2!3! BY Msi Miluhlulnui (Completed)

[Ngaia]

2'3' #EP-7

By : Msi_Miluhlulnui
(Hmeichhe_Naupang_Tereuhtê)





"I țha em? " Kima chu a rawn kal deuh uaih tawh, a bula țhu nu chuan a kawr ah pawtin chair-ah chuan a pawt țhu leh hnawk a. "in inthen tawh ani lawm ni? Buaipui ngai khawpin a awm loh khi" min melh zawk pah chuan nel awm loh fahran hian a ti chhuak a. Ka thin zawn hi ana nghal ut ut mai.





Ka mittui rawn tling nghal avang chuan ka mit ana nghal ram a, a chhang lêt miah lo anih chu! Min en reng chungin a țhu țha sauh sauh a, chunu chuan ring leng lawng hian "order la tur midang rawn tir rawh u, chuan a theih hram chuan henu hi in ban dawn nia" a ti chhuak nghal a. A aw ah chuan a inringtawk takzet ani tih a hriat theih.





Kima chuan engtin mah a chhang let miah lova, chunu chuan a kutah a vawn saka a be sek bawka, mahse min en reng chungin chhe te pawn a che sawn lova a țawng eih lo bawk. Ka thin zawn na lutuk avang chuan ka awm ka dawm nghal a, thâwk a harsa takzet ani.





"Kal ta che, enge hetah i tih ve reng a, order ila leh dawn anih chuan awmdan mawi zir hmasa tawh ang che. Engtin nge maw an thawh tir theih che le" min hmuhsitna țawng kâ chu zak map lovin a chhâk chhuak a. Kima chuan "Judy, a tawk! " a ti nghal hrâwk a, chunu chuan eng ah mah a ngai lo tih hriat zetin.





"Duat, ka hria alawm, ka țawng hnem vak tawh lo mai ang" zak map lovin a ti chhuak lehnghala, tih ve tur reng ka hrelo an sirah chuan ka ding reng a ka mittui hnâm sawk avang chuan ka khawhmuh a phê ruai a, ka thin zâwn hi ana nghal ut ut bawk.





"Ruatfel, Zualtei kha hruai sawn nghal rawh. Chuan, sir kan tihpalh lutuk ania tunlai chu a dam sam vak lova" madam aw ri ah chuan ka sir lam chu ka en a, Feli chuan min khawngaih hmel fê hian min lo melh a ka bânah chuan a rawn vuan a "Zual, kal ang" a ti sap bawk.





Ka che lova ka țawng hek lo, ka â vek ni maiin ka hria, hmuhsitna țawngkam chhe tê pawh hian min vaw chawrh chawrh zela, a țhen a zar chu ka ngaithla liam ve mai țhina, mahse a na zawng erawh chu ani lo.





"Rules kha zir țha leh se a țha ang, a thawhna tur a hai pawh ani maithei, Kim. Ban nghal ang che" zak map lova rawn ti leh tu chu ka melh reng a, chhang let ve ka duh mahse enge ka sawi ang. Sawi tur ka hrelo ani, tunah khan hetiang em em a min hmusit tur hian tihsual ka nei lova, mahse chhang let ve turin sawi tur ka hre bawk si lo.





"Kan tihpalh a ni, a thleng leh tawh ngai lovang, Ruatfel hruai chhuak vat rawh" madam chuan a rawn tih zawm leh zata, Feli chuan ka bânah chuan a pawh in min pawt a, ka ke chu tlem tê in a che ve auh bawk. Kima ka kal pel tur chiah chu ka kut a rawn vuan chawt a. Chunu chu chawp leh chilhin a țhutna ațang chuan a ding nghal zawk bawk.





Amah chu muangchangin ka melh a, a hmui phun chuan "kal suh" a rawn ti sup a, mahse ka theilo, hmuhsit reng ni tur hian ka piang bik lova, ka hmeichhiat pui ten, ni lo lo a min sawi tura piang ka ni lo bawk. A kutah chuan ka vuan lêt a, a mitmeng ațang chuan kal lo turin min duh tih ka hre lutuk tlat.





Mahse ka let leh anih chuan ka chhuak mai mai tawh dawn si lova ka hmeichhiat pui tho ka tina anga keimah ang hian ka siam dawn si a, leh bum mai mai ni tur chuan ka let thei tawh lo bawk ani. Inngaihzawnna hi hlimna thlentu pakhat ani ve a, mahse ka tan erawh ani ve lo aniang. Hreawm tuar mai mai tura ngaihzawng neih emaw Hmangaih neih hi ka duh tawh lo ani.





"Ka țha alawm, a sawi hi a dik chiah a ni, rules zawng zawng ka lo zir țha leh anga, in lo chawlh leh hunah chuan fel takin ka che tawh ang. Miss, min hrethiam dawn nia" harsa ti zet chuan ka țawng chhuak a, a kut ka phelh tir tur chu a aia nghet chuan a rawn hum a.





"Duat, enga tinge khatianga i awm a? " chunu aw chu manganna leh hlauhna in a khat ni maiin ka hria, kan chevel chu customer dang te pawn min en țhup tawh.





"Kal suh, babe" a rawn ti leh sup a, keipawn ka hria ka hrechiang lutuk. Tunah hian ka kal anih chuan engtikah mah ka let thei tawh dawn lo tih ka hria. Kumkhua atan kan tawp tawh dawn.





"Ka țha alawm, sawi dik loh pakhat mah a nei lo, tihpalh u, chuan mangțha aw, in enkawl țha la" amah en reng chung chuan ka phun sap a, ka mittui chu a kut chungah a far thla keuh a, a kut chu phelh sakin keimah zawkin Feli chu ka kai a, ka kalpui nghal hlawk hlawk bawk.





"Zual, ding teh, a tawk, I thâwk kha a buai leh mai ang" Feli chuan ti vakin min pawt ding nghala, ka thaw nghal hlâwi hlâwi bawk. "I thaw a hah leh chuan Doctor-in ka admit tawh ang che a tih kha fimkhur ta che" a rawn ti hlak bawk.





"Fel, kan tawp tawh, kumkhua atan kan tawp tawh asin" ka tap chhuak nghal hâwm hâwm a, Feli chuan min rawn kuah nghala, ka hnungah chuan a chûl heuh heuh a, kei erawh ring takin ka țap chhuak nghal hâwm hâwm bawk.





"In awmdan engkim chu hre lo mah ila, thil awmdan tur awm ang ka hrethiam mai, Zual țap rawh, țap vak vak rawh, i thâwl phahna tur anih chuan țap rawh" tih pah chuan ka samah a rawn chûl a ka hnungah a bêng thek thek bawk.





Țha taka kan tawp ka lo beisei a, țha taka ti ti in kan tawp mai ka lo ring a, mahse thil hi a thleng nghal vek ani ringawt. Vawiinah ngei kan tawp tawh a, mahse țha taka rilru na lo ve ve a tawp tura ka lo beiseina kha engmah lo mai ani leh si. Hetiang mai hian kan tâwp ka ring bik hauh lo.





"Zual, min hrilh duh i neih chuan? " dawr huanah kan țhu a Feli dar ah ka lu ka nghat bawk a. Ka melh ngai ka melh ngawt ngawt bawk. Tunah te hian hlim takin ei tur te an ei anga, an awmdun ngei awm si a, chutiang ka ngaihtuah avang chuan kan hun hman dun tawh te ka mitthlaah an rawn lang a. Ka mittui a rawn hnâm lehnghal sawk bawk.





"Zual, min ngaithla tiraw. In bun ruah i duh a nih chuan ka awm reng ania, sawi rawh engkim, i tan ka awm ania" Feli chuan a rawn ti leh sap a, ka mittui luang thla zeuh chu ka hru zeuh a, thaw chhuak hak in thil engkim lo in țan dan chu ka hrilh kim vek a. Mak a ti lutuk chu a ka huau a. Keipawh hian mak ka ti asin kan hlim viau amaw ka tih laiin hetiang thil hi chawp leh chilhin a rawn thleng nghal vek si a.





"Zual, ka lainat lutuk che. Lalrinkima mai mai chu aw.. Alo va tenawm ve a, rapthlak lutuk, khanu nen khan an inang chiah, zaklo dun lutuk" a âng nghal hlak hlak a, dawr lam chu a melh hrep a, ka nui chhuak nghal hak bawk. Lunngaih lai pawha min țanpui tu țhian te hi an va hlu tak em! Kan tan engkim an huam a, an theih ang tawkin min thlamuan a, ka tan chuan ka țhiante hi ka nu leh pa te anni.





"Zual, i rilru kha ti hah reng reng suh aw, sawtiang lo mipa an tam lutuk, amah chauh saw a piang lo ania" a ti leh hlak a, a star țhin te a mention tih ka chiang takzet bawk. Ka nui chhuak hak hak a, amah pawh a rawn nui chhuak ve nghal hak hak a.




★
"Azual, hei i nu chanchin tlema zawng chu ka hre tawh a, hetah ka Office-ah hian lo kal ta che" phone-a u Saia thu rawn sawi avang chuan ka țhutna ațang ka ding chhuak nghal zawk a. "Ilo chhuk tawh ami? " ka ti chûl bawk. Ka țhiante chu ka mitmei zeuh a, pawn lamah chuan ka chhuak nghal bawk.





"Chhuk tawh e, i nu chanchin pawh hei theih ang tawk chu ka la khawm a, hriatthiam loh ka nei nuala rawn kal ta che aw" a tih chuan aw le ka lo kal nghal tiin phone chu ka off-a, ka hlim takzet ani. Ka nu chanchin tlem a zawng a hre chhuak tawh a, tunah chuan thil pawh a harsa lutuk tawh lovang.





Ka țhiante bulah chuan ka va kal leh a, ka țhiante avang hian ka zan hna pawh ka thawk lova, dinner ei turin min hruai chhuak lui a, keimah chiah ka third wheel anih chu! Mahse a pawi hrep lo, ka thawveng zawk.





Feli bulah chuan ka va kala chanchin ka hrilh hnu chuan remti lo viau mahse keiman ka duh miau avangin ka kal chhuak nghala ka ril pawh țâm viau mahse ka ei rih lo mai ang. Thil pawimawh lutuk tak mai tihtur ka nei tlat.





Taxi chu hmang in u Saia Office lam chu ka pan a, ka hlim lutuk hi ka khi sun sun reng mai. Reilotêah kan thleng a, pawisa pe in Office lam pan chuan rang lutukin ka tlanphei nghala, thlasik kan hnaih tawh bawka, zan lam chu a vawt deuh suk tawh mai.





Office chhung ka luh chuan u Saia chuan min lo buaipui nghala a private office lamah chuan min hruai phei a sofa- ah chuan min țhut tira, Coffee min rawn pe nghal bawk. U Saia hian ka nu thihna ah engkim min buaipui sak veka, a chhan sawi duh lo mahse ka lawm takzet bawk.





"Sawi nghal tawp mai ila, i nu chanchin chhui hi a harsa takzet a, an khaw lama chengte pawh inu te hunlai ami te kha an ni tawh lo hlawma changkang tak anni vek tawh. I nu chanchin phei chu an hrelo nasa bawk. Mahse putar pakhat upa ve tawh tak mai hi ka hmu fuh a thil țhenkhat min hrilh bawk a." A ti sup a, ka hre chak tawh lutuk hi ka awm hle hle thei tawh lo.





"A landan chuan ibnu hi zu zuar țhin a ni a, YMA lampang pawn an man fo bawka pawisa a chawi țawk zel țhin, amah a in todelh duhna hian thil sual tam tak a tih tira, mipa pakhat tawngin chupa chu a Hmangaih hle ni tur a ni, tuna ka pu ka han hmuh hnenah hian a chanchin a lo sawi țhin ani âwm a. Chuan chupa nena an awmdan chu putar hnenah chuan alo sawi vek țhin bawk. Chupa chuan pawisa alo pe țhin ni ngei tur a ni. Chuan Aizawl-ah i nu chu a rawn chhuk a. Chumi hnu chu a hre tawh lo a ni âwm e" a thusawi chu ngun takin ka ngaithla reng a, mahse ka duh chhanna ka hmu lo.





Ka nu chanchin han hriat chuan ka rilru ana nghal vawng vawng mai, țha takin a nung țhin anga tih ka ngaihtuah țhina, mahse a ni pawn hreawmna nasa tak alo tuar ve reng si a. Chuvang em ni ang pâwn a chhuah ngai lova ka pa chanchin ka zawh dawna a huat țhin em em ni.





"U Sai, mahse thil hriatthiam loh i neih thu i sawi si a, chu chu enge? " ka tih chuan a thaw chhuak hawk a.





"Nia, hei hi ania, putar bulah chuan i nu hian chupa chanchin chu a sawi țhin a mahse a hming erawh a sawi tel ngai hauh lo ania. Chupa chu tiin a sawi tawp țhin, chuan i nu hi mi hausa tak fanu a ni a, mahse chutiang nun nuam chu kalsanin nun țawp tak a thlang zawk tih putarin a sawi a, tinge i nu hian hetiang nun hi a thlan zawk le, thil engmah i hre miah lo tak tak em ni? A tih chuan ka lu ka thing nghat nghat a.





Kan zawng chhuak thei tawh dawn amaw ti a ka lo ngaihna chu engmah lo mai ani vek tawh "sawi ngai lo, ka nu chuan ka biak loh chuan min be lutuk ngai lova chhungkaw chanchin emaw ka pa chanchin emaw ka zawh phei chuan min hau vak zel" ka ti sap a, u Saia chu a thaw chhuak hawk a.





"I nu chanchin chhui pawh hi a hahthlak tawh em em a i pa phei chu hei ai hian a hahthlak lehzual ang, a chanchin hriat kan nei bawk si lova, a hmel pawh i hre bawk si lo. Um.... mahse, engpawh chu nise theihtawp ka lo chhuah dawn nia" a ti a, harsa a tih zia chu a hmelah a lang thei vek nia mawle.





"U sai, min pui leh hram rawh aw, ka pa zawn chhuah ngei ngei ka ngai ania" pâwnah kan ding vâng tawh, "ka theihtawp ka lo chhuah dawn nia, tihdan a awm mai ang, sawng ho saw uluk takin ka lo en leh dawn nia. Kal tawh rawh a tlai tawh si, ka lo thlah lo mai ang che, ka bialnu alo kal bawk sia. Fimkhur la" a ti sup a nui hakin ka bu nghat bawk.





U Saia a lêt hnu chuan ka thaw chhuak hak a, tinge thil engkim tih hi a harsat em em le, ka nu chanchin tlem a zawng kan hriat chuan ka pa kan zawn chhuah theih vat ka lo ring kha ania. Mahse engkim a harsa zawk zual sauh si. Ka nu engati nge maw thil engkim kha min hrilh mai loh le, tinge ilo zep tlat le.





