UIRENU FANU BY FAMKIMI CHENKUAL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UIRENU FANU BY FAMKIMI CHENKUAL (Completed)

Unread post by Ngaia » December 31st, 2020, 5:50 pm

CHAPTER-19💞


MUKTI..... POV


A kut zawi chu ka vuan a.



Lalpa hetiang a mi țha hi chu la la lul suh.


Lalpa... ka sual viau em ni ti nge ka hmangaih te min laksak zel ni...


Zomuana kut vuan chung chuan ka țap khur zawih zawih a.



Ka pa thih pawh khan tiang em hian ka tuar lo asin.

Tunah la thi em lo mahse tiang a ka hmu mai hi ka la awih theilo a ni.



Lalpa khawngaih takin.


Rei awm theih loh a nih vangin ka mittui hru hul tawk tawk chuan chhuah ka tum a , Zomuana kut thlah ka tum chu a kut chu a rawn ti che zeuh hian ka hria a.


"Doctor...doctor... nurse.." ka ti tuarh tuarh a.

Doctor ho chu an rawn lut vat a.

"A.. a.. a kut a ti che.. in ka hria.." ka ti khur dar dar a.

"Lo awmsawn la kan lo check ang" tih pah chuan nurse chuan min hruaichhuak a.


A chhungte ho pawh chuan thil awmzia min lo zawt sap sap a.


"Ka hrelo.. a kut kha a ti che in ka hria" ka ti sup a.



Reilote hnu ah chuan doctor te chu an rawn chhuak a.


"Doctor.. eng nge ka fapa chu a harh ang tiraw" nutei chuan hlauthawng tak chuan a ti vat a.

Keipawh chuan ka en nghal vat bawk a.



"A thluak su mai mai a nih kha. In beisei chu ti sang vak rih duh suh u. Mahse Pathian kan neih hi lungngai lo ula. Chuan a chhungte pakhat khan ka cabin ah min lo hmu se" doctor chuan a ti dap dap a.


A thusawi chuan min țhawng takzet a ni. Mihring hrisel leh na ve theilo ang tluk a ka ngaih kha ti sawn a awm chu a nia.




"Mukti doctor bulah ka kal dawn a ilo kal ve duh em" patea chuan a rawn ti a.


Ka bu ngauh a.


Doctor room kan thleng chu ka tiril zawng zawng hi a khur vekin ka hria ni.


"Lut ang le" dam dap hian patea chuan a ti a.


A ruk tak chuan a ni pawh hian chanchin hriat a huphurh tih chu ka hria. Fapa mal engkim a an rin kha a ni miau si a.


"E.. lo lut ru.. kha tah khan țhu mai ru" doctor chuan a ti a.


"Zep awmlo in ka sawi tlang nghal mai a nga. In fapa hi nikum ațang tawh khan hriat silo hian a thluak lamah hian buaina a awm tih chu in hriat kha. Chuan he a natna awm hi eng nge a nih tih hriat theih a nilo hian thil a ti buaithlak ber a. Amah Dr. Zomuana pawh hian a hrechiang hle bawk a , engkim ah a inring vek bawk a nih kha. Chuan tunah hian harchhuah theihna chance hi a tlem em em a , ka sawi tawh ang khan Pathian kut a dah mai loh chu keinu tan pawh tih theih mai a awm rihlo a ni" a ti ta dap dap a.


Ka mitsulh hian ka hria. Patea lam ka va melh chuan a mittui tla tur hi khap kir tum chuan chunglam chu a melh vang vang a.



Ka inthiamlo takzet a ni. Nikum.. nikum ațang tawh khan tiang hian a awm a nia. Lalpa engtin nge ka hriat loh theih zawk. Ti chung hian ţhianțha ah leh unaunu ang chuan ka la in ngai a nia.


Doctor room ațang chuan bang rinchhan chuan ICU lam chu ka pan phei ve țawk țawk a.


Țhuțhleng ah chyan ka țhu thla hnawk a.

Nutei chuan min lo kuah vat a.


A tu amah in hnem thei chuang kan awm lo a ni.


Ka hawichhuak chu Isaac-a chuan mit ti zim sun hian min lo en a.


Engtik laiin nge a lo thlen ni. Vawiin a a mi hruai nu kha a lo awm ve bawk a. An thawmhnaw hak a la ngai ve ve bawk a.

Chauh tawh sa nak lai a a hmel ka hmu leh chu ka ni nghulh zual hian ka hria.


"Mama nu Bawihi nen sawn lo va haw ula , engmah tih theih awm chuanglo. Chuan nangni pawh lo va haw mai ula tih theih vak a awm chuangloh hi" patea chuan a chhungte leh nutei te bulah chuan ti a.


Nutei chuan duh vaklo mahse haw tur chuan ka nawr lui thei hram a.


Isaac-a leh a hmeichhe rawn hruai leh patea leh Zomuana țhianpa leh kei chiah kan awm tawh ni.


Boruak chu a uap zuak sauhin ka hria a ni.


"Mukti nangpawh va haw tawh rawh i nau te an ngaihtuah awm ang , bakah Bawiha chu a chhel a eng em a tilo ang va chawl hahdam tawh zawk rawh" dar 9 bawr vel chuan patea chuan a ti a.


"Pate ka nau te chu tlangval an ni tawh lawm bakah Zomuana hi ka tan a pawimawh zia i hriat kha hun harsa ber a tawh lai a a kiang a awmloh hi ka duhlo ni" ka ti ve sup a.


"A nih i tih tlat chuan" a ti ve leh sup a.


Ka nau te ka biak tawh tho vangin awm ka la duh zawk bawk a ni.


"Bawih min va thlah lawk dawn mi" kan ngawih țhup lai chuan Isaac-a rawn hruai vawiin a a chhuahpui ngei chuan a ti a.


"Nia.... Isaac khava thlah tawh rawh nangpawh va hahdam tawh zawk rawh. Chuan Mami i fel lutuk i awm ve reng a" patea chuan a lo ti ve vat a.


Mak ka ti ngei mai Mami nen hian an in hre ve tho a nia.


Chutia ka en chu Isaac-a chuan min lo en ve vat a , eng ah mah ngailo awm deuh hian ka hawisawn hmak a.


"Nih pate ka va thlah lawk a nga ka lo let leh ang" tih sup chuan an chhuak nghal a.


"Mami kha i hria em" Zomuana kawm ve ber Lawmzuala chuan a rawn ti sup a.


Ka lu ka thing nar nar a.

"Aw.. pawilo i hriat loh chuan" a ti ta daih a.


Ngaih a țhalo sawt in ka hria.


"Min hrilh mai mai teh" ka ti hluk a.

"A... ih... Isaac-a nupui hual hlui kha" inthlahrun hmel deuh chuan a ti a.


Chu leh bawk chu maw...


Ka nat ka ring tawhlo nia ka na nawn leh ni mai hian ka hria.


Ti nge le buaina leh harsatna hian min kiansan theih miahloh le.



Dar 9 vel a chhuak kha dar 11 velah Isaac-a chu a rawn let leh chiah a.


Ngaihven loh tum mah ila ka theilo leh țhin a nih hi.


Hmeichhe chaklo tak ka nih hi.



"Isaac naktuk zing ah duty i ngai awm sia i rawn let duh a va mu hahdam zawk rawh" patea chuan Isaac-a rawn thleng ding ngawi reng chu a lo ti vat a.


"Ka unaupa alawm a nih tiang hun a ka awmloh in" a ti ngut a.


Țawngkam kah hi nei bung ve thei sia e.


Ner deuh nang chuan ka hawisawn a.


"Pate Mukti hi coffee vel ka va inlak pui teh ang a vawt ve si" Isaac-a chuan chimawm deuh hian a rawn ti leh zat a.

Ka va han ngei mai mai tak.


"A.. kei hi nachang ka lo hrelo a. Kha Lawma pawh khan a duh ang va la teh u" patea pawh chuan a lo ti vat a.


Loh theihloh chuan ka zui a ngai a.


Peihlo zet chuan coffee la tur chuan ka kal pui a.


Coffee machine hi damdawiin chhak lam ah hian a awm mai vangin coffee hi a in mai theih a ni.



Zan a rei tawh vangin damlo awmpui tu te chu an reh ve țhiap tawh a.



"Bawihi min peh hel zel hi i tum a mi" ka kal lai min pawt deuh hrawk pah chuan a ti a.


"Min khawih suh" ten hmel zet a tih pah chuan a kut chu ka beng per lawp a.


"Maw... " tih ngut pah chuan min pawt hnai leh ta hrawk a.


"Kan sawi zo tawh in ka hria. Chuan hei hi i thawhna hospital a nia buaina i siam suh ka ringlo. Chuan kan inkarah engmah a awm tawhlo" tih fak fak pah chuan tur khai chuan ka melh a.


