2!3! BY Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

Re: 2!3! BY Msi Miluhlulnui (Completed)

Unread post by Ngaia » December 20th, 2020, 3:13 pm

2!3! #EP-37

By : Msi_Miluhlulnui 👩🏻
(Hmeichhe naupang tereuhte)




"Nang hmeichhia hi! Engtin mah ka tih loh avang che hian rawn ngampa viau suh" a rawn ti deuh țhat a, a kut ka vawn chu na vak lo hian ka paih thlak sak a. An buainaa ka lo inrawlh hian buaina dang a siam belh ang em chu ka hrelo a, mahse Ramhluna a tih dan hi ka tuar thei tawh thlawt lo ani.




"Ka pi, ka ngampa anih chuan ka tihpalh mahse tunah khan thil i sawi dik lo leh der tawh ania. Engtin mah ka la tilo che iti tiraw, mahse i țawngkam ațang hian min hmuhsit zia chu i puang chhuak daih tawh alawm" ka ti ve leh fak a. Min huat hmel zet hian min melh a, min melh puak ang tih pawh a hlauhawm zawk alawm le.





"Ka thusawi ah ilo buaina tur a awm lo, chuan heihi kan chhungkaw buaina ani a, nang hi ilo tel ve nachhan tur a awm hauh lo" min tih khum nek a, kei ai upa ani a, Ramhluna nu ni tak tak ni lo mahse apa nupui anih tawh miau avangin anu tluk ani tawh a țawngkhum vak pawh a mawi lo tih ka hria, mahse ka insûm thei hlawllo ani.




"Bawihi, a tawk! Ka pa, ka nu hi lo hrilhfiah ang che. Hetiang hi anih zel dawna kan pahniha min hal anih chuan ka intiamna ngei pawh kha ka ti hlawhtling duh hauh lo ang. Sum duh em em khan ilo in ngaihtuah chiang dawn nia" Ramhluna chuan a rawn ti deuh hrawih a. Ka kawngah chuan rawn vuanin a bulah chuan min hnukhnai nghal bawk a. Anu chu rum zet hian a melh a, apa erawh chu a melh dam thlup thung.




"Pa, kan kal ania, nangmahni zawk in insiamțhat hunah min rawn be mai dawn nia" a ti a, "Bawihi, kal ila" a rawn ti sup bawk. Ka buk nghat rual chuan min kuah chhuak nghala, pawn kan chhuah thleng chuan a țawng miah lo bawk.





Biak tuma a hmel ka han en chhoh chuan alo thu tak rûn bawk si a, car kawngka min hawnsak lah in "lut la" a ti dam leh thlup tho si a, mahse eng emaw tak ngaihtuah chu a nei chiang alawm.




"Ih... I thinrim ami? " car a kan chuan hnu chuan ka ti ta nge nge, mahse min chhang lo chuan hmalam chu a melh ngar ngar a, steering chu a her kual leh pawp țhin bawk. Ka biak hrelo ang hmiah chuan a motor khalh lai chauh ngaihtuah ang chuan a awm bawk a.





"Ramhlun" ka ti leh a, min la chhang chuang lo, anu ka lo chhân ve avang khan ka lakah a lungawi lo ani ngei ang, mahse a lungawilohna chu tinge min hrilh miah loh le, khatia ka lo tih ve avang khan ka lakah a lungawi lo chiang lutuk ringawt.




"Ka tihpalh, khatia lo inrawlh ve pawh kha ka duh lo mahse nangmah a tihdan che kha ka tuar thei tawh hlawllo ani" ka ti sap a, a motor khalh chauh a ngaihtuah amaw ti a hmalam melh ngur chu keipawn ka en ve ngar ngar a, a steering hûmna kut chu ka va vawn hnan bawk a. "Ka tihpalh tak tak ania, ka ti tawh miah lo ang" ka ti leh sep bawk.





"Bawihi, chutiang lam ani lo" a rawn ti leh a ka thin in a tuar tawh ngang lo. "Anih chuan sawi ta che, i ngawi reng bawk sia hmalam i melh reng bawk si. Ka lo chhan ve avang khan i lungawi lo ami, i lungawi lo anih chuan min hrilh mai la" ka ti țhat a, muangchangin min rawn en a, a thaw chhuak hawk a.




"Bawihi, chu lam engmah ani lo. Chuan i lakah lungawi lohna ka nei lo bawk. Khatiang khan ngai lul suh thildang daih ka ngaihtuah ani" a rawn ti dam thlup a. "Anih chuan ka puih theihna che a awm anih chuan min hrilh la khatiang khan awm lo teh, Mahni lo maha inthiamloh ruk nak alaiin" ka ti a, steering chu herh pawp in kawng sirah chuan min dinpui nghal bawk a.




Motor a tih din fel rual chiah chuan ka lam a rawn hawi a, ka kut chu nghet zetin a rawn vuana rilru hah hmel fê hian min rawn en bawk a. " inthiam lohna tur engmah a awm lo ania, i ti țha lutuk, i puitling tawh lutuk bawk. Ka nu kha chu khatianga chhân ve deuh hlek kha a ngai alawm" a rawn ti a, ka kut chu la kangin a fawp zeuh a.




"Enge i ngaihtuah chu? " ka ti leh sap bawk.




"Hmannia ka pa te ina ka kal dawn ka tih kha i hria anga tiraw. Tah khan ro chungchang kan sawi fela ka nu in sum lam a hriat takah chuan nangpawh a ngainat tur thu che a sawi bawk. Mahse a thutiamah a ding lova, keipawh ka thutiamah chuan ka ding thei bik lovang. Nangmah an hal che a, an duh dawn lo che anih chuan engmah ka ti lo mai ang" a rawn ti a, ka mita min en chung chuan chu thu chu a sawi a, ka kut chu nghet zetin a hmer bawk.




"Ramhlun... " ka ti sep a, he mipa hi ka va han phu lo tak em! Ka tan chuan engpawh tih a huam si a.





"Bawihi, ka tan chuan i pawimawh ber, ka nu a awm tawh lova, ka nu tih loh ah chuan nang aia ka tana pawimawh an awm lo. Ka nunna ini a, i tello chuan engmah ka ni lo. Ka nunna leh ka taksa peng pakhat ini. I tello chuan ka taksa hi nunna nei tawh lo ang mai ani bawk țhin" a rawn ti ril ruih a, țawng ve ka tum rual chuan engmah sawi lo turin min ti a, ka kâ chu ka chîp lehnghal riai riai bawk.




A thusawi tinreng chuan ka thinlungah thu an sawi vek a, min deng dawt dawt ani mai. He mipa tluka tha hi ka țawng leh tawh ngai lovang, chumi piah lamah chuan ani hi kei misual ve te mai hian ka phu lo em em bawk.




"Bawihi, ka nu khan engpawh a rawn zawt che anih chuan chhanna dik pe ngai suh ang che. Chhang suh chu ka tilo, miin min biaka chhan loh chu thil mawi ani lo bawk a, mahse ka chungchang emaw a zawh hrim hrim ah che chuan chhanna dik pe ngai suh ang che. Chhanna dik i pek chuan kan tuar vek thei.




Chuan, ka chungchang emaw i hmelhriat tupawh chanchin a hrilh che anih chuan awih suh ang che. Ilo ngaithla anih pawn keimah nen kan chian hunah chauh rinna pe țhin ang che. Ka nu hian eng thu dik mah a hrilh ngai dawn lo che. Nangmah hmang hian ka thil neih ka pa ro te hi min laksak ala tum chauh dawn. Ka sawi chu i hrethiam tiraw? " a rawn ti a. Ka bu nghat.




"Mahse, ngatinge? " ka ti sap.




"I zawhna chhanna chu nakinah pek vek ini ang chuvang chuan ka sawi ang hian lo awm tawp mai rawh. Ka tan i pawimawh bera nangin i tuar hi ka duh ve lo, engah mah hnuhluh che ka duh lo" a rawn ti dam leh thlup a, amah chu mit khap lek lovin ka melh a, ani pawn min melh let ve reng bawk.




Ka tana tha lo tur min hrilh dawn lo tih ka hrechianga a thusawi hi ka zawm bawk ang. Ka tana țhalo tih a duh dawn lo tih chu ka inhriatchian tlukin ka hrechiang, amah pawn a sawi vek tawh. Mahse ka puih theihna lai apiangah chuan puih ka inhuam reng bawk.




Thaw chhuak hak in amah chu ka nuih sâng a, ka kut pahnih chuan a biangah chuan ka han dawm tawp a, a ngaihna hriat loh hmel zetin min melh a, tunah hi chuan nichina a hmel ang kha a pu tawh lo, a hahdam ve hmel tawh takzet.




"Puih theihna che ka nei anih chuan min hrilh hreh miah suh ang che, engtik lai pawha puih che ka inhuam reng ania. Chuan khang i thusawi te zawng zawng avang khan ka lawm em em a, ka tana i awm hi ka lawm nawn leh em em bawk" ka ti sap a, a rawn nui suk a.




"Ka lawm e, ka kianga hahdamna leh thlamuanna min thlen tura i awm avangin, nang awm lo la chu tunah te hian bar-ah ka awm leh daih tawh ang" a ti sup a, ka biangah chuan rawn dawm in ril zet hian min rawn fawp vang vang a, keipawn ka chhang let ve nghal vat bawk. Ui hmel fê hian min thlah a, min nuih sukin rei fê min rawn fawp leh vang vang a, kan in lam pan chuan kan haw ve ta nge nge bawk.



🍀
"Zual, Lalremruata reh zia hi, a bialnu bulah a awm a keini pawh min hre chang tawh lo reng reng. A chanchin kan hriat leh hmasak ber hunah hian nupui a ruk thu hi kan hre mai ang a. Ui! Ngaihtuah teh! Hre ta ila a mak dawn zia chu" Feli chu a nui zui kar kar a, keipawh chu ka nui ve bawk.




"Kei pawh, hmannia min lo biak bak kha min lo be leh tawh lo, bakah khu lama awm khu nuam a ti zawk hrim hrim. Duh leh nupui chu lo ru mai mai teh se, hmuh zawh loh ai te chuan a țha ve zawk hrim hrim" ka ti a, kan pahnih chuan kan nui dun kar kar bawk.




"Ehe!! Ka theihnghilh dawn alawm" ka ti hliai a, Feli chuan mak ti zet hian min rawn melh a. "Engatinge a? Vak vak zel a che" a rawn ti nghal vak a, amah chu ka melh nghal hâw bawk.




"Nangnu hi! Ka theihnghilh teuh lutuk, Davida nen khan enge in chanchin ni ta zela, khami ni bak kha engmah ka hre chhunzawm tawh miah lo. A reng reng thu in min hrilh pawh i tum miah na nge" ka ti zui hlak a, a hmel chu a rawn inthlak danglam nghal hlawk a.




"Ehe! Zual, hna ka nei leh si Madam sawi kha ka hrechhuak thut. Ka kal a ngai, ih.. nangmah in lo ei mai rawh" a rawn ti deuh nawk nawk a. A hmel ațang chuan ka zawh a hlauh hmel lutuk ringawt. Ka sawi thiamlo a hmel thlengin a chi âi vek ani mai.




Thawh a tum rual chuan a banah ka vuan bet chawt a. "Lalruatfel, vawiin chawhnu hna thawk tur list ah i tel ve lo tih ka hre reng ania aw, nang hi min bum tum hlek suh aw. Zêp tum bawk suh. Min hrilh ngei chu a ngai ang" ka ti a, na zet hian ka pawt țhu nghal bawk.




"Ka ti tak tak alawm, hnathawh tur kan kal dawn khan min pe leh deuh thuta ka hrechhuak thut"




"Awi! Awi! Awi! Ka awm ve reng kha aw, dawt sawi tum lo mai rawh. Enge maw ka lakah hian zêp țalh i tum a? " ka ti hlak.




"Chutiang lam pawh ani lo" a rawn ti leh lawi bawk si.




"Anih enge anih a? " ka ti a.




"Na.., i sawi chhuak palh ang. Rsa leh Ramhluna bulah i sawi chhuak palh ang ka duh lo, bakah amah pawn ala duh hleinem" ala rawn ti ta deuh deuh lehnghal.




"Chu, in ni tawh tihna ani maw!? Eu, iva in zêp thei reuh ve a, ve lutuk che chuan" amah melh deuh ralh pah chuan ka ti a, a zak chu a hmai a sen nghal țawn țawn thei. "Malsawmzual, sualin chimawm hlek suh aw" a rawn ti zui hlak a, ka nui chhuak hak hak bawk.




Kan thil chah alo thlen pawh chuan ei nachang pawh kan hrelo. Feli chuan an chanchin vel min hrilh char char a, Davida zei zia a sawi phei chuan ka awih loh thu hlir in ka chhang. A mizia ka lo hriat ve tawhna ah chuan hetiang hi anih pawh ka ring ngai lo ania. Mahse Feli sawi dan ah hi chuan a zei hmel fu si. Mahse Ramhluna nena min hrilh ala phalloh thu a sawi chuan ka nui chhuak nghal vak vak bawk.




Thil kan sawi mawlh mawlh lai chuan ka phone a rawn ri a, Ramhluna anih avang chuan rang zet hian ka la bawk a. Feli chuan a ril țam thu sawi chungin kan thil chah lo thleng tawh ei nachang pawh kan hriat loh, a dai vek tawha kan rin chu a ei nghal mawlh mawlh bawk a.




"Bawihi, khawnge i awm a? Dawrah i awm bawk si lova" a rawn ti a, an beidawn hmel em em mai lehnghal. "Hetah, dawr ațanga hla vak lova thingpui dawrah khan kan awm, lo kal ve la, ilo kal ve peih dawn em?" Ka ti sap.




"Lo kal suh pawh ti mah la ka lo kal tho ang, ka ngai tawh che alawm" a rawn ti a, ka nui chhuak hak hak a. "Lo kal vat vat rawh, kan ei tur pawh a dai vek tawh" ka ti a, a rawn kal tur thu sawiin phone chu a dah nghal daih bawk.




"Alo kal dawn mi? " a ti a, ka bu nghat a. "Yesssss! Anih chuan eitur a bul ațangin chah țhat tir leh ang, alo dai vek hman anih chu a tui lo vek tawh" a ti a, mahse a ei leh țeuh tho si. "A tui lo ti chungin i ei leh tho sia" ka hmaa plate a inchhawp chu ka chawk kual ka chawk kual a.




"Nia, ka ril a țam tawh em alawm, awi! In pa lah chu a pên hlâwk theih teh lul nen ava rawn thleng har tawh ve a" a rawn ti zui leh hlak a. Ni e, a rawn kalna a rei ve tawh nen alo la thleng lo reng reng, pawn lam chu ka thlêk sek bawk.




Pawn lam ka en lai reng chuan Ramhluna chu mipa pakhat nena inbe chung hian an rawn lang hlawl a, inkuah chungin an nui dun hawk hawk bawk. A țhiante a rawn hmu anga a rei ani ngei ang. A nui lai hmel chu ka en reng a avan hmeltha tak!




Ka en lai reng chuan dawr chhung chu a rawn melh a, ka lo en reng tih a hmuh chuan min nuih suk a, ka nuih lêt ve sâng bawk. A țhianpa chu eng emaw a hrilh zeuh a, an pahnih chuan an nui a, dawr ah chuan an rawn inzui lut nghal bawk.




Kan lam an lo pan lai chu ka en reng a, mit min rawn siai leh suk țhin bawk. Hepa han nghal dan hi!. Kan bul an rawn thlen rual chuan "Bawihi, heihi ka țhianpa em em anih hi Nunfela, mahse pa ani tawh ania aw" a rawn ti a. A țhianpa min in hmelhriat tir chuan a nêk deuh salh a. An pahnih chuan an nui zui leh hawk bawk.




Ka ding chhuak vat a. "Aw, ka hmu che chu ka lawm e, Zualtei" ka ti ve sap a. Ka kut chu ka phar chhuak nghala. A rawn chibai tur chu Ramhluna chuan a kut a lo la a, "Bawihi hi keimah lo chuan khawih ka phal lo ania aw, keimah zawk hi min chibai mai rawh" a ti a, a chibai nghal lawp lawp anih chu! Ka inrin hma in ka nui chhuak nghal hak.




"Iva han rapthlak thin tak em! Anih ka kuah tal ang aw" a ti a, rang zet hian min rawn kuah a, Ramhluna chu alo rûm nghal nghut anih chu! "Țhiana k nasa lutuk. Ti te hi chuan Zualtei hi iti â dawn alawm" min kuahna a thlah pah chuan a ti a, Ramhluna chu a hnek zui nghal chawrh bawk. Ani lah chuan alo melh rum ngang mai.




"In rawn inhmu chawp mai ami? " ka ti a, "aw, saw lai deuhah sawn kan rawn inhmu hlawl a, kan inhmuh lohna a rei tawh lutuka keiphei chuan ka hai țep alawm" a rawn ti a. Ka lo bu nghat bawk.




"Anih ka kal dawn. Kan nu in min nghak reng a, kan bazar dawna ka lo zawm lo mai ang che u. Kan inhmuh leh ngei ka beisei" a ti a, keipawh chuan kan inhmuh leh vat ka beisei thu ka hrilh ve a, Ramhluna nen chuan an inkuaha, a chhuak lai chu kan en reng ringawt bawk.




A chhuak fel chiah chu Ramhluna chuan min rawn kuah nghal vang vang a, keipawh chuan ka lo kuah let ve nghal vat a. Dawra chawl tam tak tan chuan kan hmuhnawm tawh hrim hrim ang. Mahse mi kan inngai ani ve ani mai a.




"Ala kuah zui hram che a" a rawn ti a. A hnungah chuan ka ben sak thlawrh a. "Iva han nasa tak! Khatianga itih zel te chuan ka tan a nuamlo ve tho alawm" ka ti a, chupawh nise ala ti hram anih chu! Hepa tak hi chu aw...




"Hey! Nangni kha! A tawk tawh! Miin an en țhup cheu ania" Feli chuan a rawn ti hlak a, keini pawh chu muangchangin kan inthlah a, țhutna ah chuan kan țhu thla ve nghal bawk. Feli chuan eitur chah turin a ti a thuawih tak chuan a chah ve leh nghal mai bawk a. Feli lah chuan a tlawn chhen zel lehnghal.




"In buai lo mi? " ka ti sap a, nichin ațang khan ka kut ala vuan char char a, ka taksa si chêt hian a țhu bawk a. Hetia a awm tawh hi chuan eng emaw ngaihtuah mûk deuh a nei tih a hriat theih țhin.




"Ka buai lutuk lo, ti ila ka buai ve tho a mahse chutia keiin ka tihtur lutuk chu a awm chuang lo. Zanah hian ka pa te inah ka kal a ngai dawna chuan tlaiah hian i bulah awm ka duh a, ka ngai em em che a, i bula awm reng mai hi ka chak a. Hna ka thawk țha peih lo" a rawn ti deuh sup a.




"Em em a che, chutiang em em te chu a" ka ti a, "ania lawm le, awih mai teh! Keimah hian ka hrechiang em! " ala rawn ti ta deuh deuh lehnghala. Eitur chah a rawn thlen avang chuan tawng kan châwl a, kan ril a tam hlawm tawh bawk a kan ei nghal vut bawk.




Thil kan ei lai lah chuan Ramhluna thla lakpui turin an rawn sawm chhen a, ani lah chuan min rawn râwn chhen bawk sia. Chhan dan tur ka baihvai thei asin aw... Thla an lakpui lah in ka thîk țhin bawk si. Lakpui loh han phalloh țhin lah chu a in chhuan thlak ve bawk si. Rilru siam thiam a har.




Thil kan ei mawlh mawlh lai chuan pawn lam ațanga min thlir rengtu awm tlata ka hriat avang chuan pawn lam chu ka en leh țhina mahse mipui vei vak bak hmuh tur a awm bawk si lo. Ngaih țha lo zet chuan thil chu ka ei leh țhina, mahse ka mit sir hian a hmu tlat alawm. Tu emaw ni chuan min thlir reng ani.




Pawn lam chu ka thlêk dauh dauh a, mahse mihring kal bak hmuh tur a awm bawk si lo. Tinge miin min thlir anga ka ngaih tlat le, ka mit sir khan a hmu chiang alawm, a dum vekin a inthuama, chu chuan mask pawh a vuah bawk a, keimahni lam pawh min lo en reng bawk. Ka hmusual lo chiang alawm. Mahse tinge hetia ka en hian alo bo leh daih zel le.




Ka hawisawn tur chiah chu thil phe fua ka hmu a, ka hawiphei ve leh nghala, chutah chiah chuan nichina ka mit sir in ka hmuh kha ka hmu ta chiah bawk. Pot an hûn hnung ațang chuan kan lam alo hawi char char a, keipawn ka en let ve ngar ngar a, ka hriat hnu a ang takzet bawk.




Ka lo en reng tih a hmu ani ngei ang, rang zet chuan pot phênah chuan a biru ve lehnghala. Mahse ka ding nghal uaih a, pot chu ka thlêk lehnghal vat a. Ramhluna leh Feli min biakna pawh chu ka chhang lo, tuna hmeichhia kha Evelyn-i kha a ang lutuk ringawt.




Ka dinna ațang meuha kalsawn chuan pot chu ka thlêk a, ka thil hmuh chuan min țhawng a, mak ka ti hle bawk. Ka meng phâwk hra a, a che vel chu ka en reng bawk.




Evelyn-i chuan a cap khum chu a siam țha mawlh mawlh a, a lehlam ațang chuan a rawn bih leh hrâm a, ka en tih chu a hrelo ani ngei ang. Mak ka ti lutuk chu ka âng phâm reng a. Mi pawn mak min ti viau ang.




A cap khum chu a siam țha a, ka enna lam a rawn hawi leh ruala min hmuh rual chuan a phu zawk a. Rang zet hian a tlansawn nghala. Umzui tuma tlanchhuah ka tum ve rual chuan "Bawihi" tia Ramhluna aw ri chu ka hria a. Ka tawp leh chat a.




"Ramhlun, kha ilo hmu ve em? Evelyn-i kha alo kal asin" ka ti a, ka țawng bah deuh nawk nawk bawk. "Bawihi, eng thu nge maw i sawi le? " a rawn ti deuh halh a, kei chuan pawnlam chu ka en chhen a, Evelyn'i kha umzui ka la tum chhen bawk.




"Evelyn-i kha alo kal asin, Ramhlun i hmu ve lo ami, alo kal" ka ti chûl a, "Bawihi, tumah an lo kal lo, i mit vai aniang" a rawn ti a. "Ani lo, ka hmu tak tak alawm, thawmhnaw dum vek a ha a chuan keimahni lam a rawn melh țawk țawk bawk. In hmu ve lo ami, ka hmu alawm, chuan min rawn hmu a, a tlanchhuak nghal daih a umzui ka tum alawm" ka ti leh chûl a, Ramhluna chuan ka banah pawtin a bulah chuan min pawt țhu a.