Kutkuangkuah chungin ka lehhawi a, ka hnunga lo ding rûn ka hmuh avang avang chuan ka phu nghal zawk a, ka au chhuak tur chu ka kâ rawn hupin "keimah" a ti sup bawk. Ka hlau lutuk chu ka thin a phu dawt dawt a, a phu chhuak dawnin ka hria.





"Ka thlah che anga, au chhuak miah suh ang che" a ti sup a, ka bu nghat bawk. Min thlah rual chuan ka kâwngah a rawn hmer lehnghal chawt a "mi tenawm pa min thlah rawh!" ka ti vak a, engvanga an unau hian nitin min tibuai ziah nge maw an nih hrep le, ka thâwk ve hi an phallo zawk emaw ni.





"Tun ang zanah mipa nen lehnghal engthil nge in tih?Malsawmzual, hmeichhia i ni tih i in hrelo ami? " a tih hrâwk avang chuan ka phu zawk a, engvanga hetianga rawn awm ve ringawt nge maw anih le, "enge I hriat a? Hetia i rawn awm ve ringawt a, ka duh leh mipa ka hmu anga i thu ani bawk lo" ka ti ve ngat a, a rûm nghut bawk.





"Khapa nen khan inzawmna in nei em? " a ti leh a, ve vak vak chuan engvanga hetia rawn awm vak hi nge maw anih le, a rui em ni, mahse zu rim a nam bawk si lo. "I tan a țangkai pakhat mah a awm lo" ka ti ve hmak a, tal chhuah ka tum mahse ka theilo min vuan nghet lutuk mah mah.





"Sawi rawh, khapa nen khan eng inzawmna nge inneih I bialpa em ni, nge mi i kawpna zawk?" elhsen zetin a ti leh hrâwk a rapthlak ti lutukin ka melh a, zak theilo lutuk, min hmu a duh duh a min puh ve nghal ngawt tur pawh a ni lo.





"Thu chiang i hriat loh chuan i duh duh danin thil sawi hlek suh ang che, engmah khapa nena kan inzawmna khan i nunah tih tur a nei ve lova chuan chutiang khawpa hmeichhe tenawm ka ni lo" ka ti ve fak a, a nui chhuak hawk mai.





"Takzet!" Âwih loh hmel fê hian a ti chhuak a "ni e, i duh duh danin ngai rawh, ka tan a pawimawh lo, e ni lo. Khapa nena kan awmdun i hmu kha i thîk em ni? I thîk zawk em ni? Hetianga i rawn awm? " ka ti a, ka sawi zo chu a hmui chuan ka hmui a rawn khar chilh nghal hmiah anih chu! Ka meng nghal kâwk a, che lovin ka ding khawng reng ringawt.


\°•°/

[Ngaia]

2'3' #EP-8

By : Msi_Miluhlulnui
(Hmeichhe_Naupang_Tereuhtê)



*Engpawh I tum chuan tih theih loh a awm lo*
-- ★ Hellen Keller ★





Muangchangin min fawhna chu a thlah riai riai a, ka mit ka khap fak fak ringawt. Tinge ka dan loh, a rawn che phut a ka lo inring lo ka ti dawn em ni, ni lo, dan ka tum lo ani mah zawkin ka hria.





"Ka sawi kher a ngai em ni? " a tih chuan amah chu ka melh chho a, uluk fê hian min lo en a. Kei hi ka easy viau em ni, engtin nge ka bialpa hlui unaupa chu hetiang hian ka lo awmpui theih zawk. Ka hriatna te hi ka hloh zo ta em ni.





"Khapa nen khan inzawmna in nei lo tiraw? " a tih pawh chuan ka che lova, ka țawng hek lo keimah ah inthiamlohna tam tak a rawn awm a, ka hrethiam lo, hetianga awm tur hi ka ni lo tih ka hria, mahse enge tih theih ka neih chuan, hun lo kal tur ka hre lawk thei lova, enge lo thleng tur nen, a rukin mi inkar hi ka lo ti chhe leh reng ang tih te hi ka hlau takzet ani.





"I tan a pawimawh lo, min kalsan rawh" tih hmak pahin, min vawnna ațang chuan ka tal chhuak nghala amah chu kalpelin in lam pan chuan ka pen nghal pâwk pâwk a, ka rilru a zawhna tamtak awm hi dik taka min chhân sak tu ka mamawh takzet ani.





"Ka zawhna chu chhang rawh" ti hrâwk ri ka hriat rual chuan ka inher lêt nghal nawk a, ka pai nghal nawk nawk mai "ka zawhna i chhan hma chuan kal mai ka remti tlat lo" a ti leh a, tlan meuhin min rawn um nge ni, a thaw ve hlâwi hlâwi bawk.





"I tan enge a țangkaina?" ka ti zawi sapa, ka hah tawh takzet ani. Nun panngai taka nun ve ka duh tawh, tuma tihbuai lova awm ve ka duh a. Lungkham nei lova hlim taka chhungkua te nena awm ho ve ka duh takzet ani.





"Zawhna ka zawt che a, chhanna min pe lovin zawhna min zawt lêt zawk amaw?" a ti nghek a, ka âwm chhung tâwt lutuk avang hian thâwk pawh ka thaw țha thei lovin ka hria.





"Aw, ka zawt che. U Saia nena kan inzawmna chuan i lakah enge tihtur a neih ve? Min hmuhsit i duh avangin ami i hriat chak em em. Ka nau nen an ințhen fel chauh a mipa dang a zui lehnghala tiin min sawi dawn ami. Sawi rawh, i duh chuan i sawi thei ang" ka ti chhuak nghek a.





"Malsawmzual, chutiang zawng chuan ka sawi hauh lo" a rawn ti leh a, ka thin a rim tawh takzet ani, ka âwm chhung tâwt lutuk avangin duh angin boruak ka hîp țha hleithei si lo, min hnawh ka ti mai.





" Ka hming pum khan min ko teivet suh. In unau hian enge in hriat a, pakhatin zing lamah min tibuai a pakhatin zan lamah, ka thâwk ve hlek hi in phallo em ni? Nge ni a ka kehchhe vek lai hi a bo a bâng awm lova hmuh in duh zawk?.





In lakah hian enge tihsual ka neih a, ka laka hetiang khawpa che tur hian, ka hah tawh ani, ka hah tawh takzet. Nangni unau vang hian ngaihtuahna pawh ka sêng mumal thei lo asin, panngai taka nun ve ka duh. Nang hi ka laka hetianga che tur hian kan in hre țha em ni? Inzawmna kan nei em? Nei lo. In unau hian in inang chiah a ni, in rapthlak takzet!" ka sawi zo chu, ka thaw chhuak nghal hlâwi hlâwi a, ka thâwk a rang sauh bawk.





"Min kalsan rawh u, ka lak ațang hian hla takah awm ula, mahse ka boruak hîp tur tal chu min dahsak ve rawh u" ka phun chhuak sep sep a "bawihi" tih pahin a âwmah chuan min kuah bet nghal thlawp a, tal turin tha ka nei lova, ka thâwk a rang em em a, ka zawi vek bawk. A âwm lum chuan keimah a nghawng a nei a, ka hrethiam lo, ka hahdam ni maiin ka hria.





"Min thlah rawh" ka țah mai loh nan chuan ka hmui ka pet fan fan a. Engvanga hepa laka rilru no ta viau nge maw ka nih hrep ni. "A teuh lo" a ti nghek a "min thlah rawh" ka ti ve leh a, ka kâ hi ka âng leh anih chuan ka țap chhuak thei mai ang.





"Hahdam phawt rawh" tih pahin ka chhipah chuan a fawp nghal tâwk a, a kawr hakah chuan ka hum let ve nghal țai bawk. "Engmah sawi lovin, ka țawng hi lo ngaithla ang che. Anih loh chuan i duh lo chungin ka paw haw ang che" a ti pah sup bawk.





"I ngaihtuahna ang khan ka ngaihtuah lo tih hria la, ka nau nen in chanchin chu engpawh nise ka ngaihven lo, a thiamlohna anih chuan keiman ka zilh mai ang, ngaihtuahna dik lo tak put kha bansan rawh" a ti a, "ka ngaihtuahna te kha a dik vek aw" ka lo ti hmanhmawh a, a rum nghut bawk.





"Lo țawng suh ka tih che kha" a ti hluk a, ka hmui chu ka va han chîp chiang tak. Ka rilru chuan kalsawn turin min tur chhen a, mahse ka taksa erawh chuan zawm chu hnai lo tak ani. Hepa hi ka la hrechiang lova, a hming takngial pawh ka hriat loh laiin ani erawh chuan ka hmingpum nen lam a hre vek a, engtin nge maw alo hriat theih ni.





"Ka zui kual reng nachhan che chu.... " a ngawi leh dat a, kei erawh chuan ka beng ka lo chhi kar a, mahse a thaw ri bak hriat tur a awm lo "engmah ani lo. Ka thlah haw ang che" a ti leh daih a, ka dar ah vuanin min nawr hla hleka. Hmela mai mai chuh! Ka beng a tivir laklawh.





"I sawi leh dawn loh chuan, a tir ațang khan sawi lo law law mai ta che, ka beng i tivir laklawh" ka lungawi lo lutuk chuan ka ti chhuak vak a, a nui chhuak hawk mai. Hepa ka huat theih miah loh chhan hi ka hre thiam lo. Kima u anih na angin keimah ah inthiamlohna a awm a, a lakah thinrim viau țhin mah ila, a tukah chuan a reh lehnghal zel anih kha. Tunah pawh hian ka thinrimna te kha amah bawk hian ani hi ti reh leh.





"I hre mai dawn alawm" a tih chuan ka ner nghal nâng a, ka bânah kaiin kan kal pelh tawhna lamah bawk chuan min let pui leh a "hey! Mhawnge min hruai i tum a, ka haw dawn ka tih mawlh mawlh kha. Nang hian min ruk bo i tum em ni? " ka hlauthawng lutuk chu ka au chhuak nghal vak a.





A kal lai chu a ding nghal dat a, a lamah chuan min pawt phei lawpa, a sirah chuan ka ding a ka chhipah chuan a fawp nghal vang vang bawk.





"Thil hi enga tinge i ngaih khawloh nghal zela, haw i duh ani lawm ni, ka thlah haw dawn che alawm" a tih chuan ka sa nghal ham ham mai, ka zak lutuk hi thla neih a thlawh bo daih ka chak takzet ani. Engvanga ka rilru hi diklo nghal vek zel nge maw anih le.





"Kan kal thei tawh em?" A rawn tih chuan zawi sap hian "kal rawh" ka ti chhuak a, ka kâwngah vuanin min kuah phei a, a car awmna lai kan thlen chuan car kawngkhar chu min hawnsak a "lut la" a ti sup a, ka kal tur chiah chu ka ding leh dat a. Lawk! Kei hi ka â tawh tak tak anih dawn hi. Hepa hi Kima u ani tih engtin nge ka lo nghilh theih zawk a, hre reng tur ka ni asin.





"I car hian ka haw ngawt thei lo, taxi ka la mai ang" ka ti chhuak leh a, tuna ka awmdan hi a diklo takzet ani. Hmeichhe tenawm tak angin anih hi ka lan, a nau nen kan ințhen chauh a, a u ka zui lehnghal chuan mi ten min sawi dan tur hi ka duh lo ani.





"Lut rawh, ka tih chuan lut mai rawh" a rawn ti leh a "ka.. Ka.. Ka thei lo, taxi ka la mai ang, ka lawm lutuk tho ania" tih paha kal ka tum chu ka kalna turah chuan alo ding rûn a "kalsawn rawh, haw ka ngai ania". Ka hlauthawng lutuk chu ka hawi kual ruai tawh bawk.





"Tun ang hunah taxi a awm tawh lovang, chuang rawh ka thlah haw ang che" a rawn ti leh a, ka lu ka thing nghat nghat a, "ka theilo, hetiang hian awm tur kan ni lo. Mite min sawi dan tur i hria em? A nau nen an ințhen chauh a, a u a zui lehnghala, tiin, chutianga min sawi chu ka duh reng reng lo" ka hlauthawng tawh lutuk chu ka au chhuak vak a.





Thaw chhuak hawkin ka bulah chuan a rawn ding a "a țan leh dawn ta, hahdam rawh ka tih che kha, i ngaihtuahna kha ni lo lo in kaltir tawh suh, mi chuan engtin pawn lo sawi sela, thudik chu kan hrechiang viau alawm. Kâ an nei a an sawi ve a ni mai, a hma ami pawh i tuar chhuak thei ani lawm ni" a ti dam thlup a, enga tinge min hrechiang ang tak hian a awm țhin le.





"Mahse" , ka ti dêk dêk a. "Lut rawh, anih loh chuan ka pawm lut ang che, nge ni a romantic deuha ramdangin an tih thin ang khan tih ve i duh zawk?" a nui ri suka, a ngaihtuahna mai mai chuh! "Hmela i ngaihtuahna kha paih bo nghal rawh" ka ti nghek a.





"Chutiang chu i duh loh chuan lut la" nuih insûm fê hian a rawn ti leh a, rum lutukin ka melh a, car chhungah chuan ka lut a. A ngaihtuahna tenawm zia kha. Rapthlak lutuk.





A rawn luh hnu chuan kan tlanchhuak nghal ti tih maia, țawngchhuah kan tum hmasa lo ve ve a, kan ngawi rûn a, a chang leh kan inmelh fuh leh zeuh țhin. Ka lai thei lutuk hi, ka hawisawn rang thei hle bawk. Engtin emaw tak hian boruak hi a uap churh mai ka sawithiamlo, car chhung hi a tê vek ni maiin ka hria.





Țawng tum chuan ka aw ka thian nghal kharh kharh a, engvanga zam viau nge maw ka nih le, zam nachhan tur lah chu ka nei hauh si lo. "Ih... Englo" ka ngawi leh daih a, ka aw te hi a khur hialin ka hria. Ka thin lah chu a phu rang em em mai lehnghal.





"Sawi la" a ti sup a, a zam ve lo reuh nge maw ni "engati nge hetiang hian i awm a, kima u inih hi, hetiang hian kan awm theilo. Chuan khatianga ka hmui argghh... Tih kha thil thleng theilo anih kha" ka sawi theilo chu ka pehhêl kual nuai a, ani erawh a nui suk mai.





Hetiang hi vawikhat mah ka la sawichhuak lo. Kima pawh kha ngai țhin viau chung pawn, ka ngaihthu ka sawi ngam lova. Tun thleng pawn ka la sawi lo bawk. Hetiang lam sawi phei chu teuh lo lutuk ani ringawt.





"Enge thleng theilo anih na, mihring ve tho ka nih hi. Kima u ka nih avang ngawtin a thleng thei lo tihna ani lo" lungawi loh hmel fê hian a rawn ti a "anih enga tinge min hrechiang ang hian i awm tlata, nimin maiah kan inhmu a, khatiang khan i awm nghal ringawt a, kei lah in ka dang ngai bawk si lo che a" ka ti chhuak hap a.





