KIR BER BERI By Cietei samte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KIR BER BERI By Cietei samte (Completed)

Unread post by Ngaia » December 20th, 2020, 4:16 pm

"hmangaihtu neih loh hi thil nuam a ni lo a ni tiraw?" a ṭap leh dawn ta.......


Awle, a ṭha e, a bulah ka awm thei dawn a nih chuan, ṭap tawp rawh se. Lawk eng thil nge ka ngaihtuah kha!? Eng tik aṭangin nge, a bul a awm ka thlakhlel tak em em ni?

"I nei alawm" ka ti tawi tak. Tu nge a neih ang? Ka nu a ni mai lawm.

"Chu chu ka beiseina a ni ṭhin. Mahse, tunah chuan, michuang, chhungkaw nei ve lo. Mi vakvai, mi duh ni hlei lo mi in a, a thawn a awm a, ei tur tui leh ṭha apiang chuh. Asmpui ai pawh a ngaihnep thlak zawk ka ni" a rilru tur chu hrethiam vek lo mah ila, a natna erawh ka hre thiam ve ruai a. Mahse, chutiang a inngai turin ka duh hauh lo.

"Beiseina mai a ni lo mai thei asin"

"Ni lo, beiseina beisei bo, hriat ngai loh tur hriat chak. Tawn ngaihloh tur tawn chakna mai a ni."

"Ka awm alawm. Ka kalsan ve ngai lo ang che" ka tawp chiang khawp mai. Chu chu ka sawi tum a ni lo. Mahse, ka ka aṭangin a rawn chhuak. ka ngaihtuah pawh a ni miah lo.

"Maw? Ha.... nang chu ahming chauh a ka pasal. Khawvel mi hriatah chauh. Hmangaih dang i nei! Kei chu lem changtu pakhat mai ka ni" a inngaih nepna te chuan, keimah min tina a, sawi tur min van takzet.

"Rem i tih chuan, vawiin aṭangin ka tan mi pawimawh leh hluh tak lo nibta che" a rui tih hre mah ila, keiin ka thu sawi hi ka tawp san thei lo. Mahse, theihnghilh turin ka phal lo thung. Ni e, ka thusawi kha ka hrethiam ta chiah bawk. Kei hian he nu hi ka duh a ni. Chuan, zanin hian ka pawm bawk. Te reuhte si thinlung a a lian em em thei leh, huhang ngah tak a nih chhan chu, ka duh vang a ni. Ka sawi tawh em, a bul a awm loh hram ka tum ṭhin kha? Ka la sawi lo fo a nih chuan, a te a te a, he a mi uapna na zet vangin leh zantin a muthilh lai ka thlir fo chhan chu, vawiin hian ka hre ta chauh a ni. Ka nupui hi ka hriatloh hlanin ka duh a ni.



Chu chu thil thiang lo a nihna ka hre lo. Nupui nei chunga, ngaihzawng ka nei hi a thianglo in a dik lo zawk a ni tih chiang takin ka pawm nghal bawk. Cbuan, naktuk aṭangin, bialnu pakhat chauh neih ka duh tawh. Chu chu, he ka nupui ngei hi a ni.

Mak ti takin min en haw a, ka len bik em vangin, ka ṭhu pawh hma zangthal hawin min la en tho. A te viau nangin, ka rilru ah erawh a lian a nia. A taksa phu lo in keimahah hian, hmun a chang zau bawk.

"Thil hi fiamthu nan hman chi a ni lo" a mittui hru mawlh mawlhin a ti ta hram. Tunah tak hi chuan, fiamthu moodah ka cheng lo.

"Khawngaihin, ka thu sawi hi ngainep lo hram rawh. Ka fiamthu lo a, bul min ṭanpui rawh. Ka nupui i ni a, ka tan awm la, i tan ka awm ve duh a ni" mahni ang lo takin kan zei tareuh a. Heng thu ṭha leh thu thlum te hi, ka hre ngai lo. A lo awm ve tawp. Ka ka aṭangin a rawn chhuak ve tawp a ni.

Kei hian ka piantirhbata, vawikhat te mah, ka nupui hi ka bem ang tih ka la ngaihtuah chhin ngai lo. Ka tih duh pawh ka ring pha ngai hek lo. Mahse, tunah chuan, ka nupuiin min hnar hlau takin, ka bem! Hah..... Malsawmzuala hian a nupui a bem!

"Mahse, nunpuii...." a ṭawng lai chubka fawp tawp chawt. A hamhaih a ni ngei ang, a meng kuau a, a che sawn eih lo. Chuan, nunpuii kha eng tin nge alo hriat? Ngaihtuah tawh hrih lo ang. Ka nupui ka fawp mek a ni. A dang engmah ngaihtuah a ngai lo.


Ka fawp ta ngawng ngawng a, a inthlahdul tial tial bawk. A tawpah a thiam tawkin min chhang let ve tan tan a, min ti phur takzet. Ka kut a hlei ṭan viau a, a hnute ka hup chawt chu, rang takin a in la hrang nghal a.

"Dik lo a awm em?" Kan thil tih lai mekin keimah ah nghawng nasa tak a nei tih thup hram hram tumjn ka tichhuak a.

"He thil vangin kei hi min ngainep ang a, min hmusitin hmeichhe sihhnip tak angah min ngai lo ang tiraw?" Aw LALPA! Eng thu nge a sawi hi.

"Kei hian ka nupui ka tan a a inpum pekna vangin ka hmusit ang a, ka ngainepin hmeichhe sihhnip angah chuan, ka ngai lul lo ang. He thu hi hriat nawn ka duh tawh lo" a ti nghut a. A ṭawngkam hman kha, pasal lawmna chi ni hek suh.

A hmelah chuan, hlimna ka hmu ve ta...........



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:16 pm

Hlau tih hriat takin a lo tawlh dat dat a.........

Tunah hian, that ka chak zek zek tih a hria pawh a ni mahna. Ka chhuah hauh lo vang.

Bang a su deuh chawrh a, ṭhen sakin a kut a hum ruh ṭai nia. Ka khawih mai loh nan tlemin ka hlat deuh a. A thaw lak dan mumal lo zet leh ka thaw lakdan na zet chu kan hai lo dun ve ve ang.

"Chhuak rawh" ka sawi belh chuan, ka inthunun zo dawn lo tih ka hria. Rang takin a chhuak nghal nal nal. Ka bul a, site table chu ka chhuih pawp a. Ka chhuak nghal nal nal.

Eng vangin nge a nulat lai ni se, ka tih em em chhan. Ni e, kan mut dun lai khan a thianghlim ngei a ni tih ka finfiah tlat. Kan inneih hnuah kher sex video hi siam nge a nih ka hre hauh lo. Ka tlawm takzet a ni. Nupuite kham khawp ni lo angah ka inngai a, mipa police officer meuh a nupuiin sex video siam duhna a nei chu mite mak tih a hlawh viau ta ve ang.

Zu bawk chuan ka in hnem leh a. "Ṭhiana, duh tawk tawh em em teh um li lai nangmahin i in zo vek tawh" ka ṭhianpa mawipuian a tih pawh chuan, ka la tawp thei lo. Ka rilru na leh tlawm la lutuk hi thih hial ka chak ta rum rum mai ka ti.

"Ṭhian a, nupui fel tak nei ang che. Nang chu i phu a nia" ka ti ban charh a. Min nuih ang huah huah zui.

"Thu dik a nih i ring a maw?" Mawipuia chu ka en kawk. A video ngei ka lo hmu tawh a. A tak a nih loh ka rin a ring emmaw ni?

"Eng tin nge ngai se min tih chuan a" ka ṭhianṭha ber ka nupui neihni pawh a ka bul a ding hian, min hriatthiampui a min thinrimpui ka lo rin ve nen.

