RÃIN By Zuãl's Khiangte (Completed)

[Ngaia]

~RÃIN Chapter-13




By Zuãl's Khiangte





"Tho tawh rawh saw i thianpa in a nghak che"






"Nu reilote"




"Awi awi awi nula bialpa nei ngam tawh i nihkha tho rawh" tihpah chuan parda chu a pawt hawng thuai a.





"Intifai la rawn chhuak ang che" tih pah chuan ka room a tang chuan a chhuak a, ninawm mut ka kham chak, ka mut reiloh in mut ka kham lo a ka mutrei in ka kham chuang lo khawvel teh hrep hi chu a.





Sitting room lamah ka va phei chuan Lalduha chuan min lo nuih vur vur a, zing zingah emge a rawn tihni?





"Mumang i va la ngah hmel ve"




"Zing zingah enge i rawn tih a?"




"Huan a kal kan tum kha?"




"Chawei kham ah kan kal dawn maw ka tia?"




"Nizanah ka lo call che a ila thei tawh silo a ,hei tian ka lo sawm tawp che"




"Nizanah ka mu hma dawn ka tih tawh kha"





"Va insiam rawh lalrinrini te pawh an mahni in an lo insawm ve tawp a,an kal tawh"




"Hruaisanga nen maw?"




"Aw zing chaw chu sawtah a ei theih aw, Rinrini te khan eirawng kan lo bawl ang an tia" a tih chuan lu bu nghauh nghauh pah chuan insiam turin room lamah chuan ka phei san a.




Tshirt var plain chu hain a chungah hoodie uk tak hlarh mai chu ka ha a,velvet kekawr uk dal lam thawl hnek hnawk chu ka inthawlh a,converse rawng sang sakei rawng a tial chu ka bun a,sam chu thlah in lukhum phiar chu ka khum a, ka hmai ah chuan make up tlem ka bel bawk a, ka inthlak na tur chu khung sawk sawk in room a tang chuan ka chhuak a.


20201213_225236.jpg
20201213_225236.jpg (89.65 KiB) Viewed 1327 times




"Kal ila"




"Awle"




"Nu kan kal aw"






"Awle fimkhur ula,chuan rawn haw hmat tum ru aw i ueli a rawn haw dawn kha" a tih chuan kan haw hmak tur thu hrilh in kan chhuak a.




Thlasik lai a ni bawk nen zing a bike a han inphurh chuan a vawt ving tuk mai, bike khalh tu lah hian a khalh chak bawk sia e.





"Bawihi kan thleng tawh nia" a tih chuan ka hawi chhuak a,ka hmai a vawh lutuk a vang khan a hnungah ka hmai ka phum kha nia.





Kan hawi kual vel chu an huan ah chuan kan lo awm der tawh, in te pahnih a awm a pakhat chu an thlen thinna a nia pakhat chu an huan enkawl tute awm na a ni bawk tih Duhan min hrilh a, dil lian pui a awm a a inkar na tur lawng a awm bawk a,sertlum kung in te thlang lamah a awm teuh a in hmalamah thlai a awm teuh bawk a a nuam reuh khawp mai.






In te chhung kan han lut chu ka kâ hau ringawt a te fel thlap mai, sitting room leh choka a hran in a awm a,room pahnih a awm bawk awi sap in ka teh khin ber.





"In va rawn thleng har ve" tih pah chuan Rinrini chu choka tang chuan a rawn chhuak a.





"Eirawng inbawl zo tawh em ka riltam nia"




"Awi Zualhnapi zah loh zia hi"





"Nge Anu leh Lalduha hian min tur hmanhmawh lutuk a tuilum takngial pawh ka in hmanlo"





"Awi Duha i va kawitho mi?" Tih pah chuan a va melh a, Duha pawh nui vur vur in a lu alo bu nghauh a.




"Awi henu hi chu zing thawh hma chanchin ziah tur nise ziah tur a hre ve miah dawn lo anihhi"





"A pa daih zawk"




Chaw chu kan ei sawk sawk a , ei zawh chuan Rinrini nen chuan hmun vel chu kan ti fel mawlh mawlh a Duha leh Hruaisanga chu len an la chhuak ve nulh a an chhuak daih len den an tum ve anih kan ring tawp.




"Bawihi lo kal vat teh" A tih chuan a bulah chuan ka va phei vat a.




"Awi a van lian em em" tih pah chuan len a tang chuan sangha chu ka la chhuak a a la tal vak vak zui a lawmawm reuh tawp.





"Tiang hi eng sangha nge?"





"Japan sangha an ti in ka hria"




"Hruaisanga sawn a deng thiam ve mi?"




"Thiam chu a in tih ve kha" a tih chuan kan pahnih chuan kan nui dun ham ham a.





Sangha pawh rin aiin an man tam phian a then hawn tur in kan ti a,kan hawn loh zawng kan ur hmin bawk a, tui tak a ni a hang bawk si.





Lawng ah chuan kan pahnih chuan kan chuang a Duhan a kar bawk a.




"Duha"




"Umm"




"Ihh moo ni31 hian class chawei khawm an nia, mahse Science stream chauh"




"Chuan?"




"Kal ve ka tum deuh reuh a"




"A tullo" ka ring reng ahh.





"Mawh ka chak ve lawm kha Adika kha i hria tiraw kha pa te in ah khan nia"




"Kan la ngaihtuah dawnnia" tih pah chuan vaukam lamah chuan a inkar phei a, a chang hi chuan a thikthu chhe lutuk hi ka hne thin a tello chuan khawi ah mah kal hi a phallo animai.




"Lo kal rawh serthlum lo ang" tihpah chuan min kaitho a keipawn tumburin ka zui ve mai bawk.




Serthlum kan ei chiah chu e khawnge nichina ka lungawiloh na kha a awm pawh ka hre tawhlo ka khi ver ver reng ringawt a tui em a tinni.






Darthum velah chuan kan haw a, hawlam chu ka khi haw ver ver reng mai,serthlum ka hawn hnem em a tinni khawvel thei zawng zawng ah serthlum ai a tui ka hre miau lo





"Ka lo lut kawi lo mai ang, zanah reilote ka lo leng ang" a tih chuan ka lo bu nghut a.




In chhung kan lut chiah chu "Awi ka naute" tih pah chuan Ueliin min rawn kuah chuk chuk a.




"Awi i rawn thlenna rei tawh em? Enge min rawn hawn?"




"Hmmp min ngai ve miah na nge?"





"Ngai rapthlak ka u hmeltha leh fel leh piannalh enge min lo hawn?" Ka tih chuan room lamah chuan a lut a.





"Kha hawng rawh" tih pah chuan parcel lian ve deuh hi min pe a kan hawng chu ka te vak vak ringawt chocolate leh eitur chi hrang hrang a lo awm hnur mai,a bula mi parcel kan hawng leh chuan ka vans duh deuh hmanni a a bula ka sawi ang kha a lo awm a,awi ka hlim zia hi.





"Khawvel u zawng zawng ah i tha ber" tihpah chuan ka kuah leh chuk chuk a.




"I ha nawt ngun viau ang che" anu chuan a lo ti ve chhen bawk a.





Zan riah kan han ei chu ueli a awm bawk a kan hlim dar dar khawp mai.




Zanriah ei kham hnu deuh ah Duha chu a rawn leng a ueli nen an inkawm char char hi a ni ringawt, an bulah tumburin chocolate ka lo ei char char a min biak pawn ka chhang hmuk hmuk ringawt,a haw dawn chuan gate thleng ka va thlah a.




