2!3! BY Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 2!3! BY Msi Miluhlulnui (Completed)

Unread post by Ngaia » December 20th, 2020, 3:10 pm

2!3! #EP-25

By : Msi_Miluhlulnui 👩🏻
(Hmeichhe naupang tereuhte)




"Ka lo pui ang che" choka a ka luh rual chuan ka ti nghal thawr a, nui var var chungin nu Rini chuan min lo lawm vat a "A ngailo asin, hei ka zo țep tawh. Ramhluna khan vawk sa i ei duh loh thu a sawi a, ka lo siam a, a dang min siamtir leh a, lo țhu mai mai rawh" a ti hluai a, nu țawng duh tak ani.





Vawksa ka ei duh lo tih a hria a, keiin a ei duh loh engmah ka hre ve lo "englo, nu Rin hetah hian i thawhna a rei tawh em? " ka ti nghala. Chair chu pawt chhuakin dawhkana bahkhawr a dah chu ka lo tihfai pui nghal mawlh mawlh a.





"Rei ve tawh tho, a hma chuan in pui ah sawn Ramhluna nu a damloh hian chaw ka siamsak țhin a, chuan Ikhre tho anga a boral hnu lawk ah min ban nghal a, mahse hei hetah hian min thawhtira" a ti ta duah a.





"Anih, heng vel thawh hi a harsa iti em?" Ka ti leh, nuih pah hian ka bulah chuan a rawn țhu thla ve nghala "Harsa ti love, nuam ka tih pawl ania rawngbawl chauh ani tho a, a harsa vak lo" a ti sap.





"A sawi ang ai che chuan ilo hmelțha zawk daih anih hi. A sawi reng zel che a he nau hian a tawng che hi chu vannei a inti ve khawp ang" tih pah chuan bahkhawr chu a rawn ban nghal bawk a.





"Min lo sawi țhin amaw?" Ka ti leh hû, a bu nghat a "Sawi țhin e le, ka bulah hian a harsatna tawh zawng zawng te min thlen ve țhin a, a nu a awm tawh lo hnu hian a nu ang chiahin min ngai a, a buaina te min thlen vek țhin alawm" a ti leh a, ka lo bu ta nghat thung.





"Anih, hmeichhia vel alo hruai lut țhin em?" Ka ti leh a, engtin nge min chhan ang tih ka ngaihtuah nghal char char bawk. Nichin ațang khan zawh ka duh tawh a mahse ka zawt ngam thlawt lo a, ka kâ sawi tur hrelo lutuk hian alo sawi chhuak leh tawh anih hi.





"Hruai lut țhin love, nangmah a hmuh loh lai che pawh khan, hmu chuang si lo che khan a rinawm ve em em ani tawp mai ni. Hmeichhia hian an rawn zui lut zawk ani ber ang chu" a ti leh a, chawhmeh a liam tih chhunzawm zat pah chuan a tho nghala.





A rawn let leh lamah chuan dawhkana bahkhawr a dah sa chu a rawn la leh bawk a, a che reng reng hi a rang a mahse hmuh a hahdam em em thung si. A mawng a zâng a, amah hi a che zung zung a. A rawngbawl ringawt pawh hi a hmuhnawm tham.





"Chuan ka la sawi zo lo ania" a rawn ti leh a, ka nui ve hak "Evelyn-i amaw ni hian a rawn zui haw țhin a, inchhung hi ata ang chiahin a rawn cheibawl nghala, kei pawh hi min dah hniam lutuk. Bawiha sawn a dawhthei zawka a vannei mai mai mawle" a ti leh dapdap..





"Ramhluna sawn a ngaihsak ngai lo mi? "





"Ngaihsak ve tho va, mahse a mizia hi a chang chuan a duh lo leh țhina, in a a rawn zui haw pawh hian room lamah a awm sana, hmeichhia lah chu a awm awmin alo awm ve tawp a. A chang leh a room ah te han luh a tum phet țhina, vawikhat na nâ nâ chu kan khak ve tawh kha" a ti leh a, a nui zui huah huah bawk.





"Anih chuan, a duh dan dan in alo awm ve tawp ani maw" ka ti a "Ni mai ang chu, Ramhluna lah hian a ngaihsak lem chuang lova mahse hmeichhia zawk hian a zar nasat em avang hian mi hian inkawp angin an ngai tlat a" a ti leh a. A sawi hi a dik vel ka ring.





"Min lo rel ani maw? " aw ri ka hriat avang chuan ka hawi phei nghal vat a, kekawr ipte zen chunga min nuih suka lo ding ka hmuh chuan ka khi ve nghal sak a.





Ipte zen chung chuan muangchang hian ka lam a rawn pan phei a. " nu Rini hian I chanchin min lo hrilh vek a" ka ti sap a, ani a rûm nghut.





"Bawihi, dawt sawi i thiamlo ka tih tawh kha" a rawn ti ve a, ka nuih lui sak a. Hepa min han hriatchian dan em em hi chu aw.... Kei lah hian chuan ka hrechiang lo em em a, enge a duhzawng duh loh zawng te pawh ka la hre ve hauh lo.





Ka bula chair chu rawn pawt chhuakin a țhu ve nghala, a țhut rem rual chuan ka kut chu hnuailam ațang chuan a rawn nghal hmiah a, ka kutțang karah chuan a kuttang chu a rawn rawlh lut a, a malchungah chuan a nghat nghal hmiah bawk.





"Evelyn-i chu a haw tawh ami? " ka ti sap a, min rawn en zawk a "Um, haw tawh, thu belh chian dawl lo zet min hrilh a" a ti sup a, ka kut chu a hmer vang vang bawk a. Nu Rini chuan "evelyn-i a rawn kal maw?! " a rawn ti hluaia, kan pahnih chuan amah chu kan en nghal vat.





"Kal e, ka nu thihdan vel a chhui thu a rawn sawi a, hmuhchhuah a nei tih te, mahse min hrilh zawng zawng chu ka hriat hnu vek ani. A tirah khan an țap nghal bawk a" amah zawk a ner nghal nak a. A thusawi lai khan ka lo en char char a, a hmuhnawm tham takzet ani.





"Henu hi chu aw... Ava han zak lo thin tak!" Nu Rini chuan a ti hliai a "I rawn hmuh ang kha engmah a thleng lo ania, chuan thil reng reng ani sawi kha chu awih duh suh ang che thudik tak vek an ni ngai lo ania" tih pah chuan ka kut chu a rawn hmer nghet leh zual sauh a, amah chu ka melh vang vang ringawt.





"Awi!! Ka thil chhuan khi a liam dawn bahkhawr hi min lo then fai zawhsak mai teh u ka thlak hman lo palh ang" tih zung zung pah chuan chair ațang chuan nu Rini a tho chhuak nghala keipawn a hmaa bahkhawr chu ka va ban chhunzawm nghal zat.





Ka tifai tur chiah chu "dah rawh tih a ngai lo engmah i tih ve hi ka phallo" tiin ka kut chu a rawn vuan nghal hmiah a, amah chu ka en a "a buai em hi min tihtir ve mai mai rawh thil hahthlak pawh ani hleinem hrim hrim in engtin nge vawksa ka ei duh lo tih i hriat a?" Ka ti a, a nui suk.





"Ka hrechiang che ka tih tawh kha, dah phawt teh kalpui duhna che ka nei " tih pah chuan min pawt tho nghal lâwp a, nu Rini bulah chuan "nu Rin hei, Bawihi hian thil pawimawh tih tur a nei a kan tihpui lawk ang e chawhmeh vel kha chu lo hmanhmawh duh suh" tih pah chuan ka țawng hlau ni awm fahran hian ka țawng ve hma hma in ka kâ min hup beh saka min chhuah pui nghal daih anih chu!





Pawn kan thlen ruala min thlah chuan "enge maw i hriat le?" Ka ti nghal hlak a. Min nuih suk ringawt lehnghal "Nui bawk suh, a buai zia pawh i hre ve renga enge min hruai chhuah luih kher a" ka ti leh hlak a. Ka kut chu ka kuangkuah nghal at, chumi rual deuh thaw chuan min pawm kang nghal nawlh a, ka țê chhuak nghal chiam lehnghal.





"Ka duat em em-i hi thlem lungawi a ngai dawn ani maw? " a rawn ti a, ka chalah chuan a rawn fawp zeuh, ka tlak hlau lutuk chuan amah chu ka kuah bet vak a "nang chu, khatiang khan i che thut thut zela" ka ti a, ala nui ringawt lehnghal.





Ke lawnga ka chhuah avang chuan ka ke chuan thlifim a dawng a, a sa lutuk pawh a zia ve mahna. Muangchang chuan min dahthla riai riai a, ka ke in phûl hnim te a feel rual chuan, ka harh sawng sawng thei, a hahdam in a dai nuam reuh takzet.





"Enge kan tih dawn? " ka ti nghal hâ a, ka darah min vuanin hmalam hawi tur chuan min pawt her a. "Tah hian" a ti sup a, ka luh chak em em na in te hmaah khan kan lo awm reng tawh. Gate ațanga ka hmuh kha chuan a hnunglam chauh ka hmu thei a, hmalam han hmuh tak ah chuan ka hrethiam min hrilh bakah khan ka hrethiam nghal uarh uarh mai.





A luhna kawngka bulah chuan dar tereuhtê mai hi an dah a, chu chu thliin a rawn chhem ri nghal chheng chheng bawk "Ka nu in alo lawm che anih hi" Ramhluna chuan a ti sup a, hnunglam ațang chuan ka kawngah rawn kuahin ka darah chuan khabe a rawn nghat nghal bawk a, kei pawh chuan ka lo nghêng lêt ve ar ar bawk.





"Kan lut dawn em ni? " a tih chuan ka bu nghat a. Min kuah reng chung chuan min luhpui a light a on chiah chuan mak tih avang chuan ka meng nghal kâwk thei, a sawi ang tak tak khan pangpar vekin a khat a chuan chupawh Mizorama ka la hmuh ngai loh te vek an ni hlawm.





"A nalh lutuk" ka ti chhuak nghal hliai a. Bangah te chuan hnah chu awmze nei tih hriat zetin a zam kual a, pangpar te pawh chu a indawt thlapin VIBGYOR (chhimbal rawng) angin a intlar vek bawk a. A pawn lam ațang kha chuan tet hmel viau mahse a chhung hi a lian tham.





"An pi tur an lo nghak reng tawh che a" a rawn ti a, ka nghawngah chuan a fawp nghal zeuh. Ka dar chu ka lo tawm nghal châih a. Ka taksa a zâ a siam hi chu ngaiah a nei tawh, he thil a hria hi chu a pawi tak tak ani. Ka thinrim changin min fiam dan a hriat phah ziah lehnghala ka thinrim rei thei tak tak ngai lo.





In tê a rei tak kan awm hnu chuan thil ei turin kan lut a, nu Rini thilsiam te chu engkim a tui vek tak tak, heng zawng zawng te hi ka ei lohna an rei tawh hlawm takzet a. Chaw mumal ka ei lohna chin pawh hi ka hre tawh lo e a.





Kan ei zawha tihfel ve ka tum rual chuan phallo in nu Rini hmuh lai ngeiin min pawma a room lam min pan pui daih. Nu Rini pawh kha a nui chhuak tawp anih kha, vawiin a awmdan hi enge maw a hriat ni. Min tihbuai reng a, ka taksa hi a si reng zel bawk.





Ka duh lo chung min inbual pui bawk a mahse vawiin hian ka thinlung takin ka hlim a, tianga ka nuih lohna pawh hi a rei tawh takzet ani. Ka pian atanga ka nuih hnem berna ni ani hial ang, mahse ka hlim hun chhung hi a rei dawn lo tih lo hre lawk ila ka ti ngei mai.





Hna hmanhmawh thlak tak a neih thu a sawi a, kei pawn let ka duh tawh avangin ka lo uksak lem lova ka zawt buai duh ta lo bawk, in thleng min thlah a rei fe min fawh leh vang vang hnuin zana alo kal tur thu min hrilha, bu nghatin inchhungah ka lut zui nghal bawk.





★Lalramhluna POV ★

Bawihi inchhunga a luh fel hnu chuan Car-ah ka țhu lut vat a. Gabriel-a chu call nghal zatin "engtin mah lo ti suh u, keimah ngeiin ka rawn chingfel ang" ka ti nghal hrâwk a, vawiina a thi lo kha chu vannei inti hle rawh se.





Chak zetin ka tlanchhuak nghala ka kal tumna ka thlen rual chuan gloves bunin hmanhmawh zetin ka chhuak nghal bawk a. J-a pawn engmah ka tihfel ngai tawh lovin a lo buaipui fel vek a. Hemi te pahnih hi ka unau te ang chiaha ka en anni a, an tello hi chuan engmah ka ti thei lo.





"Khawnge kan misuala chu? " Warehouse ka luh chuan ka ti nghal hrâwk a, hepa avang hrep hian Bawihi ka chân tep phah. Ram a changkang tawh a, hepa hian Kima hmel ang chiah hmaikawr siam tir in Bawihi taksa alo khawih a amah avang hrep hian Bawihi lakah pawh ka insawifiah a țul phah a. Engmah ti sual lo mah ila, a laka thil tisual anga lan hi ka duh hauh lo bawk. Heng zawng zawng hi in a kan awm lai khan hriattir ka ni vek tawh bawk.





"Sir, tlânchhuah a tum rual khan phuar beh nghal ani a, tunah chuan a che thei rih lo, min hmu thei lova mahse kan țawng chu a hre vek thei" Gabriel-a chuan silai min pek pah hian a rawn ti a. An sawina lam chu ka pan nghal vut bawk.





"E, chuan sir thil pakhat leh, a hming a sawi duh lova a ID kan en khan ID lem alo hmanga, a hming pawh kan hrelo" Gabriel-a chuan a ti leh a, ka bu nghut thung "bawihi, inah khan veng turin pahnih tir la, ka thlen hma loh chuan awm tir ang che. Bawihi chungah eng emaw a thleng anih chuan an chan tur kha hre bawk rawh se" ka ti hrâwih a, bu nghatin min chhuahsan nghal bawk.





"Ka tawng i hre thei tih ka hria, tu in nge tir che tih nin hrilh la, him dam takin i chhuak ang, anih loh chuan ka nihna i hriat ka ring" ka ti chang hrâwih a, silai chu ka load ri nghal bawk. Vawiin chhuna kan kahna a ke pawh doctor in alo en sak tawh a. An tuam vûm nghal luam bawk.





Chair chu pawt chhuakin a hmaah tak chuan ka va țhu a. Vawiin khan Bawihi'n a hmu hman em chu ka hrelo mahse silai ri erawh kha chu a hre hman vek a. Khapa kha hmu ngat nise chuan a hlauhna a rawn chhuak leh anga mahse chu thil chu ka thlentir hauh lovang.





"Ka sawi dawn chuang lo" a tih chuan ka țhutna ațang chuan ka ding chhuak nghal zawk a. Thil ti rum rum mi chu ka ni lo, mahse ka tih loh tawpah chuan engmah an chhâk chhuak hman tawh ngai lo thung. Muangchangin a bekah chuan silai chu ka nghat a "Nichina ka thusawi kha ila hriat reng ka ring, nupui fanau fel tak tak i nei a, tunah hian ka naute an in bulah an duty mek bawk a " ka ti fak.





"Tichuan i sawi dawn nge, i nupui fanau te saw, keimah ngeiin ka khawih lai i hmu duh" ka ti hrâwih a, hetia vau loh hi chuan engmah an ti duh lo tih ka hrechiang thawkhat tawh. Training lai khan min tihtir ve zauh țhin a, thil sual tih ai chuan nupui fanau an ngaihsak zawk a. Hei hian an mahni anhmangaih zia a tilang bawk. Hmangaihna hi chuan eng thil pawh a hneh vek thei țhatna ang chiahin chu chu ka nu min hrilh țhin dan ani.





"I sawi dawn nge" tih leh silai chu nawr nat ka rual a mahse hnunglam ațanga kut beng ri ka hriat avang chuan ka tawp chut!.





"Ka fa hrawn chu ilo ropui hle mai" ti tu chu ka hriat țhan tak ani. Silai chu dahin an lam chu ka hawi phei a ka nu hrawn chu a tihdan ngai bawkin hmai chhah tak nen alo ding leh tawh.





"I bawihi tan chuan i inphal ropui țhin hle mai" a rawn ti a, ka țhen sak. Henu thil sawipui hian engmah awmzia a nei hauh dawn lo tih ka hria. Chuvang chuan dawhthei taka an thusawi lo ngaihthlak ani mai mahse a hnu leh erawh a theu neu lo viau thung ang.





"Ka lo nghak reng tawh che alawm, marawh chu itan chuan țhutna a awm lo ava nih hmel ve, ka mi tang tan chiah a awm anih dawn hi" ka ti let ve a, "henu hian alawm min tihtir" tiin ka bul maia țhu chuan a rawn ti nghal vat a. Anih chuan ka rindan hi a dik dawn chiah anih chu.





Za lo tih hriat zeta rawn nui chhuak vak vak in "A inpuang hma hle mai" a rawn ti bawk a. A aw chu hmeichhe nasa leh inringtawk tih hriat takin a khauh fur bawk a. Mahse a chhuah hma erawh chuan a au chhuak hman tho tho ang!.




Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 3:10 pm

2!3! EP-26

By : Msi_Miluhlulnui 👩🏻
(Hmeichhe naupang tereuhte)





"Ka tihtir che ani tih i chiang amaw? " a rawn ti ve leh kher a. Kei erawh chuan a chetdan chu uluk zetin ka lo en bawk, tuna a rawn awmdan hi ka pa in a hre leh lo tawp anga. Sawi ngat ila chuan a insawifiah leh chiam ngei bawk ang.





"I duh chu sawi la" ka ti sup a, silai chu ka la keng reng, a ni hi chu a tira țha taka biak te te a ngai phawt a. Ani lakah hi chuan sum hi a lal ber a, haw viau che mah sela, sum tam tham tak i pe dawn anih chuan a huatna che kha a theihnghilh hmak thei.





"Oh! Ka fapa e, nilo ka fa hrawn zawk mawle" tih pah chuan a nui zui huah huah a, ka țhen sak "I hmanhmawh lutuk anih kha.... i dâwp lai te pawh kan hmu ve chak alawm, ka vawikhat hmuhna tur ani sia" a rawn ti a, ka nui chhuak hawk.





"Anih chuan i ngaihthlak duh leh ngaithla la, amaherawhchu; chhelo deuh khan lo ding mai ta che, i tan țhutna siam tel ve ani lo tlat. Sawm lohin min rawn zawm sia" ngeiawm zet chuan ka ti ve leh kher a. A mitmu pâwng chhuak zawrh tur khawp chuan min rawn melh a, ka lo nuih suk thung.