"Tak tak ami? " a rawn ti ve ta nge nge, "aw, tak tak ka hmu alawm" ka ti a, a thaw chhuak deuh hawk a. "Nakinah kan check dawn nia, hahdam phawt la" a rawn ti dam thlup a, ka biangah chuan a rawn dawm deuh vang vang bawk.




Tlema ka awmdan a pangngai deuh hnu chuan an bulah chuan țha deuh chuan ka țhu a, thil chu ka ei chhunzawm ve leh mawlh mawlh a, pawn lam chu ka thlêk leh chhen țhin a, ka awm a nuam ta miah lo le. Evelyn-i ka hmu a hlauhthawnna ka nei leh ta chiah bawk.




Chutia hlauthawng deuha ka awm lai tak chuan hmeichhe aw in "Ramhlun" a tih ri chu ka hria a, ngaihtuahna thi deuh hû chung chuan ka hawichhuak nghal vat a. Hmeichhe pakhat hmelțha zet mai lo ding chu ka hmu hmasa ber bawk.




"Grace" Ramhluna chuan a ti deuh hluai a, ding pah chuan a kuah zui nghal bawk a. An pahnih chuan mit khap lêk lovin ka lo en reng ringawt. "Kan inhmu leh ta maw!? " a rawn ti a, Ramhluna chuan a chhang lova a nuih ringawt bawk.




"E! Heihi Bawihi ania, Bawihi heihi Grace, ka țhiannu anih hi" a rawn ti a, Feli lah chuan min rawn en hê hâw mai. "E, aw" tih pah chuan ka ding a. Ka chibai nghal vat bawk. Nichina Evelyn'i ka hmuh avang khan ka awmdan hi ala pangngai thei chiah lo, ka hrelo ka awmdan hi a mak lutuk ringawt.




"A hmelțha" a rawn ti zui deuh sap a. Kei lah chuan ka lo ngaihsak vak lo bawk. Feli chuan min biak avangin ka țhu a, thil pawimawh tihtur a neih thu a sawi avang chuan min chhuahsana. Keimah te tlawng ka ni ta.




"Nizan kha,,, min hawsan daih a, ka hawihai lutuk asin. Khumah keimah chauhin ka awm bawk sia" a rawn ti deuh salh a, Feli țhutna ah chuan a rawn țhu nghal chat mai.




"Dawt hi sawi sawi lo teh" Ramhluna chuan a ti deuh nghut a. An pahnih chuan an nui dun zui hawk bawk. An bulah chuan awm ve lo ang mai ka ni. Min hrechang tawh lo hial zawk amaw ni.




"Anih reng kha. Enteh Bawihi, Ramhluna hian maw, nizanah mutpuiah min sawm anih chu! Mahse min hawsan leh daih a, khumah ruakin keimah chauhin min kalsan a" a tia a, nui zui kar kar anih chu! A thusawi avang chuan phâwk zet hian ka meng a, Ramhluna chu ka en a mahse ani erawh chuan min lo en hauh lo.




"Bawihi ti ve ngawt suh aw" Ramhluna zawk chuan a ti zui hluk a. Tunah khan khanu thusawi kha engah mah a ngai lo anih chu! Chuan ka ngaihdan tur pawh a dâwn zui hauh lo tihna amaw ni le.




"A ho emai, Bawihi, chuan maw.. Ramhluna hi a phakar thei tawp. Tiang chuan min ti ziaha mahse min kalsan daih zel, mahse a zei zia chu ka tawng ve tawh alawm" a rawn ti a, Ramhluna chuan "ngawi tawh teh! " a ti zui hluk a. An thusawi dan hi ka man lo tulh tulh mai.




"Ih... Ramhluna chuan tiang chuan a ti țhin che amaw!? " ka ti hâ a, ka thusawi avang chuan Ramhluna chuan min rawn en deuh kâwk a. Mahse amah en lo chuan hmeichhia chu ka melh reng ringawt.




" Niang chu mawle, chuan maw.. A zei dan chuh! A.... a tawng tawh tan lo chuan hriat chi ani lo, a zei ani tawp mai. Nizanah chuan min kalsan daih a, ka lungawi lo hle ani" a rawn ti a, Ramhluna chu a melh deuh salh bawk.




Nizana alo kal miah loh khan henu nen hian hun an lo hmang dun tihna em ni? Eng nge awmzia ni ang. Ramhlun'n engah mah a ngai bawk si lo. Mahse hmeichhia hi chu a thu tak em em bawk si.




Ramhluna chu ka melh a, a hmel ka hmuh hian nichin avanga awmdan pangngai tawh lo kha a rawn belhchhah leh ni maiin ka hria "Nizan khan ilo kal hman loh thu i sawi a! Mahse henu nen hian hun in lo hmang dun reng tihna ami? Ramhlun" ka ti sep a, ka țawng a zawi hle bawk. Ramhluna chuan engmah sawi lovin min en reng a, a mitmeng chu ka chhiar thiamlo.




"Henu hi Bawihi itia a hming amaw ka lo tia i bialnu ami? " chunu chuan a rawn ti a, mahse tu mah mah in kan chhang lo "Ramhlun sawi rawh. Nizana ilo kal hman loh thu i sawi khan henu nen hian hun in hmang dun ami sawi rawh" ka ti deuh țhat!.




"Bawihi, kha.. Kha kha chu ka sawifiah thei" a rawn ti a, min rawn ban a tum a, mahse ka țhutna atang chuan ka dawk chhuak nghal zawk a "Ka insawifiah thei iti maw!? " ka ti deuh fak . A rawn ding zui ve nghal mai a, min rawn pan hnaih a tum chu ka kut ka phar chhuak a. "Min lo hnaih suh! " ka ti deuh tâwk bawk.




"Bawihi" a rawn ti deuh sup a.




"Nizan khan nghakhlel takin ka lo nghak che a, in party a zawh thleng khan ka nghak ve che asin ilo kal theih dawn loh thu i sawi khan lungawi lo deuh chungin ka mu ve ta hram a. Mahse nang chu khumah.. Khumah henu nen hian hun in lo hmang amaw, chuan nidangah pawh in lo hmang fo tawh amaw!? " ka ti deuh nawk nawk a, ka sawi zawng chuan ka țap țeuh thei mai nia.




Enge tunah hian ka thluakah hian awm a, enge ka ngaihtuah ka hrelo ka â vekin ka hria. Evelyn'i lo kal ka hmu a ka hlauh luatah ka awmdan a pangngai thei lova. Tunah henu hian nizanah Ramhluna nen hun an hman dun thu a rawn sawi a. Ramhlun'n eng ah mah a ngai lo a, insawifiah ala tum anih chu!




Nizan khan dar 2 thleng ka nghak a, an party zawh thleng ka nghak a, Mahse ani chuan a rawn kal theih loh tur thu a sawi a, Mahse henu nen hian hun an lo hmang dun reng si. Engtin nge a theih zawk.




Mittui tling kuau chung chuan ka melh a "Ramhlun, engtin nge i theih zawk? " ka ti sap bawk "Bawihi, kha kha chu ka sawifiah ang " a tih ruala min rawn pan a tum rual chuan ka kut chuan ka dang a. " min rawn hnaih lul suh" ka ti deuh țiau bawk.



🍀



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:13 pm

2!3! #EP-38

By : Msi_Miluhlulnui 👩🏻
(Hmeichhe naupang tereuhte)




"Bawihi, ka thusawi hi ngaithla ve phawt țhin rawh ka tih kha" a rawn ti deuh nghut a. "Enge, ngaihthlak tur la awm a, nichinah pawh a sawi tawh a engah mah i ngaih sak loh kha ka awm ve tih hre lek lovin i kâwm a, ka lo țawng ve rual chiah khan anih kha ka awm ve tih i hriat" ka ti deuh chiam a. Ka mittui chu a tlak ka hlauh em avang chuan ka vanvadâk vak ringawt.




"Ramhlun, enge in awmzia. Henu hi i bialnu ami ka tih chu" chunu chuan a rawn ti ve sek. "Grace, lo ngawi rawh! Engmah lo sawi ve suh" Ramhluna chuan a ti deuh hrâwk a, chunu chu a phu ve deuh zawk bawk.




"Bawihi, ka thusawi hi ngaithla phawt teh. I ngaihdan ringawt hian thil kalpui țhin suh ka tih che kha" a rawn ti a. Za vak lo hian ka nuih a. "Ni e, kei chu ka ngaihdan ringawt hian thil ka kalpui țhin alawm. Chuan nang in fing takin ro i rel thung a... " ka ti a, ka sawi zawh hma hma chuan 'Bawihi, ka sawi tum ani lo" a rawn ti a. Ka kut chu a âwm zawnah chuan ka va phar a.




"Ka la sawi zo lo, Ramhlun. Nizan khan ilo kal ringin dar 2 thleng ka nghak ve che a, i rawn kal theih dawn loh thu i sawi pawh khan i chau anih ringin lungawi vak lo chungin ka mu a. Mahse nang chu, nang chu henu nen hian hun hmang dun in hlim takin in awm a, engtin nge ka lakah khan dawt i sawi theih zawk. I sawi ziah țhin kha hetiang thil i tih loh tur thu.. " ka ti a, sawi zawm lo chuan ka ngawi leh daih a, ka thusawi chhung zawng chuan ka mitah tak min lo melh ngawt ngawt bawk.





"Bawihi, i ngaih ang khan engmah a thleng lo, a thusawi kha i ring em ni? " a rawn ti deuh hluk a. Ka nui chhuak hak a "Ka ngaih anga engmah a thleng lo tih hriat nan a fiahna min pek ka ring a, mahse a sawi chhung zawng khan engah mah i ngaih sak lo. A thusawi kha fiamthu ah i laksak zawk anih kha" ka ti a, ka sawi zawh rual deuh thaw chuan a rawn rûm chhuak nghut a.





"Min rawn umzui suh ang che. I hmel pawh hi ka hmu duh tawh lo, i duh chuan henu nen hian nizana in hun chân kha hnawhkhat rawh u, ka tibuai cheu in ka hria" ka ti a, a mitah chuan chiang taka en in ka mittui ka khap thla sak a, țhutthlenga ka bag dah chu ka la a, min pawh beh leh ka hlauh luat avang chuan dawr ațang chuan ka tlanchhuak vat bawk.




Dawr lam pan chuan ka tlan zui char char a, ka mittui a rawn luang zung zung bawk. Mi tan chuan hmuhnawm tak ka ni dawn tih pawh ka hria. Mahse zah engmah ka ngaihtuah thei tawh lo ka tan chuan kha thil bak baka zahthlak kha a awm lo.




Nizana thil thlendan te kha ka ngaihtuah let a, amah zawk khan party naa an awm lai ten min lo video call a, an zawh vat tur thu te a rawn sawi bawk a. A rawn kal tur thu kha a sawi leh bawk a. Ka lo nghak ve char char a, mahse a rawn kal theih loh tur thu min rawn hrilh leh a, ka lungawi lova dar 2 dawnah thinrim țeuh chungin ka mu anih kha.





Mahse ka titau rei thei tak tak chuang lo, ngaih țhat lohna pawh nei lem chuang lovin zingah pawh kan la inbia a, kha thil thlen hma chiah pawh khan kan la inbe bawk. Mahse khanu alo thlenga a thusawi ah te pawh khan a danglam ve miah lova, fiamthu ah a laksak a an la nui dun hawk hawk anih kha. Tichuan ka insawifiah ang ala ti zui bawk a.




A thu min hrilh tam tak a rawn lang zut zut bawk a. Khang kha dâwt vek tihna em ni ang, dâwt min lo hrilh reng zawk tihna em ni ang, mahse chutiang tur em em chuan ka la ring phal lo cheu bawk. Ni lo, dawt ni tur chuan ka phallo takzet.




Dawr chhung ka lut tur chiah chu ka bana min rawn pawt lawp tu an awm a, keimah zawk pawh ka leng dawt bawk. Ka mittui a tlak avangin thil te chu ka hmu phe ruai a, tunge min kaitu pawh chu ka hrelo. Mahse ka hriatchian em em chu a kut no dan ațang hian mipa ani lo tih chu ani.





Dawr hnunglama huan ah chuan min dinpui a, keipawh chuan ka mittui hru vatin tunge anih en ka tum a. A lam ka hawi chiah chu ka meng phâwk hle bawk. Nichina dawr ațanga min lo entu Evelyn'i ngei kha ani.




"Evelyn" ka ti sap a, min chhang lovin a cap khum chu a pawt hniam sauh sauh a. A mask vuah chu a phelh nghal bawk "Nangmah ini tiraw? " ka ti leh a. Mahse ka zawhna chhang lo chuan "tah hian țhu ila" a rawn ti a. Țhutthlengah chuan a țhu nghal chat a. Amah ngei kha ani.




"Ka duh lo, he țhutthlenga țhut hi ka duh lo. Evelyn nangmah kha ini chiang tiraw? " ka ti leh a, he țhutthleng hi harsatna ka tawh lai apianga ka hmuh hmasak ber țhin ani a, ka țhu duh mai mai lo. Ka awm a ti nuamlo ziah bawk.




"Ka ni alawm, keimah kha ka ni e, Evelyn'i" a rawn ti a, țhu turin min ti nghal zat bawk. "khawnge i awm daih a? " ka ti a, a hmel chu en phêt ka tum a, mahse duh lovin a cap khum chu a pawt hniam thla sauh sauh a engvanga hmel hi en phallo tlat nge maw anih le.





"Hmun hla takah ka awm tawh alawm. Nichina thil thleng kha ka hrilh chhunzawm duh che a. Heta i țhut duh loh pawn phûl ah tal hian țhu ila" a ti dam thlup a, amah zawk chu phûlah chuan a țhu thla nghal a. Keipawh chu ka țhu thla nghal vat bawk.




"Nichina thil thleng maw!? " ka ti deuh hâ a, "aw, Ramhluna leh Grace'i chungchung kha mawle" a rawn ti a. A thusawi avang chuan phâwk zet hian ka meng a. "Khanu kha i hria maw!? " ka ti deuh hê hâw bawk.




"Ka hre satliah mai hleinem, Ramhluna nena an Hmun hman țhin dan pawh ka hre vek alawm. Chuan a thusawi zawng zawng te kha a dik tak vek ani. Nizana thil thleng te pawh kha" a rawn ti a!.





"Ka ring lo, ka awih lo, i thusawi hi ka ring lo" ka ti leh hnuhnawh.




"Min ring rawh chu ka ti lo, ka thusawi i awih leh awih loh chu i thu ani bawk. Mahse lo ngaithla tho la. Grace'i nen sawn têt te ațangin kan inhre tawh, enge a rilru puthmang ni a, enge a thil duhdan pawh ka hre hneh hle bawk. Kan pahnih hian Ramhluna hi kan duh dun țhin em em a, mahse keimah kha chuan ka tilang lutuk ngai lem lo. Mahse amah zawk kha a ngampa hrim hrim a. Chuan Ramhluna nen hun an hmanna turah pawh ka puihna a mamawh ziah reng bawk. Chuan ramdanga lehkha zir a ngaih avangin a awm bosan a chutah chiah chuan keiin țan ka lo la ve leh chiah a. Ka tan mi hnawksak alo ni ta der bawk".




"Chu thu engvanga min hrilh nge inih? "




"Chhan tam tak a awm alawm. Grace'i thusawi kha I awih loh hmel sia mahse thudik vek anih kha. Ramhluna nen hian hun tam tak an hmang dun țhin alawm. A hrilh ngai na che nge. Hah! A hrilh che ka ring lo reng ani. A hmangaihin a duh em che a. A hrilh phal hauh lo ang che. Mahse a hmeichhia zawk a rawn lang leh ta cheng a. A talbuai khawp ang le" a rawn ti deuh salh a.




"Khawnge i awm daih a, mi tam takin an zawng che asin" ka ti sap a, a rawn nui ri deuh sak a. "Miin min zawng ve reng reng pawh chu a lawmawm hrim e. Ka nuna ka vawikhat tawnna ani a, a zia hrim hrim" a ti leh daih a. Henu thusawi hi ka man lo tawlh tawlh mai.




"Ngatinge vawiin khan min rawn zawm ve mai loh a. Khatia ral khat ațanga min rawn thlir char char, min ti hlau alawm" ka ti a, a nui a. "Min hlau tawh awm sia ka tihpalh takzet. Ramhluna kha ka ngai em a chuvang chuan ral khat ațang khan ka lo thlir vawng vawng mai ani. Amah hian ka duh aiin min luh chilh a, min chuhpuitu an awm ka hlau țhin em em a, chuvang chuan ka hauh tawp ani mai. Min chuhpuitu te an awm chuan nasa takin ka ti duhdah țhina, mahse hmannia ka sawi ang em kha chu ka ni lo ania. Mi chu ka la that em lo, ka vau na mai mai che anih kha" a ti a, a nui zui hak hak bawk.




"Ngatinge, hetia i awm taka i chungah hian enge thleng a?" ka ti a, a cap khum chu a rawn phelh a, a hmel ka en chiah chuan ka phu zawk thei mai nia. A hmel țha tak țhin kha an bo veka, a hmai chu a bawl nasa em em a, chuan a dum deuh thet thet bawk.




"Mak iti ang tiraw. Nia ka mak ang, khatia ka tlanbo hnu khan ram lam hna ka thawk vak a, ka nun pawh ka thlak hlawk a. Hei en la, ka kut te hi" a ti a, a kut chu ka hmaah hian a rawn dah a. A kut te chu hnathawk thang tih hriat zet hian hian a ro rup a, a chang hmel thleh thluah bawk hnim in a ahna te chu an pawr pheng phung a.




"Enge awmzia, i chungah hian enge thleng a" ka ti a, a kut chu ka la a ka en nawn leh ngat bawk. "Zawhna i ngah ngawt ang tih ka hria. Tunah chuan chhanna tam tak ka pe thei dawn lo che. Naktukah pangngai deuh zawkin kan inkawm dawn nia mahse ka chah duh che chu Ramhluna chungchangah hian mi ngaihdan leh duhdan râwn suh ang che. Nangmana tha itih ang khan engkim i kal tlangpui dawn nia. Mi ngaihdan ringa i kal anih chuan nakinah i inchhir mai ang" a ti a, min rawn nuih deuh sak bawk..




A Sam ro hmel zet chu a hui mâm thuak thuak a, cap chu a khum leh a, mask chu a vuah nghal bawk a. "Naktuka kan inhmuhna hmun tur chu text in ka lo hrilh dawn che Nia. Chuan ka sawi kha awih lo pawh ni la lo ngaihtuah chhunzawm ve tal ang che. Ka kal dawn, dar 3 thleng chiah chhuahna hun ka nei tawh a, ka tlai dawn. Ka kal ania" tih pah chuan auh zui hman lo chuan a tlan nghal daih bawk.




A tlan lai chu ka en zui renga, engvanga țawng nem ta em em nge maw anih le, chuan tinge khatiang thu te kha min hrilh vak vak ni ang, alo inthlak danglam tawh hle mai. Ni tam tak an zawn chhung khan ani chuan hna alo thawk a alo inhmu chhuak bawk a. A mak ka ti lo theilo.




A thu min hrilh te kha ka ngaihtuah let a, khanu kha a hriatna a rei tawh thu leh Ramhluna nen hun an hman țhin thu a sawi a. Chuan thildang tam tak min hrilh bawk anih kha. A thusawi kha awih tur nge awih loh tur ka hrelo mahse a sawi kha a thlen hmel tak tak si, ka ngaihtuahna chu a buai nuai nuai a, Ramhluna ngaihtuah ka duh lo a mahse ka thluakah hian a bet tlat tawh si. Kalsawn rawh ti eng ang mah ila a duh hauh si lo.




Dawra thil thleng te, an thusawi te kha ngaihtuah let ka duh lova thudik tak anih phei chuan engmah sawi tur ka nei lo. A hun kal tawhah chuan sawi theih ka nei lo, a chhan chu ka awm ve miau si lo. Eng thil pawh lo thleng tawh mahse pawm thiam dan ka zir a ngai bawk. Mahse nizan thil thlengah kha chuan ka awm ve chiang ani. Phat tum eng ang mah ila ka awm chuan thil thleng tam tak pawh ka hre bawk.




Mahse insawifiah ala tum cheu anih kha chupawh ani lo insawifiah a tum zawh rual chiah khan engmah a thleng lo a ti leh si a, awih lo turin min ti leh a, a țhiannu nena an țawng chhunga ka awm ve tih pawh hrelo khan ka awm ve tih a hre thut a, min rawn ngaihsak a tum leh anih kha. Ani hian kei hi min lo play mai mai tihna em ni ang. Kei hi a hma ang tho khan fiamthu thawh nan min hmang leh tihna em ni ang tih thu bawk chuan min luhchilh lehnghal.




Kum tam tak a hmuh tawh loh a țhiante hmuha kan awmdan tur chu ka hrethiam vek, khatia an pahniha an nuih dun bâwk bâwk pawh kha ka hrethiam vek. Mahse tinge khanu thusawi kha fiamthu ah a lak tlat le. An ti țhang tawh tih a hriat takzet.




Ka phone a rawn rik chuan Ramhluna anih ringin en pawh ka en țha peih lova. Ka ipte a ka dah chu ka zu zen a. Ka en chuan Feli anih avangin ka la nghal vat a. Ramhluna ka be duh lo lutuk kha ka lo țang hman țeuh a, ka thaw chhuak nghal siai siai mai.




"Zual, khawnge i awm a? " a rawn ti deuh chûl a, ka ding uaih tawh chu phûlah chuan ka țhu thla leh riai riai a "Tinge, hetah dawr hnunga huan te ah khan ka awm" ka ti zawi sap a, ka thaw chhuak zui hak bawk.




"E, iva aw hnai leh si ve. Ramhluna nen in awmdun lo mi? " a rawn ti a. Ramhluna hming a rawn sawi zawng ringawt pawh chuan ka țang nghal țeuh thei nia.




"Ngatinge? " ka ti vat.




"Dawrah hmanhmawh hmel tawkin i awmna min rawn zawt a. Ka hre bik tawp si lova chuan beidawn hmel zeta thaw chhuak vak in a au vak a. Chuan a rawn chhuak leh a, in awmdun amaw ka tia" a rawn ti a, ka thaw chhuak ham ham ringawt.




"Fel, thil thleng a awm a nakinah ka hrilh vek mai ang che. Chawhnu ka off tho a ka lo kal tawh lo mai ang, ka haw tlang dawn ania zanah lo kal mai rawh. Chuan maw Ramhlun'n ka awmna a zawh che chuan engmah hrilh suh aw. Hrilh lo tawp la ani mai" ka ti a, a rawn țawng leh dawna ka hriat avang chuan phone chu ka dah a. Ramhluna missed call ka dawng nghal zat bawk.