" I va tum lian ve"





"Awiawmloh"




"Le i lungawihloh na chu sawi tawh rawh le" tih pah chuan min rawn kuah a.





"Ka awm ve tih pawh hrelo ang maiin in in bia anihkha"




"Awiawmloh e ka biak che pawn min chang hmuk hmuk anihkha"




"Kei ai i ngai anihkha" ka tih chuan nuihza inzum hmel tak hian min melh a kei ka thinrim nen ka ngei ania.




"Induh leh in ngaizawng daih ru ninawm" tih leh min kuah na tang a tal chhuah ka tum a,ka theilo nasa mai.




"Aw naute i u te chu hmeichhia a ka kawm nasat ve ber ania, hrim hrim in i u nen in be lo in awm char char ila anuam i ti dawn mi?" A tih chuan ka lu ka lo thing a.




"Anih chuan thik tawh suh aw"





"Ka thik bawk lo keimah ai i ngaihsak anihkha"




"A teuhlo ka naute hi ka duat ber" a tih chuan ka khi leh ver ver tawh.




"I u te chu ka thiannu a nia nangte chu Bawihi ka hmangaih leh ka thinglung neitu i nia chuvang in thik tawhloh tur aw" a tih chuan ka lu ka lo bu nghauh nghauh a khi ver ver in kan in bye bye leh tak kha.





Khum ah chuan ueli nen kan mudun a Duha chanchin school an kal ho lai a mi vel ueliin a sawi a zanrei tawh e tilo chuan kan nui dun vak vak a anu pawn vawihnih lai min rawn hau, dar sawmpahnih dawn ah chuan kan muhil thei ve hram a.







(Ka type sa ka tibo daih a maw Ka duh ang pawn a seilo,ka tah te hi a chhuak zawk)

[Ngaia]

~RÃIN🌧





By Zuãl's Khiangte






"Nangni unau mut han duh zia hi chuh, tho tawh ru! Zan in men rei theih ang hian zing thawh te hi han thei ve ula tha tur nia" ti hlawk hlawk pah chuan kan puansin lai chu a rawn theh hlim a.





"Nu lo mu ve rawh" tih pah chuan a nu chu kan pawt mu a.




"Awi kan mut tlan loh na rei tawh zia hi" uEli chuan a ti a.



"Nangni nufa chuh" rawn titu lam chu kan hawi phei vat a, room kawngkhar bulah chuan a pa chu a lo ding a.



"Pa lo mu ve rawh"



"A va ho mai mai enaw" tih pah chuan kan bulah chuan a rawn mu ve a,ka nu leh pain min la dampui hi ka lawm thin,thenkhat chuan kan nu leh pa ten a min la dawmpui hi a dantur ve reng ah kan ngai a mahse a nilo kan vanneih vang zawk a ni,an bulah chuan kan duh duh kan dil a min tihsak loh in kan titau a a tawp ah chuan nei leh neilo in min tihsak leh nge nge thin,min hauhin kan hua a kan thinrim khum tawn tawn thin tiraw mahse maw han ngaihtuah teh nu leh pa neilo innghahna tur u pawh neilo an awm asin , an ni chuan tihtauh na tur leh an thil awh em em ngenna tur an nei ve lo asin chuvang in i vanneih zia hi hria la i nu leh pa kha i theihtawp in duat ve rawh .



______________________


"I haw dawn ah min lo call la ka lo lamah che" a tih chuan lu ka lo bu nghauh nghauh a, ka dil fe hnu ah class chawei khawmna a ka kal a phal ve hram a,Rinrini rual a ka kal pawh a phallo a man min thlah thlap.




"Ka lut aw" tih pah chuan ka inher a.




"Lawk" tih pah chuan min rawn vuan a.



"Mipa tumah melh lo la an bulah pawh thu suh ang che hria maw?" A tih chuan uar fe in ka lu ka buk khum a.



"Awle lut tawh rawh ka hmangaih che" a tih chuan "keipawn ka hmangaih che" tihpah chuan ka inher a.




Kan class ho kan in pawh bawk a kan ri chel chul mai,Adika nu leh pa an awmlo bawk a kan free bawk nen hla te play in kan lam vak vak a mipa ho chuan zu an in a a thenin beer an in bawk,a tu amah kan inkhap chuanglo rui buai anni lo bawk a.Chaw kan ei kham chuan hmeichhia ho chuan hmunhnawk vel chu kan ti fai a.




Kan tihfai zawh hnu chuan kan la awm khawmuang a meizial an zuk a vang chuan thlanglam batthlar lamah chuan ka phei daih a, Duha chu text in min lo lam turin ka ti a, a la seen lawk lo zui.



"Zuali " awi ka phu nasa lutuk,ka inher chu Hriatpuian minlo nuih vur vur a keipawh ka nui tho ka phu nasa em a tin ni.



"I va phu nasa ve" tihpah chuan ka bulah chuan a rawn ding ve a.



"Nia thil ka lo ngaihtuah nasa lutuk a"



"Zual"kan ngawih vang vang hnu chuan a rawn ti a.



"Umm"



"I laka ka rilru put hmang hi i hrethiam lo nge i hre duhlo" a tih chuan a mah chu ka en vat a, class9 kan kal ho a tang khan min duh tih ka hre tawh mahse thian ang bak a ka en loh a vang in ka en liam tawp zel.




"Enge i sawi awm zia?"




"Ka duh che"




"Ahh a va lawmawm ve" bah deuh nuai chuan ka ti a, chhan dan tur a vang em a tinni.



"Chutiang chauh chu maw?"




"Hriatpui ka tihpalh kei chuan thian ang chauh in ka en che" tih pah chuan ka inher a.



"Ka tihpalh ,ka rilru ka control thei bik lo ani"a tih chuan ka khawngaih leh deuh kei ang mai mai te a duh a,keilah in bialpa ka nei bawk sia midang tha tak a hmuh ka beisei.



"A pawilo lut ang a vawt si" ka tih chuan min zui lut ve mai a.




Sofa ban bulah chuan ka ding a midang ho hi khaw nge an awm hlawm ni,ti a ka hawi kual vel lai chuan Hriatpuia chu a rawn in chhut khut a min rawn bawh ta mai sofa ah chuan min bawhbet a ka hnute a la khawih zui,ka mengphar vak ringawt chetna chang pawh ka hrelo,kawngkhar inkhar thawm ka hriat chuan ka harh chhuak zawkin Hriatpuia chu ka namthla nghal a, Duha a ni ,pawn ah chuan ka tlan chhuak nghal a .




"I ngaidan ang kha anilo" a inkhalh chhuak tur chu a bulah chuan ka va ding a.




"In class chawei khawm na a kal i lo chak em em chhan pawh kha ka hre ta e"




"Anilo a inchhut anihkha"




"Hah Lalfakzual dawt i la sawi thei cheu maw? Mami thusawi ka lo awi duh lo kha ka inchhir khawp mai, thil pakhat ka hrilh ang che hmeichhe thianghlim ber ang khan lem chang tawh suh chuan hlim deuhin min kawp na pa nen khan in awm dawn nia" tih pah chuan a inkhalh chhuak nghal a.




Enge a thilsawi awmzia kha? Ngatinge ka insawi fiah na pawh a ngaihthlak loh? Mami chuan enge a bulah sawi?




"Ka tihpalh lutuk Zuali" inchhung a ka lih chuan Hruaisanga chuan a rawn ti sup a.




"Tihpalh a nihkha" tihpah chuan ka nuih lui a.




"Duha kha a thinrim viau em?"