"Lalțhazual ka zaidamna teh tun suh" a ti leh hrawk a.

Dah vah in tur khai chuan ka melh a.


"Awle.. i cho chhuah ang ngai rawh" kiai deuh suk pah a tih chuan min rawn kiss thut a.



Ka hamhaih deuh a mahse harhchhuak thut in a awmah chuan ka nem ţang țang a.


Thuk zawk a min fawh tum chuan min kuah hnai sauh a.


Chu chu remchangah la in a kapah tak chuan ka khup in ka do chawrh a.

A na ngang a niang min thlah rang teh e. Chhuatah chuan a țhu vial ta ngawng ngawng a.


"Hmela i duh duh a i kiss theih ka nilo i phu tawk ziah" ka ti zui nghal a.


"Eng...thil.. nge.. i tihhh" sen țawn țawn pah chuan a rawn ti a.


"I phu tawk chiah nih kha thihna tham a nilo" tih sak pah chuan kalsawn mai ka tum a.


"A.. na.. lutuk" thlan tui tla bat bat pah chuan a rawn ti leh a.


Chu chuan ka kal tur chu min pawt ding zawt in ka hria.

"Maw... a na tak tak a mi" ka ti țha leh a.


"Chi ka thlah theih tawh pawh ka ringlo" sen awp awp pah chuan a rawn ti leh a.


" ti teh ka lo kai ding ang che... ti khan min fawp thut lo la ni mai tur na i tuar lo ni mai tur... i phu tawk chiah a ni mahse ka pui hram ang che" ka ti leh ta duah a.



Min melh rum teh e.


Kan bul a țhutthleng awm ah chuan ka kuai țhu leh a.


Rei mawi tawk kan țhut hnu chuan a pangngai deuh ta niang a sen țawn țawn chung chuan a dingchhuak ta a.


"Coffee chu la ang rei min ti lutuk ang" ti ngut chuan kun deuh chhur chuan a kal a.


A ruk chuan ka nuih chu a za reng a palian si a a kal kun deuh chhur nen.


Mahse a phu chu ka la ti tho tho.




#note awiii zanin ka buai zia chu maw pawisa thawn tur ka buai rei lutuk a thildang tih tur lo awm chhen nen ka type hma thei thlawtlo a. Sumdawng nih hi chuan a buaithlak tlat zel a ni.
A tawi dawn tih ka hria mahse min hrethian hram hram dawn nua



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:51 pm

CHAPTER - 20💞


MUKTI.... POV





"Mukti zing dar 5 a rik tawh hi va haw tawh rawh u , duh leh chhun lamah in lo kal leh dawn nia. Isaac nangpawh va intifai rawh duty i ngaih kha." patea chuan khawvar rual chuan inthlahrung deuh chuan a ti dap dap a.


"Nia... pate Mukti pawh ka va thlah thei nghal ang chu" Isaac-a chuan ka chhan ve hma chuan a ti nghal zat a.


"Nia kha inthlah tir rawh" patea pawh chuan a lo ti ve vat a.

"Ngaw rawh pate scooty ka rawn keng ve lawm" nui deuh put put pah chuan ka ti a.



Isaac-a ka va en chu lu thak lo pui hi a lo hiat nauh nauh a.


Nuih te lam a za zawk alawm.



"Nangpawh Lawmzual va haw tawh rawh hna tr i kal a ngai dawh sia" Lawma lam en pah chuan patea bawk chuan a ti leh a.


"Ngaw rawh pate Mukti te hi va haw se keichu midang lo thlen hun ah ka haw ang chu" Lawma chuan tlawmngaih chhuah chuan a ti a.



"Ngaw rawh Lawmzual keimah hi ka la awm zawk ang nang chu office kal ngai i nih kha , keichu hna kal ngai ka nilo a buai lo tur zawk chuvangin phei zawk rawh ka awm ang" ka ti ve leh a.



"Chutiang a awm theih ngawr ngawr pawh nih chuan loh hi va haw ru..." patea lah chuan inthlahrung tak hian a lo ti leh a.


"Pate ka tan a Zomuana pawimawh zia i hriat kha ka awm hi a țha zawk , midang hi haw rawh se hna nei ve ve an nih hi" ka ti ta dap dap a.


Patea pawh chuan min hnial dan a hre tawhlo a niang a bu ta ngat ngat a. .


"Chuan pate nangmah kha va haw tel zawk rawh aw... i bp a che leh ang tih hlauhawm emai kha Lawmzuala inthlah tir nghal mai la" ka ti leh nghal zat a.


"A.... ngawi teh chutiang leh zel chu" patea chuan a ti leh a.


"Pate va haw rawh keichu ka duty tlang leh si mai ang ka tih țhan a nia va haw rawh bakah UZoa pawh ward pangngai ah sawn theih a ni țep ang" Isaac-a pawh chuan a lo ti leh vat a.


Hepa hi leh zel chuan le...
Awm tur a ka duh vang a ni tawp silo.






Patea leh Lawmzuala chu an inzui haw ta a.
Isaac-a lah chu ngawi rengin ka bulah a țhu a.


Min rawn melh leh zawk țhin tih ka taksa awm dan danglam ah chuan ka hria mahse bengkhawn ka duhlo mai a ni.



"Ti teh min pehhel tum renglo teh" a rawn ti chhuak ta ngut a.


Melh pawh melh duhlo chuan ka țhut ngai chuan ka țhu reng a.



"Lalțhazual UZomuana chu i van hmangaih awm ve" rum mangkheng chuan a rawn tichhuak leh ta ngut a.


Chu chuan min khei zat mai.


"Lalawmpui tun a ICU a awm saw i thik a maw... ha... eng ang mihring nge i nih... ha... e.. chuan i ti dik Zomuana chu ka hmangaih lawm" ka ti ta vak a.



ICU awm na hi a fal deuh vang in ka au ring ngam mai a ni.


UZomuana chu ka hmangaih a lawm unaupa ang leh țhianțha ber angin.


"Mami thik ang khan i awm vel a" ten hmel zet hian a ti leh a. .



"Kha i nupui hual țenghneng zet kha ka thik nek lo" ka ti chhuak leh ta vak a.


"Bawihi khawngaihin" ngenngawl deuh chuan a rawn ti leh ta daih a.


Ka en ta dawrh a.

Dik tak chuan a modd inthlak reng hi mak ka ti ni.

Ka thaw chhuak ta hawk a.


"Mami kha chu ka nupui hual hlui chu a ni ngei nimin kan in zui chhuah chhan pawh hna lam.thil vang a ni. Min ring hram rawh" ring ngei se min ti tak hian a ti a.


"Isaac dik tak chuan maw ka buai a ni heng thil thleng zawng zawng te nang nen kan intawn ațang a thil thleng zo zai te..." ban phar hliai chuan ka ti chhuak hap a.


"Bawihi min en teh ka mit hi chiang deuhin en teh nangmah ka duhna bak i hmuh ka ringlo , i rilru tih nat hi ka duh bik a ni lo mahse mihring ve tho ka ni a tisual thei , chuvangin ka tihsual theih tawhloh nan min pui ta che" ka mit a en pah chuan a ti dap dap a.


A mitmeng ah sawn a tih tak zia ka hmu mahse mahse hi a awm leh țhin a ni.


"Bawihi ka kut hi vawikhat chiah vuan leh hram rawh" ngenngawl deuh a tih pah chuan a kut chu a rawn phar chhuak a.


Ni e , chance vawi khat chu a phu lawm mi famkim ka ni bik hlei hnem.


A kut chu khur der der chuan ka vuan ta a. Chu chuan a ti lawm ngang a niang min kuah ta nghak chat a.


"Mi famkim ka ni lo mahse i mittui ka tih tlak theih tawhloh na tur in kal dun ang aw" a ti sup a.


Ka nui nghawr ta dat a.











UZomuana pawh ICU ațang a an lakchhuah ațangin kar khat a liam tawh mahse a la harhchhuak chuang lo. A natna tak an hriatchhuah theihloh vang hian treatment a lak hleih theih silo nen. Nutei phei chu hmuh theih khawp in a cher a.


An fapa neihchhun tiang mai a a awm hi hriatthiam a har dawn em a ni.



Chutih rualin kha mi ni țang khan Isaac-a nen kan inkar chu a țha zual em em a , thil tihsual hlau takin a awm erawh nuih a ti za a ni.






"Mam vawiin chu Zomuana ka va tlawh leh lawk ang aw" ka nau bulah chuan ka ti a.


"Ma... a u Zoa chu a la damlo reng a mi" Will-a chuan a lo ti ve vat a.


"Umm chuvangin țawngțai na ah hriatreng tur aw" Will-a en pah chuan ka ti sup a.

