By Zuãl's Khiangte
Aizawl a tanga kan haw na pawh karkhat lai a ni leh tawh,Duha mizia hi ka hrethiam lo a mak hi a ni tawp mai min ngaihsaklo em em a,ka han vui deuh lah in a inthiamlo leh em em a,vei nei reng hi a ang min hrilh tur a ka tih lah in engmah chutiang a awm lo a ti bawk sia,Lunglei lama apa ka biak lah in a damtha sia rilru han tih hahna tur vak a awm pawn ka hre silo,amah ber bur hi a â tawh aniang.
"No-i hei i juice hi rawn in rawh" anu in a rawn tih chuan choka lamah ka phei nghal vet a,kal(kidney) thalo tan lakhuihthei hnah chhum tui hi a tha an tia nitin ka in thin,anu te hian i juice an ti tawp zel.
"In zo vat la i nu Maremi te inah envelope kha va dah teh"
"Awi ka zawi a sin"
"Ka fanu hian zawi loh lai a neih hi ka hrelo" tih pah chuan min nuih huah huah a,ka melh vak ringawt.
Ka intur ka in zawh hnuah chuan,scooty chahbi la in ka inkhalh chhuak nghal a,bike ka vahan awt ve tawh tak em huihammmm.
Nu Maremi envelope ka pek zawh hnu chuan,an thenawm lawkah Lalduha te an awm bawk nen an in lamah chuan ka phei a, va surprise ve hrim hrim teh ang.
Doorbell ka hmeh chuan an awmpuinu in min lo hawn vat a,an awmpui te nen pawh kan innel ve viau tawh Duha chu a room lama a awm thu leh chho ve mai tur a min tih a vang chuan Duha room lam chu ka pan a.
Duha room ka thlen hma chuan inhau bawrh bawrh thawm ka hria a,khawi a tanga lo chhuak nge le tih pah chuan a room chu ka pan zel a,a room zawn ka thlen chuan a ma room a tang ngei a lo chhuak a ni tih ka hre ta,kawngka an kharphui loh avang chuan ka bih thla a,tuna ka thiltih lai hi ka tihloh tawp tur tih ka hria mahse an thusawi ka hre ve chak em ani.
A hmeichhia chuan Duha chu a rawn pan hnai a ,Mami a ni tih ka hre ve chiah enge an tih le? Chhan awmlo in ka lung a phu rang tual tual ringawt.
"I fa anihhi! Nangma fa ngei tih fahrah i duh ami?" Mamin a tih chuan thil awmzia ka man thiam chiah,a raina pa kha Duha hi maw?Duha fa apai tihna,naute pa chu Duha ai hrechiangtu an awmlo a tih tak kha mawle,ai ka duhlo,ka tumloh tawp in ka biang a a rawn lum thla nghal pap a.
"A thusawi kha a dik em?" Tihpah chuan room ah chuan ka lut a,mak tih hmel tak in room a lo awm pahnih te chuan min en a.
"Bawihi"
"Aw,dik e Duha fa hi ka pai" tihpah chuan min rawn nuih a,ka vahan tlawm ngawih ngawih tak em,Duha chu ka va melh a chhuat lam a lo melh kur ringawt.
"A fa ka pai tih i hre tawh bawk a i inthliar fihlim thei tawh em?" A tih chuan rapthlak ti lutuk in ka melh a,min la nuihsawng zui,ka tlawm nawn tawh dawnlo ti a in hrilh mawlh mawlh pah chuan ka melh kur a.
"A fa i pai a nimai a,a nupui em pawh ila ni em hleinem?" Kan ti ve salh a,ka bula ding pahnih te chuan mak tih hmel tak in min en a.
"Nang i vahan zak theilo em em ve"
"A zaklo zawk chu a hriat alawm an rai pawng mai hi" tihpah chuan ka nuilui hak a,Duha chuan mak tih hmel fe in min la en kur mai.
"Chuan in i chhuak thei tawh angem? Ka bialpa hi ka be duh a,a fal in" ka tih chuan min khawih hrep chak tih hriat fe hian min melh a, Duhan chhuak tur a a tih chuan in sawh tau nghawng nghawng in a chhuak a.
"Bawihi" a chhuak chiah tihah chuan min rawn kuah nghal a,kei in sum theilo chuan ka lo tah khum nghal vak ringawt,tuna min kuah tu hi ka haw lutuk mahse ka thahlel ngawih ngawih tho si.
"Engtinge i tih theih?"
