FIRST LOVE CAN NEVER DIE by Lalnunmawii manuntei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: FIRST LOVE CAN NEVER DIE by Lalnunmawii manuntei (Completed)

Unread post by Ngaia » December 31st, 2020, 7:05 pm

"Malawm marcusa a awm tawh lo maw, nimin pawn ka va kan ngei kha, engtin nge tiang hi a thlen theih", inhnit hlawp hlawp pah chuan ka ti a .





"Nimin tlai atang khan a zual deuh thut a, oiii a hrehawm e, ka lainat khawp mai che, a vuina ah i kal dawn em?"a tia. "Aw kal chu ka duh Headmaster ka dil a nga ka lo hrilh leh ang che " tah aw tuau chuan ka ti a.






Pi rinawm bulah chuan tap chungin ka thianpa a thi a, a vuina ah kal min phalsak hram rawh ka va ti tawp a, min chhang dawn lo emaw ka tih hnu ah va kal ta che, vawiin atan chawlh ka pe mai ang che a tih chuan ka lawm lutuk chuan ka kuah chawt a, "ka chung a I thatna hi ka dam chhungin ka hre reng ang "ka ti a. Exam lai buai lai a chawlh min pe chu ka lawm tih piah lam a ni.





Hmanhmaw deuhin Malawmi chu ka be nghal vat a, "ka dil tawh a phal, hmanhmawh ve deuh la aw " ka ti a, tumdang ang lo takin a lo thleng hma ve ang reng a.





Malawmi'n scooty in min lo hruai a, an Inkawt kan thlen chuan ka tap thei tawh thak lo, a pi in min hmuh chuan a tap nasa ngang mai, "bawiha i thiannu a lo kal hi lo tho la lo kawm ta che " tia a tah chuan ka tap chhuak ta hawk a, a tah hla chuan ka rilru a ti no in tap lo thei lo in min siam a ni ber ang.






Vui zawh ah thla an la dawn a, a pi in min kai tlat a, an chhungkaw thlalak na ah chuan min tel tir ve a, ka zak ang reng viau.





Aoc veng thlanmualah an phum dawn a, kuang an thlakthla tur chu ka ngai ngam lo in ka tah leh ta nge nge a, "min hmangaih a ni lawm ni, engtin nge ka awm ang, tiin ka tap chhuak a.






Marcusa pi chuan min kuah bet hmiah a,tah lai ban aiin ka lung a ti chhe tulh tulh zawk , leia an chhilh te chuan ka chhung lam hi a na vawng vawng.







Thlanmualah chuan malawmi nen chiah kan awm tawh bawk a tiin insum hauh lo in ka tap vak vak a, rilruna tak min siamtu awm chhun mahni se ka khawngaihin ka lainat em em a, hetianga a awm chhan hi a nu leh pa vang a ni ka ti lo thei lo. Marcusa chu ui em em chungin kan thlah liam ta.






Ka duh tawk a ka tah hnu chuan malawmin min thlah leh a, inchhung ka lut chu ubabyi te nufain eirawng an lo bawl a, ka tah nanah ka mit te chu a bui vek a, ubabyi chuan min hrethiam tak chuan "va inbual la, tiang kha chuan hmuh i nuam lo tlat "a ti a.







A ni lah tak a, ka mittui luanna ka hmai a rang nuaih ngei ang, ka hrawk leh ka mit a na vek a, ka awm te pawh a ti nuam lo hial in ka hria.





Mut hmunah chuan Daniela nen kan in be leh a, ka tah nasat em vanga ka awm nuam lo ka tih te chu ka theihnghilh leh vek tawh, a chhungte an awm loh vangin kan inbe reng a, sawi tur kan ngah dun em em mai lehnghal, kan in sawi chhawk char char a, dar 12 pelh hlekah chuan kan dah ve thei hram.






Ubabyi chu a tho zing ang reng viau a, nula taima, che fel faida leh zuanzang tak a ni a, ka thawh ve meuh chuan tukthuan ei a lo peih diam tawh, nuam lo ka ti ang reng viau mahse nimin lam ka boruak tawn in a zir loh em vangin min hrethiam hram hram zawk a, "vawiin i school thei a ngem, I hreh deuh leh ka kal mai dawn nia" a ti a.





Tukthuan kan ei dawn chuan, kan tih thin danin chhung inkhawm kan nei hmasa leh te te a, Pathianin kan tan a tha lo tur chu kan chungah engmah a thlentir ngai loh thu te a sawi a, ka rilru a khawih zawk mai, Marcusa ka rilruah a lo lang nghal zawk a. A ni pawh ka nun atang a kal tir chhan tha tak a awm ngei ka ring tlat a ni.







School ka thlen chuan pi rini chuan "i lo kal thei ka rin loh tehreng nen i ti tha hle mai, vawiin chu kan buai deuh ang a ti niah niah a.





Midang an lo kal mein chuan hun a kal duak tawh a, pi rini chuan" school kan kal tawp berna tur a ni a, vawiin chu kan buai deuh hlek ang "a ti a .





A sawi ang tak tak chuan kan buai khawp a, vawiinah exam an zo dawn a, result kan chhuah nghal dawn bawk a, buai tak kan ni.




Ka subject an exam hmat vangin ka check vek tawh a, nu zopuii ka check pui a, Laicha a lak vangin ka bei rei viau, achangin ka nui tut tut a, a awm zia gre miah lo in ka check ve tawp kha nia.





Danielan min lo call tlut tlut a, ka pick hman bawk si lo, inthiam loh ang reng viau mah ila ka pick ngang teh lo mai, zanah ka in sawi fiah mai ang ka ti ta ringawt a.





Thla thar atang ka thawh tawh dawn loh vangin, in thlahna ni pah fawmin thingpui leh a hmeh restaurant ah ka order vek a, ka chungah an fel em em vek a, an tan ka tih theih hnuhnung ber leh ka rulh letna ah ka ngai ve hmiah bawk a.





Kan ban meuh chuan dar 3 a ri der tawh, inthlahrung deuh chuan ka haw ve hnak hnak a, ubabyi te nufa ka chungah an that em vang hian ka inthlahrung ve thin, thu tha min hrilhin min zilh bawk thin, ka tan chuan ka nu leh pa te tluk a min hmangaih Tu an ni ka ti lo thei lo.





