaizir chuan tho turin min ti a, ka tho a rang zet hian ka banah pawtin a malchungah chuan a hma zawngin min pawt țhu a, amah chu ka zu bawh rawk rawk bawk. Tinge maw vawiin hi a thawven em em mai le.




Zak dêk ka hua tih a hre ve renga, min rawn dêk a, a chang leh ka nâk chu a hmer leh vak țbin bawk. A zâ ka ti lutuk chu ka tal chiam țbina, mahse amah zawk zawk in nghet zet hian min vuan leh țhin.




Ka tawng lak lawh lai lai te hian ka hmui bulah a hmui dahin min rawn fawp leh dek dek țhina, a darah ka ben sak thlawrh zel "Ka lo be țha leh ang che, signal ka nei țha lo emai" tiin Remruata bulah chuan ka sawi ta ringawt a. Ramhluna lah chuan min lo nuih suk suk lehnghal.




"Enge khatianga min lo tih vak vak a" ka ti a, ka phone chu ka țhutna ah ka dah a, țhutthleng ban ve ve ah chuan ka kiu nghatin ka khabe ka dawm a, amah chu ka melh chho ve ralh bawk.





Ka kut chu a rawn la a, ka hnungah chuan a dah a, A kut pakhat chuan ka biangah a dawm bawk a. "Ka bula i awm chuan heng hi tih a thiang ngai lovang. Mipa dang biak, mipa dang taksa tawh emaw i taksa an tawh, chuan mipa dang bula nuih, chuan... a dang chu aiam chawp ala ngai dawn anih hi, 10 vel ziam ila zir la a țha ang" a tih chuan.




"I rapthlak e a" ka ti hlak a, a nui chhuak hawk hawk "Ka ta chauh ini tih hi an hre tur ani" ti zui sup in min fawp nghal vang vang a, kei pawn duhthawh takin ka chhang let ve zel bawk. Ka hnathawhpui alo luh avang chuan rang zetin kan inthlah a, Ramhluna lah chuan min pawmna ațang chuan min chhuk thlak tir ala phallo zui.




"Hannah-i țhutna anih kha" ka tih chuan "E" a tia, min pawm kang zui nghal nawlh a, min la dahthlak a tum lo fo anih chu! "Min dahthla rawh a zahthlak" ka ti hlak a, a rukin ka biangah a la rawn fawp zeuh a. Min dahthla ta hram. Thawhpuite hmaa hetiang vela awm hi chu ka zak tlat. A hnuah group ah hian min chhaih hlawm ziah lehnghal.




Hannah-i lah chuan Ramhluna a hmu chu an hlim mai mai khawpa ka bula Ramhluna țhu te chu thla a lak ruk sak chhena, a ruka ka biang, ka hmuia a fawh lai te pawh alo la hman hrim hrim ang. A tawpa tawpah chuan thlalak pui an dil ngam ta hram kha. A dil dan lah chuan min ti nui hrep lehnghal.




"Ih... Sir ihmaw... Thla ka lo lakpui che, ka țhiante bulah leh au te bulah ka insawi thei duh a, anni chuan an hmu zen zen ngai lo che a, thlalak ațang hian an duh em em zel che a, thla ka lakpui che chuan a nuam dawn em asin, an hmuh chakna che a zual sauh dawna." A ti ta duah a, Ramhluna pawh a nui chhuak tawp.




Tun thlengin Kima ka hmu ngai lova, a chanchin pawh ngaihven lo tih taka ka hrelo bawk. Engtin nge an tih zel tih lah Ramhluna ka zawt ngam lova. Khami hnu khan ka inthiamlo lutuk leh hreawm ka ti lutuk kha, min khawngaih letling zawk a. Ngaihdam min dil zawk tawp anih kha.




"Ka ta ini a, i taksa khawilai pawh, i engpawh tu mipa nang mahin an khawih ka phal dawn lo. An tilui anih chuan hremna a nêp mai mai lovang" tih chu a sawi ngeia, a rilru ana ve tih pawh ka hria chuvang tak chuan ka inthiam lohna kha a zual sauh a. Ka lo dang lo kha â ka inti ngawih ngawih a, nêp ka in tiin, mawl ka inti hle bawk.



🍀
"Enge i ngaihtuah leh tawh a? " ka sam ah chuan a rawn chûl a, ka harh nghal zawk bawk. Tunah hian anu te in lam panin kan kal mek a, ka hre lo, ka huphurh ve tawp ani mai. Thil thleng dawn tlata hriatna ka nei.




Dawr pawn lamah khan media an lo awm khawm țhup a, chupawh Ramhluna awmna an hriat vang ani. Company enkawltu tur chungchanga kawm an duh avangin an zui kual reng a an châng deuh tawp hi ani mai.




"Bawihi, i huphurh tih i hmel ațang khan a hriat vek alawm, kan chhuah dawn pawh khan ka hre tawh" a rawn ti a, ka sam chu ka bengah a zep zeuh a. A darah chuan min bei tir nghal bawk a. Hepa min hriatchian dan em em hi chu aw...