"Thil hi kan hmuh leh hriat ang a ni vek kher hleinem. I nupui hi kei hian, a mizia tur awm ang ka hre thei nghal asin. Chutiang thil ti duh mi a ni lo. A hmel a tlawm in, a inthlahrung dak a. Hmeichhe sual zawk zawk ni lo mahse, a luhlul ve thawkhat bawk ang a. Mahse, hetiang hian a ti duh kherin ka ring hauh lo" teh duah ṭhin a.


"A luhlulna tak kha a ni a sualna tur chu" sawi vak ngaihna ka hriat loh vangin mahni inchhan takin ka la tifan a. Rin ka duh fiah ngei pawh ka duh. Mahse, ka tlawm lutuk hian min ti a zo vek ni berin ka hria.


Ni a liam a, hun a ral chak lo kher mai. Mahse, thlahnih lai chu zualtei ka hmu tawh lo. Kha mi ni aṭangin inah ka la haw leh lo a. Ka ngai ṭhin khawp mai. Ka nu nen kan inbiak in a chanchin min zawt a, a ṭha tiin ka chhang mai zel chu ka inthiam chiah lo ang reng viau. Engmah a sawi lo a ni ang ka nu chu thil hre awmin a awm miah lo.

Thlahnih chhung zawng khan, a mah chauh lo chu ka ngaihtuah chuang eih lo. Ka ngai tih bak sawi tur ka hre chuang lo bawk. Ka hna ah ka bur chawt a. Ka thianpa mawipuia thu sawi kha ka ngaihtuah zui rauh rauh a. Nitin he thu hi a la sawi ziah. Ka nupui hi a ring ngam em em a, a hmu ṭha hle. Ka thinrim lo a, ka nupui mi in an hmuh ṭhat hi ka lawmpui takzet.


"Ṭhiana, i nupui khawhar lutuk hi ka lo hnem mai dawn em ni?" Lalmawipuia mai mai chu.

"Ngawi hmak rawh" en miah lo in ka ti bung nghut a. Nui hawk hawkin ka dar min la ben sak zui.

"I hmangaih tih hi thup duh suh. A ni pawn a hmangaih che" ka melh hrawk. Ka hmangaih tih chu ka pha lo. A mah hian min hmangaih tih erawh ka awih sak lo hle thung.

"Ha, min hmangaih maw?" Awihlo takin ka ti a. Kan ṭawng hnem ber ṭum a ni hial ta ve ang.

"Nizan khan a sawi asin" ka pawt ding nghal rawk rawk a. Eng vang a, leng nge a nih! Awu,,,, titeh sawmzual, nangmah ngein i tir a nih kha! Mawl inti zetin ka ṭhu ṭha leh a.




Zualtei P. O. V

Ka rai! Khang thlathum lai thi ka neih loh kha, hei vang maw? Aw, Lalpa, ka va han lawm em! Lawmzualan a hriat hunah a lawm ngawt ang. A thinrimna leh a lungawilohna te chu, an bo vek ngei ngei ang.

Thlahnih ngawt a hmel ka hmu tawh lo a nia. Ka pasal ka ngaih em em mai chu ka hlau em em lawi si. Ka ngai takzet tih hi hre ve se aw......

"Eng nge i ngaihtuah leh veng veng a? Mahni chauh a i nuih vur vur bik" Lzi nen ka zun test na kan en tih ka hre ta chauh. Ka nui sen sen a, ka thil ken chu ka en leh ṭhin. Awih a harsa tak zet. Kum 18 chauh niin nu ka ni tawh dawn! Chu thu chuan, nasa takin min ṭhawng a, min tilawm em en bawk. Ka hlim takzet. Ka chhungte ka ngaihloh ṭum ber a ni bawk.

"Sawmzualan a hriat hunah eng tin nge a awm ve ang le?" Lawm ru zetin lzi ka melh kiau a. Min rawn kuah vawng vawngin, a nui hak hak bawk.

"A hlim viau ang" tihte hi a sawi a.......

(No edit. Kan chhuah vangin ka ziak nawk nawk ringawt. A ngaihnawmlohin a tawi hle bawk ang. Mahse, min hlut sakna vangin ka lawm takzet e)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:16 pm

"A hlin viau ang" tih te hi a sawi a....

Tawi viau mahse, ka lawm tawk a tling em em tho. Tin, mal tak ang a ka inngaihna hi a awm tawh lo a, a chhan chu ka pum chhung a mi leh ka pasal ka nei tawh miau a ni. Thisen mai la ni mahse, ka thinlung hian, mihring nun hmang chho ṭan mek angin a ngai tawh. Tun aṭangin, nun dan a zir ṭan ang a. Ka awmdan ang leh ka rilru put hmang engkim hi a rawn zir chho zel dawn tih ka hria a ni.

Naute hi, an pian hma aṭang tawhin an inzir chho ṭan tawh a. A nihna takah chuan, pum chhung a tuisik an nih aṭang daih tawhin mihring nunzia a zir a ni mah zawk. Heng hi lehkhabu tam takah a awm ngei bawk. Ka ring nghet viau ta bawk.

Nu naupai te kan lawmpui chu, hlim viau mah ila, a taka, kan han tawn meuh chuan, hlim tih chuan, a sawifiah kher lo ang. Heng hlimna te hi, pathian malsawmna fanau ah hian a famkim tih ka hre ta chiah bawk.

"I hlim lutuk a, thingpui min lumna chang pawh i hre lo" ka ngaihtuahna ata min hruai chhuak a, ka nui ta heu ringawt. A sawi kha ka hre chiang tlat lo. Lzi phun ri nuah nuah chuan, ka suangtuahna ram a thleng pha hauh lo.

"Umm, ka inngaihtuah mek" ka hlim em a, nuihna tur chauh ka ngaihtuah a ni. A nui ta bawk bawk a, ka nui ve chiah bawk. A nihna takah chuan, ka fiamthu thawh vangin ka nui lo. Naute tih hming hi ka thinlung hian a chhinchhiah tlat vang a ni.

"Mahse, zual, eng tin nge puber hi kan koh haw ang" ka nui tawp chiang kher mai. Tun thlahnih chhung zawng khan, a rawn haw lo a, vawiin a rawn haw thut chhan tur a neih pawh ka hre lo.

Eng vang chiah in nge ka chungah a thinrim ka hre lo. Kha tiang khawp a, mihring han thinrim hi ka la hre ngai hauh lo bawk. Min huatnate, hmuhhniamna te, tenna engkim ka sawi seng lo. A chhia zawng zawng hi ka ta emaw tihmai tur khawpa, nasa in min en a ni. Zawh chu sawi loh chhuak tur a min tih khan, ka nunna hum ah ka inngai a, ka chhuak nghal nal nal kha a nia.

"Ka hre lo" ka nui tawi tak a, min hrethiam takin min rawn hnem leh liam liam a. Hmeichhe tuarchhel zawk zawk ka ni lo bawk nen. Ka mittui a hnam ṭiam ṭiam a. A far loh nan ka khap fak fak bawk.


"Tih dan a awm ang" tiin phone a phawrh ta nghal a, "thil pawimawh tak sawi pui duh che ka nei a ti la, i dah nghal hmak dawn nia" zu han ti a!

Ka ngam a ring emmaw ni le? "Ka ngam i ring mi"

"Titeh tu emaw nupui i nih tawh kha..... i tan a awlsam bakah, a rawn haw phah ngei ngei ang" tiin phone chu a hmet leh ta mial mial a.

Thin phu dep depin phone 'ring' chu ka ngaithla kar a, ka huphurh leh zam lutuk chu thlanfim in min bual ṭan bawk. A dik a dik chuan, naute hi ka pai tih hrilh ka hreh vang ni lo in, a chhuah lai a, a hmel lan dan khan tun thlengin a mah biak min ti hreh tlat a ni. Ka phur tho rualin koh haw dan mai ka hre lo a, phone aṭanga, han sawi tawp lah ka duh bik si lo.


Ka nu hi ka pasalin a hriat hnuah chauh hrilh ka lo duh tumhrang bawk si nen. Zam lohna chi pawh va ni suh. Hui!

