KIR BER BERI By Cietei samte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KIR BER BERI By Cietei samte (Completed)

Unread post by Ngaia » December 20th, 2020, 4:14 pm

123324253.jpg
123324253.jpg (23.6 KiB) Viewed 7395 times
(Hlawl mai a. Naute awm a, buai ṭhin ka ni chungin hunawl ka neih chang a, tihtur awm lo hi a hreawm ka ti emai. Chawlh ka tum viau nangin, ka peih leh lo. Regu tum ila, kan theih chin chinah. A dik lo lai sawi ula, ngaihnawn lo leh siamṭhat ngai a awm chuan, eng hun ah pawh khawihmunah pawh inmi puihna ka mamawh reng a nia. Inngaihdan insawi hian, thil tam tak ka zir chhuak a, siamthat theih ang ang, ka siam tha thin a nia. Mizo tawng ngat phei chu i sawi fawk fawk ngam ang u. Ka ngen che u a ni e😁) :P ☺️

Ka bul a, hmeichhe ṭhu kun ngul a, mittui khap let sak sak chu, ka hmu ve reng. Mahse, ka melh peih reng reng lo. Lo piang lo tawp se, pawi pawh ka ti lo. Ka lawm bik chuang lo bawk. Mokawr chu inhmeh viau mahse, a hmel sawn a mawi pui lo, kei pawh ka suit chu a ni tho ang. Hlimna in bul ṭan lo a, nawrna vang a, inkutsuih mai kan ni. Mahse, a ni vangin ka ngaihzawng hi ka ṭhen dawn reng reng lo.


Ka hmangaih chu ka ti ngam lo na in, ka duh tih chu ka sawi ngam. Nunpuii hi ka thinlung takin, ka duh a, a bulah chuan, engkim mai hi ka ngai awlsam a, ka paltlang ziah bawk.

Kei hian, kum 33 niin nupui ka nei mek! Chu mai a ni lo, ka nupui tur hi ka vawikhat hmuhna chauh a la ni cheu. Mipa duhthlang tur a, dikna nei ka ni in ti ve chinin, ka vawikhat hmuhna chauh a, nupui atan a, pawm a nei ta mai hi mak in tih pawn ka hrethiam. Kei pawn awih chu har ka ti ve reng. Mahse, min kal san ta ka pa duh dan ka zawm theih tawpna tih puitlin hi ka nu duhdan ni miau hek.

Nupa kan ni ta! Ka thinlung erawh chuan, a pawm hauh lo. Police officer ni ve si hi, ka chan tawh ka pa, minung ram a cheng ve tawh hauhlo, hlauh vangin ka nupui tan aa lo hual chu ka nei a ni ta mai hian ka hria.



Ka hming chu, malsawmzuala a ni a, sawmzual tiin min ko mai ṭhin. Police officer hna ka nei a, ka nu leh pa fa neih chhun ka ni bawk. Ka pa hian, thla 2 liam ta khan min boral san a, ka nu nen chauh inlian takah, kan awm a, a chang chuan, ka nu hi ka khawngaih thei viau. Ka pa awm loh chinah a tla hniam sawt em em bawk a. Damdawiin pawh ka hmu zing tawh hle bawk.


Mi ṭawngtam ka ni lo a, chanchin a ṭha sawi tur ka nei hek lo. Ka pu aṭangin mi awmthei kan ni a, police hna thawk lo pawhin thawh tur tam tak ka nei. Thawk lo pawh ni ila, an thawhchhuah sa hi kei hian, ka damchhungin ka chen thei ang. Mahse, mipa ka ni a, nupui neih hunah hna nei lo a awm ka duh bik lo. Chuan, he hna hi ka duh miau si a. Ka pa thi kha la na viau mah ila, ka pa aiin ka pu ka ngaina a, a bulah ka awm tam zawk bawk. Ka pu kha ka la ngai viau bawk.



"Mama, tunah chuan, ka thaw a veng ta huai mai" ka nu ka neihchhun liau liau in min ti chu, ngaihte lam lam a ṭha lo ṭep a lawm le.

"Nu, ka rilru erawh i hriat kha" beisei nei zet a, min enna chu ka bum thei lo. Chiang takin ka nupui neih hma in ka hrilh tawh. Ka hmangaih lo a, kan nupa lak aṭang a tu hmel hmuh in beisei lo turin ka hrilh chiang viau.

"Awle, ka hria mahse, eng tikah emaw chuan, ka la hmuh ka beisei tlat a ni" beidawng hmel pu miah lo a, tiin min kal san a. Roomah kan lut nghal phawng ringawt pek a. Hmeichhe te zet,a sam kir deuh ngher nen a, min hnungchhawn zawng a, lo ding chu ka su ṭhelh a ni.

"Khumah mu la, kei sofa ah ka mu ang" nelawm lem loin ka ti nghal thawr a. A rawn hawi phawk hra a, mahse, a rei lo. Hlim hmel takin a meng de sawr sawr a, a mitah tak ka vawikhat en na a ni a, ka nghing lawihin ka hre hial a ni. Te viau e ti lo chuan, mitmeng zahawm tak a nei lawi a.



"I ti tak tak em? Ka.... ih ka sawi awmzia....." ṭawng belh lo turin ka kutin ka vai thuak. Awihloh hmel fahran a, a rawn tih khan ka ngaithlak peihna a ei zo vek.

"Aw, chuan, beisei i neih loh nan ngaihzawng ka nei a. I duh leh nang pawn i nei thei ang. Tumah kan in tihbuai a thiang lo bawk ang. E,,, chuan, kan in hmangaih chu sawiloh vawikhat kan inhmuhna a in nei mai kan nih vangin, kan la inṭhen leh ang tih ilo hre lawk mai mai dawn nia" maltin chu fiah takin ka sawi a. A hmelah engmah ka hmu lo a, a hlim hmel emaw thinrim hmel pawh. Mahse, a ṭha zawk e.

"Awle, ka hrethiam e. Muttui" tiin khumah a lawn nghal tharh a. Vei nei awm pawn zuk awm hauh lo a. Nute thinchhe tiktek a an an nen, a ṭawngkam a vin lo a, a dam thlup bawk. Te viau mahse, a nun a nem hmelin, mi hlim thei tak leh dawhthei tak a ang. Ka ngaihdan chuan, ka ṭawng khum dan vangin min lim hrep ka lo ring a ka tisual tih tunah ka pawm chiah. Ka nui sak a, ka mu nghal hmak bawk.



"Good morning. Sawmzual" ka phu zawk thei. Ka hming a hria a, keiin ka ngaihtuah miah lo. Inneih ni khan, eng nge a hming an sawi kha?

"Morning kir berber" a hming ka hre chhuak zo tawh ngang lo. An sawi kha Lal tih chauh ka hre tawh.

"Ka lawm e" nui ver verin min chhuahsan nghal a. A nui hmel hi eng tin emaw tak hian, a mawi bik emaw ni. A.... mi mawl leh! Ngaihtuah a ngai lo. Ka phone ka en a, nizan ah nunpuiin min call tih ka hre chiah. Ka chau bawk nen, ka muhil hma a ni maithei.

"Mama, vawiin chu hna kal kher a ngai em ni?" Ka nu in chaw ei mawlh mawlh chungin a rawn ti a. Ka rum nghut.