Ka phone chu rang zet hian ka silent a, ka țhutna ațang chuan ka tho a in lam chu ka pan nghal vang vang bawk. Tunah hian engmah ngaihtuah lova awm ka duh ani. Ât vek ka duh takzet, khanu thusawi leh Ramhluna thusawi kha ngaihtuah ka duh tawh lo, ka â vek dawnin ka hria.




Taxi fare chu ka pe a, muangchang chuan in lam chu ka pan nghal a, ka ngaihtuahna ah zawhna chhan sen loh a rawn lut a. Chhanna mamawh in an tei kual sek a mahse chhanna tuman an pe thei silo.




Chutia inngaihtuah mûk zeta ka awm lai chuan "Bawihi" tih ri ka hria a, rang zet hian ka hawi chhuak nghal bawk. Ramhluna chu ka in bathlarah chuan alo țhu a, ka kal lai chu uluk zet hian min lo en hi alo ni a. Amah ka en rual chuan a rawn ding chhuak nghal vat bawk.




"Bawihi, khawnge i kal a, ka zawng nasa lutuk che" a rawn ti sup a in hlat vak tawh lo mah ila a țawng zawi hle a, mahse ka beng chuan chiang tak hian a hre thung. Engtikah mah a aw hi chu ka hai thei ngai lovang.




"Ngatinge min zawn a? " ka ti ve sep "Bawihi, chu chu min zawt amaw nangmah chauhin i kal a, ka ngaihtuah loh che i ring ami..." A sawi zawh hma hma chuan "min ngaihtuah ka ngai lo, i duh chuan khanu kha va ngaihtuah rawh kei chu keimah ka inngaihtuah thei alawm" ka lo tih khalh a, ka pên hnai a a rûm ri hrâwih chu ka hre thei.




"Tu khanu maw? " zak miah lo chuan ala rawn ti ta deuh deuh lehnghal "k hrereng, hre duh lo der vel suh " ka ti hlak a. Ka thusawi avang chuan a nui chhuak hawk a "Bawihi, min va hrechiang tawh ve" a rawn ti a. Hepa hi enge maw a hriat le, hetia min tiha min thlêm a tum ani ngei ang. Mahse a hma ang kha chuan ka nêm mai mai tawh ngai lovang.




"Ramhlun, khatianga min tih kha tum suh aw i hlawhtling ngai chuang lovang. A hma ang mai mai kha chuan ka nêm tawh lovang, dawr ah khan ka sawi chiang viau tawh ani lawm ni, ngatinge min lo la zui a, min lo zui suh ka tih bawk che kha. Tinge ka sawi loh dan hlira i awm a? Khanu i hmuh pawh khan min hre chang tawh lo ani lawm ni, tunah min ngaihsak a ngai lo" ka ti fak a. Amah chu kal pelh ka tum a, mahse rang zeta ka bâna rawn dawm in min pawt leta min kuah nghal chawt bawk. Hetiang hian awm lo se ka duh, hetianga a awm hi chuan engkim theihnghilha let leh ka duh rum rum mai ang mahse chutiang chuan ka awm theilo.




"Bawihi, ka sawi hi ngaithla phawt rawh. Ka zep lovang, khanu nen khan hun kan hmang țhin tih chu, mahse nizan kha chuan engmah kan ti lo ka ti tak tak" a rawn ti a ka beng bulah chuan a rawn thaw chhuak nghal ham ham bawk.




"Fiah ta che, fiah rawh. Nge fiahna tur k neih lo zawk. Fiahna ai chuan insawifiah i tum anih kha! Insawifiahna hian kawng ro engmah a su lo asin. A chhan chu ka hmangin kan ti a, kâ chuan thu tam tak a chhak chhuak țhina chuta zingah chuan dawt hi a chhak chhuak hnem ber țhin" ka ti sep, ka rilru a no ang tih ka hlau a tam pawh ka sawi ngam lo zawk.




"Ka fiah ang, ka fiah dawn" a ti a, a sawi zo chu rang zet hian min kuahna ațang chuan ka tal chhuak nghala, min rawn ban a tum a, mahse a rei lo a kut chu ala let leh reh nghal riai riai bawk.




"Fiah ta che" ka ti a, beisei nei zet chuan ka melh a, min rawn melh let ve reng a, na zet hian a thaw chhuak hawk a "Mahse, nizan party na hmun kha an in ania, CCTV a awm lo. Mahse ka țhiante an awm... " a sawi zawh hma hma chuan ka lo nui chhuak hak a.




"Insawifiahna țha tak anih chu! Ramhlun sawi lo law law la țha zawk tur. Min rawn hmu tawh suh aw anih loh chuan, engkim thehnghilha rawn let ka duh mai ang" ka ti a, ka țah ka hlauh em avang chuan rang zet chuan in chu ka hawnga ka lut nghal vat a. Kawngka chu rang zet hian ka kalh nghal bawk room lam pan in khum bul chhuatah chuan ka țhu thla dawt a ka khumah chuan ka chal chu ka nghat a ka mittui a rawn luang chhuak nghal nguai nguai bawk.




★ Lalramhluna POV ★

Bawihi lut chu ngawi rengin ka en reng a. Tinge engmah ka tih theih miah loh? Engvanga insawifiah theilo nge ka nih? Ngatinge ka kâ hian insawifiah a tum apianga a duh loh? Hrep tak hian! Thinrim zeta au chhuak in ban chu ka hnek nghal pawp a, ka kut chu a thîp nghal vawng vawng bawk. Nizan thil thleng kha engtin nge ka sawifiah tak ang. Engvanga a hmaa engmah sawi thei lo nge maw ka nih hrep le.




Tunah khan a rilru ka tina asin ka tina keiman hreawm ka ti leh mek tawh mahse a hmaah khan engmah ka sawi thei si lo! Bang chu hnek leh pawp in ka au chhuak zui nghal hrawih bawk.



🍀

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:13 pm

2!3! #EP-39

By : Msi_Miluhlulnui
(Hmeichhe naupang tereuhte)




Kawngka pan tum chuan ke ka pen zet tawh. Mahse ka thlen dawn țepah chuan ka ding vut a. Min hmuh duh loh thu a sawi kha, engtiang pawn hmuh tum mah ila aman min hmuh duh loh chuan tih theih ka nei chuang lo, hei pawh keima thil tih bawk ka tuar let leh na chiah ani.




Inher in ka tukhumah chuan ka kut ka nghat a, na zet hian ka thaw chhuak hawk a. Ka nunhluia ka thil tih chu engpawh nise sawi zui mah ila awmzia a nei thui dawn teh chiam lo. Mahse nizan ami kha, nizan ami ngei khan a tina a chupawh ka thil tih vang vek in mahse ka chân theilo, ka duh lo, ka insawifiah ngei a ngai ani.





Grace'i kha chuan a room ah min hruai ngei a mahse ka mutpui hauh lo, țum dang chu nise mipa sa țha tan chuan hmeichhia saruak ngal ngat ka hmaa ding reng chu insûmtheihna tlachham zetin ka chêtpui ngei ang. Mahse nizan erawh kha chu ka insûm thei tlat ani.




Kum liam ta daih tawh ah khan Grace'i nen hian hun kan hmang dun țhin tih chu phat tumna ka nei lo, kan hmang dun thin ngei alawm. Khatih hunlai kha chu hmeichhia duh duh ka thlan țhin hun lai kha ala ni. Mahse amah chiah khan ka mit ala a ani nen khan kan inkawp deuh chawt a. Hmeichhe dang ka khawih ngai lo tluk ani.





Mahse hmun dangah a awm a, hmeichhe dang tam tak an awm ani kha ka hre reng tlat lo. Bawihi ka tawng leh a, kum tam tak ka zawn hnuah ka hmu ve leh chauh a Bawihi ka zawn chhunga ka hmeichhe kawp te kha chu ka hun awl hnawhkhat tute mai chauh anni.




Ka nunah Bawihi a rawn lang a, ro a rel nghal vek a. Ka nun hlui engkim a ka tih țhin min țhulh tir vek bawk. Ka sawi tawh kha hmân ațang tawha ka thinlung lalnu, ka thinlung in a ngaihthlak țhin chu amah chiah hi ani. Bawihi ka tawn leh hnu ațang hmeichhe dang ka melh lova ngaihsak nachang ka hre hek lo. Ka mit an la lova ka mit la tu erawh pakhat chauh.




Ka kawp ve țhin ho tam tak chuan min rawn pan leh tho. Mahse pakhat mahin îtna ka nei tawh lo, ka mamawh em em ka zawn nasat em em alo thleng tawh a tu hmeichhia mah hian an luahlan lo bawk anga keimaha lal tum phêt te phei chuan an hneh thei ngai lovang. A chhan chu ani chiah hi ka thinlung in a thusawi a ngaihthlak țhin ani. Kumkhua in ani ngei bawk ang.





Nizan pawh khan ani chiah reng ani. Kum tam hun ka lo hmanpui țhin alo let a, ka hmu kha ka lawm hle bawk, țhian ang bakin kan in en ngai lova chuvang chuan kan in ngam thei hle. Mahse ani lo lêt kha îtna pakhat mah ka nei lo, ka thengthawngah pawh hian a thawk lo hrim hrim. A chhan pawh aia thûk leh ril zawk a awm tawh vang ani. Tumah hneh mai mai theih ani lo, hneh tumtu te chuan hlawhchhamna bak an hmu dawn chuang lo tum eng ang mahsela.




Kawngka lam chu ka thlêk leh vut a, "Bawihi, ka chân dawn lo che engtikah mah ka chân dawn lo che. I thu hriat kha a diklo ani tih ka chian ngei ang. Min lo nghak rawh" ka ti chhuak sup a. Thâwm a awm leh awm loh ka ngaithla leh ren rawn a. Mahse a reh tak vek avang chuan car awmna lam chu ka pan san nghal daih bawk.





Car ka luh fel rual chuan call ka connect nghala engine ti nungin ka tlan chhuak zui nghal bawk. "Gabriel, leave ila tho a chu mahse Bawihi inah hian a ruk thei ang berin vengtu lo dah la chuan a kawtah hian CCTV dah bawk ang che. Chuan a nitin kalna, a chhuahna apiang mai ah zuitu a nei tur ani mahse aman a hre tur ani lo" ka ti mawlh mawlh a, steering chu inpui lam pan tur chuan ka herh nghal pawp bawk.




"Sir, buaina a thleng leh tawh em ni? " a rawn ti a. Ka rûm nghut. "First, buaina a awm lo chuan zawhna neih ka duh lo ti tura ka tih che chuan iti mai tur ani i zawhna chhanna chu pek ini ang. Mahse a hunah" ka ti deuh hrâwih a. Ngaihdam min dil in a dah tur thu leh duty alo set fel tur thu min hrilh a, call chu kan titawp chiah bawk.




"Engvang teh hrepa Grace'i pawh khan kan mu dun anga sawi nge maw anih hrep le țullo khawp mai. Bawihi lah kha ka unaunu amaw ala ti zui lehnghala. Henu hi ka rin loh lam daih mai a rawn ni tlat" ka ti zui hluk a. Inpui ka thlen avang chuan engine chu ka ti thi nghal dûk a, kawngka chu hawng in ka chhuak zui nghal bawk.




Duty te chuan mamawh ka neih leh neih loh min zawt a engdanga chhang lovin nidanga ka tih țhin dan ang bawkin car dah fel turin ka ti ringawt a chubak engmah ka sawi ngai lo.





In chu ka nu awm lai ai khan a chuai tawh a pangpar te pawh enkawl loh tih hriat zetin an ro bawk. Hei hian in pui kal min tih chak loh phaha ka nu sulhnu hetianga an enkawl chhunzawm hmuh hi ka duh lo hle bawk. Chuvang chuan helam venga ka tlan pawh hian ka hêl hram hram țhin.




Inchhung ka luh chuan ka pa a awm leh awm loh ka zawt nghala a room a a awm thu in min chhang a, thildang ti khawtlai lo chuan an room lam pan chuan ka kal nghala. Ka luh veleha ka hmuh ziah thin ka nu thlalak chu ka luh rual chuan ka hmu hmasa leh chiah bawk.




Ka nu thlalak hi ka pa hian ala tar reng a, ala en țhin tih ka hria ka nuhrawn ngaihdan ka hre chak takzet bawk. Ka pa awm loh laiin a lak thlak țhin ka ring nghet bur.





"Bawiha lo țhu la, ka la buai deuh hleka ka hman țep e" ka pa chuan min hmuh rual chuan a ti deuh sup a, a tih țhin dan ang chiahin tarmit a vuah a lehkhabu chu ni êngah alo bih ngawr ngawr bawk.




"Enge i chhiar a? " ka ti a, ka pan phei nghala. Tun hnaiah a hnen ațang hian hmangaihna ka dawng leh a, ka dawn tawh ngai loh ka ring a mahse hmangaihna min pek țhin ang chiah kha min pe leh tawh a. Ka nuhrawn lakah pawh ka thlavang a hauh in, ka tan a ding hram hram tawh țhin.




"A ngai bawk kha ka chhiar leh Azuali kha, tunlai chu ka chhiar zo theilo nileng lenga ka chhiar chung pawh hian ka la chhiar zo thei lo" a ti a, a bula țhu tur chuan min hui nghal zeuh bawk " vawikhatah ti țawk zel suh ka tih kha zanah i mit in a tuar leh palh ang" ka ti sup.




"Kan upa ve tawha mit hi chuan a tuar ve tur reng alawm. Khawnge zualtei" a rawn tih chhunzawm zat a. Bawihi hming a lam rual chuan ka thaw chhuak deuh hawk a "An hna lamah an buai deuh hleka ka lo hruai ve ta lo mai" ka ti ta ringawt a. Ka pa nge nge min hrechianga a fapa rilru put hmang chu a hre leh der tawh.




"I thlem lungawi thei lo ani maw" a rawn ti nghal chat a. A lehkhabu ken lai chu a dah a, a tarmit vuah chu phelhin ka lam a rawn hawi nghal bawk. "Chutiang lam pawh ani tehchiam lo, thildang daih enge min koh chhan" ka ti ta zawk a. He thu hi chu Bawihi nen chiaha chinfel ka duh.




"Aw ni tak, ro chungchang bawk kha ania inu hian ruahmanna dang a nei leh ta deuh alawm mawle" a ti a, a bula dawhkan tê a drawer chu a hawng a lehkhabu tereuhte hi a rawn phawrh chhuak nghal bawk a.




"Ka lam i țang tihna ani maw" ka ti deuh nghut a. Za zet chuan a rawn nui a. "Ka fapa, englai pawhin i lam ka țang alawm khang hunlai kha chuan tum ka neih ve vang anih kha lo en la" a ti a, ka va țhut hnaih a lehkhabu chu ka hmaah tak a rawn pawt phei a.




"Inu hian Zualtei hmang hian hma a lak duh hmel tlata mahse sawi erawh chu a awm chuang lo ka ngaihdan anih kha. Chuan company enkawltu tur thlanna turah hian nangmah tih mualpho dan tur ringawt a ngaihtuah a, a ngaihtuah chu hriat theih va ni hek suh. Mahse tlema zawng min hrilh anih kha" a ti a, lehkha phêk chu a keu a.




"A share hralh i lei ta kha a hria a, chu chu ru ah puh che a tum ani. Chu chuan board member te a hneh ngei bawk anga nang chu sum duh lutuk ah i chhuak dawn bawk. Mahse heti hian iti let ve thei tlat" a ti a, tihdan tur chu ziakin min hrilhfiah zung zung a ngun zet hian ka ngaithla ve bawk.




A ruahmanna chuan tlemin sumdawnna nghawng dawn mahsela engtiang kawng zawng pawn ka nuhrawn hi dan a tum a, amah ngei pawh meeting a alo kal tur thu a sawi bawk a. Ka pa tak tak kha alo let leh ta chiah e.




"E, chuan Bawihpui kan upa ve tawh a hrisel lohna neuh neuh nen, rei ka dam pui tawh lo maithei che a chuan ka damlai ngei hian nupui nei la i hlim lai hmuh ka duh ani" ka chhuak țep tawh, a thusawi avang chuan ka hawi let a. Thei leh thei lo hian alo tho chhuak ve țawih țawih a.




"Pa, nupui neih te chu.. Hmanhmawh a ngai ami" ka ti deuh nghut "Hmanhmawh ngai e le, Zualtei saw miin an chan khalh hlauh dah ang che. Hmanhmawh tur, chuan ka mo atana ka duh chu amah chauh saw ani. Saw hmeichhe duhawm zet chauh saw nupuiah i nei ang tih ipa hi min tiam thei em? " a rawn ti a.




"Pa, nei suh pawh min ti mah la ka nei tho ang" ka ti sup a. Kawngka chu ka hawng a ka chhuak zui nghal bawk. Ka hmeichhia ani a, ka nupui ani bawk ang. Ka kianga a awm anih loh chuan tu mipa kiangah mah a awm ka phal ngai chuang lovang. A engkim saw ka ta vek.




"Aw..... Ka fapa rangkachak alo kal e" tia kut beng ri ah chuan car ka lut tur chu ka hawi chhuak leh a. Ka nuhrawn leh Kima chu inchei zet hian car ațang chuan an lo chhuak ve chiah bawk a. An dress atang sawn Pi Sawmi birthday party an hmanpui ani tih a hriat nghal chat.




"Fapa rangkachak. Haha... Party naah i kal khat lutuk a i kal ve ta cheng a i mit a rawn vai haw ani ngei ang" ka ti ve deuh nghut a. Mahse ani erawh chuan min nuih tlawn leh ver ver tawh bawk.




"Ka fapa rangkachak, enge ilo tih a ro chungchang bawk kha em ni. Anih ka ring renga min pe dawn tih ka hria alawm. A chhan pawh kei hian ka dang chêp vek tawh che. Tih theih i nei tawh lo"




"Kima, ka nu kha hruai lut ta che, a thuruk a phawrh chhuak mai ang tih a hlauhawm tlat. A chhe vek dawn si a" ka ti a. Car ah chuan lut in Bawihi in lam pan chuan ka tlan chhuak zui nghal zat a. Call chu connect in Bawihi chu biak tum ka try ngat ngat bawk.




Ka tlan chhung zawng chuan ka try ngat ngat a. Mahse a ring ral țhak țhak a. A tawpa tawpah chuan switch off a inti hmak! Steering chu ka chum pawp a. Horn chu ring zet hian a rawn ri chhuak nghal tuarh bawk.




Speed chu ka ti sang a, chak zet chuan ka tlan lehnghal bawk a. A in ka thlen chuan engine ti thi in ka chhuk nghal vat a. Thu ka pek ang ngeiin leh ka sawi ang ngei chuan an lo ti bawk. Min hmuh rual chuan chibai min bûk nghal zat bawk.




Fimkhur turin leh inhmuh tir lo turin ka hrilh a, ka rindan ang chiahin CCTV pawh a thukru lai berah an dah bawk. Heng zawng zawng hi ka laptop nen connect vek ani a. Bawihi chu hmu thei lo mah ila a chêt dan engkim laptop ațangin ka hmu vek thei.




Inhnung lam ațang chuan Gabriel-a a rawn chhuak a zan lam kan hnaih tawh avangin khua chu a thim deuh thet thet tawh a. Bawihi pawh chuan a in chu êng a pe ve tawh bawk.




"Sir, a țhiannu kha alo kal a, David-a bialnu kha, min hmu teuh lutuk ringawt. David-a a rawn kal ve ang tih a hlauhawm zawk alawm le" a rawn ti a, "fimkhur ula a hmu cheu anih chuan keimah zawk min dem leh dawna chuan an colony pawh hian an hmu tur cheu ani lo" ka ti sup a. A darah chuan ka beng thek thek a Bawihi in kawngka lam chu ka pan nghal vut bawk.




Kawngka chu ka kik a "Bawihi hawng teh keimah, inbia ang" ka ti a, kawngka chu ka chum dawt dawt bawk. Mahse thawm engmah hriat tur a awm bawk si lo, kawngka chu ka pawt a chhunglam ațanga inkalh tih hriat reng reng in a sak nghal țalh.




"Bawihi inbia ang khatiang khan awm suh, i thil hriat zawng zawng kha thudiklo tak vek anih kha" ka ti leh a, kawngka chu ka kik a mahse chhanna ka dawng lo. Thinrim zeta thaw chhuak chuan kawngka chu ka hnek nghal pawp!.




Tunah hian a bula awma a taksa si chêta awm ka duh. Tlai lampangah hi chuan a taksa si lo hi chuan ka awm ngai lova ka awm thiamlo bawk. Tunah pawh hian a bula awma kuaha, hnem ka duh. A taksa nêm em em kha tawh ka duh a ka tihnatna te kha tihdamsak ka duh.




Mahse ka thil tihsual rah ngei ka hmu let nghala. Min hmu duh lova ka biakna pawh a chhang hek lo, min haw em em a ka hmel takngial pawh hmuh a duh hauh lo "Bawihi, ti te hi chuan engtin nge ka awm anga ka â thei mai ang" ka ti chhuak sup a. Kawngka ngheng chuan ka țhu thla dawt a. Ka chal chu dawm in ka au zui nghal hrâwih bawk.




Zan ani tawh Bawihi call na ka dawng lova kawngka bula ka țhu chung pawn thawm engmah ka hrelo. Ka call a mahse switch off a inti zel bawk. Gabriela ka check tira inah a awm ngei bawk si. Engvanga rawn chhuak miah lo nge maw anih hrep le.




Dar 7 ani tawh. Thâwm engmah ka hre lova chanchin tak ngial pawh. Beidawng zet chuan ka tho chhuak a, chumi rual chiah chuan kawngka chu a rawn ri rek a, muangchang hian a rawn inhawng riai riai a, kawngka a inhawn rual chuan ka dinna chu a hliah chiah bawk.




Bawihi chu muangchanga lo chhuak hian hnawmbawmah chuan eng emaw hi a paih zeuh a, chumi rual deuh thaw chuan ka va hnaih chilh nghala. Ka taksa si chêt chuan ka kuah bet nghal thlawp a, a phu nghal zawk a a bekah chuan ka fawp nghal tâwk a. Ka thaw chhuak ham ham bawk.




"Nangmah maw... Mahse hetah" a ti a, thil hrechhuak thut ang mai hian a che deuh phut a mahse a dulah chuan nghet zetin ka kuah a a tukhumah chuan ka hmui ka nghat vang vang bawk.




"Bawihi, che rih lo lawk teh, reilo te chauh ti hian awm lawk ang, ka ngai che" ka ti sup a, a tukhumah chuan ka fawp a, ka thaw chhuak ham ham bawk. He taksa hian ka ngaih tluk zetin min ngai tih ka hria mahse huatna nen ani thung.




"Ramhlun min thlah teh, hetianga awm tur hi kan ni lo. Khanu bula awm tur zawk kha ini engtin nge hetah hian i awm theih" a rawn ti a, a tal zui nghal bawk a. Mahse ka kuah hneh em avang chuan a tal chhuak thei lova thinrim zet chuan a thaw chhuak a ka kuahna kut chu lak thlak tum in a bei ve ngat ngat bawk.