"Ahh a tha ve leh mai ang"




"Ka zawng nasa lutuk che,inchungah ilo chho ve lo a" tih pah chuan Rinrini chu ka bulah a rawn ding a.



"Zual i tha em?" Ka thiannu min chik em em tu chuan ka hmel a hmuh chuan a rawn ti nghal a, nui lui in ka lo bu nghut a.



"Rin scooty i keng tho tiraw min thlah mai rawh aw"




"Awle haw dawn tawh mai ila" a tih chuan ka lu ka lo bu nghut a.




Haw kawngah chuan nichina thil thleng kha ka hrilh a,Rinrini pawh a bu nghauh nghauh mai engmah phei chu a sawilo.




"Zanin engtinge ni dawn?" Kan inbula a din chuan a ti a.





"Ka hre biklo,min ringlo tu ka be peih biklo"




"Aw a hmuhdan te kha chuan a ang ve em a lawm,zanah a lo hruailoh che chuan Chhana bia la inlam tir mai rawh tlawm zawk a tan te hi a tha nia" a tih chuan ka lo bu nghauh nghauh a ,A thusawi chu Rinrini sawi a mawilo anih haha.





Zanah chuan ka rin ang ngeiin biak pawh min rawn belo a,Chhan chu call in Duha nen kan intih thiamloh thu leh minlo lam tur in ka ti a awle a lo ti ve mai bawk.




Han in hak tight vel ka peih thlawtloh a vangin ka nike suit leithar a dum a sir a var a tial chu ka ha a a, hnuai ah kawr bantluan leh high neck dum ka ha leh tawp bawk ,vans dum chu bun in ka sam ka thlah tawp bawk a ka hmai chu tlem te in ka chei hlei bawk a.



20201214_222258.jpg
20201214_222258.jpg (71.81 KiB) Viewed 1319 times





Chhana lo thlen chuan kan inphur chhuak nghal , Duha nen kan intih thiamloh chhan pawh min zawt miahlo nia mahse ka lawm zawk , mipa tawngtam lutuk lo bula awm hi a nuam ka ti ,hmeichhe tawngthei pawh tih tawh a mipa tawngthei lutuk leh zel hi chu an ngeiawm hi ka ti tlat.





Hruaisanga te in kan thleng chuan Rinrini chuan Duha chu room lam a a awm thu min hrilh a keipawn room lam chu ka pan phei ve nghal a.




"Duha" tihpah chuan room ah chuan ka lut a,room chhunga lo awm te ka hmuh chuan ka bing chuk chuk ringawt,Duha leh Mami an lo in fawp bawrh bawrh nia.




"Ohh ilo kal ve lo?" Tih pah chuan Mami chu a insiam tha sawk sawk a,kawngka bulah ngawi reng in ka ding char char ringawt,Duha ka melh chuan min lo nuih suk a.



"Ihh englo nia ..." ka ti bah nuai a.




"Dik tak a sawi chuan maw sawi ka hreh viau a mahse i rawn hmu vek tawh tho a,Duha nen hian kan inthlah theilo innih lai pawh khan hun kan hmang dun reng thin a , I rilru kan tihnat chuan kan tihpalh lutuk aw nangchu tlantauh nan a hmang vel mai mai che anihkha la na duh suh aw, a ni ai tha i tawng leh mai ang" ka bula rawn ding pah chuan Mami chuan a rawn ti a,ka tap mai dawn in ka hria, engtinge a tih theih?




"Ummlee ka lo va kal hmasa ange" tihpah chuan ka inher a , an hma ah khan mualpho tak a tah ka tum reng reng lo.




Inhnuaiah chuan ka chhuk thla sawk sawk a,Rinrini te bulah chuan ka haw mai tur thu ka hrilh chuan mak an lo ti hlawm fu mahse min dan hma in ka tlan chhuak tawp heta reilote ka awm leh a nih chuan ka puak darh thei mai dawn.




Pawnah chuan ka ding ngawi vang vang ang tunge ka biak ang tih ka hrelo,kha pa kha ka ngaihtuah chhuak zel zui.



"Ka lo thlah dawn che mi?" Titu lam chu ka hawi a,kha mi tenawm bawk kha.




"A ngailo ve"




"Tak tak maw?"




"Aw Hriatpuia ka call dawn chiah a" nui lui sang chuan ka ti a min tih nat ang bawk khan tih nat ve ka duh.




"A that chu " tih pah chuan a kalsawn a,Hriatpuia chu call ta chuan lo chuan ke in kan in lam chu ka pan chhet chhet a,tah ka duh mahse ka theilo , huat ka tum poh leh ka hmangaih zia ka in hrechiang telh telh in ka hria,Duha hlim rawh aw ,min ti na viau mah la keichuan i chhiatna tur ka ngaituah thei chuang lo a sin kei ai a i thlan nen chuan hlim takin awm ula min tihnat ang hian tumah tina ve suh aw.




(Comment leh click kha aw)

[Ngaia]

~RÃIN🌧




By Zuãl's Khiangte







Kumthar tukah inkhawm loh theih siloh chu mit bui luk chuan ka tho a zanlam ka tap zankhua ni bawk nen ka ni huih mai,fatu tur in min ziak se ka la tih ber tum a niang.




"Ber bur che chuan" Ka inti fai zo choka lam a ka phei chuan anu chuan alo ti nghal a.





"Nizan movie ka en laklawh lutuk a,ka mengrei vek alawm"





"Thawh hi in hre mang silo en en su,i u va kaitho rawh" tihpah chuan a thil kan lai chu a chawk sawk sawk a.





"Nu awmpui hi ngatinge lak i duh tlat loh a?"





"Keimah ka la che theilom,hrim hrim in engmah ka ti ve chuanglo a in lo nghah mai mai te chu a ho emai"




"Nu mipa ni lang chuan,sipai i nih ka ring"




"Â â lo khan i u va kaitho rawh" a tih leh chuan UEli room lamah chuan ka kal a.





"Eloi eloi labat tha bat sani, anu in tho tawh rawh a ti" tih pah chuan ka va bawh a ,hetia kauh/koh hi a haw thei ania .






"Kal teh i bengcheng" tihpah chuan a inkhuh tha sauh sauha .





"Enteh kalvari tlang a hliam tuar saw nun tam kan neih na tur in Eloi eloi labat thabat sani" tiin ka zai khum vak vak a ala tho duh chuanglo,awi henu mutduh zia hi chu a lak ah hi chuan nep te ka ni.






"Eloi tho tawh rawh" tih pah chuan a sa huat lai ah chuan ka dek a,a tal nasa mai a thawh hma loh chu ka thlah awmlo e.





"Aw aw aw ka tho ang ,nu Lalfakzuali hi" a tih chuan ka thlah vat a.






"Ninawm ka damlo lawm" tih pah chuan a tho sawk sawk a,zintin hian a damlo anihhi ! A thawh peihloh vang bak va ni suh.





Zing chaw chu Kan ei sawk sawk a,apa in Duata(kan upa ber) alo haw theihloh tur thu a sawi chuan ka lo hnual rawih ringawt ka ngaih ve tawh nen.





Inkhawm tur in kan chhungkua chuan apa car ah chuan kan chuang a,ka chhungkua te bula awm hi a lo nuam ber a nihhi,ka natna pawh theihnghilh thak khawp in ka nui vak vak thei a.





UEli leh kei leh Rinrini chu kan thu ho a ,kan hnungah Mami a la thu zui ka dik thei meuhlo a ni ka mut a chhuak bawk nen hrehhmun tenau hi a ni ringawt.






