Layla Hmeltha lenglawti BY Margaret lalremruati (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Layla Hmeltha lenglawti BY Margaret lalremruati (Completed)

Unread post by Ngaia » January 10th, 2021, 11:49 am

Laylai leh Tluanga te chu in la in zui ve reng a mahse hmin zan lova in hriatna hi Layla chuan anei thut thin a amah pawh ain hrethiam lo thin, thu enge maw a ngaihdan in ang lo leh inmil loh chang an nei ta zeuh zeuh a a tawp ah phei chuan Layla chu puakkehin inthen a rawt ta tawp a mahse na a ti ve hle thova an inmil thei ngang bawk silo chu tihtheih dang aneiin ain hre lova, khua arei chuan in then harsa an ti telh telh anga ala na tulh tulh bawk ang tih ahlau zawk a chuvang chuan, tunah khua ala tlai hma ngei hian inthen chu atha berin ahre ta a.
Athiante ho chuan an khawngaih hle a hmeichhe hmeltha leh lerh lo tak mipa tamtakin an hel rawn pawn mipa tha tak alo tawng bik lo tih an hriat avang chuan an tawrh pui hle a. Thlakhat alo liama Layla chuan ngai a awh leh tawh a, zanah chuan thla a eng hle a pawnlam ah chuan tukverh hawngin thla eng lam hawi chho chuan a earphone chu vuah pahin a phone a hla awmte chu lungleng em em chuan angaithla a, tumah lah chu ngaih aneih pawh a in hre si lo Joseph Zaihmingthanga hla pakhat ngaithlain

🎶 Tlai nitinin ka zawng thin che a
tawnni reng i awm si lo
aw khawnge maw i awm le🎶

tih angaithlak lai tak chuan arilru ah Jordana arawn lang zawk Jordan khawnge i awm daih a tiin a amittui chu an tla leh a ka thinlunga atanga ka theihnghil tawh emaw ka tih ka kha ka theihnghilh ani lo, amah ka zawnna leh hun leh ni ten chu thinlung chu an lo hliah khuh mai mai a ahmangaihna dawng leh tur a ka beihna lam ah ka nun khawhar chuan midang ka ta ni lo tur hmangaihna dawn tumin ka lo kal peng zawk alo ni, Ka hre ta e Tluanga kha ka lo hmangaih tak tak lo tih hi. Ka Jordana kha chuan ka rilru nat ahlau a tawngkam na min hman khum ngai lova ka zai ngai takin min bia a, min ngaithla a, ka nun hniam tak pawh hrelo ang maiin min pawm thlapa.. aw Jordan engchen nge heti hian nun khawhar a min dah i tum ka ngai che asin tiin a mittui chu Thla eng no tak hnuaiah chuan a tla zawih zawih a.
Cintai chu phone a be tawpin alunglen thu te ava hrilh a Tluanga kha alo hmangaih loh zia a in hriat chhuah thu te leh ani aia a hmangaih zawk a ngaihzawng hmasa ber khan a thinlung aluah leh thu te ani chu ahmuh hma loh chu ngaihzawng emaw pasal pawh neih atum loh thu te a hrilh a Cintai chuan uluk taka a ngai thlain a thuthlukna chu tha a tih pui thu leh chu tlangval ahmangaih chu zawnpui dan te angaihtuah pui tur thu alo hrilh ve bawk.

Sumdawnna buaipui pah chuan Lunglei lamah Jordana chu azin angai a zan ah zankhua a tlanin atuk ah chuan Lunglei a an in leithar chu athleng ta a zankhua a motor akhalh avangin achau hle a,hahdam a duh avangin roomah chuan mu turin a khum lam apan phei ta a. Tlailamah chuan a kawngkapui chu rawn kik ri dawt dawt a hria a peihlo tak a amutna khum a tanga thochhuak in kawngkhar a han hawn chuan "Surprise... min hmu chu i lawm em? ka rawn zui che anih hi" tih pah chuan Christy chuan an kuah a Jordana chuan aning rilru hle hmeichhia mipa bawh huam huam pan sek a mipa chet hun nghak thei lo lutuk hi a duh vak lo mahse ati lang chuang lem chuang lo. Tlai rawngbawl tur te chu Christyi chuan an bawl sawk sawk a zan ah chuan Jordana bulah chuan amu bawk a.

Layla te thian ho chu B.A graduate in an result
pawh atha hlawm hle a Nespuii chuan khawiah emaw kan thian ho bik hian ka pass hi lawm ila ahan ti a, Nunpuii chuan nia.. khawi ah nge kan kal ang tiin an han in rawm khawm a, Cintai chuan kan in pawh arem ania aw thian te u ka u azin a ka nu leh pa te chu chhunlamah an awm vak lova tunlai chu tumah zah vak tur an awm lo an ti a . Cintai te in a kal chu an rel thlu ta a, atuk alo ni a Cintai te in an thleng a chuan nuam an ti em em alian hle a bang vel ah chuan chhungkaw thlalak hrang hrang an lo tar thliah thliah an han enkual vel dun dun a Ruatruati chuan Cinta khi khi mi i u chu avan hmeltha an ti a Layla chuan enchho vat in a thin aphu zawk a .. arilru a Jordan tih pah chuan athin aphu zawih zawih mahse a awmdan chu midangin an hriat a duhloh vangin kut silfai tur chuan Washroom lam apan vat a, a chhungah chuan a kut alung zawn dawm pah chuan awi engthil nge thleng ta hi Cintai hi Jordana nau maw lo ni engtin nge ka sawi fiah tak ang tiin a in ngaihtuah buai hle a engmah sawi rihloh atha zawkin ahria a washroom atang chuan a chhuak chu
Choka lam ah chuan eitur siamin an lo ri nak nak a, Cintai erawh chuan phone ah mi biak nei mekin..

📞 tunge i bulah awm an awm em ni a tunge hmeichhia lo tawng chu.... e awle bye ka dah ania... ahan ti a Laylai chuan a u abia anih a ring deuh a mahse zawh a hreh si vanneih thlak takin nunpuii chuan i u chu engtik nge azin alo haw dawn a tih a zawt a Cintai chuan kar leh ah daih Christy Zawng'in zui leh tawh a a tih rual chuan Layla chu athu hnawk a. an han buaipui nghala mu hahdam tur ten an han ti hlawm a living room ah chuan kuah pheiin an han mut tir a. Puipuii chuan Layla tikhan lo hahdam tawp rawh rawngbawl leh thildang chu kan lo ti vek ang aw an ti a. Layla pawh chuan awle tih chauh a chhangin aban chuan ahmai chu an hliah a.