"Sawi rawh" teh tawp hian, ka chil ka lem rualin ka sawi tur zawng zawng ka lem vek. Sawi mai tur hre lo in, ka ngaithla vang vang a. Lzi ka va mitmei vat. A ka in a ri chhuak si lo hian a sawp a, uar zetin a hmui a la ti che ngawng ngawng zui. Himmm, ka nui hak a. Lehlam a rum nghut thawm rawn awm chuan, ka zamna bawk a rawn kai tho leh a.

"Sawi rawh. Fiamthu thawhnan hun ka nei lo" a la thinrim reng tihna em ni?

"Ah.... ih... vawiin i rawn haw hman ang em.? A,,,, ka tih awm zia chu zaninah rawn haw la, a.... thil pawimawh tak sawi duh ka nei a" bah nawk nawkin ka ti a.

"Naktukah" door ball ri vangin, ka phone chu ka daj a. A la sawi zo hman lo a nih chuan, min call leh mai a ni ang chu. Tun ang chhun chhunah, inleng kan nei ngai der si lo a.

Lzi, ṭawng lang langah chuan, phone a hmang tih ka hre thei. Kawngkhar hawng pahin, "lo lut rawh eng......" ka mi hmuh vangin ka ṭawng tawp nghal chawt. Ka en thla zel a, a dul lo puar ve ak chuan, ka taksaah eng emaw ni a siam a. Chhan hriat lohin, ka hlauthawng em em bawk. Nui sanin, min en kiau a, "nunpui" ka phun sep a.

"Aw, lut turin min sawm dawn na nge?" Hawi sangvah hian a rawn ti a. Kei erawh hamhaih lutukin ka ding khawng reng thung. Nangni pawh ni ula, ka rilhlelh leh hlauhthawng ang tho hian in awm ka ring. Mahni pasalte bialnu hlui nia, kan hriatin, dul puar deuh ak a, kan in a rawn pan chu, rinhlelh tur pakhat chauh a awm. A fa pa!!

"Ka ngaihtuahna ang chu ni lul suh se"

"A ni mai thei" a ri in ka lo sawi tih ka hre lo. Ka hawi phawk hra a, a hmel inringtawk tak chuan, min nuih sang bawk.

"Zual, tu nge lo...." lzi pawh a ngawi hmak. Ka bulah dingin, kan hma a ding hian, a ṭhawng ve tho a nih dawn hi..

"Awh,,,, naute maw?" Lzi, mak ti hmel chuan, hlauhna lian tak min pe zui nghal bawk.......

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:17 pm

"Awh,,,, naute maw?" Lzi, mak ti hmel chuan, hlauhna lian tak min pe zui nghal bawk.....

"Yep,,, a pawi viau em ni?" Ngeiawm lutukin a ti a.

"Eng nge chu chu ka tan a ṭangkaina?" Keimah ah hian, hlauhna a tam tih bak ka sawi thei lo.

"Khawnge Sawmzuala?" Inthlahrunglo takin a rawn pen lut a, ngawi rengin ka en thung. A hawi kual vah vah a, a pum a khawih pah bawk.

"A lo la haw lo" a mah pan hnaiin ka ti a. Nichin a a hmel chapo zet kha a bo a, a hlauhthawn hmelin, a mangan hmel takzet. A bul a, dawhkhante a, ka testkid a hmu tih hriat takin, min en a. Engah mah ngai lo angin ka lang lui hram hram. A ruk tak chuan, ka ngaihtuahna erawh a kal thui hle thung.

"I rai maw?" a hmel hlauthawng tak vangin ka nui lui suk. Eng vangin nge a chapo hmel kha a paih daih ni? A hmuh a hahdam thlak zawk si a.

"Aw, rai e, Sawmzualan a hre tawh bawk" Lzi rawn ṭawng vangin ka hawisawn ta chiah.

"Maw? ni lo, a ni lo ang" ka kut a rawn vuan a, mittui tling pamin ka hmaah a ṭhingṭhi hnawk. Hrilhhai leh mak tilutukin ka en tlawk tlawk a. Tih rur ber pawh ka hre lo.

"Ani sia" ngeiawm takin Lzin a rawn ti leh sak a.

"Ni lo, zualte, khawngaihin naute pa hi min zawt rawh" ṭap titih in a rawn ti leh a.

"Eng vangin ka tan a ṭangkai em ni?" Apa a sawi tur ka hre lawk a, za lo takin ka nui hul hak. Rin dik loh hram ka la tum fan. Ka lu ka thing zui nak bawk.


Lzi ṭawng leh tur chu ka mitmei a, ka hmaah nunpuii a la ṭhingṭhi reng bawk.

"Apa chu Lawmzuala tho a ni. Tunah hian thlanga na a hmang mek bawk. Lawmzuala, hrilh mai loin hre hmasa la ka duh vang a rawn kal ka ni." a thu sawi maltin chuan, ṭek den ai pawhin a na zawk ang tihtur khawpin ka chhungril hi a deng dawt dawt a ni ber.



"Maw?" Lzi insum zo lo chu a au nghek. Ni e, kha aiin keimah min la ṭhawng zawk asin. Ka rinsa mah ni se, a tak a han hriat meuh chuan, dawnsawn har ka ti takzet. Ka mittui a rawn lum thla pap a.


Ka hma a hmeichhe hleitling leh nalh zet mai mitui sur zung zung chunga, ka kut vuan tu chu ka melh ngawt ngawt a.

"Aw, a ṭawng che tih ka hria. Ka tihpalh takzet. Mahse, zual, ka naute hi pa tello chuan, a awm thei lo. Nang chuan, pa telo in i enkawl thei tih ka hria. Mahse, kei chuan ka thei ve lo. Apa hi a enkawltu tur a nih loh chuan, ka enkawl ve thei lo. Naute hi a thih a ngai. ka hma ka sial i tih viau pawn ka dem lo che. Mahse, khawngaihin i pasal hmangaih miahlotu che leh, ilak a thinrimna tur zawng reng ṭhin hian, a hnawhchhuah hma chein chhuak la ka ti a ni. I tan a ṭha tur a ni ka sawi. Kei chu a bialnu ka ni a, ka la ni reng. Eng tikah emaw, a la hnawtchhuak lui tho ang che. Tlawm tak a i chhuah ai chuan, i naute him nan tunah hian chhuak hram rawh. ka ngen a che"


Ka pai khat khat a, Lzin min lo dawm vat. Tunah hian, eng ang dinhmun rapthlakah nge ka din? Ka naute pain sawn a thlak a, ni e, a sawi dik bawk. Kei hi min hmangaih lo a, min la hnawhchhuah hun a la awm dawn. Pa teloin naute hi ka enkawl thei bik ang em?


Na ka ti ka na takzet. Hetiang a, nasa tuar tur hian khawvel hian min hmachhawn a, ka hma a ding a ka inphenna tur ka pasal duhtak hmangaih ka ni thei hek lo. Belh tur ka nei ve lo a, chhuak pawh ni ila, tunge ka pan ang? Ka pasal thiltih hi a nun rawn thlak em mai. Tlawm tak a chhuah ai chuan, nunna pakhat a jimna tur a nih chuan, eng vangin nge vawiin hian ka chhuah mai loh ang?

Ni e, keini nufa vangin naute pawisawilo in a thih phah dawn ai chuan, eng vangin nge ka fa lo piang tur nen khawvel hi kan hmachhawn let mai loh ang? Eng vangin nge, ka enkawl theih loh ang? Mi tamtakin an fate pa teloin an enkawl thei. An mahni in an dawn theihloh hmangaihna chu an fate an dawntir a, an chawikang ṭhin. a nih chuan kei hian eng vangin nge ka tih theihloh bik ang.

"A na lutuk, lz" ka awn rawn na ngut ngut chu ka ṭham tawn tawn a. a na tak zet. Ka lungphu rawn inphawrh chhuak tur ang mai ni hialin ka hria. Ka hma a ṭhingṭhi chu a rawn tho a. Min rawn khawih tumin a ban a rawn lek chu, duh loin ka tawlh hla hret a. Min khawihluih a tum tawh bik lo.