Uar deuh chuan a bu ngauh ngauh a.


"Taxi in ka kal mai ang aw scooty i hman duh tak in chuan Will school ah ka va thlah phawt ang che , i ei kham chuan i ha nawt la ka va thlah ang che aw" ka ti leh nghal zat a.


"Aw.." tih pah chuan a in nawtfai nghal vat a.







"Wow Will chu a u in lo thlah leh tawh ni maw" gate a an zirtir tu lo ding chuan a lo ti ve vat a.


"YES.... " uar fe chuan Will-a chuan a ti a.

An miss nen chuan in en in ka nui ta vut vur a.





School ațang chuan inkhalh let leh in damdawiin lam pan tur chuan ka insiam ta vat a.


Isaac-a missed call a lo awm hman ka insiam chhungin.



A hnathawk tur hian min phone hi a hrat reuh a.


Nuih hi a ti za reuh a nia.


Ka hmuh dawn tho vangin call let duh lem lo chuan ka kal vat a.






"Aw... Mukti ilo kal leh duh a" cabin chhung ka lut chu nutei chuan a lo ti vat a.


"Nutei chu i ti anglo e a, ka lo kal ve i phallo mo" fiam ti tih chuan ka ti a.

A lo nui ta hawk hawk a.


"Eng nge vawiin chu kan an hrim hrim a , vawiin chu nilengin ka awmpui hman dawn a" ka ti leh ta sep a.


"Kan ngai reng a mih hi. Pathian kut a dah tawp loh hi chu tih theih kan neilo a nih hi" ngui deuh bur chuan a ti sep a.


"Lungngai duh nute tlai ngailo Pathian kan neih hi" ka ti leh ta sup a.


"Nute ka awm dawn tho va haw rawh va chawl hahdam rawh vawiin chu" ka ti leh a.


"A... ngaw rawh" a ti leh a.


"Nute min hnial suh vawiin chiah te chu ka awm hi" ngen ngawl deuh chuan ka ti leh a.


"A nih leh le" tih pah chuan a insiam a.


"E he... nutei chu haw i tum a mi" Isaac-a chuan rawn luh pah chuan a rawn ti thut a.

Ka phu teuh ngei mai. Ka awm chu ka dawm vat a.


Chutia ka awm chu a nuih a za deuh niang nuih insum tak hian min rawn en a.

Rum deuh hian ka lo melh let thung a.



"Nia hei Mukti hian haw rawh ka awm dawn min ti tlat a. Nang i awm ve tho a ka haw mai ang. A nih Isaac lo en ve deuh rawh aw ka kal nia" tih pah chuan a chhuak nghal a.



"Ka phone call la duhlo an awm a" chimawm deuh a tih pah chuan ma ep chiah ah chuan a eawn țhu a.

"Tu nge niang le" chimawm deuh hian ka ti let a.


"Lalțhazual nghal viau lo mai teh" tih leh min rawn pan a rual a.

"Kal teh" tih pah chuan ka lo țhu tawm chawih a.

Hetia tih tawh chuan min dek a tum ziah.
Dek ka huat zia a hriat vang hiak remchang ah a la țhin a



"Min dek suh" tih pah chuan ka nui nghal a.

"Tu nge ka dek dawn che ti" ka chal a rawn pen pawp pah chuan a ti a.


"Min dek ziah nih kha" ka ti nang nang a.

A hmui chu a ti pawrh a.


A hmel zawng zawng nen ka nuih ta nghek nghek a.


"Ti khan ka hma ah chiah nui ang che" thutak zet chuan a rawn ti ta daih a.


"Eng vang maw" nui tawp pah chuan ka ti hu a.


"Mipa dang bulah nuilo la ni mai" a ti leh ta ngut a.

Thikthu hi chhe reuh sia.


"Ti nge i rawn kal teh thut a i duty dawnlo mi" ka ti ta daih a.


"A.... duty rihlo" lu thaklo hiat nauh nauh pah chuan a ti a.


"I va han â mai mai tak" tih pah chuan ka pen fawk a.


"Ti khan min ti maw phuba i hmu ngei ang" tih pah chuan ka eu dawrh chu min rawn fawp chat a.



Ka hamhaih deuh a mahse ka chhang let ta tho a.

Chutia kan in fawp lai chuan kawngka țang hian nurse hi rawn lut thut a kan inthlah chiang teh e.


Awiii ka zah zia chu ka sen țawn țawn in ka hria.


"Euu Dr. Isaac-a chu kha vang kha nih kha nurse ho pawh i um e duhlo" nui deuh kut kur pah chuan nurse chuan a ti nghal zat a.


Awii ka zak lehzual in ka hria.


"Nurse Kim i ti zak a nia hei" Isaac-a lah chuan lo ti veleh a.

Awiii ka va han ngei mai mai tak. Rum tak chuan ka melh a.

Hrethiam lo der chuan Zomuana lam chu a hawi daih a.


"Hei hi a zawh hunah min rawn hrilh dawn nia aw" nuih deuh vur vur a tih pah chuan nurse chu a chhuak a.


"Lalawmpui min ti zak lutuk" tih pah chuan ka chum pawp pawp a.



Eng ah mah ngailo hian a nui deuh suk suk ringawt a.


UZomuana khum bulah chuan insawn phei hmakin rum deuh chuan ka en a.


"Bawihi zak lo teh" a ti ta ngut a.

Mi thlem hi chu thiamlo ve chiang a nia.


Zomuana kut vel chu tissue chuan chhang lemlo chuan ka hru ta daih a





💞note : a seilo tih ka hria mahse hritlang hnar ping vek in ka type a hrehawm reuh lutuk a chuvangin min ngaidam leh hram teh u. Click rawh u pawh ka ti ngamlo aw..💞

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:51 pm

CHAPTER - 21💞



MUKTI.... (POV)


Chutia Zomuana kut ka hruk mawlh mawlh lai chuan a kut chu a rawn che in ka hria a.


"Zo... Isaac Zomuana hi a kut a ti che a nia" ka ti vat a.


Isaac-a pawh chuan a lo en vat a , a enkawltu doctor bik chu ko in an check nghal a.


Pawnah keini chuan kan lo nghak ran a.


"Isaac a harh tawh dawn a niang a. Pathian hian a harhchhuah a remti tawh niang" Isaac-a en pah chuan ka ti sap a.


A ni chuan min thlamuan tum tak hian ka kut chu vuan vang vang a.


"Ni e , a dik ang a ni ang mi țha hi chu a kal mai thei rihlo a ni. Tih tur a la nghah lutuk" ka ti chhuak leh sep a.


Ni e , tihtur a la nghah lutuk a hmangaih hmeichhia pawh min la hmuh lo nih kha.


Nupui neiin fa tam tak neih pawh a la hmabak a ni.


Chutia kan nghah reng lai chuan doctor te chu an lo chhuak a.


"Eng nge a an a" Isaac-a chuan ka zawh hma in a ti sap a.


"Pathian hnenah lawmthu sawi rawh u , a hriatna thazam a rawn dik chho țan a. Tin , a harh vat bawk ang" doctor chuan a lo ti vat a.



"Maw... a ni maw.. Lalpa ka lawm e" mittui hnam sak sak pah chuan ka ti a.


"Isaac nutei te phone nghal rawh" ka ti vat bawk a.





Nutei te an lo thlen chuan min rawn kuah nghal vat bawk a.



Nutei chuan a mittui chu a hru leh zeuh țhin a.


"Mukti nang hi vantirhkoh i ni ringawt a lawm , i lo lang a Bawiha pan hma a sawn nghal a nia" nutei chuan mittui hruk zeuh pah chuan a ti a.


"Mai mai țhin a , nutei hi a Zomuana hian kalsan che u a la phalloh vang nih hi" nui deuh ver ver pah chuan ka ti a.


Isaac-a lam ka va hawi chu a lo tum bur a.

Ka hawihai teuh e.


Ka mitko ka san euh a.

Pawn a chhuak tur chuan hmuiphun chuan min ti a.

A chhungte an tam tho vangin ka chhuak a.


Corridor ah chuan a lo ding vang a ka pan nghal vat a.


"Ti nge thu lawmawm awm laiin i lo tum bûr a" ka ti nghal zat a.



"Min ngaihsak miahlo. Hna thawh lai chawl rih in i bulah ka awm ve em em em" lungawi lo deuh chuan a ti nang nang a.


Ka nui chhuak huklo chauh.

"Aw... thu lawmawm kan hria a" ka ti sep a.


"Min ngaihsak tawhlo hmak nih kha" tum bur chuan a ti leh nang nang a.


Ka insum thei tawhlo ka nuih chhuak hak hak a.


Ngaihna hriatloh hmel deuh hian min en a.