Ka sira chair awm chu la in ka țhut nghal chat a. Ka țhutfel rual chiah chuan "ka pu, engkim ka hrilh vek ang che khawngaihin ka fate chungah engmah ti suh" ka mi tâng chuan a rawn ti khur hlawk hlawk a. Ka nu hrawn melh pah chuan "lutuk e, engkim i sawi a thudik vek anih chuan venhimna khauh tak hnuaiah i awm ang" ka ti sup a. Ka nu hrawn hmel chu a rawn dang nghal zawk bawk.





"Thil engpawh..... " a rawn ti chiah "Khawngaihin tawng zawh tir phawt la" ngeiawm zet chuan ka ti chhuak fak a. Rum zeta min rawn melh pah chuan a rûm chhuak nghal nghat.





"Sawi zawm rawh" ka ti a, silai chu kah inring rengin ka dah bawk. Ka nu hrawn hian engpawh a ti thei tih ka hria. Ka warehouse ah ka phalna la lova alo lut thei anih chuan tuma hriat loh pawn keini pawh min tihlum vek thei.





"Ih... Zualtei amaw ni kha, a hma ațangin min enthlak tir daih tawh, ka fate school kalna man tur ka neih loh avangin min pe țhina, chuan enthlak a, a nundan zawng zawng hre vek turin min ti a, mahse a taksa khawih kha ka duh bik miah lo asin, ka nupui lakah ka inthlahrun phah bawk a" a rawn ti khur hlawk hlawk a, a ke a kan kahna hian a khua a tisik pawh ani maithei. Mahse thudik a sawi anih chuan, enkawlna tha tak hnuaiah a awm ngei ang.





"A tih tir tu che i sawi thei em?" ka nu hrawn melh pah chuan ka ti kher a "henu hi ania, pawisa tam tak min pe țhin a, chuan Zualtei kha... pâwng.... " a sawi zawh hma hma chuan ka nu hrawn chuan "nang kha ngawi hmak rawh, i sawi zawm leh anih chuan i fate ten an tuar ang" a rawn ti nghal tuarh, a țawng chu tlemin a bah ve deuh nawk bawk a.





"Nangkha ilo ngawi zawk thei ang em? Tu man sawina hun an hawnsak lo che chuan, nangkha sawi zawm rawh. Bawihi chu engtin? " ka ti nghal hrâwk. Tuna a thusawi zawh loh kha ka rindan hi anih vaih chuan, hreawm ti lo hian a chhuak hauh lovang. Hmeichhia niin ka nu hrawn pawh ni mahse, hremna chu a ngai reng ang.





"Ih... Englo ania pawngsual turin min ti a, chuan amah nena inkawp anga lantira, nangnena pawt țhen tur cheu in min ti a" a tih chuan ka thaw chhuak nghal hrâwih a. Bawihi taksa khawih tir pawh duhtawk lovin a zahawmna tih bawrh bân alo tum amaw! Hrep tak hian!





"Nang kha, i fanu te sawn an tuar ngei ang" ti hrâwk chuan amah rawn zuitu te tirh chhuah a tum nghala, mahse khâwl hmang veka in te hi control ani, tunah pawh hian an chhuah hma hma in control room ațanga rawn kalh nghal vek ani bawk.





"Oh! In tlai hret ani maw" tih pah chuan ka țhutna ațang chuan ka ding a. Ka nu hrawn awmna lam chu muangchangin ka pan nghal bawk a. Hnunglamah chuan tlemin a tawlh deuh hret hret, zâm tih hriat tho si, mahse zak chuang miah lo hian "ka fapa hian i engkim hi a neih sak vek dawn che, lo inring tawh, tun ațanga rei loteah hian a ta ani vek tawh ang" ala rawn ti țalh a. Ka nui nghal suk.





"Ani maw!? Mahse bul i țan tawh thu hmanni khan min hrilh a tun ațanga rei lo te hnuah iti chhen bawk a. Mahse tinge tun thleng hian engmah ala thlen si lo. Nge ni a, nang hian min hneh theih loh avangin min rawn thlem i tum zawk?" ka ti kha fak a. A hmel hahdam anga lan tir tum mahse thlabar hmel lutuk chu en in ka nuih suk.





"Nang hi ka hneh dawn che, ka hneh dawn che mahse hun ala duh rei deuh maithei ani" ala rawn ti fak tho. Nu rapthlak tak ani tiin sawi ta ila ka sawi sual ang em ka hrelo. Mahse ka tan erawh chuan khawvela nu rapthlak ber ani thung.





Ka ngaina lo chu ka tilo, a duh chuan nu fel tak ani. Tih thiam chuan, mahse ka tan erawh chuan nu nih a tling lova, ka pa in alo hruai luh khan ka nu ang chiah a min enkawl ka lo beisei a, ka hmuh hma hauh ațangin ka lo ngaina hman a, mahse ka beiseina chu a thlâwn vek ani thung.





Ka ngaih ang ngawta nu fel chu alo ni lova ka ngaih ang ngawta ka nu anga min duat tura ka lo rin kha ani lo bawk a. Sum in a thluak a ti â a, a mit a tidel a, sum ah chauh hmangaihna a zawng bawk a. Ka pa pawh hi a sum vang chauhin a nei tih ka hre tawh bawk a. Mahse ka pa erawh chuan chibai a bûk hlum lo chauh.





"Hun, hun maw!? I sawi ațangin hun tam tak chu a liam tawh alawm. Pawm mai rawh, i ngaihruatna ani tih te, beiseina mai ani tih te, a chhan chu maw a thleng ngai dawn si lova" ka ti ve sak a. A hmêl chu a dâng bei tawh a. Rei a chapo dawn lo tih ka hre bawk. Min hneh dawn lo tih a inhriat avangin hetiang zawng hian hma a rawn la ta ani ngei ang.





"Ala thleng dawn alawm, lo en tawp mai rawh. In lak cham viau kha angai lo ania. I nu ka nih hi, i pa chuan nang ai hian min țan zawk ngei ang, a chhan chu maw, nang hi a hmangaih tawh hleinem che, kei leh ka fapa chiah min ngaihtuah tawh" a rawn ti let ve leh.





"Nu a....!? I kâ ațang khan he thu ropui tak hi chhuak ve tawh lo se hlim an tam âwm tiraw?. He thu sawi tur pawh hian tehna hniam ber pawha teh pawhin i tling pha chuang lo. I sawi dik, ka pa chuan nangni pahnih hi a ngaihsak zawk che u, mahse maw, a thinlung saw chu ka nu ngaiin ala rûm vawng vawng țhin, chuan engmah hi min chuhpui theilo bawk" Ka aw ka thunun hman loh avang chuan ring takin a ri chhuak hrâwih a, ani pawh a phu zawk thei. Min hneh dawn lo tih ka hriat chian em avang hian ka dawh mai mai a, leh kei aia upa anih na zahna chen ka nei ve bawk.





Ka pa hian anni nufa hi a ngaihsak zawk tih ka pha hauh lo, mahse ka nu ngaiin ala țap țhina, a ro hmun thuma țhena hmun hnih hi ka nu tan veka a dah ani a, hmun khata a chanve chu ka tan a dah a. A chanve dang chu Kima tan a dah bawk. Mahse ka nu khan a thih hma in ro zawng zawng ka hmingin alo dah tir vek bawk a. Chu chu kei leh ka nu ukil thuhruk bakin an hre lo.





"Kan la hria ang chu" ala rawn ti ve leh fak, ka nui suk a "Tum Chhin ve reng reng la a țhat ka ring, mahse i hlawhchham anih chuan vawikhat mah tum chhin leh tawh suh ang che" ka ti hrâwih.





"Lo in dah sang lo phawt mai rawh, i engkim hi ka fapa sawn ata tiin ala sawi vek dawn. Chumi hun chu lo nghak reng mai rawh" a ti leh a. Nui sukin ka bûk khum zeuh. A rawn hruai mipa te pahnih chu "kal ang" tih pahin a kalsan nghal nal nal.





Kawngka a hawng tur chiah chu an zâwn ah chiah chuan silai chu ka hmet puak a, au chhuak țhatin a beng a hup nghal. Vawikhat ka hmet leh a, a hlau lutuk chu kawngka lamah a tawlh phei vat a. Vawikhat ka kah leh zawt rual chuan țê chhuak vak chungin "Bawiha, duhtawk rawh" a rawn ti tuarh a, mahselangin nui sukin vawikhat ka kâp leh kher, a phu dawrh a, nui sukin silai chu ka dah thla a kawngka chu an rawn hawn sak a. An chhuah hnu lawk chuan.


"A tawp lam a theu neu lo viau ang ka tih tawh kha" ka ti chhuak sup bawk, ka duhna ah chuan rapthlak takin ka che țhin, hei vang chiah hian ka thawhpui dang te pawn hmaichhanah min biak an duh ngai lo. Mahse hetianga ka chet chuan ka pawi an sawi tihna ani mai ni.





Gabriel-a chu ka ko lut vat a. A rawn luhdan a hriat miah loh thu a rawn sawi nghala Ka ngaihsak lem lo. "Hepa hi damdawiinah hruai ula, enkawlna țha tak a dawng tur ani, chuan a chhungte nen venhimna khauh tha tak hnuaiah an awm tur ani, an chungah engmah a thleng tur ani lo" ka ti a. Ka kut chu ka hru nghal mawlh mawlh bawk.





"Aw le sir, mahse engtin nge madam kha alo luh theih a? " a rawn ti lehnghala ka hriat bik loh thu in ka chhang thung "Bawihi chungah engmah a thleng lo maw? " ka ti sup, a bu nghut a.





"Duty te sawi dan kha chuan ania, mahse chhunglam thil thleng erawh chu an hmu thei lova, engmah a thleng lo turah dah ang" a rawn ti a. Ka rûm nghut. Chutiang mai mai ka duh hauh lo. A țha ngei ani tih ka hriat hma chu ka hahdam hauh lovang.. Ka tan chuan ka nunna aiin a pawimawh zawk.





"Zanin chu chawl la, chuan J-a kha a hna a zawh chuan ko chho bawk ang che. Zanin in charge atan chuan Tommy kha ilo hrilh mai dawn nia. Tunah erawh chuan tihtur ka nei tlat, nangpawh haw nghal la, hahdam ang che naktuk ațangin hna chu tan ani ang" ka ti sup.





"Zanin chu a țawng hnem ve hle mai, a mood a fuh ani ngei ang" ka hriat hlau tak si chuan a ti a, mahse ka hre hman tho.





"Gabriel, țawng țawng lo khan, haw la chawl hahdam rawh" ka ti hrâwk.





"Aw, ka hria, ka kal dawn nangpawh kal ta che" a rawn ti ve hluk a, ka nui chhuak hawk. Training na a ka zirtir ang chiahin a aia grade hniam zawk te chu a tir ve zat zat a. Hetia ka train chhuah tawh ten ka train ang chiaha an tih han hmuh hi a hahdam thlak bik ka ti hle bawk.





Car chu la chhuakin Bawihi in lam chu ka pan nghal vang vang a, minute 5 pawh a bula ka awm loh chuan ka ngaiin hreawm ka ti nghal em em a, darkar phei chuan sawi lo zawk ang. A aw nêm zet hriat hi hnathawh zawh hlimah chuan a nuam a, a taksa te ve takin min thlahlel ve tih hriat ngawih ngawih a min kuah ve te hi ka tan chuan thildang zawng ai pawh in a ropui zawk.





Ka thil ngaihtuah avang chuan rûm nghutin car chu ka khalh chak zual sauh a, ngaihtuah zawng ringawt pawh hian a bula awm ka chak tawh. A taksa nghenga hahdam taka mut ka chak takzet ani.





A in ka thlen chuan car chu dahfel vatin in lam chu ka pan nghal vat a. Duty te chu haw tura hahdam tura ka hrilh hnu chuan kawngkhar bulah chuan ding in ka beng nghal dawt dawt bawk a. Tunah dar 10:00 ani tawh a. A mut loh hram beisei ang.





A rawn hawn tak loh avang chuan ka kik leh nghal a, "Bawihi, keimah" ka ti nghal sup bawk. Kawngka ri khep ri ah chuan ka chawl dat a. Kawngka a rawn inhawng ruala ka mi hmuh avang chuan ka thaw huai a, ka nui nghal suk bawk.





Inchhunga a ding chu pawt chhuak lawpin ka kuah nghal vawng vawng a, a sam chu ka hnîm nghal vang vang in. A bekah chuan ka fawp nghal tawk bawk! A kut te ve tak chuan nghet zetin min kuah let ve a, he thil baka thlakhlelh hi ka nei lo.





"I zo tawh ami? " a rawn ti sap a "Zo tawh chuan ka lo kal nghal" ka ti a, a nui nghawr ve dat a.





"Tinge ilo la mut loh a? "





"Ka lo nghak che a, ih... englo, nichina kawngka i rawn kik khan misual amaw ka ti che a, ka hlauh hman zia chu 'pan' ka hûm vek tawh, mahse min koh khan ka hahdam huai a ka hlauh hman zia che chu ah!" a tawp lamah chuan a rawn thinrim deuh ti tih a ka nui chhuak hawk.




"I tihdan ziah alawm" ka tih chuan ka nâkah a rawn țhâm nghal vat a. Amah angin ka haw ve lo tih a hriat leh hnuhnawh avang c huan a rûm nghal nghat "Fair lo" a ti nghal hlak bawk.





A darah chuan vuanin ka nawr hla hlek a, a hmêl lo tûm bâr chu en in ka nuih suk a, lei min rawn chhuah khum zeuh bawk a, ka nui chhuak hawk "Duhawm lutuk suh aw" ti supin a chalah chuan ka fawp nghal vang vang. Ka thinlungin a mamawh zia ka hre thar nghal bawk.





"I chau em? " a ti sap a, chu thil hriat chu a nuam dangdai tih bâkin ka sawi thiam hauh lo "Nangmah ka hmu che a, ka chau lo" ka tih chuan "van over tak" a rawn ti hlak a. Ka nui suk bawk. A bulah hi chuan ka mize khauh țhin zawng zawng te kha ka hlauh vel vek țhina, ka taksa hian awm ngaihna hrelo ni berin ka hre bawk.





"Lut ang, i damlo palh ang" tiin ka nawr lut nghala, kawngka chu kalhin sitting room lamah chuan ka kuah phei nghal "Coffee ka diam ang che aw i duh em? " min rawn melh chho hâ a, a hmui no zet chu insûm hman lek lovin ka zu fawp a, rang lutukin a hmui chu a hup nghal vat bawk.





"Um, min lo Siam la, ka lo țhu ang" ka ti sup a. Bu nghatin ka kuahna ațang chuan a talchhuak nghala. Keipawn sofa lam chu ka pan nghal bawk, ka țhu tur chiah chu "Hey! Khatah khan thu suh" a rawn ti nghal vak. Ka awmdan chu a rem teh chiam lo.





"Engvangin? " ka ti nghala, ka bulah chuan rawn dingin ka sir zawka țhutthlengah chuan min kaiphei a "Sawlai saw chu ka seat ania, tumah an luahlan thei lo" a rawn ti a, ka inrin hma in ka nui chhuak nghal hawk.





"I seat ah chuan ka lo țhu mai anga" ka ti sup "A ngai lo, tahkhan țhu mai mai rawh, anih loh chuan, anih loh chuan ani mai, coffee ka siam laia ilo țhusawn anih vaih chuan i châk lo ngawt ang" a ti nghal hlak a. Nuih suk pah chuan ka bu nghut a, min en min en pah chuan choka lam chu a pan lehnghal bawk.





Țhutthlengah ah chuan ka țhu âwn duai a, ka maimichhing nghal vang vang. Engtia hmalak zel turah ka buai ta ani. Ka pa buaipui a ngai a ka nu hrawn buaipui a ngai bawk a. Kima leh midang dang nen. Tuna ka thil tih avang hian Bawihi hian a tuar phah ka hlau hle bawk. A tuar anih vaih chuan a tuar zo dawn lova, kei chuan natna chauh ka thlen dawn si mahse ka kalsan thei lo chuan engtikah mah hian ka kalsan dawn reng reng lo bawk. Ka ta chauh ani ang a, a ni reng bawk ang. Tu mipa mahin an melh emaw, an khawih emaw pawh ka phal hauh lo.





"Meng la, hei coffee chu" min rawn sawi ruala aw ri ka hriat avang chuan ka nui nghal suk a. Ka lo chhing hman sek ani ngei ang, mahse ka mut a chhuak lutuk tlat ka meng hleithei lo. A banah chuan pawtin ka malchungah chuan ka pawt țhu nghal a. Hma zawng chuan a țhu ve kâk bawk, kan țhutna bula rizai alo sin tawh sa chu la in amah nen chuan ka inkhuh nghal hlûn a.





"Coffee chu i in dawn lo ami? " a ti sap a, ka lu ka thing nghal nghut "Naktukah ani mai" tih pah chuan a chalah chuan ka fawp nghal vang vang a. Rizai chhanah chuan ka kuah nghal bawk.





"Tihian kan mu dawn mi? " a rawn ti leh "mu dawn e, muthilh tum la, ka mut a chhuak a" ka ti sup a, bu nghatin ka awmah chuan a hmai a rawn phûm ve a nghet zeta min kuahin a thaw zui nghal sêk sêk bawk.





Zing ka harh chuan tui zet hian ka âwm a bei chungin alo la muhil a, a chalah chuan fawp nghal vang vangin a aia nghet chuan ka kuah nghal bawk. A rawn tal ve nghal eih eih bawk a. Vawt a ti nge maw ni, rizai chawp nen chuan min kuah ta hlûn bawk.





Ka phone a rik avang chuan ka ipte ka zen a, dar 7:00 alo ni vâ tawh. Gabriel-a anih avang chuan ka la nghal vat a. "Sir, lo kal nghal vat rawh thil thleng a awm ania" a rawn ti a. "Enge thleng Gabriel, sawi nghal rawh" ka ti nghal hrâwk, ka țawng rin êm avang chuan Bawihi zawk pawh a rawn che ve nghal talh talh a mahse a harh lo hlauh.





"Sir, phone a sawi chi ani lo. Lo kal vat rawh" a sawi zawh rual chuan a off nghal daih. Engtak chu thleng ni maw. Engpawh nise ka kal vat chu a ngai ani.





Bawihi chu châwi nawlhin sofa ah chuan ka muttira, a chalah chuan fawp vang vang in a hmuiah chuan ka fawp zeuh "Lo la mu tlat rawh aw" ka ti sup a, ding chhuakin kawngka lam chu ka pan nghal bawk.





Car chuan chak zet hian hospital lam ka pan a. Gabriela awmna location hian hospital a kâwk tlat a. Eng emaw thil thleng chu a awm chiang ani.