Ka nu te ka call a, "naktukah ka lo haw dawn" ka ti nghal vat a, ka nu chuan "i nu te kha rawn ve la, puih an ngaih chuan i pui rih thei tho aw" a tia .







Ka ner sak a, "ka lung a leng ve tawh a lawm, bakah ka ngai tawh hrim hrim che u" ka ti a, ka chhungte hlat ah hian ka awm khat ve bawk em a ni, christmas boruak velah phei hi chuan ka lung a leng zual thin.





"Chutia i tih tlat chuan lo haw mai rawh " lungawi chiah lo chuan a ti a, fanu naupang zawk ka nih vang hian min khawngaih ve thin reng a, ka duh chu ka ngen chhuah hma chu ka ngen leh dawn tih a hre sa tlat a.






Ka haw dawn vang nge ka tho hma phian a, ka insiam sa vek tawh vangin inphih fai chiah ka ngai a, ubabyi chu a tho hma leh khawp a, min thlah a, kei pawh chuan ka tawngkam thiamna zawng zawng sawm khawmin lo dam tha zel rawh u aw, ka ngai ngawt ang che u ka ti ve tawp a, motor ka chang ta ran a, a lo kal lawk thei si lo, ka ning tak zet motor chan hi ti pah chuan ka phone ka bih daih a, nizanah Daniela nen kan inbe miah lo," ti nge min lo biak loh le" ka ti a.








Sumo thawl deuh hi a lo tlan hlauh a ka phar vat a, ka biak fel hnu chuan ngawi rengin ka thu kar a, kan khua kan luh dawn chuan ka lung aleng ve ringawt a, chhan sawi tur lah chu ka hre der si lo .









In ka lut chu ka thu hnawk a, "ka chau lutuk" ka ti a, ka naupan chhiat hi a rehte hlei thei lo chu a nih hi, ka u chuan i thawmhna dah felang tiin rommah min kai lut a, Daniela aizawlah a phei thu min hrilh a, ka awih lo lutuk, min bum tum lo mai teh ka ti chiam a, a thu tak hmel kher mai," ka fiamthu lo, a damlo a driver ruai in a kal ta nih kha "a la ti ta deuh deuh a.





Min hrilh si lo ka ti leh a, ka u chuan "phone call i chhang thei lo a, min hrilh ta ringawt a lawm, nizanah kan committee daih sia, ka hrilh theihnghilh daih che lawm "a ti a, "a eng nge na a? A na viau em? "ka ti a .






"Va be ve la ti nia" tiin min chhang a, ka call nghal a, a lo pick rang kher mai, " i eng nge na a, eng nge i an a, i na viau mi? "ka ti a , hmeichhe aw hian "ka pasal hi nanga lo buaipui a ngai lo ang, mi pangngai i inti ve a, zahna changte i hre ve te a nih ngai chuan lo be tawh suh ang che "tiin a off daih a , ka thina rim ve viau na in a ti dik lo tu ka nih vangin ka insum leh ta zawk a.






Krismas bazar turin lungleiah kan kal a, puan , bag leh pheikhawk chiah ka ngaih , ka naute ka bazar sak bawk a, ka u nen kan in zui nileng thak a , nuam ve viau.





Daniela nupuiin kha tia min tawngkhum hnu khan daniela nen pawh kan la inbe miah , biak ka chak lutuk mahse a nupui khan a lo la leh a nih chuan engmah kan sawi tlang leh thei dawn si lo a.






Christmas pawh hlim takin hman ka tum viau na in ka rilru kap Tu a awm tlat vangin duh angin ka hmang nuam lo, 2019 kumthar kai turin minute 5 chiahin min dang tawh, kan kohhran KTP hoin 31 kan hmang ve a, kan hlim tlang viau kei tih loh chu.








Daniela te pawh school an tan tawh dawn vangin an lo phei leh a, kan inhmu chu a cher deuh tlat in ka hria, min biak loh chhan te kha a sawi fiah dawn emaw tih lai in, phone call ka lak theih loh chhan min zawt ta daih a, kan buai em vangin phone ka pick thei lo a nih kha ka tih tha ve mai a, "tinge ngang i reh vung vung a" ka ti ve leh , "damdawiinah ka awm a, ka phone ka ti bo daih a , a thar ka kei ringawt lawm" a tia, a awmna chu ka hre chiang lutuk kei hian.







Number kan in pe tha leh a," phone ka pick theih loh chuan ka buai tih na tih hre tawh rawh aw" ka tih chuan a nui nasa kher mai .







Ni a liam ve zel a, hun chelh din theih ni hek lo, kan inbe tam leh tial tial a, ka duh satliah loh zia chu ka inhre chiang tawg khawp mai, ka best friend nutei hnenah chuan kan inzui leh thu ka hrilh a, midangin an hre ve lo, ka u kha chu engtin tin emaw dawt a hrilh a ni ngei ang, a ruka inngaizawng kan ni bawk a, kan lar ve tehchiam lo .







"Ka nu in zanin chu pastor bial fan program a nia inkhawm vek tur "a ti a, zanriah kan ei sawk sawk a, kei leh ka u tih loh chu insiam turin an room lam an pan vek a, ei in na kan seng fel hnu chuan kan insiam ve chauh a, ka thawmhnaw buaiin ka buai leh pek a, ka hak tur zawk ka u ka zawh chuan a send kha ha rawh i inhmeh ber a tih chuan phurkan tawkin ka ha vat a, inchei em em ka ngaih hran loh vangin ka hman hma leh a.







Biakin kawt kan thlen chuan kan lut tlang leh mai a, kan pastor thusawi thiam em em mai chuan a han sawi leh ta chiah a , ka rin loh lam daih a sawi a, ka inngaih bel loh theih loh, ka awmdan a danglam tih midangin an hriat ka hlau bawk si ka tang tung a.