"Aw, ka tan nikhat chawlh hi a tawk viau a ni" ka nu en miah loin, ka chaw ei lai chauh ka ngaihtuah lui a, ka bul a naupang tiat lek ṭhu chuan, engtin emaw awm zu ti nuam lo thei a mawle.

Hna kal pahin nunpuii chu ka be mai ang ti rilru pu chungin, room ka lut a. Ka beisei loh zetin ka form chu, a lo in nawt mar thlap a, kim biaiin, khumah a lo dah ngat mai. Ka nui sak a, ka ha mawlh mawlh a ka chhuk zui nghal bawk.

"Ni hman nuam le" ti tu chu melh eih lo in ka kal san vang vang. In la fel leh lutuk.


Lalrinzuali (zualtei) P. O. V

"Ka nu, chhuah ve i tum em ni" ka nu ka tih awmzia chu, ka pasal a hming chauh a ka pasal nu. Ka zawhna chu aw tiin min chhang a, min nuih sen senin a chhuak zui a. Kan nula pathumte nen chuan, inah kan awm a, hnathawh min phal lo bawk nen. Tih tur chu vang tak a ni. Inchungah chhoin ṭhutthleng seiah ka ṭhu thluang ar ar a, ka ngaihtuahna ah chu thil tam tak a rawn lang a, ka mittui chu ka dang hman lo. Ka ṭah chhuak lutuk a zia hma chu, ka hmai hupin ka ṭap ta ngat ngat.

Lalrinzuali hian, a nu leh pa diktak a hre lo. Mi nu leh pa a ṭawm a ni tih hi nimin piah thleng kha chuan, a la inhre lo asin. Ka nu leh pa ka unaute zawng zawng chu, ka thisen zawmpui emaw ka lo ti ṭhin a. Ka danglam bik ziate, an mizia chhete mah ka chhunna ka hriat loh ziate, ka mal bik a ka lo inhriat fo ṭhinna te kha, a tak a nih ka ring ngai lo asin. Mahse, khawvel hian, a nihna tifamkim turin heng zawng zawng hi a pai miau si a.

Ka nu kha, ka pangchan khum ngam ngai lo a, ka pa pawh mahse, an fanu ni a, ka lo inhriatna vangin, zalen takin kha inchhungah khan ka lo khawsa ve ham ham asin. Ka zep lo, ka nu leh pa hian min thlei bik a, ka unaute ngainat leh kawm ka hlawh ngai lo. Ka pasal neih tur thu an sawi ni a, ka hnial bak ka nu leh pa hi ka lo hnialin ka la vuikhum ngai lo. Lo hnial lo ila, tun dinhmun hi ka thleng tawp lo tur. A tlai zo vek tawh si.

Flash back.

"Nu, ka pasal neih tur thu hi tunah chauh min hrilh a maw? Nu pa, ka nu leh pa in ni lo em ni? In fanu duh dan leh ngaihdan te min zawt ve tur chu in ni asin" mittui tling pamin ka nu leh pa ka hma a ṭhu ngawi karte chu, ka melh ngawt ngawt. "Pasal nei turin inbuatsaih rawh. Naktukah harsa vak lo in pasal i nei dawn a" i nu leh pa in rawn ti thut se i lungawi bikin ka ring hauh lo. An thu hi ka hnial duh vang a ni lo. Min hrilh hma se chuan, ka pawm ang. Mahse, naktuk maiah ka neih tur chu tunah chauh min hrilh a. Ka na tak zet.


"Ni lo, ka nei dawn lo. Nu ka nei thei lo ang. Ka la hmuh ngailoh mipa pasal atan ka nei thei lo ang" ka ding a, kal mai ka tum chuan, ka nu in, min lo pawt ding a. Kal luih ka tum bik lo.

"Kimkim, heti zawng hi chuan, kan thu hi kal suh se. a nih loh zawngin thleng tur a kan duh loh a thleng mai palh ang" ka nu ṭawng tum lai chu ka pa in a ṭawng khal a vangin, a hmui a chip leh hmak. Ka pa tawngtam ngai lo in, a tih chan fak thu chu hriat ka chak ta riau bawk.

"Pa, ka bei dawn lo" chang zetin ka ti let fak a. Ka ute an awm lo hlauh chu, ka lawm ru hle bawk.

"Lalrinkim, nang hi i tet lai khan inremsiamna neih pui i ni tawh. I pasal tur hi, i hriat ve hma aṭang tawhin kan makpa hual a ni tawh" a ti hrawk a. Ka thaw lo, khawng takin ka din ngawt ngawt. A thusawi khan min ṭhawng em a ni. Inremsiamna hralh maw? Ka chungah hetiang an ti hi na ka tiin ka hrethiam lo tak zet a ni.

"Bawihi, ipa thusawi chu a dik. Pawm hram rawh. Kan thlen thui hma in" ka nu chuan, min ti leh. Mahse, a tawp thleng rawt a hriat ka duh.

"Chuti khawp chuan maw intan ka lo hlut loh. In thisen ka ni lo em ni? Nge ni a, kei hi...." ka sawi zawm thei tawh lo. Ka ṭap khur ngat ngat a.

"I hlut vangin alawm fa atan thi mai tur kan lak che" ka ṭap bang hmak. Eng thu nge min hrilh kha!?

"Maw!?" Mak ti leh rilru na zetin ka ti a.

"Aw, nang hian nu leh pa i nei lo. Kan enkawlna vang a lawmthu sawi nan ngai la, i pasal tur a kan tih chu nei mai rawh. Nuam pawh i ti khawp ang" ka nu a ni. Heng hi mumang em ni? A tak a ni tih ka awih thei lo. Eng tin...?

"Eng..... eng vangin nge min enkawl. Min enkawl turin ka ti che u em ni?" Ka ti leh hram. Ka pa thinrim rum hrawih chu, ka hlau lutuk. A thin tihrim hi ka nei khat asin.

"Kan deal ah i tel vangin" khawvel chuan, min vir khum ni maiin ka hria. Engmah mumal pawn ka hre tawh lo. In hlim dawn phawt chuan, ka nei ang tih ka sawi bak chu ka chiang tawh lo.

Flash end

Ka pasal neih ni khan, an vaiin min tel pui mahse, tuman thu ṭha leh mo ṭha nih min zirtir lo a, biak pawh min be vak lo bawk. Ka unaute phei chuan, chaw pawh an ei lo. Ka pasal lah ka hrilh chu sawi loh a hmel pawh ka rap a ni. Ka ṭah chhuak tak a, thutiam ka chham lai a, ka rilru a awm chu, "mi chuang i ni. Mi inremsiamna hmanrua mai i ni a, i dam thei zel te hi lawm zawk rawh. Khawvelah chan i nei ve lo. Mi vakvai tur chhanchhuah i ni a, tumah hmangaihtu i nei ve lo" tih chauh a awm a, ṭah chhuak lutuk in ka mittui chu a hnam leh ṭiam ṭiam ṭhin. Ka insum lui ngat ngat a, zan an mut reh hnu ah inchungah ka ṭap chiam a nih kha.

Eng vangin nge ka lo pian ve ka hre lo. Mahse, pian ve man a, mi inremsiamna atan chauh a lo pian chu, siamtu vuikhum na tham a ni. Ka vui tak zet bawk.

"Damna nei turin tumah mipawimawh ka nei lo a, thi ila uitu ka nei hek lo ang. Eng vang a, leilung piantirh ata, he ta cheng ve lo tur a min lo that lo nge i nih. Pian ve chakin ka dil ngai hauh lo ang che" van lam hawiin ka thaw kawk kawk a. Ka vui tih piah lam a ni.