★ Malsawmzuali POV ★

Ka harh rual chuan ka zi mar nghal țalh țalh a. Ka hma lam kuah tuma ka dap chu boruak chauh ka dap fuh. Rang lutukin ka meng nghal kâwk a, min kalsan daih tawh maw? Tinge a kal dawn pawn ka harh miah lo amaw ni le.





Ka phone ri chhunzawm zat chu ka la nghal vat a. "Bawihi" a rawn ti nghal sup, phone ațang chuan țap ri ka hre ruai ruai "Khawnge i awm a? Enge itih? " ka ti nghal vat a, țap ri te chu enge awmzia ni ngai.





"Bawihi, ka la hrilhfiah ang che, lo awm la, ka lo let vat ang" a ti a, ka țawng ve leh hma hma chuan midangin an rawn be buai a, țap ri chu ka hre ring zual sauh mai.
Thil ri rak hi ka hriat avang chuan phone chu off in ka hawichhuak a ka hmaah tak chuan nu pakhat hmeltha fê leh palian pui pui pui an lo ding a. Rang lutukin ka țhutna atang chuan ka tho nghal vat a.





"Tute nge in nih? " ka ti nghal vat a. "Nang hi Zualtei, ka fapa, e nilo, a fa hrawn ni leh lo Ramhluna bialnu ini em? " hmeichhia chuan a rawn ti a. Engmah hre hlei lo chuan ka bu nghal nghat..





"Ti rawh u" a tih rual chuan mipa pakhat chu rawn che zawkin ka hmui a rawn hup nghala. Ka tal nghek rual chuan pakhat chuan min lo vuan bet nghal bawk a. Min put lâwp pah chuan ka ke chu ka leng vak vak a. Mahse awmzia a awm lo.





Ka hlau ani. Ramhluna chu ka rilru in ka au mawlh mawlh a, ka ke chu ka leng nghal vak vak a, ka kut erawh an phuar fel der tawh.





Ka ke leng leh ka tum rual chuan ka zawi zui hnawk a. Ka khawhmuh chu a phe ruai a, a thim zui nghal tial tial bawk.


Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 3:10 pm

2!3! #EP-27

By : Msi_Miluhlulnui 👩🏻
(Hmeichhe naupang tereuhte)





Ka mit men ka tum rual chuan a rawn thîp nghal zawk a, rang zet chuan ka maimichhing lehnghal bawk. Ka kut tihchet ka tum rual chuan a rawn thîp lehnghal zawk! Enge maw ka chungah hian thleng ta le.





"Doctor, a harh tawhin ka hria" Ramhluna aw chu ka hre vuai vuai a, ka thluak te hi a chawmawlh vekin ka hria. Ka taksa tihchet ka tum rual chuan a rawn thîp zawk zela, ka meng ngam chiah lo.





"Hemi hnu ah hi chuan chiang takin a rawn harh tawh ang. A mut chhung hi chuan a bul hnaiah hian awm hnem vak lo ula a țhat ka ring" doctor amaw ni, țawng ri te chu ka hre vuai vuai a. Ka bân bul chu rawn thîp zawkin ka lu a hai zui muai muai bawk.





Țawng ri ruai ruai ka hriat chuan men tumin ka mit chu ka ti che a, muangchang chuan ka meng chhuak riai riai a, inchung var zet chu ka hmu phe ruai, a ên em avang chuan duh ang pawn ka meng țha thei lo, ka chhing lehnghal sawk bawk.





"Nakinah ka rawn be leh ang che" ti sup ri ka hriat rual chuan ka meng lehnghala, a aw ri ka hriat ringawt pawh chuan ka thla a ti muang takzet "Duati, i harh tawh" rawn titu chu ka en nghal vat a. A hmela hlimna rawn êng chhuak sar sar pawh chu hmuh a nuam takzet.





Ka țha tih hriat nan ka nuih a, thaw chhuak hawkin ka mutna bulah chuan a rawn țhu thla nghala, ka kut chu a rawn vuan nghal chat bawk "Darkar 24 chuang i mu tawh tih i hria em? " ti supin ka kut chu la kangin a fawp nghal vang vang bawk a, ka nuih leh ringawt.





"Khawnge ka awm? " tih pah chuan ka hawikual nghal ruai a, ka awmna hi hospital pawh ani lova, ka in pawh ani hek lo "hahdam rawh ka room ah i awm mek" a ti sup a, ka biang chu a rawn tuai nghal zeuh bawk.





"Mahse, engtin nge hetah hian ka awm theih, kha mi.... " sawi zawm lo chuan ka ngawi leh dat a. Ramhluna zawk chu na zet hian a rawn thaw chhuak hrâwih a. "Ka hria alawm, ka nuhrawn anih kha. A duh engkim a neih theihna tur anih chuan engpawh tih hreh a nei lo" a ti nghut a. Engmah ka la hrethiam chuang lo.





"Nia, mahse engtin nge hetah hian ka awm theih zawk. Kha palian deuh khan min pu nawlh si a, ka ka te a hup sia" ka ti nawi nak a, thil thleng te kha ka ngaihtuah chhunzawm hleithei tawh miah lo "Hahdam la, Bawihi" a rawn ti a, ka kut chu a tuai heuh heuh bawk.





"Mahse.... " ka ti leh hram " I inah khan vengtu dah vek ani a, chuan ka nuhrawn alo kal tih ka hria. Mahse engtin mah a tih che ka rin loh avang khan ka lo ngaihsak lutuk lova mahse engpawh a duhna ah chuan a tithei vek" a ti leh. A thaw chhuak hawk bawk a, ka kiu a in nem khalh chung chuan ka tho chhuak a. Ka banah chuan venflon an lo ruah reng bawk.





"Enge i sawi awmzia chu? " ka ti lêt hâ. Engmah hi ka hrethiam tawh lo, kha thil thleng kha ka ngaihtuah chhunzawm hleithei miah lo lehnghal "Ka la sawi dawn alawm" a ti nghut a. Ka dar sân ak in ka nuih ta ver ver ringawt. Khumah chuan țhu țha in ka kut chu a rawn hûm a, hetia pangngai taka thil kan sawidun țhin hian hah a ti dam thin takzet.





"Zinga ilo call khan ka mi tang thihna avanga damdawiin a ka awm lai ani a. Kan buai ta nuai a, phone i dah hnu khan thil thleng thut awm thei anih avangin chumi hrilh tur che chuan ka rawn call leh che a mahse i lak theih tak loh avangin Gabriel-a ka rawn tira, ani chuan motora an pu lut lai chiah che a hmu hman a, kei min rawn nghalin kan umzui nghal bawk che a" a sawi zawh rual chuan a thaw chhuak nghal hawk a. A thusawi lai chuan chiang takin ka en reng a, dawt sawi hmel a pu hauh lo bawk.





"Bawihi, kei hian ka venghim thei si lo che a. Kei min hnaih chuan natna bak i dawng dawn lo tih pawh ka hria. Mahse ka thlah thei lo che. Kumkhua in ka kiangah awm la, ka thlamuanna ni la ka duh, mahse khatiang mai mai ah pawh ka venhim theih si lo che chuan... " sawi zo lovin a thaw chhuak hrawih a. Rang lutukin a biangah chuan ka han dawm sak nghal vat.





Muangchangin a biang ka dawmna kut chu a rawn hûm let ve a "I thiamloh engmah a awm lo, tuman kan hma huna kan tawn tur kan hre lawk lo a, chutiang bawkin i tihsual pakhat mah a awm lo, min en la hei, engtin mah ka awm loh hi" ka nuih sang a, amah a inthiamloh hi ka duh lo.





"Mahse Bawihi.... " a rawn ti leh halh a, ka lu ka thing nar nar a "Enge i tih țhina, enge i buaina engmah ka hrelo. I hnathawh țhin pawh ka hrelo a, kei min hriatchian tlukin ka hrechiang ve lo bawk che. Mahse enge ngai, chu chuan ka duhna che a tihkiam phah chuang hleinem. Nakinah i inpeih hunah min hrilh mai ang. Ni lawm ni, enge i tih țhin tih hi zawh luih che ka tum lo, i duh hunah chuan min hrilh thei ang. Hna leh, thu te, thil tih țhin te avanga inzawmna siam kan ni hleinem. Thinlung ațang zawkin ani, kan thinlung a inhmuh tawn chuan engkim a dik vek ani mai. Thinlung inhmu tawn hi hna te, thute, sualna ten a tichhe ve mai mai ngai lo. Chuan i in thiamloh hmel kha hmuh ka duh tawh lo ania" ka ti a.





A bianga ka kut ka dah chu la thla in a fawp zeuh a "Khawi ațanga khatiang thu thlum kha zir nge i nih a? " a rawn ti a, ka nui chhuak hak "Uang suh aw, mi kan thu tak lai lai a" ka ti hlak a, nui chhuak hawkin ka kawngah chuan a rawn vuan a, min chawi kang nawlhin ka țhutna ah chuan a rawn țhu thlaa a malchungah min nghat nghal chat bawk. Ka venflon vuah buai lo tur chuan min țhuttira, engkim ah min duata min ngaihsak em em bawk a. Tunah pawh ka venflon vuah tana buai lo turin min awmtir, hepa hian ka thinlung mai pawh nilo keimah hi ka vaiin a luahkhat vek tawh.





"Ni khat chuang i mu a, engtin nge ka awm pawh min zawt dawn miah lo tihna? " a rawn ti a, nghet zet chuan ka kawngah a rawn vuan nghal bawk a. Kei pawh chuan a nghawngah ban suihin ka țhut hnaih ve sauh sauh.





"Muhil engmah hrelo chuan ka hre dawn lo sa a chuvang chuan nangman sawi mai la" ka ti a, keimah zawk chuan a hnarah ka zuk fawp zeuh a. A rum nghal nghut "Bul i țan hmasak chuan a tawp pawh i khar ngei a ngai ang" ti sup in ka nâkah chuan a rawn hmer zeuh a, ka îp nghal chawih a. Amah chu ka va hnaih lehzual sauh bawk.





"Khatiang lam ka tilo, ka mutthilh laia i awmdan chu sawi rawh" ka ti hlak a, min khawih hlek te hian keimaha a nghawng hi ana thei takzet. Ka taksa pum in ka za chhuak vek zela. Hetiang hian vawikhat mah ka la awm ngai lo.





"Oh! Chutiang ngaihtuah tur pawh chuan min siam tawh hauh lo" a ti hluk a, ka hmui chu rawn tawk thawi thuak in chiang zet hian min rawn en a. Ka biang hi a sen țawn țawn in ka hria, hawisawn ka tum rual chuan ka biangah dawmin amah en tur bawk chuan min kuai her lehnghala.





"Min muttir tawh rawh, ka chau lutuk" ka ti sap, ngeiawm si loh hian a țhen nghal suk a "Enge? " ka ti nghal hlar. Nui sukin min kuai kun a, ka hnar leh a hnar chu a in si che che tawh a, ka hmui chu a rawn tawk leh zeuh thin bawk a, ka îp zui châwih zel.





"Dawt sawi i thiamlo tih hi vawi engzah nge maw ka hrilh dawn che le" ka hmui si chêt chuan a phun sup a, a rawn thaw chhuak nghal ham ham bawk. Hepa min hrechiang lutuk hi chu engtia han tihchi nge maw ni.





"Naaaa" ka ti hliai a, ri meuhin a rawn nui chhuak hawk hawk a. A chalah chuan tauh datin "min hrechiang bik si a, kei lah in ka hrechiang ve si lova, mahse nang hrechiang tur che hi chuan kum khat vel ka beih a ngai ang, ka hriatna a chaklo ropui si" ka ti a, a rawn nui chhuak hawk a.





"Chutiang em em chu ni love, nakinah engkim ka la hrilh vek ang che. Vawikhat ka sawi rual rualin i hre nghal vek mai ang" a ti a, a darah chuan ka ben sak nghal thlawrh "I hmelchhe tho lawm" ka ti a, rum nghutin ka nâkah chuan a rawn țham a, ka che zui nghal bawk, mahse hneh zeta min vuanin a lamah chuan min kuai phei a.





"Engmaw i sawi? " a ti zui hluk bawk, ka nâkah ala hmer reng avang chuan zâ tih vang in ka khi reng bawk a, a hreawm lutuk ringawt. "Engmah ka sawi lo, min dêk tawh suh" ka ti hliai, a za lutuk hi a hreawm zawk. Ti hi chuan engtin nge maw pangngai takin ka awm theih ang le.





"Duati, i sawi chiang alawm" a rawn ti leh, ka nâka a kut chu ka vawn hnan a "min dêk tawh suh, a za lutuk" ka ti chhuak vak, nui hawk hawk chungin ka hmuiah chuan a rawn fawp zeuh a. Nghet zet chuan ka kawngah min rawn kuah nghal bawk.





"I chhunzawm thei ang, tunah chuan min tibuai tu tur an awm tawh lo" ka hmui bulah chuan a phun sup a, "anih chuan, min dahthla nghal vat ang che" ka ti hlak a, nui sukin a bu ve nghut bawk a, ka thaw chhuak ham ham.





Muangchang chuan a hmui chu ka zu tawk de de a, "sir, thil engkim..... " kawngkhar ri rak kan hriat rual a aw ri avang chuan rang lutukin ka awmsawn nghala, Ramhluna chu chet hlukin "Gabriel, tumah rawn lut suh u ka ti ani lawm ni" a ti chhuak hrawih a, chupa chu inthlahrun hmel zet hian a ding zum zut.





"Sir, mahse khatiang khan in awm ka ring bik lo alawm" a rawn ti vat a, Ramhluna lungawi lo lutuk hmel en chuan ka nui a, ka nui ri a hriat chuan min rawn en a, "Bawihi" a rawn ti nghut a. Ka kut chu ka hmuiah dahin ka chîp hmak a, mahse ka la nui ru char char tho.





"Gabriel, i sawi duh chu sawi vat mai rawh" a ti lehnghal hluk a, chupa chuan a aw a thian kharh kharh a, keimah min rawn en chuan ka lo bu nghat "Bawihi hriat lai hian engkim i sawi vek thei ang" a aia dam zawk chuan a rawn ti leh a.





"Englo, khapa thihna a bul tumtu kha hriat chhuah ani tawh a, mahse vanduai thlak takin Mizoram alo chhuahsan hman tawh a, a landan chuan Minister an inrawlh niin a lang" a rawn ti a, Ramhluna chu ka en nghal vat a. Thil ngaihtuah mûk hmel fe hian a melh ngai chu a melh ngawt ngawt a.





"Ka patea kha bia la, tunlaia an hnathawh dan engkim hriat ka duh thu hrilh ang che. Chief Minister hmuh a ngai tih a sawi anih chuan plan B ang khan kan kal dawn nia" a ti sup a, chupa chu a bu nghut a. Chhuah a tum ûk a, mahse a rawn let leh a "chuan.. " a ti chauh chu.





"Ala zo lo em ni? " a rawn ti leh hluk a, a ruk chuan ka lo nui char char ka nui ring ngam bawk si lo, Gabriel-a pawh chuan Ramhluna chu a rawn en a, a nui ve nghal suk bawk. A boss hi hetianga a awm hi a hmu khât pawh ani maithei, engpawh chu nise, a lawmawm hranpa ve hrim hrim.





"Zo nang, a chhungten a hlauh thu an sawi reng a, an nu khan thil engkim alo hre ve leh zela, venhim ala ngai tho em? " a rawn ti a, "venghim rawh u, amaherawhchu; ka sawi ang khan a zat chiah chiah in ti ang che u. Chuan hmeichhe tihdan i thiam kha. An nu chu lo ve hnêm rawh, lunngai lo turin hrilh la" a ti nghut a. Gabriel-a chu rûm nghut hian a chhuak a.





"Khati khan iti kher a" ka ti nghal sap "a ngai ve deuh țhin alawm, hun nuam tak min chântir man anih kha" a rawn ti nghut a, ka kawngah chuan a kut chu a nghat lehnghal in a lamah chuan min hnukhnai lehnghal der tawh.





"A chhunzawm theih tawh em? " a rawn ti kher a, a darah chuan ka ben sak nghal thlawrh "Ram.... " aw dang a rawn rik rual chuan a rûm nghut a. Dîm zeta min chawikangin Khumah chuan min nghat a. Kawngka lam chu en in "Hrep cheu chuan, vawiin hi enge in hriat hlawma, hun ka hman nawm te hi in phal ve hauh lo em ni" a ti hrâwih, tute nge maw lo kal le. A reng reng thu in anni pawh chu ngatinge maw an lo kal chhên le.





Sir lamah chuan ka thle deuh hâ a, kawngka bula lo ding zum zut ka hmuh rual chuan ka nui nghal sak, Rsa leh David-a chu an lo ding a. Hmuhnawm tham tak an ni. "Țhiana leh! Enge maw i hriat le" David-a chuan a rawn ti hluk a. Ramhluna chu a thaw chhuak nghal hrâwih.





Kei min rawn en chuan ka lo nui ver ver a, a kutțang chu ti che in a ban a vai nghal zeuh bawk a, ka vai let ve nghal vat "Enge in lo tih dawn? " a aia dam zawk chuan a ti a mahse ala ri nghut tho, a țawngdan ațang chuan a lungawi lo tih a hriat ngawih ngawih.





"Nimin nilengin kan hmu tawh lo cheu a, chuan Zualte in tawhsual a tawk tih kan lo hria a, kan turin kan lo kal ve ani mai a" Rsa zawk chuan thawveng zet hian a rawn ti a, an pahnih chuan in en in an in signal nghal zeuh bawk.





"Nang hi iva in ti ta tu ve a, a hmelțhat avang mai hian kan duh ve i hlau deuh ami a, haha kan star na a rei tawh" an pahnih chuan an nui dun hawk hawk a. Fiamthu an duh tih piahlam ani hemi te pahnih hi, engtin nge maw Ramhluna te nen hian an inkawm daih daih theih ni.





Rsa te chuan Ramhluna chu an fiam char char a, ani lungawi lo lak lawh chuan biak pawh a be țha lo. Ka bulah a thu kûk a, mipa naupang kum 5 mi a ang lutuk ka tih chuan thaw hrâwihin em em a che min ti nghal hluk a. Engah nge maw a lungawi loh chiam ni, nichin thil thleng vang kha anih chuan, ka hrethiam mahna le.





U Saia'n ka pa a hmuh theih thu a sawi chuan Ramhluna ka hrilh nghal vat a. Ani pawn tihtur a neih thu min hrilh a, min thlah anga min rawn lam leh tur thu a sawi a, mahse ka bulah chuan mipa pahnih vel a kaltir tho. A ngaih loh thu ka sawi pawhin engah mah a ngai lova, 'buaina i tawk leh palh ang ka awm dawn si lo' a ti daih a, kal ve a duh viau nangin a hman ngang si lova, vawiin chu a titau reng ni maiin ka hria. A duh ang hian engmah hi a thleng theilo bawk si.