Layla chuan arilru in Christy kha a u nen an in ngaizawng tih Cintain a sawi tak a sin chu pawh ka Jordana lehnghal 😪 engtin nge anih theih zawk ka zawng hmu ve chuahva Lalpa engtin nge anih theih zawk tiin tap ring ngam si lo hian an in hrut suih suih a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:49 am

Jordana chu Aizawlah let leh tawhin tuntum a zin haw chu nidanga a zin aiin a hah deuh vangin ni thum vel lai chu inlamah a chawl hahdama. Khum a mut pah chuan Whatsapp te chu an en kual vel a athiante lehchhungte status te chu thlirin ahmet kual ahmet kual a. Chutia a status en zingah chuan video pakhat lar mek ni ngei tur ani a phone contact list tlemte te pawn an status ah chuan chu video chu an hmang rual thup hlawm a, atirah chuan engah vak angai l lova a video in load zawh hma ain a dang a click leh zat zel a mahse tihtur dang vak aneih loh vang chuan midang zelin an status sup sup avang chuan an en ve ta a, Video ah chuan Aizawl treasury phei a traffic tawt tak chu langin Two wheeler leh Four wheeler khalh leh a chuang zawng zawng te chuan nula kawngsir footpath a kal mek chu an en thup a, chutia en thup lai chuan ahnunglam a lo tlan ve two wheeler pathum ngawt chuan chu nula an en nasat luatah an hma motor ho chu an su ri ta chawrh a, an mi sut te lah chu an thinrim hle a, tlan zawm zel ta lo chuan buaina a chhuak ta luai luai mai hi ani a, chutah video lo record tupa chuan kalhnaih in heng buaina thlen chhan ber hi Nula hmeltha chungchuang lutuk kawngsir a kal phei chu mizawng zawngin an en vang ani a tih leh hman hmawh tak a acamera keng sawt lawp lawp chung chuan nula chu a um phei a mi tamtak karah nula chu ka kal hnaihin a kal laklawk lai chu Vanapa hall thlen hma deuh ah chuan abanah a man chat a nula chu rawn hawilet vatin enge ni ta an rawn ti a, Video record tu chuan khawngaihin i hming min hrilh thei em? hei i kawng kallai an en nasat luat ah che Aizawl traffic a jam phah der ania an han ti a, hmeichhia chuan Layla tih chauhin achhanga an veng awmna te an zawt zel bawk a. Jordana chu akhum chungah chuan aphone kengchungin a ding luau tawh hmeichhe hmel a hmuh rual chuan Layla ka Layla ..an ti a video chu en zel in an veng hming azawhte chu chhinchhiah in rangtak chuan mualpui lam pan tur chuan an in khalh chhuak sawk sawk a Mualpui an thlen chuan zawh tur ber ahrelo a bulhnai a mi ahmuh apiang chu an zawt kual deuh tawp a vengkhat nula hmeltha anih avang chuan an lo hre viau hlawma an in awmna ni a an sawi lam chu panin hmanhmawh em em hian a tlan leh a kawngkhar chu alo in kalh bur a alo la haw lo anih a ringa " tuntum chu Layla engmahin min dal thei tawhlo khawiahmah ka kal sawn dawnlo i hmel ka hmuh hma lo chu" tiin rilru chuan anin be mawlh mawlh a an kawngkhar bulah chuan thuin rei fe hnu khawthim dawn ah chuan Pi mawitei chuan Ehe.. Jordan an rawn ti a.. Jordana chu ding nghalin Pi mawite tih leh a thil khai bawr tak te chu an lak thlak sak nghal sawk sawk a. Inchhungah in zui lut dunin thil tamtak sawiin an titi dun mahse Layla chu zan dar 8 ah pawh alo la haw mai lo pi Mawitei lah chu atiti tui em em a Jordana chu chaw te eitir ve nghalin afanu lam chu engmah a sawi miah lo chu chu Jordana chuan mak ati rilru hle a, ahma kha chuan a ngaituah thin hle sia chu chen chen khawiah nge hmeichhia a kal ang vawiin khan Video kha alar si a, ahmel atha kher nen miten an lo kidnap duh mai ang tih te a ngaihtuah a, pi Mawitei han zawh chawt chu nuamlo ati deuh bawk si reilo te hnu ah chuan sana an en leh a dar 9 ari tak ngial dawn tiin pi Mawite tinge Laylai alo la haw loh an tih tawp a e... taka ka hrilh theihnghilh che athiannu te in ah Chaw a ei a a thianu in a u rawn thlah tir a tum a mahse a u chu alo leng bo daih a an nghak mek a haw hunah alo thlah ang an ni chu an fela an bulah chuan angaihtuah awm loh tih pahin Layla chu aphone chuan an be nghal a Layla chuan athianu u chu a la nghah thu leh alo la haw loh thu te an sawi a phone chu dahin pi Mawitei chuan tui em em in Jordana chu a titi pui leh nghal a, Jordana chuan a rilru ape thei tawhlo Layla chiah angaihtuah tunge athianu u chu mipa anihchuan Layla chu engtin emaw lo ti ta se tih te angaihtuah a a awm hle hle thei lo dar 11 rik chuan pi Mawitei pawh azahawm tawh si a hreh tak leh ngaihtuah tak chung chuan haw a tum ta a kawngkhar an chhuak chu motor hian a mit hi arawn chhun sut mai a, Layla ani tawh angem tiin an nghak deuh rih a hla deuh atang chuan hlirin motor atang chuan hmeichhia kawrfual ha shawl bat hi achhuk a Layla ... an ti a Layla te in bul step bulah chuan la ding rengin Laylai chu muangchang arawn kal phei hnek hnek in Jordana chuan Layla an ti chu phu zawk hian awi... Jordan..
tih leh Jordana hmel chu en chhovin amittui an tling nghal a engdang mah an sawi angai lo amittui tling khan a rilru leh ngaihtuahna Jordana alo ngaihzia leh athlakhleh zia a sawi fiah vek ani. Jordana chuan nghet em em in an kuah vawng vawnga rei fe chu ngawi reng hian pawnah chuan awm dunin hun reitak in thlahlel ngawih ngawih in hmuh pawh beisei ngam tawhlo an in hmu ta thut chu sawitur chu an ngah mahse bul tanna tur ber an hriat lovangin an ngawi tawp mai ani.

Chuta chinah chuan Jordana chu Layla ringawt a buaipui ta em em a nitin an mahni in lamaiin Layla te in lam Mualpuiah chuan akal ta tluk tluk a an duh tawn tih takah an in ngai em em a.. Layla chu ahmelah pawh nasa takin ahlim tih ahriat theih a nidang zawng aiin ahmel chu a tha zual tulh tulh a, Jordana leh anu chu khawvelah hian a ro neih chhun te an ni. An pahnih chuan phone hian an in be reng bawk a an in hne ngai lo mai ni lo kum sang tam tak awm dun theih nise an duh hial a. Cintai pawh chuan Laylai mi zawn chu a u alo ni reng tih leh a u nen a an in tawng leh chu alawmpui hle a.