A dik ber em zawng ka hre chuang law. Mahse, theih tawpin ka nun hi ka hum tho ang. khawvel hian min hnungchhawn mahse, kei chuan, ka hma chhawn tur a ni.


An rawn gaw a, tumah ti ti pangngaiin kan ti ti lo a, khumah dar 7:00 ah ka mu tawh. Muthilh chu van a rah tluk a ban har a ni. Sawmzuala lah a bialnu biain balconyah a ding reng a. A hmel nelawmloh leh mitmeng rum ul te hi ka hmu chak bik lo bawk nen ka mit ka chhin san ka daih.

Eng tin hun hmang ang maw???


"Rairah riang ka chan hi, tun min dawn pui ve si lo. Thinlai zochhum ang a zing e. Hnemtu ngaiin ka vai ruai a, tawngmang ramah pawh tawnni a awm si lo" ka rilruah a rawn lang ve a, ka chham ngat ngat.

Khawilam thuril nge pawh ka hre lo. Ka ṭah a chhuak kher mai. Ka hringnun hi a hring zo ve lo, a ṭuak vekin ka hria.

Nun ning viau siin ka thi ngam bik der si lo......



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:15 pm

Nun ning viau siin ka thi ngam bik der si lo......

Thinlung kehsawmin min siam a, thawklehkhatah an thisen ka ni lo tih min hrilh a, ka tan chuan, pawm harsa dawn mahse, an tan chuan, thu ho te sawina ang a ni lawi si.

Tu in nge, thinlung kehsawm a awm laiin hnemtu duh lo ngai ang? Ka zep lo, tunah hian, ka ṭhiante tal ka bulah awm se ka ti ngawih ngawih. Mahni chauh chuan, ka thawkna dawt hi boruak in a hnawh khat vek a, hip luh theih loh ang maiin a sak a ni.


Ni a liam a, hun a ral a, thlakhatna kan pum ve ta. Kan in be ngai mang lo a, ka nu erawh ka nel in, ka kawm tam hle. A fapa chu dawh hram hram turin min fuih fo a. Mahse, a lakah hian, ka thinrimna chhan tur ka hre lo. Ka pasal mah ni se, ka duh lo a, nupui ka nihna ang erawh hlen hram ka tum.

"Lalrinzual" ka beng a ngawng dawnin ka hria.

"Vak vak a che. Rawn lut rawh" kawngkhar chu, a luh theih nan ka hawng zau a. Rum eltiang a min en in a rawn lut tau sawk sawk bawk. Ka dem hran lo, kei pawh ni ila, ka best pasal neih hre lo ila, ka nasa ve khawp ang.

Ka chhungte an chhuak leh tawh a, nula ho nen inchhung kan tihfai mek laiin, Lzi a rawn lang hlawl. Ka ṭhian ṭha ber a ni a, a tan pawh a ṭhianṭha ber ka ni bawk. Sikul chawlh lai a nih vangin kan in be khat a, kan inhmu lo tlung zel bawk kha a nia. Min ngai lutuk awm ngaihna hre lo kan inah a va leng a ni chek ang chu.


"Ṭhian angin min lo ngai miah na nge?" Ka room kan thlen rualin, mittui tlingpamin min en a, sawi mai tur pawh ka hre lo. Kuah tumin ka ban a, min vai let lawp.

"Min chhang rawh. I tan ṭhian ka ni ngai lo em ni?" A mittui luang vangin ka mittui a tla ve sawk.

"Ai, chutiang a ni lo. Ka thu sawi hi min ngaithla phawt rawh aw. Ka tan chuan, ṭhianṭha ber i ni alawm" khumah ka pawt ṭhu a, ka chung chang hrechiangtu a ni bawk nen. Min en ngawih ngawih. Kuah thlawpin ka ṭap hmasa te te phawt a.


"Min hrilh vek rawh engkim hriat ka duh" ka ṭah chhuak a zia deuh hnu chuan, inla hrangin min rawn ti a. Thaw kawk kawkin, ka bu nghauh.

Sawi ṭan dan tur vang tak vangin, ka thu sawi chu, ka hrethiam bik lo. Ka rak nawk nawk a, mittui tla purin ka sawi mawlh mawlh. An thisen ka ni ve lo tih ka sawi zawh rualin, chhuak lutukin a rawn ṭap a. Min khawngaihna mittui dawng tur chuan, mi chuang mai ka ni asin.

"Ka tihpalh zual, i pasal neih tak ngial pawh min hrilh si lo. Kum 18 chauh ila ni bawk si, intlan dun emaw ka lo ti asin" kan inkuah a, vawiin chu, ka thawl hawk mai. Neih engmah nei lo a in ngai hian, ṭhian ṭha tak min kalsan ve ngai lotu ka nei tih ka hre thar awn awn mai.


"Chaw ei rawh. Eng nga ti nge, nangmah chauh ilo kal reng reng" nichin a kan ṭahna te chu kan hre leh tawh tawp nang.

"Ropuia a hman lo alawm. A mah pawh a lungawi lo teh a nia. Ṭhian ve si min sawm miah lo a ti a. A vui khawp mai. Mahse, ka lo hrilhfiah vek ang aw" a in pe zo ṭhin e. Tih ve sak theih ka nei der si lo.

"Ka ring che alawm" ti sapin, inhnuaiah kan inzui thla a. Kum 25 lai a ka inthlauhpui pasal a ka nei chu min lainat viau mahse, tihtheih a nei miau si lo a. Kan inṭhen leh vat dawn ka tih khan, lawm vangin a zuang tawr tawr a nih kha. Ka hmangaih miah loh nen a damchhung hun hman min phal lo em bawk a ni.

"Kan inbiak a ngai" ti vuttu chu, kawngkhar lhar ṭha mawlh mawlhin ka en chho ha a. A lian si, fit 4'8 chauh a sang hi chu, naute lem ang mai ka ni. Ka tet zia chu, thupui fun ai pawn a fun a lian fe zawk ang.

"Awle" ti chauhin ka chhang. Lzi ka ngai thar ta riau mai. Awm ve se, hepa hian, min be lo tawp tur. A hlauhawm ropui si. Sai ang tiat a ni ringawt.

Inthlahrung ru zetin room kawngkhar ka hawng de de a. "Rawn lut rawh" ka phu nasa lutuk chu, ka luh rualin kawngkhar ka khar chawrh mai. A vin pawh a ni lo, ka hlauh vang hrim hrim a ni.

"E... eng nge ni ta" dam thei tawpin ka ti nem diai a. Tun hma ka van ngai tak. Thinchhe tiktek takin ka pawr em em ṭhin kha a nia, ka chhungte chungah chuan ka lantir ngam chuang lo. Hepa pawh hlauh takte in ka hlau, chu vangin ṭawngkam fimkhur takin ka hmang a nia. Huiham.

"Naktukah i nute kan va tlawh ve dawn nia" hnial theih miah lo in a rawn ti nghal thawr a. Ka thin zawn erawh a thip nghal zawk thei. Ka nu te bulah eng nge ka sawi ang? Min mamawhna nei tawh lotute an ni asin.