"Na i neih chuan keimah min rawn hriattir hmasa ber ang che" u Saia in kawtah min drop a, ka kut vuanin ka chalah chuan a fawp nghal vang vang bawk a "lutuk e, kal tawh rawh, a hmanhmawh thlak hmel si" ka ti a, a rûm nghut a.





"Min fawp phawt rawh" a rawn ti sup a, ka chhan loh leh ka chet miah loh avang chuan. "Mawh bawihi" a rawn ti leh a, rang zet chuan a hmuiah fawpin in lak hran ka tum leh nghala. Mahse ka bek ve ve ah dawmin uar zetin min fawh chhunzawm lehnghal. A tawp tawh dawn lo emaw ka tih hnuah chuan ui hmel fe hian min thlah a "kal tawh rawh, anih loh chuan ka taksa ah hian ka phuar bet mai ang che" a ti a, rang lutuk in ka che nghal sawk sawk a kawngka ka hawn rual chuan a nui chhuak hawk a, hmanhmawh lutukin ka chhuk thla nghal zawk bawk.




A tlanliam hnu chuan ka thaw chhuak hawk a, ka ngai nghal veng veng in ka hria "Waii... Kan mi perfect-a enkawl chu enge a an a? " rawn titu avang chuan rang lutukin ka hawi let nghal vat a. Feli chu ka hnungah in kuangkuah at hian alo ding a, chiang zet hian min lo en reng.





"Enge ilo tih ve a? " ka ti hliai, henu ka hmuh lohna han rei tawh em em zia hi! "Oh! In pa khan a hrilh na che nge" a rawn ti a, ka hnar ka tûm khum nghal dat a. "Sawi ve mai la" ka ti nghal hlak bawk.





"Awi!! In ințan dun bawk si. Ih maw.... A ho te kha a ring ngam chiah lo ania nge, keimah min hrilha awmpui tur che in, ka hmanlo chung chung in min rawn tilui a, nakinah min bazar pui dawna nangma tello in" a rawn ti nghal sap a. Ka ner khum zeuh.





"Chuan i intithei tihna mi? "





"Ti thei e mawle, ka star berin min bazar pui dawna ka intithei hle ani" a rawn ti a, ka nui sak a. "Anih chuan, inti thei phawt mai teh, ka lo kuah ang che ka ngai tawh che a" tiin ka kuah nghal vat a. Amah pawh chuan nghet zetin min kuah let ve a.





"Keipawn ka ngai che alawm, enge i an zel" a rawn ti a, "ka țha tawh lutuk ringawt, nang ang ka ni lo" ka ti sap a, a rawn nui nghal vak vak bawk. Henu bulah hi chuan eng ang pawn awm mah ila cool tak hian a awm ve theih thlawt lo. Kan cool anih vaih chuan thinrim thei tur khawpin min tibuai țhin, a tawpah chuan kan nui leh nge nge zel.





"Kal ang, i bialpa strict zet khan pâwna i awm vak a phallo ania" a rawn ti a, nui zui hak chung chuan kan inkuahna ațang chuan ka tal chhuak nghala. Kan inhmuh loh rei deuha kan tih țhin dan ang chiahin kut zungte ah chuan kan invuan ve ve a, u Saia in lam pan chuan kan kal nghal bawk.





"Euuu, Felfelin alo zui che ani maw? " u Saia chuan min hmuh rual chuan a ti nghal hluaia, an ni hi chu an in ngam tlak ve hrim hrim a, eng ang pawn infiam na țhin mahse an in haw ngai lova kut pawh na tak takin an inthlak țhin bawk.





"U Sai, i phalna la miah lovin alo kal ve ringawt ania, engtin nge kan tih dawn?" Feli melh ralh pah chuan ka ti a, min rawn melh rum teh e. "Kan țhuttir ve mai aniang chu, a ke te a kham palh ang" a rawn ti a, kan pathum chuan kan nui zui ta dar dar bawk.





Ramhlun'an min rawn call avang chuan ka pêng hrang a, call ka la chiah chu ril ruih hian "ka ngai che" a rawn ti a, ka thinlung hi a fan nghal ngawih ngawih bawk. "Bawihi, min chhang ve la" ka chhan loh avang chuan a rawn ti leh sup a.





"Kei pawn ka ngai che" ka ti ve nghal a, a aw hriat ringawt pawh hian amah ngaih avangin ka thinlung hi a rûm vawng vawng thei. "In kal tawh ami? " a rawn ti leh a, ka lu ka thing a, ka thing zo chiah chu ka nui chhuak nghal hak a, a hmu thei âwm tawp si lo.





"Kal lo, inah kan lut ve deuh chiah a" ka ti a, a thaw chhuak ham ham a. Phone ațanga an rawn ko ri chuan a chhunzawm nghal zat a. "Bawihi, ka kal a ngai tawh a, ka rawn be leh ang che meeting kan rei ka ring chiah lo" a ti sup a. "Aw le" ka ti a, amah zawkin phone chu a dah hmasa a.





Inchhungah chuan lut in an titi chu ka va zawm ve nghal vat a. "Zualte, a thusawi te record vek ani dawna chumi atan chuan camera pawh fit ruk ani tawh a. Chu lam ka buaipui zawh chuan kan kal nghal thei ang, lo awm ula" u Saia chuan a ti nghal sup a, Feli nen chuan kan bu dun nghat a. U Saia chhuak chu kan en zui ringawt bawk.





"Enteh Joseph'a nen khan kan ințhen leh tawh a" a rawn ti a, rapthlak ti lutukin ka melh nghal "Awi! Nang hi mipa hi rei i kawp thei thlawt lo, tinge a? Enge in buaina ni leh tawh?" Ka ti nghal hlak a, a dar a sân ak.





"Ngah nge hmeichhe dang te alo biak kual vel ni, chuvang chuan ka țhen a, ngaihdam pawh min dil nasa mahse ka ngaidam dawn lo, an lo mu dun țep lehnghala" a rawn ti nghal hlak a "maw!?" ka ti chhuak nghal vak.





"Hmeichhe pathum vel alo be kual a, chuan pakhat nen an lo mu dun țep a, ka va phâwk leh sia chuvang mawle"





"Engtikah maw? "





"Niminah khan mawle, nangmah rawn hrilh che ka tum a, i phone switch off a inti tlat a, ka ngei hman zia che chu mahse Ramhluna khan chanchin vel min rawn hrilh a, chumi hnu chuan engmah ngaihtuah hman lek lovin ka buaipui che" a rawn ti leh a, ka nuih nghal ver ver.





"Ila be leh miah lo ami? " ka ti a "be lo, block theihna zawng zawngah ka block vek tawh a, midang hmanga nin rawn biak te a tum a, mahse teuh lo lutuk ringawt. Min be mai mai tawh dawn lo" a ti fak a. Henu hi chu a bialpa ten an kawp emaw an lo țhen anih pawhin engah mah a ngai ve ngai lova, a rilru na pawh a na ngai lo tih tluk ani.





Ka țawng ve leh tur chiah chu "Zualte, Feli, a kal theih tawh aw, car ah min lo nghak ula ka lo kal vat ang" u Saia chuan a rawn ti a, kan bu dun nghat a. Ka thin hi a phu rang dawt dawt mai, ka huphurh takzet bawk.





Kan tlan mek lai chuan ka rilru ah thil tam tak a rawn lang a, kum 19 hnua ka pa ka hmuh vawikhatna tur ani a, ka huphurh ani. Eng ang hmel nge a put anga, eng ang mizia nge a neih ang tih te ka hre chak takzet a. Ka pa, ka pa tak tak ka hmu tawh dawn ani a, ka huphurh tih piahlam ani.





Ka kut te hi a khur dat dat a, Feli chuan ka kut a rawn hûm vat a. "Hahdam rawh, a seh dawn hleinem che" a rawn ti sap a, ka kut chu a tuai nghal heuh heuh bawk. "Fel, ka huphurh alawm, kum tam tak chhung kan hmu lo, enge anih pawh ka hrelo a, a thlalak takngial pawh ka nei lova, chuan chu chu tunah ka hmu dawn ani a, ka huphurh takzet ani, ka huphurh" ka ti khur hlak hlak a. Min kuahin a darah chuan min beitir nghal bawk.





Reilo te ah kan kalna hmun tur chu kan thleng a, ka huphurh lutuk avangin ka khur nasa, Feli chuan min kuah bet tlat bawk a. Appointment nei sa kan nih avangin awlsam takin kan lut thei mai a, kan kal rei tual tual a, ka huphurhna a tam telh telh bawk a let leh mai te ka duh.





"Fel, let leh mai te ka duh" ka ti a, ka darah chuan vuanin chiang zet hian min rawn en a. "Zual, â viau țhin suh, ipa kum tam tak i zawn tawh tha leh zung nasa taka i sen tawh i hmu dawn ani a, hlim tur ini asin. Pa i nei ve tawh dawn, chu chu hlimna ropui ber tur chu ani" a rawn ti sap a, min kuah nghal vang vang bawk.





U Sai'an kan hmuh tur thu a hrilh chuan meeting an neih thu min lo hrilh a, țhutthleng nalh zet an siamah chuan kan thu țhap a, pa ka nei ve tawh dawn. 'Nu, ka pa ka hmu dawn asin' tiin ka rilru chuan ka nu vana awm tawh chu a be mawlh mawlh.





Kawngka ri khep ah chuan kan ding nghal vek a, mahse chumi ațanga rawn chhuak ka hmuh chuan ka meng nghal kâwk "Ramhlun" tiin ka phun chhuak nghal sep a, engtin nge hetah hian a awm daih daih theih a?





"Saw saw ania, ipa chu" U Saia chuan pa fresh zet chu a kâwk nghal bawk a. Ka thin a phu rang zawih zawih "Pate, i kutah ka dah ania, engkim min chinfel sak ngei ka beisei, chuan i tana ka buatsaih chu i chang ngei bawk ang" Ramhluna thusawi avang chuan ka meng buai nghal nak!





Tunah khan pate a tih anih chu! Ka pa saw pate ati, tunah khan a ti chiang lutuk "Zual, enge awmzia? " Feli chuan a rawn ti ve nghal vat.





"Ka pa chu i patea maw!?" ka ti chhuak a, ka țawng ring viau ani ngei ang Ramhluna te chu an hawi rual țhup a, min rawn hmuh chuan a ngaihna hrelo zetin min rawn melh a, u Sai'an ka pa atih chuan chîk hmel zet hian min melh nghal bawk.





Ka pa chu Ramhluna patea anih chu!! Engtin nge anih theih zawk!?


💜 BORAHAE 💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 3:10 pm

2!3! #EP-28

By : Msi_Miluhlulnui 👩🏻
(Hmeichhe naupang tereuhte)





Mak ka ti lutuk chu ka meng phâwk hra a, Ramhluna te pahnih chu ka melh ngawt ngawt bawk. Anih chuan keini pahnih hi unau kan lo ni tihna em ni? Ka pa saw a patea anih chuan keini pahnih hi. Ni lo, unau kan ni theilo hriat sual palh a awm aniang unau kan ni theilo hrim hrim.





"Bawihi" tih pah chuan Ramhluna chuan min rawn pan phei a, che lo chuan ka lo ding ngawi reng a, ka pa ni a an sawi a erawh chuan chîk hmel zet hian min en reng a, ka rilru chuan "pa" ka ti chhuak sep bawk.





"Helai ah te enge in tih a? Chuan i țha miah lo" ka dara min rawn vawn pah chuan ka chhipah chuan a fawp nghal vang vang a, ka hahdam leh huai ang lawi si. "Ehe! Pu Richard kei chu min hre tawh ang a" u Saia țawng chuan a chhunzawm zat a. Ka pa hming chu Richard maw anih a!.





"Bawihi, i țha miah lo, i chungah enge thleng?" A ka ațanga min ngaihtuahna ri rawn chhuak tel ve chuan min fan rawih rawih thei "ih, englo saw saw i patea maw?!" ka ti hâ a, ka awmdan chu ani pawh chuan chîk zet hian a en zui zat reng bawk a ka awmdan pawh a hre leh chat tawh ngei ang.





"Aw" a ti sup a, ka lu ka thing nar nar "i patea tak tak maw?! " ka ti leh hrâm a, a patea ni lul suh se, unau kan ni theilo, kan ni theilo hrim hrim a theih loh?.





"Bawihi enge maw i hriat le? " a rawn ti nghut a, ka kut hit thler chu a rawn vuan a, "i vawt vek anih hi" a ti nghal sup bawk "I patea tak tak ani em ka tih chu" ka ti chhuak nghal vak a, ka sawi zawng ringawt pawh hian ka țap țeuh thei.





"Lo kal phawt teh" ati dam thlup a, a țawng dam thlup ri te hian min ti hre chak zual sauh a, keimahah hlauthawnna in ka khat bawk "Sawi vat la" ka ti a, a ni erawh chuan ka kut hûm bet chung chuan a taksa lum zet ngheng tur chuan min kuah bet nghal a.





"Kan țhu phawt anga ka sawi dawn alawm, i kut hi a vawt vek a, chhuatah hian rei i din lutuk ka phallo" a ti leh sup a, ka rum nghat a, mahse min kuah phei ta tho. Enge maw a patea tak ani nge ni lo chu sawi a harsat viau leh aw leh aih chauh pawn min chhang thei reng si a. Thil engmah harsa a awm lo.





"Ka mitah tak min en la, ka thusawi hi ngun deuhin lo ngaithla ang che" a ti sup a, ka kut chu nghet zet hian a hûm bawk "Ka patea chu ani alawm, amaherawhchu; ka patea tak ani lo. Ka tet lai ațang tawhin leh ka nu damlai thlenga ka nu in a kawm țhin leh ka nu țanpui reng a a harsatna apianga pui țhin tu anih avang leh, keiman ka ngainat em avangin pate tiin ka ko țhin a, chuan tun thleng hian ka patea ala ni reng a, ani kumkhua bawk ang" a ti nghet churh a.





"Ka chanchin hriat tur ila ngah hle mai" a ti leh nghal zat bawk a "Chuan, enge chu thil chu i hriat duh nachhan le? " ti leh in a âwmah chuan min kuah bet nghal a ka hahdam nghal huai theu "Ih.... i patea saw ka pa chu ania" ka ti sep a, 'pa' tih thumal ka lam dawn khan ka tîm tlat thei nia.





" Ka hre daih tawh alawm" a ti leh a, rang lutukin ka tal hrang nghal "I hre daih tawh amaw? " ka ti a "Nang hi chu thil hrilhfiah ziah i ngai dawn ani maw? " a tih rual chuan a darah ka ben sak nghal pawp a, a nui chhuak nghal hawk.





"Engtin nge i hriat? " ka ti leh a, a nui ri suk a. "Hman zanah u Saia itih te inah khan ka va kal alawm chuan engkim ka hrechhuak a, patea pawh ka hrilh nghala. Chuvang anih kha ani pawn chîk zeta alo en nghal che ni" a ti sup a, ka mittui a hnâm chhuak uar uar thei.





"Ngatinge, i hria tih min hrilh ve vat loh a" ka ti nghal vak a, nui chhuak hawk in min kuah bet lehnghal "I hriat lawk ten a țha nang" a ti leh kher, a nâkah chuan ka hmer sak vak ringawt a mahse a haw ve tawp si lo.





"Lut ang le, i kiangah ka awm dawn alawm" kawngkhar bulah chuan kan ding vâng tawh. Enge ka hriat pawh ka hrelo. Mahse ka ke hi a sak tûn a, luh a hreh ngawih ngawih ni maiin ka hria chuan ka thinphu a rang zual sauh bawk a ka thlanfîm te hi an rawn bawl chhuak țek țek thei.





"Ka huphurh ani. Ka hrelo, enge a chhan pawh ka pa vawikhat mah ka la hmuh loh chu ka hmu dawn ani a, ka huphurh nge ka duh lo pawh ka hrelo" ka ti a, min kuahin ka chhîpah chuan a rawn fawp vang vang a, ka hahdam leh huai ang lawi bawk si hahthlak hian ah!.





"Kei min rinchhan in lut rawh le" a ti sup a. Ka thaw chhuak ham ham , tunah hian ka huphurh tih bak engmah sawi theih ka nei lo ani tawp mai. Ramhluna ka en chhoh chuan nui suk hian alo bu nghat a. Na zet chuan ka thaw chhuak leh a, ka ke sak țun chung chuan office chhung chu ka rap a.





Ramhluna taksa ngheng chuan ka kal zela, inchhung lum up te chuan ka thaw an ti ipik zawkin ka hria. Min kalpui na lamah chuan ka kal ve zela tunah hian ka nu kha awm ve ta se engtin nge a ngaih ang. Keimah ang tho hian a huphurh ve ang em le, nge ni a, a hmu duh lo zawk anga a huatin a haw hlur ang tih te chu ka ngaihtuah pah neuh neuh a.





Tunah tak hian ka nu kha chu awm ve se chuan kan pahnih in kan kal anga, ka nu hlim hmel ka hmu leh anga, țawng vak ngai lo kha a țawng ve bawrh bawrh tawh awm si a. Chuan chhungkua ti a miten an lo sawi țhin ngei mai chu kan ni ve ngei awm si a, ka thil ngaihtuah avang chuan ka țah a rawn chhuak leh zui ut ut bawk.





Țhutna ah chuan u Saia leh Feli an lo țhu a, thil an lo zawt mek ani awm a "lo țhu ve nghal rawh u" min ti nghal vat a. Min hnungchhawn zawnga țhu chu a tukhumah chuan ka en reng a. Engtin nge ka pa ani tih an hriat ngawt theih hi ka la hrelo.





Kei tak ngial pawh amah chhinchhiahna, chutah chuan ser a nei, chutah chuan khuavang a nei tih tur tak ngial pawh ka nei lova, a chanchin phei chu sawi loh a hmel hi vawikhat mah ka la hmu lo a, ka pa ani tih pawm thiam mai hi a harsa takzet ani. Ka pa alo ni ngei anih erawh chuan zawh duh tam tak ka nei a, chhanna țha tak ka dawn hram ka beisei bawk.





Ramhluna chuan țhutna dinglam zawkah chuan min țhutpuia, a taksa si chêt chuan min țhuttira ka ban bulah min kuahin ka kut a hum hmiah bawk "Chhunzawm phawt ula" a ti sup bawk a. Kei erawh chu ka hawichhuak ngam meuh lo.





"Zualtei maw!? " ka hming lam ri ka hriat chuan ka hawi chhuak nghal riai riai a, ka pa tiha an sawi a chuan chiang zet hian min lo en a, a mitah tak chuan ka va en ve lehnghal chat bawk a. Ani pawh a hrilhhai ve ani ngei ang a fanu ka ni nge ni lo pawh pawm thiam har a tih ka ring bawk.