"Ka hrechiang che alawm, kei chuan nimin maiah ka hmu ve lo bawk che a" a ti sup a.





"Engmaw" ka ti chhuak nghal vak a.





"Engmah, thil ngaihtuah vak vak tawh suh. Khatiang vang mai mai khan ka tih loh phah dawn lova, ka che chhunzawm zel duh zawkin ka ring" a tih chuan ka melh nghek a, ka duh ang chhanna ka hmuh loh avang chuan ka thin a rim a tukverh lam ka hawisan hmak bawk.





Ka lo muhil ani ngei ang engine thi dûk ah chuan ka harh a. Khawnge ka awm? Rang lutukin ka thu mar nghal awt a, mahse hnai lutuka min lo en tu avang chuan ka phu zawk a, a nui suk mai.





"Kan thlenna a rei tawh em? " ka ti chhuak sap a, min en hnaih lutuk avang hian ka panngai meuh lo. "Kan thleng chiah" a ti a, min awm hnaih lutuk vang nge ka thaw țha thei lo. A sawi zawh rual rual chuan





"Saw i bialnu alo kal" a ti nghal vak a, rang lutukin a awm hrang nghala, nui tut tut chunga kawngkhar ka hawng tur chu ka awmna ngaiah chuan ka let leh nghal a, seat chu ka ngheng nghal dawt bawk. Nichin aia hnaiah khan min rawn en, ka thin a phu rang nghal dawt dawt mai. Tinge ka chet muang em em a.





"Tunah khan engmaw I sawi? " tiin ka hnar chu a rawn nul thuak thuak a, ka țêk chhawk mai, ka thin te hi an phu chhuak dawnin ka hria "I bialnu alo kal ka ti" ka ti bah deuh nawk a "lo kal turin bialnu ka neih âwm ka va hre lo ve" a ti sup a, ka biangah chuan a rawn fawp zeuh a.





"Arghh.... Alo kal alawm gate chhungah sawn a lut chiah, i hmu hman lo aniang" ka ti nawk nawk a, a nui suk mai. Tinge maw a bialnu chungchang kha ka lo sawi le, chhuanlam tur dang a tam tehlul nen. Mahse ka sawi rual khan a awm hrang rang em em a, bialnu ka neilo a ti leh si. Heiham.





"Ka in gate-a lut te chu keiman ka hre hmasa ber țhin". A tih chuan ka thin hi a phu rang dawt dawt lutuk "alo kal ngei alawm, englo" ka sawi zawh hma hma chuan ri chawk khawpin min rawn fawp anih chu! Ka hmui hi a thîp nghal vawng vawng thei nia.





"Sawi tawh lo mai rawh, sawi tur i hre tawh lo anih kha" a ti sup a, nui sukin ka hmuiah chuan a rawn fawp leh zeuh a, awm hrangin ka hmuiah bawk chuan a rawn fawp leh zeuh a, ka zak lutuk hi ka sen țawn țawn in ka hria, ka hmui lah chu a thîp vawng vawng lehnghala.





Car kawngkhar min rawn hawnsak rual chuan ka chhuak nghala "min lo zui la". Tih pahin a kal nghal daih a, ka zui phei ve nghala, a bawp sei zet nen chuan a pên pâwk pâwk a ka um tlan dawr dawr mai. Ka hawikual a mahse, helai hi kan veng ani lo hrim hrim, khawnge kan awm, hepa hian khawnge min hruai a.





Gate-a lut tur ka au tur chiah chu aw ri ka hriat avang chuan ka kâ ka chip leh hmak a. "Babe, ka lo nghak rei tawh lutuk che a" chu aw chuh! Khawiah emaw ka hre tawh chiang ani. Ka hre tawh chiang alawm.





"Ka ngai tawh che a" a aw chu ka hre tawh chiang a ni, a hnunga ding chung chuan ka va bih dêk dêk a, a lian lutuk a min hliah vek alawm, hmeichhe nalh zet rawn kal phei ka hmuh chuan ka âng nghal phâm a, Henu hi! Hman zana mi nen khan an inang lutuk ringawt.





Min rawn hmuh chuan a nui hmel mawi tak chu a tawp nghal hmak a, min hmuh hmaa a hmel nelawm zet kha tunah chuan a bo leh vek tawh. Keimahah nuamlo tihna a rawn awm nghala, ka awmdan hi a hreawm lutuk ringawt.





"Babe, tinge henu bawk chu, buaina a tawk leh tawh em ni? " min lo la hria anih chu! Ka hmaa ding mipa lian zet chuan min rawn melh zeuh a "Evelyn, ni lo pui pui sawi țhin suh" a ti hmuk a, ka kal daih dawn amaw ni le. Thil eng emaw thleng dawn tlata hriatna ka nei.





"Duat, buaina a tawk ami ka ti mai alawm, nge kei min kalsanin henu hi i thlang zawk? " men deuh pur chuan a ti chhuak a, a țap nghal deuh ti tih anih chu! "Babe, enge pek loh che ka neih, ka Hmangaihna zawng zawng ka hlan che a nang erawh chuan hmeichhe dang i hmu daih a, ka Hmangaih che asin" a țap chhuak nghala.





A awmdan chu ka ngei ang reng mahse kei hi mi Inkarah ka tla zep leh ta em ni? Mi inkar tichhe tu nih ka duh lo. Tinge mi inkar tichhe tu ka nih bik zel.





"Hey! I ngaih ang kha" ka ti hman chauh a.





"Nang kha lo țawng ve suh. Babe, i lakah hian ka rinawm asin, ka Hmangaih che a, ka thianghlimna hial pawh ka hlan che a, nangnen pawh hun tam tak kan hmang dun fo tawh tinge hmeichhe dang min pansan a tinge mawh..? Ka Hmangaih che ka tih mawlh mawlh kha" keimahah inthiamlohna a rawn tam tulh tulh a, ka meng vai ruai tawh mai.





"Ka lo va haw mai ang" tih pahin ka tlan nghala.





"Malsawmzual, ding rawh" a tih ri pawh hi ka hre reng, mahse ka ding dawn lo. Mi inkar tichhe tu nih ka duh lo. Ngatinge nge mi inkar tichhe tu ka nih bik ziah le, ka ni tawh lo ang ka ti kha ani si a, mahse ka ni leh tho si.





Taxi lo tlan chu ka phar nghal ringawta ka kalna tur min zawh chuan, tlan tawp rawh ka ti ringawt. Keimah vanga mi inkar a chhia anih chuan ka inthiam thei tawh ngai lovang. Tinge ka mawl bik em em le.




★
Zingah chuan dawr kal hma ka ngaih avangin hmanhmawh lutukin ka insiam a, nizanah khami te pahnih kha an ințhen ang em tih ka ngaihtuahna lamah ka mu mang lova ka mit chu a thîp hlur mai.





Zing kar ațang tawhin chhun thlengin ka la buai a, ka hawi chhuak hman lo ani ber, hetiang em em hian ka la buai ngai lo reng reng.





"Hey, Malsawmzual, misual" rawn titu avang chuan ka hawi chhuak a, ka mi hmuh avang chuan ka meng lian ngawtin ka ring "Lalremruat" ka ti nghal vak a, hepa hi college kan chhuah hnuah ka hmu leh ta miah lova a biak theih bawk si lo. Tunah pawh a rawn lang leh hlawl mai.





"I mitmu kha a pawng chhuak ange" a rawn tih chuan ka nui chhuak hak a a chimawm ngaiin ala chimawm reng "khawnge I awm daih a?" ka tih chuan a nui suk ringawt.





Ka sam chu a rawn tuai a "ti kha chuan Snow White Apple pawh keih nachang hrelo kha i ang leh tawh alawm" a tih chuan ka beng nghal pawp a "chimawm suh aw, thil te hi hre rei lutuk suh" ka ti vak a, a nui chhuak hawk hawk bawk.





"Ka bialnu kha i kut hmawr pawn khawih hlek suh" ti hrâwih ri ka hriat rual chuan Remruata chhuata tlu hnawk chuan a zawm nghal zata, Kima chuan rawn bawhin a hnek zui chawrh chawrh.





"Ka bialnu kha ka phalna tello chuan i khawih thei lo" tih tuarh pah chuan a hnek leh chawrh a. Ka hlauthawng leh tih ber tur ka hrelo chu ka ding khawng reng ringawt a.





Eng thil nge ka tih tak ang?

[Ngaia]

2'3' #EP-9

By : Msi_Miluhlulnui
(Hmeichhe_Naupang_Tereuhtê)





Remruat'n a hnek let ve ani ngei ang Kima chu a thal nghal tawp a, hepa hi a diklo a rui chiang lutuk ringawt. Rang lutukin chhuatah chuan ka va țhu phei a, ka chiâi lutuk hi tih ber tur pawh ka hrelo Kima nge Remruata ka bâwihsâwm hmasak zawk ang. Ka tan an pawimawh ve ve si a.





"Zual, ani kha buaipui rawh, ka țha ania, a rui anih kha" Remruat'n a rawn tih chuan ka harh fîm ve chiah ni maiin ka hria, Kima chu chhuatah chuan a mu duai a, a biang chu na tih hmel zetin a dawm bawk a.





"Hey, nang khan ka bialnu hi vawikhat mah lo khawih ve tawh suh, ka ta anih hi" a țawng chu a pangngai vek si a, mahse a rui bawk si. "Kim, tho rawh, i țha em? " ka tih chuan min rawn en a. "Ka țha lo ngai ami" a ti leh bawk si.





"Remruat, tihpalh lutuk aw, a awm tih pawh ka lo hre lo reng reng" ka inthiamlo lutuk chuan ka ti nghal vat a, vawiinah min hmu ve chauh a, keimah avangin na a tuar lehnghala, amah hi ka ngaihsak hmasa ber tur niin ka hria.





A lu a thing nghut a "a pawi lo, khatiang kan dawn loh na te kha a rei tawh alawm, hrim hrim in ka khawih dawn che chuan ani kha dil a ngai dawn ani maw" tiin a nui chhuak nghal hawk a, hepa tak hi chu aw... Feli nen pawh khan a thinrim ve thei lo amaw kan ti tawh.





"Inzawmna kan nei hleinem" tih zawi sap pah chuan Kima mu chu ka en a, a biang chu dawmin chunglam chu a en reng ringawt a "oh! Ka hriat ve loh thil a awm ani maw, min hrilh ve ngei chu a ngai ang, țangkaina ka nei hrim hrim ang" tih pah chuan a hmui thi ser ser chu a hru zeuh a, a kut chu a en leh a, a chet hluk bawk.





"Nangmah zawk hian min hrilh tur i nei zawk ang a" ka tih chuan a tih țhin dan bawkin a kut chu chunglamah a vei zauh a V sign a siam zeuh a, ka nui zui hak bawk.





"Nangni pahnih kha ka awm ve reng hi, biahthu di inhlân hlek suh u, chuan nang kha, ka bialnu kha en pawh en hlek suh, a hmelțha deuh kha ilo en bo vek ang" Kima thu rawn sawi avang chuan ka nui chhuak hak a.





"Kim, tho rawh madam alo kal chuan ka insawifiah peih miah lo ania" ka ti hlak a, thawh a tum bawk si loh chuan ka kai tho dawn bik reng reng lo.





"Duh leh lo kal se, ka bân nghal ani mai, nangpawh ka duh hun hunah ka bân thei che" min rawn kawh pah chuan a rawn ti a. Zu rim a nam bawk si lo a mahse eng emaw ruih chu a nei chiang alawm.





"I rui ami? " ka ti sap a, hna ka ngah, mahse ka hmaa a awm reng chuan ka buaipui lo thei si lo. Remruata erawh washroom a hmang mek a, a hmui thi vel kha a duh lo ni ngei tur ani. A chezia hi a mak ve thei hrim hrim.





"Kan ti ve deuh hlek anih kha, mahse maw, Zualsss, zu rim chu ka nam miah lo tiraw?" a nui chhuak hawk hawk a, enge maw a hriat reuh le, rui hrim hrim ka la buaipui ngai bawk si lo. Min ti hrilhhai takzet ani.





"Only fools fall for you, only fools do what I do! A awmzia I hria em? " a rawn phun sup a, amah chu rang lutukin ka en nghala, min thlâkhlelh hmel zet hian min lo melh a "a awmzia i hria em? " a rawn ti leh sup bawk.





"Țawng țawng lo khan tho la, haw tawh rawh i rui anih kha" ka ti hlak a, ka ding nghal uaih bawk, "Malsawmzual, ka rui tih ka hria, mahse zawhna ka zawt che a, i chhang tur ani" a ti hrâwk a au nen an inang chiah chiah. Khapa teivet lah kha ngaihtuah tawh loh lek tur a nih kha.





"Vanduai thlak takin ka chhang lo mai ang che, thil chu nimin khan tihfel vek ani tawh, thu hnu sawi leh ka duh tawh lo" ka ti sap a, ka kal tur chiah chu a thusawi avang chuan ka ding leh dat a, muangchangin ka lehhawi a, thei leh thei lo hian lo din a tum ve bawk a.





A thusawi chuan ka thinphu hi a ti rang det det lutuk ringawt "keimah ang tho a i na ve anih chuan engtin emaw he thil hi chinfel dan a awm lovem ni?" a aw ri zawng zawng te nen chuan a inhmeh vel vek, min fan rawih rawih mai. Mahse let thei ka ni tawh si lo.





"Ka na lo ka tih chuan dawt ka sawi tihna ania nga, ka hlim ka tih chuan dawt ka sawi tihna ani bawka, half half anih chu. Mahse Kim ka thei tawh lo ani, mi inkara tlakzeh te, an inkar tichhe tu nih te, rilru hah reng renga insiam te, dawt hrilh reng bum nih reng bik nihte hi ka thei tawh lo ani. Ka hah tawh takzet, chuan panngai taka nun ve hi ka duh tawh, thawveng zetin, vawiin hi ka sawi tawpna ni rawh se, kan inkar chu a tawp tawh, kal tawh rawh min rawn tibuai tawh suh, chuan duhsakna ka hlan bawk a che" ka ti sap a, keimaha inrintawkna awm hi khawi atanga lo kal nge ka hre hauh lo.





"I duh dan ani chiah em? Thil zawng zawng hi i duhdan diktak ani vek em? " a aw chu a ring lo, mahse natna tam tak inphum ang maiin a ri chhuak a, "ka duhdan vek ani, ka sawi nawn tawh lovang min kalsan rawh" ka ti leh sap a. A thaw chhuak hawk bawk.





"Anih chuan i duhdan chuan a thleng ngei ang, chuan nangmah leh nangmah i inhuat hunah, kumkhua atana bo i duh hunah i thinlungah kawngkhar siam ang che. Chu kawngkhar i hawn hunah chuan i thinlung chhungrilah khan ka lo awm anga ka lo nghak reng ang che. " a thusawi chuan min deng dawt a. Chhut pawp pawp ang mai hian ka awm bawk.