Chawlhni a ni bawk a, dar 6:00 pelh hretah ka tho ṭuih ṭuih. A ngaite bawkin a ni chu, a gym roomah thawm a nei leh ta rek rek mai. Zing tin thawhkhalh ka tum ziah. Kan inneih tuk chauh ka la thawh khalh thei. Pa inchengvawng tak leh zahawm tak, hlauhawm em em. A ṭawng ringawt pawh ka hlauh tham tling a ni a. A mi man nih hi ka thil duh loh ber a ni.

"Zualte, i mutui maw?" Ka nu in choka a ka lut chu min rawn be vat a. Hlim zetin, ka ṭawng zawm leh barh barh a. Ka nu hi ka ngaina em em a, a bulah chuan, lungngaihna ka hre ngai lo. Tun hnai te hian, sawmzuala hian a nu a ngaihsak ṭha lo riau bawk.

Ngaihzawng a neih vang a ni ang? Ka thil ngaihtuah chuan, ka thinzawn a ti thip sawk. Eng vang nge a rawn thip ve ngawt le? Ngaihtuah buai duh tawh lo in, chhun a ka pate in lam a kal a rawt miau vangin phur lo ru zetin ka nu nen pangpar tui kan pe a.

"Chaw ei a hun tawh a ni ang hawh kal ang hmiang" kan ṭhut hahdam laiin, kan nula zing a pakhatin a rawn auh chuan, ka nu in a ti vat a. Kan kal nghal bawk.

Kan chaw ei laiin, lawmzualan ka pate kan tlawh tur thu a sawi mawlh mawlh a. Ka nu pawn aw a lo pawh vat. Kei erawh, kan in ka nu leh pa hmuh ka ngam loh chu thu hran ni se, he sai nen chauh a, motor a kal dun chu, ka huphurh ru ngawih ngawih. Ṭawng thei lo ang maiin a ngawi leh kur awm si.

"Nu, kan rawn haw har lo ang" ka nu chu kan tlan chhuah dawnin ka ti zui hram. Hnial lo mahse, a khua a har lawk tih ka hre ru kar a, kal lo turin min ti se, ihe loin aw ka ti nghal thawr tur. A sawi bawk si lo.

Kan tlan chhuak a, ṭawngkam khatmahin kan in be eih lo. In kan thleng ta.

Kawngkhar min hawn saktu chu, ka va han haw ber awm em! Ka awmdan hre lo in a la nui ang sun sun zui. Lawkin, tunah khan a nui elaw? Aw a nui!

"I ngai viau a ni maw?" Min biakna vangin ka lo nui tih ka hre chhuak a, ka zak ru chem chem. A hre lo a ni.

"I nui ka vawikhat hmuhna" a zawhna chhang lo in ka ti chhuak sep a........

(Inbual hma in ka rawn up nghal e. Hehe.... kan writer te tan a kan tih theih ve chhun, click kha i ti hram hram zel ang u aw)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:15 pm

"I nui ka vawikhat hmuhna" a zawhna chhang lo in ka ti chhuak sap a.....

"Chu ti naw?" Tih leh ka kawng a rawn kuah a rual a. Ka meng phawk hru. Eng nge a hriat le?

"Mak ti viau suh. I chhungten an hrethiam lo ang e" ka beng bulah a phun sap a. Ka harh kawk. Ka awm dan siam ṭha in, inchhungah min pen luh pui nghal a. Ka bulah, min kuah chungin a han ding a, ka hmai a zangthla haw thei. Ka feet letin a sang a ni tih ka hriat belh ta kuar bawk. Ka tet zia chu, ngaihtuah ula in hrethiam mai ang.

Hetiang a hnaih hian, kan la awm dun ngai lo a, ka zam in ka khur der der thei hial. Mahse, nuam han tihna riau keimah ah a awm pek a. Eng emaw ni hian min ṭham mur er er bawk.

"Awiii! Sawmzual! In lo leng maw? Lo ṭhu rawh u" inchhung kan lut chu, ka nu leh sarah chauh an lo awm a, umm, an la chhuak a nih chu. kei min biak ka rin nen, ka bula pahlauhawm lutuk mai chu a be tlat. Ni e, biak thlak ka ni lo a ni ang e.

Ngawi rengin ka nu leh sawmzuala inbiakna ka ngai thla char char. Kan luh aṭangin vawi khatmah min biak chu sawi loh, melh khat pawh min melh lo. Hetiang takin ka nu hian, min lo ngaina lo ang tih ka ngaihtuah pha ngai lo. Ka inthlahrung leh hnuhnawh a, ka dam loh changte, sikul a, hrem leh vuak ka tawh changte a, ka bul a, awm a, min hnem a, min fuih tur a, ka lo beisei ṭhin te chu, ka inthiam lo leh hnuhnawh a.


Ka pasal neih aṭangin a vawikhat nan, ka lo seilenna in ka rap leh a, chutah pawh hlimna, famkim bik hliah hliah na, nuam tihna chhete mah ka nei lo. Ka hrang bik riau in ka inhre ve ta bawk.


Ka pa, leng rawn haw in, min hmuh chuan, a mit a sen nghal vek. Tu hrilh ka ngai lo, a thinrim tih chu, kei tluk a hria an awm lo. Mahse, eng vangin, pawisa a khel ti dawn ila, chawlhni ah a ti ngai lo.

"E, puzawm, in lo dam maw? Hei kir berberi awh, zualtei a khua a har lutuk a, rawn len puiin, kan rawn tlawh che u a nih hi" in ti neitu chan chang der thiam zet a, kan ramhuaipa hrephrup hian, a tih chuan, ka pa ka en ngam tawh lo. A thinrim a belh chhah dawn tih ka hria, chuan, ka chungah a ṭuan lo ang tih ka sawi ngam lo.


"E, in rawn leng thei chu a, lawmawm hle mai. Kha thingpuite an lo intir che u em?" Hawihawm zet a, a chhan vangin, ka meng kawk mai. Tiang hian, ka pa hi, a lo ṭawng tam tih leh a, ṭawng a dam tih vawikhat ka hriatna a ni. Eng eng emaw, an sawi luam a, tuman min biak loh bik vangin, ka awm a nuam thei tawh lo. Ka hawichhuak ngam tawh lo a.



Ka unaute lah in, ka pasal mi hausa fapa chauh an be siam siam bik a. Tunah tak hi chuan, haw emaw ka chak ber. Ka ṭah a chhuak tak zet.

"Ih,,, ka lu a na lutuk a, ih... kan haw mai dawn em ni?" Inthlahrung takin, an awm loh lai changin, sawmzuala, chu ka va bek bawr a. Ka tan chuan, mihrang in hmelhriat ngaihlohte in a, len nen danglamna a awm lo. Hei hi ka lo ṭhan chhohna in chu a lo ni ang tih ka ngaihtuah thleng ngai lo asin.

"Aw,,, a ṭhat chu. Kan haw dawn nia, ka chau deuh bawk nen. Mut hahdam ka duh" a mah ang lo takin, a ṭawng sei ta diat mai. A haw chak tawh viau a ni mahna le.

"Puzawm, hei inlamah tih tur ṭul ka nei thut mai. Kan haw mai dawn asin" chhangtu a nei lo. Ka pa a ṭhu ngawi kur a, eng nge an awmzia ka hre thiam tawh lo. Ka pa chuan, hnial eih loin, min zui chhuak a. Tuman mangṭha rawn leng leh ru tiin min sawm lo. Ka awm nawm nan leh an tan tal pawh an tih ka rin ve nen.

Gate kan pel a, motor kan hmachhawn chiah tihah ka pain, "he in hi chu rawn rap tawh loh la a ṭha ang" a rawn ti pbawng mai.