"Ka hre biklo, eng emaw thleng dawn tlata hriatna ka nei a" ka ti sap a, ka chhipah chuan a rawn fawp nghal vang vang a, "hriatna țhalo anih chu, nakinah kan entir dawn nia" a tih chuan na zet hian a malah chuan ka chum sak a, a rawn nui chhuak hawk hawk mai.




An inpui kan thlen chuan hnathawk ten car khawngkhar min rawn hawnsak a, ka chhuah rual chuan chibai min bûk nghala, Ramhluna phei chu an lo bâwihsâwm nghal vat bawk.




Ramhluna chuan ka bânah a kai a, in lam pan chuan min kalpui bawk a, in hi Ramhluna in nen kha eng emaw chenah chuan in anna an nei a, mahse heihi a țhenah chuan a lian zawk bawk.




"Ka pa kan lo thleng" inchhung kan luh rual chuan apa te chu a au nghala, hnathawk te chuan mamawh a neih leh neih loh an lo zawt nghal vat bawk. Sofaa Kima lo thu rûn ka hmuh chuan ka phu zawk a. A bân chu a awrh hlûn bawk. Mahse rei en lovin Ramhluna min biakna chu ka chhang ta zawk a. Saw pa ka en na chhan tur saw pakhat mah a awm lo.




Room ațang chuan ni ngei tur ani, apa leh anu an lo chhuak a kan lam pan chuan an rawn kal nghal bawk a. "In lo va thleng hma leh si ve, Zualte nangpawh kan lo lawm a che" apa chuan ka hming a lam tel ve avang chuan ka phu zawk a, phâwk zeta mengin "ka lawm e" tiin ka bu nghat a. Engtin nge ka hming a hriat theih zawk ni.




"Henu hi i rawn hruai leh amaw? " anu chuan min melh deuh ralh pah hian a ti chhuak salh a, min ner khum nak bawk.. "Ka nu, henu ni lovin Bawihi anih hi, nangpawn hetianga itih loh tur thu kha i sawi tawh ani lawm ni" a aw chu a dam hran lo, mahse a nêlawm loh em em thung.




"He inah hian lalna rawn chan i tum em ni, chupawh henu vang hian" a țawng dan ațang chuan min hmuhsit hmel takzet. Apa chuan "duhtak, a tawk! Bawiha, Zualtei nen khan lo lut rawh u" a rawn ti deuh hrâwih a.




Anu chuan "duhtak, lo ngawi phawt teh. Hmanni khan ngainat ka tum ang ka ti a tiraw, mahse henu avang hian ka fapa in na a tuar phah a, chuvang chuan he in ka in hi a rawn rah ve ka phal ngai lovang. Chuan henu hnungzui tu apiang pawh chu dodal zel anni ang" tiin Ramhluna chu a melh a, Ramhluna chu a thaw chhuak deuh hrâwih a, kal a tum rual chuan a banah ka pawt vat a.




"Mahni thutiamah pawh ding ngai lo, hmeichhia inih hi, nang ka lo ring che hi ka tisual ngawt mai. Rintlak pawh ini nek love. Dâwt bak i ka ațang hian a chhuak ngai lo. Chuan maw he in hi i in ani lova ka pa in pawh ani hek lo, ka pa in amaw itia nga ilo intilal ve viau ange, mahse he in hi engkim ka nu hmingin a awm vek a, chuan kei hian chu chu ka hmingin a awm tih ka hre vek bawk. Ka pa hian engmah chan a nei lo. Chuvang chuan i kâ chiah khan hausa in chapo la, dâwt sawi rawh" a ti ve hrâwih a, anu a biak dan chu mawi lo mahse kei chuan âwm ka tih pui hliah hliah.




"Nang hi, mahni nu te pawh biak dan tur hrelo" tih paha Ramhluna rawn ben a tum rual chuan Ramhluna hmaah tak chuan dingin a kut chu ka lo vawn saka, Ramhlun'n ka darah a rawn dawm nghal vat bawk.




Ka huaisenna zawng zawng sawm khawm chuan ka țawng chhuak a. "Ka pi, khatiang zo zai țawngkam i chhak chhuak tawh a, Ramhluna pawh i fapa ani lo tih hial pawn i sawi tawh a. Engtin nge nu te biak dan pawh hrelo ila tih zawk theih a. Nangmah hi alawm fate enkawl thiamlo chu, chuvang reng chuan anih saw, k fapa sawn a tuar chiah reng ni. Fate enkawl thiamlo chuan an dawt sawi chitin mai leh an tawngkam chhuak apiang chu an aw, e, liam sak a, an awih nghal vek mai asin. Ramhluna khan sawi dik loh pakhat mah a nei lo" ka ti let ve fak a. Anu chuan thinrim leh mak tihnaa khatin min en a, mahse pawi ka ti lo. Ramhluna a tih dan leh nu fel ber anga lan a tum derna hi ka tuar thei tawh thlawt lo ani.


💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)