"Ka va sawi ril ve le" a nui zui leh huah huah bawk si, eng ang ruihna nge maw ni ngai le, a țha lam zawngah chuan a ruih dan hi a nawm hmel chi ani lehnghala, "ka kal dawn ania, Zuals, ka kal dawn, a tawp nan ka kal chu i phal tak tak em? " a rawn ti leh sup a.





"Duh e, kal rawh. Kan tawp tawh alawm, mahse Kim thianțha tak chu kan la ni thei reng ania" nui lui sângin ka kut ka phar chhuak a, mahse a hmel erawh a chang tawlh tawlh mai.





"Țhian maw!? A teuh lo lutuk! Ka țhian inih ai chuan ka bialnu inih leh hun tur ka lo nghak mai ang, chu thil chu ka duh fê zawk. Țhian maw!? A thleng ngai lovang" ti hrâwihin kawngkhar lam chuan a pên nghal chhat chhat bawk. Ka kut chu zawi muangin ka la let riai riai a.





Ka hmangaih chu a kal liam kai ka thlir reng a, thil te reuh tê ah a chang a, a bo tial tial a, mahse engmah tih theih ka nei si lo. Mi â ang maiin ka ding reng a, amah ka neih lai khan ka lo tihlim tawk lo ani ngei ang. Hmeichhe dang min pansan a, kei ai a thlang zawk bawk a.





"Hey!, " ka dara rawn khawihtu an awm avang chuan ka phu nghek a, mi ngaihtuahna lo dah ril ve lai lai a.





"Engkim a țha maw? " Remruata chuan a rawn ti nghal sup a chhang lovin ka bu nghat a, ka duty-na lampang chu ka pan nghal daih a, kei hi lungphu țha lo ka neih tawh hiala ka rin ni.





"Lalremruat! " Feli au ring lutuk chuan ngaihtuahna a pawt let zawk thei, nui vur vur chungin rang lutukin a rawn kuah nghal chat a, a âng zui hlak hlak bawk. Hmeichhe thawveng ve tak chu a ni. Hlutei pawh alo kal ve ni ngei tur a ni. Mahse Remruata nen an inmelh dan hi a dik lo reuh riau in ka hria.





Lunch ei ho an tih avangin dawr bulah chuan kan ei ho a, kei leh Feli kan țhu a, Hlutei leh Remruata an țhu dun bawka, saw mi te pahnih awmdan saw, in țhut hnaih ngam chiah bawk si lo, in be ngam deuh reuh si, zak deuh bawk si, an mit sir in an inmelh zeuh zeuh a, eng emaw tak chu a awm chiang alawm.





Feli chu ka kheuh zeuh zeuh a, a ni erawh alo țawng leh zuap zuap tawh mai, sawi tur hi engtin a hriat bik em em theih zawk ni. "Fel, amak, țawng tawh rih lo teh, ka sawi hi lo ngaithla rawh" a beng bulah chuan ka zu ti vak a. Min rawn en zawka "lawk " tih pahin a țawng lehnghal mial mial.





"Enge sawi rawh, ka la țawng tui ania" a rawn ti hlak a.





"Enteh saw mi te pahnih saw en rawh, enge maw a awm chiang alawm, an in be țha ngam bawk si lo, in en ngam bawk si lo, mahse an mit sir in an inmelh zeuh zeuh a, eng emaw chu a awm chiang alawm" ka ti ru sa sa a, kan hmaa țhu te erawh Feli țawng tur a awm tak loh ah chuan an lai dun ngei mai.





"Anih saw.... hemi te pahnih hi an lo inhre tawh amaw ni, Awi!! Saw saw... eng emaw a awm chiang lutuk" zawi tê hian a ti hluai a.





"Ni reng e, nichinah pawh țawng tawh suh ka rawn ti mawlh mawlh che a, i țawng vak vak a, an awmdan saw dawr ațang khan a diklo daih tawh, ka en reng alawm" ka ti zâwi nghek a.





Sawi laklawh lai chuan Feli chuan a kut a phar chhuak hluai a, a kut dahthlak ka tumsak ruala a thusawi avang chuan ka kut ka la let leh riai riai a, ben pawp pahin. "Min ti hlauthawng alawm, i sawi dawn amaw ka tia" ka ti vak a "iva beng na ve" a ti chhuak ve vak bawk, kan hmaa mi te pawh an rawn hawi țhup tawh mai.





"Zual, nichin khan maw, Kima kha i awmna min rawn zawt vak vak a, zu rim a nam bawk si lova, mahse a rui tho sia" a rawn ti chhuak leh phawng a, Kima khan ka awmna alo zawt amaw?!





"Chuan alo kal em? " a rawn tih zawm zata, "kal e, Lalremruata saw a hnek nghal țhuai mai mawle" ka ti sap a.





"Ni maw? Ngatinge a avan che maksak thei ve" a ti leh a, țawng rin kan hlau dun bawk si, Remruata te lah chu an in țhut hnaih tual tual a, an awmdan hian a rukin min ti khi sak zel lehnghala. Feli chu thil thleng ka hrilh thuak thuak a, ka sawi zo chiah chu.





"Ehe! Lalremruata chu i hmui thi chhan kha ka zawt duh lo che a, ilo va tuar na ve" Feli'n a tih vak rual chuan an pahnih ințhut hnaih tawh lutuk chu an awm hrang rang lutuka, an meng buai ve nak mai, inring lo lutukin ka nui chhuak a, tuna an hmel awmdan saw rapthlak khawpin a thlaphang mawle.





"Nangni kha, nula leh tlangval in ni tawh, khatia laih țût kha a țullo lulai emai, naupang chhia lutuk mit inti kham zawk" thusawi pai rei thei lo'i chuan a sawi chhuak leh vek tawh e, henu hi thuruk hrilh chi pawh ani lo, mi a hmuh chuan a sawi chak thei lutuk hi a phi cheng zel.





Feli chuan a phone ri chu "I van ninawm tak" tih hlak pahin a la chhuak a, kan lo nui hak hak bawk. Henu zet hi zawng, a mak a ni.





"Ui, Zual, ka bialpa, Samson-a ania min hmu turin alo kal a ka va chhuak lawk ang" a phur nge a hamhaih pawh a hriat loh, mahse a zâm ve ani ngei ang, a țawng bah ve nawk mai.





"Khawia bialpa nge i neih leh tawh a? " ka ti chhuak nghek a, ka tello in bialpa alo hmu leh der tawh hmanni ah ka hmu zo lo de dei dei te a ti vela, "ka la hrilh ang che, a chhelo lutuk, mahse in hmuh ka la phallo țha inlo ti ve palh ang" tiin nui zui huah huah in a chhuak nghal daih a.





"Hlute, engtik nge chhuk leh i tum? " ka ti chhuak a, tunah hian kawngka a rawn lut mek te avang sawn ka thin a phu rang dawt dawt mai. Tinge ka awmna apiangah hian an lo kal le, tinge hmuh ka duh loh hnuah hian ka hmaah an rawn inlan zela.





"Ka hre lo ka awm ve deuh reng ang" a thusawi chu ka bengkhawn tawh lo hrim hrim, a dawt leh chiaha rawn lut te sawn ka thin an ti phu rang zawk. Ngatinge an unau hian ka hmuh theihah an awm reng a, min tihbuai hi an la duhtawk lo amaw ni le, tinge zing ațanga zan thlenga an hmel hmuh a ngaih țhin a.





An bialnu te ve ve an rawn hruai ani ngei ang, mahse enge kan chawlhna ah kher hian an rawn chawlh ve a, hemi hmun lo chawlhna hmun tur a tam tehreng nen. Min tihbuai ve hrim hrim hi an chak zawk amaw ni.





Thawveng tak pawn ka țhu thei tawh lo, ka hma maiah an awm bawk si, ka hawichhuah rualin ka hmu zela, ka țhu țha sek bawka, ka țhiante pahnih pawh chuan ka awmdan chu an lo vei nge ni, min zawt ta ngei bawk.





Ngaihngam tak hian ka țhu ngam lo reng reng. Feli lah chu ava han rei tawh em em ve mawle, keimah chiaha zâm hlum tir min tum em ni, a ni kha chu awm se a țawng leh bawrh bawrh anga, tun ang em em hian ka zâm hauh lo tur ania. Ka ning lutuk, ka thin lah hi phut hman lo hlau ni âwm fahranin ala phu vak vak zui lehnghala.





Ka țhiante pahnih in min be seka hawichhuah loh theih loh, an awmna ka va en apiangin Kima hian a bialnu chu ka thik tur ni awm fahranin a awmpui țhina, chunu lah chu hlim zet hian a nui leh hak hak țhin bawk. Ka thîk amaw a tih kha ka thîk teuh lo, tunah pawh sawn ka hmuh laiin a kuah a, a kiss vel saw, nichin khan a rui miah lo ani ngei ang. Tenawm lutuk!.





Ka hawisawn tur chiah chu Ramhluna chuan min lo en reng anih chu! Chiang fahran leh uluk fahran hian min lo en a, ka lai lutuk chu ka hawisawn rang lutuk mah mah. Hmela mai mai chuh!. Enga tinge khati vak khan min lo melh a, a khawih ringawtah pawh min nghawng nat tawh tehlul nen.





Ka kut te hi ka hûm thlan vek tawh, kei hi va inphih harh ila, ka zia deuh mahna. Feli pawh chu alo let hunah a châklo viau ang, keimah chiaha min awmtir manah engemaw tak chu tih tir leh ngei a ngai dawn anih hi.





An mahni kalpel a ngai lo chuan min ti thawveng huai mai.





Ka hmai chu ka phih mawlh mawlh a, darthlalangah chuan ka in en a. Ka biang hi a sen vek thei nia mawle, tinge khatiang em em khan ka zâm theih le, vawiin chu keimah hi ka diklo hrim hrim in ka hria.





Kawngkhar inhawng ri khep leh, rawn lut an awm avang chuan rang lutukin ka hawi let a, Hepa hi! Enge alo tih dawna, kawngka chu a lock nge ni a ri khep bawk. "Enge ilo tih ve ngawt a? Hmeichhe awmna tur anih hi, chhuak rawh!" ka mangang nge, ka zam lutuk chu ka au chhuak ta vak a.





Engmah sawi lovin a kekawr ipte zen chungin min rawn pan a. "Kawngkâ kha hawng nghal rawh hetah hian tihtur i nei ve lo" ka ti leh vak a, kawngkâ hawng tuma rang lutuka ka kal phei chu ka bânah min vuanin min pawt let dawt a.





Bangah chuan min nawr bet nghal rawk bawk "Ramhlun, min thlah teh, enge i rawn tih ve ringawt a? Hetah hian i rawn kal thei lo, hmeichhe toilet anih hi..." ka mangang lutuk chuan ka ti chhuak leh vak a.





"Oh! Ka hming te i hre ve tawh a, ava lawmawm ve" a ti daih anih chu.





"Enge maw i hriat le?! Kalsawn rawh anih loh chuan ka au vak ang" ka tih chuan a nui chhuak hawk a "au la" ngaihsam fê hian a ti sup a, ngatinge hepa hi țawngkam a thiam em em a, min chhân let ve hlek hian sawi tur ka hrelo nghal ziah lehnghal.





"Au la, tumah an lo kal dawn chuang lo, tunah sawn thil hmuhnawm tak thlir an nei mek alawm" a ti sam êt lehnghala, keimah ah hlauhthawnna a rawn awm lehnghal. A âwmah chuan ka nem vaka. Mahse a che sawn eih lo.





"Kal rawh, ka kal duh, eng emaw thleng chu a awm chiang alawm, kalsawn rawh, a ninawm min tibuai reng suh" ka ti vak a, a âwma ka nemna ka kut chu a la lawk a, bangah chuan a nem bet nghala, a hnar chuan ka hnar a rawn si zawm zata, ka thinphu hi ran namen lovin a rang, ka thlan te hi an rawn bawl chhuak țek țek in ka hria.





"Rem ka tih hma chu i kal dawn lo, ba khawn turin ka lo kal mawle, nizan thil thleng avang khan" a phun sup a, ka hnarah chuan a fawp zeuh. Ka thin te hi an phu chhuak dawnin ka hria.


*Tumah hi hlawhchham tura siam kan ni lova, hlawhtling tur veka siam kan ni.*
-- ★Alfred Adler★

[Ngaia]

2'3' #EP-10

By : Msi_Miluhlulnui
(Hmeichhe_Naupang_Tereuhtê)





"Kalsawn rawh" ka ti zawi sap a, a ni erawh ka thusawi chu ngaipawimawh lo tih hriat zetin min en ngur a, a chesawn eih lo bawk.





"Kalsawn rawh ka tih chu...." ka au chhuak vak a, zâm pawh a lang tawh lo, nichina pawnlam thil a sawi chhuah zuai khan ka rilru a kam zawk mah.





"Ka phalna la lo chuan i chhuak dawn lo ka tih kha, pawnlam thil thleng saw... " sawi zawm duh tawh lovin a ngawi leh dat a. "Ka thil tihtur reng reng ah i phalna lak hmasak kher a ngai in ka hrelo. Ka zirtirtu pawh ini lo" ka ti hmak a.





"Min kaltir rawh, min tibuai reng tawh suh. Kha i bialnu țah belh zet kha alo kal leh hma in ka kal duh, chuti lo chu a rawn men leh pur ang a" ka ti hlak a, a rawn nui chhuak hawk a.





"I thîk em ni? " ner nawng in ka melh chho a.





"Thîk maw?! Hah! Teuh lo lutuk! Thîk nachhan tur ka nei hleinem, min hrilh ang chiah khan k ngaihtuahna kha ti diklo nghal ngawt zel suh" ka ti let ve hmak a.





"Kal bo rawh" tih pahin a âwmah chuan ka nem vak a, mak tak maiin a tawlhsawn ve mai bawk a, min man leh ka hlauh avangin rang lutukin kawngkhar lamah ka tlanphei nghala, a lock chu hawngin hmanhmawh tawkin ka chhuak a, na lutuk in kawngkhar chu ka khar zui chawrh bawk.





Pawn lama thil thleng a sawi kha enge niang le, Kima khan buaina a siam leh tawh em ni ang. A hma maiah khan Remruata a țhu bawk si a. Hepa hi buaina alo siam leh anih vaih chuan a châklo tawh viau ang.





Hmanhmawh lutukin ka kal hlawk hlawk a, dawr chhung ka luh chuan ka thaw huai thei engthil mah thleng a awm hauh lo a. Thaw chhuak hakin kan țhutna lamah chuan ka kal phei a, Feli pawh alo awm tawh a, a bialpa ni ngei tur pawh chu alo țhu bawk.





"Khawnge I kal a? " ka țhu chiah chu Feli chuan a rawn ti nghala, "zawk za mah che chuan darkar khat i thang zawk tih i hria em? " ka ti let ve hlak a.