Mite chuan Layla leh Jordan chu an hre lar hle a Aizawl khawpui tleirawl nula leh tlangvalte titi tui ber an ni chho tan a. An pahnih chuan he khawvel larna leh hausakna te changkan nate zawng zawng ai chuan an in hmangaihna chu an thlahlel zawk a, a hmelthatna Nula tam tak thik rawn duhawmna a khat Aizawl khawpui mawina belhchhah tu chuan tlangval dang reng reng tan a thinlung hawn a tum hauh lo Jordana tan chauh nun atum ani.
Thlasik a in tana mi zawng zawng chu Lalpian champha atana inpuah chahin an mahni phaktawk theuhah an in puahchah nasa hle a, Jordan chuan Layla chu bazar a kalpui ah sawmin an in Mualpuiah chuan lam turin a tlan thla a, Layla chu lo inchei mekin roomah chuan a ri rek rek a, Jordan chuan nghakhlel tak leh dawhthei takin a room atanga rawn chhuah hun chu alo nghak a achang leh a ding a tukverh ah te a dak a achang leh pawn lam ah te alo va tei chhuak a, Jordana hi a dawhtheilo ni lovin Layla a chhuahpui tur hi a phur a awm ngaihna a hrelo zawk ani. Reilote ah chuan Layla chu pawnah chhuak in "Jordan ka hman e kal ang hmiang" an ti dam diai a Jordana chu rang taka Layla-i lam hawi nghalin reilo te chu Ngawih renga a enchung chuan a ding a ahnuah chuan inthiam loh hmel tak leh bah deuh nuaihin " E.. aw.. i hman tawh maw" an ti a Layla chu nui sakin "aw.. min lo nghak rei em, keichu ka che muanga nghah ka hreawm thin viau ang mahse keipawn nghak i ngaih hunah ka lo nghak ve reng ang che" an ti a. Jordana chuan "teuhlo mai i rei ka ti lo" atih rual chuan Layla chuan "inchei rei lam ka sawi lo kei aia rilru luahtu i lo tawng palh anih pawhin kum tam tak pawh nise itan ka lo rinawm tlat anga i lo let leh hun ka lo nghak reng ang che aw". Jordana chuan layla chu nui hawk hawk chung chuan a motor lam pana kal pahin an kuah phei a an kal hmasakna tur leh kal hnuhnun na tur zawk sawi pah chuan akar lakah Layla hriat tur tawk chuan "i hmeltha lutuk" an ti zauh a thildang chu an sawi chhunzawm leh zat a, Layla-i chuan Jordana chu uluk takin a thusawi te a lo ngaihthlak sak a an pahnih chuan Khawvel zawng zawng hi an nei emaw tih turin an hlim dun tih an hmel leh chet danah te an in en danah te chuan alang vek ani.
An kalna tur ah te chuan kal kualin atawp berah Zion street chhuk Bazar pan thlakna tur ah chuan muang changa Chhuk dunin Layla chuan Jordana Ban veilam ah kuahin an kal thla delh delha rinaiin December thla tir chauh ala nih vang nge mi an tam lutuk lova bazar nan chuan duhthu sam ani a chutia an chhuk thlak lai chuan chuti lai chhehvel a awm te chuan an en duh em em a " Khi nula hmeltha alo kal e.." tihte "LAYLA HMELTHA LENGLAWTI alo kal" "Ava han hmeltha chung chuang em" tih te chu mipui kar atang chuan ri ta nuaih nuaih a Layla chu alai hle a mahse Jordana chuan ahmelah chuan achhuang hle tih ahriat thung Aizawl bazar ri nuaih nuaih mai awmze neilo leh eng ber nge an au pui tih pawh hriatloh khawp a ri tamna ah chuan rilru hmunkhat pu tih hriat tak chuan an ngawi ta dup mai a Layla lah chu azak telh telh a abiangte chu ataih tawh sa teh lul nen azahzumna chuan tih sen belhchhahin a hawitaituk mai ani, An chhuk thla zel a mite chuan nula hmeltha eltiang lo kal chu ram ropui taka Lalnu lo kal ang maiin kawng te chu an lo kian sup sup a a kawnglo kian tu te chuan Layla hmelchu enin an thil hmuhah chuan an lunga awi a ni ti hriat takin hlim hmel pu sangin an lo kian hlawm a. Jordana chuan azak tih ahriat avangin mikara an kal laichuan adarah an kuah a, "Zak mah ta che, achhe zawngmahin mite an lar a nangte chu hmelthat vangin asin" tih pah in an nuih leh vur vur a. Layla chuan Jordana chu en chho chung hian a rilru in "khawvela hmeichhe hlim ber ka va ni em, nang ka nei che hi mi vannei ka ni" tih pahin an nui leh seih a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:49 am

Hun alo kal zela nula hmeltha leh tlangval hmeltha in hmangaih te pawh chuan hmangaihna lamah hma sawn dun ve zelin social media lamah pawh an lar dun hle a ngaisang tu an tam rualin thikna avanga haw em em tu pawh an kat nuk a achang chuan an nun hi chep riau te hian an hre thin mahse an pahnih chuan intih thiamloh nan a hman chu an duh ngai lova mahse hmelma te chu an hrang tulh tulh a, khawiah pawh kal se arukin engmah tih theih an nei lova engpawh tiin thil pek an in pek zawng zawng pawh social media lamah an mahni'n post lo mahse lo hre tawk leh awmze nei miah lova sawisel tu an tam thin hle a. An duh ang a inngaihsakna inlan tir tawn pawh aharsa telh telh a. Jordana lah chu asumdawnna avanga zin zeuh zeuh te angaih ve bawk si avangin ahma a in awm chilh tawp ang kha chu ani thei tawh meuh lova mahse an la in hmangaihin an la in angai em em a,
Layla-i chu ahnathawh atang nidang aia hma ah a hawng a, A nu pi Mawitei chuan an venga athiannu te huanah kal a tum thu leh lo kal ve a duh leh duh loh Layla-i chu an zawta, ani chuan rang takin a lo aw vat bawk a. Ramhnuai leh huan lamah a kal khat em avangin aphur hle a mahse an huan kalna turah chuan motor kawng atlang avangin bolero in an kal dawn a, tahchuan kawrfual khup chen leh canvas chu bunin in thlen huna eitur hmawmsawm te chu bagah khaiin a kal ve ta a, Hmun an thlen chuan alo suangtuahna ai daihin ahla leh nghal a mahse aramhnuai ting a nuam a ti daih zawk ani. Anu leh anu thianu te chuan thlam bul vela Tlai te chu an la a Layla chuan thlamah alo nghak a, a nu te thawm chu angai chang reng a ahnu reilo te ah chuan an reh deuhvin ahria a, amah chauh a awm avang chuan ahlau ru deuh a anu chu an ko leh thina anu chuan lo chhawn zelin "hlau suh kan lo let trep ti khan lo awmla thil te kha lo ei rawh" a ti lauh lauha Layla chu ngaihtha takin thlamah chuan a hawi a nuam ati ve hle a, thlam chhungah chuan Vaimin an ei tur chu chhum so hluah hluahin alo vil pah bawk a mahse avaimim chhuan chu tui akang titih a achunglam la hmin chiah si lo chu tui leih mai tumin abul lawka bucket chu an en a, tui reng reng alo awm lo chu niin, mahse thlam atanga hla lo te ah chuan luite a awm a chuta mi chu va chawi mai turin bucket khai chuan akal phei hlawk hlawk a. tui chu ava khaita a thlam lam pan a akal leh tur chiah chu Palianpui pakhat hian silai ken lai chu hmetpuakin layla-i nak dinglam chu kapin luiteah chuan alet thlanghal tawp a.

Thlanglam atang chuan Laylai nute chu Silai rikna lamah rawn tlan nghalin ring takin "ka fanu.. Layla.. ka duhthei lo ka nu engthil nge thleng hi" tih pahin an tap ta hawm hawm a Layla-i chu rawn meng diar diarin na tih hmel tak leh thawk harsa tak chuan an rawn che deuh a, Amah kaptu pa chuan bawihsawmin hreawm ti tak chungin min ngaidam rawh u heti lai ramhnuai ah sa ka chang fova mahse hetiang a nula hmeltha lutuk ka hmu phut kha Lasi emaw tiin ka kap ta mai ani tiin Layla chu a pawm a arangthei ang bera damdawiin kan pan chuan ala dam thei ani an ti a. Pi mawitei chuan engmah a sawi thei lo atap char char a Layla harh hram hram la in ti pachang rawh aw min kalsan thei lo ania Layla tih pah chuan Laylai kap tupa Layla-i pawm tu ni bawkchu hmanhmawh takin a zui hlawk hlawk a chupa in sawithiamna emaw ngaidamdilna pawh chu engmah chhang lovin Layla-i chauh chu a hnung lam atang chuan an be mawlh mawlh. Damdawiin an thlen chuan in zaina roomah an luh pui nghal ta chuk chuk arei fe an zai hnu chuan hlawhtling tak a an zai thu doctor chuan an rawn sawi bawk a. Mahse Doctor chuan a inkahna hliam chu adam mai anga ahlauhna leh amah athawnna avang chuan enge thleng zeltur ahriat loh avangin Anu pi mawitein hnenah chuan A rilru lamah harsatna leh chiai hma na te athlen loh nan rei deuh tak chu damdawiin ah an in enkawl angaih thu a hrilh a.