Ka pasal, motor a lut tur chuan, ngawi rengin kawngkhar a hawn lai chu a khar leh khap a. Ka zak in ka na tak zet. An fanu ni lo mah ila, hetiang a min ti tur chu an ni lo asin! ka pasal awmlai ngat phei chuan, ka tlawm ngawih ngawih a, ka na vawng vawng a, michhuang dik tak ka nih zia ka hre thar uar uar bawk. Ka mittui chu tlak hlau zetin, ka khap fak fak a. Khawng takin ka ding a, ka pasal pawh ka mitsir in ka hmu. Phawk lutuk in min en a, a hamhaih in a hrethiam lo hle tih ka hre mai.

"Ka fanu ni lo tan hian, ka inchhung hi rah thiang a ni lo. Nang ang tan ngat phei chuan" min ten hmel leh hmuhsit hmel takin a ti hriam hrak a. Eng thil dang nge a sawi leh dawn. Dawn sawn dan leh hmachhawn dan ka thiam lo a. Ka mittui a rawn lumthla nghal pap bawk. Ka chhang thei lo, ka ka ka ang a nih ngat chuan, ka ṭap chhuak thei mai ang. Min luh san ta hmak a.

Rang lutukin, motor hnungah ka ṭhu a, boruak ka hip lut kawk kawk bawk. Sawmzuala pawh engmah sawi lo in a rawn lut a, a hma a ṭhu turin min ti a. Ṭawng ngam hek lo, ṭah loh hram tum a, heh pet fan fan chungin, ka insawn thla nghal hmak. Tukverhah chuan, dakin, ka mittui tlak chak tak zet chu ka mit ka chhin hnan hmak bawk.

A nat zia chu, a tawng lo chuan, min hriat thiam pui kher lo ang. Eng vangin nge min ten rikngawt bik? Eng vangin nge, kha chen min enkawlna a lawmthu pawh sawi thei lo a min siam nge an nih? Ka nu leh pa dik tak chu an hre lo em ni? Hemi atan hian, min lo enkawl a maw? Mahse, na ka tih zia an dawn si lo. Nu leh pa tia ka lo chhal ṭhin, nu nei lo ang a min inngaihtir tu ka nu chu, ka haw dawn nge a hma ang bawkin ka thlahlel dawn ka hre tawh thlawt lo. Ka pa pawh a ni tho. ka unaute chuan, tet te aṭangin thil min zawh bak min be ngai lo. Chu chu, ka la grethiam, mahse, nu leh pa ang a min enkawltu te khan, min lainatna leh khawngaihna chhete tal an nei lo em ni?

Ka khuh tak thut vangin, ka mittui a tla sawk a. Rang zetin min hmuh hlau zetin ka hru a, tui chu ban in ka in nghal khawlh khawlh bawk. Hmun reh leh thawm hriat theihlohna hmunah awm ila, ring takin mahni chauhin ṭap hawm hawm ila, ka chak ber a ni.

Ka bul a, ṭhu hian min hmuhsit phah ngawt ang. Mi nupui niin, nupui nihna hlen chu sawi loh, chhungte haw san ka hlawh ta hmak bawk si. Min hmusitin, min va tham lo dawn tak em! Damin ka tan awmzia a nei pawhin ka hre lo.

Sawmzuala hi ka duh tih ka pha lo, mahse, ka duhna hian min hmuh hniamna tur leh min hmuhsitna tur bak a hring chhuak dawn lo. Khawiah mah ka duh tih a thang tur a ni lo. A lakah hian pangchan ka chak tak zet a, a awm ngheng a ṭah hi ka chak tunah ngat phei chuan, bialnu nei lo ni se, a hmasa ber leh a tawp nan tal kuah a, ṭah chiam ka chak tak zet.

Mi bialpa hi ka pasal chu a ni mauh mai si a.

Sawmzuala P. O. V

Ka bul a ṭhu hmeichhia chu, ka melh leh zauh ṭhin. Ṭap chak tak insum thawchham lo chauh chu ka lainat kher mai. Kan haw dawn a, a pa ṭawngkam kha ka hrethiam pha hauh lo. Ka hamhaih luatah ka ṭawng chhuak miah lo bawk. Chu mai ni lo, a chhungte tuman an be ve lo a, inthlahrung takin, kha inchhung a in ngeiah mihrang angin a tla a, hawichhuah pawh a hawichhuak ngam lo.


A lu nat chu a chhuanlam a ni tih ka hriat vangin, ka khawngaih leh zual bawk. Kei pawn min biangbiak nasa lutuk chu, ka nin vang leh a hawina tur hre hlawl lo hmeichhia, duhna chhete mah ka neih miah lo, ka nupui ni tho si chu, lainatna nen a ka en vangin ka haw pui ta nghal kha a nia.

Hmun reh lai ah ṭap chakin a hawi kual tih ka hriat vangin, aizawl khawpawn lam ka pan ding pui a, a mit a chhing leh vang vang ṭhin chuan, kuah mai chakna sual min thlen a. Ka insum hram, ka duh leh ngainat ni miah lo hmeichhia, chu hmeichhia ngei chuan, a awm dan aṭang ringawt pawhin kei, mipa luhlul leh tawh khirh tak thinlung a ti na vawng vawng thei nia.

"Inah lo khawiah emaw kal i duh em?" Ngawi reng a hruai ngawt ai chuan, tiin ka zawt a. Bakah ka be khatin, ka hnaih hreh em em ṭhin. A bulah chuan, eng tin maw ni ka awm a, kha tiang khan tu bulah mah ka awm ngai lo. Zalen lo riau hian ka in hre ṭhin. A mitmeng zahawm tak a min en chang phei chuan, ka che leh dawt ṭhin.

Ṭawngkam a min chhang lo in rang zetin a bu nghauh a, ka nui nghal suk........

(Awiii, ka buai leh over ta a ni. Mahse, ka dah dawn ka ti tawh si a, in pawh ti fel hman lo lekin ka rawn ziak mawp mawp. Edit hman lo aw. Darkar 1 bak hun a awm loh vangin a thui thei lo hrim hrim tih min hriat sak leh hram ru aw)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:15 pm

Ṭawngkam a min chhang lo in, rang zetin a bu nghauh a. Ka nui nghal suk..........

Ka lawm nge ka hlim pawh ka hre lo. Eng vang in nge a bul a awm ka chak tlat mai ni?



"Hello" ka phone ri vangin, ka nui lai ka tawp ta hmak. Tu dang ni lo in, ka zui mek nunpuii ngei a nih vang a ni. A ni hi ka theihnghilh daih! Hah,,,,, ka theihnghilh tak tak. He hmeichhe te reuhte vang vek leh nghalin.

"Be, zanin kan leng dawn nia i ti emaw ka tia" aw nem no nalh zetin, titauh aw tak chuan, a rawn ti a. Kir berberi ang lo takin a aw a tliang ral a, a hmelṭha in, a fel bawk. Ka pa hian, eng vang a, mo atan a it thlawt lo nge a nih ka hrethiam lo. Tun thleng pawhin ka ngaihtuah chhuak zo lo.


Ka zep lo, a ni nen hian, sex vawitam kan hmang tawh tih chu, kan pahnih tluk a hrechiang tur an awm lo. Nau a pai ka hlauh vangin, damdawi a ei loh pawn c**d*m ka hmang ṭhin.