"Ka tihpalh ka tihpalh" tih pah chuan min kuah nghet sauh a,tihpalh tih ringawt hian engkim chingfel thei se ka vahan ti em,tunah chuan naute a awm tawh chu pawh a ma thisen a fa ngei.
Reife aw rawl chhuah meuh a ka tah hnu chuan ka bang thei ve hram a,ka tah khan ka thawl hawk ka rin nen ka pik tulh tulh in ka hria.
"Ka in sawifiahna ngaithla rawh aw" a tih chuan ka lu ka lo bu nghut a.
"Lunglei a ka awmlai,kha Hriatpuia nen in inngaizawng emaw ka tih lai vel kha nia, inthlalak min rawn thawn a tah chuan in hawlo tak a inthut dun na hi ani a ,kha thlalak ka hmuh khan ka na em em a in hnem nan tiin zu pawh ka in nghe nghe,chumi ni chuan kan in ah Mami kha a rawn kal a,min tihbuai reng a vang in haw tur leh ka hmuh a lo in lan tawhlo tur in ka hrilh a,mahse a haw duh tlatlo, vawikhat sex ka hmanpui chuan ka hmuh a alo in lan tawhloh tur thu min hrilh a,kei ka rilru na leh zurui in a duh ang chu ka ti ta mai ani"
"Bawihi ngaihdam dil dan tur che pawh ka hrelo,engkim hi keima thiamloh ani" tihpah chuan ka kut ah a rawn vuan a,mittui kar atang ka lo en kiau ringawt,a thusawi kha rinhlelh na ka neilo ka ngaidam thlap mahse ka ngaihdam avangin kan inkawp zui zel thei tihna anilo.
"Duha keichuan ka ngaidam che,mahse ka ngaihdam che a vang hian kan inkar hi kan kal chhunzawm pui thei tihna a nilo"
"Engvang chuan maw? Engvangin nge a theihloh" tihpah chuan a tho nulh a.
"I fa,i thisen ngei chu nu leh pa thlazar hnuai nilo a a seilen i duh ami?" Ka tih chuan a hmai a tuai puat a.
"Duha i nu leh i pa innei leh se ti i tih thin zia ka bula i sawi kha ka la hrereng asin,i fa leh zel pa tello a a seilen i duhlo tiraw?" Ka tih chuan a lu a thing vut a,a kut chu chelh sak pah in "a nih chuan Mami hi nei rawh" ka tih chuan min rawn en vut a ka mittui ka khap per sak ringawt,ni e ka tih tir ngei a ngai a ni na dawn mah ila.
"A nih nang engtinge i awm ve ang?"
"Kei chu ka tha mai ang,mualpho huam in i fa pai a hmeichhia pasal neilo a fa nei miin an en hniam thin zia chu i hriat kha,ka hmeichhiatpui a ni a ka hmangaih ber fa a pai bawk chuvang chuan mualpho takin awm tir suh a chan tha zawk ka la nihhi keichu" ka tih chuan thaw hawk pah in chunglam chu a melh chho a.
"Ka hmangaih che,i tello chuan ka hlim theilo tih i hriat kha ngatinge nangmah nilo khanu zawk kha nei tur a min tih luih tal,vawikhat tal neilo tur leh thlauhthla tur a min ti a nih chuan ka kalsan ang"
"Engtinge ka hmasial tak in chutiang chu ka sawi theih ang,lo sawi ta ila kumkhua in ka inthiam theilo ang,ka tan hian a awlsam bik i ring em? Ka puakkeh lo chauh asin" tihpah chuan ka biang a ka mittui tla ho chu ka hru a.
"Awle i sawi ang chuan ka ti ang,mahse ka duh vang nilo in nangmah vang leh ka fa lo awm tur vang chauh in" tihpah chuan min rawn kuah a,ka lo tahkhum leh nghal ringawt.
Ka hmangaih reng ang che mahse bul erawh ka tanpui theih tawh loh che vangin min ngaidam rawh aw,min mamawh hunah ti nui tur che in i tan ka awm thei tawh dawn silo a chuvangin tumah in tih nat tir suh aw,ka hmangaih che a vang hian tun thleng in ka inchhir ngai lo reng reng ania ka tan chuan sawi nghilhtheihloh thawnthu ngaihnawm tak a ni reng ang,i fa tan pa tha tak ni ang che aw ka hmangaih tih pah chuan ka kalsan a ka tliak hnawp in ka hria ka talsa peng pakhat ka kalsan ta.
(Chapter1 emaw 2 a la awm mai thei
Christmas chibai vek u
🥳🥳
🥰)