IMG_20210105_002908_917~2.jpg
IMG_20210105_002908_917~2.jpg (89.84 KiB) Viewed 786 times

Jordana chuan Layla chu a ngaihtuah thin hle a damdawiin a awm lai te chuan a eitur duh zawng leh a pangpar ngainat ber Rose chu akal apiangin a pe thin a, Layla chu thlahnih a awm hnu chuan awm rei a inti tawh hle a, chhuah vat a nunphung pangai hman leh vat chu a chak tawh hle. Jordana chu angai thei em em a achang phei chuan anu aiah a riah pui thin mahse tlema a dam deuh tawh avang chuan asumdawnna lamah atuan leh angai tawh a chung ringawt pawh chu Layla-i tan chuan damdawiin awm ti hreawm zualtu atling a. Social media khawih loh chu tihtur dang avang thin hle a, Nikhat chu Facebook lam ah an lut kual vela Jordana wall te chu check in a status te leh thlalak te chu a en kual mai mai a, a en thla zel a Christy thlalak in tagged na zuk hmu in a thin asa nghal zawk a, Jordana chuan a duhlo tih hre mahse hun kha leh chen an lo in zui ve tawh avang khan a haw thar leh a chu mai piahlamah Jordana nen ain then tawh a "ka bialpa ani tawh reng sia engah nge athlalak te hi ala tagged ngam zawk" tiin a in seh ruh a. damdawiin khum amutna chu an chum pawp a. Christy chu a thik telh telh a nitin hian eng status nge aneih tih leh enge a post tih chu an check reng thin a. Jordana lam aimah christy chu angaihven chang atam hle. Achang chuan Christyin hlim hmel leh mipa duh tak anei tih hriat taka status a neih te hian Jordana a tihchhan anih ringin athin alo rim ve em em a . Va chhuahchhal tawp erawh amawi in ahre chiah silo. Ralkhat atang chuan Layla-i chu thikna akhat liamin vawi tam tak damdawiin khum chunga tang chuan rilru hreawm takin atap fova, Jordana lah chuan engmah hrelo in ahman apiangin Layla-i duat takin a rawn phone reng a, mahse chu chuan Layla-i thikna rilru chu athawi dam tak tak lo.
Jordana a chu Whatsapp lamah va text in " Layla: Jordan..

Jordan: Enge ni bawihi.

Layla: Thil zawh duh che ka nei a 😪

Jordan: Engthil nge ni ta bawihte engnge ni harsatna i nei em ni???

Layla: Christy hian ti nge Fb leh IG (instagram) ah hian tinge a tagged ziah che??

Jordan: 😂 aw.. a va ho tak ka friendlist ah leh follower ami ania min lo tagged ve mai mai anih kha ka like a ka comment ngai miah loh kha, engah mah ka ngai lo chuvang chuan ngaihtha deuhin awm la min ring tawp rawh aw.😘

Layla: Engtin nge i rilru diktak ka hriat theih ang.. atan beisei awm in i awm aniang chu khatia a rawn tlangnel ngam dan ah khan.😭

Jordan: Aw... Layla engtin nge maw min rin loh theih zawk ka duh zia che i hriat loh hi ka ring lo asin, Champhai atanga ka haw hnu pawh khan nangmah hmu leh tur che in Aizawl atang ka rawn zin leh vang vang a sin khatiangin tu hmeichhia vang mahin ka la zin chhuak ngai lova ka zinchhuah pawh ka ring lo. min ring rawh.

Layla: Nih leh tinge chuti taka min duh te chu kan in hmuh loh lai chhung zawk khan Christy nen in va hlim thin si ve ka hre vek ania i nau kha ka thiannu ania chuan Christy kha ka college kal pui thin ka mi huat em em ani bawk a.😳😡

Jordan: Aw, Aizawla in awm khan ka zawng nasa lutuk che hun enge maw chen chu hmeichhe dang ka melh ngai lo hrim hrim mahse ka hmuh theih bawk si loh che avangin ka beidawngin Christyi hian min zar sek bawk sia mipa tan chuan har ve deuh asin.

Layla : Midang chu ni se ka hrethiam vek ang mahse tinge Christy kher i tawn, ka hmelma ka huat em em 😭😭😭😭 tunah pawh ka bialpa i ni tih hrerengin min tham lo leh engahmah min ngai lo takin ala rawn ta chei ngam tlat che hi enge maw hi alo la awm zawk ani lo maw kei chu ka lo in thiar fihlim mai dawn em ni ang😪 "
Rang takin Jordana chuan Layla-i chu phone nghalin "Layla engtin nge min rinhleh tlat theih nang lo chu ka tan khawvelah hian hmeichhia an awm lo min ring rawh chuan i la dam that loh kha Christy chu ngaituah suh i rilru ti hahdam la chuan i dam veleh kan sawi tha leh dawn nia aw" an ti chiah a Layla-i chuan thinrim em em in "ka damloh vangin min khawngaiha i hmeichhe duh zawk pawh sawi ngam lo vin min lo khawngaih viau ani maw min kalsan rawh Jordan keimahin ka inenkawl anga ka dam vat ang ka mamawh lo che" a han ti tuarh a atap hliam hliam bawk a. Layla chuan phone chu dah nghalin battery te chu phawih sawk sawk a biak leh theih a awm kha aduh lo bur a khumah chuan mu sawk sawkin ain khuh a nasa takin a tap a.

Karkhat vel chu Jordana biaktheih lohin a phone chu a swich off tlat a damdawiin pawh chhuahsan tawhin a taksa natna te chu dam mahse athinlung na zawk chuan nasa takin anghawng a inlamah awm chawtin pawnah pawh chhuaklo chuan a awm ta tlawk tlawk a, Karkhat dang an liam leh chu alunga len deuh avangin anu phone atang chuan Fb chu an lut chhin a, Jordana chu stalk nghalin Christy chuan a thlalak sexy tak tak apostna chu a hmu thla ta tuarha a thin chu sa leh pup pup nghalin comment na lam an en bawk a jordana chuan "sexy ve" ti a a comment na a zuk hmu chu aphu zawk a.. arilru chuan "dawheh pa ka comment ngailo engah mah ka ngai lo i ti vel sia i lo ngai khawp anih hi" tiin amittui chu tla nghal zung zung a, Christyi chu stalk ve nghalin a Profile picture an hmu chiah chu Jordana nen a an thlalak khawi lai hmun nge pawh ahriat loh a an kal dunna hi alo ni a, thin chu atawt up up nghal a, a awm chu a dawm vawng vawnga " Hei hi maw thinlaina an tihchu" tiin ataksa ah alo na chhuak tak tak a hriain indawm chung chuan chhuatah a thu hnawk a ari si lo hian mittui tla zawih zawih in atap a.