"Ka fanu maw inih!? I nu chu Tluangtei " a ti leh a, ka bu nghat a "I fanu ka ni chiang em tih chu ka hre bik lo a, mahse ka nu hming chu Tluangtei ani chiang bawk" ka ti let sap a a bu nghat a. "Kan pahnih hian inbiakna hun min pe lawk ta che u" a ti zui a. U Saia te chu bu nghatin an ding zui nghal bawk.





Ramhluna tho ve tur chu a banah ka pawt a. "Kal suh" ka ti sep, keimah chauha awm te chu ka duh bik lo "Bawihi, pawnah ka awm dawn alawm, harsatna i neih chuan min rawm hrilh vat la aw" ti supin ka chhipah chuan a fawp nghal vang vang a, ka huphurh lutuk chu ka thaw chhuak vak ringawt. Ramhluna kutah chuan ka hûm bet nghal tlat a.





"Bawihi" a rawn ti nghut.




"Bawiha, awmpui mai rawh a huphurh zia a hmelah pawh a lang chiang vek alawm, i hriat loh tur thil pawh a awm chuang hleinem" a ti nghet churh a, Ramhluna pawh chu a rawn țhu thla leh a, a taksa chu ka țhut hnaih nghal vat bawk.





U Saia te an chhuah fel hnu chuan "i nu chu enge a tih țhin a?" A rawn ti a "pate" Ramhluna chuan a rawn ti zui nghut a. A țawng leh tur chu a kut chuan ka lo khap nghal vat a. "Ka nu chuan min boralsan tawh a, keimah chiah ka ni tawh" ka ti a, ka nu thihna chungchang sawi chhuah hi ka duh ngai zen zen lova. A chhan chu a thihdan kha chiang taka ka hriat loh vang ani.





"I nu chu a thi tawh maw?! " mak tih hmel zet chuan a rawn ti a, ka bu nghat nghat a. Ka nu a thi ani tih pawh a hrelo chu ani a, thil thleng te hi enge maw awmzia ni, engmah hi ka hrethiam tawh nei nuai lo.





"Engtikah? Chuan engvangin? " a rawn ti leh a, a aw ațang chuan natna thûk tak a ri chhuak ve ni maiin ka hria. Ka nu thihna hian a țhawng ve viau pawh ani maithei. Diktak chuan ka pa kha khatih hunlai khan hrelo mah ila ka nu thihna kha chu alo hriat ve ka ring a, mahse alo hre si lo.





"Ih, kum 17 ka nihin a thi tawh, mahse a thihdan tak chu keipawhin ka hrechiang bik lo, ka hna bang kha chhuatah thi hnuangin alo let a" ka ti sap a, ka sawi zawng pawh chuan ka mithlaah a rawn lang a, hlauh lam ai mah chuan ka nu ka ngaihna ati zual zawk.





"Engvangin nge chu thil chu min hriattir hmasak loh" a rawn ti chang hrâwih a. A aw ri chhuak ațang chuan natna tam tak a inphum tih ka hre thei. "Pate, Bawihi hi i dem tih em ni? " Ramhluna chuan a rawn ti nghut a "chutiang lam ani lo" a rawn ti leh lawi bawk si





"Kum tam tak ka zawng tawh asin" khawharna tam tak a nei tih hriat zetin hmalam a melh reng a. "Keipawn kum tam tak chhung ka zawng tawh che" ka ti ve sep a, muangchang chuan min rawn en a. . "Fanu ka nei tih ka hre hauh lo" a rawn ti a. Min ngaih hmel zet chuan min rawn thlêk a.





"Tunah i hre tawh alawm" ka ti a, a thaw chhuak hawk a "ni love, i nu ka kalsan hian a rai tih reng reng ka hre lo, ka kalsan hnuah pawh inhmuh zeuh chang kan nei a, mahse fanu ka nei tih min hrilh ngai hauh lo. Min hrelo ang maiin min kalpel țhin" a rawn ti a.





"Ka nu i kalsan amaw!? Engvang nge? Nangmah avangin hreawm tam tak a tuar asin, thil, mi â ang mai a thil tam tak ngaihtuah țhin ang maiin a melh ngai a melh ngawt ngawt țhina, mi â ang maia a nuih vur vur lai ten a mittui a rawn luang thla leh ringawt țhin asin" ka insum hman lo chuan ka ti chhuak tuarh a, ka pa chu huatna mitmengin ka melh bawk a, mahse ani erawh nunhlui lam a cheng angin hmalam chu a thlir dauh dauh a.





"Bawihte, min dem ngawt thei bik lovang. I nu nen khan in hmangaih takin kan awm amaw ka tih laiin ani chu a in zuar țhin tih ka hrechhuak asin, ngaihtuah la, i hmangaih em em leh mipa dang mu dun hmu ta la engtin nge i awm ang?. Mipa pawh hi tiangah chuan mipa a intih theih bik tak tak lo asin. I nu nena kan chanchin hi chu ka ka hrilh vek ang che, tunah erawh chuan fanu ka nei tih ka hriat hian min țhawng em a, thudik ani nge ni lo pawh ka ngaihtuah thei lo, bawiha, thisen test phawt ka duh e" a rawn ti leh.





Ramhluna chuan "pate Bawihi hi i fanu anih i ring lo tihna em ni? " a ti a.




"Bawiha, chutiang lam ani lo fanu ka nei tih ka hrelo a, chuan tunah ka nei tih ka hre leh thut a, ka hamhaih ani. A tak nge tak lo ka hrelo a, ka fanu anih erawh chuan duat theih patawpin ka duat ang" a ti nghet churh.





Engmah sawi ve tur reng ka hrelo, kei pawn a ngaihdan hi ka țawmpui, ka pa tak tak alo nih loh chuan keimah ka intih mualpho mai bakah thil zahthlak tak ani dawn a, mahse ka pa ni tak tak se ka ti hle bawk. Ka nu a hriat mai bakah enge a tih țhin a hre thlap bawk a.





"Bawihi, hahdam rawh engkim a țha vek dawn alawm, i pa ani ngei ang" Ramhluna chuan a ti sup a, ka thisen kan la zo chiah a, a thisen la turin a lut ve chiah a. Ramhluna te doctor ani a, result pawh zan lamah a lam nghal theih thu a sawi bawk a. Ka thin hi a phu rang dat dat mai.





"Ramhlun, pa ka nei ve dawn lo aniang, pa ka neih ve hi a rem lo ania nge, result pawh hi a rawn chhuak anga, ka pa ani lo tih a chiang mai ang" ka ti hap a, tuna ka thusawi zawh chiah te kha lo thleng lo se ka ti a, ngaihtuah pawh ka ngaihtuah ngam lo zawk.




Pa neih a mite anga harsatna te thlena hlim taka awm ve ka chak a, 'pa' tiha koh a, kuaha ka hmangaih thu hrilh ve a, nilenga a hnathawh țhin te zawh ve ka chak a, a chau em tihte, nileng hun a hmang nuam em tihte zawh ve ka chak tawh bawk.





"Bawihi chutiangin ngaihtuah lo a" a ti sup a, a âwmah chuan min kuah bet nghala., ka thaw chhuak hak ringawt. Tunah hi chuan tu mai pawh hi ka pa nise ka ti vek. Pa neih chakna hlirin ka khat a 'Pa' tiha koh tur neih ve ka duh tawh.





"Gabriel, zan lama hna awm kha lo cancel mai ta che chuan, mrs. Ols kha Mizoramah ala awm leh awm loh chian la, ala awm anih chuan naktukah hmuh ka duh thu lo hrilh ta che" Ramhluna aw nghet churh ri ah chuan ka harh zawk a. Engtik laiin nge ka lo mutthilh hman ka hre hauh lo.





Phone-a lo be tu chuan a hnial nge maw ni, a rawn rûm nghut a, nghet lutukin ka kuah nghala, ani pawn min rawn kuah let ve nghala. Tunah hian sofa ah țhu in min pawm a, ka țah avanga min pawm kha ani a, ka lo țap muhil ani ngei ang.





"Ka sawi chiang nghal viau in ka hria Gabriel, i bialnu nena hun hmanna hun ka pe che kha lawm zawk ta che" a ti hluk a, a nui ri hawk chuan a chhunzawm zat a, a nui ri avang chuan ka lo khi ve ringawt thei nia "Dah phawt teh! Hna ka thawh tir leh hma che in" a ti hluk a. Amah zawk pawh chuan chet hlukin a dah zui lehnghal daih.





Ka biang a kuta rawn nul pah chuan "harh tawh la, Bawihi" a rawn ti sup a, amah kuah nghet sauh pah chuan ka nui a "ka la peih lo" ka ti sep. Ka chhipah a rawn fawp vang vang a "ka ngai tawh che" a rawn ti leh a, ka nui chhuak hak.





"Enge? " a rawn ti nghut a. Amah kuah reng chung chuan ka dak chhuaka ka hmuiah chuan a rawn fawp nghal vang vang "I bulah ka awm a, min kuah renga chuti chung pawh chuan min ngai amaw" ka ti hâ a, a kiai suk a.





"Nang hi chu i taksa ka dek reng chung che pawh hian ka ngai che" a rawn ti a, ka nui hak a. "Over suh" ka ti zui hlak bawk, ri meuhin a rawn nui chhuak hawk bawk a. Ka zak ah ve ve chuan dawm in min hnukchho deuh hleka, a hmai zawn ka thlen rual chuan amah zawh chuan ril zet hian min fawp nghal ngawng ngawng a. A chhan letna a hmu rang mah mah bawk.





"I mutthilh chhung zawng tih tuma ka tih theih tak lo chu anih kha" ka hmui la si reng chung chuan a phun sup a "Ka harh hun i châng tihna ani maw" ka ti ve sep a, rûm nghutin a bu zui nghut a.





"I duhawmzia hi i hria em? " a rawn ti a, ka nui chhuak hak. "Kei ai chuan i duhawm fe zawk, mipa naupang ang maiin I titau țhin lehnghala" ka tih chuan rûm nghutin ka nâkah chuan a rawn thâm nghal chat a "Engmaw i sawi? " a rawn ti zui hluk.





Vawikhat a hmer leh rual chuan zâ ka ti lutuk chu ka tal nghal vak a, mahse min vawn hneh em avangin a malchung ațang takngial pawh ka tal thla lo "A tawk, min dêk tawh suh" ka ti hlak a, mahse nui ri sukin a rawn chhunzawm lehnghal zel tho.





A phone emaw ni, a rawn rik avang chuan a châwl ve ta hrâm a, mahse phone a lak dawn chuan ril leh ngênngawl zeta min fawp ngawng ngawngin ka hmui hnuailam chu a seh zeuh a, ka rak chhuak nghal țhat a. Nui sukin phone chu a chhang chhunzawm nghal daih.





Ka hmui ka khawihna kut ka en chuan thisen a kai tih ka hrechiah, ka khawih nawn rual chuan a rawn nâl puat a, rûm zet hian phone ațang mi a be mawlh mawlh lai chu ka melh a, ani erawh chu a nui suk duh chauh lehnghal. Ka hmui hi a seh thi ve ziaha, hei vang hian bai ka hâwp țha ngam ngai mang lo reng reng, a tui sa emaw a thak kha a lut ang tih ka hlauh vang ania. Hei vang bawk hian, ka ei țha ngam leh dawn lo chu anih hi.





Ka hmui a thi duh em avang chuan ka tifai mawlh mawlh a, phone hmang reng chung chuan ka kut chu a rawn hûm a, pawh let ka tum rual chuan a rawn hûm nghet zual sauh a, a âwm si chêt chuan min kuah phei a, rûm zet hian ka melh leh a, mahse ani erawh chuan hahdam tura min ti tih hriat nan maimichhingin a bu nghut a.





A rawn chêt chhunzawm leh dan erawh chuan min thâwng takzet ani. Phone hmang reng chung si chuan ka hmui chu a rawn tawk a, hnuailam chu pet nghal zatin dîm zet hian a fawp nghal dek dek bawk a. Ka mur chhuak chuai a, a ni erawh a kiai nghal suk mai. Tuna a thil tih mek avang hian ka zâ chuai chuai a, ka ngaihtuahna te hi an â vekin ka hria, ka chîl ka lem dâk a, ka thin pawh phu rang dawt dawt tak ani.





Ka taksa awmdan mak lutuk avang chuan Ramhluna taksa chu ka va man chawt a, a hrethiam ani ngei ang, a nui ri nghal suk bawk. Tuna ka awmdan hi a mak lutuk ringawt, ka za chuai chuai a, engtin emaw hian ka awm, keimah leh keimah pawh hi inthunun a har ka ti takzet.





Ramhluna a awm hrang a, phone chu chhang zeuhin ka chalah chuan a râwn fawp vang vang a, kei erawh ka melh ngai melh in ka thaw chhuak hak ringawt a, ka awmdan hi ala pangngai thei miah lo.





"Misualpa, enge ka chungah khan itih a? Ka awmdan kha amak lutuk tih kha i hria em? Eng emaw châk ang hian ka awm a, keimah leh keimah kha inthunun harsa ka ti takzet bawk. Ka za vek lehnghala" phone a dah rual chuan ka ti nghal hlak a. A nuk suk ringawt anih chu!.





"Nui bawk suh, ka awmdan kha a mak alawm ka ti tak tak, ngaihtuahna fîm put ka tum a, mahse ka theilo" ka ti hap a, tun thleng te hian ka la pangngai lo in ka hria. Nichin ka awmdan kha chu eng emaw châk chu ka nei chiang alawm, pawisak reng ka nei tawh lo in ka hria.





"Bawihi, i awmdan kha ka hrethiam alawm, elimination round chauh ala nih kha. A dawt lehah chuan elimination round ang mai mai kha chuan I bangbo tawh lovang" a rawn ti sup a, ka biang chu tuai in a rawn fawp nghak tâwk bawk a.





"I sawi hi pakhat mah ka hrethiam lo, eng elimination round chauh maw ala nih a!? " ka ti hâ a, a dar a san leh ang uk si "ila hre zel dawn alawm" tih pah chuan ka zak ve ve ah min dawmin min chawi kang nghal nawlh a, chhuatah chuan min dintir in min fawp zeuh a.





"Result a chhuak tawh a, kan kal tawh dawn em ni ang? " a rawn ti a, ka huphurh na zawng zawng te kha an rawn let leh ta vek ni maiin ka hria "Aih, nangmah va kal rawh, ka ngam lo" tih pah chuan amah chu kalpel ka tum a, mahse ka dinna ngaiah bawk chuan min pawt let leh.





"Enge maw i hriat le ka kal duh lo ka tih kha" ka ti chhuak tuarh a, na zet hian ka thaw nghal vak bawk. "Bawihi, inbengdai phawt țhin teh" a rawn ti a, amah chu ka melh chho a, "ka duh lo, ka pa ani dawn lo tih ka hria" ka ti a, thaw chhuak hawk chuan ka ban bulah a rawn vuan a.





Rawn kun hniamin ka mitah tak chuan min rawn en a, "thaw chhuak phawt teh" a rawn ti sup a, a sawi dan ang chiah chuan ka thaw chhuak nghal ham ham "Engmah hlauhthawn tur a awm lo, patea hi ipa ani dawn tih ka hrechiang, vawiina ka hmuh dun ațang ringawt cheu pawh khan in anna lai tam tak innei nghal tih ka hmu a, chuvang chuan engmah ngaihtuah buai suh" a rawn ti sup.





"Mahse.... " ka la ti hram "mahse a theih loh, min rinchhan chungin engkim ti țhin rawh ka tih kha" a rawn ti nghut a.





"Anih amah a kal ve dawn em? "





"Kal dawn love, zanin hian meeting leh interview hmachhawn tur a nei a, naktukah ani chuan a hre chauh ang tichuan k kal dawn tiraw? " a rawn ti a, ka bûk nghat rual chuan ka chalah a rawn fawp vang vang a, thil dang ka tih hnuah chuan damdawiin lam panin kan chhuak nghal a.





"Bawihi, patea hian fapa pahnih a nei a, fanu a awh thu min hrilh țhin, a fanu inih chuan a sawi ang tak tak khan a duat ngei ang che" a rawn ti sup a, ka thaw chhuak hak. Ka pa ani lo ang tih mawlh ani ka hlauh ni, k m tam tak ka lo zawng ve tawh a, alo nih leh loh vaih chuan ka beidawng tawhin ka ring.





"Ih, englo 'pate' itih khan ka lo hlauthawng hman lutuk a, i patea fanu ka nih chuan unau kan ni dawn si a, unau kan nih chuan tuna thil thleng te hi thleng ngai lo tur ani dawn bawk a" ka ti sap a. A rawn thaw chhuak hrawih a, steering chu herh kual pawp pah hian.





"Chutiang chu a thleng ngai lo. Lo thlengin ka unaunu niin ka cousin pawh lo ni mah la, ka kalsan chuang lovang che. Ka neih che an phal dawn lo anih chuan ka ru bo che anga, ramdangah ka kalpui daih mai ang che" a rawn ti nghut a, ka nui chhuak hak a "Enge? " a rawn ti hmuk..





"Min ru bo anga, chuan ramdangah min kalpui anga" ka ti hâ "Chu ai chuan a rapthlak maithei ani. Ka ta chauh ini a, tu mipa mahin an khawih ve che ka phallo, keima ta chauh ini a, ini kumkhua bawk ang" a ti nghet churh a, a thusawi nghet lutuk chu ka thinlungah hian a inkhungbet nghal vek a. A ta ka nih zia ka hrechiang zual sauh bawk.





Damdawiin kan thlen chuan doctor awmna lamah chuan kan kal nghal chat a. Result ka hmu hreh lutuk hi a hreawm zawk. Ka hlauthawng a, lo ni leh lo ta se, ta se, ta se, tih ringawt ka ngaihtuah.





Ramhluna result lam te chu rei ka ti tawh lutuk ringawt. Ka țhutna ah chuan țhu in ka kut chu ka sik neuh neuh a, a chang leh ka ke chu ka thên vak vak a. Zan anih tawh avangin tu vak mah an awm tawh lo a a hlauhawm ru phian lehnghal.





Ramhluna paper nena alo phei chu ka en reng a, ka thin a phu nasa lutuk hi an phu chhuak dawnin ka hria "Bawihi, ka sawi reng kha, thudik ka sawi ka tih mawlh mawlh kha" tih pah chuan paper chu min rawn pe a, ka ban nghal vat bawk a. Ka en chiah chuan lawm avangin ka nui chhuak nghal hak a, ka mittui a hnâm nghal kuar kuar mai.





Pa ka nei ve tawh tihna, pa nei ve tawh tihna. Ka hlim lutuk hi sawi ngaihna ka hrelo. Pa tiha koh tur ka nei tawh dawn. Khang kum tam tak hmuhsit ka tawh thin laia vengtu nei ngai lo leh, a khawhar ve changa infiampuia, titi pui tur nei ve ngai lo khan pa ka nei ve tawh dawn anih chu!.