"Awh, puii zanin chu, ka hman lo ni mai rawh se" a dam thei ang berin ka ti a. Ka bul a hmeichhe ṭhu chuan, mittui tling pamin min lo en kiau a. Ka hmaizah deuh vang a, baby ti lo pawh ka ni a. A hmel lang khawngaih thlak leh natna lang chhuak chuan, ka mit lak sawnna chang pawh min hriat tir thei lo. Nuam lo ka ti ru hle bawk.


"Maw, puii maw? Ah,,, pawi lo mahse, tun kar vawikhatmah kan la inhmu si lo. Ka ngai che lawm" naute aw zetin a rawn ti leh a. A dik, he hmeichhe te reuhte vangin, hmuh ka hreh tlat. Chhan hriat si lohin, ka inthlahrung a, a bul a awm ka chak ka tih tawh kha.

A tir a ṭang tawhin, ka hrilh tawh tih chu ka hria. Mahse, vawiin aṭangin ka thlan tur kawng awmin ka hre tlat.

"Vawiin chu ka chau deuh em mai" ka ti leh nghut. Lawm lo zetin a pawm ta hram a. Ka bul a ṭhu lah chuan, inthiamloh hmel fe in min en a.


"I bialnu em ni" a lawi leh tham ṭiakin a rawn ti a. Ni dang ni se, aw, hmuh ka tum a. Ka ti duh ngei ang. Mahse, vawiin ber kher chuan, ka sawi hreh deuh tlat a nih chu.

"A,,, nunpuii a nia" ka ti fan raih. Eng vang a, nuam lo ti ta riau nge ka nih ang? Huiz ngaihtuah tawb hrih lo ang. Hnem ngai zawk a, a awm vang a ni mai.

"Kal rawh kei chu inah ka haw mai ang" ṭah chhuak insum hmel hlei hlei chuan, kal san min ti chak lo zual.


"Ka sawi fel tawh. Ka awm pui thei ang che" inthiamlo ru zetin ka ti leh a.


Motor ka ti ding nghal bawk. "Lo chhuak rawh le" zaidam tak a, ka tih chuan, mak tih hnel zetin min en a. A mit a sen deuh ram bawk. A inhmeh ang lawi bawk si. Dinah chuan, nunpuii tluk lo mahse, an hmel ṭhat dan a dang a, mahse, nunpuiin a tluk lo deuh. Eng vang a, lo tehkhin ngawt nge maw ka nih le? Huiham.

"Ka lawm e" kawngkhar ka hawn sak aṭang a, a rawn chhuak chuan, a ti sep a. Ka lawm miah lo. Eng vangin nge lawmthu min hrilh ziah ni?

Be tawh lo in, tlang pawngah chuan, ka kai chho a, sawisel miah lo in min zui ve dat dat reuh a.

"Helai hmun hi, ka lungawi loh leh ka nat changin ka pan ṭhin. Thawm an hre thei lo a, kan thawm an hre thei hek lo" khawpui eng pe un lam hawiin ka ti a. A la ngawi reng.

Thil mak tak chu, a mah vangin he hmun hi ka hria a. Ka thinrim vangin, a mah kha piang lo se, ka tih em vangin thinrim rilru na takin, hetah ngei hian, ka au nghek nghek a, tunah, a mah bawk chu, huat vang ni lo in, khawngaih vangin, ka kal pui chu a ni si a.

"Au vak la,,i ṭap duh a nih pawnin tuman an hre phak lo ang. I rilru natna chu au chhuah pui la, ṭah pui rawh. I thawl hawk mai ang" ka ti thum leh dut a. Van lam dakin a nui a nih chu! A ṭah chhuak viau tur ah ka ngaih kha a nui. Mahse, a nuih zat vang a ni hauh lo.

"Au chhuah pui rawh" ka tih nawn leh chuan, eng sawi lo in, a aw neih zawng zawng nen a au ta nghek. Aw lah an nei ring em em khawp a. Van lam a hawi leh. A mittui chu thla eng hnuaiah chuan, ka hmu de sar sar a. Ṭah a inhmeh viau in kan hria a.

"Eng vangin nge min lo pian chhuah tir? Maw? Eng vangin? Piang ve lo tur ka ni asin. Ka hringnun i her kual pawp pawp theih nan maw? Midangte sum dawnnan mai maw? Mi angin ka duh leh ka mi hmangaihte ka neih theih loh tur i duh vangin maw? I lakah tih sual ka nei em ni? Eng vangin nge ka cvungah i nun a rawn bik em em a? Nu leh pa nei lo fahrah nih ka duh lo! Ni lo, lo ni mah ila, mi in an deal atan a an enkawl nih ka duh lo" a ṭap hawm hawm a. A ṭhngṭhi hnawk. Ka ngaihtuah na kal thui tak nen ka chhuk melh ngur a.

Tunah khan, deal atan a ti em ni? Nu leh pa nei lo maw? An sumdawnna atan chauh a, enkawl chhoh maw a lo nih a?

Eng nge ka tih ka hriat hma in ṭhu hniamin ka kuah thawk a. Min kuah let na chuan, min ti hlimin ka khawngaihna a zual sawt bawk. Rei fe ṭapin a tawpah chuan, ka awm a bei chungin a muhil ta daih.

Hmeichhe mak tak a ni. He a mizia ang mize mak leh nunnem si, mitmeng zahawm tak leh rilru natna thup thiam tak ang hi ka la tawngin ka la hre ngai miah lo.

A awm dan chu, ka en vung vung a, eng tin emaw tak hian, keimahah mibik hliah hliah angin ka ngai a, ka tan hian engvtin emaw tak a pawimawh leh hlu ta riau hian ka hre bawk. Ni e, ka nupui a ni a, ka tan a pawimawh a, ka pa duhthusam tipuitlingtu a nih vangin a hlu ta viau te pawh a ni mahna.

A ṭah khum ka kawr awm zawn chu, huh deuh hliam a, a lungchhe hle a ni ngei ang. Chhe tur a ni, tunah hian, nu leh pa tuithlar nen danglamna a nei lo.

In kan thlen chuan, a la harh loh vangin, ka pawm lut a, zanriah kan la ei lo a, ka ril a ṭam ka hre hek lo. Dar 8:00 a lo ni tawh bawk. Kan awm rei ta phian a ang.

Khumah mutin, a sam kir chiat a nghawng chen a sei leh, a hmui hmeichhe dangten an hnawih tai ang ni lo, sen no chek leh biang tai tek nen, a mithmul thinchhe mithmul ang mai a er tante, taksa te zet si, naute vun ang a no sen deuh sek ang te hian, ka tum loh takin, ka hnuailam zu han kai tho thei a mawle.


"Hmeichhe mak tak i nih ngei dawn hi. Kei hian, vawiin aṭangin, ka bel chiang chak ta riau bawk che. Chuan, i tan ka awm reng bawk ang" ka phun sep a. A chal ka zu fawp leh ringawt bawk.


Sofa ah mu in, ka ngaihtuahna ka kawm a, nupui nei ka ni a, ka nupui hi ka kut a ni tawh tih ka hria, chuan, mi pangngai tan nupui neih laiin ngaihzawng a neih ngawt theih loh. Kei hi mi pangngai lo ka ni. Ka nupui min mamawh em emtu awm lai reng a, ngaihzawng ka neih san hi thil ṭha a ni hauh lo. Chuan, nunpuii rilru na dawn mahse, ka ṭhen a ngai. Ka nu ka ngaihtuah zui a, ka ngaihzawng neih hi mi ten hria in sawi ber ah nei ta se, hrisel loh sa nen a hrisel loh belh ang. Tunah kir berberi rawn awm hnu hian, vawikhatmah damdawiin hruai ngai khawpin a awm ngai lo bawk..