Hun enge maw chen chu in be miah lo chuan an awm a vawi khat chu Layla-i inrinni chawhnu lam in tifai zo chu a online a chutah chuan arilru ah Jordana bawk alo lang leh a mahse ani chuan post an neih ngai loh avangin Christy zawk chu stalk a duh ta zawk a mahse angai ang bawkin A profile picture Jordana nen a an thlalak chu lo la hmangin Layla-i chuan "hmeichhe vanneinu ka hmangaih thinlung kawltu" tih pahin an a profile picture chu an click a an zoom vel a khawilai hmun nge anih hriat tumin an en kuala ahnuai lam an zoom chuan
Dated 18,7,2015 tih alo awm kulh a Layla chu phawk taka mengin "ngawiteh he thlalak hi 2015 ami daih tawh Jordana ka hmuh chhuah hma Christy nen an in kawp lai ami athar ani miahlo thil ka hriat sual ani engtin nge a tih tak ang Lalpa leh eng thil nge ka tih tak kha, ka lo ring sual ani Jordana hian a duh tawhlo Christy zawkin azar buai ani" tiin a phi buai nghal chunga.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:50 am

Thla hnih dawn lai Layla-i biak theih a a awm loh avang chuan Jordana chu hreawm ti takin a awm a achang chuan ngaihzawng neihsan mai te aduh rum rum a mahse an in ngaihtuah chianga Layla-i anga hmangaih aneih theih a inring si lo. Biak tur awm bawk si lo chu athin te a rim a mahse Layla-i hmel angaihtuah chhuah apiangin a thinrimna chu a reh leh nghal zel ani. akhua ahar a nidanga nikhat a vawi tam be thin inthlahlel em em hun reitak in be lova awm chu tawrh thiam har a ti hle a athianpa Chhana chu call in zu in pui turin an ti rawih a ,Chhana chuan lo hrethiam vatin hnem pah chuan an in a leng turin an sawm nghal a Chhana chhungte an zin bo vek avang chuan a zu neihsa chu ngaihngam tak a titi pah chuan an in suam suam a, Chhana phone chu ri in
"Hello, aw.. tumaw aw awm e.. tinge .. e.. nih chu ka bula hi a awm" tihpah a phone dah chung chuan Jordana chu amelh nghala meng tha thei lo chuan Jordana chuan "tunge" an ti haw a Chhana chuan "Christyi mawle i awmna min rawn zawt a in In ah a kal a i awm si lova" an ti a. Jordana chuan chu veleh Layla-i an hrechhuak leh nghal a athin arim nghal a "min ring duh lo tu nge ka thlan ang min duh ngawih ngawih a min umzui tu" tiin Chhana chu an zawt a Chhana lah chuan "ka hrenang i hmangaih chu thlang zawk rawh" anti a achatthla nghal a. Jordana pawh chatthla ve nghalin chhana roomah chuan a mu a Chhana chu harh leh in bathroom lamah zung tur a akal chu ava chatthla zui leh bawk a in buaipuitawn tur awm hek lo an awm awm chuan an awm ve tawp a.

Atuk zing alo ni chu Jordana chu rilru harh si luna meng tha thei si lo hian an in let a abulah chuan hmeichhia lo mu reng chu niin an hawi vat a "Christy.. hetah mah ruakin, engtik laiin nge alo mut hman henu hi khawnge Chhana hi" tihpaha a tho vutin Christy chu rawntho chhuak ve nghal a. Jordana chuan engmah sawi lovin biak pawh tum chuanglo tih hriat takin a in ha tha sawk sawk a Christy chuan "Jordan min kalsan suh nizan khan in In ah ka lo kal a i awm si lova Chhana ka phone a bula i awm thu min hrilh kha ka lo kal tawp ka ngai lutuk che a hmuh che ka duh vangin ka lo kal vang vang a nih hi chuan ka rawn lut a i lo mutui lutuk a chuan i bulah ka awm renga ikut ka vuan a chuve leh Layla min tia min man bet tlat a chuvangin ka mu ta mai anih kha fel minti lo em ni? ngaihtuah ve mahla ka mipa duh berin ahmeichhe hmangaih hming min lam khumin amah emaw tiin min man bet a anula duh zawk anga awm a mutpui duhtu che ka thinlung nat dan tur chu" tih pahin Jordana room chhuah san tur chu va kuah betin ahnunglam atang chuan kallo turin a ngen a. Jordana aban chu phelh sakin "keichu ka rui a engmah ka hrechiang lo nang chuan hrereng chungin alawm i khawsak" ti deuh hmukin akalsan a " Christy chuan ringtakin room atanga au in Jordan i la hre viau ang" an ti hram a.

Layla-i chu inthiam lo takin a awm renga,achang leh riltam huam huam ten a awm a a ahreawm ti lutuk chu awm ngaihna hre lo ni ber in a inhria a "engtin nge ka rinhlelh em em theih" tiin athinrim chhan te kha a ho a ti tharin a atthlak a ti hle, in lama a ahaw hma adam tawh lamah Jordana khan Damdawiin ah a riahpui thin te kha angaihtuah let a. athil tih duh loh ber a tihpui te kha ngaihtuah let in Pathianin ahrem niin a in hreta ber a.
Hun akal zel a Jordana chu angai em em a biak tawp ahreh si mipa biak hmasak hi atan chuana harsa em a, "min lo be hmasa se chuan ngaihdam ka dil mai tur" titen an ngaihtuah a. Zanahte chuan nasa taka ngaihtuahin " adiklo zawk ka ni a ngaihdam dil chu a tih ngei tur ani min lo ngaidam duhlo anih pawhin khuarei a vawikhat tal ngaihdam ka lo dil chhin lo kha ti a ka inchhir loh nan ngaihdam chu ka dil ngei ang naktukah Jordana te in ah ka kal tawp ang" tiin a in ngaihtuah a amuhil zui nghal a zing ani a. alo tlai tawh hle a Jordana te in a kal tum anih avang chuan ain siam sawk sawk a darhtlalangah chuan Ami hmangaih ber thinlung nei let leh tur in uluk takin an insiam a a mahse reitak damdawiin a awm avang chuan athil ei a tui bawk nen tlem a thau deuhin ain hria a, a in duhkhawp lo hle mahse mahse akal tumna lam chu pan nghalin Jordana te in thlang chu ava thleng ta a, a tum ang ngawt chuan thil alo awm hauhlo an in leh akawt velaha chuan mi hi an lo zi nuaih nuaih a, chutiang kar a lo han biak chu ani thei in ahre lova haw a nidanga kal leh mai chu a tum ta zawk a, leh lam hawi an tum chiah chu a kawng chhak sir deuh atang chuan Jacintai chuan arawn ko a Layla.. tih pah a kuah chung chuan "Layla i dam em ka ngaithei lutuk che tinge i induh em em a i thiannu hi min theihnghilh ta em ni a han ti a" Layla chuan "teuh lo mai ka ngai lutuk che i hnathawh chu nuam bawk em" tih pahin an in lam chu an melh chho zauh a Cinta-i chuan "aw nuam ani mai, Enge hetah itih dawn rere" an ti a Layla-i sawi hreh hle mahse Cintai chu athiannu ania chuan Jordana nau ani bawka ani hian alo sawi fiah fel thiam zawk tak ang a tih rilru pu chung chuan " Englo ania, Cinta i u chunga khan thil diklo tak ka tia rei tak kan in biakloh hnuah ka diklo zawk ani tih ka hrechhuak a chuan ngaihdam dil turin ka lo kal a mahse" ti a Cintai te in lam hawi chhoh pah chuan "khi enge tih khawm in nei em ni? in lo ri deuh laih laih sia nidangah ka lo kal leh mai ang ka tia" an tih chuan Cintai hmel chu hreawm tihna in akhat nghala A aw chu thian deuh pah chuan " Layla pawi ka ti lutuk, ka u chu nupui anei dawn a..man in hlanni ania vawiin hi chhungkaw ho kan awm khawm anih khi" mittui tla chung a asawi rual chuan Layla chu leiah athu sawp hnawk a. Cintai chuan zuk kuahin "engtin nge kan ti ang Layla irilru ana dawn lutuk tih theih ka nei si lo. Christy kha a rai a ka u in aneih ngei angai si a nau meuh apai tawh avangin ka u pawn duhlo chungin a neih angai si a". Layla-i chu angawi reng a ngawng vek a amittui atla zawih zawih a muangchanga tho vin haw turchuan apen chhut chhut a Cintai chuan tih ngaihna hrelo takin a en liam tawp a.