"Bawihi, i thu hriat kha a diklo ka tih chu kan mu dun lo ka ti tak tak. Min ring lo ami" ka ti a, ka kut phelh tir tuma a kut che ve sek chu ka vawn hnan hmiah a, chu chu phawrh chhuah tum in a bei lehnghal zat bawk. Mahse engti kawng maha a chhuah ka phal ngai lovang.




"Ka ring che alawm, ka ring che. Mahse nizan khan ka rinna che chu min tihchhiat sak vek tawh. Ka sawi tawh kha min thlah rawh ka lut duh ania" a rawn ti deuh salh a, tal a tum rual chuan a nakah chuan ka hmer sak a, tawp chut in a khawng nghal at bawk.




"Bawihi, kan mu dun lo ka tih chu ka thusawi hi ngaithla ve phawt țhin la" a beng bulah chuan ka phun sup a. Chumi rual chuan a nâkah chuan ka hmer sak a, a rawn che deuh aih a ka hmer sak leh a, a tal chhunzawm nghal zat bawk.




"Nizan khan min nghak rei a tihpalh mahse kan mu dun lo ka sawi hi thudik ani. Ka pa a rawn kal ve a thlah ka ngai sia ka rawn let ta lo anih kha. Bawihi" ka ti sup a, ani erawh chu zâ atih avang chuan a hmui a pet fan fan a a hmai a sen vek tawh. A thinrim lai mah nise a duhawm lutuk ringawt.




"Min dêk tawh suh, a zâ ka tih tawh kha chuan maw insawifiah eng ang mahla ka pawm dawn chuang lo. A thleng tur leh nih tur ang chu ani zo vek tawh. Vawiin khan thil engkim chu chiang takin ka hre vek tawh" a rawn ti deuh salh a. Chumi rual chuan rang zet hian a tal chhuak nghala mahse a banah vuanin ka pawt her lawp, ka hmai si chêt chuan ka pawt phei a a awmdan a dang lam tih ka hre thei chiah.




"I thu hriat kha a diklo ka tih tawh kha" ka ti a, a kut pahnih chu man khawmin hnunglamah chuan ka man beh sak a. "Min thlah rawh hetianga awm tur hi kan ni lo" a rawn ti leh a, mahse a thusawi chu ngaihsak lovin a sam chu a bengah ka zep a, min en a hlauh vang nge ni a maimichhing tlat bawk.




"Engtin maw kan awm loh dan tur chu" ka ti a, a hmai chu ka zût riak riak a, a hmui sexy zet chu ka tuai heuh heuh a, zawite hian a rawn thaw chhuak nghal hak bawk.




"Mawh Bawihi, sawi la engtin maw kan awm loh dan tur" ka ti sup a, a hmui chu ti kau in muangchangin ka fawp riai riai a, sexy zet hian a rawn thaw chhuak leh hawk zel bawk. Chu chuan phurna min pe sauh thung.




"Tiang hian awm tur kan ni lo ka tih chu, khanu bulah khan va kal rawh hetah lo kal suh" a ti khur hlak a, eng ang pawn in sûm tum eng ang mahsela a thei lo tih ka hria. A aw ațang chuan a awmdan a dang lam tih ka hre bawk.




"I thîk em ni" ka ti sup a, a rawn țawng tur a hmui kau chu insûm hman lek lo chuan ka fawp nghal chawt a. Chhanna ka dawng rang hle bawk. Min rawn chhan nghal chat avang chuan ka nui suka, duhthawh zetin ka fawp nghal ngawng ngawng bawk.




Ka hmui a rawn thîp zawk rual chuan rang zet hian a tal chhuak nghala. Ka hmui chu ka khawih a a rawn thi nghal ser ser bawk. "Tiang khan awm tawh suh, ka sawi tawh kha hetiang hian awm suh anih loh chuan engkim theihnghilha rawn let ka duh mai ang. Ni e ka thîk alawm khanu kha ka thîk nangpawn i hria. Mahse tun ang hunah pawh ngaihdam min dil lovin leh fiahna pawh min pe lovin thîk chungchang te ila sawi a. He thil hi i ngai ho takzet tiraw a țha alawm mahse kei chu ka thutak ani, thil ho mai mai ah ka ngai ve lo. Nang chuan i duh duh dan in ngai rawh chuan min rawn hmu tawh suh ang che" rilru nat hmel zet hian a ti a, chak zet hian inchhungah chuan a tlan lut nghala kawngka ri khep chu ka hre chhunzawm zat bawk.




Ka ngai ho hauh lo, khatiang khan ka hneh theih che ka ring a mahse ka tisual ani. I thin ka tirim zual sauh zawk a!. Nang hmuh tawh loh che maw pawh a sawi pawh sawi suh ka umzui reng dawn che ka thlah fal dawn lo che. Ka ta inih leh ngei theih nan theihtawp ka chhuah dawn ani, chuan kan mu dun lo ani tih i hriat ngei theih nan fiahna ka pe ang che, ka pe ang che, ka ti rilru mawlh mawlh a thaw chhuak hawk in ka inhera car awmna lam chu ka pan nghal zat bawk.




Ka tlan chhuah dawn chuan rei zet in chu ka thlir leh a, light a rawn thim khup rual chuan beidawng zetin engine chu ka ti nung a chak zet hian in lam ka pan nghal bawk.




In ka thlen ruala gate bula lo ding avang chuan ka rûm chhuak nghal nghut a. "Hetah hian enge ilo tih dawn? " ka ti deuh hrâwih bawk. Ka aw a hriat rual chuan min nuih nghal sângin ka lam chu a rawn pan a. Ka lo ner khum nak ringawt.




"Ramhlun, tinge i thinrima ka lo kal anih hi hmana thil thleng chhunzawm tur khan" a rawn ti a, ka nui chhuak hawk. "A sawi pawh i sawi ngam ka ti, beisei phei chu beisei lo zawk mai rawh, hun kal tawh anih kha theihnghilh rawh chuan nangnen hian nizanah kan in karah engmah a thleng lo" ka ti deuh hrâwih a ala nui zui kar kar lehnghal.




"Ilo la ngai reng anih hi" a rawn ti a, ka âwm chu a rawn zût nghal bawk "Min hnar theilo tih ka hria alawm" a rawn ti no deuh hnâp a. Mahse na zeta a kut chu hmer in ka paihthlak sak.




"Ka hnar thei che a nizanah pawh khan ka hnar che kha. Haw rawh ka hmuh theih ah rawn inlan tawh suh ang che. Anih loh chuan hmeichhia leh mipa ka thliar hran loh zia ka hriattir ang che" ka ti zui hrâwk a, kalpel in gate chu ka hawng a light chu ka off nghal zat bawk.




Rsa leh David-a an zin a, biak tur leh kawm tur pawh ka nei hauh lo. Inchhung ka luh rual chuan Bawihi ka call leh nghal zat a. Mahse switch off ala inti tho. Thinrim zeta au chhuak in phone chu ka paih nghal pawp a. Na zet hian ka thaw chhuak nghal hrâwih bawk.




"Bawihi engtianga rei nge min biak loh i tum le, ti te hi chuan ka â thei mai ang asin" beidawng zet chuan ka ti chhuak sup a. Sofa ah chuan ka țhu thla dawt a. Nghenchhan chu nghengin ka maimichhing vang vang a Bawihi ringawt ka mitthla mai.



🍀

Zing ațang tawhin biak ka tum a mahse ka call ala duh țhak lo. Feli takngial pawn ka call ala duh hauh lo. Mahse a țha tih ka hria a mahse chu ringawt chuan min tidam chuang lo amah kha biaka kuah leh ka duh.




Office-ah pawh hnathawk te ka vîn a hna an thawh țhat loh deuh apiangin an hna khawih lai aia tam zawk ka pek belh a hun tiam siam sak in chumi chhunga ti zo tur chuan ka hrilh bawk a. Tu pawn mak min ti reng bawk, hetia ka awm an hmu duh lo anih chuan hetianga min awm tir theilo tu hi zawng chhuak rawh se ka hnenah lo kal tir rawh se.



Rsan'n min rawn call a an hna an tluang thu min hrilh a. Ka lawmpui thu ka hrilh ve nghal vat bawk naktuka an lo haw tur thu a sawi leh a chumi rual chuan a hmun nawm zia leh chicks an tam thu a rawn sawi a. Mahni lo maha rilru hah nak alaiin ani thawveng zet biak hi chu a hreawm chuvang chuan a thusawi chu ngaihthlak sak lovin phone chu ka off hmiah ringawt.




"Sir, tunah hian Zualtei chu mipa ang tak nena an chhuak dun hmuh ani. Chupa ni ngei tur chuan cap a khuma a dum vekin a inthuam bawk" Gabriel-a thu rawn sawi avang chuan ka țhutna ațang chuan ka ding chhuak nghal zawk a. "Engmaw I sawi? " ka ti nghal hrâwih, ka aw ka thunun hman lo!.




"Tunah hian mipa ang tak tur nen an inkuaha an chhuak bawk, dawr lam an pan in ka hria" a rawn ti a "Lo en zui zel la an dawr luhna hmun min lo thawn ang che chanchin hriat vat ka duh" ka ti nghal hrâwk a phone chu off in ka thaw chhuak nghal hawk bawk.




Tunge chu mipa Bawihi lo khawih ve tu chu, tu pawh ni la i châk lo khawp ang ka hmeichhia anih kha ka thu lo chuan khawih thiang ani lo.




Call a rawn luh har em avang chuan ka tei kual sek a ka phone chu ka hmet êng sek bawk. Reilo te ah message in dawr awmna hmun chu min rawn thawn a. Ka open a, ka hmuh rual rual chuan ka dawk chhuak nghal zawk bawk.




Dawr kawt ka thlen chuan "tah hian lo awm ula a tlanchhuak anih chuan in lo man dawn nia" ka ti a, dawr chhungah chuan ka lut a Bawihi te chu ka zawng nghal zat bawk.




A kil lai deuha hlim hmel zeta a nui ka hmuh rual chuan ka pan nghal vat a. An bul ka thlen rual chuan "tu mipa nge? " ka va ti nghal hrâwih a. Bawihi chuan ka aw hriaiin a rawn hawi chhuak nghala phâwk zet hian min rawn en a.




"Ramhlun" an rawn ti a. Chu aw chu! Bawihi aw ani hauh lo. Ka sir lam chu ka en a. Evelyn'i chuan nui sâng hian min lo melh a amah ka en tih a hriat rual rual chuan a rawn ding chhuak nghala. Nui sânga min rawn ban a tum chu chawp leh chilhin a nui tawp lehnghal riai riai a. A ban chu la let in muangchang chuan a țhu thla a.




"Evelyn" ka ti deuh tâwk bawk. A hming ka lam rual chuan a rawn hawi chhuak a, a mittui a tling pâm mai. A hmel chu ka en a awihawm loh khawpin a dang lam a min țhawng hle bawk. A hmaa a hmelțha tak kha hmuh tlak pakhat mah a awm tawh lo.




"Ramhlun" a rawn ti ve sep a, a mittui a luang thla nghal zung zung bawk. Min ngaih hmel zet hian min melh a, Bawihi ka en a, ani erawh chuan melh pawh min melh duh eih lo.




"I dam maw? " a rawn ti a ka hmuh thut avang chuan ka hamhaih a chhan mai nachang ka hrelo. "I chungah enge thlenga? " ka ti ta ringawt. Tuna a hmel leh a hmaa hmel kha compare ta ila compare tlak awm lo tur khawp in tuna mi hi a rapawm.




"Zualtei nen in in ang chiah țhu phawt la" a rawn ti daih a, a țawng dan te reng reng chuan min țhâwng vel vek. A zaidam ta lutuk hian tu pawh a barakhaih ngei ang.




Bawihi bulah chuan ka țhu thla a, ani alo tawlhphei nghal vut a. Mahse rang zetin a kawngah chuan ka kuah a ka lamah chuan ka pawt hnai hrâwk a, a kutah chuan ka hûm bet a. "Țang țung suh" ka ti nghal sup bawk.




"In inhmeh dun takzet" a rawn ti a, a mittui chu a hru fai a, a nui zui hak bawk. Sawi tur pakhat mah ka hrelo anih chu!




"Zawhna i ngah tih ka hria alawm ka hrechiang ve thawkhat che a, i zawhna chhanna chu ka pe khawp ang che. Aa.... eng ber ațangin nge kan țan ang" a ti leh.




Bawihi lah chu a che ve sek a, nghet zetin ka taksa si chêt chuan ka pawt bet tlat a. A tawpa tawpah chuan na zet hian a thaw chhuak hawk a. Min rawn nghawk nghal pawp bawk.




"Bawihi, awm hle hle rawh anih loh chuan min tam tak hmaah hian ka ngaih zia che ka tilang mai ang" a beng bulah chuan ka ti sup a, beidawn hmel fe hian a thaw chhuak hawk a. "Ngawi tawh teh" a rawn ti hlak bawk. Engmah sawi chhunzawm tawh lo chuan a chhipah chuan ka fawp nghal vang vang a, ka âwmah chuan ka kuah bet ti tih bawk. A țang țûn tawh lova min kuah let ve deuh tawh mah zawk.




"Ka pa te enge an an? " Evelyn-i chuan a rawn ti leh a "An țha e, tunah hian thubuai nei lai mek ini tih i hria em? Zawn reng ini bawk" ka ti nghut a. Bawihi chunga a thiltih kha ka la theihnghilh hauh lo.




A rawn nui sak a .. "Min zawng reng reng pawh chu a lawmawm lutuk e. Min la ngaihsak tih tal ka hria a, a lawmawm lutuk. Mahse khawngaihin case in file chu la let leh hram rawh u, Zualtei bulah pawh ngaihdam ka dil tawh a. Ka chanchin tam zawk pawh a hre tawh bawk. Karleh mai hian thingtlangah pasal ka nei dawna thubuai ka nei tih hi a hriat ka duh lo ani" a rawn ti a. Bawihi nen chuan phâwk zet hian kan meng!




"Pasal i nei dawn maw! ? " kan ti rual bawk "haha, in hmel kha a nuihzatthlak lutuk ringawt. A dik alawm pasal ka nei dawn, ani chuan ka nihna engkim nen min pawm veka kei pawn ka pawn bawk. Chuan ka hmangaih bawkin ka hria chuvang chuan khawngaih takin case chu sût leh rawh u" a rawn ti a. Bawihi chu ka en a, min rawn en ve chiah bawk a ka mit ka ti kân khum ak ringawt.




Nui sâng hian Evelyn'i chu a en a "inneihnaa min sawm ve dawn loh chuan" a ti a an pahnih chuan an nui dun hawk "Lutuk e, lo kal ngei ngei ang che u in pahnih in ka beisei dawn che u ania chuan ka lawm lutuk engkim vang khan. Chuan Ramhlun ka pa te ilo hrilh ve dawn nia anni pawn min lo telpui rawh se, ka kal phawt mai ang. U Dina'n min nghak bawk sia man bazar dawna, ka lawm lutuk ania, anih u" a ti a, a ding hluai a, keini pawh chu kan ding ve nghal zat.




Bawihi nen chuan rei tak an inkuaha kei nen pawh, tichuan a pasal tur nena an kal liam tur chu kan thlir reng ringawt. Vawiina Bawihi thil tih avanga ka nu thusawi ka hriatchhuah chu "Ngaihdamna hi thil hlu tak ani. Huatna nena mi nundan kan en reng chuan keimahni ngei pawh kan la inhua ang, mihring chu sual sa a piang kan ni a, sualna a pung zela sual tam tak kan la ti dawn chauh bawk. A țhen chu ngaihdam theih loh tam tak a awm. Mahse ngaihdam theihna ah chuan ngaihdamna hi kan nun min siamțha tu ani. Ngaihdamna nena nun hmang lo tu nun chu a tluang ngai lovanga a hlim ngai bawk hek lovanga, mahni inhuatna leh i thiamlohna in a khat reng ang" tih hi ani. Chuvang chuan ngaihdamna hi thil hlu ani.




"Bawihi, ani pawh kha i ngaidama keipawh min ngaidam ve la ngaihdamna hi thil hlu ania sin" an kal hnu chuan ka ti sup a, Bawihi chu rang zet hian a tal hrang a.




"Lemchanna chu a zo ta. Ngaihdamna chu thil hlu ani tak meuh mai mahse ani tihsual leh nanga tihsual kha a inang lo a chuan ngaihdam tur pawh a inang lo tihna anih chu" a rawn ti a, inkuangkuah meuha ding in min en ran bawk.




"Nia, min ngaihdam ve ang chu" ka ti a, ban ka tum a mahse a tawlhsawn zel . "Ngaihdam tur pawn i awm hleinem" a rawn ti leh hlak a. Kalsawn a tuma rang zeta pawtin ka malchungah chuan ka pawt țhu nghala. A kawnga ka dawm rual chuan a râk nghal țhat bawk.


💜

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:14 pm

2!3! #EP-40

By : Msi_Miluhlulnui
(Hmeichhe naupang tereuhte)




"Min dathla rawh, i mawl ami? Dawr chhung anih hi" a rawn ti zui țhat a. Mahse nui suk in ka kuah nghet sauh a, ka vawnna ațanga tal thlak tum chuan a che ve sek bawk a, ka darah kut nghatin ner nawngin min en bawk.




"Ramhlun" a rawn ti sep a, "um" tih pah chuan ka pawt hnai salh a ka hmai zawnah chuan a rawn thaw lum ham ham bawk "min dahthla tawh rawh" a rawn ti sap a, min awm hnaih lutuk avang hian a țang țeuh tih ka hre thei a nâka ka hmer rual hian a îp nghal châwih zel bawk.




"Min ngaidam ve phawt la" ka ti sup a, a biangah chuan ka han fawp deuh thuak bawk "Min dahthla phawt rawh a zahthlak miin min en țhup ang bakah dawr ani lehnghal thla te an lo la leh vel ange" a rawn ti a, a thusawi lai reng chuan a mitah chiang zetin ka lo en a zah avangin a biang a tai têk thei.




"Min ngai em Bawihi? " ka ti sup, a biang sen bik lai te chu ka tuai sak a, ka mitah tak a rawn en a "Min biak lohna hi kar khat dawn lai ani tawh asin min ngai em? " ka ti leh sup a, ala țawng chuang lo mit khap lek lovin min melh ngar ngar ringawt.





"Ka duat em em hian min ngai tih ka hria. Chuan ani min ngaih aia let hian kei chuan ka ngai bawk. A tan eng thil thalo mah ka ti ngai lovang, ka nunhlui chu eng anga tenawm pawh lo ni mahse ani chuan hmangaihna nen min theihnghilh sak tum in a bei a, ka nunhluiah a buai ve ngai lo bawk. Ka hmangaih em em ani miau sia chuan kei hian ka nunhluia hun ka hmanpui lo let leh ta avang mai mai chuan ka hmangaih thinlung hi ka tihnat sak anga maw? A ngam chuan sawi rawh se, mahse kei hian he hmeichhe nunnem em em thinlung thianghlim leh ka tana hmeichhe awmchhun rilru leh thinlung chu hliam ka phal ngai lovang" a mita en let ve reng pah chuan ka ti sup.




"Ramhlun" a rawn ti sep a, a mittui a tling nghal kuar thei. He mittui hian alawm min ti chaklo em em țhin mahse amah bawk hian mittui kar ațang hlim hmel min puttir a chakna thar min pe leh țhin.





"Kha hmeichhia nen khan hun kan hmang dun lo, ka nunhluiah erawh chuan kan hmang dun ve țhin fo mai. Mahse tunah chuan ka tan chuan hmeichhe pakhat chiah an awm tawh ani tan chauh chuan ka inti thianghlim bawk. Țhian kan nihna angin alo haw kha ka hlim a mahse a rilru put hmang ang kha ka pu ve hauh lo, ka hmeichhe hmangaih tan chuan ka in ti thianghlim a ani hi ka phatsan dawn reng reng lo bawk. Nunhlui țawp tak avanga ka kalsan che ring hauh suh Bawihi, ka nunhlui te kha chhui kir tlak awm lo khawpin a tenawm a chuan ka hmangaih i nihna angin nunhluiin a tihbuai che ka phallo" ka ti leh.




"Ramhlun... Ka" tiin sawi zawm thei lovin a mittui a luang zung zung a, rang zet chuan ka hruk sak nghal vat bawk "Bawihi, natna tam tak ka pek țhin avang che in ka tihpalh a ngaihdam ka dil mawlh mawlh che . Mahse min ngaihdam duh leh duh loh chu i thu ani a, ka lo sawi theih chu a awm chuang lo na in, nang chuan natna min pe lova hlimna min thlena kei chuan mittui luanna tur hlir ka thlen che eng mipa nge maw ka niha mahni hmeichhe hmangaih pawh hlima siam thei lo chu! " ka inti zui leh hrawih!.





Bawihi chuan ka biangah rawn dawm in chiang zet hian min rawn en a, a țahna avang chuan a mit a sen vek a a hnar nen lam "Khawvela mipa zawng zawngah i țha bera hmeichhe hmangaih te ti hlimtu ber ini bawk. Ani chu a harsatna tam tak tawh ațangin i la chhuak a nunna thar ipe a chakna tam tak nen nangmah rinchhan turin i hrilh a atan engkim i huam thu i hrilh bawk țhin. A harsatna tawh tawhte i thai bo saka hlim takin i siam a, a nunhlui hreawmnaa khat chu i paihbo sak hmiah bawk chunu chuan i hmangaih zia alo hrethiam ngai lova engkimah a dem fo țhin che. Mahse nang chuan zâwldawh takin enkawlin.hmangaihna nen i fâwm a, i hmangaihna zawng zawng i hlan bawk. Ani chuan nangmah i indemna kha a duh lo a sawi țhin suh se a ti bawk. Chuan chu hmeichhia i hmangaihna pawh hrethiamlo tu chuan alo hmangaih ve che a. A âtna tam tak leh a rilru mâwl tak te, a hmangaih thusawi pawh ring duh lova midang thusawi ringte, mahni thu duh em em mai tu che hmangaihna chu i pawm sak ve dawn em? " a rawn ti sap a, ka mitah chuan chiang zetin min la en reng bawk.




"Bawihi" ka ti sup... "A hmangaihna che i pawm sak ani tih hi hrilh hram la, anih loh chuan mahni inthiamlohna avangin hun a hmang reng anga nangmah a ngaih em avang che hian a mu țha theilo bawk ang" a rawn ti leh sap.




A kawnga nghet zeta vawn sak pah chuan ka pawt hnai leh salh a, a hmui ka tan chauha siamah chuan ka fawp nghal vang vang bawk "Ka pawm, engtik lai pawn ka pawm chuan ka lawm hle bawk KA HMANGAIH CHE BAWIHI" ka ti sup a, ngen ngawl zetin ka fawp lehnghal vang vang bawk. Hei aia hlimna hi a awm leh thei chuang dawn em ni.