Inkhawm zawh chuan photo boot kan siam ah chuan thla kan la a,Biakin lam ka hawi chu hlim hmel tak a Mami leh Duha awm dun lai ka va hmu a,kha natna kha a lo chhuak leh ta ka hriatloh laiin ka mittui chu a rawn hnap tiam tiam a,ka en tih hria ni awm tak chuan ka lam chu an rawn hawi a chuveleh ka hawisan hmak,Rinrini chuan zawhna a nei tih hriat tak hian min rawn melh a nui suk pah in "kal ang" tihpah chuan ka pawt a.







UEli chu helama a thiante a hmu a min kalsan leh daih tawh,Rinrini nen chuan an in lamah kan inzui thla hnak hnak a.






"Min hrilh tawh rawh thil thleng a awm tih ka hria a nia,nizan atang i dik tawhlo" a tih chuan nizana thil thleng leh ka thil hmuh zawng zawng chu ka hrilh vek a,a thinrim lutuk Duha va call a tum chuan ka dang vat a,kei ai a rilru a na mah in ka hria.





"Zual ila hmangaih em?" A tih chuan ka lu ka lo buk khum a,hahthlak min tih hmel fe chuan a tho hak a.




"Keipawn min phatsantu hi engtinnge ka la hmangaih theih ka ti ve tho,Rin hetiang thil hi ka chungah a tih duh ka ring biklo a sin" tih pah chuan ka mittui ka hru a.






"Midang kan zawng dawnnia,a ni vang khan tap suh nangmah duh tu an tam alawm i hmangaih leh vat mai ang, ani khan a phu thlawtlo che" tih pah chuan min rawn kuah a.





"Min phatsantu pawh ni mahse ka la hmangaih lawm,midang hmangaih nei reng chung siin engtinge midang ka hmangaih theih ang, min hrilh teh" tih pah chuan ka tap khur hlawk hlawk a,a ni pawn min tahpui tawp mi hnem hi chu kan thiamlo dun ve em ani.






__________________________






School pawh kan lut leh ta uEli pawh Awizawp lamah a kal leh tawh a, Duha leh Mami pawh lungleiah an chhuk leh tawh Mami hian class12 a zawhin designing lamah a kal nghal daih a ,tunah hian zir zo tawh in lungleiah dawr a hawng a Aizawl lamah pawh hawn a tum leh tawh in ka hria amah chhelo bawk fing bawk chutah ramdang a tang a designing zir zo a ni bawk nen an duh hlawm khawp mai.






Exam pawh a hnai tawh kher mai Duha ka ngaihtuah duhloh avang in lehkha ka zir reng ringawt, anu leh apa pawn mak an ti hial.







Ka lehkha zirlai chu ka dah a darzat kan en chu dar11 alo ri leh der tawh,in tih harh nan tiin ka khum bula tukverh ah chuan ka dak a ,arsi a lo phe tuar ringawt , ani bawk kha ka ngaihtuah chhuak leh ta,inkuah rial a arsi kan thlir dun lai te,lungkham nei miahlo a kan nuih dun lai te, zantin zanin chauh ka ngaihtuah tawh ang che ka ti thin mahse zanin chauh chu zantin ani si Ka ngai che Duha.







Ani kha chuan maw min hmangaih tak tak lo chung pawh khan min hmangaih tak tak ang khan a awm thiam a,Ka bula hlim miah lo kha khawvela mi hlim ber ang khan a awm a,Min ngai ang tak khan a awm a mahse midang a lo ngai reng si,Min ning em em chung si khan ning hmel pu miah silo in min thlahlel niawm tak in min bia a,min nihpui reng sin khan midang ta a lo ni a,A lemchanna kha ka tan chuan thutak a ang em a a zun ah ka lo uai hman em a tinni.






I hlim tiraw? I mi nin em em bula awm ai chuan i hmangaih tak tak bula awm chu a nuam zawk ang tiraw? Keichu min ngaihtuah duh suh aw , i hlimna kha ka duh ber i hlim chuan ka hlim mai ang,mahse maw midang vang a i hlim hmel ka hmuh hian maw, ka chhungril a mi hi maw sawi fiah theihloh khawp in a na a sin min dem suh aw ka lo hmangaih hman em che a tinni,hlim na kei chuan ka pe ve thei silo che a i tan a ka tihtheih tawk i tan a tawngtai hi ka lo ti zel mai ang aw.








Mahse maw Duha thil pakhat midang tumah keimah ang hian ti na ve suh aw,tuna ka chunga thil thleng hi ana lutuk a maw midang tawrh ve a tan ka duhlo nangma chunga thleng a tan phei chuan ka duhlo lehzual.







A hma a ka sawi ang khan ka tan chuan ruah ang mai ini hmu thei che mah ila ka ta i ni ve ngai dawn silo ,ruah chu an tlak na tur lei ah an tla ang hian nang chu i hmangaih ta tur chauh i ni,ka haw lo che ania i thil min zirtir a vang hian ka lawm zawk.





Chhuat ah chuan ka thingthi a kut chu suih in ka tawngtai a.




"Lalpa enge sawi tur pawh ka hrelo,enge dil che a dilloh tur che pawh ka hre chuanglo,mahse thil pakhat ngen duh che ka nei ,khawngaihin ka na hi min tihnep sak thei angem? Chu chauh ka ngen ang che aw,mahse chupawh chu min thilhlawhtlin sak theihlo anih chuan khawngaihin ka tawrhthiam theih nan tal min pui teh"




Lalpa. ......





Khawngaih in lo venghim rawh aw ka hmangaih kha,a nat ve phallo la a nat ai chuan keimah min ti na mai rawh aw,a hmangaih nen khan hlim takin awm tir la himna zawng zawng pe rawh aw" ka sawi zawm thei tawhlo,ka na midang keimah nilo nen a hlim tur a ka ngaihtuah hian ka na ,ka mittui dir zung zung chu ka hru a,"damna tha tak pe ang che ,chu chu Isua hmingin ka dil a che amen" tihpah chuan ka meng a,ka thingthit na atang chuan tho in bathroom lamah chuan intifai tur chaun ka phei a.







Zanin zanin chauh tak tak ka ngaihtuah leh ang che aw,naktuk zan a tang chuan ka ngaihtuah na atang pawh hian ka chhuah zalen ve tawh ang che tihpah chuan ka gallery a kan pahnih thlalak te leh whatapp a kan in text na te chu ka en a.






Ka duhthusam ve chu maw a tlinlohna engkim ka hmuhhnu pawh a ka thinglung hneh tlattu bula awm kha ani,tunah chuan pa hnen a kan pahnih tan a ka dil thin lai hrechhuak reng chungin,tunah chuan i tan leh ka tan ka dil a tul tawh zawk si a tiraw?







~~If i could hold you now,
Just for a moment,If i could really make you mine.
Just for a while,turn back the hands of time
If i could only hold you now.



I've been too long in the wind
Too long in the rain
Taking any comfort that i can
Looking back and longing for
The freedom of my chains
And lying in your loving arms again~~






(Tournament ah ka tel a e,ka khuasik bawk nen dahloh ai ka rawn dah anihhi signal lah chu an chhe hrep a ka duh ai ka dah tlai,comment leh click kha aw)

[Ngaia]

~RÃIN🌧




By Zuãl's Khiangte







" Ka sawi reng kha,Hriatpuia hi ka cousin a nia Zuali nen an chanchin min hrilh ziah alawm min ring duhlo anihkha" tihpah chuan ka bulah chuan a rawn thu a kei ka lo ngawi ngal thung,Lalfakzuali chuan lemchan a lo hnehsawh khawp mai.