Mipat hmeichhiatna lam hawi a sawi tel leh a, virgin a nupui pasal nei turin thalai hi chu min chah mawlh mawlh a, nupui/pasal nei reng chung a ngaihzawng nei, nula/ tlangval mipasal / minupui ngaizawng te hi inneih mahse e Pathian pawi an sawi tawh avangin an thil tihna ah an tluang tawh ngai lo, mipa hi an uire thei lo emaw ti reng reng suh u, an uire thei tihte a sawi nual a, a dang chu ka ngaithla mumal thei tawh lo, ka thluak hi a buai nuaih mai , ka zak ngawih ngawih, hmu zo lo pawh ka ni der si lo ka ti rilru mawlh mawlh a, inkhawm laklawh laia haw mai ka duh ut ut tawh, em ah ka ti leh deuh a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 7:05 pm

Inkhawm ban hnu pawh chuan kan pastor thusawi kha ka rilruah a cham reng a, ka kalsan a ngai a ni tih chu ka hria mahse ka theih ka ring lo ani. Ka ngaihtuahna a buai nuaih a, zan pawh ka mu hlei thei lo, ngaihzawng ka neih atangin thuruk leh rilru kawm ka ching a, tha ka ti lo tak zet.





A va hmeltha em ti a thlir ngawih ngawih tur em chuan a hmeltha lo , kan tan erawh chuan a that loh na lai zawn fe pawh a hmuh har tak zawng a ni. Marcusa pawh kha ka mittui tam tak a luan tir a mahse hmangaihna awm zia leh hmangaihte chan nat zia te min zirtir a, chhel tak a nun hman min zirtirtu a nih vangin a chungah khan ka lawm zawk a ni.







Rilru nuam zan lo chuan kan inzui zel a, a ni chu a hlim em em reng a, kei erawh rilru helhkam nei ran in ka awm tih reng a hre der si lo, vawiin pawh leng ang a tih tlat vangin ka zui chhuak leh ta ringawt a.





Hun hi chelh din daih ka chak thin, a kianga hlimtak a hun ka hman lai te kha, tunah chuan rilru khingbai deuh in ka awm ta si, ti nge nun hi a fair loh em em, hmangaihna kawng chhuk chho ka zawh ve a , ti nge ka kawng zawh hi a bumboh bik em em mai le tiin keimah leh keimah ka in zawt fo thin.






Pathian pawh zah zo lo in ka hmangaihna chu ka hlan mawlh mawlh a, nitin mai chuan kan in hmangaih zual emaw tih mai turin kan inthlahlelin kan inngai em em reng a, dik tak chuan inthen dawn ta ila awm thei lo tur zawk ka ni.





Ka theih chhung chu chelh ka tum ve tang tang a, ui tak chungin ka thlah a la ngai dawn tih hre mah ila ka la hmangaih fan a, engtik ni ah emaw chuan kan la awm dun ve ka ring thin.





Kohhranah ka in hmang tam tulh tulh a, tunhma ka pha lo telh telh thung, rilru thawveng takin ka awm ngai lo," e nge i ngaihtuah vung vung a, min va ngai lo ve, i ngaihtuahna pawh ka chang tawh lo zawk em ni" a ti a, ka ngaihtuahna ah nang lo tudang mah an awm lo, tih mai ka duh a, chutiang a ni lo tiin ka chhang ta zawk a .






"Haw hma ang aw, inkhawm hman ka duh a nia "ka tia, "umm kei pawh inkhawm ka ngai ve tho lawm, tak in zaninah Bible kan chhiar tan dawn kha" a ti nghal zat a.





"A ruk a inhmuh ngai te, chhungte hriat hlau tak a inthup ngai te hi ka peih tawh lo, ka nun ram hi a chau hluah hluah" ka ti a , miin an hriat chuan an sawi chhe lutuk palh ang che a tih chuan dik ka ti ve tho. Haw ka rawt a, motor a kan chuan chhung chu ka ngaihtuah na ka kawm leh mial mial a, kan In kawt thleng min thlah a.






In ka thlen chuan zanriah ei a hun der tawh a, ka nu chuan " lo kal la chaw ei siam nghal mai ta che u, inkhawm kan ngaih kha" a ti a, zanriah ei lai chuan ka nu chuan "tunlai i chuak tam riau mai, hmeichhia chu khawlaiah tam lutuk tur a ni ngai lo" a ti a .






A sawi dik chiah ka chhuak tam, ka nundan engkim ka thlak danglam teh thut hi kei pawh in ka inhrethiam bik lo.





Inkhawm lai te chuan ka rilru ah eng dang mah a awm thei lo ,ka rilru hi a buai nuai a, ka mipa hmangaih ka chan thei lo , chutih rualin mi rilru ka hliam a ngai bawk si.






Bible kan chhiar tan dawn chuan tawngtaina KTP leader chuan a nei in a chhiar tan nghal a, kei leh Daniela pawh an inah kan inzui a, "kan nu te an awm lo a ka khua a har , rei lo te tal lo leng ve rawh" a ti a.







Ka thu fel chiah tih ah ka bulah a lo thu thla ve a, min kuah chial a, ka hmuiah a fawp nghal tawn tawn a, ka dawh mawl leh tawp a, a thawk dan a pangngai tawh lo chutih rualin a kut pawh a awm hle hle tir thei tawh lo a, ka taksa a chul kual dan dan a, mak deuhin kei pawh ka danglam a, a kutin mi tawhna a piang chu nuam ka ti.






Zorin ka hmangaih che a ti tham tiak a, a mitmeng sexy em em chuan mi melh chhuk run a, a lei hmangin ka ka chhungah zei em em in a chet kual tir vela, ka awm dan a pangngai tawh lo ve ve, engtik laiin nge ka puanbih a phelh hman ka hre hman lo.






Kan awm dan chu a dik dawn lo in ka hre tlat a, ka inla hrang nghal daih a, "i bula ka awm tawh chuan insum harsa ka ti thin" a tih chuan phawk fe hian ka en kar a.






Ka hrilh hai lutuk chuan ka haw dawn ka ti tawp , ka hnung lam atangin min kuah a, "min hlau em ni" nui suk pah chuan a ti a , "hlau lo e, kha tiang a awm tur kha kan ni lo" zawi sup chuan ka ti a .








"Ka lo thlah ang che "a tih chuan "ka duh lo, biakinah ka let leh dawn" tiin dawt ka hrilh tawp a, biakinah let ta lo chuan ka haw tlang daih a, kawngtluan chuan ka inngaihtuah nasa khawp a, ka nundan hi ringtu in ti tan chuan a mawi lo ka ti hnuhnawh a.