Ani pawn min hmangaih thu min hrilh pahin ngaihdam min dil nghal zat a â a intih zia te a sawi bawk. Khang hun tam tak chhunga keimah min zawh fiah nachang a hrelo te chu mahni a indem em em a, mi thusawi alo ring mai kha â a intih zia a sawi chhen bawk.




He hmeichhe hi ka hmangaiha kumkhua in ka hmangaih bawk ang, atana thil țhalo tih ka duh ngai lovanga harsa dawn mahse a hlimna chauh thlensak ka tum bawk ang. A bianga mittui hi hlimna avang chauhin luang tawh se ka duh a, natna avanga a țah ka phal ngai bawk hek lovang.




Ka kawnga nghet zeta min kuah pahin ka âwmah a bei a zawi te te in thil a sawi sep sep bawk. A samah chuan ka chûl sak heuh heuh heuh a, a khât tawkin a chhipah chuan ka fawp leh vang vang zel bawk.




A telloa nun hman harsatzia ka hre tawh a. Ka hlatah hian engtikah mah a awm ka phal leh tawh ngai lovang. Ka nuna rorel tu a nihna angin amah hi ka râwn hmasak ber tur chu ani bawk ang.




★ Malsawmzuali POV ★

Ramhluna nen pawh kan inkar a țha chho zel tawh a. Min ngaihsak ngaiin min la ngaihsak reng a hmangaihna tam tak min la pe reng bawk, keipawn ka theih tawk in ka hmangaihna ka tilang ve a ka ngaihsak ve bawk. Ka telloa awm a theih loh tur zia min hrilh ziah țhina keipawh hian a tello chuan nun hman dan ka thiam ka ring tawh lo.




Tunlai phei chu eng emaw vei hi nei a ang tlat zela thil a ngaihtuah leh vung vung țhina min rawn en vang vanga "Bawihi" a rawn ti sup a amah ka en rualin "a ngai leh lo mai, kan ngaihtuah țha leh lawk ange" a ti leh daih țhina ka hrilhhai țhin takzet.





Evelyn-i case kan file pawh kha kan la let leh a, a nun a siam țha kha ka lawmpui em em a, a sualna tak hre ve hman chiah lo mah ila ka lakah thil tam tak ati tawh a. Mahse a nun a siam țha hrim hrim kha ka lawmpui ani, Pathian a hmu a, a ring a, nun thar a nei tih ka hmuh khan ka lawmpui em em bawk.




An inneihnaa kal turin Ramhluna nen min sawma keini pawh naktuka chhuak turin kan intifel bawk a. A motor in kan kal dawna amah zawkin chho hma ila khitah kan hahdam hma thei zawk dawna ati a ka pawmpui thlap, tlai taka kala a tuka inneihnaa kal chu chauh ana duh dawn emai.




Rsa leh David-a, Feli leh ama nu leh pa te ngei pawh an kal ve dawna anni erawh chu motor hranah an kal dawn thung. Khawzawl hi kan vawikhat kalna tur vek ani a, a kawng kan hrelo lutuk hi a zahthlak zawk. Phone ațangin kan inhrilh ka bangbo tual tual zawk.




"Bawihi" Ramhluna rawn țawng ri ka hriat avang chuan amah chu ka en nghal vat a, nichinah 'min biak pawn min en kher suh i motor khalh kha ngaihtuah rawh kan accident palh ang' ka ti a, a rûm nghuta hei tunah pawh min rawn en a tuma amah ka melh let ve kul sia min en ngam lova a motor khalh chauh ngaihtuah anga a lan daih hi.




"Enge, sawi la, lo hawi kher a ngai lo ania" ka ti leh kher a, a rûm nghal nghut bawk. "Ka țawng pah khan i hmel ka hmu ve chak ani mai lawm" a rawn ti nghut a, ka nui chhuak hak ringawt.




"Nakinah ila en dawn nia, sawi rawh le" ka ti sap a, a steering vawn lohna lam a kut chu ka vuan a mahse amah zawkin min rawn vuan let nghal vat a. Ka kut chu a hmer nghal ngawt ngawt bawk. "Bawihi, inneih lam te hi ngaihtuah ve tawh ila. Ti te hi chuan kan tar vat mai dawn asin, ka nupui ni vat la duh. Ka kiangah awm reng la ka duh tawh" a rawn ti chhuak phawng mai a. Ka meng nghal kâwk bawk.




Engtin mah ka chhang lo, hmanniah khan inneih chungchang kha a rawn sawi thawi deuh fua a, Evelyn'i te inneihna tur alo sawi amaw ka ti ve char char a. Mahse kan pahnih chungchang hi alo sawi ani chiang mai.




"Bawihi, min chhang la nge romantic deuha propose i duh zawk? Tiang chuan kan ti mai dawn mi niang i duh zawk em? " a rawn ti leh a, min rawn melh deuh hâ a, mahse amah ka lo melh reng avang chuan rang zet hian a hawisawn lehnghala amah zawk chu a nui ri nghal suk bawk.




"Ramhlun.. Ka, englo, inneih maw?! " ka ti hâ a, "um, inneih mawle" a rawn ti zângkhai vah a, he thu hi vawikhat mah ka la dawng loa ka beng hian hetiang thu hi a vawikhat hriatna ani ngei ang. Chuan kei hian ka dawn ve ka ring ngai hauh lo bawk. Engtin nge ka chhan ang, chhan dan tur ka hrelo.




"Bawihi, ka kiangah awm tawh la ka duh ani. Hetianga kan awm reng hi chuan i bialpa hi lunglengin a thi thei mai dawn asin, nangmah hmu chak reng reng in ka awm a mahse kan inneih hunah chuan nitin ka hmu dawn che a, zing ka thawh velah te, ka mut dawnah te, nileng ten ka hmu thei dawn che a" a rawn ti a, chhan mai nachang pawh ka la hre chuang lo, engtin nge ka chhan ang. He thu hi a mawi tih an sawi fo țhina an sawi hian eng teh ual ah ka lo ngaihsak ngai lem lo.




Mahse mahni ngeiina han dawn ve chuan a ât hui theih mai, ka sawi thiamlo hetia miin an sawi ang ngawt hi ani lo. Kan hmangaih ten kan bulah ngei an han sawia an duhdan te an han sawi hian kan dawnsawn dan a dang thung a, kan awih lo a, kan hamhaih vek țhin. Chutiang chiah chuan tunah hian ka awm mek bawk. Ka kâ hi a â vekin ka hria.




"Bawihi a țhawng dawn che tih ka hria mahse ka tan chuan a pawimawh em ani, ilo inngaihtuah dawn nia mahse chhanna chu hriat vat ka duh ang. Ka dawhthei lo tih k hriat kha. Anih loh chuan ka ru bo daih mai ang che" a ti a, amah zawk pawh chu a thusawi avang chuan a kiai nghal suk bawk..




He thu hi thu mai mai anih loh ang bawk in ho lam taka ngaih chi ani lo bawk. Hmeichhia chu he thila kan thuthlukna hian kan damchhung nun a hril tawh dawn a. Thuthlukna diklo siam a awl fo țhina mahse chung zawng zawng, a chhia a țha ngaihtuah hman vek ani bik lova hmeichhe tan eng thuthlukna nge dika enge diklo tih hi hriat a har em em tawh țhin.




Hmangaihna in min bual â a, kan nun chhiat vekna tur chu kan hmangaih amaw tiin hlim takin a sawmna chu kan pawm sak a. Mahse a hun alo thleng ta chêng a, a tuartu ber kan ni leh fo țhin.




Pasal leh ngaihzawng tam tak neiha chu chu ka hmangaih ani, ka va han hmangaih tak em! A tello chuan ka nung zo lovang. Khawvelah ani hi ka hmangaih awmchhun ani, ka nunna ani, kan ti zo veka anni chu kan hmangaih amaw kan ti vek țhin. Mahse tunge hmangaihna hi mi hrang hrang hlana hmangaihna hi mi tam tak hnena thawn darha chu chu hmangaihna dik ani ti ngai. Chu thil sawitu chu a diklo ani ngei ang. Pathian chauhin a hun takah hmangaih dik tak chu min pe chauh ani. Engkim a hnenah thlen ila ani chuan kawng engkimah min puiin a chakna in min hruai ziah țhin.




Chuvang chuan i ngaihzawng emaw kha inni tan tir chauha ka hmangaih che, ka khawvel ini, i tello chuan ka awm theilo ti suh. Media lamah te post darh suh. Ala hunlo, kha thil khan i nun ala ti chhe vek thei zawk asin. I hmangaih viaua i hriat chuan tiang chuan i awm chhun zawm zel thei ang. Sawi theih tuman an nei lo k nun ani. Mahse engkimah Pathian dah hmasa țhin la, ani chu i Lal leh Chhandamtu anihna angin hmahruaitu ah hmangin a thu hrilh tur che ngaithla phawt țhin ang che. Mahni thu in engmah lo ti ve ngawt suh! I chhe vek ani mai😆😆🙊




Khawzawl chu kan lut tawh a, Evelyn'i min hrilh ang zelin Kâwnzarah kan lut chho a, midang kan zawt zel bawk. Kan bo lutuk bik lem lo, hmanni.ah khan District ani ve tih ka hria. Chumi bak chu ka hre ngai lo hrim hrim. Ka rin ai a khua pawh a liana a nawm hmel bawk, faina lamah pawh hma an la țha ani ngei ang.




Evelyn'n min lo nghahna tur laiah chuan kan dinga amah pawh kan hmu nghal maia lo chuang ve nghalin an awmna lamah chuan kan tlanzel bawk. Vêngsang biakin amaw ni chu kan tlanpela chuta țang chuan kan chhuk leh a. A pasal tur te in chu kan thleng ve leh mai bawk.




Rin ai takin min lo lawm thiama anu leh pa te chuan min lo chibai vat a "In rawn thleng tluang thei maw? " min lo ti vat a. Kan tluang thu in kan chhang nghal vat bawk. U Dina, (Evelyn'i pasal tur) pawh chuan min lo buaipui nghal vat a. An ina tleirawl hmeichhia tam ve deuh hlek lo awm te chuan Ramhluna chu an en duh hle a, pakhat chu kan melh rum hrep kha. Ngatinge maw hepa hi a kalna lam apiangah hian a luck em em ziah mai le. A hmel hi la chei danglam a ngai anih hi.




"Inchung lamah min lo zui ula in intifai duh ang" u Dina chuan a rawn ti a. "Bawihi, chho ila intifai ila chuan khua hi kan enkual dawn nia a nawm hmel tlat" Ramhluna chuan a rawn ti a, ka lo bu nghat a. Naupang awm ho chuan kan thawmhnaw ken te chu inchung lamah min khai chhoh saka. Ramhluna chuan min kai chho kher bawk. Hepa hi enge maw a hriat leh tak ni. Hetia a awm hi chuan tum a nei ve ziah zel.




Kan intifel sawk sawk a. U Dina chuan min be nghal bawrh bawrh bawk a. Kan vawikhat inhmuhna ni mahse vawi tam inhmu tawh ang maiin min kawm thiama a fel hmel takzet.




"Hreawm in ti ang em? Ka awm dawn si lova Dina'n heta in thlen a duh miau sia " Evelyn'i chuan inthlahrun hmel zet hian a rawn ti a. Chhan ka tum chiah chu Ramhluna zawk chuan "ti dawn love... A nuam dawn lutuk. Mahse maw, mipa awm ho mit khu" a rawn ti zui hluk a, a chet nghal hluk bawk. Evelyn'i nen chuan kan inmelh ringawt a. Kan innuih ringawt.




"Engtin nge an mit chu a awm a? " ka lo ti vat a. "An melh nasa lutuk che a, an melh bo daih ang che tih a hlauhawm alawm, nakinah kan innel hman viau chuan ka la hau hrep ang" ala ti ta deuh deuh lehnghala. Kan pahnih chuan kan in en a, kan innuih ringawt. A thikthu chhiatna a pe na leh țan dawn e, min zui kual leh reng emaw kha ania nga.




"Eve, hetah hian engtin nge i awm theih? Ka tih awmzia tak chu, a chhungte hi an zau hmel sia an fel sia, bakah heti lam daih daih" ka ti a, a nui sak a, khumah chuan ka țhu thla nghal vat bawk a. Pangtilum ka hre chhunzawm nghal zat bawk.




"Nia, khami hnu khan motor pakhatah hian ka chuang a, helai hmun kha kan thleng ta ni berin ka hria. Chuan an inah hian zah pawh dawn lovin tui in ka dil ve tawp a, chumi hnuah chuan.... Aaaaa a thleng țeuh mai. In tifai phawt ula ka hrilh leh ang che u, a thui lutuk. Ka nu leh ka pa pawn an kawm duh cheu a, Ramhluna hi ani zawk mah" a ti a, a inher a.




"Thingpui te in in duh chuan bathroom ah khan awm rei lutuk lo ula" a rawn ti keuh a, inhnuai lamah chuan a tlan thla zui daih bawk. "Bawihi, in bual rual mai ila" Ramhluna thusawi avang chuan ka chil ka lem tur ka hâk ringawt.




"Bawihi, enge zahna tur awm, kan inbual dun fo alawm" a rawn ti leh țalh a "Ka zak lam ani lo, nangnena kan inbual chuan kan rei lutuk palh ang. I inhlei thei si" ka ti hlak a. Ka sawi dik tak tak, ani nena kan inbual apiang hian kan rei thei rapthlak mawle mikhual ni chi pawh kan ni lo.




"Ka inhlei dawn hleinem, bakah inhnuai lama chhuk vat pawh a țha alawm, anu leh pa te kha an zahawm lutuk tlat" a ti sup a. Ka inrin loh laia min pawm kang nawlhin towel pahnih chu a darah a bât a, bathroom lam nia a hriat chu min pan pui a mahse ala ni lo zui. Pawn chhuahna lam turah min chhuahpui daih ringawt.




Kan inbual zawh chuan kan intifel thuak thuak a ka inhlei lovang a ti ve sia, a inhlei tho si. Duh aia rei kan inbual leh ta ringawt bawk. Kan pahniha kan awmdun chu nupa ang chiah kan ni mai ka tih kha, tunah pawh ka duhdan ngeiin a sam ka siam sak veka ani pawn ka sam min khuih sak a, a duhdan tak leh ka inhmeh a tihdan tak, min tih țhin sak dan ang chiahin ati bawk a. A lung a awi em em mai zel ania.




Inhnuaiah kan chhuk a, awmpui te ni ngei tur chuan thingpui min lo pe vat bawk a. A landan chuan an awm theih hmel fû anih hi. Feli te pawn min rawn call a, an rawn thlen țep tawh thu min hrilh bawk a. An in a lian bawk a tam tak chu kan leng ngei ngei ang.




"Mama, i hnathawh te a tluang zel maw? TV lamah te kan lo hmu țhin che a, kan ram tana i inpekna te hi ropui kan ti khawp asin. Kan ram in nang ang mipa a nei che hi kan vannei takzet ani" ka pu chuan a rawn ti dam dap mai a. Ramhluna nen an hmaah kan țhu a, kan awmdan hi kan nu leh pa ten min zilh te pawh a ang alawm le.




"Ka pu iva ti lawmawm ve, mahse kei aia kan ram in a neih țhat lawmna tur kan ngah alawm mahse ka lawm lutuk ania. Ka hnathawh pawh a tluang ve zel chu nia Pathian zarah. Kha, nangni pawh in dam țhat lai ani ang maw" Ramhluna chuan a ti ve sup a. Aia upa te biak dan chu a hnehsawk takzet. A țawngkam ațang hian a zah tih hi a hriat ngawih ngawih zel bawk. Tu pawh bia se, a in adjust thiam vek zel țhin.




"Kan dam țha lutuk alawm keini chu, hei kan khuaah te hian in company khan project te in nei ve mial em aw? " a rawn ti leh a. An thusawi chu ka lo ngaithla ve kar a, sawi tur ka hre ve miau lo Ramhluna lah chuan ka kalsawn phal lo awk ang zia zangin min la kai lui tlat lehnghala engemaw an hriat chu ni.




"Heti lampang project kan neih kha tunkum atan chuan zawh tawh ania nakuma kan dama Pathianin rem a tih chuan kan la nei zel turah ngai ila tiraw? " a ti leh a, ka pu leh ka pi chu an bu dun nghat nghat bawk.




"Hei, kan monu tur pawh a fel kan ti khawp mai. Man inhlan pawh khan a chhungte khan engkim an rawn tum veka a lawmawm tak tak ani. Kha nangpawh chu nupui neih zai te i rel ve dawn lo em ni? " ka pi chuan a rawn ti leh a, nupui tih thumal a rawn lam chuan engtin emaw tak min awmtir. Ka sawi thiamlo kha thu khan min khawih tawp ani mai.




"Nia, ka la nei ve vat dawn alawm. Ka lo sawm ve ang che u ka nupui tur chu amah hi, ka bula țhu hi ania. Mahse amah ber hi ala inpeih lova a inpeih hunah chuan kan ti ve rup ang. Nangni pawh in lo kal vek dawn nia" ati a, a thusawi mai mai avang chuan amah chu ka melh hrep a, mit min siai khum ringawt lehnghal.




"I nupui tur pawh hi kan hre tawh alawm. Ani hi chu TV velah pawh i kiangah kan hmu fo alawm, in innei anih pawhin nupa hlim tak ni zel ang che u. Mahse thil pakhat kan hrilh ang che u. Nupa nih loh pawn thil zep ruk hi chuan a hnu lam chan hi ana țhin em a. Nupa nih hnuah phei chuan chutiang chu tih reng reng loh tur. In harsatna te sawi hreh țhin lo ula, in hrilh tawn ula, chuan in pahnih chuan chinfel dan tur in zawng dawn nia. Nangmahni nun chauh kha ani tawh lo. In pahnih khan nunna pakhat inni tawh dawna pakhat kha a chhiat chuan a dang kha a chhe tel vek dawn. Chuvang chuan in pahniha thil tih in zir hram hram dawn nia" ka pu chuan a rawn ti dam dap a. Ka lo bu nghat bawk. A sawi hi a dik vek.




Ka tih theih tâwkah ka pui ve a, Ramhluna pawn ka awmhrang phal vak lo mahse awmhran loh theih loh le, amah pawh sa khawih turin an ti a, ati ve mai bawk a. Khawpui nun leh thingtlang nun a thliar hrang miah lo hi mak ka ti zawk. Mahse a țha a țha takzet.




Evelyn'i nu te, Feli te pawh an lo thleng tawh a. Inah chuan kan tam fû nangin a nuam zawk daih. Hetia tam deuh niha chaw ei khawm dial dial hi ka chak thei lutuk ringawt. Tunah hian chhungkua angin ka suangtuah mek a, ni ta se chuan a nawm dan tur hi ka sawi thiamlo zawk ani.



🍀
Inneih biakin dar alo ri a, chu ri chuan ka thinlungah thu tam tak a rawn sawi nghal bawk. Mi tam tak chu an mawnga hmarcha tah ang maiin an phe suau suau a, in leh chhuat hian min daih lo ani ber.




Evelyn'i an cheinaah chuan kan awm țhup a. Mo kawr a hak lai te chuan keimaha ka lo inchan tlata, ngaihtuahna thui tak min neih tir ziah bawk. Ramhluna min sawmna kha lo pawm ve ta ilang hetiang hi a thleng ve ngei awm si a.




Mo kawr thianghlim tak nen, biakin dar alo ri anga ka hmangaih ber nena pumkhat ni tawh turin kan inbuatsaih dun anga, ani pawh a theih tawpa nalhin a inthuam bawk ang. He thil hi kan nuna thleng zingah chuan a ropui ber ani hial ang. Hmeichhe tan chuan pasal neih hi a ropui takzet bawk.




Keini lam pawh kan inpeih fel vek tawh avangin mo chu car ah kan țhut luh tira a hlimna tur lam pan chuan kan liamtir vang vang bawk. Ka dara rawn khawihtu an awm avang chuan ka phu zawk a. Ka hawi let rual chuan Ramhluna chuan min lo nuih suk a. A sam an siam danglama ka hai tep alawm.




"I nalh lutuk" a țawng tur chiah chu ka lo tih khalh a, a rûm nghut a. "Min sawi khalh a" a ti nghut bawk. A dan pangngaiin half-neck a ha a, coat lian zet amah nena inhmeh em em a ha bawk a, a sam chu an ti phir ve vau bawk a. A chhelo tih bakin sawi ngaihna ka hrelo.




"Ka hmangaih em em nu, i chhelo takzet. Mo ai pawh khan i chhelo zawk alawm" a rawn ti a, ka sam an siam danglam tawh chu a rawn khawih neuh neuh a, dan tumna ka nei lo, a duhdan takin han siam teh se, Engtin tak chhuah ang maw.




"Tikhan i hmeh zawk bakah an en lutuk lo che anga" a ti a, ka biangah chuan a rawn fâwp nghal zeuh bawk. "Kal ila" ka ti sap a, a rawn ner nghal nâwng a " Enge? " ka ti lehnghal vat bawk.




"Ka huphurh" a rawn ti anih chu!




"Engvangin maw i huphurh a?" Ka ti let.




"Mipa khan an melh leh che amaw kha ania nga, rei deuh an melh che chuan ka va hnek pawp ang. Anih loh pawn ka khuh bo daih ang che" a rawn ti sup a. Ka chalah chuan a rawn fawp nghal vang vang bawk.




"I hmuiah chuan ka fawp lo mai ang, chak viau mah ila a sen kha a reh palh ang" a ti a, a thusawi ho mai mai avang chuan ka nui chhuak vak vak a. Car ah chuan min kai lut a keini pawn biakin lam chu kan pan ve nghal bawk.




A sawi ang chiah kha ani mai. Mi mit chu kan chungah a fu țhup amaw tih mai tur ani. Min lo en țhup a, ka zak zawk, Ramhluna banah ka ban ka rawlh lut a. Kan kal rual zel bawk a. Thla la tawk lah bang lo. Biakin chhungah lehzel pawh. Ka bula mi pa chhelo lutuk hi ka thîk rum rum zawk alawm le.




Inneih hunserh an hmanga Pathian thu an sawi a, țawngtaina te an neih zawh hnu chuan kan zai leh te te a, biakin ka kal khat tawh lutuka, kalhmang ka theihnghilh țep mai.




Damchhung atana thutiam chham a hun chuan Ramhluna chu ka ke bulah chuan a rawn țhingthi a midang zawng zawng chuan mo leh mo neitu chu an en vek a, kei erawh chuan Ramhluna chu mak ti zetin ka lo en a. Rsa te pawn an en țhup tho.




Mipa in a sawi ang chu a rawn sawi ve zela... "Ka nupui tak ni turin" a rawn ti ve sup a. "Ramhlun" Ka ti chhuak hawk.




"Bawihi, hrisel lai leh bawrhsawm lai pawha hmangaiha enkawla venghim zel tur che in ka intiam a, ka thutiam hi ka bawhchhe ngai lovang. Bawihi, min nei duh ang em? " a rawn ti ril ruih a, ka mitah tak chuan min en a. Ka kut chu vuanin a fawp nghal zeuh bawk.