"Ka la ring chuanglo,zanin ah ka be phawt ang"





"Tlaw viau teh suh,ka thusawi a dik zia i hre ve vek tunah hian dawt chu nise a rawn be daih tawh ang che a rawn la belo che a nilawm ni?" A tih chuan ka lu ka lo bu nghauh a ni e a sawi hi a dik,a hma te kha chuan ho te a ka thinrim pawn min rawn call char char thin kha nia mahse tunah chuan engmah a tilo.







Zanah chuan Hruaisanga ten kumhlui thlahnan ar kang ang u an tih tlat avang chuan an in lamah chuan ka inkhalh phei a,an lo ri luih luih tawh mai,zi huai huai kar a ka awm peihloh a vang chuan Hruaisanga te mikhual room ah chuan zu ka va in a.





"Hetah nimaw i lo awm,ka zawng nasa che lawm" tihpah chuan Mami chuan ka lam a rawn pan a,henu hi chu a nalh mawle kum lamah chuan kei aiin a u deuh mahse it na reng ka nei tawh lo,tukverh atang a pawn lam ka en chu Zuali ,Chhana bike atanga a rawn chhuk hi ka hmu a a thiannu nen inbia in inchung lam chu a rawn hawi a mahse min hmu ang pawn a awm lo,a thiannu chu kalsanin inchhung lam ah chuan a lut a,a lo chho ngei dawn a ka hriat a vangin Mamin chu ka pawt dawrh a ka malchungah a rawn thu thla deuh nalh a ,a kawngah kuah in ka fawp nghal tawn tawna,a ni pawn min chhang let rang khawp mai.





"Duha" tih ri a vang chuan kawngka lam chu kan en vat a,ka ring sual lo e a rawn chho ngei e , a mitmengah chuan natna ka hmu hei ngei hi a nilawm ni ka duh mahse ngatinge ka nat ve tlat.






Mamin a tawng khum lai chuan hnuailam a bih ngar ngar a,tinge a na lai ka hmuh hian ka la nat ve min bum tu nat a vang in ka na ve ang maw? Hahh ka â tawh takzet a nihhi, ka lam a lo hawi chuan ka lo nuih suk a.





"Ka lo va kal hmasa ange" tihpah chuan a tlanchhuak a.





A chhuah vela Mamin min rawn fawh leh a tum chuan ka lo nam dawr a, mak tih hmel zet a min en chu ka lo nuihsuk ringawt,"pawi khawp mai hmeichhia hi ngatan mah ka ti tawh hrihlo tlat" tihpah chuan room chu ka chhuahsan a,pawn ka va chhuah chuan Zuali chu a lo ding ngar ngar a.





Thlah ka tum chuan kha mihring tenawn hming kha min sawi khum leh a nihchu,thlah mawlh teh se tihpah chuan ka bike chu la in ka inkhalh chhuak a,enge khapa khan ka neihloh a neih bik ,ka pek theihloh enge a pek theih bik ,zawhna chi hrang hrang chu ka in zawt vak vak a mahse chhan na a awmlo,ni e ka hmangaih chuan kei ai a ti hlim thei tu a pan tawh chu chu ka pawmthiam angai.





____________________________




Thlathum dawn kan in belo ta min rawn biak a tum ngailo a keipawn biak ka tum biklo a hlim hle a nia nge ,a ni vanga zu nghei kha a ni ka ngaih luat avangin zu ah bawk ka tuan leh a,ka ngai em a tinni mahse a ni chu ka tan a par tur a ruat a ni ve tlat silo .







Vawiinah exam kan zo a ka thawveng huai mai,Lalfakzuali ngaihtuah ka duhloh a vangin lehkha pawh a hma aiin ka zir nasa,zan ka mengrei thin em a vang in ka thu ngal mai,ani pawh kha an exam zawh ve tawh ngei ka ring, ka lu chu ka thing nawk a a ni kha ngaihtuah ka duhlo,exam kan zo tawh bawk a naktukah kan khua a haw nghal ka tum a lunglei ah hi chuan thian ngah mah ila, nuam ti tak in ka awm thei thlawtlo Mami hian mi rawn zar buai chhen hi ka ning chu chu ka haw chak chhan pakhat ania,naktukah ka haw dawn bawk a tiin bazar lamah ka inkhalh chhuak a.








"Nanghi henu hi tunge?" Hriatpuia leh hmeichhia pakhat bazar a in kai rial a ka hmuh chuan ka ti nghal a.






"Ka bialnu Rebecca a nihhi,Duati heihi Duha a nihhi" tihpah chuan miin hmelhriat tir a,ka en ngul ringawt Zuali nen an inthen tawh nge a kawp,a kawp anih vaih chuan ka awm mai mai lo tawp ang.





"I bazar ve mi a?" A bialnu chuan min nuih var var pah chuan a rawn ti a,ka lo bu nghauh ringawt.




"Rebec i thianpa hi a fal in ka be lawk thei angem?"






"Maw...e ihh aw nia sawta thawmhnaw saw ka lo va en chhung ange" tihpah chuan a kalsawn a.




"Sawtah sawn kan in be lawk dawn mi?" Tihpah chuan thingpui dawrah chuan ka phei pui a.





"Enge i sawi duh chu?"




"Zuali nen in inthen tawh mi?" Ka tih chuan mak tih hmel takin min en hau ringawt.





"Haha i hresual anih ka ring inthen tur pawh kan inngaihzawng ngai hleinem" nui pah chuan a rawn ti a.





"Anih enge a awmzia nikum in class chawei khawm a ka thil hmuh kha"






"E kha kha maw ka tlu tur ka va bawh a nihkha in sawi fel tawh emaw ka lo ti ve char char a"




"In inngaihzawng ngai miahlo amaw?"




"Aw ka duh thin tih chu ka phalo mahse Zuali te chuan nanglo duh anei hleinem"





"Anih chuan Mami khan dawt a sawi mai mai ani maw?"





"Umami thusawi chu engmah ka hrelo nangin ka chungchang leh Zuali chungchang anih chuan dawt a nihchu,ka kal phawt ange kannu khan rei min ti lutuk palh ang"tih pah chuan min kalsan a,kei hi engthil nge ka tihtak ka Bawihi na tak in ka siam ni e kei ngei hian a mittui ka ti tla.








_______________________






Ka tawngtai zo mutur a ka intih tuah lai chuan ka phone a rawn ti a,number lawng ringawt a tang in he number hi delete tawh mai ila tunge a nih chu ka hrechiang lutuk tlat amah ani Duha ngei kha,lakloh ka tum zet na chu kan la leh hram a.





"Hello"





"Bawihi" ni e a mah ngei ani,ka mittui chu a rawn hnam leh tiam tiam nghal hetia min kauh/koh loh na chen pawh hi ka hrelo.





"Tunge aw?" Insum tak chung chuan ka ti a.






"Min hria tih ka hria,lo chhuak lawk teh thil sawi fel ang"





"Ai ka duhlo haw rawh"





"Khawngaih in lo chhuak lawk teh a reilo ang"





"Ka chhungte an muvek tawh haw rawh"





"I rawn chhuak dawn nge ka rawn lut dawn?"





"I ngam chuan rawn lut rawh ka be tawhlo kumkhua ang che"





"Awle ka lo lutlo ang mahse ilo chhuah hma chu pawn ah hian ka awm ang"





"Awm rawh bye" tihpah chuan ka dah a min rawn call tirh kha chuan ka nem leh hman viau a mahse a duh duh dan a min tih a tum a vang khan ka thinrim thar leh thut anihkha.