Nitin mai chuan kalsan tum chuan ka bei ve tang tang zel a mahse ka thei lo , a nupui fanau ka ngaihtuahin ka khawngaih tak zet, Daniela chu pasal atan duh viau mah ila mi nu ka luah lan ngam lo, ka chanah ka indah hian ka thei lo.






Hun a kal zel a, ka birthday pawh kan thleng leh tep tawh, "i birthday ah chuan present tha deuh ka pe ang che " a ti a, ka aw ve ta tawp a, naktuk mai hi ka birthday a ni tawh a.




Zanah chuan kan inbe tlaivar ti tih a , min wish hmasa ber a, kan mut ve meuh chuan khua a var tep tawh, tukthuan ei Iai chuan ka tawng barh barh a, ka chungte pawh an hlim ve viau chuan kan hria.





Chhunah chuan keimahin ka awm a, birthday gift min pe tur ringawtin a lo kal a, hawn ka chak tawh lutuk chuan ka hawng dawn ka ti sek a, " ngai lo ka haw hunah i hawng dawn ni "a ti tlat pek a .






Gift ka hawn dawn chuan ka thiante pahnih julieti leh nutei an lo kal avangin ka dah leh ta daih a, julieti chuan bracelet min pe a, nutein bengbeh min pe ve thung a, min ngam tlak ve bawk nen ka gift dawn chu an lo hawng a, sana mawi zet mai ka hmuh chuan ka nui ver ver a, Daniela chu ka call nghal a, a pick chiah "i duhzawng a ni em" a ti a.





"Aw ni e, mawi ka ti lutuk, ka duh zawng i hre hlemai" ka ti a, birthday present ni pah fawmin inhriatreng na tur thilpek a nih kha a tih chuan eng nge a sawi tum ka hre thiam hauh lo.





Daniela pov.



Zorini birthday present ah sana mawi deuh ka leisak a, a vun var hiam nen a inhmeh dan tur te ka mitthla a, tlaivar thakin kan inbia a, present pe turin a hranin ka leng chho a, a chhungte an awm lo a, kan free dun viau.






Gift Hawn a duh thu a sawi sek a, ka haw hunah ka ti ve tlat a, he gift hi ka pek chhan tak chu engtik ni ah emaw kan la inthen a nga min hriatreng na ni turin ka pe. Inhriatteng na tur thilpek ka tih lai khan mak a tih hmel lutuk






Ka nupui hmangaih lo mah ila, pa ka nih ang a, ka tih tur hlen ka tum ruh ve tlat thung. Zorini hi theihnghilh tum eng ang mah ila ka thei lo, chutiang bawkin a ni pawn.





Ka nupui chhungte hian zuali lak a ka rilru put hmang an hre vek , ka thianpa nau a lo ni leh zel nen
Khawngaihna chin ka nei ve thin.




Ka nu pawhin min zilh nasa thin , zorini ka duhna leh hmangaihna hi chu engtikah mah a reh tawh ka ring lo , ka phone rik na lam chu panin ka kal vut a, screen a hming lo lang ka hmuh chuan ka be peih lo tih a in hrethiam lo mi le ka ti chhuak sap a.






Ka nupui chuan matei damloh thu min hrilh a, ka rilru a hah lo a ni bik lo, ngaihtuah lo awm deuh chuan ka awm lui tlat a, ngaihtuah ang deuh a ka awm chuan zorini a lo an khum leh a nia nga, a hmasa ka damloh lai pawhin a an khum tih ka hre reng.






Zorini ang mitha leh rilru tluang em em chuan a ankhum thu pawh engmah a sawi chhuak lo, hei vang pawh hian ka duhna a zual tulh tulh.




Phone ka dah rual chuan message a lo lut nghal zat a, ka en chuan ka nui deuh suk a, zorini ngei a ni, "thil pawimawh deuh hrilh tur che ka nei, naktukah i hman chuan lo leng rawh aw" a ti a, "tunah sawi mai la " ka tih chuan "phone a sawi chi a ni lo" a ti leh nghal zat a.





Ka ngaihtuahna tibuai tawk lekin thu min fah a, eng thil pawimawh nge ni ang, inthen chungchang te a ni ngem? kan nu in a an khum kha min hrilh a tum te hi a ni lo maw, mahse sawi duh se chuan atirah khan min hrilh thei reng sia, ka ngaihtuah ngun poh leh ka bo tulh tulh.



Zan dang a inbe reng thin kha inbe lo in kan awm ve teh mial a, mak ka ti ang reng viau, ka mut pawh a chhuak thei lo, kan inluah zau vak lo ah chuan ka vei kual sek ringawt a, awm zia erawh a awm hran lo, zing khua lo var tawh se tih mawlh hi ka nghakhlel chutih rualin ka huphurh .





Zing ka harh chuan dar7 a lo hnai tawh hle a, nizan ka mengrei em vangin lu na bur in ka tho a, school kal pawh ka phur vak lem lo , vawiin ah exam ka ven dawn vangin ka kal ngei a ngai bawk si, peih lo zet chuan ka insiam ta a, zing lamah chaw ka ei ngailo ti ila a sual lo ang, kan nu a awm chuan ka ei ve zeuh zeuh tih loh chu ka ei mang lo.






School ka thlen chuan nizan ka menrei em vangin ka mit meng a thip hlur a, ka mood a fuh vak lo, teacher dang pawh an lo thleng sap sap a, dar9 ah exam kan tan a, exam veng pah chuan zorini biak ka tum a, message a seen thei lo zui, ka mood a ti chhe zual in ka hria, ka thin a rim hlur a.





Ka student pakhat phei kha chu ka hrawk hrep nghe nghe, ka inthiam lo ve reng mai, ka phone ka check leh chuan message a seen tawh a, a reply hun ka nghah mek lai chuan a lo call a, ka pick chiah "i lo chho dawn ta em? " a ti a.






Exam hall ah ka awm thu ka sawi chuan a hrethiam a ni ngei ang, "in zawh velah hmanhmawh deuhin lo chho rawh aw" a ti dam thlup a.





Kan zawh fel meuh chuan dar12 rik nan minute 15 chiah a awm tawh a, hmanhmawh deuh chuan zorini te veng lam chu ka pan ta a, an in ka thlen chuan a lo reh thiap a, zorini chu ka koh vak vak a, inhnuai lam atangin min lo chhang a, a thilsawi tur ka hrechak lutuk leh huphur em vang chuan ka thin a phu ve dut dut a.