Mo nih a tlin tih chu phatna tur ka hre lo. Ka nu a enkawl thiamin, a zah der thiam em em a, a ngaina hle bawk. Ka nu pawn a ngaina in a bul a awm chawt hi a tih ber a ni ta hialin ka hria.

Ka lo chhing sek a ni ngei ang. Thil ri rak rak thawmin min tiharh a, ka meng nghal kawk, mahse, ka muhil der leh nghal. Kir berberin, ka thawmhnaw bawm a hai rak rak a, thawm dim thei ang berin a che a, ka lam a rawn hawi ta zeuh zeuh bawk. Eng thil nge tih a tum ni? Lawkin, rukruk a tum a ni lo maw?

Ka ngaihtuah lai mek in, ka thawmhnaw bawm a ka ram dah a la chhuak a, a chhuak nal nal. Rang zetin ka zui a, eng tin nge maw a awm tih a hriat ni? Kan room tifai tu ber a ni tih ka theihnghilh. A hre lo thei lo tlat.zu in vak lo mah ila, ka taksa a chauh zual changin ka in zeuh zeuh ṭhin a. Ka nei reng bawk.

Inchungah chho in ka hawi kual thuak a, no nen a lo in chhawp ran chu ka en thla ta ngawt. Mi en tjlak hi nuam ka ti vak lo a, tun a mi erawh a dang daih a ni.

"Hei hian, min hnem thei se ka ti" tui no a in thlit karh karh pahin a phun deuh sap a. Ka lo ṭhen sak.

Tui pawlh a tum lo reuh emaw ni le? A in ta! A khuh ta bawrh bawrh mai. Ka hlauthawng lutuk chu a bul ka thlen phei lai reng ka hre lo, a bul a tui bottle chhawp chu, la in ka in tir a. Mak tak mai chu, hmeichhe zu in ka ngainat ngai loh nen, he nu zuin hak vel chu ka lawm ta riau.

"I in ngai lo a nih chuan, in loh mai tur a lawm. Tui pawlhna chang hriat ve tur a nia" tiin a zu no chu banin ka tlak pap a. Tui pawlh loh chuan, a tak ve zek a nih hi.

"Eng tin nge i rawn kal theih a. I mutui hle si a" mak ti zetin min enbheu a, zu um lak sakin, a bulah ka ṭhu ve nghal a.

"Eng vangin nge i in reng reng? In ngai pawh ni lo"

"Hlimawman ka in chuan, engmah ka hre tawh ngai lo a ti a" hlimawma, chu hming chu ka hriat vawikhatna ni mahse, a thin a rim deuh nghal. Hmeichhia zu in tir te chu a.

"I bialpa maw?" Bialnu ka nei ve tho si a, a neih ka hlau em em ringawt. Lo nei pawh ni se, thinrim thei leh dem thei ka ni hauh lo.

"Ai, ka ṭhian, ka collage kal pui ṭhin a nia" a thu sawi chuan, thawk min lak tir huai mai.

"Nang hian, ṭhian i ngah viau ang"bka be char char a, zu ka lem leh khalh ṭhin. A mah pawn tlem a in leh hlak bawk.

In ngai lo tih takah a mitmeng a si sap a, a kai ṭan der tih ka hre thei.

"Hmangaihtu neih loh hi thil nuam a ni lo a ni tiraw?" A ṭap leh dawn ta.........

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:15 pm

"hmangaihtu neih loh hi thil nuam a ni lo a ni tiraw?" a ṭap leh dawn ta.......


Awle, a ṭha e, a bulah ka awm thei dawn a nih chuan, ṭap tawp rawh se. Lawk eng thil nge ka ngaihtuah kha!? Eng tik aṭangin nge, a bul a awm ka thlakhlel tak em em ni?

"I nei alawm" ka ti tawi tak. Tu nge a neih ang? Ka nu a ni mai lawm.

"Chu chu ka beiseina a ni ṭhin. Mahse, tunah chuan, michuang, chhungkaw nei ve lo. Mi vakvai, mi duh ni hlei lo mi in a, a thawn a awm a, ei tur tui leh ṭha apiang chuh. Asmpui ai pawh a ngaihnep thlak zawk ka ni" a rilru tur chu hrethiam vek lo mah ila, a natna erawh ka hre thiam ve ruai a. Mahse, chutiang a inngai turin ka duh hauh lo.

"Beiseina mai a ni lo mai thei asin"

"Ni lo, beiseina beisei bo, hriat ngai loh tur hriat chak. Tawn ngaihloh tur tawn chakna mai a ni."

"Ka awm alawm. Ka kalsan ve ngai lo ang che" ka tawp chiang khawp mai. Chu chu ka sawi tum a ni lo. Mahse, ka ka aṭangin a rawn chhuak. ka ngaihtuah pawh a ni miah lo.

"Maw? Ha.... nang chu ahming chauh a ka pasal. Khawvel mi hriatah chauh. Hmangaih dang i nei! Kei chu lem changtu pakhat mai ka ni" a inngaih nepna te chuan, keimah min tina a, sawi tur min van takzet.

"Rem i tih chuan, vawiin aṭangin ka tan mi pawimawh leh hluh tak lo nibta che" a rui tih hre mah ila, keiin ka thu sawi hi ka tawp san thei lo. Mahse, theihnghilh turin ka phal lo thung. Ni e, ka thusawi kha ka hrethiam ta chiah bawk. Kei hian he nu hi ka duh a ni. Chuan, zanin hian ka pawm bawk. Te reuhte si thinlung a a lian em em thei leh, huhang ngah tak a nih chhan chu, ka duh vang a ni. Ka sawi tawh em, a bul a awm loh hram ka tum ṭhin kha? Ka la sawi lo fo a nih chuan, a te a te a, he a mi uapna na zet vangin leh zantin a muthilh lai ka thlir fo chhan chu, vawiin hian ka hre ta chauh a ni. Ka nupui hi ka hriatloh hlanin ka duh a ni.



Chu chu thil thiang lo a nihna ka hre lo. Nupui nei chunga, ngaihzawng ka nei hi a thianglo in a dik lo zawk a ni tih chiang takin ka pawm nghal bawk. Cbuan, naktuk aṭangin, bialnu pakhat chauh neih ka duh tawh. Chu chu, he ka nupui ngei hi a ni.

Mak ti takin min en haw a, ka len bik em vangin, ka ṭhu pawh hma zangthal hawin min la en tho. A te viau nangin, ka rilru ah erawh a lian a nia. A taksa phu lo in keimahah hian, hmun a chang zau bawk.

"Thil hi fiamthu nan hman chi a ni lo" a mittui hru mawlh mawlhin a ti ta hram. Tunah tak hi chuan, fiamthu moodah ka cheng lo.

"Khawngaihin, ka thu sawi hi ngainep lo hram rawh. Ka fiamthu lo a, bul min ṭanpui rawh. Ka nupui i ni a, ka tan awm la, i tan ka awm ve duh a ni" mahni ang lo takin kan zei tareuh a. Heng thu ṭha leh thu thlum te hi, ka hre ngai lo. A lo awm ve tawp. Ka ka aṭangin a rawn chhuak ve tawp a ni.