Muhil theilo chuan ka let ka let a a luhlul zia ka hria a haw mai mai dawn lo,ruah lah chu a sur tam tial tial zui.




Hetia ka awmreng chuan ka muhil thei dawn chuanglo tihpah chuan ka tho,ruah a sur ring em a vang chuan thawm dim lutuk pawh a ngailo nihliap chu la in pawnah chuan ka chhuak a,a hma a a bike dah thin na kan garage bul thim lai a ruangam ka hmuh chuan tudang nilo in a mah a ni tih ka hre nghal.



20201204_203641.jpg
20201204_203641.jpg (35.82 KiB) Viewed 1512 times







"Enge i sawi duh chu?"





"Ilo kal ka ring reng a" tihpah chuan min rawn kuah a amah a huh vek tawh nen ka huh ve deuh nghal vek,ka tal nasat pauh leh min kuah nghet ting hi a ni ringawt a tawp ah phei chuan ka tal peih tawhlo law law,rei fe min kuah hnu chuan min thlah a.





"Hei min hmu tawh a haw tawh rawh"





"Bawihi ka tihpalh"





"Ka tihpalh tih ringawt hian engkim a siamtha thei em? Ka mittui nangmah vang a tla te kha a ko kir thei em? Theilo tiraw chuvangin sawi ve tawh suh,engmah a siamthat phahlo"





"Ni e ka hrialawm a siamthat phahlo tih chu ,mahse keipawh bumin ka awm ve tho a lawm" tihpah chuan Mamin a thil hrilh zawng zwwng te leh a thil hmuh te,nimin a Hriatpuia nen a an inhmuh chungchang zawng zawng te chu min hrilh a.





"Ka tihpalh Bawihi"





"Tlem talin min ring le lang chuan tu amah mah hi kan na lo tur" tihpah chuan ka insut zui hlawk hlawk a,ni e kan pahnih hian kan inbum ve ve ,midang ring lutuk lo in kan pahnihin lo in ring zawk ilang chuan tumah kan na lo tur.






"Duha tunah chuan engtia awm tur nge ka hrelo diktak a sawi chuan ka hlau thawng in rin na kan neilo a,lo inngaihzawng leh ta ila nangin min runluih nan hmeichhe dang i kawp leh mai angem? Tih te thlengin ka ngaihtuah tawh tunah rih chuan hun min pe rawh" ka tih chuan hrehawn tih hmel tak in a thaw hrawk a,keipawh hrehawm ka ti mahse tunah mai hi chuan rin harsa ka ti ve em ani.





"Awle ka tihsual a ni a,i in peih hma chu ka nghak ang che,lut tawh rawh" a tih chuan muttui tiin kan inlam chu ka pan a.




Ka thawmhnaw a hnawm deuh chap a vang chuan ka inthlak leh te te a,pathian hnenah chuan tawngtai in duhthlanna diktak ka siamtheih nan ka dil a,engthil dang mah ngaihtuah duh tawh lo chuan ka mu nghal a reilote ah ka muhil nghal ve mai a.








(Awi a thuizia hi,Duha chu meidil fan tir hrihlo mai ang aw,Mami chu nakinah Corona chu kan kai tir dawnnia click leh comment kha pe tha ve ula aw)

[Ngaia]

~RÃIN🌧






By Zuãl's Khiangte







School pawh kan tan leh tawh,kan school hi high school atanga higher thleng a ni a,mahse building hran kan luah thung,kan building chung zawk ah hian Science stream class 11 atanga 12 kan awm a,hnuailam ah art stream an awm thung ,kan building bulah teacher te office a awm a,office hnuaiah assembly hall a awm bawk chuan kan building hma lam ah high school ho building a awm a , high school building leh kan building inkar ah hian hmalam hawi zawngin canteen a awm bawk a,U shape in kan school chu a awm anihchu,kawt lai ah basketball court a awm a,thlang lamah field football leh volleyball khelna tur a awm bawk,kan school ah hi chuan infiamna a atam ang bawkin infiammi pawh an tam .








"Zual hall ah kal tur ,House kan in siam rem dawn an ti" Ka bula rawn thu pah chuan a rawn ti nghal bawrh bawrh a,engmah pawh sawi lemlo chuan ka zui chhuk ve nghal tawp.







Red house,blue house,green house,white house ah kan inthen a,Rinrini nen house khata kan awm chu kan han lawm em em khawp a,Blue house leader atan hmeichhia ah kei min thlang a mipa ah Art lam a mi infiam thei deuh mai Isaka an thlang bawk.







"Nge i tum bur a?"






"Leader ah min thlang kher a,ka duhlo lawm hei thiltih enge maw awm dawn ah ka kal ve reng a ngai dawn a"







"Aw i kal ve zat zat nga nimai lawm,hrim hrim in i leader sia volleyball ah captain i nia nga awi Chhawhchhi-i te kan hau hrep thei dawn lawm" a tih chuan ka nui ringawt Chhawhchhi-i a tih chu Hruaisanga ex Chhani ania,an han in millo em em khawp ah class khat ah kan awm ho bawk nen an hahthlak thei lutuk ,thiante phatsan ka duh bik silo a buai na tawh ah ka tel ve ziah zui .






"Enge I Duha nen in chanchin?"





"Engmah"




"Ngaidam tawh mai mai teh,ka khawngaih nia"





"I duh leh nihpui la tih nia"





"Hmmp ka duh teuhlo,a thianpa hian ka lung a dum fe, Duha hian hmeichhe dang hnaih se i thik leh tho awm sia,chuvangin renew pui vat rawh"






"Ka hre ve reng,hun min pe turin ka tia mahse min rawn be ngai silo a ka be hmasa duhlo lawm ka ngaihzia i hrelo anihkha"





"Ka lo biaksak dawn che mi?"






"Ngailo a duh hunah minlo be mai ang"




Chemistry teacher a rawn luh chuan kan ngawi nghal hmak,he subject la tu hi chu han mengrum lo deuh selang chuan a nuam leh zual tur a mitmeng hi a na lutuk a ka thiamloh pawh ka zawh hreh phah thin,a thusawi chu mutchhuak lutuk tak mai chuan kan ngaithla a huizz bell hi avahan ri har tak,ka sawi zawh rual in a rawn ri nghal awi pathian malsawmna.








School ban hnuah chuan Rinkeli nen chuan bazar bula thingpui dawr ah chuan kan chawl a,dawr changkang tak tak aiin he lai hmun hi a nuam kan ti zawk a chhan pawh an sachek a tui thei em a tinni,kan chawl ngun bawk a aneitunu uMarini pawn sachek a mi in duh a rawn nghal a,aw kan lo ti nghal vat .







"Saw saw i Duha" Rinrini kawhna lam chu ka en vat a, bike a a chuang tur lai mek hi a lo nia ka en lai reng chuan ,a hnungah hmeichhia a rawn thu ve a ka tum nghal hmuk ringawt .




"Tunge a phurh kha?"





"Ka hrelo Duhlera anihkha"




"Va be mai rawh,kha i thik zia kha"





"Ninawm sawi tawh suh i ei zawh chuan haw ang" tih leh thawh ka rual a,counter ah chuan kan thil ei na man chu pe in ka kalsan daih,thik tawh sa nak lai a,in ka thleng chuan anu chiah a lo awm a,apa ala haw velo anih ka ring.






"Apa a lo la hawlo mi?"