"Zual, i ṭha em? Damdawiinah ka hruai ang che aw?" Lzin a tih chuan, ka lu ka thing nghal nawk nawk. Tlemin a na a zia deuh a. Ka dingngil thei ta. Ka thlan lo tla deuh hliam chu ka hui thuak thuak a, ṭah chhuak takin ka heh ka pet fan fan

Hetiang thu dengkhawng lutuk hre ve ula, in ṭah a chhuah loh atakah ka ti ngam.

Chuan, thil thleng teh thut hi a rang lutuk mah mah, vawiinah ka rai tih ka hre chauh a, darkar khat pawh ka hlim ve hman hma hauhin, ka pasal sawn thlaknanu ka bulah rawn kalin, min rawn barakhaih leh a. Phutlohna chi pawh va ni suh. Dawn sawn thiam har ka tiin, ka na takzet. Tubohin, vawitamtak a chhut nawn chawrh chawrh ang hi ka ni ang.

"Khawngaihin, Zualte, nang chu i i a lo tih ka hria. I pasal hi i bulah a hlim lo tih hre lo tur khawp chuan i mawl lo. Tun thlahnih chhung zawng a hmuh duh loh chhan pawh, nang hi a hne che. Ka bulah a awm asin"

"Ka bulah a awm asin" kha kher kha chu, dawt a sawi tih ka hria. Mahse, tunah khan, a hlim lo a ti. Chuan, thlahnih chhung a rawn haw lo tih a hriat nan chuan, Sawmzuala bulah a awm tihna. A vawi tam tak nan, ka ring sual nawn leh ta!

Min hne ka ngaihtuah a, insum har ka ti takzet. Pasal ten an hne tur khawp chuan, ka lo indah ngai lo asin! Lzi kut ka hum ngawt ngawt a, ṭawng lrh tur ka awm lo.

"Duh tawk rawh. Chhuak nghal ang che. Eng thu lawilo mah rawn sawi tawh suh" Lzi ṭawng ri chu hla tak aṭangin ka hre vua vua a. A thim ta mup.


Lzi P. O. V

"Zual....." ka sawi nawk nawk a, chhanna a awm lo. Ka hlauthawng takzet, hetiang thu dengkhawng tak hi a tan a ṭha lo asin.

"Nang kha, chhuak nghal rawh. Ka unaunu hi, eng tin emaw a awm a nih vaih chuan, ka chhuah lo ang che" ka tituar a.

"Ngaihtuah chiang rawh u. Apasal hi ka bulah chauh a hlim. A bulah ni loin, a fa kha kha hmeichhe pumchhung ami a ni lo, ka pum chhung a mi chauh a ni" ka ding thut a, mahse, ka khawih hma in a lo kal sawn hman. Thinrimin um zui chak viau mah ila, ka ṭhian ka unaunu hian min mamawh zawl miau.

Ambulance callin, ka theih ang ang in, zualtei chu ka buai pui a. "Malsawmzual, ka chhuah lo ang che. Ka la rul let dawn khawp che" in humrub nghekin ka ti chhuak sap. Ni e, a mah vang chauhin ka unaunu hian, a tawn ngailoh thil tam tak a tawng a. A nat lohna turah a nat phah bawk.

"I chhuak a nih pawhin kei chuan, ka dem ngai lo ang che" motorah kan ṭhu fel tawh. Damdawiin lam panin kan tlan chhuak nghal bawk. Ka hlauthawng lutuk chu, ka khur der derin ka hria. Tun hmain hetiang hian a la awm ngai lo. Hmeichhe chak tak a ni a, a duh lohna ah chuan, tih theih ṭhakloh, inngaitlawm thiam tak. Ṭhiante huikhawmtu ber, engkim ka hrilh ngamna, min hnemtu ber a ni a. A tel lo chuan, hnahthel pawh ka tluk lo ang. tih tur khawp a ni.

Ka tan hian mi hlu tawpkhawk a ni a, ka ṭhian kawm leh ka chhungkua a mi a ni bawk. A natnate ṭawmpui hi ka tih ve tur rengah ka ngai.

"Nga ti nge a chungah hian i nun rawn em em a? A nun a tluang chho ṭan dawn chauh a, nga ti nge natna bawk i pek leh a? Hlim hi a phu ve asin. I duh tak a, i siam a ni ve tho asin. Chhungkua a nei ve lo a, hmangaihtu a nei ve lo. Tunah hmangaihtu nei angin i siam a, a hmangaihin a thinlung zawng zawng a hlan tawh asin. Eng vang a, a natna a chan tir leh nge i nih?" Pathian lakah ka vui takzet. Ka ṭhian hian, hlim a phu ve em asin. Inchhungah tu khawkha ngaihsak leh duat hlawh lo in a seilian a, sumdawnnan a hman mai mihring a tel ve ta lo emaw tih tur khawp a, hmuhsitna dawngtu hian, vawikhat tal hlim a phu ve takzet asin.

"Hlauhthawn awm a awm lo ve. A thil hriatin a ṭhawng deuh mai a ni" doctorin a tih chuan ka thaw nghal huai mai.

A khumbulah chuan, ṭhu in a kut ka vuan nghal chawt a........

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:17 pm

KIR BERBER-I Chapter 11 By: Cietei samte

A khumbulah chuan, ṭhu in a kut ka vuan nghal chawt a........

"Eng kawng pawh thlang la, ka dem ngai lo ang che" ti sapin ka phone chu ka phawrh chhuak vat a.

"Lz, sawi rawh" aw rawn chhuak ngaihthlak nuam zet vangin, ka kaw chhung aṭangin ka thaw chhuak ham ham a, a aw ringawt pawh hian, min tihahdam siai siai thei a, a awm ngheng phei ila chuan, tunah hian, ka dam vek dawn. Ka hriatna te hian dawt an sawi miah lo ang.

"Damdawiinah kan awm a" han sawi ṭan dan tur ka hre lo em a, thu khuh ka thiam lo bawk nen. Sawi phawng mai.

"Maw.....? Eng tin nge i awm? Khawi lai nge na? I damdawiin awmna hming sawi la ka rawn thleng nghal ang" ka nui hak. Min ngaihtuahna leh min hmangaih zia ka hriat hian, ka hnuk a ulh a, ka chanai hi, Zualtei pek hian ka duh rum rum ṭhin. Ka damdawiin awmna hrilhin, keimah ni lo in, Zualtei a nih thu sawiin phone kan titawp a.


Ka bialpa, ka hmangaih em em ropuia hian, Zualtei pawh a en hrang lo tih la hria. Kei min en angin en lo mahse, unaunu angin a en a, a hmangaihna leh ngaihsakna pawh a dawng fo. Mahse, ka ṭhian leh ka unau ni bawk hian, nun khawhar lej lungngaihthlak zet a nei a, chu a nun hreawm tak aṭanga, hruai chhuak thei tu tur chu a hmangaih chauh a ni asin le? Malsawmzuala lellul hi lo hur lo se ṭha ni mai tur.

"Ropui...." pachang tak a awm hram hram tum mah ila, ka insum theihna hi a chhe hma lutuk. Nghet lutukin ka kuah a, a awm a hmai phumin ka ṭap nghal hlawp hlawp.

Kan inzuina chu nimin piah mai ni mahse, rei tak ṭhianin kawm ang a kan inkawm vangin, ka hrechiang a, ṭawng bul hmuk hmuk, mitmeng rum al reng mai ni mahse, a mah ah hian, ka mamawh a kim a, a tello chuan, kei leh Zualtei chu engmah kan ni lo. Ropuia nen kan ni tih hrilh tumin ka leng a, hetiang hian a hmel a dangin a mah a cher bawk si nen. Chaw a tei theih loh thu leh sarim vangin a luak nghek zel tih a rawn sawi a, ka test



"Eng thil nge thleng?" ka ṭah chhuak zualpui a reh a, ka inlakhran rualin, a rawn ṭawng ta chauh. Mi zaidam tak a ni tih ka la sawi lo fo.