Kei hian ka piantirhbata, vawikhat te mah, ka nupui hi ka bem ang tih ka la ngaihtuah chhin ngai lo. Ka tih duh pawh ka ring pha ngai hek lo. Mahse, tunah chuan, ka nupuiin min hnar hlau takin, ka bem! Hah..... Malsawmzuala hian a nupui a bem!

"Mahse, nunpuii...." a ṭawng lai chubka fawp tawp chawt. A hamhaih a ni ngei ang, a meng kuau a, a che sawn eih lo. Chuan, nunpuii kha eng tin nge alo hriat? Ngaihtuah tawh hrih lo ang. Ka nupui ka fawp mek a ni. A dang engmah ngaihtuah a ngai lo.


Ka fawp ta ngawng ngawng a, a inthlahdul tial tial bawk. A tawpah a thiam tawkin min chhang let ve tan tan a, min ti phur takzet. Ka kut a hlei ṭan viau a, a hnute ka hup chawt chu, rang takin a in la hrang nghal a.

"Dik lo a awm em?" Kan thil tih lai mekin keimah ah nghawng nasa tak a nei tih thup hram hram tumjn ka tichhuak a.

"He thil vangin kei hi min ngainep ang a, min hmusitin hmeichhe sihhnip tak angah min ngai lo ang tiraw?" Aw LALPA! Eng thu nge a sawi hi.

"Kei hian ka nupui ka tan a a inpum pekna vangin ka hmusit ang a, ka ngainepin hmeichhe sihhnip angah chuan, ka ngai lul lo ang. He thu hi hriat nawn ka duh tawh lo" a ti nghut a. A ṭawngkam hman kha, pasal lawmna chi ni hek suh.

A hmelah chuan, hlimna ka hmu ve ta...........

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2020, 4:16 pm

"hmangaihtu neih loh hi thil nuam a ni lo a ni tiraw?" a ṭap leh dawn ta.......


Awle, a ṭha e, a bulah ka awm thei dawn a nih chuan, ṭap tawp rawh se. Lawk eng thil nge ka ngaihtuah kha!? Eng tik aṭangin nge, a bul a awm ka thlakhlel tak em em ni?

"I nei alawm" ka ti tawi tak. Tu nge a neih ang? Ka nu a ni mai lawm.

"Chu chu ka beiseina a ni ṭhin. Mahse, tunah chuan, michuang, chhungkaw nei ve lo. Mi vakvai, mi duh ni hlei lo mi in a, a thawn a awm a, ei tur tui leh ṭha apiang chuh. Asmpui ai pawh a ngaihnep thlak zawk ka ni" a rilru tur chu hrethiam vek lo mah ila, a natna erawh ka hre thiam ve ruai a. Mahse, chutiang a inngai turin ka duh hauh lo.

"Beiseina mai a ni lo mai thei asin"

"Ni lo, beiseina beisei bo, hriat ngai loh tur hriat chak. Tawn ngaihloh tur tawn chakna mai a ni."

"Ka awm alawm. Ka kalsan ve ngai lo ang che" ka tawp chiang khawp mai. Chu chu ka sawi tum a ni lo. Mahse, ka ka aṭangin a rawn chhuak. ka ngaihtuah pawh a ni miah lo.

"Maw? Ha.... nang chu ahming chauh a ka pasal. Khawvel mi hriatah chauh. Hmangaih dang i nei! Kei chu lem changtu pakhat mai ka ni" a inngaih nepna te chuan, keimah min tina a, sawi tur min van takzet.

"Rem i tih chuan, vawiin aṭangin ka tan mi pawimawh leh hluh tak lo nibta che" a rui tih hre mah ila, keiin ka thu sawi hi ka tawp san thei lo. Mahse, theihnghilh turin ka phal lo thung. Ni e, ka thusawi kha ka hrethiam ta chiah bawk. Kei hian he nu hi ka duh a ni. Chuan, zanin hian ka pawm bawk. Te reuhte si thinlung a a lian em em thei leh, huhang ngah tak a nih chhan chu, ka duh vang a ni. Ka sawi tawh em, a bul a awm loh hram ka tum ṭhin kha? Ka la sawi lo fo a nih chuan, a te a te a, he a mi uapna na zet vangin leh zantin a muthilh lai ka thlir fo chhan chu, vawiin hian ka hre ta chauh a ni. Ka nupui hi ka hriatloh hlanin ka duh a ni.



Chu chu thil thiang lo a nihna ka hre lo. Nupui nei chunga, ngaihzawng ka nei hi a thianglo in a dik lo zawk a ni tih chiang takin ka pawm nghal bawk. Cbuan, naktuk aṭangin, bialnu pakhat chauh neih ka duh tawh. Chu chu, he ka nupui ngei hi a ni.

Mak ti takin min en haw a, ka len bik em vangin, ka ṭhu pawh hma zangthal hawin min la en tho. A te viau nangin, ka rilru ah erawh a lian a nia. A taksa phu lo in keimahah hian, hmun a chang zau bawk.

"Thil hi fiamthu nan hman chi a ni lo" a mittui hru mawlh mawlhin a ti ta hram. Tunah tak hi chuan, fiamthu moodah ka cheng lo.

"Khawngaihin, ka thu sawi hi ngainep lo hram rawh. Ka fiamthu lo a, bul min ṭanpui rawh. Ka nupui i ni a, ka tan awm la, i tan ka awm ve duh a ni" mahni ang lo takin kan zei tareuh a. Heng thu ṭha leh thu thlum te hi, ka hre ngai lo. A lo awm ve tawp. Ka ka aṭangin a rawn chhuak ve tawp a ni.

Kei hian ka piantirhbata, vawikhat te mah, ka nupui hi ka bem ang tih ka la ngaihtuah chhin ngai lo. Ka tih duh pawh ka ring pha ngai hek lo. Mahse, tunah chuan, ka nupuiin min hnar hlau takin, ka bem! Hah..... Malsawmzuala hian a nupui a bem!

"Mahse, nunpuii...." a ṭawng lai chubka fawp tawp chawt. A hamhaih a ni ngei ang, a meng kuau a, a che sawn eih lo. Chuan, nunpuii kha eng tin nge alo hriat? Ngaihtuah tawh hrih lo ang. Ka nupui ka fawp mek a ni. A dang engmah ngaihtuah a ngai lo.


Ka fawp ta ngawng ngawng a, a inthlahdul tial tial bawk. A tawpah a thiam tawkin min chhang let ve tan tan a, min ti phur takzet. Ka kut a hlei ṭan viau a, a hnute ka hup chawt chu, rang takin a in la hrang nghal a.

"Dik lo a awm em?" Kan thil tih lai mekin keimah ah nghawng nasa tak a nei tih thup hram hram tumjn ka tichhuak a.

"He thil vangin kei hi min ngainep ang a, min hmusitin hmeichhe sihhnip tak angah min ngai lo ang tiraw?" Aw LALPA! Eng thu nge a sawi hi.

"Kei hian ka nupui ka tan a a inpum pekna vangin ka hmusit ang a, ka ngainepin hmeichhe sihhnip angah chuan, ka ngai lul lo ang. He thu hi hriat nawn ka duh tawh lo" a ti nghut a. A ṭawngkam hman kha, pasal lawmna chi ni hek suh.

A hmelah chuan, hlimna ka hmu ve ta...........

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)