Ka lawm lutuk chu paper ah chuan ka mittui a far thla keuh keuh a "Nu, ka pa chu ka zawng hmu tawh asin, i rawn hmu ve thei em? I fanu laktlak loh zet hian a pa chu a zawngchhuak ve tawh asin, i duhthusam a puitling tawh bawk a. Thlamuang takin chawl tawh rawh, i fanu hi chu ngaihtuah ka ngai tawh lo ania, amah venghim theitu leh thlamuan theitu, a harsatna lai apianga țanpuia, hnêma, tihlimtu tur pa a nei tawh dawn alawm" ka phun chhuak sep sep a, ka mittui chu ka biangah a rawn luang nghal zung zung a.





"Bawihi" tih pah chuan Ramhluna chuan min rawn kuah nghal vat a. Ka âwm lum ka hriat țhan zet ka deh rual chuan ka țap chhuak nghal hâwm hâwm a, pa ka nei ve tawh dawn anih chu! Pa ka nei ve tawh dawn.





Lawm avanga mittui luang chung chuan Feli chu phone in ka hrilh ve a, min lawmpui thu sawiin a țap ve țeuh ringawt a. U Saia pawh ka hrilh a, ani pawn min lawmpui thu a rawn sawi a. Ka hlim ani, ka hlim takzet. Pa tiha rei tak chhung koh tur nei ve lo khan koh tur ka nei ve tawh dawn ani a. Ka hlim ani ka hlim takzet. Pathian hmaah lawmthu ka sawi mawlh mawlh a, Pathian hi chu alo va han tha tak em!.





Ramhluna hna pawimawh a neih leh avangin damdawiin pawh kan awm rei hman lova tun țuma a hna erawh chu engkim chinchang min hrilh hman veka, ka hrethiam takzet. Company an laksak loh nan nasa taka a beih a ngai a a thil tihna apiangah thlâwp zel ka tum bawk.





Min awmpui duh viau mahse hna a neih a amah zawk thinrimah a țang lehnghala. A nuih zatthlak letling phian lehnghal.





Ina min drop hnu chuan ani pawh a tlan let lehnghal vat a. Kei pawh in ah chuan lut vatin inah chuan ka mu lum nghala. Pathian hnenah lawmthu ka sawi nghal bawk, ka pa chu biak ka chak nghala. Mahse zan lamah pawh hna avanga a buai țhin thu Ramhlun'an min hrilh a, ka be ta lo. Ani pawn a hriat chuan min rawn call ngei ang, nui ver ver chung chuan ka mu ta a.





Ka zing tho te chu nidang zawng aiin ka tho fuh a, pa ka nei tawh tih hriaiin ka thla a muangin ka hlim ve em em a, mahse ka hlim rei dawn lo tih hi lo hre lawk ila ka ti ngei mai





Ramhlun'an chhuna min hmuh hman loh thu a sawi a, mahse zanah a patea, (ka pa) te nena dinner ei dun a duh thu a sawi a, hna lama a buai țhin em avangin ka hnial ngam lova, ka hnial anih vaih chuan a țhalo zawk ang.





"Nang hi pa i nei a, min theihnghilh ta der a" Feli chuan rawn lutin a rawn ti nghala. Thil ziah mawlh mawlh pah chuan "chutiang lam ani lo, hna ka ngah leh tawh em hi" ka ti sap a, heng ai hi chuan waitress nih pawh kha ka thlang zawk fe asin mawle.





"Chu pawh ni mahse e, i pa chuan alo be tawh che em? "





"Be lo, mahse zanin dinner kan ei chhuak ho dawna, result ala hre lo aniang" ka ti nghal sep a, ka hmaa ka hnathawh tur vûm thur leh Feli ding en chuan ka thaw chhuak hak a "Min lo tihpui teh" ka ti nghal zat bawk.





"Vawiin chu ka hman alawm, kan indaih lutuka, kan âwl zawk mawle, titi dun teh ang. Kan titi dun lohna a rei tawh si" a rawn tih chuan ka nuih nghal ver ver a, ka bula chair chu rawn la in nizan lama mi a rawn ziak lut ve nghala.





A ngaihzawng hluite chanchin hlir kan sawi a, a chang leh kan nui vak vak țhina, a chang leh a rawn țap leh thul, hemi dawra hna kan hnathawhna hmasa ber te pawh kha kan sawi kai a, a ngaihawm takzet bawk.





Khawiah nge maw ni min pui tura an rawih chu ni. Tun thlengin alo la kal lova, an rawn dah leh dawn loh chuan min hrilh lo law law mai tur ania. Mi kan lo nghakhlel ru ve tawh em em a.





Lunch ei nan ala hma deuh avangin Feli nen kan bazar chhuak a. Hmana kan tih țhin angin dawr tin deuh thaw ah kan lut a, engmah lei si lovin kan en kual a " a nalh hle mai a, hemi hi naktukah ka lei ang" kan ti vek a, dawr kai ten min ngei țhin ania aw.





Ramhlun'an ka lo lam ang che a tih avangin ka nghak a, mahse a office a kal turin min rawn ti leh si a. A pawi loh thu in ka chhang a phone a dah dawna hmeichhe hlim nui ri ka hria chuan ka awm a ti nuam lo a, keimahah hlauhthawnna a rawn awm lehnghal țan der tawh mai.





Ka pa pawn min rawn be ve teh mial a. Pangngai taka vawikhat ka biakna tur ang ani a. Ka zam ve det, sawi tur pakhat mah ka hrelo. Dinner ei naa kan inhmuh tur thu hrilhin phone ka dah hmak ringawt. Kum tam tak pa in nei lo ve tawh a, han neih ve thut ta ula in zam ve tho in ka ring.





Ramhluna te company ka thlen chuan amah chu ka call lehnghal a. Mahse a la theilo hrim hrim, lut ve tawp ang. Engtin mah min ti em bik lovang tih rilruk pah chuan ka lut a mahse a thawkte chuan min lo hre tak anni.





Engmah ka sawi ve hma hma in mipa pahnihin min rawn dinchilh nghala. Hmeichhe pakhatin ka hminga min ko chungin amah zui turin min hrilh nghala. Ka va awih lo tih hman pawh ani lo hrim hrim.





Kawngka lian zet hmaah chuan min dinpuia, engmah sawi lovin an kal lehnghal daih a. Robot te pawh an ang alawm le. Nichin kha chuan min ti hrilhhai hman takzet. Min ru bo dawn amaw ka ti hman tawh.





"Miss, lo nghak lawk rawh aw, sir hian tlawhtu a nei a, alo chhuak țep ang" hmeichhe pakhat hian a rawn ti sap a, ka lo bu nghat thung. A chhunga thil awm te ka en kual lai chuan kawngka ri khep ah chuan ka hawilet nghala.





Mahse rawn chhuak te ka hmuh rual chuan ka maimichhing nghal sawk a. Ka men leh rual pawh chuan an lo awm tho. Ka thil hmuh chuan lung ina min den ang mai hian min deng dawt dawt a. Mak ka ti lutuk chu sawi ngaihna ka hrelo.





Ramhluna chuan Evelyn-i kawnga kuah chungin a rawn chhuahpuia, Evelyn-1 kawr chu a chuar nei nuai bawk a. Chuan thil pakhat min ti hrilhhai em em leh tu pakhat chu Ramhluna hmui bula lipstick sen kai chu ani.





"Ramhlun" ka phun chhuak sep a, ka thluak hian enge a ngaihtuah pawh ka hrelo. Ka â vek eng ber nge ka tih ang ka hrelo ani. An pahnih chuan ka melh ngawt ngawt a tuna ka thil ngaihtuah hi thleng suh se ka ti mawlh mawlh bawk.





Ramhluna chuan rum zet hian min melh a, a kut chu a hûm ruh ngawt ngawt bawk a. Kei erawh ka hawihai hle thung. Evelyn-i kawr chuar nei nuai te, Ramhluna hmui bula lipstick rawng sen kai te chuan ni lo lo min ngaihtuah tira. Ka thil ngaihtuah avang chuan ka kaihza tha a khur dat dat a. Ka thinphu rang bawk si avang chuan ka thâwk a buai deuh a boruak hîp tur ka mamawh belhin ka hre bawk.





Ka tih ngaihna hrelo mangang bawk si chuan an mahni chu ka melh ngawt ngawt ringawt sawi tur reng ka hrelo. Mahse Evelyn-i thusawi chuan min ti nghing lawih thei "Kan che na deuh ani maw, i hmui bulah hei ka lipstick alo kai anih hi j duhthawh lutuk a" a ti a, Ramhluna hmui bula mi chu a han fawp zeuh a. Ramhlun'an engtin mah a ti lo, dan pawh a dang lo.





Ka thil hmuh leh hriat avang chuan ka dinna ațang chuan ka che dat a. Mahse bang a awm avang chuan ka innem khalh nghal vat a. Ka thinphu rang lutuk avang chuan ka thaw țha thei lova, boruak ka hîp lut nghal kâwk kâwk a. An mu dun tih ringawt chuan ka ngaihtuahna a luah khat a, boruak hîp tur ka tlachham a, ka thaw vak vak bawk. Ramhluna engmah tih tum lova ding ngawi reng chu ka melh țawk țawk bawk.





Thil eng emaw ka hlauh emaw, min țhawng thut tur thil emaw, min ti na a min ti mangang tu an awm changin ka thinphu a rang vak vak țhin a chuan boruak hîp tur ka tlachham zui țhin .




💜 BORAHAE 💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 3:11 pm

2!3! #EP-29

By : Msi_Miluhlulnui 👩🏻
(Hmeichhe naupang tereuhte)





"I hmuh ang hian hun nuam tak kan lo hmang zo chiah a, enge i ngaihdan?" Zak miah lova min zawt leh zawk tu chu thei leh thei lovin ka han melh chho a, ka thâwk lak a buai a, boruak hîp tur ka mamawh belh takzet bawk





"Ka.. " ka ti chiah chu thaw chhuak kâwkin chhuatah chuan ka țhu thla dawt a. Engmah ka sawi theilo. Ka kâ hi ka âng leh anih chuan hmanni a ka awm ang chiah khan ka awm leh dawn! . Damdawiinah admit ka ni leh anga, oxygen pek reng ka ngai leh bawk ang.





Ka sam chu țham in ka thaw zui kâwk kâwk a, harsatna ka tawh lai pawha Ramhluna'n a hriat ka hlauh luata ka inven ngai ziah hi chu ka ning takzet ani. Tunah pawh ka awmdan chiang takin a hrethiam leh vek tawh a "Bawihi... i țha em?" Min rawn tih leh hmasak ber tawh saw!.





Ka țhalo ka țhalo takzet, tunah hian tuna i thil thlen mek khan hetiang hian min awmtir ani tih j hria em? Thil chiang tak hre tur pawn ka duh angin ka awm thei lova, nangni pahnih hian min tihder ani tih min hrilh hram teh u ka ti rilru mawlh mawlh.





"Bawihte... " rawn ti lehin ke pên thawm a rawn awm nghal zat a. Hetianga ka awm chung pawh hian ka lo insehru nghal țeuh tho. Hepa min uapna hi chu khawlum in min uap țhinna ai pawh hian a na zawk.





"Ramhlun kal tawh ang kan tlai mai dawn ania" Evelyn-i chuan a rawn ti tûng a, an pahnih inbiakna hriat ringawt pawh hian min ti tâwt. Thei chu ni ila helai hmun ațanga ka kalsawn na hi a rei tawh ang.





"Nangnen khawiah mah kalna tur kan nei lo, va haw tawh rawh" Ramhluna chuan a ti thûm dut a.




"Mahse.... "





"Ka sawi chiang viau tawhin ka hria. Chuan k thil min hmuh kha a tak ani nge ni lo ka chian ngei bawk ang" a ti leh hrâwk a, a sawi zawh rual deuh thaw chuan a taksa lum chu ka hre chhunzawm nghal zat bawk!.





"Ka... Bawihte.. i țha em? " a ti bah ve nawk anih chu! A taksa lumna chuan ka taksa ah lumna a pe a, a aw dam ruih si mahse phatsana aw kâ ni si hian hahdamna leh thlamuanna min thlen thung lawi si.





"Bawihi" a rawn ti leh ruih a, rei vak loh ah ka thâwk a pangngai tial tial a, hepa bula ka awm hi chuan eng ang natna, emaw harsatna pawh tawk mah ila a tihdamna amah hian min thlen ka ti mai. Ka bula a awm hian keimaha natna dotu te kha a ti chak sawt a, ka kim a, ka lo mamawh ruk țhin em em te kha ka hmu thin ni maiin ka hria.





Ka ban a rawn sik rual chuan rang lutukin a kut chu ka dahsawn sak a. A rûm nghal nghut lehnghal "Min rawn tawk hlek suh" ka ti chang fak!. "Ramhlun, duhtak kha amahin a awm duh anih kha, i tawh pawh a duh loh te chuan enge ila buaipui reng" rawn ti ve sek tu chuan ka thâwk a ti ipik zual.





"Evelyn" Ramhluna chuan chang hrêk hrâwk hian a ti chhuak a "i țawng leh anih chuan nichina ka sawi kha a thleng tawh tak tak ang" a ti zui leh hrâwih.




"Mutpui tur che a min sawmna kha maw? "




Rapthlak ti lutukin Ramhluna chu ka melh chho a, amah pawh chuan min rawn en ve chiah bawk a. A hmui phun chuan 'bawihi' ala rawn ti hrâm. Ka thin na lutuk leh ka thâwk sak lutuk avang chuan ka âwm zâwna ka kawr chu ka hmer vak a. Ka mittui a rawn hnâm nghal kuarbawk.k





Enge sawi ve tur reng ka hrelo. Ka â hui a, ka ngaihtuahna te hi an thi vekin ka hre bawk. Nizan te kha chuan pangngai tak khan kan la inbia a, vawiinah pawh dinner ei chhuak dun tur kan ni, ka pa nen. Mahse..enge thleng ta hi heng thil thleng te hi thleng tura ka beisei phak loh ani bawk.





Nge kei hi min lo bâwl kual vel mai mai ni ang. Ka nat an duh luatah min duh ang deuhin a lang a, min ngaihsak ang deuhin a lang bawk a. Hlim taka min siam hnu fe ah natna nen bawk min kalsan leh dawn tihna em ni?





Kima nen an in an loh ka ring a, hlimna ka la dawn ngai miah loh min thlen a, kum tam tak ka zawn tawh hahdamna leh thlamuanna a lak ațang hian ka hmu a. Chu thil chu neih ve reng ka duh a mahse ka tan siam ani ve lo ania nge, hlimna ten keimah zawk min kalsan a, ka bulah an awm peih lova. Min kalsan zawk țhin.






Ka rilru chuan Ramhluna en reng chung chuan a be mawlh mawlh a. Ka mittui chu a biangah a rawn luang thla nghal bawk, ka thin zawn na lutuk leh ka thâwk hleihtheih loh vang hian ka taksa te pawh an khawng deuh ti tih tawh.





"Duati" tih paha ka mittui luang rawn hruk a tum rual chuan thei leh thei lovin ka ding chhuak nghala. Thâwk ka la nghal vak! ka thin rawn na leh zawk avang chuan ka ner zui lehnghal bawk!.





"Ramhlun, ka nu in min nghak reng ania" Evelyn-i thu rawn sawi leh avang chuan ka kûn nghal ngul a. Helai hmun ațang hian chhuak ila ka thâwk hi a pangngai mai ka ring. Hemi te pahnih inkara ka awm reng erawh chuan ka na hi a zual mai mai ang.





Ramhluna melh leh zawk chuan ka pên sawn nghala. Mahse tam pawh ka la pên hma in ka bân bulah min pawtin a lamah chuan min pawt lêt hrâwk a!. Hnunglam zawng chuan min kuah bet nghala. Tal nghal chiam ka tum a, mahse ka thin na lutuk avang leh ka thâwk sak lutuk avang chuan duh angin ka che thei lo, ka zawi vek!.





"Min thlah rawh!" Thei leh thei lo chuan ka ti fak a, mahse thlah chu sawi loh min kuah nghet telh telh zawk. Ka thâwk lak a sak țûn tawh mai "Ramhlun, enge i tih kha! Thlah rawh ani mai mai kuah ai kha chuan kan kalna turah kal zawk ang" Evelyn-i chuan a rawn ti leh țûng a, thin nat nen, thâwk hleihtheih loh nen chuan hreawm tak ani.





"Evelyn kal rawh ka ti che in ka hria chuan ka sawi chiang tawh viau bawk. Nangnen hian tihdun tur kan nei lo, e huan i hriat atan khanu nilovin Bawihi anih hi" Ramhluna chuan a ti chang hrâwk a. 'Bawihi' tih țawngkam a chhah chhuah chuan min ti na vawng vawng thei.





"Ila hre khawp ang" tia min melh hrep pah chuan office chhungah chuan a lut ta daih a. Chumi rual chuan kei pawh ami uapna na zet atang chuan tal chhuah ka tum ve mek bawk.





"Bawihi, che tawh suh i hah lutuk chuan i thâwk kha a buai mai ang. Hahdam phawt rawh" min ngaihtuahna aw ri a ka ațanga chhuak chuan min ti na vawng vawng thei. Heng zawng zawng hi a lem vek tih engtin nge ka hriat loh theih zawk le. Hetiang chiah hian Evelyn-i kha a ti ve awm si a. Mahse ani ah erawh chuan dâwt a tel ve awm tawp si lo.





Ka thil ngaihtuah avang chuan na zeta amah chu nghawkin tal chhuah nghal ka tum a, mahse ka tha neih sa zawng zawng nena ka nghawk na chu atan chuan engmah ani lo. Nghet zeta min kuahin ka tukhumah chuan a rawn fawp leh vang vang a, chu thil ringawt pawh chuan min ti na a ka mittui a rawn luang thla nghal ngiai ngiai bawk.





"Min.. Min thlah rawh, ilo tenawm takzet, min thlah hram rawh" ka ti zawi sap a, ka sawi zo chu boruak ka hîp lut nghal kâwk bawk!. "I hmuh leh hriat ang kha engmah ani lo" ka dara khabe nghat chung chuan a phun chhuak sup a, ka nui chhuak hak. Chumi rual deuh thaw chuan ka thin zawn a rawn na lehnghal zawk a, ka țe chhuak nghal that!.





Ramhluna chu rûm nghutin "tiang khan awm vak țhin suh" a rawn ti dam thlup ang lawi a, ka ner nak "Engtin nge ka awm vak a mawh!? Engtin nge ka awm? Nang ang a kawppui te duh anga langa mahse hmeichhe dang kawp tho si ang hian ma awm ami?" ka ti chhuak deuh tuarh a. Duh anga boruak hîp tur ka neih loh avang hian duh angin ka țawng țha hleithei lo zawk a!.