Chhan lawk nachang ka hriat loh avang chuan ka ngawi reng a. "Bawihi, hmeichhe in a sawi rual chuan sawi ve la, min chhang dawn nia" a rawn ti leh sup a. "Min nei duh ang em? " a rawn ti leh sup a. Ka lawm lutuk chu ka mittui a tling nghal kuar thei.


💜

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:14 pm

2!3! #EP-41

By : Msi_Miluhlulnui
(Hmeichhe naupang tereuhte)




"Chhang vat rawh" ka beng bulah chuan Feli chuan a rawn ti nghal hlak a, mittui tling kuar chungin an mahni chu ka melh a, Rsa leh Davida pawh chu an lo bu nghat a, "Zualte, chhang vat rawh" an ti sup bawk.




"Bawihi, keimah avangin harsatna tam tak i tawk a, i mittui hial pawh ka ti tla tawh. Mahse chung zawng zawng chu siam țhat ka tum ang a, i chungah eng thil mah a thlen ka phal tawh ngai lovang" a rawn ti leh sup a, ka kut a rawn hmer na chu ka hûm let ve vat.





Ka hmangaiha he sawmna hlu zet a kâ ațang ngeia ka dawn hi ka hnial phal hauh lo. Kei pawn min thlakhlelh ang chiahin ka thlahlel ve a, ka nitin nun hi a kianga hman reng ka duh bawk. A tello chuan nundan ka thiam tawh lova, ka taksa leh thlarau hian awm ngaihna an hrelo țhin.




A hnena hahdamna ka hmuh țhinte a thlazar hnuaia him dam taka ka awm theih na te tu lakah mah ka dawng nawn tawh ngai dawn lo. Ani hnen ațang chiah hian ka duh em em chu ka hmu dawn tih ka hre bawk. Ka harsatna tawh tawh leh ka vanduaina te min theihnghilh tira amah ngei hian hmalam pan min zirtir a, 'min rinchhan rawh engkimah' tiin ka bianga dawm chungin min hrilh ziah țhin.




Ka tan thil tam tak min tihsak tawha ka nunah hriatreng tur min siam sak hnem tawh hle bawk. Aman min siam țha a ka beidawn tawh hnu fê ah nun bul min țanpui leh a, tunah chuan ka nun hian a telloa hun hman a duh tawh lo. Thihna ka awh țhin em em na ata min la chhuaka tunah chuan a kiangah hun hman reng ka duh a, amah avangin dam duhna tam tak ka neih phah țhin bawk.





"Bawihi" a rawn ti sup a, inneihnaa kal zawng zawng chuan kan lam pawh an ngaihsak lova nupa hlim tak ni tur te chuan an mit ala țhup bawk "Um, ka nei ang che" ka ti ve sap a, lawm tih hriat zet hian a thaw chhuak hawk a. Tuna a hmel landan hi engtikah mah ka theihnghilh leh tawh ngai lovang.




"Ka lawm e, ka hmangaih bawk che" rawn ti leh sup in lawm avangin a nui chhuak hawk a. Ka kutah chuan a rawn fawp vang vang a, rawn inbeng kang in ka biangah chuan a rawn dawm a, min nuih suk in min rawn fawp nghal vang vang bawk. Thla la tawk lah bang lo, mahse ka ngaihsak lo. Tunah hian ka hlim ani ka hlim takzet.





Thlalak a hun chuan an lakpui sup sup a, keini pawn kan lakpui ve a, Ramhlun'n ka kut a thlah lo tluk ani. Nghet zetin a hûm a, a chang leh a rawn hmer leh ngawt ngawt țhin bawk. Nula leh naupang, nu chenin thla lakpui ah an rawn sawm a. Ni e, keipawh ni ila a rawn kal zingah chuan keipawh ni ila ka star ber ani ang. A chhan chu maw, ka hrechiang lutuk takzet.




"Enteh, Ramhluna kha nichin khan a sawi ang khan a awm miah lo mawle" Feli chuan tray rawn dah pah chuan a ti a "enge a sawi a? " ka lo ti nghal vat. Ka bulah chuan a rawn ding a. Tray chu a rawn nghat nghal chawrh.





"A sawi dan chuan maw, nangmah kha mi zawng zawng chuan hnu khan biakinah hruai luh che a, inneih puia sawm che a tum a keini pawh a ruahmanna zawng zawng min hrilh veka mahse khatiang khan a ti leh ta sia phakar reuh lutuk. I lu chunga tih tlak tur rose par pawh ka hûm ro vek phah" a rawn ti hlak a, pawn lama Ramhluna mau chawi chu a phun khum zui nghal hlak bawk.




"Rose par maw!? Enge awmzia. Ngatinge rose par chu?" ka ti â hû.




"Aw... Ramhlun'n i pawm anih chuan i lu chunga rawn theh thla turin min ti alawm amah vangin ka kut pawh a duk vek mawle. Silfai ala harsa em em zui" a ti zui hlak a. Ka chhan ve leh hma hma chuan thingpui an mamawh thu an rawn sawi a. Feli chu a chhuak zui nghal daih bawk.




Eng ruahmanna fakau nge maw alo neih ang le. Khatiang khawp khan inkhawm lai pawh khan a che tawh ania chutianga tih a tum leh ngat phei chuan engtin tak che ang maw.





Ramhluna pawh pawn lama ei rawngbawlna tura an siam a chung chhia chu a thawm țhat pui meka a palian bawka mau a pu chu hmuhnawm tham tak ani. Thingtlang hna a thawk ngai lova engtia tihtur nge tih tak ngial pawh a hrelo. Mahse an hrilh chawp ve zela a thiam ve zel bawk. A chak a a che rang bawk a, a palian bawk si. Mipa dang tam tak in an tih theih loh chu an tihtir reng bawk.




"I hah tawh em? " chauh hmel zet hian ka bulah a rawn țhu thla a, a thlan a tla ve hluam bawk. A chal leh a bianga thlan tla chu ka lo hruk sak a, mahse ka kut chu la in a âwmah chuan a dah a, a thinphu dat dat ri pawh chu ka feel thei vek bawk.




"I bula a awm loh chuan a phu vak vak zela. I bula awm a duh avangin a nuar vak zela" a rawn ti a "Over lutuk" tih pah chuan a darah chuan ka ben sak nghal thlawrh a. Ka benna kut chu man betin a bulah chuan min pawt țhu nghala. Min kuah nghal vang vang bawk.




"I hria em Bawihi, khawpuia ka hnathawh țhin ai chuan thingtlanga hnathawh hi alo nuam in alo hahdam daih zawk anih hi. Gym pawh kal a ngai hleinem" a ti a, min kuaha a tih țhin dan ang chiahin ka sam chu a rawn hnim leh vang vang bawk.




"Chuan heta awm chu i duh tihna ami? " ka ti sap a, thlifim rawn thaw avang chuan a thaw chhuak ham ham bawk. "La awm rei lo mah ila duhthusam chu ania. Mahse khuti lam ah kalsan theih loh tam tak ka nei ve bawk. Mahse kan inneih hunah chuan kan awm ve daih dawn nia" a ti a, a thusawi avang vek chuan a nui chhuak leh hawk a. Ka kut chu a rawn la kang a, a en a. "Ehe! " a rawn ti nghal hluai bawk.




"Enge a?" Ka ti a "Bawihi, mipa a zawnga â ber ka ni ngei ang, ngatinge maw ka lo ngaihtuah chhuah loh zawk le. Ka va han â tak" a ti a, a chet nghal hluk a. Eng emaw chu a sawi leh sup bawk.




"Enge a, khatia i awm vak vak a? " ka ti leh a, thu țha tak meuhin amah chu ka en a, ka kutțang chu a tuai a, a chet hluk a. Keimah chu min rawn en leh a "Mipa dang tam tak chu zungbun nen ril em em in an propose a, kei hi ka lo ril ve viau amaw ka tia. Mahse ril chu sawi loh zungbun pawh ka pe ve lo che ania, ngaihtuah nachang pawh ka hre miahlo anih chu Bawihi, ka va â ve mawle" a ti nghal hluk a. Â a inti viau nge maw ni, eng emaw hi a sawi sup a. A chet lehnghal hluk zel bawk.




"Bawihi, zungbun ka buntir miah lo che anih hi mipa â tak lo chuan an tih hmaih ngai lo, a â zingah chuan ka tel chiang khawp mai" a rawn ti hluk a. Mahni a indem hle tih a aw ațang chuan a hriat vek theih nia.




"Hey, tikhan awm suh, engmah ani hleinem" ka ti ve dêk dêk a, "Bawihi, engmah ani hleinem iti maw. Zungbun i bun loh chuan tu mipa pawn rawn biak che an tum dawn asin. Zungbun bun ta la chu ka ta inih zia an hre bawk anga" a rawn ti zui hluk a, a thusawi avang chuan ka nui chhuak hak bawk.




A kutah chuan ka va dawm a "Zungbun bun lo na zawng hi mipa in an be vek ngai hleinem bakah maw zungbun min pe lo mahla ita ka nihzia chu mi tu pawn an hria alawm. An ngam chuan an duh leh min lo khawih se, nang mipa chak em em mai hi an hmachhawn che anga ani mai. Mahse nang chuan in lo nuai piap piap mai dawn ani. Chuan maw tu thil tum mah hi dan theih ani hleinem chuan min be lo turin i siam thei lo bawk a" ka ti a.




"Fiamthu ah la zel lo la nang chu" a rawn ti leh nghut.




"Fiamthu ah ka la hleinem, thudik alawm ka sawi. Bakah zungbun chuan ita ka nihzia nem nghet dawn hle mahse rinawm hi a hlu ka ti zawk. Zungbun in bun tira rinawm loh san ai chuan zungbun bun loh a rinawm taka awm hi a țha hlei hlei zawk, zungbun te chu a ho lutuk ringawt. Bakah maw ita ka nihzia hi kan hrechiang dun em em tho alawm" ka ti sap a, min rawn nuih suk a chumi rual chuan ka biangah a rawn dawm a.




"Ka hmangaih che" a ti sup a, min rawn fawp nghal vang vang bawk. Keipawn chhanna țha tak ka pe a. Mahse ka pu alo luh avangin kan inthlah rang mah mah a, min la chhaih hrep lehnghal.




Rei la cham duh viau mah ila Ramhluna zawk a cham rei thei lova chuvang chuan a tuk maiah kan chhuk a. Rsa te leh Evelyn'i nu leh pa te erawh chu an la châm reng thung. Lei min in min dang reng avang chuan tlai takah kan thleng a. Mahse ka pa leh ka nu min min lo hmuak a, an in lamah ka insawn phei nghal daih bawk a. Ramhluna lah chuan a rawn riah tur thu ala sawi cheu lehnghal.



A sawi ang tak tak chuan a rawn riak a, ka pa lah chuan alo phal ve mai lehnghal. Mahse a fanu leh a fapa hi min ring ngam tih ka hria. Humsual kan dai dawn lo tih a hrechiang a kei pawn Ramhluna hnenah inneih hma chu hman loh ka duh thu ka hrilh a. Ani pawn min pawm pui vek bawk.




"Ka hmangaih che, naktuk zingah i hmel hma taka ka hmuh theih nan kan muhil vat vat ang e" ti sup in ka chalah a rawn fawp vang vang a, a chau ani ngei ang min mutthilh san nghal daih bawk. Rei zet a hmel pa zet chu ka thlir leh a thil tam tak ka ngaihtuah a, hman ațanga tun thlenga ka nun hman tawh te nen.




Chuta țanga ka thil hmuhchhuah erawh. Beidawng lova beiseina nung neih renga Pathian râwn chung zela thil tih leh amaha rinna nghah a a hnung zui tlat hi ani bawk.



🍀

"Bawihi, enge an sawi i hriatpui em? " Ramhluna chuan min rawn call sek tawh a. Palai tirh a duh thu min hrilh chhen țhina a dil in min dil ani mah zawk. A vawikhat naah chuan ka hnial phawt a. Mahse chutiang reng tur chu ani lo tiin a vawihnih naah chuan ka pawm ta a tichuan an rawn kal ta reng bawk a. Mahse amah zawk zawk hi huphurh ah a țang leh zawk tawh.




"Ka hrelo, hei ka u te nen kan awm veka, ka chhuah ngam i ring ami, inhnuaiah an awm lehnghal ania" ka ti hlak a, a rawn nui chhuak hawk a. "Min lo rem ngei ka beisei" a rawn ti leh sup a phone ațanga a aw hriat ringawt pawh chuan ka ngai nghal vawng vawng mai.




"Kei pawn ka beisei" ka ti ve sap a, khumah chuan ka mu thla dawt a ka u te erawh ka room a țhut khawmna ka siamah games an khel daih thung ka thusawi hi an hre phalo turah ngai ang.




"Ka ngai tawh che. Naktukah chuan nilenga i bula awm ka duh ang tunah te hian lo kal mai ka duh tawh ania" a rawn ti a, a țawng dan vel avang chuan ka nui chhuak hak hak a "Kei pawn ka ngai che" ka ti ve sap bawk.




"Kan inneih ni tur te chumi hnua kan awm dan tur te ka ngaihtuah țhin. Kei chuan nitin ka hmuh theih dawn che avangin engmah ka mamawh lova ka kianga i awm chuan ka tan engdang mah a ngai lo ka tan chuan i hlu takzet ani i hlu takzet. " a rawn ti sup a, ngawi rengin a țawng chu ka ngaithla a a chang leh a rawn thaw chhuak leh hawk zel bawk.




"Kei pawn engdang mah ka duh hleinem ka kianga i awm chuan ka lawm tawk lutuk. Engdang mah a ngai lo, ka tan phei chuan i hlu a i hlu takzet ka nunna ini chuan ka hmangaih em em bawk che" ka ti a. "Nang aia let tam tak in ka hmangaih zawk che" a rawn ti ve sup bawk.




Palai lo kal te an haw hnu chuan ka pa chuan in hnuaia chhuk thla turin min rawn hrilh a. Ka chhuk thlaa ka nu chuan hlim hmel zet hian min lo nuih var var bawk. Ka pa chuan Ramhlun'n Palai a rawn tirh thu te min hrilh a, chuan inneih chungchang te sawiin keiman ka rem tih leh rem tih loh te min zawt a. Aw ka duh han tih nghal mai chu ka zak ve deuh a. Hawihhawm tak chuan ka chhang let a, ka u te lah chuan 'ka duh rapthlak lutuk, nei su ti mah ula ka nei tho ang ti zawk ta che' an lo ti ve a, kan nui ta dar dar bawk.




Chutia inneih te alo rem tak hnu chuan inneih ni tur te an ruat fel a man inhlan ni tur zawng zawng nen. Ramhlun'n inneih a hmanhmawh em avangin kan ti chûk chûk dawna inbuatsaihna pawh a kal nghal zung zung tawh mai.




Thildang zawng aia ka ngaih pawimawh ber ka nu chu hrilh hlan ka nghakhlel tawh em em a, tunah pawh hian a thlan lam panin ka kal mek bawk. Ramhluna erawh chuan min kalpui duh viau mahse hnaah a buai tlat avangin a rawn kal ve thei lova mahse ka haw dawnah amah call turin min hrilh a min rawn hruai dawn bawk.




Ka nu thlan lam pan chuan ka kal zela ka tlawh khat tawh em avang chuan hnim te pawh an lo țo nasa tawh. A bal zualpui lai chu ka tifai nghal sawk sawk a ka pangpar ken chu ka dah tlar thleh thluah bawk.




Ka tihfai zawha ka chei chu chuan thlan lung hma takah chuan ka țhu a, ka nu hming an chhut chu ka chûl a, "nu, ka ngai lutuk che" ka ti sep bawk. A thalak kan dah tel a nui lai hmel chu ka en a, ka chûl a, nitin ka ngaih a bâng thei lo.




"Nu, i fanu hi a hlim tawh lutuk asin a awh țhin em em chhungkua a nei tawha chuan nangmah anga nu fel em em mai a nei tawh bawka chuan a hmangaih tak nen, ani nen chuan thla thar mai ah hian kan innei tawh dawn asin. La dam la i fanu hi ka hlim ani tih hmu ve la ka va han ti tak em! I duhthusam ang ngei in ka pa pawh ka hmu a ani chuan a theih tawkin min duat țhina vawikhat pawh kan pahnihin hetah kan lo kal tawh kha, ila hria ang tiraw" ka ti a, ka tah mai ka hlauh avang chuan ka hmui ka pet fan fan a, ka ngawi vang vang bawk.




"I fanu hian mipa a hmangaih tak a tawng ve tawh asin, chupa chuan i fanu hi a nun hreawmna ata a la chhuak a nun thar a din pui a hmangaih tak leh dawh thei takin a enkawl bawk asin. I fanu engmah ni lo hi an hmangaih ve a keipawh chuan ani hmangaihna chu hmangaihna vekin ka chhang let ve asin" ka ti a, a hming an ker chu ka chûl ka chûl bawk.




"Nu, i fanu hian a hlim ve tak tak tawhin a inhria a hman ațang tawha a awh țhin em em chhungkua a nei a, mipa hmangaih tak a tawng tawh bawk a. Lawm a kim amaw kan ti a mahse i tello chuan ka hlim ve lo, nang awm la chu engkim hi a phuisui vek tur asin" ka ti țiau a, ka țawng chhuak leh anih chuan ka țap chhuak thei tak tak dawn.




"Ka pa chuan i chanchin tam tak min hrilh țhina a chang chuan ka pa kha i ti duhdah ka ti thei lutuk a ka pa lah khan a zui kual reng zel che a. Mahse maw mak ka la tih deuh chu ngatinge ka pa kha i kalsan le chhan awm lo chuan i kalsan ngawt dawn si lova chu lai tak chu ka pa pawn min hrilh kai lo a hreawm lai min hrilh lova a nuam lai chauh min hrilh ni maiin ka hria" tiin thlan hmaah chuan ka phun bul bul a thu tam tak ka sawi hman bawk.




Ka nu nena kan awmdun laia kan awmdan tam tak te kha ka ngaihtuah a tun hnuah hian khatih laia ka nu awmdan te kha ka chîk thar leh a, thinlung leh rilru hliam ang mai hian a awm țhin ni maiin ka hria. A melh ngai a melh ngawt ngawt țhina a chang leh a mittui a rawn luang leh ringawt zel bawk chutianga a awm chhan erawh tun thleng hian ka la hre lo.




A tlai ve deuh thet thet tawh avang chuan ka nu thlan chu ka kalsana naktukah kawr kan en tawh dawna a chhan pawh a tuk leh mai kha thla thar ani tawh si a. Ramhlun'n inneih a hmanhmawh lutuk a engkim hi a kal zung zung ni maiin ka hria.




Amah ka ngaihtuah lai taka min rawn call avang chuan ka khi suk a ka chhang nghal vat a "ka lo ngaihtuah mek che a" ka ti sap a, lehlam ațang chuan a rawn thaw chhuak hawk a "Min ngai tawh ani maw? " a rawn ti leh kher.




"Um, ka ngai tawh che" ka ti leh sap bawk.




"Keipawn ka ngai rapthlak lutuk che, ila awm ami Bawihi" a rawn ti a "awm lo, ka haw dawn chiah min lo hruai tawh rawh ka scooty hi chu kan lak tir mai dawn nia hrilh tur che ka nei a" ka ti a ka scooty ka dahna lam chu ka pan nghal bawk a. Ni tla turin hnim a rawn chhun tle suau a a nalh lutuk takzet.




"Ka lo kal nghal, fimkhur la aw Bawihi, i in ti palh ange" a rawn ti sup a, ka nui sak a. Thil dang dang ka sawi puia reilo te ka awm hrang pawn ka ngai em em zel ania. A bula awm tluka thlakhlelh ka nei lo.




Hlimna ka nei a, ka hlim tawh viau dawn amaw ka ti a mahse ka scooty bul ka thleng chiah chu tu emaw hian ka hnar hi na zet hian a rawn hup a ka țawng thei lo Ramhluna nen kan la inbe reng asin.




Na zet hian ka hnara hup tu banah chuan ka beng a, mahse tal nghek ka tum rual chiah chuan ka zawi hnawk a. Ka mit chu a ka chhing nghal riai riai mai, ka phone min laksaka an paih leh min pu kang nawlh tih bak hriat zui ka nei lo.

💜

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » December 20th, 2020, 3:14 pm

2!3! #EP-42 (last)




Lalramhluna POV

"Bawihi, ka țawng i hre thei em? " a ngawih tak vang vang hnu chuan ka ti leh ngat a, ka awm a nuamlo tulh tulh bawk "Bawihi, i țha em? Ka țawng i hre thei em?" Ka ti leh a mahse chhanna ka la dawng chuang lo.




Signal a țhalo anih ringin phone chu ka off a mahse eng emaw hian min mawlh tlat, zing ațang khan ka awm a nuam tawh lo. Hmanhmawh zeta tlanchhuakin driver pawh nghak hman lo chuan thlanmual lam panin chak thei ang berin ka tlan nghal bawk.




Motor khalh pah chuan call tumin ka try a mahse switch off a inti hmak mai. Thinrim zet chuan steering chu ka chum pawp a born a rawn ri nghal tuarh bawk. Hrep chuan, lo kal pui ila țha tur ania keimah avanga harsatna a tawk leh anih vaih chuan ka inthiam thei ngai lovang.




Speed ti sang lehin chak thei ang ber chuan ka tlan a, "Bawihi i țhat ngei ka beisei" ka ti pah sup bawk.





Thlanmual ka thlen rual chuan motor chu ka tiding nghala. Rang zeta chhukin a nu thlan awmna lam chu ka pan nghala ka va thlen chuan tumah an awm lo, tihfai zo hlim tih hriat zetin hnim te chu a sirah an lo awm a pangpar pawh phun kual ani vek bawk. Bawihi khawiah nge maw i awm le.




A scooty dah na awm ang ka zawng a reilo te ah ka hmu nghal vat a mahse ala awm tel chuang lo, min lo nghah tur thu kha a sawi si a mahse engvanga awm lo nge anih.




Ka phone chu ka la chhuak a, ka call nawn leh ngat a mahse switch off ala in ti tho. Thinrim zet chuan phone chu ka off a ka thaw chhuak nghal hawk bawk "Bawihi khawiah nge maw i awm le, infiamna chi ani lo ania" ka ti chhuak sup a. Sir lam ka hawi tur chu hnim kara Bawihi phone lo let reng chu ka hmu a rang zet hian ka la nghal vat bawk.




A hmai chu a keh veka lei alo kai luau bawk. Phone hnunga thil inziak ka hmuh chuan ka rûm nghal nghut a. Lalrinkima mai mai chuh! Engvanga lo khawih ngam nge anih hrepa a bân tliak kha ala duh tawk lo em ni.