"Awii! Ka khawngaih em mai. Hetiang hi tuar reng tur a ni bik lo asin. PATHIAN hian a hmangaih ve lo em ni?" a ngaite bawkin ka ṭap leh rih. A na aain, ka unaunu tawrh hi a na asin. A tam lutuk a tuar hnem lutuk tawh bik a, khawvel hi a fair lo. A tuarchhel em vangin, a tuar chhuak zel a. Kei chuan, la tuar phak bak a ni.


"A rai. Mahse, a pa in a hriat hma in, a bialnu in a pasal fa thlanga mi a pai thu a rawn sawi asin. chhuak turin leh a pasal a bulah a hlim lo tih a rawn sawi a. A taksa lo chau sa leh a naupai thil huat a neih vangon chaw a ei in a mu ṭha lo nen. A tlu a" ṭap hliam hliam chungin ka sawi a. pangchang takin ka ngheng chial bawk.


Ka biang a mittui chu rawn hru hulin, zualtei a melh leh a, ruh lutikin a inhum nghek. Thaw ham hamin, a phun sap a. A sawi erawh ka hre ve lo. Ka ngai in ka thlahlel mai a ni lo. Ka hmangaih a, ka bulah a awm tawh chuan, ka z*ng vawk zel.

"Lo kal teh..." a mal chungah min pawt ṭhu a, ka chal a fawp nghal vang vang bawk.

"I hria em? Hetiang a thu min hrilh a, min mamawhna i lan tir hian, khawvel hi ka ta emaw ka ti ṭhin" ka puma a kut suih nghet sauhin a ti a. Ka nui hak, ka lawm vangin ka nui a, khum a mu ka hmuh rualin ka nui tawp riai riai a.


"Ka bulah hian i awm a nih phawt chuan, kei chu ka famkim ṭhin. Mahse, khum a mu sawn eng tikah nge hlimna a dawn ve ang a? Hmangaihtu a tawn ve ang?" A tuarna chu ka hriatthiam rual ni lo mahse, ka nat pui a, ka tuarpui bawk. Eng tia awm thei nge mihringah hetiang tak a, tuarna hi?

"A neih hun a la awm ve mahna" ṭawng tawh loin kan ṭhu vang vang a, ṭawngkam thiam lo viau mahse, ka hriatchian em vangin, Zualtei pawh a khawngaihin, a lainat a, hmangaihtu tawng ve se a ti hle tih ka hriatpui a ni.

Phone ri ka hriat rualin kan phone a ni lo ve ve tih ka hria. Zualtei ka va pan hnai a, a upte ah a lo ak ngat a. Phone chu la chhuakin screen ka bih a, "ka nu" tih a lo inziak. Ropuia chu, mitmeiin ka rawn a, a buk nghauh takah chuan, ka chhang ta a.

"Hello, zualte" nutei aw ka hriat rualin ka lung a chhe em em a, ka thin a rim nghal hlur bawk. A fapa laktlakloh zet vangin, tunah natna khumah a mu a, aw z*ng vah in a la rawn be thei chu, ka thinrim chhan ni berin ka hria.

"Aw,, nute keimah zualtei ṭhiannu lzi zawk" ka ti a.

"E,, a mah a awm nange?" Hrilh hai aw lek lek hian a rawn ti a.

"Awm e, a la rawn harh lo a" ka ti let ve ngat.

"Maw? Eng nge i sawi awmzia? A damlo i tihna a ni lo ang tiraw" hlauthawng tih hriat takin a rawn ti chhuak hliai a. A hre tawp nang, a zin alawm le. A fapa sual rah a nupui in a seng a, eng tin nge ka thinrim loh tehlul ang.

"Aw, hei a thu hriatin a ṭhawngin, a taksa chau bawk nen a tlu a"

"Eng thu maw a hriat a? Eng nge thleng a? Eng thu dengkhawng nge hriat tur awm a? Lawmzuala in min be ngai lo a, tunah zualtei a reh leh hmak si a, ka ngaihṭhatlohna a dik tihna em ni?" Min bia pawh a ang lo. A mahin a phun ni berin ka hria. A tuamahin an be ngai lo maw? Mak ti zetin Ropuia min lo en rengna lam ka hawi a.

Ka inthiam leh chiah lo, a hre vek turah ngaiin, ka lo ṭawng na hrep tawh mai si a.

"Nute engmah i hre lo maw?" Inthiamlohna hlirin ka khat a. Engtin nge ngaihtuahna chang ka hriat loh ni?

"A na viau em? A rei tawh em?" zawhna hlirin a khat a. Ka khawngaih letling hial zawk.

"Darkar khat chu a mu tawh. Damdawiin an chiau a, a la muhil ngaihtuah awm a ni tawh lo e" ka theih tawpin ka hnem leh hnuhnawh a. A hrisello in, tunah a unaunu damlohna vangin a zin a, keiin engmah hre loin ka lo ṭawng chiam pek a.

Lawmzuala biak a sawi chuan, ka hnial vat. Mahse, a be dawn tho tih erawh ka chiang a ni.

"Hahdam rawh" ka thaw kawk kawk chu, ka hnunglam aṭangin min rawn kuah a. Ka hlauthawng leh si nen ka buai vek alawm.

"Lz...." thei leh thei lo a, ka hming rawn lamtu chu, a harh tih ka hriat chuan, rang lutukin ka pan hnai ruak a, a tui hal a nih ringin, tui ka pe ringawt. Mahse ka ti sual lo e. Tui a in khawlh khawlh a, a rawn ṭhu nghal hluai chu, mak ti fe in ka lo en haw a.

"Zualte, i ṭha deuh tawh em?" ka bulah rawn dingin ka darah a rawn kuah a. ka sen leh ṭawn ṭawn ang chu.

"Nangni pahnih hi.....!?" Zualteiin makti leh hamhaih takin a rawn ti a. Kan nuih tlawn ta ringawt.

"Lz, thil min tih sak ta che khawngaihin" ka mitah tak a en a, a mitmeng a natna rawn in lar zut zut chu, a hmuh a hreawm lutuk.

Ṭawng pawh ṭawng chhuak thei tawh loin, aw tihnan ka bu nghauh a. A rawn nui lui ngial a, mahse, a mittuiin a rawn zui nghal. Rang takin ka kuah a. Thaw hapin, "ka thuanhnaw min laksak thei ang em?" pangngai takin tih a tum viau a, a tha khur chuan, a aw thlengin a rawn tikhur ta tho.

"Aw,,, lutuk tlat. Eng pawh ti la, i lam ka ṭang zel ang. Ka kal san ve lo ang che" nghet takin min kuah a.

"Awm lo la chuan, ka dam tawh kher lo ang" lungchhe aw zet a a rawn tih chuan, ka thaw em ka hre lo. Hetiang khawp a min ngaihlutu chu, eng vang in nge, kei engmah ni lo hian, ka kal san mai theih ang?


"I duh phawt chuan, ṭap rawh. I bulah kan awm reng ang. Kan kalsan ve ngai lo ang che" keimah zawk chu ka ṭap chhuak ta hawm hawm a.


Min ngaihlutu te nat hi kan phal mai thei, mahse, kan ngaihhlutte nat erawh kan phal ka ring lo.

"Ka lawm e" a ti sap a, insumna tel miah lo in a ṭap ve ta hlawp hlawp a......

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:17 pm

"Ka lawm e" a ti sap a, insumna tel miah lo in a ṭap ve ta hlawp hlawp a......

Hetiang tak a, zualtei lungchhia hi ka vawikhat hmuhna a ni! Hmeichhe luhlul tak kha, tunah chuan, a nem zo tawh. A pasal laktlakloh vang vek a ni.