A thilsawi vang chuan ka thaw huai mai, mahse a awm dan a dik mawlh lo, ka hriat thin zorini kha a ang lo ka ti deuh tlat, zep nei a ang tak zet "damdawi i ei tawh reng reng em "ka ti a, a bu zauh a, "i lo thleng chu ka tha sawtin ka hria" a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 7:05 pm

Zorini pov.



Ka sawi tum tak sawi ta lo chuan ka dam loh thu ka hrilh ta zawk a, a thaw huai chu ka hmuh hmaih lo, thudik ka sawi thei lo, then chu duh viau mah ila min ngai in min thlahlel em em a, min ngaihtuah na mitmeng te, ka khawngaihna ai mah chuan ka hmangaih em a ni.




Ka sawi dan tur ka zir nasat nen ka sawi leh ta si lo chu ka nuih a ti za zawk .





Karkhat hnu chuan ka be ta miah lo a, inbe miah lo a awm thei lo khan a message pawh ka seen in ka reply ngai ta lo a, ka thiante ka hrilh chuan intha then tawp chu a tha ngai lo, a hrethiam lo anga beiseina che a la nei thei tlat, hrilh vat rawh aw, i then emaw then lo pawh ni la i lam kan tang reng ang an ti hlawm a, ka lawm tak zet tiang ang thiantha leh fel min hmangaihtu te ka nei hi.







Hmaichhanah ka hrilh ngam loh vangin message in ka hrilh ang ka ti zet a, nitheiin ka hre si lo, ka call ta tawp a, "Daniel inthen mai ang ka awm a nuam thei ngang lo, Pathian lakah pawh ka inthlahrung zo zai lutuk tawh, KTP committee member lai ka ni ve a, hetiang a lo awm chu a mawi lo deuhin ka hria. I nupui lakah pawh a inthlahrun awm em mai" ka ti a.






Ka sawi lai te chuan a ngawi vung vung a, ka khawngaih lutuk mahse khuanu ruat kan ni lo, inhmangaih tak si in lendun a rem ve lo tih chu kan hre ve ve, khuanu ruat kan ni ngai te a nih chuan engtikah emaw kan la awm dun hi ka ring tlat.






" Rilru nuam lo deuh a I awm hi ka duh ngai reng reng hleinem, ka hmangaih hmasa ber leh hnuhnung ber i ni dawn a nih chu, ka hmangaih che tihhi theihnghilh ngai suh ang che" tiin rilru nat hmel deuh chuan phone a dah ta a .






Ka sawi zo chu ka inchhir nghal run rum, mahse ven khat chuan ka veng huai, ka rilru kam tu, zan ka muttheih loh nachhan ber mai chu a kiang tawh bawk a, hnara hlit phawi ang mai ka ni ka veng huai mai.






Hlim takin ka nun ka hmang dawn maw tih laiin mamawh deuh mai nei ang hian ka awm mahse eng nge tih erawh ka hre lo, kohhrana ka chhanvo ka ti hlawhtling thei lo , ka taksa leh thlarau lam nun a chau ngawih ngawih a, Pathian ka hlat a,nitin tawngtai thin kha tawngtai lo in ka hun leh ni ka hmang ral a.






Hetiang a awm hi ka duh dan a ni bik lo min control Tu an awm , Tu nge ka hre lo, ka nun a beidawng ngaih ngawih a.




Nun thlakhlelh na pawh ka nei tawh lo, kan inchungsang atangin zuanthlak ka tum mahse ka u in min lo hmu hman, inawhhlum ka tum leh a ka nu in min lo hmu leh si,Pathianin ka thih a la remti lo a niang ka ti ta ringawt a, chuta chinah chuan a ven in min veng a ni ber ang, ka hmangaih kha keimah ngeiin ka kaltir nawn leh a hmel , a mitmeng fiah tha tak leh a nui mawi tak te kha ka mitthlaah a cham reng a ni.






Ka maimitchhin hian a hmel chiang takin ka hmu thin, ka eng ei mah a tui thei hlawl lo, ka kaah a lut lo ti ila a sual ka ring lo, artui laichhungmu seh keh zo lo an sawi thin te hi ka dem hauh lo, hmangaih chan chu a lo na em a ni.




Thla tam ka inkhawm tawh loh hnu chuan Pastor bial fan programs a nih vangin sunday chhunah ka inkhawm ve a, intawngtai tir ka duh a, ka mamawh ber ni in ka hre bawk.






Kan inhmu chu min chibai phawt a, ka inthlahrung lutuk tih hian a sawi fiah zo lo ang, "inkhawm banah min tawngtai sak ta che" zawi si fiah deuh si hian ka ti ta ringawt a, a lawmin a phur hmel ang reng viau.






Inkhawm chhung zawng chuan engtin nge ka hrilh tak ang, ka lo sawi kher kher chu ka va inchhir e ka ti vawng vawng a mahse awm zia a awm tawh lo, ka chhungte bulah inbunruak thei tal ila chuan a zia deuh tur a nia.




A mah ka then aimah chuan Pathian lakah ka inthlahrung em ani, hre reng chungin sual kawngah ka vah bo san lui a, min ngaidam tur pawn ka ngen ngam lo, ka inchhir tak zet.





Nidang zawng aiin inkhawm kan ban hmat ber tum a ni hial ang, ka khur dar dar lehnghal, ka u chuan "i lo haw nghal dawn lo mi" a tih chuan "aih Pastor ka nghak lawk dawn va haw hmasa mai rawh ka rei deuh maithei a" ka ti a.






An haw vek tawh hnu chuan kan pahnih chiahin kan awm tawh a, "e nge i harsat na chu" a ti a, sawi tan dan tur mawlh hi ni ka buaina, ka mittui a lo tla ringawt a, pastor chuan min en reng a, "ka bialpa hi pawmlai nei a ni a, mahse kan inhmangaih lutuk, vawitam inthen pawh kan tum kan theilo, chuan kan inngaihzawn laiin sex hman puiah min sawm fo , mahse danchhung a min lakluh dawn khan virgin a pasal nei turin ka intiam tawh vangin ka duh lo a.