"Tiang lai doctor sexy lutuk leh chhelo lutuk hi a titau bur bur chu a nia" nuihza insum tum zet hian ka ti a.



A nui ve ta ringawt a.


"Tirawh nangpawh va duty tawh rawh keipawh ka lut ang" ka ti leh sep a.


"Umm va țap lo la" chimawm deuh hian min ti let a.


"Kiri" tih pah in tlan ti tih chuan ka kalsan a.



Min man hman hlau deuh chuan cabin ah ka lut nghal vat a.




Zomuana mut na bulah chuan ka țhu thla nghal vat a.



Zomuana kut chu ka vuan ta reng a.


Rei pawh ka țhut hma chuan Zomuana chu a rawn che leh tlat in ka hria a.


"Zo... Zo... Zo i harh tiraw" amah bawh ti tih chuan ka ti a.

A mit bawr vel a ti che a ni.


"Nute Zomuana hi a harh in ka hria... enteh a mit a ti che nia doctor ko leh ru" ka ti nghal vat a.


Nutei pawh chuan rawn en ve vatin midang ho chu doctor a koh tir a.


Doctor ten an rawn check nghal vat bawk a.



"A harh tawh a mahse nachhawkna in ka jection a a lo harh leh hunah chuan a harh țha deuh tawh ang" doctor chuan ti in a chhuak nghal a.



"Lalpa ka lawm e" nutei chuan mittui hru leh zeuh pah chuan a ti a.


Lalpa ka lawm e kan dilna i chhan vangin ka ti ve sep a.



Dar 5 vel chuan a rawn harh ta a.

"Tui" harsa deuh hian a rawn ti chhuak a.


"Maw... tu..tui maw" tih pah chuan tui chuan straw hmang chuan ka in tir a.



"Min ti hlauthawng lutuk i harchhuak dawnlo emaw kan ti hman a lawm" a tui inzo chu ka ti nghal țiau a.


"Hei ka rawn harchhuah tawh hi" harsa deuh hian a rawn ti chhuak a.


"I mawl lutuk i natna pawh hrilh tlak loh ah min ngai a nia. Mawla" ka ti leh nghal bawrh bawrh a.


"Min hau reng sia ka mu leh nghal mai ang" fiamthu ti tih hian a rawn ti tham leh țiak a.


"Mawl mawl suh. E taka patea a lo kal mek a nutein zunram a thiar lawk a a lo chhuak țep ang" ka ti nghal zat a.

A bu ve mai a.


"Nute hei a harh tawh nia" nutei i lo chhuah rual chuan ka ti nghal zat a.

Nutei pawh chuan lawmzet hian Zomuana lam chu a rawn pan nghal zat a.



Patea rawn thleng nen kan ri nghal hlut a.


Chutia kan rik nak nak lai chuan Isaac-a chu a rawn lut a.

Ka lo en nghal vat a.


"Eu.... bro ilo harh rawh ni maw" a ti nghal zat a.


"Nia hei harh tawh ni mai. Ka hna min lo thawhsak em lo ang chu maw" nui deuh sak pah chuan Zomuana pawh chuan a lo ti nghal vat a.


"Nope.. i hna ka thawk peih teuh lo mahni hna pawh tih nak laia" nui deuh suk suk pah chuan Isaac-a pawh chuan a lo ti nghal vat a.

An va han nghal dun tak.




"Mukti a tlai tawh si duh leh va haw tawh rawh vawiin nileng in i awm tawh si a" nutei chuan a lo ti vat a.


"Nia va haw tawh rawh i nau te lakah pawh inthlahrun awm" patea pawh chuan a lo ti vat a.


"Nia.. ka va thlah nghal mai ang ka haw tawh dawn tho a" Isaac-a chuan lo ti ve zat a.


"Nih leh nute ka haw phei mai ang. Nangpawh Zomuan i ngam chuan ilo na leh dawn nia" nui hawk hawk pah chuan ka ti a.


Nghal min tih hmel fe hian min en a.


Lei chhuah zauhin ka chhuak nghal a.




"Bawihi i hlim viau mi" kan tlanchhuak chiah chu a ti nghal zat a.


"Maw.." ka ti hu a.

"UZoa harhchhuak chu i hlim viau mi" a ti leh a.


"Ummm hlim ve e ka tan chuan unaupa ang leh țhianțha ber a ni miau alawm" hlim zet chuan ka ti chhuak a.



"Mahse min ngaihsak lo daih" a ti leh bai bai a.


"I va han â tak nangte chu ka bialpa i nia lawm ka ngaihsak reng che" nui vur vur a tih pah chuan a biang ah ka piai zeuh a.


Chu chu a duhlo teh e motor a ti ding nghal tuarh a.


"I mawl mi" ka ti nghal zat a.

Nichin a ka țawngkam nem.kha chu sawtah.


Rum mangkheng hian ka melh nghal zat a.


"Tunah khan min piai maw" nuihza insum zet hian a rawn ti daih a.


Kei lah in rum theih tawp in ka melh thung a.


Min rawn fawp zeuh bawk a.


"Lalawmpui khawlai a nih hi" ka ti țeu hlar nghal zat a.


"Bawihi i duhawm lutuk" kiai suk pah a ti in a tlan chhuak nghal zat a.


Ka va han ngei mai mai tak. Mahse nuan ka ti deuh tho.



Inkawt thleng chuan ka titau der a.

Min biak a tun pawn ka en duh țhaklo a.


"Ti teh Bawihi. Awle a țha e mi tam na ah ka kiss tawhlo ang che" ngenngawl deuh hianna ti ta a.


Ka nui chhuak ta hak hak a.


"I mangan hmel lutuk" ka ti chhuak zat a.


"I ti der a maw. God.. vawi khat mah ti tawh suh min ti mangang lutuk" a tichhuak nghal zat a.


Ka nuih tlawn ta vel a.



"Awle ka ti tawh miahlo ang" ka ti leh sep a.


Ka chhuak tur chu min pawt let leh a.



"Chuan Bawihi engtik nge kan inneih ang" thu tak zet hian a rawn tichhuak a.


Ka en nghal kawk a.


"Maw... inneih a" mak ti deuh hian ka ti chhuak a.


"Umm engtik nge min neih ang" a ti leh nghal zat a.


Inneih ka la ngaihtuah miahlo.


"Isaac kan la inngaizawng reilo emai" ka ti sep a.

"Kan induh a tawk mai lawm" awlsam fe hian a ti chhuak a.


"I â lutuk chutiag thut in inneih an ngaihtuah ngailo thui zawk in ngaihtuah rawh" ka ti leh sep a.


A rawn nui chhuak ta hawk hawk a.


"Maw.. min fiam maw mi â pa" tih pah chuan ka beng pawp pawp a.


"I hmel awmdan ka hmu chak a ka ti mai mai nih kha" nuihza insum zet hian a ti a.


"I â lutuk ka lungphu hi a thlawk chhuak lo chauh tih hre rawh" ka ti leh nang nang a.


Ka lungphu a la pangngailo reng a ni.




"Bawihi nawr che ka tumlo i inpeih thlap hun ka nghak thei a nia" rilruih leh thutak zawk chuan a rawn ti leh a.



Ka bu ngauh ngauh a.


"Min lo be dawn nia" tih pah in ka chhuak nghal zat a.



Inchhung ka lut chu Will-a chuan min lo ngai deuh a niang min lo kuah nghal zat a.


"Will min lo ngai hman ni maw" nuih ver ver pah chuan ka ti a.


"Ngai e ka haw a i lo awm lo a" a lo ti ve nang nang a.



"Nia a uZomuana kha damlo a ka awmpii lawk a chuan tunah chuan a dam tawh a" ka ti ve a.


A bu ve ngauh ngauh a.


"Will ka va inbuak ve lawk ang chu" tih pah in ka room lam chu ka pan nghal a.


Ka thawmhnaw te la in bathroom lam chu ka pan a.




Nichin a Isaac-a thusawi kha.

Nia ka nau te hi pasal ka neihsan hun chu a awmlo theilo mahse chutih hunah chuan engtin nge an lo awm ang.


Lo puitling tawh mahse mipa an ni a anmahni enkawl tu tur hmeichhia neih an ngai awm si a.


Ephraim-a pawh hian nupui lo nei se mahse a nupui chu lo sual deuh in Will-a lo ngaithei lo se.


Ngaihtuah zui duhlo chuan tui vawt tek tawk chuan ka in leih nghal zat a.



Ka khur nghal beuh beuh mai. Tuilum a ka inbual lo chu ka inchhir hnu hnawh a ni. Tun ang thlasik dawn tawh ah lehnghal.


Ka inbual zo chu khur beuh beuh in la chhuak a.

Ka nau te chuan min lo nuih tliar tliar a.