Kum te alo veia Jordana chuan Christy nen fapa neiin afapa chuan atih hlim rualin ahmangaih Layla chuan athinlungah bu nghet tak akhuar miau avang chuan an nupa pawh an hlim loh phah hle a, Nikhat chu Afapa chungchangah damdawiin atanga rawn phone in, school atanga ain fiamnaah a tluk sual avangin athisen nasa takin ahlauh a nikhaw hreloin a awm tih thu a dawng a hmanhmawh taka damdawiin pan nghalin Doctor chuan thisen pek angaih hnem thu alo sawi mek a anu Christyi chu thlaphang em em a awmin
alo buai hle a, Jordana ahmuh veleh lo kuah nghalin an fapa chanchin te chu an hrilh a, Jordana chuan afapa chu thisen pek duhthu asawi nghala mahse christyi chuan "i blood group kha bawihtea blood group nen a in mil lova" an tih chuan Jordana chuan pawi a ti hle a. damdawiin Thuthleng ah chuan in dawm kunin "ngawihrawh ka blood group nen a in milloh pawn Christy te chu amil ang chu tlem chu ape thei ang" tiin a in ngaihtuah harha chutah a hawi chhuak Christyi lo bibo leh hman si chu Doctor lo awm bulah chuan "Doctor ka fapa hi ka blood group nen in mil lova mahse anu blood group nen a in milh chuan amah pawn tlem te tal apek theih ka ring deuh a" an ti a Doctor chuan

"naupang nu nen khan naupang kha an blood group a in ang hleinem apa nen a in ang a arawn pe dawn atih kha" tih pah chuan doctor chu akal sawn nghala Jordana chuan mak tih hmel tak chuan a ding ngawi reng a "Christy khan i blood group nen ain mil lo ati bawk si a, tunah doctorin apa blood group nen ain ang a thisen chu arawn pe dawn ati leh bawk si". Mak a ti hle a Christy blood group chu A ani a amah Jordana B+ chuan an fapa blood group chu a hriat loh avang chuan afapa mutna room ah chuan alut ta vat a, afapa chu lo muhil bemin akhawngaih hle a akut tereuhte ah chuan an vuan a, mahse abul lawka a medical result inziahna lehkha chu a hmuh rualin a keu vat a afapa Blood group chu O+ tih alo in ziak a aphu zawk a Anupui leh ama Blood group nen a in ang miah lo chu ahrilhhai kher mai rang taka room chhuah sanin enge maw fel lo awmin ahria a Christy chu a ringhlel ta hle a, chuveleh Doctor leh Christy te chu rawn in zui phei dawr dawrin Christy chuan "e bawihtea thisen dawntur ka va buaipui a amil pui kan va hmu nghal a hei an pe dawn e" tih pah chuan an fapa damlo room lam chu an pan phei hlawk hlawk a. Jordana chu haw nghalin afapa thisen kaina kawr In a sukfai tur a Christy'in thawn chu hmanhmawh takin bakcheh chuan athem chu uluk takin an zai a plastic bagah dahin DNA test ruk tir a tum ani. Ni 2 hnu ah chuan DNA test result chu chhuak in a rinhleh ang ngei chuan afapa anga alo enkawl ami hmangaih ber pawh akalsan phah hialna chu afapa alo ni miahlo tih ahriat chuan thinrimna in akhat ta a, chutih lai chuan kei hi apa ka nih loh chuan tunge naute pa chu ni ta ang le, tunge hmani a thisen pe tu apa Doctorin asawi chu ni ta tiin arilru abuai hle a. Christy chu phone nghalin Damdawiin atang chuan rang taka lo haw lawk turin a bia a, in arawn thlen chuan Jordana mitmeng sen rum chu Christy chuan hmuhhmaih lovin enge ni ta? hlauh hmel takin an ti zawi sap a Jordana chuan DNA test result chu vawm phei pahin kha kha enge awmzia? an ti tuarh a. Christy chuan lehkha chu chharin an chhiar a akhur ta zawih zawih a, ngawi rengin ahnung tawlh a Jordana chuan "khawnge kal i tuma ka nun i chawh buai hnuah" ti a Christy ban khinghniha an hmer nawk lai chuan kawngkhar atang chuan "Jordan, duhtawk rawh" tiin Chhana chu arawn lang hlawl a. Jordana chuan mak a ti hle a, "engkim kan sawi fiah ange, kan in a zu kan in dun tum khan ka khumah i mu a tah khan ka rui sia asir ah khan ka rawn mu ve a tahchuan Christy kha kan bulah alo mu a tahchuan ka chet sual pui ta ani, mahse zingah khan ka bathroom kal zawk hlan khan in in hnial thawm kha ka hria a, ka rawn chhuah leh chuan i lo awm tawh lova Christy chiah awmin athin arim hmel lutuk a keilah luna bur bawksi nen enge thlenga engvanga in hau nge in nih ka zawt ta lem lova chuan thla hnih hnuah khan Christy khan i fa pai thu kha ka hre leh a mahse in in neih hnu kum thum naah khan Christy hian naute kha i fa nih loh thu leh kafa zawk anih thu min hrilh chauh a, ka hrilh hai a chumai bakah in in nei tawh bawk si ka thian tha ber i lo ni bawk nen ka fapa chu a rukin ka hmu fo thin a, nangin anu Christyi i huat vanga i ngaihsak lo deuh a ka hriat chang phei chuan ka ngaihven ru thin hle ani" an ti a. Christy chu ngawirengin alo ding zum zut a Jordana chu thinrim em em in abula thu thleng te lo awm chu an pet phei thuai a, Chhana pawh chuan sawitur dang haih chhamin a ding ngawi ve ta reng a.
Christyi chu athen chiang hle a Chhana erawh ala be zeuh zeuha athiamloh ani biklo tih ahriat vangin angaithiam hle thung, Layla-i chu angaihtuah lo thei lo a kumnga aliam a ani ang nula hmeltha chuan pasal te chu ahmu zo vah vah dawn tih ahai bik loh avang chuan phu tawh pawn ain hrelo mahse chu chuan avei na a dal chuanglo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 10th, 2021, 11:50 am