Tinge min sawm, ka zir loh vang em ni ? Ka inten ngawih ngawih a, Pathian lakah pawh ka inthlahrung thin, ka chanvo pawh tihlawhtling thei lo in ka tlanchhe zel , ka awm hi a nuam thei lo, hmanni khan kan inthen fel a, ka chhungte ka hrilh ngam si lo, ka awm dan kha ka hrethiam bik lo, nun pawh ka thlahlel tawh lo" ka ti a.






"Virgin a pasal neih i tum chu a lawmawm hle mai, Pathian hmaah tuma hriat lohin i intiam a, ka ngaisang zawk daih che" ti ta daih a, ka hriatchian Pathian rawngbawltu tha tak i ni a, setanan virgina pasal i neihtheih loh nan i bialpa hmangin a thlem che a mahse i lo dang, Pathian a va lawm dawn emm, i ti sual ngei tupawh in kan ti sual vek thei a lawm , tha famkim kan awm lo, Pathianin inchhir a siam a, alam hawi te chu a ngaidam duh lutuk asin , rilru thlamuang deuh khan awm tawh rawh aw" a ti a .






"I chungah hian ka lawm tak zet, hetiang lam a tawngtai tur a min pan Tu hi ka vawikhat tawnna a ni a ,ka damchhung a thuruk ka vawn tlat tur a nih hi, ka tawngtai ang che, min mamawh phawt chuan phone hmang pawn min lo be zel dawn nia" a ti a, min tawngtai sak nghal a,ka thawveng huai mai.







In ka thleng chu ka hlim em em a, ka chhungte bulah ka sawi ngam loh ka rilru chhung a ka pai reng thin ka paih chuak chu ka thawl ve bawk em a ni.





Nitin mai chuan ka hlim em em reng a mahse engtia rei nge a daih dawn ka hre si lo. Ka thiante pawn min lawmpui em em, arukin ka la tuar ani tihar reng an hre si lo.





Be lo vin ka ngaih thu hrilh lo mah ila , ka thinlungin a ngaih ven ber a ni tlat si, theihnghilh tum in nasa takin ka bei ve a mahse awmzia erawh a awm lo, ka hriatrengna atangin a bo thei tawh lo ani.





Ka theihnghilh theih nan lunglei ka pan leh a, ka lunglen a zual zawkin ka hria, serkawn ka awm atangin karkhat a liam hnu chuan Rinpuia inti a lo leng thin a, a felin a polite em em a, ka chhungte pawn min duh pui reng a, thian ang bakin ka en thei lo thu ka hrilh tawp a, chuti lo chu min lo beisei ang tih ka hlau.





Kohhran thiltih na velah te pawh tel turin min sawm fo a, ka putea te ka zah em vangin ka kal ve thin, kan inbe ve zeuh zeuh a, over takin a awm ngai lo.





Daniela pawn min lo biak a tum reng a, ka seen ngai lem lo, a tawrh na te chu ka hai bik lo, tunah hian ka nupui hi ka then anga min nei duh a ngem min ti se chuan ka aw chiang khawp ang ka ti rilru thin.





Daniela pov.



Karkhat chiang kan inbe lo, ka message a reply lo zawk, nikhat chubka phone a lo ri a, ka en chuan zorini a lo ni reng a, ka pick chiah chu "inthen ang, ka awm a nuam thei lo, Pathian pawh ka zah zozai tawh lutuk, KTP committee member lai ka ni ve a, hetiang a awm hi amawi lo deuhin ka hria, i nupui lakah pawh a inthlahrun awm em mai" a tih khan ka khawngaih zawk, zan tam thin thiin a mu tawh lo .






Rilru nuamlo deuh a a awm ka duh loh thu te, ka hmangaih hmasa ber leh hnuhnung ber a nih thu te leh ka hmangaih a ni tih in theihnghilh lo turin ka chah a, thlahlel tak chungin phone ka dah ta daih a.





Kha mi ni kha ka tan chuan ni tha lo ber a ni hial ang, ka na lutuk, ka na vawng vawng tih bakin ka sawi thiam lo.






Ka eng ei mah a tui thei mawlh lo, ka pa thih ka tawrh ai khan a na zawk daih, engtihmah ka chak loh em vangin school pawh ka kal ta lo a.





Nitin ka be thei tawh lo tur ringawt pawh chuan min ti na vawng vawng thei, lungleiah a phei tih ka hriat khan phei ve nghal mai ka duh mahse hna nei ka nih vangin a rem teuh lo.





Ka hmu thei tawh lo pawh tih nak laiin , vawi tam biak ka tum pawn min be duh lo, ka message pawh a reply ngai lo, min hua nge min theihnghilh a tum zawk, ka rilru a buai nuai mai.






Ka nitin hun hman chu a ngai, zorini lo ka ngaihtuah na ah a awm ngai lo, thil ei mumal lo a karkhat ka awm hnu chuan ka dam lo ta nge nge a, damdawiin hial ka pan a ngai ta chu a nia, hmangaihna vangin hetian hian ka la awm ang tihreng ka ngaihtuah ngai lo.






Damdawinah thlakhat meuh ka awm chuan zai ka ngaihthu min hrilh a, ka natna hi a lo chhuah chuan keimahin ka inenkawl thei meuh lo thin, damdawi ka ei tha, a na a lo chhuah chuan doctor ka pan vat thin kha nia, tunhnai ah chuan ka ngaihthlah deuh vangin zai ka ngaih phah ta a.






Doctor te thiamna a San tawh em vangin min zai hlawhtling a, ka chhungte pawh an lawm ve khawp mai, kan khua ka thlen tawh vangin chaw ngei a theih tawh lo a, min vil chawt a, ka nu leh ka nupui in min riah pui thin a.






Ka nupui leh ka fanu tan pa tha tak ni turin ka inbuatsaih a, mahse tunah rum rum chuan ka thei lo , zorini hi engtikah mah ka theihnghilh ngai lo ang, tum pawh ka tum buai lo ang.





A tawp nan tiin zorini chu ka va call a , a lo pick ve teh mial, ka lawm ang reng viau, " I dam tha em, ka message leh call tinge I chhan theih loh a" ka ti a, mipa in a phone call a lo chhang a, ka hrilhhai ang reng viau, "khawnge a awm ? " Ka tih leh chuan "a inthlak lawk nakinah ka lo call back tur dawn che nia " tiin a off daih a.