Hepa min uapna nasa lutuk hian boruak min tlakchham tir ni maiin ka hria "Min thlah rawh. Duh leh i sawm ang ngei chuan va mutpui ta che" ka ti fak a tal ka rual nghal zat bawk.





"Malsawmzual, chutiang engmah a thleng lo, chuan ka sawi lo bawk" a rawn ti hrâwk a, ka tal chhuak thei lo thinrim bawk si chu rûm nghatin ka kut ka vai lawp a "ka hming pum khan min ko teivet suh, engkim ka rawn hmu a, ka beng hian sawi a hre bawk a chuti chung chuan i phâ ang maw? " ka ti chang fak a. Mipa tha ngah bik lutuk hi chu ka haw takzet ani.





"Engthil nge i rawn hmuh a? " ngaihsam fe hian a ti leh a. Ka va han ning tak. "Ka rawn hmuh maw?! Hah! I hrelo der chu a lawmawm hrim hrim e, ihmaw... kan hrilh ang che, mipa leh hmeichhia room ațanga an lo chhuah a.... " ka sawi zawh hma hma chuan.





"Room ni lovin, office ani Bawihi office" chimawm zet chuan a rawn ti ve kher a. Ka rum nghat a.





"A engpawh ni rawh se, thawmhnaw chuar tak leh mipa hmui bula lipstick sen kai hmuh chuan tu hmeichhia pawn eng thil nge thleng chu an hria ang chu mawle. Chuan nang hian rum ul in min lo melh a, a landan kha chuan ka tibuai cheu kha i lawm vak lo ania nge" ka ti fak a, chhuah tum chuan ka che ve sek a, mahse ka tha ka seng thlâwn mai ani. Ka zawi bawk si, duh angin ka țawng thei bawk si lo.





"Bawihi, i ngai dâm lutuk lo maw? Engmah thil thleng hre lovin sawi ngawt zel suh ka tih kha. Chutiang engmah a thleng lo" a rawn ti leh sup a, ka thâwk harsa ti lutuk hi ka mittui a tling pâm tawh mai.





"I ngaih a sam bawk a, a țha alawm mahse kei erawh chuan ka ti ve mai mai lovang. A Chhunga thil thleng chu engti kawng mahin ka hre dawn lo tih pawh ka hria. Mahse i hmui bula kai khan a tichiang thawkhat viau ani. Khawmaw min thlah teh. Mi tenawm lutuk inih kha" ka ti chang fak a. Engvanga pawisawi lo anga lang tlat nge maw anih hrep le.





Ka rin loh lutuka min thlah avang chuan ka che dat a, mahse amah zawk chuan min rawn vuan bet leh hman tho. Min thlah rual hian ka thâwl leh ang hawk a, a taksa lumna kha ka zawng țan leh ruai bawk si.





"Nangpawh enge i nih bik? Mipa dang bia in min phatsan ani lawm ni" a rawn ti hrâwk a, a țawng ka chhuak ațang chuan min ten hmel takzet bawk. A thusawi awihawm loh lutuk avang chuan ka nui chhuak hak a. Ani erawh a kiai suk thung.





"Engmaw I sawi? " ka ti tâwk a "oh! Kei angin i hrelo der a, a lawmawm tho e. Kan hrilhfiah ve mai ang che. Nizan ka thlah hnu che khan mipa dang nen in lo awmdun tih ka hriat loh ring reng reng suh ang che. Engtik thleng nge zep i tum? " a thusawi awihawm loh lutuk avang chuan min vawnna chu ka pawt sawn lawp a.





Ama lam chu hawiin "kei hi, mipa nen kan awmdun amaw? " ka ti nghek!. Chumi zawh rual deuh thaw chuan ka hmaah hian eng emaw hi a rawn vawm pawp a, ka phu nasa lutuk chu ka thinphu a rawn phu rang zawih zawih a, ka hlauh avang bawkin ka thâwk lam bawk in min luhchilh lehnghal.





"Malsawmzual ti hian ila pha ang maw? Tenawm min ti a tiraw kei ai pawhin i tenawm zawk. In mu dun ania, en rawh" a ti hrâwk a, thinrim hmel fe hian a thaw chhuak hrâwih bawk.





Thlalak chhuata tla chu zawi muangin ka zu ban riai riai a, ka kut tha te hi a khur der der thei nia. Ka thin phu rang lutuk hian ka thâwk a tih harsat belh takzet.





Thlalak chu kut khur dar dar a la kangin ka en a, ka in khumah ngei ruak ngal ngat a, ka mu leh ka chunga mipa mu reng chu ka melh ngawt ngawt a, thlalak chungah chuan ka mittui a far thla nghal a, a val nghal kalh bawk.





Kei hian mipa ka mutpui amaw?! Chu pawh engtik laiin, keimah ka inhriat tluk hian tuman min hrechiang lo asin. Chuan engtin nge mipa ka mutpui theih zawk? Ka harhfîm laiin mipa ka mutpui maw!?





Ka kut chu a khur der der a, ka mittui hi engtik laiin nge a lo tling khawm a, alo tlak ka hrelo. Natna avang bawkin ka biang hian tui a dawng țhina, hlim luat avang hian vawikhat mah ala dawng lo.





"Khapa nen khan nizanah nuam in lo chên a, a țha e. Kei hian ka lo hrechiang tawk lo che ani ngei ang" Ramhluna tih hrâwk ri chuan ka khur ati zual sauh a. "Heihi, keimah ka ni lo, ka ni lo, ka ni lo" ka ti sap sap a. Min dêu sawh hmel zet hian a nui ri zui kher!.





"Ani maw!? Nangmah ini lo maw!? Mahse i ni chiang alawm in en ta che. I hmeltha takin nuam a ti lai hmel anih hi nangmah leh nangmah chu i in hai em lo ang chu" elhsen zet hian a rawn ti leh hrâwk!.





I kutah ngei mipa nena in mu dun lai thlalak chu hmu ve ta ula, engtin nge in tih ang? Mahse in mutdun lai hre ta chuang miah lo ula. Keimah ang tho hian in awm ve ang em, sawi tur ka hrelo a. Keimah ka ni lo ti dawn ila, ka hmel leh ka taksa ngei ani si. Ngaihtuahna in enge ngaihtuah tur ber a hrelo duh ang sawi tur nei lo a hreawm tihna chuan mittui a ko thla bawk.





"Heihi, keimah ka ni lo, ka ni lo. Nizan ami maw? " ka ti leh sap, aw ka vîn reng ka hmang theilo, kut khur dar dar chung chuan thlalak chu ka hmai zawn ah ka keng kang leh a, ka mittui rawn far tla leh kerh chu thlalaka ka hmai ah tak chuan a tla a, a val nghal kulh bawk a mahse ka mittui chu ka hru rang mah mah.





"Nizan ami maw!? Heihi? " ka ti sap a, thlalak chu chiang leh zualin ka en a, nizana mi anih chuan henu hi keimah ka ni lo. Ka sam hi a țial lo hrim hrim. Ka sam chu a dum hlang ani. Anih chuan ka thlalak an dahchawp tihna ani maw.





"Ani tih ka sawi chiang viau tawhin ka hria" a rawn ti a "Anih chuan he thil ka tih avang hian tiang thil chu ilo thlentir ve tihna em ni? " ka ti sap.





"Malsawmzual, keimah min demna aw ka chhakchhuak hlek suh" a rawn ti hrâwih!. Ka nui zui hak!. "Ka chhak chhuak miah lovang, ka chhak chhuak lovang. Ramhlun tuna k thil tih pawizia hi i hria em? " ka ti a, ka țawng erawh zu dam dap thung a!.




Ka rilru na lutuk hi au chhuah vak mai ka duh. He thil a hmuh hian ka tih ring nghet burin hmeichhe dang alo mutpui ve a, ka thlalak en chiang miah lovin, chuan keimah min dem zawk a!.





"Kan in tlukah ngai mai ta che" a rawn ti leh! Amah chu ka en a "ka sam hi eng rawng nge? " ka ti sap. Hlim vanga nui ni miah loving a rawn nui chhuak hawk a "Fiamthu na hun ani hauh lo" a rawn ti nghut.




"Ka sam hi eng rawng nge sawi rawh" ka ti ve leh kher a. Hreawm ka ti lutuk hi au chhuah vak mai ka duh.





"A dum" a rawn ti ta sup a, nui sukin thlalak chu a hmaah ka lek phei a "Anih chuan nizanah ka sam a danglam thut tihna ani maw? " ka ti a, thlalak chu la in a en a, kei min rawn en leh a. Kei erawh chuan rilru na fe in ka lo melh reng a.





"Engtin nge keimah pawh min en chiang miah lovin hetiang thil hi i tih theih le? Ka hrechiang che iti ani lawm ni. Mahse tinge ka sam rawng ațang emaw a thlalak edit atang ringawt pawh hian min hriat loh theih zawk? Chuan hetiang ka tih i rin avang hian hmeichhe dang ilo mutpui hman a, i tih hma khan i in ngaihtuah lo vem ni? Nge ni a, min ten lutuka, min haw lutuka keimah pawh min hre chang lek lovin ilo ti zawk" ka ti sep.





Ka mittui luang ngiai ngiai chung chuan ka kâ in a zawh ngam loh zawng zawng chu ka rilru in a zawt vek a, keimah min rawn en in thlalak chu a bih leh țhina, min rawn en rual apiangin mittui luang chung ngeiin ka lo nuih sang zel țhin.





"He thlalak i hmuh lai hian engtin nge i awm? Hetiang mi hi ani lo, hetiang thil hi a ti theilo tiin vawikhat tal i ngaihtuah em? Ka thlalak pawh en chiang lovin k duhthu in thil ilo ti ve tawp a. Nangmah ngeiin ka inah camera k dah thu i sawi ani lawm ni. Chungte chu en in finfiah hmasa phawt ta che. Mahse chutiang pawh awm lovin ka tih ringin hmeichhe dang ilo mutpui a" ka ti țiau, ka mittui chu ka hru nghal zeuh bawk a.





"Bawihi... " a rawn ti sup a. Mahse ka kut chuan a țawng tur chu ka dang hmak a. "Nizan khan nangmah ngeiin min thlah a, chuan zing leh tlai thleng pawhin min ngaih thu te ila rawn sawi a mahse ka lo kal a, khatiang khan min lo en leh si a. I tan chuan hetiang hmeichhia hi ka ni tawh asin" ka mittui a luang zawih zawih a. Hruk ka phal lo ni lovin hruk sen ani lo zawk mawle.





"Bawihi... Ka.. Englo" a ti bah nawk a! Mahse nui lui sakin amah chu ka en a, "I duh chuan kei aia thianghlim k kawp tawh dawn nia" tiin thlalak chu ka ban a, min man beh leh hlauin ka tlanchhuak nghala. Ka mittui luang zawih zawih chung chuan elevator ah chuan ka chuang a. Ka țap chhuak nghal hawk hawk bawk.





Kha thlalak a hmuh chiah khan engtin nge min ngaih ang le. Min hrechiang tia a in sawi anih chuan ka nihna engkim hre tur ani a, tiang mi ka nih loh zia pawh min hriatsak tur ani asin. Ka rinna zawng zawng amahah ka nghat vek a, ka thinlung zawng zawng a hnenah ka hlan tawh bawk a. Mahse chu chu engmah lo mai ani leh ta si.





Elevator chhuatah chuan thu in ka tap chhuak nghal hâwm hâwm a, U Sai'an Ramhluna nena kan inngaihzawn thu a hriat tira a thu min hrilh kha alo dik ngei dawn anih hi 'Mipa nun hi chu nitin kan hmun țhin motor ke bial ang hi ani a a vir kual a vir kual a a nghet tak tak ngailo, hmeichhe ho hi in nun erawh chu duh duh hunah thlawn thlak theih in ni ve thung a perek vawikhat i rap a nih chuan rah nawn leh hlauhna in in khat ang.'..... tih kha.





Tunah chuan ani tan chuan hmeichhe tenawm chauh ka ni tawh a. A hringnun ah lem min chanpui a, mahse kei chuan a takah ngaiin ka lo hlimpuia, hlimna tam tak ka dawng ve tawh dawn amaw tia ka suangtuah laiin a suak mai mai an lo ni si. Anih chuan he hringnun thawnthu ah hian enge ka nih ve tak le?





Elevator a din dawt rual chuan ka mittui hru thuak thuak in ka bag a ka cap dah chu ka la chhuak a. Khum nghalin pawnah chuan ka tlanchhuak nghala. Taxi ka hmuh hmasak berah chuan ka lut nghal vat bawk.




Feli chu call nghalin "kan inah lo kal rawh vatin" ka ti nghal țiau a, driver chu kan awmna veng hrilhin chak thei ang bera tlan turin ka hrilh nghala. Mak tih hmel zetin min en țhina, mahse ka ngai pawimawh lo he hmun hi kalsan vat vat ka duh.





Ka tlan na avanga ka thinphu rang lutuk avang leh bawkin ka thâwk lam a rawn buai leh deub a, ka kawr awm țhamin ka thaw nghal kâwk zel a. Taxi glass chu hawngin thli lo thaw chuan min chhem nghal seng seng a tlem chuan ka zia ve deuh.





In kawta min drop hnu chuan rang zetin in lam pan chuan ka tlan lut nghala. In kawta Feli lo ding chu ka kuah nghal ringawt a ka tap ti tih nghalb bawk. Engmah hrelo chuan ka kawr hnungah chuan a chul hliau hliau a "Engmaw k hriat leh tak le? " a ti sep bawk.





Kei erawh chuan kan colony ten ka țap ri an hriat ka hlauh avangin ka inpet ru ngar ngar a. Ka pa te nena chaw kan eina tur pawh ka kal lo a, naktukah hmuh ka tum tho a. Ka sawi fel vek mai ang. Ka pa ani tih ka chian tawh bawk a. Engmah lungkham ka nei tawh lo.





"Lalramhlun, engtin nge ka țhiannu hi ilo tih a? " Feli țawng ri avang chuan ka hmui ka peh chu thlah in hnunglam ka hawi nghala ka hnung maia Ramhluna lo ding reng chu ka hmu nghal zat bawk.





A hmel ka en rual chuan ka thin a phu rang nghal dawt dawt a. A hmel ka hmuh ruala ka thin phu rang nghal dawt dawt țhin hian keimaha hmun a luah hnem tawh zia min hriattir a. A hmel ka hmuh ruala ka pangngai hleithei miah lo hian ka lakah enge anih min hriattir chiang viau țhin bawk.





Ka khawvel a rawn rah hma kha chuan zâmna te leh thinphu det det a pangngai loh nei lovin ka nung mawl ve tawp a. Mahse ka hringnun a a rawn tel ve chinah chin thar ka nei phaha, keimaha awm ngai lo chu awm turin bul a ințan ve mek țhin bawk.





"Enge ila duh a? " ka ti chang fak a. Engmah sawi lovin min en ngar ngar a. Tlai lam pawh ni mahse ka hrechiang takzet ani "Sawi ta che, enge ila duh, nichinah kha chuan i țawngtheih viau kha" ka ti leh fak a. Mahse engmah sawi lovin min en a, ka lam hnaih chuan pen khat a rawn pên zeuh chauh ringawt!.





"Enge thleng a? " Feli chuan a rawn ti vat a. Ka lu ka lo thin khum ringawt "I țawngthei lo thut ami? Nge ni a, kha thil kha ka tih ani lo tih i tum zawk? " ka ti leh. Mahse engmah sawi lovin vawikhat a rawn pên leh a tunah chuan pên nga vel bakin kan inhlat tawh miah lovang.





"Bawihi, engmah hrechiang lovin ngaihdan siam nghal ringawt suh. Evelyn-i nen kan mu dun lo. Kan mu dun lo ang bawkin mutpuiah ka sawm loh bawk" a aw ah chuan natna a ri chhuak ve ngei ani!. Ka chiang takzet natna a ri chhuak ve.





"Maw!!! Tu maw mutpuiah i sawm a? " Feli chuan a rawn ti nghal nghek a "Fel, engkim ka hrilh vek ang che. Mahse tunah erawh chuan hepa hi biak pawh ka duh lo" ka ti a. Amah chu ka en a, min en chung chuan a rawn pên leh zeuh.





"Rawn pên tawh suh" ka ti nghal vat a. A taksa lumna ka hre leh ngat anih chuan engkim theihnghilh a âwmah ka bei leh duh ngei ang. Mahse chutiang chu ka ti thei tawh si lo.





"Ka lo va lut ange. In inbiak zawhah rawn lut rawh aw Zual" Feli'n a tih rual chuan a tlan lut nghal daih a "Lalruatfel" tiin ka lehhhawi a, mahse kawngka chu hawng sawk sawk in alo lut leh hman der tawh bawk.





Ramhluna en leh tuma ka hawi let chu ka hmaah tak alo ding tawh a. Ka tê hle ani tih ka in hrechiang leh ta lutuk tawh ringawt bawk.





Ka chêt sawn hma chuan ka bân bulah vuanin ka biang a rawn dawm chhunzawm nghal zat a. "Kalsawn rawh" ka ti nghal fak a. Mahse ka kâ chauhin a sawi tih hriat nan chesawn hmuh tur pawh a awm lo.





"Bawihi, engmah a thleng lo. Chuan ka tih palh takzet. Khatianga ngai tur che kha ka ni lo, ka tihpalh. Ințhen lovang, i tello chuan engmah ka ni dawn lo" a rawn ti sup a, a thusawi chuan min khawih takzet. Ka mittui a ko chhuak leh der tawh mai. Hepa laka rilru no em em ka nih chhan hi hriat ka duh takzet.





"Bawihi, ka tisual ka hria. I duh chuan min haw thei ang. Mahse ințhen lam sawi hauh suh" a ti leh sup a, ka chalah a chal rawn nghatin "kal suh" a ti sup bawk a. Ka hmui hnuai ka pet a, ka mittui a rawn luang zung zung mai.





Theih nise let ka duh, ka duh takzet. Mahse ka let anih chuan ka natna ngaiah bawk ka na nawn leh anga. Tihdam theih loh natna ka vei thei mai ang. Hmeichhe dang nen hun an hmang tawh a chu hmeichhe ta chu ani tawh, ka ta ani ve thei tawh lo.





"Tihpalh tih khan awmzia a nei lo asin, i tih hma khan in ngaihtuah chiang hmasa tur ini asin" ka ti sap a. Ka țahna avang chuan ka aw zâwiin a lâwi rât bawk.