"Chawhnu khan i pa Sangtea nen Aizawlah an kal anihkha,tunlai chu an hna ah an buai khawp a inah pawh a awm tam hmanlo an zin reng ringawt" a nu chuan a ti hlawih hlawih a,thil ka zawh hi chuan a chhan na hi min pe ve nghal mai se a chhan na min pe mai lo hian a sawizawm vak kher zel ,mahse mi erawh a rel ngailo ti ila ka sawi suallo ang,kan veng a mi pangai phazan lo ho phei hi chuan an ngaina lutuk anu lah in a duat sia "ka u sahdah leina minlo pe" an tih chuan a pe ziah zel,a chang in chawei ah te a sawm a hetiang lamah hi chuan anu hi ka fak ve thlawt.







Chawei khamah chuan anu nen tv kan en dun a,apa awm bawk silo nen a reh ruih ruih khawp mai kan thenawm a kan naute lak thin te chhungkua lah an zin daih sia.





"Nu ka kawng dinglam hnunglam deuh hi nichin atang khan a kalh ka awm a ti nuam theilo ana reuh lutuk" tihpah chuan anu malchhungah chuan ka mu a.








"Aw enge i sawi vatloh ,tianglai hi mi "tih pah chuan a rawn hmet a,unau zing a a pang ber ka nih a vang leh ka hrisel vakloh a vang hian na ka neih hlek chuan min ngaihtuah nghal chuk chuk zel, hmeh chuan a na lai a thleng pha chuanglo mahse a na telh telh mai.





"Nu ana lutuk"





"Awi a va buaithlak e aw ipa lah a awm silo,Muana kan phone a nge" tihpah chuan a phone chu a ban a,pa Muana chu kan taxi hman than a nia,ana lutuk chu ka thaw tha theilo ana vawng vawng a kalh ti tih bawk nen.






"Phone a la theilo engtinge kan tih ang aw?"






"Duha phone mai rawh"





"Bike ah te chuan engtin nge kan inphurh chuang anga?"





"Car lo keng turin hrilh rawh,nu phone vat rawh" ana lutuk chu ka mittui a parawl kuau tawh.





"Aw Duha keimah i hman em? Hei No-i hian a kawng hnunglam hi a kalh a tia engtia tihchi nge mawni a na ti a tap pur tawh bawk nen damdawiinah minlo hruai pui lawk mai ta che"






"Tuar hram hram rawh a rawn thleng tep ang" a nu chuan a rawn ti a, chet pawh ka che ngam tawh lo ana lutuk.





Reilote ah Duha pawh chu a rawn thleng a,dimte hian min rawn pawm nawlh a car hnungah chuan min mut ah a nu ka bulah a rawn thu ve nghal a,kan tlan chhuak nghal.







Damdawiin kan thlen chuan min pawm chhuak leh nawlh a,a na lutuk chu mittui kar atang ka hmu phe ruai tawh, anu chu uRuata bulah a va phei nghal a, Uruata hi UDuata(kan upa ber) nen best friend anni a kan khaw damdawiin a thawk hi kan chhungkua hian kan hlawk pui viau mai.






"Ka jection che nga i zia mai ang" tih pah chuan min jection na tur chu a siam nghal mawlh mawlh a.





"I bawkkhup thei angem?"






"Khawiah nge i jection dawn?" Ka chhang hma chuan Duha chuan a rawn ti vat a.





"A khel ah hian"





"A dang ah a theih loh mi?"




"Aw ngatinge?"





"Nih maimichhing chungin jection mai rawh"a tih chuan uRuata chu a nui hawk a keipawh na ti chung chuan ka lo then ve sak ringawt,ka mawng a hmuh a hlau anih ka ring.





" ka jection sual anga sin,hei na a ti tawh ropui si"





"Nih jection vat rawh " tih pah chuan ka kut a rawn vuan a,ka khel chu a rawn thip zawk a Duha kut ka hmer vat ringawt na neilo ilang chuan ka tap hrim hrim ang mahse a na em a ,ka na lakah kha chuan injection chu nep te ani,khawvelah hriau leh vangvat hi ka hlau ber ka ti thin mahse na neih tak tak chuan injection ka thlahlel ngawih ngawih zawk.






Reilote ah chuan a na chu a rawn zia a ka let ka let ve thei tawh,ka zia deuh hnu chuan Uruata chuan ka nat dan vel min zawt pah chuan drip min khai sak a,i kâl(kidney) anih dawn chu tih pah chuan damdawi chu min chawh nghal mawlh mawlh a,riah kher ngai ka tih loh avang chuan damdawiin bula damdawi dawrah damdawi te kan lei zawh hnu ah inlam ah chuan kan haw a.






"Ka lo riak ve mai ang,zanah a na lo chhuak leh ta se Pa Mahruaia a awm bawk silo" a tih chuan anu pawn a rem ti ve mai a.





Ka khum bul chhuatah chuan a mutna tur anu in a phah sak a heipawh anu angen ngawr ngawr vang in ka room a riah phalsak ani a tlawn thiam sia e,drip ka khai bawk nen kan meng dun kar mai,sawi tur lah chu a la vang em em zui.




"Ala na em?"





"Aii na tawhlo e"





"Thutlukna i siam tawh em?"





"Engah chuan?"





"Kan chungchangah ,thlakhat dawn lai ka nghak tawh che i thutlukna chu min hrilh tawh la"






"Chance ka pe ang che keipawh hi I tello chuan ka kim tawhlo" ka tih chuan a mutna tang chuan a rawn thu chhuak a ka hmai bul chet ah chuan min rawn en a.






"Mahse thil pakhat inrintawn na kan mamawh" ka tih chuan inla fel fe in lu a lo bu nghaih nghauh a,ka bulah a rawn in thawlh ve nghal.






"Ka ngai lutuk che" tihpah chuan a awmah chuan min pawm bet a.




"Keipawn"





"Vawiinah hmeichhia nen in inphur lai ka hmu che u a"




"Tunge niang aw?? E uMpi kha niang"




"Tunge chu chu?"





"Anu te lama ka cousin nia naktukah Aizawlah a phei leh nghal dawn,vawiinah khan a chuanna tur vel ka va tihfel pui a nihkha"





Rei fe kan ti ti dun a ,ka drip khai lai a zawh hnu chuan a man min phawi sak a,a thil tih lai chu ka lo en kur ringawt hepa hi chu a fuh vel vek in ka hria.






20201218_201014.jpg
20201218_201014.jpg (76.39 KiB) Viewed 1556 times




"Muhil tawh rawh,i chau lutuk ang"





"Hetah mut ve i tum ringawt mi? chhuk rawh"




"Ka duhlo"




"Anu in zingah min hmu nge?"




"Zingah i nu thawh hma in ka in sawn thla leh mai ang" a tih chuan ngaihngam zanlo chuan ka mu a,min kuah bet tlat bawk nen ka him hliah hliah hian ka hria,reiloteah kei pawh chu ka muhil a.










(Tunlai ka dam samlo lutuk a min hrethiam hram hram ula aw ,click leh comment kha uar nasa ula)

[Ngaia]

RÃIN🌧





By Zuãl's Khiangte






First term exam kan zawh chuan Aizawlah in entir tur in anu nen chuan kal kan tum a ,a pa chu Serchhip lamah an hna a vangin thlakhat vel a awm a ngai a min hruai turin kan nawrlui lo tawp ,Lalduha pawn lo kal a tumruh ve hle lo kal ve angai lo tiin a nu nen kan hnial tang tang a mahse kan hnial hneh ngang loh a vang chuan an car chuan Aizawl lam chu kan pan a.