Hrep chuan, Bawihi dinhmun a hlauhthawn awm takzet. A chungah engmah a thleng tur ani lo. A taksaa pem pakhat a awm anih chuan a tuar khawp ang, a nunna zuah sak ani tawh lovang.




Thinrim țeuh chunga insehru chung chuan Bawihi phone chu ka hmer chawt a "Bawihi engtin mah i awm ka phal ngai lovang" ti chhuak hrawihin phone chu ka ak a, car dahna lam chu ka pan nghal bawk a. Call connect nghal zatin Gabriel-a chu team meeting lo ko turin ka ti nghal zat bawk.





A ban tliak kha a duhtawk lo ania nge, keiman ka khawih anih chuan a ban mai pawh ni lo i ruh hmun tin mai kha a tliak dawn. A nunna pawh ka zuahsak hauh lovang. Bawihi taksaa pem a siam anih ngat phei chuan tuman ka thil tihtur hi min dang thei ngai lovang.




Chak zeta tlanin office chu ka thleng a, hnathawk ho pawh be hmasa lovin office lam ka pan nghal vut a. Meeting tur chuan an lo thu khawm vek tawh a. Rsa leh Davida pawh an lo awm tawh "Rs, David hetah lo kal lawk teh u" ka ti sup a. Midang chu min lo nghak turin ka ti hmasa phawt a.




"Ramhlun, ngatinge tun tunah team meeting i koh a? " Davida chuan a rawn ti nghal zat a. "Lalrinkim'n Bawihi a man a, chuan meeting lai ngeia a call hi connect ka duh bawk. A ban ruh tliak kha ala duh tawk lo anih chuan nunna nei tawh lo hial tur khawpin ka sawisa ang" ka ti chhuak hrawih a. An pahnih hmelah chuan mak tihna a rawn lang nghal zat bawk.





"Kim'n Zualtei a man amaw! . Ka.. Mahse engtikah" an rawn ti rual a. Thil thlendan kimchang tak chuan ka hrilh a, hma ka lak duh dan nen, Bawihi phone hnunga an thil ziah te chu ka entira mahse an hmelah chuan mak an tihna an thup chuang lo.




"Chuvang ani maw, meeting ilo koh a? " Rsa chuan a ti sup a, ka bu nghat bawk. "Bawihi taksaa pem a siam anih ngat chuan ka that khawp ang, siam lo pawh ni mahse hremna rapthlak tak chu a hmu ngei bawk ang" ka ti leh hrâwih a. Bawihi ka ngaihtuah lutuk chu ka tukhumah ka kut ka nghat a ka au chhuak nghal hrâwk bawk.




"Bro, thil thlendan hi chik rawh, tunhnai company enkawl tur inthlan țhatnaah mi tam tak in an vote hnem zawk che a. Chuan ipa thlawpna i dawng țha tawh bawk a. I nu hrawn share hralh zawng zawng pawh i nei vek tawh a. Tunah sum a mamawh leh em em bawk. A chak dawn lo tih a inhria anga Zualtei atang hian hma ala ani lo maw" a rawn ti leh a. Tunah khan ka ngaihtuah na a vir nghal zawk mai, engvanga chutiang thil chu ngaihtuah chhuak lo nge maw ka nih hrep le.





"Bawihi lak letna tura company hlan ngai dawn pawh nise ka hlan mawlh ang an duh ang sum leh hausakna chu nei rawh se. Kei chuan ka hmangaih ber ka neih chuan ka duhtawk, ka pa nen" ka ti zawi sup a. Bawihi awmdan tur ringawt ka ngaihtuah a ka thinrim lutuk chu ka au chhuak leh hrawih zel bawk.



"Mahse ngaihtuah chiang la aw, thil iti rum rum anih chuan Zualtei nunna in a tuar thei tih i hriat kha chuvang chuan ruahmanna fel tak nen che ang che" Davida chuan a rawn ti a, ka bu nghat a. Thaw chhuak hawk pahin "chhuak ang u" ka ti sup a. Meeting tur chuan kan chhuak ho dial bawk.




Meeting naah chuan tihtur ka sawi ang zawng zawng chu an ziak thla veka Rsa leh Davida pawn min pui a, Anni tello chuan engmah ka ti thei bik lo. Meeting lai ngei in call ka connect a a in ring rual chuan engmah lo sawi ve lo turin ka ti nghal zat bawk.




Call an la chiah chu ka nau ngei chuan "ka lo nghak reng tawh che asin" a rawn ti nghal sup a "Bawihi kha i khawih anih chuan i chaklo khawp ang i hria em? " ka ti nghal hrawih a. Rsa chuan a mitmeng chuan in beng dai turin min rawn hrilh nghal vat bawk. Ka thinrim lutuk inthunun tum chuan ka thaw chhuak nghal hawk bawk.




"Ka duh i tih puitlin loh chuan ka khawih ala ngai dawn tho alawm. Lungngai suh ka duh min pek dawn chuan engtin mah chuan ka ti bik lo turah ngai ang" chimawm zet chuan a rawn ti a.




"Engthil nge i duh chu, sawi rawh" ka ti nghal hrâwk!. Phone ațang chuan a rawn nui chhuak nghal hawk hawk a. "Aw.... ka u chu, i fing viau amaw ka lo tia mahse i ngaihtuahna chu alo tawi hle mai. Ka nu nen kan duh chu i hre ve reng ani lawm ni, i ro neih zawng zawng te ka pa thlengin min pe vek ang chu i hmangaih ber chân i duh loh miau te chuan" a rawn ti sam êt a.




"I duh chuan chung zawng zawng chu i nei thei reng alawm Bawihi khatianga ti lo khan" ka ti a ka aw chu ka theih tâwpin ka thunun bawk a. Bawihi a tihdan zawt chak viau mah ila ruahmanna ka ti ching pen thei tlat ani. Mahse ka ngaihtuah lutuk na avang hian ka insum zo lo ang tih ka hlau khawp mai.




"Eeee, Zualtei hi maw, a!... Ani hi chu maw engtik lai pawn ka duh dawn Jennifer'i erawh kha chu ka paih bo tawh. Ka nunah chuan he hmeichhia chiah hi a awm tawh ang chuan hmeichhia ka nei leh dawn anih chuan ani hi ani ngei bawk ang" a rawn ti a. A țawng duh dan chu leh!




"Bawihi kha ka ta anih kha. A taksa kha i khawih a pem pakhat pawh a awm anih vaih chuan i ban ang mai mai kha chuan i taksa dang kha chu a awm tawh lovang. I nunna pawh khan a tuar zawk maithei ani. Chuan Bawihi tana mipa awmchhun chu keimah chauh keimah chauh ka ni " ka ti hrâwih a, ka duh chuan tunah pawh hian ka che nghal zung zung thei. Mahse Rsa sawi ang khan ruahmanna țha tak nena tih loh chuan Bawihi'n a tuar thei tlat ani. Mahse chutiang thil chu ka thlen tir ngai lovang.




"Aw, chutiang anih leh lek phei chuan i bawihi chu i hmu chak viau lo maw kan hmuh tir ang che" tiin call chu a off reilo te ah video a rawn thawn nghal zat bawk. ka en chiah chu ka insehru nghal ngawt ngawt a. Ka kut ka hûm ruh nghal nghek bawk.




Bawihi chu khumah mut tirin a kut chu an phuar beh sak a a ke nen, hrai ruih tih hriat zet hian a mu a a biang chu a sen deuh ter bawk. Message a rawn thawn rual chuan ka call nghal zat a.




"Khawih suh ka ti che ani lawm ni engvangin nge a hmai ah pem Ii siamsak, hre rawh Lalrinkim khatia i chêt avang khan i taksa khan a tuar khawp ang" ka ti chhuak nghal hrâwih a. Thinrimna leh rilru natna avang chuan ka thaw nghal hrawih hrawih zel bawk.




"Aaaa hei chu ka thiam loh pawh ani chiah lo zaidam taka tih ka tuma mahse min sual let ve êr âwr anih kha a ho lutuk hengte chu eng tham mah ala ni hleinem ka duh chuan ka khawih thei reng asin, a thianghlimna hi ka duh chuan ka khawih chhiat sak thei reng. Mahse ka ti lo, ka châk alawm mahse ka la insûm hram hram anih hi. Mahse ka insûm theih loh hunah erawh chuan ka khawih ngei ang" min tih el zet hian a rawn țawng chhuak a. Rsa chuan mit min mei zeuh a.




"Ka ro neih zawng zawng leh company hi i duh tiraw ka pe ngei ang che mahse thil min tihsak ve a ngai ang" ka ti sup a. Rsa chuan lehkha chu a âwm zawnah a rawn lek kanga chuta a inziak chu chhiar chhuah ka ngai ve thung.




"Min pek dawn te chuan lutuk e a, enge ka tihsak tur che chu sawi la ute thil tihsak te chu tupawhin kan chak alawm"




"Anih chuan Bawihi kha rawn chhuah la ka nu chunga i nu in a thil tih kha inu in tuar bawk sela amah ngei in pe in jail bang zût rawh se, chuan nangpawh a puitu a i țan avangin thla eng emaw zat chu tang ve ang che" ka ti sup a. Ka nu sawi chhuah takah chuan min kalsan dan kha ka mitthla nghal kuar kuar thei.




"Ka u, ro leh company min pek tur thu i sawi a mahse min tan tir leh daih in tunge lo enkawl ta anga"




"A awm awmin alo awm ve tawh mai ang in ta tur ani tawh dawn alawm sawi theih ka nei hleinem, inu khan ka nu a that ani lawm ni chumi chu ka zêp reng ring suh ang che u, inu khan anih loh chuan a inrin hma in jail bang a zût mai ange" ka inthunun thei tawh lo lutuk chuan a tawp lam chu ka ti chhuak leh hrâwih a. Bawihi ka ngaihtuah luat avang hian ka inbengdai thei thlawt lo.




"Zanah ka rawn be leh ang che" a tih zawh rual chuan line a in cut nghala chumi rual chiah chuan min rawn biakna line chu chhui ani chiah bawk a, laptop leh a phone chu kan connect a, ti hi chuan tunge a biak kan hre thei dawn chiah ani. Ruahmanna hi a kal diklo anih vaih chuan Bawihi'n a tuar ngei dawn si a, engkim fel taka tih vek a ngai.




"Rs, Bawihi chu engtin mah a awm lovang tih i chiang chiah maw. A awm anih vaih chuan tunge ka nih in theihnghilh rak khawpin ka che dawn ania. Hmân ami ang kha ka ni leh dawn tihna anih chu, chumi hmuh i duh loh chuan felfai takin ti hram ang che" ka ti a, ka țhiante takngial pawh zaidam takin ka be thei hauh lo. Bawihi ringawtin ka ngaihtuahna a luah khat.




"Lungngai suh, ka train ve alawm ka pa i ring ngam a anih chuan ka pa in min train ve thung a engkim tihdan chu ka thiam alawm zualtei'n engmah a tuar ve hauh lovang tih ka tiam a che" a rawn ti dam thlup a, midang chu thu pe zung zung in an tihtur chu a tihtir nghal mawlh mawlh a. Ani pawn laptop a hmet nghal mual mual bawk a. Davida erawh chuan Kim'n tunge a call tih alo chang mek thung.




"In vaiin ngaithla rawh u, Bawihi kan hmuh hma loh chuan tuman in in lum in rap lovang. In duh chuan inthlakna in la thei anga, hetah hotelah riahna tur ka lo pe ang che u, engmah in tum a ngai lovang. Mahse eng hunah pawh ka ko cheu anih chuan in rawn kal nghal vat tur ani. In lama in awm chuan rawn kal theih loh chang in nei dawna chuvang chuan hetah ka bulah hian in awm ang. A hreawm lutuk lovang" ka ti sup a, an vai chuan an bu nghal nghat bawk.




Vawikhat kan tisual tawh a tihsual nawn leh ka duh tawh lo, khapa vang khan kan training mission pawh a hlawhchham a ka rank tur diktakah pawh ka awm theih loh phah bawk chuvang chuan tuna mi phei hi chu emergency tih hian a sawifiah lovang in koh khawm theih renga awm ka duh.




Chair ah chuan ka țhu thla dawt a. Ka phone chu phawrhin Bawihi'n ka phone a thla alo in lak vel chu ka en mai mai a, reilo te chauh la ni mahse ka tan chuan a rei tawh lutuk tlat ani. Reilo te chauh pawh a taksa dek lova awm nuamlo ka ti a, a vun nêm thep kha tawh reng ka duh bawk. Tunah pawh hian amah ka ngaih lutukna avang hian insûm zo lova ka chêt ka hlau ani.




Thla leh lawkah khian ka nupui niin ka engkim ani tawh dawna. Kan pahniha pumkhat niin engkim kan ti dun țhin tawh dawn bawk. Engvanga inneih kha nimina lo sawn lo nge maw ka nih le. Ka pa in sawn rawh u min tih lai khan lo sawn ila chu Bawihi hi ka venghim thei tur ania.




Eng ang mipa nge maw ka niha mahni hmangaih ber te pawh venghim theilo tu chu mipa tiha inchhal tlak pawh ka ni lo. Ka nu kha ka ât luat avangin ka chân tawh a khatih hun lai khan ka neih chhun tak meuh meuh ani. Mahse ka ât luat avang bawkin ka chân a, kumkhua in a hmel leh a hnena muanna ka dawn thin kha ka hmu thei tawh lo.



Tunah chuan Bawihi chiah neih ka nei tawh a. Ka nunna ani a, a tello chuan engmah ka ni lo. Chuvang chuan eng thil mah a chungah hian a thlen ka phal ngai lovang. Engtikah mah.




Ka thu mai mai lai chu ding zawkin ka thaw chhuak hawk a. Ka phone chu ka thun a ka bula cap ka dah chu ka khum nghal zat bawk "Rs, patea ka va hmu lawk ange Minister pa kha biak ka duh tlat. Khapa kha a inrawlh ka ring tlat" ka ti chhuak nghut a. Min chhanna pawh hre chhunzawm tawh lo chuan ka tlanchhuak nghal bawk.




Ka thil tih engkim an chhui dawn tih ka hria a chuvang chuan kawng ruk ka siamah chuan ka kal a, ka bike chu la chhuakin patea office lam pan chuan ka kal nghal zat bawk. Eng ang pawn inti huaiin thil tithei viau ah in ngai mahse anni aia ka chungnung tlat avang leh an thil tih engkim ka dal theih dawn avangin min en thlak tir reng dawn tih ka hria. Chutah chiah chuan ani ka fimkhur na tur chu.




Patea office ka thlen chuan motor chu ka dahțha vat a, tuman min zui loh avang chuan ka thaw chhuak hawk a. Helmet chu ka la thla a, patea card min pek chu ka phawrh nghal zat bawk. Tam tak angin luh dawna appointment neih thlap ngai kha ka ni ve lova patea hian eng card emaw ni hi min pe a chumi hmang chuan awlsam takin ka lut mai thei.




Card chu ka show a ka lut nghal vat bawk a. Office ah chuan patea chu alo buai ang reng viau nangin ka lo nghah tur thu ka hrilh a a room lamah chuan ka lo va awmsan a.




"Enge ni ta Bawihpui, tunlai in dam țha maw. Bawihi enge a an a, vawiin chu min lo la tlawh miah lova" patea chuan a rawn ti lut a khumah chuan ka lo bawk thlawp a, bawihi thlalak chu ka lo en sek bawk.




"In va zo hma leh si ve" ka ti a "kan zo daih tawh hrim hrim alawm. Thingpui kan lo in ho mai mai tawh anih kha. Enge ni ta a? " tih pah chuan chair chu la in khum bulah chuan a rawn țhu a.




"Pate, hmannia Minister pa ka hmuh kha ka hmu leh duh min pui hram rawh. Ka mamawh takzet" ka ti chhuak hawk a "Enge ni a, enge thleng leh ta a" a rawn ti dam dap a.




"Bawihi, Lalrinkim'n a ru bo a, chuan phût let a nei a, ka ro zawng zawng leh ka company hi neih a duh a chumi ka pek hunah chiah chuan Bawihi chu a kaltir dawna" ka ti chhuak hawk a. Ka hmaiah ka kut phah ka dah a, na zet hian ka thaw chhuak hawk a. Ka sam chu ka tuai chho nghal puat bawk.




"Ka fanu chu engtin maw a awm a? Lalrinkim'n a ru itia law. Hepa hi eng em em nge ala duh cheu a ka fanu nunna derthawnga dah tur khawp chuan" patea chuan a ti chang rat a "I ro zawng zawng leh company maw a duh a? " a rawn ti zui zat bawk.




"Ni e, chumi ka pêk hma chuan Bawihi min pe let dawn lo bawk a. Chuan pate Minister pa kha hmuh ngei ngei ka ngai ani Kima nen hian an inkawp tlatin kan hriaa chuan ka nuhrawn nen hian an inngaizawng in kan hre bawk a. Thil engkim chu a hriat ve zel kan ring" tiin ka ngaihdan dang dang chu ka hrilh a.




"Ani hmuh te chu a harsa hleinem chuan ka fanu chu a țha maw. Bawihpuii chu a dam țan tir chauh asin. Chuan inneihna pawh a thleng țep tawh a, ka fanu hlimna ber tur. He nau leh anu hi chuan an ti mah mah tawh ani. Duhtawk chin pawh hi an nei dawn hauh lo" a rawn ti ve hrawih a. Bawihi a ngaihtuah tih ka hria mahse patling pui ani tawh a hlauhthawnna te tihlan chu a duh bik hauh lovang.





"Pate inneihna hi kan sawn hlat leh mai a ngai ang. Tunah hian ruahmanna nena thil tih tan mek ani tawh a Bawihi a tha nge thalo kan hre si lo. Chuvang chuan inneihna hi sawn hlat mai a tha ang" ka ti ta a.




"Ni e, sawn hlat mai chu a ngai dawn anih hi. Engpawh chu nise naktukah chuan i hmuh duh pa chu kan hmu dawn nia thil awmzia chu a hriat theih mai ang. Chuan nangni pawh fimkhur ang che u. Ka fanu a țha tih i hriat chuan chanchin min rawn hrilh ve vat dawn nia" a ti a, a ding uaih a dawhkan te lam chu a pan nghal vat bawk.




Chanchin ka hrilh leh tur thu ka hrilh hnu chuan keipawh chu ka chhuak ve nghala. Pate'n phone ațanga mi a be lai chu ka hre thawi hman fua bawk. Ka bike chu ka tinung a ka pa te in lam pan chuan ka inkhalh chhuak lehnghal bawk. A țul te ah lo chuan bike hi ka khalh ngai zen zen lo a han khalh leh dawn chiah hian ka buai leh țhin.




Inven nan tiin inkawt pawh thleng lo chuan hmundangah bike chu ka dah a ke chuan in lam chu ka pan nghala. Motor ka ken loh avang chuan duty te chuan min check lova keimah ka ni tih an hria a min luh tlang tir nghal mai bawk.




Inchhung ka luh dawn chuan ka nuhrawn hlauthawng hmel taka a țawng thawm chu ka hria a varanda chu ka bih phei dêk dêk a, hlauhthawn hmel zeta alo ding chu ka hmu nghal thuai bawk.




"Engtin nge a hriat a. A theih loh hrim hrim kha thil kha mi tam takin an hrelo asin. Engtin nge Ramhlun'n a hriat theih zawk a! " alo ti khur hlawk hlawk a, a landan chuan Kim'n a call ani ngei ang. A landan hian ruahmanna a kal tluang dawn tlat. Chet vat vat a ngai ani.




"Lo inring reng rawh. Ka nu chunga i thil tih man kha i hmu khawp ang. Chuan Bawihi chunga i thil thlen zo zai nen, rei i nuih in ring tawh suh ang che i hlim hun chhung hi a rei tawh lo khawp ang" a hriat phak loh tur chuan ka phun sup a, fighting pe zauhin inchhungah chuan ka lut a. Ka pa room lam ka pan nghal zat bawk.




Ka pa room a luha ka nu thlalak hmuh hmasak ber thin hi a nuam takzet . Ala theihnghilh loh zia ka hriat phaha ala ngaihtuah ve thin ani tih ka hriat hian ka lawm ani. Ka nu hi a thinlungah ala nung reng a ani aia hmangaih a nei tawh dawn lo tih pawh hi ka chiang hle bawk.




"Pa" ka ti a, ka au a mahse min chhang miah lo, a lehkha chhiarna pindanah ka lut a. Tah chuan lehkhabu bawh chung hian alo muhil chu niin nui chhuak hawk chung chuan ka pan phei nghala. A lehkhabu bawh lai chu ka laksaka chumi rual chuan a rawn meng chhuak nghal riai riai a.




Min hmuh rual chuan min nuih vur vur a "Ilo thlenna a rei tawh em? " a ti sup bawk. "Rei love ka lo thleng deuh chiah ka tihharh che ani maw " ka ti a a tarmit chu a la thla a a mit chu a nuai nghal nawk nawk bawk.




"Ti harh chu anih hi" a ti a, a nui chhuak hawk hawk a. Keipawh chu ka nui ve nghala. Hetia kan pahniha kan nuih dun lohna pawh hi kum tam tak ani tawh. Ka nu la dam lai kha chuan kan inchhung hi hlimna in a khat thin. Tuma neih ve phak ngai loh tur chhungkua ka nei ka ti thina he khawvelah hian kan chhungkua bak baka chhungkaw hlim hi ka hre ngai lo ka ti thin.




"Enge ni ta, zan anih tawh hi. Thil pawimawh a awm em ni? Khawnge kan monu hual tur, ilo hruai ve na nge " a ti a, a tarmit chu a bawmah a khung a lehkhabu te chu a rem fel nghal thlap bawk.




"Pa, i puihna ka mamawha chuan inneihna hi sawn hlat a ngai bawk ang" ka ti a, ka pa chuan chiang zet hian min en a a ngaihna hriat loh hmel zet chuan min melh bawk chutah chuan thil thlendan chu ka sawi ta veka. Ka pa hmelah pawh chuan mak tihna a lang chhuak ve nghal vat bawk.




Kan ruahmanna zawng zawng leh ka nuhrawn leh Kima thiltih anih thu ka hrilh a ka pa chu a insehru ve lehnghal ngawt ngawt bawk "Ka nupui leh ka fapa ngeiin ka monu tur chu chutiang chuan an ti amaw, engthil nge an hriat hrep a" a rawn ti zui hrâwk a. A thinrimna avang chuan taksa chakloh nen a khur nghal hlawk hlawk bawk.




"Ka nupui, tuna ka nupui ngei hian chutiang thil kha a thlentir amaw" a rawn ti zui leh hrâwih a a thinrim lutuk insûm chu ka khawngaih let ling zawk "Pa, ka nu pawh kha ama thah hi ania sin, thisen nen a let renga kha thil kha amah tih vek hi ania sin ka nu kha ama thah hi ania sin" ka ti sup a, ka nu thihdan ka hmuh ringawt pawh kha ka ngaihtuah let hian ka thin hi a rim ngawih ngawih.