"Ka hria, ka tisual ka tisual takzet ani. Min ngaihdam theih nan chuan engpawh ka ti ang. Duh leh a thla pawh ka hmu lo mai ang che. Hreawm dawn mahse chuan ințhen i duh lo tih sawi hram rawh" a ti sup a, ka chal chu a rawn fawp nghal vang vang a. Ka mittui a rawn luang nasa zual sauh bawk.





Ka duh a mahse ka thei tawh lo, kha hmeichhe ta kha ani tawh. A âwmah chuan nem vakin ka lak ațang a awm hrang hnu chuan "Min kalsan rawh" ka ti sep a. In lam pan chuan ka tlan nghal bawk.
Ka hawilet emaw, kha min kuahna ațang khan kalsawn lo ila chu ka let duh ngei ngei ang. Mahse ka thei tawh si lo eng emaw hian min dang tlat tawh.





Inchhung ka luh rual chuan Feli chuan min lo buaipui nghal vat a "Fel" tih pahin ka kuah nghala. Ka țap chhuak nghal hawk bawk.





Khumah min țhutpuiin thil engkim min zawt a. Ka hrilh vek. Thinrim viau mahse tihngaihna a awm lo a, bakah keimah ngeiin engmah ti lo tura ka tih avangin a ti lo a, ni lo se chuan a cousin ngei pawh hi a sawisa duh ngei ang.





Ramhlun'n min rawn call reng a, ka sîm leh battery ka phawi hmak a. Feli riak ve turin ka sawm bawk a kan pahnih chuan ka Khumah kan mu a thil tam tak ka ngaihtuah bawk.





Tihian mittui nen ka natna leh hreawm ka tihna chu ka chhin pui anga. Mahse enge naktukah lo thleng leh ang. Ka natna ngai bawk kha em ni ka tawn leh dawn. Nge ni a ka khawvel thar tur hreawm naa khat hian min lo hmuak zawk dawn niang le.

💜

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 3:11 pm

2!3! #EP-30

By : Msi_Miluhlulnui 👩🏻
(Hmeichhe naupang tereuhte)





"Zual, tho vat teh!.. Saw pawnah Ramhluna a ding reng ania" min rawn sawi nawk nawk tu avang chuan chiang lo ruai in ka meng a, ka mit hi ana in a kham ut ut mai "Enge? " ka ti let hâ a. "Ramhluna saw pawnah a ding reng ania" a rawn ti leh, room tukverh parda chu a keu a, keipawh chuan țhu chhuakin ka en ve nghala.





A car hmaah chuan dingin in lam chu a rawn thlir leh dauh dauh țhina, a chang leh a tukhumah kut nghatin na zet hian a thaw chhuak leh țhin bawk a. A che vel chu kan en reng a, ka en zawng ringawt pawh hian ka ngai nghal vawng vawng thei nia.





"Engtin nge i tih dawn? " a rawn ti a, thaw chhuak hak in ka lu ka thing a " ti sawn a kalsawn ve mai ang ka buaipui dawn lo" ka ti hmak, mahse zep miah loh chuan va chhuaha va biaka thil tam tak sawi pui ka duh a, mahse ka tan chutiang tih chu a rem tawh si lo.





"Keiman ka va be hrim hrim ange" tih paha thawh a tum chu a bânah ka man bet a "kal lovang, ti sawn a kalsawn ve mai ang, be suh" ka ti hap a, parda chu ka keu a, amah ka en chiah chu alo hawi ve chiah a kan mit leh mit chu a intawng chat a. Car hmaa a țhu chu a rawn ding nghal uaih a. Mahse rang lutukin parda chu ka dah thla lehnghala. Ka thin phut nasat hman zia kha!





"Ka va kal hrim hrim ang, biak loh ngawt pawh ani lo thil pawimawh pawh ani thei asin, a be tu tur pawh nangmah ini chuang hleinem" a rawn ti a, kawngka lam chu a pan a, a chhuak zui nghal daih bawk.





Parda chu ka keu leh dê dê a, Feli nena an inbe lai chu ka en renga, a khât tawkin room lam chu a rawn melh leh zeuh țhin bawk a. Eng emaw chu a sawi ve tih ka hmu thei, tunah sawn a aw pa leh thûm zet khan a sawi leh anga, keiin be ta ila chu min fan leh rawih rawih tawh ang.





A tawp nan ti awm ang hrimin ka awmna lam chu rei fe a rawn en a, kan mit leh mit chu a intawng chat a!. Khap miah lovin kan inmelh reng a, a hmui phun chuan "Bawihi, ka ngai che" a rawn ti a. A bulah awm lo in a thusawi pawh hi hre thei lo mah ila, hla tak ațang pawhin ka thinlung hian a hre hneh em em tho.





Nizan chauh kha min be lovin awm mahsela min ngaih zia a hmelah sawn ka hmu thei veka, a mitmeng khawharnaa khat chuan min melh a kei pawh ka ni tho ang "Bawihi tihpalh " a ti leh sup a. Sawi tawh suh engmah sawi tawh suh i sawi leh anih chuan ka ngaih avang che hian ka mittui hian luan a tum leh mai ang, ka rilru chuan ka ti sep sep "Bawihi" tiha a ke pên a rawn tum rual chuan rang lutukin parda chu ka zar thla a. Ka țah chhuah loh nan ka hmui chu ka hup bet ringawt bawk.





Ka mittui rawn luang chu ka hru tâwk a! Mahse a luang thla lehnghal zel tho. Kha hmeichhe ta kha ani tawh. Kha hmeichhe zahawmna kha a laksak tawh a, tunah chuan amah chiah kha buaipui tawh tur ani. A hma hun engkim chu a kutah a innghat tawh si a.





Parda chu ka keu leh dê dê a, mahse a tlan liam lai bak ka hmu hman tawh lo. Keipawn nizan chauh kha be lo mah ila ka ngai hman em em tho si. Ka thinlungah hmun thûk tak a luah tawh ka tih tawh kha a luah reng ka ring bawk.





Feli rawn lut chu ka en reng a "Ilo țap leh tawh ani maw? " a rawn ti nghala mahse a zawhna chu chhang lovin "enge in sawi a? " ka ti ta zawk a. Khum chu kal hual in ka bulah a rawn țhu a "Kan sawi țeuh mai, kei chu Zual, a thusawi hi ngaihthlak sak la ka ti, thil pawh ilo hre sual zawk maithei asin" a rawn ti a, ka lu ka thing nghat!.





"Enge ngaihthlak tur la awm ang, niminah chiang takin ka hmu vek tawh alawm, amah ngei pawn a sawi" ka ti sap a, ka țhiani ngei pawn min thlâwp lo anih chuan ka thinrim viau ang "Kei chu i sawi ang ngawt kha anih ka ring lo, a chhan pawh Evelyn-i hian a duh a neih theih nan chuan engpawh tih a huam a, amah anga mi hausa ni lo phei chu a dah nil țhak zel" a rawn ti leh.





"Chupawh chu lo nise, a hmuia lipstick kai khan ati chiang viau alawm" ka ti leh țalh a. Lipstick a inhnawih anih loh chuan kai thu a awm ngawt lo. Mipa in lipstick inhnawih thu pawh a awm lo hrim hrim.





"Khatiang te chu tih kai mai mai a harsa lo atan, hrim hrim in keini anga engmah sawi lova ințhen tawp lovin sawi dun ve zawk ta che u" a rawn ti hlak "Lalruatfel, ani kha nge kei hi min țan dawn? " ka ti a, min rawn en a.





"Ka țan ve ve che u, chuan Ramhluna hian thiamlohna pakhat mah a neih loh ka ring, engkim hi Evelyn-i tih vek anih ka ring bawk. A nasa ve em a, chuan Ramhluna pawh nizan ațang inkawtah khan a awm tawh" a thusawi tawp lam chiah chuan ka beng a ver nghal zar a. "Engmaw i sawi? " ka ti nghal vak bawk.





"Nizanah zankhua in a ding tawh, nizanah khan ngaihdam dil che a tum a, mahse i phone i off hmak a. Tu pawn thlalak te chu an hmu sual vek thei alawm, tun țum hi nangmah zawk i dik lo in ka hria" a rawn ti leh a, tho in bathroom ah chuan a lut zui nghala ka chhuah leh pawh chuan chu thu mawlh chuan min luah zui leh.





Nizanah zan khua in alo ding tawh amaw! Chu pawh ngaihdam min dil tur chauhin. Engtin nge ka hriat loh theih zawk le. Thli thaw vûk vûk a tukverh inhawng te kha va khar țha tur ka ni asin. Chuan ka hmu ngei ang a. Kha vawt hnuaiah, thli thaw vûk vûk hnuaiah min nghak si a. Chuan tikhan zing thleng a awm tihna ania. Anih chuan a khua a sik hrim hrim ang.





Amah ka ngaihtuahna avanga ka hlauhthawnna pawh chu ka thup seng tawh lo. Ka phone chu ban in ka sîm leh battery chy ka vuah nghal mawlh mawlh a. A in on chhung te chu rei ka van ti ber tak! A khua a sik chuan mahni inthiamlohna avang bawkin a tuar leh tlawk tlawk awm si a. Tuma ngaihsak a duh leh hauh lovang.





Phone a rawn ên rual chuan call log ah ka lut nghala, a number chu ka call nghal zat a. Rei fe a in ring hnu pawh chuan ala thei lova. Ka off a, ka call nawn leh ngat a, ala tawh dawn lo amaw ka tih hnuah chuan a pick up a, ka khi nghal sûng thei.





Țawng tuma ka âng zuai tawh chu leh lama rawn țawng ri avang chuan ka chîp leh nghal riai riai a. Evelyn-i bawk chuan "Zualte, a inbual lawk a, keipawh lut ve turin hei min sawm nghala. Ka be rei hman lo che a thinrim leh hma hian kan lut vat vat ange" a rawn ti a. A thusawi chuan min vaw dawt thei.





"Anih phawt aw, chu, min rawn ko tawh a" a rawn ti a, line chu a cut nghal hmak a. Engmah sawi lo chuan phone chu ka beng ațang chuan ka dahthla nghal riai riai a, ka thaw chhuak hak. Nichinah hetah a awm a, a hmui phunin hla tak ațang pawha ngaihdam min dil pawh ka hre hmasa a. Khang kha ka thinlungah ka lo pawm bet nghal hmiah tawh asin.





Mahse ani chu hmeichhe dang nen hun an hmang dun lehnghal ania. Engtin nge maw a theih zawk le. Mahse kei chu a hringnun lem channaa a partner mai ka ni. Engtin nge he thil hi ka lo theihnghilh theih zawk. Ani tan chuan partner, partner mai chauh ka ni.





Ka sam chu țhâmin ka au chhuak vak a, khum ațang chyan tho chhuakin room atang chuan ka chhuak a. Atan engmah ka ni lo a mahse ka tan Chuan mi pawimawh tak ani tawh si, amah chauh khan hman ațanga ka zawn țhin kha min pe thei si a.





Dawr ah chuan a rawn kal ka hlauh luat avangin kawngka chu ka kalh daih a. Ka phone pawh ka silent hmak a. Amah ka ngaihtuah duh lo lutuk avangin hna chu ka thawk vak a mahse chhe te pawn a kiam phah eih lo.





Ka pa nen pawh kan inhmu a, engmah hrilh ka tum lo kha min zawt let zawk a. Ramhluna'n alo sawi vek tawh ani ngei ang, ka pa in engkim min hrilh rawh a ti a. Ka hrilh vek a. Chuta a thu min hrilh chuan min hneh takzet.
Ka pa chuan "he thu hi inu nen khan tha kan ti dun em em a, chuvang chuan kan vawng reng ani mah zawk. Keini pawhin lehkhabu ațanga kan hriat ve tho ania" a ti a, min hrilh a.





A dik, mahse Ramhluna hi ka hmangaih em ka hre ta hauh lo, hlimna leh thlamuanna hman ațanga ka lo zawn țhin kha a hnen ațang hian ka dawng a. Reilote chauh kan la inkawp a, mahse hlimna tam tak ka la dawn ngai hauh lo ka dawng der si a. Mahse chumi avang ngawt chuan ka hmangaih ani thei dawn em ni? Mahse ka pa erawh chuan i hmangaih min ti tlat lawi si.





Pa ka nei hi mak ka la inti a, awmdan ka thiamlo, 'pa' tiha ka lam chhuah dawnin ka la tîm tlat țhina, ka awmdan hi kan star te bula kan lai tût ang mai hi ani ka che reng reng a dik theilo.





Nilengin Ramhluna ka hmu lova, biak pawh ka be lo reng bawk a, mahse ka ngai em em thung si. Ani chuan min ngai ve awm tawp si lo. Evelyn'i nen hlim gamin an awm dun ngei awm si a, kei chuan a ngaihtuahnaa hmun te tak te pawh ka luah ve hauh lovang.





Zanah chuan hna ka kal a, boss pawn mak min ti reng bawk a. Mahse amah pawn min ngaihtuah lo anih chuan ngaihtuah reng thei bik ka ni lo. Ka rilrua a awm loh nan hnaah insawrbing ila, hah tak takin thawk ila, rilru seng hman lek lovin buai ila, haw huna chauh avanga mut nghal daih theih turin.





Mahse tinge ka thluak hi a kalsan theih miah loh le, hah tak pawn thawk mah ila chhete pawn a kiam phah chuang lo "ka rilru hi ala na tawk lo i ti deuh ami? Tinge i chhuahsan duh lo, a bul ațang bawka tihnat i tum leh em ni? " ka beidawng tawh lutuk chuan ka ti chhuak thlâwt ringawt.


-------------------------------------------------------------------------




"Be rawh ka tih che kha... ila be miah lo ami? " Feli chuan a rawn ti a, nizanah ka tray chawi na ka dar hi a kham urh thei, ka tih lohna a rei tawh bawk si nen "Zual, ka biak che chu" Feli chuan a rawn ti țhat!




"Ka be dawn lo" ka lo tih khum hmak.




"Engvangin maw? " a rawn ti let a.




"Chhan a awm lo" tih zawngin ka chhang leh.





"Niminah kan inhmu a, thil tam tak kan sawi asin, nang hi i diklo zawk ka tih chu" a rawn ti leh hlak. "Fel, ka dik lo iti iti a mahse ka dik lohna chu min hrilh i tum chuang bawk si lo. Ka thil hmuh leh hriat ang zawng zawng hi i hre vek lo" ka ti let ve fak.





"Nang ai hian ka hre hnem zawk maithei asin, nimina kimchang taka hrilh ka ni. I hriat loh engkim hretu ka ni" ti fak in min chhuahsan nghal daih a. Ngatinge a țhiannu pawh min țan lovin Ramhluna a țan zawk daih theih le. Min la vin vak vak lehnghala. Ka thiamloa a ngai tlat hi ka hrethiam lo bawk.





"Ka u nen in ințhena, nuam iva tih zawk hmel ve" Kima aw ka hriat rual rual chuan ka hawichhuak nghal vat a. Ka țhutna hmaah chuan alo ding a. Ka hmuh lohna han rei tawh em em zia hi ka lo ti hmanhmawh.





"I ngaih ngaihin i ngai thei ang" ka ti sap a, min dêu hmel zet huan min nuih a "Titeh babe, engmah a pawina awm hleinem sawi rawh" a bân pharin a rawn ti hluai "Khatiang khan min ko tawh suh" ka ti nghal hlak a, a nui suk duh chauh.





"Ni love, ka naute kha ila ni reng alawm... Mahse ka kiangah i awm tawh lo mai pawh a. Engpawh nise ka u chuan a siam nuam vak na che nge? Kei nge ani in siam nuam che? " a rawn ti a. A mithmul chu min ti kân khum zeuh a. A rapthlak ngaiin alo la rapthlak reng anih hi, tenawm lutuk.





" I u hi engah mah i tluk ngai lovang chuvang chuan in tehkhin buai duh suh i hah thlawm mai mai ani, i chil per kha a uiawm" ka ti let ve kher a. Ngeiawm zeta rawn nui chhuakin "I țawngkam pawh alo hriam ve ta hle mai, ka u chuan a enkawl țha che ani ngei ang" a rawn ti a, ngaihsak lem lo chuan ka thil ziah lai chu ka ziah san a.





"Ka bula rawn let leh te i duh leh mai em?" Rapthlak ti lutukin ka melh chho nghal "zawh pawh min zawt ngam hi ka tia, zahna hi i nei lovem ni" ka ti țhat!. Hepa hi țawngkam țha taka biak ve tum dawn pawn a biak theih hauh lo. Amah zawk hian tianga țawng tur hian min siam ziah.





"I rawn let har lovang" a rawn ti nawn leh.





"Min chhuahsan zawk ta che, pu ten an hnathawk te an ti buai reng ngai lo" ka tih khalh a. A nui suk duh chauh!.





"I rawn let har lovang, chuan ka ta inih leh hunah chuan i chhuak mai mai tawh lo bawk ang" a ti nghet churh a, a chhuak zui nghala. A aw ațang chuan a tih tak tak duh hmel tlat ani khatianga thu tak khan thil a sawi ka la hre ngai miah lo bawk.





Mahse engti kawng mahin a hnenah khan ka let tawh lovang, natna tuar nawn tur hian ka let mai mai tawh dawn lo. Hreawmna dawng tur ringawt hi chuan ka let thei tawh lo a ka duh tawh lo bawk.





Ka scooty rei tak ka khalh chhuah tawh loh vawiinah ka keng chhuak ve a, ka pa in tlaiah lo kal la atih avangin hna pawh thawk zo hman lovin kal ka tum a, tunah hian garage ah ka awm mek bawk.





Thil ri rak ah chuan hnunglam chu ka en a, mahse tumah ka hmu lo. Thaw chhuak hakin hmalam chu ka en leh a, chumi rual deuh thaw a, ka bân chawpa min kuah bet hlu hlu tu an awm nghala. Sawi ngai lovin tunge anih ka hrechiang mah mah bawk.





"Bawihi, ka ngai che" a rawn ti ril ruih a, ka bân chawp nen chuan a taksa ah min kuah bet nghal hlu hlu a "Min thlah rawh" ka ti țhat a. Mahse a aia ngheta min kuahin "Reilote chauh tihian awm lawk ang, ka ngai lutuk che" a ti leh sup a, ka dar ah khabe nghatin ka beng chu a rawn fawp zeuh.





Tal leh ka tum rual chuan silai puak ri ka hria a, ka pum chu a rawn thîp nghal zawk a! Rang lutukin ka en thla a, ka pum ațang chuan thisen tak zet mai luang chhuakin Ramhluna banah chuan a luang thla a "Ramhlun" ka ti sep. Chumi rual deuh thaw chuan silai chu rawn ri leh pawp in ka pum chu a rawn thîp lehnghal zawk a!.





Ramhluna'n "bawihi" a rawn ti leh a, chu aw ri chuan natna karah pawh min thlamuan takzet.



💜 BORAHAE 💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)