Chawhnu dar khat velah Aizawl chu kan lut a,apa hi Aizawl khaw chhuak a ni a unau pa5 niin a naupang ber dawttu a ni a mipa pahnih leh hmeichhia pathum anni, apa lam a ka pi leh pu te chu kum2 ka nih in a kumzawn deuh thaw in an thi tawh a ka hrechiang lutuk hmanlo ,tunah an in pui hi apa te unau zinga an upa ber pa Mama te chhungkua in an luah mek Usangsangi chiah fa an neih a vang in an bula awm turin min sawm reng bawk,mahse anu leh apa te hian an rem tilo an naute kha ka ni tlat a .






Pa Mama te in a min dah hnu chuan Duha chu a thianten an rawn call chhen a vang in anutei te in lamah chuan a phei ve nghal a,he pa hi chu all round-a ka ti mai khawi hmunah pawh hian thian a nei.






Kan intih fai zung zung a anu chuan,âni a lo be nghal mawlh mawlh a, âni hi nurse senior sister lai ni phak a ni tawh a,doctor junior ai chuan a thu daih zawk hehe.





Chaw te kan ei zawh hnu chuan Usangsangi nen chuan a room lamah kan inzui chho a,apa te lama ka cousin ah chuan ka ngaina ber ang , a khum a mu in Duha nen chuan kan intext a.








"Enge min rawn biak miahlo a?" Room a rawn lut pah a uEliin a tih chuan ka lo nuih tlawn ver ver mai,ka theihnghilh chiang ve em ani.





"Awi ka ngai lutuk che" tihpah chuan ka va kuah a ,a la tumbu tho.





"Zanin i lo riak dawn em?"




"Riak dawn riak dawn"





"Anih chuan spicy chhum ang u" Usangsangin a tih chuan kan lo pawmpui hle.





Spicy chu thlan tla hluam leh mittui tling puau chuan ka ei a,ka bul a ei te hian thak an ti velo a mawni,tam pawh keichuan ka eilo bawnghnute ka in char char ringawt ka alh dawnin ka hria.







Usangsangi khumah kan pathum chuan kan mu a ,a lai ah min la muttir zui an mang a chhe dun ropui si.




________________





Damdawiin kan thlen chuan âni kan bulah a rawn phei nghal vat a,kan doctor pan tur bulah chuan min hruai nghal a,âni awm hlauh hi chu kan vanneih pui thin mi in entir tur te chu karthum hnuah te doctor an hmu thei tawk a keini chu kan duh ni ah âni vang hian kan hmu thei thin .






CT scan te tiin min en fiah a,ka kâl(kidney) ah chuan lungte chu an hmulo a mahse a lo vung chu niin,doctor chuan damdawi min chawh mawlh mawlh a, tui in tam tur in âni chuan minlo ti ve chhen bawk a.





Damdawi leina ah chuan âni nen chuan kan in tlar ve a,anu chu min hawsan mai tura ka tih avangin a haw ve mai bawk a bazar ka duh a ring ve niang, kan hun a lo thlen chuan doctor in damdawi min chawhna lehkha chu ka pe a.




"Zual" ka hming ngei a min ko tu an awm a vang chuan ka hawilet zawk a,Mami maw enge hetah atih ve le?





Damdawi kan lei zawh chuan âni chuan a duty na lamah min kalsan a,keipawh chu Mami awmna lamah chuan ka phei a.





"Engtikah nge helamah i phei a?" A bula va thu pah chuan ka ti a.






"Ala reilo,dawr thar a hawn theih tawh vang leh in entir ka ngaih a vang a phei ka ni deuh ber"




"I enge na a?"




"Na pawh anilo,ka rai a"




"Maw? A va lawmawm ve"




"Nia ka hre hmasa ber dawttu nia aw,e chuan a hma vang khan ngaihdam ka la dil miahlo che"





"Ahh ngaihdam dilna tur pawh a awmloh kha"




"Naute pa i hre chak em?" A tih chuan ka lu ka lo bu nghauh a.





"Duha i zawt dawnnia"




"Tinge?"




"Ani khan kei aiin a hrechiang zawk,ka kalsan phawt ang che a nih phawt aw" tihpah chuan min kalsan a.





Keipawh chuan Duha ka call nghal a,kan in entir zawh tawh thu leh Mc a ka lo nghah tur thu chu hrilh in call chu ka ti tawp a.




"I va rei ve" a lo thlen rual chuan ka lo ti nghal a.





"Ka thiante mawle min ngai ve bawk sia an lo leng reng a"




"Ka riltam nia"




"Ka thianpa Hmangaiha ten restaurant thar an hawng a tah chuan ei ang hmiang"




"Umm chutiang i sawi hun chu alawm ka nghah" tih pah chuan ka tho chhuak nalh a.





A thianpa te dawr chu a nuam reuh khawp mai,a changkangin a hnum hlarh a,an hawnna a la reilo ti mahse customer an ngah phian .




Thlanglam khawthlir rem deuhna ah chuan kan thu a,a thianpa Hmangaiha a tih pawh kha kan bulah a rawn phei nghal a.




"Hei hi maw i Zuali chu?" Tihpah chuan min rawn chibai a.




"Hmangaiha ka nia hei Lalduhzuala boss hi" tihpah chuan a nui huah huah a,ka ngaina nghal ve tawp.




Kan bulah chuan rawn thu in an school kal lai vel chanchin te chu a sawi a,kan nuih ve hlau ni awm tak hian a thusawi chu a man a nuih zo vek ringawt.





"Eitur min pe dawn nge kan kal dawn?"





"E awi ka lo theihnghilh enge in ei duh?" Tih pah chuan ala nui tho,kan ei duh kan sawi hnu chuan a kal zui ve mai bawk a.





"A ngainat awm khawp mai"



"Nia"



"Vawiinah Mami nen kan inhmu a"



"Khawiah maw?"



"Damdawiinah ,a lo in entir ve a"



"Umm nihchu"



"E ihh mo a rai a a fa paina chu i hriat thu a sawi a sin" ka tih chuan thinrim hmel tak hian a awm a,a enge maw ka sawi sual ni.




"Chutiang ka hrelo"




Kan eitur a rawn thlen chuan ngawi reng in kan ei dun a,nichin khan enge ka sawi sual le?biak pawh a huphurh awm,kan ei zawh chuan counter ah chuan kan ei man chu a pe a.





Haw kawngah chuan in be miah lo chuan kan thu dun a a mah chu ka melh ka melh ringawt,ka insum thei tawh lo chuan"i thinrim mi?" Kan ti thlawr a.




"Rimlo e"



"Nichin a tang khan i awmdan a dik tawhlo,Mami rai chu i la na viau a mi?" Ka tih chuan motor chu a ti ding thut a ka lo inring silo nen hmalamah ka intauh chawrh a.




"A na em?" Tihpah chuan ka chal chu a rawn tuai a.



"Ka zawhna chu min chang rawh"



"Chutiang engmah a awmlo"



"A awm chu anihkha"ka tih chuan min rawn fawp thut a.



"Engpawh thleng se ka hmangaih che tih hi hrereng rawh aw"



"Enge maw i hriat le?"



"Ka damchhunga ka thiltih that ber chu nang ka tawng che hi a ni tih hre reng rawh aw,ka hmangaih che" tihpah chuan min rawn kuah a ,hepa hi enge maw a hriat ni?



"Ka ngaih i ti thalo nia"



"Ngaih tih thatloh na tur a awmlo" tihpah chuan min kuah leh vang vang a.






(A tawp tep aw Chapter2 emaw 3 vel ka dah leh a nga a tawp tawh ka ring Click leh comment kha aw🥳)