"A ma chu tuilum a hmang duhlo vel a" Will-a chuan nuih pah chuan a ti a.


Ka nui ve ta ringawt a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:51 pm

CHAPTER - 22💞


MUKTI..... POV



In a thleng chu min lo be leh ngei.

Lo len leh chu a duh a mahse tihtur dang a nei bawk nen lo leng lo mai tur chuan ka hrilh a.




Keipawh chu hma deuh chuan ka muhil ta ringawt a.


A vawt tawh bawk nen bakah ka inbual tlai sia ka hritlan ka hlau a ni.










Ni te pawh a kal bek bek a Zomuana pawh in lamah a in enkawl rih tawh a Isaac-a lah hospital ah a hma zawng aiin a buai a ni.





Tunah december thla kan kai tawh reng a nia.





Zanah sikri chu kan ai mai mai a kawngka hi rawn in kik dut dut a.


"Tu nge lo lut ru" ka ti vat a.


A lo luh mai loh vang chuan ka va hawng a Isaac-a lek lo niin.


"Lo lut ve mai ta che" ka ti hmuk a.



A nui deuh vur vur ringawt a.



Ka nau te an la men vek vangin ka nau tr chu a bia a.


Rin ai takin an in nel hlawm phian a ni.


Will-a lah hian doctor a nih vang hian thio hre vek turah a ngai a.
Thil mak pui pui hi zawh hi a ching reuh a.



Engtin nge nau te a pian engtin nge an siam engtin nge UFO te hi a awm engtin nge... a lo len chhun hian a lo ti chiam zel a.



Nau siam dan a zawh țum phei khi chuan nuih a za lo chiang teh e.


"Mi hritaloh in hmeichhe kua ah mipa hmawlh in an thun a an siam țhin" Isaac-a lah khan a ti mai bawk a.


Ka va han ngei tak khami țum kha chu.


Will-a khan a zawt zui ang tih ka hlauh lutuk na lamah phone pe in a u bulah kal turin ka ti tawp a nih kha.



Chiloh tak a ni khatiang zawhna chang kha engtin nge a hriat ni.




Ephraim-a chu in la zei zetin a nau chu mu ang a ti daih a.


Ka nuih a za teh e.




"I nau hi chu a zei teh e thil țha deuh ka la pe ang" room chhung an lut chiah chu Isaac-a chuan a ti nghal zat a.


Ka nuih a za teh e.
Hemi te pahnih hi an in man tlat a ni.



"Bawihi ka ngaih tawh zia che hi" tih pah in ka bulah rawn țhut hnaih sauh pahin min kuah nghal a.



"Naaa niminah pawh min hmuh reng kha" ka ti a.


"Nimin a nih tawh kha" ner deuh sawk hian a ti a.


Ka nui ta ringawt a.



"Nge i nuih a min ngai ve lo mi" a ti nang nang a.


"Ngai.... lu.....tuk.....e" nui ver ver pah chuan ka ti a.



Nui suk in min rawh fawp thut a.


"Naupang" nemsawn deuhin ka ti a.


"Infawh mai mai lawm an rawn chhuak lo ang" rilruih a tih pah in min fawh chhunzawm a.



A fawh hi chu ka kham theilo a ni , a thlum dep dep hian ka hre țhin.


Rei ngial kan infawp hnu chuan min thlah thei ta hram a.


"Ei zawh mai che hi ka duh" nuih suk pah hian a ti a.


"Min ei zawh daih ten ka awm tawh nang" nuih pah hian ka ti a.


"Chuvang lawm ka la zuah hram hram che" kiai suk pah hian a ti leh a.


Ka nui leh ta ringawt a.



"Bawihi zawh awm che a ni em ka hrelo a mahse i nu hi a awmna i hria em" inthlahrun hmel deuh hian a ti a.



"Hre miahlo a pasal te an hausa a hmun nuam deuh a a awm a niang , bakah a chanchin hriat ka tumlo hrim hrim a" ka ti sup a.



Ka rilru a na thar leh ni mai in ka hria.


"Bawihi ka tihpalh zawh loh tawp tur che hi ka nia" inthiamlo deuh a tih pah in min kuah nghal a.



"A pawilo thil awm chu a ni tho lawm" a inthiamlo lutuk hnem tum chuan ka ti a.


Min kuahna phelhin ka nuih ta vur vur a.


A nui ve ta suk a.



"I hria em hmalam hun ka suangtuah tawhloh hnu ah ka tawng che nia. Hmeichhia hi ka hmangaih ang tih ka ring ngailo a ni ka nu tihloh" rilruih hian min en pah chuan a ti chhuak sup a.


Min hmangaih maw... chu thu chu ka bengah a ri ring ber a ni.


"Min hmangaih maw" hamhaih zet hian ka ti chhuak a.


"Umm ka hmangaih hmangaih lutuk che. A tir chuan in duh na mai a ni a a rei a ka hmangaih zia che ka in hrechhuak a ni" ka mit a min melh kalh pah pah chuan a ti a.



"Min hmangaih ve ka ring ngailo sin. Keipawh hian ka hmangaih lutuk che" hlim lutuk avang a țah nuih hak chung chuan ka ti a.


"Shttt ka vel duhlo che nia. Ka hmangaih che lawm" min kuah pah a ka hnung a beng dat dat pah chuan a ti a.


"Hlimna mittui zawk lawm" nuih deuh hak pah chuan ka ti a.


"I mittui ka ti tla tho lawm" a ti leh sup a.


Ka nui ta tawp a.




Zan rei tak thleng chu a leng ve ta reng a.


A vawh tawh vangin thlah pawh a duhlo a.


Kawngka chu kalh sawk sawk in ka mu nghal a.



Ka nui leh hak țhin.


Ni e , min hmangaih thu min hrilh a ni.

Ka hlim tak zet.


Ka pa min hmu em i fanu hi ka hlim takzet a ni.









Zing ah chuan ka harh hma vaklo dar zat ka en chuan 6:30 lo ni vang tawh.


Ni zat ka en a december 19 lo ni rengin.


Chuan Lawmzuala birthday.


Lalpa leh ka theihnghilh teuh lutuk.

He pa chanchin ti mai ang night changes ngei mai high school kan kal lai a ka chhiar..

A ziaktu Pitartei ngei maiin thiam tak a ziah kha.

Ka chhungten min hauh phah na😅



'Lawmtizualtu ka Lawmzual ka dunpa happy piancham' tih tawp chu status ah ka hmang phawt a.


Ka inphih fai a.


Nakinah status ah a pic vel ka hmang mai ang ka tih vangin rawng vel chu ka bawl a phone ka charge nghal bawk a.



Khaw vawt nen rawngbawl chu peihawm loh tak a ni.


Dal ka kang zo chu ka phone ri ka hria a chhang turin room lamah ka phei nghal a.


Isaac-a ni in tun ang zing karah kher hi chuan min phone ngailo sin mawle , ngaihțhalo deuh chuan ka pick a.


"Tu nge Lawmzuala chu" hello pawh ka tih hma in pawr deuh hian a rawn ti nghal a.


"Engmaw" ka ti hú a.


"I lawmtizualtu Lawmzuala chu tu nge" pawr deuh hian a rawn ti leh a.


Ka nui ta hak hak a.



"Lalțhazual eng vang a nui nge i nih tu nge Lawmzuala chu min hrilh rawh ka hnek dawn" pawr deuh hian a rawn ti leh a.


Ka nuih a za zual sawt.


"I hneh dawn mi" la nuih hak hak pah chuan ka ti a.


"Min hrilh dawn em ka sawisa dawn khawp" a ti leh ngut a.


Lalpa bialpa thikthu chhe zet ka nei tih ka theihnghilh a ni.



"Awiii sawisa lo mai rawnni hneh dawn chuanglo. Chuan ka hmangaih che kha" la nui reng chung chuan ka ti a.


"Min hrilh dawn nge dawnlo" rum ngut pah chuan a ti leh a.



"Huizzz... Lawmzuala chu maw story mi chuan i hneh dawn chuanglo cho duh suh" nuih hak hak pah chuan ka ti leh a.


"Story a.. sawi țha ta che. Chuan eng vang maw ka hneh lih ang" țawngkam la bung ngut chuan a ti a.



"A chak lutuk" la nui pah reng chuan ka ti a



"Ka chaklo tih na mi" lungawilo aw deuh hian a rawn ti leh a.


"Awle nih leh i chak chuan nang chu ka hmangaih che kha. Chuan chawhmeh chhuan lai ka nei a" nuih hak hak pah chuan ka ti chhunzawm a.



"Awle.. chuan mipa dang status ah pawh hmang suh" ti ngut in a dah nghal a.



Lu thing nar nar lah chuan ka nui leh ta ringawt a.



A thikthu chhiat zia ka lo theihnghilh alawm mawle.