Min ner khum zeuh a, a bialpa bula a awm avang maia intihfel a tum leh anih vaih chuan, a chêt chhiat na zawng zawng ka hriat theih chin chin ka sawi vek ang mawle.





Eitur lo thlen hnu pawh chuan kan titi laih laih tho a, țhianho a awm hi chuan sawi tur hi kan ngah thei takzet. Feli bialpa pawh a țawng ve bawrh bawrh a, nidanga a bialpa te ai chuan a nêlawm daih zawk.





"Enteh, Zual, ngatinge u Ramhluna saw alo kal ve tih min hrilh miah lova" Feli chuan ka beng bulah a rawn ti sar sar a, ka nghawk nghal sawk mai. Henu tak hi chuh! A bialpa a awm ve reng a. "I bialpa kha ngaihtuah rawh, a ni saw ngaihtuah a hun lo țullo thei lutuk!" ka ti zâwi hlak a.





"Enge, a awm ve tih min hrilh la chuan, chhelo deuhin ka inchei tur ania" a ti nui nui a, "Feli, Joseph-a chauh kha ngaihtuah rawh. Em em zel a che, mipa dang melh melh suh " ka ti leh a. Henu zet hi zawng a mak tih bakin sawi tur ka hre lo. Mahni lo maha awm nawm lo sa tawh nâk alaiin.





"Ehe! Joseph nang hetah maw!?" Ka bul maia țawng ri avang chuan ka soup hâwp lai chu ka hak nghal bawrh bawrh a, Feli chuan ka hnungah a rawn chum nghal vat bawk.





"Nia, hei thil kan ei a, min rawn zawm ve ta che" Lalpa leh! A țawng chu ava han puitling lu lai ve le.





"A rem dawn amaw ni le " Ramhluna aw ri ringawt pawh chuan ka thinphu hi a ti rang thei mawle. Tlemin ka dâk deuh a, Kima leh midang te kha an lo awm tawh miah lo. Engtik laiin nge an lo chhuah vek hman.





"Rem ang, kha Zualtei bulah khan țhu mai rawh, in hmuh lohna a rei tawh alawm le" Joseph-a chuan a ti leh hluai a, engtin nge ka hming te a hriat zawk a, a ngaihna hrelo zetin Feli chu ka melh a, a ni pawh a meng buai ve nak tho.





"Duat, engtin nge Zualtei hming hi i hriat daih daih theih a? " Feli chuan a ti a, keipawh chuan ka en nghal hâw bawk. Tunah hian soup zawnah ka hmai ala awm reng, ka hawi chhuak ngam thlâwt lo ani.





"Oh! College kan kal ho țhin alawm" a ti sam êt lehnghala, ka meng phâwk hra mai. "College kan kal ho thin maw?" Ka mak ti lutuk chuan ka ti chhuak a, "min hre tawh lo ani maw. Heta i rawn țhut hnu pawh khan mak ka lo ti deuh reng a" a ti leh a, ka bo telh telh mai.





College-ah khan chutianga țhian kawm vak ka nei ngai lova, keimah deuh tawpin ka awm țhina, kal chhuak lo pawh ni ila ka kal chhunah pawh khan hriat vak ka nei lo reng reng.





"Ka van hrelo che" ka ti leh a, "ava mak ve. Hei, Ramhluna te nen hian kan inkawm țhin alawm, e taka min hriatdan tur chu kha, Snow White-a, mi tê zingah kan ka tel ve alawm" a rawn ti leh a, ka bo tial tial mai.





Snow White-ah khan mi tê ho kha chu ka hre vek sia, mi tê zingah tel chu nise ka hre ngei tur ania, mahse ka hre bawk si lo. "Ka la hre chuang lo che" ka ti leh ta ringawt, ka ngaihtuah ngial pawn ka hre chhuak zo tawh miah lo.





"E, chuan engtin nge u Ramhluna te nen hian in in hriat daih daih theih a? " Feli tak hi chu aw.. Ka zawh ngam loh a zawt leh ta. "Oo. Babe, sumdawnna lamah hian kan inkawp alawm, karleh lamah pawh hian kan zin dun dawn a" a ti sup a, Feli nen erawh chuan kan âng phâm ringawt.





"Fel, hepa nen hian engtik atangin nge in inkawp a?" a beng bulah chuan ka va ti ru sar sar a, "nimin ațang chauh" ala rawn ti sam êt lehnghal.





"U Ramhlun lo țhu rawh, min lo zawm ve rawh" Feli zawk chuan a ti leh a, a țawng danah chuan a phûr tih a hriat reng reng.





"Lalzual, tawlh phei teh, a bulah khan ka lo țhu teh ang" ka beng bulah chuan a rawn ti sur sur a, a bânah chuan ka beng nghal pawp a "I bula thu chiah kha ngaihtuah rawh" ka ti hlak a. A tum deuh bâr mai.





Ramhluna rawn țhu thla chu țhutthleng te hi a hniam nghal rawih rawih ni maiin ka hria. A taksa lum ka hriat rual chuan ka lo țang ve nghal țeuh ringawt a. Ka thinphu te hi an normal leh tawh hlawllo.





"Hahdam rawh" ka beng bulah chuan a rawn phun sup a, a zâ ka ti lutuk chu ka nghawng ka chîp châwih ringawt a. Min țhut hnaih lutuk vang nge ni ka sa pup pup mai, ka thlan te hi tih tlak chawp an ngai lo reng reng.





An pahnih chuan sumdawnna lam hlir an sawi duna Feli'n a zawm ve leh zeuh țhin bawk. Kei erawh ka awmdan a dik theih loh avang chuan ka țhu ngawi kar a, a châng leh ka kut chu ka hmet leh vak țhin bawk. Ka bulah țhu in engmah ti lo mah se, ka țhu hi ka țang țung a, keimah zawk pawh ka hah.





Remruata te nen lam an lo inhre leh zela, engtin nge maw an lo in hriat leh hman tawh ni, sumdawnna bawk ani leh ang chu. Mahse chutiang ngaihtuah hman pawn ka khawsa lo ka bula țhu avang hian ka ngaihtuahna te hi khawiah nge an awm zawh tak pawh ka hrelo e a, ka țhut țan lutuk na avang hian ka na vek tawh, ka thaw tawh lo hialin ka hria.





Ka rin loh lutuk tak maiin ka kut chu a rawn vuan chawt a, phâwk lutuk tak maiin ka meng nghal a, Feli te ka en vata min lo ngaihsak lo hlauh. "Hahdam deuhin awm rawh, thaw chhuak la" ka beng bulah chuan a rawn ti zâwi sup a, ka sa pup thei.





"Ka kut hi thlah nghal rawh" zâwi si, fiah si, chuan ka ti chang rat a. Midangin min hmuh ka hlau tel bawk si, ka kut chu lak chhuah ka tum a, mahse a hûm nghet lutuk tlat.





"Hahdam phawt rawh" a rawn ti leh a, "ka kut hi thlah zawk rawh" ka ti let ve bawk a, ka mit sir in ka țhiante chu ka melh zeuh zeuh bawk a. "I hahdam hma chu ka thlah lovang, nge ka thlah anga, hei aia langsar hian ka chêt i duh zawk? " ka beng bulah chuan a rawn phun leh sup a, zâ ka ti thei lutuk chu ka îp nghal châwih zel.





Ka țawng ve leh tur chiah chu ka phone a rawn ri a, ka thaw chhuak hawk thei, Ramhluna erawh a rum nghut a, Joseph-a biakna chu a chhang let lehnghala. Ka kut chu rang lutukin ka la chhuak a, a lum te kha a reh nghal vawng vawng thei nia.





U Saia anih avangin ka la nghal vata zana min hmuh duh thu a sawi chuan ka lo remti vat a, ka nu chungchang ah thu hriat a nei leh tawh ani ngei ang.





Țhianho a kan ințhen fel hnu chuan kan hnaah țheuh kan kir a, zan ni vat vat tawh se, U Saia thu min hrilh tur ka hre chak tawh takzet ani. Thu lawmawm ni hram se ka ti takzet bawk.





Tlaiah chuan Feli dawr khar pawh nghak lovin ka hawsan nghala, ka helhhawlh ni maiin ka hria. Mahse min hrilh tur hi thu lawmawm ani lo ang tih mawlh hi ka hlau a ni.





U Sai'n min hmuh a duhna hmunah chuan ka awm vâng tawh a, mahse a ni erawh chu alo la thleng lo. Darkar chanve a ral leh meuh chuan a rawn thleng ve ta hram a, thupha a rawn chawi nghal luam bawk.





"Nizanah khan ka lo ti ang iti leh chauh sia, tinge Zanin ah te min hmuh i duh leh tak thut a? " ka ti sap a, "nia, nizan thil lampang kha chu engmah ka la khawih chuang lova chu mahse tukin zingah khan a țhen ho a hma ami kha ka ennawn leh a, hei hi ka hmu chhuak a" a tih chuan ka țhut hnaih sauh a.





"Engmaw? " ka ti nghal vat bawk.





"Ipa hming kha i hrelo tiraw? " a tih chuan ka bu nghat a.





"A țha, a hming hre lo mah la zawn chhuah theih dan a awm alawm" a rawn tih chuan ka nui nghal var var "engtin? Tak tak ani em? " ka ti nghal chûl a, ka lawm lutuk hi zuan vak mai ka duh.





"Ni e, mahse, i nu kha an khua ațanga Aizawl-a a chhuk hnu khan Bâr velah hian pawisa thawh chhuah nan a inzuar țhin a, chumi ka hriat dan chu, i nu thlalak ka en lai hian ka țhianpa in alo en ve a, a hmuh tawh thu a sawi a, ka zawt chianga, chu mi hmunah chuan mipa pakhat nen an rawn kal țhin thu a sawi bawk a.





Ka țhianpa hi hetiang hmuna duty țhin hi ania, a hriat chu ka ring deuh reng bawk a, enge i ngaih ve dan? " a rawn ti a, hmalam chu ka melh vang vang a "ka hrelo, engmah hi ka hrethiam tawh lo, lam kawr ni awm tak chu ka nu Drawer-ah khan ka hmu țhin a...." ka sawi zo țha hman lo.





"Enge chung te chu a tir khan i sawi vat loh?" a rawn ti hluk a, amah chu ka melh nghal vat a. "A pawimawh loh ka ring alawm" ka ti let ve nghal vat a, "a tir ațang khan, thil awm ang thei zawng zawng chu min hrilh la ka tih kha, hengte hi min hrilh ni la chuan tun ai hian hma kan sâwn tawh ang mawle" a ti leh hluk a, ka va inthiamlo teh kher ve.





"U Sai, ka ti tak tak a pawimawh loh ka ring alawm, " ka ti sap a, a thaw chhuak hawk a. "Ok. Tun ațang chuan i thil hriat emaw hmuh hrim hrim pawh min hrilh vek tawh ang che, zawn a harsa lo deuh tawh bawk anga beidawn hnuah pawh beiseina min la siamsak tal alawm" a ti leh sup a.





"Anih engtin nge hma i lak zel ang? " ka ti leh a, a thil rawn ken chu a bih zeuh a "ka hrelo le, ka țhianpa nen chu Bâr-ah chuan kan va kal phawt anga, chuan engkim chu a hriat uar uar tawh mai ang. Rilru hahdam deuh khan lo awm rawh" a tih chuan ka bu nghat a.





Hna ala ngah thu a sawi avang chuan min thlah lo turin ka ti a, Taxi pawh ka la mai ang, anih loh pawn ke pawn ka haw thei tho a, ala hma tho bawk nen.





Ke chuan ka kal chhat chhat a, ka nu kha a nulat lai khan alo khawlo viau em ni ang, nge ni a, amah kha a sual ve hrim hrim zawk niang le tih te chu ka ngaihtuah vel neuh neuh a.





Ka sir mai a motor horn ri tuarh ah chuan ka phu zawka tunge nih en tum chuan ka hawiphei a, glass in down ruala ka mi hmuh avang chuan ka ner nghal nak a, hepa bawk chuh!.





"Lo chuang rawh" a rawn ti a, ka va han chuang awm lo.





"A ngai lo mai, ka lawm e" ka ti sap a.





"Tihtur a nei ve lo amaw ni le" zâwi thei ang ber chuan ka ti leh.





"Tihtur chu ka nei ve tho ania, phun phun lo khan lo chuang mai rawh" a rawn ti leh a. Tunah khan engtin nge ka thusawi alo hriat hmana ka sawi zawi viau amaw ka tia.





"Ka chuang dawn lo" ka ti leh, mipui veivak an tam ve em avangin duh ang pawn ka țawng țha ngam lo.





"Takzet hian! Taxi-a awm ka ring lo tlat" min tihchhan zet chuan a rawn ti leh a. Va han chimawm ber tak.





"Tunge, Taxi-a awm em ti reng reng a? Tuman an ti lo, ka hnena hun khawhral lo hian i tihtur chu ti mai rawh" ka ti fak a, a nui suk mai. "Ka tihtur chu ka ti mek alawm, nangmah hruai tur che in ka lo kal a" min rawn melh deuh hâ pah a.





"Ka driver pawh ini lo" ka ti leh hmak.





"Ni lo, mahse zanin chuan ka ni dawn alawm" a ti leh mai, min chhang let ve char char thei nia mawle.





"I chuan duh loh chuan keiman mi hmuh lai ngei hian ka pawm lut che anga, sawi loh tur tur an sawi leh mai ang, chu chu i duh ka ring chiah lova" tih pahin kawngkhar chu a rawn ti ri khep.





Ka thin hi a phu rang leh dawt dawt tawh lutuk ringawt. Kawngkhar chu a rawn hawng a. Hepa hian a ti duh leh tak tak dawn, chutiang a nih phei chuan ka zak dawn lutuk ringawt. Ka duh reng reng lo, ka chuang lo ang ka ti tak nâ in ka chuan ngei a ngai dawn a nih hi. Lo be chhunzawm lo ila, lo kal daih ila țha tur ania mawle.





A ke in kawngpui a rawn rap ka hmu chiah chu "hey! Tawp rawh. Ka lo chuang dawn, kha bak kha chuan i ke khan kawngpui kha dâi tawh suh se" ka ti chhuak nghal vak a, ka au rin vang nge ka sira kal te chu an rawn hawi
deuh țhup.





A rawn rah leh dawn rual chuan "Ramhlun, rap suh ka tih kha, ka lo chuang dawn" ka ti leh vak a, pawm luh nih ai chuan ka chuang mai ang. Rang lutukin Car chu ka kal hual a "che tawh hlek suh" ka ti leh hlak bawk.





Kawngkhar chu ka hawng a, ka lut nghal vat a, ka lut chu a lamah min pawt hnai nghala, ka chalah chuan a fâwp leh vang vang ringawt a, ka lo dawh mawl leh tawp ringawt.