"Maw!!! Ka fapa enge i sawi kha! " a rawn ti deuh nawk nawk a a mitmeng chu a pawng zawr zawr maia mak ti tih hriat lutuk hian a meng a, a hmel te chu a dâng vek bawk. A kut te chu a khur dawt dawt a min hmer ngawt ngawt bawk.




"Pa, ka nu kha ka nuhrawn thah hi ania sin kha thi nena alo leh reng kha maw khatia a awm chhan chu ka nuhrawn hian a khawih asin khatih hunlai khan in inngaizawng daih tawh ani lawm ni, a hmalam huna sum chauh a ngaihtuah avangin khatiang khan ka nu kha a ti ta ani. I rosum zawng zawng neih vek a duh avangin" ka ti sup a, min vawnna kut chu ka hûm let ve nghal vat bawk.




"Inu, inu khawngaih thlak zet kha.. Sum duh luat avangin an lo that amaw. Bawiha he hmeichhia hi eng ang chiaha sual nge alo nih a" a ti khur hlawk hlawk a, ka nu thlalak dawhkana a dah chu a la a, a en a, a hmai te chu a chûl a. "Duhtak, ka thiamloh vek ani engkim kha ka thiamloh vek. Khatiang khan lo nung lo ila chu i chungah khatiang thil kha a thleng hauh lo ang" a ti zawi sup sup a.




"Pa, he hmeichhe sual zia hi chu a rapthlak lutuk takzet ani. Nangmah duh ang chea a lan avang mai mai hian ilo awih a mahse a duh tak tak lo che asin. I sum chauh ani a duh chu. I thluak kha a chawk buai hneh mai mai anih kha, mahse tunah chuan a sualzia i hre ve tawh a ringngam tawh suh. Ka nu chungah khatiang thil kha a ti tawh a ka nu chunga a thil tih aia nasa hremna kha ka pe dawn ani. A dawng ngei ngei dawn" inringtawk tak chuan ka ti a. Ka pa chu ka melh let ve ngar bawk.




Mahse engmah sawi chhuak lo turin ka hrilh a ruahmanna țha tak kan neih thu ka sawi bawk a. Bawihi a lainat thu leh a harsatna tawhte keimahni vang anih thu a sawi a. Amah leh amah a indem ngawt ngawt bawk.




In atanga ka chhuah thleng chuan ka nuhrawn chuan alo la be reng a mahse thil dang daih an sawi thung. Kima call kan connect avangin engkim ka hre thei veka ngaihthlak sak ka tum lem lo. A thil sual tih man a hmuh hun tur ka hmu chak tawh khawp mai.



🍀
"Rs, engkim a fel vek maw. Vawiinah ngei hian kan tifel vek tur ani. Bawihi hi kan la chhuak lo anih chuan tu puihna mah ka mamawh lo keimah ngei ka kal tawh ang keimah ngeiin ka la chhuak bawk ang" tih chang hrawih pah chuan paper chu dawhkanah chuan ka theh thla pawp a. An vai chuan engmah sawi ngam lovin an ngawi țhap bawk.




" Ramhlun puih i ngaih chuan i sirah kan lo awm dawn nia Zualtei chu a him hram ka beisei" Davida chuan a rawn ti ve sup a, Bawihi ka hmu chak tawh lutuk hi ât vek ka duh takzet ani. Nizanah pawh mut pawh ka mu thei tawh lo.




"Him hram beisei ang keipawn eng hliam mah neilo se ka duh hle bawk. Mahse he thil a tih vang hrim hrim pawh hian hremna chu a hmu khawp ang, a ban chauh pawh ani tawh lovang" ka ti chang hrawih a, Bawihi taksaa pem a awm anih chuan ka chêtdan tur ka sawi lawk thei hauh lo.




Warehouse chu ka pana tumah hruai lo turin min ti a mahse hetiang tih ruk hi chu training lai khan kum tin kan zir ani a tiang kawngah hi chuan ka zei lutuk takzet bawk.




Document engkim keng chung chuan ka lut a room an sawina lam chu ka pana muangchangin ka hawng riai riai a khuma bawihi lo mu avang ka hmuh avang chuan ka thaw chhuak hawk a. Ka hahdam nghal sawng sawng bawk. "Bawihi" ka ti chhuak nghal sup a.




Mahse a sira ka mipa hmuh avang hrep chuan insûm hman lek lovin ka thil khai lai chu ka dah thlaa rang zet hian ka tlanphei nghala. Khuma bawihi chau tih hriat zeta lo mu pawh chu ka hre reng mahse a sira mipa hian a tuar zawk khawp ang.




Khuma a mu chu ka pawt tho nghal lawp a. "Engtin mah lo tisuh ka ti che ani lawm ni, engvangin nge Bawihi taksa thianghlim zet hi i khawih ngama engvang nge, engvang nge sawi rawh. Document engkim nen ka lo kal ang ka tih kha, engvangin nge Bawihi taksa hi i khawih" ka ti chhuak hrawih a ka hnek nghal pawp pawp bawk.




Thinrim zeta thaw ri huam huam chung chuan leiah chuan ka hnek thal tawp a, rang zeta bawh betin vawikhat ka hnek lehnghal pawp bawk "u, ka tih luih pawh ani bik miah lo, ih.. A harh thei lova chuan ka.... Ih.. a hnute kha alo lang a chuan ka insûm zo ta ngang lo ani, min ngaidam hram rawh" a rawn ti bah nawk nawk a, a kam sirah chuan thi a luang nghal nguai nguai bawk.




"Khatiang thu kha engmah ka ngaithla peih lo, i tisual ani i tisual takzet. Ka nupui tur ania sin engvangin nge a taksa thianghlim em em saw i khawih ngam zawka" ka ti leh hrawih a, na zet chuan ka hnek a a zawi nghal hnawk a, kei erawh thinrimna avang chuan ka thaw ri hrawih hrawih a ka hmai hupin na zet hian ka thaw chhuak nghal bawk.




"Rs, Gabriel lo lut ula Lalrinkima hi warehouse ah khan dah ang che u keimah ngeiin ka sawisa bawk ang" ka au zui hrawih a. Inchhung thil thleng an rawn hmuh chuan chêt mai nachang an hre bik lo. Chhuata Kima lo let reng leh Bawihi khuma lo mu reng chu an melh tawn zak zak a, kei erawh chu na zet hian ka thaw chhuak nghal hawk zel bawk.




Chutah Rsa chu rawn meng phâwk zawkin "Ramhlun, Zualtei. Damdawiinah" a rawn ti a, chumi rual chuan rang zetin ka tho chhuak nghala. Khuma Bawihi chau tih hriat zeta mu chu ka pawm kang nawlh a, ka malchungah chuan ka nghat a. A bekah chuan a mittui chu a lo luang thla ngiai ngiai a, mahse a melh ngai a melh ngawt ngawt thung.




"Bawihte, ka lo thleng tawh ania, engkim a țha vek. Engtin mah i awm tawh hauh lovang. Ka thiamloh ani" ka ti khur nawk nawk a, a chalah chuan ka fawp nghal vang vang a, keimah zawk hi ka khur dawt dawt thei.




"Min ngaidam rawh keimah vang anih hi keimah vang vek, kei mipa hian ka venghim thei si lo che a natna hlir ka thlen che a, ka thiamloh vek ani min ngaidam rawh" a chala hmui nghat reng chung chuan ka ti khur hlawk hlawk a, mahse chhanna pakhat mah ka dawng lo.




Bawihi hmel chu ka en a, a dâng lêp a inchung chu a melh ngawt ngawt bawk. A bekah mittui a luang thla ngiai ngiai a, mahse engvangin nge min chhan miah loh. "Bawihi, engtin nge i awm i țha em? Tinge min chhan miah lova ka tihpalh ka tihpalh takzet ani. Damdawiinah kal ang aw" ka ti a, a kut chu nghet zet hian ka hûm a, zawi zet hian a rawn hûm hnan ve lehnghala mahse a mit erawh ala khap eih lo.




"Ka hmangaih che, damdawiinah kal ang aw engkim a țha vek tawh ania" tiin a chalah chuan ka fawp vang vang a, ka pawm kang nawlh a, ka âwmah chuan nghet zetin ka kuah bet nghal bawk.




"Rs, Gabriel min lo zui ula khapa kha chu midang kutah dah rawh u" ka ti khur a, chak zeta pênin Bawihi chu ka pawm chhuak nghala ka malchungah chuan pawm bet tlatin damdawiin lam chu chak zetin ka pan pui nghal bawk.



🍀
"Doctor engvangin nge Bawihi saw sawtia a melh ngai a melh a, engmah a sawi duh lo tinge a mittui saw a tlak renga engmah a sawi duh lo. Ka bulah takngial pawh engmah a sawi duh lo" Doctor chu ka vîn hrawih a. Mahni i thiamloh lutuk na vang leh, hreawm tihna avangin ni 2 lai ka hmu tawh lova. A hmel ka hmuh apiang hian ka nêp zia ka inhriatchhuah țhin vang ani.




Mahse tun thlengin ka biakna engmah a chhang lova melh pawh min melh ngai lova a biangah mittui a luang ngiai ngiai țhin, hrûksak ka tum apiangin rang zet hian a tawlhsawna mak tih hmel zet hian min rawn melh a mahse rei lo te bak ani lo a hawisawn lehnghal vat zel tho.




"Thil tam tak a ngaihtuah anih saw. Tisawn a ngaihtuahnaah amah a indem a inthiamlohna in a khat a a rilru na avang sawn a biangah mittui a luang anih saw"




"Mahse, engvangin nge keitak ngial pawh zawhna ka zawha min chhan ngai loh min hlauh hmel takin min en țhin asin kei hi min hlau" doctor bulah chuan ka ti leh a, Bawihi awmdan chu ka en a, tukverh lam chu a hawi a chêt pawh a che eih lo bawk.




"Mama, zawhna i ngah khawp mai, mahse a chhanna chu ani chauh sawn a pe thei che ani. Nunhlui tam tak sawipui la inhlim lai te sawipui la țawng chhuah hun a nei ve mai ang, keini chuan tih theih engmah kan nei lo. Chuan Bawiha heihi hre bawk la.




A ngawih tak reng avang sawn a ngaihtuahna a dangin a suangtuah a thlak tihna a ni lo, va kal rawh thil va sawidunpui rawh beidawng mai lovin" Doctor chuan a rawn ti a, ka darah chuan a rawn beng thek thek a beiseina nung nei tawk tawk chung chuan Bawihi room ah chuan ka lut a.




Tukverh lam chu a thlek a, a biangah mittui a lo luang thla leh ngiai ngiai tawh bawk. A bulah chuan ka va țhu a "Bawihi, țawng ve tawh la i thusawi te kha ka hre leh chak a. I aw mawi tak te kha ka hre leh chak asin ti hi chuan ka â thei mai ang. Engtin nge itih țhin khah! Keipawh kha ka ngawih reng chuah hreawm itih țhin thu o sawi kha. Khatiang ang chiah khan keipawn hreawm ka ti ve asin, i tello chuan engmah ka ni lo ka tih kha," ka ti sup a, a ngai te bawkin chhanna ka dawng leh ta chuang lo.




Ka țhut hnaiha, dim zetin a pum chu ka dawm a, a țang lova min dan pawn a tum eih lo bawk "Bawihi, fa tam tak neih i duh țhin thu i sawi lai kha ila hria em. Kan pahnihin buai em em in kan enkawl dun anga pakhatin a diaper a thlak anga pakhatin alo bual bawk anga fa duhawm zet neih a engmah ti hman lo khawpa buai i chak thin thu i sawi kha tunah i chak tawh lo em ni, kei chuan ka la duh reng asin. Nangmah ang deuh deuh fa i pum chhungah hian an awm anga nangmah ang takin an hmelțha in an chimawm em em bawk ang" ka ti sup a. Ka sawi zawh rual rual chuan a rawn țap chhuak hawk a. "Ramhlun" a rawn ti anih chu!




Rang zet chuan ka kuaha tunah khan ka hming a lam anih chu, ka hming a rawn lam "Bawihi, i țawng ania" ka ti a, ka hamhaih lutuk avang chuan sawi zawm mai tur ka hrelo. Mahse a thusawi leh chuan min vaw na takzet.




"Ramhlun, kei chu min kalsan tawh rawh. I tan hmeichhe thianghlim ka ni tawh lo, itan chuan hmeichhe tenawm zet ka ni tawh" tih ani.




A darah vuanin ka nawr hla hleka a hmel chu ka en a, a țahna avang chuan a mit a sen rûm bawk "Bawihi, eng thu nge i sawi kha? " ka ti a.




"Ramhlun, i tan hmeichhe thianghlim ka ni tawh lo. Hmeichhe dang angin thianghlimna ka nei tawh lo ka bawlhhlawh tawh lutuk ani hmangaih ber leh pasal tur tan pawh ka thianghlimna ka veng thei lova tunah chuan mi țawp tak ka ni tawh kei chuan ka phu tawh lo che. Hmeichhe dang zawng tawh rawh. "




"Bawihi, chutiang engmah sawi suh, a thleng ngai lovang"




"Ramhlun, a thleng ang, ka sawi ang chuan ti tawp mai rawh i inchhir lo nan, ka ngai che tih i sawi rual rual in i nupui theihnghilh țhak khawpin ka rawn pan mai ang che tih ka hlau a ni.




Chuan maw, mangțha tih thu hi ka thih hunah chauh sawi rawh aw, anih loh chuan ka tuar zo lovang. Ka hneh lovang, ka sawi chu i hria em, kei chu min theihnghilh la, hmeichhe dang nen hlim takin awm rawh u kei chu nun pangngai takin ka nung anga, mahni in thiamlohna in ka khat zo tawh ang" a rawn ti a, a biangah mittui a luang nghal zung zung bawk. Chutiang zawng zawng chu em ni alo ngaihtuah.




Rang zetin a muttui chu ka hrûksaka ka hruk sakna kut chu a rawn vuan nghal chat "Bawihi, chutiang ringawt chu em ni i ngaihtuah ka awmdan tur i ngaihtuah tel ve miah lo ami, i tello chuan ka awm theih loh zia pawh i hriat vek kha" ka ti chhuak sup a, biangah chuan ka dawm a, a chalah chuan ka fawp nghal vang vang bawk. A rawn thaw chhuak hawk a.




"Ramhlun, chutiang ani lo, i tan chuan.... " a sawi zawh hma hma chuan a hmuiah chuan ka zu fawp zeuh a. "Aih, engmah sawi tawh suh, i sawi ang zawng zawng kha a thleng ngai lovang. Bawihi keipawh ka bâng chuang bik hleinem. Ka tan chuan hmeichhe thianghlim tak ila ni reng, a chhan chu i thianghlim zia hi ka hriatpui miau che a. Ani khan alo khawih che a, hremna a tawk mek bawk. Ka tan chuan i thianghlimna hlauh tawh mah la, hmeichhe thianghlim ber ila ni fo. Ini reng bawk ang tu mipa mahin an tawn ve ngai loh tur hmangaihna min pe miau ani" ka ti sup.




"Ramhlun... " a rawn tih leh rual chuan a hmuiah chuan ka zu fawp leh zeuh a, a rawn meng bial nghal kâwk a. Ka nuih nghal suk bawk. Duhawm lutuk mai.




"Engmah sawi ve suh ka tih che kha, i sawi ang khan engmah a thleng dawn lo. Chuan tu hmeichhia mah ka mamawh lo, ka nunna ini a, ka thâwkna dâwt ini, o tello chuan ka dam zo dawn lo. Chuan mangțha tih thu hi engtikah mah ka hrilh ngai lovang che. I hmangaihna kha ka tan chuan a tawk chiah KA HMANGAIH CHE" ka ti sup a, a mittui a rawn luang zung zung a.




"Mahse,,, ka thianghlim tawh lo asin Ramhlun " a rawn ti leh.




"Bawihi, kha thu kha ngaihtuah tawh suh, engmah ani lo. Ka hmangaihna che a ti kiam pha eih lo, min rinchhan la, ka rualin ke pen rawh" ka ti sup.




"Ka lawm e, kei pawn ka hmangaih che" a rawn ti a, rang zet hian ka fawp leh vang vang bawk. Ka tana hmeichhe awmchhun chu amah chauh hi ani a, ani reng bawk ang. A thianghlimna neih sak tu ni lo mah ila ka hmangaih na a kiam phah chuang lo, ka hmangaih reng ang. Ka hmeichhia chauh anih hi. Ka ta chauh.




"Min ring em? " ka ti sup a.




"Ka ring che" a rawn ti ve sep bawk.




"Anih chuan, if you believe me, when i say 1 2'3', forget it, erase all sad memories " ka ti chhuak sup a, min rawn en a, a ngaihna hriat loh hmel zetin min melh a. (A thu hi BTS hla 2!3! tih ami ania nalh ka ti lutuk a ka rawn zep tel a lo ngaithla ve rawh u)




"He thu hi nalh ka ti, English khan i hre thiam lo mi, OK. Mizo in kan let ange" ka ti a, hlim tih hriat zeta nui chung hian min rawn beng pawp a. He hlim hmel hi alawm kum khua leh chatuana hmuh ka duh chu. He thil chauh hi ani ka duh chu.




"Anih chuan kei hi min ring takzet anih chuan 1 2 '3' ka sawi veleh i hun kal tawha i hreawm tawrh zawng zawng te chu theihnghilhin ka kut hi chelh la, min rinchhan chung zelin hmalam pan ang" ka ti sup a, ka sawi chhung zawng chuan min lo nuih var var a. Ka sawi zawh rual chuan "khawi ațangin nge i zir a? " a rawn ti nghal sap.




"Hla thu a nih kha nakinah a hla ka ngaihthlak pui ang che, thildang tam tak min ngaihtuah san lai daih tawh khan ka lo zir alawm, English khan a ril zawk ka ti" ka ti a, nui suk chungin min rawn kuah a "Ka lawm e" a rawn ti sap bawk.




"Anih chuan 1 2'3' ka chhiar rual hian engkim chu theihnghilh nghal ang vek ang che. Min rinchhan rawh ka tih thin che kha. Ka hmeichhia ini a, ka ta chauh ini. Inring rawh le" ka ti a, a maimichhinga a thaw chhuak hak a.


"1"


"2"


"3"


Ka ti a, ka sawi zawh rual rual chuan a thaw chhuak ham ham a, a rawn meng a, min nuih var var a, "engkim vangin ka lawm e, ka hmangaih che, chuan ka tihpalh heng thil thleng zawng zawng te avang hian" a rawn ti sup a ngaihdam dilna âwm ang hrim. Chuan min rawn fawp nghal vang vang bawk a. A chhan letna chu a dawng rang hle bawk.



🍀

💓 Ramhluna Weds Zualtei 💓

Inneih dar chuan kan thinlungah thu tam tak a sawi ve ve a, hun kal tawh kan ngaihtuaha tun hun kan thlendan hi kan ngaihtuah dun ve ve bawk. Tun thleng hian Pathian in min hruai lo se chuan he hun pawh hi kan thleng dun hauh lovang.




Harsatna tam tak kan tawk ve ve a mahse chungte chuan kan nun hman lai mek a tibuai pha hauh lo. Kan chunga hetiang thil titu te pahnih pawh damchhung țang turin court in an chungthu a rel sak a ngaihdamna a hlu ani tih kan zir chhuak ve ve a anni pawh kan ngaidam a mahse an thil tihsual chuan a vaw let ta tho ani.




Pathian kaihhruaina a zarah inneih ni pawh a thleng thei a, kan pahnih chuan kan huphurh dun hle bawk.. Phur fal awm țhin teh mahse keini laka a thawh dan chuan a thawk ve hauh lovang.




Hunserh țan anih thleng chuan kan khur ru dar dar a, țhu dun kan nih miau avangin kan taksa dang lam dan chu kan inhre hneh hle bawk..




Zungbun kan inbun tir ve ve rual chuan phelh leh tawh ngai lo turin kan intiam ve ve a he zungbun hian Pathian hmaah nupa kan nihzia a nem nghet hle bawk. Biakina țhu mipuite leh kan chun leh zua te kan en hian Pathian hnenah lawmthu sawi mawlh mawlh tur kan nih zia kan hre chhuak nawn a.




Amah avangin thil engkim hi a thleng thei a, amah avangin kan taksa ten nunna an nei a, kan thaw thei a, khawvel êng kan hmu ve bawk. Pathian malsawmna leh awmpuina tello chuan heng thil mah hi a thleng thei lova a tluang thei bawk hek lo.




A hnena lawmthu sawi a hnêkin kan duh kan neih loh hlekin kan dem a, kan thil tih a hlawhtlin loh hlek ten amah kan dem țhin. Mahse Pathian chuan a hunah engpawh a rawn thlentir mai ani. Kan nundan tur hi duan lawk vek ani tawh a. Tu mihring inti thiam tak leh inti hre thei tak hian thlak dang lam tum mahse an thlak dang lam thei chuang lovang. Pathian thil siam tawh, tu mihring mah hian kan tichhe thei lo.




Mahse a siam mihringte ngei hian mahni nun ngei kan tichhe leh țhin si. Thildang zawng aiin kan nun leh chhungkaw nun a chhe țhin. Kan nun phei chu uluk takin kan enkawl amaw kan tih pawh hian engmah alo ni leh thin lo. Famkim lohna Khawvela kan châm chhung hi chuan famkim tum mah ila famkim awm theih loh.



Kan rila rah te ngei hi kan tan chuan lunghlu ai pawhin an hlu zawk a. Kan nunna tluk anni keini pawh kan fa lo piang hian chhungkua ah hlimna nasa zawk a rawn thlen leh a kan nun a rawn ti famkim leh ta chiah bawk. Tichuan, chhungkua hlim taka awm chungin leh hlim taka Pathian fak leh lawmthu hrilh chung zelin Christmas pawh nun tha tak leh nuam takin kan hmang ve thei ta ani.


THE END...

🍀 Ka story ho lam ve te leh tling lo tak dawhthei tak leh ngaihnawm ti taka min lo chhiar sak tute zawng zawng chungah thinlung takin lawmthu ka sawi e. Ka regu lo em em a chuti chung pawha ka dah theih loh tur thu leh ka harsatna ka rawn sawiin hriatthiamna zau tak nen min lo pawm sak a, dawhthei takin min lo nghak thin a. A tawi chang pawha sêl miah lova in lo chhiar thin tho avangin ka lawm em em e. In tello chuan writers te hi engmah kan ni lo, ka story ka complete theih chhan te, a hlut chhan te hi nangmah ni vang vek ani. Ka tan in hlu takzet. Chuan min lo chhiar sak thin avangin ka lawm takmeuh, lawmthu sawi bak tih theih ka nei lo, ka lawm lutuk in vaia chungah. Chuan ka tan inhlutzia ka hriat zual zel theih nan naktuk zana ka lo dah tur hi min lo chhiar sak leh theih dawn nia. Ka lawm e 💜.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)