Rawng chu bawl leh sawk sawk in ka nau te chu ka kaitho a.



Ephraim-a pawh nakum ațang chuan phai lamah Military lam training turin min chhuksan tawh dawn a nia.


Lung a leng lawk a ni.



"Ma karleh krismas a ni tawh" Will-a chuan chaw ei lai chuan a ti a.


"E... ni tak ka theihnghilh dawn alawm. In exam na ah i ti țha sia thil țha deuh ka lei dawn nia. Chuan tun kum chu khawi lam veng nge kan fan ang" ka ti nghal zat a.



"Tun kum chu pawisa kan dah khawlna lian bawk a zia khawp ang" Ephraim-a pawh chuan lo ti vat a.



Urlawk zan apiang hian thil pek ho te hi keini ai neilo te hnenah krismas present atan kan pe ziah a ni.


Kum tin pawisa dah khawlna tur hi siam in kan khawl țhin a , kum khat a tling khawm hi a lo tam țhin a ni.


Eng em chu ni lo mah ila midang tan malsawmna kan ni hrim hrim hi kan lawm a ni.


"Ma.. tunkum chu krismas kawr ka duhlo mai... ihh maw saw tah Kris-a vai naupang te ka tih kha maw thil ka pe duh zawk an khawngaihthlak lutuk a , thawmhnaw lum pawh an nei manglo a" Will-a pawh chuan a lo to zat a.


Will-a lam chu ka en vat a. Chutiang ngaihtuahna chang a hria chu mak ka ti a ni.


"Awle i duh ang chuan kan pe dawn ni" uar deuh a buk pah chuan ka ti a.


'Pa ilo hmu em Will-a meuh pawn mi tan luanchhuah a duh nia' ka rilru chuan ka ti a.


Chaw ei lai mah ni se ka muittui a hnam sawk a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:51 pm

CHAPTER - 23💞


MUKTI.... POV




"Vawiin chu ka pa thlan kan chei dawn a i duh leh lo kal ve la" Isaac'n min rawn call chuan ka ti a.


"Bawihi sorry vawiin chu damdawi in ah meeting pawimawh awm thut a ka tel ve theilo ang" inthlahrun hmel zel chuan a ti a.


"Pawilo inthlahrung suh i lo kal ve duh takin ka ti mawle. I hna kha a pawimawh zawk nia" ka ti sep a.


A inthlahrung lutuk chu ka khawngaih zawk a ni.



"A nih Bawihi ka kal dawn chiah a ka dah mai ang aw" a ti leh sup a.

"Kal rawh i kal tlai thei si" nui huah huah chung chuan ka ti a.



Nui suk chung chuan a dah a.





"Ma dar 10 ri tawh kal ang" Will-a chuan min lo au lung lung nghal a.






Ka pa thlan lam pan chuan kan kal a.



"Pa kan lo kal a nia. Rem min ti em , hei Will-a pawh a dam tawh lutuk asin" tham țuak chuan ka ti a.





"Pa hei Ephraim-a pawh nakum ațang chuan Delhi lampang ah training in a awm dawn asin. Pa kan puitling tawh i ti em" ka ti leh sup a.




"Hawh u le chei țan ang u" ka ti nghal zat a.
Țah mai ka hlauh vang zawk a ni.




Dar 3 vel thleng chu kan chei a , kan zo ve thei ta hram a.


"Mam kan pathum chuan scooty in kal tawhlo mai ang , traffic an awm si. I nau nen scooty in haw ula ke in ka rawn kal ang a hla chuang lo" kan haw tur chu ka ti sup a.



"Ngailo nangman khalh haw zawk rawh ke in ka kal thei zawk lawm" tlawmngai deuh chuan a ti a.


"Kal mai mai teh u ke in ka kal țhang zawk" ka ti tlat a.


Kan bungrua vel hawin an tlanchhuak a.


Ka pa la biak ka duh vang zawk in ka haw tir zawk a ni.



"Pa i hria em tun kum krismas lo thleng tur hi ka huphurh tak zet asin , pa i tel ve tawh dawn si lo. Pa in la puitling viau in in la tuarchhel viau mah ila i hmunruak zau lutuk vang hian ka puitling hlei thei lo in ka tuarchhel hlei thei lo a nih hi. Pa awm ve la chu Ephraim-a hlawhtlin na ah pawh hian i lawm ve ngawt ang chu tiraw... pa..." ka țap ta hawm hawm a.


Ka nau te awm lai kha chuan ka mittui pawh ka ti tla ngamlo a nih kha.





Chutia ka țah lai chuan hnunglam ațang hian taksa lum tak hian min kuah a.


Ka mittui hru hul in ka hawi chhuak a Isaac-a lo ni in.



"Hetia i awm ka rin vang nia ka lo kal" nui suk pah chuan a ti a.


"In bang tawh mi" ka ti hu ringawt a.


"Â lutuk mai meeting tiang em em in a rei hlei hnem" ka hnar a piai zeuh pah chuan a ti a.
A nui suk bawk a.


"Ka pu i fanu hi lo ngaihtuah suh aw... a tan ka awm reng ang. Rem i tih chuan nupui ah pawh la neih ka duh a neih ngei ka duh zawk a ni. Chuvangin i malsawmna in min vur hram ang che" ka pa thlan lam en pah chuan a ti sup a.


Ka melh ha ringawt a



"E... ka pa Isaac-a nih hi doctor a nia a fel lutuk chuan ka bialpa a ni bawk a" lai zet leh aw lawi zet chuan ka pa thlan lam en pawh chuan ka ti a.


A nui ve leh suk a.


"Ka pu kan lo tlawh leh ang che" kun zeuh a ti in min kai tho a.


"Bawihi ti teh i haw ang i nau te i ti hrilh hai lutuk ang" ti in min kuah chho a.





In thleng chu min thlah ta a.



"Naktuk krismas bazar nia bazar ho ila" nui suk chuan a ti a.



"I chhungte bulah i bazar dawn lo mi. Bakah hospital" ka ti sep a.



"Chu lam chu ka buaina awmlo Bawihi... dar 10 ah lo in ring ru aw..." a ti sup a.


"Lut rawh keipawh ka let nghal mai ang aw" a ti leh a.



"Awle..." ti sep in inchhung ka lut nghal a.





"Rawng in lo bawl law" ka luh chuan ka ti a.



"Ummm a u in a thiam thil a show dawn" Will-a chuan nui vur vur chuan a ti a.


Ka nui ve suk ringawt a.





"A va țha dawn ve... nih chuan kan inthlak ve lawk ang aw" tih pah chuan ka room ah chuan ka lut a.




"A ma a u thil siam hi tui dawn tuk" ka inthlak zo chu Will-a chuan a ti nghal vat a.



"Va țha dawn ve , nih chuan zan in tlai chu Ephraim-a thil siam kan ei dawn ni maw" nui vur vur pah chuan ka ti a.


"Ti khan lo țhu ru zan in tlai chu lei in lem loh nan lo inveng lawk ula" rawn dak zeuh pah chuan nuih vur vur pah chuan a ti a.


"Yasiii țha lutuk lo awm mai mai ang aw Will" nuih sak pah chuan ka ti a.



Nui dun vur vur pah chuan tv kan en mai mai a.






"Le lo kal ru a ei theih e" Ephraim-a chuan kan tv en lai chu a rawn ti a.


"Le..... kal rawh le Will lei veng chungin a u thil siam chu va ei ang le" Will-a kaih pah chuan ka ti a.


"Yammm a u i thiam ber tui lutuk" tih pah chuan a a kutzungpui a ti pir a.


"Kei ka thiamlo tihna mi" titau aw ka deuh chuan ka ti a.


"Aih a ma pawh thiam mahse a u thiam deuh zawk" min tlawn ti tih chuan a ti a.


Kan nui ta vek a.













"U bazar chu in pathum in kal mai ula , ka ţhiante nen kan kal ve nga" inthlahrung deuh hian Ephraim-a chuan kan chhuak tawh tur chu a ti a.


"Awle kal ru mahse pawisa i nei mi" ka ti let a.


"Nei e ka inhlawg ve kha" nuih deuh suk pah chuan a ti a.


"Nih leh scooty khan kal la mahse tlan chak lo ula" ti leh sep in kan chhuak nghal a.



"A ma doctor a u Isaac-a hi kan bulah zel bazar a tum a mi" Will-a chuan bazar chhung kan lut chu a ti a.


"Eh... Will-a chu ka bulah a bazar duhlo ni maw" nur deuh nang chung chuan a ti a.


"Aih a mak em a" Will-a chuan inthlahrung deuh hian a ti a.


Kan nui ta vek ringawt a.




"Ma ka ril a țam e" Will-a chuan a ti a.