"Ve ringawt a che" ka ti a, nui suk in. "Naupang fel" a ti sup a, ka melh rum ngang mai. Naupang ka ni tawh hauh lo.





Ka in a hriat tho avangin tukverh lam chu ka hawisan a, tun ni reilote chhung khan ka nunah thil tamtak a thleng hman a, Kima nena buaina te, a u nena inzawmna maksak tak te, leh thil dang dang te.





Mihring hian kan hma hun thil lo thleng tur hi kan hre lawk lo chiang hle a, enge kan hma hunah kan tawn dawn pawh a hriat loh, chuvang chuan tun hun kan hman mek hi i hlut thiam ang u.





Ka lo muthlu leh pek tawh nge ni, ka harh chuan thli in min rawn chhem nghal seng seng a, ka sir ka en chuan alo awm miah lo, ani hian khawiah nge min hruaia, min hruai bo te hi ani lo maw.





Ka țhutna lampang kawngkhar ka hawng tur chu ka au chhuak nghek a, hnai sêt sâwtah min lo en anih chu! Ka va han phu nasa chiang tak! "Oh! Ilo harh hman ani maw, pawm chhuah che ka lo tum a" a ti a, a hmui chu a ti sawi zeuh bawk.





"Kalsawn rawh, ka chhuk dawn" ka ti nghal vat a, kiai sukin a awm hrang ve mai bawk a, ka thin phut ran leh hman tawh zia kha. Khatia ka ti vat lo anih chuan eng emaw kha a thleng leh amaw kha ania nga.





Pawn ka chhuah chuan ka hawikual nghal deuh hrak hrak a. In ding pakhat chiah a awm anih chu! Hei hi kan veng ani lo hrim hrim. Hepa hian khawnge min hruai leh tak?. Ka hmaa ding chu "Aizawl khawchhungah kan la awm em? " tiin ka au vak a. Kan awmna hmun hi Aizawl pawn a ang lutuk ringawt.





Nui chhuak hawkin "Aizawl kan pelh hman i ring reng reng amaw ni le?" a ti hluk a, "khawnge min hruai a, hei hi ka in pawh ani lo" ka ti leh vak bawk.





"Aw... I in chu ani lo ngei mai. Mahse hna thawh tur ka la nei a, inthlak hmasak phawt ka mamawh a, chu mi zawhah chuan ka thlah ang che" a ti a, in lian zet lam pan chuan a kal nghal daih bawk.





"Hey! Ka duh reng reng lo inah min hruai haw nghal rawh" ti vak chungin ka ûm phei a, a kal chak hman zia hi.





"Min lo zui mai rawh, anih loh chuan helai velah hian motor i hmu tlem viau ang, an kal ngai zen zen lo ania" a ti leh mai lehnghal a, gate chu hawng in a chhungah chuan min luhsan daih bawk.





Motor an kal ngai zen zen lo a ti bawk si. Engtin nge ka tih ang. Engvangin nge ka lo zui ve ngawt le. Engpawh chu nise ka haw leh duh anih chuan ka zui leh phawt a ngai.





Gate ka luh chuan ka âng nghal phâm a, zan mah nise a nalh takzet. In kawt a phûl awm chu a hring nghulh a, a bul velah chuan pangpar a awm teuh bawk a, pangpar huan ang mai ani ringawt. A nalh takzet ani.





A kalna lamah chuan ka zui phei ve zela, in te reuh tê hi alo awm tel bawk a, a chhunga awm saw ka hre chak tak zet ani. Zawt ngam ila chu ka zawt tawh ang mawle.





Inchhung kan luh chuan ka hawikual lehnghal ruai a, a nalh a, a changkang tih bak sawi tur ka hrelo, ram dang mi hausa tak tak te in nen a danglam chuang miah lo.





"Lo awm la, ka han inthlak lawk ang e, i duh leh ilo en kual dawn nia" a ti a, kailawn nalh zeta a chho chu ka en reng a, a pian nalh tak te leh a sa țha nelh nawlh tak leh a kamis hak navy blue khi a inhmeh bik ngawih ngawih bawk.





A enkual theih kha a tiin ka hria.





Nui sak in ka bag chu kawngka bulah ka dah a, inchhung ah chuan ka pên lut a, bangah chuan thlalak nalh leh ropui tak tak a intar a, chung ho chu ka enkual nghal dan dan a.





Pangpar te chu ka khawih leh zeuh țhin a, lemziak pakhat chuan ka mit ala nghal zar mai. Nu hmelțha tak a ni tih a ziah dan ațang pawh hian a hriat theih. Ramhluna nen pawh an inang takzet. Anu a ni ngei ang.





Taksa lum tak ka feel rual chuan ka dulah kut a innghat chhunzawm zata, ka dar ah khabe a in nghat nghal bawk a, ka tal deuh laih a. "Enge min kuah ve ngawt a, ve ringawt a che" tih pah chuan ka tal leh deuh laih laih a.





"Che tawh suh, ti hian reilotê awm lawk ang, ka chau ania" a ti sup a, ka nghawngah chuan a rawn fawp zeuh a, ka tal lai pawh ka chawl nghal dat a, ka mur chuai thei. Tinge hepa lakah hian maian ni sa in a ên vuai a, a zawi vek țhin ang hian ka zawi bik le.





Ka tal tawh lo tih chu a hriat rualin nghet lutukin min kuah a, a lamah chuan min hnûkhnai nghal bawk.


\°•°/

[Ngaia]

2'3' #EP-11

By : Msi_Miluhlulnui
(Hmeichhe_Naupang_Tereuhtê)



★ The only moment you should ever look back is to see how far you've come. ★





"Khi khi i nu a ni em? " tih pahin thlalak lam chu ka melh zeuh a, a hmelțha lutuk ringawt. "Ni e, a hmeltha tiraw? " a rawn ti let ve sup a, ka lo bu nghat bawk. Mizo nu ka hmuh tawh ah chuan ala hmelțha berin ka ring.





"I ril a țam em?" A rawn ti a, ka lu ka lo thing nghat a, a taksa ka deh chiah hian ka hahdam a, ka natna te kha min chhâwk ni maiin ka hria, hetiang em em a hahdam hian ka la awm ngai lo.





Kima nen kha chuan taksa indek in inhnaih ve țhin mah ila, hetiang thlamuanna hi ka hmu ngai lo, a taksa lian zeta min kuahna hian ka thla a ti muang bawk. Ka hrethiamlo hepa hi hnaih tur ka ni lo tih ka hre reng a. Mahse ka duh reng vang ni bik hauh lovin ka hnaih a, buaina tam zawk ka thlen leh ka hlau takzet ani.





Min kuah reng chung chuan lemziak en tur chuan min kalpui zela, min tih ang ang chuan ka lo awm ve tawp ringawt. Lemziak pakhat hmaah chuan kan ding a chu lemziak chu ka en vang vang a, a kual nasa lutuka, engmah ka hrethiam hauh lo.





"Hei hi, ka pu in a dam laia a ziah ania, a hlut viau a chu mahse tar chhuah ka duh tlata, ka pu in ka tana a ziah a ni a, Kima tan erawh chuan a ziah ve hman ta lo a ni" a rawn ti a, Kima hming a rawn sawi avang chuan ka ngaihtuahna chu an rawn vir lêt nawk thei.





Tal chhuah tum chuan ka che deuh nghal aih aih a mahse a aia nghet chuan min kuah bet a "che tawh suh, hahdam ka mamawh ania" chauh hmel zet hian a rawn ti zâwi sup a, ka chhipah chuan a fawp zeuh bawk. Engvanga hetianga awm hi nge maw anih le, a hahdam duh chuan khumah te awm hahdam mai sela. Kei min deh avang hian a hahna a dam dawn der si lo.





Ka chêt reng avang chuan ka rilru hria ni âwm takin "hlauthawng suh, tumah an lo kal lovang, ka phalna lo chuan gate-ah sawn a luh theih lo" a rawn ti a, ka che lai ka tâwp chut a. Mahse awm mai mai erawh ka tum tawh lo.





"Mahse, chu pawh chu nise tiang hian kan awm theilo, ih, kan theilo ani tawp mai. Nangnen hian inzawmna nei thei kan ni lo" ka ti deuh nawk a, ri meuhin a rawn thaw chhuak a.





"I ngaihtuahna kha dah kawi nghal zel suh ka tih che kha. Tun hun chiah hi ngaihtuah rawh, eng dang mah ngaihtuah tawh suh" a rawn ti hluk a, ka lu zawna a țawng vang nge. Keimah hi ka ni nghulh thei nia.





"Mahse... " ka ti dek dek a, "ka hria, i ngaihtuahna pawh ka hria. Mahse eng pawi mah a thleng chuang lo a ni lawm ni? " tiin ka kut chu a rawn hûm nghal chat a. A sawi dik bawk si avang a bu ta nghat ringawt a, ka kut chu hûm nghet in thlalak lam chu a en lehnghal daih bawk.





A hnena sawi tur ka baihvai theih em em chhan hi ka hre châk takzet ani.. Midang bula ka țawng theih tehlul nen, hepa bulah erawh chuan sawi vak tur ka hre tawh ngai lo reng reng. Chu vang chiah chu aniang ka rilru hahna te a bo țhin a, ka thinrimna te pawh ka hriat tawh ngai loh ni.





"I ril a țam em?" A rawn ti nawn leh a, "vawihnih min zawt tawh" ka lo ti hmanhmawh a, a nui chhuak hawk a. "Ilo chhiar thlap thlap ani maw?" a ti nghal hluk bawk.





"Chhiar pawh ani lo, ka ril a țam lo tih i hriat tawh reng te chuan min zawh tawh lo mai tur che alawm, a sawi tur hriat loh thlak lutuk" ka ti hlak a, nui nghawr datin ka bek ah chuan a rawn fâwp zeuh a, a nuih nghawr khan ka taksa zawng zawng a ti che ve vek thei.





"Ka haw duh tawh" ka ti sap a, a rum nghut a "engvangin maw? " a rawn ti hluk a, a âw ah chuan eng emaw a lang tel ve in ka hria. "Chawlh hahdam te ka duh ve alawm, nang ang lo takin nilengin ka tei kual țhin" ka ti a, a nui ri suk.





"Anih chuan tei kual ve turin min duh tihna em ni? " nui deuh reuh chung chuan a rawn ti a, ka nghawk nghal sawk a. Nâ ti âwm ang pawn a awm lo "Chutiang lam ka sawi hauh lo, min thlah tawh rawh ka haw duh tawh. Ka sawi tawh kha hetiang a awm tur hi kan ni lo" ka ti leh.





"A țan leh dawn e, engvangin nge tiang hian kan awm theih lo bik nachhan, Kima u ka nih vangin maw, nge ni a kei hi engah mah min ngai lo zawk?" a aw ah chuan natna ni âwm tak hi a ri tel ve a, uluk taka ngaithla tan lo chuan a hriat theih chuang loh.





"Chutiang lam ani lo, kan theilo alawm, a chhan a awm lo" ka ti hlak a. Ngeiawm zeta nui ri suk in min thlah a "chhan a awm si loh chuan, engvangin nge kan theih loh, inngaihzawnna kawngah chuan thil reng reng chuan chhan a nei vek ani lawm ni?" ngeiawm zet chuan a ti chhuak leh.





A lam chu ka hawi a "a nei lo aniang chu ka sawi loh, min thlah tawh rawh. Nangnena inbiak reng hian hlawkna a thlen lo. Ka haw duh tawh" tiin ka kut ka in kuangkuah at a. Ka bân bul ve ve ah chuan rawn man in a hmer chawt a. Nâ ka ti chu ka lo ang deuh hliai bawk.





"Ka zawhna che chhang rawh! Engvangin nge kan awm theih ve loh? Harsatna i nei em ni? Nge ka nau nen in inkar ala tawp fel lo zawk? Nge ni a, in inkar chu tawp lovin a kal tluang chhunzawm zel zawk? " a ti chhuak deuh hrâwih a, ka bân a hmerna chu ana tawh lutuk takzet.





"Min tina ania" ka ti sap a, a lian si, min hmer thêp vek a tum amaw ni le.





"Ka zawhna che chu chhang rawh!" Tiin ka hmai bulah chuan a rawn awm hnai a, ka mit ka chhing nghal tawp bawk. Engvanga thinrim viau nge maw anih hrep le. "Min tina ania min thlah rawh" a zawhna chhang lo chuan ka la ti fan a, a chhan pawh a zawhna chhan dan tur hi ka hriat loh vang chauh ani.





Tlemin min hmerna chu a ti dul deuh hlek a, mahse ka hmai bulah chuan thinrim hmel ve hian a thaw ri hrâwih hrâwih a. "Ka zawhna che chu chhang rawh, engvang nge, engvang nge hetiang hian kan awm ve theih loh?" a rawn ti zâwi sup a, ka châlah chuan a chal chu a rawn nghat a.





A chêt dan teh thut avang chuan ka meng chhuak a, ka hmai bulah chuan maimichhingin a lo thaw chhuak hawk a, "Ramhlun" ka ti sep, muangchangin a rawn meng a, kan mit leh mitah chuan kan in en nghal bawk.





"Ih... " ka ti leh sep a, ka ngawi leh vang vang a "sawi rawh" a rawn ti nghut.





"Nangnen hian kan inhriatna pawh ala rei lova, nimin piah ang vel chauh ala ni... " ka sawi zawh hma hma chuan "chu chu maw a chhan ni a" ti hlukin ka chalah chuan a rawn tauh nghal dat a. Ka ner khum nâwng a. Nichina a thinrim te kha a reh vek tawh ani ngei ang.





"Lo ngawi la, ka sawi zo phawt dawn alawm" ka tih chuan dawhtheihna tlakchham hmel fê hian a thaw chhuak hawk a. "Nangnen hian kan inhriatna pawh ala rei lo ka tih tawh kha" ka sawi zo leh chiah a. "Ka hriatna a rei tawh lutuk che, nangmah zawk khan min hrelo anih kha" a rawn ti leh hluk a. Ka chet nghal hlak.





"Amak e...., ka sawi zo phawt ang ka tih kha, i nghak thei dawn lo anih chuan ngaithla lo mai rawh" ka ti hlak a, a hmui chu a ti sawi zeuh a, hmui phun hian. "Sawi rawh" a rawn ti leh a, a chêtdan avang chuan ka nui ringawt bawk.





"Kan Inhriatna ala rei lova, inzawmna siam tur phei chuan kan la in hrechiang tawk lo bawk. Kima u inih chu a chhan leh vang pakhat chu ania, mahse chu aia pawimawh chu a awm tlat, kawplai nei inih mai bakah. Thil dang ala awm in a rinawm bawk. Chuan a dang pawh ala awm țeuh " ka ti chhuak hap a.





"Inzawmna siam turin in hriatchian kher a ngai em ni? " a zawhna avang chuan ner nângin ka melh chho a, Khang ka sawi zawng zawng zingah khan he mi thu chiah hi ami alo hriat a.