"Zual, tah hian lo awm la, khawiah emaw kal lawkna tur kan nei a, i thuamhnaw pawh ka rawn la nghal ang" tiin ka ding a. Rang zet a, bu nghauhin, lehlam hawiin a mittui a hru leh a. Ka bang bik lo, ka bulah ropuia rawn ding min kuah kal a.

"Ropui..." ka ṭah chhuak chu, dahṭhat tum hram hramin ka ti chhuak sep a.

"Sawi rawh bawihi" bawihi! A vawikhat nan bawihi min ti ve a nih chu! Ka nui leh hak a.

"Sawmzuala inah kalin a thawmhnaw chu, kan va la phawt dawn nge ni a, a mah kan hmu phawt ang" ka kut humruh vakin ka sawi chhuak sap a. Eng vangin nge maw ka la zawh cheu le!

"A mah hmuh hmasak a, thil thlen dan engkim zawh chian phawt a ngai i ti ve lo em ni? Inthunun hram hram rawh. Kan hmuh ang hi thil awm dan a ni vek bik lo mai thei asin" a tih leh chuan, ka thin a sa pup maiin ka hria.

"Maw...!? Tunah khan, i ṭan emni? Engtin....?" Mak tizetin ka ti chhuak nghek. Ka tan a mi pawimawh ber a ni a, engkimah min thlawp a, a ṭhiannu ni ve tho chhan tak a, a awm ka lo ring ve em em a! Tunah khan, thil awmdan hi kan hmuh ang a ni vek bik lo mai thei asin tiin a mipat pui chu, a ṭhiannu leh kei a bialnu lakah a thlavang a hauh a maw?

"Ngaihthla teh bawihi.... ka sawi tum a ni hauh lo a nia" dam thlupin a rawn ti a. Ka awih thei lo! Ka mittui a tla nghal a nih chu! Ka na miau a lawm. Beisei takin ka hriat engkim ka hrilh a, ka awm lai ngeiin nunpuii pawh rai puar ul chungin a rawn kal tih te kha ka lo hrilh vel a!


"Eng nge i sawi tum chu ni reng a? Sawi ta reng che. Hun rei tak ata tawh i ṭhiannu chuan, kei i bialnu emaw ka lo in ti a.... keini min chhan loin, i bul a ding leh hun rei tak ilo kawm tawh hriatah nang hian i mipatpui chu i chhan zawk amaw?" Rilru na zetin ka ti a. Ka hre thiam lo, eng vangin nge hetiang hian ka chungah a tih theih le?


"Ni lo, ka sawi tum a ni lo. A nih chuan, an inah kalin a thawmhnaw la phawt ila, chuan, nunpuii hruai ila, Sawmzuala insawifiahna kan ngaithla dawn nia. A ṭha em? Khawngaihin, ṭap teh suh. Min timangang takzet a nia" hlauthawng zetin min rawn hnaih ruak a, ka lung lah chu a chhe tulh tulh mai si. A sawi tum chu ka hrethiam vek tawh. An inkar a ṭhat leh theih a beisei vang leh, zualtei rilru na lutuk a khawngaih luat vangin min hnem nan a, ṭha ber tur a a ngaih a sawi a. Kei lah chuan, eng rilru kawi pu in nge ka lo huat leh mai ni?

Zualtei P. O. V

Lzi te kal aṭangin, ka la mu reng a, ka ngaihtuahna chu a vakkual ruai a. Mipahnih inhmangaihte, karah naute hial awm mahse, pawi tihna nei lo khawp a inhmangaihte inkarah mahni hmasial takin ka inrawlh ni berin a nia ka hriat.

Min lo hmangaih ngai pawh a ni lo, a tir aṭangin a ni chuan, a sawi tlang vek tawh. Keimah vangin a bialnu a ṭhen ngai dawn lo tih pawh chiang takin a sawi. Mahse, eng nge ka tih tak hi!? Hrelo derin an inkar ka tichhe lui a, a bulah hlim takin ka awm a, ka thlakhlelh em vangin, pasal a nih na a hlen mai chauh a ni!


Pawi ka ti takzet..... Eng ang a mahni hmasial leh sual nge ka lo nih ang le? Ni lo, chaklo tak a awm thei ka ni lo. Tunah chuan, an inkar hi kei hian tihchhiat belh ka duh tawh lo. Ka tuar tur reng pawh a ni. Mi inkar tichhetu hian a phu tawk a tuar a ni.

Ka tan inthiarfihlim hi thil finthlak leh ṭha a ni. Fa min pe tawh a, dam chhan tur tal ka la nei alawm. An hlimna tichhe tu ni lo in a suihzawmtu zawkah ka ṭang tawh tur a ni. Ka hma ka lo sial rei lutuk mah mah a ni.

Ngam leh ngam loin, ka phone a number pakhat chu hmet chhuakin, damdawiin kawt lam ka pan nghal a.

"Hello, zualte i dam maw? Tunlai chu min va be khat ve a" pazauva, taxi driver fel tak mai, engtiklai pawh a mamawhna ka neih apiang a ka koh leh ka hman ṭhin chuan a rawn ti lang lang a. A vannei bik hi ka ti ngawt mai. A hmangaih leh a mah hmangaih em emtu chu, nupuiah a nei bik a.


"Aw, dam e, pazau nangni inṭha zawk em? A, ka rawn biak khat chhan che chu, ka buai thei ve reuh lutuk a. Nupari chuan, thawmhnaw bel tho em ni a la khawih zel a" ka rilru tih thawven nan ka han ti ve luam a, a mi chhanna mumal pawh ka hre lo.

Hmun reh deuh takah min hruai tur a ka tih chuan, a aw nghal mai a. Rei pawh rial loin a rawn thleng mai bawk. Kawngtluanin a titi char char a, ka lo zawm ve zauh zauh bawk. Ka kal duhna hmun ka thlen chuan, thaw hakin chuan man ka pe a. Thil dik lo a awm tih a hrethiam a ni ngei ang, "ka lo awm pui dawn che em ni?" Ngainat awm tak a nui chungin a tisup a.

Lu thing nghal na na in, "Ai a ngai lo, hei mi hmuh tur ka nei a, kal tawh zawk rawh tluang deuhin ikal dawn nia" tiin ka thlah zui mai a.

Phone ka on a, awiawmloh khawpin ka tha a khur vel nia mawle! "Ni lo, i ti ngam tur a ni. An hlimna thlentu ni rawh. I na rei lo ang" ka awmah kut nghatin ka ti chhuak sap a. Sawmzuala number chu hmet chhuakin, ka thaw tawh lo hrim hrim.

"Hello" lehlam a mi aw ka hriat rualin, ka mittui a rawn baw zawih a. Engtin nge a tel lo a nun ka zir ang le...!? A mah ah hian ka lo innghat thuk ta lutuk hi a pawi a ni.


"Hello zualte sawi rawh" ka ṭawng mai loh vangin nin hmel deuhin a rawn ti leh sup a. Kut humruh nghekin, mit ka chhing vang vang a. All is well phun ru mawlh mawlhin ka meng chhuak leh a.


"Aw, kan inhmu lawk thei ang em?" Aw zawi leh khur ru deuh dar darin ka ti a.

"I awmna sawi rawh" Min chhang tawk thiam lutukte chuan, ka ṭah an tichhuak takzet. Thei leh thei loin, ka awmna ka sawi a. A rawn thlen har loh tur thu min hrilh a phone a hmet hlum ngal bawk.

"Lalrinzual, hetiang hmeichhia mahni hmasial leh rilru no i nih ngai loh kha. Tun a i mizia hi nangma mizia a ni lo. I tithei ngei tur a ni" Ka rilru a, i thei lo ang tih rawn lut chu, phun sap sapin ka hnial ve tan tan a.


Tei kual sekin a khat tawkin mittui ka hru leh zauh ṭhin. Rei rial loin motor thawn pawh ka hre ta thuai a. Zamna in min tuam hlup hlup a, thin phu dep depin, motor ding chu ka lo en kiau bawk.