Mipa in a phone call a lo chhan sak chuan an in pawh tawk a ni tih a hriat, ngaihzawng pawh nei se nge ka lo thik ve em em, keimah vangin a tuar nasa tawk tawh, lawmpui zawk tur ka ni tiin ka infuih mawlh mawlh a.



(

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 7:05 pm

"Zorin i phone a ri a nia" tiin urinpuia chuan min lo au lauh lauh a, "lo pick mai rawh ka laklawh e mai "ka tia . An inbiakna pawh chu ka hre zui lem lo.





Room atanga ka chhuah chuan tunge ka ti nghal vat a, "Daniela tih a nia, a insiam rih a nakinah lo be tur che in ka lo hrilh dawn niaka ti a " tiin min chhanga, engtin nge min ngaih ang le, min ngai khawlo viau lo ang maw , ka rilru a buai leh nuai tawh mai.





Tinge a ni mi ngaihdan ka lo ngaihtuah ve em em le, kan inthen tawh tiin ka infuih leh hnuhnawh a, ka phone chu ka ban vut a , "kal ila kan tlai lutuk chuan ka tan a nuam lo" ka ti nghal zat a .




Urinpuia hi doctor a ni a, min duh tih chu ka hai lo, ngaihzawng nei tur chuan ka chak tawk rih lo tlat tiin ka hnawl a, ani chuan min hrethiam em em reng a, a hmanhmawh loh thu leh min nghah thei thu a la sawi fan a, ka tan hnial chi a ni si lo.






Rinpuia nau birthday lawmna ah min sawm ve a, ka hnial zet na in ka putea te a lo dil diam tawh vangin peih lo zetin ka kal a ngai ta a, an Inkawt kan thlen chuan ka zak ang reng, ka zam bawk si chu ka tha a khur der der, an ni ang mi hausa birthday lawmna a tel te chu a zahthlak ve bawk em a ni.




Rin aiin mi kan tam a, ka zam tulh tulh a mahse urinpuia ka bulah a awm tlat a, zia phian. Min ngaihtuah em em a, ka tan chuan hetiang ang a tha hi chu ka hmu leh tawh lo ang mahse he mahse lai tak hi ni min ti buai Tu chu...





Ka ngaihtuahna atanga hla takah hian awm daih thei se ka ti thin, urinpuia hnenah chuan ka haw duh tawh thu ka sawi a, "cake an zai tawh tho sia" ka tia , min hrethiam takin min haw pui a, kawnga kan kal lai chuan "urinpui min nghak thei tak tak ang maw, engtia rei nge nghah ngai a ka awm dawn tih ka hre lo a ni", inthlahrung deuh chuan ka ti a.





Ka rin loh dan deuhin min chhang a, "ka hmeichhe hmangai em em chu kum engzat pawh nghah ngai dawn se ka inpeih reng, min ning deuh tawh a mi" a ti a.





Sawi tur ka hre tawh lo chu ka ngawi vung vung a , "nuam i ti vak lo em mi, haw i rawt hma lutuk a, ka inthiam lo hle mai" a ti leh a , a upa zawk a ni bawk a sawi tur a hre zek a, " nuam ka ti lutuk a lawm, ka awm a nuam chiah lo deuh a " ka tih a.





A zia lo hle mai tiin thupha a chawi mawlh mawlh a, in kan thlen chuan lut kawi tur in ka sawm a, "tih tur neuh neuh a la awm a, bakah i nuam sam chiah si lo a , mu hahdam rawh, naktuk zanah ka lo leng zawk dawn" ni ti a, kan in mangtha zui nghal a.





Ka inthlak sawk sawk a, nachhawkna ka zawng nghal vat a , ka lu hi a na lutuk, a chik tluk tluk, a boruak ka zo lo a nih ka ring rum rum.




Ka inphih fai hnu chuan mu turin khum lam ka pan a, ka nau muhil thaw sek sek chuan min time nui ver ver, ka bula mut loh hlau leh ka dam loh pawh min ngaihtuah em em Tu kha a ni ve tlat a, an bulah hian ka awm lo ang tih mawlh hi ka hlau, engmah ei in thei lo a awm kha min enkawlin min buaipui vek kha nia, ka hrechhuak thut tih lohah chuan an bulah chuan lungleng em em in ka awm ngai lo.






"A u tho tawh rawh, a tlai tawh a nia, school ah min thlah dawn lo mi" tiin ka nau chuan min au vak vak a, thawh tlai chu ka nitin dan kha a ni ve a, "ka tho nghal keimahin ka thlah ang che u" ka tia , a nui ver ver reuh a.




Ka naute schoola ka thlah ka let lam chuan ka hmelhriat ang deuh ka hmuh a, ka en reng tih a hria nge a lo hawi a, min nuih ver ver a, naupang school ah a thlah ve a ni ngei ang a lo kai a, ka be hmasa ngam silo chuan ka en zui vung vung a, zawimuangin ka kal beuh beuh , hnung lam atang hian "min hre lo mi, tinge min biak duh miah loh a, induh reuh lutuk mai "a ti a.






"Ka hmelhriat chu i ang ka ti bawk sia, i nih loh chuan ka zak dawn em a , ka ta lo che nih kha" ka tia , a nui huah huah a, ka thian hlui abawihi ni reng chuan pasal a nei tih reng ka hre lo, engtikin nge pasal i neih a chuan i fapa mi ka ti nghal thawr a, " Kan pa u fapa a nih kha, kan inru a, kan la inkawl tih chu a nih hi" a ti a. Chungte chu min hrilh ve tur che lawm ka la ti hram pek a.






In ka thlen dawn chuan "lo peng rih rawh, sawi tur ka nghah te a nia, nikhat hian min daih ka ring lo" tiin ka fiam zeuh a. A nui leh huah huah a, a ni hi chu nuih duh em em, huatthu nei lem lo ang chi kha ania.




Ka hringnun hmangaihna zin kawng bumboh tak chu ka hrilh fai ta vek a, min khawngaih ve lutuk, "hma lam pan tum rawh,i vanneih ngawt mai Dr rinpuia ang a mitha leh fel, pa em em in a la duh em em zui che nia, ka thik lutuk tlat che" a ti a.