"Anih chuan kan in hrechiang hmasa phawt tur ani i tihna ah ka ngai ang, chu thil chu naktuk ațangin țan ani bawk ang. Zanin erawh chuan ka thlah haw phawt ang che" a ti a, a țawng dan ah chuan a thinrim tawh lo tih ka chiang viau a, ka hahdam huai thei.





Ka chalah chuan a rawn fâwp vang vang a, amah la hrechiang lo mah ila hetia a tih hian nuam ka ti a, ka hlim veng veng zel mai. A ni erawh chuan min hriatchian thu a sawi si a, ka țhiante tih loh chu Kima chiah hi mipa ah inzawmna ka siampui an la awm bawk.





Ka kutah chuan a rawn vuan a, "kal ila" a ti sup a, "khawiah maw? " ka lo ti â hû ringawt.





A nui mawi ka tih ang khan a nui zui nghal suk a, "I haw duh ani lawm ni? " tih pahin a nui ri deuh ti tih a, a van țha chiang tak.





"Duh a, mahse i khalh ah ka chuang duh tawh teuh lo" ka ti nghek a, a nui chhuak hawk. "Nangmah hi car khalh thiam lo min ti hmasa ber tu ini a, a hnuhnung ber pawh ni turin ka duh ang che" a ti a, min kai chungin kawngka lam chu min pan pui nghal bawk.





A chêtdan ang ang leh min tih ang ang in ka awm ve tawp. Lo dan dan pawh ka hre chuang lo.





Car kawngkhar min hawnsak hnu chuan Car chu kal hualin a rawn țhu lut ve nghala, ka kut a rawn hûm nghal ringawt anih chu! Rang lutukin ka la chhuak leh a, ka hnungah chuan ka zep nghala, a nui kiai nghal suk bawk.





Kan tlân chhung chuan kan țawng lo ve ve a, kan ngaihtuahna kan kâwm mawlh mawlh ni maiin ka hria. Ka ngaihtuahna pawn a vâk thui hman takzet. Thil tam tak ka ngaihtuah a tuna ka awmdan hi hmeichhe tenawm tak awm țhin dan a ni.





Mahse ka nundan tura khuanu ruat a nih chuan dan dân tur ka hriat loh ang bawkin dan theih a ni lo bawk.





Ka inkawtah chuan kan ding vâng tawh a, seat belt hren chu ka phelh mawlh mawlh a "ka lawm lutuk aw" tih pah chuan chhuah nghal mai ka tum a, mahse ka bânah chuan vuanin min pawt let leh a.





"Lawmthu sawina ka dawng ho mah mah in ka hria. Goodnight kiss tal ka hlawh phâkin i hre ve lo maw?" Tiin mitmeng chimawm zet chuan min rawn melh a, a hmel lah chu a thu tak ru phian lehnghal.





"A teuh lo lutuk ringawt!. I sawi ngam zawk e a" ka ti hlak a, a nui a.





"Ngaihtuah la, ka thlah che a, chuvang chuan ka hlawh tur niin ka hria" a ti leh a, "min thlah rawh ka ti che mi? I duh vangin alawm min thlah, a man te lah chu ila khawn ang deuh deuh lehnghala" ka ti leh a. Min ti khawtlai leh vek tawh.





"Thlah lo ta che ila tunah pawh hian in ila thleng hauh lovang" a rawn ti leh kher, ka nui chhuak hak. "Nangmah zawkin min hruai hrang lo ni la chu ka thleng daih tawh zawk ang, i thiamloh zawk anih kha" ka ti ve leh a.





"A nih chuan min pe dawn lo maw? " a tih chuan ka bu nghat a. "Keiman ka ti thei tho in ka hria" tih pahin a kut chu a rawn lek chhuak a, ka tukhumah vuanin min kuai kûn a, a hmui chuan ka hmui a rawn si zawm zata. A ngai ang chiah khan ka dawh mawl leh tawp tawh.





Muangchangin a thlah riai riai a, "heihi, i ngaihtuah chhunzawm ngei ang, ka duh lo pawh ti la, i ngaihtuah chhunzawm dawn tho" tih pahin ka hmui hnuailam chu a rawn pet zui nghal bawk.





Pangngai zeta min fawp leh zeuhin a in la hrang a. "Kha kha ani mai lawm, kal tawh rawh, anih loh chuan zankhua in Car-ah hian ka awmpui reng mai ang che" a ti hluk a, ka châlah chuan a fâwp zeuh a. Ka ngaihtuahna rawn fîm tial tial ah chuan rang lutukin motor kawngkhar chu ka hawng a. Ka chhuak a. In lam pan chuan ka tlân nghal nal nal bawk.





Tuna a thil tih zawh chiah avang khan ka awmdan ala panngai hleithei lo, khatiang khan ka la awm ngai lo hrim hrim, Kima nen chuan inkiss ve tawh mah ila, khatiang ang em em kha chuan ka la awm ngai hauh lo.





Inchhungah chuan ka lut a, ka bag vel chu dah fel in khumah ka mu nghala puan chuan ka in lu khuh nghal bawk. Ngaihtuah zui tum lo teh mah ila, i ngaihtuah zui dawn a tih kha a thleng dik a ni ngei anih hi. Hei tunah pawh ka ngaihtuah nghal ringawt hi. Mai mai chuan a.




★
"Fel, vawiin chu hna ka lo kal hman lo aw, madam bulah khan lo sawi mai rawh, ka nu thihcham a ni sia, thlân lam te ka va tihfai ve loh chuan" insiam mawlh mawlh pah chuan ka țawng lûng lûng a. Thawh ka hai bawk nen, ka tlai ta sa sa a, ka nu thihcham hman tum lo viau mah ila, hna kal tur chuan ka tlai tawh ang reng bawk si a, tihtur thlak a ngaih leh phah.





"A nih chuan, i nu kha min lo biak ve rawh aw. Keipawh hna bânah ka lo kal dawn nia" a tih chuan aw le tiin ka chhang mai a. "E, chuan taka, zanin kha i hman ve dawn ta em? " a rawn tih chuan phone chu ka beng bulah ka dah a.





"Ka hrelo, hman awm tak ania, ka lo tum ang, ka kal dawn ka tlai tawh lutuk. Ka lo bia ang che" tih zung zung pah chuan phone chu ka off-a, iptêah thun in, darthlalang ah chuan ka in en leh zeuh a, ka chhuak nghal bawk.





Pawn ka chhuah chiah chuan Remruata chuan min rawn call ve chiah a "khawnge I awm? " a rawn ti zui nghala. " I hmelchhe tho lawm" ka ti ve leh a. tunlai chu hetiang hi ka uar thar riau a, ka țhianten min ngei thei ngang mai.





"Nang i hmelțha alawm, lo kal vat rawh, kawtah ka awm reng tawh ania" a rawn ti zui lehnghala. Ka thlen vat tur thu hrilhin phone chu ka off a kawngkâ chu ka kalh nghal a.





Car lo dinna lam chu ka pan phei nghala. Motor ațang chuan alo dâk chhuak a "a hnungah lut nghal mai rawh" ka thlen hma hma chuan alo ti nghala. "I hmelchhe tho lawm" ka ti leh a, min chhiat khum vak bawk.





Car chhungah chuan ka lut a, a khalhtu erawh amah a ni hlek lo. "Remruat, tunge hepa hi? " ka ti a.





"Aw.... ka thianpa Cv-a anih hi, Ramhluna nen sumdawnna lampang kan en ho dawna, kan thlah hnuah che kan kal dawn" a tih chuan ka bu nghat a.





"Kal vat rawh u, in hmanhmawh chuan" ka ti sap a, ka phone chu hmet êngin call ka hmang zui zat a. U Sai'n eng thil thar mah hriat ala nei lova mahse hma a sâwn thu min hrilh a. Ka rilru hahna țhenkhat pawh a ti reh hawk mai.





Pangpar zawrhna hmuna min thlah hnu chuan an hmanhmawh em avangin an let lehnghala. Khapa min melh dan kha ka duh țhai lo. Ka ten zawng tak a ni khatiang kha.





Pangpar dawr chhungah chuan ka lut a, pangpar eng emaw ka lei a, chuan a thlan cheina tur nen lam. Chung ho zawng zawng nen chuan taxi in thlanmual lam ka pan lehnghala.





Ka thlen chuan tu vak mah an awm lova ka nu thlan chu ti faiin tlema zawng chu ka chei bawk a. A khât tawkin a thlânlung chu en in ka phun leh sâp țhin bawk. A chang leh mahni chuan ka tawng mial mial țhina, lehlamah chuan a nuam ve viau bawk.





Ka nu thlânlung en a ka țawng mawlh mawlh lai chuan hnah ro rah rîk rak rak thawm chuan hlauhna min siam a, rang lutukin ka lehhhawi a, mahse ka mi hmuh avang chuan ka meng phâwk hra a.


Ramhluna bawk chu! Enge alo tih leh dawn a?


\°•°/

[Ngaia]

2'3' #EP-12

By : Msi_Miluhlulnui
(Hmeichhe Naupang Tereuhtê)





"Enge ilo tih dawn a?" din pah chuan ka ti nghal vat a, a hmui chu a ti sawi zeuh ringawt a, "I hmuh ang hian ka lo kal" a ti mai a, chawp leh chilhin ka bul chu a rawn thleng chhunzawm nghal zat a.





Ka nu thlanlung chu a en a "chibai le" a ti sup a, a awmdan chu ka lo en reng ringawt. "Hetah hian tihtur i nei ve lo, haw nghal rawh" ka ti hlak a, ka thusawi chu a hrelo nge maw ni, ka țhutna bulah chuan țhut hmun a rem sauh sauh a.





"Kal rawh ka tih chu.. " ka ti leh vak a "i bengchheng peih mang e" a ti hluk duh chauh, amah chu ka en rum vak a. "Bengchheng reng ang chu mawle, hetah hian tihtur nei ve hek lo che, haw tawh rawh" ka ti leh. Nin hmel zet hian a thaw chhuak hawk a.





"Lo țhu phawt la" tih pah chuan ka ban rêkah a rawn vuan a, ka lo țang ve nghal țung a. Mahse a thâ chu hneh lo tak ka ni. Awlsam zet hian a bulah chuan min pawt țhu a, ka puan phah te hi a țhut khat vekin ka hria.





"Ngawi rengin awm la ka la hrilh ang che" a tih chuan ka tum loh lutukin ka kut ka lo chêt a, mahse remchangah la in a nâkah chuan ka nghawk sak pawp. A ner ve suk mai. "Inhmuh loh chhungin ilo țhang ani maw, I chak belh tlat" a ti anih chu!.





"I va han zak theilo tak, khaw maw min thlah nghal rawh, I mâwl ami? " ka ti nghek a, a ni erawh chu nuih pah in ka kâwngah chuan a kut a rawn rawlh lut a, a lamah chuan min pawt phei zui lehnghal bawk.





"Min thlah rawh, mi an lo kal ang. Bakah ka sawi tawh kha, hetiang hian awm ziah suh" ka ti a.





"Tumah an lo kal dawn loh ang bawkin ka thlah dawn bawk lo che a, chuan hetianga ka awm theih loh chhan hi a awm lo bawk" a ti khauh ta fur a, ka nâkah chuan a hmer zui deuh ti tih bawk. Ka lo âng nghal hlâwi thei.





"Min thlah teh...., Enge hetah i rawn tih ve reng reng a? I rawn kalna tur pawh ani lo" ka ti leh a. Ka bek ah chuan a rawn fâwp zeuh a. Hetia a tih apiang hian ka thin lah hi a phu rang chiam zel lehnghal.





"Ka bialnu la ni mai tur hun hmanpui turin ka rawn kal" a tih chuan "engmaw I sawi? " ka ti chhuak nghek a, tunah khan bialnu tih a sawi lang chiang alawm.





"Ka bialnu ni mai tur hun hmanpui turin ka lo kal mawle" a ti nawn leh a, a sawi zawh rual deuh thaw chuan a nui zui suk bawk.





"I va han zak theilo tak, i bialnu pawh ka ni lova, la ni tur i tih pawh kha ka ni dawn lo bawk. Nang hi ka duh teuh lo che" ka ti vak a. Ka kâwngah a kut a nghat bawk si, duh ang pawn ka che ngam lo. Ka che a nih vaih chuan a zat avangin ka au chhuak vak ngeiin ka ring.





"Chiah! Kei hi min duh lo a maw...? " tih pah chuan ka nâk chu tlem in a rawn hmer deuh a, ka îp châwih.





"Min chhang la, Duati, kei hi min duh lo maw? " a ti leh hluk a, a aw rik chhuah dan lah chu a sexy ru phian lehnghal.





"Duati" ti leh sup in ka nâkah chuan a rawn hmer na deuh hlek a, a za lutuk chu tal vakin a kut chu ka vuan chawt a. Tinge maw dêk ka hua tih hi alo hriat kher kher ni. Duh ang pawn ka che ve ngam tawh hleinem.





Ka talna avang chuan ka awmdan a inthlak veka, saisir zawnga țhu in amah nen chuan kan inmelh ta siah mai. Min khap fak fak chungin amah chu ka melh let ve rân a.





"Min duh loh thu kha han sawi leh teh Duati" a phun sup tak tak, keimah chiahin a țawng kha ka hre thei ang tih vel a ni. Min han koh dan lah chuh! Hepa mai mai hi engvanga che romantic viau thin nge maw a nih le.





"Nang hi ka duh lo che ka duh ngai lovang che" ka sawi zo chu a aia ngheta min vuan chungin a lam hnaih zetah chuan min hnûk phei a. A hnar leh ka hnar chu a insi ta chat.





"Min thlah teh, hetiang hian kan awm theilo ka tih tawh kha" ti zâwi sep. Ka hrâwk hi a inhnawh vekin ka hria. Kan in awm hnaih lutuk vang nge maw ni, ka awmdan hi a pangngai miah lo.





"Kha thu kha sawi teivet suh!" ti hluk in ka hmuiah chuan a rawn fâwp zeuh a, "kha thu kha i sawi leh a nih chuan hetiang aia thui hi ka kalpui ang che" a ti zui leh nghut bawk.





"Hman zana i chhuanlam ang mai mai kha ka pawm ring hauh suh. Mipa leh hmeichhia kan ni, hetiang thil hi chu a thleng ve thei. Kima u ka ni emaw ni lo emaw tuna thil thleng zawng zawng hi chu a thleng thei vek" a ti nghet churh a. A mitah chuan chiang fek fawkin ka en a.
A in rin tawk hmel ngawih ngawih bawk.





"Hman zan khan hetianga awm tur chuan inhriatchian a ngai iti tiraw? Kei chuan ka hrechiang tawh che. Ka hmuhna che a rei tawh a. Mahse ka pan thei lo che. Tunah chance ka hmu ve chauh a, chu thil chu ka liamtir mai mai ring hauh suh" a ti leh.