Layla-i chu khami ni Jordana te man inhlanni khan an in lam chu zawitak leh taksa na vek rilru a hliamna tak nei chungin a haw a,atan khawvel chu athim ruih a, ni eng te khi mihring hlimna tel lo chuan alo eng hauhlo, Taxi ah chuangin an in kawtah chuan muangchangin achhuka an ding vang vang a an in bul vel chu areh ruih bawk a, Chuveleh Ruah chu nasa taka rawn surin Layla chu a thinlung keh sawm vang chuan a tap ta zawih zawih a reilote ah chuan vanlam hawi chhovin chhumdum chhah taka tanga ruah amtak mai a rawn tla thla buan buan mai chu an en a "Van te pawn min tawrhpui ve anih hi, mite chuan i hmeltha min ti a mahse ka thinlung neitu chu ka ta ani ngai dawn si lo, he hmelthatna hian ka hmangaih hnen min thlen si lo chuan hmelthat chu enge atangkaina" tiin huh hnuang leh lungchhe tak chuan an in chhungah chuan alut a.
Tlai khat chu a hnathawk haw lam chu a awm a nawm loh deuh avangin leh a riltam em avangin chawlh hahdam pahin Restaurant ah chuan alut a, a eichak zawngte leh tuihmel deuhva ahriat te chu an chah a athil chah zawng zawng athutna dawhkanah an rawn hun kim chuan a tam hle a, a in ngaihtuah a ei leh in a duh sawt hle hei vang hi nih hi ka cher theih takloh tih pahchuan a nuisuk a, ahnu deuh ah chuan a thil ei chu tawp hmukin a lu ahai ta muai muai a, a han tho tur chu atlu ta tawp a aharh chhuah leh chuan khumah hian alo mu renga , an hawi kual chuan damdawiin ah alo mu reng chu niin thawh mai an tum a aban veilamah chuan drip hi alo invuah nuaih maia a mutna room kawngkhar atang chuan Nurse pakhat rawn lutin chu Nurse chuan hawihhawm tak leh hmel hlim sang hian a rawn nuiha "i lo harh tawh ani maw" i restaurant chawlhna ten an rawn hruai che a nikhaw hreloin darkar chanve ai tam deuh i mu a, an tih chuan "Enge ka taksa ah harsatna ka neih" Layla-i chuan an ti thuai a, Nurse chuan "hlauthawng mahta che naupai lai te chuan hmeichhia te chu taksa chaklo reng reng hi kan nia, i tha leh vat mai ang" an ti chu Layla-i chu phu zawkin "naupai a, engtin nge ka in hriatloh theih". Nurse chuan "i in hremiahlo maw avawikhatna anih vang anih chu in rinhlelh nachang hrelo te hi an awm ve chawk ania, i drip khai hi azawh hunah inlamah i duh chuan i haw thei ang aw, i in enkawl tha dawnnia Doctorin i damdawi eitur a chawh che hi lehkhaah a ziah zawng zawng hi tha takin i ei dawn nia" nui sang chunga asawi zawh chuan room chu a chhuahsan a, Layla chuan apum chu an khawih a, alawm hle a mahse Jordana lah chuan nupui anei tawh si a, alung an chhe leh a" Jordan tunah hian Naute nen hian kan mamawh che sin,, keimah chauh a kan fa enkawl tur a hringnun paltlang hi engtin nge ka theih ang" tihpah chuan a mittui chu aluang thla ngiai ngiai a. A phone chu an la thuai a Jordana chu call a engkim hrilh tum a mahse aphone chu dahthla leh in "nupui anei tawh atlai zo tawh, lo hre hma ila chu kei zawk hi min nei duh maithei asin, ka lo hre tlai deuh a min ngaidam rawh aw naute" tih pahin apum chu duat takin an chul a "tunah chuan nang leh kei chiah kan ni ta, mahse i nu hian ka theihna zawng zawng ka hlan che anga ka hmangaihna thuk ber in ka en dawn che a chuvang chuan hlauthawng miah suh aw" an ti leh a.

Nau a pai tih a hriat hnuah chuan Jordana chu hrilh a duh bawk si lo nen Champhai lamah Chho leh in Layla-i nu Pi mawitei nen chuan khawsak zai an rel leh ta a. Layla chu anau pai chhungin ahrisel lo hle a mahse afa lo piang tur tana dam khawchhuah hram hram tumin a bei ve bawk. Nitin hian a chaklova achang chuan abeidawng a Jordana awm ve se a ti thin hle a mahse ani chu beisei phak rual loh in a awm bawk si.

Webp.net-resizeimage.png
Webp.net-resizeimage.png (74.28 KiB) Viewed 976 times

Christyi leh Jordana te inthen hnu chuan Jordana chu a in ngaihtuah buai thin hle a Layla-i chanchin hriat a duhin a ngaihven ru reng a mahse anau Cinta-i leh Layla-i in biakpawh lohna pawh hunrei tak anih tawh avangin a chanchin hriat chu aharsa hle a, A hriat zawng chu Mualpui an chhuahsan na arei leh tawh tih zawng ani a, Social media lamah lah kum enge maw zat chu engmah post thar anei bawk si lo a, mahse chutia in ngaihtuah nasa taka a awm lai chuan thil hriat chhuah nei niawm tak hian, " Champhai, aw.. Champhaiah an let leh k aring, ka kal angai pasal pawh nei tawh mahse vawikhat tal mumal taka thlah ka duh ani" tiin rang takin a in siam sawk sawk a Champhai lam chu pan chho turin an inkhalh chhuak ta rawih a kawng tluan chuan thil tam tak angaihtuah a "Pasal lo nei ta se amipa chu ka hmuh hunah insum thei lovin awm ta ila engtin nge ka tih ang, ka in thunun zo angem keiin ka hmangaih leh duat ang khan a duat lo palh angem ni lo, ni lo, Layla chuan atha ber aphu a mipa tha tak a nei ngei ang" tih te chuan amah leh amah a in be mawlh mawlh a zankhua a tlan chu khawvar dawn hnaih ah chuan Khawchhung chu alut ta , a chau hle a mahse chawlh hahdam aia pawimawh tihtur aneih avangin Layla-i hmu leh tur chuan an in awmna thin chu a pan ding nghal a, a an In awmna lai alan theihna ah chuan a motor chu ti dingin an thlir rih a. Ahma ai zawngin an in leh achheh vel chu pangpar mawi tak tak hian alo vul chuk a, an nui deuh suk a arilru chuan "saw ngei saw anih saw ka hmangaih tual lenna chu a awmna piang avul a, arah chin apiang an hring dupa, mahse chung zawng zawng mawina chu mah vek chuan akhum leh thin si". Motor atang chuan a chhuk a muang lo tak chuan aphei hlawk hlawk a, In bul hnai a thlen chuan thawm engmah hriat tur a awmlo kawngkhar erawh alo in hawng a lut nghalin, inchhungah chuan tumah hmuh tur an awm mai lova pindan kawngkhar chu va hawng lehin an lut leh a khumchu an keu a mahse tumah hmutur an awm chuanglo let leh tuma an in her chu inenna Darthlalang hma dawhkanah chuan Diary a kawm pawh chei uluk ve tak hi a lo awm a amit ala hle a an la kanga mahse han chhiar ngawt chu adikin ahre leh lova dahthlak an tum leh chu akar atang hian lehkhaphek mal hi chhuatah tla thla ta daih a chhuat ami chhar tur chuan a kun a, lehkha chu an lek kang a, lehkhathawn tur niawm tak hi alo ni a,thuziak chu a chhiar ta a,

December ni 4 ani a, Champhai zan khawvawt vin tak ah chuan ka hmangaiha nen a kan thawnthu te kha ka chhui kir a ka mipa hmangaih ber ka thinlung zawng zawng ka hlan leh ka biak Pathian pawh zah zolo khawp a ka taksa mawina thlenga ka hlan kha theihtawp chhuah a ka ta ni tur a ka beih thin chu, ka tana ruat emaw ka lo ti a, chelh tumin ka tha leh theihna zawng zawng ka hmang ral a, mahse atawpah chuan mifanu duatlai ta tur thinlung ka lo luah hawh zawk alo ni si a. Mahse maw, ka hmangaih he khawvelah hian lo piang nawn leh dawn pawh ni ila nangnena kan thawnthu hi hrelawksa in kan tawpna tur pawh hre sa ila, nang tawng lova lei hringnun hman ai chuan maw i bula awm ka thlang fan anga vawi tam nat chu ka thlang fovang.
I kianga ka awm lai khan khawvel a hmeichhe hlim ber niin ka inchhal a, mahse chu hlimna kawl reng chu ka tan a thiang biklo pawh ani mahna. Tunah zawng ka lei sakruang hian piallei hnuai a zal turin a inpuahchah si a, mahse lei leh van siamtu kan pahnih a intawng tura ruattu ngei kha ka hmuh hunah chuan , nang leh kei tana hun remchang dang chatuan rama min siamsak turin ka lo dil anga, a remtih hma loh zawng bawkkhupin ka lo ngen ang aw. Chutih hunah alo remtih chuan tu tan mah ka kian phal tawh lo che anga, ka vuan tlat tawh ang che.