"Awii... Will a tlai tawh tak e thil kan la ei lo tak bawk" Will-a en pah chuan inthlahrung deuh chuan ka ti a.


"Bawihi khi lai deuh ah khian dawr thar a awm a thil han ei ang u" Isaac-a pawh chuan a lo ti vat a



Dawr lam pan chuan kan chho a.
Car lah a park na a hla reuh sia.


"Ma kan thleng har e" Will-a chuan nur deuh nang nang chuan a ti leh a.



"Khi kan thleng lawm" Isaac-a chuan a lo ti nghal vat a.



Kan lut chu kan țhu chu ka nuam huai in ka hria kan vak nasa sia.



Eitur chu kan order nghal a.


"Rin ai daihin an dawr chu nuam a zau reuh sia a boruak pawh a nuam vel vek nih hi" ka ti hliai a.



"Nia a nuam reuh sin an thil siam a tui reuh sia" Isaac-a chuan a ti leh sup a.




Kan thil order kan nghah lai chuan ka hawi kual chhin a.

Dawr ațang a lo lut te ka hmuh chuan ka khawng nghal awt mai.


Ka nu ngei a ni. Chuan a pasal nen.


Ka â vekin ka hria.

A ni pawh chuan min rawn hmu ve chiah bawk.


A la ngai reng a la hmelţha in a la hleitling reng bawk.

Aih nilo a hma aiin a țha zawk.


Isaac-a chuan ka awm dan a danglam tih hria in ka hawi na lam a en vat a.

Ngaihna hriatloh hmel zet hian min en a.



Mahse a hrethiam deuh niang ka kut a rawn vuan nghal vat a.


Ka kut khur der der pawh chu a hre nghal vat.



"Bawihi insum rawh" zawi sup hian a rawn ti a.


Will-a lam ka en let vat a.

A ni erawh chuan engmah a hrelo thung.


Eitur pawh chu ka ei hlei thei lo.


Ka nu te kha khawnge an țhut pawh kan enzui tawhlo a ni.


Kan eizo chu kan chhuak nghal vat a.


An dawr awmna hi lun viau si tlem in a puk deuh a.



Kan chhuak chiah bazar lam kan pan tur chu min ko tu an awm a.



"Mamte" ti sup ri a.



Tiang chuan ka nu chiahin min ko țhin.


Ka kut ka hum ruh vak a.


Hrelo awm chuan pen sawn leh mai ka tum a.


Ka hmaah tak a rawn ding nghal a.


Ka nui ta hawk ringawt a.


"Mamte" aw lawi rat hian a ti leh a.


Will-a chuan min en nghal vat bawk a.


"Ka pi min hrethiam rawh min hei(hai) a niang " in humruh vak chung chuan ka ti a.



"Mamte reilote" țah insum zet hian a ti leh a.


"Ka pi min hrethiam rawh tih tur kan la nghah a min hei(hai) a niang" ka ti leh a.


"Lalțhazual ka hei lo che ka hei(hai) mawlh lo che" țap aw deuh țuau hian a ti a.


"Awle a țha e , ka PI i sawi duh chu sawi rawh" ka ti ta fak a.


"Ka tihpalh Mamte min ngaidam hram rawh. Chuan Will i va lian tawh ve" tih pah chuan Will-a chu khawih a tum a.


Chu chu Will-a chuan duhlo in Isaac-a hnungah chuan a biru vat a.


"I hria em ka pi lawm i ni lo kan kal mai ang" tih pah in ka kal pui nghal sawk sawk a.



"Ma ka hah tawh" Will-a chuan a ti vat a.


"E... ka tihpalh" Will en pah chuan ka ti vat a.


"Bawihi kan haw tawh mai dawn mi kan zo thawkhat awm tho sia" Isaac-a chuan kan boruak hria in a ti vat a.


Ka bu ngauh a.



Haw lamah chuan Will chu a chau niang a muhil daih am


"Bawihi" Isaac-a chuan min rawn en zawk in a ti a.


"Ha..." ka ti ha a.


"Bawihi ka sawi tur chu awm lo mahse i nu a ni tho a engmah in a thlak danglam dawnlo. I ngaihdam a ngaihdam loh theih pawh a ni heklo. I pa pawh khan i nu chu thinlung takin a ngaihdam ka ring a ni , chuvangin in ngaihtuah chiang rawh aw" a ti sup a.




"I hria em. Mi ten nu an neih laiin keichuan ka nei lo a. Ka hriat awmchhun khat chu ka nu kha uire a ni tih. A chang chuan uire ni lo in thi zawk se ka ti țhin malsawm lo viau mahse. Kuah vawng vawng a ka mamawh thu hrilh te ka chak țhin asin , tleirawl lai vel a star te neiha nu ti ti pui tur neih te kha ka chak ve thi asin mahse a ni chu a bo hmak si" ka ti ţiau a.



Motor ti ding dat in min rawn kuah a.


"Ka hrethiam e ka tih chuan ka tawrh ve thil a ni silo a nat dan ka hrelo mahse Bawihi i tan ka awm reng a ni tih hria la" ka hnung a beng dat dat pah chuan a ti a.


Ka in hnit hlawp hlawp a.


Ni e, ka nu kha haw viau mah ila ka ngai ve tho mahse tih lan ka tumlo ka huatna kha a nasa zawk miau si.




"I hria em khang hun chhung zawng zawng khan a reh a tun a takah a rawn lang leh a" ka ti leh sup a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:52 pm

CHAPTER - 24(Last)💞


ISAAC..... POV



Bawihi hmel a tawrh na lang chu ka hmuh hmaih loh a ni.


Tiang bak bak a hmeichhe ropui hi.


Ka thlah zo chu luh kher a phut tawhlo vangin ka haw mai a.



La awm chu duh viau mah ila amah a awm a duh rih zawk ka ring ni , bakah zanah tih tur kan la nei si a.





In ka thleng chu an lo ri nuaih nuaih a.


Kum tin december 24 hian kan in ah hian ka pa thawhpui te leh țhian ten chaw an ei khawm țhin a ni.



Tumah be lem lo chuan ka room lam luh tlang mai ka tun a.


"Min lo hrethiam lawk" ka room ka lut tur chiah hi nu pakhat aw hian a lo tia .



Ka hawi phei chu Bawihi nu lo ni in



"Eng nge" ka ti ngut a.


"A..... Mukti nen khan in inkawm nge i ngaihzawng" inthlahrung dek hian a ti a.



"Ka bialnu a nia" ka ti leh ngut a.



Bawihi nu a nih na ang chuan zah chu ka duh lutuk mahse nichin a Bawihi na hmel kha ka mitthla ah a awm leh lo thei lo a ni.



"Khawngaih in kan in be lawk thei a ngem" a ti leh sep a.


Ka bu ta ngauh a.


Nu hmelțha tak leh hleitling tak chu a ni hei ngei hi ni Bawihi pawh khan a chhun.


Mahse a vun ah erawh a pa a chhun thung tih a hriat.



Ka room bathlar lam chu ka pan pui vat a. .




"A..... i hre tho nga Mukti te nen kan chungchang. Min be duh tawh dawn lo tih ka hria mahse hei hi min hrilh sak hram rawh" inthlahrung deuh leh mittui parawl țeuh chung chuan a ti a.


Ka bu ngauh a.


"Ih.... Ka hmangaih zia hrilh la ka duh , hmangaih si in eng vangin nge ka kalsan pawh a ti mai thei nia ka kalsam a nih kha mahse engtik lai mah hian inchhir loh ni hi ka neilo ka kalsan kha , tun a ka pasal hi a sual tih na ni lo in. Nu hmangaihna an dawn tur ang pawh ka dawn tir theilo a ka hria min ngaidam tur pawn ka phut ngam lo mahse nu tih tur an la nei ve a ni tih hi min hrilh tel sak hram dawn nia" a ti a.


Țah a insum nasa tih a hriat , a mittui a khap let sak sak a.

"Chuan Mukti tan mi țha tak i nih ka ring" nui sang a ti in a hawi sang vah in a chhuak nghal a.




Kha ngei kha ni Bawih'n a chhun ni.



Bathroom a ka lut tur chiah chu ka nu a lo lut le a.



"I pa Nuna nupui nen khan in in hria law" a rawn ti lut nghal .


"Tu ka pa Nuna maw tu a nupui maw" ka lo ti hu a.


"Aw... tun a rawn chhuak kha a nupui chuan I pa Nuna chu i pa naupan lai țhian a nia rei deuh an awm bi hnu ah kha tun thla tir khan an in hmuh leh vawiin ruai ah a sawm ve nih kha" a ti leh a. .

"Ka hre lo nih chu. Nu ka inbual lawk dawn chaw chu ri ru tih tur ka nei a zanah pawh ka hmanlo ang" ka ti nghal zat a.