Motor aṭang a rawn chhuk pa hmel ka hmuh chuan, ka khawng nghal awt thei. A mitkhur a tla duk a, a mu ṭha lo emawni, a mit huailam chu a val kalh bawk. Chuan...! Palian leh sa ṭha nelhnawlh kha a cher kuam a, a sang viau nangin a cher tawh lutuk. Hetiang hian ka hmachhawn ang tih ka inring bik lo bawk nen, ka na vawng vawng mai. A chhan ka hre der bawk si lo.

Ka bulah a rawn ding khup a, ka bo vekin ka hria. Tê tih hian ka tet zia a sawifiah berin ka ring.

"I ṭha em?" Dam thupin a rawn ti a. Min ngaihtuahna ni awm tak ri tel chuan, ka rilru no bawk a ko chhuak leh mai dawn.

Lehlam hawiin mittui ka khap let sak sak a, ka inhumruh sauh bawk. "Kan ṭha alawm. Nang zawk?" Kan inbiak dan chu, mihrang hlak in bia ang maiah ka inngai a, ka na vawng vawng mai.

"Maw? Ka lam rawn hawi teh. Tunah khan eng nge i sawi kan i tih awmzia ka hre lo" Mak tihna leh natna ni awm tak a aw chhuakah chuan, ka hre tel a. Mahse, A lam ka hawi a nih chuan, ṭha takin ka thlah thei lo ang a, a bulah awm ka chak thu leh ka ngaihthu chauh ka sawi dawn tih ka chian em vangin ka hawi duhlo lui a.


"Min enrawh! Lalrinzual" Chang lutuk a, a tih chhuah hrawk rual chuan, a lamah ka hawi nghal hnawk bawk. Ka hlau lutuk chu, ka ip nghal chawih a, mit ka chhing tlat bawk.

"I mit kha chhing hlek suh" A thinrim tihna em ni? 'Kan' tih ka hman khan, a ti thinrim a maw..!? A dik ngei ang. Mahse, eng vangin? Mak tihna te hlauhna leh fa a duhlo tih thu a sawi ang tih leh natna in ka taksa a fan nghal rawih rawih a. Duhlo mahse, duh turin ka tilui thei lo. Keiin he ka pum chhung ami hi ka duh chuan a tawkah ngaih mai ka ngai.

"Ka mitah enla, tu fa nge min hrilh rawh Lalrinzual!" Maw? Tu fa a? Engtin.... Engtin nge tu fa nge a tih theih zawk? Hlauhna ka pai chu, thinrimna namen loin min rawn thlak sak hlawk a.

"Engtin maw?" mak tihna te, natna leh thinrimna te chuan, min tuam hlup hlup a. "Tunah khan, tu fa nge i ti em ni?" Rilru natna leh huatna te nen, ka ti chhuak tuar a. Ka aw pawh a dam lo khawp ang. A rawn meng phawk hra a, kei erawh ka na lutuk chu, ka nui ro halh a.

A mah angah min ngai tihna em ni? Pasal nei reng chung a ngaihzawng nei ve angah min ngai ni berin ka hria. Mahse, mi zawng zawng hi a mah ang an ni vek kher lo tih vawiin hian ka hriat tir dawn khawp.

Hnunglamah tawlh datin, "i hria em? Nang hi ka pasal i ni a, ka neihchhun tak meuh. Ka nu ten min tuithlar a, chhungkua ka nei ve em pawh ka hre lo. Mahse, ibulah ka awm a, engmah ka mamawh tawh lo. Ka hlimin tlakchham ka nei ngai lo a, i tello chuan, engmah a nuam lo a, mi nung ka ni em ka inhre ngai hek lo. Dam reng chungin i tello chuan, mithi ai pawhin ka hlutna chu, a nep zawk" ka hmai hupin ka inhnit feih a, eng nge ka sawi tak! Lalpa!

Thawk hip luhna tur a, ka thawkna dawt phui vek vangin, ka thaw hlei thei lo a, ka ṭhu kun nghal ngiai bawk. Ka bul a mipa ding chu melh khat pawh ka melh ngam tawh eih lo bawk.

"I ṭha em?" ka bîng mup mup a, tluk mai ka tum laiin, hlauthawng aw leh chiai tak a, ka taksa kuah bet tlat chung a, ti chhuak sap tu chu, meng peih mang tawh loin, ka chum leh a.

"Min awm tir rawh. Ka ngen a che, keimah a ka tuar chhuak thei dawn lo a nih chuan, hetah hian min kal san rawh. Ka fa nen hian, hmachhawn theih loh tur khawp natna kan dawng thei bik lo ang" ka ṭawng zawng a, ka lei tawt tlat leh, ka thin zawn na vawng vawng vang chuan, ka aw chu a chhuak ṭha thei lo a. Theih tawp a na in, ka awm ka ṭham nghal tawk bawk.

"Engmah sawi tawh suh. Ka ngen a che" mangang aw lutuk a rawn ti chhuak ṭhawtin, ka hnung a chul hliau hliau a, ka in hnit nghal hlawp hlawp bawk.

"I hria em? Min ngaihtuah tak ang chuan, awm lul suh. A chhan chu kei hian ilakah eng beiseina nge ka neih leh ang ka hre lo. In hlimna tichhetu mai hi, min kal tir rawh. Ka ngen a che, ka tibuai tawh ngai lo ang che u" ka sawi chhung ringawt pawh a rei takzet. Ka thu sawi chuan, thihna hial a keng tel amaw tih mai turin, ka nun a chau a, ka taksa chu a zawi nghal rawih rawih bawk. Ka thawk a sakin, ka hriatna thazamte chu a thi nghal tual tual in ka hria.

"Ni lo, kal suh. Ka sawi duh ka la sawi lo. Khawngaihin, ka hmangaih min kalsan suh. I tello chuan, ka hmachhawn ṭhin khawvel hi hmachhawn leh ka zuam tawh lo" hla tak a ri vuai vuai ang maiin, a hla tual tual a, "min hmangaih" chu thu erawh chuan, ka thluak a fan rawih rawih a. ka awm a hmai phum a, thaw hrawih hrawih chu, ka hriat hnuhnun ber a ni ta.

Sawmzuala P. O. V

"Bawihte, ka duat, ka sawi i hre lo em ni? Ka hmangaih che. Chu vangin kal suh, ka bulah ka rual a ke pen a, chak tak a khawvel hmachhawn leh turin ka duh che" thing nawk nawkin, ka hmeichhe hmangaih em em mai chu, ka au a, chhanna a awm lo.

"I hria em? Ka thlah phal lo che. Ka KIR BERBER-I ni reng turin ka duh che" ka mangang lutuk chu, chu thu bak ka sawi thei tawh lo. Mipa ka nih na pawhin ka mittui a dang zo lo a. Min hmangaih ve lotu ni a, ka lo ngaih leh ka hriat chuan, a khawvel tifamkimtu leh ka bulah tlakchham a neihloh zia min hrilh a. Hmangaihna khingbai a ka lo ngaih ka hmangaihna ai a, nasa in min lo hmangaih tih ka hre chhuak a, mahse, a lo tlai tawh. ka hmangaih thu ka hrilh ve chuan, a thaw ri zawi zet bak ka hre tawh lo.

Hlauthawng lutukin, bawihi chu ka pawm lawp a, ka chiai vek. Hetiang hian, hlauhthawnna leh mangan na in ka nun hi an la ti buai ngai lo a, an tih buai ka ring pha ngai hek lo.

"Doctor, ka nupui hi vatin" a thaw tawh pawn ka hre lo, thlanin min bual huh vek tawh a, ka mangang lutuk chuan, doctor ho chu ka vin nghek.

"I lo lut ve thei lo ang ka pu" nurse pakhatin a tih chuan, bawihi an nawrluhna kawngkhar chu ka melh ngawt ngawt a.