School naupang ban hma chu a awm ve ta reng a, sawi tur kan ngah lutuk a, kan in sawi chhawk chat char, ka hlim ber ni a ni hial ang. Naupang an ban hnu chuan "kan peng tawh lo mai ang, nidangah nihranin ka lo la leng ang" tiin min kalsan nghal a.





Zantin urinpuia pawh a lo leng a , rei erawh a leng ngai lo, rilru pek ve ka tum thin mahse ka hmangaih kha ka theihnghilh thei lo, abawihi min hrilh ang khan hmalam ka pan a hun tawh a tih tak kha, ka tum a nga ka thei tur a ni tiin ka infuih sauh sauh a.




Mut hmunah chuan ka inngaihtuah nasa lutuk, kan hmangaih kan neih theih loh ai chuan min hmangaih em em Tu te hi an lo hlu zawk a nih hi ka ti rilru a, engtia rei pawh min nghah huam Tu hi rei ka innghah tir tawh lo ang , ani ka tawn dawn vang hi niang Daniela kha ka chan, khua te lo var ve se ka inpeih tawh thu ka hrilh ang tiin ka muhil zui ta a.





Zing ka harh chuan ka helhhawlh nge ka tho hma ve teh mial a, ka putea te pawn mak an ti ang reng viau, urinpuia chu ka call a, min la nghal em tiin ka zawt thawr a, "umm i inpeih hma chu ka nghal chat char thei che" tiin min chhang a.




"Ka inpeih tawh chuan ka hria" tih leh phone off ka rual nghal a , ka zak lutuk vang a ni ngei ang, a lo call nghal a, ka pick chiah "i ti tak tak em, ka va lawm tak em" a ti vawng vawng a.




Kan inngaihzawn tak hnu chuan min duat em ema, a senior ve deuh tawh vangin inneih lam pawh min sawi pui ve thin a, kei lah ka lo hmanhmawh hran lo bawk nen, "nakum lam tin zawn ve tawh ila ka senior tak tak hma hian" a ti a, "nia tha lawm" ka ti ve mai bawk a. Urinpuia hi phu lo ka in ti ngawih ngawih thin.





Dam chuan kum khat chu a rei lo lutuk an tih thin hi dik ka ti viau, kum bul kan tan chauh emaw tih laiin Christmas kan thleng leh tep tawh, ka chhungte bulah hman ve ka duh vangin kan khaw lam panin ka haw dawn a, khawpui aiin thingtlangah Christmas hi a nuam zawk daih a, urinpuian min thlah a, "kartharah hian palai chu kan lo tur mai anga , nakum kumtirah kan dam a i chhungten an rem chuan inneih kan tum a nga, kei chu ka hman hmawh tawh" a tia, ka nuih a za ang reng viau , a bulah hian hlim viau thin mah ila ka la hlim famkim thei chuang lo chu nih hi.






Christmas chhungkimin kan hmang ho leh thei dawn a, kan hlim leh viau, kan chhungkua kan kim tawh hi chuan tudang kan ngai vak lem lo, urinpuia nen a kan chungchang ka sawi chuan min lawm pui em em vek a, Marcusa nen a kan chanchin kha an hre ve vek a, Daniela vanga ka rilru na kha Marcusa emaw an ti a, lawmawm zawk phian.





A sawi ang tak tak chuan palai hmel kan hmu ta reng a, "ka pa chuan chhungkua kan lo inrawn khawm ve ang, zirtawp zanah lo leng leh ta che u" a ti a, palai an haw hnu chuan ka pi leh pu te an bia a, "a va lawmawm ve , a duh a nih phawt chuan kan rem loh na chhan tur a awm hleinem" an ti a.





Ka pi leh pu te thusawi chu ka hrilh chhawng ve leh a, a ni pawh a hlim hmel kher mai, kan in be zui zel a, kan in mangtha meuh chuan a lo tlai tawh hle.





A vawihnih nan palai an lo leng leh a, ka pu pawh a tel ve thei tawh a, inneih ni leh a hmun tur vel an rel nghal a, january 14 ah serkawn biakinah in vawn an ti thlu ta a, urinpuia a hmanhmawh em vangin inbuatsaihna hun pawh kan ngah lem lo , kan hma lawkah Christmas lo theng tur nen nu leh pa rilru a hah leh dawn a nih hi ka ti rilru a.





Kum dang ang tho in kan kohhran thalai hoin urlawk zan kan hmang ho leh a, hun chelh din theih ni hek lo, kum thar pawh kan kai leh ta a, ka chhungte chu an inbuatsaih nasa khawp a, ka nu chhungte lam hian ka chhawm tur an ngaihtuah em em a, min leisak theuh an tuma, ka pi leh pu Tu teah chuan biakin hawnga nei hmasa ber tur ka nih vangin min buaipui luai luai.






Hmeichhe tam tak chu an pual a dar a rik ni ah chuan an hlim em em a, kei erawh chu tu emaw ngaiin ka tap thung, ka hmangaih em a tin ni, urinpuia ka zah em vangin tap lo turin ka insum tang tang thin.





Inneih thu chham kan chham lai te chuan ka mitthlaah amah chiah kha a awm a , ka ngaihtuahna te chu a luh khung a ni ber ang.




2 years later



"Mommy tinge I tah a, daddy in a hai che mi", ka fapa Lalrempuia chuan a tia , "hau lo e bawihte mommy hian a thiante a ngai a, a lung a leng a, atap anih hi" ka tia , Daniela nen kan thlalak hlui ka en a, ka ngai tak zet, ka theihnghilh thei lo.




Ka pasal pawhin min hriatpui vek avangin min hrethiam em em a, rilru puitling tak ani a, ka nunhlui vangin min en hniam ngai lo a, Pathian ka tih em vanga ka hmangaih ka kalsan na te chu min ngaisang zawk thu a sawi thin.






Ka pasal chuan i hmangaih hmasa ber chu engtin pawn theihnghilh tum mah la i thei lo ang, rilru chhungtilah hian an thi ve tawh ngai lo, chuvang chuan nang pawh in hre reng zawk turin ka duh che tiin min fuih mawlh mawlh a.




( Last kan thleng ta der mai, ka story min lo chhiar sak Tu te zawng zawng i zavai chungah ka lawm em em vek a, min lo chhiar sak zel turin ka ngen nghal bawk che u.)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)