Achhiar zawk chuan awrawl chhuah meuhin Layla.. an ti a, ring takin patling chu a tap ta rawih rawih a "ka lo tlai palh em ni, tinge engkim kalsanin ka lo vawn lo che min ngaidam rawh.. Layla" an ti leh a lehkhaphek chu chhuatah thlauh in pawnlam chu mittui nen a pan chhuak a, a motor hma ah chuan an ding a amotor hmalam chu akut pahnih chuan kunin a dawm a rilru na tak chuan a kut dinglam chuan a motor chu an chum khuar dawk a, aban pahnih chu phar chhuakin akut khinghnih chuan atukhum an dawm leh vawng vawng a, a khawhmuh chu fiahlo vekin Champhai mawina te chu chul rupin ahria a. A motor dahna sir lungpui Layla-i te in hmuh theihna laiah chuan ngawi renga thu in a en ngai a en ta ngawih ngawih a, a bing mup mup a amittui afar zawih zawih a amit asen rum bawk a, hmeichhe sual Bum a awm dan te a ngaihtuah let a athin arim thar leh a, pawi a ti a, a sawt tawh si lo, nisa tak hnuaiah chuan Layla-i te in en chuan a in ngaihtuah nasa hle a amit hmuh ah chuan in sir atang chuan hmeichhe naupang tlan kual vel hi ava hmu a mahse a mitthla leh rilru mumal lo avang chuan engtinmah a va ti ta lo chuan a en ta reng a, ahnu deuhah chuan hmeichhe naupang chuan arawn hmuin arawn nuih a, "Layla.." an ti leh a aharh zawk a hmeichhe naupang ahmuh kha amitthla ani lo atak tak ani, rang takin naupang awm na chu apan a, a han enchianga Layla anga hmeltha ani, naupang chu ngawi rengin hnai takin an thlek a naupang chuan ahmel ahmuhin amittui tla chu ahmuh avang chuan apuan bah ken te chuan an hruk sak a, an nuih seih a chu veleh Jordana chu alung achhe leh a Layla fa ngei ani tih hai rualani lo anu ang chiah a hmeltha anih hi an ti sep a, a kuah ta vawng vawng a an in hnunglam atang chuan "Jola.. Jola.. bawihte khawnge i awm" a rawn ti a Jordana chu phawk tak a mengin Layla-i aw ngei ani atih rual chuan in sir atang chuan Layla-i chu a rawn chhuak a, ani pawh chu mak ti tak in zawi sap hian "Jordan.." tih pahin in chhui nawk nawkin Jordana awmna a rawn pan phei a. Jordana chuan eng sawi lo hian an kuah tawp a, hlauhthawn hmel tak hian " i chunga enge thleng? i tha em? i la dam ti raw? nangmah i ni.. aw nangmah ngei i nih hi, i lo la dam avangin ka lawm e, min ngaidam rawh aw, engkim kalsana lo chelh tlat tur che kha ka nia min ngaidam rawh" an ti nghal mawlh mawlh a Layla-i naute lam chu an en a. chutah Jordana chu inthiam lo deuhin layla chu an thlah vat a, Jordana chuan nangmah ang chiah fanu i lo nei renga ahmeltha khawp mai an ti a, Layla-i chu ngawi reng bik lo in "Jola.., hei hi en chiang la ka hrilh thin che kha i pa anih hi" an tih veleh Jordana chu mengphawk tak leh hrilhhai tih hriat tak hian naupang chu a en ta renga, Layla-i chuan hrethiamin "inchhungah lut ila ka hrilhfiah ang che", an ti a an inzui lut ta a. Chhuata lehkha lo tla rengchu an chhar a "aw, hei chu ka nu Diary ami kha alo tla anih hi" a tih veleh chuan Jordana chuan arilru in "nichin a ka chhiar kha Layla-i Diary nilovin anu pi Mawitei Diary zawk ani maw." Jola-i chu amah chuan atlei em em a anu leh pa te pawh ngaisak lem lo chuan chhuatah ain khual te lem a, Layla-i chuan Jordana nen a in hma tawna thuin an fanu chu an melh zeuh a " englo ania Jordan, nupui i neih dawnah khan ka lo kal a ngaihdam dil tur che in chutih lai chuan nangchu nupui nei turin in chhungkua in lo inpuahchah mek tih ka hriat avangin ka let leh a, chuan thlakhat hnuah nupui i neih fel vek tawh hnuin nau ka pai tih ka hre ve chiah a, lo hrilh che ka tum thin a mahse mi pasal i ni tawh si a, ka tan mi nupa in kar tih nghin kha a thiangin ka hre lova ngawi rengin Champhai ah ka nu in min let pui a, naute alo pian khan ahming kha ka nu in phuah tur a duh bik ka neih leh neih loh min zawta chuan ka rilru ah i lo awm hmasa ber a, I hming leh ka hming Jordan=JO leh Layla=LA tih chu belhbawmin JOLA tih ka sa ta ani. Ka nu chuan thla hmasa khan cancer natna avangin min boral san a kan nufa chauhin kan awm anih hi" tih pah chuan hnemtu mamawh tak hian Jordana chu an en a, Jordana chuan a thutna chu Layla-i bula sawn nghalin an kuah vawng vawnga lungngai lola tuna chinah chuan ka kalsan leh tawh ngai lovang che anga nang leh ka fanu te hi ka veng him dawn ani tiin a hnem a.
Aizawl lamah chuan an chhungkaw thum chuan haw thla in an hlim hle a engkimah an in ngaihsakin an inzahthiam a, Jola-i pawh School kalin apa chuan phur tak hian School ah a hruai thin a, an kalna apiangah hmeltha tih ahlawhin duh tu leh lawmtu angah avangin a apa chuan achhuang thin hle. Layla-i chuan inlamah lo awm chawtin chhungkaw nu nih atlin hle a. An in neih atanga reilo te a Jola-i nau tur apai leh bawka Hlimna hlir in a hmuak ani, mahse heng hlimna zawng zawng hi Hmangaihna diktak neitu Layla-i vang ani a, ani chuan ahmangaih ber chu kum tam tak alo nghak a a tawp ah chuan hringnun beidawnna te chu alakah an tlawm ta a beiseina mit tawh te chu lo alh thar leh in hlimna chhiar sen loh alo thlen theih phah ta ani.

A TAWP TA

Ziaktu: MARGARET LALREMRUATI

(I lo chhiar avangin ka lawm e aw..💓)

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)