Amah ka hre ngai lova mahse a ni erawh chuan min hre em em thung si. Ka hriat lohin tumah inzawmna ka insiam pui âwm tawp si lova. Mahse tinge mi ka hriat loh deuh deuh ho hian min hriat theih em em le. Ka tan a nuam lo zawk.





"Awmsawn tawh la" ka ti sep, dik tak chuan sawi tur ka hre thlâwt lo a ni ber. Enge ka sawi leh chuan ang, thu ngai bawk kan khel leh chuan chhanna ngai bawk ka dawng leh anga. A țhen ah chuan a sawi te kha dik tam tak a awm ve tho bawk.





"Ka awmsawn hma erawh chuan tihtur ka nei tlat. Ka zin ka lo haw chauh a. Mahse nang erawh chuan min lo ngaihven ve ngai hauh si lo a. Ngaihdam dil nan eng emaw chu min tihsak ngei a ngai ang" tiin a nui deuh suk a, ka hnarah chuan a rawn fâwp zeuh.





"Ngaihdam dil tur che in tihsual ka neih ka hre lo, bakah ni khat leh a chanve a ni lawm ni i zin? Khatiang zin pawh a ni lo" ka ti hlak.




"Khatih hun chhung zawnga min ngaih loh avang khan " a thusawi lem lutuk avang chuan ka nui chhuak hak hak a. Ka chal ah chuan a rawn tauh dat a. "I va rapthlak ve a, nang hi ka ngai ang che maw? Ngaih nachhan tur che ka nei hauh lo" ka ti a, a nui zui leh hawk..





A kut a rawn siam rem chuan ka țang nghal țûng mai. "Min ngaih nachhan tur chu eng emaw i nei ngei ang, ngaihtuah chhunzawm tura ka tih che kha i ngaihtuah chhunzawm ngei bawk ang a.. " a sawi zawh hma hma chuan "a teuh lo!" ka lo ti nghal nghek.





A rawn nui chhuak hawk a. "Takzet" a rawn ti sup, rang lutukin ka lu ka lo bu nghala. Kha zana thil thleng kha ka mithlaah an lo lang nghal zut zut mai. Ka zak lutuk hi ka sa pup pup thei.





"A nih chuan a aia ngaihtuahna ti thui tur ka siamsak ngei che chu a ngai dawn ava nih hmel ve, min ngaih loh man ah" a ti thâwp sup a. Ka hmui bul chêtah chuan a hmui chu a râwn dah a, ka chil ka lem ri khalh.





"I remtih chuan" ka hmui chu a si deuh thaw tawh, a rawn țawng chhunzawm zat avang chuan ka mur nghal chuai chuai mai.





Engmah ngaihtuah theih tawh hek lo le. Ka lu chu ka bu ve ta nghat a. Nui zui suk in a hmui chuan ka hmui chu a rawn khar chilh nghal hmiah bawk. A hma ang em em kha chuan ka awm tawh lova. Ka lo dawh mâwl tawp tawh lo bawk.





Tun hun chiah hi ngaihtuah ila, thil dang chu dah țha rih ang. Lo thleng tur chu alo thleng vek tawh, nun zalen tak ka hman phah ve mai thei asin.





Chuan, ka thiam ang tawk chuan ka chhang let ve ta a.





Hah vang ni miah lovin kan thâwk a rang dun em em a, hreawm tak a ni ringawt. Ka thin pawh a phu nasa dup dup lutuk a amah hian a hria ang tih ka hlau takzet.





"Ti khan inhriatchian chu kan la mamawh tho dawn em?" min râwn deuh ti tiha a rawn tih rual chuan a nui deuh nghal sak ringawt a, ka hmui hnuai chu a rawn tuai zeuh a, ka sa pap pap mai le.





"Sual thiam suh" tih pah chuan a dar ah chuan ka lu ka va nghat a. Nui chhuak hawkin min rawn kuah nghal vat a.





Thlanmual kan chhuahsan dawn chuan ka nu thlan vela hnim chu min tihfai sak a, chuan keiin pangpar vel chu ka lo dah kual bawk a. Kum dangah hetiang hian ka ti ngai lo. Mahse tun kum erawh kum țha ani ngei ang. Keimahah awm thar a awm tlat.





"I nu chanchin hi min hrilh duh i nei em? Emaw in bun ruah i duh chuan.... " a rawn ti a, khawchhung lam panin a Car-ah chuangin kan tlân mek bawk, ka nu chanchin maw!? U Saia bulah tih loh chuan ka la sawi chhuak lo a. Ka zahpui lam ni lovin a chanchin sawi tur hriat a lêm ka neih loh vang zawk a ni.





"Kan sawi lo thei zawk ang em? I duh chuan a dang min zawt thei ang" amah chu melh zeuhin ka ti sap a. A chanchin ka hriat ve chhun pawh chhuan tlak a ni lo em em a, Mahse ka nu a ni a, ka zahpui lo. Theih nise a chanchin hre tam ila. Min zawttu hnen apiangah ka hrilh châmchî țhin ang.





Amah a awm tawh loa a chanchin chauh sawi tur ka nei ve tawh chung pawn, sawi tur ka baihvai em em a, mahni nu te chanchin sawi te chu tu pawn nuam an ti vek ang a. Kei ngei pawh hian ka hriat theih chin chin chu sawi nuam ka ti ve tho bawk.





Dawra min dah lo turin ka hrilh a, a chhan lah chu min zawt hram lehnghal. Ka va han hrilh awm mai mai lo tak. Hetiang lehzel in hrilh te chu amah hi ka boss pawh a ni tawp si lo.





Inah chuan ka awm ni leng ta a, ka tihtur hre lo lutuk chuan hla ka play a, inchhung ka tifai hrep a. Kima call ka dawng chhen bawk. Ni eng emaw zah chu amah hmu lo leh a chanchin hre lovin ka awm ve tawh.





Ka rin aiin kan in țhen khan keimahah nghawng a nei lova, nghawng a neih ka lo ring viau kha ania Mahse ka thawveng zawk daihin ka hria. Tunlai thil lo thleng phut phut ta mai lehbkeimah pawh min nghawng vek tur khawpa thil lo thleng phut zel te hi a mak ka ti takzet a.





Nun thar in bul ka țan ve leh tawh dawn a nih te ka ring rum rum bawk.




★
"Zual, zanin chu ilo kal hman dawn ta em? " min rawn zawh ka ring leh sa reng bawk a. Ka lo inpeih fel at tawh.





"Ka hman tawh" ka tih chuan a rawn khêk chûl a, ka nui zui hak bawk.





"Ui, ka van lawm, ilo kal lo ang tih ka hlauh zia chu" a rawn ti a.





"Ka lo lam ang che, keipawh ka hman" tih pahin phone chu a dah nghal daih a, a duh a sawi zawh tawh hi chuan a dah nghal daih zel.





Zanin hian birthday lawmtur a awm dawna chu chu ka thawhna dawr neitu te fanu birthday a ni bawk. Hnathawk zawng zawng min sawm veka, an hausa a hnathawk zawng zawng ei leh in tur te chu an tum thei vek ang.





Feli nena kan kawr lei chu ka ha a, a dum niin ka khûp chen lek a ni bawk a Scandal ka bun tel bawk, ka sam ka kawng thleng chu ka vial kir ve chiai bawk a. Make-up hi chu a hming chauhin ka hmang ve a ni mai.





Feli a rawn thlen hnu chuan kan kal nghal vata, an in pawn ațang ringawt pawhin boruak chu a hot tawh a. Kan thawhpui te nen kan inhmuh chuan kan in chibai ang lâwp lâwp a. Mi hausa tak tak sawm an nei nual bawk.





Chung zingah chuan Remruata pawh a tel ve a, Feli bialpa thar Joseph-a leh vawiina ka hmuh Cv-a amaw ni pawh kha a tel ve bawk a. Mi hausa thil tihna ani bawk a ka tan chuan a pui lulai takzet a ni.





Mahse kei erawh chuan party hi ka ngaina ve chiam lova, ka zan hnathawhna ngaihtuah phei chuan hne tak ka ni ringawt mai ni. Zu rim ringawt pawh hian ka luak a ti chhuak hlui thei.





Ka țhiante chuan an kawppui te țheuh an dinpui a, keimah chiah ka third wheel leh tawh. "Zuali, enteh u Ramhluna saw.... " min sih deuh nawk nawk pahin Feli chuan a rawn ti deuh nawk nawk a.





A sawina lam chu ka en nghal vat bawk a. Ramhluna chu hmeichhe pakhat nen an rawn inkai lut chiah a, Denimholic dum leh jacket a rawn ha a, suit ai chuan tiang dress saw a inhmeh daih zawk a nih saw.





Mipuite mit chu amaha a fu țhap a, Phone Camera a de nghal chuai chuai bawk. A chhelo tih bakin ka sawi thiam lo. Kil khat ațangin a hmelțha zet nena a nui chu ka lo en ve reng a, a ha lang meuha a nui saw chuan tu hmeichhia pawh an luangliam in ka ring a ni.





A hnungah chuan Kima leh a bialnu in an rawn zui ve chiah bawk a an inhmeh lutuk takzet a ni. Kima erawh tlemin a biang vel a tla ve deuh dûk a, mahse chuti lutuk tih tur pawh a ni chuang lo.





"Zual, kan lam dawn asin lo kal ve la" Feli min sawmna chu sawi leh chuan ngai lovin ka lo hnial fithla nghal țhak a. A boruak pawh hne tawh mah nâk alaiin lam lehzel chu ti lo ang. Tunah te hian boruak thianghlim hîp ka mamawh takzet a ni.





"Boruak thianghlim ka lo va hîp ang kal rawh u ka rawn zawm vat ang che u" tih pah chuan ka chhuak zui nghal daih a. Pawn thli thaw chuan min ti hahdam sawng sawng thei.





Aizawl khawpui êng phe un ka en vang vang lai chuan pheikhawk in chhuat a rah rîk chu ka hria a ka lam a rawn pan tih ka hre thei. Ka lo inseh ru ve nghal țeuh ringawt. Ka hnung maia ding chu tunge anih ka hrechiang viau in ka hria.





"I nalh lutuk!" a thu rawn sawi avang chuan ka lo nui ringawt a.





"Ka lawm e, nangpawh i nalh lutuk" ka ti ve sep a, ka zâm lehnghal ti tih der tawh a nih chu. Rapthlak lutuk.





"Vawiin khan i sawi hauh lo i rawn kal ve tur thu hi" a ti thâwp sup a, ka hnungzâng chuan a âwm lum zet chu a si leh reng tawh.





"A ngai kher hleinem, a pawimawh lo lulai emai" ka ti chhuak hliai a, ka thaw chhuak zui nghal ham ham bawk.





"A pawimawh, sawi la chu ka lo lam ngei ang che" a tih chuan ka nui chhuak hak a.





"Iti lawmawm mahse, a ngai kher lo a" ka ti leh a, ka inher a, min lo din hnaih lutuk vang chuan ka tîm zui leh châwih bawk.





"Min lo hrethiam la, ka kal a ngai tawh a" nui sâng chuan ka ti chhuak a, a sira ka kaltur chu ka banah a rawn pawt a, ka dinna ngaiah chuan min dintir leh.





"Enge a? " ka ti nghal hâw bawk.





"I la kal dawn hauh lo, vawiin a ngaihtuah tura ka tih che kha ilo ngaihtuah chhunzawm em? " a thusawi avang chuan ka biang a sa leh hat hat tawh mai.





"Engvangin nge ka ngaihtuah ngawt ang, ve ringawt a" ka ti hlak a. Ka țawng te kha a bah deuh nawk in ka hria.





"A nih chuan min ngai em? " thusawi maksak loh lutuk avang chuan ka nui chhuak hak a.





"I mawl ami? " ka ti ta ringawt.





"Ka mawl lo, min ngai em tih zawhna ka zawt che" a ti sup a, Aw Lalpa! min ti â zo dawn.





"Engvangin nge ka ngaih ve rikngawt ang che, âwm ang lo lutuk" ka ti hlak a.





"Ka kal dawn khawmaw awmsawn teh" ka ti leh. Ka kal tur chu ka bânah rawn pawtin ka dinna ngaiah bawk chuan min dintir leh.





"Enge i hriat a?" Ka ti chhuak vak.





"Ka zawhna che chu chhang mai rawh, min ngai em? " a rawn ti leh nghyt, a va mak teivet tak.





"Ka sawi tawh kha, ka ngai lo che, a țha em? " ka ti leh nghek a, mahse dawt ka sawi chiang takzet. Vawiin pawn amah hlir ka ngaihtuah a nih kha, țullo pui pui ah.





"Ka ring lo, i hmelah khan a lang vek ka ngai che itih hma loh chuan i kal lovang" a tih rual chuan ka kâwngah a ban a rawn rawlh lut zui nghal chawt a.





"Min thlah rawh, ka sawi tawh kha, chutiang thil ka sawi dawn lo" ka ti leh. Mahse a lamah chuan min hnukhnai leh tho.





Kima hnenah pawh ka sawi ngam ngai lova, vawikhat mah ka la sawi chhuak lo bawk. Chuta kara hepa bula lo sawi te chu a.....teuh lo lutuk.





"I sawi hma chu i kal chuang lovang" luhlul zet hian a rawn ti ve leh, nin hmel zetin ka thaw chhuak ta vak bawk.





Ka țawng leh tur chiah chu ke pên thawm awm leh avang chuan ka tawp chiang hle. Hmeichhia a ni tih a hriat a, pheikhawk sang a bun tih a pên thawm ațang chuan a hriat bawk.





Tal chhuah tumin ka che a, mahse min kuah nghet lutuk tlat.





"Duat, duhtak, Ramhlun" chu aw ri ka hriat rual rual chuan ka meng phâwk nghal hra bawk. Ke pên thawm ațang chuan kan awmna lam a rawn pan tih ka hria.





"Duat" a rawn ti leh rual chuan. "Min thlah vat rawh" ka ti zâwi nghek!. Mahse ka thusawi chu hrelo ang hmakin a awm a nih chu! Reilotêah min rawn nang ching dawn chiang sa.





A rawn țawng leh rual chuan rang lutukin a thim lamah chuan ka kâwnga vuan chungin min kuah phei a, bânga min nawr beh chawt rual chuan eng emaw a ri deuh nghal țhawt!.





Chunu chuan "tunge? " a rawn ti nghal vat a. Tumah kan țawng lo ve ve, tunge a nih kan hrechiang dun êm alawm. "Tunge khatah khan awm ka tih chu? " a rawn tih leh rual chuan kê pên thawm a rawn hnai lehnghal zata.





Min hmu dawn ngei a nih hi! Ka chhe vek dawn. Pheikhawk ri a rawn hnaih leh rual chuan, rin lo lutuk maiin rang zet hian min rawn fâwp nghal chawt a! Thaw dep dep chungin ka ding zum ta zut ringawt.


\°•°/