Tei kual sekin, ka nu thusawi kha ka ngaihtuah a, damdawiinah a awm tih a sawi lai a, ka hlauhthawnna chu nep te a ni. Kal mai ka tum laiin a call ka dawng leh a, min hmuh a duh thu a sawi a, mak ka tih em vangin ka chhanna pawh a bul viau bawk. Damdawiinah a mu a, ka hriat khan, khawpawnah daih min hmuh a duh thu a sawi leh ang lawi a. Ka thin hi a phu nghal dup dup ringawt bawk a nih kha. Hetiang thil ṭhalo a thlen dawn vang pawh a ni ngei ang.


"Tenawmpa..." ti tuar ri ka hriat rualin hnunglam ka hawi a, ka rin loh lutukin ka biang a rawn beng a. Ka hrilhhai lutuk chu, Lzi ka en run ringawt.

A bulah ropuia, bawihi ṭhianpa ṭullo tak a ka lo huat leh sex hial an hmang dun a ka ngaih kha a rawn ding a. A ni erawh chuan, "a ṭha vek mai ang" tih melhin min melh a.

"Eng thil..." ka sawi zawh hma in a rem lai lai min chum pawp pawp chungin, "nangmah vang vek. Zualtei hi hetiang hian a awm ngai lo. In inneih lai ngei a ngaihzawng i neih vang vek! Tunah nau pai ni hlei lo pai angin a rawn kal a, zualtei mittui man ila rulh let a ngai khawp ang" thinrim zet a a rawn tih chuan, ka nui hak.

"Ila nui thei amaw? Saw ta mu saw a chungah eng emaw a thleng a nih chuan, nang leh kha Lalnunpuii dawheh lutuk kha ka that ang che u" a ti leh tan tan reuh a.

Engtin nge maw ka rinhlelh theih zawk le? Zualtei tan ṭhianṭha tak a ni a, tette aṭanga inkawm an ni bawk. A chanchin ka chhui a, nichin maiah call ka dawng a, bawihi kha ringhlelin thinrimna in ka khat a, ka call dawn kha bawihi hmu tur a ka kal hma ni leh thei se ka ti lutuk ringawt!

"I hria em? Malsawmzual, i bulah a hlim a, a hmangaih bawk che. A hmangaih che tih a hre lo mai chauh a ni. Khang hun a, a hlimna khan tunah a vaw let a, nangin i hmangaih let ve lo bawk. A tuar hnem tawh lutuk, tunah.... Tunah lah i fa a lo pai leh zui bawk"

"Ka hmangaih alawm" mi hriatah hethu hi ka sawi ang tih rin ngaihna ka hre lo, a meng phawk nghal hra a, ka nui suk thung.


"Maw! Nang hian i hmangaih amaw?" Mak ti zetin min melh kar a, a thinrim a ang zawkmah.

"Aw, ka hmangaih a ni. A tello a ka lo hmachhawn khawvel chu, ka nunah a rawn lan aṭangin a tello in hmachhawn ka zuam tawh lo a..." ka sawi zawh hma in, ka samah min rawn kek a nih chu! A kawlh reuh ngawt mai. Ngawi rengin min kehna ang ang chu ka tuar tawp. A bul a, ropuia chhuan, a rawn pawt tak nangin, hmeichhe thinrim tih takah, a ṭhleh mai mai thei lo.

"Nang hian i hmangaih amaw? Khang natna i pek kha i hmangaihna vang maw? Mi tenawmpa leh! I hmangaihna ah chuan, eng tûr nge i pawlh a" min kek nawk nawk chungin, a ṭap pur a, a thu sawi erawh chuan, min ṭham nghal tawk ni berin ka hria.

"Natna maw? Keimah vangin a na tih ka hria, mahse, ka duh vang a ni bik lo" min la kek rengna chu engah mah ka ngai hauh lo.

"I nupuiin a lam che a" Lzi min kek ngawng nawngtu chu, rang lutukin ka nawr hla nghal rawk a. Ropuian a lo vuan vat bawk. Engmah sawi loin, ka kal vut a.

"Ding rawh. Tenawmpa, dng nge tih i tum. I bialnu hlui dawt sawi vang khan a damchhungin a kal bo san dawn che. Fiahna nen i kal loh chuan, i chan hlen ang i hria em" Ka ding chiang lutuk.

Eng maw tunah khan a sawi a? Inherin an lam ka pan a, ka hmel chang zet chu a hmu vekin ka ring. "Tunah khan eng maw i sawi a?" Ka ti chang fak a.

"Lalnunpuii khan, ka ṭhiannu hi bumin i fa pai angah a insawi a, i tello a, naute a enkawl theih loh tur thu leh, kal bosan se a tan aṭhat zawk tur thu a hrilh asin. A rilru hneh leh i duh chuan, tunah hian, kha hmeichhe rapthlak kha dul thep vek chungin a bulah hruai la chu chu i kawng neih chhun a ni" a ti nghal zat. Lalnunpuii maw?

"Mai mai chuan" ti hrawkin bang ka chum nghal pawp a.

"Hun i nei tawh lo. I chan phallo a nih chuan tunah kal rawh. La haw lutuk che, mahse, ka ṭhiannu hmangaih i nih vang leh i tello chuan, a dam khawchhuak zo lo ang tih ka chian em vangin ka ngaidam ang che" a tih leh sap chuan, keiin ka mamawh aiin, bawihin min mamawh tih ka hre leh chiah.

"lut ang" ka lut nghal hmiah. Khum a lo ṭhu a, min lo thlir tlawk tlawktu chu ka en ngur a, a hmel a inthiamlohna te, pawi tihna te natna leh hreawm tihna ka hmuh chuan, rang takin ka va kuah a. Ka rinloh lutukin min kuah nghet em em a, "pawi ka ti" a ti sap a. Lungchhe lutykin aṭap hlawp hlawp bawk.

"shh! bang rawh ka sawifiah thei bawihi" ka tih chuan, ka awm a hmai phum tlat chungin a lu a thing nghal nawk nawk a. Hrethiam lo zetin ka melh nghal ngur ringawt.

"A ngai lo. Engkim ka hre vek. Ka thiamloh a ni" ka awm a hmai a phum chu ka nawr sawn a, engmah dang ka sawi thei tawh lo. Ka thlakhlelh em em ṭhin, a hmuiah chuan ka fawp vawng vawng a.


Min chhanlet ṭhat em vangin ka nui suk. "Ka fa tur i pai vangin ka lawm e. Ka hmangaih che" tiin a chhipah ka fawp a, nghet zet a min kuah let chungin" Kei pawn ka hmangaih che" a rawn tih rual chuan ka thin chu a phu dut a, min hmangaih tih a sawi ve a nih chu!

"Ka KIR BERBER-I ni reng rawh aw" tiin ka kuah a, aw thian kharh thawm ka hriat rualin, a ṭhiante an awm ve tih ka hre chiah. Zak tih hriat tak a, zualtei kun lap leh biang sen ṭawn ṭawn chu lawmawm tih piah lam a ni.


A TAWP TA

(A tawp dan hi duhthu a sam lo a ni tiru? Ka buaina ka sawi tawh ang khan min hrethiam leh dawhthei takin min lo nghak a, ka lawm. Chutih rualin duhthusamlo tak a a hmawr kan bawk ta mai erawh pawi ka ti. Ka thawnthu min hlut sak a min chhiar sak a, min lo click saktu te inchung ka lawm takmeuh meuh a ni. Ka chapo na leh ka insawitheihna ah min ngaihsak lo ula, in zarah netpack man tur ka hlawh a, ka lawm tak tak a ni. Ka tuina lam a ka pawisa hmuh hmasak ber a ni a, ka tan chuan, ka nuamtihna ni miahlo a, cheng tam tak huiluh nen inthlau tak a ni. A pawisa zawnfin a hlutna han teh dawn ila, tun a ka pawisa hmuh chu chhete tak tak a ni. Mahse, keimah ah chuan, tam tak ka huiluh in a thawh dan aiin tunah hian a thawk ropui a, ka hlutin ka la hlim pui ber thung. Ka lawm tak tak a ni)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)