"Aw.... tiang hunah te chuan in ah awm ve la" lungawi lo deuh hian a ti a.


"Nu.... tiang lamoang ka ngainat lo zia i hriat kha" tih pah in bathroom ka luh san daih a.


A ang zui bawrh bawrh chu ka hria a.









MUKTI.... POV





Engmah thleng lo ang mai chuan ka awm zui char char a.



Zan a kan tih tur te buatsaih pah nghal nen kan buai nak nak bawk teh e.



"U kan tlawh tur te kha i hrechiang tiraw" Ephraim-a chuan chaw ei lai chuan a ti a.


Ka bu ngauh ngauh a.




Ni e , venghnuai lampang hmeithar tar ve tawh tak leh a tunu te tun țum chu tlawh kan tum a ni.



"Ma a nuam dawn e" Will-a pawh chuan a ti leh hliai a.



Vawiin thil thleng kha engmah a la sawi chhuak lo hlauh a ni.


Ephraim-a hian hre rih lo se ka duh vang zawk a ni.






Kan chaw ei kham hnu reilo te ah Isaac-a a rawn thleng a , kan inpeih ap hnu chuan Zomuana rawn lang hlawl.



"Hey... ka tello in tih in tum a mi" a rawn ti lut nang nang a.


"Nang hi in lam a la in enkawl tur i ni sia" ka ti nghal vat a.


"Eng nge ka dam tawh lawm. Bakah zanin ang te chu kan special night a nih hlawm kha" a ti leh vat a.


"Nang hi" ka ti leh ringawt a.


"Hrim hrim in min rawn kan nachang pawh hre tawh lo hlawm mai" in la lungawi lo zet chuan ti leh a.


"Kha chu..." inthlahrung zet hian ka ti a.



"I â sia e" ti leh a nui huah huah a.



"Le... kal ang u" Isaac-a chuan a lo ti nghal vat a.


Kan in zui chhuak ta hnak hnak a.






Kan lut chu an lo meng phawk teh e.

Thikpek kan pe chu țap zawih zawih hian lawmthu min hrilh a.


Keipawh chu ka hnuk a ulh țeuh a.



Thilpek pek hi a pe tu kan lawm a a pek a te kan hlim bawk tih chu hei hi ni.





"An hlim hmel kha in hmu em" kan haw lampang chuan ka ti a.



An nui ve vur vur hlawm a.



In kan thleng chu ar te rawh ve in kan zai ve hlawm bawk a.



Isaac-a chuan kawmchar lamah min chhuah pui a.


"I hlim hmel kha hmuhnawm lutuk" tih pah in min kuah vung vung a.


"Keini ai neilo zawk te ka hmuh hian Pathian hi kan tan a țhat zia ka hrechhuak leh țhin. Han vui ve dawn țhin mah ila vui thei ka nih lo zia hi ka hre leh țhin" ka ti sep sep a.


A nui nghawr dawt a.


"Bawihi vawiin tlai ka haw kha i nu ka hmu a" inthlahrung deuh hian a ti a.


"Maw... khawiah maw" ka ti chhuak hu a.


"A... chaw ei khawm na ah a lo kal ve a. Thil hrilh tur che in min ti a" a ti leh du a.


A inthlahrung lutuk chu nuih a ti za zawk.


"Sawi la" melh pah chuan ka ti a.



A sawi ve nuah nuah a.



"Ka hria e. Dik tak chuan e ka ngaidam thei lovang ka ti tak na in ngaihdam a ngaidamlo thei tu ka ni lo a ni" thaw halh chung chuan ka ti a.



Ni e huat chu ka haw ve lutuk mahse ka nu a nihna a bo chuanglo a , bakah a chung a thu tawp siam turin tu nge ka nih a mihring ve mai chauh ka ni.



"Hei vang hi lawm ka hmangaih em em che" nui suk a tih pahin min fawp vang vang a.












Hlim deuh chuan krismas leh kum thar chu kan hmang zo a Ephraim-a pawh Delhi ah a chhuk tawh. Khua a har takzet a ni.


Tlem tawh nak lai a in kalsan ngai leh si hi.










Afer 10 years (duai mai a)




"Ma vawiin class ka nei chuang lova ka leng chhuak lawk thei ngem" Will-a chu inchei zet hian a rawn chhuak a.



"Eh.. i in la chhelo ve ni maw kum 18 tling ve dek dek a. Tak tak reilo la aw. Ephraim-a lo haw theih lai hian" ka ti sup a.


A chhuak nghal vat a.


Tunah chuan a hma aiin kan nun a nuam ta. Ephraim-a pawh in hna țha tak a nei a , Will-a lah college a kal tawh bawk.


Heng zawng zawng hi Pathian vang a ni.






Zanriah kan kil tur chu Isaac-a a ding hlawl a.


Ka sawi hmeih Isaac-a leh Zomuana te nupa chaw an lo ei a ni.



Zomuana hian kum 5 hma lam khan hmeichhe hmelțha lutuk leh Pathian țih tak upa fanu ni bawk Kimkimi nen an innei a ka lawmpui tak zet a ni.
Tunah hian fanu kum 4 mi an nei a ni.



"Eng nge ni a" ka ti hliai a.



"Lalțhazual khawngaih in min nei rawh" ka bulah rawn țhințhi in zungbun phawrhin a ti a.



Ka meng hau ringawt a. Ka lawm vang zawk a ni.


"Khawngaihin min nei hram rawh. Khang kum chhung khan tlin loh na leh ţhat loh na ka ngah ang mahse min la ngaizawng duh țang țang a ka lawm takzet chuan kan hmalam hunah pawh ninawm tak thleng a kan awm theih nan min nei rawh" zam hmel tak chuan a ti leh a.



"Aw... aw... ka nei ang che... min nghah țang țang vangin ka lawm a kum 10 teh meuh nih kha min ngha kum 30 ral ah pawh min la hmangaih a nupui ah min sawm duh hi ka lawm zawk... aw ka nei ang che" mittui hru zeuh pah chuan ka ti a.


Zungbun chu min bun tir a kut an lo beng dur dur hlawm a.




Kan chaw ei boruak chu nuam tak a ni.



Chaw ei kham kan țhu khawm chu door bell a lo ri a.


"Tu nge le" ti nuah nuah pah in ka hawng a , ka nu lo ni in


"Min lut tir phal ang ngem" inthlahrung deuh hian a ti a.


"Aw lo lut rawh" țha deuh chuan ka ti a.

Mahse ka hamhaih in ka țang ru takzet.


Ephraim-a leh Will-a chuan min en tawn zak zak a.



"A.. ka lo lang thut a ka țhawng viau cheu em" inthlahrung deuh chuan a ti a.


"Lo țhu rawh țhawng lo e" Zomuana chuan polite deuh in a lo ti vat a.


"Zaklo min ti em" a ti leh a.


"Enteh nu" ka ti vat a.


Min en hau a. A mittui a hnam nghal tih ka hria .



"Ephraim , Will ka nu hi chibai ta che u. Ni e , in hua ang tih ka hria mahse kan nu a nihna a bo chuang lo a ngaidam a ngaidamlo thei turin eng nge kan nih mihring tih sual nghah ve tak tho kan nih hi. Isua mah in UIRENU a ngaihdam theih chuan eng nge kan theih loh bik ang. Chuan nu inthlahrung suh i in ve tho nih hi" ka ti chhuak a.


Ka nu chuan mittui tling puau hian min e.



"Ni e , ngaihdamna thu pawh sawi ngam ka nilo mahse Ephraim-a chawlh la in a lo haw tih ka hre ve a lo hmuh che u ka chak bawk nen ka lo kal mai a min hrethiam ru. Min ngaidam theilo nih pawh ka demlo che u" țah aw țuau chuan ka nu chuan a ti a.


Will-a chu lungawi vak lo mahse a la hriatthiam vat ka ring a ni.


Ephraim-a erawh chu a puitling tawh a a ngaidam tih ka hria sawi lo mahse a hmel ah a lang vek a ni.








Hei hi ni UIRENU FANU hringnun chu(h)



Țah chang leh tluk chang a nei mahse Pathian zarah a tho leh țhin.

Nangpawh i nunah tluk chang te hriatthiam awm loh khawp a natna te a thleng ang mahse chung hunah chuan Pathian bel tlat la tho leh țhin ang che.






💞Note : awle UIRENU FANU chu kan zo ta mai a. In rin loh deuhin ka ti tawp ang ka ring mahse a tawp ta mai sia😅Awle tun krismas lhe kumthar lo thleng tur hi hlim takin hmang ula. Sawrkar dan zahngai takin.Chuan a kum tharah story thar țha zawk nen lo kir leh kan tun dawn nia.💞

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)